ريماس الجزء 16

من تأليف Hayam Arsel
2020

محتوى القصة

رواية ريماس

وصلو لفيلا ديالو .. نزل و عاونها حيت لاغوب طوييييلة و كتجرجر ف الارض .. و خاف لثعتر فيها ..
تمشاو بخطوات صغار و هو راد ليها البال .. حتا دخلو استقبلهم العساس و بارك ليهم طبعااااا بابتسامة عريضة ..

عبرو الممر د جريدة و كيبان المسبح لي كيلمع و دوك ضواو لي فجنب ديالو عاطيين منظر ساحر للعين ... 
ريماس اول مرة تشوف دارو .. جاتها زوييينة بزاف حسن من الفيلا د واليديه واخا حتا هي زوينة غير هاذي حساتها كالم كثررر ..

جبد ساروت و دخل غير فتح الباب و هي تفاجئ بشكل الشموع لي مستفين على شكل قلب فكل بلاصة و الورد مبعثر و ريحة زوينة ف الجو كانت ريحة بارفان باااارد .. 
لمحت البيبان د زاج لي كيبينو جريدة و المسبح .. و واحد الفسحة فيها بحال شي زعلولة .. زوييينة بزاااف .. 

شعل الضو و همس و هو كيحك جبهتو : فاااك نسيت معيطت ل ماريا .. خرجات من بالي .. 

ريماس : (بفضول) ماريا !! 

قيس : اه الخدامة .. غير باش توجد لينا العشا .. ديجا راك ماكليتي والو نهار كامل و حتا انا حسيت بجوع .. 
وايت انعيط ليها دابا ..

ريماس : بلاش حشوما و الليل هذا .. انوجدو شي حاجة خفيفة اوكي ..

شد وجهها بين يديه : ممم لااااء أميرتي مغنعدبهاش
باس شنايفها و جرها من يديها .. طلعو لفوق .. دفع الباب د غرفتو الضخمة .. 

مشات ريماس نيشان جلست فوق طرف د ناموسية كترد أنفاسها سخفاتها لاغوب لي طويلة و ديك شدة لي فوق راسها عياااات ديال بصصصح .. و عينيها كيتساراو ف كل ركن .. 

غرفتو كبيرة و غالب عليها اللون رمادي و الأسود .. سرير ف الوسط كبيييير و ضخم .. و قدامو سجادة د ريش عرييييضة ف الرمادي و طبلة د زاج حادرة و فوطوي طويل فجنب الحيط .. 

قيس نطر ديك البابيون و رماها فواحد سلة .. زول لافيست و بدا كيحل صداف د القميجة و هو كيشوف فيها : ممم مغتبدليش !! 
انا صهدددت بزااف .. 

ريماس : اه غ غنبدل دابا شويا ..

قيس زول القميجة و بقاو كيبانو عضلاتو لي مطراسيين .. و دوك الوشامات ياربي كايسطيو صافي .. 

جبد ريموت كونترول و شعل لكليما لي خلات الغرفة بااااااردة .. 

زول سروال و هي تضور وجهها بزربة لحيط .. 

اححححم راني حداك زعما .. 

قيس ضحك بجنب فمو : ههه شنوووو !!

خبات وجهها بيديها : وا دخل لحمام و بدل عليك .. 
ماشي قدامي ..

قيس : كيفاش زعما غانحشم من مرتي !

بقات مخبيا وجهها و قلبها كيضرررب بقوووة و كتعض على شنايفها .. 

قيس : اه نسيت ماقلت ليك حوايجك هنا ف البلاكار .. ليلى لي اختارتهم .. معرفتش واش غيعجبوك و لا لا .. مهم كولشي تماك خليت ماريا كتستفهم صباح ..

ريماس ضورت وجهها بزربة لعندو لقاتو غير ب البوكسر سدتهم بقلة صبررر حاولت تفادى تشوف تما و بقاو عينيها مركزين على عويناتو واخا منكراتش بلي جسمو ريااااضي حرك فيها شي حاجة لداخل ؛ اهاااه و حوايجي انا فين بقاو ؟

قيس : بقاو ف دار عند ماما .. اتس اوكاي غدا و نجيبوهوم .. 

دخل للحمام و بدا كيدوش ..



ريماس مشات كتبدل محيدت ديك الكسوة تا غفر ليها الله ذنوبها .. و شعرها طلقاتو و بقا مبوكلي .. غير مشات لبلاكار و هي تصددددم .. مكاين غير المقززززب .. زعما ليلى تبارك الله عليها و صافي .. 
عيات تقلب والو كووولشي معري و مشبك .. 

الله ياااربي شنو غانلبس دابا .. وييييلي على فضيييحة .. 

بقات كتصوووط و تمط ف شنايفها .. فاللخر هزت شي حاجة بانت ليها هي لي فيها ضو شويا ..

و بوشيط فيها شي تخربيق .. 

خرج قيس لاوي الفوطة على خصرو و شاد فوطة ف يدو كينشف بيها شعرو لي مزال كيقطر على وجهوو ..

يالاه ايحرك عينيه و هي تسلت للحمام و طرقت الباب .. 

ضحك بجنب فمو و تمشا للدريسينغ رووم ..

ف حين ريماس دخلت للجاكوزي لقاتو عامر بالورد و واحد الريحة كتهدأ النفس .. 

غسلت عظيماتها و مشا داك التعب بسرعة .. 

غسلت شعرها و خرجت قدام المرايا نشفت لحمها بالفوطة و جبدات ل بيبي دول د النعاس ف الكحل كان قصييير .. مبين مفاتنها .. و رجليها لي كيبريو و كيشعلو من بيوضيتهم و بشرتهم لي دايرة بحال بيبيات الصغار .. 

و هي كتمسح ف الكحل طاحت فبالها واحد الفكرة .. تبسمت و عضت على شنايفها بمكر ..

ايلا مخرجتهاش منك هاذ الليلة انا ماشي ريماس .. 

عدلت ماكياجها لي خفيييف داك مايكاب مو مايكاب جبدت عينيها بالماسكارا .. و دارت عكر غووز بااااارد .. نشفت شعرها مزياااان و قاداتووو ..

شافت ف مرايا لآخر مرة .. عينين خضرين مايلين لزيتي فحال لون الربيع .. و حواجب طوال و عراض .. جايين مع وجهها الحاد لي على شكل لوزة ..
و شفايف صغار مملوئين شويا .. و نيف صغير واقف بطريقة جذابة هي أصلا .. كلها معنى للأنوثة و الجاذبية .. واخا غير بهاذ اللمسات الخفاف لي دارت .. 

تنهدت و رمات عليها البينوار القصير د الساتان و خلاتو مفتوح .. كمامو قصار و فيهم دانتيل .. جا ديكورهم غزال .. 

حطت يديها على البواني و خرجت .. 

لقات قيس عاطيها بالظهر و شاد اللابتوب فوق رجليه كيكمي سيجارتو .. 
كان عريان من لفوق كيبان غير ظهرو العريض .. و داك الخط وسطو لي محفور و مبين كل عضلة .. 

دور و جههو و هو يتوسع بؤبؤ عينيه ساهي فيها ..
مطلعها من صبعها الصغير تال شعر راسها .. 

تحلو شنايفو شويا بذهووول و إعجاااب واضح .. 

حطت البوشيط و بدات كتجمع شعرها لفوق على شكل شفنجة مخربقة .. و شي خصلات طايحين .. و هو حاضيها حاضي كل حركة كادير ..

بلع ريقو و تفاحة آدم كتبان كطلع و تنزل .. 

دورت وجهها و همست : قتلني جووع نزلو نطيبو شي حاجة !! 

بقا ساهي فشكل سيقانها و فخاضها مكانتش غليضة و مكانتش رقيييقة كان داكشي حدو قدووو .. لمح عنقها طويل و ديك سنسلة لي جات سااامبل و فيها بحال شي قمر هو لي خداها ليها عجبو لحال فاش شافها لابساها ..

جاها ضحك كيفاش ساهي و رجعت حركت يديها ف الهوااا : قييييس هييهوووو فين سرحتي ..

حرك رموشو بزربة : هاا !! قلتي شي حاجة ؟ 

ريماس : اه قلت فيااا جوووووع .. يالاه نطيبو شي حاجة عافاك و الله مصارني كيغوتو بجووع .. 

قيس رجع شعرو للووور و نفض راسو من ناموسية : اوووكي خليني انا انصاوب العشا .. 

ريماس ربعت يديها : ممم مكنتش عارفة راك كتطيب 

قرب جيهتها تا وصل ليها : نتي غير تشهاي و انا نطيب لروحي لي بغات .. 
قرب بغا يبوس دوك شنايف لي دوخوه و هي تضور حلات الباب : يالااااه خلاص .. 

تنهددد حاس بمولاي سلطان غاينفجررر .. باغي يشدها و ميطلقهاش .. 

تمشات قدامو كتعوج بلعاني .. و عينيه عليها كي صقر ..
كيشوف ف داك الخير كيتحرك قدامو و قلبو كيزدددح


دخلو لكوزينة .. يالاه غاتحرك و هي تحس براسها مهزوزة حطها فوق الكونتوار بخفة .. 
و داعب نيفها : قلت ليك غير جلسي انا غادي نطيب .. 

تبسمت و بقات كتحرك رجليها كتلعب بيهم : اوكي لي بغيتي .. ممم شنو غاتطيب بعدا !! 

قيس : ممم نشوف شنو كاين ..

مشا حل ثلاجة و هو يتصدم مالقا والو من غير شي تخربيق و القراعي د البيرة .. ضور وجههو بالعرض البطيء : ثلاجة خاويا !!

بقا كيحك شعروو و همس : أول مرة نلقا ثلاجة خاويا مفهمتش ولا بمكن حيت مابقيتش كانجي لهنا ..

تنهدددت و هي هازا عويناتها ف السقف : زوين من برا اشخبارك من لداخل لي شاف هاذ الكوزينة و هاذ ديكوراسيون تشدو دوخة و سخخخخفة ..

قيس : صافي انمشيو نتعشاو فشي بلاصة .. مهتبقايش بجوع بيان سيغ ..

قرب جيهتها هزها حتا نزلت و ورك بيدو على خصرها : انا تشهيت غير ناكلك نتي .. باراكا قاداني و كافياني ... 

بعدت شويا كتنحنح بصوتها : غنلقاو شي حد حال فهاذ الوقت !! 

قيس : عرفتي اندومونديو حسن على بيتزا ؟؟

ريماس : ممم صافي ..

مشا قيس هز تيليفونو و دوموندا على 4 pizza margaritas .. 

دازت 10 دق و تسمع دقان .. مشات ريماس حلت الباب و هي تلقا واحد الشاب هاز كارطونات د البيتزا ..

طلع و نزل فيها الشوفة حست براسها اش لابسا و هي تكحكح .. سدت البينوار .. 
من الزهر قيس كان نازل مع الدروج هاز لابتوب ديالو فيديه.. غير شاف الباب محلولة و هي واقفة هاكاك بداك البينوار و سمعها كتمتم بشي حاجة تعقدووو حجبااانو و مشا طاير وقف عليهم دفعها بقوة و شنق على داك الشاب : فااااااش كتشووووف أ ز******* غانحيد لمك ***** 

صرفقووو بقووة تا جا طاااايح ..

ريماس وقفت بزربة : قييييسس واش تسطيتي شنو دار ليك دري .. 

خنزررر فيها و دفعها مورا الباب جبد لفلوس رماهم عليه و عيط للعساس : خرج عليا هاذ الميكروب قبل مانوسخ فيه يدي ..

زددح الباب و هز ديك البيتزا حطها فوق الطبلة و يديه كيرجفو .. 
رجع لحداها و زدح يدو مع الحيط : شنوووو قاليك رااااسك ؟؟ خارجة عندووو بهاذ اللبس !!! اصلا شكون قال ل**** حلي الباب !!

ريماس : مالك كتغوت دابا راه كنسمعك بلا غوااات

قرررب بخطوات هوزها خوف و هي تزم فمها و صلحت هضرتها : ا اصلا ر راه موقع والو صافي ب بررررد ..

قيس : راه ماشي قدااااامك مووونيك باش تقولي ليا برد ماكاين لا برد لا ***** .. لكلب جاااالس كيتفرج ينعل ****** ..

ريماس حساتو غاينفجر بقات غير كضور ف عينيها .. قالت ماتليق ليه غير الحيلة دابا .. و كاتشوف صدرو طالع نااااازل .. حطت يديها على كتفو العريان : ص صافي س سمحليا .. 
مغانعاودش نتصرف هاكا ... 

تنهددد مخرج انفاسو السخووونة و رخف يديه .. 

حتا تهدددن شويا .. و جمع وجهها بين يديه : خصك تعرفي راك ديااااالي بوووحدي و تا شوفة مايشركهاش معايا شي ز**** سمعتيييي ! و لا قسمت برب الكعبة تا نحروووو ..

حركت راسها ب اه و الخلعة شاداهاااا .. 

قيس جررها من يديها تا جلست فوق الفوطوي : يالاه كووولي ..
تقابل معاها .. 

و هي ترد بصوت منخفض : فين خليتي ليا شي شهية الله اغبر ليك الشقف .. 

قيس : قلتي شي حاجة ؟؟

ريماس ضحكت : لا بالعمى علاه انا نقدر .. 

واخا هانا كناكل ..

هزت طرف د البييتزا و بدات كتحشي ف فمها .. و هو شاد البيسي ..

ريماس : مغاتاكلش !! 

قيس ضغط على كونفيرمي و تبسمو عينيه : غدا عندنا رحلة لإسبانيا انمشو نرتاحو فيها شي سومين و نرجعو .. 

طرطقت عينيها بصدمة : شنوووو


قيس : اه غانمشيو ليها و من بعد نمشيو لشي بلاصة عاجباك .. 
قلت نمشيو لإسبانيا حيت تماك غايكون واحد ليفينمون خاص ب société ديالنا و بغيتك تحضري معايا .. 
و اصلا انا متأكد غايعجبك تماك بزاااااف .. 

نزلت دغمتها بزز ؛ انمشيو غداا !! 

قيس : سي .. غدا طيارة غاتكون واجدة .. 
غير حجزت واحد الفيلا قدام البحر .. 

قرب حداها و هز مورصو من لبيتزاا و بدا كياكل و دوك لعوينات بخال شي كريسطالات : شنو ماعجبكش الحال !! 

ريماس : لا بالعكس .. غير تفاجأت و صافي .. 

قرب لعنقها طبع فيه بوسة خفيفة : غير عولي على المفاجآت من هنا لقدام ..

جذبها لعندو و باس خدودها بزوج : هاذ ريحة غاتسطيني شي نهار ..

مسحت فمها و همست : شبعت .. الله اخلف ..

وقف و مد يدو ليها : مم يالاه أ القطيطة ديالي نعسوو باراكا .. غانفيقو بكري غدا و ديجا 2 د الليل هاذي ..

غير تفكرت بلي غاتنعس حداه و هي تشدها الخلعة من صبعها الصغير ليكون معول يدير ليها شي حاجة : احم .. ا نن ش . 

قيس ضيق عينيه مفهمش اش كاتقول : شنوو !! 

ريماس : عافاك نبقاو شويا و الله مافياش نعاس .. نتفرجو ف تلفازة و نشدو شي فيلم زوين !!

وسع عينيه فيها : ريماس هاذي راه 2 د الليل و ديجا عينيك حمرين باينة فيك عيانة .. يالاه نعسو حسن ..

يبست رجليها ف الأرض كتفرك فيديها بتوتر : وا واعافاك نتفرجو غير شويا و نمشيو .. 

تنهددد و عينيه باين فيهم لعيى : اوووك اوووك .. 

مشا شعل تلفزة و جلس فوق الفوطوي جذبها لعندو و حط راسها على صدرو .. 
دار واحد الفيلم د طوم هانكس .. 
قيس كيتفوه كل شويا و عينيه رجعو واااارمين غير كيحركها كايلقاها مزالا فاااايقااا .. 

قيس بصوت باح شويا و فيه تعب : روحي واش مزالا محسيتي بالنعاس !! هذا لفيلم رابع لي كانتفرجو فيه ..

ريماس قربت تطيح بالنعاس و لكن خافت تصدق فشي حاجة و هي ممستعداش : غير شويا و نعسو .. 

وقف و جرها هزها بين يديه طالع مع دروج : لا صافي نتي غاتبقاي هاكا تا يصبح الحال..

دخل لغرفتو .. و حطها فوق سرير : غير اتسدي عويناتك و اتنعسي .. 

جرت اللحاف عليها بزربة و عينيها كيضورو ..

يد ريدو د الشرفة و قرب حداها .. تغطى هو كيقرب و هي كتبعد ..

شويا قلبها لعندو : فين هربانة !! 

ريماس معرفت اش تقول كتشم غير فريحتو زوينة : ل ل لا م مهرباناش .. 

قيس : مممم لا من قبيلا و نتي خايفا غير نطلعو لبيت و كاتحججي بلي طاير عليك نعاس .. شنو خايفا مني !! 

ريماس رجع وجهها حمرررررر هضرات مع راسها : ولد الهم عاق بيا ..

جرها لعندو كثر : ماتخافيش أصلا حنا عيانين دابا و منين غانبغي نقيسك غاتكوني مرتاحة ماشي مخشبة هاكا .. يالاه غير نعسي ارتاحي دابا ..

قطعات الحس و جرها حداه كثر : كانبغيك بزااااف .. 

باسها فوق شعرها و حسها كترجف شويا : ايلا حسيتي بالبرد أ روحي قوليها لي ننقص البرودة من ريموت كونترول .. 
انا ولفت نعس فهاذ الجو .. صهد كايخنقني و كايديرونجيني


كان قيس فجريدة .. جالس فوق واحد الكرسي د الخشب .. كيرشف من قهوتو و قدامو اللابتوب .. لابس قميجة ف زرق بااارد عكس لون عينيه بقوووة .. و شورط د توب فوق ركبة فلكحل .. 

مرجع شعرو اللور و شي خصلات طايحين على جبهتو .. عينيه كيبانو وارمين شويا مشكلين ديك اللحيمة لتحت لي زاتدو وسامة .. 

كيطابي ف البيسي شي حاجة .. تا وقفت عليه ماريا الخدامة : سيدي خاصاك شي حاجة و لا غير نمشي !! 

قيس : ممم لاء .. امضرا محمد شويا !! 

ماريا شبكت يديها مع بعض و جابتهم قدامها و عينيها فيهم امتنان كبييير : راه بخير أ سيدي بفضلك الله اعطيك مانويتي فخاطرك و يسهل ليك أ مرك يارب ..

همس ب آمين و مشات ماريا ..

فحين ريماس كانت عاد فاقت حلت عينيها و هي كتفوه و تجبد ف يدياتها .. 
حركت عينيها ف الغرفة كاملة لي مضويا .. و أشعة الشمس كتسلل من الشرفة .. و نسيم خفيف كيدخل .. 

ريماس: معرت شحال ساعة دابا .. نعست بزااااف آااااخ عظامي كيضروني تقول كنت كنجري الماراطون ..

نفضت راسها من الفراش باش تمشي لحمام يالاه غاتنوض و هي تشوف تيلفون قيس فوق القوافوزة كيصوني ..

حركت عينيها و هي تلمح واحد نمرة كتصوني على قيس .. تصدددددمت .. و عقلها توقف للحظة .. رجعت هزت تيليفون بيديها كتحقق من كل رقم على حدة .. و عينيها كيرمشو بسرررعة ريقها نشف و حست بالسخونية فذاتها : ل لا م ميمكنش .. 
كيفاش ع عيشة كتصوني ليه .. 
ش شنو ك كيعني ه هاذشي !! 

رجعت نمرة كتصوني و هي تدوز لابيل من الفضول دارت هتذ الفعل بلا متفكر ولو تا لحظة.. حطت تيليفون على وذنها و تسمع صوت عيشة نيت بديك نبرة لي فيها غنج و ميوعة :

ألوووو ميسيو قيس على سلامة منين تواضعتي و جاوبتيني .. شفتك ضربتي على نمرتي قلت مافيها باس انا نسول فيك .. 
و نقووولك نيييت مبروووك العرس .. انا بعدا و الله تا صدمتيني شكون قال تزوج بيها ..
و سبحان الله غير داك نهار كنا جالسين راس فالراس كنخططو ليها .. و دابا درتي عرس دايزووو الكلام .. 
زعما راه تبارك الله عليك واخا حاسة هاذي غير شي خطة .. مستحيل يكون هاذشي كامل غير حب .. 

مهم ندخل ف الموضوع نيشان عارفة مكيعجبوووكش المقدمات .. انا راني محتاجة للفلوس ديااال بصح ايلا بغيتيني فشي حاجة راني موجودة غير عتقني داكشي لي كنتي عطيتيني سالا .. باااح 

نزلو دموع من عينيها شلال وحدة تابعة لاخرى .. و طاح البورطابل ف الأرض .. رجعو يديها كيرجفو و قلبها كيزدددح .. 
هزت يديها حطاتها على صدرها لي كيتهز و يتحط و عينيها بحال شي روبيني محلول :

اهئ اهئ اهئ اهئ ل لا لا ي ياربي ش شن شنو هاذشي سمعت اهئ اهئ اهئ هءهءهءه ل لا ياربي صاحبتي كانت كثر من ختي م ميمكنش م ميمكنش ت تبيعني على لفلوس اهئ اهئ اهئ اهئ ع ع علاااااااش أ عيييشة علااااااش
اهئىئ اهىىئ علاااااااش تغضريني علااااااااش اهىئ اهئ ااهىىئ .. 

طاحت جلست ف الأرض كتنخصص و دموعها مابغاوش يحبسو مقظراتش تصدق واش عيشة و قيس يتافقو عليها بهاذ طريقة رخييييصة الوقحة ..


دخل قيس .. دفع الباب و تبسم هاز الفطور فبلاطو و عينيه فرحانين : صباح النور روحي .. 

رد البال كيفاش جالسا فجنب ناموسية ف الأرض و شعرها مخبي وجهها كتنخصص و صوت انينها واااضح .. 

تهز قلبو بالخوف و حط البلاطو من يديه مشا ليها بسرعة و تحدر حداها و القلق واضح ف نبرة صوتو : روووحي مااااالك علاااااش كتبكي !! ريماااااس شووووفي فيااا ...

غير بغا يحط يدو على كتفها وهي تضرب. يديه بقوووة : م متقييييييسش فياااا اهىىئ اهىىئ م متقييييسش فياااا مزااال أ الكلب اهىىىئ كنكرررررهك ..

تصدددم و لون عينيه بهااات .. دفع شعرررها و لمح وجهها لي حمرررر غايطررررطق .. 
شدها بالسيف عليها تا وقفت : ريمااااس ماااالك !! شررررحي ليااا شنووو هاذ الحالة !! 
علااااش كدوي هاكاااا !! 

ضحكت وسط دموعها : انا ح حمااااارة اهىىئ انا اكبر حماااارة فهاذ العالم هءهءهؤهؤ ..

مسح شعرو مرجعوو اللور و صدرو طالع نازل شد فيديها. و هي كتنطر : عاااافاك مديريش هاكا .. ماتبكييييش بليييز .. و شرررحي ليا شنوو واقع ..

مزال مكملش هضرتو و هو يلمح تيليفون ديالو ف الأرض .. تحدر هزو و بانت ليه نمرة عيشة ... 

سد عينيه بغضضضضب و زيرررر على فكووو .. هز يدوو و زدحها مع الحيط بقوووة تا سال منها الدم : فااااااااك .. الق****** باغا غير تخلق صدااااع و لكن شراتها لرااااسها فالكحل دابااااا الق******* .. 

تبسمت ريماس بكره و عينيها تنفخووو بالبكااا : كنكرررررررررهك 

قيس : (كمش عينيه بألم) متكوووووليش هاكا عافاااااااك .. غير خليني نشررررح ليك سمعيني بلييييز ريماااااس .. 

دفعاتو من صدرو بكل قوة : متحططططش يديييك عليااا .. و بلا ماضيع ريقك علياااا .. 

صدقتيييي حيواااان و الحيوان أشرف منك .. 
اهىىئ اهىئ اهىئ مشيتي لأعز صديقة عندي !! ههءهءهءه ع علااااش علااااااش .. 

جرها بالسيف عليها كيعنق فيها و هي كتنطر باغا تبعدوو و هو عاد مازايد كيوررررك عليها و محكم فيها حيت طوووول منها : كنترجاااااك غير س سمعييييني .. مديريش هااااكااا لياااا .. 

دفعاتو بكل جهددددها و هزت صبعها بتهديد و عينيها حمرين : غا غاتسمع ليااا نتاااااا .. متعااااودش تحط يديك علياااا .. هءهءههءهءه .. مهتقدرش تعرف باش كنحس دابا .. 

شي حاجة كثر من كتجرررررح هءهءهؤ اهىىى الله ياربي (شدت فشعرها) اهئ اهئ اهئ علاش حياتي كلها عذاب ءهءهءهء 
(رجعت هزت عينيها فيه) ت تز تزوجتيني غ غير باش تكمل على ديك لعبة ديالك ياك هئ اهئ اهئ علاش علااااااش أ قيس و انا كنت مستعدة نعطيك فرصة 

هداهىىئ اهىىىئ عرفتي ش شنو دابا .. نسااااني عليك .. (تهجات ليه حرف بحرف) ن س اااااااا ني 

قيس حس براسو مخنوووق و يديه كيترعدوووو طرطق القميجة تا بان صدرو للعريان .. و قرب ليها سطحها مع الحيط بقووووة حنا تأووووهت و شد وجهها بين يديه بلهفة بحال شي واحد مريييييض و هي كتحاول تبعدو خاااافت من تعابير وجههو : وااااايااااك وااياااااك مت متعااااودييييش تجرأي تنطقيها ..
وايااااااك .. 

(بأمر غوووت و وجههو حمرررر) غاااتسمعيييييني و بزز منك هاذيك الق**** هي لي بااااعتك هي لي عطاتني سميتك نهاااار كنتي ف البار .. 

هاذشي وقع و انا مكنتش فحالتي العادية انا نااااااادم على كووولشي شنوووو نديييير باش تيقي بلي ناااادم !! شنووووو 

(نزل لوجهها كيبوس فيها و عينيه حمرين مغرغرين بالدموع و كيووورك على فكوو) كانبغييييك سمعتيييي !! كنبغيييييك و متزوجت بيك حتا عرفت مهنقدررررش نعيش بلا بيك واخا غير ثانية وحددددة .. 

رجع كيبوس ف شنايفها و هي كتبعدددد فيه كررررز على يديها و باسها ف خدودها و عينيها و نيفها بووووسااات عنيفيييين .. و لحيتو فوق وجهها كتحس بأنفاسو خارجة سخوووونة : تيقيييييني كنبغييييك .. و ديك الق***** قسمت ليك بلي خلقني غانقتلها و مهنرحمهااااش غانقتللللها بهاذ اليدييييين .. 

طلق منها و مشا لبلاكار ديالو كي شي ثور هايج .. بدا كيجبد فالحوايج بجهااالة و هررررس كووولشي قدااااامووو حتا لقا الفردي ديالو .. جبدووو و هزووو فيديه قادووو حطو ورا خصروووو .. يالاه غايمشي جيهة الباب و هي توقف ليه فطريق مصددوووومة من الفردي لي هااااز :

ش ششنووووووو وو ووااااذا هااااذاااك فررررردي ؟؟؟؟؟؟ 

قيييييس شنوووو هزيييييتي ؟؟ دويييييي


دفعها من يديها .. و نزل كيجرييي .. 
تبعاتو حتا هي كتجري و كاتشوف الفردي ف خصرو باين طلقت رجليها للريح و وقفت ليه قدام الباب حابساه : ش شنوووووو غادير !! شنوووو 

قيس مكيشوفش فيها و جمع يدو على شكل قبضة محاول يهدن راسو قبل ميدير شي موصيبة هنا مازال : بعدييييي بعدييييي ..

ريماس : ع عافاك ع عافاك اهئ اهئ اهئ ح حط حط د داكشي هو اللول .. ع عافاك ..

ضرب واحد الفاز حتا تشتت ف الأرض و هرس داكشي كولو لي تماك و رجع حداها غووووووت بصوتو الجوهري : لاااااااااا انا حلفت غانقتلهاا يعني غانقتلهاااااااا.. ريماااااس بعدددددي قلت لك ..
مااابااااغيش نطوووول يدي عليك دااابا .. 

تخلعات كيفاش ولاو عينيه و العروقا تطراساو ف لحمووو و كيسوط بهياج جننوووني .. عرفت بلي يقدر يدير كثر من موصيبة و هو فهاذ الحالة .. 

قربت بشويا و عنقاتو لاويا يديها على عنقو لي عرقان و هو كيبعد فيها : ريمااااااااس .. 

زيرت بيديها على عنقو كثر و هي كتعلى بصباعها : غ غير ت تهدن تهدن .. تكالما عافاك ..كنترجااااك .. .

بقا كيتنفس بزربة و حجبانو مزديين .. نفسو كتخرج غليييظة .. كثر من 10 دقايق و هي معنقاه هاكاك حدا الباب و و كطبطب بيديها على شعرو .. تهدن صافي !! تهدن عافاك ..

كمش عينيه و خدا نفس عميييق .. كيحاول يحيد ديك الفكرة من قدام عينيه و مقادرش باغي يشد عيشة و يقجها بين يديه مايطلقها حتا تكون ميتة .. 

دور يدو على ظهرها .. كينهج .. 
و باس فوق شعرها : تيقيني راه كنبغيييييك .. و نادم على لي فات هي لي جات نهار للول و عطاتني سميتك و فين ساكنة و كولشي مقابل لفلوس .. و انا كان عاميني الغضب .. 

و نهار ديتك الفيلا لي فالجبل قطعت معاها الاتصال كنقسم ليك بالله حتا عمرني بقيت دويت معاها أصلا معرفتش دابا كيفاش قدرت تجيب هاذ النمرة .. 
و لكن و الله لا دوزتها ليها ال***** غير صبري غانفرجك فيها مزياااااااان ..

بعدت شويا مسحت دموعها : ل لاا لا .. عافاك .. صافي غير بعد عليها .. خليها منها لي خلقها .. 

رجع قرب ليها كثر و مسح دموعها و باس خدودها بوسات طوال : شششت متبكيش بلييييز .. و سمحيليا روحي كنت حيوان بصح .. و لكن من ديما كنت كنحاول نصلح الغلط .. تفكري بلي من ديما كنت كنطلبك تعطيني فرصة .. 

تنهددد و رجع خطوة اللور و عينيه حمريييييين هز يديه كيشوف فيهم لقاهم زراقو و كيرجفو .. 

ريماس تخلعات : مال يديييك !! 

قيس : و والو فاش كنتعصب كايرجعو هاكا .. 

دفع شعرو مسحو و و عينيه كيرمشو بزربة .. 

زيرررر على يدو و عرق فجبتهو تطراسا ..

ريماس شافتو كيفاش غادي جاي و كيمسح عنقووو .. و مرة مرة كيشددد فشعرووو بقوووة بان بحال شي واحد مدمن مخداش لادوز ديالو .. 

جلس فوق واحد درجة شاد فراسو .. 

ريماس قربت لعندو بخطوات مرتبكين و همست : قيييس 

نطق بصوت غلييييظ و انفاسو خارجة متسابقة : غ غير خلييييني خليييييني .. ط طلعي لبيت ..

ردت البال كيفاش كارز بيديه على شعروووو ... و كيحرك رجلووو بسررررعة .. 

مشات لكوزينة غير هزت الكاس و هي تسمع الباب تردخ بقووووة .. 

شهقت و خرجت كتجرررري ...

لقاتو كسيييييرا بطوموبيل مخلي غير العجاج ورااااه


شدددت ف شعرها معارفا شنو غاتدير : الله ياربي شنو غاندير دابا شنوووووو .. اووووووووف ..
اش هاذ المحنة 

غايمشي يدير فيها شي موصيبة كحلة ناااري ميمتي شنو ندير .. شنوووووووو

طلعت لفوق كتجري بلا عقل و هزت تيليفونها لي خدا منها وقت و هي كتقلب عليه أصلا كان غير حداها .. بالخلعة و الخوف مشافتوش..

دوزت نمرة قيس .. وااااالو مكيجاوبهااااااش .. 

عيطت مرة و جووج و ثلاثة واااالو حلف لاجاوبها .. زاد خوفها تسرب مع ذاتها كووولها واخا رجعت حاقدة على عيشة و لكن مغتقدرش تخيل واقعة ليها شي مصيبة خصوووصا و هو عاميه الغضب .. و ممكن تخيل أي سيناريو خايب يديرو .. 

عضت ف ظفارها و رجلها كتحركها بزرررربة و مصارنها تقلبو بالخووووف و الرررعب : الله ياااااربي اش هاذ الموصيبة.. شنووو شنووو غاندير دااابا .. 

لبست عليها بزربة بالخلعة لبست غير واحد الكسوة حد ركبة هي لي لقات حيت حوايجها عند ماماه ف الدار شويا شافت حالتها : لااااا لاااااا غنصدق مقفراااااها بهاااذ للبس كثرررر ..

رجعت زولت كوووولشي و مشات لماريوه لبست سروالو و قبيتو لبساتها مقلوبا مداتهاش فيها .. 

هزت تيليفونها و خرجت كتجري لابسا كلاكيطا .. 

شدت طاكسي نيشاااان للحومة ديالهم ..

ريماس قلبها غايسكت : عاااافااااك أ سيدي ايلا ما زرب راها مسألة حياة أو موت العااااار ايلا مزررررب ..

:~ واخا أ بنتي راه غير زحااام .. راكي كاتشوفي كولشي على عينيك ..

عند قيس ..

عيط لواحد من رجالو و يديه فوق الفولون : فيييييينهااا ؟؟

:~ سيدي راها ف كافي فرونس .. 

قطع عليه و مشا .. 

وصل للكافي .. لي كانت حدا البحر خرج من سيارتو و قميجتو مطرااااسيا على لحمو قررررربت طرطق عليه عينيه ظلاااااام عاقد شنايفو و فكو ضاغط عليه بقوووة .. 

دخل لديك الكافي و لاح عينيه لي مضيقهم ف الأرجاء و هي تبان ليه جالسة غير بوحدها و يمكن واش كاتسنا شي حد كاتشوف ف ساعتها و ترجع تمط شنايفها ..

لابسا واحد الفضيحة معرياااا و مجيرا ديك الكمارة كي العادة .. 

وصل ليها بخطوات كبار ف ثانية وحدة كان واقف فوق راسها هزت عينيها فيه بصددددمة : قييييس اشنووو كادير هنااا !! 

خرج كلماتو لي موررررك عليهم : انا غانورييييك اشنو كندير هنااا غير صبري ..

جرها من شعرها قدام دوك ناس كااااملين .. و هو مجرجرها ف الأرض و كتغووووت ربي لي خلقهااااا .. تا حد ماقدر يتددددخل كلشي غير كيتفررررج .. راكم عارفين المغاربة كي دايرين .. 

وصلها لبرااا و زااااد زيرررر على شعرررها لي طاح نصووو فيديه .. رجع شد فكها مزيرررررر عليه : شنوووووو كيحسااابلك راسك غاتصنعي زعماااا ؟؟ باغا تلعبي معايا انا همممم ؟؟ هههه جنيتي على راسك الق****

غووووت تا زعزعها : اوووووك انا غانوريك اللعب على أصووولو باش هاذ المرة تحطي عقلك فراااااسك ... 

جرها و دخلها للطوموبيل بعنف و هي كتغوووووت : ط طلق طلق مني الله ياخد فيك الحق ط طللللف. اشنوووو كادير .. 

ركب و سد البيبان كاملين طرشها تا. سال دم من فمها و شد يديها بواحد لصاق و حتا فمها .. 

و طلع زاج لي فيمي كامل .. 

عاد كسيرا : انااااا غنوريييييك اللعب .. ليوما روحك غاتزهق على يدي .. 

و انا مااااشي قيس إلى مخليتك تبكي ددددددم الق**** 

جمد الما فركابيها و كاع ألوان الطيف دازو على وجهها و محبستش من البكا


وصلت ريماس للحومة نزلت كتجري .. 
و مشات لدارهم كتدددق بقوووة تا تهردووو يديهااا فداك الباب د الحديد وااالو مطل تا شي حد ..

جلست شي ربع سااااعة غير كاتدق عاد نزل حمزة خو عيشة البرهوش الصغير طلع و نزل فيها : نعااااام ؟؟

ريماس بلهفة ردت : عيييشة كايناااا ؟؟؟ كلمها أ خمزة مييييمتك 

ضحك بجنب فمو : عيشة كاعما بقات كاتجي للدار أصلا .. شي صيمانة مشناها قالت لينا راها مسافرة 
ايوا ساطة ضوري معايا بروجوووولة غير بلي كان ..

عقلها غايب شادا تيليفونها و كضور ف عينيها كتفكر فسنو غاتدير دابا فهاذ الحرييييرة ..

حمزة : وااااا العمالة 

ريماس : هاااا !! قلتي شيحاجة ؟ 

حمزة : ميزي ميزي شي حاجة برجوووولة أ ختي الله احفظاااااك ..

عطاتو صرف لي كان فيديها ت ب د طاكسي و مشات كتجر فرجليهااا بحال شي حد تالفة عليه القبلة معرفت شنو دير .. 

رجعت كتعيط ليه وااالو مكيجااااوبش .. 

طاحت فبالها واحد الفكرة دوزت نمرة ليلى بسررررعة : الوووو 

ليلى : ههه اهليييييين بالحب .. صافا !! تووووحشتك القردة ا هههه احححح كيدازت الليلة بعداااا !! (الناس ف الناس و القرع ف مشيط الراس هي ديال ليلى)

ريماس : العااااار صيفطي نمرة يحيى ليا العاااار داااابا أ ليلى متعطليش الله استر علييييك ..

ليلى بخوف واضح : ريمااااس مااالك شنووو واقع ؟؟ دار ليك قيس شي حاجة ؟؟

ريماس : من بعدددد من بعددد نعاود ليك بليييييز سيفطي نمرة خووووك دابا ..

ليلى : تهدددني تهدددني غانصيفطها دابا ..

قطعت ريماس و صيفطاتها ليها دوزت الخط و جلست كتسنا شي ثواني عاد جاوب بنبرتو لي قريبة ل نبرة قيس شوياااا : الوووو وي !! 

ريماس : يحيى هاذي انااا ريمااااس عافااااك عتقنيييي وقع واحد المشكل عافاااااك ..

يحيى : كيفاااش ؟؟ شنوو طراااا !!

ريماس : غ غير اجي و انشرح ليك كووولشي بلييييز متعطلش انا فحومتي .. 

يحيى : اوووك هانا جاي ..

قطعت و قلبها كيزدددح .. نزلو دموعها و هس كتخيل قيس يكون دار فيها شي فضيحة .. تفكرت هاذاك لي كان ضربو بقرطاسة لراسو نيشان بلا ميتردد .. و زاد لحمها تبوووورش عليهاا ... 

10 دقايق بالضبط و كان يحيى عندهااا .. نزل كيجري .. و طلع و نزل فحالتها و حواااايجهااا : فيييين قيس ؟؟؟ شنووو طاري ؟؟ 

عاودت ليه كووولشي و شنو وقع و ختماتها و هي كترررعد و تبكي : و ه هز هز الفررردي م معاااه ..

تنهدددد يحيى شاد فشعرووو و ضيق عينيه .. ركبيييي ركبييي .. مووووصيبة كحلة هااااذي ..

ركبت دغيا حدااااه .. و كسيرا بسررررعة .. 

دار لكيت فوذنيه و همس بصوت حاد و خشن : شوف ليا موقع قيس فين كاين و دااااابا .. يالاااااه .. 

ريماس حاطا يديها على فمها و كتمسح دموعها : يااااربي ميديرش شي موصيبة يااااربي .. انا سبب انا هءهءهءه اهئ اهئ عصبتووو حتا زراقو يديه و رجع كيضرب فالحيط .. 

يحيى فراااانا بسررررعة : فااااااك .. مشفتيهش خدا شي دواااا قدامك ؟؟ 

ريماس : ل لااا مخدا والو .. على اش اشمن دواا كتهضررر !! 

هز يديه كيحك حجبانو : قيس راه مريييييض أ ريمااااس .. مريييض .. قبل 10 سنين وقع حادث خايب .. و رجع كيحاول ينتحر و كيتعاطى شي تخربيق خرج عليه .. ديناه لمصحة نفسية و عوض يبرا زاد تأزززم كثرررر و تهلوس .. 

من بعد ما خرجناه بدا كيتحسن شويا بشويا و لكن مكانش كيهضر مع شي حد من غير ليلى مرة مرة .. و كنا كنتفاداو نعصبوه و لا غير يتقلق ليصدق داير شي فضيحة .. 

بقات كتصنط ليه و دموعها نازلين ؛ شنو وقع فداك الحادث ؟؟

يحيى سكت شويا و همس : كان تخطف شي اعداء دياول بابا خطفوه و بقاو كيطلبو الفدية ..

من بعد دادا لي كانت مربياه هي لي دات ليهم الفلوس و 

سكت كيمسح فوجههو : قتلوها قدامو .. و قطعوها طراف طراف .. 

هو شاف كولشي ديك الليلة .. 

وصلو البوليس و تشدو كاملين .. و قيس بقا فصدمة .. 

مكانش خصني نعاود ليك هاذشي و لكن خصك تعرفي بلي راه تغير بزااااف .. و عمرنا شفناه كيضحك هاكا و كيجمع معانا حتا تعرف عليك و لو بطريقة خايبا و لكن متأكد واش كيبغيك بزاف ..

زادت كتبكي حاسة بالذنب بزااااف واخا هي مدارت والو و لكن بقا فيهااااا .. خصوصا كتفكر كيفاش كايتبدل بزربة مرة يتعصب شويا يضحك .. كانت حاسة بيه شي حاجة .. 

صونا تيليفونو : ويييي لقيييتي الموقع ؟؟؟

:~ لا أ سيدي مقدرنااااش نحددو الموقع .. 

ضررررب يدو مع الفولووون : فاااااك


دخلها قيس لواحد ديبو كبيييير .. حط يدو على واحد ساروت و تشعلو ضواو كاملين بالتناوب .. 

دفع واحد الكرسي برجلوووو و ربطها معاه و زول اللصقة من فمها تا كمشت عينيها بألم و ذاتها كاملاااا كتررررجف من الررررعب ندددددمت علاش عيطت ليه نددددمت و حست بيه غايقتلها لا محااااالة .. 

قيس جبد الفردي و عينيه عليها كيشوف فيها واخد الشوفة تهرب الزغب من اللحم .. الخرية كرمت فيهااا ..

قيس : عرفتي كتعجبني هاذ الجرأة لي عطاك الله ماكيناش عند كووولشي .. 

هرب صوتها و شنايفها زراااقو و دم ف حنكهاااا لي كيوزوز بدوك طرشااااااات .. : ل اااا لاااااااا العاااار نبووووس ليك رجليك أ قيس لااااا لاااااا لااااا أ قيس غ غيييير س سمعنييييي .. غ غير سمعني و الله م مابقيت نعااااود هءهءهءه اهئ اهئ اهئ هءهءهءه اهئ هءهءهءه اهئ هءهءهءه اهئ هءهءهءه اهئ هءهءهءه اهئ هءهءهءه اهئ م م مبقيييييتش نعااااود نبوس ليك رجليك 

هز عينيه فيها باستهزاء : واخا تبوسي ليا ز*** مغتخرجيش من هنا سليمة .. 

جبد واحد صمطة د جلد كانت تماك غير شافتها و هي تزيييييد كتغووووت : وااااخا تغوتي تا بزكك مغاديش يعتقك شي حد منيييي ..
فيا لي يتيري فديييييلمك و رصاصة وحدة مادات ماجابت و نحطك فقبرك هاذشي ايلا مقطعتط طراف طراف و لحتك فشي سرب ..

و لكن لااااااااا .. غادي نلعبوووو شوياااااا عاد ديك ساعة نتفاهمو بطريقة أخرى .. 

قرب ليها كثر و لوا يدو على ديك سمطة كثررررر : اما زعمتيييي و لا تزادت فيك شي ضلعة !! هممم ؟؟ شنووو حسابلك غانسكت ليك و غنخاف منننننك ؟؟ 

هز يدو تال السما و نزل على كتافها تا تسمع صوت ديك سمطة لي فلحت ليها لحمهااااا و خلات أثر كبيييير .. غووووتت عيشة ربي لي خلقهاااااا صوت فيها بكاء ممزوج ببحة مكسووووة و عينيها حماااااروووو ..

مجاتش فين تبردها تا نزل عليها عاود بقا هاكاك كيضرب فيها بقووووووة و الغضب متملكوووو .. تا فقدت الوعي و نزلو دمايات من لحمها لي زراااااق .. 

بدا كينههههج و رما ديك سمطة عيط بصوت مرتفع : ساااااااام ..

دخل واحد من رجالو بزربة : غير تفيق دير داكشي لي قلت ليك .. 

تنهدددد و قاد قميجتووو .. 

مسح شعرووو بيديه مرجعوو. للور .. عاد خرررج ..

عند ريماس ..

جمعت رجليها لعندها و قلبها كيزدددح : ي ياااربي يااااربي مطرا تا حاجة ياااااربي .. ياااااربي كنترجاااااك ..

يحيى عيا يصوووني والو مكيجاوبوش .. 

ريماس شاف فيه : نمشيو لبوليس عافااااك هوما غايقلبووو ؟؟ 

حركراسو ب لا برفض قاااااطع : لاااا لااااا .. مقادينش على شي مشكل كبر من هذا لي حنا فيه .. 

هزت عينيها للسما : ياااااربي شنووو هاذ الموصيبة .. 

عيطت ليلى ل يحيى شي الف مرة عاد جاوبها : وييييي ليلى شنوووو. ؟؟

ليلى : وااااا خلعتووووني شنوووو طاري عيطت تا سخففففت ؟؟؟؟ 

يحيى : قطعي قطعي .. ممساليش ليك أ ليلى دابا .. من بعد و نشرررح ليك .. من بعدددد ..

قطع عليها .. 

العشية كولها و هوما فطوموبيل ماخلاو فين قلبو ماخلاو شي قنت .. 

وصلا سبعة د العشية و ريماس وجهها صفاااار .. ورجعت كاتمشى غير بزز الخلعة طيحت ليها طونسيون .. 

شويا سمعت تيليفون كيصوني مصدقاتش فاش شافت رقم قيس جاوبت بسررررعة : قييييييس فيييينك ؟ انت فيييييينك ؟. ع عاغااااك دوي ..

قيس : انا جاي للدار ..

ريماس : انا مع يحيى .. ن. نتا فييينك انجي عندك دابا يحيى ايوصلني ..

قيس بالغوات : شنووووو كادييييري مع يحيى فهاذ الوقت؟؟؟؟؟ فينك انا لي غاااانجي عندددك ..

عطاتو العنوان و جا يحيى حداها : اشنوووو ؟؟ فين هو دابا ؟؟

ريماس مسحت وجهها بتعب : جااااي لهنا من صوتو واااضح واش معصصصب ..

يحيى لمح عينيها حمرين وارمين و حالتها حالة : دخلي للطوموبيل ارتاحي بينما يوصل .. 

ريماس : لا غير خليني هنا مرتاحة ... 

هزت تيليفونها كتعيط ل عيشة والو طافي .. 

حست بالسخفة و نعمة مذاقتهاش من صباح .. من ديك البيتزا د العشا .. 

قلبها لاعب السامبا غير شافت طوموبيلتو فراناندت بقوووة حداهم و هي تنهددد .. 


غير نزل و هي طير لعندو وقفت عليه : ق قيسسس في فين كنتي مشيتي لعند عيشة ياك !! ش شنوووو دررتي ليييها !! 

طلع و نزل ف حالتها القبية مقلوبة و سروال د البيجامة عريييييض و الكلاكيطة ديال الدار فرجليها .. 

و وجهها شاااحب : من ايمتا و نتي هنااااا ؟؟ شكون قالك خرجي من الدااار ؟؟

يحيى قرب جيهتو : كانت مشووووشة عليك .. عييينا كنصونيو غير جاوبنا ديك ساعة .. مالك أ قيس اشواقع ؟؟؟ 

(دار بحالا مافخبارو ميتعاود حيت عرفو هايكعا ديال بصح) 

قيس : مواقع والو صافي سير بحالك دابا .. 

يحيى حرك راسو ب اه : رد البال لريماس كانت مشوشة عليك نهار كولو .. (ضرب ع كتفو و مشا)

ضيق عينيه كثر معاجبوش الحال و نفسو كيزفرها بصوت مسموع و قوي ..

ريماس بصوت باكي : جاوبني فين كنتي !! 

قيس ؛ كنت ف الكلوب .. 

ريماس : (وسعت عينيها) كيفاش الكلوب مفهمتش !

قيس : (هز عينيه كيشوف فجهة أخرى و هو كينطر الدخان من سيجارتو) كيف كاتسمعي ..

ريماس : غير قولي الحقيقة متخبيش عليا عافاك.. مامشيتيش عند عيشة ياك ؟ مشيت كندق عليها مالقيت تا حد 

غوووت فوجهها تا تزعزعت شاد فمعصمها : شكوووووون قال لمك سيري لعندهاااا ؟؟؟ هاااا !! أصلا شكووووون قال ليك خرجي من الداااار و تلقاي ب يحيى و تبقاي معاه رااااس ف الراااااااس ؟؟؟؟؟ 

تغرغرو عينيها : كنت مشوشة عليك .. 
(نزلت دمعة يتيمة على خدها مسحاتها بزربة) خفتك دير شي موصيبة فراسك و لا فيها .. 

قيس : كوووون سمعتي ليا من اللول و تيقتيني مكناش غانوصلو لهاذشي .. و لكن لااااا نتي ف دقيقة رديتيني حيوان و كلب و مكنسواااااااش و تزوجت بيك غير باش نلعب عليك مزاااال فنظرك هاذشي ماكافييييش باش يطرطق ليا شي عرق فراسي ؟؟؟؟ 

يالاه اتدوي و هي تحس بالدوووخة و رجليها فشلو عليها .. شداات فذراعو بسرعة مزيرة عليه و بقات كتحاول تنفس بشويا ..

قيس : (حس بيها كترجف كلها و يديها كارزا بيهم على قميجتو تخلع و كان القلق واضح ف نبرة صوتو) ريماااااس ماااالك !! رووحي ماااالك 

هزت عيينيها فيه : ماقادراش نوقف مزال .. عافاك يالاه نمشيو ..

هزها بسرعة فيديه و دخلها للطوموبيل .. دار ليها سمطة و ورجع وجهها بين يديه : شوفي فيااا شووووفي فعيني

قابلت عينيها معاه لي ذابلين بقوة و تنفخو بقوة البكى : ماكليتيش ياك ! نهار كولو !!

حركت راسها ب لا و هو يزير على شنايفووو معصب .. شاف ف جهة أخرى و قلبو كيضررررب و رجع شاف فيها : علاااااش ؟؟ 

ريماس : ب بقيت مشوشة عليك ..

قرب وجهو لفمها و طبع فيه بوسة حنيييينة و على خدها و يديها شادين عنقها : ششششت صافي متبكيش .. بلييييز ..

غير سمعات ماتبكيش عاد مازادت فيه .. 

قيس باس شعرها و تحدر عنقها : شششت صافي متشوشيش و متخافيش انا راه كنت غير ف الكلوب منين حسيت براسي وليت مزيان رجعت .. سمعتيني روحي !!

حركت راسها ب اه .. رجع باسها ف شنايفها و طلع ركب حداها


مشاو نيشان لواحد ريسطو .. نزل و حل ليها الباب : صبري انهزك إلى مقدراش تمشاي .. 

حركت راسها بالرفض : ل لا غير خليك ..
و لكن ش شوف حالتي مغندخلش لمطعم هاكا أ قيس .. 

ضحك شويا بجنب فمو : هاكا اتبقاي تلبسي حوايج عراض كايجيوك زوينين .. 
أصلا ماسوق تا *** فينا يالاه زيدي قدامي 

شابك صباعو مع يديها بقوة حتا دخلو للمطعم و كولشي كيشوف فيها.. 

تنهددت و هو شاد ف كتافها حتا جلسو فواحد طبلة بعيدة ..

ريماس زربت على واحد الكاس ديال الما شرباتو و يديها كيترعدو غير بوحدهم طلت بعينيها على زاج كايبانليها البحر .. طوووولت الشوفة فيه حاسة باسترخاء كبير .. 

قيس : حبيبة ديالي شنو بغيتب تاكلي ؟ همم !!

ريماس : لي كان .. اصلا معنديش شهية و الله ..

بدا كيقلب ف المونيي : لاااااء غاتاكلي .. حالتك هاكا غير حيت مكليتيش ..

رجع شاف فيها لقاها مصوبة عينيها على قميجتو : مالك !! 

ريماس لمحت بقعة دم على قميجتو فلتحت : منين جا داك دم ؟ 

تررعد قلبها و هي كاتخيل شي حوايج خايبين ف عقلها .. 

قيس نزل ب عينيه كيشوف فديك البقعة : هذا غير دم ديال يدي .. نسيت مابدلت القميجة فااااك ..

وراها يديه عاد تنهدت براحة .. : خصنا نعقموها منين نرجعو للدار ..

عيط لسيرفور و هي بقات كتضور ف عيينيها قلبها مخلووووع على عيشة .. و. قضية الكلوب مابغاتش تدخل لراسها .. 

بداو كيتعشاو و ريماس غير كتنقب و مرة مرة ساهية .. 

قيس : غاتبقاي تنقبي هاكا من لماكلة كي دجاجة ؟ ماعجباتكش !! نبدلو البلا ؟ 

رجعت كتاكل بزربة : لا لا بنينة و الله ..

كلات شويا و نيت شبعت كريشتها لي كانت كتغووووت بالجوع .. 

عاد خرجو من المطعم ..

.. غير نزل من سيارتو و هو يهزها بين يديه و هي مرخية بزااااف .. بالعياااا و ديك الخلعة كولها رجعت عليها بالسخفة .. 

دخل للدار بلا ما يشعل الضو طلع نيشان لغرفة أخرى حيت غرفتو كان مهررررس فيها كولشي بحالا كان فيها شي إعصار .. غير دخل حطها فوق سرير ..

و مشا كيبدل عليه .. 

محيدتش عينيها عليه و هي كتفكر ف هضرة يحيى كولها و شنو داز عليه .. 
حست بلي واخا هاذ صلابة كووولها و هاذ الغضب لي ديما كي الشرار عامي عينيه إلا انه فلداخل ديالو كان طفل صغير كيعاني مزال من ديك الصدمة و خاااايف .. 

بقا عريان لفوق و هز ريموت كونترول رجع لبيت باااارد .. عاد تخشا حداها ..
كانت ناعسة على جنبها مطولا فيه الشوفة .. هز يديها باسها و جر عليها اللحاف كثر : عمري نتي صافا ياك ! كتحسي مزال بالدوخة ؟ 

حركت راسها ب لا .. و هي تقرب ليه كثر حتا عنقاتو و حطت راسها على صدرو مزيرا يديها لي لاوياهم على ظهروو .. 

حس بدموعها فوق صدرو بغا يحركها يشوفها و زادت زيرات عليه..

قيس : علاش كاتبكي شوفي فيا شوشتيني عليك ..

ريماس : غير خليني نعس هاكا .. انا راني مرتاحة ..

تنهددد و زاد تخشا ف حضنها كثر : غدا غانكونو ف اسبانيا .. 

و غانعيشو لحظات زوينين تماك مغتنسايهمش كنواعدك انعوض ليك كولشي ..

حدر عينيه لقاها ناعسة .. و كتنفس بشويا .. باسها ف جبهتها .. 

هز تيليفونو وخرج : ممم واجدة دابا ؟؟ 

:~ واجدة أ سيدي 

قيس : اوك .. مزيااااااااان


جالسا ف الكاريان ديالهم .. فوق واحد الحصيرة .. و طبلة محدورة .. فوقها براد ديال اتاي و طرف د الخبز كارم شويااا و طاسة فيها زيت و نقيطات د العسل مخلط ..

فاتي مكاليا على حنكها و حجبانها معقودين .. عينيها واضح عليهم التعب و العيااااا نهار كاااامل و هي كاتقلب على شي فيكتيم ديرها بيه و تصيد منو غير لي سخر الله.. 
ساعة واااالو القضية ناااشفة من آخر واحد لي هو يحيى فاش بقات فيه و مشا عطاها فلوس الكرااا .. 
ضبرت ديك ساعة على صرف صحييييح .. 

و لكن بحال ديما عمرها تفرح بيه شدو عمها كامل و خسرو ف القصاير و الشراب و لاح ليها شي فرانكات يالاه بدلت غا كسوتها المبهدلة ..

تأففت و مصارنها قاتلهم الجوع .. مكرهاتش غير تحط راسها على الوسادة و تنعس و لكن داك عمها كل شويا يتخرطط من حداها و يضرب ف الحيوط و كشاكشو خارجين باين فيه معصصصصب و ناوي على خزيييت ..

تفووووو تفوووو على نهار ديلمو كيداير ربعا دريال هي اللخرا مصورناهاش .. بناددم ديلموووو زقراااااام .. الله اعطيهم العذاب تفوووو على ماركة ..

سكتات كتنهدد و عيونها قانطين من هاذ السيرة لي ديما كاتعاود فاش كيخرج نهار ناشف.. 

غوووت تا زعزعها : راني معاك دااااااوي الحمارة فين سرحتي ليا ؟؟؟

فاتي :(مطت شنايفها لي مملوئين) وااا شنووو بغيتي ندير ليك شنووووو ؟؟ عاااار الله لما قوليا شنوووو ؟؟؟ 
بنادم رااااه عاااق و فاااق تا حد مابقاااات كتدوز عليه فهاذ الوقت .. و كلشي قلبو حجر واخا يشوفو رجلي مقطوووعة مكااااينش لي غايتسوق ليا و لا يحن ... 

ضربت يد مع طبلة : عييييت من هاذ الحالة عيييييييت .. اوف .. ديما نفس الويل ديماااا .. معرفت علاش ربي كتب عليا هاذ العيشة .. قراناتي كيقراو و خدامات على ريوسهم بعزهم .. 
و انا نهار و ماطال و انا نضور كي الراس المقطوع .. و نسعا ف عباد الله و نعطي قبمة لي معند بوه قيمة أصلا .. ها اللي يدفل هاللي يغوووت .. 

قرب جيهتها و شدها من شعرها : مااال طاسيلتك كتغوووتي هاااا ؟؟ تزادت فيك شي ضلعة ؟ نقطعو باباها دروووك نيت .. 

حمدي الله مسكنك هنايا اما كون خليت بوك ف زنقة و نهشوك الكلاب و الله لا خلاو فيك طرف واحد أ بنت العربي ..

زيرررررت على فكها حابسا البكية : كون ما انااااا كاعما تلقا تا هاذ طرف د الخبز و هاذ كاس د اتاي لي راك داوي عليه.. 

فينما كانت شي مصيبة كحلة تلوحني ليها بعينيك محلولين و الله اجعلني نموووت و لا ندخل للحبس مغيتحركش فيك عظم واحد .. 

هز يدو تال السما و طرشها على حنكها و جذبها من فروة شعرهاااا : ياااااك الكلبة و لا قد القب د السطل .. معرت شكون لي معيش لاخر .. و كون ما انا هزيتك فاش مات باك و خرجت مك لقحوب عاين باين .. كون راكي حداها الخضر و اليابس يدوز عليك .. 

واخا راك بحالها نيت تقحبين عندكم فالدم ..

هزت يدها و صرفقاتو لوجههو و دموعها حابساهم : ماتجبدش مي على فمك 

شعلووو عينيه بالحمووورية و حط يدو على حنكو مامصدقش خفت يدها .. 
مشا بزربة هز واحد الكابل و جاليها ..

انا غانورييييك كيفاش تهزي يدك عليا ال****** تريكة الويل **** هاذشي لي نستاهل الق**** تعضي اليد لي وكلاتك ..

ضربها على كتافها العريانين و بقا كيضرب فيها و هي عاضا على شنايفها متزحزحاتش .. عينيها على شرجم .. و مقصحة قلبها .. 

سال دم من فمها و هي كتعض على شنايفها .. تا سالا و هو يهز gارو ماركيز و خرج .. من بعد ما بهدلها مزياااان


غير خرج و هي تمشي بزربة هزت واحد تصويرة ديال باها .. 
كمشتها و خباتها .. عاد هزت شي تخربيق كانت مخبياه ..

بقات كتسلت بعلى قرون صباعها لفين كايخبي الفلوس كانت حضاتو واحد نهار تا شافتو فين كيخبييهم .. هزت الحصيرة و لقات واحد صنيديقة د الحديد ف القنت ماكاتباااانش كاااع .. 

هزت عينيها حاضيا الباب و قلبها كيضرررررب .. لاحصلت غاتوووودي .. الفلوس هوما عينيه .. يعطيك عينيه و ميعطيكش فلوسو ..

هزت ديك الكمشة كاملا خباتها فصدرهااا .. و رجعت صنيديقة فين كانت .. خباتها بالحصيرة و رجعت اللحاف فوقها و بدات كطبطب بيديها فوق اللحاف .. 

تنهددت و قلبها كيتهزز و يتحط .. 

لبست صندالتها شادا على طرف كسوتها .. و هي تهمس : 

و الله تا نخلي بووووك على الضس .. غانخليك كاتشطح غا بالفقصة و ماشي فاتي لما رديت ليك هاذشي كامل بالثاني و المثني تاترجع تبووووس فالرجلين يا الزويييمل و ندوز عليك الصراااااااااط .. 

غير رجع حداها و هو يضربها بكتفو مخطيها و ريحتو كاتعطعط .. 

تلاح فبلاصتو حاط رجل على رجل و تقاشرو متقوبين من الصبعان همس بداك الصوت المخري : 

سييييري جيبي شي حاجة من الحانوت نقصيوها هاذ الخبز راه الدجاج و مياكلوووش فسبيل الله .. وهاذ التشليلة ديال اتاي تعاوديها تاني غانخويها لمك على راسك .. 
تا حاجة ماتعرفي تصاوبيها مقادة لا ذراع لا عقل كي لالياتك .. 

مدت يديها و كتضور ف عينيها : ارا الفلوس موحماد حبس الكريدي .. 

بقا كيضور ف موسطاجو معصب : الله القيها ليه تقول غاناكلوووه فرزقووو يسخفنا على جوج ريالات الكلب ..

جبد ربعالاف مكمشة و ماساخيش بيها : شدي عطيه هاذي تاندوز ليه داكشي لي بقا .. 

شدتها و لبست صندالتها .. 

مشات لعند موحماد .. 
وقفت متكية على الكونطوار لي مصدي : زيييين توحشتك ..

طلع و نزل فيها بعينين زايغين : احححح شحال حلوة عندك هاذ توحشتك .. العسل العسل كايتقطرررر ..

يقات كضور فواحد الخصلة : قديتي ليا الغراض و لا غير الشفوي الله اداوي ؟ 

قرب كثر : جبتهاااا ليك .. نتي غير آمري العمر .. النجوم نزلهم ليك من السما 

فاتي : الله انزل عليك غير اللعنة 

موحماد : قلتي شي حاجة الحب ؟

فاتي : قلت ربي يخليك ليا يا موحمادينو 

وا طلقني خلاص عمي غايغوت عليا ..

جبد ليها الشغل مدو ليها .. 
خباتها و سرات داكشي لي غاتشري و معطاتوش ربعالاف بقات تحلون عليه .. و طلقت داك السحر ..

دخلت لكاريان و همس بصوتو للغليظ : أ شهاااااذ التعطيلة أ صووبيصة 

فاتي : هي مك يا زامل ..

خرررج عينيه : آااااش كتبرgمي تما ؟؟

فاتي : نوجد اتاي تدوز بيه ؟ جبت النعناع 

حرك راسو ب اه ..

و مشات كتوجد فيه قدامو عاطياه بالظهر ..

وجدت أتاي .. و خوات ديك الكينة دارت منها غي ربع شويا رجعت هزتها : لا لا نتا خص بوك شي غيبوووبة طويييييلة تا يحسابوك غا متي ..


وجدت أتاي و صاوباتو و كتبسم بمكر .. قربت جيهتو و حطت داكشي ..

تحنات حتا خوات ليه أتاي .. و رجعت شقلباتو .. 

عمها : فين الكشكوشة ؟

همست بصوت منخفض : هي لي غاتخرج من فمك انشا عالله .. 

هانا عمي هانا غانشقلب أتاي .. درتو قااااصح كي تايعجبك ..

خوات ليه و مدت ليه الكاس : هاك باسم الله ..

شد الكاس من يديه و هو متكي على جنبو .. خوات ليه الطون فالخبز و مداتو ليه : هاك أ عمي قول باسم الله .. و بالصحة و الراحة 

قالها ف خاطرو و كايشوف فيها : كيفاش زعما ماعgدتيش قنانفك للسما مولفة غير كانشحطك كاتضربيها بنعسة و لا كتبداي تعرعري اش طاااري ليك ؟؟ ..

رمشت بشويا و هي حاضيا كل رشفة كيرشفها من الكاس بتدقيق و عينيها كي الصقر عليه : 

لاوااااه راك كاتبقى عمي تضربني و ماتخلي لي يضربني و خيرك منساهش ..

نزل على الكاس نزلة وحدة .. و عينيه بداو كيثقالو و لحمو كيترخى عليه موررررق تا لعبة ..

شدت من عندو الكاس : انخوي ليك كاس آخووور ..

شد ف الكول و بدا كينفسو : واااا صهدددد .. واكوااااك .. معرفت اشهاذشي 

مدت ليه الكاس : شد شد شرب باش توgض .. 

بدا كيشرب و هي 
حاضياه كي كايتسخخف و واحل غا مع حوايجو مرة يبغي يزول الفيستة لي مgلgة بالوسخ : مالك أ عمي ياك لاباس ؟؟ 

بغا ينوض مقدرررش .. و عينيه دايخين : معر م مع مالي .. شاداني س سخفة 

فاتي : انا بغيت تشدك الموت الكلب ..

صافي فشل ديال بصح و عينيه كايضورو : ع عت عتقيني ب بشي كاس د الما ..

ناضت وقفت : ايه هي اللولا .. 

ناضت جابت الما و حطاتو فوق طبلة بعيد عليه : هز شرب هز ..

مقدش كيبغي يهز يديه فاشلا عليه : أ ر أرا أراي الكاس .. 

كلزت ليه بصبعها الوسطاني : هاللي غانعطيك أولد الحرام .. واخا تشلل متشوفش نقطة وحدة ف فمك ..

ناضت لبست عليها و هو كيتمتم معصصصصب و ماقااااادرش تااااا يغووووت .. لسانو هررررب .. 

مشات هزززت صنيديقة ديالو وراتها ليه كاتشير بيها فيديها : ها الكبيدة ديالك بااااااح مابقا فيها واااالو .. 

شتيها ياك هانتا راه خاااااوياااا .. 

رماتها على وجههو .. و مشات لبست واحد سبرديلة.. رجعت قربت ليه كاتسوس فجيابو و هو كايكمع و كيتلوووى .. هزت داك الصرف و هزت كاع لي عندو ف الجيب ..

تا كانت غاتمشي بحالها و هي تضحك : ههه لااااا لاااا حشوماااا نمشي بلا مندي معايا الباروك ديالك .. 

هزت واحد المقص و قربت ليه قطعت موسطاجو لي كان فرحااااان بيه و يبقى يلوي صبعو علييه ..

خلاتو كي داك شارلي شابلن و همست : ايوا هاذي أ العمِيمْ باش تفرك بنت خوك فاتي علاش قادة .. 

دفعاتو و خرجت كاتجري


غير خرجت و هي تدير قبها رجعت كي شي زوفري .. 

تمشات تال نص طريق عبئت تيليفونها و عيطت لوحدة سميتها فدوى كتعرفها معرفة قديمة .. 

ألوووو ويييي ؟؟

فاتي : فدوى هاذي أنا فاتي .. محتاجااااك أ ساطة برووووجوولة .. خصني نضبر على شي صرف صحييييح هاذ السيمانة باش نهز قلوعي و نتق*** من هاذ المدينة د *****
شفت فيها غا الفضايح .. شي نهار يشدني شي حد و يفدي فيا القديم و الجديد .. 

فدوى بصوت فيه غنج : ايوا نتي أ كبيدتي لي عزيز عليك تخلويض و كنخاااااااف منك ..

تصدقي دايرة لينا شي موصيبة عااااود .. عقلتي على آخر مرة فاش شنقتي على داك الكليان ؟

زرقتي ليه العينين و شفرتي فلوسووو .. 

انا اناااااا أ حبيبتي لي كليت السبان و تمرمدت تمرميدة د الكلاااااب .. 
و نتي وداك عمك قلتو من هنا دازووو و هربتوووو .. 

عضت فاتي على شنايفها مفكرااا فديك الفضيحة : 

المييييمة سمحي ليا راه داك ولد الق*** لي خرج عليا ب بلاناتو .. رلني تفكيت منو دابا .. و لكن ايلا لقاني غايقطعني طراااااف طراااااف .. هانتي أ ساطة أ نخدمو فيفتي فيفتي .. لي جاتني نعطيك نص فيها ..

فدوى : قولي وا حق الله ؟

فاتي : اقسم بالله العظيم واش غنكذب عليك .. 

سكتت فدوى شويا و هضرت : اوووكي شدي طاكسي و اجي .. منين توصلي نهضرو ..

فاتي : مواااااح عليك ..

مشات كتجري شدت طاكسي ..

نص ساعة كانت قدام أكبر بااااار .. 

دخلت من الباب اللورانية و هي كاتشوف ف عباد الله غير صحاب الحبة و السواعدة و الجرة مخلطة .. 

دقت فواحد الباب و هي تلقى فدوى لابسا مقززززب و طغوووو ماكيّييي .. 

تسالمو و فدوى كطلع و تنزل فيها : فين خليتي داك الق**** ؟؟ 
فاتي كتمسح العرق من جبهتها : خليتو ناعس مجبد و خرجت .. هزيت جلايلي و طلقت رجلي للريح .. 

فدوى هزت صبعها بتهديد : أ حسن مادرتي ..

سمعييييني أ فااااتي راك عارفاااااني انا معنديش مع زيgزاااك وداك الخاوي د ت**** ..
طغافااااي طغاااافاااااي ... بلا ديك هبل تربح .. 

سيري بنيتك لابغيتي تربحي الفلوس ..

سمعيني ليوما البار زااااهي و عطا الله صحاب اللعاقة .. ضوري بالحالة و سيري شوفي ليك شي واحد متختخ فلوس .. دوزي ليلة حمرااااا جمعي فليساتك و هانتي peaaaaaace ..

و نساي داك عمك غاتبقاي تابعاه تاتصدقي ف الحباسات .. 

نطرت الدخان من فمها : سمعتييييني ؟؟

فاتي : سمعت سمعت .. عطيني مانلبس .. و قادي ليا كمارتي و عنداك تبداي تجيري ليا .. ديري شي حاجة خفيفة .. 

صاوبت ليها و لبساتها تا رجعت كاتحممممق .. 

فدوى : سمعيييييني ثيقي فيا و خلينا نخدمو خدمة نقيااااا .. طلقي راسك و تق**** شويا .. راك بنت و غاتعرفي لدوك الحركات و نتي اصلا غزاااالة كولشي غايدووووخ عليك ..

ضحكت فاتي : ماتخمّمِّيييش الحووووب .. 

غمزتها .. و نزلت فاتي كاتعوووج .. تاوصلت لداك التحت .. كولشي حط عليها العين .. 
بقات كتضور ف عينيها و كاتشوف عباد الله كاتشطح .. و دايخييين ..

قربت لكونطوار و جلست كاتشوف مزيااااان كاتقلب بدوك العوينات لي كتبان فيهم البراءة على شي فيكتيم يكون صحييييح .. 

تا بان ليها واحد الغليظ صلع .. دايرين بيه الغارد كوووغ .. و كيكمي لابس فيستا مزوقة بالورد و داير سنسلة ديال الذهب .. و سروال د الثوب كحل باين فيه شي مافيوزي و لا شي حاجة بحال هاكا .. 

ضحكت و غير جاو عينيه عليها .. و هي تغمزووو و كتعض على شنايفها : عيط عليا أ ولد ال**** .. غا كرشك قدااااش الله احرقك ..

رجعت كتعوج و تدوز يديها على فخاضها .. و هو غير كيضحك شويا هز صبعو حركو بمعني اجي لهنا ..

فاتي : على سلاااااامتي .. 

مشات كتعوج بالطالون واخا كل مرة كتحس غاتجيب الربحة .. 

قلبوها الغارد كوغ هوما اللولين .. عاد دخلت جلست بجنبو .. هز يديها باسها و عينيه على مفاتنها البارزة : بونسواااار سينيووووريييتااا


فاتي : ههه هممم بونسوااااار .. 

تقاد كيشوف فيها مزيان ب عينين فيهم شهوة : شنو سميت هاذ الغزالة الشابة <هاذ الجملة نطقها بالإسبانية>؟؟ 

تبسمت بزز مطرطقة عينيها : دابا هاذ ولد الق*** غايدير عليا ديك سلم عليه زرب عليه و يطلق عليا ضوبيرمان ديالو .. 

احم .. ميسيوا جو باغل با سبانيش .. سبيكي عربية احماليديك و خلينا مفاهمين .. 

فهمها نوعا ما شنو قالت و ضحك و نطق كيخرج الحروف د العربية مهرسين بزاااف و رجع سولها ..

فاتي : هههه آاااااه سميتي زعما .. سميتي سوسن .. و كايعيطو لي سوسو <رجعت زغبة ورا وذنيها ببراءة مصطنعة> .. و نتا ؟؟

رجع هز يديها باسهم : اووووه على سوسن سمية جميييلة .. أ سوسو ..

انا سميتي جابر .. ههه و معنديش شي لقب .. و شحال ف عمرك !! 

فاتي : عندي دابا 24 عام ..

وسع عينيه : مزالا شاااابة انا عندي 50 عام و لايني شاد فراسي ديما سبووور و مزالي شاب .. 

شافت نيشان فكرشو : لا باااااين هاذ السبور .. 

من بعد حكي و تعارف طويييل .. حط يدو على خصرها و غمزها : نطلعو لفوق حسن أ مياموور .. أو لا !!

حركت راسها ب اه .. و طلعو لفوق ..

دخلو لواحد الغرفة واسعة بزاااااف و كلها ورد مجهزة قبل .. 

مشا جلس و بدا كيفسخ فحوايجو .. حطت يديها على فمها ..

وييييلي سطفغرط الله ماحشم ما استحيا هاذ **** .. 

غير قرب ليها و هي تهمس بشويييييا : ب بلاااااتي نشربووو بعداااا .. 

جابر : أوكي ا روحي .. 

فاتي : روحك غااتزهق على يدي .. غير صبر .. 

قادت المشروب و عطاتو ليه : احم تفضل .. 

رشف منو و هو كيتلمس ف ظهرها .. اما هي غير حابسا راسها .. 

غير بدا كيدوخ و هو ينطق : ا ان نمشي للحمام ..

خرج كيتمشى بحال شي واحد سكرااااان .. 

هزت الفلوس من جيبو لي جا باسم الله .. 

نزلت تابعاه تا دخل للحمام .. لقاتو كيغسل فوجههو .. و بدا كيصحصح .. 

مشات كتجري حفيانة هزت شراوطها و كولشي .. 
يالاه اتخرج سمعت القرباااااالة نايضة و لي غارد كايقلبو عليه عضضضضت على لسانها : مييييييمتي هااااذي اللخرا ليك أ فاااتي هاذي اللخراااا ليك الكلبة ..
غاتموتي مقطعة طراااف طراااف هاذو غا ذنوووب عمي الله القيها ليه 

خبعت الفلوس فصدرها .. و غادا كتجري بلا عقل تا خرجت فشي حاجة .. 

هزت عينيها و هي تحس بشي حاجة قااااصحة .. كان يحيى .. بطولتو و هيبتو .. هاز مشروب فيديه لي أصلا تخوا عليها ..

يحيى صغررررر عينو فيها معرفهااااش ب قوة المايكاب لي دايرة و لكن حس بلي فايت شافها .. زااااد صغر عينو فيهاااا قشعهااااا : هاذي نتييييي !! 

وسسسسعت عينيها : ه ههذاااا نتااااا.. و وييييلي ميييمتي صااااافي كملاااااات .. 

فهمت كولشي مقلوب و حسابلها عرف بلي كاتشفر : و والله غير خليني نشرح ليك ب
بشرط ن نخرجووو. من هنا العاااااار انا. مزااااااااوgة .. 

غير سمعت صوت رجال موراها و هي تسد.عينيها مكوانسيااااا .. : صافي قو**** و الله تا قو***** 

مييييييمتي شنو غانديييير ..

يحيى شاف فيهم جوج رجال نطقو ؛ هااااا هي لقيناااااها ..

دارو الطريق لجابر لي داز و مزال عريان من لفوق : هي هااااااذي الكلبة البييييييتش .. 

جيبوووها ليا لهنااااااا ****

طرطقت عينيها و دارت عند يحيى لي مافهم والو .. كمشت يديها على قاميجتو : ع عافاااااك العاااااار .. ع عتقني انا مزااااااوgة و عمرررني نعاااااود عمررررني


ورررركت على ذراعو : ع عمررررني نعاود و الله عمرني نشفرررر مزاااال عمرني و الله حتا نتووووب .. و الله .. آااااخر مرة .. 

تصدددم بداكشي لي خرجت من فمها و قرب الغارد جيهتها و هي كتررررعد بالخوف و عينيها ذابلين ..

يحيى ضورها بزربة موراه و طلع حجبانوو فيهم لصقت مع ظهرو العريض و القوي و رجع نطق : شنووو واااقع همم !! 

الغارد نافخ عضلاتو و كيشوف فيها شوفات د القتيلة : خوويا عندنا حسااااب مع هاذ البنت .. ايلا سمحتي بعد شويا ..

يحيى طلع و نزل فيه : لاااااء .. ما بغييييتش عندك شي مشكل !! .. 

جابر تخطا رجالو و وقف قدام وجه يحيى و كان قصيور عليه : كيفااااااش ؟؟ غاتحييييد من قداااامي بزز مننننك .. و غاتخلينا نتفاهمو مع هاذ ال***** الشفااااااارة ال puuuuta .. 

غوتت فاتي كطل بعينيها : جمع فمك أ داك البرميل .. 

يحيى دور عينيه جيهتها بخنقة : غااااتبلعي لساااانك و لا غانخليك منك لييييهم ..

وررركت على ذراعووو : هاني ساااكتة و الله منهضر ..

يحيى هز يدو كيحك حجبانو : سمعني .. غاتخرج نتا ورجالك من هنااااا يااااك .. بلا صدااااع بلااااا تا ق**** .. سمعتيييي ؟؟ حيت مكيعحبنيش نعاود هضرتي زوج مرات ..

ضار لعندها خنزر فيها : عطيني داكشي لي هزيتي ليه !! <غووت> زررررربي ..

جبدت الفلوس بزربة مداتها ليه و عينيها ذابلين ماسخيااااش بيهم ..

رماهم يحيى على وجههو و نطق بنبرة رجووووولية صااااارمة : ها وووسخك .. يالاه قووووود من هنااااا .. 

مارضاااش جابر من هاذ التصرف : سيييييير بحااااالك بلا متدخل راسك لصداع مغتقدش عليه ..

يحيى : و شكون قاااالك ماهنقدش عليه ؟؟ 

دفع فاتي اللور بغضضضضب وااااضح و هز كمامو د القميجة كيتنيهم :

يالااااااه وريني شطاااارتك أ داك نص بلاصة ؟؟ بلا ماتخلي هاذ ميكيات يحاميو عليك .. 
يالاااااه كووون راجل و وريني شنوووو فيدك ؟؟ فااااااازي .. مالك خفتي !! 

فاتي كمشت صاكها قدامها و كاتشوف ديك الحالة لي هي سبابها..

جابر تشججججع و قرب ل يحيى يالاه غايضربو و هو يحس ب عنقو تلواااااا .. جااااا طايح ف الأرض كاااااااو كيكحكح .. 

عنقو حسووو تهرررررس و لا تلواااااا .. 

تحنا لعندو يحيى : نتا لي يمكن مهتقدش عليه أ ******* 

لصق يدو مع حنكو عاديه ةاحد ديريكت صحيحة نيت .. و بزق على وجههو : كلللللب ****

رجع وقف كيشوف فيهم و كاينهجج : يالاااااه دافعووو على هاذ الشمااااتة مجااااتش تفرجووو فيه هااااكا حشووووما .. 

زعم واحد قرب ليه و ضربو بقووووة على جنبو و جا لاخر من ورا ظهرووو بقا مضاااااارب معااااهم و كاع داك العصب لي فيه خرجوووو فيهم .. 

جاتو واحد البونية ف فمووو و سال دم شويااا .. ضحك بجنب فمو : بياااان جوووي ..

قرب ليه و ضربو برااااس جابو طايح ف الأرض منشوف حدا خوتو لاخرين لي سخفااانين ..

ضحكت فاتي كي شيي حمقة و بدات كتصفق : فكرتيني غا ف شاروخان فاش كيدابز .. وا تبارك الله صحييييح مع رااااسااتك .. 

بقا محافظ على ملامحو الجدية و حجبانو معقودين .. نزل كمامو و قرب جيهتها شنق عليها بقوووة من عنgرتها : غاتحررررركي داااابا قداااامي لعند البوووليس ..

باش نساليو هاذ الدراما التركية .. 

وسسسسعت عينيها : لاااااا ارحم واليديك لاااااا .. البوووليس لااااا العااااار الله ارحم باااااااك .. الله احفظظظك ..

بقا جارها من حوايجهاااا و هي كتطلب و تزاوg فيه .. 


بقا جارها و هي كتيبس رجليها ف الأرض ..

حتا خرجو من البار .. 

ضار شاف فيها : ترررررصاااااي لنضرب *****

وقفت مقادة و وجهها عرقان : ع عافاك الله استر عليك لما خليني نمشي بحالي .. 

يحيى هز يد كيمسح على شعرووو معرف شنو يقووول معصصصب و محاملش هاذ البلاااااان : 

ماكاااانتش غاطيح ليا عالبال تكوني نصاااابة .. زعما براااااافووو عليك <هز يدو كيصفق ليها >
وااااااو .. بصراحة زعما ماعندي مانتساااالك ...
ضحكتي عليا و نصبتي عليا و انا كي البغل متيقك و مدخلك لداري داير فيك ثقة .. 

دجاااااست وااااااو معررررفت شنووو نقوووول ليك .. 

حبست دموعها واقفة قدامو و كتفرك فيديها : عافاك خ خليني ن نمشي بحااالي ..

فلوسك ا انرجعها ليك .. و الله ..

جن جنووووونووو على بروودها و هو يشد كتافها مزيرررررر عليهم : غير حلمييييي خص مك ترباااااااي باش عمرك تشفري شي حد مزااااال .. و لا تنصبي على شي حد كيفما كااااان .. و هاذ اليدين لي كايشفرو خصهم يتقطعووووو .. 

نزلو دموعها بزربة و هي كتبعد فيديه القاصحين .. حتا لمح ذراعها كلهم شراطي زرقيييين و مفلحين شويا خارج منهم القيح و رد البال لجسمها شحال سخوووون بالخصوص ذراعها .. 

تصددددم و طلق من كتافها بسررررعة .. هز كمامها بشوية و ببطئ لقا كتفها كولوووو شراطي كبااااار .. طرطق عينيه بصددددمة كيشوف ف عينيها نيشان : 

شكووووون دار فيك هاذ الحااااالة !! 
دوييييييي شكوووون ؟؟

هزت يديها كاتمسح دموعها : ت تاحد .. و ها هاذشي م ماشي شغلك .. 

و هي كتدوي رد لبال لحتال عنقها و رجليها عامرين شراطي و ضرابي .. صعرررر و شعل ديال بصصصصصح ... 

قلت ليك شكوووووووون ؟؟ شكون هاذ ****** لي دار فيك هاذ الحالة ؟؟؟ 

جفلت من صوتو لي رجع كيخلع و حتا من عينيه لي رجعو كي جغمة الدم .. 

فاتي : ع عمي ..

هز حاجبو مستغرررب : كيفااااااش !!!!!

فاتي : عمي لي مربيني .. 

يحيى : ز****** و فين هوما واليديك !! 

سكتت واحلا ليها الغصة ف حلقها و عينيها كاتضورهم حابسا دموعها : باا مات فاش كنت صغيرة و م ماما .. خدامة فواحد الكاباري .. 
م ماكاتبغيش تشوفني و لا تهضر معايا ..

تنهدددد كيسوووط و عينيه رجعو ظلام : عمك لي كيقولك سيري شفري و نصبي على ناس !! 

فاتي : منين كانت عندي 7 سنين .. هاذشي لي علمني .. الشفرة و نضحك على ناس بدم بارد .. 

كان يخرج يسعى بيا .. منين كبرت شويا وليت كنخرج بوحدي و مكنتش كنحمل نسعى مكنتش كنرضى نمد يدي .. كنت كنفضل ننصب على الواحد بلا مانبقا نترجى فيه يعطيني .. 

<نزلو دموع سخاااان على خدها و رسمت واحد ضحكة غريبة على وجهها> واش انا كرهت نعيش بحال أي بنت !! نفيق نلقا الفطور و نمشي لليسي تا انا نقرا و نضحك .. 
نخرج مع صحاباتي و نلبس لي بغيت و نشري لي بغيت .. نرجع لدار نلقا ماما و نجمع انا وياها .. و تبوسني و تعنقني .. 

ههههه تخيل انا كنمشي كنلقاها كاتشطح للرجال و حالتها حالة .. الgارووو و الشراب مكتفرقش عليهم .. فينما نبغي ندوي معاها كاتخسر عليا كلمة وحدة .. "انتي لي خرجتي ليا على حياتي" ..

م معرفتش شنو ندير .. ش شنووو !! 

تنهددددت .. و جمعت شعرها لفوق صهدها هزت كمها كاتمسح فيه خناينها .. 
ضارت لجهة لاخرى تا جبدت الفلوس من صدرها .. بدات كتحسب قدامو و عينيها منفوخين .. 

هاذي 50 ألف ريال .. مزال خصك عليها بزاف و لكن غانجمعها ليك و الله ..

مداتها ليه و هو كايشووووف فيها .. 

فاتي : خووود فلوسك ..

يحيى سكت و شد دوك الفلوس جبد البريكة 

و هي طرطقت عينيها : هيييييييه شنوووو غادييييير ..

بقا ساكت شعل فيهم العافية و هي مصدوووومة : ش شنووووو دررررتي ؟ وااااش نتا مصطي ؟ اوييييييلي وااااش خرج ليك لعقل ..

بعدها بيدو حيت كاتركل و بقا تا حرق ديك الفلوس كولها قدام عينيها لي بهات لونهم و قلبها كيضرررررررب


جرها من يديها تا ركبت و هي كتعرعر سد الباب و مشا لبلاصتو .. ركب .. و دار سمطة وع عينيه مركزين على طريق ..

فاتي : ش شنو واش غاتديني للبوليس دابا ؟ ياك!!

حشووووما عليك و الله .. مابقيتش هنعااااود الله اعميني ايلا عاودت مزال .. 

يحيى : (شاد الفولون بيد و لا خرى كيحك بيها ذقنو) غير ارتاحي مغنديكش للبوليس .. نتي ماعليك والو .. داك عمك **** لي خصو يتربى .. 

تنهدت براحة .. و سندت راسها على الكوسان : اهاااااه و دابا فين غانمشيو !!

مجاوبهاش وصل لواحد البلاصة و زول سممطة : متحركيش من بلاصتك .. هانا جاي دابا ..

حركت راسها ب اه و خرج يحيى .. دخل لواحد لفارماسي و خدا شي مراهم عاد رجع 

ركب و هي غير حاضياه : مممممممم ش شنو داكشي فيديك هاااا؟ 

هز عينو فيها : مالك فيك بلا بلا بزاااااف ؟ 

جبد دوك المراهم و جذبها شويا لعندو حتا توترات و طلقت تنهيدة سخونة : 

ضروري خصني نعقم ليك هاذو ايلا خليتيهم هاكا غايبقا الأثر ديالهم ..

شد ذراعها و همس : متخافيش مغيحرقكش بزاف اووك !! ..

كمشت عينيها : بلاش و الله خفت نتقصح و لا شي حاجة ..

يحيى : قلت ليك متخافيش ..

بقا كيحط دوك المراهم ببطئ و بلطف .. محسات بوالو من غير لمسة يديه لحنيييينة على جسمها الناعم .. 

بقات كاتشوف ف عينيه زورق لي دوخوووها و ف حجبانو الطوال و لحيتو لي على ذقنو .. 
اول مرة شي حد يهتم بيها هاكا جاتها فشكل بزاف .. 

محشماتش نهائيا و كانو نظراتها جريئين .. كتطل بعويناتها على تفاصيلو لي كاتحمق ...

و هو حادر عينيه كيعقم ليها جرحات رد بصوت باح شويا و فين نبرة رجولية : ممم ياكما عجبتك ؟ 

فاتي : واش هارب من تركيا و لا من الميريكان .. هاذ العينين زرقين بصح و لا عدسات ؟؟ 

جاه ضحك و هو يتبسم غير شويا بجنب فمو تا بانو دوك سنينات لي مستفين : كاين شي راجل كيحط عدسات ؟

فاتي : وا منعرف عينيك جابو ليا تمام صافي .. صعيب لواحد ميركزش فيهم ..

هز عينيه فيها : ممم ساليت .. 

جمع داكشي و بدا كيلعب بصباعو فوق الفولون : دابا معندكش فين تمشي !! 

حركت راسها ب لا : منقدرش نرجع ايقتلني ايلا شافني 

يحيى : اوكي انديك لفيلا ديالي لي فالجبل بقاي تماك حتا نشوفو شي حل .. 

مهنقدرش نخليك ف الفيلا عندنا هنا حيت ماما شويا فشكل و مغاترتاحيش .. 

فاتي : لا بلاش غانمشي لشي وطيل و صافي و الله..

يحيى : عندك فلوس ل أوطيل ؟؟

سكتت شويا و ضورت عينيها : لا .. لي كانو عندي حرقتيهم .. عمرني شفت شي حد كيحرق الفلوس ف حياتي ..

يحيى بصوت حاد و صارم : فلوس الحرام هاذوك باش نحطك ف الصورة .. 

فاتي : و الله تا حشمانة معرفت شنو نقول 

يحيى : نتي كاتحشمي ؟ نقطع يدي بزوج لاكنتي نتي كاتحشمي ..

خربقت شعرها : و الله تا كنحشم ..

يحيى : عليها كاديري دوك الفعايل د إبليس


تحرك نيشان للدار و هي محبستش من البلا بلا .. 

تا وصلو للدار نيت لي فيها واليديه .. 

خرجت و هي توسع عينيها باستفسار : ياك قلتي مغانجيوش لهنا ؟؟

يحيى : مهنخليكش فدار تماك بوحدك تصدقي دايرة شي فضيحة .. غير حاجة وحدة نوصيك عليها .. 

هز صبعو بتهديد وااااضح : نعرفك درتي هك و لا هك هاذ اليدين نقطعهم ليك سمعتي ؟؟؟

حركت عينيها كي شي قطة و مطت دوك شنايف : تآااامر بشي حاجة أخرى سي يحيى ؟؟

طلع و نزل فيها باستهزاء .. عاد سبقها يالاه غايحل الباب و هو يرجع شاف فيها و وشوش : و حاولي تفاداي ما أمكن تهضري مع ماما .. سمعتي ؟؟

فاتي : واااا كوووون هاااااني نعس على جنب راحة ..

يحيى فنفسو : معرت منين غاتجيني هاذ الراحة و انا ملصق فيا بروسي 

دخل و حل الباب لقا الضواو طافيين بالسيف راه جوح د الليل هاذي .. 
سبقاتو و همست : وااااا على سكات .. حس ذبانة مكاينش ..

يحيى : شششت ناعسين داكشي علاش .. 
يالاه زيدي قدامي نعطيك بيت فين تنعسي 

فاتي : اجيييي غانبات بلا عشا و لا شنووو ؟ 

يحيى : (ربع يديه معصب) علاش مقلتيهاش قبيلا ؟؟ فاش كنا خارجين ؟ 

فاتي : وا غير حشمت و صافي 

يحيى : موووووصيبة هاذي ياربي ..

سبقها لكوزينة حل ثلاجة و جبد البيتزا و كمش عينيه .. 

هاذي د الكفتة عامرة بالذهنيات يمكن غاتضرك ف معدتك حيت الليل هذا ؟؟

فاتي : تا أرى لهنا قالاك الذهون شكون مسوق لشي ذهون و انا مصارني كيغنيو الملحون بقوة الجوع ..

غير أرا داك الخير لي تحطات فالمقلى تقلى 

تنهددد و جبد حتا واحد العصير كان فواحد القرعة د زاج .. عاد طلع مع ضروج تا وصل لبيتو دخل و حط داكشي فوق واحد طبلة و تلاح فوق ناموسية مقابل معاها .. 

يالااااااه كووووولي ..

مشات بزربة تربعت فبلاصتها و حلت الكارطونة بدات كتاكل ..

فاتي : مغاتعشاش ؟؟

يحيى : مكنتعشاش .. متبع ريجيم .. زايدون الماكلا من بعد طناش د الليل كاتدير غير الكرش .. و الشحمة .. 

فاتي : (خشات طرف كولو ف فمها و كتهضر بصعوبة) اودي من حقك شابع خيورات مع راسك .. انا لا كليت غير الغدا مقاد كنزغررررت بالفرحة ..

يحيى : وا غير بششويييا غاضرك معدتك أ بنادمة واش كاتمضغي بعدا و لا غير سرط سرط ؟ 

فاتي نزلت على ديك القرعة د العصير : كوووولشي غايتطحن متخاااافش انا معدتي خطيرة .. 

غير كلات و سالات و هي تكرررع مرة و زوج .. 
الحمدلله الله اخلف .. 

يحيى كان واقف كيفكر : متفهمينيش غلط و لكن من الأفضل تنعسي هنا صافي !! نعسي فوق داك الفوطوي و نيت عيني عليك منقدرش نثيق فيك مزال و الباب غانقفلو .. 

فاتي : معنديش بووو الموشكيل ..

وسع عينيه : غير ترددي بعدا و فكري واش معندكش الفران ؟؟
مخفتيش تنعسي مع راجل فنفس البيت ؟؟

فاتي صغرت عينيها كطلع و تنزل فيه و همست بصوت منخفض : نتاااا يا وليدي لي خصك تخاف مني نتاااااا .. 

احم احم لا لا راك باينا فيك ولد الناس و ثقة .. و الله معندي علاش نخاف ..

يحيى معرف شنو يقول حك شعرو و همس : اوكي .. 

دخل لحمام لبس بيجامة د نعاس و خرج لاح ليها الغطا و تكمشت فوق الفوطوي و هو تلاح فوق ديك ناموسية لي قد الصخط ..

طفا ضو : نعسي يالاه .. تصبحي على خير 

فاتي كتبحلق بدوك العينين ديالها كي البومة : يخخخخ على هاذ السداري كيداير عوووج لي سلسول ديال ظهري .. 

داه نعاس و هي والو حلف لا جاها نعاس .. ناضت كتضور ف البيت .. مشات لبالكون كتطل تا جاها البرد و دخلت .. لقات واخد ريموت كونترول : ديالاش هاذ العجبة ..

ضغطت على زر د البرودة و بقات كتزيد كتزيد كتزيد تا وصلت لأقصى حد و ضحكت : كيفاش هاذي كتطلق البرد و لا شنو ..

بقات كتخربق فيها و تورك على دوك البوطونات شادا بيها الستون .. 

يحيى حل عينيه و كيتررررعد بالبرد ضور وجهه. لقاها واقفة مدابزا معاها : واااااا نعسي نعسييييي الله احرقك ..

حطتها بزربة من يديها : بلا دعااااوي .. هاني غادا ..

مشات نعست و ناض هو كايقفقف هز ريمووت بغا ينقص البرودة تعكست مابغاتش تخدم عياااا معاها والو : اش هاذ ***** اشنو خربقتي فيها ؟؟؟؟ 

فاتي دارت راسها بحالا نعسات ..

يحيى هز عينيه للسقف : اللهم طولك يا رووووووح .. 

بغيت غير نعس اوووووووف


مشا قيس بزربة للدريسينغ روم كيبدل عليه لبس تيشورت كول ديالو على شكل v جاه مزيررر على لحمو المطراسي و سروال كحل أنيق .. 

عاد رجع هز شي وراق ديالو و هز سوارت و كيقلب ب عينيه زورق لي كيرمشو بسرررعة ياكما خاصا شي حاجا ..

رجع هز شي حوايج من بلاكار ديالو و ديالها و حط ف فاليز صغيرة ..

هبطها لكوفرر د طوموبيل 

و رجع ليها هزها بزررربة بين يديه فحال شي ريشة .. و هي غارقة ف نومها قبل شنايفها الحلوين مستمتع بالشوفة ف ملامحها و هي ناعسة بحال شي ملاك .. تا خرج من الدار ..

ركب فسيارتو و حطها اللور .. مسافة طريق و هاهوما ف المطار .. 

لقا واحد الأجنبي صاحبو سميتو مارتن راسو شهب كولو و طويل عينيه زورق و بشرتو بييضة بزاااااف كان هو لبيلوط د الطيارة .. و دار حوار قصير بيناتهم بالانجليزية كيطمئن فيه قيس على وضع الطيارة و على دوك الأمور كاملا.. 

من بعد داك الحديث طلع قيس للطيارة الخاصة ديالو تقول داخل لشي قصر صافي .. كلشي مجهز أي حاجة تشهاها البال و لا تخيلها كاينا تما .. 
المضيفة لي كانت وحدة من دوك لي كيدوز بيهم الوقت تصدمت فاش شافتو هاز ريماس و كيرمقها بدوك نظرات و زادت تصدمت فاش شافت الخاتم د زواج فصبعو ..
بلعت ريقها بغيرة و تبسمت بزز عليها .. 
مرحبااااا ميسيو قيس نورتينا ..

رد عليها بشكل بارد بلا مايشوف فيها : Merci

تجاوزها و مشا لكراسا لي كيتحلو و يرجعو ناموسيات و حط ريماس .. صاوبها فبلاصتها و هي بحالا فشي غيبوبة ماشي نعسة هاذي سيد هزها و ماخلا فين تمشا بيها و هي ماكيناش فهاذ العالم ..
حطها و ستواها .. جر عليها الغطا و قادها فبلاصتها ... 

يدو كتلعب فشعرها و اليد لاخرى خدام بيها ف اللابتوب ديالو لي حاطو قدامو .. 

كل شويا كيهز يدها يبوسها .. و هي ف سابع نومات ..

داز الوقت و صبح الصباح و هي تفيق ريماس كتفوه غير حلت عينيها مزيان و هي تصدم من زاج لي حداها .. نقززززت بزربة : باسم الله الرحمن الرحيم .. ف ف فين ح حنا ..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.