جعفر شد فيها مخلووع وحط يديه على يديها ليكيترعدو فوسط صدرو: وااش شيحد آذااااك دووييي
يوسف فقط متكي على الطونوبيل وحاضيها بعينيه ....جامع حجبااانو وعاقدهوم...... ويديه مزير عليهوم........ هاروون مشا حدا يوسف تركن حداه بخوف وكيشوف فجنة كتبكي........
بغات تبعد وعنقها جعفر كتبكي عليه حتى بدات كترخى.......وغمضات عينيها بتعب ساداهوم ماعاوداتش حلاتهوم......هزها جعفر بسرعة وضار كيشوف فطريق ليعامرة وكيكلاكصوونيو عليهوم حيث قطعوها....... يوسف عينيه على جنة ماعرفش مالها ومع معصب ضار شااف فيهوم كيغوت: طريق دباكوم اولااد القحاااااب
هبط عينيه لهارون كيتنهد وجرو من يديه: اجي ابابا
جرو حطو اللور حدا جنة ليمتكية بعد مارشها جعفر بقطرات الما مسهوتة.......تنهد : جنة كيبقيتي
جنة شافت فيه عاد انتبهات ليه اكتفت بهز راسها كرد على سؤالو وتاهوا تبسم ومشا القدام
جنة تنهدات: وصلني لعند عبير
جعفر شاف فيها من المراية القدامية......: اصلا كنت غادي لعندها حيث عيطولي
شافت فيه بتركيز: علاش ياك ما تزاد عليها الحال
تخشاا فيها هارون كيتمتم حشمان من الغرباء : مالهاا طاتي
ربثات ليه على شعرو وتمتم جعفر بفرحة عارمة: قااليا الطبيب بلي حركات صبااعها..... وهاذي حركة دالة على انها ماشي فغيبوبة......وقالي غايشرحلنا كثر فاش نوصلو
هزاات راسها وعنقات هاررون ليكان طالب عليها.....تكاا عليها معنقها وحاط راسو على صدرها........ تكات هي على الزاج ومنظر عناق غزلان وذياب مابغاش يحيد من قدامها..... كلما تفكراات كيفااش عنقااتو غزلان كتحس بالمواس كيتغرسو فقلبها
الغيرة اكبر برهان على الحب وماشي شك كيف ماكيقول البعض ولا كيف كيفسرووها .......وهي ملح الحب ولي مايغيرش مايعرفش يحب ولا يبغي .......وغيرة المراة كيبغيها الرجل الصادق حيث كيحس بفحولتو وبحبها ليه ...... وكيكرهها الي كيتفلى على بنات الناس غير هي خاصها تكون بالقياس حيت كاينة الغيرة المٓرَضِيَة والهوسية الي من وراها مشاكل وصداع الرأس وكيفقد الحب القيمة ديالو الحقيقية .......
وكيف قالت واحدالشاعرة "نسيت سميتها " فكتاب طوق حمامة : "اغار عليك مني ومن عيني ومنك ومن زمانك والمكان ولو إني خبأتك في عيوني الي يوم القيامة ماكفاني" وفي هاد البيت قمة وروعة الغيرة الي ما ولات قليلة في هاد الزمان ولي كيغير عليك اعرف بلي وليتي شخص مهم فحياتو اعرف بلي كيبغيك بواحد الدرجة كبيرة بزاف اكثر من نفسو وداك الحب كيعبر عليه بالغيرة ...بحال جنة ليماكرهااتش كون شدات غزلان بين يديها تفدي فيها القديم والجديد
اما ذياب فدخل غزلان لقهوة وشاف فواحد سرباي غادي هزليه من البلاصو كاس دالما ومدوليها شربات منو وباقة فيها الشهقة: شوفي اختي....ولدك ماغانحرمكش منو ولكن هوا مااباغيش...ولكن هرب من الدار بسسببك نتي باغي يشوفك وكون كنتي باغاه كون كلستي حداه....يلا نسيتي نفكرك نهار قلتليك "ولدك ديه معاك ونبقا نشوفو،" وقلتيلي غيخووذو....هوا ماشي سباط باش غاتلوحيه عليا وفاش تبغي تلبسيه تلقااايني مخبيه ليك....هذااك لحم ودم وعظم وهاذاك انسان وطفل صغير مامحتاجش لمشاعرك المزيفة.....
ربث على كتافها: وأمين غيالباارح قلتيلي بلي سيد الرجال وحسن مني وانا غيشمكار موسخ.... ولا تنادم معاك الحال.....يمكا سحابليك غاتجي تلقايني كنتسناك بالورد.....فيقي ابنتي انااا راااني ذياااب ماشي مريوة ديالك "على امين"...ديري عقلك ورجعي لبنتك وراجلك... كيف صبرتي تمن سنين صبري لبقية حيااتك....هارون دبا عندو ماماه.....وباباه وقريبا خوه ولا ختو ..... يعني مكين لاش تحرمي علينا كولشي
سكتها وشرشمها ولد الكلب ماخلاليها ماتقول بقات غيحالة فمها وكتنفس بسرعة مصدومة وهو كيعطيها العصير......قلبات ضورة جامعة ما تبقى من كرامتها ومشات لذيك جردة فين لقاها كلسات وبكات تاشبعاات وندبات وغوتات وفلخر لامرها طااعت ومشاات
ذياب ربث بيديه على شعر هارون ووقف....توجه لعند جعفر ليكان واقل هو ويوسف وببرود نطق: مالهوم؟؟؟
جعفر : حركات صبعها...... وهذا دليل على انها مادخلاتش لغيبوبة
هز راسو بفرحة ونطق: الحمد الله
جعفر ربث ليه على دراعو: الحمد الله
يوسف كان كيشوف فذياب وكيحاول يتذكر فين شافوو..... وما إن تدارك الموقف نطق بصوت عالي : هاااذااا نتااا
ذياب ضورليه وجهة وخرج عينيه فيوسف.....عاقل عليه مزيااان هاذا هو الكوميسير ليكان جا مع الفاركونيط ديالو وهجمو عليهوم فاش كانو يالله كيبنيو القهوة...... : هو هاااذا
يوسف تبسم باستهزاء: وااو......... صدفة زوينة هااذي.
ذياب بسخرية كيشوف فيه: زوينة بحالك....
جعفر كيضور راسو هكا ويولي يضور راسو هكا شداتو الضوخة
يوسف شاف فهارون ليكيشبه لذياب شوية وشاف فجنة ليمقابلاهوم بنص عين....... ورجع شاف فذياب كيطلع فيه ويهبط: تعقل على اخر جملة ݣلتهااليك
ذياب طلع فيه حاجب ويوسف تمتم باستهزاء: باقي غاتجي عيني فعينيك
ذياب هزز راسو وضحك بسخرية على يوسف عاوداتليه جنة بلي كان باغيها: وانا قتليك ليام بيناتنا .....كنضن بلي مكيناش شي حاجة ليغادي تخلق عداوة بيناتنا....من غير يلا كنتي "بصوت خافث مسموع ليهوم غيبزوج" عندك شي مشكل نحلوه بزوووج
يوسف يالله غايجاوبو تابانليه الباب تحل وخرجات منو طبيبة وطبيب ليمكلفين بحالتها.....تجمعو عليهوم كاملين تامن جنة......: الحمد اللله المريضة ماداخلاش فغيبوبة .....هي حاليا فغيبوبة جسمية
شافو فيه باستغراب وكمل هو : جسمها محتاج لفترة نقاهة .......وحتى العملية كانت خطيرة نوعا ما.....واكتشفنا اننا حيدنا تقريبا 96٪ من الورم .........غانتسناوها غيتفيق وغانعطيوها شي أدوية تبعهوم والحمد الله على سلامتها
جعفر غمض عينو بثقاالة مصدوم : صافي صافي غاتفييق؟؟؟؟
الطبيبة بابتسامة: اه.... غيغاترتاح نفسيا وجسديا غاتفيق .....ولا طولات الثلاث تكون فاقت ...بالشفاء العاجل ان شاء الله
ذياب تبسم كيحمد الله ...جنة تنهدات براحة وهزات عينيها لقات يوسف كيشوف فيها بلعات ريقها وشافت فذياب وعينيها كيبريو بالحزن: انا غاندي هارون لدار..... حيث خصني نمشي لأكادير
ذياب هز حاجبو فيها وجرها بعيد شوية: واش وقعات شيحاجة....وعلاش ماجيتيش عندي الكافي؟؟؟؟
جنة حيدات يديه من يديها وعينيها على هارون ليگالس فوق الكرسي تمتمات مبعدة عينيها عليه: ماوقع والو غينسيت.....
هز راسو بقلة حيلة: وهذااك شكيدير هنا؟؟
تنهدات بحنق وشافت فيه: جاي مع صاحبو...دابز مع تاهوا
يوسف كيقرب ليها: سكتتي انااا ماااجااايش بااش ندابزو جاي بااش نحطو النقط فوق الحرووف
زادت كتبعد ومن مورااها درووج : يووسف بعععد
يوسف كيقرب: جننة عنداااكي
جات ضوور وهي تجي مع لخر ددروج وغوتات لربي لييخلقها...وتسمعات غوتة ديوسف: جنننننننةةةةة
وفاخر لحظة مد يديه وجبدها من التيشورط ليلابسة .....تالصقاات فحضنو ....تنهيداتها وشهقاتها الخائفة كانو مسموعة مع الدروج ليكيديو للباب اللول بززاف وصغاار لا قدر الله لاطاحت فيهوم تقدر تهرس من شي قنت...
يوسف تكلم بخفوث: كطييري كطيييري
بعدات عليه كتنهج بالخلعة: بعد مني
جات تعطيه بظهر وشدها: انا ماباغي والو أجنة....باغيك غيماتبقايش دايرة فبالك من جيهتي......حتى انا كنت محروم وجيتي فطريقي وكنت كنستغلك... ومع ذلك
قاطعاتو وصوتها منغنغ بالبكية: اكثر حاجة كنكرها هي الاستغلال
نطق وصوتو باين فيه مدى كرهو لذياب: وذاك خونا ماستغلكش؟؟؟ ياك استغلك وخلاك ݣاع ونساك وتا بنتيلو عاد جاااك
ضارت عندو بالعرض البطيء: أول حب عندي هو ذياب حب مراهقتي......كيفما هو غلط كيفما نتا غلطتي كيفما عبير غلطات انا ماحاقدة على حد " جمعات يديها ببعض ودارت حركة التوسل 🙏🙏" يا ريت ماتبقاوش تجبدولي المااضي.....يااا ريت تنساااو الماضي..... صافي اللهي سامح هاذشي ليبغيتي تسمع؟؟
تنهد: ماشي هاكا اجنة
تنهدات بنرفزة: حتى نهضرو فليل دباا خصني نمشي
يوسف بسرعة مامفااكش هاذ سيد: يالله معانا ...انا وخطيبتي
جنة باستهزاء: لا غاسير نتا وخطيبتك انا باغة نبقا بوحدي
ضارت وخلاتو.....حس بيها فهماتو غلط هو باغي غييرجع ثقتها وصافي ماباغيش يفقدها....تنهد بغضب...فاش تفكر كيفاش كان كيشوف فيها ونظراتو المعيقة ليها.....ساط نفس سخون فاش جات صورة أليسيا فبالو هي سلمات على قبلو وخلات دينها وتبعات دين مكتعرف عليه والو وتخلات على اللباس الغير محتشم والماكياج وكولشي.....وهو ماقدرش يبقا وفي ليها تنهد وقلب ضورة لعند جعفر
اما هي ....فركباات فلوطو ديالها وجبدات تيليفونها منساكها شعلاتو ولقات ديزابيل من ذياب ومن خوها ........ كسيرات بالجهد غادة ساهية كتخيط فدروبة وظلام بدا كيطيح..... ومع جات فواحد ضورة وبانتليها غزلان بنفس الجلابة المنمرة ...... بقات متبعااها تاوقفات قاطعة عليها طريق ونزلات ....قربات لعندها كتشوف فيها ببرود: مرحباا بيك ألالة غزلان.........نورتينا
شافت فيها وماعرفاتش علاش عزات عليها للحظة ولكن دغيا قلبات وجها ومشات....رتاحت فاش عرفات بلي مارجعليهاش ذياااب وطلقات البشرة .....تبسمات وجبدات تيلي صوناتليه ابيل فيديو فالواتساب ماجاوبهاش...عاودات صوناتليه ابيل فيديو عادية وجاوبها كان فالكوزينة ...حط تيلي حداه وضار كيكمل شغلو هو مقلق وهي مقلقة....تاضار شافيها: الكيكة كنديرو فيها الخمارات
طلعات حاجب وشافت فيه : اه
سكت تاني تادخل الكيكة ليكيصاوب الفران وضار كيشوف فيها مغوبش.....عضات شفايفها من شدة اثارتو ..... كان غيبسروال وعضلاتو كيبانو مفروزين..... تبسم بإغراء ودوز يديه على لحيتو: لاش مصونيا عليا
توكضات وطلقات شنافتها بزعل : ذيئبووشي.....
ذياب كيشوف فيها بنص عين : سيبعديمني
ضحكااتها طريقة بااش قااالها : ههههه
ضار كيشوف فيها وتكلم بجدية: جنة..... واش ماباغاش تبقاي معايا ..."قلبها بدا كيضرب وحسات بيه غايخرج" حسيت بيك تبدلتي ...فاش شفتي يوسف ولا منعرف شسميت ال "ماكملش الهضرة واستغفر الله"
قاطعاتو وعينيها عمرو بدموع دغيا ومع كالسة فلوطو وزاج فيمي واخذة راحتها:, انا والله تاكنبغيك* نزلات دمعة سخونة من عينيها" وبااغاااك ليااا بوووحدي ...ماقديتش قبيلة نشوفك ونتا معنقها
هزات راسها لسما وطاحو دموعها وهو سولها باستغراب: جيتي؟؟
هزات راسها بايجاب: جيت وشفتها كيفاش تلاحت ليك على رجليك ومن بعد رغباتك..... ودخلتيها لقهوة... ماحسيتيش باش حسيت...قلبي كان كيتشوى.....حتى لايمتا أذياااب حس بيا شوية ......
تبسم وقلبو كيتراقص بين اضلعو الصدرية: كنبغيك بوحدك وانا ديالك بوحدك...... دخلتها لقهوة عطيتها الما على وجه العشرة ليكانت بيناتنا وفهمتها بلي انا وياها مابقات تاحاجة بيناتنا......
تنهدات ومسحات دموعها وبغات تبدل الموضوع: هضر معايا يوسف
شاف فيها والجنون بداو كيلعبوليه فوق رااسو : شنااهوااا
رطبات صوتها ولحناتو: والو والله غيقالي نرجعو خوت كيف كنا
شافيها بسخرية: خوووت؟؟؟ اشمن خووت؟؟؟؟ يلا كان خووك من رضاااعة ودار فيك ذيك الحاالة عااد بااقة ضوووري بشي حد؟؟؟؟
قاطعاتو وصدرها طااالع نازل وخفقااتها هااايجة بين صدرها....نبرتها حزينة وعينيها كيبريو: ذيااااب ماااتعااودش تجبببدلي هاااذ الموضوع . . اخر مرة اذيااااب اخر مرةةةةة
قطعات معاه ودارت سيلونس وكسيرااات...شدات طريق لوطوروط......وقلبها ضااارة ومرة مرةة كتبدا تنهج ومعدتها تقلبات عليها شدوها الاعصااب....وبدات كدخل فكرييز كيف العادة وقفاات لوطو بسرعة تاتضربااات مع الزاج..... وتقاست فجنب فمها ....وبدات كضرب يديها فالفوولون بسرعة وكتغوت: لااااا مااااتتببقاااااااوش تجبدوووووووهليييييي لاااااا رحمممووووونيييييي
عند ذياب ليفاش قطعات معااه عاد عرف بلي ورك ليها على جرحة...ولكن ماقادرش ينسا فوقما شافها قدامو ولاا عنقها ولاباس ليها حنكها كيتذكر بلي شخص اخر دااار معاااها هاكا وكثر...كيتفكر كيفااش كاننت بين يديه ومعاه فالحمام مغرية لحد الموت وجسظها الرطب كيتفكر بلي نعس معاها لاخر بالعنف وضربها.....كلما شاف فوجها ولا شاف دموعها كيتخيل ليه منظرها وهي كترغب آزار يبعد عليها......ماااقاادرش يزيد يتحمل كثر يشوفها بعيدة عليه باااغيها تكون حداه بقربو تحت يديه وتحت رحمتو ليه بوحدو خااضعة لأوامر قلبو ...باغيها محبوبتو الصغيرة وباقة فعينيه معشوقتو المراهقة
قرب لفران وطفااه جبد الكيكة وبدا كيزوقها بلا خاطر..... هزها ووقف بحذر لاطيحليه تم غادي لبيت هاارون ...دق عليه مابغاش يجاوبو هو يفتح الباب بانليه شاد طابليط ومركز مع شي حاجة حط الكيكة فوق طبلة وبدا كيتمشا بخطوات ثقال تاوقف عليه ..... عينيه توسع بؤبؤهوم وصدرو بدا طالع نازل كينهج وهو كيشووفو داير فروشيرش أسهل طريقة للانتحاار......سنانو بداو كيغززو فشنايفو وتصدم بززاف بانت عليه حنحن بصووتو الجوهري وضار خارج...هز هارون راسو مخلوع والخوف كيضاهي قلبو من أنه يكون شاااف شنو كيقرا
....شاف الكيكة فوق الطبلة مكتوبة فيها صوري.....
وقف بزربة وتبع ذياب.....حتى دخل عليه لبيت....كان ذياب عاطب بظهر ومغمض عينيه بقهرة ...... وتزنݣ بززاف حجبانو معقووودين يظيه كيترعدو بحال شفايفو ليرااجفين بززاف......هارون تقدم بخطوات مترددة: با با
قاطعو بصووت فيه نبرة دالقهرة والحزن: شنوو ؟؟؟ فاش قصرت معاك؟؟؟ ياك ليطلبتيها كتحضر؟ الحاجة المخيرة دياالك.....فاش قصرت معاااك "رفع نبرة صوتو"دووووي جاااوبني.....يااااك داير معاك فوق مجهووودي....ليبغا هارون ينفذها ليه ذياااب...... باااغي تموووت وتخلييني؟؟؟ الانتحااار كون كان حل كوووون انا لول قتلت كري وهنيت راااسي....... وهنيتكوم معايا.......الانتحار ماشي حل " تفكر راسو فاش كان غايقتل راسو من فوق الجرف وزاد تعصب" ماعرفتش دبااا علاش كنعاودليك هاذشي....... "تنفس بصعوبة ونطق بتردد" بغيتي ماماك.....غانقلب عليها وسير معاها...."باستهزاء" يمكن ماماك هي ليغاترتاح معاها ....يمكن انا حارمك من شيحاجة غاتعطيها ليك مك....ليك ليبغيتي ومني ليطلبتي
هارون تشلل وفمو تقوس والبكية بدا كيطلقها وصدرو الصغير طالع هابط...زير بيديه على الكيطمة ليلابس وعينيه بداو كيهبطو منهوم دموع : لا عفاك ماتخلينيش .....اهيى سمحللي ابابا مانعااودش....
مشا كيجري وطار عليه وهو كالس كيشوف فيه بهدوء عنقو بيديه الصغار: اهييئ اهههئ سممحلي مانعااودش اهييئ انا غلطت ونتا بابا بوحدي نتا هو بابا وماما ماتخلينيش عفاااك اهيئ
تنهد بصوت مرتافع وماقدرش يمنع راسو من انه يبادل ولدو العناق......تنهد بصوت مرتافع وباس ولدو فراسو: حيد من بالك فكرة اني ماباغيكش......سمعتي نتا باقي صغير ماتفكر فوالو وتمرض راسك...." تقابل معاه وشد وجهو بحذر" اخر مرة تعااود تروشيرشي على شيحاجة سميتها انتحار ولا موت...سمعتي....نتا "وجهليه صبعو" ولد ذياب راجل ..... والرجال كيبقااو أقوياء وتالابغاو يضعفو ...كيتوجهو لعند الله ......
هارون هز عينيه بخجل:عارف
ذياب تنهد: خصك اولدي تشد طريق .. راني عارفك مرة تصلي مرة لا
بدمائي كتبت سطور روايتي...
وبدموعي حددت كلماتها.....
وعلى أنغام آهاتي عزفت ملحونتي.....
وآهاتي كانت ألحاانها .......
في عالمي المظلم صنعت ذكراك
وبعيناي المرهقتين رأيت ظلك
وبشفتي المرتجفتين نطقت إسمك
وبآهاتي المتألمة ناديت عليك
وبحروف الأبجدية أسميتك ملكي
تمنيت أن اكون اميرة في قصرك
ملكة على عرشك وعاشقة في حضنك
وللاسف لازلت بين جدراني غرفتي مجنونة في حبك
بعد مرور اسبوع............كانت ݣالسة فجنب ناموسيتها كتشوف فذياب ليمحني على رجليها كيعقدليها سيور........سالا ووقف قدامها: ساليت تقدي تمشاي ولا نهزك
تبسمات ليه: لا نتمشى
هزز راسو بحماقة حيث كيسولها...دارليها القب دالكيطمة على راسها ليمغلف بالفاصمة وهزها......خرج بيها وليدازو من حداه كيتبسمو ليهوم .........تنهد ذياب فخاطرو وفرحان حيث عبير فاقت.......البارح فصباااح..........عيطوليه كان ناعس تاخرج مسرع ومهرول اتجاها.......قدرو الاطباء يتغلبو على 96٪من الورم......وبقا 4٪ ليفايعطيوها الطخيطمون ليتبع......
الغريب فالامر انها منين فاقت كتعامل عادي.....سولاتو على جنة وهارون ........والأغرب انها غي فاقت غبر جعفر غبرة وحدة.........ماعاودش بان وحتى ذياب ماجبدش معاها الهضرة.......
فبلاصة خرى......كان متكي فبيتو كيشوف فالفراغ قدامو وكتخيل ليه صورتها قدامو.....كيتنهد مرة مرة ويخرح نفس سخون دال على غضبو....حتى تفتح عليه الباب......هزز راسو بملل: يووسف واش ماعييتيش
يوسف بطنز: ايوى ياختي نتي ليتبعتيني انا راني كنت جيت لأكادير قبل منك
تنهد بتعب ماعندو الخاطر لوالو: ماشي لخاطري....غيعرفت البارح بلي فاقت...جيت لهنا......ماقدرتش نتخيل ردة فعلها ....... كنت خايف انها تكون كرهاتني.....منقدرش نزيد نتحمل
يوسف كلس ودار مخذة قدامو:الهروب ماشي حل
هز راسو الفوق بقلة حييلة...
كانت واقفة كيف العادة وفيديها فوطر قدامها طابلو ...كتشرح الاستراتيجية الجديدة ليغايتبعووها...والشركاء كاملين كل واحد شكيشووف..... وكاين ليحاضيها ومنهوم علي "المعجب السري" من نهار شافها فالجريدة وهو متشوق للخدمة معاها....كان فرحاان بززاف وغيكيتسنا فوقاش يكون شي اجتماع كيسها فيها وفطريقة هضرتها وتعاملها........شعرها الطويل ليعشق خصلاتو المتموجة وحروفها الشقراء فورمتها وحتى من قوتها....كلاامها الحلو ونظراتها الواثقة...... شخصيتها الجميلة...... متشوق يكون شيحاجة بالنسبة ليها تاهو عندو حياتو وزوين وعندو الفلوس .....وعدة أعماال كيتسناوه ولكن غيكيكون قدامها كيبقا حال فمو............تنهد بالجهد وهز يديه: آنسة جنة
جنة هزات حاجبها فيه متذكرة فاش حسابليه فدوى خدامة : ياس ماستر علي
علي تنهد من قلبو : ممكن تقربي
قربات ليه وعينيها كيشوفو فيه باستغرااب: ؟؟؟
تبسم ووقف وزرب عليها خدا يديها بين يديه: محتاج لبعض الدقايق من وقتك
بسرعة نترات يديها من يديه وضورات عينيها على باقي الشركاء ليكيشوفو مصدومين من حركتو الجريئة: اللله يخليك اماستر علي لزم حدودك ...حنا فوقت العمل ماعندناش الوقت لينضيعوه
تبسم ورجع ݣلس فبلاصتو...
رجعات هي وقفات كتكمل الشرح وبقاو كيتناقشو وهو ساكت كيتأملها....كيشوف فيها ساهي فيها وكلشي لااحظ هاذشي شي لينرفزها وخلاها تنهي الاجتماع بسرعة.....خرجو هوما وبقا هو هزات حاجبها ببرود: سالا الاجتماع اماستر
علي تبسم وبكل جرأة شد يديها:كتعجبيني بززاف...ماكرهتش تكون بيناتنا شيغولاسيو
بعدات يديه وتكلمات بهدوء: كنعتذر اسي علي...
قربليها كثر: علاش ياكما عندك شيحد فحياتك؟
هزات راسها بالايجاب: اه ...
هزز راسو بتفهم: كنعتذر...اانسة
تنهد وملامح الخذلان ترسمو على وجهو ....خرج وهي دوزات يديها على وجها: اففف...
كلسات فوق الكرسي ديالها وتنهدات ..............هزات كاس دالما قدامها هبطات عليه حيث شحفات ......وضورات راسها لجنب مغمضة عينيها غايصة فعالمها الخاص بيها...بكثرة ماولفات الوحدة والعزلة ولات مكترتاح تاكتبقا بوحدها مع افكاارها ليكتلقبها بالافكار اللعينة
طول هاذ السيمانة مكتجاوبوش.....حتى مل ومابقاش صونا........تنهدات حيث حسات براسها زادت فيه ديما كيتجبدليها موضوع ازر ومكديرش هاذ الحالة...ولكن هو جاها فواحد الحالة ليهي كانت فيها معصبة وفرغات فيه كبتها
هزات راسها ووقفات كتكسل بتعب....... تفتح الباب ودخل منو محمد بطلة أنيقة ورسمية.....والنور نازل على وجهو...حاني راسو وشاد بين يديه وراق.....قربليها وهز راسو متبسم ليها: ماحضرتش الاجتماع....كنت فالمصنع
هزارت راسها بالإيجاب: فين وصلو
بدا كيوريها فالوراق : صنعو الكمية ليطلبتي من خاتم السبع جواهر....الكمية كبيرة بززاف اضطرينا نزيدو عمال كثار باش نكملو فاقرب وقت....وحتى من السلعة اليوم غادي تكون عند صحابها
بعد مرور سااعات.....كانت ݣالسة فبيتها بوحدها كتشوف فتيليفون ديالها ومرة مرة كتبسم......كانت داخلة لباج ديال "العشير" فالفيسبوك وكانت واصلة لمليون ابوني....ريسطو ديالو دارت بوم فارجاء المغرب........لا من ناحية المنظر ليكطل عليه ولا من ناحية الخدمة النقية...كانو كيلوحو تصاور بززاف...منهوم لسرباية مع ذياب واانس ...ومنهوم بززاف دتصاور....تنهدات وهي كتشووف فيه وعضات شفايفها بغنج....دخلات لكومونطيرات وبانت ليها وحدة كاتبة شحال زوين احح اقلبي غاشي راجل بحال هذا ولا بغات تجي الموت تجي...."هاذي انا فاش كنتعنب على شي حد😂"
وقفات كتمشى بشوية عليها حتى وصلات لباب ....قلبها بدا كيضرب بوحدو مدات يديها ليكيرجفو ومعارفاش علاش...حلات الباب وهو يبانليها ذياب واقف قداامها وهاز بوكي دفلووغ قدو قداش وموراه عبير وحداه هارون لابس كوستيم وهاز بواطة دشكلاط والحلوى فيديه وضاحك من الوذن تالوذن.....
فمها تشلل عليها بالصدمة ماقدراتش تزيد ترمش كثر.....بحال لاشي سطل دالما بارد تكب عليها ....مافيقها غيصوت عبير التعبان من طريق مع بااقة عيانة: واااش بغيييتو شيضياااف
جنة حطات يديها على فمها مصدومة......وذياب كيطل عليها من مور البوكي وغيتشوف فيه يرجع يتخبا من موراه هارون شافها واقفة وهو يتأفف: ماما راه بغيت نعنقك وهاذشي ثقيل
مع الباب كيدي لصالون والسهات...تسمعات غوتة خفيفة من راضية وجعفر ويوسف: ماااامااا!!!!!!!
وهي تعاود أليسيا موراهوم😂 بيروكي صافي: مااما
جنة قفزات وهي تزيد تحل الباب: مرحباا دخلي أعبير ....زادت عبير وهي تعنقها جنة بحذر زيرااات عليها كثر متبسمة بصدااقة وهمسات ليها فوذنها: مرحبا بختتي
جنة تنهدات خصوصا وانه دخلات فدوى ومحمد: ماما......مهم "ضارت شافت فمحمد ليغاينقذ الموقف" هاذا هو الولد ليعاودتليك عليه
يوسف : راجل وبولدو اشمن ولد
خنزر فيه ذياب وجنة وهو يرجع لور كيشوف...... راضية تبسمات حيث بحالا فهمات.....ومحمد طلق الضحكة: مرحبااا كلسووو كلسووو
مع الصالون كبير كلها فين تلاح ومن زهر عبير جات مقابلة مع جعفر...منين دخلات لصالون وهي حانية راسها وتالاشافتو كتشوف فيه ببرود بحال لامكتعرفوش شيليخلا الشك يتسلل لقلبو بانها فقدات الذاكرة.....
راضية ضاحكة من الوذن تالوذن: مرحبااا مرحبااا ....."شافت فعبير ليمهمومة وباينة شوية دالفاصمة من راسها": الله يفكك على خير ابنتي .....
حنحن ذياب ليمافيه مايتسنا والخجل طاغي عليه واخا مشا خطب غزلان من عند خالها ومرتو...الا وان عائلة جنة بااقي ماتعرفش عليها...وخايف من انهم يرفضوه راه يرون طبلة يقلبها على جدمهوم : الحاجة لباس عليك
راضية تبسمات: شماش نقوليك انا متسالوني غير نبارك ليكم وباينة فيك اوليدي ولد ناس.....
ذياب تنفس بالجهد: لهلا يخطيك الحاجة ...
محمد بثقالة ورزانة : ناس كتبان من وجهها ...الحلال ميكرهو حد وباينة فيك ولد ناس ملي قصدتي الدار
ذياب تسمليه : الله يحفضك اخويا.....
يوسف نغز جعفر : سمعتي ليباغي الحلال ......
جعفر ضار خنزر فيه وشاف فعبير ليمقابلة معاه: الحلال زوين اخوياا....
يوسف ضار كيشوف وبانتليه أليسيا ساهية قدامها........فدوى تبسمات وشاف فراضية: هي شيعراسية اخالتو
محمد تعصب حيث كتنطق بشي هضور كيضروه فراسو نطق بشوية : يااربي سلامة مع هاذ المرااا
واحد شوي حتى تسمع صوت تزغريتة فاعلة تاركة من عند راضية.....قفزاتهوم وبداو كيضحكو ...ناضت اليسيا كتقاد زيفها وسولات مجد ولد محمد على الطواليط تگعد يوسف بغا يوقف حتى هبطو جعفر
وقفات حشمانة كتجبد فطريكو دالبيجامة......سبقاتو كترعد بالحشمة وبالتوتر الي كتحس بيه .......بحال لا اول مرة تشوفو.....تنهدات وهي كتحس بخطواتو موراها......سبقاتو البيت وقلبها كيزدح .......وهو تابعها وكيلعب بتيليفون فيديه وداير ابتسامة خطيرة على فمو ...حتى دخلات لبيتها تما ...ضار هنا وهنا كان صقييييل حيث الصالون بعيد والدار كبيرة تما غيسدات الباب وهو يشدها من ايدها وجرها ناحية صدرو تاتزدح راسها مع صدرو ...اايدو حطها ورا شعرها وليد ثانية ورا خصرها مقربها ليه ...
جنة "كتنفس بجهد " : مم م مالك واش حماقيتي
شدها من حنكها مبغجو ليها ويديه تانية معنقها من ظهرها: شنو هاذ الفعايل
رخف عليها: عندك 25 عام ماشي 17 باش تقطعي علياا راك عيقتي
تنهدات وتبسمات ليه : توحشتك
عبس فمو بطفولية: سيبعديمني "🤤"
ضحكات بالجهد تادمعو عينيها حيث كتحمقها هاذ الكلمة: ذيااب عاودها
تبسمات: حتى انا "حسات بيه كيطلق ليها شعرها": واالااا
جمعو بيديه القدام وحطو فيديه كيشمو: اححح كيحمقني ماتعاوديش تقطعيه ...كون كنتي كتخليه يطوال كون راه وصل للارض
تبسمات بأسف: كانو كيقطعوهلي فاش كنت فالمصحة.....داكشي علاش ماطوالش بززاف
تنهد : مهم دبا طويل وقوي "تلمس خصلات من شعرها" وقتااش تكوني ديالي وبين يدي حلالي ومرتي وفوق فرااشي واحح على نهار لينمسي فيه عليك ونصبح على هاذ العوينات " جرها مقبلها من جبهتها بقوة " كنبغيك اروح قلبي وفراقك وبعادك عليا عذاااب كبير ....رحميني من عذااابي وخلصييني
تنهدات بقوة متبسمة بعمق: كيفاش غانرحمك
تنهد براحة: بقربك ليا اروح قلبي ❤️
تبسمات ابتسامة مغرية كانت زر الانطلاق عندو هو قربليها كثر حتى تقابلو وجوهوم وحاني عندها شوية حيث قصيرة دبا ومادايراش طالون: وارحميني خلاص
ضحكات مبادلاه العناق مقابلة معاه ويديها مضورين على عنقو : هانا قريبة ليك يالله
بعدات عليه وردات شعرها مور وذنيها وقلبها كيخفق بجنون من قربو: تعطلنا عليهوم
يالله غايقوليها بلاتي لقاها طارت تبسم
فالصالون كانت نايضة.... حيث راضية مشات لكوزينة ودات معاها فدوى....محمد مشا يتوضا ويوسف تقنت هو واليسيا كيهضرو....مجد تعرف على هارون ليبدا كيتطلق تدريجيا مابقاتش عندو ديك العقدة.....جعفر تمتم وهو كيشوف فعبير: عبير
هزات عينيها فيه: وي
جعفر تنهد وطبولة دوذنيه غايخرجو بقوة داك الصوت ليفعقلو كيݣوليه سولها : كيبقيتي
هزات راسها باستهزاء وقلبها كينبض بجنون وهي مقابلة معاه كتشوف فيه وقريب ليها: الحمد الله .....
زاحت نظرها عليه متبسمة بحزن وانكسار....شحال بكات على قبلو وشحال تعذبات .....زفرات فخاطرها ووقفات باش توصل للكاس ليباغة مع وقفات شداتها ضوخة وعينيها نزلات عليهوم واحد ضبابة حتى تخلعت وحطات يديها على راسها غاتحماق..... حاسة بحال لاشيحد غطاليها عينيها.......جعفر شافها تكوانسات وعينيها بداو كيحمارو وقف بسرعة مهرول اتجاها: عبير ياك لاباس
بدا كيرجع ليها نظر مي ضوخة مافاتهاش تكات على صدرو وغيحسات بيه وقفات: احم...و و والو
هزات يديها كتقلب على الكرسي تالقاتو وكلسات فيه........ حطات يديها على راسها ليكيحرقها وتمتمات بهمس : كنتي عارفني مريضة
تبسم بحماس حيث هضرات معاه وخرجاتليه من فمو : اه...
تنهدات بحزن كبير حاسة بقلبها غايوقف بقوة ماكيضرب : وماقدرتيش حتى تجي تشوفني "هزات عينيها فيه عامرين دموع" تمن سنين...... عشرة تمن سنين وكنت بين الحياة والموت وماقدرتيش حتى تعيط تسول فيا
سالات جماعة والكل خرج.....ذياب وعبير عياو يحصروهوم باش يباتو ووالو مابغاوش مشاو لاوطيل....وهارون لسق فجنة وخلاتو يبات معاها .....شدو اوطيل وذياب لاح إعلان دبيع الدار القديمة ليكاينة حدا السوق الناموذجي "فين نعس هو وجنة وفين كانو عايشين"
هاذ الخطوة ليكانت بالنسبة ليه حياة جديدة...حيث عمرو فكر يبيع ذيك دار ولكن دبا صافي ....هو غايتزوج غدا وغايعيش حيااتو.....حياة أفضل مع حبيبة قلبو ووولدو واختو
جنة ماخلاوهاش راضية وفدوى تقيس تاحاجة......سيفطوها لبيتها وبداو كيجمعو هوما الروينة ليكانت ......كانت متكية وبين يديها تيليفونها.......دخلات لعندو وسيفطات ميساج وهو دغيا صوناليها ابيل فيديو غيجاوباتو تبسم حيث كانت معنقة هارون ولايح رجليه فوق كرشها غوبش بالضحك: عندي الشريك فيك
عيد ملااااد سعييييد.... اهيييئ 'غلباتها البكية" اهييئ جواايووو زانييفيغسير عااابيير
اهيييييئ اهيييييئ " حطات يديها على وجها كتبكي" اهييئ
فبلاااصة خرى......كان ݣالس وقدامو تصااور ديالو هو وعبير....كيضحكو مرة هي مغوبشة مرة هو مغوبش مرة مصورها ساهية.....كان ديما معاها واخا هي فكازا وهو فأكادير...كان ديما شاد طريق عندها....... ديما هاضرين ديما داويين......كانو كيكملو بعضهوم حتى جا هو وخور كولشي
تنهد وحط يديه على وجه عبير فاخر عيد ميلاد ديالها "ليتفكرات" تبسم حيث كانت مغوبشة: كنبغيك بززاف احياتي....وكل عام "حط يديه على شفتيها" ونتي بيخير......
أصبحنا وأصبح الملك لله......فاقت بكري توضات وصلات صلاة الإستخارة........تبسماات بحب حيث اليوم غادي يضربو لاكط.....شحال تمنات هاذ لحظة وربي ماخيبهاش.....
أنثى الشيطان الجزء 11
محتوى القصة
التنقل بين الأجزاء