ياسيين:( كيشوف فيها دايخ و عينيه حوومر .. نطق بصوت ناعس ) ياكما نوض نغسل ليك ؟
جوهرة:( بهدوء وقفات ) لا نوض قلب معاك الفراش
خلاتوا مشقلب بالنعاس و ناض كيلوح فالمخاذ و يحيد فليزور تا زول كلشي و هز المطربة كيقلب فيها .. أما جوهرة فراه هزات حوايجها و دخلات للدوش كتشلل نصها تا كملات و لبسات عليها و خرجات وجهها حممممر .. لقاتوا رجع نعس عاد تنفسات براحة و تكات فبلاصتها تا داها النعاس
💫💫 يوم جديد 💫💫
تقلب على ظهروا مكمش عينيه من الشمش لي ضاربة فالبيت .. مد يديه هز تيليفون شعلوا باش يشوف الساعة .. متكي على الكادر كيشوف بين رموشوا فجوهرة لي غااطسة فنعاسها ما هياش فهاذ العالم .. حتى بداو المسجات كيوصلوا ليه بالعراام .. لي زابيل مونكي على الجهد .. كريم .. مصطفى .. وئام .. ابتسام .. سميرة .. خلعوه فالبلاصة صحصح و تقاد فالجلسة .. أكييد واقعة شي حاجة ! دوز لابيل نيشان لمصطفى لي جاوبوا فالبلاصة
مصطفى: ا تبارك الله على مولاي السلطان !
ياسيين: ياك لباس ؟ مالكم ؟
مصطفى: ليل كاااامل و حنا كنعيطوا لا نتا لا مراتك حد ما كيجااوب .. عذرنااااكم و قولنا ليييل هذا ما يدخل بين الراجل و مراتوا غير الشيطان و لكن تا فالنهار ما تجاوبوش وا بزااااف
ياسيين:( صدموا .. ما عرف يضحك و لا يندب .. نحنح و قال بصوت مبحبح ) يهديك الله الواليد .. ااش واقع دابا ؟ راني عاد فايق و عياااان .. ياك لباس ؟
مصطفى: فايق مع طناش ! و ما بغيتيش تعيى ؟ ايوا لعلا يزيد كثر ا ولدي ( تنهد ) مك كاانت مشااات فيها .. ليل كااامل و حنا نجرييوا و نجااريوا معاها .. دوز دابا لدار و كان من قبيلة و هي تسول عليك
ياسيين:( وقف فالبلاصة مخلووع ) مالها ؟ واش تزاد عليها الحال و لا شنوو ؟ هضر ا مصطفى خلاص !
مصطفى:( تنهد ) اودي طاااحت فالعرس طيحة خااايبة و حتى حد ما انتابه ليها تا غيباات .. دابا راها حسسن من لي كانت .. غير هو تهرساات من وركها ما كتقدر تململ لا هاكا لا هاكا و ظهرها مقسحة فيها بزاااف تا هو
ياسيين:( قال جوج كلمات و قطع ) أنا جااي
لاح لفوون و زول التيشورط بالخف و فنفس الوقت كيفيق فجوهرة .. تا بدات كترمش فعينيها
شافتوا مخلوع و بلا خاطر .. ما بقاتش سولات واخا ما فهماتش شنو واقع بالضبط .. ناضت بالخف كتلبس عليها .. تا كملات و خرجوا بجوج .. طاايرين فالطريق حتى وصلوا قدام لفيلا .. دخل كيدق بالجهد .. حتى فتحوا ليه البنات .. داز فيهم كيجري تال لفووق لبيت سميرة و جوهرة تابعاه من لوور بالشوية عليها
دخلات بانتلها سميرة ناعسة على كرشها و مغطيينلها نصها .. حداها ياسيين كيدوز على ظهرها بحناان و يسول فيها .. و البقية واقفين كيشوفوا و يتنهدوا .. البيت عاامر بولادها .. و فجنب الشرجم جالسة وئام بجلابتها .. كتشووف فصمت سااهية .. شافت فيها جوهرة باستغراااب من ملامحها و وجهها الاصفر .. ماشي ديال وحدة كان عرسها يالاه لبارح .. بصدفة هزات ختها عينيها و جات فعينيها .. دارت نظرة حزن .. بحال كتقولها بغيت نهضر معاك
قربات من ياسيين جلسات حداه كتطل على سميرة لي كتشكي عليهم
جوهرة:( بأسى ) ما يكون عندك باس ا خالتي .. كي بقيتي دابا ؟
سميرة:( تنهدات ) احااااححح ا بنتي تعطاااابت انا تعطبت .. آخر يامي بقيت مليوووحة فالجردة لا حنيين لا رحييم بحال داك الكلب لي تهنااو منو ماليه احااح عليك ا سمييرة
ياسيين: لواه الحاجة راك نتي هي عماارت الدار .. الخطأ كيوقع
مصطفى:( بنرفزة ) لا عسااك انا بغيييتها فيك .. يالاه شدي الفراش داابا .. حلقي نشف و أنا كنعااود .. يهديييك الله يا هاذ المراة حطي الطاالوون .. وااش نتي قد شي طالون ؟ لبسي قد عمرك يواتيك و هي راكبة مخها و دابا لقاااي
سميرة:( بدات تبكي ) كلشي من الدراري لي معاك ا ياسيين .. كن ما جمعوش الزربية .. كن كااع ما ضربتها بزلقة عاالمية ( تنهدات موجعة ) جايبة لجوهرة باش ترد الرووح صدقت أنا لي روحي غتزهق
جوهرة:( حطات يديها على ظهرها ) سمحيلنا و الله .. مكتااب كيتصرف .. شوية دابا من الحريق ؟
سميرة: ما شوية واالو ا بنتي .. مييمتي عظاامي تهرسوووا .. شهر غنبقى ناعسة هاكا ما نتزحزحش .. الله يا ربي الله و علامن نعول و لمن نعطي الرااس
ياسيين:( زفر بحراارة ) أنا غنعيط عليهم و نتفاهم معاهم .. عطيوها شي دوا يهدن لها الحريق
مصطفى:( بعصبية نطق ) ما تعيط لحد ا سيدي .. خدمتهم و قاايمين بيها على أحسن وجه .. هي هي لي كتقزقز من بلاصة لبلاصة ما بغاتش تحطها للأرض .. علاه هما قالولها عواااري و ما تشوفيش فين كتزطمي ؟ ايوا تبارك الله و صلاة على النبي ( سمح فيهم و خرج كينكر )
سميرة: شفتيه ا ولدي .. شفتيه كي كيديرلي .. أنا ربي لي عاالم بيا و هو مكمل علياا من قبيييلة و هو طابخلي راسي بالهضرة
ابتسام: انا غنمشي ننعس فقصتووني نتووما .. كيهضر حيت كيبغييك ا زوجة أبي خلاها ياسيين ( ضحكات و شافت فيه ) و لاهيلا يلا من لبارح ما جلس .. اما فاش عيطولنا من الطبيب قلبوا بغى يوقف من الخلعة .. كيرجف ما اراتاح حتى شافها كتنفس
سميرة:( عجبها الحال و نفخات فنفس الوقت ) اييه الحيرة يخاف عليا غير فاش نكون غنموت .. أما و انا جاالسة حداه كيعرف يشبعني غير نكيير و هضرة
ابتسام: بيييناااتكم
كريم:( شاف فوئام بزز جالسة و رجع شاف فجوهرة ) ختي واخا تدي معاك وئام لبيتك ترتاح شوية على ما نمشييوا !
جوهرة:( بابتسامة ) ااه واخا .. وئام يالاه .. الحاجة الله يجيب الشفااء
خرجوا بجوج مخليين كريم و ياسيين معاها كتفشش عليهم .. مرة تنكر مرة تبكي هي و كانتها .. حتى سكت لها الحس .. طلوا عليها بانتلهم نعساات .. عاد تنهدوا و خرجوا من تما كيهضروا
ياسيين: زينب ما علمتوهاش ؟
كريم: لا ! تمشي تخلع و نصدقوا فشي مصيبة ثااانية ( حط يديه على جبهتوا كيماصيها ) أنا براسي يالاه جيت نحط راسي نرتاح بداو كيعيطوا .. ما نعست ما شفتوا .. سحابهم معاك فلول ايوا منين ما لقاوهاش فالفيلا .. ناضت رويينة .. بلا طبيب لي خرجولنا العقل .. واا لييييلة هاذي
ياسيين:( تنهد ) لا حول و لا فوة إلا بالله .. نزل للتحت نجلسوا شوية مع الواليد
💫💫 جوهرة 💫💫
متكية وئام فالناموسية و حداها جوهرة كتشوف فيها باستفساار باقي ما فهمات مالها ؟ عياات ساكتة فلخر نطقات بقلة صبر
جوهرة: هضري خلاااص ؟؟ مالكي ياك لباس ؟
وئام:( تغرغروا عينيها بالدموع ) ما عرفتش مالي ما عندي زهر فحتى حاجة حتى كنقول تقادات و غنفرح و نرتاح .. كنلقاها عوااجت من جهة ثانية ( تنهدات برجفة ) عرفتي لبارح شنوو وقع !؟
جوهرة:( قالت بملاطفة ) ااش وقع كاع ؟ شنوا ما درتي ما غتكونيش بحالي .. سقييتوا بخيري ( جاتها الضحكة ) هههههه أخر يامي نرجع ندير بيبي فحوايجي اوييلي
وئام:( ضحكات بلهلا يطريهلها ) اويلي و شنو قال ههههه
جوهرة: و الله هههههه ااش غيقول ؟ فيقتوا تنقولها بحال ما دايرة واالو .. باش تا هو ما تجيهش فيها شي لعبة نييت و يشد فيا شدة العمى فالظلمة .. و نيت تقبلها عاادي و ما قال والو .. أما كن فقت كندمع و نقولها مخلوعة بحال دايرة جريمة تلقايه لدابا كيضحك عليا و مطلعني مهبطني بالبوالة هههه
وئام: هههه وا حمدي الله ( تنهدات ) عرفتي ندمت ندمت على كاااع ديكشي لي درت مع كريم و على الضسارة لي ضسرت عليه و لباب لي فتحتها بيدي ( شافت فيها و دموع مغرفين فعينيها ) بصح قبل ندمت و كنت باغى ندير المستحيل نتصالحوا و ما يبقاش واخذ عليا فكرة غاالطة .. و لكن دابا أنا ناادمة على رااسي و علاش طيحت بيا تال هاذ الدرجة ( شدات فراسها ) ما عرفت ما ندير .. الدنيا ضاارت بيا ا جوهرة .. حاسة براسي غنمووت و شوية و يعلقوا مشنقتي
جوهرة:( خلعاتها عليها بالمعقول .. شدات فيديها و زيرات عليها ) عااوديلي ! شنو وقع معاكم ؟
وئام:( تنهدات ) واخا .. غنعاودلك من لول كااع بالتفصييل ( وجهها تزنك ) واخا ما عرفت منين نبدا
جوهرة: وا غير بداي و الكلام غيجي بووحدوا !!
وئام: المهم انعاودلك كلشي و بلا ما تحشميني و لا تقولي شي حاجة .. عارفة ما خصنيش نهضر و لكن ما لقيت معامن نهضر .. يلا بقيت هاكا غنحماق غيير بالتفكير
جوهرة:( مسحات على وجهها ) فههههمت و الله تا فهمتك شنو غتعاودي غير طلقيني خلاص
وئام: المهم مشينا لدار .. هزني و دخلنا لقيتوا موجد لبيت بالورد و الشمع مهم ديكشي ديال تواركة نيت ( ضحكات ) دخل هو يدوش .. دوز شوية و خرج و دخلت أنا
جوهرة:( حاطة يديها على حنكها و كتسمع بتركيز ) ايوا ؟؟
وئام:( رجع بالها لبارح لبعض اللقطات )
لابسة سوميج دو نوي فالكحل مبين بيوضية لحمها بشكل خطيير .. و مخليا وجهها طبييعي غير كلووز كيبري فشنايفها .. و شعرها كينقط بالما شوية منزلاه جنب .. شافتوا واقف كيشوف فيها باعجاااب و مدلها يديه .. قربات منوا بخجل .. تا قبط فيديها و تحنى باسها
وئام:( تبسمات ليه و قالت ) كريم ! نسولك ؟
كريم:( حرك عينيه مع ابتساامة ) نعام السنفوورة
وئام: بصح ما كتبغينيش ؟ ما فهمتش شنو قصدتي بكلامك معايا فالقاعة ؟
كريم:( ضحك و قرب منها حتى ما بقى فاصل بيناتهم واالو ) قتلك غنبغييك و غنعلمك الحب على اصولوا كيف كيكون ( حط صبعوا على قلبها ) حيت هاذشي لي كتحسي بيه تا نتي ما نظنش حب .. الحب هو لي غنبنيوه بجووج و ابتداءا من هاذ ليلة
وئام:( اكتفت بابتسامة )
كريم:( مد يديه و نزلها السمطة ديال الشوميز من كتفها و تحنى باسها تما ) بخاطرك ؟
حركات راسها بالايجاب و بالخف هزها و حطها فوسط الناموسية و هو فوقها كيشوف فيها باعجاب
جوهرة:( بلقات فيها عينيها ) ما صلييتووش الكفرة بالله
وئام:( قفزاتها ههه .. شدات على قلبها و قالت ) علاه انا بقيت عاقلة على شي حاجة ؟ شفت الصدر و تلفت .. عرفتي فوورمتوا ناااريى بزاااف .. واخا باينة من فوق الحوايج و لكن بلاش أنا تصدمت .. تلفت و ضارت بيا الدنيا وليت غير حالة فمي فيه فعوط ما يحلوا هو
جوهرة: ههههههه عاد وصلاتك نتي الصدمة .. باقيين صدماااات هما غير سير على الله .. ااش وقع ؟ لحد لهنا كلشي مزياان !
وئام:( شافت فيها مزنكة ) المهم حطني فالناموسية و طاح عليا ما ناضش كااع .. بلا ما ندخلوا فالتفاصيل .. راك عارفة !
جوهرة: اييه !
وئام:( تنهداات ) نكذب عليك ؟ عجبببني الحاال معااه و استحلييت لمساتوا و كلاموا .. حسسني بأنوتثي معاه و بلي راني مع راااجل بمعنى الكلمة ( رجعات بذاكرتها مرة أخرى )
وئام:( عينيها معسليين و ذاايبة فيه .. حطات يديها على صدروا العاري كدوزها بالشووية و همساتلوا ) كريم طفي الضوو عافاك
كريم:( شاف فيها كيضحك و تحنى كيقبل شفاهها ببطئ شدييد حتى كتيتسمع صوت القبلة ) ما نشوفش شريكتي حياتي همم ( قرصها تحتها ) خلي الحبيب يتعرف على حبيبتوا و يتفاهموا مع بعضياتهم باش ما يعذبوناش من بعد ( غمزها )
وئام: غير هاذ المرة .. عاافاك طفيه
ضحك و مد يديه طفى الضو و وقفلها رجليها مزيان مثبتهم و طايح عليها بالقبل و اللمسات .. تا بدات تتحس بيه كيقلب بيديه و ضو د القمرة لي مضوي عليهم
وئام: واا حشووومة .. عاافاك داابا ( مد يديه كيتفتف بيديه على ثق** و هي تابعاه بالهضرة ) احح لا وا هبط شوية ماشي تما .. باقي لتحت
كريم:( تعصب و شعل الضو .. شاف فيها بنرفزة و قال ) غتهضري غنخشيه لمك فعينيك ( حنا عينيه ليه ) هانى شفتوا ااش وقع كاااع ؟
رجع تحنى عندها بلمساتوا كيحاول يرخييها حتى حسات باخترااقوا لجهازها
جوهرة:( قاطعاتها ) باقي ما فهمت شنوو وقع ؟ جاني كلشي طبيييعي ! واش جايباني تعاوديلي المسخ ديالك نتي و ياه ! باش فينما نشوفوا نتفكر هضرتك ( شدات حنكها ) اويلي وحدي كريم عمري فحياااتي تخيلتوا فداك الوضع و دابا جاب ما طير تصويرتوا هكاك من بالي !
وئام:( ضحكات كتحرك راسها بلا ) ههههههههه حلفي عمرك تخيلتيه ؟ اويلي و انا فينما نشوف راجلك نقول يحسن عواان ختي كي كدير معاه ..
جوهرة:( تزنكات و خرجات فيها عينيها ) اويلي على كتتخيلينا ( ضرباتها لذراعها ) اويلي على المنحرفة لي بلاني بيها الله
وئام: ههههه و الله تا فوجتي عليا .. خليني نكمل ليك راه المشكلة فلي وقع من بعد ماشي فهاذشي لي فات
جوهرة:( تنهدات ) يالاه كملي .. بديتي بديتي !
وئام:( شدات حنكها بأسى ) حسيت بلحم تممممزك من بلاصتوا ( بورشات و زيرات على يدين جوهرة بقوة ) و الله تا داك الاحساس عمري حسيتوا فحياتي بغيت نمووت بالحريق ( مسحات على وجهها ) و لكن اللحم لي تمزك و توسع ! أما البكارة ما كانتش أصلا ا جوهرة ( صوتها تخنق ) الدم ما سالش ! حدي تجرجت شوية حيت كنت مزيرة
جوهرة:( غمضات عينيها كتشم فريحة الحنة و قالت ببروودة ) و ياك مشيتي لطبيب و درتي الشهادة ! يلا فتح فموا بشي كلمة خشيهالوا فوجهوا
وئام:( عضات على شنايفها ) وا تمااا فين بقاات .. ما مشييتش لطبيب ما قدرتش
جوهرة:( خرجات عينيها فيها ) نعااام !! عاودي ؟؟؟ كيفاش ما مشيتيش ؟؟ ياك حدايا ماما قاتلك سيري ديريها و قلتيلها فالصباااح نمشي !؟؟
وئام:( حركات راسها بااه ) و لكن ماا قدرتش خفت و الله .. حتى وصلت قدام العيادة و رجعت بحالي ( مسحات عينيها لي دمعوا ) قلت أنا ما عمري درت شي حاجة خاايبة فحياتي .. صافي ما كاين لاش .. متأكدة من راسي و ااش كنسوى ما نحتاجش شي حد يأكد كلامي !
جوهرة:( شدات راسها ) اناا لي كنمووت من شي حاجة سميتها الطبيب و مشيت درتها و نتي لا ؟؟ واش هبلتي ؟ اييه نتي شريفة و عفيفة و حتى حد ما قال لعكس و لكن كديريها باش تحمي رااسك قبل من اي حاجة
وئام: كن غيير ماما دارتلي بحاالك و يمشي معايا بزز و لا تمشي معايا هي .. ما قدرتش أنا بووحدي .. و هي صافي تشغلات ما رجعاتش سولاتني .. عاارفة قادة بشغالي زعما .. صدقت دايراها كثر من رااسي
جوهرة:( تنهدات ) صافي تا دابا ما وقع والو .. واش قالك شي حاجة ؟ و لا شنوو بالضبط ؟
وئام:( حركات راسها بلا ) بقى كيسكتني حيت تقسحت بالمعقوول و صافي حيدوا .. حنى راسوا كيشوف ما لقاش دم كااع .. يالاه جا يهضر و بدا تيليفونوا كيصوني حتى قلب ليه الراس و ناض جاوب .. كان عمي مصطفى .. صافي قالي نعسي ارتاحي حتى نرجع و هو دخل كب عليه الما و خرج لبس طااير .. تال الصباح و سيفط مورايا لي يجيبني للفيلا باش ما نبقاش بوحدي
جوهرة:( شدات فيديها ) اووك .. ما كاين لاش تخافي و لا تعصبي راسك .. راه كل واحد و نوع بكارتها كاين لي ما كيسيلش الدم عاادي جدا .. ما نظنش كريم من نوع لي عقلوا متحجر .. و حتى يلا كان .. غتمشي لطبيب غتدوزلك و غتقول لي كاين .. كيكون بااين فوقاش لبنت ديفيرجات .. وجهك صفاار غير بالخلعة .. بردي راسك شوية
وئام:( حركات راسها بلا و عينيها مدمعين ) راني كنحس ا جوهرة .. البكارة ما كانتش اصلا ! دخلوا نيشااان بلا ما يتعذب .. غير لحمي لي تجبد لا غير ( عنقاتها كتبكي ) انا تاايقة فراسي و لكن ما عرفتش هو كيفاش كيفكر دابا .. من ديك الدقيقة ما بقى هضر معايا .. ما عرفتش شنو كيضور فراسوا .. خفت غير يتفكر هضرتي القديمة معاه و يقول هااذي اصلا مووولفة و باينة كانت دايراها قد راسها .. غنمووت يلا قالي شي حاجة بحال هاكا و لا داني لطبيب يتأكد و الله حتى نمووت فبلاصتي .. حيت فبالوا غنكون وحدة مووسخة واخا غير يشك ا صاحبتي 😭
جوهرة:( تنهدات كدوز يديها على ظهرها ) لا حول و لا قوة إلا بالله .. صافي سكتي ا حبيبة ما غيكون واالو ان شاء الله .. تهضروا عاادي و يتحل سوء الفهم و نتي ترتاااحي
وئام:( بعدات كتمسح فعينيها ) ما عرفتش .. انا ما بقيت كنعرف واالو فكريم .. داك الشهوورة كااملين لي كنا كنهضروا كان كيبانلي راسي كنعرفوا و فلخر صدمني فيه صدمة حيااتي من بعد .. ما بغيتش نسمع شي حاجة منو و يربطها بلي فات ( تنهدات ) هاكا دارلي فأول مرة .. بقى سااكت سااكت حتى فجرها فوجهي .. هو من نوع لي مكيهضرش و كيضرب حسابوا فرااسوا و كيفهمها بطريييقتوا و على ديك الفهاامة كيتصرف .. خفت غير يفهمها عوجة .. حتى قلت تزوجنا و غنرتااح و نبداو صفحة جديدة و خرجلي هاذشي من الجنب ( شافت فيها بتاكيد ) عرفتي و يمعني عليا و لا نحسوا نافر مني و لا فبالوا شي حاجة خايبة عليا و الله ما نزيد دقيقة معاه ا جوهرة .. نطلق و ما نبقاش معاه
جوهرة: طلاق ! واش هبلتي ؟ جلسي للارض و هضري معاه فهمي موقفوا هو لول و عااد حكمي ! و فرضا كاااع حسيتيه منوي فدماغوا .. جريه نتي لطبيب ما تسنايهش هو لي يقولك يالاه
وئام:( بأسى ) ما بغيتش يصدمني فيه .. من هاذي غنعرف واش نسى لي وقع بصح كيفما كيقول و غنبداو صفحة جديدة .. و لا عمروا فحياتوا ينسى و فأي مشكل غيجبدلي الماضي
جوهرة: المهم ! ما ديريش غلطتي ..بقيت صااابرة صابرة على الحريق و نهار مشيت لقيت الامراض د الدنيا و الدين مجموعين فيا .. سيري دوزي بلا وااالو راه لحمك هذاك .. سيري فهمي شنوو وقع لك تما و حتى يلا كنتي مقسحة تاخذي شي دوا يبرد عليك
وئام: واخا .. ان شاء الله
جوهرة: يالاه نشوفوهم فين هما نجلسوا معاهم شوية
و بالفعل ناضوا بجوج .. سمعوا صوت الهضرة لتحت و نزلوا عندهم .. جلسات جوهرة حدا ياسيين و وئام قربات من كريم و جلسات
كريم:( ضار شاف فيها و قرب منها كيهضر بصوت خافت حدا عنقها ) صافا ؟ شوية دابا ؟
وئام:( شافت فيه صفرة بالخلعة ) ااه الحمد لله
كريم:( دوز ابهاموا على حنكها و رجع حط يديه مقلوبة على جبهتها و قال باهتمام ) مالكي صفرة ؟ ياكما عيانة بزااف ؟ نمشيوا للدار ؟
كريم:( تبسم و حط ابهاموا جنب عينيها حتى لسقات فيه دميعة صغييرة .. حنى عينيه كيشوف فيها و قال ) بانلي نتي لي هازة فخاطرك مني امم ؟ ( وقف و مدلها يديه ) أجي معايا السنفوورة
وقفات شابكات يديها معاه و زادت تابعاه و هو سابقها بخطوة حتى خرجوا للجردة .. بعد لجهة ما كيبانوش فيها للناس لي لداخل و شاف فيها
كريم: مالكي ؟ ما جيتش موراك أنا حيت كنت مشغوول معاهم و هما بووحدهم .. ما جاتش نخليهم ! ياك جابك خويا ؟ بحال بحال !
وئام:( عيات صابرة و طرطقات كتبكي بالجهد و عنقاتوا خاشية راسها فصدروا ) يلا زدت دقيقة كثر غنحمااق بالتفكيير ( هزات عينيها مدمعين فيه ) و الله حتى بنت أ كريم .. عمري فحيااتي خليت شي واحد يحط يديه عليا .. كنقسملك بالله يلا أول واحد
كريم:( هز راسوا للسمى كيسوط و شاف فيها عنقها كيدوز على راسها ) عااااد فهمت دابا .. شششش صافي سكتي من البكى .. واش قتلك شي حاجة تخليك تبكي ؟
وئام:( شهقات و حركات راسها بالنفي ) هئ لا !
كريم:( تنهد ) و لاش كتبكي دابا ؟ كن كنت شاك فيك قد هاكا .. غنقتلك و نشرب من دمك .. راه بااااين الفرق ! زعما مغنعرفكش بنت من مراة ؟؟ من نيتك !!
وئام:( حكات حنكها مع صدروا و تنفسات برااحة بحال كانت هازة جبل فوق ظهرها ) واخا و لكن ضروري نمشيوا للطبيب أنا وياك
كريم:( حرك راسوا ) واخا اسنفوورة تتهدن الأمور و نديك .. صافي ؟
وئام:( هزات راسها بااه ) شكرا
كريم:( تبسم و خربقلها شالها ) برييهيشة
دخلات ضااحكة عكس فاش خرجات معبسة و خاايفة من رد فعلوا .. شافتهم جوهرة و تنهدات حتى هي براااحة غير من وجه ختها عرفات بلي هضروا و تفاهموا .. بقاو مدة فالفيلا حتى فاقت سميرة و رجعوا شافوها .. جلسوا معاها شوية و كلها شد طريقوا .. جوهرة و ياسيين لدارهم و كريم و وئام لعند شي طبيبة نسائية .. شدوا نوبتهم حتى سمعوا سميتها و ناضوا .. شرحولها لي كاين و دخلات تقلبها
كريم:( تقاد فجلستوا فاش شافهم خرجوا عندوا )
---: أحسن حاجة درتوها هي جيتوا للطبيب ( شابكات يديها ) للأسف المجتمع ديالنا ناس قلاااال لي كيفكروا يستاشروا الطبيبة فهاذ الموضوع .. المهم بالنسبة للمدام .. غنقولك هي من الناس القلااال لي تولدوا بلا بكارة .. ما كاين حتى تفسيير .. هاذشي من عند الله
كريم:( حك لحيتوا ) عاارف ! ما عندها حتى مشكل دابا ؟
---: لا أبدا .. الاموور عاادية جدا ! ( حنات راسها كتكتب فالورقة قدامها ) يلا كان الالم قوي .. خوذي هاذ البوماد غتجمعلك الجرح
وئام:( خذاتها ) واخا شكرا
خرجوا من عندها و زادوا مع الطريق كان الجو معتدل .. ما بارد ما سخون .. مرة مرة كيغيم .. شافت فيه وئام مايلة على جنبها
وئام: غندخلوا للدار دابا ؟ ما بقيناش غنمشيوا عند خالتي ؟
كريم:( منتابه مع الطريق ) تال غذا ان شاء الله .. فاش وقع هاذشي عيطت ليهم علمتهم ( شاف فيها ) مالك جالسة معذبة ؟
كريم: عادي عادي .. راه لحم كان مجمووع و مزير و تفتح .. أكييد غتتقسحي .. شوية بشوية غتولفي
وئام:( حركات راسها بااه و قالت هازة حاجبها ) أجي نقوولك الناس فاش كيتزوجوا فصباحهم رجالهم كيعطيوهم شي حاجة كعربوون شكر زعما .. ما عرفتش شنو كيسميوها
كريم:( شاف فيها كيطنز ) و الله و علم أول زوااج ليا معاك
وئام:( بنيتها كتجاوب ) ا لا و الله تا كيعطيوهم
كريم:( هز حاجبوا ) شنو بغيتي نعطيك نتي ؟ العصا دايزة فالحساب و لا والو ؟
وئام:( ضحكات و قالت ) هههههه ديني أنا غير لعند عمي حمد ( حرك راسوا بمعنى شكون و هزات يديها جمعاتهم و باستهم ) ناااري على نصووصا بالصووصيييط و الحاااار اححححح ( دوزات على فمها ) تاااكل مووراهم صبااااعك .. دييناا عااافاااك تشهيييتووا
كريم:( ضرب يد مع يد )
وئام:( كتفرنس ) و الله تا يعجبك و تولي تطلبني عليه .. كنت نمشي انا و بابا نضربوا نصووصة على قلبنا
كريم:( شاف فيها ) عليها مضرووبة بنص نيت
وئام:( جمعات فمها ) مالك قمااع هاكا مالك ؟ من نهار عرفتك و نتا تتسيفطهملي متااابعين
كريم:( ضحك ) و الله ا سنفوورتي ما كنقمعك ديكشي من عند الله كيجي ( مد يديه جبدلها حنكها ) راجلك هاكا داير غير ولفي ..
وئام:( صغرات عينيها كتعيبوا ) واخا الكبيدة د مراتوا تانا من هنا الفوق ما كاين غير القميع ( هزات كتافها زعما غضبااانة )
كريم: أنا الكبيييدة ديال ياسيين الله يخليك !
💫💫 بعد 7 أشهر 💫💫
دازوا الايام بحلوها و مرها على ابطالنا و ليوم بعد أشهر من الكفااح و الخدمة .. وصل وقت امتحان جوهرة .. لي كانت واقفة قدام المراية بخمارها لي ساترها و كريشتها مقنبلة حداها .. كتشووف فراسها و تتنفس مرات متتابعة باش تهدن من الخلعة و الخوف لي شادينها
ياسيين:( حط يديه على كتفها و دورها عندوا بالشوية تا شافت فيه كترمش ) واجدة ؟ هزيتي وراقك و كاع لي غتحتاجيه ياك ؟
نزلوا فلاسانسور و هي حاطة يديها على كريشتها لي تقلات عليها .. ركبوا فطونوبيل و قلعوا فاتجاه ليسي فين غاذي دوز امتحانها .. وصلوا قبل لوقت كانت الدنيا مزال ما عمرات .. تلامذ قلااال واقفين .. حبس و مد يديه لراسها .. جامع حناكها بين يديه و قال بجدية
ياسيين: غنبقى نتسناك هنا حتى تخرجي .. بعدي على الزحام و انتابهي لراسك لراسك و لكرشك .. خصووصا فالدروج بالشوية عليك
جوهرة: واخا كن هاااني
ياسيين:( تنهد و قرب باسلها جبهتها ) تفكري بلي سهرتي ليااالي و عطيتي كل ما فجهدك باش تنجحي .. ما تتوثرييش و تضيعي كلشي .. تنفسي بالشوووية عليك و حضري عقلك .. ما زربانة فين .. شحال ما زربتي شحال ما غلطتي .. لوقت كااافي و معديك لهييه .. غير خوذي وقتك فالاجوبة .. ما توري لحد و ما تشوفي فحد أصلا .. حضي غير ورقتك .. تصحيح كيكون مزير يلا لقاو نفس الجواب فجوج وراق راه نتي لي غتضيعي
جوهرة: عارفة
ياسيين: عرفتي شي حاجة جاوبي عليها ما عرفتيش دووزي لحاجة ثاانية حتى تكملي ديكشي لي متأكدة منوا عاد رجعي ل لي ما عرفتيهش .. باش ما تزيريش و يمشيلك كلشي .. الخوف كيلعب على بنادم بزاااف .. سوو ارتاحي و كوني متأكدة شنو ما كانت النتيجة .. أنا معاك
جوهرة:( تبسمات ليه ) و أنا غنفرحك و غنردلك كاااع لي درتيه معايا بنجااحي ( شافت لباب تفتحات و قالت ) دعي معايا
ياسيين: الله يوفقك المشييشة ديالي ( مد يديه كيتأكد من الوراق و حيد الكونطاكط ) أنا غننزل معاك .. يالاه
جوهرة:( نزلات كتتمشى بالشوية عليها حتى جا حداها ياسيين لوا يديه على خصرها كيعاونها و هي مبتااسمة و فنفس الوقت قلبها كيضري بالجهههد )
ياسيين:( وصل معاها لباب و باسها فراسها و حرك يديه على كرشها ) كووغاج
جوهرة:( بحب ) لا إله إلا الله
ياسيين: محمد رسوول الله
بقى وااقف متبعها بعينيه حتى اختفت على أنظاروا و كروازا رجليه مع الحيط متكي عليه بهدووء كيدعي معاها و فنفس الوقت خاايف عليها حيث تقلااات و عياات فهاذ الاوااخر ما بقالهاش الخااطر كااع غير كتبكي على ابسط حاجة .. دخلوا الناس لي غاذي يدوزوا و بقاو عائلاتهم لي كيتسنااوهم برا .. تا شرقات الشمش حاااارة و تحرك لطونوبيلتوا جاالس فيها و فيديه التيليفون كيتلف فيه الوقت على ما تخرج ..
أما جوهرة فراه شافت القاعة لي جات فيها و دخلات بالشوية عليها كتسول سيكيريطي لي تما حتى نعتولها و بدات طالعة دريجة بدريجة حتى وصلات .. لقات بلاصتها و جلسات بحال أيها الناس جبدات كاع الأدوات لي غتحتاج .. كتسنى الأساتذة يبداو يفرقوا عليهم الوراق .. حنات راسها على ملخصاتها كتراجع و تدعي من قلبها .. حتى طلبوا منهم يجمعوا كلشي و بداز كيفرقوا عليهم الوراق لي غيحتاجوا للوسخ
صونا الجرس و تفتح اونفلوب مشدوود حداهم دالامتحان و بدا كيتفرق عليهم واحد واحد .. كانت أول مادة غدوز هي مادة الفرنسية ( على فكرة ما كيدوزوش بحال صحاب السيزيام )
دارت بنصييحة ياسيين و حنات راسها على ورقتها كتجااوب بالشوية عليها و كل شوية كتململ فبلاصتها مزيييرة فالجلسة .. حتى ضار عندها لي جالس قدامها كيهمس
---: السؤاال الثاالث ا ختي عطيني السؤال الثاالث الله يحفضك
جوهرة:( شافت فيه و نطقات بهمس ) باقي ما صوبتوا ا خويا
---: واخا عطيني لي صوبتي
جوهرة:( هزات عينيها فيه بانلها وجهوا مضرووب فالنص و باين عليه خااسر نيت .. خلعهااا يالاه غتجاوبوا و تسمع صوت الأستاذ )
السكااااااات
رجعات حنات على ورقتها كتكتب حتى كملات و حطاتها جنب كتشوف sujet و كتقاد الافكار لي غتهضر عليهم فورقة الوسخ اكيد .. و فواحد اللحظة هزات عينيها و هي تلقاه جر الورقة عندوا و حنى عليها كينقل .. خرجات عينيها فيه كتضرب فيه فظهروا
---: هاذي هي ما عرفتش ا بنت ال*** مالكم على هاذ السم د**** كااامل .. غا نتووما لي تنجحووا غتصنعوا لينا الدمياااطي
جوهرة:( تخلعات و كرشها تزيرات عليها .. عيطات على الاستاذ لي كيحضي ) أستااذ عافاك راه خذاالي ورقتي ما بغاش يعطيهاالي !!
جا عندهم الاستاذ شاف الورقة عندوا و قرا السمية ردها لها و قالوا
---: آخر مرة يوقع بحال هاذ التصرف و لا غنكتب بيك تقريير نربييك
جوهرة:( بلقات عينيها فيه ) كيفاش هاذ آخر مرة يوقع بحال هاكا ؟ و اجوبتي لي نقل مني و جالس يسب فيا ؟
ضار عندها بوجه كلوا شر و وقف كيسبب و يررب ما خلى فيها غير لي نسى .. من السمطة للتحت و الاستاذ شادوا .. و لي كتحضي معاه خرجات كتطيير كتعيط لسيكيريطي و للجنة لي كتدوور يجييوا عندهم .. و بالفعل طلعوا كااملين شي 5 دالرجال .. أما جوهرة راه هربات من قداموا شادة كرشها لي تزيرات عليها بالمعقوول و الخوف لعب عليها
تقربل القسم بلي فيه و شدووه مخرجينوا كيسب فيها و فطاسيلتها .. و فباب القسم وقف و شاف فيها
---: يلا ما فشييتش مك رااني ولد الق*** عقلي مزياااان على هاذ الكماارة
و خرجووه من تما فالبلاصة و صوتوا شيئا فشيئا كيختفي .. و الأساتذة كيبردوا فيها ترجع لبلاصتها ما تضيعش امتحانها على ودوا .. أما هو فراه نزلوه للاداارة يشووفوا شنوو يديروا معاه و بعد نصف ساعة تفتح الباب و خرج من تما مخيخ داز من حدا ياسيين لي متكي فالطونوبيل .. سمعوا و ضار كيشوف فيه
ياسيين: صبحنا على الله
كمل وقت الامتحاان و بداو الناس كيخرجوا و الدنيا كتعمر .. و ياسيين وقف قدام لباب كيتسناها تخرج عندوا .. هي لي واقفة قدام البوليسي لي تما ما بغاتش تتحرك خصووصا فاش عرفاتهم طلقووه .. شادة على كرشها كتترعد حتى تيليفونها ما هزاتوش معاها باش تعيط عليه
جوهرة: ما غنخرجش من هنا .. ما غنخرجش .. راجلي برا شي واحد فيكم يخرج عندوا يعيط عليه
---: رااه ممنووع اختي يدخل .. خرجي الله يحفظك ما عندوا ما يوقعلك .. سطافيط دالبوليس راها برا .. و الولد وقع التزام عاد طلقناه .. غير كوني هاانية
جوهرة:( دموع تغرغروا فعينيها ) أنا لي واحلة فرووحي ماشي نتووما .. يلا خرجت و لقيتوا فوجهي خشى فيا المضا حتى حد فيكم ما غيعتقني ( تعصبات تا بدات كترعد ) الله ينعل جد بووه هاذ القاانوون خرجوا عيطوولي على رااااجلي
---:( شافها غتسخف ليه و هو يحرك يديه بتكالماي ) صافي أختي غير بردي انا نعيط عليه .. شنو سميتوا ؟
جوهرة:( كتلهث ) ياسيين .. ياسيين بنمسعوود
جلسوها فالكرسي و خرج كيعيط بسميتوا .. هو لي كان كيقلب عليها بقلق .. غير سمع سميتوا تزاد معاه الزايد .. طار من بلاصتوا عندوا
ياسيين: أنا ياسيين .. ااش واقع ا خويا ؟
---: أجي معايا واحد الدقيقة ا خويا عافاك
دخل معاه قلبوا مهزووز من بلاصتوا على جوهرتوا لي غير شافتوا طلقات البكية على جهدها و مشات كتخلف عندوا معنقااه بالجههد واخا كرشها معذبها .. حس بذاتها كلها كترجف بين يديه
ياسيين:( الأعصاب د الدنيا و الدين طلعولوا .. ضحك باستهزاء و عنقها مزير عليها ) يفشك ؟ بنتي ليه نفااخة ؟ ( باسها فراسها ) صافي ا جوهرة تنفسي يالاه .. هانا معاك ما كاين لي يمسك
جوهرة:( مزيرة عليه و كتطلع و تهبط النفس بزز ) هووف هووف هووف
ياسيين: هكااك ( شاف فيهم ) شي حد يشرحلي شنو واقع بالضبط ؟ مراتي داخلة صحة سلام عندكم .. نجي نلقاها فهاذ الحالة بسباب برهووش دالخلى لي ما عرفتوا *** دموو ااش باغي ؟
---: تهدن اخويا .. نشرحولك لي وقع ! راه درنا معاه الاجراءات الرسمية و تكتب بيه تقرير .. غيتمنع 5 سنين ما يدوزش و سنى التزاام عندنا ما يقربش للسيدة ديالك
جوهرة:( كتتنفس مزيرة على يديه و كتهضر ) حكرني .. منين ما بغيتش نوريه .. خذالي ورقتي و بدا ينقل منها و منين عيطت على الاستاذ عليه ناض كيسب فيا باغي يضربني و شاف فكرشي و حلف فيا .. قال بالحرف يلا ما فشيتش مك راني ولد ( سكتات كترمش ) كلمة قبيييحة
ياسيين:( شافيهم مغذذ ) شمن اجراءات كتهضروا عليهم ؟ كضحكوا عليا و على راسكم ؟ ( حرك راسوا و جبد تيليفونوا و جوهرة لاسقة فيه تا بدا كيهضر ) كرييم من شحاال هاذي ما لعبنا أنا وياك ياك ؟ دووز لعندي للمدرسة فين كتدوز جوهرة أنا كنتسناك داابا ( قطع معاه و دوز يديه على ذراع جوهرة )
جوهرة: شنو غنديروا دابا ؟
ياسيين:( شاف فيها ) واش انا معاك غتخافي ( حركات راسها بلا ) صافي ارتااحي حسبي حتى حااجة ما وقعات و يلا ما ربااوهش واليديه أنا غنربي *** بووه الكلب ( زير عليها ) يالاه زيدي من هنا ترتاحي
حطات يديها على كرشها مزيرة عليها و زادت معاه حتى فتحولهم الباب و خرجوا من المدرسة .. جوهرة مكمشة فيه حاضية جنابها و ياسيين مخنزر و طالع ليه الخز على الأخر .. مسرح عينيه كيشووف شكون هاذ البعلووك لي ركب فيها الرعب .. فتح لها باب طونوبيل يالاه غتركب ووهو يبانلها جاي عندهم موور ياسيين .. بيناتهم مسافة قصيييرة .. هاز فيديه بوونقشة كيلمع مع الشمش قلبها بغى يسكت بالخلعة و عينيها خرجوا من بلاصتهم .. زيرات عليه و نطقات بالزربة
جوهرة: يااسيين مووراااك موورااااك هااا هو .. هاز موووس
تأكد من أنها ركبات و طرقات عليها و مشى هو لعندوا .. اختاصر داك جوج خطوات لي باقيين ليه و شنق عليه فالبلاصة دخل فيه براس حتى زعزعوا و الموس طاح للأرض تسيب
ياسيين:( نزل عليه بالكروشيات ما عاقلش على راسوا و فنفس الوقت كيغوت ) باغي تفشها يا ولد *** ؟؟ ( وقف كيلهث كيشوف فيه نيفوا كيشرشر بالدم داايخ ) يلا ما ح*** راه أنا لي ولد ***
دخلوا الدراري بيناتهم كيفرقوا و ياسيين صاااعر و مرة مرة كيدور وجهوا يتأكد من الطونوبيل و واش حد ما قرب لجوهرة .. هي لي جالسة كتتفرج فيهم و نقطة د الدم ما بقاتش فيها .. النفس تقطع فيها بالخلعة بزز كطلعوا و تنزلوا خصووصا فاش بانلها لاخور غفل ياسيين و ضربوا بكروشي لوجهوا حتى شدوا موجع ..
تحنى فالبلاصة كيقلب على الموس تا لقاه و هزوا واقف كيستعرض بيه .. تا هرب كلشي من قدامهم .. مرة مرة يقرب بيه ليه و يهد و فلحظة داز من حدا يد ياسيين و دوز تا تقطع التيشورط و تجرح شوية .. شاف فيديه و فالدم لي كيسيل و فالبلاصة عطاه بكووع يديه لجنبوا و قلب ليه يدوا تا غوت فالسما و تسمعات صوت الطرطيقة و الموس طاح للأرض و ضربوا برجليه حتى سيفطوا بعيييد عليهم .. طلق من الشمكار حتى طاح كيتلوى و يتوجع للأرض
فنفس الدقيقة تسمع صووت الفران سيك و خرج كريم كيجري من طونوبيلتوا .. لقى الكبيدة ديالوا هههه محني على داك وجه الشر كيعطيه فالكروشيات و الركل و يغوت و بنادم كيبعدوا و هو صااعر ما حاسش بيديه لي كتشرشر
كريم:( حط يديه على كتافوا و جروا بالشوية مع الوقفة لي وقف جمع معاه للوجه حتى شد حنكوا ) اوووه شيييت .. وجهي البغااال
ياسيين:( شاف فيه كيلهث و قال ) فين هما هاذ البوليس دالحبس ؟ و لا الحيرة غير فالسطافيط برا ؟؟
كريم: دابا شرحلي ااش كااين ؟؟
ياسيين:( شاف فهذاك لي مليوح فالارض و حد ما بقى كيقرب منهم .. نزل جروا من رجليه و فتح ليه الصدافة د السروال و مد يديه ينزلوا ليه و فنفس الوقت كيجاوب كريم و كلشي شاد حنكوا كيتفرج ) غنح** و جبتك تصورنا .. مزيانة هاذي ؟
----:( كيفركل برجليه و يغوت و هو حاس بسروالوا كينزل ) الله يرحم والديك ا خوياا عمري نقربلها و لا نشووف جهتها
كريم:( جاتوا الضحكة و جبد تيليفونوا كيصور ) ما عرفتكش شنو درتي ليه ؟ و لكن علقتيها ا خويا بالرب !
ياسيين:( شادوا مزير عليه تا هبط ليه السروال و بان سليب ديال لولو كاتي .. غير شافوا و تفركع بالضحك ) ههههههههههه المووس و الحالة ا صاحبي و لولوا كاتي ؟؟ ( ضربوا على حنكوا باستصغاار و طلقوا عاايف منوا و من المنظر كااامل ) مرة الجاية لعب مع لي قدك
يالاه تقاد فالوقفة و عاد تمووا جايين البوليس شاف فيهم بمعنى لاش جايين دابا ؟ تا كملات الحفلة عااد بنتوا ؟ غير بنااقص كاااع .. لكن بقى واقف مبرد و شرحلهم شنو كاين و خرج مدير المدرسة و الاساتذة و الشهوود لي حضروا للواقعة .. مهم تقربلات بالمعقوول و تهز وجه الشر فالسطافيط داوه البوليس و بقى ياسيين كيهضر مع كريم لي جالس فطونوبيلتوا
ياسيين: تبعهم شوفهم شنو غيديروا معاه .. مكنتيقش فهاذ الجنووس و يلا تعكسوا معاك عيط على خليل بصفتوا محامي ديال الضحية .. أنا غنشووف جوهرة و نجي لعندكم ندير لواحد فيكم وكالة يتكلف بالأموور
كريم:( حرك راسوا و ديمارة يتبع سطافيط ) صافي غير سير تلقاها سخفات غير بالخلعة
ياسيين:( تنهد ) أودي !
خلاه و رجع عندها دق فالزاج و فتحات ليه الباب .. غير جلس و عنقاتوا بقوة كتبكي مخلووعة
ياسيين: ششش صاافي ما وقع واالوو تهدني ( حط يديه على كرشها كيحركها بحنان ) صافي المشييشة
جوهرة:( هزات راسها ذاتها كترجف ) يدييك ا ياسيين ( هزات كلينيكس كتمسح ليه الدم بالشووية لا تقسحوا حتى تنقات و بانت الضربة .. تحنات باستوا فوقها ) خصك ديرلها الدواا
ياسيين:( مد يديه ) أراي الكونطاكط ( عطاتهم ليه و قلع طاير من تما سااكت )
جوهرة:( شافت فيه بانلها معصب و نطقات بأسف ) سمحلي
ياسيين:( حاضي مع الطريق تا وقف قدام طبيبة ديالها .. فتح لاسانتير و قال ) غتعاوديها غنضبر معااك ( فتحات فمها تهضر و قاطعها ) نزلي من الهضرة خلاص
جوهرة:( فتحات لباب نزلات بالشوية عليها تا قبط فيها و رمات راسها على كتفوا ) كنت غنسخف
ياسيين:( بملاطفة ) منين ما بلتيش علينا ما درتي واالو البوالة ( جبدلها نيفها كيضحك )
جوهرة:( تزنكات و قلبات عينيها ) و راه ماشي لخااطري
ياسيين: تحرقوا لك فيزيبلات الحشون .. تشنتي ليكوش د ولدك قبل منوو ههههههههه
جوهرة:( ضحكات بخجل ) و الله ما نهضر ياالاه قوول لي عجبك ما غتفقصنيييش
ياسيين:( خربقلها شالها ) زيدي و كان نشوفوا داك الولد واش قلبتيه من بلاصتوا بالخلعة و لا باقي لاسق
ياسيين:( دخلوا و مشى للاستقبال تبسم مع السيدة لي تما .. كانت كبيرة شوية فالعمر و باين فيها درييوشة ) مدام فارح
--:( تبسمات ) مرحبا بيكم .. لالة جوهرة كي بقيتي مع الخفة ؟
جوهرة:( تبسمات لها ) الحمد لله احبيبة يسول فيك الخير .. جينا ليوم بلا رونديفوا و لكن موجعة شوية بغيت نتأكد من الأموور
---: الله يفكك على خير .. واخا جلسوا واحد الجوج دقائق تخرج واحد السيدة من عند الدكتورة و دخلوا .. غير هو طبيبة ديالك ما كايناش !
جوهرة:( شافت فياسيين باستغراب و رجعات شافت فيها ) ما فهمتش ؟ شكون الطبيبة لي هنا ؟
---: ااه حيت الدكتورة خرجات هاذ الاسبوع فعطلة .. عندها مؤتمر طبي .. و جات ختها لي تا هي فنفس الميدان .. غترومبلاصيها على ما ترجع .. علمت المرضى ديالها و نتوما حيت عندكم الرونديفو تال الشهر جاي ما علمتكمش حيت غتكون رجعات
جوهرة: واخا ماشي مشكل
جلسوا تسناو شوية على ما خرجات المريضة لي لداخل و دخلوا بجوج .. كانت طبيبة باقي شابة بعيون عسلية مجبدة و شعر أسود نازل على كتيفاتها فوق الوزرة البيضاء ديالها .. شافت فيهم بابتسامة من بعد ما كانت كتقرا حالة جوهرة و كتفهمها
----: تفضلوا معايا !
وقفوا فاتجاه غرفة الفحص .. تكات فالباياص و عرات كرشها باش تقلبها و ياسيين شاد فيها من جهة الثانية .. كيداعب يديها بهدووء
---:( هزات عينيها فيه و رجعات حناتوا مزنكة و كل شوية تهز عينيها فيه و ترجع تدوز الألة على كريشة جوهرة ) تبارك الله الصحة دالجنين من ديكشي ( شافت فيه و قالت ) كيبانلك فالشاشة ياك ؟ ها هو كيتحرك هنا
ياسيين:( شاف فيها و رجع شاف فالشاشة مبتاسم و نطق بهمس ) حبيب باباه
جوهرة:( نحنحات و قالت ) قبيلة كان كيشدني شي وجع قااسح .. بحال كيضربني الضوو و يرجع !
---: لا عادي غير من الخلعة يمكن حاولي فهاذ الوقت تحافضي على الهدوء ديالك و بعدي على العصبية ( رجعات ركزات فياسيين ) ما عندكم مناش تخافوا اسيدي .. غير مع الجو و النفسية غاالبا .. امم .. تبغي تسمع صوت دقات قلبوا ؟
جوهرة:( تزنكات غتطرطق كتنفس بالجهد .. منخلاها و لا غير جابلها الله كتزكك على راجلها قدامها ؟ )
ياسيين: واخا !
----: واخا بكل سروور
بابتسامة مشات بركات فجنب الشاشة حتى بداو كيتسمعوا صوت دقات قلبوا بطريقة كتبووورش لحم .. لدرجة عينيهم دمعوا بالفرحة .. واخا ماشي اول مرة يسمعوا دقات قلبوا .. لكن الاحساس ما عمروا تبدل فكل مرة نفس التبوريشة و نفس الهالة من المشاعر
---: تبارك الله .. قتلك ولدكم فاحسن حالاتوا .. غير من دقات قلبوا تتأكد ( هزات عينيها فيه ساهية و تنهداات )
جوهرة:( عياااات ساكتة و هي تنطق ) لا ختي نووضي كووليه ( شافت فيها باستغراب ) لا و الله حتى تاكلييه ! بوطوا ديال الضوو أنا قداامك الله ينعل لي ما يحشم !
ياسيين:( هز حاجبوا شاد الضحكة ) جوهرة !
جوهرة:( بنرفزة ) قطراان أنا ماشي جوهرة ! السيدة بقالها شوية تنوض تغتاصبك .. لواه لباس ؟ ما بنتلكش أنا لي كرشي لفمي قدامك ! ( عيباتها ) تبارك الله ا سيدي لا ما تخافش ا سيدي .. تسمع قلبوا ا سيدي ؟ ( مداتلوا يديها يعاونها ) نوضني من هنا و نتا كتفرج فيا
ياسيين:( فلتات ليه ضحكة برييئة و مد يديه كيعاونها و يمسحلها كرشها )
----:( صدماتها ما عرفات ما تقول ) اا سمحيلي ا ختي راك فهمتي غلط .. ماشي هكاك
جوهرة:( جمعات فمها بحال النقطة ) ضحك نتا معامن جات ( شافت فيها و قالت ) قهرتووني حق الله ( هزاتلوا يديه لسما ) مزوووووج ا ختي و الله تا مزوووج و ما ناوياش نتفارق معاه .. غير تفاارقوا علينا ها حجر العااافية
خرجوا من تما شاد فيها كتنكر حداه و هو شاد الضحكة .. هرباااتووليه
جوهرة:( شافت فيه مصغرة عينيها ) غير ضحك عنداك تطرطق !
ياسيين: ههههههه و الله تا تنبغيك المشة
جوهرة:( ضحكات بفرحة و فتحات لباب ركبات ) بنادم كيشوفك حااااملة و حداك راجلك و ما كيقيلكش ؟؟ منين كيفهموا هااذوا هاا العاار ؟؟ ( بصوت خافت ) الانسة سااهية فيه و يعلم الله فين مشى عقلها بقالها غير تتنهد .. الناس كيستحلموا فليل و هي غديرها و هي واقفة تبقيييستر
ياسيين:( سمعها و حنى راسوا على الفولا ضحك حتى شبع و مد يديه لجبهتها ضربها فيها تا شافت فيه و قال ) تجمعي البنت
جوهرة:( ميقات فيه ) فرحااان براسك .. عااجبك الحال .. نااس كيضسروا عليك غير بالفن ( جاتها الضحكة و قالت ) عرفتي فالابتدائي كنا كنكتبوا فورقة حمار للبيع ( سدات فمها تتضحك ببراءة تا شبعات و رجعات كملات ) و نعلقوها فظهر داك الشكااام دالقسم لي ديما مضبرهالنا .. الساحة كااملة كتتفرج فيه و ياا وييل لي درناه فبالنا ههههههههه
ياسيين:( ضحك ) على لي يكوييها قهرتووها .. غتقابلكم غير نتوما بالتدواز ؟ و هي ما تدوقش ؟
جوهرة: تكوييها جنية و الله تا نتفها
ياسيين: هههههه ( وقف فالسطوب و شاف فيها ) دابا نتي فينما تحملي غتخرجلي هاذ الفيرسيون جدييدة د جوهرة ( غمزها ) على هاذ الحساب غير تولدي و تفوت الربعين نبداو نخدموا على المشرووع الجديد ( ضرب يد مع يد ) قالك تنتفها
جوهرة: يسحابلك كنضحك ؟ و الله تا نتفها .. نيت توحشت أيام الصغر نتفكرهم فيها
ياسيين:( رشقااات ليه ) هي كنتي مشااغبة حتى نتي ؟
جوهرة: لا و لكن واحد النهار نتفت واحد البنت فرجت فيها أمة لا إله إلا الله .. سيمانة و أنا و وئام كنتناتفوا كل صبااح تتعلمني زعما ( دمعوا عينيها بالضحك ) حتى تعلمت شوية و مشيت طبقت فيها ( شدات حنكها ) و لكن على بلان دارت ليا ؟
جوهرة: اويلي مشات عند لولد لي كيعجبني و قاتلوا عرفتي جوهرة كتعجبهااااا و دازت ضربات ليا الطر مع كلشي و مع هي يا حسرة صااحبتي كلشي تيقها و فاش خرجنا بابا كان واقف كيتسناني و ما تجي الهضرة غير فوذنيه
ياسيين:( كيرمش فعينيه كيتأكد من لي سمع ) لولد لي كيعجبك ؟
جوهرة:( بعفوية نساات راسها ) وا لا ماشي كييعجبني كيعجبني غير هو
ياسيين: اهاه زيدي ؟
جوهرة:( سكتات كترمش عاااد طلعات معاها ) هيهي
ياسيين:( شاف فيها بنص عين و رجع مركز مع الطريق ) واا كملي دابا !
جوهرة:( جاتها الضحكة ) راه هاذشي ديال الابتدااائي راك بعقلك زعما ما غتديش عليه ؟ ( هز راسوا بالايجاب ) عارفني ما كنكذبش عليك المهم انقولك شنو وقع بالضبط و نتا حكم
ياسيين: وا تحلييييتي و لي عطى الله عطاااه غير طلقينا .. تنمشيوا لدارنا و نتفاهموا الكحلة
جوهرة: ما بقيتش مشيشة ؟ ( قربات منوا و تكات على ذراعوا كتهضر ) دابا حنا كنا كليكة ربعة بينا و حيت الأستاذ كيجلسنا دري بنت ( جاتها الضحكة ) حيت فلول دالعام كيزوجنا كل وحدة كتختار عريسها هههههه
ياسيين:( حنى راسوا عندها مخرج عينيه ) واا أستاااذ هذا ؟؟ تباارك الله
جوهرة: ههههه كان مفروووح و عندي عزيييز لدابا كيعاملنا بحال ولادوا ما شفتيش فاش كيبدا يقشب معانا .. تشد كرشك بالضحك .. ايوا المهم أنا جا زهري مع واحد الولد يالاه جا من فرنسا داك العام .. دارهم كانوا ساكنين تما و دخلوا و سبحاان الله كيشبه ليهم نييشان فالزعوورة و العيينيين تشوفوا تحلف عليه كااوري نيشاان و حيت حتى انا بالعوينات ملونين و الزعورية هههه قالك أنا لي نجي معاه
ياسيين:( تيسمع و يحك فسنانوا ) اييه زيديني علما .. صدقات مرااتي مزوجة و هي برهووشة و انا آخر من يعلم .. الله الله
جوهرة: ههههه وا بلا ما تندمني خليني نكمل ليك ( تقادات فالنعسة عليه ) ايوا و صاحبتي جالسة قدامنا مع ولد ثاني .. ايوا واحد النهار ما جاش و بقيت بووحدي و فالاستراحة قاتلك نلعبوا جرأة و لا صرااحة
جوهرة: ايوا بقينا مني منك مني منك و هي تسولني شكون لولد لي كتبغي فالقسم قلتلها حتى واحد .. و كنحلفلها و ما متيقاش لا هي لا لي معاها و فلخر قالولي يالاه غير لي كيعجبك ! و بنيتي رديت .. محمد و لكن ماشي على زينوا زعما .. لا حيت لسانوا ما مسرحش فالعربية و كيتقاتل و يقرا و مجتهد و ضريف و كيتعامل معايا زويين .. ايوا الغذ ليه جيت لقيت كلشي كيقول جوهرة كتبغي محمد وا القسم كاااامل قالتها ليه و ضربات بيا الطر و لكن محمد لي حشمت منوا بزااف و الله و فاش خرجنا فالغذا لقيت بابا جاي مورايا و سمعها و لكن ما دا ما جاب
ياسيين:( قرصها ففخذها تا غوتات ) هاذشي كاامل خرج منك الكحلة
جوهرة:( كتحكها ) اححح لا حرام عليك دقتك مسموومة ( ضحكات ) تستاهل النتفة ياك هههه و لكن لبلان هو يقولي لولد تا أنا كتعجبيني و يبدا يسيفطلي الرسائل الغرامية فالوراق حتى حصلاتنا الأستاذة دالفرنسي واحد النهار .. ناااريي يا ياسيين عمري كليتها فحيااتي تال داك النهار .. كليت فالعصا حتى طابولي ليديين و تنفخوا .. الله يسمحلها مني و خلاص
ياسيين:( مسح على وجهوا ما عرف يضحك و لا يغضب وقف قدام المدرسة و قال ) الله يعفووا عليك ابنتي ( شحطها لفخضها ) هاذشي كاامل خرج منك البقة ؟
جوهرة:( عجباتها الجماعة كتفكر الصغر و تعاود ليه محمسة ) ما شفتييش أول نهار ليا فالمدرسة تلفت ههههههه ما لقيت الدار حتى بغيت نحماااق
ياسيين: علاه مخليينك بوحدك من نهارك لول ؟
جوهرة: وا لا .. دابا حيت كنا يالاه انتاقلنا و ما كنعرف حتى حد و حتى بلاصة فالمدينة .. ايوا و المدرسة بينا و بينها جوج دروبة قرييبة .. وصلاتني ماما فلول و ما طلقات مني حتى دخلت للقسم و حفضااتني الطريق حيت عمامي و جدودي كانوا غيجيوا يباركوا لنا .. عارضين عليهم و هي يديها بوحدها ما عندها كي دير .. ايوا انا علمت الطريق بالحاانوت لي فراس الدرب .. ايوا و فاش خرجت ما لقيت حتى حاانووت ( رمشات عينيها ) من زهري الغزاال سد فداك الوقت و بقيت كندور من درب لدرب و نبكي .. تا العمارة تلفاتلي .. ما لقيت الدار تا بغيت نمووت
ياسيين: هههههههههههه لا حول و لا قوة إلا بالله ( ضرب يد مع يد ) دوزي تراجعي لي غدوزي فالعشية
جوهرة:( شافت فالساعة ) ما بقى واالو و ندخلوا .. عطيني الساك راه لوور
ياسيين:( مدولها ) نسيت ما سولتك كي دوزتي الصباح ؟ كفرني داك وجه النحس ( تفكر لي وقع و بدا يتعصب ) قالك كيهد ببونقشة ؟ مولف ينقي بيه الخضرة غيجي يخلعني بيه ( باستهزاء ) عندوا الزهر كنتي معايا .. اما يلا ما جبتلوش لي يوسعها ليه و يعلموا يمد يديه على عيالات الرجال .. راني ما درت وااالوو
جوهرة:( بعدم فهم ) ااش غيوسعوا ليه ؟ ( حنات راسها كتقرا و تهضر ) دوزت مزياان فلول .. sujet لي غير خربقتوا مع الخلعة و لكن نتمنى يكون خير
ياسيين:( دوز يديه على لحيتوا ) امم يكون خير .. يالاه راجعي بلا ما نتلفك
داز الوقت حتى كانوا جالسين فالدار و قدامهم كريم و وئام .. من بعد ما دوزات المادة دالعشية فهدووء تاام رجعوا لدارهم .. يالاه ارتاحوا شوية و جاو عندهم داك الثنائي
وئام:( دهلات فياسيين و دازت عند ختها كتقلب فيها و هي وجهها صفر .. تا تأكدات ما بيها واالوا و عنقاتها ) بغيت ربي يلقيها ليه ولد الحرااام
لقاك كي الكميشة و هو يفرعن الشماكار الخانز مو كريشة مدلية و لاهيلا قالك بغى ينجح بااارد بل الرعوااني لاخوور ؟ وا غير صباار عليه ها هو غيتبرد فأحسن سيليوون و يااكلها مضخمة كاااع و يضرب على قلبوا التشيشة فوق احسن تفرييشة باش يبرد العظاام و يرطبهم شوية .. بل عقرووش لاخوور خلاني كنترعد تمنييييت نكوون تما نغززوا بسناااني بنتي ليه درويشة و حااملة من الفووق و جاالس يهدد و يبين فعضلاتوا مالوا ما بينهمش مع الرجال ؟ ( شافت فياسيين ) وا لايني يا نسيبي ما عندي ما نسالك كفيتي و وفيتي للقرد ( جلسات مغذذة ) و لاهيلا البرهوش عاد حطوا الكار قالك يضربها يفشها هاي هاي على الضسارة لقاها سااايبة
كريم:( جلس حداها شاد راسوا ) شهماااااتني منين سمعات الخبار و هي هاكا بقالها شوية تهز المكحلة و تمشي تيري فيه
وئام:( شافت فيه مغذذة ) عندووو الزهههر و لاهيلا عندوا الزهر ما نورييه العياالات ااش كيديروا فخانزين طبووقة
ياسيين:( ضحك حتى دمعوا عينيه ) هاذي يلا مشيتي ثقبتي معاها الطرح غتخليك حتى تنعس و تسكت لك الحس فمرة الصباح مووحااال يصبح عليك اولدي .. طرتي حتى طرتي و جبتيها كدير الرونديفوا على المناتفة ( طرطق بالضحك ) لا كملااات ههههه
وئام:( ضحكات ) هههههههههه لواحد هو لي يكون عندوا أدواتوا الخااصة .. مالي حمقة نمشي ليه و هو فايق ؟ بغيتيه يجلس عليا تا يخرجوا مساارني كيلعبوا قدامي ؟
كريم:( ضرب يد مع يد كيضحك ) بقة بزز واصلة لحد كرشي و كتخرج فعينيها و تعنتت .. باااز لبناادم !
وئام:( خرجاتلوا لسانها ) ايوا الواحد هو لي يعرف فوقاش يرد ضربتوا .. ما أنا عندي صحتك ما عندي صحة الشمكار و لكن عندي بلانات ما يطيحوش على ابليييس ( علمات فوق الطبلة ) و الله و كنت معاها ما نسكت ليه الله يجعلوا يدوز عليا كااع و ما يقيسهاش هي .. خلاني كنترعد الحماار لاخوور
جوهرة:( مدات يديها جراتها عندها معنقاها ) نتي الحب نتي يخليلي لي كيفكني
ياسيين:( ضحك تا دمعوا عينيه و حتى كيسكت و يرجع يضحك بواحد الهستيرية خلاهم غير كيشوفوا فيه و يضحكوا تا هما ) هههههههههههههههههههههههه لا بزااف هههههههههههههههه ( سكت كيمسح عينيه ) أنااا لي عاارف بلاناتك كي دايرين .. خلاتها ختك .. هاا حجر العااافية بلا ما تجربوا تتجمعوا شي نهار بجووج على شي مصييبة
جوهرة:( مسحات عينيها من الضحك ) ما كااين لي خاارج فعوود ياسيين قد بلاناتك ا وئام ما كاين ما و لكن ههههههه
وئام:( غضبات و دلات شنايفها ) وا ديروها فين تجييكم دابا تبغيوني للدوا و ما تلقااونيش
كريم:( ضحك و قال ) بعدوولي من سنفوورتي ا رباعة المجرمين أنا لي غنوحل فيها ( حرك راسوا كيفرنس )
جوهرة:( بقات ساااكتة شحاال و هي تقولهم ببرااءة ) ما جبتوش معاكم الفطور ؟ جيتوا طواال ؟
ياسيين:( خرج فيها عينيه ) جووهرة ! شهااد البساالة ؟؟
جوهرة:( هزات عينيها كترمش فيه ) واا غير كريم و وئام ! أنا فيا الجووع و عييت و ما فيا لي يطيب شي حاجة و هما جايين هاكا طواال ( بدات كتبكي ) مالي أنا حتى واحد ما كيفكر ليا .. مدوزة نهار د العذااب تا كنت غنولد بلا وقت و صاايمة من الفووق و ( خنقاتها البكية و سكتات كتنخصص و ياسيين مخنزر فيها كاع داك الضحك تقلب ليه )
كريم:( ضربوا لكتافوا ) وا صافي ا صاحبي طلقها وا لايني مشطبة معاكم .. السيدة حااملة و بحال ختي عاادي
جوهرة:( كتمسح فعينيها ) قلها ليه ا خويا .. انا تنفكر لكلشي و أنا حتى واحد ما دايها فيا ( جمعات البكية عاود ) واا فياا الجووع و رجلي كيحرقوني ما قادراش نووض نوجد شي حاجة .. تا واحد فيكم ما مفكر فيا ( هزات راسها فالساعة قبالتها ) بقات نص ساعة للمغرب نوضوا جيبولي ما ناكل ( جمعات فمها بطريقة برييئة )
كريم:( تبسم ) واخا ا لالة شنو نجيبولك ؟
ياسيين:( وقف ) نوضي عندي للبيت نهضر معاك
جوهرة:( شافت فيه و تكمشات فوئام ) لا ! هضر معايا هنا ؟
كريم: و الله تا عيقتي ا صاحبي بالله ، كتهضر معانا عااادي راحنا خووتها زعما .. ااش فيها ؟
جوهرة:( هزات عينيها فيه تتمسكن و تشكي ) شفتي ا خويا شفتي ( مسحات عينيها ) لقاني دروييشة و داخلة سووق راسي و حكرني .. عااارفني ما نهضرش .. هاذشي غير قدامكم و شنوو داار
كريم:( تنهد ) وا يهديك الله ا صاحبي
جوهرة: و انا واحلة فرووحي رجل فالدنيا و رجل فالأخرة و هو كيفقص فيا ( رمشات عينيها تتهز عينيها فيه ببطئ ) بغيتي تعزلني فالبيت بووحدي باش تغوت عليا و ضربني يااك .. ما كفاكش نهار المكفس لي دوزت تزيدني حتى نتا يااك
ياسيين:( خرج عينيه و حط يديه على صدروا ) أنا كنضربك ؟؟؟ ( هز يديه بجوج للسما باستسلام ) واا باااز اختي باااااز معاك .. الناس كيتوحموا 3 شهوور نتي دوزتيها عليا 7 شهوور و باقي العاطي يعطي ( شاف فكريم ) تيقتيها ؟ شفتي هاذ البرهووش نهار يتزاد غنعلق موو فالباب دالبيت .. نوريه هاذ العكس كااامل لي شاد معايا
جوهرة:( شافت فيه و خرجات لسانها ) يلا ما وليتيش تفيق ليالي تراري و تبوس و تعنق عكر ليا .. قالك تعلقوا .. هاي هااي
ياسيين:( شد راسوا ) واا نووضي دابا تهزي الله ينعل بات الشيطان قولي شنو نجيبلك قبل ما يشدوا ؟؟
جوهرة:( شافت فيه بابتسامة ) كبيييدة
ياسيين:( ضحك ) قربت نجبد كبدتي نشوييها معاك .. هذا الله
《 ﻛﻠﻤﺎ ﻧﻈﺮﺕ ﺇﻟﻴﻪ ﻗﻞ ﺇﺣﺒﺎﻃﻲ
ﺃﺗﻌﺮﻑ ﻣﻌﻨﻰ ﺃﻥ ﺗﺸﻌﺮ ﺑﺄﻧﻚ
ﻣﻨﺘﺼﺮ ﻋﻠﻰ ﺍﻟﻌﺎﻟﻢ ﺑﺴﺒﺐ ﻋﻴﻨﺎﻥ ؟؟ 》
دازت الأيام و كملات جوهرة امتحاناتها عااادي جدا .. بلا صداع بلا مشاكل .. حتى الدنيا كانت مزيرة من ناحية الأمن و الحراسة فالوطني .. عكس الجهوي لي طالقين لعب .. بعد ما كملات أخر امتحان رجعوا بحالهم للدار مع جوايه الظهر .. دخلات نيشان لبلاصتها طاحت ناعسة بحوايجها مسااالية
ياسيين: نوضي بدلي عليك و عاد ارتاحي .. أنا غندخل ندوش و نخرج نجمع لي فاليز ديالنا
جوهرة:( متكية دايخة ) ما فياش حاسة بالدنيا كتدوور بيا غير خليني .. عطيني داك المخذة نديرها جنبي ننعس اوووف
مشى عندها قادها لها و مد يديه حيدلها لفولار و بدا كيحيدلها الخمار ديالها بالشوية تا سلتولها و زولها الصاية تا هي .. مخليها بشورط خفيف و ديباردور و كرشها خاارجة معرية شوية .. تبسم بحب و طلعلها الديباردور عليها
ياسيين:( تحنى باسها و ضرب فوقها بجووج صباع مع ابتساامة ) المشااغب
حس بضربة خفيفة منوو و هو يبتاسم .. أما جوهرة طاحت نااعسة فالبلاصة .. تا قفزات و حطات يديها على كرشها تتحكها .. حيدها لها و نطق بهمس
ياسيين: ما تحكييش ( دوز كفوا بحنان فووقها تا تهدنات و رجعات تنعس و هو مبسم بحب ) معذب ماما معاك همم .. ماشي حشوومة عليك ؟ ( ضرب بجوج صباع بحال كيكلموا و الأخر كيستاجب ليه تا كيقفز جوهرة ) شنوو دابا .. فوقاش عوال تشرفنا ؟ نشوفوا الخوينز لي محمقنا كاااملين ( سكت شوية و نطق ) الحبيب ديال باباه ( ضحك ضحيكة بريئة ) نخليوا ماماك تنعس شوية باركة من ليبيتيز ا صاحبي
وقف مبتااسم و هز تيليفونوا طلق سورة البقرة و حطها بعيدة عليها شوية لكن كتسمع فالبيت كاامل .. و مشى هو للدوش كب عليه الما بالخف و خرج ملوي عليه فوطة فنصوا .. لبس عليه بالخف و جبد الفاليز فتحها و وقف مكروازي رجليه و كيشوف شنو غيديوا معاهم فالسفر .. تا كمل و خرج للكوزينة كيوجد شي حاجة للفطور خفيفة و لي يديوا معاهم احتياط فالطريق .. و هكذا داز عندوا الوقت تا فاقت جوهرة و خرجات عندوا كتفتح فشعرها
ياسيين: المهم هو ترتاحي ( شاف فالساعة ) ما بقى والو للمغرب .. نوضي تحركي شوية يدور فيك الدم .. باقي تابعانا طريق طوييلة غتطيبي غير بالجلاس
جوهرة:( غمضات عينيها و رجعات فتحاتهم ) غير سكت من قبيلة و أنا نفكر فداك الطريق .. جاب ما وصلنا لهاذ مرااكش ( مسحات على وجهها ) أما داك مولاي الصهد لي غنلقاوه كيتسنانى خلااص .. ريحوا واصلاني تال لهنا
ياسيين:( ضحك ) نتي ما كتسمعيش الهضرة .. جلسي فداركم كلشي عندك .. شي ربع أيام هكاك و نرجع .. غتعذبيني و تتعذبي راسك لا غير !
جوهرة: لا وااالو غنطلع معاك و ربي كبير .. ما نقدرش نخليك تمشي بوحدك و فليل من الفوق .. نتا لي الله يهديك كن درتي مناقص من شي طلعة و الله تا قلبي مخطووف عليا و فقت من النعاس مخلووعة ما عرفت باش تبلييت !
ياسيين:( بهدوء ) خدمتي تما ما يصلاحش ما نطلعش .. شي حاجة ضروورية خاصني نريكلها هاذي واحد .. و جوج شحال من مرة كنقولك النعاس دالنهار داائما كيمرضك و غير الشيطان لي كيلعبلك فعقلك .. غير تهناي
جوهرة:( تنهدات ) نتمنااو خير
ياسيين:( تبسم ) يلا كان قلبك مخطوف راه غير حيت درتي شي حاجة و ضميرك كيأنبك عليها
جوهرة:( باستغراب ) شنو درت ؟ لا و الله ما درت شي حاجة !
ياسيين: ما درتيلي والو ؟ ( هز حاجبوا ) شوفي و كان !
جوهرة:( عضات على شنافتها ) هو الصراحة فقت فالفجر و كليت الفاخر ( هزات يديها ) و لكن غير طريف صغيييور و الله
ياسيين:( ضرب يد مع يد ) باش كتعجبيني كتgري بووحدك
جوهرة:( جمعات فمها ) ماشي هاذي ؟ ( قلبات عينيها كتفكر و قالت ) لاااا ما تقوليش سمعتيني ؟
ياسيين:( جمع حجبانوا و تبسم باستغراب )
جوهرة: زعما عيطت على النقاشة غير باش تديرلي حنينة ديال سبع شهوور و صافي ( جمعات حجبانها ) كي درتي سمعتيني ؟
ياسيين:( هز مخذة صغيرة حداه شير عليها بيها جاتها فرجليها ) الله ينعل باات الشيطان .. ما حشمتيش زعما ؟
جوهرة:( بقات كتفكر مدة و قالت ) ما درت واالو من غير هاذشي .. ما تحمقنيش ؟ ااش كااين ؟
ياسيين: بغينا نتعنبوا عليك و نديروا فيها رومانسيين زعما ساعة ما كاين معامن
اختارت لفيلم لي عجبها و رجعاتلوا تيليفونوا حداه كتتفرج فالشاشة الصغيرة و صوت مسموع عندهم بجووج .. كل مرة تتهز بالضحك و يبتاسم معاها بهدووء مركز مع السياقة .. و غالبا فاش كيكون مسافر ما كيهضرش نهااائيا .. قلييل .. أما جوهرة راه طابوا عليها جنابها و الرجلين تنفخوا .. بدات تسووط بتعب
ياسيين:( عينيه فالطريق و كيهضر ) عاد فتناها قبيلة .. علاش ما وقفتينيش ؟ صبري دابا تنوصلوا لشي وحدة أخرى
سكتات هازة عندها ميكة فيها السقاطة كتاكل منها تا وصلوا للاستراحة و وقفوا .. خذا هو قهوة يصحصح بيها و هي طلقات رجليها كتتمشى و تشم الهوا .. عاد رجعوا كملوا الطريق .. مرة كتهضر معاه .. مرة عاطياه التيقار و واحلة غير فراسها و فجنابها كل مرة تتكى على جهة .. حتى نعسااات و قطعات الحس
ياسيين:( شاف فيها ) مشااغبة
زاد كسيرا ماشي بسرعة فالطريق لي كانت نوعا ما خااوية فيها أغلبية الكاميوات الكباار .. دازوا ساعات طوييلة و هو شادها عفطة وحدة .. حمااارووا عينيه و بدااو كيتشدوا بتعب و يرجع يحرك راسوا بالزربة باش يتوكد و ترجع تغفى بيه عينيه و يطيح راسوا و يتخلع و يتقاد .. حتى لواحد اللحظة ما بقاش حاس براسوا .. غمض عينيه نعس و هو شاد الفولا و مكسيري
جوهرة:( فتحات عينيها على غفلة .. و بعفوية شافت فيه و رجعات تشد عينيها و هي تقفز من بلاصتها غير تأكدات و هي تمد يديها زعزاتوا بالخلعة و قلبها غيسكت فبلاصتووا ) ياسييييين
ياسيين:( تخلع و قفز فبلاصتوا )
جوهرة:( شادة قلبها لي كيضرب بالجهههد ) اوييلي نعستي ؟؟ حمد لله ربي لطف و ما وقع واالوو ناااري
ياسيين:( زير على الفولا و دار السينيال لجهة باحة الاستراحة لي قدامهم فتح لباب و نزل شاف فيها وجهها صفر ) ما تخلعيش كنت دايرها اوطوماتيك .. نزلي نغسل وجهي نتوكد شوية
جوهرة:( هبطات شادة فيه باقى مخلوعة ) تشرب قهوة ؟
ياسيين: وذن الفجر .. عييت فيك تنوضي ما بغيتيش ( تنهد و دوز على يديها ) ما تخافيش .. انتوكد و ندخلوا نصليوا الفجر نيت و عاد نكملوا
جوهرة: صافي واخا
و بالفعل ديكشي لي كان صلاو و جلسوا شوية فالكافي كيضرب فيهم الهوا حتى توكد مزياان و رجعوا ركبوا مكملين طريقهم
جوهرة:( شافت فالساعة ) باقي ما غنوصلوا ؟
ياسيين: واحد النص ساعة هكاك و غنخرجوا من لوطوروط .. ما بقاش بزااف .. كنا غنوصلوا قبيييلة كون ما كل شوية موقفاني
جوهرة: و راك عاارف ما تنقدرش نصبر ( تزنكات )
ياسيين:( ضحك ) عاارف الله اودي
جوهرة:( مدات يديها شعلات الراديو ) نخليوه مونسنا موكدين ( حطات يديها على صدرها ) قلبي باقي كيضرب بالخلعة .. لطف الله و صافي
داز الوقت و هما كيهضروا و يتناقشوا .. ما خلات ما جبدات ليه بقالها غير فوائد الزعتر تهضر ليه فيهم باش ما ينعسش .. تا وصلوا لمحطة الأداء .. تقل السرعة حتى خلص و انطالقوا خارجين من لوطوروط باش يدخلوا لمدينة مرااكش .. مدينة البهجة و السرور لي كيبغيها لكبير و الصغيير ( أنا كنموووت عليها بعدا 😍 واخا يكون الذوبااان و يقولوا زيدي نمشي هههه )
لسقات جوهرة على الشرجم كتفرج فالمدينة كتباان من بعييد ما بقالهم واالو و يدخلوا .. باقيين السيارات شاعلين الضواو .. و فظل داك الهدووء تطلقات أغنية بنت الجيران بالجهد تا قفزات لبنت من بلاصتها و شافت فيه و هو كيدندن معاها
ياسيين:( كيضرب فالفولا و يغني ) بهواايه .. انتي قاعدة معايا ( هز جوج صبعان و قرب لها كينعت لها لعينيها ) عنيكي ليا مرايا ( زاد كيشطح بكتافوا ) يا جمال مرايه العيين
جوهرة:( ضحكات و قربات منو تا عي كتشطح و دير حركات بيديها و وجهها ) خلييييكي لو هتمشي أناديكي ( مدات يديها لعنقوا شانقة عليه بالضحك و هازة حاجبها )انتي ليا أنا ليكي
جوهرة:( حطات يديها جنب جبهتها و حركاتها فالسمى ) اتوه و مش هلاقيني و اشرب خموور و حشييش ( دارت جوج صباع بحال كتكمي و تتكيف و طاحت على كتافوا كضحك ) هههههههههههه
بالهزة باش هزات راسها ضرب فيها ضوو ديال طونوبيل جايا مضووبلة كاميوو و خرجات فيهم .. هما لي غااديين بسرررعة و ياسيين وخا هكاك ما متحكمش فطونوبيل بزااف .. نسى راسوا فالغنى و الضحك حتى تسمع الكلاكسوون و الضوو لي ضاارب فيه .. حاول يبعد و يتحكم فلوطوا .. لكن ما لقاش المساحة فين يتحرك .. تسمع صوت غوتة جوهرة
---: عندااااااااك
و بعدها صووت الاصطداام بالجهههههد بحال شي قنبوولة و تفركعات
شرقات الشميشة معلنة عن بداية يوم جديد .. فاقت فيه رحمة قلبها مقبوووط عليها و البكية خاانقاها .. ليل كامل و هي تتقلب و النعاس حرام واش داها و لا شافتوا .. غير صبح الصباح ناضت كتعيط لبناتها تتاكد واش بخير ..
بدات بجوهرة هي لولة عيات تعيط لكن لا مجييب .. كيصوني و حتى حد ما كيرد .. ما حسات غير بدموعها نزلوا بالخوف و قلبها كيزيد ينغزها .. رجعات دوزات لياسيين لقاتوا طاافي كتشدها بواط فوكال نيشان .. استغفرت مولاها و دوزات لابيل لوئام .. صونا شوية و جاوبات
رحمة:( مسحات على وجهها ) لا والو ابنتي غير غبرتوا عليا لبارح ما هضرناش و تخلعت عليكم .. هضرتي مع جوهرة ؟ من قبيلة و أنا نصوني عليها و والو جتى راجلها ما كيجاوبش ؟؟
وئام: ااه هضرت معاها لبارح فليل قبل ما يسافروا .. راها قاتلك غيطلعوا لمراكش .. غتكون غير ناعسة عيات بالطريق و الثقل
رحمة:( تنهدات ) على الله .. يالاه بلا ما نشدك يلا عيطاتلك و لا هضرتي معاها قولها تتاصل بيا ضرووري راني مشطوونة عليها
وئام: صافي واخا ( قطعات معاها و شافت فكريم لي فاق على هضرتهم ) ماما مسكينة تتعيط تسول .. فيقاتك ؟
كريم:( تفوه ) لا ما عليش .. خاصني نوض أصلا .. نمشي نشوف ما نقضي
وئام:( كتقاد مخدتها ترجع تنعس ) حوايجك راه معلقين .. غننعس أنا شوية و عاد نفيق .. صبح راسي ضاارني
كريم:( من الدوش كيجاوبها ) كلشي من داك نيسكافي لي كتقيلي تشربي فيها .. راه غير مرض فمرض
وجد راسوا و خرج من الدار يمشي يقضي شغالوا فحين وئام رجعات نعسات ترتاح .. تا شبعات و ناضت .. هزات تيليفونها لقات أبيل من نمرة ما كتعرفهاش .. استغرباات و دوزات ليها الأبيل فالبلاصة .. بقى مدة طوييلة و هو كيصوني عاد قبط الخط و تسمع صوت أنثوي
وئام: وي السلام عليكم .. لقيت هاذ النمرة معيطالي ما عرفتش شكون ؟
----: وئام ياك ؟
وئام:( باستغراب ) تمااما
---:( تنهدات ) المهم اختي أنا فرملية فالمستشفى الجامعي *** بمراكش .. هاذ الصباح جاونا ثلاثة دالحالات دايرين حاذثة سير خطييرة ..
---: من الصباح و حنا كنحاولوا نوصلوا لواحد من عائلات الضحايا .. نمرتك نتي لوحيدة لي جاوباتني من عائلة السيدة جوهرة و الزوج ديالها ..
وئام:( دموعها طاحوا بالخلعة رجعات كلها كترجف و كدخل و تخرج فالهضرة بزز تبثات راسها و قالت ) و كي بقاو ؟؟ كيف راهم دابا .. ختي حااملة الله يحفضك كي بقاو ما تخلعينيش عليهم .. يااا ربي
---: ختي خصني نقطع راه ممنوع نهضر و مع ذلك ما قدرتش نخليهم مليووحين هنا و ما نعلم حتى واحد من عائلتهم .. لي غنقولك طلعوا عندهم دغيا يلا غتلحقوهم .. حالتهم خطيرة بزاااف .. خصوصا السيد أما ختك باقية فالبلوك ما عندي حتى فكرة عليها
وئام:( دموعها شلال واقفة كتفتف بوحدها و تهضر شوية و تبكيي ) واخا ا ختي واخا غير الله يرحم بيها الوالديين خلي تيليفونك مشعوول نعرفوا خبارهم غير على ما نوصلوا .. و بحلاااوتك الله يحفضك
---: واخا ا ختي واخا ( الصوت بدا كيتسمع لوئام بعييد و ما قدراتش تفرز الهضرة نيشان .. لكن سمعات جملة خلات قلبها يوقف بمعنى الكلمة ) متاكدة ؟ واش السيد لي دار أكسيدون الصباح ؟ لااا إله إلا الله .. إنا لله و إنا إليه رااجعون
وئام: ك كي كيفاااش ؟؟ يااسييين ( شدات فمها كتبكي ) اختي وااش ياسيين ؟؟ جااوبيني الله يحفضك واا ختي
حيدات التيليفون من وذنيها لقات لابيل تقطعات .. رجعات كتصووني و حد ما كيجاوبها
وقفات و هي كتترعد فبلاصتها و كتفكر كلام لفرملية و قلبها غيسكت فبلاصتوا .. يديها بزز قادرين يهزوا التيليفون و دموعها نازلين شلاااااال
وئام:( يالاه قبطلها الخط و قالت كتترعد ) كريييم كريييم مصيييبة وقعات ( شهقات بالجهد حاسة بقلبها غيوقف ) ختي و ياسيين اكريم 😭😭
كريم:( بخوف وقف من بلاصتوا و قال بالزربة ) مالهم ؟ مال ياسيين ؟ ( غوت ) واا هضضضضري ما تصعرينيش ؟؟؟
وئام:( بنبرة مرعوودة ) ياسيين توفى أ كرييم 😭 عيطاتلي غير دابا الفرملية .. داروا أكسيدون فالدخلة ديال مراكش و جابوهم لعندهم .. كنت كنهضر معاها و علموها بلي مااات
سكتات كيتسمعوا غير شهقااتها و صوت بكاها الحااد .. أما هو تزدح على طولتوا للأرض و عينيه خاارجيين و حووومر بالدمووع لي مغرغرين ليه .. دازوا لقطات فمخليتوا من نهار دخل ياسيين من الغربة إلا يومنا هذا عمرهم تفاارقوا .. عمرهم خباو على بعضياتهم شي حاجة .. كاانووا خووت كثر من أرحام مختلفة .. لي جبد كريم بحال جبد ياسيين .. بجوجهم بحال ظل بعضياتهم .. و دابا ؟ صافي مشى توأم رووحوا ؟ مشى كبيدتوا ؟ نزلوا دموعوا بحرقة هو لي عمروا بكاها على شي حد نزلوا بحرقة كبييرة شااد على قلبوا مزير
كريم:( مسح دموعوا و حرك راسوا بالنفي ) مستحيييل ماشي بهااذ السهوولة .. باقي ما شااف حتى ولدووا لاااا
وئام:( كلها كترجف و دموعها كيقطروا بالجهههههد ) جوهرة غتموووت فأرضها .. ما نقدرش نتصور حالتها .. أنا نحماااق بلاصتها 😭
كريم:( وقف كيترعد و عينيه حووومر ) مااا يمكنش لا مااا يمكنش !غنجي عندك دااااباا تهزي نلقاك لتحت .. هزي لاكارط ناسيونال ديالك .. داابا نلقاك فالباااب
خرج كيطير ركب فطونوبيلتوا و عفط بالجهههد حتى تسمع صوت بحال شي حاذثة و زاد حاك روايض مع الأرض بسرعة كبييرة .. ما عرفش كي دار حتى كان وصل عندها .. هي لي لابسة اول جلابة لقاتها قدامها و ملوية راسها ففولار .. وجهها حمممممر و عينيها كيبكيوا عشرة من العين .. ركبات حداه و انطالق كيتسابق مع الريح و هي كتعاود ليه شنوو وقع بالضبط .. حتى بانلها شاد الطريق لكازا .. شافت فيه باستغراب
وئام: فين غاذي ؟ راهم فمرااكش ماشي فكازا ؟
كريم:( طرطق القاميجة كيدوز على عنقوا يتنفس ) غاذي لكازا نشدوا الطياارة واش حنا عاد غنتسناو خمسة دالسوايع اخرى ديال الطريق ؟ عااودي عيطي عليها .. ياك قاتلك غتخلي تيليفونها مفتووح .. علاش ما كتجاوبش ( ضرب فالفولا بالجهد ) علااااااش
داز الوقت حتى وصلوا قدام المطار د كازا .. خدا من عندها لاكارط ناسيونال و دخل هو يشوف واش كاينة رحلة لمراكش يقطع فيها .. اما وئام بقات حاضنة على التيليفون كل شوية تعيط و لا مجييب حتى بانلها كريم راجع صاعر .. ركب و قلب الدورة بواحد السرعة خياالية
كريم: ما كايناش لمراكش .. تال غذاا و البلايص كلهم عاامرين تفوو
وئام:( باقي كتجرب حتى شدلها .. دارت هوط باغلوغ باش يسمع معاها تا هو قالت كترعد ) حراام عليك اختي من قبيلة و انا نعيط رميتيلي الهضرة و طفيتي تيليفون .. واش راجل ختي لي مات ؟؟ هضري الله يرحم باك راحنا على أعصاااابنا
----: كنت خداامة اختي رااه ممنووع .. غير بليزير مني و صاافي ( تنهدات ) لا ماشي راجل ختك .. السيد لي داروا معاه الأكسييدون هو لي توفى ( بزربة نطقات ) شوفي اختي راني مشغوولة ما عندي كي ندير نهضر فاش نحبسوا لبووز أنا نعيطلك غير تهناي مهم نتوما أجييوا لحقوهم فأقرب وقت ( قطعات )
وئام:( شافت فيه و تنهدااات ) الحمد لله خرجات طرييفة
كريم:( شاف فيها مغذذ ) شمن طريفة ؟؟ منيين جاتها ؟؟ راه الموووت هاذي !! ياسيين غيمشي فيها للحبس شهر و لا شهراين هي لقليييلة .. فين هو هاذ الخير ؟؟ تفووو على نهااار د الحبس
سكتات كتنهد و كل شوية يطيحوا دموعها و تمسحهم و قلبها كيتقطع بألم شديييد على ختها و راجلها و الأسوء هو باقي ساااعات عاد يوصلوا عندهم و ما عارفين واالو .. كيتسناو الفرملية على الله تطمن قلووبهم شوية !
ماشيين بسرعة فااائقة كيطيير فالطريق بمعنى الكلمة و عينيه حووومر .. جالس على أعصااااب أعصااابووا .. كيتسنى غير فووقاش يوصل و يشووف خوه فصحتوا و بخيير .. يتطمن بعيينيه .. فهدووء تاام غاديين .. مرة مرة كيتسمعوا شهقات وئام .. حتى كسر هاذ الهدووء صوت تيليفون وئام كيصوني .. لقاتها نفس النمرة و جاوبات بلهفة دايرة هوط باغلوغ كالعادة
---:( تنهدات ) تمنييت نفرحك أختي .. غير سمحيلي و الله ما عرفتش كي ندير نقوولها
وئام:( عضات على فمها و غمضات عينيها و دموعها شاقيين طريقهم فحناكها ) غير هضري اختي .. قولي لي كااين ؟
---: أولا حالة السيد متضهورة بزاااف .. راه فالانعاش دابا و الأطباء فاقدين فيه الأمل .. كيقولوا فأي دقيقة ممكن يدي مول الأمانة أمانتوا
كريم:( ما حس غير بدموعوا ناازلين فصمت و هو كيسمع )
---: أما السيدة ( تنهدات ) حالتها ما نبغيها لحتى زوجة و لا أم فهاذ الدنيا .. للأسف نزفات بزاااف و حالتها كانت أخطر من الزوج ديالها .. حاولوا الأطباء بكل جهدهم ينقضوها هي و الجنين لكن ما قدروش .. تخيروا بين الأم او الابن .. و فالأخير اختاروا الأم .. ختك فقدات الجنين ديالها و حاليا باقي ما فاقت .. مزال مبنجة !
وئام:( انهاارت ما بقاتش قادرة تسمع شي حاجة قطعات عليها فالبلاصة و تحنات مكمشة رجليها و كتبكي و تشهق بحرررها .. تا خرجات غوتة من أعماااقها ) يااااااااا ربيييي يااااا ربييييي
كريم:( بانت ليه باحة استراحة و دار السينيال وقف و فتح لاسانتير .. مد يديه و جرها عندوا معنقها بالجهههد كيصبر فراسوا و فيها ) صااافي ا وئام الله يحفضك حبسي
طلقات منوو بالزربة و فتحات باب الطونوبيل تحنات كترد و تبكي بحرقة حاسة براسها غتسخف فأي لحظة و بين عينيها غيير ختها و منين تسمع الخباار كي غتكوون ؟
كريم:( مشى عندها بخووف شاد فيها حتى ارتاحت و فتح الكوفر جبد قرعة د الما فتحها و فزك يديه كيغسلها وجهها و عطاها شللات فمها تا بردات و شد راسها بين يديه و قال بجدية ) وئام حبيبتي ما ديريش فراسك و فيا هاكا .. يلا حنا ضعفنا هاكا هما كي غتكون حالتهم ؟ هنا فين خاصنا نوقفوا معاهم و نكونوا يد فيد .. هذا قضااء الله و ما فيدينا ما نديروا من غير الصبر .. خصك تكوني قوية باش توقفي مع ختك فمحنتها
وئام:( حركات راسها بالايجاب و عينيها ما نشفووش نهائيا من الدمووع )
كريم:( تنهد ) ما بقى واالو و نوصلوا .. بلا ما نزيدوا نضيعوا الوقت كثر
رجعوا تحركوا بسرعة قاطعين المساافة فأقل وقت ممكن .. وئام بقوة لي بكات سخفاات حداه ما بقاتش قادرة تهز يديها هي لخرة كتشوف غير بعينيها و تدمع .. ما دخلوا لمراكش حتى عقلهم بغى يحبس من التفكير و قلبهم يسكت من الخووف ..
اتاجه كريم نيشان للمستشفى لي قاتلهم الفرملية عليه .. على ذكر الفرملية ما بقاوش عيطولها و لا هضروا معاها .. لأن نفسيتهم تدمراات بالمعقوول كاع داك الشوية ديال الأمل لي كان باقي لهم تبخر و طاار بكلامها .. رجع كلشي كيبانلهم سوااد فسوااد
بلاصة لوطوا و هضروا مع السيكيريتي كيسولوه على اصحاب الحاذثة لي جابوهم فصباح بكري .. دخل معاهم كينعث لهم و يوريهم فين يمشيوا حيت تا واحد فيهم ما عارف السبيطار كي داير .. دور معاه من بعد ما وصلهم عند الفرملية لي غتوصلهم و بالفلوس كلشي كيتيسر و كلشي كيبغي يعاونك و يهزك فوق كفوف الراحة
مشات معاهم حتى وصلاتهم لواحد الكولوار طوييل و قالت
---: غتمشيوا تال الراس فهاذ الكولوار و غتسول تما غيوصلوكم عندهم .. قلهم غير صحاب الاكسيدون و هما غيتكلفوا .. الله يجيب الشفااء
مشات و هما مشاو كيخلفوا طاايرين فداك الكولوار يالاه وصلوا لراس و هو يوقف كريم مبلوكي فبلاصتوا .. حاس بالدنيا كتدور بيه من لي كيشووف قبالتوا .. أما وئاام خلاااص ما عرفات واش هاذشي لي كيوقع معاهم حلم ! كابوس ! و لا حقييقة ! لي عارفاه ما بقاتش قادرة تستحمل نهااائيا و النفس تقطع فيها .. زيرات بالجههد على كريم ما قادراش تتنفس كتطلع النفس ما تهبطوا .. خلعاتوا و هبطاتليه النقطة و الحمد لله أنهم فالطبيب يلا وقعاتلها شي حاجة راه يسعفوها فالبلاصة .. لكن بعد ثواني ارتاحت و قدرات تتنفس
كريم:( شاف قبالتوا باقي مصدووم و ما متيقش شنو واقع ؟ قال بنبرة عالية كلها صدمة فرحة استغرااب ) ياسييييييييين
ياسيين:( ضار كيقلب على مصدر الصوت حتى شافهم واقفين قبالتوا طلعهم و نزلهم بالخف كيشوف فحالتهم لي خاايبة لواحد الدرجة لا تصور .. استغرب و قرب منهم ) كريم ؟ وئام ؟ شكديروا هنا ؟
كريم:( كيقلب فيه بلهفة شاف فيديه لي معلقة فعنقوا و مجبرة و فنيفوا لي مهرس حتى هو .. و بعض الضربات فوجهوا .. عاد تنفس براحة نوعا ما و عنقوا عندوا بقوووووة ) الحمد لله الحمد لله يااا ربي
وئام:( نطقات بصوت مهدوود ) جوهرة
ياسيين:( غير سمعها و تنفض راجع بالزربة فين كان .. كأنوا عااد تفكر .. وصل مع الباب لي تفتح و خرجوا الأطباء من عندها .. قرب منهم بخوف و لهفة ) أمدرا ا دكتورة ؟
----: الحمد لله قدرنا نتغلبوا على الوضع .. لكن حالتها ما غتبقاش مستقرة لمدة طوييلة .. غندخلوها داابا تولد قيصريا .. ما عندناش الوقت الكاافي
---: لبلووك دابا غنوجدوه باش تدخل تولد
ياسيين:( شاف فيه و قال بجدية تاامة ) طلبي لي بغيييتي يحضر و لكن مراتي و ولدي يخرجوا صحة سلام ( بتاكيد ) لي بغييتي غير عنااو بيها
---:( حركات راسها بالايجاب ) كن هاني اسيدي .. غنديروا جهدنا كاامل معاها .. واخت حالتها صعيبة شوية و لكن راحنا مسيطرين على الوضع .. غير تهنى
ياسيين: غندخل معاكم
---: واخا
ضارت كتهضر مع الفرمليات و الاطباء لي معاها .. كيتافقوا و خرجوا جوهرة من تما متكية على ظهرها وجهها صفر بالخلعة و دموع نازلين لها من الجنب .. مدات يديها لياسيين كتهضر بصوت عياان
جوهرة: ياسيين ما تخلينيش بووحدي .. خاايفة بزااااف ( حطات يديها الثانية على كرشها ) ما بقيتش حاسة بيه كيتحرك ا ياسيين غنمووت يلا وقعات ليه شي حااجة
ياسيين:( تحنى عندها باسها فوق الفاصمة لي على جبهتها و قال بهدووء ) ما غيوقع والو .. تهدني .. هاكا عير ما كتزيدي تمرضي فراسك .. هو غير عيى و نعس شوية .. عادي ما تخافيش همم ( دوز يديه على حنكها ) ها حنا غندخلوا دابا انا وياك و ما نخرجوا حتى تولديه و تهزيه فيديك .. المشييشة غتولد فوير ( تصغير د فار هه ) بحالها
جوهرة:( كلاموا برد عليها مسحات دموعها و حركات راسها بااه سااهية مع كلاموا ) ااه غنشدوا بين يدي و غنشوف عويناتوا و ننسى وجييعااتوا .. ما عندوا ما يوقع .. أنا قوية و حتى زكرياء قوي بحال باباه و ماماه
ياسيين:( تبسم ) الله يرضي عليك .. هاكا نبغيك .. لا نتي لا زكرياء ما ضعاف .. كلشي غيدوز مزياان ( شاف فالفرمليات لي بغاو يديوها توجد و قال ) سيري معاهم احبيبة غير يوجدوك و غنجي حتى أنا ندخل معاك صافي ؟ ( حركات راسها بااه ) يالاه و بلا دمووع .. الحاجة لي غتخلعك بلا ما تشوفي فيها و تخيلي الحاجة فعوطها تتفرحك
جوهرة:( زادوا بيها و قالت ) تنبغيييك ( تعاودات فالكولوار عدة مرات بالصدى ديالها )
ياسيين:( ضار شاف فكريم و وئام لي واقفين مبلوكيين و قرب منهم ) شكون علمكم ؟ ياكما قلتوها لشي حد ثاني ؟
كريم:( شاف فيه باقي ما استوعب ) جوهرة ما فقداتش الجنين ! نتا ما ناعسش فالانعاش ! لي درتوا معاه اكسيدون مات ؟
ياسيين:( باستغراب ) لا ! راها فشي بيت ناعسة تا هي .. عاد لقيتي راجلها مشى من عندي
كريم:( شد فراسوا نتفوا ) و شكوووون داك بنت الكلاب لي حرقاتلنا دمنا جايبانا كنجرييوا شوية ما نتقلبوا فالطرييق ؟؟
ياسيين:( قال بسرعة ) أنا ما فهمتش علاياش كتهضر ؟ مهم انا خاصني نمشي ما غنخليش جوهرة بوحدها .. نتوما ما تعلموا حتى وااحد دابا .. تا نخرجوا من البلوك و يحن الله ( مشى كيجري )
النقرة الصافية الجزء 13
محتوى القصة
التنقل بين الأجزاء