هبة:يا ربي يبقى غابر ...نخافو يجي ويقول ليها شي حاجة
زوهرة:منظنش يوصل لهاد الدرجة كلها
هبة:اووف نتمنى...
زوهرة:يلاه نخليك ترتاحي حتى لغدا ونجي نطل عليكم
هبة:انشاء الله..تصبحي بخير
زوهرة:ونتي من أهل الخير
**************
(كلشي كيشوف في اتجاه هاد السيارات لي وقفو بهاد الشكل فلاديمير كي يقلب وجهو يمين وشمال مفهم حتى حاجة ...الصحافة وجهو كاميراتهم لجهة السيارات....نزل بكل شموخ وثقة دور وجهو لجهة لاخرى وبان ضهرو الضخم لي كيدل على اهتمامو العالي بجسمو كان لابس فيستا ديال لكوير كحلة وسروال كحل وضارب صبادري طالع شوية فلكحل...ضار لعند واحد من رجالو وهضر معاه...وضار بحجمو كلو الضخم عليهم..كلشي حال عينيه كيشوف فهاد الشخص من بعيد كيتقدم واغلب الحضور هازين تيليفوناتهم كيصورو.الحدث لي غادي يتصدر العنوانين الصحفية..فيكتوريا حطات كاسها على طبلة وشدات فقلبها هاد الطولة والتجريدة مغريباش عليها واخا كان بعيد وملامحو مواضحينش ولكين قلبها حاس بلي كتعرف هاد الشخص...تقدمات بخطوات قلال وعينيها عليه...بدا يقرب ليهم وقلب فيكتوريا كيضرب احساسها مخيبهاش وحتى شكها تاكد ليها بلي لي واقف قدامها ولدها لي مات هادي عامين....تحت صدمة الجميع ....وقف قدامهم بكل ثقة معلي راسو وكيلعب بواحد لحجيرة فيدو كيما عادتو...فيكتوريا تصدمات لسانها تشل دموعها نزلو شلال على خدها ورعدة خلاتها تكوانسا فبلاصتها ...
جيلين:(كانت خارجة من طواليط بعدما شدات جرعتها الخاصة من الكوكايين شافت الدنيا مقلوبة كلشي كيشوف في اتجاه واحد والصحافة كتصور فنفس الاتجاه...هزات كسيوتها بين ايديها وتقدمت لعندهم...وقفات حدا باباها ورفعات راسها تشوف فين كيشوفو..خرجات عينيها على جهدهم..حطات ايدها على فمها ونطقات:
جيلين:هوووولاكو....
هبة:(حلات عينيها على صوت الباب تحل عرفاتو جا...لبسات بينوارها وخرجات من بيتها شافتو شعل الضو على مليكة..
العربي:(شاف فيها ناعسة على لفراشها والنفس ديالها بزز باش كطلع وتنزل)زين دلعالم جا ههههههه
مليكة:(مقدراش تتنفس وجها ولا زرق وفمها بيض...داتها كلها باردة)
هبة:ماما ماما مالك... شوفي فيا شوفي فيا عااافااك(شافت حالتها ماشي تلهيه...خرجات تجري بلا صنادل دقااات بجهد على زوهرو)زوهرررة زوهرررررة مروى ...مروى. عتقو...واعباااااد الله عتقو(بدات تغوت فالزنقة وتبكي حتى خرجو الناس يشوفو شواقع)
(بدات تقرب منو والدموع على خدها...وسط استغراب الحضور كلشي بدا يوشوش بشوية ممصدقينش الشي لي كيشوفو...ميمكنش يكون هادا هولاكو لي مات من عامين!!
تلاحت عليه تبكي وداتها كلها كترعد...
فيكتوريا:هئ هئ هئ ولدي....
هولاكو:(جمعها بين ايديه وحضنها لصدرو باس ليها راسها وطلع وجها)
فيكتوريا:م..م...مكنحلمش...مكنحلمش ياك نتا هنا(بدات دوز على وجهو وهو مخليها منطق بحتى حرف...رجعات تخشات فيه وعاصرتو بين ايديها كتاكد بلي هادا هو ولدها لي دفناتو من عامين وبكات عليه الدم ليل نهار)
فلاديمير:(كيحس براسو فحلم..ميمكنش يكون مزال حي..وهو كان حاضر على موتو:
^^فلاش بااااك قبل عامين:^^
هولاكو:( فوسط غرفة اكثر من فخمة ... محطوطة ناموسية كبيرة تحت منها فراش اسود حريري محطوطين فوقها مخيدات مرتبين فلون الاسود كانت غرفة مطلة بشكل كلي على المدينة كيبانو اضوائها كلها فليل وفنهار كطل على مساحة من البحر لي واضح بلي هو محسوب على القصر ...على طرف كاينة بالكو محطوط فيها جليسة وسط منها مدفئة ضايربيها الزاج على شكل دائرة...فجنب لاخر كاينة غرفة الدريسينغ لي فيها احدث صيحات الموضة الرجالية فلوسط منها منشورة زربية بيضاء وفوقها كرسي طويل اسود....وفوسط الغرفة كاين باب زجاج محلول على واحد لجليسة فيها فراش من الجلد كلو بيض ...على الجنب الاخر كاين الحمام ولي كان كلو زاج من جميع لاتجاهات كان الضو لي فيه خافت وماشي قاصح فلعين بلعكس كيعطي الراحة للشخص.يطلقها واقف ههه.فلوسط محطوط جاكوزي ولي حتى هو كيطل على المدينة والمساحة البحرية وفيه سيتار كيتسد ويتحل اوتوماتيكي ...كان واقف كيلبس لفيستا ديالو هز تيلي وخرج)
فيكتوريا:ولدي خارج!
هولاكو:(باس راسها)اه عندي شي خدمة
فيكتوريا:واخا...دوز على جيلين من الصباح وهي كتصوني ليا..بغات تهضر معاك
هولاكو:(تنفس بغضب)انا خارج...(خرج من القصر وتيلي ديالو غادي يطرطق بالاتصالاتّّ...عيا يقطع عليها ولكين والو لاصقة فيه...حل الخط وحط تيلي على ودنو:
هولاكو:(طلع حاجبو بغضب وهضر معاها بكل برودة ممحركة فيه حتى شعرة)غادي نقول ليك كلمة وحدة!!
جيلين:هئ هئ شنو اعمري؟؟
هولاكو:قوووودي...نلقى ديلمك مصونيا عليا مرة أخرى نقطع لمك راسك (قطع عليها وشد سوارت من عند شيفور...ركب فمكلارين فضية كيتسمع صوتها بحاااال الزلزال وراه...وقف قدام المستودع وخرجو رجالو حانين الراس:
وقف قدام المستودع وخرجو رجالو حانين الراس:
««الحديث طبعا بالروسية»»
شخص:سيدي..لي كيلعب من ورانا عرفناااه وشدينا ايدو ليمنة
هولاكو:(دخل بهاديك القلدة المتمخترة..كيمشي بشوية عليه مطلع حاجبو ودخل يعرف شكون هاد الفار لي كيلعب من وراه وشي طبيعي غادي يكون من عداد الأموات...قرب لعند الشخص لي كان عاطيه بالضهر رابطين ليه رجليه ويديه وباين فيه كلاها عصى:تتمة:
هولاكو:(بدا كيتقدم عندو بشوية حتى شاف وجهو طلع حاجبو وبدا يلعب بحجيراتو عندو فيديه ديما هازهم...
هولاكو:جيرارد...
جيرارد:(مقادرش يهضر كيطلبو بعينيه)
هولاكو:(جر كرسي وجلس ..رجل فوق رجل وشاف فيه بكل برود لو كان شخص اخر كان قطع ليه راس اول ماشافو)شكون رسلك؟؟
جيرارد:عاا..عاااافاك...مديرش هكاااا مراتي غادي تموت الى قلت ليك..
هولاكو:(شاف فيه وخرج عينيه منو )مغاديش نعاود.. شكون لي كتخدم معاااه؟؟
جييرارد:ك...ك....كلشي حتى من العملية ديال اليوم عرفو بيها
هولاكو:(شاف الساعة فيدو مبقى والو ويدخل الكاميو ديال السلاح...ناض من بلاصتو وخلاه وراه جبد سلاح من ورا ضهرو وتيرا فيه على راس حتى تشتت دمو على الكرسي..حرك بيدو على واحد من رجالو يجي:
هولاكو:هتمو بمراتومتخليوش شعرة تمس منها(هدا هو هولاكو الكلمة الى خرجات من فمو يوفي بيها ولكلمة الى نطق بيها يديرها واخا يكون على فراش الموت)
هولاكو:انا غادي نمشي من الطريق لوخرا نلقاكم تم(خرج وخلا رجالو كيطلعو فلوطو فاتجاه لكاميو لي غادي يدخل...كان سايق بسرعة جنونية...خرج من لمدينة واتجه بطريق الغابة عينيه حمرين بقوة الغضب وعصاب يديه وجبينو خارجين.. اليوم ينحيهم من الدنيا خصوصا دافيد لي من شحال هادي كيحلم هولاكو انو يقتلو لولى الام ديالو لي حاس بيها كتبغيه...فعز سهوتو وتفكيرو حس بلوطو كتقلب بيه بعدما سمع صوت قرطاس فالتحت لوطو من جهة روايد بدات تقلب حتى طاحت وسط نهر «سيرس»المعروف فجنب الغابة...غمض عينيه وغيب والباقي تعرفوه من بعد..
فلاديمير:(كان واقف يشوف فيه ..عرفو مات بعدما تعجنات هاديك لوطو ..وهادشي كلو كان هو سبابو حيت زارع جواسييس عند هولاكو وهوما لي وصلو ليه المعلومات بلي خرج بوحدو من اتجاه الغابة ..وهكا ستغل الفرصة وأمر احسن قناص عندو يقلب بيه لوطو باش تبان حادثة عادية)
««نهاية لفلاش باك»
فلاديمير:(غمض عينيه وحلهم بزربة شاف دنيا مقلوبة حداها الصحافة كتصور والناس كيسلمو عليه .كيتسناو توضيح كيدار حتى رجع من الموت...)
هولاكو:(قرب لعندو وخاشي فيكتوريا تحت دراعو شاف فدافيد وفلاديمير لي كانو واقفين جنب بغض..... وشاف فيهم بنضرة كتحمل بزااااف وقدرو يترجمو هاد النضرات بالجحيم لي كيتسناهم)
««نرجعو لعند هبة»»
زوهرة:(خرجات هي مروى بزربة يشوفو شواقع..شافوها جالسة حدا بابهم منهارة دموعها على خدها وكضرب ففخادها..
زوهرة:اويلي شواقع..هبة مالكي
هبة:هئ هئ عتقي عتقي ماما اخالتي عتقي هئ هئ
زوهرة:(مشات تجري لدارهم ومروى نوضات هبة وداتها لدارهم يشوف شنو واقع مع مليكة...مع دخلة يسمعو غوات زوهرة:
هبة:(دخلات تجري لبيت شافت مها مغمضة عينيها بحاا الى كانت ناعسة..مشات لعندها كتحركها..)ماما ...ماما نوضي..
زوهرة:هئ هئ والله اربي الله شنو باقي كيتسنى هاد ليتيمة هئ هئ
هبة:(هبة بالها ماكينش مكتسمعش لكلام زوهرة بالها كلو مع مليكة لي مزال كتقنع راسها بلي هي ناعسة ...تجمعو جيران حدا الدار وداخلها ....كلشي دخل يشوف شواقع:
شخص:شواقع امروى؟
مروى:هئ هئ معرفتش..
شخص:(دخل لداخل كيشوف زوهرة جالسة على ركابيها تبكي وتنوح وهبة واقفة على راس مها كتفيقها بشكل هستيري...جر رجليه لعند مها وحط يدو على عنقها ونطق :
شخص:لاحول ولا قوة الا بالله...الله يرزقك صبر ابنتي
هبة:(يلاه ولات كتستوعب شواقع)م..م..مفهمتش؟
الشخص:الله يرحمها ويوسع عليها ابنتي...انا نصوني على لاسعاف تجي...الله يرزقك صبر
(بدا لغوات والصداع فدار...جيران يبكو وينوحو ممصدقينش بلي مليكة مشات بهاد السرعة..مزال منشف حتى تراب ولدها وهاهي دابا لحقات عليه..بقات فيهم هبة لي غادي تبقى يتيمة بلا ام..وغادي تعيش مع هاد الشماتة لي غادي يوريها الموت الكحلة...)
هبة:(طاحت على ركابيها ممصدقاش الشي لي كتسمع ..الشخص لوحيد لي مصبرها فهاد الدنيا هاهو مشا بين ايديها..مزال مبرات من فقدان معتز كيدير حتى تبرا من الم الام...على شكون غادي تبكي؟؟وعلاش شكون غادي تندب؟كلشي تخلط عليها حاسة برأسها منبوذة كلشب ضدها بدل متعيش حياتها بحالها بحال اي بنت فعمرها وتكمل قرايتها ..جالسة تجرح كل شوية فخاطرها قلبها مبقاش قادر يصبر على هادشي لي كتعيشو...شافتها مروى جالسة مصدومة وكتشوف فبلاصة وحدة..مشات تجري لعندها وعنقاتها..
هبة:(محسات براسها حتى غوتاااات باعلى جهد عندها عنقات مروى وبدات تبكي عليها وتغوت كتخرج شوية من هاد الالم لي كتحس بيه...والشي لي عايشتو هبة دابا هو شوية من بزااااف مزال كيتسناها وغادي تلقى راسها فدوامة معندها لابداية لا نهاية)
(الحياة هي هادي وحدين كتديهم الموت وحدين كيرجعو منها...يمكن هادشي كان مكتوب على ابطالنا ان يعيشوه وتكون بداية ليهم لبزاااف ديال الحوايج لي مخبياها عليهم لأيام....
(بعد مرور اسبوع)
زوهرة:مروى مروى فيقي....وافيقي المصيبة
مروى:امممم ماما غير شوية
زوهرة:افيقي خلينا نوجدو لفطور نوضي تهزي
مروى:اووووف (ناضت كتعاوج لطواليط)
هبة:(بدات تحل عينيها لي ولاو حمر بكترة لبكى..مسحات وجها بيديها ورمات عليها لغطا دورات وجها فبيت ماماها لي مزال ريحتها كتفوح منو فكل شبر...حطات رجيلتها فصندالتها وخرجات لطواليط:
زوهرة:فقتي ابنتي...صباح الخير بعدا
هبة:صباح النور اخالتي
زوهرة:كيبقيتي شوية؟
هبة:(هزات ليها براسها ومشات لطواليط)
زوهرة:(رجعات زوهرة للكوزينة توجد لفطور دخلات لعندها بنتها تعاونها بينما هبة دخلات تصلي ركعات وتطلب لمغفرة لماماها....هاد الفترة كلها زوهرة مخلاتش هبة بوحدها بقاو معاها ليل نهار عياو معاها تمشي معاهم لدار ولكين هي رفضات بحجة انها مغاديش تخرج من الدار لي كتشم فيها ريحة الام ديالها وخوها لي ودعو الدنيا وخلاوها تصارعها بوحدها:
هبة:(تنهدات بصوت مسموع)العربي غبر من نهار لعزا ...بالي ممرتاحش ليه
زوهرة:مديريش فبالك ابنتي غادي يكون شاد شي قنت يسكر فيه
هبة:(شافت فيها ورجعات تاكل بهدوء)
مروى:هبة شبالك نمشو اليوم فلعشية للساحة لي فلحومة نشرو الزريعة ويضرب فينا لبرد شوية
هبة:(طلعات فيها عينيها)معنديش خاطر امروى سمحيلي
زوهرة:لي بغيتي ابنتي..انا غادي نخليكم اليوم بوحدكم مول لوزين جا اليوم من الخاريج وخاصني نكون فالوقت
مروى:ماشي مشكيل اماما انا نطيب لغدا
هبة:(حنات راسها وكملات ماكلتها )
فيكتوريا:(كدور فلكوزينة من هنا ولهيه كتعطي اوامرها للخدم والضحكة على وجها...شحال هادي محسات بفرحة كيما هكا ..حطات يديها على خبز (توست)وحركات براسها للخدامة تزيد تسخنو شوية حيت هكا موالف ياكلو...
فيكتوريا:وجدو الجردة الرئيسية غادي نفطرو تماك..واه متنساوش توجدو عصير سيترون لولدي ..يلاه تحركو...'(توجهات لاسونسير لي كان فلكوزينة وطلع بيها للطابق عندو بالضبط فغرفتو لي شحال هادي مشافتو فيها...كان مليوح على فراشو رجل يمين ولخرا شمال..ناعس على وجهو وضهرو الممشوق كيتهز ويتحط مع كل نفس كيخرجو حطات يديها على ضهرو العاري وبدات دوز صباعها بشوية على طول ضهرو حتى بدا يتحرك ضور وجهو لعندها وجمع الوقفة باسها فراسها ودخل لطواليط بلما ينطق بحرف..
فيكتوريا:(بقات شحال جالسة فبلاصتها كتسناه يخرج ..طلعات عينيها فيه خارج كييقطر بلماء ...جسمو الرياضي المنحوت نحت لي كيبرز عضلات بطنو السداسية...شعرو النازل على عينيه كيقطر.ونصو تحتاني لاوي عليه فوطة..جر فوطة صغيرة ونشف شعرو شافها جالسة كتشوف فيه...نطق بكل برود:
هولاكو:متسولينيش على اي حاجة.... كلشي مزيان فوقتو
فيكتوريا:ماشي من حقي نعرف فين كان ولدي عامين هادي؟؟
هبة:(مسحة دموعها)من هنا مغاديش نخرج واخا نعرف نقتلو...
فيكتوريا:اليوم بليل غادي ندير احتفال كبير بمناسبة رجوعك لينا..
هولاكو:(حط عينيه على تيلي)كتعرفيني معنديش مع هاد التخربيق..
فيكتوريا:ميمكنش...ترجع لينا من جديد ومنديروش احتفال..متصورش شحال طايرة من الفرحة اولدي...(حاطة ايدها على ايدو والفرحة غادي تخرج من عينيها)
هولاكو:(حط تيلي وشاف فيها)هاد خينا مزاال مقلع من هنا!!
فيكتوريا:شكون؟؟
هولاكو:(شاف فيها بطريقة عدم تصديق)
فيكتوريا:احم...من نهار لي مشيتي هو لي هتم بالخدمة واصلا هو لي خلا شركات واقفين على رجليهم..كان غادي يجينا إفلاس لو...
هولاكو:متكمليش ليا جوج كلمات حفضهم ليك...هاد الشمانة صابر عليه غير على ودك اما كنت دفنت ديلمو حي...اما الشركات فغير يهز زبلو ويتگعد عليا من تم..
فيكتوريا:ولكين...
هولاكو:(ناض من بلاصتو هز نضاضرو وخرج خلاها شادا راسها بيدها)
هولاكو:(وقفات لوطو قدام رجليه.."رانج فلبيض"..نزل الشيفور منها وحل ليه الباب الخلفي...جلس بكل ثباات ..انسان فقمة الجدية والحدة..كلمتو مكتنزلش...والحرف الى خرج من فمو كيحسبو الف حسااااب ...ثابت فافكارو وتصرفاتو..تحس براسك جالس مع شخص مافيه حتى غلط ولو انو الكمال لله عز وجل...ذكي ذكاااء المكر ..بالمختصر حتى حاجة مدوز عليه..انسان سلطوي قااااهر متحكم....ولي فيدو ديالو وممنوع منعا باتاااا يقرب شي حد لحاجة تخصو او تعنيه...انسان مفصل تفصيل كل شبر فيه وكل جزء من جسمو شاد قياسو وعبارو..ملامحو رجولية بامتياز...عيون عسلية وشعر اسود حريري لحية مطراسية على وجهو ..وعينين حاااادين الشوفة....يقدر ياثر عليك بنظرة وحدة من عينيه ..حتى تحس براسك قدام جلاد قاسي اولا قدام شخص حنون...وقفات لوطو قدام شركة ضخمة كلها كانت زاااج....خرج رجلو من لوطو وصايب لفيستا ديالو طلع وجهو فلاشخاص لي قدامو حانيين راسهم وكيتسناوه يتقدم لجهتم...جسم رياضي بامتياز..كل عضلة فيه شادا بلاصتها وعبارهااا...وزادو جمال الوشم لي نازل على ايديه...بكل بساطة وسااااامتو عاطية العين...تخليك ساهي فيه بلاشعور.ا
هولاكو:(شاف فيهم مستفين قدام الشركة كيتسناوه لاستقبالو...كلشي حاني راسو ومنتاضرينو يتقدم بخطواتو لعندهم:
هولاكو:(كتفى بابتسامة جانبية وزول نظراتو...دخل لشركة ودور عينيه فيها بشكل محسوب...عفط على زر لاسونسير وتبعو الشخص لي سلم عليه كيعبر ليه على فرحتو وفرحت الموظفين وعدم تصديقهم لرجوعو...تحل الاسونسير في طابق28 هز راسو فلموظفين ديالو وخلاهم يوشوشو بيناتهم ...توجه لغرفة الاجتماعات وحل الباب بشكل عشوائي:
هولاكو:اوووه مجتمعين بلا بيا...
دافيد:(لعرق كيصب من جبينو متصوروش غادي يجي)
الشخص:(الحديث بلايطالية.)سي هولاكو نهااار كبير هادا مرحبا بيك من جديد..متسناتش ليا لفرصة نعيط ليك البارح...
هولاكو:(مد ليه يدو وعينيه مفيكسين على دافيد)ميرسي خواان...
الشخص:الحمد لله على سلامتك سي هولاكو
هولاكو:(تبسم ليهم على جنب ..وتوجه لعند دافيد لي بدا يمسح لعرق من عنقو)
دافيد:(نااض من كرسيه)مرحبا هولاكو..ا..امم كنا كنهضرو على اتفاقية لادوية الجديدة..
هولاكو:(شير ليه براسو يتگعد من على لكرسي)
دافيد:(فهم راسو وكحز لكرسي ووقف على راس هولاكو لي رجع جلس بلاصتو بكل شمووخ)
هولاكو:(حط حجيرات بين صباعو وشاف فيهم جامع حجبانو وكيهضر بثقة عالية)بما أني رجعت لشركة ديالي ...فجميع الاتفاقيات والصفقاات غادي دوز على ايدي..بالنسبة لي الصفقات لي درتو هادي عامين بلا بيا غادي يتم الغائها..
(كلشي حل فمو مصدووم مصدقوش الشي لي سمعو)
دافيد:(مشعرش براسو حتى وقف حداه)ميمكنش نلغوهم.. هاد الصفقاات مهمة للشركة..
هولاكو:(شاف فيه بنص عين ورجع شااف فالرجاال لي معاه)اتفاقية الادوية والشرااب والسلاح وحتى النسا لي جبتو من افريقا..غادي يتم الغائها التمن لي تعطا ليكم فهاد الصفقاات مسوايينش حتى ربع...
(كلش حنا راسو واولهم دافيد ..مكانش متصور بلي هولاكو كان مراقب جميع تحركاتو والخدمة لي كيدير من وراه)
خوان:مستر هولاكو الشي لي...
هولاكو:(قاطعو )هضرة هولاكو مكتعاودش..من هاد اللحظة جميع الصفقات ملغية حتى يتعطى ليها التمان ديالها...دابا تقدرو تتفضلو فااش يتغير راي ديالكم علمو سيكرتير ديالي..(كلشي هز وراقيه وخرج..الى دافيد لي بدا يمسح لعرق من عنقو)
دافيد:(جا يحل الباب سمع صوتو لمزلزل)
هولاكو:من اليوم منشوفش كمراتك قدامي..حتى فلقصر غادي تغبر عليا زلافتك..وملي مقتلتكش لحد الساعة فماشي لسواد عينيك ..وإنما حمد ربك بلي فيكتوريا وراااك كون ماشي هي ...كنت سلخت جلدك من على عظمك.
هولاكو:غاااااادي تعرفوني شكنسواااااااا...(جمع غوباشتو ودخل يدو فجيبو شحال من حاجة كدور فراسو ومغادي يرتاااح حتى يعملها)
هبة:(بداات تحل عينيها على صوت الدقااان فلباب..حكاات عويناتها وجبدات بينوارها تخشاات فيه...وخشات رجليها فصندالتها...ومشاات كتعوج فاتجااه الباب..نطقات بصوت غالب عليه النعاس:
هبة:شكوووون؟
......:حلي حلي...جينا نشووفو الدار لي باع لينا العربي
هبة:(خرجات عينيها مصدومة من هضرتها دارت الصقطة فلباب ونطقاات)معندنا داار للبيع...والعربي ميكسااب حتى غراام فيها..
......:شنهوااا؟؟يااك ميصحابليكم حنا ولاد صغار..شديتو لفلووس وبغيتو تاكلوني فحقي...حلي لبااااب حلي(كضرب بجهد على الباب وهبة حاطة تقلها كلو عليه..معرفاتش منين جاتها هاد الشجاعة كلها بااش تقدر تواجههم)
هبة:سيري عند العربي يفك حريرتك...من هنا مغادي نخرج...ولي عليك ديريه..
....:(نطق صوت روجولي يمكن ولدها اولا راجلها)احلي ابنت القح••..مغاديش نعاودو لهضرة....حلي لانهرس ديلمو هاد الباب(كيضرب برجليه بجهد على الباب..وجوقة بداات تلم فلحي)
هبة:والله لاحليت ليكم..سيرو قلبي على الشماتة لي سرقكم..
زوهرة:(نزلات تجري هي وبنتها ملي سمعو لغوااات)
.......:حلي حللللللي لانجيب ليك البوليس....
زوهرة:نجيبة يحرم من ربااااك بدلي ساعة بوخرا..
......:مغنمشي من هنا حتى تخرج هاد البنت من داري...دم جوفي عطيتو لباها..ولكين طلعت بهيمة بدل منشد من عندو السارووت عطيتو لفلوووس تايقة فراجلي حيت كيعرفو..
زوهرة:نجيبة بلا فضايح الله يستر عليك...البنت لي لداخل ميتة ليها مها والعربي باع الدار ديال مها...انا مكنفهمش فهاد الشي ولكين الله يستر عليك سيري دابا حتى وكاان نشوفو هاد المشكلة كينديرو حتى نحلوها..الله يرحم والديك انجيبة نتي بنت لاصل مترضايش على راسك لفضايح والشوهة شوفي الحي كيتجمع علينا..
.....:(دورات وجها فلحي شافتو كلو خرج كيتفرج)واخا غادي ندير بوجهك ...ولكين والله ومتخرج من داري غدا..وراس مي عيشة يحتى نجيب ليها لبوليس(دارت على الولد لي معاها)يلاه اولدي..غدا نرجعو..
زوهرة:اوووف ياربي شهااد الحالة...(شافت فناس)ياالله ياسيادنا الجوقة سالات لي عندها شي دار تمشي ليها...(رجعات دق على هبة)
زوهرة:بنتي هبة حلي..راه مشااو
هبة:(حلات الصقطة وحلات الباب بشوية)
زوهرة:(دخلات لعندنا وعنقاتها)الله ابنتي الله شهااد الحالة لي وصلك ليها لكافر بالله...
هبة:يوقع لي يوقع والله منخرج من دار مي.
««بداا ليل يرسل خيوطو المضلمة على العاصمة الروسية موسكو...الجو باارد وزادو التلج لي طايح فارجااء لمدينة...المدينة الباردة كيفما كيسموها المدينة التلجية...فوسط قصر ديميتري..وبالضبط فصالة السفلية الخاصة بالحفلات..كانت دنيا مقلوبة بالخدم شي ماشي وشي جااي كلشي خدام ومتوتر...لبنات كانو لابسين كسيوات كحلين نص فلفخااد ولولاد لابسين سراول كحلين وجيليات فوق بلوزة بيضة...وكل واحد معلق اسمو فجنب..كانت صالة كبيرة نازلة من سقفها تريا كبيرة ..وارضيتها من الرخام المنقووش وفلوسط دروج نازل معاهم طابي غووج..على الجانب الاخر كانت الجردة مزينة بضواو صغار مشتين زادهم جمال التلج لي موزع بطريقة مقاادة على طول الجردة..وفوسط الصالة محطوطة منصة عليها الات موسيقية وفرقة الاوركسترا بداو يشدو اماكنهم المخصصة...على الجانب الاخر دخلو راقصات الجاز ولبالي مستفين..كلها شدات كرسيها وجلسات كتقوم بلاحماءات...قدام بااب الصالة كانت مراة فلاربعينات من عمرها جامعة شعرها لفوق ولابسة كسوة طويلة فلاسود بحال ستيل ديال كسيوات الخادمات غير هي جاية طويلة عليهم وحاطة زويف فعنقها بلون الاحمر رجعات نضاضر وخلات ايديها ورا ضهرها..كتشوف تحركات كل واحد على حدى ...
ميليسا:اجي نتا لهنا..
...:(حنا راسو ودار ايديه ورا ضهرو)نعام الالة
ميليسا:ممنوع الصحافة تدخل ..غادي تخرج تنبه لكاردكور لي برا ميخلوش الصحافة تدخل لقصر حدهم الباب البراني
.. ..:واخا الالة(مشا يجري ينفذ لاوامر)
....:لالة ميليسا!
ميليسا:شكااين تاني؟؟
.....:تريتور جا وبداو يدخلو لماكلة لمطبخ...وااش نبداو نوجدو لماكلة فطابسل
ميليسا:(هزاات حاجبها فيها)اصلا باينة فيكم عمركم خدمتو فشي حفلة...شمن طباسل ولا كسارن...هادي راه حفلة رااقية ماشي عيد ميلادي...سيري لعند الطبااخ جون..وقوليه يوقف على البوفي براسو وبلاصتو راها فين(شيرا بيدها على مكاان خالي محطوطة فيه طبلة طويلة خاصة بلبوفي)
.....:واخا الالة(طارت تجري لكوزينة)
فيكتوريا:(نازلة مع دروج الصالة بكامل اناقتهاااا لابسة كسوة حمرا سميطات محلولة من جهة الرجل مخليا شعرها مطلووق ومكيااج ليلي صاارخ ..وكتفات بحلقاات طوااال مهودين مع ودنيها لجهة عنقها...بدات كتشووف بعينيها فكل جهة كتقلب على شي خطأ...ولكين كلشي كان ناضي وفمكانو)
ميليسا:مدام فيكتوريا..
فيكتوريا:كلشي واجد؟
ميليسا:واجد الالة مناقص واالو..
فيكتوريا:مزيااان مبغيت ولا خطأ هاد ليلة...
ميليسا:(هضر صوت فسماعة ودنها)لالة الضيوف بداو يوصلو...
فيكتوريا:(شدات نفس وطلقاتو)مزيااان انا نخرج نستقبلهم ...فاش يوصل ولدي علميني
ميليسا:واخا الالة(رجهات ايديها ورا ضهرها وبدات تتمشى بين الخدم لي شدو صف واحد تابع واااحد كيتسناو الضيوف يوصلو باااش يبداو خدمتهم)
هبة:(جامعة ايديها لعندها وكتشوف فطبلة لي قدامها)
زوهرة:(حاطة طويجين بالبيض وجلبانة وكتنقب منو هي ومروى )
زوهرة:بنتي هبة كولي شوية..
هبة:غير بصحتكم اخالتي..معندي خاطر لي يدوق شي حاجة
زوهرة:غادي تقتلي راسك بهاد الحالة
مروى:هبة عافااااك مدي يدك واخا غير شوية
هبة:والله معندي خاطر غير بصحتكم..(بقات جالسة فبلاصتها كتخمم فهاد الشي لي رماها فيه العربي...دقاايق قليلة من الصمت.. حتى تسمع صوت الباب تحل بالجهد...)
هبة:(فزعات من بلاصتها)
العربي:(دخل عليهم مكشكش)الله يحرق جد بووك ابنت لحراام...انا طيحي كلامي لارض..وتخلي لي يسوى و ميسواااش يهضر فيا
هبة:نتااااا لي رميتينا فهااااد الحالة...شدااااك تبيع داار مي
زوهرة:هادشي لي كدير العربي ميرضي الرب ولا العبد...خلي عليك البنت فدار مهاااا...
العربي:مزيااااان تبارك الله بقيتي ليا غير نتي...زيدي قودي عليا خرجي..(جرها من ايدها ودفعها جهة الباب ومروى تبعاهم ..رماهم برا وسد الباب...رجع لعند هبة لي كانت واقفة فباصتها)
هبة:(عياات متحكم فراسها ولكين مبقاتش قادرة..نفاجرات فوجهو تعاير وتغوت ودموعها على خدها)والله منخرج من داار مي...وااخا نعرف نموووت منخرج منها السكااايري..ملقيتي متب..(مزاال مكملات كلامها نزل عليها بصقلة حتى طاحت فوف سداري)
العربي:(طلع فوقها وبدا يضرب ويصرفق ..حناكها كيوزوز والدم نازل من فمها ونيفها عينيها دغيا تنفخو بقوة الضرب وشعرها مخلا فيه زغبة منتفها كانت ساكتة ومخليها يضرب ويعاوود...ستفازاتو بسوكتها...بحال مكتحس بوالو...ناض من فوقها وحيد الصمطة ديال السروااال وبرك عليها يجبد فيها فكل طرف من لحمها...خلاها لوحة تشكيلية...عييااا ونفسو تقطع ليه بقوة الضرب لي دار ليها...ناض من فوقها وجر صمطتو وراه.)
هبة:(كتشوف فيه بعينها ليسرا لي بدات حتى هي تسد...نفسها كطلع وتهز...شاافت فسكين محطوط فووق الطبلة..لاول مرة قلبها وعقلها يشجعوها بجوج على هاد الخطوة لي غادي دير...وقفاات بسييف عليها...وحطات ايدها لي كتقطر على السكين..وبدات تجر رجليها لعندو...كتحس بالسخفة ولعيا ولالم...لكن الشجاعة لي جاتها خلاتها تنسى اي حاجة كتوجعها المها غادي يبرا وجرحها غادي يلتئم ملي تنهي حيااااتو وترتاااااح....
العربي:(كان واقف فلكوزينة كيشرب..عيا من المجهود العضلي لي دار معاها...خرجو عينيه..وتحل فمو على جهدو خرج الدم بقوة من فمو وتهرس الكاس عند رجليه ..طاح على ركابيه وحس بطعنة فضهرو... ..كيحس بسكين يدخل ويخرج من ضهرو.كانت طعناتها ليه متفرقة تدخل وتخرج فسكين ... حتى طاااح على وجهو...وغرق فدمو...بدا يفركل برجليه...والنفس تطلع وتهبط ...كيشوووف فيها بعينيه...وهي تغوووت وتصرخ..
هبة:::مووووووت موووووووت خلاااص....موووووووت
هولاكو:(خرج من الشركة فوقت متأخر ..لقى شيفور واقف كيتسناااه...حل ليه الباب الخلفي ..وطلع كيبقشش فتيلي...شاف اتصال من عند الام ديالو...حط لفون على ودنو وجاوب:
فيكتوريا:ولدي فينك؟
هولاكو:فطريق....
فيكتوريا:عااافك سربي جي...كلشي كيتسناااك!
هولاكو:مفهمتش!!!!
فيكتوريا:حفل رجوعك لينا..
هولاكو:(غمض عينيه ورجع حلهم)قلت ليك معنديش مع هاد الاجواء...
فيكتوريا:ولدي عاااافااااك...متخسرش عليا فرحتي بيك...جي غير سلم على ضيوفك ونساحب...عاااااافااااك
هولاكو:(غمض عينيه بزعفة ورجع حلهم..اصلا نقطة ضعفو فهاد الحياة هي لام ديالو...كتفا بكلمة اوكي لي خرجات بثبات من فمو وقطع لاتصال..هضر وعينيه فلفون)
هولاكو:قلب طريق للقصر..
شيفور:واخا ميسيو..
*************
جيلين:(واقفة قدام لمرايا..كتحط حلقات فودنيها)
جاسمين:غادي تمشي لحفلة ونتي ممعروضاالش؟
جيلين:خالتي فيكتوريا مغاديش تمنعني من ندخل...اصلا انا حبيبة ولدها
جاسمين:كنتي..اما دابا الوضع تبدل..
جيلين:(دارت عندها كتهضر بحدة)هولاكو دياااالي..واخا طيح سما على لارض ديااالي وغادي يبقى ديااالي...
جاسمين:(حطات ايدها على وجها)بنتي..انا كنقول هكا حيت خايفة عليك...مبغيتكش ترجعي لوضع لي كنتي فيه
جيلين:(دارت على لمرايا وصايبات عكرها بصبعها..معطيااش اهمية لهضرتها)انا مشيت..
جاسمين:خلي لوك يوصلك ومتعطليش
هبة:(جمعات رجليها لعند صدرها ومفيكسا عينيها عليه غاطس فدمو...كتهز جسمها وعينيها على وجهو لي بدا لونو يتبدل لازرق...دمو وصل رجليها ومعطياااش اهمية لاي حاجة محيطة بيها...دازت ربع ساعة على وضعها..وبدات تسمع صوت زوهرة ومروى كيدقو بجهد:
زوهرة:هبة....هببببة حلي....العربي....وحلوووو الباب
مروى:ماما اكيد غادي تكون واقعة شي حاجة...
زوهرة:(رجعات دق بجهد)هببببة وااااهببببة....العربي حل الباب
هبة:(مزااال على وضعها مكتسمع واالو..حوااسها غيبو عن الاشتغال..حاجة وحدة لي خدامة هوما عينيها لي كتشوفهم بيه فدااك الوضع)
مروى:هبة حلي الباب...عاااافااك غير هضري...هبببة
خالد:شوااقع؟
زوهرة:معرفتش اولدي...العربي جرا علينا من الدار وخليناه مع هبة...خايفة غير يكون دار فيها شي حاجة..
خالد:(كيدق بيدو بجهد)العربي حل الباب العررربي.....
(بداات الزنقة كتلم من جديد وكلشي خرج يشوف شواااقع)
زوهرة:هادشي ممرتاحاش ليه...باينة دار فلبنت شي حاجة
خالد:نعيطو لبوليس حسن
مروى:انا نصوني عليهم(ركبات رقم الشرطة وحطات لفون على ودنها...بينما زوهرة وخااالد رجعو يدقو ويغوتو عليهم...دازت نص ساااعة تقريبا..الحي كلو خرج يفهم شوااقع خصوصا ملي شافو صطافيك ديال لبوليس داخلة للزنقة...خرجو من لوطو...وتوجه لعندهم خالد..
بوليس:شغادي يكون وااقع اكيد مناقشين بيناتهم ..دابا جايبينا هنا حيت سمعتو شي غوات!!
خالد:(حدر راسو معرفش بااش يجاوب)
زوهرة:(جات لعندهم تجري)خوويااا الله يرحم ليك لواليدين شووف كيديرو حتى تحلو الباب..البنت صوتها مكيتسمعش وماشي من عوايدها وحتى باها موالف هاد الوقت يكون خرج...عاااافااااك يرحم والديك شوفو كيديرو..نخاااف يكون دار ليها شي حاجة..رااه مفقلبو رحمة.
بوليسي:(شااف فيها وتقدم لجهة لباب كيدق)حلووو معااااكم لبوليس...حلوووو(طابو يديه وصوتو بح ولاحياة لمن تنادي..رجع شوية لور وبدا يدفع لباب بكل تقلو ..جاه بوليسي اخر وبداو يدفعو الباب حتى تحل..دور عينيه فالدار ..وتبعاتو زوهرة تجري...
زوهرة:هبة....(دخلات لكوزينة..وهي طيح على ركابيها طلقاتها بغوتة وحدة حتى تجمعو عليها لبوليس)وااااااكووووووااااك اعباااااااد الله.
جيلين:(وقفات قدام كاميرات الباباراتزي لي كانت ناقلة الحفل على المباشر...حطات يدها على خصرها وهزاات راسها الفوق كتشووف فاضوااء لفلاش لي كضرب فعينيها وراسمة بسمة خفيفة على شفاها..كانت لابسة كسيوة طويلة فلازق القامت جاية صون كول ومفرفرا من التحت حاطة معاها سلسلة طويلة وحلقات خفااف...تبسمات للكاميرات ودخلات للصالة المقيمة فيها الحفل تابعاها مرافقة حتى دخلات...هزااات طرف الكسوة بيدها ودخلات كتسلم على بعض المعارف الحاضرين...شافت فيكتوريا واقفة مع شي نسا...ومشات لعندها..
فيكتوريا:( يلاه جات تهضر وهي تلمحو عينها واقف عند دروج ...لابس لكلاس فلون لاسود وحاطة ساعة فيدو مكتفي غير بكرافاط مهودة مع عنقو..ووشامو هابطين على ايديه..رفع حاجبو..وخشا يدو فجيب سرواال وتم نازل مع طابي غووج لمنشور فوق دروج)
جيلين:(شافت فين كتشووف فيكتوريا..هزاات عينيها وشافتو هابط..مزااال كيما هو مگلظم ومرجل..حضورو طااغي وشوفاتو مزالو كيما هوما..تمخترو فالدرووج وعينيه الغير المبالية بنضرات الحضور..خلقاات فيها حالة...مكرهاتش تهرب بيه اولا تخبيه عليهم..وصل لاخر درجة حط رجلو..وتوجهو عندو ضيوف كيسلمو عليه ويعبرو على سعادتهم بوجودو من جديد..
هولاكو:(كان مكتفي بيدو لي كانت تعطي الواجب وراسو لي كان مرة مرة كيحركو كامتنان..مكلفش راسو ينطق بحرف ليهم..بعد عليهم...ووقف عندها)
اكرم:ممحتاجاش تشريح ملي هي عتارفت بلي هي لقتالتو وبصماتها على سكين فكلشي واضح
بوليسي:نظن بلي الجريمة وقعت كدفاااع عن النفس..
اكرم:(وقف فلكوزينة كيشووف بلاصة العربي مخطوط عليها بطاباشير..)باااش قلتها؟؟
بوليسي:باينة فيها مهلوكة عصا...حالتها لي شفناها عليها تشفي لعدو...
اكرم:يمكن تكون هي لي دارت فراسها هاديك الحالة..وتبين بلي دفااع عن نفس..
بوليسي:معرفتش ولكين..لقينا الصمطة ديال القتيل مرمية..باينة فيها غفلاتو جاتو من الظهر وطعناتو بضرباات متفرقة...
اكرم(رجع دور وجهو من جديد فلكوزينة...)غدا غادي ترجعوها لهنا...ضروري من إعادة تمثيل للجريمة
بوليسي:واخا
اكرم:(رجع نظاراتو وخرج)
««الحيااااة لعبة كبيرة..كلها ومن فين شااادها...فينا لي مزال كيبكي على اطلال الماضي..وفينا لي عاايش مهني...وفينا لي مدمر كلي...حنا مجيناااهاش بااش نضحكو ولعبو ونفرحو..وانما مكتوب علينا الشقاااء والعناء وهادي هي الطبيعة البشرية...ترضيك ولا تبكيك...غادي تدمر وتضعف وتخاااف وتتالم...بنهاية الوااااقع هو هادا...ولكين ضروري يكون كااين تقب ديااال النور...بحااال التقب لي مراقبتو هبة بعويناتها كيدخل عليها نووور بسيط....ويمكن حياتها حتى هي يرجع فيها الضو ...
هبة:(حنااات راسها على رجلين واقفين عندهااا...)
بوليسي:نوضي تهزي!
هبة:(وقفااات كتعكز على الحيط بيدها...رجع ليها لمينووط..ودخلها لمكتب...طلب منها تجلس حتى يجي العميد..
اكرم:(قطع الاتصال ودخل عليها...شاااف حالتها مكرفسة..وتوجه لكرسيه..عطا لاشارة لكاتب لي حداه يكتب أقوالها ونطق..
اكرم:اسمك الكامل؟
هبة:هبة الناصيري
اكرم:مكان الازدياد؟
هبة:مدينة •••
اكرم:شنو وقع ليلة الجريمة..هضري ومتخافي واالو ..لي وقع قوليه بالضبط وبالتفصيل
هبة:(شاافت فيه بعينيها لمبوقلين وبداات تعاااود ليه شنو طرا...لكاتب كيكتب اقوالها...واكرم مركز معاها)صااافي هادشي لي كاين...(حنات راسها وسكتات)
اكرم:ندمانة حيت قتلتيه؟؟
هبة:(طلعات فيه عينيها وسكتات..مكانتش متوقعة يسولها هاد السؤال..)
اكرم:جاااوبي...ندمانة !
هبة:(رجعت شافت فيه)لاااا.....
اكرم:(حك ذقنو بصباع ايديه وطلب منهم يخرجوها لصطافيط من جديد في اتجاه لمنزل لتمثيل الجريمة...وداكشي لي كان..مشاات معااهم وبداات تعاود من جديد وتوضح كيدارة حتى قتلاتو..خرجوها من الدار وشاافتها زوهرة جاتها تجري تبكي ومروى تابعاها..
هبة:(كتفات بنضرة اخيرة وطلعات لوطو قداام انظااار الحي...دازو دمووعها بلما تحس..باينة غادي تعفن فلحبس...شغااادي يوقع لها وشنو مزاال غادي تشوووف؟...بزاااف عليها لي وقع..ولكين على الاقل رتاحت من عاااهة كانت منكدة عليها حياتها...وقدرات تشفي غليلها ولا شوية وتنتاقم لموت خوها ولام ديالها...وقفات لوطو من جديد...وخرجوها منها جارينها في اتجاه زنزانتها..حتى اليوم لي غادي يتم فيه النطق بالحكم
«بعد اسبوع:
.....هولاكو كان هاد سيمانة مركز مع خدمتو..رجع لسلطة ديالو ومكانتو فسووق..وعينيه هاد المرة على فلاديمير غااادي ينتاقم منو غير بلفن..ويوريه نجووم ليل فنهاار..اما.دافيد فمن نهار لي رجع هولاكو قرر يسافر لأمريكا..بااش يريح بالو شوية ويخطط كيدير حتى يتهنى منو فمرة...
سك:ميستر هولاكو ..عندك اجتماع من هنا لساعة مع الألمان...و عندك اجتمااع اخر فوقت لغدا من لمنتجين لشركة الجديدة
هولاكو:(كيقلب شي ورااق بين ايديه)طلبي من لوكااس يجي عندي لمكتب..وصيفطي ليا قهوة كحلة
سك:(كتشوف فيه بعوينتها لمرمشين...لفراشات كيدورو فكرشها..وفرحتها بارزة على وجها....توحاشتو بزاااف مكرهاتش طير عليه بتعنيقة )
هولاكو:(طلع فيها عينيو)سمعتيني شنو قلت..؟؟
سك:سمحلي..دابا نعيط لوكالس..لقهوة ديالك ثواني وتكون واجدة..(خرجات كتبسم وقلبها كيضرب..بينما هولاكو رجع حط راسو على وراقيه من جديد وركز مع خدمتو.)
••••••••••
هبة:(بعدما دوشات عطاوها كسوة بيضة طويلة تلبسها ..جمعات شعرها لفوق..ولبسات صبيبط فرجلها..دخل عليها الحارس..جمع ليها ايديها بلمينوط وخرجها..لصالة لي غادي يتم فيها النطق بالحكم..كانت زوهرة مروى وبعض من الجيران جالسين فصالة المحكمة...القاضي جالس ياتسناها والمحامي لي كلفات ليها المحكمة شاد ملفها بين ايديها...ناوي يخفف عليها الحكم...جلسات فوق كرسي..وطلب منها القاضي تقسم بلي غادي تقول غير الحق..عطات القسم..وبدا المحامي خدمتو..عيط لشهوود ولي كانو من بين جيرانها ..حاول المحامي يقنع القاضي بلي الشي لي وقع هو دفااع عن نفس لاغير...
القاضي:(بعد لحظات وتشاااور مع نواب لي معاه..ضرب على الطاولة ديالو جوج ضرباات ونطق:
القاضي:بنااء على الادلة لمطروحة عندنا..وبناء على اقوال الجانية وبقية الشهود..فإن الجانية هبة الناصيري مدانة بقتل ابيها العربي الناصيري..وعليه فتم الحكم على الجانية ب30 سنة نافذة(رجع ضرب على الطاولة من جديد)رفعت الجلسة..
مروى:ماما نزيد ليها هاد لكسوة
زوهرة:لا صافي باراكا عالله غير يخلونا ندخلو ليها هادشي
مروى:(جلسات على صوفا)مسيكينة 30 سنة مسهلاش
زوهرة:متعرفي يعطوها تخفيف نسيتي شنو قال المحامي
مروى:شغادي يقدهم يعطوها..بنهاية حياتها دمراات
زوهرة:أيوة ابنتي الله ينتاقم من لي كان السبب..
مروى:امين..
زوهرة:يلاه نوضي قبل ميفوت علينا وقت الزيارة...(هزاات لقفة بين ايديها وتوجهات لطوبيس)
••••••••
هبة:(حادرة راسها ولمينوط جامع ليها ايديها)
اكرم:(دخل عليها لبيروّ...شاافها حانية راسها وسهى فيها...على الرغم من الوزن لي فقدات وعلامات الضرب لي مصورين فوجها...مزااال زوينة...ريمشاتها كيطلعو وينزلو بشكل هادئ..جامعة رجيلاتها لعندها وكتشووف قدامها منتبهاتش لنظراتو ليها..)
اكرم:(دغيا فااق من السهوة لي كان فيها...توجه لمكتب وجر كرسيه وجلس)
اكرم:احم..اليوم غادي ينقلوك لسجن النسا
هبة:(طلعات عويناتها الرماديين فيه وحركاات ليه راسها بالإيجاب)
اكرم:علاااش ضيعتي حياتك...؟؟؟
هبة:(شافت قدامها ومجوابتوش)
اكرم:وااااش لهااااد الدرجة مكنتيش كتحمليه...!!!
هبة:(منطقااات بحتى حرف)
اكرم:يمكن ماشي من حقي ندخل ولكين..علاش قتلتي بااك؟
هبة:(طلعات عويناتها فيه ونطقات)امتى غادي نمشي لحبس؟
اكرم:(عرفها كتهرب من الايجابة..حدر راسو على شي ورااق)
هبة:(كتشووف فيديها ومراقبة المينوووط لي جامعهم...رجلها كتهز وتحط ...شوووش تركيزها صوت زوهرة...هزاات فيهم عينيها وشافتهم جايين قاصدينها ...
زوهرة:هئ هئ الله ابنتي فين تلات بيك لياااام
اكرم:(حيد ليها المينووط وخرج وخلاهم)
هبة:(ترمااات فحضنها حابسة دموعهاااا)
زوهرة:(جلساات فوق لكرسي وشدات بيديها)كضرك شي حااجة...كيجيبو ليكم الماكلة ..
هبة:(شافت فيهم بعيون مدمعين...حدرات راسها وجرها اكرم من دراعها...خرج بيها من مركز الشرطة..وطلعها لوطو اوخرى في اتجاه سجن نسا)
هولاكو:(حاط يديه فجيوبو واقف قدااام الواجهة الزجاجية ديال المكتب...كتبان ليه لمدينة كلها مغطية بالتلج...عينيه كيشوفو في اتجاه واحد..وعقلو خدااام كيخمم...شوش تركيزو صوتها كدق على الباب بشوية...حلات بااب وتسمع صوتها:
سكرتيرة:ميستر هولاكو لوووكااس كيتسنى برا
هولاكو:(جاوب بلما يشوف فيها)دخليه.
لوكاس:(دخل وتيلي بين ايديه كيبقشش فيه...شااب وسيم في ثلاثينات من عمرو...عيونو زورق زروقية لبحر...شعرو كثيف مسبسب دايما مطلعو وكيعصبو ملي يطيح على عينيه..لحيتو مرتبة ومرسومة بشكل دقيق على فكو...طولو حكاااية وعرض كتاااافو قصة...عضلات بطنو مطرااسية...وشكلو كيدل على مداومتو على سبوور...
لوكاس:واخا ولكين دير حساابك كلوب(فلينتا)هاد ليلة..
هولاكو:(مهتمش بهضرتو ومشا)
لوكااس:غاادي نتسنااااك تماااااا...
هولاكو:(كتفى انو يخرج بلما ينطق)
فوسط صالة لرقص البالي..صوت الموسيقى كيتسمع منها..وحركااات موزونة كتماشى مع نغماتها...مغمضمة عويناتها ومخلايا جسمها يتمايل برقة واحترافية مع الريتم ...لابسة كسيوة نص فلفخااد حريرية كتمايل مع حركات جسدها...جامعة شعرها لفوق ولابسة صبيبيط الخاص بلبالي خيوطو طالعين مع صاقها...منساجمة وعااايشة اللحظة..احسن حاجة عندها هي الرقص..كتخرج طاقتها السلبية فيه...فلجانب لاخر وبالضبط قدام باب الصالة كان واقف كيراقب خطواتها بعينيه..جامع ايديه لصدرو وحاط راسو على حافت الباب كيتبسم بتلقائية وعينيه متبعينها...قلبو كيضرب وسط الرغبة ولهفة كبيرة...دازت اكتر من نص ساعة وهو على هداك الوضع حتى حساات بيه..وقفات عن الرقص..وتوجهات لزر لمسجل طفات الموسيقى وجرات فوطة صغيرة كتمسح بيها عنقها..هضرات بلما تشوف فيه:
جيلين:(هزات تيلي ديالها وتوجهات عندو شافت فيه ونطقت)اوكي..
لوك:(تبسم بلما يشعر وخلا عينيه مراقبينها حتى غبرات من قدامو..عينيه فاضحينو وااخا يعيا يخبي ويدفن الشي لي حااس بيه من اتجاها غادي تبقى جيلين لمرا لوحيدة لي تعلق بيها قلبو..واخا عارف بلي هادشي معندو حتى نهاية معاها خصوصا ملي رجع هولاكو من جديد.)
***********************
فلاديمير:(جالس فلمكتب ديالو مظلم عليه..حاط رجليه فوق لمكتب وكااس شرااب فيدو لاخرى..ازرار لقاميجة محلولة ولكرافاطا مرخية على عنقو...رجع راسو ورا لكرسي وغمض عينيه...محلهم حتى حس بشي حد حل لباب وتشعل الضو...)
فلاديمير:طفي الضو اولد لق•••
جورج:(اليد ليمنة لفلاديمير والشخص الوحيد لي كيتيق فيه هادي سينين)علاش حابس راسك هنا...مفخباركش بلي خيسوس غادي يدخل السلعة اليوم!
فلاديمير:طفي الضو وقود عليا...
جورج:(ربع ايديه وتقابل معااه )لهااد الدرجة مسكن فيك الرعب؟
فلاديمير:(شاف فيه ورجع جغم من الكاااس)
جورج:الا بغيتي نقدرو نمحوووه من الكوون ..!!!
فلاديمير:سمعنا هاد الهضرة مرة فايتة وشنو وقع من بعد....
جورج:كون مدخل دافيد وخلاه لينا والله لارجع من جديد
فلاديمير:..انا متاكد بلي غادي يجي لهنا...
جورج:توگض افلاديمير..نتا راك شاد النص فلبلاد..متخليش هاد شي يضعفك
فلاديمير:(حط لكاس من بين ايديه وهز تيلي ديالو خلاه واقف فمكانو بلما يجاوب.)
هبة:(حسااات بصطافيط وقفااات...جرها البوليسي لي جالس حداها ونزلها...دورات وجها..وشاافت راسها واقفة قدام بواابة كبيرة كحلة مكتوب عليها فلفوق«سجن النسا لمدينة ••••»جرها لبوليسي ودخل بيها لدااخل كدور عينيها فكل قنت...على طول السجن أسلاك شوكية ملفوفة على جوانب ديالو ....كاميرات مراقبة فلقناات وحرااسة مشددة فكل جهة..دخلوها لواحد الغرفة وفتشوها مزيااان طلبو منها تحط اي حاجة عندها من غير حوايجها..حيدات حلقات صغار فودينتها كانت شراتهم ليها مليكة فسبوع معتز..حطاتهم قدام السجانة لي غير مراقباها بعينيها وكتشووف فعويناتها الساحرين وجماالها لاخاااذ ممستوعبااش بلي هاد الوجه البريء يقدر يقتل... رجعات فتشاتها وطلبت منها تعطيها معلوماتها...شدو ليها صورة خاصة بالضوسي ديالها ورجعو داوها من جديد فواحد الممر فيه بزاااف ديال الزنزانات...تحل واحد من الزنزانات وحلو ليها ليمنوط لي فيديها ودفعوها تدخل حتى طاحت على ركابيها....هزات شعرها لي تفرش قدامها بقوة الطيحة مسحات ركيباتها وطلعات وجها كتشووف فلحشد لمركز معاها...بدات دور عينيها وكتحاول تفهم شنو واقع..كانت زنزانة فيها تقريبا 20 سجينة...أشكالهم وحالتهم كتبين الحظ السيء لي جابها حتى لعندهم...كلشي كيشووف فيها...كيطلعوها من راسها حتى لرجليها...تقدماات لعندها وحدة لابسة سورفيط ديال دراري فلكحل مقطعة شعرها «كوب گاغسون» تقدمات لعندها كتبوطا بطريقة روجولية ووراها جوج بناات باينة ايشبينات ديالها...وقفات قدامها...ولمسكة كتلعب ففمها بطريقة همجية...نفخاات ليها على شعيرات طايحين على عويناتها ونطقات:
هبة:(حادرة راسها مقدراش تشوف فيهم..كلها كترعش والخوف مسيطر عليها )
سوكا:راااه هضرنا معاااك زعمة...شنو سميتك؟؟
هبة:س..ش.سمي..سميتي هبة...
سوكا:(طلعااات ليها وجها بيدهااا بجهد حتى ضرات ليها حنوكها)
غيتة:بشااااااخ عينيها زرقييين...
كريمة:لقلاوي ماشي زرقين...گري ازبل مكتشوفييش
سوكا::والله الا بومبا مع راسهااا....(كطلع فجسمها وتهبط ..ضرباتها بتبسيمة ونطقاات)
سوكا:من اليوم المشة غااادي تسمعي لهضرة...لي تقول عليها سوكا ينفذ...نقول ليك موتي موتي ..مكنحملش نعااود الهضرة جوج مراات...فين مامشيت نلقاااك تحت رجليا...مفهوووم
هبة:(عينيها بداااو يتجمعو فيهم الدمووووع كتحس بالحگرة وقلة الحيلة..حسات بضربة جاتها لمؤخرة..طلعات عينيها شافت سوكا كدوز لسانها على فمها كتشووف فيها بشهوانية وكتحلف عليها بنظراتها..حدرات عويناتها ودازت من حداهم وسط انظاار الجميع...شافت واحد لبلاصة خاوية جلسات فيها وجمعات رجليها لعند صدرها خاشية راسها بين رجليها ومتجاهلة لعينين لي كيشوفو فيها)
العشيقة المغرية الجزء الثاني
محتوى القصة
التنقل بين الأجزاء