اليس : ( حالة عينيها على طوووولهم ) اوووووميكووود ماهذا يا إلهي
سليمان : اليس بشوية عليك احياتي
دوجا : ( جاية وكتحك عينيها ) اش واقع هنا
اياد : صافي كملات
اليس : نسيبي داااابا نتا لصوبتي هدشي كامل
اياد : ( بتكبر ) اكيد انا اخالتي اش باليك
اليس : اخوي ليك الضراس انا ما خالت حد ( رضات شعرها لور ) دابا بنت ليك انا شارفة
سليمان : انا غنمشي نكمل نعاسي اسحاب ليا واقع ليها شي حاجة
اليس : ( طلعات عند اياد وشدات. فحناكو ) الله على نسيبي شحال رومانسي اييييه سليمان تعلم شوية من نسيبك ( بقات كتشوف فيهم بحنان ) بنتي الحبيبة غادي تزوج ومحشماتنيش بغات لكنت ديما كنتمناه ليها ( عنقاتهم بجوج ) نتمنا ليكم السعادة من قلبي
مشات اخلاتهم ودوجا اصلا غير شافت داك الجو عرفات اش كاين اخلاتهم
😙
متكي عليها وكيعاود ليها حتى هو على معاناتو من نهار ماتت ماماه وشحال حاول ايكون قريب من باه واخا مكيراعيش ليه وعلاقتو بإياد شحال قوية
ايمي : (خنزرات فيه ) ييه يالله كنتي كتكول سهرتي باش تصاوب ليا هاد المفاجأة الله الله
مشات اخلاتو حتى هي
اياد : ييه اسي اياد جات معاك نتا لكنتي باغي تكون فيها بطل نمشي نكمل نعاسي حسن اش داني لشي رومانسية
حياة طلعات لبلاصتها تنعس ولكن مع من النعاس حلف واش طل عليها ولا حن فحالتها ناضت حيدات عليها الغطا وهزات كتاب بقات كتقرا فيه حتى قرب اصبح الحال وهي طيح اخيرا جاها نعاس مشات فيها كاااااو
كولشي لابس البيض وشادين مشوار فيديهم وايمي كالسة حدا اياد وقف عليهم أحمد ومراتو الهام واقفة بكل اناقة كيتساألو اش واقع تما حتى كولشي مقلوبة عليه حتى لمحو اياد فين ومشاو كيجريو عندو
الهام : ولدي ( طاحت عليه عنقاتو )
اياد : ( تصدم من شوفتها ) ماما اش كديري هنا
الهام : ولدي غيتزوج انخليه بوحدو ميمكنش
أحمد : ( باقي مقلق من اياد ) كوليا اش واقع هنا
اياد : ( كيمسح دموعو ) أزار عضاتو واحد لفعة سامة مقدروش اعتقوه شوية وتجيبو سيارة الاسعاف باش اتدفن
بدا كيبكي بغزارة كل مكيتفكر بلي صافي فقد خوه ايمي معنقاه وكتبكي حتى هي حالتهم كتقطع فالقلب زسي أحمد مسكين قلبو غيسكت
أحمد : ازاااااااااااااااار ولدي لاااااا ميمكنش
اياد : بابا هئ هى هئ عفاك مديرش هكا
احمد : كوليا اش وقع ليه
اياد : ( الصوت كيتقطع فيه والهضرة بزز باش كيخرجها ) هو كان .... البارح .... بالليل مشا للغابة افاش رجع مشافهاش هئ هئ فاش وصل لهنا فات الفوت
كانت حياة نازلة فالدروج فيقوها بالغوات ونزلات للتحت تعرف شنو كاين وهي تصدم فاش سمعات اياد كيدوي نزلات بالجرا فالدروج ومشافتش الدرجة لخرا وهي تعكل رجليها وطاحت فلارض موجعة فرجليها تلوات ليها جا كولشي كيجري عندها
حياة : لا لا كدووووب لا ماشي بصح لاااااا
دوجا : بنتي باسم الله عليك صبري هذا هو المكتاب
حياة : ( كتبكي بهستيرية ) لا ميكمنش منقدرش منقدرش
ريم : حياتي عفاك مديريش فراسك هاد الحالة
اياد : حياة كوني قوية بحال ديما مضعافيش
دوجا : الله على بنيتي حتى ضحكات ليها دنيا وسدات تاني بيبانها فوجها
حياة :هئ هئ هئ ادوجتي عفاك كولي ليا غير كنحلم ياك هذا حلم
ايمي : ( كتبكي وحالت حياة قطعات ليها فقلبها ) حياة صافي اختي عفاك مديريش هاد الحالة فراسك
بقات حياة كتشوف فنقطة وحدة وبلا حركة كولشي ستاغرب منها أكولشي دور عينو لفاش كتشوف وهنا كانت الصدمة
فالباب واقفة الجدة سعاد والأم سناء والاب عمر ييه الايام كيفاش ولاو تبدلو بزاف سناء واخا كبيرة ولكن مهلية فراسها اما لالة سعاد فشرفات دمعو عينيها فاش شافت حياة مكااااانتش متخيلة ابدا بلي غتلقاها هنا كانو جايين اهزو ريم ولكن ياللصدفة تلقاو بحياة شي كيشوف فشي حتى مزعم اقرب مكانوش مستاعدين لداك اللقاء ومطانش فبالهم حتى واحد معارف مايدير وسط هاد الصدمة والذهول تحركات الجدة سعاد بخطى تقيلة يزز باش كتحرك رجليها حتى وصلات عند حياة كتشوف فيها بكل حنية وحيدات نضاضر حتى مسحات دموعها باش تقدر تشوفها مزيان من بعد رجعاتهم تاني وحطات يديها على وجه حياة وكتقيس فيها بكل حنية
الجدة : بنتي حياة اه هي بنتي توحشتك بلا قياس اححح اكبدتي تشويت فيك
طاحت عليها كتعنق وتبوس وتشد وجها بين يديها حتى تشوفو مزيان وتعاود تبوسها وصوتها بح بالبكا شدات حياة يديها عندها وباستهم بوسة طويلة ومسحات ليها دموعها
حياة : دموعك غاليين عندي عفاك حبسي من البكا
نفاجرات حتى هي كتبكي وتكول مابكات غيحماقو بجوج جات عندهم ريم عقلات على الجدة كانت حتى هي حنينة معاها بزاف تعانقو بتلاتة وبقاو بكي يا ماتبكي على الماضي الغدار وعلى الفراق وعلى السنوات لضاعو منهم
جات سناء حتى هي كتجري اكيد هي أم والأم عمرها تنسل ولادها وطرف منها لاحت داك صاك لكانت شادة وطاحت على حياة
سناء : بنتي الحبيبة علاش درتي هكاك علاش نتي انانية مفكرتي فحتى واحد مكلتي عندي ماما غتقلق علي مخفتي يوقع لينا شي حاجة فغيابك علاش ابنتي علاش هئ هئ هئ نتي بنتي الوحيدة ومعندي غيرها علاش حرمتينا منك علاش
حياة : ماما عفاك متكوليش هكاك سمحي ليا
سناء : ( كتبكي وكدوز على شعرها )بنتي الحبيبة توحشتك بلا قياس كبيدتي انا علاش غبتي علي علاش
حياة : صافي اماما صافي براكة
ناضت سناء عند ايمي شداتها من شعرها
سناء : نتي كنتي عارفة بلاصتها وعمرك كلتيها ليا كنت ديما كنسولك ونتي كتكدبي بلا حشمة فوجهي
ايمي : طلقيني اخالتي طلقي
سناء : لا منطلقكش نتي عارفاني قداش كان قلبي كيتحرق عليها وبقيتي ساكتة
جات لالة اليس دافع على بنتها ونوضوها بتلاتة تما
اليس : بعدي ليا من بنتي اش ايسحاب ليك معندها ليدافع ليها ولا شنو
حياة : سكتوووووووو براااااااكة صافي براااااااكة عييت مبقيتش قادة نصبر عييت صافي عييت منقدرش هئ هئ
بقاو كاملين حالين فمهم من الصدمة لا لا ماشي من هضرت حياة بقاو مصدومين من ازار كان واقف فالباب تصدم منهم اش واقع هنا ياك لاباس هما كيفكرو كيفاش ناض من الموت وهو كيفكر مالهم واش شافو شي شبح وعلاش دايرين هاد الحالة هنا شكون مات فهاد الصدمات كاملين ناضت حياة بالجرية عنقات ازار ومزيرة عليه
حياة : خفت نخسرك الحمدلله نتا بخير
ازار : ( دور يديه على ضهرها ) متخفيش انا ديما معاك
حياة : انا .......... انا منقدرش نعيش بلا بيك
ازار : ( لاك شوووو هالصدمة ) نتي راك حياتي
جا كولشي كيجري عندو يشوفوه مالو وشنو وقع ليه ضايرين بيه كاملين واحد بواحد
حياة : ( عنقتها من لور ) حبيبة ديالي هو راه كان السبااااب ففراقنا ميمكنش نسمح ليه متصوريش العذااااب لدزت منو فغيابك بقا لب غير ندخل لسبيطار الحماق
ريم : ( حيدات يديها وبعدات ) حياتي لكنعرف قلبها بيض ومكتحقدش على حد فعساك واليديها خسااارة تبدلتي بزاف
حلات الباب بغات تخرج وهي تلاقا بدوجا كانت غدخل ضربات فيها ومشات
دوجا : مالها واش تخاصمتو ولا شنو
حياة : مديريش فبالك مكاين والو
دوجا : لا ويلي كولي بعدا
حياة : بغاتني نتصالح مع بابا ونرجع معاهم كيف لول كنت غنزل نجري عليه ولكن منعاتني
دوجا : حياة نتي راكي بحال بنتي وعارفة معزتك عندي وعمري تدخلت فيك حيت قرارتك ديما فمحلهم وكتفكري بالعقل ولكن احبيبة هاد المرة لا نتي واش غتبقاي حياتك كاملة مربوطة بداك الماضي نسيتي شحال سهر على راحتك وكبرك ومخلاك مخصوصة من حتى حاجة والله سبحانه وصانا على الوالدين ودابا بغيتي ديري اكبر معصية فحياتك غتعصي واليديك عارفة لدزتي منو ماشي سااااهل وحتى واحد ميقدر تصبر كيما درتي نتي ولكن ابنتي كاينين شي حوايج منقدروش نستغناو عليهم واخا يوقع لوقع فرمشة عين نسيتي كاع الحوايج زوينة لدار على قبلك وتفكرتي غير الخايبة نتي تعدبتي وهما كثر نتي راك طرف منهم واخا غلطو ولكن كانو كيفكرو غير فمصلحتك مزال مغتعرفيش حق الكبدة حتى تولدي عاد تحسي ولكن ابنتي الله يرضي عليك نساي اي حاجة خايبة وقعات معاك وبداي من جديد ازار كيبغيك وغيعوضك على ليداز كون شفتي حالتو فاش تخطفتي غطيري عندو بلا ماتسناي شي زواج عارفاك مترددة ولكن خاصك تزعمي راك حتى نتي اكيد توحشتيهم كيما توحشوك ياك ابنتي حياة حياة واش كتسمعيني
كانت ساهية وكتفكر بزاااااف ديال اللحضات دوزاتهم مع واليديها وقداش كانو قراب من بعضياتهم وعمرهم خسرو ليا خاطرها مدللة ومفششة يمكن داكشي لمخليها متقبلش الصدمة لوقعات ليها واش بصح تكون زعما زات فيه وعقباتهم عقاب قاسي تفكراات الحرقة لفقلبها نهار تخطفات ريم هيا غير بنت عمها وحسات بحال الى مشى طرف منها اواليديها بنتهم لغبرات عليهم 10 سنين معارفوها واكلة ولا جيعانة ولا شاربة ولا مغطية ولا فيها البرد هي بعدا كالو ليها بلي ريم ماتت ولكن واليديها معرفوها ميتة ولا حية وديما عايشين على امل دخل من باب دار بحال ديما تفكرات علاقتها بأزار من نهار عرفاتو وهي منجذبة ليه كتحس بيه بحالها شخصيتو قريبة ليها واخا مكيبينش ولكن حنين بزاف ايقدر ادير اي حاجة على قبلها كان كيخاطر بحياتو على قبلها واخا مابيناتهم والو اما الى كانت مراتو بالشرع والقانون فاشنو غيدير على قبلها
كان التحت عمر واليس والهام وسناء كيزوقو فالجردة كل واحد اشنو كيدير والجدة كالسا بعيد حاضياهم بقاو مراقبين داك الجو حتى دخل عليهم ازار
ازار : احم احم
ضارت حياة حتى شافت ارجعات كيما كانت اما دوجا غير شافتو وهي تبسم ليه
دوجا : ولدي ازار دخل
ازار : سمحو ليا الى مزال كتهضرو نمشي
دوجا : لا انا كملت لعندي غير دخل ( مشات خرجات وزاد ازار قرب عند حياة وعنقها من لور )
ازار : فاش كتفكر ملكة قلبي
حياة : حتى حاجة
ازار : ( دورها حتى تقابل وجها مع وجهو ) حياة واش بصح كتبغيني ولا غير كنوهم راسي حيت كاع مكلتي قدامهم بلي موافقة كوني اكيدة الى مموافقاش نكون شريك حياتك غنمشي عمرك تشوفيني
حياة : بصراحة انا معرفتش حاسة براسي محتارة بزاف
ازار : ( عنقها وزير عليها ) متخافيش تيقي بيا وتوكلي على الله عارف بلي نتي خايفة تعاود معاك نفس التجربة لدزتي منها ولكن تبعي قلبك وهو غيكوليك اش ديري وكيف ما كان جوابك غادي نتقبلو برحابة صدر
تخشات فيه كثر حسات بالراحة من كلامو افكارها مشوشة بزاف وليبقا فيها كثر باها كاع محاول ابرر راسو اولا يمشي على الأقل اعتاذر ليها اه باينة من عينيه بلي الندم كيكل فيه ولكن هدشي ماشي كافي باش تسمح ليه بقات مدة معانقين بعضيتهم كيتسمع غير اصوات نبضات قلوبهم مبغاتش تعطي فرصة لحتى شي واحد باش ادمرها مرة خرا بداعي ما يسمى الحب ماشي حيت خايفة من مسؤولية الزواج ولا خايفة العلاقة متنجحش هدشي مكيهمهاش ابدا ولكن الخيااااااانة والطمع والغدر هادو لمتقدش عليهم مزال امكاين فين تزيدهم علامها الصغير بغاتو يكون بسيط بحالها ونقي بحال نقاء روحها وصافي بحال قلبها ولكن البشر معندوش هدشي كامل حتى يتكاد من جهة ايعواج من جهة خرا عاشت المها بوحدها بكات اتوجعات حتى مشا ليها الصوت وقلبها ضرها اه بحال الى حطيتي عليه الجمر حمر بالعافية كيتحرق ولكن حتى واحد معاش معاها داك الألم وحتى واحد ما وقف بجنبها ايوا علاش تشاركهم افراحها الى هما متشاركوش معاها احزانها الوالدين هما اول واحدين كتلقاهم بجبنك فاش تكون مريض ولكن فاش تكون كتحرق من الداخل ويكونو هما السباب شكون غادي يطفي ديك النار شكون ايكولها حياة صبري حياة غادي دوز هاد المحنة حياة متخافيش حياة انا معاك وبجنبك
ازار : حياة انا معاك وبجنبك
حياة : ( بتسمات واش صدفة ولا كيسمع افكارها ولا شنو الله اعلم هزات عينيها فيه ) شكرا
ازار : ولكن شنو سبب هاد الابتسامة ممكن نعرف
حياة : ههههه والو والو
ازار :( شد وجها بين يديه ) كيما بغا يكون داك السبب المهم رجع الضحكة لوجهك وداكشي لبغيت
حياة : ولكن ....
دق الباب ودخلات سناء ام حياة شافها أزار وستأذن وخرج خلاهم اهضرو بوحدهم حياة غير مشا ازار دورات تاني وجها كتشوف فالشرجم جات ماماها حطات يديها على كتافها
سناء : بنتي
حياة : يالله تفكرتي بلي عندك بنت
سناء : حياة لاش كتهضري معايا هكا انا ماماك
حياة : اه ماما ولكن للأسف معارفاش مسؤولية الام نتي ام غير بسمية
سناء : من حقك تكولي اي حاجة مغتحسي بيا الا نهار تكوني ام ( نزلات دمعة من عينيها ) هاد القلب غير نتي لفيه ونتي راك طرف مني والكبدة ديالي
حياة : ماما عفاك براكة حتى فصغري كاع مكتديها فيا أغلب وقتك معمراه بالموضة والجمعيات بلا متكولي توحشتيني وبقات بلاصتي وديك الهضرة
سناء : اه عمري تدخلت فتربيتك حيت عارفة جداك غتربيك أحسن تربية وداكشي نيت لوقع ولكن تبدلتي بلا قياس ولا قلبك بحال الحجر مكيحنش خسارة فيك تربية جداك علماتك تكوني حنينة بحالها ساعة وليتي العكس ( مسحات دموعها ) درت لي علي دابا نتي كبيرة وغتعرفي مصلحتك منتدخلش فيك
مشات وخلاتها بقات متبعة ليها العين حتى مشات واش لهاد الدرجة تبدلات ومبقات كتحس بحد ماماها لكانت ديما كتلقا ليها الأعذار وديما عاطياها قيمتها دابا كاع مداتها فكلامها وجداتها لمتنعس حتى تشوفها ومتخرج حتى تشوف مبقات كاع مسوقة ليها واش هما السباب ولاكانت هي هكاك اصلا وبانت المعدن الحقيقي ديالها هزات كاب لاحتو عليها ونزلات التحت لقات اياد وايمي مدابزين كيف العادة وحالتهم حالة اياد واقيلة لعجت حيت حالتو حالة بالعجين والطحين وايمي وجها ملطخ كامل بالعجين ولاد الحرام دارو السفالة بتسمات بجنب ومشات لبرا لقات ام اياد وباه كيتناقشو وعيطو عليها
أحمد : حياة مغديش نطول عليك انجيك من اللخر ( قاطعتو مراتو )
الهام : حنا مقابلينش بيك دخلي لدارنا كعروستنا
أحمد : بصراحة انا بغيت لولدي ازار بنت خرا ماشي نتي
حياة : عارفة
احمد : ( تصدم ) كيفاش اش عارفة
حياة : عارفاك طمااااع وعينيك كيلمعو غير بالفلوس وعارفة مراتك كثر منك تريكت طماعة ونتي بلا ماتلعبي عليا دور الأم الحنونة عارفاك مكتحمليهش
الهام : اشنووووو
حياة : كونو هانيين ثروتكم الفيلا ديالكم وعائلتكم كاع ماعندي بها دخل علاقتي اتكون بأزار بوحدو
عمر : حياة واخا كتبان قاسحة قلبها بحال ديال دري صغير تعطيه حلوة افرح بيها واخا تعيا متبين راسها محجرة انا كنعرفها مزيان
أزار : صافي واخا علاش لا حتى نشوفو هاد البلان واش غيجيب شي نتيجة
من بعد نهار عامر بالترتيبات والجرا والهراااااج كامل أخيرا جاء الليل أيمي فضلات تلبس غير اللبسة البيضة صافي بوحدها وداكشي لوقع لبسات لغوب جااااتها فنة و إياد لبس كومبلي بنفس لون ديال لغوب تاع ايمي جاو واعرين .
ايمي لفوق مع حياة ودوجا واليس وريم ودعاء وهيا متوترة بلا قياس أكيد هذا نهار لكتمناه أي بنت وشحال كتحلم بيه شادة فيدين حياة وكولها كترعد
ايمي : اليوم غنتزوووج انا ممتيقاش ( تلاحت على حياة عنقتها )
حياة : كنتمنى ليك السعادة من كل قلبي احبيبتي تستاهلي كثر ( نزلات دمعة من عينيها مسحتها بخفة )
دوجا : يالله زيدو نزلو
شداتها دوجا من يديها وجات اليس فجيهة لخرا وريم هازة لغوب من لور حياة كالت ليهم غادي تصايب شي حاجة وتجي موراهم خرجو من البيت ديال حياة والانضار كلهم عليهم الحفلة كاينة برا وداخل ديال دار كاين ازار واياد وبراء والهام وأحمد كيتسناو العروسة تنزل حدا الدروج اياد غير شاف ايمي بديك اللبسة حال عينيه وفمو بقا مصدوم شوية ويحط صبعو فمو وصفر ايمي غرقات بالحشمة وخدودها حمارو كثر
اياد : ( حك البلاصة فاش ضربو ) جيتيني خويا واليوم عرسي اما كون قربلناها ههههههههه
اياد كيطلع فالدروج وايمي حتى هي كتنزل بشوية عليهم وبراء شاد الكاميرو كيصور العرس لقطة بلقطة وفجأة هزات ايمي لغوب ورجعات لور عاود طلعات كتجري كولشي بقا مصدوم ويلي هادي مالها واش خايفة ولا شنو علاش مشات واش مبقاتش بغات تزوج
ايمي مشات كتجري والدموع فعينيها كيما توقعات لقات حياة كتبكي وكالسة فلارض وعلاش لا وتوأم روحها غيبدا حياة جديدة بعيدة عليها غتكون لواحد شخص اخر مبقاش عندها الحق فيها حلات الباب وهي تهز فيها عينيها المدمعين مشات كتجري عندها وعنقاتها وكلسو كيتبكاو
حياة : ( كتمسح دموعها )مالك الحنقة راه غير فتزوجي مغديش تموتي وقتما بغيتي أجي عندي باب داري غيكون ديما محلول فوجهك
ايمي : ( زيرات عليها كثر وكتبكي بهستيرية ) حياة .... حياة هى هئ سمحي ليا على كولشي سمحي ليا مقديتش نرض ليك البال ونتي بعيدة على عاىلتك وقصرت فحقك بزاف نتي كولشي فحياتي ديما كتغامري على قبلي
حياة : ديري عقلك نتي عمرك تخليتي علي بالعكس ديما كنتي واقفة بجنبي ومسانداني بلا ماتكولي هاد الهضرة دابا
ايمي : ( كتمسح حتى هي دموعها ) الله يخليك ليا كنبغيك بزااااف متصوريش قداش
حياة :كولشي كيتسناك يالله سيري عندهم
ايمي : ميمكنش نمشي بلا بيك انا وياك خطوة خطوة
دارو بجوج باش ايمشيو لقاو كولشي كيشوف فيهم بتأثر شي بكا كاع وكيمسح دموعو وشي كيضحك كل واحد وكيفاش نزلو ودوجا كتزغرت واياد شاد فايمي ومزير عليها وايمي شادة فحياة
ايمي : اياد غير بشوية مالك مزير علي هكا
اياد : لا ويلي بغيتي تهربي مني تاني ممستاعدش نغامر
كولشي كيضحك وفرحان كاين لمراضيش ولكن فرحت ولادهم هي الأهم من داكشي كامل خرجو لبرا كانت الجردة فائقة الجمال كولشي واعر مشاو العرسان للمنصة المخصصة لهم كلسو ومشاو كيتصورو معاهم كولشي تصور واياد كل مرة يكول شي حاجة كضحك ايمي طلقو أغنية كلاسيكية وكولشي بدا يرقص بكل جلتمانية وأناقة جا أزار طلب من حياة ترقص معاه وقبلات دار يديه على خسرها وهي دارتهم على عنقو يالله كان غينطق وهي تحط يديها على فمو وحطات راسها على صدرو
حياة : أترك للعيون ونبضات القلوب فرصة لتفهم بعضها
أزار : وكيف لي أمنع لساني عن النطق و القمر تشرف ووقف أمامه
حياة : ( بتسمات بحرج ) ياإلهي لا أصدق عيناي
ازار : ( تحنى حدا وذنيها ونطق بهمس حتى بورشها ) كنبغيك احياتي قبلي علي خلاص براكة من هاد العذاب مكتشوفينيش محن
حياة : ( تسلتات من يديه ) ماشي بديك سهوووولة
ازار : ( ضحك بخفة ) هادي غادي تمحني
توقفات الموسيقى وجا العدول وقبل مايسول العرسان ديالنا نقز اياد
كولشي بدا يضحك عليهم سناو على عقد زواجهم وهزو ايمي على العمارية ودارو بيها حتى شبعات ومشاو كلسو بلاصتهم تاني وحاضيين ناس كيتعشاو من بعد العشا ناس كاملين مشاو بقات غير العائلة
أزار : سي عمر واش كولشي واجد
عمر : اه
هز اياد الميكرو وبدا يهضر
ايمان حبيبت قلبي فحياتي كاملة عمري شفت بحالك غرقت فعينيك وقلبي حلفتي لتخرجي منو هذا أسعد نهار فحياتي شكرا على هاد السعادة لمنحتيني كنبغيك انا من قلبي ( باسها على راسها )
ايمي تأترات بزاف بهضرتو خدات منو الميكرو وهضرات
ايمي : حتى انا كنبغيك مهم معنديش بزاف مع التعبير وماشي وقتو دابا اصلا ( غمزات اياد ) من بعد نعبر ليك قداش كنبغيك المهم من داكشي كاااامل حبيبتي حياة تفضلي عندي لهنا ( حياة بقات غير كتشوف اويلي هذي اش بغاتني من بعد بعد توتر مشات عندهم )
حياة : نعم
ايمي : سعادتي مغتكملش الى مكانش نصفي تاني سعيد منقدرش نمشي وخاطري ممهنينش من جيهتك
حياة : دابا اش كتخربقي نتي من صباح ونتي كدخلي وتخرجي فالهضرة
ايمي : شووووت ضوري موراك
كان عمر ريم سناء اليس دعاء براء الهام احمد دوجا ازار شاد كول واحد قطعة مكتوب فيها حرف واااااقفين شوية وهما يطلقو أغنية كتحماق عليها حياة فصغرها وهزو دوك القطع لشادين ومكتوب فيها """"حياتي اسفوووووون نحبك كثيرا ارحمي قلوبنا الهشة """" .
سناء كتبكي هي وعمر وبزز باش شادها باش توقف ريم حتى هي كتشوف فيها باستعطاف كولشي بغاها تسامح عاىلتها براكة من الفراق والعذاب شوية جا راموس تحط عليها وبدا يكول جملتو الشهيرة حياة حياة ووكيدوز راسو على خدها حتى راموس بغاها تسامحهم.
جات الجدة سعاد وهازة فيديها صورة مجموعة فيها العائلة عمر سناء بيناتهم حياة وسعاد حياة كانت باقة صغيرة عطاتها ليها
سعاد : براكة ابنتي براكة
ايمي : حياة حبيبة صافي خلي الماضي موراك
سناء : ( كتبكي ) هي تبدلات ولا قلبها قاسح كلت لكم م....
قبل متكمل كلامها طاحت حياة على جداتها كتبكي وتكول مابكات
حياة : توحشتكم اه توحشتكم بلا قياس ( تقطعات فيها الهضرة مابقات قادة تهضر جات عندها سناء وعمر وريم عنقوها وبداو ابكيو كاملين
ايمي : باغي تحكم فيا من دابا ولا شنو أسمع أسيدي راه مزال مدرنا فالطجين ميتحرق
إياد : عارف عارف غير أجي
إيمي : واخا
مشات عندو ووقفات حداه وحياة وريم حشمانين بلاصتهم غير كيضحكو بزز دابا هما مزوجين مجاتش اتدخلو بيناتهم.
اياد جر ايمي بشوية عليها حتى خرجو من حداهم
إياد : إيمتا ناكل أنا الحلوة دابا او
إيمي : دابا داكشي علاش معيط علي شوف من اللخر اليوم عيانة والخطبة ديال صحبتي وختي وحياتي مكاين لا حلوة لا هم يحزانون الماسخ لاخر ( يالله جات ضور شدها قنتها مع الحيط )
مشات ايمي هزات كيكة تاع شكلاط وااااعرة كتحمق فيها تصويرت حياة زمكتوب فيها أيلوفيو خداها اياد ومشا
إياد : بفففف دابا أنا عريس ولا هو فعرسي نخدم أربي أش هاد الزهر كون هربت بيها وهنيت راسي
أزار :( ضربو على راسو ) الهضرة الخاوية بلاش منها أصلا أنا لخصني نتزوج قبل منك أنا الكبير
إياد : اوووف صافي ماكلت والو أجي منين جبتي الورد
أزار : هههه الغابة كولها ورود كيجاتك هاد الباقة
إياد : اووووه واعرة بزاف خاصك تخدم بستاني وااااع
أزار : نتا خا....
أحمد : وزيدو راه جمدنا هنا بالبرد
إلهام : مابانت لهم الهضرة حتى لدابا
دقو فالباب وحلات لهم سناء وحياة خرجات تشوف شكون اسحاب ليها شي حد لكيدق حتى تصدمات فيهم
سناء : دخلو مرحباااا بكم
أحمد : شكرا الالا
حياة : هاء ايمتا خرجتو
تقدم عندها ازار وفيدو الشكلاط لفيه تصورتها طبعا والورد روعة
أزار : تفضلي
سناء : بنتي دخلي صايبي القهوة للضياف
حياة :( متوترة وتالفة ) اشمن ضياف
جات جراتها ايمي ودخلو للكوزينة والباقي دخل للصالون
إيمي : من نيتك كتسولي فيهم ديك الأسئلة الغبية
حياة : وكيفاش دارو ليها ايمتا صاوبوها والورد مشفتيش ديك الباقة الطريقة باش مصنوعة والكيكة ديال الشكلاط فيها صورتي معرفت واش ملصقينها ولا صاوبوها نيت ولكن ايمتا دارو داكشي كاااامل
ايمي : ياااالطيف واش صارطة كاسيطة معيتيش هزي هاد البلاطو وزيدي قدامي وناري على بنت
أحمد : سي عمر ومدام سناء نتوما عارفين سبب زيارتنا كيما كتشوفو دراري تافقو بيناتهم وتفاهمو وحنا معلينا غير ندعيو لهم بالخير ونوقفو بجنبهم ونساندهم أكيد بموافقة عائلة البنت حنا طالبين راغبين يد بنتكم حياة لولدنا أزار
عمر : ايوا أش غنكوليكم نسولو مها لولداتها وتعدبات على تربيتها
سناء : بصراحة القرار كيرجع ليها هي راه كبيرة وعارفة فين مصلحتها ( بقا كولشي كيشوف فحياة وهي ساكتة )
إياد : ( تحنى عند أزار ) صاحبي واقيلة غتاكل من عندها شي دقة اليوم غير كتحلفهم فيك واااااع
أزار : سكتنا رجليا كيترعدو خايف لتكول لا
إياد : وااااع هي كاع ممتوترة تقلبو الأدوار هههههه
أزار : الى مقبلتش غا....
حياة : عندي شرط
أحمد والهام : أشنوووو
حياة : اه عندي شرط
أزار : انا موافق على كاع شروطك غير وافقي
أحمد : كيفاش موافق خاص نعرفو شروط...
أزار : صافي مدخلش ابابا
حياة : نلعبو الملاكمة الحرة والى غلبتيني نتزوج بيك أش باليك
أزار : واااااغير وافقي من بعد نلعبو حتى تشبعي
حياة : ههههه صافي صافي موااااااافقة غير ضاحكة
كولشي بدا كيصفق ويباركو لهم أزار غيطير بالفرحة ناري طيرتها منو خلعة جابو الخواتم وركبوهم لهم وكولشي فرحان اخيرا غيتهناو عليهم خدمو تاني موسيقى ولكن هاد المرة الشعبي كولشي بدا يشطح وايمي مضاربة مسكينة مع لغوب حتى كتبغي طيح وتوقف تاني اياد مفقووووووص ويلي نهار عرسو ومخداش مراتو تافقو على العرس يكون غدا مبغاوش اتعطلو كثر والبنت عندها 27 عام ومزال ممزوجاش كون ساكنة وسط ناس غتولي تسمع كلمة بايرة ديما ازار وعائلتو مشاو للدار حتى للصباح ايرجعو ايمي واياد خداو بيت حياة نعسو فيه عائلة حياة حتى هيا مشات تجيب كاع لخاصهم دعاء مشات مع براء ودوجا حلفو مايطلقوها بقات حياة كدور فدار شوية خرجات لبرا مشات عند بيشو وساري
حياة : توحشتكم غير سمحو ليا تلاهيت عليكم هاد المدة اللخرة
بيشو وساري غير كينبحو وطالعين على حياة كيلحسو ليها وجها
حياة : هههه صافي صافي براكة زكاو
تحيدو عليها وكلسو فالارض هي دخلات للدار ومشات تنعس حتى هي وتخشات حدا ريم
عند ايمي وإياد
إيمي : عفاك لا اليوم منقدرش
إياد : شوووووت
بقا كيحيد ليها لغوب حتى حيدها ليها كاملة كانت بدوبياس فالبيض باسها فعنقها بوسة خفيفة وباسها فضهرها ضورها عندو وإيمي كتحاول ما أمكن متشوفش فيه وهو يهز ليها راسها بجوج صبعانو حتى تقابلو عينيهم
جبدها عندو وباسها فشفايفها وكل وحدة كيعطيها حقها من المصان والعضان والبوسان الى غير ذلك من المصطلحات همههه دوز يدو على ضهرها حتى تبورشات وغير كتلوي فعنقها هزها بين يديه وشفايفهم مزال ملاصقين حطها فوق الناموسية وباسها فراسها
إياد : راحتك هي لولة أحبيبتي مكايناش شي حاجة أهم منك حتى ترتاحي تما نفدي فيك القديم والجديد
إيمي : ( تصدمات فيه مكانتش متوقعة يدير ليها خاطرها زات تخشات فيه وكتشم ريحتو ) كنبغيك بزااااف
وتصبحوووون على خير
ريحة البخور وريحة المسمن و والملوي والحلوة فالدار إيمي مصبحة على الكوزينة كعادتها ودوجا جابت كاع أنواع البخور بخرات الدار مزيان وايمي وجدات الفطور ومشات تفيق صاحب المقام
إيمي : إياااااد نوووض براكة من نعاس
إياد : ماما خليني نعس
إيمي : اهاه ماماك دابا نوريك ماماك
هزات كاس ديال الما كان حداهم كباتو عليه حتى ناض مفزوع كيشهق
إياد : تف تف تف الزلزال
إيمي : هو نتا نوض براكة عليك من النعاس خمرتي
إياد : هادي نتي
إيمي : ويالله نوض تفطر
إياد : ( جرها من يديها حتى طاحت عليه وبقاو غير كيشوفو فبعضياتهم شعرو كان فازك وكيقطر بالما وهي بكثرة السخونية ديال الكوزينة ولاو حنيكاتها حمرين مزنكين ) نفطر علاش لا
يالله غيحط شفايفو على شفايفها وهي تعطيه ضربة فالمعلم
إيمي : ماشي وقتك دابا
مشات وخلاتو كيتشوا فبلاصتو تسلطات تاني على حياة حتى فيقاتها بزز فطرو فجو وااااعر غير نشاط مع إياد وإيمي دوجا دخلات حياة لدوش ودعاء وايمي واياد وبراء مشاو ايقادو تاني جردة .
دوجا صايبات خلطات تقليدية من الأعشاب و دارتهم ليها للشعر ودهنات ليها حتى لحمها ووجها حتى خرجاااات كتشعشع بالنقاوة والبراءة لفوجها زااتها جمال على جمال دخلات ماماها وجابت معاها كسااوي واااعرين والدهاز ديالها بغات تفرح بيها ودير ليها كولشي جابت لحنا ونقشات ليها نقش خفيف وباستها فراسها وقرات عليها شوية ديال القرآن ودعات ليها بالسعادة وخرجات باش متبكيش قدامها.
إيمي : شوووووو هالجماااال ياناس فين كنتي مخبية هدشي كامل
حياة : وبلا ماتزيدي فيه تاني
دخلات ماماها ودوجا وريم ودعاء كولشي كيزغرت لقاو أزار لتحت كيتسنا فيها كان لابس كوستيم فالزرق وقاميجة فالبيض ومشط شعرو لور فاش شفها نازلة مع دروج وشحال بقا حال فمو فيها حتى ضربو إياد رد ليه الضربة ههههه
إياد : سد فمك اصحبي الموت كدور
وصلات حياة عندو وشد فيديها وباسها فراحت يديها
أزار : واو أجمل شخص فالكون
حياة : ( ولأول مرة تحشم ) شكرا
خرجو برا وبيشو وساري موراها لابسين حتى هما لباس العرسان غيتزوجو وراموس ضارب ليك واحد الكومبلي كحل ووقف على كتف حياة وغير كينطق بسميتها .
كان الحضور غير العائلة هداك هو الطلب ديال حياة مشاو عند العدول وسولهم الأسئلة الاعتيادية أوافقو طبعا سناو وخداو عقد زواجهم لكيربطهم ببعضيتهم مدى الحياة سناء غير كتبكي بزز باش سكتوها
يالله تهدنو ومسحو دموعهم جات عائلة حياة ودعاتها وخداو معاهم ريم و كولشي مشا وتمناو ليهم السعادة إياد طار بإيمي للوطيل والباقي كولشي مشا بحالو
ازار هز حياة بين يديه وطلعها الفوق وهي غير متكية عليه منطقات بوالو هزها حتى للفوق وحطها فبلاصتها حيد الفيستا وحيد ليها الكسوة بشوية وكل بلاصة كيطبعها مكيتفارق معاها حتى تولي زرقة بقا فشحمة ودنيها كيبوسها بحنية وهي غير كتلوي فعنقها شوية بدا يهبط بفمو حتى لصدرها بدا يمصو مصيصات خفاف هي خايفة بلا قياس أول مرة إقرب منها شي حد هكا لاحض أزار الخوف ديالها وهو يبوسها فجبهتها
ريم : هيهو شتكم غتفطرو بلا بيا واش نسيتوني ولا شنو
حياة : واااو ريم توحشتك
ريم : حتى انا أحياااتي
حياة : ( معنقاها ) ايمتا جيتي
ريم : يالله حطاتني الطيارة وجيت عيد زواجكم العاشر ومنكونش فيه مستحيل
نزل أزار ولقاهم مجموعين مشا باس لحياة راسها
أزار : عيد زواج سعيد مراتي الحبيبة
حياة : وليك حتى نتا حبيبي ( همسات ليه فوذنو ) مبروك غتولي أب من جديد
أزار : أشنووووووو
هز حياة كيدور بيها و تلاح عليهم الورد الحمر وجات عائلة ازار وحياة عندهم حتافلو معاهم بعيد زواجهم حياتهم مميزة قراب للناس لكيبغيوهم وبعاد على مشاكل ناس مستقلين بوحدهم واعدو بعضياتهم أي حاجة وقعات كانت صغيرة ولا كبيرة يكولها لبعضياتهم ولتقلق ايصالح لاخر ولكن أغلب الأوقات ازار مسكين لكيجري موراها يصالحها هههههه
من بعد الاحتفال كل واحد هاز كاس فيديه وكل واحد فين مخشي شي كيهضر على الحب شي الولاد شي الخدمة أزار جر معاه حياة ومشاو لجهة الغابة يتمشاو شوية كانت لابسة كسوة كحلة جاتها وااااعرة
أزار : فراسك أنا أسعد واحد
حياة : اهاه وعلاش
ازار : حيت اخيرا رجعات حياة البريئة والحنونة من بعد ماكنت كنعرف غير موكلي ههههه
أزار : أي بشوية هههه ( هزها فالسما ) كنبغيك أحياتي حياة
عشر سنين دازت ازار وحياة تزاد عندها ولد فهد عينيه خضرين بحالها والشبه ديال أزار وحاملة ساكنين فنفس الدار و خدمتو ديما كيمشي ليها للمدينة داير خدمتو بوحدو بعيدة على أملاك باه وشريكة حياة حتى هي مزال غادية مقابلاها ايمي ومرة مرة كتمشي ضرب طليلة و براء ودعاء تزوجو حيت حتى دوجا عجباتها ومتهنات حتى تزوجو وسكنو معاها باش متبقاش بوحدها واياد دار مفاجئة لإيمي صايب دار فالغابة حدا حياة باش ابقاو قراب لبعضياتهم من بعد منفخات ليه راسو كل نهار غادة جاية عندها لاهما يسكنو حداها نيت ريم مشات للخاريج تكمل قرايتها وتولي مهندسة فلاحية بغات تخدم مع حياة فالغابة وتبقا حداها ديما عائلة حياة مرة مرة كيجيو ازوروها الجدة ماتت الله يرحمها تأثرات حياة بزاف بالموت ديالها حيت هي أقرب وحدة ليها فصغرها وقف بجنبها أزار حتى دازت ديك المحنة والنهااااية
.
.
.
نتمنا تعجبكم هادي أول قصة ليا بغيت كولشي يحط الرأي ديالو 😘😘
عيناك براءة الطبيعة الجزء السابع والأخير
محتوى القصة
التنقل بين الأجزاء