سيدتي الجزء 38

من تأليف Hajar Ribika
2020

محتوى القصة

رواية سيدتي

عائشة: (فاقت على صوت فلحمام حلات عينيها بالزز حتى شافتو خارج لاوي فوطة عليه بصوت مبحوح) صباااح لخيير
يونس: (حنا عندها باسها فحنكها حتى طاحو شي قطيرات فوجهها) صباح النور.. نوضي قادي لفطور (عطاها بظهر وهي ملامحها بحال ممتيقاش شنو طلب منها قليل فين كتصيبلو لفطور غير الا دخل معطل ناضت كتشنتر محملاش علاش فاقت بكري عمرو طلبلها هاكا لبسات بينوار دخلات للحمام قضات غراضها غسلت وجهها وسنانها خرجات لقاتو لابس حوايجو مشافتش فيه خرجت نيشان للكوزينة صوبات القهوة ديالو عاد جبدت لمسمن كتسخنو هو وكرواسة والخبز عاد بدات كتحط زيت زيتون فرماج زبدة عسل حطات كولشي فوق الطبلة وعينيها منفوخين بنعاس دخل كيلبس فساعتو طلعاتو وهبطاتو) شنو هاد تفركييسة نتا
يونس: (جلس فوق كرسييه) اممم كنت بغيت حرشة
عائشة: (مغددة) مكافيش الوقت ايوونس علمني لبارح
يونس: واخا حبيبة غير هو ديما نبغي فطور هاكا
عائشة: (دارت يدها على جنبها) مموالفاالكش ايونس
يونس: نولفوها العمر ماشي حشومة راجلك يشري فطور من الزنقة ومرتو كتخرج غير لعسل من يديداتها
عائشة: (قوست عينيها فيه) ياك مكتبغينيش نتعذب؟!!
يونس: (هز حاجبو) وعلاش فطور راجلك عذااب؟!!
عائشة: احم لاااا (ملقات متقول ولكن هو ولفها لفشوش وجاها انه بدا ينتاقم منها غير بالفن جات خاجة حتى سمعت)
يونس: (بحدة) جلسي معايا وانا كنفطر 
عائشة: (بتذمر) يوووووونس فية نعاااااااس
يونس: (دار عندها) تي ريحي (جات جلسات قدامو) دهني شوية زبدة فخبز (شافها صااطت) وقطري شوية دلعسييلة فيها (غمزها وهو كيتبسم)
عائشة: (كتكمكم فنفسها حتى شافتو صاط فداكشي وناض كتسناه كما العادة يقولها الا كنتي عيانة انا نجيب لغدا حتى) شوية ولعساس يجيبلك شوية ديال لكرعين احبيبة بغيت داكشي معسل (حنا باسها فشنايفها حتى بغا يجبدهم وتم خارج كيصفر مخليها مفهمهااش هاد لوحم للي جاه على صباح جمعات ديك روينة وباله غدخل لبيت تنعس سمعت التلاتي طالق السنفونية ديال لغواات) اوووووووووووف (مشات عندهم مغددة وهي كتمووت على نعاس غير وصلت حداهم شافتهم سكتو وكل واحد كيشير ليها باش تهزو تبسمت بلا خاطرها حتى قلباتها كظحك وتنشط معاهم عطاتهم سكااتة ومشات بالزربة وجدات لبيبرونات ديال صباح جابتهم ليهم كل واحد مداتلو ديالو ومشات لبيت توجد ليهم الدوش ولحويجات للي يلبسو سدات كاع سراجم حيت لحال بدا كيبرد مشات رفداتهم بتلاتة ودخلاتهم لادوش تغني وتشطحلهم حتى نساات فقسة لفياق بكري خرجاتهم لبسااتهم حويجاتهم وداتهم للصالة حطات اللعاب ديالهم سمعات دقاان حلات دخلات تقدية دخلاتها للكوزينة ومشات لبيت نعاس جمعاتو ودازت للدار جمعات بالخف ومشات ردات لغدا عاد جلسات حدا وليداتها حضياهم ورضعاتهم واحد بواحد حطاتهم دخلات قدات شلايض وطفات على لكوكوط عاد جففات الدار بسانيكروا بقات غير كتلهت كملت شغلها ودخلات بدلات بيجامتها من ريحت طياب وقدات راسها عاد خرجات توكل وليداتها غداهم للي عبارة على صوبا ودخلاتهم لبيتهم وكتنعسهم حتى دخل يونس باسها فكتفها)
يونس: (بصوت خافت) نعسو 
عائشة: (حركت راسها باه.. خرجو للصالة) فيك الجوع
يونس: اه احبيبة غير نبدل حوايجي وانا معاك (دخل لبيت نعاس وهي تبانلو فيها ولكن نفض الفكرة دغيا بدل عليه وخرج لقا الطبلة مشكلة) الله على روييحة احح وشحال توحشت لكرعيين
عائشة: بصحتك (كلاو فجو سااكت ولتاني مرة مشكرش طيابها كما مواالف حتى خلاها كتنوى هو غير كمل قال بالصحة ودخل لبيت نعاس استغربت جمعت داكشي غسلات لماعن ودخلات طل عليه فين غبر حتى لقاتو نعس) لا هدااااا بيبه شي لعبة يااا ربي شنو الزبلة للي درت يخخ كنبقى نزبلها حتى مكنبقاش عاقلة (بقات حدا التلفازة كتفكر فشنو داارت...)

مجد: (خرج على صباح دخل لدار عمو كان غير عمو ومرت عمو كيفطرو بوحدهم) السلام عليكم
حسن: وعليكم السلام اولدي جلس تفطر معانا
مجد: (دوز يدو على كرشو) لا عمي عاد فطرت بصحتكم.. نبيل مزال مخرج؟
نبيل: (دخل عندهم للصالة معبس) اجي امجد (خرج من تماك ومشاو للصالة) علاش كتقلب امجد باغي تخرب دار ختك
مجد: هاد الهضرة موكلاش معايا راه عندك جوج خواتات فسن زوااج حط راسك بلاصتي اولد عمي ختي الا لقيتها مغدورة وهادشي غيآذيها غنخبيها من مور ظهري وانا للي غنحميها واخا منك نتا نيييت
نبيل: تحميها مني انا!!!! صاافي دغيا تقتيهم
مجد: بلا لف بلا دوران انا من اللول كنت عارفك عينك على عيشة والغلط ديالي للي مكنتش قلتلك مزوجة
نبيل: دابا مفاهمنين
مجد: ولكن من بعد عرفتي وواخا مزوج بختي المشاكل واصلينك السيد ماشي حمق باش كل ساعة جاي يضرب ويعرعر غير هكااك مكاينش دخاان بلا نار اولد عمي
نبيل: شووف عيشة نسييتها قبل حتى منخطب ختك
مجد: اوا وعلاش راجلها لبارح بصارح العبارة قال انا تايق فمرتي اما نمحييك
نبيل: معرفت شكون صور ديك التصويرة وصيفطهاالو وكاتب سميتي على اساس انا للي مصييفطها هادا باغي يخرب داري وداارو
مجد: (حرك راسو بلا) ويمكن نتا للي صيفطتيها باش تموض صداع بيناتهم ياك كظل تحلف فيه
نبيل: ياااك امجد
مجد: ختي ترجع لدارهم حتى تحل مشاكيلك 
نبيل: واش مرييض احلام هي للي عمرها ترجع لعندكم راخا مرتي ابنااادم
مجد: فين كانت هاد لمرا فاش كنتي محمق السيد.وكتحفرلو مغنساش شنو درتي فعرسو وسبوع ولادو ونهار جا عندك لهنا هادشي كامل حيت معندو شغل بقا قياال حاضيك غير نتا؟!!
نبيل: (صوتهم بدا يعلا بلا ميحسو) سنع ديري للي بغيتي احلام مغترجعش
مجد: نخليوها هي تختاار منين تعرفك حاط لعين على بنت عمك عيشة للي ياله عرفتيها 
نبيل: (مخرج عينو) محاااااطش ابناادم واش باغي تحمقني
مجد: والتصويرة ديال لبارح؟؟
نبيل: مجد!! ختك حااملة واش باغي تمرضها بخزعبلات مكينينش
مجد: (بنظرات باردة) راحتها اهم عندي ونتا عاارف ولكن منبغيش شي حد يلعب من مور ظهرها وهي نية
نبيل: ملعبتش
مجد: نتا للي درتي هاد روييينة فكها بيدك (خرج من لباب لقا مرت عمو وبناتها تمااك واحلام نازلة منين سمعات صدااع تبسم معاها) زويينة عاد فايقة
احلام: (مخلوعة) شنو وااقع؟؟
مجد: مواقع والو بشوية علييك
نبيل: (خرج نبيل مشنج شاف فيها وشاف فمجد) 
احلام: واش باقيين كتناقشو على الخدمة دلبارح
نبيل: (قبل ميهضر مجد) احلام سيري لبسي حوايجك باش نخرجو عند طبيبة
مجد: (شاف فنبيل وشاف فاحلام) بلاتي اجي للدار بغييتك
نبيل: احم واخا غنجييو بلاتي انا وياها (مشا مجد وففمو لا حولة ولا قوة الا بالله العظيم دخل لدارو ملقاش رازان عرفها مواال كاعية عليه كن لبارح مبغاش يطلع عندها دابا وهو معصب هز سوارتو وخرج نيشان للخدمة وتماك غيكمل كلامو مع نبيل...)

رقية: (تبسمت باستهزاء وهي كتشوف بتعالي وهازة حاجبها) اممم ولدي حبيبي عمرني قلت غيجي نهار نفرق شي ولد على مو ولكن نتي شيطان بسيفت انسان تفوووو على جنس كدااير دابا انا هي الشريرة ونتي المراة الطيبة لحنينة للي مرت الولد مدوزاها عليها (رجعت شافت فتيليفون عماد للي بقا عندها كمشاتو فيدها بحال كتقرر شنو غدير حتى سمعاتو كيعيط ليها طلعات عندو لقاتو كيلبس سروالو ومعذب فيه) عماد خارج؟؟!!
عماد: اه احبيبة قنطت بزااف هنا سيمانة وانا بين 4 دلحيوط حتى وليت حاس براسي بحال شي شاارف عااجز بلا متقلقي ارقووش دياالي ونيت نمشي لاصيرونص نشوف شنو غيديرو معايا على حساب الطموبيل
رقية: اممم اوكي غيجي عندك شي واحد فدراري؟
عماد: غيجي ممدوح خو للي عندو شي معارف تماك 
رقية: اه اوكي (مشات عوناتو يلبس تقاشرو) واش متأكد تلبس صبرديلة راه غيضرك رجلك
عماد: لا مزيان اصلا مبقاش بزاف باش تبرا
رقية: على خاطرك (لبساتو سبرديلة وقف قداتلو الشوميز دارتلو بارفان وحتى من جيل قداتولو فشعرو كما العادة مهلية فيه وكتبغي ديما منظرو يكون طووب..) احم تبغي تيليفونك
عماد: الا بغيتي ههه باش نعيط على لحبيبة ديالي
رقية: (تبسمت) وااخا اسيدي انا نمشي نجيبو ليك خليتو لتحت نعاونك تخبط؟
عماد: لا حبيبة انا مزيان (خرجت مسحت لميساج واخا عارفة غتولي تصيفط.. شافتو هبط مداتو ليه اول حاجة صونا على ممدوح قالو شي نص ساعة عاد يجي) مزال معطل شوية
رقية: انا غنمشي انا وندى لدارنا نسيقوها باش فالليل نباتو فيها
عماد: احسن مدرتي احبيبة ونيت منتقلوش على عمي ولالة زهرة
رقية: (بتردد) واش صافي غنعيشو هانيين حيت ديك الدار ..
عماد: (شد فيديها وجلسو فوق السداري) حبيبتي كنواعدك وكنقسم ليك بالله عمر شي حاجة مزاالة تاذيك وخصوصا من الوالدة ديالي 
رقية: هي ظلماتني بزااف ووصلاتهالي لحد نبقيتش قادرة نسمع صوتها حتى من لبعد
عماد: (بتأسف) مسحيها فوجهي احيااتي
رقية: (تبسمت كتلعب فلخاتم للي فصبعو) انا بغيت غير الاستقرار فحياتنا 
عماد: هو للي غيكوون ارووكا ديالي
رقية: شكون نور اعماد؟؟؟
عماد: (من لداخل لسانو تربط وسكت مدة باش يستف الافكار ويفسر ولكن هي هزت حاجبها باستفسار فين جا ينطق دخل ممدوح) ه..
ممدوح: ياكما تعطلت
رقية: (نسات الموضوع) لا دخل اخويا فين نوور
ممدوح: نور للي عطلاتني مشيت جبتلهم شي سلعة للمحال وبقيت كنتحاسب حتى ريكلت ليهم المسائيل.. عمااد ياله الخااوة راه تعطلنا
عماد: نتا للي تعطلت مهم حبيبة حتى رجع من بعد ونكملو (حركت راسها باه وودعاتو بابتسامتها وغمازتها للي كتعجبو.. خرج وهو معصب من مو وباغي يوصل لعندخا يفهم هاد الخطة البليدة للي دارتلو...)

يونس: (خرج وخلا عيشة ناعسة ومشا يتلاقى بالشاف ديالو فقهوة من السلام والهضرة الرسمية العادية دخل يونس فالموضوع من بعد مطلبو شنو يشربو) هي فين كاينة داابا
الشاف: وهو الصرااحة مغنعطيكش العنوان ديالها بالظبط ولكن راها فكاازا هي وخالتها
يونس: مكاينة حتى شي تهمة للي دخل ليها لحبس مثلا الدعارة
الشاف: مكاين واالو واللي غنقولك المراقبة ليها غتحبس
يونس: علاش؟
الشاف: قانونيا فاتت المدة للي شاكين فيها وحتى انا عارف مستحيل تولي طووف بساحتك
يونس: (لعب بلسانو فوسط فمو) خليعا طووف ديك الساعة متلومونيش
الشاف: راك رجل قانون ماشي راحنا فالغابة
يونس: شنو تاذي ولادي ولا مرتي وانا نبقى نتفرج
الشاف: نتا غير علمني وانا غنعرف كفاش نغرقها ليها
يونس: اممم
الشاف: (بغا يلطف الجو) الطلب علييك اخاااي يونس
يونس: هه متمااااش 
الشاف: هه نطلبو عشا ولا عندك شي التزامات!!!
يوتس: وعلاش هاد الفرصة غتعوض اجي معايا انا عارضك (مشاو للشواية وبقاو مجمعين كيتفكرو ايام التدريب وكل واحد.كيعاود زبايلو ومغامراتو تعشاو سهرو وكل واحد قصد ديوانو مع الدخلة لقا عيشة واقفة فلباب مخنزرة ومربعة يديها)
عائشة: فين بالسلامة؟
يونس: (تبسم) داخل للدار احبيبة متوحشتينيش؟؟
عائشة: (قوست عينها) واش نتا مريض (هز حاجبو فيها وشاف فيها بحدة حتى خلعها) راه شحال صونييت لييك
يونس: (حط صباطو ولبس صندالتو) مكنتس مساالي (داز من حداها ودخل نيشان عند لوليدات لقاهم ناعسين والقران مطلوق كما ديما خرج وهي تبعاه حتى دخل لبيت نعاس) وجديلي الدوش احبيبة
عائشة: (خرجت عينها) دووش لاش؟؟
يونس: نعس بالعرق ديالي؟؟
عائشة: اممم (دخلت وجداتلو الدوش وكتحاول تفهم مالو خرجت لقاتو حيد حوايجو بقا غير بالشورط) حلف منعستي مع شي وحدة؟.
يونس: (شاف فيها شوفة ديال لاحولة ودخل للدوش بقات عاسة وكتغدد شنايفها حتى خرج لبس حوايجو وهي كتشوفو لبس عبايتو صلا للي كان خاصو ومشا نيشان للنموسية) كاس دلما الله يحفظك
عائشة: مغتعشاش؟؟
يونس: لا معشي كولي غير نتي احبيبة
عائشة: (خرجت عينيها مصدومة فيه حسات بواحد الاحساس خاايب شافت فيه شوفة خلاتو متبعها حتى خرجت فلبلاصة مصبرش تبعها لقاها جلست فكرسي) من امتى كتعشى برا
يونس: (قرد على ركابيه وشد فيديها) كنت مع شي ناس طلبو عشا ميمكنش نخليهم وانا مصلاحتي فيهم واش فهمتي احبيبة؟؟
عائشة؛ (حركت راسها بلا) كنتي مع شي وحدة قلبي متأكد ولمراة منين كتعرض للخيانة كتحس وانا هكا حسيبت ننتا خنتيني
يونس: شربتي دوااك؟؟
عائشة: (بعنين دامعين) منيش حمقة
يونس: ماشي حمقة غير فاقدة الذاكرة ولا نفكرك حيت بالصح وكان كنتي عاقلة غتعرفي انا لييك غير نتي.. اجي ابنتي تشربي دوااك وغير توصلي لهاد الحالة شربي دواك ونعسي (شدها من يديها ودخلها لبيت تكاها فبلاصتها) اجي تنعسي باش صباح تقدي تفيقي تقاديلي فطور (باسها فحنكها وعطاها بظهر خلاها مفهمااش شنو وااقع وشنو كااين...)

عماد: (غير فاق صباح خرجو هو ورقية من بعد مداو دراري لعند عزيزة مشاو لطبيب يدير كنترول على رجلو حيد لبوند وبقا كيعرج عليها غير شوية وقفو كيتسناو تاكسي) حبيبة سيري نتي عند داركم
رقية: غتمشي تشوف مك؟؟
هماد: (بتردد) حيت هي خاص 
رقية: متفهمش غلاط مقلتش متمشيش غير هو رد لبال لراسك وصافي غير هو واش غتجلس بزاف نمشي ولا نبقى نتسنااك
عماد: لا مغنطولش احبيبة غير نشوف واش خصها شي حاجة راك شفتي الواليد شنو قال لبارح
رقية: لا غير سير احبيبة مشكلتها معايا انا نتا بعييد
عماد: (معصب) نتي بعيدة عليها ارقية حتى حاجة مكتبرر هاد تخربيق للي كدير (صفر لتاكسي ووقف) غنصوني عليك منين نوصل (ركبات وهو تسنى تاكسي غير وقف عطاه العنوان.. وصل صونا على رقية علمها وطلع للعمارة وصل صونا فلباب وهو يسمع)
نور: عاود نسيتي السارووت اخالتو (فتحاتلو وتصدمو بجوج كان شعرها مطلوق طويل مسبسب فلحمر جاي مع بشرتها لبيضة اول مرة يشوف شعرها مكملش الشوفة وقلب وجهو وهي دخلات كتجري دارت فولار على شعرها وكتافها وخرجات كتجري لقاتو فلكولوار غيهبط فدروج) عمااااد
عماد: (ضار عندها) وي
نور: احم اجي خالتو فاطمة قربات تجي نزلات غير لتحت
عماد: (دار بغا يكمل طريقو حتى لقا مو طالعة فدروج وهازة ساشية فيديها) الوالدة
فاطمة: (غير شافتو فرحات قربات عندو حطات الساشية وعنقاتو بالجهد) ولدي حبييبي كنت عارفك مغتنسااش مك
عماد: علاش انا قلت غنسااك 
فاطمة: (بقات كتبكي حتى جات نور حداهم كتبكي لمنظر فاطمة) هئ هئ كنت غنتشوى علييك اولييدي نموووت ومنشوفكش بعيد علية
عماد: (طالع ليه الدم) صافي الوالدة نعلي الشيطان اش جاب الموت لهاد لكلام اجي دخلي للدار (بقا جارها وهي معنقااه بيديها ونور من موراهم كتشوف فعماد وتبسم من تعاملو معااه وفرحانة كفااش غض البصر منين كان شعرها معري وكفاش مبغاش يدخل منين عرفها بوحدها هنا تأكدت ان عماد تبدل ومبقاش طايش وسلكوط رجع محتارم كما كانت باغااه واخا كل واحد شد طريقو وسنين وهوما مفارقين الا فهاد المدة لقليلة عجبعا وتصرفاتو زادت فاعجابها وها هو فالتالي جا عند موو تبعاتهم سدات باب الدار وشافتهم جالسين فتلصالة هزات الساشية)
نور: احم (بصوت رقيق انثوي) عماد شنو تشرب
عماد: (حرك راسو بلا ومكيشوفش فيها) والو شكرا
نور: انا اصلا قربت نحط لغدا (تبسمت) دايرة الاكلة الي كتبغي طاجين بلبرقوق واللوز
عماد: (بلا خاطر) مبقيتش كناكلو (دار عند مو وجبد مبلغ مالي من عند باه ومن عندو وداروه فجوا عطاهلها) خاصك شي حاجة الوالدة
فاطمة: بغيتك نتا اولدي كنت متأكدة غتجي
عماد: وعلاش حتى منجيش
فاطمة: معرفت قلت مرتك غتمنعك 
عماد: رقية بنت الناس عمرها بعداتني عليك.. مهم انا غنمشي
فاطمة: (شدات فيدو كتبكي) بقا معايا اولدي خليني غير نشبع منك والا بغات تجي لمووت غير تجي
عماد: علاش كتهضري هاكا
فاطمة: وخليك معايا توحشتك هانتا شفتي مرتك منعاتني ندخل (حطت يدها على لفاصمة للي فوجهها) وها الدليل نسيبتك منعاتني وضرباتنا انا ونور باش مندخلوش لدار عمك خفت نبان فالزنقة ويديرولي شي حاجة حدي الا نزلت غير لتحت ولا كنخرج مع بنتي نور 
عماد: (هز حاجبو) كفاش الدليل رقية هي للي ضربااتك؟؟
فاطمة: اه اولدي هزات علية لموس فاش كنا فالدار (جابت مصحف حداها وحطات يدها على المصحف) الله يزيني لحياتي اوليدي الا هادشبدي للي كاين مرتك هزات علية جنوية فداارك وكملاتنها طرداتني معرفت فين نعطي بالراس
عماد: (بجدية) هي للي ضرباتك بمووس فوجهك؟؟
فاطمة: (بتردد) اه ضرباتي هنا هئ هئ وطرداتني وخرجت نقلب فين نمشي وتعرضولي شماكرية ضربوني وسرقولي تيليفوني وذهبي وزادو ضربوني لوجهي قالولي هادي من عند لالاااك زعما رقية مرتك
عماد: (هز حاجبو) رقية ضرباتك وطرداتك وصيفطاتلك شماكرية كريساوك وخصرووك؟؟
فاطمة: (حسات بيه ممتيقش) ايييه اولدي ولكن معليش متيقنيش حتى نتا ونهرني كما نهروني باك وعمامك
عماد: الوالدة راه كتقولي شي حاجة خطيرة واش رقية غدير هادشي (حط يدو على لفاصمة بغا يحايدها وهي تمنعو) خاص نشووفها نعرف شحال من غرزة دارولك راني طبيب وخدمتي هادي
فاطمة: (بلعت ريقها) لا منقدرش شي واحد يشوفني هااكا
عماد: انا ولدك (حركت راسها بلا ودموعها شلال بقا غير كيشوف فيها متيقش كلمة وحدة منها ولكن حلوفها فالقران خلاه يشك) مستحييل رقية ضربك بموت عارفها مفروحة ولكن ماشي ضربك 
فاطمة: معلييش اولدي (بتنهيدة) ماشي لخااطرك اوليدي عذراااك (دخلات نور هازة طبسيل ديال الحلوى واتاي وحطاتو) الله يرضي عليك ابنتي
عماد: انا غنمشي داابا
فاطمة: بقا معايا اولدي (ناض وقف وتم خارج ضار عندها)
عماد: يوماين ورجع عندك وغنفهم منك داك لكلام (واخا بقات كتعيطلو خرج كان بغا يفهم بزاف ولكن وجود نور فالدار ديرونجاه ومتوقعووش صونا على رقية كانو كيتسناوه للغدا مشا تغدا معاهم ومن تماك لدارهم....)

دازت يوماين... عيشة كل صباح كتنوض تقاد فطور يا كضربها لفيقة بوحدها يا هو للي كيفيقها كلامو زويين معاها ولكن فنفس الوقت مكيزكل حتى شي حاجة مكلتو خاصها تكون مقادة حوايجو نقيين والدار تكون كتشعل مكيقربلهاش غير الا باسها او عنقها اليوم ناضت مشبعاناش نعااس مع وليداتها للي سنان مشغبينهم لقاتو مزال عاطي بظهر دارت وجه حزيين على ملامحها حااسة انه تبدل واخا مكيبن واالو ولكن احساس خاايب تنهداات بعمق وبقات كتجر رجليها دخلات للحمام للي كدوشلو غي باش تحايد لعرق ياما كانت كتشكى منو ميعاودش يقربلها حيت تدواش خرج على شعرها للي خاصو ساعة باش بتقااد وظفارها للي دغيا كطير منهم صباغة هاد الجانب قتلها يوونس للي فينما كان كيشدها كيتكيها هاد السيمانة مدارش حتى محااولة بسييييطة متنكرش انها ت حشاتو ولكن متقدرش تصاارحو ولا هي تقربلو ولفها هو ديما المبادرة من عندو شافت وجهها فلمرايا غسلاتو غسلات سنانها جمعات شعرها كوب شوفال وخرجات لقاتو نعس على كرشو وطاالق ذرعانو فوق النموسية مشات ظلمات عليه وخرجات كتسائل علاش مزال مناض لداابا ومفكراتش انه هو للي كمل السهرة مع ولادو باش هي تنعس وترتاح مشات عند وليداتها لقاتهم ناعسين 
عائشة: كولشي نااعس الا انا يييخ بالي غرجع لخدمتي هادشي بزااف عليه بففف (شافت وليداتخا ببراءة) لا ميمكنش على الاقل يديرو غير عام ومنبقاش رضعهم الله يسمح لينا من الوالدين (بحال ضربها الضو وتبسمت باستهزاء) اشمن والديين واحد معرفنااش حتى واش عايشين وماما الله يسمحلنا لاحتنا فالخييرية اااح وشحال قااسحة باينة تكرفسو علينا ولاد لحراام (جلست فوق الكرسي كتفكر من نهار عقلات كانت كبيبرة شوية هي وختها تفكرت لعصا للي كانو كيتشحطو بيها الا دارو شي حاجة بسيطة بالنسبة لعمرهم لماكلة للي كانو كيتحرمو منها تفكرت انه طفولتهم صعيبة هي للي جبدات انواع التحرميات وركبو فيهم نهار مبقاوش كيخاافو من لهصى ولحمهم مااات مخلاو مداارو مخلاو مسرقو ونصبو كان السلاح للي درع عيشة هو حبها ليوونس ماشي حيت مها ولات كتوفر ليها كولشي اما رقية غير شافت عيشة تابت حتى هي بدات ترزن اما وكان معرفت فين كانو غيوصلو) دابا هاد بانا لي يعطيييه لووبة ميكونش عارفنا بناتو منين ماما تصالحاات مع دارهم وعرفو عندها جوج بنات كبااار ميقولش هادوك بناتي كانت قالت ماما للي تكرفس عليها من عائلتها يعني الا بحث شوية وحسب عمرنا مع لفضيحة للي دار لماما غيعرف حنا بنااتو ويمكن يكون عرف ومبغااش يعتارف بينا حنا كبناتو يعطييييه مصيببة شافنا حنا غير غلسقو فيييه الله يخليلي بابا عاطينا وموفي ومشيط خييرو وحنانووو (بتنهيييييدة) بااز لهادو للي مكيفكروش فولادهم بعدا يجي غير يطلب سمااحة ولا زعما ميكونش عرفنا حنا كاع كاينين ونسا ماما لا لا هو من العائلة وغيكوون عرف هداك نهار فعرسي راه كانو زعما يكون جا؟؟ ماما هي لي غتجاوب على هادشي كانل غير هو كفاش نسولها حشوومة مجااتش غتحرج منا وهي مسكيينة باغا تنسا داك الوقت.. يااااه حتى انا فاش كنفكر نووض نقااد فطوور قبل ميفييق موبيك دياالي ويبدا يهلل علية (مشات لكوزينة قدات حريشات صفار قدات قهوة ونصبات لغدا مشات لبيت نعاس لقاتو فالدوش جمعات لفرااش وطلعاتو لسطح حيت شميشة خارجة هاد نهار هبطات لقاتو فلموزينة كيحط لفطور) شنو جرا للي سي يونس رجع يحط لفطور
يونس: (جلس وشاف فيها) علاش مموالفش كنعاونك الخايبة
عائشة: هاد الاياام راك نتا للي خايب معايا (باستو فحنكو وجلسات حداه)
يونس: (شرب القهوة وصغر غينو فيها) علاش شنو درتلك
عائشة: (عوجت فمها) قول شنو مكنديرش
يونس: (بغبااء) شنو مكنديرش احبيبة؟؟
عائشة: والو فطر فطر مالك هاد نهار فايق معطل
يونس: والو غير مفياش للي يفيق
عائشة: وحتى انا مفياش للي يفيق وكتفيقنس
يونس:: واحسن خاجة كديري احبيبة شكون بحال نفيق لقا مرتي حبيبتي موجدالي فطوري
عائشة: راه ماشي غير لكرش للي خاصها تاكل كاين حتى حوايج اخرين
يونس: (شداتو الضحكة) مثلا!!!
عائشة: (بزفرة) صافي مقلتش واش عماد شرا طموبيل
يونس: لا لاصيرونص عطاتو وحدة ولكن غيخلص شي حاجة فيها
عائشة: اممم خاص نقاد طنوبيلتي حتى انا 
يونس: انا غنتكلف بيها (وقف) غنمشي نشوف دراري
عائشة :(كتغبن) جلس معايا مبقيتش كنشوفك بزااف
يونس: (هز حاجبو) هي توحشتيني

فاطمة: نور هادشي غيطول بزاااف ابنتي ونتي كتحشمي ومغنقضييو حتى غرااض وبحال والو اللفعة غدور عليه وتحمل عاود
نور: معنديش مشكل اخالتي يكونو عندو حتى 10 
فاطمة: ابنتي ماشي قضية 10 الراجل لحنين جناحو كيتقالو بلولاد 
نور: اممم خالتي ياك هو قالك غيرجع لخدمتو غدا انا نمشي لعندو تمااك 
فاطمة: وكفاش نعرفوها غتكون عندو
نور: اممم معرفتش 
فاطمة: (تبسمت) صافي انا غنعرف كفاش لاقيكم وفنفس الوقت نخليها تشووف انا شنو باغاها تشووف وديك الساعة غتنووض
نور: المشاكيل؟؟
فاطمة: نور نتي راكي مغشمة فيها معرفاهاش بحاالي
نور: بففف مبغيتش ندي ذنوبها
فاطمة: تي اشمن ذنوب نهار قلنلها الولد بغا يتزوج وحتى هو تقبل الغكرة تقول باسم الله لا هي بغات راجل بدارو خيرو ومخمييرو وباغا خدمتها كولشي بغاتو دقة وحدة والمهم الي الراحل كيتزوج عليه مبغاتش تعطيهلو
نور: اودي محساش بالنعمة
فاطمة: (متبسمة حابسة الظحكة) احح عليك اشنييولة 
نور: (تبسمت) وااا خالتو منكدبووش عماد تبغيه اي وحدة وانا منهم غيير هو كيبانلي كيبغي مرتووو بزااف
فاطمة: اودي انا شاكة فولدي موكلينو
نور: كفاش شنو وكلووه
فاطمة: سحوور
نور: (شهقت) استغفر الله لا خالتي ميمكنش يمشيو فطريق لحراام
فاطمة: (حركت راسها) ايوااااايوا انا للي نعرف ديك لقبيلة
نور: لا حولة ولا قوة الا بالله العظييم الله يحفظو مسكين من كل شر
فاطمة: امين ابنتي اميييييبن....
~~~~~~~~~~~~
حميد: (جالس كيشرب اتاي) واش نتي مرييضة ولا كتمرضني علية
ام حميد: وعلاه اولدي ممنحقيش نشوف حفيداتي نعرفهم ويعرفوني
حميد: (باستهزاء) شتيهم هوما باغيين يعرفوك تي وكان عرفوك يصيفطوك للحبس
ام حميد: وعلاش تا يصيفطوني للحبس
حميد: حيت غيبغيو رزق بااهم واخا ولاد الزنا مكيورتوش
ام حميد: استغفر الله خشوما تقول غلى بنات خوك بنات الزنى
حميد: اباركة متغطي الشمش بالغربال هوما بنات لحرام وغيبقاو بنات لحرام حتى يمووتو براكة غير ديك لبجغوطة دبنت خالتي للي زوجتيهالو ولداتلو وورتات
ام حميد: اوا تزوجها وخيرنا ميديه غيرنا
حميد: زوجيها لرااجلك انا مكنتزوجش شياطة ديال راجلك وكان لكاورية واخا سمعتك ولكن هادو للي هنا لا
ام حميد: نتا شفتي ديك لكزاوية للي كان داي ومورهاناش
حميد: (قاس فعنقو فين خلالو فهد غرااز وقال وهو كيغزز فسنانو) شفتهاااااا وعلاش انا نساها
ام حميد: اوا تزوجها راه حتى هي خلالها شي حاجة واش باقا صغيرة؟
حميد: ههه واش نتي للي سمعتي عندها شي ريال نتزوجها وزايدون هاديك صعييييبة تبيعني للي قدامي وللي مورايا 
ام حميد: (ميقت فيه) لواااااه حتى متمونش نزق وخرجتي خوك من لحبس الي كان محكوم بالاعدام غتغلبك ولية
حميد: اوا للي حاميها هو للي دخل ولدك للحبس ونزييدك راجل حفيدتك هو لبوليسي للي جابو من المانيا وقطعلو رزقو وكان ماشي هو وكان راه باقي حي
ام حميد: (شهقت وضربت فخاضها) اويييييلي؟؟
حميد: اييه ونزييدك مووتو مشكووك فيه وباينة لمخزن للي نيش علييعه وسماوها فشماكرية
ام حميد: (مزالة كتخبط) اويييلي اش كتقول؟؟
حميد: اييه حسابلك المخزن معاه اللعب طلقوه عام وهوما يعطيوهالو باش يستافدو حتى هوما من فلوسو للي مزال مبغاو يطلقونا (مكره) عندو للي ما يتحرق ومخلينا هكااك
ام حميد: اويييلي واش ولدي قتلو راجل حفييدتي
حميد: (ممسوقش) اه 
ام حميد: اويلي وييلي ويييلي اناااري على وليييدي مسكيين مشا مغدوووور 
حميد: اه وباش هولي نزييدك عزيزة وراجلها داخلين فهاد تبزنييسة وبحتل والو حتى بناتها.. (خلاها تخبط وتنوووح ومشا خرج ممسوقش لحالتها والام كتبقى ام كما كان ولدها واخا يكون شييطان...)

ندى: (داخلين عند لعدول بحال داخلين للمقاطعة ممسوقينش لقاو عندهم عرسان لداخل جلست فوق كرسي وهو بقا وااقف) بففف غنتسناو يمكن بزااف
فهد: مزروبة حتى تزوجيني احبيبة نبقيتيش قادة تصبري؟؟
ندى: (ميقت فيه) اممم حيت على مزييناتك
فهد: وشكون بحالك ابيبي مزوجة واحد عزري نيووو نتي للي غدشنييه فالحلال
ندى: (عوجت كمارتها) تبقيستر...
فهد: اححح على لكبيدة مزروبة تزوج
ندى: وتا نووض راه تابعني شي خدمة نسربيها قبل من لوحدة
فهد: (هز حاجبو فيها سكتاتو قبلب وجهو ورجع شاف فيها) شنو زعما ممحمساش تزوجيني
ندى: (بغات تلعب على اعصابها) عادي باغا حتى انا ندير ولادي
فهد: (طلعلو الدم) مزوجاني غير على قبل لولاد
ندى: ههههه وييينو كيغضب حتى نتا كتغضب 
فهد: (لا رد)
ندى: (جراتو من يدو بشوية وجلساتو حداها) وصاافي افهد بغيت نشد فيك شوية
فهد: (مكره) مالي حبل حتى تشدي فية
ندى: ولا زعما بغيت نقول باغية نتماازح معااك اما انا متحمسة وبزااف
فهد: (شاف فيها بنص عين وقاب وجهو ورجع شاف فيها وصغر عينو فيها) موجدلك واحد لغووب دونوي من نهار شفتك وانا مشهييك فيه
ندى: (ضرباتو لصدرو) مكبوووت
فهد: (كيحك بلاصة الضربة) هههه خلي هاد الجهد الليل ولا دابا نيت غير نغيزو لبلان من تم لتم 
ندى: ههه (تكلمت بدلع زاااااائد) فية لغيييكل (مع غميزة خغيفة خلات فمو محلول بالصدمة)
فهد: حلفي بالله
ندى: ههه علاش تصدمتي نتا عارف لغيكل حاجة عادية او لا؟؟؟
فهد: لا واش بنيتك اندى واش بالصح فيك؟؟ (شاف جهة *** كانت لابسة سروال فبيض وشمييز فغووز بيبي من فوقها فيست سامبل فبيض وصبيليط فغوز بيبي مع لبيض) واش فري؟؟
ندى: اه شفتك تصدمتي؟،
فهد: لا (بانت فيك لكعية) هادشي ماشي بيدييك غير هو كان عليك تقوليهالي
ندى: وهانا قلتهالك حيت هاد صباح عاد جاتني مكنتش حتى عوالة عليها
فهد: بفففف معلييش 
ندى: ههه تقلقتي كااع
فهد: (شاف فيها ودرعها بيد) كنت عواال على هاد الطرف ابنت لحراام غير قلتيها حسيت ب** دخل فحالة اكتئاب حاادة
ندى: هههه وعلى نياااتكم ترزقوون
فهد: نوضي حتى تسالي منك ونجيو نعقدو اما دابا نبقاو شوف فية نشووفك فيك اطاجين لحووت بلاش غادي غير نتعقد
ندى: هههه صاافي رجعتي فكلامك
فهد: ابربي منزكلك غير هو مبلان متوزة هدا
ندى: حتى دابا الا مبغيتيش صافي 
فهد: جلسي ازمر غير هضرنا بففف غنبقى بخال هداك للي شرا موتور ومقادش يركب عليه حتى يقاد الرخصة 
ندى: دابا انا موتور
فهد: هههه اودي انا هو لموتور هاد السااعة (شافو لعرسان خارجين مع عائلاتهم وهوما غير بوحدهم شافو فبعضياتهم وطرطقو كيظحكو بلا سبب دخلو فهد.صونا على عماد ويونس يجيو حيت قريب للخدمة بقاو كيفتيو عليهم دلمشي حتى دخلو شهود سلمو عليهم وجلسو حتى هوما كيتصنتو لداكشي حتى نطق لعدول)
....: السيدة ندى **** قابلة تزوجي بفهد **** 
ندى: اهاااه علاش لا 
فهد: زعما الا كان عندك اعتراض غير قوليها
ندى: لا هانية ماشي مشكل نقبل عليك ولا غتبقى بااير حياتك كاملة (طرطقو كيضحكو حتى سولو فهد.وعطى نفس الاجابة سولو ندى على صداق)
....: بنتي خديتي صدااقك
ندى: (جا يهضر فهد وهي تسبقو) انا مبغييت صدااق بغيتو هو يصدق اما لفلووس حنا للي كنديرهوم ماشي هوما للي كيديرونا
يونس: كح كح جييبو شي عصيير للاخ 
عماد: صعييييبة اخااي فهد هادي
فهد: هههه (صغرها بعويناتو وعض فشنايفو عجبااتو وزاادت طرباااتو كتر وكتر.. كملو الاجراءات حتى قالولهم 3 ايام وياخدو العقد من المحكمة خرجو وبقاو واقفين كيباركو ليهم)
يونس: الحاج راه داير ولييمة على حساابكم
فهد: اه فخباري الله يخلف عليه مسكين اصر علية بزااف
يونس: نتا عارفو كداير مهم العرسان نخليوكم 
فهد: شكرا وقولو لممدوح طرطق
عماد: هههه متدييش عليه مهم نخلييكم يونس ياله باش نقضيو الغرااض...

عائشة: (بقات كتصوني على رقية حتى جوباات) فيينك ابنادمة منين بغيتك ملقيتك
رقية: اماالكي 
عائشة: يوونس مهبلني اختي هاد الاياام تبدل بزاف ومنين كنسولو كيقولي غير كيبانلك 
رقية: ويمكن غير كيبانلك حيت انا كيجيني عادي باقي هو هو نفس الاهتمام نفس الحب
عائشة: اممم حيت نتي للي عايشة معاه
رقية: عيشة تهلاي فراجلك اصاحبتي كما نتي بغيتي الاهتمام حتى هو راه خااصو
عائشة: هاااه عي عارفة شي حاجة
رقية: لا والله معارفة ولكن راه نتي كتشكاي منو بزااف وديما وحتا للي كنشوفو العكس وفالتالي عاد كتقولي ااه ندمت وكدا
عائشة: ولكن انا دابا مدرت واالو
رقية: معرفتش اختي شنو بيناتكم ولكن الا بغيتي تقوليلي شي حاجة قوليهالي فوجهي حيت هو كان عاود لعماد شي مرات سمعك كتهضري فيه خايب معايا وكعى 
عائشة: (كتفكر) عمرو قالهالي
رقية: وا غي حيت نتي معقلاش انا بالصح شي مرات سمعك كتهضري فيه خايب بالامارة قلتيلي هو ميقدرش يبعد فية حيت مكبوت وكدا وكيشوفني كينسى ويدووخ ومعجبوش الحال
عائشة: (عيات تفكر ومتفكرت والو) ودابا مالو معايا؟
رقية: معرفت شوفي نتي شنو درتي
عائشة: مدرت والو بففف راه كتر من سيمانة مقربلييش وخايفااه يكون قاضي الغراض فقنت اخر
وعاد زيد كيخرج مسكسك على الحالة غير قبيلة خرج وريحتو سابقاه 15 كلم
رقية: هااء ياك مشا باش يشهد مع فهد وندى عند لعدول
عائشة: (خرجت عينيها) مفخباريش
رقية: يمكن نسى
عائشة: (حازنة) وعلاه عماد منساش يقولهالك اودي راه هداك انا للي نعرفو كيكمدها فقلبو ويسكت
رقية: ومنين عارفة كيكمدها عرفي راكي مزبلاها فشي قنت عيشة بالصح بالصح عيقتي على السيد راكي هاكا غير غتخسريه
عائشة: وشنو نديييير تلفت هو تبدل بففف فكرة مكيقربليش غتحمقني
رقية: (عضت على شنافتها) معرفتش اختي نتمنى يكون غير كتهيئي وصافي
عائشة: معرفتش... فييينك نتي مزالة فالخدمة
رقية: انا كنتسنى عماد يدوز عندي ونمشي نتغداو ونعاون ماما شوية
عائشة: سعدااتكم مكرهتتش نكون معاكم ولكن مبغيتش صدااع معاه حتى يجي ويجيبني عندكم
رقية: ااه حسن بلعكس جيدييه عندك ومنين نكون حداك وعاوديلي مزيان باش نعرفو شنو نظيرو اما التيليفون حاولي تنقصي منو وبحال والو يكون كيتصنت علينا هااء ويلي خويا يونس الا كنتي كاصنت علينا متديش عليينا مقلنا حتى حاجة خاايبة باغا ندخل غير بخط بيض
عائشة: هههه لعساااك هي كتحرشني عليك وكتجبدلي لسااتي
رقية: لا لا اختي عومي بحرك مبغيت صدااع معاه (قطعت وخلات عيشة كظحك وفنفس الوقت كتفكر كدير تعاود تخليه ككان يقول غير فاش غلطات معاه..)
فاطمة: (غمزت نور) سيري راه وقف (قطعت نور بالزربة وفاطمة حاضية عماد كيهضر فالتيليفون عارفاه كيهضر مع رقية باش تنزل يوصلها وقفات عليه نور وحلات باب الطموبيل من الجهة التانية كما وصاتها فاطمة)
نور: عمااد
عماد: (تصدم فيها شاف فيها وبعد التيليفون من بعد مقطع) نوور شنو كديري هنا
نور: غير كنت دايزة بغيت نسلم عليك لباس عليك
عماد: (مفهمش وقاحتها مكانتش هاكا وعاد.قدام خدمة رفية للي بقالها 5 الثواتي وتنزل عندو وتشوف هاد المنظر للي بقات لوخرة حركة وحدة وتجلس) سيري منها
نور: عماد انا بغيت غير نسلم علليك علاش كتعامل معايا هاكا ولا صاافي نسييت كولشي
رقية: (واقفة كن موراها ومربعة يديها كتسمم) اش نسا اختشي؟!!!!!!

ندى: (كتصوني وتقطع من بعد مكتسمع طيط طيط... رجعات كتصوني حتى جوباتها) علاش مكتجاوبييش؟؟
خديجة: (كتمضغ المسكة) صافي غير قطعي غيوصلني واحد السيد لعندك (قطعت معاها وندى بقات كتغدد بوحدها وحمدات الله فهد مبقاش جالس حداها وجرات عليه مبغاتش تشوفو المستنقع للي كانت فييه حلفات من هاد نهار تبدا معاه صفحة جديدة 10 دقايق داخلة مها لكسوة مطراسية عليها واخا لبرد ملبساش مزيان بدات كوب ولون شعرها زائد العناية بوجهها للي كيخليها تبان قرطاااسة فيدها ساشيات كباار وكولهم غير لماارك حطاتهم حدا لباب وداخلة كتعييوج حيدات نظاظر الشمش وجلسات فلكرسي بلا حتى متسلم على بنتها) زيين صاافا
ندى: (طلعاتها وهبطاتها) منكووونش بحاالك
خديجة: (بظحكة مايعة) معلوووم متكونييش بحاالي هاد زين ولفورمة كاملة عاطياها فاابور لبيلييسي
ندى: (هزت حاجبها بتعاالي) حلااالاا طيباا مسمعتش منك حتى مبرووك
خديجة: مبرووك احبيبة غير هو مترجعيش عندي كتبكي وتقوليلي حقا منصحتكش وباش تعرفيني منسيتكش ها لي كادو ديالك برعي داك روييجل ديالك
ندى: (صرطاتها بابتسامة صفرا) شكرا مكانش عليك تعذبي راسك
خديجة: لوااه ابنتي خييرك نتي بالظبط مغرقني (بغات ترطب معاها حيت قسحات معاها) مهلي فييك بعدا
ندى: (حركت راسها باه) عاد كملنا فراش الدار
خديجة: غتمشي معاه اليوم؟
ندى: ضرووري ياك غتحضري للعشا للي غيدير الحاج
خديجة: اممم نحضر واخا محملاش نشوف دوك الناس غير هو عندك تبقاي تصرفي عليه ولا معااه دييما ديري تحتك الرااجل ما فييه اماان 
ندى: (حركت راسها باه) احم شفتك مرجعتيش لفرنسا
خديجة: الحمد الله طلقت هاد لبرهووش غرجع ولكن ماشي معاه
ندى: اه طلقتي مقلتيليش
خديجة: ماشي شي حاجة مهمة ظمنت السكن تمااك وحتى الخدمة دخلت مع واحد السيد فريسطو
ندى: ومنين جاوك فلوس
خديجة: (تبسمت) خدييجة واجرك على الله ابنتي خااصك غير تكوني قوييفزة بحال ماماك ومتخرجيش بحال الطرنونة ديال رزاان
ندى: بلعكس رزان مزوجة مجد مخصها خير معااه مهلي فيها وبزاايد وخداامة معايا 
خديجة: (تبسمت باستهزاء ودورات عينها فلمحاال) مزاالى ديك لملقطة معاك
ندى: سميييتها نوور😡 نوووووووووور ماشي ملقطة
خديجة: بشوية عليك علاش كتغوتي نور ولا خرا مكيهمش مهم شوفي كديري تسوسييها
ندى: اماما يهدييك الله عطي لبنت شبر ديال التيسااع راه بحالي بحاالها
خديجة: لهلا يحييها تكون بحاالك
ندى: لا حولة مهم نوضي معايا نخرج نتقدا شي حاجة وغتكون حتى رزان كتسنانا
خديجة: هاديك منتجمعش معاها فطريق وحدة
ندى: حتى نور مبقاتش باغا تكون فلبلاصة للي نتي فيها غير تهناااي
خديجة: حيت مسخووطة اللله يخليها سلعة تفوو (مجوباتهاش ندى وخرجات غير بغات ديرلها قيمة وتخرجها اما متعلمهاش كااع تلقاو رزان للي كاعية مع مجد هو مشا وهي بقات معاهم حسات بيها خدييجة مخلات معرمرااتها وخصوصا من جهة السكنة باش تعزل وتسكن بوحدها وندى كدخل وتغوت على مها للي كتبغي تخرب دار رزان للي غير كتنعم ليها تقداو شنو خااص ندى من فلوس صداقها ومن تماك لصالوون باش ندى تقااد...)

نبيل: مجد سيير سولو نتا كااع واش مرييض علاش بااغي دير هادشي
مجد: فكر فهادشي قبل ماشي دااابا 
نبيل: سمع نرتي غنجي ندييها بغيتي ولا مرهتي برااكة غير 3 اياام وهي مكيناش فدارها
مجد: نبيل سير صلح اموورك بعدا
نبيل: بفففف كلام ماشي معااك اولد عمي ولكن بينتيلي شكوون نتا
مجد: كفاش بينتلك شكون انا نهار كنتي كتلعب وتخلي داك السيد بحال لمجنون جاي من مدينتو حتى لعندك باش يقولك بعد من مرتي وغير على وجه عمنا للي مدرتيش نتا على وجهو دارو هو للي برااني
نبيل: (تجنن) انا مدرت وااالو فهمتك عيشة مكنتش عارفها مزوجة ونهار عرفت بينها وبين راجلها مشاكيل تصحتها تبعد.منو وهادشي وقع قبل منتزوج ولا نخطب ختك
مجد: وهي عارفة هادشي ختي احلام عارفة هادشي
نبيل: علاش غتعرف هادشي شنو دخلها هي فييه 
مجد: حيت واخا تزوجتيها باقي المشكل وانا خفت على ختي 
نبيل: (وجهو حمار) قسما بالله ديك التصويرة معندي علاقة فيييها
مجد: (بقى ساكت كيخمم) هي مغيعجبهاش الحاال
نبيل: وعلاش من الاصل تعرف خلي كولشي كما كان الماضي ديالي معندها فيه حتى يد 
مجد: نتا كنتي عارف احلام كانت كتبغيك حتى قبل زواج
نبيل: اه عاارف وانا مدرت حتى حاجة خايبة كنت كنقول الا كتبها لية ربي مغنكرهش بلعكس هانا تزوجتها وعاايش فووق السعاادة لهييه
مجد: اوا وعلاش كدخل بين السيد ومرتو مزال حاط العين على عيشة طلق وتزوجها
نبيل: بفففف ياا الرب العالي 
مجد: مهم دوز مورا مرتك ولكن كنقسم بالله انبييل نعرف راك كتدريبلي من مور ظهرها حتى نديهالك واخا نغبرها تبكي يوماين وتسكت ومنخليهالكش هادشي الا مقلتهاش كولشي وطلقااتك هي
نبيل: طلااق كااع
مجد: وشنوو نتا الا كنتي فبلاصتها غتسمحلها راك غي حيت ولد عمي وعزييز علية غنغمض عييني 
نبيل: (بلا ميحس) 3 ايام حارمني من مرتي ونتا كتقولي غمضتي عينيييك (كاعي) مااشي خدمة منك امجد كان تسولني حتى انا وتهفهم مني
مجد: نبيل منزوجثووش الهضرة نتا غلطتي فحق ختي
نبيل: ولو متديهالييش راه مرتي هااديك وانا ماشي مرااهق للي دير معايا هاما وكان ماشي خووفي عليها وعلى للي فكرشها منخليهاش تزطم برا الدار
مجد: فكر 100 مرة قبل متعاود تزبلها وبالصح اخااي نبيل بعد من طريق يوونس راه على ودها داار بزااف ومغيعقلش علييك نتا
نبيل: للي فجهدو يدييرو مكنخاافش منو
مجد: ليناتكم غير ختي تبعد من هاد صدااع
نبيل: انا نطلع نجيبها وعلى الله تيق هاد لكدبة دواالو مخليني غنحمااق (مشا طلع عندها للدار ومجد بقا كيصوني على مرتو للي كيرد فيها الحر حتى قطعات كلامو وكولشي ضاار فيه حيت ظلمها واها معرفينش شنو واقع ولكن تعاملها معاهم مخليين كولشي كيبغييها كأنها وحدة منهم عيا يصوني عليها مجوباتش عرفها غتبقى مشغولة مع ختها خلاها على خاطرها حتى يشوف كيف يدير يصاالحها...)

عائشة: (كتبات ميساج طويييل عرييض ليوونس فلواتس ديالو قالت فيه كاع للي عندها لداخل)
***ممكن ﻏﺎ ﺗﻘﻮﻝ ﻣﻊ ﺭﺍﺳﻚ ﻋﻼﺵ هاد لمجنونة كما موالف كتقولي ﻣﺼﻴﻔﻄﺎ ﻫﺎﺩ ﺍﻟﻤﻴﺴﺎﺝ ﻭ ﺗﺎﻧﺎ ﺑﺮﺍﺳﻲ ﻣﻌﺮﻓﺎﺵ ﻋﻼﺵ ﻭﻟﻜﻦ ﻣﻘﺪﺭﺗﺶ ﻧﺰﻳﺪ ﻧﻤﻨﻊ ﺭﺍﺳﻲ ﻭ ﻧﺨﺮﺝ ﺑﺎﺵ ﻛﻨﺤﺲ ﻳﻤﻜﻦ ﺑﻐﻴﺘﻚ ﺑﻄﺮﻳﻘﺔ ﻏﻠﻂ ﻭﺻﻠﺖ ﻟﻴﻚ ﺣﺒﻲ ﺑﻄﺮﻳﻘﺔ ﻏﻠﻂ ﺩﻛﺸﻲ ﻟﻲ ﻛﻨﺤﺲ ﺑﻴﻪ ﻛﺎﻣﻞ ﻣﻌﺎﻙ ﺯﻭﻳﻦ ﺗﺎﻧﻮﺻﻠﻮ ﻟﻴﻚ ﻧﺘﺎ ﺑﻄﺮﻳﻘﺔ ﻏﻠﻂ ﻳﻤﻜﻦ ﺿﺮﻳﻴﺘﻚ ﻛﺘﺮ ﻣﺎ ﻓﺮﺣﺘﻚ ﻳﻤﻜﻦ ﺧﻠﻴﺘﻚ ﻛﺎﻋﻲ ﻭ ﻣﻘﻠﻖ ﺍﻟﻮﻗﺖ ﻟﻲ ﺧﺎﺻﻨﻲ ﻧﻜﻮﻥ ﻣﻌﺎﻙ ﻭ ﻧﻔﺮﺣﻚ ﻭ ﻭ ﻧﻮﺍﺳﻴﻚ ﻭ ﺗﺸﻜﻲ ﻋﻠﻴﺎ ﻫﻤﻚ ﻛﻨﺖ ﻛﺎﻧﻜﺪﻫﺎ ﻋﻠﻴﻚ ﻭ ﻛﻨﺰﻳﺪ ﻧﻌﺼﺒﻚ ﻭ ﻟﻜﻦ ﺗﻴﻘﻨﻲ ﻋﻤﺮﻱ ﻧﻮﻳﺖ ﻧﺄﺫﻳﻚ ﻭﻻ ﻧﺨﺴﺮ ﻟﻴﻚ ﺧﺎﻃﺮﻙ ﻣﻨﻘﺪﺭﺵ ﻧﺪﻳﺮﻫﺎ ﺑﺈﺭﺍﺩﺗﻲ ﻋﺮﻓﺘﻲ ﻣﻠﻲ ﻛﺎﺗﻬﺮﺱ ﻣﻦ ﺇﻳﺪﻳﻚ ﺍﻷﻟﻢ ﻛﻴﺎﺗﻮﺯﻉ ﻋﻠﻰ ﺍﻟﺠﺴﻢ ﻛﺎﻣﻞ ﺣﻴﺖ ﺷﻲ ﻛﺎﻳﻜﻤﻞ ﺷﻲ ﻫﻜﺎﻙ ﻧﺘﺎ ﻗﻄﻌﺔ ﻣﻦ ﺭﻭﺣﻲ ﺍﻻ ﺿﺮﺍﺗﻚ ﺷﻲ ﺣﺎﺟﺔ ﻏﺎ ﺿﺮﻧﻲ ﺍﻧﺎ ﻛﺎﻣﻠﺔ ﻋﺮﻓﺘﻲ ﺍﺣﺴﺎﺱ ﺍﻻﻡ ﻋﻠﻰ ﻭﻟﺪﻫﺎ ﻛﻴﻔﺎﺵ ﺗﺎﺗﺨﺎﻑ ﻋﻠﻴﻪ ﻣﻠﻲ ﻛﺎﻳﺘﻌﻄﻞ ﻓﺎﻟﻠﻴﻞ ﻭﻻ ﻣﻠﻲ ﻛﺎﻳﻜﻮﻥ ﻣﺮﻳﺾ ﻣﻠﻲ ﻛﺎﻳﻜﻮﻥ ﻣﺴﺎﻓﺮ ﺗﺎﺗﺨﺎﻑ ﻋﻠﻴﻪ ﻣﻦ ﺍﻟﺒﺮﺩ ﻣﻦ ﺍﻟﻤﺸﺎﻛﻴﻞ ﺗﺎﺗﺨﺎﻑ ﻳﺘﺂﺫﺍ ﺍﻧﺎ ﻫﻜﺎﺍﻙ ﻣﻌﺎﻙ ﻣﻠﻲ ﻛﺎﺗﺨﺮﺝ ﻭﻧﺘﺎ ﻓﺒﺎﻟﻲ ﻋﻨﺪﻙ ﻃﺮﺍ ﻟﻴﻪ ﺷﻲ ﺣﺎﺟﺔ ﻭﻳﻠﻲ ﻋﻼﺵ ﺗﻌﻄﻞ.. فالليل فاش كنبقى نقرا الحوادث ولا شي وقائع او حتى فلم كيكون لبطل ديالو فموقف خايب كتجي صورتك نتا بين عيني ﻛﻨﺒﻘﺎ ﻧﻔﻜﺮ فيك والشيطان كيزيد يخليني نخااف عليك مكنحس ﺣﺘﺎ ﻛﻴﻨﺰﻟﻮﺍ ﺩﻣﻮﻉ ﻣﻦ ﻋﻴﻨﻲ ﻭ ﻛﻨﻬﺰ ﺍﻳﺪﻱ ﻭ ﻧﻘﻮﻝ ﻳﺎ ﺭﺑﻲ ﺗﺤﻔﻈﻮﺍ ﻟﻴﺎ ﻣﻦ ﻛﻞ ﺷﺮ ﻳﺎ ﺭﺑﻲ ﺭﺍﻩ ﺣﻴﺎﺗﻲ ﺑﻼ ﻫﺎﺩ ﺳﻴﺪ ﻏﺎﺗﻜﻮﻥ ﺿﻠﻤﺔ ﻭ ﺧﺎﻭﻳﺎ ﻳﺎ ﺭﺑﻲ ﺩﻭﻡ ﺍﻟﻤﺤﺒﺔ بيناتنا ﻭ ﺗﺮﺿﺎ ﻋﻠﻴﻨﺎ ﻭ ﺗﺠمعنا فطريق المستقيم ﺑﺎﺵ ﻧﺮﺿﻴﻮﻙ ﺗﺎﺣﻨﺎ ﺑﻐﻴﺖ ﻧﻘﻮﻟﻴﻚ ﺍﻟﻴﻮﻡ ﺑﺎﻟﻀﺒﻂ ﺳﻤﺢ ﻟﻴﺎ ﻋﻠﻰ ﺍﻱ ﺣﺎﺟﺔ ﺩﺭﺗﻬﺎ ﻭ ﻗﻠﻘﺎﺗﻚ ﺳﻤﺢ ﻟﻴﺎ ﻋﻠﻰ ﻛﻞ ﻣﺮﺓ ﻛﻨﺘﻲ ﻓﻴﻬﺎ ﻓﺮﺣﺎﻥ ﻭ ﻛﻌﻴﺘﻚ ﺳﻤﺢ ﻟﻴﺎ ﻋﻠﻰ ﻛﻞ ﻣﺮﺓ ﺧﻠﻴﺘﻚ ﺗﻜﺮﻩ ﻛﻠﺸﻲ ﻭ ﺷﻜﺮﺍ ﻟﻴﻚ ﺑﺰﺍﻑ ﺣﻴﺖ ﻛﻨﺘﻲ ﻣﻌﺎﻳﺎ ﺭﺍﺟﻞ ﻭ ﻧﺺ ﺷﻜﺮﺍ ﺣﻴﺖ ﺧﻠﻴﺘﻴﻨﻲ ﻧﻌﺮﻑ ﻗﻴﻤﺘﻲ ﺍﻟﺤﻘﻴﻘﻴﺔ ﺷﻜﺮﺍ ﺣﻴﺖ ﺧﻠﻴﺘﻴﻨﻲ ﻧﺤﺲ ﺑﻠﻲ ﻛﺎﻳﻦ ﻟﻲ ﻳﺴﺘﺎﻫﻞ ﻧﻀﺤﻲ ﻋﻠﻰ ﻭﺩﻭ ﻭﻻ ﻧﺒﺪﻝ ﺷﻴﺤﻮﻳﺞ ﻋﻠﻰ ﻭﺩﻭ ﺷﻜﺮﺍ ﺣﻴﺖ ﻛﻨﺘﻲ ﻣﺼﺪﺭ ﺑﺰﺍﻑ ﺍﻟﻀﺤﻜﺎﺕ ﺧﺮﺟﺘﻬﻢ ﻣﻦ ﻗﻠﺒﻲ ﺷﻜﺮﺍ ﻋﻠﻰ ﻛﻠﺸﻲ...** (للي بغات تصالح مع حبيب لقلب ولا ترومنسا تصيفط هاد لميساج راه نتيجتو مضموونة بالتجربة هههه) كملات لميساج طلعاتلها جوج شراطي ولكن مزال مقراه حطات التيليفون ودخلات دوش وعقلها غير مع يوونس منين قالتلها على يونس منين سمع شنو تقاال عرفات نهار قالت هاد الهضرة فنفس نهار لكسبدة منين قالها ماشي ولادي وانا عااقر عاد.عرفات سبب عصبيتو المجهولة لااامت راسها بزااف وخرجات عند وليداتها بالبنوار جابتهم حطاتهم حداها فبيت نعاس كيلعبو وهي كتعتاني برااسها بلبرودويات كما موالفة وسباايغ وعبنيها مرة مرةعلى التيليفون كتسنى امتى يقرااه...
~~~~~~~~~~~
رقية: (واقفة من موراها ومربعة يديها كتسمم) اش نسا اختشي (ضارت عندها نور) شنوو نسا (طلات على عماد) شنوو نساات اعمااد هاد لبنت للي من نهار شفتها وهي لاسقة فزنطيطك
عماد: (خرج بالزربة حيت عرف القضية حمااضت شد رقية من ذراعها بشوية) اجي ركبي نتحركو من هنا
رقية: (تنترات) والله ممحركا حتى نعرف هاد حجاابي عفتي للي كتبع رجال مزةجين وتلسق فييهم شنو نساات
نور: حتاارمي رااسك
عماد: هي الا حتارمتييه نتي نييت وقلبتي علية رقية زيدي برااكة من الشووهة
نور: كفاش نقلب علييك
رقية: (كظنز) فهمها كفاش تقلب عليييك
عماد: رقية حبيبة راه بلاصة خدماك الشوهة لااش زيدي ةانا غنفهمك كولشي
رقية: الااااااء نفهم هنا ولا طييح الرووح
نور: هه لا خلعتييني ياكما حسابلك سكت ليك مرة غنسكت ليك داابا مراحناش فالغاابة ابنتي
رقية: (صغراتها بعينيها وكنااوة للي فدماغها كيزيدو يحرشوها مزيااان محسات غير بيديها وظفارها للي عاد برداهم وفرحانة بيها مشاو نيشان لحنااك عماد معرف باش تبلى ونور حتى هي كدافع على راسها كيدهل بيناتهم مكيعرف شكون يفك رجعو بحال بحال وغير شعور للي كيتشاير فسما رقية زادت صعرات شركات لنور الشوميز من فوق لحمها حتى بان الديباردور وبقا بركل ولبونيات والطرش شي كيفرج شي كيضحك وعماد حاصل فير مع صحاب لكاميرات وتيليفوناتهم باش كبصورووش محسو غير بصطافيط واقفة علييهم وخرجو بوليس باللبسة لعندهم كيغوتو...)

فاطمة: (حطت يدها على فمها كتشهق) وييلي على بنت لملقطة هاااااء ويلي ويلي قتلات لبنت (شافت شي وحدين كيتفرجو وكيضحكو) وييلي عتقوولي بنتي عتقولي بنتي غتقالهاالي
....: بنتك اش داها لراجل مزوج الحاجة
فاطمة: راه مرتو حتى هادييك اولييدي لوخرا للي غير متطفلة على ولدي
....: بيناتهم الحاجة انا حدي نعيط لبوليس (تحرك هو وشي رجال من تمااك وهي مسمعاتش منين قال لبوليس وبقات كتويل ودايرة يد على حنكها ويد على فمها معندهاش الجرأة تمشي تفك كانت متوقعة رقية تبقى تغوت ونور تمشي وتخليها حيت عارفة هماد غيشدها ولا تشد تاكسي وتغضب كاع ولكن مكانتش على لحسبان طور الامور هاكا) 
عماد: (مشاد مع بوليسي باش ميقيسش رقية للي مزالة كتحلف فنور تقتلها حتى غوت) سكتييييييييي
رقية: (خرجت عينها) حسابلك غنخاف من لحبس انا هاديك الا مربيتهاش منتسماااش رقية
عماد: (زاد حمر فيها كتر ومترها من ذراعها ودارها مور ظهرو) تزيدي كلمة اخرى غنتفاهم معاك
....: اسي راه ماشي غاابة هادي مرتك غتزييد معانا مكتشوفش كدارت للسيدة
عماد: (شاف بحقد فنور الي سخفانة طايحة فالارض وشي بنات ضايرين بيها بقات فيهم وشاف فلبوليسي) انا غنتبعكم بطموبيلتي
....: لا الا بغيتي نصيفطو ليكم ليموزين حسن هي تجي تهزكم
عماد: (خنزر وبقا كيتمتم بفمو ورقية مزال كتعاير وتحلف دار خنزر فيها سكتات وهو كيركب نمرة يونس جا يجرها بوليسي وهو يشد فذراعو) خليني محتاارم ديك اللبسة للي لابس
....: اجييو هزو حتى هاد خينا
رقية: (مخرجة عينها) هزووو زعما غتخلعوونا لحبس لرجاال وحتى هادي تجي راه هي للي معدية علينا
عماد: (بقا مزير يدو على يد داك لبوليسي باش يطلق ذراع رقية) يونس اجي للشركة داابا 
يونس: انا راني ففاس اخاي عماد ياك لباس
عماد: بففف (عينو فداك لبوليسي للي كيتصنت حتى هو) راه غيهزو رقية
يونس: (عيطلو الشاف باش يلتاحق للاجتماع) علاش شنو وااقع؟؟ عطي التيليفون لشي واحد (مد عماد التيليفون لداك لبوليسي غير شدو كيقول غير اه ااه واخا قطع وشاف عماد مدلو التيليفون) لحق مرتك للكوميساريا (عيط على صحابو من بعد مجات لومبيلونص خدات نور لصبيطار طلعات رقية فالطموبيل كتنكر مخيفاش حيت عارفة راسها باش محمية ولكن كانت كتغلي)
رقية: بناااادم كدااير تفوو نشد مها نغززها بسناااني
عماد: (دار خنزر فيها) اش هاد تلشوهة درتي متعرفيش تهضري بفمك
رقية: نهار كان كيتبعني حسام مكنتيش كتهضر بفمك اموولاي 
عماد: 😡 اش فكرك بدااك لحمار
رقية: مفكرتش فيه عطييتك مقارنة حيت نتا مزاال لدابا مقلتيليش شكون هاد الزبلة للي كل شوية خارجة فطريقي
عماد: هادي هي للي كنت خاطبها فاش كنت فنيويوورك 
رقية: (بحال تخوا عليها سطل دلما بارد بقات غير كتبرق فعينييها) كتخووني؟؟
عماد: كفااش؟ كنخوونك اش جاب هادي لهادي
رقية: (خرجت من الطموبيل كتجري خرج يلحق عليها لقاها مشات لبلاصة التاكسيات ياله غتسد لباب شدو هو) نزلي
رقية: (جرات لباب عندها وسداتو) عفااك زيد اخوويا (تحرك التاكسي وعماد مشا كيسب ويلعن وتفكر لكومسيريا للي تابعاهم يمشيو ليها تبع التاكسي قطع عليه طريق بالاعصاب نزل حل لباب عليها لقاها كدمع جرها هي كتنتر لاح 20 درهم لمول التاكسي وداها بطموبيلتو بقات تنتر مبغاتش طلع معاه)
عماد: واش مرضتي فراسك
رقية: (دفعاتو فصدرو كتهضر وتبكي) مكااينش لمرييض قدك صبرتلك بزااف وهنا فااض الكااس صافي انا ويااك مبقات كتجمعنا حتى شي حااجة ضبرت للضرب ديالك وغيرتك الزاايدة لهبال مك كولشي صبرت ولكن الخياانة لا
عماد: داابا غير سمعي لاش كتزربي
رقية: 😢😢 منسمعش شنو بغيتتي نفهم وحدة كنتي خاطبها قرن وزماارة وسبحان الله مبانت غير داك نهار للي درتي فيه لكسيدة ونتا سكران نتا فين وهي فين وعاد فنفس الحي للي ساكنين فييه انا ماشي هبيلة ولا دمدوومة كولشي بااين غتكون نعستي معاها ولا شنو دار بيناتكم وبقات لاسقة فيك ياك هي للي ختارت ليك مك باش تزوجها وسييير دايا عووم بحرك كنت بااغا نشد فيك ومنخليك حتى لشي **** ساعة نتا هظااك هو سهمك
عماد: (خلاها فشاات كاع للي فقلبها ملمهاش بكترة مبقاات فيه واخا اليوم ولاول مرة ظلماتو ولكن ملمهاااش وعذرها وبزااف بغا يعنقها وهي كدفعو) رقية سمعييييني ونتي حكمي
رقية: مسمعااااكش هئ😢 صاافي سيير تبعد مني مبقييتش حاملة حتى الشووفة فييك
عماد: صافي دغيا سخييتي بية واخا هاد لمرة راك ظلماني
رقية: (بغات تمشي بقا تابعها كيسايس معاها بشوية ويرفبها محس حتى هزها وهي كتغوت مع طريق خاوية غير الطموبيلات كيدوزو كيجرييو حل باب الطموبيل دخلها وسد لباب سورتو خلاها كتعاند مع لباب تخلو وهو دار بشوية كيشوف فيها كفاش معصبة صونا على يونس مجاوبووش معرف ميدير فهاد لمصيبة للي نزلات عليه من جهة خاصو يمشيو للكوميسارية ولا غيحيو يقرقبو عليهم ويتسماو هربو وتزيد الامور تعقد ومن جهة المشكل للي ناض واش جا ميخليها تييق حل الطموبيل بجرا ركب وعاود سورتها باش متنزلش...)

عماد: (خلاها كدفع فيه ووصلات حتى كتركلو لكرشو) رقية انا براسي مفهمتش اشمن علاقة عندها بديك الليلة ولكن للي عارف انا عمرني جاامي جااااامي نخوونك
رقية: حل ازمر هاد زمر نمشي نزمر فحاالي
عماد: لا معندك فين تخرجي هادشي فكري فيه قبل متبدااي ضااربي فزنااقي
رقية: (شافت فيه بقرف) بقاات فيك حبييبت القلب الله يعطيييكم مووصيبة نتا ويااها
عماد: مصييبة كااع غتوحلي فية غير نتي الحبيييبة
رقية: بففف متمرضييينيش كتر انا محبيبت حد وداابا هبطني ولا غن ننن..
عماد: هههه رقية نعلي الشيطان واش انا نخوونك
رقية: غير ظحك دابا ندمك ديني عند بابا هو للي غيعرف ليك هاد لمرة
عماد: (جمع الظحكة) رقية حبييبة راه خاص نمشيو للكوميساريا
رقية: اه ديني باش نييت غندير محضر انكم كنتي كتخوني
عماد: ادييك المصيببة واش باغا تغرقيها ليوم لكوولشي
رقية: انا نورييك اعماد اولد لهبييلة الا مندمتكش منتسمااش
عماد: (هز حاجبو قاالب وجهو عض شناايفو ودار عندها) شنو غنديير باش تيقي
رقية: غطلقني
عماد: هبيلة؟؟!! كفاش طلاق كلمة جووج طلاق
رقية: كااسك عمر اولد الناس نصبر لكولشي حيت كنبغيك اما دابا كرهتك بخياانتك
عماد: ولكن انا مخنتش
رقية: حتى انا نهار كنت كنرغبك ونقولك مخنتكش متيقتيتنييش نفكرك ولا مزال مفكر
عماد: (وجهو حمار) اش جاب هادشي لهادشي بففف رقية نعلي الشيطان انا ديك ال*** مكتعرف كاع لديلموها منين تسلطاات علية (شافها قلبات وجهها) رقية متخليش هادشي يخرج على علاقتنا ربما هادشي للي بغاااو
رقية: (دارت عندو هازة حاجبها) شكوون مك؟؟؟
عماد: (كاعي) كنحلفلك بالله وبمعزتك عندي الا كانت من تحت راس مي غن
رقية: متقولش شي حاجة اعماد علاقتك بمك مكتهمنيش انا للي باغا نعرف منين مبينك وبينها والو علاش مقلتيليش انك ديجا كتعرفها علاقة الخطووبة ماشي شي حاجة للي عاابرة ومتعقلش عليها انا مرتك من حقي نعرف كولشي علييك كما نتا الحزقة كتعرفها علية
عماد: ااه انا غاالط و..
رقية: (بجدية) ساالينا غالط خاصك تودي نتا وكان كنتي فبلاصتي مغترحمنيش.. دابا وصلني للكوميسارية مغيخلعنيش هادشي 
عماد: (شاف القضية كتهرب من بين يدو) رقية علاش مغتيقيش شنو كنقول
رقية: كان عندك وقت طويييل باش تقول فين كنتي
عماد: ممم
رقية: حيت معندك ماقوول متزييدش معايا شي كلمة تاافهة معندي منستاافد بيها
عماد: متقصحييش ارقية عفاااااك انا كنت بين لموت ولحيا 
رقية: بلا متخاول دهلني هاد الدخلة اعماد كان عندك الوقت تقولي باش نعرف حتى انا كندير نتعامل معاها ماشي فاللول جالسة رحب بيها وهي كتجري باش ترجعك ليها
عماد: صافي دغيا حكمتي علية انا خاائن وجايبها عندي
رقية: (لا رد قلبات وجهها معرفت منين جاتها هاد الراحة منين قالت هاد جوج كلمات هي عارفة ومتأكدة عماد مكيخونهاش ولكن هي بغات تربييه وحتى شنو داز عليها من قبل متنسااش وجا الوقت فين تصفي الحسااب لمرا كتناااسا عمرها مكتنسى وابسط واتفه الامور ترد ليها الذاكرة 30 عام للورااء عكس الراجل للبدي كينسا وكيقول مغتدي مغتجيييب معرفينش اننا مكتسااوش غير كنيسلكووو باش ندوزوو الاياام...)

فاطمة: (هربات من ديك الجووقة وقلبها خاايف على ولدها منين شافتو مكعرر مع لبوليسي عرفات القضية حمااضت وغيمشي بين الرجلين واخا كاين خلفياات صحااح الا خاافت علييه شدات تاكسي تبعات لومبيلونص خلات طبيب خرج ودخلات لقات نور كتشةف فسقف) حبييبة سمحيييلي دخلتك لهاد.السووق ونتي غي دريوييشة ماشي ديال هاد المستوى
نور: (باصراار) غنزل لهاد المستوى نااخد حقي ونطلع للمستوى دياالي
فاطمة: ولكن ابنتي راك شفتي اليوم غير شونتيو ها هو خليت عماد غيديوه لبوليس
نور: ولد عمو غيخرجو ياك يدو واصلة متخاافيش علييه من ديك النااحية بفف (بغات تجلس عوناتها فلطمة للي كتشوف لخبااشي فوجهها وفعنقها) باينين
فاطمة: ماشي بزااف ابنتي عندي بومادة فالدار ايفيكاااس 3 اياام ميبقى فيك واالو
نور: هاانية ويبقى للي زيين زيين الافعاال اما لوجه مكيهمش
فاطمة: اوا هي لاوية عليه بدوك شعور وتقزااب
نور: (باستهزاء) مزوجة وبولادها وحتى لفولار مديراهش كوقع عماد قبل على راسو هادشي
فاطمة: عيا معاها ابنتي بالحيلة دبااز رغييب واالو للي فراسها فراسها علاش هو ناض بغا يتزوج غير هكاك ولكن بنت لحراام الشيطاانة بين ليلة ونهار قداتلو الدقة ولا يهترف غير بييها 
نور: غير تفرح هاد.اليومااين مكنتش باغا نفرقهم ولكن داابا حطييتها فرااسي
فاطمة: (بفرحة) الله يكملك بعقلك ابنتي هاكا نبغييك عماد من اللول ختاارك نتي 
نور: (بتنهييدة) ياا ريت مركبتش دمااغي وكان ولادنا راهم فلمدرسة
فاطمة: شنو وقع ابنتي علاش مكملتووش وعلاش لفراق حا من عندك
نور: من عندنا بجووج اخالتو انا من قلة فهامتي وهو تكبورو وبجوجنا طحنا فزوااج فاشل غير هو مزال متمسك بيه على لوليدات وانا ختاريت نهرب بصحتي وعقلي بلا وليدات
فاطمة: (تبسمت معاها) ان شاء الله وليداتك غيكوونو مع عماد
نور: (تبسمت) ان شاء الله اخالتو لحبيبة لهلا يخطيييك علية (هزت باستلها يدها) ويطول لينا فعمرك
فاطمة: ويخليكم لية اوليداتي ويبعد عليكم الشر وديك لخبييثة
نور: امييبن ياا رب...
~~~~~~~~~~~~~~
يونس: (راجع مع لي شااف ديالو من فاس ومرة مرة شبح الابتسامة كيزوور عينييه ويوصل لشنايفو حتى كيقمعهم ويرجع لملامحو الجاامدة باش ميضيعش بريستيجو قداامهم ميساااجها حس بييه من اعمااقها زااائد شحاا مسمع هاد لكلام منها حسبيها عييشة عيشة لقدييمة للي حمقااتو عثليتها تبدلتت من نهار تزوجو مفهمش شنو للي بدلها ولكن حبها لييه خلاه يتقبلها بكل عيوووبها واغلاطها لكبييرة وصغييرة خلاه يبغيها ببراءتها وعفويتها وتشيطيينها حتى من نااحية طفوولتها صعييبة كيخليه يتساامح معااها وصلو لكوميسارية دخل بالزربة لبيروه فين علمو عماد كيتسنااه بلا إحم ولا دستور دهل مدرم مدقش لقا عماد حاني على ركابيه وباينة فيه حالة كيرغب ويزااوك ورقية هازة خناافرها علييه) احم اماالكم على هاد الحالة؟؟ (جلس فكرسيه وعماد وقف وباين فيه طيرالو)
عماد: اااحم عادوصلت
يونس: امم اه شنو وااقع
رقية: للي وقع هو شدييت واحد المتطفلة عطيت لمها علاش كتقلب والا شفتها مزال قدامي نقتلها ونشرب من دمها
يونس: ههه اوا ونتا لاش كداابز مع الناس
رقية: ومزاال مكملت كلامي باغا نديكلاري بهاد خينا 
يونس: ههه شنو داار انا نجيبلك حقك
رقية: لا عفااك غير دير الاجراءات القانونية شديت عليه الخياانة مع خطيبتو لقديمة
يونس: (هز حاجبو فعماد للي كيشوف فرقية) واش نور؟
رقية: علاش كاينة شي وحدة اخرى يااك ايونس عاارف ومخليني فدار غفلون هادي هي ختي ومنبغييش للي يقيسك
يونس: بلاتي بلاتي فعموني شنو واقع
عماد: موااقع والو رقية بغيتي تكبريها على واالو 
رقية: (خرجت عينها بعصبية) تكبر انا للي عندي قلتو (شافت فيونس) كنعرفك محاايد مغتوقفش معاه غي حيت هو ولد عمك؟؟
يونس: فهمووني بعدا شنو واقع وعلاش ضربتيها
عماد: كنت كنتسناها تحت خدمتها وجات نور وقفات علية ولقاتها رقية تمااك دابزو حتى جات صطافيط ولوخرا راها فصبيطار
رقية: (خنزرات) بقاات فيك أمسكييين الا بغيتي نتبعك لييها مرحبا
يونس: رقية!! قوليلي علاش ضاربتو 
رقية: لقيتها كتقولو واش نسيتي للي بيناتنا وكدا استفزاتني بهضرتها محسيت حتى ضربتها ولكن للي بقا فيها هو نكون انا اخر من يعلم انها كانت الإكس ديال هاد الاخ
عماد: هانتي قلتيها الاكس وهادشي مكيتسمااش خيانة
رقية: يااك ايونس كتوقف معااه صافي كلملي بابا وشوف الاجراءات للي ديرو معايا فديك خييتي انا مخيفااش (كولشي صقر هي عارفة مغدخل حبس موالو حيت عارفة راسها باش محمية ولكن حاسة براحة خطيييرة هي متأكدة مكاين لا خياانة لا والو ولكن سكااتو فيدفع ثمنو كما دفعاات هي بالضوووبل شافت فعماد للي باينة فيه تاالف) الدنيا دواااارة اعمااد كنتي كتكره للي يخبع عليك ومكتحملش لكدووب ولكن صدقتي نتا مولاهم مكنتي غتخسر والو الا قلتيلي ديك زمر كانت خطيبتي نعرف كفاش نتعامل معاها 
عماد: اه غاالط ولكن متفسرييش هادشي خياانة لا علااقة والله
رقية: (ببرود) عندو علاقة نهار لكسيدة كنتي سكران وهي للي عتقاتك وباين كنتي معاها والا علاش غتلسقك هاد اللسقة كاملة زيد.باش عرفات الحي فين ساكنين ونتا وياها سنين مكتهاضرووش
يونس: تقدر تكون مآمرة
رقية: ويقدر ربي بغا يبينلي شنو كااين...

يونس: (سكت كيعض فحنكو من لداخل ويلعب فلسانو شاف رقية مصرة ان عماد خانها وحس أنها كتنتااقم لا غير شاف فعماد.لقاه سااكت هو من اللول وصااه ميطولش ويقول لرقية كولشي..) عماد خرج واحد 5 دقايق 
رقية: اقوالي مغنبدلهمش
عماد: (حرك براسو لا حولة) غير هو ديؤي فبالك ديك خيتي مبيني وبينها واالو
رقية: it's too late (فات الأوان)😤 (خرج مخليها هازة خنافرها وشافت فيونس) غتوقف معايا انا
يونس: احم رقية شنو الحاجة للي تخلييك تشفعييلو
رقية: (هزت كتافها) مبغييتش لاش يخبي علية بحال هادشي
يونس: (شبك صباعو وشاف فيها بجدية) نحطو كولشي فالطبلة
رقية: اه
يونس: مو ضسراات ومعرفش كفاش يردعها حيت كتبقى مو هي للي دارت هادشي وهو كان كيحاول يصلح هادشي قبل متعرفي ونور تحرك من هنا ولكن واالو مرضااتو مو ونتي خير شااهد على هادشي وشنو كديير فيه بحجة انها كتبغييه ومصلاحتو هي اللولة
رقية: ولكن علاش مقااليش
عماد: غلط مقلتش العكس وانا معااك تعاقبييه ولكن متنتاقمييش على اغلاط دارهم من قبل
رقية: نتا شفتي العذااب للي دوز علية فديك الوقت واخا هكاك سامحتو غلط وغلط وسامحتو ولكن هادي مقدرتش
يونس: شنو للي خلاك متقدريش حيت مسألة الخيانة نتي عارفااها مستبعدة
رقية: معرفتش يمكن الثقة يمكن فااض الكااس وخاصني نجلس بوحدي ونقيم هاد العلاقة
يونس: (هز حاجبو) غتخلي لي مخطط لهادشي يوصل للي بغا واش قاادرة تجازفي برااجلك اب ولادك
رقية: (عضت على شنافتها كأنها كتفكر) زعما نور؟؟ زعما بالصح باغا ترجعو هو ياك تفارق معاها على حسااب بااه
يونس: اه ولكن ها هي رجعات وشفتيها ككدير باش ترجعو وزيد مرت عمي الله يهدييها مشجعااها
رقية: تفوو على انسانة كداايرة كنكرها ماشي غير كنكرهها كنمقتها مقدراش نعاود مزاال نشوف فكمارتها
يونس: شنو قلتي
رقية: باغيني نسمحلو ياك
يونس: ابدا من جيهتي عذبي موو مزيان حتى يبقى يطلب سلة بلا عنب ونييت بردييلي فييه شي بلانات كان دايرهم مع ديك لمجنوونة
رقية: ههه كتستاغلني
يونس: خووك انا غنعااونك
رقية: ههه واخاا 
يونس: (بصوت اعلى) عماااااااد دخل (تسناو شوية والو مبانش) عماااااااد (لا رد) هدا مشا ولا شنو (وقف فتح باب لمكتب سمع هرااج) بقاي هنا انا غنجي (مشا جهة لكولوار حتى كيسمع عماد كيخصر الهضرة غير من الصمطة لتحت وشادو ممدوح شاف الجهة لوخرا كانت نور بقا واكف كيتفرج كانت هي كتبكي)
عماد: (كيهلل) صااقي هادشي للي بغيتو توصلو لييه سيرري رجعي عند مي وقوولها ولدك كضيعييه 
نور: (مخنوقة بلبكى) حشوومة عليك اعمااد هي معملات ليك واالو هي كتبغييك ونتا كتجازيها بهااكا
عماد: (كيتغدد) وسيري ت*** كرهت نهار للي عرفتك فيه خرجي هاد السوووق وبعدي مني ولوخرا الا بغاتك تلحق عليك وتنساني انا
يونس: (شدو فكتفو كيجرو وهمس ليه) الاموور الشخصية ماشي بالضرورة كولشي يعرفها 
عماد: 😡 هاد النااس مخلاولك فيين دير الرااس تفووو كرهووني فحيااتي بغيتي ديري محضر دووزي كتسنااي مني نرغبك متحلمييش بييها
نور: انا مبغيت واالو بغيتك تمشي غير عند مك للي مخلووعة عليك منين قلتلها شنو وقع 
عماد: (جرو يونس مع دارو لقاو رقية مربعة يديها وكتشوف بحقد فنوور شاف فيها عماد ياله غيهضر تبسمت بمكر ومشات حوطات يدها على خصرو كملو لمشيان تحت انظار نور ووصلو لمكتب يونس حيدت يديها)
رقية: بغيت نمشي عند ماما
عماد: (بتنهيدة) وااخ
رقية: (ياله كانت غضعااف من ملامح وجهو الحزينة ويونس هز حاجبو زعما متحاولييش كولشي خرج من تمااك ويونس مشا طاااير سايك عند عيشة للي شحال صوناتلو فالتيليفون ووالو مجاوبش مع دخل للدار لثا صقيير استغرب واش تكون ناعسة قلب عليها والو مكيناش هي وولادها صونا مكتجاوبش ركب فطموبيلتو وزاااد مع طريق...)

ندى: (من بعد مقدات مشيطة خفييفة ومكيااج تقييل لبسات تكشيطة فلبييج جا مع لونها لمبرونزي دارت اكسيسوارات زينووها وبينوها عرووسة شافت فمها وختها للي حتى هوما قادو راسهم شافت مبساج فتيليفونها *مزاالة تبووكيصة مناوية تخرج.. راني تجمدت بلبرد*) هههه رزان ماما راه فهد برا كيتسناني
رزان: ههه تلسيد جوج سوايع وهو منشوور برا 
خديجة: مزرووب الله يستر
رزان: مرااتو حلالو علاش ميزربش 
خديجة: (ميقت فيهم) باااز (خرجو لبنات مسوقولهاش لقاو فهد كيصوط فيدييه غير شاف ندى وقف باستقاامة كيشوف فالزيين دياالو وشحال وتااها لبلدي ومكيااجو زاادت حمقلاتو كتر ممحمقااه)
فهد: (نزل خبرها) حشوومة هاد زين يكونو قوادستو مطرطقيين هاد الليلة
ندى: هههه علييك بالاكتفااء الذااتي العمر
فهد: ههه داكشي كبرنا علييه ربي مسد تقبة حتى حل تقاابي
ندى: (خنزرت فييه) اهيااااا اش كتقوول
فهد: وماشي هااديك كانهضر ديما على الوااجهة انا الخلفية طلعاات فالراس
ندى: يععع على استقباال تفو تفوووو
فهد: (جرها من خصرها تركب نزل كيقاد ليها السمطة متبسم) احسن نهاار فحيااتي كنتمنى تكون بدااية زوينة لحيااتنا
ندى: (تبسمت) ان شاء الله
فهد: (حل باب الطموبيل لمها لي تبسمت وطلعات مقالت لا مبرووك لا لباس لا والو وحتى هو مسوقلهاش من اللول عارف كداايرة ركبات رزان ومشاو فطريق حط يدو على يد ندى) غزاالة احبيبة
ندى: (تبسمت وشافتو بكوستار فكحل وريحتو لمجهدة) حتى نتا 
رزان: (جالسة كتفرج فالرومانسية للي قدامها وقلبها ضاارها من جهة مجد عارفاه غيكوون فالدار محملاش تشووفو على قبل لجيست للي دارلها من داك نهار وعلاقتهم اللور اللور مكلفش راسو حتى يعتااذر شافت فمها للي كتميساجا ممسوقااش حتى للي تنصحها وتوجهها مكيناش فهاد العالم الا هضرتي على فلوس ذهب املاك تسمعك وها هي معاك ونتي حبيبتها وبنتها للي تفتاخر بيها اما هادشي كيجيها غير تبرهييش وتخربيق وديما اللومة نتوما للي مزروبين تزوجو وكان غير شي واحد لبااااس عليه صافي مبقاتش كتعاود ليها باش تهنى بدفمخها وفنفس الوقت باش متعمرهاش كتر معمراتها اليووم وصلو كانو كيتسنااوهم غير ادشافو الطموبيل بقاو لعيالات كيزغرتو خرجو العرسان من الطموبيل استقبلتهم عزيزة بلحليب وتمر عاد.طلعو للصالون للي كانو موجدينلهم حتى جلستهم دخلو تحت انظار الكل فرحان ليهم وحتى هوما باينة الفرحة مخلياهم فووق سحااب شعلو لموسيقى على الجهد فهد.استأذنيخليهم على خاطرهم وناضو لعيالات فالصالون كيشطحو ورجال فالصاالة مجمعين دخل يونس معطل للي كان جاي فطريق وعيطولو الخدمة ضروري سول غير الحاج وعلمو هو للي مشا يجييب عيشة من بعد مصوناو عليه يعلموه وهو مجاوبش خلا الحاج يظطر يجيبها تعاونها شوية فداك التوجااد حيت رقية مشغولة مع راجلها.. مشا جلس فالصاالة ولحسن حظو بانلو طيف عيشة كحز للقنت شوية حتى شدها فالشوفة كولها طلعها وهبطها كانت لابسة تكشييطة زويينة وشعرها مجموع نصو بطريقة كلاسيكية مبين ملامحها للي كيهبلوه ولكن لفت انتباهو كولشي ظااحك وكيشطح الا هي حانية راسها وغير كتخمم ماشي على عوايدها جبد تيليفونو كتبلها ميساج) *مال الزيين ديالي كاعي*
عائشة: (بلا متشوقو غير جا ميساج طارت قرات تبسمت هزات عينها لقاتو كيشوفها غير جات لعبن فلغين صيفط ليها غمييزة خلاها حنات راسها والابتساامة عرييضة فوجهها تبسم منينشافها هاكا كأنهم اول مرة بحبو بعضيااتهم حس باحساااس للي دغدغ المشاعر ولقلييب رجع صيفط ليها ميساج) *توحشتك ابوطزتي*....

مجد: (جالس مع رجال معبس على والو واخا حل المشكل مع نبيل الا وقعلو ما كبر مع مرتو كولشي ظاحك ناشط حتى من يونس للي كان كيقول غيشوف العائلة غيعبس ممسوقش محس حتى لقل راسو وقف وجلس حدا يونس للي مشغول مع ميساجات رومانسية مع مرتو هز عينو لقا مجد حداه) احم صافا
يونس: افين اخونا بيخيييير
مجد: الحمد الله ونتا مزيان؟؟
يونس: الحمد الله اخااي
مجد: على سلامت مرتك منين رجعات ليها الذاكرة (كان قالهالو نبيل)
يونس: (شرب جغمة من كاس اتاي مدوز الفقصة ودار ابتسامة صفرا كيفكر منين عرف)
مجد: اممم كنت بغييت نتأكد من شي حاجة على نبيل
يونس: ماشي هو للي صيفط تصاور وداك لموضوع تسد هو كان عاونها دوك الايام للي مكنتش انا 
مجد: وعلاش كل مرة مدابزين
يونس: داكشي دااز نتا ورزاان مزيان؟؟
مجد: (فهم ان الموضووع تسد) الحمد الله (تبسم) راها كاعية مني
يونس: معلييش لعيالات خاصك غير تعرف كيف تسايس معااهم
مجد: اودي منين كيتجمعولك المشااكيل كتلف
يونس: كااينة حل اموورك وحدة وحدة باش تعرف راسك من رجلييك وميتخلطووش علييك لعراارم
الحاج: ياله اسياادي تقادو نحطو لعشا (جاو السرباية كيقادو ليهم الجلسة كلاو وشربو ونشطو والحاج وعزيزة كيرحبو بييهم مخلاوش من جهدهم فسبيل الله كولشي حااضر الا وحدة للي ولات منبوووذة واخا هكاك عرضوها وشرطات تجي نور وعزيزة بصواب قالتلها نتي مرحبا على الراس ولعين ودارك هادي ولكن هادييك غريببة مدخلش لداري بكل وقاحة قطعات عليها الخط وعزيزة كتفقس لداخل ولكن مبينات والو قدام الحاج واب يونس.. ندى فرحتها كبيييرة للحظة سهات كتفكر وتقاارن بين نهار وقعات على العقد مع ابو القيصر وهاد نهار للي مع فهد فرق كبييير داك نهار كانت كلبة ديال لفلووس غراضها من زواج هو فلوس ذهب طموبيل دار حساب فلبنك تشري حوايج تساافر ودابا من اللول باغية غير راحة لبال والاستقرار وحتى من المعاملة كاين فرق هو كان مستاغلها على نزوااتو الحيوانية مع التعذييب واخا كانو محسوبين الايام للي تقرب منها الا مكيتنساوش وفرق بين فهد للي باغيها لنفسها باغي يكون اسرة ويعييش معاها لحلال كما كيقول ديما محسات غير بيه جا جلس حداها)
فهد: نمشيو؟؟
ندى: بلاتي ششوية مركبو لخواتم
فهد: حتى للدار
ندى: هههه للي مزروب عليه مكاينش علاش نمشيو من دابا
فهد: ههه غير نسد على ملتك لباب كاافيني 
ندى: (عجبها جوابو حدها تبسمت ليه وقلبات كتهضر مع ختها نور باش يسربيوو جابو خواتم ركب ليها داك ذهب تحت التصفيقات والزغاريت جات مها كتعنق فيها وتصور قدام الناس وتبين الام الحنيينة حتى حد مسوق ليها حيت صمعتها سبقاها ناضو مشااو فحالهم وكولشي بدا يخوي
يونس: حبيبة انا غرجع للخدمة غير باتي اليوم هنا
عائشة: (صدمها) هااا
يونس: (قربلها وبسبابتو سدلها فمها) براسي مقاادرش نمشي (بلهفة كيطلعها ويهبطها) ونخلي هاد زيين موراايا (بتنهيدة) ولكن مكتابش مكنتش ناوي رجع للخدمة جتى صوناو علية دابا
عائشة: (زادت قرباتلو وبصباعها كتلعب بالسنسلة ديال لكويرة) زعما نفهم توحشتيني
يونس: (بحركتها خلات عينيها يصغرووها بكل شهوة) علاش فين عمرني متوحشتكش بففف نتي بزااف (بعد من حداها كنين دخل الحاج للصالون) احم الحاج (شد لعيشة فيديها) شي خدمة جاتني مزروبة غنخلي عييشة تباات هنا 
عائشة: وصباح غتجي هنا 
يونس: مزال معرفت فوقاش غنجي بالظبط مهم نتي هانتي هنا مطمن علييك من بعد ونصوني علييك
الحاج: كوون هاني اولدي
عائشة: (تبسمت معاه) نوصل معاك لتحت
يونس: حمقة باغا تنزلي هاكا (خرج باها) واش بمنيتك باغا تزلي هاكا ونتي زويينة قدام لباب
عائشة: ههه غنتوحشك بزااف
يونس: (تبسم) حتى انا احبيبتي نخلييك شوية ونصوني علييك (باسها فحنكها وشاف جهة لباب ملقا حد وهو بشلقمها حتى قطع النفس فيها بعد وهي كتلهت) غير ديال تشلقيييم (مشا وخلاها تمااك فرحانة عاد رشقتلها وبقات كتجمع فداك الصالون بلفرحة حتى خرجت ولقات رقية كتشطب)
عائشة: نتي مزاالة هنا؟؟!!!
عماد: (خارج من لبيت هاز صفاء ناعسة وباينة فيه طايرالو) مزاالين كااع
رقية: (عوجت فمها وشافت فختها) نتي للي شفتك بااقا هنا 
عائشة: يونس جاتو شي خدمة ومكاينش لاش نمشي نبات بوحدي
عماد: انا بعدا مخدام موالو جالس خير وسلام مقابل مرتي وولادي حتى حكمت الحكوومة نباتو هنا علاش مفهمتش
رقية: (تعوجت) نفهمك!!!
عماد: احم عوييش فين نحط صفااء
عائشة: ههه اجي هنا حطها مع لخووت (تبعها)
رقية: سير سييير (قالتها بشوية) الا مدوزتش عليك الدكااكة منتسماااش جاابك الوقت لية اولدي (كملت تشطاب خرجت عيشة لابسة بيجامتها تعاونو على الدار رجعوها كتشعل عاد عيشة دخلات لبيتها لقديم تنعس وتبعاتها رقية شدات نموسيتها شافت فيها عيشة)
عائشة: غتخلي راجلك بوحدو؟؟
رقية: (تنهدت) راه ناعس حدا عمامي فالصالون
عائشة: (صغرت عويناتها فيها) مداابزين؟؟
رقية: اودييييييي (طولاتها مع تنهيدة)
عائشة: (تكات على جنبها وحطات راسها على يدها) عاوييلي 
رقية: فخبارك ديك نور للي محملتيش نتي نهار اللول صدقات هي الاكس ديال الافندم
عائشة: هااااااه وشنو قلتلك اوا كفاش وشنو وقع عاوديلي بالديطاااي (بقات كتعاودلها بالديطااي وعيشة كتفهم منها باش يخرجو بشي حل كما العادة اما فجهة اخرى مجد وصل رزان ومو للدار وبقا كيلعب فتيليفونو ونص عين كيشوف فرزان للي كتمسد لمو رجليها حيت مرضات مؤخرا بزااف ولقا رزاان نعم الزوجة مقابلاها من كولشي ندم على تسرعو ناضا مو مشا حتى هو مساندها دخلوها لبيتها عطاوها دوا غطاوها وخرحو) رزاان رزااااان
رزان: (وصلات لبيت وردخاتو على وجهو حل لباب دخل وسدو بشوية لقاها كتقلب على بيجامة فلمارية شدها من يدها برفق ونتراتها) بغييت نعس
مجد: اه غنعسو ولكن قبل نهضرو شوية 
رزان: علاش غنهضرو 
مجد: على هاد الحالة فين راحنا نتي مرتاحة هاكا سيمانة ولا كتر كل واحد قالب وجهو على لاخر
رزان: انا مكنهضرش معاك حيت عيقتي وكتغوت علية قدام بنادم وخا مدرتش غلاط معاك ومن حقي نتقلق ونغضب اوا ومتا شنو السبب ديالك؟
مجد: احم مكنتش مقلق منك
رزان: وعلاش غتقلق نتا خاصك تحمد الله علية ليل ونهار ولكن لواحد مكيحسش بالنعمة للي عندو حتى كطير من بين يدو
مجد: كفاش كطير من يدو 
رزان: كما سمعتي واخا معنديش خويا للي يدافع علية كنعرف ندافع على راسي
مجد: نتي واحلام معزتكم فقلي كبييييرة مكنفضلهاش عليك
رزان: (تبسمت باستهزاء) اه باينة 
مجد: (شدها من يدها وجلسها فوق النموسية وجلس حداها) انا حماار حيت غوت عليك داك نهار ولكن محسيتش براسي ومنويتهااش والله مقصدتها جات عفوية هاكا وصاافي ولكن قيمتك كبييرة عندي 
رزان: وهاد قيمتي فين كانت هاد الايام 
مجد: رزان حبيبة حطي راسك بلاصتي 
رزان: صافي غير نحط رايي بلاصتك نطيح منك قداام الناس كتسوفعا لوجييك
مجد: والله لقسااام مقصدت والو احبيبة دوزي غير هادي الا عاودت ديري فية للي بغيتي
رزان: لا نتا للي خلقتي هاد صدااع 
مجد: شنو ندير احبيبة باش تسامحيني
رزان: (هزت حاجبها) معرفت شوف نتا 
مجد: (تبسم) اممم دوزيلي هاد الليلة وغدا غنعرف كفاش نسامحك
رزان: (تقدات فبلاصتها) اوا حتى يصبح ويفتح
مجد: (تكا حداها وبقا يتبحلس ويرغب ويزااوك حتى رطاابتلو وواخا عطااتو حقو وخدات حقها مدووبل رجعات هزاات خناافرها علييه ومرضيااش حيت استسلماات عليه تحت حجة لا علاقة لهادشي بالمخاصمة ديالهم...)

ندى: (وصلو لدارهم هبطو وطلعو فدروج وكل واحد كيتخيل كفاش غتكون حياتو المستقبلية من هنا لقداام وبجوج كيتشاركو فنية وحدة للي هي الاستقرار وراحة لبال حل باب الدار شعل الضو لقاتها كولها ورد تبسمت ودخلت) زوييين هادشي
فهد: (هزلها جلايل التكشيطة وسد لباب بالزربة ومشا شد فخصرها مع بوسة خفيفة فعنقها) نتي للي زويييين الحبييب
ندى: (تبورشت وبعدت وجهها) امتى قاديتيه
فهد: (لاحظ حركتها وزاد.قرب وحط صبعو فعنقها) عندك لعيييبة هنا
ندى: هههه تا سييير فحاالك راه معندك متنيط مني فهاد نهار
فهد: ههه ماشي بالضرووروة
ندى: (هزت حاجبها) واايلي ماشي دياالك اخااي فهد
فهد: هاد السااعة هاني ختك غير صبري مك تسالي منك غنتاااقم منك اشر انتقاام
ندى: اممم دابا نشووف
فهد: (شحطها لمؤخرتها) غتشووفي وغتحسي وغوااتك يسمعوه من راس الدرب
ندى: اه اه مالك عندك فيه ميترو
فهد: ميترو ميترو لا رووب 
ندى: هههه احم ندخل نبدل حوايجي
فهد: (متبعها بشهوة) سيري سيييري اختي بدلي وجلسي تشهي فية
ندى: دخل تفرج الا حبيتي
فهد: الشووف ميبرد الجووف انا نقاد شي جلسة نحط كيسان واجي نكملو لقصاارة
ندى: (هزت حاجبها) كساان
قهد: لوييزة باش على الله ترخي للي مغيترخا حتى يرخيييك
ندى: بففف الله يعفو (دخلت لبيت نعاس لقاتو مفرش مقااد فيه وريدات وورقة بيضة مكتوبة *لاحلى واغلى واجمل عرووس مبرووك علينا* تبسمت حطاتها ووقفات حيدات التكشيطة بقات بديباردور وشورط فكات شعرها ديماكيات وجهها وبقات كتفكر شحاال حيدات حوايجها كاملين ولبسات بينوار خفيف ودخلات للدوش جابت مستلزماتها عمرات لبانيو بما يخون شوية حطات شي زيووت فيه ورغواتو بريحة شوينكو للي كتعجبها شعلات شميعات كبار كاينين تمااك كانت شراتهم من قبل وحطاتهم تماك جمعات شعرها كعكة مخربقة مخرجة شي زغيباات ومبينة تاتو للي عندها تحت رقبتها حيدات لبينوار ودخلات فلما مكملات 5 دقايق حتى سمعت فهد كيعيط عليها) دخل انا فالدووش
فهد: (بلا عكز دخل لقاها فداك لمنيظر بباتسامة) اححح وشحال حسدت داك لما
ندى: (بدلع رشات لما على كتافها للي كيلانو ودوزت يدها عليهم) اجي
فهد: (بفرحة كيحايد حوايجو بالزربة بطريقة خلاتها ظحك وطلقاات ظحكتها) ايواا يا ساافلة
ندى: مكاينش السفالي قدك
فهد: (يال جا يدخل رجلو وحايدها) اهيااا مفييكش لغييكل
ندى: (تبسمت وحركت راسها بلا) توو توو..
فهد: (صغر عينو فيها) بنت لحراام (دخل وجلس مقابل معاها نافخ ريشو وفملامحو زعما مقلق وهي كتشوف فيه حتى هزت رجليها وحطاتها فوق ***) متقيسينييش
ندى: ههه وعلاش
فهد: غييكل 
ندى: ههههه وانا نضيع فليلتي 
فهد: (بقا ساكت حتى شدها يدها جرها لعندو بسهولة ودورها جا ظهرها لاسق فكرشو ودور يدو على كرشها) علاش كتقلبي
ندى: كنت غير كنظحك معاك
فهد: كظحكي ولا باغا تختابريني عاارف خصاايلكم نتوما لبنات حقا واش لاغيني انا لراسي ولا لجسمي واش بنيتك اندى انا الا بغيت نعس معااك راه حتى هو دااخل فتعبير على الحب ديالي ومتنسايش راكي حلالي اما وكان متزوجتكش والله مكنت نقييسك فحالة الا نتي جيتيني فشي زنقة مكتخرجش
ندى: هههه منويت والو كنت غير ظاحكة وصافي
فهد: واجي نورييك انا علاش نااوي... (دورها لعندو وجلسها على ججرو وحتى هي واجدة معطلاتوش لوات يرجليها علية وشدهت من رقبتها نزلها لمستوى شنايفو كيقبل فيها بكل شغف وجععر وهي مااشية معااه حتى رجع داك الدووش كولو اصوااات من طرفهم بجووج للي بداو فالدوش كملوه فبيت نعااس... )

يونس: شي حاجة عاادية وطبيعية تسمى فية ونكون المتهم الاول فعينيهم (بتعابير غير مبالية) 
الشاف: خوه هو للي مزاال خالق لبلبلة
يونس: خليه على خااطرو وكان كانو كيفكرو بانسانية ميبغيوهش مزاال يعييش ويقتل فبنادم ولكن ميغركش دوك دموع التماسيح للي جاي قبيلة كيديير راه بيه فلووس الي مزالة مبلوكياها الدولة
الشاف: المشكل كيمشي للصحافة
يونس: يمشي فينما بغا هو خاصو لفلووس وانا بنتلو فلبلان
الشاف: كفاش قضية كيقول عم مرتك
يونس: شخصيا مكنعرفووش
الشاف: اممم غدا خاص رجعو للرباط على حساب داك المؤتمر هاد خينا مخاصووش يباان حيت بانلي فيه مزعزع وناوي يديير ما كتر
يونس: باش من تمااك نطيير بمو كوون هاني من هاد الجهة الشااف (كملو حديثهم عادي وكل واحد طلع للشومبر ديالو يونس بقا غير كيخمم فهاد شماتة للي متاهمو بقتل خووه وزيد.قدام العالم كيقول على ابو لقيصر باين لبنات عيا يبرد ولكن فالتالي طار عليه بونية خلاتو مفافي مفاهم والو هو متأكد معندو ميديرلو ولكن هاد الشووهة مكانتش على لبال صونا على عيشة لمرة اللولة مجوباتش شاف فالساعة لقاها 4 صباح صيفطلها ميساج *كتكووتة ديالي سمحيلي مساليتش باش نهضر معااك انا ياله كملت شي خدمة وغنتلاح نعس بيزوو عويشتي...* )
~~~~~~~~~~~~~~
اصبحنا واصبح الملك لله
رقية: (فاقت معنكشة بشي حاجة كتلمس فوجهها ولكن رطيطبة حلات عينيها غير بشوية وهي تلقا عماد متكي حداها وبوردة كيلعب فوجهها غمصت عينيها ورجعات حلاتهم) هدااا رتك كتهرني
عماد: رقية حبيبة بلا متزيدي تعذبييني والله مكنت نااوي ولا قصدت شي حاجة خاايبة
رقية: (بصوت ناعس) عماااد خليني نعس (شافت بلاصة ختها لقاتها عاطية بظهر مكمشة وحتى من راسها مغطياه بكااشة) خليني رجع نعس مزااالة عياانة
عماد: وانا مبقييتش فيك اروكا ديالي لايخاني مع عماامك شي شاد الجرة فجخيير ولاخر كيجاوبو بلعلوة
رقية: اووف وانا ماالي نوض نحير باش نتا ترتاح
عماد: خليني نعس حدااك ولا ياله لبيت لجلاس مهم تنعسي حدايا
رقية: واش نتا مرييض خليني نعاااس واش خليت رضوان بوحدو
عماد: لا مشا ينعس مع خالو ادم
رقية: (عطاتو بظهر وهو زاد نمكن وعنقها) راه حشومة مانا دخل وتلقاك هاكا
عماد: وياله نمشيو لدارنا 
رقية: (دفعات مرخرتها وبقات كتكحزو حتى دفعاتو وجا طايح) سيييير فحاالك ولا غنقوولها لبابا
عماد: (وقف) هانا غنمشي للخدمة رجع ولقااك فكرتي بعقلك احبيييبة متخلييش لعدياان يفرحو بداكشي للي نواوه يديروهنا
رقية: اممم (جا يبوسها بعدا وجها شدو بجوج يدين مفيكسييه وباسها فجبهتها وخرج نيشان لخدمتو فين لقا مو مجمعة مع سيكرتيرة تمااك غير شافها كحل بلعما ولكن تعامل مزيان قدام الناس مع دخلو مع سعل معاها)
عماد: بغيت نفهم منك حاجة وحدة عادييك لمخلووقة لاش جبتيها لهنا
فاطمة: واش نور؟
عماد: وشكون من غيرها لبارح واش مغتهناي حتى تزهق شي رووح راه ولدك للي ضاايع من هادشي كاامل

قاطمة: حيت مبغييتكش ضيع داكشي علاش جات فطرييقك ديك بنت لحلال اما انا مجبتها مواالو ربي بغا يلاقييك بيها حيت نتا مرضي مييمتك
عماد: (جلس فبيروه وشاف فيها مطولا) من لخر رقية هي للي مغنطلقش وقسما بالله وباش كيحلفو رجاال مغندهل عليها ضرة ولا نتزوج بغيييرها واخا تنطااابق سما مع الارض
فاطمة: حتى الا خيرتك برضااتي
عماد: فهميني هاد رضى بعدا شنو هو
فاطمة: عماد متفلسفش علية متنسااش انا للي جريت وجاريت باش تقرا وتولي اجاابه معايا وفالتالي لقا منك هادشي
عماد: (تبسم مغدد) شكرا خييرك منسااهش الوالدة وربي غيجاازيك على هادشي 
فاطمة: كطنز علية اولدي!!
عماد: اااالواليدة راه نتي هي لبرمة وكولشي حاشا واش نطنز ولكن نتي راكي عيقتي بلمعنى كدهلي فشي شبوقات بعااد عليك ناي للي كيهمك نكون مرتاح وفرحان فحيااتي انا راه بالصح مرتاح وفرحان مع رقية وزيد كنبغييها 
فاطمة: وانا؟
عماد: متقارنيش راسك بمرتي الوالدة ناي بلاصتك عندي كبيرة وحتى هي بلاصتها كبيرة عندي 3 دنسا منقدرش على فراقهم نتي ومرتي روكا وبنتي صفاء
فاطمة: (باستهزاء) رووكا قولي كتحشم تقول سميتها لمعربنة رقية
عماد: هههه رقية من اجمل الاساامي الوالدة كما مرتي منبغيهاش شي نهار تجبدك بشي حاجة خايبة حتى نتي عكاك حسبيها مكيناش كاين غير ولدك للي هو قدامك وكيطلبك لاخر مرة الا ناي للي كنتي من مور مجية ديك لمريضة رضيها قبل متزيد الامور تعقد
فاطمة: هااااه اذا عندك المشاكيل فحياتك
عماد: لا كنهضر على علاقتي بيك نتي 
فاطمة: كتهددني اعماد
عماد: لا ولكن منبغيش تكون عندك يد فهاد تبرهييش باش متجمعيش معاها (بغا يبدل الموضوع وقف وجلس فلكرسي للي قبالتها.. قرب وحط يدو على حنكها وبعدات منو) خاص تحايدي لفاصمة باش لوجه يتنفس وحتى الجرحة متعفنش
فاطمة: (بتوتر) لا لا مبغيييتش شي واحد يشوفني بداك المنظر
عماد: مغنخليكش هاكا راني هضرت مع صاحبي مرتو طبيبة تجميلية غتردلك حنكك كما كان
فاطمة: لاء مزالة ممستاعدة مهم دوز عنددي للدار نكملو كلامنا هنا مصالحش نتكلمو على خاطرنا
عماد: (حرك راسو باه ودعها وبقا نعصب وفنفس الوقت بقا فيه الحال من هاد الحالة للي دايرة فيه مو...)

فهد: (حل عينو بالسيف من تبرزييط التيليفون حيد شعر ندى على وجهو مد يدو لكوافوز كيتحسس فين تيليفونو حتى لقاه هزو شاف شكون وقطع رجع حطو وشاف فظهر ندى العريان تبسم زاد قربلها بيديه كيتحسس كرشها ويتفكر ليلة لبارح للي كانت ولا الف لييلة عيا يدوز فلبنات انواع واشكاال ولكن بحالها مدوزش خلاتو سخفاااان باقي ملهووف ولكن جهدو تقاادا حتى نعس على كرشو وطاحت حدااه بلعيا لقاها نعسات عريانة ناض سد سراجم على الضو ديال صباح ونعس عليها.. همس فودنيها) ندووووشة عقرووشتي بيبية ديااالي..
ندى: (دفعاتو بكوعها) هدااا اصااحبي
فهد: انووضي اصاحبتي نشووف الزين ديالي ضووري غير عندي
ندى: (دارت عندو وصاطت) بففف فهد خليني نعس
فهد: (كيلمس فوجهها) خاصنا نسافرو احبيبة راها 3 دلعشية
ندى: (حلات عينها) فين؟
فهد: (باسها فشنايفها) فين بغيتي العمر
ندى: (رجعات باستو) لبلاصة للي كنتي فيها نتا عندي زويينة
فهد: (تبسم حتى تسدو عويناتو بلفرحة وهز ذقنها باسها بوسة طويييلة بعد عليها بشوية) تركيا عاارف كنتي غتحمااقي وتمشيلها 
ندى: ربي ربي!!
فهد: هههه ونوضي كولشي راه موجد 
ندى: (ناضت مسفحة عليه وهو مقوس عينو فيها كيعبرها شبر شبر حيت لبارح كان التطبيقي عاد دابا كيشووف نيشان وهي كدور حداه معلبلهااش عجبو الحال حيت مطلووقة معاه هاكا حتى هو ناض و*** مدلدليين غير شافتو) ايييه جمع علية زمرك ستر ستر رااسك
فهد: (زاد قاد الوقفة) شفتي راسك الاخت باش كدووري
ندى: (وقفت بانوثة ودارت يديها على خصرها) انا عندي ميتشااف كيتك نتا للي جلوودك تابعيينها كلكلبة الهجاالة
فهد: هههه وااخا على مك زيدي حتى هادي على القائمة (مشا هز شورطو لبسو ولاح عليها بينواار) لبسي ولا حتى انا نتعرا على مك ونصدقو حتى لغدا عاد ماشيين
ندى: (لبسات لبينوار وخرجات من لبيت للي كان مقلوب سفاه على علاه مشات للكوزينة كانت كتصفر ملحة عي التالية مافيهاش رجعات عندو لبيت لقاتو كيلبس حوايجو) مالقيتش شنو نااكل اسي
فهد: شنو باغا الحبيبة ديالي
ندى: للي جبتي المهم غير عتق (هز بزطامو باسها وخرج هي جمعات لبيت مزيان حيدات داك لورد جمعاتو فبواطة جمعات حويجاتها للي غتسافر بيهم لقاتو هو جامع حوايجو.. جاب معاه غدا تغداو فجو الظحك والنشااط كملو جمع هو رويتة وهي دخلات قدات راسها كما تافقو لبسات حوايج مستورين هبطو وشدو طريق للمطار كملو اجرءاتهم وطلعو للطيارة للي قلعات بيهم)
فهد: (جبد معاها موضوع لكينة للي لقاها عندها) منبغييش نشوفك كتشربي الكينة اندى
ندى: انا شريتها تحسبا الا قررنا ناجلو موضوع الحمل سي تو 
فهد: لا غير خلينا نولدو الحمد الله كولشي موفر
ندى: اوكي حتى انا مقتانعة بالفكرة كنت كنتسنى نتا 
فهد: لا انا بااغي لبارح راه *** فيك 4 الا محملتيش من هادي غير نشنق راسي
ندى: هههه ماشي وقت الاباضة
فهد: كفاش هاد الاباضة على هادشي بوقتو
ندى: علاش الفاهييم قاري فزحاام ولا داك نهار كان مقطوع الضو
فهد: لا كنت كن*** فالطاولة اللورانية هه انا كنت غير كنسمع الجهاز التناسلي للمرأة كنق**
ندى: ههه متأكد باغي يكونو عندك وليدات
فهد: لا لا كتخاااافيش تربيتهم غتكوون زويينة
ندى: اممم مشفتش
فهد: (درعها بيدو وتكا راسها على صدرو) كوني هانية احبيبة راه ولادي وغنخااف عليهم داك فهد لحرايمي باااح معاكم فالدار
ندى: انا مغنجلسش من الخدمة
فهد: مبغيتكش فالاصل تجلسي ماشي مشروع شحال ونتي تقاتلي عليه وفالتالي تجلسي منو على ودي مجااتش
ندى: اوا هكااك
فهد: ولكن شروطي باينين ومعقولين
ندى: متخممش الصاااط
فهد: يخليلي الصااطة ديالي (بقاو فجو الهضرة حتى وصلو ونيشان لاوطيل يرتاحو...)

عائشة: (جالسة فلبالكو مهدنة وكتفكر فهادشي للي كدير مع راجلها شافت فختها للي عندها مشاكل كتيرة مع عماد ولكن عمرها كذبات عليه ديما كتواجهو وكيفكرو فحل اما هي من نهار سنات على العقد كان عندها حلم هو العرس من صغرها وحلمها دير عرس ويونس فالمانيا قالها نديرو عرس ولكن ظرووف للي تزوجو فيها خلاتو يترراجع على كلمتو بقات كتسنى ومشافتش من موراها ان ماشي معقول دير عرس والعائلات مزال ممتقبلين زواجهم للي جاهم صدمة.. واجهها بالحقيقة انه بغا لولاد وبعنادها شرباتو كينة للي عرفات مخاطرها ولكن قالت مغطولش بيها مفطنت حتى فات الحال وشافتو كيضمر ويموت قدامها واخا هكاك مقالتلوش الحقيقة حتى عرفها وكانت ردة فعلو طبيغية عاد بلعكس مقتلهاش ومطلقهاش خلاها معلقة وخلاها واول مشافها وقبل حتى ميعرف بحملها استقبلها زيد بموضوع الذاكرة للي كانت بغات تربيه وتوريه المعانات للي دازت منها لقات انه عندو الحق فكلامو للي جرحها وخلاها تجري بلا عقل فطرقان ودارت كسيدة.. تنهداات بحزن هي كتبغي يوونس وبزااف ولكن هادشي للي دارت معجبهاش علاقتهم توترات بزااف ديما كيلمح ليها مكيبغيش لكذوب بحال حاس انها كتكذب خافت يرجع يخليها الا عرف راها مفكرة كولشي وقررات غير يجي تقولو كولشي المهم متبقاش هازة هاد الحمل للي معذبها شافت فتيليفونها كانت 5 دلعشية ولدابا مصوناش عليها وقفات باغا دخل حتى كتلمح طموبيلتو دايزة طايرة بقات متبعاها حتى وقفات حدا دارهم بقات كطل شافتو خرج ودخل لدارهم صونات عليه مجاوبش قلبها زدح حااسة بشي حاجة ماشي هي هاديك وزيد موضوع مقسهاش كتر من 15 اليوم مطير نعاس من عينيها دخلات بالزربة للدار لبسات مونطو ديالها جرات بنطوفة جمعات شعرها وخرجات من الدار ياله وثلات حدا طموبيلتو كتقشع شعر زعر شي وحدة جالسة فالمقعد الامامي قلبعا زاد كيضرب كتقلب شكون هاديك حتى بان يونس خارج وهاز جوا فيدو شافها كان مخنزر وباينة طايرالو تخطاتو وبغات تحل لباب حتى حسات بيدو سدات لباب ضارت عندوو وعينيها مغرغرين) شكون هادي
يونس: عويشة الله يسهل عليك سيري للدار انا فالليل ونجي عندك
عائشة: لا قولي شكون هادي
يونس: (كانت طايرالو بلمزيان حل باب الطموبيل بنتير) هادي فروووس حيت نتي فاقدة الذاكرة مغتعقلييش عليها
عائشة: (طلات لقاتها هي نيت وعينيها حومر) علاش نتي معااه
يونس: (جر عيشة من ذراعها بشوية وباينة الغيرة فيها) عيشة هادي غير صديقة معنديش الوقت للي نجلس ونشرح ليك 
عائشة: عندك الوقت غير لييها ولا صافي انا تبريمييت ولدت 3 وقداميت (تجننات وصوتها كيرجف) صافي دغيا بدلتيني عليها مبقييتش بااغيني مخليني فداارنا ونتا كتعييش حيااتك غير قولي مبقيتش باغيك وملسقش فييك (رجعات طلات على فروس فالطموبيل وهضرات بالالمانية) هو ال*** للي متحلمييش بيه عييتي دووري بيه ومتشدلكش وداابا راجعة كدوري بيه والله منخليه حتى لشي كلبة
يونس: (راسو منفووخ بلونكييط للي داز منو وخلا عماد فيه بسباب قضية ابو القيصر للي ولا تحل وللي زاد الطين بلة منين لقا فروس مزالة كدور فالمغرب والشكوك دايرة عليها منين قلبو فسجلات الدخول والمغادرة) بفففف عيشة سيري للدار
عائشة: هانا ماشية ولكن عمرك تعاود تخلم تسوفني لا انا لا ولادي هئ هئ غير قولي علاش بدلتيني بهاد زبل
يونس: مبدلتكش اعيشة راك غير كتمرضي راسك وكتفهمي كولشي بلمقلووب وكان كنت عارفك كتشدي فمك عندك نعاودلك ولكن نتي لي قلتهالك كلقاها عند كولشي
عائشة: (زاد صدمها) اناااا
يونس: (زاد كعى) شوفي خدمتي نقدر فأي لحظة نخسرها سيري للدار من بعد وغنجي انا نفهمك
عائشة: (هي فكرة يكون معاها للي متقبلاتش) صاافي غير نساني انا (مشات كتبكي كتسناه يلخقها حتى سمعاتو كسيرا ودار مع الضورة مكانتش مع العاكزين ومن حسن حظها دايزة تاكسي ركبات فيها) عفااك تبع هاديك الطموبيل
....: اشمن طموبيل اختي
عائشة: وغير زيد ها هي دازت قدامنا من نوع (فورد كاش كاي)
....: اه صافي (بقا تابعو وعيشة مخربقة معرفت تبكي ولا شنو دير كفاش من صباح وهي كتحاول تبدل راسها وترجع كما كانت وترجع علاقتهم الحيوية ودابا ها موشكييل تزاد فالقائمة كولو كووم ووجود فروس للي كتكرها معااه وصلو للكوميسارية وخرج وهي بقات فالطموبيل شافت معندهاش ريال)
عائشة: صبر نجيبلك فلوس (خرجات من تماك حلات طموبيلة يونس وفروس غير كتشوف فيها وكتبكي جبدات عيشة فلوس ومزالة كتخنزر فيها مشات خلصات مول التاكسي ورجعات جلسات فمقعد يونس وطرقات لبيبان...)

عماد: (شرب جغمة من القهوة للي حداه بكل هدووء كما تافقو هو ويونس وشاف فللي كيديرلو لونكيط) لداابا مزاال مفهمت علاش هاد الاسئلة
....: عادي حيت كنتي نتا من المقربين ليه فالمانيا
عماد: سياسة خدمتي خلاتني نتقرب ليه باش نجيبلكم معلومات للي تسهل عليكم تشدووه نورمال هاصني تكرييم ماشي لونكييط بحال شادين مجرم
....: احم حنا كنسولو عادي ماشي كنستجوبووك
يونس: (حل لباب ودخل مدرم) باي صفة غتسولووه
....: سي يونس خاصك تلزم حدودك 
يونس: من دابا مبقات حدوود قضية كنا غنخسرو فيها حياتنا باش فالتالي تجيبو سي عماد على اساس مجرم
....: انا مقلتش هو مجرم
يونس: وعلاش هاد الاستجواب
....: حيت تقدمات ضدكم شكوى نتا وسي عماد 
يونس: اي واحد جا قدم شكوى كتستجوبووه فلبلاصة!! فكرني فاينا مؤسسة دوزتي مرحلة التدريب؟
....: (تحرج) انا كندير خدمتي 
يونس: اه ديرها ولكن باش تجيبو هنا وهو طبيب بعييد على هادشي ممنحقكش عاد بلا منزيد منين جيتي عندي للمكتب ونتا كتستجوبني ودخل وتخرج فالهضرة باش نتلف انا ونقر بشي حاجة مديرهاش بلعقل ماشي حيت انا للي شديتو وجبتو غنقتلو معرفت فين اللوجيك باش فكرتي وشكون عطاك الصلاحياات باش تخرم
....: كتشكك فنزاهتي
يونس: اكيييد كنشك فيها وهادشي مغندوزووش بالسااهل 15 عام دياال السربيس تجي نتا وتضربها فالزييرو حيت جا واحد وقال موت خويا مشكوك فيه وكنشك ففلان وفلان
عماد: (مصطانع البرود ومن لداخل ديالو متوتر بزااف شاف فساعتو) واش انا مزال مطول هنا
....: (شاف فيونس للي كيتحدااه بنظراتو ورجع شاف فعماد) يمكنلك تمشي ولكن الا حتاجيناك غنعيطوليييك
عماد: اامم يونس نشووفك من بعد
يونس: (خرج عماد وجلس فبلاصتو) انا وكان كنت منو غنرفع علييك قضية
....: نتا عارف هادي خدمتنا وحميد اخ الضحية أشار انك نتا راجل بنتو وبيناتكم مشاكل
يونس: (بنظرات باردة) وحيت بيناتنا المشاكيل غنوض نقتلو؟!! 
....: وفروس شنو قضيتها للي غادرات مطار كازا فنهار للي تقتل فيه واخر واحد هضرات معاه هو نتا وعماد
يونس: ديجا قلت فروس صديقتنا من قبل الا عاود دققتي فالمعطيات للي عندك غتلقى الاتصال متقطعش ليومنا هدا وبالدليل غتخرج وتلقاها برا فطموبيلتي
....: واش هي للي قتلات الضحية يوسف الادريسي
يونس: (تبسم باستهزاء) كيبانلي نتا للي خاصك محامي معاايا.. بأي صفة كتسولني هاد الاسئلة البليدة فنظرك رجل قانون غيكون عارف جريمة للي غتزيد من كراادو ويتستر علييها دابا نتا للي كتشكك من نزاهتي للي كيتعطى بيها المثل فالاكاديمية 
....: (مزاد حتى كلمة وحنا على لاب توب ديالو كيطابي الاقوال هز راسو منين شاف دخلو لي شاف لكباار وقفو بجوج بيهم عطاو التحية وجلسو...)
~~~~~~~~~~~
عماد: (غير خرج بانتلو عيشة فطموبيلة يونس مع فروس كره نهار للي عاونها فيها ولا حتى عرفها مشا عندهم وحل باب الطموبيل جبد فروس) تجبديني انا ولا يونس فشي حاجة نخرج عليييك 
عائشة: (خرجات بجرا لعندهم) عمااد شنو وااقع
قروس: هئ هئ بغيت نمشي غير عند ولادي
عماد: (زاد زير على ذراعها) منين باغا ولادك علاش جااية باغا تخربييها والسلام عوناااك وندمتيينا بسبابك تحطيينا فهاد الموقف
عائشة: فهمني غير شنو وااقع وفيين يونس وشنو واقعلو راك خلعتيني علييه
عماد: (هو كيخنزر ففروس للي بسباب مجيئها واخا عياو ينبهوها مدخلش للمغرب) غتغرقي ابنت **** وغتغرقينا معااك
عائشة: (خافت كتر) شنوو واااقع اعمااد الله يرحم ليك الواليديين الا مقلي شنو وااااقع؟!!!!
عماد: (بلا ميشوف فعيشة) عيشة سيري فحاالك هاد السااعة
عائشة: ولا قولي شنوو واقع اعماد فيين يونس واش ندخل عندو لداخل (شافتو مهضرش شافت ففروس للي كتبكي نوعيا فهمات هي سباب هادشي مشات عندها) شنو درتي؟؟
فروس: (غير كتبكي) عفااكي بعدي مني
عائشة: (غوتات) نتي للي بعدي منا شنوو واقع (جات بغات طرشها ومع فروس طويلة عليها دفعاتها بالجهد حتى جات مزدوحة ومع الارض مغيسة لكم الموقف ومنظرها غيكون.. خلاتها مصدومة وغوتات بكترة الاعصاب للي من لبارح وهي كدووز فيهم)
فرووس: سيري **** ال*** ممسالياش لهاد تخربيق ديالك (ياله عماد بغا يمشي عندها ذراعها تجر بالجهد وجاتخا تصرفيقة خلات وجهها مطراسي ب5 دصبااع هز صبعو بتهديد وقربلها)
يونس: 😡 لمرة لجاية غندفنك تحت تراب للي هي جالسة فيه
فروس: (كتبكي) يوونس انا مقص..
يونس: (رجع صرفقها) بلعي فمك (ضربها بكتفو وتخطاها مشا عند عيشة للي وقفها عماد ووجها حمر مرضياش كتنفض لمونطو شاف فيها مخنزر) تعدمتي؟!!
عائشة: (حنحنات) احم جاتني على غفلة مشفتهاش اما والله حتى نهرس لمها عضامها
يونس: (بقلة صبر) علاش جيتي هنا اعيشة 
عائشة: هاا (ملقات متقول وكتشوف ففروس كتبكي وعماد مضور وجهو عرفات القضية محمانااش) غير تشوشت عليك
يونس: (حيد كسكيطة حك شعرو بعضبية وردها دارلها اشارة تمشي تركب) طلعي نوصلك ومتخليش هاد زبل تمشي 
عماد: الله يعطي لمها كسييدة 
عائشة: امين (كدور فعينيها شافت يونس ساهي طلعات ركبات بلا متزييد تكفسها على راسك ركب حتى هو وكسيرا عيات تشوف فيه يهضر يفهمها شنو واقع والو حتى وصلو للدار شاف فيها وعينيه حوومر وذابلين بحال مناعسش عاام بصوت خافت فين نبرة تهدييد)
يونس: غترجعي تبعيني لخدمتي غنسالي *** هادشي تبتي ورزني معاايا ابنتي
عائشة: (بلعت ريقها) راه هي للي جبداتني 
يونس: (علات نبرت شوية وطرطق عينو) عيييشااااا دوييت معااك تبعيني منبقاش نعرفك 
عائشة: (خافت وملقات متقول) انا غير بغيت حقوقي
يونس: (كمش عينو باستغراب) اشمن حقووق ولا خرا
عائشة: حقوقي الشرعية
يونس: (هز حاجبو) سيري ابنتي الله يرد بييك وخوي راسك من افكار دالنم راه مخنووق مع الخدمة ابناادم خليني نفك حريرتي ونجي غندك كنقوول شي حاجة صعيببة
عائشة: (بالخوف منو والاحراج للي دارت لراسها خرجت ياله غطلع فدروج جرها من ذراعها كانت حابسة لبكية) انا والله بغيت غير نعرف ماالك خفت عليك والله مبغيت نتبرهش
يونس: عويشة الخدمة داابا عندي م**** انا بلاتي غنجي عندك نخرجو ونهضرو واخا
عائشة: (باستو فحنكو) واخا (طلعات مخلياه متبع ليها العيين حتى غبرت مشا ىكب فطموبيلتو وكسييرة لخدمتو...)

حميد: (عاجبو الحال كيشوف غير من بعييد.. حط مو حدا دار عزيزة وقلب لوطيل فين جاالس مخليها تفركع علييهم سمع الدقان فشومبر ديالو مع حل لقا واحد مكيعرفوش) شنو!!
ممدوح: (شاف فليمن وليسر مكان حد دخل فيه برااس ودخل وونتىلفنك سد لباب) امبرع مع رااسك اسي حمييد 
حميد: (شاد فنيفو شاف فيدو واش سال الدم ملقاش وشاف فممدوح) شكوون نتا
ممدوح: (جلس بهدوء) انا من هادوك للي غيخليو داار بوك..
~~~~~~~~~~
فهد: (جالسين فواحد لقهييوة ناضت ندى لطواليط وهو بقا هز تيليفونها كيخرب فيه فتصاور كملهم وحط التيليفون كيشوف فالمنظر للي قدامو جات ندى كتمختر لقات وحدة كتسوف فيه اونفاص وهو باين بحال كيشوف فيها غير شافها) واش فييك لباااسر
ندى: لبااسر هوما للي يجييوك عاجبك المنظر
فهد: منظر واااعر
ندى: (زادت خنزرت وجلسات قدامو طايرالها وهو غير كيشوف فيها شد فيدها ونترتها) بعد
فهد: مال الزين دياالي
ندى: نهار اللول تافقنا انا مغياارة مكيعجبنيش هادشي فصاحبي اعسااك تكون راجلي
فهد: علاش شنو درت ازمر
ندى: شوف نتا (هزت صاكها باغا تمشي وهو يوقفها) بعدني افهد
فهد: دابا غير ماالك ابنت العبد
ندى: (مرضاتش تقلل من قيمتها وتقولو شنو غتبان بحال شي مراهقة) والو بغيت رجع فحالي
فهد: مزال باغيين نتسركلو شوية اصاحبتي (قرب عندها ولاح ذراعو على كتافها وجرها عندو) ماال الزيين كااعي جاتك لغييكل ولا سريسرة؟؟
ندى: (جابلها الظحك) نتا للي جاتك للي مكتعلم نغبر 2 دقايق نجي لقاك كتخضر عويناتك
فهد: انااااا بلعمى وزايدون تفاهمنا نهار اللولة الشوفة اللولة متحاسبينيش علييها
ندى: (شافت فيه مخنزرة) اوكي حتى انا نبقى نشووف اصلا الشوف مكيبرد الجووف
فهد: باش نعمي لختي هاد لعينين خلينا اندى واش انا عندي هاد الخير كامل ونشووف فدجااج الروومي عزييز علية لبلدي ابنت العبد ااااح ومكديري فية منمشيوش نضربو ضويرة لطواليط تشوفي واحد التوحينة فين خرجتلي
ندى: (حابسة الظحكة) سير عاود لزرعك لعباار وقييلني علييك
فهد: وراه **** و **** هوما للي غنعاودلهم لعباار
ندى: اووووف منك (ناضت هزات صاكها سابقاع وهو كيظحك خلص وتبعها مدرعها يظحكو وينشطو وناسيين العاالم...)
~~~~~~~~~~~
عماد: (بقات مو كتصوني عليه شحاال مجاوبش مع قطعات صونا على رقية المرة اللولة التانية التالتة عاد جاوبات) علاش مكتجاوبيش
رقية: (كتلهت) مشيت لحقت صفااء طلعات فدروج ديال سطح حمقااتني
عماد: (تبسم) توحشتكم والله
رقية: اجي عندنا
عماد: مكرهتش احبيبة ولكن راني غاارق فمشاكل الخدمة
رقية: الله يسر اموورك
عماد: اميييين احبيبتي (سمعو كيعيطوولو) انا غنقطع بلاتي نصوني عليك والا صلاح نجي عندك
رقية: واخا (قطع ورجعات كتكمل الهضرة مع عيشة) اوا كملي ضربااتك يا لهبييلة ماشي دياالك هادي اعيشة
عائشة: متفكرينييش ازمر تفوو وزايدون هي غفلاتني بنت **** (تبسمت ببلادة) ولكن يويوو ديالي بردلي قلبي فيها
رقية: (ميقت فيها) مرضهاالكش وكان انا منك رجع نسلخ مها
عائشة: باش يسلخني هاد لمرة لا لا خلي حتى نتلاقى مها فشي زنقة مكتخرجش ونفرجك فيها
رقية: اوا وعماد مالو 
عائشة: معرفتش كااع ماالهم بففف فقصة ولكن باينة القضية حااامضة...

عزيزة: (كانت هي وزهرة شادين بز لبنات ومتبعين فنفس الوقت مسلسلهم التركي للي مبغاتش تبان الحلقة الاخيرة (سبحان الله بحال هاد القصة للي مزال مبغيت نفكر فنهايتها) حتى سمعو خبييط ماشي دقان ناضت عزيزة قاافزة فبالها غير الحااج دازت من الجردة كتشوف طموبيلة الحاج مكيناش حلات وهي تبان ليها عمتها) عمتي!!
العمة: (وجها شاار) علاه نتي درتي بوجه هاد العمة للي يعمييك
عزيزة: الله يعمييك اعمتي غير نتي يااك لباس جاية مهجمة لدااري وزايداها بلمعياار عزييزة ديال شحاال هادي مااتت هادي راه ترفسك الا مشديتييش شرك وتيقاارك علية
العمة: يااك ابنت لحراام ولكن راكي من زمااان فااسدة وخارجة طرييق
عزيزة: (تكات بجنبها ليسر على لباب وشقلبت عينها) بصحتي كيت ولدك للي مات لا دنيا لا ديييين
العمة: (علات نبرة صوتها) بزااف علييك يا العاااقسة قتلتووه نتي وشلاهبي ديال راجل بنتك وفرحاانين
عزيزة: ويلا مسديتيش داك الدلقووش غنتبعك ليييه وتيي سيييري تقلبي علامن تنبحي راه نخرج فييك
العمة: ياااك ابنت خويا
عزيزة: يخوييل جمااب وضرااص يا عدوة الله (شخضت وخرجت كلام كان مدفوون 27 عام حتى بلحوحتها بغات تخرج) نسييتي شنو دوزتي علية يااك انا غير فاسدة وخارجة طرييق لاش جاية غندي بسباابك خرجت من الداار وتبهدلت انا وبناااتي الله ياخد فييكم الحق كااملين بعدوو مني عطييوني التييقاار هاا عار الله تسعوو مني وخلييوني نعيش حيااتي مع ولادي هاانية
الحاج: (سمع صوت مرتو خرج من المحاال لقى شي ناس قلال كيتفرجو وعزيزة كتغوت على شي مرا للي محدو كيقرب وهو يلقاها عمتها مت يوسف عقد حواجبو من منظر عزيزة للي باينة كتهضر ومأزمة قرب لعندها) عزييزة شنو وااقع
العمة: اجي تشووف الرااجل مرتك المصوونة ل..
الحاج: (مخرج عينو) كلمة علييها غندييك فين ترباي سيري تمشي فحاالك وجوودك هنا غير مرحب بييه (عيشة ورقية خارجين كيجرييو وصلو عندها وكيفهمو شنو واقع اما زهرة بقات حاضية لبز)
عائشة: ماما ماالك
رقية: ماما ماالكي علاش كتغوتي؟؟
عزيزة: (قدات شالها ووجها حمر وصوتها مجرووح) واالو ابناتي دخلو
العمة: اااه دخلو وحتى باش تشوفو ولا تجييو تسلمو على جدااكم وطلبو رضاتها مديروهاش
عائشة: صافابا نتي جدة الا بغينا نسلمو عليها غنمشيو عندها منتسناوش سياادتكم تقوليها لنا
الحاج: ياله اسيادي للي عندو ميتقضى يمشي يقضيييه معدنااش حلقة هنا
اب يونس: (مان ماشي لجامع وهاز التسبيح بيدو) سي احمد يا لبااس
العمة: للي كااين اسيدي هادو مخلاونيش نشووف حفيدااتي انا هي مت باهم لحقيقي....

ممدوح: جلس جلس مزاال غنطولو انا ويااك ولوقووف غادي غير بعييك
حميد: (جلس) شكون نتا وشمو بااغي
ممدوح: قوول فااعل خير وصافي 
حميد: غنغيطلك للبوليس
ممدوح: هو انا شخصيا غير قلت نجي غندك نورييك شي خباايا عاد نمشيو نستاضفوك فلكوميساريا وتبقا طالع هاابط حتى تعيا عاد نجلسو مع على شي قرعة للي تفرع ل*****بوك ***
حميد: (كيضور فعينيه) شنو باغي نتا باين مصيفطك يونس
ممدوح: ههه وماالو غيخااف منك حتى يصيفطني هو راه معلييه والو قالوها مديرش متخاافش 
حميد: الروح عزيزة عند الله دن خويا مغيمشيش بااطل
ممدوح: هههه قالك الروح عظيزة عند الله ههه واش بنيتك اولد **** وخوك مخلا مداار فعبااد الله ياما قتل وذبح وطرطق وتجي نتا تقول روحو عزييزة ولكن راه دم واحد كيمشي فييكم (تقاد فالجلسة ودار رجل فوق رجل) احمم ماشي موضووعنا يونس كيسلم علييك وكيقوولك اش خباار لمعطااوي (للي رشااوه باش يوسف يخرج من الحبس)
حميد: (قلبو خفق بالزربة) مكنعرفوش
ممدوح: واايلي هو بعدا كيعرفك وكيقوولك الله يخلف علييك تهلييتي فيه نتا والارهابي ديال خووك
حميد: مكنعرفووش ومعندكم مديرولي
ممدوح: انا مغندير والو من اللول قلتلك غير فاعل خير وصاافي (وقف وجاي خاارج) نتلقااو لهييه (خلاه حااير معرف ميديير ومعندو ميديير اصلا.. هو غير نوض البلبلة على مووت خوه باش يعاود يتفتح الملف وترون القضية وعلاش لا ياخد فلوس فرووس للي كان ليها اكتر نصييب فالقسمة والورثة.. فكر وفكر ميمكنش بين ليلة ونهار يقولهم اه صافي بلا متعاودو تقلبو ولا تبحثو على موت خويا للي ممسوقلووش ولو حتى يقولهالهم ميغيديوهاش فييه بلعكس عاد يشكو فيه دارت بيه الدنيا منين جبدولو سميت هداك للي عاونو فاللول منين دخلو لقسم المختلين عقليا فلحبس وللي خرجو بلعفو بحال عمرو دار شي حاجة..)
~~~~~~~~~~~~~
يونس: (واقف برا على اعصابو كيتسنى فرووس تخرج وخايف تعتتارف عليهم اما عماد كيتسناه فلقهوة للي على راس الدرب وجاتو لدياري بقوة التوتر حتى شاف لباب تحل خرج بوليسي وتبعاتو فروس كتبكي مبين والو ولكن جمدلو لما فركابي) شنوو
فروس: خاص نمشي لشي اوطيل نرتاح
يونس: سيري للمطار وخلي كولشي مرتاح
فروس: ميمكنش قالولي مزاال غيبحثوو ومنين يحتاجوني خاصهم يلقاوني هنا
يونس: بفففف روييينة
فروس: سمحلي ايونس
يونس: سيري ت**** نتي وسماتحة ديالك الله ينعل للي وقف مرة اخرى مع شي **** (خلاها وخرج نيشان عند عماد للي حنوكو حوومر وشاد لبكية بالسيف راه مستقبل غيضمر من ورا هادشي ندم حتى مقداتو نداامة غير شاف يونس وقف) غير جلس مزاال محتاجينخا فلونكيط
عماد: اوا وحنا
يونس: تبت *** ونتا كترعد علية كما كان الحال سميتنا ممذكوراش وعاد.هي اجنبية مغيقدرو يديرو معاها والو (جلس وثونا على ممدوح) مشيتي عند داك خينا... امم وخاصو يخوي لبلاد دغيا... من بعد... تهلا (قطع وشاف فعماد) شنو الرااجل للي معولين عليه ككيترعد مكاينش للي غيوحلما بين الرجلين قدك
عماد: اخوويا راه الحبس فييها
يونس: مالنا حنا للي قتلناه (غمزو باش يريحو) وقت للي مات فييه حنا كنا فلكوميسارية وبالدليل حنا كيسولونا على علاقتنا بغرووس واتصالها بينا لا علاقة لينا بالموو كتبقى الصمعة وصافي

يونس: (جالس فالقهوة والسكووت سيد الموقف شاف فعماد للي باين مزير) صافي اصااحبي هنيينا
عماد: ونتا برااسك مهانييش
يونس: ههه علاش ماالك شنو شفتيني كنديير هاني جالس كامي مقهوي بييييس 
عماد: اممم ياله نتحركو من هنا محاملش نجلس هنا
يونس: ياله نيت نشووف ولادي بعدا هوما شوفتهم كيفوجو علية (ياله وقف صونا تيليفونو كانت موضفة الاستقباال فلوطيل للي جالسة فيه فرووس خبرووه على حالتها للي خلاوهم يعيطو على طبيب سنعها حتى كماات شكرها رد التلفون لجيبو) الا عاودت زطمت معاك راني ولد *******
~~~~~~~~~~~~
العمة: للي كااين اسيدي هادو مخلاونييش نشووف حفيداااتي انا هي مت باهم لحقيقي للي ماات ومجاوش حتى لقبرو (شيرات بيدها لاحمد) وهدا للي معتابرينو بااهم (الصمت سيد الموقف كولشي كيبرق غينيه محيدهم من سكاتهم غير صوت العمة للي متغوت ومفرشة فالارض وعزيزة جالسة عليها كتنتف وتخبش وتبكي)
عزيزة: الله ياااخد فييك الحق الله ياخد فيك الحق (جرها احمد من فوقها وحمات راسها مقادرة تشوف حتى فشي كماارة وخصووصا بناتها ونسييبها..)
العمة: (كتمرغ فالارض) عتقووني اعباد الله واش شفتوها كتضرب عمتها للي قد ولا كبر من مها ونتوما واقفيين (كتنتف راسها) اااااااع رجعت ناااكل لعصا وانا كوولي شيييب رجعت نتسلخحيت بغيت نشوف حفيداااتي رجعت نمرمد فالارض حيت بغيت حفيدداتي يعرفو بااهم ويمشيو يترحمو علييه ماات مكوي علييهم ماات وشووقو يعرفهم ويشم رييييحتهم ماات وهو كان يتمنى غير الشوفة فيهم ويقولو بابا راه مظلووووم اعباد الله بناتو تزادو وهو معارغهمش واش كاينيين الله ياخد فييك الحق اعزيزة بنت خوويا نشوووف فيييك نهااار اعزيييزة للي حرمتينا كاااملين من حفايدنا (تبكي وتخبط ففخاضها وصدرها وكولشي كيشوف فييها) 
عائشة: واش نتي بنيتك؟! كاين بابا وااحد للي هو الحاااج وشللي بيها فممك
العمة: (وقفات ومشات عندها بغات تشدها فيدها وهرباتها) لا ابنيتي باباك هو يووسف ولدي
رقية: داك الارهابي؟؟! 
العمة: (وقفات من لبكى وكولشي شاف فرقية حتى من اب يونس حاال فمو ومصدووم وتأكدو شكوكو) لاابنتي ضحكو عليك
عائشة: من التالي هضرتي وفتحتي فمك بزاف وحيت بابا ربانا مزياان مغنمدش يدي عليك واخا فتي الحدوود وجبدتي سيرة ماما على فمك دابا غتهزي هاد الفيلم ديالك ودراما للي دايرة لينا وسيري عند قبر ولدك وجلسي حدااه 
رقية: (مشات حدا باها وعنقات ماماها) متديهاش فييها اماما (جراتها مطلعاها ياله بغات تهضر وقفات عيشة حدااها)
عائشة: زيدي هضري وغنسى شنو كتجي لماما واخا راك حتى كلمة عمتي متستاهليهااش
الحاج: عييشة طلعي للدار (خنزرت فيها عيشة ورجعات دارت عندها)
عائشة: وكان جيتي دويتي بصواب والادااب مكنتيش غتلقااي هاد المعاملة للي كتستاهلي كفس منها نقدرو نسمعووك انا وختي ولكن باش تقولي هداك للي معرفناهش ومبغيينش نعرفوه باانا لااا راكي غاالطة كاين اب وااحد هو هاد السيد للي قداامك بغيتي ولا كرهتي هو بابا فهمييييها باابا وصاحبي وخوويا وحتى جدي وجداتي وكولشي... وانا وختي مكنتسناو منك واالو لا نتي لا عائلتك حيت ممخصوصينش من حناان العائلة كولشي موفرو لينا هو وماما دابا خرجتي العيييب باب دارنا مبقااش محلوول لييك ولا حتى مرحب بييك جمعي هاد الكرامة للي بقات لييك وسيري فحااالك
العمة: (غير مصدوومة من كلام عيشة كانت كتسنى هجووم على عزيزة والحاج ماشي دفااع بحال هاكا) 
الحاج: (عنق عيشة بيد وهو فرحااان وتمشاو جيهة الدار مخلين العمة حالة فمها واب يونس غير كيشوف سد باب الجردة وطلعو للدار فين غيكوون اجتماع عائلي طاااارئ...)

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.