^^اصابع كبار كيدوزو على وجها رطيبطب بشوية..باسها فخدها..حتى رعشات بسبب لحيتو لي دگاتها فحنوكها..غمضات عينيها بتعب وهضرت بصوت فيه كمية كبيرة من النعاس..
هبة:اممم خليني نعس...عااافاك
هولاكو:نوضي اهبة خاصنا نمشو؟
هبة:نعس غير شوية..عياانة بزاااف
هولاكو:اوك غادي نزيدك 10 دقايق بينما درت اتصال..
هبة:(مسمعاتوش اصلا تخشات فلمانطة بحال لمشة وخلاتو ناض من مكانو حط تيلي على ودنو..وهضر:
هولاكو:صباح الخير..
لوكاس:صباح النور..يلاه كنت غادي نصوني ليك
هولاكو:غادي تهبطو لالمانيا؟
لوكاس:اه.حنا فطريق دابا..
هولاكو:اوك..حنا غادي نزلو لتركيا..من بعد نتلقاو فلمالديف..غادي تجو؟
لوكاس:وي...نضورو شوية فاروربا ونطلعو لعندكم
هولاكو:اوك..(قطع لاتصال ورجع عندها..حيد عليها لغطى وهزها بين ايديه مغيبة بقوة لعيا..دخل بيها لحمام..وبدا يرش عليها لماء حتى فزعات بلخعلة..شوية وتبكي عليه:
هبة:حشومة عليك..
هولاكو:الى مدرت هكا غادي تبقاي خامرة هنا
هبة:وراه عياانة...
هولاكو:(عصر حنيكاتها بيديه وبااسها فممها بجهد حتى تقطع نفسها وصحصحات بزز منها)
هبة:اوك..(خلاتو خرج وغسلات وجها وحالتها..قضات حاجتها..لبسات حوايجها..ونزلت لطابق تحتاني عندو..يلاه بدات تستكشف لمكان..هادا كولو جنااح؟؟حلات فمها بإعجاب ونزلت لعندو كان كيتسناها بلفطور..جرات كرسي وجلسات جنبو..كيهضرو على شهر لعسل لي اختار انو يدوزو بين تركيا ولمالديف ..كملو فطورهم بحب كبير..ورجعت طلعت جمعت حوايجها وامورها الشخصية..ونزلت لعندو..
هولاكو:واجدة؟
هبة:اه ولكين خاصنا نمشو لقصر نجيب حوايجي..
هولاكو:لا راه جمعو ليك حوايجك...
هبة:اوكي يلاه..(حط يدو فيدها وخرج في اتجاه طائرتو الخاصة)
فيليبس:(كيدوز صور العرس بين ايديه وودنيه كيسمعو لشخص لي جنبو)
الشخص:كيدار حتى تزوج مانعرف..
فيليبس:علاش متزوجوش فلكنيسة؟؟
الشخص:يمكن حيت لبنت مسلمة جابو فقيه للقاعة هو لي عقد لقران ديالهم...
فيليبس:(حط تصاور وشاف فيه)هاد القضية فيها شي حاجة مواضحاش..
الشخص:يعني؟
فيليبس:فقيه لي عقد القران ديالهم...ضروري تلقاه وتفهم لوضع..
الشخص:واخا اسيدي..
فيليبس:أيوة هي دابا شنو مازال كتسنى
الشخص:واخا(طار يجري من عندو وخلاه كيدوز التصاور بين ايديه)
•••••••••••••••••••
^^اسطنبول...مدينة لاحلام لبزااف.ديال لاتراك...لمدينة الاقتصادية وليست العاصمة لادارية للدولة...هنا كتلقى كلشي أجمل لمناظر وأروع لامكنة التاريخية..بلد غني بالتراث والتاريخ العريق...خرج من المتحف شاد ليها بيدها.. عينيها كيضورو فكل مكان..روعة الجو والطقس لمعتدل خلاها تبغي لمدينة لي جابها ليها...توجهو لمطعم قريب من لمتحف..وشدو مكانهم..طبلة عمرااات بمؤكلات شرقية وتركية بلخصوص..هبة كل حاجة كدوق منها شوية ...وتستطعم فمذاقها..بينما هولاكو ختار انو يبقى حارسها بعينيه..ومرة مرة كيتبسم من عفويتها وبراءة افعالها...سلاو غداهم..وتوجه بيها لساحة تقسيم...هنا اشهر ساحة معروفة بيها اسطنبول...جميع لجنسيات كيكونو هنا ولي عندو شي موهبة دفينة كيبينها...عزف على لالات والرقص بأنواعو...وأكل الشوارع لمشكل كلشي موجود لي حبة خاطرك تلقاه..دارو مزياان ودوزو أول يوم ليهم فتركيا بسعادة كبيرة...
مروى:(حلات عويناتها بتعب كبير...تعب الطريق وتعب لممارسة لي عاشتها لبارح خلاوها مهدودة..حيدات عليها لغطى..ووقفت قدام لبالكون ديال لغرفة وشهقات من روعة لمكان..أبنية اوروبية واراضي خضراء قدام عينيها ونظاافة فأعلى مستوى...حلات عينيها بلهفة وفرح...وبقات مراقبة الناس لماشية ولجاية..حتى بان ليها كوبل كيتباوسو من بعيد.قدام البشر لي كيدوزو من قدامهم عادي..غمضات عينيها بحشمة وحسات بيه حاوطها من جهة البطن..حط ذقنو على رقبتها ونطق:
لوكاس:إمتى فقتي؟
مروى:مااشي بزااف..
لوكاس:نخرجو نتعشاو؟
مروى:وااخا...لوكاس واش هاد الناس مكيحشموش؟
لوكاس:(بعدم فهم)علاش مالك؟
مروى:شوف كيتباوسو قدام لبشر؟
لوكاس:(تبسم على جنب)وراه عادي..انا وكنت كنحو••قدام بنادم..
مروى:(دغيا فهمات قصدو..دفعاتو بيدها ومشات تجري تقاض حالتها...لبسات بيل طويل مع سروال..وصبيبط مكياج خفيف وصايبت شعرها...وخرجت لعندو...ركبات حداه فلوطو...وبدا يضورها من هنا ولهيه وكل بلاصة كيوقفو عندها كيشدو صور ويعاود لوكاس لمروى على كل بلاصة...حسات بلعيا وطلبت منو يمشو يتعشاو..وداكشي لي كان..توجهو لمطعم وسط لمدينة..طلب لوكاس ليها ماتاكل بحكم انو لائحة الطعام كلها بالألمانية..تعشاو بهدوء تاام ومروى بداو يتسدو عينيها بتعب..لوكاس غير كيشوف ويضحك شد فيها مزياان.....كملو عشاهم وشرا ليها لاگلاص ..ورجعو لفندق ينعسو ويرتاحو شوية.
••••••••••••
^^اليوم هو ليوم لعاشر ليهم فتركيا...اخر يوم ليهم هنا..فلعشية عندهم الطيارة لمالديف يكلمو ماتبقى من شهر لعسل تماك...هبة فسوق واقفة شي 4 سوايع دابا..ماخلات ماشرات..هالحوايج هاالروايح هاالصنادل..هولاكو غير مسايرها...معرفش منين جاه هاد الصبر كلو لي خلاه يبقى غير تابعها وهي تعزل من هنا ولهيه...اخيرا قنعات وعيات وزاد عليها الجوع...جمع شيفور لحوايج وحطهم فلوطو...وخلاهم مشاو لمعطعم معروف وسط لمدينة...كملو ماكلتهم..ورجعو لاوتيل...لقاو حوايجهم مجموعين ومنضمين...نزلو ليهم لفاليز..وتوجهو لمطار مخصص بطائرات الخاصة لرجال الأعمال وشخصيات المعروفة...ركبو فطائرة...وبدات تحلق فسما في اتجاه جزرلمالديف لغنية عن التعريف..بينما هبة ختارت انها تحط راسها على كتف هولاكو وتستسلم للتعب وتنعس.)
^^شواطئ نقية وصافية صفاء السماء...لونهم كيبان بشكل واضح ومدرج...مفيهمش امواااج مجرد صوت لبحر المعروف فقط...شميشة دافية ومنازل على شكل اكوااخ عصرية مجهزة باحدث التجهيزااات..شاد ليها بيدها...وماشيين جنب لبحر..لابسة كسيوة نص فساااق..وحاطة كاسطيطة فوق راسها..لمكان خااوي هوما بعض لاشخاص فقط عندهم لمقدرة يدوزو عطلتهم فهاد لمكان...توجهو ليخت لي موجد ليهم...وطلعو فيه..هبة غير كتشوف وتبحلق فهاد لمكان لمهدن ونقيقي..بينما هولاكو ساارح فيها وعينيه كيطلعو فيها ويهبطو..وهاد النظرة مغريباش على هبة..شافت فيه وقرات الشي لي فبالو دغيا:
هبة:ماشي هنا اهولاكو...حشومة
هولاكو:(بدا يقرب ليها)شنو لي حشومة!!
هبة:داكشي لي فبالك..عيب ريس هنا اهولاكو...
هولاكو:(دور وجهو فيه شافو كيسوق ليخت..رجع شاف فيها وجر رجليه لعندها ..دغيا فهمات الشي لي فراسو وهربات تجري كتضحك..جرها من دراعها وخشاها فيه..مزير عليها من جهة الضهر وكيهضر فودنها:
هولاكو:فين حدك تهربي مني...
هبة:هولاكو عيب...الراجل كيشوف..(محساات براسها حتى هزها بين ايديه وتم غادي بيها لكاب لتحت لليخت..حل لباب..وحطها فوق الناموسية...بقا شحال ناعس فوقها كيشوف فعويناتها كيرمشو بزربة...عوينااات رماديين كبار تحير فلونهم...قرب منهم وبااس عينيها بشوية عليه...رجع حط صبعو على وجها كيلمس كل شبر فيه...كيحفظ ملامح وجها وتفاصيلو...قرب من شامتها لجنب فمها وباسها فيها..بقا شحال كيشوف فيها ويدو كتسارا فوجها..قرب من فمها وغطس فيه. هو يجر وهي تجر...لوات ايديها على عنقو..وسايراتو فشي لي كيعمل..بدا ينزل صميطات لكسيوة حتى زولها ...وغطس فصدرها يبوسو بشوية عليه جاب ليها تبوريشة..مدة ويديه وفمو كيتساراو فصدرها حتى خرجها عن طوعها وجننها خلاها تتلوى تحتو...محسات براسها حتى تحط فوقها بوعلام كيدوز بشوية عليه الشي لي خلاها تطلب منو يرحمها ويبرد النار لي شعل فيها...دغيا حسات بيه ستقر فمكانو وشد طريقو فرحمها...مدة وهوما مغيبين فعالمهم الخاص..حتى بدات تحس بلعيا وترغبو يتوقف عن الشي لي خلق فيها)
^^طاولة مقاضة..وأكل مشكل ومرتب بطريقة زوينة..مشات تجري لكوزينة جبدات الشراب وحطاتو..سمعت صوت الجرس..تنفست الصعداء ومشات تحل لباب...بمجرد محلاتو ترمات عليها تبوس وتعنق..مدة وهي غايبة عليها توحشاتها بزااف:
جيلين:ماما توحشتك..
جاسمين:حتى انا ابنتي...
جيلين:دخلي...(دخلات جاسمين وشدات مكانها)
جيلين:(باست لوك فمو وخلات يدخل هاز گاطو بين ايديه)
جاسمين:دار زوينة بدلتو فيها بزااف(كدور عينيها فالدار)
جيلين:اه كلشي ختارتو انا ولوك
لوك:متقوليش ليا هادشي نتي لي مطيباه..
جيلين:ااه..دوقو وردو عليا..
لوك:الشكل بعدا كيشهي(جيد طبسيل وحط من كل حاجة شوية...اول لقمة بسيف قدر يصرطها تبسم بزز منو وسكت بينما جاسمين ماقدراتش تصرطها دغيا دفلاتها...)
جاسمين:بنتي غير بعدي من شي حاجة سميتها لكوزينة حسن
جيلين:علااش؟واش خايب؟(داقت حتى هي ومشات تجري دفلاتها...بينما لوك وجاسمين شدتهم هستيرية ديال الضحك..وقلبوها بيتزا طلبوها من برا)
•••••••••••••••
^^وقفات جنب لكوخ كتسناهم يوصلو لابسة كسيوة حمرة مع صبيبيط هابط وشعر مطلوق على طولتو..حساات بيه حط يديه على خصرها وباس عنقها..
هولاكو:دابا يوصلو...(بمجرد ماكمل كلامو شافهم داخلين مع لممر لي كان فوق لما...بمجرد ماشفتها داخلة مشاات تجري عندها وترمات عليها كتعنق فيها..بينما هولاكو كتفى بسلام روجولي مع لوكاس)
مروى:توحشتك يازبل..
هبة:حتى انا..زيدي خلينا ندخلو...(دخلو لوسط لكوخ لي كانت فيه سفرة موجدة ومرتبة...بداو فلعشى وسط اجواء هادئة وسعيدة كلها كتعاود لوخرا على هاد لفترة لي دوزات والشي لي شافت فلبلاد لي كانت فيها...كملو ماكلتهم...ومشات مروى مع لوكاس لكوخ ديالهم...وتافقو غدا يخرجو مجموعين.)
فيكتوريا:(سالات سهرتها مع بعض نساء لوسط وتوادعت معاهم امام لقصر...كانت منضمة عشاء اروستقراطي لسيدات لمجتمع...توادعات معاهم قدام لقصر وبقات شحاال واقفة قدام لباب حتى شافتهم غبرو ..بمجرد ماجات تدخل..شافت مجلد محطوط جنب لباب...دورات وجها يمين وشمال وبقات شحال كتشوف فيه...قررت انها تهبط تهزو وبدات دورو بين ايديها بعدم فهم سدات لباب وتوجهات لوسط الصالة...حلات لمجلد وبدات تشوف الصور بين ايديها كدوز صور هولاكو وهبة ديال العرس...مفهمات والو ولكين دغيا حلات فمها بصدمة وخرجات عينيها بخوف كبير خصوصا ملي شافت صورتو..جالس على كرسي وكيشوف بشكل مباشر فجهة وحدة...بداو يديها يترعدو...وحسات بقلبها غااادي يسكت ...دغيا رجعت الصور للمجلد وسداتو طلعت تجري لبيتها...خبات لمجلد فواحد لمجر عندها وسدات عليه..وشدات فقلبها لي غادي يخرج.
••••••••••••••
هبة:^^كانت اخر وحدة تفيق...سمعات صوت تيلي كيصوني..حطاتو على ودنها وجاوبت بصوت غالب فيه النعاس:
هولاكو:صباح الخير...
هبة:صباح النور...(بصوت غالب فيه النعاس)
هولاكو:مازال ناعسة؟
هبة:شوية..
هولاكو:نوضي خلينا نفطرو مجموعين..
هبة:واخا دابا نلحق عليكم..(قطعات معاه الاتصال ومشات توجد حالتها...)
هولاكو:'(جالس مع لوكاس قدام ميدة فيها لفطور مشكل)
لوكاس:شفتي الدنيا شحال غريبة..شكون يقول غادي نتزوجو ونبدلو الدين ديالنا...
هولاكو:ملي فتحتي هاد لموضوع...فأنا كنفكر نبدل هاد لعالم لي حنا فيه
لوكاس:بمعنى؟
هولاكو:طريق لي حنا فيها غادي نبعدو عليها...شركة لادوية والإنتاج تبقى خدامة...وطريق لوخرا نسدوها علينا
لوكاس:داكشي لي كنت كنفكر فيه.
هولاكو:(رجع ورا لكرسي ونطق )نرجعو من هنا ونسدو علينا هادلموضوع
لوكاس:اوكي..(دور وجهو لجهة لوخرا شافهم جايات معانقات..تبسم وشاف فهولاكو لي كان حتى هو ساهي فيها تبسم على جنب وبقا مراقبهم حتى جلسو جنبهم)
^^دغيا دازت 10 ايام عليهم...دوزوها بسعادة كبيرة ورومانسية كبيرة..طائرتهم على وشك لاقلاع...مروى مخشية فلوكاس وهبة حاطة راسها على كتف هولاكو ...مشاركين لحديث ومرة مرة كيضحك هولاكو من مغامراتها فاش كانت صغيرة..ساعات طويلة فالطريق..خلاتهم ينعسو من تعب الطريق..بعد ساعات اخرى فسيارة وصلو للقصر لي كان في استعدادهم..سلمو على فيكتوريا لي مكانتش فوضعها الطبيعي حالتها مكطمنش..طلعو لبيتهم لي كان موجد ومرتب ليهم ..دخلو ليهم لفاليز لي دريسينغ روم وبداو يرتبو ليهم لحوايج..بينما هولاكو وهبة كل واحد فيهم دخل لحمام يدوشو يرخو عظيماتهم ويرتاحو من تعب الطريق..خرجات من الدوش..نشفات شعرها وتخشات فمكانها بتعب كبير...غمضات عينيها وستسلمات لتعب الطريق حتى حسات بيه تخشى جنبها..حاوطها بيديه وحط وجهو على راسها كيستنشق ريحتها...
••••••••••
(تسريع لاحداث)
لأيام كيدوزو بزربة..ولوضع هادئ لحد الساعة...هادي شهرين على زواجهم...هولاكو ولوكاس تخلاو على عالم لمافيا لي كانو فيه ختارو طريق نقية بعيدة عن الشي لي كانو فيه..خصوصا دابا ملي تزوجو وبداو يكونو اسرتهم..خصوصا لوكاس متحمس بشكل كبير لبيبي لي غادي يجي فطريق...خصوصا مع حمل مروى لمفاجئ...واخا مازال صغير يلاه عندو 15 يوم..فرحان بشكل كبير ومقاداه فرحة ..كيختار لاسماء من دابا واخا مازال ماعرف جنس لجنين ولكين فكرة انو يكون عندو بيبي حاجة كتخلق فيه نوع من لهفة ولفرح ولخوف...
مروى:انشاء الله ياربي..(حطات راسها على كتفو وتبعو لفيلم)
••••••••••••••
فيليبس:(كيسمع بتركيز شديد للشخص لي معاه)
الشخص:على حسب ماشرح ليا لفقيه مايمكنش يتزوج مسيحي بشي مسلمة الى مابدل دين دياالو..وهكاك لاش غير دينو بااش يقدر يتزوج بيها..
فيليبس:(تبسم على جنب)شهاااد الحب لي نزل عليه
الشخص:السيد كيعشقها..ولكين لي مافهمتوش هوما الاتفاقيات ديال سلاح ولحشيش لي لغى..
فيليبس:اكيد عندو سبب خاصك تعرفو..
الشخص:سيدي ملي خوا علينا الساحة..خلينا نبعدو منو..هو فطريق وحنا فطريق..الشي لي بغيناه وقع بلا نقطة دم..كلشي تخلا عليه...حسن نرجعو لور..
فيليبس:نتا مافاهم واالو...لقصة ماشي قصة خدمة بوحدها..لقصة كبر من هكا.
هبة:(شوميز فلون لاسود حريري لملمس..رسم اعضاء جسمها بشكل واضح..شعر مسرح على طولتو ولمسات خفيفة من لمكياج..رشات نفحات بسيطة من العطر...وجلست فوق السرير بتوتر...متحمسة تشوف ردة فعلو..حسات بيه حل لباب..دغيا وقفات من مكانها..وشافتو دخل...كيتفحصها مزياان..رسم بسمة مكر على شفاهو..وتوجه لعندها...غادي ياكلها بعينيه...قبلات على خديها..ووحدة في فمها خلاتها...تهز صباع رجليها وتندامج معاه فيها...تقطع نفسها ونزلات رجليها كتلتاقط انفساها من جديد...
هولاكو:(كيلمس شعرها ويدو لوخرا مدورها على خصرها)شي نهار غادي ناكلك..(حط فمو على عنقها ومص دمها حتى بانت فيها لطخة مجموع فيها الدم..الشي لي بنجها...وخلاها تغمض عينيها حتى يسالي على خاطر خاطرو..حسات بيه بعد من رقبتها ورجع لودنها مص لحمت أذن ديالها وهمس فيها بصوت خفيف...
هولاكو:شباليك ناكلك شوية...نهار كولو غايب عليك...
هبة:(كانت غادي طيح من بين ايديه لولى تحكمها فنفسها..كحزات شوية وشافت فيه...)بغيت نهضر معاك!!!
هولاكو:(قرص حواحبو بعدم فهم)شنو؟؟
هبة:(جرات ليه يدو..وجلستو فوق السرير وجلست جنبو كتلعب بصباعو لكبار ومعرفاش من فين تبدا)
هبة:يعني...حاملة ..مازال خاصني نتأكد غدا انشاء الله غادي نمشي مع مروى لعند دكتورة ولكين احتمال كبير نكون حاملة..
هولاكو:(كيحس بقلبو غادي يخرج بلفرحة..معقلش على راسو حتى جرها لعندو عصرها بين ايديه غادي يخنقها...كيبوس كل مكان فيها بفرحة..ماعرف مايقول..حط يدو على بطنها..وتبسم بفرحة كبيرة...حركاتو وافعالو خلاتها تنزل دمعة من عينها بلما تحس بيها..حطات يدها على فمها ومشات تجري لطواليط وهو تابعها كيجري...حطات راسها على لابابو وبدات ترد..بينما هو جمع ليها شعرها بقبضة من يدو ووقف جنبها خايف عليها...حتى فرغات امعائها عاد رتاحت نسبيا...غسل ليها وجها بلما ونشف ليها حالتها:
هولاكو:مالك؟شنو كيضرك؟
هبة:لا راه عادي..حتى لمرة لي فاتت وقع ليا بحال هكا..
^^حطات ليها جيل فوق كريشتها وبدات دوز عليه واحد لالة...هولاكو واقف جنبها وكيشوف فتلفازة لي جنبهم...شاد ليها بيدها وعينيه كينقطو بلفرحة..
دكتور:اوووه شحال صغير..هادا يلاه يمكن تكون عندو شي 10 ايام دابا أولا كتر بشوية..
هبة:(تبسمات ليها وعينيها فتلفازة)
هولاكو:كلشي عندها مزيان؟
دك:لحد الساعة كلشي مزيان..غادي نعطيك غير دوا كيخفف. من لوحم شوية وكترة الردان..(بدات تمسح ليها فكرشها وكتعطي ليهم نصائح خاصهم يتبعوها..كلشي عندو علاقة بصحة الجنين وسلامتو ..سالاو ومن عندها ونزلو لعند لوكاس ومروى لي كانو كيتسناهم:
لوكاس:تعطلتو..واش كلشي مزيان.
هولاكو:وي الحمد لله.
لوكاس:ايوة يلاه نتغداو مجموعين
هولاكو:اوك سبقونا هاحنا وراكم(ركب فلوطو وهبة حداها..شادة ليها بيدها خايفها لاتهرب ليه..مرة مرة م
كيدور عندها ويسرق منها بوسة بلخف..واصل لقمة سعادة..زايد صوت ديسك لي حاط..ويدها جارها لعندو ومرة مرة كيسوق بيها..وصلو لمطعم..ونزلو مجموعين..سعادة هاد الرباعي كتبان من بعيد..كلشي غادي احسن من المتوقع..فرحانين بلمتهم وحياتهم لجديدة...جلسو فلمطعم..وبداو.يهضرو وسط حديث مليئ بالضحك ونقاشات..
مروى:هولاكو كنت كنهضر انا وهبة قبيلا غادي ندخلو لسونتر لغات..مكنعرفوش نهضرو روسية وهادي فرصة لينا نتعلمو..
هبة:(حيدات يديها منو بزعفة..وناضت بزعفة في اتجاه طواليط..خلاتو مراقبها بعينه حتى دخلات)
لوكاس:رخف..اصاحبي..هاد لفترة كيكونو حساسين بزااف
مروى:ااه لوكاس عندو لحق..راه يقدر يطيح لبيبي بقوة الأعصاب
هولاكو:(قلبو تعصر عليه..فكرة انو يفقد طرف منو ماقادرش يتخيلها..جر لكرسي..ومشا لعندها لجهة طواليط..حلو عليها ودخل غير مبالي بنظرات لي كيشوفو فيه)
هبة:(كتنشف ايديها..شافتو جاي لعندها ودورات وجها لجهة لوخرا..حسات بيه جرها لعندو وعصرها بين ايديه خلاها غير كتشوف)
هولاكو:لي بغيتي غادي نديرو ولكين غير فترة وترجعي تقرايا فالدار...تفاهمنا...(حركات ليه راسها بلايجاب..ورجعو خرجو في اتجاه السفرة لي كتسناهم)
^^^4 اشهر دازو بزربة...لكريشة بدات تبااان...ولوحم مازال قاهرها..كل مرة كتوحم على شي حاجة جديدة...ومروى كتر منها..ولي ضربهم ضربهم على ماكلت لمغريب...لدرجة ولاو ساكنين عند مطاعم خاصة باكل مغربي...هاهو شيفور كيتسنى...
هبة:(جمعات شعرها لفوق ولبسات سروال دجينز مع بيل طويل..هزات صاكها بعدما دارت فيها ستيلو ديالها ولاجوندا..رشات من ريحتها وشافتو خارج من دريسنغ روم صايبات ليه لكرافاطا....وباستو فمو..بمجرد ماجات تمشي..حسات بيه جرها:
هبة:أيوة جمعي راسك شوية..انا بعدا جاني لوحم على هولاكو الى مانعستش واكلة لحلوة معاه نحمااق ..حتى من حوايجو وليت نشمشم فيهم هه
مروى:هههه هايجة ديلمك(وقفات بيهم لوطو وتوجهو لسونتر هادي مدة وهوما يقراو هنا...ولكين بشروط ممنوع يقرب ليهم شي حد خصوصا من جانب الذكوري..عندهم 4 سوايع متواصلة فلتعليم للغة الروسية..
هبة:(حسات بتقيا من جديد..خرجات من عندهم..وتوجهت لحمام...ردات فطورها كولو..وبدات تشد انفاسها...مكانتش منتابهة لشخص لي كان وراه..بمجرد ماطلعت عينيها فيه..حسات بشي حد حط على نيفها شي زويف...حتى تسرسبات بين ايديه)
البنت:(حطات تيلي على ودنها وهضرت بسرعة)طلعو دغيا...انا فطواليط رقم 4...سلعة بين ايديا..(قطعت لاتصال وجراتها لاحد لمرحاظات وسدات لباب)
^^جمع اوراقو وبعض لادوات محطوطة فوق مكتب ديالو..طلب منهم يديرو بحث على لموضوع وأذن ليهم بالانصراف...ركز عينيه على مروى لي كانت كتشوف يمين وشمال بطريقة كلها خوف ورهبة..شاف فيها ونطق:
الشخص:مروى ياك لاباس مالك؟
مروى:هبة تعطلات هادي نص ساعة باش مشات لطواليط ومبقاتش بانت
الشخص:غادي تكون رجعت لدار
مروى:مايمكنش...صاكها خلاتو؟؟
الشخص:(بقلق)نمشو نشوفو طواليط..اكيد غادي تكون هنا ماعندها فين تمشي...
مروى:(جمعات صاكها وهزات صاك هبة معاها..وخرجت مع الشخص كيقلبو عليها...جميع لمراحيض دازو عليهم واحد ورا لاخر ..كيقلبو هنا ولهيه...ملقاوش ليها اي اثر..تقول تشقات لارض وصرطاتها...مروى طاح ليها طونسيون بقوة لخلعة شداتها السخفة الشي لي خلا الشخص لي معاها..يجلسها فوق كرسي ويرش عليها ...ما عرف مايدير..الا عرف هولاكو بلي مراتو مكيناش غادي ينحرو..بسيف قدرات مروى تفيق...عطاتها لبكى وتعرنين ماعرفت مادير...صونات على فيكتوريا تسولها عليها...ولكين اكدات ليها بلي مازال ماجات..الشي لي خلاها حتى هي تبكي وتغوت خايفة لايكون الشي لي فبالها صحيح...الدقائق كيدوز على مروى بسرعة..كيدير تعلمو بلي هبة مكيناش؟شنو غادي تكون ردة فعلو؟؟ويكدير توصل ليه لخبر؟وسؤال لاهم فين هي هبة؟..بعدما شجعات راسها قررات انها تتاصل بيه وتعلمو واخا معرفاش الشي لي غادي يطرا من بعد..حطات تيلي على ودنها..وسمعت صوتو:
مروى:هولاكو..!!
هولاكو:وي مروى مالك؟
مروى:هئ هئ هبة...هبة معرفتش فين مشات هئ
هولاكو:(ناض من وسط لاجتماع عينيه خارجين بخوف ورهبة كبيرة اول مرة يحس بهاد الشعور)شنو؟؟مااال هبة؟؟
مروى:هئ هئ ...والله ماعرفت كنا جالسين كنقراو(بدات تعاود ليه وقلبو كيزدح مع كل كلمة كتنطق بيها مروى..لوكاس قدر يفهم بلي واقعة شي حاجة الشي لي خلاه يطلب من لاعضاء ينصارفو..ورجع وقف قدام هولاكو كيتسنى يعرف لجاري)
^^بقات شحاال واقفة قدام لمرايا.. ليوم غادي يتحدد امكانية انجابها اولا لا...6 اشهر ديال الزواج غادي تكمل فرحتو بشي بيبي ينور عليهم حياتهم او لا... سمعت صوتو كينادي عليها:
لوك:حبيبة سربي دغيا راه تعطلنا
جيلين:(مسحة دمعة نازلة مع خدها بزربة..وبدات تخبي الم وتعب وقلق لي بارز على وجها بلمسات خفيفة من لمكياج...خرجات من لحمام..وهزت تيلي ديالها وصاكها..ونزلت لعند لوك لي كان كيتسناها فلوطو:
لوك:تعطلتي بزااف...عاد صونات عليا طبيبة كتسنانا..
جيلين:(الصمت)
لوك:(دور وجهو عندها)مااالك؟شنو واقع؟
جيلين:وااالو...
لوك:(وقف لوطو وشاف فيها شد ليها بيدها ونطق)حبيبة بغيتك تعرفي حاجة وحدة..كنبغيك وكنموت عليك..وأي حاجة غادي توقع فمغادي تغير واالو عندي اوك بيب..(باسها فجبهتها..ورجع عفط على لوطو في اتجاه لعيادة..شدو مكانهم فمكتب دكتورة لي دخلات عليهم..سلمات عليهم..وستهلات حديثها برفع معنوياتهم:
طبببة:خاصكم تعرفو واحد الحاجة..لولاد نعمة من عند الله كيعطيها لأي واحد بإذن ديالو...شحال من وحدة جاتنا مكتولدش وفرج ليها ربي وعطاها وليدات.
جيلين:وضعي؟؟؟
دكت:جيلين تحاليل ولفوحصات لي خضعتي ليهم..اكدت لينا بلي كنتي مدمنة على مادة مخدرة وسامة لمدة طويلة حتى سرا مع دمك...ونقدر نقولك بلي خلا احتمال حملك ضئيلة بزاااف...
جيلين:(حطات يديها على وجها وبدات تبكي)يعني بسبب غبائي دمرت حياتي هئ هئ
لوك:(جرها لعندو ودخلها فصدرو )متبكيش...عااافاك
دك:سمحوليا على هاد الهضرة ولكين احسن حاجة اني نحطكم فصورة...خرجي موضوع لولادة من بالك اجيلين..هاكا ترتاح نفسيتك ومتبقايش كتخمي كتر
لوك:شكرا دوك(جر جيلين تحت دراعو وخرجها في اتجاه لوطو..كتبكي وغير مصدقة بلي غادي تحرم من احساس لامومة.)
هولاكو:(قلبو غااادي يسكت بلخلعة معارفش شنو يدير..كيضور فكل شاارع وفكل زنقة..رجالو مشتين فكل بلاصة..كيقلبو فكل قنت عليها..لبوليس والمصحات كلشي خدام...حس براسو غادي يحماق..لوكاس معاه كيحاول يكالميه ليل طااح والساعة تشير الى 2 ليلا..عياا وقلبو كيضرب بخلعة مرتو وابنو مخطوفين ومعارفش فين..ياك تخلا على اي حاجة لي تقدر تاذي عائلتو..ياك تخلا على عالم لقتيلة والدم...علاش كينبشو عليه ويقلبو على لوحش لي فيه...وصلو لقصر..بخيبة كبيرة..جر رجليه بضعف والم..غادي يقلب عليهم واخا يكونو فسما ولا تحت لارض..شافتو داخل مكيشوفش قدامو..منتابهش لحالتها المتوترة والخايفة والباكية...جر رجليه لبيتو...نصل رحوايجو ودخل تحت رشاشة...راسو حاطو على الحيط لي جنبو ولماء مهود ليه على جسمو غمض عينيه...وشافها قدام عينيه...ضحكتها وحركاتها وافعالها كل شي كيتفكرو...شنو باغاو فيها؟؟علاش يحرموه منها...ضرب يدو بجهد مع الحيط وغمض عينيه ورجع حلهم..جمع غوباشتو وقرص بعينيه بغضب..هوما لي جبدوه..هوما لي باغوه يرجع يتبنن فلحهم ويشمشم ريحة دمهم...جر لفوطة بيدو ودخل ينشف راسو...
فيكتوريا:(وضعها اكتر من مزري..عينيها ورمو بلبكى..خايفة لايكون الشي لي فبالها صحيح..)ملقيتوهاش؟
لوكاس:لا...رجالنا مازال كيقلبو...ولبوليس حتى هوما
فيكتوريا:(شافت فيه شحال ورجعت نطقت)لوكاس..انا خايفة من واحد الحاجة لاتكون صحيحة؟
(تسمع صوت وراهم نطق بحدة ولغة امرة)شنو بغيتي تقولي؟
هبة:(بدات تحل عينيها بصعوبة شديدة...حسات بردان والجوع كيقطع مصارنها...قلبها كيضرب بسرعة...كتحاول تفك ايديها لي مربوطين مع الكرسي لي جالسة عليه..حسات بيهم حلو عليها لباب ودخل عليها راجل كبير فلعمر..كيعرج وعكازو فيدو...شعل عليها ضو..ووضاحت ليها الصورة...كانت فبيت بااارد بزااف نازل مع سقفو بولة خيطها طويل واصل ليها...ريحة ليصانص خنقاتها...حسات بيه جر كرسي وجلس مقابل معاها...
هبة:شكون نتا:؟شنو بغيتي فيا؟؟لاش جبتني هنا؟؟؟
فيلبس:(هضر بشوية عليه وبقمة لبرود)كنشم ريحة لخووف..
هبة:شنو بغيتي فيا.؟؟؟..
فيليبس:(شاف فكرشها)شهرك 4
هبة:(ستغربات من معرفتو بحملها وحتى بشهرها..دب فيها لخوف والرهبة)شكون نتااا...
فيليبس:عزرااائيل....
هبة:(ختارت انها تضرب الطم وتسكت...باينة فيه ماشي من النوع لي كيدي ويجيب فلهضرة)
فيليبس:(شير ليهم بيدو ..ودخل شخص هاز صينية بين ايديه..فيها لعشا و طرف ديال لكيك ديال شكلاط..حطوه قدامها وبقات كتشوف فيه)سمعت بلي كتوحمي على شكلاط
هبة:(حلات عينيها برهبة وخوف...من فين خرج ليها هاد السيد باينة كيعرف اي حاجة عليها)
فيلبس:(طلب منهم يحلو ليها ربطة ايديها...وجرو ليها لبلاطو..بدات تاكل بلما تحس..الجوع لي فيها خلاها تغيب..تاكل وتبنن حتى بدات تغمض عينيه ورجعت سخفات...رجعو ربطو ليها ايديها مع الكرسي وخرجو.
••••••••••••••
فيكتوريا:(ناضت من مكانها مخلوعة..ماعرفت باش تبدا وشنو تقول...شافت تقدم لعندهم...جلس مقابل معاها)
هولاكو:هضري كنسمع..
فيكتوريا:(جلسات بشوية عليها وقلبها غادي يسكت..غمضات عينيها ورجعت حلاتهم تشجعات ونطقت بصوت خفيف)ولدي..الشخص لي قتل بااااك...رجع من جديد.
هولاكو:(قرص حجبانو بين عينيه بعدم فهم...شاف فيها بنظرة غريبة كدل على عدم فهمو..)بمعنى؟؟
فيكتوريا:(شجعات راسها وشافت فيه خاصو يعرف لكاين..واخا خبات هادشي سنين ولكين جا لوقت لي يعرف لكاين..واخا عارفة راسها غادي تحل عليها بواب جهنم ولكين لقضية كبرات وحفيدها فنص..شافت فيه بنظرة مطولة ونطقت:
فيكتوريا:ولدي قبل مانقول ليك أي حاجة عرف بلي لخوف هو لي سيطر عليا..كنت خايفة تدخل. راسك فهاد لقضية ونصدق مفرطة فيك..هاكاك لاش خبيت هاد لموضوع سنين هادي.
فيكتوريا:باباك تقتل فحادث سير مدبر ليه..والسبب هو واحد لاتفاقية كانت بينو وبين عمك!!
هولاكو:(جمع غوباشتو بعدم فهم)عمي؟؟
فيكتوريا:ااه عندك عم..واخا عمرك شفتو ولكين هو كيعرفك..
هولاكو:وعلاش عمرو مجا لعندنا؟؟؟
فيكتوريا: لخلااف لبينو وبين لاب ديالك..(سكتت شحال ونطقت)هو لي قتل باباك..بعدما عرف بلي هاد لاتفاقية ولات لباباك دبر ليه حادث سير..وماشي غير هكا حاول يشد الشركات ولمعامل وأي حاجة كنمتالكوها..ولكين مقدرش حيت كانو رجال ورانا..غادي يتضرو حتى هوما ابر مشا كلشي..
هولاكو:(غير كيشوف فيها مصدوم ماعرف باش يجاوب..الصدمة كانت قوية عليه بزااف..هاد السنين كاملة كيقلب على الشخص لي قدر يحرمو من لاب ديالو وفلاخر يطلع عمو لي عمرو سمع عليها شي حاجة حتى لدابا)
لوكاس:وشنو علاقة هبة بهاد الشي؟؟
فيكتوريا:لوقت لي كنتو فشهر العسل صيفط ليا واحد المجلد فيه صور ديالكم..احتمال كبير يكون هو لي ختاطفها..ملي رجع هاد لوقت فعندو شي حاجة فبالو(ناضت من مكانها وطلبت منهم يتسناوها تجي..توجهات لبيتها جبدات المجلد ونزلت لعندهم..حطاتو قدامو وخلاتو كيحل فيه بعصبية وغضب...جر الصور وبدا يدوزهم بين ايديه حتى وصل صورتو..بقا شحال كيشوف فيه..كيدي من باباه شوية الشبه باين...كمش صورة بين ايديه وناض صاعر...قلب طبلة لي قدامو برجلو حتى تهرسااات...لي قدامو كيشخشخها...فيكتوريا مشات تجري ورا لوكاس وتخباات ..عارفة ولدها فاش كيوصل لهاد الحالة..
هولاكو:(وجهو تلون وعروقو تنفخو كيصرخ باعلى صوتو ويهرس اي حاجة فطريقو)مخبية على ديلمي هادشي كولو...مخلايااني كنقلب على هاد زا••سينين هادي..
فيكتوريا:(كتهضر من ورا لوكاس وتبكي)هئ هئ خفت عليك...خفت عليك اولدي...
هولاكو:(ضرب لفاز مع زاج ديال الجردة حتى تهرس..وشاف فيها كيتنفخ ويتفش..معندوش لوقت لمعايطة معاها..علم الله شواقع لهبة دابا...خرج من عندها صاعر ولوكاس وراه.)
هولاكو:(ساايق لوطو بجنوون كتشوف غير دخان وراه..مقادرش يتحكم فيها بالو ماشي هنا...لقصة لي تحكات عليه كضحك عمو لي قتل بااه وهو مفراسو والو..واحتمال كبير يكون هو لي خاطف مرتو...عفط على لفران بجهد حتى تحردو روايض..وبقا كيشوف بشكل مباشر..كيرجع لاحداث وسينة شوية بشوية حتى تأكد بلي هو لي ضرب هبة برصاصة لمرة لي فاتت اكيد باغي ينتاقم منو بيها...سمع صوت لوكاس كيهضر معاه:
لوكاس:هولاكو..هولاكو ماالك؟؟؟
هولاكو:هو لي كان غادي يقتلها لمرة لي فاتت..اكيد غادي تكون واقعة ليها شي حاجة دابا
لوكاس:شنو غادي نديرو دابا..
هولاكو:خاص نعرف هاد زا••علاش كيقلب؟؟؟.خاص رابور ديالو كولو يكون عندي..،
لوكاس:واخا انا نصيفط صورتو لرجالنا..وحتى لبوليس الى مسجل عندهم..
لوكاس:(صرط ريقو وسكت..اول مرة يشوف صاحبو بهاد الحالة...)
هولاكو:(عفط على لوطو ورجع طاار بيها...عقلو غادي يخرج من مكانو..خاصو يلقااه بأسرع وقت..مرتو ولدو فخطر كبير خاصو يتحكم فراسو واعصابو حتى يلقاه...توجه لمستودع وجمع رجالو..عطاهم صورة فيليبس ورمى ليهم اوامرو يقلبو عليه فأي بلاصة لمهم هو يجبدوه ...رجع لوطو ديالو ورجع لعند فيكتوريا بعدما تهدن شوية..باغي يعرف اي حاجة على هاد الشخص!!!
••••••••••
هبة:(بدات تحل عينيها بصعوبة شديدة..كتحس بعدم الراحة خصوصا فوق هاد الكرسي لي ليل كولو جالسة فوقو...كتحس بضهرها غادي يتقسم..وكريشتها كضرها..السخف والرعدة كلشي تجمع عليها..ريقها نشف..حتى من فيتامينات لي كانت كتشرب هادي يومين مبقات شرباتهم...سمعت صوت عكاز قريب لبلاصة لي هي فيها...تحل عليها لباب وحسات بيه وقف قدامها...سمعت صوتو كيطلب منهم يحلو ليها ايديها...بداو يفكو ايديها لي تصور فيهم لحبل...حسات بيهم جروها من دراعها وتمو غااديين بيها...مغمضين ليها عينيها بشال كحل وجارينها لوسط مكان اخر...جلست فوق كرسي...وحسات بيهم رجعو.ربطوها من جديد...كتحس بضو مضروب فعينيها...معرفاتش فين هي وشنو جاري جنبها..ولكين دغيا فهمت لواقع ملي سمعت صوت كيطلب منهم يوجهو لكاميرا لجهة وجها بشكل مباشر.)
هولاكو:(راسو غادي ينفاجر وقلبو غادي يسكت...هادشي بزااف عليه...مازال ماقدرش يوصل ليه...رجالو دايرين خدمتهم ولبوليس حتى هو ولكين لحد الساعة مازال مبان والو...تسمع صوت رسالة وصلات ليه..جبد تيلي من جيبو بعدم اهتمام..وشاف بلي رسالة عبارة عن تسجيل فيديو..حل لفيديو وقلبو مكانش مهنينه...داكشي لي فبالو تأكد ليه ملي شافها مربوطة فوق لكرسي..شعرها مرمي قدامها..وكريشتها باينة شوية...حوايجها مغبرين وعينيها مربوطين بلحاف...تسمع صوتها صرخات بألم فاش جرو ليها شعرها...الشي لي خلاه ينوض من مكانو بخوف شديد وغضب كبير...سمعو هضر بهدوء شديد:
فيلبس:عندك الدووق اولد خويا...(ركزات عليه لكاميرا...جالس مقابل معاها كيشوف فيهم كيجرو شعرها وهي كتبكي. وتغوت...جبد سيگار وشاف فلكاميرا وهضر ببرود...
فيليبس:متخااافش غادي نحطوها فعينينا
هولاكو:(هضر بهستيرية)متقيصهاااااااش الزا•••..متقيصهااااش....بربي حتى ندفن ديلمك...بربي حتى نشرب من ددمك...
فيلبس:يمكن تكون وصلاتك لخبار شكون انا...اكيد علماااتك الزعرة...وقالت ليك شحال من حاجة غايبة عليك..ولكين عارف بلي كتسول راسك شنو بغيت من عائلتك ولاش ختاطفت هاد تيتيزة لي عندك؟؟
هولاكو:(جلس فوق لكرسي وجمع غوباشتو..وركز معاه)
فيليبس:(نفخ دخانو ونطق)عقلتي على واحد لولد سميتو جوزيف..عقلتي على لاسيد لي خويتي عليه ولحمو لي رميتي لكلاب...عقلتي على طليب والرغيب لي طلبك ترحمو وتخليه يمشي فحالو ومبغيتيش...(قرص حجبانو بكره شديد..وهضر بتحدي)هاااداك ولدي...ولدي لوحيد...حرمتيني منو وحرمتي مراتو ولدو فلكرش منو...كملتي حياتك وخليتيني انا كنتشوى عليه...قلبي كيحرقني كل دقيقة عليه...ولكين هاد النار غادي نطفيها ملي نخلي تعادل يكون بيناتنا...كيما تشويت غادي تشوى على مرتك ولدك...غادي نصيفطلك ولدك مشوي بحلما شويتي ولدي..(تسمع صوت هبة كتصرخ باعلى صوتها فاش بداو يضربوها قدام عينيه)
هولاكو،:(مبقاش قادر يصبر غادي يحماااق هضرتو وصوتها كيزنزن فودنو...تسد الفيديو على صوتها كتغوت...رمى تيلي حتى تشتت..وهرس اي حاجة قدامو كيفش عصبيتو فلي قدامو...ما عرف مايدير...لقضية كبر من الشي لي كان متوقع..لقضية قضية انتقام...ولوكانت غير فيه...ماشي فيها وفولدو...مسح بيديه وجهو..وحاول يتهدن..خاصو يفكر بشوية عليه لمسألة ماشي ساهلة ولا عادية)
هولاكو:(خرج يجري في اتجاه مركز الشرطة...صوتها وصورتها دب فيه الرعب والخوف...فكرة انها كتعدب بين أيديهم كتجنو وتخليه يتغدد على كل واحد فيهم...وقف قدام مركز الشرطة..ودخل بسرعة لمكتب لعميد لي كان داير خدمتو وموزع رجالو هو لاخر فكل قنت...الشخص لمخطوف ماشي شخص عادي..ناض من كرسيه وشافو داخل صاعر...بعدما فهمو لكاين عطاه لفيديو يشوفو لعلى وعسى يقدرو يعرفو مكانها...بعد عدة محاولات فاشلة كتاشفو بلي لفيدو مسجل وشادين جميع لاحتاطيات لي يقدر يوصلهم ليها (جي_بي_إس)..لقضية كبيرة وهاد الناس اخطر من الشي لمتوقع..عارفين شكيديرو مزيان...خرج من عند لعميد لي حاول يطمنو بلي اكيد غادي يلقاو شي طريقة لي توصلهم ليه..
••••••••
هبة:(الدم خارج ليها من جهة نيفها وفمها..وجها حمر بقوة الضريب...عينيها منفوخين..وداتها كلها كضرها..واخا حاولو مايقيصوش كرشها تحت تعليمات فيليبس لانو لفيلم كامل ضاير على لبيبي بااغي يرد وحدة بوحدة..كيما تشوى على ولدو لي تقتل باغي يشوي قلب هولاكو ..وهادشي غادي يخليه يصبر طول هاد لمدة حتى توصل وقيتة ديال لولادة...جرها من درعانها سخفااانة ورماوها فوق واحد ناموسية فبيت ريحتو خانزة وبارد...حطو ليها صينية فيها شي دوا وماكلة...وخلاوها مرمية حتى تفيق على خاطرها تاكل ماكلتها وداوي راسها.براسها... ساعات وهي مرمية مكتحس بداتها لي تورمات وتعبات بدات تحاول تحل عينيها بصعوبة كبيرة..شافت صينية مرمية ..كحزاتها عندها بصعوبة شديدة وبدات تاكل..ماشي على قبلها وإنما على قلب ولدها لي خايفة عليه..كل لقمة كتحطها فمها كدوز بزز مع دموع مهودين..لحد الساعة مازال مافهمات والو..واخا الشي لي سمعات قبيلا من فيليبس فتسجيل ولكين مقدراتش تفهم كلشي خصوصا مع عدم تمكنها من لغة بشكل كبير...حطات ايديها على وجها وبدات تمسح دموعها لي جلخو حالتها وتخلطو مع دمها...هزات معلقة ودوراتها على ضهرها..كتحاول تشوف شواقع لوجها..واخا مكانتش الصورة واضحة بشكل لمطلوب لكين باينة حالتها مرمدة متحتاجش تشوف فأي حاجة.
لوكاس:هولاكو لا...حنا هاد الطريق مشينا منها على قبل دينا وعائلتنا...فكر اصاحبي
هولاكو:هبة كتموت الوكاااس...ولدي ومرتي كيموتو..وبغيتني نبقا حال فمي..هوما لي بغاوني نخرج لوحش لي فيا....عطيتهم بتيسااع ولكين هوما لا
لوكاس:هولاكو..متصرعش.
هولاكو:(ناض من كرسيه)جمع ليا الرجال..كلشي يكون حاضر هاد ليلة(طلع وخلاه شاد راسو بين ايديه...الطريق لي خواوها وختارو السلم ولكالم عليها رجعو ليها من جديد..ساعة ورا سااعة رجال بداو يتجمعو فلمستودع لمعروف..وهاد الرجال ماشي اشخاص عاديين..هوما روس كباار فعالم لمافيا..كيعرفو نملة فين غادية ومن فين جااية...قلبهم مافيه رحمة...الى ماشمو ريحة الدم مايهناش ليهم باال...مهمتهم دابا هي يلقااو فيليبس...ورجال فيليبس...وممنوع منعا باتا يقتلوه او يلمسوه..حيت روحو غادي تكون بين ايدين هولاكو وهادي كانت من شروط هولاكو عليهم...تفرق لجمع..وكلشي بدا خدمتو...من اول ماوصلات هبة لسونتر..لحتى يوم اختفائها..بدات لابحااث والتنقيب عن هبة وفيليبس.)
^^تسريع لاحدااث^^
(لايام دازت بسرعة كبيرة بل الشهور دازت بسرعة كبيرة...هادا الشهر الرابع على اختطااف هبة ولحد الساعة مازال مابان والو..من غير فيديوهات كيصفطهم فيليبس لهولاكو مرة مرة لهبة كتعدب بين ايدين رجالو كرشها كبرات بزااف ..وحالتها تبدلات كلها مرمدة ومجلخة...وجها مبقاش يتعرف ...واش هي هبة لمغرية لي شافها يحل فمو ولا وحدة اخرى؟؟...دم يابس فوجها وعينيها منفوخين بضريب...ضعفت كتر من لقياس..حتى من لغوات ولبكى مبقاتش قادرة تنطقو...حس بقلبو غادي يخرج سخونية طلعات مع داتو كلها..عروق جسمو كيزدحو بتسارع...هرس تيلي مع لحيط وبدا ىيضور بحال شي مجنون...كيلكم لحيط بيديه بغضب حتى داز دمو...فين غادي يكون مخبيها..هادا هو السؤال لي مازال مالقى ليه جواب لمدة 4 اشهر؟؟..تسمع صوت طرقات على باب غرفتو...نطق بصوت مزلزل..
هولاكو:دخخخل...
خادمة:(دخلات حانية راسها خايفة منو لا يجمع معاها بشي ضربة خصوصا فاش سمعات صوت تهراس وملي شافت لبيت كامل مقلوب..)سيدي..شي رجال كيتسناوك لتحت
شخص:(كيوريه صور)صيفط لينا هاد الصور من مقدونيا..شي رجال من جماعة جورج شافهم كيشدو لعسة فليل ...وعلى مابان ليه مرة مرة كيجو شي رجال لهاد لمكان ويمشو
هولاكو:(بدا يدوز الصور حتى طاح فصورتو واخا مشدود غير من الجنب..ولكين عرفو كمش صورة بين ايديه وعصرها بقبضتو حتى بانو عروقو مرسومين.)
هولاكو:جمعو الرجال بسرية...وخلي جوان يحرس لمكان بينما لحقنا عليه
الشخص:واخا اسيدي(خرجو وخلاوه كيتغدد على فيليبس الشي لي غادي يوقع يمكن يوصل لمجزرة مافيهاش)
•••••••••••
هبة:(حاطة يدها على كريشتها..وكدوزها بشوية..ولات خارجة بزاف مابقا والو وتولد..يمكن اسبوعين بلكتير ..حطات راسها على لحيط...وركزات عينيها على السقف لي كان كينقط بلما..الشتا كانت خيط من السما لبارح كلها فزگات غير ربي شاف من حالها وممرضاتش اما كون راها سخفانة دابا...شافت فيديها كي ولاو..كلهم كحل بلوسخ وضفارها كبار وموسخين..حالتها حالة ..مرمية بلا حنين بلا رحيم...كل ليلة كتفكر فيه..كتمنى من كل قلبها يجي ويعتقها من هاد جهنم لي هي فيها...مبغاتش تعرف والو ولا تسول عن اي حاجة..بغات غير ترجع تشوفو وتحضنو كيف ديما...4 شهور ماشي ساهلة عليها وهي فهاد لوضع..بعد لمرات كتلوم راسها وغبائها على هاد السونتر لي خرج ليها من جنب..كون سمعت هضرتو وجلسات فالدار كان حسن ليها...هاهي جابتها فراسها مرمية هنا...ومعرفاش شغادي يوقع ليها من بعد اكيد باغيين منها شي حاجة..كون ماشي هكا مكانوش خلاوها حية لحد الساعة...كمشات رجليها لعند صدرها بصعوبة..وحطات ضهرها على الحيط..بمجرد ماغمضات عينيها...سمعت صوت رصاص كيتضرب فكل مكان...حطات ايديها على ودنيها..وتخشات فواحد لكوان غادي تموت بلخلعة.
(اصوات دقاات قلب سريعة..ايديها على ودنيها بضغط كبير..عينيها مغمضين وفمها ولا بيض بلخعة..زادت تكوانات فلقنت وكتحاول تحمي راسها وبطنها لخارجة قدامها...كتسمع صوت الرصاص وأصوات صرخات رجالية معرفاش شنو واقع ولا شنو جاري..كتطلب وترغب من ربها يسالي هاد لحلم..معرفت راسها واش منحوسة اولا تابعاها شي دعوة من شي حد...دقايق كيدوزو عليها بحال سوايع..حسات بلباب تحل بجهد..طاح فيها النص مقدراتش تطلع عينيها ولا تشوف شكون لي دخل..حتى حسات بدراعها تجرات...حلات عينيها وشافتو قدامها دمو سايح وكيهضر بغضب كبير:
الشخص:نوضي تهزي..(جرها قدامو..ولاو على عنقها دراعو..سكين محطوط على مكان نبضبها..وعرقها بدا يصب...بقا مخرجها...حتى وصل لمكان لي فيه لجمع...مقدراتش طلع عينيها...رجليها مبقاوش هازينها عينيها على سكين لي فعنقها...كتحس بيه بدا يجرحها كلما تحرك...رفعات عينيها فاش حسات بشخص وقف...بدات طلع عينيها بلعرض البطيء..شافتو واقف مقابل معاها...سلاحو محطوط على راس فيليبس..ورجالو وراه موجهين اسلحتهم لجهتها...عينيها لمعو بلفرحة ودموعها نزلو..كلشي تخلط عليها...حسات بنوع من راحة ملي شافتو ولكين دغيا ختافات هاديك راحة ملي شافت لجثث مشتين واشلاء بعض رجال ضايرين بيها...كتحس بدمهم وصل رجليها...مدبحة بامتياز..حسات بقلبها غادي يخرج من مكانو...خصوصا ملي شعراات بسكين جرحها حتى داز دمها...غمضات عينيها بألم...وسمعت صوتو نطق وراها.
الشخص:(بدا يستفزو ودوز على عنقها سكين بشوية جرحها بيه حتى داز دم...الشي لي خلى هولاكو غادي يحمااق)
هولاكو:متقيسهاااااااش...
الشخص:طلق سيدي ونطلقها...قولهم يحطو سلاحهم..
هولاكو:(خنزر فيه مزيااان...وعطى اشارة بيدو لرجالو يحطو سلاحهم لارض)
الشخص:حتى نتا حط سلاحك..
هولاكو:(زاااد خنزر فيه..وبدا ينزل يدو بشوية عليه...عينيه مركزين على راسو بشكل مباشر...كيحاول يشد لقياس غير بعينيه...بدات يدو تنزل بشوية..لكين سرعان مرجع هزها بخفة وضرب برصاصة فراسو..حتى جابو طايح وراها..الشي لي خلاها تعطيها لغوات ولبكى...مشا يجري لعندها...وهزها بين ايديه فاش شافها بدات تترخى...كلف لوكاس يخلي عينيه على فيليبس بينما رجع ليه...وخرج هازها بين ايديه..ولات خفيفة بزاااف كيحس براسو هاز ريشة...حطها فلكرسي لخلفي للوطو...وغطاها بلفيستا ديالو..دوز يدو على وجها بفرحة وخوف...وباسها فجبهتها...سد عليها لوطو..وخلى رجالو يحرصوها بينما رجع...دخل كيجر رجليه على قل من مهلو...ليومة يفدي فيه هاد السنين كلها لي عاشها بلا لاب ديالو ..جرو من قفاه وبقا جارو برجلو لي كتعرج حطو فوق لكرسي..ورجع جلس مقابل معاه...جمع اصباع ايديه الضخمة وهز فيه حاجبو..شاف فيه ونطق:
هولاكو:علاااااش؟؟
فيليبس:(بيرود شديد)شنو...!!!
هولاكو:علاش قتلتيه؟
فيليبس:قلب عليا..
هولاكو:كتسطى عليا؟؟؟
فيلبس:هو لي دخل كر••فحاجة مكتعنيهش وجابها فراسو
هولاكو:(زير على يدو بغضب..وهضر من تحت سنانو)هاداك خووك...من لحمك ودمك!
فيليبس:ياك كيقولو..خوك فالصنعة عدوك..
هولاكو:(عروقو كيزدحو..)شنو طلع ليك من هادشي دابا..
فيليبس:لمهم بردت شوية من ناري..حسستك بطعم لفقدان..خليتك 4 اشهر متشوف النعاس ولا تعرف طعمو..
هولاكو:(خنزر فيه مزيان...وناض من كرسيه...نطق بحدة..وسكين فيدو)حتى انا غادي نبرد شوية من ناري..ونوفي بلوعد لي قطعتو على نفسي سنين هادي
لوكاس:(جاه يجري)هولاكو لا..تهدن متسرعش..
هولاكو:(شاف فيه ورجع هز فيليبس من قفاه...شريط حياتو كاملة داز بين عينيه..زير يدو على قبضة سكين..وجمع حجبانو بغضب عارم...كيحس بنار كتحرقو..دمو فاار..ووصل لمرحلة مكيبغيش يوصلها...قرب منو مزيان...ودوز على عنقو بسكين..حتى ترش دمو عليه...خلاه كيفركل تحت منو وروحو طلعات..شاف فاحد من رجالو ونطق)
هولاكو:راس يتعلق على باب لمدينة...خليو زا••بوه عبرة لأي واحد يفكر يقرب لعائلتي...(رمى سكين..ومسح يدو من دم..وخرج في اتجاه لوطو)
هولاكو:(ركب جنبها..وخشاها فصدرو...كيرجع شعرها ورا ودنها...ويتلمس فوجها..عصرها بين ايديه ممصدقش بلي رجعات ليه من جديد...دوز يدو على بطنها وتبسم براحة..واخيرا قدر هاد الحلم لخايب يسالي واخا طول وخلق فيه نوع من الرهبة وعدم لارتياح طول هاد لفترة ولكين في نهاية سالا..طلب من شخص يسوق في اتجاه المطار..سوايع دازو طوال عليه..طول لمدة وهي ناعسة...وقفات طيارة..وهزها بين ايديه مغيبة..لهاد الدرجة التعب داير فيها هاد الحالة؟؟حطها فلوطو ورجع دخلها فصدرو خايف.. كيلمس شعرها..تبدلات بشكل كبير..ولكين هادشي كولو ماكيهمش لاساس دابا هي معاه وكابوسهم سالا...حس بيها بدات تتحرك...حلات عينيها بصعوبة وبدات تستكشف لمكان بعينيها..عرفات راسها فلوطو ويديه محاوطينها...ترمات عليه تبكي وهو يسكت فيها...خلاه تخرج الشي لي كتحس الشي لي داز عليها ماشي ساهل...مسح ليها دموعها..وباسها فحنيكاتها:
هولاكو:(هزها بين ايديه وخلاها تلوي ايديها على عنقو..عينيها كيتسارو فوجهو..بينما هو كتفى انو يتم داخل بيها لقصر...شافتهم فيكتوريا جات تجري..الشي لي خلاه يكمل طريقو ومايشوفش فيها...طلعها لبيت وتكاها فوق لفراش وجلس جنبها...
هولاكو:يلاه ندخلك لدوش..نغسل ليك
هبة:لا..ندخل بوحدي..
هولاكو:(كتفى انو يسبقها لحمام..عمر لبانيو وخوا فيه لباندوش...رجع لعندها..زول ليها حوايجها وهي مقدراش تشوف فيه كتحس براسها خيابت وحالتها مجلخة...مقدراتش تهز فيه لعين...الشي لي خلاه يرفع ليها وجها بيدو..ويبوس فمها بجهد...ورجع هزها بحال ريشة بين ايديه...دخلها لحمام..وخشاها فلبانيو..وزول حتى هو حوايجو وتخشى وراها...بدا يغسل ليها شعرها ويحك ليها جسمها..كتحس بتوريشة كلما حسات بصباع ايديه على جسمها...زاد جرها لعندو حتى حسات بضهرها لصق مع بطنو..لمعلم بدا ينغزها باينة فيه تنفخ...تبسمات بغباء وحدرت راسها ملي تنفخ يعني مازال كتحرك فيه شي حاجة ...بدا يشلل ليها ويدوز يدو على بطنها...واكيد مرة مرة كيبوس كل مكان داز عليه..كيخلي امارتو عليها...ناض من حداها...وخشاها ففوطة وبدا ينشف ليها..وشعرها كيطير فازق..جمع وجها بين ايديه وباسها فمها بجهد...وتم هازها داخل بيها...حطها فوق لفراش ودخل لدريسينغ لبس عليه وجاب ليها حتى هي...بدا يلبسها حوايجها الداخلية وهي غير كتشوف فرحانة بهاد لاهتمام كيتعامل معاها بحال شي بيبي خايف عليه..تبسمات ببلاهة وبدات تشوف فيه منضرو مغري عندها...شعرو لفازک وصدرو لعاري خلق فيها حالة...شافتو مد يدو لسوتيام كيسدو ليها..وعينيها مقدراتش تنزلهم عليه...شهوة لحمل رجعت اقوى من قبل عليه...طارت على فمو بلما تحس تجر وتعاود وهو متجاوب معاها مخليها على خاطرها...يديه كيتساراو فضهرها لعاري وفمو خدام كيمشي حتى يقطع عليها التنفس ويرجع يجرها سخناتو وهي كتر...تكاها على لفراش...ورجع زول ليها دوبياس لي لبسها...بدا يعبس هنا ولهيه مخلا قنت فيها ماجرو...حتى حس بيها مبقاتش قادرة تصبر كريشتها خارجة قدامها..باسها فيها..وبدا يحل ليها رجليها...كيحاول يدخل لحنطور بصعوبة...لقضية تزيرات عليها هاد لفترة وشئ متوقع 4 اشهر بلا ممارسة لحامل كتخليها تزير وتلقى صعوبة فلولادة...بعد صراع كبير قدر يبرد شوية من نارها ونارو..رجع لبس ليها حوايجها وباسها.وخلاها تنعس ترتاح..رجع لدريسينع لبس حوايجو..ونزل لعندهم يوجدو ليها متاكل.)
مروى:(ماشية جاية على طول صالة بصعوبة حاطة يدها على ضهرها...وكرشها قدامها..كتحس بمغص شديد كيقطع فيها...جلسات بصعوبة وبدا لعرق يصب منها...كتحس بشي حاجة غادي طيح منها...لالم لي كتحس بيه مايقدرش يوصف...بقات شحال صابرة ولكين مقدراتش مازال تزيد تصبر...عطاتها لغواات ولبكى..الخدامة واقفة جنبها كتمسح ليها لعرق لي نازل معاها...وكتنسى فلوكاس يوصل لي تعطل فطريق...قلبها غادي يخرج من مكانو باغية غير إمتى يسالي هاد الشي لي حاسة بيه سمعت صوتو داخل كيجري...ولاسعاف لاحقينو...هزوها وتمو غاديين بيها لمصحة وهو وراهم قلبو غادي يسكت...دخلوها لغرفة لولادة..وعلقو ليها سيروم..جاها لمخاض بيومين قبل وقتها...لبسو لوكاس لبسة ودخل معاها...شاد ليها بيدها وكيحاول يخفف عليها..بينما هي كتحاول تعصر وتخرج هاد لبنيتة لي دارت فيها هاد حالة...واخيرا تسمع صوت صرخات طفولية كتبشر بخروجها لدنيا...حطوها فوق صدرها تشم ريحة امها..باستها وعطاتها لممرضة تغسل ليها وتلبسها...رجعو خرجو مروى حتى هي يغسلو ليها...وخلاو لوكاس غادي يطير بالفرحة.)
•••••••••••••••
هولاكو:(حط راسو على لكنبي ومغمض عينيه كيحاول يرتاح حتى حس بيها جلست جنبو وحطت يدها على فخدو..)
فيكتوريا:ولدي
هولاكو:(هضر بلما يتحرك من مكانو)ممنوع توصل شي حاجة لهبة على هاد لموضوع...واخا تسولك شكون هو متقوليش..
هولاكو:(تبسم بفرح ونطق)لي جا مرحبا بيه...زيدي نعسي(خشاها فيه وطفى ضو وخلاها ترتاح لي داز عليها ماشي ساهل خايف غير يتحول هادشي لي هي فيه لمشاكل نفسية..ولكين غادي يحاول قدر الإمكان انو يخرجها من الشي لي شافت وداز عليها)
••••••••••••
^^حاطة بيسي قدامها...وكتشوف فالصور..وليدات صغار كيضحكو ويلعبو..فيدواتهم لبريئة خلاها تبكي بلما تحس..فكرة انك تتحرمي من احساس لامومة حاجة اكبر من انك تقدري تتالقمي منها...حس بيها مازال فايقة حل عينيه وشافها جالسة جنبو فوق لفراش كتمسح دموعها وعينيها مركزين على لبيسي لي قدامها..قاض لجلسة وشاف فشنو كتشوف..شعل ضو جنبو وشاف فيها..
لوك:حبيبة مالك مانعستي؟؟
جيلين:(مسحة دمعتها دغيا وشافت فيه)ماجانيش نعاس
لوك:(جر لبيسي من قدامها وسدو)مديريش فراسك هاد الحالة..
جيلين:(حطات يديها على عينيها وخلات دموعها على خدها بينما لوك كيحاول يهدنها من ورا لباب)
هبة:(صايبات حالتها..ونزلات عندو...شد ليها بيدها وتوجهو لمصحة..هازة لورد بين ايديها ولفرحة خارجة من عينيها..طلعو لعندها..ودخلات هبة لعند مروى لي كانت شادة بنتها بين ايديها ولوكاس جالس جنبهم..
مروى:(حلات عينيها بلهفة وعطات لبنت لةكاس..حلات يديها لهبة وتخشات فيها تخربقو احاسيسهم وبداو يبكو فكرة انك تلوم نفسك بسبب اختطاف شخص عزيز عليك كتخليك عايش حالة لوم كبيرة وهادشي لي وقع لمروى. .عنقاتها بدموع وبدات تبعد عليها حطات جنبها لورد وهزات بنتها..باستها فراسها هولاكو جنبها..
هبة:وينو شحال زوينة...كتدي منك بزااف امروى..
لةكاس:قلتها ليها...غير على ربي ماتطلعش ليها تكوليخة ماماها.ههه
مروى:أيوة هانتي كتسمعي...
هبة:شنو غادي تسميها؟
مروى:إلين...
هبة:زوينة بحالها
هولاكو:(مداتها ليه وباسها وبقا شادها كيشوف فيها)
مروى:الحمد لله ملي رجعتي لينا
لوكاس:(دغيا غير لموضوع مبغاش هادشي يكبر كتر من هكا وتطوال لهضرة فيه)غدا غادي نخرجو من هنا
هبة:ااه مزيان الحمد لله تفاكيتي على خير
مروى:اه لعقوبة ليك..
هبة:فكرتيني خاصنا نمشو نشوفو طبيبة
هولاكو:(مد لبنت لوكاس وشد بيد هبة)نشوفوكم من بعد
مروى:اوك..
هبة؛(شدات بيدو وتوجه بيها لمصحة ...دخلو لعند طبيبة وطلبت منها تجلس فوق ناموسية..حطات ليها جيل وبدات دوز عليها الة على كريشتها...
طبيبة:تبارك الله شحال زوين هاد لوليد...
هبة:ولد؟؟
طبيبة:ااه ولد...شوفي (بانت صورتو مكمش فيها ومغوبش مرة مرة كيضرب برجلو..بحال الى كيقول ليهم عطيوني بالتيساع..)
هبة:ااه ركلني..
طبيبة:هاد لوليد باين فيه قويصح مع راسو هه
هولاكو:(بتسامة جانبية..كيشوف فصورتو كيتحرك وقلبو غادي يخرج من مكانو)
طبيبة:بغيتو تسمعو صوت دقاتو؟
هبة:ياريت..(بعد لحظات صامتة تسمع صوت دقات قلبو كيزدحو..دموعها سالو بلما تحس..كتشوف فهولاكو لي مقادرش يخبي فرحتو وسعادتو ..مسحات ليها طبيبة كرشها وعطاتها صور لايكو..وطلبت منهم يكترو من لممارسة خصوصا هاد لفترة)
^^اسبوع داز دغيا...هبة وجدات حوايج لولد...بدات ترتيبات لبيت ديالو ختارت انو يكون فلون ذكوري بامتياز..لبيسات ولعب واي حاجة كتخص وليد حديث لولادة وجداتو ليه..سدات لباب ودخلات لبيتها..
هولاكو:(جرها لعندو وباس عنقها)خاصك توجدي دغيا..
هبة:واخا دابا لبس عليا
هولاكو:(رجع باسها وهضر)انا نتسناك لتحت..
هبة:اوكي..(شافتو خرج ورجعت دخلت لدريسبنغ..لبسات كسيوة واسعة شوية..مع صبيبط نازل بوكلات شعرها ودارت ميك اب خفيف..هزات كادو بين ايديها..ونزلت لعندو..ليوم حفل عقيقة بنت مروى(إلين)..نزلات من لوطو هازة كسيوتها كرشها قدامها..والبواطة فيدها..دخلات يدها فدراعو وتمو داخلين لحفل..اكتفى لوكاس يعيط غير لصحابهم وبعض افراد لعائلة..جلست هبة جنب مروى ومدات ليها لبواطة..كانت عبارة عن سلسلة ل وكرميط ديالها من ذهب صغيرة ومكتوب عليها اسم إلين..بداو مجمعات مع نسا ويضحكو ويشطحو بينما رجال ختارو يجلسو فطرف لاخر من جردة...وجدو شوا وتجمعو عليه وسط ضحكات وأصوات احاديث بينهم ..حسات بيه جرها لعندو وبدا يتمايل معاها...هاد لفترة زادها لوحم ولات مسرارة بزااف...باسها فخدها وبدا يحركها بين ايديه..تحط لغدا وتلمو عليه ..حطات طبسيل فوق لميدة بصعوبة كبيرة..كتحس بلوجع فكرشها وجهة ضهرها مفهمت والو..مازال لحال على وقيتها..دوزات يدها على عنقها بصعوبة..وحسات بتسارع نبضات قلبها وحرارة كبيرة فجسمها...لوجع بدا يزيد وضهرها كتر...نطقات بصعوبة
هبة:...م..م...مروى..لم...لما
مروى:(مدات ليها كاس لماء بغرابة ونظقت)ماالك
هبة:(كتشرب بسيف عليها..لالم غير مازاد فيها..طاح لكاس بين ايديها حتى تهرس..وعطاتها لغوات تجمعو عليها النسا..وعطاتها لبكى ولغوات..بمجرد ماسمع صوتها مشا يجري لجهتها..هزها بين ايديه..وفيكتوريا وراه..طار بيها لمصحة لي علمهم بقدومها..وجدو ليها لغرفة وطبيبة كتسناها تجي...دخلوها بسرعة لغرفة لعمليات لموجدة..وطلبو من هولاكو يلبس عليه ويحلق عليها..داكشي لي كان لبس حوايح خاصين بهاد النوع من لحالات ولحق عليها شاد ليها بيدها..وكيشوفها كيف معدبة مع لولادة قلبو ضرو عليها..كيحس بلموت خارجة منو..غواتها وصرخاتها وحالتها خلاتو غادي يموت بلخوف ورهبة...مخرجش هاد لمصيبة منها حتى وراها لموت لكحلة..هزاتو طبيبة بين ايديها وحلف لابكى ليها...كضربو على مؤخرتو بشوية..وشافتو كيتحرك بين ايديها..جاب ليها الضحك..عمرها شافت هاد نوع حتى لعند هاد لبيبي..خارج مغوبش مابكى ماغوت..حطاتو ليها فصدرها يشم ريحة ماماه ..وتمت غادية بيه تغسل ليه وتلبسو بينما هولاكو...باس جبهة هبة..وخلاهم يدوها يغسلو ليها ويلبسوها حتى هي.)
فيكتوريا:(جلسات جنبها ومداتو ليها...باستو فراسو ونطقت)ماشاء الله شحال زوين..
هبة:هولاكو بغا يسميه بيبرس
فيكتوريا:قوي هاد لاسم..جاي معاه..
هبة:(تبسمة على جنب)
فيكتوريا:ليوم فليل غادي نديرو حفل عقيقة ..نحتافلو بوجود بيبرس معانا
هبة:(تبسمات ليها وشافتها داخلة هازة إلين بين ايديها )مرحبا..تعطلتي
مروى:إلين مباغاش تفيق طول نهار غير ناعسة..(طلات على بيبرس)ياختي فنيوين هاد لولد..غير هو حركاتو كتخلع..مالو غير مغوبش
فيكتوريا:كيقولو بلي لمراة فاش كتوحم على راجلها كيطلع ولدها مغوبش..
هبة:ههه والله مكدبو جاني لوحم على هولاكو..
مروى:(جلست جنبها..وحطات إلين ناعسة)
فيكتوريا:مروى..هضري مع لوكاس يجي هاد ليلة..غادي نديرو احتفال
مروى:واخا
فيكتوريا:(حطات لولد ناعس لعند هبة وخرجت وخلاتهم)
مروى:الحمد لله فرج علينا سيدي ربي ولدنا بصحة وسلامة
هبة:واايه الحمد لله..
مروى:(شافت فبيبرس)وينو شحاال غزال تبارك الله كيدي من باباه بزااف
هبة:(تبسمة على جنب وشافت فيها)اجي نشربو قهوة فلبالكون خليهم ناعسين
مروى:(توجهو لبالكون وسط لبيت وخلاوهم فوق لفراش ناعسين.)
^^ناس داخلة خارجة كتبارك ليهم بلمولود الجديد...هولاكو شرط عليهم ميصوروش ولدو لي طرا سابقا مبغهاش يتكرر من جديد..سلم على ضيوفو ورحب بيهم ..مروى شادة بنتها وجالسة جنب هبة لي حتى هي شادة ولدها قدامها..مشاركين لحديث مع نسا وفرحتهم باينة..تحط لعشى فجردة وجلس لحضور على لميدة..مشاركين لحديث وضاحكين..جو مليئ بنوع من لهدوء والسلم..بداو ضياف يمشو واحد مورا لاخر..هبة عيات ختارت تطلع ترتاح لعند ولدها لي خلاتو مع لخدامة مقابلاه..لبست كسيوة ديال النعاس وتخشات جنب ولدها لي عطاتو يرضع..وغيبات بتعب..حتى حسات بيه..غطاها مزيان وباسها وباس ولدو وتخشى حتى هو جنبهم....
••••••••••••^^بعد مرور 24 سنة^^
^^سنين دازو بشكل سريع..والأحداث كتيرة... هاهي نازلة بكسيوتها لعملية في اتجاه شركتها الخاصة بصناعة المجوهرات اتقانها للغة الانجليزية والروسية ساعدها بشكل كبير وحتى احترافها فرسم المجوهرات والأشكال الغريبة خلى اسم شركتها يعرف بشكل اكبر...حل ليها شيفور لباب لخلفي..وطلعات بكل رقي..مازال زوينة ويمكن زادت زيانت كتر...مرور السنين خلا ملامحها تزيد تبان بشكل مغري..وقف بيها شيفور قدام الشركة..دخلات بكل ثبات كيستمع غير صوت طالون ديالها كيضرب فلارض ...دخلات لغرفة لاجتماع..عقدات صفقة لقرن مع مستثمرين امريكين..وتوجهت لمكتبها...جرات تيلي وجاوبت:
هبة:وي عمري
هولاكو:كنتسناك لتحت ..
هبة :اوك هاني هابطة(جمعت صاكها وسنات على شي وراق..وخرجت لعندو..حل ليها شيفور لباب وطلعات..باستو فمو وطلب من شيفور يمشي لمطعم..شدو مكانهم..وجلسو كيهضرو فجو من ضحك..
هولاكو:(شكلو زاد ضخامة كتر..طول وتجريدة مع شيبات فشعرو غير مازادتو وسامة واغراء ..)
هبة:ممصدقاش بلي ليوم غادي يجي بيبرس.
هولاكو:عاد قطعت معاه لاتصال..يمكن غادي يوصل مع 9 ديال ليل.
هبة:ياربي يجي على خير..6 سنين هادي وهو غابر فامريكا..معرفتش علاش مايكمل هنا.
هولاكو:حسن تماك..هاهو رجع بخبرة كبيرة وصفقات فاقت توقعاتي.
هبة:(بمسة فرح..)لفرحة غادي تكمل فاش ترجع حتى مروى
هولاكو:(جر يدها وباسها)وفرحتي انا معاك نتي..
سبرفور:(بدا يحط ليهم لماكلة..ورحب بيهم)
هبة:انا نمشي نغسل يدي..
هولاكو:اوك حبيبة..(بقا متبع ليها لعين حتى مشات..وانتابه لواحد خيينا لاحقها...قرص حجبانو..وعوج عنقو يمين وشمال حتى تسمع صوت طرطقة فيه..حط زويف من قدامو..وتوجه لعندو..شافها كتغسل ايديها وراسها حاطاه لأرض ممنتابهاش..ليدين الشخص لي كان باغي يلمس مؤخرتها..حس بيدو تلوات وتسمع صوتها طرطق..الشي لي خلاها دور وجها بسرعة ناحيتو.وتشوف فيه كيضرب ويلكم الشخص لي سخف قدام رجليها..بسيف قدرات تتحكم فعضبو. شوية..وتجرو..رجع لطبلة وبدات تهدنو..
هولاكو:ولد لق••...الله ينعل زام•• بوه لكلب
هبة؛(ختارت انها تسكت..عارفاه فاش يوصل لهاد الحالة..)
هولاكو:نوضي تهزي مابقيتش واكل..(جرها وراه وتوجه بيها لقصر...لحظات صامتة خلاتو يجرها ويدخلها تحت دراعو باس ليها راسها..وطلب منهم يوجدو لغدا.)
هبة:تعطل...(بمجرد ماكملات كلامها...شافتو داخل لعندهم..اوسم شااب ممكن عينيك تشوفو...شعر كثيف وناعم مرة مرة كينزل على عينيه معدبو...نفس طولة باباه ونفسال تجريدة..عينين عسلية جاحدة ونيف مقاد..مع لحية مرتبة على فكيه لعريضين وتغوبيشة حاضرة بقوة ويمكن ولات حاجة كتميزو من يوم ولادتو....ناضت من مكانها. مشات تجري لعندو..دخلات فصدرو تعنق وتبوس..تبسم بهدوء حتى بانت غمازتو نفس غمازتها محفورة فلخد الأيسر..جرها تحت دراعو وتم غادي بيها فاتجاهم..عنق باباها وجداتو وجلس جنبها..غير مصدقة انو جالس معاها..
هولاكو:كانت غادي تحماق كون تعطلتي شوية
هبة:وراه 6 سنين هادي مشفتوش
هولاكو:كل صيف كنمشو لعندو..هاد 6 سنين غير زايدة فيهم شوية(غمزو بمكر بغاو يشدو فيها)
هبة:(تخشات فيه بفرحة كبيرة..وحسات بهولاكو جرها لعندو)
هولاكو:كوني تحشمي..
هبة:ههه (ضحكت من قلبها وقلبو لحديث لضحك وقهقهات بيناتهم..طلبت منهم يحطو لعشى وبداو يتعشاو فجو عائلي بامتياز..تسمع صوت لموسيقى تشعل..جر هولاكو يدها ونوضها تشطح معاه..بينما بيبرس ختار يشطح مع جداتو)
هولاكو:شحال طالعة زوينة هاد ليلة
هبة:(غوبشت فيه)غير هاد ليلة؟
هولاكو:(تبسم على جنب ّّ...ونزل على فمها كيجر..)
بيبرس:صبرو.شوية على خبيزتكم.. حنا مازال هنا..
فيكتوريا:(ضرباتو بيدها)خليهم عليك...وإلى كنت حاسدهك دير بحالهم..
بيبرس:هي لولة(جرها لعندو وباس خدها)
فيكتوريا:(رجعت ضرباتو وبدات تضحك)
^^لحياة لعبة كبيرة..شكون كان يقول لبنت لي قتلات باها وعاشت حياة مكرفسة غادي يجي النهار لي يحن عليها فيه الزمن يخليها تبني اسرة وبيت وعمل ...شكون كان يقول لبنت لي كانت غادي طيح فهاوية لعهر وعالم ليل..غادي تلقى لي يجرها منها...وشكون كان يقول بلي هبة لبنت الدرويشة لخويفية تقدر تتخطى هاد الصعاب كاملة وتوقف على رجليها بقوة كبيرة..
لي قال المستحيل كاين؟ فراه كدب اكبر كدبة...دنيا مافيهاش مستحيل..فيها لاصرار ولعزيمة والصبر وشوية ديال الحظ
العشيقة المغرية الجزء 13 والأخير
محتوى القصة
التنقل بين الأجزاء