شافت فيها اشراق بابتسامة وناضت لبسات عبايتها حجابها وموكاسان كحل ...فين هي اشراق اللي كانت كتنوع فالصيكان والفولارات والعبايبات ومتخرج الى مادراتش الريحة والمكياج .. فين اشراق اللي كانت ضل حدا المرايا كل همها نفسها ومضهرها وجميع مساحيق التجميل عندها كأنها متجر سيفورا ... فين هي اشراق اللي كانت كضل دور وتكره الجلسة فالدار وتموت على الزنقة ؟ فين هي اشراق اللي مكانتش كتسكت من الهضرة والضحك واخا فعز الكارثة والحزن كتنسا راسها وضحك ؟ فين هي اشراق اللي كانت كتأمل من الحياة تزيد بيها القدام وتبني مستقبل وتكون ليها قيمة وكلمة وفارضة نفسها وشخصيتها وتتحدى الصعاب . خلاصة القول .. التراب غطا جسم بيازيد الصغير .. وغطا روح اشراق حتى هي واصبحت بحال شي هاتف محمول جميع الشكل لاكنه لاينفع ولايصلح لشيء .. مجرد شاشة سوداء بدون ضوء وبدون الوان ..
خرجات مع خليج وطلعو فالسيارة مع الشيفور مباشرة لمول كبير ... ساراتها خليج بزز منها واخا هي مرفوعة ولا علاقة ليها بالمحلات اللي كدخل ليهم.. اي محل دخلات لثه كتمشي لفوق الكنبة وتجلس كتشوف بعينيها حتى تسالي خليج الشوبينغ وترجع عندها ... قدمات ليها مساحيق التجميل .. واجمل العطور لاكن ماعطات اهمية لحتى حاجة فيهم .. فجأة وهي واقفة كتشوف فأنواع الماركات المستفة قدامها شمات رائحة ماغريباش عليها ... رائحة كتعرفها مزيان نفضات صدرها من بلاصتو وحلات عينيها وتلفتات بسرعة مراها متفاجأة
لمحت بعينها خليج هازة قارورة عطر ومشات عندها بسرعة خداتها من بين يديها كتشوف فيها ... رشات منها فالهواء وغمضات عينيها مستسلمة للعطر اللي سافر بها عبر الزمن ..
مغمضة عينيها وراسها على صدرو وشادة فيه بيديها كأنها ناعسة لاكن واقفين بجوج فوق سطح الارض . بعدات تدريجيا وقبل راسها بلطف وشد فكتافها بجوج وقال بصوت مبحوح ..
- كي بقيتي شوية ؟؟؟ باش كتحسي دابا ؟ شوية ؟
حركات راسها بالايجاب وجهها كتشوف فيه
- رتاحيت حيت بيازيد مشا للجنة ...
ابتسم : دابا ربي يعوضنا نشاء الله .. تقدري تهبطي لتحت شوية وتخرجي من هاد البيت ... صافي الدار خوات والناس مشاو بحالهم
حركات راسها بالايجا ونزلات معاه شاد ليها فيدها فقلب الفيلا فين جالسة الحاجة وولادها وعيالاتهم من بعد ما عشاو الناس وخوات الدار كأنه عمرها عمرات . دازت قدامهم والكل كيشوف فيها بأسى وحاني الراس .. حتى واحد مقادر يحط راسو بلاصتها بمجرد تفكير .. الكل كيشوف فيها بأسى وصمت حتى الكلام مابغاش يخرج من فمهم .. جلسات بينهم والسهوة فعينيها مكتفارقهاش ومعاهم وليديها وختها خليج حتى هي ... كتشوف فنقطة وحدة بلا متحرك عينيها .. قربات منها الحاجة بشوية وشدات ليها يديها وقالت
- الله يزقك محبتو بالصبر ابنتي ... الله يعوضك بالذرية الصالحة يا ربي
شافت فيها اشراق مطولا وبقات ساكتة بلا مترد ... هزات التيليكوموند شعلات التلفازة اللي طافية قدامهم وبدات تفرج وقدامها نسا لوايسها كيشوفو فيها ويردوو مع بعض
- ماشي ساهلة ... الله يكون معاها وصافي - الله يكون معاها ياربي حتى واحد ميقدر يصبر - حنا الى مرض الى غير واحد فولادنا كنباتو بلا نعاس ... عساك اللى مات ليه الولد يالاه تزاد فالدنيا .
تنهد طه ودوز يدو على كتفها وقال : خاصك شي حاجة ؟ بغيتي شي حاجة ؟؟
حركات راسها بالنفي وهي كتفرج وناض هوا طلع شاد فراسو ومزير عليه وتبعو الحاج وخوه الكبير للبيت ديالو وسدة الباب موراهم
قال الاخ الاكبر : مريضة راه ماشي طبيعية ... راه لقاوها مريضة نفسيا .. واش هي كانت غتقتل عماد وطعناتو بالموس ... وو .. بلا منضر على السم اللي دارت ليه نهار العرس
حرك طه راسو بالنفي : السم ماشي هي اللي دارتو ... السم دارتو بنت خالتها ... راه كلشي تجبد فالتحقيق ... واعتارفات ديك القتالة بكلشي حتى هي فاش شدوها
الحاج : هااا !!! شكون هادي عاود ؟؟
تنهد طه وهز راسو : زوجوها لشي واحد كان جا بغا يتزوج اشراق ... وعطاوها ليها هوا هادشي اللي فهمت ... ماطلقها ما خلاها تعيش كي الناس ... ونتاقمات من اشراق وشربتو انا ... (غزز سنانو ) انا بغيت نشدها بيدي ... نخنقها كما خنقات ليا ولدي ....
سمح صوت الباب تميع وتلفتو كاملين موراهم لقاو اشراق واقفة حاللة فمها فصدمة
حلات عينيها وطيحات القرعة من يديها ديال الريحة تهرسات وبدات تنهج .. كسرات الدنيا ديك الريحة واشراق كترجع باللور وتسد نيفها وخرجات من المحل .. مشات خليج كتجري لاكيس جبدات الفلوس وقالت
- انا غنخلصها ماعليش .. هاكي حسابها ..
تلفتات شافت اشراق سادة نيفها وبغات تهرب وهي تهز الصرف وتبعاتها كتجري بزز ويدها على كرشها حتى شداتها حدا السلالم وعنقاتعطها بقوة وقالت
خليج : صافي صافي ماشريتهاش صافي ... يالاه نرجعو بحالنا حسن يالاه
شداتها من يدها خارجة بيها وهوا يجيها تيايفون ردت فالحين
- الو احمد .. ااه اوك احنا طلعنا من المول دا حين .... وين ؟؟ اوك ماشي (قطعات) يالاه نمشيو للمطعم نتعشاو تما راه احمد غيدوز عندنا .. حسن ما نرجعو للدار لقنط
طلعو فالسيارة مباشرة لمطعم راقي ودخلو جلسو على طاولة مريحة ، طلبو مشروبات وبقاو كيتجمعو وخليج كتحبد ليها بعض المواضيع باش تخرجها من الكأبة اللي هي فيها .. فجأة هزات خللبج راسها شافت احمد جاي بسروال دجين وقميجة ومعاه شاب ثاني بدجين وتيشورط مفتول العضلات بزااف كل طرف كيبان بوحدو كأنه مصارع وشعرو كحل وكويديمة فالفك ديالو وجلسو على الطبلة من بعد ماسلمو
خليج : كيفك فواز ... (شافت فاحمد ) ماقلت لي انه ابن عمك جاي معك
ابتاسم احمد وقال: والله ما ادري من وين طلع لي هيج بالصدفة ههه
خليج : عالعموم اهلا وسهلا فيك فواز شرفتنا
ابتاسم وقال : الشرف لي انا.. (شاف فأشراق) كيفج اشراق انشاء الله بخير
حركات راسها بعفوية : الحمد لله شكرا
رد قائلا : احلى شي انه شفتك اليوم والله
ردت بخجل مهبطة راسها : شكرا اخويا
غادية حدى البحر حفيانة وكتجر توب العباية موراها .. حاطة يدها على كرشها الكبيرة وهي فطريقها جهة دار صغيرة .. دخلات مع الباب ورداتو موراها .
هز راسو كينهج من وسط الفراش عرقان كامل كيسوط ... شاف قدامو مخرج عينيه وشد راسو بين يديه .. الشعر قوى على اللي كان والعينين تقالو اللي شافهم يحس بالتقل اللي هازين من هموم الدنيا . لاح الفراش وجلس فالجنب تحت ضوء البيت الخفيف وشد راسو بين يديه كيسوط مطولا وجر بتعب المجر اللي حداه فيه بزاف ديال الدويات مشتتين .. جر قارورة ديال الدواء وحدا منها حبة بلعها بالماء وناض بخطوات تقيلة دخل للدوش بزز .. حل الماء وتكا بيدو حدا الحيط مخلي الماء كيهبط على شغرو وعلى وجهه وعينيه فالارض تقال .
خرج من الدوش لاوي عليه البينوار غادي للبلاكار وداز حدا صورة كبيرة لاشراق معلقة فالحيط حدا البلاكار .. دوز يدو عليها بتتاقل ساهي كيشوف فيها بحزن عميق من بعد رمش وحل البلاكار جبد حوايجو لبسهم ... اللي دازت قدامو لبسها بدون ميناسق الالوان ... سروال كحل وبودي كحل بعنق دائري ونزل مع دروج الفيلا لقا الحاجة كتحط الفطور كالعادة
هز طه راسو وعينيه حومر : اللي بغات ... منقدرش نبزز عليها شي حاجة هي مابغايهاش
رد القاضي : ان ابغض الحلال عند الله الطلاق
سكت طه وهبط راسو فحالة ميروس منها عمرو وصل ليها فحياتو .. اما هي باينة على حالتها الحزن الكبير ومرفوع عليها القلم غير كتشوف وتفرج بحال الى متبعة شي فيلم هندي
القاضي : هادي الجلسة الرابعة ديالك ابنتي ... واش متأكدة من القرار ديالك... هادا اخر كلام عندك
ردت بعد صمت طويل : انا عييت ... بغيت نمشي بحالي ... بغيت ... بغيت نعس ومنفيقش ... مابغيتش نفيق على وجهه .. ونمسي على وجهه ... هوا السبب فهادشي كامل اللي وقع ... هوا دمر ليا حياتي ...مر ليا كل حاجة زوينة فحياتي .... صافي انا خسرت كلشي ... خسرت كل مكنملك .. حتى حاجة مابقات كتسوى عندي شي حاجة ... حتى حاجة
تنهد القاضي وقال : من حقك طلبي الطلاق ومن الواجب عليه يطلقك ... السي الناجي ... رمي عليها يمين الطلاق
قالت بدون تعابير وجه : بغيت الطلاق الثلات سيدي القاضي .
بقا طه على نفس الوضعية ماردش عليها .. هز راسو وخدا الستيلو وقع وقال بتردد
هزات راسها كتنخصص: ماعرفتش شنو كنت كندير .... ماعرفتش شنو ندير باش تسمح ليا .... كنت معمية ... كان كيباني ليا غير الانتقام ... بغيت نخرب ليك حياتك كما خربتي ليا حياتي
عقد حواجبو وقال: اشمن حيات خربت ليك ؟؟؟ اشمن حياة ؟ .... من نهار عرفتك ونتي فرحانة وعايشة فوق السلك ... ونهار تفارقنا ماضريتك ماشوهتك وخليتك تعيشي حياتك ومشيت شفت حياتي ... ضريتك حيت مابقيتش معاك!!! حسبيني ميت كاع ... ومن بعد عيشي حياتك فين كاين المشكل .
هبطات راسها وقالت : انا ندمت ... ندمت بزاف كن يرجع بيا الزمن اللور مانديرش بزاف ديال الحوايج ... منهم علاقتي انا وياك ... كن عطيت قيمة لراسي كن عطيتيها ليا حتى نتا .... وكن حافضت علىى راسي ماكنتيش غتجرأ تقرب ليا .... انا اللي فتحت ليك المجال وكنت ضحية مشاعري والحب ديال سن المراهقة ... ماكنتش عارفة باللي الزمان كيتبدل ... باللي الانسان كيتغير وكيكبر ... وباللي حنا غير مسخرين فوق هاد الارض ومنقدروش نديرو اي حاجة بغيناها او نغيرو الاقدار .... (تنهدات) انا غلطت اطه ... غلطت وغلطي كبير لا معك ولا مع ربي ... كنت معمية حتى وقعات الفاس فالراس عاد وعيت ... وعيت معطلة واهم حاجة تعلمتها هي كل خطئ كندفعو الثمن ديالة عاجلا ام اجلا ... وانا دابا كندفع ثمن اخطائي
بقا ساكت كيشوف والندم مخيم على وجهها وقال
- انا وياك بجوج خطينا ... ودفعنا الثمن ... واشراق اشمن دنب دارت حتى دفع ثمن اخطائنا
شافت فيه مطولا وقالت : يقدر ربي كيختابر صبرها ... وجزائها عندو كبير والله واعلم ... انا اطه فهاد الوحدة وهاد البلاصة مالقيتش اللي يخفف عليا من غير الطريق الصحيح ... كنطلب الله يغفر ليا صباح وليل ... نستاحق هادشي اللي كيدوز عليا ... وغادي نرتاح نسبيا الى نتا سمحتي ليا
هبط راسو وقال : انا واشراق طلقنا .. داكشي اللي بغيتي وصلتي ليه ... مابقات حتى حاجة كتجمعنا ... هي فطريق .... وانا فطريق ... (تنهد) الى سمحات ليك هي ... غنسمح ليك حتى انا .... ولاكن متسنايش منها تسمح ليك واخا بعيدة .. حيت ماتقبلاتش الموت ديال ولدها ... بعد المرات
كنقول غير من نهار العرس ... كنتي غترتاحي نتي وترتاح هي ونخرجو بأقل الاضرار ..
تدخلات وقالت: بصح كنت ناوية نقتلها من دافع الحب والغيرة والخيبة اللي كنت كنعيش ديك الساعة .. نتا متصورش شنو عشت وشنو داز عليا ... متصورش باش كنت كنحس وانا كنشوفك عايش حياتك معاها ... كنشوفها ديما حسن مني وانا اقل منها ورخيصة وهادشي كيحطمني خصوصا ملي كتعايرني بيه نتا فكل مرة تلاقينا ... متصورش الضلمة والسجن اللي كنت عايشة فيهم وانا حرة على برا ... ونهار بغيت نحط ليها السم لقيت وحدة اخرى كتحطو وتراجعت وصورتها ... خليت عندي الدليل ربما يتاهموني من بعد بالقتل .. احتياط وصافي ... ولاكن نتا كنتي متأكد باللي انا اللي حطيتو ليك خصوصا ملي شافتي ليلى ...كنت كنتسنا منك تجي تواجهني لاكن لا ... عمرك واجهتيني وكنت كنشوفها فعينيك ..
رد : كن شرباتو اشراق كنت غادي نقتلك بيدي ... ولاكن شربتو انا ... ماعليش على الله تكوني بردتي شوية حيت عارفها قاصحة عليك ... كنت غنوفي بوعدي واخا كاع هادشي اللي درتي حيت حلفتيني قبل الزواج .. اي ضرر صابني كنت غندوزو ... الى تصيبي شي واحد من الناس اللي قراب ليا .
ردت ساهية : فاش تفتح التحقيق وتنسب ليا السم حتى هوا وشهدات سلمى ضدي ... تما قررت نجبد التسجيل على الاقل تقل مدة العقوبة شوية ... انا دابا كنتعالج اطه ... ... واخا عايشة هنا على الاقل عاقلة على راسي شكون انا وكنشوف النور من مور هاد الحيوط احسن بزاف من الحياة اللي على برا ... تعالجت من الادمان واخا دازت عليا ... كنت مدمنة على الكوكايين وكنت كدبت عليك شحال هادي فاش قلتي ليا غادي نقطعوه بجوج ... نتا قدرتي تجاوز ديك المرحلة لاكن انا كان صعيب عليا .. وخفت تبدلني وكدبت عليك .. لاكن الحمد لله دابا ... تعالجت من الادمان ومزال كنتعالج من الاضطرابات النفسية .. كنمارس نشاطات هنا وكنتعلم حرف وفنفس الوقت كنقرا الدكتورة ... الحبس بعد المرات كيوريك الطرق الصحيح ... هنا تعلمت بزاف ديال الحوايج مكنتش عارفاهم ... ونشاء الله فاش نخرج غادي نبدا حياة جديدة ... الحياة اللي بغيتها انا ... ماشي ضروري يكون هدفي رجل ... الاهم نكون هدف مئات الرجال
ابتاسم ابتسامة خفيفة وقال : هاكا كان عليك تكوني من الاول ... ونهار اللي غتخرجي فيه ... وترجعي كما نتي باغا .. نقدر نسامحك ... المهم تقتلي ليلى اللي خربات ليا حياتي ... هادا اكبر انتقام غادي تقدميه ليا ..
تنهد وناض وقف بغا يمشي وهي توقفو قائلة
- طه .... كنتمنا ترجع نتا واشراق من جديد .. ماتخليش حياتك ضيع بسببي ... انا تعاقبت ويكفي طيف بيازيد اللي كيعدبني .. لاكن كنصلح من حالي ... وكنقاوم بالعبادة على الله ربي يغفر لي دنبي ... نهار يغيب طيف بيازيد ... غنعرف باللي سمحتو ليا من قلبكم ... و حتى نتا صلح احوالك وعيش كما نتا كتمنى ... دير مجهود وحققك احلامك ... نتا كتستحق السعادة .. وانا اكبر خسارة ليا انني ضيعت انسان بحالك ..
دار ابتسامة خفيفة وحرك راسو بالايجاب وخرج خلاها واقفة كتشوف فيه بابتسامة باهتة حتى غير على نضرها وحنات راسها رجعات لزنزانتها
شدات كرشها كتغوت فلكوزينة
- اشرااااق ... اشراق ... اشراااااااااق
طلقات غوتة وحدة كانت سبب فأسعافها نحو غرفة الولادة واشراق واحمد كيجريو حداها .. دخلوها بسرعة وهي شادة اشراق من يدها جراتها معاها وطلبات من الفريق الطبي دخل اختها معاها ... وقفات اشراق مخلوعة كتشوف فيها كتغوت وتبكي ماقدراتش تولد عادي .. فالاخير دارت عميلة قيصرية واشراق حدا راسها جالسة .. خرج البيبي وبدا يبكي وبدات خليج تبكي حتى هي .. لاكن اشراق توقف بها الزمن فديك اللحضة وبقات كتشوف فنقطة وحدة .. نفس الصوت ... نفس الاحساس ... نفس اللحضات تتكرر معاها ... هزو الطفل فازك فتوب اخضر قربوه لمو كتشوف فيه وتبكي وباستو فخدو وهوا كيغوت وشافت فاشراق اللي حاللة فمها تابعة البيبي بعينيها .. ابتاسمات خليج ابتسامة كترافقها الدموع وقالت
هبطو دموع اشراق وهي كضم ليها بيازيد وترجف وطاحت فالارض على ركابيها منهارة بالبكاء صدمات الجميع وكلشي دار بيها كيشد فيها ويشدو بيازيد خوفا عليه .. لاكن هي كانت حاكماه عندها واخا بغاو ياخدوه منها ماسمحاتش ليهم ولسقات عليه كتبكي بكاء العام ونصف كامل حتى كانت غتسخف
شد ليها فيدها بابتسامة : لا انتي تعبانة كثير ... يالاه اوصلك للبيت ترتاحي
هربات يديها وقالت : لا شكرا .. انا غنبقا هنا مع خليج
ابتاسم وقال : اوك بخاطرك
مشا وخلاها مخلوعة غير بوحدها مامرتاحاش ابدا ليه ولتصرفاتو لغريبة معاها ... رجعات جلسات كملات سهرتها حدا الباب حتى صبح الحال وهزو البيبي عطاوه ليها بالفرحة عليها داتو للغرفة عند خليج معنقها وقالت
- خليج : راه بغا يرضع مسكين شنو نرضعوه
قالت خليج سخفانة : انا كنموت اشراق ... كنموت منكقدرش نتحرك ... حطو ليا واحد الخنشة على كرشي قتلوني بيها حتى لدابا عاد حيدوها ... عيطي لأحمد ... مكنقدرش نهضر .. عيط ليه يجيب ليه الحليب من لفرماسيان مكنقدرش نتنفس ... عطيني نشوفو .. عطيني شوية
ابتاسمات خليج: اه .. راه ولدنا بجوج الحميمقة ههه... اااخخخ مكنقدرش نضحك ... شديه عنداك طلقيه ماتغفليش عليه
حركات اشرتق راسها : لا مالي حمقة والله منغفل
شداتو فيديها وهوا كيبكي حما عليهم السوق ... جابو ليها الممرضات الحليب وخلطاتو وقاداتو راسها تفاديا لشي اتصال ولا شي احمد اللي رجع كيدايقها بلطافتو الزايدة وشدات بيازيد معنقاه كترضعو وخليج من كترت التعب نعسات وخلات بيازيد فيدين امنة عارفة باللي اشراق غتخاف عليه وتحضيه كتر منها .
رضعاتو وهي كتبوس فيه حتى شبع وبدلات ليه ليكوش بمساعدة الممرضة وحطاتو بكل فرح وسعادة .. فوق فراشو وجلسات حداه متكية على يدها حتى داها النعاس جالسة
فيقها صوت النسا داخل مع الباب وحلات عينيها شافت عدوزة ديال خليج داخلة مطبزة ولابسة عباية وشال كحل هازة فيديها صاك ومعاها ختها كتشبه ليها ضاربة تكحيلة من القاع للقاع ولابسة عباية حتى هي وشال ومشاو نيشان كيضحكو بلا سلام بلا كلام عند بيازيد هزوه بلا شوار وهي تنقز اشراق مخلوعة تابعاه بعينيها
- هااه هااه راه ناعس غتفيقوه ماتهزوهش ...
خرجات فيها العدوزة عينيها وقال : روحي يا شيخة اوووف
بعداتو وبدات تراري بيه فرحانة ويغنيو ليه بجوج وخليج حالة عين وسادة عين بزز كتشوف وتسوط .. اما اشراق غير واقفة عليهم كدور بيه فين مادوروه ليها وتابعاه بعينيها .. شدات العدوزة الرضاعة بغات ترضعو وهي تقول اشراق بسرعة
- لااا رضع براكة عليه ... صافي
خزرات فيعا الغدوزة بلا متهضر وكملات على شغلها بغات ترضعوه وهي طير ليها اشراق بغضب من يديها .. العوزة شعلات بحال العافية وناضت بغات تشدة بزز ودفعاتها ختها من كتفها بغضب وحماز السوق بلهجتهم واشراق غير كتهرب بيه من قنت لقنت اما خليج كتسوط وتغوت
طلعات كضحك كملات الاغنية وسلمات عليه من الوجه ودارت السمطة .. شعر طويل اشقر ناعم .. بيضاء البشرة جميلة الوجه مهتمة بمضهرها .. جسم متناسق لا تختلف عن الجميلات في شيء ..
بقا كيشوف فيها باستغراب وقال : اش هاد الهضرة دابا ؟ علاش جبدتيها شنو دخلها هي
تنهدات وقالت مربعة يديها : انا مابغيتش ندير الحجاب حتى نقتانع بيه وصافي ... هي كانت مقتانعة بيه ماشي فرضتيه عليها؟
رمش بتتاقل قلب عينيه وقالة كانت دايرة النقاب اصلا
ردت باستغراب: انا الصورة اللي وريتيني مدايراش فيها النقاب غير الحجاب !
رد : رجعات للحجاب .. ونتي اللي كنت مصرة باغا تشوفيها .. علاش كل مرة تجبديها فمواضيعنا ؟
شافت فيه بجدية : انا كنت بغيت نشوف وصافي .. اي وحدة بلاصتي غتبغي تشوف فين كاين المشكل دابا؟؟
هز حاجبو : نتي اللي باغا ديري مشكل! مكاينش ومن والو باغا ديريه ! على الحجاب قلنا ليك ديريه
هزات حجبانها: مفروض !!
رجع تكا على هضرو وقاب وجهه قائلا
- خليك حتى تقتانعي
سكتات نهاد مطولا مربعة يديها كل واحد كيشوف فجهة حتى تحط الغدا ودور وجهه بهدوء شاف فيها قالبة وجهها وقال
- يالاه ..بسم الله !
هزات كتفها : مافياش الجوع
عقد حواجبو : وعلاش طلبتي لغدا؟؟
هزات كتفها : مابقيتش باغا ؟
بقا ساكت كيشوف فيها مطولا وقال بتهديد
- مابغيتيش تغداي؟؟
هزات كتفها في الحين وقف ضرب السربيتة مع الطبلة وقال
- نوضي تمشي بحالك
شافت فيه مصدومة من ردة فعلو وقالت
- علاش؟
هز سوارت وقال : تحركي يالاه ..
هزات الصاك تبعاتو بزربة حتى للطموبيل وقالت بكبرياء
- غنشد طاكسي ...
دفعها من كتفها فتسيارة وقال : غنحط منين هزيتك وشدي حتى الكار
سد عليها الباب بصرامة وطلع حداها سكت وهي كدور فيعينها فصمت مازادت حتى كلمة وكتشوف فسكاتو عصيبة مخبية وفطريقتو فالسياقة كل مرة يشد الفران حتى لحدا عمراتها ووقف كيشوف قدامو بلا ميهضر .. هزات راسها ونزلات زدحات عليه الباب وزاد مع الطريق ماهضرش معاها خلاها واقفة كتشوف فيه وكطلع وتهبط فيها .. وقف فالسطوب وجبد سمطة فيها حبات وحل وحدة بلسانو تبع ليها الماء ولاحها فالجنب حداه كيشوف فالمرايا ويتسنا الضوء يشعل وكمل طريقو مباشرة للفيلا .. تعرضات ليه الحاجة بابتسامة وقالت
- نحط ليك الغدا اولدي ؟
هز يدو وقال طالع لفوق : لا غنخرج
مشا لبيتو كالعادة .. دخل للدريسينك بدل حوايج الخدمة لبس لبس رياضي وداز للبلاكار هز كارني دشيك ومشا خارج وخوا يوقف رجع باللور لديك الصورة المعلقة ديال اشراق وبقا كيشوف فيها بصرامة وحيدها من بلاصتها خشاها فمجر وقلبها على وجهها وخرج
السلام عليكم .. السلام عليكم ..
هزات كفوفها كدعي وهي جالسة على السجادة وجرات القرآن حلاتو قراتو شوية وباستو وناضت حيدات العباية بقات بالبيجامة عبارة عن سروال وتيشورط ووقفات قدام المرايا كتشوف راسها ... شحال بينها وبين المرايا ومساحيق التجميل ... دوزات يديها ببطئء على وجهها كتنهد وحلات شعرها الطويل .. هزات مشطة كتمشط بشوية ساهيا سرحاتو وهزات كحول ببطىء حلاتو ودوزانو بشوية على عيونها الجميلة الحزينة وحطاتو وهزات ريحة رشاتها حدا نيها وناضت طالقة شعرها خرجات من البيت لقات خليج طالعة كتشوف فيها وضحك وتزغرت هازة بيازيد
خليج: صلااااا وسلااااام على رسول الله ...
ابتاسمات اشراق وخدات من عندها بيازيد
خليج: ويلي خاصني ندير الحفلة ... خاصني ندير الزردة ونعرض على الناس ... والله حتى نجيب النقاشة ليوووم
بدات كضحك وقالت : لالا بلاش
خليج: والله حتى نجيبها... مكاين حتى واحد حتى راجل ... نفوجو شوية
مشات خليج كتقلب على رقم النقاشة اما اشراق هبطات هازة بيازيد فجنبهها كيلعب ويمص فواحد الجلدة ديال السنان وبدات توجد ليه الماكلة ..
جابت خليج النقاشة للدار وجدو الطبلة و سبقات بأشراق هي اللولة واخا مكانتش باغيا .. نقشو ليها رجليها نقش هندي جميل بحال اللوايات ويديها كذلك خفيف وعامر فنفس الوقت .. راقي وجميل طالع شوية مع يديها وجلسات حدا بيازيد اللي ناعس حداهم وبدات خليج تنقش وضحك
- دابا الى فاق شنديرو ليه ؟ نقشو ليه تا هوا ههه
اشراق : غا خليه... سبحان الله عزيز عليه ينعس فااصدع والهايلالا بحالي ... مينعسش فااكااالم .. الى مكانش الضجيج مينعسش
خليج؛: حتى انا هاكاك ... وشي نعاس كيجيني فلعراسات شحال بنين واخا يكون بنهار هههه
بداو يضحكو حتى ناضت النقاشة بغات تمشي وهي تقرب اشراق صدرها وقالت
- هزي لفلوس
نقزات خليج: لااا انا اللي غنخلص
اشراق: والله ماتخلصيها نتي صافي حلفت... هزي اختي فلوسك هاهما
ضحكات النقاشة المغربية حتى هي وخدات لفلوس بين صدر اشراق المعري اللي حيدات تيشورط بالسهد خي وجليج وبقاو بديباردورات مقزبين ولكولونات قصار وشورطات وتبعو للحنة براد د اتاي والحلوى وقشروها وطبعاا دارو الفال للفبليبينية حتى هي اللي كيعتابروها وحدة منهم وتكاو فوق الفوطويات كيتجمعو شادين تيليفونات ويدورو فمواقع التواصل الاجتماعي وبيتزيد فالبوسيت كيتركل ويلعب .. بقات اشراق طالعة نازلة كتشوف شنو شواقع فالدنيا وهي طلع ليها صورة ديال طه على غفلة .. سبق ليها ودخلات عندو بفو كونط من زمان ولاكن مكادورش بيه حيت كل ما كيحط كيتعلق بالسياسة ... الكورة ... المواضيع الاجتماعية اللي ماعندها بيها غرض وكتابع التعاليق كاملين اللي كيتحطو .. فجأة طلعات الصورة وخفق قلبها بسرعة كأنه غيتوقف وفشلات فبلاصتها وبقات كتشوف فيها وخليج كتهضر بوحدها ... تأملات الصورة مطولا بتركيز .. كتشوف شنو اللي تغير ... شنو الجديد ... شنو اللي مبدل فيه فهاد السنتين تقريبا اللي مرت ... لقات باللي تبدل بزااف ... كأنه كبر شوية على اللي كان ورجع كيبان عليه الوقار ... الشعر اللي كان كيحسن قوا شوية بحال جميع الرجال .. اللحية هتى هي كتيفة .. انيق بحال العادة وابتسامة على وجهه جالس ومحني على ركابيه وهاز راسو داير النضرات والشمس ضاربة فيه ... تأملات الصورة بكل تفاصيها حتى من ادافر يديه المقلمة كببرات عليهم الصورة وبقات ور فتفاصيله بالتدقيق وصدرها كيطلع وينزل بسرعة بدون شعور تفصلات على الواقع وسافرات فتفاصيل الصورة حتى وصلات للنضارات وهي تصغر عينيها كتحاول تشوف عينيه من بين الزجاج حتى كتفاجأ بصورة اخرى مصغرة معاكسة فزجاج النضرات فيها بنت جالسة كضحك شادة تيليفون كتصورو . توقف الموري عند هاد الصورة المصغرة وحسات بديق فقلبها وفشل كانها غطيح وهي جالسة.. بقات كدقق فديك الصورة كتحاول تعرف على الوجه لاكن مواضحش مزيان .. بعدات شوية كتشوف فالابتسامة لخفيفة على وجهه وزاد الديق فصدرها حتى ضرها قلبها ومشات كتجري للتعاليق وخليج كتهضر
- مالكي .. شنو كتشوفي؟
قربات ليها طلات وهي تفهم شنو اللي هزها من بااصتها خلا قدامها غير الصورة جالسة ، بدات تقرا فالاصدقاء ودوز بسرعة حتى بان ليه قلب مكتوب عليه
- canon babay ❤
20 لايك على داك التعليق ومنهم قلب دايرو طه .. جاب ليها التمام هاد الاخير ودخلات بسرعة لحساب المعنية بالامر لقاتها خافية صورها من غير صور البروفايل وبدات تشوف فيها بنضرات غريبة وصدرها كينهج
خليج: علاش كتشوفي هادشي ... صافي قلبنا الصفحة
جرات اشراق تيليفون : عايش حياتو .. بدا من جديد بحال الى حتى حاجة مكانت ...
تنهدات جليج وقالت بهدوء: سينوغمال غادي يبدا من جديد ... راه حياة وحدة اللي كاينة ... الحزن فالقلب .. ولاكن الحياة كتستمر اشراق ... كتستمر ... غادي يعرف وحدة اخرى ... وغادي يتزوج .. ويولد .. ويكمل حيت خاصو يستامر ... ميمكنش يبقا واقف فنفس النقطة ... حتى واحد مكيبقا واقف او ويقف حياتو على انسان ولا على احداث فاتو ... بلعكس ... غادي يبغي يكمل حياتو باش ينسا ويتعايش ويخرج من ديك القوقعة وينقز الازمة ... وخاصك حتى نتي ديري نفس الشيء ...حيت نتي اللي قررتي تخليه ... نتي اللي قررتي ... كما طلاقيتو خوت ... تفارقتو خوت الفرص فالحياة كثيرة مكتوقفش على واحد الشخص ... راه غيديوزو فحساتنا ناس ويمشيو ناس
قطع وناض دوش ولبس حوايجو وهز سوارتو وخرج طلع فسيارتو وشد الطريق .. فالطريق وهوا غادي سايق وفنفس الوقت طالع نازل فالتيليفون فحسابو على الفايسبوك حتى طلعات فجأة صورة اشراق قدامو ماعرفش منين خرجات .. مصورة لابسة عباية كحلة جميلة بالدونتيل فاليدين وشال ملفوف على راسها .. حاطة مكياج واحمر شفاه وجالسة فسيارة طويل سوداء حاطة يدها على المقود بالحنة براسليات الذهب فيديها ... دايرة ابتسامة سنانها باينين وجالسة بأنوثة وكبرياء كتشوف فاللي كيصورها . وقف بسرعة فجنب الطريق وكبر الصورة كيتأمل جميع التفاصيل .. الصغيرة والكبيرة حتى فلاها ودخل لحسابها لقاه باسمها الحقيقي وداخلة عندو لحسابو ..استغرب وبقا كيشوف ويقلب الحساب .. كفاش حتى دخلات ؟ ولاانا اللي خلت؟ كفاش؟ وااناشحال من مرة قلبت عليها مالقيتهاش ! سميتها مكدورش فالفايس بوك !. لقاها حاطة صورة وحدة هي هاديك اللي شاف فقط وماعندها حتى واحد فحسابها . حتى لايك مامحطوطة .. حط صبعو على لايك متردد ورجع حيدو وحط ليها بلوك حيدها من حسابو وسد تيليفون وكمل طريقو كيشوف قدامو حتى لباب واحد العمارة ووقف هز تيليفون تاصل بنهاد
- وي نهاد هبطي
قطع ونزلات نهاد طالقة الشعر والمكياج لابسة كسيوة حد الركبة بلا يدين وصباط عالي والصاك .. دخلات فرحانة وهوا يقلب عينيه للجهة لخرى . .. قربات تسلم عليه لاكن دور وجهه
تنهدات وقالت مربعة يديها : انا دابا عادية مامقزباش اطه ... ولا كتقلب على السبة عاوتاني؟
شاف فيها وقال : مكنقلبش على السبة انهاد ... نتي عارفا لباسك كيعصبني ومكنبغيهش وكديري راسك مكلخة
نهاد : طه ..نتا نهار عرفتيني عرفتيني هاكا . . يعني عجبتك كما انا ... ديك الساعة مللي نتا باغي وحدة بالحجاب ولا النقاب علاش جيتي عندي انا اللي مقزبة ؟؟ سير عند اللي محجبة
حرك راسو بالايجاب : واخا لاللة ... ماقلتي حتى عيب ... غنمشي عند وحدة محجبة سمحي ليا
حلات عينيها مصومة وقالت: واش كتقلب على السبة؟؟؟ انا هضرت معاك نيشان هادشي اللي كاين وهادشي اللي وقع .. انا هاكا دايرة وبلعكس راه بدلت شحال من حاجة ماعجباتكش ... ولاكن ميمكنش تصنع مني وحدة نتا كتخيلها فراسك وكتقلب عليها ... اللي كيبغي شي واحد راه كيبغيه بعيوبو وميزاتو .. انا مابغيتش نبقاو كل مرة نخرجو فيهاندابزو
رد بانزعاج : هي الى بدلتي لباسك شوية .. لباسك اللي داير ليا مشكل معاك .
تنهدات :وشنو دابا؟؟
رد بصرامة : مغتخرجيش معايا هاكا .. طلعي بدلي هادشي
بقات ساكتة كتشوف فيه مطولا وحلات الباب طلعات معصبة خلاتو جالس كيشوف قدامو ويتسناها حتى نزلات لابسة كسيوة كحلة طويلة بالفرافر والدونتيل ويديها فيهم الفرافر وصباط وكتشوف فيه بنص عين وتسوط .. تلفت شاف فيها وقال برضى
- دابا شوية .. حسن من داك ربع توب اللي كنتي لابسة
ربعات يديها : عجبك دابا؟ انا معاجبنيش
ديمارا وقال : دابا تولفي
وقفات السيارة حدا باب لمطعم راقي ونزلات معاه شادة صاكها وعاقدة حجبانها .. مد ليها يدو كيشوف فيها وشدات فيه كضحك
خليج : اشراااق ... انا مشيت
اشراق : صافي متعطليش
خليج: لا مغنتعطلش دغيا نجلب ليه ونجي
خرجات خليج هازة بيازيد لابسة عباية وبقات اشراق جالسة وسط الفيلا بالبيجامة والشعر عريان متبعة واحد المسلسل فاليوتوب .. دارت ليعا طق فالراس ودخلات للفايسبوك طل نشوف ردة فعله لاكن كانت الصدمة قوية عليها ... عيات تقلب على اسمه مكيطلعش ... دخلات لحساب نهاد كتقلب عليه مابغاش يطلع ... بعتت طلب صداقة لنهاد وبلا ما تردد فتحات حساب اخر باسم مستعار وصورة مستعارة وسيفطات ليه دعوة كتسناه يقبلها على احر من الجمر .. هنا تأكدات انه بلوكاها مللي طله ليها فالحساب الوهمي ... ربعات رجليها على اعصابها كتسنا وهي تاقطع تفكيرها الشغالة وجات لابسة ملابسها بغات تمشي تقدا داكشي اللي خاصهم .. حركات ليها اشراق راسها بالايجاب بلا متشوف فيها وخرجات مشات سدات موراها الباب وبقات غير اشراق جالسة كتسنا نهاد وطه يقبلو طلب الصداقة حتى سمعات الباب تحل وقالت
- شنو نسيتي عاوتاني ؟
تسد الباب وماعطاتوش اهمية وطملات البحث ديالها حتى فجأة هزات راسها لقات أحمد واقف قدامها كيشوف فيها بنضرات غريبة كأنها كعكة بالشكولاطة .. خرجو عينيها وبدات تفتف علا الشال تغطي صدرها لاكن ناضت بسرعة كتجري طلعات للبيت ويدها على صدرها .. يالاه بغات تسد الباب وهوا يشدو ودخل كيشوف فيها من ساسها لراسها قائلا
- عادي مثلك مثل خليج
كمشات يديها على صدرها مخلوعة وقالت
- أحمد!! فوقاش جيتي من السفر !!! بلاتي عفاك نلبس حوايجي ونهضرو
تنهدات خليج وقالت : راه حتى واحد فينا ما فالربح .. شوفي احمد عاد جا ... شوفي شنو لقيت عندو ولد لحرام كدب عليا قالي غادي لتركيا وشوفي هوا فين مشا ... دابا هادا علاياش كيقلب
الحلم الأسود الجزء 12
محتوى القصة
التنقل بين الأجزاء