حفصة جاها لفضول كيفاش مرأة مسنة مزالين مخدمينها متنكرش أنه معجبهاش لحال : واش مزالا قادرة تخدميي
دادة رحمة بتاسمات : من طبيعتي مكنبغييش لحاجة لي فابور .. طلبوني نجلس معاهم و قبلت بشرط نحرص على ماكلتهم .. شحال هادا كانو ولاد سي نعمان عزيزة عليهم و عزاز عليا ودابا وليت واحلة مع الأحفاد قاليك والله متعتبي من هناا
رياض : ولكن انا اصلا مباغيش نخدم معاكم ..شهاد الزربة؟
شدى : اوكيي على خاطرك .. تقدر تمشيي
خرجات من البيرو عاد تبعها طير : برديي الحب .. نخدم معااك هانياتوون
شدى بعصبية : سميتيي شدى مجاهد وزيد عليها محققة
رياض هدرتها كتدخل ليه من ودن و كتخرج ليه من ودن : انا انبقا نقوليك شدى بوحدها اجي حيديها لي من فميي
شدى وجهات صبعها لعندو : متزيدش فيه
رياض : كتعصبي مع راسك
شدى تجننات فخاطرها و عطاتو بالضهر غادة قدامو سبقااه
دازو ساعات ..
دوزات كاع لوقت فبيتها حتى حسات بمصارنها كيغوتو عاد جمعات لوقفة و خرجات كتجر رجليها فبانطوفة .. دازت على بيتو بغات تمشي وهي تطيح فبالها اقدر اكون مات .. غا مجرد لفكرة كتبغي تدفن تحت الأرض .. قربات لبيتو بالشوية حلات لباب و طلات لقاتو ناعس و حداه لبيسي .. هزات حاجبها و دخلات كتختل على مهل حتى قربات لعندو طلات على لبيسي .. وسعات عينيها فاش بانو ليها تصاور لكوكايين
دخلات فحوار مع راسها بصوت مرتفع : كيتاجر فالمخدرات !
غا كملات كلامها حل عينيه عليها : منويااش يااك ؟
رجعات للور كتمتم : كنت بغيت ناكل .. زعما كان و ن ي
أمجاد كيحاول ميتعصبش : سيري من هنا
طارت لعند لباب : واخة هاني مشيت
أمجاد : يلله فيسااع
حلات لباب قبل تسدو نطق : مديريش التبرهيش عوتانيي حتى نجيي
كانت جالسة فوق الأرجوحة كتزعلل فالحديقة ديال لقصر .. بدات كتأقلم شوية مع لوضع و مع لحمالة لي معرفات منين نزلات عليها .. فهاد السيمانة لي دوزاتها بلا وجودو فرحاتها .. كانت كتفطر و تنعس على ذكرياتها مع عائلتها و مع حبيب قلبها لي حتى حاجة متقدر تنسيها فييه .. كتكابر و تصنع ضحكتها غا بزز واخة من لداخل جد مكسورة و قلبها ولا شظايا
شافت فالمذكرة لي شادة قدامها بتاسمات ابتسامة باهتة كاتبة تلاتت دالأهداف ناوية تحققهم فحياتها .. هاد لوقت لقليل كان كافيي بااش توضع النقط على لحروف و تنظم أفكارها
رجعات كتقرا فدوك الأهداف
"✔️نتهلا فصحتي باش نولد لبيبي بيخير وهاكة انكون كفرت على ذنبي و حققت أمنيتك ا لينا
✔️انتاقم لموتك احياتي و حبيب قلبيي و حتى عائلتي لي تقاسو مستحيل نسكت على هادشي .. غادي تدفع الثمن على كلشي اسي أمجاد آل عمران
✔️ نحقق ذاتيي و نبيي لمستقبل لي كنحلم بييه تحت ذكريات حبي لقديم 💞... "
حسات بالمذكرة تخطفات ليها من قدامها .. شهقات و هزات راسها باغا تعرف شكون .. بلعات ريقها فاش لقاتو هو نفسو واقف كيقرا فداكشي
غا سالا لاح عليها لمذكرة : مسكينة كتحلميي بزااف
شدها من دراعها بالسيف جرها موراه : مزال منسيت لبلان لي درتيي جا لوقت فين تخلصيه
ثلوج : اييي رخفف علياا .. كتوعتنيي
أمجاد معصب : مشفتي والووو
ثلوج : و رخفف
بدات كتبكي و هو ممسوقش كااع .. دخلها لداخل و دورها قدامو مشربن : اوا
ثلوج كتبلع فريقها : اوا شنو
حسات بحنكها عواج لجيهة وحدة فاش نزل عليها بتصرفيقة تلاتية الأبعاد
أمجاد ببرودة : غا لبدية .. مزال مدخلت فالمعقول
شدها من معصمها طالع فالدروج و جارها موراه كتبكييي بصوت مرتفع
أمجاد : زيدي بكيي
ثلوج باشمئزاز : لاااش رجعتييي؟؟ .. كنكررهككك
و سكتات كتبكيي حتى وصلو لفوق مشا نيشان لعند بيتها حل لباب و دخلها
ثلوج بغات تخرج : بععععددددد منيييي مبغييتش نشوف وجهككك
أمجاد : غا هو لي غادي تشوفييه .. غا هنااي مع رااسك
ثلوج بقرف : يارييت كون متيي داك النهاار
أمجاد بتاسم إبتسامة جانبية و قصدها شدها من دراعها جلسها بزز على لكرسي ديال لكوافوز مقابلة مع لمرايا
يلله بغا احط عليه لمقص قطعاتو كتنخصص : عفااك مديرهاااش
أمجاد : و لكن خاص لمقابل
شاف لعند انعكاسها : قابلة ؟؟
ثلوج كتبكي .. نطقات بصوت منغنغ بالبكا : شنو هو ؟
أمجاد : اتحضري معايا واحد لحفل خاص برجال الأعمال
ثلوج : مستحيل نشارك معاك فأعمالك لحقيرة
أمجاد : لي بغيتي
رجع شد خصلة من شعرها حتى كتوقفو : صافيي انمشي معاك هننن
أمجاد : حتى الليل و ختاري شي حاجة تلبسيها و وريها ليا نشوف واش مزيانة
ثلوج : شنو ضرورة نمشي معاك ؟
أمجاد : نتي غا دخلي سوق راسك .. انا لي عارف علاش
ثلوج : يكما ناوي تقتل شي واحد
بتاسم باستهزاء : ذكية مع راسك
ثلوج شافتو فالانعكاس حاط لمقص على شعرها : بعد لمقص هننن
أمجاد : إلا مشتي معايا للحفل خاص اكون فيك الضو
ثلوج وسعات عينيها : انا زوينة بشهادة لجميع و بشهادة حبيبي مراد
طول فيها الشوفة و رجع كيقاد فالخصلات و كيقطع : غا كيكدبو علييك
ثلوج : عندااك تقطعو ليا كامل
أمجاد : كنقادو من لتحت.. حتى نرجعو من لحفل و نحشو من الجدر
ثلوج : ما مشياش يلله
أمجاد : اتمشي سوا بغيتي سوا لا
بغات تنطق غوت عليها : صاااااافيييييي حبسييي من لهدرة مكتقاديش
سكتات قاطعة لحس حتى كمل لييها .. كانت غا كتدور فعينيها مخليااه واخد راحتو عرفا راسها معندهاش الطاقة باش تطاكي عليها لهما تحلبد حتى تلقا حل ارضيها
أمجاد حط لمقص فوق لكوافوز : ساليناا
ثلوج بميوعة : يلله خرج
حمر فيها حتى قطعات لحس عوتانيي
حيد لجاكيط صهداتو .. شدها فإيدو وقلب الدورة خارج حتى كتوقفو بصوتها : تسناا
بقا واقف عاطيها بالضهر حتى مشات لعندو واقفة قدامو و مربعة ايديها : إلا بغيتي نمشيي معاك لحفل عندي طلب
هز حاجبو : من نيتك !
ثلوج بدات كتلبد فعينيها : شنو فييها الا درتي ليا شي حاجة
أمجاد ضرب فيها وزاد حتى كتعارضو عوتاني و عينيها مغرغرين : عفااك بغيت تيليفون
أمجاد : لااش ؟
ثلوج : نتلاها فييه صافيي
أمجاد : تيقتك
بغا احل لباب عودات عرضاتو كتغبن عليه : الله احفضك
أمجاد : علاياش ناوية ؟
ثلوج بلعات ريقها : والو .. هاد الساعة والو
أمجاد : يعني من بعد تقدري تنوي على شي حاجة
ثلوج : لا .. لا عارفني ضريفة
أمجاد : اه الضرافة كون كانت بنادم .. طيييرييي من قدامييي
ثلوج : والله منمشيي معااااك يللله
ضربات فيه و مشات لحمام كتبكي بحال لحمقة .. تفكر هدرت الأطباء فاش قالولو مع لوحم تقدر تولي ماشي حتى لهيه ولكن مكانش ضارب لحساب لهاد التسطية كاملة ! اتخرج ليه لعقل
داز لوقت ..
خرجات من لحمام كتغبن .. واخة رتاحت بعدما خدات دوش فاعل تارك خلاها كتشعل بالنقا .. بغات تمشي لدريسينغ وهي تجي عينيها على بواطة حدا الناموسية مشات لعندها باغا تعرف اشنو فالداخل ديالها مستغربة .. هزاتها و حلاتها مصدومة
نقزات بالفرحة : واااووو تيليفون هههههه
جبداتو كتضحك تقلب و تعاود نسات راسها غا بالبينوار .. حتى شبعات من الشوفة فيه و شعلاتو و قداتو عاد حسات على راسها ايضربها لبرد
بقات جالسة كتخمم : انصايب انسطا جديد
تحمسات للفكرة و دخلات قداتو داك الساعة طايرة من الفرحة : و دابا شنو انديرو من بعد
شداتها لبكية : معندي حتى تصويرة نحطها
حطات التيليفون ومشات لدريسينغ كتقلب على شي حاجة زوينة تلبسها و تصور باش تحطها .. جات عينيها على كسيوة قصيرة فالأحمر عزلاتها و ختارت معاها العكب لي ايجي معاها و جداتهم وخرجات لبرى جلسات قدام لمرايا كتقاد لوجها لميكاب و كتغنيي فرحانة
بتاسمات لراسها فاش كملات : جيت كنحمق .. خاصك تكوني ديما ضاحكة اثلوج باش متموتيش صغيرة و فنفس لوقت ترضي ضربتك
غمزات راسها فالمرايا : هههه ويليي حماقيت
جمعات لوقفة ومشات لبسات لكسيوة لي ختارت خدات وقتها كتقاد حتى كملات و صايبت شعرها .. عاد خدات التيليفون كتسيلفا حتى تصويرة مبردت ليها لقلب لدرجة غوبشات و بغات تبكيي : تفوو معندي زهر
شافت فالكعب لي مزال ملبساتو ..هزاتو فايدها و هزات التيليفون فالايد لاخرة : نمشي عند لخدامة تصورنيي واقفة
خرجات من لبيت و دازت على بيتو بغات تكمل طريقها وهي تضرب ليها طن فراسها .. رجعات بأدراجها لبيتو دقات و حلات لباب بلاما تسمع دخل .. دورات عينيها مكاين حتى واحد .. بغات تخرج وهي تشم ريحة لكارو جاية من الشرفة مشات ليها كتقلب عليه .. حتى كتجي عينيها عليه جالس غا بالشورط و صدرو عريان مركز مع لبيسي و كيكميي
ثلوج : انا هنا
أمجاد بلاما اشوف لعندها : شنو باغا ؟
ثلوج حطات على كرشو التيليفون ومشات جلسات على الأرجوحة مقابلة معاه .. لبسات داك الساعة لكعب و تقادات فالجلسة
أمجاد كيطلع و اهبط فيها باستغراب : ضربك شي جن ؟
ثلوج : صورنيي
أمجاد : من نيتك داوية !
ثلوج : صورني ولا منمشيش معاك
بغا انوض ليها : صافي صافيي .. دابا الا صورتيني شغايوقع .. و صافييي صور المجرم
أمجاد شد راسو و هز التيليفون : تقادي البرهوشة
ثلوج بدات كتبوزا و غا حركات الإغراق و هو كيصور هاز حاجبو حتى عيات عاد خدات من عندو التيليفون و حيدات لعكب و مشات حفيانة
بقا هاز حاجبو فدهول : واش طبيعية هادي !
ثلوج وصلات لبيتها فرحانة .. دخلات لتصاور ختارت الزوينة و لاحتها فالكونط ديالها فرحانة .. فنفس اللحظة بان ليها التفاعل طاير فالسما .. و التعاليق مكيتسالاوش
نقزات فبلاصتها عاد حطات تيليفونها و مشات لدريسينغ بدلات عليها و لبسات حوايج دالدار .. غا كملات خرجات شدات تيليفونها متحمسة و كتجاوب على التعاليق مبتاسمة
تفكرات لميكاب حطات التليفون و مشات لعند لكوافوز خدات مزيل للمكياج و بدات كتمسح فييه حتى سالات على خاطرها عاد رجعات هزات تيليفونها مبتاسمة سرعان مكتلاشا ديك الإبتسامة فاش لقات كونطها طار و ولا فخبر كان .. شهقات و عينيها مغرغرين حتى كتشوف شي نمرة غريبة كتصوني ليها جوبات مستغربة حابسة لبكية بزز : الووو
غوبشات بحقد فاش قطع فوجها .. داك الساعة حيدات التيليفون من على ودنها و شداتو فايدها مطولا الشوفة فيه و كتنخصص .. رجعات كتجرب تدخل لأنسطا و والو غادي تحماق
تجنناات دبصح بغات تغوت بأعلى صوتها ولكن اتجيبها غا فراسها .. خبطات رجليها مع الأرض بعصبية ومشات كتشتف قاصدة بيتو غا وصلات لعند لباب فرعاتو و دخلات علييه .. مرداتش لبال واش لابس ولا عريان
كملات كلامها كتنخصص و مشات لعند لباب حلاتو غا بغات تخرج حسات بشعرها وسط ايدو غوتات من الألم معرفاتش راسها امتى تزدحات على صدرو و ايدو مزيرة على فكها
نطق مركز مع كل حرف : ااااخررر مرة تبقاااي ترااادييي فالتعاليق مع لي سوا و لي ميسواااش
ثلوج ببرودة : سوووقك ؟؟؟ .. شكووون نتاا هااا ؟؟
أمجاد بمكر زاد زير على فكها علاين اهرسو : انا هو لي هازة ليه ولدو فكرشك .. بما أن ولدي كاين عندك خااصك تكوني مسؤولة على تصرفاتك .. مبقيتيش ديال رااسك وليتي اجيرة عندي نسالي منكك و ندفنك بإيديي
ثلوج عاد سرا معاها بلان لبوليس و لحبس : اااه بغيتهم اعرفونيي فين انا .. مسوقكش فهادشيي لحبس كيبقا ارحم على أنه نكون معاك فنفس لبلاصة
أمجاد رخف منها و رجع خطوة للور كيطلع و اهبط فيها بنضرات ولات كتفهمهم مزيان .. هز ايدو حتى للفوق بغا انزل عليها لكن توقف على لحركة فاش شافها طاكات بايديها كتنخصص .. جعر و بدل لوجهة خرج داك لكروشي فالحيط حتى تزعزع
بغات تخرج عاود شدها من دراعها مزير عليه و جرها موراه كتلاوح نيشان لشرفة هاكاك بالبوكسور ممسوقش لبرد إلا ضربو .. جلسها بالسيف عليها بغات تنوض عطاها لحنك حتى شداتو تلاهات مع لحريق لي ناض عليها .. كيخلط ليها وجها كامل بداك التصرفيقة لي كيعطيها .. بعدات من حداه كتنخصص فاش شافتو جلس حداها
أمجاد شد تيليفونو و جرها من شعرها حتى قربات بلا هواها باش تقلل من الألم
ثلوج كتبكي : رخففف عليااا
أمجاد جبد شي سكرينات و بدا كيقرا فيهم عاقد حواجبو : جيتي سيكسي واش مخطوبة ؟
ضحك باستهزاء : ولالة لبرهوشة مجوباه ب لا ممخطوباش و شكرا على لمجاملة
تلافت لعندها عطاها للفم حتى شداتو كتبكي : كيقوليك سيكسي و نتي عاجبك لحال الق**** .. شكون هادا كتعرفيه
شافها مجوباتوش غوت عليها : شششكوووووون ؟؟؟؟
ثلوج كتنخصص : واااحد من لمعجبيين
و سكتات كتبكيي
أمجاد رجع كيقرا فالسكرينات : سعدات لي اياخد قلبك و نتيي خديتيي قلب لملايين
شاف لعندها : أول مرة كنعرف شي معجبين كيكذبو
ثلوج كتنخصص : رخف منيي جاتنيي التقية
أمجاد عقد حواجبو : تبوحيطك خلييه من بعد فااش نساليو هادشيي
رجع كيقرا فالسكرينات عاض على سنانو غا تلافت ختمها ليها بتصرفيقة حارة مغودد و جمع لوقفة كيغوت بحال لمجنون : واااااشش درتييينييي ضحكةةة !! ! ... رااااك هاااازة ولدييي فكرشك الق**** هاااد التق*** نساااايه من ليوووم و لا بغيتي شكون ابرد ليك داك الدودة اجيي عندييي نفرع مككك .. يلللله طييييرييييي دابا و اريي داك التيليفون
ثلوج جمعات لوقفة كتبكيي وشادة حنكها : اشنو فيها إلا كان عندي أنسطا
تجنناات : ودخل سوووقك رااااسسك
أمجاد قرب لعندها باغي اشدها رجعات بلور مطاكية على راسها حتى نطق عاض على سنانو : وااااش كتحيمريييي عليااا هااا ؟؟؟ .. بلاتيي انا لي كنعرف لمفاجأة لي كتبغي
شافتو دخل لشرفة بلعات ريقها من ملامحو كان كيهدر بصح .. شوية شافتو جاي لعندها بالفردي فإيدو و مشربن
نطقات بتلعتم : م م مالو !
أمجاد : كنفكر نقتل بييه شي واحد من عائلتك ! .. اش بان لييك عجباتنيي لفكرةة
ثلوج جلسات تماك مدورة وجها كتبكي فصمت : كنكرهك
أمجاد جلس مقابل معاها لايح رجليه على الطابلة : سيري جيبي ليا قهوتيي من لتحت
شافت عندو مغودة : مسوقيش فيك انا ماشي خدامة عندك
بدا كيخبط لفردي على جبينو بالشوية : صباااار متعصبش صبااار
ثلوج شافت لقضية حامضة جمعات لوقفة ومشات
أمجاد : و حتىىى التيليفون من ليوم نسااايه
سمعها حلات لباب و زدحاتو : ابقاااي تقلبيي عليااا الق***
جمع لوقفة و دخل لبس عليه شورط و تيشورط ديالو .. عاد رجع لشرفة مركز مع لبيسي محسش عليها امتى وقفات عند راسو
ثلوج بنفخة مكرهاتش الأرض تنشق و تبلعها على هاد لحالة لي هي فيها : خووود تشرب فيها السممم
هز عينو لعندها : حطيييها
و رجع ركز مع داكشي لي خدام علييه
ثلوج شافت حتى عيات و هي تحطها حداه : مغااديش تشربها ؟
بتاسماات بلا هواها كتفكر شغادير بالتيليفون سرعان مشد ليها فكها مزير عليه و نطق عاض على سنانو : نسمع شي أنسطا و لا وتساب و لا خرااا نفرع مككك .. متقيش جربيي ديريها
ثلوج هزات راسها باه : لا مندير والو .. انا ضريفة
طول فيها الشوفة باستهزاء : ضرااااايفة
غوبشات فاش سمعات الطريقة لي نطق بيها مرضاتش
أمجاد خدا لقطن و بدا كيمسح ليها وهي كتنقز حتى قفزها : و هداااااي متعصبييش جدييي
كتمات الألم فصمت مدورة وجها و رجع كيداوي فيها حتى نطق : إلا قصحتك قوليها
قاطعها فاش حط شفايفو على شفايفها حاكمها إلا بغات تنتر .. بقا حاطهم بلا حراك وهي مخرجة عينيها اللون دوجها تخطف فالبلاصة و انفاسها تخربقو .. رااه لعدو لذوذ ديالها هو لي قايس شفايفها
أمجاد رجع هز راسو كيشوف فيها كترجف : فالحفلة تقدر توقع شي حاجة بحال هاكة خاص تكوني واجدة .. عادي اتديري معايا بحال صحيبك كيف كنتي كديري معاه
جمع لوقفة من فوقها : هزيي علبة الإسعافات الأولية و قو** من حدااااياااا
شدات راسها اتحماق : كيييفاااااش تجرأتييي تديييرهاااا .. انا حب حياتييي لي كنبغيييه من كاااع أعماق قلبي و عمرييي خليتوو باسنييي من فمييي
ولات كتهدر بحال لحمقة : و نتااا ؟؟ كيفاااش قدرتيي
رجعات كتضربو لصدرو وهو بحال لحيط مكيتزعزعش .. حتى نفد صبرو و شدها ملويي ليها ايديها مور ضهرها مع ابتسامة ماكرة .. نطق ببرودة : مبغيتيش نقيسك؟
حركات راسها بلا بطريقة هستيرية : نموت الا قستيني
أمجاد بتاسم إبتسامة جانبية : من صغريي كنموت فالضد
قربها لعندو عاصرها و سط درعاتو و نزل لعند شايفها سرطهم وسط شفايفو .. قطع فيها النفس كيقبلها بشراسة حتى بغات روحها تخرج عاد رخف عليها تنفسات و رجع كيخمج ليها ففمها بعنف حتى ولات طالبة الرحمة
أمجاد حس بيها باغا تجهل كتنتر بهستيرية بلاما تزعزع فيه والو .. بتاسم بمكر و غير طريقتو كيبوسها بحنية واخد كلا شفة و عاطيها حقها حتى حس بيها عضاتو و مع كيموت فالضد حتى هو عضها حتى ولات لقبلة الشرسة مخلطة بالدم .. غا حس براسو كرهها ففمها عاد دفعها علييه كيمسح الدم من فمو : دايرة ليا فيها عفيفة شريفة
غمزها : شفتيي مولفة مع راسك
ثلوج قلبها كيضرب فالمليار ايسكت ليها دابا .. مقدراتش تزيد تانية واقفة على رجليها سخفات ليه داك الساعة .. كون مطارش و شدها بين درعاتو كان ايجي راسها مع حافة الطابلة لي فالشرفة
زفر و قلب الطريق غادي بيها لبيتها .. وصل لعند الناموسية حطها و عيط على لخدامة تكلف بيهاا ..حتى جات لعندو خلاها معاها و خرج كيمسح الدم من على فمو و كيسب مشربن
دازو ساعات..
كانت نازلة هي و ختها كيهدرو ناسيين راسهم .. بغاو اخرجو مع لباب لقاوه واقف معارضهم برجلو بلاما اشوف لعندهم
أمجاد هز راسو لعندها بعدما كان كيقاد فداكشي بالفورشيط : اه اتاكلي بزز
بلعات ريقها كترجف
أمجاد : على قبل صحة لبيبي
ثلوج : كنكرهككك
أمجاد شدها من فكها مزير عليه : شعور متبادل
ثلوج : رخف منيي
رخف عليها و هز لماكلة بالفورشيط : كولييي
عقد حواجبو فاش شافها كمشات فمها : نتيي كتموتي فالضد و انا كتر منك ... كوليي ولا نحل ليك فمك بطريقتيي
هزات حاجبها : يكما اتبوسني بزز عليا ؟
أمجاد : هاديك غا تدريب الا بستك بصح محال ابقاو عندك داك لقنانف
حطات ايدها على فمها مخبيااه مقدراتش تخايل حتى لموقف .. خلعها بدات كتمش فعينيها بحال لمسطية كتطرد دوك الأفكار
أمجاد باستهزاء : كتخافيي زعما
قرب ليها لفورشيط : كولي ولا نغرسها فييك
شافت فيه بنص عين : غادي اعذبك الله على هادشي كامل لي كدير ليا
أمجاد : حتى نتي .. حيت مسكينة مظلومة
عصبها بنبرتو لمستهزءة : ااااه بصصح مظلومة
غوت فوجها : قاااااتللةةةة لياااا لبنت لي كانت اتكووون مراتيي و نهار عرسييي و قاااتلةةة لياا و لدييي
جعر هز داك الطبسيل خبطو مع لحيط حتى تشخشخ خلاها مخرجة عينيها و لاصقة مكمشة فبعضياتها
أمجاد جمع لوقفة كيزفر : ضروري تشعليني ضروري
ثلوج هبطات راسها وسط ايديها كتنخصص
أمجاد تفكر لحفلة حاول اتهدن .. خرج لشرفة شعل كارو و بدا كيكمي و كينتر معصب
ثلوج جمعات لوقفة كتحاول تشد توازها واخة الدوخة كتجيها مرة مرة .. قصدات داك الطبسيل لي تشخشخ وصلات لعندو و بدات كتجمع فالزاج حتى قفزها بنبرتو لحادة : شكاديييريييي !؟
شافت لعندو ببرودة و رجعات كتهز فالزاج حتى تأوهات مكمشة عينيها
أمجاد جمع ايدو على شكل قبضة وقصدها شدها من شعرها جيهت الناموسية : تكااي هناا بلاما نصدق مفلعص مكك .. هادشي مسوقكش فييه اتجمعو لخدامة
أمجاد طار على دراعها زير عليه : عرفتيي رااه كنحاول منعطبكش قبل لحفل .. داير جهدي كامل متجعرينييييش نضرب كلشيي فالزيرو .. خليك بعضامك صحاح .. راه اتحضري سوا مهرسة سوا صحيحة
ثلوج تنترات منو : صافيي صافييي فهمت
بعدات كتطلع و تهبط فيه بحقد .. عاد مشات لعند لحوايج لي معلقين كتدور فعينيها على شي حاجة زوينة .. ختارت كسيوة قصيرة بالكمام كتجي مزيرة على لجسم فالأزرق .. جد أنيقة عجباتها
شافت لعندو : عجباتني هاديي
أمجاد مربع ايديه و عاقد حواجبو : قلللت شي حاجة طويلة
ثلوج : بغيت غا نفهم نتاا مالك .. شنو لفرق بين طويلة ولا قصيرة
قطع مع باه و دوز لمحاميي ديالو جاوبو فالبلاصة : سد لقضية .. بغيت عائلة لينا ميسيقو لوالو .. القضية خاصها تسد
قطع معاه و عينيه كيشوفو لبعيد : ماشي ضروري لمحكمة لي تاخد ليك حقك الينا .. نتي و ولديي موتكم مغاديش امشي بالساهل
ضرب رجلو مع الأرض و خرج بعدما وصى لخدامة ترد لبال لثلوج و تحط عليها لعين بلاما تعيق
دازت يومين ..
جالسة مقابلة التيفي كتقلب و تشقلب و عينيها على لوقت مغودة : يااك كيقول غادي اديني معاه لمغرب .. كذااب
تلافتت لعند لخدامة : اجي نقولييك
لخدامة مشات لعندها : نعام
ثلوج مرضياش : أ ا ممم .. داك لمسخ
لخدامة باستغراب : شكون !
ثلوج : هدااك لي سميتو أمجاد .. واش مغاديش اجي ؟
لخدامة : معرفتش معندي حتى خبار
ثلوج عايقة بيها مباغا تقول ليها والو : اه صافييي
و تلافتت لعند التيفي كتحاول تنسيي .. حتى خططات مزيان فبالها للمشية ديال لمغرب ساعة واقيلة كلشي ايتضرب فالزيرو
تنهدات شداها لبكية : كذااب
جمعات لوقفة و طلعات للفوق كتجر رجليها فكلاكيطة .. دازت على بيتو : كون غا كان محلول .. ملي مسورت باينة فييه شي حاجة
مشات لعند لباب ناوية تضارب معاه حتى تحلو .. غا حطات ايدها على لبواني دوراتو وهو اتحل ضحكات على راسها : ميمكنش وااو .. كيفااش حتى تحل وانا كي لهبيلة عند بالي مسورت
مفهات والو .. حلات لباب و دخلات كتشم شي ريحة ماشي حتى لهيه بقات كتدور فعينيها حتى كتسمع حس شي خطوات جايين تلافتت مفزوعة حتى كتجي عينيها فعينييه جاي من الدريسينغ غا بسروال دجين و من لفوق صدرو عريان و لي صدمها هو كتفو و دراعو كلو وشااام بحال شي دفتار دالوساخ
خلاتو واقف كيغلي و مشات لعند لباب قبل تخرج قاطعها بصوتو لجاف : فاش تلبسي اتلقاينيي لتحت
ثلوج شافت لعندو : عفااك متقتلش .. كنطلبك
غوت : خرجيييييييي
قفزها حتى خرجات بعينيها مدمعيين .. مشات لبيتها مرفوعة : الا قتلتيي غادي تكون هادي هي اللخرة لييك اسي آل عمران
دخلات و سدات موراها لباب .. كتشوف فالكسوة معلقة تنهدات و مشات لحمام هو اللول خدات دوش عاد خرجات نشفات حالتها بالفوطة .. طال وقتها فاللباس حتى كملات عاد جلسات قدام لمرايا كتقاد لميكاب بدقة غا سالات دازت لشعرها جمعاتو بطريقة زوينة و هبطات لفغونش .. جات كيوت و جدابة
بقالها غا الصباط و البوشيط .. مشات هزاتو و لبسات فرجليها كعب معاليش بزاف على قبل لحمالة عاد خرجات بنضرات حادة هادي هي فرصتها باش تنقد راسها و ترجع دقتها و تنتاقم ... هبطات لتحت كتدور فعينيها عليه حتى كيبان ليها جاي لعندها بلباس رسمي و عاقد حواجبو
ثلوج : واجدة
طلعها و هبطها مزيان : هزي لسكوة على صدرك .. عاجبك هاكاك ؟
ثلوج كتموت فالضد : اه عاجبني
قصدها طلع ليها لكسوة على صدرها لي كاع بارز : اندير راسي مسمعتكش ... لابسة لعكب !
ثلوج : غا شوية
أمجاد : واخة تلبسيه عالي اتبقاي لاصقة فالأرض
جرها موراه مخرجة عينيها : كيفاش .. انا طويلة ماشي قصيرة
زير على معصمها : شكون كذب علييك
سكتات فاش خرجو على برى كانت لهيليكوبتر كنتسناهم .. جرها موراه حتى طلعها و جلسها قدامو عاد جلس مقابل معاها داير رجل على رجل .. قلعات لهيليكوبتر نيشان لمطار لبرازيل .. نزلات فالساحة عاد هبط وجرها موراه نيشان لطائرة لخاصة لي شادة وجهة لمغرب
طلعات تبعاه حتى جلسات عاد رجعات أنفاسها هادشي جاها بحال الأفلام لهوليودية
أمجاد شار لبيلوط باش اتحرك عاد قلعات بيهم الطائرة
ثلوج : هادشي كامل ديالك
شافتو مجوبهاش وهي تهز حاجبها : يكما عندك النص فالمريخ و شي حاجة فالمشتري
سكتات حابسة الضحكة
أمجاد : فاش انوصلو .. متسلمي على حتى واحد و ديري اش كنقول لييك الا بغيتي الناس لي قريبة ليك تبقا عايشة
ثلوج : أوامر أخرى ؟
هز راسو بلا و رجعو لور باين عليه عياان و مسخسخ
ثلوج كتمتم : لواحد هو لي إلوحك من هنا
أمجاد : انجي نلوحك نتي نيت
دازو ساعات ..
كانت جالسة حداه و الشيفور سايق بييهم
أمجاد شاف فساعتو ليدوية : شحال بقا دلوقت ؟
الشيفور : قربنا امسيو
هز راسو باه و تلافت لعند الزاج .. أما ثلوج طول لوقت غا كتشوف مفاهمة والو
الشيفور وقف : وصلنا
أمجاد شاف من الزاج : كاينين الصحافة !
جبد تيليفونو دوز لرقم كيعرفو جاوبو فالحين : تخرج شي تصويرة ديالي فشي مقال نحرقكم .. دير شي حاجة
غا سالا رجع تيليفونو لجيبو .. نزل داك الساعة الشيفور حل ليهم لباب
أمجاد دار لعندها : شدي فياا
ثلوج شافت فداعو : مكين لاش
حمر فيها حتى شدات فييه كتنفخ .. تقدمو مع لبساط لأحمر داخليين لداخل .. كان الأوطيل مزين بالأضواء داكشي فالمستوى على حسب أهمية لحفل
أمجاد : ويااك تسلميي على شي واحد
ثلوج هدرتو كتدخل ليها من ودن و كتخرج من ودن : اوكاااي
قالتها كتبعكك عليه .. شوية جا عندهم واحد من المسؤوليين و جههم للقاعة فين كاين لحفل
ثلوج خبرات ليه فودنو : جاتني التقية
شاف لعندها مقندش : بغات تجيك غا دابا !
ثلوج حابسة الضحكة : غا بغيت نخلعك
أمجاد جرها غادي تحمقو : صبااار صبااار
دخلو للقاعة تحت نضرات بعض رجال الأعمال .. كانت الدنيا مخلطة شي غادي شي جالس واخد راحتو فالهدرة و السربايا غادين جايين
ثلوج نغزاتو : فيا لعطش
جا عندهم واحد من السربايا : مسيو تفضل
أمجاد هز ليه مشروب : جيب ليها عصير
ثلوج خبرات ليه : بغيت ديال لافوكا و لحليب
نطق عاض على سنانو : لافوكا و لحليب
هز راسو باه و مشا انفد الطلب
أمجاد شاف لعندها : وااش اتجهلينيي من دابا
ثلوج بافتخار عارفاه ميمكنش اضربها قدام الناس : ونتا لي جبتيني بزز دخل سوق راسك
أمجاد من تحت فمو : انذبح مكك فاش نرجعو
ثلوج : سكت متصدعنيش ولا نشوهك هناا
أمجاد حاوط خصرها غارس ضفارو و جرها معاه كيبتاسم بزز و كينطق عاض على لحروف : سكتيي متهدريش بزااف
جاو لعندو شي وحدين سلم عليهم بلباقة و بقاو كيهدرو على لخدمة
ثلوج جاها لملال نغزاتو : فينو لحمام
أمجاد ملقاش كيفاش اصمكها ايديه مربوطين قدام لحضور
نطق واحد منهم بالإنجليزية : شكون هاد الزوينة لي معاك ؟
نقزات ثلوج مدات ايدها كتبتاسم : ثلوج
أمجاد شاف فيها مخرج عينيه و رجع شاف فإيدها لي سلمات بيها وجهو حمار بالأعصاب ..داز من حداه سرباي حط لكاس لي جغمو و خدا واحد اخر كيبرد بيه
بتاسم ليها : معاك وائل
ثلوج : مشرفين
وائل : مسيو آل عمران .. ذوقك زويين
أمجاد كيجغم من لكاس بلاما انطق ..اقدر اخرج شي حاجة من فمو ماشي حتى لهيه لهما اسكت
ثلوج شافت فأمجاد : قوليهم انا شكون
أمجاد طول فيها الشوفة و رجع شاف فوائل : من لمعارف
وائل : هي عندي فرصة ههه .. بقا فيا لحال فالأول سحابليي بيناتكم شي حاجة
ثلوج كتضحك : لا ميمكنش هادشي .. هو راه خويا
وائل خدا كاس من عند السرباي : فرحتيني ههه
ثلوج شافت فأمجاد : خويا واخة نمشي نجلس ؟ .. عيت
أمجاد عاض فمو من لداخل وجهو ولا حمر لغليان طالع منو و ودنيه كيصفرو عليه
ثلوج شافت فوائل : ههه خويا كيسهى مسكين
وائل بتاسم : آل عمران ماشي ديالك هاديي
ثلوج خبرات لأمجاد فودنو : فينو لعصير الكذاب
أمجاد صوتها كيزيد اشعلو .. خدا كاس آخر كاتم الجعرة لي شداتو
وائل : مسيو آل عمران .. نقدر نتسلف من عندك الزويينة
شاف فثلوج : تبغيي ترقصيي ؟
ثلوج بحماس : أكيد
وائل شاف فأمجاد : شوية و نرجعها لييك
ثلوج : ههههه بلاش منرجعو
وائل : هه كيفاش
ثلوج طلقات من أمجاد و شدات فدراع وائل : والو ههه .. لموسيقى زوينة
وائل : نتيي كتر
وصلو لساحة فين كيرقصو و حاوط خصرها كيتمايلو
ثلوج عينيها كيدورو على شي حاجة لي تقدر تنفعها ..قاطعها وائل فاش زير على خصرها
بتاسماات ليه بزز
وائل : كيفاش حتى حضرتي لحفل فيه غا رجال الأعمال ... كنظن كتموتي فإدارة الأعمال
ثلوج : اه ههه .. كنفكر نفتح شي ماركة
وائل : سميها ثلوج
ثلوج كتفرنس داياه على قد عقلو : انسميها سنبلة
هاد لمشهد كامل كان تحت عينيه لحمرين بحال جغمة الدم.. كيجغم من لكاس مزير عليه و ايدو فجيبو كان مراقبهم ثانية بثانية
ثلوج مزال كتمايل هي و وائل و كيضحكو ناسيين راسهم
كان مزال واقف متبع ليهم لعين و هدرتو لي كان قاليها كتدور فبالو " متسلميي على حتى واحد "
زفر و عطا لكاس لسرباي عاد بغا اقصدهم وقفات عليه امرأة اتكون فالتلاتينات أنيقة و زوينة
مدات ايدها باش تصافحو : أمجاد آل عمران .. صافا
صافحها حتى هو : صافا .. الأحوال مزيان؟
هزات راسها باه : بغيت نبلغك احر التعازي لي وقع أثر فيا بزاااف
أمجاد جمع ايدو على شكل قبضة كاتم غضبو : ممشا معاك باس
عودات صفحاتو : أمسية سعيدة نخليك دابا
بتاسمات ليه و مشات
ثلوج كانت مراقبة لموقف : شكون هاديك لي سلمات على آل عمران !
وائل : شكون مشفت والو
ثلوج شيرات لفين مشات : هاديك
وائل : من الشركاء لي داخلين مع آل عمران فالمشروع الجديد .. كانت عندها علاقة و طيدة مع حبيبتو السابقة .. سمعت أنها ماتت
ثلوج زيرات على ايدها عينيها مغرغرين كتحاول تبقا طبيعية : الله ارحمها
وائل : كانت علاقتهم ملفتة لنضر داكشيي علاش بان لفرق فاش ماتت .. كيبانليي آل عمران غا ساهي ماشي كيف موالف
ثلوج مشات جلسات نفسها مخنوق شداها لبكية .. ولاو كيطيحو فبالها بزاف دالأفكار منهم أنها قتلات جوج أرواح و فرقات جوج دالأحبة مع بعضياتهم .. هادشيي أزمها و لات غا ساهية و ساكتة
أمجاد محافظ على هدوءو كلما جا سلم عليه شي واحد .. كيهدرو فأمور لخدمة و المشروع الجديد
هاد لحفلات كيتدارو بهدف رجال الأعمال لي يله باديين القاو فرصة فين اطورو راسهم حيت الدنيا مخلطة من صاحب أقل تجربة الى صاحب أكبر تجربة .. هدا هو لغرض من لحفل
ثلوج شافت فيه فاش ودع لي كان كيهدر معاهم : بغيت نمشي لحمام
أمجاد مكيهدرش معاها حدو جامع ايدو على شكل قبضة و كيشوف لبعيد و مرة مرة كيدور عينيه
ثلوج : كنهدر معاك
أمجاد شاف فيها : قربيي
ثلوج : علاش !
جرها من خصرها حتى لعندو : و لا عرفتيي اجي نورييك لحمام
مفهمات والو هادا علاش كيهدر هاكة و بهاد الطريقة كيبان مبرد لأقصى درجة ماشي كيف متعودة تشوفو .. عاونها توقف تحت نضرات لحضور و مشا بيها محاوط خصرها حتى وصلها لحمام
ثلوج : مغااديش نتعطل
دار ليها إشارة باش تسكت : ششش
جرها مزير على معصمها و دخلها لحمام بنفسو واخة ديال النساء
ثلوج خرجات عينيها باغا تهدر ولكن غا كتشوفو حاط صبعو على فمو زعما سكتي كترجع تقطع لحس
أمجاد شاف فالحمام خاوي : مزيان
ثلوج بغات تنطق هز ايدو باش تسكت .. بقات مكالية كتسنا فالضربة .. حتى محسات بوالو عاد حيدات ايديها لي مطاكية بيهم .. لقاتو حاط ايديه على جنابو كيدور فعينيه بغات غا تفهم شي حاجة مقشعات والو
شوية سمعو لحس جرها فيساع دخلها و سد عليهم لباب
ثلوج وسعات عينيها : كك ..
حط ايدو على فمها مزير عليه باش تسكت و هبط عينو لصدرها لي كاع مفضوح ..خشا ايدو وسط لفرقة حتى بدات كتركل .. حكمها مزيان حتى معندها فين تنفنف ..بقا كيقلب وسط صدرها حتى جبد شي حاجة صغيرة من تماك
ثلوج كتنهج باغا تغوت و مقدراش حيت كاين شي واحد آخر فالحمام
أمجاد طول الشوفة فداكشي و وراه ليها مخنزر .. شوية لاح داك اللعيبة فلساش و كب عليها لما
بقا ساكت كاتم غضبو حتى مبقا كيسمع حتى حس فالحمام عاد خرجها مغودد غادي جاي قدامها وهي كترعد
ثلوج مرعوبة : شنو داكشيي لي حيدتيي ليا
أمجاد دار لعند لحيط بدا كيضرب فيه بالكروشيات حتى تجرح و بدا كيسيل الدم .. مصبر راسو غا بزز باش ميخلطش ليها وجها وسط هاد لحفل
حاول انظم انفاسو ودار لعندها : فهمتيي علاش قلت ليك متسلمييش و متقربي لحتى واحد ؟ .. فهمتيي
ثلوج كترجف : مفهمت والو !
قصدها طير حاوط خصرها غارس ضفارو و نطق عاض على سنانو كيحاول ميغوتش لا يسمعهم شي واحد : هادوك سماعات ديال التجسس
حلات لبوشيط جبدات كلينيكس تحت استغراب الرجل و مداتو لييه مع إبتسامة : تشرفت بمعرفتك
غا كملات كلامها رجعات بأدراجها لبلاصتها
الرجل حل لكلينيكس لقا ميساج مكتوب ليه
"تايغر كاين غا هنا .. تقدر توقع شي جريمة قتل ردو بالكم"
غا قرا اش مكتوب بتاسم و هدر فالسماعات : سيدي لعمييد كلامك صحيح
فالجيهة لخرى ..
كان واقف بتبات : عمتي لباس عليها
هزات راسها باه : صافا قراب اجيو لمغرب هي و بابا
أمجاد : مزيان .. نقدر ندوز لكندا و نشوفهم إلا كانو مزال مهبطو لمغرب
شدى : فكرة زوينة
شوية سمعات شي حاجة فالسماعة لي لاصقة فودنها : أكييد سيدي لعميد
أمجاد : واقع شي مشكيل !
شدى : لحد الساعة لا .. يلله نخلييك
مشات و رجعات لعندو : رد لبال لراسك
حرك راسو باه و خدا كاس من عند السرباي حتى مشات عاد نطق باش اسمعو صوتو فالسماعات : قول لبوليس اتراجعو ... لخطة اتقلب كليا ماشي انا لي انتدخل
زفر ومشا فطريقو لقا سرباي دايز عطاه لكاس و رجع لعندها لقاها جالسة مجمعة مع وائل
ثلوج : علاش لا .. عجباتني لفكرة
بدات كتضحك ليه و فراسها مية فكرة
وائل : كيف كيجيك أمجاد ؟
بغات تنطق قاطعهم بحال ملك لموت : واقع شي مشكيل ؟
ثلوج وقفات مخطوف منها اللون : لا .. كنا كنهدرو شوية على عالم لبزنز و صافيي
وائل وقف : مغيار مع راسك
أمجاد ببرودة : حاجتي مكنبغيهاش تقاس
حاوط خصرها و جرها معاه
ثلوج : كاينين لبوليس مخايفش
أمجاد : خافي على راسك نتي لولا
ميلات شفايفها كتدور فعينيها على داك الراجل مبقاش حسو كيبان ليها .. حتى حسات بيه عنقها حاط راسها على صدرو وسعات عينيها فصدمة مفاهمة والو .. سرعان مفهمات بلي كيركب ليها سماعة فودنها عاد بعد كيبتاسم بزز و ايدو على خدها
نطق مزير على سنانو : بتاسمي كيشوفو فيناا
ثلوج بتاسماات بزز : علاش هادشي كامل
أمجاد شاف فالوقت و رجع شاف فيها : فهاد الساعة كاينين رجالي مقابلين مع داركم .. فأي لحظة واجدين كيتسناو غا كلمة منيي
ثلوج بلعات ريقها : لايااش كتخطط
أمجاد : ديري اش كنقول بلا كلمة بلا جوج
هزات راسها كتبلع فريقها خايفة اعيق بيها عطات معلومة عليه لبوليس : شنو خاص ندير ؟
أمجاد : اجي معايا
تبعاتو حتى خرجو على برى فالإستقبال
أمجاد : انا خارج .. بقاي هنا لي قلتها ليك ديريها
هزات راسها باه كترجف من لداخل أول مرة كتشوف هاد الجانب من شخصيتو .. بان ليها خرج بقات متبعة ليه لعين معندها كيف تهدر و السماعات على ودنها متقدر تبلغ بيه لا والو .. كتحس براسها مربوطة
أمجاد شد تيليفونو دوز مكالمة وهو خارج : داك لبوليسي خاصو اغبر مخاصوش ابان .. غبرولو الأثر
تنهد و خرج على برى كيبان ليه الأوطيل كاع داير بالبوليس زفر و قصد طوموبيلتو ركبها كيدور لبلان فراسو .. أول حاجة بعدا هنا من لبوليسي مغاديش اعاود ليهم على شكون قاليهم تايغر كاين هنا حيت مجرد مغادي اشوفو ثلوج معاه غادي اشكو فيه و هادشي ماشي وقتو دابا
فالجيهة لاخرة مقابلة مع الأوطيل .. كانت طموبيل كبيرة وعالية بحال السطافيط غا هي فالأسود
شدى واقفة ليه فوق راسو : كلشي هو هاداك ؟
بدا كيتكسل وهو مركز مع لبيسي : هو هاداك الحب
شدى بعصبية : ياربيي الصبر
رياض شاف فيها : كالما كالما
رجع مركز مع لبيسي كيشوف فكاميرات لمراقبة : من نيتكم شاكين تايغر ايجي لشي بلاصة فيها الناس بزااف !
شدى : نتا غا قابل شغالك .. جاتنا أوامر باش نضمنو أمن الأوطيل ولكن هاد لمعلومة لي وصلاتنا مكناش ضاربين ليها لحساب
تنهدات : ركز مزيان .. شوف كاميرات لباركينغ واش فيهم شي حاجة ؟ من بعد مغادي تسالي لحفلة خاص نديرو بحث على كل واحد حضر
رياض : واا لعفووو ديري هادشي راسك
شدى بعصبية : هادشي مكيضحكش
رياض : عرفتي بديتي كتجيبي ليا لقنطة سكتي و لا نخوي لقنت كااع
بغات تجاوبو صونا ليها تيليفونها جوبات شوية خرجات عينيها : علاش انتراجعو ؟ .. ولا كان تايغر هنا ؟ ولا وقعات شي حاجة ماشي حتى لهيه إلا كنتي كتحمل لمسؤولية فحالة وقعات شي حاجة داك الساعة انرجع .. هنا كندير خدمتيي
تعصبات : صافيي صافييي انتراجعو ولكن مستحيل نخلي الدورية تمشيي .. لقانون هو لقانون و لخدمة هي لخدمة
قطعات معصبة و خاطبت الشيفور : بعد شوية من الجيهة لخرى .. فيسااع
رياض شاف كاميرات لمراقبة : لحب اجي تشوفي
قربات لعندو بفضول : بانت ليك شي حاجة ماشي حتى لهيه ؟
رياض خلاها حتى هبطات راسها و دار لعندها باسها : كنت باغي بوسة قنطت
شدى وجها حمار بالأعصاب : ريااااااااض
رياض تلافت مركز مع لبيسي خلاها كتغليي .. كيعجبو اجاكرها كتبان زويينة فاش كتعصب
داز لوقت ..
كانت غادة مع لكولوار كيف طلب منها مرفوعة و هدرتو كتدور فودنيها
" سيري حتى ابان لييك رجل مسن جاي بالغطابل هازها وقفي عندو ايعطيك شي حاجة خوديها "
أمجاد : اه مريض و نتي طحتي بين ايدين مريض .. دابا رجعي لتحت و خرجي اتلقايني كنتسنااك و ياويلك نحس بيك درتي شي حاجة ماشي حتى لهيه
ثلوج : صافييي فهمت
رجعات بأدراجها حتى نزلات لتحت كتبان ليها الدنيا مخلطة شي واقف جايب لكاو و شي خاشي راسو فشي وحدة باغي حاجتو .. جو مريب جاب ليها الردة
أمجاد : طيرييي خرجييي
ثلوج : بالشوية راه خارجة
أمجاد لوحي شي شوكولا تماك و خرجي
ثلوج : لا واش من نيتك
أمجاد : ديييريي ااااش قلللت
تجننات و دارت اش قال عاد خرجات على برى
أمجاد كيشوف فيها خارجة من الأوطيل حتى بعدات عليه عاد نطق ببرودة : قلت ليك متسلمييش و سلمتيي ؟
ثلوج بلعات ريقها من طريقة نطقو : أ ا
قاطعها : خليتيه ارقص معاك و لاصق عليك من لفوق .. لدرجة خشا ليك السماعات ديال التجسس وسط صدرك ونتي محاساش حيت مولفة الق***
ثلوج رعبها صوتو : لا ماشي هاكة .. معرفتش كيفااش ولكن مقربش لصدري
أمجاد كمل كلامو ببرودة : خليتيهم ابوسو ليك ايديك و نتي فرحانة .. شبعو فيك تلماس و نتي مقداكش الأرض .. رجعت ولقيتك كتضحكي معاه
ثلوج كتدور فعينيها على الله تقشعو : شووف ...
قاطعها : قلتي لبوليس تايغر هنا .. دابا على أشمن غلط نعاقبك بالضبط ؟؟ .. قلت ليك بعدييي و نتي مكتسمعيش
ثلوج خلعها : علاش كتهدر هاكة
أمجاد ببرودة : معلينا .. حلي لكارطونة فيها واحد الشوكولا لونها مختالف بركي عليها حتى تهرس
ثلوج : علاش !
أمجاد خبط الديريكسون : ديييريي ااااش قلللت
قلبها كيضرب فالمية ممهنيهاش .. خدات داك لقطعة لي بقات .لونها ماشي بحال خواتاتها .. شداتها وسط ايدها عاد هرساتها حتى كتسمع باااااااااااااااااقققققق موراهاااا
تلافتت مخرجة عينيها كترعد كيبان ليها الأوطيل كامل نفاجر و شعل بالعافية .. و البناء كيطيح بحال الشتا نطقات مصدومة : لالااالالالاالالاالاااالاا
أمجاد ببرودة كيتفرج فيها و فالمنظر : قتلييك متخليهمش اقربو لييك
ثلوج فحالة هستيرية كتشوف فالمنظر مزال لقنابل كيتفجرو بحاليلا واخدين سلسلة محددة من لوقت ماشي كلهم فدقة وحدة .. كانت جالسة على ركابيها فحالة ذهول صوتها بح باش تغوت غا كتشوف فالمنظر بلا حتى شي حركة محاساش باشنو داير بيها و لا اشنو وقع و لا الدنيا لي تخلطات بالبوليس و لحالة .. هادشي كامل محاساش بييه عقلها وقف عن لحركة بقات غا جامدة موسعة عينيها فالمنظر
حتى كتحس بشي واحد باغي اوقفها تلافتت بالعرض لبطيء لقاتو بوليسي كيحاول اهز فيها : نوضيي معانا الآلة .. بعديي من هناا خطر علييك
و سكتات كتبكييي بلا صوت غا دموعها كيفزكو لييه حوايجو
هاد لحوار كامل لي كانت كتنطق بييه مع نفسها .. سمعو حرف بحرف و هو كيتقدم لطوموبيلتو .. زير عليها و سط ايديه حتى وصل عاد حل لباب جلسها و دار لجيهة لخرى ركب و ديمارا قاصد لخرجة ..و فطريقو كاينين لبوليس كيتأكدو من لهوية ديال الناس لي نجاو من الإنفجار .. بقاو خدامين على الإجراءات ديالهم سيارة بسيارة حتى وصلات نوبتو
عطاه لكارط : شوف دغيا
لبوليسي شاف فثلوج : مالها ؟
أمجاد هز حاجبو : خاص نديها لكلينيك .. ممكن تسرع تبعاني الطريق
قطع معاها و فهاد اللحظة عطاه لبوليسي وراقو : مزال شي حاجة ؟
لبوليسي : لبنت لي معاك خاص نعرفو لهوية ديالها
أمجاد جمع ايدو على شكل قبضة و نطق ببرودة : هادي لمدام و سميتها على سميتي مغاديش تحتاج لوراق باش تعرف هويتها
لبوليسي جاه اتصال من عند شدى بقا كيهدر معاها حتى سالا لمكالمة : صافييي تقدر تمشيي .. سمح لينا
أمجاد ديمارا : اعتذارك مقبول
و كسيرا حتى بعد عاد زاد فالسرعة و شاف لعندها كتشوف فنقطة وحدة بحال لجماد مكتحركش
ميل فمو و رجع كيسوك شحال عاد شاف لعندها عوتاني مزال مفيكسية على نفس لحركة تنهد و نطق : ايييه نتييي ماااالنااا ... جمدتيي
فرانة جنب الطريق و دار لعندها بجسمو كامل كيحاول افيقها من سهوتها و والو لدرجة صرفقها بالشوية لحنكها و والو .. غا ساهية
أمجاد تعصب : إلا كنتيي كتمثلييي بااش متعاقبييش على داك التبرهيش لي درتييي .. راااك غا كتضيعييي فالحجرة على والو
ثلوج كتحس بشي صوت بعيد عليها ممفرزش بدا كيصدعها .. كمشات عينيها شحال و رجعات حلاتهم بالشوية كتسمع الصوت قريب ليها بزااف و لغوات نايض .. شافت فيه بسرعة مخرجة عينيها سرعان ملصقات فالباب كترجف بذاتها كلها غادي تحماق : قتااااااالللل .. ببببعد منيييي
شافت لعند لباب بدات كتضرب فيه باغا تحلو و كتبكييي : كنكرهكككك ... عتقونيييي ااالاععععععع عتقونيييي
أمجاد زفر و دار لعندها حل عليها لباب : هاهو تحل اشنو باغا تديري
دفعاتو و خرجات كتجري تحناات على ركابيها كتستفرغ بهستيرية .. ردات حتى مصارنها و لاو كيغوتو .. اصلا موكلاش ملقات مترد
شوية حسات بشي واحد ماد ليها قرعة دلما شافت فيه بالعرض لبطيء .. عاد جمعات لوقفة خداتها من عندو ..حلاتها و كباتها عليه بكل حقد و اشمئزاز
أمجاد خطف ليها لقرعة فيساع قبل تخويها كاملة .. كان باقي فيها شوية دلما هو باش حكمها و بدا كيغسل ليها بيه وجها كامل بعجرفة
ثلوج تخنقات بدات كتضرب و تطاكي على والو بحال الصخرة
جرها موراه كتركل و تطيح فالأرض و هو كينوض فيها حتى وصلها لطموبيل ركبها بالسيف و سد لباب .. عيات تحل فيه و والو تسورت عليها
ركب حتى هو و كسيرا عاض على سنانو من لغوات و لحيحة لي منوضة حتى نطق بنفاد صبر : علاااااااش كتبكييي و نتييي غااادي تبعيييهم دابا .. عزيييز علييك الضد كتحداااينيي البرهوشة . . كتحداااينيي
عطاها لفم حتى شداتو كتبكي كتر من لول غا غوت قطعات لحس عوتانيي
أمجاد رجع كينطق ببرودة : ليلتك ليلة .. انورييك شناهيا تحداي آل عمران
فالجيهة لخرى ..
كانت واقفة كترجف و كتمسح على شعرها بعصبية مقدراتش التحمل لمنظر ديال الضحايا وهما مهزوزين شي محروق شي مجروح و شي جثة روحها مشات عند الله
رياض من الصباح و هو حاضيها مربع ايديه : متلوميش راسك .. شددنا لحراصة و لكن التفجير مضربناش ليه لحساب
شدى كترعد : انااا مقدرتش نعتقهم .. أول مهمة ليا هناا مقديتش بيها واااش كتفهممم
رياض هاز حاجبو : اشنو كيجيك هاداك لي عيطتي لييه تطمأنيي على صحتو ؟
شافت فيه حاطة ايديها على جنابها غادة جاية : و نتاا ماالك
غوت : اااااخرر مرة تقمعينيي
ضرب رجلو مع الطموبيل ومشا : اتفجر هادشي انا ماليي
شدى تنهدات وهي كتشوف فيه غادي : سير معندي مندير بيك
و رجعات كتشوف فالدنيا مخلطة و الإسعاف و البونبية .. الروينة نايضة شي كيبكي شي مصدوم و الصحافة كتصور و تنقل فالحدث كيبان ليها كلا صحافي شاد ميكروفون و كيهدر قدام لكاميرا .. جاو من كاع لقنوات باش انقلو لحدث بتفاصيلو
تنهدات كتلوم فراسها : مستحيل تبقى حر و واخد راحتك اسي تايغر .. كنحلف ليك . المحققة شدى مجاهد كتحلف لييك حتى غادي تشدك فأسرع وقت
سمعات شي حس موراها تلافتت و هي تجي عينيها عليه متكي على الطوموبيل و كيكمي باين عليه مراضيش
رياض كيشوف بنص عين داير راسو ممسوقش : دوري و جهك لاش كتشوفي فيا
شدى : ياربييي تعطيني الصبر
مشات من حداه و خلاتو متبع ليها لعين : معقدة هاد ختنا
زفر و رجع كيكمي و انتر
نبدلو لبلاصة ..
تأخر الوقت ولكن مبغاش اجيها النعاس فيها لعطش من الصباح و هي كتقلب من جيهة لجيهة
شوية جمعات لوقفة بالشوية مديراش لحس باش متفيقش مها .. عاد لبسات فرجليها و خرجات من لبيت نيشان لتحت فين كينا لكوزينة
دخلات ليها و شعلات الضو كتدور فعينيها : جانيي حتى الجوع
قصدات الثلاجة كتجبد لي بقا من لعشا و تحط على الطابلة حتى عمرات عينيها عاد جلسات كتاكل و تبنن
شوية سمعات شي حس جاي للكوزينة خرجات عينيها كترعد .. مخلاتش لراسها فين تفكر بزااف حدها تخشات تحت الطابلة حاطة ايديها على فمها و كتدور فعينيها مخلوعة .. زادت رتاعبت فاش بان ليها صباط ديال الرجال
حتى كتسمع صوتو : شكون هاد لمكلخ لي مخلي لماكلة هاكة
حسات بيه زفر و مشا .. شوية كيبان ليها الضو طفا بلاما تشعر غوتات بأعلى صوتها عندها فوبيا من الضلام ..داك الساعة بان ليها الضو تشعل و خطوات كيقربو لعند الطابلة
نطق بصوت باين عليه الاستغراب : شكون هنا ؟
ملقاتش شي حل اخر من غير أنه تخرج راسها
أزار هز حاجبو كيتسنا اعرف شكون حتى كتبان ليه كتطل بالشوية : وليتي جرانة .. خرجيي من تماك
خرجات حناكها مزنكيين حشمانة من راسها
أزار : تزنكتي عوتانيي
شاف فالماكلة : فيك الجوع ؟
حنان حركات راسها فجميع الاتجاهات معرفها قالت اه و لا لا
شوية بدات كتخايل راسها هي لبطلة دشي فيلم و هو لبطل .. فيساع طردات داك الأفكار : هبيلة انا .. هو غا ضريف داكشيي علاش .. من نيتك احنان
ضربات على راسها و رجعات كتاكل بزز و كلا شوية فمها اوساع بالضحكة حتى بتاسمات.. شوية جمعات ديك الإبتسامة كتلوم فراسها
لفوق ..
وصلات لكولوار غادة للبيت لي عطيينهم هي و مها .. بقات غادة حتى كتبان ليها تغريد كتختل على أطراف صباع رجليها .. ميلات شفايفها مستغربة و دخلات لبيتهم رجعات تخشات حدا مها و عقلها مع أزار كتبتاسم بحال لهبيلة بقات هاكاك حتى داها النعاس فرحانة من لداخل
حلات لباب بالشوية كتطل عليه .. تبسمات و دخلات كتختل قاطعة لحس حتى وقفات ليه عند راسو .. طولات الشوفة فملامحو هايمة فيه بحال كل ليلة كتجي لعندو
من غير لبارح لي مجاتش فالليل تطل عليه و تمشي كيف ديما .. بتاسمات و هبطات راسها لعندو باستو بالشوية على شفايفو عاد بعدات
بغات تمشي حسات بالضو ديال الفايوز تشعل .. بلعات ريقها وهي مخرجة عينيها حتى كتحس بشي ايد شداتها حتى تهزات و رجعات تحتو امتى وقع هادشي الله و أعلم بحاليلا تخدرات
كانت تحت منو و هو فوقها بصدرو عريان و هاز حاجبو عاقدهم
تغريد بلعات ريقها من جديد كتمتم فالداخل ديالها و كترجف
بدرالدين حس بيها كترجف : تغريد مبغيتش نجرحك و لكن نتي بحال ختيي .. كنشوف فييك نظرة ختي و صافيي
هزات راسها باه و كأن شيئا لم يكن .. شافتو ناض من فوقها جمعات حتى هي لوقفة و مشات كتجري حابسة دموعها بزز حتى دخلات لبيتها عاد تلاحت على ناموسيتها كتبكي بهستيرية
خلاتو حاير واش هاد الطريقة لي شرح ليها بيها مشاعرو صحيحة و لا لا
أما تغريد فكانت حالتها كتشفي لعدو فيساع عينيها تنفخو بالبكا و هدرتو لجافة كتدور فبالها .. بغات تحماق عمرها تحطات فهاد لموقف و ماشي تغريد آل عمران لي تحط فييه
نبدلو لبلاصة..
كان مزال كيسوك و عينو عليها مرة مرة .. شافها غا ساهية فنقطة و حدة كترجف بجسمها كامل
زفر و رجع كيشوف قدامو غادي وسط لغابة .. حتى سلك طريق الدار لي عندو فالجبل غا وصل فرانة و دار لعندها مزال على نفس لحالة متململاتش
سخط و نزل دار لعندها حل لباب و شدها من دراعها جرها موراه كتلاوح من قنت لقنت مشاداش توازنها بالمرة
حتى دخلها لداخل كانت دار سفلية فقط مصممة بطريقة زوينة غالبين عليها غالديكورات لغامقة
ثلوج عاد بدات كتوعى على راسها .. حسات بايدو مزيرة على دراعها تنترات منو و رجعات باللور كتطلع و تهبط فيه بحقد
غوتات كترجف : كنكررررهككك .. ياربييي إياخد فييك لحق ياربييي .. بغيتك التحرق بالعافية و نتا حي بحال كيف لداخل ديالي كيتحرق دابا
أمجاد حيد لافيست لاحها و نسل لفوقانيي بقا بصدرو عريان .. شوية نسل السمطة و شدها فإيدو قاصدها جاعر و عينيه حمرين
ثلوج بدات راجعة باللور كترعد حتى لصقات مع لحيط كتشوفو جاي لعندها بنضرات مكتبشرش بالخير
أمجاد هز السمطة و شحط لحيط : اش بان لييك هاد الشحطة تاكليها نتي ؟
ثلوج مقدراتش باقي توقف على رجليها .. نزلات داك الساعة جالسة فالأرض كتبكيي بحرقة من حر الألم غادي تحماق مافيهاش
أمجاد سخط و لاح السمطة عاد مشا دخل لواحد لبيت شوية تم جاي لعندها فإيدو مقص
ثلوج خرجات عينيها و بدات كتكحاز إلا لقات فين تكحاز : عفاك متقطعش ليا شعري عفاااك .. الله اخلييك .. بععععددددد منيييي حرااام عليييك
أمجاد حط لمقص حداها و جرها لعندو من رجليها : لا لمقص من بعد اجي نتفاهمو بعدا على التلماس لي شبعو فييك
طار عليها مغودد شد لكسوة من لتحت بدا كيقطع فيها بحال لمسطي و هي كتغوت تحت منو حتى قطعها كاملة و خلاها مخرجة عينيها غا بالسليب
جمع لوقفة و جرها و هي كتنتر حتى زفر و هزها بين ايديه عريانة كليا من غير السليب لي لابسة
ثلوج : شس .. ش علايااش ناويي؟
أمجاد ببرودة : نورييك التلماس كيفاش كيكون
دخل بيها لحمام و هي كتنتر ساعة غا كتضيع لحجرة على والو بحال الصخرة .. نزلها و طلق الدوش و هي كتفركل
أمجاد عاض على سنانو : اناااا الق*** تشديي معايا الضد ؟؟؟؟ .. إلا دوزتها ليك البرهوشة راني برهوش بحالك
حس بيها اتسخف خوا عليها لما بارد حتى فاقت كترعد حيت لبرد
ثلوج كتبكي : حرااام عليييك
أمجاد كينهج : ونتي محرامش عليك تشعليني
قطع لما و جرها موراه كتزلق و تنوض بحال لمسطية جعراتو . بالسيف عليها هزها بين ايديه حتى دخلها لبيتو
ثلوج كتدفع فصدرو باش ابعد عليها و كتنخصص
أمجاد لاحها على الناموسية ببرودة : عرفتي هاد الدار كنجي ليها غا بوحدي عمر شي واحد من غيرك عتبها .. وهادشي كيعني ما عتبتيها إلا وغادي نخلي لمكك ذكريات زوينة فيها
بدات راجعة باللور و ايدها على صدرها كتخبي فييه : عفاااك بععععددددد منيييي .. كننكككرهكك
أمجاد تم جاي لعندها : سبحان الله اش هاد الصدفة .. نفس لمشاعر
تحنا لعندها شدها من شعرها حتى غوتات : شنو درتيي نتي فالحفلة ؟ .. جاوبيي
ثلوج حاطة ايدها على ايدو باش تخفف الألم من شعرها : نتا اش دخلك فياا
أمجاد ببرودة : نتيي راك شديتي الضد مع أمجاد آل عمران
عطاها بتصرفيقة حارة حتى تلاحت على الناموسية كتبكييي بحرقة تخلط عليها لحريق من كاع الجوايه .. كرشها حتى هي بدات كيشدها فيها شي مغص
أمجاد رجع نطق ببرودة و هو محني لعندها : خليتيه خشا ليك سماعة التجسس فصدرك و نتي فرحانة حيت مولفة
شحطها لمؤخرتها حتى غوتات و دارت لعندو كتنهج مطاكية على راسها وكتبكي
أمجاد : ششش لبيبيي مخاصكش تعصبي
بغات ترجع باللور جرها حتى حكمها مزيان و جا فوقها كيشوف فيها بحقد : علاش كتحداينيي ؟ .. عزيز عليك لعصا . .. فييك الدودة بغا شكون ابردها ليك
جمعات لوقفة بزز كترعد . كتطلب الله غا امتى احيد من قدامها .. وصلات لعندو حيد ليها ايديها لي مغطية بيهم صدرها و بدا كيلبسها بحال لحمق ..جاتها لقاميجة كبيرة عليها و مفضفضة بانت كيوت وسطها
نطق ببرودة : فيك الجوع
حركات راسها بلا : بغيت غا نعس
هز راسو باه : يله سيري تنعسيي .. ولدي ايبغي ارتاح
مشات لناموسية تخشات فيها و تغطات كترجف حتى حسات بيه خرج و سد لباب عاد طلقات دموعها كتبكيي بحرقة . النار لي شاعلة فييها لداخل محال تبرد . كلما تفكرات الإنفجار كتزير على لمخدة و تشهق إلا صبحات بعقلها ايولي أمر ناذر
صبح الصباح بنهار جديد..
كان مقابل مع لحيط الزجاجي لي كيطل على برى و كيكمي مركز مع لمكالمة عاد قطع كيتنهد .. تفكرها مزال مطل عليها من لبارح واش حية و لا باقا .. كمل كميانو عاد زطم على لكارو و مشا لعندها حل لباب بالجهد .. سرعان مهز حاجبو حسها مكينش قندش و دخل كيقلب بعينيه والو مكينش حسها .. خرج من لبيت و مشا نيشان لحمام كيقلب بحال لحمق حل بابو بالجهد و والو مكاينش حسها عوتانيي .. شعل دبصح و هو كيقلب الدار كاملة عاد خرج عينيه خارجين كيقلب عليها و كيغوت : فييييين هربتيييي ؟؟؟ !
تلافت لجيهة لخرى وسع عينيه فاش لقاها واقفة على حافة لجبل لي كتطل على لواد صوت لما ديالو كيتسمع من حدا دارو .. خبط رجلو مع الأرض و مشا لعندها كيجري : شكاديييريييي البرهوشة ؟؟
مشافتش لعندو حدها رمات راسها من فوق لجبل طايحة فالواد لي كيدي لبحر
أمجاد بحاليلا صرفقتيه : ثلووووووووج
غا كمل كلامو و تلاح تابعها بلاما إفكر مخممش لعواقف .. مخلاش حتى عقلو ادورها فراسو
كانو فالهوا بجوج قاصدين لواد لي هارع بالما .. للحظة طاحت ثلوج تغطسات حتى تسمعات باااق و تبعها هو تغطس هواد بجسمو لعمق حتى كيكمش عينيه بسبب الاصطدام لي وقع ليه مع الصخرة .. كان اصطاد حاد بين ضهرو و الصخرة لي تنشر فوقها بقا مكوانسيي كيتسنت للألم لي جاه فالسلسول .. ألم قاصح بزااف لدرجة سمع صوت شي حاجة تهرسات فعضومتو و لعافية شعلالو فضهرو .. مسح على راسو كيتكالما ممخليش الألم اتمكن منو .. و داكشي لكان جمع قوتو و بدا كيسبح طالع لسطح النهر و لما موراه مخلود بالدم لي بدا كينزف من ضهرو .. خرج راسو كينهج لحريق لي عطاه الألم بحال لواحد فاش كيتشوط وسط لعافية و هو حي .. نتر هادشي من راسو و بدا كيسبح و كيقلب عليها . كينهج بالأعصاب شعور فشكل أول مرة حس بييه
غوت على جهدو : ثلووووووووج .. كتسمعينيييي ثلووووووووج
خبط ايدو مع لما بعصبية و رجع غطس كيقلب فالأعماق و الدم موراه داير طريق و تابعو .. عيا بالتقلاب هنا و لهيه .. مكاينش حسها بالمرة بدا كيرجف و عاود طلع لسطح كيقلب بحال لحمق : ثلووووووووج غاااادييي نققققتلللللك البرهوشة .. جنيتييي على راسك ليوووم
شد راسو كينهج و كيترعد بالأعصاب واصلة بيه للعظم .. زفر من جديد و رجع كيقلب معياش و مفقدش الأمل .. حتى دراعو درو بكترة ما جدف بييه .. و لحريق داير ما بغا فضهرو متأكد ايكون شي عضم تهرس و لا تشقق وحدة من الجوج
رجع كيسبح و اغوت بسميتها شوية ابدا كيعاير و اسب .. حتى كيبرد و ارجع اعيط بسميتها و لوقت كيدوز هادشي ركب فييه الرعب إحساس لخوف عمرو جاه .. ولكن هادا فشكل قال مع راسو امكن حيت مزال مفديت دقتي فالعدوة دياليي .. هي راه ماشيي اي عدوة فاتت حدود لعدوة .. إحساس اجي شي واحد نهار عرسك اخطف منك السعادة و الإستقرار لي كنتي غادي كتحس بييهم مغادي افهمو غا أمجاد لي عاش لموقف بتفاصيلو
رجع عوتانيي كيغوت بسميتها حتى كيسمع شي واحد كيكحب واخة الصوت بعييد تلافت بسرعة دلبرق مخرج عينيه و زاد خرجهم فاش جات عينو عليها كتكحب و سط لما ..خبط بايدو و مشا لعندها
ثلوج غا قشعاتو رجعات غطسات كان عند بالها ايكون مشا .. حيت صوتو كامل و غواتو سمعاتو. كانت كتسنا غا اللحظة فين امشي و دير شرع ايديها .. الليل كامل منعساتش كتخطط غا لهاد لخطوة حتى جا هو ضرب ليها كلشي فالزيرو
أمجاد الجنون كينقزولو فوق راسو : بالله حتى نذبح مكك ليووووم
غطس حتى هو كيقلب عليها و هي بعيدة عليه كتسبح بكل قوتها حتى شي لقطة كتنسا كيفاش خاصها تسبح بكترة لخلعة لي ركب فيها .. شوية كتحس براسها تخطفات بقوة من خصرها حتى طلعها لسطح كتنهج و هو كينهج معاها
حبك جهنم ثلوج الجزء الرابع
محتوى القصة
التنقل بين الأجزاء