جو:(جلس حداها وشد المشطة كيدوزها على شعرها)مشفتي وااااالو ازين دياالي...هنا راه شي كياكل شي...روسيا ماشي هي لمغريب..لقتيلة عااادي ولموت حتى هي عادي...هنا تكون سبع اولا رجع لور..
هبة:وفين لبوليس فهاد الشي...؟
جو:ههه لبوليس ضحكتني هههه راك داخلة وسط غاابة لقوي ياكل الضعيف..لبوليس شغادي دير ليك...غير سمعي الهضرة الارا..ومتعانديش...
هبة:قبيلة خفت بزاااف حسيت بقلبي غادي يسكت...
جو:مابانتش ليا...لي شاف الشدة لي دايرة للوحش يقول مراتو هههه
هبة:(نطقات بهدوء وعينيها فلارض)ش..شنو سميتو؟؟؟
جو:(تبسم على جنب)هوولاكو...سميتو هولاكو...هاداك راه الوحش ديال روسيا....عندو سبع 7 ارواح يا ربي سلامة...مات هادي عامين ورجع حيا من جديد...وهاد المرة رجع مجهد على قبل..كنت خدام عندو شحال هادي فواحد لكباري..على ماسمعت من لبنات كيكون حنين معاهم فلفراش مكيعنفهمش وكيعطيهم فوق تمن..ولكين الا مشى حتى تقلب..غير شري السلامة وصاافي...
هبة:(سرحاات فخيالها ورجعت لحظات لي كانت شادة فيه..علاش جمعاتو بيديها؟علااش ترماات عليه!!علاش هو بذاات حساات معاااه بنوع من لامااان وااخا غير لحظة ولكين كانت كافية تخليها تحس بنوع من الراحة...دغيا نفضات افكارها ملي سمعت صوت جو)
جو:فين غيبيتي؟؟
هبة:(حدرات راسها وسكتات)
جو:نقوليك واحد لحاجة..الا طلبك لوحش عندو.. مك داعية ليك..مغاديش يضربك ومغاديش يعنفك كيف مواالفين زو•••..بلعكس غادي يعطيك فيك لفلوس الصحيحة...غير طلبي من سيدي ربي يطلبك عندو
هبة:(بأسى)مبغيت حتى واااحد .بغيتهم يعطوني بالتساااع...
جو:سيري نعس حسن ..راك شفتي بزاااف هاد النهار..تصبحي بخير..
هبة:(حطات راسها على لمخدة وحاولت تخوي بالها من الشي لي وقع هاد النهار)
لوكاس:(حل عينيه على جهدهم)تسطيتي..التحف مهربة ودخليتهم لقلب دارك ودرتي ليهم مزاااد قدام العلن..ودابا سلاح باغي تبيعو عين بين...لا لا هولاكو حتى لهنا وحبس كتلعب بالنار..
هولاكو:دير الشي لي قلت ليك...وجد لاجتمااع غدا فالشركة وعيط الناس لمعنية..
لوكاس:هولاكو فكر مزياان راك كتحدى الدولة هكا...
هولاكو:لي فيدو شي قلو••يجي يشدها...
لوكاس(نفخ بأسى)شي نهار غادي تسكت ليا لقلب...
هولاكو:دير لي قلت ليك ومتخممش...
لوكاس:اوك...(بقا شحاال ساكت حتى نطق)شكون هاديك لي عصراتك بيديها...(بسمة جانبية)
هولاكو:(شاف فيه ورجع شاف فلجهة لاخرى)معرفتش...
لوكاس:على مابان ليا من صحابات الحال..وجديدة اول مرة نشوفها...
لوكاس:ولكين بيني وبينك..قرطاااسة بنت لقح•• بحال والو نطلبها غدا...
هولاكو:(حس بحاجة كتنغزو جهة قلبو من الشي لي قالو لوكاس...مبقااش عارف مالو محاملش الشي لي نطق بيه ..حس بسخونية طالعة معاه..هز كاسو ونزل عليه دقة وحدة..وناض من مكانو..على الرغم من الهواااء البارد..والجو القارص..كان كيحس بناااار حااارة كتلتاهم داتو..مالو؟شواقع ليه؟؟ حك وجهو بيديه..ورجع شافها قدام عينيه...رجع تفكر عويناتها والشدة لي كانت دايرة لفمها...ورقبتها الطويلة لي كانت مزروعة فيها شامة كبيرة كتبان بشكل سيكسي...صرط ريقو...وضرب الكاس مع الحيط حتى تشتت..وطلع لبيتو كيزفر بغضب.)
••••••••••
ا
الشخص:(حط قدامو بيسي وظغط على واحد الزر)هادو التسجيلات من لوقت لي دخلت..
الونسو:(بدا يقدم فتسجيلات حتى وصل لعند دخلت هولاكو...هنا ركز انظاارو عليه وعلى الرجال لي معاااه كيحاول يلقى شي حاجة لي تفيدو...غادي يشد بتااارو ويندم. على الشي لي دااار..بقا متبع ليه لعين ..حتى شافو ملي عطى لاشارة لوكاس ..ولي تكلف هو لاخر بإرسال رسالة لشخص اعطى لخبر لالونسو...
الونسو:(ضرب يدو مع طبلة بغضب..)هاد الزا•• كيلعب من وراااانا...راسو يكون عندي...
شخص:واخا اسيدي...
الونسو:(يلاه جا يسد لبيسي حتى شافها هازة صينية بين ايديها..صرط ريقو وبحلق فيها بتفحص زوينة وزينها عاطي لعين...بقا متبع ليها لعين حتى شاف يد هولاكو لي جراتها وخلاتها وراه..هز حاجبو بتعجب واستغراب..علاش دار هاد التصرف معاها؟؟باينة فيها من صحابات الحال من لكسيوة لي لابسة...ستغرب كتر من الشدة لي دايرة ليه وراسها لمحطوط على ضهرو...هنا عرف بلي لقضية ماشي قضية..قحبة ديال ليلة وحدة...لموضوع باينة فيه كبير وكبير بزاااف تبسم بمكر..وسد لبيسي بجهد.)
ايفانيا:(فاقت على صوت ريفااااي لي برزطها...طفاتو بيديها ورماات لغطى...حطات رجليها فصندالتها..وناضت كتمايل في اتجاه طواليط قضات حاجتها ورتبات نفسها..وخرجت تفطر فلكوزينة صغيرة لي وسط لبواط...كملات ماكلتها وخرجات لعند الرجال لي رسل ليها هولاكو يقاضو الروينة لي وقعات لبارح...شادا كاس القهوة فيدها ويدها لوخرا محطوطة على جنبها...كتعطي اوامرها ليهم..وعينيها مراقبينهم...حسات بشي حد وقف على راسها:
الشخص:لالة ايفانيا تيليفون....
ايفانيا:(باستغراب)شكون..؟
الشخص:مستر الونسو..
ايفانيا:الو....
الونسو:ايفانيا...
ايفانيا:نعام اسيدي الونسو..
الونسو:،اليوم بليل غادي نصيفطلك شيفور ترسلي لي واحد لبنت من عندك...
ايفانيا:(ضحكااات حتى بانو سنانها بشكل واضح)على راس ولعين اسيدي...شكون فيهم نوجدوها ليك اسيدي..
الونسو:لبنت الجديدة..
ايفاينا:(دغيا تجمعات ضحكتها وصرطااات ريقها)إينا...اينااا وحدة فيهم؟؟؟
الونسو:تييييتزة الجديدة..نضن سميتهاااا..لاراا...
ايفانيا:(مسحات بيدها رقبتها...وعينيها خرجو)س...سي..سيدي هاد لبنت خارجة هاااد ليلة...خلي حتى شي ليلة اخرى ونصيفطها ليك...
الونسو:(بغضب)ايفاااانيا...بربي ومتصيفطيها ليا هاد ليلة والله حتى نحو•• ديلمك من لودن...(قطع عليها وخلاها غادي تطلقها فسروالها)
ايفانيا:(مشااات تجري لمكتب وسدات عليها...بدات تاكل فضفارها..وقلبها غادي يخرج من مكاااانو..تمشي وتجي على طول لبيرو...هادشي خرج ليها من جنب...مكانتش حاسبة حسااابو...شغادي دير ؟وشنو هو الحل لهاد المصيبة لي خرجاات ليها؟؟الونسو الا مشا حتى حط لعين على شي وحدة فمغاديش يزگلها واخا طيح الروح...وخيسوس الا عرف بلي الونسو طالبها من غير هولاكو فليلتها كحلة كحااال ليل...بقات تفكر وتخمم فلحل..تعصر مخها وتحاااول توصل لشي طريق تنجيها من شي لي غادي يطرا...هو حل وحيد قدرات توصل ليه...غادي تصيفط ليه هبة بلما يعرف خيسوس..هكا تنجي روحها وتنجي لبواااط من لهيب لي غادي يكلها من كل جاانب.)
جو:(شادا كاس لقهوة فيديه..وكيلعب بواحد لحلقة فودنو..شااف رجال كيصايبو الروينة ديال لبارح ومشا لعندهم كيتمايل..نقطة ضعفو هوما رجال..كيتحل كلو الا شافهم..وقف على راسهم مخرج جنبو..وكيغمز واحد منهم:
جو:فين وصلتو...
الشخص:مبقاش لينا بزاااف..
جو:نتا بعدا عييتي بزاااف سير ترتاااح.. نوصي ليك على قهوة(بغمزة)
جو:واخا هاهو غادي..ولكين مالكي مانشطاااش وحدة بحال هادي راه غادي تعرقنا فلخير..
ايفانيا:عافاك اجو خرج..مافيا لي يهضر..
جو:اوووف هاهو غااادي...
•••••••••••••••••
(جالس فمكتب لاجتماعات حاط يديو على حنكو بطريقة رجولية..وقدامو شي وراااق...بداو لاشخااص كيشدو أماكنهم في انتظار بداية لاجتماع..لوكاااس لعرق كيصب منو..هولاكو صطاااه مبقاااش عارف منين يشدو...كيتحدا دولة على قدها..وهادشي ديال السلاح ماشي غير روسيا لمعنية بيه..هادشي شادينو ريوس كباار ومنظمات حفظ السلام ودول عالمية معنية بهاد لأمر..وهولاكو هادشي مهامووش وممحرك فيه حتى شعرة بحاال كيقول ليهم عاودوها لكر••...تسد باب لمكتب بدخول اخر شخص:
لوكاس:ليوم جمعناكم هنا على ود السلاح لي عندنا...الدفعة لاولى واجدة وجايا من لبرازيل..حاجة ناضية وفلمستوى
الشخص:حنا تايقين فسي هولاكو ..دايما السلعة ديالو مكتخيبنااش..ولكين..لوضع دولي عارفينو..السلاح ولا عليه بزااف ديال الرقابة ولوضع ولا خطير خصوصا مع هاد الشي لي وااقع فشرق لاوسط وداعش لي خرجاات من جنب سلااح ولا عليه خناااق كبير...
الشخص2:هادشي لي قال صحيح..من يومين تشد فيرناندو والخلية ديالو تشداات على ود سلاح لي شرا من امريكا..هادشي ولا مخربق الحرب لي واقعة فسوريا والمنظمات الارهابية كسرات علينا السوق...(بدات اصواتهم كتسمع بتوشويش بينهم..وهولاكو متبع ليهم لعين..مطلع حاجبو وكيدوز على ليحتو بشوية..شاف فلوكاس لي حاني راسو..وناض من كرسيه..حط يديه بشكل مفرق على لمكتب..وجمع غوباشتو بغضب وتحدي وقلة خووف)
هولاكو:لي خااايف يخرج يق•• عليا من هنااااا...ولي غادي يبدا يعرض عليا جوج كلمات حافضهم منشوفش خليقة جدو قدااامي...واش كيصحاااب لديلمكم انا بووكيموون ولا فااار يحركوني كيفما بغااااو...لي بغاااا يوقع فهاد لكون يوقع...نهاااار يقول ليا كر••نبيع شي حااجة غادي نبيعها..ولي عندو شي قلا••يخرج يوريهم ليا...سلااااح دخلتو قدااام عينيهم ومكاينش شي ولد لقح•• حل فمو..هنا كلشي كيضرب على راسو...من لمنضمااات لدول لرؤساااء كلشي كيضرب على كر•• ومايجوش حتى لعندي ويوقفوني..عارفين ديلمي كيداااير...وعااارف بلي بيدي نقدر نرميهم فجنهم....دااباااا جوج كلمات غااادي نخسرهم عليكم...لي معاجبوش كلامي وخايف على كر••(شار براسو)لباب عرض من كتاااافو...(كلشي سكت وحنا راااس..مكانوش متوقعين هاد لقوة لي عندو...الشي لي نطق بيه كلو صحيح..كلشي كيضرب على مصلحتو..مكاينااش شي حاجة سميتها حفظ السلم ولامان..كل دولة كتوري عضلاتها على لوخرا...وهاد الدواامة لي فيها سلااح ميدخلها غير لقادر عليها وملي هولاكو دخل لهاد الدوااامة فهو قااادر عليها...رجع جلس مكانو ملي شافهم ساكتين وحانين الراس ..وكمل لاجتماع)
هبة:(جالسة كتسمع لجيهااان لي كتعاود ليها على ليلة لبارح)
جو:لارا..متنسايش الشي لي هضرنا فيه ..مغاديش نبقاو نعاودو فلهضرة كل شوية..يلاه خرجو تفطرو(سد الباب ومشا)
جيهان:ايوي هانتي يختي طلبوك وغادي تعيشي لحظة...
هبة:هئ هئ مبغيتش هئ هئ..
جيهان:لارا...غادي تجيبها غير فراسك ومغاديش يحنو فيك(خشات دراعها فدراع هبة وخرجات بيها لكوزينة)يلاه نفطرو حسن..متخميش غير غادي تسمعي لهضرتو وديري الشي لي كيقول ليك...داكشي كيدوز زوين خاصك غير ترخاي وصااافي..
هبة:(كلامها كيدخل من ودن وكيخرج من لوخرااا..مزال مستوعباتش الشي لي غادي يوقع ليها..مقدراتش تفطر غير حانية الراس ودموعها على خدها..فزعات فاش سمعت صوت جو كيعيط ليها..طلعات فيه عينيها مبوقلين بالدموع وحمرين بكترة لبكى...
جو:اويلي شهاد الحالة لي دايرة فراسك...بغيتي تخلعي السيد..نوضي غسلي وجهك...
هبة:هئ هئ خلوني عليكم..مبغيتش نمشي هئ هئ..عااافااكم خلوني هئ هئ نخدم اي حاجة من غير هاد الخدمة هئ هئ..
جو:(يلاه جا يهضر تفزع بصوتها وراه)
ايفانيا:حنا هناا ماشي خيرية نوكلوك ونشربوك ونعطوك فين تنعسي..عاد لحوايج لي محطوطين ليك..وزيد عليها مخرجينك من حبس كنتي غادي تعفني فيه عمرك كلو..وفلخر كتقولي مبغيتش ..خلوني؟؟نوضي تهزي من قدامي توجدي ..منبغيش نسمع هاد الهضرة مرة اخرى..والا.متلومي غير راسك..(دارت اشارة براسها لجو يديها معاه..وداكشي لي كان جرها في اتجاه غرفتها حانية راسها ودموعها غير مزادو هبطو)
(سالا لاجتماع بشراء اغلب الأسلحة لي دخلات من لبرازيل..توجه مع لوكاس لمطعم قريب من الشركة..طلبو الشي لي بغاو..وبقاو ساكتين حتى تسمع صوت لوكاس:
لوكاس:مكتخاافش؟
هولاكو:(شاف فيه ورجع شاف فزجاج لي جنبو وهضر ببرود)من شنو؟؟
لوكاس:من الشي لي ضاير بيك...؟؟؟
هولاكو:(هضر بثبات)حنا فغابة..كيلبعو فيها غير سبوعة...ولي معندو قوتهم ميدخلش لغابتهم..
لوكاس:هاكا غادي يكترو اعداائك..
هولاكو:(جغم من كاسو)لي عندو شي حاجة يوريها...
لوكاس:اووف..هادشي خطير اهولاكو دير بالك..
هولاكو:(تبسم على جنب بسخرية..وشاف لجهة لأخرى..بانت ليه بنية صغيرة شعرها كحل وعويناتها كبار رمادين...بقا مركز معاها ومع عويناتها لي كانو عامرين دموع..مباغاش تلبس لمونطو ديالها عدبات ماماها معاها..دغيا جات بين عينيه...تفكر عويناتها فاش حلاتهم كبار وعامرين دموع..تفكر رميشاتها...وايديها لي كانو مزيرين على لكسيوة لي كانت لابسة بخوف..غمض عينيه ورجع حلهم..تبورش عليه لحمو..ملي تفكر الشدة لي كانت دايرة ليه....مبقاش قادر يجلس فمكانو...رجع جسمو سخن والحرارة طلعات معاه...مالو ولا هكا بمجرد مكيتفكرها كطلع معاه السخونية!!! جر كاسو وشربو دقة وحدة..
(الساعة كتشير 9 ليلا..وقفات قدام لمرايا..وجها كيبين كمية الخوف والاسى لي واضح عليه)
جو:(كيمشط ليها شعرها )ماشاء الله بسم الله احسن الخالقين...شعرك طويل وسود سوااد ليل..ماشاء الله(دق على لخشب حداه)قليل فين تلقى شي وحدة شعرها هكا...
هبة:(كتفات تشوفو فلمرايا بعدم اهتمام وعينيها متبعين وجها لحزين..كانت لابسة كسيوة كحلة لاصقة عليها..واصلة نص فلفخااد..مؤخرتها خارجة بشكل باارز وواضح صدرها خارج بشكل مغري وكسيوتها كتلامع بلالا صغاار..جمع ليها شعرها بطريقة سيكسي وبدا يوصيها..
جو:متخافيش وترخاااي..كلما ترخيتي كلما كانت لممارسة ساهلة..درت ليك باندوش وفوطة باش دوشي فصباح..وحطيت ليك اولويز..فاش تسالي ديريها حيت اول ممارسة ليك غادي تجيك الدم من بعدها...(شاف فيها.)ماشاء لله شحاال طالعة كتحمقي..
هولاكو:(كتفى يطلع حاجبو برفض..صاط دخان قدامها ونطق)لبنت لي حاوطتني لبارح...بغيتهاااااااا...
ايفانيا:(عينيها تحلو على جهدهم...كتحس برعدة من صبع رجلها الصغير..حتى لشعرها...لعرق نازل مع ضهرها..وقلبها كيضرب بجهد..جاب لي يخرجها من هاد الوحلة)
جيلين:(حاطة رجل فوق رجل..ويديها كيلعبو فوق الطبلة...لابسة كسوة عملية فلون الاسود مع ليبة شفافة وطالون طالع مع رجلها...زولات نظاظر من عينيها وتنهدات بغضب...شافت جهة النافذة لي حداها مراقبة الناس لماشية والجاية...ولهيب لانتظار كيحرقها ..مبقاتش قادرة تصبر..فين تعطل لحد الساعة؟..شوش تركيزها صوت بنت واقفة على راسها:
البنت:شنو تشربي..؟؟
جيلين:قهوة كحلة...
البنت:اوكي(مشات في اتجاه لكنطوار تجيب طلب ديالها)
الشخص:(دخل كيقلب عليها بعينيه..شافها جالسة ومشا لعندها)
جيلين:فين تعطلتي حتى لداااابااااا؟
الشخص:سمحيلي الالة..(حنا راسو)
جيلين:هضر خلاص..شنو عرفت؟
الشخص:لبنت ماشي روسية..جايبينها من لمغريب..
جيلين:عندها شي علاقة مع هولاكو؟
الشخص:لحد الساعة مزال مطلبها لعندو..موقعش شي لقاء بيناتهم..غير كوني هانية الالة راه موصي عليها شي ناس فلبوااط اي شخص طلبها يعلموني بيه..
جيلين:(تنفسات الصعداء..ورسمة بسمة على وجها ورتاحت نسبيا..ملي مطلبهاااش هولاكو عندو يعني شي خيبوعة مافيها لي يتشاااف..)حل عينيك مزيااان...والا طرا شي جديد علمني بيه..
الشخص:واخا الالة...كوني هانية(حطات ليه غلاف فيه فلوس هزهم ومشا..بينما هي رشفات من قهوتها بسعادة..وهزات تيلي ديالها وخرجاات)
•••••••••••••••••
(وقفات بيها لوطو قدام بوابة حديدية قدامها شخصين..على مايبدو حراس من لباس لي لابسين...تحلات ليهم لبوابة ودخل الشيفور لوسط لفيلا..شافها من لمرايا وجها حمر مزنگ وعويناتها كيلمعو بالدموع...
شيفور:تقدري تنزلي راه وصلنا..
هبة:(فيقها من سهوتها..ورجعها لشي لي مستنيها...غمضات عينيها ورجعت حلاتهم..وحسات بلباب تحل ليها كانت لخدامة لي هزاات صاك من لكوفر..وحلات ليها لباب تنزل..خرجات رجليها من لوطو..وتبعات لخدامة..كانت فيلا كبيرة ومنظمة بشكل خرافي..كل حاجة محطوطة مكانها ومختارة بعناية...مكانش عندها لبال لي يشوف شي حاجة او ينبهر بيها..بقاو عينيها غير تابعين لخدامة لي كدخلها من طريق وتخرجها من لوخرا...حتى وصلتها لواحد لبيت..
ايفانيا:(كتحس بريق نشف من حلقها..معرفاااش باش تجاااوب..الشي لي بغاات تقاضو عوجاااتو..ومع من؟مع هولاكو!!...)
هولاكو:(هز فيها حاجبو)مسمعتينيش؟
ايفانيا:(صرطات ريقها وشافت فيه)الب...البنت طلبها واحد لكيان وهي دابا عندو..حتى لغدا ونصيفطها ليك..
هولاكو:(بقا كيشوف فيها شحاال..حط سيجاار على لمكتب وبدا يعصرو بشوية)شكون؟؟
ايفانيا:س...سي هولاكو..نقسم بربي حتى نجيبها ليك غدا...تقدر تختار اي وحدة هاد ليلة راه كاينين بنات جداد..جبناهم غير هاد السيمانة..(عصر سيغااار مزياااان وطلع فيها عينيه بغضب...)سوولتك شكووووون؟
ايفانيا:(معندها مهرب..اللهم تجاوبو ولي ليها ليها..صرطات ريقها ونطقات)الو...الونسو..
هولاكو:(شاف فيها مزيااان وناض من مكانو..وقف عاطيها بضهر..وخلاها غادي تاكل جنابها..معرفاااش ماالو وااقف جاامد فمكاانو...كيبان ليها غير ضهرو لي كيتهز ويتحط...معرفاتش شنو طرا...حتى لقات لمكتب لي قداامها مرمي مع لحيط حتى تشتت...وقفات جاامدة على لحيط لي وراهااا...وحساات بلموت كتعيط ليها ..خصوصا ملي شاافت ايديه على عنقها مزير عليها حتى خرجو
عينيها..ولونها ولا زرق...شرشرااات بلما تحس..رمااها حتى طاحت وخرج بسرعة..جامع ايديه على شكل قبضة..وعينيه نقطة حمرة..بركااان متنقل..الويل لي يقرب ليه فهاااد لحظة...ركب فلوطو وطار بيها في إتجاه لفيلا ديال الونسو...ماهي الا لحظات حتى وصل قدام لبوابة..شافو فيه لحراااس عرفووه شااعل من عينيه لحمرين ولغوباشة المرسومة على وجهو بشكل واضح..عارفينو وعارفين هاد لحالة الا وصل ليها كيكون بحال لوحش فهيئة انسان..مكتروش فتفكير...دغيا حلو ليه لبوابة ونفدو بارواحهم..ماشي شخص لي يتحدااوه ويحطو راسهم معاه...وقف لوطو قدام لباب ودخل صااعر..كيقلب عليه بعينيه..جاتو لخدامة كترعد كلها كتفيبري..
هولاكو:فين هو؟؟
الخدامة:لف...لفوق(شارت ليه بيدها)
هولاكو:(طلع لعندهم..كل رجل كيدير فيها 3 درجاات..لهيب كيخرج من عينيه ..وغضب مجموع فيه.. كيطلع النفس ويهبطو بزز...اخيب حالة يوصل ليها هي هادي..غضبو ماشي عاادي..كيغيب بشكل كلي وكيكون واحد اخر .)
هبة(بقات شحال جالسة فوق ناموسية تفكر وتحلل...شافت فطبلة لي قدامها وركزت عيوناتها فيها..داز قدامها شريط حياتها كلو..معندها مادير حياتها من البداية كانت راسمة ليها هاد الطريق..ومغاديش تقدر تخرج راسها منها..مهما حاولت تهرب وتخرج منها..كترجع ليها..مكتوب عليها تكون عااهر وغادي تولي عااهر بغاات كرهت..مسحات دمعة سخونة نازلة من عينها..وناضت من مكانها.. شافت راسها فلمرايا وطلعات كسيوتها الشفافة...كانت فلون الأسود القامت ..كلها مشبكة وكتلامع بلألأ صغيرة...كانت كسيوة مشبكة كتخلي لحم كيبان بمضهر مغري وجرئ ...جمال ساقيها عطى رونق خاص لصندالة لي لابسة كانت طالعة لنص ساق بسيور حمراء....شافت راسها من جنب كتفحص منها لمؤخرتها البارزة المشدودة لي كتبان بشكل مغري مع لمعان لحجيرات الصغار لي فلكسوة...جبدات كريم بريون ورشاتو على فرقة صدرها...باش تزيد تهيج الشخص لي فانتظارها....رشات من عطرها...وتوجهات لجرس لمحطوط لها ..ضغطات عليه جوج مرات وتحلو بيبان البيت لي هي فيه....دخلو عليها جوج بنات لابسين كسيوات عند الركبة...وحاطين اسمائهم فجنب لكتف...نطقات وحدة منهم:(بالروسية)
هي:الى كنتي واجدة تفضلي معانا
هي:(شدات نفس وطلقاتو وهزات براسها ليهم...مشات قدامهم...وقلبها كيضرب الف درجة...لأول مرة كتشجع وتقنع نفسها بهاد لمصير لمحتم عليها..دقو لبنات على واحد لباب وشدو من عندو لاذن..وطلبو منها تدخل..شدات نفس ورخااتو ودخلت لعندو مخربقة الأحاسيس..حانية راسها..وكتلعب بصباعها..كان جالس فوق ناموسية لابسة بينوار حريري والسروال ديالو مخلي صدرو عريان..وهاز كاس ديال شراب..غير شافها داخلة وحلات ليه الجغمة لي شرب...خرج عينيه على جهدهم..كانت فوق لوصف..معرفش شنو يشوف وشنو يخلي..معرفش فين يركز شوفاتو..حط كاسو ووقف عندها..بقا يقرب ليها وهي ترجع لور حتى تضرب راسها مع لحيط..وطلعات فيه عينيها بصدمة..هو نفس الشخص لي سكن فيها الرعب..هو نفسو لي كان السبب فموت بزااف ديال الرجال هاديك ليلة..صرطات ريقها ودغيا رجعات فشي لي كانت كتحاول تقنع راسها بيه..قرب منها وشد خصلة من شعرها هابطة على عينيها...شمها وغمض عينيه ...
الونسو:اممم لياااسمين...(شد نفس لخصلة ولاواها على صبعو...)لاراااا يااالاراااا..فين كانو مخبينك..امم(رجع قرب منها وحط وجهو على عنقها يشمشم فيها...دغيا تهز من مكانو ملي شاااف لباب مليوح قداامو..خرج عينيه على جهدهم وشافو فواحد الحالة لي عااارفها مزياااان..
هبة:(شافت لباب مليوح قدامها..ولخوف سيطر عليها..طلعات عينيها فيه وشافتو واقف النفس كيطلع بزز..كان نفس الشخص لي تخشاات فيه..كان نفسو لي حسات بنوع من راحة معاه..تخلعات فاش شافتو فهاداك الوضع..دغيا ركزاات عينيها..على الرصاصة لي جات فراس الونسو..تحلو عينيها على جهدهم..وحلات فمها مصدومة..كتشوف جثة قدام رجليها..ودمو مشرشر..وقف عند راسها..دفع برجلو الجثة ..وتقابل معاها..شافها مصدومة وعويناتها كيطلعو ويهبطو بزربة...رجعات ورا الحيط حتى تضرب راسها..وجمعات ايديها لعندها..عرفها خايفة منو..رجع بعد منها ومسح وجهو بيديه كيحاول يهدن راسو..عارف راسو فاش كيوصل لهاد لحالة..شد نفس ورجع طلقو..شافها كتبكي بصمت ومكوانسية فمكانها..مشا لعندها وجرها من ايديها وخلاها وراه ..وزرب فمشيتو..طلعها فلوطو ودار ليها الصمطة..عفط على لوطو وطاار بيها في إتجاه لبوااط..مهضرش ولاحل فمو بحتى حرف..شنو غادي يقول؟وعلى شنو غادي يسول؟؟وهو اصلا لحد الساعة مزاال ماعرف علاش كيدير هكا..تلفت لعندها..شافها كتمسح دموعها بيديها..سها فيها وفحركاتها الهادئة..ايدياتها صغاار وحمرين من لدااخل.. خصلات من شعرها لمرمي على عينيها..دوز عينيه على جسمها يلاه سراات معااه شلابسة..كسيوة قصيرة ومغرية بشكل يحرك لهوايش..فخيداتها بيضين ومجموعين..ليهونش لخارجين من جوانب..وصدرها لواقف خارج نصو.. ورقبتها طويلة مرسومة فيها شامة بشكل واضح..زاد ضغط على لوطو بغضب..وجمع غوباشتو..حك بيدو لحيتو ..وشاف فطريق بغضب..رجع شاف فيها..مزيرة على شفتها تحنانية بسنيناتها هاد الحركة بذات كتخلق فيها حالة..دوز على رقبتو بيدو ونطق:
هولاكو:رصااااااي...
هبة:(مفهماتوش كان كيهضر بروسية..كتفات انها تزيد تزير على فمها الشي لي زاد جنو)
هولاكو:رصااااااااي..
هبة:(جاوباتو بلانجليزية بكل خوف)مف..مفهمتش!!
هولاكو:(عرفها ماشي روسية من لكنة لي هضرات بيها..وقف لوطو قدام لبواط..وشاف فيها كيتسناها تنزل..بقات معنكشة مع السمطة كتحاول تحلها معرفاتش ليها..تحنى لعندها وحط يدو على واحد زر ..غمض عينيه وشم ريحة لياسمين لمخلطة بلورد..ريحة خفيفة وبااردة..طلع وجهو فيها..وشداتو تبوريشة من أنفاسها الدافية لي كانت كضرب فيه..صرط ريقو وبعد دغيا..شي حاجة فلداخل ديالو كتعصرو جهة قلبو..معارفش شكيوقع ليه..دغيا رجع لواقع ملي شافها طالعة مع دروج لبواط كتجري..حل لباب وتبعها...شافها داخلة لممر لغرف وركز عينيه عليها حتى دخلات لبيتها..ودور وجهو لجهة ايفانيا لي كانت جالسة على صوفا سخفانة..وجو كينش عليها..مزاال صبااع ايديه مرسومين فعنقها بشكل وااضح...دغيا فاقت من السخفة لي فيها وشافتو واقف على راسها..
هولاكو:(تحدر لعندها ونطق بصوت ملئ بالتهديد والغضب)بربي ونعرف بلي صيفطيتها لشي زام•• مرة اخرى..نح••مك من عينيك..(شاف فيها مزياان ..روحها غادي تخرج..ومشا في اتجاه لباب الخارجي..رمى نظرة للممر لي هي وفيه وخرج)
جيهان:(كتلبس كسيوتها وكتوجد راسها باش تمشي لعند لكليان لي كيساين فيها..دورات وجها على لباب لي تحل..شافتها مزنگة ولخوف بادي عليها...
جيهان:اويلي مااالك؟؟لاش رجعتي دغيا..؟؟
هبة:(حطات ايدها على قلبها لي غادي يخرج من مكانو)يااختي فين رمينااا راسنا...هادشي كيخلع هناااا..
ايفانيا:مكتعرفيهش..(يلاه جات تكمل كلامها سمعت صوت تيلي كيصوني..شافت سمية وصرطاات ريقها..رمقات هبة بغضب وكتحلف عليها بعينيها..غادي تفدي فيها الشي لي وقع..مغاديش دوز ليها الشوهة لي وقعات ليها قدام لخداامة..كلشي عرف بفضيحتها..وبلي هولاكو كان غادي يقتلها وشرشرااات تحتها من الخوف..قح••مزاال مكملاتش حتى سيمانة قدرااات تخلي لي يسوى ولي ميسواااش يضحك فيها..خرجات من عندهم وحطات تيلي على ودنها بخوف:
خيسوس:سكتتتي...حسابي معاااك من بعد كون أكيدة مغاديش ندوزها ليك.(قطع عليها وخلاها غادي تموت بلخعة..جمعات غوباشتها ودخلات لعندهم من جديد ..عينيها على هبة غااادي تاكلها بيهم..)
ايفانيا:(بغضب)خرجوو...
جو:(غير شافها فهاديك الحالة عرفها غادي تنوضها..دغيا خرج.ووراه جيهان..تبعاتهم هبة غادي تخرج حتى هي..حتى لقات راسها مشدودة من دراعها ومزيرة عليها..)
ايفانيا:(بغضب)نتي بقاي...(سدات لباب بجهد وسورتات من الداخل..شافت فهبة بعينين فيهم بزااف ديال لمكر..وبدات تقرب منها وهبة كترجع مفاهمة واالو...حتى لقات راسها محاوطها لحيط..جمعات حويجباتها بخووف وعينيها كيشوف فايفانيا بخوف ..مفهمت واالو غير كترمش..محساات براسها حتى جاتها صقلة لحنك..حتى دار وجها لجهة لخرى..
ايفانيا:(مزيرة على حنوكها وكتهضر بغضب)7 سنين وانا هنا..عمر شي ولد لمرا حط عليا يدو...عمر شي خدااام من لي عندي شاار عليا بصبعو..وفأخر ايامي تجي قح•• مزال مسخانتش بلاصتها..تقلب حياتي فرمشة(زادت ضرباتها للحنك لاخر حتى داز الدم من نيفها)
هبة:هئ هئ شنو درت..سمعت لهضرة ومشيت لعندو هئ هئ... هو لي جاااا وخرجني من تماااك وقتلو هئ هئ
ايفانيا:(زادت صعرات)شنو مخلييهم يحماااقو عليك..شنو دااايرة ليهم...لي قتل على ودك..ولي كيوصي هنا ولهيه ..شنو لي فيك ماشي فلبنااات لوخرين هاااا هضري..(زادت ضربتها من جديد..غير كتصرفق فيها يمين وشمااال..حتى خلات حنوكها حمرين..ودم خارج من نيفها..خلاتها طايحة فمكانها كتبكي..وخرجات لعند جو لي عيا مايدق لباب عليها..)
هولاكو:(كيدور بلوطو من هنا ولهيه..شوارع موسكو كلهم داز عليهم ..باغي يهرب من حاجة معرفهاااش..حك بيدو لحيتو بشوية..ووقف لوطو قداام لبحر..غمض عينيه وشم نسيم لبحر البارد..كلما غمض عينيه كلما تصورات صورتها قدامو..دميعاتها خوفها حركاتها...كلشي تحفر فمخو..ولا حافظ ادق تفاصيل جسمها..رجعت داتو سخنات من جديد ملي تفكر فمها الضاغطة عليه بسنيناتها...حل عينيه بزربة..وستنشق ريحة لياسمين..حتى ريحتها ولا كيشمها..خرج من لوطو وسد لباب بزعفة..ضرب برجلو رويضة بغضب..بحالا كيضرب خيالو ومخيلتو لي مقدراتش تتوقف عن تفكير فيها..شد نفس ورجع رخااه..دخل يدو فلوطو وهز قرعة لماء..كبها على راسها كيحاول يصحصح..وملئ رية ديالو بهواء لبحر..بدا يقلب على تيلي ديالو..حتى تفكر بلي خلاه فوق لمكتب عند ايفانيا..مسح وجهو بيديه وركب فلوطو ضرب ديميتور..ورجع لبواااط..دخل بهاديك القلدة والتجريدة لي عندو كيتهز ويتحط..لبوااط خدام وناس كتشطح فكل مكان..توجه مباشرة لمكتب عندها ولقاها كتشد نفس..وكتمسح ايدها من الدم لي خرج من نيف هبة..
ايفانيا:(دورات وجها بغضب تشوف شكون حل عليها لباب هكا..دغيا جمعات هاداك لفم لي كان غادي يخرج شلا حوايج..وبدات ترجع وراها..شاف فيها مزياان وعرفها خايفة..كاينة شي حاجة ماشي تلهيه هو خبير فقراءة حركات لبشر وتصرفاتهم...وحركاتها كتبين كمية لخوف لي عندها..مقدراتش تنطق ..غير رجعات لور ولصقات على لحيط..الا كانت قبيلا شرشرات يمكن دابا تطلقها واقفة..شافتو مركز معاها ومحيدش عينيه عليها كيحلل ويدرس حركاتها..حنا يدو على تيلي وخرج بعدما سد لباب بجهد..وخرج كيتمختر على خاطرو في اتجاه باب الخروج..هي نظرة وحدة لممر لغرف بطريقة عفوية منو..شافها متكية على جو وغادي بيها لحمام..كيبان غير ضهرها..ولكين قوة الانتباه لي عندو..خلاتو يميزها عن الف وحدة..كتبان ماشي تلهيه..جر رجليه لعندهم..ودورها لعندو...طلع حاجبو باستغراب وفضول..حالتها كانت تبكي لعدو..شاف فجو لي بدااو رجليه يترعدو كان غادي يطيحها بكترة لخوف..لولا يديه لي حاوطتها من جهة ضهرها وخلاها تحط تقلها عليه..
جو:و.وو....والله مااا اناااا ...والله مااا انا..
هولاكو:(جمع غوباشتو من جديد وشاف فيه كيسولو غير بعينيه مافيه لي يهضر)
جو:(غمض عينيه ونطق )اي.....ايفااانيا
هولاكو:(جمع غوباشتو..وكتم غضبو فداخلو..شافها مرخية بين ايديه..وجها حمر بتصرفيق..ونقطة دم خارجة من جنب فمها...جرها لعندو مزيااان..ودخلها لطواااليط..قابلها مع لمرايا..وبدا يدوز على حنيكاتها لماء كيحاول يفيقها...وفنفس لوقت مسايس عليها..خايفها لا تتألم بلمساتو غسل ليها وجها..ودوز صبعو على فمها لمحلول شوية..بجنبو قطرات من الدم..عينيها كانو مسدودين..وداتها مرخية مكانتش مغيبة بشكل كلي.وفنفس لوقت مكانتش مصحصحة..قرب صبعو من فمها ودوز عليه كيحفض قياسو وحجمو..قرب منها بزااف وشم ريحتها لباااردة..غمض عينيه وقرب من قطرات الدم لي جنب ثغرها ومصهم..رجع حل عينيه وشاف فيها ترخاات كتر من لقياس باينة فيها سخفااات..رجع رش وجها بشوية ديال لماء حتى جمعات رميشااتها بسرعة..وبدات تحل عينيها..مسح ليها وجها..وهزها بين ايديه..كانت بحال شي مشيشة صغيرة مقارنة معاااه..مكمشة فيه..وحاطة راسها على جنب قلبو..لي كان كيضرب بزربة..دخلها لبيت وحطها فوق لفراش..غطاها..ورجع لور..لصق على لماريو لي مقابل معاها وبقا كيشووف فيها..شي حاجة فيها بحال لمغناطيس كتجبدو لعندها...كلما حاول يهرب كلما رجع..رجع لواقع ملي شافها داخلة..
جيهان:(شافتها فوق لفراش ناعسة..وجلست جنبها..طلعات عينيه فيه وشافتو واقف متكي على لماريو لي لاصق فلحيط..بتوتر وخوف)سم...سمحلي مشفتكش..!
هولاكو:(قرب لعندها..ودار اشارة براسو تنوض من حداها..داكشي لي دارت..وقفات مقابلة معاه وقلبها غادي يسكت)
هولاكو:(بلغة امر وممزوج بتهديد)عينيك عليها..متغيبش عنك دقيقة وحدة..أي حاجة توقع ليها علميني بيها..وأي زا••قرب ليها نعرفها..(قرب منها كتر حتى حسااات بانفاسو السخونة الغاضبة كضرب فوجهاا)عرفتي الا جاب الله ودرتي لعكس...
جيهان:(بخوف شديد)لا..لا...لي قلتي هو لي غادي ندير كون هاني..اي حاجة غادي توقع نعلمك نتا لول
هولاكو:(حط ليها كارت ديالو فيها رقمو وزاد ..يلاه جا يخرج شاف فيها بنص عين)شنو سميتها؟؟؟
جيهان:(طرطقات عينيها فيه بصدمة داير عليها هاد الحالة كلها ومزال معرف حتى سميتها)...لارا..لارا..
هولاكو:(حنا راسو وخرج...شد فقلبو لي غادي يسكت..وعقلو لي غادي يخرج من مكانو...شكيوقع ليه؟هاد الحريرة كاملة دايرها على قبل وحدة معارف حتى سميتها..غمض عينيه ورجع حلهم..وتوجه لمكتب ايفانيا متوعدها بالويل..ليوم يفدي فيها السابق واللاحق)
جو:(غير شافو دخلها لطواليط..عطا رجليه لريح ومشا يجري لعندها لمكتب..دخل كينهج..شاد فقلبو لي غادي يخرج..)خر...خرجي..هربي..هربي حسن ليك..
ايفانيا:ماالك؟شوااقع؟
جو:هولاكو غاادي يقتل ديلمك...خليتو مع لارا..كون تشوفي الشوفات لي دار فيا ملي عرفك ضربتيها...سيري هربي هاد ليلة..حتى لغدا ورجعي بينما تهدن..
ايفانيا:(غير سمعت الشي لي نطق بيه جو..بدات دور من هنا ولهيه..كلها تخربقات معرفاتش شنو دير..)
جو:(عرفها مخلوعة.ومغيبة...جمع ليها صاكها..وهز ليها سوارت وتيلي ديالها..وجرها من دراعها خرجها من لمكتب)توگضيييي..نتي غير سمعتي سميتو غيبتي...
ايفانيا: هئ هئ شغااادي يدير ليا...هئ هئ..
جو:سيري قو••هاذ ليلة بعدا.. بينما يبرد سيري دغيا..(جرات صاكها من عندو ومشات تجري قلبها غادي يسكت..)
جو:(تنفس الصعداء وسد الباب..يلاه جا يضور لقاه وراه)
جو:(شد فقلبو )بسم الله الرحمان الرحيم..خلعتيني..
هولاكو:(حرك ليه راسو يحيد من قدامو..كحز جو غادي يطلقها فسروالو..شافو كيقلب عليها بعينيه مشافهاش..رمق جو بنظرة تساؤل)
جو:باا..باينة هربااات بنت لحرااام..جيت لمكتب ملقيتهاااش..
هولاكو:(شااف فيه وقرب منو.بزااف..جو صافي سكرات لموت بدات تشدو)هاداك لبيت خط احمر..ممنوع شي حد يوصلووو....(شار بيدو للممر لي فيه الغرف)
هولاكو:(عرفو شداتو الحالة..دفعو بيدو حتى تصطح مع لحيط وخلاه يحك قزيبتو وعينيه متبعين هولاكو خارج من لبواط)هاااح..الروجولة اختشي..(مشا كيزكزك لجهة لبيت لي فيه هبة يشوف حالها)
لوك:(تبسم على جنب..وركب..صايب لمرايا وقابل عينيه معاها.)فين؟؟
جيلين:(كتبقشش فتيلي)بواط«فيلينتا»
لوك:(عرفاها مغااديش ترتااااح حتى تشوف لبنت لي كانت محاوطة هولاكو..لي فراسها فراسها..واخا يطرا لي طرا..خاصها تعرفها وربي كبير..جمع غوباشتو بغضب..وتوجه لبوااط لمذكور)
هبة:(كتشرب صوبا لي صايبت ليها جيهان..طاح عليها حب واهتمام هي وجو معرفاتوش منين نزل عليهم..كملات زلافتها ودهنات بكريم كيخفف من لآثار..صباع ايفانيا ترسمو فوجها..ومع بشرتها بقاو مرسومين فيها بشكل واضح..
جيهان:(قربات منها وجلسااات)هولاكو وصاانا عليك..متخرجي مادرجي غادي تبقاي هنا فلبيت ..ولي تجرأ يدير ليك شي حاجة كلفني نعلمو..
هبة:(حلات عينيها على جهدهم باستغراب)وعلااش؟
جيهان:(بغمزة)باينة عجبتيه..(طلعات فيها وهبطات)لبارح كان غادي يقتل ايفيانيا..كون مهربااات كون راها دابا فلقبر..
هبة:كتهضري بصح؟
جو:(دخل عليهم)صباح الزين..صباح التوتّّ..صباح التفاح..صبااح كل حاجة زوينة يااالالة لبناات...
هبة:(طلعات حاجبها فيه باستغراب من فين نزل عليه هاد الحنان ولكلام لحلو)
جو:كيصبحتي شوية..كضرك شي حاجة..؟
هبة:(حركات راسها بنفي..مزال مفهمت شواقع ليهم)
جو:ليوم عندك راحة..مغاديش تخدمي..جلسي هنا ومتحركيش..
جيهان:(حدرات راسها)جو..فراسها كلشي!!
جو:أيوة الله يعطيك لقوة ..علاش قلتي ليها..
هبة:انا لي بغيت نفهم علااش قال ليكم هاد لهضرة؟؟علااش يمنعني من نخرج..علاش كيدير هادشي؟(تحل عليهم لباب على غفلة..داخلة مدرمة كتقلب بعينيها..ركزاات عينيها على جيهان مرة وعلى هبة مرة اخرى..)
جو:جيلين..مرحباااا احبي...نهار كبير هادا..
جيلين:(تبسمات فوق خاطرها..غير كدير لواجب وصافي)صاافا..
جو:صافا احبي...شنو كديري هنا..؟؟مزاال لوقت على السهر..
جيلين:(شافت فيه ورجعت شافت فلبنات لي حتى هوما كيبادلوها نظارات..طلعت حاجبها ونطقات)شكون فيكم لارا؟
هبة:(صرطاات ريقها ورمشات بعينيها بزربة..هاد السمية جابت ليها غير لمصايب..شافو فيها كيتسناوها تنطق)
جيلين:(عرفاتها من دورة الخضارة لي دار فيها جو وجيهان..قربات لعندها وركزاات عينيها فيها كتفحص كل شبر فيها..كتشوف شنو زايد وشنو ناقص عندها...نطقت بهدوء)نتي هي؟؟
هبة(حركات راسها بالإيجاب وشافت فيها باغية تعرف شكون هي وشبغات فيها)
جيلين:(مقدراتش تنطق..واخا وجها مضروب وحالتها عيانة..ولكين زوينة وزينها عاطي..عينيها قتاالين..هي لي بنت وسرحت فيهم...صرطاات ريقها..وشافت فيها بغضب..مقدراتش تهضر خصوصا بحضورهم معاها..رمقاتها مزيااان وخرجاات بلما تنطق..
جو:اويلي هادي مالها..؟؟لارا فين كتعرفي جيلين؟
هبة:مكنعرفهاش..هي لي فين عرفات سميتي؟؟
جو:(يلاه ربط لاحدااث فراسو وعرفها لاش جاااية..لقضية بدااات تكبر..ولامور غادية وتعنكش..شاف فلبنت لي دخلات عليهم مخلوعة..وكترعد.)
ايفانيا:(دخلات كدور عينيها فلبواااط..لخدامة كينضفو ويرتبو كل مكان..السهرة كتبدا بكري عندهم..وخاص كلشي يكون واجد..دخلات لمكتب وحطاات صاكها بكل هدوء..متناسية الشي لي وقع لبارح..جلسات على لكرسي..وشدات راسها..قدرت تنجي نفسها من وحش طااغي..كون شدها البارح موحاال واش تبقى حية حتى لدابا..لي نجاها..هو شقة صاحبها لي نعسات فيها لبارح..رجعات راسها ورا لكرسي وغمضت عينيها..اكيد مغاديش يرجع ليها..هي ليلة وداازت..حلات عينيها على صوت لباب تسد..رجعات حلاتهم ببطء..وبسرعة خرجو على جهدهم..جرات لكرسي ولصقااات على لحيط..كان واقف متكي على لباب..حاط رجلو عليه ومسرح لوخرا..يديه فجيوبو..وعينيه كيهضرو بوحدهم..
هولاكو:(وقف مقااااد وقرب لعندها بخطوووات محسوبة..حط يدو على عنقها...وزير عليها...عينيها خرجو..ولونها ولا زرق...كتفركل برجليها...وروحها بداات تطلع...هي لحظات بسيطة كانت كفيلة تخليها تودع دنيا..لولا صوووت انثوي نطق بلكنة معنكشة:
هبة:عااااافااك خليها...عااافااك(كدق عليه الباب)
هولاكو:(متسوقش ..حواسو مغيبة فاااش كيوصل لهاد الحالة مكيقدر اي كان يخرجو منها...حاجة وحدة خلاتو يطلقها حتى ضربات مؤخرتها مع لارض..صوتها لي نطق باسمو..)
هبة: سي هووولاكو عاااافاااك خليها هئ هئ..
هولاكو:(شاف فيها مرمية..وجر رجليه لعند لباب..دور الساروت وحلو..كانت واقفة دموعها على خدها..وجو وراها مخلوع..
جو:(دخل يجري عندها وووقفها كيحاول يخلي تقلها عليه..)
هبة:(دخلات كتقلب عليها بعينيها..شافت جو متكيها عليه وخرجها من حداهم..شرويطة زرگة..يلاه جاات تخرج.. حبسها برجلو..وسد الباب..جمعات صبيعاتها عندها..وتكوانات فركنة تخشات فيها خايفة منو ومن الشي لي غادي يدير..
هولاكو:(قرب منها كتر..وحط ايديه مفرقين على لحيط حابس عليها طريق...كيشوف فيها وانفاسو كضرب فوجها)
هبة:(قربو وترها..وانفاسو زاادت كملات عليها...ضغطات على شفتها تحتانية بتوتر..الشي لي طلع معاه السخونية..نطق بصوت خشن..ملئ بلغة أمر:
هولاكو:رصااااااي..
هبة:(زادت تخشات كتر فلحيط..وضغطت بخوف على شفتهااا..الشي لي زااد جنو..وخلا حرارتو تطلع كتر وكتر رجع نطق بصوت انفاسو كتقطع معاه)
هولاكو:(غمض عينيه ونطق)رصااااااااي...
هبة:(غير مزايدة فيه واخا هضر معاها بلغة لي كتفهم..ولكين مقدراتش تفهم قصدو...حساات بيه جبدها لعندو بجهد..خاشي يدو فشعرهااا بجهد حتى طلع وجها قبالتو..سدات عينيها بالم..وتحل شعرها بين ايديه..صرط ريقو..وشااف فشعرها مغطي يديو..ومدلي معاه..دمعة الم نزلات على خدها بلما تحس..حط صبعو لكبير على دمعتها ونطق:
هولاكو:متبكيييييش...
هبة(حلات عينيها وجمعااات حويجباتهااا بالم وخوووف...نطقت بصوت شبه مسموع)..ش..شعري...
هولاكو:(صوتها بنجو..وحركاتهااا خلاوه بلا عقل...زيد عليها لقرب لي بيناتهم..زااد جر وجها لعندو..وطااح على شفايفها يجرهم.)
هبة:(كتحس بحاااجة رطبة محطوطة فوق شفايفها...شي حاجة سخونة وداافية...قلبها كيضرب...وشعر داتها طنش..كتحس بشي حاجة كتنغزها فكرشها..معرفاتش الشي لي كيوقع ليها..ستحلاات الجرة لي جار شنايفها..بينما هولاكو غيب..طعمة شنينفاتها ورطوبية لي فيهم..خلاتو يسخن..غير مغمض عينيه وكيجر..يدو فشعرها وفمو خداام..باغي يوقف ومقااادرش..بااغي يحبس الشي لي كيدير ومقااادرش يحبس..حاجة فلداخل ديالو كطلبو يبقى حدااها..حس بدمعة سخونة وصلات لحية ديالو...هاد الدمعة هي لي فيقاااتو من لعالم لي كان عايش فيه..بدا يحل عينيه بشوية..ويبعد ببطئ شديد..مزااال مسخااا..مزااال مشبع..مزااال باغي كتر من هكاااا...دوز بنااات اشكال وانواااع..حتى وحدة مقدرات توصلو لشي لي واصل ليه دابا..شافها حانية راس..ودموعها ناازلين..حيد يدو من شعرها بشوية..وطلع وجهامن جهة الذقن..كيتمعن فتفاصيلها الصغيرة..فمها نيفها بشرتها رميشاتها عينيها لحمر بكترة لبكى...
هولاكو:(دوز ايديه على خدودها بشوية كيمسح دموعها)متبكييييييش....
هبة:(شافت فيه وبداات تتمعن فوجهو..ولكين بزربة نزلات عينيها..معندهااش الجرأة انها تشوف فيه..خويويفة وحشومية...سمعاتو نطق بصوت هادئ)
هولاكو:متخاافيش....مغاااديش نقرب ليهااااا...
هبة:(اكتفت انها تحنى راسها لارض وتسكت..نطقت بصوت خفيف)بغيت نمشي..
هولاكو:(بدا يرجع للخلف..مخلي ليها طريق تمشي..يلاه جاات تخرج سمعت صوتو)
هولاكو:جمعيييه...
هبة:(شافت فيه باستغراب)
هولاكو:(خشى يدو فجيوبو وشار براسو لجهة شعرها)
هبة:(هبطاات عينيها بزربة..وبقات معنكشة معااه تجمع شوية من هنا يخرج من لهيه..بقات معاه حتى جمعاتو وخرجت طاايرة شادة فقلبها لي غادي يسكت..معرفت من خوفها منو اولا من بوساتو ليها...
•••••••••••
جيلين:(خرجت مرفوعة من عندها..نااار شاااعلة فيهاااا...كلما تفكرت عينيها..كلما شدوها لهوااايش عليها..بغااات تقلعهم ليها...وتبرد نارها...كتحك نيفهااا وجسمهااا..شحال هادا مشداات جرعتها..عينيها حمرين وقلبها كيضرب..مشات تجري لطوااليط..وسداتو عليها شتااات حباات لكوكاين على ايدها وستنشقاتهم..مازال ماقدرت تنسى لون عينيها ورميشااتو لمعشين.. مازال ماقدرت تمحي صورتها من بالها...خرجات من طواليط بعدما شاافت نفسها مطولا فلمرايا..لقاتو واقف كيتسناه حل ليها لباب وطلعات..لي يقدر يعاونها شخص وااحد..وغادي تلعب على نقطة ضعفو..مستاعدة تسلم اي حاجة تملكها..الا هولاكو..تبسماات على جنب..وحطاات لخطة فرااسها..هبة غاادي طيرها من طريقها وربي كبير.
العشيقة المغرية الجزء الخامس
محتوى القصة
التنقل بين الأجزاء