النقرة الصافية الجزء العاشر

من تأليف خولة الغريب
2020

محتوى القصة

رواية النقرة الصافية

جوهرة:( صغرات عينيها كتفكر و قالت ممكن تجي هاذ القضية لصالحها .. ضحكات بتشيطين و قالت ) اهاااه ما عندي حتى مشكييل 

خلاتوا موراها كيضحك و كيطفي لبيسي و مشات هي كتقاد الجلسة ليهم .. بالعصائر و المكسرات .. ظلمات الدنيا مخلية غير ضوااو خاافتيين لي عطااو منظر وااااعر .. عيطاتليه و جلس قبالتها كيشرح لها 

ياسيين: البارتشي لعبة عااادية بحال أي لعبة ثاانية .. كتلعب بهذا 🎲 ( النرد ) و ربعة دالأقراص .. سااهلة ماشي شي حاجة صعيبة .. كل واحد فينا خااصوا يوصل أقراصوا هو لول للنهاية .. انطلاقا من الدير لي هو هذا ( شيرلها )

و بدا كيشرحلها كل حاجة فاللعبة و كيعطيها القوانين و الطريقة باش تلعب بيها و هي متبعة معاه من نيتها و مرركزة .. حتى بدااو كيلعبووا بحمااس من طرفهم بجووج .. غلبها ياسيين المرة لولة و هي تلوح النرد من يديها و قالت غضبانة

جوهرة: ااااا و الله تا غشااااش بالله .. غنعاااودوا هاااذي ما محسووبااش 

ياسيين:( كيضحك ) يهديك الله فين غشيت هههه

جوهرة:( هزات كتافها ) ماا سووووقييش ما تهضرش معاايا يلا ما عااودتيهااش 

ياسيين:( هز كاس دالعصير و مدولها ) هاكي دوزيها بجغييمة و جلسي تسمعي الحكمة 

جوهرة:( هازة خنافرها ) امم قوول 

ياسيين:( شاد الضحكة ) فكل مرة خصرتي غتنوضي بالشوووية و تحيدي بكل تأني قطعة من ملابسك ( عض على فموا ) و عينك فعيني .. because " Ya, ya me está gustando más de lo normal " ( رجع طرجملها و قال ) لأنها هذاا يثيرني اكثر من العاادي ( هز راسوا بمعنى بداي )

جوهرة:( خرجات عينيها فيه و التزنيكة طلعات معاها .. يالاه جات تعتارض و تفكرات هضرات أمها .. و سكتات جامعة شجاعتها .. حنات راسها و حيدات الشورط لي تحت الكسوة )

ياسيين: Despaciiiiiitooo " ببطئ "

جوهرة:( ضحكات و شافت فيه غامزاه ) نكملووا 

زادوا كيلعبوا مرة أخرى و هاذ المرة خلا جوهرة تربح .. صفقات بفرحة و شافت فيه بنظرة .. جاا وقت الانتقاام و هو كيضحك عليها .. بعد مدة طوييلة من السكووت قالت

جوهرة: الحكمة هي تخيليني نخرج ( هزات صبعها بتحذيير ) بلا اعترااض 

ياسيين:( شاف فيها كيضحك ) شفتي نحسن لحيتي و ما نخليكش تخرجي على الباب فهاذ الوقت .. غير هني الوقت 

جوهرة:( بهدووء ) اووك حسن لحيتك .. نجيبلك طوندوز و هي هاذيك دوز تا على حجبانك .. كي جاتك الحكمة ههههه

ياسيين: هههه راك غتلعقيها معايا و غنصدق مدوزلك على داك السالف لي عااجبك 

جوهرة: سوووقيش .. يا نخرج يا ضرب الزيروو .. ما عرفت كي غتجي بلا حجبان ( دارت يديها على ذقنها زعما كتفكر )

💫💫 وئام 💫💫

من بعد ما سالات مع رحمة توجااد دالعيد .. هزات لاكارط لي عطاها كريم كتنقل لتيليفونها نمرتوا .. قيداتها بلانكوني .. و دوزات الرقم بقى شحال كيصوني و عاد جااوب 

كريم:( استغرب من الرقم لي ما طالعش ) ألو السلام عليكم ؟

وئام:( عوجات فمها و بدات كتقلد الشمالية ) الوو الخاوة تااعي كا لباس ؟ الواليدين و الخوت و العايلة كااملة ؟ 

كريم:( جمع حواجبوا و قال ) الحمد لله اختي شكون معايا ؟

وئام: اواااعدي يانا على المتعووس ما تسقسينيش زعما تا يانا على حبابي ؟ تينا منين تعلمتي هاذ الصواب لملاوط هايدا ؟

كريم:( ضحكاتووا ) ههههه واخا .. مالين الدار بخير ؟ امورهم ؟

وئام: من ديكشي الرفييع اخااي دياالي يرحم بااباك

كريم: اييه و منين جبتي نمرتي ؟

وئام: نسيتي ؟ ماشي شفتك فالكورنيشا و بقيتي تتلاوط عليا حتى شبرت النوومرة من عندك .. و كيف شتي دابا نتا عاايل مزيييون و كنت جالسة و قلت مع راسي علاش ما نسقسيش فالعايل و نباركلوا بالعييد 

كريم: هههههههه فين تلاوطت عليك اختي الرجووع الله

وئام: ياك بلي ماارة سميتك كرييم ساكن فالدااخل .. ايييه فالربااط ؟

كريم: ايييه 

وئام: وااا شفتي ! الخويينز صدق بوو بنات و يتلوط على هاذي و هاذي حتى دار بحال عووومروا عراافني .. و هو بفموو قالي اححح شربي و كولي وعطيني منين تبولي 



كريم:( ضحك حتى دمعوا عينيه ) هههههههههه وا عطيني رزقي اختي لاش خازناه عليا 

وئام: اواااعدي يانا بغيتي ماااماا تعملي فيه سووداانية الحاارة تخليني تنلقف غيير بوااحدي 

كريم: هههههه وا لايني هاذي مسالية قبها 

وئام: يااك الخاوة ديالي و انا لي عاملة عقلي فيك و قلت نعطي داك العوييول فرصة 

كريم:( بدا كيغني بصوت زوييين و فيه بحة راائعة ) عطيني فرصة ... بلا ما تقوول علاش ! عطيني فرصة نعوض الي فاااات 

وئام: هاااذيك يرحم باباااك واا داابا هضرتي مع أنا فنيييونة ما كاينشي هذاا لي يشوفني و ما يتبهرشي بجماالي .. قلت ما نصلاح غير لداك الزلايلي راه عييب و عاار يضييع هاذ الزين كاامل مع شي متعووس و مسخووط الواليدين 

كريم:( كيطنز ) هي نجي نخطبك فإطاار تحسين النسل 

وئام:( ضحكات ) شفتي نتاا حبييييتك كتفهمني العاايل 

كريم: ياك العايلة ؟ و شنوو سمية خطييبتي 

وئام: ايوا ماشي هاايداا .. خااصك تجييب عشرة عشرة من الحااجة و ترغب و تزااوك و شووف تشووف واش نقبل و لا لا .. راني نواااارة اسم على مسمى انا النوييويرة لي غتنور عليك حياتك ا حياتي ( عضات فيديها تتبكي بقوة الضحك بغات طرطق )

كريم: عشرة ؟

وئام:( قاطعاتوا ) بااه وي ! حيت نواارة فيها عشرة يا الحبييب .. ربعة دالشرع و ستة لي غيفلتوا عينيك ليهم و نتا حالس فقهييوة مااشي فالكورنيش شي أنييف شي عرس و بلا ما ننسى بنت خالتك لي ماش تبغي تلبقها فيك يمااك .. يعني نستاهل عشرة من الحاجة حيت مااماا عااملة فوورفي تزوج وحدة تعطييك فيها عشششرة 

ما بقاتش قاادرة تصبر قطعات عليه فوجهووا و طرطقاات كتضحك من اعماااق أعمااقها و الدمووع ساايليين .. أماا حتى هو بقى كيضحك و يضرب يد مع يد 

💫💫 جوهرة 💫💫

واقفة قبالتوا هازة كااس فيه جوج بيضات خلطاتهم مزياان و مداتولوا 

جوهرة: بصحة و العافية الحبييب ( كضرب على ظهروا بالضحك ) هاا كويس تدوز بيها مراارة الخساارة 


ياسيين:( خذاه كيضحك ) بالرب و ندير فيك راسي حتى تندمي .. تكمشي يا داك البنت ما باغيش نتعدا عليك 

جوهرة: اصلا نتا غشااش حتى المرة لولة ما كانش خاصك تربح ( هزات خنافرها للسما )

ياسيين:( غمض عينيه و هبط على داك الكاس كاامل تا كملوا و حرك راسوا بالجهد و عيب وجهوا .. بقى مدة عاد فتح عينيه ) وااا برب حتى ضبرتي عليها .. دوزي تلعبي 

جوهرة:( تخلعات ) لا بلاش عييت .. تابعني طويان الحوايج 

ياسيين: واخا يكون تابعك الواجب الوطني .. جلسي للأرض 

رجعات جلسات و بداو كيلعبوا مرة أخرى و هي مركزة من نيتها خايفة تخسر .. أما هو كيلعب مرتاح حتى سالا و ربحها و شاف فيها كيهزهز فحجبانوا 

ياسيين: نووضي الحبيبة الغزالة ديالي نعطيك حكمتك 

وقف و خرج من البيت و هي تابعاه .. دخل للحمام هز سينيال و رجع للكوزينة .. خذا بصلة قسمها على جووج نقاها لها و هي مخرجة فيه عينيها حصوووصا فاش شد داك سينيال و عصروا مزيان فوقها و مدهالها 

ياسيين: بالصحة و العافية .. طووسط بسينياال من ديكشي الرفييع 

جوهرة: اوييلي لااا ما لاعباااش 

خرجات كتجري من الكوزينة للصالون و هو موراها كيضحك و يشووف فيها بنظرة ما عندك فين تهربي ... ماشي بالشووية تا شدها من ذراعها و قرب لبصلة لفمها 

ياسيين: هااك حلييوة احبييبة 

جوهرة:( تتبعد فوجهها حتى مدات يديها لصدروا و دفعاتوا بالجهد و هزات وحدة من التكاكي و ضرباتوا بيها للوجه ) هههههه بعد للهييه 

ياسيين:( ضحك ) رجعتي تضربي المشة ؟

لاح من يديه داك البصلة و هز تا هو وحدة و بداو يضاربوا بيهم .. هي عاطية جهدها كااامل و هو راه غير كيضحك معاها .. و فنفس الوقت راه كيتحاكوا مع بعضياتهم بلا ما يحسووا .. جوهرة رجعات مجرتلة و عرقاانة .. تا حسات بيه جرها عندوا بالجهههد و لسقها معاه

ياسيين: أجي نديروا شي فشي و نعطيك باش دوشي 

غمزها كيضحك قبل ما يتكيها فوق الزربية و يطلع فوق منها .. لينتقلوا لعالمهم الخااص .. أكييد بعد ما شربات جوهرة البيلول 

💫💫 يوم جديد 💫💫

فاقت جوهرة مع ثمنية دالصباح دازت على الدار كااملة كتسيقها و تلمط لفراش و تقاد كل ديكور فبلاصتوا حتى خلات الارض كتلمع و عاطية ريحة زويينة فالجو .. عااد مشات للكوزينة جبدات بريق دالقهوة كطيبوا و تقااد الفطوور بالخف .. غير حطات فوق الطبلة خرج ياسيين عندها .. باسها فحنكها و ريحة النعناع خارجة من فمووا كتنعش .. كباتليه كاسوا و جلسوا كيفطروا فهدووء .. حتى كملوا و قال

ياسيين: كلشي كااين ؟ و لا نجيب شي حاجة من الزنقة ؟

جوهرة: لا كولشي وااجد 

ياسيين: مزيان ( وقف و باسها فراسها ) عيدك مبرووك عقبال للأعوام الجاية 

جوهرة: علينا و عليك بصحة و السلامة و الشفااء فالقريب .. و نبقاو مجموعين ديما ياا ربي ♥

ياسيين: أمييين .. يالاه نخليك تكملي شغالك .. غنخرج شوية .. تا نقرب نمشي نجيبهم و نصوني عليك توجدي راسك 

جوهرة: واخا صافي الله المسهل 

دخل ياسيين لبس عليه جابادور فالأبيض مع نظاظر رايبين مخلي شعروا طاايح على عينيه شوية بعفوية .. رش ريحتوا تا خلاها موراه مشعشعة و زاد بحالوا كيطوي فكماموا و هو جار بلغة فرجليه .. أما جوهرة ناضت فالبلاصة جمعات مواعن لفطوور و تحزمات للغذا .. جبدات بسطيلة لي وجداتها لبارح فالنهار بقالها غير تطيب فالفران و تتزوق .. دارتها تتحمر .. و دازت للحم كتقليه و يديها الثانية خدامة فالبرقوق كتعسلوا .. 

و هاكذا داز عندها الصباح من هاذي لهااذي .. ما خلات ما وجداتليهم .. لا للغذا لا لكاسكروط .. بينات على حنة يديها نييت .. يالاه كملات و طفات على كلشي .. صونا ليها ياسيين كيعلمها بلي غيمشي موراهم .. 

دخلات لبسات عليها قميص جوهرة و دارت ذهبها و كحلات العينين حتى برز لونهم بشكل فاااتن .. رشات ريحتها و رطبات يديها .. عاد دازت تقاد شالها .. و خرجات كتضور فالدار و تتأكد بلي كل حااجة فبلاصتها .. ما باغى تسمع حتى تعلييق يمرضها فصحتها و يخسر فرحتها و سعادتها 


بعد مدة كانوا وصلوا .. ياسيين و سميرة و مصطفى و عاد كريم و زينب و خليل .. فتحاتلهم الباب مستقبلاهم بابتساامة خصوصا فاش شافت زينب .. جلسوا مجموعين كيهضروا و يسولوا فالحال و الأحوال .. حتى نطقات سميرة و هي كتشوف فجوهرة 

سميرة: هاني جيت لداارك و فتحت بيبان الصلح بيناتنا واخا كااع لي وقع 

جوهرة:( تزنكات فاش شافوا فيهم كاملين و قالت بأدب) داري هي دارك الحاجة و يلا ما كنتيش نتي بيناتنا راه ما كاينة لا لمة لا جمعة ( شافت فمصطفى ) نتوما هما الخير و البركة ديالنا و بلا بيكم ما كاين والو

سميرة:( تزادت فيها ضلعة و عجبها الحال من المدح .. هزات راسها و قالت ) و حتى أنا راه من قببببل ما دخلي لدارنا و أنا كنشكر فيك لولدي و لبناتي و هاا هماا يكذبوني .. كنتي عزييييزة و مقققطرة من العينين غير بفعاايلك بغيتي توسخي بلاصتك 

جوهرة:( تزيرات و مع ذلك طبقات كلام ياسيين لي حفضوا ليها بالحرف ) الله يرحم لي يخلي بلاصتوا نقية ا خالتي .. و يلا كنت أنا غلطت فنتي مولات العقل و الحكمة غتسمحيلي على قلة عقلي بحالي بحال اي وحدة فبناتك .. و أنا كنواعدك عمرها تتعاود

شافت فياسيين لي حركلها عينيه جهة مووا و تا هي ما زادتش معاه الهضرة .. ناضت لعندها و هزاتلها يديها باستها و الدمووع مغرغرين فعينيها

سميرة:( جراتها من يديها تا جلساتها حداها و عنقاتها جنب و موراها باستها فحنكها ) ماشي مشكل ابنتي .. الله يسامح علينا كااملين .. حتى نتي سمحيلي على كاع لي درتوا معاك خاايب .. الشيطان ولد الحرام ما كيخلي لا كبير لا صغير 

جوهرة: ماشي مشكل ا خالتي .. بحالك بحال ماما و كلامكم فوق راسي 

سميرة: الله يرضي عليك ( شافت فياسيين ) و لاهيلا غيييير نتا لي مزوج .. قلتها و نعاود نقوولها بحاال جوهرة ما كااينش .. اسم على مسمى .. الله يحفضها 

ياسيين:( ضحك و حرك راسوا من الفوق لتحت و فنفسوا كيقول ) احيااااني عليك 

قلبوا الهضرة و سدوا الموضوع عند داك النقطة .. حتى وذن الظهر و ناضوا الرجال يصليوا و وقفات جوهرة ماشية للكوزينة تبدا توجد ما تحط .. يالاه جات توقف زينب تمشي تعاونها حبساتها سميرة 

سميرة: غير خليك نتي باقى عياانة أنا نعاونها 

زينب:( بتحذيير ) وا عندااك اماما تقوولي شي كلمة هاكا و لا هاكا .. تفكري باش واعدتينا !!

سميرة:( عوجات فمها ) مالنا دراري صغار ؟ هضرة وحدة راحنا قولناها

سمحات فيها و تمشات لجهة الكوزينة كتسرح فعينيها .. لقاتها كتوجد سالاد غوايال لي قادات فلول .. شافت فيها بابتسامة و قالت 

سميرة: نعاونك فشي حاجة ابنتي ؟ 

جوهرة: لا لا غير خليك مرتاحة اخالتي كلشي وااجد أنا غير غنحط لا غير 

سميرة:( نحنحات ) اااه و اجي نقولك ابنتي .. دابا حنا تصالحنا و نسينا كلشي ياك ؟ ( هزات جوهرة راسها بااه و فالبلاصة قربات منها حماتها و قبطات فيديها بقوة ) و الله يرضي عليك و يكون منك لما سمحي لداك لبنيتة لي مليووحة لهيه بوحدها .. راه واخا تشوفيني كنضحك راه قلبي محرووق عليها و ما عالم بيه غيير الله ( طيحات دموعها ) العيد هذا و كلشي مجمووع إلا هي .. ااه غلطات طيما غلطنا كاملين و الواحد راه كيتعام من خطئوا .. يلا سمحتيلها نتي حتى ياسيين غيسمح لها و يعطيها فرصة .. هضري معاه ابنتي الله يستر عليك يلا كنت بحال ميمتك بصح ( عنقاتها و باسها فجبهتها )

جوهرة:( تنهدات ) واخا اخالتي دابا نهضر معاه .. الله يدير شي تاويل دالخير 

سميرة: أميييين يا ربي يا المرضية


داز نهار العيد بحلاااوتوا غير النشااط و الضحك و اللمة العائلية ديالهم فكرات جوهرة غير فدارهم لي كتكوون كطييح بالناس كلشي كيجي عندهم .. تبسمات فاش تفكرات جدها غيكون جا من فاس .. و كلها حمااس فوقاش يجي غذا باش يجيوا لعندهم .. لأنوا هي و ياسيين تافقوا من لول نهار لول العيد يكون لعائلتوا و يصفيوا الخواطر و نهار ثاني عيد لعائلتها هي لي عارضين عليهم للفطور و السحور .. لأنهم كيصوموا ايام شوال و جوهرة كذلك نفس الشيئ .. عندها غير هاذ النهار لا غييير 

كمل النهار حتى تهدات جوهرة .. ودعاتهم و سميرة كتوصي و تعاود على بنتها .. تنهدات بتعب و هي داخلة للكوزينة لي كطييح بالمواعن .. فحين ياسيين راه مشى معاهم يوصل واليديه .. 

شافت فالوقت مشى الحال و دغيا غيرجع و غتصدق ما دايرة والو يلا بقات متبعة غيير الشقى .. خلات ديك الكوزينة هكاك و دخلات لبيتها بالخف جبدات شورط قصيير حد الفخاض مع سوتيام نازلين شوية حد كرشها و معقودين بجوج خويطات من لوور .. طلقات شعرها على راااحتوا و مشطاتوا بالمشطة ايليكترونيك .. عاد هزات المكياج كتشووف شنو دير .. خافت تبغي تبدع تصدق خاارجة بحال الباندا .. فاكتافات بكلووز خفيف و ماسكارا لعينيها مع الكحوول لي مزينهم .. و زادت رشات ريحة خفييفة فعنقها و فمعصم يديها بجووج .. 

مشات بالخف للحمام هزات واحد ميكة فيها انوااع دالورد و واحد الشميعات صغاار فيهم ريحة زويينة .. قادات الكوفرلي و رشات عليه داك الورد على شكل قليب و الباقي رشاتوا فالأرض بعفوية .. عاد تحنات شعلات الشمع .. شافت فالساعة مثوثرة و كتسابق مع الوقت .. طارت هزات لبيسي ديالوا و دخلات ليوتيب كتقلب على الأغنية لي باغاها .. حتى لقاتها و طلقاتها كتدندن معاها .. تا حسات بالباب تفتح .. هزات راسها فيه بدهشة .. لكن دهشتوا كانت كبر .. 

《 ربي رزقني بفد عشق .. بس هو لبالي .. صار النفس مالي .. ما غيره يحلالي .. وين الكة مثلج بالعمر ؟ يا ستري يا أجمل ستر .. فنانة بالحب و الغزل .. بس هي خلتني استقر .. معشوكتي و ما نفترك .. ذايب بحبها و محترك ..كلهن جذب قبلج ترى .. بس انتي حبي المن صدك .. محد مثل حبنه أبد .. هنيالي حبيتج و صرت أنا ابو بيتج و بقلبي خليتج 》

على كلمات أغنية ربي رزقني ديال محمود الغياث تمشى ياسيين جهتها بانبهار .. و كلمات الأغنية كيتسمعوا مجهديين فالأرجاء .. كأنهم كيحكييوا عليهم هما بجووج .. قبط فيديها و شد دورها بخفة على راسها و ختمها بتصفييرة و قبل ما يهضر و يغرقها فحوايجها و كاع ديك الزعامة لي فيها تطير و تتبخر فالأعالي .. قربات منوا و باستوا بالخف فوق شفايفوا و بعدات و هو غير مبلق عينيه فيها .. واش هاذي جوهرة و لا كذب ..

جوهرة: الحمام واجد .. دخل ارتاح و أجي عندي أنا كنتسناك ( ضحكات بخجل من نظراتوا ) واا صاافي ا يااسيين هه

و بالفعل مشى للدوش مخليها مووراه كتتنهد برجفة .. عمرها فحيااتها فكرات بلي تقدر دير هاذ الخطوة الجريييئة .. و تشطح ليه هاذ النوع دالشطيح لي كيتطلب خبرة و وجه مسنطح نيت .. و جوهرة كينطابق عليها كلام عمروا حبى و نهار حبى طاح فالبير هههه تسناتوا حتى خرج عندها بشعروا فاازك و صدروا عريان .. و جراتوا من يديه جلساتوا فووق الفوطوي و تحنات عليه شوية و قالت بهمس 

جوهرة: ليووم خليك ليلي اناا 

دوزات يديها على لحيتوا و بعدات لجهة البيسي بدلات لأغنية لموسيقى ديال الزدحة تنفسااات و تحنات للتحت معوجة ظهرها .. تا بدات طاالعة بالشوووية و بسلاااسة للفووق و كتحرك يديها بالتنااغم .. اما ياسيين تقاد فبلاصتوا مبسم باعجااب .. لقى حداه طبسيل دالفريز و واحد الزلافة صغيرة ديال الشكلاط دايب .. هز وحيدة غمسها فيها و بدا كياكل و كيتفرج فيها كتحرك خصرها بسلاااسة و بطريقة ديال وحدة محتتترفة .. بقى غير معجب فيها .. لكن صدمة حيااتووا فاش قربات حداه و طيراتليه الطبسيل و جلسات فووقوا عاطياه بمؤخرتها و كتحركها فوق الطاشرون ههه بكل اثااارة و كتتعوج و تنهج .. شاف فيها و عض على فمووا و هي كتحرك مززززنكة شوية و غتغرق فحوايجها 

ياسيين:( همسلها بفحييح ) أجي نورييك lap dance كيفاش كيتشطح على اصوولوا 

زيرها عندوا و قلبلها وجهها عندووا كيقبلها بحراااارة و طريقة ملهوووفة و كيزيد يهمسلها بشنو دير بالضبط .. حتى تحولات الرقصة إلى التحام عااطفي قوووي بيناااتهم وصلوا بجووج لدرجة خيااالية .. عمرهم وصلولها فحيااتهم .. و كيفما جوهرة بينات على خبراتها الجديدة تا هو دلعها ااااخر تدلييع .. حتى انتهكت قوااهم على الآخر و ختمووها بدووش كالعاادة لأنهم غيصوموا الغذ ليه اول ايام شوال .. تسناو حتى وذن الفجر و صلى بيها و عاد طاحوا دوودة بجوووج 


صباح يوم جديد مفعم بالحيوية و النشاط و الخجل من طرف جوهرة لي عاد طلع معاها شنو دارت و كتقول فراسها منين جاتني هاذ الجرأة كااملة و فنفس الوقت راه فرحااانة أنها دارت خطوة كبيييرة فحياتهم الزوجية و فالأخير كيبقى رااجلها و حلالها و حتى حاجة ما حرام .. 

من بعد ما كملات روتينها كامل ناضت للكوزينة مبتاسمة و عينيها كيبريوا .. حدها شافت داك الرويينة كااملة لي تابعاها و هي تجمعها فالبلاصة كدور فعينيها و تقول يااا مصيييبتي .. و فالأخير نفضات العكز و تحزمات لشنو غاذي دير .. 

و بهذا دااز نهار ثاني رووتيني فيه جاو عائلتها و فطروا و تسحروا مجموعين فجو زويين و محترم .. حتى مشاو و بقى ياسيين مع جوجو كيعاونها حتى كملوا و مسحات يديها و قالت 

جوهرة: ياسيين بغيت نقولك واحد الحاجة !

ياسيين:( واقف مكروازي رجليه كيشرب و حرك حجبانوا بمعنى ااش )

جوهرة: لبارح جات عندي خالتي و بغاتني نهضر معاك على ابتسام ( بهدوء ) أنا ما غنقولك لا سمح لها لا خليها .. حاجة وحدة ديرها فبالك بلي باقية مراهقة و خصها لي ياخذ بيديها و ينصحها كثر من اننا نفروها و نبعدوها علينا !

ياسيين:( ببروود ) نتي سمحتيلها ؟

جوهرة:( تنهدات ) فاش غينفع دابا واش سمحت و لا لا ؟ أنا ما باغاش حياتنا تبقى واقفة فنقطة وحدة و ندوروا ندوروا و نرجعولها ما كرهتش نتهناو و نعيشوا مرتاحين 

ياسيين:( حرك راسوا بأه ) و باش نعيشوا مرتاحين و ما نرجعوش لنفس النقطة ديما .. ما تتدخلوش فهاذ الموضوع .. لا سميرة لا مصطفى غيعرفوا لابتسام ( سكت شوية و كمل ) آخر حااجة نحير فيها هي النسا حيت سوقكم خاوي من لخر 

جوهرة:( ضحكات ) واا بااز اخوويا بااز 

ياسيين: هههه ابتسام راها ختي قبل من أي واحد و ما غاديش نفرط فيها .. ماشي لحتها تما و درت رجل على رجل فداري مرتاح ( حرك صبعوا بلا ) تئ كل نهار كتوصلني خبارها و عاارف أدق التفاصيل عليها و نهار غنكون متأكد رجعات كيفما كانت .. انا غنمشي عندها نجيبها و قبل غيكون داك الحوار لي هضرتي عليه .. لأنوا بكل بساطة واحد حااقد شحال ما هضرتي بحال كتكب الما فرملة .. عكس فاش كيعرف غلطوا و كيفيق من القلبة .. و دابا قلبي عليا هاذ الموضوع 

جوهرة:( حركات راسها ) واخا على خاطرك و خالتي شغندير معاها 

ياسيين: بلي هضرتي معايا و قتلك غنتصرف ( حرك عنقوا و شاف فيها ) واحد اليوماين هكاك و نسافروا .. صافي ؟

جوهرة: لفين ؟

ياسيين: أول حاجة لمراكش نشوف الخدمة فين واصلة و ندوز عند الطبيب لي متبع معاه تهاونت بزااف فهاذ المدة .. ما علينا و موراها طلبي تمشي فينما عجبك .. فالمغرب و لا برا ما عنديش مشكل .. غير شوفي لبلدان لي بلا فيزا 

جوهرة:( نقزات عليه بفرحة ) حلف بالله 

ياسيين:( ضحك ) دابا الحلوف لي غيأكدلك هههه

جوهرة: وا حلللف 

ياسيين: ههههه و الله 

جوهرة: احيييه ( حطات يديها على لحيتوا ) نمشيوا لليونان ؟ من ديما بااغى نمشيلها .. واااعرة بزاااف و حتى ناسها فشي شكل دغيا كيدخلوا للقلب

ياسيين: هههه نتي داك القلب عندك بحال الطوبيس لي جا كيدخل ليه ( جبدلها حنكها ) بغيتي اليونان نمشييوا ليها الالة مالها غتغلبنا ؟

💫💫 بعد 3 ايام 💫💫

سافروا جوهرة و ياسيين لأول محطة لي هي مراكش لي كانت شااخضة بالصهد ..عاافية موووت .. خصوصا هما لي كانوا صايمين .. لكن فالنهار الثالي فطر ياسيين حيت عارف راسوا تابعوا نهار طوييل عريض .. بدا أول حاجة بالتحاليل .. دارهم و داز لقهيوة خذا فطوروا و داز للخدمة كيشوف كل حاجة فين وصلات .. غرق من راسوا لرجليه .. حدها ضربات 3 دالعشية مشى مور التحاليل لي كانوا وجدوا .. و رجع قلب الطريق لطبيب لي متبع معاه و ديجا خذا رونديفوا معاه .. من بعد سلسلة من الأسئلة و المجاملات .. خذا الطبيب التحاليل .. فتحهم و بدا كيقرا و ملامحوا كيتغيروا .. تا هز راسوا و شاف فيه 

الطبيب: ما يمكنش !! 

ياسيين:( عقد حجبانوا ) شنو لي ما يمكنش ؟ سي ياسر قولي شنو عندي ؟


الطبيب:( حرك راسوا بالنفي ) ما نقدر نقولك واالو دابا .. التحاليل خصهم يتعاودوا باش نتأكد ( شاف فالساعة لقى الوقت مشى و رجع ركز فيه ) غذا تعاودهم و تجي عندي ضروووري و مؤكد ا سي ياسيين !

ياسيين:( وقف و مدليه يديه سلم عليه ) واخا اسي ياسر الله يعاون

خرج من عندوا عااقد حجبانوا و عقلوا مخررربق .. كلام الطبيب دخلوا الشك بقوووة لدرجة قلبوا تخطف من بلاصتوا .. عاارف تهااون بزااف من ناحية صحتوا فالآونة الأخيرة و فنفس الوقت ما باغيش يتصدم بشي حااجة ماشي هي هاذيك .. 

خاصة أنه عاارف هاذ المرض يلا تطور ممكن يتصاب بسرطان الكبد و حتى أنه معرض بشكل كبيير للإصابة بالسييدا !! غير هاذ الفكرة كااافية تخربقوا كاامل خاصة يلا كان بصح فراه ماشي بوحدوا لي غيتضرر جوهرة تا هي .. داك الكيان لي رجع كيخصوا غير هو و ما باغي حد يقيصوا بأدنى حاجة خاايبة .. فالأخير يلقى راسوا هو أكثر واحد معذبها فحياتها ؟ 

رجع للأوطيل و هو كلوا مرون .. ما بغاش يمشي عند جوهرة و يقلقها من شي حاجة بااقي ما متأكد منها .. خصوصا عارفها مزياان غير غتسمعها غتطييح ليه فالبلاصة سخفانة بالخلعة .. طلع نيشان لبيروه و دوزلها لابيل باش ما تبقاش تسناه

ياسيين: جوهرة باقى شاداني شي خدمة ضرووري نكملها ليووم باش نساافروا فخااطرنا غير نعسي أنا غنتعطل شوية باش نجي 

جوهرة:( جاها صوتوا فيه شي نبرة فشكل و قالت بحنان ) بيك شي حاجة ا حبيبي ؟ يلا عياان أجي رتاح لك الخدمة ما عندها فين تهرب !

ياسيين:( نحنح ) ما كاين والوا الزين الصافي غير ارتاحي .. نكمل و أنا معاك ( سكت شوية و قال ) غير شي دعييوة دالخير من عندك كاافياني 

جوهرة:( تأكدات كاينة شي حاجة .. عينيها دمعووا و قلبها فالبلاصة تخطف .. لكن ما بغاتش تبين و قال بحنان ) الله يسهل عليك ما صعاب و يبعد عليك كل شر و فينما حطيتي قدامك ربي يديرلك لي فيها الخير 

ياسيين؛( تنهد ) أمييين 

داازت ليلة طويييلة عليهم بجووج هو لي بقى عااصر فالمكتب ما نعس ما شافوا و هي لي حتى كتغفى عينيها و ترجع تفيق تشوفوا واش جا .. لكن واالو .. و أخيييرا شرقات الشمش و تعلن عن بداية يوم جديد .. و مع سبعة دالصباح بالتماام كان واقف ياسيين قدام المختبر كيتسناهم غير فوقاش يفتحوا .. تسنى سااعة بالضبط عاد تفتح و دخل فالبلاصة يدير التحاليل مرة ثاانية و حط فلوس مضووبلة باش يسربيوه و ما يتعطلوش عليه .. حيث الصبر لي عندوا قرب يوصل لنهاايتوا .. 

و أخيرا بعد مدة ما طويلة ما قصيرة كان قدام العيادة ديال الطبيب .. تنفس مزيااان و تبث راسوا قبل ما يدخل للداخل جهة الاستقبال .. لي غير شافتوا لبنت قالت

---: الدكتور عندوا مريض لداخل تفضل فالصالة على ما نعيط عليك غتدخل موراه 

ياسيين:( اكتفى يحرك راسوا بااه و جلس فكرسي كيحرك رجليه بعصبية و كيتمتم بين شفايفوا ) ياااا ربي يااا ربي 

بقى على داك الحال لمدة لا بأس بيها حتى سمع صوت لباب تفتح .. هز راسوا فالسيد لي خرج و وقف بثقااالة متوجه لغرفة الفحص .. دق و دخل .. مد يديه سلم عليه و دخل فالموضوع نيشان 

ياسيين:( مد ليه التحاليل ) ها هما لي زاناليز اسي ياسر .. نتمنى تقولي دابا لي كاين .. ليلة كاااملة و انا على أعصابي 

الطبيب:( حنا راسوا كيقرا بتأني حتى هز راسوا بملامح جااامدة ) تمااما كيفما توقعت .. نفس نتائج دالبارح .. لكن بغيت ما نعلمك حتى نكون متأكد مئة بالمئة 

ياسيين:( مسح على لحيتوا بقالوا شوية ينةض يدخل فيه براس ) ممكن تعطيني المفيد ؟؟

الطبيب: أول حاجة اسي ياسيين تصرفاتك غير مسؤوولة و ماشي ديال واحد بحالك .. الصحة الحاجة الوحيدة لي خاص الواحد ما يتهاون فيها .. نتا ستة شهور ما قلبتي فراسك و مرضك ماشي شي حاجة لي سااهلة أبدا .. فمدة قصييرة ممكن يتطور بشكل مهووول .. كيفما ممكن فنفس المدة يختفي نهااائيا بحال عمروا كان فيك .. كيفما وقع معاك دابا 

ياسيين:( تضهشر ) ما فهمتش ؟ تزاد و لا ما بقاش ؟

الطبيب:( ضحك ) ما بقاش بحال عمروا كاان و هاذشي كنت متوقعوا لأنوا من الأصل نسبتوا قليلة بزاااف و غير متوهج .. لكن هاذشي ما كيعنيش نتهاونوا .. و الحمد لله ربي ما خيبكش 

ياسيين:( أخييرا ضحك و زفر بقوة بحال يلا كان هااز جبل فووق كتافوا و تهنى منوا .. بقى شحال ساكت و عاد قال و هو متؤثر ) دابا زعما أنا ما بقيتش مريض ؟ 

الطبيب:( حرك راسوا بالايجاب ) نعم و لكن خاص فكل شهر دير التحاليل و تتأكد .. يلا ما قدرتيش تجي لعندي لهنا غنصحك بواحد الصديق فالرباط .. غينفعك بزاااف ( هز وريقة كتب ليه سميتوا و نمرة التيليفون ديالوا )


خرج ياسيين من تما و الضحكة مرسومة على ملامحوا .. حااس بالسعاااادة القصوية غيير كيضحك و كااع داك الخلعة و الخوف طاار و تبخر فالهوا بحال عمرووا كان و هذا من كرم الله عز و جل علينا .. و أكييد كيفما خلق البلاء خلق الدواء و شحاال ماا بتالانا كيجي واحد النهار كيفرج هموومنا كااملين .. و هاذي هي الحيااة بصفة عاامة كيمشيوا هموم باش يجيوا بلاصتهم ثانيين .. كنوصلوا لأحلام و كنبداو نخططوا لاحلام جدااد .. و هي ماشية !

ركب فطونوبيلتوا و مشى زااف بالجهد لوحدة من لي باتيسري شاف لي طارط لي ديجا واجدين اختار وحدة جمعوهاليه .. خلصها و خرج و هاذ المرة وجهتوا لوطيل .. دخل عليها للشومبر لقاها كتصلي .. هازة يديها كتدعي حدها كملات ، تحنى عليها معنقها من لوور و هزها عندوا تا قلبها معنقها بقوووة و كيدوور بيها بفرررحة كبييييرة أما هي رااه خلعها و فالأخير غمضات عينيها كضحك 

جوهرة: ههههههههه يااسيييين غطيحني هداا ههههه

ياسيين:( كيبووس فيها فكل شبر من وجهها .. حتى رجعات كلها حمممرة و حطها فوق الناموسية .. حط يديه على كريشتها و شاف فعينيها لي ضاحكين ) أخييرا غنعمروا هاذ الكريشة بلا ما نخاافوا من وااالووو ( شافت فيه بدهشة و كمل هو كلاموا ) تقدري تحيدي دابا البيلول ( برااحة ) حيت أخييرا تعاافيت و ما بقى عندي واالوو .. يعني ما كاين خووف لا عليك لا على وليداتنا 

جوهرة:( شافت فيه بدهشة اكبر و عينيها بدااو كيبريوا بلمعة خطييرة .. بلعات ريقها و بصعووبة قالت ) وااش بصح ؟ ما كضحكش معايا ا ياسيين .. هاذشي ما فيهش الضحك ( بأمل ) ياك ؟

ياسيين:( حرك راسوا بالايجاب ) ما كنضحكش .. تشافيت كليا .. الحمد لله

جوهرة:( غمضات عينيها و هبطاتلها دمعة وحييدة عاد تبعوها خوتها .. و قالت برجفة ) الحمد لله الحمد لله الحمد لله .. الله يجعلها آخر الأحزان يااا ربي ( شافت فيه و حطات يديها على حناكوا و قربات باستوا بالشوية و هي مغمضة عينيها و الدمووع مفزكين وجهها .. مدة و بعدات كتشووف فيه فعينيه مباشرة ) الله يطول فعمرك و يخليك ليلي ما نقدرش نتخيل حياتي بلا بيك و ما تصوورش شحال فرحت من الخبر .. ماشي حيت غنقدر نحمل .. لا .. حيت الانساان لي كنتشارك معاه كلشي .. رووحي و قلبي و نفسي .. تعاافى .. و ما غنبقاش كل مرة نفييق فليل و نحضييه واش كيتنفس و لا لا .. تا نتأكد من راحتوا عاد ننعس حتى انا .. ما غنبقاش فكل مرة طيحلي فكرة خاايبة فعقلي و نقول يمكن ياسيين غيجي واحد الوقت و يطلق من يدي .. واخا هو مواعدني .. و لكن شكون لي ضمنلي ما غتكونش بارادتوا ( عضات على شنافتها كترجف ) كنبغيييك كيفماا عمري بغييت شي وااحد فحيااتي .. و ان شااء الله ربي يطول فعمرك و عمري حتى نشوفوا حفاد حفادنا 

مدات يديها عنقااتووا بقوة كتشهق و تبكي بالجههههد .. إحساسها فهاذ اللحظة صعيييب بزاااف توصفوا .. فووق اي شعوور .. حاسة بالتبوريشة طاالعة معاها من صبعها الصغير و كلها كترجف .. باغى تهضر و تقول شحال من حااجة لكن طااقتها ما مساعفاهاش و فالاخير اكتفت بدمووعها يعبروا على فرحتها القوية .. حتى هو حااس بيها و معنقها عندوا بكل طاقتوا بحال باغي يفتح قلبوا و يخبعها تما و يشكرها على كل حاجة زوينة رجعات جوهرة كتمثلها فحياتها .. بعد وقت طويييل فيه سكتات جوهرة بقات غير مخشية فيه و معنقاه ما باغاش تطلق منوا كأنها بعناقها و ملامستوا كتتأكد من صحة كلاموا و بلي ما كتحلمش .. بلعكس هذاا وااقع .. و الدنيا كتعطيهم هما الآخرين حقهم من السعاادة و الراااحة 

ياسيين:( ناض جارها معاها مشى للكارطونة فتحها .. و هز مووس لي طلعوا معاه من لتحت .. و قطع طريف صغير و وكلولها و فالأخير هز شوية ديال الكريمة و طلسها لها فحنكها ) ضحكي يا المووصيبة لي بلاني بيها الله ، الدمووع فالفرح و القرح ! داك العينين طاالبين منك التسلييم

جوهرة:( ضحكات و هزات تا هي شوية ضرباتوا بيه لوجهوا ) نعطيهم لك تخبعهم عندك هههههه

ياسيين: ههههه لا اختي عطيهم لولادنا .. عوينات المشة !


عشرين يوم دوزوها جوهرة و ياسيين فاليونان و بالضبط فجزيرة السانتوريني و لا في الأحلام .. ما خلاو فيها حتى قنت .. الشاطئ الأحمر .. شاطئ كماري .. بلدة أويا .. اكروتيري .. فيرا .. 
بسهوولة انساجموا مع الشعب اليوناني الكريم .. نساو كااع المآسي لي دازوا منهم و ارتاحوا قلبا و قاالبا .. الضحكة كتخرج من قلبهم بكل رااااحة 

💫💫 بعد مرور 5 أشهر 💫💫

فرمشة عين داازوا شهووور من حياتهم .. رجعوا فيهم لروتينهم الطبيعي و علاقتهم غير ما كتتحسن أكثر و أكثر .. فهاذ المدة جوهرة دفعات لباك حر و بدات كتقرا و تجتاهد بكل جهدها باش تجيب نقطة مشرفة .. تا ياسيين ما مخليش من جهدوا معاها .. لا النفسي و المعنوي بحيث ديما كيرفعلها المعنويات بأن الامتحان شي حاجة لي سااااهلة بزاف و هي قوية غتتوفق على أي حاجة و غتقدر تنجح و تبين لكلشي شحال هي مراة مستقلة و قادرة بذاثها .. و كذلك مساندتوا من الناحية المادية .. ما كيبخلش عليها بحتى حاجة احتاجت من مطبوعات و كتووبة و أساتذة للدعم كيجيوها تال الدار و أكيد فحضوروا .. كيخدموا معاها بكل احترام .. 

أما موضوع ابتسام فلحد الساعة ما جبدووش نهاائيا و من نهار مشات عمروا مشى عندها .. كيعيط للعمة يهضر معاها و يوصيها و يسول على الحال و الأحوال لا غير .. عياو يهضروا معاه خصووصا سميرة و زينب .. لكن ديما كيخرجوا بنفس النتيجة .. الرفض القاطع ! و بلي عاارف شنوا كيدير و نهار يجي الوقت غيديرها من راسوا بلا ما يحتاج شي حد يقولها ليه !

جالسة جوهرة فالصالون و حداها زينب و حاطين حداهم الضيافة و التلفزة مشعوولة حداهم مونساهم .. كيهضروا على القرايا و كيف غادة فيها .. حتى تجبد موضوع ولدها 

زينب:( تنهدات ) شنو غنقولك ا جوهرة حرقتوا لدابا كتكوي فقلبي و ما قادراش ننساه .. راه قطعة مني و تعذبت عليه بزاااف .. شي حااجة من رووحك صغييورة كتكبر نهار على نهار قبالتك .. و فلحظة كلشي كيتبخر بحال عمروا ما كاان صعييبة بزاااف 

جوهرة:( بأسى ) الله يعوضك خير 

زينب:( ضحكات و قبطات فيديها زيرات عليها و فعينيها لمعة فرح ) ربي عوضني بصح ا جوهرة .. عووووضني 

جوهرة:( شاف فيها بدهشة ) حااملة !؟

زينب:( حركات راسها بااه ) بلحاق درت غير طيسط فالدار .. باقي ما علمت حتى واااحد غير نتي لي فبالك دابا ( تنهدات بخوف و أمل فنفس الوقت ) شحال و انا كنتسنى هاذ النهار .. ما بغيتش نفرح بزااف حتى نتأكد من عند الطبيبة .. و هاذشي لاش جيت عندك .. بغيتك تمشي معايا عافاك .. ما قادراش نمشي بووحدي حاسة براسي غنسخف بقوة لي مرعوووبة من الموضووع 

جوهرة:( بفرحة خاالصة ) واخا احبيبتي أنا نعلم ياسيين بلي خارحين بجوج و نمشي معاك ( هزات تيليفونها عيطات عليه و عطاها الأوكي .. عاد شافا فيها ) أنا نلبس و نخرجوا 

و بالفعل ديكشي لي كان دخلات لبسات خمارها و قادات مظهرها و خرجات عندها هازة ساكها .. ركبوا فطونوبيل ديال زينب لي طلقات موسيقى هاادئة 

زينب: و نتي الفنون فوقاش ناوية تجيبيلنا شي فنكوش للعائلة ؟ قطعي الكينة خلاص ا صاحبتي ما حد ياسيين عندوا الخاطر يربي و يشد معاك .. راه رجال غير كيكبروا كيركب فيهم الصعر و يبداو يتعصبوا من أي حركة ( ضحكات بعفوية ) لو تعرفي ياسيين شحال كيحمقوه الدراري الصغار .. كان كيقولي غير نتزوج نولد عشرين .. عشرة بنات و عشرة دراري ههههه

جوهرة: قنية و صافي ههه ( ضحكات ضحكة بااردة و قالتها ) و لكن ا زينب أنا حابسة الكينة هاذي 5 شهور تقريبا و ما كاين والو .. يعني ماشي حنا لي ما باغيينش .. تا أنا تشغلت مع القرايا و الدار و ما بقيتش كنفكر فالموضوع نسيتوا كاااع ( بخوف ) ياكما يكوون عندي شي حاجة ؟

زينب: لا لا راه 5 شهور ماشي شي مدة لي طويلة 

جوهرة:( بعفوية ) و لكن نتي فنفس المدة و لا قل حملتي !

زينب: بلا ما تخافي ا جوهرة بغيتي دخلي دوزي معايا حتى نتي .. و تأكدي من كلشي .. هاذي لي كنمشي عندها خدمتها متقوونة بزاااف و عندها لساان حلوو كتعرف كي تهدن لواحد و توصل ليه المساج بطريقة زوينة .. و راه كل واحد و ذاتوا يعني ماشي ضروري فالمدة لي نحمل فيها تحملي فيها نتي و هاذيك .. كل وحدة و حالتها 

جوهرة:( بان الخوف على وجهها ) واخا ندوز تا أنا و ان شاء الله يكون خير 

زينب: يا ربي ما تديري فبالك واالوا 

وصلوا للطبيبة النسائية .. باركات زينب و نزلوا بجوج جلسات جوهرة فالانتظار و خلات زينب كتهضر معاهم على جوهرة دوز معاها فنفس لوقت .. و تشوف نوبتها فوقاش .. بحيت ديجا خذات رونديفوا من قبل !

مدة لا بأس بيها و دخلوا بجوج .. مشات زينب لغرفة الفحص فحين جوهرة بقات حالسة فالمكتب كتغزز سنانها بثوثر تا رجعوا حداها بجوج

زينب: ا مدرا ا مدام ؟

الطبيبة:( بابتسامة ) مبرووك عليك ا لالة زنووبة واحد 7 شهوور و غيجيكم ضويف يعمر عليكم الدنيا 

جوهرة:( شافت فيها بفرحة و ناضت عنقاتها ) مبروووك مبروووك الحمد لله ربي ما خيبكش 

زينب:( شافت فيها بفرحة و باستها ) الحمد لله ياا ربي .. الله يبارك فيك احبيبتي العقبال عندك تا نتي بشي كتكوت و لا كتكوتة

جوهرة: أميييين يا ربي 

الطبيبة:( شافت فجوهرة بابتسامة ) تفضلي معايا ابنتي لغرفة الفحص نشوفك تانتي 

حركات راسها بواخا .. حطات ساكها و ناضت تابعاها بهدووء .. تكات على الباياص متبعة تعاليم الطبيبة .. هاذ الأخيرة لي بدات كتفحصها بهدووء و سرعان ما تبدلوا ملامح وجهها تا تخلعات جوهرة و قالت 

جوهرة: ياك لباس ا دكتورة ؟ واش عندي شي مشكل ؟

الطبيبة:( شافا فيها بابتسامة كتحاول تهدنها ) تهدني ابنتي .. باقي ما كملت غير ترخاي .. ما عندك والو و حتى يلا كانت شي حاجة ما صعيبش علينا نداويوها حيدي الخوف من راسك 

رجعات تكات و حاولات ترخي راسها مغمضة عينيها مت كتفكر فحتى حاجة سلبية بلعكس أفكارها كلهم ايجابية و سعادة .. تا كملات الطبيبة و شافت فيها 

---: قادي لباسك و تبعيني للبيروا ابنتي 

خرجات مخلياها موراها كتشوف فالماتريال و تدور عينيها .. فنغس الوقت كتقاد لباسها حتى كملات و خرجات عندهم .. كانوا كيهضروا فموضوع زينب 

---: هاذوا دي فيتامين شربيهم مزيانيين للصحة ديالك و للبيبي ( ضحكات معاها ) دابا تبارك الله رله عندك خبرة ( شافت فجوهرة لي جلسات كتسناها شنو تقولها ) غنسولك شي أسئلة روتينيين و جاوبيني واش فيك او لا .. متافقين ؟

جوهرة:( حركات راسها ) واخا 

الطبيبة:( كتشوف فالورقة حداها ) بون ! الدورة الشهرية ديالك منتاظمة و لا لا ؟

جوهرة: لا كتلعب بزاااف و تقدر تجيني فشهر كثر من مرة بلحاق كتبقى مدة قصيرة و تقطع 

الطبيبة:( حركات راسها بااه ) اووك .. كتجيك مجهدة و لا خفيفة ؟ و بالحريق أو لا ؟

جوهرة:( بدا الخوف يتسلل قلبها أكثر و أكثر ) مجهدة .. الحريق غير فداك الساعتين لولة و من بعد كيهمد 

الطبيبة:( ربعات يديها ) و بالنسبة للجماع مع الزوج ديالك .. كتلقاو شي مشكل فالعلاقة .. يعني واش كتتحرقي ؟

جوهرة:( قالت بصراااحة .. حيت بانلها الموضوع كبر من أنها تحشم منهم ) اااه و لكن ديجا دوزت و قاتلي الطبيبة عندي ضيق فعنق الرحم يعني هذا هو السبب .. و عطاتنا واحد الجيل كنستعملوه ما كيبقاش الحريق كي كان .. غير فداك لول و صافي 

الطبيبة: مزيان .. و عندك شي أعراض اخرين ؟ مثلا فالتبول ديالك واش كتحرقي ؟ و ينزل منك الدم بعد المرات ؟ و الحوض ديالك كيوجعك بعد المرات و يعطيك الحريق ؟

جوهرة:( مزنكة ) لولة لا ! لكن الحوض ديالي ااه و بعد المرات كيعطيني الحريق تال ضهري و رجلي .. بحال كيضربني الضوو تا كيتقطع فيا النفس !

الطبيبة:( تنهدات ) و هاذشي كامل و ما تجيش دوزي ابنتي ؟ 

جوهرة: حيت قلييل ماشي بزااف فين كتوقعلي كان يسحابلي شي حاجة عاادية ( بخوف ) شنو عندي ا دكتورة ؟

زينب:( قبطات فيديها و طبطبات عليها ) ما تتخلعيش ا جوهرة !

الطبيبة: عندك ابنتي كيس فالرحم ديالك ( شافت فيها بتوضيح ) ما عندك مناش تخاافي .. بالطريطمون و الدوا ما غيبقى عندك واالو .. و هاذ المرض منتاشر عند كلشي .. ماشي غير العيالات حتى لبنات لي باقيين بلا زواج ممكن يكون عندهم .. ببساطة #مرض_العصر 

جوهرة:( الدمووع تغرغروا لها فعينيها حسات بالخنقة و الرعب و قالت بصوت خاائف ) ما غنقدرش نولد ياك ؟ عمري نسمع كلمة ماما فحياتي ؟

حنات راسها بين يديها كتبكي بصووت مسمووع و هما كيحاولوا يسكتوها .. تا هزات راسها و قالت

جوهرة: عافاك جاوبيني 

الطبيبة:( بحيرة ) هو كيكون عندوا واحد التأثير على قضية الانجاب .. و لكن ما دام اكتشفناه فوقت مبكر .. فغير بالدوا ممكن تتخلصي منوا و نهار تولدي غادي يحيدولك الغشاء ديالوا عاادي 

جوهرة:( الدنيا ضارت بيها وقفات كتترعد ) واخا شكرا ( هزات كارط ديالها ) غنخليها عندي باش نعيط عليك .. نرجع عندك 

زينب:( ناضت بالزربة تبعاتها لقاتها كتخلص .. طبطبات على ظهرها و قالت بأسى ) ما تخافيش احبيبة .. كيما سمعتي ما كاين ضرر عليك 

جوهرة: زينب رجعيني للدار دابا عافاك 

زينب: واخا 

و بالفعل شدوا الطريق و رجعوا فصمت و جو مشحوون و حزيين من طرف جوهرة لي كل شوية تتنهد بحرقة .. يالله بلاصات باش ينزلوا .. وقف ياسيين بطونوبيلتوا قدامهم .. شافتوا جوهرة و نزلات عندوا بالخف .. ضحك و نزل عندها .. و فنفس الدقيقة ترمات فحضنوا كتبكي بقوووووة

جوهرة: فووووقاش غنرتااح انااا فووقاش ياا ربي 😭😭 شمن ذنب درتوا كنخلص عليه .. كلما نقوول حياتي تقادات تخرجلي شي حاجة من الجنب ( تنهدات برجفة ) عييت ا يااسيين بزااااف انااا عيييييت صافي ما بقااتليش الطااقة .. اااه أناا ضعييفة كنعتاارف ( بحرقة ) ضعييفة تحت أمر الله .. يااا ربي صبرني ياا ربي 

ياسيين:( صدماتوا و ضهشراتوا جبدها من صدروا بزز و قال) جوهرة ماالك ؟ 


جوهرة:( تنهدات برجفة ) عييت ا يااسيين بزااااف انااا عيييييت صافي ما بقااتليش الطااقة .. اااه أناا ضعييفة كنعتاارف ( بحرقة ) ضعييفة تحت أمر الله .. يااا ربي صبرني ياا ربي 

ياسيين:( صدماتوا و ضهشراتوا جبدها من صدروا بزز و حط يديه على حناكها لي سخااان و فازكين بدموعها ) جوهرة ماالك ؟ 

جوهرة:( شافت فيه بانكسار ) كنت متمنية نفرحك حتى نتا ..كنت متمنية حلمنا يتحقق بحال أيها الناس .. كنت كنتسنى من قلبي نسمع كلمة وحدة تهزني بالفرحة لساابع سما

تخنقات بالبكية بقات شحال ساكتة غير كتشهق و هو مزير عليها و باقي ما فاهم واالو .. تا زينب لي تنزل تشرح ليه .. فاش شافت حالتها جلسات فالطونوبيل حاطة يديها على عينيها كتبكي معاها 

ياسيين:( بنرفزة شاف فيها ) غتهضري و لا غنضبر معاك ، مالك على هاذ المرض كاامل ؟ ااااااش واااااقع ؟ 

جوهرة:( بقهرة ) كنت متمنية و متمنية و متمنية .. بنيت فأحلامي و عليييت .. و فدقييقة جات هي و فيقاتني .. دفعاتني من ساابع سماا تال سابع أرض .. زدحاتني زدحة خاايبة اياسيين .. فيقاتني من شي حااجة ما كنتش باغى نفييق منها ( هزات عينيها الحوومر فيه ) عمرك جربتي فحياتك تكون نااعس و كتحلم أحسن حلم فحياااتك و فلحظة تتزدح للأرض حتى تفيق ؟ ( رجعات هزات راسها بالايجاب ) ما كاينش شي واحد فينا ما جربش .. و بحال أي انسان طبيعي .. غتبغي ترجع تنعس و تكمل الحلمة منين حبسات .. كيفما نتا كتحلم و كتتمنى تكمل ( تمخشات فيه بقوة و غمضات عينيها )حتى دابا أنا بغبيت ننعس و نحلم بديكشي لي متمنياه .. هذا غير كابوس و غيدوز 

شاف فيها بخوف و حيرة .. ما عرفش شنوا وقع حتى وصلات لهاذ الحالة .. باين فيها مرعووبة و نفسيتها عيااانة .. معنقاه بكل قوتها و مغمضة عينيها .. كأنها كتستمد منوا الطاقة الايجابية و تحتامي بيه باش تحس بالأمان .. دوز يديه على شعرها بهدووء و جرها معاه .. لجهة زينب دق عليها فالسرجم و دارلها حركة بيديه باش تتبعهم .. هما لي طلعوا للدار في صمت .. 

دخلها للبيت و بقى معاها حتى تكات و نعسات متوسدة صدروا و بالعيى دالبكى و الطريقة لي كيلعب بيها ياسيين فشعرها .. ترخاااو أعصابها و نعسات بعد مدة قصيرة .. قادها بالخف فوق المخدة و خرج عند زينب لقاها حاطة حداها طاسة فيها فلفلة حامضة ( مخللة ) كتاكل فيها و هازة تيليفونها كتفرج فيه .. مرة كضحك مرة مغووبشة و قالبة وجهها 

ياسيين:( عيى يشوف فلخر جلس حداها و ضرب يد مع يد ) لا حول و لا قوة إلا بالله .. لا نتوما صااافي داك نص غراام دالعقل لي كنتوا تكسابوه صدقتوووه و جلستوا للأرض

زينب:( شافت فيه و فرنسات كتاكل ) مالك ؟

ياسيين: الله يستر ! شوري الحاجة شوري غتخرجي على داك المعدة 

زينب: ضروري توحلها ليا ؟ ( قلبات عينيها ) أصلا كليت غير شوية ( طلات على القرعة بانتلها قربات تخوى و هي ضحك ) جوهرة موحال كتعجبها و ما غتقول واالو كلشي على حبيب ولد لوستها ( حطات يديها على كريشتها كتشووف فيه بابتسامة )

ياسيين:( فتح عينيه بدهشة ) حاملة ؟ ( حركات راسها بااه و وقف كيضحك فاتح يديه ) اجي لهنا البرهوشة 

زينب:( ضحكات و وقفات عنقاتوا ) بااز يا خويا بااز ما عرفت فين بانلك هاذ التبرهيش

ياسيين:( تبسم و جبدلها حنكها ) العزييزة دخوها ( باسها فجبهتها ) مبرووك عليك الله يجعلوا من الذرية الصالحة .. بالخلقة التاامة يا ربي 

زينب:( تنهدات برجفة و الدموع تغرغروا فعينيها و زيرات عليه ) أمييين ياا ربي أمييين .. ما غنقدرش نصبر يلا وقعات شي حاجة للبيبي مرة اخرى

ياسيين: شششش ! ما غيوقع واالو ان شاء الله و اي حاجة كتوقع معانا راها مكتاابة علينا و ما عندنا ما نديروا من غير نصبروا و نحمدوا الله ( تبسم و بعدها عليه بالشوية تا جات قبالتوا و حد يديه على شعرها بحنان أخوي ) و ها ربي جازاك على صبرك .. خصك تكوني فرحاانة دابا و ما تفكري فواالو ... حتى حاجة ما تستاهل التشائم من شي حاحة جاية من الفوق ( دار اشارة بصبعوا للسمى بمعنى من عند الله )

زينب:( حركات راسها بالايجاب و مسحات دموعها ) هاذشي لي خصك تقولوا لجوهرة .. كنظن كلام الطبيبة خلعها و فهمات الموضوع غلط 

ياسيين:( جمع حواجبوا و قال ) شنوا قالتلها حتى رجعات بهاذ الحالة ؟

زينب: دوزات معايا تا هي .. قاتلها عندها كيس فالرحم ديالها و جوهرة كانت عوالة على حمل .. صدقات فمرض و دوا و تحاليل تصدمات و خاافت ما تقدرش تولد .. 

ياسيين:( حرك راسوا بالايجاب ساكت )

زينب:( شافت فيه ملامحوا جاامدين ) ما غتقول والو ؟

ياسيين:( شاف فيها و خربق لها شعرها ) دوزي نوصلك لداركم .. يالاه زيدي تعطي الراحة لمخك شوية 


زينب:( ميقات فيه ) كتجري عليا !! واا عقل فيهاا مزياان ( قربات و باستوا فحنكوا و قالت بصوت طفولي ) غير بقى مع خالتوا ا خالي .. انا غنمشي انا و ماما فطونوبيلتنا 

ياسيين:( تبسم ) كنقولك برهوشة .. انتابهي فالطريق 

زينب: كون هاني .. يالاه سلم على جوهرة فاش تفيق 

ودعاتوا و خرجات مخلياه داخل عند جوهرة لي ناعسة .. بدل حوايجوا بالخف و خرج لبيت الجلاس هاز بيسي فيديه هما و النظاظر .. حطوا حداه بعد ما دار لي كيط فوذنيه .. طلق موسيقى كيدندن معاها و كيطابي فوق البيسي بالزربة .. داير بحث على كيس الرحم و كيقرا و يفهم الخطورة ديالوا و طرق دالعلاج و واش عندهم شي تأثيرات من بعد .. أو أو .. المهم دار دراسة معمقة على الموضوع .. حتى خذا فكرة وااضحة على المرض و سد البيسي .. ناض كيحرك عنقوا بتعب فاتجاه بيتهم .. فتح لباب و مشالها كيفيقها بحنان و هدووء حتى فتحات عينيها و تبسم معاها

ياسيين: نووضي النعاسة !

جوهرة:( جلسات شادة فراسها لي كيحرقها ) اححح راسي غينفاجر

ياسيين:( عوج فموا و قال ) ما شفتي دااك العينين غزااالين ما شاء الله .. بقالهم شوية و يتدلاو عندي بقوة لي منفووخين .. طبختيهم تا ما قديتي .. ياك لباس ؟ ااش وااقع فالدنيا !!

جوهرة:( بحزن ) عاوداتلك زينب شنو قاتلي الطبيبة ؟

ياسيين:( كروازا رجليه و حط صبعانوا على حنكوا ) نووضي تبكي .. نبداو الميطا الثانية ديال النديب و التحيار .. يالاه بسم الله الشريفة !!

جوهرة: كضحك عليا ؟

ياسيين: نتي لي كضحكي على الوقت ! لي سمعك يقوول غذاا جناازتك .. ما شفتيش راسك زدتي فيه بهاذ الدراما كوين ؟ عارف بلي كتكرهي شي حاجة سميتها الطبيب و كتمووتي بالخلعة منوا و لكن حبسي شوية .. الواحد يفهم الموضوع فلول و عاد يهضر !

جوهرة:( تنهدات ) كنت باغى بزااف نكون حاملة و الله خفت ما نقدرش نولد من بعد .. ما نقدرش نفرحك بالحاجة لي كتتمناها .. أحسن حاجة فالزواج هما الولاد و

ياسيين:( قرب جهتها و حط يديه على فمها مسكتها .. شاف فعينيها مباشرة و هضر بثقة ) الولاد نعمة من عند الله .. كاين لي كيجود عليهم بيها و كاين لي لا .. فالحالات بجووج كاينة حكمة .. يلا عطاهم لينا من فضلوا اكيد .. و يلا حرمنا منهم فشوفي من جانب آخور .. ممكن هاذ الولاد يكونوا عاقيين .. ممكن يتولدوا بشي مرض خاايب و يتعذبوا فحياتهم و يعذبونا .. يعني ا لالة جوهرة راه لا انا لا نتي لا اي طبيب فهاذ العالم ما كيقرر فهاذ الموضوع ( حط يديه على قلبها ) هذا خاصوا يكون مرتاااح حيت الأحد الواحد هو لي كيسير ليه حياتوا 

جوهرة:( حركات راسها بالايجاب ) و نعم بالله 

ياسيين:( ضرب يد مع يد ) الرررضى ! انا كنهضرلك بصفة عاامة .. و حتى يلا وصلنا لداك المواصل الله يستر .. الطب متطووور بزااااف .. ياك فارعالي مخي تمشي للميريكان ؟ غنديك ساعتها لتما و تتعالجي .. و يلا ما جابش الله كاينة شي حاجة سميتها التبني و شحال من وليد و لا بنيتة محتاجين دار و عائلة لي يحتاضنوهم .. يعني ماشي نهااية العالم ! 

جوهرة:( بردات بكلاموا لي جا بحال النسمة الباردة على قلبها ) واخا .. أنا غير خفت و صافي .. أصلا ما فهمتش كيفاش كيس ؟

ياسيين: مرض عاااادي جدا و أي واحد ممكن يتصاب بيه ماشي شي حاجة لي خطييرة .. غير نتي باغى لي تحرقي أعصابك و صاافي .. غتشربي الدوا و تبراي ان شاء الله .. أما الباقي راه ما فيد حد من غير الله .. و هو لي كيقرر .. حنا كنكونوا غير اسباب لا غير ( هز حاجبوا و قال ) هضرتك هاذي و لا نسيتيها ؟

جوهرة: ما نسيتش !

ياسيين:( ضحك و عنقها بيد ) ما نسيتيش غير كتقلبي عليا نعلقك من رجليك .. فينما دزت نمصمص الشهدة تا نردك مبرقعة 

جوهرة:( ضحكات ) عاضاني شنيولة 

ياسيين: لا قارصاك نحلة ( عنقها بيد كينعكش فيها ) ضحكي ا زمر ضحكي و نتي هازاها منين تقالت ! 

جوهرة:( تبسمات بحب ) صافي غنضحك و مولاها ربي 

ياسيين: و من لول ديريها ( مد يديه و وسعلها شنايفها على شكل ابتسامة ) هاذي عمرها تخطى وجهك ، الكآبة ما عندك ما ديري بيها ( هز حاجبوا كيضحك ) هاذشي يلا بغيتي تبقاي شباب بحالي ! يلا ما بغيتيش شغلك هذاك اختي .. نتي لي غتشرفي بلا وقت و تودعي و آخرتها تجي بلاصتك قووقة هاكا ( جمع يديه و باسهم و غمزها ) ااش قلتي ؟

جوهرة:( دفعاتوا مخرجة عينيه ) نعاام ا خوويا ؟ شكون غتجي بلاصتي ؟

ياسيين:( تكرشخ بالضحك على وجهها ) القووقة لي غنخطب من جنازتك ا حبيبة ههههه


💫💫 يوم جديد 💫💫

جالسين جوهرة و ياسيين قدام البيروا ديال الطبيبة لي كتشرحلهم الحالة ديال جوهرة بهدووء و ابتسامة

طبيبة:( شافت فجوهرة ) كيفما قتلك سبقتي الخلعة على واالو .. أي وحدة ممكن يكون عندها .. ماشي شي حاجة لي صعييبة ( حنات راسها كتكتب و مداتلها الورقة ) هاذ ليزاناليز ديريهم و رجعوا عندي باش نعرف نووع ديال الكيس .. و نعطيك العلاج لي غيوافقك 

جوهرة:( حركات راسها ) واخا شكرا

ياسيين: بون جوغني

خرجوا من عندها و هما كيهضروا و يتناقشوا فالموضووع .. دوزها لأقرب لابوا دارت التحاليل و خرجوا جلسوا فقهوة كيفطروا و يتسناو النتائج يخرجوا باش يرجعوا لعندها .. و بالفعل ديكشي لي كان .. بعد ساعات ها هما مقابلين معاها مرة ثانية .. كيتسناوها غير تهضر .. هي لي حانية راسها كتقرا التحاليل بهدووء .. تا كملات و هزات راسها بابتسامة 

الطبيبة: كيفما توقعت تماما .. ما عندكش شي حاجة لي صعييبة و الكيس ماشي خطير .. غنعطيك دوا تبعيه لمدة شهر و رجعي عندي .. و بنسبة 90% غاذي يذوب فهاذ الوقت و فاش تولدي ان شاء الله غيحيدولك الغشى ديالوا 

جوهرة:( فرحات و قالت بعينين كيبرقوا ) يعني ما عندي حتى خطر ؟ ممكن نحمل عاادي !؟

الطبيبة: أكييد .. ما عندك مناش تخافي 

جوهرة:( شافت فياسيين بحب و شابكات يديها معاه بقوة ) واخا شكرا بزاااااف ا دكتوورة .. موعدنا الشهر الجاي ان شاء الله 

الطبيبة: ان شاء الله و بنتائج كتفرح ( مداتلها الورقة ديال الدوا )

جوهرة و ياسيين : ان شاء الله

خرجات فرحااانة عكس الخووف لي كاان لاعب عليها بالمعقوول .. مزيرة على ياسيين بلا ما تحس و كدعي من قلبها ربي ييسرلها الأمور .. ركبوا فطونوبيل و تحركوا بالشوية .. تا حس بيها تكات على ذراعوا و عنقاتوا تبسم و شاف فيها 

ياسيين: قلتها لك ! دابا ارتاحي و شربي دواك و تبعي قراايتك نبغيك تجيبي أحسن نقطة ( هز حاجبوا ) ما عنديش العيالات الكاسولات .. ديريها فبالك !

جوهرة: هههه قرااااية أنا و ما غنمشي حتى ندي لباك بأحسن نقطة و ندخل ندير الطب حتى أنا ( شافت فيه و قالت بحلم ) تصور تصور أنا جوهرة نرجع طبييبة احيييه بالطابلية البيضة و الصناتات و الكماامة و الناس كتجي عندي تتداوى و ربي يديرني طريق ندخل عليهم الرااحة

عينيها بغااو يخرجوا منهم القلووبة و دمعولها شوية .. تأثرات بالحلم حيت بالصح ياغى توصل ليه و كتخدم بليل و النهار باش توصل ليه 

جوهرة: أحسن حااجة و الله 

ياسيين:( شاف فيها و بالخف رجع ركز مع الطريق ) و نتي أحسن حااجة طراتلي 

جوهرة:( ضحكات مزنكة و زادت عنقات دراعوا بقوة ) كن تشووف نتاا ( بانلها خاارج على المدينة و وقف فلوطوروط كيخلص .. تفتح لباريير و كسيرا بسرعة ) مسافرين ؟ فين ماشيين ؟

ياسيين: همم ، غنديك تشووفي العروبية ديالنا .. عمرك مشيتي لعند حياينة ؟

جوهرة: لا !

ياسيين: و دابا غتمشي .. عنداك غير تعجبك الدنيا و ما تبغيش ترجعيلي هههه

جوهرة:( ضحكات و سكتات شوية و رجعات قالت ) غنمشيوا عند ابتسام ياك ؟ غترجعها ؟

ياسيين: يلا كتاب ! ( شاف فيها ) علاش عندك شي مشكل ؟

جوهرة: لا ! شنوا غيكون عندي ؟ و أنا بفمي شحال من مرة كنقولك ردها و نتا لي ما كتبغيش !

ياسيين:( زفر ساكت مدة و رجع هضر بهدووء ) عااارف دارت معاك لفاالطة .. واخا دارتها فراسها قبل منا حنا .. و لكن صافي جا الوقت فين كلشي يتنسى و تبداو صفحة جديدة .. فهاذ 6 شهوور غتكون تربات و عرفات غلطها و أنا غنزيد نهضر معاها ..

جوهرة:( هزات راسها بااه ) حتى أنا ما قلتلك واالو

ياسيين: المهم عندي تتفاهموا و فلخر هي ما غتوصلك و نتي ما غتوصليها .. يلا تلاقيتوا غتجلسوا عشية مجموعين و الله يعاون ..

جوهرة: من جهتي أنا و على وجهك .. الله يسامح دنيا و آخرة .. ما هازة من جيهتها تا شوية ( حركات راسها بالنفي ) ماشي أنا لي نحقد على الواحد .. شفتي يلا عرفات خطأها و صلحاتوا و رجعات قادات حياتها و زادت للقدام ما بقاتش واقفة فبلاصتها .. هذاك الربح عندي .. حيث على الأقل كان عندي واحد النسبة واخا صغييرة فأنها تفيق على راسها .. الله يهدي الجمييع ياا رب 

ياسيين:( هز يديها باسها و حطها جهة قلبوا ) ها علاش كنبغييك 

جوهرة:( شافت فيه بحب و كانت ثاني مرة تسمعها منوا فعام ديال الزواج .. عارفاه مكيبغيش يقولها بزااف و لكن كيصرفها أفعااال .. و نهار كينطقها كتكوون مميزة و عندها طعم خاااص كتحسها خاارجة من أعمااق قلبوا .. غمضات عينيها و نطقات بحب ) و اناا كنتوفى عليييك ♥

《 تركها مكسورة فقالت : 
اللهم كما أستغلني وكسر قلبي أكسر قل..... " ولم تستطع إكمالها فبكت 
وقالت : " اللهم لا تكسر قلبه فأنا أعلم مدى هذا الوجع ولكن أرجعه لي ليجبر كسر قلبي💔
_عن أي كيد تتحدثون ؟!
_"رقة قلوبهم 😍😍 》


بعد ساعات طويييلة ديال الطريق وصلوا للعروبية ديال أب ياسيين .. كان الظلام طااح و السكااات كلشي مخشي فداروا .. من غيرهم بجووج .. ياسيين صايك و جوهرة مبلقة عينيها كتتفرج و تشوف الدنيا كي دايرة .. واخا ما باين واالو مزيان حيت الليل 

ياسيين:( وقف و زول لاسانتير ) يالاه نزلي .. تال غذا و نخرجك تدوري 

جوهرة: وصلنا ؟ هاذي هي الدار ؟

حرك راسوا بااه و هو كيهز وراقوا و هبطوا بجووج كانت داار بلدية لكن مصلووحة و مقاادة .. مد يديه لباب ديال الحديد كيدق بالجهد باش يسمعوه .. حتى خرجات عندهم مراة كبيرة فالعمر واشمة فجبهتها و ذقنها .. مكحلة عيينيها و سايح لها من الجنب .. لابسة بيجامة عاادية مع فواطة مدوراها على نصها .. صغرات عينيها فياسيين و هي تضحك و مدات يديها ليه كتضحك 

ياسيين:( باسلها يديها ) الحااجة جاايين طاالبين ضيف الله !

---:(جراتوا عندها عنقاتوا ) مررررحباا بالعزيييز ولد العزيز ( شافت فجوهرة و قالت ) شكون هاذ العزبة ؟

ياسيين:( ضحك و مد يديه لجوهرة جرها عندهم ) مراتي الحاجة ( شاف فجوهرة و قال ) و هاذي عمة الواليد ( غمزها ) كبيرتنا الغاالية 

جوهرة:( تبسمات و خذات يديها باستها ) الله يخليها لنا و يطول فعمرها 

----: الله يرضي عليك ( وسعات الطريق ) دخلووا دخلوا ما تبقاوش فالباب 

دخلوا و جوهرة كتسرح عينيها فالدار البلدية .. تا جلسوا فالمراح و العمة كترحب و تعاود بيهم و تسول فياسيين و فأحواالوا .. و فهاذ الوقت بالضبط كانت ابتسام نااعسة مع البنات ( حفايد الحاجة ) فالبيت و سمعات الهضرة و صووت مألووف بزاااف خلاها فبلاصتها توقف و تخرج من تما بلحفى حتى وقفات عليهم فالباب .. عينيها تغرغروا بالدمووع من شوفتوا هو لي ما انتابهش ليها .. تا سمع سميتوا كتنطق بصوت خاافت مهمووس .. بعفوية هز عينيه و جات فيها مباااشرة .. كانت كتشووف فيه بعيوون داامعة .. جامعة يديها للقدام و حانية راسها .. ضحك على حركاتها لي عمرهم يتبدلوا .. 

وقف و فتح يديه ليها .. تا شافوا فيه كااملين و عااد انتابهوا لها .. أما هي كانت كتسنى منوا غير الاشارة باش تقرب .. ترمات فحضنوا معنقاه بقوووة و صوت شهقااتها كيتسمعوا مجهدييين 

ابتسام: سمممممحلي سمممممحلي عااافااك ا ياسيين 😭😭 ندمممت و الله تاا ندمت سمحلي بزاااف ( خشات راسها فصدروا كتبكي و هو مبتاسم بهدووء تا سكتات و دوز على شعرها بحنان و قال )

ياسيين: نسمحلك غير أنا ؟ ما شفتيش راسك فغلطتي فشي واحد آخور كثااار مني ؟

ابتسام:( بعدات عليه بالشوية كتمسح فعينيها و قربات من عند جوهرة حانية راسها .. قبطات فيديها و قالت بنبرة حزن ) نتي أكثر وحدة ضلمتك و تعديت عليك .. سمحيلي بزااف ا جوهرة .. قلة عقلي لي دارتهالي و فاش جلست بووحدي هنا .. فكرت فكااع لي وقع و عرفتي راسي شحال غلطت فيكم و خصووصا فيك ( ترمات عليها معنقاها بقووة ) سمحيلي على كااع لي فات الله يستر عليك 😭

جوهرة:( شافت فياسيين لي كيتفرج فصمت هو و العمة .. بللات شفاايفها و دوزات يديها غلى ظهرها ) صافي براكة عليك من البكى .. المساامحة .. المهم هو عرفتي غلطك ( شافت فيها بابتسامة ) و الانسان الزوين ماشي هو المثالي ! لا هو لي كيتعلم من أخطائوا و كيحااول يصلحهم و يردهم نقطة قوة لصالحوا ماشي العكس 

ابتسام:( بعدات عليها شوية كتمسح دموعها .. هزات عينيها فيها كتشهق ) شكرا و سمحيلي مرة اخرى .. نتي مزياانة و ما تستاهليش هاذشي كاامل .. الله يسمحلي منك 

ياسيين:( تنهد ) منين عرفتي غلطك .. ما كاين لاش نرجعوا لنفس النقطة و نهضروا فيها مرة اخرى ( هز سبابتوا بتحذير ) هاذي دازت ا ابتساام و لكن نشم ريحة شي تنوعيرة جديدة .. عرفي خوك خسرتيه ( شاف فيهم بجوج ) خلييونا هانيين و عايشين بخيير 

ابتسام:( هزات راسها بالايجاب ) كنوااعدك ( بتأكيد ) و الله تا ندير عقلي و ما تسمع من جهتي حتى حااجة خاايبة من هنا للفوق 

----:(قالت بنبرة كتضحك ) مهم يديك من هنا يااك ؟

ابتسام:( خرجاتلها لسانها كضحك ) ااااه هههه

ياسيين:( ضحك عليهم و رجع لبلاصتوا .. متبع ابتسام و جوهرة لي كيهضروا بهدووء و انسجااام لأول مرة فالتاريخ ! )

💫💫 وئام 💫💫

طيلة هاذ المدة و هي خدامة مع كريم فمكتب البيع ديالوا .. حفضات سيسطام ديال الخدمة و عجباتها .. أما من جهة كريم فعمروا قلل عليها الاحترام لأنوا ماشي بمبدأ الضحك ضحك و الخدمة خدمة .. صاارم معاهم و فنفس الوقت مطلووق و ما معقدش .. ديكشي لاش عزيز عندهم كاااملين .. أما هي فراه فالواقع كتهضر معاه باحترام و داخلة سووق راسها .. أما فليل فتعودات كل نعار تعيط عليه بلا ما تبين رقمها و تشد الحذيث تال الصباح بالضحك و الهضرة .. على أساس اسمها نوارة 

اليوم أغلب لي خدامين معاها تحولوا لمكتب ثااني .. حيت قربوا يكملوا يبيعوا كااع لي عندهم .. بقات هي و كريم و ولد آخور .. تأنسطالات فبلاصتها و خدمات البيسي .. عوالة تبدا الخدمة .. حتى سمعات صوت طونوبيل وقفات .. هزات راسها بانلها كريم داخل بابتسامة جميلة على وجهوا كالعادة .. داز من حداها ما بانليه حد و هو يوقف 

كريم: النوارة دالمحل جايا قبل من مول الشي كااع ( غمزها ) ما عندي ما نسالك .. كن غير كانوا كااع الموظفين بحالك

طلعها و هبطها بنظراتوا و داز لمكتبوا .. مخليها كتحاول تفهم شنوو قصد بكلاموا ؟ و بالغمزة و داك الشوفات لي رعبووها و دخلولها الشك فالراس .. عاد كلمة " النواارة " كتزنزن فوذنيها و خلاتها تشك بلي عرررفها شكوون هي .. و عاود كترجع تقوول لا مووحال غير جات فالهضرة و صاافي .. بقات جالسة و فكرة تديها و الثانية تجيبها و مرة مرة كتشووف فالباب كتسنى الولد لي معاها يدخل .. ساعة لقات يديها و الريح .. نهار لي بغاتوا غبر و ما بقاش بان ليه الحس !

على ذكر الحس .. سمعات صووت مريم كيعيط عليها .. تنهدات و وقفات كتقاد فولارها و لباسها الحجابي ( ما كديرش الخمار .. محجبة فقط ) دقات و دخلات عليه .. لقاتوا متكي على الكرسي .. شاف فيها و قال 

كريم: دخلي ا وئام ! المكتب مكتبك ما تحتاجيش تدقي ( تبسم جنب ) خووذي رااحتك معايا الزوينة راحنا عائلة مع بعضياتنا أو لا ؟

وئام: خويا كريم ما فهمتش شنو كتقصد بكلامك ؟ أنا هنا للخدمة لا غير ! نتا كتبقى غريب عليا .. و بيني و بينك غير الاحترام !

كريم:( ضحك ) مالكي معقداها و مكنزة على راسك ؟ طلقي النفس غير كنهضروا ! ( عض على جنب شنافتوا ) ليوم غراب و غذا ما تعرفي تكون بيناتنا شي حاجة .. ما حدك فهاذ الدنيا ما تتعجبي من حتى حاااجة !! 

وئام:( تزنكااات و بانت فيها ما مرتاحاش ) سمحلي فاش بغيتيني ؟

كريم:( حرك راسوا بالايجاب ) و هاذي هي لي النقطة لي باغي نوصلك ( عوج راسوا ) بلي بااغيك ! ( شافها بلقات عينيها فيه كتسمع بانتباه و كمل ببروود ) من نهار خدمتي عندي و نتي كتعجبيني فيك شي حااجة غيير كااع لبناات ( حط يديه قدام راسوا و حركوا على شكل دائرة ) كنت جاالس و فكرت علاش ما نزيدش فعلاقتنا خطوة للقدام .. أنا كتعجبيني و نتي كنعجبك ( شافها تزنكات و خرجات عينيها فيه قبل ما تهضر سبقها ) هاذشي بااااين غير من هضرتك كل ليلة معاايا ( غمزها مطمر ) بلا ما نفكرك فكلامك النواارة لي غتنور حياااتي 

وئام:( وقفات كترعد ) سمحلي ا كريم يمكن فهمتيني غلط 

سبقها للباب شدها و طرق بالساروت لي خشاه فجيبوا .. قبط فيديها لي كترعد .. تحسس جلدها بهدوووء .. و هي كترجف قبالتوا .. كتشوف فيديها و ترجع تشووف فالباب و فنظراتوا ليها .. كأنوا ماشي كريم لي كتعرف نهاااائيا 

وئام:( بغات تبكي ) كريم فتح لباب .. لاش كديرلي هاكا .. واش غير حيت كنعيطلك ؟ سمحلي ااخر مرة ما نبقاش نعاود .. غير كنت كنضحك معاك 

كريم:( حرك راسوا بلا ) شكون قالك ما باغيكش تعيطي عليا ؟ ولفت صووتك ننعس عليه كل ليلة ! شنو العيب يلا صارحتك فعوط ما نبقاو كاذبين على راسنا بجووج ( ببروود ) عااجباني و بغيت نتصااحب أنا و يااك 

وئام:( حسات بالدنيا كتدور بيها و بالها غير مع الباب ) نتصااحبوا ؟

كريم: امم ( دوز صبعوا بهدووء على يديها ) نتصاحبوا بحال اي جووج دالناس .. ندوزوا وقت زويين أون سومبل ( طلعها و نزلها بنظراتوا و عوج راسوا فيها ) كووومون بايبي ! حتى نتي بااغى هاذشي و كتمناايه فكل ليلة كتقطعي معايا فيها .. متأكد كتتنهدي و مخيلتك كتمشي بعيييد ( ببروود ) ألووغ تنفسي و طلقي العنان لنفسك كيفما كنقولوا .. متأكد غيعجبك الحال معايا و غترتاحي فعلاقتنا 

وئام:( الدموع نزلوا من عينيها و قالت كترجف ) وااش عااارف راسك شنوو كتقول ا كريم ؟ وااش من نيتك كتهضر ؟ كيفاش كتشووفني قباالتك باش تهضر عليا بهاذ الطريقة ؟ واش غير حيت ضحكت معاك باغي تهجرها لي ؟ ( شهقات ) عمري نعاود نعيط عليك و لا نرجع لهاذ الخدمة .. فتح لباب خليتي نمشي بحالي .. الله يستر عليك 😿

كريم: شحال من حاجة كتقال بالضحك و كنكونوا قااصدينها .. مالك دابا كتبكي ؟ ياك نتي باغى تعيشي لحيااة .. تدووري .. ما تدخلي للدار تال الصباح .. تعيشي حياة ليل و تكتاشفيها ! ( حركات راسها بلا و هو كمل بتأكيد ) واخا ما يقولوهاش شفايفك ( شاف فيهم و دوز لسانوا على شفايفوا ) عينيك كيقولوا كلشي و هاني عاطيك الفرصة .. تعيشي كاع ديكشي لي كتحلمي بيه !

وئام:( رجعات كلها كترجف و خافت بالمعقوول .. تنهدات شحاال كتتنفس بعنف .. عاد قدرات تهضر ) شووف ا خوويا أنا ما باغى نجرب والوا أنا ماشي ديال هاذشي لي كتهضر عليه ما بيني و بينك حتى حاجة و ما باغى يكون والوا ( دمعات ) الله يستر عليك لما فتح هاذ الباب ( بترجي ) بابا و ماما مخليني أماانة عندك .. هاكا كتصوون الأمانة ؟

كريم:( لعب بلسانوا ففموا لداخل قبل ما يجاوبها ببرود ) واحد ما بينك و بينوا والوا لاش كتعيطي عليه و تتزككي عليه فنص ليل ؟ عاااادي ما تقدريش تجي عندي و تهضري من راسك ، و لكن أنا لي فاتح ليك الفرصة دابا .. ما ديريليش فيها بنت دارهم لي ما كتحرك بيضة على ختها .. لي كيعيط و يضسر ما مرة ما جوج ما عشرة راه كيتسنى شي حاجة ( غمزها ) أنا نعطيهالك و تا دابا ما حدنا بوحدنا و ما كاين لي يصدعنا ! هاذشي يلا بغيتي أكييد ما عنديش مع الحاجة ديال بزز .. واخا عاارفك طاالبة عليها 

وئام:( بغاات تحمااق من هضرتووا .. الدمووع طاحوا من عينيها بالجهههد و شافت فيه و قالت بالغوات ) غتفتح عليا الباااب دااابااا تخليني نمشي بحااالي ( خرجات عينيها فيه ) فتاااااح ا كريييم وااخاا غيير بالضحك ما تقوولش هااذ الهضرة وااخاا غييير بالضحك 

كريم:( قرب منها تا جرها من ذراعها بالجههد جيهتوا مزير على يديها بقووة تا كتحسها غتطرطق اما هو فعينيه كانت فيهم نظرة غرييبة أول مرة تشوفها فيه نطق بصراامة و صوت جوهري قوي ) اااااخر مرة صووتك يتهز عليااا كتسسسمعي .. هااذ المرة هضرت بفمي المرة الجاايا كووني متأكدة تصرفي معاك ما غيعجبكش .. هضري باحتراام حسن لك 

وئام:( شافت فيه بنظرة وحدة خااايفة و مكسوورة ) شنوو درتلك باش تتعامل معايا هاكا .. حراام عليك ا كرييم .. حشوومة عليك 

كريم:( رخف عليها شوية و مد يديه كيمسحلها دموعها و يتحسس لحمها فنفس الوقت .. تا كمل و همسلها بصوت خااافت ) باااقي ما درتلك واالوو الزويينة .. ما تهضريش بحال يلا كنغتاصب فيك !!! من لول كان كلشي بخااااطر خااطرك و برجليك جيتي عندي حتى حد ما بزز عليك شي حاجة .. كلشي بااغياه ( شاف فيها مصغر عينيه ) حتى داابا راكي طاااايبة و كتسنااي الفرصة من زماااان .. غير باغى ديري فيها عزة نفسي ما بتسمحلي ( هز راسوا بتأييد ) فااهمك و مزياااان الكتكووتة

وئام:( نفضات يديها و بعدات عليه ) فاااهم لخراا .. لو كان يسحابلي نتا هاكا عمري فحيااتي نقرب ليك .. هاذشي لي كتقوول فيه هو لي عمروا يكوون كتسمع ؟ عمروا فحياااتوا يكوون حيت أنا مربية و أحسن تربية و واليديا ما رباونيش و خسروا عليا جووف قلبهم باش فلخر نخوون تقتهم هاكا ( شافت فيه بكبرياء ) هضرتك كااملة غنقولها لياسيين و شووف ساعتها باش تفاريها معاه فاش يعرفك على حقيقتك هو و ختي .. لي ما قدرتيش دير بوجههم حتى شوية 

كريم:( ضحك و مشى جهة لباب فتحها لها و شاف فيها ) بكااامل عقلك غتخلعيني بياسيين ؟ على أسااس كنخاف منوا ؟ ( قربلها تا تحنى مقابل مع وجهها ) أنا و ياه كنحتااارموا بعضياتنا لا غير .. لا أنا كنتدخل فحياتوا لا هو .. يلا مشيتي عندوا غيسمعك كثااار من لي خذيتيه من عندي ( حط يديه على حنكها و طبطب عليه بالشوية ) كااع لي سمعتيه نتي لي بغيتي تسمعيه و نتي لي فتحتي لبيبان عليك .. ما تجيش فلخر تلومي شي وااحد .. يلا كان هذاك ضحك عندك فأنا ما خذيتوش على أساس ضحك .. نتي بفمك كتعرضي راسك و بهضرتك ليا فووق طبق من ذهب .. و كلامك ليه معنى واااحد ماشي جووج .. دابا شنو آخر كلام عندك ؟ تقبلي ؟ هاكا غتعيشي كااع لي باغاه معايا و بجوجنا رابحين و مدوزين وقت زوين بيناتنا ( غمزها ) و متأكد عمرك تقدري تنسايه فحيااتك

وئام:( مسحات دموعها ) كلامك داليووم لي عمري ننساه فحياتي ( حنات راسها و البكية غالباها ) بعد ا كريم خليني نمشي بحالي ( بيدين كيرجفوا جبداتليه الساروت لي عاطيها .. فحالة ما لقات حد تفتح هي .. مداتوا ليه ) سمحلي على كاع لي درت يمكن أنا لي غالطة فهاذشي كاامل .. تا دابا باقي الحال .. عمرني نعاود نقرب من جهتك .. ها ساروتك .. الله يفرقنا بلا ذنووب 

خذاه مزير عليه فكفوا و بعد من قدامها متبعها بعينيه و هي كتفتح لباب و خاارجة من المكتب .. حانية راسها كتبكي و كتافها كيتهزوا .. حتى خرجات من المحل كااامل .. هز تيليفون و عيط 

كريم: با محمد لبنت لي جبتي قبيلة .. اتردها دابا بحالها .. ها هي خرجات دابا .. ما تخليها تا توصل لدارها 

قطع معاه و فتح يديه كيشووف فالساروت و هضرت وئام كتتعاود فمخيلتوا !!


مفرشين حصيرة قدام الواد مدورينها بالمخاذ و حداهم البوطة و شي كيفيض فوقها بريق دالقهوة .. تا تمات جاية ابتسام هازة هي و بنت قدها .. طبلة صغييرة عاامرة بالخيرات لي كلها طبيييعية و صنع منزلي .. حطوها الوسط و ضااروا عليها .. من غير ياسيين لي متكي مغمض عينيه فوق فخض جوهرة .. لي كتلعب ليه فشعروا و كتسرح عينيها فالدنيا .. عاجبها الحاال و حااسة بالرااحة النفسية فهاذ البلاصة .. 

جوهرة:( دوزات يديها على شعروا بحنان ) ياسيين فييق برااكة عليك يالاه تصحصح باش تقدر تسووك .. فيق احبيبي 

ياسيين:( فتح عينيه منفوووخين و داااايخ باين فيه مبووق نيت ) اخخخخ شحال فالساعة ؟

جوهرة:( هزات تيليفونوا فتحاتوا ) كريم معيط لك ..كاع ما سمعتوا !؟ المهم هاذي ربعة تقريبا .. نووض غسل وجهك و أجي حدانا شرب شي كاس دالقهوة تفيق بيه 

ياسيين:( حرك عنقوا بالشوية و جلس جالس كيطرطق فظهروا لي عوااج بالنعسة فالأرض .. وقف بالشوية داايخ .. تحنى حدا الواد كيغسل وجهوا و يبرد عنقوا و يديه .. عاد رجع حداهم .. شاف فعمتوا و قال ) ما كاين ما حسن من عيشتكم بالله .. لواحد هو لي ياخذ شي ارض هنا .. يبنيها و يسكن فيها و يهني مخوا من صداع المدينة 

----: و شنوا هو تقارنلي المدينة بالبلاد ؟ تما شبعتوا غير مرض و صداع الراس وليتوا بحال المواشن .. شي نهار تطافلكم الحجرة ما يلقاو منين يشعلوكم .. أما هنا السكااات و المااكلة الطبيييعية و الجو نقي .. انا بعدا ما نقدر نبعد على دويرتي 

ياسيين:( حرك راسوا ) و الله ما كذبتي و لكن الدنيا هي هاذي حنا كنجروا فيها و هي كتجر فينا ( ضرب على رجل جوهرة تا قفزات ) بنات المدينة ما يقدروش يعيشوا هنا عااود و غتجيهم صعييبة القضية .. كلها و فين مولف الحاجة 

بعد مدة ناضوا كااملين .. راجعين بحالهم .. سبقوهم البقية و بقاو ياسيين و جوهرة موخرين .. كيوريها بصبعوا كل بلاصة ديالاش و هي متبعة معاه كتسولوا فرحاانة و عاجباها الدنيا 

جوهرة: زويين هنا بزاااف .. حمقني ما كرهتش نركب على الخيل أنا وياك قبل ما نمشيوا 

ياسيين:( مد يديه جرها عندوا ) دابا نتي عيانة تخاف تتضري خصووصا لأرض ما مقاداش .. مرة أخرى فاش نرجعوا نركبك 

جوهرة: واخا ان شاء الله 

ياسيين: عجبك هنا ؟ ( حركات راسها بااه ) و يلا قتلك نسكنوا هنا تبغي ؟ معاك بصح تبغي ؟

جوهرة: لا لا .. نجيوا عطلة ااه و لكن باش نسكنوا كااع ما يصلاحش .. باقي تابعاني القرايا و شحال من حاجة فالمدينة .. و كيفما قلتي قبيلة .. صعييب نولف الجو و السيسطام لي ماشيين بيه .. يلا جات عليا أنا .. ما كرهتش نسكنوا فمراكش كتعجبني بزاااف واخا جوها سخوون .. المهم يلا كنتي باغي تبدل الرباط .. نمشيوا لمراكش و لا أكادير .. وحدة فيهم 

ياسيين:( حرك راسوا ) واخا ! خوذي لباك و ساعتها نفكروا 

تودعوا معاهم و رجعوا بثلاثة بيهم و ابتسام غطييير بالفرحة حيت أخيييرا غترجع لدارهم و لعيشة الملووك لي كانت مرتااحة فيها .. طالقين الموسيقى مونساهم و مرة كيهضروا مرة ساكتين .. حتى دخلوا بعد سااعات للرباط و بالضبط لقدام الفيلا ديالهم .. سبقاتهم ابتسام كطيير دخلات كتقلب على سميرة و مصطفى .. و شحاال فرحات فاش لقاتهم كااملين مجمووعين .. طارت على امها كتبووس و تعنق فيها و كيتباكاو بجووج .. نفس الشيئ لباها و لختها .. تا وصلات عند كريم و وقفات كتشوف فيه بتردد .. 

كريم:( تبسم و فتحلها يديه ) ما غتجيش تسلمي عليا و لا كيفاش ؟

ابتسام:( ضحكات و طارت عليه عنقاتوا بيديها و رجليها مزيرة عليه ) تووووحشتك تووووحشتك تووووحشتك بزااااف بزاااف بزااااف 

كريم:( مد يديه لشعرها كيشعكك فيه و ينتفها ) تانا توحشتك المشاغبة ( حطها للأرض )

ابتسام:( بلعات ريقها و الدموع تغرغروا فعينيها ) خفتك تكون كرهتيني حتى نتا .. سمحلي بزاااف اكريم .. تا نتا ظلمتك معايا و درتلك شي حوايج ما كانش عليا نديرهم .. ندمت بزااف و الله ( قربات و عنقاتوا ) سمحلي و الله 

كريم:( طبطب على ظهرها ) ماشي مشكل ( هز عينيه بعفوية لقى مصطفى كيخنزر فيهم و هو يضحك ) بعدي مني اختي .. باك بقالوا شوية يهز لمكحلة و يتيري فيا ( هز يديه بجوج لفووق ) هي لي لاسقة فيا العمييم .. أنا بالله و الشرع منها 

ياسيين:( جرها عندوا و قال بطنز ) طلقي منوا لا يقولك حملتيه و سمحتي فيه ! و نصدقوا مزوجينوا بيك باش نستروا فضيحتوا

كريم:( شاف فيه و قال مطمر ) هههههه كاين شي وحدة كتتزوج بخوها ؟ 

ابتسام:( تبسمات ) قلها لهم اخوويا .. باغيين يلبقووني لشي حد و كاان ( ضربات بشعرها ) اصلا أنا باغى نكمل قرايتي .. أنا ماشي دالزواج 

سميرة: عاارفة راسك بعدا الراجل غيردك من سيمانتك ! 

ياسيين:( غمز لكريم من بعد ما جلسوا مبعدين عليهم شوية ) ااش تم ؟ 

كريم:( حك لحيتوا و قال ) وئام ! شكتعرف عليها ؟

ياسيين: لاش كتسول بعدا ؟! ( هز حاجبوا ) كريييم بنات العائلة من ديما خط حمممر و وئام منهم .. أطونسيون يمشي عقلك هاكا و لا هاكا معاها !

كريم:( ببروود ) ماشي برهوش باش من دون الناس كااملين نمشي غير ليها و نلعب !! دابا جاوبني على سؤالي ؟

ياسيين: شغنعرف عليها من غير خت المدام !! ( نحنح و تقاد فالجلسة ) واش باغيها للمعقول و لا شنو .. باش نفهم ؟

كريم:( حرك راسوا بالايجاب ) اممم .. كنتسنى غير الواليدين يجيوا و راك عارف الواليدة عيانة .. ما باغي نجيبها حتى تكون شي حاجة مضموونة 

ياسيين: من حقك .. كي بقات بعدا ؟ دارت العملية ؟

كريم:( غمض عينيه متألم و رجع فتحهم و حرك راسوا بااه ) دارتها .. احم المهم بغيتك تمشي معايا نتا فلول .. نهضروا معاهم و نشوفوها هي شنوا تقول و من بعد نعلمهم يجيوا من فرنسا

ياسيين: صافي مشات ( ضربليه على ركبتوا ) من جهتي أنا الله يكمل بالخير عليكم .. تا وئام بنت دارهم و مربية و عارفة بينها و بين الله ( جاتوا الضحكة ) غير عندها شي نصاائح من ديكشي الرفيع يهزوك تال الطابق العاشر و يزدحووك للأرض .. يزغبك الله يلا سمعتيلها شي نهاار .. اللهم إني قد بلغت اللهم فاشهد هههه

كريم:( كمش حواجبوا كيضحك باستغراب ) ههه علاش مالها ؟

ياسيين: ساايط لها البرد فدمااغها ههههه من غير هاذشي ظريفة داك لبنت .. المهم انا ما نزعمك ما نردك لور .. بجوجكم كبار و بعقلكم لي سلككم ديروه .. باش من بعد ما تردوا اللومة على حد .. اختار النهار لي عجبك و يالاه نمشيوا 

كريم: غذا ان شاء الله ؟

ياسيين:( تبسم و قال ) واا زرباان ا خويا 

كريم:( شاف جوهرة جايا عندهم و قال ) شهيتيوني فالزوااج ههه

ياسيين:( مد يديه ليها و عنقها جنب ) بحال نقرتي أناا ما كايناش ( غمزوا و شاف فجوهرة كيضحك ) عملة نادرة هاذ البنية ههه

كريم: ههههه ايوا الله يعطينا تا حنا شي نقرة واخا تكون مصدية كااع

ياسيين: هههه و هاذي مييزة النقرة عمرها تتصدا .. فما بالك يلا كانت صاافية بحال هاذ الكحلة لي قدامي 

جوهرة:( تزنكااات حشمها قدااموا ) ياسيين هه

ياسيين: غير نسيبك ماشي شي حد غريب ( شاف فيها و قال بجدية ) كريم بغى يخطب ختك وئام حتى تهضري معاها تكون دايراها فبالها .. و حنا غذا نمشيوا عندهم نهضروا مع الحاج 

جوهرة:( تصدمات ) وئااام وئااام !! 

كريم: علاش عندك شي ختك غيرها للزواج .. أتينا بيها ههه

جوهرة:( شافت فيه و تبسمات ) لا غير ما توقعتهاش و صافي .. الله يديرلكم لي فيها الخير .. حتى هي ما تلقاش ما حسن منك ا خويا 

كريم: يكوون خير ان شاء الله 

جوهرة:( بقات ساااهية و قالت بصوت خاافت ) فخباركم غذا عيد ميلادها .. هاذ النهار كنا ديما كندوزوه بجووج .. كنشبعوا ضحك و حماااق و هبال بيناتنا .. و غذا أول مرة غنكون بعيدة عليها فيه 

ياسيين: علاش بعيدة ؟ يلا باغى تمشي عندها سيري غير راك عاارفة بلا ما نهضر ( غمزها .. و تا هي فهمات .. بمعنى تقيل شحال ما بغات و لكن النعاس لا ) أصلا ماشيين لداركم ماشيينلها .. حجة و زيارة .. منها نباركولها العيد و منها نشوفوا موضوعهم 

كريم:( بقى شحال ساكت ) عرفتي شنوو بلا ما تعلميها .. خليها غير بيناتنا 

جوهرة: واخا لي بانلك 

ياسيين:(ضربها لفخضها و وقف ) نووضي الزين الصافي .. كيعيطولنا للعشا .. نكملوا و نتوكلوا للدار .. عييت بالطريق .. نووض اسي كريم 

كريم:( ناض ماشيين للطبلة ) وا مساافة نييت ضربتوا .. كي لقيتي عمتي و الدنيا تما ؟

ياسيين: مزياانة سلمات عليكم كااملين و عرضات عليكم عندها .. و الدنيا راك عاارف ااش تما 

سميرة: توحشنا الصراحة أيام التبوريدة و الموسم .. دازوا يامات تما غزلاااان عاقل الحاج ؟

مصطفى:(ضحك و شاف فيها ) الله يا ودي علاه هاذوك ايام يتنساو ؟

ياسيين:( حرك راسوا ) خربتووها ( شاف فجوهرة ) على بالك هاذ الجوج قصتهم فششششكل .. دوزوووها نيييت 

سميرة:( ضحكات ) ايوا باك سرقلي قلبي و خلاني غير تابعاه بلا عقل ..

مصطفى: ما شفتي نتي سرقتي النعااس من عيني وليت يلا ما حلمتش بيك نحلم بباك هاز عكازوا و تابعني كيسلخ فيا الله يسمحليه و يرحموا و كاان 

سميرة: أمييين يا ربي ( تنهدات ) و أيااااام هي الصرااحة و لكن كل وقت و حلاوتها .. تا الولاد عندهم طعم خاااص .. زااادوا قربوا بيناتنا و عمروا علينا الدنيا تا ما قدوا ( حركات جوج صبعان بحال كتتحلف ) خصوصا يلا كانوا بحال المشاغب دياسيين 

ياسيين: ههههه الله يسمحلي منكم

سميرة: اودي غير عمر حتى نتا علينا بزريعتك و مسامحين دنيا و آخرة ( شافت فجوهرة ) دوزتوا دابا العام تبارك الله .. للدوام إن شاء الله .. فوقاش عوالين ان شاء الله تجيبولنا كتاكيت و كتكوتات ؟ زينب ها هي فالطريق الله يفكها على خير .. بقيتوا غير نتووما .. أما حتى دااك العجل لي حدااكم مووووحال واش عواال على شي زواج .. ياك ا مولاي السلطان ؟

كريم:( ضحك ) و الله يا الحبيبة و نلقى بحالك ما نتردد دقييقة و لكن دوومااج غير وحييدة داها لعمييم هههه 

سميرة: ههههه الله يمسخك .. زينب سبقااات بقات غير ابتساام ما فيديكش اولدي .. يلا بغاتك ها هي ها نتا بيناتكم 

كريم: ابتسام ماشي دالزواج ( شاف فيها ) غا ديال التمرميق مع داك الحنااك يا سلااام 

ابتسام: الله يستر .. حااكرين عليا فهاذ الدار حق الله ( شافت فجوهرة ) شفتي يلا فكرتي تولدي .. دعي بليل و النهار تجيبي البنت قبل من الدري و يااا ريت ما يكوون عندها حتى ولد عمها كبر منها .. انا نقوولك .. هاذ الترييكة غيعقدووها فحيااتها 

ياسيين: هههههههه ايوا الله يمسخ مك .. أنا ولادي ما يدخل فيهم لا ولد عمهم لا ولد جدهم لا خوهم .. 

ابتسام: معلوووم غير نتاا فيك الخير و البراااكة .. عاد يتزاد حد آخوور ؟ بغيتي هاذ البنت و لا لولد يرمي حوايجوا و يعيط بواكواك العدااو 

زينب:( ضحكات ) صرعاااتكم بالله ( ضربي هنا .. عطاتها يديها ) و الله ماااا كذبتي .. الله يحضرني فدااك النهاار ياااا ربي لا نتا لا هو .. و كثيير شي ياسيين ناااريييي ههههه

جوهرة:( ضحكات و شافت فيهم ) ماالوا هتلر زمانوا ؟ بلعكس غيكون أحسن أب و منوا غتتعلموا الحناان دابا تشوفوا 

ياسيين:( ضحك ) هكااك احبيبة داافعي على راجلك .. شفت هاذ جووج حليقمات ضوروني بيناتهم ( هز خنافروا ) سمعوا على وذنيكم زييديهم ابنتي الله يرضي عليك 

زينب: هههه وا هو من جهة الحنان راك حنييييين غير الله يستر مع الله يحفظ و صافي 

ياسيين:( هز حبة دالعنب شير عليها بيها ) خشي راسك فداك الطبسيل و هنينا

ابتسام:( ضحكات و شافت فختها ) شفتي القمع .. فين الديموقراطية و حقووق الانسان .. فين حق التعبيير عن الرأي .. راحنا فبلد الحق و القانون ليكن في علمك يا سيد ياسيين 

ياسيين:( عوج راسوا فيها ) يخليلي بلد الحق و القانووون .. طلعي يا الحبيبة قداام البرلماان و احتجي و غتشووفي القانون كيتمشى على رجليه و كيشحط فيك بحال سراق زيت 

كريم: هههه ياسيين الديكتااتووري 

زينب:( ضحكات بالدمووع ) نتاااا الحكااار الأناااني الجباااار نتااا هههههههههههههه 

ياسيين:( كان كيشرب وحلات ليه ) كحكحكح اللقوة ابنتي 

💫💫 يوم جديد 💫💫

فالمساء جالسين كل من ياسيين و كريم مع أب البنات و رحمة لي كترحب بيهم و تعاود .. محطووطة حداهم الطبلة بقواامها و الداخل فالبيت جالسة جوهرة مع وئام و بشرى حداهم متكية هازة طابليط ديالها ما مسوقاش ..

ياسيين:( نحنح ) الحاج دابا رجعنا عاائلة و عرفنا بعضياتنا مزياان ما غنجيش نشكر فراسي و لا فخويا ( حط يديه على كتف كريم ) راك عرفتينا دابا و وراقنا مكشووفة .. احم و اليوم جينا نطلبوا يد وئام لكريم يلا كتاب و قبلتوا عليه 

كريم:( بهدووء ) الواليدة عياانة شوية عليها ما جاوش معانا ليوم .. قلنا نهضروا و موراها نديروا خطبة رسمية بحضورهم يلا تيسرات الأمور بيناتنا 

الأب:( بفرحة ) الله يا ودي ا سي كريم .. راك ولدنا حتى نتا .. بحالك بحال ياسيين .. ما نلقاوش ما حسن منك لبنتنا .. أنا من عندي الله يكمل بالخير 

رحمة:( وقفات ) انمشي نهضر مع وئام و نسولها ( خرجات فاتجاه بيت لبنات حلاتوا لقات وئام قبالتها بقفطان دالحرير مع شال ديالها .. شافت فأمها لي قالت ) خرجي ابنتي حداهم بغاو يعرفوك واش قابلة و لا لا .. زيدي تانتي ا جوهرة حدا راجلك يالاه 

بشرى:( طلات عليها ) أنا حتى نكمل اللعب ديالي فالطابليط و نجي 

رحمة: واخا اماما غير خليك .. قدمات بناتها قدامها و هي تابعاهم من لور حتى دخلوا للصالون .. جلسات جوهرة حدا ياسيين و وئام حداها و فجنبها كريم من الجهة الثانية .. كباتلهم رحمة كيسانهم دأتاي .. و نطق الاب

الأب: وئام .. كريم راه بغاك للزواج ااش قلتي ابنتي ؟

وئام:( شافت فيهم بهدووء و فكريم لي تبسم لها ببرود ..كأنوا متأكد منها أنها غتقبل و رجعات ركزات فباها ) و أنا ما قابلاش ا بابا 

كريم:( صدمااااتوا .. مد يديه يقبط فيها ) وئام

وئام:( هربات يديها و نطقات بحدة ) ما تقيصنيش ا كريم .. ما تحطش يديك عليا .. الله يجيبلك ما حسن مني أنا ما نصلاحش لك ( وقفات و شافت فياسيين ) سمحولي عذبتكم على والو ( سلتات من حداهم و دخلات لبيتها سدات عليها )


سلتات من حداهم و دخلات لبيتها سدات عليها .. شافت فختها لي كتلعب فالطابليط و رجعات جلسات فبلاصتها ببروود عكس العاافية لي شااعلة فيها و كتقول واش من نيتوا جاي يخطبني و بوجهوا صحييح !! لا و كيضحك من الفووق بكل ثقة فالنفس .. زعما أنا رخيصة لهاذ الدرجة فعينيه و غير غيجي غنتلاح عليه كنرغب .. ااه ااه قابلة شكرا الله يرحم باباك لي قبلتي عليا و تزوجتي بيا !! 
💫💫 فالصالون 💫💫

الأب:( تنهد و شاف فيه حشمان ) سمحلي اولدي .. ما نلقاوش ما حسن منك و لكن راحة بنتي هي لولة .. ما دام راافضة يعني عندها شي سبب مقتانعة بيه .. الله يجيبلك لي فيها الخير 

رحمة:( حركات راسها بتأييد ) الزواج أهم حاجة فيه التراضي .. يلا ما كانش ما كااين واالو .. 

كريم:( مسح على لحيتوا مزنك ما حملش رااسوا فهاذ اللحظة ) واخا نقدر ندخل عندها نهضر معاها ؟

رحمة: راك سمعتيها على وذنيك اولدي .. ما بغاتش تهضر .. كن بغات غتبقى جالسة .. احسن حاجة لا لينا لا ليك ما نضغطوش عليها .. الحاجة لي كتجي بسييف ما عندنا ما نديروا .. يلا كانت غادي دير غير الخااطر و فلخر تندم .. بلاش من لول .. أو لا ا ياسيين ؟

ياسيين: اكييد .. فالأخير حنا غير سبب .. كنديروا لي علينا و الباقي على الله 

جوهرة:( حركات راسها بالموافقة ) أكيد يلا كانوا مكتابين لبعضياتهم ما كاين حد فهاذ الدنيا لي يفرقهم .. غير سمحلنا ا كريم .. أنا نووض نشوفها 

ياسيين:( تحنى عندها و همسلها ) و ما تنسايش هضرتنا .. يالاه سيري باش نوضوا حتى حنا 

خرجات من الصالون بهدووء و دقات فبيت لبنات و دخلات .. شافت فوئام و قالت

جوهرة: علاش ما قلتيلناش من لول ما باغاهش .. كانت ماما ساعتها غتعيط على بابا و تشرح ليه و هما غيعرفوا يهضروا معاه .. حشوومة كااع ا وئام و الله .. حطيتينا و حطيتي السيد فموقف خاايب بزاااف

وئام: ما شفتيش هو الموقف لي حطني فيه ! عمر شي ولد المراة احتاقرني بديك الطريقة تال ليه ( الدموع تغرغروا فعينيها ) ما فهمتش شنو حاسبني كنموت عليه ؟ و هو لي رااجل فهاذ الدنيا ؟ 

جوهرة: ما فهمتش شنو دارلك ؟ واش قالك شي حاجة من قبل و لا كيفاش ؟

وئام:( مسحات عينيها ) نسااي ا حبيبتي .. ما يستاهلش تا نهضروا عليه .. لي عزني كنعزوا و لي باعني كنصدقوا أنا فسبيل الله .. شفتي المغاربة و الله ما معاهم الضحك بالله و لكن هاذي علمااتني 

جوهرة:( قربات منها باستها فجبتها ) ما فهمتش شنوا واقع بالضبط .. ضروري من شي جليسة أنا وياك نهضروا فيها .. أما دابا لي غنقولك ما ديريش فبالك و ارتاحي 

وئام: مرتاااحة احبيبتي بلا ما تشغلي راسك 

جوهرة:( بابتسامة ) عيد ميلاد سعييد احبيبتي عقباال ل 100 سنة ان شاء الله و تحققي كاااع لي كتمناايه فحياتك ..تمنييت لو دوزت معاك هاذ النهار كاامل بحال ديما .. لكن الظرووف 💔

وئام:( بفرحة باستها من حنكها بقوة ) عسسسل نتييي و الله تا عسسسل .. يخلييك ليلي يااا ربي و يفرحني تانا بيك .. ما عليش احبيبتي عاارفة لي كااين و حتى يلا كنتي بعيدة .. قلبك ديما قريب مني و كيحس بيا .. شنو بغيت كثر ؟

جوهرة: هههه لهلا يحرمنا من بعضياتنا .. و لكن ضرووري نعوضوا هاذ النهار و حتى ياسيين كيوصي و يعاود على غذا دايرين لك حفلة صغييرة بيناتنا فالدار .. ضروووري ما تجي صافي نعول عليك ؟ و لا نسيفط ياسيين موراك ؟

وئام: فففف لهلا يخطيكم عليا و الله .. شكرا بزااااف ( ضحكات ) حفلة بلا مولاتها كي درتولها ؟ اكييييد غنجي بااايبي و بلا ما تعذبيه غنشد طاكسي تال عندكم .. باركة غير هاذ التحنسيرة داليووم .. هو لي حشمت منو فهاذشي كاامل 

جوهرة: ههههه تانتي هااانية ! ( باستها ) يالاه نخليك غنمشيوا دابا .. غذا ها حنا كنتسناوك 

وئام: صافي ان شاء الله 

خرجات جوهرة بالخف لقاتهم كيتوادعوا معاهم باش يمشيوا .. سلمات على واليديها و هزات ساكها و توكلوا بحالهم لدارهم من بعد ما دازوا للفارماسيان شراو الدوا لي غتبع على حساب الكيس .. أما كرييم فشد طريق هو الاخر لداروا مخرج يديه من الشرجم كيكمي و كيتفكر القمعة لي قمعاتوا قداام كلشي .. بلاصة طونوبيلتوا و هز تيليفون و وراقوا .. طلع مع الدروج و دخل لداروا .. تلاح فالفوطوي قبالت التلفازة .. فتح تيليفونوا عوال يعيط عليها .. لقى مسج منها نيت .. دخل ليه .. كيقرا بصوت مسمووع 

-----: ضرتي ضرتي و فلخر جيتي تخطب لبنت قليلة الأصل و العفة لي كتقلب على شي حد يبردها و مولفة بفعاايل بنات الزنقة .. ههههه لهاذ الدرجة يأستي و ما بانتلك غير هي ؟ تى تئ تئ فريمن بقيتي فيا ا سي كريم .. جرب حظك مرة اخرى .. ممكن هاذ قليلة الأصل تغير رأيها و تقبل فيك ما تعرف !!

كريم:( عض على حنكوا من الداخل و دوز لابيل ليها ) ان هاتف مخاطبكم مغلق او خارج التغطية المرجو اعادة الاتصال لاحقا ( زدحوا حداه بعصبية و قال بوعيد ) بلووك .. واخا الالة وئام .. وااااخااا

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.