النقرة الصافية الجزء الثالث

بعد مدة خرجات عندوا و هي حانية راسها لقاتوا كيتسناها .. من عينيه فهماتوا كيتسناها تشرح ليه مالها .. بلعات ريقها و قالت بتردد باغى تنسيه !

جوهرة: ياسيين نطلب منك طليبة ؟ ( حرك عينيه بمعنى شنو ؟ ) تخرج معايا بغيت نكري لبسة باش غنبرز بيها فالعشية ..

ياسيين: علاه حوايجك لي خيطتي مالهم ؟ 

جوهرة: اا ( حكات جبهتها لا اراديا و قالت و هي مزنكة ) لا ما بيهم والو غير قلت نخليهم لمناسبة اخرى 

ياسيين:( هز حاجبوا ) ما عجبوكش ؟ ياكما ماشي بشهوتك ؟ ( سكتات ما قدرات تقوول والو .. شاف فيها بانزعاج .. باين بلي فهم الفيلم كاااامل ! ) و علاش بالسلامة ؟ ما عندك ذوق ؟ ما عندك فم يقول لا و يختار بخاطروا ؟

جوهرة: وا صافي ا ياسيين عادي زوينين مالهم خايبين ؟ غير انا بغيت فحنتي نلبس شي حاجة مغايرة و صافي .. دابا تمشي معايا ؟ نتغذاو و نخرجوا ؟

ياسيين: نوضي نمشيوا دابا نيت يالاه يكفينا الوقت .. الغذا تال برا و نشوفوا شنوا ناخذوا 

جوهرة: و لكن حشومة كيتسناونا و ماما من قبيلة و هي واقفة عليه .. ما جاتش ما نبقاوش معاهم 

ياسيين: ما غيكفيكش الوقت اجوهرة .. كوني تسمعي .. انا نهضر مع نسيبتي 

جوهرة: صافي واخا 

خرج كيقلب على رحمة حتى لقاها و شرحلها الموضوع بهدووء و اعتاذر منها .. تا هي ما قالت والوا .. حتى جات سميرة بالشوية عليها كتشوف فيهم بفضوول .. 

سميرة: مالكم ياك لباس ؟

ياسيين: غير خارجين أنا و جوهرة على شي شغال و علمتها .. مهم ها نتي معاها قادوا المسائل للعشية .. غير نكملوا غنجيوا 

سميرة: ااه كون هاني يدي من يدهم .. راهم رجعوا ديالنا دابا و لكن شمن شغال عندكم ليوم ؟

ياسيين: غنديها تكري شي لبسة و دوز للكوافور راك عارفة ! 

سميرة: هاء و لبستها لي خيطات ؟ ويلي علاش ما بغاتهاش ؟

ياسيين:( رد بصرامة ) أنا لي ما بغيتهاش تلبسها كلها معرية .. ااش فيها ما يتلبس ؟ لي ما شرا يتنزه ؟

سميرة: راه غير مع العيالات ما فيها والو .. بلا ما تنغص على البنت ليلتها خليها تلبس براحتها فرحااانة

ياسيين:( شاف فيها بمعنى راني هضرت ! ) العيالات ما عندهم تيليفونات يصوروا ياك ؟ ها حنا مشينا الله المعين .. (خرج من تما تلاقى بكريم كيتسركل ... صفر عليه تا دار شاف فيه و جا عندوا ) تولي دير ديك الدخلة دقبيلة غن*ودوا السوايع أنا وياك ( نزل عليه بدقة للظهر تا زعزعوا ) تجمع اولدي تجممممع ..

كريم:( سكت كيبردها و شاف فيه و قال ) برب تا هاذ جوهرة حبييييتها ( شافوا هز حاجبوا و هو يكمل ) وااا صرعاااتك الخاااوة .. بقالك غير توقف و تربع يديك و تعرض بحال التلميذ المجد ( طرطق بالضحك ) حق الرب تا هي لي تصلاح لوالديك 

جوهرة:( وقفات عليهم بابتسامة ) مشينا ؟ 

كريم: لين ؟

جوهرة:( بفرحة ) نشري شي حاجات ناقصيني للحنة 

كريم: وااايلي غتحني ؟ خليتيها ؟ ( شاف فياسيين ) 

جوهرة:( لياسيين ) علاش ما كتعجبكش ؟ يلا ما بغيتيش ما نديرهاش .. ما سحابليش و الله 

ياسيين: ماشي مشكل .. حيدي شهوتك منها .. ديريها خفيفة و صافي 

جوهرة: يلا كتعيفها بلاش و الله .. ماشي مشكل 

كريم: غير ديريها .. راه قالك حيدي شهوتك .. عولي عمرك ترجعي تحلمي بيها فحياتك مرة أخرى .. استغلي الفرصة ما حدوا باقي مخليك على راحتك و داير فيها حشمان زعما !

ياسيين: كريم دااركم و نتي زيدي قدامي .. يلا تبعنا هذا بقينا هنا ! 

سلموا و يالله غادي يخرجوا .. تسمع صوت رحمة كتعيط لجوهرة .. رجعات عندها بالزربة .. 

رحمة:( شدات فيديها و قالت بهمس ) شوفي ما حدوا معاك ضروووري تمشي للطبيبة قبل ما يدخل عليك .. خلي عندك شهاادة ديالك .. تزحمنا بالوقت و ما لقيتش كيفاش نديك .. و من الأحسن يكون معاك باش ما يتنواش فدماغوا .. الدنيا و الزمان هذا ما نعرفوا شنوا يوقع ..

جوهرة:( خرجات عينيها فيها ) اويلي اماما على نمشي معاه عند طبيبة تقلبني ( ضربات حنكها بالشوية ) اويييليييي

رحمة:( ساطت ) راك غتحطي سروالك حداه .. يلا ماشي ليووم غذاا .. سيري ديري هاذشي لي قتلك راه ما عندكش لوقت .. ها وذني منك ما تقوليهالوش راه نسولوا هو نيشان .. و قولي ما علمتكش !

ياسيين: جووووهرة 

جوهرة: صافي واخا .. انا مشيت

لحقات عليه مزنكة بحال مطيشة .. شد الباب و رمى يديه جهة كتافها و قال 

ياسيين: نمشيوا نشوفوا هاذ اللبسة لي محمقة الزين الصافي 

جوهرة: ههههه 

ياسيين:( زير عليها من عنقها و فتحلها لباب ) ضحكي ضحكي .. خاص والديك لعصا نتي 

جوهرة:( تسناتوا ركب جهتوا و قالت حابسة الضحكة ) أنااااا !! ما حرامش عليك ؟ ( حرك راسوا بلا ) و علاه !

ياسيين: على الله !

داها مباشرة عند النكافة لي كيكريوا من عندها خواتاتوا .. خلاها معاها و جلس هو فالصالون هاز تيليفونوا كيخربق فيه كيتسناها تكمل .. كل مرة تعيط ليه و تشاور معاه و هو عاطيها الخاطر و كينصحها بقدر فهامتوا فهاذ الدومين .. 

كملات و خرجوا من تما .. عينيها كيبريوا بسعاااادة لأنها خذات لي بغات و بشواارها .. حد ما فرض عليها شي حاجة .. و هنا ندماااات علاش من لول ما قبلاتش تخرج معاه هو نيت .. 

قلع مباشرة من تما لسناك عاادي .. بلاصة و دخلوا للمحل .. يالله شافوا المتعلم و جا عندوا كيجري بفرحة كيسول فالحال و الأحوال و يرحب بيهم .. 

ياسيين: واحد جوج دقايق و رجع العزيز ( شاف فيها ) شنو تاخذي ؟

جوهرة: ما عرفتش .. خوذلي بحالك ..

ياسيين:( تكى و قال ) ما كرهناش اودي شي كصعة د الرفيسة ( ضرب على كرشوا ) الدنيا و ما فيها 

جوهرة:( بابتسامة ) كتعجبك ؟ صافي غير نمشيوا للدار نطيبها لك يلا كنتي مشهيها 

ياسيين:( ضحك ) و لي مشهيك نتي ااش يدير ( بغميزة )

جوهرة:( تزنكات و هربات عينيها كتلف الهضرة )

ياسيين:( حرك راسوا بلا حول و و عيط على المتعلم طلب بيتزا و طاكوس و سلاد فروي .. جوج جوج من الحاجة .. خلاه مشى و هو يقول ) أحسن بيتزاا تقدري تااكليها فحياتك كاااملة هي هاذي .. كيصرعووووهااا

جوهرة:( رمشات فيه ) غناكلوا هاذشي كااامل !!

ياسيين: هههه راجلك وكاااال هاذشي لي عطى الله 

جوهرة: ما بايناش فيك 

ياسيين:( غمزها ) السبوور ابنتي 

جوهرة:( ما لقات ما حسن من هاذ الوقت تجبد معاه الهضرة .. قالت بهدووء و تردد و خجل مخلطة عندها الدعوة ) ياسيين 

ياسيين: الزين ديالوا .. ااش ؟

جوهرة: دابا هو عرفتي رااه ماما قالتلي فففف ( غمضات عينيها و سرسبات ليه كلشي بحال يلا طالقة كاسيطة ) بغاتني نمشي للطبيبة على ود شهادة العزوبة و بغيتك تمشي معايا مور ما نتغذاو ( حلات عينيها فيه مززززنكة غتطرطق فبلاصتها )

ياسيين:( ببرود ) و مالك حشمانة تقوليها ؟ مزيانة ! نيت خصني نعرف شمن نوع دالبكرة عندك .. نتغذاو و نمشيوا 

جوهرة:( صدمهاااااا بجوابوا نطقات بلا ما تفطن ) نعاااام 

ياسيين:( غوبش فيها ) مالنا ؟ و لا ياكما خايفة تقسحك ؟ 

جوهرة:( رمشات فيه و بقات ساكتة مصدومة )

ياسيين: بغيتي نقلبك انا نيت ما عنديش مشكل الزين .. ااش قلتي ؟ تانا حاجتي ما نبغيش يشوفها غيري ( غمزها مع ضحيكة خفيفة )

جالسين قدام بيروا .. فالمقدمة ديالوا مكتوبة .. دكتورة عفيفة المجدوبي .. اختصاص في أمراض نسائية و توليد و عقم .. 

استقبلاتهم بابتسامة جمييلة و ملامح مبشوورة كتخليك ترتاحي ليها غير من الشوفة .. 

ياسيين:( بتفسير ) جيت عندك أنا و مراتي بغيتك تفحصيها .. نعرف نوع غشاء البكرة لي عندها .. يلا كان ممكن !

الدكتورة: أكييد ( شافت فجوهرة لي بقالها شوية تحفر الارض تحتها و تخشى فيها تتخبع ! ) تفضلي معايا لغرفة الفحص ..

ناضت معاها مخلينوا جالس بوحدوا بهدووء .. حتى رجعوا عندوا .. شافت فيه جوهرة مزنكة و عينيها مدمعين .. قبل ما يهضر كانت سبقات الطبيبة و قالت 

الدكتورة:( كتعمر الشهادة و مداتها ليه هي و ورقة ثانية ) أحسن حاجة درتوا باش تتفاداو المشاكيل .. المهم الحمد لله بكرتها عادية ما غتلقاش شي صعووبة و لكن ضرووري غتقسح واحد الشوية .. كتبتلها تما شي دوايات ديرهم غير فديك اليوماين لولة يلا كانت مقسحة بزاااف .. 

ياسيين:( حرك راسوا بالايجاب و حنا عينيه كيقرا فالوراق .. كمل و شاف فيها ) و بالنسبة للبيلول .. شمن نوع تنصحيها بيه تاخذوا يكون مزيان ؟ و لا دير لولب حسن !

الدكتورة: بالنسبة لبيلول ننصحها بدينيل ( شرحاتلها فوقاش تبدا تشربوا الخ الخ ) و لكن لولب .. باقي عليه الحال .. مزالين فأول زواجكم ! لكن بجميع الأحوال ما ننصحهاش بيه نهائيا ..عندو أضرار كثيييرة .. أولها فقر الدم .. و التهاب فالكروون و شحال ديال المصاائب .. و مع هاذشي كاامل شحال من وحدة حملات واخا دايراه ! 

ياسيين:( حك لحيتوا ) و البيلول إيفيكاس !!

الدكتورة: سي خصها غير تشربوا بانتظام .. و يلا بغات فراه كاينة واحد الشوكة كضربها ما كتحملش لمدة 3 سنين .. هاذي مزيانة بزااف 

ياسيين:( تفكرها فاش ناضت كتبكي على شوكة .. جاتوا الضحكة و قال ) لا لا 3 سنين بزااف .. صافي غير مانع الحمل براكة ( وقف سلم عليها ) شكرا 

الدكتورة: العفو ( شافت فجوهرة ) مبروك عليكم ..

خرجوا و شدوا الطريق مرة ثانية فاتجاه الكوافورة .. فصمت تاااام .. باين من ملامح جوهرة الانزعاااج .. عياات صااابرة و سااكتة فالأخير نطقات 

جوهرة: ما باغيش تولد معايا ؟

ياسيين:( شاف فيها بنص عين و رجع ركز مع طريق ) فوقاش قلتها ؟

جوهرة: و شنو معنى كلامك مع الطبيبة ؟ 

ياسيين:( ببرود ) ما كنفكرش فالولاد دابا .. باقي الحال عليهم !!

جوهرة: ياك ؟ اهاه واخا على راحتك اسيدي 

سكتات ما بقاتش هضراات كااع حتى وصلوا للصالون فين غتصوب .. ضارت تهز لبستها و هو يشدها من يديها مركز فعينيها لي باينين مقلقين

ياسيين: القطيطة باغى تقمش ؟ ااش كااين جيني نيشاان .. بلا غضيب و شد ليا نقطع ليك 

جوهرة:( عينيها تغرغروا و قالت بصراحة ) ما حملتش راسي .. كتهضر مع الطبيبة بحال يلا جايب معاك شي وحدة من الزنقة و ما باغي يربطك بيها واالوو .. على الأقل علمني أنا لولة و أنا لي ندير الحل لراسي .. و ما ديرليش هاكا 

ياسيين:( قلب عينيه و ساط ) مالنا على هاذ الدراما الخاوية .. هاذيك خدمتها واقيلة ! غتعرفي نتي حسن منها ؟ صافي ما بغيتش ولاد دابا معناها راك بنت زنقة ودفاااك اصاحبي !! 

جوهرة:( بحزن ) واخا سمحلي 

ياسيين:( جرها عندوا داير راسها بين كفوفوا .. ضربها بجبهتوا بخفة لديالها ) ليوم نهارنا خلينا ناشطين بلا أعصاب دالمرض ( هز حاجبوا ) حنا غير كنهضروا .. حتى نحلوا طريق منين يجيوا هاذ الولاد و عاد ربي يحن 

جوهرة:( تزنكات من كلاموا و قالت ) ما تبقاش تقولي الكلام الخايب أ ياسيين حشوومة 

ياسيين:( ضحك من قلبوا و صوت قهقهتوا تسمعات بالجههههد ) صافي احبببتي ما نبقاش نقولوا لك دابا غنبداو نطبقووا سالينا من الشفوي .. ( غمزها و باسها بخفة فوق شفايفها و بعد ) عسسسل اخوويا عسسل .. نزلي حسن ما ندير بناقص !

ضحك على وجهها لي دازوا عليه ألوان الطيف .. مدلها ساكها فين جامعة حوايجها لي غتلبس .. و حط لها فوق فخاذها اونفلوب دالفلوس 

ياسيين: يا الله بصحة مسبقا .. فاش تكملي عيطي عليا 

جوهرة:( باغى غير تهرب من حداه ) واخا .. شكرا ..

💫💫 بعد ساعات 💫💫

تفتح باب الصالون و دخل ياسيين بخطوات ثقيلة .. لابس جابادور فالباج و فوق منوا فقية فالأخضر الملكي دالموبرا مفتووحة و ناازلة تال الركبة .. عينيه مفيكسيين فجوهرة لي واقفة بلبستها الخضرة .. و دايرة الفوال على وجهها .. حانية راسها و ساكتة .. حاسة بيه وصل عندها غير من ريحتوا القااسحة لي استوطنات رئيتها و ولات كتنفسها غير هي ! 

مد يديه و هز عليها الفوال .. يمتع عينيه بشوفتها .. لي طول هاذ الساعات لي دازوا و هو كيتخايل كي غادي طلع ! هزات راسها فيه كترمش بهدووء و حاسة بخط دالعرق بااااارد نازل معاها على طووول ظهرها من نظراتوا ليها .. قبل ما يتسمع صوت لبنات لي قفزوه من بلاصتووا بصووتهم لي تقبليه الوذن 

《 صلاااااة و سلاااااام على رسوووول الله إلا جااه يلا جاا سيدناا محمد الله معااه الجاه العاالي لوووووووولوووولوووووي 》

ضار شاف فيها بانزعاج .. جابتلوا التزغيرتة فقلب وذنييه نيشاان ..و رجع ركز مع جوهرة و نظرة استغراب مرسوومة بين عينيه .. لي سرعان ما تحولات لإعجاااب وااضح

طلعها بعينيه من التحت للفوق .. جوهرة لي خرجات أميييرة و لا كل الأميرات .. بلبسة فالأخضر ملكي مطرزة بطريقة رااقية و مرشووشة بشوية دالاحجار فصدرها .. مبينة فصاالتها بطريقة زويينة و هي ناازلة و هي كتوسااع حتى بقاات لتحت كلوووش و ضاايرة بيها .. 

بلع ريقوا و هو كيشوف جهة صدرها لي جا بااين مهزووز و الفرقة كتطل عليه منين كتحني .. كلما تحركات كتحرك معاها سنسلتها لي مزينة عنقها و مرة مرة كتلامس نهديها .. 

أماا الشعر ففتنووا و خلاه بلا عقققل عيى يتصور و ما تصورش يكوون فهااذ اللون العسلي لي كيسر النظر .. ناازل على طوول ظهرهاا ملوي و مجمووع من القداام فمشطة عصرية خفييفة و زوينة .. جايا مع مكياجها لي خدموه لها بطريقة احتراافية .. لاعبين بالخصووص على لوون عينيها الملون و مخليينوا بااارز بقوة .. حتى من ملامحها زوينين و بشرتها النقية سهلوا عليهم المأمورية .. باش يخدمولها برااااحتهم .. تبهههر بيها و بان الفرق الوااضح بين جوهرة بالماكيياج و بلاش .. طااح عليها السسسر من ديكشي و بانت فيها عرووسة غزااالة .. 

هربات عينيه لجهة يديها لي مكنززة عليهم و ابتاااسم من حجمهم و شكلهم .. رقييوقين و نقيين ما فبهم لا صباغة لا وااالوو .. من غيير كوورميط أنييقة مزينة معصمهاا و خاتم زواجها ..

وسع ابتسامتوا و زااد قرب لها حتى ما بقى كيفصل بينهم واالوو .. لدرجة قاادر يحس بثوثرها الكبييير و أنفاسها الحارة لي كضرب فيه .. لكن هاذشي ما منعووش يمد يديه بهدووء لجهة ذقنها و حنا راسوا جهة جبهتها طبع عليها قبلة داااافئة .. و عينيه حاضيينها بانبهار و هي حاااسة بيه .. بقالها شوية تبكي من الحشمة ..

تبسم غير من عينيه ملاحظ كااع حراكاتها و خجلها لي غادي يكذب يلا قال ما عجبوش ! حيد يديه من ذقنها و ميل راسوا جهة كتفها منزل صبعوا بهدوووء حتال جهة يديها عاد فتح يديه و قبطها بين كفووا مزير عليهاا .. و قال بهدووء 

ياسيين: You look beautiful like an angel " طلعتي زوينة بحال الملاك "

خرجوا من تما تحت زغارت البنات لي فالصالون و مباركاتهم .. أكيد من بعد ما تغطات كااملة .. لابسة عليها سلهام مغطي ذاتها كاملة و دايرة القب هابط على وجهها شوية .. ما كيبان فيها واالووو 

مسافة الطريق و وصلوا لدار العروسة .. تلاقاتها ختها وئام .. خذات من عندها السلهام و دخلوا بجووج قابطين فذراع بعضياتهم .. استقبلوهم بالحليب و التمر و الزغاريت على الجهههد .. كانوا غير العيالات لا غييير .. شيئ لي خلاه يتززززنك حشمااان بحال يلا داخل لحمام دالعيالات ههه ..وصل معاها للبرزة صوروهم تصاور خفاف .. و باس لها جبهتها و خرج من تما .. مخليها دوز عشيتها دالحنة بخااطرها .. فحين هو راه مشى للدار لي مقابلة معاهم فين دايرين الرجال بالمسمعيين و الطلبة .. 

دااز الوقت طاااير عليهم .. خصووصا عند جوهرة لي حمات شطييح و غناا ما كاين غير الله يعطيك صحيحتك و الضحك و النشاط .. و هي مشاركهم بضحيكتها الزوينة و حاضية حنتها بسعااادة .. اكتفت بصبيع لا غير .. ما بغاتش تخسر لياسيين خاطروا ما دام كيعيفها .. تفرقوا الحليوات و الموالح و المشروبات بالأشكاال و الانوااع .. و أخييراا تسالات العشية و جا وقت الودااع .. تطلقات أغنية 

《 يا الميمة ودعي بنتك بسلامة .. سعدها لاقاها بالعز و الشان .. لبسيها بيضة تمشي كي الحماامة .. فرشي لخطوتها بالورد و السووساان .. زغرتي يا الميمة و دعي بالتيسير 》

جالسة فبيتهاا عينيها كيدمعوا عشرة من العيين .. معنقة أمها رحمة و خواتاتهاا ضاايرين بيهم كيعنقووا و يبوسوا فيها و يبكييوا معااهم .. ما قدروش يصبروا على فرااقهاا .. بلاصتها عندهم كلهم كبييييرة و كبيييرة بزااااف .. عزييزة على لكبيير و الصغيير .. 

عمرها خسرات لخااطر لشي حد و لا خرجات العيب على فمها .. ديما حاذرة الراس و دااخلة سووق راسها ما تدي منها لا حق لا باطل .. و لي وقف عليها تعاونوا بلي قدرات عليه .. على هااذشي كلشي عندوا مقققطرة من العين و خااطرها فووق خااطرهم كاامليين ... 

بغات تسخف بالبكى كيتسمعوا شهقااتهاا كيضروا فالقلب و عينيهاا طاابووا .. حتى دخلات سمييرة و بنااتها كيبسطوا معاهم .. 

سميرة: الالة عطيوناا ديالناا ما بقات دياالكم ( مشات عندها جراتها من يديها معنقاها كتسكتها و لوخرى راه عقلها غيخرج بالبكى ) ويلي مالك ابنتي على هااذ الحاالة 

زينب:(ضحكات كتمشى بشوية حاطة يديها على كرشها ) كلنا كنا هااكا النهار لول و من بعد غتولفي أراي يديك نقولك .. (عطاتهالها و ضرباتلها عليها بخفة ) و الله و ما تساليني حلووف حتى ما غتلقاي فرق بين هنا و لهييه .. 

ابتسام:( ختوا الصغيرة ) دغيا تولفي معانا .. مجموعين غير لهبال فداك الدار 

سميرة:( شافت فرحمة و فنفس الوقت كتمسحلها على ذرااعها ) و الداار رااه قرييبة و باابناا ديما مفتووح فوجهكم لعزييز و الغالي الالة رحمة 

رحمة: الله يكبر بيك اختي .. وا هانتي ابنتي سمعتيهم ايواا الله يرضي عليك باركة من البكى 

جوهرة:( كتشهق ) و وااخا 

ياسيين:( دخل من بعد ماا هبط حوايجها لي بقااو عندها هنا .. لأنوا هاذ السيمانة كلها .. كل مرة سميرة كتنقص حاجة و تديها لدااروا باش يخففوا عليهم ) مشينا ؟

رحمة:( مشات عندوا ) باقي الحال اولدي زيدوا شوية معاناا 

ياسيين: ما نردها فوجهك الحاجة و لكن هذاا هو لوقت يا الله نرتاحوا شوية !

رحمة:( بتفهم ) ايوا ما عليش ( قبطات فيديه و طبطبات عليها ) تهلى فيها تهلى الله يرضي عليك 

ياسيين: كوني هاانية الحااجة بلا ما توصي

جر راسها باسولها و هي رضاات عليه و تموا خاارجين كلهم .. لقات باها فالباب باستليه يديه حتى فزكاتهالوا بدمووعها و جرها عنقهاا بقوة كيطبطب على ظهرها .. مسح دمووعها و قال 

الأب: الله يرضي عليك .. خليك بعقلك و حمري وجهي مع النااس 

سلماات على البقية ببكااء صاامت حتى بدااو عائلة ياسيين كيهبطوا بالوااحد و الدنياا تخوى .. رجعات بالزرربة عنقاات مها هااذ الأخيرة لي ضحكاات معااهاا و قالت 

رحمة: وااا صاافي اماما ( بخفووت ) غذا رااحنا عندكم نجيبولك فطوورك و احم راك عاارفة ابنتي العادة .. خبعيها عندك حتى تعطيهالي .. جداتك ضروري تشوفها و لا تفضحنا هنا .. مهم نتي ما تخليها عند حد .. عطيهالي و أنا نتكلف 

جوهرة:( وجهها تززززنك و هزات راسها ) واخا 

جوهرة من بعد 24 سنة كتودع بيت أهلها لأول مرة .. مخلية خواتاتها و واليديها و كااع النااس العزااز لي دوزات معاهم مرحلة طوييلة من حياتها .. باش تنتااقل لبيت أخر .. عاائلة أخرى و حيااة جديدة .. غرييبة على لي كاانت عايشااها .. عينيها المدمعين بقاو معلقين حدا الشرجم .. و يااسيين محرك طونوبيل و خاارج من دربها .. و هي كتفكر كااع ذكرياتها الزوينة و الخاايبة .. حتى ما بقى يباانلها وااالو و هي تتنهد بصووت مرعوود و ألم بحاال يلا هاازة همووم الدنياا فووق كتاافها ... 

الشيئ لي خلى يااسيين يضوور جهتها و مد يديه جهة يديها و زير عليها حتى شاافت فيه .. كاانت حركة كاافية منووا تواسيها .. لأنوا عاارف شنو ما قال ما غتبردش .. و هو مجرب مزيااان مع ختوا زينب و عاارف بحق احسااسها .. وقف قدام الفيلا دواليديه و نزلوا .. لقاوهم ديجا وصلوا قبلهم .. استقبلاتهم سميرة بالحليب و التمر و الضحكة من الوذن للوذن باينة عليها فرحاااانة ..

سميرة: مرحباااا بيك ابنتي .. مرحباا و الف مرحباا فدااركم الثاانية

عطات السينية لبنتها و عنقاتها من ذرااعها كضحك معاها و الكل تاابعهم للصالون كيضحكوا و يهضروا فمختلف الموااضيع بااغيين يفوجوا عليها شوية .. حتى وقف يااسيين و نااض خرج من تماا .. مخليها متبعة ليه العيين ..

سميرة:( بعد مدة حطات يديها على ركبتها و قالت بطيبوبة ) عييتي ؟ تطلعي ترتاحي بحالك فبيتك ؟

جوهرة:( حركات راسها بأه )

سميرة:( وقفات ) يا الله اجي معااياا

جوهرة:(شافت فمصطفى و ابتسام و قالت بأدب ) تصبحوا على خير 

الكل: الله يبيتك فراحة الله .. 

طلعاتهاا كتوريها الفيلا و تتعاود معاها بعفوية حتى قربات لبيت ياسيين و هي تقولها 

سميرة:( نعتات ليها ) هذاك بيتكم ابنتي .. غير هو قبل ما تدخلي بغيت نقولك شي هضرة تبقى بيناتنا !

جوهرة: اهاه قولي اخالتي 

سميرة: بغيتك تهضري مع ياسيين تقنعيه يخليكم تسكنوا معايا تونسوني .. راك عارفة الواحد كيكبر ما يلقى ما حسن من وليداتوا ضايرين بيه ( تنهدات ) و لكن هو ما بغاش .. بزز تقنع يجي هاذ ليلة .. غير حيت غذا داركم جايين لهنا ..

جوهرة:( تبسمات ) صافي انا نهضر معاه غير كوني هانية .. 

سميرة: واخا الله يرضي عليك ابنتي .. يالاه دخلي ارتاحي لك .. راه لفاليز ديالك طلعها ياسيين قبيلة .. و يلا احتاجيتي شي حاجة أنا غير حداك 

جوهرة:(باستها بوسة حلوة فحنكها ) شكرا اخاالتوا .. تصبحي على خير 

فتحات لباب بانتلها جليسة قبالتها بكراسة و طبيلة صغيرة .. زادت شوية مع الباب و دارت عاد بانتلها الناموسية فرااس .. متكي فوقها ياسيين بشورط حد الركبة و سوفيطم لااصقة عليه باينة فيه عاد مدوش .. 

طلعات معاها التزنيكة بالجهههد و بدات غير كتفتف .. أول مرة تشووف شي رااجل هكاا .. و زاد هو ضهشرها بفورمتوا لي عااد باانت كثثر .. خصوصا هو من النوع لي كيكره يلبس بزاااف و ديماا الشووفااج و لا لكلييم عندوا مشعوول فالداار و فالخدمة بااش ياخذ رااحتوا و يتسفح كيفما بغى ههن

جوهرة:( بصوت خافت ) السلام ..

ياسيين:( شافها حشمانة و تقااد فالجلسة .. طاوي رجل و مسرح الثاانية ) دخلي مرحباا 

جوهرة:( شافت فيه و زادت بالشوية كتفكر شنو غادي دير ؟ فالأخير مشات جلسات حداه فالجنب لاخور )

ياسيين:( تقلب عندها ) بدلي عليك هو لول باش ترتااحي فالجلسة و عااد أجي نهضروا ( نعتلها بيديه ) راهم حواايجك !

جوهرة:( وقفات جاتها من الجنة و الناس ) ااه وااخاا 

وقفات بالشوية عليهاا حااسة بنظراتوا كيحرقووهاا .. بغات غير فين تتخبع .. قلبها غيسكت هاذ ليلة ما فيهاش الشك .. تحنات كتقلب فحوايجهاا و هزااتهم و طاارت للدووش ساادة علييهاا كتولول ..

بقات تما ما يقارب نص ساعة حتى كاان ناايض يضرب فيها الفقد وااش عاايشة و لا ماتت .. و هو يتحل لباب و خرجات بعد تردد كبيير .. لابسة بيجمة دالحرير فلون الوردي الفاتح متكونة من 3 دلي بياس .. سرواالها و تيسوورط و بينواار ديالها من الفوق .. حاازمة راسها بفولار خفييف .. 

ياسيين كانوا عينيه تابثين عليها .. حيد لغطى على جهتها و ضرب تما .. بمعنى أجي لهناا .. حتى هي فهماتوا و تمشات لبلاصتها فصمت ..حيدات بارطوفة دالريش من رجليها و تخشات جاامدة فبلاصتها .. ملامحها دوحدة بااغى تبكي .. خصوصا فاش ميد يديه و حيدلها الشال 

ياسيين: هذاا ما تبقايش تديريه و نتي معااياا ( شافت فيه و ضرب نيفها بصبعوا فاهمها فاش كتفكر .. حتى نطق بصووت هاادئ ) علاش بالضبط سورة الرحمان ؟

ياسيين: علاش بالضبط سورة الرحمان ؟

جوهرة:( ما كانتش متوقعة سؤالوا نهائيا .. تبسمات بفرحة و ردات عليه بسعااادة ) ماما ماشي من النوع لي كتعاودلنا بزااف على علاقتها هي و بابا .. ديما كان داك الاحترام و الحدود و لكن فواحد المرة عاوداتلي أول مرة جا بابا لدارهم يخطبها .. و كيفاش جدي أكد عليه يحفظ سورة من اختيار ماما و يتلوها عليه .. و فحالة رفض فما عندوش بنات للزواج .. 

هي لي اختاارت سورة أل عمران .. و بالفعل حفظها من قلبووا و جاا عرضها عليه قداام الكل .. و بينلها شحال كيبغيها و قادر يدير المستحيل على ودها .. 

من ديك النهار قررت حتى أنا يلا تقدملي شي حد شرطي الوحيد و لي غيكون مهري هو حفظ سورة الرحمان .. أولا حيت تعاودات فيها الأية 《فَبِأَيِّ آلَاءِ رَبِّكُمَا تُكَذِّبَانِ 》33 مرة و ثانياا آياتها المتشاابهة في وصف الأربع جنات و صعووبة حفظها .. غتأكدلي بالي بصح هاذ السيد باغيني دبصح و ماشي مجرد مراهقة !

ياسيين:( حرك راسوا باهتمام ) صليتي العشا ؟

جوهرة: لا باقي .. بديتي الصلاة ؟

ياسيين: نوو باقي .. غنبداها معاك دابا .. باش تكون فاتحة خير لزواجنا و ربي يقدرني ما نقطعهاش ( ناض من بلاصتوا ) لبسي عليك ..

خلاها كتلبس عبايتها و شالها و هو كيقاد السجادة ليهم .. حتى كملات و وقف قدامهم .. قام الصلاة بيها .. حتى كمل و قال الدعاء .. بتيسير زواجهم و حياتهم ما إلى ذلك .. شاف فيها من بعد ما كمل هي لي تبسمات ليه بفرحة و إحساس زويين فداخلها .. حيد فوقيتوا و مشى لبلايصهم حدا بعضهم .. جوهرة كدور فعينيها و جامعة يديها و رجليها عندها .. بحال التلميذة لي دايرينلها عقوبة ما ضارت هنا لا لهنا .. كتشوف قبالتها لا غير حتى سمعاتوا هضر معاها 

ياسيين: طفي معاك ضووء فالجنب ..

دارت لي قالها و بقااو مشعوولين غير الفايوزات بضووء خفييف مزين الغرفة بطريقة شااعرية .. يالاه رجعات تتكى حسات براسها نعسات على يديه و فالبلاصة جرها عندوا جهة صدروا و حط عليها رجل وحدة فوق منها حااكمهاا .. أما هي فراه مكمشة فيه بحال القطة جاامعة يديها عندهاا و الخووف متمكن منها .. حتى حساات بيديه دخلوا مرة وحدة اخرى فشعرها تيحك لها بهدووء جلدة ديال رااسهاا بطريقة خلاتها تتررررخى .. ما حسات غير بشفاايفووا محطووطين على دياالهاا بقبلة داااافئة 

كيقبلها بهدووء و بطريقة سطحية داافئة .. خلاتها تهدن نوعا ما .. فكل مرة كان كيفرق مصات على ثغرها كتحس بيه كيمص معاهم كاع داك الخووف .. 

تكاالماات و استحلات قبلااتوا السطحية .. لكن غير حسات بيديه كيفتحووا لهاا البينواار ..فاقت من دااك الشعوور الجمييل و بحال ضربتييهاا بتسرفييقة حاااارة حتى مشى منهاا لوون .. قبطات فيديه 

جوهرة: عافاااك مااشي داابا انهنن لااا هئ

يااسيين: ششش

حيدلها يديها و كمل ففسييخووا للبينواار وااخا حااس بيه مكنززة و ما باغاااش .. حتى تهز عليهاا و لاحووا للأرض .. شااف فيها بابتساامة و مد يديه مسح لها دمووعهاا لي نزلوا

ياسيين:( بنظرة حنيينة ) ما تخاافيش كلشي غيدووز مزياان غير ترخااي و طلقي رااسك معااياا 

جوهرة:( كلامووا ذبحهاا ) لا لا عاافااك اخووياا ( كتحوال تنووض و هو مزير عليها ما قادراش تتحرك ) ها نتاا غير هااد النهاار هئ الله يخليك ما عزييز علييك 

تحنى عليهاا كيبووس فعنقهاا و يديه حطها فووق من كرشهاا لي كتطلع و تنزل بالززززربة من الخووف .. بداا تيحركهاا بهدووء و مرة مرة يجمعها بين يديه .. حتى وقف فواحد اللحظة و قلع لهاا تيشوورط .. ماا عرفاتش كي داار ..زرب عليهاا حتى لقاات رااسها عريانة من الفووق بسووتياان يا الله جات تغطي راسها و تهرب منوو و هي تحس بيديه كينزلولها السرواال .. شهقااات بخووف و دمووعهاا شلاااال كتفركل برجليهاا .. لكن هااذشي ما منعووش يحيدولها و يرميه جنب خوتوا .. 

بقات جوهرة عرياانة فووق النااموسية بالدوبيااس فقط لا غير .. داايرهاا بين رجليه و كيشووف فلحمهاا و فصاالتها الواافية بابتساامة كيحااول يطمنها بيها .. و لكن هي غير ما زاادت خلعاتها و رعباتهاا منوو 

جوهرة: ياسيين حرام عليك و الله حتى حرام ..ما ديرليش هاكا 😭😭

ياسيين:( تكى عليها شوية كيشووف فعينيها ) و الله ا لالة جوهرة حتى تابعاك تابعاك ( عض على شنافتوا ) ياا الله احبيبة طلقي رااسك معاياا .. تابعاك تابعاك اللهم ترتااحي و تريحيني .. يا الله المرضية

كيمسح لها فحنيكاتها حتى زير عليهم و خرجوا شفايفها .. عضها فشنافتها التحتية و بدا تيقبل فيهم بالهداااوة كيتذوقهم .. بقى كيبوس فيهاا و يحرك يديه بمدااعبة فووق لحمها .. تا نزل لعنقها كيوزع عليه قبلات و مصيصات حلويين مخليهم مزوقين بيااض لحمهاا باصموا بملكيتوا ..

حمقااتووا بل سطاتوا .. ما كرهش يذوقها كلها .. بالخف تحنى لجهة صدرها باسها فالفلقة و هرها فجنبها مع ضيحكة خفيفة حتى تهزات و خشى يديه موور ظهرها و فتح سووتياان بخفة و لاحهم للأرض بلا ماا يدوور .. هاذ الزربة كااملة قتلات جوهرة ..حااسة برووحها غتطلع بقوة البكى لي بكات .. حطات يديها على صدرها بحمااية و بصووت منغنغ بالبكى قالت 

جوهرة: الله يحن عليك لماا خليني عليك و الله ما نقدر .. غير هاذ النهار انا عارفة راسي ما نقدرش .. غنموووت لك حرام عليك 😭

ياسيين: يهديك الله اجوهرة .. خالعة راسك بيديك ما عندوا ما يوقع لك و كلشي غيدوز ساااهل.. واش أنا غنقدر نأذيك ؟

سكت تما ما بقااش هضر .. تحنا على صدرها لي واقف جاي مع فورمتها هو هذاك .. بدا كيدااعبهم بهدووء و يشووف فيها و يبتااسم معاها باغيها تترخى .. فالوقت لي هي كتتمنى غير يقلب عينيه و يكمل شغالووا .. نظراتوا كيزيدوا يكملوا عليها و يطعنووها فقلبهاا .. 

سي يااسيين ماا بقااش قاادر يصبر .. هااج عليهاا واخا كيحااول ما يزيدش يخلعها و لكن هذا الله وصل للفيناال دياالوو .. 

عطااها حقهاا و بزياادة من المدااعبات .. كيقلبها بين يديه كيفماا بغى .. دااز على جسمها كلوا ما خلى حتى بلاصة ما خذااش جرعتوا منهاا .. و على عينيه نظرة راااحة .. خصووصاا فاش سكتات جوهرة من البكى ما بقى كيتسمع منهاا واالوو من غير مرة مرة كتأنن ..

وجهها تزززنك و طلعات معاها الصهههدة و النشوة كتحس لحمهاا كيتنكل ماااكلة .. شعوور زويين أول مرة تحس بيه و بلهلا يطريه ليها مشاات معاه واخا مرة مرة كيقصحهاا و لكن الحلاوة غطات على كااع ديك الحروورية .. لكن هااذ الرااحة ما داامتش بزااف فااش حسات بيه كينزل فسليبهاا .. دغيا تعمروا دمووع فعينيها و مدات يديها تمنعوا .. لكن ما خلاهاش جمعهم لها بيد وحدة و حيدولها بعدها مد يديه لراس الناموسية خذا مخذة دارهالها تحت ظهرها حتى تهزاات .. 

وقف من عليها حيد شورطوا و البووكسوور بالخف و هي كتشووف فيه بنظرة استعطاف .. حتى شافتوا تسفح و هي تقلب عينيها عااضة على شناايفها و كتبكي بلا صووت .. مكمشة رجليهاا و مزيييرة عليهم ..حتى حساات بيه وقف عليهاا و جرها منهم قاادها فالنعسة و وسعهم لها مزير عليها باش ما تحركش و هو وااقف بين فخااذها .. تحنى عليهاا كيبوس فيها و يسكت فيهاا 

ياسيين:( بضحيكة ) طلعتي بكااية خااص غير لي يجبدك ههم ااش هااذشي ا لالة جوهرة ؟

جوهرة:( شافت فيه كتشمر بنيفها و تمسح فدموعها ) ما بغيتش انا هااذشي .. خليني غير نولفك عاافااك

ياسيين:( داعب نيفوا مع نيفها ) صافي ما بغيتيش ما نديروا والو حتى تتوالف لينا لالة جوهرة ..صافي ؟

جوهرة:( فلتات ليها ضحيكة صغييورة من طريقتوا فالهضرة ) و نووض علياا 

ياسيين: واا صبري .. قووليلي فين تبغي نديك تسافري اعسوولة .. فبالك شي مدينة باغى تمشي لها ؟

جوهرة: ما عرفتش و شكون غيمشي معانا ؟

ياسيين: لالة جوهرة و سيدي ياسيين .. ما عجبوكش هاذو ؟

جوهرة:( بضحيكة خفيفة ) هاا لا لا ماشي هكاك 

ياسيين: تمشي لمرااكش ؟ و ندوزك لأكادير و من تماا نشوفوا فين نمشيوا .. ااش قلتي ؟

يا الله جات تجاوبوا و هو يغفلها و دخلوا دقة وحدة حتى خرجات عينيها على جهد و تهزات جهة كتافووا و عضااتووا بكاع جهدها من الحررر لي شادها 

ياسيين رجع حمممر قصحااتووا و كااع حريقها فذااتوو فيه .... شااف فكتفووا لي سناانها تطرااسااو بااينين فيه .. و بقات طبعة حمممرة .. تنهد و تحنى بااسها بين عينيها و يديه مزير بيهم على فخااذها و وقف بالشوية مخرجوا منهاا و هي كتأنن .. 

فتح مجر حدااه و جبد واحد المنديل رطب لوااه و داارولها بين رجليها و طواهم لهاا مجمووعين للجنب .. هز بوكسور ديالوا لبسوا هو و الشوورط و رجع تخشى حدااها و هي كتترعد بين يدييه و دموعها ساايلين .. ما حملاتش البلان لي داارلها .. بقاات مدة و هي كترعد و تبكي 

جوهرة: حرااام علييك كنتي قاريها فياا حسييفة .. احااااححح امااامااا اجي تشوفي بنتك 😭😭 

ياسيين:( قبط الضحكة حتى عيى .. و فلخر طلقها فوجهها ) ديكشي لي ناقص نيت .. ( شافت فيه بانزعاج و هو يسكت و قلبها جدية ) ها هو شوية و غيهدن عليك .. اما حسن تتهناي منها دابا و لا تبقى ديما تابعاك و مرعوودة منها ؟ 

ما جاوباتووش بقات غير سااكتة كتتصنت لحريقهاا و مرة مرة تأن بالحرييق و هو خاشيها فيه متكية عليه و ثابتة فبلاصتها ما قادرة تحرك لا يمين لا شمال .. كيفما خلاها بقاات .. و الغطى سخوونة فووقهم مدفياهم و سااتراها .. 

مدة و هما هكااك حتى بداا كيسمع صوت شخيراات صغييورين من فمهاا بقوة البكى لي بكاات تخنقاات .. ضحك على منظرها و دوز يديه على حناكها السخاان بالدمووع مسحهم لهاا و طلقلها شعرهاا موورااهاا فالخذية .. كيدوز عليه يديه و مرة مرة يبوسها فعنقها حتى دااه النعااس هو برااسووا و غفى .. ما فاق غير عليها كتحرك باغى تنووض و هو مزير عليها بيديه ما لقاتش كي دير و خافت تفيقوا 

ياسيين:( شاف فيها عينيه منفووخين و نااعسين ) مالك ؟ بغيتي شي حاجة ؟ 

جوهرة: انووض لطواليط .. عافاك مد لياا بيجامتي ما نقدرش نهزهاا 

ياسيين: وااخاا 

وقف مضهشر مدلها لي بغاات خلاها كتلبس و حيدات الخرقة من بين فخااذها .. عاد ناضت بالشوية عليها .. حاسة بنصها عاطيها الصداع .. دخلات للحماام و عرات لاشاص جلسات بالشوية حتى بدات كتعععصر حممممرة و الدموووع نزلوولهاا بلا خاااطر .. حااسة بقلبها غيسكت بالحريق دالبولة ( حاشاكم ) لي ما نزلات حتى شعلات فيها العاافية .. توضاات و نشفات و وقفات بالشوية عليهاا كتغسل فيديها و وجهها و تبردوا 

خرجات كيفما دخلات و تكات على جنبها حتى حساتوا خشى وجهوا فعنقها و قال 

ياسيين: شوية ؟

جوهرة: كيضرني 

ياسيين: غير حيت كنتي مزيرة على رااسك و باقى الجرحة جديدة .. الصباح ان شاء الله ترتااحي .. و نمشي ناخذ لك دوااء 

جوهرة: صافي واخاا 

ياسيين: ايوا ها نتي رتاحيتي .. قتلناك ؟

جوهرة: لا رد 

شرقات شمس يوم جديد .. مخبي العديد من المفاجآت لأبطالنا .. ممكن يكونوا مزيانين و ممكن العكس .. ربي بوحدوا لي عالم !

تكسلات جوهرة بتعب حااسة بعظاامها كلهم مهدوودين و طاايحين عليهاا .. فتحات عينيها حاسة بياسيين مخشي فيها من لوور و يديه ضاايرة على كرشها مزير عليها و لايح واحد الرجل جامعها عندوا ما عندها فين تفنفن .. 

بغات غير تقلب على ظهرها جنبها طااب عليها ما لقات كي دير .. عاد واحد الرجل نعساات عليها بثقلوا ما بقات تحس بيها كااع واش منها ! بقات على حالها و القنط شاادها حتى حنات عينيها ليديه كتشووف فيهم بعينين ناعسيين .. 

عجبوها كيفاش مشعرين بطريقة خفيفة و زوينة و العروق عندوا بااينين و مطرااسيين واخا راه ناعس ما معصب ما والو ! بتردد هزات صبعها كدوز عليهم بالشوية و على شعيعرااتووا .. جااوها رطيطبين و حمقووها .. حتى حسااتووا بداا كيفيق و هي تجمع يديها عندها كدور فعينيها 

ياسيين:( هز رجليه عليها و هزها حداه طاويها و نااض متكي على ظهروا كيمسح على وجهوا و يتفوه .. بقى شحال ساكت ما نطق بحتى كلمة .. حتى توكد مزيااان .. عاد ضار عندها قبط فيديها و جرها عندوا تكعدات شوية ) صباحوو 

جوهرة: صباح الخير .. ياكما فيقتك ؟

ياسيين: لا أصلا تعطلت يلا زدت كثر غنمرض نهار كاامل 

جوهرة:( باستغراب ) علاش ؟

ياسيين: عظاامي غيطيحوا علياا و غنبقى فااشل ااااخخخ ( تفوه ) غنووض نمشي للاصال حسن ليا ( حنا عينيه جهتها ) نتي كي بقيتي شوية ؟

جوهرة:( لعبات بعينيها و خذوذها تزنكوو ) اا شوية 

ياسيين:( تحنا باسها بين عينيها ) مبرووك عليك ا لالة جوهرة هه .. يا الله غنوض اناا ندوش و نمشي نشريلك الدواا .. بقاي نتي متكية هنا مرتاحة .. صافي ؟

جوهرة: وااخاا بالصحة ( يالاه جا ينوض و هي تحط يديها على ذراعوا ) ياسيين 

ياسيين: وي ؟

جوهرة: خالتي هضرات معايا نبقاو معاهم هنا حسن من بوحدنا .. و عندها الصح ما كاين ما حسن من العائلة .. بلا ما نفرقوا خلينا غير معاهم .. اش بانلك ؟

ياسيين:( شاف فيها ببرود ) ما عزيزش عليا البشر بزااف و هنا الداخل و الخارج بكثرة .. دارك بوحدك حسن .. خصوصا ليك نتي باش تاخذي راحتك

جوهرة: لا لا أنا ما عنديش مشكل فينما كنتي أنا معاك

ياسيين:( تبسم ) دونك هني دماغك من هاذ الموضوع .. ( غمزها ) تا يلا كويت والديك فخمسة دالصباح ما يسمعنا حد .. بغيتي نبقاو مع سميرة تديرلنا الحكم لي كيحسب شحال من بيت تماركا ؟

حرك راسوا باستهزاء كيضحك مخليها كتبقلل فعينيها .. اخرتها على يديه ما فيهاش .. اما هو فراه دخل للدوش .. دوش بالخف و لبس عليه سبورتيف و هز سوارتوا و وراقوا .. مخلي لبيت مقلوب بريحتوا .. داازت مدة و رجع هااز ساشي فيديه .. شاف فالسرير ما لقاهاش و سمع صووت الرشاشة خدامة عرفها كدوش .. دق عليها و قال 

ياسيين: ها الدوااء فووق الطبلة رااه شاارحلك فيه كلشي .. كملي و ديريه 

جوهرة: صافي وااخا 

ياسيين: يا الله انا مشيت تال للغذاا و نرجع .. راهم لتحت كيتسنااوك كملي و هبطي تفطري .. شوية و يجيوا داركم 

جوهرة: ااه كون هاني الله يسرلك 

ياسيين: أميين 

غير سمعاتوا خرج رجعات مكملة دوشها كتحااول تطلق عظامها بالسخونية و ترتاح شوية ... عااقدة حوااجبها و كتحسس تحتها بالألم و إحساس غريب جاايها .. كتأكد واش صافي ما بقاتش بنت بنووت ؟ البكرة لي من نهار رجعات تعرف و هي محافظة عليها و كلشي عاطيها قيمة كبيرة و عنداك بالك .. صافي دابا طاارت و ما بقاتش ؟ جاها شعوور فشكل ما صعييب توصفوا .. راها 24 سنة و هي محاافظة عليها و جات فدقيقة و طاارت .. وااخا فالحلال و رااجلها بالشرع و القاانوون و لكن مع ذلك كيبقى احساس غرييب !

نشفات راسها مزياان من بعد ما اغتاسلات و توضات باش تصلي صلاتها .. عاد خرجات مكمشة فالبينواار و ملوية فووطة على شعرهاا و الحنيكاات مزنكيين بالبخاار و السخوونية .. هزاات السااشي و بدات كتجبد فالدوايات و تقراا .. خذات لي خااصها و رجعات دخلات للحماام داارتوا بالدمووع حتى بداا كيبرد عليها و تنفسات براااحة .. 

لبسات عليها قفطان دجوهرة مع شاالها و بليغة فرجليها .. عاودات كحلات عينيهاا و جمعات البيت بشوية عليها حتى قاداتوا .. و هزات ديك الخرقة داارتها فتووب نقي و خبعاتها فالماريوا مع حوايجها .. سمعات صووت الدقاان فالباب .. و مشات فتحااتوو لقات سميرة قبالتهاا .. ابتاسمات معاها

جوهرة: صباح الخير اخالتوا كي صبحتي ؟

سميرة: الحمد لله احبيبة .. و نتي رتاحيتي شوية من العيى ؟

جوهرة: الحمد لله

سميرة: ايوا مزياان .. يا الله نزلي معاياا تفطري الله يرضي عليك ..

نزلوا كيتكلموا فمواضيع عااادية .. لقاو الحاج جالس تما كيفطر هو و يماه الياقوت ..

جوهرة:( شافت فيهم بخجل ) صباح لخير 

ياقوت: صباح لخير و الخمير الغالية

مصطفى: صباح النور ابنتي ( شاف فمراتوا ) على السلامة منين نورتيناا شوية غنطلق عليك البرااح

سميرة: هههه مشيت جبت عروستي الغزاالة 

مصطفى:( بهدوء كيشرب فكااسوا دالقهوة ) ايواا رااه داارهم هااذي ( شاف فجوهرة ) تحركي كيفما بغيتي راك وليتي مناا و فيناا ما نحتاجوش نعرضوا عليك

جوهرة: عاارفة لي كااين اعمي لهلا يخطيكم .. 

فطروا كيتعاودوا و يضحكوا و جوهرة معععجبة فسميرة و مصطفى و الضحك ديالهم واحد شااد فلاخوور ما كيتقااضاوش .. حتى كمل و وقف

مصطفى: نمشي نقابل شغلي اما نتي يلا بقيتي مقاابلك هزني الماا

سميرة:( ضحكات ) الله يسرلك و ما تعطلش للغذاا عرف النااس جاايين عندناا

مصطفى: فاش يوصلوا صوني علياا 

داز الصباح طااير حتى لقات واليديها و خووتها و العائلة القريييبة ليهاا جالسين معاها و معمرين عليها و هي كتعنق و تبووس فيهم بحال عاام ما شافتهم .. حتى جات حداها وئاام و وشوشات لها فوذنيها و كل شوية تنغزهاا فجنبها حتى طيباتولها .. وقفات كدور فعينيها 

جوهرة: اجي معايا نوريك الحماام 

وقفات وئام موراها كتفرنس مخليينهم مجمعين ما انتابهوش ليهم أصلا .. طلعوا لعندها الفووق فالبيت فتحاتوا و دخلات تكات على ظهرها 

جوهرة: بزز كنت جاالسة تماا ظهري و كرشي ضروني بغيت غير ننعس و نرتااح 

وئام:( ضحكاات و قالت ) هاي هاي على النااس صبحوووا يا لالة .. و انا كنقول مال وجهك مورد 

جوهرة:( شافت فيها باغى تبكي ) قولي صفر و حالتي تشفي العدو .. كرشي كتحرقني و فخااضي حتى هماا تقوول مقطع فيا اللحم و رجلي حاساهم غيخواو عليا .. الحريق عااطيني من الكداام و هو طاالع .. جناابي تا هماا كيضرووني و صدري خلاااص ( شدات فراسها ) راسي غيتشقق علياا بالحرييق اهنننئ

وئام:( ضحكااتها ) ايواا صبري هاذشي لي هزات لك مغرفتك ابنتي .. ربي طيحك فراجل مجههد و نتي غير على قد الحاال ههه و لكن بااينة فيه غير من الفوورمة و الطولة و التجريدة احاااح ليل كامل و انا نفكر لك ااش درتي .. ما نعست ما شفتووا .. دابا حااسة بالدنيا كتضور بيا 

حنات عينيها فختها لقاتها كتبكي و هي تخرج عينيها و تحنات عندها عنقاتها كتسكتها 

وئام: وااش كتهضري من نيتك ؟ لهاذ الدرجة ؟ الدمووع كااع ! مقسحة بزااف تشووفي شي طبيبة ؟

جوهرة:( حركات راسها بلا ) لا بلاش

وئام: و مالك ؟

جوهرة:( شهقات ) ندمت نددددمت حتى عضيت فالترااب 

فنفس الوقت لي طلعات جوهرة مع ختها للبيت ..كان ياسيين يالاه دخل مع الباب .. سلم عليهم و دور وجهوا كيقلب عليها .. منين ما لقاهاش ناض من حداهم و تم طالع لبيتوا .. فتح لباب يا الله غيدخل و هو يسمع كلامها .. وقف مسمر فبلاصتوا و يديه محطوطة على البواني .. فحين جوهرة و وئام كيهضروا بيناتهم ما حاسينش بيه .. حيت الناموسية جايا مغطية و بعيدة على الباب ..

حطات وجهها بين يديها و بداات كتبكي من جد عقلها و وئام كتسكت فيها باغى غير تفهم ماالها و لووخرى غير كتشهق و تبكي حتى طلعاتلها الكناوية 

وئام: وااا هضري الزمر نفهم رااك فقستي مرااارتي

جوهرة:( شافت فيها بعينين حوومر ) و الهضرة تبقى هنا بيناتنا .. نتي عاارفة ما كنعااود لحد من غيرك ما تقولي واالو حتى لمااماا 

وئام:( بنرفزة ) لي يجمعها معاك ابنتي ... مولفة تلقااي الهضرة لي تعاوديلي عند النااس .. ايواا هاااه .. نطقي خلاص 

جوهرة:( تنهدات بصوت مرعوود ) كرهت رااسي لباارح .. ندمت قد شعر رااسي ( شهقات ) ماا قال هاذ البنت أول مرة تجمع معاياا فبيت وااحد غتكون حشمانة و خاايفة نراعي ليهاا حتى تطلق معاياا شوية بالشوية و تطلق رااسهاا ما والو ( بدات كتبكي مرة وحدة اخرى ) اناا حدااكم و ما كنقدرش نتعرى و كنحشم حرااك حداا رااااااجل عرفتي شنوو هي راااااجل .. قلبي بغى يسكت بغييييت نموووت و والله ماا حن فياا قلبي تطعععنت فيييه .. ماا حملتش رااسيي عذبني ا وئااام و زااد كمل علياا فااش سالا حسيت بعيني غيخرجوا من بلاصتهم بالحرييق كن سحاابني هااكا كن بقيت فداار با حسن لياا من لي وقع لباارح 😭😭 

وئام:( ما عرفات ما تقوول ليها ) ايواا رااه الزوااج هو هذاا ما كااينش لي يصبر عليك و حتى يلا تعاامل و ما قاسكش نهار يشدك كيفديها فيك ثاني و مثني .. راه عقد نكااح ااش بغيتي يدير بيك مثلا ؟ يحطك كاادر و يبقى يشووف فيك و من صباح لصباح يبووسك فراسك بحال مي جدة ؟ 

جوهرة: ما غتفهمينييش بااش حسييت الزربة لي زرب علياا تمنييت لو كاان جااب مووس و دوز علياا و ما يديرليش ديك الزربة طعني فقلبي ا وئام حسيت برااسي ما نسوى واالو و جايبني غير لهاذشي 

وئام:( ساطت ) سكتي الهبيلة رااجلك رااك ااالف وحدة تتمنااه و تتمنى تكوون فبلاصتك و نتي كتقولي بحال هاذ الهضرة ؟ رااك غير كتخربقي و الله ... حتى وحدة ما كتزوج باها و لا خوهاا لي يصبروا عليها ..شفتي كن نعس و خلاك و ما تحرك فيه واالوو راه تما فين خصوا يبقى فيك الحال و تقولي كيفاش أنا كاملة ناعسة حداه و ما حركت فيه وااالوو .. يعني يا ما معمراش ليه العين .. يا فيه ديفوا هو نيت !! واش تكرفس عليك ؟ و نتي زعما ما عجبكش الحال كااع ؟ ما حسيتي بواااالوو ( هزات فيها حاجبها بذكااء )

جوهرة:( تزنكات كدور فعينيهاا ) ماشي هكااك زعماا ( حكات عنقها )

وئام: اممم و شنوو زعماا !!

جوهرة: كي غادي ندير نشرحها لك ... ياسيين انا باقي ما مطلوقة معااه كااع .. مزال غرااب على بعضياتناا .. واخا تزوجنا .. راه بحال يلا مشيت مع شي وااحد ما كنعرفوش لداروا و لكن بخبار ماما و بابا .. و غير دخلني عندوا بدا يعري فياا بلا رحمة .. و هو باقي غريييب علياا و ما موالفاش بحضوروا حرااك نبقى زبطة حدااه .. فهمتي !! كنت كنتسنى منو شوية دالتفهم و المراعات ماشي 

دخل عليهم على غفلة حتى سرطات الهضرة ففمهاا .. و وقفات متوثرة .. شااف فيهم بنظرة قااسحة و مشى جهة الكوافووز ديالوا حط شي ورااق و وااحد البواط صغيرة فالحمر و تم خاارج حتى وصل قبالتها و نطق بنبرة صاارمة 

ياسيين: يلا كملتوا نزلوا للتحت كيتسنااوكم 

خرج مخليهاا مخرجة عينيهاا و قلبهاا مقبووط عليهاا 

جوهرة: عندااك يكوون سمعني ا وئااام ويييلي وييليي مشييت فيهااا ( ضربات فمها ) ااش دااني نهضر اااش 

وئام:( قبطات فيديها كتهديها و هي براسها مخلوعة ) تهدني تهدني ما يكون سمع واالوو ..كن سمع شي حاجة غيسكت هاكا ؟ كن راه كيهلل .. صاافي يا الله نزلووا و بردي شوية 

نزلات هي و ختها و وجهها مخطووف عليهاا لقاتهم جاالسين فووق الطبلة كيتسناهم غير هما باش يبدااو ... 

مصطفى: زيدوا .. يد شمال كتسنااكم 

بزز ابتاسمات معاه و شافت فياسيين بنص عين .. لقاتوا كيشوف قدااموا بنظرة صاارمة و سااكت .. ما كيهضر ما كيضحك .. جلسووا و باشروا فالأكل و هي كل شوية تهز عينيها فيه بأمل يشوف فيهاا و يهضر معاه او يضحك و يطمن قلبها .. لكن واالوو .. ما دوزات داك الماكلة حتى ربي غفر ليها الذنووب .. 

ياسيين:( وقف ) الله يقوي الخير .. مرحباا بيكم عندناا ( شاف فمصطفى ) انا مااشي للمحل كااين شي مشااكل .. نحلهم و نجي !

مصطفى: واخا اولدي الله يرضي عليك

خرج يااسيين و بقااو البقية مجمعين العشية كااملة .. ما سخااوش بالحذيث مع بعضيااتهم .. هضروا فمختلف المواضيع لي ممكن تخطر فالباال .. حتى داروا كاسكروط و شافت رحمة فبنتها 

رحمة: اجي ابنتي وريني بيتك .. باش شوية و نمشييوا 

سميرة: ااه طلعيها حداك .. غتكون باغى تشبع منك شوية 

ابتاسمات لهاا و وقفوا بجووج تحت أنظاار الجمييع .. فتحات لها البيت و دخلات الأم كتسرح عينيها فالأثاث الجمييل الرااقي .. بيت كبيير و مفرج .. مأثث على حقوا و طريقوا بذوق عاالي .. بااين خااسر عليه فليسات الصحيحة .. تبسمات بفرحة و شكون لي ما تبغيش لبنتها هاذ العيشة ؟ 

رحمة:( بتردد ) ايواا ابنتي امدرا ؟ احم كلشي هو هذااك ؟ راك فهمتيني !

جوهرة:( تزنكات ) ااه 

تمشاات لجهة فين حطاات الخرقة و مدااتها لها .. فتحات المنديل و جبدااتها طلقااتها فالهوااء حتى شاافتها و زغرتاات بفرحة و رضى .. و عنقااتهاا 

رحمة: الله يرضي علييك ابنتي الله يرضي عليك و يكون منك ( جمعاتها و دارتها فسااكها ) وريتيها لشي حد ؟ عكوزتك ؟

جوهرة:( بخجل ) لا ! هي ما سولاتني و أنا ما قلت والوو 

رحمة:( بتفهم ) صاافي انا داابا نهضر معاها .. و هاذي هاا هي عندي .. غنوريها غير لجداتك و نتكلف بيها .. ما نخليهالكش الله يستر يلا طاحت فيد شي حد .. ممكن يسحر لكم بيها و يعمل لعماايل .. اللهم نتفااداو هاذشي 

جوهرة: صافي ا ماما لي بغيتي 

رحمة:( باستها و عنقااتها بقووة ) يا الله تهلاي فرااسك و فرااجلك و فنااسك .. ما نوصيكش .. و التيليفون رااه بيناتناا 

جوهرة:( ما سخاتش بيهاا رجعات عنقاتهاا ) خليكم بااقي شوية عافاك 

رحمة: ما نصيبش ابنتي رااك عاارفة باك كي دااير ( زيرات على يديها ) راكي قريبة ما تحسي بياا غير و أنا عندك

جوهرة:( تبسمات ) نحطك فووق رااسي اماما مرحبا فأي وقت 

رحمة:( باستها )يا الله ننزلوا 

هبطوا عندهم وقفات جوهرة كتودع فعائلتها فحين رحمة راه جرات سميرة للجنب بووحدهم مقنتيين .. تال وااحد شوية و رجعوا بجووجهم ضااحكيين .. 

يا الله فتحوا البااب باش يمشييوا و هو يبانلهم ياسيين قبالتهم حتى هو دااخل .. تبسم معاهم و عطاهم صوابهم حتى مشاو بحالهم و شاف فجوهرة 

ياسيين:( بجدية ) تبعيني للفوق 

تسناتوا حتى غبر من قداامهاا عااد تبعاتوا طاالعة بالشوية عليهاا .. كتقدم رجل و تتوخر بجووج .. خاايفة يكوون سمعهاا !! ندماات على اللحظة لي فكرات تفتح فيه فمهاا و تهضر .. وقفات فالباب و دقات ..تسنات شوية و فتح الباب كيشوف فيها باستغراب 

ياسيين: علاش كدقي ؟ راه بيتك دخلي و خرجي منوا كيفما بغيتي !

جوهرة:( دخلات كتلعب بيديها ) غير من صواب و صافي حشومة نحل عليك بلا إذن 

ياسيين:( سااط ) جمعي فاليزتك و حواايجك لي كاينين هنااا ( شاف فساعتوا ) غير تكملي نتحركوا لداارنا 

جوهرة: ااه وااخاا (شافتوا متكي على الحيط هاز تيليفونوا كيخربق فيه ) نجمع لك معايا ؟

ياسيين: بلاش .. هاذشي ديالي كنخليه هنا .. فحالة بتت شي نهاار 

حركات راسها بالايجاب و سكتات كتجمع و تطوي فصمت و هو متبعلها العين حتى نحنح و قال

ياسيين: نسيت ما وصيتك فالصباح .. خرجت بالزربة .. عاد تفكرت 

جوهرة:( ضارت شافت فيه بابتسامة ) وي ؟ الله يسمعناا خباار الخير ؟

ياسيين:( حك لحيتوا ) لا غير على داك المنديل لي درتلك البارح .. فين خبعتيه ؟ جيبيهلي لهناا .. غنخليه عندي مخبع .. ما توريه لحد .. لي سولك على شي حااجة قولي كلشي مزيان و سكتي .. نوضي جيبيهلي ما حدي مفكر عاد رجعي كملي 

جوهرة:( بصدمة بقات غير كتشوف فيه ) اا

ياسيين: يالاه جيبيه !!

جوهرة: احم ياسيين سمحلي عافاك و الله ما سحابلي أنا عطيتوا لماما ما بقاش عندي .. هاكا العادة عندناا

ياسيين:( خرج عينيه فيهاا حتى رجعات خطوة للوور .. و نطق مزيير على سناانوو ) نعااام اختي ؟ عااودي عاودي ما سمعتش !! عطيتيه ؟؟

رجعات بلوور كتفتف صدمهاا و ما عرفات ما تقدم و لا توخر .. لسقات مع الحيط و هو وااقف حدااهاا مخرج عينيه فيهاا 

جوهرة: راه العادة هاكا فعائلتنا .. انا ما سحابليش ما غتبغيش 

ياسيين:(غوت حتى تهزات من بلاصتها ) وااش كتفلاي علياا هناا ؟ اااش كيحسااب لمك رااسك ؟ ماا عندك رااجل تسولييه و تااخذي رأيووا غير جيب اعقل و ديير !! 

جوهرة: نتاا رااه ما كنتيش و ما قدرتش نقول لماما لا

ياسيين:( ضرب يد مع يد مغذذ ) صافي ما كاينش ديري لي عجبك و لهلا يقلب بيا ؟ اناا كنباانلك هناا بووكيموون ؟ داايراني دييكوور حدااك ؟ ياك ؟ 

دخلات عليهم سميرة بفضوول .. من صوتوا لي مسموع فالكولوار كامل .. غير شافها و هو يشعل كثثثر 

ياسيين: هاذ الدار ما بقات عندها حرمة ؟ لاش حنا دايرين داك الباب تما منين لي جا غيدخل مدرم ؟ و لكن لاش ديروا لي عجبكم .. لي فاق من نعاس يخيط و يفصل كيفما بغى و حنا هنا حميير قدامكم ما عندنا كلمة عليكم و لا شوار !!!

سميرة: اويلي مالكم ؟ 

ياسيين:( زفر بعصبية و شاف فجوهرة ) عرفتي ااش يجيك مليح تهزي تبعيني دابا لهضرة ماشي هنا 

خرج من تما مخيخ مخليهم الراس فالراس .. جوهرة مخلوووعة و عينيها مغرغرين بالدموع .. و سميرة مقلقة من حالتهم و باغى تفهم ااش واقع

سميرة: ااش وقع ابنتي ؟ عاد كنتي بحال السمن و العسل .. شنوو قلبوا ؟

جوهرة:( شهقات ) أنا مسحابنيش ما غيبغيش نعطي لماما ديكشي .. غير قلتها ليه شعل فياا و بداا كيغووت ما خلاني حتى نشررح ليه و نفهمووا 😭

سميرة:( شدات راسها ) لا حول و لا قوة إلا بالله .. عوييينة يا بنتي و صابتكم عوييينة .. حتى نتي تسرعتي بزااااف هاذشي ما فيهش سحابني ( بقات واقفة غير كتشوف فلخر تنهدات و قالت ) جمعي حوايجك دغيا و هبطي عندوا قبل ما يبدا يهلل عاود .. و أنا غنهضر معاه عليك و نبردوا غير تهناي 

خرجات كتقلب عليه لقاتوا جالس فالكراسا ديال الجردة .. جلسات حداه و نطقات بصرامة

سميرة: وااش وجهك هذااك و لا قفااك مخلي لبنت غتمووت بالبكى قلبها غيسكت 

ياسيين:( مخنزر حتى هو ما كيشوفش فيها ) بيني و بينها الوااليدة نتوماا ما تدخلووش

سميرة: غنتدخل قاالااك .. غنتدخل فااش نشووف لبنت من نهاارهاا لول غتتسطى بالبكى .. ما دوزات شهر ما دوزات شهرااين .. يا الله جاات و سمعتيهم لهاا .. ما حرامش عليك ؟

ياسيين:( بنبرة قاسحة ) مرااااتي ا لالة مرااااتي ماا شغل حد فيناا .. دااباا سيري عيطيلهاا و لا غنطلع أنا نيت نجيبها

سميرة( ساطت و وقفات ): ها هي غتكلمها لك و لكن و الله اياسيين و تمشي تقهرها كثر و هي باقى عروسة حتى كلامي ما يعاود يجي على كلامك ( مشات معصبة كتبركم ) ماا دوزااتش حتى سيماانة دالبااكوور كيف النااس و بداا فتخرااج العينين ايواا خيااار عليااا 

هبطات عندوا هي و سميرة .. هز لافاليز ديالها فسكااات دارها فالكووفر و ركب فبلاصتوا كيتسناها تكمل مع حماتها لي كتوصي فيها و تعاود .. ركبات حداه من بعد ما ودعاتها .. و خرج من تما .. 

مشااو مساافة الطريق كلها في صمت تااام حتى وصلوا لداار .. بلاصا و نزل هز لفاليز ديالها و زاد قداامها ساابقها و هي موراه ... حتى وصلوا لشقتهم .. فتح لباب و وسع لها طريق دخلات حدااه .. 

يا الله دخلات و هي تسمع شي حاجة تزدحات بالجههههد .. ضارت عندو مفزوعة .. بانولها السوارت مليوحيين فووق الطبلة و مع الزاج تكلم هكاك .. شاف فيها بغضب و قال

ياسيين: زيدي جلسي نقولك واحد جوج كلمات 

بغات تهضر و بانلها خنزر و هي تجلس فوق الفوتوي .. واقف مقابل معاها حاط يديه على جنبوا .. كيغزز فشنايفوا معصب

ياسيين: من صبيحة ربي و أنا كننعل فالشيطان ما نهضرش و لكن نتي برب ما ديال السلاك .. نهااار وااحد ما سخنتيش حتى بلاصتك نايضة كتفرعني عليا هنا ياك لباس ؟ علاياش كتقلبي ؟

جوهرة:( حنات راسها كتبكي .. وجهها تقققج رجعات حمرة حمرة حمرة .. و دموعها نازلين بحال الشلال ) أنااا !

ياسيين:( ضحك مغذذ ) لا أنا ! عندك الدموع بحال السلام عليكم ياك ! ( جر كرسي و جلس عليه كيلعب برجليه بأعصاب بقى شحال سااكت عاد تنهد و نطق بصوت مبرد على لي قبل ) غير باش نكونوا مفاهمين أنا وياك .. نهار لول خذيتك حيت بنتيلي سيدة رزينة و حكيمة و داخلة سوق راسها .. غتعرف كيفاش تسير حياتنا و تحافظ على دارها ..

ماشي وحدة من نهارها لول ناضت خوات المزيودة كاملة لختها .. شنو غتقول هاذ السيدة عليا ؟ مكبووت و وحش ؟ منين كتعرفي تهضري و تعبري اجي عندي أنا نيت و قوليلي افلان ابنادم بفعلتك ضريتيني .. ها شنو كنتسنى منك و ها شنو .. و العيب و العار ساعتها يلا ما تناقشتش معاك و درتلك خاطرك .. ما رانيش حيوان تال هاذ الدرجة !! ( باستهزاء ) زعما الناس د الدين .. ما عارفاش كاع لي درتيه حرام ! و مكملاها مورية شي حاجة خاصة بينا للناس و يعلم الله شغيديروا بيها .. بشرفي ! ( وقف ) راك وليتي محسوبة عليا .. ما بقيتيش بنت ماما و بابا .. ديري معايا عقلك و نقصي من داك الطيران و إلا ما غنجيبوهاش للبر أنا و ياك

مشى من تما مخليها متبعة ليها العين و غتمووت بالبكى صوت شهقاتها كيتسمعوا مقجووجين وجهها كاع فزك بالدمووع و رجع لونوا محقوون

دخل لبيت النعااس بدل عليه .. يا الله جا يخرج من تماا لقاها فوجهوا بملامح حزيينة .. بعد لها من الطريق بهدوء .. و مشى للكوزينة كيشووف ما يتكاال و كيقرقب تماا .. حتى كمل و رجع عندها لقاها بدلات حوايجها ..

ياسيين: أجي تاكلي 

شافت فيه باستغراب و ناضت تبعاتوا .. جلسات مقابلة معاه بهدووء .. حتى كملوا و قالت

جوهرة: الله يعطيك الصحة 

شاف فيها و ما هضرش حتى هي ما تسناتوش يجااوبها وقفات بالخف كتنقل الموااعن للكووزينة .. جمعات لي غيتجمع و غسلات لي يتغسل .. مسحات يديها بتعب حاسة بكرشها كتضرها شوية .. 

خرجات كتسرح عينيها .. بانلها الحس ديالووا مقطووع عرفاتوا راه فالبيت .. تنهدات و فتحات البااب .. كان متكي كيخربق فالتيليفون .. شافها و كمل حتى سالى و حطوا جنب .. كيشووف فيها بنص عيين كتمشط فشعرهاا و فالأخير ضفرااتووا .. حيدات بينواارها و تخشات فبلاصتها حدااه .. 

بقات سااكتة حااسة بالجو مثوتر و مخنووق .. شداتها البكية .. ماشي هاكا كانت متخيلة أول أيام زوااجها غادي دووز .. تنهداات برجججفة .. فنفس اللحظة حسات بيه ضاار و عطااها بالظهر .. جمعات فمهاا بطريقة برييئة بحال بنييتة الصغييرة .. و مدات يديها بتردد لظهروا .. حتى كتجي تقييسووا و كتترااجع .. فالأخير حطاتها عليه و حركاتها بهدووء .. 

جوهرة: يااسيين 

ياسيين:( هز راسوا و ضار عندها غير بنص وجهووا و بقى سااكت )

جوهرة:( بنبرة بااكية ) ما قصدتش ديكشي لي فهمتي أناا ماشي بحال لي قلتي و الله ما نويت فيها شي حاجة .. عافاك سمحلي و ما تهزش فخاطرك مني 

ياسيين: نعسي ا جوهرة نعسي خلي هااذ ليلة دووز على خير 

جوهرة:( تجرحات من نبرتوا الجاافة .. جرات يديها عندها ) ا ااه سمحلي

تقلبات عطاتوا بالظهر مكمشة على رااسهاا عااضة على شنافتها و مخلية دمووعهاا ساايلين فصمممت .. بكات حتى شبعات فلخر عرفات البكى ما غيديرلها حتى حل .. غير غتمرض عينيها لا غير .. ناضت بالشوية طلات عليه .. كان مغمض عينيه .. مدات يديها حطاتهم على شفاروا كتلعب فيهم و قالت بهمس 

جوهرة: نعستي ( كتحرك فيه بيديها الثانية ) يااسيين وا ياسيين .. عارفاك فايق غير جاوبني .. و الله ما نخليك تنعس غضبان 

ياسيين:( تقلب عندها متكي على ظهروا ) ما غتصهريناش ؟

جوهرة: لا ( قبطات فيديه ) ياك سمعتلك و حتى نتا سمعلي عافاك ( حرك حجبانوا بمعنى هضري و حتى هي بدات كتهضر بصراااحة ) أنا عارفة راسي غالطة و لكن و الله ما نويتها خايبة .. عارفة حرام نعاود أسرارنا و لكن حسيت براسي مقهووورة و بوحدي ما معايا حد غنطرطق .. لقيت غير ختي قدامي نعاودلها و نرتاح شوية .. هي الوحيدة لي كنهضر معاها براحتي و تنصحني و ننصحها واخا صغيرة عليا .. شووف قسما بالله ما غتقول عليك شي حاجة و لا تاخذ شي نظرة خايبة عليك ختي و أنا عارفاها .. غير تخرج من عندنا غتنسى كلشي .. ما قلتش نتا مكبوت و لا حيوان و لكن راه أول مرة نتزوج و أول مرة نبقى فبيت بوحدي مع شي راجل .. شنو ما نقوولك ما نوصفش حالتي فديك اللحظة ( تغرغروا عينيها ) جاتني صعييبة بزاااف و الله .. و حتى نتا واخا شفتيني كنبكي ما اهتميتيش ليا بحال يلا زايدة ناقصة عندك و زربتي عليا بطريقة خاايبة بزااف

ياسيين:( تنهد ) صبري

جوهرة: لا خليني غير نكمل و قول لي بغيتي .. على المنديل أنا ما كنتش عوالة نعطيه لشي حد .. غنوريه لماما و لماماك يلا سولات و صافي و لكن فاش هضرات معايا ماما حشمت منها و ما قدرتش نقول لا .. و عمرني نقدر نقولها .. هاكا تربيت ا ياسيين .. الله يرحم والديك لما فهمني و ما تبقاش هاز فخاطرك مني .. أول مرة نتحط فبحال هاذشي و حتى واحد ما نصحني من قبل ( طارت تخشات فيه معنقاه بيديها بجووج و بدات تبكي ) ما بغيتش نطيح من عينيك و تكرهني .. عندك الحق فلي قلتيها و أنا ماشي هكاك و الله ما نويتها خايبة و لا نويتها 

يتبع...