ريماس الجزء 21

يحيى دخل لفيلا لقا فاتي شادا فراسها و غادا جايا فواحد دائرة محبسااااتش ..

همس كيناديها ؛ فااااتي !! مالك ؟

طارت كتجري لعندو ؛ يحيييييى كنت كنعيط ليك من صباح علاش مجاوبتيييييش !!

يحيى ؛ طفا ليا و ديجا حضرت لواحد الاجتماع (رفع حاجب متسائل) شنوووو واقع !!! تخاصمتي مع ماما !!

فاتي ؛ كووووون غير هاكا كوووون لابااااس .. يحيى درت واحد المصيبة و لكن و الله مقصدت و الله (جلست كطرطق فصباعها) مقصدددتش و الله

يحيى شد ف كتافها ؛ شنووو طرااا !! ... دوييي شوشتيني !!!

ليلى ؛ دابا انا حسابليا ريماس فراسها شنو دار قيس داك نهار فالبواط .. زلقت الهضرة من فمي و الله و صدقت فارشة البلان كامل (ضربت فمها) مكرهتش نقطعهم على هاذ طولت اللسان لي عندي و لكن و الله ما قصدت أ يحيى ..

طرطق عينييه فيها كيتنهدددد و حط يديه على خصرو بقلة حيلة ؛ موووووصيباا هاذي .. جا قيس !!!!

حركت راسها ب آااه بزربة ؛ طلع الفوق كنسمع غير غواتها .. باينا واش معصصصصصبة بزاااااف .. شنو غاندير دابا انا لي جبدت هاذ المصيبة فوق راسهم .. لهلا يوفقني ياربييي

يحيى كيحك حجبانو ؛ ششت تهدددني .. كانت غاتعرف سوا دابا سوا من بعد .. تا حاجة ماكتخبا .. بلاش متلووومي رااااسك ..

بقات تمعص فيديها غادا جايا تا دارت ليه الدوخة ..

يحيى مربع يديه ؛ نتمنى غير ميوصلوش لشي حاجة خايبا .. اجي جلسي راك ردتي ليا الدوووخة ..

شويا تسمع صوت شي حاجة مكركبة فالدروج .. هز يحيى راسو بسرعة لقا باليزتها مكركبة كان قيس لي ضربها برجلوووو .. و ريماس نازلة كتجرررري دمعة و خنووونة و قيس تابعها و كيطرطق فصدايف قميجتو ..

قيس غووووت بأعلى صوتو ؛ وقفييييي قلت لك مغتمشييييييي فيييين وقفيييييي ..

سمحت ف باليزتها و جرات ناحية الباب .. يحيى اعترض طريقها و شد فكتافها بلطف ؛ ريمااااس سمعيني متخرجييييش و نتي فهاذ الحالة ..

جلسي ارتااااحي هو اللول و كوووولشي كيتحل بالعقل .. مديريش فراسك هاذ الحالة راك غير معصبة دابا و الغضب عامي عينيك .. نعلي شيطان و تهددددني هاذشي ماشي فصالحكم بزووووج ..

كتنطر فيديه ؛ بعددددد عليا بعددددد خووووك غدرني خانني و مرمد كرامتي ف الأرض شنو غانتسنا منو مزال اهئ اهئ اهئ اهئ اهئ شنوووو الله اعطيه العذاب ياربي نتهنا منوووو و من هاذ العذاب لي معيشني فيه ..

قيس بعصبية وااااضحة صافي فقد اعصااااابو و ملامحوووو تسيفااااات غوووت تا زلزل صوتو كل ركن ف الفيلا ؛ طلببببببببتك ترجييييتك ركعت على رجليييييي الحاجة لي عمرني كنت غانديرها قدام شي بنت المرااااا شنووووو بقااااااا شنوووو !! بغيتيني نقتل كريييييييي باش تعرفييييني ندددددددمت !!

يحيى تخلع من عصبية خوه رجع ريماس ورا ظهرو و جر فاتي من يديها لعندو : قيييييس تهددددن سير خرج بدل ساعة بأخرررررى .. و ريماااااس معندها فين تمشييي ها هيا هنااااا ..

تجنن قيس و هز يدو كيهرس فكولشي لي حداه .. أي حاجة بانت ليه هرسهااااا .. جر البلازما سطحها ف الأرض حتا تشتات و ريب كووووولشي بيديه ماخلا ديكورات ماخلا الزاج و دمايات دايزين مع يديه ..

فاتي غوتت بخووووف ؛ يحييييسى عتق خووووك غايدير شي مصيبة فرااااسو ..

ريماس يالاه اتزيد بخطوة و هي تسخف طاحت على طولها

كان عيط يحيى للطبيب و قيس على برا واقف و يدو كتقطر بالدم و ليلى واقفة حداهم غير جات و هوما يعاودو ليها الفيلم كاااااامل بقات غير مصدوووومة و كتدعي الله يبرد هاذ المصيبة ..

ليلى همست فوذن يحيى ؛ خوووويا قيييس ماشي بخير شوف حالتووو !! يديه كلها دمايات دييير شي حاجة العااااار ..

يحيى قرب لعندو ؛ قيييس نزل نداويو ليك يديك غايتعفن الجرح .. و و تهدن شويا الله ارضي عليك هاذ الغوات و هاذشي غير غايزيد يأزم الأمور و غير كتخويو الما على رملة تيلا كان كيحساب ليكم غاتوصلو لشي حل بهاذشي ..

قيس مشااااافش فيه كاع .. صدرو طالع نااااازل و عينيه مفيكسيين على الباب مخنززز و دخاااان خارج من وذنيييه ؛ غاتقود السوااااايع على راااااسك ايلا مبعدتييييش من ساحتي ..

جرات فاتي يحيى من ذراعو ؛ شششت صافي معصصصصصضب دابا مغاديش يسمع ليك خليه غادي يبررررد ..

يحيى ؛ بفففف هاذ زمر بزوووجهم راسهم قاصح مكاينش لي كيبرد .. طاح الحك و صاب غطااااه ..

ليلى ؛ يااااااربي يااااربي تدير شي تاويل د الخير من عندك ياربي ..

خرج طبيب كيضحك و قيس عاقد ستة ف سبعة ..

فاااتي بخطوات سريعة وقفت عند رجلوووو ؛ أمضرااااااا كي بقاااات !!

طبيب ؛ ميسيو قيس مبروووووك المدام راها حاملة .. خصها غير الراحة و متعصبش .. هاذي فترة الوحم طبيعي يكونو اعصابها مشدودين هاكااا ..

قيس بحالا خويتي عليه شي سطل د الما بارد .. رمش بعينيه ممستوعبش شنو سمممع يبسو رجليه فبلاصتهم و رخا يديه لي كان جامعها على شكل قبضة ؛ ش شنوووو .. ح... حااااملة !!

طبيب ؛ اه حاملة هذا شهرها اللول .. خديت عينة من الدم ديالها باش نشوف واش عندها فقر الدم و لاااا لا غير باش نديرو احتياطاتنا .. و هاذي لورضونونس خود دوا و ضروري تأكد بلي كتشرب هاذ الفيتامينات صحتها غير على قد الحال ..

قيس ممتيقش شنووو سمع آخر حاجة توقعها هي تكون ريماس حااااملة رجع بخطوة لووور و بلل شنايفو بريقو كتعاود تسمع كلمة "حاملة" فوذنيه ..

يحيى ضحك و جر خوووه عنقووو ؛ مبروووووك عليك ان شاء الله يكون ولد باش يولي ديما يخرج مع عمو و نلعب معاه بلايستيشن

فاتي جراتو عنقاتو و باست وجههو ؛ مبروووووووك هههه الله على فرررررحة احسن خبرررررر سمعتو فحياااااتي ..

"خنزرت ف يحيى" ان شاء الله تكوووون بنيييييتة باش تلعب معاها عمتها و تشبه ليااااا احم احم

قيس تبسم فرحااااان حاس بشعور زوييييين و غرييييييب .. كاع ديك العصبية تلاشات و قلبو كيدق بسرررررعة ..

قربت فاتي فرحاااانة ؛ مبرووووك عليك هاذ البيبي غايكون فال خير عليكم ان شاء الله ..

قيس شكرها و الكلمات خرجو بزز من فمو .. كيحك شعرو و يخربقوووو رجع جر طبيب من ذراعو ؛ واااااش متأكد مية ف المية !! أنا دابا أب ياااااك !! غايكون... عندي بيبي .. !!

ضحك طبيب ؛ ايه أ ولددددي مييية ف لمية منين المدام تصح شويا و تكمل شهرين تجي تشوف جنس البيبي .. و لكن ضرووووري هاذ الأدوية تبعهم ..

قيس مقداااااتو فرحة .. شد الورقة و شاف ف يحيى و فاتي ؛ ردوووو ليها البال انجيب دوا و نرجع داااااابا ..

مشا طاير و ضحكة مرسووومة على وجههو حاط يديه على قلبووو قرب يسكت بالفرحة

يحيى ؛ نزلو وجدو ليها شي حاجة تاكلها و شي عصير لي يرجع ليها طاقتها و انا غاندوي معاها شويا عل و عسى نرد ليها عقلها ..

ليلى جبدت ليه حنكووو ؛ يخليلي موووول العقل انا .. ياربي تسمع ليك ياربي و ..

نزلو و يحيى دق بالباب عاد دخل ..

لقاها متكية و وجهها صفررررررر .. عويناتها شاحبين و عينيها وارمين بزاف من البكا لي بكاتو .. واضح التعب على وجهها ..

يحيى وقف عند الباب ؛ ممكن ندويو شويا .. ايلا كنتي باغا سينون حتا كاع تكوني آلييز!!

حركت راسها ب آاااه حشمانة منو و هي عمرها شافت فيه العيييب .. واخا مسهررررسة و مافيها لي يهضرررر دااارت الصواب ..

هزت المخدة بصعوبة و زرب لعندها قادها ليها ورا ظهرها و رجع جلس فجنب سرير بعيد عليها بيناتهم مسافة ؛ باش كتحسي دابا !! مزااالا دوووخة !!

ريماس بصوت مهدددن و شبه مسموع هاذ المرة ؛ بخير بخير .. سمحوليا شوشتكم عليا هاكا ..

يحيى تبسم ؛ عندي ليك خبار زوينة بزاف غاتفرررحك ..

ريماس (قفزت) ؛ ش شنووو !! غايخليني نمشي يااااك !! غايطلقني !!

يحيى (جمع ضحكتو) ؛ علاااااش كتقووولي هاذ الهضرة !!

ريمااااااس سمعيني .. قيس راه مغيطلقكش واخا تزدحي رااااسك مع الأرض واخا تنطحي السما مهيطلقكش ..

راه باينا لعما واش نادم على فعلتووو غير باغا تقصحي راااسك و صاااافي و متقلقيش من هضرتي ..

علاش متعطيهش فرصة !! و عوض هاذ المشاكل و الصداع تعيشو حياة زوينة كي كاع البشر ..

بدات كتبكي ؛ ختك كنتي غاااتسكت كون شفتي راجلها خانها و تعدى عليها !! غاتقبل لكرامة ختك تجرح و تتهان !! و لا حيت انا لا حنين لا رحيم مكاينش لي يهز بكرامتي و يدافع عليا ..

يحيى(عزات عليه منين شافها كيفاش كتبكي و باينا واش مقصحة فقلبها) ؛

استغفر الله العظيم شنو كاتقولي !! راه كي هو خووويا نتي ختي و كثررررر و ربي شااااهد عليا ..

انا غيييير مابغيييتكش تضيعي حياااتك و تهدمي زواااجك لي عاد قلتو فيه باسم الله على ود غلطة ممكن تصلح ..

كون جيتيه فياماتو منين كان قيس داير سييييبة ..

لي شافها ديالو و لي مشافهاش عندو نص فيها ..

كون خانك قدام عينيك و نتي شربي البحر تقلقي و لا زعفي و لا ضربي الحيوط و الله لا تسوق ..

و لكن لاااا بسبابك تبدددل و رجع كيبغيك كلنا مصدومين من هاذ التغييير ماشي غير انا .. رديتيه من الاسوء للأحسن .. و رجع غيسبونسابل واخا متلاحظيش هاذشي نتي

و دابا جايكم بيبي فالطريق غير على ودو سمحيليه و بداو صفحة جديدة ..

ريماس طرطقت عينيها بصدمة ؛ ش شنو !! .. انا.. حاملة !!

يحيى (تبسم كثر) ؛ ايه أ لالة طبيب قالينا راك حاملة .. ان شاء الله هاذ البيبي يخلي أمورك أحسن و يرجعكم سمينة على عسيلة كيف قبل ..

وقف و نفض قميجتو كيقادها ؛ بلا منزيد نبرزطك .. نخليك ترتاحي و فكري مزيان فشنو قلت ليك و عافاااااك فكري غير ف البيبي لي فكرشك و متصرفوش بأنانية ..

دفع الباب و خرج .. و ريماس بقات مصدووومة ممتيقاش شنو سمعت .. هزت يديها حطتها على كرشها و زادت فوتيرة بكااااها .. مابغاااااتش هاذ البيبي فهاذ الوقت لي طرا فيه هاذشي و تعقدت فيه الأمور ..

حست براسها بحالا تالفة وسط شي متاهة .. جرحها جديد مقدراش تسمح ليه على الخيانة .. و خبر حملها بقدر ما فرحها بقدر ما خوفها ..

مكانتش مستعدة نهائيا لهاذ الخبار ..

هزت كفوفها كتمسح فوجهها حنا دخل عليها قيس و هاز دوا فيديه ..

رجعت سلوى للفيلا دخلت هي و لينا ..

حتا كتصدم بداك المنظر قدامها زاج مشتت ف الأرض و كلشي مشخشخ تقول شي طوفان داز من هنا .. و لا شي زلزال هدم كولشي ..

حطت يديها على فمها ؛ اوييييلي شهاذ الفضييييحة فقلب دااااري ..

عيطت بأعلى صوتها ؛ حناااااااان حنااااااان ..

جات حنان كتجري ؛ نعام أ لالة !!

سلوى ؛ يعطيك الغمممممة .. شنوووو هاذ الفضيحة قدااااامي !! اش هاااااذشي !!

لينا زادت خطوة بطالونها و تسمع صوت زاج كيتمعص ف الأرض ..

سلوى ؛ رديييي البال أ بنتي عنداك تدخلك شي زاجا لرجلك نصدقو فشي مصيبة.. و نتي دويييييي مالك كتبلقي عينك فياااا !!

حنان ؛ احم سيدي قيس أ مداااام تخاسم هو و لالة ريماس و بدا كيهرس كولشي ..

سلوى ؛ لالة ريمااااس ؟؟ هههه شناهواااا !! هاذيك يقولو ليها الناس لالة ريماس !! ديك الماسخة الله اعطيها الموت هاذيك غير لقييييطة جات تسلطت علينا .. زيد كمل نعرف شنو وقع بالضبط !!

حنان ؛ غوووت عليها و خااااسم و هي تسخف .. و كانت كتقوليه طلقني طلقني ..

ضحكت لينا و قربت جيهة خالتها ؛ ديك الشوافة دقتها صحييييييحة مكذبتيش أ خالتي شوفي دغيا تخااااسمو وااااو هاذشي خطييييير صراحة ..

خنزرت فيها سلوى ؛ سكتييييي متجبديش حس هاذ السيرة هنااااا .. لحيوط عندهم وذنين ..

خنزرت ف حنان ؛ شنوووو كتسنااااي !! جي جمعي هاذشي نتي و لي معاااااك .. يالااااااه تحركي و حيدي خليقتك من قدامي ..

مشات تحركت هي و لينا حتا لمحت بنتها ليلى ف لكوزينة كيطيبو و يقادو غير دخلت .. لمحت فاتي كتصاوب قهوة و هي تسيف ؛ بنتي ليييلى شنو كديري هنااااا !!

ليلى طارت عنقت ماماها بفرحة ؛ مااااااما ريماس حاااااملة هههه خاااااملة أ ماما و أخيرا غايكون عندك حفيد

سلوى تنهدددت و هضرت فنفسها ؛ هااااااذشي لي كان ناااااقص يخرج ليا هاذ البلان من جنب فهاذ الوقت ..

"استرسلت"هههه بصصصصح !!! الله على خبر شحال زوين .. فرحت ليها بزااااااف ..

ليلى ؛ و الله حتا انا مقدااااتني فرررررحة و تشوفي قيس كيفاش لمعووو عويناتو منين ساق الخبار ..

كنقول نديرو شي حفلة و نفرحووو مجموووعين بهاذ الخبر شنو رأيك !!

سلوى ؛ ممم اه آاااه نديرو أ بنتي نديرو علاش لا ..

صافي غير حطي هاذشي من يدك انا غنكمل كولشي و نصاوب ليها ميت شي شورية د الخضرة و الدجاج بيدي .. غاتكون عيانة بزاف هي لي غاترد لي لينيرجي ..

ليلى ؛ لهلا يخطيك عليا أ ماما و صافي .. و نتي نيت أ تعرفي حسن مني

خرجت ليلى و تابعاها فاتي ..

سلوى جبدت القريعة د زاج و كتضور ف عينيها ؛ ليييينا تحرررركي حدا الباب لايجي شي حد ..

لينا قوست حجبانها بررعب ؛ لااااا أ خالتي العار ايلا شافنا شي واحد انمشييييو كفتة ..

سلوى ؛ ماتفايليييييش علينا .. تررررزني و سيري حدا الباب قلت ليك ..

مشات لينا كتضور عينيها.. عين تحزق و عين تقلب على قاعيط .. و رجليها مامساعفينهااااش ..

سلوى خوات 8 د القطرات ف كاس القهوة و الشوافة قالت ليها غير قطرة وحدة كااااافية ..

تبسمت و ردت القرعة لصاكها ؛ مجييييبة زوييييينة هاذي لي اتهنيني منك

عيطت ل حنان و حطت كاس القهوة ف بلاطو و كاس د الما و شي تخربيق

طلعي هاذو و عينيك على ريماس تا تسرط هاذ القهوة سمعتي

قيس دفع لباب و عينو عليها كي الصقر .. بنظرة غير مفهووومة ..

هي غير شافتو و هي تعقد غوباشتها و شافت جيهة الشرفة ..

زاد كيتمشى تا وصل لعندها .. حط دوا فوق القوافوزة .. و تنهددد بحررررقة .. كيشوف ف تفاصيل وجهها لي باااااهتة و هو سااااكت على غير العاااادة ..

هز يدو لي مجروووحة و دم كررررم عليها ..

قربها جيهة خدها و هي تنفر مبعدا راسها للور ؛ قيس باغا نرتاااااح .. مامستعداش نهضر دابااااا ..

قيس شبك يديه كيفرك فيهم بتوتر .. و مفيكسي عينيه عليها بنظرة حااااادة ؛ متهضريييش معايا و نتي قالبا وجهك .. شوفي ف عيني و هضررري ..

ريماس ضورت وجهها لعندو بتعابير قااااسية ؛ هاااانا !! مرتاااح دابا !!

مسح وجههو تا تلووون بالحمورية و كيفرك فلحيتووو .. مصبرش و هو يجر يديها الباردين لعند فمو مكمشهم وسط يديه و خرج صوتو مبحوووح بشكل متعب و مرهق ؛

فراااسك ايجينا بيبي ف الطريق !!

ريماس حركت راسها ب آه ؛ يحيى قالها ليا

(هز يدو رماها فوق كرشها كيمسدها بلطف و عينه ساهييين)

؛ هنا فين كاين طرف مني دابا .. ولدي و لا يمكن بنتي .. مكيهمش .. المهم دمي كيجري فعروووقو ..

لدرجة فاش سمعت طبيب قالها حسيت قلبي غايسكت بالفرحة ماشي أي فرحة كانت شي حاجة (حرك وطههو بحيرة مقادرش يعبر على داك الشعور بالكلمات) ..

حسيت راسي انني مسؤول كثر دابا على هاذ الروح لي فكرشك ..

أول مرة نعيش هاذشي و ماباغيش نتحرم من هاذ الاحساس لي عاد عشتو ..

(رما ليها نظرة حزييينة ف عينيه)مهنخليكش تمشي و تحرميني منك و من ولدنا ..

ضور وجههو كيحنحن و دمعة سخووونة نزلت من عينيه .. مسحها بزربة و رجع مركززز مع عويناتها و هو كيعض على شنايفو و فكو كيتحرك ..

ريماس كتبكي ف صمت ؛ مهنحرمكش منو .. قلبي ماشي قاصح تال هاذ درجة .. كيبقى ولدك ..

قيس ؛ خليني نعنقك محتاج نشم ريحتك (و دفع يدو ليها)

ريماس كتعض على شنايفها تا رجعو حمرييين ؛ قيس بلاش متبزز عليا شي حاجة دابا .. مزالا مقصحة .. محتاجة وقت باش ننسى هاذشي .. متضغطش عليا عافاك ..

خربق شعرو و حرك راسو ب آاااه واخا بانت عليه علامات الخيبة و الغضب فوجههو و لكن مابغاش يزيد يضغط عليها و طبيب وصاه باش متستريساش و يتضرر الجنين ..

سمع دقان و دخلت حنان هازا بلاطو فيديها ..

سيدي لالة ريماس خصها تاكل هاذشي ..

مد يدو ؛ عطيني غنوكلها راسي ..

تمسكت ب البلاطو و قلبها كيزدح .. مداتو ليه و بقات واقفة كتسنا ريماس تشرب من القهوة ..

قيس هز عينو فيها ؛ خررررجي و سدي الباب وراك ..

بلعت ريقها كتفتف ؛ و وا واخا ..

خرجت و قيس شاف ف البلاطو صالاد عامرا بالخضر .. و كاس د القهوة ؛ مفهمتش لاش موجدين ليك قهوة .. نورمالمون يوجدو عصير .. القهوة خايبا لصحتك ..

ريماس ؛ ماشي مشكل عادي ..

قيس ؛ لاء .. ماعاديش .. من هنا لقدام اتردي لبال لصحتك كثر و لماكلتك ..

زول كاس د القهوة و منين بغا يوكلها رفضت ؛ غير خلين مكنرتاحش ايلا وكلني شي حد ..

جرت الطبسيل و بدات كتاكل ..

قيس جر القهوة و بدا كيشرب منها تا كملها عاد حطها فوق البلاطو

سلوى فبيتها و قدامها حنان ؛ أ مضرااااا شربت القهوة يااااك و قداااام عينيك !!!

حنان عرفت غاتخرا عليها ايلا قالت ليها مشفتهاش حتا شربتها بلعت ريقها و بدات تبلق ف عويناتها بحييييلة ؛ اه أ لاااالة شرباتها قدااااام عيني ..

كووووني هااااانية ..

سلوى هزت صبعها سبابة حركاتو بمعني اجيييي عندييي ..

قربت لعندها حنان و يديها مزيرين على طررررف طابليتها .. سلوى جبدت واحد الظرف و مدددتو ليها ؛ خودي هاذ الفلوس هاكي أ بنتي حلال عليك .. حلاااااوتك هاذي على شطارتك و حيت كتسمعي لهضرتي ..

يالاه غتشد الفلوس و هي تجر سلوى الظرف لعندها ؛ و لكن منبغيييييييييش نسمع حرف واااااحد من هاذشي و لا روحك تزهق سمعتي !! رااااك عارفاني علاش قاااادة !!

حنان عينيها كيلمعو ؛ سمعت أ لالة سمعت عين ماشافت قلب ماوجع .. سررررك ف بييييير غير نعسي على جنب الراحة ..

زادت ضحكت سلوى و غمزتها ؛ ايوااااا هاكااااا نبغيك ..

شدت ظرف فيديها و طمع غاااالبا ؛ وقتما احتاجيتيني عاااود غير ناديني و انا فخدمتك ..

سلوى ؛ اكيييييد .. يالاه سيري كملي خدمتك ..

فاتي كانت دايزا من تماك .. حتا بانت لينا حنان خرجت من الغرفة و حاطا يديها على صدرها بفرررررحة و شدت الظرف حلاتو كتحسب فالفلوووس و تعاااااود ..

فاتي مشات طارت لعنددددها و كتشم ريحة الددددغل فهاذشي ؛ شنوووو هاذشي !!

حنان جفلت بالخلعة ؛ تف تف باسم الله ارحمان الرحيم .. خلعتييييين ..

فاتي ؛ شنوووو هاذشي !! فلووووس من هاذووو !!

حنان ؛ ف ف فلوسي .. مد مدام سلوى خلصاتني حيت عطلات عليا خلصتي د الشهر .. (رجعت خنزررررت فيها) و زايدون نتي مااااالك بأشمن حق تسوليييييني !!!

فاتي جرتها من ذراعها و زيررررت عليها بقووووة ؛

قسمت فمي بالله و تكوني دايرا يدك فيد هاذ العقروشة باش تجري عليا حتا نحررررك سمعتي !!! انا راه ميقد عليا غير لي خلقنيييي ..

و ايلا مشيتي تا خلوضتي معاها انا لي غانعررررف ليك

خرجت سلوى منين سمعت غوات حنان فالباب و هي تصدم فاش شافت فاتي شانقا عليها و ملصقاها مع الحيط ؛ طلقييييي من البنت طلقييييي أ بنت الحرااام بغيت تقتلييييها أ لقييييطة

فاتي طلقت منها بعنف و ملامحها مشدوين بغضضضضب صعررررت عليها ..

فاتي ؛ نتي مغنهضرش معاك داااابا من بعددددددد ..

نزلت كتجري و تسلت .. تا وصلت لعند مريم الخدامة لاخرى لقاتها فجردة كتستف الكراسا د الخشب ..

جرتها بشويا من يديها ؛ اجي بغيت ندوي معاك ..

مريم تبسمت ليها ؛ مرحبا سولي !!

فاتي ؛ احم قولي ليا ايمتا آخر مرة تخلصتو !! و واش كل واحد كيتخلص بوحدو فيكم !! و لا كتجمعكم سلوى كاملين كلكم عاد كتخلصكم !!

مريم استغربت ؛ غير الأسبوع لي فات تخلصنا .. و كنتخلصو كاملين بطبيعة الحال ..

فاتي ؛ كتخلصو كاش !! ها !!

مريم ؛ لا سيدي عمر فاتح لينا كونط ف البنك و كيفيرسي لينا الفلوس فيه فينما كمل الشهر .. علاش !!

فاتي ضربت يد مع يد كتزيد ترجح شكوكها لي كانو على صواب و تنهدت تنهيييدة عمييييقة ؛

لا .. غير بغيت نعرف ياكما هاذ الناس كيتهاونو معاكم و لا شي حاجة باش ندوي مع يحيى .. و نقوليه طهلا فيهم راه مكيديروش القليل فحقكم ..

مريم ؛ شكراااا لالة لهلا يخطيك و لكن هاذ الناس مهلييين فينا مخصنا معاهم والو و الله و ربي يجازيك بالخير على نيتك المزيانة ..

مشات كتهضر مع الجارديني و فاتي ساااااهية كتخمم ؛ لأشنوووو كتحفري يا هاذ العقرووووشة عاوتاني ..

(هزت شعرها لفوق) واش هاذي قاطعا يديها من يد الرحمان يااااربي سلامة على مرا كيدايرها

كان طاح ظلام .. و قيس داه نعاس حداها ناعس معنكش .. شعرو مخربق شويا على جبهتو .. و كيتنفس من فمو ..

ريماس مشاو عينيها نيشان لجيهة عنقو كان كولو مقمش .. و يدو مزالا مجروحة و كرم عليها الدم شويا ..

تنفضت من فراشها و جرت رجليه ستواتهم فوق الفراش و زولت ليه صباطو .. حطت يديها تحت راسو حتا جرت المخدة و قاداتها ليه .. جرت ليزار غطاتو .. حيت كان الجو باااارد ..

و تحنات بظهرها كاتطل على وجههو و عينيها مغرغرين بالدموووع كاتشووفو كاااالم دابا و مهددددن بحال شي طفل صغير فاش كيغوووت بزاف و منين كينعس كيرجع بحال شي ملاك ..

داعبت شعرو بلطف و هي كترمق تفاصيل وجههو .. ؛ ياربي يااااربي تدير ليا شي تاويل د الخير ..

لاحت عليها بينوار قصير و مشات لبيت ليلى لقاتهم لابسين داكشي كلاااااص و كيماكيوووو و طالقين الموسيقى كيسمعو ل أغنية baillando ؛ هااااي هااااي على زييين تبارك الله ناشطين ..

ليلى بفرحة طارت لعندنا ؛ ريماااااس حبيبتي كيف بقيتي شويا !! ياكما خاصاك شي حاجة !! نوجدو ليك شي حاجة تاكليها !!

ريماس جلست فوق طرف السرير ؛ بييييخير و الله .. مخصني والو .. لهلا يخطيكم عليا و صافي ههه فششتوني ..

فاتي عنقتها ؛ مبرووووك عليك و ان شاء الله يتربى فعزززكم فرحت ليكم و الله من قلبي ..

ريماس بادلتها العناق بحب ؛ ان شاااااء الله ياربي ..

ايوا عاودو ليا فين خاااارجين !! هههه شي بلان هذا !!

ليلى هزت روووج كتعكر و غمزتها ؛ هههه ختي قلت ليها اجي نفوجوووو شحااال ماقصرررررنا .. غاطرgنا رزان و انمشيو نصهرو شوياااا عالله يحيى ميجيش و يحرمها علينا ..

فاتي كانت سالات ؛ زعما ميخليناش نخرجو !!

قهقهت ليلى كتضحك ؛ بهاذ الحالة !! مستحييييييل واخا تنطحي السما و الله لا بغااااا يحيى العنااااااد كون كان بناااادم ..

ريماس ؛ هانتوما خرجو و انا غانقوليه سخرتهم و لا نكذب عليه شي كذبة صغييييورة غير متعطلوووش البنات أصلا طاح ظلااااام باش متحشمونيش معاه ..

جرتها ليلى كتبوس فيها ؛ شتي نتي راااااك العمررررر .. متخاااافيش و الله منتعطلو

ريماس سكتت شويا كترتب الحروف ف فمها عاد نطقت ؛ ليييلى قولي ليا فييين نلقى لالكول ديال الجرح !!

هزت حاجب ؛ مالك ياكما تجرحتي و لا شي حاجة !!

ريماس كتمسد عنقها ؛ احم لا .. غير قيس يديه معقمهاش ..

فاتي تبسمت بجنب فمها و غمزت ل ليلى لي زادت ضحكت ؛ ههه صبري صبررري انا نجيبها ليك ..

مكيناش دقيقة حتا جابت ليها ليلى علبة الاسعافات و مداتها ليها ؛ هاكي هاذي فيها كوولشي ..

هاااانتي شوووفي العاااار ايلا حسيتي يحيى بدا يعرعر عيطي ليا صافي !!

فاتي لبست طالون ديالها و ليلى تا هي رشووو رواااايح و زادو تعكيرة أخرى .. دابزو على المراية عاد خرجووو كيتسلتووو دارو ضحك لريماس واخا مافيها لي يضحك ..

يالاه حلو الباب و هوما يلقاو يحيى قدام وجههم كي ملاك المووووت ..

لابس قميجة بيضة مزيرا على جسمو .. و بارزا عضلاتو .. تخلعوووو بصدددددمة ثلااااثية الأبعاد زهر عندددهم كيهرس الحجر ..

طلع و نزل فيهم بزوووج و هو قاطب حجبانو .. و فنفس الوقت ساكت كيتسانهم يهضرو ..

ليلى تخلعتتتت و شاااافت ف فاتي .. بقاااو هاكاك شوف فيا نشوفيك أ طاجين الحوت

فاتي قرصت ليلى بشويا ؛ احم احم .. خووويا هذا نتااااا (و ضحكت ببلادة)

يحيى مخنزررر ؛ لا عممممك هذا ..

ليلى كتمص ف شنايفها باش يتحيد العكر و يديها كتنزل ف صااايا ؛ م م .. ح .. حنا خا خارجييين

يحيى طلعهم من صبع صغير تال راسهم غادي معاهم ف هبااالهم ؛ بهاااذ الحالة .. ؟ إيه و فيين بالسلاااامة !!

ليلى خنزرت ف فاتي ؛ عاونيييني شويا مالك ضربتي طمممم ..

فاتي ؛ غاديين نشطو شويا و نضحكوووو كي ناااااس .. مالنا ماعليناش الله aw واش حنا نبقاو هنا مخنوقين وسط الدار ..

ليلى معرفت تضحك معرفت تبكي ؛ الله اعطيك الخير أختي .. كان يحسابليا غير رزان لي نص عقل ..

يحيى دخل و بقاو هوما واقفين عند الباب .. ضورو وجههم لعندو و خنزررر فيهم هاز يدو بتهديد ؛

اتدخلو تكمشووو و لا غادي نقسمك نتي ويااااها .. مكاينش لخريييج فهاذ الوقت أ لااااالة و نتي (شاف ف ليلى) حساااابي معاك من بعد ..

جات رزان كتقرقب بطالونها مشافتش يحيى كان مكيبانش ليها ؛ واااااا القحبة واش عام باش تخررررجي !! الله انعلها قاعيدة فييييك ..

واخا نكونو غانشوفو براد بييت مغتسكنيش ليا ..

ليلى كتغمزززز ليها باش تسكت و رجليها كيترعدو عليها ..

رزان حطت يديها على خصرها ؛ مال مك بحالا ضاربك ضوووو !! يخخخ هاحنا تعطلنا دابا كاع داك تيتيز غايكون زاد بحالو ..

أ ختي نتي ايلا عندك حبقلبك انا راني سيليباااااطير ..

(حركت راسها ب لا ) لا لااااا انا خصني نبالي براسي بزربة .. هاذ الحالة لي فيها اناااا معجباااانيش ..

طل عليها يحيى لقاها لابسا داكشي مقززززب و صابغا وجهها .. غير شافتو و هو يتشقلب تيليفونها من يديها و شهقت .. مخلوووووعة ..

دخليييييي تا نتي لممك زيديييييي !!

رزان قربت تبكي ؛ وا حق الله أ خويا ايلا غير كنت كنضحك و حق الله .. ه ه هانتا انا غا غانمشي دابا عم عمركم تشوفو و وجهيييي

ليلى حركت راسها ؛ غير دخلييي دخلييييي لمك يا شووووهة ..

يحيى شاد ف الباب ؛ دخلييييييي

رزان حطت يديها على فمها كاتزاوكو ؛ هانتا اندخل وا حق سيدي ربي العزيز تا ندخل غير حيد مم الباب ..

يحيى ؛ مغنعااااااودش هضررررتي دخلييييييي لنخلط مك فهاذ العتبة ..

هزت تيليفونها و دخلت كتجري سادا عويناتها كتسنى شي دقة ..

مشات تستفت حداهم و غرقت فحوايجها من الحشمة .. حدرت عويناتها و مرة مرة تلكع ليلى بقرصة و تبدا تغبن ؛ الله اخليها خرجة كي دايرا

يحيى غوووت ؛ واش عند مكم شي عقل و لا لا !!!!! هاااا !! خارجين بهاذ الفضييييحة !! هاذو دابا حوااااايج هاذو ؟؟؟ على قلة مايتلبس !!!

ليلى ؛ وا غير بغينا نفرحو براسنا (و دارت راسها كتبكي زعما)

يحيى غوووت تا رجعو خطوة للور من غواتو ؛

تفرحي براسك عندك عرررس !! ألف مرررررة دوييت نتييييي و رزاااان قلت ليكم الخرووووج فهاذ الوقت ممنوووووووع ..

ديك صباغة لي فوجهكم لااااااا .. واش كنهضر بالشينيوية !!

ساطت فاتي كتنهد بملل ؛ وا صافي متزيدش فيه مالنا اش درنا كاع .. صافي راك نحستي علينا الخرجة ..

رزان طرطقت عينيها ؛ ويييلي سكتي سكتييييي لناكلوها بسبابك .. لحمي ماقاد على عصا هاذ الليلة عار ربي سدي فمك ..

يحيى ضور وجههو و كيمسد عنقو بيديه طالع ليه للخزززز للراس رجع شاف فيها ؛ غاتبلعيييي لساااااانك زعما نتي مولات العقل عوض تقولي ليهم لا غادا معاهم ف هبالهم

فاتي ؛ شكووون قاليك أ خويا انا عندي العقل !! انا بحالي بحالهم ..

يحيى عصبو بزااااف انها مامسوقااااش و مامرعوباش منو كتهضر و تخربق فشعرها و تعوج ف شنايفها .. يالاه غايسب و هو يستغفر الله فخاطرو ليدير فيهم شي مصيبة كحلة ..

و تادقة ماهازينها ..

هز صبعو ؛ طلعوووووو بدلوووو هاذ الحاااالة

خنزر ف ليلى ؛ نتي حسااااابك معايا من بعدددد ..

رزان غادا خارجا تا زلزلها صوتو ؛ فييييين غادا !!

رزان ؛ ن نخرج ل د دارنا

يحيى حاط يديه على خصرو ؛ طلعييييي هو اللول بدلي داك الخراااا .. يالااااااه تحررررركي ..

طلعو مساااابقين فالدرووووج غير دخلو لبيت ليلى و بداو كيسبو من الفقصة ..

ليلى نطرت صباطتها و زدحاتو مع الأرض ؛ تفوووووو .. ياربي نتزوج و تعفووووو عليا من هاذ زمررررر ..

فاتي ؛ خراااا دابا غا تعذبنا لبسنا و زمرنا و فاللخر صدقنا جالسين .. شهاذ الخرا ..

رزان شادا حنكها ؛ انا فين غانحط وجههي يا القحبة فيييين !! مخلياني كنسب و نسرسر بلا فرانات .. غا غمزييييني و لا شيري بيدك .. كون كان قيس كون راه روحي عند الله

قهقهت ليلى ؛ عينيا تعووووقو و انا كنغمز ليك علاه نتي كاتفهمي بعدا الهضرة !! بقات لمك غا الإشارة

فاتي ؛ يالاه نسلتو و نخرجو غايكون مشا ينعس ..

رزان ؛ شوفو انا ماباغاش نموت و انا بايرا .. هانا علمتكم ..

ليلى ؛ لقييييتها لقييييتها ..

رزان ؛ أ ديك القحبة واش كيحكك جلدك !!

عند ريماس ..

عقمت ليه الجرح و لصقت ضمادات عليه .. و دارت ليه بوماضة لدوك القمشات كتقيسهم بصباعها و كيزيد يكمش عينه .. حست راسها تمادات بزاف منين دارت ليه هاذ الحالة ..

هزت ظفارها كتعض فيهم ؛ قيس ماولفاش ليه ينعس فهاذ الوقت ..

رجعت كتحرك فيه من ذراعو ؛ قيس فييييق .. تاكل شي حاجة .. 9 د الليل هاذي راك نعستي بزاااااااف ..مامولفاش ليك ..

بدا كيحل عينيه و حاس براسو ماشي هو هذااااك .. راسو ثقيييييل عليه بزاااف و مزمووووت ..

وقف كيدفع الغطا و هز عينو فيها لي حلهم غير بزز ؛ شحال د الوقت و انا ناعس !!

ريماس ؛ منين تغديت و نتا ناعس هنا .. مالك !! عيان !!

قيس شد فراسو ؛ فاااااك نعست بزاااااف ..

لا انا صافا .. (جر يديها شاد فيهم و كيرجع شعرها ورا وذيناتها) و نتي صافا !! كليتي شي حاجة !! مشهية شي حاجة نجيبها ليك همم !!

ريماس كتهرب من شوفاتو ليها ؛ انا بخير أصلا معنديش شهية لماكلة ..

قيس رجع ضرووو راسو بزاااااف .. و حاس بالخنقة .. هز يدو كيحل صداف د القميجة ؛ لا خصك تاكلي على ود صحة البيبي و على ود صحتك ..

وقف رما القميجة و زول سروال بقا غير بالبوكسر ؛ صبري انددوش بزربة و نخرجو نتعشاو ..

مشا دخل للدوش و طلق الما بارد عليه نيشان كينزل على شعرووو فعزززز هاذ السمرررر و البرررررد .. و حاس صدرووو مقبووووط عليه ..

غير سالا و هو يتخشا فالبينوار خرج و لقاها مربعة و شادا تيليفون فيديها ..

لبس عليه و رجع خطف بوسة من فمها على غفلة منها تا طرطقت عويناتها فيه ؛ عاد رديت لبال يدي نتي لي عقمتيها !!

ريماس ؛ احم اه .. كانت غاتتعفن .. قلت نعقمها ..

ريماس حست شعرو كيقطر على جيهة صدرها ؛ نشف شعرك .. دوشتي بالما بارد !!

قيس باس جبينها بحالا كيشكرها حيت عقمات ليه يديه .. ؛ آاااه باش نفيق شويا .. فاك عمرني نعست هاذ نعاس كولو ..

وقف كيحط يدو على صدرو ؛ اووووف معرفتش ماااالي مخنووووق .. محاسش راسي آليييييز ..

لبسي عليك انخرجو نتعشاو و نيت نصحصح شويا منين نشم الهوا ..

ريماس كاتشوف فيه .. حساتو ماشي هو هذاك ..

مشا لبالكون كيكمي و كل شويا كيخربق شعرووو

ريماس ف الحمام و قيس غير سمع دقان ف الباب مشا حل و هو يلقى ليلى ؛ وييي .. اش كاااين !!

هي ؛ صاااافا خويا !! خاصاك شي حاااااجة !!

قيس مقنت الباب و حاط يدو على البواني ؛ من اللخر أ ليلى من اللخر !!

ليلى ؛ ههههه عقتي بيا ياك !!

قيس ؛ غانسد هاذ الباب لمك فوجهك .. اش كاين طلقيني !!!

ليلى ذبلت عينيها ؛ بغينا نخرجو انا و رزان و فاتي .. العار .. و الله غير نتعشاو و نرجعو و الله منتعطلو و الله ..

قيس طلع و نزل فيها لابسا جلابة مدخلااااتش ليه لراسو ؛ بهاذ جلاااابة !!

ليلى ؛ ايه وليت كنرتاح فالطويل و تا البنات لبسو نفس ستيل و نيت باش ميضسار علينا تاحد .. و نلزمو حدودنا ..مقادين على مشاكيل ..

قيس ؛ ايمتا دخلك هاذ الإيمان أ بنتي ؟!

ليلى ؛ لا حول و لا قوة إلا بالله حتا الواحد فاش كيبغي يدخل سوق راسو مكتهنيوهش ..

هو هز يدو شاف ف ساعة ؛ العشرة د الليل هاذي أ الحاجة .. فين كنتي فاش كانو ناس كيخرجو مع العشيا قبل مايطيح ظلام !!

ليلى حساتو زمطها .. سكتت شويا و هي ترد عليه ؛

كنت أ شريف مقابلا ريماس و كل شويا نطل عليها .. مجاتش نخرج و نتا نااااعس و تقدر هي تخصها شي حاجة ..

قيس مالقا مايقول ؛ ساااااعة و رجعي سمعتي !! و لا نتبع مك فينما كنتي ..

طارت عليه بغات تبوسو و هو يدفعها و ريماس كانت لبسات تريكو د الخيط طويل ف نواغ و ليبا ف نواغ .. لبست لي بوط ف الكحل و لاكت عليها كويرا قصيرا .. و شعرها جمعتو على شكل كعكة .. جات كيوووووت بلا قيااااس

شافت ف ليلى ؛ حسابليا خرجتي نتي بااااقا هنا !!

ليلى كتغمزززز ليها زعما سكتي ؛ هانا يالاه جيت طلبتووو باش يخليني نخرررج

ريماس شافت ف قيس ؛ خليها تخرج مع البنات شويا .. من قبيلا مسكينة و هي فالدار ..

قيس ؛ اصلا قلت ليها تخرج بشرط متعطلش ..

بقات ليلى كترمي ليها بوسات ف الهوى ..

قيس ؛ يالاه تحرررركي اش كديري هنا مزال

مشات لعندهم و تا هوما لابسين جلالب .. و رزان منظرها كيضحك حيت قصيورة و جلابة جاتها عرييييييضة ؛ ساعة ف الجحيم أ البنات هاذي ..

ليلى ؛ انا درت مهمتي .. بقيتي نتي وياها ..

تنهددددت فاتي و جبدت كينة د نعاس دارتها ف العصير و خلطتها ..

رزان غوتت ؛ واش مك بغيتيه يغيب !! راه غا نص باراكا ..

فاتي ؛ شششت سكتي فنيدة و قليلة هذاك جن نعاسو خفيف .. انا لي عارفاه ريشة لتحركت ينووووض ..

رزان ؛ ياااااربي سلااااامة .. قلبك شحال قاصح .. انا خااااسة غانحصلووو

فاتي ؛ فالك مفلوووول و زكك محلوووول ..

مشاو كيتسلتو و دخلت فاتي لعندو لقاتو غارق ف الخدمة ؛ احم يحيى مزال فايق ..

مجاوبهاش ..

فاتي ؛ جيت نعتذر .. على قبيلا سمحليا عافاك ..

قللت عليك الأدب غير كنت معصبة و راك عارفني مسطية ..

سمحلياااااا ..

يحيى هز عينو فيها و سد لابتوب ؛ البنات فايقين !! عاد كنت غانطل عليكم .. منين رزان هنا عرفت غاتبقى تخطط و ليلى تنفد .. ماشاء الله هاذ التاحراميات كون داروها ف قىايتهم كون معرفت فين وصلو ..

فاتي ؛ البنات نعسو .. و رزان بكات مسكينة تا عيات ..

حطت العصير ؛ شرب هاذ العصير راك مكليتي والو ليوما .. عصرت ليمون بيدي راه طبيعي و مدرتش سكر نتا مكتبغيش الحلاوة

يحيى كيشوف فيها ؛ عنداك تكوني درتي ليا كينة د النعاس هنا باش ديروو مابغيتو

طرطقت عنيها و هضرت ف خاطرها ؛ يا ربي سلامة هذا باش عرف .. اويلييييي شنو غانديييير

حنحنت مخنزرررة و دافعا سنطيحتهاا مخرجااااها بلا حشمة بلا حيا ؛ داوي من نيتك !! بنادم مابقاش يدير معاك شي جيست زوين الليستر .. بلاش كاع ..

مريضة نيت فراسي انا

هزت الكاس و تمت غادا حتا وقف و جرها من ذراااعها ؛ غير ضحكت مالك تقلقتي .. هاكا !

فاتي كتنفخ و تعوج ف عينيها ؛ حيت ظنيتيها فيا خايبا و هوما كلهم تقلقو منك و انا بوحدي لي جيت طلبت سماحة على لي درت و مابقاش فيا الحال كاع منك ..

يحيى شد الكاس من يديها ؛ أ لالة غير ضحكت .. عرفتك ماديريهاش ..

فاتي بدات كتبسم ؛ واش عندك الخدمة بزاف !!

يحيى ؛ اه عندي غدا واحد اللقاء مهم مع شي ناس ايجيو من روسيا و ايخصني نسالي هاذشي .. و مسترييييسي بزاااااف ..

قييس خلا كولشي عليا و دابا حاس بالعياااا و لكن مغنعسش تا نكمل هاذشي ..

بلعت ريقها فاتي .. و شافتو كيشرب من العصير ؛ مهم سيري تنعسي .. و لا يمكن رزان نعست فوق سرير لاخر !!

ايلا بغيتي جي نعسي هنا ..

فاتي ؛ واخا .. نمشي نجيب شي حاجة و نرجع ..

مشات فاتي كتجري دخلت عندهم ؛ نااااري البنات قلبي كان غايسكت ..

رزان ؛ أ مضرااا شربو !!

فاتي حركت راسها ب اه و هزو على جلايلهم و هزو الماطيريال كامل فيديهم .. خرجو كيتسلتو ..

ركبو فطوموبيل ديال رزان .. ليلى جلست القدام و فاتي لور ..

رزان كسيرات طايرااااا من تما .. و بداو البنات كيبدلو عليهم حوايجهم حيدو جلالب و بقاو بداكشي مقززززب و عكروووو مزياااااان ..

طلقت رزان الموسيقى مجهدددددة و حلت الفوق ديال طوموبيل ..

ليلى شعرها كيخربقو الهوا ؛ هههههه درناااااها بيهم ههههههه احححح حنا و الله تا واعرات

فاتي مقداتها فرحة ؛ هههههه يحيى مسكين غايكون ف سابع نوما هههههههه قاليا متديريهاش أصلا .. ههههههههههههه مسكين مشا غاااالط

ليلى ؛ هههههه خصك تشوفي وجه قيس فاش شافني لابسا جلابة هههههه تزعزع مسكيييين هههههه ..

رزان ؛ ناري البنات نورمالمون خص نحسو بتأنيب الضمير واخا غا غابلعاني ..

ليلى ؛ صووووgي يا شووووهة صوووgي و خلينا نشطو شويا ..

شافت عامر كيصوني و تبدلو فيها الألوان ؛ حبسيييييي داك الويل ..

حبست رزان الموسيقى و جاوبت ليلى بصوت ثقيل زعما ناعسة ؛ ممم الووو حياتي ..

عامر ؛ حبيبة ديالي نعستي !!

كتفوه بلعاني ؛ آاااه و الله .. نتا صافا !!

عامر ؛ صافا روحي غير كنت بغيت نسمع صوتك توحشتو .. صافي رجعي نعسي .. كنموووووت عليك ..

ليلى ؛ كنحماق عليك انا .. بيزو تصبح على خير ..

قطعت و لقات البنات كيشوفو فيها ؛ كان خصني نكذب .. مافيا لي يسمع لهضرة ..

رزان ؛ حق الله ايلا نتي راك بزاف .. سالامات معاك القحبة

ريماس و قيس جالسين فواحد ريسطو كتطل على البحر .. كيتعشاو فهدوء بحكم ناس قلالين تماك و هاذشي علاش بالضبط ختارها مقاد على شي صداع ..

كيتأمل فريماس لي حسها تهدنات فرق شاسع بين صباح و دابا ..

واخا مكيلومهاش على شنو دارت حيت ف قرارة نفسو عارف غلط غلط كبيييير .. و لكن بغاها مع الوقت تعرف انه ندم حتا ندمو شفارة ..

عيونو زورق تايهين فبحر عويناتها لي رجعوا ملون بالخضورية و شويا د زروقيا لي دااااكنة ..واحد المزيج كيسحر و كيخلي اي عين شافتها تييييه فيها و فجمالها البسيط .. المتناسق

سها ف ملامحها و هي كتطل بعويناتها على البحر .. و كتستنشق داك الهوا البارد لي كيدخل لريتها و كيخليها تزيييد ترتااااح كثرررر..

كتبان ليع كيووووت بديك شدة لي دايرا لشعرها و طالقا زوج خصلات كل شويا كيبعثرهم ريح و يدخلو لفمها .. و متبع حركاتها بحالا جالس مع شي بنوتة صغيرة .. تزعف و تزولهم بيدها و يرجع البرد معاند معاها و يخربقهم على شنايفها ..

قيس دفع يدو كيزولهم ليها و هي كترمش بسرررعة .. حشمانة من شوفاتو المعسلين ليها .. و غير حست بصباعو الباردين كيداعبو شنايفها بلطف و هو يتلون وجهها بالحموروورية ..

قيس بصوت مبحوح باين واش ضربو البرد ؛ ممم حسيتي بالبرد ! .. ايلا بغيت ندخلو لداخل !!

ريماس بزربة رفضات ؛ لا عافاك غير خلينا هنا .. الجو زوين بزاف ..

قرب يدو لفمها و باسها و عويناتو مفبكسيين عليها بنظرات كلهم حب؛ واخا .. لي بغيتي ..

جا سيرفور خدا طلباتهم مكيناش 10 دقايق حتا عمرو ليهم طبلتهم ..

قيس منين تحطت الماكلة و هو كيشرب غير الما ..

حاس معدتو مقلوووووبة عليه .. كيتوجع .. و صاااابر ماباغيش يخسر الجلسة مع ريماس .. و قلبو فرحااااان شافها كتاكل مزيااان .. يمكن هاذ الهوا د البحر نفعها بزااااف ..

و نيت تهدنو أعصابها .. و استرجعو عويناتها ديك اللمعة لي كتسطيه ...

ريماس انتبهت ل طبسيللو باقي هو هو ؛ مكليتي والو !! مالك .. معجبكش هاذشي !!

قيس مكمش عينيه و كيضور الكاس فبلاصتو ؛ ممم لا غير مقديتش عليه .. معدتي شويا كضرني .. و لكن غاتفوتني بزربة ..

ريماس ؛ اصلا وجهك صفر(هزت يديها قاست حنكو) وجهك سخووون ..

بدا كيكحححححب .. و صدرو تشددد عليه عاود حاس بحالا شي حاجة واحلا ليه تماك كتشدو و تخنقوووو ..

حطت الفورشيط ؛ كون غير مدوشتيش بالما بارد شفتي دابا شنو طرا !!

معدتك مزالا كتضرك !! نمشيو لسبيطار !!

حرك راسو رافض ؛ لا غاتفوتني يمكن كليت شي حاجة ماوفقاتنيش .. ديجا شربت غير القهوة بوحدها على معدة خاوية ..

ريماس شافت وجههو صفررر و كل شويا كيصفن عرفاااااتو كيتوجع و ماباغيش يبين ليها و لكن ملامحو كل شويا كيتشدو لا إراديا و كيعقد حجبانووو حتا كيتزداو ..

وقفت كتنهد ؛ نتمشاو .. شويا !!

قيس هز عينو فيها ؛ بزربة شبعتي !!

هي ؛ اه و الله شبعت .. غير يالاه نتمشاو ..

وقف لبس جاكيط د الكوير ديالو و هز ايفون و كونطاك حطو فجيب ..

مشا خلص و رجع لعندها دفع يدو ورا ظهرها و نزلو مع شي دريجات ..

كيتمشاو قدام مواج لبحر الهااااادية و تاحد ماكان تماك ..غير هوما بوحدهم مشابك يدو مع صبيعاتها .. و هي عينيها على البحر ..

شويا جاو عينيهم على واحد الكوبل البنت مزاااالا صغيرة و لي معاها كبييييير عليها كيتباوسو و يتعابزوووو هاكاك بلا حشمة بلا حيا ..

شويا سبد خشا يدو فسروالها و جالسين فداك السمر كيتنشواو مع راسهم .. ريماس غرقااااات فحوايجها و ضورت عينيها زعما ماشافت والو ..

فاتوهم و هضر قيس ؛ كنكره نشوف هاذ زمر هاكا ..

ريماس ؛ علاش

قيس ؛ البنت مزالا صغيرة .. موحال واصلا ل 17 عام .. و جالسا فهاذ الوقت فالبحر و مع بغل قد جدها ..

ريماس تنهدت ؛ عااادي كاينين بنات كيعجبوهم رجال شراف ..

قيس معصصصب ؛ معاااادييييش .. كيقولو لبس قدك يواتيك ماشي بنت عاد مراهقة و و شدتها زيغة تشد فواحد قد جدها .. و فاللخر يلوحها و من بعد 20 عام تكلس تندب فحنوكها على اغلاط بحال هاذي ..

ريماس تنهدت ؛ يضبرو راسهم .. مالنا فيهم ..

زادو تمشاو و تحرك البرررررد بزااااف جرها بحركة خفيفة قابلها مع وجههو و جمع خدودها بين يديه لي سخاااان... كيشوف ف تفاصيلها صغااااار و كيتخيل تكون عندو شي بنيتة كتشبه ليها فكوووولشي فعينيها و فشعرها فنيفها صغيور ..فشنايفها .. هاذشي خلاه فرحاااان بزااااف .. ؛ حسيتي بالبرد !!

ريماس عويناتها كيلمعو ؛ لاااا .. و نتا !!

قيس ؛ شو كي كترعدي و كتقولي مافيكش البرد ..

لصق جبهتو مع جبهتها و أنفاسهم مخلطة و صوت مواج البحر كيتسمع فوذنيهم خالق لحن زوين بيناتهم .. مخليين عويناتهم لي يهضرووو .. و قلبهم كيدق بسرررعة ..

محسش براسو ايمتا جر شنايفها لعندو كيمصهم و يجرررهم بلذذة كبيييرة فحالا كيتمذق العسل.. محتاااااج يروي عطشو منهم .. هاذ العطش لي عمرو غايتوقف ..

منين شافها متجاوباتش معاه بعددد شويا و هي غير كتشقلب فعويناتها ؛ البرد بزاف هنا .. نطلعو لطوموبيل !!

ريماس ؛ وا.. واخا

جر يديها و طلعو لفوق .. يالاه ايزيد خطوة لقدام و هو يبدا يكحب بقووووة حاس صدرو كيضرو بزاااااااف ..

ريماس رجعت لعندو بزربة شدت فذراعو و ملامحها مرعوبين ؛ قيس مكيبانش ليا راك بخير شوف حالتك !! خلينا نمشيو لوبيطال عافاك !!

حلف لا سمع ليها كيكره المستشفيات و داك النم كامل عافرت معاه حتا عيات و فاللخر استسلمت ..

غير دخل قيس و ريماس لقاو سلوى نازلا مع دروج لابسا بيناور زررررق و هازا كاس د الما ..

شافت قيس وجهوووو صفرررر و حاط يدو على معدتو .. طارت لعندو و حطت يديها على حنكو ؛ ولدي ماااالك !! شو وجهك صفرررر اش وقعليك !!!! و وجهك سخووووون

ريماس تدخلت ؛ خالتي عيييت معاه باش نمشيو ليرجونص مابغااااش .. معدتو كضرووو و دوش بالما بارد فهاذ الجو .. و كيعااااند عافاك دوي معاه نتي

قيس تنهد ؛ علاش مهولينها ! .. راه غير معدتي مروعة شويا .. غاتفوووتني ..

سلوى مخلوووعة ؛ ولدييي سااااعفني و يالاه للسبيطار يعطيوك شي مسكن للآلام و تهدن عليك معدتك .. الله ياربي الحبيييييب .. شنو كليتي بعدا حتا ضراتك !! ياكما شربتي داك سممم على قلبك ألف مرة قلت لك بعد من شرااااب غايخرج عليم

قيس ؛ م.. من غير كاس د القهوى لي وجدت حنان .. و حيت مفطرتش يمكن دارت لي هاكا ..

سلوى تهزت و تحطت من بلاصتها بالصددددمة و وجهها رجع حمرررررررر .. حست قلبها كيتررررعد عليها هزت يديها كتخبط ف فخاضها مشعارااااتش ؛ اويييييلي شربتي القهوة لي وجداااات حناااان !!

قيس هز حاجب ؛ ماما شنووو كاتخربقي.. !!

ريماس حسات بشي حاجة ماشي تال هيه و بدا شك كيحفر ليها فدماغها ..

اما سلوى عاقت شنو قالت و زادت غرقت فحوايجها و قلبها كيضررررها حاسة بالددددوخة و الخلعة و كوووولشي تخلط عليها ؛

و ولدي .. ب باش كتحس دابا !! يا يالاه يالاه غانمشيو للطبيب ..

قيس ؛ راني قلت بلااااش .. طلعي نعسي ارتاحي راني بخير ..

جر ريماس من يديها و دخلو لبيتهم ..

و سلوى بقات فداك لتحت كتعض فظفارها و تشدددد فشعرها ؛ بغييييتي تقتلي لياااااا ولدييييي يا الكلبة و كذبتييييي فوجهيييييي و انا متيقاك و عاطيااااك الفلووووس .. غير حتا تجي و غاتشووووفي شنو غااااندير فيك ..

الله ياربي الحبيب شنووو غانديرر شنو غااانديييييير فهاذ المصيبة ..

ولدي لطرات ليه شي حاجة نمووووووت ..

طلعت لبيتها و نعاس حلف لطل عليها .. من خوفها و رعبها .. و كتسنا غير ايمتا تشرق الشمس باش تندددم حنان على فعلتهااا ..

قيس ناعس فبلاصتو .. و ريماس كانت كتدوش ..

خرجت و لاحت عينيها عليه حساتو نااااعس .. لبست بزرررربة و مشات كتقيس ف جبهتو لقات حرارتو مرتفعة بزاااااف .. و نزلت بيديها لعنقو سخووووون ..

جرت عليه الغطا كان تيشورت ديالو لاصق عليه بالعررررق ..

قيس كيحل عينه بشويا لي وارمين ؛ غ غطي..ني

ريماس كتقيس حناكو ؛ قيس راك مريييييض و حرارتك مرتفعة يالاه لسبيطار عاااافاك ..

هو جر يديها حطها فوق صدرو و سد عينيه ..

ريماس ؛ اووووف من عناااادك اوووووف..

جرت الغطا عليه كثر دافعاه لتحت .. و طارت جابت طاسا د الما بارد و فوطة صغيرة .. حطتها فوق القوافوزة لقاتو جار عليه الغطا و كيترررعد ..

ريماس كتجر اللحاف ؛ غييير صبر أ حياتي غادي نزول ليك الغطا باش هاااكا تنزل حرارتك ..

هزت الفوطة حطتها فوق جبهتو و كيتسمعو سنانو كيصطكو و كينين .. بحروف ما مفوهمينش .. أو غالبا كيحلم ..

ريماس كتعصر الفوطة و ترجع تحطها على جبهتو و عنقو و جابت الخل و الحامض ..

قيس كينين ؛ د .. دادا .. ب بعدو .. بعدوا منها .. دادا ..

ريماس كتصرفق فوجههو بشويا ؛ قيس حبيبي راك غير كتحلم .. حل عينك .. ..

كتحرك فذراعو و ملامحمو مشدودين و العرق كينزل من وجهووو دموووع محبسووووش من عينيه فزكو المخدة حتا تهز من بلاصتو كينهجججج و صدرو طالع نازل ؛ ..

ريماس شدت وجههو بين يديه ؛ باسم الله عليك باسم الله عليك غير حلمة خاااايبا .. اجي عندي لهنا اجي ..

جراتو لعندها و دفن راسو ف عنقها كينهج و كتحس انفاسو الحاااااارين كيضربو فوق كتفها ؛ شششت متخاااافش غير حلمة خايبا ..

منين حساتو تهدددن شويا دفعتو كتشوف فوجههو و كتمسح دموعو بصباعها و قاست وجههو ؛ انمشيو ليرجونص عاااافاك .. على قبل البيبي و على قبلي ايلا كنتي كتبغيني بصصصح .. (ميلت راسها بتعابير حزينة) عاااافاك !!

حرك راسو ب اه .. و جابت قبيتو عريضة كحلة لبساتها ليه .. رجعت كتحسو بحالا ولدها كثر من أنه راجلها .. لبساتو سبرديلتو .. و هو غير كيمسح فوجههو و حاس راسو بصح مرييييييض ..

ريماس لاحت عليها مونطو و بقات ب بيجامتها ؛ نعيط ليحيى هو لي يصوg ! مغتقدرش تصوg و نتا فهاذذ الحالة ..

قيس خرج صوتو مكيور ببحة ؛ لا .. (وقف و حاس عظامو مرخييين)

شدات فيه حتا نزلو و عيطت لشيفور ..

جرها لعندو كيسد ليها المونطو و يديه مرخيييين ؛ شعرك .. باقي فااازg ..

ريماس ؛ واش حنا فيا دابا .. متخاااافش عليا انا ..

غير ركبو للور و هو يسند قيس راسو على كتفها بتعب واضح و سد عويناتها .. مكمش يدو على يديها فوق فخضو ..

ريماس باست حنكو و اليد لاخرا كتحركها على كتفو ؛ اتولي بخير ..

قيس كيهمس فوذنيها ؛ مزالا كاتبغيني ياك !! ... سامحتيني !

عينيها تغرغرو بالدموع ؛ آااه سمحت ليك روحي سمحت ليك .. و كنمووووووت عليك ...

هز يديها باسها و زاد خشار راسو فعنقها متكي ..

دخلو البنات لواحد البواط كلاااااص .. و شدو واحد البلاصة زوينة عاملوهم كي الما القليل عرفوووو ليلى بووووكو حبة و غاتحط فلوووس كثييييرة على هاذ المجية ..

رزان كضور عينيها بحال شي لْعَابْ د الكورة لكان فتيران .. كل شويا عينيها ف قنت قربت تشدها دوووخة ؛

اويلي أ البنات اش هاذ الجمااااال اش هاذ الزييييين !! ا ناري شوفو مول القميجة الزرررقة اويلي نمووووت ف شعر زعررررر و للعينين زرقييييين ...

رجعت نعتت بصبعها فجهة أخرى ؛ لا لااااا شووووفو لياااااا مول شعر كحححل كي مسبسب و دوك العضلات ياااااربي طوووولة و تجرييييدة (عضت على شنايفها) شدووووني مييييمتكم غانسخف ..

ليلى كتشرب فالكوكتيل ديالها و غمزت ل فاتي ؛

تدييييييش عليها هاكا كادير منين كيكثار عليها الزيييين .. هاذي راه غير عشاااقة ملالة داكشي علاش ديما سيليباطير ..

رزان ؛ أ ختي حييييت رجال د هاذ الوقت مفيهمش الثقة لاكان زوين تلقايه عينو زايغة كان بفلوسو و زينو تلقاي عندو عقلية دياااال العصر الحجري ..

ليلى ؛ وا لي بغاها كلها كيخليها كلها مغتلقايش أ زين لكمال تا حد مامكمول ..

رزان ؛ خلينا من هاذ الهضرة و خضرييييي عينيك غا شوياااااا .. شوفي النعمة ماحدها قدامك ..

فاتي ضحكت ؛ ههههه و هو صراحة واحد ينسي فلاخر .. تا من البنات هنا غزالات كيحمقوووو .. كان يحسابلي راني لابسا المقزززب ساعا قالو لي معررررفتي والو ..

ليلى ؛ حنا لينا دوااااا .. تا من الماكياج مدرناش شي حاجة Over .. و زيدي عليها بالخلعة ديال يحيى ..

رزان هزت مرايتها كتعدل العكر ؛ ربي شوفو داك زين مبانش ليكم حاضيني من الصباح !! هانتوما غانوض نشطح شويا و يااااربي يجي يشد نمرتي ..

ليلى تنهدددت مسندا ظهرها لفوطوي ؛ رزاااااان تبتي فبلاصتك لابغاك غايجي هو لعندك تال هنا .. يخخخ معندك نفس

غوتت باش يسمعوها حيت الموسيقى مجهدة ؛ .. غا خليني انا معندي نفس .. فاااتي يالاه شطحي معايا ميييمتك مبغيييتش نمشي بوووحدي ..

فاتي ؛ انا مكنعرفش نشطح غادي غانشوهك تماك ..

جرتها رزان ؛ وا غير زيدي ..

و حمرت عينيها ف ليلى ; الصديق وقت الضيق .. شتي ناس لي كتفهم ..

ضحكت ليلى ؛ غا سيري سيري .. انا لي غانشبع ضحك على مك مزال ..

مشات كتشطح و هذاك الزين جالس هو و صاحبو تماااك .. جالس فوق الكرسي لي مقابل مع الكونطوار و عينيه الكوحل غير كيضورو .. و فيدو كاس د البراندي ..

فاتي عيااااات ؛ اختي عييييت غانمشي حدا ليلى ..

جرتها رزان ؛ ميييمتك جلسي شويا .. عرفتي يالاه غانمشو حداهم و ندومونديو شي حاجة هضر هو هذاك مهضرش غاندخل فمو بشي راس

تبعاتها فاتي فهبالها و مشات معااااها و هي كتأفف .. وقفو حداهم و لاخر صاحبو كيشوف ف فاتي بعيون متفرسة كيطلع و ينزل فيها بعينين جيعانين ..

نطق ؛ احممم تسمحي ليا نعرض عليك هاذ المشروب و مترضيهاش فوجههي !!

فاتي كضور فعينيها و رزان هضرررت سابقاها حيت عرفاتها غاتررفض ؛ هههه مرحبااااا ..

فاتي همست فوذنيها ؛ واش خرج ليك العقل

رزان ؛ ششش غا صبري هاهو صاحبو ايزعم و ايهضرني ..باينا فيه حشمان ..

و فعلا لاخر ضحك ليها تا بان صف سنانو لي كيشعل بالبيوضة و هي زادت تبسمت ليه و غرقت ف جمااال ملامحو كاتقول سبحان الخالق لي خلق هاذ الجمال كولو متناسق تحلف عليه غير شي عارض ازياء مشهور .. كلو ع بعضو حلو ..

هو ؛ ضحكتك زوينة بزاف ..

رزان حست قلبها غايسكت ؛ شكرااا ع المجاملة .. و حتا .. نتا .. احم ..

همس بصوتو الرجولي ؛ هاذي ماشي مجاملة .. كنقول غير لي شافت عيني..

فاتي هزت داك المشروب و هي ماعارفاهش واش مخلط مع لالكوول ... و جلس داك خيخي كيهضر و حلف لا رد لسانو لفمو ..و كاااارهة تشوفيه .. لي مصبرها غير رزان ..

اما رزان شدت جماعة معاه عشرا لزيروووو تسررررح ليها اللسان ؛ واو سميتك زوينة "صموئيل" ممم اصولك مغربية !!

كيقاد شعرو و ريحتو كاتزيد تغلغل ليها مع نيفها ؛ وي تقريبا .. الأب ديالي مغرابي .. و ماما سويسرية .. غير هاذ ربع سنين باش رجعت ..

رزان مدهوشة ؛ آاااه .. مزياااان .. بون شونص ..

هو قرب شويا جيهة عنقها كيشمشم خلاها تالفة و رجع لبلاصتو : بلا شك دايرا البارفان د أرماني ؟!

زادت وسعت عينيها ؛ هههه آاااااه ..

تبسم ليها ب عينيه ؛ ممم ذوقك زوين آنسة رزان ..

ردت شعرها ورا وذنيها ؛ ههه احم شكرااا .. و بالمناسبة ماقلتيش ليا مأونكاجي فشي غولاسيون و لا single !! ههه متفهمنيش غلط غير تحسبا لانخلق ليك شي مشكل و لا شي حاجة..

ضحك بجنب فمو كيحك لحيتو ؛ لا لااااا غير جلسي خووودي راحتك ..

ههه غاتجيك بيزاغ شويا .. و لكن حيت بطبعي صريح غانصارحك سيرتو حييييت باينا فيك ضريفة بزاااف و كتدخلي لقلب دغيا ..

(قرب جيهة وذنها و هي تبورش عليها لحمها و زادت داخت بديك ريحة الكريم لي كايحطو من بعد ماكيحسنو لحيتهم) I'm guy ..

(لي مفهمتش guy هوما دراري لي كيميلو للدراري)

كانت رزان غاتشقلب من الكرسي كون مشدها من ظهرها ؛ اوووبس عنداااااك .. كنتي غاطيحي ..

رزان حاطا يديها على فمها غاتبكي ؛ لا لا .. ميمكنش ..

هو مسمعهاش ؛ نعام !!

رزان رجعو حجبانها خط واحد مزدي ؛ شكووون ساااااخط عليا شكوووون .. علاش أ خويا علاااااش !! اش درنا لييييك !! مال البنات اش ناقصهم هاااا !! معرفت فين غاتحطو جنابكم استغفر الله العظيم استغفر الله العظيم

مشات تجر فاتي لقات عينيها دايخيييين و واقفا غير بززز ؛ اشنو شربتي العفرييييتة !!

كتصرفق ف وجهها ؛ فااااتي حلي عينيك حليهم غاتنعاود ليك فضيحتي و ديك ساعة سخفي و لا نعسي ديك ساعة ..

حلت عينيها و راسها ضارها ؛ أي أيييي ر راسي غايتقسم ليا .. اشهاذشي مالك حواليتي قادي عينيك !! أ الحووولة قلت ليك قادي عينيك

رزان شافت ف لاخور ؛ راه نيت ديلمي حاولة منين جايا نجمع مع أشباه الرجال ..

بقات جاراها رزان تا وصلو عند ليلى لي ناضت بزربة منين شافت فاتي دايخا ؛ اويلي مال هاذي !! شنو عطيتيها !!

رزان معصصصصبة ؛ اش غااااانعطيها ؟؟ غبرت عليها 5 دقايق لقيتها فهاذ الحالة ..

ليلى ؛ وا الله اعطيني وجههههك .. هي مقطعة لوراق و غاتكمل دابا ..

بقات كاترش عليها الما حتا بدات كتفيق ؛ ههههه البنات يالاااااااه نشطحوووووو .. هانتوما ديرو هاكا (و بدات كتحرك صدرها)

ليلى ؛ يالاه نتقودو بحالنا (شافت تيليفون) طناش د الليل هاذي وااااااكواك ليوما نباتو فزنقة ..

خرجو من تما و فاتي كتدخل و تخرج ف الهضرة ركبوها لور و جلست ليلى حدا رزان لي معصصصصبة ..

هههه واااا مال زيييين معصصصب .. مال زييين مغووووبش علينا

رزان ؛ ياااااختشي نيتك خرجت فيا

ليلى ؛ أعوذ بالله مالني غانويها خايبا فيك .. اش طرا !! سرسري لياااا يا الفردة ديالي

رزان ؛ حيدي عليا مامعاوداش ليك .. باش تفرشخي عليا بالضحك هنا .. و تحطيها ليا فينما نشوف خليقتك ..

ليلى بجدية ؛ تي قووولي اش كاين !! عرفتيني غنضحك عليك و نتي معصبة ! هاكا

رزان بصوت بحالا باكي و كتضرب فالفولون ؛ ييااااختييي هذاك ولد الحرام صدق guy بحالا صرفقني بيها للوجه .. اويييلي يا غدااااايدي واش ندب هك و لا هكككك

ليلى زلقت ليها ضحكة من فمها و بقات كتضحك حتا ضرتها كرشها ؛ ههههههههههههه اوييييييلي ديك اللحية و ديك تكلضييييمة راااااحت فكلام فاااااحش ..

رزان ؛ ضحكيييي ضحكيييي نتي لي جات عليك ..

فاتي قربت راسها بعندعم و شعرها مخربق على وجهها ؛

البنات شويا د لمولاضا الله احفظكم .. راه ريقي نشف اري اري داك الكاس لي فيه كشكوشة زرقة و باراسول

رزان ؛ نااااس ف نااااس و القرع فمشيط راس ..

ليلى محبستش من الضحك دارت عند فاتي ؛ هههه سكتيييي سكتيييي نتي غاتخرجي علينا .. ايلا دخلنا لللدار قطعي الحس .. سمعتي !!! و لا غانبانو فصفحة المقتولين

فاتي ؛ زيدي ديك الخامضة فالجنب

رزان ؛ هاذي منين كاطفا !! طفيها راه لي فيا كافيني ..

ليلى ؛ أ لييي فيييه الفز كيقفز مال مك كاتبثي حدايا و نشطنا مجموووعين .. نتي فيك دووودا ..

رزان ؛ دعاوي خووووك حق الله ايلا دعاويه .. خرجو فيا غا انا ..

وصلو للدار و لاحو عليهم جلالب .. لبسو جلابة ل فاتي بزز و رزان سادا ليها فمها بيديها ..

حلو الباب و طلعو كيتسلتو .. و غير دخلو لبيت ليلى لقاو يحيى واقف تما حاط يديه على خصرو ..

#فلاش باك

غير دازت ربع ساعة و يحيى قال اجي نوووض نطل عليييهم سيرتو منين شاف فاتي تعطلت..

دخل لبيتهم مالقا تاااا شي حد و هو يضرب يد مع يدددد مغدددددد عليهم ..

مجاش فين يخرج حتا لمح دوا ديال نعاس محلول و الغطاية طايحا .. غير تفكر للعصير لي شرب و هو يطير لحمام ..

تحنا على رجلو كيتبوع تا قربت روحو تخرج .. كمل خدمتو و جلس كيساينهم تا و كاااااان يجيو على خاطرهم ..

#نهاية الفلااش باك

تصدمووو صدمة زلزلات الكيان ديالهم .. رزان حكت عينيها .. سدتهم ورجعت حلتهم شافت فليلى ؛ واش هذا خوك بصصصصح !! صبري صبري ميمكنش مكرررتش فيه الكينة !! ..

مشات بغات تأكد هزت يديها قاستو بصبع واحد جيهة صدرو نغزاتو و هي تخلع مرجعا صبعها لعندها و ضورت عينيها عند ليلى ؛ خووووك ولاهيلا .. خوووك أ ليلى هانتي اجي قيسي ..

رجعت شافت فيه معرفت تضحك معرفت تبكي ؛ ه هانتا غي ر بلاتي .. نشرح ليك و نهضرو بالعقل .. احمبوك آهئ و الله تا

مجاتش تكملها و هو يصرفقها حتا طاحت ف الأرض شدت فحنكها كتبكييييي ..

ليلى مخلوووعة ؛ خ خو خويا .. س سمعني

جرها يحيى شادها من شعرها كيديها و يجيبها ؛ دابا انا بنت ليك ضحكة لديلمك يااااااك !! اشنو غاتشرحي ليا !! شنوووووو !! يا الهانزة راجعة ف نصاصات الليل

نزل عليها بطرشة لحنكها حتا طاحت حدا رزان ..

غداااا ما كاااااينا لا طووووموبيل لا الكريديت كارت لا الخراااااا ..

و نتي (شيررر ل رزان) غدااااا باك غايسيق الخبار لهاذشي غا بلاااااتي باش تشدي رجليك منشوووووفكش مع لييييلى حيت جنووووون و فتووووهم فتاحراميااااات ..

رجع كيشوف ف فاتي داااااايخا و شادا سباطها معنقااااه .. رجع شافيهم و دموووو حااااامي ؛ هاااااذي ماااااالها ؟؟؟؟

رزان ؛ و الله مشفناااااها فاش شربت اهئ اهئ اهئ ..

رجعت كتشوف ف ليلى باش تأكد كلامها ؛ اهئ اهئ اهئ ياكي !!

ليلى ؛ راه براسها مغتكونش عرفت واش هذاك شراب اهئ اهئ اهئ سمحليييينا .. و الله ايلا غير شيطاااااان ..

يحيى جر فاتي لعندو شانق عليها و كيصرفقها بجهدددد فحنوكها ؛ غانفيق مك بززززز منك ..

خرج جارها و تلفت لعندهم ؛ انا رااااااجع و الله لا نسيتو هاذ الليلة ..

رزان وقفت ؛ اهئ اهئ اهئ واش انا تهنيت معنديش خووووتي يتسلطوووو عليا خووووتك ..

ليلى غلباتها الضحكة فعز هاذ المصيبة ؛ قصحني كثر منك يا البوحاطة شوفي انا حنكي حمرررر و نتي لا ..

رزان ؛ اويييييل كتضحكي !! كتضحكي يا القحبة و حنا عاد كلينا العصا و مزال علم الله اش موجد لينا مشفتيييهش ضربني تا نزلت لارض !! بغيتي تا نمووووت عاد تهناي

هزت لمراية كاتشوف صباعو تطراساو فوجهها ؛ ايلا ماسمحت ليه ماعندو فين ينعس و الله تا حgرررر عليا ..

ليلى ؛ فااااتي فااااتي قودااااتها حشووووما علينا خليناها فديك الحالة و الله ..

رزان ؛ اهئ اهئ اهئ اهئ قفلي الباب قفلي غايرجع يفرشخنا .. و الله .. غدا ماكاين بو لافاك .. تا يتقاد حنكي ..

يتبع...

ريماس الجزء 21

محتوى القصة

التنقل بين الأجزاء