_خارجة من دارها بقوامها الانتوي لابسة كوستيم جيب و شال الحريري فعنقها طالقا شعرها المموج الطالون فرجليها .. تتمشى بكل رشاقة .. ريحتها سابقاها .. مكياجها هادئ لاكن صارع ملامحها بالعيون الرمادية .. و الشنايف منفوخين و حناك مهزوزين سكسي من راسها لرجليها .. سدات الباب دارت نظاظرها الكوحل من الشمش الصباحية خطات الظرجة و هزات يديها تحل اللوطو اتوماتيك حلات الباب حطات صاكها فالكرسي جنبها .. سدات الباب دارت الصمطة توكلت على الله فاتجاه جمعيتها لتتلقى فيها نفسها محسساها بكيانها كامرأة تتدافع على حقوق المظلومات .. المسافة الطريق تتسوق بشوية عليها المحترمة السير ماسوقها فلي تيكلاكصوني ولا لي تيزلل عليها توقفات امام الجمعية بلاصة اللوطو هزات صاكها تمات الداخلة و الابتسامة على وجها نيشان البيرو ديالها حطات صاكها و نظاظر بجلستها الرجل فوق الرجل و الظهر المقاد حتى جاها اتصال
البنت: (لابسة جلابة و شادة شعرها بالقراص ولابسة كلاكيط وتتشهق) : والله أأستادة لشأنو العظيم حتى تعدى عليا خرج عليا و على حياتي
استادة: ابنتي راه طحنا مع جنس ماتيرحمش و نتي راكي ماشي قاصر ةااش عارفا اش تديري هاهما جابو تسجيلات بينك بينو او تتراسلي معااه
البنت: الاغتصاب لتم فالشركة شكوون ينصفني استادة الضرب التعديب لتعرضت ليه من طرف داك الحمار
استادة: يدير الله الخير ابنتي ركبي ركبي (ركبات البنت مع المحامية متاجهين للجمعية)
صوت التليفون كايصوني و يعاود ووهي كاتقلب من جيه لجييه .. باغا تهرب شوية من الأحداث دالبارح اللي باتت كاتحلم بيهم و اللقطة دالخيانة اللي شهداتها من حبيبها .. بايتة كاتعاود فأحلامها على شكل كوابيس .. حلات عينيها خااسرة كان البيت مضضلم والخاميات هابطيين .. شافت فتليفونها كان كايصوني هزاتو كان سخوون بزااف بكثرة ماصونا .. شافت فسميت سعد اللي كايصوني و قطعات عليها كاارهة الوضعية .. مشات جيهت الدوش غادية و كاتقلع بياسة ببياسة من الحوايج اللي لابسة حتى بقات بدوبياس .. قادات الما ووقفات تحت الرشاشة كادوش تزول العصبية و الستريس .. سالات دوشها ومشات كاتبدل عليها تدوز للكلينيك .. قشعات تليفونها كايصوني .. ميكات عليه .. كملات تبدالها .. مشات جيهت الكوزينة دارت قهوة كحلة كاتقطر و بدات كاتجمع شوية الدار اللي كانت مروبلة .. سلات و هزات كاس القهوة اللي كان عمر .. شرباتو تحيد حريق الراس اللي جاها .. دخلات لبيتها هزات صاكها دارت فيه التليفون بعدما دارتلو السيلونس وسوارتها .. خرجات فحالها من الدار نيشان للطموبيل مديمارية جيهت الكلينيك
ناضت وقفات هزات تليفونها دارتو فجيب البلوزة ومشات جيهت مكتب البروفيسور .. دخلات عندو بعدما دقدقات فالباب .. هو علا فيها عينو حيد نظاظرو و بتاسملها .. كان راجل كبير شوية .. شعرو متخللينو بعد الزغيبات شايبين هي جلسات كاتسناه يدوي
البروفيسور:بون هدى .. شفتك وقعتي على الورقة دالبعثة الطبية .. انا راني وافقت عليها و صيفطت وراقك مع وراق المنخرطين اللي معاك .. ولكن بغيت نخبرك راهم سبقوك اليوم .. جيتي معطلة شوية .. تقدي نتي تلحقي عليهم غدا فالصباح ..
هدى بشبه ابتسامة:واخا صافي غدا نمشي حتانا
البروفيسور:اوكي بونكوغاج
هدى وقفات و خرجات من عندو .. جبدات تليفونها من جيب البلوزة كان باقي كايصوني هي قطعات و طفاتو فخطرة ومشات للمكتب ديالها
أخييرا وصلو بعد مسافة الطريق للدوار .. اول ماحبسات الطموبيل نزلات بالزربة ومشات لباب الدار وقفات كاتسناه يحلها الباب و هي قالبة وجهها عليه بقا فيها الحال حيت ماخلاهاش تمشي للجمعية لأخر مرة وودغيا زرب عليها .. هو تنهد ونزل هبط الشانطات من الكوفر .. وصل لعندها حط واحد الشانطة و حل الباب عاود هزها .. هي دخلات لديك الدار حسات براسها مخنوقة .. خصوصا مللي تفكرات ايامها اللولة دالزواج و السلخة اللي كان عطاها حتى كان غايقتلها .. مشات كاتحل فالشراجم تتهوى الدار شوية .. هو دخل الشانطات لبيت النعاس وهي بدات تمسح فالغبرة مع دخلتها .. كانت الغبرة كاتخنق مع الدار عماين ماتحلات .. جمعات غبرة كثييرة .. مسحات اللي مسحات ومشات جيهت بيت النعاس .. طلات على قادر كان نااعس على كرشو طالق يديه و رجليه فوق الناموسية .. قلبات طريقها للدوش و هي كاتبركم
صفاء:نتا اللي جا معاك النعاس .. تفو تنعس ماتنوض انشاءالله .. مللي عرفتك ماشفت النهار البيض يييخ (دوشات دوش خفيف تحيد ريحت العرق و مشات لبيتها حلات واحد الشانطة جبدات منها بيجامة شورط و طوب لبساتهم كانو لااصقين علييها .. مبينين فورمتها المثيرة .. خرجات لبرا كبات الما فالارض كاتسيق و تكب الما و سانيكروا و جافيل تنقي الدار شوية .. هي بطبعها مكاتحملش الوسخ ولا تجلس فشي بلاصة مغبرة ولا تشم فيها هي شي ريحة ماشي هي هاديك .. عزييز عليها النقاوة بزااف .. سلات التسياق و جلسات ترتاح شوية فوق المطاربة اللي فالصالا .. حتى سمعات الخبيط فالباب .. فحال لا البوليس كايدقو .. ناضت مخلوعة حلات الباب و هي تقشع عكوزتها دايرة يديها يديها فجنابها كاتسنا الباب يتحل غي شافت صفاء حلات الباب كحلات بالعما)
زوبيدة كاطلع و تهبط فيها:نتي باقا حيااا .. يييخ مافيك نفس باقا مع ولدي وزاايدوون هادي حالة كايحلو بيها النسا دالرجاال أدوييي؟
صفاء شافت فيها كاتأفاف مابغاتش تزيد معاها الهضرة:دخلي
هي دفعاتها و دخلات سدات الباب كادوي بصوت عالي:طبعااا غاندخل مانتسنااش عرااضتك .. هادي داار ولدي ماشي دارك نتيي .. ييخ على بشااار
قادر خرج من بيت النعاس كايتفوه:وااااه شواقع هناا؟
هي مشات عندو كاتبحلس عنقاتو:ولدي حبيبي توحشتك .. كبدتي كانت كاتشوى و نتا بعييد عليااا
قادر حتى هو عنقها .. واخا كان هاز فخاطرو من جيهتها ولكن حتى هو توحش مو:حتانا ألواليدة توحشتك زيدي جلسي
العكوزة:لاا أناا باغياا حفييد .. مايمكنش عماين ماتولدش إلا لاكان فيها شي عييب .. لاكنتي سمعتي مني نزوجك بشي وحدة على ذووقي ياولدي تولدلك من العام اللول .. ماشي فحال هادي..
قاطعها قادر:الواليدة صافي فاش نبغيو الدراري غانولدوهم بلا هاد الهضرة
هي تنهدات:ايوا اللي تبغي ياولدي ..
داخل شركة مرموقة .. سمعتها معروووفة فالبلاااد و فخااارجه .. واقف امام النافدة تيشوف قداامو ساهي .. ففمو سيكار تيتكيف بيه .. رجل فالسن الخريف شعرو مختلط بين اللبيض و الاسود و البنية القوية ديالو تتبان من خلال القميجة لي لابس اطرطق عليه و ملامح ذكورية جدابة .. دوز يديه على لحيتو بحركة ثقيلة تاتسمع الدقان نطق بصوتو الخشن: دخل
السكرتيرة: (لابسة لبسة رسمية و وقفة تابتة ) : مستر الناجي المعلومات على صاحبة الدعوى القضائية
الناجي: حط السيكار ببرود حل البواط قدامو هز منها طوندوز صغير سوداء جلس فوق البيرو قرب لقدامو المرايا بدا يرازي متبع منحنيات وجهو : نطقي
السكرتيرة: راوية العدلي 32 سنة، مطلقة من رجل الاعمال حسام بن الشريف .. يتيمة الاب و الام توفاو فحادتة سير هادي عماين هيا الوريتة الوحيدة و رئيسة الجمعية النسائية المقر ديالها فالحسيمة لهيا نشأتها من مالها الخاص و كبراتها فهاد العامين و المخنرطين ديالها من كل الاصناف المحاميات و الشرطيات او اطباء و اساتدة عندها صديق واحد مسمى بدر الطالبي تايجي عندها تالدار......هادي صورتها (حطاتها فوق البيرو رجعات البلاصتها)
الناجي: دور وجهو تيشوف واش خط اللحية مقاد تيدوز بيديه الدورة لدار لمح صورتها ميل راسو معاها و جبدها بصبعو قربها ليه تيحفظ ملامحها انطق بهمس: مطلقة !!
السكرتيرة: مستر بالنسبة للدعوى القضائية؟،
الناجي لبس جاكيتو: ....اسم الشركة يخرج نقي .. داك الحمار المحاسب كي تبراء كي هو مو الفعلة يتقاود عليا من الشركة ... (هز صورتها كمشها فيديه حل الباب اخرج اتجاه لاسنسور عاقدهم تا الفك دوجهو تيبان تيحرك و يديو لفيه صورتها متيزيد يكمش عليها)
ركب سيارتو البورش تما خارج طاير بيها شاعل سيجارتو مخرج يديه من السرجم تاصونا هاتفو شاف الاتصال اضحك بحال لا تفكر نكتة: افين ازين؟
شاكر: فالبليصة الحب .....من نيتك على قلة العيالات وليت انا الزين و الحب اولد القحبة
الناجي: هانا جااي
شاكر: سلامات .... قطع عليه رجع طالع هابط فالتيلي لدازت يطلعها و يهبطها بدون كلمة ميقدرش يهضر شي وحدة محيت الناجي صديقو من الصغر متيحملش الجنس الرقيق طلب ليه الشيفاز كما عادتو فالمكان لتيجلسو المسمى بكلوب "باريس" داخل احسن اوتيل ........وقف بسيارتو هز صورتها معاه ومد الساروت السكوريتي يتكلف بيها ....طالع الدروج بالمشية الرجولية هاز التلفون بيديه و حاني راسو شايف خطواتو تابتين تا دخل الكلوب طالق عينيه بان ليه جالس طالق رجليه و راسو غادي جااي مشا ليه نيشان جبد معاه القرفادة
شاكر: ألقلاااوي ....
الناجي: هههه ضريتك احبيبة؟؟ (هز الكاس لموجد ليه جغمو فجغمة وحدة و حطو .. رجع تكى .. رجل مطلوقة و رجل مهزوزة وهز الراسو الفوق): اووووف
شاكر: (هز يديه لفوق للسرباي ..جا تيطير عمر الكاس تاني) امااالك المسخوط مالك .. عيش لا تحظيش ونتا ديما عاقدهم و منوي مع كرك بوحدك
الناجي: (حل ليه يديه) آتينا بلي يعجب !! (تفكر الصورة جبدها تيطلقها و يشوف فيها) فنظرك علاااش أطلق
شاكر: (حال فمو مع واحد ختنا)....هااا شكون؟؟؟
الناجي: طلق يديه فوق الفوطوي و شافو فين تيشوف ...باينة اما قحبة بحال هاديك ولا طليقها حمار بحالك امممم
شاكر: غمزها سبقاتو طواليط ....انا جاي
الناجي: دار ليه براسو سير
#عند_راوية.
راوية (جالسة مرتبكة و متأسفة و هيا تتشوف البنت تتبكي و تنوح حطات يديها على فمها حابسة البكية): صاافي اختى ربي كبيييير مغاديش ينسى عبادو
المحامية: انا وصلت ليك الامانة ...ميعاد الجلسة من هنا اسبوع راه حطينا الشهادة الطبية و اقوالها لاكن على مبان ليا درنا خطاء كبير منين جبدنا اسم الشركة
راوية: (بصوت هادئ و تترمش فدوك العوينات) لااااكن ا استادة حنا متهمناش الشركة حنا تاهمنا احد المسؤولين لان الاغتصاب اتم فالشركة لاغير
المحامية: ولو تيبقي صمعة الشركة تقاصت، نتمنى مول الشي يكون صاحب نية حسنة وإلا أنوقعو فشي لا يحمد عُقباه !! (وقفات ) خليت ليكم الراحة اي جديد ها التلفون بيناتنا
راوية وقفات سلمات على المحامية شكراتها ...رجعات عند البنت: نوضي احبيبة براكا ماتمرضي فالراسك لي مكتوب على الجبين لازم ماتشوفو العين
البنت: هيء هيء خاايفة وليت نخااف من خيالي هيء هيء
راوية: تنهدت عنقاتها تطبطب عليها ....ماعندك مناش تخاافي يلاه نخرجو عند البنات الانشطة تلفي شوية راه ماشي بوحدك كلنا معاااك كلنا ولياات غير كلها و كيف جااتو ......خرجات شادة فيديها داتها البنات لي كل المجموعة شادة القاعة لمختصة بيها .. ها اللي مختصة فالخياطة ها لي فالحلويات لي كوافورة ولي تيتعلمو يقراو كلها وحكايتها كلها وظروفها القاهرة .. همهم الوحيد فهاد الجمعية يداويو جروحهم، الصدق قادتهم عند راوية حسباتهم خواتاتها و بناتها و صحاباتها تشد بيديهم نحو المستقبل يتعلمو الحرفة تعاونهم او تكون مرشدتهم النفسية فنفس الوقت .....من هنا لهيه متبعة كل وحدة مرة يضحكو مرة يهضرو وصل العصر مشات البيرو عندها و صفاء تضرب ليها فالراس مبانتش النهار كلو جلسات فالبيرو هزات تلفونها تتحاول تتصل بيها لاكن خارج التغطية حتى تحل عليها الباب بجهد قفزات من بلاصتها تتسمع غوات البنات جايين تيتجراو وقفات تتستوعب المشهد نطقات بصوت شبه مسموع :البوليس !!!!!!
_جالسة بلبستها البوليسية .. شعرها كوتشوفال .. السروال مسمطة فيه السلاح و التيشروط ابيض فيه علامة الشرطة .. جالسة فالبيرو على وقفتها .. رجل مهزوزة ورجل فالارض .. البوليسي واقف حدا الباب قدامها و جوج متهمين واقفين قدامها دايرين ليهم المينوط او حانيين راسهم و هيا تتشوف فالملف تعاود .. تاهزات راسها فيهم و عينيها السود تيطلقو الشرار حطات الملف فوق البيرو صفقات بيديها: اوا السيادنا نبداو!!! الزويجة ديالمن فيكم!!
هزات قرعة الما شربات منها شافت فالساعة لقاتها الستة .. هيا التمنية بتوقيت اسبانيا هذا هو الوقت لديما تيوصلها لاتصال لديما عماين عايشة على ودو هو الوسيلة الوحيدة لبقات تتربطها بيهم لحد الان مزال معرفاتش كيدازت عليها هاد العامين .. لاكن الحاجة اللي عارفاها .. انها عمرها تقدر تبغي حد من غيرو ولا تشوف فحد غيرو هو .. ولو عرفات الحقيقة و الفيلم اللي دارت سناء عليهم .. خدات حقها بيديها منها لعام و هيا تنتقم منها اشر نتقام تشفات فيها لانها كانت السبب الاول لفراقهم .. لاكن، نار الغيرة كانت تتاكل فيها او زاد كمل بفعلتو وهرب شافت الساعة لقاتها دارت اوقسم مع الهزة مع الصونيت فالواتساب داير كاميرا بتاسمات من قلبها حتى عيونها دمعو و قلبها تيفرفر كبدتها و قلبها و عمرها باين ليها فالتلفون تيشير ليها بيديه لكبرو و طولتو لتزادت و شعرو لولا زعر بحال باباه و رطب غوت بالضحك: مااااماااااا مااامااااااا
سحر: مبعععد ياااازااامل ياااا لقوااااد ياااا لمنعرفت ااش بااغي تصنع هااااا نخسر علييييك قرطاااااسة وحدة منزيدكش اناااا الولدي تجيب ليه شمايت يحضرو ليه اااااع مزااال زاايد فيه اناااا بغييييت الولدي بغيتووووو الحدايا نشم ريحتو يكبر حدايا النهااري ليل و اليلي النهاااار الله يااااخد الحق فيك
يحيى: حاني راسو تيسمع قلبو مزير ولا احمر اتجمع فيه الدم ..ساليتي
سحر: لارد
يحي: حتى الباااااه (تيشير صدرو) البااااه والولد بااغينك يشمو ريحتك يكووونززو فالجنبك ياااغينك اليوم قبل الغدا ....علاش تتقصحي فالراااسك انا عنرني خنتك عمرني افكرت نخونك انا المراة الوحدة لعندي فقلبي هيا نتي نعيش و نموت عليك علااااش تتعذبي فالرراسك....الكرة عندك المراتي المحبوبتي و حبيبتي تخرجي من الديك الخدمة او تنسحبي من الديبلاسمون الكتامة غدا تلاقايني انا ولدك فدارنا تنتسنناوك
سحر: لارد (تتشوف فيه تتشبع نظرات منو)
يحي: الوقت نعاس هيتم غدا نعيطو ليك تهلاااي فراسك احبيبة تنبغيك بزاف اعمري فرب تلفون باسها (هيا قاطعة البكية) هز هيتم دار ليها باي باي و ضحكات معاه شوية قطع التلفون/
بقات تترمش تتحس بعظامها مدكدين و النفسها المقطووع جبدات الباكية الكارووو تترد النفس و هيا تترعد حتى جمعات نفسها هزاات جاكيت و سوارت التلفون طفات الكارو خرجات من البيرو اتجاه دارها بتقاتل بحال الواحد خرج خاسر من شي المباراة الصوت الولدها فودنيها او الصورة راجلها بين عينيها خارجة تيعطوها فالسلام تكتفي كما العادتها بالحركة براسها كا الرد السلام ركبات اللوطو اتجاه دارها
خرجات صفاء من الكوزينة:ممم قادر راه الكوزينة خاوية مافيها والو
صفاء مشات داخلة للبيت .. دازت من قدام زبيدة سمعاتها همساتلها:تاكلي فيه السسسم انشاءالله .. على خطية
صفاء مداتهاش فيها .. دخلات للبيت و خرجات شهييييق من اعماااق اعماااقها .. نزلات دميعة من عويناتها مسحاتها بالزربة .. خنقاتها هاد المعاملة و هاد العيشة .. بالزربة لبسات جلابة و لوات شال على راسها و خرجات لبرا .. كانت غي زبيدة كاتسنا
صفاء بتساؤل:فين قادر؟
زبيدة مشات خارجة:كايسخن الطموبيل زيدي تبعيني يلاه
صفاء زيرات على قبضة يديها و تبعاتها .. كان قادر شاعل الطموبيل زبيدة سبقات ركبات القدام .. وصفاء ركبات اللور .. قالبة وجهها عليهم .. وصلو للدار و نزلو بثلاثة .. دخلات زبيدة هي اللولة كاترحب بولدها فرحانة بيه .. قادر شد فيد صفاء شاف فيها
قادر:مالك شفتك ماشي هي هاديك؟
صفاء نترات يدها من يدو:لا والو زيد ندخلو (دخلو لداخل .. ناضت صفاء كاتعاون عكوزتها تنزل الغدا اللي سخناتو و حطاتو .. كانت دايرة اللحم ببطاطة و اللوبية الخضرا .. بداو ياكلو و قادر كايتلذذ بماكلة مو اللي توحشها .. سلاو الغدا .. ناضت صفاء جمعات الطبلة شطبات الزربية و غسلات الماعن اللي كلاو فيهم رجعات جلسات .. بقاو معاها شوية دالوقت .. زبيدة ديما مستغلة الفرصة كاتلوح كل مرة هضيرة لصفاء اللي كاتقرص و تكمدها
قادر مادواش غي ديمارا .. شافتو غادي من طريق دار عمهم بتاسمات حتى وقف عند باب دارهم نزلو ..
قادر:نتي دخلي انا نمشي نشوف الحاج عصمان و زايد
صفاء سمعات سميت زايد بتاسمات:واخا انا نشوف خالتي الزاهية (مشات دخلات لداخل و هو مشا يشوف
(مشات دخلات لداخل و هو مشا يشوف الحاج)
كانت شادة التسابيح فيديها كاتسبح مغمضة عينها .. حتى حسات بشي يدين حاوطوها من اللور .. بتاسمات عرفاتها غي من ريحتها و هاد التعنيقة اللي دارتلها
الزاهية بصوت خافت:صفوءة
صفاء دارت عندها و جلسات قدامها كاتشوف فيها:توحشتك
الزاهية جراتها عندها عنقاتها .. صفاء بدات كاتشهق فالحضن ديالها .. كانت محتاجة هاد التعنيقة .. محتاجة شي حد يطبطب عليها فحال الزاهية دابا و شي حد يلمس على شعرها .. كانت باغا تحس بشوية دالحنان اللي فقداتو هذا شحاال
الزاهية كاتلمس بيدها على شعرها:بنتي الغزالة .. براكة من البكا شششش صاافيي .. براكة ماتقهري فراسك
صفاء كاتشهق:هئ هئ تو .. توحشتكم ..
الزاهية:حتاانا توحشتك ابنتي و كثر منك كل يوم كاندعي معاك
صفاء باست يدها:نييت محتاجة دعوااتك كثر من أي وقت
زيد دخل مع الباب:السلام عليكم (شاف جيهتهم) القملة هنا؟
صفاء وقفات مبتاسمة كاتمسح دموعها فحال بنوتة صغيرة و مشات عندو عنقاتو .. هو حط يدو على ضهرها:هاي هاي القميلة كبرات و تزوجات (بعد راسعا من حضنو) مال القملة كاتبكيي
صفاء:خويا زاايد توحششتك
زيد عاود جرها معنقها:حتانا توحشت القملة دياالي .. بعدي بعدي نشووف (بعدها عليه شوية كايطلع و يهبط فيها) هاي هاي هاي كببررتيي دابا مابقيتيش قملة .. واش نتي هي هاديك اللي خليتها باقا كاتلعب برا مع البراهش دالدوار
راااوية: البووليس....(وقفات تترمش رجليها تيخويو بيها حاجة يديها على فمها بالصدمة)
واقفين 2 من البوليس فالباب البيرو دايرين الطريق للكومسير لي لابس سيفيل القد الطول القد العرض تطق بصوت تيخلع: انيسة راوية العدلي تفضلي معانا
راوية: (تتسرط الريق من الخلعة ): شكون سيادتكم ؟! شنو واقع ؟
الكومسير: طلعها هبطها شاف شوفة شرفية فاابيرو جيبوها جيبو هاد خياتنا معاها ...خلاهاا تترعد البوليس لبرا طلعو البنات لصطافيت بالغوات و البكا و الطليب و الرغيب راوية تتمالك راسها حسات براسها اطيح على وقفتها تتسمع صوت طونسيون فوذنيها تيصوني تفيقها البوليسي: تحركي الشريفة انباتو هنا ؟
راوية: حطات يديها على بيرو هزات سورات او صاكها فيه تلفون بغات تتمشي الخطوو اللور بحالل ترجع 10 الوراء شدها البوليسي بقوة من دراعها جارها و دموعهت هابطين تاخرجو لقات الناس المجموعين كون لقات الارض اتشق و تبلعها ولا هاد الشوهة الف السؤال تيضرب ليها اولهم اااش واقع؟!!
راوية: (وقفات هما داينها الصطافيت):سيدي نجي فسيارتي ؟؟
الكومسير: (نقزها بصوتو الخشن) : تحركى طلعي مع خوتك سربينا
طلعها البوليسي تاكانت اتجي عللى فمها شدوها البنات تما مقدراتش تشوف فيهم ودموعها هابطين تا تردخ عليهم الباب بجهد قفزهم و ظلامت الصطافيت عندهم بقا تيبان ليهم شوية الضو من الشرجم الزتقة الوحدة المحشية فالوحدة فوحدة مفاهمين والو قلبهم تيضرب 90 فالدقيقة محسوش بالطريقة تاشد الشيفور فران السيك حتى ريوسهم اضرب وحدة فالوحدة تيشوفو غير بعينهم و الخلعة شادهم من الصبع الرجليهم حتى الشعر الراسهم ...تحل عليهم الصطافيت نزلوهم وحدة وحدة بالصف دخلوهم الكوميسارية عامرة البوليس غادين جاين راوية موراهم البوليسي شادها من دراعها تتشوف فيه بالنص العين معرفات واش حبا فيها ولا محرشين عليها ..دخلوها هيا الاولي للبيرو نفس الكومسير وجلسها قدامو هو شاد كارو تيطلعها و يهبطها : هاي هاي على الجماال !!
راوية: (كما عادتها جلسة انتوية و راسها لفوق):؟؟
كومسير: (مشات بيه عينيه فجمالها): احم راوية العدلي 32 سنة الحالة الاجتماعية المطلقة وحيدة الوالدين
راوية: الله يرحمهم
كومسير: انتي هنا بتهمة الدعارة و لي انتى تتموليها تحت الستار الجمعية النسوية و لي القانون تيحاسب عليها ..اش تتقولي فهاادشي
راوية: (دموع طلقو ليها ) انا سيدي البريئة من هاد التهمة الجمعية النسوية ليها العامين الحساب السجلها النقي
الكومسير: اممم رابعة العدوية انتي!! بلا تقحبين (رفع صوتو) اابنات لتتقوديهم و كل القحبة عندك مسلطلها على عباد الله تبتزو فيهم بالفلوس الصحيحة هادشي كلو تنكرية
راوية: انا اي الوحدة تادخل عندي عندها تاسجلها العدلي و الخاص بيها النيتى حسنة
البوليسي: دي هادي تكلاصا مع كرها (هبط شدها من درعها)
راوية: سيي الكومسير ممكن اتصال هاتفي الله يخليك
كومسير: ممنووع ديها ...دخل ليا دوك لي برااا
البوليسي: وخ الشاااف ....تم جاارها عند الخزانة فلاكاف حطات الصاك والتلفون ووالسوارت و مضت على الورقة شنو كان معاها و جرها تحت تعناب البوليس تادخلها البنيقة قد الفرماجة فيها كرسي خشبي طويل لاغير دخلها بقات واقفة دارت شافتو تيسد مشا ....شدات راسها بين يديها تتراجع الكابوس اليوم فمها كلمة الوحدة: حسبيااا الله و نعم الوكييل حسبيا لله و نعم الوكييل مع دموع الحارة و حطات يديها على قلبها اتيتعصر الم حسات براااسها الجناحها المقطوعين المحكورة ...عيات ماتحلل مشات جلسات حيدات صباط او جماعة رجليها عندها و تكات على الحيط ....
_البنات الجمعية كلهم دازو التحقيق مع الكومسير رغم العنف اللغوي و الاستفزاز الا نصفو راوية مقالو غير الحق انها ساعداتهم نفاو اي صلة ليها بالدعارة او ممارسة الرذيلة تحت غطاء الجمعية كلها امضات على الاقوالها لخرجات تتسنى الاخرى حتة اتجمعو البرا عياااو مايرغبو فواحد البوليسي و يطلبو يلاه قال ليهم راها الدوز الليلة هنا بكاووو و غوتو و ادعاوو فالظالم اختهم استادتهم او صديقتهم فالحبس بلا السبب تحركو الجردة المقابلة مع الكوميسارية اعتصمو تما مضامنة معاها حتى يطلق لله الفكاك #يتبع_غدا
__جالسين بجوج فواحد المرج كبيير .. عامر تبن .. جالسين لفووق فوق سطوك ديال التبن طلعو فيه كايتمنضرو فكتاامة .. كاتباان كولها__
زيد:قوليلي قادر مهلي فيك؟ مرتاحة معاه؟
صفاء بقات كاتشوف لبعييد سااكتة مجاوباتوش حتى عاود زعزعها .. شافت فيه و بتاسمات ولا نقولو اصطانعات ابتسامة
صفاء:مممم مرتاحة معاه ووفرحانة اخويا .. كايعاملني مزيان كي الما القليل و عمرو قلل مني ولا ضربني ولا بزز عليا شي حاجة .. ديما اللي بغيتها هي اللي تكون
زيد بتاسم:مزيان هادشي اللي بغيت .. ولا شي نهار زنزناتلو الذبانة وبكاك اجي عند خوك هو اللي يعرفلو
زيد:هانا معااك ألقملة حتى نشوفك بوليداتك يقولولي خالي
صفاء سهاات كاتشوف لبعيد:انشااءالله
بقاو ساكتين مدة طوييلة كايشوفو بعييد .. كان وقت الغروب .. كايشوفو الشمس كاتغيب .. حتى مشات فخطرة و طلع فعوضها القمر و النجوم مغطيين السما و مضويينها
زيد:يلاه زيدة نمشيو ..
صفاء هبطات رجل حطاتها على قطعة دالتبن قريبالهم:يلاه
*هبطو فحالهم و مشاو جيهت الدار دالحاج .. غي دخلو قشعو الحاج و الزاهية و قادر معاهم حتى نزار و الحاج احمد .. جلسو مع بعضهم كايقشبو ومرة مرة الدراري يدويو بالألغاز .. يجبدو شي سلعة خاص تمشي .. حتى لشي الحداش دالليل عااد ناضو كل واحد فين شد طريقو ..*
دخلو للدار بجوج بصمت .. بعد طول الطريق و هوما ساكتين .. هو ماجبدها بكلمة وهي ماجبداتو بكلمة .. دخل ديريكت لبيت النعاس قلع الصوفيطمة اللي كان لابس بقا عريان من لفوق و تلاح فوق الفراش مغمض عينو باغي يرتاح .. شافها دخلات للبيت قلعات جلابتها و شالها بقات غي بديك البيجامة دقبايلة .. الطوب و الشورط .. دار يديه تحت راسو معليه شوية .. كايطل عليها و يطلع و يهبط فيها .. هي مداتهاش فيه شدات الحوايج كاطويهم تديرهم فالماريو .. شوية بدا كايتستس عليها
قادر:بسبس الزين راجلك عيان ماكرهش شي مساج من دوك اليديدات
صفاء دارت راسها ماسمعاتوش كملات الطويان دالحوايج .. هو بقا حاضيها مطلع حاجبو .. مرة مرة كياخذ يدو للمعلم يحكو شوية حاضيها .. حتى دارت قشعاتو مكسل ديك التكسيلة بديك التكديرة .. بقات كاطلع و تهبط فيه حتى قشعاتو غمزها
قادر:شي مساج ونعطيك معاه كوية
صفاء قلبات عينيها .. جات خارجة حتى نهض فيها بصوتو العالي
قادر معلي راسو:جيبي شي حاجة دهنيلي ضهري و ديريلي مساج
صفاء مشات جابت واحد الزيت ديالها كايعجبها كاديرو .. قطراتولو على كتافو بشوييية و ضهرو من لفوق جلسات حداه و بدات كاتماصيلو .. هو جاتو الراااحة .. لمساتها و صبيعاتها جابولو التمام .. بقا كايتنهد و هي كاتماصي الكتاف .. هبطات على طوول ضهرو و ذرعانو اللي كانو مشدوديين و قاااصحييين .. حتى هي عجبها الحال تقيصو .. تخشعات مع المساج .. طلعات فوقو كاتماصي .. هو تقلب على ضهرو عينو مغمضين و نطق بصوت خافت
قادر:ماصيلي معاك صدري
هي هبطات عينيها على الفراكة وليزابدو .. قطرات شوية دالزيت على طوول الفراكة و بدات تمااصي .. كاتهبط بشوووية .. وصلاتلو لكرشو كاتمااصييها بشوووية .. قادر خدا يديه لفخاضها كايتلمسهم و يدوز عليهم يدو .. هي تزنكات فاش حساتو خشا يدو تحت السليب كايدوز يدو على مؤخرتها .. بلعات ريقها و السخونية بدات تطلع معاها من صبعها الصغيير .. حنووكها حمااارو و يديها بداو يترعدو .. هو طلع يدو بشوووية لمساتو كاتبورش .. يدو مطلعها ومطلع جناب الطوب كايطلعولها بكل بطئ و سلاسة حتى قلعولها .. حل عينو بشوووية فيها وعض على شفايفو
(بتاسم ابتسامة جانبية و جرها لعندو .. مطلع يدو مع ضهرها فسخلها الربطة دالسوتيان و قلعهم ..وجرررها حتى تلاصق صدرها مع صدرو .. زاااد زير عليها وجهها مقابل مع وجهو .. حط يدو على حنيكاتها و قرب بوجهو بشووية لوجهها حتى انفاسو بداو كايلفحو فوجهها .. حسات بقلبها غايخرج من بلاصتو بسباب قربهم هو مشا لحنكها و حط شفايفو ببووسةة سخوونة .. خلتتها تعض شفايفها و تزيير عليهم .. هو طلع جيهت وذنها كايطبع بوساتو حتى سمعاتو كايهمس و يبوس
قادر:توحشتك (بوسة) باغييك الليلة (بوسة) نتي توحشتيني؟ (دابا بوووسااات كايفرقهم على وذنيها هابط لعنقها و يديه هبطولها الشورط .. بقات بالسليب هو كايتلمس فخاضها و الطرماااحة كايعجنهاا بيدووو .. هي زيراتلو على كتافوو بيديييها مغمضة عينها من بوساتو اللي قاصولها نقطة الضعف ديالها .. رجع تقابل بوجهو مع وجهها و شد شفايفها بين شفايفوو .. كلااهم صرطهمم مصمصهم عضهههم .. مابقااتش كاتحس بيهم بقوة ماجبدهووملها و يدو طلعها لصدرها كل يد شادة بزيزيلة كايزيير علييهم و يعاود .. هي بقات كاتحكك مععااه و دوز يديها على ليزابدو عاطياه شفايفها
.. ماحسات براسها غي فاتحالو فمها .. هو شافها فتحاتو خشا لسانو وسط لسانها كايجر رييقهاا مشابعش منو .. قلبها لتحت وهو فوقها بالزربة هبط سروالو و كالصونو بقا صووولو فووقها .. مشا لصدرها كايجرو بسنانو و يديه كايرسمو خطوووط على كررشها .. هبط ببوساتو ليها صفاء .. بدات ترعد و كل بوسة حسات بيها كاتجيبلها التبوريشة .. اول مرة كاتحس بهاد التبوريشة وهو كايمارس معاها .. اصلا حتى هي كانت محرومة 6 شهور😂 .. ايوا كمل تعبازو و بوساتو هابط بيهم لفخااضها .. زوقههم تزوواق و خدا يدو للتوتو من فوق السليب .. كايقيص فيه .. طلع راسو فيها هي كانت مزيرة على الفراش كاتسنااه يكمل .. هبطلها سليبها وهو يهجم علييه كايمصمصولها وهي كاتوحوح صاافي عياات تكتم فأصواتها وصلات للطووب و مابقاتش قادة .. هو شافها تزنكاات رجعاات حممممرة .. طلع عندها تقابل معاها كايوجد فبوشاشية .. شد فمها ففمو كايبوس شفايفها .. هي جراتو من عنقو و حتى هي حركات فمها معاه كايتبااوسو .. حتى حسات بيه داااخللل .. كانت مزييرة قصحها والنيت كايدخل فييه مزرووب بقوة ماموحشها .. هي زيراات علييه كاتخبشلو فضهرو و ذرعاانوو .. و كايتباوسو و هو كايحرث فييها .. جوج ساعات و هوما خدااميين .. بالزز باش بغا يبعد منها بعدما شبعات
طلييب و مزااوكة اما هو مساخييش بيها .. هي عيات بالسفر هاد النهار .. غي ناض عليها غمضات عينيها نعسات .. اما هو مشا للدوش دار دوش خفيف و رجع تكا حداها عنقها عاااد نعس
طلع الصباح كما العادة، تتفيق قبل من المنبه تتجلس متكية على كادر الناموسية مغمضة عينيها تترد الذاكرة .....تتمد يديها تلفون لمغرقها بيهم يحيى مابقا عندو حتى شغل من غيرها الميساجات الصبح و العشية و الليل دخلات الحمام طرفات حالتها و عقداهم لسانها مربوط تا الهضرة مع راسها فذماغها متتهضرش .. مود اون سيلونس .. بدلات حوايجها لبسات لبستها البوليسية .. هزات تلفونها مشات الكوزينة دارت كافتريا تقطر كاسها د القهوة بالحساب مشات جابت البكية دالكارو جبدات كارو شعلاتو هزات كاسها القهوة الكحلة بلا السكر تتشرب و اتسوط الدخاان و دماغها تيدير السكانير اش عندها اليوم الجهة تتضرب الفلاش لراجلها اولدها وفلاااش للصحتها هاد السم لشداه بين صبعهانها و اكبر فلاااش تيضري . زااااايد و لد الحاااج عصماااان الريفي لمتيفوتش هاد الدخااان تابشوية كلما تتكول شداتو تيتلاشى فالهواء هبطات على داك الكاس غسلات يديها اما جمالها ولا اااخر همها هزات السوارت حتى تتشوف اسم راوية طالع فالتلفون جاوبات تضحك: اهلاااا مادر تريزا
....ضرباتها الفيقة وهي فوق من كرسي من بعد ماغفات عينيها وهي فالمناوبة ديالها....الليلة دازت متعبة فالمستعحلات...التالي دالسيمانة كيقواو الكواريت...جمعات الوقفة...شافت فالساعة لقاتها التمنية دالصباح...ناضت بزربة حيدات طابليتها وهزات سوارت طوموبيلتها والوراق ديال البعتة الي فيهوم كاع المعلومات وخرجات فاتجاه الدار...كانت قريبة على فين كتخدم....طلعات بزربة جمعات حوايج غير شوية دارتهوم فباليزة حتى ترصي راسها وترجع تكمل...شربات كاس دالحليب وبدلات حوايجها...ومشات...والوجهة كانت الحسيمة...طلقات الموسيقى حتى خرجات من فاس ودوزات لابيل ل ايمان....
هدى: فيقي فيقي زعما راه غدا خطبتك...
ايمان: (كتحط عينيها ودوي مرخية بالنعاس) تفو على ماركة...مفيقاني على بونبير باش تقوليلي هاد جوج كلمات؟؟
هدى: (قاطعاتها) واياااك تكوليها تا بالضحك...راني دبا غير هاد الطريق وخوفاتني...كنتفكر داك الليلة...بقا غا تعاوديليه...راه مركبين فيا الرعب...
ايمان: ودبا ماخايفاش ونتي غادا عندهوم برجليك؟
هدى: اويلي لا...راه المخيم كاين فواحد الجبل الناس الي كيلقاو صعوبة يهبطو المدينة يداواو والدار فين غانگلسو كاينة فالحسيمة يعني مغنوصلش لكتامة بلا متخلعيني الزمر...
ايمان: ايوا صافي...يالله قودي خليني نعس تا توصلي وعيطي...
هدى: اوكي بب تهلاي فراسك مواااح...
ايمان: باي...
قطعات معاها وزادت فالسرعة...غادية وكتخمم...والسينتة كدور فراسها تا وصلات لداك الليلة المشؤومة...حيت كل قنت من هاد الطريق كيفكرها فيها...
نرجعو عند سحر 👩🏻✈ ....
سحر: 5دقايق انا عندك ..دوزي ليا اي بوليسي قدامك
راوية: وخخ (مدات التلفون البوليسي كاترعد) تكلم
البوليسي شد تلفون باستفهام يلاه اسمع صوتها هو يعطي السلام: موون الشاف
سحر: من لآخر اش واقع (زدحات الباب و نازلة تتجري فالدروج غادة طموبيل) جانا البلاغ الشاف
سحر: بلاغ اولاد لكلاب تنسمعو الدم و القتيلة تنجيو فالدقيقة 90 عاد تكولي البلاغ قطع انا جايا .... (زادت فالسرعة الكوميسارية مابعيداش 300 متر كانت قدامها بلاصة جاية طافية الضو سمعات البنات تيغوتو من الشارع لهيه دارت شافتهم عرفاتهم معاها شيرات ليهم دخلات نيشان تتبان ليها واقفة حدا مكتبها واقفة مع البوليسي : اااش وااقع ؟؟
سحر: حلات بيروها بالساروت .....دخلو جلسات راوية تترعد و سنانها تيتقرقبو من الخوف و تالفة تجمع يديها و طلقهم. تفركهم (شافت البوليسي) جيب ليها الما او ضوسيها ...مشى طاير
راوية: هيء هيء الله يااخد فيهم الحق اشمن ذنب درت هيء هيء فحياااتي دخلت الكوميساريا ندير غالاكارط ناسيونال تادوزت فيها لليلة من الرعب
راوية: الصمت... رجعات اللور شادة فراسها وعينيها تقال عليها حاسة بالرضة من القوة الضغظ .....حسبيا الله و نعم الوكيل دماغي احبس
سحر: ماعندو علاااش يحبس ليك رااه باينة للعمى قضية الاغتصاب لتدافعي عليها هما لبيك !!
راوية: كفااش !؟؟ (قلبها تيضرب) نجري فالخير يرجع ليا بالخايب السيدة تغتصبات دافعات عل حقها !!
سحر: رااوية !!!! نصحك هاد الجنس معاهش اللعب و الأخد و الرد (هزات التلفون تقلب تجبدات الصورتو) الناجي .. صاحب الشركة لمداعية عليها لا و الزوينة ولد الخال المطلوب اولا عندي (قربات ليها التلفون)
راوية: شافت الصورة بتمعن ..رجعات اللور ....كما قالو المصريين انا وقعت ولا احدي سما عليا ....حسبيا الله و نعم الوكيل فيهم وسخو ليا صمعتي شربوني المرار فليييلة
سحر: انا غادي نسني ليك على السراح سيري وسدي على الموضوع هاد الناس كباار منك و مني الا حطيتي راسك براسهم اتخسري انتي اولا ...حمدي الله بنات الجمعية وقفو معاك وقفة الرجاال كلهم شهدو بالحق
راوية: دارت تتشوف فالكوميسارية بان ليها الكومسير اللي ستجوبها خارج .. تبلوكات تداز من حداها شاف فيها بنص عين بقات متبعاه تركب للوطو ديمارا دار ليها اشارة بعينيه بصبعانو بجوج لعينيه ليها watch you /اراقبكي .... تنهدات قالت حسبيا الله و نعم الوكيل جرات البنات خرجو اتجاه الجردة اهضرو و تكلمو طمنو عليها و شكراتهم على وقفتهم معاها .....تشدات البنت لطالع عليها الفييلم شداتها راوية جنب تتهضر معاها بشوية : تخلعتي ؟!!
البنت: (بحال كانت تتسنى اشارة للبكا) هيء هيء اختى رااوية سمحيلي مقصدتش الله يااخد فيهم الحق هيء هيء
راوية: عنقاتها شووت احبيبة ربي كبير متينساش عبادو المظلومين ....قولي ليا مول الشركة اش تتعرفي عليه
البنت: (تتمسح بكمها و تتشهق) ...انا ختى عمرني شفتو تنسمع بيه هما ريافة كبر فهولندا و خانزين فلوس اصلهم من الكتامة تيكولو هاد الشركات عندهم غير غطا
راوية: (بقات تتشوف تنهدات) سيري ارتاحي يدير الله خير.... (سلمات على بنات كلها شد طريق للدارو ..راوية شداات طاكسي صغير للدارها و عينيها تيتسدو بالعيا و عنقها تتحس بيه ايطيح من راسها الطريق كلها هيا ساهية منين تسلط عليها هاد الناجي الريفي ..توقف بيها الطاكسي و خلصاتو تمشات جهة الباب دورات الساروت حلات الباب دخلات رمات صباطها من العيا شادة بيديها على رقبتها مغمضة بالتعب الحلة لتحل عينيها شهقاااات تاوصل قلبها رجليها دارت حلات الباب خرجاات حفيانة و صاكها فيديها جبدات التلفون تتصوني)
تاسمعات صوتو: الو بدر ااجي عتقني !!
بدر: ياااجدك من البارح وانا محمق عليك فين غطستي؟!!
راوية: طللق دغيا . جيت لقيت دار مرونة مقدرتش ندخل...البوليس اكبر ولاد الحرام اجي تنعيط لسحر هيا لي تفكني....سربي /قطعات اتصال و تتشوف رجليها بالحفا تنهدات هزات كل رجل تتمسحها من الغبرة مقدراتش دخل للدار بانت ليها من الدخلة كلها مرونة كلشي مهرس روحها اتخرج كابوس غايخرجلها القلب تتعيشو من البارح اليوم شدات صاكها معنقاه تاسمعات الفران دارت شافتو جاي تيجري توقف عندها : حبيبتي (عنقها) اش واقع؟!!
راوية: (عنقاتو تتبكي) ...لقيتها مقلوبة خفت ندخل ..شد يديها دفع الباب حاضي من كل الجوايه بان ليه الصالون المقلوب و تلفزة مهرسة هيا تتزير عليه هو خاايف كتر منها طلعو دروج نيشان لبيتها لقاو الباب محلول مع الدخلة بحال داز الاعصار كلشي مرون كلشي مجبود هيا دموعها طاحو و طلقات منو شدات بيديها على فمها من هول الصدمة
بدر: هااا حي ....عينيه مزلعين تيشوف الروينة :واش حاطا هنا الفلوس والا الذهب ؟؟
راوية: ذهب ماما ...تتشير جهة الماريو ...مشا بدر جبد المجر وسط ماريو لقا البواط الكحلة حلها لقا الذهب كامل مكمول دار عندها : ذهبك ممقيوصش !! هادشي ماااشي عاادي
راوية: جلسات على وقفتها فوق ناموسية شادة فقلبها لحاسة ليه ايخرج ....دخلو لقلب الداري !!
بدر: حط الذهب جر ديك روينة برجليه ودار عندها تيشوف فحالتها .....رااوية حبيبتي ااش واقع ؟؟
راوية: طلعات فيه بعوينتها تترمش ...البارح كنت فالكوميسارية بايتة !
بدر: اوويليي علااااش ؟!!
راوية: بتهمة الدعاارة !!.........عودات ليه كلشي من اول حتى التالي هو تيسمع مصدوم
بدر: كما قالت ليك سحر هاد الناس عندهم كي الربح كي الخسارة شابعين الفلوس و القضية فيها الريافة و الكتامة يعني لعب الكباار ...جمعي حوايجك نوصلك لشي اوطيل ترتاحي انا ليل خدام كلو اما نبات معاك
راوية: شادة فراسها حاسة بيه ايطرطق ...ناضت جمعات حوايجها لتحتاج فباليزا الصغيرة و لاتوخوز دو طواليط و سداتها هزها بدر هبط بيها هزات الذهب و باسبورها و الاوراق لتحتاج دخلات الحمام طرفات حالتها و مسحات وجها لامجيت و ريحات راسها بدلات لبسات بودي كوتشي و تجوكينج او اديداس بانت فالسبور حاجة اخرى بطايتها لواعرة و شعر مموج و هزات صاكها هبطات تبعات بدر لديمارا الوطو سدات الباب ركبات واخدين اتجاه احسن اوتيل فالمدينة ....
متجهين لاوطيل هاربة من هاد الكابوس لاكن مضرباتش الحساب بلي الكابوس لسبابها فهادشي شايفها خطوة خطوة ....وصلها بدر نزل معاها حتى شدات شومبر اطمن عليها سلم عليها مشا ...
خدات لاكارط و معاها الخادم هاز ليها الباليزا وصلها حتى الشومبر دورات معاه مشى دخلات حطات صاكهها و تلفون حداه لاكارط و تزوطات على الناموسية بظهرها تاتبومبات و شعرها طاار بقات تتشوف فالسقف الدماغ حبس بقات تدور من جهة لجهة حتى غمضاات عينيها من التعب و غطسات فالنوم حيت دوزات ليلة بيضاء فالحبس...
# عند صفاء .. اللي حلات عينيها على الصوت دالدقان فباب البيت وزوبييدة كاتعيطلها من براا .. ناضت جالسة بنصها الفوقاني بانزعاج .. دورات عينها فالبيت كانت بوحدها ومغطية بايزار خفييف .. شافت فالساعة كانت العشرة دالصباح .. تلوات فداك ليزار و مشات جيهت الدوش متجاهلة الدقان اللي فباب البيت والتعياط دعكوزتها مرة مرة كاتعوج فمها و هي كاتسمع فنكيرها من براا .. دخلات نيشان تحت الرشاش .. سلات دوشها و خرجات ملوية ففويطة بيضا حد الفخاض .. نشفات لحمها و شعرها و لبسات كسيوة قصيرة حد الفخاض .. شعرها جمعاتو بمقيبط عااد حلات الباب و خرجات .. غا قدمات واحد الرجل حلات فمها مصدومة من كم الطناجر داينوكس و الليطان و المقالي و البرارد قدامها .. الارض فااازكة شالاه اللي رداتلها البال .. شافت فزوبيدة خارجة من الكوزينة هازة الحلفة و الصابون شافتها قبالتها حالة فمها بصدمة و هي تخنزر
زوبيدة بصوتها العالي:هااي هااي هااي على عراايس أخخر الزمااان .. دابا نتي مزوجة نتيي هااا؟ مخلية راجلك خارج الصباح بكري بلا فطووور .. كون ماكنتش شفتو كان يمشي هكاك ضربو شي مررضةة .. وعاااااد باش زايدة مكفساها.. داارك مخلياها كي شييي كووريي .. يلااه اجي لهنا حكي هاد الماعن و سيقي الدنيا نقييها .. ولدي مانبغيهش ياكل فماعن مغبرين دعماين ولا يجلس فدار كوولها غبابر ..
صفاء بعصبية:و شكوون قالك انا ماسيقتش البارح.. الماعن حتى نساليلهم ماشي غايطيرو و زايدون انا فداري و نتي فداري فاش ضاراااك؟
صفاء بدات كاتستغفر الله ماديرش شي موصيبة .. قربات و جلسات على واحد الكرسي صغير حالا رجليها .. و شدات الطناجر كاتحك فيهم .. وتخرج فيهم غدايدها .. كل مرة تشعط قشعة و هي كاتخايل راسها كاتشعط راس عكوزتها مع شي حييط
زوبيدة جات هزات واحد الطنجرة كانت حكاتها:لا عاااودييي هادييي.. شوفي كي باقا ميدمة
صفاء شافت فيها كاتغزز فسنانها و شدات ديك الطنجرة عاودااتها .. و كملاات الباقية .. غسلاتهم بالماا رجعووو فحالا عاااد جداااد .. يلاه جات تنووض باش تسيق وهي تقشع عكوزتها داخلة من الباب بماعن اخرين .. جابتهم حطاتهم قدامها
زوبيدة:حكي معاك حتى هادو .. راهم ديااليي .. شووفيي فيااا عنداكي تطنبقيلي شي طنجرة ولا تخلي عندك شي مقرااج .. راني رااشمااهم .. عارفة تريكتك شكايدييرو لا عجباتهم شي حاجة يحتيو علييها
صفاء بقات غي كاترمش فيها ماتحركاتش .. حتى فرقعات صباعها قدامها:يلااه تحركيي دغيااا
صفاء عاودات جلسات بالنترة كاتحك حتى هادوك .. ما سلاتهم حتى تسالات حتى هي .. عاودات هزاتهم و طلعاتهم للسطح ينشفو شوية .. و هبطات هزات الحصاير و المطارب و كااع اش بقا منزل فالصالة بوحدها و زوبيدة عند راسها كل مرة تشيرلها لحاجة ديرها .. سيقاات الدنياا مزياان و كرطات و جففات .. دارت واحد الفرفارة باش ينشفو دغيا .. طلعات مور الماعن .. هبطاتهم و ستفاتهم فالبلاكارات بعدما غسلاتهم حتى هوما .. عطات لزوبيدة ماعنها و هي مكاتشوفش فوجهها و فرشات الدنيا .. ماحطات قاعها فوق المطاربة حتى كانت وصلات ديك الثلاثة .. زوبيدة غي شدات ماعنها خرجات .. تكات شوية كاتستارح حتى سمعات الدقان فالباب .. ناضت كاتجر رجليها كاارهة وفهاد اللحضة مستاعدة اي واحد كيفما كان نوعوو تحييح عليه .. حلات الباب كان وليد صغير شوية هاز جوج قفاف عاامريين فيدو
صفاء باستغراب:شنو؟
الولد:هادي تقضية صيفطهالك خويا قادر
صفاء شداتها من عندو بالنترة و ردخات عليه الباب .. دخلات دوك القفاف للكوزينة .. حطاتهم فوق البوطاجي و خرجات غادة لبيت النعاس
صفاء:بربي لازدت الضربة فهاد الدار هاي هاي .. ردااتني خدامة عندها و عند ولدها .. ليوم نفاريها انا وياه .. (لبسات جلابة فلون و شال فلون و بلغة فلون مكاتقشعش قدامها .. خرجات من الدار كاتقلب على قادر .. بقات دور دور دور حتى طاحت فبالها واحد القهوة كان ديما كايجلس فيها .. مشات جيهتها .. غي قرباتلها مع الدورة و هي تحبس مخرجة عينييها .. كاتشوف فقادر واقف مع واحد خيتي بااينة ماشي من الدوار بلبسها .. .واقفة قدام واحد الطموبيل و قادر واقف معاها .. هي كاتشوف فيه وضحك و تحلون و ترد شعرها اللور .. صفاء حسات بقلبها غاايخرج من بلااصتو وواحد الغمة نزلات عليها من حيث لا تدريي .. كاتغزز فشفايفها .. شافت راسها فواحد الطموبيل قدييمة كانت مخبية موراها و هي تزييد تخرج عينيها كاتهمس لراسها )
صفاء:ويلي هادي اناا .. ويلي شوهتي خارجة كي شيي هبييلةة .. شوففللك القوااد مخليني فالدار تحرت عليا موو و هو واقف مع ديك الموونييكة (شافتها مدات يديها لكتفو كادوز يدها و هي تزييد تخرج عينييها) بعديي يديييك بعديييهمم اععع الزاامل عااجبو كروو .. ناااريييي و نشدها فشي دريبة مكاتسلكش .. واااع شوف شوف منين تكون هاد القحببةة .. انننن هئ والله حتى نمشي نقربلها علييهم (جات غادة .. يلاه خطات الخطوة اللولة وهي تحس بشي يد شدات فيها .. دارت تشوف شكون)
ثورية (صاحبتها اللي كانت كانجي عندها):صفااء هادي نتيي؟
صفاء :تووريةةة .. (طلعات فيها و هبطات) هاي هاي على العفريتة زيانييتيي
تورية:هههه حتى نتي غلاضيتي اصاحبتي .. شكاديري هنا ؟
تورية:واخا يلااه (جاو غاديين و هي دور صفاء رجعات شافت قادر باقي واقف مع ديك خيتي و هي تدوز يدها على ذقنها .. الحركة ديال لابقات فيك هاهي فياا .. قلبات طريقها راجعة للدار و ثورية معاها)
ثورية :قوليلي كي دازتلك هاد العماين .. كاين شي تغيير ولا والو؟
صفاء سااهية باقا المنظر دقادر مع ديك البنت قبالت عينها .. حتى نخضاتها تورية عاد شافت فيها:ها شنو قلتي .. اه بصح
ثورية علات فيها حاجب:ويلي شنو اللي بصح
صفاء:اللي قلتي بصح
ثورية ضحكات:بغيت غانعرف فين عقلك .. هههه لا ألهبيلة راني سولتك كي دازتلك هاد العماين
صفاء عوجات فمها:كي الزفت .. كي غادوزلي مع داك الخلييقة (وصلو للدار .. هي حلات الباب دخلات و دخلات وراها ثورية)
تورية:ممكم الريحة دالنقاوة والصابون .. قوليلي باقي على حالتكم
صفاء قلعات الجلابة و الشال و جلسات كاترتاح و هي كاتغليي ماكرهاتش ترجع عند قادر داااباااا نييت تحيح علييه:ممم باقي
ثورية جالسة حداها:ايوا علاش ماتحاوليش تفتحيلو قلبك .. مالك سادة عليه بقفل اصاحبتي .. راه لابقيتي هاكا يقدر يمل منك و يسمع من مو اللي ناوية تزوجو ببنت خالتو و نتي طلعي معاك الصبع
صفاء شافت فيها مخرجة عينيها:زعمااا يديييرهااا؟
تورية ضحكات:هههههه عاد كنتي ساهية دابا توكضتي
صفاء كاتغزز ضفارها:لا لا قادر مايبدلنيش
تورية:ايوى لابقيتي هاكا راه يبدللك و يجيب غيرك .. يجيب علييك الضرة
صفاء:انا مافاطرة مامغدية مامجغددا .. صبحات عليا ديك العقروشة .. شنو ماشنو قاتلي نووضيي خملي دلرك عماين و هي خاوية .. ناري تهلكت .. مابقيتش قادة نسكن حداها الدار على الدار .. والحزقة لاحزقتها تسمعها
ثورية:وعلاش ماتقوليش لراجلك تبدلو الدار .. تهناي هاكا فحالا ساكنين فدار وحدة
صفاء بعدما ستفات التقضية دقبايلة .. شدات بطاطا كاتقشرها:هادشي اللي بانلي حتى انا
ضربات النص الكبير فالطريق...حتى قشعات بلاكة مكتوب عليها "تلاتاء كتامة"قلبها مشا وجا غير قراتها...رجليها فشلو عليها...زادت فالسرعة بحالا شي حد تابعها...حلات السرجم يدخل الهوا شوية حيت تخنقات...ضربات فيها شمس صاطعة...دوخاتها...غير زادت شوية بدات تسمع تقرقيب فالطوبيل والڤولون عصات مابقاتش باغا دور...قللات السرعة وزيرات ليمن...حبسات اللوطو ونزلات دايرة يديها على جبهتها كدرق الشمس...دارت على الطوموبيل لقات رويضة كروڤي...تنهدات بعصبية وضرباتها برجليها تا تنملات...
هدى: تفوووووو على زهر...
سارات عينيها غير الخلا والقفار...لا طير يطير ولا وحش يسير...موراها الشجر وقدامها غابة وعلى يمينها حافة...تزاد معاها الزايد وخافت البلاصة خاوية وهي بوحديتها...يشدوها يقتلوها ويدفنوها وماسيقلها حد الخبار...وزيد عليها واقفة قريبة من منطقة صحاب دعوتها...عقلها بدا يدي ويجيب والخوف تملكها...
هدى: الله ياربي وكيغاندير فهاد الحريرة...عمري بدلت شي رويضة...تفووو...
عند زايد جاي مكسيري...سايگ بيد ويد كيدوي بيها فالتيلي..
زايد: شووف...غدا نبغيكوم تساليو الجميع قبل العصر...السلعة راها فالكراطن خاصها غا تستف فالوطو...مانبغي تا شي غلط...(قشع شي طوموبيل واقفة جنب الطريق وبحالا بانتليه بنت قدامها) قطع قطع...تانعاود نعيطليك..
قطع الخط ولاح التيلي...نقص الموسيقى. والسرعة وهو كيقرب وهي كتوضاحليه الصورة...تخمينو كان فمحلو...زدقات بنت وقوووقة...وصل قدامها وحبس...طلعها وهبطها غي ماللور...
زايد': سكش كش...الزين...ياكما خاصك شي عوين؟
هدى: (هي كانت سامعة حس طوموبيل وقفات مي خافت دور...ولكن فاش سمعاتو كيضسر عليها زفرات بعصب كتر ماهي معصبة...كرزات على سنانها وصارت عندو مكشكشة) لا اخويااااا. شوكراان مابغيت عوين...يمكنلك تمشي قادة براسي...(رجعات عطاتو بالضهر وكتبرگم) بنادم عروبي مكلخ وزايدها بااضصارة من الفوق...سكتات شوية ماسمعات تا صوت...حتى حسات بشي حاجة كتنخصها من كتفها...صارت لقاتو واقف موراها مطلع النضاضر فوق راسو وكيتجبد بحالا يالله فايق من النعاس..
هدى: (حركاتو جابولها الاشمئزاز ومحملاتوش..كرزات على سنانها ودوات بعصبية) سير اخويا بعد مني...خليني عليك فالتيقار ولا ماغايعجبك حال...
ضحك تا بانو سنانو..وبقا يطلع فيها ويهبط...ويعض على شنايفو...فكراتو غا فسحر فاش كتكون مكشكشة عليه...كيعجبوه بحال هاد البنات...كيكونو شرسات وعنيفات...كيتلدد وهو كيعصبهوم...بغا يزيد ينيرفيها وبدا يقرب ليها بخطوات تقال...جاي جهتها وكيسكانيها من تحت الفوق وهي متبعة نضراتو حتى وقفو عند صدرها...كانت لابسة شوميز خفيفة بالكمام طاوباهوم وحالة الصدايف حتى لجهة صدرها...شافتو مركز الشوفة تماك...وهي تجمع راسها سدات الصدفة ووجهات ليه نضرات حادة كون كانو قرطاس تقتلو...اما هو هاق بيها وصلات للطوب وحقق داكشي الي بغا ومزال زايد فيه...متحسات بيه الا وهو قدامها تا حجب عليها الشمس...وحققات الشوفة فيه مزيان...قلدة واشمن قلدة...بقات مفيكسيا عينيها فيه وهو كدالك بحالا دارليها التنويم المغناطيسي مكتحركش...بدا يقرب شوية بشوية...وهي بحالا مبنجة تا وصل لودنيها وبدا نفسو كيضرب فوجهها...وهمس بصوت خشن...
زايد: واش عندك السوكور ولا نعطيك ديالي؟؟
هدى: (كتبلع ريقها وترمش بعينيها...وتوترات من قربو ليها..نطقات بلا ماتحس) هاه؟ عطيني ديالك...
ماعاقتش براسها تا شافتو بعد عليها ونفاجر بالضحك على هضرتها...
ايمان: (حابسة الضحكة مابغاتش تزيد عليها عرفاتها تعصبات ومارضاتش) واصافي كتوقع كتوقع...نتي غير كان بالك مع اللوطو باش تمرگل عليك وماعقتي بوالو...المهم انا غانقطع تا توصلي باااي
قطعات عليها قبل ماتبرد فيها فقصتها وخلاتها كتاكل فجنابها وكملات طريق ب ستين كشيفة...
زايد كمل طريقو وكيموت بالضحك عليها...جاتو نية وبريئة بزاف...زاد فالموسيقى غادي ناشط تا دخل لكتامة والابتسامة مافارقاتوش...مشا نيشان للديبو فين كيتسناوه عمامو ودراري الي خدامين معاهوم...كانت جلسة مغلقة على ود السلعة الي غاتسيفط غدا الناضور باش تخرج على برا...كانت كمية كبيرة وماباغاش يغامر بيها...هداك علاش غايتكلف بيها هو يوصلها حتى لفلايك...
كلسو كيخططو ويبنيو ويعليو وفجهة وحدة اخرى وبالضبط فالبيرو ديال سحر كاينة تاني جلسة مغلقة بخصوص نفس الموضوع..
سحر: (موجهة كلامها لدراري الي معاها) شوفو انا عارفة بالي هو الي غايتكلف هاد المرة.....الي بغيتكوم تأكدولي منو هو الوقت...هداك داير كي النزق مكتهرفوش امتا غايخرج...مانبغيش شي غلط...باغا نطيحو اليوم قبل غدا...هو راس الحربة ماتنساوش...(شافت فواحد معاهوم كيفيبري باغي يقول شي حاجة وماقاداش) مالك نتا كتقفقف...طلق اش عندك...
الشرطي: (يتردد) الشاف...راهوم ناس واصلين وسنين وهوما فهاد الشي...راه حتى ايلا شديناهوم غايخرجو كي الشعرة من العجينة...
وجد الغدا اللي داروه خفيف .. جلسو علىىالطبلة كياكلو و يتهاودو .. ثورية كاتنصح فصفاء تديها فراجلها قبل مايطير و هي كادور هضرتها فبالها و حتى هضرة راوية كذلك .. تنهدات كاتفكر فشنو دير الماكلة مابقات منين دوزلها .. ناضت هي و تورية جمعو الطبلة . صفاء غسلات الماعن و تورية شطبات و نفضات الدنيا .. جلسو قبالت التلفزة كايتفرجو وهي غي ساهية .. بالها مع قادر .. كاتفكر واش يكون باقي مع ديك البنت .. شنو كايدير معاها وفاش كانو كايدويو قبايلة .. جاتها البكية مللي تفكرات هضرة تورية بأنه يتزوج عليها .. شعلاات ناار فقلبها كاتكويها ووتعااود .. شافت تورية ناضت كاتكسل
تورية:للصراحة الجلسة معاك زوينة واخا بالك مامعاكش .. ولكن راني تعطلت .. الليل بدا كايطيح
صفاء وقفات معاها سلمات عليها بالوجه:واخا احبيبتي عاودي دوزي عندي
تورية بابتسامة:ضروري يلاه هانا غادة (مشات معاها صفاء حتى للباب .. توادعو و هي تدخل لداخل .. كادور عينها فالدار .. دخلات لبيت النعاس . شافت جيهت الفراش باقي مرون .. بدات كاتلمطو ووتقادو .. سلات و هي تزهق عينها لواحد التصويرة د قادر .. فيها مبسم شوية قرباتلها بشووية بلا هواها هزاتها كادوز عليها يديها .. حتى بدات كادوي بوحدها
صفاء مدلية شنافتها التحتية:حماار .. كلب .. قررد .. تفو عليك .. شكون ديك المنتووفة اللي كنتي معاها هاا؟ .. ولش بصح ناوي تزوج عليااا؟ .. واهادي اللي عمرها تكونلييك .. عمر تحلم بنت المرا تشاركني فيك (ناضت وقفات مغوبشة نييت و مشات دخلات للدوش .. قلعات كسوتها بقات بالدوبياس .. و هزات لاصيغ من واحد البواطة جابتها معاها .. كاتقادها .. بدات تحيد الزغب بشووية عليها .. سلات و مشات تحت الرشاشة دوشات غي لحمها بباندوش فيه ريحت الثوث .. مابغاتش دوش شعرها حيت غي فالصباح دوشاتو و هو طوييل كايعذبها .. خرجات من الدوش .. لبسات دوبياس فالكحل .. بينو بياض بشرتها و قواامها المثيير .. هزات واحد الكسوة عادية لبساتها و خرجات للكوزينة كاتوجد عشيوة خفيفة .. دارت صالاد و شدات واحد الحوتة من التقضية اللي صيفطلها قادر .. داارتلها شرمولة عمراااتها .. و قادات طوييجن فنن .. زادت فوقو الحوتة وودارتها فالفران .. سلات و شدات الفروطة كاتقطعها طحنات عصيير البنات ووالتفاح والفريز مع دانون و الحليب .. عطاو نكهة زويينة .. دارتو يبرد و مشات رجعات للبيت .. عاودات حيدات ديك الكسوة و دهنات لحمها بكريم فيه ريحة التوت .. شعرها سرحاتو بواحد البلاك عندها دغيا تسرح .. دارت مكياج خفيييف ولكن ركزات على فمها عكرااتو نييت .. هزات واحد الشوميز دقادر بيضا لبساتها .. بيناتها سيكسي .. وقفات كاتشوف فراسها فالمرايا و تبتاسم .. همسات لراسها) :هه اليووم نخليك بلا عقل و اللي طلبتو تنفذو .. منها نيت نشوف هاديك المنتوفة شكوناهي😏 (بقات كادور فالدار وتقادها علاما يوجد الطاجين .. جلسات كاتصبغ ضفارها بالكرونة سلات تسنات الصباغة نشفات عاد دخلات للكوزينة خرجات الطاجين .. غي خرجاتو سمعات باب الدار كايتحل .. بتاسمات وقادات شعرها .. طلعات صدرها و ريمات ابتسامة جذابة على فمها .. خرجات من الكوزينة شافت قادر دخل .. هو دور عينو قشعها واقفة بقاميجتو تكوانسا حال فمو وومطلع حاجبو فيها و فابتسامتها .. كايطلع و يهبط فيها...
صفاء كاتقرب جيهتو كاتعوج فمشيتها و ابتسامتها الجذابة .. فاش كاتبتاسم عويناتها كايتسدو .. وصلات قبالتو وتعلقات فيه طبعات بويسة حلللوة فحنكو وبعدات كاتعض شفايفها و يدها كادوزها على عنقو بلمسات حناان
قادر غي حال فمو .. هي فرقعات صبعها قدامو حتى تنفض:هاا ش شنو؟
صفاء:سير دوش احبيبو
قادر كايبلع فريقو:و واش نتي صفاء؟ .. ف فين مرتي؟
صفاء بتاسمات و قرباتلو بوجهها .. ريحتها العطرة دخلات فأعمااق اعماقو .. همساتلو:ها هي قدامك .. يلاه سير سير دوش (دوراتو لجيهت البيت و هي تقلبات غادة للكوزينة .. وبلعااني كاتحرك المؤخرة يميين شماال متأكدة راه واقف كايشوف فيها، هو بقا كايشووووف مستغرب حتى تقلب غادي جيهت البيت كايفكر شنو سر تغيرها)
كولومبيا المغرب الجزء السادس
محتوى القصة
التنقل بين الأجزاء