خديجة: الله يسمح ليك اختي عزيزة انا براسي فرحانة ليها
عزيزة: (عوجت شنايفها) اممم يخويلك جناب.. ياله زيدو زيدوو راه تعطلنا على الناس (ياله جايين خارجين دخلات عيشة ورقية كانو كيضحكو عيشة غير لقات رزان بغات طير عليها تنتفها) واخا على مك حتى طلعي للدار جاية بعجاجتك ياك علمت ملتك متحطيش يديك فالوسخ
رزان: (ضربات الطم حيت هي الخاسرة الا حتى بدات تسب فقط نفخات حنوكها وشقلبات عينها ومرضاتش من ضحكهم اش داها كاع تجي مع مها مشاو ركبو فالطموبيلات وداحسو معاهم)
~~~~~~~~~~~~
ندى: يوسف علاش ديما كتبغيني نعاودلك على بنات ديك عزيزة انا ماشي غبية للي تبغي تجبدلي لساني ومنعيقش بيك
ندى: (حركت لسانها فوسط فمها ومستغربة منو هاد الاهتمام لكامل) باغي تعرف كولشب عليها
يوسف: قولي علية فضولي (قاسلها خاتم ذهب لي شراهلها) وراك بحلاوتك ازين ديالي
ندى: اممم هي مزوجة بولد خالتي يونس كانو شحال وهوما كيتبغاو يمكن حتى منين كانو بجوح فألمانيا حيت ديك عيشة وختها كانو كيقراو تماك وحدة كانت مع يونس والتانية مع عماد مغتعرفوش ولد عم يونس
يوسف: ( وانا نساه وهو للي صيدني.. كيرجع ذاكرتو لهاد الاحداث منين كان كيقول لجو لي هو عماد يدوزهوملو حيت شافهم معاه ما مرة ما زوج وبحكم هو باهم دابا زاد تكره من يونس حيت كان عارفو باهم وكان كيلعب ببنتو كبغا... خداها ثأر كرامة) اممم كملي
ندى: اوا هاد يونس مخلا علامن ظحك ولعب حتى من ختي صغيرة للي هي بنت خالتو وفالتالي مشا تزوج عيشة سيف على باها جاب لعدول قلب الدار وعقد عليها
يوسف: رومبو هدا ما قد عليه حد زعما!!
ندى: جاب عصابتو معاه بيهم شي سبعة
يوسف: اهاااه قولي اصلا لبنت كانت باغا
ندى: هه وكان متزوجاتوش تهبل اوا هادي هي قصتهم وعلى مسمعت لبارح العائلة تصالحو معاهم
ندى: (بخبث) اوا منين مزوج كاورية خاصك تزوج شي مغربية تخليها هنا وحتى الا مشات لكاورية تلقا لونيس
يوسف: اممم فكرة خاصني نفكر فيها مزيان
ندى: (وقفات كتشوف فيه باغراء وكتحلون)فكر مزيااان انا غنمشي ومنين تبقى بوحدك جاوبني مغنصدعكش ونتا حدا لمدام حتى تسالي وانا معاك (غمزاتو وجات ماشية حتى شدها فيدها وعينيه كيبريو جبد بريكة دلفلوس وحطهالها فيدها خداهتم مع بوسة فلهوا وتكركبات من لوطيل...)
ممدوح: (كيتسنى نور تجي وكيفكر مزيان اي واحد فهاد اللحظة كيقول واش بالصح انا على صواب ولا الحب عماني تفكر تجربيتو اللولة للي كانت فاشلة بامتياز ودار مقارنة بنور ومراتو اللولة لقا لا علاقة غجميع الامور هز راسو لقاهم جاين نزلات نور بجليلبتها كامت سو كيوت دارت شال على شعرها وهزات راسها تبسمات معاه كانت احسن مرة يشوفها فيها هي هادي هكا تمناها شحال هادي وقفو تسالمو وحتى من مو وخوتاتو عجباتهم بزاف عكس اللولة للي حتى واحد مبغاهالو دخلو للعدول كملو الاجراءات وها هي نور مرت ممدوح) مبرووك عليك ازين ديالي
نور: (بخجل) الله يبارك فيك
ممدوح: (لاح الهضرة ليونس) دابا حتى قندوح مشغلو فينا
يونس: ههه لا سيدي حتى واحد مشغلو فيك غير هو ديك هاك ولا هاك نطبق فيك شنو تعلمنا راه شحال هادي مسلختلي شي واحد
ممدوح: سير تكلم لباك راه كيعيط ليك (شاف فنور للي بغات تزول الشال وهو يشدلها يدها) اش كديري البنت
ممدوح: (قرس حنكها) حمقة ديالي (عطاها كونطاكت) سيري جلسي فطموبيل الشمس عليك ولا عرفتي علاش متمشيش تسبقي مع لبنات لدار الحاج حتى نلحق عليكم انا حتى مي عياات
نور: اه واخا حبيبي (مشاو سبقوه وهو بقا مع عماد ويونس رجع للخدمة حتى يكمل ويمشي يتغدا معاهم كول ما هي جالسة خديجة كتفكر غير كفاش تجبد مع بنتها الهضرة اكترية منين سمعات صداق كان كبير وتحول لكونط ديالها وزيد كولشي كان قريب منها ومخلاولهاش الفرصة كدير تنفارد بيها...)
عائشة: (جالسة كتشوف فيونس للي كيوريها نور زعما دارت الزيف وهي غير كتشقلب فعينيها بقات كتقليلو السم حتى تعصب مزيان شافتو جاي من الصالون وهي توقف باغا تمشي تهرب حتى تساطحات مع باها)
يونس: هههه وزوينة هي منين نسمعوهم الخبر للي بغاووبغيت نسمعو
عائشة: (غوبشات) يونس كترتي الهضرة فهاد الموضوع
يونس: وعلاش منتكترش فيه انا باغي لولاد اليوم قبل من غدا ونتي عارفة هادشي
عائشة: اييه ولكن ماشي تحشيه فجميع المواضيع وحتى من باقشطاق كترتي علية تدواش جوج دلمرات فنهار ايونس
يونس: عادي
عائشة: اه عادي ولكن ايونس خلي حتى يكتاب باش لفرحة تجي زوينة اما الا بقيت كتسنى كل شهر وكل نهار غير غتعصب راسك احبيبة.. رخف على راسك ياك نتا مهم نكونو بجوج ها حنا تزوجنا فرحانين وهانيين لولاد فاش يكتابو غنحمل ونفرحو بيه ولا بيها
يونس: (زاد عنقها وزير عليها) عارف راسي قجرت عليك احبيبة
عائشة: (تنهدت) وقولي دابا دجاج معمر ولا محمر بلمرقة!!
~~~~~~~~
...اصبحنا واصبح الملك لله...
نور: ماما ممدوح غيجي من مورايا ومن بعد غنتغداو عند خالتي عزيزة حيت كاملين غنتجمعو تماك
ممدوح: اممم داك التقزاب لية انا ماشي لشعب كامل غير كريسيني قد ما بغيتي المهم نكون بحلاوتي
نور: (ضحكات وقلبات وجهها للسرجم... واخا كانت عارفة من شحال خديجة ماشي مها ولبنات خوتها غير من باها كانت كتعتابرهم عائلتها لحقيقية ولكن عيات من معاملتهم وعيشة ويونس حلولها عينيها هوما عمرهم بغاوها وهادشي مبغاتش تقولو لممدوح كان تحت طلب يونس للي واخا عرفها ماشي بنت خالتو الا تافقو تكون ختو للي معندوش والمعزة ديالها قد معزت مريم ورقية..)
رزان: شفتك نتي غير كتهتري بهادا للي سميتو يوسف
ندى: حيت لقيت فيه كنز (جبدات لفلوس للي عطاها زرقلاف تنطح زرقالاف وبلا الشيكات للي صرفاتهم.. وشتتاتهم على ختها) شوفي لفكتيم صحيح للي طاحت عليه ختك ماماااااااا
رزان: (حوالو عينيها) ناااري على لمسخوطة عرفيني عليه حتى انا بليز بليز بليز ختك تحنسرااات
ندى: سيري لهيييه قالك نعرفو عليك باش تلهفي عليه (جات مها وبقاو كتشوف فيهم وفدوك لفلوس نزات ندى كمشة منهم) هاااك احبيبتي شري الشرتلة للي عينيك فيها نتي مشيطاش عندي باش تلاحي لديك لملقطة
خديجة: (بفرحة) الله يخليكم لية ابناتي حتى هي راه عارفة كولشي كانت غير كتكدب ودير مفراسها والو
رزان: ميبقاش فيك الحال امامي حسبيه خير درتيه فكلب ههه
خديجة: ههه الله يتبع ليها لبلا من عندي.. ندى شفت هدا صرفو صحيح عليك
ندى: بحال والو غدا تلقايني مزوجة بيه واخا مزوج كاورية معنديش مشكل المهم هو يبقى مهلي فية وعاد واعدني غيشريلي دار بيديرها بسميتي انا اااح مكرهتش نحمل منو
خديجة: ويااك تحملي منو نتي تستاهلي واحد عزري ديالك بوحدك
ندى: (لوات شنايفها) انا للي كيهمني هو يكونو بوكو حبة الله يجعلني نكون انا الرابعة..
~~~~~~~~~~~
عائشة: (من بعد مناضت 5دصباح وقادات هي ونور المقبلات دجاج لحم سفة كولشي دارتو على حقو وطريقو ويونس زاد جاب حلويات عواصر.. تكات وحيدات الزيف من راسها) ااااااي تسخسخت هاد نهار (شافت الساعة كانت 5 دلعشية) 12 ساعة وانا نخدم
نور: (معوجة حداها) وحنا نخدمووو اه دغيا كتنكري
عائشة: نتي غير بعديني راني معصبة منك لاش درتي الحجااب نوضتيلي صداع مع ولد خالتك
نور: ههه زويينة هادي اختي انا بغيت نكسب راجلي حياتي كاملة والا كان هادشي غيخليه راضي علية غنديرو بكل فرح وزايدون هو طلب شي حاحة للي شرعية
عائشة: (وقفت كتندب وتسكتها جاع يونس يسمعها وتزيد تبفار عليها ولكن معامن كان طاالق ودنيه كيصنت من لكوزينة زعزع عيشة من خرج ولقاها حاطة يدها على فم نور)
يونس: خلي لبنت عليك ومتبقايس توسوسي لها عقلها
عائشة: انا مدرت والو غير كنسولها وزايدون ممنحقكش تصنت علينا نقدرو نقولو شي حاجة سرية كتقال غير بيناتنا حنا
يونس: (عوج شنايفو فيها ورجع كيشرب قهوة)
عائشة: صافي هادشي للي بغيتي معجبك تكوني فقيهة غير دابا ولا نفرشك ونقول ليونس على شنو كنتو كد(ناضت نور سداتلها فمها.. بقاو هكاك حتى صونات عليها مها وعلماتها راه غيجيو دخلو لبسو قفيطنات خفاف وحلقو على ريوسهم وخرجو طلقو موسيقى اندلسية وطلقو ريحة لبخور.. للي دخل للدار كتعجبو وزيد على طياب يونس عااجبو الحال منين كولشي مجموع عندو دخلات عيشة لكوزينة وتبعاتها رقية) كجاك هادشي واخا نتي هربتي على تمارة الكلبة
رقية: راكي عارفة منين جاو واليديه مصلاحليش نخوي الدار
عائشة: اوا معليش بعدا بانتلي غير كظحك ومقداها فرحة
رقية: حتى انا داكشي للي بالي من بعد ونجيبلك تبركيكة صحيحة قوليلي بعدا صرعتي نتي ونور هادشي عراضة مأنتكة
عائشة: (كتشقلب عينها) وعلاه سهلتيني اختشي
رقية: لا لا مسهلكش (ضارت ن موراها كتشوف واش جاي شي حد) امدرا حيدتي داك زبل على السيد ولا مزال
عائشة: (عوجات فمها) لقيت مافيها عرس وهو غير لاسق على لبز اخر حبة عطيتهالو اليوم
عائشة: (هزت كتافها) وصاافي ارقية متمرضينيش موضوع وتطوى وسقرينا قبل ميسمعها هو نيت راه هاد الايام غير طالق ودنيه
رقية: تفو على كلبة هزي لبراد راه طاب و زيدي قدامي (مشاو جلسو حتى صدمتهم نور)
نور: (باقتناع) انا صافي مغنديرش العرس
عائشة: (خرجت عينها) غتجلطيني نتي
نور: هانتي غير سمعيني انا معنديش مع دوك الاجواء وحتى ممدوح فكرت فلوس العرس غناخدهم انا ندير بيهم شي ديبلوم
عائشة: صافي صافي سكتي نتي ناوية تخربيها علية كنحس بيك كديريلي هادشي بلعاني (كولشي طرطق بالظحك الا عيشة للي غتاكلها لفقسةحيت عارفينها عينها فلعرس وحتى واحد مبغا يديرولها وها هي نور حتى هي رافضة لفكرة حيت عيشة كانت ناوية ترغبهم حتى هي تبرز مع نور... كلاو نشطو وكولها مشا فحالو من بعد معانوها على جميع الدار ورجوهالها كتشعل دخلات لبيتها من بعد دوش خفيف كدهن لحمها حتى دخل يونس عندها تكا فبلاصتو وشعل التلفازة كملات ومشات حداه) يوونس
عماد: (شاف فيها وتبسم) وهادشي للي بغينا اروكا ولا لا
رقية: مقلتش لا غير جاني الفضول نعرف علاش حيت منين سافرو كانو زعفانين من بعضياتهم زعما هاد 5 شهور للي جلسو فيها تقدات امورهم (عناتلو على نعاس للي مكانتش كتخليه)
عماد: (تكا حداها) اممم رقية لفضولية (هز كتاب وحلو فين وصل) مع الوقت غيبان المهم دابا هو مفاهمين
رقية: (بشويا) خرا ميجيب خبار ميدي خبار
عماد: قلتي شي حاجة احبيبة
رقية: (قدات وسادتها وتكات مع ابتسامة) قلتلك تصبح على خير احبيييب ديالي (هبط باسها ورجع كيقرا كتابو..)
~~~~~~~~~~~
بعد شهر
ممدوح: (جالس متبسم فلمكتب ديالو دخل عليه يونس ) افيين اصاحبي غابر هاد الايام
يونس: كنت كنقاد شي حاجة مع دراري
ممدوح: اه نسيت عمران لقا هداك للي كان كيقلب عليه
يونس: اه عمو لقاه فلعيون ودابا راه مشاو هو ودراري ولبنات بحال والو يقدر يجيو يجلسو عندي هاد لمدة
ممدوح: اه عليها شديتي الخدمة فالليل السيمانة جاية معليش
يونس: لا بلعكس مزيان بنات ضريفين ودراري خلاهم امانة عندي الا بغيتي خلي نور تجي تجلس معاهم
ممدوح: تجلس معاكم صباح حتى تشبع ولكن فالليل ترجع لعش الزوجية ديالها
يونس: اه نسيت العرسان مزال جداد شنو نور لقات ليكول للي كانت بغات
ممدوح: مزال معرفات شنو دير بالظبط.. شنو درتي فهداك الموضوع
يونس: بففف علاش فكرتني دابا اصاحبي
ممدوح. اممم على اساس ناسي مالك اصاحبي معقد الامور هانا كبر منك بعماين ومزال باغي نكون فرادي مع مرتي
يونس: مهم هاك هاد الخدمة بداها على منجي اه داك الز*** مولاش بان ليك كندوز من حدا دارو ديما مطرقة وحتى عيشة مولاتش تشكات منو
ممدوح: ههه ونتا كتقلب يضسر عليها باش تمشي تقسملو راسو ياك صافي قالك حتى نتا قيلو على مقالولي رحل من هاديك الدار ومشا سكن فحي ...
يونس: اممم غير فكرة كيتغزل بيها كتجنني مكرهش نوض نسلخو كل صباح.. (خلاه ومشا عند عيشة للشركة دخل عندها نيشان لقاها غارقة فاخدمة خبط فلبيرة هزات عينها فيه كانت مخنزرة غير شافتو تبسمات) حويشة
عائشة: غير كنظحك معاك احوبي انا نسالي هادشي ووتلقاني واجدة باش نمشيو نتغداو مشهيا شوا شوااا
يونس: (قوس عينو فيها بغا يسولها وهو يسكت) واخا حبيبة ديالي (مشا عند خوه وكيتمنى داكشي للي شك فيه يكون صحيح حيت سيمانة وهي قتلاها الدوخة والترويعة وزيد هاد شوا للي 4 ايام لاسقاه باش تاكلو دخل عند خوه سلم عليه وخبر. على لفيرمة للي شراها هو وعماد وممدوح حات عندهم عيشة وخرجو بتلاتة بيهم دازو على مريم ومشاو للخرجة دلمدينة.. يونس غير حاضي عيشة للي دخلات طول وعرض فالطبسيل) براكة عليك اعويشة غظرك كرشك
عائشة: لا لا غير زيدني لكفتة وقولو ميشويهاش بزااف
يونس: اممم واخا (خلاها على خاطرها كلات حتى شبعات وممشاو حطها فلخدمة وهو مشا للدار يرتاح على متجي علموه دراري ان عمران غيجيب لبنات الغد ليه جوج سوايع جات عيشة دخلات كتجري ودازت من حداه) اماالك اهاد لبنت (تبعها للحمام لقاها كترد ضيق عينو فيها حتى كملات عاونها ووقفها وغسلها وجهها) مالك كتباني صفرا
عائشة: (سخفانة) معرفتش مكملت لخدمة حتى بغيت نموت كنت غندير كسيدة هاد نهار غير حفظ الله
عمران: اممم واخا عرفاني غنتوحشك ولكن راه سيمانة كيف والو راه شي مرات كنغيب عليك بشهورة
ريتاج: ولكن فكل حمالة كتكون معايا فيها
عمران: (طرطق عينو بكل فرح) لا متقوليهاش
ريتاج: (هزت كتافها) حلفتي حتى تردني قنة كل عام كتولد واحد
عمران: هههه (خرج من الطموبيل كيجري ومشا عندها حل الباب وشاف فيها بفرحة كبيرة تقول اول مرة غتكون حاملة فيها) واش فري امتى عرفتي
ريتاج: سيمانة
عمران: سيمانة وعاد قلتيهالي واااو احسن خبر سمعت هاد الايام (شد وجهها بيديه بجوج) الله يخليك لية احبيبة (باسها فجبهتها) على قبلي يااك حيت عارفاني باغي حتى الخامس ان شاء الله
ريتاج: (ضرباتو فكتفو) واخا تحلم بيها بالالوان عمران هدا الرابع وبراكة احبيبة صحتي ولات على قد الحال واش بعدا تزاد هدا للي فكرشي باش تهضرلي على الخامس ولايني مكتحشمش
ريتاج: (تبسمات واخا مكانتش باغا ولكن اصرار عمران عليها مخلا فيدها والو من غير تنفدلو طلبو) هو هداك
زينب: واش دازتني شي حلقة متفرجتش فيها (جا عمران جابلهم كولهم بحال بحال كريق كامل وهو فرحان وطالق الشعبي ويشطح ومرة مرة يهز يد ريتاج ويبوسها هاد لفرحة كانت كفيلة تخليها متندمش على قرارها للي خدات اما زينب متسرطاتلهاش انها معارفة والو وغير كتغدد تسول عمران ودور لهزال وتمشي لريتاج ولا واحد فيهم عطاها راس الخيط حتى غضبات وربعت يدها صاقرة)
يونس: (باس راسها) متخيليش شحال كنتمنى نكون اب ويكونو عندي ولاد نخدمهم حياتي كاملة
عائشة: اممم وانا
يونس: نتي الكل فلكل العمر ديالي غدا نخرج نجيب تيست مهم غير يكون عندنا فالدار زعما نتسناو سيمانة 10 ايام بزاف (شافها كانت كظحك عليه) واخا فيك ابطوزة انا غنمشي باش نشد على دراري لخدمة (خرج طرق عليهم لباب وبقاو بوحدهم)
ريتاج: (كترغب زينب) وصافي اصاحبتي مبغيتش نخبي راه عمران وياله قلتهالو قبيلة وهزال عرفاتها غير منها راسها
عائشة: مالكم عاود
زينب: الاخت خاملة ومبغاتش تقولهالي خافتي نعينها
ريتاج: حمقة والله اصلا علي غير يعرف بالحمل السيمانة جاية غيحملك تقول عندهم لحمل بحال الرهان
عائشة: اووووو مبروك عليك احبيبتي
ريتاج: الله يبارك فيك احبيبة عقبالك حتى نتي اجي باقية مبرهشة عائشة: لا لا صافي عفا الله وبحال والو هاد شهر نجيب الربحة
ندى: (بابتسامة) غنعيط على ماما وختي نتغداو مجموعين (تلقاو جميع تغداو وتعرفو على لكنز للي طاحت بنتهم عليه مشاو معاها شافو الدار للي شرالها وكتبهالها باسمها زاد عجبهم الحال هوما مشاو وهي بقات معاه..)
رزان: سمحيلي اماما كيبقى شاارف وظحكو باسل
خديجة: اممم المهم طفراتو وشرالها الدار وفرشهالها وغطاها بلفلوس ماشي بحالك نتي غير لاسقة فية ها هي حتى لكلبة لوخرا تزوجات وكانت بعقلها فلوس العرس شداتهم فيدها
رزان: صراحة بغيت نرجع فين كنت عايشة بغيت نرجع لفرنسا
خديجة: غييير نساي ابنتي ديك لبلاد عمرنا نحلمو نرجعولها اجي علاش متشوفيش مع عماد ولد فاطمة
رزان: هههه راه مزوج امانا وانا حرقت الضوسي منين لسقت فداك لكلب ديال يونس وزايدون منتلسقش على واحد مزوج واها تنكابق سما مع الارض وعاد زيد كيحماق على مرتو لا لا مبغيتش
خديحة: (صبعاتها) اوا خليك مركنة حدايا
رزان: (بتنهيدة) هانا جاالسة حتى يبان شنو مكتابلي..
...اصبحنا واصبح الملك لله...
عبد الله: (كيفيق فاطمة) فاطمة نوضي منى غتولد اليوم
عبد الله: واش كنقولك السيدة راها كتغوت بلحريق وكتقولي فطور صافي حتى نوصلو للمصحة ونفطرو
فاطمة: (لوات شنايفها وناضت كتمختر وتلبس على خاطرها وتفقس فراجلها للي خاصو يطيير يمشي عند للي كتوجع بغات تعلم ولدها للي مزال ناعس وهو يجرها خرجها وركبو طايرين عند منى) غير بشوية اعبد الله شفتك فينما كان شي ضو حمر كتحرقو
عبد الله: فاطمة بغيتك تحضري عقلك راك فايتة والدة جوج مرات
فاطمة: صافي بلا متبدا عاود هاني ماشية معاك (قلبت وجهها للسرجم وتفكرات نهار جاه اتصال من عند منى)
#فلاش_باك
منى: كفااش واش متأكدة
دكتورة: اه متأكدة عندك بنوتة وصحتها مزياان
منى: (مكرهة) اممم شكرا (مسحات داك المادة من كرشها وخارجة غير كتفكر كفاش تفني حياتها مع شارف وهي فعز عطاءها وللي زاد ضسرها اي واحد دازت من حداه باغي يتعرف عليها وكان كتقول الا ولدت ولد نصبر حتى تمشي معاه لامريكان اما الا كانت بنت الحاج شرط بنتو متغربش اذا فكرة الهجرة تبخرات فكرت وفكرت البنت غتبقى بنتها ولكن تعيش مع باها وهي ضبر على راسها صونات على عبد الله وقالتلو الخبر والقرار للي خدات تفهم وتافقو يطلقو على ما تولد ونيت هي مباغاش ترضع باش ميضيعلهاش صدرها اذا ساهلة عليه يربيها ولكن واش فاطمة غتبغي بقا شاد التيليفون غير حطات فاطمة لغدا)
عبد الله: فاطمة بغيت نهضر معاك فموضوع للي حساس
فاطمة: ياك لباس متقوليش غتجيب ديك قليلة لحيا تسكن هنا
عبد الله: ماشي هي
فاطمة: (خبطات ففخاضها) اويلي علاه باقي شي وحدة اخرى
عبد الله: غنجيب بنتي هي غتولد وانا غنربيها زعما ربيوها بجوج (قبل متنطق هضرلها فنقطة الحساسة ديالها) ياك قلتيلي وكان ماشي العملية كنتي باغا لولاد
فاطمة: (حنات راسها متأثرة حيت منين جاو لامريكا صارحاتو بكولشي ومشا عند طبيب ودارت عملية اخرى للي خلاها تولي تعاشر مع راجلها ولكن لما ديالو ميقيسهاش)
عبد االه: غديريها بنتك ومها مرة مرة للي تجي طل عليها
فاطمة: وكان عرفات بحق الامومة مكانتش تلوح بنتها ولكن نتا الله يهديك الحاج احم وحتى انا غلطت كان علية نقولك كولشي (بتنهيدة) واخا غير تولد لبنت غنشدها انا ونربيها كما ربيت عماد ونسميها على سميت بنتي للي ماتت أميمة
عبد الله: واش صافي بغيتي؟
فاطمة: ويلا مبغيتش غتلوح بنتك؟
عبد الله: زعما بخاطرك غنكون مرتاح كتر
فاطمة: اوا لا اله عليه
#عدنا
وصلو لعند منى هزوها كانت غتخرجلها الروح خداوها ودخلوها حالة مستعجلة نيشان فتيح حيت كانت عندها مشكل..
زينب: (كتقاد لفطور هي ورزان) دارها كتحمق حسن من ديورنا للي فسويسرا
هزال: اوا هنا فالمغرب كولشي غتاخدو على ذوقها اما لهيه داكشي محدود وغالي بزاف
زينب: اتي سيري بنادم للي متول راه ممتول هاد لميعنات معدناش لهيه عندنا ولكن حنا فالطبلة كنحطو كل نوع من شكل وزيد فلوس فيدنا غير حنا لبلية ديتل الصالونات خارجة علينا
عائشة: لا يونس متقولش هكاك عقلتي فاش كنا مخاصمين ومخليتكش تقيسني يمكن فترة الاباضة كانت ديك لوقيتة وحنا زكلناها عادي احبيبي شهر جاي ياك قلنا كولشي بمشيئة الله
يونس: وعلاش مخليتينيش وكان دابا راك حاملة
عائشة: (قلباتها ظحك) وصافي ايويو ولدنا ولا بنتنا عطاونا شهر فين نبقشطاقيو على خاطرنا حيت اموسيو نهار نحمل نسا داك تشقليب للي كديرلي
يونس: اممم واخا فيك ابطوزة مهم سيري حدا لبنات هاد شهر مكتابش (خرجو ظاحكين هو مشا لخدمتو وهي جلسات مع لبنات..)
فاطمة: (شدات لبنت بين يديها بقات كتشوف فيها مدة) كتشبه لبنتي الله يرحمعا ياك اعبد الله!!
عبد الله: (تبسم) الله يرحمها ها هو ربي غيرزقك بأميمة
منى: (تبسمات) مغنسمحش فيها انا خليتها لباباها وانا متأكدة غتهلاي فيها وغديريلها كتر مغنديرلها انا
فاطمة: (قلبها وجعها على هاد لبنت للي مها غتخلا عليها) ولو لبنت كتبغي تكبر ومها فجنبها ياا ريت وبقات بنتي حية نهزها بسناني فكري مزيان رضعيها على الاقل رشعيها غير عام ولا 6 شهور عفاااك فكري مزيان شوفي بقاي ساكنة فين كاريلك عبد الله ولا انا نشريهالك ياك باغا ديري دار وطموبيل انا غنشريهالك
منى: (بقات غير كدور عينها) م..
فاطمة: متقولي حتى كلمة بنتك غتعيش اميرة وسطنا ولكن بغيتها تشوف ماماها حداها للي بغيتي غنديرولك (بقات كتسمى ردها وهي مصدومة من راسها ولكن منين هزات هاد لبنت فكراتها فبنتها ومبغاتش تكبر يتيمة الام ومها حية)
منى: عبد الله انا شرحت ليك
فاطمة: هضري معايا انا حاحة وحدة للي طلبتك عليها رضعيها علاش تكر بحليب لفرماسيان ومها حية فكري فبنتك تكسب صحتها خفتي صدرك يضيعلك غنديرلك عملية مهم بنتك تكون بصحتها عاام عام واحد ونتي حرة ديري للي بغيتي
منى: (سمعات الدار والعملية تبدا بروكرامها) ولكن باش غنعيشها وشنو ناكل الا مخرجتش نخدم
عبد الله: علاش باش كنتي عايشة قبل؟
منى: ياك حنا غنطلقو هاكا تفاهمنا غنطلقو
عبد الله: اه غنطلقو ولكن باقي بنتي مسؤوليتي كولشي غيوصلك وكما قالتلك فاطمة تكمل عام ختاري شنو بغيتي
منى: (مدات يدها عطاتها فاطمة لبنت جبدات صدرها وبقات كترضعها فهمو انها قبلات خرجو خلاوها على خاطرها)
عبد الله: هادي هي فاطمة للي عرفت وكنبغي
فاطمة: (تبسمات) حرام دير فيها هاكاك والدار للي غنشري غنكتبها بسميت لبنت حتى تكملها رضاعة وديك الساعة نعطيهالها وعلاش لا تبقى تجي مرة مرة لدار ولدي باش اميمة تكبر وسطنا وتولفنا من نهار اللول
عبد الله: حتى تشاوري مع مرت ولدك
فاطمة: هاكاوا على نتشاور معاها داكشي للي بقالي
عبد الله: مالك كديري مع كولشي زوين الا ديك لبنت
فاطمة: حيت سرقاتلي ولدي (زادت وخلاتو من موراها كيعيطلها وهي منخلاه..)
~~~~~~~~~~
علي: (شاد فراسو وبحرا كيحل عينيه شاف قدامو كتبانلو غير ضبابة والدنيا مقلوبة شاف فجنبو كان سعد حتى هو بحرا كيفيق) ااااااه اراسي سسس..عد واش ببخير
سعد: (حل الصمطة) بب..خيير (دار من موراه كيشوف وهو يتصدم) عمرااان عمران😳
علي: (دار حتى هو بلخلعة شاف صاحبو معرفش شكل للي كان فيه حيت الطموبيل تقلبات بيهم وهو الوحيد للي مكانش داير الصمطة جاو الناس كيجبدو فيهم بسهولة تجبدو كاملين ودراري مخلوعين قلبو الطموبيل دغيا وحلو لباب جبدو عمران للي وجهو مكيبانش بالدم وحطوه فالارض كيقلبو واش باقي كيتنفس)
علي: (مخلوع) بااااقي باقي حي بلاصت متفرجو جيبو شي طموبيل (كيهضر وعروقو غيطرطقو حتى هو كان كضروب شوية فجبهتو ولكن ماشي بحال عمران.)
يونس: (كيهضر وبعينيه كيرغب طبيب يكذب هاد لهضرة ويقولو لا) يعني انا عقييم ما فيهاش
الدكتور: متسميهاش عقيم غير متقدرش تجيب ولاد دابا
يونس: هي هي شنو للي مبدل ما بين اللولة والتانية (وقف وجا خارج)
الدكتور: يونس المدام ضروري خاصها دير تحاليل
يونس: (بتنهيدة غتقسم قلبو على جوج.. شاف فيه) فيصل الا جبتها هنا متقولها والو علية (خرج من تماك غير نزل وركب فطموبيلتو ربع يدو على لفولون وحنا راسو محس حتى بكا بكل حرقة كفاش غيرتاح ولا غيعيش هاني وكولشي تبخر علاش هو بالظبط على شوية كان غيكفر بهاد الخبر للي نزل عليه بحال الصاعقة كفاش غيشوف فعيشة ويحرمها حتى هي من لولاد لمرة اللولة خطفها منن دارهم وتزوجها سيف عليهم ودابا شنو!! تخنق هز راسو فلمرايا مسح عينيه للي ولاو بحال الدم وكسيرا نيشان لبحر فين تلاقا عماد)
عماد: مااالك اصاحبي مكتبانش هو هدااك
يونس: (تبسم بقهرة وكيتصنع القوة) اق** نهار فحياتي
عماد: شنو واقع واش شي حاجة فلخدمة عيشة بيخير هضر النم شنو واقع
يونس: (شاف فيه بكل انكسار) صدقت عقيم (حك لحيتو بكل عصبية) منقدرش نحمل مرتي
يونس: (تبسم بكل حزن) وهاد الموضوع فيه الظحك.. للي مقدرتش عليه كفاش نقولها لعيشة
عماد: يونس نتا عارف هادشي قضاء وقدر وكم..
يونس: (هو يدو بصطوب) شش عارف عارف اولد عمي ونعمة بالله غير مغنبقاش حابس لبنت عندي وحارمها حتى هي تكون أم
عماد: يونس نعل الشيطان عيشة راك نتا هو حياتها غير نسا هاد الفكرة الا
يونس: اوا وشنوو
عماد: جلسو وهضرو بففف معرفت منقولك اخويا قاصحة
يونس: (شد حدا قلبو) قاصحة كلمة والو يمكن تسميها المووت (تبسم وجبد لكارو كيكمي ويديه كيرجفو اما عماد غير كيشوف فيه وكيتحسر على حالتو) بلا منوصيك هاد الهضرة متخرجش اعماد (عيشة كتصوني عليه قطع وطفا التيليفون) انا غنمشي
عماد: فين غتمشي لدار باك
يونس: لا مخنوق مقادرش نكون فوسط جماعة دابا
عماد: صبر نمشي معاك (عطاه بظهر وزاد بقا فيه بزاف عمرو جات على بالو يونس يكون عقيم اصلا هاد لكلمة غير كيسمع بيها ولكن باش بحسها عمرو.. ومكانة يونس فقلب عماد كبييرة وعاد لخبر أزمو وخلاه يابس فبلاصتو ما عسااك يونس كغتكون حالتو..)
عائشة: (جالسة شادة القشابة مع لبنات وكيضحكو حتى دخل عماد) عمااد واش مبانليكش يونس
عماد: (بقا كيشوف فيها مدة) لا مزال مجا كان قالي عندو شي خدمة فرباط وبحال والو يجي دابا
عائشة: داكشي للي قالي الليل يكون هنا وكنصوني عليه تيليفونو طافي حتى من ممدوح جا قبيلة ومعارف عليه والو
عماد: امم (عقلو كيدي ويجيب فين يكون مشا واش يقول لعيشة باش تخفف عله ولا شنو راه مصيبة هادشي للي وقع وصعيب يتحملو بوحدو)
رقية: (شافتو ماشي على طبيعتو ناضت عندو) عماد مالك احبيبة
عماد: لا والو احبيبة غير كنفكر واش نجيب ديك لمرا تسكن معانا
رقية: والله وتجيبها اعماد للدار حتى نخويلك الدار اش بيني وبينها باش تجي تسكن عندي
عماد: من بعد من بعد ونهضرو فهادشي
رقية: لا من بعد لا من دابا هضرة وقلتها مك بغات تربي لبنت ماشي تربي حتى مها (رجعات جلسات حدا لبنات وهو مشا)
عائشة: عمااااا فين مشا هدا واش دابزتو عاود
رقية: معرفت لجدو كل نهار عندو بلان فشكل داكشي للي بقالي داري وليت انا الضيفة فيها
عائشة: سكتي دابا ماشي وقت هاد الهضرة بففف يونس من صباح منين غبر معرفتو فين زاد مهمو حتى واحد كيغيب وكينشى واش مزوج ولا لا مكيخسر علية حتى ابيل يقول واش هاد لمرا بيخير واش واكلة وزعمة عارفني عيانة
زينب: مقلتها حتى انا للي راجلي من لبارح وهو مسافر وتيليفونو طافي
عائشة: يا ختي شحال كطلقي سطولاتك ديها فراسك ريتاج حبيبة لعشا تعطل نجيبلك شي حاجة تاكليها
ريتاج: لا حبيبتي الا بغيت شي حاجة نقولها (كتشوف فتيليفونها) زينب هادشي طول كولهم طافيين تيليفوناتهم
يونس: (بقا كيشوف فيها ومكرهش يقولها شنو ضارو ياك هي الحضن الدافي للي كينسيه مشاكل الدنيا جرها ومشا لاجردة للي اللور وعنقها بكل قوتو لدرجة سمع اهاتها بقوة معدمها فظلوعها قال بصوت مقطع) عييي..يشة
عائشة: (بصوت خافت) يونس مصالحش لينا راه فية لغيكل وزيد هنا شي واحد يلقانو هاكا حشومة
عائشة: اممم قولي توحشتيني ايويو ديالي حتى انا هاد نهار داز بلا بيك كزبل (هزات راسها فيه) منقدرش نعيش بلا بيك
يونس: (محتاج يسمع هاد الهضرة) متأكدة
عائشة: (غمضت عويناتها) حياتي بلا بيك هاكا مظلمة ونتا عويناتي باش كنشوف طريق لا نتا الهوا للي كنتنفسو باش نبقا عايشة اذا سؤالك غبي ازوجي العزيز
يونس: (تبسم وحط نيفو على نيفها) كنبغيك..
يونس: (كولشي كيتعشا وفرحانين الا هو للي كيحس بنقص كبير كيحس برجولتو كتلاشى اول مرة تمنى المووت لهاد الدرجة حس براسو معندو حتى نفع واش هدا عقاب ولا اختبار روحو غتزهقلو.. الم كبير فصدرو حتى من المعدة مسلماتش كولشي مخلط مقادر ياكل مقادر يظحك مقادر يشوف حتى واحد.. محطم، مهرس، ميت! مكرهش يهرب لشي بلاصة يكون فيها بوحدو كان هادا هو القرار للي خدا على الاقل يوماين او 3 على ميفهم شنو واقع ويجمع قوتو للي طاارت مع صدمة حياتو... راسو كيقولو دابا دابا نوض سير غتضعف وغتضعف وغطرطق قدام كولشي وغير كيشوف صفوان كيتشعبط فعماد للي كيتفادا يهزو قدام يونس كيتطحن انا ظحك عيشة للي واصل لعندو هااف يطفيه بعجزو وهو عارفها متخلاش عليه ولو على حساب امومتها وقف دار راسو كيهضر فالتيليفون خرج برا مسح عينو للي مظببين ورجع) عويييشة اجي
عائشة: (ناضت بابتسامة على وجهها) مغتكملش مكلتك احبيبة
يونس: (كيتصنع القوة) مكرهتش ولكن خاص ضروري نمشي للخدمة المشكل غنقدر نغبر شي يوماين ولا ثلاتة على حساب
عائشة: (بشهقة) بزااف واش هاد الخدمة للي جاتك مزروبة ومكانتش على لبال
يونس: (قرسها فحنكها) نتي عارفة الخدمة وهاد اليوماين مزيرة كتر مهم حبيبة انا غنوصي ممدوح وعماد للي خصاتك نتي ولبنات جيبوها غير لقا كندير نسلت غنجي نطل عليك واخا بطوزتي
يونس: (مكيشوفش فعينيها) لا حبيبتي خاص ضروري نمشي دابا (خرج بالزربة وركب فطموبيلتو بلا ميدور من موراه)
~~~~~~~~~~~
ممرضة: سيدي اجي معايا نشوف الجرحة للي فيديك
علي: (عاد شاف فيدو للي مفتوحة وخاصها علىالاقل شي 20 ولا 30 غرزة) واخا (مشا معاها دخل لبلاصة كان حتى سعد كيخيطولو جبهتو) شوية اسعد!!
سعد: بففف والله ممسوق لراسي قد مهامني نشوف عمران حال عينيه ديما الدقة لكبيرة كتجي فيه (مكره) مفهمتش علاش مكيفهمش ان الصمطة كتحميه هو ماشي غير دايرينها زواق
علي: وزيد داك شماتة للي كنا ماشيين عندو سلت وعرف اننا كنقلبو عليه شو فين غيغبر هادشي الا مخرجش لبلاد واجي قلب عليه نتا
سعد: عاد لبارح كولشي كان مقااد شنو وقع انا مخسيت براسي حتى كنت مهزوز فسما
سعد: مبغيتش نخلعهم وخصوصا ريتاج يا ربي تسمحلي عمرهم متهناو فشي حمالة فوقما حملات كتوقع شي حاجة المرة اللولة عمران كان غيموت والتانية هي وللتالتة هو هاد عمران غير راس لمحاين..
علي: داكشي مكتااب ختي امتى غيفيق هداك للي جا معانا راه 12 ساعة مزال حتى واحد مقالنا خبار عليه صحيح
الممرضة: انا سيدي معارفاش امتى يفيق حيت الضربة عندو مغرقة فالراس ولكن غير يفيق غنعلمك بالشفااء (خرجات.. بقاو على ديك الحالة كيتسناو فعمران يحل عينيه خافو من ملام طبيب الا زاد نهار اخر غيدخل كومة...)
عماد: (مشا عند يونس للي جال فاوطيل دق لباب كان محلول دخل لقا يونس جالس لابس سروال دجين وعريان من لفوق شعر مرولي وعينيه حوومر وقراعي دشراب ضايرين بيه) يووونس اش هاد لحالة اصاحبي زعما (حيد قراعي من قدامو) زعما كنعرفك راجل مؤمن وماشي دغيا كطييح
يونس: (بتنهيدة ومسح هينيه للي مكيشقلبو والو) عمااد راسي عاامر بلا متزيدني حتى نتا
عماد: يونس انا طبيب وزدت سولت وقرييت راه اي مرض عند علاج وخاصني نعرف شنو قالك طبيب ماشي تكتائب وترجع مربع يديك ياك نتا باغي لولاد ومباغيش عيشة تعرف تعالج قبل متعرف ومتفكرش غير بسلبية
يونس: يااك ويلا درت دوا ودرت عملية كاع ومنجحاتش نشد بنت الناس معايا بالسيف
عماد: تفكيرك محدود اولد عمي مثلا انا للي كنت فموطعك شنو كنتي غتنصحني! كنتي غتخليني هاكا كنضمر راسي براسي
يونس: بففف ضروري يمشيو زعما خليهم ناشطين وهنا عندهم فين يباتو ولا عرفتي هانتي جالسة حتى نتي انا بغيت نمشي حتى تلحقي ولا الا بغيتي نيت باتي هنا
عائشة: (بقات مطرطقة عينها هدا هو يونس للي كان كيقولها من سابع المستحيلات يدخل للدار بلا بيها ونعاسها كاين غير فبيتها ومعاه.. بقات غير ساكتة ودمعتها فعينها)
يونس: (فلبلاصة فهمها فاش فكرات رجع جلس حداها وشدلها يديها) حبيبة ديالي قسما بالله الا عيني كيتغمضو عييت هاد السيمانة دازت عندي مكفسة وانا مبغيتش نحرمك من الحفلة غير باش تمشي معايا نعس قلت هانتي محتافلة حتى يجيبك شي واحد فدراري
عائشة: صافي انا نمشي معاك اصلا مغيعجبنيش الحال نخليك تمشي بوحدك ولبنات يباتو هنا اصلا كانو دايرين عليها باش يخليونا على راحتنا (ناضو من بعد مودعوهم ومشاو عيشة محيداتش عينها على يونس للي غير صايك وكيحك مرة مرة ذقنو بكل عصبية مفهمات والو وصلو للدار دخل نيشان دوش هي وجداتلو شنو يلبس ومشات لكوزينة تقادلو عصير للي موالف بيه دخلات لبيت نعاس لقاتو لابس قشابتو وكيصلي سيناتو دقيقة جوج 15 نص ساعة والسيد مزال كيصلي ويقرا القران خرجات من لبيت مفاهمة والو) اش كيصلي هدا ياكما بغا يدير قيام الليل (شعلات التلفازة كتساين حتى خرج عندها لس نزل على العصير ديالو)
عائشة: (ناضت صباح بكري لقات يونس ناعس على كرشو غطاتو ودخلات للحمام خرجت مقادة راسها لبسات حوايجها ومشات لكوزينا قدات اتاي وجبدات من لفريكو ملوية وصلقات لبيض وعصراتلو كاس دالليمون خلاتو ليونس فوق الطبلة اما هي شربات كاس حليب مع تمر هزات صاكها وخرجات مع لباب ركبات فطموبيلتها ياله غتخرج من المجمع دخلات فطموبيل معرفت راسها باش تبلات واش هي للي غلطات ولا هو ولكن هادو خصايلها مكتشوفش شكون جاية غير ضاهصة خرجات من الطموبيل تشوف شنو وقع وجا حتى لعساس دالمجمع) تفوو على صباح كداير (تسنات مول الطموبيل يخرج غير خرج) خويا سمحلي انا للي كنت مزروبة والله معرفت كيدرت ليها
العساس: مدام واش نتي بيخير
عائشة: مزيان اعمي مصطفى موبعلي والو ولكن السيد تقاستلو طموبيلتو
يوسف: لا ماشي مشكل نقيدو موسكا وصافي الساعة الله وبنادم ماشي ديما دماغو معاه
عائشة: بالصح!! شكرا بزاف (بابتسامة) انا فلوسي ماشيين غير فهادشي ميمكنش شي نهار ندخل للدار بلا متضربلي شي واحد جاب الله راجلي شي مرات كيهز الدق علية
يوسف: ههه خاصك تنتابهي الله يستر شي نهار توقع شي حاجة خايبة للي منتمنهالكش
عائشة: وي كاينة (شافت فين ضربات طموبيلتو) شي 4 ايام وتقادلك كنعرف ميكانيسيان انا عندو كليان صحيح كل مرة جايبالو بريكول
يوسف: ههه واخا بنتي (مد يدو) انا يوسف
عائشة: (حققات فيه مزيان) مشرفين انا عائشة سبحان الله وجهك معغريبش علية زعما عمرني دخلت فيك
يوسف: ههه صباح زوين هدا نصبح على بنوتة ناشطة وتنشط للي دايرين بيها.. لا ابنتي انا بعدا شخصيا اول مرة نسلم عليك ياك هانية نقولك بنتي
عائشة: لا لا خود راحتك اعمي غير هو شنو الاجر.. (شافت يونس شنق عليه ودفعو تفافات مشات لعندو كتشدو من كتفو) يوننس راه ماشي هو للي غلط راه انا للي دخلت فيه وضيعتلو طموبيلتو وهو اصلا مبغاش مني فلوس
عائشة: (تحشمات) يونء والله حتى حشومة السيد كان ضريف معايا وه.. (قبل متكمل خنزر فبها يونس وسكتات اما يوسف غير كيشوف بدم بارد للي كيزيد يشعل ويحرق دم يونس)
عائشة: (مشات لعند لعساس) لاش اعمي مصطفى مشيت قلتهالو عجبك الحال دابا
العساس: انا بنتي خفت عاوتان طيحي فشي جلاخة بحال المرة لفايتة وشفت طموبيلة سي يونس حدا الدار وهو وصاني ومشيت جبتو باش ميتنصبش عليك
يوسف: (ببرود) غتطلق مني ولا غنقولها شكون هاد شماتة
عائشة: يونس خليني غير نفهمك والله مطلب مني شي فلوس بلعكس قالي ماشي مشكل طلق من السيد راه قدو قد با
يونس: سيري ركبي فطموبيلتي انا جاي عندك مصطفى دخل هاد لخرخاشة لداخل (طبق من يوسف) باغي تقربها منك واش شوية بعقلك
يوسف: وعلاش لا ماشي بناتي كما غلطت مهم ولاحتهم وسامحوها حتى انا غلطت وغيسامحوني نتا لاش محرووق
يونس: اه مثلا غتجي نتا واحد قتال وتقولهم انا باكم وهو غيقولو مسكين مكانش عارف شنو كيدير اجي نسامحوه
يوسف: والله مكيهمني يعرفوني شنو كندير انا بغيتهم غير يعرفوني وحتى داك للي مفرعن بغيتو يعرفني شكون انا
يونس: وكااان!! صافي انا غنقولهالهم (بقا كيدفعو) ياله سير قضيلك غرااض راك مزال زعما عريس جديد بففف مفهمتش انا الغبية ديال فروس اش مزال كدير مع واحد بحالك
يوسف: (حكلو على الضبرة بقا مكرطق عينيه يونس فلبلاصة حس بيه تقااس اذا فرووس نقطة ضعفو)
يونس: تحرك منهنا الحيوان وحسابك غيطول معايا
يوسف: (ركب فطموبيلتو) انا للي درتك فبالي مزيان دابا (كسيرا دخل يونس للمجمع كيسب هاد صباح للي صبح عليه بهاد لخليقة ركب فطموبيلتو بلا ميهضر مع عيشة صاك للشركة وصلها)
عائشة: مفهمتش انا هاد العصبية علاش على صباح (خرجات من الطموبيل وزدحات لباب خرج راسو من السرجم)
يونس: لا خوديها معاك حسن (ضارت خنزرات فيه ودخلات انا هو رجع وطريق كامل معحبوش الحال حيت تعصب عليها هي معندها حتى دخل فهادشي.. دخل لقا لفطور موجد فطر ورجع لبيت نعاس كمل نعاسو...)
عائشة: (جلسها على الكرسي وبقا هو كيسكت فيها ويواسيها نسا راسو هو للي خاص يتواسا ولكن احساسو بالذنب اعلا من احساسو المضمر كيفكر فبكاها واش على حالتو ولا حيت غتنسى شنو هو احساس تكون ام واخا مكانتش مقتانعة ولكن فالايام الاخرة سيرتها غير على لولاد جا قرد اونفاص معاها شد يديها بجوج وزير عليهم وباسهم)
عائشة: (بقات كتبكي بصوت مسموع رجع عنقها وكيسكت فيها حتى تكالمات شوية.. دخل طبيب عندهم كانت حالة عيشة خايبة عينيها منفوخين ولكحل نازل فحنوكهااا ووجها صفر اما يونس عينيه حومر وكتافو طايحين..)
دكتور: يونس خاصك دير هاد التحاليل وحتى نتي امدام خاصك ديري هاد التحاليل وتجيبوهم لي فأقرب وقت
يونس: وشنو فائدة هاد التحاليل دابا
دكتور: غنقلبو على دوا كولشي عندو العلاج ايونس ماشي نهاية العالم هادي
يونس: (شاف فعيشة للي كتحك فصباعها بتوتر وعصبية وكترغبو بعينيها باش يقبل.. شد الورقة كيشوف فيها) امتى نجيبهم ليك بالظبط..
دكتور: غير يخرجو ليك سير لمختبر *** هو للي كنتيق فيه ودغيا كيخرجو النتائج فيه.. اه واهم حاجة خاص تكون مرتاح نفسيا حيت اي علاج كيبغي تكون مرتاااح بعد على صداع والمشاكل بغيت بالك يكون صاافي
يونس: (حرك راسو باه ناض سلم على طييب ونوض عيشة وخرجو من تماك غير وصلو للمصعد عنقاتو عيشة وبادلها العناق) ديك السيمانة مكانتش عندنا خدمة كنت غير محتاج نبقى بوحدي الدار كانت عامرة وانا كنت (بتنهيدة) مأزم و..
يونس: حيت فكرت فمصلاحتك وعلى قبل تكوني فرحانة مستاعد نقتل راسي كل يوم المهم نتي تفرحي
عائشة: (شافت فيه) عندي نتا حسن من شي امومة ونتا عارف فرحتي غتكون غير معاك وشنو فائدة هاد لولاد الا مكانوش منك
يونس: (سكت وطبطب على كتافها خرجو من العمارة ومشا حدا طموبيل) غتقدري ترجعي للخدمة (حركت راسها بلا) سمحيلي اعويشة بسبابي تأزمتي
عائشة: (لوات شنايفها باغا ترجع تبكي)
يونس: عويشة الزنقة الناس كتشوف عفاك متبكيش صاافي انا غندير التحااليل ونتبع دوا وندير كولشي على قبلك.. نديك للدار؟ فين تبغي تمشي باش تفجاي شوية (شافها ساكتة ركبها فالطموبيل) حبيبة متخلعينيش انا بغيتك تقويني ونتي هاكا غير كتزيدي تفشليني
عائشة: (جمعات قوتها) عندي اجتماع مهم (جبدات تيليفونها وهي كترجف باغا دوز نمرة رقية هزلعا تيليفون شافتو كيصوني هضر مع رقية وطلب منها تمشي هي حيت عيشة عندها شي حاجة مهمة خاصها تقضيها بقات كتشوف فيه وتحدد درجة التحمل للي عندو حاسة بيه لداخل ديالو منهااار.. هو كان حامق على لولاد من نهار تزوجو وهو باغيهم قبل كااع كان كيحلم بيهم شافتو كسيرا وغادي بيها للدار رتاحت حيت مقادراش تمشي لشي بلاصة اخرى.. غير )
يونس: (هزها وداها لكوزينة جلسها فوق لكرسي ومشا للثلاجة جبد شنو عطاتهم رقية من حفل عيد ميلاد وحطو قدامها كيوكل فيها) انا للي خاصني هاد المعاملة
عائشة: (الماكلة فمها لوات شنايفها تبكي اصلا هي كتاكل غير باش ديرلو خاطرو)
يونس: لا لا اعويشة متبكييش عفاااك واش بغيتي حتى انا نضعااف ونسد على راسي (حركت راسها بلا) اوا وريني ظحكتك وكولي مزيان (وكلها حتى تكوفلات غسلها فمها وهزها لبيت نعاس تكاو بجوج عنقها وخلاو غير صوت قلبهم للي كيتسمعو يعيى يبين قوتو وفالتالي كيتفرش لا هو قادر ينعس لا هي قادرة تغمض عينيها بحزنها عليه..)
~~~~~~~~~~~
زينب: (تهزات من صونيط تيليفونها) لبنات علي للي كيصوني (جاوبات بلهفة) عليي علي واش نتا بيخير فين غبرتي علية
علي: حبيبة غير لخدمة ولدابا مزال واحلين فلخدمة داكشي علاش مهم انا غنقطع جمعو حوايجك عماد مع 4 غيجيبكم (قطع معاها وهي مشات علمات بلبنات كانو مزال كيجمعو مع رقية للي مشات حعهنعاضرات الاجتماع بالزربة ورجعات ليهم..)
~~~~~~~~\
يوسف: (خارج من الدوش ببينوار فلبيض وجلس حدا ندى) لمن قلتي حنا مزوجين؟
ندى: حتى واحد علاش كتسولني شي واحد قالك انا نشرت الخبر
يوسف: اه واحد قالهالي
ندى: شكون
يوسف: نتي للي غنسولك لمن قلتيها من اللول شرطت عليك متقوليها لحتى واحد
ندى: وانا داكشي للي درت وزيد مكنعرف حتى واحد كيعرفك باش نقولهالو وحتى الشركة ودار خالي مكنمشيش لتماك
يوسف: (بصرامة) متخلينيش نتقلق منك احبيبة (وبقا كيبدل حوايجو وهي غير كضور فعينيها جرات ليزار عليها ودخلات دوشات خرجات لقاتو كياكل جلسات حداه كلاو فجو ساكت حتى ناض بلا متسولو حيت غيدير ليها محاضرة لبس حوايجو وخرج حتى هي لبسات حوايجها وخرجات دير شوبينغ مشا حدا دار رقية هاد المرة عيا يتسنى حدا المجمع تبان حتى بانلو الحاج احمد وعزيزة داخلين تماك وجات العين فالعين) بفففف (صاك طاير من تماك اما الحاج بقا راسو كياكلو هدا اش كيدير هنا وشنو بغا من بنتو...)
عزيزة: الحااج!! مغتنزلش؟
الحاج: لا عندي شي شغل نسيت مقضيتوش خليك هنا حتى نولي رجع عندكم
عزيزة: واخا (هبطات جرات ادم وهو يكسيري الطموبيل مشا طاير... دخلات هي لقات لبنات ردو الدار كتشعل دخلات تريد معاها ولمرقة حيت اليوم غتجي منى) لا بنتي منين راكم ماشيين غنعطيك تديها معاك وولوها مجموعين راني مدرتش فيها لحلبة غير على حسابك وهاد طويسة صغيرة راه فيها الحلبة للي يبغي ياكلها
ريتاج: (باستها فحنكها) لهلا يخطيك اخالتي عزيزة مكرهتش نزيد نجلس معاكم ولكن راجلي جا
عزيزة: عاارفة ابنتي الله يتبتك بعقلك
زينب: (قوست عينها فيها) علية علية اخاتلي
عزيزة: هههه غنتوحشوكم بزااف ابناتي.. فين عيشة شتها مزال مجات من الخدمة ولا دازت لدارها؟
رقية: لا اماما حتى الخدمة مكملاتهاش هاد صباح انا للي مشيت كملت الاجتماع عليها كان قالي يونس عندهم شي حاجة بغاو يقضيوها بجوج (عوجات فمها كظحك)
ريتاج: تي السيد سيمانة وهو خدام غيبغي مرتو تكون حداه كاع متسولو فيهم هاد السيمانة ههه
عزيزة: امممم شتكم مبقيتوش تحشمو كاااع..
زينب: (عنقتها وبدات تنهد) حتى انا توحشت راجلي اخالتي
يونس: يعني حتى الا مكانش شي دوا بففف (هو عارف راسو ديما غيحس بالنقص وعااجز وهو سباب باش حرمها من لولاد) معرفتش اعيشة
عائشة: شنو معرفتيش انا بانلي نتا كتقلبلي على السبة باش تسيقني وديرلي باي باي
يونس: (نتفها نتفة خفيفة) ياااك الالة
عائشة: اوا نسا هاد الهضرة ايونس نتا انسان مؤمن وللي دارها ربي هي للي غتكون تعيا تعصب وتحزن وفالتالي كولشي كيكون لمشيئة الله
يونس: حياني الله كناخد موعضة من عند البرهوشة ديالي
عائشة: (غوبشات وجمعات شنايفها)
يونس: لحبيبة ولكبيدة ديالي اري شي بوسة....
الحاج: (داير ماراطون مع يوسف للي عاف الحاج تابعو بقا من موراه حتى يوسف حبس فخلا.. وقف حتى هو وخرج من طموبيلتو ومشا وقف عند طموبيلة يوسف دق فالزاج) خرج
يوسف: (نزل الزاج وحايد نظاظرو) معايا!!
الحاج: (شاف فيه ببرود) شنو دابا بكترة معندك انفصام الشخصية ماشي بشخصية ابو لقيصر دابا؟؟
يوسف: (بقا كيشوف فيه شنووو عزيزة عاواتلو!! نزل من الطموبيل) شنو باغي؟
الحاج: نتا للي شنو باغي من بناتي علاش كدور فساحتنا
يوسف: (تكا على طموبيلتو ونفخ صدرو) من كلامك باينة عليك ذكي حيت بلا منهضر راك عارف شنو داير هادوك بناتي انا
الحاج: (ببرود) من امتى!! (شافو غير ساكت) من امتى هوما بناتك
يوسف: دمي كيجري فعروقهم وهادي كافية
الحاج: وانا كافيني كل مشافوني يعيطولي ببابا واخا عارفين الحقيقة
يوسف: اشمن حقيقة ولا تخربيق نتوما مزال مقلتولهم والو علية
الحاج: علاش شي حاجة تشرف باش نهضرولهم عليهم باركة غير عزيزة للي كل نهار كتندم عليك.. (باستفزاز) لا بلاتي نفكر واش كتسنى منهم يجيو عندك ويعنقووك هههه لا واش بالصح كتفكر هاكا
الحاج: لا ومصمم شي واحد من العائلة للي يصفيها ليك عرفتي نتا نطلق عليك غير يونس يشمشرك ولكن مبغيناش نوسخو يدينا براكة غير يديك للي موسخين بدم المغدورين
يوسف: (كيتنفس بغيض مكانش كيتسنى هاد ردة الفعل مع عندو كان كيتهيألو عو الورقة الرابحة ضد عزيزة للي كان ناويها ترضخ ليها وينتاقم منها ومن يونس ومن الحاج ويزييد يفش سمو...)
الحاج: (رجع للصرامة) ديالو بعد من بناتي وولادي وبعد من مرتي
يوسف: غنجري من مور لبنات حتى يعرفو باهم لحقيقي للي نتا وديك لق** (مجا فين يكمل حتى قجو الحاج وكانت قبضتو بحال لحديد كان مقادرش يتنفس هز من جيبو اللور موس طرطقو وبصعوبة غرس الموس فجنب الحاج للي فلبلاصة طلقو وبقا مطرطق عينيه ممتيقش دقة الغدر وزود شهق فنفسو منين جبد الموس.. فلحظة يوسف مولاش دار من موراه ركب فطموبيلتو وكسيرا مخلي لعجاج من موراه حيت الا شافو غير شي واحد غيرجع للحلس وهاد المرة ممنها خروج.. اما الحاج بقا بارك على لبلاصة للي كانت شلال ديال الدم ودقات قلبو كتزيد تعلا وتعلا جر رجلو وزاد جرها حتى ركب فطموبيلتو دغيا دوز نمرة ديال التيليفون المرة اللولة مجاوبش ولحريق كيزيد المرة التاتية والعرق وعينيه كيتقلبو المرة التالتة جاااوب بصوت مبحوح وخاافت) الووو.. ااالـــوو (بصوت مقطع) اااجـــ...ــي عـنــــدي انا اانـــــــا فــــ... (حتى فقد الوعي..)
~~~~~~~~~~~~~
يوسف: (صايك بجرا مكانش بغا الامور تخرج على السيطرة هاكا حيت حياتو مرهونة باي مشكل صغير غيمشي فيها صونا على ندى تسناه.. للي قاتلو كغاش عرف وعلاشهو مبرد لهاد الدرجة حساباتو تقلبو..)
#فلاش_باك
عزيزة: (من بعد مفشولو روايض باش ميمشيوش لفاس طلع للدار معصب لقاها كتهضر مع يونس وتشكرو على شنو دار وقف عليها بحال درهم لحلال) الحاااااج
عزيزة: يونس عارف كولشي راه هو للي كان جابو من المانيا الارهابي لاهر شماتة لقتال
احمد: (هنا تعصب حيت معجبوش الحال يونس يعرف بقا مديرونجي لايام وعزيزة ترغب وتلحلح حتى قتانع...)
ندى: (كتشوف فيه كيعراق ومرة مرة كيحرك شنايفو بحال كيهضر ولكن بلا صوت) احم يوسف مااالك
يوسف: (مجاوبهاش دخل لتوروت وشد طريق وتفكيرو مع الحاج الا حتى مشا قال اسمو هادشي الا بقا حي فديك لبلاصة المقطوعة حك حنكو بعصبية بحال شي واحد مختل عقليا خاصو يفرغ هاد الغضب للي عندو فشي واحد واكيد ندى متزوجهاش حبا فيها اختارها حيت كترضخ لأي اسلوب منحط كان بغا يبعد يمشي لشي مدينة بعيدة ولكن مصبرش دخل لكازا للي كانت اول مرة غيمشي ليها تسنا دورو فالخرجة ديال لتوروت باش يخلص حتى قشعو واحد للي جات العين فالعين واحد خارج من كازا ولاخر داخل ليها قلب وجهو بعصبية جا دورو خلص وزاد)
عماد: هدا شنو كيدير هنا وندى شنو كدير معاه!! (دورها فدماغو وتفكر نهار كان كيقتل المرضى للي فصبيطار ضرب الدورة واها ممنوع الا كارت المخابرات كتلخلي كولشي ضو خضر معاه وتبع ابو لقيصر للي مشافش من موراه...)
~~~~~~~~~~~
ريتاج: (دخلات لبيت لقات عمران ناعس وراسو ملوي بلفاصمات طرطقات عينها وهي مفاهمة والو قربات عندو بانتلها حتى يدو معلقة باينة مهرس) اوييييييلي عمراااان (ناض مفافي من نعاسو) اوييلي شنو وقعلك (مشات كتقيس فيه وتزيد تقلب شنو مغبع تحت لفراش وهو غير كيظحك) كظحك وانا غنطيحلك هنا (عنقها بيد وجيها لصدرو وكلق اااااه) ماالك ماالك قولي مااالك
يونس: والله معرفت الحاج صونا علية قالي اجي عندي ومكملش قطعت عاودت صونيت مكيجاوبش مكاينش فلخدمة ديالو مكاينش فالدار مهم انا غنوصلك عند ختك
عائشة: (بخوف) شنو بابا تكون وقهاتلو شي حاجة
يونس: لا ولكن بغيت نعرف شنو بغا (قرسها فحنكها) باغي ناخد رضا نسيبي
عائشة: ههه راك واخدو من شحال هادي وبالاجماااع
يونس: ياله سربي راسك حتى هاد باك عندو شي اوقاات
عائشة: ههه تفو عليك الفاااسد (وصلها لعند ختها صونا على عماد مكيجاوبش للي كان خاص يوصل من فوقاش.. رجع مشا حدا الدار والقهوة واي بلاصة كان الحاج كيعمر فيها والو مكاينش بدا يدخلو الشك.. وصل الليل والحاج مزال مكيجاوب على تيليفونو مشا لدار رقية كولشي مجموع الا عماد والحاج)
يوسف: (بجنون) مراتي لحبيبة متخافيش بزااف خافي غير شوية هههه
ندى: علاش علاااش ايوسف انا.. ماشي انا للي قلت على زواجنا يوونس للي لقيتو واحد لمرة تحت البرطمة للي شريتلي
يوسف: (قاس فراس الموس حتى تك صبعو وسال الدم) اممم ومنين سولتك صباح لاش مقلتيلي والو (حيد تريكوه ومشا جيهتها كيلعب بلموس فوق فخاضها) ياك من نهار اللول قلتلك متخبي والو عليه (تك لموس ففخاضها)
ندى: ااااه يووسف حبس هئ هئ حشومة عليك (شتفت الدم نزل من فخضها) عفاااك متآذينيش (سمعو زدييح فلبااب غير هزات عينها فيه بخلعة دخل فيها بريوسية حتى فقدات وعيها وزاد زدييح غطاها بليزان ومشا حل لقا عماد للي دفعو ودخل وشاف ليزار للي مغطي بيه مشا حايدو من على وجهها وقاس نبض عنقها لقاه مزال كيضرب)
يوسف: نسيبي لعزيز هاد نهار كترتو علية
عماد: (باستغراب) كفااش شنو كتخربق الق***؟؟
يوسف: واااايلي علاش مفخباركش انا هو نسييبك لحقيقي؟؟؟ اممم واخا ولاد العم نسيبي لاخر مقالك والو!! لا باية بيناتكم التقة!!!
~~~~~~~~~~~
الحاج: (فاقد وعيوو فبلاصة مقطوعة ودماياتو كتشرشر من الجنب للي يقدر تكون فبلاصة لكلاوي... حتى واحد مكيدوز من تماك الطموبيلات كيدوزو كيجريو حتى واحد مغيناتبه وخصوصا ظلام الحاال..)
عماد: نتا راك واحد مريض ف*** (كيشوف جيهة ندى) واش عمرك تووب الحيوان براكة غير شنو كنتي كدير فصبيطار
عماد: (جمع بونية وعطاهالو للكمارة) نتا خاصك تربا من جديد هادشي الا كنتي مربي
يوسف: (كيمسح نيفو من الدم) محشوماش تضرب نسيبك
عماد: (تعصب من هاد الكلبة) نسيب نسيب بزاف على لق** دمك يا *** **** **** تكون نسيبي
يوسف: هههه كالم داون جو انا هو للي *** نسيبتك حتى جابتلك مرتك ومرت داك ولد عمك ههه مفهمتيش يوسف الادريسي عزيزة الادريسي ولاد العم من فاس كيطلعو لسطح يمرمد فيها فعشة دجاج مزيان ويدير فيها للي بغا ومن بعد يلوحها بحال زبل (جاتو بونية طيحاتو الارض مجبد)
عماد: (بقا يسب وشتم للي جات فمو كيلوحهالو زاد فيقو بركلة عطهالو لكرش خلاه كيكح مشا عند ندى للي بقات كتفيق) شنو كديري مع هاد الز***
ندى: (شدت فراسها ومفهمات والو منين لقات عماد قدامها زيرات ليزار على صدرها لليبانلها فيه بقع صغيرة ديال دمها من جيهت لفخاض) شنو كدير نتا هنا
عماد: (بقرف) نوضي تحركي نديك من هنا
ندى: (شافت فيوسف للي كيكح وكيخنزر فيها شنو تختار تفضح بيدين خاويين ولا تزيد تضمن شوية ديال لفلوس ) سير بعد مني كولكم كطمعو فية انا بغيت غير يوسف
يوسف: (تفاجأ كان كيتسناها تبكي وتنخصص وتمشي معاه ويعيكو لبوليس ها هو رجع فين كان..)
عماد: تريكة لوسخ كيتبع غير لوسخ (بزق على وجهها) انا للي مخلي شغلي وتابعكنفكك من هاد شماتة مبغيتش تلالك معاه ولكن دابا عومي بحرك ابنت لق** (قبل ميخرج شاف فيوسف للي كلامو بقا كيتعاود فراسو باش عرف عزيزة وعرف اصله.. زدح هداك لباب وخرج كيلعن فراسو للي طفا تيليفونو ومخليهم يحماقو باش ينقد كلبة وواخا هكاك مرتاحش حتى شافهم من ربع ساعة نازلين كيظحكو بحال موقع والو تصدم فيهم بجوج مريض ومريضة وهو اش حشا كرموستو فهاد تخلوييض ضرب الدورة ومشا شد طريق ولكن كلامو مبغاش يتحايد من راسو...)
~~~~~~~~
11 دالليل كولشي مجموع فدار عماد وحاطين يديهم على خدهم الا يونس للي كيرغل من هنا وهنا كيصوني على الحاج ولا من مجييب.. دخلهم الصهد ومفهمو والو على هاد الغياب ديالو حتى دخل عماد
رقية: (وقفاات) فين كنتي اعمااد
فاطمة: هضري مع راجلك بادب ماشي عندو 8 سنين باش تغوتي عليه هاكا
عزيزة: (للي كانت معصبة) راجلها وخاافت عليه ومغوتاتش وزايدون حتى وتغوت مشفتيش حالتها ككانت
عماد: (مبغاش تغوتلو على مو للي بان عليها التوتر من وجود منى بالاحص مرضاتش.. غير طيح العيين ومجاوب حتى واحد دخل نيشان عند رجال) شنو واقع
يونس: (هز عينو مخنزر) فين كنتي نتا؟؟
عماد: وعلاش كتسول فين كنت هاني نتوما للي مالكم
يونس: (بقا كيشوف فيه) انا خارج من هنا
عماد: (تبعو عماد حيت عرف شنو دار) يوونس يوونس وقف اصاحبي متديش علية انا معصب وبزااف قولي شنو واقع
يونس: الحااج معرفت فين زاد صونا علية من 4 دلعشية قالي اجي عندي ان ف وسكت من تماك كنصوني عليه ووالو مشيت لاي بلاصة كيكون فيها ملقيتوش
عماد: (معرفش علاش طاحلو ابو لقيصر فراسو واخا لا دخل ليه للموضوع يمكن خدا كلامو بجدية وبقالو فبالو)
يونس: (مشا بخطوات كبيرة لطموبيلتو) بفف علاش مطاحتليش فراسي (تبعو عماد بجرا يال جا يكسيري خرجات عيشة بجرا شافها يونس وقف مغوبش وخرج راسو) دخلي فحاالك للدار
عماد: غي وقع واحد ستون قبيلة (شاف فلمرايا) ماشي طموبيلتي هاديك للي مورانا
يونس: (شاف فمرايتو كيقرا لماتريكيل) اه هي ياكما باك ولا اشرف تبعنا (زير ووقف وقفات حتى الطموبيل خرج هو مشا وكتبانلو عيشة للي صايكة زاد غوبش وصل حداها) واش حماقتي ولا خرجلك شي فيس
عائشة: (بخوف) خفت على بابا وخفت عليك حتى نتا.. وتبعتكم حيت عرفتك عرفي فين كاين
يوونس: (بقا كيخنزر فيها) رجعي للدار اعيشة الا عرفتو فين كاين غنعيط ليك راك غير كتزيدي تعصبي فديلمي
عماد: ههه باااز الالة لقاها غير مخبوشة نديكلاري بيك عند عزيزة
يونس: اسيادنا راه تابعنا واحد كنقلبو عليه (عماد صاك طموبيلتو تابع يونس للي جاه لموقع فين كاينة نمرة الحاج تعجب من ديك لبلاصة دارها فجي بي إس عطاتو وبقا متبع كانت خارجة على لمدينة وصلو لبلاصة خارجة على طريق واخا هكاك صاك وعيشة خوفها ترجماتو فشهيق بضو ديال الطموبيل قشعو طموبيلة الحاج واقفة تماك غير وقف يونس خرج كيجري وشعل بيل كيشوف شنو تماك حل لباب لقا الحاج متكي على لفلون) الحاااج
يونس: (حركو) الحاااج كتسمعني (ضوا مزيان عليه مبانلو والو حيت كان لابس لحكل دار ضو فالارض بانتلو بقعة ديال الدم ونقيطات متباعدين قاس فكرشو يدو جنابو دار الضو على يديه بانلو الدم بقاو مصدومين بتلاتة حتى هزهم صوت عيشة للي بدات تجدب)
عماد: (غوبش حيت محسش بالنبضات قلب فعروق يدو ووالو وبان التوتر عليه حتى شاف عيشة طاحت على طولتها سخفاات هزها يونس ودخلها للطموبيل ماحيلتو للحاج ولا ليهة للي منعها وعيا فيها متجيش ولكن راسها يابس كتر من الحجر.. من بعد مقلب عماد بلاصة الجرجة) بففف يونس اجي نهزوه الدقة عندو جيهت لكلاوي ومغرفت واش باقي حي ولا لا يدي كيرجفو وهاد الجلسة خطاار والدم قرب يرجع كحل
عماد: معدناش الوقت خسر الدم بزاف خاص لحقوه لصبيطار
يونس: (رجع لطموبيلتو حيت دم تابوليست فيه صور الخاج وصور الطموبيل ونقاطي ديال الدم عاد هزوه والقلق غالب عليهم وعاقد لسانهم ركبو فطموبيلة ديال عماد يونس سبقة لطبيب باش يستقبلوه وعماد من موراه مكيجريش على حساب الحاج مسافة طريق وصلو دخلو الحاج وتبعوه بعيشة حتى هي...)
يونس: (دخل حدا عيشة على ميخرج الحاج من غرفة العمليات شد فيديها حلات عينها وبدات دمع باس جبهتها) عيشة حبيبة كبقيتي
عائشة: فين بابا ايونس😭 واش ميت؟
يونس: هو راه لداخل كيتعالج وبيخيير (رجع باس يديها) باغا تخلعيني عليك احبيبة راه عندي غير نتي حاولي على صحتك
عائشة: (شافت فيه) مقدرتش نشوفو فداك الديكور شنو وقعلو وشكون دارلو هكاك عفااك متكدبش علية واش هو حي (كتشهق) غير قولي الصراحة
يونس: (حرك راسو بلا) ولكن بالصح راه فالعمليات
عائشة: (حات نايضة ومخلاهاش يونس بالسيف حكمها متنوضتش حتى دخلات عزيزة كتبكي هي ورقية بقات كتشوف فيهم) مالكم واش مااات!!
~~~~~~~~~~~
يوسف: (كيشوف فندى للي كتخير عند ذهايبي وكتفرنس ظحك باستهزاء عاد كانت غتموت بين يديه بتصحيح عاد كان هو غيشرملها وكان ماشي عماد للي عتقها ولكن موقفها ودفاعو عليه خلاه يفكر الف مرة هي عمرها تبعو لحقااش لاقية ضربتها معاه وهو مرتاح من الناحية الجنسية معاها عكس فرووس للي مكتقبلش بزاف دلحوايج وماشي مغرية بحال ندى للي غير بحلاوة لسانها كتخلي ريوكو سايلين من بعد متقدات مزيان وباش تعجبك مكتنساش مها وختها هز دفتر شيكات ديالو خلص ومن بعد دازو تعشاو شافها مسولات على والو وعاد كتزيد تعجبو شد فيديها) سمحيلي على قبيلة
ندى: (واخا لسانها كياكلها وخوفها منو كيزيد ولكن باغا ضمن مشروع باش تكركبو) لا عادي نتا راجلي ونتقبل منك كولشي غير سمحلي حيت خبيت عليك موضوع يونس
ابو لقيصر: اه داك الموضوع ماشي مشكل غير مرة اخرى متعاوديش كنتعصب مكنبقاش عارفة شنو كندير
ندى: واخا حبيبي غير متقلقش راسك.. (كملو مكلتهم وكتلاحضو غير ساهي ولكن اخر همها هو مشاكلو بقات كتلعب فتيليفونها وواخا مزوجة مدبرة على راسها فبلاصة اخرى)
يوسف: (ناض من حداها) سمحيلي ندوز ابيل (مشا كيصوني بريفي على دار عزيزة حتى واحد مكيجاوب ندم حيت تسرع وتمنى يكون مات حيت مبغا يخلي من موراه حتى شي دليل.. عاود صونا على نمرة عزيزة للي ضبر عليها من مها مشا جلس حدا ندى) حبيبة بغيت ندوز ابيل ولكن متسوليش شكون بغبتك تهضري وتقولها فين هو الحاج واخا
ندى: (بقات مبلقة عينها فيه)
يوسف: بففف ياله حبيبة وبلا اسئلة زعما راني عاد مهلي فيك (دوز النمرة بقا كيصوني ويصوني ويصوني حتى جاوبات)
علي: عمراان عمك زعما داك شماتة مداز حتى فشي مطار ولا مناء باقي هنا فالمغرب
عمران: زعما ميكونش مشا شي هجرة غير شرعية
علي: لا لا هو عارف راسو لبوليس مشاد عليه حتى ***
عمران: اممم (ناض بصعوبة كيتفكر نهار عرف ان عمو هو للي ورا لاعداء باه بلاصتو وقتلوهم جملة بلا ميحنو فيهم ولا فولادهم للي غيبقاو يتامى..)
منى: (شقلبات عينها) ونهاار هدا باش ديرولي شي سبووع مطرطق وتفرحو بلبنت مشاو لطبيب اوا عبد الله هاكا متسوا عندو اميمة وكان ولدت ولد وكان راه فرحان بيه
فاطمة: (كتشوف فيها بنص عين وكتبدل لبنت ليكوش وكمطاتها) هاكي رضعي بنتك
منى: (شداتها ومزال كتنكر) فوقاش غيجي واش مقالكش نتي امتى غيجي؟ انا جعت وبغيت ناكل زعما راه كرضع بنتو وهو مهامو والو ولا غي حيت بغيت نطلق بففف على مشاكيل
فاطمة: انا غنجيبلك تاكلي وبراكة من نكير شوية (واخا شرانية مع رقية ومها الا حزنانة على الحاج احمد للي عمرها سمعات منو كلمة العيب ولا طيح منها العين شي مرة)
~~~~~~~~~~
#بعد_أسبوع
يونس: (معنق عيشة فواحد القنت وكيتلمس حنوكها) الا عاودتي طيحتي دمعة وحدة من هاد لعوينات غنتقلق منك
عائشة: (هزات عينها لمدمعين فيه) خاايفة على ماما بزااف (بتنهييدة حطات راسها على حضنو) خايفة عليها ايونس
يونس: (طب طب فظهرها) مغيوقعلها والو احبيبة وشحال من واحد دار هاد العملية ياك نتي بغيتي باباك يفيق (حركت راسها ب "اه") اوا هدا هو الحل.. الحمد الله منين لقينا ماماك عطاتو كلوة ديالها صعيييب فهاد زمان شي واحد يسخى بكلوتو
عائشة: (بتنهيدة) حيت الله يستر الا وقعاتلو شي حاجة ماما تمشي فيها (شافت فرجال واقفين بعيد) زعما هادوك خوتو
يونس: (دور وجهها) منبغيش مشاكل اعيشة داكشي بيناتهم المهم منين كان بين الحياة والموت جاو عندو انا علاش مكانوش كيبانو داكشي كيبقى خاص بينو وبين خوتو فهمتي
يونس: الحاج بوحدو للي عارف شنو واقع حيت اخر مرة كان وصل ماماك لعند ختك من تماك مشافو حتى واحد فين مشا ولا معامن كان..
معرفتش اصلا شنو الغراض للي كان عندو فديك لبلاصة وبعيد على طريق يعني حتى لكريساج مكاينش وانا عارف الحاج معندوش عداوات
عائشة: (رجعات كتبكي) هئ هئ مسكيين بقا مليوح تماك شحال وكان ماشي نتا وكان صبح ميت
يونس: عييييشة السيمانة كاملة ونتي كتبكي صباح وليل ادم غادي غير يزيد يخااف
عائشة: (مسحات دموعها) ادم فكرتيني فيه فينو
يونس: راه لتحت كيتفرج سيري جلسي حداه وكولي انا جاي (حركت راسها باه ومشات مع لكولوار بقا واحد حاضيها من اللور وكيشوف شوفة منحرفة فيها مع ابتسامة للي خلا يونس وقف عليه) ايييه ياك لباااس
مجد: شنو!! (ضار كمل الشوفة فعيشة)
يونس: (زاد خنزر وشدو من حنكو ودورو لعندو) راه داوي معاك ابنادم (دغيا جاو خوت احمد وقفو حداه)
يونس: (طلق منو) مرة اخرى جمع دوك لعينين على عيالات رجال ولا غنتقبهم ليك (ضربو فكتفو وزاد عاد فهم مجد ان عيشة مرتو بقا متبع يونس ببغض)
اخ احمد: واش تبسلتيلو على مرتو
مجد: وباش غنعرفها مرتو مكتوبة على جبهتها وزايدون انا غير شفت بنادم معقد
اخ احمد: راه مرتو هي بنت عمك احمد
مجد: (باعجاب) هاااه هي خيرنا داه غيرنا مزيان خاصك تعرفني عليها زويينة تكون عندك عائلتك حتى تكبر عاد تبدا تعرف عليها..
اخ احمد: وحتى نشوفو عمك بعدا مسكين كبقى
مجد: اوا مزيان منين تفكرتي بعدا راه خوك الله يهديكم على بعضياتكم شحال الواليد كنقولك هضر معاه دير صلة الرحم ونتا راسك يابس هو بغا ديك لمرا وتزوجها وها هي اليوم بغات تخاطر بحياتها غير باش يعيش ونتوما صدقتو فلعيب
عائشة: (بقات مصدومة ومشوكية وغير مطرطقة فعينها كفاش كاع مفكرت هاكا وياما حذروها من اعراض الكينة الا فاتت كتر من 6 شهور غدير عقم وزبد ديال رجال مجهدة بزاف كفاش منين سمعات هاد الخبر مطاحتش عليهاالجريمة للي كانت كدير وهو كيفكر وخايف غير تخليه وعاد حاس بالذنب من جيهتها هاشي خلاها بلا متحس تفقد وعيها وراسها تلاح اللور وتبعها لكرسي مطيحها ولكن مز زهرها كان دايز من حداها واحد شد راسها قبل ميدغغ مع الارض)
مجد: (شدا راسها بيد وكيشوف فوجها حتى جا يونس دفعو وشد وهزها اكيد مع تخنزيرة من لفوق بقا متبعهم حتى مشاو) اممم عيشة.. عائشة بنت عمي احمد...
يونس: (معصب) شنو وقعلها شنووو؟
عماد: يونس تكالنا اصاحبي كولشي على اعصابو هاد نهار غتكون عياات راه مواكلة والو وعاطينها غير لبكوات
رقية: (كتشوف بحزن فيونس كفاش مخلوع على عيشة وككان معاها راجل وبسبابها حياتو تقلبات هي ختها وحبيبتها وتوأم روحها ولكن ممتافقاش معاهافشنو دارت.. عماد دوز عليها الحر والضرب والاهانة وعايرها بسرها وكانت كديرلو اعذار ونهار حملات غير باش تفقسو كانت كتستافزو ولكن عمرها طاحت على بالها تحرمو من ولادو.. تكات على الحيطكتشوف فيونس وكفاش جاب لفرملية باش تشوف عيشة بقا فيها بزاف لدرجة دمعو عينيها هو عمرو مغيعرف شنو دارت عيشة ولكن عيشة عارفة شنو دارتلو كفاش غيجيها نعاس وهي حرماتو من كلمة بابا وحرمات حتى راسها من كلمة ماما!! حرماتهم من الذرية غي باش دير عرس!! ااااه اختي شنو درتي فحياتك مكفاكش للي دزتي منو جا زعزعها عماد وتفافات)
عماد: مالكي من قبيلة وانا كنهضر معاك تقبتي السيد بشوفاتك
يونس: حسن ولد صغير معندو ميدير هنا (خرج كما حتى شبع بانلو باه وعمو وخوه داخلين لاح لكارو وناض سلم عليهم) دخلوهم بكري حيت شافو الحالة مستعجلة
اب يونس: (للي مكانش قل منهم فالقلق والارهاق والخوف على صديق عمرو) علاش اولدي معيطتيش علية (دخل مزروب تبعوه حتى تصادف بخوت الحاج بقا كيشوفو فيه جاو عندو)
اخ احمد: السلام سي محمد لباس عليك (هو للي قالهم على حالو خوهم باش يجيو)
اب يونس: الحمد الله ا حسن واش فطرتو الا بغيتو ترتاحو سيرو للدار
مجد: حتى يخرج عمي نعرفو كبقى بعدا وديك الساعة هوما يمشيو
يونس: (خنزر فيه وقلب وجهو مزال الديكور كيتعاود بين عينيه وهو كياكل عيشة بشوفاتو.. كيهضر مع خوه اشرف دازت ساعة ونص وهوما يخرجو الاطباء ضاحكين وباينة ان العملية دازت على خير كولشي تجمع وكيتسنى يدخلو يشوفو الاحباب كبقاو)
رقية: عفااك انا بنتهم بغيت نشوفهم😭
طبيب: دابا ياله البنج غيتحيد منهم وراهم عيانين الا بغيتو راحتهم شوفوهم غير من الزاجة وصباح يكون خفاف عليهم الحال اما الا دخلتو دابا مغيقدروش يهضرو وبكلتمكم غادي غير تزيدو عليهم (بقات رقية كتبكي عنقها عبد الله وعاد لحق عماد.. مهم رتاحو نسبيا انهم بيخير والعملية نجحات.. هي طارت عند ختها كتنوضها)
رقية: (كتزعزعها) عيشة عيييشة نوضي راه ماما فاقت
عائشة: (بحرا كتحل عينيها من الشوكة وفيها الدوخة شافت يونس دخل حتى هو وابتسامة على وجهو) بالصح فاقو!!
رقية: اه ولكن مغيخليوناش نشوفوهم واش زعما منقولوهاش لجدة؟
يونس: (بحزم) لا.. احم زعما حتى تولي لباس بلا متخلعيها دابا
ندى: (زادت وكتشوف من موراها هاد المختل ولاش باغي يعرف على هاد العائلة كولشي وزيد معصب كتر من لقياس وصلات حدا، لباب وهي كتقفقف كدير دخل لهنا وهي كتكره هاد العائلة وياما سباتهم ودابا باغا دخل بحال مواقع والو وهي كتفكر زعزعها صوت اب يونس)
اب يونس: ندى بنتي جيتي؟
ندى: (بابتسامة صفرا) اه ولكن سمعت شي حاجة وجيت نطل عليهم
اب يونس: مرحبا بنتي طلعي ما فيها باس الواحد يطل على لمريض (طلعات وهو من موراها دخلات كانت الدنيا عامرة خرجات فنور للي جات وسلمات عليها)
نور: ختي لباس عليك (واخا ممدوح منع عليها ندى الا هي قلبها بيض متقدرتش تكره حيت باقيين ذكريات زوينة جمعاتهم ومنساتش ان ندى كتبقى ختها لكبيرة من باها)
ندى: (بابتسامة صفرا) لباس ونتي مزيان؟ شنو واقع؟
نور: اوا ختي شنو نقولك مساكن الحاج تعرضلو شي واحد وضربو لكلوتو وبقا شحال عاد عتقوه اوا وخالتي عزيزة مسكينة عطاتو كلوة حيت كان غيموت هو مزال مقصح ولكن خالتي عزيزة راها شوية دخلي شوفيهم
ندى: (جابتلعا لخبار نيشان) لا لا منين راهم مزال عيانين حتى نولي نجي مع ماما
نور: وراه ماما لداخل فالصالون دخلي جلسي حداها
ندى: اممم واخا قوليلي بعدا واش لقاو للي ضربو
نور: لا مزال كيقلبو ممدوح قالي الحاج بوحدو للي غيكون عارف حيت حتى واحد مكان عارف معامن كان
ندى: (فمهااات شنو واقع وعرفات مول الدعوة شكوون.. تبسمات مع ختها) شكرا حبيبة انا نمشي من بعد ونجي (طارت من تماك خرجات تصادفات مع طموبيل ديال عماد حدرات راسها وزادت اما هو بقا غير كيخنزر فيها..)
عماد: (بقا متبعها وكيشوفها ككدير نهبي وجهها باش متشوفو ميشوفها لبلان ديال اخر مرة باقي فبالو وكلام ابو لقيصر منساهش خلاه بينو وبين راسو حيت مجاتش الفرصة للي يسول يونس على هادشي رجع الطموبيل ماشيريال ووقف قدامها حبس عليها طريق خرج عندها ووقف عليها) شنو كنتي كديري تماك
يونس: (بنظرة باردة) شكون حكر عليك ولا سوقلك ها طريق قدامك بففف ناقصاني غير نتي هاد صباح (جا ماشي وهو يرجع لقاها مزال واقفة كتشوف فيه) شنو كديري بعدا هنا ياك نتي مزوجة بداك شماتة لاش راجعة هنا عرفتي وبربي لقاك كدوري بيه هنا حتى نشتت لمك لعظام
ندى: (باستغراب) علاش حتى نتا كتعرفو اه نسيت عماد غيكون دار بية الطر اوا هو راجلي يذبحني يسلخني كيبقا راجلي
يونس: ههه اشمن بلان هدا قولي حتى عماد عرف شوهتك سمعي ابنت خالتي داك شماتة كوني هانية ذابحك ذابحك وبحال والو غيفصلك ويشتت مك على لمدن نتي الا بغيتي ديري عقلك هربي برقبتك محدها مزالة لاسقة فيك
ندى: (بخوف قربات عندو) شنو كتعرف عليه
يونس: (زاد قرب عندها وشاف فعينيها) غداار يقتلك وميحنش فيك (تبسم ودار يديه فجيابو ومشا وهو ينطق) هربي حسن ليك ( طلع للدار وهي مشات والخوف نتاشر فجسمها وزادت تاكدات من عند يونس ومن عند نور..
هو هو للي بغا يقتل الحاج عليها داك نهار فرح ودابا منين عرفو باقي حي تقلب وغير كاعي شنو غدير فحريرتها يبسات فبلاصتها منين فكراات) اوييلي باينة هدا كزار كيبيع فالاعضاء وعندو لفلووس كالرووز (غرغرو عينيها) شنو غندير فهاد المصيبة (شافت الناس كيشوفو فيها بقات كتزرب والخلعة شاداها من راس صبعها لكبير حتى وصلات للشارع معرفت فين تعطي بغات تشد تاكسي حتى كتلقى يوسف قدامها حلها لباب ركبات بلا متبين خوفها)
يوسف: نطقي شنو كاين
ندى: (بلعات ريقها) شي واحد ضرب الحاج بموس وحتى واحد معرف شكون كان غيموت وكان ماشي راجل بنتو للي عتقو وكيتسناو الحاج يتكلم باش يعرفو شكون هدا ووو مرتو هي للي تبرعاتلو بكلوة باش يبقى حي (قبل متكمل لقاتو لايح ليها بريكة دلفلوس غير الزرقا على ختها)
يوسف: (تبسم وضار عندها) باش غرفتي هادشي انويويرة
ندى: تسلت وعرفت لخبار الدار عامرة وللي فهمت بنادم داخل خارج عليهم حيت الحاج عندو ناس كيبغيوه
يوسف: (تبسم باستهزاء وقال فنفسو) مزااال غنخلي ديك الدار كولشي يتفرج فيها... (ضار عندها) شحال خاصك من ديك لبريكة باش ديري مشروعك
ندى: مممعرفتش
يوسف: دابا غنمشيو نختارو المحال
ندى: (شنو زعما غير هاد المعلومات بغا يفتحلي مشروع كااع ندى هادشي لعب لكباار ولكن لوراق كيبقاو عندي بففف كولشي دااخ علية...)
يونس: (دخل لقا الدنيا عامرة وكيزيد يتكره منين كيلقا فكمارتو داك مجد قدامو وجالس على راحتو وعيشة جالسة كتسخر قدامهم وعاد تزيد تبسم معاهم حيت صدق ولد عمها متسرطاتلوش وفنفس الوقت مبغاش يبين غيرتو قدامها وقدام كولشي حد كيخنزر ولا يغوت على عيشة باش دخل لكوزينة ولا تمشي غير حدا لعيالات.. دخل حتى هو جلس حدا عماد وهضر بشوية) اشمن بلان بينك وبين ندى
عماد: بلاتي ونقولك
يونس: داابا انمي بغيت نعرف (وقفو خرجو بانتلو عيشة جاية بصينيتها غير شافت يونس قلبات الدورة باش تهنى من نكيرو.. طلعو لسطح وبقا كيعاودلو على منين شافهم بالطموبيل وتبعهم لوطيل وكلقى حالة ندى ولكن صدمو منين قالو ان هو باين لبنات لحقيقي يونس مبانت فيه حتى ردة فعل)
عماد: انا مبقا فية الحال غير منك علاش متقوليش من امتى بيناتنا عاد الاسرار ومتنساش رقية مرتي وحتى انا من حقي نعرف عليها كولشي
يونس: (لاح لكارو) ها هي فبالك اولد عمي وبينلي كفاش غتزيد تحميها من داك شماتة للي غير كيحوم عليهم وباغيهم يتعرفو عليه عماد: عليها ديك ل*** كتجي تديلو خبيرات
يونس: ههه تدي *** حتى هو الا بغات.. هااااه بحال والو هو للي ضرب الحااج
عماد: لا لا قلتلك كانو فكازا فلوطيل
يونس: امم ياله نهبطو راه واحد *** غيخليني نخلي دار بوه
عماد: بديتي دوا
يونس: "عماااد كنجي هنا باش نسااا اصاحبي" انا غنهبط نشوف شوية الحااج عالله غير يهضر (هبط من اسئلة عماد للي مغتسالاش وخلاه يفهم لخبار على خاطرو دخل لبيت الحاج للي مكيدخل ليها حتى واحد السيروم مزال دايزلو وباقي ناعس.. رجع سد لباب وخرج مشا سول لفرملي للي جابو على حالتو.. مكانش بغا يخليه تماك باش متكون حتى خطورة عليه حسن فدارو حيت حالتو مبقاتش حرجة) رقية عيطيلي على عويشة
عائشة: (مزال مقادرة دير عينيها فيونس ولكن مقتانعة انه غيداوا للي خلاها مرتاحة نسبيا خرجات عندو) يونس!! نحطلك تغدا
يونس: اممم واخا
عائشة: هاك الساروت دخل لبيتي حيت مفيه حتى واحد (دار شنو قالتلو هي مشات سخناتلو لغدا ودخلاتلو لبيت كان متكي فنموسيتها وشاد البوم تصاورها كيشوفهم ويتبسم دخلات وسدات لباب من موراها) اجي تاكل محدو سخون
يونس: (دورلها تصويرة) هادي هي التصويرة للي كنتي جبتيهالي باش نقادلك كارت ناسيونال
عائشة: (حطاتلو لغدا فوق المكتب ديالها ومشا جلسات حداه) من داك نهار ونتا فبالي وحلفت حتى طيحتك على زنافرك
عائشة: (حنات عينيها ماشي حشمات لا غير كتشوف فعينيه كتفكر الالم للي كان بسبابها.. هزلها راسها وطبع قبلة فشنايفها خلاتو على خاطرو كيتسارا كبغا غير تكاها بالقوة) يونس يووونس الناس هنا والداخل والخارج
يونس: (ناض من فوقها دور الساروت فلباب ورجع عندها) هانا احبيبة دابا معندك متعتارضي
عائشة: (بحرج) انا مم مممقداش حالتي كنت ملهي (نزل كيبوس ويجر فيها حيت اخر همو هو تكون مقادة ولا لا كيعشق جسمها بكل تفصيل فيه بلهلا يطريه ليها خلاها تنساجم معاه وناسيين العالم للي برا غير حس بيها غتأوه سد ليها فمها بيد... غير كملو ناض ومشا كياكل وكيظحك عليها وهي كتقلب على حوايجها للي كان غير كيلوح فيهم عكسو هو للي حدو يحايد تشيرت ويفتح سنسلة..)
عائشة: الله يمسخك كغندير انا دابا عنداك دخل دوش هنا سير لداركم ودوش (طبق هضرتها غير كما الافتراس ديالو دخل لخمام للي فبيتها ودوش وزاد عصبها منين خارج من لبيت ولاوي فوطة على عنقو وكيمسح شعرو صافي مقدراتش تخرج من تماك...)
سيدتي الجزء 25
محتوى القصة
التنقل بين الأجزاء