خرجات عينيها و تنترات منو راجعة بلور : ميمكنش .. لا نتا غا كتكذب ! . . ميمكنش تكون جبتيني لبرازيل
دفعاتو على صدرو و مشات جيهت لباب ديال لقصر باغا تحلو وهو معكس معاها .. بدات كتضرب فالباب بكل قوتها حتى ايديها كاع تجرحو و بداو كيسيلو بالدم .. متسوقاتش لييهم لمهم عندها هو تنجى بروحها منو
أمجاد مسح على راسو و مشا جلس فوق لكنباي مشبح تماك لايح ايديه و رجليه فوق الطابلة : علااش كتعييي فراسك على والو مفهمتش
ثلوج معياتش من نفس لحركة جهلات حتى شدها لوجع فكرشها .. هبطات راسها ليها كتماصي بايديها حتى حسات بالباب تحل .. هزات راسها شافت على برى و رجعات شافت جيهتو
أمجاد حط الريمود باش حل لباب و بدا كيلعب بالموس مبرد السوق : سيري راه حليتو لييك
ثلوج تلافتت تشوف على برى كتنهج .. خرجات بالجرى كتقلب على لمخرج دبرى .. دارت بكااع جوايه لقصر و والو غا الحديقة لي كاينة .. حتى حس بوابة خرجانية مكاين
شدات راسها اتحماق : فيين جايبنيي هاد لمجرم
بدات كتبكييي بغزارة حدما مكاينش حداها .. جلسات تحت واحد الشجرة تماك .. تلافتت لقات فيها ارجوحة بقات كتشوف فيها بابتسامة باهتة .. عاقلة فصغرها شحال كانت كتحماق عليها .. فالإبتدائي دوزات حفاضتو غا فوق الأرجوحة حتى كيوصل الليل عاد كتدخل
حطات ايدها على فمها حابسة الضحكة فاش تفكرات جملة مها حفصة " النهار و مطال و نتي فوق ديك الأرجوحة داكشي علاش سمرا لاش سميتك ثلوج لله و اعلم "
سهات وهي مبتاسمة كتشوف فالأرجوحة : سميتي ثلوج حيت قلبي بيض .. ولكن سودوه ليا اماما .. شحال هادا فاش كنت صغيرة كنتي كتقوليلي سنبلة حيت كنطير ديما دايرة لمشاكيل .. كيبانلي هاد الشخصية اترجع و خاصها ترجع مخلاونيش ندير عقليي اماما
جمعات ايديها و رجليها لعندها خاشية راسها وسطهم كتبكيي على حالتها معارفة راسها حتى فين هي .. بقات على نفس لوضعية حتى حسات بشي واحد غرس ضفارو شد ليها شعرها مزير عليه
دفعاتو و هربات لداخل سادة عليه باب دلقصر و كتبكي : ياربييي اقرصوك و نهنى ياربييي
غا سدات لباب فوجهو مشات بالجرى جلسات على لكنباي جامعة رجليها لعندها كترعد : ولد لحراام جايبني لهناا بدات كتبكييي .. شوية حسات بالباب تحل و دخل لوحش لي جاي مقابل معاها
ثلوج راجعة باللور لاصقة على لكنباي
أمجاد جا جلس فوق الطابلة مقابل معاها فارق رجليه : أول ذنب درتي سخن عليك راسك سبيتيني فالانسطا .. ثاني ذنب وليتي كتخشي راسك فشي حاجة مكتخصكش تحت مصطلح الصحفية لعميقة و الفاشلة .. ثالت ذنب طليتي جديي بالحنة وانا مكنحملش حتى خززز ريييحتهااا .. رابع حاجة دخلتيي فالمرأة لي كانت اتكون مراتي و نهار عرسناا .. خامس حاجة شتتي مهاا فوق الأرض و صيفطتيها كومة لكلينيك
بدا كيكمل فهدرو وهو مزير على سنانو : ساااادس حاجة هربتييي وخليتيها جثة غارقة فدمها و متسوقتيش واش اتموت و لا تبقا حيةة .. سابع حاجة قتلتيي ليا ولديي لي كنت فرحااان بييه ... ثامن حاجة قتلتيي ليا لي كانت غاديي تكون مراتييي و أم ولدييي
حطات ايديها بجوج على ودنيها مباغاش تسمع لييه .. حتى حسات بيه حيد ليها ايديها من على ودنيها و قرب كيهمس ليها فيهم : هاد لغابة بعيدة ب 32 كم على سواحل مدينة سان باولو
دفعاتو و ناضت كتجنن : دايرليي فييها عالم الثعابين
أمجاد : لخطأ رقم حداش
مشات فيساع جلسات قدامو معندها فين تزيد شي أخطاء الضوسي عمر خخ
أمجاد : نزيد ولا براااك
ثلوج مكمشة عينيها مقدراش تخايل حتى شكل الثعابين .. نطقات بصوت باكي : علاش جايبنيي لهنا ؟؟ .. بااش كلا شوية ادخل ليا شي ثعبان ولا افعى ياك
ثلوج هبطات راسها كتنخصص على حالتها .. قوتها لبدنية مكتسوى والو قدامو معندها كيفاش تدافع على راسها ولا شكون احامي عليها .. معندهاش حتى لفلوس باش تكون فنفس لقوة ديالو و ميقدر اصور منها والو ولكن !! ماشي كلشي كيمشي كيف بغينا .. صاحب لمال هو لي كيفرض سيطارتو
أمجاد شد خصلة من شعرها بدا كيقطع فيها بالموس : اتجييك لكوب زويينة
ثلوج ولاو فيها عشرة مشات لعندو نيشان نزلات عليه بتصرفيقة حارة : كنككككررررهكككك .. كنشمأز مننكككك يااارييييت معتقتكش داك النهااار ياريييت
أمجاد شاد حنكو كيسمع ليها
ثلوج كتبكيي بحرقة و كتغوت فوجهو : بغيييت ليييك لموووت بغيييتك النعااس عمممرككك تشوفو مزااال .. فرحااانةةة حيييت كتعدب من لدااخل على ولدك و لينااا .. بغيييت هاد لجرح لي درت ليييك عمروو ابرىى بغيييتك عمرك تهنىىى فحياااتك كتسسسسمعععع
غا كملت كلامها نزل عليها بتصرفيقة حتى كانت اتطيح على كرشها غا شدها ملصق ضهرها مع صدرو : شششش تهدنييي بغيتيي تطيحيي لبيبيي ؟؟ .. شششش كاااالممم
شاف فشعرها : تهدنييي بااش نكمل داكشي لي بديت على خاطريي مديرونجينيش
ثلوج حاطة ايدها على ايدو لي شادة ليها كرشها بغات تحيدها و والو بحال الصخرة مكيتزعزعش
حسات بيه دور ايدو على خصرها جرها بالخف للكرسي لي مقابل مع لكوافوز
ثلوج هبطات راسها كتنخصص فصمت مباغاش تبين ليه ضعفها واخة كتجيها شي لقطة مكتقدرش تصبر و تخبي شحال هي ضعيفة من لداخل
أمجاد شد خصلة خرا من شعرها قطعها بالموس ..من بعد تبع خصلات شعرها كاملين دار ليهم داك الشوهة ولا متدرج شي طالع و شي هابط .. بعدما كان شعرها كيضرب ليها تقريبا لخر د ضهرها .. قطعو ليها حتى ولا كيضرب قريب لكتافها و كلو مشعكك كلا خصلة فقنت
شد ليها فكها طلع ليها عينيها لي حمرييين بالبكاا ولاو الدموع كينزلو بلا حتى صوت .. خاطبها وهو كيشوف فانعكاسها : كيف جاتك لمفاجأة ؟؟
شد خصلة خرا من شعرها : بانت ليا طويلة ماشي بحال لخصلات لاخرين خاص نقص منهاا ياك ؟
شد لموس عوتاني قطعها وهي بحال لجماد كتشوف فنقطة وحدة مكتحركش
أمجاد : واخيرا ساليناا .. لمرة الجاية نقرعو لييك
نغزها بالموس لخدها حتى شافت فيه و تلاقاو عينيهم ..نطق ببرودة : امتى نقرعو لييك ؟؟
بقات غا كتشوف فيه و التنخصيصة لي كاتمة كتبغي تخرج و ترجعها
أمجاد : حتى نرجع من لمغرب و نقرعو لييك .. نخليك تفرحيي بهاد جوج زغبات .. شفتيي شحال قلبيي حنيين
ثلوج مبقاتش كتحس بلي داير بيها .. معرفاش حتى فين كتحط رجليها .. قبل تخرج تلافتت تشوف فشعرها كلو طايح فالأرض .. شعرها لي كانت كتخاصم عليها ماماها متقطعوش جا هاد لوحش كيف كتسمييه قطعو ليها بلا رحمة بلا شفقة
أمجاد معندوش لخاطر : متكونش فييك الدراما
جرها حتى خرجو من لبيت ..قصد الدروج هبطها بالسيف هو سابقها وهي موراه حتى وصلو لتحت
ثلوج ببرودة : فين غادي بياا
أمجاد : تاكليي مفيكش الجوع ؟
جرها بالسيف حتى لكوزينة ... جلسها و جلس مقابل معاها
ثلوج جمعات لوقفة بالخف و شدات داك لبلاطو كامل زفاتو عليه حتى تلاح على وجهو : الله انتاااقم مننككك ياربييي
طلع عينو فيها كتبان ليها لعافية خارجة منهم ..يله كان غادي اهز ايدو عليها خطفات لموس لي كاين فوق الطابلة حطاتو على كرشها : تجرب دير شي حاجة .. نخشي هاد لموس فكرشيي .. تخايل معايا نقتل لييك ولدك الثانيي .. عجبني التخايل
أمجاد كيشوف فالموس علاين تخشيها فكرشها : متقدرييش
ثلوج بمكر : تجرب ؟؟
هزات التيشورط من على كرشها حتى ولات عريانة قدامو .. دكات لموس على لحمها : تقرب نخشييهااا
ثلوج تلافتت متبعة ليه لعين حتى غبر على نضرها عاد رتاحت نسبيا
نترات لموس و هبطات التيشورط على كرشها مكمشة عينيها من لحريق .. مخلط عليها ألم قلبها و لوحم وحتى شعرها لي تقطع و فمها لي تجرح قبيلة بسباب التصرفيقة لي عطاها .. ناهييك على الشياظ لي طالع من لجرحة لي دارت فكرشها ولات كلها مزوقة بالجرح .. تفكرات رجليها هبطات عينيها لعندهم مزاليين مدورين بالفاصمة كانو الأطباء كيداويوهم ليها كلا نهار داكشي علاش شبه صحاحين عليها دابا
سمعات لحس تلافتت بسرعة باغا تحط لموس على كرشها ..تنهدات براحة فاش لقاتها غا لخدامة
رجعات لبيضة فالطبسيل عاد هزاتو و مشات خلاتو كيحك فلحيتو باهتمام شوية شاف لعند لخدامة : الا قتلتها مغاديش نضلمها ياك ؟
لخدامة : هااا ك . .ك ..
أمجاد خرج حتى هو : ماشي غا انا لي كنقول نقتلها كلشي مأيدنيي
طلعات للفوق قشعات لبيت لي قطع ليها فيه شعرها ..مبغاتش تدخل لييه باش متفكرش اللقطة حيت غي غادي تحماق و تجيبها فصحتها
دورات عينيها على بيت اخر .. و داكشي لكان تقدمات بخطواتها لأول بيت جا فطريقها فتحاتو و دخلات سادة موراها لباب كتحاول التنفس بانتظام : الله اعطيك لموووت
جاتها السخفة .. مشات نيشان جلسات فوق الناموسية مربعة رجليها .. عاد قسمات لبيضة كتاكل و تبنن
نطقات كتخاطب راسها و فمها عامر : كيعرف اطيب .. واقيلة كاع لمجرمين كيعرفو اطيبو
بتاسمات ابتسامة باهتة بقا فيها راسها على لحالة لي وصلات ليها : حياتيي تدمرات .. عمري انخدم لخدمة لي كنت كنحلم بيها اخرتيي سوا ايقتلنيي هاد لوحش سوا غادي ارجعني للحبس و نغراق فييه طول حياتي .. خصوصا لينا ماتت و هربنيي على أساس انا لي هربت
مسحات دموعها لي نزلو : لينا سمحي ليا عفاااك .. انا لي كان خاص نكون فبلاصتك ماشي نتي .. كنتمنىى تسمحيي ليا شيي نهاار
مسحات دموعها و جمعات شعرها كامل دارتو فساشية كانت حدا لكوافوز : كنحلف لييك اسي أمجاد غادي تخلص كل زغبة قطعتيها ليا .. كنحلف لييك غادي تندمم أشد الندم على هاد الظلم
حسات بالعيا ..مشات لناموسيتها تكات عليها ساهية كتشوف لبعييد وعقلها خدام مع هادشي لي وقع ليها مؤخرا .. غا تفكرات مراد دفنات راسها فداك لمخدة و طلقات لعنان لدموعها كتبكيي بحرقة .. لجرح لي فقلبها كبييير بزااف عمر شي حاجة مغادي تداوييه
دازو ساعات ..
على طابلة لعشا .. جالسين كياكلو بلا حتى صوت منهار غبرات ثلوج تقطعات عادة لهدرة فوقيتة لماكلة .. كانت هي لي كتكسر ليهم هاد لعادة وتبقا تهدر حتى تنغزها مها ولا اخنزر فيها باها عاد تفهم راسها
حفصة شافت فيها مخرجة عينيها ..نطقات موجهة صبعها لعندها : بغييتي تمشي مع مك هاهيا .. بغيتيي تبقااي مع هاد الضالم بقاااي انا مستحيل نسكت ليه هاد لمرة
حنان كتنخصص وجها تجخلط بالبكا : لا نمشي معاك اماما
حفصة عنقاتها : هادا أحسن حل ابنتيي بااش نرجعو عتبارناا
بعدات كتمسح ليها دموعها : يلله جمعي حوايجك حتى نتيي
حنان هزات راسها باه كتنخصص ومشاات لبيتها تجمع حوايجها
حفصة جمعات كاع داكشي لي تقدر تحتاج .. ذهبها و لفلوس لي مخبية حتى هما.. تقريبا كااع داكشي لي اتستافد منو جمعاتو غا سالات سدات لفاليز عاد لبسات عليها جلابة و لاحت الشال على راسها و بليغة فرجليها
خرجات من لبيت كتسنا فبنتها تبان .. شوية جات عندها حنان مكبطة بمونطو و غا بسروال لبيجامة
حفصة : لبسي سروال الدجين
حنان طايح عليها الضيم : غا خليني اماما
سكتات مطولا عاد نطقات : فيين انمشيو فهااد الليل خطر علينا
وهبطات راسها كتبكيي
حفصة جراتها من ايدها : نتيي غا تبعيي ماماك و ربيي مغاديييش اخيبك وانا ممبزا عليك والو بغيتي تبقااي مع باك بقاي معاه .. اما انا صافيي مع هاد السيد مبقا عندي فيين نزيد ولا نصبر .. طريقنا مسدود ابنتيي
حنان مسحات دموعها كتنخصص : بغيت نمشي معاك اماما
حفصة طبطبات على خدها و هبطات بالفاليز تبعاها حنان بالساك ديالها حتى هي كتبكيي
وصلو لتحت فين كانو كيتعشااو
جات عندهم مرات لعم : حفصة فيين غاادة ؟؟ .. الله انعل الشيطان
حفصة شافت بنص عين فالحاج : الشيطان هو بناادم .. تهلاي فراسك و فولادك محال باقي نتلاقاو
شافت فلوسها : قول لخووك بغييت طلاقيي اوصلنييي
لحاج مدور وجهو لجيهة لخرى : خرجييي عليااا
حفصة شدات فبنتها و خرجات على برى
وقفهم كريم كيعورط و والو
حفصة : لخير لي ادير فيا اولديي .. هو توصلنيي لمدينة الا جات على خاطرك
كريم بخيبة أمل : هي صافي مستحيل تراجعي ؟؟
حفصة تنهدات : مبقا عندي فين نزيد اولديي .. الله اخليك واش اتوصلنا ولا نمشيو بوحدها ؟؟
كريم : لا انوصلكم
حفصة شافت فبنتها : ركبيي نمشيو
حنان دورات وجها كتشوف فالرياض .. كانت باغا تخرج منو وهي عروسة ماشي حيت مها اتطلق من باها .. شداتها لحرقة ديال لبكا . صعيب عليها تمشي ولكن باها مخلا ليهم حتى شي خيار
فاقت من سهوتها على صوت حفصة : يلله ابنتيي
حنان هزات راسها باه و ركبات حدا مها لور عاد كريم ديمارا الطوموبيل
كريم مشطون عليهم : فين بالضبط فالمدينة ؟
حفصة : حتى نقولييك وقف اولديي
كريم هز راسو باه : ميكون غا خاطرك
زاد فالسرعة ماشي بزااف حتى دخل لمدينة
كانت حنان متكية على الزاج كتشوف فالبنايات حالة فمها و ساهية منين مجات لمدينة .. كانت كتحماق باش تجي و مكتكونش لفرصة
حفصة عايقة ببنتها : عجباتك ؟
تلافتت لعندها : سعدات لي عايشين فييها
رجعات كتشوف فالزاج : شوفي اماما الضواو و لباس كيف داير .. وااو هادا راه عالم اخر هاد لوقيتة حنا كنكونو خمرنا بالنعاس
كريم بتاسم : حنا عندنا النهار هو النهار وهما عندهم النهار هو الليل
حنان نسات لهم : واو سعداتهم
حفصة شافت واحد الجامع : صافي غا هنا اولديي
كريم : هنا !!
حفصة : اه
وقف بييهم و نزلو .. عاونهم كريم حتى حط ليهم حوايجهم
عيات وهي تحبس غا راسها .. شوية حطات ايدها على كرشها كتحسسها : يكما انا ممزياناش حيت بغيتك تموت ؟ نتا واخة بريء ولكن ولد لعدو ديالي كيفاش انتقبلك !
مسحات دموعها لي هبطو و طلعات لفوق
مسحات دموعها لي هبطو و طلعات لفوق .. بقات غادة مع لكولوارات كتقلب بعينيها و كتحل باب بباب كتكتاشف إلا لقات شي حاجة لي تعاونها تنجى براسها منو .. وصلا لبيت اخر فتحاتو كان مظلم تار الانتباه ديالها .. دخلات ليه عاد شعلات الضو .. كان مغبر كامل مشات داك الساعة حيدات الريدوات حتى دخلات الشميسة ديال الله
دورات وجها وهي تجي عينيها على الصورة ديال لينا معلقة فالحيط شاداه كامل كانت فوق من واحد الطابلة مباشرة ..بقات كتأمل فيها بتركيز و عينيها مدمعين : ياربيي ترحمك يااارب .. كنتمنىى تسمحيي لياا على لغلط دياليي معرفتش شنو ندير بااش تسمحي ليا وتنعسيي فقبرك مرتااحة
قربات لصورة كترجف : متخايلييش شحال كنتقطع فاش كنتفكر انا السباب باش متيي و خسرتيي ولدك
مسحات دموعها : لهدرة بزااف و السكات حسن
بغات تخرج قشعات مذكرة كلها مغبرة محطوطة تمااك .. جاها لفضول تعرف شنو فيها .. حلاتها كتقرا صفحة بصفحة و دموعها كيطيحو عاد تأنيب الضمير كيزيد اياكل فيها
وصلا لصفحة بيضاء ستغربات علاش نقزات هاد الصفحة مكتباتش فيها .. شوية بشوية بدات كتلاحظ كينا شي حاجة ..هزات لقلم لي كاين حدا لمذكرة وبدات كتلون الصفحة بخفة حتى وضاحت لكتبة لي مكتوبة .. هزات لمذكرة ومشات حدا الشرجم كتقرا بعينيها و كتبكيي
"💞 حياتيي و عمريي و كيانيي .. أمجاد هاد الصفحة كتبتها بستيلو فارغ بااش ملي اوصل لوقت لمناسب نلونها حيت اتولي حقيقة .. أول حاجة بغيت نعبر ليك على لحب ديالي ليك و لكن كلماتي مغادي ابينو والو بالعكس مهما عبرت مغاديش نوفي حق حبي لييك .. خلاصة لقول انا كنموت على تراب رجلييك كنبغييك لدرجة لهوس و لجنون .. عنديي أمنية مهمة ليا بزااف .. بغييت بيبي منك .. شي ولد اجمعنا بجوج و اكون ثمرت علاقتنا الزوينة .. بغييت فاش افيق اقوليا ماما ونتا بابا .. بغيتك تكون أب ولاديي و شريك حياتي حتى نمووت ... 💞"
حطات ايدها على كرشها : غادي نحقق ليك امنيتك .. بغيتيي ولدك اكون من داك لمجرم غادي نكون قد هاد لمسؤولية و نولدو .. كنتمنى تسمحي ليا الا ولدت ليك ولدك هاكة انحاول نكفر على ذنبي ومن بعد يا أما انموت ولا غادي نغراق وسط لحبس .. لمهم فكااع لحالات انا راه كنخلص داكشي لي درت فييك
و رجعات كتبكيي
فالجيهة لخرى ..
غادين جنب الشاريع
حنان عيات : هاد لبلاصة غا ديال لي لباس عليهم. .مكاينة حتى شي محلبة نفطرو فيها
حنان كنيتو مغريباش عليها عيات تفكر فين سمعاها و والو
فقصر آل عمران ..
كان غا صوت لقرآن لي مسموع .. كلا واحد فقنت ها لي كيبكي ها لي غا ساكت و ساهيي
أمجاد ملي جا و هو خارج جالس مقابل مع لبيسين وساهي كيفكر فحياتو من بعد كيف اتولي .. خسر جوج دالناس قراب ليه فلحظة ..خاف ازيد اخسر شخص آخر قريب ليه حيت مغاديش اقدر اتحمل مزال .. هاد لمرة كانت الضربة قاصحة وكمدها و صبر ولكن لمرة لماجية معندوش فين ازيد
تحل لباب و دخلات لعندهم بابتسامة بشوشة : صباح لخير عليكم
حفصة منداهشة من الأناقة ديالها و شعرها لحريري لي عاطي رونق لملامحها الزوينين : صباح النور الآلة
بتاسمات : قوليلي آريا براك .. بلاش لآلة
جلسات مقابلة معاهم : علاش مهبطتوش ؟
حفصة حشمانة : منكدبش علييك ا مدام
آريا قاطعتها: اش قلنا
ضحكات : آريا .. فصراحة حشمانة منكم أول مرة كندخل لشي دار مكنعرفش ناسها
قاطعهم صوت جاي من لباب : شكون لي حشمان ! .. سمعت لحشمة ما لحشمة
كلهم تلافتو لمصدر ديالو
آريا : اجي لهنا ضيافك لي جبتيي ما عاودتي سولتي عليهم انا مكان فراسي والو حتى قالتهالي ميماك
أزار قرب لعندهم : تشغلت وصافيي
شاف لعند حفصة و حنان : صافا ؟
حنان تخشات فمها هادشي جديد عليها
حفصة متوترة : بيخير اولديي
وقفات و تبعاتها حنان كتخبا فيها : صراحة شكرا على الضيافة والترحيب ديال لبارح واخة كانت عندكم جنازة .. كنشكروكم بزااف ودابا جا لوقت باش نمشيو .. شكرا مرة خرا
آريا وقفات حتى هي : لا معندكم فيين تمشيو
شافت فازار : قول شي حاجة
أزار تنهد : واش معندكم حتى واحد تمشيو عندو
حفصة : اه عندنا
حنان خرجات عينيها : ماما
أزار قشع لبلان : واخة نفهم كيفاش حتى جيتو لهنا حيت باينين غراب على لبلاصة
حفصة تنهدات : وقعو شي مشاكل عائلية و ضطرينا نخرجو من الدار
شد ليها ايدها مزير علييهم : هداااي بلاما نوعتك من شي ضلعة
ثلوج كتبكيي : الله انعلك ياربيي
أمجاد : ششش نتي حاملة مخاصكش تعصبيي .. بقا لينا إختبار واحد و نساليو ..
جمعات ايديها حتى لفوق و نزلات علييه : فأحلامك المجرم
ضربات فصدرو و بغات تمشي لحمام حتى كتحس براسها تعلات فالسما كان هازها على كتفو راسها لتحت و رجليها لفوق حتى مصارنها تقلبو .. مشا بيها موقف حتى لناموسية حطها تماك و غوت فوجها : وااااش عند بااالك لاعب معااك قشقاش ؟؟؟! ... كنهدر بصح ابنتيي فهميها لا بغيتي تفهميها
و رجعات مكملا طريقها حتى كتحس بشي واحد نترها و جارها موراه
تغريد : بعد منيي مبغيتش نمشيي معااك
بدرالدين : نتيي واقيلة حماقيتيي
حل لباب ركبها ودار لجيهة لخرى ركب
تغريد عاد نتبهاات لوجدان لي جالسة اللور .. فهمات لبلان كيفاش حتى داز عليها حيت الابتدائي ديال وجدان قريب فين كتقرا .. عرفات ايكون مشا اجيب ختو وداز على الليسي ديالها بالصدفة
بدر الدين مد ليها كلينيكس مغوبش : مسحيي فممكك
تغريد هازة حاجبها : علاش
بدرالدين شد داك لكلينيكس و بدا كيمسح ليها جنب فمها فين باسها داك لمعجب : مسحيي هاد لخراا
تنترات منو : خليها بغييت نشم ريحة حبيبي
بدر الدين كسيرا على غفلة حتى كانت اتخرج كاملة من الزاج لقدامي
وجدان حاطة ايدها على قلبها : هيييه واااش باغيين نموت .. تخاصمو ولا نتاحرو لمهم متصدعونيش
تلافتو لعندها بجوج بيهم
وجدان بنفخة : ااه كيف سمعتو
بدر الدين رجع مركز مع السوكان : ضسرك لواليد ابنتيي
تغريد مدورة وجها لجيهة الزاج و كتفكر فالكلمة لي كيقول ليها " ختي "
تلافتت لعندو داك الساعة : سميتي تغريد آل عمران ماشي ختي .. وعندي جوج خوتي أمجاد و أزار
بدرالدين هز حاجبو : كتهدري معايا !
تغريد رجعات كتشوف فالزاج : كنفكر بصوت مرتافع
بدرالدين : علاش كنتي واقفة تماك
تغريد : بغيت
نطق بحدة : تغرييد
تغريد : هييه نتا راه غا ولد عميي ماشي خويا باش تحكم فيااا
بدرالدين : واخة ولد عمك .. بحال خووك و اي اخ من حقو اخاف على ختو
غادي احمقها بهاد لجملة شادة راسها غا بزز
بدرالدين : ودابا قوليلي علاش كنتي خارجة تماك
تغريد بنفرزة : كنت كنتسنا الشيفور
بدرالدين: هاد لمرة تسنايه لداخل ماشي برى
تغريد كتغزز فسنانها من لداخل : شكرا اخويا على النصيحة
بدرالدين : لعفو نتي راك ختي
تغريد فخاطرها : ياربي منغوتش ياربيي
غطسات وسط لحمام كتفرك فلحمها كامل لي قاصو .. عايفة راسها و كتبكي على حالتها و لقدر كيف لعب بيها حتى طاحت بين ايديه .. سالات وخرجات على برى فبينوار قصير كان لبيت خاوي مكينش حسو .. تنهدات براحة على الأقل مغااديش تشوف كمارتو .. لبسات عليها و جمعات شعرها كعكة مهملة بعدما نشفاتو عاد نزلات لتحت كتدور فعينيها لايخرج ليها من شي قنت
نزلات من الدروج وهي تقشعو لايح رجليه على لكنباي .. قربات لتماك باغا تعرف شكايدير على الأقل تقدر تلقا شي حاجة تنفعها .. وصلات لعندو وقفات كتطلع و تهبط فيه باحتقار كيبان ليها مغمض عينيه غا بالشورط صدرو عريان و حاط لبيسي على كرشو .. لايح رجليه فوق لكنباي كلا وحدة فجييه
بتاسمات بمكر فاش شافت لموس لي محطوط فوق الطابلة : نلعبو شوية واقيلة
خدات لموس و قربات لعندو شدات زغبة من شعرو : ماشي ثلوج لي تسكت ليك
يله بغات تقطع ليه شي زغبات سمعاتو نطق وهو مغمض عينيه و على نفس لوضعية : عرفتيي و تزيدي تبقاي واقفة فوق راسي غادي نذبح مككك بداك لموس لي شادة
أمجاد مزال ساد عينيه و على نفس لوضعية : دابا غادي تمشي ولا نوض ؟
ميلات شفايفها و حطات لموس : كنت غا كنجرب
أمجاد زفر : سيري من هناا
ثلوج : اوكااي هاني مشيت
دارت راسها مشات كيف طلب منها غا حسات بيه رجع للهدوء ديالو من جديد و مغمض عينيه باين أنه عيان و شاد فيه النعاس .. بتاسمات بمكر و قربات لعندو كتختل باش مديرش لحس .. طلات على لبيسي مصغرة عينيها حيت بداو الأفكار لخبيتة كيطيحو فبالها
هزاتو من فوق كرشو على مهل مديراش لحس و حطاتو فوق الطابلة عاد جلسات على الأرض حالة فمها فالبارج لي فاتح : مفهمت والو فهاد السيت !
بدات كتبقشش فداكشي حتى حسات بقرصة طلعات مع جنبها غوتات من حر الألم و دارت لعندو
مسح على راسو كيسب و قرب لبيسي : هاد لبرهوشة محال نصبر عليها تسع شهور كاملة بينما ولدات
كمش عينيه كيتنهد مصبر راسو غا بزز .. شاف فساعتو ليدوية وصل لوقت خاص اصحصح .. سد لبيسي و مشا للكوزينة طلب من لخدامة تصايب ليه قهوتو لي كيبغي كيف ديما .. شوية وكانت عندو بدا كيشرب فيها و هو مركز مع لبيسي .. عايق بشي عينين حاضيينو
ثلوج جمعات لوقفة طالعة هابطة فالدروج .. صبرات حتى عيات وهي تمشي لعندو خطفات ليه كاس دالقهوة لي كان كيشرب منو .. خلاتو مفيكسي على نفس لحركة و عينيه خارجين فيها
ثلوج مداياهاش فييه .. مشات جلسات فوق لكنباي لي مقابل معاه مكمشة رجليها لعندها و كتجغم من لقهوة
مسح على شعرو مراضيش .. عيا بالوقفة فوق راسها و لآلة ثلوج مباغاش تواضع و تاخد من عندو .. فالاخير حط ليها لقهوة فوق الطابلة و رجع لفين كان جالس مركز مع لبيسي و نص عينو معاها
ثلوج حسات بيه مشا .. خدات لكاس و تلافتت مدورة وجها باش متشوفوش
أمجاد باستهزاء : معندك نفس
شافها بغات تحطها : كالماا كاالماا .. غا ضاحكين
رجعات كتجغم و ملامحها مخنزرين
أمجاد رجع مركز مع لبيسي : اخر ايامي وليت كندير لهاد لبرهوشة لخاطر ! هادشي ممسلكش
ثلوج رمقاتو بنضرة حادة : سمعتك
أمجاد نطق ببرودة و عينو على لبيسي : عارفك كتسمعيي ماشي صمكة
كانت يلله خارجة من لمخفر ..مركزة مع الطريق كتحتارم إشارات لمرور بدقة
تنهدات : خاص نلقا شي واحد مناسب لهاد لمهمة
تفكرات هدرة لعميد و حرصو الشديد على هاد لقضية .. مبغاتش تخيب املو خاصها ضروري تكون قد لمهمة
سمعات الصداع و لغوات حدا الشاريع تلافتت هازة حاجبها من الضجة .. حتى كتخرج عينيها من لمضاربة لي نايضة قشعات المواس شهقات و هبطات فيساع : هيييه شكااديييرو نتوماا ؟؟؟
كلهم تلافتو لعندها شوية بداو كيضحكو أما لي معنيين بالأمر و منوضين لمضاربة باقين شانقين على بعضياتهم
وقف كيف طلبات منو و قرب لعندها طول الشوفة فعينيها : مالنا ؟
شدى : التصرف لي درتيي قبيلة خااص تعاقب عليه
غا كملات هدرتها قاطعها بقبلة على شفايفها و هرب
شدى بحاليلا صرفقتيها و كبيتي عليها سطل دلما بارد : ااااش درتييي .. غااادييي تندمم على هادشيي
تبعااتو كتجري جابدة لفردي لي كان لور دالسروال .. هو كيجري وهي تبعااه .. شافتو كينقز فالشراجم طالع لسطح تبعاتو حتى هي ناوية تورييه معامن لعب .. بدا كينقز من السطوحة وهي موراه معياتش
نطقات بالغوات باش اسمعها : وقااااف
تلافت لعندها كيضحك باستهزاء : يللله المحققة و رينيي شطارتك
غا كمل كلامو نقز من فوق السطح حتى لتحت .. طلات عليه مخرجة عينيها عرفاتو محترف مخايفش اتهرس
جعرات : قلللت وقاااف نهدر معااك
غمزها ومشا : بقاي تبكيي تمااك
شدى تجننات ملقاتش شي حل اخر وهي تنقز من فوق السطح حتى حسات برجلها تلوات .. بدات كتغبن فالداخل ديالها عكس ملامحها لجامدين من على برى .. كمدات الألم و تبعاتو بالجرى حتى عرضاتو شادة لفردي على جبينو
رياض ببرودة : أول مرة كنشوف شي محققة قصيرة على لمجرم لي باغا تشد !
شدى : اذن كتعتارف راك مجرمم .. اعلام الله اش داير
رياض ضرب فيها و زاد خلاها كتغلي حتى وقفاتو عوتاني معرضاه بدرعاتها : أول حاجة انحاول نسى داك التصرف لحيواني لي درتيي
قاطعها بقبلة اخرى جنب فمها : كتقصدي هاد التصرف
خرجات عينيها وهزات ايدها باغا تنزل عليه حتى قبطها ليها ملويها : شكاااين ؟؟
شدى بعصبية : رخف من ايدي قبل نخرج فييك هاد الرصاصات كاملين
رياض : نتي لي قلبتيي علياا
شدى عاضة على سنانها : بغييتك فواحد لمهمة
رياض هز حاجبو : شناهيا لمهمة لي كتجمع لمحقق و واحد خارج على لقانون ؟
شدى : كيجمعهم لقانون
رياض ضحك : من نيتك
ضرب فيها وزاد خاشي ايديه وهي تبعاه كتمسد فايدها
نطق بلاما اتلافت لعندها : اتبقاي تبعاني ؟؟
شدى مرضيااش : خاص نهدرو
رياض : فاش بالسلامة
شدى : وقف باش تعرف
وقف كيتسناها تهدر : هاني وقفت شكاين ؟
شدى : يلله معايا غادي تعرف
رياض هاز حاجبو : فيين ؟
شدى : اجي اتعرف
مشات قدامو وهو موراها كيسكاني : مكتاكليش النعمة ؟
شافت لعندو : دايرة ريجيم
رياض : اه مع غليظة بزاف .. فهمت
شدى عرفاتو كيطنز : بااز
حك لحيتو باهتمام و تبعها باغي اعرف اش اتخبر علييه .. موفقات بييه حتى لعند طموبيلتها
رياض جابت ليه الضحكة عرفها من هادوك لي كيليميني : اتموتي صغيرة على مبان ليا
شدى بحدة : علاش ؟
رياض : كتفقصيي بزااف
شدى بجدية : لمهم ماشي هادا هو موضوعنا
رياض : عرفتيي مرشقاش ليا على لهدرة دابا
جبد تيليفونو شاف لوقت : غدا و نهدرو
شدى عاضة على سنانها كتحاول تبقى مهدنة : اوكااي .. عطيني رقمك
عطاه ليها : عنداك تبقاي تصدعيني بزااف
هزات حاجبها : تايق فراسك
قرب لعندها حتى مالت مبعدة منو
رياض : مغاديش نبوسك غا هناي
شدى مستغربة : شهاد نيفو
شافتو مشا تنهدات كترجع شعرها مور و دنيها : خااص نصبر إلا بغيت امشي داكشي كيف بغييت
غا تلافتت قاطعها ببوسة على خدها
غمزها و مشا : بقا ليا لخد لاخر حتى لغدا
كمل طريقو كيضحك و كيكمي
شدى مخرجة عينيها على نفس لوضعية كترمش بزربة.. وجها كامل مخطوف منو اللون
مسحات على شعرها : تهدنيي اشدى تهدنييي
ركبات طموبيلتها و كسيرات معصبة علاين تطرطق
فالجيهة لخرى ..
وصلات وقيتة لعشا مزال لحزن كاين فالقصر .. كياكلو فصمت من غير تغريد لي منزلاتش بقات فبيتها كتحفظ حتى جات لعندها آريا فإيدها بلاطو
حطاتو حداها : اجي تاكليي
تغريد معصبة : غادي احمقنيي هادشيي
آريا طبطبات على كتفها : بالشوية متعصبيش راسك .. ركزيي غادي اكون خير .. قرب لوطني ياك؟
تغريد تنهدات : اه خايفة
آريا : ديري لي علييك و متخافيش
هزات راسها باه : اوكي مامي
باستها آريا و خرجات
تغريد كلات و رجعات كتحفظ حتى كملات عاد سدات كتوبتها و رجعات ساهية حاطة ايديها على حنكها كتفكر فييه شداها لبكية فاش كتفكرو ملي كيقول ليها ختي كتبغي تجعر
جمعات لوقفة كانت قريبة طناش دالليل : ايكون نعس زعما ؟
لبسات بانطوفتها فرجلها و خرجات غادة فالكولوار غا بشورط دالنعاس و ديباردور .. وصلات لبيتو حلاتو بالشوية و طلات مطفي الضو
جمعات ايدها فرحانة : ياااس
دخلات كتختل على أطراف صباع رجليها .. قربات لناموسيتو طلات عليه غارق وسط نعاسو ..دايرين بييه لمخاد من كاع الجوايه
بدات كتنقز فبلاصتها ايحمقها .. قربات مزال كتختل حتى وقفات عند راسو .. عضات على شفتها و هبطات باستو بحب على فمو عاد رجعات لوضعيتها هايمة فييه و مع ضوء لقمر زاد زياان
بغات تمشي فكرات مع راسها : نزيد نبوسو ؟
رجعات عوتاني هبطات لعند فمو باستو حتى كتحس بييه كيتحرك فبلاصتو شهقات و تخشات تحت الناموسية عاضة على صباعها كتلوم فراسها
بدرالدين حل عينيه مخنزر .. تعصب من تصرفها مبغاش اجرحها ولكن إلا طول هادشي غادي اوضع معاها النقط على لحروف .. شعل الضو و جمع لوقفة مشا لحمام و سد لباب بلعاني باش تخرج و داكشي لكان ..خرجات راسها من تحت الناموسية و طلقات رجليها لريح غبرة سادة لباب بالشوية كتنهج .. غا حس بيها مشات حل باب دلحمام كيمسح على راسو معصب
تنهد مباغيش مراهقة تطيح فحبو من غير أنه كبير عليها بزااف هو مكيفكرش فيها بالمرة تغريد بالنسبة ليه بحال ختو لي ولداتها الأم ديالو
نبدلو لبلاصة ..
كان مركز مع لمكالمة لي كيجري فييها .. طول فالهدرة مركز غا سالا تلافت لقاها واقفة مقابلة معاه كتفرك فايديها و كتنخصص
هز حاجبو : كنتي كتسنتيي ؟
ثلوج مداياهاش فهدرتو غا كتنخصص : بغيت ناكل
أمجاد : لاش كتعاودي ليا قصة حياتك .. كينا لخدامة
ثلوج مرضيااش : بغيت لبيض
أمجاد عض على سنانو : وانا ماليي
بدات كتبكيي : بغيتك نتا لي تطيبو
بدا كيضحك بالفقصة أول مرة كتشوف سنانو : من نيتك
ثلوج زادت فوثيرة دلبكا : دير شي حاجة ولا نحكها فولدك
وكملات بكاها
أمجاد شد راسو بزز .. مشا داك الساعة من قدامها غبر عليها .. دخل نيشان للصال دسبور قصد ساك دالبوكس برد فييه جنونو و عصبيتو : اااااااااععععععع تفوووو عللىىى خزززز
جهل على لكروشيات حتى حس براسو برد شوية عاد خرج عندها كيحاول احافظ على هدوءو : بغيتي لبيض بوحدو ؟
هزات راسها باه : و متقويش لكامون .. دير غا شوية ولا عرفتي زيد شوية فوق شوية .. و
هبطات راسها كتبكيي : هو لي كيستاهل .. انا مبغيتش نشوف شي واحد اخر كيموت قداميي .. ولكن مخلاليش حل آخر
بدات كتبكي بالجهد مخلوعة عاد سرا معاها اشنو دارت ..لحد الآن شافت تلاتة دالأشخاص ماتو قدام عينيها وهي السباب مبغاتش تكون السبب فموت الشخص الرابع .. مجرد لفكرة كتبغي تحمقها
ثلوج بدات كتبكي : الا مشيت ايموت يااك ؟؟ .. ديري شي حاجة باش ميموتش مبغيتش نولي قتالة
لخدامة : سيري شوفي لباب ايكونو وصلو
ثلوج : شكون ؟
لخدامة : غا سيري
ثلوج : ولا دخلات ليا شي أفعى ؟! علاش نتيي مخيفااش حنا فهاد لبلاصة وسط اخطر غابة فالكرة الأرضية ؟ .. مبغيتش نموت بسم الأفاعي سيري نتيي
لخدامة وقفات : نتيي لحمالة خرجات ليك لعقل
ومشات كتصبر فراسها
ثلوج كتشوف فأمجاد : نتا لي حملتيني المجرم .. نوض من تمتيل
قاصتو بصبعها جيهت عنقو : واقيلة مات مبقاش كيتنفس
عضات على صباعها خايفة
حتى كيدخلو الأطباء كيتجاراو و فايدهم لي كغطابل ديالهم
ثلوج شافت فالخدامة : فاش جاو هادو ؟
لخدامة مخلوعة كتشوف فيهم هزو أمجاد
ثلوج : سولتك
لخدامة : على رجليهم
ثلوج : من نيتك ! .. علاش هما ماشي بنادم مغاديش اتقرصو بالثعابين و الأفاعي !
لخدامة : هادو مختصين فهاد لمجال .. لي كيدخل لهاد لغابة غا لعلماء و المختصيين
ثلوج : ونسيتي حتى لمجرميين كيدخلو لهنا
لخدامة : ياربي الصبر
دازت هاد الليلة و جا نهار جديد ..
كانت جالسة معذبة مقابلة مع لباب ديال بيتو .. نعسات تماك حيت منعو عليها تدخل بالمرة .. بقات كتسنى تسمع شي خبار حتى داها النعاس
بدات كترمش بالشوية حتى حلات عينيها كتكسل على خاطرها : ااايي علاش عضاميي كيضرونيي !
سرعان ما وسعات عينيها فاش سرا معاها ناعسة على الأرض هاكاك و لبرودة طالعة معاها .. وقفات فيساع مخرجة عينيها : وييلييي شكاندير هناا !
شهقات فاش تفكرات اش دارت لبارح و اشنو وقع .. تلافتت فيساع لعند باب بيتو : مات واقيلة ! .. لحس مقطوع
رجعات شعرها مور و دنيها كتنخصص : ياربييي اموت و لكن ماشي على ايدي انا .. اموت على ايد شي واحد آخر باراك غا هادوك لي ماتو بسبابي
تنهدات و قربات لباب كتختل لا يخرج ليها شي واحد من الجنب .. وصلات لعند لباب حلاتو بالشوية كتطل بحال شي سراق .. وسعات عينيها فاش شافتو مغمض عينيه فوق الناموسية و مرخيي .. نتبهات لفاصمة لي دايرة على كرشو كتبان حمرة بالدم لي نزف منو ..كان فجنبو معلقيين ليه السيروم
ميلات شفايفها : ياربي ميموتش على ايدي
قفزات على حس شي واحد تلافتت و وجها مخطوف منو اللون : ففف هاديي غا نتيي .. خلعتيني
لخدامة هازة لبلاطو : خاصك تفطريي
نتبهات لعينيها منفوخيين بحاليلا مبوقة : مالك فعينييك
ثلوج باستغراب : مالهم !
لخدامة : صافيي والو .. اجي تفطري و بعدي من مسيو أمجاد خاصو الراحة
ثلوج : نتي لمحامية ديالو؟
لخدامة : ثلوج الله اهديك .. هاني اندي لماكلة لبيتك تبعيني تاكلي على قبل صحة لبيبي
مشات لخدامة و بقات ثلوج كتطل عليها حتى غبرات على نضرها عاد تنهدات : منين تسلطات عليا هاد لخدامة .. نفكو هاد لحريرة عاد ندوز ليها باينة عارفة بزااف دلحوايج انستافد منهم .. تقدر تكون هي نقطة لقوة ديالي لي انستخدمها
رسمات ابتسامة شريرة على محياها كتفكر فلي جاي .. لكن سرعان مجات فبالها اللقطة لي غرسات فكرشو لموس تزع فيها الرعب .. طردات داك لمشهد و دخلات لعندو كتطل عليه واش مات و لا باقيي
سدات لباب عاد قصدات لمرايا تشوف عينيها لي هضرات ليها عليهم لخدامة .. غا شافت انعكاسها شهقات : مااال عينيي!
بدات كتقلب فيهم شداها لبكية تفكرات لبارح منعساتش اتكون غفات شي ساعة بالحساب بالسيف ميصبحو منفوخيين و مبوقيين
كمشات عينيها معصبة و مشات لعندو وقفات لييه على راسو حاطة ايديها على خصرها : شوووف متموتش ولكن بقا مغيب هنا على الأقل منشوفش كمارتك .. ولا عرفتيي فييق و سير من هناا أيكون أحسن حل .. ولا كيبانليي ..
بدات كتفكر حاطة ايدها على فمها : و لييت غا كنخربق امكن !
شافتو كيململ صبعو شهقات و مشات لصقات فالحيط كتطلب الله ميفيقش : ياربي ميفيقش ياربي ميفيقش هننن .. ياربيي افييق و ميدير ليا والوو .. ياربييي اموت ولكن ماشي على ايدي
أمجاد مشغول كيداوي فراسو .. نطق عاض على سنانو : مغاديييش نساها لييك ابنتيي .. الا دوزتها ليك راه ماشي رااجل
ثلوج شافت لعندو : و رااك ماشي راجل أصلا
غا كملات كلامها حسات بتصرفيقة خمجات ليها حنكها و فمها حتى ولاو كيوزوزو
أمجاد : قربييييي
ثلوج غا شادة حنكها كتنخصص و دموعها نازليين
أمجاد : زيدي دوريلي لفاصمة
خداتها من عندو كتنخصص مرضياش تبكيي .. كانو عينيها مغرغرين .. بدات كتلوي لييه لفاصمة و شهقاتها كيتزادو
أمجاد : تبوحيطك دارليي الشقيقة
ثلوج كتبكيي بالصوت : مجرممم
أمجاد : قو*** قبل نخلطك .. طيرييي
خلاتو هاكاك و مشات كتبكيي
شافها سدات لباب بالجهد : هرسييه نتيي كااع
تلافت لعند لفاصمة كيحزم فييها و كيتنهد مخنزر
ثلوج غا خرجات من عندو مشات نيشان لبيتها .. شافت لماكلة محطوطة غوبشات و قصدات لحمام طرفات حالتها و خرجات بدلات عليها عاد جلسات كتاكل و تنخصص شفتها التحتانية منفوخة عليها .. لدرجة كتحرقها
شوية سمعات الدقان : الا كنتي نتا و دخلتيي نقتل راسي كتسسمع
شافت لباب تحل لقاتها لخدامة : شنو بغيتيي؟
لخدامة : مسيو أمجاد قالييك فطريي
ثلوج بعصبية : قوليييه كتفطر .. الله اعطيه لموت ياربيي
لخدامة شافت لوضع ماشي حتى لهيه رجعات سدات لباب و طارت
ثلوج كتعيب فيها : قاليك مسيو باعيرة فطري هيهييي
بدات كتنخصص فاش ناض عليها لحريق ديال التصرفيقة : ولد لحرام كيحكر علياا
حبك جهنم ثلوج الجزء الثالث
محتوى القصة
التنقل بين الأجزاء