و لكن هو ناااااادم على كوووولشي .. نااااادم على كاع لي دااار كون منادمش مغاااايدير هاذشي كاااااامل ..
و ايلا مفخباركش هو لي خرجني من الحبس حيت كون مخرجنيش كنت غااانبقا حيااااتي كلهااا تماااا معمرك كنتي غاتشووووف وجههي مزاااال و كنا غانشوفو ديك ساعة العذاب ديال بصصصصح ..
مهددديييي نعل الشيطاااان صاااافي و خلي هاذ الشي يدوز مزيااااان الله ارحم ليك واليديك .. صااااافي تا انااااا عيييييت من المشاااااكيل تقهرررررت .. واش انا ماشي بناااادم ..
خبات وجهها و بقات كتبكي و تشهههق .. قرب جيهتها و شد ف كتافها : مبرررووووك عليك و لكن من ليوما نساي واش عندك شي خوك سميتو مهدي نسااااايه ف مرررررو
جرها من يدها و هي كتعكل فداك القفطان و تبكييي تا وصل لعند قيس و دفعهاااا بقوة تا كانت غاتجي طايحا كون ماشدها قيس بزرررربة و مكرهش يمشي يقسمو علة زووووج كون ما كان خوها كون قتلوووو و محنش فيييه ..
بقات تاتبكي و تعااااود و قيس خشاها فصدرووو معنقها : ششششت صافي تهدنييي .. متخاااافيش غادي يبرد و غادي ندويو معاه و غادي يقبل ..
قابل عينيه مع عويناتها لي حمريييين بالدموع و مسحهم : ششششت أ روحي صافي .. متبكيش .. اندخلو دابا و انديرو فحالا موقع والو ..
باسها فحنيكاتها و رجع مسح عينيها بطرف صبعو .. عاد دخلو .. همس بصوت منخفض حدا وذنها : غسلي وجهك و اجي صافي !!
حركت راسها ب اه ..
دخل للصالة .. زول سبرديلتو و هو يبانلو يحيى و علي كيتغامزو عليه و كيضحكو همس بصوت خشن : السلام عليكم ..
دخل نيشان سلم على يوسف هز يدو باسها معرفت ليلى منين طاح عليه هاذ الصواب و تبسم يوسف : الله ارضي عليك أ ولدي ..
و جلس جات ريماس جلسات حتا هي حدا باها مقابلا نيت مع قيس ..
ليلى : ههه ريماس خوي اتاي ل قيس ..
وقفت ريماس كتخوي ف اتاي و يديها كاترجف .. بزز باش تحكمت ف البراد و هزت الكاس مداتو ليه و هو كيتبسم ..
عمر حنحن بصوتو و تكلم : احم ايوا لي نطولوه نقصروه الحاج يوسف حنا جايين طالبين و راغبين ف يد بنتكم ريماس لولدنا قيس ايلا قبلتي بينا و ايلا قبلات تا هي طبعا
يحيى و علي كيضحكو و ليلى كاتشوف ف ريماس و كاتخيل راسها ف بلاصتها و حداها عامر زعماااا بقات كاتفرنس غير بوحدها جالسا كاتخيل ..
يوسف نطق بصوتو المنخفض :
حاشا أ سي عمر ماتقولش هاكا دويت معاك و باين واش معدنكم طيب بزااااف .. باينا فيكم الله اعمرها دار و ناس مزيانين و ضريفين .. انا مانزيدهم غير الخير نشوفوها هي واش باغا و مرتاحة ليه !
بنتي ريماس اش قلتي ف هاذشي !!
حنات راسها و حنيكاتها توردو بزز باش هزت عينيها و شحال و هي ساكتة غير كاتشوف ف قيس لي كولو لهفة يسمع ديك الكلمة منها حتا توتر و بدا كيحؤك رجلووو بزرربة .. تبسمت و نطقت بصوت ناااااعم : انا موافقة ..
هزو يديهم كلهم كيقراو الفاتحة و قيس عينيه عليها و كيتبسم و شعرو مخربق و هاكاك كيباااان غزاااال و كل شويا كيغمز ليهااا ..
ناض يحيى هز الخواتم حطهم و قربت ريماس حدا قيس و غير حانيا راسها ..
مدو ليهم الخواتم ..
ليلى شادا فيديو كتصور فيهم و فرحاااانة بزااااااف ..
أما سلوى متحركتش من بلاصتها شادا حنكهااااا و تنفخ و تسووووط ..
ركبو الخواتم و شربو الحليب و وكلاتو تمرة ..
ليلى ضحكت : ارا أ خويا نعض من ديك تمرة باش تا انا نتزوج و تفرحوووو بياااا ..
يالاه غاتشدها و هو يسرقها علي و خشاها ف فمو : هاذ المرة حلي عينيك مزيان ههههه
قوست حجبانها بحالا غاتبكي : نااااري على ملهووووف ..
يحيى شاف فيهم : مبروك عليكم و ان شاء الله ديرو لينا شي عراسية دايزها الكلام ..
قيس تبسم و عينيه متفرقوش على ريماس : العقبة ليك حتا نتا
يحيى ضحك و عمر قرب جيهتهم باس راسها و سلم على قيس لي أول مرة يضحك ل باه كان قاطع معاه الهضرة قبل : الله اكمل عليكم بالخير ..
قيس : آمييييين ياربي .. <قالها من القلب>
ليلى حطت الgاطو لي جاب يحيى كان كبييييييير .. و ناضو قطعوه و كلاو و ضحكو و يوسف فرحاااان بزاااف .. داز كولشي مزياااان
دخلت عيشة لواحد الريسطو انييييق ديال بصح و معرووووف سميتو "les planches"..
جلست فواحد الطبلة و حيدت الجاكيط عليها .. رماتها على الكرسي جنبها..
معريا على مؤهلاتها الصدرية .. و وجهها كولو ملطخ ماكياج .. بحالا مجيراه .. و داك صدر كولو مفضوح حلفت ليوما لاما حا سعدها بالزين يجي بالعراا ..
غصة ريماس و خطوبتها واحلا ليها بين حلاقمها مابغاتش تصرط ليها .. حاسا قلبها غاينفجرررر .. و الدموووع غير حابساهم .. نار الغيرة و الحسد كينهشووو قلبهااا ..
جاب ليها السرباي شي تخربيق بزقة ف طبسيل كانت كفتة و شي صوص معاها .. هزت الفورشيط و بدات تاكل غير بالإيتيكت زعما اما هي داكشي كامل تجمعو فدغمة وحدة ..
و البوزات و داكشي .. و عينيها كيضورو كي شي بومة باغا تشوف غير شي فيكتيم طيحو فشبكتها لعل و عسى يطلع ليها جوكير .. و تشد شي همزة .. ريماس دارت فيها نفس و تا هي بغات تعاندها ..
رددت ف نفسها : متل معوقة خاصاني يد و لا رجل بحالي بحالها .. غير انا حمارة و هي خدمت داك العقل تا جابتو تال دارها و خطبها مزال ..
غير تسناي أ بنت يوسف غانوريك عيشة علاش قادة .. لاما خربت ليك عيشتك .. باش تعلمي تشفاي فيا .. حسابلك قطعتي الواد و نشفو رجليك ..
بقات كتمضغ و تدور عينيها بإغراء ف عباد الله .. ماحشمات ما استحيات ..
كانو غير نصارى بزاااف و لي كوبل .. دارت كتأفف باغا شي ولد البلاد يجمع كولشي فدقة و تضرب ضربتها ..
و هي حاطا عينيها ف طبسيل لي غير كتنقب منو ليسالي بزرية و تصدق واحلا و هي الفلوس غير كتزقرم عليها ..
دخل واحد الزين ريحتو سابقاه و باينا فيه ولد الفشوش من لباسو و حالتو .. ضربت على العوينات لي رماديين و الخسانة د شعر كي دايرا و غير المشيا بعدااا .. شداتها دوووخة
طلعت و نزلت فيه سكاناتو بدوك العينين لي كتبحلق بيهم مجبدين بالكحل و الماسكارا شي مية مرة .. جلس بعيد عليها فواحد الطبلة ..
و عاد مزادت ف التصلgيط تشوف فيه و تاكل .. شي حركات ينوضو الميت من القبر واخا يكون مولاي السلطان مبنج غادي يوقف ..
والو مهزش عينو فيها و لا حاشاه ليها .. شاد تيليفونو ف يديه و كل شويا كيخربق شعرو مرجعو للور و يشند.ظهرو للكرسي ..
زفرت نفسها بضيق .. و همست : اهااااه دافع كبير ايوا من حقك دفع كبير نيت .. ع الله غير يكون عندك شي خير بلا منتفقص على والو ..
لمحت سوارت د البورش لي فوق طبلة و الآيفون X شهقت و داخلها فرحان ..
شويا هز عينيو فيها .. غمزها و هي تبسم .. هزت يديها كترجع شعرها ورا وذنيها ..
مفاتش الوقت بزاف و ناض هاز تيليفونو و سوارتو غادي جيهتها لابس دجين و شوميز فالسماوي ..
ضربها نيت على الشعا و هي كتشوف فداك الصد. المبندر و دوك العضلات نيت صحيح ولد الحرام ..
نحنح بصوت رجولي : مال زين جالس بوحدو !
مطت شنايفها لي ملطخين بالعكر بدلع و سندت يدها لحنكها : مقلقة
جر الكرسي و نطق : ممم نتفضل نجلس و لا كتسايني شي حد !!
ضحكت : لا غير تفضل جالسا غير بوحدي ..
جر الكرسي تا جلس واخد راحتو و ماد يديه : مهم نعرفك براسي ..
كارلوس و كايعيطو لي كارل و نتي الغزالة !
بقات سميتو كاضور فبالها و هي تفكر نهار جات هي و ريماس و جلس معاهم ف نفس طبلة و كيفاش كان كايشوف فيها دارت ليها طرررن فراسهااا زعما كيفاش معقلش عليها و لا شنو قالت اجي ندير تا انا هاذ هبل تربح :
موا عيشة و متشرفين <مدت يدها ليه>
كارلوس تبسم : متشرفين أ الغزالة و عاشت ألاسامي
عيشة : سميتك كارلوس عرفو يسميوك ..
ضحك بحنب فمو : زعما !!
كتلوي يدها على واخد الخصلة فيها ليميش : و مية زعما .. سمية زوينة و قليلة ..
خربق شعرو : حتا اسم عيشة كيهبل بحال مولاتوا ..
عيشة بغات تدخل لمسgي : ايوا فاش خدام بعدا !!
هو : انا مخدامش دابا غير راحة و السفر .. و كل مرة فين .. و لكن مدير تنفيذي فشركة "Arsel" كاين نائب ديالي مخليه كيتكلف بكولشي ..
ردت عيشة ف خاطرها : (الله ياربي دجاجة بكامونها اححح) ااااه مزياااان كوووغاااج .. و صراحة الواحد هو لي يسافر و يبدل الجو ..
كارلوس : فعلا .. اممم و نتي شنو كاديري فحياتك !!
نزلت عينيها بحزن : غير مقاتلا مع زمان كنقلب على خدمة و صافي .. عيييت و اليد قصيرة ..
كارلوس زاد قرب و عينيه كيبريو بغمووض : ممم و انا اشنو كاندير !! الخدمة كاينا من دابا ..
عيط ل سيرفور لي جابلو الغدا و جاب بلا آخر ل عيشة لي تاكل و تقيس و هي قربت تسطا بالفرحة ..
منين كلاو و سالاو شاف فيها و همس : عييييشة <ورك على سميتها> عييييشة يا عيييشة ..
ضحكت بميوعة و نطقت بصوت فيه غنج : نعاااام !
كارلوس : ديجا كتعرفي قيس أو لا !!
وسعت عينيها على ذكر اسم قيس و تخطف لونها : ق قيس ! ش شكون قيس !!
طول فيها شوفة : شحال من قيس كتعرفي ؟ كنظن غير واحد صافي أو لا !!
هزت راسها ب اه و بدا كيدخلها الشك : اه .. و نتا باش عرفتي !! زعما باش عرفتي راني كنعرفو !!
كارلوس جبد واحد البريكة كيلعب بيها بيدو : انا كنعرف كثر من ما كاتخيلي .. بزاااااف ..
ضحكت متصنعة : هههههه اهاه و شنو كاتعرف مزال !!
خرج صوتو باح : عارف بلي بعتي صاحبتك بشي ريالات قلااال و ضحك عليك بيهم .. ممم كنظن غير هاذي راه كافيا ..
فشلو ركابيها و بان الارتباك ف عينيها بزااف .. بقات غير كاتشوف معرفت اش تقدم و لا اش توخر سككت و ريقها كيتسمع : بلا شك نتا شي صاحبووو !!
كارلوس : تقدري تقولي العكس
دازت كثر من 4 جوغ مهدي مكيجيش للدار كاع .. و ريماس مابقاتش شافت قيس حيت فراسها سافر على قبل شي خدمة ف اسبانيا و بيناتهم غير تيليفون ..
كتغدا هي و باها راس فراس و شاعلين تلفزة حتا نطق يوسف كاسر داك الصمت : بنتي واش مهدي مخاسم معاك و لا اش واقع ليه حسو مقطوع !!
هزت شلاظة كتنقب منها : لا أ بابا راك عرفتيه غير حال و عقل .. تلقاه مشا يبدل الجو شويا و لا معصباه شي حاجة غير يتفش و يرجع ..
راك عارف طبعو كي داير ..
تكحاز لور و نطق : الله اعطيك الصحة الغدا بنين .. و مهدي تايجي و نتفاهم معاه باش يولي يعلمنا قلبي مهول عليه ..
ردت : بصحتك أ بابا ..
وقفت ريماس و مشات هزت لماعن .. رجعت غسلت ليه يديه و ستواتو فبلاصتو ..
عاد طرفت كولشي .. شويا سمعت تيليفونها كيصوني هزاتو بزربة لقات ليلى لي كتعيط : الوووو حبيبتي صافا !!
ليلى : ههه توحشتك القردة اجي شوفي درت واحد البلان انا و رزان صاحبتي غير دابا و قلت نعيطو ليك تبدلي الجو شويا عافاك !
ريماس ضحكت ؛ هههه و الله مكرهت و لكن
قاطعاتها ليلى : عافاااااااك بلا ديك و لكن .. بغيت غير نضحكو و نفوجو شويا صافي !! انتلاقاو فواحد البلاصة خطيرة مهم لبسي احسن ماعندك .. و اجي ..
ريماس : صافي انا عندي نيت واحد الغراض انمشي نقديه و من بعد نجي لعندكم مزيان !
ليلى رمات ليها بوسة : اووووكي الحوووب .. غنعاود نعيط ليك ديك نص ساعة
من بعد ساعة خرجت ريماس كتقرقب بواحد طالون و خصرها كيميل مع كل خطوة..
لابسا سروال زرق ديال دجين فلون باااهت فيه زوج تقطيعات من ركبة ..
و لفوق بيل ف البيض حيت صهد كانو سماطيه طايحين على يديها شويا مفرفرسن جا شكلهم كيووووت ..و كتافها بقاو عرريانين و عنقها كاتبان كتشعل بالبيوضة ..
هازا صاك لونو تيغكوا جا اسوغتي مع صندالة لي عالية ..
و مرة مرة تلوح شعرها ورا ظهرها لي خنقها بخركة خفيفة من يدها ....
كان فايت نص ديال ظهرها و كيبان كيبري مع شعاااا د الشميسة لي حاميا ..
فاتت الحومة و شدت طاكسي و كاع عباد.الله حاضياها و تنبر عليها ..
غير قدات غرااضها و هي توقف فوق واحد طروطوار ..
زولت نظاظر الشمس من على عينيها .. و بانو عويناتها الخضرين لي مرسومين بالايلاينر .. بانو مجبدين و دوك رموش لي دايرين ليها الظل على عينيها محبدين بالمسكاراااا ..
شوية الماكياج كان باين فوجهها عكر gرووونة مااااط .. و كونتورين و البريو ف الحنوك هاذشي كامل عطاتو ليها ليلى كادو ..
المهم مقااااادة مزيان على حقها و طريقها كي وصاتها ليلى و مخلاتش من جهدها تا هي ..
عيطت ل ليلى : الووو ليلى راني كنساينك دابا ..
ليلى : امضرا قديتي غراضك !!
ريماس : اه خلصت شي وراق ديال الضو بقيت شادا. نوبة فهاذ صهودات .. قربت نذوووب .. نتي اتجي دابا ؟ و لا نشد طاكسي و نجي عندك !!
ليلى : هانتي بيبي صبري غير نجيب رزان حيت فطريقي نيت و ندوز عليك صافي ؟؟
ريماس : ههه صافي و ردي البال فالطريق غير بشويا عليك ...
مولاها حل زاج لي نزل بزربة و بان وجههو عندو ديك 26 عام هاكا و لا كثررررر .
شعرو شهببب و مشوط شوياااا ديك صفوووريا القحة .. مسرسب على عينيه و شي خصلات ف الكحل ميلونجي و عاطي لون زوين شويا ..
و عينيه شهبين تا هومااا و لونهم بااااهت .. بلاصة الميرسيديس فجنب د طروطوار و خرج كيتمختر هاز تيليفون ف يديه و كيبان واحك الوشام ف عنقووو و فيدوووو ..
و عينيه غير كايضورو بخبث واضح و مكرررر ..
قشعاتو غير بزك عينيها و هي تنهد مكررررهة و نزلت نظاظر على عينيها بسرررعة ..
حيت علمت عليه جاي جيهتها و قاصدها ..
قلبت الضورة هي كتزرب فالمشيا و هو تابعها كتسمع غير حس خطاويه ..
يالاه غاتضور و هو يوقف قدامهاا ..
"الغزالة..." (طلعها و نزلها من راسها تال رجليها ب عينين بحال ثعلب .. كينحنح )
راك سخفتيني .. لوجه الله رحميني و ضوري شوفي فيا بدوك العوينات لي قتلوني و حمقوووني ..
"جا قبالتها كيخطب عليها و ريحتو مجهدة. و قاصحة دوخاتها .. تأففت بملل قانطة من هاذ ضسارة الخاوية لي طلعت ليها فراسها و جان باغا تخطاه باش تمشي و تقطع الطريق .. ماحد الضو الخضر. مزال ..
ساعة هيهات هيهات جرها من ذراعها تا تزدحت معاه بشويا .. و هو مستمتع بتعابير وجهها لي مغوووبشين و بؤبؤ عينيها زاد توسع بدهشة ...
غوتت ريماس بعصبية واضحة و حجبانها تزداو كتنطر فيديه : غاااتطلق منيييي و لا غاااانجمع عليك أمة محمد هناااااا كاااااتسمع ؟؟ .. و شوف كي دير تفكها ديك ساعة ..
ضحك بجنب فمو على غواتها و هي غير مازايدا محمقاه بعصبيتها :
غووووتي جمعي تا الأمم المتحدة غير عطيني فرصة و خليني نتعرف على هاذ الزين راه تلفوني هاذ العينين غانتسطى صافي من قبيلا و انا تابعك دوختيني
شد فيها شدة العمى ف الضلمة دار كي لصقة سبيسيال حلف لامشا رجع نطق :
و الله مانمشي لما درتي معايا شي حل أ زين ..
غير رحميني و متقصحيش قلبك عليا .. غانتفاهمو و عانعجبك..
شدتها الخلعة و القفقافة من هاذ صاحب دعوتها لي تسلط عليها دابا شوهت معاه لي غادي و لي جاي يطلع و ينزل فيهم ..
واخا باين من ملامحها واقفا غير بزز عليها .. لكن هي لي دارتها لراسها .. خارجة بهاذ اللباس تقول جالسين ف لاس فيgاس هذا غير المغرب لي دزتي من حداه تلقايه واحل غير مع همو خصهم غير يشوفو اللحم و يسيلو ريوgهم ..
ايوا ريماس يا عيني عليها بقات كضور ف عويناتها طرا ليها بحال داك لي عمرو ما حبى و ونهار حبا طاح فالبير ..
بغات تبان زعمااا زوييينة و واااعرة تا هياااا و تحمررر وجه البنات ساعة ها هي واحلا مع هاذ راس طنg لي وحلها ليها ..
باغي يشد نمرة بزززز .. صدقت ولا ديدي لا حب الملوك ...
غوتت كاتشير بيدها لصبعها لي فيه الخاتم :
مخطوووووبة البشااااار مخطووووبة واش مكتفهمش و لا معندكش علاش تحشم ؟ وااااش مغتفرقش علياااا !! واش كاع مذلول تال هاذ الدرجة
زاد ورررك على يديها : هاااذي قدييييمة أ القوووقة ..
كون مخطوبة بعدااا مهايخليكش هاذ سي شماااااتة لي مخليك خارجة هاكا و لحمك معري ..
كون انا كون خبيتك من عينين بنادم و وريتك الرجولة ..
طلع و نزل فيها مشهيها و شوفاتو عيفووووها واخا هو نقي و زوين و لكن محملاااااتش فيه الشعرة ..
دفعت يديه بقووووة تا رجع بخطوة اللور و الاعصاب كيحرقووووها مرضاااتش ينقص منها بديك الطريقة :
كلللللب و حماااااار قالك الرجولة .. ههاهاهاها الرجوووولة بزاف على مك أ الحمار ..
سير هز غير سروالك بعدااا جففتي بيه الأرض و جمع ديك شعطاطة لي حرقتيها بالديكاباج ..
الله امسخك .. تفووووو على gنس كي داير متعرفووو المزوج من المخطوب .. لي جا عندكم باسم الله ..
تريكة كحل راس يخخخخخ كرهتونا فهاذ البلاد و مايجي منها
تمتمت بهاذشي و تمت هاربة بخطواتها لي مزروبين و ديك صندالة كتقرقب بيها و عذباتها فالمشيا ... عرفت بلي قوداتها ديال بصح فاش سباتو ..
عينيه رجعو كي قطرة الدم .. و كولو كيترعد ..
كون ما نفعوها رجليها كون خلا عشتها تما ..
قطعت شانطي و منين جا يتبعها تفكر طوموبيل ضرب يد مع يد كيتغددد عليها ..
مشا بجرية وحدة دخل لطوموبيلتو حيدها من تما حيت انتيردي و ايصدق ف ماهي و ما لونها ..
غير قطعت شانطي و تنفست الصعداء ..
مع ضارت باش تشوف واش مكاينش و هو يبان ليها ف طوموبيلتو جاي ..
وجههو حمررررر و كيغوووت من الشررررجم صاااعر عليها بالبيااان كاه سباااان نطق بيه . .
ريماس تجري و تقول ماجريت و صدرها كيتهز مع كول خطوة و صندالة العذاب صااافي .. قرب ليها كثر و سمعاتو كيقول :
"وقفيييي القحبة وقفييييي نوريك الحمار علاياش قاد و شنو كايدير لبحالك وفقيييييي"
حطت يديها على قلبها غايخرج من بلاصتو ندمت علاش سباتو و فمها لي خارج عليها ..
كاع دروبا خيطاتهم و حلف هو لا زgلها ولد الحرام خطيييير ف الصوgان ..
و هي غادا كتجري و تنهج و العرق نازل مع جبهتها شويا سمعااااتت روايض د شي لوطو تحكو مع الأرض فراناو بالجهدددددد محتكين بالشانطي حتا تهزت ديك العجاجة ف السماا و تسمع داك صوت لي كيهز الأنفس ..
تخلعت و جمد ليها الما ف ركابيها .. يبست فبلاصتها وو قلبها لاعب سامباااا ..
كايحسابها غير هذاك الحمار لي حالفها فيهاااا و جاي ليها يوريها سنطيحة ديال بصح
بقات هاكاك فبلاصتها و يدات كتسمع غير صوت شي ضرررب مجههههههد و غوات مخلط د الناس ..
قلبها كيترعد عليها من داك الغوات ديال ناس و صوت مكسووور كيتردد ف وذنيها ..
دارت بالعرض البطيئ و مصدقتش واش هذا قيس و لا غير كيتهيئ ليها لمحاتو غير من ظهرو العريض و الوشام لي نازل مع ذراعوو تهززز قلبها و هي كاتشوف فيه يمكن حيت توحشاتو و مشافتوش ربعيام تخيل ليها ..
زادت صغرت عينيها بغات تأكد شكها ..و الله ايلا هو بلحمو و شحمو مكاين غير الله اعطيك الصحة نزل على هذاك بالضرب حتا رجعو كي شرويطة صافي ..
و ناس كتقولو نعل شيطاااان و هو مكاينش فهاذ العالم ماطلقو حتا رجع لاخر سخفان و كيخرخر دمايات من فمو عاد طلقو ..
بعد شويا و بدا كينفض كمامو لي كان طاويهم و رد بصوتو الجوهري مزعزع كاع ناس لي تما :
باااااش تعلم أ زااامل تزلل على شي وحدة ف نص نهار بلا حشمة بلا حيااااا ..
رجه شدو من الكول كيدي و يجيب فيه بحال شي نص ايترو د الحليب .. : يااااالاه نوض وريني شطارتك مالك تكمشتي كي الفلوس دابا ينعل زااااامل بوووكم أ شمكاااارا ..
دفعو بقوووة من بعد ما صيفط ليه واحد ركلة نيييت زعزعات ليه كولشي ..
جات تدخلت واحد المرا معاها بنتها مزالا صغيرة شوية : الله ارضي عليك أ ولدي صافي نعل الشيطان شوف دماياتو فين وصلو الله ارضي عليك أ ولدي راه كولشي غير بالعقل ..
قيس كيتهز صدرو و يطلع : كلااااامك على راس و العين و لكن سرهم هو هذااااا باش يتعلم مايبقاش يضسار على بنات نااااس و يحسابو كاينا سيبا ف البلاد يا بربي تانقتلو كون ما حشمت ..
المرا قوست حجبانها و طبطبت على كتفو : صافي أ ولدي الله ارضي عليك بدل ساعة باخرى و عيط ليه البوليس حسن .. بلا متحرق راسك معله لي فسه شي حاجة فيه ..
هز راسو ب اه و مشات المرا .. و تفرقت الجوووقة
جا بغا يضور عينيه و هو يتصددددم فاش لمح ريماس واقفة وسط شانطي بعيدة عليه شويا ..
شعرها كيدفعو البرد و تكشف نص وجهها .. زاد ضيق عينيه زوووورق لي بهات لونهم كثررررر .. كيشوف ف البودي لي لابسا صدرها مزاحم فيه و كيتهز معاها و لحمها معرييي من دوك الكتاف لي كيشعلو بيوووضة ..
اما سروال صلاة على النبي مزيررررر تا غايطرطق على لحمها ..
تصدددم نييييت ديال بصح
فهاذ اللحظات خاينا ركب ف سيارتو بالخف و علق قبل مايشتتو قيس و يفش فيه غدااايدووو .. اصلا ترفع ممصدقش واش هاذي ريماس و لا غير عينيه خانوه ..
هي غير لمحاتو كيشوف فيها و هي تبسم واحد تبسيمة باااهتة و شافتو جاي جيهتها باين نيت واش معصصصب من وذنيه لي رجعوو حووومر و عروقا ديديه باينين ..
بقات كتلاشى ديك تبسيمة تا صفاااارت و كاع ألوان الطيف دازو عليها .. بدات كتهز بيد دوك صميطات تخبي كتافها و اش كاين ماتخبي دابا لي وقع وقع أ الحبيبة د قلبي شتي لي فيه الفز كيقفز ..
حست براسها بحالا واقفا على جمررررر و ريحتو سابقاه زادت وتراتها منين وصلاتها لنيفها ..
وصلو خطاويه لعندها و قلبها جمددد عليهااا ..
شافت فيه طلع و نزل فيها بشووفة كتخلع .. من صباع رجليها و هو طالع بالعرض البطيء تال راسها .. كيحقق فوجهها و فداك الماكياج لي دايرا ..
همست و هي كضحك بزز : سلاااام قيس احم .. اي ايمتااا جيتي ! علاش مقلتيهاش ليا !!
تصدم كيفاش سلمات عليه بهاذ البرودة و هو 4 جوغ مشافهاش على الأقل غير تعنقو و يحس بيها بصح توحشاتو ميف كان تا هو ملهووووف غير ايمتا يشوفها خلاااص سكت شويااا و شوفتو كتخلع همس بصوت بحال فحيح شي افعى :
كنت ناوي .. نديرها .. مفاجأة .. ساعة انا لي تفاجأت ..
ذبلت عينيها : ع علاش !! قيس مالك !!
تيورررك على فكووو و يديه جمعها بسرعة على شكل قبضة مابغايش يدير ليها شي شوهة هنااا و لا يصدق عاطبها : عااااجبينك .. الكلاب يتبعوك و يتزللو عليك ؟؟
كثر من 10 دقايق عاد وقف جيهة واحد طرواطوار و هز يدو كيضرب ف الفولون بقوووة ..
و حل صداف د الكووول ..
نطقت : ق قيس تهدددن عافاك صافي راه كنتي على شويا غاتقتلناااا ..
دار فيها واحد شوووفة خااايباااا حتا بلعت ريقها و رد بصوتو الجوهري كيحذرها : قسما بررررب الكعبة و نعااااااود نلقااااك لابساااا هاذ زبل حتا نقتلك و نهنيك .. سمعتيي ؟؟
حركت راسها بزربة ب اه : م مابقيييتش مابقييتش نلبس هاكا .. صافي
شاف ف كتافها و عينيه حووومر و لمح أثر ديك الحرقة لي كتبان شويا .. كمش عينيه بضيق كيتنهددد ..
ساد صمت طويل و هو كيحسب بالعد العكسي باش يتهدن و يتكالما ..
حتا تسمع صوت تيليفون ريماس كيصوني ..
هزاتو بزربة يالاه اتجاوب و هو يخطفو من يديها و رد بلا مايشوف شكون تسمع فقط :
ريماس : اشنو فيها ايلا خرجت ؟ علاش كاتزيد فيه بحال هاكا ؟ واش نبقا محبووووسة فالدار ؟
قيس : تشاااااااوري أ لالة هزي تيليفون و عيطي ليا قبل مغاديش تنفص منك شي حاجة و حتا انا نتهنا عليك ماشي نجي نلقاك دايرا هاذ الفضيحة فراسك ..
و هي حسابها معايا من بعد على هاذ التقحبين ..
دفع الباب و خرج ..
حل ليها الباب و جرها من ذراعها قدامو و هي غير كتنخصص مرضااااتش ..
تمشاو شويا و هو عينيه على بناااادم ليشوف فيها شي حد ..
تا دخلو لبوتيك ..
دخلو و استقبلاتهم وحدة تما باقا صغيرة و عاطا للعين لابسا جيبا قصيرة ف البوردو و بشرتها حنطية ضحكت تا بانو ضروسها : مرحباااا محرحبااااا ميسيو قيس نورتيييينا ..
عطاها رد بارد بلا مايشوفيها : thanks
ريماس دايرا يديها قدامها و معاجبها حال على هاذ تبهديلة لي داير ليها .. بقات كضور ف عويناتها .. و فالحوايج لي تماك ..
جرها من معصمها كيختار شي تخربيق على ذوقو و تمشا تال جيهة دريسينغ روم : ختاري شي حاجة مستورة من هاذشي .. نشوف مك لابسا شي حاجة مقزبة مزااااال ندفنك ف بلاصتك .. سمعتيييي ؟؟ و قد اعذر من انذر ..
حركت راسها ب اه ماطا شنايفها مقلقة و مشا هو جلس فوق واحد الكرسي داير رجل على رجل ..
هزت شي كساوي طوال شويا .. بحكم هاذ البوتيك فيه غا الكساوي د الصيف .. و تيشورتات و سراول مكينش حس طويل كاع ..
دخلات بدلات و بدات تتلعن فيه و كاتشوف حالتها ف المرايا : زهري و انا عارفاه نهار بغيت نلبس و نتقاد بحالي بحال ناس دار ليا العصا ف الرويضة ..
تفوووو عليييه تفوووو .. ويلي وجههي كيف كيبان ..
هزت كلينيكس و بدات تمسح ف الكحل و ديك الحالة و تسب ..
خرجت لقاتو مسند يد على حنكو و ديك تغوبيشة جاتو كي نقطة العسل على داك الوجه لي كايحمق ..
كانت لبست واحد لكسوا فلغوز بارد فايتا ركبة شويا ..
حرك راسو ب لا : قصييييرة بدليها ..
رجعت دخلت و لبست وحدة طويييييلة و هي تخرج غير شاف فيها و طررررطق عينيه : دوك الذراع لي عريانين عاجبينك و لا شنو ؟؟
<حرك يديه ف الهوا> بدليها ...
دخلات و بقات كتشوف ف المرايا و باينين فيها الأعصاب : ياااااااااااربي تصبررررررني يااااربي ..
قيس كيشوف ف تيليفونو و رد البال لبنات لي خدامين تما كيتوشوشو بيناتهم و غير كيشوف فيهم كيقطعو الحس و يسكتووو ..
خرجات ريماس بواحد الكسوا ف الكحل زويييينة خرجت كتجر فرجليها غير بزز قااااانطة : و هاذي ؟
اعتدل ف بلاصتو كيطلع و ينزل فيها هز صبعو ضورو .. فهمات راسها و هي تضور مزيان تا شاف كيفاش جاتها من اللور :
مزيرااااا عليييك .. بدليهااا ..
هزت راسها كتأفف و بصوت معصصصب : وااااش عرفتي شحال بدلت راه عيييييت مال هاذي مالها ؟؟ طويلة و عريضة و مستورة من الفوق عرفتي لبسني شي خنشة حسن عاد غاتهنا و يبردووو وذنيك ..
حرك راسو بجدية : نتي خاصني نخبيك فشي جلابة حسن من هاذ لبس د نص ميتروووو هاذي العريانة من رجليها هاذي من ظهرها ..
يالاااااه دخلي لبسي بلا قوة الهضرة ..
دخلات كتجبد فشعررررها قرب يطرطق فيها شي عرق ..
و قيس ماعلا بالوش شااااد.اعصابو و عارف اشكايدير ..
و هاذ المرة خرجات لابسا كسوا ف زرق بااااارد .. مزيرااااا من الخصر شويا و جات مطلوقة من لتحت .. ساااامبل و بالكمام .. لائماتها بزااااااف ..
ريماس : و الله مابقيت نبدل مزال صافي عيييييييت .. عجباتك تبارك الله معجباتكش ديني شري ليا شي نقاب حسن من القيصارية و ها حنا تهنينا ..
وقف هاز حجبانو ماضاحك مامغوووبش .. تا وصل ليها ؛ مممم ايلا درتي نقاب عينيا انعطيهم ليك دابا خوديهم ..
ضحكت بجنب فمها مستهزءة : غير شدهم عندك مخاصينيش
هربت الضحكة من فمو على هضرتها : ممم مبغيتيهمش ! متسرعيش لاتندمي من بعد و راه ماشي اي عينين .. متلقايش بحال هاذ العينين الزووورق لي كيخافو عليك من نسمة البرد ايلا قربات لك
يالاه زربي لا تفوت عليك هاذ الهمزة <و غمزها>..
ريماس رجعو خدودها حمرين و هي كتشوفو مصوب عويناتو عليهااا لي كيلمعووو : احححم .. يالاه نمشيو
وصلو لاكيس حطات كولشي و هاذوك البنات لي تما كيخنزرووو فيها .. محاملينها ماقابلينها ..
لمح هاذيك لي قصيرة : علاش هزيتي هاذي ؟؟ ياك قولت ليك قصيرة و مزيرة بلاش ؟؟
ريماس : وا غير خليها عافاك عجباتني ..
تنهددد و خلص قيس كولشي و خرجت هازا داكشي فيديها و ديك الكسيوة جاتها كاتحمق .. و شعرها مطلوق على ظهرها كيحركو الريح ..
حط ليها داكشي ف الكوفر و جا بغا يحا ليها الباب و هو يخشي راسو ف عنقها باسها على غفلة حتا سرات معاها رعشة فذاتها كاملا :
قيس ن ناااااس ح حشوووماا ..
رجع باسها ف حنكها : غانشدك ناكلك اناااا .. يالاه طلعي باش نمشيو نتغداو قتلني جوووع .. و دفعها تا ركبات ..
نص ساعة و كانو قدام واحد ريسطو ف البحر وااااعر بزاااف من تصميم ديالوو لي انيق عمرها وصلت ليه و لا عرفاتو ..
حاط يدو على خصرها دافعها كاتمشى قدامو و عاجباه بزااااف بديك الكسوة لي خبات تفاصيلها شويا .. ..
منين دخل و هوما كيرحبو بيه دايرين ليه كي لما لgليل .. ختار واحد طبلة مقابلة مع البحر زوييينة و فوقها باراسول د الخشب على ود.الشميسة لي حامية بزااااف ..
جلسو و زول نظاظرو د الشمس .. و ريماس فرحاااانة بهاذ الجو واحد البرد خفيف د البحر كيضرب على وجهها و صوت موسيقى هادئة .. و شي خصلات كيرجعهم البرد اللور .. و مرة م ة كيتخربقو على وجهها ..
قيس غير مقابلهاا و مطول فيها الشوفة بكل لهفة حب .. مكرهش يهزها يخطفها ..
جا السرباي خدا طلباتهم ..
قيس : عجبك هنا ؟ و لا ندخلو لداخل !!
ريماس : اووبس لاااا .. خلينا هنا عافاك شو البحر كيبان زوين بزاااف مع الشمس ..
قيس : انا ممحتاجش الشمس نشوفها .. و هي قدامي ..
ضورت عينيها جيهتو كضحك و حنيكاتها توردووو ..
قيس : يخليلي لي كايحشم ..
هز يدها باسها و رجع بعينيه كيشوف لقا تماك خاوي مكانوش ناس بزاف و تنهد براحة رجع كيكره يكونو ناس بزاف حداه .. ايلا كانت معاه ريماس ..
جاب سرباي كولشي تا عمرت ديك طبلة .. أنواع د الأسماك الطازجة و اطباق مختلفة من السلطات و العواصر ..
سكتات و بدات كتحشي فوجهها : همممم هاذشي شحال لذيذ .. الله اعطيهم الصحة ..
وصلت لواحد الشكل معرفاتش كيفاش تاكلو .. كان طبسيل قدامو ديالو كينقي و يزول الشوك .. حتا سالاه و هزو حطو قدامها : يالاه كولي ..
تبسمت : ممم ههه شكرااا ..
كلاو و سالاو و شربو العصير ..
شويا واحد الزعرا لابسا غير شورط و ميني فونتغ ف زرق .. العينين زورق و طاي كتهبل .. جايا كتمشى و خصرها كيميل ..
غير وصلت ليهم و هي تهمس بصوت فيه غنج ؛ هاااااي ..
غفلات قيس و باستو ف حنكوو ..
قيس ضور وجههو لعندها و هو يتصدددم منين شاف وجهها : كاميليا !!!
حركت راسها ب اه و ضحكت : توووووحشتك .. علاش غبرتي عليا تووووحشتك كووولك بغييييت غير ايمتااا ترجع قلبي كيتعذذذذب و نتا بعيد عليا هاااكاااا علاش مابقيتش كاتجي ل كلوب رجع خايب بلا بيك !!
رجعت قربت بغات تبوسو بلا حشمة بلا استحياء و هو يبعد وجههو و عينيه حووومر : كاميييييليا <ورررك على سميتها بتحذير>
جلست و بقات كتشوف ف قيس : شكوووون هاذ البنوتة لي معاك !! حيت عارفة هاذا ماشي لو جونغ لي تايعجبك .. و انا جايا تعجببببت ..
ريماس شدت ف الكاس د الما مزيرا يديها عليه و نطقت مقاطعة قيس لي معصصصب : هههه واااو و شنو كيعجب ميسيو قيس تفضلي قولي ليا حيت باين كتعرفيه مزياااااان
كاميليا تنهدت بلهفة و شنايفها المنفوخين كيبريو : مممم صعيب نحدد ليك ذوقو مي لي نقولك هو غير عشاق ملال <غمزت ليها> ليوما معاك و غدا مع اخرى .. متحلميش يكون ليك ديما ..
وقفت ريماس قدام كاميليا : ها هو بصحتك أ زين حيت الحاجة المشروكة مكتعجبينيش ..
تخطاتها ضارباها بكتفها و مشات بزررربة ..
قيس يالاه غايتبعهاااا و هي تحبسو كاميليا بيديها : عافاك بقا معايا توحشتك بايبي و الله .. صافي خليها تمشي ..
محسش حتا لقات راسها ف الأرض .. صرفقها تا تجلات عليها القبلة و طوش الدم من فمها ..
رجع شدها من شعرهااا مزيااان حتا قرب يتقلع من بلاصتو : حسااابي معاك مسالاش هناااااا .. من بعد و غنتفااااهمووو ..
ركلها برجلووو و خرج كيجري كيقلب على ريماس لي غبر ليها الأثر ..
ريماس غادا معصصصصبة و قلبها كيضرررب : الكلبة الحمااااارة .. حسابها راسها هي شارابوفا ..
الصفريطة لاخرى .. تفووو قرربت توصل للسحاب بديك نفحة و هي كولها غا سيليكون .. يعععع تفووو كان عليا نشدددها و نريش مها مزياااااان و لكن مزيان نيت كنت غانحلها ليه و يكبر ليه الشان ..
الكلب .. الله القيها ليهم بزوج ..
لمحها قيس و تنهدد برااااحة و تبعها كيجري جرها من ذراعها تا تفززززعت..
قيس : ريماااااس راه قولت هاذشي ف الماضي .. واش انا غنقدر ندير هاكا و انا معاك !!
انا راه كنموووت عليك و مكنتخيلش راسي مع شي وحدة من غيرك .. و هاذ كاميليا اصلا كنت كنمشي غير نلوح فيها وسخي .. عمرني حسيت معاها بشي حاجة .. و جامي كانت بيناتنا شي حاجة اصلا ..
ريماس : ساليتي ؟؟
قيس غوووت تا زعزعها حيت بصح عصبااااااتو :
مااااشي حيت كنطلب فيك دابا تزاااااد فيك ضلعة واش انا كنحلف ليك بلي هاذشي قبل مانعرفك و نتي ماباغاش تصنتي على الأقل غير شوفي فيا و انا كنهضر ..
ريماس : سمعت و هاذشي دخل من هنا <شيرت لوذنها> و خرج من هنا <عاودت شيرت لوذنها لاخرى> ..
نطرت يديه .. و هو بقا حاط يديه على خصرووو .. كيتنهد تااالف و حااااير معااااها غير هز عينيه لقاها ركبت ف طاكسي و طارت ..
هز يديه و زدحها مع طوموبيل بغضضضضب : فااااااك فاااااك
غير ركبت ف طاكسي و هي تهز تيليفونها عيطت : الو ليلى فينك دابا ؟؟
ليلى : ريمااااااس هولتيني عليك واش قيس معاك ياكما دار ليك شي حاجة ؟؟؟؟ عرفتي شحال عيطت ليك قلبي تهز بالخلعة عارفاه سايكوباط و يديه سابقاه دوييي العار ..
ريماس : غير قوليلي فينك و نجي عندك نعاود ليك .. انا فالطاكسي دابا مغنرتاحش نهضر ف تيليفون ..
عطاتها ليلى العنوان .. و وصلها الطاكسي لتماك ..
نزلت و خلصاتو .. غادا كتمشا بشويا حتا وصلت لعندهم كانت الفيلا ديال رزان كبييييرة و شكلهاااا هاااادئ ..
حلت ليها الخدامة و دخلات تابعاها فواحد الممر ..
غير شافتها ليلى و شيرت ليها بيدها .. كانو جالسين فواحد جريدة فوق واحد طبلة بالكراسا ..
قربت و سلمت عليهم : اربي سمحوووليا جيت برزطكم يمكن على داكشي لي كان عندكم ..
ريماس تنهدددت : داك خووك كلب صراااحة .. كنا كنتغداو حتا جات واحد القحبة حاشاكم و باستو هاكا قدامي بلا حشمة ف حنكووو .. و بدات تعووووج و تلوز ف طرمتها .. و قاتلي راه كان كينعس معاها هااااااكاااا .. ايوا و انا نوووض خليت ليهم الجو صافي ..
رزان ضحكت شويا : احححححححح على الغيرة ياربي ..
خنزررررت فيها ريماس
رجعت نطقت رزان و حمعت ضحكتها : و لكن براااااافو ليييك <صفقت ليها> مزياااان منين مشيتي ...
ليلى كتنقب من الgلية : زاااامل هاذ خويا صراحة .. ديال الكوى صافي .. كان عليك دفلي عليهم بزوج و تخرجي ..
هزت ريماس شعرها جمعاتو شفنجة صهدها : كنت غانديرها كون ماخفت يقسمني تماك .. مع هو يديه مسالمين تبارك الله ..
رزان خنزرت ف ليلى : نتي كاتقلبي ليها على خلاها واقيلا تدفل عليه ؟ ههه زعما راه كتعرفيه ..
ليلى : و لكن واش متأكدة زعما كينعس معاها و نتوما مع بعض ؟ مكنظنش يديرها غاتكون غير من دوك القحاب د البواط ..
كي شتي هو راه كان داير شهادة سكنة تماك .. كون ما كان البروطيكس كون راه كل وحدة جارا ولدها و جايا تشكا لينا ..
ريماس شدت ف حناكها : معرفتش هو حلف بالله و بقا كيقولي من الماضي و دابا مكيهرف تا وحدة معرغت و الله معرفت انا راه مشكاكة بزااااااف ..
ليلى : شوفي سمعيني منين حلف ليك و الله ماغايكون كذذذذب ..
انا عارفاه مزيان .. هاذيك غير شافتكم دابا سمن على عسل قالت اجي نكدها عليهم و صافي .. راه المحسادة عطاهم الله ..
رزان : انا عندي واحد الفكرة باش نتأكدو واش مزال كيمشي لي بواط و لا لا
رزان : سكتي خليني نعاوم البنت افكاري انا خطااااار غير نتي معرفتش اش وقعلي داك نهار تا صدق زيرووو ..
ريماس : غا قووولي نسمعووو بعداااا ..
رزان : هانتوما حلو وذنيكم مزياااان ..
انا عندي واحد الفوكونط صحيييييح كنشد بيه ف عباد.الله باش نعرف حقيقتهم .. دايرا فيه تصاور واحد ق*** زويييينة نييييت و عندها واااحد مولااااي صدررر و واااااحد مولااااتي طرررمة ..
ليلى : وا اختصري سربي قولي اش كاين ..
رزان : غانصيفطو انفيط ل قيس و نجمعو معاه مزياااان و نشوفو واش غايقبل يتلاقا بيها ف البواط .. و هاكا غايكون كولشي وااااضح ..
اش بان ليكم ؟؟
ريماس : ممم مزياااان بلان هو هذاك ..
ليلى : بلا ماتشوفو فيا هاكا .. انا هاذ الخانزة كنخاف من بلاناتها .. نصدقو مفرشخين كولنا .. معرفتش خااااايفاااا و لي خاف نجاااا ..
رزان تنهدددت كتأفف : صاحبتي و الله هاذشي ما فيه ريسك غير ثيقي فياااا ..
ليلى : اووووكي اوووكي سيري ع الله ..
جابت رزان الابتوب .. و الخدامة وجدت ليهم قهوة ..
صيفطات ليه انفيط ..
هانا سيفط ليه عالله يقبلني بزربة ..
ليلى : شوفي لانستغراااام حسسسن هو مكيدخلش الفايس بزاااااف ..
رزان ضربتها على قفاتها : قوووليها من اللول تفو عليك بلا منضيعو الوقت..
مشات سيفطات ليه ف انستغرام ..
ريماس : نااااري و يقبل غانمشي ندفل عليه ديال بصح .. و غادي نفرتك هاذ لخ*** كاااامل ..
ليلى : نننننن مغايقبلش مستحيل .. هو اه عينيه زايغا .. و لكن من نهار عرفك تبدل 180 درجة ..
رزان : ختشيييي سمحي ليا رجاااال مافيهم ثقة .. توقعي اي حاجة منهم ..
مدت فمها la paille كتشرب منها .. غير سمعت صوت نوطيفيكاسيون و هي توسع عينيها بفرحة : يااااااي دخلت لعندو ..
رزان صفقت بصباعها باش ينتبهو ليها : البنات راني قلت ليه الاقتراح قتليه نمشيو نصهرو و ندوزو شي ليلة طوووب ..
ايوا دابا نشوفو اش غايقول ..
ريماس كتعض فظفارها بتوتر : ناري البنات ايلا قبل غانفرتك هاذ زمر كاااامل و الله منزيد معاه دقيقة وحدة ..
ليلى : (زفرت تنهيدة طويلة) لا لا متخافيش مغيقبلش انا عارفاه مغيقبلش ..
وصل الميساج و طارت رزان دخلت شافت الجواب و هي طرطق عينيها فيهم و كترجع تشوف ف تيليفونها ..
ريماس : اشنو ؟؟ قبل !! دويييييي يرحم. باك
هزت راسها ب اه و ريقها كيتسمع فاش كتصرطو : قاليا علاش لا نمشيو نبدلو الجو شويا و ندوزو سواري مع بعض ..
بقاو كيشوفو ف بعضهم بصدمة ..
ريماس :(تعقدو حجبانها و ملامح وجهها تشدوو) ز****** مصدقش تفوووووو .. كلب كنت عارفاااااه احساسي مكذبنيش ..
ليلى بقات كتعض ف ظفارها : العجب و الله قبل بهاذ السهولة زعما مفهمتش و لايني راه ز*** هاذي ميحيدهاش طبيب ..
رزان : ايوا شتو اشنو قلت ليكم الرجال غداااارة و ماااافيهم ثقة <هزت عينيها ف ريماس> سمعيني مايبقاش فيك الحال المهم عرفتيه على حقيقتو ماشي تبقاي ناعسا ف دار غفلون محدكم مزال مدرتو ف الطاجين مايتحرق ..
ريماس وجهها حمرررر و مزيرررر هزت تيليفونها بزررربة
رزان : اشكديري ؟؟؟؟
ريماس : انعيط ليه و نقوليه سالينا ينساني عليه .. و نتي متمسحيش داكشي خليه عندك و لا ديري ليه سكرين .. باش يقول شي حاجة نصيفط ليه داكشي و يسد خرستو الكلب جالس كيحلف ليا بالله مكيمشي للبواط و لا لشي بلاصة داير فيها البراءة و يحلف و يعاود بحالا شفتوه بعينيكم ..
ليلى تنهدت عاود معاجبهاش الحال : عرفتي جات ف بالي فكرة زويييييينة و غادي تكون صدمة ليه ..
ريماس نزلت على واحد الكاس د الما بااااارد : قولي نسمع ؟؟
ليلى : غانوجدوك و نقادوك و نديرو معاه الوقت نيت بالضبط و سيري فبلاصتها باش تصدميه و تحطيه بوجههو .. هاكا على أرض الواقع ..
صفقت رزان بفرحة : بلاااااان مقو**** هذا بايبي .. و متافقة معاااااك كنتخيل وجههو كي غايتبدل فيه اللون اشنو بان ليك ؟؟
ريماس ؛ اوكي أصلا ماخاسرا والو هو لي خاسر كولشي ..
رزان : صبري انعيط لواحد صديق مايكاب ارتيست و غادي يوجددددك مزيااااااااان اترجعي وحدة أخرى و نشوفو ليك شي لبسة تكون سيكسي مزيااااان ..
ضحكت ريماس مستهزءة : و جالس عليا ب متلبسيش القصير و داير فيها مغياااار و كاظم الساهر .. و هو غير شاف طرف ديال هاذ الق**** سالو ريوووgو اووكي غير بلاتس ايلا مندمتك منتسماش ريماس
ضحكو البنات : متخاااافيش غيندددم
* فلاش باك *
كان قيس فواحد الكافي سميتها Bonjour هو و علي جالسين ..
علي كيدوي و قيس مرفوووع كيفكر ف ريماس و فداك البلان ..
علي :(شير بيدو ليه) قيس فين سرحتي
قيس رجع ب عينيه لواقع و قاد قميجتو و تقاد ف جلستو : سووري عقلي ممركزش معاك ..
علي : مالك اش طاري ؟؟ منين دخلتي حسيت بيك ماشي هو هذاك .. غير ساااهي ..
قيس : (دار رجل على رجل و هز gاروه كيكميه) والو غير نسى ..
علي : دويييي أ ز*** اش واقع !!
قيس : ديك القحبة د كاميليا عقلتي عليها ؟
علي : و شكون ينسى داك زين .. مالها ؟؟
قيس :(نفث دخان) مالقات فين تجي حتا كنت جالس كنتغدى انا و ريماس و جات وقفت علينا .. و راك عارف لبنات كيفاش دايرين فاااااك ..
كنت peaaaaace
علي : (حك ذقنو فاهم البلان) اه لاخرى تقلقات و زادت بحالها .. عادي أ ساط البنات مغيارات ..
قيس : اه و لكن كان خاصها تيقني منين قلت ليها كنعرفها قبل و عمرني بقيت شفتها ..
حتا تسلطت علينا كي زلط .. فااااااك ..
عمرني كاع طلبت شي بنت لمرا ف حياتي و كنحلف ليها بالله و نعااااود .. هي حلفت لا نزلت كواريها .. غير مازايدا فيه ..
علي : عادي أ صاحبي نتا منخافش عليك غادي تصالحها بشي طريقة و غاتفش ..
تسمع صوت ميساج ف تيليفون قيس هزو .. و دخل لانستغرام لقا وحدة دارت ليه follow دخل لتصاورها و بقا كيشوف : مممم معرفت لمن شبهاتلي هاذ ختنا .. سميتها على طرف لساني
على هز حاجب : كيفاش !!
قيس قرب تيلي ليه موريه صورتها : هاذي مشبهاتش ليك لشي وحدة معرفتش حاس فايت شايف هاذ الوجه بزااااف !!
علي بقا كيحنزز مزيااان و كيزومي على وجهها شويا استقرو حجبانو و تبسم :
اوووووه هااااذي سيلينا لي كنا خدمنا معاها داك البروجي ف 2016 و كانت هي الوجه الاعلاني للماركة ديالنا ..
اححححح زيااااانت .. العفريتة ..
قيس تأفف كيتنهد : ارا داك تيليفون هي لي بقات لي نيت ..
علي بعد عليه شويا : لاااااء و الله تا هاندوي معاها من عندك باينا طايحا فيك أ ساط منين سيفطات ليك ميساج ..
انا غاندير واحد البلان دابا ع الله يصدق ..
قيس : أ **** طلق تيلي ماباغيش نحلها لشي ق**** ..
مخصنيش هاذ ****
علي دار لي فراسو و بقا مجمع معاها عاد رد ليه تيليفون : بلييييييز متفرشنينش درت معاها ف البواط .. غاتمشي معايا و نتلاقاها انا ..
ريماس الجزء 14
محتوى القصة
التنقل بين الأجزاء