""""""""حتى تكلمات بصوت هامس شبه مسموع: مشا...مشا مع مرتو وولدو
كلماتها السامين كانو صفعة قوية بالنسبة لجنة....ليشدات فالحيط والدنيا كضور بيها .... عضات شفايفها معبرة عن ألم قلبها الصغير...... وطبقة من الدموع اكتست فيروزيتيها الملونين ..... شدات ليها فيديها كنوع من الترجي محاولة تلقى ملاذ تتخبى فيه من شيطانها ليتابعها : عبير.... عتقيني عافاك غايقتلني لالقاني
عبير نفضات يديها من يدين عبير بتقزز من لمساتها كتكلم بنبرة واضح فيها عدم الرضا: ماشي سوقي ..... ونبغي نقوليك ..... صداقتنا وعلاقتك بخويا وحنيتي وحبي ليك مجرد #انتقام"""""""""""""
رجعات للواقع وتكلمات بصوت واضح فيه ألمها من عبير
: هي بوحدها ليعمرني ضنيت يخرج منها هاذشي كامل...... كانت صاحبتي لمدة تلت سنين..... نتا وقدرت نسامحك ولكن هي.... مانقدرش.... هي كانت ختي قبل من اي حاجة.... انا اصلا معنديش زهر فالخوت
ذياب تنهد وحط يديه على شعرها... ضورها عندو وحشاليها راسها فصدرو معنقها : واش خوك نسيت سميتو الله يرحمو آذاك؟؟
جنة بلعات ريقها وبعدات عليه كترجف...: ذ ذذياب خصني نمشي لدار مزال تابعاني الخدمة
تبسم ذياب وهو كيحرك السوارت باغي يحيد الجو دالحزن والغم: ماعندك فين اليوم احبيبة توحشتك واليوم غادوزيه كامل معايا ......شنو دبا وليت كالس مع سيدة اعمال
جنة ضحكات بسيف: هههه
ذياب تبسم وكيشوف فطريق: وايلي ذياب الشمكار مع جنة اليوسفي السيدة المشهورة عالميا " شاف فيها غامزها"غاضيع السمعة ديالك
كانت معاه جنة الطفلة .... مخرجة جميع أحاسيسها المدفونة ومشاعرها المكبوتة ... سامحة لطفل ليداخل فيها يخرج.... من صغرها وهي محرومة من حنان الواليدين واللعب والضحك وبززاف دالحوايج.... تا وهي كبيرة مالقاتش ليزعمها.... عكس ذياب ليعطاها الخاطر وهاذشي خلااها تكون فوق السلك...
سالاو وكلاو التشورو " كيكون بحال البيني بالسكر غي هوا صغيور " ولاكلاص.... وفوقما يجي شيحد يتصور معاها كيزعف ذياب ماعاجبو حال ويبعد .... حتى شاف شيدراري باغين يتصورو معاها وهواا يجرها بعصبية وغضب وغيرة حتى لوااحد درب وزدحها مع الحيط: علاش كتقلبي
شاف فعينيها وسها فيهوم كيحمقوه بذاك اللون الفيروزي أزرق مخلط برماذي..... متدرج لون صاافي بحال شيبحر نقي قليل الهيجان..... وأخيرا لمح ذيك اللمعة ليكانت افتقداتها...... تبسم وهز ليها يديها بايسها بشفايفو: ماعمرني آمنت بالسحر حتى لعيونك سحرووني ..... وكنحمد الله حيث رزقني بجنة بحالك ❤️ جنتي فالدنيا " هز يديها الثانية بايسها برقة مخلي حنيكاتها يتوردو" وتكوني معايا فالجنة فالآخرة
جنة تنهدات وهزات يديها حاطاهوم على حنكو وعينيها مرة فعينيه مرة فشعرو مرة فشفايفو مازاكياش رمقاتو بنظرة مشتاقة: كون كان الحب مجرد كلمات فوق ورقة.... كون تقاضاو أقلامي.....ولكن الحب أرواح تلتقي.... واش تقدك روحي؟؟؟؟🌺
ذياب حط جبهتو على جبهتها كيتنهد: حاولي عليااا حااولي عليااا ابنت الناس قلبي على قد الحال
هز راسو فسما كيتنهد متبسم من قلبو .... شاف فيها: دغيا داز نهار معاك اروح قلبي.... ودغياا وصل ليل
جنة : لا راه كاين "تفكرات بلي مافخباروش وسكتات بالعة ريقها" كااين السراجم محلولين ..... وخليت السارجور تماك
فأمريكا.... بالضبط فلوس أنجلس..... كانت أم يوسف كالسة كتشوف متبسمة وحداها راجلها.... مراقبين يوسف وجعفر ليكيضحكو مع "جاكسن" ولد يوسف ....... تكلمات ام يوسف بالانجليزية: شوف شحال فرحان
الاب حط يديه على ظهرها براحة: غيشاف صاحبو وولا فرح...... الحمد الله ليجا البارح جعفر "كتخرجلو ذيك ع على شكل ا" (جأفر)
ام يوسف متبسمة :الحمد الله ليربي لاقااه مع هاذ دري هو و آزار الله يرحمو....سلم وخدم وربا راسو بيدو
اب يوسف تنهد: خصنا نسلمو؟؟ اولالا
ام يوسف بابتسامة: قريب ان شاء الله .... حنا كنعبدو الله..... خصنا غينآمنو بمحمد
جا كلس حداهوم يوسف وجعفر وسمعو اخر كلمة.... بدا جعفر كيضحك بالدارجة عارف غي يوسف ليغايفهمو: تختنتي على 23 عام ههههههه
يوسف خنزر فيه: سكت
جعفر طلقها بضحكة كيموت عليه بضحك...... بينما هو تلون......سمعو صوت كعب عالي جاي من بعيد...... هزو راسهوم وبانتليهوم المربية ديال "جاكسن "جاية جيهتهوم.... يوسف تكسل كيشوف فيها ويغمز لجعفر ليكيحرك راسو بلا حول ولا قوة
جعفر:كتمووت على زعراات
يوسف بالدارجة: البيضة مونامور
جعفر بدا كيضحك : سمرااا پوور طوووجوووغ اخااي
يوسف تقاد فالجلسة بحال لافكرو : شدرتي مع عبير
جعفر جمع الضحكة : ماعرفتش...... انا ثايق بلي عبير تبدلات...... ولكن خايف ترجع كيف كانت و....
ماردش عليها..... ولكن فرح من الداخل ديالو عرفها خافت على عبير..... صراحة كتجيه جنة كائن فضائي غريب الأطوار ..... حيث كون كان هو بلاصتها مايسمح لحد بالعكس كون فكر ينتاقم... هز يديها وحطها على فمو بايسها مخلي جسدها يقشعر وبدنها ينتفض وسخونة شفايفو تلتحم برودة جلدها: كنبغيك
اكتفت بالصمت ماقاداش تقوليه تانا...هي عارفة راسها كتبغيه ولكن ..... ولكن ماحد باقي بيناتهوم أسرار ماباغاش تلوث ذيك الكلمة دكنبغيك....عارفاه هو كشف جميع الأوراق ديالو قدامها ومامخبي عليها والو.....عكسها هي ليمخبية عليه....ومخبية بززاف
هو باقي ماعارفش بلي هي ماشي بنت اليوسفي.... حتى من عبير ماقالتهاليهش.... "جنة فاش هربات لازر قبل مايغتاصبها وجات لعند عبير قاتليها مشا مع ولدو وبلي صداقتهوم مجرد انتقام وجنة خبراتها بلي كينتقمو من الشخص الغلط "
أسرار كبيرة وكذبة سوذاء ماشي بيضاء........أسرار ممكن تدمر علاقتهوم وممكن تخليه ينفر منها حيث قاسها شخص اخر.... ممكن يعيفها ويعيف جسمها....ممكن فوقما يشوفها يتفكر بلي كانت مع شخص اخر .....ٱغتصااب أخ لختو صعيية بززاف ......واخا ماشي خوها بيولوجي....لكن خوها من الرضاعة......وعاد لاعرف بلي ماشي عائلتها.... مافهماتش .....الجرأة باش غاتصارحو انعدمات.... الخوف والرهبة فقلبها سكنات ..... ماباغاش تلوث كلمة كنبغيك..... ولكن هو مخليااه فطريق غالطة
مفسر بلي عدم اعتراافها بحبها ليه حيث مزال كارهاه وحاقدة عليه......... بلي غيكتسايس معاه ويمكن كتنتاقم منو.........خوفو من انها تكون كضحك عليه كبير..... حيث مايقدرش يعيش ...غايتدمر..... وغايخرج الوحش ليفداااخلو ....تنهد فاش وصلها قدام الموبل ديالها: هانتي طلعي بدلي عليك الكسوة ولبسي شيحاجة سخونة حيث كازا باردة هاذ ليام ..... وسدي الباب مزيان بسوارت وردي البال لبوطات لاتخليهوم كيتنفسو " عند بالو ساكنة بوحدها حيث مابقاليها حد فاش مات خوها"
جنة توترات وعينيها كتبعدهوم عليه: انا خمسة دقايق و انا معاك
نزلات وخلاتو كيشعل ݣارو....... برودها معاه كيحس بيه خلف ضحكتها المسطنعة........ اي كلمة كتخرج من ثغرها كيرد ليها البال..... حاضي حركاتها فاش كيجبد ليها عائلتها.... حاس بيها مخبية عليه شيحاجة....حاس بلي خلف سعادتها وفرحتها أسرار لازم يتعرفو ولازم يتفرشو ولكن مخليليها اللعب ....يالله رجعو مع بعضهوم...... أكيد ماغاديش يخسر علاقته معها بعد غياب طويل ....
جنة كانت طالعة فدروج وحاطة يديها على قلبها ليغايسكت من كمية المشاعر المزيفة ليكتواجهو بيها .... أكثر حاجة كتكرها هي "الكذب .النفاق" وهاذشي ليولات كدير...... كتكذب عليه فوجهو......خرجات من أفكارها فاش وصلات الباب ليكان مردود....دخلات كتشوف وكضور فعينيها.....توجهات لعند فدوى ليكانت كالسة فالصالون وطافين ضواو ..... هازة قرعة دشكلاط وكتسنا فجنة..... ليتبسمات فاش عرفاتها مانعساتش كتسناها ....ككل ليلة كتعطل فيها
وقفات فدوى وتمشات جهة جنة جاها الوحم عليها....: تعطلتي يا جنة خلاعتيني عليك ماوقاعليك والو .... سرادتليك ميساج فواتساب ماجاوبتينيشي
جنة تبسمات من كمية الحنان ليقدامها...هاذي هي فدوى...كتقلب كيف الزمان ولكن مع جنة ماعمرها تعاملات خايب : غينسيت راسي قدام البحر...... ماما نعسات؟؟
جنة هزات راسها مأيداها: وااه.... غانجي غدا ولا بعدو مهم تيلي بيناتنا ....وصي محمد يوصي السيكريتيرة تلغي الاجتماعات ليكاينين........ ويدوز لمصنع يجيب الكاطالوك دالخاتم.....وخبيه حيث كاين بزاف ديال الشركات حاسدينا على هاذ البروجي.....انا غاندوز نحط هاذ الميكات كنت صباح فمرجان وتقضيت
فدوى عنقااتها بايسااها فخذها بقوة : شكراا على كولشي.....عمرني كونت كنتخيل راسي نوصل للي أنا فيه دبا...كنا كنتعشاو غي بالبيض وماطيشة .... حتى جيتي نتينا ونقذتينا...... شكرا بززاف على كولشي أجنة
جنة تبسمات مبادلاها العنااق....طول هاذ المدة ليفاتت كانت حاسة باهتمام واسع ورعاية كبيرة،شيليخلااها تزيد تقرب من الله كثر وتحمد الله الي جعل رباط العائلة رباط مقدس...... حامدة الله ليلا نهارا على العائلة ليعوضها بيها فعلاا ربي مكيسد باب حتى كيحل بيبان.......
واخا وقع ليها كاع ذاكشي..... بقاو قوية صامدة ...... واخا حماقت.....واخا وقع ليوقع....كانت عارفة انها فيوم من الأيام غاتفرح.......
بعدات على فدوى ودخلات لبيتها..... لبسات عليها غي سيرفيط كحلة ديال الموبرا الفوقاني قصير كيبين الكريشة وكتجي هابطة من الكتاف.......وسروال طالع من جيهة رجلين...... ولبسات سبرديلة كحلة وهزات ساكاضو دارت فيه تيليفونها وبزطامها جمعات شعرها سفنجة وهبطات كتجري فدروج بزربة عرفات راسها تعطلات عليه....مشات جيهة لوطو فين مركناها....طلعات حداه وهوا زاد ورما الݣارو من السرجم لينفسو باش تخرج ريحة.......
طول ااطريق مانعساتش فقط حاضية حركاتو الرجولية.....وصوت أنفاسو الغير مسموعة...... تفاصيلو الوسيمة وجمالو الفتان الرجولي...... هيبتو بوحدها........ هالة من الوسامة والرجولة محيطة بيه.......... كيفاش مركز مع الطريق وكيمشي بسرعة اعتدالية ماباغيش يطير فطريق......
حسات بيه تبدل بززاف.... على كيف كان....كتشوف قدامها ذياب بشخصية جديدة....... هاذ ذياب نقي..... واخا لباسو ماتغيرش ولكن زاد قوى وزيان وكبر ....ماكرهاتش تكون مع ذياب فدار وحدة تاهو.....وتكون مرتو حلالا طيبا عن ميثاق غليظ اسمه الزواج ....تكون علاقتهووم مبنية أساسا على الحب والاحترام والعدل، علاقة قائمة على التفاهم والطاعة ومبادئ أساسية أخرى
ماكرهااتش يكون ذياب هو ذاك الحضن ليأوي جسدها كل ليلة ....... تنعس فحضنو وتستيقظ على أنفاسو....تستنشق ريحتو الرجولية وتغمض فيوزيتيها بعد ماتشوف عويناتو الحجليتين ....عسليااتو كيخليو قلبها ينبض بطريقة مجنونة.... ينبض بإسمو حبو حمقهاا خلااها مهووسة بيه كيف شيمجنونة...... ماكرهااتش تبقا حاطة راسها على صدرو سامحة لمسامع أذنيها التجسس على نبضات قلبو .....
رجعو بيها ذكرياتها لماضي....فاش يالله تعرفات عليه كأخ صديقتها...... عضات شفايفها مبتاسمة ....نهار ليضربها فيه حسن حيث مابغاتش تطلع للفوق
ابتسمات بخجل فاش جا فبالها ذياب...مشات لبيتها ودخلات متكية على كرشها وكتلعب برجليها وتفكر لقاءاتهوم القليلة ليكانت كافية تخليها تحفظ ملامحو....ويتكون اعجااب كبير ليه..قفزات فاش حسات بيدين على فخااضها من لور ضورات وجها وبانليها خوها....ابتسماات : خلعتيني""""""""
حبها لذياب فات حبو ليها بأشواط..... يمكن العشق.... يمكن الهوس.....يمكن الغيرة جميع الأحاسيس كتخالج كياانها وهو حداها ديالها وبين يديها ماكرهااتش تشدو وتخبيه مايشوفو حد..........فعلا حب المراهقة صعيب..... وما أصعب حب العشرينيات
جنة ....فيقي جننة ...جنننة
حلات عينيها كضور فرااسها .... وقبالتها أية الطبيبة ديالها....... خرجات فيها عينيها وقفزات كترجف مبعدة راسها من حدا اية وعينيها دغيا عمرو بالدموع وهي كتشوف راسها فالغرفة ليفمستشفى الأمراض العقلية ......تمتمات بصوت متقطع ويديها كيرجفو: في فين ذيااب ؟؟؟ شكندير شكندير هنا
أية مبتسمة برقة: جنة..... مكين معانا حد كاينة انا ونتي...... بوحدنا
جنة قلبها كيضرب معلن عن ناقوص الخطر..... كتحس بيه غايخرج من قفصها الصدري ..... وعينيها بداو كيبكيو بوحدهوم .... كيتسمع صدى الجملة ليقالتليها أية....وقلب ألما البريء كيقطع فروحها..... خرجو من فمها كلمات متقطعين كيرجفو: كولشي كان حلم؟؟
جننة فيييقي ياااك لاااباس جنننة.....حلات عينيها وهزات راسها مخلوعة من فوق الزاج دسرجم..... كتبكي وهي ناعسة وقلبها مزاال كيضرب ونبضاتو شبه مسموعة لذياب ليمخلوع عليها ..... عيا يفيق فيها ووالو اضطر يدخلها لدار تكمل نعاسها حطها فغرفة ديالو ونعس هو فالفوطوي تاصبح الحال......اطمن على عبير وقاتليه بغات تشوف جنة ...قرار صعيب شوية لكن ضروري من المواجهة......
قاطعاتو وباقي وجها فعنقو وأنفاسها كيخرجو حارقين لحمة عنقو مخلية عقلو غايجن وقلبو أحمق عاشق لرائحة عطرها الهادئ: انا معاك حيث..."جاتها صعيبة بززاف تقوليه كنبغيك" حيث محتاجاك حدايا انا معاك أذيااب ماشي بالسيف عليا انا معاك حيث يمكن نتاا هدية من عند ربي....غلطتي غلطة كبيرة فحقي متافقة معاك...ولكن ندمتي.... ندمتي لدرجة انك كنتي غاتنتاحر ..... بعدات عليه كتشوف عاضة شفااها : دازو أيام وماقاداش نسا.....كيفاش وليتي ضعيف..... ضعيف لدرجة انك تختار الإنتحار "عينيها غرغرو من جديد" الانتحاار أذيااب الانتحاار
ذياب كيشوف فالارض ساهي..... وقلبو كيضرب بالجهد.....كلامو تقال والحروف كيخرجو مسموعين بسيف وصوت انفااسو قلالو ......رجعو بيه ذكريااتو لذاك نهار ..... : عرفتي شنوو وقع ذاك نهار أجنة باش قررت ننتاحر وننهي حياتي بقتل رحيم بالنسبة ليا يكفيني ماا ذقت من العذااب..... "هز عينيه فعينيها" ذاك نهار بعد ما شفتك مع جعفر ....حسيت بقيمتك حسيت بشنو فقدت وكلاامك كان مبرر قوي انك ماحملاانيش... خصوصا وصفك لشعوورك وباش كتحسي....كلما نطقتي ب (أنا كنموت) كنت كنموت فعلاا........ كلاامك كان خنجر مسموم كيطلق سمو فعرووقي وكيدخل لقلبي بححااال شيييسم .....بعد ما خرجت ومشيت لجرف عيطلي أنس
"باستهزاء وعينيه مغرغرين" شفت حالة عبير ماعاجباانيش.... وترااجع صحتها وجسدها غادي بيها للهاوية...غاتموت غي بالجوع حيث مكتاكلش... ضعافت وشعرها نقص نصو........كنت عارف بيها شيحاجة..... مرييضة اه ولكن بيها شيحاجة....صراحة كنت خايف من أنها تكون حاملة وضحك عليها شيحد....شيليخلااني ناخذ ليها شوية من دمها بحجة " غانشوف اينا فاصلة عندك حيث هارون محتاج لدم" فعلا كذبة غبية لكن تيقااتها.... وتزاد حبي ليها حيث واخا مريضة قررات تعاون ولدي....خذيت الدم لاقرب كلينيك انا وأنس ودفعنا التحااليل....
جنة كتشوف فيه وفمها مبنج خرجو الكلمات ببطء من ثغرها: اهاه
ذياب : أنس قالي بلي هي فحاالة حرجة.... كتمووت إجنة....كاع ليدرناه فيك خلصناه ولكن عبير ماتستاهلش ....انا ليزرعت الحقد فيها من وهي مراهقة اتجاهك...انا ليسممت تفكيرها وحرفت أفكارها وخليتها تكرهك وهي فسن 15 العام....عارف بلي هي تستاهل أسوء عقاب.... ولكن ماشي السرطاان سرطاان الدمااغ اجنننة سرطااان الدماااغ هي ليبقات لي من عائلتي ماقدرتش نتحمل فراقها.....
خرجات فيه عينيها وقلبها كيضرب .....بصوت عالي نطقاات وكل حرف كيخرج كيدخل لقلب عبير ليوااقفة حدا الباب بحال شيخنجر وعينيها مغرغرين بالدمووع : السرططاااااان؟؟؟؟؟؟؟؟؟؟؟
ذياب يالله غايهضر تشااف عبير دافعة الباب ومتهجمة عليهووم والدموع كيتسابقو من عينيها: الكونصيير؟؟؟؟؟
ذياب تشلل فمو وهو كيشوفها مكانش باغي يقولهاليها بهاذ الطريقة..... صراحة خاايبة بززاف.... منظرها كتبكي بحرقة قدامو مخلي قلبو كيتقطع على حال ختو ليكلسات قدامو على ركابيها شادة فيديه: قوولي بلي غيكضحك اهئ اههئ اهى قووولي بللي ماامريضاش اهئ اهى بلي غيسخانة ولاا البرد ولا ولااا اهئ اهىئ
وقفات كتمشي وتجي تاوقفات كتغوت: لااا مااايمكنش.... اهئ مزاااال مااابغييت نموووت انا مزااال صغيرة يالله فعمري خمسة وعشريين عام اهى اهيييئ عفاااك ...اهئ اهئ قوولي غيكضحك اهئ اهى
جنة هزات رااسها كتشوف فذياب وغيشافت دموعو نزلو دموعها راسمين طرقان فوق خذوذها...معبرين عن الم قلبها البريء ليواخا تحاول تبين قسوتها وقصوحيتيها ابسط حاجة كتأثر فيها....هي هاكا من صغرها تزرع فقلبها الخوف والرعب من حسن ومن بعد التجارب ليعاشت خلاوها حساسة بززاف
فوقت من الاوقاات كانت كتقول ان قلبها رجع أسوذ وكلو حقد وكره اتجاه الكل.... فعلا هي بسيطة وبريئة صافية من الداخل......لدرجة ان مجرد دموع عبير اثرو فيها...شافت فذيااب..... ليعينيه مدمعين ويديه فوق راسو عاض شفتيه بطريقة دالة على تأثرو بالموقف...... دار خرج وخلاهوم بوحدهوم يصفيو الخواطر بيناتهووم واخا عارف بلي مستحيل يتم الصلح بيناتهوم
جنة حطات يديها بعد تردد كبير كتدلك بضفارها فروة راس عبير ليترخات وهزات راسها وعينيها حمرين وكترجف بوحدها.......... ركزات بناظر عينيها على فيروزيتي جنة متمتمة قائلة: جنة نتي هنا بصح....
جنة اكتفت بالإيماءة بالإيجاب ....عبير هبطات راسها للارض وكذلك جنة بزوج حاملين هموم الدنيا وتعذبو فسن صغير......بقاو كيتنهدو و يشوفو لبعيد ....تكلمات جنة بعدما طلقات تنهيدة عمييقة مخرجة فيها طاقتها السلبية: عمرك تضربتي بشي موس اعبير؟؟؟؟
عبير بلعات ريقها محركة راسها بالرفض مخلية جنة تستأنف كلامها: انا كنت كل نهار كنتضرب بخنجر مسموم فقلبي......كنت كل نهار كنتلسع من أفاعي الدنيا "الصدمات" فعلاا تلقيت من العذاب ما يكفي..... كنت متوقعة كولشي أعبير كولشي إلا خيانتك لصدقااتنا
عبير بغات تهضر قاطعاتها جنة : فخبارك جميع العلاقات ليفحياتي كانت مبنية على خدعة
علاقتي بذياب كانت خدعة سببها الإنتقام ليهو من الشخص الغلط
علاقتي بخويا "ازار" ليكانت مبنية على شهوة وحب محرم (عبير حلات عينيها على مصرعيهم) اه كيف كتسمعي....آزار الشخص القوي الوسيم قاهر الفتيات والرجل الاعمال طاح فختو من الرضاعة تصدمتي ياك
عبير عينيها غرغرو وهي حاطة راسها فبلاصة جنة.... شدتها الخنقة وتزير عليها صدرها....مجرد التفكير بلي ذياب يديرها كتخليها تحمااق
استأنفات جنة مكملة حذيثها بحرقة: وحتى صدمة أختي صديقة عمري ورفيقة دربي أمي الثانية ومخبأ أسراري... نتي ماجربتيش احساس تطعني بسكين كنتي كتضنيه مرهم لجروحك .......كون جيتيني فاص أعبير وقلتيلي بلي من جيهتي فخاطرك شي حاجة ،....بلي كتكرهيني حيث الام المزورة ديالي "شهرزاد" كانت عشيقة الأب ديالك؟؟؟
علاااش مافكرتيييش بلي هااذ سيدة يكفي ماعندها.......يكفي أنها بلا ام وبلا اب واخا عايش....كنت كنحكيليك معاناتي يا عبير ياا اختي.....كنت كنخبر عليك ربعة دسوايع وانا كنهضر......علاش مافكرتيش ومالمتيش باااك ليباغي مراا مزوجة ....علاش مالمتيش حسن ليخلا مرتو تبغي شخص اخر.....علاش مالمتيش آزار ليهوا ولدهوم البيولوجي.... اااا شنووو؟؟؟ اجي نمشيو عند جنة الضعيفة !!!!! جننة المعاقة دهنيا السادجة.... واش تلت سنين دالصداقة ماكانت كافية تخليك تعلقي بيا بصح وتبغيني تحبيني من قلبك.....علااش أعبير علااش
عكسك أنا عبير الطائشة ليكتفكر غي فالانتقام الخبيث الساذج.....فعلا ندمت وربي عاقبني على مادرت ليك....وقعلي ليوقعليك..... ذياب..... يمكن ضحك عليك "ماعارفاش بلي نعس معاها" يمكن لعب بقلبك وبعثر أحاسيسك...ولكن هانتوما رجعتو دبا....عكسي انا لي حتى عوضني على يتمي.... وحرماني وغمرني بحب يمكن زائف .... ومن بعد على سبب بسيط خلاني..... خلااني ومشاا بحال شيطيف كان ملاحقني ....وها أنذا ..... مريضة بسرطان الدماغ...... هههه العدالة الإلاهية...... فعلا كما تدين تدان..... كنتمنى تسمحيلي
بغا يهضر وحطات صبعها على شفتيه مقاطعاه: نتا ضعفتي مرة وحدة....فاش قررتي تنتاحر..... موت الوالدة ديالك وغيبوبة غزلان وبززاف دالصعاب واجهتيهوم...... وجيتي حتى لخر وبغيتي ترد راسك ضعيف بسيف
بغا يقاطعها وسبقاتو: نتا قوي وقوي بززاف .... يمكن ماكنتش معاك قبل ....ولكن انا معاك دبااا....انا مكنلومش حيث بغيتي تنتاحر....يمكن كنتي حاس بالوحدة....انا عشت 25 عام فالوحدة
كلما سمعت شيحد كيقول انا وحيد كنضحك من قلبي .....حيث حتى واحد ماكسراتو وهرسااتو الوحدة مِثلِي.. كنسمعهوم كيهضرو على الصمت والعزلة كنتبسم ....حيث تلت سنين من حياتي عشتها فغرفة جذرانها بااردة ......الصمت والسكات تاواحد ما أدمنه بحالي .. كانو كيدخلو الفرمليات لبيتي يبدلولي.....او يسمموني بالهضرة كيف موالفين وكانو كيخرجو كيجريو بالبرد..... كنسمعهوم كيهضرو على البرد وماحاسينش بيا ليساكنة فذيك البيت لمدة 3 سنين...... تاواحد ماسكنو البرد وارتجَف ضلعه بحالي.. فواحد المدة.... حماقيت بصح..... اه للاسف كنت حمقة....... كنت كنعاود لواحد الطبيبة "اية" عليك....... وفوقما جبدت سميتك كنبكِي..حيث حتى واحد ماغايبغيك قدي
طول ما هي كانت كتهضر وساهية فالحيط ومرة مرة كتنهد بألم....كان هو ساهي فالارض وكلو آذان صاغية ........ كلما سمع معاناتها زاد عشقها كثر....عشق قوتها لانها مزالة صابرة......عشق تحديها لنفسها بان تقف من جديد زاد غرق فبحر حبها وجذر عشقها ساهي فبحور السطور ليكتخرج من ثغرها كسهم يخترق قلبه ......ليكينبض باسمها بجنون مناادي يستغيث ليها وبيها
فاق من سهوتو فاش حطات يديها على يديه و نطقات بنبرة صوتها الحزينة : مالك كتشوف فالارض من الصباح وانا كندوي معاك....
ذياب خدا يديها بجوج وسط كفوفو و شاف فيها بحجليتيه مرااقب فيروزيتيها......بحروو كيسبح فيه بجميع طرق العشق والحب والهوس...... .. تنهد مطولا وهز يديها اليسرية باسها بحب ولهفة وشوق مخلي قشعريرة خفيفة تسري فجسمها : ذاكشي باش كانحس من جهتك أكبر من الحب.... شيحاجة كتفوق خيالك اجنتي..... حبك شطاني فرفر (بدات كضحك حيث الطريقة باش قالهاليها بطريقة مشمكرة ومشرملة )
نتي خليتي قلب هاذ الشمكار ينبض (هز يديه حاطها على صدرو جيهة قلبو وكيتبسم بحب وأمل ) نتي راك نقذتي روح من الهلاك.... ببراءتك أحبيبتي خليتيني ننسا سواذ قلبي ونتيه فحبك .....
فالاول كنت رافض الإستسلام.... كنت مقتنع بلي الحب الأول "غزلان"هو الحب الأخير والأبدي.... ولكن بينتيلي العكس..... بلي الحب الحقيقي هو الحب القوي الصامد والشجاع.... الحب هو التضحية الوفاء... انا عارفك شكتسواي وعارفك ماغاتكوني خليتي حد يتجرأ عليك نتي وفية ليا كولشي فيك دياالي وانا مواعد رااسي ....غانخليك تكوني حلالي وبين يدي
جمعات ابتسامتها وتبدلو ملامح وجها لدهشة وخوف خذلان وانكسار حزن وهموم الدنيا تحطو فوق كتافها
(عارفك ماغاتكوني خليتي حد يتجرأ عليك) فلتخبروه بأن أخي نهش جسدي بأنيابه الحادة ..... أخبروه ان أخي لعب بلسانه في سائر جسدي.... أخبروه ان أخي حطم جدار الثقة والإحترام بينننا....أخبروه أن أخي أرادني عاهرة في فراشه....وبالفعل كنت له عاهرة غير مطيعة...... خائرة القوى ضعيفة لا حول لها ولا قوة كنت عاهرة غير راضية بعملها ....كنت عاهرة بضمير....لقد كان إغتصااب أخ لأقت بمتابة قتل شنيع ...
أوهي كتفكر النهار ليغايعرف فيه باغتصاب آزار خوها يا حسرة ليها .......فاقت من سهوتها فاش زير على يديها
.. (ابتاسم ليها ) نتي بالنسبة ليا كثر من مجرد حب .. ( زير على يديها فاش لمح ديك الإبتسامة الخجولة لي بدات كاتترسم على فمها و لي بالنسبة ليه كافية تخليه يحس بلي هو ملكها وهي أميرة فعرش قلبو ) نتي روحي أ جنة " هز يديه و حطها على حنكها ببطئ شديد و سمح لإبهامو أنو يمشي و يجي عليه و حتى هي بلا ماتحس سدات عينيها مستمتعة بهاد الكم د الحب والرفق والدفئ ليكتلقاه من جيهتو حنان أبوي فقداتو من ذا شحاال.....
تمتم بصوتو الجوهري سامح لكلماتو يغتصابو مسامعها ويرونو دقات قلبها ويصنعو صراعات قوية داخل فؤادها الصغير : انا أغرق ولن أستغيث... فقارب نجاتي هو عينيكي يا صغيرتي .. (حلات فيه عينيها ) قابلة تكملي حياتك مع واحد الشخص كان السبب فتعاستك..... شخص انتقم منك.... شخص عذبك فحياتك ؟!
جنة : ( صدمها و بلا ماتحس ابتسامتها زادت وساعت .... الجملة ليقاليها حمقاتها ...... جابليها الله كتحلم مايمكنش حياتها تكون تقادات لهاد الدرجة .. هادشي كامل جاها بزاف لدرجة انها هضرات باستغرااب لانه لا الوقت ولا المكان ولا الزمان هو هذااك: شنو قلتي؟؟
ذياب كان مراقب ردة فعلها لي ماكانتش كيف تخيلها گاع و لي زاد كملها و جملها سؤالها .. بلا مايحس گاع ديك الفرحة لي كانت ظاهرة على وجهو و هو كايطلبها للزواج بدات كاتتبخر وخوفو من انها يتنادم معاها الحال وتراجع على فكرة السماح ليه زاد كبر داخلو تكلم مزير على سنيه: كيفاش شنو ؟! (سكت شوية ) ماباغاش تتزوجي بيا واش ماباغانيش ؟؟؟ ندمتي؟؟؟
جنة حالة فمها مزيرة على فكها وعينيها خارجين فيه مازال جملة "قارب نجاتي عينييكي يا صغيرتي " كاتتردد في وذنها .. هي حاليا في حوار داخلي مع نفسها .. كاتحاول تستوعب كلماتو .. ما فيقها من سهوتها غير يديه لي بدات كاتتسل من يديها، بلا ماتحس زيرات عليه و نطقات و هي كاتشوف فيه بنظرات كلها حب ) كون ماكنتش كانبغيك ماكنتش غادي نكون شادة دابا في يديك .. ولا نسمحليك أذياب.... (نزلات عينيها ليديه و هي مبتاسمة) واش مازال ماعارف شكون نتا بالنسبة ليا ؟! (سكتات شوية و عاودات هزات فيه عينيها بحب ) "كنت لي منقذا لجرح إلتهب لسنين وما شفاه غير بلسمك (زيرات على يديه) هاكا نتا في حياتي...... انا بلا بيك نكرة.....
تصدم و تهزات روحو، كلماتها و فيروزيتيها لي كايشوفو فيه و لأول مرة نظراتها واثقة و كتأكد كل كلمة نطقات بيها خلات قلبو يضرب بالجهد لدرجة انو شك واش تكون سمعات نبضاتو باسمها...... "جنة" وشحال كيعشقو ......
اما هي كانت هايمة في حجليتيه ليمهبلينها بلونهوم العسلي....... فعلا عينيه كيخليوها تائهة ما بين حبها عشقها ليه ....لمعة الحب ديما مزيناهم فاش كايكونو كايشوفو فيها حجليتيه ذوبوها و سمحات لنفسها لأول مرة ماتكبتش رغبتها في انها تعنقو ، حيدات يديها ببطئ شديد من يديه و هزاتهم و دوراتهم على عنقو و زيراتو لعندها ..و قبل ما يستوعب هاد الكم د الحنان و الحب لي غمراتو بيه في هاد اللحظة، زادت الطين بلة و نطقات بهمس في وذنيه : لن ولم وأبدا أن يدخل رجل غيرك لقلبي .... فقد نزعت مشاعري ثيابها .... وهي لا تستحي أمام رجولتك
يوسف وقف قدامها ومشا لواحدالماريو صغير قدامو خذا منو واحد الكتاب وتقدم عندها: هاكي.....هذا قرآن ديالنا ....قرآن غير محرف بولا حرف....... راه مقسم لتلاتة دالاجزاء عربي ومترجم بلونغلي والفرنسية........قراي منو صفحات وردي عليا
شدات الكتاب وقلبها كيضرب الخوف والدهشة وهي كتشوف فيه...وحتى الحمااس لانها تكتاشف شيحاجة جديدة: كنواعدك غانرد عليك
دازو ساعات قليلة......... كان حال الباب وهو كيتسناها....... مراقب الباب ليمردود وكيهزز رجليه بسرعة وعينيه كيضورو ونظراتو متوترين...... نبضاتو تسارعو بجنون وهو كيشوف الباب تدفع ...... هز عينيه فيها هي ليكانت داخلة بملامح جامدة......والبرود طاغي على تصرفاتها وحتى من خطواتها البطيئة.....كيحس بالزمان توقف والوقت تأخر......وهو كيشوفها قدامو....نظراات باردة وملامح جامدة كتلة جليدية قدامو ....... فشلو عليه رجليه تاباش يوقف ماقدرش...... بزز باش خرج حروف الكلمات من فمو: جن جنة مالكي؟؟؟؟
شافت فالفرااغ ليفجنبو وتبسمات ببلاهة وملامحها زالو جامدين.....: جنة....تعذبات بززاف اذياااب.....جنة قاسات وعاشت معاناة ماشي لمدة شهر ولا عام.....جنة عاشت معاناة لمدة 25 عام.......جنة تيتمات وعاشت طفولة صعيبة........جنة القديمة انتحراات نهار لي تغتصباات
تكلمات بصوت خاجل نوعا ما حيث صعيبة بززاف وعيب بالنسبة ليها
هزات راسها ايجابا على هضرتو........ بقاو حجليتيه مركزين بنظراتو عليها.......وشفايفو راجفين واقف بحال شيجماذ خافق القلب مشدوه "مصدوم".....مقادرش يزيد يوقف ومال تكالا بسيف غي مع الحيط ...... وصدرو طالع نازل بسرعة بحال شي هزاز أرضي .....ماقدرش مزال يزيد ينطق .... وفبااالو منظر اغتصاابها.....كيحااول يتخيل شكون هاذ آزار ؟؟؟ وعلااش غتااصبها وعلااش كان باغي يقتلها
ولكن مجرد فكرة أنه شخص اخر قااسها كتخليه مجنون غايحماااق.....تقاد فالوقفة كيرجف...... ويديه كيترعدو........هزها تاهزها وحشاها فالحيط ليمورااها مغوت بحر جهدووو: علاااااااااااااش علاااااااااااااش
جنة قفزات بالخلعة نطقات مجاوباه: مااكنتش قادرة نمنعو هو خذااا ليبغا بكل دم باارد هو اغتصبني هو ...
قااطعها وقلبو ضااارو....إحساس بالألم والغيرة كتاكلو ....شيحد اخر قااس ممتلكااتو....تبسم باستهزاؤ فخاطرو كيضحك على راسو ... ممتلكات؟؟؟؟؟؟
هو ليتخلى عليها بيديه....هو ليسمح لغريب يقيسها ....ماقدرش مزال يتحمل....وقلبو عاطيه صداع رهيب....وذنيه كيصفرو...... ويديه كيرجفوو ....بصح ...ماقدرش يزيد يصبر ولا يتحمل خرج مسرع ناحية المجهول مخليها فدوامة كبيرة من الافكار والندم بالاعتراف ليدارت كياكل داخلها....خوف كبير من فقدان الحب ليماصدقات لقاتو....كانت عارفة راسها ماغاديش تقدر تعتارف ولكن فاش عتارفات هو ماتقبلش هاذ الفكرة......تنهدات بحزن وعينيها كيشعو ببريق الدموع ولمعانهوم الدال على خذلانها...تنهدات باسى وتحنات على ركابيها كالسة فالارض لاصقة على الحيط ...سرحات رجليها ويديها على قلبها ليتزير عليها....... سمعات صوت تيليفون....جبداتو من جيبها وطلعات ليها نمرة جعفر ليماتردداتش باش تجاوبو
قطعات عليه تيليفون بعد ما طفاتو.....وتكات على الارض موسدة يديها وضامة رجليها عندها : غادي يرجع ماغايخلينيش....تانا ضحيت..ضحيت بززاف على قبلو....انا ماشي مكلخة باش منعرفش بلي هو ليوصاا روبيو باش يعطيني الكوكايين المسموم...... ولكن الحب أعمى........ محتاجاك غادي تجي ماغاتخلينيش.
عند ذياب ليتوجه بطونوبيلتو بلا عقل....صايك منير مكيشوفش قدامو......وفمسامع وذنيه كلامها ليكيدخل كيف شي أسهم كيختارقو قلبو ..........ماعارفش فين يعطي راسو.....توجه لدارو
.....لقا الباب محلول تنهد عارف ولدو فاش كتجيه الحالة....بلاصا لوطو وخرج ضاير مع جنب البتي فيلا فين كاينة واحد الجريدة صغيرة .......دخل ليها ولقا هارون مكور على راسو كيبكي...... تهز قلبو كثر ماهوا مهزوز وجميع الافكار السوذاء طاحو فبالو...تحنا عندو كيقلب فيه مخلوع: مالك اولدي؟؟؟ واش ضاراك شيحاجة
هارون عنقو حاشي راسو الصغير فعنق ذيااب مستمتع بحضنو الأبوي الدافي : عافاك ابااابا ماتخلينيش ماترمينيش كيف شفنا فذاك الفيلم اهييئ اهييئ خليني معاك
ذياب تبسم بجنية لبراءة ولدو مقابلو بفخر: تبغي تكون ماماك؟؟
هارون بسرعة هزز راسو بالرفض: لااا غااتخليييني بووحدي لااا لااا
هربليه كيغوت ودخل لدار ويبكي...مخلي ذياب فحيرة من أمرو.....تفكر بلي خلاها بوحدها ووعا بغلطو وتنهد..... خرج بسرعة بعد ما سد الباب الخارجي للفيلا وركب لوطو...
...يالله وقفات باش تمشي بحالها وهي تسمع الباب تحل وتسد ....بداو يديها كيرجفو وابتسامة امل ترسمات على شفاها المغرية......نطفة امل زارت كيانها وخلات قلبها كينبض بجنون سامح لدقاتو بالتعبير على فرحتها
طاحو دموعها متهاطلين كأمطار غزيرة فوق خذوذها المتوردين...... وهي كتشوفو داخل حاني راسو وكيلعب بيديه بتوتر....هز راسو كيف سمع صوت بكاها لي زاد على مابيه قلبو طايب بززاف وعامر ..... روحو متكسرة وقلبو مخذول وعقلو مشطون ...وزاد تأزم........ قربليها بخطوات بطيئة وقف قدامها وشاف ارتجافها وترعد يديها....بقات فيه بززاف وشفق لحالها لي اكثر من حالو......نزل يديه حتى جرها و خشاها في حضنو بالجهد و زير عليها و كأنو كايحاول يخشيها في قلبو الداخل بلاصتها الآمنة ليها ....البلاصة ليماغايآذيها حد تماك ...قلبو ليهوا ملكها ...ديالها بوحدها رمزو إسمها وطريقو بخطواتها وقلبو قلبها.....
.. اما هي هزات يديها الراجفين ودوراتهم على عنقو و خشات وجهها فعنقوو وجسدها كيفيبري بين يديه ......كاتبكي و كاتردد كلمة " ماشي لخاطري اذياب " بنبرة صوت خافثة كسرات هدوء المكان ..
نطقاات بصوت مسموع راجف حدا وذنيه: كنبغيك .....
رجليها خواو بيها وهو حس بيها و مع ذلك ماطلقوش من بعضياتهم،....... جلسو للأرض ماساخينش بعناقهم .. وهو طالق العنان لدموعها مخليها تعبر على أحاسيسها المترااكمة...... هو حاس بلي رجعات ليه روحو بعد هاذ الكلمة "كنبغيك" ليمجرد ستة حروف لكن معناها سطوور من العبارات ......كنبغيك مجرد كلمة ولكن معناها كبير...... أحاسيس ومشاعر مكتظة كتهاجم صاحب "كنبغيك"...... .. حس وأخيراا بالحيااة بعد هاذ الكلمة ليطالما عشق يسمعها من بين ثغرها....و هي و أخيرا حسات بالأمان و الطمأنينة و الراحة....وقلبها خفااف بززاف لدرجة كتحس بيه يطفو ويتراقص بين قفصها الصدري ......من بعد مدة الطويلة من النقص والحرمان والإنكسار....هاهي...تعود...جنة.... جنة... جنة الطفلة !!!!!!!
أغرق في بحور حبك....
قارب نجاتي عينيك
ولن يكون غيرك منقذي
دمت لي عونا يا حبيبي
فوالله غيرك سأجن أو أجن
بعد ما فرغو ليفقلوبهوم وبكاو بزوج......كانو كالسين فالارض معانقين وكتحكيلو شنو قاسات فغيبتو وعاوداتلو كيفاش تغتاصبات وكيفاش وقع لازر تا مات...... ولكن الصدمة قوية هي فااش سولها قائل: آزار؟ شكون هاذا
تحل فااهو بطريقة دالة على صدمتو طالق من يديها بنرة غير مصدق..... الصدمة قوية وأكثر....خوها ؟؟؟؟ رغم انه ماشي خوها البيولوجي....ولكن خوها فالاسلام خوها بالطعام وخوها بالأفواه خوها بالرضاعة.........خوها.....كلمة كتقال للسند والحيط ليكتميل عليه فاش كتبغي طيح.....السند ليكقويك كان هو الدمار الشامل
تنهدات فاش عرفاتو تصدم وقلبها كيشطح بين اضلعها الصدرية: قمة ألمي .. أنني مكنعرفش سوى إبتسامه حزينة.. وكنت ديما كنتمنى أني نشوف الابتسامة في وجه الطفولة.. مكينش أصدق من براءة الأطفال.. ومكينش أصدق من دمعة الطفولة.. فاش كنت صغيرة كنت ديما كنبكي..... وكانت ماما مكتحملنيش ماعرفتش علاش...... كنت كنتمنى نبكي ونلقا حنان ماما..نلقا ف صدرها الصدق ليغيواسيني.. وكلما كنكبر وكنزيد نتعمق فوحدتي......تهت في دنيا ليكثرو فيها الأكاذيب والخدع.. نقص فيها الصدق وكثرة الخيانات. صدمة آزار كانت صعيبة بززاف صدمة خوويا .....خويا أذياب ليغتاصبني وتعدا عليا وهتك عرضي خويا.....ليكنت مسمياه سندي خويا.....ليكنت حاطاه فمرتبة اب وام ليا خويا....ليكنت كنلجأ ليه فصغري ونبكي فحضنو.....خويا ليخلاااني نتقرب ليه ...خوياا ليكان كيف القطة المشاكسة كيلعب معايا فلول ومن بعد خرج نيابو وعضني....خوويا
ذياب حس بعينيه دمعو ...... تهز راسو لسماا ودمعة نازلة من عينيه سخونة....كلامهاا كيف شي خنجر كيتغرس فروجو ويقطع فشرايين قلبو كلامها كيف شي سم سرى فدمو......كلاامها كانكافي يقتلو ويحييه ويعاود يقتلو..... كلما نطقات ب "اغتصبني" كتخليه غايجن بالتفكير وعدم الرضا والصدمة..... حس براسو ماشي شماتة حيث سمح فيها...خصوصا فاش أستأنفات كلاامها قائلة: قبل مايغتاصبني ...اعترفلي بحبو وبلي انا غيمربية معاهوم خطفوني لواليديا.......... تصدمت بززاف وبكيت.....حيث مور ليلة ليوقع بيناتنا ذاكشي....... تصدمت الصدمة الاولى....ولكن صدمة خويا ازار كانت قوية بززاف.....
جيت لعندكوم لدار....محتاجاك تعاوني طالباك تكون سندي ونقطة قوتي....لكن للاسف ماكنتيش...... مشيتي مع مرتك ليفاقت.....صراحة كنت انانية فاش تمنيتها ماتفيقش....ولكن فاقت...فالوقت...الغلط
عبير زادت صدماتني بحقيقتكوم وبلي باغين تنتاقمو مني ....وهناا صافي.....اطفح الكيل..........مشيت بوحدي.....وتلاقيت بروبيو ههه ليكان سبب مرضيوالابدي وليمكن مجرد كركز ديالك كتحركو كيف بغا...لدرجة انه عض اليد ليتمداتليه وسممني.....واخا انا ...سامحتو حيث ماشي لخاطرو وعاوني.....ركبني لكازا..... وتماك تلاقيت بسمية....سومية يا سومية ليكانت تاهي بحال ازار لفعة مخبية سمها.....بيناتلي الفاص الزوين .....ومن بعد بينات نيابتا...اضطريت نخدم فواحد القهوة....... ولكن جراو عليا........ وخدمت عندك ....خرجاتمرتك ولقاتني بوحدي دخلاتني...صراحة حرثات علياا مزيااان
حتى عرفتها مرتك كنتو معانقين بتلاتة.... نتا ومرتك غزلان وولدك هارون....العائلة السعيدة..... كنت غانحماق وإحساس الدل والاهانة كيغتصب أحاسيسي وكياني.....كيفاش انا خدمت عند مرت الشخص ليكنبغي....وليت خدامة...عند ناس....كنت بيناتهوم
واش اليتيمة؟......ولاا ليخانها حبيبها؟.....ولا المغتصبة من طرف أخيها؟؟؟؟...... ولا المريضة؟؟؟....ولا الوحيدة........كنت تاهئة فطرقان الجحيم.....كنت بين ناارين وكل نار كتجرني لجيهتها وتحرقني .......كنت فدوامة كبيرة منالصدمات.....مافقت منها الا على لمسات وكلمات آية.....الطبيبة آية .....ليفضلها كبير بززاف ....فضلها كبير عليا وعلى حياتي
جنة تبسمات بحزن: اه ..اخر نهار هو اليوم غانجبد فيه هاذشي...اية كانت ملاك بمثابة انسان....كانت حيااتي وقلبي....... اية كانت اول وحدة كتبغيني حيث انا.... أية كانت أم ليا......وعاوناتني نتخطا الحواجز ليواقفة قدامي....عاوناتني نتشافا من مرضي النفسي....اية كانت هي منقذتي....أية فقط
تبسمات هازة راسها لسما سامحة ببعض الدموع من التهاطل على خذوذها : كانت نهار ليخرجت فيه....اية كانت مريضة بالسرطان...ومع كل ذلك وقفات معايا وخلات راسها....أية ضحات على قبلي ببزاف دالحوايج
تبسم ليها بحنية: الحمد الله ..... كنواعدك بلي غانردليك كل مافاات...غانعوضليك كل معاناتك بافراح..... غانعوضليك صدماتك وغانعوضليك دموعك كنواعدك....من اليوم غادي نكونو يد وحدة....كنواعدك غانقسم معاك كولشي كنواعدك بلي غانلقاو عائلتك
قاطعاتلو بابتسامة : لقيتهوم...انا ساكنة معاهوم حاليا
مابغاش يزيد يضغط عليها: غاتكوني عيتي....يالله لدار نعسو
تبسماتليه: خلينا غيهنا ماقاداش نتحرك
أصبحنا وأصبح الملك لله.........بعيدا عن كازا وأكادير.... بالضبط أمريكا حلم الجميع ......فلوس انجلس.....كان كيف العادة كالس حداا ولدو ليمخصص ليه وقت بوحدو حيث ولدو كبر منعزل على العالم الخارجي....شيما ماماه كانت معذباه بززاف وماصاب حريتو الا تحت جناح باباه
كان يوسف كيعلم جاكسن العربية وجاكسن كيضحك بخجل فاش مكيعرفش يخرج الكلمات....حتى سمعو صوت الطالون ليمعروفة مولااتو ومن غيرها صاحبة العيون العسلية "أليسيا" ولكن هاذ الخطرة بحلة جديدة.....شي ليخلا واليدين يوسف وجعفر ليكيفطرو يتصدمو واكثر شي يوسف ليبدا من رجليها ليمغطيهوم سروال توب واسع مامزيرش وطالون ..... والفوق لابسة تيشورط بيض وبوليرو طويل تا الارض بطريقة مستيلية مسدود بسميطة دالكوتشي ...ودايرة شال ابيض مغطي شعرها الاشقر......وحروف وجها بارزين بلا ماكياج ....
مدات ليه القرآن وتكلمات بالانجليزية: شكرا يوسف...انا اقتنعت بلي الإسلام هو الديانة الوحيدة ليخص الناس يكونو فيها....
وبلي محمد هو نبي الأجمعين......... شكرا حيث نقذتيني من جهنم....
يوسف بقا حال فمو وتكلم جعفر: مبروك اختي....واش نطقتي الشهادة؟؟
هزات راسها بالايجاب: اه.... البارح فليل كملتو بقوة الحماس ليفيا.....واليوم صليت الفجر وحسيت براحة كبيرة فصدري....... انا فرحانة
يوسف تبسم ووقف مقابل معاها: هاذي خطوة زوينة بززاف درتيها آ آليسيا
أليسيا شافت فيه وهزات راسها بالإيجاب: قاابلة نكون معاك للأبد
يوسف طلق تنهيدة راحة وتبسم بعمق:
always and forever "دائما وأبدا"
بداوو واليديه كيباركو ليهوم فرحاانين انه يوسف بعد 35 سنة من العزوبية غايتزوج...وجعفر بارك ليهوم واخا كان مسطنع الفرحة حيث بالو مع جنة وعبير...يلا كانت جنة ليمضرورة وسامحاتليها علاش هو هاز فخاطرو.....صافي حان وقت ااخلااص تكلم بصوت عالي باش يسمعوه : خصني نهبط للمغرب
يوسف: تا انا باغي نهبط....نقاد شي وراق وشي أمور
واليدين يوسف: تاحنا باغين نهبطو لمغرب
أليسيا هزات كتافها: نقدر نهبط معاكوم؟؟؟
نمشيو لكازا...... كانت متكية ويديها على راسها ليبدا كيضرها بززاف واحد الصداع خطير حتى كتحس بالطبولة فوذنيها...... والدنيا كتمشي وتجي بيها...... ساهية فالفراغ ليقدامها
عذابها ما وقع للمحبين.. ياما شكات من شنو وقعلها وجرالها......حتى ماكرهاتش توقف وبصوت عالي تغوت' يا ناس مالي بالسعاده عناوين'
. كتحس بلي ما للسعاده في حياتها مجال...تحملات كثر من طاقتها ......شحال كتمات آلامها و جروحها وحبسات الدمع بالعين.. باغة تشكي فراق إللي على روحها غالي....كلما تفكرات ان جعفر مشاا كتعمر عينيها بالدموع وكتتفجر براكين الأسى داخلها ، لحظة وداعو ليها فتيليفون بحال شي جمرة كتحرق القلب ديالها ، حاسة ب كل شيء يغيب ويموت داخلها ، رحل الأمل من قلبها واحترق حماسها اتجاه الحب ، ولفاتو بززاف كل ساعة كيهضرو بليزابيل تقريبا كان معمر ليها وقتها....... وشحال صعيبة نار الأشواق والوحش، كلشي تبخر داخلها مابقا غي قلب حائر وعين باكية.....تنساه وتواصل العيش ولا تستسلم للموت....... واش تشوف ف الأوراق التي تغير لونها.. وبهتت حروفها.. وتاهت سطورها بين الألم والوحشه....ولاتتسنا ينبتو اوراق خرى من جديد
سمعات صوت دقان فبيتها.....نطقات بصوت باينة فيه الحزن: شكون
جنة: انا....لبسي وخرجي عندنا
عبير تبسمات على الاقل جنة جات وباقة واقفة معاها: واخا
رجعات جنة لبلاصتها وهي تشوف فهارون خارج كيحك عينيه وقف لتواني كيشوف فيها مصدوم عند بالو كيحلم تا حك عينيه وتأكد بلي هي حقيقية: شكديري هنا
جنة التزمات الصمت وذياب خرج من الكوزينة مخنزر فيه: هاارووون
شدليه فيدو وجرو باتجاه جنة وتا ذياب دايرليه الخاطر...وصلو حدا جنة وشبك ليه يديهوم ببعضهوم.....: ولكن بشرط
شافو فيهوم كيضحكو: بغيت خويا ولا ختي..."عبس" ديما صحابي كيعاودولي على خوتهوم
حط يديه فوق كريشة جنة : هنا بغيت خويا يكبر
ذياب عض شفاهو بفرحة حيث ولدو تقبل جنة...يمكن كان متردد ولكن دباا وافق بسهولة وهاذشي ماعاهدوش مع هارون ليعنيد وكيدير الحاجة المعكسة
اما جنة فتبدل فيها لون وتزيرات بززاف وبيااضو شفايفها عينيها بداو كيضورو وبدات كترخي من يد ذياب ليانتبه ليها..... طلقات منو و"بغيت خويا ولا ختي" كضور فباالها...هي باقة مامستاعدة لحتى شي علاقة جنسية ....هي باااغة فقط الحب ماباغا لا شهوة لا والو...هي فقط باغة تعيش ماباغاش تموت... وبالنسبة ليها اي علاقة جنسية هي موت...فكيف ماتت فاغتصاب ازار ....غادي تموت مع ذياب .....
سمعو صوت ارتطام قوي ل شيحاجة مع الارض قفزو فاش شافو عبير طايحة على وجها مستسلمة لعناق الارض
عبير تكات على وهي كالسة فالارض كتنهد وتهضر بثقالة: بغيت غي نخرج شوية...ولكن شداتني الضوخة وعيني مابقيتش كنشوف بيهوم مزيان...
ذياب عض لساانو بشفقة: هاذوك أعراض ال..
ماكملش وهي فهماتو: بغيت نتعالج أخويا...مابقيتش قادة ....الصداع فراسي بززاف...وبحال شيحد كيتصنت لشي موسيقى بالجهد فوذني....عييت...ومالقيت جهد عيييت بزززاف أخويا عييت 💔
بعد مررور يومين........ماتغيروش بززاف دالحوايج من غير عبير ليدخلات لواحد المستشفى معروف بالأمراض السرطانية ....بعد ما قررات انها تنتاقل نيشان لعملية يحيدوليها الورم ليفراسها....... وبدا المستشفى كيجمع فريق العمل او الفريق الطبي المُعالِج ليكيضم، عادة، جراحي أعصاب (أطباء اختصاصيون في مجال جراحة الدماغ والأعصاب - Neurosurgeon)، اختصاصيي أورام (Oncologist)، اختصاصيي أورام للمعالجات الإشعاعية (أطباء اختصاصيون في مجال العلاجات الإشعاعية)
وحتى من طبيب اختصاصيا في مجال الطب النفسي (Psychiatrist) من مور العملية كيرفه على المريض لانه تقريبا فنص الحالات كيتعرض المريض لصدمة او ربما فقدان الذاكرة.......وكاين ليكيتعرضو لإعاقات ذهنية او خلل دماغي او عدم الإبصار حيث كيديرو عملية وكيحلو الراس...ويقدرو يقيسو شي عرق ولا شي بلاصة خطرة على جسم الانسان والعقل هو ليكيسير الجسم.......
حيث المستشفى ديال جعفر......ماخلاوهومش يخلصو حتى ريال حيث عارفين بلي جنة الاخت الصغرى ديالو كيف كيقول ومايمكنش لخت مول شي تخلص........ جمعو أحسن الجراحين والاختصاصيين والأطباء......ولكن للاسف خصهوم طبيب جراح فأمراض نساء كاع مالقااوه
جنة هبطات لأكادير بعد مارصاو فطبيب هبطات اطمأنات على عائلتها وخبراتهوم بلي باقة عندها الخدمة........... سنات شي وراق وكلفات خوها بتولي امر الشركة...... وكان خاتم السبع جواهر تصنع منو زوج شكيلات....وهي اختارت واحد قادوه ليها فكريطينة صغيورة رجالية مابين الاسوذ والرماذي..... بدلات حوايجها وجمعات شيحوايج ورجعات شدات طريق كان باغي ذياب يهبط معاها لكن خالفاتو حيث مايمكنش تبقى عبير بوحدها وهي فأمس حاجة لشي فجنبها وحتى من أنس ترما عليه ثقل القهوة كاملة
اما هارون فطول الوقت كيبقا مع جنة...ليولفها بززاف وتاهي ولفاتو......فين مامشات لاسق فيها...... ولا كيحماق عليها وكيعيطليها غي ماما وليدارتها كيسمع ليها..... وليقالتها هي ليكاينة...لقا فيها الحنان ليكان مفتاقدو حنان الام ...... لدرجة ذياب رجع غيكيشوف فيه بغيرة حيث جنة كتبقا غيكالسة حداه وهاذشي كيخليه منرفز
دخلات عليهوم بعد ما القت السلام....كانت عبير متكية وعريانة دايرين ليها سيروم وماسك التنفس ومغطينها بايزار خفيف....كانو ملبسين لجنة بوني دشعر ولبسة ديال الزوار ودايرين ليها كمامة على فمها....تبسمات لعبير من تحت الكمامة وتكلمات: عبير كيف بقيتي
عبير حيدات الماسك وبدات كتكحب بشوية وكتهضر بشوية والحروف كيخرجو مثقلين : الحمد الله...علاش جيتي عندي كاع مارتاحيتي من السفر
عبير ضحكات بألم وردات الماسك لفمها...ماقاداش تهضر حيث غيكتشوف جنة كتفكر جعفر....ليهي دبا فأمس حاجة ليه محتاجاه بززاف....بقات جنة كالسة وساهية....نفس الضرووف كانت كتعيشهوم مع اية....غيهوا اية زارتها مرة وحدة والمرة الثانية كانت ماتت...... خايفة لاتموت عبير.....هي بصح تعدات عليها ولكن تاهي قاسات وعانات
دخل ذياب تاهوا داير كمامة على نيفو....حيث جسم عبير بدا كيفرز روايح خايبين بحال اللحم خانز...هي ماعارفاش هاذشي حيث اصلا مهدودة ودايرة الماسك......ذياب ليشاف جنة وتبسمليها حيث سلم عليها التحت ومشا حدا عبير وكلس حداها كيلعب ليها فشعرها
جنة تكات على الفوطوي مربعة يديها كتشوف فيهوم........شوية وقفات وخرجات....حطات ظهرها على الباب عيانة......حيث واخا تعيا تنافق راسها وتقول سامحاتهوم ونسات ماتقدرش تنساا كولشي.....باختصار هي ماشي ملاك باش تسامح الكل...ليداروه فيها ماشي ساهل وصعيب يتنسا.....يمكن هي كتبغي ذياب....وعزيزة عليها عبير....ولكن..مزال واحد شوية ديال الماضي معشش فدماغها...فوقما شافتهوم ....كتفكرو......سمعات صوت تيلي وجبداتو بانليها رقم جعفر تبسمات باستهزاء وجاوبات: عاش من سمع صوتك
جعفر : كبييدة
جنة تنهدات: فينك حداك صداع بززاف
جعفر ضحك: انا قدام الشركة ديااالنا... هبطي عندي
جنة : انا فكازا
جعفر كمش حجبانو بتساؤل: شكديري فكازا
جنة باستهزاء: انا مع صاحبتي.....صاحبتي مريضة بالسرطان فالدماغ وحالتها حالة كتواجه الموت
جعفر حط يديه على قلبو ليبدا كيضرب بسرعة: من فوقاش ونتي عندك صحابات
جنة: من نهار وليتي كتحكم على الناس من أخطاءهوم فالماضي
جعفر ساط نفس سخونة من نيفو كيطلب الله مايكونش ليفبالو: شكون صاحبتك اجنة
جنة: صاحبتي .....
جعفر بعصبية مبالغة: شكووووون هاااذي
جننة بصوووت عالي: عااابيييير
طاحليه تيلي من يديه بصدمة.... وقلبو كيضرب بسرعة جنونية حتى كيحس بيه غايخرج من قفصو الصدري......وعينيه بداو كيحمارو تدريجيا...... جبهتو ورمات وعروق عنقو وجبهتو برزو....تحول لونوو لااحمر القاتم ....بدا كيزفر وضاار ركب فلوطو وكسيراا حتى نوض الغبرة وخلا موراه العجاج وليداز من حداه كيقول ياربي السلامة......
بدا كيطيح الظلاام...كانت جنة كالسة فالكوزينة كتنقي بطاطا.....حتى تدق الباب ....وحلو ذياب ليكان كالس فصالون وكيراجع الحسابات دالقهوة.....وكيشوف شحال تخصم من الفلوس هاذ الشهر...........دخل هارون بسرعة كينهج والواضح انه كان طالع فدروج بزربة: فين فينها فينها
جنة مع كانت ساهية جرحات صبعها ولكن ماداتهاش فيه عنقاات هارون كتبوسليه فراسو : تانا توحشتك
بعداتو كتشوف فيه: ناس دليكوب جداد هاي هاي هاي
بدا كيضحك بخجل وكيتنخشش فيها: أنس ليدارهاالي
باستو فراسو مبتسمة بعمق...كترتاح معاه بززاف كتحس بيه قطعة مفقودة منها كتشوف فيه راسها فاش كانت صغيرة بلا ام....... هزاتو وحطاتو فوق رجلها: شنو درتو ليوم
هارون شاد شعرها كيلعب بيه : أستاذة دالإنجليزية دارتلينا واحد الفرض.....وجبت فيه مزيان ...
أنثى الشيطان الجزء التاسع
محتوى القصة
التنقل بين الأجزاء