حبك جهنم ثلوج الجزء الثاني

من تأليف Ikram Pancholi
2020

محتوى القصة

رواية حبك جهنم ثلوج

دقات على خوها حتى سمعات دخل عاد حلاتو وتلافتت
لعندها : اجيي تبعيينيي
تغريد تنادم معاها لحال جاها راسها غا كتخربق : صافيي عرفت لحل .. بلاش غادي غانصدعوه
تلافتت باغا تمشي وهي تسمع صوتو عند لباب : مالكم ؟
وجدان حاطة ايديها بجوج على خصرها : اوا اخويا تغريد قاتلي معرفاتش تخرج واحد التمرين و مكاين حتى واحد اعاونها وانا نقوليها خويا ايخرج ليك
تغريد عطياهم بالضهر مزيرة على لكتاب و مكمشة عينيها خايفة غا دقات قلبها اكونو كيتسمعو : ويليي جالسة كتعاود ليه قصة حياتي
بدرالدين : تغريد اري نشوف التمرين
شدات راسها بزز و تلافتت لعندو شافت فيه و شتتات نضرها بسرعة كتحاول تخبي ثوترها : تمرين دالفيزيك
بدرالدين : ماشي مشكيل اجي دخلو
خلا لباب محلول و دخل
وجدان بنفخة : اوا زيدي و نتي كتقفقفيي
تغريد هزات صبعها كتحدرها : لاش كتعودي ليه بالتفصيل
وجدان : حيت بغيت
هزات كتفها ودخلات : اوا زيديي
تغريد : صبري اتغريد تقدر تكون لوستك هي هاد لبعلوكة ..صبري عليها
تقدمات بخطوات بطيئة كتمشي خطوة و ترجع بجوج متوثرة تكون معاه فنفس لبلاصة .. رجعات شعرها مور و دنيها و سدات لباب موراها
وجدان بالغوات باش تسمعها : حنا فالشرفة اجيي
تغريد : هاا أ ا
هربات ليها لهدرة ولات غا كتمتم .. تشجعات و مشات لعندهم شافتو مسرح رجليه فوق الطابلة و مركز مع البيسي لي قدامو : الا كنتي مشغول بلاما نصدعك
فاق من تركيزو و جمع رجليه مقاد فالجلسة : لا اجيي ختيي هيا لولا
حط لبيسي على جنب : جلسي
تغريد عينيها دمعو من لكلمة لي نطق " ختي " ..حسات بقلبها تزمت عليها .. حبسات دمعتها و جلسات باش ميعيق بوالو
بدرالدين شاف فالساعة : وجدان مشا لحال خاصك تنعسي عندك لقراية غدا
وجدان وقفات باستو على خدو : اوكااي .. تصبحو على خير
تغريد خرجات عينيها : بقاي معايا حتى نمشيو بجوج
وجدان : فيا النعاس اما نبقا معاه
تغريد كتفرك فايديها وعينيها على وجدان لي مشات
بدرالدين عينو على التمرين كيقرا فييه : شنو مفهمتيش
هز راسو فيها فاش شافها مجوباتوش .. بانت ليه كتشوف فالباب و كتكمش بايدها على لكسيوة عرفها متوترة : تغرييد
فاقت من سهوتها : هاا
بدرالدين : قتلييك شنو مفهمتيش فالتمرين
تغريد مقدراش تزيد تانية حداه كتقول مع راسها انسخف دابا مافيهااش .. معرفاتش كيفاش ترفعات و جمعات لكتاب و مشات كتجري خلات باب بيتو محلول
بدرالدين مصدوم مفاهم والو : مالها هادي !!
بقا غا كيشوف عيا احلل مفهم والو .. نسا لبلان بسرعة لبرق و رجع مركز مع لبيسي وداكشي لي خدام عليه

تغريد غادة فالكولوار كتمتم : قالييك ختي اتغريد ..نتي غا ختو
يله بغات تبكيي حبسات دموعها فيساع فاش بان ليها خوها : أمجاد
داز من حداها غبرة باين من ملامحو معصب : مالو شنو معصبو هادا
هزات كتفها ومشات كتنخصص فصمت : نفك حريرتي بعدا عاد نشوف غيري هنن

أمجاد دخل لبيتو لاح الشوميزة ومشا لدوش طلق لما كان بارد على الله ابرد شوية و تطفا لعافية لي شاعلة فييه .. خدا وقتو باش احيد منو ريحة لحنا ..كمل وخرج ملوي على نصو فوطة .. بانت ليه لينا واقفة بالبينوار قصير صدرها باين كلو من لفتحة .. مقادة لحالة و حاطة لميكاب
بغات تقرب لعندو : حياتيي
مجوبهاش مشا نيشان هز الشوميزة ودخل للحمام شعل فيها لعافية حتى تحرقات و ولات رماد عاد خرج
لينا : أمجاد واش معصب منيي .. قلقتك فشي حاجة ؟؟
أمجاد مشا نيشان لعند لباب حلو ودار ليها إشارة باش تخرج : سيري من هناا
بقات مصدومة غا كتشوف شوية بدات كتبكي : أمجاد شنو درت حتى مقلق منيي
أول مرة كيغوت عليها : وااااااش حااااضية غااا لبكااا لبكاااا ميييييغد
خبط ايدو مع لباب باش تخرج وداكشي لي كان خرجات كتبكي
سد موراها لباب و مشا لبلس عليه بوكسور و شورط عاد خرج للبالكو بصدرو عريان مخايفش اضربو لبرد .. جبد كارو كيكمي وهو كيترعد واصلة بيه للعظم كيحس براسو غا تقيصو اتفركع
شد تيليفونو كيخنشش فييه وهو كيكمي واحد مور واحد حتى بدا كيبرد شوية بالشوية ... مشا جلس على لكرسي لي كاين تماك طالع نازل فالانسطا .. دخل لغوشيغش اباغازاغ طلعو ليه شي فيديوات هز حاجبو فاش عرف شكون مولاتهم .. دخل ليهم مكشر على دوك لحجبان هازهم لسما .. دخل لكونط عرفها اتكون يلله صيباتو جديد بعدما طير ليها لكونط اللول
رجع راسو للور كيطرطق فعنقو ورجع شاف فالكونط ديالها و تصاورها لي غا ضاحكة فيهم عاجبينها سنانها خخ .. ركز على التفاعل بان ليه كاين ميل فمو و طيرو ليها داك الساعة عاد حط مشقوفو و مشا نيشان لناموسيتو تشبح فوقها كيقلب على النعاس

فالجيهة للخرى ..

طالعة نازلة فالانسطا حتى كيجيها ميساج من عند مراد دخلات لوتساب جوباتو و خرجات رجعات لانسطا كتلقا كونطها طار عوتاني وسعات عينيها مصدومة : شنو هادشييي
تأوهات بسباب حنكها لي عاطيها الصداع هو و فكها : اييي الله اعطيك لعداب ياربيي
شافت مراد كيصوني جوباتو : حبيبي الانسطا تبلوكا ليا امكن ... مفهمت والو
مراد : اه كتوقع ليا حتى انا.. الصباح و جربي.. خليك من هادشي وركزي معايا امتى نجيب عائلتي نخطب
ثلوج : ماما اتهدر مع لحاج باش تديرها فبالو بعدا .. غدا نرد عليك امتى
مراد فرحان : واخيرا
ثلوج كتحاول تنسا اش وقع ليها ليوم و تفرح بحياتها لمستقبلية مع مراد : فرحانة بزااف
مراد : انا كتر منك .. يلله نعسي باش تقدري تفيقي
ثلوج : اوكيي بونوي حبيبي
مراد : بونوي
قطعات عليه و بدات كتغزز ثاني : مال هاد الانسطا شاد معايا لعكس .. حتى لصباح و نجرب ايكون تبلوكا
طفات التيليفون و تخشات فبلاصتها كتماسي حنكها لي عاطيها الصداع .. ضغط ليها اللحم ماشي صرفقها


صبح الصباح بنهار جديد 🌞

كانو مجموعين على طابلة دلفطور كيتبادلو اطراف لحديث مرة مرة
نعمان : فينوهم الدراري؟
كلثوم : أزار مزالو ناعس و بدرالدين معرت فين غارق
نعمان : أمجاد ؟
قاطعهم صوت كيقرب لعندهم : هاهو
وقف عليهم عرقان : صباح الخير
لينا مقدراتش تهز فيه لعين مخلوعة من لغوت لي غوت عليها لبارح
آريا : جلس تفطر
أمجاد : لا انطلع ندوش ونهبط .. لواليد و عمي مكينينش
آريا : مشاو لشركة
هز راسو باه و طلع لبيتو دوش و بدل عليه عاد هبط وجلس معاهم : محددتوش موعد للعقد
آريا شافت فيه و فلينا : اوا نتوما هما لعرسان زعما
أمجاد شاف فلينا : شنو بغيتي نتي
لينا حابسة لبكية : م مم معرفتش
طول فيها الشوفة : من هنا ليومين مزيانة ؟
نعمان : مزيانة
آريا شافت فلينا : بغيتي لليلة دلحنا ياك
أمجاد تفكر لحنا عض على سنانو : امتى باغين ديروها ؟
آريا : الا لعرس تدار من هنا ليومين اذن ليلة لحنة غادي تكون غدا بالليل
أمجاد : مزيان باش منكونش
لينا عرفاه مكيحملش لحنا : صافي بلاش منديروها
آريا عايقة بالبلان : خلي لبنت تفرح براسها
أمجاد جمع لوقفة : تفرح براسها مشديتهاش
ومشا
لينا جمعات لوقفة : صافي شبعت
ومشات تبعاتو
نعمان : هادو مالهم
كلثوم : بيناتهم حنا منتدخلوش
لينا تبعاتو لبرى : أمجاد
تلافت لعندها بعدما حل باب دالرونج .. بقا واقف كيتسناها تهدر
لينا : سمح ليا على لبارح
تنهد و مشا لعندها باسها على جبينها عاد بعد : نسااي
بتاسمات : الله اخليك ليا
كتفا بالسكات مطول فيها الشوفة .. فالاخير طبطب على خدها و قلب الدورة ركب و كسيرا
لينا طايرة بالفرحة دخلات لداخل وهي تبان ليها آريا مشات لعندها : خالتو
آريا : لينا بغيتي شي حاجة
لينا : خاص نعيطو لواليديا باش اجيو و ...
قاطعتها : انا انتكلف غادي نعيط لسكارليت و واليديا
بتاسمات ليها لينا : انمشي نشوف اخر لموضيلات ديال ليغوب
آريا : هه سيري

نبدلو لبلاصة ..
كانت غادة جاية فبلاصتها كتفرك فايديها كتسنا باها اخرج من الاسطبل مع قاتليها مها باك باغي اهدر معاك
قشعاتو و هي توتر
لحاج جاي لعندها : اجي لهنا
مشات لعندو : صباح الخير
لحاج جامع ايديه مور ضهرو : اش بغيتي تديري ابنتي بشي زواج ؟؟ .. ها لقراية خليناك تقراي و صبرنا على هبالك .. وها لخدمة بديتي فيها عيشي حياتك و كوني قادة ماشي كلمة جوج نتزوج .. ااش عندك ماديري بشي زواج
خرجات عينيها : ياك الحاج نتا لكتقولي الا مسمعتيش مني غادي نزوجك
هز حاجبو : بااش تشدي لرض عند بالي ممدخلاش الزواج لراسك .. انا مباغيش نزوج بناتي باغييهم ابورو حدايا الآلة
غوبشات فاش شافتو غادي كيتمتم : لحاج و لحااج
مشات لعندو عرضاتو : عفااك ديرلي خاطري غا هاد لمرة
لحاج : هي مكتبغيش واليديك .. باغا غا تزوجيي ملي عندك هاد لفكرة لاش مخليانيي كنصرف عليك و نقري و نزمر باش فاللخر تزوجيي ونتي باقا محققتي والو فحياتك ..لي تزوجو طفرووه ؟؟
ثلوج مصدومة من باها مكانش كيحساب ليها عندو هاد لعقلية : والله مغادي تندم بنتك مغاديش تزوج زواج ملاوط .. عارفة راسي شكاندير
هز حاجبو : فين عرفتييه هااا
هبطات راسها : واش موافق دابا
زفر و زاد : قوليه اجيب عائلتو هاد الليلة نشوفو حريرتك فين اتخرج
بتاسمات : ياااس
شوية و هي تسمع حسو موراها : مال حنكك ؟؟
تلافتت لعندو كتمتم : ا أ نعست عوجة داكشي علاش
هز راسو باه و مشا
خلاتو حتى بعد عاد جبدات تيليفونها صونات لييه : الو حياتيي .. فراسك بابا وافق و ليوم قاليك تجيب عائلتك
مراد : ليوووم !! .. مغاديش اقدنا لوقت نوجدو كلشي .. قوليه غدا نجيو
ثلوج تنهدات : وافق بزز الا مجيتوش ليوم غا نساني عليك ..لحاج راسو قاصح وانا مباغاش سخط واليديا
مراد : صافي صافي ..ليوم انجيو
بتاسمات : و تهلا ليا فالحالة
ضحك : ضروري هه
ثلوج بتاسماات و نهات لمكالمة عاد طلقات لكونكسيو و دخلات لانسطا طالبين منها تصايب كونط جديد : ويليي فين مشااا كونطيي
حطات ايدها على فمها : هي طار بصح ! .. شكون طيرو
عينيها غرغرو شداتها لبكية : كيفاش حتى طاار !!

جا الليل ..
مجموعين فالصالون الرجال بحدهم و النسا بوحدهم
لحاج داير رجل على رجل معاجبو حال
مراد نغز خوه لكبير انطق حيت باه ميت عندو غا خوتو كبار و الأم ديالو : لحاج شكرا على الضيافة و الترحيب .. حنا جينا ليوم نوطدو علاقتنا ببعضياتنا منبقاوش غا جيران جمعانا قرية وحدة
نطق عم ثلوج : مرحبا مرحبا
اخ مراد : جينا طالبين راغبين فايد بنتكم لخويا مراد
لحاج غا كيشوف و اطلع و اهبط فمراد : غا مبغيتش نخسر لبنتي أما هي كون جات عليا متزوجش دابا اش بغات بشي زواج
كريم حابس الضحكة غا كيتفرج
مراد وجهو تلون : بنتك الحاج انديرها فعينيا ومغادي اخصها معايا حتى خير .. اش قلتيي
لحاج بتمياق : اوا لكنتو متافقين الله ابارك
مراد عاد رتاح : بنتك اتكون بيخير معايا كون مهني من هاد الناحية
لحاج كيتنهد و كيسمع لمراد .. اما عقلو خدام كيقول بنتي ضاعت منيي

عند لعيالات ..

جالسين مجمعين على الضيافة و لهدرة بالقياس
أم مراد : اوا فينها عروستنا
حفصة : نمشي نعيط ليها
خرجات باغا تمشي لكوزينة وهي تقشعها كتجسس على الصالون فين مجموعين الرجال : اويلي على بنت لحرام
مشات ليها غبرة جراتها للكوزينة : واش باغا باك احصلك و تصدقي لا نتي بخطبة لانتي بخدمة
ثلوج كتنقز : وافق وافق هههه
حفصة : هزي هادشي و تبعيني ام لعريس بغات تشوفك .. معرفتش علاش محملتها مقبلتها
ثلوج : وصافيي اماما متزيديش فيه
هزات الصينية وتبعات مها للصالون فين مجموعين لعيالات .. غا دخلات حسات بالأنضار كلها عليها و خصوصا جوج خواتات مراد كيبانو من بعيد مسمومات أما لعدوزة قاتليهم مكتعرفو والو
حفصة بابتسامة صفرا : هاهيا عروستك الحاجة
أم مراد بتمياق : هاادي هي لعروسة؟
ثلوج حطات الصينية وجلسات دايرة رجل على رجل بلاما تسلم
أم مراد : مكتسلميش ابنتي ؟؟
حفصة غمزتها تنوض تسلم عاد لآلة ثلوج فهمات راسها و سلمات عليها و جلسات
خواتات مراد كيتغامزو حيت مسلماتش عليهم ولا حاشاتو ليهم
أم مراد حاطة ايدها على حنكها : معرت فين عينيك اولدي
حفصة : قلتي شي حاجة الحاجة !
أم مراد : هاا لا والو
ثلوج باغا تبان متبتة ولكن لغالب الله خخ .. جالسة معاهم غا بحوايج سبور و شعرها مجموع شفنجة مهملة بحاليلا معندهاش لخطبة .. اصلا هي من النوع لي معندهاش مع للمناسبات لي من هاد النوع كيف كيف الله ارزق غا الصحة
و السلامة

بعد مرور يومين ..

لقصر كامل فرحان بزواج أمجاد و خصوصا ساجد مقاداه فرحة واحد من ولادو ايستاقر .. كان كيعاونو البس لكوستيم ديالو : مبروك عليك البطل
أمجاد طبطب ليه على كتفو : باغيني نتزوج هاحنا انتزوجو
ساجد : باغي نشوفكم واحد بواحد فرحان بحياتو .. لينا كتستاهل و بنت خالتك مغريباش علينا
أمجاد هز راسو باه
ساجد : الا لبستي خرج .. انا نمشي نشوف مراتي
أمجاد بتاسم : سلم ليا على لبرازيلية
ساجد : و ولا مغربية اشمن برازيلية
خرج و خلاه بوحدو مقابل مع لمرايا كيوضع ساعتو ليدوية .. احساس غريب مراودو من الصباح واخيرا ايتزوج و استاقر فمرة .. واخة اتزاد مسؤوليتو ولكن داير فبالو غادي اكون قدها و قدود
تنهد بعدما قاد تصريحة شعرو و خرج نيشان لغرفة لينا لي دايرين بيها كيقادو ليها .. حل لباب ودخل لقاها بوحدها عرفهم ايكونو سالاو
لينا تلافتت لعندو و لفرحة خارجة من عينيها : كيف جيت ؟؟
هز راسو باه : كيف ديما
غوبشات : بصح !!
أمجاد : غا ضاحك .. لبسي لاغوب نهبطو
لينا قربات لعندو كتوريه لحنا : شووف كيف جاتني
رجع باللور مباغيش اشم الريحة : ليييناااا
رجعات باللور : زعما درتها لبارح فالليل و كرمات باقا الريحة !
هز راسو باه : هاني خارج حتى تسالي و صيفطي ليا
قطعاتو : اه نسيت مامي و بابي شوية واتحط طيارتهم فالمطار بغيت انا لي نمشي نجيبهم
هز حاجبو فيها : علاش مكينش الشيفور
بدات كتلبد فعينيها : عفااك بغيت نشوف لفرحة فعينيهم فاش القاوني كنتسناهم .. ملي نجي اتبقالي غا لاغوب أما لميكاب و شعري مصايب
تنهد : اتمشي دابا ؟
هزات راسها : ايفرحو بزاف الا شافوني
أمجاد : ردي لبال لراسك ولا امشي معاك الشيفور حسن
لينا باعتراض : لا بلاش انا قادة براسي
أمجاد طول فيها الشوفة و خرج

فالجيهة لخرى ..

جالسين مجموعين على لعشا وسط الرياض فجليسة منها للهوى عندهم عادة وقت لعشا حتى واحد ميهدر ولكن فاش كتجي ثلوج كتغير هاد لعادة خخ
ثلوج : لحاج غدا انمشي لمدينة .. عيطو ليا لوكالة
كريم : عندي شي غراض حتى انا .. نمشيو بجوج
ثلوج : صافي مشات
حفصة نغزات ثلوج باش تسكت فبلاصة متهدر تعشا
شوية دخل لعساس : سي لحاج
تلافت : اش كاين
لعساس : شي ناس بغاوك
لحاج جمع لوقفة : هاني جاي
لعم وقف : شكون غايكون
لحاج : معرفتش .. خبار لخير
دخلات لعندهم أم مراد و خوه لكبير لقاو التحية بطريقة ناقصة
ثلوج مفهمات والو مسحات ايدها ففوطة و وقفات
لحاج : مرحبا .. خبار لخير اولديي
حفصة : اجي الحاجة جلسيي
سناء بنت عم ثلوج : يكما جاو افسخو لخطبة
و ضحكات باستهزاء
حنان : سكتي فمك لاحسو كلب
أم مراد : مكين منخبي عليكم اسيادنا .. ليوم جيناا على قبل واحد لقرار فكرنا فييه مزيان
لحاج هز حاجبو : خبار لخير
أم مراد : بنتكم مكتناسبش ولدنا .. نجيكم لصارحة و نقولها فوجهكم حسن منافقكم .. بنتكم ماشي من سهم الزواج و خفيفة
لحاج خرج عينيه و شاف فثلوج لي وجها تخطف منو اللون و رجع شاف فأم مراد : شهااادشييي الآلة .. جاااية تنقصيي فعرض بنتييي و قداامييي
أم مراد : جيت غا نقوليييكم اش كين و نمشيي .. تلاقينا خوت نتفارقو خووت
شافت فولدها : زيد نتا
ومشات خلات ولدها تابعها
لكل كانو ملامحو فحالة صدمة و خصوصا لحاج لي كيفور أما ثلوج دموعها بداو هوادين بلا صوت .. عاد فهمت علاش مراد هاد ليومين لهدرة بيناتهم قلالت
لحاج تلافت صاعر لعند ثلوج : اااااااخرررر ايااامييي تجيييبييي ليا هاد الشوووهةةة .. لحاج الناجيي بنتو ترفضاااات و تفسخااات خطوبتها هددددريييي
حفصة بغات تدخل : برد الحاج هي شنو ذنبها
عطاها بتصرفيقة فالبلاصة : نتييييي سسسسكتيييي معرفتيييش تربييي حتى خرجتييي على لبنت جاااايبة ليناا الشوووهة
هز عينيو لعند ثلوج : وااااااش عارفة لعاااار لي جبتييي ليااا دابا ؟؟؟؟؟ ... كون غااا الله عطااانييي لولاد ولا وحدة بحاااالك هبطااات راسي لأرض
ثلوج غا كتشوف مصدومة و عينيها دايزين بالدموع مستحيل اكون هادا باها ! اه هو قاصح ولكن ماشي حتى لهاد الدرجة ... واش كتحلم ولا كتخايل الهدرة
لحاج فيقها من سهوتهاا : خررررجيييي علياااا من دااااريييي
تدخل لعم : خويااا عارف راسك شكاتقول ... نعل الشيطااان
ثلوج قربات لعند باها و نطقات كتشوف فعينيه : شكراا ابابا .. شكرا على كلشيي
عطاها تصرفيقة بضهر ايدو حتى دار وجها ونطق بصوت جاف : منشووووفكككش هناااا
ثلوج خرجات فالحين كتبكي الدم ..خلات مها و ختها موراها ايحماقو بالبكا .. كتمشى بخطوات سريعة واخة مكتشوفش مزيان بسباب الضبابة لي تدارت على عينيها والدموع هما سبابها .. قشعات طموبيلتها مشات ليها بالجرى كتشهق بالبكا ..ركبات و كسيرات مخليا لعجاجة موراها .. كانو دموعها دايزين بحال الشلالات مرة تغوت بالبكا و مرة تسكت كتحاول تفهم اشنو وقع وااش هي خايبة حتى لهاد الدرجة باش تعيش هاد لموقف !
جبدات تيليفونها كترعد و تنخصص دوزات لمراد باغا تفهم شي حاجة محتاجة تفسير .. كتصوني و والو مكين حتى جواب ..حتى غوتات باعلى صوتها ولاحت التيليفون عاد زادت فالسرعة طايرة و كتبكيي عينيها حمارو كتحس بقلبها كيتقطع لأجزاء صغيرة .. هاد لموقف جرحها بزااف و خصوصا كلام باها ايبقا محفور فقلبها مستحيل اتنسا ليها

نبدلو لبلاصة..
عينها على الطريق و كتسمع لتوصياتو : قربتيي
لينا : قربت احياتيي .. صافي رتاح هه
أمجاد : فاش توصلي لمطار علمينيي
لينا : واخة كون هانيي
قطعات معاه و زادت فالسرعة باغا توصل عند واليديها تشوفهم خلاص .. متأكدة ايفرحو بيها بزااف خصوصا أن أمجاد زوج مناسب و كتبغييه من لفوق

شافت فالخزان : اوااه مغاديش اكفينيي
بدات كتنقص ليها السرعة حتى وقفات جنب الطريق كتحسر : كان عليا نفحصها قبل نجيي .. شنو اندير دابا
صونات لأمجاد مكيجاوبش .. تنهدات و نزلات باغا تاخد طاكسي حسن . بقات واقفة كتشير بايدها حتى طاكسي موقف ليها كلشي عامر
شوية وهو اصوني ليها التيليفون جوباتو طيرة : الو حبيبي .. تسالا ليا لبنزين شنو اندير
أمجاد شد راسو : فينك نتي ..انجي لعندك
بدات كتدور فعينيها على شي بلاكة باغا تقوليه فين بالضبط .. ونسات راسها كتزيد وسط الطريق
فالجيهة لمعاكسة ليها كانت طوموبيل ثلوج لي جاية ..عينيها حمرين سخفانة بالبكا . عيات تصوني ليه و والو مكيجاوبش .. حتى كتشوف فالتيليفون هاد لمرة هو لي صونا هبطات راسها دوزات لمكالمة و هزاتو حطاه على ودنها
مراد : ثلوج حبيبة عاد خرجت من لخدمة خلعتينيي عليك
ثلوج بغات تجاوبو نتبهات لطريق .. قلبها ولا كيزدح كتشوف مرأة قدامها بدات كتطوط باش تبعد حيت معندهاش كيفاش تحبس لفران وهي اصلا غادة بسرعة
بدات كتبكيي : بعديييي
لينا مشغولة مع أمجاد : صافي بلاما تعدب راسك اناخد طاكسي
ثلوج كتبكيي و كتسمع صوت مراد كيهدر مخلوع فالمكالمة : بعدييييي
غوتاااات باعلى صوتهاا فاش خرجات فيها حتى تلاحت للسما السابعة وطاحت لأرض جثة هامدة .. لفران غلبها وهي مخرجة عينيها حتى دخلات ليها طموبيلتها فالحديدات لي كاينين فجنب الطريق على شكل سور قصير . راسها جا مزدوح على الديريكسون حتى خرج الدم و الدخان ولا طالع من قدام الطوموبيل
هزات راسها بزز كتحس بيه ثقيل عليها .. غا تفكرات اشنو وقع خرجات من اللوطو بجهالة كتغوت و تبكيي بحرقة مخلوعة .. فنفس اللحظة تفركعات الطوموبيل موراها ..متسوقاتش مشات كتعرج لعند لجثة لي مرمية فالأرض والناس دايرين بيها ..جلسات حداها كترجف حاطة ايدها على فمها كاتمة غواتها وعاينيها كيجريو بالدموع .. دورات وجها و زادت الصدمة صدمة أخرى : ليييناا !!
بدات كترعد كلها : سمحيي لياا .. مدرتهاااش بلعانيي س مم اااااااااععععععع
ولات كترجف مليون فالتانية وهي كتشوف الدم تحت راسها
فهاد الأثناء كان واقف مقابل مع لعدول و عينو خارجين كيسمع لتيليفون و الصوت كيتخلل لودنو : سمحي ليا

كانت جالسة حداها كترعد و هازة راسها حطاه على فخدها كتحاول تفيقها : فيييقييي عفااااك ااااااععععع عفااااك الله اخليييك متموتيييش
شافت فالجوقة و الطوموبيلات لي حبسو كيتفرجو : عيطو لإسعاف علاااااش كتفرجووو فيااا
نطق رجل ستيني : عطيت ابنتيي .. نتي بيخييير بعداا جبينك كينزف
ثلوج شافت فييه بنضرة باهتة و رجعات كتمخد فلينا باش تفيق و صوت بكاها كيقهر مبغاتش تدخل لدماغها أنها اتقتل روح بريئة وهي السباب .. كتفكر لمشهد قدام عينيها كتبغي تحماق بالمعقول .. هزات ايدها من تحت راسها كان دم لينا كلو ملطخ بيها بقات كتشوف فييه وهي كتشهق : لالااالالالاالالاالاااالاا مبغيييييتش نقتلهااااا انااا مدرتهااااش بلعااانيييي ااااااععععع
وحدرات راسها كتبكي بأعلى صوتها .. حتى كتحس بايد شي واحد تحطات على دراعها تلافتت مفزوعة و عينيها دايزين بالدموع غا شافتو زادت فوثيرة دلبكا و بدات كتهدر مرعودة و كترجف واصلة لدرجة لحمق : اناااا مدرتهاااش بلعااانيييي هي لي كااانت وسط الطرييييق ... مدرتهاااش بلعاانييي كنحللللف ليييك .. بغيييت منخرجش فيها ولكن كنت زايدة فالسرعة معنديييش كيف ندييير
و سكتات كترعد و سنانها كيقفقفو شوية رجعات نطقات بصوت كيقطع فالقلب : أناا مجرررمةةة
يله بغات تحدر راسها تبكيي وهي تحس بيه جرها و قفها بزز منها . كتنتر ليه باغا تبقا حدا لينا .. محتاجة تعرف راه كتنفس باش تقدر التنفس حتى هي : ببببعدددد منيييي امراااد بببععععد منييي
مراد مخلوع عليها و حاكمها : ثلوج يلللله من هنااا متصعبييش عليااا
هو كيجر وهي كتفركل اتحماق مباغاش تمشي معاه و كتردد نفس لكلمة " انا مجرمة "
مراد غوت : ثلوج حببببسييي نتييي ماشيي مجرمة
ثلوج باغا تفلت منو وهو حاكمها : انا قتلتهااا .. خاااص نتشد فالحبس ااااعععع .. انا مجرررمة .. كنحلف ليييك مدرتهاااش بلعااانيييي امرااد
مراد كيلاهي فيها باغي اخشيها فطوموبيلتو : اه انا عارفك احبيبة دياليي .. عاارف متقدريش تآذي روح
ثلوج بعتاب : انا اذيتها دابا
زرب عليها واخة كتنتر منو .. خشاها فالطوموبيل و سورت عليها ... كانت كتضرب فالباب بجهالة باغا تنزل ..هي مدرتهاش بلعاني باش تهرب
مراد ركب و كسيرا مخلي لغبرة مورااه : ثلووووج نتيي مدرتيهاااش بلعاانيييي
ثلوج اتجهل باغين احمقوها : علاااااااش هاااارب بياااا واااش نتااا حممممق ؟؟؟ ... رجعنيييي مبغيييتش نهررررب امرراااد رجعني ولا ندير شي حاجة فراسيي
مراد حبس لفران حتى تمخدات ودار لعندها زرب عليها فيساع و حط على نيفها كلينيكس حتى غيبات و ترخات
مراد : منقدرش نشوفك كتموتيي قدام عينيي
تنهد و كسيراا : غاديي نحمييك مننهم و منو
تفكر كيفاش كان كيهدر معاها حتى نقاطع الإتصال فداك لوقيتة خدم الجبإس و عرف مكانها .. كان قلبو ممهنيش لبس عليه و جا طير لعندها و كانت الصدمة فاش عرفها دارت كسيدة و طموبيلتها محروقة و هي حالتها جالسة حدى شي وحدة مرمية فالأرض و غارقة دمايات .. و الصدمة لكبرى فاش عرف شكون لجثة لهامدة لي مرخية تمااك .. مقدرش اتخايل أمجاد آل عمران الا شد هاد الشخص لي دار فيها هاكاك اشنو ممكن اديرلو .. أكيد ايحرقو وهو حي
رجع شاف لعندها وهي مغيبة : فبلاصة منحمييك من البوليس خاص نحمييك من تاايغر
زفر و زاد فالسرعة كيطلب الله اخرج هادشي على خير

فالجيهة لخرى ..

أول مسمع صوتها زف بالتيليفون و خرج كيجري خلا لمدعويين منداهشين مفاهمين والو
آريا وقفات مفزوعة : أمجاد مالو
كان حداها أزار : معرفتش ... انا انشوفو
تبع خوه كيجري
آريا : قولي اشنو كين ا أزار .. متخلينيش مشوشة
أزار خرج على برى بان ليه خوه ركب طوموبيلتو وكسيرا حتى تسمع تكشاط الروايد .. عرف شي حاجة واقعة . قلب بعينيه قشع طوموبيلتو ركبها حتى هو و كسيرا تابع خوه وزايد فالسرعة باش الحق علييه .. واخة أمجاد طاير غبرة خافو غا اخرج فشي حاجة
تنهد : شنو واقع
دوز ليه كيتسنى اجاوبو بلا حتى رد .. زفر و زاد كسيرا كيشوفو قاصد طريق لمطار مفهم والو ولكن خاص اتبعو
داز لوقت وهو موراه حتى كيبان ليه فرانة حدى شي جوقة و الناس مجموعين
فرانة حتى هو : شنو واقع !!
هبط بالجرى حتى وصل لعند خوه ..كان واقف موراه و أمجاد عاطيه بالضهر : خويااا !!
هبط عينو فين كيشوف خووه حتى كيخرج عينيه من هول الصدمة : لينااا !!!
أمجاد غا واقف بحال لجماد من ملامحو مكتعرفو واش مصدوم ولا معصب ولا مبرد !! .. كانو ملامحو ممحيين مكيوحيو لوالو
أزار شاف فالجوقة جاعر : مقدرتوووووش تعيييطووو لاسعاااف !!! هدرووو
نطق نفس الرجل الستيني لي كان هدر مع ثلوج : راه قربات اولديي كلا شوية كنشوف فين وصلو
أمجاد مكيسمع والو لهدرة ممفرزاش كتدخل لودنو .. كتبان ليه غا لينا بميكاب لعرس و بمشيطة شعرها مرمية فوق الأرض غارقة و سط دمها ... جمع ايدو على شكل قبضة حتى تعصرو لعروقة وهبط لعندها هزها بالخف وسط ايديه لي تلطخو دم .. فهاد الأثناء جاو لبوليس و الإسعاف فنفس لوقت
نزل واحد من لبوليس عند أمجاد : مسيو أمجاد لمجرم غادي اتعاقب .. غادي نكشفوه و ايستاحق اقوى لعقوبات
أمجاد طول فيه الشوفة ببرودة و مشا لطوموبيلتو كان أزار حال ليه لباب ركبها لور و كسيرا تحت عينين خوه لي جالس حداه كيحاول افهم منين نزلات هاد لموصيبة على راسهم

فالجيهة لخرى ..

كان غادي جاي جامع ايديه لور ضهرو ..و عقلو خدام كيفكر و اتمتم
غا سمع حس ولد خوه تلافت : امدرى لقيتي شي حاجة ؟؟
كريم تنهد : ساعة وانا كنقلب فالقرية حسها مقطووع و مشيت مع الطريق لي كتدي لمدينة و والو
لحاج شاف فحفصة : شفتيييهااا باغاا غا السبة جاتها من لجنات والناس تمشي بحالها
حفصة نفجرات عيات ساكتة ليه : وااش نتاااا مخلييتيي فييها غا لي نسيتيي و باغييهاا متمشيييش ... نتااا جريتيي على بنتك
و سكتات كتبي كانت مرت لوسها لي كتسكت فيها
لحاج غوت : انا من لول قتليها معندك مديري بالزوااج وهي لي خفيفة قاتلي كون هانييي هاد الزوااج بعقلو ... متفقناااش على اجيو هاد لكلاب هازين نيفهم لسما افسخو لخطوبة من بنتيي .. من لول متقبلش بهااااد الزواااج و ملي تدارت لخطبة يعنييي فات لفوت و مخصهااش التفسخ
حفصة غادي اجهلها : هااااد لهدرة باااش اتنفعنا دابا ؟؟؟ لبنت مشااات اعلم الله فيين راها دابا
لحاج كيويل فخاطرو : باغا غا السبة باش تمشيي
حنان غا كتشوف جالسة مركنة و كتبكي على حالتهم ..كيفاش باها مبغاش ختها تمشي وهو مجري عليها و مسمعها خل ودنيها من لفوق
كريم كيصوني ليها و والو : مكتجاوبش خارج التغطية
لحاج : غدا سير للمدينة فيين كارية شوفها واش تماك و عطيني لخبار نمشي ليها
حفصة : و نتاااا ملييي مقااادش على داااك لهدرة لي قلتيهااا علااااش مجرييي على لبنت و ضاربها من لفوووق .. كتصرف بحاليلا مكتعرفش ثلوووج هي رآه مستحيل تبقا تشوف فوجهك مرة خرى .. بنتييي ضاااعت منييي الله ياربييي
مرات لعم : صافي احفصة دابا تباان مغادي اكون واقع ليها والو
سناء بتمياق : تلقاها سكرانة دابا
خنزر فيها خوها : مم مقلت .. و .. والو نمشي نعس
ومشات كتعوج فرحات حيت تفسخات لخطوبة باغا تكون هي أول وحدة تزوج قبل من بنات عمها

فالكلينيك ..

فرانة بسرعة لبرق ونزل طير حل لباب وهزها داخل كيجري كانو كاع حوايجو عامرين بدمها
تلقاو لييه لمسعفين بالبياص حطها عليه يله بغاو ادفعو بيها حس بايدها شدات فصبعو .. ركز الشوفة فيها و صدرو كيطلع و اهبط تأنيب الضمير كينهش فييه حيت خلاها تمشي لمطار بوحدها
لينا فتحات شق صغير من عينيها كتشوف فيه : أمجاد ولديي .. بغييت ولدي منك اعييش ه أ أ
أمجاد بحدة : غااديي تعيشوو بجووج بيييكم .. وغادي تفيقي خلاص بااش نتزوجو كلشي واجد و كيتسناك
بتاسماات ليه كتشهق بالألم وعينيها كيتسدو : بغيت ولدنا اعييش .. امنيتيي اكون عندنا ولدنا بجوج بغيتها تحقق احي اا ت ت يي
غمضات عينيها و ترخات ايدها من صبعو
أمجاد غوت : طييييرووو بييييهاااا
لمسعفين هزو راسهم باه و جراو بيها نيشان لغرفة لعمليات .. كلشي كيتجارا لكلينيك تقلب سفاه على علاه و لمشكلة لكبرى لجراح مكاينش خارج لمغرب .. معرفوش كيفاش اتصرفو و مقادرين حتى اقولوها لأمجاد
حتى تشجع واحد من الأطباء و وقف عليه : مسيو أمجاد
تلافت لعندو بعدما كان شاد جبينو ومكمش عينيه كينهج : شنو ؟
الطبيب : للاسف الجراح خارج لمغرب .. عندو كونجي دابا لمريضة غادي نديرو ليها الازم ولكن ...
قاطعو بحدة كيترعد كلو : عطيني نمرت هااد لحماااار
عطاه الطبيب النمرة و طار من حداه .. أمجاد داك الساعة دوز لرجالو و بالضبط ايدو ليمن : جبدو ليا من تحت الأرض عايش ولا ميت .. قبل اصبح الصباح بغيتو احضر كتسسسسسممممع
خبط قبضة ايدو مع لحيط لي قدامو حتى تزعزع : اتوصلك نمرتو عرفوه فين كاين بجبإس .. يللله قبل اموت شي واحد فيكم
قطع عليه كينهج و صيفط ليه النمرة
شوية وقفات عليه طبيبة : مسيو أمجاد .. انا انتكلف بينما وصل لجراح راه صيفطنا لييه
أمجاد : رجالي مشاو اجيبوه
الطبيبة : عفوا !
رمقها بحدة : ديييريي خدمتتك
هزات راسها باه و مشات لغرفة لعمليات
أمجاد لمشهد لي كانت شادة فصبعو مبغاش احيد من بالو .. مسح على راسو بعصبية علاين اقرعو بالجعرة .. سمع لحس قريب ليه تلافت قشع عائلتو .. ضرب رجلو مع لكرسي لي كان قدامو و خرج بخطوات سريعة حتى واحد معارفو فين غاديي
آريا شهقات : أزار تبع خوووك .. تبعووو لايدير شي موصيبة
أزار : أمجاد خرج حيت مباغي اشوف حتى واحد فيكم داكشي علاش .. كيبغيي ابقا بوحدو فاش تكون واصلة بيه للعظم
آريا عينيها مدمعين :الله ياربي معرت فين كان مخبيي هادشي .. على الأقل سير لمطار جيب خالتك و راجلها و جدودك
هز راسو باه ومشا كينفد كلامها
عنقها ساجد : صافي موقع والو .. الا كان مكتاب هاد لحادث شنو ممكن نديرو حنى
آريا كتنخصص : بقا فيا ولدي مكتابش عليه افرح نهار عرسو .. خرج لعندو الا كان برى
ساجد : أمجاد كيبغي ابقا بوحدو نتي عارفة هادشي
هزات راسها باه كتمنى تكون لينا بيخير

داز لوقت ..
كانت الدنيا مقلوبة بالبكا و الوجوه الشاحبة من غير أمجاد لي غابر ليه الأثر
سكارليت اتحماق بالبكا و آريا حداها كتصبرها : صافي اختيي متديريش هاكة كتقطعيلي قلبيي
سكارليت : بنتيي لينااا مبغيتهاااش تموت .. هي لعندييي بعدما كنت حاملة أول مرة و طاح ليا لبيبي كنت انموت بالقهرة .. حتى جات لينا لحياتنا و نوراتها ا آريا انا الا مكانتش بنتيي قداميي غادي نتبعها مافيهااش .. ولدك مقدرش احميي ليا بنتييي
أمجاد جا مع آخر جملة نطقات بيها تسللات لمسامعو بقا واقف بحال لجماد كيشوف فيها بملامح ممحية
آريا هزات عينيها فيه : ولدي !
سكارليت هزات راسها لعندو بعدما كانت كتبكي .. مشات ليه وقفات مقابلة معاه : شديتو هادا لي خررج فبنتيي ؟؟ هددددر .. شكووون تجرأ اضرب بنتييي بغيييتو امووت و اتعفن بغييتلو الإعدام .. خاصك ا أمجاد تكفر على الذنب ديالك و تجيب ليا هاد لمجرم نتا مقدرتيش تحمي بنتيي ..
قاطعها وعينيه خارجين فيها : صاااااافيييييي باااااااركةةةةة سسككككتتتيييي
بغات تنطق حسات بوجها عواج من اتر الصفعة لي عطاها و خرج من لكلينيك كيفور .. خلا كلشي حال فمو و مصدوم كيفاش حتى واصلة بيه للعظم لدرجة ضرب خالتو لي كبر منو فالعمر .. كان كيقطر بالعرق و صدرو كيطلع و اهبط
آريا تبعات ولدها كتجري و خلات الدنيا مقلوبة موراها : امجااااد
وقف عاطيها بالضهر حتى وصلات عليه : ولدي
دوراتو لعندها و عنقاتو : كلشي ايكون مزيان اولديي .. هادشي ايبقا غا تعاويد
أمجاد بعد راجع خطوة للور : لي كتفهمنيي بين لحياة و لموت .. ختك عندها لحق مقدرتش نحميهاا
آريا كتبكي على حالة ولدها : هادشي مكتاب ا أمجاد
شافتو غادي من جديد بدات كتعيط ليه بلا حتى جدوى

صبح الصباح ..

حلات عينيها بالشوية كترمش .. بقات كتحقق فالسقف كتحس براسها ثقيل عليها .. جمعات لوقفة و بغات تخطوي حتى كتجي عينيها على لمرايا لي مقابلة معاها بقات كتشوف فيها شحال .. هزات ايدها بالشوية حطاتها على لفاصمة لي لاصقة فجبينها مفهمات والو ..بدات كتحسسها و راسها عاطيها لحريق ..شوية بالشوية ولات كتنهج و عينيها خارجين فالمرايا
نطقات حاطة ايدها على فمها كترجف : ميمكننننششش
كتغمض عينيها و ترجع تحلهم .. كيجيو فمخيلتها مشاهد دموية عاد بدات كتسترجع ذاكرتها و لمخدر كيطير منها تدريجياا
رجعات خطوة للور مخلوعة : انا مجررررمةةةة ... أناا قتالة
حطات ايدها على فمها كتبكيي شوية زادت فالوثيرة حتى ولات كتغوت بأعلى صوتها من شدة لحرقة لي عاشت لبارح كلشي رجعاتو فذاكرتها تفكرات لقطة بلقطة بحاليلا يله عاشت داكشي غا شي ساعة دابا
سمعات لباب تحل هزات عينيها كان مراد و فإيدو بلاطو دلفطور : غسلي باش تفطري
جمعات لوقفة و مشات لعندو بدون سابق انذار قلبات ليه داك لبلاطو من ايدو : علاااااااش هربتيييينييي امررااااد علاااش ؟؟؟؟؟ انااا مدرتهاااش بلعااانيييي واااش مكتيييقش بياااا انا مدرتهاااش بلعااانيييي مخاصيييش نهرررب .. انااا قتلتهااا خاااص نتعااقب
بدات كتبكي بجهالة : كااانت حاااملة ... انا قتلت جوووج رواااح امراااد انااا مجرمةةة مخاااصش نعييش
مراد بغا اشدها تنترات منو كتنتف فراسها حتى قاصحت بلاصة لجرح و بدا هواد بالدم من جديد

مراد بعصبية : ثلوووج بااااركة
حكمها مخرج عينيه فيها : وااش عند بااالك ايتيقو الا قلتيي لييهم ماشي لغلاط منك .. هي لي كانت وسط الطريق !! وااش من نيتك باغاهم اثيقو بييك ؟؟ راااه مستحييل اخلييوك حرة
ثلوج بصوت جاف : انا كنستاهل لإعدام ... انا مجرمة سوا بلعاني سوا لا ..أناا قتلت جوج رواااح خاصي نموت لاااش اربييي هي لي مااااتت كون غا كنت أنا فبلاصتهاا
و طاحت لأرض على ركابيها مهزومة كتشهق وحدة مور لخرى
مراد بصوت جاد : شوفي انا خططت لكلشيي غادي نخرجو برى لمغرب
ثلوج غادي احمقوها : واااش كتفهم مباغااش نهرررب .. واااش باغيي تحمقنييي و فهممم انااا مباغااش نهررب
مراد غوت : وااش كتخايليي الا طحتي فايد أمجاد آل عمران شنو ممكن ادير لييك ؟؟؟ نقولييك ولا بلاش ؟ غادي نخرجو من لمغرب ولكن واعدينيي
ثلوج مكتسمعش ليه غا كتبكيي بحال لحمقة
مراد : ثلوج الا كنتي كتبغييني واعدينيي
هزات عينيها فيه : نتا مكتبغينيش .. فبلاصة متصيفط مك و خوك لعند دارنا افسخو لخطوبة كنتي تقولهالي فوجهي
مراد خرج عينيه : كيفاااش !! انا مفراسي والو شكاتخربقيي شهااادشييي
ثلوج جمعات لوقفة بغا تخرج وهو اشدها : حبيبة كنحلف ليك مفراسي والو
ثلوج شافت فعينيه بذبول : هادشي ولا آخر هميي .. خليني نمشي نسلم راسي لبوليس ولا نقتل راسي
مراد حاوط وجها بين ايديه : ثلوج .. حبيبة .. حياتيي سمعيي ليا نتي مدرتيهاش بلعاني كان حادث و مكتاب .. ودابا بغيتك تواعديني
ثلوج بانكسار مرة مرة كتشهق بصوت عالي : شنو !
مراد : الا وقع شي ظرف خايب و قالو ليك واش قتلتي قوليهم ماشي انا
بغات تنطق قاطعها : الا كنتي كتبغيني سمعي مني و لو لمرة .. غادي نقوليهم انا لي كنت سايق طوموبيلتك وانا لي ضربت خطيبت آل عمران .. متافقيين ؟؟
ثلوج دفعاتو : كتحلم
شدها فيساع حكمها : سمعيي منيي ا ثلوج .. ميكونش راسك قاصح هاد لمرة .. تخايلي تشدي فالحبس شنو ايوقع لماماك
ثلوج عاد مكيزيد قلبها اتقطع : ولكن أنا مبغيتكش تشد فالحبس .. يكفيي قتلت جوج رواااح مبغيتش نكون السباب باش تدفن و نتا حي
مراد عنقها : ثيقي بيا .. انشالله مغادي اوقع والو

دازو يومين ..

تقلب لقصر من لعرس و فرح لحزن .. ولي قاهرهم أمجاد لي معارفينش ليه الأثر كيبان مرة مرة
فرانة قدام لكلينيك ونزل داخل لداخل ..كان مغوفل و لحية ولات كتيفة مع هو من النوع لي دغيا تكبار ليه ديما خاص ابقا اقادها باش متغوفلش .. قاد لكاسكيط فوق راسو و مشا نيشان وقف مقابل معاها كيشوفها من الزاج جثة هامدة فوق السرير كيتسمعو غا صوت الآلات
وقف عليه الطبيب : مسيو أمجاد
شاف لعندو بملامح باهتة : كين شي تحسن ؟
تنهد الطبيب : لاسف درنا جهدنا كامل و لجراح سهر على حالتها ولكن ..
قاطعو ببرودة : هاد لهدرة لي كتركب لخز خليها عندك .. كتهمني النتيجة .. فالاول ولدي ماات و سكت و لكن الا ماتت هي اتبعوهاا
الطبيب : مسيو أمجاد كبر عقلك كون أكيد دايرين جهدنا كامل
أمجاد : مشفت والو بغيت النتيجة
الطبيب : غادي تكون انشالله خاص غا الصبر
أمجاد هز راسو باه و تلافت كيشوف فيها بتحصر .. كان جامع ايدو على شكل قبضة حتى وقف عليه واحد من لبوليس : مسيو أمجاد
شاف لعندو : دايرين النوبة ولا !!
لبوليسي : عرفنا شكون مول لفعلة .. وغادي اتعاقب اشد لعقوبات
أمجاد شاف فيه مطول و ركز مع لوراق لي هاز فإيدو : شنو هادشي
لبوليسي : هادو التحاليل ديال دم لمجرم .. لقينا دم اخر فعين لمكان من غير الآنسة لينا
أمجاد هز راسو باه غا ساكت مكتعرفش اش تحت راسو
لبوليسي : نخليك دابا و بالشفا لانسة
أمجاد رجع شاف لعند لينا وخلا لبوليسي مشا .. بقا كيدقق فتفاصيلها ونطق بسهوة : كلهم باغين ارجعو ليك حقك ولكن حتى واحد مغادي ارجعو ليك من غيري
كمش عينيه كيحاول ابقا مكالمي غادي اجيبها غا فراسو و فالناس لي دايرين بييه .. قاد لكاسكيط و خرج بخطوات ثابتة ومرزنة نيشان لطوموبيلتو .. ركبها و كسيرا مخلي لعجاج مورااه

فالجيهة لخرى ..

جالسة مقابلة مع الشرجم لي كيطل على لغابة .. دازت يومين وهي فهاد لكوخ مكتنعسش بالليل غا كتغمض عينيها كتحلم بالكسيدة .. فاقت من سهوتها على صوت مراد : حبيبة
شافت لعندو و جمعات لوقفة : مراد انا هاكة عاد كنحس بالذنب بزااف .. بغيييت نمشيي نسلم راسيي راااه مكنعسش
بدات كتبكي و لجرح كيحيا من جديد
مراد تنهد : ليوم بالليل انسافرو برى لمغرب علاش كتعقدي الأمور .. راك مقتلتيهااش مزال فلكلينيك و فغيبوبة مغاديش تموت
ثلوج : نتا غا كتكدب باش منحسش بتأنيب الضمير
مراد : واش عمري كذبت عليك ؟؟
ثلوج قلبها ممهنيهاش : فيا الجوع
بتاسم : هاني انطيب لفطور
باسها فجبينها و مشا لكوزينة لي كاينة فالكوخ
ثلوج بقات متبعاه حتى غبر على نضرها : ميمكنش نبقا هاكة .. سمح ليا امراد ولكن أنا مجرمة
هزات لكاب لي كانت ملوية فيه لاحتو عليها و قصدات لباب حلاتو و خرجات .. هزات راسها باش تمشي وهي تجي عينيها عليه بلعات ريقها لي نشف و عينيها خرجو .. معرفاتش علاش قلبها و جسمها كلهم بداو كيترعدو .. اللون من وجها التخطف خصوصاً كتشوفو متكي على مقدمة الرونج و كيكمي و انتر .. كيبان مبرد و مكالمي على لآخر
مراد من لكوزينة : ثلوج اري ليا لبلاطو لي فوق الطابلة
شافها مجوباتوش وهو اخرج : ثلوج !

قشع لباب محلول خرج عينيه و قصدو نيشان : ثلوج
بانت ليه واقفة مفيكسية و كترعد : حبيبة
شاف لفين كتشوف وهو اخرج عينيه : تايغر
أمجاد لاح لكارو و عفس عليه برجليه .. عاد وقف و تم جاي ناحيتهم كيقرب بخطوات مرزنيين خاشي ايدو فالجيب ..شوية وقف كيقاد فالكاسكيط : الرومنسية بنكهة لغابة .. عجبتنيي لفكرة
ثلوج حدرات راسها و دموعها دايزين
مراد مشا لعند ايد ثلوج شدها : يلله نهربوو
أمجاد واقف كيتفرج .. غا بغا اجري مراد بثلوج هجمو عليهم رجال أمجاد مسلحين فرقو مراد على ثلوج و جلسوهم على ركابيهم قدام أمجاد لي كيكمي من جديد
طفاه وجبد لفردي ديالو : باش نبدا .. شكون بغا اموت اللول
ثلوج ممسوقاش لرجالو لي شادين عليها لفردي فوق راسها عقلها كلو مع مراد خيفاه اتآذى وهو ماليه ذنب : مرراااااد معندووو حتى دخللل
أمجاد هز حاجبو : عصافير لحب كيدافعو على بعضياتهم
مراد شاف فثلوج : ثلوج نتي مدرتيي والو انا لي خرجت فيها لاش كتهدري هاكة
شاف لعند أمجاد : انا لي كنت انقتلها
ثلوج خرجات عينيها خايفة أمجاد ادير ليه شي حاجة حيت كذب
أمجاد خاطب ثلوج : مقلتيش لهاد لمونيكة مكنبغيش لكذوب ؟؟ .. كان عليك تقوليها لييه
فيسااع رمق مراد و صاوب لفردي نيشان لجبينو : ترحم على روحك
و تيرا فييه جاتو الرصاصة نيشان وسط جبينو حتى غوتات ثلوج باعلى صوتها : لالااالالالاالالاالاااالاا مم مرااااااااااااد ددد
تنترات من رجالو و مشات لعندو مخرجة عينيها اتحمااق : مراااااد لالااالالالاالالاالاااالاا عفااااااك امراااااد .. حياااااتيييي حل عيينيييك باااااش نتزوجوووو شوووووف
أمجاد خاطب رجالو بعينيه باش ابعدو و داكشي لكان بقات غا هي و مراد لي جثة هامدة متكي حداها
طرطق عنقو و مشا لعندها غبرة شدها من شعرها وهي اتجهل بالبكا تقبات ليه ودنو .. دورها لعندو بسرعة و نزل عليها بضهر ايدو : ششششش لااااش كتبكييي ونتي غادي تبعييه
ثلوج مكتسمعوش شكايقول .. هو شادها من شعرها وهي كتنتر باغا تمشي عند مراد كتفركل بغات تحماق غادي تجهل مافيهاش
أمجاد شدها بالغصب جارها من شعرها حتى دخلها للكوخ دفشها برجلو لجنبها جات طايحة على ايديها لي تحردو و بداو كيسيلو بالدم : ميبقاش فيك لحال اتبعيه دابا
ثلوج بقات على نفس لوضعية كتشوف فنقطة وحدة .. مفيكسية ممهتماش لانتظام نفسها لي تخربق كتحاول غا تفهم اشنو واقع ..نطقات بصوت كيقهر و خافت فنفس لوقت : مراد
أمجاد دفل عليها و خرج سد لكوخ ودار لعند رجالو : بدااو
هزو راسهم باه وبداو كيكبو لما لقاطع على لكوخ من جميع لجوانب حتى سالاو و بعدو
أمجاد : صافييي ديو هادا من هنا دفنوه و سيرو
هزو راسهم باه هزو مراد جثة غارق فدمو و مشاو منفدين كلامو
أمجاد طول الشوفة فالكوخ ..عاد جبد لوقيضة من جيبو شعلها و رماها على لكوخ حتى شعل كامل بالعافية كيتسمع صوت لخشب و هو كيتحرق
بتاسم بانتصار : فاينلييي
وقلب الدورة قاصد الرونج .. ركبها و كسيرا مغلي لعجاج موراه .. شوية صونالو التيليفون شاف شكون هز حاجبو و فرانة جنب الطريق عاد فتح لخط : شنو واقع ؟
الطبيب : مسيو أمجاد خاص نهدر معاك فموضوع مهم
أمجاد : كنسمع
الطبيب : لاسف .. .
قاطعو مخرج عينيه : للأسف شنو !!!
الطبيب : لانسة لينا تزاد عليها لحال .. دايرين جهدنا ولكن حالتها ممستقراش نقدرو نفقدوها فأي لحظة
أمجاد جامع ايدو على شكل قبضة وهو كيسمع لييه .. سكت شحال عاد نطق : مكينش أمل !
الطبيب تنهد : نكذب عليك إلا قلت ليك كين أمل
أمجاد : كانت باغا تجيب مني ولد .. كااانت حامللللة بولدييي ميمكنش تموووت
الطبيب : باقيي موصلناش لهاد لمرحلة .. انا غا علمتك باش توجد راسك لأي حاجة ..اقدر توقع معجزة و تحسن حالتها حيت الضربة جاتها فراسها و صعيبة بزااف
أمجاد عض على سنانو كيغلي .. طول فسكاتو عاد نطق : خود من عند لبوليس تقرير ديال التحاليل
الطبيب باستغراب : انا تحاليل
نطق بحدة محاملش راسو : ديال لمجرمة لي دارت هادشي
الطبيب هز راسو باه : واخة اناخدهم .. باغيهم فشي حاجة ؟؟
أمجاد كيشوف لبعيد : حتى نجي و نورييك لاش باغييهم
قطع مركز نضرو لبعييد .. فالأخير زفر و قلب الدورة راجع للكوخ مكسيري بأقصى سرعة .. غا وصل فرانة حتى تسمعو تكشاط الروايد و نزل كيجري حيد لجاكيط بقا غا بالتيشورط .. قرب للباب لي شاعلة فيه لعافية دفعو برجلو حتى طاح على طولتو و دخل كيغوت : فيييينك
دور عينيه كيقلب عليها و لعافية دايرة بييه .. شاف و والو حتى دخلو الشك بيلا تحرقات و ولات رماد .. نفض هاد الأفكار من راسو و قصد لبيت لي كاين تماك واخد حذرو لا تقيسو لعافية واخة شاعلة عاد مكتزيد تولع .. دفع لباب بجهدو كامل حتى تهرس و دخل كيقلب حتى كتجي عينو عليهاا جالسة كترعد جامعة رجليها و مهبطة راسها كتشوف فنقطة وحدة .. كتبان بحال لجماد كيتسنا راسو اتحرق
زفر و حط ايديه على خصرو كيلهت : نوضي تكعدي
مكان حتى رد منها بقات هاكاك كتشوف فنقطة وحدة
أمجاد بانت ليه خشبة غادي تطيح عليها مشا لعندها بجرية هزها بين ايديه و لكن مقدرش احمي رجلها لي قاست لخشبة حتى غوتاات بأعلى صوتها من حر الألم .. بحاليلا عاد فاقت و بدات كتوعى .. مركزاتش فشكون هازها حدها خشات راسها فصدرو كترجف
كانت كتهدر بحروف متقطعة كترعد : ب ب بب بغييي ييت مراااااد ... ديينييي عند مراااد
أمجاد كيشوف لعافية دايرة بيهم من كاع لجوانب : انمشيو لجهنام ماشي عند مراد
عقد حواجبو و شاف جيهت لباب كيفكر فشي حل باش اخرجو .. رسم طراجي فراسو و بدا متبعو خطوة بخطوة حاضي لا تطيح عليهم شي حاجة مشعولة فيها لعافية .. بقا واخد حذرو حتى خرجها على برى و لاحها جات مزدوحة فوق الأرض سنانها شوية و اقيسو التراب
طول فيها الشوفة مغزز .. عاد نصل التيشورط حتى هو . مباغيش اشم ريحتها على حوايجو
ثلوج بقات على نفس و ضعيتها كتنخصص فصمت و عينيها على نقطة وحدة : مراد حياتيي .. رجع ليا
بدات كتبكي غا بغات التقاد فالجلسة حردات رجلها لي تحرقات حتى بدات كتغوت من الألم

أمجاد : سسسسسكتتتتيييي متندمينيش حيت خرجتك من هنااا
هزات حاجبها و دارت لعندو بالعرض لبطيء كيبان ليها كيهدر و كيحرك ففمو .. هدرتو مكتفرزهاش غا كتشوف فيه بحقد شديد لدرجة كون كان عندها موس كون طعناتو بيه عشرة الطعنات حتى اموت و متبردش ليها حرقتها
أمجاد : معااااك كنننهدددررر
ثلوج كتشوف فيه و كتنهج قلبها كيضرب بسرعة و صدرها طالع هابط .. نسات حريقها و جرحها جاية بين عينيها غا اللقطة لي قتل ليها حب طفولتها .. حب حياتها وكان علاين اكون زوجها و شريك دربها
أمجاد عض على سنانو عرف راسو غا كيضيع فالحجرة .. كمش عينيه و هبط لعند التيشورط هزو و مشا لعندها قرب لرجلها وبدا كيحزم فيها و هي كترجف و تشهق مخرجة عينيها فيه
نطق ببرودة وهو كيشوف فيها : موجد ليك مفاجأة زويينة .. اتعجبك حسن من حرقك ونتي حية
بتاسم إبتسامة جانبية : الا حرقتك اتكون ارحم موت لييك وهادشي هو لي مباغييش
غا كمل كلامو حس بالتراب تلاح على عينيه حتى جمع لوقفة كيحاول احيد لغبرة مبقا كيشوف والو ..نطق صاعر : ششششنووووو دددددرررتتييييي
حل عينو بالشوية كينفض وهو جاعر .. قشعها غادة هاربة منو : غاااادييي نققققتلللللك البرهوشة
تضارب مع داكشي حيدو و تبعها كيجري جابد لفردي ديالو : ثلووووووووج
وقف و دور عينيه لقاها طارت حسها مقطوع هز حاجبو حتى بدا كيدخلو الندم علاش نقذها كاع : جنيتي على روحك عوتانيي
بدا كيدور فبلاصتو لجيهات بربعة بحال بحال الأشجار من كاع الجوايه من غير الطريق لي فاصلة لغابة و ميمكنش تهرب منها حيت ماشي مكلخة باش دير هاد لخطوة .. شافت طوموبيلتو يعني باينة ايدوز منها
تنهد و جبد تيليفونو لي كان كيصوني لقاه باه جاوب وهو كيقلب بعينيه : وي لواليد
ساجد : فينك نتا ؟ .. اجي للقصر عائلتك مشوشة علييك
أمجاد : غادي نجي
ساجد : آريا عقلها معاك .. و لينا اتكون بيخير متخافش عليها
أمجاد بقا غا ساكت كيسمع لييه
ساجد شافو مجاوبش : فينك نتا دابا مجاوبتينيش ؟
أمجاد زفر : كنصيد
ساجد باستغراب : كتصيد !!
أمجاد : اه واحد الأرنب ضراتني فراسي باغي نصيدها
ساجد دخلو الشك من ولدو إلا حماق : أمجاد نتا صافا ؟
أمجاد : صافا صافا .. لواليد نخليك دابا
ساجد تنهد : صيد مع راسك .. الله اعاون
قطع مع باه و خشا تيليفونو فجيبو عاد بدا كيحك فلحيتو كيفكر منين تقدر تكون مشات .. نتابه لبقع الدم هز حاجبو و تبعهم بخطوات مرزنيين شاد لفردي فايدو .. غادي بالشوية بحاليلا ضامن فبالو معندها فين تهرب غا كتعيي راسها

داز لوقت وهو تابع الدم و كيكميي واحد مور واحد من نهار بانت فحياتو عاد بدا كيكمي بزاف مكانش من قبل كيشد لكارو غا لجاتو على لكانة و صافي ..
هز عينو مشربن كيقلب لقا راسو واقف حدا شجرة عالية : شفت فالكلاخ حتى عيت و لكن مع هاد لق *** مشفتش ..
دور عينو عوتاني حس الدم مكينش : اذن نتي غا هنا .. هربتي اتموتي تخبيتي اتموتي
كانت فوق منو مباشرة جالسة على جدع الشجرة حاطة ايدها على فمها باش ميتسمعوش صوت شهقاتها .. عينيها كيقطرو بالدموع وحدة مور وحدها حتى وجها تخلط ولا حمر بكترت لبكا .. حالتها كتقطع لقلب خصوصاً فاش كيتجمع عليك جرح لقلب و ألم الصداع ديال الضربة لي فجبينها من نهار لكسيدة .. و لحريق لي فرجلها زيادة على هادشي الخوف و الرعبة لي ركباها من وجودو .. لعنات حضها حتى خرجات فداك الليل و ضربات لينا
أمجاد صعر : ثلووووووووج
سمع تيليفونو كيصوني جبدو عوتانيي و جاوب كان د الخدمة .. بقا مركز مع لمكالمة فحين أن ثلوج كتحاول تخبا بأوراق الشجرة باش متبانش لييه .. هبطات راسها لعندو تشوفو واش مزال واقف لقاتو تابت فبلاصتو مناويش اتحرك بالمرة .. حطات ايدها على فمها ملي قشعات افعى سامة مخرجا لسانها و قاصداه باش تلسعو .. بغات تغوت حيت عندها فوبية من الأفاعي ولكن معندهاش كيف الدير مجرد متنطق غادي احصلها
ولات كترعد وهي متبعة الافعى لي قاصدة أمجاد نيشان ..فهاد اللحظة بداو كيترسمو قدام عينيها لمشاهد لي وقعو قدامها مؤخرا ... لينا فاش تلاحت و طاحت جثة هامدة فوق الطريق غارقة وسط دمها و مراد لي رصاصة وحدة خلات روحو تخرج و تخرج حتى روحها معاه .. كتفكر هادشي كتبغي تحماق معندهاش لقدرة تشوف موت أخرى قدام عينيها .. عقلها وقف على الاستعاب الا زادت شافت شي حاجة أخرى اتكون نهايتها هي مستشفى لمجانين .. رجعات مركزة مع الأفعى .. بغاتو ابعد من تماك باش متوقعش موت خرى عوتاني متقدرش تشوف روح أخرى كتمشي قدام عينيها بعيدا على شكون هو هاد الشخص ..
للحظة غوتااات : ببببببببعععععععدددد من تمااااااك
هز راسو بسرعة لبرق مخرج عينيه بعدما كان مركز مع لمكالمة : جنيتي على راسك
ثلوج كترعد كلها : بععععددددد .. شش شش .. ش وف
أمجاد هاز حاجبو فيها بحاليلا كيقوليها من نيتك هدري مقاد
ثلوج لهدرة مبغاتش تخرج ليها بكترة ماتحبسات ليها النفس بالبكا .. مقدراتش تقوليه بعد ملقاتش شي حل من غير تنقز من فوق الشجرة حتى لعندو
أمجاد تدهشر مكانش عندو لوقت فين افكر من غير تعرض ليها شدها بين درعاتو باش متطيحش .. عندو بيها لغراض لا ماتت مغادي استافد والو
ثلوج نزلات بالخف جات تشدو قمشاتو فصدرو : ببببععععععدددد
هبط عينو لصدرو لي تقمش بضفارها : ششششنووووو دددددرررتتييييي دااااباااا ؟؟؟؟؟
ثلوج كتعرق و عينيها على الافعى كتقرب لعندهم : ش ش ش .. و وف
تلافت هاز حاجبو فين كتشوف ..غا بانت ليه صاوب جيهتها لفردي قتلها فالبلاصة
ثلوج عاد رجعات فيها الروح حيت مغااديش تشوف موت أخرى قدام عينيها .. موعات على راسها شكون نقذات حتى تحط لفردي على جبينها .. هزات راسها كتشوف فعينيه لحمرين
أمجاد مورك على كل حرف : أكبر غلط درتي فحياتك هو هادا
ثلوج كترجف هي راجعة باللور وهو تابعها حاط لفردي فوق جبينها : كتعييي راسك
ثلوج شفايفها كيترعدو : مكفاكش قتلتي ليا حبيبي
أمجاد : غادي تبعييه ميبقاش فيك لحال .. لي كيقيس حاجة أمجاد آل عمران كيتعاقب عقاب خاص

ثلوج : انا مدرررت وااالووو
أمجاد عقد حواجبو و غوت فوجها : سسسسكتيييييي من لكددددوب نتييي لي تجرأتييي تقتلييهااا ... نتييي لي خرجتييي فيييها
ثلوج تفكرات كلام مراد واخة اوقع لي اوقع متعتارفش : ماشي انا لي دخلت فيها .. نتاا غا كتخربق
صعر و هو روحو فالكذوب شدها من شعرها حتى تأوهات و جرها موراه غادي بيها
ثلوج كتنتر و والو : طلللللللققق .. انا مدرت واااالوووو
أمجاد هدرتها كتلعبلو على لميموار كتزيد تعصبو .. صبر حتى صبر ودار لعندها عطاها بتصرفيقة فالبلاصة باش تسكت كلامها كيهرو فودنو
ثلوج جمدات شادة حنكها وكتشوف فيه مخرجة عينيها
أمجاد بعصبية : غاااادييي تسسكتييي ولا هاد لمرة نوبت واليديك لي ايتبعو داك لمونيكة عندك
ثلوج غا كترجف و متبتة الشوفة فعينيه لي خارج منهم الحقد
أمجاد : كلما سكتي و سمعتي لهدرة لعقاب ايكون خفيف عليك
بدون سابق انذار تلاحت على خدو بعضة مكرشة عليه بكاع طاقتها باغا ترجع ليه الجديد و لقديم .. كانت بحال شي مفترس حتى الدم خرج عاد بعدات كتنهج وهو فحالة صدمة
أمجاد حط ايدو على خدو : لا واااااااش من نيتك
عاود صرفقها حتى طاحت لأرض على وجها ... بدات كتبكيي غا بغا اشدها من شعرها لاحت عليه عوتاني التراب و هربات لكن فيساع طاحت فالأرض مخرجة عينيها ملي ختارقتها رصاصة لرجلها
أمجاد صاعر : ليوم نذبح مممكككك
مشا لعندها هزها كتغوت و تفركل مباغاش تستسلم ليه واخة رجل محروقة و رجل مضروبة برصاصة منوياش تهبط سلاحها ..
أمجاد ولا كيغلي ستين جن سابقو .. زرب عليها بزز ركبها على ضهرو وهي كتنتر
ثلوج غادي تحماق اتسطا بالبكا : نزززززلنييييي فييين غادي بيااااا
بدات كتضرب فضهرو و تقمش .. مهنااات حتى خشات راسها فعنقو كرشات عليه بعضة جاعرة
أمجاد عيا صابر لهبالها خسر عليها دقة دلقمها لفمها ونيفها .. دقة خلطات وجها كامل خخ و خلاتها تغيب فالبلاصة فشلانة ولايحة ثقلها على ضهرو
زفر بعصبية : ديريها من الصباح .. كتموتي فالعصا

طول الطريق وهي فوق ضهرو مغيبة و لايحة تقلها علييه .. هبط عينو لرجليها وحدة محروقة و وحدة كتقطر بالدم بسباب الرصاصة .. واخة عرف فين اصاوبها يعني معندهاش تاثيرات وخيمة غا منعاتها أنها تهرب لييه .. وصل لطوموبيلتو حل لباب لورانيي لاحها تماك و سد عليها .. عاد نتابه لحالتو كلو مقموش حتى من شعرو حس بييه كاع تشعكك مشات التصريحة لجدابة خخ ..
قشع بحيرة قريبة ليهم مشا ليها تحدر جالس جلسة لقرفصاء كيغسل فايديه بعصبية محاملش راسو أنه قاصها .. بقا كيفرك وهو مقندش دبصح .. سالا عاد جمع لوقفة كيتمتم تحت فمو و قلب الدورة راجل لطوموبيلتو ركبها و كسيرا بسرعة شاد وجهة لكلينيك ..
شاف انعكاسها فالمرايا وهي تجي فبالو اللقطة ملي عتقاتو من الافعى . هز حاجبو باستهزاء : أول وحدة كنشوفها كتقلب على لموت
شاف قدامو مركز مع الطريق : اكبر غلط درتي فحياتك هو هادا .. أتخلصي كاع هادشي لي دمرتي ليا .. غصة ولدي و لينا مستحيل اغفرو لييك
هز عينو كيبانو شاعلين بالعافية و حجبانو معقودين كيشوف فانعكاسها مطول و الفكرة لي فراسو خدامة مغادي اهنى حتى تنفد

داز لوقت ..

فرانة قدام لكلينيك .. وهو اقشع أب لينا أنيس يله خارج و لسوء حضو تلاقاو عينيهم ضطر أنه انزل عندو بداك لمنضر كلو مقموش و بصدرو عريان بحاليلا كان كيتحارب
أنيس قرب لعندو باستغراب : أمجاد !
أمجاد مراضيش : هانية الأمور ؟
تسالمو مع بعضياتهم
أنيس تنهد بتدمر كانت ملامحو حزينة على بنتو مصبر راسو غا بزز : جيت انا و سكارليت نشوفو بنتنا .. مكيبغيو اقولو والو كيخسرو علينا حالتها مستقرة و ماشي هادشي لي كنظن
أمجاد هز راسو باه و بقا ساكت
أنيس رجع نتابه لحالتو : شنو واقع ليك .. عامر حموم ! و قميش ! واش شي حاجة عضاتك فحنكك ؟؟ و حتى عنقك واقيلة !
أمجاد جمع ايدو على شكل قبضة فاش تفكر شكون داير فيه هاد لحالة : مواقع والو
أنيس عرفو مباغيش اهدر .. معرفش كيفاش بنتو كانت متفاهمة معاه و هو إلا نطق كيقطر جوج حروف شخصية غامضة مكتعرف لاياش كيخطط ولا اشنو فراسو : اه نسيت
أمجاد : شنو ؟
أنيس نطق بعصبية : انمشي لمخفر نشوف فين وصلات لقضية .. قالو بنت لي ضرباتها و هربات و كاينين الشهود و الأدلة ..عرفو ملامحها و رسموهم ..خاص نشوف هادشي .. تبغي تمشي معايا؟
أمجاد : لينا خاص ابقا معاها شي واحد .. نتطمأن عليها عاد نشوف هادشي فين وصل .. لي كتهمني دابا هو صحة لينا
أنيس عجبو لحال وهو اطبطب على كتفو : نخليك دابا تهلا
قاطعو : بغيت هاد لموضوع ميخرجش لصحافة
أنيس : جدك نعمان قايم بالواجب و مانع لخبر
أمجاد : داكشي لبغيت
أنيس : تهلا
قبل امشي رجع لعندو : جدودك من آريا كيسولو عليك .. جي للقصر اتطمأنو عليك
أمجاد هز راسو : انشالله
بقا تابت فبلاصتو خلا حتى مشا أنيس و خالتو لي كانت واقفة كتراقبو من بعيد باين من ملامحها مزالا مقلقة على التصرفيقة لي عطاها داك النهار

تنهد و رجع شاف جيهتها .. حل لباب لورانيي وتحدر هزها عاقد غوباشتو : الناس كتسول عليك المجرمة .. قريب نبينك فالساحة غا عاطيك إجازة دابا
كمش فمو كيتمتم و سد لباب برجليه عاد دخل لكلينيك تحت انضار لممرضات و الأطباء لي كيدوزو مرة مرة فالكولوار .. بانو ليه لمسعفين جايين كيتجاراو بالبياص خلاهم بلاكة و كمل طريقو وهي بين درعاتو مرخية
دخل لغرفة كانت خاوية و مجهزة .. قصد السرير لاحها عليه بحال فاش كتلوح شي حاجة فسلة لقمامة
زفر وهو كينفض فايديه : دعي لربك تعيش لينا .. حيت انغير لخطة و اتبعيها الا ممشاش داكشي كيف راسمو
تنهد و دوز لطبيب لي حضر عندو فالحين : مسيو أمجاد بغيتيني ؟
أمجاد : شوف هادي واش مزالا حية
الطبيب خرج عينيه من حالتها .. قرب لعندها بسرعة متحصر : مالها مسكينة
قفزو بصوتو لحاد : شوووووف مااالهاااا ماااشييي لحالة لمدنية
الطبيب : اوكيي مسيو أمجاد .. كاالم غادي ندير خدمتيي
نتابه لرصاصة خرج عينيه : نمشيي نعلمهم اوجدو غرفة لعمليات
أمجاد كيضرب ايدو على جبينو معصب : هدرتتتك بدااات كتهرنييي معرفتش علاش
شد الطبيب من لكول ديالو ونطق مورك على لحروف : كاع داكشيي لي اتحتاجو جيبو للهناا
الطبيب خرج عينيه : ميمكنش نديرو ليها لعملية هنا لمكان ما معقمش
أمجاد بدا كيحاوط عنق الطبيب بايديه بحاليلا ناوي اقجو لحركة لي خلات الطبيب كيعرق فبلاصتو : دابا اتمشي تجيب داكشي و لا لا
الطبيب هز راسو باه : و و .. وااخة
أمجاد رخف عليك كينفض ليه لغبرة من فوق الطابلية ديالو ببرودة : عقم غا راسك
وتكحاز داير ليه الطريق منين ادوز : تفضل طييييير
الطبيب : أ ا ها .. و .. و اخة
أمجاد قاطعو قبل اخرج : منبغييش هاد لخبار تدور فالكلينيك كتفهم
الطبيب متوتر : كون هانيي
أمجاد : انا هاني نتا لي هنا على حياتك باش تبقا عايش
الطبيب بلع ريقو و خرج بخطوات سريعة اجيب الأدوات الطبية ... واخة مفاهمش شنو باغيه ادير بالضبط

جالس مقابل معاها داير رجل على رجل وكيخنشش فالتيليفون .. طلع ليه لخز وهو كيتسنا فالطبيب اشرف لعندو .. غا تحل لباب بان ليه الطبيب
أمجاد ببرودة : حيت عندك جنسية مغربية خاصك التعطل ! .. تموت هادي لي قدامي نقتلك على هاد التعطيلة
الطبيب بتوتر : لا .. انشالله مغااديش تموت .. أ ا تقدر تخرج باش ندير خدمتي !؟
أمجاد جمع لوقفة حتى طمعو غادي اخرج لكن وقف غا باش اشد من عندو الأدوات الطبية : كيفااش كتخدم بهادشي
الطبيب غادي احمقو : ك ك . . كيفااش !!
أمجاد حط داكشي فوق الكوافوز و هز بانص و مقص : الرصاصة اتحيدها بهادشي ؟
الطبيب كيبلع فريقو : مسيو أمجاد فاش كتفكر؟
أمجاد ببرودة : كنكره لي نسولو اجاوبني بسؤال
الطبيب بقالو غا ابكي خايف تموت ليهم بين ايديه : مسيو أمجاد حياة لمرضى ماشي لعبة
غا كمل هدرتو حس بفمو تزعزع بسباب لكروشي لي نزل عليه .. ضغط ليه فكو
أمجاد : فيقها
الطبيب شاد فمو موعت دبصح : مسيو أمجاد عفاك خرجني من هادشي .. منقدرش
أمجاد : انا قلت فيقها .. واش مكتسمعش ولا كتسمع وكدير راسك مكتسمعش !!
بغا اقصدو و قفو الطبيب مكالي بايديه : صافي تهدن .. غادي ندير كيف طلبتي ولكن إلا مااتت !
أمجاد مطول فيه الشوفة هاز حاجبو حتى خلا الطبيب اخدم بلا هواه : فيقها باش متحسش بالألم
الطبيب عرفو كيطنز .. وكل أمرو لله ودار لي عليه حتى بدات كتكمش فصباعها و ايديها كيرجفو .. رمشات ببطء كتستاعد تحلهم واخة دايخة على الآخر
مجرد ما فتحاتهم على وسعهم جات عينيها فعينيه واقف مقابل معاها بحال ملك لموت .. ولات كترجف فبلاصتها كتصفار و تزراق بالخوف .. قلبها كيضرب بالجهد محساش بالالم ديال رجليها .. حاسة بألم لجرح لي فداخلها هادشي كيحرقها وهي حية .. بدات كتبكي لأول مرة على ضعفها باش ترجع حقها و حق حبيبها .. باغا غا تضبط تفكيرها و ترتاح باش توضاح ليها الصورة حيت مستحيل تسكت ليه وتدوز هادشي بجغيمة لما
أمجاد باستهزاء : مالك حالة فمك .. عمرك شفتيني ؟ ولفيي حيت اتبقاي تشوفيني بزاااف
هز عينو لعند الطبيب : الا حيدت ليها الرصاصة وهي حالة عينيها اتقصح !
الطبيب خرج عينيه : اااه متديرهاش
ثلوج غالب عليها لعيا و لحريق لي عاد بدات كتوعى عليه فرجليها .. شافت فيه بحقد كتنخصص : م ت .. مت
أمجاد ببرودة مطول فيها الشوفة : كتضرك نحيد ليك الرصاصة ؟
ثلوج كتحرك راسها بلا وكتشوف فالطبيب بنضرات لحجر الين لييهم .. باغا تجدب عطفو ادير شي حاجة . الألم مستحيل تصبر ليه
الطبيب بقات فيه : مسيو أمجاد
أمجاد شد رجلها : غمضي عينيك
بغات تنتر حكمها ممسوقش لدموعها و غواتها .. غرص لبانص قريب لرصاصة
أمجاد : ششش بوحاطية مع راسك
ثلوج حطات ايدها على فمها كاتمة غواتها مباغاش تسمعو صوتها باش متبينش ليه راه منتاصر عليها .. وجها عراق و حمار بالبكا الألم قاااااصح بزاف .. راه لحمها لي كيتحل و كيلعب بييه
أمجاد هز عينو لعندها : علاش واقيلة مكنقصحش
دك لبانس فلحمها : مكنقصحش ياك !؟
بدات كتبكي : كك .. ك .. كتقصحنيي .. متبقاش دير هااكة
أمجاد بعصبية : شنو ندير .. نخرج فيك بالطموبيل ؟؟ نكون بحالك ممسوقش حتى نتسبب فغيبوبة شي واحد !! هددددرييييي
ثلوج كتقطع بالألم غادي تحماق بالبكا
الطبيب لمنظر درو فخاطرو : مسيو أمجاد عفاك

أمجاد رجع شاف فرجلها بلاما اجاوبو : غوتيي بغييت نسمع غواتك
مغوتاتش كيف طلب كانت حابسة بكاها واخة الألم غادي اخرج ليها روحها فالبلاصة
أمجاد قاص الرصاصة فين مدكوكة بلعاني حتى غوتات على حر جهدها عاد بتاسم و خرجها : صافي سالينا
بقات كترعد ومرخية .. تفيكسات فجيهة وحدة لحريق لي عطاتها رجلها غادي اقتلها مافيهاش الناس فاش كيحيدو شي رصاصة كيتبنجو باش ميحسوش بالألم و هي تحيدات ليها بلا مخدر .. جهنام بعينيها شافتها
الطبيب عيا صابر : مسيو أمجاد خليني نكمل
أمجاد : الا كملتي نتا غادي التقصح .. انا مكنقصحهاش
شاف لعندها : ياك
حمر فييها بحقد حتى هزات راسها باه
شاف لعند الطبيب : شفتيي مكنقصحهاش
الطبيب قطعت ليه فقلبو : الله اخليييك
أمجاد بعد : ماشي مشكيل ليام طوال علمني كيفاش كتجرك و تداوي ..يلله دير خدمتك متبقاش كتبكي مكنبغيش لبكاا
الطبيب غا كيحرك فمو باه عرف راسو مع واحد حمق معندوش لقلب باش كيحس .. قرب لثلوج دار ليها لبنج فبلاصة الرصاصة وشاف فيها باش تطمأن عاد رجعات فيها الروح و دورات وجها لجيهة لخرى باش ميبان ليها حتى واحد و متخليهمش اشوفوها وهي كتبكي بحرقة و حقدها كيزيد اكبار درجة على درجة .. نار الإنتقام شاعلة فقلبها مغااديش تطفا حتى ترجع كاع هادشي لي دار فيها
أمجاد عساس على الطبيب : كملتيي
الطبيب بتركيز : قربت
داوا ليها رجليها بجوج و حتى لجرح لي فجبينها دواه : كمللت
شافت فيه ثلوج بعدما كانت مدورة وجها .. بتاسمات ليه ابتسامة باهتة : ش .. شش شكراا
أمجاد هز حاجبو وهو كيتفرج فييهم : ككككممملتييي ؟؟؟؟
الطبيب فاق من سهوتو : أ ا ااه كملت
أمجاد : طييير .. قول لشي ممرضة تجيب ليا باش نداوي راسي
الطبيب : واخة
هز داكشي ديالو : بالشفا انشالله متخافيش رجلك اتصح .. والرصاصة كانت غا على السطح معندهاش أضرار اتبرى دغيا
أمجاد كيحك فلحيتو بدا هاد الطبيب كيضرو فراسو : كتحيمر عليا ولا شنو !!
الطبيب خرج فالحين كيتنهد على حالة ثلوج بقات فييه
أمجاد : تفاهمتي مع الطبيب هممم ؟؟
مجوباتوش غا مدورة وجها لجيهة لخرى
أمجاد جبد لفردي ديالو : اش بان ليك نقتلو
تلافتت لعندو مخرجة عينيها بحقد : اشنو دار ليك المجرمممم
أمجاد : بنتو ليا كتعرفو بعضياتكم .. اي واحد قريب ليك نقدر نقتلو
دار ليها اطنسيو بايدو : متعصبينيش .. يللله نعسي تبعاك شلا حوايج
بقات مصمرة فيه
أمجاد بالغوات : نعسسسسيييي
قفزها على صوتو حتى رجعات تكمشات فوق السرير مدورة وجها مكتشوفش فيه وكتنخصص فصمت .. كتفكر اشنو عاشت هاد الاواخر كتبغي تحماق

دخلات لممرضة بعدما دقات : نقدر ندخل
هز راسو باه : مكيناش شي مرايا ؟
لممرضة شيرات ليه بايدها : كينا فالحمام
تلافت لباب دلحمام قبل امشي شاف لعندها مكمشة فوق السرير خاشية وجها وسط ايديها : عنداك تهربيي
مجوباتوش
أمجاد : غادي ندوزها واخة معزيزش عليا لي كنسولو و مكيجاوبش
عقد غوباشتو و دخل للحمام .. غا هز راسو فالمرايا وسع عينيه مصدوم .. طبعة لعضة كبيرة على خدو ..قندش ديال بصح و زادت عصبيتو ملي ركز فالطبعة لي على عنقو بسباب عضتها .. و لقميش لي فصدرو صافي وصلات بييه للعظم ودنيه ولاو كيصفرو من كمية لغضب لي طاح عليه متوالي .. خبط رجلو مع لباب حلو و خرج صاعر : ماااااال مككككك مجهوووولة !!! ؟
لممرضة تخلعات بقات واقفة مصدوم وحاطة ايدها على قلبها كترجع فيها الروح
ثلوج كااع متلافتت لجيهتو واخة قفزها .. زادت تكمشات فعضامها سادة ودنيها مباغاش تسمع صوتو كتحس بروحها كتخرج فاش كتوعى راه هي و ياه فنفس لبلاصة
أمجاد عض على سنانو ومشا طير لعندها نتر ليها ايدها لي حاطة على ودنها : معااااك كنننهدددرر
شافها مكمشة عينيها سداهم و فمها قارمة عليه حتى الدم ديال شفايفها معصور.. هز حاجبو لعباتلو على الأعصاب بغا اسمع ضعفها .. زفر وهبط لودنها عضها فيها حتى غوتات على حر جهدها خلات لممرضة لاصقة فالحيط خيفا على راسها من فيلم دالرعب لي كيتمتل قدام عينيها
أمجاد بعد وشد ليها شعرها غارس ضفارو فييه : بدات كتشدني الندامة حيت خليتك حية .. اااش بان لييك نشعل فييك لعافية دابا
كانت مقوسة حاجبها و حاطة ايدها على ايدو باش تخفف الألم : شعلهاا
عقد حواجبو : اووه مخيفاااش ؟؟
ثلوج بحقد شديد : مكنخافش منكك
هبط لودنها و نطق ببرودة : نشعلها فالطبيب .. يكما صاحبك ؟؟
هزات عينيها فعينيه خارج منهم لهيب لكره : نتا راك مريض
خبط ليها راسها مع السرير و مشا جلس كيخاطب لممرضة : سمعتيها انا مريض .. ديري خدمتك
لممرضة كترعد فبلاصتها شهادشي كتشوف قدامها : و و واخة
غمض عينيه و رجع راسو للور كيماصي فجبينو افك داك لغوباشة
لممرضة حالة فمها فالعضلات السداسية و الصدر للحديدي واخة كلو مقموش ..سهات فييه
أمجاد جاه لعيا عينيه كيحرقوه عكز احلهم.. نطق وهو سادهم : سربيييي
حس بالقطن كيتحط على خدو بالشوية .. شوية تحط بالجهد حتى حرقو داك لبغودوي
حل عينو مقندش .. بقا مكوانسي : نتتييي ! !
كانت جالسة على لكرسي لمتحرك بالفاصمة على رجليها بجوج بحاليلا مهرسة عاد لفاصمة لي على جبينها .. كتبان كلها معطوبة
أمجاد دور عينيه على لغرفة حس لممرضة مكينش
قطعاتو : مشات
هزات عينيها فعينيه : كيف داويتيني خاص نداوييك أولا ! .. مكنبغيش شي واحد إمن عليا من بعد
أمجاد كمش فمو كيتمتم : قو ** من قدامي بلاما نردح مممككك
ثلوج ببرودة كتقاد لقطن : كنت عرفاك حمار ولكن دابا زدت تأكدت
أمجاد هز حواجبو أول واحد كيتجرأ و اعيارو فحياتو هي هاد لمخلوقة لي قدامو : هاد اللسان لي عاجبك اخرتو ايتقطع على ايدي
ثلوج بتاسماات ليه إبتسامة صفرا : خفت بزااف
أمجاد داير نفس الابتسامة لي دايرة : خاصك تخافيي
قرب لعندها غادي على قد عقلها : داويي نشووف
ثلوج : نبدا لييك بالعضة ديال حنكك و لا عنقك .. لا بلاتيي يكما هاد لعضلات لي تقمشو لييك
أمجاد :مزيان ملي عارفة راسك اش دايرة
ثلوج هزات لقطن فيه لاصيطون لي كيحيد صباغة الضفار .. حطاتو على بلاصة لجرحة حتى كمش عينيه من الألم : اوووه يكما قصحتك ؟؟.. صبر الدوا هااكة شغانديير
معرفاتش امتى غرس صباعو وسط شعرها حتى ضراتها الضربة لي على جبينها .. تأوهات من الألم علاين اقرع ليها راسها : أول مرة كنعرف كاينة شنيولة .. وكينا نتي
غوت فوجها : بدلي هاد لاصيطون لي دايرة فالقطن بلاما نبدل ليك لافيشوغ ديال كمارتك
ثلوج عينيها مغرغرين قصحها : ر ر . رخف عليااا الله اعطيك لعذااب
أمجاد خبط ليها جبينها بلاصة لجرحة : دعي فخاطرك .. وانا ندعي فخاطريي باش لعداوة متكبارش بزااف
ثلوج عرفاتو كيطنز بقات غا كتشوف فييه بحقد معرفاتش اش دارت فحياتها حتى تجمع مع عدوها فنفس لبلاصة
أمجاد : ييييللللله داااويييي نشوووف
بدلات لاصيطون بالدوا مع شهقات خفاف حيت راسها عطاها لحريق .. هزات لقطن حطاتو على خدو وهي كتبكي مقدراتش تخبي دموعها
أمجاد : بوحاطية مع راسك
مجوباتوش وكملات داكشي لي كتدير مباغاش تعاكسو حتى تفلت بروحها منو .. حيت فبلاصة ميقتلها هي مهددها اقتل شي واحد قريب ليها
كملات و دازت لعنقو كتنخصص وهي كتداوي فيه
أمجاد مدور وجهو لجيهة لخرى كيتمتم : مجهولة
ثلوج كمشات فمها و بركات على لجرح حتى زفر : راااااه غاديي نصمككك مكككك
ثلوج ببرائة : مدرت والو
أمجاد شد جبينو : اش درت فحياتي حتى نقذت هاد لميكروب من التشواط
شاف لعندها : كون خليتك كورااه تشوطتيي
ثلوج : كون خليتيني كنت انفرح حيت انموت
أمجاد : اتموتي ولكن على كانتيي .. صبري على خبزتك
ثلوج : غادي تندم حيت خليتيني عايشة
بتاسماات ليه باستهزاء
أمجاد : داااااويييي
خنزرات فيه و رجعات كتداوي على سعدها و وعدها
أمجاد كيشوف لجيهة لخرى : بالشوية بلاما نكرد لمكككك ايديييك
ثلوج : شنو الذنب ديالي الا كنتي بوحاطي !

كملات ليه داكشي وهي كترعد من لداخل .. الشخص لي دمر ليها مستقبلها و حب حياتها جالس قدامها مقادرة دير لييه والو .. فوضع مكيسمح ليها حتى باش تهز عليه ايدها و متسكتش لييه .. عرفات راسها خاص تضبط أفكارها و اكيد اتلقا لوقت فين ترجع دقتها هاد لحرقة لي شاعلة فيها من لداخل واخة تشوفو وسط لعافية مغاديش تبرد لييها .. لجرح لي سبب ليها كبييير بزااف
أمجاد جمع لوقفة : غادي نصيفط ليك لممرضة
وخرج زادح لباب عليها حتى قفزات .. مجرد مبقات بوحدها طلقات لعنان لدموعها كتنخصص .. هاد لمرة محبساتش شهقاتها بالعكس خدات راحتها ما كين لي غادي اشوفها من غير لي خلقها

كان غادي فالكولوار وهو كيهدر مع واحد من رجالو : دير داكشيي لي قلت لييك
عاد قطع معاه و خشا تيليفونو فجيبو
داز على غرفة لينا حل لباب و دخل كيقرب لجيهتها بخطوات ثابتة .. جر كرسي جلس عليه و شد ايدها وسط ايدو كيدقق فتفاصيلها ..كيتسمع غا صوت الآلات فقط
أمجاد بجدية : لي دارت فييك هادشي اتندم ميليون مرة على استهتارها .. غادي نخليها تشوف جهنم لحمرة .. اتعيش لموت لبطيء مستحيل نخلي هادشي لي وقع لييك ادوز على خير
طبطب على ايدها : من ديما نتي لي كتفهميني .. و عمرك رفعتي صوتك عليا اولا عصبتيني .. من ديما دايرة ليا لخاطر ودابا جات نوبتيي باش نرجع لييك هادشي كامل .. حالتك لي وصلتي ليها دابا ا لينا مستحيل نسكت عليها .. خاص تعيشي باش تشوفي و لدك منيي .. ايكون ولدنا بجوج وغادي اعيش معانا بجوج
تنهد : خاص تفيقي باش نكملو عرسنا
باس ايدها و جمع لوقفة : خاص تفيقي الينا
جمع ايدو على شكل قبضة وهو كيشوف فيها جثة هامدة فوق السرير مكتحركش .. عينيه خرج منهم لهيب لحقد و الشر كمشهم و قلب الدورة خارج على برى
فهاد الأثناء جا عندو واحد من رجالو عطاه الأوامر امشي اعس على غرفة ثلوج ميتململش من تماك .. عاد قصد فين كاين مكتب الطبيب غا وصل دخل بلا إذن
جلس مقابل معاه و ملامح الطبيب فدهشة : فينهم التحاليل
الطبيب : هاا .. ه هاهما
أمجاد : هاد التحاليل شنو كيبينو ؟
الطبيب : م م مفهمتش !
أمجاد هز حاجبو : عمري شفت شي طبيب مكلخ
زفر : مولات هاد التحاليل بغيتها تهز ولدنا فالرحم ديالها .. يعني اتكون الأم لبديلة
الطبيب خرج عينيه وهو كيبلع فريقو : مسيو أمجاد هادشي ميمكنش !
أمجاد : شنو لي ميمكنش بسلامة؟
الطبيب : لي فهمت من كلامك بغيتي ولدك نتا و الآنسة لينا تهزو ديك لمريضة فالرحم ديالها
أمجاد : تماما
الطبيب طول الشوفة فالتحاليل كيهدر مع نفسو اش جا مفهم سي أمجاد رآه ميمكنش تكون الأم لبديلة خرجان لعقل هو هدا
هز راسو لعندو : هادشي لي بغيتي صعيب بزااف .. ولكن انشوف هاد لحالة واش ممكن انعقد اجتماع دابا مع الأطباء
أمجاد : بغيت نحضر لييه
الطبيب عرف راسو معندو فين اهرب : و .. واخة
هز لفيكس تحت نضراتو و خبر السكرتيرة تعلم الأطباء بالإجتماع عاد جمع لوقفة : اجي معايا
أمجاد كيدور هاكاك بصدرو عريان ممسوقش لعالام .. تبع الطبيب حتى وصلو لقاعة الاجتماعات
دخل الطبيب و تبعو كلا واحد خدا ليه كرسي بينما جاو الأطباء لاخرين .. داز شوية دلوقت وهما اتجمعو كيتساءلو شنو سبب الاجتماع
نطق الطبيب : ليوم جمعتكم باش نقوليكم شي حاجة
تنهد وهو كيشوف فأمجاد : الا بغينا نستعملو رحم آخر باش اكبر لجنين شنو هما الشروط
واحد من الأطباء هز حاجبو بحاليلا كيقوليه من نيتك هاد السؤال : شنو لزوم هاد السؤال ؟
الطبيب 1 : سولتك جاوب باش افهم مسيو أمجاد خطورة لوضع
الطبيب 2 : أول حاجة الأم لبديلة لي غادي تهز فالرحم ديالها لجنين خاص تكون ديجا والدة على الأقل اكون عندها أول مولود
أمجاد غا كيشوف فيهم عاطيهم لخاطر حتى استنتج آخرة هادشي
الطبيب 1 : فالحالة ديالنا .. مسيو أمجاد بغا لبويضة ديال الآنسة لينا و الحيوان المنوي ديالو فاش ايتخصبو اتم لوضع ديالهم فرحم امرأة أخرى
شاف فأمجاد : لمريضة فايت مزوجة ؟
أمجاد : لا
الطبيب خرج عينيه : م مي ميككنشش
أمجاد بدا كيطلعلو لخز : متقولش ليا ميمكنش .. هاد لجملة حيدها من بالك بدات كتهرنيي
نطقات طبيبة هاد لمرة : يعني مزالا بنت !
أمجاد هز كتفو : منعرف
الطبيبة تنهدات : ضروري هاد لعملية ؟
هز راسو باه
الطبيبة : خاص تعرف أن الأم لبديلة يعني لي غادي تهز الجنين فالرحم ديالها .. ضروري تكون والدة من قبل حيت غير هادشي ايكون خطر عليها و خطر كبير مزال .. و اقدر كاع أدوية الخصوبة بحال لكدمات فمكان لحقن اولا التفاعلات التحسسية لمؤقتة تكون مؤلمة بالنسبة ليها .. هادشي ماشي ساهل امسيو آل عمران .. اقدر من بعد عمرها تولد طبيعية واش الأم لبديلة موافقة على هادشي ؟
أمجاد زفر : انا موافق .. موافقتها ماشي مهمة
الطبيب تنهد : هادشي خطيير .. لي صحيح فالعملية كاملة هو الحيوان المنوي لي انخادو ليك .. اما الآنسة لينا حتى هي فغيبوبة و يلله طاح ليها لجنين يعني دوك لمسالك مزالين ممأهلينش باش ناخدو لبويضة ..
أمجاد ببرودة هاد لهدرة مدخلالوش لراسو غا كيضيعو فالحجرة : امتى اتدار لعملية ؟

الطبيب غادي احماق : مسيو أمجاد الله اخليك تفهم لحالة ... رآه ميمكنش الآنسة لينا خاص مدة صحيحة باش تشافا عاد غادي نعطيها أدوية انشطو ليها عمل لمبايض .. باش نحصلو على عدد من لبويضات .. من بعد انخصبوهم بالحيوانات المنوية ديالك و خاص نتبعو الاخصاب لمدة خمس أيام عاد نوضعو لبويضة فالرحم و نرجعو الأجنة .. هادشي راه دقيق و مساهلش واقدر ميصدقش
أمجاد غادي اركب فيهم السكر : ساليتو الاجتماع ؟؟
جمع لوقفة : انا قلت لعملية اتدار هي اتدار .. عتابروها حالة جديدة خدمو عليها و كلمة ميمكنش مبغيتش نسمعها .. مكتدخلش ليا لراسي
غا كمل كلامو و خرج خلا الأطباء فحيرة من أمرهم

قصد نيشان غرفة ثلوج كانو رجالو واقفين تماك .. دارولو التحية كيحتارموه
خدا من عند واحد منهم تيشورط لبسو و دخل لعندها لقاها ناعسة موصدة ايديها .. كمش فمو و خرج : ديرو بالكم معاها .. متخليو حتى واحد ادخل لعندها حتى تكون فعلمي انا
هزو راسهم باه عاد مشا
فطريقو لقا الطبيب : امتى اتبدا ؟؟
الطبيب عرف راسو خاصو اغامر فهاد لحالة : خاص ندير التحاليل لي انحتاج عاد نبدا
أمجاد : مزيان
الطبيب : هادشي فيه خطر على حياة الأم لبديلة
أمجاد : مسوقكش فهادشي .. دير اش قلت ليك و صافي
الطبيب تنهد : كنتمنى تعاود تفكر فالموضوع
أمجاد مورك على لحروف : بغيت ديك ختنا متعرف والو على لموضوع .. . نعرفها سمعت بالموضوع انذبحك
الطبيب بارتباك : لا كون هاني
أمجاد طبطب على كتفو و بغا خرج على برى
الطبيب قاطعو : آل عمران .. غدا خاص نقوم ليك بشي فحوصات
أمجاد هز راسو باه : غا سربيي شغالك
الطبيب : تهنا من هاد لجيهة

بعد مرور أسبوع ..

واقف مقابل معاها داير ايديه فجيابو حاضيها من الزاج .. بتاسم بانتصار فاش عرف لعملية نجحات .. ليوم خاص تحل عينيها .. كيتسنا هاد اللحظة بفارغ الصبر

أما ثلوج فكانت ممدودة فوق السرير مجايبة لدنيا خبار معارفة راسها من رجليها .. محساش باشنو داير بيها ولا اشنو دارو ليها .. يومين باش مخدرة و مغيبة على لواقع حتى وصلات الساعة لي ايتلاشا فيها لمخدر عاد بدات كتحرك فصبعها بالشوية .. كمشات عينيها بحركة بطيئة عاد حلاتهم كتحس بالضبابة على عينيها و الألم فكااع أعضاء جسمها ..
مجات فين تصحصح حتى سمعات لباب تحل ..تلافتت لجيهتو بصعوبة .. جات عينيها فعينيه بقات كتشوف فييه باستغراب عاد بدات كتوعى على شكون هو وفين هي
أمجاد غا شوية و دخلو الأطباء موراه دايرين بيها كيفحصو فييها
نطق واحد من الأطباء : باش كتحسي ا آنسة ؟
ثلوج شداها لبكية : فيا لوجع فكرشيي .. احساس فشيشكل فكرشي
كمشات عينيها : عضامي كيضروني وفيا الدوخة .. عفااك دير شي حاجة فيا الدوخة بزااف
أمجاد زاد بتاسم ملي عرف لعملية نجحات حيت هاد الأعراض هما لي كتوقع فيهم الأم لبديلة بحال أعراض لوحم لعادية .. هي دابا هازة لجنين ديال لعدو ديالها فالرحم ديالها و بلا خبارها من لفوق
الطبيب طمأنها : غادي تكوني بيخير خاص غا تبعيي الأدوية لي انوصف ليك
هزات راسها باه وهي متحصرة كتفكر إلا بقات عايشة اصلا
خرجو الأطباء بقا غا أمجاد واقف بعيد منها
ثلوج تلافتت لعندو : شنو وقع ليا المجرم ؟
أمجاد مجوبهااش سكت شحال عاد نطق : تقدري توقفيي ؟
ثلوج هزات حاجبها
أمجاد : قلت مع راسي الا قدرتي توقفي على رجليك انخليك تمشي بحالك
ثلوج وسعات عينيها بفرحة .. معرفاتش منين جابت الجهد باش جلسات فوق السرير واخة الدوخة ممخلياها دير والو .. دارت بجسمها كامل و دلات رجليها باغا تهبط توقف على الأرض واخة لموت شداها
أمجاد قاطع حركاتها : بقاي هاكاك
ثلوج : ياك اتخليني نخرج ؟
أمجاد : اه ولكن ماشي للحرية
بتاسم بمكر عاد تلافت لباب : دخلووو
تحل لباب و دخلو لبوليس فايدهم لمينوط
ثلوج خرجات عينيها لما جمد ليها فالركابي
أمجاد ببرودة : لمجرمة قدامكم .. بغييت أكبر لعقوبات اكونو فحقها زائد أنها هربات من لعدالة هادشي بغيتو ازيد اغرق ليها لعقوبة
غا كمل كلامو تلافت لعندها : خودوها من هناا
نطق واحد من لبوليس : كون هاني أمسيو آل عمران
ثلوج هبطات راسها لكرشها لي عطياها حريق فشيشكل .. بقات على نفس لوضعية مكمشة عينيها كترجف حتى كتحس بالمينوط على ايدها
لبوليسي : نوضيي معاناا
فهاد الأثناء دخل واحد من الأطباء غا شاف لمنظر خرج عينيه : فيين غااديين بالمريضة !!
تلافت لعند أمجاد : مسيو آل عمران .. شنو واقع ؟
لبوليسي : غادي نديرو خدمتنا
الطبيب : لمريضة خاصها الراحة .. شوفو حالتها
لبوليسي : كتبان بيخير
الطبيب بغا انطق قطعاتو : انا بيخيير
بتاسمات ليه ابتسامة باهتة وتلافتت لعند لبوليسي : يلله نمشييو
كانت كتهدر بلاما تشوف لجيهتو بحاليلا مكاينش تماك
الطبيب متحصر على حالتها : على الأقل تحيد لباس لمرضى
ثلوج : بغيت نمشي من هنا فيساااع
الطبيب شاف فأمجاد قرب لعندو كيخابرو : آل عمران رآه بحال هاكة مستحيل لجنين اتبت فالرحم ديالها .. خاصها الراحة التامة حيت النفسية لمتدهورة كتأتر
أمجاد : عارف شكاندير
الطبيب : آل عمران سمع مني الا بغيتي لعملية تنجح
أمجاد زفر : كاينين أطباء خصيصاً ليها .. اتكون تحت عنايتهم
الطبيب عاد رتاح نسبيا : مزيان
ثلوج شدات فدراع لبوليسي كتوكي عليه باش تحط رجليها فالأرض
أمجاد هز حاجبو حتى من لبوليس بداو كيتعاملو معاها بلطافة بحاليلا ماشي مجرمة صعر : وااااااش هااااكة كديييرو خدمممتكممم ؟؟؟؟
ثلوج رخفات من لبوليسي بعدما وقفات خافتو اقتلو حتى هو : شكرا
بتاسم ليها لبوليسي : تقدري تمشي ؟
هزات راسها باه واخة لحريق ديال عضامها كيتزاد و الدوخة كتقطع فيها
الطبيب قاطعهم : بلاتيي تجيب ليها لممرضة لكرسي لمتحرك
أمجاد بغا انطق هدنو الطبيب بعينيه كيفكرو فالعملية .. مسح على راسو و طول فيها الشوفة : لا غا ركبوها على ضهركم شكا تسناااو
عض على سنانو و قصدها زرب عليها هزها بين ايديه بلاما اهبط عينو لعندها .. شاف فالبوليسي : دير ليها لمينوط فإيديها بجوج
لبوليسي دار ليها لمينوط فالبلاصة بحاليلا أمجاد لي بوليسي ماشي لاخر خخخ
ثلوج غا حادرة راسها مكتنطق بحتى حرف .. الشيء لي كيزيد من عصبيتو و جنونو . مكتعبرش على حزنها ولا خوفها .. غا ساكتة كاتمة أحاسيسها ولا امكن مبقاتش كتحس
خرج بيها من لغرفة غادي فالكولوار و البوليس موراه
أمجاد هبط عينو لعندها كتشوف لجيهة لخرى : و اخيييرا اتدفعيي الثمن ديال تقيسي شي حاجة دياليي
بقات مدورة وجها كااع مجوباتو
أمجاد تجنن وهو عاقد غوباشتو : اتعفنيي فالحبس
تلافتت لعندو حتى جات عينيها فعينييه : لحبس رحمة بالنسبة ليا على أنه نكون برى كنتشارك معاك نفس الأوكسيجين .. ربيي كبييير و مكيخيبش الضالم .. ايجيي واحد النهار لي اتخلص كااع هادشيي انا مسميتيش ثلوج الا مخليتكش تجرب لحرقة و تعذب و التضلم كيف ضلمتيني
بتاسمات ليه باستهزاء : ممكن تسربي تحطني .. حيت كنحس بالخنقة
أمجاد عض فمو من لداخل و زير عليها بين ايديه.. وصل لطموبيل دلبوليس حل ليه لباب و حطها .. قبل اسدو عليها هبط لودنها و نطق بهمس : اتبقااي ديما تحسيي بالخنقة .. حيت ديما اتكون شي حاجة دياليي معااه
هز راسو شاف فعينيها : مبرووك علييك لحبس
بتاسم باستهزاء وهو كيسد لباب .. فالحين ركبو لبوليس و زادو بحالهم
أمجاد غا تلافت لقا الطبيب واقف مصمر : مالنا ؟
الطبيب تنهد : متأكد اتكون لعناية ؟ كان بإمكانك تقوليهم اششدو عليها لحراسة حتى تصح و تولي بيخير عاد اشدوها .. ولكن
أمجاد : بديتي كتضرنيي فراسيي .. ديها ف***
الطبيب شافو داخل لكلينيك وقفو : خاص نهدر معاك فموضوع مهم
أمجاد هز حاجبو بحاليلا كيقوليه شكاين ؟
الطبيب قرب لعندو حتى وقف مقابل معاه : الآنسة ثلوج فاش درنا ليها لحقن بعدما خصبنا بويضات الآنسة لينا و لحيوان لمنوي ديالك ودازت خمس أيام عاد حقناهم فالرحم ديالها
أمجاد : ختااصر
الطبيب : الآنسة ثلوج نضرا لأنها بنت و عمرها والدة من قبل ... و عندها بكرة مطاطية فاش عملنا ليها لحقن اترجع تسد ليها لبكرة يعني اتلقا صعوبة ملي تقرب لولادة .. واش نولدوها ولادة قيصرية ؟
أمجاد طول فيه الشوفة : لا غادي تولد عاديي
الطبيب خرج عينيه : ك ك كيفاش !! .. اذن خاص نحيدو ليها لبكارة
أمجاد خنزر فيه ومشا كيتمتم : انفرع مهاا نحيد ليها لبكارة انا نيت

وسط لحقول كيدورو هو و ولد خوه على لمحصول ..كانو ملامحو شاحبين عقلو غا مع بنتو
شاف لعند كريم : فاش مشيتي اولدي ملقيتيهاش ياك ! .. قوليا شي حاجة خرا من غير هاد لجملة
كريم تنهد شحال من مرة كيسولو نفس السؤال : لحاج ثلوج اتكون بيخير .. متخافش عليها ميمكنش تبقا غابرة علييك .. اتجيي أكيد
لحاج كيويل فخاطرو مراضيش اقول انا السباب : كانت على سبة باغا غا تهرب .. تجيني نيشان و تقولي مبقيتش بغيتكم فحياتيي
كريم تنهد ضرو راسو بهاد لكاسيطة : لحاج نسا .. كلشي ايكون مزيان
لحاج : هاهو ناسيي
سكت كيتمتم و لخوف مسيطر علييه .. داخلو كيفكر فبنتو فين غابرة و على برى دافع السنطيحة وكيقول هي لي على سبة
خرجو من لحقل غادين جنب الشانطي .. حتى كتكلاكصوني عليهم رونج من لور تلافتو بجوج
لحاج : آل عمران ! !
كريم : ايكونو جاو على حساب الأرض
لحاج : اجي نقربو لعندهم
فهاد الأثناء هبط ساجد كيقاد لافيست ديالو .. قرب لعندهم تسالم معاهم : جيت على قبل موضوعنا
لحاج : كنت انتاصل بييك .. مزيان ملي جيتيي
ساجد شاف جيهت الرونج دار ليها إشارة باش تنزل .. غا عطاها الإذن حلات لباب و نزلات كترجع فشعرها للور
وصلات لعندهم : هاااي
ساجد بجدية : اش قلنا ا ندى
ندى بتاسماات ليهم ابتسامة بزز : سلام
لحاج : بحالها بحال بنتي .. كيلبسو جوج شراوط
كريم تلافت عاطيهم بالضهر كيحاول احبس الضحكة .. عاد تلافت لعندهم
ندى قشعاتو فاش دار هاد لحركة هزات حاجبها مرضيااش
ساجد : هادي بنتيي قبل الصغيرة .. متبعة فالهندسة الزراعية و عندها سطاج داكشيي علاش جبتها معايا تستافد شوية
شاف فبنتو : عجبك لحال ؟
ندى دورات عينيها على لمكان كتعوج ففمها : كينا لغبرة
لحاج : هادي هي لقرية ابنتيي .. ضروري من لغبرة و لعجاج و الرعد
ندى بتاسماات ليه بزز كلباقة قدام باها : اه فهمت
كانت واقفة متحسسة من صبيبيطها اعمر بالوسخ
ساجد : اوا اش درنا فالأرض ؟
لحاج : لمشكيل تحل شحال هادا .. غانتوما لي غبرتو مبقيتوش جيتو باش نقوليكم اش كاين
ساجد تنهد : وقعو ضروف عائلية داكشي علاش .. شنو دابا الأرض أمورها تقادت ؟
لحاج هز راسو باه : كلشي هو هاداك
قاطعتهم ندى : بابا واخة نشوف الأرض ؟؟
ساجد : حتى نبغيو نمشيو و شوفيها
لحاج : هاهو كريم اوريها الأرض .. انا وياك خاص نمشيو عند سكان لقرية باش اتنازلو لييك و اوقعو
ساجد : اه مشا من بالي هادشي
شاف فبنتو : شوية و انجي .. الا قنطتي صوني ليا
ندى حركات راسها باه : اوكااي
طبطب على كتفها و مشا هو و لحاج
كريم تلافت عاطيها بالضهر غادي قدامها
ندى هزات حواجبها : واش انمشيو نشوفو الأرض ؟؟
مجوبهاش غادي خاشي ايديه فجيوبة لمونطو
ندى وجها حمار مرضاتش : معااك كنهدر
متسوقش ليها ..بقات تبعاه كتنقز فبلاصتها كلما شافت شي حاجة موسخة اتعفط عليها .. قرفانة من الطريق و مرضياش : تسناا القروييي
وقف عاطيها بالضهر عاد تلافت لعندها بالعرض لبطيء : شنو قلتيي ؟
قرب لعندها محمر فيها : سولتك جاوبيي ؟؟
ندى هازة عينيها فعينيه كتبان بحال لكميشة قدامو : قتلييك تسنى القرويي .. مرضيتيش مالك ماشي قرويي
لاحت شعرها للجنب كتعوج ففمها و مشات قدامو كتبعكك : مرضيتيش بأصلك و لاشنو
كريم شد جبينو كيهدر مع راسو : صباار .. صباار دابا تغبر كمارتها
تبعها : ماشي من تمااك
تلافتت لعندو : أ ا نعاام القرويي
قصدها طير شدها من دراعها : الا كنت قرويي بصحتيي .. و سكتيي قبل متخلي هاد لقرويي اهز ايدو علييك
خرجات عينيها فيساع تنترات منو : كيفااش كتجرأ .. واااش عااارف راااسك معامن كتهدر ؟؟؟ مع ندى آل عمران كتسسسمع
هزات صبعها كتهددو : تعاود تهدر هاكة لمرة لماجية ..
مجات فين تكمل كلامها شدها من فكها : كمليي نشووف
بغات تنتر زير عليها مهبط عينو لعندها حيت قصيرة مقارنة معاه : مالك سكتيي
دفعاتو من صدرو و مشات كتبكيي : باااابييييييي
بدات كتمسح فدموعها : غاادييي نقولهااا عليييك لبااابييي كنحلف ليييك غادي اندممك .. والله حتى تكحلها
بدات غادة و كتنخصص
كريم تنهد كيمسح على شعرو : مااااشيييي من تماااك الطريييق
تلافتت لعندو : مسوووقكش القروييي
كريم : كاينيين الضبوعة إلا مشيتي من تمااك بغيتيهم اياكلووك ؟؟؟
قلبات الدورة راجعة لعندو كتنخصص و مرضيااش تهبط دوك الدميعات ..غا كتطيح شي دمعة تمسحها طيرة
كريم تكحاز داير ليها الطريق : دوزيي نورييك الأرض .. الآلة ندى آل عمران
قالها بالتطناز حتى حمرات فيه : بزااف عليك انا .. لقراويي مسخ
ومشات كتعوج قدامو عاجبها راسها
كريم : تهدن اكرييم تهدن .. لحاج دار فييك التيقة
ندى تلافتت لعندو : اوا سربيي رااسك
كريم : خدام عندك ولا !!!
ندى بافتخار : اااه حيت نقدر نشرييك و نشري هاد لقرية كاملة لي نتا ساكن فييها القروييي
بتاسم ليها ابتسامة صفرا حتى وصل لعندها عاد قلب ملامحو مخنزر .. شدها من دراعها مزير عليها و نطق بعصبية : معرفتش علاش محملتكش من أول شوفة .. طلي على راسك فالمرايا اتموتي فسمممك
رخف منها و مشا
ندى كتجنن : فييين غاااديي ؟؟
شاف لعندها : قو*** لمدييينة ابنت لمدينة
مشا و خلاها فداك لبلاصة بوحدها كتغبن : غاديي نقولها علييك لبابيي والله حتى تكحلها القروييي لمسخ .. تفو على عقلية عندو
دورات عينيها على لبلاصة شبه خاوية : هننن باابيييي

بعد مرور يومين..

يلله خرجات من لحمام بعدما ستفرغات .. غادي تحماق مفهماش حالتها كلا شوية الدوخة .. هاد ليومين خاطرها مروع عليها بزااف وكاع عضامها مدكدكيين عطياها غا لنعاس .. مسحات وجها و تخشات فبلاصتها كتدور الأحداث لي عاشتهم مؤخرا فبالها .. توحشت عائلتها بزاااف توحشت غواتهم عليها .. توحشت حنية مها و قصوحية باها . سرا معاها داك لكلام لجارح لي قال ليها مكيسوا والو قدام هادشي لي عاشتو .. توحشت سداجة ختها بتاسمات فاش تفكرات ملي قاتليها غا نخدم نشري ليك تيليفون ..تفكرت لوكالة. لخدمة لي كانت كتحلم بيها .. بدات كتبكيي فاش جا فبالها مراد مقدراتش تسكت من لبكاا دموعها دايزين بحال الشلالات بلا حتى صوت معندهاش الطاقة باش تغوت و تخرج الألم لي كاتمة لداخل
بقات ساهية فنقطة وحدة : مقدرتش نجيب لييك حقك امراد .. انا بصح مجرمة و مكنسوا والو .. توحشششتك بزاااف توحشششت ضحكتك .. توحشششت كلامك الزويين .. توحشششت فاش كنتخاصمو .. توحشششت توبيخاتك ليا .. كنت فرحانة وانا معااك حبك ديما كان معايا فينما مشيت
كمشات عينيها كتبكيي بحرقة : انا مكنستاهلش داك لحب امراد .. انا ممزياناش و مقدراش نجيب ليك حقك وسط هاد ربعة لحييوط .. ولكن على الأقل فرحانة حيت انكفر على الذنب ديالي واخة مدرتهاش بلعاانيييي ولكن أنا تسببت فموت روح بريئة .. قتلت جنيين امراد و الأم ديالو فغيبوبة معرفتش واش اتصح و لا لا
مسحات دموعها كتنخصص و غا ساهية فنقطة وحدة .. مبقات فاهمة والو حياتها كلشي ولا فيها بالمقلوب .. حتى من لحبس مفهماتوش ! علاش عاطيينها غرفة نقية و زوينة مجهزة بكلشي كاع داكشي لي تقدر تحتاج فيها .. لحمام و لكليمة ..الخ .. حتى من لماكلة فالوقت و صحية .. و مرة مرة كيجي عندها طبيب اتطمأن على صحتها وفاش كتسولهم علاش كديرو معايا هادشي كيكتفاو بالصمت حتى كتبغيي تحماق .. اخرتها اتدخل لمستشفى لمجانيين ..غادي اسطيوها
شافت فالكلاندغيي لي لاصق فالحيط .. بقات سيمانة باش تحكم لمحكمة بالقرار ديالها و حتى هي واجدة لهاد النهار .. متعكساتش معاهم غا سولوها عودات ليهم بالتفصيل كيفاش وقعات لكسيدة أما موت مراد سكتات عليه حيت عارفة واخة تهدر مغادي تنفعها هدرتها بوالو معندها حتى دليل اتبت أمجاد لي قتلو .. كتدعيي الله غا تجي عندها لفرصة باش تنتاقم للموت ديالو حيت لعدالة مغاديش تاخد ليها حقها منو

تنهدات مخيفااش من لحكم حيت باغا تكفر على داك الذنب واخة مدارتش لا بايديها ولا برجليها .. ولكن محتاجة تكفر عليه بااش ملي تغمض عينيها تقدر تنعس بحالها بحال الناس
سمعات لباب كيتحل بالساروت .. جلسات بعدما كانت متكية كتقول مع راسها واقيلة تنادم معاهم لحال باش اديونيي لشي زنزانة نتعفن فيها ..حيت هادي ماشي وقيتتة لغدا باش اجيبو ليها لماكلة !
تحل لباب : عندك زيارة اجيي معاناا
ثلوج باستغراب : زيارة !
وقفات فدهشة كتساءل شكون ممكن ازورها .. لبسات فرجليها و مشات معاه غادة فجنبو فالكولوار كتدور فعينيها على لمحابسية وجهم كيخلع ..كتحمد الله حيت عاطيينها غرفة بوحدها واخة مفهماش علاش دارو معاها هاكة ولكن على الأقل مخيفاش و كتنعس فبلاصة نقية و مريحة
وصلها لغرفة الزيارة : دخلي
حل ليها لباب حتى دخلات مكاين حتى واحد : علاش جابوني لهنا
ركبها لخوف تلافتت باش تسولو وهي تلقا صاحب دعوتها واقف خاشي ايديه فالجيوبة كيشوف فيها .. زاد غوفل على قبل. كيبان مقندش كيف ديما مكين حتى جديد فالملامح ديالو
ثلوج مشات بخطوات سريعة كتدق فالباب : خرجنييي من هنااا
بدات كتدق بالجهد : مبغيييتش هاد الزيااارة .. خرررجنيييي
أمجاد شدها من دراعها بالسيف عليها : حتى واحد مغادي اسمعك
جرها جلسها بزز : كتعيي فراسك على والو
ثلوج بغات توقف خنزر فيها : جلللسسسسييييي
جمعات لوقفة و ضربات ايدها على الطابلة : لاااااش جاااي يااك انا فالحبس .. ياااك انا مجرمممة و غاديي نتعاقب ..نتاا لاش جااااي بغيييت نفهممم ؟؟
أمجاد هز حاجبو : أول حاجة خفضي صوتك باش نقدر نتحاور معاك بلا شي كروشي نهرس لممككك سناااانكك
ثلوج : مجلساااش .. مغاديييش نجللللس
دايها على قد عقلها : مغااديش تجلسيي ؟؟
قرب لعندها مهبط راسو كيشوف فعينيها بحقد : باش نبدا بالطبيب ولا لبوليسي لي كتشكري فييه .. ولا بلاتييي نبدا بعائلتك يااك ؟؟؟ سمععت عندك ..
قطعاتو بتصرفيقة حارة على حنكو : ككككنننننكككككررررهككككككك
بدات كتنهج حتى جاتها الدوخة ..جلسات فوق لكرسي كترعد كتحاول ترجع نفسها .. بدات كتبكيي بسبب الألم لي فكرشها شوية مسحات دموعها كأن شيئا لم يكن فاش تفكرات وجودو كاين حداها .. قررات من ليوم متبين ضعفها لشي واحد كيما بغا اكون
أمجاد جلس مقابل معاها كيهدن فراسو بالسيف على التصرفيقة لي عطاتو .. غا هازة ولدو فكرشها أما اخمجها على هاد لفعلة لي دارت
بتاسم بمكر وهو كيشوف فيها : عنديي ليك مفاجأة
هزات عينيها فعينيه بعدما كانت شادة راسها بالحريق : شي مفاجأة كتر من هاد لمفاجآت ؟؟ ! .. شنو مخبيي مزااال يكماا قتلتيي شي واحد من عائلتيي و جااي فرحان باغي تفرحني بالخبر
نطقات عاضة على سنانها : مبقيتش كنخاف منكككك
أمجاد جبد من جيبو شي حاجة حطها ليها فوق الطابلة
ثلوج ستغربات فاش شافت صبيبيط ديال لوليدات الصغار : شهااادشييي ؟؟؟

نطق ببرودة : مكتشوفيشش
بغات تنطق قاطعها : بلاتيي مزال مكملتش لمفاجأة
جبد ليها شي وراق حطهم قدامها .. خداتهم من عندو بسرعة كتقراهم بستغراب .. بقات مصدومة فيهم و عينيها خارجين كتقرا و تعاود .. بدات كترعد وهي كتقرا ورقة بورقة عاد هزات عينيها فعينيه كتبلع فريقها : لايااش هاد التحاليل
أمجاد باستهزاء : علاش أمية مكتفهمييش !!
ثلوج شافت فالتحاليل و رجعات شافت فييه كترجف : مفهمتش ؟
كمشات لوراق وسط ايدها .. وجمعات لوقفة مشات نيشان لعند لباب كتدق بالجهد : حل لبااااااب ححلللل بغيييت نرجععع مبغيييتش هاااد الزيااارة
سكتات كترعد فااش حسات بانفاسو موراها .. دارت فيساع مخرجة عينيها دفعاتو على صدرو : بببععععععددددد كتسسسسمعععع
شدها من ايديها كتنتر ليه و حكمها مع لحيط مبرد مكتعرفو معصب ولا مكالميي : عزيزة علييك لعصا
جمع ليها ايديها بجوج بايد وحدة و الايد لاخرة شد بيها فكها مزير عليه علاين اهرسو : امكن مفهمتيش التحاليل .. انفهمكك انا
ثلوج كتبكيي ..عيات تنتر و والو بحال الصخرة مكيتحركش
أمجاد قرب لودنها نطق بصوت جد مستفز و بهمس فنفس لوقت : نتي حاملة بولديي انا و ليناا
بعد كيشوف فعينيها لي خرجو : هاازة ولديي فكرششك
شااف فكرشهاا : متعصبيش راسك باش متجيبيهاش فصحتك
ثلوج معرفاتش منين جاتها الطاقة حتى دفعاتو على حر جهدها و غوتات ليه فوجهو : لالااالالالاالالاالاااالاا كتتتتحللممممم ... غاااا كتكدب نتاااا غا كدااااب و مجرممممم
بدات كتضرب فكرشها بايديها بجوج : هنااا مكااااين والووو المجرمممم .. مستحيييل نتييق بيييك كتفهممم
مشات لباب كتدق بقوتها كاملة غادي تجهل جاها انهيار عصبيي : خرجووونيييي من هنااااا ااااااااعععععع خرجووونيييي
بدات كتنتف فراسها حتى شدها وهي كترطا .. شبعاتو قميش فعنقو و حناكو
صعراتو : هدااااااييي راااه غادييي نخمج ليك كمااارتتتتككك
ثلوج تنترات منو و بعدات كتنهج : ااااخررر مرة تجييي لعندييي ااااخررر مرة
بغات تمشي شدها من شعرها و لولا ليها اديها مور ضهرها .. كان كينطق مزير على سنانو و انفاسو لحارة كتضرب على وجها : متخلينيييش نصدق داااير شي حاجة تندمييي عليهاا .. الا طاااح هااد لولد لي نتي هاازة فكرشككك غاادييي نقتل عائلتك واحد بواااحد بلاما نحن فشي واحد .. بغييتي تجربييي ؟؟

ثلوج بدات كتبكيي : نتاا كتكذب .. هادشيي ميمكنننششش !! غا كتكذب
أمجاد : نتي حاملة بولديي سوا تيقتي سواا لا مغاديي اتغير والووو
بتاسمات باستهزاء : داكشيي علاش عاطينيي غرفة مجهزة بحال لقصور !؟ .. داكشيي علاش الأطباء كلا شوية كيجيو عنديي ؟
أمجاد بتاسم إبتسامة جانبية : بصراحة منكرش انك ذكية
زير على شعرها حتى تأوهات مقوسة حاجبها .. من غير دموعها لي هواديين بلا صوت : غاااادييي نقتلو مستحيييل نخليييه
أمجاد عاض على سنانو : متقدريييش حيت عارفة لعوااقب
ثلوج : علاش آل عمران بعضامتو ايخلي ولدو اكبر فالحبس ؟؟ .. نتا كتكذب عليا هاد لمسرحية مغاديش نتيقها
أمجاد : لولد فاش ايتولد غادي ناخدو ونتيي اتكملييي حياتك فالحبس .. عجباتك لفكرة؟
رخف من ايديها و شد فكها مزير علييه . نطق بعصبية عينيه خارجين فيها : خاصك ترجعي ليا ولدي لي قتلتيي
ثلوج دفعاتو كتنهج .. تلافتت عطياه بالضهر : بغييت نخرج
أمجاد كينهج : دعيي لربك ليناا تعييش
حل لباب وخرج زادحو
بقات واقفة بحال لجماد فبلاصتها حتى دمعة مهبطات .. غا كتشوف فحالة صدمة عقلها مبقاش كيستوعب اش كيوقع ليها .. عينيها حتى هما بكترة لبكا نشفو من الدموع غا قلبها لي كيبكي وخايفة شي نهار احبس حتى هو حيت مبقا عندو فين ازيد
دخل عندها لبوليسي دار ليها لمينوط عاد وعات على راسها و تبعاتو ساهية فنقطة وحدة .. شوية هبطات عينيها لكرشها مطولا الشوفة فيها .. هاد لفكرة مستحيل تدخل ليها لراسها .. وصلها حيد ليها لمينوط عاد دخلها و سورت لباب
ثلوج نتابهات لوحدة جالسة تماك بلباس لممرضات : شكون نتي ؟؟
لممرضة وقفات : مسيو أمجاد قالي نبقا معاك 24 ساعة على 24 ساعة
ثلوج بدات كتسرا معاها لفكرة ... ولات كتنهج عاد فهمات علاش الدوخة و النعاس كاع النهار وحتى مصارنها لي كيبغيو اتصاصو بسباب الإستفراغ : ميييمممكننننشششش
شافت فالممرضة : خررررجيييي علياااا
لممرضة حدرات راسها : عندي أوامر خاص نطبقهم
ثلوج كترعد مشات نيشان تقابلت مع لمرايا لي فوق لكوافوز كتقيس فكرشها : لالااالالالاالالاالاااالاا
هزات ديكور زفات بيه على لمرايا حتى تشخشخات .. وهزات جاجة بغات تضرب ايدها
لممرضة تخلعات شداتها قبل تجرح معصمها : آنسة شكادييرييي
ثلوج كتنتر :دخليييي سوووق رااااسكككك
لممرضة كتحاول تنقد لموقف و كتشوف عند لباب : عتقونييي
دخلو عندها جوج من لبوليس شدو ثلوج قبل تقطع لعرق دإيديها
لممرضة كترعد خايفة أمجاد اسيق لخبار : انمشيي نكلم الأطباء
ثلوج عيات تنتر ليهم فالأخير سخفات طايحة ليهم بحال لجثة

داز هاد النهار وجا نهار جديد ..
جالس شاد راسو بين ايديه لقصر مبقاش كيمشي لييه غا مرة مرة و اجي .. جو لكآبة مكيحملوش فاش كيمشي كيلقاهم غا حزنانين وهادشي كيزيد اجعرو لفييه اكفييه
حس بشي واحد حط ايدو على راسو ..هز عينو كانت آريا
رجع لنفس لوضعية : لبرازيلية صافا
آريا تنهدات وهي كتمسح ليه على شعرو : ولدي حبيبي .. لينا الا مكتاب ليها تعيش اتعييش علاش معاطيش الراحة لراسك
أمجاد رجع شاف فيها : لينا اتعيش
هزات راسها باه : غاديي تعييش
أمجاد تنهد و شاف قدامو مطول
آريا : علاش لبوليس مبغاوش اقولو لينا سميت لبنت لي ضربات لينا .. فاش كيمشي انيس و سكارليت مكيخليوهمش اشوفوها
أمجاد جمع ايدو على شكل قبضة : قولييهم اشدو لرض بلاما نصدق ناسي راهمم من لعائلة
آريا خرجات عينيها : شهاد لحالة وليتي فيها مبقيتش كنعرفك ؟؟ .. زائد هادشي سكارليت وانيس واليدين لينا من حققهمم .. وااش نتا لي موصي لبوليس ميكشفوش على لبنت ؟؟!
أمجاد : ما موصيي والو
آريا : متأكد !
جمع لوقفة : آريا متحكريش علياا
جمعات لوقفة حتى هيا كتنهد : راجع راسك اولديي .. وعطي ليك الراحة شي نهار اطرطق فيك شي عرق و فكك داك لغوباشة لي مكتابة هي لي كاينة
أمجاد غا ساكت كيسمع ليها ..

دازو أيام و بالضبط اسبوع .. غدا نهار لمحاكمة
كان ناعس على كرشو دايرين بييه لمخااد .. وسط عمق نعاسو صونا ليه التيليفون بقا شحال كيصوني و اعاود عاد حل عينو هزو حطو على ودنو بلاما اشوف شكون .. غا سمع لخبر حل عينيه مخرجهم فيساع توكد : كيفااش ! !
جمع لوقفة فيساع كان ناعس غا بشورط قصير فالأسود : انا جااااااايييي
قطع كينهج .. فيساع دخل لحمام و خرج كيمسح على شعرو ماشي بزاف دلوقت حتى كان لابس عليه و هابط فالدروج بالجرا
قشعو ساجد خارج : أمجاد فين غاديي ؟؟
أمجاد مجاوبوش خارج بحال لوحش
ساجد تعرض ليه : شنو واقع ؟؟
أمجاد : لينا .. خااص نمشيي
خرج برى لقصر ركب وكسيرا
ساجد بقا واقف مفاهم والو .. من ملامح ولدو عرف اتكون شي خبار ماشي حتى لهييه
آريا واقفة ليه عند راسو من الصباح كتسول فيه و هو محاسش : سااجد مكتسمعش
ساجد فاق من سهوتو : قلتيي شي حاجة !
آريا : مال ملامحك مبدليين شنو واقع ؟
ساجد تنهد : واقيلة واقعة شي حاجة للينا
هاد لجملة جات نيشان فالمسمع ديال سكارليت داك الساعة حماتها للبكا و تقلب لقصر كامل لجنازة قبل اعرفو شنو واقع بالضبط

أمجاد فرانة ودخل بالجرى .. لقا الطبيب خارج من لغرفة بملامح ممحية : شنوو وااااقععع
الطبيب كيتأسف : لمريضة عطاتكم عمرها .. لبرااكة فرااسك
أمجاد بقا غا كيشوف فيه مصدوم : كتقصد فاقت يااك ؟؟
الطبيب : لاسف الآنسة ماتت .. ترحم عليها
طبطب على كتفو ومشا متأسف
أمجاد بقا واقف فبلاصتو كيشوف فنقطة وحدة و هدرت الطبيب كتدور فراسو .. ممتيقش مشا نيشان لغرفتها لقاهم كيحيدو ليها الآلات صعر : علاااااااش كتحيدووووهممم ليهاااا
جات لعندو طبيبة : مسيو أمجاد تهدن .. عارفة الأمر صعيب التقبلو و لكن هادشي لي عطا الله
أمجاد دفعها و مشا قرب لسرير حيد لغطا من على وجها .. بقا كيشوف فيها شحال .. عاد رخف على لغطا و خرج بخطوات سريعة فطريقو لقاهم كيتباكااو وصلاتهم لخبار
آريا بغات تجي لعندو وقفها بايدو : حتى واحد ميقرب لياا
ساجد بجدية : أمجاد مديرش هاكة
أول مرة كيغوت فوجه بااه : ليييي كتتتفهمنيييي ماااااااتتتت وااااش كتفهمووو ماااااااتتتت ... صافيييي بحححح مبقاااتش
ضرب رجلو مع لحيط وخرج كينهج
آريا كتبكي : تبعو لا يدير شي حاجة فراسو
ساجد : ششش أمجاد قوي
آريا : عنداك تقلق منو حيت غوت علييك .. هو محاسش براسو شكايدير دابا
و سكتات كتبكي
ساجد تنهد : فاهم كلشي .. ولدي و عارفو

دازو ساعات و جا الليل
عطا لفلوس للحارس لي واقف فالباب : شفتي شي حاجة ؟
لحراس : لا
حل لباب و دخل لعندها مطول فيها الشوفة ناعسة مكمشة فوق الناموسية .. نطق ببرودة وهو كيقرب لعندها : غبرت عليك هاد السيمانة
شاف فالوقت معندوش خاص اتصرف فيساع .. وداكشي لي كان هزها بين ايديه بالشوية شاد راسو بزز عليها باش متفيقش وتفسد ليه لخطة .. خرج من لباب نيشان لطراجي لي راسم وهي بين ايديه نعاسها ثقيل مكتفيقش فيساع
خرج على برى نيشان لطوموبيلتو ركبها وكسيرا بسرعة .. حتى وصل لمطار هزها عوتاني نيشان لطائرة لخاصة وهي مجايبة خبار عارف كيفاش اخدم بلاما افيقها .. حطها مقابلة معاه و جلس قبالتها داير رجل على رجل كيلعب بالسوارت

طلعات الشمسية و حلات عينيها كترمش .. ليوم لمحاكمة واجدة لأي قرار تخداتو فحقها .. تكسلات فبلاصتها وجلسات ..عاد سرات معاها ناعسة فوق كنباي ! شوية حسات بشي واحد قريب ليها غا دورات راسها جات عينيها عليه كيلعب بالموس لي شاد
نطق ببرودة وهو مركز مع لموس : ماااتت .. هيي مااتت
شاف فيها : قتلتييها
جمع لوقفة وتم جاي لعندها قاصدها وهي راجعة باللور كترعد فبلاصتها

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.