ذياب حشا يديه فجيبو وجبد واحد البواطة : يمكن ماشي وقتو ولكن من نهار شفتو وانا مصمم نخليه ليك واليوم جا وقتو
جنة عضات شفاها مخلياه يبلع ريقو: فوقاش شريتيه
ذياب: فاش ماكنتيش كتجاوبيني "فاش كان غاينتاحر وتصالحو"
تبسمات بحب وهي مترقبااه بعينيها كيحل فالبواطة ......فيروزيتيها لمعو وهي كتشوف فالخاتم ليكان صغيور على قد صبعها......جاي سامبل وفيه حجيرة صغيورة الفوق .....كان من الذهب الخالص...
هو عارف بلي هي حاليا سيدة اعمال وصاحبة شركة صنع المجوهرات وبلي هاذ الخاتم عندها غي بحال شي 20 درهم.....عكسها هي ليحمقها بقات غيكتشوف فيه هزات عينيها فذياب وتبسمات : ركبوولي
مدات ليه يديها وهو بداو يديه كيرجفو........ومشا بيه بالو لقبل تسع سنوات "
~~~غزلااان....انا طلبتك من عند خالك وهو وافق باش نتزوجو
غزلاان بدات كتصفق فرحانة حيث غاتهنى من العذاب ليكيدوز عليها: ياااس يااااس.... الحمد الله كنت خايفة مايوافقش
ذياب حشا يديه فشورط وجبد واحد بواطة عادية جدا.....حلها وهز خاتم ديال النقرا الحرة.....اما هي فبقات كتشوف فيه بعدم رضا معوجة فكها: ركبوولي ~~~~"
حل عينيه فاش سمع صوتها كيناديه : ذياااب
ركبوليها وهز يديها وباس كفهاا بقوة : كنحماق عليك
تنهدات وطلقات من يديه.....حلات صاكها ليمعلق فجنب كتفها.....جبدات منو البواطة لبلون الأسوذ والرمااذي....هزات عينيها فيه هو ليكيشوف فيها باستغراب: شنو هاذاا واش شيخاتم ديالك
جنة بتردد وتخوف من انه مايقبلوش: ل لا...هذاا دياالك
مداتووليه وهو بقا كيشوووف....شاف ففيروزيتيها الحمااس والخوف من انه ماايبغيش يشد ..مابغاش يقمعها وخذاا البواطة...بدا كيحلها وهو يخرج عينيه فالخاتم ليكان مصنوع بدقة
....'السبع جواهر" فعلا فخامة الاسم تكفي......كان مصنوع بواحد الجودة واخا تكون يديك كحلا غايزينها....ماعساك يديه هوا ليبويض ومعرقين.....هاكا تخاايلااات الخاتم فيديه....خداتو من عندو وركباتوليه وهو فحالة صدمة...... شاف فيديه وهو يقشع الزمرد والألماس كيبريو...... بغا يهضر وهي تسبقو وعنقاتو مضورة بيديها على عنقو : ماتقول والو...من اول ماطاح فبالي هاذ البروجي وانا متخيلاه فيدك.......خليه عندك كذكرى....خليه عندك كادو من عندي ...ماعمرك تحيدو دائما وأبدا
تبسم بعمق وبحب لشغب قطتو الصغيرة ليمهما كبرات كتبانليه جنة بنت 17 العام.....تكلم بصوت منغنغ :
أنا هو ليسقيتيه من كأس حبك حتى ادمنت هواك....... ووليت كنطالبك بالمزيد والمزيد .....خليني نبغيك خليني نبغيك حتى يحترق الحب...... خليني نتنفس عشقك خليني نبغيك اكثر فأكثر...... خليني نغرق في بحورك ونتلاح بين امواجك ...ماتعتقينيش خليني نتشوق ليك حتى تحرقني اشواقي
جنة بعدات عليه والفرحة كتداعب قلبها....تنهدات ب صوت مسموع كتقلب على الكلمات ليغاتقوليه حيث بصح تلفها وقلب ليها موازين فؤادها بعثر مشاعرها ورون أحاسيسها......
تكلمات بصوت خجل نوعا ما وهي شادة فيديه وكتشوف فالأرض: خلي حبك يزلزلني ويفجر داخلي بركان من العشق والنار...... ها أنا اليوم كنعلن حبك على الملأ قلبي وروحي وجسدي .. ماعندي حتى مفر غيرك أو مكان نلجأ ليه بعدك .. وغيشهد الملأ أني ماغانخليكش بعد اليوم حتى تتخلى الروح عن جسدي .........كنستسلم أني عجزت عن نسيانك وكنعلن فشلي فهاذ الحرب ......قلبي وروحي أوفياء....ووفاو بعهدهوم للبقاء ليك أذياب......
ذياب تنهد من كمية الحب والحنان ليحس بيهوم فكلامها.....هز يديها باسها برقة الحركة ليكتشللها وتخليها تالفة وغيكضور فعينيها : حتى قلبي ...يمكن بغا المرة لولى....ولكن فالمرة التانية استسلم..... وماعمرو غا يخفق شينهار لغيرك ......حيث حتى في بعدك مكيشوف حد سواك وماكايحس بحد سواك وماباغي حد سواك..
جنة هزات يديها ليكترجف وحطاتها فوق لحيتو كتحرك صبعانها وضفيراتها الغوز كيبريو: انا كنشوف بك كل شيء و ماكانشوف تا شيءً بلا بيك....... قلبي ملك لك ...اصلا قلبي كينبض غير لك وعلى قبلك وكيعيش بك وغايموت بك....... واش كتسنا من بعد هاذشي كامل نعيش يوم بدونك؟؟؟ نتا قصة كتباتها حياتي وأخرج كتابها مستقبلي ووقع عليها ااماضي والحاضر........قصتي بدات بيك وغاتسالي معاك...... أنت صميمها وموضوعها وربيع فصولها .....قصتي كتابها صفحاتو تفاصيلك الوسيمة
تبسم براحة من قلبو وتكا على الحيط جايبها قدامو مهبط يديه لخصرها وملسق جسدها مع جسدو الضخم ....تركزو حجليتيه على فيروزيتيها وتبسم بعمق مترقبهوم بلهفة ...حنا على العين الييمينية مقبلها ببطء ودار نفس شي للعين ليسرية: عينيك كتخبرني بسطور من العشق والحب لي قراها كيحس بليهي من الأساطير عارف بلي حبي ليك خيال في زمن ولا فيه الحب موحال....... ولكن كنبغيك اه كنبغيك كنبغيك وكنبغيك وكنبغيك
جنة قلبها بدا كيتراقص بين أضلعها الصدرية وفمها طاب بكثرة العضان عليه حيث كلامو كيفشلها.....خلاها طايرة فسما بين سحب الحب عايشة لاموغ: مابغاكش تبعدني عليك حيث كنشوف ف بعدك موتي وبوجودك ولادتي من جديد
...... نتا قمراً كيضوي ليلي...وشمس كتشرق فسمائي ونتا السعاده الي كنت كنحلم بيها أنت الأمل اللي عايشة عليه..... نتا ليكيبعثرني....انت الحب والحبيب انت المرض والطبيب انت الخادع والمخادع انت عشقي الوحيد
طلق تنهيدة من القلب متمتم بين سنانو: اخرتي على يديك أروح قلبي ❤️
بقات واقفة ولكن غيسمعات صوت جعفر كيغوت خرجات عينيها وحطات يديها على فمها عارفة بلي جعفر عاقل على ذياب وغاتوقع شي مصيبة
تبعات ذياب كتجري.... لقاتو حل الباب وواقف كيشوف فجعفر بنظرات حاقدة عاقل على نهار لقاه مع جنة : ياك لاااباااس
جعفر كيرجف غيبوحدو وشعرو مشعكك عينيه حومر ومنفوخين ولونو حماار بقوة العصبية......تمتم بين سنانو : فينها عبير
ذياب خرج فيه عينيه ليحماارو ويديه مزير عليهوم تقابل مع جعفر وكانو قد قد فالطولة واخا دياب فايت جعفر شي شوية حيث بنيتو الجسمانية ضخمة بلونطخيما والسبور....
شدو من الكول دياالو مزير عليه وعروق جبهتو برزو: اش عرففففك بخختتتي ؟؟؟؟ وعللاااش كتتسووول عليييهاااا
جنة قفزات كتولول بين نفسها وكتفك ليه فيديه: ذياااب طللقق
جعفر تاهوا شد ذياب من عنقوو: نتااا مزاااال حساااابي معاااك هو لللخخر
ذياب دفع جعفر تاترااجع لور كينهجو بزوج كي شي أثوار.......شاف جعفر فجنة معصب: فينهااا عبييير
جنة بلعات ريقها فاش شافت ذياب طار على جعفر مطيحو فالارض...مع جعفر فاشل بصوكان ومن طيارة لطونوبيلة وطريق بين أكادير وكازا بعيدة بززاف.......ذياب خنق جعفر بيديه وجنة كضربليه فضهرو وتبعدو عليه ووالو: واااااش ماااحشمتييش جااااي عندي وكتقوووولي فينن ختككك....شعرففففك نتااا بختتتتي
حط يديه على عينيه وصوت تنهيداتو مسموعة....كانت قاصحة انه يعرف بلي ختو كتخونو...حس بشرفو ضااع وهي كضحك ليه فوجهو وكتغضروو..... بصح هي كبيرة ولكن كيبقا خوها وشرفو وعرضو وبحال بنتو.....تقصح بززاف حيث تمن سنين وهي كتعاملو كيف شيكانبو وهو فرحان بيها حيث ديما تحت عينيه وكيقول ختي وختي وختي..... تنهد بصوت مسموع وقلب طريق لدار حاس بخذلان وانكساار كبير
جنة عضات لسانها وضارت عند جعفر كتخنزر فيه: good morning
جعفر خنزر فيها عرفها كطنز عليه:ݣود زبي
جنة دارت فيه شوفة ناقصة وضارت بحالها وهو يغوت: ݣوليلي غيفين كاينة انم
قاطعاتو هازة صبعها بتهديد مخرجة فيه عينيها: ماتقوووليييش بسبااابي ماتردش ليا لومة...نتااا لقيتيها سببةة وبغيتي تبعد اما انا بعيدة عليكوم بعد الأرض على سماا
نمشيو للأكادير.....بالضبط فمارينا.....بلاصة كبيرة فيها البحر دايرة بحال شيمرصى....فيها مجموعة من السفن الصغيرة للابحار وبلاصة خاصة بالحوت وشواية.....كان كالس يوسف وأليسيا "فاطمة زهراء" كيهضرو ويضحكو ..... وكيزيدو يتعرفو على بعضياتهوم...حتى للحظة سها يوسف فأليسيا وهي كضحك مغمضة عينيها العسلين والشال مواتي ضورة وجها....
تبسم قابط يديها بين يديه سامح لأحاسيسها بالتبعثر داخلها :شنو درنا دبا.....خصني نهضر مع واليديك
تبسمات بحب "الحوار بالانجليزية" : المغرب زوين بززاف
غلباتو ضحكة: هههههه زويين
هزات حاجبها كضحك: اه زوين والله تاعجبني
يوسف تبسم: نتي ماعايشاش فيه وماحاساش باش كيحسو الاف دراري" شمكارة" العاطلين على الخدمة...وليمأخوذة منهوم حقوقهوم
أليسيا تنهدات : تاحد مالقاها كيف بغاها..
كان جالس مقابل مع الدكتور ليمكلف بحالتها وحداه جعفر و وأنس....... بعد ما خرج يجر جنة يدخلها تفاجأ بهضرة أنس ليدخلات ليه مع عظامو كيف شي مخذر....خلاتو يتبنج ومايعرفش شكيدير.....حتى لقا رااسو ركب فموطور أنس وكسيرا....عكس جنة ليبقات مع هارون حيث بقا بوحدو......وحاولات تتعامل عادي واخا ماكرهاتش تمشي معاهوم تشوف شنو وقع لعبير ليكانت كتصارع الموت فلحظة...... وقعات ليها جلطة دماغية حيث الخلاليا الدنوية تحرقات اكثر من اللازم والورم السرطاني خبيث ....كيتنشر دغيا وقرب يستولي ليها على المخ.......
تكلم الطبيب بعد ماا رجع قرا الملف ديالها من جديد وعينيه كيمشيو لجعفر عارفو مالك المستشفى واي غلط يقدر يخرج عليه : الأورام الخبيثة كتنمو فراسها ووتتفشى بشكل عنيف وكتسيطر على انسجة الخلايا السليمة الانسة عبير فخطر كبير.....هي بين صراع مابين الحياة والموت......واقعين صراعات قوية مابين الخلايا السليمة والخلايا المسرطنة.......لدرجة ان تبقى فقط مساحات معينة ماتقاستش بالسرطان ، والمشكل ليدارت الانسة....انها نقصات من الاغذية الصحية ليها وتراجعات صحتها لور ....حيث كيف خلايا الجسم الأخرى كيف الخلايا السرطانية
جعفر ضرباتو ساكتة ماقادرش يدوي....بحال أنس ليمو تاهي ماتت كتحارب السرطان....لهذااا بدا كيرااجع ذكرياتو الماضية وبالو غايب عن الواقع....استأنف الطبيب كلامو: الحظ ماحالفناش...حيث انطلاقا من التحاليل ليدرنا وليغاديو والكشف ...... مانقدروش نستأصلو الورم ولا الخلايا المسرطنة....... الورم جاها حدا مناطق حساسة في المخ شي ليمخلينا مترددين العملية الجراحية أمر خطير بالنسبة لصحتها . وخص يستأصل الطبيب المختص في هذه الحالات يستأصل أكبر قدر ممكن من الورم محافظ على سلامة المريض في المقام الأول ويبعد قدر الامكان على المخ والعروق الرأسية ....
جعفر تنهد وخرج من صمتو: شنو كتسناو ديرو هاذ العملية باش نتهناو وتاهي تهنا
الطبيب تنهد والعرق تكون فجبينو وهو كيشوف فجعفر بنص عين:
هاذ الجراحة خطيرة بززاف .....إزالة الورم لي ف الدماغ ليها مخاطر بززاف........ولا نجحات العملية....كيبقا ربع الورم ف الجزء الدماغي اللي فيه الورم. فعلى سبيل المثال مرة مرة عينيها غايتغشااو ويتظلمو...وضوخة خفيفة........ وللكن اللهم هكاك ولا تبقا بالورم كامل....وحنا اصلا خصنا جراح نسائي
ذياب تنهد بتعب : ماغا ديروليها تا عملية ماحد كاين خطر...... بلاش اللهم تموت فخطرة ولا تعذب ديما
جعفر خرج فيه عينيه وحاول يهدن راسو حيث بزوج معصبين وتقدر توقع شيمصيبة: غادي ديرها
بحنية: وغاتنجح.......ان شاء الله انا غانكون معاكوم فهاذ لوبيراسيون ماتنسااش ادكتور بلي تانا جراح فامراض النساء
تنهد ذياب وهزز راسو بخوف من فقدانها: ولا مشات وماتت لا قدر الله
جعفر شاف فيه والخوف بدا كيملأ كيانو: ماتبقااش توسوس راسك.... غاتنجح العملية ثيق فيا
ضحك باستهزاء: تاهي تاقت فيك وخذلتيها
جعفر تنهد بأسى: ولكن هاذ المرة كلمة رجال
ذياب وقف وتقابل معاه: رجال رجال
جعفر تبسم بتعب: رجااال
فبلاصة خررى.....كانت واقفة مبتسمة كتشوف فهارون ليكيرسم فبيتو ويلون.......متكية على الباب ومقابلاه بحزن...واخا طمأنها ذياب بتيلي مي والو قلبها ضارها........بعدات وجبدات تيليفون ديالها دوزات رقم ماماها......ماجاوباتهاش....دوزات رقم فدوى فالواتساب وهي تجاوبها دغيا: جننة...كيف تينا لااابااس وصلتي ولا باقي
جنة تنهدات بأسى : وصلت
فدوى حسات بلي صوتها مبدل: شني واقع؟؟؟
جنة مع مابقات كتيقق فتا وحدة ديرها صاحبتها....تبسمات بسيف وسمعات لفدوى صوت ضحكتها: اماماليش غيعييت
فدوى براحة: ايوى تينا ليباغا تمشي وتعذب تقول غاتعدل لينا صواريخ......مكين لاش تعذبي نفسك على الخدمة
~~~~~~~ ماعرفاتش علاش بالضبط آزار حرقتو كبيرة تعيا تقول تحرقات من ذياب وتصدمات من عبير ولكن آزار كواها......آزاار كان ضربة قووية وقاتلة من الحياة ليمارحماتهاش...كتعيا تقول غانسا ونحاول نرجع كيف كنت ووالو...مزال ضعفها دهاذي تمن سنين تابعها....وباقي طيف الماضي ملاحقها بحال شبح آزار ليفوقما غمضات عينيها كيبانليها كيف شي شبح.....تنهدات بأسى ووقفات كتشوف فالارض......"ملاحظة....هي راها فالفيلا ليشرا ذياب من عند أنس فاش باعها على قبل مو........ ودار القديمة ليخدمات فيها كان ذياب كاريها"
دخلات لعندو البيت مبتسمة كتشوف فيه: هاارون شنو كدير
هارون هز فيها العين وتكلم بجدية مبالغ فيها ماشي دسن ديالو: فيك
هزات حاجب وربعات يديها: كيفاش فيا؟
هارون : ماما....نتي صراحة نتي ملاك دخل لحيااتنا....بدلتي بابا...وبدلتيني انا ....نتي زوينة بززاف وضريفة وكنتمنى تبقاي معانا ديما....نتي حسن من ماما الحقيقية...نتي اصلا هي ماما الحقيقية والوحيدة صحابي كانو كيبقاو يضحكو عليا....ولكن دبا لا...كولشي عرف بلي نتي ماما...... وليت كنحس براسي باغي نجي لدار باش نشوفك اماما.....الله يخليك لينا
تنهدات وكلامو قاسها فالصميم ودخليها لأعمااق قلبها.....طبول وذنيها بداو كيصفرو وعينيها غرغرو ..قربات ليه بسرعة وعنقااتو تاطاحو فوق ناموسية: كنببغيييك
هز يديه براحة وحطها على ظهرها: تانا كنبغيك اماما
نمشيو لبلاصة خرى.....كانو واقفين فباب غرفتها بعدما وقع ذياب الورااق دياال العملية وتصريح وعطا لاوطوغيزاسيون باش يديروليها هاذ لوبيراسيون حيث خطيرة......مشا أنس يضرب طليلة على القهوة وجعفر كان مع ااطاقم الطبي ليكيهزوه غي بسي جعفر....وخصوصا ملي عرفو بلي المريضة من العائلة شدو معاه طريق ورادين بالهوم...كيحاولو يديرو شي خطة لاستئصال الخلايا المسرطنة كاملة ويحيدو الورم
اتفقو بلي موعد العملية غايكون فالعشية...كيكون الكلينيك خاوي من الزوار وياخذو راحتهوم.......جعفر غيساهي وبالو كلو مع عبير وكذلك ذياب ليكيتشوى غيبوحدو حيث هي بنتو قبل من ختو...رباها بيدو واخا ماشي شي تربية مي القرد فعينيه مو غزال
جات جنة وماخلاوهاش تطل على عبير ليمغيبة بالبنج....... حيث الصداع ليكتحس بيه فراسها عجيب.......وفضلو ينقصو عليها الألم.......بداو كيوجدو المعدات واللوازم ....دخلوها لبلوك وجعفر توخر كيشوف فيها وكينهج غيبوحدو........ عراوها ليزانفيغمييغ دازو ساعات وساعات و كلهم جالسين برى على الجمر كيتسناو فمكان خاص مقابل مع الباب الانعاش مكيدوز منو حتا واحد حيث غي الفراملية ليكيدوزو بزربة ويوليو.....كان جالس ذياب وحداه جنة وأنس......"هارون اضطرات جنة تكلس معاه وتعطيه مهدئ فالحليب بالشكلاط باش ينعس و يتطمنو عليه بلي بيخير" وحداهوم أنس كيعيش نفس اللحظات ليعاشها مع مو...... جنة كالسة حدا ذياب وساهية تاهي ماباغاش تدوي معاه خايفة تجرحو ولا تزيد عليه....عارفة بلي عبير هي ختو والفرد الوحيد من عائلتو ......عارفا طبعو فاش كيتعصب يالاه بغات تحط يدها على كتفو وهوا يغمزها أنس بااش ماتقيسوش حيث معصب ومكيبقا يعرف مايقول ....وهي مجربة عصبيتو من ذاا شحااال........ باش متقربش ليه لانه فحالة قابل للاشتعال فاي
لحضة على اي واحد كيما كان ...جنة مجربة عصبيتو مكيبقا يعرف ماكيݣول وغايصدق جارحها وماصدقو تصالحو ...ماقداتش تزيد تتحمل كثر.......علمات انس بلي غاترجع لدار وخلااتهوم وتا ذياب ماعلقش ماعندوش الخاطر
الداخل ....كانو الأطباء والجراحين لابسين طابلية دبلاستيك وداير ليݣات وكمامات على وجهوم....... بداو فالعملية واخا جاتهوم صعيبة شوية مع شعرها قوي وكيبرزطهوم....حلوه ليها من الفوق
وجعفر غيكيشوف حيث اصلا ماعندو تا شي دور من غير تشخيص حالتها بعد العملية الجراحية ميهوا لي أصر يدخل....هو ليكان كيخاف عليها من البرد ويقيل يوصيها ماتخرجش فصباح بكري على البرد......هاهوا كيشوف فيها ممددة فوق الفراش لا حول لها ولا قوة والمقوصة كيدخلوليها فراسها......تكا على واحد الحيط وعينيه مغرغرين........ مشا بيه بالو لبعيد
قبل اشهر ..... اللقاء ما قبل الاخير ليهوم....كانو جالسين فواحد الجريدة خاوية ...ݣالسين فالارض هو متكي على واحد شجرة وهي متكية على رجليه وووجها مقابل مع وجهو.......خصلات شعرها البني متناترين فوق الارضية بطريقة جميلة....
عبسات فمها بلطافة : شوف نمل كيدخلي لشعري
بدا كينفض ليها شعرها بضحك: كون بقيتي كديري الفولار كاع ما يدخل ليك
شاف فيه كيفاش كالس ومرتاح: عرفتي نتا بوحدك غير الكل...جرااح معروف فالعالم كامل وعندك مستشفيات قدهوم قداش ......وكالس فالارض
ضربهها بصبعو لحنكها: تانا من أيها الناس...... وهذي ماشي أرض هااذي الطبيعة وهذا ليكالسين عليه الݣازون.....
تبسمات وغمضات عويناتها: كنبغيك
تحنا على وجها وملامحو الجميلة مرتخية .....حلات عينيها وتدهاش من قربو....ركزات عينيها على لحيتو ليمطرااسية بطريقة جذابة .....وعينيه الكوحل ليكيذوبوها.....بلا منهضرو على العضيمات ليخارجين جنب فكو عطاوه جمالية من نوع خاص...فارس أحلام كل بنت ولكن هو داابا دياالها.....تبسم فاش شافها سهات وماجات فين تفطن تاكان حاط شفاهو على شفتيها وغااايص فشفاها متذوق من ريقها
فاق على صوت آلة القلب ليكتأگد بلي دقاتها ارتافعو قلبو مشا وجا.....وقف مشدوه مصدوم كيشوف فالفراملية ليضااخو...قلبها توقف فواحد اللحظة ليخاصهوم يحيدو الخلايا الميتة...تلفو وماعرفو مايديرو بقاو واقفين مصدومين...تاغوت عليهوم: شكتسسننناااو ...يكمااا كتسناااوها تفيق توريييكوم
نقزو وبداو.....الطبيب الاول بدا كيحاول مع جسمها باش يرجع لدقاتو العادية ...... تنفسو نفس الصعداء فاش تقااد انتظام دقاتها تنهد بصوت مرتافع وخرج ماقادرش يزيد دقيقة هنا........ وكملو شغلهوم بإتقان حيث اي خطأ بسيط يأدي بحياتها للهاوية
سالات العملية ...... خرجو الاطباء واحد مور واحد تجمعو عليهوم دراري...ومنهوم جعفر...تكلم الطبيب الاول بهداوة: درنا ليعلينا....ودبا غانتسناو المريضة تفيق باش نديروليها تحاليل ونعرفو شحال حيدنا ديال الورم.....
ذياب عاد تطلقات بشرتو ورجع لونو عادي اما راه رجع صفر وفمو بياض....: واش تقريبا غاتشاافا؟؟؟ الطبيب الثاني: مور هاذ العملية...غايكونو عندها مضاعفات غاتبدا تحس بالصداع المستمر فراسها..... مرة مرة غاتعرض لتشنجات فجبهتها......
حدوث الغثيان والقيء
الطبيبة الثالتة: وماشي غيهاذشي......غايطرأو عليها مجموعة من التغيرات النفسية أو السلوكية أو التغيرات في الشخصية أو في الذاكرة غاتبقا تنسا شوية.......
ذياب عرووق جبهتو برزو عيا يصبر : وعلاااش دايرين ليها هاذ العملية ملي غاتبقاا هي هااكا
الطبيب تنهد بأسى عارف بلي عائلتها جاهوم الخبر صعيب: على الاقل غاينقص الورم فراسها وهاذو مجرد احتمال لا غير.......وشكون قال كاع مايوقعلها والو
جعفر بعد عليهوم ومشا كلس فقنت بوحدو كيفكر...هو ليوصلها لهاذ الحالة محمل نفسو الذنب وجميع العقوبات يستاهلهوم....تاهي كانت ضحية ولكن هو حكم عليهااا من ماضيها......وهي سكتات وكتماتها فقلبها...دبا ولات أمنيتو وحيااتو هي تشاافا عبير حيث مايقدرش يعيش بلا بيها واخا هي ماتبغيش ترجعليه........مهم عندو يشوفها فرحانة... وعايشة حياتها عادي ....
رجع ذياب هو وأنس ليمشاا بحالو لدار كان ظلام طاح.........مع دخل لدار طاح فمسامع وذنيه صوتها الباكي و صوت الغوات .....غوات جنة ليكانت متكية فبيتها وسادة عينيها كتغوت وتبكي وشعرها لاصق وجها بكثرة ماعرقات : لا لااا لااا بعدوووو منننيي لااا اهييئ اهيئ بعع بععدو منني بعددو اهب اهيي اهيييينننننئ عتقوووني غايقتلننني لااا اهيئ
حلات عينيها فاش شمات ريحة ذياب...... هزات عينيها غيبانليها كيقرب.... طارت عليه عنقااتو وهو كلس معنقها كيربث على شعرها: شتتت غيكووشماار هذااا
جعفر بنبرة ساخرة وصوتو مبحبح بنعاس: حيث بصح كنبغيها......
ذياااب قربليه وخطواتو بطيئة وصوتو فيه نوع من الإستهتار: شنااهوا..... باينة فيك كتبغيها علااه ليكيبغي شيحد كيخلييه
جعفر تاهوا قربليه متبسم بقوة: المثل ليعطيتي كنطابق عليك...واش تتخليتيها عاد رجعتي
جنة بصوت عالي: جعععففر
ذياااب قاطعها برااحة: بغيتها وبغاتني خليتها وهانا رجعت ولقيتها وهي دياالي دباا...... هي ماحكمااتش عليا من أغلااط الماضي...بالعكس لقيتها مرحبة بيا.....هااذا لاااش ماتقاارنش حبي لجنة بحبك لعبير....حيث حبي لجنة .... فات الحب.... صباااح اللله
تنهدات بالجهد مالة شجاراتهوم......: واااصاافي ماتزييدوووش فيه
نقصات من صوتها ونبرتها قلة وخفت : غانصدعو عبير
دخلات طبيبة ومعاها طبيب هازين ملف فيديهوم: صباح الخير....
جعفر هز حاجبو وتكلمات الطبيبة: فاش كنتي ناعس خذينا دم من عند المريضة ودرناليها تحاليل ....نوغمالمون خصها تفيق اليوم فصباح ولكن والو
جعفر مع مارتااحش البارح نعس بززاف ومافاقش: علاه شحال فساعة
طبيب: دبا تقريبا الوحدة اسي جعفر......
دوز يدو على وجهو بعصبية وذياب تمتم بين سنانو: وشنو المعمول دبا
الطبيبة بأسى وحزن حيث بقات فيها: غانتسناوها تفيق.....سينون غاندخلوها فغيبوبة
خرج عينيهوم فيهم: كيفاش تدخلوها فغيبوبة
جنة تنهدات وزيرات ليه على يديه: ذياب كالم طوا
ذياب شاف فيها: ختي غايدخلووهالي فغيبوبة
هزو راسهوم بالايجاب: ضروري.....حيث حياتها مهددة ......ماهي عادية بحالنا ماهي فغيبوبة نصف مستفيقة..... غاننتاظرو من هنا لغذا وغانقومو بالاجراءات اللازمة ...التحاليل بينولينا انه دمها تصفا 99٪ فالمية باقيلينا بعض الاجراءات ولكن خصها تاتفيق
صوت تنهيداتهوم وتأففهوم تسمع فالغرفة خرجو مطأطئين الرأس .....ماقادين لا يهضرو....ولا يهزو راسهوم ....مصدومين...مرض عبير خرجليهوم من جنب....لا من جنة ليسامحاتها وبقا فيها الحال من جيهة عبير ليفحالة خطيرة
لامن ذياب ليكيشوف فختو كتموت قدامو
لامن جعفر ليحاس بقلبو كيتقطع عليها
وتلاقاو بأنس جاي مسكين ولاا كيحسبهوم عائلتو تمن سنين دالعشرة مع ذياب........وعرف بلي جعفر حبيب عبير....... خرجو كاملين من المستشفى وكلها فين شد طرييقو.....أنس وذياب للقهوة وجنة لدار وجعفر غايتلقا ليوسف ليجاي هو وأليسيا عندو ..... وخايف لاتعقد الامور بينات يوسف وذياب
دازو ساعات وساعات....... كان يوسف ݣالس هو وجعفر وحداهوم أليسيا ليغيكضحك ...... لابسة كسوة حجابية طويلة وفولار فلون الكسوة....... كتشوف هنا وهنا وتزيد تعرف على المغرب.....عجباتها كازا وجاتها على ݣانتها وغيضور وتصور........ عكس يوسف ليݣالس متبت حدا جعفر وكيتعاودو على حالة عبير....... وكيوااسي صديقو ......صداقة يوسف وجعفر قوية كيدابزو ويرجعو يتصالحو كيالفرادة دصباط.....مكيتفارقوش ليفراس هذا فراس لاخر ومكيخبيو والو على بعضهوم كينصحو بعضهوم.... وكيحااول يوسف يكون هو عائلة جعفر ليماعندوش.وجعفر كيحاول يكون خو يوسف ليخاانو "ملاحظة ....خو يوسف بقا فأمريكا كيتعالج فواحد المصحة حيث فيه سيدا ديجا قلتها""
يوسف وعينيه على أليسيا ليواقفة وواحد البنت كتصورها: شنو دباا...... غادي تسناها تاتفيق
جعفر تنهد: نكذب عليك....خايف عليها تمشي فغيبوبة طويلة.....خايف عليها تخليني بوحدي...... الندم تسلل لقلبي...مابقيتش قاد نغمض عيني........ ندمت حيث خليتها ندمت
جعفر : غانكريو دار....حيث حتى انا راني غيجيت على الله اما ماعندي ماندير فكازا...ملي علماتني جنة بلي عبير مريضة....جيت طااير
يوسف بلع ريقو وغمض عينيه وعاود حلهوم بتقالة: جنة لاباس عليها
هزز راسو بالايجاب عارف صاحبو واخا يدير علاقة مع أليسيا ولف جنة...راه تمن سنين ماشي ساهلة عليه: تاهي فمشااكيل .
يوسف رجع كلس وكلو اذان صاغية: م مالها؟؟؟
جعفر تنهد: هذاك ليكانت معاه فلول ...... رجعات معاه دبا وراه هو خو عبير راني عاودتليك البلان ...مهم مشبكة القضية.......ودبا جنة رجعات ليه وهو كيف ݣاتلي عبير عندو ولد...... وداك نهار كنت كالس انا وجنة وخوها محمد ...حتى خلط علينا هاز السسلاح باغي يقتلني حيث كنت شاد فجنة...ونتا عارفني عندي فوبيا من الفرادا من نهار....
"سكت لتواني وكمل يوسف بلاصتو" من نهار مات آزار
جعفر هزز راسو بالايجاب: آزار مامشا تاخلااا فحياتنا نذووب كبيرة جامي يشفيها دواا
يوسف تكسل فالكرسي وهز كاس دالما بين يديه: بززاف...خصوصا جنة..... صعيبة عليها بززاف ......كانت مسندة عليه وهو باها ومها....... وفجأة يصدمها بلي هو ماشي خوها
جعفر دوز يديه على وجهو: فاش كانت جنة تسممات...اعترفلي بلي كيبغيها...وبلي غايخبرها....ولاغدليه تلاقيت بجنة هااربة.......هاربة ليه عمرني نساا كيفاش كانت مخلووعة....وكتلفت وراها ....وصلتها لدار عبير وذياب..... وفاش تراجع معايا الحال مالقيت غي عبير طايحة كتبكي......وجنة مشات ....من تماك وخبارها مقطوعة......حتى لنهار وقعات الواقعة
يوسف : آزار كان أكثر واحد فينا واعي وقاري وواصل....جنتلمان وعاارف بحق النساا.....واخا ماكانش عندو مع العيالات بصفة نهائية...... ولكن عمرو بزز على شيوحدة شيحاجة... بالعكس هوما كيجيو يتلاحو عليه .... باقي مصدوم كيفاش اغتصب ختو
غزلان مسحات دموعها وبقوة ناطقة ونبرت صوتها عالية نوعا ما: ولدي من حقيي نشوووفو
صوتو علاا على صوتها: فييين كان حققكك فاااش كان كيكبر ومحتااج لأم حداااه؟؟؟؟
فين كان حقك فاااش دخل لمدرسة اول مرة...فين حققك وهو كيتمشااا....فين حقك وهو طايح وكيبكي...فين حقك وهو اول مرة كيدوي ؟؟؟ عاد بانليك انه من حقك تشوفيه مرݣي شوية وسيري عند راجلك
باااابااا شوووف شنو شراااتلي مااما ....
هز راسو وشاف فهارون ...وتا غزلان تلفات لعندو ...تمتمات بين شفايفها مرددة: ولدي "حطات يديها على فمها مصدومة" هذا ولدددي
هارون شاف فيها بحزن... وشاف فختو هو عارفها "راه ذياب كان عاطيه تصويرتها وهي ليكان دا فاش هرب لأكادير" بعد عليها وباقي شاد فيد جنة...... مسح حنكو ليقاستو فيه وشاف فيها: بعدي مني شكون نتي
ذيااب خرج عينيه فيها وبدا كيرجف بالعصبية والغضب عينيه حماارو وويالله غايهضر تاقاطعاتو جنة بقوة وثقة : بززاف عليييك خداامة
غزلان تقادات فالوقفة باستهزاء كطلعها وتهبطها : شكديري هنا الخدامة
جنة بلعات ريقها بعصبية بااغة تجاوبها وهو يجرهاا يجرها ذياب من موراه هي وهارون: جمعي راسك اشريفة..... مكنعرفوكش ماتجيش تصدعي لينا راسنا سيري قلبي على راجلك فشي قنت ونتوما غيليمالقات مادير تلاح على عائلة
غزلان بدات كترجف كاملة مارضاتش خصوصا وانه الناس كيسمعو....... غوتات بالجهد: الله يااخذ فيك الحق دخلتي لحيااتي قلبتيها يال شمكار الموسخ بقاا فيك الحال حيث ديت سيد الرجال
قلب الطريق جار جنة بيد وهارون بيد ...تقلبات ليهوم الخرجة ورجعو بمورال مزفت ...أكثرياا هارون ليشاف ختو ومو لاول مرة مباشرة قدامو....... تأزم بززاف ركب لور وتكا على زاج حاط يديه على صدرو كمحاولة منو باش ينقص ألم قلبو البريء نزلات دمعة من عينيه سخووونة وتمتم بأحرف متقطعة: ما ما
واخا يعيا يبين ولكن كيبقا مقصح بززاف...طفل صغير محتاج لحضن امو فالشدة ومواساة امو فالضرر واعتناءها بيه فالمرض...........محتاج لدعواتها ورضااها.....حط يديه على فمو كيبكي وصدرو كيتهز ويتحط بحال كتافو وضهرو مانع شهقاتو الصغيرة وكاتم الصوت ليممكن يفضح بكااه المرير وهستيريتو .......ماقدرش يصبر شي ليعاشو دبا كبر من عمرو.....مواجهة عمرو يقدر ينساها ..وبكل بساطة واقفة قدامو وكتسناه يعنقها
كانت مراقباه من المراية ليقدامها حيث مضوراها لجيهتها....نزلات دمعة سخونة من عينيها على حالو.....تاهي عاشت بحاالو غيهوا بجنبو اب ...وهي كان بجنبها الله ...... مدات يديها لراديو ليكان اكتيف بحال شي طابليط....دخلات لميزيك بلوتوت وكليكات على اول اغنية بلا ماترد ليها البال
"القنااص"
حلمي تحطم واختفى
والعزم في قلبي غفا
والدمع من عيناي يسقط مرهفا
أملي تحطم بين الصخور
والحزن أضحى بي يدور
واليأس يكتب نفسه بين السطور
الخوف قيد أضلعي
لم يبقى لي شخص معي
هارون ارتفع صوت بكاه وشهقاتو الصغيرة ولات مسموعة وكيتعاود صدااها الاغنية جاتو على قلبو وكانت بحال شي شوكة فرݣعات ليفقلبو....باقي صغير ومكيعرفش يكبث مشاعر ديالو ....فرانا ذياب بالجهد والخوف باين من عينيه مد يديه لعند هارون ليطار عندو معنقو محشي فيه كيبكي فحضنو....وجنة كتحرك يديها فوق ضهرو مشطونة عليه....ذياب بزز باش بعدو عليه كيمسحليه دموعو: علااش كتبكي أبابا؟؟؟
عند ذياب..... ليكان فالقهوة هو وأنس كيضورو كيف العادة على الخدامة ويشوفو شنو خاص ....حتى جات واحد السرباية كتعوج ووقفاات قدام ذياب كتهضر بميوعة: سي ذذيااااب "بتلحين"
خنزر فيها وطلعها وهبطها: شكاين
السرباية تدهشرات من تخنزيرتو وجمعات راسها: كتسناك شي مرا على برااا
بدا كيحاول يوقفها عاض على سنانو وناس كيشوفو فيهوم حيث جايين فبلاصة مفروشة ومرئية للمارة ..... وقفها وتلاحت عليه معنقاه كتبكي فعنقو: ايهيئ سمحلي عفاااك اهى من نهاار مشيت وانا فالمشاااكل معااه حسيييت بالفرق كبير اهيئ اهيييئ خصوصا مراات خاالي "مرات باه" اهيئ داني سكنني معااها ومااخلات مادوزات عليا اهيييئ حسيت بقيممتك اهئ كنتي معايا وماكنتش عارفاااك ....اهيئ ايهييى كان كيتعظا عليا اهئ ومعذبني بززاف وذاك الحب تبخر كلووو اهئئ وفاش ولدت اهييئ مشييينا لسبااانيا اهيى اهى وتماك عذاب اخر ودباا رجعنا لهنا اهيئ ماابااغاش نبقا معاااه اهئ عتتقني عفاااك اهئ عاااوني
تنهد مبعدها علييه وجرها من يديها ...مدخلها لقهوة....
شدات ليه فيديه مزيرة عليه والدمعة هابطة من عينيها سايلة على خذها ...... كانت هنا من بداية المشهد وخصوصا فاش شافتو مابعدهاش عليه...كيف قاال هوا كتبقا حبو الاول...وحسات دبا براااسها انها مجرد دخيلة على قلبو ...تبسمات باستهزاء: صعييب أجنة ينسااها...هاهوا فاول فرصة عنقها وماقدرش يبعدها
حنات عينيها لهارون ليداير ليكيت وكيتفرج فغامبول وحاسة بقلبها البريء كيضرها........ شيحاجة كتاكل فيها من الداخل يمكن نار الغيرة ولا نار الحب والعشق ولا الهوس.........زيرات لهارون على يديه تاشاف فيها وجرااتوو........
أنثى الشيطان الجزء العاشر
محتوى القصة
التنقل بين الأجزاء