يحيى جالس داير طابلية و كيوجد العشا و حداه فاتي جمعات شعرها و كتعاون فيه كيصاوب ف pailla قادها على حقهاااا و طريقهااااا و هي بقات مخرجة عينيها متفاجئة : محساااابش ليا كتعرف طيب ..
دار ليغات و بدا كيغسل فلماعن لي رونهم ؛ و علاش أ لالة !!
هزت كتافها ؛ لي لاباس عليهم كايكونو مفششين و كيليميني و خصوصا رجالة كتجيني فشكل يعرفو يطيبو ..
ضحك و ضحكتو خطفت ليها قلبها ؛ ممم لا بالعكس .. عااادي و ديجا انا كيعجبني نطيب .. و كنت كنتمنى نكون شيف كويزيني مي مكتابش ..
ليلى ؛ زعما سعدات هاذ المرا لي غاتزوج بيها صرااااحة (و بدات كاتشوف ف ملامحو بإعجاب لحيتو لي كاتسطيها و عينيه مخلطين ماهوما زرقين ماهوما خضرين و شعرو رطيطب و ديك الفورمة و القلدة عندو كاتجيب ليها تماااام)
سمع تيليفونو كيعيط ؛ بليييز جيبي ليا تيليفوني يمكن فوق طبلة ..
مشات فاتي جابتو و هو مزال مسالاش : غير فتحي السبيكر
وركت على سبيكر و شدت تيليفون فيديها ؛ علييي صافا !!
علي ؛ فينك أ صاحبي نتا !!
يحيى سمع صوت الموسيقى و صداع ؛ انا ف الفيلا لي فالجبل نتا ف نايت كلوب و لا شنو !!
علي ؛ وايه أ ساط على أساس خوك غايقصر معايا هاذ الليلة صدق مشا مع واحد ااقح*** واش هذا زمل و لامالو ! نسار راسو مزوج هاذ الخرا و لا شنو !!
فاتي تصدمت و يحيى كثر منها حيد ليغات و خطف تيلي من يديها و مشا خرج للجردة حط يدو على خصرووو معصصصب ؛ خرااااااا هذااا لاش مزوج نهار اللول منين غايدير هاذ التبرهيش .. فاااااك ..
علي ؛ صافي أ ساط غدا هضر معاه و رد ليه عقلوو ..انقطع دابا ..
يحيى تنهدددد كينفس الكول د القميجة و جات فاتي لعندو كتخنزرر ؛ خوك كيخووون ف مرتو ماحشوووماش عليه !!
يحيى : فاتي الله ارضي عليك لي فيا كافيني اصلا طلع ليا الخرا لراااااسي ..
ربعت يديها ؛ رجال كلهم مسgيين بمغرفة وحدة .. غير كيتزوجو و كياخدو داكشي لي بغاو و كيملووو .. بقات فيا مسكينة حسن عوانها دابا ..
يحيى مشا دخل لكوزينة و هي بقات كتنgر تماااا ..
هز ديك الفوطة ضربها مع الأرض ؛ غداااا و نتفاااااهم مع ديلمك على هاذ الخراااا كامل ..
قطع عليها و جلس كيحك فلحيتو ؛ شنوووو ذنب هاذ البنت معاك شنووووو
قيس دخل لشومبر و هي قدامو .. غير دفع الباب و هي تلاح عليه كتبوووس فيه و يديها فوق الكويرة كتزولها ليه و شنايفها خدامين كيبوسو فيه .. و هو قدام عينيه غير صورة ريماااااس .. و قلبووو كيزدح .. تخيلها هي لي كاتبوس فيه هاكا بلهفة و حب و رغبة كبييييييرة دفعها فوق سرير و دخل معاها ف قبلة شرررررسة و عنييييفة .. طرطق كسوتها بيديه و نزلت هي لصدرو المبرونزي كتدوز لسنانها بشكل كيشعل فتييييل الرغبة فييييه ..
سلوى لبست و تقادت شافت ف عمر راجلها ؛ شيغي انخرجو نتعشاو عافاك حنا و ليلى و ريماس ..
عمر ؛ و قيس فين هو !
سلوى ؛ منعرف خرج قبيلا و مقالش فين غادي ..
هز حجبانو موافق ؛ صبري نشرب دوايا و نلبس جاكيت
ديالي ..
تبسمت سلوى فرحااااانة و طلعت قالتها ل ليلى ..
عند ريماس .. حسسست بالصهدددددد و السخااااااانة .. و السخفة .. و عظامها نملو علييييها بشكل غرييييييييب .. جمعت شعرها لفووووق و نزلت لتحت لقات عمر بابات قيس ف الكوزينة كان كيشرب الما غير شافها و تبسم مشا عنقها عنااااق داااافئ ؛ اهلااااااا بعروووستنا مرحباااااا بيييك
جرتها سلوى من يديها ؛ واش نبززو على البنت تجي معانا !! خليها على راحتها و نعطوها مساحة هي و راجلها شويا .. و غمزت ليلى ..
عمر طلع ركب و مشات ركبت حداه سلوى .. تنهدت ليلى باستسلام و طلعت للور ركبات ..
بقات ريماس تنادي ف ليلى حتا مقدرتش تهضر مزال صوتها رجع ثقيل و ذاتها كترررررعد .. و عينيها تنفخوو بالبكا و حمارووووو ..
ياربي شنوووو هاذشي واش غنموووت و لا شنو اهئ اهئ اهئ شنو هاذ الوجع فيااااا ..
حطت يديها على قلبها حساتو كيضرب بجهددد و الوجع كيقططططع فيها .. هزت تيليفونها كتعيط ل قيس ..
كان يالاه ايدخل المعلم اللحظة لي من صباح و هي كتسناها ديك البيتش شويا تفكر ريماس و رجع ليه عقلو همس بصوت حررررش ؛ لااا منقدررررش ..
وقف بزربة تنفض من تما و لبس سروالو و لبس حوايجو ..
تكعدت هي بخيبة أمل ؛ ماااالك !!
غووووت بصوتو الحرش تا زعزعها ؛ خرررررجي تقووووودي عليااااا ..
رما الفلوس على وجهها .. و مشا بسرعة .. خرج من داك الحشد و وقف قدام طوموبيلتو كارو تابع كارووو ..
تا سمع صوت تيليفونو كيفيبري ف جيبو شاف نمرة ريماس و جاوب بسرعة سمع صوت انينها مخلط مع البكا : اهئهى اهئ ق قيس ق قيس في فينك
تخربق من صوتها الباكي و تلف و عينيه طرطقووو حس قلبو غايسكت ليه ؛ ريماااااس ماااالك دوييييي !! شنوووو وااااقع !! علااااش كاتبكييييي !!!
ريماس ؛ ق قيس م مقد ر ا ش نهض ر
تقطع تيليفون و هو يضررررب فوق الفولون بقووووة .. و شعرو تخربق على وجههو و قلبو غايسكت كيصوووg بلا عقل و قلبو كيضرررررب بجهددددد ..
ريماس تكمشت فوق سرير كيف كيتكمش الجنين فكرش مو و كرزت بيديها على اللحاف و كتحاول تبقا فايقا و كتنيييين بصوت ثقيييل ..
قل من نص ساعة وصل فيها قيس للدار نقز دروج مخطيهم تا وصل لبيتو دفع الباب و مشا جيهتها لقاها كولها فااااازgة بالعررررق الناموسية كووولها تبللت بالعرق تقول تخوا سطل د الما تما ..
كتررررعد و عينيها شبه مسدودين و كتنين ؛ ق قي قي س غطي غطيني غ غطيني ع عافاك ا انموت ب بالبرد
دفع الفراش رماه ف الأرض و قوس ظهرو محني عندها .. ضرب فحنيكاتها بيديه الحرشين لي رجعوووو باردين ثلج ؛ رووووحي رووووحي شوووفي فياااا حلييييي عينيك انمشيو للطبيب دابا متخاااافييييش .. عمرررري شووووفي فيااااا عافاك .. شنو شنو كيضرررررك !!
هز يدو كيلمس وجهها و عنقها ذاتها بااااااااردة كي ثلج و عرقاااااانة لمح يديها فوق كرشها ؛ ..
جر واحد القبية ديالو عريييييضة لاحها عليها حيت عريااااانا و تلف معرف شنو يدير و يديه كيرجفووو .. هزها كي شي ريشة بين يديه و هي غير كتنييييين و كمشت يدها لي فااااشلة على قميجتو من جهة صدرو ؛ ف فيا ال البر البرد
مشا كيجري ركب و غوووت بصوتو الجوهري حتا جا شيفور تا هو كيجري ركب و قيس ركب للور .. لوبيطااااااال دااااابا متوووووقفش .. سمعتييييي
لصقها مع صدرو و مرر يدو على ظهرها العرق فزززززg القبية لي لبسها ليها و كيبوس ف حناكها و شعرها ؛ عافاااااك متسديش عينيك شووووفي فيا رووووحي بلييييز متسديش عينيك انوصلو دابا لوبيطال فاتكوووني بيخير ..
كمش يدو على يديها كيسوط عليهم و عينيه عامرين بالخوف و الررررعب .. ريماس حست شي حاجة خنقتها ف حلقها بدات كتكحكح و عينيها غايخرجو تلف معرف شنو يدير و غضبو كامل لاحو على السائق ..
شويا خرجت كشكوشة بيضا من فمها و سخفت بين يديه .. طرررررطق عينيه بصددددمة و هو كيشوف فمها عامر بالكشكوشة ؛ ر ري ريمااااس (صرفق وجهها بقووة) حلييييي عينييك حلييييي عينييك (زيرها على صدرو و يدو كترعد) ..
غوووت بجهدددد على شيفووور مكايناش 10 دقايق نا وصلو .. نزل هازها بين يديه كيجري و كولشي حاضيه ..
حطها ف أول بايييس و جا طبيب لي كيعرفو كيجري دخلوها نيشان لغرفة العمليات شنق قيس على طبييييب لي لبس الكمامة و كولشي ؛ تعتقها داااااابا دير شي حاجة سمعتيييييي و لا قسما بالله تا نريب عليكم هاذ لكلينيك سمعتييييييي !!
شيفور كييعدو عليه عرفو ماشي فوعيوووو ؛ سيدي عافاااااك تهدددن ..
قيس فشلو عليه رجليه بقاا غادي جااااي شاد فراسو كي شي حمق و عينيه حمرييييين ..
كيطرطق فصباعو و وجههو حمرررر .. تروووون و معررررف شنو يدير مشا كيخبط ف الباب ديال غرفة العمليات .. ساعتين بالضبط و هو كل شويا فين جالس مرة واقف مرة مسند راسو على الحيط كيدعي تكون ليه بيخير ..
غير سمع صوت الباب تحل و مشا كيجري لعندو ؛ ش شنوووووو طراااا ليها !! فاااااقت !! كيف بقاااات بعدددد بغيييت نشووووفها ..
طبيب جر قيس من ذراعو ؛ قيييييس تهددددن .. مدام ديالك كلات تسمم خطيييييير كاشي أي تسمم عادي و متأكد مية ف المية كان عن قصد كلاتو مع الماكلة أو شرباتو مع شي مشروب لولا لطف الله كنا غانفقدوها و مزيان منين متعطلتيش .. غسلنا ليها معدتها و لكن غايبقاو اعراض جانبية ديالو حيت سم كان قوي و بدا كينتشر فذاتها ..
قيس حط يدو على قلبو حسو قرب يسكت ليه ؛ تسمم !!!!! و عن قصد متأكد !! مرتي نهار كامل معايا فالدار مخرجاتش مكلات حتا ماكلة د زنقة
طبيب ؛ اذا خصك تحرى على هاذ الموضوع حيت تسمم خايب و غاتبقى كتعاني من أعراض جانيبة لواحد الفترة ..
قيس ؛ غاندخل نشووووفها ..
مقدرش طبيب يمنعو ..
دخل و جر الكرسي بشويا حطو حداها و جر يديها كانو باردين باسهم و سد عينيه بحرقة .. و دموعو نازلين .. كانت ناعسة و دايرين ليها قناع الأكسجين .. عينيه رجعو كي جغمة الدم حمريييين و تشكلت لحيمة تحتهم ..
باس يديها و مد يدو لحنكها كيمرر صباعو بشويا عليه
سهر معاها تال الصباح و هو ناعس معوج فوق داك الكرسي .. حل عينيه مخلوووووع كيقلب عليها و منين شافها قدامو ناعسة وسادا عويناتها تنهددد مطمئن ..
قوس ظهرو و تحنى باس جبينها و باس فوق عويناتها و يديها بوسات طواااال ناااااعمين ..هز يدو كيلعب فشعرها بلطف و شوفاتو عامرين بالندم .. تا دخل طبيب ؛ بووونجوووغ ميسيو قيس ..
قيس وقف مقاد و خشا يديه فجيويو ؛ ايمتا غاتفيق !!
طبيب ضرب حقنة ف السيروم ؛ معرفتش لكن غالبا بعد شي 5 سوايع اتفيق دايخا و غاتحس بالعيااااا و هاذشي طبيعي حيت حيت فقدت بزاف د طاااقة .. ممنوع تعطيها أي حاجة تاكلها .. الماء حتا هو متعطيهش ليها ..
قيس كيفرك فلحيتو و شعرو مخربق ؛ واخا .. المهم هي دابا بخير ياك مكاين حتا شي خطر على صحتها !!
طبيب ربت على كتفو ؛ لا دابا ماكاين حتا شي خطر أ ولدي
قيس عض على شنايفو مفكر هضرت الطبيب فقضية التسمم عن قصد .. مابغاتش تفهم ليه شكون سممها و علااااش و كيفااااش هاذشي دار ليه دووووخة يعني آخر حاجة يفكر هي شي حد من عائلتو يسممها ..
هز حجبانو و مشا رجع جلس حداها .. حاس براسو كيضرووو و شقيقة شداتو من شراب د البارح و تيليفونو مسكتش كيعيط ليه يحيا شدو طفاه و ردو لجيبو ..
جمع الوقفة و .. خرج كيطرطق فعنقو حيت تشنج عليه بديك نعسة .. مشا فداك الممر باش يجيب قهوة يشربها علَّ و عسى يتحسن مزاجو ..
شويا بانليه يحيى جاي كيتمشى بزربة .. جرو نيشاااااان من كول د قبية مكاين لا سلام لا كلام ؛ شنوووووو درتي فيها تا وصلت للسبيطااااار !!
قيس خرج عينيه محمرهم فيه و دفع يدووو بعننننف : يحييييييى متعصبش ديييييلمي مناقصنييييش حريق راااااس كثر من هذااااا انا بكري معارفش
يحيى جمع قبضة يدو و صدرو طالع نازل ضور وجههو كيزفر نفسو سخووونة و رجع بسررررعة رما واحد ديريكت ل قيس حدا فمو تا خرج دم كيسيل داير خط تحت فمو ..
قيس كمش عينيه و قاس بصبعو فين ضربو خوه يالاه غايتلاح عليه و هي تجي ليلى كتجري دخلت وسط منهم ؛
وااااش خرررررج ليكم العقل و لا مااااالكم راه لوبيطال نعلوووووو شيطاااااان .. (بعدت قيس كتدفع فيه بيديها من صدرو بحالا كتدفع شي حيييييط) قييييييس قلت لك صااااااافي تهددددن واش البنت لداخل مريضة و نتوما منوضيييين الحرب هنا ..
يحيى خنزررررر فيه و مشا برك فوق الكراسا لي مستفين تماك غير كيكشكش و كيسب و يخاااااصم معصصصصب من خوه بزاف كيشوفو هو السبب فهاذشي كااااامل و هو كيكره الحgررررة و عند بالو هو سبابها تا دخلت المستشفى ..
قيس غوووت و أعصابو محررووقين ؛ ماااااااشي انااااااا برااااااسي معررررفتش .. طبيب قاليا كلات تسمم و كان عن قصد .. (هز يدو كيفرك شعرو و غاادي جاي حداها كي شي مسطيييي) مقاااااادرش نفهم شكوووون غايسممها شكووووون !! و هي مخرجتش من دار نهااااار كاااامل (زددددح يدووو بقوة مع الحيط محاسش كاع بالألم)
ليلى شهقت ؛ اويلي على تسمم !!!! (ردت شعرها للور بحزن) هاذشي مكيدخلش للعقل شكون عندو مصلحة يسممها !! كيف بقات هي دااااابا !!! فاااااقت بعداااا !!
قيس سند ظهرو لحيط عااااود و كيمسح وجههو بعصبية حتا رجع حمرررررررر .. ليلى لمحت يديه كيترعدوووو بووووحدهم .. قربت ليه و عنقاتو ديمااااا كتحن عليه واخا يدير لي دار عرفاتو مرييييض ؛ تهدددددن غيييير تهددددن غاتولي بيخير ان شاء الله ريماس قوية و غادي تجاوز هاذشي ..
خديتي دواك ياااااك !!
حرك راسو بلا و عينيه وارمين و مشا كيتمختر و حالتو حالة ..
ليلى زربت جلست حدا يحيى ؛ وااااش تسطيتي علاش درتي فيه ديك الحالة !!!!!!! و هو اصلا مرييييض شفتي وجههو كيف كان صفرررر تا دواه مشربووووش علم الله اش كيقوليه داك رااااس دابا
يحيى ؛ سرررر ديلموووو نيت خصو كثر باش يتربى البنت مكرفص عليها و مخليها فالدار و غادي لبواط مع الق (رجع الكلمة لي كانت على طرف فمو و زاد ساط بغضب حانق) خوووووك عمرووو يتربى لي فيه شي فييييس فييييه ..
من اللول ميتزوجش بيها منين مقادش على المسؤووولية ..
ليلى غرغرو عينيها ؛ بقات فيا مسكينة و الله ماتستاهل خويا من نهار عرفاتو و هي فالعذااااب ..
و لكن راه و الله تا كيبغيها و كيموووت عليها غير كيعاند و معرفتش علاش كيتصرف معاها هاكاك بديك طريقة .. شوف غير دابا حالتو كيدايرا ..
يحيى ؛ حتا تفيق ان شاء الله و غانشوفو حل لهاذشي مستحيل نسكت ليه مزال .. و غانحطو النقط على الحروف
ليلى تبسمت ؛ الله اخليك ليا و صافي كون غير شبهك ف رزانتك و عقلك
وقف يحيى كيشوف ف تيليفونو كيصوني ؛ بقاي معاها و انا غانمشي للخدمة منين نسالي نجي انا و ماما اوووك !!
ليلى ؛ واخا كون هاني
فالفيلا عند سلوى ..
جالسة فجردة حاطا رجل فوق رجل و قدامها طبسيل عامر ب الفريز .. هزت وحدة مداتها لفمها كتلذذ بطعمها و بانتصارها
. و كتضحك بصوت عاااالي كانت حاطا تيليفونها على وذنيها ؛ راها فسبيطار دابا عالله تمووووت ياربي ..
لينا (بخوف) ؛ خالتي مابغيناش نتماداو حتال هاذ الدرجة حنا بغيناها غير تبعد علييييه و يطلاقها .. ايلا ماتت غنصدقو لا دنيا لا آخرة .. مقاداش نحس بتأنيب الضمير ..
سلوى ؛ سكتيييي سكتييي متخافي والو انا قادة بشغالاتي .. هي تحداتني و انا وريتها علاش قادة ..
ايه ولادي رجعو كي ضبوعا و لكن غانعرف ليهم مزيان ديك تيبيخة ديالها مغتقضيش قدام داكشي لي غاندير انا ..
دابا جات الحية ديال ديك السعاية خصني نرد معاها البال .. يالاه قطعي نوض لشغالي من بعد و ندويو ..
وقفت سلوى و مشات دخلت لقلب الدار لقات فاتي جالسا ف الصالون مقابلا تلفازة .. حركت عويناتها ببغض ؛ هييييه سمعيني نتيا عندي ليك شي هضرة !!
فاتي هزت راسها بنفخة كطل عليها بدوك العوينات الكوحل لي راسماهم بالايلاينر و دايرا شويا د العكر ؛ نعااااام أ عكوووزتي قولي اش حبات الخاطر !!
سلوى بقررررف ؛ ايلاااااا مخرجتكش من داااااري منكوووونش انا سلوى و ديك ساعة جي دفلي على وجههي سمعتييييي !! و الحيييييلة هي لي غاتنفع معاك ..
فاتي ؛ حسابلي غاتقولي شي حاجة جديدة غا ضيعتي ليا وقتي .. (هزت طاسة د الكلية كتنقب منها و كتفرج)
مشات سلوى طلعت لبيتها هزززت ذهبها كامل و هزت فلوسها و مشات كتجري لبييت لي فيه يحيى مع تماك فين كتنعس فاتي فوق الفوطوي .. جبدت صاك فاتي و خنزررت عايفااااا ؛ كيفاش غانقيس هاذ العفن ياربي ..
حلت السنسلة بطرف صباعها و رمات ذهبها و فلوسها تماك ..
عاد خرجت بالحس و هي كتبسم ..
هبطت لتحت و بقات كتطرطق فصباعها ؛ انا حالفا تاتخرجو من داري مابغيتوش بالخاطر يعني بالسييييف عليكم
وصلت وقيتا د الغدا و دخل يحيى هو و الأب ديالو ..
يحيى طلع لبيتو و جات عينو نيشان ف فاتي مربعا فوق زربية و شادا صباغة فيديها كتصبغ ظفارها ..
كتباااان كيووووت بزاف شعرها الكحل الغري مليوح على ظهرها و جالسا ساااااكتا ..
يحيى ؛ .. شنوووو كاديري !!
تخلعت و هز تيشورتها دفلت ؛ تف تف باسم الله الرحمان الرحيم .. (شافت صباغة خصرت ليها) دير غير الحس بعدا و هاهيا صباغا خسرات ليا دااااابا اوووووووف
يحيى تنهدد كيضحك و رما لافيست فوق السرير و جلس فالطرف مقابل معاها و كيحك شعرو ؛ مقنطيش !!
فاتي ؛ ماشي غير قنط حسيت شويا انطج دار خاويا و سكات و مالقيت معامن نجمع ..
نزل كيجري مع دروووج و فاتي تابعاه تا لقا مو كتندب فحنوكها و دموعها محبسووووش ؛ ماااالك !!! شنوووو طرااااا !!
هي تشهق و تعاود ؛ ولدييييييي مالقيتش الفلوس لي مخبيا هوما و ذهب ديالي حاطاهم ف صندوقة ديال النقرة لي شرا لي عمر ف عيد ميلادي و مالقيتوش اهئ اهئ اهئ اهئ اهئ
عمر ؛ لا حول و لا قوة إلا بالله .. سلوى مالك دايرا هاذ الحالة فين غايمشي كاع !! غير تهدددني و قلبي بشويا بلا هاذ الحالة و راه تا حد ماغريب علينا فالدار ..
خرررجت عينيها باتهام كاتشوف ف فاتي ؛ و شكوووون من غيييييرها هي لي غاتكون سرقاااااتني دوييييي نطقيييي !! نتي لي هزيتي مجوهراتي !!!!!
فاتي شهقت بصددددمة و شافت ف يحيى ؛
مااااشي انا علااااااش كاتحطي عليا الباطل و علاش غانسرقك !!! و مكنسمحش ليك تتهميني هاكا و تضلميني حراااام عليك
يحيى حط يديه على خصرو كيشوف ف فاتي كي رجع وجهها حمرررر ؛ مااااماااااا مضلميش البنت هاكا عييييب عييييب عليييك .. تهددددني و سيري قلبي غاتكوني حطيتيهم فشي بلاصة و معقلتيش ..
سلوى ؛ قلت ليييييكم غاتكووون هي لي سرقاااتني هييييي حيت عرفااااتني مابغيتهاش تبقا هنا فالدار ..
ضور وجههو ل عند فاتي كانت حاطا يديها على وجهها كتبكي و حابسا صوتها .. قرب لعندها و دفع يديها بشوييييا كيمسح دموعها بظهر يدو ؛ سمحييييي ليها عافاااااك !! غير مسحييييها فيااااا و كنعتذر منك فبلاصتها ..
هز بيدو ذقنها تا تقابلو عويناتهم لي كيلمعوووو ؛ شششت متبكيش صافي ..
فاتي بصوت باكي ؛ بغييييت نمشييي اهئ اهئ مابغيتش نبقاااا هنا شي نهار تحط عليا شي باطل آخر آهى اهئ
جرها لصدرو عنقها كيسكت فيها و يدو على ظهرها ؛ معندك فييين تمشيييي .. هنا غاتبقاااااي معايا
دفعها بشويا و رجع شعرها ورا وذنيها و مسح وجهها من الدموووع ؛ سيري غسلي وجههك و رجعي نمشيو نطلو على ريماس مرات خويا صافي !!
حركت راسها ب اه .. يالاه كانت غادا و رجع جرها من معصم يديها كايشوف فحوايجها و تفاحة آدم طالعة نازلة بلع ريقو و همس ؛ شوفي شي حاجة تغطي ليك كتافك بدلي هاذشي كاين البرررد براااا ..
ضحكوووو عينيها ؛ صااااافي ..
مشات لغرفة سلوى لي رونت البيت كاااااامل قلبااااتو سفاااااه على علاااه ربعت فاتي يديها و بدات كتضحك : واخا تقلببي عليه بالليل و بالنهااااار .. بااااااح ذهبك مشاااااا ..
من اللول قلت ليك متلعبيش معايا هاذ التنوووعير د شارفات تعلمتو فاش كنت كانحبوووو و سعايات بحالي خصك تحضييييي منهم أ العقرووووشة ..
و يالاه نتي غير بني تا تعياي و غانجي انا بهاذ صبِيْع (هزت صبعها صغير) نريب ليك كووووولشي على وعدك و سعدك
دخلت ليلى لعند ريماس شحال و هي حداها .. تا عيط ليها عامر بعدت شويا و جاوبت بصوت خافت ؛ عمري نتا بخير !! كيف بقيتي !!
عامر ؛ بخير أ حياتي من قبيلا و انا كنصوني علاش مجاوبتيش !!
ليلى تنهدت ؛ ريماس ف المستشفى كلات تسمم و انا معاها دابا .. اوووف خلعاتنا عليها و الله الحمد لله خرجات سالمة منها
عامر ؛ ياربي سلامة ياكما شي حاجة خطيرة !! انا نجي عندك دابا اوووك !!!!
ليلى برفض ؛ لاااا لااااا الجو هناااا موترررر قيس مكاعي مع خويا يحيى و بالسيف باش فرقتهوم تا ميكونوش بزوج و اجي صافي حياتي و متقلقش حيت كنت غانشوفك ليوما !!
عامر ؛ لااااا مامقلقش و الله .. صافي واخا تال غدا ان شاء الله و عافاك ردي البال لراسك
قطعات ليلى و رجعت جلست حداها .. شافتها بدات كتحل فعينيها بشكل ثقيييييييل فرررررررحت ليلى ؛ حبيبتي ريماااااس (شدت فيديها) نعيط للطبيب !! كتضرك شي حاجة !!!
ريماس سدت عينيها حيت بانت ليها غير ضبابا و بقات هاكاك شحااال و رجعت حلاتهم بشويا يدات كتوضح ليها الصورة ؛ ف في فين ق قيس
غير ذكرت سميتو و هو يدخل كان هاز فيدو القهوة كي شافها حالا عويناتها و هو يطير حداها بسرعة البرق و هز يديها كيبوس فيهم و عينين حمرييييين ؛ رووووحي فقتيييي (كمش عينيه) الحمدلله يارب .. باش كتحسي دابا !! كتضرررك شي حاجة !! هممم !!
كتحرك عينيها و حاسة بتعب و ارهاااااق كبيييير شنايفها بيضين و وجهها ذااااابل ؛ ش شنو ع عندي !! ع علاش وقع لي ه ها هاكا !!
قيس يالاه اينطق و هي تسبقو ليلى ؛ حبيبتي معندكش شي حاجة خايبا غير وقع ليك تسمم بسيط ف الماكلة و مناعتك قليلة .. متخافي والو غاتولي بيخير (هزت صاكها) شويا و نرجع و على سلامتك أ حبيبتي
قيس مزير بيدو على يدياتها صغار و حاط يديها ملصقها على فمو ؛ متخيلييييش شحال تخلعت عليك ..
قرب يديها حطها على قلبو و استشعرت دقاتو لي كيضربو بزرررربة مسابقين ؛ كون وقعات ليك شي حاجة كنت انقتل راسي ..
ريماس هزت يديها لي حساتها ثقييييلة عليها و مسحت دموعو و نطقت و هي كتنهج بحالا كتبدل مجهود كبييييير باش تهضر ؛ انا ب ب بخير ..
هز كمو و مسح عينيه حتا تنفخو بلا قيااااااس .. رجع كيبان ليها بحال شي طفل صغير توضر على مو .. حست فعلا بخوفووو غير عينيه كيبينو كوووولشي .. زول سبرديلتو و طلع فوق السرير و تخشا حداها حاط راسو على صدرها و ضور يدو تحت ظهرها مزير عليها ؛ محتاج نعس غير 5 دقايق هاكا .. (هز عينيه فيها و باسها فشنايفها بوسة حنييييينة و رجع تكا)
هزت يديها كتلعب فشعرو رطيطب و فرحات حيت شافتو مزال كيبغيهااااا و بزاااااق و هي لي حسابلها تبدل كولشي منين شافها مع داك اللبناني خرجت آاااااهة طويييييلة و سدت عويناتها الخضرين .. نعسو بزوج فحضن بعض ..
دخلت ليلى غير شافتهم و هي تضحك ؛ الله ياربي شحال كايحمقو .. ماشاء الله ..
هزت تيليفونها و قربت تا صوراتهم كان مخشي فصدرها و حاط يدو على كرشها و يد شاد بيها يديها بقوووة تقول غاتهرب من حداه ..
دخل يحيى و فاتي شافوهم فديك الوضعية و خرجو بسرعة جلسو فوق الكراسا تماك ..
دازت يومين أخرى بدات ريماس كتحسن و بدات كتسترجع عافيتها لمحت يديها لي كتفقد عليهم سيطرة مرة مرة و كيبقاو يرجفو قالت فراسها يمكن غير العيا و معطااااتش للأمر أهمية ترجات قيس باش يخرجها حيت خنقها الجو ديال المستشفى ..
جاب ليها حوايجها دخل و سد الباب .. جرها لصدرو معنقها و كيبوسها بوسااااات طواااال ف عنقها تا كتسمع طرطيقة د بووووستو ؛ شنووو سررر هاذ الرييييحة !! غاتسطييييني ..
تبسمت بخجل و عينيها فحال شي بحر هاااادي ؛ كتضحك عليا ياك !! تنحس براسي كي شي غووولة شو شعري كي منتوف .. و شحال مدوشت تلصقت ..
قيس هز يدو كيجمع شعرها لفوق كيحمقوووو عنقهاااا ؛ انمشيو للدار و ندوش ليك .. (حط فمو على وذنيها فحالا ايعضها) تبقاي تقولي على مرتي غولة نعضضضضك
و لبس ليها سروال.. تحنى لبس ليها تقاشر و خشا ليها سبرديلة فرجليها ..
ريماس ؛ علاش كتعذب راسك غير خليك انلبس بوحدي
دفعها بحركة خفيفة من خصرها و لصقها معاه و هي مكتبانش قدام عضلاتو و جسمو العريض و زاد زير بيدووو على خصرها كيشوف فيها و انفاسو كتضرب على وجهها نزل لشنايفها كيجرهم بشويا و تفاعلت معاه كتبوسو و تجر شنايفو بشكل مغريييي ..
قيس بعد عليها و طرطق عينيه كيشوف ف همو كي تنفخ ؛ ها لي مابغييينااااش ..
ريماس ضحكت و ضرباتو على كتفو ؛ هاذي غا بوسة و دارت فيك هاذشي ..
رجع جرها لعندو حابسها ؛ ديري معايا شي حل ترضاي راجلك يخرج بهاذ الحالة ! (دفن وجههو فعنقها) اجي نعسووو نخليو البصمة ديالنا ف لوبيطال ..
ريماس طرطقت عينيها ؛ لااااا راك تسطيتي و الله ههه ..
كيبوسها فوق عينيها و همس ف وذنيها تا شدتها رعشة ؛ كنمووووت عليك أنااااا سمعتي !!
دفعت راسها على صدرو معنقاه ؛ مابقيتيش اتعاملني فحال قبل ياك مغانتخاصموش مزال !!
ريماس غرغرو عينيها بدموع ؛ و سمحليا حيييت قلت ليك مريض و مابغيتش نولد معاك كنت معصبة و محسيتش بشنو قلت .. كانت لحظة غضب و الله سمحلياااا (تعلات و باست شنايفو)
بالعكس بغيت يكونو عندي معاك ولاد يشبهووو ليك ههه شي ولد يشيبني بحالك هههه و لا شي بنيتة يكونو عويناتها زورق فحال عويناتك
يحيى فالدار جالس فالصالون شاد قهوة و حاط طابليت فوق فخضو خدام فيها .. هو و فاتي و ليلى لي دغيا رجعو صحابات جالسين مقابلين مع بعضياتهم .. و تفاهمووز مزياااان و بزررربة لدرجة يحيى تصدددددم فيهم بيناتهم ..
واخا عارف ليلى هاكا طبعها دغيا كتدخل للخاطر ..
ليلى (كتهز خصلات من شعرها)؛ ماشاء الله شعرك شحال زوين و طوييييل .. عنداك تقطعيه شي نهار !
فاتي ؛ طلع ليا فراسي هههه والله كنفكر نييييت نقطعو كارية يتنفس غير عنقي شويا و اصلا كيعذبني فالدوش
شهقت ليلى ؛ اويييلي تسطيتي تي شمن كارية و لا نمي و الله منخليك تقطعي هاذ الشعر ..
هانتي نقصي شويا لتحت اه و لكن باش تقطعي منو بزاف لا ..
يحيى كيحك فلحيتو و ساااااهي فيها معايقش براسو ؛ كيعحبني شعرك هاكاك زوييين بزاف متقطعيهش ..
نطقها بلا ميحس و يدا كيكحكح تحرج بزررربة و بدا كيحك حجبانو ؛ احمم احمم .. مهم شعرك هذاك ديري لي بغيتي .. غير عطيت رأيي و صافي ..
ليلى كتضحك بمكر و كاتشوف فيهم شوفات فشكل ؛ احححح كنشم شي ريحة فشكل .. همممم ما هي يا ترى
يحيى ؛ راه كتحسي بلي جلدك كيحكك ياك !!
ليلى ؛ خوووويا بغينا شي عراسية نشطووووو فيها حاطا عيني على واحد القفطان خصني غا اىمناسبة دابا .. و شوف فاتي زييين و تباااتة فين تلقى حسن من هاذ الزين فييييين و الكياااااتة تباااااارك الله ماشاء الله ..
فاتي لاحت شعرها ورا كتفها كتضحك عاااااجبها الحال و عجباتها ليلى بزااااف حيت جاتها على هواها فحووووجية و ضحوووووكية .. تعجبت كيفاش سلوى مهم ..
يحيى خنزر ف ليلى ؛ نتي لي كيبان ليا غانزوجك و نتهناو شويا من صداعك ..
ليلى ؛ خخخخخ تؤ تؤ و الله منتزوج قبل منك
فاتي همست بصوت منخفض حشمانة ؛ شوفي فاش مكنتيش فالدار مشيت هزيت حوايجك لبستهم و درت من ماكياجك سمحي ليا غير الفضول و الشيطان لي خلاني ندير هاكاك و الله حشمانة منك دابا بزاااااف ..
ريماس؛ غير خليني مع البنات شويا انا بخير و مرتاحة و الله ..
نزل يحيى غير شاف ريماس و تبسم مد يدو ليها و جرها بعناق أخوي ؛ على سلاااااامتك ختي ريماس كتحسي براسك مزياااان !!
قيس تبددددل فيه اللون و جلس كيحمرررر عينيه ف خوه بغُل مكرهش يضربوووو ْ ..
ريماس ؛ بيخير الحمدلله شكراااا بزاف و سمحوووليا برزطتكم معايا و شوشتكم ..
يحيى ؛ راكي فحال ليلى و كثررررر و وحدة منا طبيعي نتشوشو عليك و هاذ البغل ايلا قلقك و لا شي حاجة غير علميني انا غانتفاهم معاه ..
ريماس ضحكت و الفرحة ف قلبها كاتشوف قدامها هاذ الناس كيبغيوها بصدق و حست عائلتها غادا و كتكبار .. حبست دموووعها و قلبها طاير بالفرحة خصوصا من يحيى لي تبدلت معاملتو ليها .. و رجع فصفها ..
قيس جرها من يديه طلعها لبيت و رجع نزل عند خوه حاط يديه على خصرو و بنبرة حادة نطق ؛ واش بعقلك أ الشريف و و لا لا !!
يحيى ؛ اش كااااين ماااالك !!
قيس ؛ آخر مرة تعنق ليا مرتي أسي وا زيغا هاذي
يحيى ؛ نعل الشيطان راها ختي و كثر .. مال مك تعمات ليك البصيرة و لا شنو !
قيس ؛ ما كاين لا ختي لا زكي ريماس كتخصني بوحدي تا سلام سلمو عليها فالتيقار يدك شدها عندك ..
ساط معصب و رجع طلع لعندها ..
ليلى ؛ اييييي ياربي سلامة شي نهار يتيري فينا .. شياااااط خارج من وذنيه
داز شهر بسرعة البرق .. لاحظت فيه قيس بدا كيتبدل نهار على نهار كيزيد يبان ليها حبو الكبييييييير لي كيكنو ليها .. رجع كايدير أي حاجة باش يرضيها ..
كيبذل جهدو كامل باش يشوفها فرحانة و بخير منكروش ديك الغيرة العميا ديالو كاتخليه صعييييب و كتسيفووو و لكن رجعت كتبرد و كتشد ليه خاطرو و تساعف معاه و مابقاتش كتعاند و تعصب فيه كيف قبل ..
صبح الصباح و فاقت ريماس كاع دايخا و معدتها مقلوبة عليها هاذشي لي فيقها بكري .. قلبت عينيها جيهة الساعة لقاتها 7 د الصباح ..
شافت قيس ناعس و مضور يدو على كرشها لي عريانة كانت لابسة غير سوتيان ف الكحل و رجليه مضورهم على فخاضها مزير عليهم .. ظهرو عرياااان و بقات كتمرر صباعها على دوك الخالات لي فوق بشرتو المبرونزية ..
طلعت بيديها كتقيس طاطواج لي فجنب ظهرووو وصولا لذراااعو .. بحركات نااااعمة تسحلاها و زاد غرق ف نومو ..
هزت يديها كتغرس صبيعاتها حتا كيغرقو وسط شعرو الكثيف لي رطب كي الحرير و كيرجع يتسبسب على جبينو معرفت شنو طرا ليها طاح حبها عليه هاذ الصباح و مكرهاتش غير تبقى نهار كامل و هي كتتأمل فتفاصيلو لي كتسحرها ؛
قيس فيييق قلتي لي ليوما عندك شي اجتماع يالاه توجد راسك و تفطررر ..
دفن راسو فعنقها و زاد زيررر عليها و صوتو خرج باح بالنعاس ؛ مغنمشيش .. غير خليني نعس حاس براسي عيااان بزااااف ..
ريماس ضحكت عايقا بيه شهر هذا و هو كيقوليها نفس السبة كل صباح غير باش يبقى ناعس حداها مكيخليهاش تزحزح من حداه ؛ قييييس فيييق باراكا عليك من نعااااس و أصلا بغيتك توصلني معاك فطريق لعند بابا بغيت نبقا معاه ليوما توحشتو ..
حل عويناتو زورق و شعا د شميسة تسلل من الشرفة وضربة اشعة الشمس الفضية على عويناتو و شعرو لي رجع كيبان زعرررر تبسم كيشوف ف عويناتها ؛ صباح النور أميرتي الغزالة
ديك ضحكة سطاتها و خدات عقلها و قلبها و كولشي فيها .. قربت وجهها تا باست شنايفو غير بغات تبعد و هو يقلبها تحتو و رما يدو تحت ظهرها ؛ مممم فين هربانة مني
ريماس كتضور ف عينيها وتروها شوفاتو لي تفيكساو عليها زعامتها كلها كتغبر فرمشة عين فاش كيشوفيها هاكا واحد نظرة كتزعزع ليها المشاعر و الاحاسيس ديالها ؛ (دفعت يدو الصلبة) خليني خصني ندخل ندوش باش نوجد راسي و نمشيو .. مابغيييتكش تعطل على الخدمة ..
قيس نزل كيبوس فعنقها و كيشم ريحتها لي كتجيه بحال ريحة شي بيبي ؛ مكنقدرش نشبع من هاذ الريحة زوييييينة انا (باسها و مص ديك البلاصة تا خلا ليها لاطراس د البوسة حمرااااا) اجي ندوشو دابا
خطفها بين يديه بسرعة و داها لحمام عمر الجاكوزي بالما سخون و تخشاو فيه .. ردها قدامو و هي عريانة و هو كثر منها ..
ريماس ؛ غير خلي شعري انغسلو بوحدي ايعذبك
قيس دفعها لعندو كثر ؛ تؤ تؤ غير خليك انا قاد بشغلي ..(ضور وجهها بيدو وطبع بوسة على شنايفها) غاناكلهم و انخليك بلا بيهم
دار ليها شومبوان و غسل ليها شعرها مزيان و كل شويا ترشو بالرغوة و يرجع يردها ليها .. حتا هي غسلات ليه شعرو كل مرة يخطف بوسة من هنا و من هنا لي فيه ما مهنيه و يديه كل مرة ف قنت ..
لبسوا بينوار و خرجو كيلبسو حوايجهم ..
لبس على ذوقها اختارت ليه تريكو زرق مغموووق زاد برز لون عينيه الصافي و سروال كحل نشف شعرو و صاوب مgانتو فيدو ..
و هي لبست داكشي مستووور مافيهاش لي يسمع نgيروووو
قيس غير ضور عينيه عندها و هو يلمح دم نازل من نيفها جرها بسرعة فوق سرير و هز راسها ميلو و حجباااانو معقودين بخوووف ؛ بقااااااي هاكااااا متحركيش..
ريماس ؛ قييييس تهدددن (قربت يدو لي على وجهها لفمها و باستها) مابيا والو و الله عادي ماشي أول مرة غادي نرعف .. راااااني صاااافا متخلعش عليا
مسحات نيفها من دم و رمات الكلينيكس ف البوبيل و هو غير كيشوف فيها بنظرة جامدة ؛ قيس راااااني بيخير و الله القسم غير نوض لخدمتك ..
وقف لاح عليه مونطو ديالو و بدا تيليفونو كيصوني جاوب بسرعة ؛ شنوووو !!! متقدروش تعطلوه بنص ساعة !!!
خنزر عاقد حجبانو ؛ اووووك اووووك .. فهمت
ريماس ؛ شنو !! تعطلتي !!
قيس ؛ مكيهمش يالاه انوصلك معايا .. (مد يدو ليها)
ريماس ؛ لااا بلاش صافي انا نفطر نيت على خاطري و نمشي مع ليلى فاش تكون نازلة هي لافاك و نتا بلاش متعطل كثر فطر هو لول اوكي !!..
قيس باس جبهتها ؛ عارفاني كنموووووت عليك و كنبغيييك كثر من أي حاجة فهاذ الدنيا ياك !!
ريماس ب ابتسامة شاحبة ؛ عاااارفة عاااارفة و حتى انا كنبغييييك بزاااف أ الوحش ديالي ..
هز حجبانو معليه ؛ ممم منين جات هاذ الوحش عاود !! بدلييييها بدلييييها شوفي من صباح و انا كندلع فيك و نتي كتقوليلي وحش ..
و انا متلقايش ما ظرف مني
ريماس ؛ ههههه شكااار راسو كذااااااب
قيس زير على كريشتها بيدو ؛ هانتي ربي عطاك راجل غزال ألف وحدة تحسدك عليا .. واش تلقاي هاذ العينين زورق فشي بلاصة !! غير قووولي الحق
ريماس ؛ ههههه لا منلقاااااش منلقاااااش نتا لي كاين و مكاين ما حسن
قيس ضحك بجنب فمو ؛ كنمووووت عليك انا ..
بقا كيبوس فيها حتا طيبها ماطلقها حتا رجع وجهها حمرررر .. خرج قيس و هي سرطت ضحكتها و شدت فراسها شاداها دوووخة بزاااف ..
جلست فوق طرف سرير و يديها كيترعدو عليها منين سمعت صوت طوموبيلتو عرفاتو خرج ..
نقزت من سرير خشات رجليها ف بانطوفتها و نزلت بسررررعة لتحت .. لقات فاتي و ليلى و سلوى كيفطرووو ..
ليلى ؛ صبااااااح الورد و الياسميييين
فاتي ؛ صباح النور الزين اجي فطري ..اجي
باستهم ريماس فوجههم و جلست مقابلة مع ليلى .. غير شمت ريحة القهوة و هي تهز صبعانها سادا نييييفها ؛ رييييحة هاذ القهوة قلبت ليا معدتي ..
ليلى ؛ مااالك !! واش مريضة وجهك صفرررر !!
ريماس سندت يديها على حنكها ؛ فقت كنتسخف و معدتي مروعا .. يمكن حيت ثقلت ف العشا و الله معرفت ..
انا غانوض نعسل وجههي غير فطرو بصحتكم ..
مشات الكوزينة لقات الخدامة تماك .. هزت واحد الحامضة و جلست كتشم فيها و حاسا براسها ولات حسن ؛ الله على ريييحة شحال زوييييينة ..
خرجت هازا ديك الحامضة ملصقاها على نيفها غير شافتها سلوى و هي تسيف وجهها .. خرجت كتجري للجردة هزت تييليفونها ؛ الوووو لييييينا جي راني كنساينك ..
قطعت و بدات كتفرك فيديها بتوتر
لبست سلوى عباية كحلة و دارت نظاظر كوووحل كباااار .. رمات عليها فولار و نص فشعرها الحمر كيبان ..
طلعت شدت تاكسي لي ديجا كانت راكبا فيه لينا باستها لحنكها و لقاتها تا هي لابسا العباية كيف وصاتها و دايرا فولار كحل ؛ يرضيييييي عليك كتسمعيييي للهضرة ..
لينا محملاش راسها فدوك الحوايج ؛ خاااالتي فين غادييييين بهاذ الحالة و من قبيلا و نتي كاتشوفي هنا و لهيه حسيت فحالا هربانين ..
قرصتها سلوى بشويا ؛ شششت سكتي من بعدددد و نشرح ليك ..
دفعو الخمية لي حمرااااا و كوووولها زراااازر و غير عتبو الخطوة لولاااا و هي تستقبلهم ريحة البخوووور كثييييييرة خنقااااتهم كانت معبيا الجووو و ضباااابة فداك البيت بقوة الدخاخن ..
لينا كتسوط بيديها و سلوى نطقت حابيسن الخطوة ؛ السلام عليكم و رحمة الله ..
العريفة كانت جالسة مربعة و دايرا لثام كحل على وجهها كيبانو غير عينيها لي مجبديييين بالكحل كتباااان كي شي فرعون ..
قدامها طبلة محدورة فيها قوة البخوووور و الشمع و شي كموووسات و عووود الند و التصااااور مخلطين ..
قدامها مجمر صغير كتنش البخور ليه فيه بيديها لي عامرا خواااتم و همست بصوت حاااااد ؛ دخلووووو و طلبو التسليييييم
سلوى بضحكة مصطنعة ؛ متديييييش عليها مفشششة و مزالا صغيييييرة و لكن قلبهاااا بيض و هاذي هي لي بغييييتها تكون لولديييي ..
سكتت العريفة شحاااال عاد نطقت ؛ ممممم ولدك الكبير هو لي مخليك بلا نعاااااس .. قلبك عاااامر بالهم و الوسواس و مرتوووو مانفعت ليك معاها حيلة مانفع معاها عار كااااين هاذشي و لا لاااا !!
سلوى تصددددمت بقات غير كتضور فعينيها ؛ ايه كاااااين كااااين أ لالة العريفة .. قلبي محروووووق عليه ولدي خطفتو مني بنت لحراااام..
العريفة بدات تخلط و تهرس فالشمع و تذوب فداكشي ؛ مرررت ولدك أ لاااالة حااااااملة و غايزيد يبووووس ترااااب لي كاتمشي عليه منين غاتجيب ليه ولدو ..
سلوى ضربت فوق فخاضها ؛ بنت الحراااااام بغات تلصقو بالولااااااد باش ميشوووووفش ف غيرها الله ياربي اش هاذ الكية
مدت ليها العريفة قرعة د زاج كحلة و كموسة ؛ سمعيييييني و حلييييي وذنييييك .. هاذ الكمووووسة داكشي لي فييييها رشيه ف حوايجها .. و هاذ القرعة خوي كل مرة قطرة فكاس د الما لي كتشرب منو ..
و راها غااااطجج .. و كولشي غاتشووووفيه على عينيك .. طلبييييي تسلييييم
جمعت داكشي ف صاكها و مدت عرمة د الفلوس ليها ؛ غيييير يتقضى الغرض و نررررجع نجازيييييك ..
هزت العريفة يديها شيرت بيهم بمعنى خرررجي
خرررجت سلوى كتضحك و راسها مرفوووع .. غير شافتها لينا و هي تنقز لعندها ؛ اشنوووو قالت ليك !!!!
سلوى جرتها من ذراعها تا خرجو من تماك ؛ مسمااااار و طرقنااااه .. هاذي دقتها صحيييييحة .. هي لي. غاتنفع معانا .. و هاذ القريييعة لي عطاتني انخويها لدوك اللفعات السامات بزوووووج ..
لينا ؛ هاذشي حرااااام أ خالتي واش حاسا بالخطر لي كانديرو و لا لا !!
سلوى خرجت فيها عينيها ؛ وااااش باغا قيس و لا لاااااا !!! على ود من انا كندير هاذشي و نزمر و نخربق !!! على ودك نتييييي باش تفررررحي ليا ولدي حيت دمك كيسري فدموووو و خيرنا مايديه غييييرنا .. دابا رصي معااااايا واش نكمل بوحدي و تخرجي من هاذشي قووووليها دابا !! ماشي ديري ليا العصا فروييييضة
لينا ؛ معاااااك معاااااك أ خالتي .. فيس كنمووووت عليه عمرني نسمح فيه و لمن لديك ال****
ريماس ؛ نهار لول محملاتني ماقبلاتني ماخلات ما قالت فيا .. سبان و المعيووور و لكن انا طبعي بارد مكنحملش الصداع و كنحترمها غير حست كبر مني ..
و لكن من رجعنا من شهر العسل و هي كي سكررررة معايا تعجببببيت ياختي ..
فاتي جلست كتخمم ؛ سمعييييني متيقيييييش فيها هاذيك لفعة مسمووووومة حضييييي معاها و ردي بالك منها ..
ريماس ؛ لا لا و الله راك شفتيها تبدلات رجعات داخلا سوق راسها ..
فاتي ؛ متفهمنيش غلط انا ماشي كنحرشك عليها و داكشي و لكن شفتها شنو دارت معايا آخر مرة .. كرهاااااااتني فيها .. و انا ماشي بحالك دمي بارد .. اه كنسكت و لكن دقتي خايبااااااا .. حيييت عشت وسط تاحراميااااات و مغاتديرهاااااش بيا ..
ريماس بخوف ؛ ناااااري خلعتيني دابا .. حشووووما عليها ..
فاتي ؛ انا متخلعيييييش عليا نتي لي ردي باااالك قالك ايلا شفتي البحر صااااامت عرف ورااااه شي حاجة
ريماس ؛ انا ايلا شفتها بدات كتهبشني عاوتاني غانجمع حويجاتي و نمشيو لدارو .. انا غير درت ليه خاطرو و جلست معا دارهم حيت قالي مابغيتكش تبقاي فالدار بوحدك منين نمشي للخدمة .. و هنا ليلى و نتي مونسيني بزاااااف ..
فاتي ؛ نتي و الله تا مسطية .. سيري لدارك أ صاحبتي و الله مكاين محسن من دار لي تكوني فيها غيؤ نتي و راجلك بوحديتكم بلا صداع بلا مشكل .. الباب لي يجي منو ريح سدو و استريح .. خلاوها ناس .. هاذ مهم و الله مامعاها الحيلة .. سبحان الله ولادها كي العسل إلا هي خارجة من الجنب
ريماس ؛ كون تشوفي راجلها شحال دروييييش تاكليييه و الله .. كيسول ديما و حنييييين .. سبحان الله تا حاجة ماكاملا ..
فاتي شدت فيديها ؛ مقلتيش ليا واش بصح نسيتي كولشي و سمحتي ليه على لي فات !!
ريماس ؛ اه سمحت ليه على كووولشي الله اسمح ليا تا انا منو عصبتوووو بزاف و كنت ديما كنحط الملحة على جرحة .. و ايلا مشيت تا بديت مكنتقاضاش .. فمي سليط و ديما خارج عليا ..
فاتي ؛ الله اخليكم لبعضياتكم شفتي منين سمحتي ليه على الخيانة لي تا مرا فينا ماتقبلها راه غايكون ندم تا ندمو شفاروووو .. و كنظن عمرو غايعاودها .. باينا فيه كيمووووت عليك و الله ..
فاتي ؛ نهاااار لي تسممتي فيه قيس كان فشي بواط و مشا نعس مع شي وحدة .. انا كنت مع يحيى فالدار لي فالجبل شويا عيط واحد سميتو علي قاليه اجي تشوف خوك راه جر واحد الق**** و طلعو الفوق .. و يحيى تعصصصب بزاف و بدا كيعيط ليه و والو مكيجاوبوش
شوووفي قسما بلي خلقني و خلقك ايلا حسابلي عرفتي كووولشي .. و حتا يحيى غايكون نفس الشيء منين شفناكم تصالحتو و رجعت لمياه لمجاريها ..
قلنا صافي غايكونو حلو المشكل و سامحتيييه .. عافاك متشوفيناش خبيييينا عليك و لا شي حاجة قسما بالله تا فهمت كولشي بالمقلووووب ..
ريماس شدتها دوووخة بلا قياس و العينين ورمو و وجهها تنفخ هزت كمها كتمسح فيه دموعها و شافت فيها بنظرة جامدة وصوتها مبحوح ؛ ماعليك والو لا نتي لا يحيى .. انا لي صدقت زي الأطرش في الزفه .. و لكن سريييي نستاهل كثررررر
حبست تتمة الهضرة ف فمها و حست بحركتها تشلاااات .. بزز باش وقفت و ذاتها كترررررجف ..
فاتي كتسووط و ترجع شعرها ورا كتافها كاااارهة هاذ الموقف ؛ بالعكس متستاهليش هاذشي .. علاش كتقولي هاكا حشوووما عليك !! انا متأكدة هو ناااادم ..
ريماس سهات بعينيها كتشوف ف نقطة مجهولة و كتنخصص كل شويا ..
فاتي حؤكت يديها ؛ ش شنوووو .. غاديري دابا !!!
ريماس ضحكت بجنب فمها ضحكة شاحبة و مكسووورة ؛ شفتي انا أ ختيييي .. و الله ايلا تخلقت غير باش نعاني و نتكررررفص .. يحسابليا أخيرا فرحات ليا الدنيا و هي غير خلاتني ننسا الهم شويا و هي تصرفقني على قفاااايا ..
حطت يديها على كتف فاااوتي كطبطب ؛ ماديري فبالك والو .. و ماتحسيش بالذنب نتوما ماعليكم والو ..
دفعت رجليها كتمشى ببطئ و فمها كيرجف حابسا دموع و حابسا غواتها كابحاااه بقووووة .. كتمشى بقلب مكسور و كرامتها تهانت و تمرمدددت ف الأرض ..
عمرها تخيلت قيس يخونها حتا بشوووفة مع شي وحدة فما بالك ينعس مع شي ق*** .. و ايمتااااا نهار هي جالسا كتوجع و تغوووت لربييييي لي خلقهااااا ..
دفعت الباب غير قفلاتو و هي طيح ف الأرض كتبكييي و تعاود بحرقة كبيييييرة و ذاتها كاملا كتهز مع بكاهااااا .. جمعت رجليها لعندها و قلبها حساتو كيبكي الدددددم
حست نفسهاا كي شي عبيطة فهاذ الفيييييلم كاااامل .. هو يخووون و يتمتع مع راسو حييييت جات عليييه و يرجع كأن شيئا لم يقع و يكمل حياتو بيييييس آند لاف ..
و ريماس ماشي وحدة لي تقبل بهاذ المذلة و هاذ الوضع ببساطة و تدوزو بجغيمة د الما من سااااابع المستحيلات ..
تغلغل الكره و الحقد كامل مع ذاتها .. وقفت و عظامها مامساعدينهاش بالسخفة و ترويييعة لي حلفت لا فرقتهااااا ..
جبدت باليزتها من تحت البلاكار و بدات كترمي الحوايج فيهاااا بجهااالة و دموع مساااابقييين ..
كتسكت فراسها و حجبانها مرسومين على شكل V كتهز من العلاَّقة و تلوووح ف شانطة ديالها و عقلها غاااايب و أفكارها مروووونة حاسا راسها غاتمووووت ..
سمعت البواني د الباب تحرك عرفاااتو هو و ريحة عطروووو لي سابقااااه عافتها و كمشت عينيها كارهاها .. نطق ورا الباب ؛ روووحي حلي هاذ الباب .. مالك سادا عليك !!
زادت تجننت منين سمعت صوتووو .. متسوقتش لهضرتو .. مشاااات كتلبس عليها حوايجها و بركاااااان حااااامي شاعل لداخل فروحها ..
قيس جاب ساروت و دفع الباب .. وجههو مرسومة عليه ابتسامة كبيييييرة و هاز فيدو بواطة على شكل قلب و مغلفة كااااملا بورق احمر و البابيون لفوق ..
خدا ليها الشكلاط لي كيعجبها ..
غير شاف باليزتها فوق ناموسيو و البيت ساسو على راسو تخلللللع معرف باش تبلى .. حط البواطة فجنب .. و دفع الباب برجلو حتا تزدح و قرب ليها شدها من كتافها بلطف ؛
واش لهاذ الدرجة كتستغبيني واش كيبانووو ليك عندي وذنين الحماااار فوق راسي و لا شنوووو !!
(ردت كتجاوب راسها لنبرة قاااااسية ) و لكن عندك الحق نييييييت ..
حيت انا عاد طلع معايا القالب و شفت راسي شحال حماااااارة ... و مكلخة دياااال بصح منين هاذ الوقت كاااااامل و نتا دايرني كي شي ضحكة (عضت على شنايفها تا سال منهم الدم بالغضب لي هازاه فقلبها و عينيها حمارو تا قرب يسيل منهم الدم)
قيس داااااخ مفهم والو بقات فيه غير حالتها كتررررعد كولها و وجهها صفررررر ..
جرررها معاااافر معاها كيعنق فيها و هي كتدفعو من صدرو بعننننف كاع عنقووو واش قمشاااااتو بظفارها و هو باغي غير يكالميها و مبرررد أعصابو باش يفهم شنو واقع ؛
تهددددني تهدددني مديرييييش هاكا بلييييز .. غير على قبلك و على قبل صحتك تهدددددني و غانحلووو كولشي بالعقل ..
جمعت قوتها كاملا و دفعاتو لصدرو حتا رجع بخطوة للور و بداو نقيطات الدم كيقطرو من دوك القمشات لي ترسمو ف صدرووو و ف عنقوووو ..
حساتو غير ماكيزيد يستفرها بهضرتوووو و غوتت ربي لي خلقها ؛
قيس بدا كيطلع معاه البلان .. ضربت فراسو طنننن .. قضية ديك البيتش لي نعس معاها و هوما يوساعو عينيه بصدددددمة كيتسااااائل كيفااااش حتاااا عرررررفت و علي و يحيى مغيتجرأوووش يقولوها ليييهاااا ..
قيس بالغوااااات ؛ يحيى ياااااك !! هو لي قاااالك ليك هاذ الهضرة !!! (زول لافيست ديالو ضربها مع الأرض صاااااعر) دوييييي !! غانقتل ز**** بووووه
ريماس ؛ هاااااذشي لي هااااامك شكون قالها ليا و منين سقت الخباااار !!! فعلتك ماحاسش بيهااااا باغي غير فين تلوح اللومة و تصعر .. طحتييييي من عينيا بزااااااااف و كرررررررهتك ..
جر يديها لعندو و بنبرة ترجي لي أول مرة تسمعو كينطق بيها هااااكا محملش يسمع كلمة "كنكرهك" من فمها ؛
ريماس كتدفع فيدووو بقررررف ؛ متشررررحش ليا أ سيدي متشرررررحش ليا هاذشي واضح وضوووح الشمس اش فهاذ الززززفت ما يتشرح !!!! من غير انك مشيتي خنتيني !!
(نزلو دموعها سخان) انا شحال طلبت فيك نهار شفتيني مع داك اللبناني كنتعشاو شحال زااااوكت و ترجيييتك ..
رغم اني مخطأتش سيد قلت لييييه انا مزووووجة و هزيت يدي كنوريه الخاتم و كنعيط ليك بكل سذاجة باش تجي تعشا معانا و يطلب منك سماحة حيت ضربني فالطريق ...
خلقتي منها قصصصصة و تكرررررفصتي عليااااا .. خليتيني نعس معاك بزززززز و عاملتيني كي شي قحبة فالفراااااش ..
هاذشي كااااامل و غير شفتيني معاه راس فالراس !! كون مشيت نعست مع
هز يدووو حابس فمهاااا و وجهو حمررررررر و عالامات الندم واضحين فعينيه و لكن الغضب عما عينين ريماس ؛
متكمليييييهاش سكتييييي .. آاااااه آااااه غلطت غلطت بزاااااف معاااك .. عاااارف .. عاااارف .. كنت معااااك كلب و مكنسوااااااااش .. مخدمتششش عقليييي .. و لكن نددددددمت .. و الله تا ندددددمت ..
فهمييييني راني مرييييض .. و منين كنتعصب مكنعرفش شنو ندير .. آاااااه مكذبتييييش انا مرييييض و لكن على ودك تبدلت (هز وجهها كيبوسو بهستييييرية ) على ودددك حاولت نتحكم فراسي ماشي مرة و ماشي زوووووج ..
ريماس (هزت يديها كتمسح فمها بحالا عايفا منو) ؛ متقرررربش ليا و هاذ زوووج كلمات شدهم كوووولهم و بخررررر بيهم .. بغيت نطلااااااق ليووووم قبل غداااااا .. سمعتيييي !! (حلت فمها كتهجا ليه الحروف) ن ط لااااااق
مشات بغات تجر باااااليزتها و هو يجرررها بقوووة (ركع على رجليه فالأرض و ضور يديه على كرشها مسند راسو ليها و مزيرررر قبضة يديه عليها و كيبكي) سمحيييييي ليا .. سمحيييييي ليا .. مهنقدرررررش نخليك تمشيييي مهنقدررررش ..
متسمحييييش فيا أ روووحي ..
نااااااادم على لي درتو فيك ناااادم و مستعد نعووووضك على كوووولشي .. مهتخلييينيش و تمشي على غلطة درتها و انا ماشي فوعييي ..
ريماس تصددددمت فيه منين بدا كيبكيييي و لصق على خصرهااااا مزيرررر يدو على كرشها و كيترجاااااها تسمح ليه ..
هو لي براسو مصدددوم من هاذ الحب كامل .. عشقو ليها تجاوز كرامتو .. و تجاوز أي حاااااجة كيبغيها لدرجة رجع مرييييييض بهاذ الحب لي خلاه يدير أي حاجة باش يرضيها.. و كلمة طلاق اخترقت قلبو بحال شي سهم مقادرش يتخيل راسو عايش بعيد عليها..
ريماس الجزء 20
محتوى القصة
التنقل بين الأجزاء