ريماس الجزء 13

من تأليف Hayam Arsel
2020

محتوى القصة

رواية ريماس

ريماس هزت يديها حطاتها على قلبها لي قرب يسكت و بعدت شويا .. 

ياربي كنت غانموووت كون قاسني و لا عضني ..

قيس عيط بصوت عاااالي : لووووسي ..

رجع شاف ف ريماس : ماعندك مناش تخافي غير بغا يلعب معاك .. 

جات لوسي بزربة : هههه صدعكم ياك !! 

قيس تبسم : بزاااااف و خوف ليا الغزالة ديالي شو كي نخطف لونهاا .. 

ريماس حشماااات و خدودها حماااارو همست بصوت منخفض كتلعنووو : المااااسخ محشمش حتا من لمرا قد مو يخ على gنس ..

خداتو لوسي من عندو و شافت ف ريماس : هههه غير رجعي جلسي فبلاصتك غانديه دابا .. و اصلا متخافيش راه ميأذيكش نهائيا ..

ريماس : شكرااا خ خالتي ..
و سمحيلينا .. 

مشات لوسي و بقات ريماس كتصوط بيديها على وجهها لي رجع كي حبة الفراولة .. جمعت شعرها شفنجة حيت صهدهاااا و جلست ف بلاصتها نزلت على كاس د الما كولو روا عطشهااا .. 

قيس بقا كينفض ف قميجتو و هي تلمح جرحة طويييلة ف عنقوو بحال شي خط و دايز معاها شويا د دم وسسسعت عينيها : قيس ع عنقك ! 

رد بصوتو الخشن بعدم فهم : شنو !!

شيرت بيدها و هي مضيقة عينيها : ع عنقك فيه دم ! 

نزل بعينيه و حط صبعو عليها و تبسم : عاااادي .. غير خبشة صغيورة .. ديما كيخبشني ..

ممممم خفتي عليا !! 

دورت عينيها بزربة : علاش غ غانخاف عليك بالسلامة .. غير شتك مرديتيش ليها البال و صافي ..

رجعت شي خصلات اللور و بقات كطرطق ف صباعها كتوتر منين كيطول فيها الشوفة بديك الطريقة : احممم ..

قيس : يالاه دوي شنو الموضوع لي شاغل بالك !!

غير فكرها فيه و هي تقطب حجبانهااا و تشجعت مزيااااان .. دورت وجهها لعندو و اعتدلات ف جلستها :
بغيت نحطو نقط على الحروف .. و باش كولشي يكون واضح بغيتك تجاوب بكل صراحة فقط على اسئلتي ! 

قيس شبك يديه و ملامحو جديين : واخا سولي .. 

ريماس : واعدني هو اللول تكون صريح !! 

قيس : كنواعدك غانكون صريح ..

ريماس حطت يديها على فخاضها كتخرج آهاتهااا .. و كترتب الكلمات ف عقلها قبل ماتنطقهم .. كيف كانت مخططة قبل .. 

رجعت شافت فيه و ردت : علاش بغيتي تزوجني !! 

سمع سؤالها و بقا كيفرك ف صباعو رجع صوب عينيه زورق عليها : حيت بغيتك ليا .. و حيت مكنقدرش نتخيلك مع شي حد من غيري .. مكنقدرش .. 

سكتات و رجعت سولت : و واش غاتعاملني خايب !! غاتبقا تحgر عليا كيف قبل ! غاتطول يديك عليا !! بغيت نعرف هاذشي !! 

زاد قرب الكرسي جيهتها و جر يديها زيرر عليهم و عينيه محيدوش علة عويناتها الخوضر : ريمااااس .. انا واعدتك مابقيتش نأذيك .. و واعدتك غانتغير على ودك .. انا اه عيبي خايب يدي سابقاني و دمي سخون .. كنتعصب بزربة .. مي ايلا كنتي نتي معايا مزيان و مكتعصبينيش مستحييييل نأذيك واخا غير بكلمة .. مستحييييل ..

باس يديها و هي عقلها دااايخ و افكارها متضاربة .. 

ريماس : ديك الليلة لي شربت فيها واش طرات شي حاجة بيناتنا !! 

قيس تبسم منين تفكر ديك الليلة : لاااا غير كنت بغيت نربككك شويااا .. ماوقع والو .. مستحيل نقيس فيك و نتي ماشي فوعيك .. من غير لاكنت حمار و مكنسواش ..

تنهدات واحد تنهيييييدة طويييييلة و حست بالراحة .. هزت عينيها لقاتو مزال كيشوف فيها و شاد فيديها .. 

ردت : بغيت نعرف شروطك من دابا ! 

قيس هز حاجب : شروط !!


ريماس : اه شروطك شناهوما بغيت نعرفهم من دابا كيف قلت ليك بغيت نحطو نقط على الحروف .. 

شد فذقنو كيفكر و رد : ماااعندي حتا شي شرط من غير انك تكوني معايا صافي هاذشي كافيني و كثررر .. 

سكت شويا و رجع نطق : نتي شنو شروطك !! قولي نسمعهم .. 

من صباح و هي كتسنا غير ايمتا ينطق بهاذ الجملة .. غير سمعاتها و هي تنطق فنفسها : و اخييييييرااا ..

اصلا على هاذشي جبدات هاذ الموضوع .. 

شافت فيه و زادت تقادات : بصراحة معرفتش واش غاتقبلهم و لا لا ..
و لكن مستحيل يكمل هاذ زواج و لا هاذ الخطبة قبل ماتنفذهم .. 
مستحيل نتزوجو أ قيس لما نفذتيهمش ..

وسع عينيه بفضول : شنووو هوووومااا !! قووولي كنسمعك !! 

ريماس : أول حاجة بغيت بابا و خويا يعيشو فشي دار تكون فشي حي كالم صغيرة ولا كبيرة معنديش مشكل غير يعيشو فشي دار نقيا و تكتب فسميتي يتهناو من فلوس الكرااا و داك تكرفيص .. 

خويا مهدي بغيتك تشوف ليه شي حاجة يخدم فيها مابغيتوش يتكرفص مزال هو مكملش قرايتو و حتا الباك معندوش و لكن نتا معروووف و ميسور غاتقدر تشوف ليه شي حاجة نقية يخدم فيها انا متأكدة هاذشي مصعيبش عليك ..
و بابا بغيتو يتعالج عند شي طبيب اخصائي و يحاولو واش يقدر يرجع ليه الشوف ديالو مرة أخرى ..

عينيها تجمع فيهم حزن كبير : 

انا مابغيت والو و معندي تا شي شروط من غير هاذشي لي قلت ..
بغيت غير نطمئن على عائلتي بغيتها تعيش مرتاحة .. مابغيتهاش تكرفص مزال .. يكفي لي داز عليهم بسبابي يكفي العذاب و الحزن لي عاشوه يكفي ديك القهرة ..

تنهدت و نزلو دموع سخااان على خدها : تقدر تقول هذا هو السبب لول لي خلاني نفكر نوافق نتزوجك .. 
اه انا شفت مادياتك قبل منشوفك نتا و لا اي حاجة اخرى و تبقا ليل و نهار تخبر عليا و تقولي غانعيشك أميرة مكيهمنيش واخا تكرفص عليا انا غير عائلتي تعيش بيخير عارفة هاذشي بزاف و لكن مهنقدرش نتزوجك قبل ماتحقق ليا هاذشي .. 

وقف و جرها من يديها و هي مافاهما والووو كاتشوفو غير عاقد حجبانو للسما : 

فين غاااادييين !! 

جرها تا ركبو ف طوموبيل و كسيرا بسرررررعة بلا حتا شي حرف


بقات كتنوح وع حلفت لاسكتت يحيى غير كيمسح على شعرووو و حاس براسو غينفجررر : شششت صافي لاش هاذ البكا !! 

زادت ف وتيرة البكا و الخناين دايزين : هءهءهءهءه كلكم كلكم حgارين هءهءهءهءه حيت معنديش عائلة تحميني و لا واليدين يخافو عليا هءءهءههءهءه ياربي اش درت فحياتي حتا ناس تجي تمسح رجليها فيا اهىىىئ اهىىىئ ..

تصددم غير كيحل فمو يبغي يهضر و يرجع يسدو حاول يتهدن باش يعرف شنو كايخرج مع فمو :

دابا انا فاش أذيتك ! ضربتك بطوموبيل و لكن نتي لفوتيف حيت دايزا من طرق ديجا انتيردي .. 

و هاكاك جبتك لوبيطال واخا ماشي من واجبي ..

و ها دوا حتا هو <حطو حداها كانو غير مراهم اصلا> 

و هاذو <جبد لبزطام من جيبو و عينيها كيبريو و مطرطقين كي موكة جبد دوك زرقات كولهم باقيين جداد و مدهم ليها و عينيه مخنزرين> هاذو للدوا ايلا خصك و لا شي حاجة ..

كانت غاتشدهم و صباعها كياكلوها شويا زااااادت ف البكا : هءهءهءهءههءهءههء كاتشفق عليا ياك هءهءهءهءهءههءه حسابلك انا سعايا ياك هءهءهءهءهءه اهىىىئ اهىىئ شد شد فلوسك عندك مخصنيش ..

شدد ف عنقووو و عرق فراشو غايطرطق رجع لفلوس لجيبو و همس بصوت باح : اللهم طووووولك يااا روووووح ..

اوكي اوكي سمحي ليا .. انا غانمشي و كنعتذر على لاكسيدون مهمتي سالات يمكن ..

يالاه غايضور يمشي و هي تنطق : اجيييي بلاتي فين غادي ؟؟

ضار و حجبانو طالعين للسما : نعام ؟؟

هزت طرف كمها كاتمسح فيه خنونتها : وا انا شكون غايوصلني ؟؟ 

حط يديه على خصرو و تفاحة آدم كتبان : اهاه نوصلك أ لالة ..

همس ف نفسو : وليتي شوفور أ يحيى فخررر ياااامك .. 

ناضت كتعرج و هازا شاكوشها .. لوات يديها على ذراعو و تصدددم من حركتهااا .. 

راه خصني نسند عليك باش منتقصحش .. 

هز راسو ب اه مابقا فيه لي يناقش .. 

هوما كيتمشاو فلكولوار و ناس معجبين فيهم و خصوصا فحالتها دايرا كي شي هايشا


وصل للطوموبيل حل ليها تا ركبت عاد ركب .. 
دار سمطة و ملامحو جااااامدة : عطيني لادريس !! 

هزت عينيها مدمعين و كتعض على شنايفها ..

يحيى : ماااالك عاود !! شنووو !! 

خبات وجهها بيديها : نسييييت مقتلك بلي جراو عليا حيت مخلصتش الكرا ... كنت ساكنا غير ف الكاريان .. هءهءهءهءه دابا عندي غير زنقة و الله سبحانه و تعالى ..

صافي سمحليا انا مغنزيدش نصدعك انزل غير هنا و شكرا على كولشي .. 

شافت فيه و حلت الباب بالعرض البطيئ كتساينو يشفق عليها و يقولها غير بقااااي ..
تا ماسمعت حس تا شي كلمة و هي تعرف ميت ليه الgلب .. خرجت و زدحت الباب بشويا و ردت و هي كاتشوف ف زاج و داخلها معصصصصب رسمت ابتسامة على وجهها : شكرااا .. و سمحلياا ..

قاد سمطة مزيان بلا متيشوف فيها و مشا كسيرا بلا مايوقف ..

تصدماااااات ديال بصح و هي ترد : صدق ولد القحبة مقطرررر نييييت ..

تمشات شويا و جبدت تيليفونها من سبرديلتها كانت خاشياه وسط تقاشر غير تيليفون عادي و حطاتو على وذنها : 

والو أ عمي مشا .. صدقت لا ديدي لا حب الملوك .. 

هو غوووووت : كيفااااااش والو ! و فلووووس دوااااا !!!
و لا غير شي حاجة كيفما كانت والوووو والووو ؟ 

تنهدددت : وااالووو والووووو .. عرفتي زقرااااام نييييت بالمعقووول .. قلبووو حجررررر ياربي سلامة .. 

يالاه غاتكمل هضرتها و هي تسمع : هييييه نتييي ..

جمد ليها الما فالركابي و بالخف رجعت تيلي لصدرها بحركة خفيفة خباتووو .. و جابت شعرها قدامها و ضارت بشوييييا .. بانليها واقف و يديه على خصرووو : 

اجيييي لهناااا ..

تحركت جيتهو و هي كتعرج : ن نعام !! ع علاش رجعتي !! 

تنهددد و يديه على عنقووو : غانديك للدار دابا انقضي شي شغال و نرجع ليك انمشي نخلص ليك الكرا و ديك ساعة ضبري راسك .. مزيااااان !! 

تبسمت بحزززن : اه مزياااااان و الله اكثر خيرك صدقتي ولد الناس و ضريف .. شكرااااا 

منطق بتا حاجة تحرك و ركب و هي تبعاتو ركبت .. 

نص ساعة و كانو قدام الفيلا .. تصدددمت و وسعت عينيها مبهووورة عمرها شافت شي دار هاكا ف حياتها كوووولها .. 

بلعت ريقها و شداتها دوخة عنقها تكوانسا عليها و هي كاتشوف ف الصور د الفيلا .. 

خرج من طوموبيل و سبقها دفع الباب و دخل مع جردة و هي تابعاه بشويا كاتشوف ف جردة و ف كولشي تماك .. <واااااو> محيدتش من فمها ..

جبد ساروت و حل الباب و هو يشوف مو نيت واقفة هي و ليلى و دخلت البنت لي معاه .. 

مو براسها بقات مصدومة كطلع و تنزل فيها .. و ليلى تخلعاااااااات ..


سلوى تصدمت ديال بصح .. غير كطلع و تنزل فديك البنت بنظرات احتقار واضحة .. و ليلى مفهمت والووو .. 

يحيى قرب جيهتهم و حنحن : احم سلام .. 

<شاف جيهة ليلى لي كتشوووووف فيه و رد بصوت خشن> مزااااال عندك الوجه تهزي فيا العييين ؟؟ هاااا !!

تسمرت فبلاصتها : ي يحيى سمعني و الله راه غايعاودو ليا الامتحان و الله مابقيت نغيب مزال و الله وووووعد ..

مطت شنايفها متوسلة .. و هو غير مخنزررررر : 

عرفتيييي أ ليلى حسبي هاذي آخر مرة غايجمعنا فيها الكلام .. 
و من بعد غاتعرفي علاااااش .. و تشوفي راسك شحال كاتغلطي و كنسااااامحك و لكن دابا منك ل قيس انا انخرج من هاذ القضية و نهني ك****

غوتت سلوى : يحيييييى واش كتسب قدامي !! يحيييييى واش بصح هاذشي لي كنسمع مالك مع ختك كي دخلتي جيتي مهجم عليهااااا بلا شرع !!! واش لي توضر لو حمارو يجي لعندها و لا كيفاش !!

يحيى : سوليها معااااامن كانت و فين كانت و نتي قرري برااااسك واش انا لي غالط و لا هي .. 

يالاه دوي فولي ليها فين كنتي و معامن كنتي كترومانساي ف 12 د نهار .. 

ليلى وحل ليها ريقها بالخلعة ورقت البلان واش عرفها مع عامر و وجهها رجع حمررررر و العرق نازل مع ظهرها : ي يحيى ع عاااااافاك بلاتي غير نشرررررح ليك ..

هز يدو شير بيها :

معندك ماتشررررحي ليااااا شفت كووووولشي ب عيييني .. سدي خرستك داااابا و تصاور غايكونو عند قيس دابا شويا .. و تفاهمي معاه اما اناااا راه عييييييت ندرق علييييك .. و نتي لابغييييتي تحشمي ما غير زايدا فيه فششتك بلا قياااااس و تنقووول لا خليها مزالا صغيرة لاااا منخسرش خاطر ..

بقينا نديرو ليك ف الخاطر تا خليتينا بلا خااااطر 

تزير لونها و دموع تحجرو ف عينيها شدتها ررررعدة غير سمعت سمية قيس جمد ليها الما ف ركابيها مكيعرفش المفااااااهمة غايعورها و غايمشي ل عامر يدير فيه شي موصيبة كحلة عااااد يتهننننى .. 

هزت صاكها و طلعت مع دروج كتقرقب بطالونها شاداها الخلعة ف مصارنهاااا .. 

سلوى تنهدت : يحييييى صافي متزيرش عليها راه هاكا دايرا هي لاش باغيين تمرضوها ف حياتهاااا 
.

كان غاينطق و اكتفى ب : لا حول و لا قوة إلا بالله 

هزت عينيها كاتشوف ف ديك البنت لي عينيها غير على دار و حالا فمها مبهوووورة : شكوووون هاذي ؟؟ شي خدااامة و لا شنوو ؟ مالها فحالا كانت فالحبس و لا كانو سادين عليها فشي بلاصة؟

ورك يحيى على سناااانو : شششششت أ ماما غاتسمعك حشوووما .. 

خرجت عينيها فيه : كيفاش حشووووما ؟؟ شكوووون هاذي اويلي ؟؟ واش مدخلي لقيطة لداري !! 

يحيى : ضربتها صباح بطوموبيل وقع اكسيدون انا الفوتيف كان ممكن نكون ف الحبس دابا ..

تخلعات و شدت فوجههو كتفحصو : اويلي يااااكما سرات ليك شي حاجة حبيبي !! بعيد الشر تدخل الحبس يدخلو عدوك 

يعد يديها من بعد ما باسهم : انا بيخير .. هي لي تقصحات فرجلها .. 
و اكتشفت انو معندها فين تمشي و ديجا معندهاش عائلة خليها غير شويا و عطيها تاكل و منين نسالي شي شغال غانجي نديها و نخلص ليها الكرا و بوان فينال .. 

ضحكت مستهزءة بجنب فمها :

واش ولدتيها ونسيتيها ؟؟ واش هاذي شي سعايا دارتها بيك ؟؟

ناري كنشم ريحتها من هنا خاااانزة <شدت نيفها بزوج صبعان> خرررجها عليااا زررربي ولا ديها لبيت د العساس غير متبقاش فداري .. 

تنهددد و هو شاد ف عنقووو : 

مااااماااا بلييييز .. راه غير بنادم فحالنا فحالها زولي يدك راه حشووووما هاذشي لي كاديري .. مااااما راك بعقلك زعماااا ..

سلوى شافتها كتمشششى و عينين البنت تالفين و هي تغوووت : هيييييه وقفييييي ..

وقفت البنت بزربة موسعا عينيها حيت كانت ساهية :ن نعاااام !! 

سلوى : وقفييييي حتا تعطيك الخدامة شي حاجة تلبسيها فرجلك ..

مشات سلوى تنادي الخدامة 

و يحيى هز بورطابلو و مشا جيهة البنت : قولي لي شنو سميتك بعدا !! 

ردت : فاتي

حرك عينيه : هازا معاك كارت ناسيونال ؟؟

وسعت عينيها : ل لا مزال ماصاوبتهاا ..

مدخلاتش ليه لراسو و لكن تناسى : مهم خودي راحتك شويا و نرجع واحد 3 سوايع .. و ماما راها شويا سوسنسيبل ماتديش عليها داكوغ ؟

هزت راسها ببراءة : واخا و شكرااا لهلا يخطيك و صافي .. ربي يخليك شووووووكرا


وصل قيس لقدام واحد البناية كبيرة جات فواحد الحي رااااااقي بزااااف و انيق .. خرج من طوموبيل و دار نظاظرو د الشمس .. و خرجت تا هي ..
هزت عينيها معرفت فين هاذ البلاصة بقات غير مستغربة كتشوف ف البنايات لي مفرقين و مكاينش حس بنادم الشانطي اللخر نقييييي و سكاااااات : قيس فين حنا !! .. 

جرها من يديها بلا تا شي تعبير ملامحمو جاااامدة .. و مشاو ركبو ف الأسانسير ..

ضغط على زر د طابق 4 و الجو مكهرب بياناتهم .. 
سكاااات .. تحل الاسانسير و خرج سبقها و هي تابعاه كتزرب فالمشية كي شي بنيتا صغيرة .. 

وصلو قدام واحد الباب جبد الساروت حل و دفع الباب .. 

نطق بصوت خشن : دخلييي ..

سمات الله ف خاطرها و دخلت و هي مكمشا يديها على حوايجها .. الخطوة الأولى لي خطاتها فوق ديك الأرضية د الخشب .. 

و هي تلمح دار كوووولها خاوية مافيها تا شي اثاث غير الخشب صافي و واحد المنظر رووووعة كيطل من زاج على المدينة كووولها .. 

مكانتش الدار كبييييرة بزاف و لكن كانت كالم و انيقة .. 

بقاو عينيها كيضورو و يستكشفو المكان : علاش جينا لهنا !! 

تحرك شويا و يديه فجيوبو : ممم هاذي كنت خديتها شحال هذا .. كنت قلت ايلا نجحات ليلى و خدات الماستر غادي نعطيها ليها كادو .. و قلت حتا تفرشها على ذوقها .. 

مي هاذي اعتبارا من اليوم غاتكون ل باباك و خوك .. و غانوجد لوراق باش نكتبها ف سميتك .. ف أقرب وقت ممكن .. <حك لحيتو> معرفتش يمكن صغيرة ؟ ايلا معجباتكش اتس اوكي نقلبو حتا تشوفي لي عجباتك .. و من بعد نشوفو شي مهندسة ديكور تعاونك تفرشيها .. 

بقات ساكتة و هي كاتشوف ف عويناتو لي منعكسة عليهم اشعة الشمس و رجعت زروقيتهم خفيييييفة و كتسحر العين .. 

تبسمت ممتيقاش : واش بصح !! ز زعما هاذي غاتكون ل بابا و خويا !! 

تبسم بجنب فمو و عينيه مركزين عليها كان متكي على جنب الحيط و ربع يديه : اه هاذشي طبعا ايلا عجباتك ..

جمعات يديها لعندها ممصدقاش : كيفاش ماتعجبنيش و هي زويييييينة بزااااف ماشي غير زوييييينة .. اوووف بزاااااااف ..

<دارت عندو بحركة عفوية و كلها حماس> نقدر نشوف لداخل ؟

هز راسو ب اه و مشات بزربة طلت على المطبخ لي فيه تا هو نافدة كبييييرة فحال البالكون مدخل الشمس .. و الحمام و بيت نعاس و كولشي حمقهاااا ..

خرجت فرحااانة و قلبها كيضرب بقوووة : زوييييينة بزااااااف .. <سكتت شويا وردت> ش شكرا قيس .. عارفة غاتكون كلفاتك بزااااف و لكن اقل حاجة ممكن نقولها دابا هي شكرا ..

حنات راسها و قرب جيهتها .. جمع وجهها بين يديه و عينيه على ملامحها الهادئة : لو تقوليلي نزل ليك النجوم من السما نزلهوم ليك .. غير تكوني لي مرتاحة .. 

تلبكت بشوفاتو و قلبها كيضررررب معرفت مالها كتخربق هاكا .. حط يدو على كتفها محاوطو و نعت بصبعو جيهة زاج : كيكون المنظر زوين بالليل بزاااف من هنا .. 

تبسمت براحة : و اخيرا غايعيشو مرتاحين هاذشي لي كنت باغا تحقق الحمدلله


باس فوق شعرها : غانحقق ليك اي حاجة تمنيتيها .. غير تكوني معايا ديما و متبعديش عليا ..

تقابل معاها و هز يديها بزوج طبع عليهم قبلة هاااادئة و عينيه عليها .. 

ريحتو الرجولية تغلغلات داخل ريتها و رجعت كتنفسها ف كل ثانية و عينيها مقدرتش تزولهم من على عينيه لي حستهم بحال شي مغناطيس كيجرها بقوووة ليهم ..
و كتسبح فديك الزرقة لي كتلمع مابقاتش كاتشوف فيها الغموض بحال اللول رجعت واضحة وضوح الشمس فنهار زوين .. 

حست بلمسة يديه الخشنة و هو كيحرك صبعو على يدها بلطف باغي يقول شي حاجة و متردد ..

كيحل شنايفو و يرجع يسدهم و يعض عليهم .. خربق شعروو تا رجع على عينيه لي تايهين .. 

و رجع شدها من خصرها بحركة خفيفة جذبها لعندو و لصق جبهتو مع جبهتها و انفاسو السخونة كتضرب على وجهها و كتزيد تخدرها : ريمااااس ..

صافي هي حست بالعصافير كيلعبو فمصارنها و رجعت داااايخااا بالطريقة باش نطق سميتها و مخارج الحروف لي كانت اسثثناء منو هو .. واحد صوت لي كيلعب بمشاعرها و بعقلهااا .. 

شخصيتو الرجولية و ملامحمو الجذابة منكرتش انها غراتهاااا و حركت فيها بزاااااف فداخلها تعيااا تقااااوم متقدررررش تتحكم بأحسايسها .. 

زاد ضغط بحركة خفيفة على خصرها النحيف و رد بصوت منخفض كيهمس ليها : مغاتعرفيش شحال كانبغيييييك و كنمووووت علييييك .. لدرجة خايبااااا مقادرش نستحملها كثررررر مزاااال .. 

هز يديها لي فاشلين عليها اصلا بهاذشي لي كيوقع دابا..
حاسا بحالا مرفوعة ف سابع السموات و غير الجسد لي حاضر و روح غايبا عن الوعي .. 

حط يدها على قلبو : 

ف كل مررة كيضرب هاكا سوا كنتي معايا سوا كنتي بعيدة كانبقا غارق و انا كنفكر فيك .. معرفتش شنو كيوقع لياااا .. مقادرش نحبس دماغي و نشغل راشي بشي حاجة اخرى .. مقادرش مبغيتش نبعد عليك واخا غير ثانية .. 

ضغط على شنايفو تا رجعو حمرين و قوس حجبانو :

متعذبنييييش كثر من هاكا أ ريناس كنترجاك و متبقايش تعامليني بهاذ الجفاء .. اه عااارف عاارف كنت حمار و كلب و أذيتك و لكن عمرني نعاود عمررررني .. عمرني نأذيك .. انا مكنتش لخاطري كانتصرف هاكاك كنقسم ليك ماشي لخاطري

هز خصلة من شعرها مرجعها للور و باس ف جبهتها و سندها لصدرو مزيرررر عليها : شفتي حتا الموت مغتبعدنيش عليك .. انا غانبقا ديما فجبنبك و غانحميك من كولشي ..

سكتت معرفت باش تجاوب و لا اشتقول .. حتا تسمع صوت تيليفونو لي كيصوني .. 

هز حاجب : و جبد تيليفونو و هي بعدت شويا كتمعص فيديها ..

وي يحيى شنوووو ؟؟ 

جاوب بصوت حاد : ايمتا غاتمشي للدار ؟؟

قيس : ممم معرفتش واااي ؟؟

يحيى : ليلى 

قيس عينيه على ريماس لي مشات كطل من زاج : مالها ؟ دارت شي مصيبة عاود ؟؟

يحيى : سي .. بغيتك نتا تدوي معاها هاذ المرة .. رد ليها عقلها ..

قيس قطب حجبانو : مالها شنو دارت عاود ؟ ماجيتي قلتيها ليا تا فاض الكاس عارفك ديما كتستر عليها 

يحيى : لقيتا مع عامر شوفور معرفت اش قاليها راسها .. و الغومونتيك و فايتا الامتحان و عاطاها للدوران و تفليا .. مهم نتا راك عرفتي ليلى عبيطة لي جا ايتفلى عليها مهم انا عييييت هضر نتا معاها خلعها شويا ..

قيس : صافي خرج هاذ سوق .. انرجع للدار و نتفاهم معاها


خرج يحيى و بقات هي كتضور عينيها فالدار و كتبسم غير بوحديتها .. تا جات الخدامة حطت ليها بانطوفة و طلعت و نزلت فيها ..

زولت سبرديلة و تقاشر و خشات رجليها ف ديك البانطوفة د ريش كانت مرييييحة .. 

شافت ف الخدامة : نتي خدامة عند هاذ الناس ياك ؟؟

حركت سعاد راسها ب اه : خاصاك شي حاجة ؟؟

غمزت ليها فاتي : داخلنا عليك بالله واش هاذي دار و لا قصر ؟ ياختشي خفت غانتلف .. اش سماك الله بعدا تا لاتلفت نعيط ليك 

تنهدت سعاد كارهة تشارك الهضرة مع هاذ المخلوقة : سميييتي سعااااد ..

ضحكت فاتي و جيدت واحد المسكة بدات تمضغ فيها : مشرفين انا فاتي .. وا سيري أ ختشي ديري ليا منجغدد راني عاد خارجة من صبيطار 

سعاد تنهدددت و باين فيها تعصبات : منين يوجد غانعيط ليك ..

ومشات كتنطر غير دخلت لكوزينة لقات حنان لي كتغني و ضاربا دنيا. بركلة : غني غني أ ختي نتي لي جات معااااك ..

ضارت عندها حنان : شوفي شوفي واش هاذ الكحل جالي مع عيني ؟ 

سعاد : اووووف .. نااااس ف ناااس و القرع ف مشيط راس واش نتي عندك شي عقل و لا لا ..

حنان : مااالك اشكاين كاع بالسلامة ؟؟

سعاد : سيدي يحيى أ ختي جاب واحد المسطية للدار و تشوفي حالنها مادخليهاش من الشتا و باين ف عينيها التشيطين غير كضور فيهم كي موووكا .. 

حنان : و حنا مالنا سوقهم هذاك .. ياك ديما كنقوليك دخلي سوق راسك الله اجعلهم ايجيو تا الكلون حنا مامشا لينا والو 

سعاد مابغاتش تضرط ليها : سي قيس جايب وحدة و يحيى زعما لي مول العقل جايب هاذ الهبيلا .. و زايداها ب الأوامر .. و تبرgيييييg يخخخ على مااااركة .. 

حنان تنهدت : وا باز ليك أ ختي كتهزي ف قلبك بااااز ..

عند فاتي ..

بدات كاتمشى بخطوات صغار و عينيها على كل قنت : احححح اش هاذ الخيييير ياربي هاذي راه جنة .. الله أ عمي بوشعيب كون غير تشوف هاذشي لي كانشوف كون دختي .. 
ويلي تيليفوني اشكايدير ..

جبداتو من صدرها و دخلت لكاميرا لقاتها مشخشخة و هي تردو : تفووو يخخخ ..

بانو ليها المرايات و الورد معلق .. و ريخة زويييينة فالجو ..

احححح ياربي خلي ليا هاذ شويا د العقل نستوعب بيه اش كنشوف ..

هزت عينيها ف ديك الثرية الكبييييرة لي مدلية ف قلب الدار و نازلة بزاااف .. و ديكورات فكل جهة ..

قربت جيهة واحد الفاز كبيييير مرصع بالأحجار و لونو كيبريييي .. و شكلوو باين واااش غاااالي مافيه لا ورد لا والو هزاتو و كان ثقيييييل مقداتش عليه : 
ويلي وييييلي هذا لابعتو غايعيشني واحد 10 سنين بلا منهز الهم لشي حاجة ..

زادت تمشات و ردت البال للصالون العصري و صالون تقليدي تا هو داكشي على حقو وطريقو .. و فسحة كبيرة مفرشا و مقااااادة و المطبخ .. و الدروج جاو وسط الدار .. و كتبان جريدة .. 
و حس وسخو وحدة مكايناش ..

وقفت ف المطبخ عليهم و ه ما كانو مجمعات عليها سمعت نص فهضرتهم غير نطقت و هوما يتهزو بالخلعة حيت مدارتش الحس : 

وجدتو ليا ما نقصي ولا غير نميمة ف عباد الله ؟؟ 

سعاد ورررركت على يديها و شافت ف حنان و همست ليها : و شووووفي ياختي لسانها سليط ..

حنان تبسمت : كووولشي واااجد أ ؟ شنو سميتك 

هي حط يد على خصرها و عوجت فمها : فاطمزهرا و لكن معروووفة ب فااااتي ..

حنان : واخا أ فاااتي كولشي واجد .. 

مشات جلست ف ديك صالا مونجي حداهم نيت د زاج .. 

و حطت ليها حنان كولشي و كتبسم ماباغا صداع عكس سعاد لي مكرهتش غير طير عليها .. 

فاتي تصرط و تشوف ف الكوزينة و باب جردة لي محلول : مهلييين فيكم هاذ الناس ياك !! 

حنان : اه الحمدلله ..

فاتي : هممم مزياااااان 

سعاد كتغمز ل حنان و راسها غينفجر


وصل الليل كانت 12 .. 

قيس دخل للدار ..

دور عينيه بانتلو مو مفرجا هي و باه ف تلفزة ..

سعاد هازا بلاطو لفوق و هو يوقفها : ليلى مزالا فايقا ؟؟

تبسمو عينيها و هي كاتشوف فيه : وي سيدي فايقا غانطلع ليها نيت عشاها ..

خربق شعرو و رد بصوت خشن : ماشي دابا .. منين نزل طلعيه ليها ..

حنات راسها : واخا سيدي ..

طلع لعندها دق هو اللول عاد دفع الباب ..

لقا ليلى مكمشا ف بلاصتها و كتمسح ف عينيها لي وارمين بالبكااا شادا كلينيكس فيديها و حالتها كاتخلع .. 

غير شافتو و هي تزيد تخلع و كبر خوفها كثررر كثررر اصلا من صباح و هي فحالا جالسا على جمررر .. عرفت بلي يحيى مرحمهاش و محنش فيهاااا .. هزت ظفارها كتعض فيهم و دموع غير نازلين .. 

سد الباب و قرب حداها و جلس فوق سريرها .. كيشوف فيها بملامح باردة و ربع يديه : 

علااااش هاذ الدمووع همم ؟؟

سكتات و غير صوت شهقاتها لي كيتسمع ..

قيس : منين ندوي معاك شوفي فيا .. 
و قولي ليا علاش هاذ الدموع و هاذ الحالة دابا !! 

هزت عينيها فيه و كتفرك ف صباعها : ح حيت هءهءه ي يحيى قال ليك ديك الهضرة هءهءهءهءهء .. م منعاودش و الله .. مابقيتش نشو نشوفو مزال غير متأذيهش .. ع عافاااااك هءهءهؤ 

قيس مد يدو ليها : عطيني تيليفونك 

هرب دم من وجهها و همست : ع علاش !! ش شنو بغيتيه !!

خطف تيلي من يديها و هي هرب كتقفقف : عرفتيني كي داير و هضرتي مكنبغيش نعاودها زوج مرات ..

وقف و جبد حتا تيليفونو قيد نمرة عامر عندو ورد ليها تيليفونها : شنو بينك و بينو ؟ و من ايمتا هاذشي !! حتا وليتي ماكادخليش كاع لمحاضرات ديالك .. كلشي كيتشكى كووولشي .. 

ليلى زادت فوتيرة بكائها : و الله أ قيس مابيناتنا شي حاجة غير صديق صافي .. 
عافاك أ قيس ماتمشيش ليه الله استر عليك هءهءهءه ماتمشيش لعندو عافاك و الله مابقيت ندوي معاه و الله هءهءهء و الله مابقيت ن ن نعاود اهىىئ اهىىئ ..
و مابقيتش نغيب مزال اهىىئ هءهءهء 

قرب جيهتها و باس فوق شعرها بملامح جاااامدة و عينيه ظلااااام : شششت غادي غير ندوي معاه و صافي .. يالاه نعسي .. سيري غسلي وجهك هو لول و ارتاحي ..

رما ليها هاذ الكلمات و خرج .. 

بقاو يديها كيترعدو و غادا حايا فواحد الدائرة هزت تيليفون و عيطت لرزان جاوبتها بزربة : ليييلى صافا طحبة ديالي ؟ 

ردت ليلى بصوت متقطع بالبكا :

هءهءهءهء ع عتقيني ع عتقيني ق قيس ساق ليا الخبار واش كنعرف ع عامر هءهءهءه و د دابا غايمشي ليه .. 
هءهءهءه خفت يضربو هءهءهءه ي ياربي ي ياربي شن شنووو ندير أ رزاااان شنوووو ..
صافي تبلووووكيت هءهءهءهءه 

رزان : نااااااري على بلاااان .. شووووفي ليلى سمعيييني متخافيي والو عامر بعقلو غيعرف يهضر معاه واش نتي حمقة مغاديش يضاربووو متخاااافيش .. 

ليلى : واااش كدوي بحالا مكتعرفيش قيس هءهءهء

رزان : تهدددني أ صاحبتي شوفي هانا جايا عندك واخا ليل هذا .. غانسلت على بابا و نجي دابا نيت ..

ليلى : اوووكي هءهءهء ..

رجع نيفها حمررر بالبكاااا و يديها كايرجفوو شويا سمعات صوت طوموبيل د قيس .. مشات جيهة شرجم و حرت ريدو و هو يبان ليها تحرك بزررررربة مخلي غيررلعجاج موراه .. 

تتهز قلبهاااا من بلاصتو .. مشات نيشان هزت مونطو لاحتو عليها و خرجت كتجرررري ركبت ف طوموبيلتها و كسيرات


من بعد نص ساعة وصل قيس عند عامر للحي ديالو .. و رد البال انه نفس الحي د ريماس .. تعججججبب بزااااف من هاذ الصدفة الغرييييبة .. 

مشا للعنوان و بقا مصغر عينيه ف الباب و ف العنوان لي فتيليفون .. 
زاد بخطوات للقدام و دق المرة لولا لمرة ثاااانية حل ليه رشاد لي هز راسو فيه حيت قيس طوييييل بزاف : ممم شكووون نتا !!

قيس : تقدر تكلم ليا عامر ! كاين !! 

رشاد حرك راسو ب اه و مشا كيناديه ..
خرج عامر لابس قبية كحلة و سروال كحل و لحيتو يمكن عاد قادها و شعرو عاد حسنو و نقصو من جناب و مصاااوب كولو كيبان غزاااال ..

غير شاف وجه قيس و هو يستغررررب شنو جاي يدير فهاذ الليل عندو .. مد يدو ليه : 
احم سلااااام 

قيس بادلو السلام : ممم واخا تجي ندويو واحد 5 دق ! 

عامر هز حاجب بفضول : دخل مرحبا بلا متوقف عند الباب ..

قيس هز صباعو كيبعب بيهم فوق حنجرتو : لا غير خلينا برا حسن ..

عامر شاف ف رشاد : كمل آخر سطر ف الpويزي و شرب كاسك د الحليب عاد نعس صافي !! 

رشاد : واخا خويا 

خرج عامر و يديه فجيوب د قبيتو ديك زنقة كانت خاااااويااا و قليل بنادم لي كايتخطر ..

لقا قيس داير يديه على خصروو ..
غادي جاي غير شافو و هو يوقف و خنزر فيه شويا :

ممم ممكن نعرف فاش بغيتيني !! 

قيس : كنظن واااااضح علااااش بغيتك .. 

جبد تيليفونو و دخل للتصاور و قربهم لوجههو : ممم دابا كنظن واضح !! 

عامر عض على شنايفو و كشر تا بانو نيابو و هز يد كيحك بيها حاجب تحرج فاش شاف تصاور معنق فيهم ليلى و كيضحكو : 

وي فهممت ..

قيس رد تيلي ل جيبو : سوو باش كتوضح ليا هاذشي ؟؟ عندك شي تفسير ؟؟

عامر تنهددد و بدا كيمسح ف عنقو : كنتمنى تكون مأذيتيهاش بسبابي !! 

قيس : مكيهمكش واش نأذيها و لا لا ..

غاتشرح ليا دابا واش كتفلا على ختي و لا شنوووو ؟؟ 
و دايرها غير نزوة ! و لا حيت مزالا صغيرة و مشارباش عقلها قلتي ندوز بيها الوقت و نلعب بعقلها البنت مابقاتش كاع كاتمشي لافاك الغياب عشرا لزيرو !! 

عامر : مكنتفلاش عليها و عمرني تفليت على شي بنت ف حياتي كلها حيييت كنحترم راسي هو اللول .. و مامربيش على هاذشي .. 

زايدون مكنتش عارف واش كاتغيب حتا قالتها ليا ليوما بالصدفة و تعصصصبت حيت مستقبلها كايهمني كثر من اي حاجة و عمرني نبغي لسها الخايب .. 
ليلى كنبغيييييها بزااااف و عمرني فكرت نأذيها و لا شي حاجة .. و ايلا كتاب و سهل عليا الله غنتزوجها خصني غير شويا د الوقت ..

قيس زيرررر على فكووو و كيبان صدرو المبرونزي من القميجة هز صبعو سبابة بتهديد : سمععععني مزياااااان 

ليلى هي عيييينيا لي فكر غير يحط عليها ظفر وااااحد كانقطعلو يدووو كااااملااااا و مكنرحمووووش .. 

و ليلى غاتنساها عليك .. خصها تديها فقرايتهااااا داااابااا ماشي تبقا مقابلا ليا خيطي بيطي و تضيع مستقبلها .. 
نهار يسهل عليك الله اجي ديك ساعة 
مرحبااااا .. تاحد مغايقولك لا .. سمعتييي !!


عامر تقرص شويا من هضرتو حس بواحد الفارق شاااااسع بيناتهم .. 
و ضرووو قلبووو على هاذ الفلوس لي دايرا هاشي كاااامل ..
حس فعلا بلي ليلى ماشي بحال كاع ناس مختلفة عليهم كلهم ..
حيت عمرو حس معاها بداك الفرق واخا هي عندها الحبة نيييت و كولشي و لكن جوهرها نقي و صافي كي الحليب .. 
نزل عينيه و رجع شاف فيه بنفس النظرة الصارمة .. 

ان شاء الله ..

قيس مد يدو سلم عليه : تهلا فراسك ..

عامر بصوت مبحوح : بسلامة ..

تا كان غادي و رجع : بغيت غير نقولك حاجة اخرى قبل مانمشي .. كون محسيتكش ثقة مكنتش انمشي بهاذ السهولة .. 

طول فيه الشوفة و حرك عامر راسو بإيماءة ..

عاد مشا قيس ركب فطوموبيلتو و غبرررر ..

و هي تنزل ليلى من طوموبيلتها بالبيجامة و بانطوفتها كتجري وقفت على عامر كتنهج دمعة و خنونة تصددددم فاش شافهاااا : لييييلى شنوووو جاااابك فهاذ الوقت !! 

هزت راسها فيه و يديها كيترعدوو : هءهءهء قالك تفرق عليها يا ياك هءهءهء هءهءهءءهء غ غاتخليني ي ياك ! هءهءهءه ..

شدها من يديها جرها لطوموبيلتها و هي تيبس رجليها ف الأرض و عاد مازادت ف البكى : هءهءهءه ع عافاك عامر م متديرش ه هاااكا .. هءهءهءهءهءهء ع عافاك هءهءهءهءهءه 

شد وجهها بين يديه و كيمسح دموعها بصبعو : شششت متبكيش صافي .. علاش هاذ البكا !! منخليكش واش انا مسطي !! اجي لهنا اجي يا هاذ الحمقة ديالي ..

جرها عنقها و كيمرر يدو على شعرها : ماتبكيش صافي غاتمرضي هاكاااا .. شو كيف كاترعدي .. لييييلى عافاك صااافي باااراكا .. 

باس خدودها و شنايفها لي حمرييييين : شششت صافي باراكا على هاذ العوينات ديالي باااااراااكا .. 

ليلى : ش شنو قااالك !! غ غير قولي ش شنو قالك !! 

عامر : ممم قالي خدم و منين تكون مستعد اجي تزوجها تا حد مايقولك لا و لكن دابا خاصك انتي تقراي و تنجحي .. باش تفرحيهم .. و نتي لمك عاطياها للغياب و ماكاتمشيش لامتحاناتك شنو ندير ليك دابا ؟ 

فرحوووو عينيها ممصدقاش : و واااش بصح هذا قيس قال هاذشي عافاك م متكذبش عليا هءهءهء عافااك واش قيس قال هاذشي ؟ لا ميمكنش ممتيقاش


عامر : مكنكذبش و الله هاذشي لي قال .. واش بغيتي نتزوجو !! 

هزت راسها بزررررربة ب اه و عينيها باينا فيهم الفرحة و كيلمعوووو بقوووة ..

عامر : يعني خصك تنجحي و متبقايش تغيبي .. سمعتي ولا نجبد ليك دوك الوذينات ؟

ليلى ضحكت وسط دموعها : ههههههه سمعت سمعت 

طلع ركب و ركبات حداه مخلاهاش تصوg فهاذ الحالة خاف عليها : ياربي علاش بليتيني بهاذ المسطية خارجة ف نصاصات د الليل بلا متفكر دقيقة وحدة ..

دارت سمطة و تحرك ديمارا : رشاد نعس ياك !! 

عامر : اه غايكون نعس كنت كنحفظو ساعة بانلي عيان شويا قلت ينعس حسن .. 

ليلى قربت و حطت راسها على ذراعو .. 

تبسم عامر بجنب فمو : فين كان عقلك فاش جيتي فهاذ الليل تخيلي يكونو كايقلبو عليك دابا اشنو غاديري من مشكلة ل مشكلة مكتستاراحيش ! 

ردت بصوت منخفض : حسابهم واش عند رزان اتافقت انا وياها .. 

رجعت حركت راسها بحالا طاحت فبالها شي فكرة : لقييييييتها لقيييييتهااا 

عامر : ماااالك خلعتيني !! 

ليلى : انبات معاكم و يحسابهم واش انا عند رزان بايتا معاها هههه واااو علاش مفكرتش فيها من الأول ..

عامر دار فيها واحد شوفة د الاستهزاء و هز يدو كيصفق : 

الذااااكاااا الله ارضي عليك و صافي باش نيت تكمل الباهية و يجي خوك يدفننا بزووووج و نتوانسوو .. 

ليلى : عاااافاك أ عااامر عاااافاك و الله مايعيييقووو و الله غايخسابهم غير عند رزان ..

عامر : لااااء غاتباتي فداركم قالاك .. مالك زربانا على خبزتك .. موحشاني تال هاذ الدرجة امممم .. 

بقات تتضحك : بغيت نعس معنقاك تاال الصباح ..

وحل ليه ريقو من جرأتها و تفاحة أدم كتحررررك تيزيد يتصدم فيها كل مرة بديك العفوية ديالاها لي معندهاش الفرانات :

لييييلى <هز يدو قاس جبهتها> واش مريضة !! 

مطت شنايفها مقلقة : وااا شنووو فيهاااا !! 

عامر : فيها شيطان ولد الحرام .. الله انعلووو و اخزييييه ..
ليييييلى روووحي حبيبتييي غاتوصلي للدار يااااك اطلعي لبيتك و تنعسي صافي ! 
لعندك شي مخدة عنقيها و نعسي .. تخيليها انا تا يصبح الحال ..

عقدت غوباشتها و جلست ف القنت كتخنزر فيه : 

موحال واش شي وحدة وصلت لهاذ سطاج د تطلب لي كاتبغيه باش تبات معاه موووووحاال .. واش كاين شي حمق كيرفض ؟ 

عامر : اه كاين انا .. سمعيني مزيان غاتمشي تنعسي ترتاحي و غدا لافاك غاتمشي ليها يااااوييييلك نسمع درتي شي مشكلة .. 

ليلى : و مغانتشاوفووش !! 

عامر مركز ب عينيه على طريق : ممم معرفتش .. حتا. نشوف كيفاش


وصلت ليلى للدار دخلت و هو يبان ليها يحيى و قيس جالسين كيشربو القهوة و مجمعين على شي حاجة ..

غير لمحها يحيى و هو يوقف تحرك جيهتها : فين كنتي حتا داخلا مع هاذ الوقت ؟؟ 

خنزرت فيه و مجاوباتوش .. طلعت كتنطر ..

مسح وجههو و شاف ف قيس : شفتيها ياك ؟؟

كان حاط رجل على رجل و كيرشف من قهوتو : خليها عليك .. صافي غادير عقلها بزز منها ..

يحيى وسع عينيه : ايلا مزال شفتها مع داك **** غانقسمها هي وياه .. باش تديها فقرايتها شويا تبقا تسلgط علينا ..

نطق قيس بصوتو الجوهري : كلمة وحددددة أ يحيى قلتها .. صافي هي راه فهمت دابا مزيان و غاتفادى صدااااع هانتا غاتشوف .. 

مهم غدا غاتفيق بكري .. باش نمشي ناخد شنو خاص ..

يحيى تبسم بمكر : اححح هي ساط بيخطب و بيججمع شمل <غمزو> ..

تسمع صونيت ف الباب و مشات سعاد حلات كان علي .. 

.. غير دخل و بدا تيضحك : هاي هاي مجموعين بلا بيا ..

يحيى مشا سلم عليه : على سلامتك فراسي جيتي لبارح من كاليفورنيا .. و مجيتيش شفتينا أ ز** 

علي : الله اسلمك .. و الله ايلا جيت مسخسخ دياااال بصح الستريييس و مرضت مرضا خايبااااا اما كون جيت و الله .. 

قيس وقف و سلم عليه : أ سيدي آمننا بالله .. 

ضحك علي تا بانو حفيرات زين ديالو : هي الخطبة غدااا !! 

قيس : دخل بعدا و نتا بحالا مركبين ليك الحجرة 

دخلو لديك الفسحة و جابت سعاد القهوة وبان-كيك حطاتو .. 

علي : واش ديك درية نيت ريماس ياك !! 

يحيى غمز ليه : و شكون من غيرها .. دات ليه العقل تقول جاوه طلامس صافي ..

قيس كيحك ف ذقنو : 

ايوا الحب مكيشاورش الواحد هو لي يدير عقلو و يكمل دينو ماشي بحالكم أ زوامل تابعين ليا القصاير و القح*** ..

يحيى و علي بقاو كيشوفو ف بعضياتهم معجبيييين : 

سبحان مبدل الأحوال حاس براسي بحالا كنحلم شكون قال قيس يولي معقول هاكا هههههه تقول غا شي داعية كيدوي 

ضحك يحيى : ايوا سي الفقيه بغا يكمل دينو مانزيدوه غير الخير .. 

قيس : شنو دابا باغيين طلعوها عليا ! 

علي : حاشا علاه حنا نقدرو ! 
مقلتيش ليا كيف دارت حتا وافقات !! 

قيس وقف و هز تيليفونو : دخل سوق راسك .. انمشي نعس فايق بكري .. 

و بقا هنا تال غدا سعاد اتصاوب ليك شومبر .. 


صبح صباح جديد و شرقات شميسة لي منورا الدنيا و الجو هااادئ و واحد النسيم خفيف محرك .. 

كان قيس فاق بكري قبل من كولشي. اصلا مقدرش يديه نعاس ..

مشا قاد شعرو لي نقصو من جناب شويا ..
و خلا داك الفوق مسبسب و خصلة نازلة شويا على جبهتو ..
توجه للدريسينغ روم .. و احتار معرف شنو يلبس .. 

تعصصصب نيييت بقا كيشوف فدوك القوامج و كولهم زوينين و الوانهم باردة .. هز وحدة لبسها مع واحد سروال ..

سمع دقان ف الباب و مشا حل بانتلو ليلى لي همست بصوت مكسوووور و باااااح بالرواح :

صباح النووور ..

قيس : اشنو مفيقك فهاذ الوقت !! 

ليلى دفعت الباب و دخلت : ياك غادين ل عند ريماس ! 

حرك راسو ب اه .. 

طلعت و نزلت فيه : واش منيتك لابس هاذشي قميجة زرقا و شورط جينز واش غاديين نتبحروو و مفراسيش ؟ 

نزل ب عينيه كيشوف فحوايجو و عاقد.حجبانو : علاااش مالهم جاوني ه ما هاذوك ديجا الجو كالم بزاف ؟؟ 

وقفات و مشات كتشوف بين دوك القوامج و هي تجبد وحدة بيضا و ثوبها خفيف و بااااارد : اممممم هاااذي زوينة .. ممم بقا سروااال دااابا ..

بقات كتقلب و هي تهز واحد سروال كحل د ثوب و معريضش كان سليم : دخل لبس هاذشي و حيد ديك الفضيحة ..

مشا دخل لبس داكشي و خرج جااا غزاااال بمعنى الكلمة واتاتو القميجة و بينت كتافو العراض و طولتو و داك صدر المبندر.. 

قربت جيهتو و تنات ليه الكمام شويا .. 

شافت صدرو لي عريان و هي تغوووت : سد سد دوك صداف واش عاجبك صدرك ولا باغي توريهم عضلاتك ؟؟ 

خنزر فيها : راه غادي نوطا عليك .. شويا د الاحترام و نتي غاتفرفري .. لااا ضربيني حسن 

ضحكت و هي تنطق : وا سد غير صدفة داك طاطواج راه معيق و يمكن عائلتها محافظين غاتبان بحال شي مافيوزي ..

هز براسو محركو قال ف نفسو اه عندها الحق ... و سد صداف بقات غير وحدة محلولة ..

رجعت للور و هي تنطق : داااابا مزيااااان .. perfect 

قيس : سيري لبسي عليك .. دابا باش منتعطلوش .. 

خرجات كضحك حسات بيه بحالا تالف غا بوووحدو .. 

لبس سبرديلة اديداس .. و دار مgانتو رولكس فيدو .. 
هز بارفان ديالو رشو .. و شاف شوفة اخيرة ف المرايا .. 

Okay I'm ready now .. 

هز تيليفونو و كونطاك و خرج .. 

لقا يحيى لابس و مقاد : يحيى انا غانسبق ناخد الورد و داكشي و من بعد نتلقاو ف الحي اوكي !! 

علي عاد نازل مع دروج و كيتفوه مزال مبوق بالنعاس : هههه ناس فايقين بكري 
..

يحيى : صافي كون هاني .. 


فاقت ريماس بكري جمعت الدار و دارت بيها مزيان طرفات كولشي و ضربت تسييقة بالخزامة والورد ..
و جابت شي ديكورات حطاتهم .. زينات بيهم .. 

و بدلت لاناب د الطبلة و حتا الخوامي بدلاتهم .. 
كولشي رجع كيشعل بالنقا .. و رشت شويا د الريحة .. 

مشات دوشت حيدت العرق ديال الشقا 
عاد دخلت لبيتها .. مشات لواحد شنطة كانت ديال مها حاطاها فوق الماريو نقزت تا جرتها و جبدتها .. 

حلاتها و جلست تربعت فوق الزربية .. كتشوف ف حوايج ماماها مطويين و مقادين و مستفين مررت يديها عليهم ببطئ .. و عينيها تغرغرو بالدموع قدرت تستنشق ريحتها الطيبة لي مزالا عالقة فيهم ..
و رجعت بيها الذكريات للوراء لمرحلة .. طفولتها للأوقات لي دوزتهم مع مها واخا فأشد لحظات مرضها كانو اوقات من ذهب عمرهم يتعوضو ..

كلشي هاذ ذكريات دازو قدام عينيها بحال شي شريط و ابتسامة ماماها قدام عينيها .. 

تمنات من اعمااااق قلبها لو كانت معاها مزال تساندها و ترضي عليها .. نطقت بصوت مكسور : 

ياريت أ ماما لو كنتي بجنبي و كنتي مزالا معايا ..
توحشتك بزاااااااف بزاااااااف .. الله ارحمك ياربي ..
الله ارحمك و اجعل مثواك الجنة ..

هزت واحد الشال شماتو و سدت عويناتها و داك العبق هدددنها بزاف ..
رجعت قلبت حتا لقات واحد القفطان لونو وردي باااارد و سااامبل بزاااف .. جبداتو و رجعت الباليزا فين كانت .. 

لبسات داك الثوب الناعم على جسمها.. و تقابلت مع المرايا جاها كيهبل مع طايتها زوييينة .. 
طلقت شعرها على راحتو و جمعت شي خصلات للور ..
دارت ماكياج غير خفيف .. و عكر بااارد و حلقات فوذنيها جات مسرارة واخا غير بهاذ اللمسات لي بسيطين ..
هزت ريحتها لي عادية د العبار رشت منها و رشت حدا معصم يديها .. 

تنهددت و نطقت : ياربي يدوز كولشي مزيان ياربي ..

غير خرجت و هي تلقا باها لابس مزيان و نقي كي ديما .. النور كيبان على وجههو : بنتي ريماس اجي الله ارضي عليك اجي لعندي ..

قربات حداه وباست يديه : بابا ياكما خاصاك شي حاجة ؟ 

هز يديه بزوج كيمررهم على وجهها و شعرها و ملامحو مبتسمة بفرررح : 

ماشاء الله على بنتي غاتكوني جيتي منورة بحال ديما اجمل بنت و و اجمل وريدة فهاذ الدنيا الله احفظك و انورك ليا .. 

باست يديه : امين ياربي امين ..

جلس و جلسات حداه : ياكما خاصاك شي حاجة أ بنتي كلشي مزيان !! 

ردت ريماس : كولشي هو هذاك أ بابا ماخاصا تا حاجة .. 

حرك راسو ب اه و يديه فوق العكاز .. 

تسمع ساروت فالباب و دخل مهدي هاز كارطونات شي 3 كبار .. و شاف فيها كيطلع و ينزل : ريماس اجي ..

ناضت لعندو و هو سبقها لكوزينة : مهدي اشنو داكشي فيديك ؟ 

زول كاسكيطة و بدا كايحك شعرو لي نقصو شويا و لابس مزيان على غير العادة : غير حلوى مشيت خديتها عمري طباسل .. و حطي داكشي للناس ..

تبسمو عينيها بفرحة حيت قبل كان مخاسم معاها و دابا نسا كولشي و دار بحالا موقع والو : شكرا مهدي لهلا يخطيك .. مكانش عليك كاع تعذب راسك اصلا وجدت كووولشي ..

مهدي : مادرت والو .. مهم نشوفوك فرحانة و تكوني مرتاحة .. هاذشي لي بغينا ..

قربت و عنقاتو : لهلا يحرمني منكم ياربي 

حرك عينيه مفكر شي حاجة : اه نسيت ماقلت ليك لقيت عيشة فطريق و شافتني جات سلمات عليا .. 

طرطقت عينيها ريماس : ناري عيشة نسيت ماعيطت ليها وييييلي .. اهاه و اشنو قلتي ليها ! 

مهدي : قلت ليها راه عندك الخطبة .. و صافي قاتليا مبروك عليها و زادت مع طريق معرت جاتني تقلقات ..

هزت ظفارها كتعض فيهم : ناري تقلقات صكعة .. كان خصني نعلمها البارح صراحة مادرت فيها تا انا مايصلاح ..

تفكرت الهضرة د قيس و حرقها راسها مابقات عرفت شنو تدير .. 

قالت حشومة صحبة د 5 سنين و متعيطش ليها مجاتش و لكن قيس حذرها متهضرش معاها مزال .. 

و هي غارقة ف أفكارها سمعت دقان ف الباب مشات حلات و هي تبان ليها عيشة لابسا و مقادة و الماكياج و الحالة و العكر حمررررر و سروال قرب يطرطق من جيهة فخاضهاااا : عيييشة دخلي ..

طلعت و نزلت فيها و هضرتها كاتخرج ناااقصة : لا أ ختي جيت غا نبارك ليك و نقولك مبروك عليك .. 

غا باش تعرفيني راه مافيا لا حسد لا والو ..
اما راه من حقك أ ختشي تضربي من لتحت و تلجمي فمك الوقت و الزمان هذا .. و ربي يخليك شكراااا بزاااف ..

ريماس تقوسو حجبانها بحزن و نقزت العتبة بزربة : 

عيييييشة عيييييشة سمعيني و الله تا كنت غانعيط ليك غير مع الخلعة و التلفة نسيت اما راه نتي صاحبتي واش غانجي تاال هاذ الخطبة و نقلب وجههي نتي عارفاني مافياش هاذ الفعايل راك ختي و اصلا كنعاود.ليك كولشي و سنتيم مكنخبيهش عليك .. وا زيدي دخلي و نعلي الشيطان حشوما عليك و الله ..

عيشة عاد مزايدا فيه : لا أ ختي غير الله اكمل عليك بالخير .. و ان شاء الله تشوفي غير السعادة فحياتك تستاهلي غير الخير .. <هزت نظاظرها د الشمس دارتهم> نخليك تهلاي فراسك ..

مشات عيشة كتعوج ف مشيتهااا .. و بقات ريماس كتفرك فيديها بقا فيها الحال بزااااااف حست بلي قصرت بزاااااف ف حق صاحبتها ..


دخل قيس لواحد المحل د الورد أكبر محل ف المدينة .. 

استقبلاتو واحد البنت زوييينة و ابتسامتها مشرقة : مرحبا ميسيو قيس تفضل 

تبسم شويا : Merci 

هي : نقدر نساعد فشي حاجة !! ولا تشوف و تختار راسك !! 

قيس : ممم كنظن ايلا ساعدتيني حسن عندي حفل خطوبة .. و بغيتك تشكلي لي شي بوكي كبير و ختاري لي احسن ورد عندكم هنا ..

ضحكت تا تكمش شويا حدا عينيها : مبروك عليها الله اكمل كولشي بيخير .. واخا سيدي ساين واحد 5 دقايق ..

حرك راسو ب اه و عينيه كيتساراو على المحل يديه فجيوبو و كاع البنات لي خدامين ف المحل عينيهم عليه على وقفتو و دوك العيون لي كيااااخدو العقل ..

قرب جيهة واحد البلاصة فيها ورد التوليب .. عجبو بزاااااف .. 
من بعد ديك المدة جابت ليه بوكي د الورد كان شكلوو وااعر و راااائع كبييييير بزااااااف .. خداه و خلصها ب credit card ..

من بعد تقدا كولشي تا عمر الكوفر مابقا فين يزيد و ركب .. جبد تيليفونو و عيط ل يحيى و ميصوg بيد وحدة : واش كولشي واجد !! 

يحيى : كولشي واجد غير كون هاني .. و راه غانتحركو دابا .. واش نسبقوك دابا !! 

قيس : غير سبقني انا واحد نص ساعة و نكون تما .. مدخلوش بيديكم خاوييين سمعتي ؟ حيت انا غانوصل معطل عليكم شويا فاااااك زحاااام هنااا <ضرب ف الفولون> المرررررض وحلت فواحد زحااااام د **** 

يحيى : وا غير بشويا عليك كالما كالما .. حاول تختصر طريق حسن ..

قطع و كانت راكبا حداه مو و لور ليلى كتسنابي و تصور كاع لي بوز دارتهم و كتسيفط تصاور ل عامر .. 

يحيى شاف فيها من المرايا : العروسة و مكادير هاذ الحالة .. نقصي الماكياج وجهك غايطيح ..

خنزرت فيه حيت زعما مخاسما معاه : محساااد مغنديهاش فيك .. 

سلوى عينيها جيهة زاج تنفخ و تسوط معاجبها حال غاديا غير فوق قلبها و باينا فيها معصصصصبة : 

ياااااربي تصبرني ياااربي حتا يدوز هاذ نهار قبل ماتجيني شي جلطة ..

يحيى : مااااما عيييب .. قيس راه نهارو هذا خصك تفرحي ليه .. واش مرديتيش البال شحال تبدل و رجع حسن من اللول .. و كولشي بسباب ديك البنت .. خصك نورمالمون تشكريها ..

سلوى فنفسها : غنزمرها ماشي غانشكرها الله اعطيها شي موصيبة ياربي .. بنتي لينا مسكينة غاتكون حالتها دابا و مفقوصة اووووف ربي كايعطي الفول لي ماعندو ضراس ..

ليلى تدخلت : و الله تا قيس تبدل و بزاف واش رديتو البال حتا عصبيتو نقصات .. الحمدلله ياربي سيري أ ريماس لهلا يحرق فيك شي عظم هاذ النهار .. 

سلوى دارت لعندها و خنزرت فيها : شدي دوم سيلفيات ديالك و بلعي لسانك حسن معرفتك معايا و لا مع غانا


سمعت ريماس صونيت و هي تنوض تنهدت تنهيدة طوييييلة و عريضة زفرت داك التوتر و الارتباك .. 

و قلبها كيضررررب .. مشات حلت الباب و هي تلقا ليلى لي فرحااااانة الضحكة واصلا تال وذنيها ..

لابسا و مقاااادة و سلوى مغووووبشة و يحيى لابس كوستيم و علي غير كيفرنس و عمر لي لابس كوستيم حتا هو و مقاد مزيااان .. سلمت عليهم كلهم :
مرحباااا و ألف مرحباااا .. تفضلوووو ..

دخلو و و وراتهم الصالون لي متواضع .. كلشي زول صبابطو برا عاد دخلو جلسو و سلوى غير كتسوووط .. معاجبها حال .. 

يحيى مشا لكوفر هز كولشي و مدو ل مهدي لي حسابو يحيى هو العريس : 

علاش معذبين راسكم 

يحيى : حاشا عذابكم راحة ..

دخل مهدي كولشي لكوزينة لي ضيقة ..

عاد دخل يحيى جلس جنب علي ..

و مشات ريماس جابت باها شادا ليه ف يديه حتا سلم عليهم كلهم و جلس مسكين فرحااااان : 

مرحبااااا بيكم الدار داركم 

عمر تبسم و انتبه انه مكيشوفش : الله ابارك فيك الحاج ياك لباس الأمور مزيانا ! 

يوسف : و لله الحمد حنا بيخير واخا صحة قليلة و لكن نقولو الحمدلله على كل حال ..

ليلى غمزت ل ريماس لي ناضت : انا نجيب اتاي حسبو دار داركم و خودو راحتكم ..

ليلى وقفت : تسناي نعاونك ..

سلوى لوات فمها و شيرت بيدها : عمر مكيشربش اتاي .. كيضرو ف المعدة .. 

عمر معجبوش الحال رجع شاف ف ريماس : لا أ بنتي لي وجدتيه من يديك نشربوه ..

تبسمت ريماس و حنيكاتها موردين و مشات لكوزينة و ليلى تبعاتها غير دخلت و هي تغمزها : هههه اححححح فين كان مخبي هاذ الزين كامل .. جيييييتي كاتحمقي و الله فنة فنة ماشاء الله عليك و صافي ..

ريماس : هههه ناري غاتحشميني .. تا نتي و الله جيتي زوينة بزاااف ..

ممم و قيس واش مجاش معاكم !! 

ليلى : خليناه كيتقدا شي حاجة شفتو تعطل .. 

ريماس : ماشي مشكل .. بينما نيت نوجد القهوة ..

ليلى : و نيت قبل مايجي نعدل ليك الماكياج جبتو معايا .. باش يدوووووخ ههههه واخا نتي اصلا فنة بلا بيه 

ريماس ضحكت : ههههه لا بلاش اصلا راه صاوبت 

ليلى صغرت عينيها ف ملامحها : اش صاوبتي !! اندير ليك الماسكارا و الايلاينر باش يتجبدو ليا دوك العوينات مزيااااان و شي عكررر حمررر ..

عند قيس

رجع داز من طريق اخرى كانت بعيدة و لكن كوميم خاويا و باش يوصل بزربة زاااد ف السرعة كثرررر .. عينيه زوورق كيلمعووو و يديه كيحركهم بتوتر ماباغيش يتعطل كثر من هاكا .. 

فجاة و بلا انذار حس بواحد الألم قوووووي فركبتو فحالا دخل ليها شي مسمار و كيبدا يوخز فيه بقووووة ..

محسش براسو حتا رخا من الفولون و يديه كيرجفووو غير بوووحدهم .. 

و وسع فموو باغي ينطق و لكن داك الألم كان فظيييييع ديال بصصصصح صوتو هرررب ليه و جيمو تصلب و تشنج عليه .. 

حس برجلو بحالا تشللت مابقاش قادر يهزها و لا يحركهاااا مزااال .. 
كمش عينيه بألم .. و بغا غير يوقف طوموبيل مقدررررش يتحكم ف الفيتااااس مزاااال خاف غير يدير شي كسيدة الله احفظ .. 

عياااا يحااااول والو رجعت جبهتو كتقطر بالعرق و عينيه حوووومر بحال جغمة الدم .. 

كثر من 10 دقايق و هو فديك الحالة .. شويا و هو يفراني بقووووة حتا تزدح راسو مع الفولون و تجرح حاجبو لي خرج منو شويا د الدم ..
بقا مسند وجههو لفولون هاكاك كينهج و رجلو عاطياه لحرييييييق ديال بصصصصح ..

تفكر دكتور فاش قالو رصاصة محيدنهاش ليك و مرة مرة غايجيك شي ألم مفاجئ .. للأسف هو تهاون و عوض يمشي يزولها بقا هنا و ها النتيجة دابا جاتو فالوقت الغير المناسب 

انفاسو الغليظة كاتخرج بزز .. هز راسو و ورك على فكو بغضب و فك ازرار القميجة .. 

شاف ف مgانتو لقا راسو معطل بزااااف نص ساعة و هو هنا .. و هو يضرب بقبضة يدو ف الفولون بقووووة و شرااااار ف عينيه : فااااااك فاااااااك اش هااااااذ الزهررررر ..

تنهددد و جبد تيليفونو دوز لابيل ل علي لي استقبل الخط بسرعة : عليييي وصلتو للدار !! 

وقف علي و مشا لواحد القنت : فيييييينك أ صاحبي تعطلتيييييي !! 

قيس تنهددد و عروقو تصلبووو : غير جاااااوبني واش كلشي مزيان ياك !! 

علي : كولشي مزيان غير حاول تزرب شويا راه ناس كيتسناو حشوما


وجدت ريماس القهوة و اتاي و حطت كولشي فوق طبلة و عمر مجمع مع يوسف ..
يحيى مجمع مع علي و مهدي مقرقبين الناب بزربة انساجمو ..
أما سلوى شادا فحنكها و كتشوف ف تيليفونها .. معاجبها حال و قااااانطة بزاااااف ..

ريماس كانت ف بيتها صغير مع ليلى لي قادت ليها الماكياج مزياااان رجعاتعاااا كاتحمق ديااااال بصح ضحكت : احححح دابا راك سانك سانك ..
و يشوف خويا هاذ العوينات ريوgو غايسيلو ..

تسمع صونيت ف الباب و هي تقفز ريماس مخلوووعة : ناري وصل ق قيس ..

ضحكت ليلى عليها حيت توتراااات : نوووضي نوووضي حلي ليه الباب لايفرعو علينا هاذاك زمر راه مخلخل شويا و عزيييييز عليه الأكشن ..

مشات ريماس كتضحك على هضرت ليلى و كتنهددد و تمسد ف حنجرتها ..

وقفت حدا الباب خدااات نفس عميق و حلاتو و هو يبان ليها غير الورد قداااامها حممرررر لي مشكل بواحد طريقة زوييييينة بزااااف على شكل قلب .. 

ميل راسو بشوييييا تا بانو عويناتو زورق كيبريو .. و شعرو لي طايح شويا على عينيه مسرسب ..

تبسم تا بانن حفير زين ف خدو ليمن و رد بصوت رجووولي : ممم غاتخليني ف الباب !! 

ضحكت و هي ترع البااااب مد ليها الورد لي معرفات كيدير ليه كان كبر منها .. عاونها تا حطاتو .. و جرها من يديها برا .. 

زيرررر على يديها و عينيه مصوبين على عينيها الخضرين لي كيبانو رموشهم طوال و دايرين ليها الظل : جيتي زويييينة بزااااف .. 
هاذ العوينات بغيت نشدهم و نخبيهم مايشوفهم تا شي مخلوق من غيري ..

توردو حنيكاتها و بقات غير كاتشوف ف الأرض .. و قلبها بحالا لاعب السامبا حمقااااتها ريحتووو و اي حاجة فيه .. 

باس جبهتها بوسة عميييقة .. و ناس كولها كاطل من شراجم و البنات غايموتو ف سمهم و حسدهم مكرهوش يطيرو عليها .. 

حل الكوفر لي كان عاااااامر مبلوكي ب لي كادووو لي مغلفين كولهم و الشكلاط و اي حاجة تشهاها نفس : ممم خصنا ندخلو هاذشي دابا .. عاونيني ..

ريماس وسعت عينيها مدهووشة فداكشي : و علاش هاذشي كامل !! 

قيس طول فيها الشوفة : كيفاش علاش ! تستاهلي كثر من هاكا اصلا هاذشي راه والو ف حقك .. 

قرب لحنكها يالله غايبوسها و هي تخرج ليلى محشمش منها باسها فحنكها حتا سرات معاها رعشة فجسدها كولو 

ليلى داير يديها على خصرهااا : ههه اححح البطل جا على سلااااامتك .. يو يووو يووو يووو 

خنزر فيها و ريماس حشمااااات .. 

قيس : جابك الله عاونيني ندخل هاذشي نفعي غير فشي حاجة ..

ريماس باعتراض : لا لا غير خليها انا انعاونك بلا منعذبها .. 

غمزها قيس : لا نتي غير ارتاحي هي مالها محنيا رجليها .. 

غوبشت فيه ليلى : سبحان الله واخا يغمسوني ليك ف العسل مغندوزش ليك ..

مشات كتهز معاه و تبقشش : تبارك الله خويا و لا عندك الذوق زعما راك خطير صدقتي رومانسي أ العفريت و لي شافك يقول قلبك.حجر .. 

حدو هز حاجبو و دار فيها شوفة خايبا و هي تهز يديها دوزتها على فمها بحال شي ابرة زعما منهضرش مزال ..

ريماس اللور كتشوف فيهم و كضحك كل شويا من قلبهاااا قيس كيقمعها و ليلى ممسوقاش فرحااااانة .. 

شويا لمحاتو كيعرج برجلو ف كل خطوة و هي تهز عينيها فيه بزربة ردت البال لحاحبو لي مجروح


دخلو كولشي و مخلاش ريماس تهز شي حاجة .. بيتها عمرررر بلي كادو .. 

رجع باش يسد الكوفر و كانت ريماس تماك ..

قرب جيهتها : سمحيلي حيت تعطلت غير كان زحام فالطريق بزاااف .. كون عرفت كون جيت معاهم ..

ريماس هزت يدها جيهة حاجبو : شنو وقعلك ! و رجلك كاتعرج بيها ! شنو طرا !! 

هز يديها باسها : والو ماشي شي حاجة grave متخافيش .. 

خرج مهدي على غفلة غير شاف قيس و هو يتصددددم ديال بصح حس بحال شي سطل د الما بااااارد تخوا عليييه و جمد ليه عظاااامو بقا غير كايشوووف ممصدقش .. 

مستحيل ينسى هاذ الوجه و هاذ الملامح خصوصا نهار المحاكمة .. فاش كان كيضحك قيس مستهزء و هوما بكاااو دددم .. 

حس بدمو سخخخخن .. و حجبانو تزداااو .. اما عينيه رجعو شراااار .. جمع يدووو على شكل قبضة و مشا ديريكت طار على قيس خانقو و دفع ريماس بقوة ..

تخلعات و هي تهز عينيها بان ليها مهدي شانق على قيس من الكول د قميجتو : 

ز***** جااااااي بوجهك حمرررر تال لعندنا بسبااااابك بسببااااااابك ختي دوزت العذاااااااب و ذقنا المراااااار بسباااااااابك الله ياااااخد.فيك الحق ..

رجع زدح قيس مع الحيط بقوووة حتا تخربق شعرو على عينيه كاع داك الغضب جمعو فديك الخبطة .. 
قيس صغرررر عينيه بضيق مورررك على فكووو ..

و شد ف يديه مهدي مورررررك عليهاااا ماباغيش يضربو غير محكم فراسو : زوووول يدك هو الللول و خلينا نهضرو بالعقل حسن .. 

ريماس طارت شدات فمهدي من ذراعو : واش خرج ليك العقل !! اشنوووو كادير !!! مهدييييي طلق منووووو 

طلق منو و دار لعندها عينيه عامرين بالدموع و الحققققد و ملامحو مرسوما عليهم الخيبة و الخذلان : 

هاذشي باش جازيتينا ياااااك ؟؟ 

تزوجي ف اللخر براجل مفقلبووووش الرحمة هااااا ؟؟ 

هاذا هو تعب باك و مك ف اللخر تزوجي بواحد دخلك للحبس و حط عليك الباطل ؟؟ هاااااا !! 

شافنا كنبكيييييو و كنتمرمدووووو حدااااه و محنش فينا و لا حتا هز فينا الشووووفة هي اللخرا معطاناش تا دقيقة ف اللخر تقبلي بهاذ السهولة ! و ضحكي على لي ربااااااك ؟؟

جاااالس مسكين كيضحك و فرحااااان و مكبر ب عائلتو مكرهش يفرش ليهم الورد و الحرير و مفراسو ميتعاود زي الأطرش ف الزفة .. 

نزلو دمووووع من عينيه و هز صبعو السبابة بتهديد : 

غاااااتددددخليى دااااابا و غاااااتخرجي عليا هاذ القحااااااب كلهك من دااااار سمعتييييي !! يالاااااه دااااابااااا و الله لا دازت هاذ الخطبة على خير واخا يبقا فيا غير عرق واحد كينبض ..

قيس غوووت بصوتو الجوهررري : عرررررف شنوووو كااااتخرج من فمك مزياااااان لحد الآن ضابط اعصابي و مابغيييييتش ندير شي تصررررف مايعجبكش .. كوووون راااااجل و خليناااا نهضروووو بالعقل .. سمع ليااااا و غاااتفهم كووولشي ..

تدخلت ريماس بينلتهم منسن حست مهدددي شاااااعل باغي غير يضربووووو .. دموووعها محبسوووش بقات تاتجرررر فيه 
من ذراعو حتا بعداتو على قيس لي معصصصصصصصب و كييببببخ الدم مضربش الحساب لخووووها .. و لا لهاذ الغياكسيون لي غايدير .. معرفش واش مهدي نفسو حاااارة و من حقو يتصرف هاكا .. مدازش عليهم القليل ..

هز رجلوووو و ضرب ف رويييضة د الطوموبيل و صدروووو طاااللع ناااازل معرررف اش هاااذ نحس تااااابعووو 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.