قصة حبك جهنم ثلوج

من تأليف Ikram Pancholi
2020قصة كاملة سفالة متوسطة

محتوى القصة

رواية حبك جهنم ثلوج

واخيرااا جيييتكم بالجزء الثاني لروحي تحتضر بعد تفكير طويل وعريض.. الفكرة خدات مني قوتي لفكرية كاملة خخ .. كنت كنخطط ليها وانا كنكتب روحي تحتضر💔 و كلا نهار كنحاول نصنع خيوط💫 الأحداث باش تجي محبوكة و كيف متخايلاها فراسي و رسماها بأفكاري ..

قصة مغايرة تماماً للجزء الأول أبطال جداد و شخصيات جداد ايبانو فالقصة وعندهم دور كبير بزااف .. يعني لي مقراش الجزء الأول هانية .. إبدا معانا الجزء الثاني لي كنكرر انه بعييد على الجزء الأول مغاديش تحتاجو تقراوه باش تفهمو ..لا لا عاديي جدا

نهدرو شوية على لقصة و موضوعها و صراحة مبغيتش نحرق الأحداث بغييتكم تكتاشفو بأنفسكم لفكرة و واخة هاكاك نعيطم نبدة عليها باش متحيروش خخ

" حبك جهنم ثلوج "

هاااح عنوان غريب و غامض خخخ .. لي باين منو هو لعاااافية لعاااافية خخ ..اوا اسيادنا لعنوان ما عافية الإ و فكرة للقصة زلزال 😂 متخلعوووش ولكن واش نكذب علييكم 🙄🤷 أصحاب القلوب الضعيفة أول مرة غادي نقوليكم بعدو من هاد لقصة مغاديش تناسبكم هه داكشي ديال لكبار نتوما مزال صغار 😑 .. كيف كتعرفو البطل هو أمجاد آل عمران ولد ساجد و آريا .. تخايلو معايا خليط عربي مع برازيلي شكايعطي 😍 ..كيعطي التوت البري ههه ولكن واش شخصيتو اتكون توت هادي منظمنش ليكم 🤷 .. أول واحد من أبطالي ايكون كيهدر بإيدو كتر من فمو .. أول بطل فقصصي ايكون سكاتو موصيبة والإ هدر موصيبة أخرى ..شخصية ذكية و كيصدق عينو كتر من القيل والقال .. شخصية كتعرف غا نيشاان و كلشي خاص اتقاد معاه نيشان و إلا 🙊.. شخصية مهوسة بحاجتو ولي قاصها ايكون عقابو عسيير أما الا طاح فالحب هاديك حاجة أخرى ماشي غايولي غا مهوس ..كتعرفو داك لجملة ديال لحب حتى لعمق و حتى لآخر عرق بحال لادغوك .. رااه بزاااف اتعرفو حب من نوع اخر أول مرة انهدر عليه فقصصي
اما البطلة شخصية شخصيا معجبة بيها من دابا ..اتكسب قلوبكم متأكدة..مغاديش نقول اه مسكينة ضريفة ونية 🙄 لا لا شخصية حنونة .. شخصية بشوشة و باغا تحقق مستقبالها داربة الدنيا بركلة غا كتضحك ... وياااويييل احط شي واحد باطلو عليها مكتبقا لا حنية لا هم يحزنون .. شخصية ذكية و كتفهمها طايرة مكتخليش دقتها و واخة على جثثها .. شخصية حسابها فراسها و كتفهم فحرب النسا غا بالفن تفدي دقتها و كتر

قصة كتشمل عالم الاجرام عالم القنابل عالم دموي وغا عطيني نعطييك حب هوسي وكره هوسي استبداد حزن اكشن عالم الشرطة والعملاء عالم الصحافة والأخبار لكاذبة .. حب طفولي عميق  جرح سببه القدر  كومييييدياااا عارفيني كنموت فالكوميدياا ضروري تحضر واكيد شكون من غيرو بيازيد آل عمران اكون و السكات حاضر مستحيل هههه ..كنبغي نوظف لكوميديا باش منملوش من الدراما حيت شخصيا كنمل.. كنكتب داكشي على ذوقي خخخخ

واخيراا السفاااالة غادي تكون تحت تأطير الرومانسية الجريئة و زيد و زيد 👀👀🙈


دولة البرازيل وبالضبط العاصمة برازيليا🇧🇷⁩

تحت تصفيقات لحضور كيبتاسم بمكر عكس هدوءو الخارجي كيدور فعينيه حاضيهم كيف متبعيين معاه ومركزين مع الخطاب لي كيلقي عليهم 
جمع ايدو على شكل قبضة ونطق عاض على سنانو : امتى اتسالا هاد لمسرحية
تنهد بغضب و رجع حط رجل فوق رجل كيتسنا فييه اسكت ودنو كيهروه بصوتو حتى سمع اسمعو على لمكروفون كان للمؤتمر باللغة الإنجليزية :و الآن سوف أنادي رجل الأعمال الأصغر الذي فرض وجوده فسن مبكرة أمجاد آل عمران
بتاسم إبتسامة جانبية وجمع لوقفة بلباسو الرسمي تحت تصفيقات حارة .. عقد لافيست و تقدم بخطوات ثابتة ومرزنة كلا خطوة كيبان ضارب ليها ألف حسبة و حسبة ..و صل للخشبة بنضرات حادة نوعا ما 
شافو ماد ايدو لييه باغي اصافحو بتاسم و مد ايدو حتى هو صافحو و زير على ايدو مركز الشوفة فييه ..نطق بهمس و بحدة كيبن إبتسامة مصطنعة قدام الصحافة : مسيو جورج كتعرف تمتل خاص نعتارف لييك بهادشي
جورج رجل فالخمسيناات : عفواا 
أمجاد حيد ايدو : والو .. ممكن !!
جورج : ااه ااه أكيد
حيد جورج و خلا أمجاد اوقف قدام لمكروفونات كينطق برزانة و هدرتو كلا كلمة فبلاصتها بلا زيادة بلا نقصان باين علييه خدم على لبروجي مزيان حتى خلا جميع رؤساء الأعمال من جميع الدول مركزين معاه و متبعيين الخطوات لي كيشرح فيها 
بتاسم إبتسامة كيعرف تفسيرها غا هو ونطق : هادي هي استراتيجية للمنظومة ديالنا 
سكت تحت تصفيقات حارة ..داك الساعة شاف لعند جورج ونطق بالعربية : قربات ساعتك الزا**
جورج معاجبينوش شوفاتو : تقدر تفضل لبلاصتك باش نكمل لبروجي
أمجاد قاد لكول : أوفكوورس
ومشا رجع لبلاصتو كيسمع فالتهاني و الإعجاب بالخدمة ديالو.. كتفا بابتسامة خفيفة كرد فعل على هدرتهم و تقاد فالجلسة كيشوف فالساعة .. قربات تضرب طناش دالليل خاص مهمتو تسالا مع بيلا نيشان ..رجع شاف فجورج حس بييه توتر من شوفاتو لييه و حتى هو حلف لا نزل عينو باغييه اعيش شوية دالرعب قبل اودع 

داز لوقت ..
كان وسط الرونج ديالو فالباركينغ كيقاد فالكاسكيط وعينو على الساعة بقات عشرين دقيقة و تضرب طناش دالليل ..تنهد ونزل بعدما حل لباب عاد هز لكويرة وخشا لفردي لور دالسروال ..كان لباسو كامل فالأسود من راسو حتى لرجلييه قبية فالأسود و جاكيط كويير و سروال وكات هادشي كامل فنفس اللون ..قبل اخطي خطوة رجع قاد لكاسكيط عاد صايب قب دالقبية فوق الكاسكيط وزاد للوجهتو كيتمشا وعينو كيدورو لا يخرج لييه شي بلان من الجنب .. شاف فالكاميرات تأكد انهم معطليين مخدامينش دابا.. هادشي حاسبو فراسو من شحال هادا .. شاف فالوقت مبقاش بزااف داك الساعة ولا كيمشي بخطوات سريعة بحاليلا كيجري و كيتخبا كلما بان لييه شي واحد .. بقا هاكاك حتى وصل للجناح لباغي ..كان الأوطيل لي تدار فييه المؤتمر و هادا هو الجناح لي مقيم فييه جورج 
وصل لغرفتو حل لباب ودخل علييه بالكارط الاحتياطية لي فجيبو : مبقااش بزااف
سمع الصقيل حتى شوية كيتخلل لمسامعو أصوات غريبة بتاسم باستهزاء فهمها فيساع .. أصوات الفراش 
مسح جبهتو و وقف عليهم مهبط لكاسكيط على عينو : اووووه مسيو جورج باغي اعيش اللحظة .. من حقك
جورج فاق من عالمو و جلس مفزوع : شكووون نتا وكفااااش تجرأتيي ؟؟؟
لعاهرة لي معاه جرات بالخف ليزار تلوات فييه كترعد خلعها بوقفتو : حبيبي شكون هادا
أمجاد : لي غادي اصفيها لييك الا منضتيش دابا
جورج جمع لوقفة كيلبس فالبوكسور مفهم والو : غادي نعيط لبوليس اتفاهمو مع لحشرات بحالك .. بأشمن حق كتدخل للغرفة ماشي ديالك
أمجاد عينو على لعاهرة : تهزييييي 
لعاهرة جمعات لوقفة كترعد : فيين !!
أمجاد قصدها بالخف حيد عليها ليزار حتى بقات صولو و جرها من شعرها حتى وصل لباب دالغرفة : يللله خرجيي بالأداب
لعاهرة كتقفقف رعبها صوتو لحاد بزز باش جمعات لحروف ونطقات : ميمكنش نمشي عريانة
حل لباب و دفشها برجلو على مؤخرتها : لا وااش من نيتك .. شكنتي كديري دابا
شافها شافت فعينيه هز صبعو بتحدير نطق عاض على سنانو : باغا تعيشي ؟؟
لعاهرة هزات راسها باه وهي كترجف
أمجاد : عطيتك فرصة هربييي براسك
و دخل سد لباب مورااه .. حتى وقف على جورج كيتاصل بالبوليس وهما مكيجاوبوش 
أمجاد تكا على لحيط : بقات عشرة دقايق 
جورج شاف فييه والعرق نازل عليه : شكووون نتااا
أمجاد كفد كمامو و جبد لفردي من لور دالسروال : لي غادي اصفيها لييك
جورج خرج عينيه ملي قشع لوشام على معصمو : تاااايغر !!! 
أمجاد : لا خيالو 
بتاسم وهو كيحيد لكاسكيط
جورج زاد خرج عينيه : أمجاد !!!
أمجاد قصد واحد لفوتاي جلس ناشر ايديه و حاط رجليه بجوج على الطابل لي كينة تماك : اجييي مالك خايف
جورج مفاهم والو اش جاب تايغر لأمجاد !! وشنو داير حتى تايغر جا عندو بنفسو : شنو باغي منيي
حمر فييه أمجاد حتى مشا جلس مقابل معاه بلهلا اطريه لييه : هانا
أمجاد حط لفردي فوق الطابل وبقا متبت الشوفة فيه
جورج كيترعد : شنو هادشي !!
أمجاد : تخايل معايا نقتلك 
جورج خرج عينيه : شنو درت حتى تقتلني
بدا كيضحك ضحكة كيفهمها غا هو : من نيتك .. نتا وانا عارفيين مزيان شداير و نزيدك لي كيخون تايغر كيخصو اموت نقطة و رجع السطر 
شافو بغا انطق وهو اقاطعو : اااه ولا عندي حل آخر ايعجبك بزااف 
جورج : شنو هو
أمجاد : تخايل معايا الا قتلتك و دفنتك حتى واحد مغادي اجيب خبارك ..اتنوض واحد لمهزلة على اختفاءك ومن بعد اتسالا .. وتخايل معايا نشوهك قدام العالم و تدير افلاس وعائلتك تشرد و اتلاحو لبرى .. عجباتني لفكرة
جورج كيبكي : لاش هادشي كامل 
أمجاد : هادشي كامل باش نبين لييك انه الا قتلتي راسك اتسمى منتاحر وهاكة مغاديش نشوهك الزا**
جورج كيبكي : عفاااك غفر ليااا
امجاد : تايغر مكيغفرش
جورج : انا كنهدر مع أمجاد لي قلبو كبير
أمجاد : معندكش الزهر لي شاعل دابا تايغر
بغا انطق جورج وهو اقاطعو بحدة ومخرج عينيه : مكنلعببببش هناا ... دير اش قلت
جورج : وعائلتيي ؟؟
أمجاد : تحت حمايتيي 
جورج : ضروري نموت 
أمجاد : لأسف
جورج هز لفردي حطو على راسو : بغيت نعرف شكون نتا قبل نموت .. داكشي لي درت كان فمصلاحتك علاش باغي تقتلنيي .. تهرييب المخدرات و توزيعها كان تحت طلبك 
أمجاد : وااش عمرك سمعتيني نطقت بمفي وقلت دير هادشي ؟
جورج : لا ولكن ايدك ليمن هو لي كان كيقولي شكاندير
أمجاد : إذن درتيي خطأ اخر كيخليني منغفرش لييك .. كان خاص تسمع هادشي من فمي ..كتنفد ونتا معارفش حتى معامن خدام وهادا حتى هو خطأ آخر اذن قتل راسك باركة عليك غا هاد الدل 
حمر فييه : فيسااااااع
جورج كيقفقف : لمنظمة مغاديش تخلييك على هاد لخطوة لي درتي باش تقتلني
أمجاد : كتقصد انا لي مغاديش نخلي لمنظمة
وسكت مع ابتسامة جانبية : يلله باركة من تبوحيط بقات دقيقة
جورج غمض عينيه عرف راسو لعب مع واحد مخاصش العب معاه و لحد هاد للحظة مفهمش السبب لحقيقي حتى علاش باغي اهنى منو .. سمعو نطق بحدة : دااااباااا
وهو اتيري فراسو بالفردي مع كاتم الصوت متسمع والو 
أمجاد جمع لوقفة صورو بالتيلي ومشا كيرجع لكاسكيط والقب .. وصل للباب حلو وخرج كيتمشى بالسرعة حتى وصل لباركينك ركب اللوطو وتحرك منوض لعجاج .. حتى ضمن راسو فأمان عاد برك على الزر لي قدامو باش اخدمو لكاميرات لي عطلهم 
بتاسم باستهزاء : كاميرات دالشينوة هما هادو
ماشي بزااف حتى دخل مع بوابة كبيرة و زاد مسافة عاد وقف باللوطو وهبط دور عينيه مزيان عاد دخل للفيلة لي مستاقر فيها الآن 
لاح لجاكيط فالأرض عاد طلع فالدروج وكينسل حتى بقا عاري من لفوق بقا غا بالسروال ..دخل للغرفتو الروجولية حط تيليفونو لي صور بيه على جنب عاد قصد نيشان لحمام خدا لييه دوش خفيف وخرج ملوي على نصو لتحتاني فوطة .. وقف مقابل مع لمرايا كيمسح فشعرو بالفوطة حتى حس بايدين بارديين حاوطووه من كرشو للمعضلة وقاصحة بسباب التداريب 
نطق مركز مع لمرايا : مزال منعستيي 
وقفات قدامو خدات من عندو لفوطة وبدات كتمسح لييه : لا كنت كنتسناك تعطلتي
أمجاد : كنت مشغول هاد لمرة فاش نتعطل نعسي متسناينيش
بتاسمات بحب : خايف عليا 
أمجاد قصد الدريسينغ خدا بوكسور لبسو عاد رجع لناموسية تشبح فيها منشور كامل بحال لجثة
بقات واقفة حتى سمعاتو نطق : ليناا
مشات عندو بخطوات سريعة : نعام احياتي
أمجاد : تكااي
دار ليها بلاصة تخشات فيه كتبوسو فصدرو حتى نطق : عيااان 
حبسات من هاد لحركات كتعرف صوتو فاش كيكون جاف هاكة.. ولكن ماشي مهم لي مهم بالنسبة ليها هو تكون معاه و قريبة لييه .. عشقها ليه من الطفولة غادي وكيكبر نهار على نهار فرحانة انه أول واحد تملك جسدها و قلبها بالنسبة ليها كيستاهل واخة عمرها سمعات منو كلمة كنبغييك ولكن تصرفاتو كافية وخير متال عمرها حسات بييه خانها امكن حيت هو معندوش لكانة لهادشي وامكن حيت بصح كيبغيها !! .. بتاسمات بشغف فاش حطات ايدها على كرشها كتحسسها كتمنى تجيب منو شي بيبي وتزيد علاقتهم توطد كتر وكتر ..كانت هادي لينا بنت سكارليت و أنيس يعني بنت خالتو كتبلغ من لعمر 24 سنة عايشة تحت سقف واحد بلا زواج مع أمجاد آل عمران لي غدا غادي اكمل 30 سنة .. مجاهاش النعاس كتفكر داكشي لي فبالها واش بصح باغا تفرحو فعيد ميلادو 

فالمغرب 💦
جالسة متوترة قدامو فوق لكنباي وهو مقابل معاها ..كلا شوية كتعض على شفتها بحركتها لعفوية غالب عليها الستريس واخة كتحاول تبان مرزنة من على برى 
زيرات على ايدها فاش هز عينو فيها بعدما زول نضاضر دالشوف ..كان مركز مع السيفي ديالها : اممم قلتيي شحال عندك 
تقادات فالجلسة كتهدر برزانة : 22 سنة امسيو 
هز راسو باه وعاود ركز مع السيفي نطق وهو مزال كيشوف فييه : مجاكش راسك صغيرة على هاد لمجال يعني معندكش خبرة بالمرة وحنا طالبين لخبرة و واقفين على واحد البروجي 
قطعاتو بالخف : لا امسيو .. بغيت نقصد ديجا مدوزة دي سطاج و كنشوف كيفاش كيتعاملو الصحفيين و الإعلاميين 
شافتو صاقل وهي تعاود تنطق : مسيو رشيد لحلم ديالي ندخل لهاد لوكالة بعدما نتخرج من معهد الصحافة والإعلام وانا متأكدة انعطي فيها حيت فاش كدير شي حاجة نتا باغيها غادي تبدع فيها
هز عينو فيها كيقرا فملامحها كان رجل فأواخر الأربعينات واخة كيبان فمضهرو لخارجي مزال شاد فراسو بحال الشباب ولكن باين علييه داي وجايب فالدنيا و خدمتو متقونة ماشي اي واحد كيدخل لهاد لوكالة غا شكون و شكون و هي جربات حضها و مبغاتش تستسلم حيت من صغرها كانت مولوعة بالبرامج لي كتنقلهم هاد لوكالة و من تماك بدات كتكون ليها فكرة تقرا الصحافة و الإعلام .. واخة عندها شواهد اخرى سيونتيفيك و لكن حبها لهاد لمجال وهاد لوكالة غالب على كلشي
رشيد حط السيفي فوق الطابل لي بيناتهم ونطق بعد صمت طويل : فكرينيي فسميتك 
بتاسمات إبتسامة بشوشة : ثلوووج أمسيو .. ثلوج الناجي 
رشيد : اذن مرحبا بييك معانا ا مدموزيل ثلوج 
ثلوج فرحات الإحساس باين من عينيها : شكرا بزااف على هاد لفرصة ..غادي نكون قدها انشالله
رشيد : معندكش إختيار خاص تكوني قدها و قدود
جمع لوقفة و مشا جلس فالمكتب ديالو : غدا اجي للوكالة .. غادي تعرفي أول مهمة خاص تقومي بيها .. وخاص تنجحي فيها 
ثلوج بابتسامة مشرقة : وحتى انا متشوقة لأول مهمة ليا 
رشيد عجبو كيفاش كتهدر و تصرف كتبان عليها كتبغي لحياة و مستمتعة بكل لحظة فيها وباغا تخدم من نيتها : سوو تقدري تمشي دابا حتى لغدا 
ثلوج جمعات لوقفة و هزات ساكها : بلاما نهز السيفي ديالي؟؟
رشيد : وليتي خدامة معانا شغاديري بالسيفي
ثلوج كتضحك بحال لهبيلة بالفرحة : شكرا مرة خرا 
وتمات غادة جيهت لباب قبل تخرج رجعات وقفات عليه بعدما خشا راسو فالمقالات لي قدامو : مسيوو
هز عينو مخلوع : عفواا
ثلوج كتضحك حلات الساك و جبدات منو نوع دالشوكولا لي ديما كيكون معاها فينما مشات : بغيت تكون أول واحد ايحتافل معايا بهاد النجاح 
خلاتو مندهش غا كيشوف
ثلوج فاش كتفرح كتنسا راسها .. مداتها لييه : خووود 
رشيد : مدموزيل كتضحكي معايا !!!
خشاتها ليه ففمو ومشات كتهدر : لا ههههههه
خرجات وسدات لباب خلاتو مصدوم : حمقة هادي
كانت اتوحل ليه بزز باش كلا الشوكولا بحدر ورجع مركز مع داكشي لي قدامو. كلا شوية كيبتاسم أول موظفة عندو زعمات و بدات كتصرف بهاد الطريقة جاتو فشيشكل ..تنهد و رجع كيخدم

على برى .. 
غادة وسط لممر و الموضفين كيشوفو فيها ..وحتى هيا كدور فعينيها على للمكان بابتسامة عريضة طويلة بحال لحمقة كتفرنس .. لي شافتو طول فيها الشوفة كتشير لييه وتقول سلام عندها كلشي زويين خاص غا الصحة والسلامة خخ .. كملات خطواتها كتقلب عليه بعينيها مقشعاتوش وهي تجمع تفرنيستها مغوبشة ..كانت كتمشى بكعب عالي نيو ستيل مع تنورة و تيشورط ديالها بينك بجوجهم نفس اللون جاوها مع بشرتها مع هي سميمرة بحال لبرازيليات .. ثلوج من النوع لي عندها اهم حاجة هو تهلا فراسها ديما لباسها نقي و متول وديما لجديد فستايلاتها كتخلط جوج حوايج لي ميمكنش اجيو مع بعضياتهم وهي كيجي معاها بفضل طايتها لمنحوثة و انوتتها لمتفجرة بطريقة كتجدب كلا حاجة فبلاصتها و على قد سنها ..رجعات شعرها المموج ورا ودنيها وجبدات تيلي كتصوني لييه حتى هبطات فالمصعد وخرجات على برى دالوكالة عاد قشعاتو يلله نزل من لوطو وجاي داخل غوبشات و ربعات ايديها مقلقة 
شافها هاكاك عرف راسو داير معاها لافوت ..قرب لعندها بغا ابوسها على خدها وهي تبعد : حياتي .. مالك !!
ثلوج مغوبشة : ليوم نهار مهم فحياتي و فاش خرجت من مكتب لمدير ملقيتكش باش نشارك فرحتي معااك ..فين كنتي ا مراد ؟؟
مراد تنهد : حبيبة رااه كان خاص نجيب شي حاجة من المطبعة لي تابعة للوكالة جاتني هاد لخدمة على غفلة وملقيتش كيف نعلمك .. ولكن دابا هاني قدامك مقلتيليش شنو دار معاك لمدير ؟
ثلوج تلاحت عليه عنقاتو واخة لابسة سندال عالي بقا قصيرة عليه : صافيي انخدم معاكم فالوكالة
بعدات اتموت بالفرحة : انوليي ديماا نشووفك و ديما نصبح علييه هههه
مراد : وقريب انتزوجو وتولي تشوفيني حتى فالليل انولي خيالك هه
ثلوج : بالفرحات عليا
رجعات عنقاتو : كنبغييك بزااااااف 
مراد زير عليها : حتى انا احبيبة 
بعدها و شد ايدياتها باسهم : حبيبة خاص ندخل تبعاني لخدمة 
ثلوج : اه صافي حتى نهدرو
دوز ابهامو على خدها : سنبلة دياليي
ثلوج غوبشات : سميتي ثلوج 
مراد : وانا انبقا نقوليك سنبلة
شعكك ليها شعرها مع غمزة ومشا داخل ..بقات متبعة ليه لعين حبها ليه كيكبر نهار بعد نهار غادة وكتغرق كتر وكتر .. مراد شاب فأواخر العشرينات كينتمي لنفس لمنطقة لي ساكنة فيها ثلوج فالخرجة دالمدينة و لكن فاش كمل قرايتو وخدم بيها ستاقر بمرة فالمدينة تقريبا شي خمس سنوات باش شرا دارو قريب للوكالة و جلس فيها قليل فين كيمشي ازور الام ديالو و خوتو فالمنطقة 
ثلوج فاقت من شرودها على صوت التيليفون فتحات لخط وحطاتو على ودنها : ماما لباس ؟ ... اه انا جاية مغاديش ندوز فين كارية ... انجي لدار عندي ليكم خبار زوينة هه .. علاش مالو لبسي مفييه والو انبقا متبعة هدرت ناس انلبس غا لخنشات 
قلبات عينيها كتسمع مها كتقوليها باباك مغاديش اعجبو لحال : ماما الريزو مكنسمعكش ..الو الوو 
وقطعات : واااه نلبس انا خنشة باش اسكتو واقيلة 
هزات كتافها ومشات للوطو لي شرا ليها باها واخة قاصح شوية ولكن حنين معاها خاص غا متشدش معاه الزكير .. كون ما فهامتها و تحايلها مكانتش غادي تقدر تقنعو بعد لباك خاص تجي لمدينة تكري و تقرا فالمعهد لي باغا .. ولكن راه ثلوج هادي لي دارتها فراسها كتحققها و كيف كيقولو ليها من صغرها سنبلة بسباب شطارتها و مشاكساتها

فالجيهة لخرى..

غادي بسرعة مفرطة وسط لمدمار نضراتو حادة مركز مع الطريق ..هاد لمرة لمسابقة صعيبة شوية فيها أبطال عالميين وخاص افرض وجودو وسطهم باش ازيد اتشهر ..هاد لميدان من صغرو مولوع بييه وداكشي لكان بعدما كمل قرايتو وتهنا عطا وقتو لهوايتو ..باغي ادير شي حاجة كيرتاح فيها وغادي اعطي فيها بدون اضطراب 
شاف ليكيب لي خدامة معاه كتشير عليه بالراية باش اجي لعندهم .. الا زاد بسيارة السباق خطوة أخرى تقدر تنفاجر بييه 
تنهد وقلب الدورة عندهم فرمشة عين حتى سطاسيونا قدامهم وهبط بسرعة وهما كيبدلو لييه الروايد
لمدرب لي مسؤول عليه : آل عمران شكايقول ليك راسك باغي تفجر وتولي رماد !!
حيد لكاسك لخاص بلباس المتسابقين : ناري متبداش الله ارحم بيها لواليدين ..شداني الجعرة على داك الإسباني لي عاجبو راسو غادي نورييه شكون انا
لمدرب شدو من كتافو كيشوف بعينيه : ماشي وقت هادشي ..فكر فانه خاص تربح ومتضيعش خمس شهور ديال التدريب 
هز راسو باه أما داكشي لي فعقلو راه فعقلو واخة ابقا داوي
لمدرب : أزار
أزار باغي اتفك : تلاحو تعطلت
غا سلاو ملي بدلو ليه الروايد عاود ركب وكسيرا حتى كتبان لعافية فاش كيوقع الاحتكاك مع الأرض 
لمدرب حط ايديه على خصرو كيحرك فراسو : لا حولة ولا قوة إلا بالله لي فراسو فراسو 
لكليكة سمعات صوت بنت وهما اتلافتو .. بنت شقراء و جدابة 
لمدرب : عاد جاية ؟ شهاد لوقت انازلي
نازلي كتلبس جاكيط لكيطمة باش تبان موحدة مع لون لكليكة : تعطلت فالطريق كان الزحام .. امتى بدا السباق 
لمدرب : دابا شوية
نازلي : أزار غادي مزيان
لمدرب تنهد : خايف غا اتشوط وسط داك لمدمار ..راسو قاصح
نازلي كتعلى على طراف صباعها باش تشوفو ..حيت كلا متسابق عندو لون خاص فسيارة السباق : اووولييي أزار هوهو اولييي ازار هوووهوو
أزار عينو على داك الإسباني ممسروطش لييه : برب حتى غادي نحدهم لييك
سمع صوت شي ابيل جاتو برك على السماعات لي على ودنو عند بالو لمدرب بغا اقوليه شي حاجة حتى كيوسع عينيه من الصوت : ولد خويا يكما خسرتي
أزار : من نيتك الساط .. غادي نربح غا وجد ليا لكادو لي مواعدني بييه والله ممفاك 
بدا كيضحك : تربح بعدا ونشوفو 
أزار : وا عمو رااه أزار آل عمران هادا .. يلله تلاح خليني نربح و نحنتك 
بيازيد : عنداك فاش تربح متبقاش تعرفتي
أزار عرفو كيطنز : خريتي فييه 
وقطع كيضحك : هاد لعم زعما ديال لقتيلة 
زاد طير من حدا لكليكة مبغاش اوقف باش ابدلو الروايد عوتاني ..كل تركيزو مع لوقت وانه اتقدم فالصدارة هادشي لي شاغل بالو 
عاود سطاسيونا قدامهم مرة أخرى باش ابدلولو الروايد ونزل : نازلي فين كنتي 
حيد لكاسك وهي تلاح عليه عنقاتو : حياتيي برافووو غادي مزيان
أزار بعد منها : بعدمني لمدرب كيشوف فينا
لمدرب : كتحشم زعما
أزار : شبان لييك
لمدرب : واا لعفوو شغانقول متلا .. الله اهديك دير عقلك ناس ف 27 عام كيكونو مرزنين
أزار شاف فنازلي : ديري راسك مكتسمعيهش
خلاه داوي وركب وكسيرا هادي هي لجولة الأخيرة خاص اكون سبع وسط لمدمار و اياخد الصدارة 
داز لوقت و المتسابقين كيتقدمو نحو الفوز ومن بينهم أزار كيتخوا من بين هادي وهادي حتى ولا فنفس لخط مع المتسابق الاسباني لي معروف عليه عمرو خسر شي مسابقة زائد عندو خبرة كبيرة فالميدان عكس ازار لي يلله بادي وخاص افرض وجودو 
أزار هبط الزاج : خسر بااش نعرض عليك تشرب معانا اتاي ..مي رحمة كتسرعو
الإسباني هبط الزاج ونطق بلغتو مدهشر : شنو كتقول مفهمتكش !!
أزار : و رفييييسة كنقول الرفيييسة
خلاه هز حاجبو وغفلو وكسيرا حتى قطع شريط الفوز وهو كيغوت : ياااااااااااسسسس 
ضرب لفران فالجنب ونزل كيجري حيد لكاسك لاحو معقلش عليه و بدا كيصيفط فالقبل للجمهور خخ .. كينقز بحال لمجنون : وااااااووووو 
جمهورو لخاص منوض الروبالة مسطي بحال أزار وحتى لجماهير الآخرى كيصفقو ليه عجبهم ذكاؤو فالمدمار كيلعب برزانة هادشي لي عند بالهم معارفينش انا الرزانة جات حتى لازار وقلبات الطريق من زهرو لعوج خرج لعمو بيازيد غرام دالعقل مكيكسابوش كيديرو غا لوقت لي جاتو لكانة 
أزار كيضحك شاف فالمدرب ولكليكة هجمو عليه كيهزو فييه فرحانين بالأداء و هتفات لجمهور غادة وكتصاعد
أزار بالغوات كيلوح ليها ملي قشعها وسط لجمهور فالمقاعد الأمامية : وفييين ا آريا هههههه
نزل بعدما كانو هازينو ومشا بجرية لعند الأم ديالو وختو الصغيرة : مبنتوش ليا عند بالي مجيتوش 
آريا : اجي قرب عندي بعدا
أزار كيضحك : هاني
قرب ليها حتى قرساتو من حناكو بجوج وباستهم هاكة كدير ليه من صغرو واخة كبر مبدلاتش لعادة : مبروووك عليك البطل ديالي غادي و كتكبر فلإسم ديالك.. هادي غا لبدية وجايين مسابقات صعب وغادي تربح فييهم حيت نتا مرتاح فهاد لميدان

أزار : آريا باغاني ندمع ولاشنو .. متهدريش هاكة شداتني لبكية كاع
آريا عرفاه كيطنز : غالي بغا احفزك واجي مزال مناويش تقولي ماما ولاشنو
أزار : واحد عندو 27عام اقول ماما ؟؟ زائد انه كتباني صغر من نازلي لي معاها دابا
نطقات ختو الصغيرة : اوووه لي معاها دابا ..بعد غدا مع وحدة خرا همم ؟؟
أزار : اه مع صحيبتك 
ضرباتو لكتفو : بعد من صحاباتي
آريا هزات حاجبها : طامع فصاحبتها لي مزال قاصر يله عندهم 17 عام ؟؟
أزار : غا ضاحك مالكم اتنكدوها عليا 
شاف فختو : ونتي اديك تغريد فاش نقوليك جيبي ليا نمرتها جيبيها ولا نقول الضواسا لي عندي للواليد
تغريد خرجات عينيها : ماما كيكدب و 
أزار جرها خبر ليها فودنها : وشكون هرس لبسي لي خدام فيه ساجد وفيه كاع بينات لمشروع الجديد
خرجات عينيها : عفاك متقول والو .. معرفتش كيفاش تهرس زائد هادشي .. هاداك سميتو بابا ماشي ساجد حرفية
آريا : شكاتخبرو تماك
تغريد تقادت فالوقفة : والو اماما
أزار : لمهم ا آريا هدري مع بنتك فاش نبغي نمرت صحيبتها بغيتها تكون عندي 
آريا ضرباتو لراسو : الله امسخك
قاطعهم صوت موراهم : اشمن نمرة
تلافت لعندها وجرها من خصرها : كنت كنقول لختي تجيب ليا نمرت صحيبتها
نازلي هزات حاجبها : من نيتك
أزار : اش فيها 
نازلي بعدات منو : خالتي هدري معاه
أزار : قولي ليها اريا اشمن خالتي وهي كتبان صغر منك ..لواليد واخد الزين
آريا كتندب : اويليي على لحمار شاكيقول
شافت فنازلي : ديري راسك مكتسمعيهش بالفرحة د الفوز ولا كيخرمز بعاد لمعنى
أزار : ياك البرازيلية 
آريا : اه اسي أزار
تغريد باغا فيه الدقة : أزار لمتكبر .. معرت لمن شبه
أزار صغر عينيه فيها : لبسي ؟
تغريد : أزار الضريف لي مكينش بحالو
نازلي تلافتت عند لمدرب كيشير ليهم : أزار خاص تمشي لمنصة تاخد لكأس
أزار باس جبين آريا : لواليدة كنبغيييك
وباس جبين ختو : حتى نتي لبرهوشة كنبغييك
وقلب الدورة غادي هو ونازلي فنفس لخط 
نازلي : بصح باغي تخوني
أزار وقف : باينة فيا
نازلي : هادي هي لمشكلة هههه
أزار : لا لا انا لبست فراند ديالي هي نتي
نازلي : يعني ماشي حبيتك
أزار كيدور فعينيه : لكأس تعطلنا عليه
طار من حداها 
كان هادا أزار آل عمران لولد الثاني لعائلة آل عمران خرج لعمو فشخصيتو عكس باه عايش حياتو بطولها وعرضها من النوع لي مكيخليش لمشاكل تدق بابو ديما ضاحك و مشاغب لعائلة بمتياز ..دوز طفولتو اغلب لوقت مع عمو كيخرج وادخل معاه داكشي علاش قتابس منو تقريبا كاع التسطية لي فبيازيد .. لحد الان مزال ممدخل شي بنت لحياتو بجدية من غير نازلي لي مرتاح معاها و كتفهمو و عارف اصلها وفصلها. . وقع اللقاء فعيد ميلادها فاش كملات 23 عام .. كان داك النهار وصل مرت عمو رهاف باللوطو ديالو لعند صاحبتها شروق وتماك فين شاف بنتها نازلي ودخلات لخاطرو و هما دابا على علاقة مرتاحين وكيتفاهمو 
فجو الصخب و عدسات لكاميرا دالصحفيين كانت واقفة آريا بكاريزما و بلباسها الأنيق ديما كتطلع فالمجالات باسم امرأة الأناقة والرشاقة كلما كبرات كلما زيانت مهلية فراسها وفصحتها .. وكان فجنبها ازار بلبسة السباق هاز لكأس كيضحك معري على سنانو لمستفين خخ و حداه تغريد أصغر بنت عند ساجد آل عمران بعد ندى لي اصغر من أزار ب 7 سنوات يعني فعمرها 20 عام و تغريد 17 عام مزال مكملات السلك الثانوي
تسلا التصاور مع لمدربيين والمتسابقين وعاد لعائلة .. وبعض لجماهير لي معجبين بأسلوب ازار فالمدمار ..جا لمدرب عندو : شنو كنتي كتقول لإسباني
أزار : مقلت ليه والو
شداتك لكاميرا فاش كنتي كتهدر معاه
أزار : قلت ليه الرفيسة وهو اتلف مسكين
لمدرب : لمرة الجاية فشي سباق قول ليهم لبقولة
أزار : صافي مشات و نزيد عليها لحار
لمدرب خبطو لراسو : الله امسخك .. ياله سير ترتاح عندك سيمانة ديال الراحة عفيت عليك و عاد نرجعو فالتداريب للمسابقة جابة
أزار : يااك للمسابقة لماجية مزالا بعيدة .. يلله اتعطيني سيمانة مجاتكش شوية؟ خليها 15 يوم ونرجع لتدريب 
زرب عليه : اوكي شكرا حيت وافقتي يلله تلاح 
ومشا
لمدرب غا كيبقلل : من نيتو 
داز لوقت كانو فاللوطو سايق بيهم كون ما آريا لي حذراتو كون طار بيهم فاللوطوروت
تغريد : ماما ندى كتصوني أبيل فيديو 
آريا جالسة لقدام حدا ازار : جاوبيها 
جوبات تغريد كتشير ليها وكيهدرو حتى خداتو من عندها آريا كتهدر مع بنتها
أزار كيغوت : و لمسمومة كيف بقيتي مع الإمتحانات
آريا دورات لكاميرا لازار حتى كيشوفها مغوبشة ومعبسة : مالك مخنزرة .. وقوليلي مبروك خوك ربح كيف ديما
ندى : انا ماشي مسمومة تقولها ليا لمرة جاية اتجيبها فراسك
أزار : حتى تجي لمغرب دابا ممعاكش لهدرة 
غير صوتو لنبرة حاد : ها ودني نسمع شي حاجة ماشي حتى لهيه .. قرايتك تم قرايتك ونقصي لخروج والدوران و داك للباس لمكرطط منشوفوش
آريا دورات ليها لكاميرا : متديش على هاد خوتك .. 
ندى كتغبن : انا مزالا صغيرة نلبس كيف بغيت لا أمجاد ولا هاد بنادم ما من حقو اتدخل فحياتي
أزار : وراه هدرت 
آريا هزات حاجبها فيه : دخل سوق راسك نتا وخوك خرجتو ليا من الجنب
تغريد كتغوت : ختي متديهاش فيهم وفاش تشدي لعطلة هبطي للمغرب
أزار تلافت عند تغريد : كيفاش متديهاش فينا
تغريد تفافات : زعما .. هنن
آريا بقات كتنسي فبنتها حتى تودعات معاها وعطات تيلي لتغريد عاد خبطات لازار كتفو : شداك لهدرة كتقول لبنت مالها معندهاش واليديها ؟؟
أزار : والله ودير شي حاجة ماشي حتى لهيه حتى نوريها الواليدة 
آريا وتغريد غا كيشوفو هادا مالو تسيف هو وخوه كيتفاهمو فهاد النقطة مباغينش خواتاتهم اضحك عليهم شي واحد وكيف هما مكيضحكوش على بنات الناس مابغينش لي اضحك على بناتهم 

دازو ساعات..وجا الليل وبضبط لعاشرة مساءا

مجموعين فالصالون 
لجد نعمان جالس و عكازو حداه واخة شاد فراسو ولكن ضروري من عكازو اكون فجنبو ميقدرش اتحرك بلا بيه .. وحداه كلثوم مراتو 
كلثوم خاطبت آريا : فين راجلك 
آريا : مزال مرجع من الشركة .. شاغلني هاد الأيام مكيديهاش فصحتو 
نعمان : راه مشغول هو بيازيد على لمشروع الجديد مبقاوش كيخليوني نتدخل 
قاطعهم صوت جاي لعندهم : مساء الخير عليكم
نعمان : مرحبا بمرات ولدي
رهاف سلمات عليهم وجلسات كتشوف فآريا : فينو أزار
آريا : ملي جينا و هو فبيتو قاليك باغي ندوش ونهبط شفتو صقل 
نعمان : هاداك حفيدي وانا لي فاهمو .. أيكون مقلق باغينا نمشيو عندو برجلينا نباركو لييه
آريا : لا لا .. أزار عقلو كبير على هادشي 
جات لخدامة : مدام كلثوم سي ساجد و سي بيازيد وصلو .. واش نوجدو لعشا ؟
كلثوم : ااه صافي بداو تحطو .. و لحاجة رحمة قوليها تعشا معانا هاد الليلة بلاما تمشي لدارها
لخدامة : واخة الآلة
ومشات
آريا : غا وجود لحاجة رحمة كيفرح الدراري .. راسها قاصح مبغاتش تجلس معانا بلاما دير شي حاجة
نعمان : ساجد و بياازيد كانت عزيزة عليهم ودابا عزيزة حتى على ولادهم 
شوية ودخل ساجد وخوه لقاو التحية وكلا جلس حدا مراتو 
ساجد خاطب آريا : فينو ولدنا
آريا : ازار مزال مهبط
ساجد جمع لوقفة : نمشي نبارك ليه 
شوية وهما اسمعو لغوات حتى كتبان ليهم تغريد جاية كتجري حفيانة كتبكي وتنخصص : مااااامااااا
آريا وقفات مخلوعة : بنتي مالك ..شنو واقع علاش كتبكي
وقفات مرعودة : بابا هدر مع ولدك .... قطع ليا لزيات دياولي باش انتسنت دابا
آريا حطات ايدها على قلبها : الله ياربي شي نهار نموت 
شوية وهو أتم جاي لعندهم ازار : لواليد هدر مع بنتك تفوت عليها حوايجيي ..لقيتها واخدة ليا توني دالراجا
ساجد غوت : واااااش بعقلكم 
و ركز نضراتو على أزار : مناويش تفرق عليك ختك ..داير راسك فيها 
تغريد كتنخصص : زيدو ابابا باش احشم لحكاار لاخر
أزار رمقها بنص عين كيحشم من باه : لبيسي نقول ؟؟
بلعات ريقها ونطقات بخفوت : متقول والو عفااك 
أزار جبد من جيبو لزيات : هاكي ها وحدين جداد
طارت عليهم : واو لي عاد خارجين
تلاحت عليه : شكراا بزاف ا خويا
لكل جلس كيقول لاحول ولا قوة الا بالله عاد كانو منوضينها ودابا سمينة على عسيلة .. هاد الجوج بحال لمش ولفار جاب الله مكاينش أمجاد و ندى برى لمغرب كتقرا أما كون ناضت الروبالة و الحرب فهاد لقصر ..غا هاد الجوج براك و قليل فين كتشعل معاهم لعافية لبنت الصغيرة لبيازيد ورهاف .. وجدان عندها 10 سنوات .. سماها خوها لكبير بدرالدين لي كيبلغ من لعمر 26 سنة ولكن معايش معاهم غا وصل لسلك الثانوي قرى على برى وكمل قرايتو تماك ودابا هو خدام ومستاقر فنيويورك للمدينة لي كتقرا فيها بنت عمو ندى آل عمران

فالجيهة لخرى وبالضبط ستة دلعشية مع كين فارق لوقت بين لمغرب والبرازيل بأربع ساعات ..
كان غارق وسط ملفاتو كيشوف هنا وهنا مركز مع داكشي لي قدامو .. شوية جات عينو على لوشام لي فمعصمو جمع لوقفة ومشا خدا برودي و قطن مسحو بييه ..كان وشم اقدر اتحيد كيستعملو مرة مرة لأسبابو لخاصة ولي عارفها غا هو .. شوية سمع الدقان فالباب عرفها اتكون لينا : حليي
حلات لباب ودخلات : حبيبي اتكون عيتي برااك عليك
أمجاد مشا لعندها كان بصدرو عريان وشورط قصير وفرجلو غا كلاكيطة كيجر فيها : مال وجهك صفر 
بتاسماات كيلاحظ كلشي : من بعد ونقولييك
شداتو فإيدو وباستو على خدو : دوش وهبط لتحت كنتسناك
بغا انطق قاطعاتو بقبلة على فمو : عفااك مترفضش
أمجاد : هاني جاي
تحمسات : اوكي 
وخرجات سادة موراها لباب خلاتو مبتاسم مكيبغيش اجرحها لينا كتعني لييه بزااف وحيت امكن هي لوحيدة لي عارفة شكون أمجاد آل عمران داكشي علاش .. جبد تيليفونو دوز ليدو ليمن حتى جاوبو : سمع لخطة تغيرات ..قوليهم اوقفو انتاج لكوكيين حتى نجي ونشوف مخاصش نوقعو فالخطا دشحال هادا لقضية صعابت وخصوصا فاش مات جورج ..اي خطأ اديروه حسبو دقايق موتكم على ايدي
وقطع صدرو كيطلع واهبط 
عاد خرج من لمكتب ومشا لغرفتو دوش ولبس عليه ثوني و قبية عاد خرج كيقاد الطاكية على راسو كتجيه واعرة فاش يله كيكون مدوش ..هبط فالدروج حتى كيسمع لموسيقى فبلاصة لجلوس تبع مصدر الصوت حتى كتبان ليه كتشعل فالشموع ومقادة حالتها بكسيوة سيكسي و الشعورات والميكاب 
أمجاد : شنو هادشي !
لينا غا حسات بيه جمعات لوقفة : حياتي 
مشات تلاحت عليه : عيد ميلاد سعيد
أمجاد شاف فيها بحاليلا كيقوليها من نيتك : علا شنو ليوم
لينا قرصاتو فحنكو : عيد ميلادك واش نسيتي
أمجاد عاد تفكر : مشا من بالي
لينا : وانا مستحيل امشي من بالي 
شداتو فإيدو وجراتو حتى جلس بغات تمشي جلسها قدامو : بقاي هنا
لينا : هههه وخليني نكمل لمفاجأة مالك زربان
جمعات لوقفة و عطاتو لموس قطع لكاطو وكلها هي لولا عاد كلا ..بهاد التصرفات و الإهتمام بصحتها كتزيد تعشقو كتر وكتر هي لوحيدة لي عارفة مور هاد الصرامة و لهدوء كين قلب كبير وحنين بزاف 
لينا : وباقة مفاجأة 
أمجاد : قولي
لينا قربات لودنو ونطقات بخفوت : انا حاملة
وسع عينيه مصدوم فيساع وقف : كتضحكي !!
لينا وقفات مقابلة معاه كتهز براسها : مكنضحكش ..ايجيني بيبي منك
بدات كتحسس كرشها وكتبتاسم بفرحة كبيرة حتى حسات بيه طبع قبلة على جبينها عاد رتاحت وعرفاتو رضى بالبيبي 
أمجاد : خاص نتزوجو على هاد لحساب
لينا : واش نتا باغي تزوج بيا غا حيت حملت منك 😢
أمجاد خنزر فيها حتى سكتات : اخر مرة نسمع منك هاد لهدرة
لينا : صافي احبيبي متديش عليا
عنقاتو :كنبغيييك
أمجاد مزير عليها حتى هو : غادي تكون احسن هدية هو هاد لبيبي 
لينا مقاداها الدنيا بالفرحة : ونتا وجودك معايا أكبر هدية
أمجاد بقا ساكت كيفكر فانه اتولي عندو مسؤولية وخاص اكون قدها واتهلا فعائلتو الصغرى .. لينا بالنسبة ليه مسؤولية كبيرة خاص احميها و ميخلي حتى حاجة تقيصها 
لينا : غادي نقولها لماما وبابا 
أمجاد : حتى نمشيو عند جدي وقوليها
هزات راسها باه فرحانة : جدو دانييل ايعجبو لحال حيت انتزوجو 
أمجاد مبتاسم حيت فرحانة من ديما كيشوف تعلقها بأنها تحمل منو واخة معندوش فكرة لولاد فراسو حاليا ولكن مبغاش اجرحها ..لي مكتابة هي لي كينة

نرجعو لمغرب..
يله وقفت باللوطو لي شاري ليها باها .. سطاسيونات قدام دارهم لي كتعتابر اكبر دار فالقرية تصميمها بحال الرياض فاش مات جدها لعائلة متفرقاتش وبقاو ساكنين مجموعين داكشي علاش ساكن باها وعمها فنفس الرياض ..دخلات كتسلت عارفة ايكونو نعسو دابا ..حلات لباب لكبير لخرجاني ودخلات حتى كتقشع باها كيطل عليها من السطح دالرياض ..بقات كدور فعينيها وكتبلع فريقها 
قفزات فاش عيط ليها تطلع عندو : ثلوج زيدي لهنا
هزات راسها باه وطلعات لعندو : بابا لاباس عليك
جمع لوقفة عاقد غوباشتو : باش نبدا وباش نختم .. شهاد لوقت وشهاد التعطيلة ..و شهاد اللباس ؟؟؟ ناوية تشوهي بيا قدام ناس دالقرية عاجبك لحال انعثو فباك هاااا ؟؟؟
ثلوج : بابا 
قاطعها بحدة : متخلينيش ندم حيت سمحت ليك تمشي لمدينة وتقراي .. وصربت على هبالك حتى تخرجتي
ثلوج كتفرك فايديها : تعطلت حيت دزت لدار لي ساكنة فيها خديت شي حاجة و قضيت شي حوايح عاد جيت و راجعة غدا انبدا لخدمة فالوكالة لي كنحلم بيها .. صافي الحاج سمح ليا اخر مرة
لحاج صغر عينيه قهراتو بهاد لجملة وشي مدارتو : حسبي الله ونعم الوكيل ... هبطي لبيتك متلافتي لا هنا لا هناا .. هاد لوضع الا ستمر هاكة متلومينيش الا زوجتك 
ثلوج كتهز فراسها زعما فهمت ومشات ماشي فصالحها تناقش معاه اتجيبها غا فراسها .. هبطات نيشان لبيتها دخلات وسدات عليها قبل تجي تدق عليها ختها ولا مها 
حلات لبلاكار خدات منو شورط و ديالو دالنعاس لبساتهم وتخشات فبلاصتها بعدما حطات لبيسي قدامها .. فهاد الأثناء صونا ليها تيليفونها جوبات كتسمع لمكالمة فالكيت بينما عينيها على لبيسي 
مراد : حبيبتي نعستي
ثلوج : مزال ..يله جيت من لمدينة للقرية ..شافني بابا دارلي محاضرة
مراد : حتى نتي راسك قاصح .. كتقلبي عليه
ثلوج : دابا قولي شنو ممكن نخدم معاكم متلا متلا
مراد : معرفتش اقدر لمدير اعطيك شي مهمة .. تجمعي لمعلومات على شي مشهورين ولا شي لعبة
ثلوج : اممم 
بقاو كيهدرو مرة مناكرين مرة لكلام لمعسول و هاكة داز لوقت ناسيين راسهم حتى شبعو و سلاو لمكالمة ..فهاد الأثناء تحل لباب و دخلات حنان 
ثلوج : وينوو شكون جا عندي هههه ..اجي
حنان مشات سلمات على ختها صغر من ثلوج عندها 18 عام مكملاتش قرايتها شدات غا لباك وحبسات مزعماتش تخرج لمدينة بحال ختها من طبعها خوافة واكيد باها جاتو من لجنة والناس متقراش وتجلس ليه فالدار خوفا دير ليه شي فضيحة اتحشم مع الناس هادي هي عقليتو 
ثلوج : باش عرفتيني جيت
حنان : سمعت صوت الطوموبيل .. لباس عليك
ثلوج : انا فوق السلك ههههه
حنان شافتها حاطة قدامها لبيسي : عفااك وريني داكشي لي كتفرجي فييه .. حتى انا بغيت اكون عندي فيسبوك معنديش حتى تيليفون
ثلوج : غادي نخدم ونشريه لييك ..نتي لي كتخافي من بابا كون كنتي دافعة الجبهة بحالي مغاديش تخليه فارض تسطيتو عليك بقاي معاندة داك بنت عمك سناء مسالية قبها
حنان : وصافيي دابا ..عطيني نتفرج ..قاتلي سناء كطلع ليها واحد لمشهورة فواحد لموقع كتحط فيديوات زوينين ومتنوعين ناس كيفاش عايشة كلا فيديو فقنت
ثلوج كتضحك : تلقايهم كعما فرحانين لمظاهر خداعة ابنتي .. اجي وسناء منين جاها التيليفون
حنان : كيعطيه ليها خوها
ثلوج : اه كريم و كيسخا بيه اعطيه لداك لمسمومة ههه
حنان : وصافي وريني
ثلوج : قلتي فيديوات اتكون غا فالانسطا ولا يوتيوب ..بلاتي نشوف شنو سميتها بعدا
حنان : بلاتي نتفكر دينا لينا شي حاجة هاكة
بدات كتقلب ثلوج حتى طاحت فشي وحدين : وريني لا عرفتيها
بدات حنان كدور فعينيها حتى شيرات ليها بصبعها : صافي هاهي والله حتى هي هههههههه .. واو شنو سميت هاد لبلاصة
ثلوج كتضحك : هادا الانسطا .. مجرد منخدم نشري لختي تيليفون وندير ليك لفيسبوك و الانسطا وكلشي الآلة تستاهلي
حنان : وااو واتعلميني ليهم لا نصدق دايرة شي فضيحة
ثلوج : هههه مشات 
بدات حنان كتلح على ثلوج اتفرجو فالفيديوات حتى بقاو من واحد لواحد مبهورين 
حنان : وعرفتي راجلها كيحمق ولا معرت صاحبها لمهم بيناتهم شي حاجة 
ثلوج : فين شفتيه
حنان : وراتو ليا سناء كلما خدات لخوها التيليفون كتدخل تشوفهم كتحسي بالبنت شوية وتشير بكترة ما متبعاهم وكتحصر ههههه
ثلوج : عارفة زين سناء كيف داير تلقايه بحال الجفاف واعجبها
حنان : لا لا واااعر والله ..دخلي شوفي ولباس عليه خانز فلوس
دخلات ثلوج كتقلب حتى كتطيح فتصاورهم بجوج : سميتو أمجاد آل عمران
حنان حالة فمها فيهم : واااو سعداتها .. عرفتي بحاليلا مرسوم
ثلوج : حبيبي حسن منو
حنان : باااز معندكش الذوق .. شوفي مزيان 
ثلوج : كنشوف
حنان : قولي لحقيقة معجبكش ؟؟ .. 
ثلوج كتعوج ففمها : مبيهش
حنان صغرات فيها عينيها
ثلوج : وصافيي واااعر .. بحال هادا كااع متلقايه مسوق لبنات وتلقايه معارفش راسو زوين هههههههه
حنان : باينة فيه بعقلو
ثلوج كتقلب : السيد راه شارف عندو 29 قرب اشرف
حنان : وباااز انا تكون عندو حتى 50. اجيني بحال هادا نقبل بعيني مغمضين

ضرباتها لفيقة غا حلات عينيها جلسات مفزوعة كتشوف فالوقت : نارييي كحلتها عشرة دالصباح هادي
جمعات لوقفة كتغزز ففمها بالتوتر : تعطلت على لمدير .. ايجري عليا قبل نبدا
شوية بدا كيصوني ليها التيلي لقاتو مراد جوبات طيرة : حبيبي شوفلي شي حل كحلتها
مراد : فينك مزال .. قلتيلي تمنية اتكوني هنا
ثلوج : ورااه بالعية فقت معطلة مسمعتوش ملي صونا
مراد : واش يللله فقتي ا ثلوج ؟؟
ثلوج : ااه .. واش لمدير ايجري عليا ياك
مراد : لا غا غادي اجري علييك
تنهد : عندك الزهر مزال مجاش عندو شي إجتماع .. لبسي و جي دغيا ..ثلوج دابا مبقيتيش كتقراي خرجتي لميدان لعمل والواقع زيري راسك لا بغيتي توصلي
ثلوج : وصافيي كتحسسني بتأنيب الضمير كتر ما انا معصبة .. يلله بسلامة
مراد : بلاتي
ثلوج : هدر خلاص
مراد بتاسم : كنحماق عليك
ثلوج ضحكات : كنت انتقلق كون مقلتيهاش ليا فراسك
مراد كيضحك : ولفتي نفطرك بالحب .. يلله غا جي دغيا وحني فينا نجيو نخطبو
ثلوج : نخدم بعدا ونهدر مع الدار كيفاش انقولها ليهم معرفتش .. لمهم هادشي من بعد احياتي
مراد : صافي من بعد ونهدرو
ثلوج هزات راسها باه وقطعات
عاد حطات تيليفونها وخرجات نيشان لحمام لمشترك .. لحد الآن مزال مشافت ماماها بكترة ما غرقات فالنعاس وجات لبارح معطلة .. قضات حاجتها وطرفات حالتها عاد خرجات بجرية لبسات عليها سبور وهزات شعرها كوتشوفال و صاكها وسوارتها عاد خرجات وهبطات نيشان لتحت فين كاينة لكوزينة ..لقات مها ومرات عمها
بابتسامة : صباح الخير عليييكم
تلافتت حفصة امرأة فالربعينات وشادة فراسها كتبان صغر من هاد السن : بنتيي
مشات لعندها سلمات عليها بحنية: كنتي ناعسة مبغيتش نفيقك
ثلوج : كون غا فيقتيني ..كحلتها
ومشات سلمات على مرات عمها لي كتطلع وتهبط فيها : لاباس عليك اخالتي
مرات لعم : حامدين الله .. مجاكش لبرد بهاد اللباس
ثلوج عوجات فمها دايرة راسها مكتسمعهاش غا على قبل مها أما تسمعها خل ودنيها : ماما هاني مشيت ..تعطلت بزااف اقدر ليوم نجي واقدر لا على حساب لخدمة
حفصة عودات باستها : قبل تمشي شوفي باك
هزات راسها باه وخرجات لبرى : ايكون فالاسطبل لا مسلمتش عليه ومشيت ايتقلق
مشات كتنقز لغراقي لا تعمر بالغيس مكتحملش حوايجها اعمرو .. دخلات عليهم لاسطبل لقات باها كيهدر مع لبيطري على قبل شي عود مريض
ثلوج : بابا
لحاج شاف فالبيطري : هاني جاي
لبيطري قشع ثلوج وسهى حتى خنزر لحاج عاد توكد وجمع راسو
لحاج خرج لعندها برة بعدما خرجات : فين غادة
ثلوج قطعاتو بتسليمة بحاليلا كتنطحو : انمشي لخدمة ..راه قلتها ليك لبارح
لحاج بصرامة : وهاد لباس زعما ؟؟
ثلوج كتمسكن : وعفااك الحاج متخسرش ليا خاطري
لحاج : خرجتي ليا من الجنب
ثلوج كتفرنس : ولكن راه عمر نجيب ليك لعار .. متخافش مجابش ليك الله لولاد ولكن عطاك بنات متبتات
لحاج كيطنز : وااايه متبتات
ثلوج ميلات فمها على هدرتو : صافي هاني مشيت
لحاج : تسناي زيديني شوية معاك بالطوموبيل ..نلحق على عمك و ولدو كيشوف فالبلاد واش تفلح هاد لعام ولا لا
ثلوج : كريم صراحة خاصو أطور راسو عندو ديبلوم لهندسة الزراعية ومباغيش اخدم بيها
لحاج : اخدم بيها معانا حنا عائلتو ومع ناس دالقرية اش بغا بالبراني
ثلوج تنهدات : واخة نبقى نهدر حتى لصباح مغاديش تفهمني
لحاج : بغيتي تقولي انا مكلخ ؟؟ قريتي جوج كلمات وليتي تعايري
ثلوج ولات طالبة السلاك : اويلي الحاج هههه
جراتو كتمخد فيه وتعنق عارفة كيفاش تحلبد ليه ركباتو وركبات قبل تحرك قشعات ختها شيرات ليها مع بيزو فالهوى وكسيرات
لحاج : ردي بالك فطرقان لمدينة راه واعرين
ثلوج : خايفني نموت
لحاج : خايف على لحديدة لي راكبة فيها
ثلوج مجوباتوش
لحاج شافها قطعات لحس : اييه خايف على بنتي منخافش ؟؟
ثلوج شداتها الضحكة حتى كيبان ليها حط ليها لفلوس قدامها : لاش هادو ؟
لحاج : قضي بييهم ..فاش تخصك شي حاجة عيطي ليا فنمرتي
ثلوج شدات ايدو باستها واخة قاصح ولكن قلبو حنين : الله اطول لينا فعمرك
لحاج : امين ..حطيني غا هنا وبلاما نوصيك
ثلوج : كون هاني ياك غا الشوهة هي لي عمرها تكون ..راه والد وعارف اش والد الحاج
سايسات معاه حتى تهدات عاد كسيرات مكملا طريقها للمدينة

نبدلو لبلاصة ..
جالسين برى للقصر نعمان وكلثوم بوحدهم حتى كيلحق عليهم أزار : لميمة صباح لخير
باس ليهم راسهم وجلس : جالسين كتمعشقو هنا هممم
نعمان : هههه الله امسخك
كلثوم : انا وجدك باش نباركو ليك على الفوز ديالك ..عندنا ليك مفاجأة
أزار غمزها : شنو
نعمان مد ليه سوارت : هاهما ..بصحتك اسيدي
أزار : شنو هادشي
نعمان : يخت ولا ديالك يلله مدخلينهم باقي نيو
كلثوم : كنتي كترطا على يخت هاهو عندك
أزار تلاح عليهم كيعنق وابوس : نتوما الرجولة حق الرب
ورجع جلس فبلاصتو فرحان حتى جا ساجد : لواليد هاني غادي لشركة
أزار جمع لوقفة : سي ساجد جدي و لميمة عطاوني كادو بمناسبة لفوز ونتا مغادي تعطيني والو
ساجد : نعطيك شي دقة باش تبت شوية
أزار : ممعاك هدرة
وجلس
ساجد جلس حداه لايح ايدو عليه : واحد لبعلوك كان فاضحني باخر موضيل خرجاتو رونو .. سيمانة و تدخل لمغرب

أزار هز حاجبو : شكون هاد لبعلوك بغيتي تقصد
ساجد : علاه شحال من بعلوك عندنا فالقصر
أزار مرضاش : لواليد ولينا فالمعيور دابا
ساجد شعكك ليه شعرو : ولدي راجل
أزار : راجل ونص
كلثوم : بعد ليا من حفيدي
أزار : هانتي الميمة شوفي معاه كينقص مني
نعمان تنهد بضيق : كنحس بشي حاجة ناقصة وعائلتنا ممجموعاش .. أمجاد حامية فيه البيضة مكيدورش بالمغرب قليل و ندى و بدرالدين فنيويورك ناسيينا
كلثوم : ونسيتي ذهب و راجلها كنشوفوهم مرة مرة الا جات شي عطلة
أزار : اجيو واش بنت عمتي عايشة معاهم لا ؟
كلثوم : اه شدى معاهم فكندا ولا معرت فواشنطن
نعمان : هدرات معايا ذهب وقاتلي بنتها اتدخل لمغرب قريب.. اتحول من الشرطة لكندية لهنا
نعمان : باش عرفتيها فالشرطة لكندية ..حنا ممتأكدينش
قاطع حديتهم صوت الطالون : صباح الخير
شافت فساجد : حبيبي
أزار وقف : هانا احبيبة
آريا ضرباتو : ههههه كنهدر مع راجلي
ساجد : بعد من مراتييي
أزار : دعي معايا اساجد ناخد الزين حتى انا
آريا : ولدي زويين و عويناتو زوينين ..اكيد اياخد الزين ونازلي كتحمق تبركالله
أزار : نازلي غا صديقة .. باغا تربطيني صحة
ساجد دار ليها بلاصة : اجي تجلسي
جلسات حداه كتهمس ليه : بغيت نمشي معاك لشركة
ساجد : علاش بسلامة
آريا : بغيت نعاونك .. كتهمني صحتك احبيبي ونتا هامل راسك كيضرني خاطري
باس جبينها : واخة الآلة غا متبكيش
بتاسماات : اخليك ليلي
أزار حنحن : نحن هنا
نعمان وكلثوم كيضحكو
نعمان : وهي لا درتي النفس وتزوجتي حتى نتا
أزار : اتزوج أمجاد بعدا ..نتوما باغين تزوجوني ولباس واصلا انا باغي نعيش لحب ونحس بيه بحال لواليد و آريا ..الا مكانش بحالهم معندي مندير بيه
ساجد قرفدو : سميتها ماماك .. قالك آريا
أزار مغوبش : عجباني سميتها اجي حيدها ليا من فمي
آريا : وصااافييي .. راجلي لحبيب بعد من ولدي لغزال ههههه
نعمان : اه سكتيهم نتي لي كتعرفي
آريا كتضحك وعقلها مع ولادها ضحكتها مكملاش
نعمان : عندي فكرة
ساجد : شنو هي
نعمان : كااع لي عندو شي ولد ايتاصل بييه ..قولو ليهم جدكم مريض وعلى فراش لموت ايتجمعو بزز عليهم
آريا شهقات : الله احفظك لينا اعمي
نعمان : كذبة بيضة باش نجمعو لعائلة .. ولكن راه مكذبتش حيت بصح مريض بالقلب غا هاد لكدبة زايدين فيها شوية
ساجد : لواليدة نتي لي هدري معاهم باش اتخلعو واجيو فأسرع وقت
أزار : اه بصح لميمة لي غادي تعرف تهدر
ساجد جمع لوقفة وشد آريا وقفها : يلله هاحنا مشينا
ومشاو كيتغازلو ولاو لولادهم بحال شي قدوة كلشي باغي اعيش بنفس الطريقة ديالهم حيت مور الزواج و بعد مرور السنين كتحس بيهم بحاليلا يله مزوجيين .. كيبعثو فيك أمل أن لحب مكيموتش مع لوقت بالعكس كيزيد
أزار حتى هو جمع لوقفة بعدما كان مجمع مع جدو و كلثوم عاد دخل لقصر باغي ابدل واخرج .. الدنيا صاقلة حيت تغريد و وجدان قاريين .. بغا اياخد لمصعد حتى كيقشع عمو مقنت رهاف
أزار : وحتااارموونااا معاكم .. ولا زوجوووني
بيازيد عقد غوباشتو وتلافت لعندو : شنو الذنب ديالي لا كنتي سيليباطير .. تحرمها علينا حنا
رهاف كتضحك : بيازيد حشومة
أزار : و فينو لكادو لي كنتي فاضحني بييه
بيازيد : طلع لبيتك اتلقاه
أزار : ايااه ومفراسي والو ..هاني طالع نشوف
ودخل لمصعد
بيازيد تلافت عند رهاف : فين كنا
رهاف كتضحك : حماقيتيي .. ممسالياش بعد مني
بغات تمشي جرها : دابا علاش مباغاش تولدي لينا شي بيبي نتلاهاو بيه
رهاف خرجات عينيها : تلاها ؟؟ .. ونتا حمق بعدا عندك ولد فعمرو 26 عام و بنت عندها 10 سنين وباغيني نزيد .. ولادنا كبرو ابيازيد
بيازيد : ولا كبرو حنا مالنا
رهاف كتسل منو : بعد عليا دابا اشوفنا شي واحد
بيازيد : دابا اتعطيني بوستي ولا ندير شرع ايديا
رهاف : وهادشي لي درتي مقدكش؟
بيازيد : لا
عفطات على رجلو وهربات
بيازيد : والله منساها .. كون شافني داك لبرهوش د أزار كون تشفا

كان فلصال دسبور عرقان وهو كيدير طراكسيو .. نضراتو حادة وعلى نقطة وحدة وتفكيرو مزاكيش كيمشي هنا و لهيه .. داز لوقت وجمع لوقفة كيجغم من قرعة دلما ..سمع تيليفونو كيصوني جاوب : مالكم ؟؟
تنهد : هانا جاي
وقطع عاد خرج من لصال نيشان لبيتو لقاها ناعسة شعرها مخبل ونص جسمها لعاري كيبان من ليزار ..قصدها بخطواتو موقف حتى لعند كرشها دوز عليها بحنان مع ابتسامة عاد قلب الدورة للحمام خدا ليه دوش باش ارتاح
فهاد الأثناء لينا ضرباتها لفيقة وحلات عينيها كتفكر فليلتهم دلبارح كان حنين معاها .. بتاسماات وهي كتحسس كرشها ممتيقاش أنها هازة شي حاجة فكرشها من دمو و روحو ..يله بغات تنوض بان ليها خارج كينشف فشعرو و على نصو لتحتاني فوطة

بتاسماات بحب : حبيبي صباح الخير
أمجاد نتابه ليها : علاش فقتي دابا .. مزال لحال
لينا : ضرباتني لفيقة
أمجاد : خاصنا نشوفو شي طبيبة على قبل صحة لجنين
لينا مقاداها فرحة : اه واخة حياتي
أمجاد : دري لبال لراسك ..ليوم اندوزو فالخدمة
لينا : متعييش راسك بالخدمة راه كنعرفك
هز راسو بلا : بلاتي نعاونك
مشا عندها عاونها توقف وهي كتغرق باهتمامو وحنيتو معاها : صافي انا بيخير
وقفها ودخل لدريسينغ ضرب كلشي بالاسود تجينز و كات و كويرة من غير التيشورط لي فالرمادي ..قاد ساعتو ليدوية ورش ريحتو الروجولية عاد وضع نضاراتو السوداء بعدما قاد تسريحة شعرو
شافتو لينا فاش كان خارج دلات شفايفها : واش ليوم ايكون عندك اجتماع مع شي ...
رقمها بنضرة حادة نساتها فاشنو بغات تقول وخرج زادح لباب
جلسات كتغبن وكتفرك فايديها : صافي ا ليناا علاش كتغيري هو مكيخونكش ..هو كيبغيك نتي صافي وغادي تكوني أم ولادو وقريب مرتو وعلى سميتو
بدات كتغزز ففمها كتموت من قهرة لغيرة فاش كتشوفو مقاد خايفة ادورو ليها بيه واخة هو عندو غا نيشان ولكن خايفة تطيرو ليها شي وحدة حيت مكينش لي غادي تشوفو وميثيرش انتباها لا من ناحية زينو ولا كريزمتو وهيبتو
جمعات لوقفة من جديد كتمشى بالشوية خايفة على لبيبي .. من كترة حرصها كانت اتطيح كون مشداتش راسها : ياربييي ولدي حبيبيي
بدات كتبكي خايفة عليه كتصرف بحال شي مهووسة : ولدي نتا بيخير .. جاوبني
ضربات على راسها : كيفاش ايجاوبني متلا
كمشات عينيها : غادي نحماق .. عشقو غادي احمقني

نرجعو لمغرب ..
مع دخلات للوكالة طار عليها مراد مخنزر : لهدرة ماشي دابا .. سيري راه لمدير وصل
ثلوج كتفرنس : بصح .. عندي الزهر
زفر : يلله فيسااع قبل اسول عليك معاش وصلتي
قبل تمشي باستو على خدو بعجرفة ومشات كتجري خلاتو كيضحك : حمقة
دخلات ثلوج مدرمة على لمدير وسدات لباب دالمكتب عاد مشات طيرة جلسات قدامو
رشيد : سمحي ليا خليتك كتسناي كان عندي اجتماع عاد وصلت
ثلوج بعفوية : حتى انا يله وصلت ههههه
رشيد هز حاجبو : كيفاش
ثلوج : غادي تجري عليا ياك
رشيد : عندك الزهر كان الاجتماع نقذك
ثلوج : حيت انا مزهارة هههه
رشيد تنهد : على الله تكوني مزهارة حتى فخدمتك
ثلوج بحماس : متشوقة
رشيد وقف برونشا الدطشاو و بدا كيشرح ليها وهي مركزة بكل حواسها : حاليا كنخدمو على برنامج تحت عنوان " لكواليس " بشراكة مع وكالات اخرى..هاد لبرنامج خاص نعطيو فيه حقائق على الفنانين و رجال الأعمال يعني اي واحد مشهور و عندو شعبية غادي اتسلط عليه الضوء .. وفهاد لبرنامج بغينا نبينو كواليس حياتهم فعلا ماشي كيف كيصورو لينا و كيكذبو فيه
ثلوج : اه فهمتك شنو بغيتي توصل
رشيد : مزيان لي فهمتي .. لمهم لبرنامج مزال مبدينا فالتصوير ديالو .. لفكرة مطروحة و مدروسة من جميع الجوانب .. بقا غا الدور ديالك
ثلوج باستفهام : شنو لمطلوب مني ؟؟!
رشيد رجع جلس فبلاصتو كيشرح ليها : غدا اتقلع طائرة من لبرازيل .. هاد الطائرة كتضم جميع رؤساء الأعمال صغير والكبير
ثلوج : وعلاش هاد الصدفة حتى تجمعو فطائرة وحدة ؟ .. وفاش كتهمنا أنهم رجال أعمال من البرازيل كنضن خاص نتطرقو لرجال الأعمال ديالنا و من جنسيتنا هاكة كنبينو للمشاهد انه معندنا والو فالمغرب .. مع لعلم لعكس كاين ناس كتلعب بالملايير و أغنياء دبصح
رشيد عجباتو شخصيتها : تبركالله عندك ميزات صحفية ناجحة .. نقطة إيجابية هادي
بتاسماات كتسنى جوابو
رشيد : علاش بالضبط لبرازيل حيت أول رجل أعمال مغربي و صغير فأواخر العشرينات كيفتح فرع كبير بشراكة مع رجال أعمال برازليين .. وهو غادي اكون تماك فالطائرة
ثلوج : واش متأكدين ايكون تماك
رشيد : أكيد حيت ميمكنش افلت عليه مؤثمر ايزيد من ثروتو ... أمجاد آل عمران شخصية غامضة وكتدخل الشك الثروة لي عندو دابا فاتت جدو نعمان و باه آل عمران .. و اغلب التصريحات كتقول انه معتامدش على فلوس باه باش بنا راسو ..كمل قرايتو فالبرازيل فين كاين اصل آريا ميلتون لي هي الأم البيولوجية ديالو
ثلوج حالة فمها : واش الأم ديالو برازيلية
رشيد : اه تماما داكشي علاش امكن مستاقر تماك .. ولكن آريا ميلتون خدات لجنسية لمغربية عندها حاليا جوج جنسيات
ثلوج :بشااخ وعائلة هادي
رشيد : جد أمجاد آل عمران وزير سابق للبرازيل وحتى الأم ديالو تولات منصبو لفترة قالو فيها بأن لوزير دانييل كان مريض داكشي علاش غونبلاصاتو ومن بعد نسحبات ورجع لمنصب ديالو ..فهاد النقطة الأمور غامضة ولكن حنا مكيهمناش هادشي كتهمنا حياة أمجاد آل عمران
ثلوج كتحاول تفكر هاد الاسم فين سمعاه : ممكن نشوف تصويرتو
رشيد دوز ليها الديسلايك وهي كتشوف : هو هادا
ثلوج عرفاتو : اه جات الصدفة وطلع ليا لبارح فالانسطا
رشيد : لمهم الدور ديالك هو خاصك تبيني مهارتك كونك صحفية مغاديش نقوليك شنو ديري .. هادا أول إختبار ليك
ثلوج مفاهمة والو : لمطلوب مني نجمع عليه معلومات ياك !؟
رشيد : غادي تمشي ليوم لبرازيل واتجي غدا معاهم فالنفس الطائرة كونك مضيفة طيران
ثلوج مصدومة : واش انمثل مضيفة طيران !!
رشيد وقف : تماما .. سيري لدارك وجدي حوايجك ايمشي معاك الشيفور فاش تجمعيهم ركبي معاه ايوصلك لمطار كينا طائرة خاصة اتقلع بيك نيشان لأوطيل تماك .. وفصباح ايتكلف لفريق ديالنا.. نتي تبعي التعليمات

ثلوج كتضحك : هادشي بحال الإستخبارات
رشيد بتاسم : داكشي علاش وكالتنا ماشي اي واحد كيدخل ليها .. نتي لقيت فيك شي حاجة ماشي بحال لموضفين لاخرين متأكد غادي تكوني قد لمهمة
ثلوج وقفات : أكيد و ضنك مغاديش اخيب
رشيد صافحها : كنتمنى
صفحاتو بجدية وخرجات كتفكر فهاد لمهمة .. واخة تخلعات ولكن كتدفع السنطيحة وكتزعم
ملقاتش لوقت فين تهدر مع مراد كتفات أنها تشير ليه مع ابتسامة وخرجات خاطبات الشيفور : انا غادي نمشي باللوطو ديالي .. وتبعني باش تعرف لعنوان
هز راسو باه عاد مشات ركبات وكسيرات : خاص نصيفط لمراد ميساج نعلمو ايتقلق
تنهدات وزادت كسيرات حتى سطاسيونات قدام دار فحي راقي .. نزلات وطلعات جرية وحدة حلات لباب بالساروت ودخلات .هادي هي الدار لي كانت كارية طول فترة دراستها حتى تخرجات . باها مكان كيخليها مخصوصة من والو و اصلا هما ميسورين و كيتعتابرو من أغنياء لقرية نضرا للفيرمة لي عندهم و الأحصنة و الأراضي و الغرس و زيد وزيد ..
بدات كتجمع فالفاليز كاع داكشي لي ممكن تحتاج فهاد ليومين هزات داكشي الأساسي و خرجات سادة موراها لباب ..بان ليها الشيفور حال لباب كيتسنا فيها ركبات وكسيرا .. شوية جاها إتصال من فيكس ستغربات : وي
رشيد : جمعتي حوايجك
ثلوج : اه انا مع الشيفور متوجهين للمطار
رشيد : مزيان .. الله اوصلك على خير
بتاسماات : شكرا
وقطعات
وصلات للمطار ونزلات حتى كيجيو عندها شي جوج رجال طللبو منها لكارط فالأول تخلعات حتى قالو ليها حنا من فريق لوكالة عاد تنهدات براحة وعطاتهم .. مكملاش عشرة الدقايق رجعو عندها بكاع وراقها لي اتحتاج خداتهم و وجهوها فين تمشي ما تطمأنو حتى ركبات فالطائرة وقلعات بيها نيشان للبرازيل ..

دازو ساعات ..
كان واقف مقابل مع لحائط الزجاجي كيطل على برى ..مكانتش فبالو غادي اكون مؤتمر جديد فالولايات المتحدة الأمريكية .. جا على غفلة وضروري خاص احضر ولا ايتير الشكوك
جاه اتصال مبغاش اجاوب حتى كيسمع تيليفونو كيصوني مرة اخرى تنهد ورجع للمكتب هزو بعدما فتح لخط : اهلااان
بتاسم : لبطل اش خبارك
أمجاد بتاسم : الا كنتو نتوما بيخير انا بيخير
ساجد كيضحك : مناويش ولا !!
أمجاد : ناوي ناوي .. كنتسنا نسني غا شي عقد وهانا معاكم
ساجد : مرحبا بيك اولدي كلشي توحشك
أمجاد : سلم عليهم وسلم على آريا
ساجد شاف باب دلمكتب تحل ودخلات آريا هازة كيسان دلقهوة : هاهيا معايا
أمجاد : دوزها ليا
آريا كتسول فيه بملامحها : شكون ؟؟
ساجد : ولدك
حطات لبلاطو ومشات طيرة خدات من عندو التيليفون : ولدي حبيبي ..لباس عليك توحشتك فين ناسينا .. إلا ماجيتيش انمشي عندك
ساجد هز حاجبو : وانا ديكور ؟؟ ..لمن تخليني
باستو على خدو ومشات غادة جاية كتهدر بشغف مع ولدها
أمجاد : قريب .. وهاني معاكم
آريا حاطة ايديها على خصرها : وامتى ؟ ..عارفة هاد قريب عندك امتى
أمجاد حابس الضحكة : دابا انا كذاب ..هادشي لي بغيتي تقولي
آريا : أ اا
خطف ليها ساجد التيليفون و نطق : يلله رجع لخدمتك .. وتهلا
قطع وشاف لعندها : اجي نتفاهمو كيفاش تمشي لعندو وانا
آريا حطات ايديها بجوج على خصرها : علاش خطفتي ليا التيليفون .. حماقيتيي
ساجد جرها : اه حماقيت اجي داويني
آريا حابسة الضحكة : وصاافيي .. شرب قهوتك باش تصحصح

تعشات لعشية وغربات الشميسة ..
كانت كتدور فعينيها على لغرفة : وااو واش هادو هما الأوطيلات لبرازيلية .. خسارة أول مرة كنحط رجلي فهاد لبلاد ومغاديش نستمتع حيت لغرض هو لخدمة
دلات شفايفها عاد تفكرات عائلتها : لحاج اعرفني خرجت من لمغرب اندب حناكو .. مخاصهمش اعرفو
طلقات من لفاليز لي كانت شادة و بدات كتدور و تكتاشف هادشي كامل تحت وصاية مدير الشركة .. عرفات انه فعلا لبرنامج مهم حتى دايرين على قبلها هادشي كامل وحتى هي مبغاتش تخيب ضنو وتكون قد لمهمة .. مخلات حتى قنت من لغرفة مكتاشفاتوش من طبعها بقشاشة متهنى حتى تجبد للحاجة مصارنها خخ .. تفكرات راسها رآه عيانة عاد مشات للحمام حلات فيه فمها شي جوج دقايق وهي مكوانسية كتشوف فالتصميم .. عاد وعات على راسها غسلات وطرفات حالتها عاد خرجات لبسات عليها توني دالنعاس وتخشات فبلاصتها كتخمم فلي جاي
هزات راسها لسقف كتمنضر فالتصميم : هادي راه غرفة دالأحلام .. انشالله فاش انولي لباس عليا و ميسرة غادي ندير دار بحال هاد الشكل
تفكرات تيليفونات خداتو وشعلاتو حتى كتلقاه غارق بالمكالمات شوية وايتفركع : حبيبي ايكون تشوش عليا
ركبات لكارط الجديدة لي اتخدم ليها فالبرازيل و دوزات ليه داك الساعة حتى جاوب : الو مراد
تقطع لخط فاش جات تعرف السبب لقات راسها سالات ليها روشارج و ممخلصاش لابونمو دهاد لكارط : تفف تف على زهر
بدات كتغودد تماك : شنو اندير دابا يخخ
شوية وصونا ليها هو جوبات طيرة : حياتيي تسالات ليا الروشارج داكشي علاش .. نتا بيخير
مراد باين من صوتو مقلق : ثلوج هادي نتي ؟ .. فين كنتي غاطسة هاد لوقت كامل علاش مكتجوبيش ومخلياني كنصوني ونعاود
ثلوج كترطب فالجو : كان عندي واحد لغرض داكشي علاش .. الو الو مكنسمعكش الوو مراد
وقطعات : انا عيانة معنديش الطاقة نجاوب على توبيخاتو
لاحت التيلي للجنب و هزات لبيسي حطاتو قدامها حتى كيوصلها ميساج فالجيمايل قراتو كان من عند لمدير .. هاد لميساج مذكورة فيه كاع التعليمات لي خاص تنفد بالحرف
تنهدات : واااه مهنة الصحافة صعيبة حتى لهاد الدرجة كنت حكراها
بتاسماات : غادي نولي مشهورة حتى انا .. و لحاج ايولي عاطيني التيقار حيت انحمر ليه وجهو
سمعات لباب عرفاتهم ايكونو جابو ليها لعشا ..ناضت نقزات من فوق الناموسية كتطير بحال شنيولة حتى حلات لباب : هااي
خدات من عندو الساشية : طانكيوو
لعامل : مغربية لا ؟؟
حلات فمها : واااو واش مغربيي !!
لعامل : لا ولكن كنهدر بيها وكنفز لمغاربة .. شنو سميتك
ثلوج صفحاتو كتفرنس بحال لهبيلة : ثلوج وكيعيطو ليا سنبلة
ستغرب : علاش سنبلة
ثلوج : معرفتش .. كيعيطو ليا بيها من الصغر
بتاسم : ضحكتك زوينة
ثلوج كتضحك : حتى نتا زويين
جابت ليه الضحكة : ليلة سعيدة
ومشا

ثلوج : طانكيوو
وسدات لباب : واااو لكور كيقولو ليا ضحكتك زوينة
مشات تلاحت على الناموسية كتشتف حتى تفكرات عوتاني راه عيانة عاد جلسات مقردة قدام لبيسي وفمها عامر بلاصوص والسندويش .. وحلات ليها فاش بدات كتسارا فالباج ديالو : كون غا قسم معايا شوية من فلوسو
تنهدات بحصرة كتحاول تقرا شخصيتو : مبان ليا منقرا فيها .. معندو حتى تصويرة ضاحك ..من نيتو هادا ديك لي معاه اشنو عاجبها فيه
خممات شحال وهي تصيفط ليه ابوني .. شوية بدا كيلعب ليها الشيطان فراسها ودخلات كتبات ليه ميساج

💬 صفحتك مملة معندك حتى تصويرة ضاحك فيها داير فيها عميق زعما

بقات كتضحك كتحسب حد تلاتة .. تصيفطو ولا بلاش شوية صيفطاتو : هو اصلا مغاديش اقراه .. تلقاه مكيفهمش لعربية هههههههه .. ناس ولاد لوزراء
خلات لبيسي محلول و تكات على كرشها حاطة ايديها على حناكها كتفكر كيفاش اتدوز الرحلة فالطائرة مع رجال الأعمال
حتى كيوصلها ميساج تلافتت وهي تحل فمها وعينيها وساعو . بلعات ريقها وهي كتقرا فجوج كلمات لي كتب ليها

💬 تعلمي تخلي كونطك بريفي قبل تطيري نتي وياه

عقدات غوباشتها : حماار هادا .. اندير لولدي بلووك عالمي لحقير لاخر .. ولكن كيفاش ايعرف حيدتو من عندي خاص نعايرو والله حتى نعايرو . كيفاش نطير .. ناري على حمار ومتكبر ..
ولاو فيها عشرة مرضاتش
رجعات داك الساعة بالغدايد صيفطات ليه

💬 باغا نطلق زيني .. و دخل سوق راسك نخلي كونطي بريفي ولا بيبليك ..حمار لاخر

حبسات لكتبة كترعد لعب ليها على لميموار ..هزات كتفها زعما فين ما بغات تخرج تخرج وصيفطاتو ليه : تستاهل كتر .. بنادم كيف داير
جهلات و خسر ليها لمورال .. سدات لبيسي وتخشات فبلاصتها كتقلب شحال عاد نعسات
فهاد الأثناء كان هاز حاجبو فالميساج وعينيه مركزين معاه حتى كتقاطعو بلمساتها على شعرو : حبيبي مفيكش النعاس
أمجاد نطق ببرودة : لا سيري تنعسي ..غدا اتمشي معايا
لينا باستغراب : فين
أمجاد : لينا مافيا ميهدر
قالها وهو معصب باينة فيه مغودد و متحكم فهدرتو غا بزز باش ميجرحهاش .. ولكن لي عطا الله عطاه مشات حابسة لبكية غا تخشات فالفراش وهي تطلق دموعها
أمجاد زفر دخل داك الساعة لكونطها طيرو ليها : وقتي عامر أما كون نوريك لحمار شكايدير
زفر وحط لبيسي .. عمر شي واحد عايرو شكون هاد الزعيمة لي ساخي عليها فمها ومعرفاتش راسها معامن .. مسح على راسو وخرج لبالكو بعادتو مكيكميش بزاف قليل ..ولكن فهاد اللحظة حس براسو باغي اكمي ابرد غدايدو فالكارو حسن ميديرها فراسو و اخسر عليها رصاصة وحدة تطيحها كاو وهو سوق لعيالات مكيعمروش باش اعطيها وقت .. غا الصدفة لي خلاتو اجاوب على مساجها

صبح الصباح بنهار جديد 🌞
فاقت مشقلبة ومفزوعة على صوت التيليفون .. خرجات عينيها فاش بان ليها رقم غريب كيتاصل خافت اكون لمدير هزاتو وجوبات داك الساعة : الو وي
رشيد : مزالا ناعسة ؟؟
ثلوج كتحك فعينيها : لا لا .. فايقة فايقة كنوجد فراسي
رشيد : شوية اتجي وحدة من فريقنا تدق عليك كوني واجدة باش تمشي معاها
ثلوج : اوكي مسيو .. نمشي نكمل داكشي لي كندير فيه
رشيد : بالتوفيق
وقطع
ثلوج ناضت بجرية للحمام قضات روتينها الصباحي و خرجات كتمسح وجها فالفوطة .. شوية وهي تفكر احدات لبارح عضات على شفايفها ومشات حلات لبيسي بغات تدخل لكونطها لقاتو طاااار ..حلات فمها وعينيها دمعو بالصدمة داك لكونط هو أول واحد دارتو عزيز عليها بزاف ..تفكراتو فاش قاليها " تعلمي تخلي كونطك بريفي قبل تطيري نتي وياه " .. جلسات على طرف دالناموسية كتغودد وتغبن
جمعات لوقفة : والله منخلي دقتي .. والله
حلات لفاليز كتنخصص كلما تفكرات كونطها .. جبدات ليها ما تلبس بجهالة .. كترعد بالفقصة محملاش تعتارف أنها هي لي جبداتو
داز لوقت
سمعات الدقان فالباب عرفاتها اتكون لبنت لي قاليها لمدير .. هزات ساكها و لفاليز ديالها عاد خرجات حلات عليها : سلام
لبنت بابتسامة : مرحبا بيك معانا
صافحتها ثلوج بابتسامة شاحبة وعقلها مع لكونط لي طيرو ليها .. وفيه التفاعل وعندها متتبعين بزاف كتفكر هادشي كتجيها السخفة طول الطريق وهي غا ساهية حتى وصلو للمطار ومشات معاها لجناح فين كيبدلو موضيفات الطيران
لبنت : اجي دخلي
ثلوج هزات راسها باه .. لبنت كتشرح ليها كيفاش كيخدمو مضيفات الطيران وثلوج مركزة معاها .. كتسمع جملة وكلمة لا .. عقلها مرة مرة كيمشي لكونطها و لمتتبعين لي عندها
لبنت : فهمتي
ثلوج فاقت من شرودها : هاا
لبنت : ههه صعيبة غا الزعامة من بعد اتعرفي تصرفي
ثلوج عينيها مغرغرين : ممم
لبنت : هاهما لحوايح بدلي
ثلوج هزات راسها باه : شكرا
لبنت : هادي خدمتي
ومشات

فالجيهة لخرى ..
ضرباتها لفيقة ملقاتوش حداها .. شدات فمها ومشات بجرية للحمام ستفرغات حتى كانت اتسوس معدتها .. شوية وحسات بيه كيجمع ليها شعرها وكيغسل ليها ..بغات تنطق لقات راسها مهزوزة بين ايديه محطها حتى للناموسية
نطق وحجبانو معقودين : علاش كتقياي .. ضراك لمعدة ؟
لينا جاب ليها الضحكة : لمراة لحامل ..هادشي عادي كيوقع ليها
أمجاد تفكر : ااه اه .. شنو دابا نجيب ليك شي دوى باش متبقايش تستفرغي
لينا : ههه نتا هو دوايا
حطات ايدها على خدو كتحسسو : رآه قلت عادي اي وحدة حاملة كتبقا تجيها دوخة والسخفة و حتى خاطرها كيكون مروع
أمجاد هاز حاجبو : اه فهمت .. هادشي عارفو
لينا بقات غا كتضحك و فرحانة باهتمامو
أمجاد : شوية و اتطلع عندك لخدامة خليها تعاونك باش توجدي راسك نمشيو
هزات راسها باه مقدراتش تسولو فين باش ميقمعهاش بحال لبارح
أمجاد وصل عند لباب قبل اخرج : اتمشي معايا للمؤثمر .. نتي حاملة بولدي مخاصش نخليك بوحدك
وخرج
لينا خشات وجها فالمخدة كتفركل بالفرحة : ناريي كنحماااق عليييه .. ياربيي تخليه ليا ياربيي هو حياتي وعشقيي
شوية دخلات عندها لخدامة : آنسة لينا فشنو نعاونك
لينا : وجديلي للحمام بعدا
لخدامة هزات راسها باه ومشات تنفد اشنو طلبات منها
لينا جمعات لوقفة وبلاما ترد لبال كان اتصطادم بديكور وكان كيضرب كرشها ..بعدات مفزوعة حاطة ايديها على كرشها كتحرك راسها بهستيرية : ولديييي ... ولدييي نتا بيخيير يااك ..يااك احبيبيي
بدات كتبكي مخلوعة هادشي باقي الديكور مضربهاش ..خايفة تفقد ولدها وخوفها لكبير هو تفقد أمجاد ولا اخليها بسبب اهمالها
مسحات دموعها كتنخصص : ولديي جاوبنيي عفااك ..نتا بيخير يااك ؟؟؟ جاااوب
خرجات لخدامة كتشوف فييها بصدمة : آنسة لينا ..لحمام واجد
لينا هزات عينيها فالخدامة : جات معايا حاملة يااك ؟؟
لخدامة كتحرك فراسها مفاهمة والو
لينا كتضحك : غادي نكون ام لحبيبي ..ممتيقاش
مشات بحذر لحمام : عنداك تكون فيه شي حاجة تزلقني
لخدامة : لا لا ..كلشي هو هاداك

دازو ساعات...
بدات الطائرة كتعمر برجال الأعمال ..هاد الطائرة خاصة اتمشي نيشان لولايات المتحدة الأمريكية
ثلوج كتدور فعينيها و جالسة حدا لبيلوط شادة معاه لحديث بالانجليزية : دابا الا دخلت هاد لوجيسيال واش بصح ايرجع ليا كونطي
لبيلوط : معاك بصح ..خاص غا تعرفي تستخدميه
ثلوج عينيها مغرغرين : حلف
لبيلوط : هه رآه هدرت ..حتى نوصلو لأمريكا وعطيني لكونط نرجعو ليك
ثلوج كتفرنس : شكرا بزاف
جات عندها لبنت لي مشات عندها لاوطيل : ثلوج ..اجي بداي
ثلوج : اه اه ..هانا
ومشات معاها
لبنت : راه الطائرة شوية واتقلع ..ديري خدمتك
هزات راسها باه كتحاول تنفس بانتضام ..قدات لقاميجة ديال موضيفات الطيران وخطات بخطواتها واقفة قدام الركاب كتوجه فيهم بالإشارة حتى بدات كتقلع الطائرة ..كملات وبغات تمشي حتى كتسمع صوت لجرس جاي من شي كرسي تلافتت ومشات فين كاين مصدر الصوت
بتاسماات ليها برقة : نعام ا انسة
لينا : عفاك واخة تجيبيلي عصير ..مع حاملة ريقي نشف
ثلوج كتحاول تفكر فين شيفاها عاد سرات معاها : مرحبا
ومشات
لينا نغزاتو : حياتي تبغي تشرب شي حاجة
هز راسو بلا وكمل قراية دالجريدة لي فإيدو مركز مع داكشي
لينا شافت ثلوج جاية خدات من عندها لعصير : طانكيو
ثلوج : الا بغيتي شي حاجة أخرى عيطيلي
لينا : شنو سميتك
ثلوج : ثلوج ..سميتي ثلوج
لينا نغزات أمجاد : حياتي هانا جاية
حيد لجريدة من على وجهو هاز حاجبو فلينا بلاما اشوف فثلوج : فين؟؟؟
لينا : غادة لحمام
أمجاد هز راسو باه ورجع مركز مع لجريدة
فهاد الأثناء لبركان لي شاعل فثلوج مغادي اطفيه لا واد لا بحر .. كون ما لخدمة ولمهمة كون تلاحت عليه تقمش ليه داك لكمارة لي فرحان بيها
لينا وقفات : واخة توريني فين جا لحمام
ثلوج : اجي
مشات فين كين : هاهو دخلي
دخلات لينا وشوية خرجات : شكرا ..باينة فيك ضريفة
ثلوج قالتها بعفوية : حتى نتي .. والله اتبت حملك على خير
لينا فرحانة : امين
ومشات لبلاصتها متفاجأة : فينو أمجاد
جلسات كتدور فعينيها و التفكير ايقتلها
فهاد الأثناء ثلوج واقفة دايرة راسها كتلبي طلباتهم ولكين عينيها خدامين كتحاول تشد شي حاجة.. عيات ودخلات لحمام كتغسل فوجها : الله اعطيه لعذاب مطير ليا كونطي ..الله اطير ليه راسو .. ميستاهلش داك ملكة لجمال لي معاه وحاملة منو من لفوق
جبدات تيليفونها واخة طافي مع فالجو .. كتشوف فيه كتحسر وتبكي : بغيت كونطي .. الله اعطيك شي هرسة فداك الايدين
رجعات تيليفونها للجيب وهزات راسها فالمرايا باغا تقاد شعرها حتى كتخرج عينيها ..فيساع ريقها نشف و حلقها بح والعرق بدا خارج من جبينها ..تلافتت مصدومة وكترعد لهدرة مشات ليها : ش شش .. شش شنوو كدييير !!!
كان حاط لفردي وسط جبينها وعينيه حمرين خارجين فيها .. كتبان ليها ايدو مزيرة على لفردي حتى لعروقة بانو ..طلعها وهبطها شحال عاد نطق ببرودة معرفاتو واش معصب ولا مهدن : شكون نتيي
بغات تنطق خبط لفردي وسط جبينها بالشوية : اشمن وكالة خدامة معاها ؟؟ .. و قلتي حمار لا ؟؟
بدا كيغزز فسنانو : قلتيي ندخل سوق راسي ياك
ثلوج كتحرك فراسها كترعد : لا لا مقلتش هادشي تغالطت ليك
أمجاد بحدة و ببرودة فنفس لوقت : سي قلتيها .. كونطك طار و دابا جات نوبتك نتي
ثلوج كتبلع فريقها كتحس براسها غا كتحلم أول مرة تشوف شي فدري ديال بصح : شش شووف عفااك
أمجاد : غمضي عينيك وتمناي أمنية قبل تموتي
ثلوج : غادي نغوت وداك الساعة لا قتلتيني اتمشي لحبس
أمجاد كيقرب وهي راجعة باللور قلبها كيضرب فالمليون : غوتي شكاتسنااي
ثلوج بدات كتبكي : واخة نطلبك قبل نموت
هز حاجبو : اشمن وكالة خدامة معاها ؟؟
ثلوج : الا قلت ليك اتنفذ ليا طلبي
ضربها بالفردي وسط جبهتها عوتاني : انا لي كنقرر هنا ماشي نتي
ثلوج رغم لخوف كتحاول تبين ليه راه ممتأتراش بالموقف بزاف : رجع ليا كونطي ونقوليك
عض على سنانو وشد ليها فكها وسط قبضة ايدو علاين اهرسو ..نطق ببرودة عكس لعافية لي شاعلة فيه وهي سبابها : اششششمن وكااااالة .. مبغييتش نعاود هدرتييي الصحفية لفاشلة
ثلوج عضام فكها راه كيتهرسو ولكن لسانها مبغاش احشم : كونطيي هو اللول
أمجاد ضحك باستهزاء : من نيتك ..لا واش من نيتك
ثلوج تنترات منو : غادي نرفع عليك دعوة التهجم .. والله منسكت لييك الحمار ..اجي حيدها ليا من فمي
عطاها بكروشي للفم معطلهاش : لمرة جاية نوبت سنانك
طلق لما دلفابو وغطس ليها وجها فيه طالق عليها لما وهي كتفركل : لقيتيني ممساليش
رخف عليها كينفض فحوايجو ودار بغا امشي وهي تهز راسها كتنخصص شادة قنوفتها لي تجرحات وكتبكي : كونطي الحمار ..بغيت كونطيي
أمجاد تلافت لعندها و ستين جن سابقو : مزالا زايدة فييه
ثلوج كتنخصص : والله منساها ليك بغيت كونطي
شد جبهتو كيفك فالتجاعيد لي تجمعو بالعصاب .. لقا راسو كيضيع فالحجرة ومن عادتو مكيسمعش لهبال النساء ..حل لباب وخرج زادحو عليها
ثلوج مسحات دموعها بعجرفة كتنخصص فصمت : مسميتيش ثلوج الناجي الا مشوهتكش .. قلتي صحفية فاشلة انا غادي نبين ليك واش فاشلة بصح
بقات كتفكر وتخمم والضيم طايح عليها .. كتغسل ففمها لي تجرح مقدرتش حتى تحلو حيت فكها حتى هو كيضرها .. كاع الدعاوي دعاتهم فييه مخلات غا لي نسات
تنهدات ودوك جوج كلمات لي قال كيدورو فراسها " صحفية فاشلة " ..مبغاتش تسرط ليها ..نفضات حالتها وقادات شعرها عاد خرجات نيشان للغرفة موضيفات الطيران ..ضبرات على الثلج وحطاتو على قنوفتها حتى بدات كترجع لحجمها الطبيعي عاد صيبات لعكر و خرجات عند الركاب كتبتاسم وعينيها كيدورو و الأفكار الشيطانية كتزرع ليها فراسها
بانت ليها لينا شيرات ليها ..بلعات ريقها ومشات لعندهم : مرحبا ا انسة
لينا : عيطي ليا لينا .. قولي لينا بلا انسة
ثلوج كتهدر معاها وكتحاول متشوفش فييه : واخة هه
لينا تلافتت عند أمجاد لي ممسوق لا ليها لا لثلوج : حياتي واخة ناخد مشروب
أمجاد شاف فثلوج ببرودة : جيبي ليها عصير
لينا : انا بغيت مشروب
أمجاد رمقها بنضرة حادة حتى من ثلوج تفزعات ومشات طيرة ..جابت ليها لعصير وهي تهز حاجبها و مداتو ليها وتقصدات تطيحو عليه بلعاني : اوووه اكسكوزمي .. مقصدتش
لينا حطات ايدها على فمها وشافت فثلوج كتغمزها تغبر من قدامو وحتى ثلوج فهمتها وطارت غبرة
أمجاد لقرودة كيلعبو ليه فوق راسو بقا مصمر فوضعيتو وعينيه خارجين
لينا : اجي معايا للحمام ..مدرتهاش بلعاني
أمجاد قفزها : سسسسكتيييييي
وتلافت للنافدة كيشوف فالغمام و لعافية شاعلة فييه مكرهش اسرطها بداك التبرهييش ..منين تسلطات عليه هادي .. . تمالك اعصابو بستة وستين كشيفة كيحاول ميوليش أمجاد لخيب .. مبغاش اقتلها وايتم عائلتها فيها
ثلوج جالسة مقردة حدا لبيلوط خايفة اخرج ليها من شي بلاصة : شحال باقي باش نوصلو
لبيلوط : مزال بزااف
ثلوج : اجي واش هاد لموثمر فينما كيتدار .. كيتجمعو رجال الأعمال فطائرة وحدة
لبيلوط : تماما
ثلوج كتدور فعينيها : كتعرف شي معلومات على أمجاد آل عمران ؟؟! .. من غير أنه رجل أعمال
لبيلوط : أغنى واحد فهادو لي معاه
ثلوج حالة فمها : باش عرفتيها
لبيلوط بتاسم : علاش مهتمة
ثلوج : هاا .. لا لا غا كنسول عادي
لبيلوط : الأملاك لي عندو كيفوتو هاد رجال الأعمال لي معاه .. سيد داير ضجة والأعين كلها عليه .. ثروتو كتدخل الشك
ثلوج : اياااه .. كيفاش كتدخل الشك
لبيلوط : معرفتش .. ولكن أغلب التصريحات مع عائلتو كيقولو أمجاد بدا بوحدو مستاغلش فلوس باه باش وصل
ثلوج : سمعت جدو كان وزير ..يعني حتى عائلة الام ديالو غنية داكشي علاش ايكون غني باينة
لبيلوط : معرفتش .. ممكن
ثلوج كتدور لهدرة ديالو فراسها .. خاص تبحث كتر على الأملاك ديالو اشنو عندو و فاش كيستثمرهم وإلا لقات معندو حتى عمل خيري اتستاغل هاد النقطة فالبرنامج كنقطة ضعف بالنسبة ليه .. ناوية تورييه الصحفية لفاشلة علاش قادة

لينا ممرتاحاش كلا شوية كتشوف فيه كتلقاه مركز مع داكشي لي قدامو و مدايهاش فيها .. حتى غوتات بالشوية وبلعاني شادة كرشها : اييي كرشيي
تلافت عندها مفزوع : مالك .. شنو كيضرك هدريي
لينا : لا غا كيشدني لوجع مرة مرة
أمجاد : فاش انزلو فالمطار انديك لطبيب هو لول
لينا : لا بلاش ..نتا هو طبيبي و دوايا
أمجاد بصرامة : لينا خلينا من هاد لهدرة لخاوية نتي حاملة و خاصك لعناية
لينا فخاطرها : هي كون عتانيتي بيا شوية فبلاصة متقرا لجريدة
أمجاد : فاش كتفكري
لينا باستو على خدو : والو والو .. قربنا يااك
أمجاد : شوية
ورجع لوضعيتو

دازو ساعات وتحطات الطائرة فأكبر مطار بالولايات المتحدة الأمريكية تورونتو بيرسون
بداو كينزلو رجال الأعمال بالواحد بالواحد كلا مع الزوجة ديالو أو عشيقتو .. ثلوج فهاد اللحظة كتطل غا بالشوية من واحد لجيهة فالطائرة و كتسكاني الا لقات متكتب فالمقال ولي كيتعتابر أول مقال فحياتها لعملية
تفزعات فاش تم جاي هو و لينا حاط ايدو على خصرها وراد معاها لبال لا تطيح ..بقات كتشوف فلحظة بتاسمات: سي السيد كيعرف لرومنسية .. جاو مع بعضياتهم الصراحة هه ..كيووت
بدات كتخايل راسها مع مراد و زواجهم : حتى انا غادي نهدر لدارنا على مراد ونتزوج بحبيبي لغالي
فاقت من احلامها لوردية على صوت لينا باغيا تشرب لما ..مشات ثلوج جابتو ليها بالخف : بالصحة
لينا شربات ورجعات ليها لكاس : شكراا ..
ثلوج كتفادا تخنزيراتو لي رامقها بيهم وكتهدر غا مع لينا : الله اتبت حملك على خير مرة أخرى
بتاسمات ليها لينا بمودة وهبطات مع أمجاد لي عاطيها لخاطر ...
دازت نص ساعة هاكاك
كانت كتهدر مع لمدير غادة جاية : اه داكشي لي طلبتي مني كنديرو بالحرف .. و لمقال ديالي ليوم بالليل انكتبو ... اوكي باي
رشيد قاطعها : الا عجبني لمقال اتكوني نتي هيا مديعة لبرنامج
ثلوج وسعات عينيها وبدات كتنقز فبلاصتها بحال لهبيلة نسات راسها راه فالشارع لعام لي قدام لمطار : وااااوووووو ... حلللف بالله
رشيد كيضحك شوية رجع لصرامة ديالو : إلا عجبنيي
ثلوج كتعبر بايديها وتنقز : ايعجبك متأكدة
قطعات معاه ودوزات لمراد لي جاوب فالحين فاش جاتو النمرة غريبة ماشي ديال لمغرب : الوو
ثلوج كتهدر بحماس وتعبر : عرفااك اتعصب .. ولكن كنواعدك انرجع انعاود ليك بالتفصيل
مراد : ثلووج هادي نتيي !!! ..اشنو محلي من الإعراب ممسوقااش ليا وفيينك نتي دابا ..خاارج لمغرب ياك !
ثلوج : سمع ... سمع نقوليك شي حاجة مهمة
مراد بعصبية : شنوو
ثلوج كتضحك وتنقز بالفرحة من هدرة لمدير معاها مزال متأثرة .. مدتهاش فاللوطو لي كتطوط عليها تحيد من الطريق ومع اصلا جاية بسرعة واخة تحبس لفران غادي تضربها حتى تلاح لسمة السابعة : و قلللع شنووو هههههه
مراد : ثلوج براكة من لبهلان وهدري رااه معصصصب .. و أش هاد الصداع لي مورااك
ثلوج : كنبغيييييييي...
حساات راسها تخطفات من خسرها بسرعة لبرق ..لي عارفة هو شي قبضة خشنة قاصت خسرها و زاحتها من بلاصتها بقات مصدومة ومفيكسية وعقلها مشغول مع لجملة لي كانت باغا تكمل حتى كملاتها فعلا عاد غيبات : يييييييك .. وكنمووت فيييك

هز حواجبو بجوج من كلامها شنو هادشي كتقول ..حتى كتقاطع حبل افكارو خطوات لينا لي كيتقدمو ناحيتهم : مااالهاا ..يكمااا وقعات ليهاا شي حااجة
زفر وهزها بين ايديه بجوج وهي مغيبة ومرخية : سخفات
لينا حطات ايدها على فمها : كون معتقتيهاش كانت اتضربها
أمجاد : هاد لمرة متخليش عينيك ادورو بزااف باش متقوليش ليا نعتق هاد الأشكال من لمووت .. اخر مرة ا ليناا
لينا كتسايس معاه : متقولش هاكة .. عمل إنساني تعتق شي واحد من لموت خود الأمور هاكة احبيبي ... ديها اللوطو نوصلوها معانا لأوطيل حتى تفيق وتمشي فين بغات
أمجاد هاز حاجبو : اه وشنو اخر .. عندكم شي أوامر أخرى سيادتكم؟؟
شدات فمها حابسة الضحكة : و عفاااك احبيبيي .. دير ليا خاطري عفاااك
أمجاد تنهد ومشا هازها تجاه اللوطو ديالهم وهدرتها كتدور فدماغو قبل متسخف " ... كنموت علييك " .. قاطعاتو لينا : هاهو تيليفونها امكن
أمجاد باستهزاء عرفها كانت كتهدر فالتيليفون : من نيتيي
لينا : مالك
أمجاد : والوو ... حلي لباب نحط هاد خيتيي
حلات ليه لباب حطها لور عاد وقف نفضد حوايجو وركب لقدام عاد كسيرات بعدما ركبات حداه لينا فرحانة حيت كيسمع لكلامها ودااي بخاطرها ..

داز لوقت ..
حلات ليه لينا لباب بالكارط : دخلها .. وعفااك بلاما تعصب عفااك
أمجاد غا ساكت معرفاتو علاش ناوي دخلها هازها بين ايديه وحطها فوق الناموسية : تزيدي شي حاجة انسا راك حاملة ا لينا
لينا : لا لا برومييس .. انا انتكلف
هز حاجبو : شناواا ؟؟ .. خلي هاد خيتي فاش تحل عينيها تقو ** من هنا حنا مالنا !!
لينا عرفاتو معصب : صافي برد .. مواقع والو
جمع ايدو على شكل قبضة و مشا مزادش شي كلمة
لينا تنهدات وحطات ايدها على خسرها : مالو معصب ..
بتاسماات واخة شافتو هاز ثلوج بين ايديه مغارتش بالعكس جاها هازها بزز غا بسباب الحاحها : كيبغينيي هههه
عضات على شفايفها بخجل ودارت عند ثلوج تنهدات ومشات قدتها فوق الناموسية : هادا حط لبنت على الناموسية ولا لاحها .. شنو نتسنا حتى تفيق ولا كيفاش
بقات كتخمم فالأخير قررات تجبد ورقة و ستيلو تكتب ليها فيه اشنو وقع ..حطاتها حدا راسها وخرجات من لغرفة مخلياها بوحدها و قلبها ممهنيهاش هي هاكة دايرة حنينة بزااف .. كتبغي تساعد الناس

دخلات لغرفتهم لي محجوزة فالأوطيل كتدور فعينيها عليه
ستغربات : حياتي
سمعات صوتو جاي من الشرفة مشات قربات كتسمعو كيهدر فالتيليفون
كان واقف بشورط قصير و صدرو عريان و شعرو فازك كيمسح فيه بالفوطة يلله خارج من لحمام : جي عندي نشوفك
لينا عينيها غرغرو فيساع عقلها مشا بعييد
أمجاد مركز مع الإتصال : لقراية صافا ؟ .. ركزي معاها .. الا لقيت لوقت اندوز لعندك ..فاش تخصك شي حاجة علميني مفاهمين .. يلله بون كوغااج
قطع ودار حتى كتجيي عينو على لينا واقفة بحال لجماد ودموعها دايزين : أرر يوو اوكااي ؟؟!
لينا كتنخصص : معامن كنتي كتهدر
أمجاد هز حاجبو بحاليلا كيقوليها من نيتك : مع ندى !! .. شنو لمشكيل
لينا حشمات من راسها :هههه غا سولت عادي ..مع لحمالة دموعي ولاو غا دايزين
أمجاد دار فيها داك الشوفة ديال تيقتك زعما و داز من حداها خلاها بلاكة
لينا بغات تبدل لموقف لمحرج لي تحطات فيه : لبااس عليها
أمجاد : وي صافا
لينا : توحشتها شحال مشفتها
أمجاد : لا بغيتي تمشي لعندها كاين الشيفور اوصلك .. نتي حاملة معندك مديري بشي مؤتمر
لينا مبغاتش تزايد معاه فالهدرة : هه اوكي نيت توحشت بنت خالتي
أمجاد : مزيان
ومشا لدريسينغ البس عليه
لينا تفكرات ثلوج شهقات ومشات لعندو كيبدل وهي واقفة عليه بلا حشمة : حبيبي لبنت ..
قاطعها : تجبدي ليا شي خرية انوريك وجهي لخيب ا لينا
لينا زعمات تجاوبو : نخليوها تموت ؟؟
أمجاد كمل لباسو : مالها لموت عيب
خرج من الدريسينغ وهي تبعااه : علاش داك لمرة فاش بقا فيا واحد لمش و ربيناه تهليتي فيه حتى نتا ..
أمجاد : هانتي قلتيها ..مش ماشي برهوشة
لينا : أمجاد حشومة
أمجاد : دابا شنوو ؟؟؟
لينا : بغيت نشوفو ليها شي طبيب ..لبنت مغيبة مجايبة لدنيا خبار .. من باب الانسانية نعاونوها وزيدون دخلات لخاطري ..معرفتش مع لوحم كيعجبني نبقا نشوف فيها
أمجاد : اهااه زيدي شنو آخر
لينا كتلبد فعينيها واخة هاد لبلانات مكينفعوش معاه : عفاااك
أمجاد بجدية : نتي ديها غا فصحتك ولي فكرشك ..
بتاسماات عرفاتو من خلال هدرتو ايدير بكلامها : طانكيو مااي لووف
هز راسو ومشا خرج من لغرفة .. دوز لرقم جاوبو فالبلاصة : اجي بغيتك .. واحد خيتي مغيبة شوف واش ميتة ولا كتشهد ... كنتسناك
وقطع كيزفر و معيورها كيدور فراسو .. غاحشم اندمها حيت من مبادئو ميقيسش شي أنثى بصفة عامة ..قوتو كيبينها على الرجال لي بحالو

داز لوقت ..
كان واقف عند راسها بحال ملاك لموت خاشي ايديه فالجيوبة وعينو على الطبيب لي كيحل ليها فعينيها وهما مقلوبين

نطق بصوت حاد : شنو واقع ليها
الطبيب : امكن لخلعة لي سببات ليها هاد لغيبوبة لخفيفة .. غادي نعطيها شي ساعة إلا مفاقتش انتصرف بالدوى داك الساعة
أمجاد : قادر تبقى عند راسها
الطبيب : ماشي مشكيل خدمتي هادي
أمجاد : اوكااي
ومشا خرج من لغرفة شوية وهي تضرب ليه طن فراسو ..رجع غبرة لعندها كيشوفها مرخية فوق الناموسية والطبيب حداها كيدون فمذكرتو
نطق بصوت روجولي خشن فزعو : تهز من تماك حتى تفيق بوحدها
الطبيب تدهشر : هاا .. علاش ..احم زعما معنديش مشكيل نبقا حداها
أمجاد : انا عندي مشكيل .. زيد ها لباب
تكحاز باش اخلي للطبيب منين ادوز بعدما جمع ادواتو .. يلله بغا اخرج خطف ليه أمجاد لمذكرة حتى صفار الطبيب وتلون كيترعد
أمجاد جبد الصفحة لي كان خدام فيها : فراسك فاش ترسم شي واحد مغيب جريمة ؟؟ .. مفراسكش !!
الطبيب : عفااك اسي أمجاد سمح ليا .. كلنا رجال وعيبنا واحد عجبوني ملامحها وبغيت نرسمها ..بحسن النية و مفراسي حتى حاجة خيبة
أمجاد باستهزاء : تيقتك
شار ليه بايدو : تلاح ومتلافتش موراااك
الطبيب دار نيشان قدامو وطار من بلاصتو بحال الزواق خايف على روحو
أمجاد سد لباب و دار لعندها فهاد اللحظة جاه اتصال جاوب فالحين معصب كيترعد ومزير على سنانو : و لخرااااا .. هاد لهدرة كووولهاااا متقولهاش ليا انا تمرض طاسيلتييي .. صاااافييي الله اعاون نعاود نعرف راه كتخرجو على لخط انحيييكم قسما بالله وراااكم عارفينييي
قطع كيزفر و صدرو كيطلع واهبط مكانش باغي اسمع شي خبر بحال هادا لخطة كاملة تغيرات بالنسبة لييه و خاصو اتصرف .. فهاد اللحظة رمق شفرة من عينيها تحركات عرفها فايقة وكتصنت .. بتاسم باستهزاء ونطق بهمس : وحلة مع هاد لمكلخيين
غوت حتى فزعها ولكن محلاتش عينيها : تهزيييييي من هنااا .. حلي عينيييك و رجعييي لبلادك قبل نصدق مسبقك قبل منهم
تنهد كيتمتم وهو كيخنشش فالتيليفون : مصيبة مع هادو كيتسابقو شكون اموت اللول
مسح على راسو وخرج زادح لباب .. و على اثر التفزيعة حلات عينيها مخرجاهم وموسعة فمها : واااش هاد لكيليميني مجرم !! ..ولا فهمت غلاط
حطات ايدها على فمها : غانتي اثلوج لي كتقولي كيليميني أما هو بحال لخبز اليابس و لحرش كيخلع بغيت ليه الإفلاس .. وغادي اكون على ايدي انشالله
جلسات مربعة وسط الناموسية كتخمم معصبة وتاكل فضفارها بالفضول .. متحمسة بزااف تحقق شي نجاح وهي يلله بادية مسيرتها ... و الازدهار فمستقبلها ولا كيبان ليها هو تنبش شي حاجة على أمجاد آل عمران وتفضح كواليس حياتو

جا الليل ..
دخلات مع لباب بملامح ممحية تقريبا طول لوقت كيبقاو نفس تعابير وجها سوا فرحانة سوا حزينة .. لدرجة مكتقدرش تعرف فاش كتفكر ولا علاش ناوية .. ديما كتهدر ببرود واخة تكون معصبة .. ولكن مجرد متوقع شي حاجة كتمسها ولا كتجرحها كيتلاشاو دوك لملامح لجامدة وكتشعل بالعافية .. ماشي اي واحد اقدر اجرح شدى حفيدة عائلة آل عمران .. حيت فالأصل عمرها تجرحات باش اتغيرو ملامحها لممحية خخخ ..
شافت فساعتها ليدوية واخة لوقت معطل بغات تلقي نظرة على لمكان لي اتخدم فييه .. باش تصبح مستاعدة للخدمة .. وقفات قدام باب زجاجي دقات حتى سمعات الأوكي عاد دخلات : بونجوووغ
شافت فالعميد بنضرات جدية و قامت بالتحية : المحققة شدى مجاهد من لعاصمة واشنطن .. تشرفت بمعرفتك سيدي لعميد
لعميد بابتسامة : آنسة مجاهد .. مرحبا بيك معانا
هزات راسها باه بحاليلا كتقوليه شكرا وكتفات بالسكات
لعميد شار بايدو للفريق لي جالس تماك : هادا للفريق لي اتخدمي معاه .. كنتمنى تفاهمو فأسرع وقت .. لقضية جد مهمة حتى ستادعيناك تخدمي مع بلدك الأصلي
شدى نفس تعابير وجها مكيتبدلوش حتى خلات كاع لفريق اياخد عليها انطباع أنها امكن من النوع لي معقد و غا من عازل .. نطقات ببرودة و كلامها مرزن فيه هبة خاصة : انحاول
لعميد باستغراب : مفهمتش
شدى : الا معجبنيش لفريق انستدعي فريقيي من واشنطن
هز حاجبو شهاد لجرأة فطريقة هدرتها : آنسة مجاهد عارفة اش كتقولي
شدى : سيدي لعميد .. لهدف ديالي و وجودي هنا باش نكشف لحقيقة ..يعني سوا خدمت مع هاد لفريق اولا فريق آخر كتهم النتيجة .. حنا هنا ماشي باش نضيعو لوقت
لعميد مدهشر : ااه عندك لحق
شدى باهتمام شافت فالفريق : شكون كيعرف لنظام ****
كاع أعضاء لفريق حدرو راسهم .. تنهدات ودارت عند لعميد : الا بغيتي نخدم مع هاد لفريق لي معارفش حتى هاد النظام لبسيط .. كيفااش اتكون النتيجة !!
رجعات شافت فالفريق : غدا ايكون نهار جديد .. و السيستام ايتبدل و تسناو ايتزاد عليكم شخص مزال مجهول بالنسبة ليا .. ولكن خاص اكون كيفهم فعالم الاعلاميات لحساسة
لعميد : ممكن توضحي كلامك
شدى : خاص نبحت على شي واحد فيه هاد الصفات اخدم معانا ..الا بغيتو منجيبش فريقي من واشنطن
لعميد : لقضية مسلمة ليك عندك الحق فكلشي بشرط تكون صائبة
شدى بصرامة : بصفتي محققة ممتازة كنقوليك رتاح عارفة شكاندير
لفريق مخرج عينيه خايفين غا فبلاصة متهدر لمرة الجاية تصرفق لعميد خخخ
شدى شافت فالوقت : لمهم شكرا حيت بقيتو حتى لهاد لوقت لمتأخر كتسناوني طيارتي لي تعطلات ..سو موعدنا غدا
دارت التحية و شافت فالفريق : حتى لغدا و نتعرف على مهاراتكم واحد بواحد .. كنتمنى نلقا شي حاجة تعجبني فخدمتكم
عاودت التحية بصرامة للعميد و خرجات بحالها خلات كلشي حال فمو حتى من لعميد يا حسرة سهى وكيسمع فالفريق كيوشوشو " ناري على متعجرفة .. عاجبها راسها .. شنو زعما حيت عندها التقنيات لي كتخدم بيها فواشنطن اتلعب علينا حنا ... كون غا رجعات منين جات معقدة اتركب فينا الرعب ... ولكن واخة هاكاك تيتيزة كون ضحكت اتبان تيتيزة كتر "
قاطعهم لعميد بحدة من توشويشهم : كيف شفتو مبغيتكمش تحشمونا مع محققة بحال شدى لمجاهد .. مسيرتها لعملية عامرة انجازات كونو على الأقل بحالها .. ودابا سيرو لديوركم حتى لغدا انشالله
كاع أعضاء لفريق نفدو كلامو وبداو كيتسرسبو واحد مور واحد ..خلاو لعميد بوحدو فالمكتب ديالو وعلى ملامحو الدهشة و الانبهار بشخصيتها ..ديما كيسمع عليها ودابا زاد نجادب لشخصيتها لقوية

اما شدى موضوع الساعة عند أعضاء لفريق فكانت سايقة الرونج ديالها شادة وجهة الأوطيل ناوية حتى لغدا وتمشي تشوف جدودها و أولهم جدها نعمان سمعاتو مريض تخلعات عليه ..وصلات الأوطيل خدات لكارط وطلعات نيشان لغرفتها حيت باها ديجا حاجز ليها فييه .. دخلات وسدات موراها لباب عاد عيطات ليهم وبداو كيتعرمو عليها الأسئلة : ماما بابا ..انا بيخيير ..لا لا وصلت مزيان .. خاص ندوش ونعس تبعاني لخدمة غدا .. اوكي بونوي
طفات التيليفون باش متصدعش بالمكالمات و دخلات للدوش ترتاح من الارهاق ديال ليوم

نرجعو لأمريكا ..
جالس داير رجل على رجل كيسمع لإلقاء واحد من رجال الأعمال .. جاه لملال وهو كيسمع لييه .. تنهد براحة فاش صيفط بعدا لينا لعند ختو اتهنى من جيهتها حيت مسؤول عليها و بدورو خاصو احميها و احمي ولدو لي هازة فكرشها .. تسالا المؤثمر و تساؤلات الصحافة لي مكتسالاش .. تسنى حتى كمل لهدرة مع رجال الأعمال عاد قلب الدورة و خرج من لقاعة لي فيها المؤثمر باغي اكمي .. هو من النوع لي مكيكميش بزااف غا فاش كيكون مديرونجي ولا تبعاه شي حاجة ولا لعب ليه شي واحد على الأعصاب

للفوق عند ثلوج .. جالسة مقردة قدام لبيسي ديالها مركزة مع داكشي لي كتبحث فييه .. فاش صحصحت من لغيبوبة واخة مزالا فيها لخلعة فهمات اشنو وقع من خلال الرسالة لخطية لي خلات ليها لينا ..ومن بعد عيطات لمدير لوكالة باش اجيبو ليها اغراضها من لمطال لأوطيل لي جالسة فييه ..
تنهدات : مبغيتش نجبد لمشاكل على راسي اما نحضر لمؤثمر لي كان ولكن ...
حلات فمها فداكشي لي قدامها : اييه السيد التخصص لي كان متبع هو لكمياء لعضوية وعندو جوج دكتورات فيها .. اش جاب هادشي لعالم الأعمال و الإدارات
شدات راسها : ياربي نفهم شي حاجة انحمااق .. معرفت راسي صحفية ولا لمحقق كونان .. زعما اكون خدام و كيقرا .. اذن ملي كان كيقرا كيفاش دار هاد الثروة كاملة وهو مواخد والو من عند واليديه ..ميمكنش لكذوب دوالو ..واش كااع الاغنياء كذابيين ؟؟!!!
جمعات لوقفة و سدات لبيسي : نمشي ناكل و نرجع نبحث ..لمقال خاص نسهر علييه واخة مبهمة فيه شحال من حاجة

علييه واخة مبهمة فيه شحال من حاجة
نسات راسها ولبسات قبية فيها نونوس مرسوم فصدرها كبير و ودنييه خارجيين بحاليلا بصح داك الارنب .. عاد شورط دالنعاس قصير مورد بحال الدراري الصغار .. وكملاتها ببانطوفة فيها سبونجبوب وفيها ودينات .. بعد لمرات كتلبس وتنعس هاكة داكشي علاش لبساتهم لا إراديا ضاربة الدنيا بركلة واخة تكون فبرج إيفل خخخ .. جمعات شعرها كعكة مهملة مدلية خصلات من شعرها جنب ودنيها ..
قبل تخرج هزات تيليفونها وخرجات سادة موراها لباب كتدور فعينيها وغادة دافعة السنطيحة : كون شافني لحاج فين كينة دابة احيدني من لحالة مدنية
كتخايل خيالو كيغوت عليها و صوتو كيتردد فودنها تفزعات و طردات داكشي من بالها : حتى فالخيال كينكدها
هبطات للتحت و نضرات الناس ليها ..كااان أوطييل فخم امكن اكبر أوطيل فالولايات .. سولات الإستقبال فين جاو لمطاعم وراتها فين بتاسمات ليها ومشات لافتة انتباه لكل
حتى كيوقف عليها شاب وسيم فأواخر لعشرينات : هلووو
ثلوج : هااي
الشاب باللغة الإنجليزية : أول مرة كنشوف شي بنت بحوايج النعاس وكيوت بحالك
ثلوج هبطات عينيها لحوايجها حناكها تزنكو : هااا
بدات كتكمش فايديها بإحراج نسات راسها : مرديتش لبال للباسي
الشاب : ولكن جيتي زوينة
ثلوج : طانكيو
الشاب : واخة نعرض عليك للعشا
ثلوج تفكرات مراد الا شافها فهاد لوضع ايتعصب عليها وهي غا فاش كيتخاصم معاها كتشوف لموت : لا انا مخطوبة .. شكرا
الشاب : اوووه معندي زهر .. لمهم سعداتو ههه
وقف عليهم صوت اخر خشن موراهم : شنو واقع هنا
الشاب : هادا هو خطيبك !!
تلافتت ثلوج وهي تخرج عينيها : لا لا .. مستحيل
تلافتت عند الشاب : ماشي هو ههههه
خبرات ليه فودنو : خطيبيي حسن منو
الشاب مشا حابس الضحكة
ثلوج تلافتت عند أمجاد : الا كنتي بغيتي نشكرك حيت نقذتيني .. متحلمش
أمجاد : جيت باش نقولييك ولي تماسكي لزانفو لي كيتحطو فالبيسي ديالك .. شوية واتجي لوطو فيها الشيفور ترجعك منين جيتيي .. اصلك وصلنيي تخايليي ترجعي تلقاي واليديك ميتيين !!
ثلوج لما برك ليها فالركابي : كيفااش شنو بغيتي تقول
أمجاد : شحال من واحد بحالك كان كيبغي ازعم عليا ومصيرو لموت .. بغيتي تكوني بحالهم !!
ثلوج بقوة : واش لبيسي ديالي عندك دابا ولا شنو
بتاسم ابستهزاء بحاليلا كيقوليها من نيتك هاد السؤال ومشا .. هنا عرفات راسها راه كتبحث على لعافية .. دارت بيها الأرض معرفات مدير محساتش على راسها حتى كانت جالسة كتخمم فالطابلة و كتاكل بسهوة باش ترجع فيها الروح عاد تفكر شنو تدير من بعد

بعدما سالات ماكلتها و حسات بالسخفة مشات منها لي كانت جاتها بسباب الجوع ... جمعات لوقفة ومشات ساهية كتدور هدرتو فراسها .. كيفاش ايجي الشيفور اديها من هنا !! واش حتى لهاد الدرجة عندو ساهلة اعرف عليها الشادة و لفادة !! والا كان بصح خطير حتى لهاد الدرجة علاش متهناش منها حيت كتنبش عليه !! ولا امكن حيت مستخف بقدراتها .. عجيب امرو هاد السيد .. هادو هما الأفكار لي كانو كيدورو ليها فراسها و مصدعينها حتى ساهية .. طلعات فالمصعد للجناح لي كاينة فيه غرفتها .. خرجات منو وكملات بخطواتها كتجر رجليها فداك لبانطوفة و ايديها فالجيوبة ديال لقبية لي مخنشة وكبر منها بطريقة مستيلية..
غادة مدلية شفايفها بحال الدراري الصغار : أول مهمة فحياتي لعملية مقديتش عليها
شداتها لبكية : هادشي مساهلش كيف كنت متخايلة
للحظة ندمات حيت ختارت الصحافة امكن هي بصح صحفية فاشلة غا بلاما تكمل فهاد لميدان .. شوية وقفات حاطة ايديها على خصرها : من نيتك اثلوج .. يلله بادية هاد الانهزامات ضروري مكيوقعو .. مخاصكش تبيني لييهم راك ضعيفة
بغات تكمل طريقها سمعات لبكا جاي من لغرفة لي واقفة مقابلة معاها .. ستغربات وقربات كتسلت لقات لباب باغي اتحل تخبات فيساع حابسة النفس حتى قشعات وحدة خارجة ملوية فليزار كلها مطبعة جيهت عنقها باينة كانت مع شي واحد فالفراش .. هزات حاجبها وطاح فبالها سؤال علاش غادة كتبكي وكتسرع فخطواتها حتى تخشات فغرفة أخرى
عضات صبعها كتفكر : مالها كتبكي يكما شي واحد تعدا عليها
خرجات عينيها ومشات نيشان للغرفة حلات لباب بالشوية ودخلات كتسلت .. كتسمع لهدرة بالزربة مفهمات والو .. زادت قربات كتطل من لحيط حتى كتقشع صاحب دعوتها جالس بستيل اخر أول مرة كتشوفو بييه .. لابس سبور كلشي فالأسود وداير لكاسكيط واخة هاكاك عرفاتو .. نتبهات للوشام لي كاين فإيدو ستغربات عمرو بان ليها فالتصاور ولا فاللحظات لي تجمعات فيهم معاه .. حطات ايدها على فمها ملي حط لفردي فوق الطابل لي وسطهم .. كتشوفو جالس ومقابل معاه واحد بالبوكسور كيقفقف بقالو غا ابكيي
نطقات فخاطرها : شنو هادشي !!
جبدات تيليفونها حيدات ليه الصوت تحسبا لا يصوني .. و بدات كتفيلمي بحدر باغا تبين ليه الا كان هو أمجاد آل عمران.. فراه هي ثلوج ومن لايعرفها خخ
أمجاد كيتحاور معاه باللغة الإنجليزية : علاش كتوصل لهدرة مقلوبة هممم ؟؟ .. دابا تخايل معايا نقتلك و نشوهك مع عائلتك و قدام لعالم ..غا تخايل صراحة أنا عجبني نتخايل لمشهد كيبان فيه لونبيونس
الشخص كيبكي الدم : تايغر .. كنحلف لييك فهمتي غالط
أمجاد : عندك لحق نقدر نكون غالط .. حتى انا متيقتش قلت ميمكنش ميخونش دابا شهاد لوفاء
الشخص عارفو جالس كيتمركن علييه : عفااك ا تايغر سمعنيي
أمجاد : لموت كتعيط عليك ميمكنش ليا نسمع .. ولكن
تنهد حاط رجل على رجل : امكن ليا نسمع الا قلتي ليا فين اتحط السلعة الجديدة
الشخص كيبكي : معارفش
أمجاد بدا كيفقد اعصابو : غا شوف .. تقدر تفكر بنادم كينسا مرة مرة
الشخص : والله ..
قاطعو أمجاد برصاصة وسط جبينو وحط لفردي ..متسمعش الصوت حيت فاغلب عملياتو كيستعمل لفردي مع كاتم الصوت : مشااكيل مع هاد لقوم
هز تيليفونو :اجيو ديو هادا من هناا .. راه مااات
كمش عينيه معصب : ردو لبال دابا .. حيت الساس بدا كيتحيد واحد بواحد
كمل لمكالمة و وقف : كنت بغيتك تنتاحر كشهيد ولكن !! .. شغاندير راسك قاصح عزيز عليك لكذوب
صورو بتيليفونو وجا بغا اخرج .. طارت ثلوج من لغرفة حتى سمع حس لباب وزاد تأكد أنه شي واحد كان كيصور فييه حيت من قبيلة وهو شاك
فهاد الأثناء ثلوج كانت غادة كتجري مخلوعة كتبكيي بصوت خافت .. أول مرة كتشوف جريمة قتل قدامها ..قلبها كيضرب فالمليار كتحس برجليها ايخواو بيها فاي لحظة .. كملات الجري بسرعة مزيرة على التيليفون ..حتى جلسات وسط الدرج فالظلمة عاد طلقات دموعها كتبكيي والخلعة ركباها من صبعها الصغيير .. ممتيقاش كترعد شهادشي شافت بعينيها ندمات حتى جات لداك لوكالة من أصلها و فصلها
حطات ايدها على فمها كتمتم ودموعها دايزين كترعد : مجررررمم .. مجرررم انا شفت مجرررم ميمكننننش
جمعات لوقفة كتفيبري : مغادي نرتاح حتى ناخد لعدالة لهاد الشخص لي مات .. وشكون عرف باينة قاتل بزااف
مسحات دموعها وكملات الجري ديالها كتجري بلاما تلافت و مع لوقت متأخر لكولوارات خاويين ... سمعات لحس موراها قلبها مشا وجا تلافتت تشوف شكون حتى تهدنات : متخافيش اثلوج متخافيش

تهدنات : متخافيش اثلوج متخافيش
حبسات فمها باش ميتسمعش صوت بكاها .. عاد دارت تكمل طريقها حتى كتشوفو واقف و متكي على لحيط رجل مسرحها و رجل تانيها بحال الشمكار لي كيكون فراس الدرب خخ .. مركز مع الرصاص لي كيقادو فالفردي : شحال خيبة تكون من النوع لي مكينصحش بزااف .. وفاش تنصح بنادم مكيديرش بنصيحتك
هز عينو فيها : عندي لحق يااك ؟؟
ثلوج كتهز فراسها كترعد : ااه هممممم
بدا كيطلع واهبط فيها من صبعها الصغير حتى لآخر دراسها .. وركز الشوفة فبانطوفتها حتى حسات بالإحراج وبدات كتحاول تخبي رجليها . شوية فاش شافتو رجع كيشوف فالفردي هبطات فيساع حيدات لبانطوفة من رجليها و خباتها لور فايديها هيا و التيليفون كترعد
أمجاد : تفضلي .. سيري علاش وقفتي
ثلوج : شكرا
أمجاد دار ليها إشارة باش تمشي بحاليلا كيقوليها دوزي الالة بغانسيس خخ.. و ثلوج جايها الشك متيقاتش ولكن خاصها تهرب .. دارت كيف قاليها وبغات تمشي لكن فاش دازت من حداه حسات براسها تزحات مع لحيط حتى لمخ ديالها قالت واقيلة تحيد من بلاصتو
أمجاد : شفتي شي حاجة ؟؟
ثلوج : شش شش هننن
أمجاد : الا كذبتي اتموتي .. مكذبتيش اتموتيي
ثلوج بدات كتبكيي تفركعات عليه حتى هز حاجبو : مدرت لييك والو انا
أمجاد : اه انا لي خيب نتي ضريفة سبحآن الله
ثلوج : عفاك خليني نمشي
أمجاد : اري التيليفون
ثلوج : مفيه والوو هننن
أمجاد تنهد مكمش عينيه كيطرطق فعنقو : مكنبغييش لكذوب .. مشكيلة هادي
حاوط عنقها بسرعة لبرق و حط راسها على صدرو بغرض تشم الريحة لي فحوايجو و تطلع معاها فنيفها .. وداكشي لي كان غا ستنشقات مزيان و سخفات ليه بين ايديه .. كان مخدر ماشي ريحة لي شم كمية كبيرة كيغيب
هزها على كتفو. راسها لتحت و رجليها للفوق .. هز التيليفون وبانطوفتها ودوز لرقم من رجالو : اجيو ديو هادي . تصرفو معاها بحال غيرها
وكمل خطواتو بملامح جامدة مطمن ان كاميرات لمراقبة معطلهم كيف ديما .. راه تايغر هادا هادشي كيف والو عندو هو

دازت هاد الليلة وجا نهار جديد ..
حلات عينيها بعدما ضربات فيها أشعة الشمس لحارة .. بقات كتبرق شحال معرفاتش راسها فين ..كتبان ليها غا السما وداكشي لي متكية عليه كيتمايل .. شهقات فاش حسات باشنو داير بيها وجمعات لوقفة مفزوعة كتدور فعينيها .. اش جابها لشي يخت !!
دورات راسها ومشات كتطل على لبحر : واااو أول مرة كنشوف هاد لمنظر .. زوييين بزااف
سرعان متلاشات ابتسامتها فاش تفكرات أحداث لبارح .. ورجعات كترعد و لجريمة كتدوز قدام عينيها : فييين انا
يلله غادي تبكي بان ليها كارد جاي لاتجاها بالكوستيم فالأسود و النضارات حتى هما فنفس اللون .. تخلعات بغات تهرب ولكن معندها فيين : شنو باغييين ديرو بيااا ؟؟؟ .. غادي نرفع عليكم دعوة قضائية مستحيل نسكت
برقات عينيها فاش مد ليها تيليفونها بقا مفيكسي بحال الرجل لآلي حتى شداتو عاد غبر من قدامها : واش انا فكوكب الأرض ولا شي مركبة فضائية !!
وسعات عينيها فاش بدا تيليفونها كيصوني .. الرقم غريب عليها .. بقات كتشوف فيه شحال عاد هزاتو حطاتو على ودنها بعدما دوزات لخط ..بقات ساكتة منطقات بوالو حتى سمعات صوتو : الناس كتسخف وتفيق .. نتي كتموتيي
قلبات عينيها : انكم فالعلبة الصوتية
وقطعات : لحيماري لآخر ... مجرررم الله اياخد فييك لحق
دخلات لبلاصة لفيديوات : ولد لحرام مسح ليا لفيديو لي فلميت .. شغاندير دابا ..حتى من لبيسي ديالي لي فييه لمعلومات واقيلة سرقو
عاود التيليفون كيصوني خلاتو كتهز فكتافها .. صونا وقطع وعاود صونا و الآنسة ثلوج منوياش تجاوب حتى وقف عليها نفس لكارد كيهدر مستقيم بحال الآلة : مسيو أمجاد قاليك جاوبي على التيليفون
ثلوج هازة حاجبها : والا مجاوبتش غادي اقتلني بحال هادوك لي كيقتل .. قول لداك لمجرم ديالكم انا مخيفاش منو
شافت التيليفون كيصوني : صافي غادي نجاوب غا سير
مشا لكارد كانت متبعة ليه لعين : ياربيي إلا كان هادشي حلم ياربيي نفيق منو
صدعها التيليفون جوبات معصبة : شوووف ابنااادم .. الا كنت ضريفة هادشي مكيعنيش رآه خايفة مننك .. مستحيل نخاف من واحد بحالك
أمجاد كيسف فالكارو واحد مور واحد .. واصلة بيه للعظم : اهاااه زييدي شنو مزااال
ثلوج بلعاات ريقها من برودة صوتو وبدات كتمتم فخاطرهاا حتى قفزها على صوتو : سسسسسسسمعيييييي ... غادي تدخلي هاد لهدرة مزيااااان لداااك لمخ عننندك ... قسسسسماااا بالله و تعاوجي ليا مع هاد لهدرة ذنوبك على راسك .. فاش اتوصلي لمغرب غادي اعطيوك لكارد حوايجك و لبيسي وهاهو تيليفونك رجع لييك .. وحتى لمقال لي كتنقزي عليك مكتوب غادي تعطييه هو للوكالة
نطق عاض على سنانو : اي تحريف فالمقال غادي نححححر مككككك .. مفهووووووم ؟؟؟؟
ثلوج عينيها مغرغرين كتسمع لييه حتى عاود نطق : مفهووم ؟
ثلوج : سحابلييك ..
قاطعها : السحاب فالسما .. ديري اش قلت الا بغيتي تبقاي عايشة
ثلوج كترعد فبلاصتها حاسة بالحكرة : ميمكنش تخليني عايشة ونتا عارفني شفتك كتقتل

أمجاد باستهزاء : الا خليتك عايشة عندي أسبابي .. أمجاد آل عمران مكيديرش شي حاجة بلا مقابل

ثلوج بتحدي : وشنو هاد لمقابل

أمجاد : هادشي كبير عليك ..خليك فالروسوم و حديقة للحيوانات كتبي عليهم شي مقال
وقطع
خلاها كترعد فبلاصتها مرضاتش بغات تاكل ايدها بالغدايد : كيستهزأ بياا .. بغييت ليك لمووووت
جلسات كتبكي حاسة براسها غا كتحلم عرفات راسها راه كتلعب مع واحد مساهلش والا بقات كتنبش مورااه غادي تكون اخرتها تحت لقبر
جمعات لوقفة كتمسح فدموعها مرضيااش و دخلات لداخل كتغوت : فيينهم حوايجييي
جا عندها واحد من لكارد : حتى نقربو نوصلو و اتاخديهم
ثلوج : تاخدك لموت انشالله
خبطات رجليها مع الأرض ومشات كتشتف و تعاير وتدعيي
هادشي كان تحت نضراتو بسباب كاميرا دلمراقبة ..مركز وهو كيكمي : خاص لي احش ليها دوك الرجليين اتبت من لخفة
جمع لوقفة بعدما طفا لكارو و سد لبيسي ديالو
فهاد الأثناء دخلات عندو لينا و فجنبها ندى هاد الأخيرة لي مشات عندو كتجري : خويااا
تلاحت عليه عنقاتو : توحشتك
أمجاد مسح ليها على شعرها : صافا ؟
ندى : اه بيخير
لينا : حبيبي واش انسافرو دابا ؟
أمجاد : ااه .. يلله نهبطو
خرجو من لغرفة و لعاملين موراهم جارين ليهم لفاليز
ندى : جدي ايكون مريض بزااف ..داكشي علاش لميمة بغاتنا نهبطو لمغرب
أمجاد : كنتمنى اكون لعكس
لينا خشات ايدها فدراعو : جدو نعمان قويي
أمجاد هز راسو باه و كمل طريقو معاهم حتى وصلو لاستقبال : خرجو على برى كاين الشيفور .. هانا جاي
نفدو كلامو بالحرف و بقا واقف حتى جا عندو واحد من رجال الأعمال : مسيو مايكل
تصافحو مع بعضياتهم
مايكل : لحد الان مزال ممثيق مسيو دافيد نتاحر
أمجاد : كنتأسف لعائلتو .. بلغ ليهم التعازي ديالي كون مكنتش غادي نهبط لمغرب كنت نمشي نعزي بنفسي
مايكل : مرة أخرى وقوم بالواجب
أمجاد : أكيد .. يلله نخليك
بتاسم لييه ودار قاصد لباب لخرجاني مزير على ايدو و محول ديك الإبتسامة لتخنزيرة حادة : كيبانلي اتكون نوبتك لمرة جاية اسي مايكل
بتاسم بمكر وكمل طريقو حتى خرج لعندهم ركب فاللوطو عاد كسيرا بيهم الشيفور نيشان للمطار ..

فالميناء ..
كانت واقفة حاطة ايديها على خصرها كتشوف فييهم كيحطو ليها لفاليز : غاا بشوية .. حوايجي مبغيتهمش اتوسخو
ممسوقينش ليها كتهدر حتى شداتها الزعفة و مرضاتش .. شوية بانو ليها قلبو الدورة و مشاو وسط لبحر : مافياا هاادو
شداتها لبكية فاش تفكرات لمقال مقدراتش تكتب فييه كاع داكشي لي لقات علييه .. مسحات دموعها و حلات لفاليز تماك ممسوقاش .. بدات كتقلب حتى جبدات مذكرتها وهي تلقا صفحة متنية من الجنب ..حلاتها وبدات كتقرا : مممم هادا خطو واقيلة .. كيعرف اكتب لمجرم لاخر
بدات كتكمل فالقراية وملامحها كيتغيرو : واااو هادشي وااعر .. لمدير ايعجبو لمقال
بدات كترطا فبلاصتها فرحانة وخا ماشي هي لي كتباتو .. وحتى داك لكواليس لي شافت ممذكورينش إلا أنه كيبقا عامر معلومات عليه .. دوراتها فراسها حسات بالحكرة تخايلات راسها بحال شي دري صغير فالإبتدائي خرج ليه شي مسألة و سيفطو
تنهدات بخوف من داكشي لي شافت ..ونطقات بصرامة : امكن يلله بادية ومعنديش خبرة بتاتا ولكن هادشي مكيعنيش انستسلم .. فاش انحس براسي قادة نواجهك اتلقاني بحال ضلك اسي أمجاد .. مسميتيش ثلوج غا هاكاك و هازين عليا سنبلة غا هاكاك
جمعات لوقفة جارة موراها لفاليز .. حتى خرجات من لميناء وخدات طاكسي مباشرة لدارها فين كارية

دازو ساعات ..
فقصر آل عمران ..
جالسة فالبالكو كتاكل فصباعها كلا شوية كتطل واش وصل ولا مزال .. حتى سمعات لحس موراها عاد تلافتت : ماما
آريا : كتطليي على خوتك !؟
تغريد برتباك : هاا .. اه اه .. ولكن تعطلو !
آريا تنهدات موحشة ولادها : شوية و اكونو هنا
تغريد بابتسامة : هاد لخطة لي دار جدي زوينة ههههه
آريا : ااه .. كون ما هاد لكذبة مغاديش اتجمعو
قلبات الدورة حتى كانت باغا تخرج وهي تلافت عند بنتها : نسيت ولد عمك راه وصل .. هبطي سلمي
تغريد هزات راسها بآه خلات حتى خرجات آريا عاد بدات كتنقز فبلاصتها وخدودها مورديين : هههههه جااا نااارييي جاااا
مشات بجرية تلاحت على الناموسية كتعض فالخدية طايرة بالفرحة و حناكها مزنكيين : هنننن جاااا كيفاااش انشوووف فيييه
بدات كتخبي فوجها حشمانة بحاليلا جالس قبالتها : ايكون زياان على لي كان ؟؟ .. توحشتووو توحشتووو
جمعات لوقفة كتنقز وبدات كتلوح فالحوايج تالفة اشنو تلبس .. بدرالدين هو الحب بالنسبة لتغريد الا سولتيها اشنو معنى لحب عندك اتجاوبك ب بدرالدين .. حب منذ الطفولة معجبة بيه من صغرها واخة كبير عليها بتسع سنوات إلا أنه كتعشقو لأبعد الحدود .. كتبقا تفكر فييه دائما واخة أعوام كثيرة مشافتو بحكم أنه مستاقر فنيويورك

واخيرا ختارت اش تلبس كانت كسيوة حد لفخاد غي سميطات من جيهة لكتاف فالأحمر ..جمعات شعرها لي واصل للخر دضهرها كعكة مهملة شوية تنادم معاها لحال وهي تطلقو ..عاد خشات رجليها فكلاكيطة و نزلات كتحاول تبان طبيعية واخة خدودها حمارو ولي عطا الله عطااه .. وصلات لعندهم : سلااام
تلافتو عندها كلهم
كلثوم : حفيدتي اجي عنديي
ساجد : علاش ممشيتيش لثانوية ليوم ؟؟
تغريد : صبحت مريضة ابابا
آريا هي لي داخلها الشك من لفيلم كامل : دابا ممريضاش !!
تغريد كتهدر بلاما تشوفو فين جالس : شوية
كلثوم : سلمي على ولد عمك
تغريد : واخة الميمة
تلافتت عندو و ياريتها متلافتتش قلبها مشا وجا و الأرض دارت بيها حتى وقف شدها فإيدها كيسول : ياك لبااس ؟؟
نعمان : مالها .. تغريد واقيلة مزالا مريضة ابنتي لاش نزلتيي
تغريد نقضات لموقف : لا لا انا لبااس
بدرالدين : بقاي تردي لبال
بتاسماات ليه : شكرا اخوياا
بدرالدين : صافا مع لقراية
تغريد كتحاول متشوفش فعينييه : صافا
ومشات جلسات حدا كلثوم تحت نضرات آريا لي مصغرة عينيها فمشهد دبنتها
بدرالدين جلس فبلاصتو : رهاف لواليد مزال معطل !
رهاف : لا لا شوية واكون هناا
آريا : خرج هو و أزار على قبل شي غراض .. شوية اكونو هناا
بدرالدين : اوا اجدي خلعتينا علييك .. شنو قاليك الطبيب
نعمان : قالي الا متجمعوش حفادك اتموت ههه
لكل : ههههههههههه
بدرالدين مفاهم والو : نووو وااش تمثيل ؟؟!!
كلثوم : اش بان لييك
بدرالدين : لميمة تيقتك من نيتيي
تغريد حديااه كيفاش كيهدر ومخشية حدا كلثوم كتلوا فبلاصتها كون كانت كلاص كون ذابت بطريقة هدرتو .. كتسها وتبقا متبعة ليه حركات شفايفو خخ
آريا فيقتها من السهوة : تغريد اجي معايا .. نجيبو الضيافة
تغريد : واخة اماما
وقفات و دازت من حداه كترعد و قلبها خايفة اكونو دقاتو واصلين عند لباب بكترة ما مفضوحين .. تسلات ومشات مع آريا
تغريد : ماما غادي نطلع نحفظ حتى اوصلو خوتي و سيفطيلي مع لخدم
آريا مصغرة عينيها : مالك صفاريتيي
تغريد : هااا .. واقيلة مع لمرض
طارت غبرة من قدامها قبل التفضح خلات آريا حاطة ايديها على خصرها : كنشم شي حاجة ماشي حتى لهييه
تغريد فهاد اللحظة راه وصلات لبيتها و تلاحت على الناموسية كتنقز : وااااو زياااان .. كيبااان حسن من التصااور 😍
تربعات كتخايل راسها معاه و حبيبتو ..شوية ضربات راسها : من نيتيي .. خااص نجمع راسي من الأحلام كيعتابرني بحال ختو .. انا ماشي ختوو شكون افهمو انا ماشي ختو
بدات كتاكل فضفارها مغودة : ياربيي ميكون كيبغيي حتى وحدة و لا ناويي اتزوج .. الا مشا حتى تزوج بشي وحدة من غيري انموت مفيهااش
حطات ايدها على قلبها كيزدح . عشقها لييه ولا بحال شي هوس كتصبح علييه و تنعس علييه .. هرمونات لمراهقة لاعبين عليها كيف بغاو

لتحت ..

كملو حديتهم من موضوع اجبد موضوع دايرين لبدرالدين لونكيط قهروه خخ ..
آريا : صافيي باركة عليه ندمتوه حتى جا
نعمان : اوا غبرو علينا حتى ولينا متلهفين نشوفوهم و نسمعو صوتهم ..حتى من خبارهم كيقطعوها علينا
بدرالدين : جدي متزيدش فييه
نعمان : منزيدش فييه .. احيانيي دابا تجربو
قاطعهم ساجد لي جمع لوقفة كيشوف فالتيليفون : أمجاد وصل
خشا تيليفونو فالجيب : غا بقاو جالسين انا انخرج عندو
مجا فين اكمل هدرتو حتى لقا آريا طارت سبقاه بقا مصمر : بغيت غا شي مرة تسمع لهدرتيي
كلثوم كتضحك : لكبدة صعيبة ههه
غوبش و تبعها : غا بشوية دابا تهرسي وقولي لولادك اهزووك
آريا تلافتت لعندو : باركة من لغييرة ههه ..كاين شي واحد كيغير من ولادو
ساجد : هاهو قدامك
تسناتو حتى وصل لعندها باستو فعنقو و خرجو مشادين كتحزر فييه اطلق لغوباشة .. غا وصلو قدام لقصر بانت ليها ندى جاية كتنقز : مااااميييييي
طارت عليها كتعنق و تعاود .. باست آريا و دازت لساجد كتعنق فيه موحشاهم بزااف
رجعات وقفات كتشوف فيهم : متخايلووش شحال توحشتكم
آريا عاودت عنقاتها : حتى انا احبيبتيي
ساجد باس جبينها : لباس عليك ؟
ندى : ملي شفتكم وليت بيخير
آريا : ويليي على بنتيي ضعافيتيي .. مكتاكليش
ندى : مع لقراية امامي داكشي علاش
ساجد : عندك سطاج دابا يااك ؟
ندى : ااه .. هاد الأشهر لي جاية سطاجات و بيما أنه جدو مريض ختاريت ندوزهم هناا
ساجد مسح على شعرها بحنية : فكرة زويينة
آريا : فينو خووك
ندى تلافتت فاش سمعات صوت شي طوموبيل موراهم : هاهو ههه .. عمرو طوييل
آريا بفرحة كبيرة مشات لعندو عنقاتو بالبكا توحشاتو بزاف : ولديي حبيبيي
أمجاد : هانيي قدامك لاش لبكا ؟
باس راسها : ولدك رجع
آريا كتمسح فدموعها : توحششششتك بزاف
أمجاد : حتى انا .. توحشتك
عاود عنقها كيطبطب على ضهرها : عندي لييك مفاجأة ..مجيتش غا هاكاك
بعدات كتسول فيه بملامحها : قول نشووف
قاطعتهم لينا : خالتو
آريا تلافتت لمصدر الصوت : اوووه ليناا .. نورتييي هههه
سلمات عليها بترحيب كبير : صافا؟ .. سكارليت لباس عليها
لينا : اه و كتسلم علييك هي و جدو وجداتيي
آريا بتاسماات : فالقريب .. انضرب عليهم طليلة
لينا : لبرازيل خاوية بلا بييك
آريا : ههه ياك
أمجاد مشا عند ساجد : لوالييد
ساجد ستقبلو بالأحضان : لبطل دياليي
تعانقو بحب الأب لولدو و بعدو كيسولو فصحتهم وكلا واحد متطمأن حيت تجمعات لعائلة
آريا : يللله ندخلو .. جدكم باغي اشووفكم
ندى : اه انا موحشااه
دخلات سبقاهم

داز لوقت فالاسئلة على الأحوال و الصحة كل واحد فيهم فرحان باللمة
نعمان : اوا دابا بقات غا عمتكم و راجلها و بنتها
قاطعهم صوت جاي كيقرب : كتهدر على لمحققة شدى مجاهد لا ؟
نعمان وقف كيضحك دار التحية : ااه الشاف .. سمحي لينا
بتاسماات و تلاحت عليه عنقاتو : جدي باركة من الضحك
باست ليه راسو : توحشتكم .. صحتك لباس تخلعت عليك بزاف
نقزات كلثوم : راه بيخير .. غا بغا اجمعكم قدامو دار راسو مريض
نعمان : وعلاه ممريضش بصح
كلثوم : مريض و لكن ماشي مهلوك ههه
بتاسماات شدى و تحنات باست لكلثوم أيدها : لميمة .. منورة توحشتك
كلثوم عنقاتها كتشم فيها ريحة ذهب : حتى انا ابنتيي توحششتكم بزاااف
شدى بعدات و تلافتت كتشوف فاللمة بدات كتسلم على واحد بواحد
ساجد : فاش تكون شدى ردو لبال لا تدينا للحبس
نعمان : هههههه عنداك ابنتيي تدخليني لحبس بتهمة لكذبة ؟؟
أمجاد : بعدو من شدى
شدى جلسات كتسوط معزيزش عليها هاد الضحك : جدووو
نعمان : صافيي صافيي اخر مرة الشاف
حبسو الضحكة حتى قنعو و عاودو طلقوها ميتين بالضحك إلا أمجاد غا كيشوف و اتنهد : نعلو الشيطان
شدى : قولها ليهم
ساجد طبطب عليها حيت جالسة حداه هي و آريا : كيضحك معاك خالك .. ذهب منويااش تطل علينا
شدى : ماما كتعاون بابا فالمشروع الجديد .. داكشي علاش مزال مهبطو لمغرب ولكن قريب اكونو هناا
أمجاد: شحال مشفت عمتيي
شدى : ديما كتسولني علييك
أمجاد بتاسم وهز راسو باه زعما مزيان
ندى : ماما فينها تغريد و خويا
آريا : طلعي عندها قوليها تنزل .. اتكون معرفاتكمش جيتو
ندى وقفات و مشات طالعة لعندها : اوكااي
أمجاد نطق بجدية : باما أنه مجموعين بغيت نهدر معاكم فواحد لموضوع
ساجد غمزو : اش تماا
أمجاد حط ايدو مور ضهر لينا : ليناا حاملة بولدييي
كلشي شرع عينييه مكانش كيحساب لييهم لعلاقة بدون حدود حتى لهاد الدرجة
نعمان معجبوش لحال : مزوجيين ؟؟
لينا نزلات راسها خلات غا أمجاد لي كيهدر : بغيت نتزوجو وانا فبلادي وهاهيا جات لفرصة
آريا طارت عليه عنقاتو : واخيراا اتزوج ههه .. مبروووك مبروووك
ساجد : مبروك علينا لحفيد .. ولكن
لينا شدات فإيد أمجاد : غادي نتزوجو اعميي
ساجد هز ايدو بحاليلا كيقوليهم مخلي ليكم لكورة تانشوفو : يا تزوجو يا نزوجوكم بزز
أمجاد : حدو النهار لي انسابكم على قبل لعقد باش نديروه
نعمان كيفكر : بينما تكتب لعقد مخاصش تخرج اخبار على حملك ابنتيي .. سمعة لعائلة مهمة بالنسبة ليناا
آريا فرحانة بولدها : هي اتكون شي عراسية فالقصر
أمجاد : غا لعائلة و الأقرباء .. لكانة دلعراسات معنديش
لينا نقزات كتطلب فيه : عفااك احبيبيي .. بغيت حتى انا نقش و نتصور و نلبس لقفطان لمغربيي .. عفاااك
أمجاد : من امتى ولا كيعجبك هادشي
لينا : ديما عندي لحلم دنهار عرسنا .. عفاااك احياتيي قبل
أمجاد شاف لعندهم : صافيي نديرو لعرس
نطق بدرالدين : عشنا و شفنا أمجاد و الحب
هدرات رهاف مرت عم أمجاد : هههه لحب صعييب
لينا خدودها حمارو فرحانة و كتمخشش فيه وهو عاطيها لخاطر
أمجاد : نتي حاملة نوضي ترتاحيي
بدات كتدلي فشفايفها : بغيت نبقا حدااك
أمجاد هز حاجبو : علاش ؟
لينا بتاسماات بحب : اي واحد كيبغي ابقا حدا حب حياتو
شافت لكل ملاهي فالهدرة تلافتت عندو سرقات قبلة على شفايفو و دارت كتشوف قدامها خلاتو ملاهي مع تيليفونو كيخنشش فييه

فهاد الأثناء نزلات تغريد و ندى جلسو مقابلين مع بدرالدين هاد الأخير لي كيتبادل أطراف الحديث مرة مرة مع أمجاد ولينا حداهم كتسمع ليهم
شوية دخلو صحاب لعجاجة كيتناقشو حتى وقفو مصمرين خلاو حتى لي جالسين مفيكسيين فييهم
أزار : كيشوفو فيينا
بيازيد : غالطين فالعنوان اجي نرجعو منين جيناا
أزار : من نيتك الساط
خلاه ومشا لعندهم كيفرنس بلا كلمة بلا جوج مشا عند شدى باسها بالخف على خدها و وقف هاز ايديه بحال لمجرم ملي كيحصل : سمح ليا الشاف حيت بستك
شدى هزات مخدة زفاتها عليه : ازاار مكتبدلش
أزار : لا الساطة كنبقا على صباغتي
دور عينيو : الأحفاد هنا .. تبركالله تبركالله
قصد خواتاتو ..جات ندى تعنقو ضربها ليها بقرصة لفخدها : هادي كنت كنتسالها لييك
غوتات ندى مخرجة عينيها و جلسات كتبوحط بالبكا
تغريد وقفات مخرجة عينيها : علاش ضربتيي ختييي هااا ؟؟؟
ندى كتعاير وكتبكيي : تفووو على بنادم .. ماميييي كتضرنييي لقرصة
أزار موجه هدرتو لتغرييد : نتتي مخاصكش تهدريي .. مبينااش فييك مريضة مغيبة ليوووم ؟؟
تغريد حاطة ايدها على خصرها : سوقك بغيت نغيب ونتا مالك
بغا انتفها وقفات فوجهو ندى : والله منسكتو لييك الحكاار .. أمجاد هدر مع هاد بناادم
بان ليهم ناوي احط ايدو عليهم وهما اهربو وهو تابعهم كيتحلف
ساجد شاد راسو : لمافياا و مديرهاااش
كلثوم : احزااب هادو
بياازيد جالس حدا ولدو ممسوقش لييهم .. باغيي اشبع من شوفتو شحال متلاقاه
أمجاد وقف : هانيي انشوف هادو مالهم
آريا : شووف اولدييي .. تقهرت عذبوني فصغرهم و مزال منواو اديرو لعقل

أمجاد خلا لينا جالسة معاهم وطلع لعندهم كيسمع لمقاتلة نايضة .. قصد بيت ازار حل لباب و حل معاه عينيه بالصدمة : ااااااشششش هاااادشيييي
أزار بجدية : متدخلش .. رجع لبرازييل لاش جاااي
ندى هزات ديكور زفاتو عليه : تقرب لياا نعضضضك والله حتى نعضضك
تغريد كتخوي ليه فالأرض لمستحضرات لي كيستعمل لتصريحات شعرو : هاااهمااا يللله موووت
جهل فاش شافها شكاديير : والله حتى نقتلك ليووووم
يلله بغا اشدها طار عليه أمجاد شادو وهما مخبيين ببعضياتهم
أزار : واش مكتشوفهمش شكاايديرووو
أمجاد عاض على سنانو : ندىىىىىى .. تغرييييد علاش درتوو هادشييي ؟؟؟ هدرووو
ندى : هو اخوياا لي كيضلمنا
تغريييد : كيحكر علينا
و جلسو كيتباكااو بلعانيي
أزار بغا اتلاح عليهم شدو أمجاد : كتكذبو البرهوشات
أمجاد بعصبية : وصافييي الزمر بعقلللك
أزار : جرررب تبقاا معااهم ايقلبو لييك مخكك
تنتر من أمجاد و وقف : يلله تفضلو خرجو من بيتي البرانسيسات .. تفضلوو
ندى كتعوج دازت من حداه : كنحس بييك باغيي تضربنيي
عفط على رجلو زعما ايتبعها طارت بالجرى كتغوت و تبعاتها تغريد حاميين السوق و هو متابعهم موالوو خلاوه حال فمو فبيتو : برهووشات قلبو ليا لبيييت
أمجاد : نتا لي مضسرهم علييك
أزار : كنضسرهم غا لوقت لي رشقات لي حتى كندم
تنهد و ضرب خوه لكتفو : اوا الساط غبراتك علينا لبرازيل
بتاسمو لبعضياتهم و تعانقو فرحانيين كيتفاهمو بزااف
أزار بعد : باقيي مكتبغييش لي اخسر ليك شعرك
أمجاد هز راسو باه : علاش ناوي ...
قاطعو ملي خسر لييه شعرو و هرب خلاه حال فمو : بررررب حتى كحلتيها ا ازاار
أزار دخل لغرفة تغريد و كانت معاها حتى ندى كيوريو لبعضياتهم اشنو اخر حاجة شراو فالحوايج : لبرهوشااات خبييونيي
تغريد : مااالك
ندى خرجات عينيها : درتيي شي حاجة لامجاد ؟؟
هز راسو باه ومشا تخشا حداهم فالناموسية مغطي مكيبانش
دخل أمجاد كيفور : تلاقيتووو البرااااهش
ندى ببرائة : مالك اخوياا
تغريد : كتبان معصب
ندى : يكما مقلق ؟؟
أمجاد بعصبية : فينو أزار
تغريد : مشفنا والوو .. شفتيي شي حاجة اندى
ندى : نوو مشفت والوو
خرج معصب هابط لتحت و كيقاد فشعرو نقطة ضعفو هي هادي
أزار خرج راسو من لغطا : شكراا الساطات
تلاحت عليه ندى كتعض و تغريد قاتليها مكتعرفيي والوو
أزار مكمش عينيه و كيدفع فيهم : تريييكة لعضاضيييين .. والله الا ضربتكم انهرررسسكم .. طلقوووو
ضربوها ليه باخر عضة و خرجو من لبيت كيتجاراو .. هادا غا النهار اللول لي تجمع فيه الرباعيي خرجو للقصر عقلو حتى من أمجاد لي مرزن موحال ابقا هاكاك الا طول معاهم خخ

على برى خرج أمجاد للحديقة غادي جاي باغي اجري اتصال مهم وبسباب لعصاب لي ركبوه فييه مبقاش كيقشع مزيان دوز للرقم جاوبو فالحين : هادا نتا الحيمااري ؟؟
خرج عينيه و رجع شاف فالرقم عاض على سنانو ..حط التيليفون على ودنو و نطق معصب : مااااااااال مكككككك خارجة ليااااا منييين تسلطتيييي حتى نتييييي
ثلوج كانت كتسوك اللوطو غا غوت فرانات : شناااواا ؟؟؟
كان ايقطع ممساليش لهاد التبرهيش وهي تقاطعو : لمجرم سمع
بقا ساكت مجوبهاش غا حاط التيليفون على ودنو
ثلوج : لمقال فييه ميداار ولكن ...
قاطعها عاض على سنانو : هدرتك كوليهاااا ... و متكونيش من هادوك لي معزيزاش عليهم روحهم و كيتعرضو لموت .. حيت لمرة الجاااية مغاديش نعطلك مزال
قطع عليها كيغلي معرفش علاش كتعصبو .. دخل لرقمها بلوكاه و صونا للرقم لي كان ناوي اهدر معاه
ثلوج متنكرش قلبها مشا و جا من بلاصتو خصوصا مشهد لقتل مزالو كيدوز قدام عينيها : الله اياخد فييه لحق
دخلات حتى هي لرقمو بلوكاتو كترجف : من هنا لقدام انولي نحسب خطواتيي .. قاليك التبرهيش انا انورييك لمعقول كيف كيكون
تنهدات عاد ديمارات و كسيرات نيشان لدارها .. كانت مشات تجيب ليها شي حاجة تاكلها من ماكدو و ترجع بالخف .. عاد ناوية تاخد وجهتها للوكالة بعدما تبدل عليها

داز لوقت

سدات لباب و خرجات هابطة فالدروج و الأعين عليها خصوصاً واحد من لجيران ديما كيضايقوها نضراتو مكتكرهش تعمي ليه دوك لعينين .. حاولات متسوقش ليه و كملات طريقها بحاليلا مكاينش . جات جدابة بشورط فالأسود مع لفوقاني ديالو طايح من لكتاف فالأبيض و لكريشة باينة .. وصلات لطوموبيلتها حلات لباب حطات ساكها و ركبات عاد كسيرات نيشان للوكالة
ماشي بزاف دالوقت حتى كانت قدامها .. نزلات و دخلات نيشان عند مكتب لمدير
ثلوج : مسيو رشيد .. مسالي ؟
رشيد وقف : اهلن تفضلي .. كيف كانت الرحلة ؟
ثلوج بابتسامة صفرا : زوينة
وجلسات حلات صاكها و جبدات ليه لمقال .. شدو من عندها و جلس كيقرا بتمعن و ملامحو كيتغيرو بتركيز
هز عينو فييها : تبركالله ... مكنتش متوقع ايكون بهاد لجودة
ثلوج كتفرك فايديها و نطقات بهمس : هو لي كاتب .. لمجرم الله اعطيه لعذاب
رشيد : قلتي شي حاجة؟
ثلوج : قلت شكرا
رشيد فرحان : بالعكس انا لي خاص نشكرك
وقف و صافحها : اذن مبروك عليك كونك مقدمة برنامج " كواليس " كتستاهلي
ثلوج متفاجأة : واااااو واش صافي بصح انولي مقدمة للبرنامج ؟؟؟
رشيد : اكيييد كتستاهليي
ثلوج : شكرااا بزاااف ... متحمسة شنو خاص ندير دابا
رشيد : هه دابا رتاحي من السفر أولا .. فاش انتاصل بييك اجي باش تبداي فالتداريب
ثلوج كتفرنس : ياااي شكرا مرة خرا
صفحاتو و خرجات كتنقز بالفرحة وبدات كدور فعينيها على مراد .. قشعاتو واقف كيهدر مع وحدة من لموظفات هزات حاجبها و غوبشات
مراد مركز مع لموظفة : ااه صافي مزيان
غا تلافت قشعها واقفة مربعة ايديها و وجها حمر عرف راسو كحلها
ثلوج مقدراتش تصبر خرجات بخطوات سريعة من لوكالة حتى بغات تحل باب دلوطو و هي تحس بييه دورها عندو
غوتات لييه فوجهو : سييير عندهااااا ياك عاجبك لحال بعدا
مراد شاد راسو : كنا كنهدرو فالخدمة اثلوج .. لخدمممة متحماقيييش
عاد سرات معاه : ااااجييي و نتيي فيين كنتيي غابرة هااا ؟؟ وااش انا مونيكة ولاشنوو ؟؟
ثلوج : متغيرش لموضوع امرااد .. هاد لخدمة انا مدخلاتش ليا لراسي تمشي تهدر مع واحد آخر فالخدمة نتا راك حبيبي انا كتفهممم
تنهد و شدها واخة باغا تنتر : صافيي احبيبة سمحي ليا انا لي غالط ..صافييي يلله دابا جاوبينيي فين كنتي غابرة
ثلوج : فمهمة على لخدمة
دايرة راسها مقلقة باش تفلت من اسئلتو : بعد منيي بغييت نمشي
شداها من ايدها : فيين ؟؟
ثلوج مغوبشة : للقرية فيين متلا
مراد : مغاديش تهدري لواليديك علياا نجي نخطب ؟؟ .. رحميناا بغيتك تولي حلالي ونتي بوسة فالخد كنخطفها منك بزز
ثلوج كتعوج عجباها انوثتها خخ : اه احياتيي حتى تولي راجلي و بوسني من فميي
دخلات للوطو و كسيرات مخلية لعجاجة موراها كتضحك
مراد مخنزر : جعععريييني .. جعرينيي و هربييي كيف ديماا تقهرت
فالحين جاه ميسااج

💬" ليوم انهدر مع دارنا على قبل خطبتنا و زواجنا غا وجد راسك اتزوج بكارثة .. من هنا مكنشكرش لييك راسي"

بتاسم و صيفط ليها

💬 " انا بغييت ثلوج لي كتطير من لمقلة قابل الآلة غا طلقينا "


جيهت لغابة ... كيتسابقو بالبيسيكليت هوايتهم لمشتركة كانو بلباس سبور شورط و تيشورط ديالو
نطق وهو كيلهت : صافي نتا لي رابح .. ستسلمت
فرانا وجبد ليه قرعا دلما من جنب لكغطابل لي على ضهرو كيجغم منها : مبقيتيش كتغلب هادشي ولا فالمعجزات
مفراني حتى هو : غا شحال مركبتي عليها داكشي علاش
بدرالدين : لا كنضرب عليها دويرة مرة مرة فالويكاند ... من هنا لقدام عمري نتسابق معاك اسي أمجاد آل عمران
أمجاد كيشرب من قرعتو حتى هو : متزيدش فيه
سمع تيليفونو جبدو من جيبو وجاوب : لواليد
ساجد : فينك
أمجاد : مع بدرالدين .. علاش ؟
ساجد : صافي حتى ترجع و نهدرو
أمجاد : كينا شي حاجة ؟؟
ساجد : لا غا كان خاصي نقضي واحد لغرض و بغيتك تمشي معايا .. ولكن بلاش دابا نقضيه بوحدي
أمجاد : لا هاني جاي .. انمشي معاك
ساجد : صافي .. كنتسنااك
أمجاد خاطب بدرالدين وهو كيخشي تيليفونو فجيب الشورط : يلله نرجعو للقصر .. لواليد باغيني نقضي معاه شي بلان
بدرالدين هز راسو باه : يلله

تعشات لعشية و جا الليل ..

كانت جالسة و هما دايرين بيها كيدوزو ليها فلونكيط
حفصة : ايااه ابنتيي .. وفين عرفتييه
حنان نغزات مها : وصافيي اماما شوفي كيف حشمات
ثلوج : شكون قاليك كنحشم ؟
حفصة شافت فحنان : اييه شكون قاليك كتحشم وهي كتلبس ربع دلحوايج قدام ناس دلقرية
ثلوج حطات ايدها على حنكها : ناريي اتبداي اماما .. واش نلبس خنشة نبان كنحشم ؟؟
حفصة حيدات سندالتها من رجلها كتهددها بيها : اتمشيي تبدليي عليا هاد جوج شراوط لي لابسة ولا نجي لييك ... لبسي ليك بيجامة الدار بحالك بحال ختك مبغيتش باك اخاصم عليك وعليا كيضل اعايرني بيك واقولي معرفتيش تربيها
حنان غمزتها تمشي متعكسش معاها
ثلوج : واخة اماما ... صافي مبغيتش نتعشا غا كولو
حفصة شافتها خارجة من الصالون كتخبط فرجليها : بدليي و اجيي كملي ليا على هاد لمسخوط لي باغي اخطبك .. غادي نكون كذابة الا شكرتك قدامو
حنان : وااه اماما متزيديش فييه
حفصة : سسكتيي خليني نربي لا لقيت منربيي لبنت خرجات على ايدي
حنان : وراه 21 عام اش اتربيي فات لفوت
حفصة : ونتيي لي كتهدريي .. زعما كبرتي و درتي عقلك
حنان : اه خاص غا تشريو ليا تيليفون بحال ثلوج
قاطعتهم كتعض فالتفاحة لي فايدها : انشريه لختي غا تهناي
بقاو كيشوفو فيها مصدومين
ثلوج : مالكم ؟؟
حنان : وااو كنحلم ثلوج لابسة لبيجامة لي شرا ليها لحاج من السويقة السروال مشكشك بحال مي لحاجة لي ماتت... و لعكفة من لفوق
ثلوج : مافيها باس نتجرتلو شوية و نفرحو لالة حفصة ... ياك فرحانة اماما ؟؟
حفصة حاطة ايدها على حنكها كتندب : هاااويلييي الناس ولدو بنات بعقلهم وانا ولدت الرعاويين
ثلوج جلسات حداهم كتعض فالتفاحة : ودابا اماماتيي اتهدري مع لحاج ياكيي
حفصة : نوضيي بدلي هاد لبيجامة كتبانيي كتخلعيي
ثلوج هي ولعكس خوت : لا عجباتني
حنان حابسة الضحكة : كون غا لحتي راسك فهاداك .. نسيت سميتو
ثلوج : سميتو الانسطا
حفصة : الانسطا و لا باسطا كملي ليا على هاد لمسخوط مالو
ثلوج بدات كتحلبد ليها و تلبد فعينيها و تعاود بالعقل باش تقنع مها و تمشي تقنع لحاج بالفكرة
حفصة : وااش داك مراد لي قرا و خدم بقرايتو
ثلوج داياها على قد عقلها : اه هو اماما
حفصة : ومالك ابنتيي ملقيتي شكون
غوبشات معجبهاش لحال : كنبغييه
طلعات معاها مها بقرصة : تبغيي عينك عوود انشالله
قاطعهم صوت مرات عم لبنات : نتوما هما
ثلوج مكيعجبهاش لحال تشوف فيها بداك النضرات : بغيتينا فشي حاجة امرات عمي
حفصة نغزاتها : الرجالة جااو .. نحطو لعشا ؟
مرات لعم : صيفط ليا راجلي مع كريم بيلا جايين شي ناس مهميين .. وخاص نوجدو الضيافة
حفصة وقفات مخلوعة كتعرف لحاج فاش كيجيو عندهم الضياف كيوليو فيه عشرة باغي كلشي اكون على أكمل وجه : ويلي زيدي زيدي
مرات لعم : سيرو عند سناء راه عارضة على صاحبتها النقاشة
حنان : اوااه توحشت لحنا
مشات طيرة كتقلب على بنت عمها سناء
حفصة خاطبت ثلوج : سيري ابنتي نقشي حتى نتيي
مرات لعم : ديري غا لباروك
ثلوج : حتى انا بغيتها جاياني على لكانة
ناضت كتقلب على بنت عمها .. ومشاو لعيالات اقضيو شغالهم
ثلوج قلبات حتى عيات عرفاتهم ايكونو غا فالسطح ..طلعات فالدروج و عقلها مع مراد : يكما هو لي جاااي و باغيي اديرلي مفاجأة !! .. الا كان هاكة راه صدمة ماشي مفاجأة .. ولكن
حكات راسها : وليت غا كنخربق
وصلات عند لبنات و سلمات على بنت عمها لي قد حنان فالعمر واخة معندهاش معاها جلسات حداهم .. كتحسها مسمومة مقطرة
النقاشة : وااش نتي هي سنبلة
سنان بتمياق : سميتها ثلوج
ثلوج : اه انا هي سنبلة و ثلوج لي عجباتك عيطي لي بيها
النقاشة : بغيتي تنقشي حتى نتي
هزات راسها باه

فقصر آل عمران ..
كانت جالسة فالدروج حاطة قدامها كتابها و ستيلوها : نمشي .. منمشيش نمشيي منمشييش
قفزات فاش حسات بخيال شي واحد موراها : اااخخ هادي نتيي خلعتينيي
وجدان جلسات حداها : مالك كتابنيي مهمومة يكما كتحبي ؟؟
تغريد خرجات عينيها : اويليي فاش كنت قدك مكنتش كنعرف هاد لكلمة شنو كتعني
وجدان كتلوي خصلة من شعرها على صبعها كتلعب بيها : اوا احبيبة نتي جيل و انا جيل
تغريد شدتها من لكول : عندي غا 17 ابنتيي متشرفينيش
شوية تفكرات اش باغا طلقات من لكول دحوايجها كتبسم و تلبد فعينيها : عنديي لحفاظة هننن و بغيت شي واحد اخرج ليا هاد تمرين دلفيزيك
وجدان : قوليها لحبيبي أمجاد
تغريد خرجات عينيها وسدات ليها فمها : ويليي على لبرهووشة ... هاداك خووك
وجدان : ماشي خويا ..خويا هو بدرالدين
تغريد : كتطيييري اختيي كتطييري معرت لمن شبهتيي
وجدان وقفات وبغات تمشي : مستوايا ماشي بحالك
تغريد شداتها : وقوليلي شكون ايخرج ليا هننن
وجدان بافتخار : تبعيني نمشيو عند خويا اخرج ليك ..كتبقاي فالواحد
تغريد كتغزز من لداخل وكتضحك بزز : يلله نمشيو عندو تعطلنا
وجدان : انا لي نمشي قدامك ونتي تبعيني .. متسبقينيش
تغريد : اهااه الآلة سمحي لينا عصبناك
وجدان كتعوج : ماشي مشكيل سامحت ليك
ومشات
تبعاتها تغريد جامعة كتابها عندها و كتمتم : وليت دايرة راسي فالبعالك باش نشوفك عقل اش كندير على قبلك

فالجيهة لخرى ..
جالس كيسمع ليهم مكيتدخلش مخلي باه لي عارف شغالو
ساجد : بغينا ترد علينا فأسرع وقت
نطق كريم : الأرض ماشي فلاحية يعني سكان لقرية ايوافقو تشريوها
لحاج : اه كريم عندو لحق ..كون كانت فلاحية غادي اتعكسو
ساجد : لمهم دابا نعول عليك ولا نشوف حل آخر ؟؟
نطق لحاج بجدية : علاه لعب الدراري هادا .. كون هانيي الأرض فالقريب تكون عندك
ساجد : لمشروع لي ايتدار فيها مهم داكشي علاش بغيتها
أمجاد جمع لوقفة : لواليد انسبقك بينما جيتي
ساجد هز راسو باه
لحاج : جلس اولدي حتى تعشاو معانا
أمجاد :غا بصحتك الحاج

فهاد الأثناء كانت هابطة فالدروج هازة ايديها بجوج منقوشين باغا لحنة تكرم ليها و لعكفة مبرزطاها : اففف كرميي خلاص ..باقا خضرة
سمعات لحس فالصالون بغات تطل و تحيد الشك بيلا فعلا ماشي مراد حيت كتصوني ليه و مكيجاوبش .. قربات كتختل حتى سمعات حفصة عيطات ليها : واااخة اماما هاني جاية
مع تلافتت خرجات فشي حاجة قاصحة وسعات عينيها و رجعات باللور كانت اتفقد توازها كون مشدهاش من خسرها .. ومن الدهشة خايفة تطيح حطات ايدها على صدرو حتى خرج عينيه لي ولاو حمريين
ثلوج قلبها كيضرب فالمية كتشوف راسها حطات ايديها لي عامرين حنة على الشوميزة ديالو : سس سس م مم ح هنن
هز عينيه مخرجهم فيها حتى تزرع فيها الرعب أول مرة كتشوف هاد النظرة فعينيه .. بعدات بالخف ناجية براسها منو
بغات تنطق هز صبعو ناحيتها بتحدير هادشي كامل فهماتو غا من الشوفة لي رامقها بيها كون كانت قرطاس كون قتلاتها
جمع ايدو على شكل قبضة حتى لعروقة بانو و زاد بخطوات سريعة كيفور وجهو كيبان حمر بالاعصاب
ثلوج كتشوف فالحنة لي كاملة خسرات : تفوو معندي زهر
عاد سرات معاها : شكايدير هاد لمجرم هنا ؟؟
وسعات عينيها فاش تفكرات جملتو ملي قاليها تخايلي ترجعي تلقاي واليديك ميتين : لا ميمكنش .. مستحيل هادشي
بلعات ريقها كتحاول تطرد هاد الأفكار لخبيثة لي جات فبالها ولكن قلبها ممهنيهااش .. تلافتت لجيهة لباب لخرجاني و مشات بجرية تبعاه
بان ليها كيزول فالشوميزة و كيسب واخة بيناتهم مسافة إلا أن ملامحو كتبان كيعرق ليها خخ
وقفاتو بصوت حاد : تتتسسسناااا
بان ليها وقف عاطيها بالضهر بعدما زول الشوميزة بقا بصدرو عريان
ثلوج وقفات موراه كتنهج : شوووف ...
قاطعها بصفعة ثلاتية الأبعاد حتى حنكها تفيكسا فجيهة وحدة .. لعافية طالعة منو ولا حمر بسباب صباعو لي تطراساو
حطات ايدها واخة عامرة حنة على حنكها لي كيوزوز و دورات وجها لعندو كتشوف فيه مصدومة أول مرة فحياتها شي واحد كيهز ايدو عليها .. قلبها كيضرب بالجهد من شدة لموقف و الألم لي طالع من حنكها
أمجاد قرب لعندها حتى مبقاش كيفصل بيناتهم بزااف ..هز صبعو بتحديير كينطق كل كلمة وهو مورك على لحروف : كاااين لموووت و كاااين أمجاااد آل عمران ..هادو كيعنيو نفففسس لحااااجة
ضربها بصبعو لجبينها بحاليلا كيقوليها دخلي هادشي لراسك : مفهوووم
ثلوج مصدومة غا كتشوف و دموعها دايزين .. بقا موعاتش رآه شي واحد هز ايدو عليها كتحس راسها غا كتحلم
أمجاد رجع خطوة للور كينفض فالشوميزة بجهالة كتحسو مكرهش اسرطها و ادفنها حية تحت الأرض
حس بيها مزالا واقفة شاف لعندها هاز حاجبو بحاليلا كيقوليها من نيتك مزالك هنا ! .... نتابه لحوايجها و لعكفة و ايدها لي عامرة حنة حطاها على حنكها و مفيكسية كتدمع : واااش كتنعسي بحال هاكة ؟؟
بتاسم باستهزاء و مشا حل باب دالرونج ..لاح الشوميزة وجا اركب حتى كيحس بشي واحد شدو فدراعو .. تلافت مقندش
زفر فاش عرفها غا هي نيت : مااالناااا ؟؟؟
ثلوج بقات كتشوف فيه مطولا كترعد من لداخل و قلبها كيرجف من لموقف الإحساس بالحكرة أول مرة كتعيشو .. طلقات من دراعو و هزات ايدها حتى لسما نزلات على حنكو بالجهد بغات ترجع لييه نفس لحر لي جاها فحنكها حتى حسات بالشلل
هزات صبعها بتحدير كتنطق موركة على كل حرف : الرجولة عنوان ... ماشي اي واحد كيهز ايدو على انثى راه رااااجل
طلعاتو و هبطاتو بستحقار و ركزات على وجهو لي مدورو لجيهة للخرى كيبان كيفور حتى لعروقة دعنقو تطراساو و هادشي لي بغات هي .. ماشي ثلوج لي تعيش هاد لموقف و تسكت ليها
دارت بغات تمشي حتى كتحس براسها تخطفات بسرعة لبرق و تزدحات على الرونج لدرجة لفولار طار و شعرها تطلق .طايحة ليها لافغونش على عينيها .. تأوهات مقوسة حاجبها من لحريق لي عطاها ضهرها و حنكها لي مزال كيوزوز عليها
شدها من فكها علاين اهرسو ونطق بحدة عاض على سنانو : ااااشنووو قللللتيييي ؟؟؟؟
ثلوج باغا تنتر ولكن حاكمها معندها كيف الدير باش تفلت بروحها
أمجاد : سسسسولللللتك جاااااوبييييي يللللللله
ثلوج كتنتر معندهااش كيف تهدر فكها ايهرسو مافيهااش
أمجاد قشع بااه جااي وهو ارخف من فكها : قو*** من هنااا
ثلوج بدات كتبكي عيات تحبس لبكية ولكن معرفاتش هاد الدموع كيفاش حتى طاحو موالفة مكتبينش ضعفها .. تخلط عليها ألم ضهرها و حنكها و فكها لي دخلها الشك أنه تهرس امكن
أمجاد : رااااه هدددرت واقيييلة
ثلوج شافت فيه بتحدي : غاااادييي تندم ... كننننحلف لييك غادي تندم على هادشييي

أمجاد شاف فيها داك الشوفة ديال واش من نيتك : هاد لهدرة كووولييها و التحيميير ديالك خلييه عندك
حل لباب ركب و خلاها واقفة بحال لجماد كتفوور .. مسحات دمعة طاحت من عينيها و هزات فولارها عاد مشات بالجرى حابسة لبكيا حتى لبيتها
ساجد حل لباب و ركب حتى هو مستغرب : شنو واقع .. مالها داك لبنت
أمجاد لقرودة كيلعبولو فوق راسو : ماشي شي حاجة
ساجد عرفو مباغي اقول والو .. ومبغاش اسولو خلاه على خاطرو واخة شافو عريان من لفوق كتم فضولو : صافيي يله نمشييو
أمجاد جمع ايدو على شكل قبضة وحل لباب : لواليد نتا لي سوق .. الا ديماريت انخرج فشي حاجة
ساجد عرفو ماشي حتى لهييه دخلو الشك ولكن سكت و تبادل معاه فبلاصة السوقان
أمجاد ركب مرجع راسو للور كيمسح على شعرو و مخلي ساجد لي سايق .. نتابه للحنة لي لاصقة ليه فدراعو وهي تجي فبالو اللقطة فاش شداتو و دوراتو ..صافيي صعر ولاو فييه عشرة غا صابر قدام باه كيبغي اخلي مشاكلو عندو ميشاركهم مع حد
ساجد عيا ساكت وهو انطق : معصب حيت مكتحملش ريحة لحناا
أمجاد غا مرجع راسو اللور ياربي غا اتكالما
ساجد : الا مكانتش لبنت دارتها بلعانيي .. نساا موقع والوو حتى نوصلو و دوش حيد ريحتها
أمجاد كيشوف جيهت الزاج كيغلي : باغانييي نفرع مها كتقلب علياا
ساجد : كالما كالما

فالرياض ..
طلعات بجرية لبيتها و سدات لباب كتنخصص حابسة لبكية .. مشات نيشان تقابلت مع لمرايا كتشوف حنكها منفوخ وحمر خصوصا لحمها حساس على سبة عرفاتو ايزراق ليها من بعد ..بدات كتبكي الألم قاصح عليها
شوية مسحات دموعها بعجرفة كتشوف لمرايا بتحدي : ككككنحلللف ليييك ا أمجاد آل عمران ... غاااادييي تندممم على هاد الشييي وعد من عند سنبلة حيت ثلوج ضريفة و كتشفق ولكن سنبلة مكتسكتش
زادت فالبكا فاش شافت ايديها و لحنة مبقاتش كلشي تجخلط بغات تموت بالفقصة .. بان ليها كاب مشات هزاتو لاحتو عليها و خرجات من بيتها نيشان للحمام المشترك باش تغسل حالتها و تشوف شي بومادة لحنكها قبل ازراقو صباعو لي مطبوعين عليه

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.