حياة : هههههه حتى انا توحشتك ( ضارت كتشوف فدراري ) نعرفكم هذا فريق العمل ديالي كنت كلفتهم بواحد المهمة خاصة عليها غبرو عليا هاد الفترة ودابا رجعو يخدمو معايا
دعاء : فريق واعر عندك
ازار : مختلفة كل الاختلاف هههه
حياة : راموس سمع ليا مزيان غدخل للداخل وتعرف ليا شكون كاين تما واش عصابة وحدة ولا جوج واخا
راموس : حياة حياة
مشا راموس طاير غادي داخل للعمق كان ضلام بزاف مبغاوش اتخدو شي خطوة اندمو عليها
بيشو وساري كينبحو ولكن بصوت خافت مشاو دخلو للداخل وطالقين نيفهم كيشمو من بعد ممشاو بشوية
حياة : يالله نتحركو دبا
ازار : نتمنا تنجح خطتك
براء : ذكية مع راسك
حياة : مملكتي هادي واللبؤة فاش اقرب شي حد لمملكتها فغياب الاسد راكم عارفين اش كيوقع
دعاء : ترفع لكي القبعة
غاديين فالسكات وأزار كل شوية يهز عينيه فحياة ويخطف فيها شوفة إسراء بحال الى مكيناش وحتى حياة عارفها اتكون غارقة فالتفكير عليها كاع مقطعات افكارها غاديين فنفق طويل معارفينش النهاية ديالو من غير حياة لمترأساهم وغادية قدامهم اهما موراها شوية تسمع شي صوت وحبسو حتى وصلهم راموس
راموس : حياة حياة
حياة : كمل
راموس : حياة حياة
ضارت حياة عند الدراري خاصنا نسربيو العصابت بجوج هنا وقربو اكملو العملية ديالهم براء هضر مع الشرطة وشوف فين وصلات الدورية
براء : واخا
دعاء : اش غنديرو حنا دابا
ازار : خاص ندخلو عندهم باش نعطلهم على ميوصلو كاع العناصر
حياة : وي ازار عندو الحق
براء : كاليا الشاف خاصهم 15 دقيقة ايوصلو هنا عطيتهم البلاصة فين كاينين بالضبط
حياة : صافي مزيا يالله نمشيو
اسراء : ( شدات فيد حياة ) حياة متمشيش انا خايفة
حياة : متخافيش انا معاك
اسراء : عندي احساس خاااايب
حياة : تيقي بيا مغيوقع والو
هاد المرة زادو السرعة فخطواتهم كيزربو بغاو اوصلو فأقرب وقت حتى لقاو بيشو وساري كالسين غير شافوها وقفو تحنات عندهم
حياة : واش ولاو قراب
بيشو وساري دقو وحدة : هاو هاو
حياة : يالله نمشيو وجدو اسلحتكم
براء ودعاء : واجدين
حياة : ( لاحت واحد السلاح لأزار ) تفضل
ازار :( غمزها ) شكرا
حياة : ( رجعات ليه الغمزة ) هذا واجب
ردات اسراء وراها وشدات فيدها
حياة : مستعدة
اسراء : اه
تحركو وكلهم حيوية ونشاط كولشي غيتحقق الحلم ديالو اسراء غتعرف الحقيقة وتعرف شكون هي حياة غتستقل فحياتها وتنقد الغابة من الخطر أزار غيطمأن على حياة ويرجع لحياتو الطبيعية وبراء ودعاء غيشدو اخطر عصابات لعمر حتى شي حد قدر اوصل ليها زيادة على الترقية لغيترقاو الصمت سيد المكان من غير صوت خطواتهم
بعد 5 دقايق وصلو لتما فاش كاينين العصابات بجوج كيتاجرو بالبشر وبالأسلحة اعمال كلها غير قانونية كانو كيهضرو على العملية لغيديروها مور هادي حتى وقفو عليهم
براء : كولشي يحط السلاح
دعاء : الشرطة نزلو سلاحكم
كولشي تصدم بقا غير كيشوفو فين خرجو ليهم هادو الله وعلم واش طلعو من تحت الارض ولا هبطو من السما شكون عرف
حياة : ( هي مهزاش سلاحها عليهم غادية جيهتهم بكل ثقة ) شنو كنتو متوقعين نسكت ليكم نتوما عارفين لي دزت منو باش نولي ملكة هاد الغابة يعني حشرات بحالكم مغديش اخلعوني
ميستر : خههههههههه من نيتك ههعهه راه حنا لعطيناك الفرصة باش تولي هنا
حياة : ممكن ولكن متنكرش بلي فقت كاع التوقعات ديالكم
ألبر : ( رئيس العصابة لخرا ) اش هدشي واش نتا لعلمتي البوليس وشنو كدير هادي هنا
ميستر : انا غادي نشرح ليك
البر : مكاين متشرح ليا داااابا وقف عليا هاد المهزلة
حياة : ( شداتها قبل ماتوصل لارض كتهضر والدموع دايزين شلال على خدودها) ريم حبيبة حتى انا توحشتك كيفاش متيقتش احساسي من نهار لول كيفاااااش
اسراء : ( دوخة كتدي فيها وتجيب ) نسيتيني
حياة : عمري نسيتك اعمرك خرجتي من بالي متصوريش قداش تعذبت فغيابك خليك قوية صبري متسديش عينيك غادي نرجعو بحال لول اعمرنا نتفارقو مزاااال
كولشي تأثر بيهم ودعاء كتبكي ميستر عزيزة عليه ريم واخا هكاك ولكن مقدر ادير والو فالنهاية كتبقا مجرد عبيدة شراها وخدمتو اولى من العبيدات ديالو البر شاف الجو مكهرب مشا سلت خرج وياحسرتاه لقا البوليس كيتسناو فيه تما تعتاقل ودهمات الشرطة المكان وهزو كولشي وحياة هزات ريم بين دراعها
أزار : عطيها ليا خليني نهزها عليك
حياة : ( خنزرات فيه ) بعد من طريقي
ازار : ( تصدم مها وفشوفتها اول مرة يشوفها هكاك بحال شي قطة متوحشة لجا قدامها غتمحيه من الوجود ) على راحتك
هزات حياة ريم وخرجااات برا وساري وبيشو وراموس بجنبها صفرات وماهي الا ثواني حتى تحط قدامها الخيل ديالها ركباتو وركبات ريم ومشات للدار وكتجري بيه بأقصى سرعة و موراها خلات براء ودعاء وازار حتى هو مشغولين مع دوك العصابات كتسمع صوت الرصاص ولكن مداتهاش فيهم اقتلو راسهم كاع ماشي سوقها طاح فبالها أزار حتى بغات ترجع وهي تبان ليها ريم كتفقد الوعي وزات فالسرعة باش توصل للدار فأقرب وقت
كان تبادل اطلاق النار بين الشرطة والعصابات وكل واحد كيحاول احمي راسو براء ودعاء مخشيين فواحد القنت مورا واحد الحجرة وجه براء سلاحو قدام دعاء هي تصدمات بقات غير حالة عينيها على وسعهم ومكترمش تطلقات رصاصة دازت حدا ودنيها ضارت بالعرض البطيء لقات واحد.من دوك رجال ديال العصابة كان غيتيري فيها جاب الله نقد حياتها بغات تشكرو وكبريأها طبعا مسمحش ليها كبر فعينيها راد ليها البال بطريقة غير مباشرة هو متسوقش ضغيا دور وجهو لتجيهم شي ضربة خرا من حيث لا يعلمون واحد شوية بان ليه ازار كيحاول ادير شي حاجة كان هاز حجرة وكيدور عليها الاعشاب وكيدكهم بالحجار شير لبراء
لاح ديك الحجرة فالوسط وكيما توقع كولشي منزل راسو لارض كيتسناو القنبلة تنفجر حتى تحط السلاح على البر ودعاء حطاتو على ميستر وجروهم من الكول ديال القاميجة
براء : كوليهم انزلو السلاح
البر : ميمكنش
براء : ( تيرا فرجليه ) ادابا
البر : واااااااع نزلو سلاااااحكم نزلو
كولشي نزل سلاحو ولقاو القبض على ديك العصابة وكولشي داوه للمغفر وحتى ازار داوه معاهم حيت ضروري اعطي الأقوال ديالو
وصلات حياة قدام الدار حبسات الخيل ديالها ونزلات هزات معاها ريم وايمي غير سمعاات صوت ديال الخيل عرفات بلي حياة هديك ناضت كتجري حلات الباب لقات حياة بغات تدخل خرجات ليها من الطريق وخلاتها تدخل وهي مصدومة
ايمي : حياة شكون هادي
اياد.: ياك لاباس مالها كلها دم
حياة : ماشي وقتكم دابا زيدي عاونيني تضربات فكتفها
ايمي : واخا واخا
مشاو كيتجاراو حتى وصلو المختبر الفوق حطاتها فوق السرير وهزات السيروم ركباتو ليها وعطاتها مخدر حاولات ما أمكن تحيد ليها الرصاصة بسهولة كيما توقعات الرصاصة مغرقاش بزاف غير حيت هي باقا صغيرة عليها فقدات الوعي عقمات ليها الجرح وغطاتها وخرجات لقات ايمي واياد واقفين
ايمي : واش هي لاباس
حياة : ( بابتسامة ) اه الحمد لله ميمكنش نخليها تمشي مرة خرا مغنقدرش نصبر
اياد : شكون هادي
ايمي : ( بعدم فهم ) واش كتعرفيها من قبل
حياة : هاااادي رييييم أايمي ريم
ايمي : ( غوتات ) شنووووو واش بصح
حياة : ( الضحكة من الودن للودن ) اه اه هي هي ريم متصوريش قداش انا فرحانة
نزلو للتحت ومشات ايمي صيبات القهوة وحطاتها ليهم حياة كانت متكية لور والفرحة على وجها تشرق من جديد وعلاش لا وهي لقات حياتها والطعم الحلو لفقداتو من زمان حب قلبها البريء ريم كاينين بزاف ديال العلاقات الغرامية ماشي بالضبط تكون علاقة حب بين بنت اولد كاينة علاقة الام بولادها علاقة الاخ بختو علاقة البنت بصديقتها ولكن ريم و حياة هي غير بنت عمها ولكن علاقتهم فااااااتت كاع الحدود فااااقت كاع التوقعات كتر من ام ابنتها ميمكنش نوصف علاقتهم ببعضهم لنكول حتى وحدة متقدر تستغنى على الخرا يمكن حيت الرابط البريء لبيناتهم هو لجمعهم بحال هكاك قلبهم النقي بحال الحليب و النفاق الطمع وسخ الدنيا الحقد هادشي كامل مقادينش عليه قلوبهم البيضاء مبغاتش تفقد لونها الاصيل رغم كل الضروف
فجأة تحل عليهم الباب كولشي ضار ايشوف شكون بان ليهم أحمد
أحمد( الاب ديال ازار واياد ) : اياااااد
اياد : بابا
أحمد :( جرو من يديه ) يالله نمشيو ميمكنش تبقى دقيقة هنا
اياد : بابا تسنى
حياة : السي راك فداري ايوا حتارم قوانينو نزل صوتك متغوتش هنا و العنف طبقو فجهة خرا بعيدة على هنا
أحمد : ( شاف فيها باستهزاء ) مكنهضرش معا اللقيطات وبنات الشوارع الى عصيتي واليديك ولادي منخليهومش يمشيو فطريقك
اياد : بابا براكة
حياة : خرج علي برا بحال هاد المستوى المنحط منقبلش بيه فداري وراك قد الواليد مبغيتش نقلل معاك الاحترام
احمد : ( تقرص من هضرتها ) اياد يالله
اياد : انا مغنمشي فين غنبقا هنا
احمد : ( بصدمة ) أشنووووو
اياد : كيما سمعتي وبغيت نتزوج ونستقر هنا
احمد : ( تصدم صدمة ثلاثية الابعاد ) الزوااااج اياد براكة من اللعب ديالك والضحك الباسل
اياد : مكنضحكش الواليد
كانت ايمي يالله خارجة من الكوزينة تشوف القربالة لنايضة مشا اياد جرها من يديها وهي مصدومة
اياد : هادي هي حبيبتي وغنتزوج بيها
أحمد : اياد ولدي عمري حرمتك من اللعب لي ديما كتلعبو والعلاقات لكدير ولكن حيت فالاخر غتزوج ببنت السي ريان هي لغتعيشك فسعادة راك واعدتيني
اياد : هههههه كيهموك غير الفلوس ماشي سعادتي
حياة : خرجو برا وتناقشو على خاطركم
اياد : انا ساليت هضرتي
احمد : ( بعصبية ) فاش غترجع عندي مغتلقانيش هاني فين كلتها ليك ( دور وجهو جيهت حياة ) نتي السباااااب الله ياخد فيك الحق
حياة : الباب على يديك الليمن
فوسط مغفر الشرطة نايضة القربالة كولشي كيجري من هنا وهنا علاش لا وهما شدو اكبر عصابات كانو كيلاحقوهم من زمان ازمان كشفو كاع الغموض ديالهم والاسرار ديالهم وكاع لخدمو معاهم خرج براء ودعاء وازار من عند المحقق
هبقا غير كيشوف فعينيها كانو رماديين تحت ضوء القمر ولونهم كريستالي خلاتو بلا عقل كون ماحطات صبعها على فمو كون هجم عليها
حياة : شكرا بزاف على كولشي واليديا لولدوني ومداروش ديك الحالة لدرتي فاش ختافيت من حياتهم وقفتي مع ايمي وكتحاول تحميني وراسك نسيتيه كاع حتى من الماكلة والنعاس مضقتيهم شكرا شكراااا
ازار : دابا من نيتك داكشي كامل لدرت وتشكريني غير هكا
حياة : ( بعدم فهم) كيفاش وباش غنشكرك
ازار : صافي انا نكوليك علاش
شدها من خصرها بشوية وقربها ليه خاصو يعرف ردة فعلها لتصدق مفوتة فيه شي ضربة ولكن هيا ممتنعاتش بقات غير كتشوف اش غيدير من بعد مقربها ليه خشا يدو ففروة شعرها وعنقها بالجهد وكيشم فشعرها
ازار : فليشهد القمر وكل نبتة هنا أنني غرقت في بحر عيونك وأدمنت عطرك الآخاد وصوتك العذب وقلبي بين يديك وهبته لكي فلتفعلي به ما شئتي
حياة : ( كتبكي ) ازار
ازار : روح ازار نتي
حياة : اش كنعني ليك
ازار : ( شد وجها بين يديه وباسها فعينيه وفخدودها ومسح ليها دموعها بفمو ) نتي روحي والهوا لكنتنفسو بلا بيك حياتي كلها ملال فملال دخلتي البهجة لحياتي منقدش نستغنى
اياد : ( ناض حتى هو من نيتو ) وي صراحة كنت بغيت نكولها غير خفتكم تقلقو يالله أايمي نوضي
عاودو تاني كيضحكو عليه حتى من دوجا شادة كرشها وكالسة فلارض وبراء كان كياكل الحلوة اوحلت ليه دعاء خرج ليها العاصير من نيفها حياة ناضت كدور فالضالون وكتحاول تحبس الضحك وأزار كيضرب برجليه وشاد.كرشو
خدمات حياة موسيقى هندية وكولشي ناض اشطح كل واحد افين كينقز اليس دايرة يد على نيفها ويد على خسرها كولشي ضحك عليها واياد داير فيها شاروخان كيدور على ايمي ريم كتشطح مع دوجا ازار كالس غسر كيتفرج وكيدو فعينيه على واحد المصيبة فين مشات اكيد وشكون من غيرها حياة هي كتحماق على شي حاجة ديال الهنود طلعات الفوق لبسات خلاخل فرجليها وجمعات شعرها ولبسات ساري ديال الهنود انزلات مشات بدلات الاغنية دارا ديال كارينا كابور فيلم ديال كابي كوشي كابي هام ( لتفرج فالفيلم غيعرفها ) كولشي بدا كيشوف شكون حبس اغنية حتى تسمعو صوت الخلاخل وبقاو كيشوفو فالباب بانت ليهم حياة وتطلقات أغنية بحال الى هي لكتغني وكترقص بحترافية كولشي بقا مصدوم فيها
ايمي : ( ضرباتو فكرشو ) واقيلة انا الوحيدة لمتصدمتش فيها
ريم : هههه حتى انا بحالك ديما كتخدم اغاني وكتشطح وعمي عمر ديما يخاصم عليها ( بانت لمعة حزن فعينيها )
ايمي : ( عنقاتها عندها ) اش باليك نشاركوها الرقصة
ريم : يالله
اياد : بلاتي بلاتي شي حد دخل فغيبوبة وهو حال عينيه بلاتي نفيقوه
ايمي وريم : هههههههههههههه واع شوف كيحال فمووو
مشا اياد جر ازار ودفعو حتى لعند حياة وبقاو كاملين كيشطحو معاها دوزو وقت زوين ازار زاد تبهر بحياة ومخلات حتى واحد ايمشي كولشي بات فدار عندها وفالفوق عند دوك الشيطانات
ريم : حياتي نرجعو للدار
ايمي : حياة ريم عندها الحق ضروري تصالحي مع عائلتك براكة من الفراق
حياة : انمشي نوكل بيشو وساري
نزلات وخلاتهم الفوق وخرجات برا وهنا كانت المفااااااجأة
حياة : ( عاد طلقات ديك التغوبيشة ) ههههه صافي صافي انا نعاونك فهاد المفاجأة
أزار : ههههه من نيتك وازعما غنديرها ليك نتي
حياة : وصافب حتى نتا بحال بحال من بعد غندير راسي تفاجأت
ازار : ( كلس فواحد الكرسي تما ) لا ميمكنش
حياة : ( كلسات حداه ) هاء ولكن علاش
ازار : كنت ناوي ندير الورد والشمع فالدروج ونصايب الطريق بالورد حتى لبرا هنا ونزين كولشي هنا حتى يولي واعر ونجي نفيقك من النعاس ساعة نتي خسرتي كولشي
حياة : ههههههههههههههه واش بصح بصح دابا انا دير ليا مفاجاة
ازار : ومالك متستاحقيش
حياة : هههه واخطيني دكشي لا علاقة
ازار : اش هدشي ياربي مع من انا ( ضرب راسو بيديه ) نسيت بلي انا مع موكلي
حياة : يالله معايا غنوريك بلاصة واعرة
ازار : اهاد الخيمة لتعدبت عليها
حياة : هزها معاك غنحتاجوها
ازار مشا جمع ديك الخيمة وتبعها وصلو حدا واحد البحيرة كالت ليه احطها تما جراتو من يدو ومشاو لبلاصة خرا هنا كانت المفااااجأة واحد البلاصة ولا أروع غزاااالة بزاف
ازار تصدم من داك المنضر لقدامو زاش بصح ولا غير كيحلم كان بغا يفاجأها ساعة صدقات هي لفجأتو عنقها عندها وبقاو كيتمشاو فالجنب تما وكيتراشو بالما
ازار : لا لا ليل هذا غيضربني البرد
حياة : ههههه مسوووووقيش
ازار : ههههه حياة لا لا
حياة : والله لكانت ليك
بقات كترشو بالما وهو مشا لصق فيها وشاد ليها فيديه وردهم ليها لور ضرباتو برجليها فكرشو وهو يطيح لور زاد عمر بالما كاع ههههههه بقات غير كضحك عليه خرجو من الما ومشاو كلسو فالجنب وازار بدا كيترعد بالبرد
من بعد دقائق معدودة جات هازة معاها الخشب وديك الخيمة صايباتها فالجنب وشعلات العافية فداك الخشب وكلسو
ازار : كتصدميني نهار على نهار
حياة : ( هزات كتافها ) هكذا انا
بقاو كالسين كيهضرو كل واحد وعلياش كيهضر حتى قربات تطلع الشمس حياة كتعاود على حياتها فالغابة وكاع مدكرات عائلتها ابدا ازار حتى هو عرف بلي عندها حساسية من داك الموضوع ولكن خاصو يعرف بأي سبب من الأسباب علاش وكيفاش وشنو لمخبية وشنو لدازت منو وشنو لخلاها تجي للغابة بزاااااف ديال الأسئلة شاغلين بالو خاص ضروري يلقا ليهم جواب بقا ساهي كيفكر
حياة : هيهو فين ساهي
ازار : اه نعام
حياة : فين ساهي
ازار : والو غير شي حاجة وصافي
حياة : ربي كول
ازار :شيطانة هههه اجي حياة نسولك
حياة : ( من هاد نسولك كاينة ان تما هزات فيه عينيها ) نعام سول
ازار : كولي ليا متي شنو السبب لخلاك تجي لهنا وتسكني فيه امتكوليش ليا غير هكاك حيت تدربتي مزياااان قبل متجي لهنا
حياة : ( تنهدات مطولة ومنزلة راسها ) اه بصح مجيتش غير هكاك انا بنت عادية بحال كاع البنات الفرق هو مقدرتش نتحمل العيشة فالوسخ ديال الدنيا الطمع والحسد والغيرة والجشع هدشي كامل مقديتش نتأقلم معاه خطفو ليا اعز معندي ريم هي معارفة والو قلبها بيض بنت صغيرة ولكن دخلوها فخططهم الحقيرة ههه ولكان اسحاب ليا كيبغيني ردني شوهة قدام الناس كاملين وحطمني نهار عرسي كون طلب مني الفلوس نعطيهم ليها برحابة صدر لاش ادير داكشي كامل ......
عاودات ليه كولشي داكشي كامل لواقع ليها من الصغيرة حتى الكبيرة وهو بقا غير كيسمع ليها بكل اهتمام .
.
.
.
عند اياد
ضرباتو الفيقة وناض اشرب شعل الضو لقا الورد عامر تما من الدروج حتى الباب ولقا الطبلة برا فيها الشمع وفيه قلب مكتوب فيه كنبغيك
بقا ساكت شوية وهو يرسم واحد ضحكة شيطانية على فمو ومشا هز الفينتر وزاد كتب حدا كنبغيك ايمان زائد اياد تساوي الحب ييه سي اياد عندو مع الرياضيات اكيد هو شي مهندس هههه مهم معلينا نكملو ايوا اش نكوليكم مشا طلع فداك الدروج بشوية باش ميخسرش الورد وبلاصة درجة كينقز ثلاثة حتى وقف على ايمي وريم هي لايحة رجل للشرق ورجل للغرب وريوكها عامرين فمها والوسادة ساردة والشخير ياااااربي السلامة منعاااودش ليكم حالتها اكيد اياد ميبقاش ابغيها من اليوم بلاتي تسناو السيد ساهي فيها واو شحال كتبان كيووووت هو مل من البنت لتمشط شعرها قبل متنعس ودير الكريمات وتنعس بحال الاميرات جمالها طبيعي بزاف حيد الشعر لكان لاصق على فمها وباسها فراسها
عيناك براءة الطبيعة الجزء السادس
محتوى القصة
التنقل بين الأجزاء