أمجاد شاد أعصابو اصلا خاصو القا حل لصداع لي نايض ليه فضهرو عاد اتفرغ ليها : مباغيييش نضربك دابا .. كنحاااول نتمالك أعصابي متشعلينيييش البرهوشة
ثلوج شافت الدم و ضهرو لي مجروح : سرررك انا بغييتلك لهرس متبقااش كتقدر توقف
غا سالات هدرتها حسات بدقة لفمها علاين اسوس ليها سنانها قدامها .. زفر و حكمها ركبها على ضهرو بزز و هي كتنتر حتى كتحاك ليه مع لجرحة .. كيكمش عينيو و كيصبر لألم مباغيش اعبر عليه قدامها
كمش عينيه كيسايس معاها مبغاش اهدر هناا حتى اخرجو و اتفاهم معاها على هاد الضسارة كاملة .. مد ايدو ليها من جديد حتى شدات فييه مزيان عاد بدا كيوجهها فين تحط الإيد لاخرة و رجليها فين تبتهم .. حتى طلعات لعندو و جلسو بجوج
و رجعات كتشوف قدامها حاطة ايديها على حنكها و كتبكيي : توحششت مامااا و ختيي و بابا هنن .. توحشت حبيبي مرااد .. توحششت خدمتيي لي مفرحتش بيها
دارت جنازة كتبكيي و تقول مبكيت حتى حسات بتقرفيدة لكفاها سكتاتها فالبلاصة .. خصوصا أن أنفاسو كتضرب مور عنقها تخلعات و دارت لعندو فيساع
أمجاد كينطق مركز مع كل حرف و كلو كيترعد باين عليه كيحاول اتحكم فاعصابو بالسيف عليه : لحتي راسك بقاميجتي ؟؟؟ .. لحتيي راسك و نتيي عريااانة ممفكراش لا لقاك شي واحد ؟؟؟
ضربها ليها بقجة لعنقها حتى بغات روحها تخرج كان كيغلي و صدرو كيطلع و اهبط : ديراااانيييي ضحكة الق***
طلق من عنقها و وقف شاد راسو بايديه بجوج غادي جاي كيتمتم بحال لحمق
أما ثلوج كانت فحالة صدمة كترجف .. باغا الأوكسيجين ادخل ليها باش تقدر التنفس .. اتموت مافيهاش حتى داز لوقت عاد بدا كينتاظم نفسها
حدرات راسها كترعد و تبكيي .. حتى كتحس بيه حط ايدو على شعرها كيرجعو ليها لور
هزات عينيها و جات فعينيه لحمرين
نطق ببرودة : لايحة راسك بلا حوايج .. من غير السليب لي لابسة !؟ شنو ندير فييك دابا قوليليي شنو نديير
ثلوج كتنخصص : سمح لياا
أمجاد : عندك الزهر مشافك حتى واحد بهاد لحالة كنت انقتلكم بجوج
هزات راسها باه : فهمت
ورجعات كتبكيي
أمجاد شاف لقاميجة من لقدام كاع عامرة بالدم لي نزف منو .. تنهد و رجع كيسوط عوتانيي
ثلوج تفكرات اشنو دار فيها لبارح رجعات نطقات كترجف : منبقاش نعاود
أمجاد : لا غا عاوديي .. بغيتيي تموتيي عاوديها .. دابا انا غا كنجمع حتى نرجعو بحالنا و نتفاهمو على هادشي بالتفصيل و ركزي ليا على التفصيل
بلعات ريقها فاش تفكرات ملي كانت كتراد معاه فالهدرة
داز لوقت
بقات ساكتة قاطعة لحس لا تجيها شي دقة من عندو
حتى سمعات صوتو : رتاحيتي شوية ؟
هزات راسها باه : شوية .. نقص لعيا
هز راسو باه : مزيان .. يله اجي تبعيني حتى نقوليك نزلي عاد نزلي تزيدي شي حاجة من راسك راك عارفة اش تابعك
حركات راسها بالإيجاب مقادة على صداع معاه
أمجاد كمش عينيه من لحريق لي عاطيه ضهرو و الصداع لي طالع من عضومتو .. زفر و هبط مركز مع التراجي لي رسم حتى هبط لاخر صخرة قريبة لسطح النهر عاد هز راسو لعندها و غوت : هبطيي
ثلوج طلات عليه كترجف : كنخاف لمرتفعات كيفاش انهبط
شاف فيها داك الشوفة ديال واش من نيتك : علاه شكون لي تلاح قبيلة من لفوق الجنون ؟؟
ميلات شفايفها : داك الساعة كنت باغا نموت
أمجاد : حتى دابا عتابري راسك باغا تموتي و تلاحي لعندي
بدات كتغبن : دير شي حاجة منقدرش نقز .. كنشوف لتحت كتشدني الدوخة
شد راسو غادي اقرعو و غوت : نقزيييي انشششدك غا نقزييي
ثلوج : لا مكنتيقش فييك .. نتا آخر واحد نتيق فيه
أمجاد حط ايديه على جنابو : دابا نتيي توحشتيي لعصا يااك ؟.. انا طالع نزطم على داك الراس عندك حتى ارطاب
بغا اطلع و قفاتو بايديها : صافيي صافييي .. ولكن غادي تشدني يااك ؟ هنن
هز راسو باه : ديري اش كنقول
هبطات رجلها كترجف : خايفة
سبقات لبكا قبل تنقز حتى غوت عليها عوتانيي عاد نقزات لعندو مرعوبة .. غمضات عينيها كتموت بالخلعة حتى لقات راسها مشدودة بين شي ايدين قاصحة
أمجاد ببرودة : حليي عينييك
حلاتهم بالشوية كترمش و تشوف فييه
أمجاد نزلها بالشوية : بقاي هناا
تبتات رجليها عاد نقز لواد غطس و رجع طلع لسطح كيشوف فيها : نقزيي انشدك
هزات راسها باه و نقزات لقات راسها مشدودة بين ايديه فعلا
أمجاد : يلله ركبيي على ضهري دابا
ثلوج : لا نتا مجروح
غوت : متبقاااايش كترااااديييي معاياا
بلعات ريقها و دارت اش قال ليها عاد رجع كيسبح من جديد
ثلوج طولات السكات عاد نطقات : احم شكرا
أمجاد مجوبهاش كتفى أنه اسرع فالسباحة مصبر راسو بزز على ضهرو أما لعافية شاعلة فييه
داز لوقت وهو كيسبح بلاما اوقف
ثلوج : خلينييي نزل اتكون عيتييي
مجوبهاش عوتانيي غا قصد واحد الجيهة ميلات شفايفها و شافت بعيد فين قاصد حتى كتوسع عينيها بالفرحة : واااو فلوووكة
سكتات فرحانة حتى وصل لعندها فك الرباط لي كانت محزومة بيه باش متمشيش و نزل ثلوج
نطق ببرودة : ركبيي
ثلوج : واخة
بغات تطلع لقات راسها مهزوزة بايدو عاونها تركب و ركب هو
ثلوج : ديالمن هاد لفلوكة ؟
أمجاد : اتكون ديال شي واحد من الصيادة
هزات راسها باه و سكتات كتشوف فالما بتاسماات و هي كتطل على لحوت كيلعب باين عليه عايش فرحان .. تنهدات مكرهاتش تكون بحالو حتى هي و تقاد أمورها
شردات بتفكيرها لبعييد
"خدات من عندو الطبسيل : هاي هاي على حبيب قلبيي كيعرف اشوي لحوت ههه
شاف فالشواية لي كيسوط عليها: اجيي عونيني الكبيدة اجيي
بتاسمات و مشات لعندو "
ضحكات و هي كتشوف لبعييد عينيها مغرغرين قلبها كيتزمت عليها كلما تفكرت أنها عمرها باقي غادي تشوفو .. الشخص لي خدا قلبها مشا من هاد الدنيا و خلاها موراه جثة و كيانها فارغ .. بعد لمرات كتبغي تضحك غا باش اتزعزع قلبها من بلاصتو و ابدا احس و انبض بشغف .. ولكن صافي داك الشغف مشا مع مالييه .. بقات ليها غا عائلتها خاص تلقا حل فأقرب وقت و ترجع ليهم
فاقت من سهوتها على صوتو : شوفي لهناا
تلافتت لعندو كتشوف بملامح ممحية : بغيتيني فشي حاجة ؟
طول فيها الشوفة : فيك لبرد ؟
هزات راسها بلا و رجعات كتشوف فالما متبعة لحوت كتبتاسم ليه .. مشافتش لعندو بالمرة و لا تسوقت لييه
أما هو كان غا كيسوط بالغدايد و الألم لي كينهش فضهرو ضرو بزااف .. صبر راسو و كمل كيجدف بايديه على الله اخرجو من هناا
ثلوج سكتات شحال و رجعات نطقات : سمح ليا
هز حاجبو : إنا غلط فيهم بكترت ما كتار تلفت وسطهم
ثلوج مدلية ايديها كتلعب بالما : حيت حرمتك من حب حياتك و مراتك و ولدك .. سمح ليا مرة أخرى واخة مدرتهاش بلعانيي أما هادشي لي درتيي فيا غادي تدفع الثمن ديالو و ايجي النهار لي انفكرك فييه
أمجاد طار على شعرها غرس ضفارو فيه و نطق عاض على سنانو : اااااخرررر مرة تجبدييي لينااا على فمك
دفشها و رجع لبلاصتو كيجدف و كيسب من السمطة لتحت
رجعات حدرات راسها كتمسح فدموعها حاسة بالحكرة قدامو متقدرش تضربو كيف كيضربها هي .. ياربي تهز غا راسها
فالجيهة لاخرة
جالسين مجمعيين فالصالون حتى كيدخل عليهم أزار وجهو مخطوف
شاف فساجد : لوالييد اجي بغييتك
ساجد سولو بملامحو : ياك لباس
أزار : اجي غادي تعرف
و خرج لحديقة كيتسنا باه اجي لعندو و داكشي لكان غا شوية و بان ليه كيتقدم بخطواتو لجيهتو
ساجد : شنو واقع؟؟
أزار مسح على راسو : كنصونيي لأمجاد مكيجاوبش
ساجد : هو ديما مكيجاوبش شنو لجديد فهادشي
أزار : لبارح الأوطيل لي كان فيه لحفل تفجر .. الا شعلتي التيفي اتلقا غا هاد لخبر لي كيهدرو عليه
ساجد : وااش بصح الأوطيل لي تحل جديد تفجر ؟ .. عندك شي خبر على هادشي
شدى تنهدات : للاسف تفجر .. ولكن راه خدامين على لقضية الإنفجار مغاديش امشي غا هاكاك
ساجد خايف اسول و اسمع شي جواب ماشي حتى لهيه : و أمجاد ؟
شدى طبطبات على دراعو : هو بيخير اخاليي أمجاد صافا عليه .. لحسن لحظ كان من الناس لي خرجو قبل الإنفجار
ساجد عاد رجعات فيه الروح : لحمدلله
نطقات آريا لي كانت كترجف و هي كتسمع ليهم : مغاديي نرتاح حتى نهدر مع ولديي
أزار باس ليها راسها : ولدك بيخيير
آريا كترجف : خاص نسمع صوتو عاد انتهنى
أزار : تيليفونو ايكون مطفيي حتى لمن بعد و جربيي
هزات راسها باه وهي كتخمم فين ايكون دابا
لداخل ..
كانت نازلة و لكتوبة فإيديها قررات تجلس متبقاش كتمشيي لليسي حتى اوصل لوطني و تمشي تدوزو .. يله تحفظ و توجد لييه على خاطرها
مرداتش لبال كانت اتجي على فمها كون مشداتهاش شي ايد قاصحة .. شهقات و تلافتت مفزوعة كتبلع فريقها عاد بعدات
و هبطات حتى كيوقفها صوتو : انا غاديي نرجع لنيويورك
مسحات دموعها لي هبطو و تلافتت لعندو مبتاسمة : طريق السلامة اخويا
و حدرات راسها مكملا طريقها قلبها مزموت عليها كتطلب الله فالداخل ديالها تنسااه .. من الأول هاد لحب مستحيل و من طرف واحد ..خاص توضع ليه حد
فهاد الأثناء كان بدر الدين كيمسح على راسو أحسن حل بالنسبة ليه هو هادا خصوصاً مباغيش اخرج على نفسية بنت عمو و الإمتحانات ديالها على الأبواب .. غا تلافت لقا ندى مصغرة عينيها
بدرالدين : الله استر
ندى : اممم واش نتا و تغريد واقعة بيناتكم شي حاجة ؟
بدرالدين شاف فيها داك الشوفة ديال واش من نيتك و مشا
ندى : تغريد لحقيرة مخبية عليا
و هبطات كتجري تقلب عليها حتى خرجات لحديقة و هي تلقاها جالسة كتزعلل و كتقرا فالكتاب .. بتاسمات بمكر و مشات لعندها
ندى : يااك البعلوكة وليتيي كتخبيي على ختك لكبيرة
تغريد حابسة لبكية غا بزز : ندى بعدي مني
ندى : واش كتبغيي بدرالدين ؟
تغريد ضرباتها بنكرة : من نيتك
ندى جلسات حداها : و إلا بغيتي تعاودي ليا عاودي.. كنت باغا نساعدك
تغريد بعصبية : ندى كنحفظ .. واصلا انا ختو فهميهاا
و مشات
بقات ندى غا كتشوف : هادو مالهم ؟ .. كنت باغا ندير لخير ساعة بلاش اضربو راسهم مع لحيط
و جمعات لوقفة غادة كتعيط : بابييي
داز لوقت ..
فرحات فاش بانت ليها شي ساحة خضراء : قربناا نخرجوو
شافت لعندو و رجعات كتشوف فاليابسة حتى وصلو ليها .. نزل هو لول عاد شدها من خصرها نزلها و طلق لفلوكة وسط لواد
ثلوج كتدور فعينيها : فيين انمشييو دابا ؟
شاف فيها كيسوط : كتقولييها بوجهك حمر ؟؟؟
زفر و رجع كيشوف قدامو كيلهت ضهرو نايض فييه الشياظ
ثلوج بقات غا كتدور فعينيها كتطلب الله ميضربهاش
أمجاد شاف لعندها مخنزر : جلسسييي
هزات كتافها كتغبن و جلسات فين شار ليها بإيدو .. خلاها تماك و مشا كيقلب بعينيه إلا لقا شي حاجة تنفعهم
ثلوج وقفات و مشات كتجري لعندو : فيين هااارب المجررممم
طارت لعندو حتى عقد حواجبو و غوت : ااااناااااا شنوووو قللللت ليييك ... قلللت ليييك جلسسييي
ثلوج كتبكييي : سمعت صوت لكلاب .. كنخاف منهم
و رجعات مهبطة راسها كتبكيي
أمجاد زفر : سكتيي و لا نرجعك عندهم دابا نيت
مسحات دموعها و رجعات كتنخصص فصمت
أمجاد حيد التيشورط حتى خرجات عينيها من الجرحة : هااادشييي راااه غااارق
أمجاد كيسوط : سسسسكتيييييي صوتك كيهرنييي قطعي حسك
ثلوج ربعات ايديها و شافت فالجيهة لاخرة : تموت انشالله
حسات بيه شدها من شعرها و جارها بدات كتغوت باش اطلق منها و هو ممسوقش
حتى وقف و طلق منها كيشوف لبعيد : مصيبة هااادييي
شاف لعندها : هااادشيي كلو اتخلصيييه
بلعات ريقها : نتا لي تبعتينيي
هز ايدو ايصمكها ساعة كالات بإيديها حتى ساط و دار كيشوف قدامو كيغزز فداك التيشورط لي هاز و الدم هواد مع ضهرو
ثلوج شدات فمها و مشات كتجري مبعدة منو خلاتو موسع عينيه و تابعها .. حتى بدات كتستفرغ و ملاقية متستفرغ معدتها خاوية
هزات راسها كتنهج : ياربيي على عذاب
بدات كتبكييي بهستيرية : تفووو على حالة
بدا كيمسح ليها فمها بالتيشورط ديالو حتى عافتو و دارت لجيهة لاخرة مخسرة سيفتها : اااع ريحتو خانزة
مسحات فمها بايديها و مشات خلاتو هاز حاجبو و كيشوف فالتيشورط : ريحتيي خانزة !
غوت : ااااناااااا ريييحتييي خااانزةةة الق***
تلافتت لعندو : كين جوج احتمالات يا ريحتك خانزة بصح يا مع لحمالة جاتني خانزة .. و الأغلبية ايكون الافتراض الاول لي صحيح .. متأكدة أن ريحتك خانزة بصح
بدات كتجري و هو تابعها حتى هربات لواحد لحقل ديال عباد الشمس و هو موراها .. شوية لقات راسها مهزوزة فالسما
بدات كتفركل : بععععددددد منيييي الحكااار
ضربها لمؤخرتها بشحطة حتى و سعات عينيها : شهاااد لحقاارة
أمجاد ببرودة : انزلك تهربيي متلومي غا راسك
نزلها كتدور فعينيها : شنو انديرو دابا
أمجاد زفر : عندك لكمارة باش كتسولي بعدا
ثلوج حسات بالدنيا مشات و جات بيها كانت اتفقد توازنها حتى شدها : ماالك ؟؟
ثلوج حاطة ايدها على جبينها : فيا الدوخة .. ااي
أمجاد : ركبيي على ضهري
تحنا قدامها مكمش عينيه من لحريق ديال الصداع .. حتى ركبات عاد جمع لوقفة و تم غادي بالشوية و هي مغمضة عينيها بينما فاتتها الدوخة
شحال و هو كيتمشى بيها حتى بدات كتزول منها الدوخة عاد هزات راسها ساهية فعباد الشمس طوييل جاي قدها فالطول و لا قل بشوية .. كانو غابيين وسطو
أمجاد حس بيها كتحرك فوق ضهرو و كتحكك ليه مع الضربة : هداااي
ثلوج شيرات ليه بايديها : واااو فرااشة .. نزلنيي
أمجاد : لاالااا واااش من نيتتتككك
ثلوج : فيساااع
أمجاد : الضلام ايطيح و نتيي كتفكري ففراشة ؟؟
غزز سنانو بالأعصاب حتى سمع صوتها كتبكي وقف داير لخاطر بلا خاطر .. فهم هاد التسطية لي كترات فيها بسباب لحمالة
ثلوج نزلات من على ضهرو و مشات كتجريي لعند الفراشة فين طالعة : شحال كيووت
تلافتت لعند أمجاد : اجيي المجرم شووف
أمجاد كيسوط : لا واش من نيتها
شافها كتشير ليه بشغف و كتفرنس .. قرب لعندها هاز حاجبو مراضيش
ثلوج : شفتيي شحال زوينة
أمجاد كيطنز : بحالك تبركالله
ميلات شفايفها : اندير راسي مسمعتكش
و رجعات كتشوف فالفراشة فرحانة و ساهية فيها
أمجاد عرف إلا دار راسو فيها ايبقاو هنا .. جا اجرها عماتو الضباضة لي طاحت على عينو بالسباب الدوخة لي جاتو فجأة .. فقد توازنو و طاح فوقها حتى تخبطو بجوج و هي تحتو موسعة عينيها
شوية سمعو شي صوت جاي لعندهم : شكاديييروو تماااك ؟؟
بلعات ريقها فاش قشعات راجل كبير شاد لعكاز و على كتفو جلابة دالرجال : شكووون نتومااا ؟؟
ثلوج دفعات أمجاد من فوقها و ناضت حشمانة و وجها مزنك : مكنعرفووش اعمييي
أمجاد شاف فيها هاز حاجبو و شاف فالراجل : هاديي لمدام
و رجع حمر فيها حتى بدات كتفرنس : أ ا م م هو راجلي اعميي
أمجاد جمع لوقفة مشربن فيساع جرها جات موراه و ضربها ليها بقرصة حتى عينيها خرجو .. كيبرد لغدايد و لفقصة ديال واقفة قدام الراجل بلا حشمة بل حية بداك الشرويطة
الراجل : شنو كديرو فالحقل دياليي ؟
أمجاد : كناا دايزيين تلفنا على الطريق
الراجل : هممم اوا تبعونيي
أمجاد مسح على راسو : مكاينش شي حل لمدام تلبس شي حاجة عليها ؟
الراجل حيد جلابتو : لبسها هادي
ثلوج خبرات ليه : صافي نلبس هاديي
أمجاد بجدية : خاص إكونو دلبنات .. ضبرلي فيهم و بحلاوتك
الراجل : و زيدو تبعوني بعدا
أمجاد شاف فثلوج : تفاوتيي من حدايا ندبحك قدامو
بلعات ريقها و هزات راسها باه : و و واخة
تحدر عوتانيي لعندها فهمات خاص تركب عليه و داكشيي لي كان ركبها فوق ضهرو و مشاو تابعيين الراجل
داز لوقت
تلافت عندهم الراجل : غادي نجرب نعيط لبنتيي على الله تسمعنيي .. فحالة مسمعاتش خاص نمشي عندهاا
دار لعندها كيشوف وجها حمر باين عليها مرضياش : نتي زوينة و كملتيي دابا
ضحك باستهزاء و سبقها غادي قدامها و هي موراه غادة مربعة ايديها و كتنخصص فحالة هستيرية من الأعصاب
جا الليل ...
بعدما دارولهم لونكيط و هما جالسين مقابلين معاهم
عتقات لموقف فاش وقفات : شكرا بزاف لعشا كان زويين
الأم : سيري اشادية و ري الضياف بيتهم
ثلوج وسعات عينيها : أ .. م
قاطعها فاش وقف و جرها تابعين شادية حتى وراتهم لبيت و دخل ليه عاد دخلها وسد لباب
ثلوج لصقات مع لباب كاع التخايلات لخيبة جاو فبالها .. خصوصا كتشوفو مشا تلاح فوق الناموسية مشبح على طولو و عرضو و وجهو مزنك باينة اتجيه السخانة
ثلوج مزال على نفس وضعيتها : يااك نتا رااجل مغادييش تنعس فالأرض و نعس انا على الناموسية كيف كيديرو فالافلام ؟؟
نطق عاض على سنانو مقفزها : انحسب حد تلاتة نلقاك حدايا متكية و مغطية .. واحد ..جووج
ثلوج قطعاتو كتغبن : هننن حشوومة عليك
مشات على أطراف صباع رجليها كتختل حتى وصلات لناموسية كتطل عليه بالشوية مع مدور و جهو لجيهة لخرى و متكي على كرشو
قفزها : وااش منوياااش .. نعاود نحسب ؟
ثلوج : هاا .. لا لا بلاش
جلسات على طرف دالناموسية كتشوف و عينيها مغرغرين : فين انعس الحلوف و نتا شاد كلشي
تلافت و هز راسو لعندها خدودو حمرين و عينيه نايمين : قطعيي غا حسسك ديرالي الشقيقة
تكحاز كيسوط دار ليها بلاصة
ثلوج : و لغطا ؟ .. باغيي تاخدو بوحدك ؟
بدات كتغبن مجوبهاش كااع قاطع حسو كيتسنت لعضامو
ثلوج عيات وهي على نفس لوضعية .. شوية و هي تخشا حداه كتعير فخاطرها حتى تكات و دارت عطياه بالضهر كتسوط
بغاات تغمض عينيها حسات بيه كيغطيها بالغطا .. زيرات على لمخدة دايرة راسها ناعسة ..حتى مبقاتش كتحس بأنفاسو قراب عاد هزات راسها و دارت لعندو موسعة عينيها
أمجاد مدور راسو لجيهة لخرى : نعسسسسسيييي
قفزها رجعات راسها لمخدة عطياه بالضهر و مسوسة خايفة داكشي لي كيوقع فالأفلام اوقع ليها
أمجاد بغا اغمض عينيه و والو حلف لجاه النعاس لحريق فضهرو زاد عن حدو .. نايض فيه الشياظ خصوصا النهار كامل وهو هازها على ضهرو بحال شي بنيتة صغيرة .. زفر و غمض عينيه على الله و عسى انعس شوية بينما فرج الله
داز لوقت ..
ثلوج كتشوف ساهية مجاهاش النعاس و لا شافتو غا كتسمع لصوت لكلاب لي دايرين حالة برى .. بتاسماات توحشات هاد الأجواء فقريتهم
بقات على نفس وضعيتها كتفكر حتى دخلات فحوار داخلي مع راسها : خاص نهرب ما حدو ناعس .. لا لا اثلوج إلا هربتيي اينتاقم من عائلتك و لا اقتلهم هو راه معندوش لقلب .. و هاد اللطافة لي تعامل معاك بيها ليوم غا على قبل ولدو كيتسناك تولدي و اغبر ليك لوجود
عقلها بغا احماق بالتفكير : لا اثلوج إلا هربتيي اتمشيي عند لبوليس سلمي راسك و عاوديي ليهم بالتفصيل لممل كاع هادشي لوقع معاك .. ولكن واش ايتيقوني ؟ لا مستحيل اتيقو خاصني الدليل إلا هربت من عندو و سلمت راسي غادي نتعدم و هو ابقا عايش حر ! .. فينها لعدالة فهادشي كامل ؟
زيرات على لمخدة كتبكيي بلا صوت و عقلها مزال فداك لحوار : ثلوج نتيي ماشي مكلخة ! .. خاص تلقاي حل لراسك تخرجيي من هاد لعذاب بلا خسائر أخرى
شدات ليه ايدو كتنسل ليه فالتريكو بحذر بحال شي ولد صغير باغا تبدل ليه حوايجو .. كملات من هاد الإيد و دازت لإيد لاخرة حتى نسلاتو ليه فمرة
عاد بدات كترجع أنفاسها كانت كتلهت : سخفتينيي .. حتى و نتا مريض مكتخليش الناس فراحتهم
رجعات شعرها مور و دنيها معصبة : حيد التيشورط
أمجاد غا مغمض عيينيه مخدر دبصح
ثلوج شافتو مجاوبهاش بدات كتحيدو ليه حتى هو عاد تنهدات : دابا نقصنا لحوايج خاص حرارتك تبرد
أمجاد تقلب على كرشو حتى جات عينيها على ضهرو و شهقات حاطة ايدها على فمها .. شوية بدات كتبكيي خلعها لجرح محساتش على راسها و هي خارجة من لبيت كتمسح فدموعها و كترجف .. مبغاتش تبقا حداه كتخاف
تنهدات و مشات حداه جالسة فالناموسية و شادة ليه فإيدو كتخبر ليه : عنداك المجرم تزير ليا على ايديي حتى تهرس
ميلات شفايفها و قاصت ليه خدو : وجهك طايب بالحرارة
أمجاد فتح عينو بالشوية : ثلوج
قربات لعندو باش تسمع اش كيقول : بغيتي شي حاجة ؟
أمجاد بصوت خافت : متخلينيش
وسعات عينيها : ههه خايف ؟
حبسات الضحكة قدام الراجل و نطقات بهمس باش اسمعها غا هو : قوليي واش خايف ؟
حرك راسو باه و عينيه نعسانين
ثلوج : وانا داير عليا صعصع .. صدقتيي خوااف
شافتو رجع كمش عينيه سادهم و هي تحط ايدها على خدو كتقيص لحرارة : صافيي مغاديش نخليك متخافش
جمعات ايدها لعندها كتمتم : مخاصيش نشفق علييه .. آخر واحد استاهل الشفقة هو هادا
الراجل خدا من عند مرتو الأعشاب و بدا فخدمتو عارف شكايدير .. قاد لخليط و حطو على لجرح كيمسح بالقطن مركز مع شغالو
أمجاد كمش عينيه و زير على ايد ثلوج حتى عينيها خرجو : اااييي كتقصحنيي .. هيييه نتا هرستي ايدي هنن
عاقت بالراجل و مرتو كيشوفو فيها بتاسمات بغباء : هييهيي
خسرات سيفتها و قربات ليه : رخف منيي ابنادم يخخ
حيدات ليه ايدو من ايدها و دورات وجها كتسوط ايدها كانت علاين تهرس بحركتو
الراجل كمل شغالو السيد عارف شكايدير واخد لخبرة و باين عليه كيخدم بالأعشاب بزااف
كمل و جمع لوقفة : هاهو لبانيو ابنتي ..ديري ليه الشيفونة فازكة على راسو .. هاد الأعشاب ايداويو لجرح و اهبطو السخانة .. و حتى لعظم لي مقصح فيه راه مسدتو ليه
ثلوج بتاسماات ليهم : حشمتوني والله .. شكرا بزااف كنقولها من قلبيي
بتاسمو ليها و مشاو سدو عليهم لباب .. بقات جالسة ليه عند راسو كتمتم و ايديها على حناكها : حرم عليا نعاسيي هنن
أمجاد بهمس : ثلوج
ثلوج : سميتيي بعرة .. قول بعرة يخخخ
وشافت قدامها مغودة : كيبانلي انكره سميتي حتى هي
طولات فالشوفة عاد مشات خدات لبانيو كتفزك فالشيفونة و تعصر من بعد تحط على وجهو حتى كتسمعو تبورش
ثلوج : صبر الخواف ..سبحان الله الرجال كلهم بحال بحال فاش كيمرضو كيوليو بوحاطيين و مصبارينش
ميلات شفايفها و كملات كتفزك و تحط حتى عينيها تبوقو عاد طرفات لبانيو و دازت لبلاصتها طاحت دودة متكية حتى هي على كرشها بحالو و كلا رجل فجييه وحدة فالغرب و لاخرة فالشرق .. غاطسة فالمخدة كومة
صبح الصباح بنهار جديد ..
ضربات أشعة الشمس على الشرجم حتى دخلات لعندهم .. كانت يله برقات و صوت لفروج داير حالة صدعو حتى كمش عينيه و بدا كيحلهم بالشوية مغوبش راسو عاطيه لحريق و كاع عضومتو كيضروه بحاليلا رجع عليه لعيا .. حس بشي حاجة مليوحة على رجليه و ايد على شعرو عقد حواجبو و تلافت متكي على ضهرو .. هاد لمرة محسش بالألم و انما حس بالجثة لي حداه و لايحة عليه رجليها و ايدها .. لاصقة عليه مفهم والو
مسح على راسو بعدا كيرجع طاقتو . معاقل على والو لبارح من غير راسو لي كان كيضرو و لحريق لي عطاتو الجرحة
حس بيها اتحل عينيها سد عينيه بالخف
ثلوج حلات عينيها شداها لبكية : فيا الجوع
حسات على راسها كيفاش ناعسة شهقات : اويليي شكاندير هناا .. يكما هو لي دارلي هاد النعسة ؟
ضحكات على راسها : كان مهلوك فين اينوض
بغات ترجع لبلاصتها و تبعد منو قشعاتو على استعداد باش احل عينيه .. شهقات فخاطرها و رجعات كتمتل أنها ناعسة و فالداخل ديالها كتلوم راسها محملاش لبلان
أمجاد حل عينييه كيسوط : نوضيي عليااا
ثلوج دايرة راسها ناعسة مجوباتوش ..معندهاش لوجه لي تشوف فيه مرضياش
أمجاد ضحك باستهزاء : باقا ناعسة ؟
بتاسم بمكر دايها على قد عقلها عارف كيفاش اتفيق .. هز ايدو كيقربها لعنقها ناوي اهرها .. قبل احط ايدو ناضت طافجة حسات بخيالو و تهرات بلاما اقيصها كتحسس بزاف
أمجاد : سي بوبكر .. حتى نرجع و نصيفط ليك شي حاجة كشكر لييك
بغا انطق قاطعو : كنتمنى مترفضش
ثلوج بميوعة : اممم فييك لخير زعما
هز راسو لعندها و حاجبو معليي : الله اعميها لييك
ثلوج رجعات شعرها لور مغودة و كتمتم فخاطرها
داز لوقت ..
كان بوبكر مشا مع أمجاد اعرفو على ناس لجمعية لي حداهم .. بغا استاغل لفرصة حدما جا لهاد لبلاصة و بالصدفة لقا راسو هي وحدة من لجمعيات لي كيتبرع ليها
فهاد الأثناء كانت ثلوج جالسة حدا شادية و ساهية كتفكر تهرب و لا متهربش .. عيات بالتحليل لهاد لفكرة و موصلات لوالو .. مغادي تبدل حتى حاجة إلا سلمات راسها
شادية هزات عينيها لعندها بعدما كانت كتنقي فالزرع : ثلوج
ثلوج فاقت من سهوتها : هاا .. عيطتي ليا ؟!
شادية : مخاصمة مع راجلك ؟
ثلوج بارتباك : ههه لا
شادية : راجلك عاطيي لعين و اي وحدة تمنااه واخة كتبان فييه حدودي و لكن باين حنين .. هادشي باين فعينيه
ثلوج تنهدات : نتيي معارفة والو
شادية : واش معاملتو صعيبة معاك
ثلوج عينيها مغرغرين : كتر ما كتصوريي .. كرهني فحياتي و فالنهار لي خلاقيت
شادية : نوصييك وصية مديريش لغلاط لي درت
ثلوج : اشمن غلاط درتي ؟
شادية تنهدات ساهية كتشوف لبعييد : هاديي عاميين تطلقت و لحسن حظي تفكيت من داك الزواج بلا ولاد بلا والو .. لحمدلله خرجات على خير
ثلوج : مكنتوش مفاهمين ؟ .. إلا كنتي متأثرة بالموضوع بلاش متعاودي ليا راحتك هي لولا
شادية كملات كلامها : طليقيي كان كبير عليا بعشر سنين و صعييب بزااف
شافت فيها بحاليلا تفكرات شي حاجة : نتيي راجلك بشحال كبير علييك ؟
ثلوج : هو بادي فتلاتيين و انا عندي واحد وعشريين
شادية : واخة بيناتكم فارق السن ولكن ممعيقش جيتو مواتيين
ثلوج بميوعة : كمليي ليا قصتك بعدا
شادية : فالأول تخوفت من هاد الزواج و لكن من بعد زعمت و توكلت على الله ... قلت نتزوج حتى انا و منبقاش بايرة على حساب هاد الدوار لي غارقة وسطو
سكتات شحال و رجعات نطقات : باش عرفت راسي خرجت علياا .. هي نهار لليلة دخلتيي
شافت فثلوج : مزعمتش و كنت حشمانة بزااف .. تخايلي ضربنيي حيت مبغيتش و غتاصبنيي بلا رحمة بلا شفقة
ثلوج شهقات : وهادشيي فخبار واليديك ؟
شادية : قلتها غا لخويا لي قريب ليا فالسن .. لقاني واحد لمرة كنبكي و لصقني حتى فهمتو علاش كانت اتوقع قتيلة خصوصا خويا دمو حاميي و شخصية لعسكر مأترة علييه
ثلوج : خووك عسكري !
شادية : اه
مسحات دموعها لي هبطو و رجعات كتكمل هدرتها : دازت ليام و سكت على لواقعة .. كان داك الإغتصاب كيتعاود كل ليلة و الضرب على اتفه الأسباب .. شفت راسي كنضيع و انا نرفع دعوة الطلاق و طلقت منو
ثلوج : اوا
شادية باستهزاء : تزوج دابا و سمعت عليه ولا حنين بزااف و لي بغاتها مرتو كيديرها ليها
ثلوج : زعما ؟
شادية : الديفو لي كان فيا هو مكنتش كنعرف لييه .. اكدب علييك لكادب لمرا لي كتبدل الراجل و تعرف تسيرو .. شفتيي إلا كنتي قادة توصليي لقلبو غا وصليي لييه .. الراجل فاش كيتزعط كيوليي خاتم بين ايدييك و اقدر ابكيي الدم لا مشيتي و خليتيه
ثلوج : هادشي غا فالافلام
شادية : نتي راك هبيلة ..راجلك قربيه لعندك و لا كان قاصح رطبييه و داك الساعة لي حليتي عليها فمك تلقايها .. و كيقولو ناس زمان
بدات كتفكر : نسيت لمثلة .. ولكن عاقلة على لمضمون
ثلوج : شنو هو ؟
شادية : لمرا لا بغات تعذب الراجل تجرحو فقلبو و تمشيي ابكيي الدم موراها
هزات راسها باه و مشات كيف طلب منها كتنهد : خاص نشد فميي شوية
رجعات شعرها مور و دنيها : مستحيل هاد لحلوف اطييح .. هو راه كيبغيي لينا و ولدو لي قتلتهم ليه
عينيها غرغرو فاش تفكرات لكسيدة كتلوم فراسها واخة مدرتهاش بلعاني كلشي كان صدفة و مكتاب عند الله
فالجيهة لاخرة ..
نزلات من طموبيلتها قاصدة باب الشركة .. دخلات معاه و طلعات لعند باباها تحت انضار لموظفيين .. كتمشى بخفة عاجبها راسها و حاسة بزينها .. وصلات لمكتب دقات حتى سمعات دخل عاد حلاتو : بااابييي هانيي جييت
فرانة فالبلاصة حتى كانت اتلاح من الزاج لقداميي و هبط دار لعندها حل عليها لباب : نزلييي
بلعات ريقها وهي كتشوف فييه .. حتى حسات بيه جرها خرجها بالسيف و سد لباب : فشوشك خليه فداركمم
و دار ركب و كسيرا
ندى بقات غا كتشوف مصدومة و لوطوروت الطريق كتصفر مكينش حس لحديد قليل .. تخلعات و بدات كتبكي و تلوم فراسها حتى حشاتها لييه .. مسحات دموعها لي هبطو و مشات جلسات على واحد الصخرة كتنخصص مرضياش .. شبعاتو دعاويي بالفقصة
بقات على نفس لحال حتى حسات بشي طموبيل وقفات ليها هزات راسها لقاتو هو نفسو كيشوف قدامو مملافتش عندها
كريم حس بيها منوياش تجي تركب .. هبط الزاج و شاف لعندها : كاينين السراقة باغا تسرقيي .. أقل حاجة ايديروها بعدما اياخدو ليك رزقك هي اشرطو لييك داك لكمارة لي فرحانة بيها
ندى محساتش على راسها بدات كتلعب بايدها على لحيتو عاد حطات شفايفها على شفايفو حتى تصدم من جرءتها قبل تبدا تحرك فشفايفها فوق شفايفو دفعها و جمع لوقفة : ششنووو درتيييي ؟؟؟
وعات على راسها و دارت لجيهة لخرى كتلهت .. شوية تحدرات لبسات صباطها و جمعات لوقفة غادة كتحبس فدموعها على لقمعة لي عطاها .. حتى كتحس بييه جرهاا لعندو زادحها مع صدرو .. حاوط عنقها بايديه بجوج و هبط لشفايفها كياكل فييهم مغودد
ندى بدات كتدفعو و والو حتى زير على خصرها عاد بدات كتجاوب معاه ناسيين راسهم
كريم عاق على راسو بعد كيلهت و كيمسح على شعرو : هادشيي مخاصوش اوقع
شاف فيها باشمئزاز : زعما عندك حبيبك .. كون مكانش اعلام الله شكنتي غاديري مزال .. كيبانلي نتي من داك النوع ديال كلمة جوج تنعسي معاه ففراش واحد !
قطعاتو بتصرفيقة حارة على حنكو و مشات كترجف بالأعصاب محملاش راسها .. وصلات لطموبيل ركبات كتنهج و تلافتت جيهت الزاج فاش حسات بيه ركب حتى هو .. منطقات بحتى كلمة غا كتشوف فجيهة وحدة
كريم مسح على راسو معارفش هادشي منين تسلط علييه .. ديمارا و قلب لوجهة اوصلها منين جابها
فالجيهة لخرى ..
كان واقف مع واحد من رجالو .. لي كان وصاه اجيب ليه الطموبيل
شاف فالوقت و مشا لعندها مزال داخلة عند الناس : ثلوووج
خرجات لعندو بدجيين و ديباردور فوقو و شعرها كوب شوفاال مفهم والو منين ضبرات على هاد اللباس
تلافت كيبانولو كاع الجيران كيتطالو و الدراري الصغار حالين فمهم فالرونج كينقزو فرحانين حيت شافوها مباشرة
زفر و قرب لعندها : شهاد اللباس ؟
ثلوج باستغراب : مالو ؟؟ .. بععد منيي بالسيف باش ضبرت علييه ميمكنش نبقا فداك البيجامة لي كتجي قد طاطا يطو
ثلوج بدات كتاكل فايديها معصبة مقدراتش تصبر و هي تنزل مشات لعندهم : راجليي لعزيز
شاف لعندها عينيه حمرين .. زربات عليه و قربات لودنو بدات كتخبر ليه : مرات هاد الراجل كانت اتعطيني لبيض لبلدي بغيتو مشهياه
أمجاد عاقد حواجبو كيغزز فسنانو على هدرتو لي طيحت بيها لأرض و نزلات عندو : حتى نشريه ليك
هزات كتفها بطفولية : نتاا ديماا مكتسوقش لياا
بوبكر : مالها اولديي
أمجاد تنهد : كتوحم بغات لبيض
شوية و خرجات عندهم لمرا هازة ساشية مداتها لثلوج لي حالة فمها بالفرحة : هنا كاين لبيض و شوية لبن .. وحتى الزبدة بلدية خوديهم بالصحة و الراحة و تهلاي فراسك لحمالة كتبغيي الراحة
أمجاد غا كيسمع و كيشوف فثلوج اتطير بالفرحة
ثلوج عنقاتها : شكرا بزااف اخالتيي
بانت ليها شادية مشات سلمات عليها : هاهو رقمك عنديي .. فاش نعيط ليك جي لعندي
شادية : ههه صافي الآلة ميكون غا خاطرك
ثلوج : اوكااي باي .. تهلاي فراسك
عاودت سلمات عليها و مشات عند أمجاد : صافيي سالييت
أمجاد عاود صافح بوبكر : ايجي عندك واحد من رجالي قوليه كاع لمشاكل لكينين فهاد لمنطقة هو ايتكلف و ايعلمنيي
بوبكر : الله اكتر خيرك اولديي
أمجاد كتافا بابتسامة و جر ثلوج لي بحال لهبيلة حالة فمها فالساشية داك الساعة جا لعندهم لكارد خدا من عندهم الساشية حطها فالرونج .. قبل اركبو تعرمو عليهم ناس لمنطقة كلا واحد هاز فايدو الثمر و لحليب
ثلوج بدات كتضحك : سلام عليكم
بوبكر تدخل : ماالكمم ؟؟
نطق واحد من الجيران : سمعنا عندك ضياف مهميين جيناا نضايفوهم
بوبكر صغر عينيه : سمعتوه هو واحد من المتبرعين دلجمعية ياكو ؟؟ .. حتى حاجة مكتخبا فهاد الدوار
أمجاد غا كيشوف هادشي غريب عليه أما ثلوج مشات لعند الناس كتاخد من عندهم لحليب و الثمر حتى جرها مخنزر : شكاديري
ثلوج خدات كاس دلحليب و ثمرة فايدها : شرب و سكت
أمجاد : لا وااش من نيتك ؟؟؟
ثلوج تحت من سنانها : الناس كيشوفو فينا حشومة .. و هما أصلا كبرو بينا على الأقل تواضع و شرب من لحليب و كول الثمر
نطقات بنت اتكون فسن الرشد : واااو وااش نتاا هوا أمجاد آل عمران ؟؟
حسات بقرصة من عند باها : فيين كتعرفييه ابنت لحرام
لبنت : ااي بعد منيي أبا .. راه هادا مشهور فالتلفازة و الأنسطا معرفتيهش
الأب جرها : زيديي قداميي درتيليي الشوهة
أمجاد غا حال فمو مصدوم و شاف فثلوج غمزها باش تفهمو
ثلوج طلعاتو و هبطاتو : هاي هاي البنات كيعرفوك ههههه .. نقولهم راك مجرم رشينيي باش منقولش يلله
كانت كتهدر هازة حاجبها : يلله رشينيي
أمجاد : يلله نمشيو قبل نخلطك قدامهم
ثلوج : تسناا شرب لحليب متقمعنيش قدامهم
هبط راسو شرب من ايدها و وكلاتو الثمر
جات نفس لبنت لي نطقات قبيلة بعدما تفكات من باها : وااخة نتصور معاك ؟؟ عفاااك
قالتها و لقلوبة خارجين من عينيها
ثلوج حالة فمها كتضحك : اه تصوري معاه هو ضريف مكيخسرش لخاطر
شافت فأمجاد لي مخرج عينيه فيها : يااك اراجليي لعزيز
بدا كيكحب شهقات لييه حتى ضرباتو لضهرو باش متبقاش فيه زعما ساعة زادت شهقاتها لييه
ثلوج : جييبو لماا جييبو راجليي جاااف
أمجاد من تحت سنانو : انفرع مككك لييوم الكلبة غا بلاتيي
و مشات كتجمع مع الناس و كتشرب فالحليب شهاوها .. خلاتو هاز حاجبو و متبع ليها لعين مع تخنزيرات حارة كون كانو قرطاس كون ماتت
لبنت حشمانة تشد السيلفيي : سمح ليا صدعتك
حسات بيه خدا ليها التيليفون : انا انصور ولكن هاد التصويرة مبغيتهاش تخرج من هنا
هزات راسها باه فرحانة : كنواعدك
بتاسم ليها و شد السيلفيي حتى تصورو تحت نضرات ثلوج لي مصغرة عينيها .. غا مشات لبنت طارت لعندو كتطلع و تهبط فييه : الناس كيبتاسمو هاي هااي
أمجاد مسح على راسو و ايدو لاخرة فجيبو : شنو نخنزر فييها
ثلوج : اه خنزر فيا غا انا برااك
أمجاد ببرودة : تماما
شوية جاو عرمة ديال لبنات كيتجراو باغيين اتصورو معاه خصوصا عرفو أنه ممتكبرش و تصور مع بنت جيرانهم
نطقات وحدة منهم : بليييز واخة نتصورو معااك ؟؟ عفااك
كلهم ولاو كيقولو عفاك وهو مصدوم شهادشي !
ثلوج : ههههه دير ليهم خاطرهم المجرم .. حشومة
أمجاد شافهم بالطابلية ديالهم : كنتو قاريين !
هزو راسهم باه باينة غا بنات لليسي .. مسح على راسو و خدا تيليفون وحدة منهم تصور معاهم مقدرش اخسر لفرحة لي باينة فعينيهم
ثلوج شداتها لبكية علاش هو كيبغيو اتصورو معاه و هي لا .. حتى حسات بشي واحد نغزها تلافتت لقاتو شاب فسن الرشد حتى هو اتكون عندو تمنطاش نيشان
نطقات باستغراب : ويي خوياا
نطق الشاب حشمان : كنت واحد من لفولورز ديالك فالأنسطا واخة لحساب مبقاش كيطلع عندي .. ممكن نتصور معاك ؟
ثلوج بابتسامة بشوشة :بياان سييغ
خدات من عندو التيليفون و بدات كتصور معاه بالسيلفيات مرة ضاحكة مرة دايرة فمها على شكل بوسة .. كلا سيلفي وكيفاش داير حتى حسات بالتيليفون تنتر من ايدها تلافتت مفزوعة سرعان ما قلبها ولا كيضرب فالمية فاش شافت نضراتو لحادة لي رامقها بييهم .. حدر راسو داك الساعة مسح التصااور كاملين و جر الشاب من دراعو هاد الأخير لي كان ايطلقها فسروالو بالخلعة لي ركباتو
أمجاد تحت من سنانو : باغيي تصور ؟
الشاب كيهز راسو باه و هو مرعود : اا أ مم
أمجاد شد سيلفي لييهم بجوج و عطاه التيليفون بعجرفة كانت ايطيح الشاب و تيليفونو : هااد لمرة بقا تشاااور
طبطب عليه بعجرفة و مشا جر ثلوج من معصمها مزير عليه علاين اهرسو .. ركبها لور و زدح لباب حتى قفزات عاد دار لجيهة لخرى ركب حداها كيغزز فسنانو
خاطب لكارد : صافي تحرك
هز راسو باه و ديمارا كيف طلب منو
ثلوج دارت باي باي لناس دالدوار مع إبتسامة حتى بعدات الرونج من حداهم و شدات الطريق الرئيسي
داز لوقت
كان طول الطريق غا ساكت منطق بوالو .. هادشي لي خلعها خافتو اكون ساكت على خزيت بقات كتفكر و تخمم حتى نطق ببرودة : كنتيي كتصوريي معاك ؟
شافت لعندو كتمتم :راه بحال خويا الصغيير
أمجاد غا كيشوف قدامو و عاض على سنانو : سولتك كنتيي كتصوريي معاه
بدات كتفرك فإيديها عرفاتو رجع لحماقو : مقاصدة فيها والو هنن والله
أمجاد ببرودة : سولتك جاوبيي ؟
هزات راسها باه : هنن تصورت معاه
غا كملات كلامها حسات بتصرفيقة تلاتية الأبعاد نزلات على حنكها حتى بدا كيوزوز عليها .. نص وجها كامل ركد علييها
رجع نطق ببرودة كيشوف قدامو : نسسسسمععع صوووتككك كتبكييي نذبحك و نشرب من دمك
حطات ايدها على فمها حابسة لبكية بزز و عينيها هابطين بالدموع .. كان كيسوط و هو كيشوف انعكاسها من لمرايا لي لقدام ..
زفر و دار لعندها : قربييي
قربات لعندو كتنخصص باغا تحبس لبكية و مقاداش
أمجاد خاطب لكارد : مد ليا كلينيكس
و داكشي لكان مدو لييه فالحين .. خداه من عندو و دار لعندها : حيديي ايدك نشووف
حيدات ايدها من على فمها كتبكيي بلا صوت
أمجاد ساط شاف فمها لي تجرح بدا كيمسح ليها الدم بالشوية و هي كتبورش حابسة لبكية .. حتى كمل و دفعها بعجرفة و غوت : قطعيييي حسسسسك لهدرة ماشيي دابا حتىى نرجعو
زفر و شاف قدامو خلاها مكمشة فبلاصتها كتمسح فدموعها و هدرت شادية كدور فراسها .. كيفاش اتلعب بقلب هاد لوحش لي حداها و هو أصلا معندوش لقلب واقيلة
أمجاد سكت مطول و رجع نطق : ضحكتيي ليه فالتصويرة ؟ و درتيي فمك على شكل بوسة من لفوق
دار لعندها تلاح على شعرها حتى جرها لعندو شاد فكها باش تجي عينيها فعينيه
رجع نطق ببرودة : دابا شنو ندير فييك ؟؟
ثلوج نزلات عينيها كتنخصص فصمت جنناتو بغاها تقول شي حاجة ..
حتى رجعات هزات عينيها فعينيه : إلا كنت لعدوة ديالك .. مكيعنيش ندفن راسي حية باش تبقا على خاطرك .. يااك فاش ايتزاد ولدك اتقتلنيي .. اذن خليني ندير لبغييت حياتيي هاديي
زير على شعرها حتى تأوهات و نطق بهمس : حياتك مبقاتش ديالك .. ولات دياليي انا لي كنقرر فييها
ضربها بصبعو لجبينها : دخليي هادشي لراسك
بقات غا كتشوف فيه مع شهقاتها لي مقدراتش تحبسهم .. شوية حسات بيه دفعها من جديد حتى تزدحات
دورات وجها كتشوف فالزاج و لبكية مباغاش تفرق عليها .. ناويي اكرهها فحياتها كتر و كتر و هي اصلا عافت وجودها فهاد الدنيا .. كلما تفكرات اش عاشت مؤخراً كتبغيي روحها تخرج و رغم هادشي كتحاول تضحك و تلقا حل لراسها أما كون جات و عاندت لكسيدة لي تسببات فيها و ماتو جوج دالأرواح اولا موت حبيبها لي بغاتو من قلبها و مزال كتبغييه .. أولا كيفاش حتى فاقت لقات راسها حاملة بلا خبارها .. ناهييك على الإنفجار لي كون ماسمعاتش ليه امكن مكانش ايوقع و ايموتو بزاف دالضحايا
تنهدات بعمق و غصة كبيرة فقلبها هادشي بزااف علييها صعيب التحملو .. و لا جات دير بهدرت شادية كيفاش اتطيح قلبو و هو صخرة مكيتزعزعش
نبدلو لبلاصة ..
كانت جالسة هي و محمد فالحديقة كيقراو بجوج مع عندهم لباك و غارقيين وسط لحفاظة
أمجاد : لا جيت ندي شي حاجة و نمشي .. لخدمة فوق راسي ميمكنش نخليها
آريا : لحمدلله على سلامتك .. ربي حفضك من الإنفجار
كتفا بابتسامة عاد نطق : بغيت نشوف دادة
آريا : قبيلة مكانتش فالكوزينة .. معرفتش دابا واش كاينة
أمجاد جر آريا من خصرها : اوا اجي نشوفو و نتاكدو
آريا فرحانة بولدها : شفتك ضعافيتي مالك
أمجاد : مع لمشاغيل .. خالتي و راجلها مزال فالمغرب ؟
آريا تنهدات : موت لينا كان فاجعة بالنسبة لييهم .. و صلاتهم لخبار بأن لمجرمة هربات مغادي اهناو حتى القاوها
أمجاد هز راسو باه
آريا شافت فيه مطولا : عفااك اولديي حاول تنساا .. انا بالنسبة ليا داك لبنت ماشي لخاطرها .. لي وقع كان حادثة و مكتاب... و الله إلا كتب شي حاجة فراه اتوقع سوا بغينا سوا لا .. كون أكيد هادشي حادثة فقط بحال كاع حوادث السير
آريا : كينا نازلي و اصلا شكون هاد لمسخوطة لي اتقبل علييك
أزار : كتقصدي شكون هادي لي ايقبل عليها ولدك
آريا شافت فأمجاد : اتزوج خووك بعداا
أمجاد : آريا متبدايش
زفر و مشا
أزار : باقيي مأثر بموت لينا .. ماشي ساهلة كانو كيخططو لعرسهم و فداك النهار دارت كسيدة و مات ولدو
آريا تنهدات بعمق : بكترة ما بقات فيا بنت ختي بقا فياا ولديي .. كنعقل فاش ماتت قاليا لي كتفهمنيي ماتت .. شكون هاديي لي اتفهمو و تدير بخاطرو .. أمجاد صعيب مكيبغيش الضدد و لينا كانت كدير ليه خاطرو و تفهمو . هادشي لي كان عاجبو فيها ..داك لجملة لي قال مزال لدابا كنسمعها فودني بحاليلا قالها غا دابا
أزار : دابا لحب ادق بابو
آريا : إلا دق بابو راه معجزة .. حبو للينا كان قوي
أزار : خويا و كنعرفو .. هو غا كان مولف لينا و لاقي راحتو معاها اما لحب فاراه مكانش كيبغيها نحلف عليها .. فاش كتكون كتبغيي كتبان فعينييك
ضرب آريا لراسها : برب كون ما كانش داك لحادث انقول راه طايح على زنافرو داكشي علاش نقص فالوزن
آريا نطقات بتطناز: الفيلسوف كيهدر .. هادشي قولو لراسك و شد الطريق مع نازلي
أزار مشا وخلاها : ناريي بدات
آريا : سمعتك
دازو ساعات ..
على متن طائرة خاصة كتحلق فالسما ..كانت جالسة قبالتو مدورة وجها لجيهة لخرى و هو حاضيها مقابل معاها
تنهد و نطق : فييك الجوع؟
هزات راسها بلا و هي على نفس لحركة
أمجاد شاف فالمضيفة : جيبيي ليها شي حاجة تاكلها
ثلوج بصوت تعبان : مافيااش
أمجاد تحت من سنانو : طيريي جيبي ليها شي حاجة
مشات لمضيفة دير اش طلب منها
أمجاد ببرودة : اش باان لييك داك الشعر اتقرع
تلافتت لعندو مخرجة عينيها : حراام علييك
أمجاد : يلله اجيي
ضرب بايدو حداه : طييريي
وقفات و مشات حداه بنفخة هازة نيفها لسما
أمجاد : خاص تاكليي على قبل ولديي
ثلوج : فيين مشيتي قبيلة
شاف فيها هاز حاجبو
ثلوج مرضاتش : بلاما تجاوب
شدها من دراعها مزير علييه : مشيت نزور قبر هاديك لي ماتت ضحية بسباب طيشك و استهتارك
كمش عينيه مغودد : قلبيي لموضوع و سكتيي بديتي كتلعبيلي على لميموار
ضربها بصبعو لجبينها : مفاهميين ؟
هزات راسها باه و دارت كتشوف قدامها شحال عاد نطقات و هي كتشوف فيه : حتى انا بغييت نشوف قبر حبيبي
شارت ليها لمضيفة بإيدها حتى مشات طيرة و أمجاد موراها
سدات لباب فوجهو و هبطات راسها كتستفرغ غادي تسوس معدتها .. طلقات لما و بدات كتغسل كتنهج ممسوقاش لخبيط لي كيخبط على لباب
جعر : حللليييي البرهوووشة حللليييي
ثلوج شافت لعند لباب بحقد و رجعات كتغسل فوجها و كتشوف فالمرايا مطولا .. تبدلات بزااف و ضعافت . وجها ذبل و ضحكتها غادة و كتنقص .. فينها ثلوج دشحال هادا لي غا ضاحكة و ضاربة الدنيا بركلة .. فينها داك لحيوية لي كانت كتبان فعينيها كلشيي مشا ..بقا غا لجسد بلا إحساس أما روحها خرجات شحال هادا فاش تفرقات على عائلتها و على حب حياتها
تنهدات بعمق كبيير و دارت لعند لباب حلاتو اتسخف : حيد.. ع م
و طاحت بين ايديه مفاهم والو .. هزها فيساع نيشان للبيت لي كاين تماك .. تكاها على الناموسية عاقد حواجبو
و قرب لعندها كينطق بهمس : ثلوج
زفر و خرج على برى جاب كاس دلما و رجع لعندها رش عليها شوية حتى شهقات و حلات عينيها كترمش ببطء
شوية شدات راسها : راسي كيضرنيي
أمجاد : تقاديي نغطييك
تكات مدورة وجها و غاطسة راسها بين ايديها حتى كتحس بالغطا كيتحط عليها
خرج و خلاها باغي غا معامن .. رجع جلس فبلاصتو و جبد كارو اكمييه على الله ابرد شوية
شاف فالوقت و تنهد معارفش واش ارجعها لنفس لبلاصة و لا لا خصوصاً أنه لفترة لماجية غادي اغبر على لوجود حتى اقاد شي شغال عندو فالخدمة
شاف جيهتو هز واحد لجريدة و بدا كيقرا و عينو على مقال واحد .. مولاه بدا كيضرو فراسو خاص القالو حل و اتهنى فمرة
فالمخفر ..
كانت جالسة غاطسة راسها فالملف لي قدامها حتى كتحس بالباب تحل هزات راسها مخرجة عينيها : كينا شي حاجة سميتها تاخد الإدن
جلس قبالتها و حط رجليه على الطابلة لي قدام لمكتب : بصح مفراسيش هاديي
شدى تجننات : و اش هاد لوقت بعدا ؟؟ .. إلا بقيتي هاكة قولهالي باش متبقاش فالفريق من الأحسن
رياض مخسر سيفتو : بديتي كتضسري شوية لا ؟
نطق بجدية : النهار لول مكانش علييك تقربي ليا .. زائد إلا بغيتي نمشي ندرق كمارتي مرحبا و ألف مرحبا الزين .. غا هو قلبي على شي معلوماتي من غيري
جمع لوقفة و مشا لعند لباب : تشااو
وقفاتو قبل اخرج : لا تسناا
رياض بمكر : لا تقلقت ديري شي حاجة باش منبقاش مقلق
شدى ربعات ايديها مصغرة عينيها : شنو زعما
رياض بابتسامة جانبية : شي عراضة رومنسية و شي ليلة حمرا
غمزها مع ضحيكة : اجيي باقا بنت .. اريي نقلبك مافيها باس
شدى حالة فمها من هول الصدمة .. تلاقات فحياتها ناس بزاف مكيحشموش و لكن هادا قاليهم مكتعرفو والو
رياض كيقرب لعندها : تحيدي السروال ولا نحيدو أنا
و سكت مع غمزة و ضحيكة خفيفة
شدى بقات غا كتشوف فييه مصدومة .. بنفاد صبر هزات ايدها حتى لفوق و بغات تنزل عليه حتى كتلقا ايدها مشدودة
نطقات عاضة على سنانها : طللللق من اييديي
هبط ليها ايدها : لمرة جاية ويااك تعاودييها
شدى : اااخرر مرة تصرف بهاد لحقاارة كتفهم ؟؟
رياض قرب لعندها حتى رجعات بخطوة لور : لا مفهمتش فهمينيي
شاف فشفايفها : شحال من واحد باسك فييهم ؟
مقدراتش تصبر نزلات عليه بتصرفيقة و ضربات فيه غادة جيهت لباب حتى كتلقا راسها مشدودة من دراعها
تلافتت لعندو مخرجة عينيها : شنوو باغييي
رياض : غاا ضااحك الحب .. طلقيها تسرح
شاف فالمكتب : اجيي نخدمو عندي لييك شي حاجة اتنفعك
نترات دراعها منو و نطقات بجدية : شووف مبغيتش ناخد شي قرار ماشي حتى لهيه .. ولكن بينما سالات ها لقضية كنتمنى منلقاش معاك مشكيل من هنا لقدام
رياض : مافيااش لمشاكيل باش تلقاي معايا مشكيل
غمزها و مشا جلس داير رجل على رجل
شدى شافت حتى عيات مسحات على راسها و مشات جلسات كتنهد
أمجاد كيهدر و احرك فالموس : يلله بدااي نشووف .. إلا مقنعاتنيش لمحاضرة ديالك ودعيي شعرك لي بقا لييك
ثلوج نزلات راسها كتهدر بحرقة و صوتها باكيي : تخايل معايا تكون عمرك قتلتيي حتى نملة و فيوم من الأيام تكون السبب باش ماتو جوج دالأرواح و فيوم آخر اموت حبيبك .. و تفيقي تلقاي راسك حاملة بولد الشخص لي قتل لييك الشخص لي كتبغيي
مسحات دموعها كتنخصص و رجعات نطقات : و حتى تبدا تأقلم مع الضروف حتى كتفاجأ بأنك فجرتي أوطيل على قدو
مسحات دموعها لي هبطو بحال الشلالات و رجعات نطقات باستهزاء : تكون هاني فحياتك حتى اقول لييك باك كون غا كانو عندي لولاد و مولدتكش .. خرجيي علياا نتيي عار بالنسبة ليا و هادشي كامل حييت الشخص لي قتل لييك حب حياتك صيفط تصاور مزوريين طاحو فإيد واليدييك
خنزر فيها و شاف قدامو .. حتى وصل لواحد لبيت حل بابو و دخلها لييه .. قصد الناموسية نيشان حطها عليها
و وقف كيسوط : متحركيييش حتى تحسي بالوجع مشا .. إلا مفاتكش قوليهالي
هزات راسها باه : اوكااي
دار ليها اطنسيو بحركة ايدو و مشا ساد موراه لباب .. خلاتو غا غبر و جمعات لوقفة كتنهج
بتاسمات بمكر : صافي عرفت نقطة ضعفك المجرمم
تكسلات و مشات لعند لحمام تاخد دوش و ترتاح .. وداكشي لي كان غرقات فييه حتى ولا طالب الشرع عاد خرجات منو كتشعل بالنقا و شعرها فازك مجموع بالفوطة
قصدات الناموسية جلسات دايرة رجل على رجل ببنوار قصير كترجع أنفاسها
بتاسمات : كانت خصانيي هاد التدويشة .. جات فوقيتتها
عاودت تكسلات تحيد الإرهاق و مشات لدريسينغ كتدور فعينيها بفضول : وااش هاد لحيوان كلشي كيضرب ليه لحساب .. مخطط مع راسو ايجيبني هنا !
بقات غا كتشوف فالحوايج : عندو الذوق .. صدمنيي
صغرات عينيها بخبت : واقيلة نبداو نجربو فالخطة
ختارت اش تلبس كان تيشورط كيبين لكريشة و طايح على لكتاف و بالشورط ديالو قصير ديال النعاس .. ختارت حتى دوبياس فاللون لي كيعجبها . السيد بحاليلا عارف حتى قياصها فالملابس الداخلية خخخ
كملات لباسها و خرجات كتقلب على السوشوار بعينيها .. لقاتو عاد بدات كتنشف فشعرها كتغنيي واحد الأغنية كتعجبها و قريبة على قلبها .. كان ديما كيغنيها ليها مراد بصوتو
كملات و جمعات شعرها كعكة مهملة عاد لبسات فرجليها كلاكيطة و نزلات كتدور فعينيها على الديكور كانت فيلة صغيرة ديكورها بسيط حمقاتها .. كانو من الأحلام بالنسبة ليها هو تكون عندها بحال هاد لفيلة فاش تخدم و تستاقر ولكن ماشي كلشي كيمشي كيف بغينا
تنهدات بحرقة و كملات خطواتها على الدروج حتى نزلات كتقلب عليه .. ميلات شفايفها فاش بان ليها جالس على لكنباي غا بشورط و شعرو فازك باين عليه يلله مدوش و ريحة الشمبوان واصلة لعندها من تماك.. صغرات عينيها بفضول كيبان ليها مركز مع لبيسي لي قدامو و ساهي فييه
بغات تمشي لعندو و هي تسمع لخدامة : ثلوج
تلافتت لعندها : هااي هاديي غانتيي
لخدامة : اه هه .. شنو باغا لعشا
ثلوج : مشهية لحوت
لخدامة : اوكيي نوصي لكارد اجيبو
ثلوج : اوكااي
دارت ليها بيزو فالهوا و مشات لعند أمجاد تحدرات على شعرو كتشم : اححح كتحمق
تلافت لعندها عاقد حواجبو : شكادييريي ؟؟
ثلوج ميلات شفايفها : كنشم ريحة شعرك عجباتنيي
أمجاد زفر و دار مركز مع لبيسي
ثلوج كتطل عليه : شكادير ؟؟
نطق عاض على سنانو : طيييرييي من حدايا
فهاد الأثناء كانت جاية لعندهم لخدامة : سنبلة
هزو راسهم بجوج خصوصا أمجاد لي مستغرب
نطق هاز حاجبو : شكون سنبلة ؟!!
لخدامة : الآنسة ثلوج
قاطعتهم : وي الساطة قوليلي
مشات لعندها جراتها لكوزينة كتشرح ليها كيف بغات لحوت و كيف مشهياه
أمجاد كان مركز مع لبيسي شوية سهى و هو كينطق جاتو السمية فشيشكل : سنبلة .. سنبلة سنبلة
ثلوج خاشية راسها كتطل عليه من مور لكنباي كانت واقفة على ركابيها و ايديها على حناكها كتدور فعينيها : علاش كتعيط بسميتي ؟؟
قفزاتو تلافت مقندش : شكاديري عوتانيي هناا
ثلوج : متبقاش تقولي سنبلة
أمجاد : سنبلة هانيي قلتها .. عندك شي مشكيل؟
ميلات شفايفها و بغات تمشي حتى كتحس براسها ترفعات و تشقلبات فرمشة عين بحاليلا صرفقتيها مفهمات والو من غير أنها ولات تحتو وهو فوقها كيفاش هادشي مزال مفهماتو
بلعات ريقها : شنو باغيي !!
أمجاد طول فيها الشوفة و خشا ايدو تحت التيشورط كيتحسس جسمها شوية هبط لعند شفايفها حط عليهم شفايفو
حبك جهنم ثلوج الجزء الخامس
محتوى القصة
التنقل بين الأجزاء