سيدتي الجزء 42

من تأليف Hajar Ribika
2020

محتوى القصة

رواية سيدتي

الحاج: انا مفهمتش علاش غيمشيو للفرمة
عزيزة: (بهمس) حشوومة الحااج الرااجل بغا يبقى مع مرتو
الحاج: اوا وبنتي مكااين للي يشااورها هي حتى لماكلة ومكتاكلهااش ومعجبها حاال 
عزيزة: اوا الا زادت عانداات غيتخلقو بيناتهم المشااكييل والحمد الله بعدا خرج من الحبس
الحاج: عزيييزة عماد راه بحال ولدي ولكن نهار اللول عطيتو بنتي يصونها ويفرحها ماشي يركبها هم كبر من عمرها الا عندو المشاكيل مع مو ولا شي حد اخر يحلو بعيييد علييها 
عزيزة: هااء راه المشاكيل كتكون عاادي بين الراجل ومرتو
الحاج: (غوت) معااديش الااالة المشاكيل فيهم وفييهم وانا من نهار اللول قلت الا لقيت شي حاجة كتر من طااقتهم دار بااهم للي غتحل ليهم ويتسد لباب يبكيو شوية وينوضو ولا يبقاو حياتهم كااملة يبكييو
عزيزة: (شافت جهة لباب وضارت عندو خاايفة) الحااج نعل الشيطان دابا يسمعو الدار راها عااامرة
الحاج: عزيييييزة نتي عاارفة النااس اااخر همي انا ديك لبنت للي قااتلة رااسها من صبااح خلات الناار شااعلة فيية 
عائشة: (كانت كتصنت علييهم مشاات متجري لبيت ختها وسداات لباب) بابا غيطلقك من عمااد
رقية: كفااش!!
عائشة: قاالهالها داابا وعرفتي كيغوت وبااينة كتر من كااعي
رقية: (بقات سااكتة شحاال) بففف المشااكيل مغنتهنااش منهم مكرهتش نمشي لشي بلاصة ميعرفني فيها حتى وااحد ونعييش بووحدي
عائشة: رقية راه سحاابة وداايزة
رقية: داايزة حتى تغرقني مزياان صونيتي على يوونس واش داارو دااكشي رااه 8 ونص
عائشة: احم صاافي دارو
رقية: (دورت وجهها وجمعات شنايفها بحال شي بيبي) الله يعطييه القطع لدووك ليديين
عائشة: (جلست اونفاص معااها) اميييييين ويعطييه حتى لباالسر يكوونو قد الف راانك
رقية: ههه (مسحت دموعها) معرفتش اعييشة علاش كرهااه
عائشة: شوفي كرهييه وعذبييه ولكن متفرطييش فييه اصااحبتي رااك غتخليلها المسااحة وتااخد شنو بغااات
رقية: رااها خداات هه رااها وصلات لاش بغاات راها تزوجااتو ورجعات ضرة علية كاين شي حااجة كتر 
عائشة: اااه واهمهم هي ****
رقية: بففف صاافي اعييشة سدي هاد الموضووع
عائشة: لا مسدااهش خااصك تنووضي ونمشيو لداارك نجمعو حويجااتك ونلخقو على لبنات للفيرمة اااح حعى هي غتجي وغندوزووها علييها
رقية: كفااش غتجي؟؟ 
عائشة: اه قالي يونس غنديرو معاها ضياافة نبي 3 اياام مفهمتش ولكن عاارفة دمااغو خااسر وموجدليها شي بلان
رقية: داابا اااانا نتجمع معاها تحت سقف وااحد لا وزييينة هي ينعسنا فنموسية وحدة وهو يكون وسط منا والا عيا من باقشطااق شي وحدة فينا ديرلو دفييعة الله
عائشة: (عيات صاابرة باش مضحكش ولكن مصبرااتش حتى طرطقاات كظحك) ههه رقية نووضي اختي راه الا شاافك بابا كتبكي غدا غيطلقك 
رقية: (سكتات وقلبات وجهها ممصوقااش لكلام ختها حتى سمعو لهرااج خرجات عييشة لقات يونس وباه وعماد وبااه)
عائشة: (كتغمز فيونس وديرلو اشاارة لعماد مفهم واالو..)
يونس: شنو كتغمزي نتي؟؟
عائشة: (دورت وجهها كاعية) الله يفضحك كما ديما كتفضحني
الحاج: (خرج عندهم كااعي شااف فعماد) على سلامتك
عماد: الله يسلمك
الحاج: جوج كلمااات بنتي تحملات بزااف وحتى لهناا وسطوووب اولدي...

اب يونس: احم الحااج
الحاج: (وقفو بيدو وهو كيشوف فعماد) مزال مكملت هضرتي امحمد
يونس: (عرفو كااعي وشاف فعيشة باشارة زعما شنو وااقع شقلبت عينها فسما وقلبت وجهها كتردلو الصرف)
عماد: عاارف الحااج وللي بغيتي يرضيك ويرضييها حكم علية بييه ولكن بااش نفرط فيها لااا
الحاج: بنااتي دوزو العذااب ومن نهار شدييت فيدييهم حلفت ميوليو ويتعذبو ولكن فالاخر ها هي كتبكي مكتاكل مكتشرب مكظحك علااش وشكوون السبب
عماد: انا
الحاج: نهار غتكبر غتحس مزياان واخا محد العرق كيزدح فية لا بنات لا حفيداتي لا بنات حفياادتي غنحمييهم حتى يااخد ربي رووحي
عائشة: بطوولت لعمر ابابا
رقية: (كتصنت وكتبكي) 
عماد: الحااج انا بنتك فعييني وبلا بيها منقدرش نعييش عاارف عذبتها معايا وبزااف وانا الغاالط وانا سبااب ولكن
عبد الله: الحاج بنتك هي بنتي
الحاج: عليها نهار اللول حمييتخا من بطش مرتك وطيشها
عماد: (حاني راسو) انا سبااب
عبد الله: (حشم) هو بقا بين ناارين موو ومرتو سولو رقية واش هاد الرااجل مكاانش بين نااري
الحاج: بلا منسول انا عاارف كان كيبغي يوفق ولكن علاش بنتي غتحط فهاد الموقف
عماد: انا عطييتها وعد عمر هادشي غيوقع
الحاج: هاد الوعد تعطالي نهار عطيتهااالك
عماد: رقية هي للي مغنفرطش فييها الحااج وااخا يوقع للي يوقع
الحاج: مكنقووولش فرط فييييها ولكن رجع ليها الظحكة للي كانت عندها والا انا للي غندخل
عبد الله: الحاج نعل الشيطان كولشي كيتحل بالهدااوة
الحاج: علاش اخويا عبد الله شفتني هااز شي زروااطة وكنسلخ فيبه راه كنهضر بالهدااوة ومكنداابزش وردة فعل ديالي طبييعية رااه بنتي للي جات فيها الدقة
عماد: بغيت ندخل عندها
عائشة: ها هي فلبيت (دار خنزر فيها الحاج وهي تخبع مور ظهر يونس مشا عماد وسد لباب ضار لقاها كتبكي شاف فيها وحنا رااسو)
رقية: (مسحت دموعها وشافت فيه) تزوجتي بيها؟؟
عماد: (جلس مقاابل معااها) انا تزوجت مرة وحدة فحيااتي 
رقية: ودااكشي للي كان قبييلة
عماد: رقية نتي عاارفة سنيت على ديك لورقة بالسييف علية 
رقية: عاارفة ولكن كرهااك
عماد: (لمس حنكها) حتى انا كرهت رااسي وعمري نسمحلي
رقية: حيت عاد عرفتي رااسك رااك ولد لحراام ومقطر
عماد: (غوبش وعض على شنايفو) حبيبة..
رقية: متحاااولش ولا غنوض نمشي لشي بلااصة للي تبقى حيااتك كاملة كتقلب علية ومتلقانييش
عماد: (عارفها معصبة) وااخ ولكن مغنفرطش فييك بغيتي ولا كرهتي نتي هي حبيبتي وحياتي
رقية: اممم شنو داابا بااغي
عماد: (محس حتى تكا على فخااضها وغمض عيينو بحال شي وااحد مهمووم تنهد تنهيدة طويييلة وخاارجة من الاعمااق) كنحس برااسي مربووط ارقية عييت من هاد الدواامة للي انا فيه شنو غنديير سبااب عذاابي هي للي ولدااتني 
رقية: فوقاش غطلق ديك لويييل
عماد: رقية انا اصلا متزوجتهااش ومكنعتاابرش هدااك عقد بيني وبينها قد معتاابرتو حل مؤقت لحريتي ولكن بربييي لمعبوود حتى ندمها
رقية: ااه ندمها اخوويا ومتجي غير على رقية باش هاد لمرة غتقوولك الا محملتينيش منخرجكش من لحبس وفالتالي مغندخلو غير لنا بالاعداام حيت غندوز عليكم مووس واااحد...

يونس: (من بعد مكلمااو الحاج شوية دخل لبيت رقية وتبعاتو عيشة لقاو عماد متكي على فخااضها غير شافو وقف) اه سمحوولي جيت فعاد لوقيييتة ولكن خااص نمشيو خلينا الناس بوحدهم
رقية: انا ممشيااش
عماد: حتى انا
يونس: رقية كتيقي فية
رقية: قلتيلي مغيتزوجهااش ولكن ها هو تزوجها
يونس: كنت داايرلها بلان وهي بنت لحراام دارت بلان اخر ولكن واخا هكااك تييقي بية 
عماد: حتى تييق فرااجلها عاد تييق فيك نتا
رقية: انا نتييق فيوونس بعيني مغمضيين ومنتييقش فييك نتا
عمااد: ياااك
يونس: قوليها لشي نااس ولكن ربي كيعطي لفوول غير للي معندو ضروس
عائشة: يااك أجدة!!
يونس: هنجمي لمك الا مسكتيش مزاال غنورييك
عائشة: (خرجت عينها فيه) علاه شنو درت
يونس: ومزاال كتخرجي عيينيك
عائشة: لا باالي نمشي نشكي لبابا 
يونس: مشيينا فيها اخااي عماد الخااج الا دخل غيقطع علينا لما والضو
عماد: ههه قبييلة كنت كنتسنااه يقولي خرج من دااري ولا معرفت كيتسيف اخااي
رقية: اييبه هضر على بابا باحتراام
عماد: هاانا احبيبة غير رجعي ظحكي بااك غيقتلني الا مظحكتييش
رقية: انا للي غنقتلك الا مقلبتييش علية وبالصح اعمااد كرهتك (ناضت من حدااه وخرجات تبعاتها عيشة حتى شافتها مشات عند باباها عنقااتو وباستو فيدو وفجبهتو)
الحاج: الله يرضي علييك ابنتي
رقية: الله يخليك لينا ويطول فعمرك ويخلييك تااج فوق راسنا
الحاج: (عاجبو الحال) شوية ابنتي؟؟
رقية: (بهمس) بابا عمااد انا للي قلتلو تزوج باش يخرج من لحبس
الحاج: ونتي واش مرتاحة
رقية: لا.. ولكن شنو نديير ابابا عمااد راه بابات ولادي وهو وكان ماشي مشاكل مع موو مرتااحة معااه نعطييوه فرصة؟؟
الحاج: نعطييوه فرصة وتكون اخر وحدة
رقية: اه اخر وحدة ولكن متقولهالوش خليك مخرج عينيك فييه وانا غندمو صبر مزيان مصبرش الما والشطااابة
الحاج: يحسن عواانو ابنتي منين حلفتي فييه
رقية: هههه ديرها فنساااا ومتنسهااش
عماد: (دخل للصالون لقاها لاسقة فباها وكيضحكو بجوج جلس قدامها كيشوف فييها حتى ناضت لبسات حوايجها باسو وليداتهم وخلاوهم لعزيزة وزهرة.. تبعها ومشاو فطموبيلة يونس سكاات جمعات حوايجها وحوايجو داازو عند دار يونس جمعو حوايجهم ونيشان للفرمة)
عائشة: احححح احسن حااجة هي هاد لفيرمة مكتوبة بسميتي
يونس: (كينزل الشانطاات) غير على سميتك احبيبة ماشي بسمينك الا كتبت ليك حتى هادي راني بلودنيين
عائشة: (شقلبت عيينها) ومعرفت شي نهاار تكتبهاالي
يونس: (غوبش) هي اش!!
عماد: هي نتا بلودنيين اولد عمي
يونس:وااها فمك نتي (طارت من حدااه) ونتا خاارج من لحبس مجهد كان مزاال نخليك شي سيمانة تماااك
عماد: (ممسوقش ليونس تابع غير رقية لي مشات كتعوج من حدااه) رقية رقية....
يونس: ههه (حط دوك لباليزات فالجردة وغوت) اجيو هزو هاادو ولا ولفتوا نكون خداام ديالكم (طلع لطموبيلتو ونيشان لوطيل باش يجييب نوور لقاها حدا لباب والابتسامة البلهااء على وجهها طلعات اللور مشافش فييها)
نور: احم عماد حتى هو كيتسنااني
يونس: الله يحفظك انا متجمعييش معاايا 
نور: انا غير سولت
يونس: (لا رد وصلو هبطات هبطلها باليزتها وتمشى قدامها وهي تابعااه وصل دخل نيشان للصالة فين كاين الظحك ولهرااج غير وصلات كل الانظاار عليها وسكاات
يونس: ها الضرة دياالك اروكا
علي: انا لله وانا اليه رااجعون
رقية: (طلعلتها وهبطاتها محملاهاااش) الله يرحمها
لبنات كامليين: اميييين...

عتيقة: (تحل لباب وعرفاتها غتكون سناء للي فهاد الوقت كتجيبلها لعشا) شكوون جاا
سناء: السلااامة ياا ختي مكتردعييش 
عتيقة: قوليلي شكوون واش ديك عييشة
سناء: عتييقة راه هاد لمرة معندنا فين نطاكييو علييك ظهري مزاال فيه لاطراس ديال الصمطة من جيت ندافع عليك وجات فية الضربة
عتيقة: بففف انا غير سولت 
سناء: ومتسولييش اعتييقة 
عتيقة: وعفااك اختي غير على وجه العشرة بااك انا للي جبتك تخدمي هنا
سناء: وحيت نتي للي جبتيني كندير معاك وجه الصحبة جا كولشي حتى دوك ضياف للي ساكنين فالخاريج جااو
عتيقة: تفو تفوو كنكرههم
سناء: وحتى نتي مغتشوفيهم مغيشوفووك ياله كولي باش تفيقي مع 5
عتيقة: عيييت بهاد 5 والله حتى حشوومة منين نفيق وانا فتماارة
سناء: اللهم هاد تماارة واكلة شاربة نااعسة ولا تمارة ديال الحبس
عتيقة: بحال كتشفااي
سناء: ااش غنتشفى فييك رااك نتي للي غاالطة مهم انا خااص نوجد نحطو لعشا راه بيهم بزااف وسي يوونس وصى كولشي يكون متول ويا ختي دوك النااس وشنو جابو فتقدية صطاافيط والله بقينا غير حالين فمنا
عتيقة: الا كاين شي بيمواات وداكشي جيبيلي
سناء: غير يمشيو لبيتهم نهبط لختي ولكن خبعي هاديك الزووهرة راه تشكم بييك 
عتيقة: الله يعطيها مصيببة انا ندير لمها شي بلان
سناء: عتييييقة.. (خرجات وطلعات للكوزينة للي جوج كيجريو على طياب وكيقادو ويزوقو ويوصلو للسفرة)
نور: (جالسة بوحدها فالصالون صغير للي مقابل معااهم وشادة لبكية بالسييف من الاحرااج للي كتعرضلو)
يونس: سياادي نمشيو نعاالجوك
شوية
رقية: (شافت فعماد كتميق) اوا عيط على لمداام نمبر تووو تجي تحنجر
عماد: لهلااا يوكلو لمها من عندي (دار يدو على خصر رقية للي كتعوج فمشيتها ومشاو كولهم يااكلو وهي غير متبعة بعوينااتها كرشها كتوزوز بالجووع)
زينب: ختييي وااا ختييييي 
نور: (بصوت مبحووح) نعاام اححم
زينب: ماشي نتي كنهضر مع هاادي (للخدامة) دي ديك السيدة مسكينة تاكل
الخدامة: (مشات غند نور) اجي معايا اختي
نور: (حركت راسها بلا) لا شكرا مفيااش
زينب: (تقلاتها كتعوج) لهلاااا..
رقية: إطعاام الكلب صدقة نتي درتي للي علييك وهي ببغااتش نبززو عليها (بقاو كيااكلو ويظحكو ويجبدو موااضيع خرجو رجاال وبقاو لبنات مجمعيين حتى نساات رقية فقصتها شاافت نور نااضت وخرجات جهة الجردة) اهياا هادي فين مااشيا
زينب: ماشية عند جوجوها باش يكملو شرووط عقد النكااااح
ريتاج: زيينب هنيينا عيشة سيري نتي تبعييها
عائشة: (حركت راسها باه ونااضت تبعاتها لقاتها تاالفة) بااغا عمااد
نور: اه بااغا رااجلي شفت حتى وااحد مبااركلي
عائشة: وعلاش غنباركو ياادلي على الرااجل للي مبززا عليه يتزوجك
نور: كان ممكن ميتزوجنييش منين تنازلت انا اللولة (هزت حاجبها بحال كتفقصها ومشات كتقلب) فين مشااا (ضاارت لقات كاع لبنات جااو) بففف جااو
رقية: تجييك مصيببة ماال جدك كتصووطي رااك نتي للي ضييفة 
ريتاج: وضييفة تقيييلة
نور: انا بحالي بحاالك وحقوقك للي عندك علييه عندي حتى انا
زينب: يعني اختي رقية بالعربية وتاعراابت بااغا **** 
رقية: حسييت بيها مسكيينة شو غير ذكرتيه بقاات كترجف
ريتاج: شحاال مقربلك شي رااجل
عائشة: قولها شحال مبززتي على شي رااجل يقربلك
نور: (عصبوها) شوفو نتوما بعدووني معندكم حتى شي علاقة بية
رقية: لواه لوااه نتي ضرتي يعني غنبقى لاسقة فييك حتى تشهدي
زينب: ونييت نترحمو علييك
عائشة: هادي اصلا بنت لحراام مقطرة مخلات الوااحد ميترحم عليييها...

عماد: (مريحين حدا واحد السااريج وصوت جراان هو للي كيتسمع) مكاينااش شي بيرة هنا
علي: والله مكرهناها
يونس: اجمع *** اهياااا
عمران: سبحاان الله عاد كنتي غتمووت بسباب السكرة
عماد: بففف رااسي غيطرطق منيييش ملييح
يونس: شرب دوليبراان
عمران: والسكرة هي الحل واصلا شنو المشكلة للي عندك
علي: ويييه اصااحبي عندك جوج عيالات كيمووتو علييك وبحال واالو ظابا طل عليهم تلقاهم مطاايفيين وكيداابزو شكون ينعس معااها
سعد: حسدتك هاد السااعة
يونس: بففف الحاج سمعنا قبيلة لمنقي فودنينا
عماد: على شوية كان غيجيب لعدول باش نطلق رقية
عمران: شحال كيعجبني داك الرااجل هكا بغيت نكون مع ولادي عايش لييهم ورااحتهم وسعادتهم هي اللولة
يونس: اه بزااف والله وكان بااهم لحقيقي ميدير معاهم هاكا 
عماد: ولكن علاش انا هجم هلية قبيلة وعارفني ختى انا مزرف
يونس: مخريي ماشي مزرف واش مريض **** راه نتا سباااب فهاد زمر كاامل وبسبابك سمعني الهضرة قداام مرتي مخليها كتقليلي السم نااااري اعمااد غير للي يخوي فييك شي فردي 
عمران: خويا انا مبغييتش ندخل ولكن رااجع رااسك رقية كتشوف فيك نتا رااجلها يعني نتا سبع وهي كتحاااما فييك ماشي معقوول تحكر ونتا كتشووف 
علي: حتى صورة ديالك غتزعزع فعينييها
عماد: وااخا ولكن 
يونس: ولكن هي مك اه فاهميينك وحتى وااحد فينا مغيحس بييك حيت حتى وااحد متحط فالموقف لي نتا فييه حتى واحد فينا معندو مو وااخا ولكن اعمااد غلطتي منين سكنتيها معااك
عماد: علاش بخااطري واش نجري علييها
يونس: لا ولكن.. معرفت منقوولك 
عماد: هاكا كنت حتى انا معاارف منديير بدي وفمي مربووطين راها مي مييييي للي ولداتني غنجري علييها واش انا كنت عاارف غنوصل لهادشي 
علي: اوا ودابا شنو غدير
عماد: مغندير والو الواليد قالي غيديها معااه 
يونس: كان خاصو يديها من شحال هادي ميمكنش شحال وهوما مغربين حتى تزوجت وجاو سكنو الحاج قبيلة قال غير للي كاين
عماد: وصاافي اصااحبي برااكة غير كلامو قبييلة 
علي: وشنو بالصح مكيناش شي بيرة نهضمو بييها
عمران: كااينة زيينب تخلييك تهضم مزياان نعيط علييها!!
علي: عيط.. غتخلعني بيها
سعد: هي اللولة زيييييين... (دفعو) 
علي: هنييينا ابنااادم.. (بقاو مجمعين حتى لشي وقت عاد ناضو هاربييين من شتا للي كتنقط رجعو كيضحكو ومجمعيين حتى وصلو لقاو نور حدا لباب كتخبع وباينة برداانة تشاوفو بيناتهم وشافو فلباب مسدود)
علي: هههههه انا قلت غلقاعم غتاصبووها لباااس جاات غير على هااكا
يونس: عماد سير حل لباب عليها
عماد: معنديش الساروت
يونس: حتى انا معندييش بفف (جبد تيليفوونو كيصوني على عيشة حتى جوبات بدلع وكتحنها)
عائشة: حبيييب ديااالي..
يونس: (تبسم) حلي لباب
عائشة: (بنفس الدلع) زعما موجدة لييك مفااجئة 
يونس: (كيجمع التبسيمة بالزز وكيحك قرفاادتو) لبسي واجي حلي لبااب 
عائشة: توو تووو
يونس: احم عوييشة راه شتا وغنمرض لييك المصييبة 
عائشة: ههه انا جااية على وجهك اما ديك لكلبة مندخلهااش لدااري.. (قطعت معاه لبست بينواار وسرواال وهبطات لعندهم مع حلات لباب وشافتهم لقاتو جاي مغوبش بالزربة دخل غير راسو ورد لباب من موراه)
يونس: فين فولارك واش هاد لمكيااج كاامل
عائشة: هاااء
يونس: طلعي ولا نقطع لمك داك الرااس للي فرحانة بييه (محدو كيهضرو وحواجبو كيزيدو يتشركو) ياااله تحركي (مفهمت واالو طلعات كتنكر وتشوف فيه لقاتو متبعها حتى مشات هاد دار عند دراري) دخلو من شتا
نور: احم عماااد بغييتك
علي: واك واااك على بغييتك ههه عمران: علييي هنييينا
علي: ها هوو ماشي زنوووبتي زنوووبتييي...

يونس: احم انا غنطلع ها (دخل سوارت فلباب) باش تسد
نور: (شافت عماد ماشي تبعااتو وشداتو مت ذرااعو) عفااك غير سمعني
عماد: (شد يديها بقرف وحايدها) حتى حق باش نمد يدي ونخلي داار بووك مستخسروو فيك (هز عينو لقا دراري كيتفرجوغير شافهم كولها شد طريقو لبيت للي ناعس فييه)
نور: غلطت وظغطت عليك بزااف عاارفة ولكن دابا حنا مزوجيين شرعا وقانونا انا مرتك
عماد: شرعا وكان انا للي جيت وخطبتك وتزوجتك برضى مني ماشي تزوجت حيت خاصني نضمن مستقبلي وااخا كنت غنعتاابرك مرتي
نور: مع الوقت عتاابرني
عماد: ههه نوور سيري لدااركم براااكة لحد هنا
نور: منقدرش كنبغيييك بزااف منقدرش يااا ريت حتى انا نسمع لعقلي ونبعد عليييك مقدرااش والله مقاادرة هئ هئ حس بية حتى انا والله مقاادرة اعمااد عطيني فرصة فرصة صغييرة
رقية: (جالسة فدرووج كتسمع وفقلبها شااعلة الناار)
عماد: (حرك راسو بلا حولة ودار ماشي جات بغات تشد فيه حس بيها ودار حمر عيينو فيها وجمعت يدها عندها وهي كتبكي رقية مكتسمع واالو صافي قالت كيتباوسو لا معرفت طلات برويسها بانلها غير ظهرو وكيشوف فيها هبطات رااسها) سييري فحاالك انا كنشووفك غير وحدة **** لااسقة فوااحد كيموت على مرتو وولادو وحتى ديك للي كتعنااي بيها غير ديييها رضى وااخدو بيها ولا بلا بييه متخلينيش ندير للي يغضب الله ونقتلك سسيري فحاالك
نور: لا مغنمشيييش وانا مرتك غنبقى هنا 
عماد: (جهلاتو حتى دفعها وجات طاايحة) متقوليييش مرتي الله ****** ***** **** (كيغوت حتى حماار) منيين تسلطتي عليية منيييييييين الااالة خلي مي مليووح فطرييق ومنتبلااش بييك (رجع مكيشوفش قدامو ياله بغا يركلها وهو يسمع)
يونس: (للي مدخلش لبيتو خايف ولد عمو يتهور) عمااااد
عماد: (وقف) قسما بالله وبااش كيحلفو رجااال ومبعدتي من طرييقي حتى نقتل ****بووك وللي بغا يوقع يوقع تفوووو على مدلوولة **** بااغا غير فين تلسق..
يونس: (شاف رقية للي جالسة فدروج) رقية سيري لبيبتك
عماد: (سمع رقية ضاار لقاها فدرووج شاف فنور للي مليوحة فالارض كتبكي وخرج براا تبعاتو رقية وصلات حدات وبزقات علييها)
رقية: باااااز معندكش النفس لبووطة وعندها الله يعطييك العز اما الدل راك غاارقة فييه (زادت لوات لكاب عليها ومشات كتعوج قدامها ولحقاات عماد للي برا وااقف بحرا كيتنفس وداير يدييه على جناابو...)
~~~~~~~~~~~~
يونس: (دخل يونس لبيت لقا عيشة كتخرب فتيايفونخا حامعة شعرها ومحايدة لمكياج ولابسة بيجامة مخنششة كيحاايد حوايجو وهو كيخنزر فيها وهي مرة مرة تسرق الشووفة فيه كتسنااه يرغب ويزااوك على لفضيحة للي دارلها لتحت حتى صدمها) تعاودي تباني قداام رجال بلا فولار ندبح مك ولا نييت نقرعو ليبك باش متحيديش داك الزييف عليبك
عائشة: واش نتا مرييض
يونس: جربي تعرفي المرض ديالي
عائشة: اووووف عاادي نسييت وزاايدون ديجا شافوني بلا فولار واش حتى فالدار ندييرو
يونس: يكونو الناس اه لية انا حايدي حتى سليييب
عائشة: مشييي فحااالك (قلبت عينيها كرهااه)
يونس: ونووضي لبسي داكشي وقاادي رااسك بحال قبييلة
عائشة: (خرجت عينها) تصطيييت
يونس: ونووضي هانا ندوش ونخرج لقااك مقاادة (تبسم) ونوووضي احوييشتي...

رقية: عمااد
عماد: (ضار عندها) رقية مرانيش فبرجي سيري لبيت انا شوية ولحق علييك
رقية: لا مغنخليكش هااكا وزاايدون لاش هاديك تعصبك حسبها مكينااش
عماد: الله ***** *** باش نحسبها انا للي شااعل فمي العاافية هي الشمتة 
رقية: وصاافي برد اجي نطلعو راه شتا غتجهااد
عماد: (شد فيدها) انا ومكتوب علية هادشي نتي لاش مسخسخك معاايا
رقية: (تبسمت) كما مكتوب عليك حتى انا تكتب علية
عماد: (بتنهييدة) مقلقة مني
رقية: (بابتساامة) بزاااف
عماد: مغنفرطش فييك وقسما بالله حتى تكوون اخر الاحزاان ليك
رقية: (هزت راسها لسما وتنهدات) ياله نطلعو اعماد شتا كتجهااد (جرها من خصرها وتمو طالعين لقاوها جالسة فكرسي كتخمم وحداها باليزتها للي كانو شتتوها ليها وجمعاتها دازو من حداها ولوات رقية شنايفها) كتسنااي لموونة لا حولة (عماد مكيهضرش طلعو فدروج وطفاو الضو عليها مخلينها فظلام ودخلو لبيتهم اما نور بقات كدور فعينيها فيها الجووع ولكن قاالت تصبر حتى لغد ليبه ومحدو مزال مطلقها هي مرتو وغتجلس حتى يقتنااانع بزوااجهم مشات دخلات فين دهلو لبنات قبيلة كولو بيوت بحال لوطيل كتشوف غير تحت لباب واش كاين شي ضو لي لقاتو طافي كتخاول تحلو حتى طاحت فواحد لبيت صغير فيه 3 سدادر وبلاكار قلباتو لقات منطاات بدلات حوايجها ونعساات من لعيا.. عماد شافها لايحة وسادة فالارض وغطا فهم هي دخلات نيشان لبلاصتها وطفات الضو حداها حيد حواجبو وجبد بيجامة ديالو لبسها وهو كيشوف فظهرها هز وساادة وحطها حداها وتخشا حداها معنقعا بالجهد ياله جات تهضر)
عماد: من نهار اللول قلتلك فراش مغنقطعووهش ومشاكلنا غنحلوها غنحلووها برااكة غير هاد لعذااب خلي لية هاد الراحة (زاد معنقها وهي طمراات..)
~~~~~~~~~~~
يونس: (خرج من الدوش كيدندن وعينيه حووومر بلعيا لقاها مخشية فلفرااش ومغطية حتى وجهها مشا نيشان عرا على وجها لقاها ممقدااش ولكن باينة منعسااش غير كتمثل) وماااالوحتى هااكا قاضيين الغراااض 
عائشة: (حلات عينها) يووونس فية نعاااس
يونس: وانا مفيااش (كيمسح شعرو لفاازك) نووضي وريني المفااجئة
عائشة: لا كاانت ومبقااتش
يونس: تااا بربي حتى تنووضي نشووف
عائشة: اوووف راه فية نعااس (شافتو مشا جابو حيت لاحتو بالشنتة وحطو حدااها) راه مبقاتلي كااانة
يونس: نردها لحبيبي ونووضي الله يرضيييك راني حبييت ومشتااق ومكاين للي سايقلي لخبااار
عائشة: (جابلها الظحك) تأ زعمااا نتا (خطفاتهالو من يدو ودخلات للدوش تبدل وهو مشا جبد قريعات من لماريو ديال تقااوت وحط فطببسيل كل شوية من نووع وديجا كانت فجاكيطتو ريدبول شربو وكيدوز بلكااجو باش يصحصح شوية.. حتى جات خاارجة بغووب دونوي فلكروونة كولو مشبك وطالقة شعرها ودايرة عكر ارااك من بعيييد... تبسم وهو كيسكانيها بكل شهوة دار اشارة) دوري
عائشة: (ضارت كتعوج وتبسم)
يونس: اححح على تويييتة دياالي هادشي كاامل لية
عائشة: (دارت يدها فخصرها) اممم ومحامدش الله
يونس: (وقف حداها) حامدو وشااكدو (يدو كتلمس فاي بلاصة مرة قريصة مرة بووسة وهو كيتفنن فتغزلو ليها وهي عااجبها الحاال وكتزيد تحس برااسها) احح برااكة من تاعنااابت داابا ندخلو للمسكي (هزها وهي مزكااه بظحكتها حتى حطها فلكنة للي شاريها خصيييصا لبقشطاااق....)

زينب: (حلات لباب وطلات برويسها حتى كتبانلها عتييقة) اهياا نتي اش كدييري هنا
عتيقة: (كدور فعيينها) هاا
زينب: (دخلات وسدات لباب كتشوف فيها وتسكانيها كانت جاالسة كتشقق زيتون) علاش كنتي كتغوتي وشنو كدييري هنا
عتيقة: هاا لا والو كنت كنعيط على سنااء باش تجيبلي شي لاخر
زينب: يا بنت **** مكتردعييش لاش كااينة هنا مزاال بااغا دوري بالرااجل
عتيقة: لا لا انا هنا كنخدم راه حتى واحد معارفني كاينة هنا
زينب: كاانو مكيعرفووكش انا داابا غنقوولها (قوست عينيها) علاش نتي هنا واش جااابك كتمارسو الرذييلة؟؟
عتيقة: هااا 
زينب: بلااااا دووك لقواالب وديري فيها دور العشييييقة 
عتيقة: سمعي اختي
زينب: يخوييلك جنااب حيدي هاد لمااسك وهضري معايا نيشان
عتيقة: (تفركاات) اوا سمعي شنو يعجبك جري طوااالك يونس للي جاابني هنا بغييتي تفرشييه مع مراتو فرشييه ومنها نيت كولشي يعرف لاش جابني 
زينب: يااااااك
عتيقة: وش معندكم شغل كل شوية جايين هنا وحاشيين كرمووستكم فيينا
زينب: هههه نتي بالظبط ورااك ورااك معندي ميداار من غير نضيعلك كااع للي كتبنييه
عتيقة: هه ضيعي اصلا انا محبووسة هنا معندك متنيطي مني
زينب: (طلعاتها وهبطاتها وخرجات رجعات طلات عليها) انا نوري لمك نجري طوالي كدايرة (خرجات من بعد مدورات الساروت ومشات كطل فبيوت لوخريين حتى كملات تفتيشها وطلعاات فدروج غتصاادف مع سناء الخداامة) علاش هاديك مزاالة هنا
سناء: معرفتش اختي زينب سي يونس جابها هنا وحابسها 
زينب: (بغمزة) زاش كينعس معاها
سناء: هاااء ويلي لاا راه شي نهار يقتلها غير بلعصى حصلها يمكن باغا ديير شي حاجة لمرتو
زينب: هاااااه قوليليييي... شوفي راه واحد التيليفون عنديغير محطوط نعطييهلك بلاتي ولكن جيبيلي خبيراات صحااح
سناء: ختي زيينب منقدرش سي يونس كيتييق فية
زينب: هي كيدير نييت شي حاجة
سناء: لا والله مكيخوون ختي عائشة انا كنشوف كولشي وهي مدابيها يدير معاها شي حااجة
زينب: مهم نتي اجي نعطيك التيليفون ومن بعد ونهضرو ااه عنداك تعطيها طيب لينا
سناء: لا ختي زينب انا للي كنطيب ليكم هي مكطيبش مكنتيقوش فيها وسي يونس منبه على هادشي
زينب: اممم انا طلعت واش فاق شي قندووح ولا كولشي مزال ناعس
سناء: هه غير نتي اختي زينب للي فايقة
زينب: مقدرتش نزيد نعس معرفت مالي هاد نهاار.. (طلعات لفووق مشات تقلب على لبيت فين ناعسة نور تجييب بيها صبااح على ميفييق الكل...)
~~~~~~~~~~~~~~
عبد الله: الحاج والله ولدي حتى كيبغي مرتو ورااه انا للي غاالط مفهمتش شنو للي خلاني نبقااو فالمغرب مكاان غيوقع واالو من هادشي
عزيزة: الله يشاافيها خااصك تقولها لعماد
الحاج: انا مقلتش العكس ولكن عادي غتكون اخر مرة (زفر) لا حولة ها هي مرضاات هنا كانت غتلقى بنتي وااقفة معاها وولدها فجنبها شنو ربحاات من تشيطيين دياالها
عبد الله: اودي مزال مقلتهالها
منى: انا نقاابلها
عبد الله: (بنظرة امتناان لمنى للي علاقتهم مزياانة.. شاف فخوه) ياله اخويا نجيبوها
الحاج: محتاج شي حاجة 
عبد الله: محد يونس ملهي عماد فديك لفيرنة وملهي حتى ديك الشيطانة راه مزياان 
عزيزة: انا ممتافقااش معااكم ضرووري متعلمو لولد اويييلي مو مريضة وغتقطع لبحورة وهو معاارفش
زهرة: حتى انا هدا هو ريي 
عبد الله: نمشي نجيبها بعدا راه تخنقاات تمااك ونجي يكوون خيير...

زينب: (لقاات شومبر للي ناعسة فيه نور دخلات وبقات كتشوف فيها) صرااحة نتي زويينة علاش لحتي على رااسك الدل
نور: (ياله كتصحصح) خرجي من بييتي
زينب: نوورمال لبارح كان خاصو يكون ليلة الدخلة وعرييسك يكون معااك نتي ماشي مع روكا
نور: (تأفااات) شنو باغا فهاد صبااح
زينب: واالو كنقرقب الناااب معااك على ميفييقو
نور: صباااح لوييل 
زينب: هو وكان تسمعي منيي خااصك تمشي فحاالك حيت ماشي غير صبااح للي غيكون وييل يوومك كاامل غدوزييه كحل (مجوباتهاااش) واش نتي كتبغييه داكشي علاش درتي هااكا
نور: سمعي ااا
زينب: قوليلي غير لالة زينب
نور: سمعي ازينب عماد كانت بيناتنا علاقة زويينة كنت مرتاحة معااه وكنبغييه وقعو مشاكل للي خلاونا نفركشوو خطوبتنا واخا مكنتش باغاها تسالي وكل دقيقة كنتسنى من عماد يجي يطلب من سمااحة ويقولي نكملو دازو سنين عرفت من خااالتو تزوج قالتلي هو ممرتاحش مع مراتو كل نهار كتشكى جيت لقيت كلامها صح حبي لييه زااد كبر مقدرتش نخلييه وااخا ميشووفش حتى فية معلييش ماامنة غيجي نهاار يبغيني فييه
زينب: ويااااااااي وشحال مأثرييين فييك لهندووود وفييقي ابنتي راه موو لفعة خممي فيها غير بين رااسك واش هو ملقااش مع موو الخيير غتلقايه معاها نتي هي مز هادشي كاامل بغات رقية تفقس وصاافي
نور: انا شرحت شنو عندي 
زينب: معرفتش كفاش دخل ليك لرااسك ولكن حلي عيينيك محد مفاات لفووت عمااد كيبغي مرتو ومرتاح معااها ومو غير كذباات علييك ونتي رااك شييطان للي دااخلة بيناتهم (ناضت باغا تخرج وشافت فييها) انا منك نمشي نشتف على مووو بسبااب هاد الذل للي رااكي عايشة فييه ولا يمكن نتي مذلووولة خلوق وولفتي هاكا (خرجات من عندها ومشات لبيت عند علي لقاتو مزال كيجخر نقزات فوق كرشو حتى تفافا) انووووض البكري براامة من نعااس
علي: (تعصب وعينيه مقاادش يفتحهم ودفعها) تحركي ****
زينب: ي*** يااامك ابناادم متخسرلييش الهضرة
علي: وتفيقييني هااكا اااو زدتي فييه ديما خاالعة ديلميي شي نهاار تسكتيلي هاد القلب
زينب: وصاافي راه 9 نوض نفطروو ونتمشاو شوية راه شميشة خرجاات
علي: سيري ازينب خلييني نعس
زينب: اوووف بقييت بوحدي قنطت
علي: (حمر عينو فيها) حيت كولشي باايت ك**** وبقا نااعس مع ***
زينب: يااء وانا نحبس ليغييكل باش نتا يعجبك الحاال انا بغيتها شي 15 اليووم نخلي مك مقطووع بحال هااكا (ضربها بوسادة لراسها ورجع نعس ملفات كديير ناضت وخرجات للكوزينة كتجمع مع لبنات تمااك وتقاد معاهم لفطوور حتى وصلات 11 عاد شافت من السرجم يونس برا كيكمي وداير القبية على راسو مشات كطير لبيت عيشة دخلات لقاتها كتحايد لبينوار باش تلبس حوايجها)
عائشة: ءءءء مكتعرفييش دقي لباب البعر
زينب: (شقلبت عينها ودخلات مدرمة) للي عندك عندي حسن منووو
عائشة: هههه باااز الوصلة مكتقشريش
زينب: بزااف علييك طااي مانكة ااش عرفك فهادشي
عائشة: (عطاتها بظهر كتلبس وعاد دارت عندها كتنشف شعرها) كولشي فااق
زينب: موحال ييخ دازت علية هاد صباح حلف نعاس ميجيني
عائشة: فطري ورتااحي
زينب: قوليلي ديك عتييقة شنو كنتو درتو معاها
عائشة: والله مبقيت سولت فيها يونس قالي راها كتحااسب ونتي عارفة يونس كلامو قليل صافي محكرتش
زينب: اممم.. نشفي شعرك دغيا راه قادينا فطور وااعر
عائشة: (بقات كتنشف شعرها دارت سفنجة ولوات شاال عليه مخلية زغيبات كيطلو من حنوكها وشوية من لقداام)
زينب: شتك من لبارح ونتي كديري الزييف
عائشة: (فرنساات) حيت صافي درتو
زينب: كفااش لا لا عييشة غتجبدي صداااع علينا حيدييه اصاحبتي حتى نمشيو ورجعيبه
عائشة: هههه واش نتي حمقة بغيتي يونس **** حدااكم لبارح راه طلاااني
زينب: اوا وحنا
عائشة: عاودوها لمخكم وانا ماالي
زينب: زمر ياك قلنا حتى نكبرو
عائشة: على اساس مزاالة كترضعي رااك قربتي لتلاتيناات 
زينب: بفففف هو كااعي بلاااش وغيلقى السبة خزييت (خرجاات من بيت عيشة للي لتحقااها لقات كولشي كيخرج من بيتو بحال لفييراان دخلو لبنات للكوزينة يحطو فطوورهم ورجال تجمعو فالصاالة..)

ريتاج: (كطنز على عيشة) عوييشة تحجبتي
عائشة: اه
ريتاج: (شافت فيها هي كتدهن الجبن للحرشة) واش بالصح
زينب: وااه اريتاج وقلبي على الموضووع (فلبلاصة ليكوبل كيشووف فبعضيااتهم)
عمران: مبرووك اختي عقباال لهاد القوم
رقية: هااء مقلتيلي واالو
عماد: وهي الا درتييه ارووكا حتى نتي
رقية: (عوجت فمها) برااكة غير مداامتك دايرااه وسبحاان الله النوور على وجهها
زينب: (لقاتها سبة) بااش تعرفو راه ماشي أي وحدة دايرة لفولار راها شرييفة وعفييفة ها نوور دايرااه هابط حتى على كتافها ومقيلة السلام عليكم وعليكم السلام وحانية رااسها وفعاايلها ديال بنات لحراام 
رقية: سطري على لمقطريين
عائشة: ماشي غير نوور خاايبة ومستغلة هاد النقطة صااقي منديرووهش لا هو راس سترة وسترة زويينة ترضي الله وترضي رااسك ورااجلك وحتى للي ولدووك 
يونس: (تبسم عاجبو الحال وناافخ صدرو على دراري للي كيسمعو لهاد الحواار اما لبنات غياكلو عييشة) 
رقية: من امتى هادشي اراابعة العدوية
عائشة: (متبسمة) من نخار لبستو وشفت الرضى فعينين رااجلي واهم حااجة مني لنا للي كنحس برااسي مختاالفة وعااجبني الحال (هزت برااد كتكب مخبعة وجهها على رجال وكتقليلهم السم بحواجبها)
زينب: لعمى
علي: زيييينب
زينب: شنوو مقلت واالو قلت للعمى للي يشووف فيها بشوفة خاايبة براااك الله فييك اخت عااائشة
علي: من بعد ونهضرو
زينب: (لوات شنايفها ويقاو غير كيشوفو فعييشة للي ترسم فملامحها وجه الملاك الطااهر ويونس مكرهش يبووسها على هاد لكلاام كملو لفطور فجو مكهرب فينها هضرات شي وحدة كيقمعها رااجلها جاو اخدامات كيجمعو وعيشة مشات حدا يوونس بقات جاالسة)
ريتاج: اجي غير نهضرو
عائشة: (كتقلي السم) الااااااءءءءح
رقية: (شافت فعماد) شفت الزين الصااافي ديالك مباانش
زينب: تلقاايها كتصلي شي ركييعات ولا هربااات
ريتاج: (شافتها جاية) احم ها هي جاات
رقية: ضرتي لحبييبة شفتك مبكرة
نور: عماد ممكن نهضرو
عماد: (كاع الاعين توجهات لعماد للي هو قلب وجهو)
نور: (شافتو هكااك) مك اعمااد مغندي عليها حتى شي خبر تيليفونها طاافي ومعرفت فين تكون مشاات
عماد: (استفزااتو) ومن بعد لااش جااية تصدعيلي *** (لبنات هربو من تمااك بقات غير رقية)
يونس: عماد كااالمااا
نور: عمااد بالصح راه غتكون وااقعة ليها هااكا
رقية: (استفزااتها وهي كتلعب دور الزوجة الحنوونة) اوا سييري قلبي علييها منين قلبك وااكلك علييها هااكا سيري قلبي علييها 
عماد: (وقف وخرج تبعوه حتى دراري بقا غير يونس ورقية)
رقية: سيري قلبي عليها شنو كتسنااي
نور: علاش بااغا تفرقي ام على ولدها 
رقية: (كطنز) حيت راني كونجي من خدمتي وملقييت منديير (وقفت باتجاهها) وتي سييري قلبي على شي حااجة للي تنفعك (دفعااتها وياله غبدا تهجم جرها يوونس) خليييني نوري لمها كفااش كنفرق الجلد على العظم 
يونس: سيري عند لبنات
رقية: لا هاادي للي خاصها تخرج من هنا وتمشي بحاالها علاش جايبيينها هنا علااش 
نور: حيت حتى انا مرتو وفين كان هو كاينة انا وحيت خاايفين نعاود نرفع دعوة علييه
يونس: راه انا للي غنخلط مك الا مسكتييش
عائشة: وعلااش احبييبة انا نخلطها اشنوو نتي (مشا يونس جيهتها وهي تسكت) راه مغنضربهااش
يونس: هي الا مشيتو سيري ني ولبنات طلقو رجليكم وهاد لبلااكة بعدو من حدااها
رقية: (شافت فيها وهي مغددة من البرود للي راسمة فوجهها بحال كتقولهم مغتقدووش توصلوني خرجات وضربات فكتفها تيعوها لبنات كل وحدة كضربها بكتفها حتى مشظاتش توازنها وطاااحت شافتو فيها) 
عائشة: هاااء مالها مسكيينة
رقية: غير لهييبة ديالنا كتخليها طييح
زينب: وتبعيينا الكلبة
ريتاج: اش غدير بيك نتي راه غتبع جوجها
يونس: (حرك راسو بلا حولة) عييييشاااا
عائشة: زيدو نتحركو من هنا...

عائشة: زيييدو زييدو... (خرجو للجردة كيتسركلو حتى بعدو شوية وهوما يدورو عليها) ماالكم
ريتاج: امتى درتي الحجااب
زينب: قولي زييف اما هادي بينها وبين الحجااب غير الخير والاحسان
هزال: عوييشة مبروووك جاك زوين حتى انا كنفكر نديرو هاد الاياام قبل حتى منرجعو 
زينب: (حمرات فيها) لبعااابع لواااه نشوفو مع هاد ختنا تحاايدو
عائشة: سيري تزمريي راه غنحاايد لمك بلااابز عيينييك 
زينب: عفااك اعييشة 
عائشة: ههه وااش حمقة سيري فحااالك راه يونس يسمعك متزيديش دقييقة فهاد لفيرمة
رقية: زينب واش هبيلة تحاايدو صاافي هضري مع رااجلك قوليييلوو انا مبااغااش ندييرو
ريتاج: بففف حتى نشوفو بعدا واش غيقولووه لينا
عائشة: الحجااب البنات كيدار عن قناااعة
ريتاج: سكتينا الالة فقييهتي 
رقية: خليونا من هاد تخربييق انا شنو غندير مع ديك جلااخة
ريتاج: مبقيييتش حااملة نشووفها يييخ 
زينب: قالتلي صبااح كان خاطبها ووقعو شي مشاكل للي هي سلات معااه تسناتو ولكن طيرتييه نتي
رقية: **** انا بغيت نفهم هي لاش هنا
عائشة: قالي يونس فهاد السيمانة تقدر تعاود تدفع المحضر يعني غير تفوت سيماانة غتمشي من هنا
رقية: وطلاق
عائشة: خااصك ناي تسولي رااجلك اختي بااينة عندهم شي بلان فراسهم
ريتاج: نخرجو؟؟
زينب: انا غنخرج مع علي
هزال: حتى انا سعد عارضني لعشا اليوم
ريتاج: اممم يعني غنعرض عمراان هاد الليلة
عائشة: حتى نتي أزيينب خااصك تخرجي مع عمااد.. واش لبارح تصاالحتو
زينب: زعما واش نعيتو بجووج
رقية: كنفهم ازينب لا ولكن قدامكم كنديرو راسنا طبيعيين 
ريتاج: حسن خرجو هاد الليلة ممكن تلقاو حل للي غيرضيك حيت مسكين عمااد كيقلب غير كفاش يرضييني
رقية: خااصو يعاود يتعجن فكرش مو باش يرضييني...
~~~~~~~~~~~~~~
فهد: (خرجت من لحمام كتبكي وجلست فوق لفتووي مربعة رجليها وفيديها تييست فيه خط حمر واااحد... خرج مبوق بنعااس كيتفوه ودخل للحماام قضا غراضو غسل وجهو وفطريقو للكوزينة قشع ندى مكمشة على رااسها.. باستغرااب) ندى ماالك جاالسة هنا
ندى: (لا رد)
فهد: (مشا جلس حداها ودرعها بيدو) ندى حبيبتي مااالكي
ندى: (هزت رااسها وعينيها حوومر بلبكى ولاحت تيست من يدها ورجعت تكورت)
فهد: (هزو من فوق الزربية شافو عرفو تيست حقق فيه ولقااه سلببي وشاف فيها لقا كتافها كيترعدو بلبكى ضرب داك التييست مع الحيط حتى تشتت وهزت رااسها فييه) زدتي فييه اندى
ندى: (بصوت بااكي) شنو زدت فييه
فهد: ولييتي مهوووسة بلحمل مااشي هااكا كنتي اندى الالة مبااغي بعاالك بااغي نعيييش طروونكييل مع لمرا للي بغييتها 
ندى: (معصبة) حتى انا بااغا نعييش طروونكييل وحتا نتا متنكرش باااغييهم
فهد: كرهتهم نهار ومطاال وفمك غير بنت ولد بنت ولد علاااش هادشي كااامل وحنا يااله مزوجيين
ندى: (مشات لبيتها وتبعها) نتا اصلا باغي تعييش دياال رااسك ولفتي تازووفرييت
فهد: (كيرطب) ندى حبييبة انا بااغيك نتي ولولاد الا مكتبهمش الله غنكفروو !!!
ندى: (خرجت عينها) انا باغااهم 
فهد: (عصباتو ولكن شااد اعصاابو دار يد على يد) وااخ شنو المعموول
ندى: نمشيو طبيب
فهد: واش بنيتك اندى حنا شهرين باش مزوجين ونتي كتقولي طبييب
ندى: (دخلت لفراشها) انا هاني ثلتلك غنمشي (غطاات وجهها وهو بقى غير كيشوف فيها وكيحرك الفك السفلي ديالو خرج للكوزينة قاد قهوتو ورجع لبس حوايجو هز القهوة معاه لطموبيلتو كمى كارو بييه عاد تحرك الخدمة داير بنااقص من لفطوور للي مواالفة كديرولو..)

عماد: (شاف فتيليفونو كانت نمرة ديال بااه) بفففف
يونس: جااوب اصاحبي
عماد: مفياااش
يونس: تاا جااوب يعيى بااك يغلط ولكن متفوتووش
عماد: (جااوب) ويي 
يونس: عمراان تمشيو تشوفو لفيرمة للي حداانا راه عيط علية مولاها راه كااين
علي: بشاااخ شوفو شكون جاي
يونس: (شاف لقا نور تلفت لدراري) ياله نمشيو عمااد حتى تلحق عليينا
عماد: (حرك راسو باه وكمل مع باه) لبااس لبااس
عبد الله: احم مهم ولدي حنا غرجعو لامريكا بعد سيمانة
عماد: امممم وهي؟
عبد الله: حتى هي غتمشي
عماد: مزيان الله يديكم على خير
عبد الله: ولدي مغتجيش تشوف مك
عماد: (وقفات حداه نور) ضرووري؟؟ راه نصيفطالي الرقاص دياالها حضيااني ولاسقة ف***
نور: (مفهماتش الرقااص ولكن عرفاات *** باحرااج كدخل شعرها لزيفها) احم
عبد الله: انا عارفااها غلطات معااك بزااف ولكن راه ماشين لمدة طويلة
عماد: منين نبفي نشوفها غنجي متنسااش حتى انا راه بالجنسية ديالي وماشي صعييب نجي عندكم (قطع معاه ودار عند نوور) نعاام غتبقااي لاسقة فية فأي قنت مشيت لييه
نور: (كتفرك يديها) انا كنبغيبك بزااف
عماد: زيديها ف*** وللي كيبغي مكيدير فعاايل ديال لق***
نور: مكانش عندي حتى شي طريق.. (شافتو مشا وممسوقش لكلامها للي زاايد نااقص عندو تبعاتو) عمااد مك راها محتاجاك راه كانت كتبكي لياالي علييك
عماد: (زاد مخليها كتهضر بوحدها)
ريتاج: (من مور واحد الشجرة كيتصنتو عليها) شفتي بااغا دير بلاصتها بحجة ديال مو
رقية: البناات شفتي الا حن ليها والله لا تبعتو حيت ناشي انا للي غاالطة هوووو لي غاالط
زينب: ويي حتى انا معااها واصلا هو مو ومحملهاش واها تكون كتمووت
عائشة: لا الا كانت كتمووت غيحن يحن راه الأم بلاصتها كتكوون فلقلب بووحدها
رقية: (بقات كتشوف فنوور للي كتبكي مشات لعندها ولبنات كيتفرجو) علاش كتلوحي رااسك علييه واش مكتعياايش
نور: (شافت فيها بعنين دامعين) كنبغييه بزااف
رقية: (ميقت فيها) وفين مان هاد الحب من شحال هادي على باالي راه سنيين باش كنتو مخطوبين ماشي العام للي فاات وزايدون كنتي تزوجتي كااع 
نور: منسيتووش عماد هو للي منسييتش
رقية: بعدا هو منين خيرتيه مع بااه سمح فيك فأول ثاانية 
نور: وهانتي دابا كتخيريه بينك وبين مو
رقية: (بابتسامة مستفزة) وواها هكااك مسمحش فية وبلعكس مييت باش يااخد الرضى دياالي شفتي الفرق للي بيني وبيينك
نور: (طلعاتها بكره ونزلاتها بحقد) كنكرههك 
رقية: (ميقت) ربي ربي 
نور: مفهمتش نتي بحال شي طياابة ديال الحماام مفييكش صوااب لا فكلامك لا فحوايجك لا فتعااملك (جاتها طرشة طراااااخ)
رقية: صواب خليتو لييك 
نور: (شدت فحنكها وكتهز رااسها والابتسانة على وجهها) بنت الخييرية شنو غنتوقع منها..
ريتاج وهزال: (شدو عيشة للي قلشت منين سمعات هاد الجملة)
زينب: ويلي ويلي على بنت لحراام سيري نتفي مها ولا نمشي انا نيييت
ريتاج: زيييييييينب!! عيشة رقية عارفة شنو كديير
رقية: هاد بنت الخيرية للي كتهضري عليها أم لبنت وولد مربيااهم احسن تربية مسؤولة على دار وعلى عائلة زائد ماستر فالدراسة العليا للتجارة والتسيير فألمانيا وكنت من الأوائل 4 ديال اللغاات عندي أب لي كيخااف علية ودايرلي قييمة قداام الناس ولكلاب للي بحاالك تزوجت بعزي من عماد ماشي جييت كنلوح البااطل نرغب وندير لقواالب باش يتزوجني ونتي ابنت دارهم شنو كيتوقع منك!!!

ممدوح: ماالك كتخدم معصب
فهد: والو
ممدوح: كفاش واالو واش عند شي مشاكل
فهد: انا معندييش
ممدوح: وندى
فهد: وعلاش اخويا كتسول على ندى
ممدوح: اهضر ا*** شنو عندك
فهد: بففف والو واش نتا اليوم غتخرج بيرميسيو
ممدوح: غير 3 اياام نشوفو الوالديين نور صيفطتها هادي سيمانة لدارنا باش تحضر
فهد: اممم الله يجيببهم على خير مكرهتش وكان عندي حتى انا واليديا نصيفطهم الحج ولكن كنفكر نمشي انا وندى الا هداها الله
ممدوح: (بغمزة) شنو وااقع مناقشين؟؟
فهد: اودي خلي دااك جمل نااعس
ممدوح: مهم منين تبغي تعااود انا هنا وكولشي كيتحل بالعقل
فهد: (حنا كيكمل خدمتو وفراسو غير ندى للي زرباانة على لولاد وفجهة اخرى وحدة مزالة ففراشها وخوفها الوحييد هو متبقاش تولد ولا تكون عااقر كااع كلام زهور خلعها منين قالتها بكينة كتشد بزااف وهي راه 7 سنبن ديال زهو وهي كتشرب فلكينة خوفا من الحمل الغير الشرعي ودابا منين تمنااتهم مغتلقاهمش وهي فعمر 32 عام خاافت متعاالج حتى يفووت لغووت هادشي كوولشي وفهد معاارف واالو على المخاوف للي متعييشهم ناضت معكزة وهزات تيليفونها) ويي مي زهرة لبااس
زهرة: لبااس ابنتي ونتي فيين غبرتي علية مبقيتي جيتي كااع عندي
ندى: هئ هئ مي زهرة حتى هاد شهر واالو
زهرة: وعلاش كتبكي الحمقة 
ندى: خفت بزااف منولدش كااع دابزت مع فهد على صبااح
زهرة: وعلاش دابزي معااه راك تحلييلو عينييه على هاد تخرببق ويبقى رااد لبال معااك 
ندى: زعما
زهرة: رجال كامليين هااكا ابنتي
ندى: خصني نمشي طبيب
زهرة: سيري ابنتي وانا غنوجدلك شي مساخن دوزي خوديهم ولا عرفتي جي شي 3 ايام باتي ندير ليك لعرق
ندى: مغيخلينيش
زهرة: نجي انا ابنتي نديرولك كل ليلة ورجع لديواني ولكن مدابزيش مع راجلك ابنتي رااك مزاالة عرووسة ومدار عليك حتى العاام نشطيييي راه النشااط حدو هاد لوقيتة غير تولدي لولاد رااسك هو اللخر غتنساايه
ندى: راني كبرت امي زهرة
زهرة: علاه ابناي نا كبر نتي ولا منى مرت عبد الله ياك عاد تزوجات وولدات ومزاالة تزييد تولد خلي ايمانك بالله وللي فمكتابو شي حااجة غتوصلو
ندى: وال هو بغا لولاد 
زهرة: لخييرية كتفييض بيهم ابنتي ربيو منها ديرو خير فيهم واجركم يكون عظييم وهانتوما مونسيين وبرااكة عليك الحمقة من هاد لفاال
ندى: (بردات شوية وناضت من بلاصتها) نووض نوجد لغدا لزمااني
زهرة: احياااني علييك عاد كنتي كتهرنني 
ندى: ههه ياله بسلامة امي زهرة حتى نمشي لطبيب ورد عليك
زهرة: متصونيش فالتيليفون اجي برجلييك
ندى: هههه واخا (ناضت قداات غدا خفيف هضرة مصوطية وستييك ديال دجاج وعصير قداتهم فبواطة ديالو ومشات عندو كتباتلو ميساج) توحشتك (مجاوبهااش) زمر دابا لقا باش يدفع كبير (ياله كتنكر حتى لقاتو كيصوني) وييي (ملحناها)
فهد: بردتي شوية
ندى: انا برا اجي (قطع معاها مكملش جوج دقايق حتى خرج عندها طلع لطموبيلتها) 
فهد: علاش جيتي هنا!!
ندى: جبتلك لغدا
فهد: لغدا انا نجيلو للدار يااك شحال من مرة قلتلك متجييش هنا
ندى: (غوبشت) هادي هي شكرا
فهد: مشكراانش الالة متجييش هنا يبقااو دوك **** كيحنززو فييك (دارت لقات جوج باللبسة كيشوفو فير عاقو بيهم قلبو عينيهم)
ندى: صاافي هبط نتحرك فحاالي
فهد: (هبط وحل باب اللور هز ساشية وخبط لباب دارت مخنزرة فييها) شاريهالي بااااك (تحركت من تمااك مغلغلة وهو ماشي كينكر ووقف حدا دوك جووج) ماالنا يااك لباس
....: واالو الشااف 
فهد: بناادم غير ديال لقتييلة (دخل لبيرو تغدا ورجع خدم صونا يعرفها واش وصلات كتقطع عليه خلاها على خاطرها حتر يرجع للدار ويصالحها...)

زينب: (غير سمعات كلام رقية طلقات تزغريتة ديال لقلب) لولووولوووووي (خرجت بانت ليهم) عطيه العصييير عطيييييه يااا ختي سمعتي على قلبك بردو لييك جنوونك اوا قولي الاحواااانية وبنت دااركم اشنو طلع منك؟؟
نور: (ملقات بااش تجاوب شافت فرقية للي محافظة على ابتسامتها وزادت مخلية لبنات كيضحكو بالجهد) تفووو ملقطيين
عائشة: ابراافو عليك اهيااتا انا مكنتش غنشد رااسي هااكا 
رقية: هادي كلات لعصى من عندي ومن عند ماما ومن عماد ومقرش فيها علاش نزييد نوسخ رااسي فييها حتى حاجة مغتنفع معااها اللهم نوريها غير شكون انا
ريتاج: معندي ميتساالك بعدا عندك علاش تفتاخري نتي وعويش انا وهاد لبغلات مشينا نقراو فأمريكا بمنحة شتنا راسنا ممطفرينوش قلنا منرجعوش خاويين جبنا رجال وجينا
عائشة: هههه مهم ملسقتوش فيهم باش يتزوجووكم
زينب: صرااحة عمران تزوج بريتاج بلقواالب هزال وسعد درااوش ديالنا وانا والله وكان متزوجني كنت نحر مو وندوز عليكم كااملين
ربتاج: هههه وحنا لاش
زينب: شي يعرس وشي تحشاالو
رقية: دابا لبنات بصراحة هي علاش متعلقة بمو بزاف ياك تزوجاتو علاش مزالة كتسول عليها
ريتاج: يمكن بالصح كتبغييها ابااار زواجها بعمااد
عائشة: وحتى لعقرووشة ها هي كتمووت وفمها غير نور
رقية: كفاش كتمووت
عائشة: ماما عيطاتلي عمي عبد الله كان مخلي لعقروشة فمثحة ولقاو عندها السرطان فالرااس
رقية: (طرطقت عينها) كفااش!!
زينب: الله واكبر ها الحق كيباان فييها
ريتاج: زيينب حشوومة مكنتشفوااش فاالنااس
زينب: (قلبت عينها) مشي
ريتاج: (شافت فرقية) واقلة رااجلك معارف واالو
عائشة: لا معارفش حتى يونس مزال مقالوهالوش وشنو زعما غيرجع عندها راه دوزاتها عليه
رقية: ولو كتبقى مو
هزال: اه واخا دير للي داارت كتبقى موو وهي محتاجااه فهاد الوقت كتر
عائشة: اممم معرفتش ولكن للي كنعرف يونس ساامح بااه واخا كان سب (وهي تسكت حيت مفخبار حد)
زينب: سباب فااش قولي قوولي هادشي مفخبااريش واش دابز معااك حتى نتي غيير قولي
عائشة: ولا زمر عقلتي ارقية فاش مبغاش يونس يتزوجني زعما هو كان مزبلها مع ناريمان غضب منو
رقية: اه ولكن هاديك راه شكل اخر راه غرقاات ولدها فلحبااساات
عائشة: اه بالصح (طمرت)
رقية: خاص يقولوهالو وهو يختار شنو يديير
ريتاج: تقوليهالو نتي ولكن ديري فبالك لقزقاازة غير تعرف غدير فيها الزوجة الصااالحة
رقية: والله منمثل غير باش يبقى معايا انا وديك السيدة صفحة وتطواات متعرفني منعرفها
زينب: نيشان النفااق خليه لمااليه
ريتاج: اووكي ياله نشوفو هاد لفيرمة انا نعيط لعمران يخرج عندنا
رقية: انا نبقى هنا
عائشة: صافي البنات غير سيرو نتوما (خلاوهم لبنات على خاطرهم وبقاو بجوج كيهضرو مع مهم) وااا خرجي برا دغيا
عزيزة: (خرجات للجردة) اري رقية
رقية: ويي ماما
عزيزة: بنتي عرفتي حالتها حاالة ولكن داك لساان سلييط كيخلي الوااحد ينفر منها
رقية: (عرفات واخا لوخرا وصلت لهادشي مزال كارهة رقية للي عمرها اذاتها) اممم اوا الله يشاافي
عزيزة: اميين ابنتي واش غتجيو
رقية: علاش قالوها لولدها؟
عزيزة: لا مزاال هو مكيهضرش ومكيجاوبش والا كااع جااوب دغيا كيقطع عليهم مكيعطي حتى رااس الخييط
رقية: اممم اوا سيري رجعي اماما لحداهم منخليوش لبنات بوحدهم (قطعت) اجي نشوفو شنو دارو لغدا
عائشة: وشنو غديري
رقية: معندي مندير ولدها للي غيدير انا بعييدة علية جهدي هو ندعي ليها بالشفاء شي حاجة اخرى لا...

يونس: (خلا دراري كيتفاهمو مع النااس ومشا عند عماد للي مركن فبلاصة بووحدي) حاالتك هاد الأيام كلخراا
عماد: يونس قييلني علييك
يونس: (جبد.تيليفونو كان عمو) بااك اصااحبي من قبيلة وهو كيصووني شووف شنو بغا
عماد: (شد من عندو التيليفون بزعااف) نعااام نعاااام 
عبد الله: اولدي اجي شوف مك راه مرييضة
عماد: مريضة غتبرااا انا شنو نديرلها يااك كانت بفاتني نخرج منولييش طبيب وبغات تصبفطني لحبس صاافي ديرني دابا راني فلحبس ونسااوني عليييكم
عبد الله: لا حولة ولا قوة الا بالله العلي العظيم
اب يونس: (شد التيليفون من عندو) اولدي عمااد 
عماد: بفف نعام اعمي
اب يونس: مك راها مريضة بزااف وباك غيديها تعاالج فأمريكا
عماد: مزيان
اب يونس: (عرفو متسوقش) مك راه فيها السرطان فالرااس
عماد: شي لعبة جديدة من عندها!!
اب يونس: واش اولدي انا موالف كنتماازح فهاد الأموور
عماد: (سطل دلما بااارد تكب على رااسو وخلا رجليه كيترعدو ماشي من لبرد ولكن من الخبر وهو عاارف سرطاان هو المرض للي مكيتعاالجش وكيبقى تاابع صااحبو حتى يفووز علييه... بقا غير مطرط عينو وشريط ذكرياااتو مع مو كيتعاود قداام عينيه وهاد المرة جااو غير الذكرياات زويينة من نهار عقل على رااسو وهلى لفشووش للي كانت معيشاه فييه.. تنهد تنهيدة طويييلة وقطع من بعد مكانو كيعيطو باسمعو وشاف فيونس ملامح الاستغراب)
يونس: جمي شنوو كااين؟؟
عماد: (قرد فالأرض وعينيه كتشوف لبعييييد ويونس مفاهم واالو فكر يهز تيليفونو وهو يصوني على بااه بعد علييه وهو كيشوف فيه للي رجع بحال شي صنم)
يونس: مال عمااد
اب يونس: اش غنقولك اولدي مرت عمك جاها لمرض الخاايب فالرااس وعمك غيسفرها معاه باش تعاالج وهي فمها غير عمااد خاصو يجي يشوف مو
يونس: (تصدم) لا اله الا الله صاافي انا غنجييبو
اب يونس: الله يرضي علييك اولدي 
يونس: امييين كديرووها قد راسكم وحنا للي كنخلصو امتى دييرو عقلكم (باه صقر) انا شوية ونجي الوليد 
اب يونس: وااخ اولدي...
~~~~~~~~~~~~~~~
فاطمة: (فاقت وتحت عينيها كحل شوية وشنايفها بوويض ووجها صفر حيت بان فيها لعيا شافت فمنى) فين عبد الله
منى: راه غير لتحت خااصك شي حااجة اختي فاطمة
فاطمة: (بتعب) حساابلك غنخليه لييك والله متحلمي بييه
منى: (كدور فعينها واش هادي مريضة وماشي أي مرض ومزاالة كتقاابح عرفاات غدووز عليها منين يمشيو لتمااك ولكن حسبااتها تكفيير على تشوطين للي كانت كدير معاها ومع رقية)
فاطمة: فيين ولدي دااتو ديك الكاافرة بالله فييينو جيبوه يشووف موو
منى: (هربت من حدااها وهبطات لتحت) احم عبد الله راها فااقت
عبد الله: يااك غيجيبو يوونس
اب يونس: ولدي عاارفة عندو كلمة وحدة قال غيجيبو هي غيجييبو
عبد الله: (داز لكوزينة طلع ليها لغدا ديالها للي عبارة عن صوبا مافيها ميتكاال لقاها جاالسة حط داكشي فوق لكوافوز) علاش فقتي 
فاطمة: وجعووني عظاامي اعبد الله فين عماد
عبد الله: راه جاي
فاطمة: (فرحت) وجايب مرتو
عبد الله: (استغرب من سؤالها على رقية) نتي عاارفة رقية بن..
فاطمة: متجبدلييش ديك اللفعة انا كنسول على كنتي نوور الله ينورها علييه وعليينا
عبد الله: (سكت حيت الا هضر غيبدا غير يسخسخ فيها وهي حاالتها ماشي هي هادييك) الله يهدييك هادشي منقوول عاودي حسابااتك الوااحد راه رجلو فالدنيا ورجل فالاخرة....

يونس: (جلس حدا عماد) نتاا عاارف باا راه كان سبب من اسبااب باش عيشة طيحاات 
عماد: (حرك راسو باه) متحتاجش تقنعني بااش نمشي نشوفها 
يونس: هي الا نضتي اه ورقي..
عماد: مغنعاودش نفس الغلط ومغنبزز عليها واالو ومن الاحسن منديهاش داابا حتى نشووف بعدا
يونس: ياله (وقف وعاون عماد يوقف) سير نتا هضر مع مرتك انا ندوي مع دراري..
عماد: (مشا مهمووم عند رقية للي لقاها جالسة مع عيشة جلس حداها) رووكا
عائشة: نمشي نقولهم يقادو لعشا تشهييت شي كراتااان وسنااء كتصرعو
عماد: (شاف فرقية ودور ذراعو على كتافها) خاص نمشي
رقية: (حركت راسها باه) عاارفة الله يشافيها
عماد: اميين متقلقييش
رقية: (شافت فيه) ماشي شي شرييييرة للي نمنعك على مك
عماد: (جرها وباسها فجبهتها) سمحيلي
رقية: (حطت يدها على يدييه) غتبرى ان شاء الله تمااك ماشي بحال هنا 
عماد: (بابتسامة صغيرة او لا غير شبح الابتسامة سد على الموضوع شاف يونس دخل)
يونس: (دور عينو) فين ديك لمجنوونة
رقية: فلكوزينة
يونس: (مشا للكوزينة كيسمع ضحكها وهو كيقرب سمعها كتخصر الهضرة بالظحك غوبش وقف وعيطلها) عييشا
عائشة: (غسلت يدها ونشفاتها وخرجات غندو كتفرنس) كنقااادلك كرااتااااان
يونس: (وقفات حدااه وبقا كيشوف فيها تبسم وقادلها شعرها للي خاارج) الامييرة دياالي 
عائشة: اممم
يونس: عندك تسمعي لشي وااحد 
عائشة: (باستغرااب) مفهمتش
يونس: لفولار جاك زويين وانا عاجبني بزاااف بزااااااااف اعوييشة 
عائشة: واش انا ندي على دوك لمشكودراات
يونس: حيت عارف العمر دمااغك على قد الحاال
عائشة: كفااش
يونس: غنمشي مع عماد لدار جابو مو وراها مريضة
عائشة: اه عرفت قالتهالنا ماما قبييلة ورقية مغتمشييش 
يونس: وغتبقاي غير نتي وختك حيت كولشي غيخرج 
عائشة: واايلي ايونس الفيرمة كولها كاميرات وزايدون عتيقة مناش خاايف مكينااش وجتى الا شفت مها كدوور هنا نقتلها
يونس: اللله وأكبر طمنتييني الحااجة الله يطمنك
عائشة: كوون هااني الشااف راك مخلي رااجل من مووراك
يونس: عيشة غنغييب شغير شوية منلقااكش حاارقة هاد لفيرمة تعشااي وطلعي لبيت وجلسي نتي وحتك حتى نجيبو نوور متقربووش لييها 
عائشة: بفففف كنسى ديك لخرية راها هنا
يونس: (قرسها فشنايفها وهي كتشدلو يدو يحايدهم) قلنا شعر يتغطى وحتى هاد لساان يتروودا (طلقها)
عائشة: زمر راه عدمتني
يونس: سيري رجعي للكوزينة وخليك ساامعة كلامي
عائشة: (بنفخة) وااااخ
يونس: (جرها كيعنقها) غنجيبلك شكلااط
عائشة: مالي بنت صغييرة
يونس: وماالك كبرتي علييها نتي هي صغييورة ديالي ناي وقمر
عائشة: وكان غير جبتيهملي ولا تديني عندهم
يونس: وا حبيبة ماماك للي قالتلك باش ينساو رضااعة بغيتي نديك يااله
عائشة: لا صاافي غدا ونمشي نشوفهم
يونس: ياله انا نمشي باش منتعطلووش فالرجعة...

نور: (للي كانت فلبيت سمعات كولشي خرجاات) عفااك خودني نشووف خاالتو كنت عاارفة بيها شي حااجة
رقية: (ميقت فيها وقلبات عينيها)
عماد: (باس رقية فحنكها) خليك حتى التيليفون غنصوني عليك (ناض خرج تبع يونس ونور تابعاهم) دوووز فمها
يونس: اجي اخويا نتا دوز فيها انا مزال مسااخي بحياتي
نور: (كتبكي) عفااك اعماد ديني عند خالتو
عماد: واش انا مساالي لجد مك بتش نخدم عندك شيفوور زييد نتا اصااحبي (بقا كيظحك يونس عليه وزادو مخلينها بلاكة مشات رجعات لصاكها بجرا ودازت من حدا رقية)
رقية: (كطنز) مبغااش يدييك رااجلك امسكيينة
نور: وااش مفقلبكش الرحمة السيدة فين وااصلة حاالتها ومتي كتشفااي خالتووو عندها الحق فأي كلمة قالها لييك
رقية: راك من صبااح كتقلبي على شي سلخة مني
نور: تفوو على ملقطة (بغات تمشي محسات غير برقية جاراها من شعرها حتى تحاايد ليها الزيف دارت عندها وجمعات معاها بتصرفييقة حتى تطرسات يدها فحنكها ولخااتم للي فصلعها جرحها شوية.... شدت فحنكها)
رقية: عاودي قولي مرة اخرة (دفعاتها ورجعت جلست بلاصتها اما لوخرا ظربت الطم حيت عارفة غيتحمااو فيها صرطاتها ومشات لبت هزات صاكها للي قيه سوارت طموبياتها وخرجات كتجري)
عائشة: مال هادعوييطة كتجري
رقية: (كتعيبها) ماشية تشووف خاالتو بفف غير لبي يشتف على مها 
عائشة: (رخفات الشاال وطاحت القصة ديالها) متديهااش فيها هي بااغا تستاافزك بأي حااجة
رقية: رته عطيت لمها طرشة تمنيبتها داافع على رااسها باش نديرو شي كوومبا ووالو بنت لهم عاارفة صواالحها....
~~~~~~~~~~~~~~~
نور: (صااكت بطيراان باغا غير توصل ليبهم ولكن ضيعاات الوقت بزااف مشات لدار اب يوونس فين شكااات وتخميينها طلع فمحلو كانت طموبيلة ديال يونس تمااك بلاصات الطموبيل وخرجات دازت من قداام الطموبيل حتى كتصدم فيهم باقيين تمااك) احم
عماد: هاااه وقولي منتعصبش 
يونس: صاافي ديرها مكينااش تصااحبي واش غتغلبك مرااا (خرجو من الطموبيل وزادو من حدااها وهي تابعاهم) 
عبد الله: ولدي كبقييت
عزيزة: (كحلت بلعمى منين شاافت نور جااية معااهم وفسرااتها كما شاافت)
عماد: فينها
زهرة: راها لفووق
ندى: (للي كانت معاهم خبرات عزيزة) شكون هادي
عزيزة: (لوات شنايفها) ضرت رقية يادلي
ندى: (بقات مصدوومة وضربت الطم عماد طلع لبيت فين كاينة ويونس غير شاف ولادو نسا كولشي وبقا يلعب ويظحك معااهم)

فاطمة: (كتشرب الصوبا وتعوج فمها محملاش المذااق ولكن على حسااب صحتخا وباش تبرا كتبرك على رااسها غير شافت عماد حطاات لبلاطو حداها وتبسمت) الحمد الله منين رجعت شفت هلد لوجه وحشتك اولدي بزااف
عماد: (عيا يشد راسو ومصبرش) ياااك انا قلت منبن صيفطتيني 5 سنين حبس مغتبقايش عااقلة علية
فاطمة: انا اولدي؟؟؟
عماد: (شد لساانو) بفف كبقييتي؟؟
فاطمة: هاانا اولدي الاعصااب كياكلو فية وخلاو للمرض الخبييث منين يدووز ولكن متخاافش مك قدها
عماد: (حرك راسو متأسف) الله يشاافييك
فاطمة: (طبطبت على بلاصة حداها فوق النموسية) اجي اولدي حداايا ولا وليت كنخلع
عماد: (مسا جلس حدااها) الله يهدييك الواليدة راه ماشي وجهك للي كيخلعني تصرفااتك للي مكلقااش ليها حل
فاطمة: ولدي انا بغييتلك الخير (شافت نور حدا لباب) اللله ياا ربي الحمد الله عشت وشفت كنتي (جات نور من الجهة الاخرى وترمات فحضنخا كتبكي) علااش كتبكي ابنتي واش رااجلك ممهلييش فييك
عماد: (غير كيتفرج) شنو هاد تخربييق
نور: (باستلها يدها) توحشتك اخاالتو بزااف متخيلييش شحال قلبت علييك عرفت بيبك شي حااجة كنت من اللول كنقوولك نمشيو طبييب ونتي مكنتيش قاابلة
فاطمة: (بحب) دواايا هو نشوفك بجووج ابنتي وعلاش لا ولادكم
عماد: (غير كيتفرج وفهاد اللحظة بقاات فيه رقية علاش هي عمرها بغاتها مو هااكا واخا كانت كديرلها من الدنيا عشرة وقف وتم خاارج)
فاطمة: ولدي فيين مااشي
عماد: (كمش وجهو) شنو هاد التمثييلية نتوما بجووج وهاد تخربييق للي كنشووف هااادي (على نور) عمرها مغتكوون مرتي
فاطمة: وييل الشيطان ياك تزوجتو
نور: (حركت راسها باه بحزن)
عماد: هههه غتحمقيني مهم الله يشاافيك الا حتاجيتي شي حااجة علمييني (خرج ورجع دخل شاف فمو) فين السيكاتريييس للي كانت فوجهك
فاطمة: (حطت يدها على خدها) درت تجمييل
عماد: هههه كذبتي الكذبة وتقتييها!! الوالدة حتى وااحد مضاامن عمرو وانا كنتمنى ترجعي لصحتك حيت مييمتي ولكن خااصك ترااجعي رااسك يمكن ربي ابتلاااك بهاد المرض باش تعاودي حسبااتك راه دعوة المظلووم فييك خاايبة (جات بغات تهضر وخرج كان متوقع غيجي يلقاها فحالة خاايبة وندماانة كااع متجبدش رقية ولكن باش دير هاكا قداامو جاتو أكبر إهااانة فحقو وفحق أموومتها وكما كاين البر بالواليديين كااين حتى بالابنااء وهادشي للي غاااافل عليه بزااف...)
نور: هئ هئ كااع ممتقبلني اخاالتو
فاطمة: حملي ابنتي
نور: هه علاه هو كيشوف فية بقالي غير نحمل منو
فاطمة: سمعي هو راه رااجلك وحلااالك تقربي منو بأي طرييقة وانا مغنوريبكش هادشي ااااح على كبيدتي 
نور: نتي غير برااي بعدا اخاالتو
فاطمة: ان شاء الله ابنتي دعي معاايا واإذن الله غنبرا رااه ماشي اول مرة غنمرض بهاد المرض...

عماد: (هابط من درووج كينكر ويكمكم بكلمات منسموعينش دخل للصالة وجلس) فين يوونس
عزيزة: (محاملاهش) راه كيلعب مع ولادو
عماد: (حرك فكو شاف فباه) فين صفوان وصفااء
زهرة: راه مع يونس
عزيزة: (حركت فمها وقالت فنفسها عاد تفكرتهم ولا مرتك جديدة نسااتك فييهم) ندى اجي معايا ابنتي (ناضت تبعاتها وعماد ناض للصالون فين كيتسمع غواتهم وظحكهم دخل لقا يونس حاني على ركابيه وكيديرو النوبة شكون يطلع وللي جارو من قبو تبسم وهز صفااء للي غير شافتو بدات تعلق فييه وتبووس وحتى هو مقصرش عنقها بالجهد حتى دمعو عينييه من تصرفاات مو للي كل نهار كيزيدو يصدمووه شووف هو جاي عندها خاايف من موتها وهي فين كتفكر حتى معتاذرااتش على شنو دارتلو مقفزو غير صوت يونس)
يونس: ادااااك لبغل رااك خنقتي لبنت
عماد: (صوت بنتو للي كتغوت بلبكى هزها بحنية كيبوسها ويرااضيها) شششت صافي احبيبتي لعبوو؟؟
صفاء: (كتحرك رااسها وشنايفها على شكل قلب كتسكت راسها من لبكى مسحلها دموعها وقف)
عماد: ياله نووضو نمشييو لعبو كاامليين (للي فهم نااض عنقو وولاد يونس كيدورو عينيهم حيت مفهمووش بقاو مشعبطين فبااهم للي نااض وحضنهم كيقاد فحالتو وفقبيتو)
يونس: حتى هادي مزياانة نمشيو لبارك للي غير هنا
عماد: نجييبو رقية تفوج حتى هي شوية
يونس: لا زعما الا بغيت تدي ولادك للفيرمة وااخ انا مغنديهمش
عماد: وصاافي ها هوما يبقاو معااك ننشي نجيبها
يونس: وشنوو عيشة تبقى بوحدها 
عماد: اممم وبغيتها اصااحبي تجلس معايا راك عاارف الوضع كمأزم
يونس: شوف غلعبوهم شوية وعرض على مرتك للعشا وسير لشي اوطيل كااع تااخد رااحتك رااك عريس جديد
عماد: حتى هادي مزياانة باش ميصدعني حد 
نور: (للي كانت كتصنت وجات ودنها على الجملة التالية طاارت بالفرحة نيشان للصالة فين نزلات فاطمة حدااهم وصيفطاتها تعيط لعماد جلسات حداها ولقلوووبة كيطيرو من عينيها حتى كولشي استغرب منها)
فاطمة: فين رااجلك اخاد لبنت جااية بلا بييه
الحاج: (ناض كيصوط خرج من لبيت وتبعو باين يونس) تصلي
اب يونس: ياله 
نور: (قربت لودنيها وقالتلها شنو سمعات) 
فاطمة: اوا هادي خباار مسكمة
زهرة: (سمعاات ومعامن جاو مع الزووهرة للي ودنيها مقلشييين) لا حولة
فاطمة: مالكي نتي
زهرة: ونتي للي ماالكي فيقي وعييقي حتى حد مبغا يخسر ليك الخااطر ولكن رااك زظتي فييه وطغييتي الاعماار بيد الله ولكن رااك رجل فالدنيا ورجل فالاخرة (ناضت محملاهاش خلات فاطمة غير مبرقة عينها)
نور: تمووتي نتي متديهاش فييها اخاالتو 
فاطمة: (بقات غير سااكتة حتى دخل ولدها) ولدي
عماد: قولي نتي نتي وهاد اللسقة للي فرقتو جمااعة مهم انا خاارج
فاطمة: نوضي ابنتي سيري مع رااجلك
عماد: (خرج عينو) تبعييني ندبح مك (خرج هاز صفااء وتبع يونس كاع لبز ركنوه اللور مع ندى ومشاو بشوية فطريق خالقين الجو مع موسيقى الاطفاال حتى وصلو لبارك لعبو معاهم بحال هوما للي عندهم عاام حتى سخسخووهم وولاد عيشة نعسو..)
ندى: االلله كنت محتاااجاها هاد الخرجة
يونس: هضري مع رااجلك واجي توانسي مع لبنات فلفييرمة
ندى: دابا نقولهاالو سعدااتكم عندكم لولاد
عماد: وحتى نتي دابا يسهل ربي علييك اختي متقنطييش
ندى: (بتنهيدة) اميييين... (عاودو رجعو لدار الحاج هبطات ندى وكل واحد هبط هااز ولادو)
عماد: اكبرتي الحترووف وليت كتهز بالجملة
يونس: (مميحملش للي يقول على ولادو هاكا وميقولش تبارك الله) تفووو على بناادم.. (حلات ليهم عزيزة للي مونسيها وفرحانة بيها) شششت راكم خليتو شيااط آدم كعا مزياان
يونس: هههه هو غدا نخرجو انا وياه رااجل لرااجل
عزيزة: ههه ان شاء الله (شدات من عندهم ولاد عيشة وعماد خدا ولادو لعند زهرة)
عماد: صرااحة توحشت نعيش مع ولادي ومرتي 
يونس: معليش خاصك وقت تصاالحو فيها مزياان باش منين ترجعو تكونو صافيين
ندى: (داخلة كااعية) قلتلك كاان طاافي مكتفهمش 
فهد: (كااعيي) وااخ دابا زيدي تحركي للدار
ندى: متهضرش معايا هااكا
يونس: اييه اييه شنوو وااقع؟؟
فهد: ندىىىىىىى
يونس: وااجمي شنو وااقع 
فهد: هاد خييتي خلاتتي لعشية كااملة حاامق عليها بالصونيط وفالتالي طقااتو باش ودنيها يبردو مني وهادشي كاامل حيت (وهو يسكت) 
ندى: (قلبت وجهها)
يونس: (شاف فيهم) كولشي كيحل بلعقل
فهد: اش غيتحل بلعقل لااا طافية داتك زمر ومتخرجي حتى تقوليهاالي
يونس: ندى عندو الصح متخليهش هاكا وهي معندها فين تمشي اخااي فهد جاات لداارهم
فهد: (معصب) مكنمنعهااش ولكن تعلم ولا كااع لا تعلم (خرج مكره وندى تابعااه بعينيها شوية رجع) زيدي تحركي للدار
يونس: ندى سيري مع رااجلك 
ندى: (عوجت فمها هزت صااكها وخرجت سابقااه وتبعها كينكر تبعو يونس)
يونس: غير بلعقل الجحش 
فهد: واش خلات فيها شي عقل كتعااقبني على شي حااحة مفيدييش (مقالش مشكلتو خلاه لرااسو ركب بجهاالة)
ندى: احم دؤني نتعشى راه فية جووع
فهد: (خنزر فيها) سعدااتك اختي عندك منين يدووز لييك 
ندى: وعلاش ميدوزليش راه فية جووع
فهد: (قلب الدورة ودااها لواحد سنااك جات تنزل وسد الطموبيل وخلاها لدااخل ربع سااعة وجاي خارج بساتشية باينة دااك اومبوغتي دارو اللور وركب سايك للدار مع دخلو) اجي لهنا
ندى: بففف فهد صاافي باااركة من نكيير
فهد: وااخا وحتى هاد الموضوع مغيبقااش يتجبد سمعي مزياان لولاد مبيديني لا انا لا نتي نهار غيكتااب غنولدو وكااع لنولدو 
ندى: وااخ 
فهد: كفاش وااخ
ندى: واا وحلة معااك صاافي قلت وااخ هي وااخ دابا نبدل حوايجي نحطو ناكلو جاني جووع (مشات من حدااه وهو مفاهمش تقلبااتها دخل حتى هو بدل حوايجو مشا توضى صلى وعاد خرج لقاها كتقاد عصير جلس وشعل التلفاازة حتى جات ببيجامة مطرطقة كما العادة حطات لعشا وبقات كتاكل بشوية وتفرج)
فهد: شنو هاد لبرود عاد صباح كنتي شااعلة وغطرطقي
ندى: يااك قلتي نسدو على الموضووع وصاافي افدووش دياالي
فهد: زعما نتوووما لعيااالات
ندى: اهياااا خلييك غير مع وحدة مبلي بييها
فهد: (بقا كيااكل) مال كولشي مجموع تمااك
ندى: عرفتي شنو عماد تزوج على رقية بفف تصدمت
فهد: ههه باقيين دايرين ديك المسرحية؟؟
ندى: هاا اشمن مسرحية
فهد: والو والو غير هاديك كان وقعلو مشكل معااها ودعاتو وكان غيتشد 5 سنين حبس كواشي كان غيمشييلو اوا هي مبغات تنازل حتى تزوجوو اوا تزوجو باش خرج من الحبس
ندى: يااااك هادشي كاامل ومقلتي واالو وكفاش مسرحية
فهد: (متبع التلفازة وكيااكل) مقلت واالو
ندى: لا قلتي مسرحية
فهد: هنيينا احبيبة سيري جييبيلي شوية تقااوت
ندى: (عوجت فمها) معطااوكش
فهد: راان غير مشهييه ماشي على حساب للي فباالك اما انا نتكي مك حتى لصباااح...

عماد: (وصلو للفيرمة بنفس جديييد مع الدخلة لقا طموبيلة ديال نور ممبلاصياش مع الطموبيلات لوخرا هبط ودق الزااج هبطااتو وهي فأبهى اناااقتخا مع ميكااب زويين) تحركي من هنا لاااش جااية الويل
نور: يااك غنخرجو نتعشااو؟؟
عماد: (دار عند يونس) دوووز فهاد ال**** هنينا منها
يونس: بففف قولها تحاايد انا للي ياا ربي تعفو علية من تبرهيشكم
عماد: تحركي منهنا خلي السيد يدووز (مفاهمة واالو تحركات دازت طموبيل يونس ممسيرية هبط ودخل للدار كيسمع الموسيقى تبعها حتى وصل لبيتهم كان الشعبي دق ووالو مكاينش للي حل) رااني غندخل بنت لحرااام مكتشطحي غير منين مكنكوونش (رجع كيدق فلباب مجهد حتى كان غيهرسو حلات عيشة مخرجة رويسها وكتلهت) زييين بدييتي لقصاارة بلا بية؟؟؟
عائشة: (فرنساات) جيبت؟؟
يونس: صدري رقية تهبط خليني ندخل نونس حبييبتي
عائشة: (دخلات كظحك) خرجي نتي من بيتي
رقية: (كتلبس حوايجها) يا ختي كيبانلك يونس كتنسااي العااالم (خرجت كان يونس فاخر الكولواار كيطل فالسرجم ودخان داير بيه باينة كيكمي مشات لبيتها لقات عماد) جييت
عماد: حبيييبة عفااك غتلبسي حواايجك نخرجوو 
رقية: لا
عماد: وصاافي القطييطة دياالي باش نورييك واحد الحاجة زويينة
رقية: (شافت فيه بنص عين) شنوو
عماد: لبسي وياله نخرجو ونورييك ودايرلك مفاجئة زويينة
رقية: نييت من موراك كيجييو غير المفاجئات الكارثية
عماد: وصاافي ارووكا انا نتسنااك لتحت
رقية: لااا احم زعما تسنى هنا انا نبدل اصلان قنطاانة بااغا تشم لهواا واخا غتكوون نتا للي كتخنقو ولكن معليييش نعدي
عماد: ههه وااها لالة انا كنتسنااك (دخلات للحمام لبسات مزيان على لبرد وخرجات فطريقهم لقاو نوور معبروهاش بحال مكينااش ركبو وزااادو...)
يونس: (دخل لقا عيشة بلبسة حمرا ظيال الشيخات مع الموزون وشعر مطلوق ومبوكلي شوية وعكر حمر مشقشق) اححح هادشي للي كنبغي (جرها لعندو لصدرو)
عائشة: اممم باينة كنتي مولف بييهم
يونس: لا لااااا صرااحة شي جوج ولا تلااتة دلمراات وصاافي ولكن لاااوتك نتي مكينااش
عائشة: (بتفااخر) وشنوووو عاد فيها الشك 
يونس: ياله برعييني نشووف (مشاات طلقات الموسيقى كتشطح وحتى هو مقصرش حتى ختمووها بباقشطاالق بنكهة شطيييح...)
~~~~~~~~~~~~
علي: والله حتى غيعجبني الحاال
زينب: بففف ولكن غنبان شاارفة بييه
علي: زنووبة ولش كاين شي واحد كيهرب من السترة بحجة غنباان شاارفة نتي كيهمك وااحد هو انا للي كنشووفك احسن مراا فالعالم
زينب: (تبسمت) ولكن غنباان صحييحة
علي: مزيااااانة لكووكب بعدا نعرف منين تكوني واقفة واش جاية ولا مااشية
زينب: (صدمها) لهاد الدرجة كنبان رقييقة
علي: غير كنظحك معاك احبيبة انا هااكا كتعجيبيني 
زينب: والله لا درتو باش نورييك
علي: ابررررررررب حتى ديرييه ولا نقرع لمك شعر وديريه سيف علييك ونيت تكملي الانااقة ديالك
زينب: حرررربش ولالله حتى نقطعو لييك ونخلييك جالس حدايا فالركنة كنبكيو على المرحووم
علي: (شد فحجرو) وديريها؟؟
زينب: جرب
علي: ونتي للي ضاايعة ولفولار غديريه غدييريه (كملو لعشا فهاد الاجوااء حتى رجعو يتحاابو وشوية يطاايفو وهادي هي حاالتهم...)

نور: (مقلقة) لا ماشي انا للي كنت معروضة مرتو اللولة هي للي كانت مقصوودة
فاطمة: (لوات شنايفها) امممم معلييهش لمرة جاية تكوني نتي وشووفي كديري تحملي مرتو راها بنت الزنقة وكتعرف كفاش تقربو ليه ورجاال عيبهم كامليين زنطيطهم حتى نتي هداااك راه حلااالك ديري للي بغييتي
نور: بففف اودي اخالتو نتي مشفتيهش شحال كيكرهني
عماد: يكره حتى يعيى ولكن منين يبغي مغيبانلوش لوجه مرتو راه بيناتهم لمشاكيل وهو غيتحز غيتحز
نور: باش عرفتي بيناتهم المشاكيل
فاطمة: وعلاه غدوز هاد الدخلة ديالك عادية راه ضرتها وانا للي حااسة بمزود الضرة
نور: زعما
فاطمة: تيقي بية كما عطيتك خطة زوااج تبعي معايا ونعطييك خطة لولاد ميغركش الا كانو كيمثلو قدامك الحب والغراام راه غيكونو مفارقيين فلفرااش وولدي عمرو مشبع مسكين معاها فلفرااش
نور: اه كنتي عاودتيلي اوا الله يهدييه راه حتى انا مرتي وعندي حقووق عندو ....
~\~~~~~~~~~~~~~
رقية: فين ماشين اعماد
عماد: عرفتي شفت الوالدة ضعاافت بزااف تبدلات
رقية: الله يشافيها
عماد: (شاف فييها) بقد مكنشوف الحنية دياالك ولات كتبانلي هي حديييييد 
رقية: (بفضول) علاش قالت شي حااجة
عماد: (تبسم مألم) معرفت علاش رجعات هااكا كنت متشي عندها وكاع الذكريات زوينة فباالي لدرجة سامحتها باش منتقلش علييها وباغيها غير تشاافا ولكن صدماتني هي كتبغي ديك لكلبة كتر من ولدها
رقية: (بتنهيدة) كتبقى مك
عماد: ولكن مبقاش داك الحنين ليها بزااف ضمراات كولشي زويين انا باقي كنعتابرها مي حيت هاكا وصانا الله والرسوول ولكن دااك الحب للي كان بيناتنا مممم فهمتي
رقية: واش على مسبتي انا!!
عماد: لا... صراحة كاين واحد النسبة قبيلة كنشووف فيها عييني ديري معاها مزياان وهي واالو مهتمااتش حتى بحاجة زويينة علاااش
رقية: حيت من اللول بغاتني
عماد: وانا من اللول بغييتك نتي ومغنتفرق عليك حتى يديوني للقبر
رقية: (بلا متحس انفعلات) لباااس علييك علاش كتقول هااكا
عماد: باقا كتبغيني حتى نتي ارقية؟؟
رقية: (شافت فيه ومن سؤاالو للي قال حتى نتي يعني واش مزال كتبغيني بحال ككانت مي وتخلات علية من بعد وحتى نتي غتخلاي!!) عماد محدي معااك انا كنبغييك
عماد: يعني غيجي نهار وتخليني
رقية: اه نهار يدفنوني حدااك
عماد: (تبسم) مكانش بيدي نسني على ديك الورقة ارقية سمحيلي
رقية: (بتنهيييدة) نتا عارفني صرييحة واخا انا للي كنت من للي قنعووك ولكن هكا كنحس
عماد: متكرهينييش؟
رقية: (قلبت وجهها لقات داخلين سندباااد) هاااء لبرد مغيكونش خداام
عماد: منين يكون معااك رااجلك غير حلمي وااامري
رقية: (هزت حاجبها) هي منين نرجع للفرمة لقا اللسقة طاارت ولا ماااتت
عماد: احم (طمر وصااك حتى دخل خرج وسد الطموبيل مشا عند لي كان عاالمو وشعل على حساابو لعبة القطار دار متبسم عندها ومشا حل لباب ومد يدو ليها) لكبيييدة
رقية: (مدات يدها وشدات فيه خرجات ومشات وهي متوترة) نااري خاايفة
عماد: متخاافيش ياك من ديما كانت أننيتك تجربيها
رقية: اه ولكن دابا خفت
عماد: متخافيش احبيبة ونتي معايا
رقية: بففف (مشاو ركبو.. هز تيليفونو تسيلفااو ولخوف باين فيها ظحك عليها مزيااان وبدا تران كيتحرك كزاات على يدو)
عماد: متخافيش الحمقة (غمضت عينها) شنو دابا تسمحيبي ولا نهضر معاه ميحبسش فمرة (مع كمل بدا فلم الرعب ونزل تراان بالجهد وتسمعات غوتة ديالها وهو كيظحك وهي قلباتها غواات حتى دااخت كملات اللعبة ورقية بدات كترد) تسمحيلي ولا!! خاااااي عاود واحد الدوورة الله يحفظك
رقية: (كتحرك غير صبعها وقلبها وكرشها مزال مرونين شافها هكااك)
عماد: حبيبة واش دختي بزاف
رقية: (بقات سااكتة حتى فاتها الحاال وشافت فيها) الا سمحت ليك اجي عكر لية دابا هادي هي المفااجئة
عماد: امم انا قلت غيعجبك الحاال
رقية: ردن... (رجعات كتقيا حتى مكتلقى مترد عاونها توقف وهي سخفاانة خداها لطموبيل ركبها مشا خلص ورجع عندها ومد ليها قرعة ديال لما) حبيبة شوية؟؟؟
رقية: (شربات شوية) شوية دخت بزاااف
عناد: سمحيلي كنت بااغي غير نفرحك احبيبتي...

رقية: (بقات مغمضة عينها حتى ترخااات شوية ومبقاتش الدوخة حلات عينها فعماد للي مقربلها ونظرات الخووف على وجهو) انا مزيااانة
عماد: نمشيو طبيب
رقية: ههه راه دووخة ماشي حااملة
عماد: مكرهتش
رقية: (هزت حاجبها) بنيتك اعمااد
عماد: مكرهتش ولاد بزاف من لمرا للي كنبغييها 
رقية: وانا متفكرش فصحتي 
عماد: كنفكر والله حتى كنفكر فيك وفصحتك وكل حاجة صغييرة وكبيرة فييك كنت انااني وغنبقى انااني فحبي لييك منقدرش نبدل هادشي ارووكا قلت مكرهتش حيت مغنكدبش عاجبني نكوون اب من ولاد منك.. واش متبدلتش يااك بقييت نعااونك مباانش كاع شي تبديل فية
رقية: (سكتاات حيت فقلبها بزاااف رجعت شاافت فيه وكتشد لسانها) احم نمشيو
عماد: (كان ميتسنى كلام منها ولكن لقا غير لبروود والنفووور كسيرا مجهد وعلى طريق عين ذياااب مشا مكسيري حتى لبلايص لمعزوولة فوق جرف كيطل على لبحر وسكت الطموبيل وغير ظلام وصوت لموااج) رقية قولي اي حااحة فباالك ولا فقلبك مخلينيش كنحمااق
رقية: نتا سباب اعماد فهادشي كاامل 
عماد: (ضرب يدو على لفولون) عااارف ارقية و100 مرة قلتلك هادشي مغيبقااش بلعربية مغنبقاش ولد مي باك هاكا كتقولو
رقية: (خرجت عينها) ااه هاكا كنقولو نتا كنتي ولد مك
عماد: (صرطها وسكت شحاال عاد هضر) وااخ الالة هانا للي شرطتي غنديرو
رقية: مبقيتش كنتيق فيك
عماد: يااك
رقية: علاش عندك شي شك داز علية بزااف منكم وصبرت بزااف وفالتالي شنو تزوجتي ورجعت انا المرا اللولة علااش علاش انا بالظبط للي يوقعلي هاكا ها هو كولشي مزوج وهااني وحتى الا عندهم مشاكل عندهم بيناتهم وبين رجالاتهم ماشي لعكوووزة للي كتحمقهم
عماد: (سكت شحاال حس برجوولتو نااقصة بزاااف اه هو غلط ولكن علاش حتى واحد مبغا يفهمو راه كما كانت الحال موو واش غيضربها غيرميها غيقتلها!!!! محس غير رجع مشرياال وهي كانت كتسنى يكمللو الموضووع باش يسدووه ولكن كان سكاات سيد الموقف حتى شافتو خرج من لمدينة وشد طريق للفرمة عرفات مبقاات سهرة مبقى صلح.. ساعة من لوقت وصلو للفيرمة وقف هبطات وخبطات باب الطموبيل تبعها بعينو حتى وصلات للدار وبقات كدق نزل ومشا لعندها حل ليها لباب بالساروت ومكيشوفش فيها عكسها للي كتسرق شوفة فيه كتحاول تقرا ملامح وجهو للي باين كااعي وفنفس الوقت حزن عمييييق فعينييه تحل ودخلات سمعات لباب تسد ضارت لقاتو مكاينش يعني مغيدخلش)
رقية: فين غيمشي عاااود... (طلعات لبيتها اما هو رجع لطموبيلتو وبقى فييها سمع لباب تحلات لقا طموبيل داخلة ديال العائلة كانو فيها ليكووبل هبطو وكل واحد فيهم جار مدامتو وفيدهم ساشياات كباار وباينة مسوقين مزيان بقا متبعهم وكلامها كيتعااود فودنو قالت الصرااحة ولكن كانت جااارحة بلمعنى قالت نتا ماشي رااجل وماشي نتا للي مسير هاد العلاقة ومتحكم فيها اما هي كانت فبيتها كتصبغ ظفار رجليها وكتفكر فييه اما وحدة اخرى كطل من السرجم ومسكاانية عماد للي جالس فالطموبيل وكلام فاطمة كيتأكد بيناتهم فجوة وخاصها دهل باش تزيد تكبر وترجع علاقتهم فراااغ وفبلاصت متسمى حبيبتو تسمى غير أم ولادوو....)

اصبحنا واصبح الملك لله 
دازت يومااين ومكاينش خباار على عماااد لدرجة لفيرمة اعلنت على حاالة خوف وذعر نوضاتو رقية فييهم باش يجيبولها عمااد 
رقية: مكاانش خااصني نقولو هاكااااك
نور: واش مكاشوفيش حاالتو خايف على مو ونتي كتزيدييه
رقية: نتي بالظبط سكتي
نور: والا مسكتش
عائشة: غنحمااو فمك وغنردولك ظهرك رطب من كرشك (هزت حاجبها) تجربي!!!!
رقية: تفووو الله ينزل عليك اللعنة يا لمدلوولة الله يااخد فيكم الخق كاااملييين
نور: زعما حتى خاالتو!!!
يونس: (مكيبغيش يدخل فسوق لعيلات ولكن هادي يوماين وهي كتلعب على اعصاابهم ومبردة) غت*** من هنا ولا نجي ن***** تفوو على بشااار تحركي من هنا 
نور: (ناضت بنتير وخرجت للجردة وجبدات تيليفونها...) 
رقية: ااو يوماين ايونس معارفوش فين كاااين
يونس: عماد راه غير برا فالطموبيل 
رقية: كان كيباات فيها!!!!!
عائشة: اوييلي واش حمااق يمووت غير بلبرد
يونس: (شاف فرقية) حلو مشاكلكم ارقية راه شي نااس كيتسنااو هاد لوقييتة باش يزيدو يشعلووكم متخليولهم هاد الفرصة راكم تجربة ودزتو من هادشي محدكم كتبغيو بعضيااتكم ديرو يد فيد ومتخليوش الواحد يتشمت فييكم
عائشة: عندو الصح خرجي للي فقلبك ولكن تكاايسسي ومتنساايش نتي للي قلتيلو يتزوج بديك زمر باش ميدخلش لحبس
رقية: (هزت كااب ولواتو عليها خرجاات لباركينغ لبلاصة الوحيدة للي مقلبوش فيها حيت يونس كان كيقولهم مكينااش ومشات كتلقى نور تمااك كدق فزااج تخبعات كتفرج وباينة فيها كترغبو وهو مغمض عينو وممسوقش تمشاات لتمااك وجبداتها من حوايجها حتى نفضاتها) شنوو شنو بااغا منو
نور: رااجلي ومن حقي نهضر معاااه
رقية: وهو يغا يهضر معااك!!
نور: (شافتو مغمض عينو ودارت عندها) ويمكن حتى معااك معلووم طلعيلو فرااسو باش تواسييه على مو جالسة كتزيدييه
رقية: (قرباتلها) سيري **** نتي ومووو (باقا كتشوف فيعا بتحدي ويد كدق بالجهد فالزاااج حتى ضار معبس شاف فرقية وتسمع لباب تحل دفعااتها وطلعات ركباات وسدااتها اوتوماتيك ونور كتفرج) شنوو هادشي 
عماد: شنو
رقية: لهروب هو الحل سااهلة عندي حتى انا نهز قجاقلي ونمشي لشي قنت ميعرفني فيه حتى واحد ونكمل حيااتي بيييييس
عماد: اولا انا مهربتش انا بغيت نبقى هنا ولا نفكرك انكي محملاش حتى الشووفة فية ونفرتييني 
رقية: اه هادشي كااين ولكن خساارة كنت كنظن غتشبت بية
عماد: راه فحياتي كااملة مكاينش للي متشبت بيها من غييرك ابنتي الا انا مكنبينش بحال يونس ولا اي وااحد ماشي ممتشبتش بييك انا هااكا كنبغييبك ومعرفتش كفاش نوصلها لييك معرفتش كفاش نخليك تحسي بييها
رقية: نتزوج انا عليك وشف باش تحس
عماد: هادشي علاش بقيت هنا بغييتك غير تبردي شوية ارقية علاش مصرة تعصبيني وانا باغي غير رضااك بكلاامك كتخلي شي حاجة فعقلي يشعل
رقية: اوا هاكا انا كنحس
عماد: بفف رقية سمعي انا شنو كنقول انا متزوجتش هادييك وعمري مغنتزوج غييييرك
رقية: ماشي كلامنا هدا فين كنتي هاد ليومااين والا باغي تهرب نشوفو شي حل للي يخليك تهرب فمرة
عماد: واش لهاد الدرجة كتسخااو بية 
رقية: نتا للي هربتي
عماد: (تعصب) مهربتش وةوومهربتش انا بت فهاد زمر باش نخلييك تبردي لول لبارح كنت بااغي نخلي قلبك شوية يحن وفشلت قلت نخليك تبردي شوية على منفكر فشي حاجة اخرى وهاديك ***** راه مكاين لا زوااج لا حتى **** درناها غير لعبة بينااتنا باش تبردي ولكن كنت كنتسنااك نتي تكووني فجنبي هاد الايااام ماشي كتفكري غير فراااسك
رقية: كفاش!!!
عماد: (مسح على وجهو معصب وشاف فيها) انا متزوجتهاش من الاول ولكن نتي..
رقية: مفهمت والو واش متزوجتوش ولعدول للي جاابت ونتا للي كنت معصب 
عماد: اه يعني بنت ليك معصب واخيييرا شي وااحد بلا يونس كينتابه لية ويعرفني معصب! غير فرق كولها كيلغي بلغااه نتي معصبة حيت حسابلك انا تزوجت عليك وانا كنت معصب على الحاالة للي غتكوني نتي فييها وعلى نفسيتك 
رقية: واش فري متزوجتوش
عماد: (عصبااتو بغا غير كيشوف فيها بلا ميرمش) لا الا هادشي للي كيهمك لا
رقية: ولكن كفاش
عماد: (بقا كيشوف قداامو مقاادرش يزيد كلمة وحدة دار لقا جاكيطتو هزها خرج من الطموبيل وهي غير متبعاااه خرجات تابعااه) للي بغيتي تعرفييه عرفتييه شنو اخر
رقية: اولا متهضرش معايا هااكا تانيا مزال مفهمت وااالو تاالتا نتا شنو للي مقلقك او لا معجبكش الحال تكون ممزوجهااش راااااابعا انا للي دااز علية بزاااف من مك ومنك ومن كوولشي ومنين بغييت نااخد موقف مقديتيييش وانا كنت قلتلك الا بغييت تمشي فحاالك مغنشدكش
عماد: كفاش مغتشدينييش يعني بحال كنت فحيااتك بحال لا
رقية: احم مقلتش هااكا
عماد: (قوس عينو فيها مزيااان) شنو انا؟؟؟ انا شنو كنعني ليييك؟؟
رقية: عماد ماشي كلامنا هدا ماشي ديما تقلب كولشي علييك ماشي نتا ديما الضحية
عماد: انا كنت ضحية بالصح ديال مي ونتي ابنت الناااس تعذبتي معايا وبزااف مكنكرش هادشي ومكنحملش راااسي حيت حطييتك فهاد الموقف ولكن انا شنو ندير كولشي كيلوومني واش نقتلها باش نهني البشرية منها نضربها باش تبقى تسكت راااه انا ولدها ودخلاتتي الحبس على حسااب وحدة اه مخصهااش تعدى حدوودها معااك ولكن حيت شاافتني بااغيك ومتشبت بيييك تحديتها والنتيجة كاانت هااكا صبرتي بزااف ارقية ولكن بالصح كنت محتااجك
رقية: علاش كتقول هادشي انا ديما معااك وفهاد اللحظة رديتني انا ماشي فجنبك وخاايبة
عماد: مقلتش خاايبة (شد فيديها) راه نتي هي لي حنيينة فية غير الظغط بزاااف مولف نتي ديما معاايا دابا منين تقلبتي علية تلفت وزااادت تلفني مرضها وهي 
رقية: حتى انا تلفت منين عرفت تزوجتيها
عماد: متزوجتش ارقية علاش مبغيتيش تفهمي راه كولشي من تحت رااس يوونس الحااجة للي كانت معصبااتي هي بففففف صافي انا معصب دابا نبرد ونجي عندك (مشا مسرع خطواااتو تحت انظاارها للي متبعاااه كما هو كيحس همااك حتى هي كانت كتحس بلفقسة كتااكل فيها بغات تبعو ولكن خلاتو حتى يبرد دخلات كتجري كتقلب على يونس ملقاتهمش طبعات لبيتهم كدق وتزيد دق حتى خرج يونس عينيه معسليين وكيسد لقبية لي باين ملابسش تحتها)
رقية: واش بالصح ظحكتو على نور فعقد زوااج
يونس: توووما واش مسلطكم علية شي وااحد 
رقية: يونس عفااك قوولي شنو كااين واش بالصح راه مشرح واالو 
يونس: صبري انا جاي (دخل وهو معصب حيت ضيعوولو الحو للي من صباح وهو يرطب مع عوييشتو دخل لقاها كتلبس حواايجها) متفرحييش شوية ورجع لمك 
عائشة: (خرجت عينها) شششت غتسمع
يونس: متعاوديش تقولي شششت مكنحملش مك تقولي شششت
عائشة: صافي مقلت واالو (جمعت لحوايج للي فالارض وقدات فوق النموسية حتى شافتو دار اشارة لرقية دخل..)

يونس: دخلي (دخلات لفات ختها كتقاد النموسية) حاي دتك لبالكون (حلاتو وجلسو لبنات كيتشاوفو بيناتهم وهو كيكمي مكملوش عفس عليه ولاحو ودخل عندهم جلس وتقاد فجلستو) هاد لكلام لبي غنقول الا خرج من هنا وخصوصا لديك ختنا فالله للي لتحت ولا لمرت عمي منعقلش عليكم
رقية: (بفرحة) واش بالصح متزوجووش!!!!!
عائشة: علامن كتهضرو ازموورة
يونس: وحتى لبنات منين يرجعو من سفر 
#فلاش_باك
يونس: علي نتا غتبقى متبعها (عطاه ملف فيه تصويرتها ومعلومات عليها واسم لوطيل فين جالسة ورقم شومبرتها) 
عمران: وباش غيفييد هادشي
يونس: غيفييد نعرف واش كتخطط لشي **** سعد نتا غتبعها للعدول للي غتمشيلو غدا
علي: وباش عرفتيها غتمشي ليه
يونس: هي غدا غتجي تاخد لوراق للي غتوجدلها ديال عماد باش تمشي تسجلهم عند لعدول باش فلعشية يديرو لاكط وحتى الا جاها ماشي مشكل مهم نعرف شكون هاد لعدوول
عمران: تقريبا فهمت
علي: مشااات... (كما قاليه يونس بقا حاضيها حتى جات صباح مشات للعدول وسعد عيط ليونس وعطاه عنوان لعدوول للي تاايقة فيه نوور مشاو عندو غير عمران وسعد تسناو دورهم ودخلو جلسو دور عينو مزيان ملقاش كميرات قدملو راسو وقدملو حتى العرض دوز ابيل فيديو ليونس للي كان فلمكتب ديالو)
لعدول: ولكن هادشي ماشي معقول زواااح راه حللو الله وشرع للراجل التعدد
يونس: مقلناش لا وهادشي فحالة الا مكانش تهديد منها 
عمران: (حط جوا فوق لبيرو فيه 20000 درهم للي كولها من فئة 20 درهم وكتبان مبلغ مالي كبير وبين 200 درهم للي كاينة لفوق) نتا براااسك متبغيش خرااب لبيووت وولاد صغاار للي غيضيعو اما لكبار راه كل واحد غيشوف حيااتو
لعدول: (عينو على جوا) لا منبغييش
يونس: اذا تفااهمنا
لعدول: (شاف فالتيليفون) ولكن اولدي راه هاد الخدمة كناكل منها طرف ديال الخبز
يونس: متخاافش نتا دير شنو قلت لييك وانا غنكمل معاك رااجل لعشية غتجي غاجيب روجيستر جديد ماشي لحقيقي للي كتخدم بيه وكولشي علية انا السلام عليكم (قطع معاه)
عمران: كولشي باااين داابا (هز جوا ودارو فجيبو) لعشية غتااخد رزقك الا بغيتيييه طبعا ودرتي شنو قلنا ليييك (خرجو وفلعشية دار شنو قاال وعمران كانت مهمتو يمشي لغرفة للي متحكمة فلكاميرات باش ديك ربع سااعة خربو فيها لكاميرات كأنهم عمرهم كاانو وبقات كتصور لفرااغ.. مع الخرجة تلقا ليه علي وسعد خداو من عندو روجيستر وعطااوه نفس جوا للي كيسحاابلو كنز ومشا فحاالو وتفرتك لمجمع)
#بااك
رقية: (كتسمع وممتيقااش) يعني مكاين لا زوااج لا واالو وعلاش عماد كان كيمثل انه طالع ليه الدم
يونس: واش نتي فييييو مشفتييش كفاش كتلويلو ذرااعو حسااابلك هاد الشمتة للي حس بيها سااهلة
رقية: وعلاش انا مصعيبااش علية راه لفقسة كانت كتااكل فية
يونس: مكنتش نتييق فيكم وتعرفو كولشي كنتو غضيعو كوولشي وهي عندها الحق ترجع للتحقيق هاد السيمانة او 10 اياام
رقية: ولو متخليونيش كنحماق مرانيش عيشة للي ضيع هادشي
عائشة: (منغامسة معاهم حتى سمعت سميتها) شناااا هوااااا 
رقية: ماالي كذبت نتي للي غتخربي هادشي 
عائشة: (شقلبت عينها) غزااو فييك
يونس: (بتهديد) بالرب وتخرج ولا تعيقو قدامها نخرج فييكم
رقية: خرج اخوويا فمرتك لي غير جيب يا فم وقوول لاش انا!!! (ناضت وخلاتهم متبعينها)
يونس: عيشة متخلينيش نتعصب علييك
عائشة: (ناضت وجلسات على حجرو) عول علية
يونس: (كيتلمس فيها) نتي للي غتجييبلي لكاااو.....

عماد: (شعل تيليفونو لقا بزااف دليزابيل منهم ديال باه ومو صونا عليه) واش وااقع شي حااجة؟!!
عبد الله: علاش اولدي طاافي داك التيليفون
عماد: بغيييت بغيت نطفييه ولا حتى هادي دخلو فيييها
عبد الله: (عرفو شااعل) غير بغينا نعلمووك راه قربنا نمشيو
عماد: طريق سلامة
عبد الله: قالتلك فاطمة اجي للدار تخضر معااك
عماد: فاش؟؟
فاطمة: (حاطة ودنها على التيليفون حتى حيداتولو وهضرات) اولدي واش متجييش تشووفني
عماد: (حتى بغا يصعر وسكت) وااخ ولكن تجبديلي سيرة ديك لمووسخة وجهي متعاوديش تشوفييه
فاطمة: هااء وراه مرتك (طييط طيييط بعدات التيليفون على ودنيها) الوو ألووو والله حتى قطع (لاحت التيليفون بنترة ودورت وجهها) اودي اودي على ولاد اليووم كيشرييو السخط فاابور
عبد الله: الا بحال رضى دياالك غير خلييه عندك 
فاطمة: يااك اعبد الله
عبد الله: وحاجة اخرى منى عليك ليها بالاحتراام هي الا تعاملات معاك راه انسانيا ماشي مفرووضة عليك باش تقوليلها تغسل ليك رجلييك هدااكضي انا للي نديرو ماشي هي واميمة راها كتكبر متحكرييش مها قدامها وحتى ومتكوونش متحكريهاش ديري علاش ترحمي ابنت الناس... (خرج وخلاها وهبط لتحت عند كولشي للي سيرتو ففاطمة للي صعاابت وكل نهار كتقصاح كتر وكتر..)
~~~~~~~~~~~~~
رقية: (خرجت نااشطة من لبيت ديال يونس ومشات لبيتها طلات من السرجم ملقاتش عماد فالجردة صونات لقات تيليفونو شاعل) احم فييينك
عماد: انا غير هنا
رقية: فيين؟؟
عماد: باغا شي حاجة
رقية: اه فينك نتا نجي لعندك؟؟
عماد: انا فطموبيلتي
رقية: هاد الطموبيل ولاات ضرتي التااالتة
عماد: (معندووش فين تزنزن الدباانة) اممم (قطعات مكملاش 5 دقايق حتى جات عندو حلات باب الطموبيل جلساات فسكات شي 3 دقاايق هو غير سااهي حتى ديمارا وزاااد مع لخروج بانت نور وقفات فنص طريق وكان ماشي رقية للي عوجات لفولوون وكان دخل فييها وقف مخلي رواايض محكومين فالأرض)
رقية: واااش مريييض فرااسك وكان قتلتيييها
عماد: (لا رد غير صدرو للي كيطلع ويهبط وباين فيه معصب)
رقية: (بردت) عمااد مااالك؟؟؟
عماد: (شاف فيها) غنتفركع
رقية: وهادي طرييقة باش تفركع هي تقتل ديك لمووسخة 
عماد: (مسح على وجهو) استغفر الله خلااتني نكفر بنت ل...
رقية: تسنى نشوفها (ياله جات تنزل وشدها من ذراعها سدها اتوموتاتيك وزاد مخلي لوخرا طايحة سخفاانة بلخلعة ونيشاان شد طريق رقية غير كتشوف حتى شد يدها وشابكها مع يدو وحطها فوق بواط فيتاس) قالك يوونس على داكشي
رقية: وعلاش مقلتيليش نتا (جبدات يدها) حاالف تسكتلي قلبي
عماد: انا كنت باغي نقوولك الجحش ديال يونس للي مخلانيش ولكن ارقية راااه خدمتو حطها فخطر على قبلي راه حتى من درتري ساافرو حيت غدا سيمانة باش زعما تزوجت بيها
رقية: ولو كان علييك تعلمني معاارفش الغيييرة ككانت كتاااكلني
عماد: (شاف فيها بنص عييين) كتغيري ارووكا!!!
رقية: (بلا متحس) راه كنمووووووت

عماد: (تبسم ورجع شد يدها باسها وحطها فوق صدرو) كنت بحال لمثطووع هاد الاياام بلا بييك راه مكنعرفش نعيش بلا بييك المصييبة غضبي علية ولكن متفاارقينيييش 
رقية: وكغندير لييها
عماد: انا فنورييك والله ياا مك مغتعااود تفرقني عليك غير لمووت
رقية: (تبسمت وقلبت وجهها وشافت الوجهة فين هوما) واش غنمشييو لدارنا؟؟
عماد: صاافي بغيت نرجع لدااري مرة اخرى ورجعو لتمااك
رقية: اوا وديك المصيببة شنو غنديرو فييها كما صبرنا هاد السيمانة معليش نزيدو تكنل 10 اياام
عماد: علاش
رقية: كفاش علاش نتا عاارف شنو غيوقع اعماد بحال واالو تجي تبعك هنا وهي كدير ما فجهدها باش تستافزنا ونصدقو انا ولا نتا دايرين فيها شي حااجة 
عماد: نبقاو هاد الليلة هنا غدا نفكر
رقية: هاد الليلة غنبااتو فلفييرمة اعمااد
عماد: (قوس عينو فيها) واقلة يونس قاالكم شنو كااين
رقية: اه ولكن انا مقلت واالو قلت نبااتو فلفييرمة ومتنسااش اسييي انا مزاال مقلقة ومعصبة منك 
عماد: نفكوو مها هاد تقليييقة
رقية: (عوجت فمها) نشوووفوو (شافتو بنص عين كيظحك رتاحت شوية حيت نفسيتو كاانت تحت زييرو.. من بعد مساراها وشراات للي بغاات دخلت للفرمة محملة ومجملة وهو شادها فخصرها كيتغزل فييها حيت عاارف مكااين حد يونس وعيشة خرجو يقصرو حتى كتبانلهم نور خارجة لابسة بيجامة لاسقة وشعوور مطلووقة ومكيااج مبين ملامحها جات قرطااسة شافتهم ودارت ابتساامة على وجهها)
نور: جييتو
رقية: (معجبهااش الحاال تلقاها هااكا) لا باقيين برا
نور: هضرت مع رااجلي اضرتي لعزيزة
عماد: نتي للي بغيتي نجييو هنا بدل مكنا غنقتلوها ورميوها فلبحر حدانا 
رقية: معليش نقتلوها وندفنووها هنا ونزهااو فووقها
نور: (تبسمت) شنو كتقوولو
رقية: بففف غبااء فييك ماشي طبيييعي انا طلعت احبيييبو والله مقدرت نزييد معااها دقييقة حامضة حاامضة وتقييييلة على لمعدة (طلعت فدروج كدندن وحاضية عماد بنص عيين مرتااحت حتى شاافتو تابعها ولوخرا من موراه طالعة حتى هي حتى ضار عندها)
عماد: شنوو
نور: واالو طاالعة نجلس معاااك
عماد: هههه (طلع مع دروج وهي تابعااه حتى بقا كيجري وصل عند رقية وجرها كيظحكو وهي غير كتشوف مفااهمة واالو وسدو لباب)
رقية: (غوتات تسمعلها) وداابا قلبي فااش تشدي
عماد: (تكااها فلباب) نتي بعدا عندك فاش تشدي
رقية: (كتلحنها بغنج) عماااد
عماد: عيووون عماااد خلي لمخااصمة واجي نتشادو ونتبااعزووو رااه توحشتك ازمر
رقية: (تبسم وحنات راسها كأنها كتعطييه اشاارة...)
~~~~~~~~~~~
نور: (دازت يوماين وهوما على هاد الحال مكاين غير الرومانسية والظحك اما يونس وعيشة خوااو سافرو لشي قنت ونور بقات بحال الكلبة بوحدها حدها كتمشي تصنت علييهم وتفقص لدرجة لبساات غوب دونوي وخرجات تعشى معااهم ولمووت دلبرد طنزو عليها مزياان وخلاوها بوحدها حتى لهاد نهار مشات حدا باب لفيرمة بانتلها تاكسي بيض وقفاات ونزلات منو فاطمة بووحدها شدات كوورسة للفيرمة وجاتت باش تنقذ زوااج كنتها المفضلة والمحببة لقلبها نوور...)

عائشة: (تغدااو فعيون أم ربييع كاينة فخنيفرة بلاصة أقل ما يقاال عندها راااائعة خارجة من طوااليط كتمسح يدها بكلينكس حتى كتقوس عينها فلبلاصة للي كانو جالسين فيها يونس متكي وواخد رااحتو مسرح رجلييه ولما ضااير بيه وواقفة حداه شي وحدة مشات كتزرب وتحلف.. وهي كتقرب كانت لي واقفة عليه كظحك وتشير بيدها وهو مخدم يدو مشات فحالها وعيشة كتزرب تعرف شكون هادي غير شافها خنزر قبل متهضر)
يونس: جمعي داك شعر للي خاارج 
عائشة: (وقفت وبحركة لا ارادية دخلات زغيبات تحت الزيف ياله بغات تهضر)
يونس: (وقف عندها وبقا كيهبط لفولار حتى لجبهتها.. بصوت خاافت) تبقااي تنتاابهي لشعرك راه هضرنا وهضرتي منبقااش نعاودها الف مرة شعر متباانش فيه حتى زغبة
عائشة: وراه كيزلق مكنديرهاش بلعااني
يونس: ديري داك زمر للي كيشدو معرفت شنو سميتو 
عائشة: يععع مكيعجبنييش
يونس: ويعجبك نبقى بحال شمااكري كنهلل لعبااد الله ركزيمعايا ابنتي وخليني ضريييف
عائشة: (لوات شنايفها) اممم
يونس: (رجع جلس وهز الدكة وكيشوف فيها بنص عيين وكيطلب الله متعاودش تفكر الهجمة للي كانت غديرلو عاد داابا على وحدة غير كتسول على بلاصة العين للي مالحة..) حبييبة نتحركو شوية
عائشة: اجي بعدا شكون ديك خييتي للي كنتي مجمع معاانا
يونس: دابا بنتلك حالة ديال واحد كيجمع
عائشة: (خرجت عينها) اه
يونس: يااتك على للي عندو هاد تووت غيشووف فالترفااس
عائشة: اممم ظحك علية اسمع كما عندك شروط حتى انا عندي ومكنتناازلش 
يونس: من حقققك 
عائشة: مطنزش علية
يونس: لا وانا نقدر نطنز على لعمييرة (لاح يدو على كتافها وتم غادي بيها) اححح على مك غير ديال تبجاااغ وتعبااز...
~~~~~~~~~~~~~~~
فاطمة: (معصبة) فييين هاد قلال لحيى
نور: راهم لفوق
فاطمة: (ديجا عارفة لبيت فين كاينين مشات باش تسمع لولدها لهضرة وتقلل من رقية كما العااادة وصلات لبيتهم وحطات ودنها على لباب كتسمع صوت ظحك رقية على جهد دقات لباب بالجهد) حلوووو هاد لباااب
رقية: (تخلعات) اويلي شكوون
عماد: (بابتسامة صفرا وشكوون ميعرفش صوت موو) انا نحل
رقية: اوييلي لبس بعدا غير حوااايجك (باقي زدييح) ياكما ديك زبل
عماد: (حدو لبس سليب مغدد وجر فوطة من تماك لواها على خصرو وحل نااافخ صدرو مو غير شافتو مركااات اما نوور جاتها على لكانة شوفة هكااك حتى كتطل مزيلن كتبانلها رقية كطل برويسها وكتخبع صدرها فلكوفر) شنو
فاطمة: حممم لبس هانا لتحت
عماد: سيري لبيت فين ترتااحي منين نكمل غنجي نطل عليييك وااخا مفهمتش شنو جاابك هنا (سد لباب ورجع عند رقية مخلي مو غتفكس بالاعصاب) مالكي احبيبة
رقية: واش بالصح مك هاادي
عماد: (بتنهيدة) هي هي ارقية داابا فهمتي لاش كنتعصب بزااف هااا حتى اوقاتنا زوينة مكنفرحش بيهم
رقية: عماد دابا هي فيها داك المرض غير تبقا تديها على عقلها ماشي تدي السخط 
عماد: واش بنيتك كتهضري
رقية: اوا راه تصرفاتها ماشي طبيعيين وبحال واالو المرض للي مأثر عليها
عماد: سبحان الله هاد المرض غير علية انا ويااك ديك **** استغفر الله مكرهاتش ديرها قبلة وتصلي عليها
رقية: اوا وشنو الحل
عماد: الحل هو غنتعاامل معاها كما هي بااغا (دخل حداها فلفراش) كملي شنو باغا تبدلي فالدار
رقية: مغتهبطش عندها
عماد: (زاد خشاها فييه) انا معااك فنبدلو الديكور شوية وعلاش لا نجمع شوية ونطلعو دوزيام ايطااج
رقية: (عجبها الحال يسمعها) اه علاش لا لتحت نديرو صالونات وكوزينا ولفوق بيوت نعااس وشي جليسة زويينة...

نور: (جالسة على اعصابها كيتسنااو عماد) موحال واش غينزل اخاالتو
فاطمة: لا لا ولدي ميخلينييش عمرو داارها
نور: معرفت هاديك لواات عليه بزااف راه كما راجلها هي راه رااجلي حتى انا
فاطمة: بففف قلتلك ولدي مبقااش فيدي ترجييت فيك نتي ولكن بانلي هي طااغية كتر من بزااف اجي وفين اللفعة دختها
نور: معرفت انا فهاد الدار منبووذة للي شافني يسمعيني جوج كلماات يسمموني ويمشييو 
فاطمة: وعلاش نتي كتسكتي ليهم
نور: منقدرش ننزل لداك المستوى اخاالتو
فاطمة: (شافت فالساعة دازت نص ساعة وعماد مزال مباان)
نور: يمكن باقي كيدوش
فاطمة: بففف انا غنطلع (وقفات وتبعاتها نور عودات نفس الدقاان للي خلعهم حيت كانو منغامسين كيفكرو شنو يديرو باش يبدلو الروتين ناض عماد مكره وحل لباب دخلات مدرمة) ساااعة وانا كنتسنااك لتحت ونتا جاالس لي مع هاد خيتي
عماد: (طرطق عينو مصدووم منها ولكن دغيا غووبش حتى تشركو حواجبو) خرجي (هزت حاجبها فييه) خرجييييييي
رقية: (غير كدور عيينها)
فاطمة: كطردني
عماد: (كيغوت) ااااه كنطردك وداابا غتخرجيي متخلييينيش نغلط علاااش بااغا تكفريييني سيييف علية
نور: احم عمااد كاالما
عماد: واش بغييتو نبدااا نتعرااا علييكم صافي شفتيتي شفتك شنو بقاا 
فاطمة: يااك اولدي
عماد: (ضرب يدو مع لحييط) باقا كتقولي ولدي خرجي خرجي وعرفي الحدوود للي خاص تكون بيني وبيينك هدا راه بيت نعااس ومرتي وانا عرياانين نتي ممنحقكش دخلي واش كتفهمي ولا لاا هدا للي وااقف حدااك ماشي عندو 5 سنيين راه كبرت ووليت أب فهمي ودخليها لراااسك وداابا خرجي رااه لابس غير سليييب ومرتي ملابسة وااالو
فاطمة: (طرطقت عيينها وشافت فرقية للي شحال مشاافت فوجها) نتي سبااب 
عماد: (وقف فوجهها) اه هي سبااب ياله غير خرجي محدي مهدن
نور: عماد هادي راه ماماك خااصك تحتاارمها
عماد: نتي بالظبط غتجمعي شرااوطك وغت**** من قداامي نزل منلقااش حسك كيدوور
فاطمة: رااه مرتك اشريييف فين طااردها
عماد: مرتي ها هي ففراشي راه قاادرة وتهجمتي ودخلتي كتشوفي بعيينيك
فاطمة: كنهضر على كنتي للي معتاارف بيها نوور
عماد: (طلعاتلو القردة لرااس وهي مبغاتش تحشم وتخرج مشا اول حااجة دفع نور ودار لمو اشاارة تخرج) يااااله
فاطمة: صاافي هادي اللخرة ليك معاايا اولدي
عماد: ومزاال منين نصدمك ونقولك متزوجتش ديك الكلبة للي كتآمري نتي ويااها ومعرفت شنو بااغا تصنعي نتي ويااها
نور: كفاش متزوجناش واش نسيبت ولا طلقتيني بلا منعرف
رقية: (غير مصدوومة معرفت واش تنوض تلبس حوايجها ولا تزيد تخبا موقف لا يحسد علييه وعاد عماد للي كيهلل على مو)
عماد: اه طلقتك سييري سولي على رااسك وغبري علية وجهك 
فاطمة: والله وطلقها منتا ولدي ما انا مك
عماد: وحتى نكون تزوجتها عاد نطلقها ياله تحركوو بجوج من لبييت (جر مو بشوية خرجها وهوما مصدومين من للي تقال وسد لباب معصب شاف فرقية) هادي للي من صباح ونتي نافخة لي راسي نديها على قد عقلها
رقية: (تعقد لسانها) معرفت منقوولك
عماد: حتى نعرف انا (مشا معصب كيلبس فسورفيت ديالو وينكر ورقية ناضت لبسات بيجامة ديالها شاف فيها) بلا متهبطي تمشي تقوولك شي كلمة ونصدقو فللي مبغينااش.

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.