ياسيين:( هز حاجب و نزل الثاني ) كيفاش انا فين لحتيني ؟ مالك نتي الحاجة ؟
ابتسام:( شافت فيه بانفعال ) اييه أناا ا ياسيين ! فين أنا من هاذشي كاامل ؟ كريم هضر قوول غير كضحك معايا ؟
كريم: بسم الله عليك ابنتي، طلعاتلك السخانة لا ؟
ياسيين:( عقد حجبانوا فالبلاصة و بان فيه تعصصصب .. عوج راسوا مصغر عينيه فكاع لي معاهم و كيشوفوا فيها .. تا كمل و رجع ركز معاها و وقف ببروود غاذي عندها )
ابتسام:( شافتوا جاي لها و هي تنقز غاذية عند زينب جراتها تا وقفات و جلسات تحتها و مزيرة على ختها فووقها )
زينب:( شدات على كرشها ) اويلي طلقي
ابتسام:( شافت فياسيين لي مقابل معاهم و كيشوف فيها بنظرة واش من نيتك ؟ ) و الله تا غييير كنضحك و الله تا ضاااحكة .. كريم رااه خويا
ياسيين:( جر زينب ) حيدي نتي من تما
ابتسام:( لاسقة فيها ) واا لا ا صاحبي لا .. زينب جلسي لمييمة نتي ما غيقيسكش أنا لي غيدخل فيا طول و عرض بحال الثوور
ياسيين:( جر زينب بسهوولة بيد تا بعدها بلا ما تتقاس و مد يديه زير على عنق ابتسام تا جرها عندوا ) ثوور ياك ؟
ابتسام:( شادة ليه فيدوا كتضحك و مخلوعة بجوج ) هههههه لا نتا خوويا الغزاال الفن ( زاد زير يديه تا عوجات ظهرها و هبطها للتحت ) اححح و لا ما لاعبينش .. وااا كريييم واا فك ا صااحبي
سميرة: اويلي طلق من البنت غتكردلها راسها .. مالكم على هاذ اللعب
ياسيين:( شقلبها بخفة تا رجع راسها لتحت و رجليها الفووق و بدا كيلعب بيها تا شداتها الدوخة ) ااش ندير فيك دابا ؟
شحطها لفخضها تا غوتات و رماها فووق الزربية كيضحك .. عطاها بالظهر و تم راجع لبلاصتووا تا حس بيها تعلقات فظهروا و تضرب بيديها و رجليها .. مدات يديها و نتفاتوا من شعرووا
ابتسام: ياااالاه ليمااااك غا نتاا لي عندك العضلات .. واااااااع لااااا ( شقلبها حتى جات جالسة قدام كريم و شافت فيه كتضحك ببلاهة ) افييين صافا ؟
كريم:( قرفدها ) ما عندكش تا الصحة فين تهزيها يا بنتي ..
ياسيين:( جلس حداها نيت رمى يديه على كتفها و اليد الثانية جبدلها حنكها كيضحك ) فيها غير لساان هاذ عوود الحزيران
جوهرة:( حاطة يديها كتتفرج فيهم و الضحكة كتفلت لها .. تلاقاو عائلة ديال الحمااق كااملين ) ههههههههه الله يستر
زينب:( جلسات حداها كتفرنس تا هي ) راهم ديما هاكا .. حال و أحوال .. ما تديهاش فيهم
جوهرة: ههه نتي كي بقيتي مع الخفة ؟
زينب:( تكات على ظهرها و قالت ) يا ختي قتلني الوحم هاذ المرة ما كنهزش الراس بزز .. تا دابا بالرغييب و المزاوكة باش جيت ( تنهدات ) فسمير الله يرحموا ما كانش كيوقعلي هاكا
جوهرة:( طبطبات على يديها ) كل حاجة و بأجرها .. الله يتبث حملك و يفرحك بيه
زينب: أمييين يا ربي و نتي أمدرا شنو درتي ؟ سمحيلي ما سولتش فيك و لكن و الله لقسم تا السيمانة لي فاتت دوزتها غير فالفراش
جوهرة: ماشي مشكل الزين .. حتى واحد ما خطاه هم ( بابتسامة ) المهم أنا مزياانة دابا .. المشكل لي كان ما بقاش ( همساتلها بالشوية ) ما قلتيها لحتى واحد ياك ؟
زينب: نوو شي حاجة بيناتكم نتي و خويا .. ما سوقيش أنا ( تبسمات لها ) هي رديتي صحتك ايوا الحمد لله .. تخلعتي على والو
جوهرة:( تنهدات ) اويلي غير سكتي قلبي كان غيوقف من بلاصتوا و الله تا داازت عليا .. و لكن الحمد لله ربي ما كينساش عبادوا
زينب: ديكشي لي كااين .. ايوا هي دابا ما بقى عندكم تا عذر .. باش ما تجيبولناش شي فنييكيش قطقووط بحاالك
جوهرة:( تزنكات ) ههههه كلشي فيد الله
زينب: و نعم بالله .. الله يفرحكم يااا رب
جوهرة: أمييين يا ربي ( سمعات ابتسام كتعيطلها و شافت فيها بهدووء ) وي ؟
ابتسام: هي سعييدة الحظ ختك ؟
جوهرة:( شافت فكريم و ياسيين و ردات ) اييه وئام .. علاش ؟
ابتسام: لا غير سولت و صافي .. ما سحابليش كيتعارفوا من قبل ( ضحكات ) هي الخواتات دااو الخووت .. واا زههههر عندكم
كريم:( شاف فيها و قال ) اكيد غنكونوا معارفين ! راها من العائلة دعروسة خوك ! غير هو ماشي معرفة شخصية .. الزهر فاش كيوقف معاك مرة فثلاثين عام و يلاقيك ببنات الناس( غمز ياسيين) مباركين مساعد ببنات لالة رحمة
ياسيين:( تبسم و شاف فجوهرة ) و بلالة رحمة حتى هي و نعمة النسيبة
ابتسام:( تبسمات ) ايوا الله يعطينا حتى حنا شي حماة بحال لالة رحمة .. جوهرة ما نلقاش عندك شي خوك مخزوون ؟ زيادة الخير خيرين .. يلا كان زين بحاالك و ركزيلي على العوينات غير يديني و الله ما نقول لا
ابتسام:( بغات تبعد و زير عليها ) لا خويا أنا بالله و شرع معاك .. حجارك يشدوووك
ياسيين: هي يلا سكتينا !
ابتسام:( جمعات فمها ) وااااخااا ا ياسيين الديكتاتوري ( شافتوا غيقرفدها و هي تبوسوا فحنكوا ) غير كنقشب ( لكريم ) الله يتمم كلشي بخير
كريم: أميين يا ربي
قلبوا الهضرة و كل واحد فين مجمع .. جالسة ابتسام وسط كريم و ياسيين كتدور عينيها بملل .. شافت فخوها كيهضر مع ولاد عموا و كيتناقشوا و كريم من الجهة الثانية هاز التيليفون كيكتب فيه مشغوول و هي تدور عندوا كتنغز فيه جاها على الكاانة نيت
ابتسام: كريييم .. كريييييم .. وااا كريييم
كريم:( سدوا داروا فجيبوا و شاف فيها ) وااا الخرا حفريلي ظهري !! مال حسك ؟
ابتسام:( هزات حاجبها بذكاء و قالت و هي كتفرنس ) عاااااد فهمت ااش جااك نهار عيد ميلاد ديال وئام .. قولي كتفقسها بيااا ( ضرباتوا لكتفوا ) ما كتمركش
كريم: الحشمة خليتهالك غير نتي
ابتسام: هههم و دابا قوولي ( رمشات عينيها فيه و قربات منوو تا رجع بلوور )
كريم: كووليني كووليني
ابتسام: هههههههه دابا قولي كي تعرفتوا هااا العار ؟ شنوو وقع حتى فمرتي تتزوج بيها هي ؟ ما دام بغبتي تفقصها و إلا كتعجبك ( عضات على شنافتها ) اححححح على الغييرة و ديكشي .. هااذشي زيييين اسيدي خااصنا نضربوا عليه شي كااس
كريم:( خرج فيها عينيه و دفعها تا تقادات فبلاصتها ) كاس ؟ ( نعتلها بعينيه لياسيين ) راك كتقلبي عليه يقلب وجهووا
ابتسام:( بهمس ) واا غير كااس دأتاي منعنع ماال دمااغك منحرف كثااار مني .. دابا عااودلي راه و الله ما نتفاك معاك .. اححح على الحب نتووما معامن جات ( ميقات فيه ) و أنا قربتوا تطيرولي الجلدة على اللحم .. ديكتااتووريين
كريم:( قرفدها على غفلة تا عضات على لسانها و نقزات كتغوت ) الرررضى واا سيري عطيه الراحة شوية و نتي سارطة كااسيطة خااسرة
💫💫 فالمساء 💫💫
وئام:( واقفة كتدور حدا رحمة فالكوزينة حتى كتجي تهضر و كتراجع )
رحمة:( شافت فيها ) ياا هضري يا تكمشي فبيتك قلبتيلي راسي بسير و أجي .. واخا تكوني غا تولدي !!
وئام:( جاتها الضحكة ) و راني غنولد ا ماما نييت .. زبلة قد رااسي .. كاين العيالات لي كيولدوا على 7 شهور ياك ؟ وا بنتك منهم سبع شهوور و انا حااضنة عليها
رحمة:( بقات غير كتشوف فيها )
وئام:( حكات جبهتها ) دابا غير نطلقها و لي ليها ليها
رحمة: بلزييها
وئام:( دورات عينيها كتخمم و قالت ) احم عرفتي كريم ولد عم ياسيين راجل جوهرة ياك ؟
رحمة:( باستهبال ) وايلي علاه ياسيين عندوا شي ولد عموا سميتوا كريم ؟ سبحاااان الله أول مرة تكوون فبالي ( غوتات ) واش غتطلقيني من الطنيز و لا لا
وئام:( جمعات فمها بحال النقطة ) واا صافي بلا غوات .. فالويكاند غيجي هو و واليديه و خوتوا .. مهم العائلة كاملة .. يخطبووني من عندكم
رحمة:(قربات منها ) نعام ؟ عاودي عاودي نسمع ؟
وئام: غيجي يخطبني ( سكتات شوية و قالت ) و أنا مواااافقة .. علمي بابا معاك ما نقدرش نقولها ليه
رحمة:( قرساتها ففخضها حتى غوتات .. و نطقات و هي مخرجة فيها عينيها ) و منين من موااااافقة لاش من لول محشمانة مع الراجل
وئام:( دمعوا عينيها و حطات يديها على فخضها كتحكوا ) و صافي ا ماما .. ديك ساعة كانوا عندي ظرووفي
رحمة:( ميقات فيها ) ضرووف ؟ و تحلوا دابا هاذ الضرووف ديالك ؟ باش وصلك نتي بعدا .. باش تهضري معاه و يعلمك ( هزات حاجبها ) و تبدلي رأيك بهاذ السهوولة ؟
وئام:( تزنكات ) وا صااافي ا ماما بلا ما تحشميني ( خرجات من تما كتجري )
رحمة:( كتدور فراسها متبعاها بعينيها ) علاه نتي كتحشمي ابنتي ؟ ( ضحكات و ضربات يد مع يد ) معذوورها لبنت بقالها شوية و تمووت فأرضها .. الله يستر من هاذ الجييل
💫💫 يوم الخطبة 💫💫
جالسة وئام فبلاصتها بقفطان فالأزرق ملكي .. مقادة فولارها بطريقة زويينة و وجهها لي كيبان بريييئ مزين بمكياج خفييف .. لاعب على حروفها و بارزهم .. طلع معاها السر و حنيكاتها مزنكين بالحشمة و الخلعة لي لاعبة عليها كأنها أول مرة غتشوفوا .. سمعات صوت الطونوبيلات بكثرة و وقفات كترعد طلات من الشرجم و بانلها أول واحد هو كريم بالكوستيم كيشقشق و الضحيكة مرسوومة على فموا .. هز عينيه بعفوية و هربات فالبلاصة لا يحصلها ..
بعد مدة لا بأس بيها عمرات الدار و صوت الهضرة و الضحك و التزغريت على الجههد و وئام فالبيت كتمشي و تجي .. حاسة بقلبها كيضرب بالجههههد شوية ما تسخف فبلاصتها .. عااد تفكرات نهار ديال الخطبة دجوهرة و شحال طنزات عليها و دابا ها هي كتذوق نفس الشعوور و تقول معذوورها .. تفتح لباب و دخلات جوهرة كضحك .. شافت فيها كطلع و تهبط و موراها عنقاتها عندها
جوهرة: ما شاء الله عليك احبيبتي طلعتي فنننننة
وئام:( زيرات على يديها ) بصح ؟ نااري غنبوول فسرواالي
جوهرة: شوية ! كاين كريم و واليديه و خوتوا و عيالاتهم و ابتسام و الحاجة الياقوت و ياسيين خلاص
وئام: ااه ما جاوش دار راجلك ؟
جوهرة: لا ما بغاوش يخلعوكم كاملين .. هاجمين هجمة وحدة ههههه .. دابل خرجي خلاص ماشي وقت الهضرة
وئام: واخا صافي
خرجوا بجوج جوهرة مبتاسمة فرحاانة لختها و وئام حداها كتعرق و تنشف فبلاصتها .. حتى دخلوا للصالون فين مجموعين كااملين عائلتوا و عائلتها حتى هي .. سلمات عليهم حتى وصلات حداه .. هو لي وقف مقابل معاها .. كتبان قصيييورة حداه .. هزات راسها فيه مززنكة حاسة بالعاافية شااعلة فحناكها .. مدات ليه يديها .. سلم عليها و بقى قابطها و جرها بهدووء حتى جلسات حداه و جلس تا هو .. باقي قابط فيديها و كيتحذث مع باها .. مرتاااح عكسها هي لي حشماااانة قدامهم و كل شوية تجر يديها و هو مزير عليها حاالف لا طلق .. عرقااات يديها بين يدوا .. حتى حسات بابهاموا كيدوز بالشوووية على كفها .. بحال كيهرها .. هزات عينيها فيه و قال
وئام:( حنات راسها حاسة بالأعين كلها عليهم و قالت بخفووت ) طلق من يدي ا كريم .. حشمتيني قدامهم كلشي كيشووف فينا !
كريم:( تبسم بهدووء ) ما شفتي فالعرس .. غتبرزي قدام أمة لا إله إلا الله .. لي عارفينك فين غاادة و ااش غادي ديري .. أما دابا غييير كنهضروا
وئام:( شافت فيه ) ايوا صافي ديني للمالديف و والله يما نهضر .. بنااقص من شي عرس .. أخرتهم غيمشيوا يهضروا فيا و يعيبوا ايوا لاش ؟
كريم:( حاني عندها شوية و كيهضروا ) هههه هي السنفورة باغى تمشي للمالديف ؟
وئام:( رمشات عينيها ببراءة ) يلا بغيتي زعما !
كريم: و يلا ما بغيتش ؟
وئام:( تبسمات ) نمشيوا لبالي ؟
كريم: هههههه واا العفووو ( شاف فباه و طلق منها تقاد فبلاصتوا و غمزوا باش يهضر )
الأب: سيادنا تشرفنا بمعرفتكم مالين الأصل الطيب .. ليوم جينا عندكم طالبين يد بنتكم لولدنا .. كنجريوا فالحلال و ربي يكمل عليهم بالخيير
أب البنات : ديكشي لي كاين اسي محمد .. الله يسر ليهم الأمور .. من عندي أنا كريم ولدي و ربي لي عاالم بمعزتوا .. نعطيه بنتي بعينين مغمضيين .. و لكن الشواار شوار العرووسة .. ااش قلتي ابنتي ؟
وئام:( حنات راسها مزننننننكة ما قدراتش تهضر )
رحمة: ايوا السكووت علامة الرضى أو لا الحاجة فاتحة ؟
ياسيين:( نطق ) لا ما كاين لا سكوت لا رضى .. خصنا نسمعوها من عندها .. يمكن وئام ما قابلاش من الأفضل
وئام:( قفزات من بلاصتها و قالت ) اوييلي لااا قااابلة و الله
عاد طلعات معاها و حنات راسها كتويل .. فحين الكل كيييضحك حتى بدااو بالمباركاات و الدعااء بالتيسيير ليهم .. وقفات جوهرة جاببة بلاطوا فيه الخواتم و كيسان ديال الحليب و طبسيل ديال التمر .. حطاتوا حدااهم و شافت فكريم كتبتاسم .. مداتليه بواطة ديال خاتم وئام و رجعات لوور هازة لكاميرة كتصورهم هي و خوتوا .. فحين وئام عطاتوا يديها كتترعد ركبلها الخاتم لي جاها حساااب مع يديها .. هزها قربها لفموا و باسها هاز عينيه كيشووف فيها و هي كتشووف فيه مزنكة و متفااجأة فنفس الوقت .. طلقها و عاد هزات خاتمووا مدلها يدييه و هزاتوا بثوثر كتركبلوا فيه .. لكن ما بغاش وحل ليها .. هزات عينيها فيه و رجعات حنات عينيها ليديه و جراتها عندها كتدهل فيه بزز .. حتى تخشى وطاحت على يديه كضحك بهستيييرية و كلشي كيضحك معاها على الموقف و الطريقة لي كانت كتخشيه بيه هههههههه
وئام:( شافت فيه و دموع الضحك فعينيها ) هههههه خاصني حتى أنا نبوسلك يديك ؟
كريم:( ضحك و فغفلة من البقية .. جرها باسلها جبهتها ) هههه لا خليني غير أنا لي نبوس ا لالة
نحنح و شاف فباها بجدية باش يهضروا فالمعقول
كريم:( نحنح و شاف فباها ) مهم الحاج باش نهضروا فالمعقوول .. بنتك ان شاء الله تعيش بحال دارهم و حسن معايا ما غنبخل عليها بحتى حاجة ..
الأب:( حرك راسوا بالايجاب ) عارف لي كاين اولدي .. نتوما مالين الدار الكبيرة
كريم: الله يكبر بيك الحاج .. بالنسبة للعقد من غذا نجمعوا الوريقات و غير يوجدوا نتكاتبوا .. أما العرس فإذا كان غيكون فالصيف ان شاء الله .. يالاه يصلاح لخوتي يدخلوا للمغرب و يالاه الواليدة تكون ارتاحت و مزيانة فصحتها
الأب: الله يشافيها يا رب و يخليهالكم بركة
كريم: أميين يا ربي
الأب: المهم الله يسخر من جهتي مادام قابلين على بعضياتكم ما نزيدكم غير الخير ! أما العرس فبيناتكم .. واخا كنشوف بلي ما تحتاجوش عشية بينات لحباب و نجمعوا و نطويوا
كريم:( قلب وجهوا عند وئام و قال ) باغى العرس و لا لا ؟
وئام:( ضورات عينيها عليهم لي حاضيينها و قسحات وجهها و جاوبات ) ااه ضروري !
كريم: صافي ماشي مشكل .. أي وحدة كتبغي تفرح براسها .. لي مهم بالنسبة ليا العقد يلا طولنا من هنا لسيمانة نكونوا نضيناه و الباقي حالوا ساهل
الكل: الله يسهل
كملوا ليلتهم على نحو ثاني .. كيتعارفوا العائلات بجوج فيما بيناتهم و داك الجوج كيتناكروا كي القط و الفار .. حتى تحط العشى و تجمعوا عليه .. بعدها توادعوا كيشكروهم و يعرضوا عليهم عندهم حتى هما بدورهم .. بقى ياسيين بوحدوا مع عائلة مراتوا .. كيتسنى جوهرة تخرج عندوا .. أما هي راه منين دخلات عند وئام و هي شاداها بالهضرة حتى جات رحمة عندها كتكلمها ليه
جوهرة:( خرجات عندوا مبتاسمة ) سمحلي تعطلت عليك يمكن .. أنا نجيب صاكي من بيتي و نجي
ياسيين:( نحنح و وقف ) واخا أنا نجي معاك !
شافت فيه باستغرااااب و زادت قداموا بهدووء حتى وصلات لبيتها و فتحاتوا مخلياه جاي موراها .. تا سمعات لباب تسد و فالبلاصة يديه جرووها مكاليها مع الحيط كيشوف فيها مبرد و هي صدرها كيطلع و يهبط خلعها بالغفلة
جوهرة:( ضرباتوا ليديه لي حابس بيها طريق عليها ) اويلي مالك خلعتيني !؟
ياسيين:( قرب منها بوجهوا تا لسقات مع الباب كتشوف فيه ببلاهة ) ما فكرك هاذ النهار بحتى حاجة ؟ ( حنا عينيه لفمها و رجع هز عينيه فيها و غمزها ) ههم ؟
جوهرة:( تزنكااات و عرفاتوا لاش كيلمح بالضبط ) ياسيين ههه
ياسيين:( تبسم ) تفكرتي ؟ أول مرة نذووق من الشهد بمعناه الحرفي
جوهرة:( حطات راسها على صدروا مخبعة وجهها كتضحك ) علاه أنا نقدر ننسى ؟ عمرني تعصرت بحال داك العصرة فحياااتي تا جيتي نتا
ياسيين:( قهقه بالجههد ) هههههههههههه و الله يعطينا عصرتك أختي ( شافت فيه مزنكة و هو يمد يديه جبدلها حنكها و قال ) شنو دابا ما نحييوش الذكرى ؟ ما تعطينيش شي بوسة من فمك بلا خبار مك هاا ( غمزها بإثارة )
جوهرة:( كتدور عينيها و تشوف فيه بنص عين و هو مبرد ) واا صافي نبووسك و لكن ما تشووفش فيا
ياسيين: ههههههه حاضي رزقي لا تغشيني ! ( هز يديه كيضحك و غمض عينيه ) صافي ا لالة هانا ما كنشوفش .. طلقينا من الفراجة !
دورات عينيها كتأكد واش ما كاين حد فالبيت و تعلات بالشووية على صباعها تا وصلات للحد دشفايفوا و باستوا بالشووووية غير من طريقتها تعطيك الخبار بلي شخصيتها دلوووعة و خجوولة بطريقة أنثوية كتعجب أغلب الرجاال .. فما بالك بزوجها لي عاشت معاه أول مرة من كل حاجة .. قطفها وريدة من الجنان " عائلتها " و عرف كيفاش يسقي هاذ الوردة و يكبرها حتى تتفتح و تزهر أكثر و أكثر .. ما بعدات غير على صوت شي حاجة طاحت بالجهد حتى قفزات ما بين يديه و بعدات عليه
ياسيين:( ضار فالبلاصة مخرج عينيه ) بشرى ؟؟
بشرى:( جاتها البكية واقفة مكمشة مع الحيط ) ما شفت واالوو ا عمووا
جوهرة:( صدماتها و حشمااات فبلاصتها تمنات لأرض تتشق و تبلعها .. تزنكااات حتى ولات بحال حبة د ماطيشة )
ياسيين:( شاف فجوهرة و رجع شاف فيها ) أجي قربي لهنا
بشرى:( طلقات ديك البكية بالجههد و زادت عندوا حتى وصلات قداموا و نزل على ركابيه عندها ) ما درت واالو ا عمووا و الله .. كااع ما شفت واالو و الله 😭
ياسيين:( بقات فيه كي كتبكي .. دوز على شعرها و باسها فراسها ) صافي سيري عند ماماك يالاه ( غير طلقها مشات كطيير .. وقف و شااف فجوهرة لقاها تا هي كتبكي .. شد على راسوا و قال ) عائلة دالبكاية نتوما ؟ نسكت الصغيرة تبدا الكبيرة ؟
جوهرة:( شهقات و مسحات حناكها ) تشووووهت 😭 ( خرجات فيه عينيها مززززنكة ) نتااا السباااب
ياسيين:( شد حنكوا ) ياك اختي ؟
جوهرة:( كتمشي و تجي قداموا بحال فيها الزحمة ) اييه نتا لي باسل فينما مشيتي خصك تنبش .. دابا هي يعلم الله شنوو شاافت و سمعات و فهمات و زايد مطرطق فيها داك العينين تا خلعتيها مسكينة
ياسيين:( شاف فيها مطولا و حرك راسوا بالايجاب ) واخا ا لالة .. سمحيلنا اااخر مرة نقرب لك و لا نبشك .. صافي ارتاحي
جوهرة:( صدمها جوابوا قربات منوا خطوة و فنفس الوقت كتهضر ) ياسيين ما تفهمنيش غلط
ياسيين:( هز يديه بمعنى ما تحادينيش ) فهمت مزياااان .. دابا هزي حوايجك و تحركي لداركم ( فتح لباب و خرج )
جوهرة:( بقات متبعاها حتى غبر و عضات على فمها باغى تبكي .. عاد كانوا هاانين و دابا فكها يا من وحلتيها .. مشات هزات ساكها و خرجات عندوا حابسة لبكية )
ياسيين:( شافها و وقف سلم على واليديها و سلمات حتى هي ) خلينا لكم الراحة .. ليلة سعيدة
نزلوا بحالهم من بعد ما ودعوهم .. قلع فالطريق بهدووء ما بقاش هضر معاها كااع و هي حداه كل مرة تشووف فيه و البكية شاداها بزز .. تا وصلوا لدارهم و دخل للبيت نيشاان .. فتح الماريوا كيحط وراقوا و كيقلب فنفس الوقت و جوهرة كتدور قداموا .. باقى بلباسها محيدة لفوولار فقط
جوهرة: احم نجبدلك شي حاجة ؟ غير جلس و قولي شنو بغيتي ؟
حيد يديه فتحلها الطريق بهدووء تاام .. تا رجعات قداامووا و هو لاسق موراها لدرجة أنفاسوا كيضربوا فيها من لور و كتحس بيهم .. قرب منها حاني براسوا جهة عنقها .. تبسمات بلا ما تحس عاارفاه ما يقدرش ينخلها و غيدوور يدوور و يجب عندها .. لكن خااب ضنها فاش جر سوورفيط ديالوا و بعد من قدامها يبدل عليه .. حسات بالبكية بغات تفلت ليها و بزز زيراتها .. و جبدات حتى هي حوايجها و بدلات قدااموا ... و تخشات فبلاصتها من بعد ما كملات روتينها الترطيبي لبشرتها ..
أما هو فراه كان دييجا مقاد فبلاصتوا هاز تيليفونوا كيخربق فيه على ما تكمل .. غير حس بيها تكات .. حط تيلي و مد يديه طفى الضو و عطاها بالظهر كيقاد مخدتوا ينعس .. مخليها كتبرقق فعينيها
دازت شي خمسة الدقائق و هي مبلقة عينيها كتقوول دابا يدوور .. دابا يهضر معايا .. ما يمكنش ينعس بلا ما يبسل عليا واخا غير بالهضرة ! شنوو دابا دارها بصح و غضب من الكلام لي قلت ؟ و لكن هو عارفني ما قصدتهاش ؟ ااش ندير ما ندير نقرب ليه نشووف واش ناعس ؟ تجبدات حتى طلعات فوقوا كتبركك واش ناعس ولا والو .. بانلها شاد عينيه ما كيرمشووش نهائيا .. زفراات و قالت بقلة حيلة
جوهرة: ياسيين نعستي ؟
لا رد
جوهرة:( تكات حداه ساكتة حتى عياات و رجعات تقلبات جهتوا و مدات يديها لظهروا كتلعب فيه بظفارها ) ماشي حرام عليك نتا ناعس و أنا مخليني هاكا ( باستوا فظهروا ) مالك محسووس و الله ما قصدت لي فهمتيه ( لااااا رد ) وااا ياسيين حشووومة عليك
زفرات منين ما جاوبهاش و قربات بالشوية لعنقوا باستوا فيه تا حساتوا بوورش و فتح عينيه فيها
ياسيين: علاش كتقلبي نتي فهاذ ليل ؟ ياك أنا بااسل و غير كنبش فيك و نحشمك ؟ صافي أ لالة هانا جمعت يدي عندي ! مالنا دابا ؟
ياسيين:( ببروود ) الهضرة خرجاااات .. منين ما باغانيش نقربلك غير قووليها .. ما ديريليش بحال غنااكلك و غير أنا لي باغيك ( حرك راسوا بواخا ) و لكن ما عليش تا دابا .. هانا فهمت رااسي
جوهرة:( خرجات عينيها مصدوومة ) يااااك و نسيتي lap dance و stiptice و ( سكتات مزنكة ) هاذيك ! دابا عاد رجعت ما باغياكش ؟
ياسيين:( هز حاجبوا و تقلب عليها دايرها بين رجليه جالس عليها شوية ) هي باغاني ؟
جوهرة:( جمعات فمها ) رجلييي ا ياسيين نووض
ياسيين:( زاد حط ثقلوا ) تا تهضري !
جوهرة:( ناصت كدفع فيه يتهز من عليها ) احححح لا ا ياسيين ما ضحكش معايا هاكا غتهرسني و الله نوووض
ياسيين:( تهز و بقى مكالي فووقها ) هي حتى نتي باغى ياك ؟ ( غمزها راشقالوا عليها ) اييه قوولي شنوو كيعجبك ندير فيك ( مد يديه كيحيدلها حوايجها و يهمسلها بكلام خلاها تزنك فالبلاصة و هو عااصر عليها .. منين ما جاوباتش قال هو) كتعجبك ياك ؟
جوهرة:( مدات يديها شداتلوا فموا ) ياسيين سكووت
ياسيين:( حيدلها يديها و قال ) ليووم نفديها فوالديك .. قالك سكت ؟ هانا سااااكت نتي لي غتهضري غا تهناي .. يالاه قوولي
جوهرة:( شافت فيه كتمسكن ) حشوومة عليك ما نبقاش فيك
ياسيين:( شاف فيها بابتسامة تا قالت صافي غينسى كلاموا و رد ) لااا
كملوا ليلتهم فمنحى آخر .. كانت ليلة شاااعرية مليئة بالأحاسيس الجيااشة .. خلاها بزز تجاوبوا على كلاموا و هي غتطرطق بالحشمة و سي سيد كيضحك شااد فيها بالطنز تا كتبغي تنوض بحالها و يردها
تزدح حداها كينهج و يضحك معاها و هي كتبتاسم ليه بدلع و خجل .. مغطيية لحمها كيبانوا غير كتافها و راسها .. قربات منو بالشوية و وسدات صدروا مخلية يديه كيلعبوا فشعرها
جوهرة:( هزات عينيها فيه ) ياسيين عمري سولتك ! ( حرك عينيه بمعنى شنو و ردات ) يلا تزادوا عندنا وليدات شنو تبغي تسميهم ؟ من ديما كنبغي نسولك و كننسى !
ياسيين:( تبسم و يديه كيلعبوا فشعرها و مرة نرة كيهرها تا كضحك بصوت خفييف ) يلا كان ولد كتعجبني سمية زكرياء و يلا كانت بنت مفكر فسمية أمييرة ( باسها و قال بابتسامة ) حيت غتكون أمييرة باباها
جوهرة:( تبسمات بحب و مدات يديها كتلعب فلحيتوا بحب ) زويينين أنا عمري فكرت فالسميات ههه بلحاق عجبووني ديالك
ياسيين:( خربقلها شعرها ) الحمييمقة .. السميات ماشي هما كلشي حتى يتزاد و يتسمى عبد الرزاق .. كيفما كنقولوا .. كلشي بوقتوا
جوهرة: عرفت ! دابا غير كنتحذثوا لا غير .. عرفتي كااع البنات كتلقاهم يمووتوا و يولدوا بنيتة .. إلا أنا ( شاف فيها باستغراب و ضحكات ) هههههههه هو نتمناو ربي يرزقنا بالخلقة التامة و لكن ما كرهتش وليد و الله
ياسيين:( ساهي فيها ) أصلا نتي ماشي بحال لبنات .. نتي جوهرة ( باسها فيديها و هز عينيه فيها غامزها ) اسم على مسمى
جوهرة:( ضحكات بخجل و بدلات الكلام باش تلف الحشمة ) ما سولتينيش علاش ؟ ( غمزها باستفسار و كملات ) حيت خواتاتي أنا لي كبرتهم مع ماما و خصوصا بشرى كانت كتبات معايا .. حاضية معاها و نفيق معاها فليل ( شافت فيه بحماس كتعاود ) كنحمااااق عليها و الله بحال بنتي و كثر .. درت معاها لي دير أي أم مع بنتها حيت ماما ولداتها فوقت كان خطر عليها بزاااف و عياات نيت حتى بشرى كانت كتعيطلي ماما ههه تا كبرات و بدينا كنفهموها عاد عرفاتني ختها ماشي ماماها ههه
ياسيين:( تبسم ) عليها قطقووطة داك البنووتة واخا ديما خارجة فعوودي هههه قولي الناس داروا السطاج فالأموومة قبل
جوهرة: هههه اييه و نتا ؟
ياسيين: مالي أنا ؟ ( ضحك ) ربيت راسي الله يجعل شي بركة
جوهرة: لا بصح .. علاقتك نتا و زينب زوييينة بزاااف و حتى مع ابتسام و لكن زينب كثر .. كتجيني بحال بنتك
ياسيين:( جبدلها حنكها ) هاذ الساعة عندي بنييتة وحدة هي نتي اما بنتي لولة عطيتها لراجلها ( سهى و قال ) زينب يا زينب .. عمرك شفتي جوج خووت دايرين الراس فالراس و ما كيتفراقوش كاااع .. واخا كنت كبير عليها ظيما مشاركاني فمصائبي و ما تسمعيش مصائب تقولي غير ديال دراري صغار ؟ ديكشي دالله يعطيك صحيحتك .. ما كذبتيش كانت بحال بنتي و كثااار .. أكثر وحدة بكيييت عليها فالغربة ( شافت فيه باستغراب و قال ) جاتك عجب نبكي ؟ هههههه ما جيتش و كنت هاكا بسهوولة .. بكييت تا نشفوا دمووعي .. صافي رجعنا صخرة ( قلب عينيه و تنهد بطريقة خلات جوهرة هي لي تبكي و عنقاتوا مزيرة عليه )
جوهرة:( عينيها مدمعيين ) سمحلي عاافاك ما بغيتش نجبد هاذ الموضووع و الله
ياسيين:( بعدها و مسحلها دموعها ) غنضربك ا جوهرة بالله مالك على هاذ الدمووع ؟ عادي غير كنهضروا لواحد هو لي يكون مفتاخر بالماضي ديالوا و يهز راسوا بيه .. مهم كيما قتلك زينب من ديما عزييزة و درويشة حتى هي .. ما ربيتها ما رباتني كن بقيت معاها غنخرج عليها ( جاتوا الضحكة ) و ناااري على ايااام فاش فكرتيني .. أما ابتسام فاش رجعت لقيتها كبيييرة و مزيودة .. و بقيت مدة عاد ولفت عليها و ولفاتني
ياسيين:( فوه فموا بدهشة ) أنا كنت حاكر عليك ؟ ( حركات راسها بااه ) لهلا ينزل علينا بااطل اختي ( هز جوج صباع و حركهم بحال كيتحلف ) راه نتي لي طبيعتك كانت ديال العصا
جوهرة:( صغرات عينيها ) و راك ما قصرتييش نيت ، غير نتا كتضرب بلسانك تا كتسيل الدم
ياسيين:( ضحك و مد يديه خمجلها وجهها ) قاسح حسن من كذاب ، على الأقل هضرتي ما مشاتش فالخوى و تبدلتي بزاااف على لول .. للأفضل أكييد .. دابا متأكد قاادرة توقفي على رجليك بووحدك و حتى واحد ما يديرها بيك و حتى يلا وقعات شي حاجة ما غتسكتيش على حقك و غتواجهي مولاها بقوة ، بعدا نكون درت شي حاجة زويينة فحياتي و حتى يلا مشيت قلبي يكون مرتااح عليك
جوهرة:( كانت مبتاسمة تال الجملة الأخيرة و قلبها تزير قالت) كيفاش تمشي ؟ فين غتمشي ؟ ( بحدة ) ياسيين ما تقولهاش حتى بالضحك .. إلا هاااذي .. شكوون قالك أنا قوية بلا بيك ( الدموع فالبلاصة تغرغروا فعينيها و صوتها تخنق )
ياسيين:( تبسم و زدحها مع صدروا ) زعما راك مؤمنة و عاارفة لموت علينا حق
جوهرة:( حركات راسها بلا و زيرات عليه ) يلا مشيتي نتا حتى جوهرة غتمشي .. غنمووت فبلاصتي اياسيين ( شهقات و دموعها راه نزلوا ) عافاك سد هاذ الموضووع ما نقدرش حتى نتخيلوا .. حرام عليك باغي تخليني بلا نعااس ..
ياسيين:( مد يديه كيمسحلها دموعها ) صافي احبيبة غير كنهضروا
جوهرة:( خذات يديه و باستها تحت عينيه المصدومين ) تجي فيا و ما تجيش فيك .. ما نقدرش نصبر دقييقة بعدك ا ياسيين ( شهقات ) ما تبقاش تقولي بحال هاكا
ياسيين:( تنهد و جر يديه عندوا .. عنقها مزير عليها و قال ) ما قتلكش غنموت ( تبسم ) بااااقي غنبقى معاك حتى نخرج فيك الشيب لزرق
جوهرة:( ضحكات بين دموعها ) ههه كلشي منك مقبوول .. غير عافاك ما تهضرش على المووت
ياسيين: لا بالمعقوول دابا ا جوهرة سمعيني مزياان ما غنعاودش هضرتي فهاذ الموضوع مرة أخرى ، باش تكوني على بال و نسدوا علينا هاذ الكآبة
جوهرة:( تهزات بشهقة غير مجرد الفكرة ديال تفقدوا و يتدفن تحت التراب كتخلي دموعها يسيلوا بوحدهم و قلبها يضرب بالجهههد ) هئ واخا
ياسيين:( دوز على شعرها بحنان ) يالاه سكتي و سمعيني ( بقى حاضيها حتى مسحات دموعها و شافت فيه بلطف ) واخا .. منين تجبد موضوع الموت .. أنقولك ا جوهرة أنا واحد السيد لي واااقعي و بزااف كااع .. الدنيا حتى واحد ما ضامن حياتوا فيها .. ليوم كاين و غذا تبقى غير معاودة لا غير
جوهرة:( بنبرة بكاء ) الله يحفضك و يطول فعمرك و يخليك ليلي
ياسيين: أميين يا ربي .. المهم فرضا لو وقعات شي حاجة ا جوهرة .. نبغيك تكوني قوية ما تقوليش بلا بيك غنموت و ضعيفة .. ما نرجعش نسمع هاذ الكلمة ( شاف فيها بحدة ) نتي قوية كتسمعي ! ما عندكش من غير جوج دالاختيارات يا ضعيفة و لي جا يدوز عليك يا ثابثة على الصح و واقفة وقفة وحدة .. ماشي دوزنا هاذشي كاامل باش من بعد تقوليلي بلا بيك ضعيفة و محتاجاك ( تنهد و مد يديه زير على راسها بين كفوفوا ) نتي أقوى من أي وحدة شفتها فهاذ الكون .. قبل ما تديري حتى تصرف ا جوهرة فكري بعقلك .. الخطوة حسبيلها ميات حسااب ماشي أي واحد باغيلك الخير و ماشي أي واحد باغيلك الشر .. خاصك ديري فبالك الانسان بطبيعتوا أنااني فينما كان عندوا الخير غيزطم عليك بلا ما يتسوق نهااائيا .. و نتي بعقلك ما تخليش ليهم الفرصة ( شاف فيها بحب و هي عينيها مغرغرين بالدموع ) راسك عمرك تنزلييه لحتى وااحد فهاذ الدنيا .. شكوون ما كان يكوون .. و يااااك ثم و ياااك .. ديما ديري الحدود مع بنادم و باني صفحة غااامضة حيت يلا مشى حتى شدك من يديك لي كتحرقك و عرف نقط ضعفك .. فأول مشكل غيلوحك بيديه للعافية بقلب باااارد
جوهرة:( حاسة براسها غتنهاار ) واخا
ياسيين: العائلة و موحال تعتقك .. و الله يحسن العوان .. اليد لي كتمد تعيى و لي كتاخذ لا .. على هاذشي باغيك تقراي و توصلي لديكشي لي كتحلمي بيه .. ما تحتاجي لحتى واحد واخا انا ( تنهد ) و من غير هاذشي كاامل ما غنخليك تحتاجي لحتى وااحد .. المشرووع ديال مراكش بقالوا غير شي شهوورة و غيكون كمل .. داك الساعة غتطلعي معايا غنكتبوا فسميتك ( شافت فيه بدهشة و كمل ) الفكرة فكرتك و كن ما كنتي مووحال نزعم و ناخذوا ( طلق منها و وقف فتح الماريوا كيقلب فوراقوا جبد واحد لاكارط و مدها لها تشوفها و رجعها لبلاصتها عاد قال ) هاذ الكونط بسميتك من غير لي كتهزي منو دابا .. هذا كل شهر كنسطوكي لك فيه شي حاجة دالفلوس .. و دابا تجمعات بركة غتعاونك بزااااف .. عقلي على البنكة و سميتها .. الكود بسميتك " جوهرة " غتبقى حاجة وحدة سكنة .. هاذي غنفكر فيها من بعد .. و حاجة أخيرة ما تسمحيش فحقك نهااائيا و يلا شي نهار عييتي و بغيتي معامن تهضري سيري عند كريم .. الوحيد لي نقدر نقولك هضري معاه بحال كتهضري مع نفسك .. صافي ؟
جوهرة:( شافت فيه و كاع داك البكية لي كانت شادة طرطقات و قال بحزن ) علاش حاساك كتودعني ا ياسيين و الله حتى حرااام عليك ما ديرش فيا هاكا .. شكون قالك أنا باغى شي فلوس و شي جاه ؟ غير كاس داتاي مع الخبز و فين نحط راسي نعس و تكون معايا هذاك هو الفضل كااامل ( عنقاتوا بكل جهدها ) ااااخر مرة تعاود تهضر معايا فهاذ السيجي و لا و الله ما نعاود نهضر معاك ( نزلوا دموعها فصمت ) الله يخليك ليا أ روووحي ( هزات راسها و باستوا بكل حب و حطات جبهتها على جبهتوا )
ياسيين:( تبسم و مسحلها دموعها بهدووء ) صافي هانا سكتت .. مهم بغيت كلشي يكون فبالك باش لا قدر الله .. ما نمشيش و نخليك مورايا ينهشوا فيك ( سكت شوية و قال ) كنبغييك المشييشة
جوهرة:( شافت فيه بفرحة .. كتفرح فكل مرة كيقولها .. غالبا ما كتجي فوقتها و كتحس بطعمها بصح .. فرق كبيير بين تسمعيها يوميا حتى تحماض و بين تسمعيها مرات معدوودة فوقت كل جوارحك محتاجاها ) كنموووت عليك
حيدات ليزار و ناضت جلسات فوق منوا عريانة و تحنات كتقبل فيه بكل حب تا هو استاجب لرغبتها فالبلاصة و كاع داك البكى نساتوا مع لمساتوا و كلاموا لي كتحس بيه كيمس قلبها بقووة و بالفعل العلاقة الجنسية نووع ثااني من الحب .. تقدر توصلك شحال من حاجة لسان ما قادرش يوصلوا .. مشااعر كثيرة اجتاحتها معاه .. دازت لييلة طوييلة معااه ما نعسات لا هي لا هو .. مرة يقلبها خو مرة تجروا عندها هي نيت .. حتى عياااو بجووج و طاحوا ناعسيين بتعب
صبح الصباح عليهم على صوت التيليفون .. مغمضة جوهرة عينيها و كتحرك فياسيين يسكتوا
ياسيين: غتقلبي عليا و لانقلبك ؟ ( رجع نعس )
جوهرة:( ساطت و فتحات عينيها منفوخين جراتوا عندها و جاوبات دايخة ) نعام أ وئام
وئام: ايوا و فاش جا بابا ينوض قتلوا راه كريم عيط عليا نخرجوا أنا وياه و ماما و الواليدة ديالوا نشريوا الجهاز و داكشي لي غنحتاج .. ايوا و هي تقولي دابا كريم غتتزوجي بيه ياك ؟ قتلها ااه احبيبة .. قاتلي بحال عموا ياسيين و جوهرة .. قتلها ااه ! ( سكتات )
جوهرة: واا كملي
وئام: ايوا و هي تقولي و حتى نتي كريم غيديرلك بحال عموا ياسيين مع جوهرة يلا درتي ليبيتيز ؟ ايوا يا ختي انا ما فهمتش و جاوبتها على نيتي مالوا شنو كيديرلها ؟ جات هي قالت قداام القوم الغفيير كاامل .. تيعضها من شنيفاتها مسكينة خيتي لبارح شفت عموا كيديرلها ديدي ف فيمتها و هي كتقولوا احح و كيزيد يقسحها .. أنا ما نبقاش ندير ليبيتيز كااع و الله و شدات على فمها و خلاتنا حنا حالين فمنا مصدوومين و كاين لي وحلات ليه كااع اربي ما قدرتش نصبر انا بعدا ههههههههههههههه
جوهرة:( شدات على فمها ) ميييمتي على خواتاتي غير الكوفرة لختها .. ميييمتي شوهاااتني ( ضربات حناكها ) اويلي على كيعضها ف فيمتها
وئام:( ضحكات حتى شبعات و قالت ) دابا شنوو ندوزوا موراك فالعشية تمشي معانا
جوهرة: لا اختي رااجلي يلا عتبتها كيديرلي العقوبة و يعضني من فيمتي و واخا كنقول احح ما كيحبسش بغيتيه يعضني ( جاتها الضحكة ) بعدي مني اختي خرجاات عليا .. خليني نهضمها و نهضروا
وئام: ههههه واخا سيري سيري ( قطعات معاها )
ياسيين:( متكي على الكادر و عينيه ناعسيين ) أجي نعضك اختي ما طلبتي غير لمووجود
جوهرة:( شافت فيه ) لكبار دالعائلة كاااملين جات حداهم و طلقاتها قد راسها ( شدات فراسها كتويل )
ياسيين:هاذ ختك خصها السودانية لداك الفم يالاه تجمعوا شوية .. لبارح كتبكي و ليوم دايرة بيها بوق ( هز حاجبوا فيها و جرها عندوا تكى على حجرها ) لعبيلي فشعري ننعس و براكة من التوياال .. مالهم هما باش ولدوك ؟ ياكما بالدعاء ؟
جوهرة:( كتلعب ليه فشعروا و التزنيكة طالعة معاها ) واخا هكاك عرفتي شنوو دارت و لا ما عرفتيش
ياسيين:( قلب عينيه بملل ) راه باك نهار لول عطاك ليا و عارفك جايا التكواي غا هني بالك و مك ليل كامل و هي هازالك الهم كي غتصبحي .. غا بنادم كيكذب لكذبة و يتيقها .. مالنا مزوجين باش نحطك كادر نبقى نتفرج فيك ؟
جوهرة:( تنهدات ) وا صافي دابا لي عطى الله عطاااه .. وئام بغاتني نخرج معاهم فالعشية غيخرجوا يشريولها الدهاز هي و ماما و كريم و ماماه .. نمشي ؟
ياسيين:( فتح فيها عين و قال ) شفت القرايا نسيتيها لوالديك ( شحطها لفخضها ) راه ما بقالك وااالو .. جلسي حتى ما يبقى والو و بداي تدمعي عليا
جوهرة: و ياك لأساتذة لي عندهم عطلة هاذ السيمانة .. غير تكمل و يرجعوا عندي
ياسيين: صافي هما ما كاينينش تجمعي يديك ؟
جوهرة: وا نرتاح حتى أنا شوية و ما تخافش راني موووجدة و كنحفظ و نخدم بليل و النهار
ياسيين: خليني ننعس حتى نفيق و نشوفوا هاذ الحفاظة ديالك كي دايرة و يااا ربي نلقاك كتكذبي
جوهرة: و يلا لقيتيني حافظة يالاه ؟
ياسيين: نديك لبارك دسندباد فكازا تفوجي و ترتاحي لك مزياااان حتى تنساي السطريس و ما يجي منوو .. يالاه بيني ليا
جوهرة: صافي مشاات .. يالاه تكى حتى أنا ننعس شوية باقى داايخة
واقفة فالكوزينة لابسة عليها بينوار سخوون مكمشة فيه و كتقضي شغالها بالشوية عليها بلا صداع باش ما تفيقش ياسيين لي باقي جاابد عليها حتى كملات و طفات على البوطة و خرجات كتمسح فيديها .. دازت هزات التيليفون و صونات على ختها لي جاوبات فالبلاصة
جوهرة: وي وئام ! قتلك واش باقيين خارجين ؟ شفت الجو تقلب و الشتا خيط من السما تبارك الله
وئام:( تنهدات ) و لاهيلا يلا خير ربي كيطيح .. ااه خارجين الزين .. لعشية غيدوز مورانا كريم .. تا هو يمكن غيجي بوحدوا .. صافي يلا ما صلاحش لك بلا ما نعذبك معايا فهاذ الجو
جوهرة: كنا غنخرجوا حنا براسنا و لكن راكي شفتي الجو يلا صبح غذا مشمش شوية نخرجوا غير أنا و ياك و ماما يلا بغات ناخذولك كاع لي تحتاجي ضرووري دقة وحدة
وئام: ان شاء الله و أصلا باااقي الحال على العرس
جوهرة: وي عرفت ( سكتات شوية و قالت ) وئام ما هضرش معاك على قضية السكنة ؟ زعما من هنا للعرس واش غتسكني معاه و لا كيفاش ؟ راه باقيلكم تقريبا نص عام باش ديروا العرس و هو زربان على العقد ! كي غاذي ديرولها ؟
وئام:( بقات ساكتة كتخمم ) و لااااهيلا !! أنا راه ما فكرتش هاكا و ما سولتوش أصلا .. عوالة نضرب العقد و نجلس فدارنا حتى نعرس !
جوهرة: و هاذشي لي خاصوا يوقع من الأصل ! هضري معاه و فهمي منوا .. راه ما جاااتش تتزوجوا و تسكني معاه و مور 5 شهوور عاد ديروا العرس و فرضا حملتي ؟ تبرزي بكرشك لفمك ؟
وئام:( قالت بالزربة ) اوييلي لاااا لااا لااا ما تفهميش الموضووع غلط حنا غير غنضربوا العقد و صافي ( باقناع لراسها و لجوهرة بجوج ) هو ما غيدخلش عليا دابا .. اويلي لا .. ما يقدرش أصلا !
جوهرة:( جاتها الضحكة ) كيفاش ما يقدرش ؟ راه نتي لي فاهمة الموضوع غلط ماشي أنا .. هضري مع السيد و تفاهموا .. يا ايما العقد يتأجل تال القاعة و تضربيه تما .. يا ايما العرس يدار فالسيمانة لي مور هاذي ما حد خوتوا كاينين و ديروا كلشي دقة وحدة
وئام: و يكفي الوقت زعما ؟ و لكن هو هضر حتى على ماماه باش تكون مرتاحة ساعتها و شدات صحتها شوية
جوهرة: الوقت كاااافي و معدي لهييه .. غير ياسيين راه يتكلف ليكم بكلشي .. غيبقى لك غير النكافة و لباسي لي غتلبسي و الكوافورة .. يعني داكشي دالعيالات لا غير و كريم يلا غيوجد شي حاجة لراسوا ( تنهدات ) المهم يلا غتسمعيلي و تديري بنصيحتي تافقوا على وحدة من الحلول .. أما داكشي لي دايرة فبالك غير بلا ما تعولي عليه .. العقد هو الأساس راه غيتضرب !
وئام:( تخلعات و دخل معاها الزايد ) بلا ما تخلعيني ! أنا باقي ما جاهزة نفسيا .. لا لا هاذشي ماشي معقول !
جوهرة:( تفكرات ليلة دخلتها و لحمها بوورش عليها ) هههههه وا هي يلا مشيتي و فكرتي مزياان فهضرتي
وئام: واخا صافي بسلامة ( قطعات معاها )
وقفات جوهرة كتنفض راسها و كتضحك حتى دخلات للدوش توضات و خرجات للصالون هزات القرآن لي محطووط وسط الطبلة فكادر مذهب ديالوا .. باستوا و فتحاتوا كتقرا فيه و تجود بصووت دااافئ كيخلي اي واحد سمعوا يتبوورش و يمس الأعمااق دياالوا
ياسيين:( خرج كيمسح فوجهوا قرب من حداها .. سمع صوتها و قال ) ما شاء الله .. الله يبارك فيك
ما جاوباتوش بقات كتجود و هو حداها كيسمع ليها مخشع معاها حتى كملات و شداتوا و باستوا و مداتوا لياسيين
جوهرة: هاك يلا بغيتي تقرا شوية على ما يوذن الظهر نصليوا و نحط الغذا .. شفت الشتا الجو ماشي ديال الخروج
ياسيين:( حرك راسوا و خذاه من عندها ) وي شفتوا بدات القضية تبرد .. هذا وقتوا أصلا تعطلات الشتا هاذ العام
جوهرة: الله يعطيهالنا قد النفع ( يالاه جات تنوض و تسمع صوت الأذان أما ياسيين فتح المصحف كيقرا فيه مدة لا بأس بيها عاد جمعوا .. شافت فيه و قالت ) تصلي بيا ؟
ياسيين: ان شاء الله
جوهرة:( وقفات بفرحة )واخا أنا جايا
غبرات مدة حتى تمات راجعة باسدالها فالأبيض الناصع ساتر جسمها كامل .. كيبان فيه غير وجهها الملائكي و عينيها لي كيبريوا بفرحة .. لقاتوا فرش السجادات و كيتسناها .. غير وقفات موراه بدا كيكبر باش يقيم الصلاة و هي متبعة معاه و لحمها كلوا مبورش .. بحال أي مرة كيصلي بيها .. كيجيها احساس فشششكل مستحيل تعرف توصفوا
💫💫 بعد أسبوعين 💫💫
من بعد عدة مشاورات اتافقوا بلي العرس غيتدار فالوقت لي اقتارحات جوهرة .. و بهذا دازوا الأيام غير فالجرا و التوجاد للعرس حتى حد ما جالس .. كلها و باش تكلف .
نزلات وئام هي و كريم و الاباء ديالهم بجووج .. دخلوا عند العدول للمكتب ديالوا باش يتكاتبوا .. دازوا المعاملات بشكل عااادي جدا .. من بعد موافقتهم و سينياتور قال
---: مبرووك عليكم ا سيدي .. الله يتمم كلشي بالخير .. بالذرية الصالحة ان شاء الله
كريم:( شاف فيه بابتسامة مزينة ثغروا ) أميين يا رب شكرا ( قلب عينيه لوئام لي الضحكة فالتة ليها و مزنكة ) مبروك علينا
وئام:( بصوت خافت ) الله يبارك فيك
وقفوا سلموا على واليديهم و خذاو بركتهم و خرجوا مجموعين كيهضروا مع وئام لي مزنكة و حشماانة منهم على ما يجي كريم لي بقى مع العدول كيهضروا ..
كريم:( شاف فوئام ) مشينا ؟ غيكونوا كيتسناونا !
وئام: واخا يالاه
ودعوهم مخليينهم كيهضروا على العرس لي بقاتليه يوماين .. الغذ ليه الحنة و بعدوا الفرحة لكبييرة .. أما العرسان فراه شدوا الطريق لدار ياسيين .. لي كانوا كيتسناوهم داير ليهم العراضة عندوا .. مسافة الطريق و وصلوا .. فتحاتلهم جوهرة الباب بابتساامة
جوهرة: صلاااااة و سلااام على رسووول الله إلا جااه يلا جا سيدنا محمد يوووويووويووي ( عنقات وئام كضحك ) مبرووووك احبيبتي .. خويا مبروك عليكم
ياسيين:( سلم على كريم تا هو ) مبرووك العود ( شاف فوئام كيضحك ) مبرووك عليك البريهيشة
وئام و كريم : الله يبارك فيكم
جوهرة:( طارت هزات بلاطوا فيه الحليب و التمر و وقفات قدامهم كضحك ) يالاه تفضلوا بلا ما نعرض عليكم ( غير كلاو حطات لبلاطوا جنب فوق الدربوز و هزات مريشة ديال الزهر كترشهم )
كريم:( تزنك و حشم ) ختي جوهرة راني غنضساااار ما مولفش بها الاهتمام كاامل .. غنولفوا و توحلوا فيا غير نتوما
ياسيين:( ضحك ) وجه الزلط ماشي دالصواب .. تحرك دخل راك عارف الدار
ياسيين:( بطنز ) غير كنديرولك الاستقبال الأخير .. بانلي مووحال يصبح عليك الصباح هاذ ليلة
كريم: هههههههه لا غيصبح مضضضخم ( شاف فوئام لي غير كتشوف و ساكتة .. غمزها و دخل كيضحك و تبعوا ياسيين )
جوهرة: هههه دخلي ا وئام مالك حشمانة اناري ؟
جراتها من يديها معنقاها جنب و دخلوا جلسوا كاملين فالصالون لي متول و مقاد بطريقة تقليدية جميلة و عاطية منوا ريحة العوود الأصيلة
كريم:( شاف فوئام و قال ) اجي احبي حدااياا تعاالي البنية
وئام:( شافت فيه مزنكة مخرجة عينيها فيه )
كريم: وا تي تعالي ( جلسات حداه و شاف فياسيين كيهزهز ليه حجبانوا بالضحك ) ها حنا تزوجنا ... ما بقى عندك باش تفقصنا
ياسيين:( شاف فجوهرة و قال ) كاين طوون و كاين ايزاابيل ( غمزوا كيضحك )
وئام:( هزات حاجبها ) يااك ا خويا ؟
ياسيين: لا لا ما هضرتش عليك نتي .. بصفة عاامة و صافي ! بالنسبة ليا ما كاينش بحال جوهرة و بالنسبة لكريم ما كاينش بحالك .. يعني كل واحد و كي كيشوف الأمور .. ما تفهميش غلط .. ما قصفتكش ( هز يديه بجوج كيضحك )
كريم:( هز حاجبوا كيضحك ) لا ا ختي جوهرة الموضوع فيه إن ! ااش درتي لخوويا ؟ غير اعتاارفي .. السيد بقالوا شوية يولي عنيييبة
وئام:( ضحكات ) اييه عطيني السر ا جوجو نتعلموا منك
ياسيين:( شاف فيها ) هههه يالاه عطيهم السر ( تزنكااات و ناضت من حداهم هاربة .. ضحك ياسيين و قال ) هذا هو السر بالتمااام و الكماال
ياسيين:( حرك راسوا بلا حول و شاف فكريم ) ها لي قلنا .. ااش درتي فالبنت ؟
كريم: و الله ما درت شي حاجة ا خويا .. أنا دخلني الشك فيها وقفات على الصح يمكن و هي تفلاشى ههههههه
ياسيين:( ضربوا فوق ركبتوا و قال ) واا زير السمطة الكبييدة ( غمزوا ) ربط تلقى ما تطلق
كريم: هههه واخا الحبيبة ما يكون غير خاطرك
وئام:( وقفات على جوهرة بحال ملاك المووت و قالت ) كحححححلتها
جوهرة:( خلعاتها قفزات حتى ضربات راسها مع الفران و شداتوا ) ايييييي
وئام:( قبطات فيها ) سمحيلي سمحيلي ما سحابليش غنخلعك احح نااري واش مقسحة ؟
جوهرة:( كمداتها و سكتات ) صافي ما عليش .. مالك نتي ؟
وئام: أنا كحلتها ا جوهرة كحاااالتها
جوهرة: اويلي علاش ؟
وئام: كنا جايين عندكم فأمااان الله و حفضه حتى قالك سي كريم الغزال ( جمعات فمها بحال باغى تبكي ) هضر مع بابا باش ليوم نبات معاه و غذا فالصباح يجيبني لدارنا باش نوجد للحنة فالعشية
جوهرة:( ضحكات ) ياكما نمشي نبات معاكم اويلي ! منين ما باغاش قوليلوا راه ماما خصها العوين و كدا .. ما جاتش نخليها بوحدها
وئام:( كتمشي و تجي قبالتها ) نتي عارفاني ما كنعرفش نتصرف فهاذ الأمور كنتخربق يا كنعورها يا كندير يدي و دابا باش ما نعورهاش سكت ( شافت فيها كترمش فعينيها و حطات يديها على فمها كترغب ) المييييمة لقاايلي الحل كيفماا كاان مهم ما نمشيش معااه
جوهرة: اويلي راه رااجلك ا صاحبتي .. واخا تشوفينا هاكا أنا ما مضاسراش معاه و كنحشم منوا ما نقدر نقولوا والو
وئام: إذن قوليها لراجلك نتي يهضر معاه نبات معاكم كااع مهم ما نمشييش
جوهرة:( شدات حنكها ) ياسيين يلا قلتها ليه غيضور فيا ندخل سوق راسي ( شداتلها فيديها لقاتها بااردة كتقفقف و جراتها عنقاتها عندها ) ششش صافي بردي أنا نلقى لك الحال غير تهدني
وئام:( صوتها مخنووق ) بغييت نمشي عند ماامااا
جوهرة:( بزز شدات الضحكة باش ما تطلقهاش فوجهها .. دوزات يديها على ظهرها و بقات ساكتة حتى بردات و قالت ) شوفي راني حااسة بيك و كنت كثااار منك ( هزات حاجبها ) عقلتي شحال ضحكتي عليا و طنزتي !؟
وئام:( مغبنة ) عاااد حسيت بيك
جوهرة:( حركات راسها بالنفي ) لا ما غتحسيش بيا .. نتي بعدا كريم كتعرفيه من مدة و كتهضروا و ضحكوا و تدابزوا .. يعني عاارفة شخصيتوا نوعا ما .. ماشي بحالي نهاائيا ( حركات يديها بهدووء ) و هانا حداك دابا ما ناقصني لا يد لا رجل .. مرتاحة و هانية ( طلات على الباب تأكدات حتى واحد ما كاين و قالت ) راه ما صعيبة غيير البدية .. حاولي ما تتخلعيش و ترخفي على راسك شحال ما تزيرتي شحال ما غتتقسحي .. أنا ما لقيت حد لي ينصحني عليها كنقولك ما ديريش غلطتي .. رخي راسك ليه و خليه يدير داكشي لي خاصوا يدار باش نتي ترتاحي و يرتاح حتى هو ( بعدات من حداها مزنكة ) صافي ؟
وئام: صاافي و لكن لقايلي الحل عافاك .. مهم ماشي دابا حتى يدوز العرس ( زفرات بحرارة )
جوهرة: وا صافي هضرنا أنا نشووف شنو ندير غير فكيها .. راك عروسة زعما .. راه باينة فيك ما مرتاحاش
وئام:( هزات كاس دالما شرباتوا و جلسات حداها ) صافي انا غنبرد ما عندوا ما يوقع أصلا عاادي جداا
جوهرة: هكاك الله يرضي عليك ( شافت فيها بفرحة و حمااس ) غذا الحنة احيييه
وئام:( ضحكاتها ) ههههه اييه غتحني معايا ياك ؟
جوهرة: ششش هضري بالشوية .. يلا سمعنا و الله ما يخليني نجي
وئام: اويلي !
جوهرة: أنا لي عارفاه .. واحد الكعرار منوا ما كاين .. عدووه الحنة .. شفتي كريم نهار تزوجنا قالي واحد الجملة عاااد عرفت قيمتها
وئام:( ضحكات ) ااش قالك ؟
جوهرة:( جمعات فمها بحال النقطة ) كنت غنحني و سولني واش ياسيين خلاني ؟ قتلوا ااه .. بقى كيضحك و جاوبني ب نستاغل هاذ الفرصة مزيااان ما حدوا حشمان مني و مخليني نديرها .. جا ياسيين رد و قالوا هانية خليها تحيد منها خاطرها لآخر مرة ! و أنا مي الضبعة كنضحك حداهم
وئام: ههههه واش ما بغالكش تحني ؟
جوهرة:( رمشات عينيها ) لا ما بغاش عيت نرغب و والو ! و يلا ما درتهاش انا لي غيتسوطالي شي عرق فالراس ( ساطت ) اوووف و الله حتى بغيييتها ا وئام .. حاسة براسي غنحماااق يلا ما درتهاش ( بحماس جبداتلها تيليفونها ) عرفتي من البارح و انا نقلب على شي نقشة زويينة نديرها .. شوفي هاذي كي جاتك ؟ زوينة ياك ؟ ( دوزات لسانها على شفايفها بخفة ) أنا بعدا حمقاااااتني و الله ( شافت فيديها بفرحة ) كنتسنى غير فوقاش نديرها
جوهرة: ديكشي لي بانلي حتى أنا ( ضحكات بحال الفارة حاطة يديها على فمها ) غنحطوا قدام الأمر الواقع بزز منو يتقبلها
وئام: شكون ؟ واش ياسيين هههه ؟
جوهرة:( حركات راسها بااه ) مم موول خيمتي
تحط الغذا على حقوا و طريقوا مرحبة بيهم دايرة فووق جهدها ما خلات ما وجداتليهم و قادات .. و هكا دازت عندهم العشية مجمعين بربعة بيهم بحال أي عاائلة .. صوت ضحكهم مسمووع منيين لين
كريم:( شاف فالساعة و رجع شاف فوئام ) هذا هو الوقت .. الله يجعل البركة
وئام:( غير سمعاتوا تزاد معاها الزايد خرجات عينيها فجوهرة كتغمز فيها تهضر و ياسيين كيشوف فيها و يقلب وجهوا باش ما يضحكش )
كريم: شكرا بزااف ا ختي .. الله يكبر بيك و سمحيلنا على العذااب
جوهرة:( بابتسامة ) مرحبا الله اودي .. الله يسرلكم ( جبدات شالها و قالت ) احم غير هو عندي واحد الطليبة منك
كريم:( باستغراب ) مرحبا !
جوهرة: ما كرهتش وئام تبات معايا هاذ ليلة ( تبسمات بلطف ) بغيت نشبع منها شوية .. دابا ولات محجووزة .. قلت نفوز بهاذ الفرصة قبل من العرس يلا جات على خاطرك اكيد !
كريم:( حشم يقولها لا .. شاف فوئام و قال ) باغية تبقاي ؟
وئام:( شافت فيه ببراءة ) يلا بغيتي !
جوهرة و ياسيين حاضيينهم و كيضحكوا فسرهم .. هما لي فاهمين الفيلم صح صحييح ..تا شاف كريم فيهم و وقف
كريم: واخا ماشي مشكل .. شكرا مرة أخرى و تصبحوا على خير
جوهرة: مرحبا حتى نتا شكرا بزاااف
ودعوه حتى مشى و رجعوا جلسوا مجمعة وئام مع ختها و ياسيين فالبيت جمع صاكوا د سبور و خرج عندها جات عندوا و قال
ياسيين: أنا مشيت للاصال شي ساعتين هكاك و انا معاك .. نجيب شي حاجة فيدي ؟
جوهرة: ااه ( مصات شفايفها ) بحال علمك الله تانا كنت غنقولك خرج دوز للكزار جيبلنا كبييدة و قليب نشويوهم و ما تعطلش صافي
ياسيين: يخليلي كبيدة و قليب ( ضرب يد مع يد و خرج كيضحك )
بعد ساعات قليلة كان طاح الظلام و دخل ياسيين هاز فيد صاكادوا و فاليد الثانية ميكة فيها لي وصات عليه جوهرة .. حطهم لها فالكوزينة و داز للحمام حط حوايجوا فالسلة دالغسيل .. عاد ضرب عندهم للبيت فين جالسين
جوهرة:( بفرحة ) جيتي .. كاع ما حسيت بيك ! ( شافت فيديه بلهفة ) جبتيلي ديكشي لي قتلك ؟
ياسيين:( جمع حواجبوا و قال ) شنو قلتيلي ؟
جوهرة:( نزلات شفايفها بحزن ) كبييدة و قليب ! ما جبتيهمش ؟
ياسيين:( ضرب على جبهتوا و رد ) بففف نسييييت ! صافي تال غذا و نجيبهملك
جوهرة:( الدمووع تغرغروا فعينيها و قالت بنبرة مقجووجة ) و انا من قبيلة و انا نتسناك على كبيدة علاش تنساها ! نبقى تال غذا كنتسنى حرام عليك علاش تنساها علاش ( فلتات لها البكية ) هنننهن اصلا كنت عارفاها
وئام: اويلي ا جوهرة ! صافي ماشي مشكل .. ها لداند نديروهلك مشوي كي بغيتي .. تال غذا و خوذيها يلا شهوتك فيها .. دابا كلشي غيكون ساد
جوهرة:( شافت بعويناتها الفازكين فياسيين لي مصدوم فيها و ندم كاع لاش ضحك معاها ) كيسدوا غير فاش كيرشقوا لهم .. داك نهار جبتيها مع طناش دليل ( على نهار غضبات فدارهم ههه ) خرج جيبلي من عندوا ( تعصرات تا رجعات حمممممرة و قالت بنبرة مقهوورة ) بغيييتها ا ياسيين ثلاثة دالسوايع و انا نتسناك و ما تجيبهاليش حشووومة عليك
ياسيين:( قرب منها عنقها كيمسحلها دموعها و باسها فحنكها حتى قلبات وئام وجهها مزنكة ) علاه انا نقدر ننسى شي حاجة موصياني عليها الداخلية ( ضحك و جبدلها حنكها ) غير كنضحك معاك ا حبيبة .. راها فالكوزينة ما تكوني غير على خاطرك !
جوهرة:( شافت فيه موسعة عينيها و ترسمات الضحكة على شفايفها ) حلف !
ياسيين:( مسح على وجهوا ) و الله ا لالة حتى جبتهالك
جوهرة:( نقزات و مشات كتجري ) نااااريييي
ياسيين:( غوت ) ماا تجرييش
جوهرة:( تقلات كتتمشى بالزربة و تبركم حتى دخلات للكوزينة و لقات ميكة قبالتها و هي تضحك حتى الضرسة دالعقل بانتلها و القلووبة بغااو يخرجولها من عينيها ) ياااااي ( رجعات عندوا كتعيط ) ياااسييين واا ياااسييين
ياسيين:( ساط كيستغفر الله و ناض عندها ) نعام ا جوهرة ؟ ااش بغيتي ثاني ؟
جوهرة:( رمشات فيه عينيها ) وا أنا رااني عيييت نهار كااامل و أنا وااقفة على رجل وحدة
جوهرة:( شداتوا قبل ما يرجع ) وا براكة من الضحك و الله حتى فيا الجووع من قبيلة و أنا نتسناك .. دووز عاونني شوية حتى هاذي رياضة و الله ( بقى سااكت و كيشوف فيها ) واخا جبدلي غير الفاخر و شويلي فالبالكون و صاافي
ياسيين:( تنهد ) راه كاينة ديال الضو .. بلا فاخر فهاذ ليل
جوهرة:( حركات راسها بالنفي ) لااا بغيتوا مشوي بالفااخر و نحس بيه مقرمش هكاك طبيعي ! ( دوزات لسانها على فمها و تنهداات )
ياسيين: مقرمش ؟
جوهرة: ااه مقرمش ( جراتوا من يديه ) وا دابا زيد خلاص براكة من الهضرة .. مالك وليتي نgار ؟
فتح فموا بصدمة و اكتفى غير يشووف فيها بلا ما يهضر .. دخلات ليه الشك لدماغوا أو السيدة تفلاشات ! لكن تبعها فحماقها جبدلها خنشة دالفاخر هزات لي غتحتاج و قادات المجمر و الباقي حطاتوا جنب يلا احتاجتوا من بعد .. و بدات توجد الفتيلة .. قطعات طريف ديال تووب فزكاتوا بالزيت و هزات شمعة شعلاتها بالعافية و مداتهم ليه باش يشعل المجمر .. عاد دازت كتغسل يديها و جبدات بانيوا متوسط حطاتهم فيه كتشرملهم مزياان و وئام دخلات تعاونهم تا هي كتجبد فالقطبان و تزلك .. لي كمالتوا تحطوا فطبسيل حتى يعيط عليها ياسيين منين يزند المجمر .. كاملين معاونين دغيا دغيا حتى كملوا لبنات .. مشات وئام تجاوب على تيليفونها لي كيصوني .. و بقى غير ياسيين لي كيشوي .. راد عليه لباب باش ما يدخلش الدخان للدار .. و جوهرة فالكوزينة كتدور كتقطع الشلاضة و تطيب أتاي و الضحكة مرسوومة على فمها هي و عويناتها لي كيبريوا بفرحة .. حتى بانلها الفاخر لي شايط جمعاتوا فواحد الخنشة فالجنب .. حانية عاطية بظهرها للباب كتقادها .. شوية و هي تحبس كتدور فعينيها و مدات يديها هزات طريف كتغززوا بسنانها حتى رجعوا كوووحل
ياسيين:( داخل هاز الطبسيل فيديه و كيهضر ) الشتا شوية و غتبدا تنزل .. سلكنا على شوية .. ها الشوا ديالك .. تهنيتي دابا ؟
جوهرة:( سمعاتوا و هي تقفز لاحت داكشي من يديها و شافت فيه و هي مايلة )
ياسيين: شكديري تما ؟ ( طل بالجنب بانلوا الفاخر و حط الطبسيل فوق الطبلة ) ارايه لهنا نخبعوا فبلاصتوا
ياسيين:( قربلها باغي ياكل ريتوا بالفقصة ) غنضرب مك حتى تردي عقلك ( غوت ) دااابااا خوي مساارنك .. ما محركينش منها حنا تا ترجعيه كاامل
جوهرة:( بدات تبكي ) ما نقدرش نرد أنا .. تنحس بقلبي غيخرج و غنسخف .. ياك انا لي كليتوا و صافي ما سوقكش ( خبعات وجهها )
ياسيين:( جمع يديه عندوا و ضربها مع الحيط ) سووقي ا لالة .. مزوج بمرااة و لا بداركوولا ؟ الفاااااخر ، الفاااااخر ا جوهرة !
ياسيين: مزوج بمرااة و لا بداركوولا ؟ الفاااااخر ، الفاااااخر ا جوهرة !
جوهرة:( مكمشة فالحيط و الدموع مغرغرين ) بعد مني الحكاار
وئام:( دخلات عندهم مخلوعة ) اويلي مالكم ؟ ياسيين كلشي بالهدااوة ( قربات بغات تجر جوهرة عندها .. هاذ الأخيرة لي كترمش فيها ببراءة تعتقها )
ياسيين:( بعدلها يديها ) دخلي سووق راسك ا وئام حسن لك ( جر معاه جوهرة تال الدوش و سد عليهم .. طلقلها الما و ربع يديه ) استفرغي ! شربي جافيل و غسلي مساارنك لي باانلك ديريه ! المهم غتحطي داكشي لي كليتي داابا .. يالاه طلقينا
جوهرة:( شافت فيه و تحنات باغى ترد " حاشاكم " وجهها تقققج رجعات معصووورة و ما قدراتش .. شافت فيه كتبكي و قلبها كيضرب بالجهد غيخرج من بلاصتوا ) حشوومة عليك
ياسيين:( زفر بحراارة و قرب منها شد راسها بين يديه ) نتي لي حشومة عليك باغى تصعريني فهاذ ليل ؟ من نيتك واكلة الفاخر ( وجهوا تزنك بغى يطرطق ) وا الفااخر ا بنادم .. عارفاه باش مصوب ؟ راه غيضرك نتي لولة !
جوهرة:( برجفة ) غير ذقتوا و صافي و الله
ياسيين:( طلق منها و فتح لباب ) أنا راجع ( هز جوج صباع ) نجي نلقاك خويتي
خلاها كتخشي صباعها فحلقها حتى كتخنق و تجلس تبكي و تشرب الما .. تا دخل هاز كاس د الحليب سخون فيديه شاف فيها و مدولها تا هي فهماتوا حيت مكتشربوش و ما كتحملش ريحتوا كيغيلفها .. شداتوا يالله شربات منو شوية .. طاحت على البيدي كترجع كااع داكشي لي فجوفها و ياسيين موراها جامعلها شعرها و كيعيب فكمارتوا .. حتى كملات و وقفها شادها بالشوية كيغسلها فوجهها و يبرد عليها شوية حيت بانتلوا سخفانة بزز كتحرك ..
هزها فالبلاصة عندوا مزيرها و داها لبلاصتها قادها فيها مخليها متبعاه خارج من لبيت بحزن .. غبر مدة و عاد تم راجع ببلاطوا فيه طبسل دالشوا و الخبز و كاس داتاي و شوية من الشلاضة لي قاضات .. حط البلاطوا حداها و دوز على حنكها بلطف
جوهرة:( هربات وجهها ) خليني عليك !
ياسيين: أنا جبت كبيدة للكبدة ديالي .. ياك كنتي باغاها ؟ يالاه نوضي تاكلي و تعوضي شوية
جوهرة:( شافت فيه بحزن ) طريف د الفاخر داير عليه هاذ الحالة كااملة و أنا غير دقتوا ( غطات وجهها كتبكي ) حراام عليك
ياسيين:( هز راسوا للسما كيسوط و عاد جرها عندوا بحذر جلسها فوق رجليه و مد يديه كيمسحلها عينيها ) ما تاكليهش ا جوهرة و سالينا .. يلا نتي ما كتخافيش على صحتك انا كنخاف ( بلطف خذا طريف دالكبدة و مدها لها ) ياك بغيتي كبيدة يالاه ها هي سخونة كوليها قبل ما تبرد
جوهرة:( فتحات فمها كتاكل فيها فسكات و مرة مرة تحك حنكها مع صدروا و تخمشش فيه بحال القطيطة حتى كملات و رجعات لور ) صافي شبعت
ياسيين:( باسها فوق عينيها ) شفتي دابا شحال زوينة و نتي كتسمعي الهضرة ؟ الناس كياكلوا داكشي الصحي لي يقويهم ماشي تخربيق
جوهرة:( هزات عينيها فيه مسدوودين بتعب ) أنا بغيت الكبيدة و القليب حيت مشويين فوق الفاخر ( صوتها تقج ) و نتا درتيلي داك الحالة عليه
ياسيين:( خربقاتلوا الفيزيبلات د مخوا و لا كيطلب غا تسكت ههه ) واخا احبيبة .. سمحيلي ! صافي ؟
جوهرة:( حركات راسها بااه ) واخا .. سير جلس مع وئام شوية و وريها بيتها و لي غتحتاج أنا حاسة براسي فشلت .. بغيت نعس غير شوية
ياسيين: واخا ارتاحي .. أصلا تعطل الحال و نتي نهار كامل واقفة
جوهرة: امم و خليولي القليب معاكم ما تاكلوهش كلوا .. أنا خذيت غير شوية
ياسيين:( جاتوا الضحكة و شدها بزز لاتقولوا كضحك عليا و تبدا تبكي تاني ) واخا احبيبة
💫💫 يوم جديد 💫💫
فاقت جوهرة كتكسل و تشوف فياسيين لي ناعس حداها .. قربات منوا بالشوية حتى تخشات فيه سااكتة و مدات يديها لشفاروا لي كيحمقووها كتلعب فيهم .. تا قفزها بصوتوا .. كيهضر و هو مغمض عينيه
ياسيين: ما غتهدايش ؟ ( حل نص عين فيها ) صباح الخير المشة
جوهرة:( تبسمات و باستوا فحنكوا ) صباح النوور .. كي صبحتي ؟ مزيان ؟
ياسيين:( بقى شحال كيشوف فيها ) الحمد لله !
جوهرة:( مسحات ليه على لحيتوا ) شنوا يبغي لحبيب ديالي يفطر ؟ شنو نوجدلك قيل ما نمشي مع وئام ؟
ياسيين:( تكى لوور بالشوية و هز يديه قبط فصبعوا ) لا نتي شي حاجة تما ! يا ايما درتي شي مصيبة يا ايما عواالة ديريها ! و فالحالات بجووج غتكحليها معايا ها وذني منك
جوهرة:( دورات عينيها ) حتى نديرها و يحن مولانا ( دارت يديها على فمها كضحك ببراءة و هو كيشوف فيها )
ياسيين: حاسة براسك مزيانة ؟ ( مد يديه قاسلها جبهتها ) السخانة بعدا ما طالعاش لك !
جوهرة:( جاوبات على نيتها ) لا بالعكس حاسة براسي عادية مزيااانة ! ( ضربات يد مع يد و نقزات ) ليووم الحنة .. ناري شحال فرحاااانة .. شكوون كان يقوول كريم و وئام يتزوجوا
ياسيين:( لاح لغطى نايض ) مكتااب
جوهرة: و لاهيلا و لكن جايين مع بعضياتهم .. الله يكمل عليهم .. أجي بعدا تعشيتي مع وئام لبارح و عطيتيها كاع لي تحتاج
ياسيين: وااييه ا جوهرة .. نوضي شوفيها و حطيلنا نفطروا و خليني نوجد راسي الخدمة مزيرة هاذ لايام
جوهرة:( وقفات بحماس ) الله يسرلك
دخل للدوش و هي خرجات تشوف ختها و تدوز تحط لفطور باش يفطروا مجموعين و كل واحد يمشي لشغالوا .. كملات كلشي و دخلات لبيتها جبدات ساك صغير حطات فيه ذهبها لي غتلبس .. صباطها .. مكياج ديالها لي كيوافق وجهها باش يخدمولها بيه و عاد واحد من قفاطنها لي مخيطاهم .. عاد دازت جبدات خمارها لبساتوا و قادات راسها .. وجدوا كاملين دقة وحدة و خرجوا فطروا .. غير كملوا وقف ياسيين عليهم باش يخرجوا يوصلهم و عاد يدوز لخدمتوا و ديكشي لي كان وصلهم .. نزلات وئام هي لولة و بقات جوهرة شادها بالهضرة و التوصيات .. يلا كانت الكاميرة ما تحيديش لفولار .. و بلا كاميرة بلا ما تبيني شعرك للناس .. شطحي غير شوية و جلسي .. انتابهي فالماكلة و بلا تخلاط راك وليتي غير كتركعي فالماكلة
جوهرة:( قاطعاتوا ) واا صاافي ا ياسيين تقول كتوصي بنيتة صغيرة و الله حتى فهمت
ياسيين:( هز حاجبوا ) راك بنيتة صغيرة نيت ( هز صبعوا بتهديد ) الحنة ا جوهرة هضرنا عليها و غنعاود نوصيك .. ما نشمش ريحتها فيك اطونسيون
جوهرة:( بلعات ريقها و تزنكات فالبلاصة ) لا ويلي غير تهنى مالنا دراري صغار صافي تافقنا
ياسيين:( شاف فيها بشك ) يلا مشيتي درتيها عاد غنوليوا دراري صغار ساعتها .. غتتبرهشي غنتبرهش معاك و تحملي مسؤوليتك ( شاف فيها بجدية ) للمرة الألف غنقولك ما كنحملهاش ما ديريهاش
جوهرة:( تنهدات ) صافي واخا .. يالاه بسلامة ( حتى جات تنزل و شافت فيه بخجل ) غنتوحشك
ودعاتوا و نزلات بالخف دخلات لدارهم هازة ساكها .. كانت الدنيا عاامرة بخوالاتها و عماماتها و بناتهم .. رمات السلام عليهم كاملين و دخلات للبيت عند رحمة و وئام فين شاديين عليهم
رحمة:( شافت فيها ) على السلامة .. وجدوا راسكم تمشيوا للحمام .. نتي و ياها لا غير .. ما تتعطلوش غتجيوا تلقاو لبنت كتسناكم تماكي لكم .. غتحني نتي ياك ؟
جوهرة:( بقات شحال ساكتة و قالت باقناع لنفسها هي لولة ) ااه غير شي حاجة خفييفة فيدي .. ما غتكوونش ضارة .. لا خفييفة و زويينة و لاهيلا .. دغيا تمشي .. انكون حيدت شهوتي منها و فنفس الوقت ما عيقتش .. ياك ا ماما ؟
رحمة: لي عجبك ؟ أنا غير سولتك باش نعرف على شنو نتافق مع السيدة
جوهرة: ااه غير خفيفة و تكون رقييقة ( مصات شنايفها ) عرفتي ا ماما على نقش شفتوا شحاال زويييين .. نعطيهلك توريهلها تتدرب عليها ؟
رحمة:( ضحكات ) اويلي على تتدرب عليها ؟ غير ارتاحي غادي ديرهالك كيما بغيتيها .. السيدة يديها غزاااالة تبارك الله
خرجوا لقاو كريم كيتسناهم .. حطوا حوايجهم و ركبوا .. وئام فالقدام و جوهرة لوور
كريم:( شاف فوئام و قال ) الهراابة صافا ؟
وئام:( ضحكات ) مزيانة الحمد لله و نتا ؟
كريم: بخييير ( شاف فجوهرة من المرايا و تبسم ) جوهرة كي صبحتي مع تمارة ديالنا
جوهرة: ويلي ما تقولش هاكا ما تمارة ما حتى حاجة راكم عزااز و غااليين
كريم: الله يكبر بيك ا ختي
كمل بيهم الطريق حتال قدام الصالون لي مريزيرفي للعروسة فيه و لي غيصوبولها فالعرس نيت .. لكن كيعطيوا كادوا فحمام العروسة تجيب معاها 3 دالناس فابور و بما أنها ما عندها شكون تجيب معاها من غير جوهرة فجوج بلايص ثانيين عطاتهم لعيالات خوت كريم .. لي فرحوا خاصة أنهم كيعجبوهم التقاليد المغربية بزاااف
هكا داز الصباح ما خلاو حتى وصفة كترطب و تبيض ما جربوها فيها .. كسلوها مزياان لا هي لا لي معاها ( كل جوج فحمام بوحدوا ) و ختموها لهم بمسااج .. خلاوهم كيرتااحوا و جابولهم كيسان دالعصير يعتقوا بيهم الروح ..
وئام:( شافت فيهم ) دابا لاسيغ ياك ؟
البنت: وي مادموزيل يلا كملتوا أجيوا معانا للاصال .. ها هي غير هنا ما غيشوفكم حتى حد كونوا هانية ( حيت مأكدين عليهم على موضوع الاختلاط الخ الخ بما أنهم ملتزمات )
داز النهار فالضحك و النشاط و التوجاد للحفلة لي دايرين بين العيالات لا غير .. عمروا الصالونات بالناس و بنات عيساوة مطلوقين منشطين الدنيا .. حتى تمات داخلة وئام بلبستها فالأخضر الملكي مطرزة و مرشووشة بالحجر .. محيدة لفولار دايرة بروشينغ فقط لشعرها مخلياه مطلوق على طولتوا و مكياج خفييف .. بغات تكون طبيييعية باش لغذ ليه تبهر الكل و يبان الفرق الكبير .. جلسات فالبرزة لي قادوها لها كتبتاسم بهدووء على صوت الزغاريت و الصلاة على النبي .. حتى لمحات جوهرة بقفطانها البلون كاسي و شالها فراسها مع مكياج خفييف بحال ختها .. لكن واخا هكاك طلعوا كيحمقوا بجووج بلا بشرى لي لابسة كسيوة فالغوز و طالقة الشعر تا هي و كلوز خفيف ففمها فرحاانة بيه تدوور تدور و تمشي لمراية تشوفوا واش باقي ففمها هههه
تبدلات عيساوة للشعبي و أغاني دالحنة و دخلات النقاشة بالميدة ديالها حتى جلسات قدام العروسة كتخلطها بالخف و وئام كتشوف فيها و مرة مرة تشوف فالناس و تبااسم معاهم .. حتى شافت فجوهرة لقاتها عينيها خارجين فالحنة و كل شوية تتنهد و تعض على فمها
وئام: جوهرة أجي حدايا ( شافت فيها باستغراب و هي تحرك راسها بتأكيد ) ااه أجي
جوهرة:( وقفات و جلسات حداها فالبرزة ) وي حبيبة ؟
وئام:( حطات يديها على فخض ختها و شافت فالنقاشة ) عافاك بداي بيها هي لولة عاد دوزي عندي أنا
جوهرة: لا لا اويلي نتي العروسة حتى تكملي ما زريانين فين !
وئام:( شافت فالمراة ) غير ديري لي قتلك ا ختي .. جوهرة وريها النقشة كي باغياها تديرهالك .. أنا عارفة ما عنديش مع الحنة بزااف بحال درتها بحال بلاش .. سبقي نتي لي شهوتك فيها
حطات ساكها حداها و جبدات التيليفون كتوري للمراة و خلاتولها باش تنقل منها بالحرف .. تقادات فبلاصتها و مداتلها يديها بحمااس
حنات و رجعات لبلاصتها حاضياها فرحانة بيها و فالجهة الثانية جالسة ابتسام كتتصور .. شافت جهة جوهرة و صوراتها جايا باينة فيه مبتااسمة و هازة يديها قدامها منقووشين .. عحباتها الصورة و شداتها سيفطاتها لياسيين
ابتسام: وا قوول ختك كاع ما كتفكرك .. شفت جوهرة و قلت واالو نصورها نسيفطها لياسيين يخضر عويناتوا
ياسيين:( بعد مدة قرا المسج و جاوبها ) محنية و لا جابلي الله ؟
ابتسام: ااه ولايني هاذ جوهرة ما منهاش جووج .. دغيا قنعاتك و خلاتك تخليها تنقش .. كيتنا حنا لي دوزنا الحصاار معاك .. و لكن عرفتي شنوو وئام خلات ختها تنقش هي لولة ناري على جيسط شحال زوييين .. حسيت بالفرحة بلاصتها
سيفطاتوا و جلسات كتسناه يجاوب لكن طلعلها ل vu و خلاها .. بعد نص ساعة تقريبا كان وصل لتحت الدار .. عيط على جوهرة لي غير شافت سميتوا و تزايد معاها الزايد .. نغزات بنت حداها تقبطوا و تحطولها فوذنيها باش تجاوبوا و ديكشي لي كان نيت
جوهرة: ياسيين !
ياسيين: نزلي عندي .. أنا لتحت نزلي ( بقات سااكتة و قال بنرفزة ) رااه معاك كنهضر غتنزلي و لا غنطلع عندك اختاري ؟
جوهرة:( عضات على فمها ) واخا أنا هابطة .. مالك معصب ؟ راه باقي الحال عاد بدات الحفلة
ياسيين: هبطي غير نهضر معاك و رجعي .. أنا كنتسناك
قطع عليها و طلبات من البنت تحيدلها التيليفون و تخبعوا فالساك و تمدوا لها .. و ديكشي لي كان .. هزاتوا تحت باطها و مشات عند امها للكوزينة فين الحجامة كيوجدوا دواز د اتاي باش يفرقوه
رحمة:( خذاتوا منها و زادوا بجوج للبيت كيهضروا ) علاش فين غادية ؟
جوهرة: ياسيين جا راه لتحت ما عرفتش شنوا بغى ! نمشي نشوفوا !
رحمة: ااه و ما عليش نزلي شوفيه و طلعي ( شاف فيديها ) النقش طلع ليك غزااال تبارك الله .. نشفات و لا باقي ؟
جوهرة: نشفات شوية و لكن ما بغيتش نحيدوا حتى نكون غاذية باش تطلق مزيان
رحمة:( سدات لها السلهام و رماتلها القب فوق راسها يغطيلها وجهها ) حتى طلعي و نسقيها لبنتي .. يالاه زيدي بلا ما تعطلي على راجلك
جوهرة:( عضات على فمها خايفة تنزل و فنفس الوقت كتقول اللهم بيناتنا و لا الشوهة قدام الناس عارفاه ما عندوا علاش يحشم ) ماما نقولك واحد الحاجة و بلا ما تتعصبي مني حتى نتي !
رحمة: مالك ؟ ياك لباس ؟
جوهرة:( تنهدات باغى تبكي ) ياسيين ما خلانيش نحني و لكن ما قدرتش و الله كن ما درتها نتسطى بالله و دابا هو لتحت غننزل عندوا غيشوفها غنسمع على وذني حتى نطيب هو بلا والو معصب
رحمة: من نيتك كتهضري و لا كضحكي معايا ؟
جوهرة:( شافت فيها بحزن ) ديري شي حاجة فكيني غير مرة وحدة .. عافاك ( سمعات تيليفونها كيصوني و قالت ) ها هو كيصووني
رحمة:( تنهدات ) خرجي هضري معاه هو لول و أنا غننزل موراك نشرح ليه يالاه غير سيري
جوهرة: وا عندااك !
زادت كتتمشى و تبرقق فعينيها حتى وصلات للباب لقاتوا مقابل معاها بلعات ريقها من شوفاتوا فيديها و قربات منو كاحزة من قدام البشار
جوهرة: ياسيين شووف
ياسيين:( غمض عينيه بعصبية و قرب منها عاطيها وذنوا ) شنو قتلك انا ألف مرة قبل ما تنزلي ؟ ( غوت ) هضري !
جوهرة:( صوتها تقج ) ما نحنيش
ياسيين: و نتي شنو درتي ؟
جوهرة: نقشت ( غمضات عينيها فاش شافتوا هز يديه كتسناه ينزل عليها .. حتى حسات بيه زير عليها و جرها من رقبتها قداموا )
ياسيين: أنا لي ناقصني عقل مسيفطك .. و لكن الهضرة ماشي هنا .. تحركي لداركم ( شافت فيه غتهضر و حط يديه على فموا ) و لا كلمة سالينا
رحمة:( خرجات بالزربة شافت فيهم و عيطات عليه هازة ليها ساكها .. فاش سمعات الصداع فهمات البلان ) ولدي ياسيين تسنى دقيقة ( وقف احتراما ليها .. هي لي شافت فيهم بجوج و قالت ) جوهرة شرحاتلي بلي ما كتعجبكش الحنة و لكن أنا لي أصريت عليها تحني .. حيت اول عرس تحضر ليه مور زواجها و فعائلتنا .. أول عرس تحضر ليه البنت مور عرسها كتكون وزيرة العروسة و كاع لي دار للعروسة كيدار للثانية .. فما بالك ختها .. ما ديرهاش منا قلة الصواب ا ولدي
ياسيين:( زفر و قال ) ماشي مشكل الحاجة .. المهم دابا جوهرة غترجع معايا .. من بعد يحن الله
رحمة:( شافت فبنتها لي كترغبها غير بعينيها تقنعوا ) وا ولدي الله يهديك خليها مفوجة مع البنات
ياسيين:( شاف فجوهرة مخنزر ) باغى تجلسي ا جوهرة و لا تمشي ؟
جوهرة:( خلعها و عرفات يلا قالت باغى غتزيد تكمل على راسها اللهم تسكت و تتكمش ) لا نمشي معاك
ياسيين:( شاف فرحمة لي مداتلوا الساك .. خداه و قال ) سمعتيها الحاجة .. يالاه أمسية سعييدة
نزلوا بجووج مخلينها موراهم متبعة ليهم العين و كتتنهد .. أما ياسيين راه ركبها و زاد زاف فالطريق كيقشر فشفايفوا بعصبية و ينكر و هي كتسمع ليه و تدمع تا شاف فيها و قال
ياسيين: درتي غير لي قالك عقلك ياك ؟ نسيتي بلي ما كتعرفيش تكذبي الغزالة ! و تانا دابا غندير لي قالي عقلي و داك العرس يلا عتبتي فيه فينما تشوفيني بزقي عليا
جوهرة:( خرجات عينيها فيه و قربات منو تشد فيه ) لا ا ياسيين لا إلا هاذي
ياسيين:( غوت ) ما تحادينيش ( شاف فيها و رجع ركز فالطريق ) قسما بالله ما تمشي واخا تزدحي راسك مع الحيووط
مع آخر كلمة تسمع صوت الفران سييك و وقف قدام العمارة .. فتحات لباب و نزلات و هو طالع موراها حتى دخلوا للدار و ضارت عندوا كتبكي و تغوت
جوهرة: غننننمشي هي غنننمشي رااه ختيي هااذيك ( ضربات فصدرها و الحنة كتفتت شوية ) ختييي يلا ما وقفتش معاها داابا منااقص من شي أخوة كااع ( هزات عينيها حوومر فيه ) قسما بالله حتى أنا عمري نسمح لك فحيااتي يلا ما مشييتش
دازت فيه كتبكي و كتفتح السلهام و الشال لي خنقوها حتى دخلات للدووش كتبكي و تقشر فالحنة حتى سمعها كتستفرغ " حاشاكم " طار فتح عليها الباب لقاها جالسة فالأرض كتفتت الحنة من جيه و ترجع من جيه
جوهرة:( شافت فيه مخنووقة ) ما قدرتش نحيدها غيلفاتني حاسة ( سكتات و تقلبات على البيدي عاود )
ياسيين:( مشى عندها هزها من الأرض جلسها فوق كرسي صغيير و قال و هو خارج بالزربة ) ما ديري وااالو حبسي أناا جااي
و بالفعل جمعات يديها عندها أصلا ما قادراتش تحيدها .. شكلها و كيفاش كتتقشر طلع لها قلبها و ما قدراتش تستحملوا ( هاذي أنا 😂 كنحماااق على الحنة و لكن ما نقدرش نقشرها ضرووري شي حد يحيدهالي )
رجع بعد مدة داير ليكات فيديه ديال ميكة .. هز الرشاشة د الما طلقها و دفاه .. عاد ضار عندها هزها مزيرها عندوا شوية باش ما تطيحش للأرض حيت فشلات بمعنى الكلمة
ياسيين: عطيني يديك و ضوري وجهك لهيه ما تشوفيش
مداتهم ليه و قلبات وجهها كتلف فحين هو جر الرشاشة كيغسلهم لها و يحك يديه كيفرتتها ليها و هو معبس و جاامع فموو عيفاان على الأخر .. كملها يد و داز لثانية بنفس الطريقة حتى غسلهم لها مزياان
ياسيين: را الفووطة هزيها مسحي يديك من الما و سيري تكاي على ما نجي
جوهرة:( شافت فيه ) غتخليني نمشي ياك ؟ ( رجعات شافت فيديها و قالت ) جاتني حنييينة زوييينة
طلقات منو حاضية يديها و كتشم ريحتها تا خرجات و شاف هو فداك لفابوا لي عمر بالحنة و غمض عينيه باغي يرجع حتى هو .. مد يديه كيجمع بالحفنة و يلوح فالميكة دالزبل لي دايرين فالسلة تما .. حتى كمل و حيد ليكات بلا ما يقيس يديه لاحهم تا هما و طلق الما على جهدوا و تحنى فوق البيدي كيتقيى حتى معدتوا تعصرااات و وجهوا تزنك و وقف كيغسل فيديه و يفركها باغي يطير الجلدة و كيشم يديه يتأكد واش ما لسقاتش فيه الريحة ..
جايا لنص ساعة و هو مخشي فالدوش عاد خرج من تما مزير ما حاملش راسوا .. دخل للبيت لقاها هازة تيليفونها كتقلب فيه و تبكي .. شاف فيها و ترمى قدامها لايح يديه على نيفوا شافت فيه مغزفة و قالت
جوهرة: كلشي فرحان و ناشط فالحنة إلا أنا لي مكتووبة فجبهتي عمري نفرح يااك ( مسحات دموعها بالجهد منين شافتوا ما مسوقش لها و فالبلاصة طلعات فوق كرشوا جلسات عليها و مدات يديها شنقات عليه من الكوول كتدي و تجيب فيه ) مالك حكاار هااكا مالك ( ضرباتوا لصدروا ) و الله حتى نمشي يالاه ( مسحات دموعها ) واا عفاااك دابا
ياسيين: قتلك ما ديريهاش و اتافقتي معايا و فلخر دايرة لي قالك عقلك ياك ؟ ما مشيتي حتى درتيها .. خليتك تمشي باش فلخر تضحكي عليا .. ياك ؟
جوهرة:( جاها تأنيب الضمير ) وا راه تشهييييتها كنت غنقطعها من لحمي ما قدرتش ما نديرهاش و أنا كنشووف فيها قبالتي و كنشم فريحتها الغزاالة و الله ما ضحكت عليك ( ناضت من فوقوا جلسات حداه كتتغبن ) راه عرس ختي هذا و شحال و أنا نوجد معاها و فلخر تقولي ما تمشيش ! واخا نكونوا لقيناها فباب الجامع !
ياسيين: حتى كريم خويا ! ما غنمشي لا أنا لا نتي .. ها حنا جالسين و ما أحلانا !
جوهرة:( غددها لا كثااار ! عصبها بدرجاااات و لات كتغلي من الداخل ما كرهاتش ترتاكب فيه جريييمة .. تزنكاات تزنكاات تزنكاات تا بغات تفرغع و بانتلها غير فيديه لي هازها مدرق عينيه .. فداك لحيمة رطييطبة لي تما و طارت عضاتوا بكااع جهدها ) اععععععععععع ( طلقات منوا و رجعات لوور كتشوف فيه مطرطق عينيه فيها و وجهوا مززززنك و كيشوف فالعضة لي تطراسااات .. مسحات على فمها و قالت مغزفة ) وااا يااااالاااه
ياسيين: باغى تخرجيني على طوعي بزز ؟ عارفة ما غنديرلك واالو و دايرة ما عليك ياك ؟ ( غمض عينيه شحااال كيصبر فراسوا عاد فتح عينيه و كمل كلاموا ببرود ) ما حدك كتبرهشي و أنا كنتبرهش معاك ..( قرب منها تا لسقات عليه ) كتعضي ؟ ( مد يديه لتحتها و ضربها فيه بالشوية و قال ) يلا ما عضيتش مك منوا راني زبيدة ماشي ياسيين .. غير صبري عليا !
تسمع صوت الدقاان بالجههد حتى شافوا بجوج جهة لبيت و خرج هو شاد يديه لي قسحاتوا فيها بالمعقوول .. فتح لباب و لقاه كريم قبالتوا .. شاف فيه باستغراب
ياسيين: ياك لباس ؟
كريم: عيطاتلي وئام و الحاجة رحمة .. نجي نشوفكم .. نتوما لي ياك لباس ؟ ااش واقع ؟ ( شاف فيديه و خرج عينيه ) مالك ؟
جوهرة:( لوات عليها الشال و تاكدات بلي مغطية و خرجات عندهم ) لا عساك ا خويا كريم .. ما بغاش يخليني نجي للعرس غذا و حلف عليا ( غرغروا عينيها ) حكر عليا و انا ولية بووحدي
ياسيين:( بلق عينيه فيها ) شنو درت اختي ؟
جوهرة: حكرتي عليا .. جبتيني لدار بلعاني باش ما نلقى لي يفكني .. لا حنين لا رحيم و انا غير ولية
ياسيين:( شد على راسوا ) و عرفتي شنو ؟ انا حكار و اناني و مغتصب و ديكتاتوري و قطاطعي .. زيدي لي عجبك و جدبي حتى تفشي قلبك و سيري شدي لأرض
جوهرة: و عرس ختي
ياسيين: ما كاين عرس سالينا ! لا أنا لا نتي
كريم:( تدخل ) وا لواه لواه ! تفاهموا غير بالعقل يلا بيناتكم شي حاجة فكوها بعييييد على العرس ( شاف فيه و قرب منوا باش ما تسمعهمش ) شفتي يلا ما حضرتوش غير ق*** من جهتي
جوهرة:( بانلها عاطيها بالظهر كيهضروا و هي تنزل بالخف للارض تسرحات و غمضات عينيها .. ضربات بوفة صغيرة حدا رجليها باش تسمع الزدحة و بقات بنفس الوضعية حلفاات لا حلات عينيها و لي ليها ليها )
كريم:( حاضي لبلان بزز شاد الضحكة حتى شافها تقادات و قال باستغراب ) ياسيين !! جوهرة !! مالها ؟؟
ياسيين:( قلب عينوا ليها لقاها مسرحة و طار لعندها جلس حداها كيضرب فوجهها ) جوهرة .. جوهرة ( مد يديه كيقيصلها النبض و كريم كينكر فوق راسوا )
كريم: هاذشي كاامل درتيه بيديك ا صااحبي .. مالوا لعرس ! ااش دارت كااع باش ما تخليهاش ؟ و دابا لقى ! ها هي سخفات مسكينة غير بالفقصة ديالك
ياسيين:( شاف فيه مغذذ ) ق*** جيب شي كاس دالما و نتا واقف على راسي بحال الولية
جوهرة:( فتحات عينيها غمزاتوا كترغب و رجعات شداتهم )
كريم: شمن ما ا صاحبي ! عتق السيدة بالطبيب نشوفوا مالها .. كن كانت غتفيق كن فاقت قبييلة .. غيكون طونسيون طاحلها مسكينة ( شافوا غيهضر و زرب عليه ) وا نووض ا بنادم دغياا
تنهد و وقف هزها عندوا مكمشة و نزلوا من الدار مجموعين .. كريم كيصوك و ياسيين لور مع جوهرة .. كيدوز على وجهها بحناان و يحاول يفيقها و وااالو .. حتى هي بحركاتوا جاها النعاس و غفااات ما حاساش براسها حتى وقفوا قدام الكلينيك و خرجها هازها كيهضر مع سيكيريطي و لي فالاستقبال عاد توكدات و تزاد معاها الزايد ..
جوهرة:( فنفسها ) عنداك يعرفوني غير كنمثل ؟ و لكن باش غيعرفوها أصلا ؟ ايوا صافي نكمل حتى نشوفوا فين غنخرجوا هاذ النهار !
حسات بالزايد معاهم و ياسيين لدابا ما طلقهاش حتى تحطات على سرير رطب و سمعات صوت سيدة كتقول
---: تفضلوا واحد الدقيقة من فضلكم ! غتجي الدكتورة دابا تفحصها
و بالفعل خرجوا و بعد مدة دخلات الطبيبة و الممرضة كتشرحلها حالتها و كيفحصوها يعرفوا مالها .. حتى حساتها عراتلها كرشها و جيل باارد تحط على كرشها حتى كمشاتها و بدات كتفتح عينيها بالشوية
جوهرة: شنو واقع ؟
---: على سلامتك ا مدام ! غير كنتأكدوا من صحتك !
سكتات متبعة الألة لي كدوز على كرشها و كتنزل شوية لمقدمة رحمها .. مرة مرة تزير عليها و متبعة فالشاشة لي حداها حتى ابتاسمات و قالت
---: كيفما توقعت تماما !
جوهرة:( باستغراب دخلها الشك ) شنو ا دكتورة ؟ ياكما رجعلي الكيس ؟ ( بتفسير ) حيت كان فيا و آخر مرة دوزت قاتلي الطبيبة ذاب و ما عندي حتى مشكل ! ( بخوف ) ياكما رجع !
---: لا لا مبروك عليك ا مدام راك حاملة ( نعتاتلها بيديها فالشاشة ) ها الجنين .. شفتي هاذ النقيطة الصغييورة هو هذاك
جوهرة:( شدات فمها بدهشة و عينيها تغرغروا بفرحة .. عاودات موراها كأنها ما متيقاش ) حااملة ؟
---:(ضحكات و هزات راسها بتاكيد ) ااه حااملة فالأسابيع لولة ديالك .. غنخرج نفرح الزوج ديالك و منين ترتاحوا دوزوا عندي للمكتب نعطيكم نصائح بساط حتى تشوفوا شي اخصائية
جوهرة:( عنقاتها بلا ما تحس و عينيها كيبريوا بالدموع دالفرحة ) شكراا بزاااف
---: ههههه الله يتبث حملك اختي ( مداتلها بابيي باش تمسح كرشها )
مسحات كرشها و جلسات مقادة حاطة يديها عليها كتحركها و سااكتة بحال كتحاول تستوعب لي وقع و الضحيكة مرسومة على فمها .. حتى تفتح لباب و دخل ياسيين كيشووف فيها و عينيه كيبرييوا .. شافت فيه و مداتلوا يديها
ياسيين:( شاف فيديها و ضحك و تكى قدامها باسها فكرشها و هز عينيه فيها ) شكرااا بزاااف أحسن خبار سمعتوا من زماااان .. شكراااا
جوهرة:( مدات يديها تقيص وجهوا و بعد )
ياسيين:( ضحك و باسها مرة اخرى فكرشها ) قول لماماك الكحلة تجمع يديها عندها راك قلبتي بابا بالريحة ( هز عينيه و غمزها ) ما لقيتي نتي ولدك غير اكثر حاجة كنكرهها و كتغيلفني تتوحمي عليها ؟ حالفين عليا بجووج همم ؟
جوهرة:( ضحكات بدلع ) ايوا راه شهوتي ( شافتوا فرحان و هي تقول ) غتخليني نمشي للعرس ياك ؟
ياسيين:( تهز و باسها بالجهد و بعد كيشوف فعينها ) غنااااكلك أنا ( بابتسامة ) غتمشي ا لالة صافي ارتاحي نخرجوا فكريني نصدق على الحلوف ( جبدلها نيفها ) البريهيشة غتولد حتى هي سنفوور و لا سنفوورة بحالها !
جوهرة:( ضحكات ) فرحاااااانة و الله ، الحمد لله عليها نعمة .. الله يتبثوا و يفرحنا بيه
ياسيين: أمييين يا ربي .. يلا ارتاحيتي قادي حوايجك باش نخرجوا .. كربم مزال كيتسنانا
حركات راسها بوااخا و ناضت كتقاد راسها حتى كملات و خرجوا عند كريم لي كان غيطير بالفرحة بدوروا غير شافها و قال
كريم: سخفتي بالضحك حتى صدقات بصح و فرحتينا فرحة ما بحالهاش .. مبرووووك عليك
جوهرة:( عضات على شنايفها و فنفسها كتقولوا لقوى يا ولدي سكتنا .. ضحكات ببلاهة و شافت فياسيين ) غير بغيت نعرف معزتي عندكم
ياسيين:( راشقة ليه زير عليها من عنقها كيضحك و يحرك فراسوا ) واخا المشييشة وااخا
دازوا لعند الطبيبة لي باركات ليهم و عطاتهم نصائح بسيطة يتمشاو عليها بينما تبعات مع طبيبة أخصائية و موراها مباشرة خرجوا فاتجاه دارهم ..
توادعوا و طلع ياسيين بالخف لقاها بدلات عليها و طالقة شعرها جنب كتمشطووا و مرة مرة تقيس فكرشها .. هزات عينيها فيه و تبسمات حاضياه كيقرب منها .. حطات المشطة و ضارت عندوا
ياسيين:( حط يديه تحت كرشها شوية و دوز عليها بالشوية ) تهلاي فراسك و فالبيبي ( شاف فيها مبتاسم ) مشهية شي حاجة نجيبهالك ؟
جوهرة: لا .. درت لي كنت مشهياها .. احححح على ريحتها كتحمق و الله ( هزات يديها شماتها و بعد هو وجهوا )
ياسيين:( هز حاجبوا ) و الله ما كتحشمي ا بنتي .. بزز نسيت و راجعة تفكريني فيها ( جمع فموا عايف ) ديريلها شي حاجة تنقص الريحة شوية راك قلبتيني و باقي لمنظر د قبيلة بين عيني
جوهرة: حنييينة زويينة بااش ربي يحن عليينا
ياسيين:( تنهد ) عااااارف و لكن كاين فرق بين واحد كيجيب فشوشوا و بين واحد كتمرضوا .. فالعرس راه بزز صبرت عليها
جوهرة: كنتي حشمان مني ، دابا صافي طيرتي لبلاكة ههههه ( شافت فيه مبتاسمة و كدوز بيديها على شعرها ) بغيت نقطع شعري غذا و نديرلوا شي صباغة نبدل ليه الشكل .. مم نهار عقلت على راسي و أنا بنفس الكوب و ديما طويل .. طلعلي فرااسي
ياسيين:( مد يديه قلبلها وجهها للمراية و سرحلها شعرها على طولتوا كيشوف فيه بابتسامة ) قطعيه يلا عجبك ما تفوتيش غير هاذ الحد ( دوزلها على ظهرها كيوريها )
جوهرة: تانا ديكشي لي قلت و نديرلوا ليميش ب البالاياج فالرمادي و لا شي لون مفتووح يجبني مع لون الأصلي " العسلي "
ياسيين:( دوزلها زغبة مور وذنيها و قال بتأكيد ) قطعيه ديري الكوب لي عجباتك و لكن تبدلي ليه لوون لا ! لا صباغة لا ليميش ا جوهرة .. لون شعرك زويين ما نقدرش نتخيلك بلون ثااني و زيد زغبتك غاذي تخسر بالمواد الكيماوية و عاد تابعك شحال من حاجة كطيح الشعر غير غتزيدي تخرجي عليه .. واخا يلا جيتي عليا ما تقيسيهش كااع و لكن يلا شهوتك تبدلي الشكل .. ماشي مشكل
جوهرة:( دوزات يديها عليه و جراتوا قدامها كتشوف فيه ) تانا ما نسخااش بيه .. ما عرفت تال غذا و نشووف ( هزات المشطة كتمشطوا و تهضر ) عييت فيا النعاااس
ياسيين: أراي لهنا
خداها من عليها و جرها من مرفقها جلسها و جلس كيمشطلها بالشوية و يلعب فيه .. حتى مشطوا كاامل و غلغل يديه فراسها كيديرلها مسااج بالشوووية تا بدات كتبان ليه غتنعس و هو يطبطب على ظهرها
ياسيين: يالاه تقاادي فبلاصتك ارتاحي
شافت فيه و تهزات تخشات فبلاصتها و تغطات و هو وقف جبد حوايجوا كيبدل عليه و هي متبعاه بعينيها النايمين
جوهرة: مصااب يطلع ولدنا بحاالك .. نسخة مصغرة
ياسيين:( ضحك ) ياك أنا حكار ، كنحكر عليك و نتي ولية بوحدك ما عندك لا حنين لا رحيم هنا .. ااش عندك ما ديري بواحد بحالي
جوهرة:( دارت يديها تحت حنكها و قالت ) نصبر ! ااش عندي ما ندييير .. واخا قبييح تنبغيك
ياسيين: ههههه ايوا لهلا يخطيك ممحنة معايا و صابرة ! ( سكت شوية و قال ) أنا براكة عليا غير شي كتكوت و لا كتكوتة ظريف(ة) بحاالك واخا على ما شفت فهاذ اليوماين مووووحاال .. تريكتي مصعوورة من كبيرها لصغيرها
جوهرة:( ضحكات ) عارف راسك مصعوور
💫💫 يوم جديد 💫💫
من بعد يوم طويييل حتى واحد ما ارتاح فيه .. كلها و باش مكلف و ااش كيدير .. جات العشية .. واقفة رحمة فباب القاعة هي و راجلها .. معاهم أم كريم و باه .. كيستقبلوا الناس و يرحبوا بيهم و يعااودوا .. و موراهم واقفة الفرقة الموسيقية ب 🎷🎺 و الطبل .. و فباب القاعة تصويرة لكريم و وئام و مخليين البلاصة فين يوقعوا المعازيم .. محطوط فوطخ حداهم لي دخل كيوقع و يزيد .. و المصور دااير خدمتوا
و فجهة ثاانية واقفة وئام بجلابتها فالباج .. وجهها مصوب على حقوا و طريقوا ..باارز جماالها و حريفاتها بطريقة كتفتن كاااع لي شافها .. و شعرها دايرة ليه ليميش فالاكاجوا .. ناازل كلوا بيه .. بدلها و جاها كيحححمق .. بقدر لي كانت خطوة جرييئة منها و خافت تجي لا علااقة .. بقدر لي صدقلها و طلعات كتفتن .. مجمووع بمشيطة متقوونة .. كلووا مظفور و ملوي باتقاان كبيير .. و حداها جوهرة بمكياج صموكي لاعبين لها أكثرية على العينين باش يبرز لونهم أكثر و أكثر .. طلعات بحال المشييشة تمااما و شعرها مجموع بمشيطة خفيفة و البقية ملوياه قداامها نازل تال خصرها ملوي بتنااسق .. ما قدراتش تقطعوا و ما سخاتش بيه ..
لابسة لبستها فالغوز الباارد مطروزة و مرشووشة بالحجر بشكل خفييف .. ما متقلاش ديكشي خفيف ضريف من ديما ما عزيزش عليها الحاجة تكون شااغجي .. البساااطة فالذووق .. هازة فيديها بوشيط ديالها و يديها فيهم الحنة حمييمرة كتلمع و ظفرانها مصبوغين بفرانش و خاتمها كيبري فصبعانها مع براسلياتها دالذهب .. دخلوا النكافات باش يلبسوا العروسة
جوهرة:( شافت فختها باعجااب حمقااتها .. و مدات يديها هزات سلهامها دارتوا فوقها و سداتوا حتى تسترات كااملة ) أنا مشيت دابا .. نشووف واش محتاجين شي حاجة لداخل و نرجع عندك .. كريم و ياسيين شوية و يجيوا ..خاصني ندخل عند العيالات قبل ما يشوفني شي حد
وئام:( تبسمات لها ) صافي غير سيري و شوفي معاك بشرى فين هي تكلملي خالتي تبقى معايا .. نتي عارفة ما يصلاحلكش تبقاي هاكا قدام كريم
وحدة من النكافات: ااه اختي عيطي على شي وحدة تبقى معاها ترد معاها البال .. وحدة لا غير .. بيت العروسة ما كنخليوا حد يدخل ليه باش عنصر المفاجأة ديما يكوون
جوهرة: واخا كوني هانية ا ختي
خرجات كتتمشى بالزربة لا يصدق شي كريم خارج فيها من شي قنت .. اما حتى القاعة لداخل كلها عيالات .. قسموا القضية .. العيالات لداخل و الرجال فالجردة .. ما تهنات حتى دخلات للداخل .. كانت الدنيا بدات تعمر و صوت الألة مطلووق مونسهم على ما تشخض .. شافت فبشرى كتجري مع بنات عمامها و شداتها كتهضر معاها
جوهرة: خرجي عند ماما قلها تدخل هي و لا خالتي عند وئام شي وحدة تبقى معاها .. يالاه سيري
جلسات من بعد ما حيدات القب ديال السلهام من فوق راسها و بان وجهها و شعرها .. هزات تيليفونها على غفلة .. لقات ياسيين كيصوني .. جاوبات بالزربة
جوهرة: ا مدرا وصلتوا ؟
ياسيين: فين دايرة تقاشري البويض ؟ من قبييلة و أنا نقلب عليهم !
جوهرة: اويلي باقي ما لبستي ؟؟؟ راني حطيتلك كلشي فوق الناموسية ما نسيت واالو متأكدة
ياسيين:( كيقلب ) بغيت التقاشر لبوويض لي قتلك عليهم فالصباح .. فين هما ؟ طلقيني باش ندخل ندوش خلاص !
جوهرة:( تلفها ) ما عرفتش صافي يلا ما لقيتيهمش شوف وحداخرين و اجي خلاص اويلي على الدووش ! راك معطل عاد غادي دوز على خالتي و عمي !
ياسيين: صافي صافي .. يالاه بسلامة واحد الشوية و أنا معاك
جوهرة: اجي بعدا .. كريم معاك ؟
ياسيين: هذاك عااااد تفكر البوكي دالفلور باقي ما خذاه و مشى يشرييه و انا غنكمل ندوز نزوق الطونوبيل يكملولي و ندوز على مالين الدار و نجييوا
جوهرة:( شدات حنكها ) واش نتوما باغيين تحمقوني ؟؟؟ عاد جاكم الشغاال دابا ؟ و العرووسة لي كتلبس ؟ و الناس كيتسناو العريس فين هو ؟
ياسيين: قلهم هرب ما بقى عندنا عرس ! دابا نتي لي كضيعيلي الوقت !
قطع معاها مخليها مبررقة فعينيها و كتقول الله يستر ! دازت نص ساعة بالحساب و هو يعيط عاود .. كانت جالسة مع وئام لي وجدات و سالات .. جاوبات و قالت
جوهرة: واا فينك ا ياسيين فقصتيييني
ياسيين:( واقف قبالت المراية ) ندير كرافاط الكرونة و لا الزرقة ؟
جوهرة:( ساطت بفقصة ) دير الخنووخي !
قطعات عليه بالفقصة لي فقصهاا و رجع فالبلاصة كيصوني و تقطع حتى سيفطلها مسج
ياسيين: فكريني نعضك فاش نشدك .. خرجي الكحلة عندي راني حدا الباب .. ما جاتش ندخل عند وئام
جوهرة:( قفزات قادات قبها و مشات فتحات لباب لقاتوا قبالتها كيضحك ) كن غير زدتي تعطلتي شوية ! فين هو كريم ؟
ياسيين:( جرها من مرفقها حاضي مع الحنة هههه فتح باب ثانية قدامهم و دخلها ليها .. كالاها مع الباب و مد يديه فتحلها العقدة د السلهام تا طاح للارض و هو يصفر ) ااش هذا ؟ دوور نشووف الزين دوور
جوهرة:( ضحكات بخجل و ضارت بالشوية عليها و قالت بدلع كترمش عينيها فيه ) كي جيت ؟
ياسيين:( باسها فعنقها مزير عليها ) زبيييدة نتي
جوهرة: ههههههه
ياسيين:( مد يديه لشعرها كيتأكد من طولوا .. عرفها ما قطعاتوش و تبسم كيلعب فيه ) يالاه غطي عليا هاذ الشعر
عقدات حجبانها و شافت فيه باستغراب هو لي هز واحد الساك دالتوب فالكحل .. جبدلها شال فالباج و شربيل و شاف فيها هاز حجبانوا كيفقص فيها ههه
ياسيين: زعما هربتي فالصباح ما غنلقاكش ؟ حيدي داك الطالون ما مزيانش لك فهاذ الوقت لا تمشي تجي على وجهك
جوهرة:( شافت فراسها فالمرايا مكمشة فمها ) لا لا غننتابه ما عندوا ما يوقع .. اصلا منين دخلنا و انا كنقرا فالقرأن و وصيت حتى وئام .. قراو تا نتوما القرآن من عينين البشر و خصوووصا كريم باش ربي يكمل ليلتهم على خير
ياسيين:( حرك راسوا بالايجاب ) واخا .. يالاه دوزي حيدي عليك باش نخرجوا .. كريم راه جا .. دابا مع ختك كيتسناونا غير حنا باش يدخلوا العروسة
جوهرة:( مداتليه يديها ) عطيني الشال نقادوا مع السلهام .. نيت باش نحيد القب على وجهي خنقني
ياسيين:( عطاهلها و قال ) جلسي بلاصتك ما بقاش لوقت
جوهرة:( جلسات ) ما عرفت شكون عطلنا
تحنى قدامها فتحلها السمطة دالسندالة و حيدهالها و حطلها الشربيل و وقف كيجمعهم .. تا كملات و خرجوا بجوج من بعد ما طرق باب البيت بالساروت و خشاه عندوا .. داز قدام بيت كريم و دق دقة وحدة و زاد مع الطريق فاتجاه الجردة
أما كريم فراه وصل و دخل عندها لابس جبادور فالذهبي و الأبيض .. وقفوا البنات كيزغرتوا و يصليوا على النبي و وئام وقفات من بلاصتها تا هي .. مغطية شعرها بالفولار و مقاديلها الشدة و التاج على ما دخل للقاعة لداخل و تحيدوا ... هزات عينيها فيه فاش طاال سكاتوا و فالبلاصة هبطاتهم حشماانة من نظراتوا .. تا قرب و شد فيديها و قرب باسها جنب شنافتها تا تزنكات و قالت كتلف
وئام: فين تعطلتي ؟
كريم:( تنهد و قال بهمس ) فين نديرك نتي ؟ ااش هاذ الجمال كاامل ؟ نهزك و نهرب بيك ؟
وئام:( تبسمات فرحانة و حشمانة من لبنات لي معاها ) ههههه بغيتي رحمة تقطعني من الحالة المدنية
كريم: هههه صبرنا نزييدوا نعضوا فالصبر .. ما عندك مهرب ليووم ( غمزها و ضار عند النكافات ) يلا واجدين نتوكلوا على الله ؟
و بالفعل ديكشي لي كان خرجوهم بالزغاريت و الصلاة على النبي و الكاميرة كتوثق الأحذاث كاااملة حتى خرجوا للجردة فين واقفة العمارية و العود من الجنب الثاني و الناس مجموعين و فاتحينلهم الطريق منين يدوزوا و كيباركوا لهم .. و وئام كترد عليهم بابتسامة جميلة و حداها كريم كيحرك راسوا بهدووء .. حاط يديه على قلبوا كتحية ..
كاين لي فرحاان لهم و كاين لي حاسدهم و كاين لي غير جاي ياكل و ينشط و يمشي بحالوا ما سوقوا فحد .. تصوروا حتى شبعوا و تهزات العرووسة فالعماارية و العريس داخل بعودوا كيشاالي و عيساوة ضاايرين بيهم كيغنييوا مشخضيين القضية و دايرين طرحهم على حقوا و طريقوا
《 الف هنية و هنية و يا لالة عرووسة فالعمارية و ياا لالة .. و التمر فالطبق هدية و يا لالة الحنااني مغربية يا لالة .. و لوييز فطبق هدية يا لالة .. النخوة علوية و يا لالة هاااكاااو الله الله هههه ملحة و السر عليها يا لالة العالي يحضيها .. ملحة و سر عليه مولانا هو يحضيه ا لااالة .. اتباااارك الله على مووولاي السلطاان و حبااابوووا 》
دخلوها كتبتاسم و تشير بيديها فرحاااانة و كريم من الجهة الثانية تا هو كيتمشى بشوية عليه و يبتاسم مع النااس و فواحد اللحظة وقفات ابتسام موراه و مع الناس كثار القضية مزاحمة شوية .. مع الهزة باش غيهز العود شالوا كيجيبها لها فالعين مبااااشرة حتى شهقااات و شدااتها مقققققسسسحة
غوتات غوتة وحدة و شداتها و رمات يديها كتفتف تا شدات فلي حدااها ما قادراش تحل عينيها .. و لبنت كتهضر معاها تحاول تحلها
ابتسام:( بدات كتبكي مقسحة و خايفة تحلها ) عيطيلي على ماما
--: اختي انا مكنعرفكش و كاع ما كنعرف ماماك .. صبري هنا أنا نمشي نجيبلك شي كاس دالما فزكي عينيك تبردلك شوية
خلاتها تما تا بدات كتبكي و تحلها بالشوووية و تقلب فشفارها تا حلاتها و هزات تيليفونها دارت الكاميرة لقاتها حممممرة .. جاتها البكية .. ما بانلها حد حداها و هي تجمع الوقفة و تبعاتهم تتكمش حدا امها .. طلعلها الدم و تا الكانة طااارت .. تتدمع و تعاودلها و سميرة كتسكت فيها و تشوفلها العين
اما العرسان باقيين شاخضينها و الحضوور ضايرين بيهم كيشطحوا معاهم و يغنيوا و يشيرولهم و منهم جوهرة و ياسيين .. حتى بدااو كينزلووها شووية بالشوووية و الدقة كتبرد حتى تحبسات الموسيقى و تسمع صووت الزغااريت د النكافات .. لي وقفوا على العرووسة يعاونوها .. تا وقفات و شد فيها كريم كيتصوروا .. قبل ما يمشييوا للبرزة و كل مرة يتصور معاهم شي حد .. حتى بدات القاعة كتخوى من الرجال .. و وقف كريم بدوروا خرج .. مخليينهم مجمووعين غير العيالات .. عاد تنفسات جوهرة و حيدات الفولار و السلهام و جلسات حدا زينب تتحرك راسها بتناغم هما و كتافها و زينب حداها كتتصور و تكلمها تتصور معاها خاالقين الجو بيناتهم
و البنات و العيالات محميين الطرح بالشطييح مع صووت الشعبي لعلك ترضى و التصااور على الجهههد مع العروسة لي بدورها حيدولها الفولار و تنفسات براااحتها ..
بداو الحجامة كيخرج واحد بواحد كيفرقوا العصائر و لي طاغط صواغي و الدنيا كتطيح بالبشر .. لا لدااخل لا فالجردة عند الرجاال .. لي تما كان احتفال ااااخر عندهم .. مقابلين مع لابيسين واقفة فرقة احيدووس بلباسهم التقليدي كيضربوا فالبنادر بالشوية كيسخنوهم .. حتى بداو نييشاان .. وااقف واحد فوسطهم كيغني بالشلحة و هما تابعينووا و كيضرب فبنديروا و يحرك معاه يديه و رجليه بالتناااغم و بقية الفرقة كيعاودوا موراه و يديروا بحالوا .. حتى بداو الرجال كيتخشاو وسطهم كيشطحوا بحالهم بكتاافهم و رجليهم و يعاودوا كلامهم لي أغلبيتهم ما فاهمين فيه واالوو ههههه
شطحوا حتى عيااو و جلسوا فبلاصتهم كياكلوا دواز اتاي و كل طبلة مجمعة بالضحك و النشااط .. حتى بدا الريييح كيتحرك و الجو غيااام بحال الشتا غتطييح .. مع ذلك كملوا عشيتهم عاادي جداا .. ما كاملاش حتى ربع ساعة جهااااد الريييح و الشتا تطلقات على حرررهاا .. كتشووف الرجال هاازيين طباسلهم و داخلين كيجريوا للقاعة بحال الفييراان ههههههه
أما العيالات راه ما حااسيين بوااالوو الدنيا مقلوووبة بالشعبي و الحيوووح حتى كيبانولهم الرجال داخلين فاازكيين هااجميين علييهم .. صدموووهم عاد انتابهوا للجو برا لي تقلب 360 درجة .. طارت جوهرة على سلهامها لي مخلياه حداها للاحتياط .. لبساتوا مغطية بيه .. و البقية كلها و فين تفرق .. تخلطات الدعوة ما بقى تفرااق لي عندوا شي مراة جلس حداها و لي مكيعرف حد راه دارولوا بلاصة فالصالونات .. شيرات جوهرة لياسيين و جا تحنى عندها كيهضر معاها
ياسيين: غنمشي مع دراري للمحل يهزوا لي باراسول .. باش يرجعوا يركبوهم
جوهرة: بلاش دابا سويعات قلال و نكملوا راه الجو خاايب برا .. واخا تجيبهم موحال يشدوا
زينب:( تدخلات ) وي ديكشي .. غير جلس ا ياسيين أخرتهم يتقلبوا و يتهرسوا و صافي .. الجو تقلب دقة وحدة و كلشي فزك
ياسيين:( جلس حداهم و مد يديه هز فاكية كياكل فيها ) وا غير على عائلة جوهرة و صاافي
جوهرة: ما عندنا ما نديروا .. صافي دابا
صلاااااااة و سلاااام على رسوووول الله إلا جااه يلا جا سيدنا محمد الله معاه الجااه العالي يووويوووويووووويووووي
قلبوا راسهم جهة العرسان كلهم .. لقاوهم نايضيين يبدلوا عليهم .. بقاو حاضيينهم حتى اختفاو على الانظار و رجعوا لنشااطهم .. اما لداخل جالس كريم داير رجل على رجل و هاز تيليفونوا كيجاوب على المباركات و وئام مقابلة معاه من الجهة الثانية دايرينلها كرسي لوسط جالسة عليه و البنات ضايرين بيها كيحيدولها المجوهرات .. باش يعاونوها تحيد اللبسة و تدوز للبسة دالحنة لي غدير الجلسة ديالها و تصور بيها حتى هي ..
---: وقفي شوية ا حبيبة نعاونك
عياات كتشووف واش غينوض يخليها تلبس فراحتها و واالو لا حياة لمن تناادي .. تنهدات و طلقاتلهم يديها و لي ليها ليها .. حيدولها اللبسة تا بقات بشورط و ديباردور فالأبيض و دارولها درة على وجهها و راسها و بداو كيلبسوا فيها بالشوية و يقادولها .. حتى لبسات لبسة دالحنة فالأخضر الملكي و فكولها شعرها باش يقادولها الشدة د الفولار نيشاان بما أن الدنيا تخلطات
خرجوا هاذ المرة كريم بكوستيم فالزرق كيشقشق و حداه وئام بلبيسة فالأخضر ملكي و قدامهم طبيلة صغيرة بالجرارات ( عرفتوها ياكوا .. نسيت شكتسمى هه ) فيها الحليب و الورد و طبسيل دالبيض و كاع ديكشي لي كيتحتاج فالحنة و النكافات ضايرين بيها هازين مسيندات طواال فالأخضر عامرين بالحنة .. كيشطحوا بيهم و كريم و وئام دافعين ديك الطبلة قدامهم .. و فالجنب ديالهم هازة جوهرة صندوق ديال الذهب لي جاب كريم لعروستوا .. تا عي غاذية معاهم كتحرك فكتيفاتها بالشوية مع الموسيقى و مبتاسمة معاهم .. حتى وقفوا الوسط و ضاروا بيهم النكافات كيشطحوا بداك المسااند .. دايرين منظر روووعة .. حتى دخلوا الطياافر فيهم الجهااز كيشطحوا بيهم الرجال لي هازينهم حتى هما و عيساوة كيزمروا و يضربوا و يغنييييوا
تا تحطات العماارية قدامهم و تهزات فيها وئام مرة أخرى كتشالي بيديها و تضحك تا شبعات و هبطووها .. جرها كريم بالشوية عندوا كيشطح معاها
وئام:( شافت فيه كتعااود مع عيساوة ) ا سيدي سعدوا بيك سعدوا بيا و الشيخ ما يفرط فيا .. عااري عليك و العار على الجوااد .. ا ياا بااابااا
ضحكات و هي كتحرك راسها بتنااغم و كريم قبالتها هاز يديه كيشطح ما مسوقش و الضحكة مرسوومة على فمووا أما فالجنب الثاني واقف ياسيين مع ولاد عماامووا كااملين بنات و رجاال و حداه جوهرة .. داايرين داائرة مقابطين باليديين و وسطهم لي كيغني كيدورلهم الميكروا كل مرة وااحد
《 من هو واحد الله ا مولانا .. واحد هو الله ربي فيك رجانا .. الله الله اموولانا ربي مولاي يا لي فيك رجانا من هم اثنيين الله ا مولانا .. أدم و حواء ربي فيك رجااناا .. من هم ثلاثة الله ا مولانا .. صحاب الروضة ربي فيك رجانا .. من هم ربعة الله مولانا .. أربع كتب ربي فيك رجانا .. من هم خمسة الله .. خمسة صلاوات الله من هم ستة الله ستة أياام الله من هم سبعة الله سبعة سماوات الله من هم ثمنية .. أمانات العرش الله من هم عشرة .. صحاب الرسوول .. من هم حداش .. خوت سيدنا يووسف الله .. من هم طناش .. اطناش لشهور .. 》
جوهرة:( خذات لميكروا عندها ) يااا عشااقووا لاا تملوووا محمد صليييوا عليييه صلى الله على نبيينا محمد .. محممممد طوووزطوووط يووووويووووي
دخلوا العرسان حتى هما بيناتهم كلشي كيشطح و كلشي كيغني فرحاااان .. حتى حبسات جوهرة مزيرة على يديه و مخرجة عينيها شادة فمها
جوهرة: يااسيييين عتتتتق
ياسيين:( شافها هكاك مد يديه لخصرها هزها بالخف و طار بيها كيبعد البشر تا وصلها للدوش و خلاها لداخل و هو برا كيتسناها )
و هكذا دازت الحفلة عندهم .. كلها نشااط و ضحك و شطييح .. حتى وصلوا لوقت تقطاع الحلوة .. دازت سميرة حدا الكوزينة من بعد ما كانت فالحمام .. راجعة لبلاصتها و عيطلها واحد من الدراري لي خدامين مع ياسيين و كيعرفوها .. سلم عليها و بقاو بالهضرة حتى جات رحمة شافتهم و تبسمات
رحمة: ختي سميرة جابك ربي بحال الحسنة ( مداتلها طبسيل د التمر ) واخا تديه معاك لجوهرة راها فباب الجردة هي و ياسيين .. مسكينة سخفات ترد غير الروح شوية .. أنا كيعيطولي لداخل .. ما عرفت منين نلقاها
سميرة:( خذاتوا ) ااه الله اودي غير سيري لشغالك
مشات بالطالون كتقرقب من الجهة لورانية دالقاعة لجهة الجردة .. كتسرح عينيها فالمكان تشوف فينهم .. ما منتابهاش للزربية لي جمعوها الدراري على حساب الشتا .. ما حسات غير براسها تهزات تال السماا و زهقات مع الطالون فداك الدرووج و الطبسيل د التمر جا طايح على وجهها .. و هي منشوورة فالأرض شادة ظهرها لي تقسم بالطيحة و مع الدروج كملااات ما بقاتش حاسة بيه .. أما وجهها تبنج عليها بالضربة دالطبسيل .. شدات فراسها كتأنن و تعيط بسمية ياسيين .. لي ما ليه حس .. يالاه بغات تتقاد فالوقفة و هو يزهق بيها الطالون مرة أخرى .. و جات مسرحة على كرشها هاذ المرة و وجهها مخشي فgلتة دالما
ما بقاتش حاسة بذاتها نهااائيا .. يالاه جات تنوض و غوتات لربي لي خلقها و رجعات كيفما كانت و الدمووع نزلوا من عينيها شلااال .. مبلووكية فبلاصتها ما قادراش تتحرك نهااائيا
أما الداخل فراه الغنى و الشطيح على الجهد و حد ما سمعها و لا عرف ااش واقع معاها .. وئام كتلبس لاغوب و توجد راسها و كريم راه كيشطح مع خوتوا و صحابوا على ما يعيطوا عليه .. من غير ياسيين و جوهرة لي جالسين فالبيت لي دخلوا ليه قبييلة .. متكية على ظهرها كترد النفس وجهها صفر و عينيها نااعسيين و حداها ياسيين كيلعب فشعرها مخليها ترتاح شوية
جوهرة:( وقفات كتجري و خرجات من البيت )
ياسيين:( تنهد و ناض هز الساك ديالهم و كاع ديكشي لي جابوا و خلط عليها لقاها غتسخف و شدها بيدوا الثانية ) صافي قادي فولارك غنمشيوا بحالنا دابا ترتاحي
جوهرة:( شافت فيه و حركات راسها بالايجاب ) و بغيت لاطاغط
ياسيين: قادرة تاكلي ؟ ( حركات راسها بلا ) صافي غذا تكون عندك غير ارتاحي !
خرجوا من باب لورانية دايزين على الجردة بلا ما ينتابهوا لسميرة لي مليوحة تما كتنين بوحدها و تا هي كيوصلها غير صداع د الموسيقى ما كتحس لحتى حاجة قدامها من غير عظامها لي تكسروا تكسيير على قولة المصريين .. ديمارا لوطوا كيسخنها و صونا على كريم حتى قرب يقطع و هو يجاوبوا
ياسيين: كريم الله يكمل بالخيير حنا مشينا جوهرة تزااد عليها الحال .. عياات بزااف غنمشيوا للدار ترتاح شوية .. تال غذا و تاخذ كادوك العجل ( ضحك ) يالاه تهلى لي سول فينا علموا
قطع معاه و زاد مع الطريق فحين كريم زاد مع الكولوار فين كاين بيت العروسة تلاقى برحمة خارجة تالفة و مشطوونة شافت فيه و قالت
رحمة: كنت جايا عندك وئام راه واجدة عيط معاك على سي محمد باش يخرجها ( تا كانت زايدة و رجعات عندوا ) ااه ا ولدي و شوف معاك ياسيين .. سولي واش بنتي ردات الروح شوية بداك التمر ؟ كنكون ماشية لعندهم و كيشدوني بقالهم غير يفصلوني
كريم:( ضحك و هز يديها باسها ) لهلا يخطيك الحاجة علينا .. جوهرة عيات شوية و رجعوا بحالهم راك عارفة مع الوحم .. اصلا غنقطعوا الحلوة و نمشيوا كااملين ( تفكر ) ااه هضري مع الحجامة يخليوا طبقة د الحلوة ليهم فاش نكملوا
رحمة: واخا صافي كن هاني .. يالاه سير كلم معاك سي محمد
رجع من طريقوا كلم باها لوئام خرجها على صوت الزفة و الأضواء الخافتة حتال قدام البرزة فين واقف العريس كيتسناها .. مد يديه لعروستوا خذاها تحت توصيات الأب .. و زادوا كيتصوروا حتى شبعوا و هزلها لفوال على راسها .. عاد جات لاطاغط قطعوها و وكلوا بعضياتهم و تهزات تتفرق على البقية .. أما هما ضاروا بيهم صحابهم كيغوتوا و يسفرووا يزعموا فكريم لي تززززنك فلخر وقف و زاد فاتجاه الفرقة الموسيقية مخلي وئام موراه كتبرقق فعينيها .. حتى رجع هاز الميكروا فيديه
نوضها معاه وقفوا فنص القاعة و تظلمات الدنيا بالمعقوول بقاو غير فنارات هازينهم خوتوا و عيالاتهم .. فيديهم .. دايرين داائرة عليهم فالوسط و هما كيشطحوا تحت صوت كريم و مرافقاه الفرقة كتعاونوا
كريم: I will always love you .. you my darling you mhh .. bittersweet memories ...
كمل الاغنية و تشعل الضو عليه و صوت التسفيقات على الجهد .. ما حس غير بيها مخشية فيه معنقاه بالجهد
وئام: كنبغيييك
كريم:( هز راسوا كيضحك و رجع حنا عندها و همسلها ) ما كنبغيكش و لكن كنواعد غنبغيك كثر من اي وحدة فهاذ الدنيا و غنوريك الحب ديال بصح كيف كيكون ( شافت فيه و غمزها ) كنظن براكة عليك ! مشينا ؟
وئام:( هزات راسها بالموافقة )
فالبلاصة تحنا هزها بكسوتها عندوا و خرج بيها هارب و البنات كيغوتوا على البوكي .. ضحكات و لاحتوا لهم بلا ما تشووف ..
كريم:( ركبها فلوطوا و قبل ما يشد الباب قال ) عائلتك غذا تشوفيهم .. ما عنديش مع قوة الدراما .. خليك بحال الناس حسن ما تبكي و تصدقي باندا و ندير مناقص من شي زواج
ضحك و زدح عليها الباب و زاد مع الطريق حتى حس بصوت الكلاكسون موراه و الزغاريت .. خرج راسوا و بانولوا شي 7 د الطونوبيلات تابعينهم كيضربوا الضوو و يكلاكسونيوا .. و صووت د الغنى و التطبال كيتسمع على الجهههد
اما فالقاعة بداو الناس كيخرجوا من بعد ما تفرقات لاطاغط و ابتسام وسطهم كتقلب على سميرة للدواا و حرام واش لقاتها .. تا تخلعاات و وجهها هرب منو لوون .. شافت رحمة و حبساتها
ابتسام: خالتي عافاك .. ما شفتيش ماما ؟ من قبيلة و انا نقلب عليها .. ناضت مشات للحماام و ما بقيتش لقيتها
رحمة:( تفكرات) ااه راني سيفطتها قبيلة عند خوك و جوهرة تزاد عليها الحال شوية و مشاو .. يلا ما لقيتيهاش غتكون مشات معاهم ما تخافيش ا بنتي
مصطفى:( وقف عليهم ) مالكم ا بنتي ؟
ابتسام: ماما ما بقيتش لقيتها و سولت خالتي عليها و صافي .. يمكن عياات حتى هي و وصلها ياسيين معاهم ..
مصطفى: ايوا صافي يلا وصلها خوك ما عندوا ما يوقعلها .. بلا ما تخافي
ابتسام: صافي واخا .. مشينا ؟
مصطفى:( شاف فرحمة ) شكرا ا لالة و الله يكمل بالخير .. امسية سعيدة
ودعاتهم و خرجوا بجوج ركبوا و زادوا مع طريق .. أما زينب و راجلها فهاذوك سبقووهم و مشاو لدارهم .. بدات كتخوى القاعة شوية بالشوية حتى بقات غير رحمة و ختها مع الحجامة و العيالات لي كيجمعوا الدنيا .. كيتأكدوا من كلشي فين تحط و واش ما نساو واالو و ما ناقصة حتى حاجة من ديالهم .. تا دازت رحمة من جهة الجردة كترمي عينيها و وتتأكد من الاموور .. و هي تبانلها السيدة مجبدة تما .. قلبها طااح تال ركابيها .. مشات كتجري عندها جاب الله لابسة بلغة أما شوية كانت غتجي مصلية حداها .. قلباتها بالزربة على ظهرها كتضرب فوجهها تفيقها و لا حياة لمن تناادي .. رجعات رحمة كتترعد و هي كتشوف لمراة ما كتحركش و وجهها هارب منو لوون تقول داخلاها لموووت
جاا راجلها كيجري و تابعاه من لور ختها .. لقاها جالسة على ركابيها كتتاكد واش كتنفس .. شافتهم و ناصت مخلووعة
رحمة: يمكن ما كتنفسش ( مخلووعة ) السيدة حالتها ديال المووت عتق ا محمد عيط على الدراري يهزوها معاك نديوها لطبيب
مشى كيجري بلا كلمة بلا جوج عيط لدراري لي باقبين تما هزوها ليه حتال قدام طونوبيل فتحلهم لباب لوراني حطوها تما و رحمة و هو فالقدام .. أما ختها راه بقات مع الحوايج .. كتسنى ولدها يدوز موراها توصلهم و عاد تشوف واش تخلط عليهم و لا شنوو تدير
💫💫 ياسيين 💫💫
طلعوا للدار فتحات لباب و بقات واقفة مصدوومة فيه و فالقلبة لي مقلووب .. شافت فياسيين مهدوودة و هز يديه زعما ماشي هو ههه
ياسيين: نتي ما حطيتيليش حوايجي كاملين و خربقتي بلاصتهم لي كنت عارف .. العشية كااملة و أنا كنقلب
جوهرة:(لاحت السلهام و بدات كتحيد حوايجها ) تا غذا جمعهم و ردهم باش تعرف بلاصتهم الجديدة مزياان و ما تنساش عليك
ضحك و فتح لكرافاطا ما جاوبهاش .. حتى تخشاو فبلاصتهم و هز التيليفون كيوريها التصاور و الفيديوات لي صور و يضحكوا بجوج .. حدهم كملوا و هز تيليفونوا طفاه و قال
ياسيين: طفي تيليفونك حتى نتي .. غيصبحوا علينا على نبوري بالتعياط .. ما غنرتاحوش حتى الراحة
جوهرة:( هزاتوا طفاتوا حتى هي و رجعات تكات على جنبها دايخة ) طفي معاك الضو بغيت ننعس حاسة بالدنيا كتدور بيا و وذني كيسووطوا
طفاه بلا كلمة تا هو تهد و النهار كااامل كيجري مع كريم من جهة لجهة و يرجع لعند دراري لي عندوا يشوفهم شكيديروا و يوقف عليهم .. واش محتاجين شي حاجة .. الخ الخ
دازوا ساعات .. كان وذن الفجر و بدا الضوو كيبان شوية .. حتى بدات كتحل جوهرة عينيها دااايخة و حاسة بشي حاجة ناازلة منها .. جلسات فبلاصتها بخوف .. كتتأكد واش دم ! تا تاكدات و هي تدور عند ياسيين كتفيق فيه
النقرة الصافية الجزء 12
محتوى القصة
التنقل بين الأجزاء