مع ضارو وبانليهوم علي بطلتو الوسيمة والرسمية كيشوف فيهوم وعينيه على جنة غاياكلها.نظراتو فاضحين اعجابو بيها وابتسامتو الساهية خلات ...ذياب يتبدل فيه لون وشاف فجنة...
جنة هزات حاجب وحنحنات: معايا اموسيو
بركات على موسيو باش يفهم راسو وهو غيمازايد فيه: باغي ندوي معاك ونكملو موضوع ليبدينا
ذياب حنحن وقرب ليه: اينا موضوع بديتو اسي بااش غاتكملو؟؟؟؟
بلعات ريقها: اندوز عند الطبيب ليكنعرف يديرلي سرتافيكا مزورة " وهي شهادة كدل على واش البنت عزبة ولا مرا👀"
قلبات طريق لعند طبيب .......دخلو لعندو وسبقهوم هو لول حيث هو صاحب جعفر دغيا فنصف ساعة خرجات ليهوم........هبطات وخلاتو يصوك حتى تنفس بالجهد: فوقاش ونتي كتعرفيه
تنهدات عارفااه غايحسابليه عطاتو فرصة : منين بدينا الشراكة معاه...
هزز راسو بسخرية: مزيان .....وديما كتهضرو بهاذ طريقة
آنسة جنة اليوسفي ....... وسي ذيااب المرزوقي.....واش مستعدين لهاذ التحدي او الزوااج ليهو مجموعة من المسؤوليات والواجبات والحقوق الزوجية.....
احساس زوين خالج كيانهوم وهوما كيسمعو هاذ الهضرة ....ليبالنسبة ليهوم مفتاح لبااب من ابواب الجنة الدنيوية....نعيم الحب وفردوس العشق وجنة الحياة الزوجية.......لحظة كيتمناوها جميع العشااق مكاانش بالساهل عليهوم يوصلو لهنا مرو من صعااب وتحديات وصعوباات كبيرة...عرقلاات وبززاف دالحوايج مايقدرش يتحملها الا حبهوم ليبقا صامد وقوي رغم مرور سنين...يمكن ماعتارفوش بيه لراسهوم ولكن كتاب يتزوجو فسما قبل الارض...... هاهوا ذياب تزوج وولد وطلق وفالاخر تزوج بجنة
ذياب بملل وقلة صبر: قابل
شاف فجنة: ونتي آ آنسة جنة اليوسفي.......قابلة
شافت فالارض ساهية......مخلية ذياب مراقبها كيشوف فدريرة كيواتات وجها ونزل عليها واحد النور سبحان الله......شافيها توترات وتزيرات وتزير خافها ترفض
كان غير داري بشنو كتفكر....ماذا لو تقلب عليها هارون......ماذا لو ذياب يقلب عليها تاني......واش غاتقدر تخلي ذياب يقيسها....
أفكارها تلاشاو فاش حسات براسها جاوبات بلا ماترفع راسها: قابلة
حركات راسها بالرفض: لا غيسهيت...كنشوف "تبسمات وزيرات على يديه" فين كنا وفين وصلنا
تبسم وعاود باس يديها وعينيه مع طريق: كولشي بالاقدار
تنهدات: كولشي بالمكتاب
فبلاصة خرا كانت كالسة فنفس لاطابل ليشافتو فيها اول مرة مور عام دالهضرة فتيليفون.....تفكرات كيفاش هرباات منو فاش عرفاتو جعفر .....تبسمات وهي كتفكر كيفاش خلاتو منشور كيصوني وتقطع عليه حتى جاوباتوو وهضرو عادي .....عينيها تغرغرو بالدموع فاش تفكرات لقاءاتهوم الكثيرة....كانو ديما كيݣلسو فهاذ طبلة
ريحتو دخلات لجيوبها الانفية وغمضات عينيها باستنشاق .........عكسو هو ليكان حال عينيه فيها وتكلم بصوت مسموع غير ليها: مزال غايتعاودو ...ان شاء الله مزااال
قاطعاتو بنبرة عالية وعينيها عامرين دموع: شنوو غااانسسمعع؟؟؟ مليت من اني نسمع نفس
الاكاااذيييب ......نفس الحجج ونفس الخبث.....عييت "حطات يديها على راسها" راسي غايطرطق بالتفكير.....وكل مرة كنقووول هاهوا غايبان هاهوا غادي... "تبسمات بسخرية من راسها" مانلومكش...شكون هاااذا ليغايبقا مع وحدة عضات اليد ليتمدات ليها وغضرات صاحبتها و
قاطعها بسرعة حاط يديه على فمها: عبير "كمش حجبانو بتأثر" كنبغيك كيف نتي...كنبغيك ونتي زوينة...كنبغيك ونتي خايبة....كنبغيك حيث نتي عبير....ليتعرفت عليها عبير الصغيورة........ماتبقايش تعمري راسك بالافكار الخاوية' قرب لجبهتها" انا كنبغيك
قبلها بعمق وسالت دمعة من عينيها معبرة على اشتياقها ليه: علاش اهييئ تخليتي عليااا علاااش اهييئ اهههئ........خليتيني فاش احتاجيت ليك
بدات كتنفس بالجهد وحطات يديها على راسها ليعطاها وجع خفيف عض شفايفو بقلق واخيرا نطق: ماخليتكش ديما كنت معاك
شافت فيه باستفعام ودموع نازلين من عينيها
...تنهد: كنت معاك.....حتى فالعملية كنت مع الطاقم الطبي....كنت معام فكل لحظة .....فكل تانية.....ماتخليتش عليك.....يمكن بغيت نعلمك درس نتي درتيلي تمرين تطبيقي...وانا عاد بغيت نعطيك تعريف
مسحات دموعها وشافت فيه بهدوء
نمشيو لواحد البلاصة بعيدة كاع.....كان كالس كيضور فعينيه ويشوف هنا وهنا....حتى سمع صوت مجد كيغوتليه......وقف كيشوف باستغراب وقربليه.....مجد عض شنايفو كيتذكر الكلام ليضار بينو وبين المجهول
مجد حنحن بتوتر وشاف فيهوم وذياب حاضيه : راه معاكوم...
فبلاصة خرا كانت كالسة وهو حداها مقابلها...ملي قاليها راه بقا معاها وكالسة وحانية راسها....ودايرة القب على راسها وطالقة شعرها مغطية الفاصمة ليفراسها.....مرة مرة كتهز عينيها فيه وتهبطهوم حتى واخيرا نطقات: ماغاتخلينيش مرة خرا
نرجعو لعند ذياب ليكان فالكوميسارية كالس ورجليه كيزيكزاكيو...وجملة مجد كتردد فوذنيه" راه كان معاكوم ...راه معاكوم" نفس الجملة ليكانت قاتليه عبير "علاش واش هارون ماشي معاك"
هاذ الجمل غيكيطيحو فمسامع وذنيه وكيشعلو العافية فقلبو كيحس بيها كتحرق فيه....ونار العصبية والغضب تجمعات فيه..........تفكر كيفاش خرج كيف الحمق بعد ما خبرو مجد بلي سحابليه معاهوم خرج كيقلب ويغوت...تادازت عليه جنة ومشاو لكوميسارية ......ليفيها يوسف ماداهاش فبلي مكيتفاهمش مع يوسف ولا كيدابزو ...الا انه كان كل همو ولدو...هارون...كبدتو....قطعة من قلبو ..روحو....طفلو البريء.......
رجليه كيتهززو بسرعة جنونية وعاض على شنايفو بقوة وسنانو كيزيكزاكيو ففمو.......عينيه مركزين فالارض مرة مرة عاد كيرمش.....وقلبو كيزدح بسرعة خيالية.......حجبانو معقودين وحجليتيه مركزين فالارض كيف قلت
تسمع صوت خطوات يوسف ليوصل ومد لجنة ليباقة بجلابتها وفولارها تيليفون دذياب: خرجنا تصويرة ددري ....ودراري غايبداو فالبحث
تبسمات ليه بشكر وامتنان حيث خالف القانون لتاني مرة على قلبها........نوغمالمون كيبقاو 24 ساعة عاد يبداو البحث...مي دبا تكلف بنفسو...من واحد ناحية جنة فالقضية ومن ناحية خرى بقافيه ذياب
ماكانش ناوي بقا فالمغرب مي واليديه قررو يستقرو وتا اليسيا ماعندها تا اعتراض....رجع كيزاول خدمتو عادي بكل أريحية بووسط مخير كولشي كيضربليه حسااب وكولشي كيحتارمو بلى مندويو على ان رتبة عميد كانت هي حلمو ومزال كيطمح لرتب اكبر ومناصب اقوى....وداير ثقة كبيرة فصحابو مكلفهوم بالشركات لي فلوس انجلس......وفلوسو داخلين لكونط عايش بيخير
تنهد وحط يديه على كتف ذياب: متخافش...ولدك غانلقاااوه
ذياب شافيه باستهزاء......تاني مرة كيهرب....غي المرة لولة جا من كازا تا لاكادير كيقلب على مو ...ودبا ماعرفش فين مشا...واش تلف...ولا تخطف .....ولاا هرب تاني كيقلب على مو
فديبو موسخ وكلو مجرتل.......عرفتوه ولا مزال؟ ديبو فيه هيكل عظمي....ومن الداحل كلو رايب ..فيه بيوتة بعضهوم مفرشينلشمكارة وبعضهوم براتش لدراري .........فبيت اسوذ مباينينش لون حيوطو بقوة الظلاام ...وسرجم صغير الفوق كيدخل بعض من ضوء القمر الخفيف صوت شهقاتو الصغيرة كانت مسموعة......وصدرو صغير طالع نازل باحث تلى بعض الهواء....الرعب كيسري فعروقو ونبضاو قلبو متباطءة كيضور عينيه برعب وخوف وكيشوف هنا ولهيه مامركزش...مع ظلام كيتهيءولو تخيلات كتخليه غايحماق وكل مرة يشهق بالخوف ...البكية واحلة ليه فقرجوطتو وعينيه مدمعين.....كل مرة كينطق ب"هاهوا بابا غايجي"
ماقادرش يصبر.......الرعب والخوف سكن جوفو ....تحل الباب ليكان دالحديد ودار صوت مخيف ومرعب بالنسبة لهارون....ولد تمن سنين .......تسمع صوت خطواات نسوية هز راسو وترسمات علامات الاندهاش على وجهو....اما هي فتبسمات بحب ولهفة: ولدي الحبيب
تلاح على هاارون جااارو من شعرو التحت ودارو بين رجليه كيعطيه فالبونيات ويضربوو وتاهارون مامقصرش كيضربو ويركلو ويبكي مقصح...... غزلان شافت هارون كيبكي صعراات حيث كانت متافقة هي وأمين بلي غادي يديو هارون لسبانيا...ويعيشو كأسرة ولكن مافهماتش شهاذ تغير المفاجئ...
بانليها كرسي هزاتو ونزلات على امين لضهر تاغوت مقصح وضاار عندها......بانتليه كتبكي وكتنهج مخلوعة وهو يجرها من شعرها..ماحسات براسها تاضرباتو لحجرو خلاتو مخرج عينيه...زات ضربات بمرفقها تاطاح سخفاان وروحو غاتخرج
مشات كتجري تحنات عند هارون ليعينه زرقاا وفمو مجروح كيبكي.......مقصح.....شداتو من يديه بحنان مقبلاها:غانمشيو بحالنا نا وياك وختك
شاف فيها وفمو كيرجف كيشهق وكتيفاتو كيتهزو: ما مابغيتش اهيى اهيئ مابغيتش انا باغي بابا اهى
عند ذياب ..... ليكان واقف قدام الباب....كيتسنا فيه يتحل......عاود دق وهو يخرج عندو مجد شاف فيه باستغراب وتعجب: عمو فاينو هارون
...شاف فيه بهدوء ماباغيش يخلعو: دخل قول لمك راك معايا
دخل وولا خرج هاز تجاكيط لبسها وشاف فيه فين غانمشيو
ماردش عليه هبطو فدروج وطلعو للوطو....وهو يسد البيبان وضار شافيه : فين هو هارون
تمتم بتوتر وكلمات متقطعين: م ما عرفتش
قاطعو بنبرة عالية: كنهضر معاك شوفيااا.....هز عينيك "هزهوم وقابلهوم مع عينين ذياب ليخلعوه شكلهوم الاحمر " انااا كنهضر على ولدي ماشي على عشرين درهم طاحتلي....ولدددي .....25كيلو ......لحم ودم....
عينين ونيف وفم ووذنيه ورااس "ضرب يديه مع الفولون مغدد ومجد تكمش خايف على راسو" فييين هاااارووون
هبط وهو سد الباب موراااه....وبالو رجع لشحال هاذي....دراري كانو مسمين عليه اوديب....حيث كيشبه لواحد البطل ففيلم كيقولوليه اوديب....وتسمات عليه....ومع الوصف يعني امين .....كان شاك فعلي...ولكن علي ماغايجبدش على راسو صداع والاضواء عليه
.....عارف بلي أمين ذكائو بسيط وعادي....فين غايكون داه
فكر وفكر وفكر.......مشا لجميع القنوتة ليقدر يكونو فيهوم.....قلب فالبلايص ليعارف...وبقاليه ديبو تبسم باستهزاء وهو كيشوف الحال ظلام.....نسا بلي امين اي شغل عندو كيمشي لذاك ديبو....سوى بغا يبات مع شي قحبة....سوا بغا يفتخ جوان ولا كان هارب للبوليس...صحاب من الطفولة وعارف صاحبو فاش كيفكر
عند غزلان ليكانت كتجري وشادة فهارون...كينهجو وديبو جاي فغابة كبيرة...... مخلوعين وكل مرة يخرجو فشي شمكار.....حتى ضوروهوم الشمكارة ...شدو غزلان ليكتغوت وربطوها...وزوج فيهوم بقاو كيشوفو فهارون ليمخلوع وكيبكي....باين ان ذوك شمكارة ماشي عاديين.حيث نظرتهوم لهارون شبه شهوانية....اكيد من صحاااب خوتنا "كاي".......غزلان شافتهوم كيعريو والدموع تحجرو فعينيها بلا قلبها ليمشا وجا فاش حسات بيهوم كيهبطولو سروال وهو بقوة الصدمة جاتو لقوة ....مضورينو بزوج وقدهوم قداش ..بدات كتبكي وتغوت: بعدووولييي من ولللدددي شكدييروو
قطع وسييفطهاليه فميساج ويديه كيرجفو احسااس خااايب زاارو....وصل ولقاهوم سبقوه ماعلقش كيف خرج تلاحت عليه حنة بتسوال شاف فيوسف وكان تاجعفر معاهوم: شكدير هاذي هنا
يالله جاوبو وسمعو صوت الفاركونيط ديال البوليس وقفات حداهوم.....وصوت قريب ديال شيوحدة كتغوت وأنين مرأة ....... بداو كيقربو بحذر وحاصرو المكان حتى كيسمعو صرخة غزلااان وموراها صرخة هارون ليكانت قوية وهزات كياان الجميع...
تنهدات: تينا بعدا لابسة كسوة انا ماخلانيشي خاك نلبسها نهار عورسي...."تبسمات" غايشوفك العريس عاينقز بالفرحة حيث دا زين ههههه
ضحكاات : هههه
فدوى غمزاتها: تينا عارفا شني خصك تعملي اليوم...اليوم عاتكون ليلة دوخلة تاعك...خاصكي تعرفي بوان جي تاعو بااش يزيد يبغيك رجال همهم هو تحتهوم......وتينا ما شاء الله زين والفورمة وغايلقاك محافظة على راسك غايزيد يبغيك
سهات وهي كتفكر فهضرة فدوى وشداتها ضحكة حيث البشونة طرطقوها شحال هاذا.....شدات فيد فدوى وخرجو...غادة وكضور فعينيها حشمانة كانو فواحد القاعة كبيرة وواعرة حلفات راضية تاديرليها عرس قدو قداش.... ولكن ذياب ماخلاها تخسر تاريال.......واخا كان فكازا كيرصي شغالو الا ومسيفط عبير ومعاها الفلوس...كراو قاعة قدها قداش.......وضواو فلوان والمفرقعات على شكال
تمات نازلة فدروج هي ووفدوى ليلابسة تكشيطة فالكرونة وشال فالكرونة وسباط بلا على حسب البيبي ......اما جنة العروسة كانت هابطة ولابسة كسوة بيضة اقل ما يقدر نقولو عليها روعة...شكلها وكيفاش منبتة بالحجر من جيهة صدر تالكرش...... ومع معرية لبسات ليها بودي بيض من التحت واتا الكسوة......شعرها جاي مبوكل ببابيليز وملوي... ونازل على جناب صدرها مع شبيكة خفيفة لور...... ماكياج خفيف بارز عينيها الملونين وعكر موف ماط...........جماال غير عادي وجات فكامل أناقتها جميع الاعين والانظار موجهة ليها لفتات انظار الجميع والصحافة كتصور
كانو عائلة فدوى وعائلة راضية البعيدة ليتعجبو لجنة وكيفاش دينا صدقات حية......وذياب عائلتو ماعندوش فعرض غي صحابو ورفقاءو ليجاو لابسين ومقادين ماباغينش يشوهوه ..منهوم انس....وجنة عرضات صحابها وشركاء خدمتها وتامن اليسيا ويوسف وواليديه وجعفر الكل كان حاضر
تنهدات بصوت مسموع وضورات عينيها على البنات ليكيشوفو فيهوم وهايمين فيه وفحنيتو: ذياب
هز راسو وتبسمليها: روحو
شدات ليه فيديه: ماهضرات معاك تاوحدة فاش كنت الفوق
ضحك بهدوء على غيرة قطتو المشاكسة: كنبغيك
جرها عندو من يديها ليفديه وعنقها وتسمعات اغنية أحبيني بلا عقد ديال كاظم الساهر
أغنية كانت كافية تخلي جنة تدمع وهي كتفكر ليداز مكانش ساهل عليهوم ليمرو منو........ وتاهوا عينيه غرغرو...حبهوم كان اقوى من الصعاب ليمرو منها...من المخاطر والمشاكل تفرقو لتمن سنين وغيمازاد حبهوم قوى........هي كتقول عينيك بحر غير محدود ديالي بوحدي....نغرق فيه ونعوم فيه بوحدي......قلبك سرير لبلاصة وحدة هي ديالي انا
وهو كيقول ارتاحي.... ذياب ققفل عليك فقلبو ورما الساروت ....
كانت لقطة مؤثرة فاش حضنها تارك دموعو ينزلو وهي كذلك.....بكاو راضية وعبير وحتى من فدوى ليدموعها على عينيها......واليسيا مافاهمة والو وكتبكي....لاصقة فيوسف ليكيشوف باسف وقلبو كيضرو ....
جعفر كيشوف فعبير ومتبسم عارفها حنينة......
حسات بشي حد كيجرها بعدات على ذياب وشافت هارون ليكان لابس تاهوا كوستيم على قدو وداير مشيطة بحال دباه....تبسمات فاش شافتو مادليهوم كلينيكس..مسحو دموعهوم وهو شافيهوم كيضحك: باااابااا ومااماا انا اول واحد نحضر لعرس واليديه
بداو كيضحكو...وتطلقات موسيقى الشعبي .....داز العرس على ما يرام وداو ناس مايقولو وتورخ فعقل الكل........ليلة العمر. واخيرا جنة ركبات هي وذياب عيات فهارون يمشي معاها ماابغاش.......... تنهدات كتقاد فسمطة وقلبها مغموم .....كضور تشوف فذياب ليكيصوݣ وعاقد حجبانو عارفها فاش كتفكر نطق بلا مايحس: ماتزيريش راسك....... الزواج ماشي غيفرااش وانا منقيسك حتى تكوني نتي موااافقة انا كنبغيك ماشي حيث زوينة ولا فورمتك زوينة كنبغيك حيث نتي جنة....... "هز يديها بااسها: وكنحماق علييك
جنة تبسمات وعضات شفاها: ذياب
بلا مايشوفيها: اممم
جنة شدتها ضحكة: عاودها
شاف فيها وضحك: سيبعديمني
طلقاتها بضحكة عالمية وتبعها تاهوا كيضحكو من قلبهوووم........ طلقو مزيكة ناشطين ضاحكن فرحانين.......تفكرات وشافت فيه وهو سبقها: ماتسولينيش فين غادين خليها سوربريز
وصلو وهو حليها الباب ونزلها كيضحكو .....تحنا هزها وجاتو كي المكميشة وهي كضحك وتلعب برجليها ليحفيانين سيدة لاحت طالون فطونوبيل ...ضحك وهو كيراري بيها تاكتقول غايطيحها: تقاليتي المسخوطة"تم غادي بيها وكيضحك طانز على الوقت" فين باغة توصلي
خرج كيضحك عليها ومشا لكوزينة يصاوب شيحاجة لماكلة.....اما هي تبسمات وشافت فالسرير ليقاداتو فدوى وعبير كلو ورد وشموع فالالوان المبهجة...... داخلها مقسم لزوج قسم كيقوول عطيه حقو ونص لاخر كيقول لاا غااتعااود جروحك تحياا
تنهدات ومشات لفاليز هزات بيجامة قصيرة اصلا حوايجها ددار قصار ...ومع البرد ودار سخونة تهنات....مشات لدوش بدلات حوايجها مسحات من العرق.....وشعرها جمعاتو كعكة مسحات الماكياج وغسلات يديها عاد خرجات ....مهنية مكتحيد زغب مكتخاف من كحولة حيث دايرة من صغرها ليزر "مكيخليش زغب ينوض وغالي بززاف" محيداا زغب من اي منطقة فجسمها.....طاحليها تيلي من يديها وحنات تهزو وهو يدخل ذياب شافها هكاك حانية بلع ريقوو كاي رجل مغربي مع بنت كيبغيها وحلالو وقدامو عريانة غايبغي حقوو.......قربليها وحط البلاطو بحذر فطبلة دزاج
لصق عليها وهي قفزات بين يديه كلها كترجف ووقفات بغات ضور وحسات بيديه زيرو عليها من خصرها شهقات بخفة والخوف داعب جفونها عينيها عمرو دموع دغيا : ل ل لاا لااا اذيااب
تقدمات اكثر ومدات يديها لحبل ماعرفاتش ككيف ديرليه....حتى تواكضات وحشات راسها فيه....... قلبات عينيها التحت وحسات بحال لاشي تصرفيقة نزلات عليها ووعات على راسها شنو كدير...طاحت فبالها بنتها...........رجعات رجليها من فوق الكرسي وهزات يديها عوالة تحل الحبل وهو يطيح الكرسي....غوتات بحال شيقطة تخنقات وعينيها خرجو على جهد........بدات كتخنق ولون ولاا غامق فوجها وذاتها......ومابين عينيها صورة بنتها وهارون
خرجات روحها بعدما حاولات تلفظ الشهادة ....... غزلان "شخصية شبيهة ليا" طامعة فحياة الرفاهية وحيااة زوينة....كلما كانت فشي مستوى كتبغي تزيد الفوق......مارااضياش بحياتها....بنت يتيمة عاشت مع خالها ومرتو لولة حتى تطلق." من ام امين"..وتزوج بمرا تانية ......كانت عايشة مع امين فدار وحدة...ترباو بزوج.....عمرها فكرات فيه كحبيب كاانت مولفاااه بززاف......اول شاب حلات عينيها عليه وتربات على يديه...لقات فيه الحنان ليمحتاجاه...عطاها الحب حتى ولات كتشووف فيه حياتها....ولكن خاب املها فاش عرفات بلي مو مشات لسبانيا......يعني طال زمان ولا قصار غادي يتبع مو
وهنا خدمات الآنا الأنانية ليفيها....انا عاد كولشي ضرباات الفكد وشافت فذياب ليديما عينيه عليها...صاحب ولد خالها وديما فدارهوم........ولد زوين وكيخدم فالموقف وكل مرة فاش كيخدم ويضبر........وعندو غيختو باقة صغيورة .......تصاحبات معاه...عمرو قاسها ولاا وصل معاها لشي حاجة ماشي هي هاذيك...كان مبرعها الحاجة المخيرة ديال غزلان كيسبقها قبل كولشي ما تكذبش على راسها كانت عايشة معاه احسن عيشة مامخصصها من والو تافاش تزوجو ..كان اغلب وقتو كيبقا كيقلب على خدمة ومرة مرة كيبريكولي...مكانتش لاقية مشكل مع عبير...كانت ديماا ماراضياااش وكل مرة تلوحليه شيكلمة بااش يزيد يثاابر ويقلب.......حتى عرفات بلي امين مشا لسسبليون...ومراها بشي ايام عرفات رااسها حاملة...اجمل ايام حيااتها دوزااتهوم......حتى لنهار غايتبدل فيه كولشي.....وهو نهار ولااادة هارون
نهار ليدخلات فيه لغيبوبة وتماك تبدل ذياب مية وتمانين درجة........تحول من ذيااب لشيطان.... ليكينشر بين دراري سم كيهلك ذااتو .....وكينشر مسحوق الشيطان....ليكانت جنة من المستهلكين ديااالو........غزلاان بنت فاقت من غيبوبتها بعد عام ونص....ماساهلااش؟؟ أكيد.....مشاعرها بردو من ناحية ذياب ومن ناحية هارووون...مشاعرها رجعو جامدين وهدوء مخيف سكنها ....... مابقاتش قادة تسطنع الحب و و و ....
كرهات تاهارون ليذنبوو انه تزاد فنهار غمضات عينيها وماحلاتهومش....كرهات خمسة كيلو دلحيمة ......كرهات ولد عام ونص...وبالمقااابل.... كسبااات أمين الشخص ليكانت ضانة انها باغاه.....وقربل حيااتها كان معيشها المراار...وهاهيااا دباااا....فاقدة لروحها لا حول ولاا قوة لهااا....خائرة القوى ومنتحرة..........
نرجعو لعند ذياب وجنة فدارهوم جديدة...كانت كالسة فوق سرير وساهية قدااامها كتفكر ردة فعل ذياب ليعتذر ليها عااد خرج ...... نطقات بتهكم واستهزاء وهي كتشوف فمرااية بين يديها: حتى لايمتا اجنة...غاتبقااي هاكا خوااافة من لمساات الذكوور....عايشة فأوهام وأحلام الماااضي......كومووون جنننة هيز يور هازباااند "راجلك " مااغاتخااافيش منو...هاااذاا ذيااب ماشي آزااار
بلع ريقوو شاف فيها: كي كيفاش؟؟ شجاب ازار ولا زمر لهضرة
تبسمات: ماكنتش كنقدر ننطق سميتو
سكت لتواني وعاد طلع معاه القالب: اه بصح يعني..
تبسمات: يعني صافي بديت كنسى الماااضي
تبسم ويالله غايهضر تاقاطعاتو بقبلة صاادمة بالنسبة ليه.....قبلة معبرة على كمية الحب والشوق ليبيناتهوم.......تقاد فالوقت وهزها من خصرها وقابلها مع الحيط وبدورو ولا متحكم اكثر .......حتى بعد كيلهث فاش حس براسو خنقها حلاات عينيها ليتعسلو...هاهياا.....نفذات اول خطوة وماغوتات مابكاات........حساات بقبلاتو تحولو لعنقها وشدتها رعشة ....ليزعزات جسدها .....واهتزاز داخلي والافرازات بداو كيتكونو تحت منها عضات شفايفها مغمضة عينيها.....بداو ذكريات اغتصاابها كيهاجمو عقلها وهي تغير دغيا ملامحها لانزعاج ولكن سرعان ماتحولو لتفاجأ فاش وقف ذياب وتكلم فوذنها: جنة.......ماغانبزز عليك والو
بغا يضور وهي تجرو وعينيها معسلين بالشهوة: لا انا "غمضات عينيها وحلاتهوم كمحاولة باش تغلب على خجلها الزايد" ب باغاك
شبه ابتسامة ظهرات على فمو وترسمو ملامح الفرح فوجهو...وشنو هي اكثر حاجة كيبغيها راجل من غير مرا كيبغيها وكتبغيه وغايعاشرها ففراشو واكثر شي ممتع فالامر هو الحلااال.......
طولات العلاقة الجنسية بيناتهوم مابغاش يفورصي عليها حيث تزيراات.....وبحال لابدات كتكون غشاء بكرة جديدة حيث تمن سنين مامارساات الجنس......كاانت امتع علاااقة حسو بيها .......سيمفونية الحب وكمية الشهوات والكلمات السافلة ليضارت بيناتهوم ....كانت خطووة اكثر جرأة منها للتقدم وعيش حياااة كبااقي الناس....كانت فالاول خايفة لكن مع تعاملو معاها حساات بالحياة....تكا عللى صدرها مغمض عينيه برااحة وهي عريانة مغطيها جسدو الضخم ....... تبسمات ونزلات دمعة شكر وهزات راااسها للفوق
كانو كالسين كيفطرو وهي تكات لور كتشووف فيهوم وتضور وجها على ذياب ليحداها كيضحك هو ومحمد ويتناقشو ....ودوزات عينيها لهارون ليكيضحك مع مجد.....ولرااضية وفدوى والعائلة ليمكتعرفهااش......تنهدات وهي بدات كتفكر كيف كانت وكيف ولاات
شناهية السعاادة.....
السعادة من المفاهيم اللي كترتبط بالرضا والراحة والهدوء وراحة البال اللي كيقلبو عليها الناس بالملاين ومكيلقاوهاش.......هي تخليص النفس من الحروب والصراعات ليكتخلق الداخل دياالو....، السعادة هي شعور مايمكنش نشوفوه ولا نقيسوه.........ولكن كيباان على نفسية الانسان الي كيعيش هاذ الشعور "السعادة" ومن الممكن تعريف وشرح مفهوم السعادة هي الفرح والابتهاج
ولكن عند جنة.....سعادتها غير.....سعادتها بالحب ليدخل على حياتها ونورها....ولقاءها بعائلتها ليعوضاتها على حرمانها......ولقااءها بهارون ليحساتو جنة وكتشوف فيه طفولتها.....وأخيراا زواجها وبداية نسيانها للماااضي......وحياتها ليحساتها ولاات مضوية....
شافت فذياااب كيفاش كيهضر وكيكمش حجباانو وهو كيهضر ......شكلو ووسامتو جاذبيتو.....عينيه ليكيبريو ويديه ليمااطلقوش من يديها........ زيرات على يديه حتى تلفت ليها تبسماات ليه بحب........الحب هو مفهوم كيعبّر على شعور داخل الإنسان كيمثّل الانجذاب والإعجاب بشخص آخر.........الغيرة عليه وزيادتو للحاجات الشخصية ليكيملكها الانسان ليكحب....كتولي كتبغي ليكيبغيه هو وكتكره ليكيكره كتحاااول تقربليه وتعرف عليه اكثر.......
سأبقى احبك وستبقى عشقي الابدي إليك حبيبي إليك سيد احبابي إليك يا استاذاً في مدرسة العشق إليك يامن تعلمت على يديه اصول العشق والهوى ها انا اليوم اقف اعتزازاً وفخراً فقد نجحت بحبك بتقدير امتياز مع مرتبة الشرف إليك يا اول رجلاً اقتحم حياتي فأنت اول من اوقد نار الحب داخل اعماقي انت اول من عزف على اوتار قلبي اجمل الألحان وانت من هديته نفسي طيبة وحيااتي منزلاا لك وقلبي وساادة لك اما جسدي فهو حكاية اخرى🌺
دازت خمسنين بالحساااب................تغيرو فيها بززاف دالحوايج ليمنهوم سلبيين وايجابيين......منهاا عبير وجعفر ليتزوجو واستقرو هوما ويوسف واليسيا فأمريكا.....دارو عرس تاهوما ناااضي بربعة بيهوووم ........... وعبير ليبرااات ماابقاتش مريضة وحتى من جعفر مقابلهاا وكيحماق عليها ولدو بنيتة ويوسف واليسيا مكيولدوش ربااو وليد ......جنة وذياب ليتحولو لكازا حسب رغبتها هي .....وخلات دار لماماها وفدوى ليفارقوها بالبكا.......وداار ليشرا ذيااب فاكادير كراها لشي ناس.....كيسيفطولو روسيطة دشهر فالكونط ديالو .والشركة خلاتها لمحمد ليكلفااتو بالإدارة وتاهوا خدام مزيان بعدما قرا ادارة الاعمال......وتنور وثقف نفسو وافكارو زونين تبدل من مول طاكسي لمدير شركة "AYA"
هارون ليولا فعمرو 13 العام ...كلما كبر كلما صعااب وكلما طبعوو زاد اكثر حدة.........مكيتطلق الا مع جنة حتى من ذياب مزيرو بززاف ..... وفرحان بجنة كيحمااق عليها غيكيدخل لدار كيطير عليها ويبقا لاسق فيها ويخرجو بزوج ..........وواحد ذياب ليولا زبدة بين يدين جنة زاد كبر وشعرو بداو كيتخللوه شيبات خفااف والزمان مابدل منو والو ........ بدلات حياتو وزيناتها بززاف ....وتاهي بدورها تبدلات ولات مقابلة دارهاا وكل مرة تكتشف شيحاجة جديدة .......مقابلة هارون وذيااب مزيان ومبرعاهوم شهيوات...زيانت وغلاااضت رجعات لطاايتها لولة دبدووبة ووالغلض شحال كيواتيها...... ومكين هي الليالي الحمرااء مع ذيااب بعدما تخلصات من عقدتها من رجاال والعلاقات الجنسية .......حياتها زوجية عااجباااها بزززاف........خمسنين كانت كافية تخليها تفقد ثقتها فنفسها بلي غاتولد شينهار حيث داز الوقت بززاف وزارت بززاف ديال الاطباء وكلهوم كيخبروها بلي ماعندها تامشكل .......حتى لواحد نهار ليكانت فاقت فصبااح مع العشرة قفزات حيث فاقت معطلة وهارون داخل مع تمنية
بقات مسندة على الحييط تااا دخلات للدوش و سدات علييها وعينيها كتطيح عليهوم الضبابة
دخلات تحت الرشاشة وطلقات الماا بارد عليها وقفزات حيث سخون بززاف رداتو دافي عاد بردات و بداات كاتغسل شعرها والدوخة مزااالة فيييهاا و كاتحس براسهاا ماشي هيااا هاديييك وشيحااجة زايدة........كل مرة متغمض عينيها تاكتقرب طيح وتعاود تفيق
ماكملاات داك الدوش غير بسيف وقلبها مزير عليها...... لوات عليها فوطة وخرجات من الدوش و هياا شادة فالحيط و حاسة براسها كتمشي وتجي زكل مرة تكا على الحيط......كتضور فعينيها الزورق وفمها نشف من الما: ياااربي شهاااذشي ......وحتى ذياب تعطل ....
حلات ماريوها وجبدات كانضورة دالمغرب لبسااتها وشعرها نشفاتو بفوطة وخلاتو على راحتو مبووكل كيف كيعجب ذياب....شعرها ليولااا قوي اكثر من الاول وزاد طوال ......رغم انها كدير الفولار ولكن مازال كيحماااق على شعرها ....
خرجات كتمشي وتجي ومرة مرة كتوقف بضوخة سمعات صوتهوم فالكوزينة ...دخلات عليهوم مبتسمة شافو فيهااا و للحضة فقدااات توازن تاااعهاا و عينيهاا تغمضوو و طاحت فالأرض زدحة وحدة وراسها تسمع ارتطامو مع الارض ....طار عندها هااارون كيغوت: ماااماا فيييقيييي "هز عينيه وشاف فذياب ليحال فمو مصدوم" وااالوااااليييد مااالك مصدووووم توكض
عاد قفز واقف بتوتر: م م مالها
شافهاا طايحة فالأرض و وجهها صفر برد ليه المااا فالركاااابييي... وقرب ليها بخطوات مسرعة وفؤادو كيتراقص بين صدروو بجنون خوفا عليها
بالزربة تحنى لعندها و هز راسهاا حطو فوق فخدوو و بدا كايفيق فيها و يدييه كايترعدوو.......جنننة فيييقييي
بدات كاتحل عينيها بشوية بشوية ...وراسها عاطيها الحريق.....بلعاات ريقها بصعوبة ناطقة: م م مالي.....
ذياااب وقف وهزها بين يديه : واش صافااا؟ ؟؟؟
جاوبااتو بخفوووث وصوتها يكاد يسمع: م م اقاداش نحل عيني
هاارون بعصبية مغزف : معلوووم ماطيحي و تسخفيي و نتي من البارح غيكتشوفي وسااهية وواقفة على رجليك الله يهديك امااما حاولي على راااسك
خرج نفس سخونة من نيفو مخنزر فيه: ضربهااا حسننن ليفيها كافييها
غمضات عينيها وزادت خلعاتهوم لاحو ليها شال خفيف على راسها وركبو فلوطو ...كسيرا ذياب اتجاه اقرب مصحة
بقااو حداهاا ما يقارب لساعتين تاحد مابغا يعطيهوم رااس الخيط......و ذياب غير كالس حداها و شاد ليها يدها و هارون كالس قدامو و شاد ليها يديها لوخرى مامفااكش تاهوا ههههه
قلبها قفز بين صدرها كتبسم وعينيها غرغرو وهيااااا اطيييير بالفرحة مابقا ليها والو وتنوض فبلاصتهااا..غيمريضة.....فرحة واحسااس جديد حساااتو فاش حطات يديها على كرشها وهي حاسة بالامومة وبلي الجنين دياالها ولدها كيتكون داخل رحمها......ضحكااات مغمضة عينيها: ولددييي
ذياب بدا كايضحك مامتيقش انه لتاني مرة غايولي اب ......كيحماق على الولاد نفس الفرحة ليكانت فهارون هاهيا دبا فرحة بانه غايازاد فرد جديد يعمر عليهوم ببكاه وضحكاتو الطفولية و اخيييراا ايتزاد عندو ولد ولا بنت و اخيييرا نعم عليه الله لتاني مرة وغاايعاود يعيش لحظات مادوزهومش مع هارون ليكان هاملو........وفرحان بززاف حيث من المراا ليكيبغيها
تبسمات بفرح: دباا غاايتزااد عندناا بييبييي انا غانولي ام....هنا "شافت فكرشها" كاين ولد ولاا بنت...غايبدا يبكي ويبغي يشرب الحليب ووليد صغير ولا بنية صغييير اهييئ اهيئ غانوليي امم واخيييرا اهيييئ الحمد الله اهييئ
عنقها كيضحك عليها حيث ولات حساسة بززاف وهارون تقدم عندهوم: غايكون عنديي خوووياا ولا ختيي ههههه
عنقووه بزوج كيضحكو وجنة كتبكي بالفرحة وذياب عينيه مدمعين الحياة ليطاالما رغب فيها وعشقها هااهيا كيعيشها بادق تفااصيلها.......تبسم بحب وقبل جبهتها: كنبغيييك
هارون دفعو بضحك وبااس خذها: تاناا كنبغيك
ضحكااات على غيرتو: وانا كنبغييييكووم
هو يقول: بغيتيني كيف انا بسلبياتي وايجابياتي بغيتيني حيث ذياب...ماشي حيث زوين وماشي حيث شمكار بغيتيني حيث انا هو انا ....رغم اني كنت شيطان بغيتيني
هي تقول: بغيتك كيف نتا بغيتيني وتقبلتيني بعيوبي...وقعو حوايج زادو وطدو علااقتنا.......بغيتك حيث نتااا بغيتيني.....وبغيتك رغم انك كيف كتلقب رااسك بشيطان.....رضيت على نفسي اني نكون انثى الشيطان ❤️🌺
أنثى الشيطان الجزء 12 والأخير
محتوى القصة
التنقل بين الأجزاء