سيدتي الجزء 43 والأخير

من تأليف Hajar Ribika
2020

محتوى القصة

رواية سيدتي

فاطمة: واش نتي متأكدة تزوجتو
نور: خالتي راه كان معانا راجلك وخووه ولعدول ختاريتو انا ميمكنش منكونوش مزوجيين هو راه كيقصد زعما مكيعتابرنيش مرتو
فاطمة: (بشك) لا لا كلامو خاالعني انوور
نور: عفااك متخلعينيش اخاالتي راه الورقة مزال عندي وكولشي موثق
فاطمة: لا لا بروود ديال اللفعة ممطمنييش (جلست دايخة) حتى التهديد معاه مناافعش خرج منها بحال الشعرة
نور: كفاش زعما واش كتهضري على الحبس
فاطمة: (خرجت عينها) وشنو فنظرك دابا حتى حاجة مغتخلعو
نور: خاالتو راه عمااد هدااك انا غير منين كان فالتحقيق كان قلبي كيتقطع علييه ونتي كتهضري على الحبس
فاطمة: مسكيييينة قلبك حن وهو مكرهش موتك اليوم قبل غدا
نور: (بقات ساكتة)
فاطمة: نورمال نتي مرتو كان بلاصتك تكون ففراشو (ضربت فخضها) اوووويئيلي بلا حيى بلا حشمة كيقولي انا ومرتي عريانين خرجي من بيتي نسا شحال طردت باه من فراشو وجبتو هو نعستو حدايا دابا ولا حتى هو عندو حدوود وحرمة
نور: (كتفكر منظر رقية وعماد كتحسدها) 
فاطمة: (بقات تنكر وتعمر لنوور فراسها وكل حقدها وكرهها على رقية حتى شداتها شي نغزة فقلبها وبقات كتجبد وتعصر فعينيها بلحريق) نووور بنتي كنموووت بلحرييق
نور: (مخلوعة عليها) شنو بييك اخاالتي واش قلبك كيضرك
فاطمة: (مقدراش تهضر غير شادة جهة صدرها وعروقاتها كتشرشر نور خاصها غير السبة طاارت لبيت عماد كدق علييه فتحاتلها رقية وشعرها فازك)
رقية: نعااام اش كاين تااني
نور: فينو عمااد
رقية: (شافت فيها شوفة ديتل بنيتك)
نور: (بعصبية) راه خالتي كتمووت لتحت ونتي عاطياها لمسخ هنا
رقية: (هزت يدها وعطاتها بتصرفيقة لوجه ودفعاتها وسدات لباب خلات لوخرا مصعوورة كتفرع لباب مشات للدوش وحلاتو كان عماد كينشف راسو مشات جهتو كتمد ليه لحوايج) عماد مك راها مريضة بزااف نزل عندها
عماد: شي تنوعيرة جدييدة وشكون للي فارع لباب
رقية: هاديك الزبلة للي تبلينا بيها
عماد: (لبس حوايجو ممتيقش مو راه مريضة حيت ديما نفس السيناريو حل باب الدوش ومشا نيشان لباب حلو لقا لوخرا تمااك) مال ****** نتي هاد نهار
نور: هئ هئ سول ديك الكارثة للي ضربتني حيت قلتلها خاالتو مريضة رااه كتمووت وهي ممسوقااش (كانت كتقليلها السم وتهز فحواجبها)
عماد: اوو من بعد
نور: ممنحقهاش ضربني
عماد: الا مكفاتكش نزييد على مك وهاد المرة يحييرو فيك ميلقاو ميجمعو فييك ودووري ت**** من كماارتي (تخطاها وخرج هاابط حتى ضاار ولقا نور كتخنزر فرقية دفعها حتى جابت الربحة وتزدحات مع الأرض) هاد الشووفة ديريها فرااسك فلمراايا ومرتي بعدي منها ب 5 كيليمووتر ولا نخرج فعدو****** تفووو على بشاار (كمل طريقو هبط لتحت كيقلب مو فين جاالسة حتى كيسمع انين مشا لبلاصتها لقاها شادة بيد فرااسها ويد فقلبها وصفوورية طاالعة معااها غير شاافتو قلبت وجهها) عدوووك انا باش ديري هااكا
فاطمة: (بحرا كتهضر) انا سااخطة عليييك
عماد: وااخ زيدي نديك لصبيطاار 
فاطمة: بعدنييييي بعدني
عماد: (هزها بين يدو فحال الكمشة وبأعلى صوتو) رقياااااااا رقيااااااااااا (جات كتجري بحال مطرديين عليها مكملاش رمشة عيين بانت نور من موراها وشعرها طااير فسما وبحال محلفة عليينا وباانت كانت كتريش فييها)
رقية: عمااااااد شووف هاد الوحشة مهجمة عليية
فاطمة: (شافت فيها) الاه يعطيك مصيبة الله يبلييك فحيااتك بمرض متلقايلوش دوا
عماد: (وكان ماشي مو وكان هزها حتى لسما وخبطها) سكتيييينااااا (حدو دار لرقية اشارة تبعو وهي من موراه اما نوور معرفااتش كدير توصلها تفدي دقتها حطها اللور وطلعات رقية)
فاطمة: انا مركبش مع ه
عماد: (زدح عليها باب الطموبيل حتى سقلت كسيرا فطريق وهو متبع مو مرة تغمض عينيها بالألم للي فراسها مرة تشوف فرقية من اللور بكل كره وتمتم بفمها اما رقية غير ساكتة وكتشوف فطرييق عيا يفهم غمو وفهم حاجة وحدة هي كرهها الأعمى لرقية وعمرها تبغييها ولا تعتابرها بنتها ومرت ولدها زاد كسيرا ونيشان لطبيب فين كتعالج وفطريقو علم بااه يلحق علييه...)

عماد: فكري دابا غير فصحتك
فاطمة: لوكان تهمك صحتي متفقسنييش ترجييتك ونتا محنيتييش فية وفديك للي نجااتك من لمووت
عماد: (زفر ودور عينو فالغرفة للي مهيأة للعملية) 
فاطمة: جابني بصرااحة نتا متزوجتيهاش غير لعبتي عليها
عماد: اه
فاطمة: صافي غير حسب مك مااتت ورضااتي هو زواجك من نوور الا طول الله العمر منوليش نشووفك حتى لقاك مزوجها ويلا دا مول الامانة امانتو عرف راسك مسخووط حتى قدام الله
عماد: (تنهد يحزن وألم وخيبة أمل.. حنا باس يديها) الله يشااافيك قرااي شوية ديال القراان ها لبناج غيدخل داابا (خرج وباينة فيه مأزم من جهتها احتى شوية دخلو الاطبااء وتسد باب العملياات... مشا نيشان خرج كلشي متفهم ان مو فخطر وهو حاازن عليها ولكن داكشي للي فقلبو خلاه عندو حيت للي سمع كلامها غيعرفها أم ظااالمة وهو ماباغييش للي يقول فغياابها شي كلمة خااايبة وحتى الا مااتت فقط يدعيولها بالرحمة وميقولوش كانت شرييرة.. شم ريحة الكارو دار كان يونس) ارا شي وااحد
يونس: (عطاه كارو وبربكة شافو كيكمي بجهاالة عرفها سمماتو بشي كلمة بلا الخووف عليها) دابا تشاافا وترجع حسن من للي كاانت
عماد: ان شاء الله
يونس: (بقا سكات شحال) شنو قالت لييك
عماد: والو بفففف قالت انا سااخطة عليك حتى لقدام الله ونتواجهو
يونس: (لاح لكارو) انا عاارف السخط ورضى عندو شرووط هي بغااتك طلق مرتك للي نتا عاايش معاها مزيان يعني كاين ظلم فهاد القراار 
عماد: حرت اخوويا معااها نورماال هي لي تكون فجنبي قصااتني وفضلات علية كلبة ديال لخلا
يونس: صبر دابا نتا خوي رااسك من هادشي ودعيلها بالشفاء 
عماد: (تنهد) انا ندخل ياله راه السمرة قااسحة
يونس: انا نمشي نجيب شي قهيوة ونلحق علييك....

ندى: (كتشوف ففهد للي عاطيها ربااط وممسوقش ليها من كلام الحمل للي طلعلو فرااسو ومخلاتوش يقييسعا حتى لأيام الإبااضة باش يكوون جاامع ليها بزااف.. بلا عكز ناضت لبيت نعاس لبست كولوون مطرطق بتريكو ديالو وصوبات شعرها وجمعاتو مخبل وقدات مكيااج خفيف ريحات رااسها وخرجات كتلوي قدامو وهو متبعها غير بطرف عينو) واش نقااد لعشا
فهد: لا رد
ندى: لهلا يوكلووو لييك 
فهد: هنييينا اندى مبااغي صدااع معااك
ندى: شفتني انا غير لاسقة فييك
فهد: راه انا للي غنجي لسق سييف علييك وهنيينااا
ندى: (بقات كدور حداه مرة دخل لكوزينة مرة لبيتها وتجي حتى لقداامو وتهز شي حاجة وتخلييه كيشوووف وعينييه مركزيين فنقطة وحدة رجعات للكوزينة كتقاد كلية حتى خلعها منين لسق فيها من اللور وحط تيليفون قداتمها فيه فيديو ديتل شي داعي اسلامي كيهضر على السيئات للي كثتحسبو على لمرا للي مكتخليش راجلها يقيسها بلا سبب.. همس فودنيها) وانا منبغييش لكبيدة تجمع السيئات على ظهري
ندى: (طلقات ظحكة ديال دوووك) هههه 
فهد: (كيفرنس) وشفتي رااجلك حبييبك شحال كيفكر فيك ونتي لا
ندى: (ضارت عندو كدلع) نتا للي مكتفكرش فية 
فهد: (عنقها من خصرها وحط راسو على جبهتها) كنفكر احبيبة وبااغي داكشي للي باغيااه ولكن بااغيك نتي كتر بااغي داك شهر اللول للي تزوجنا فييه يدووم حياتنا كااملة لولاد الا كتبهم الله مزيان الا مكتبهمش نجيبو ربييو شي واحد ولا جووج ناخدو الاجر فييه ونردوه ولدنا المهم هو نكونو بجوج مرتاحين
ندى: هاد لكلام كيخوفني
فهد: علاش تخاافي انا قلت الا مكتابش وحنا مزاال جداد بغيتي نمشيو طبيب نمشيو غير نتي كوني فرحانة ومرتاحة وريحي هاد العبد لله شوية
ندى: (فرحات) حلف حلف
فهد: واش انا عاد نبقى نحلف راه نزيد نتحك عليك شوية ***** اللهم يكون شي فشي...
~~~~~~~~~~~~~~
عماد: (شاف فالسااعة كانت 6 دصباح والتوتر كيزيييد يخلييه كيتزعزع) بفففف ماشي تعطلو
عبد الله: راه طبيب قال عملية خطيييرة
نور: الله يشااافيك اخاالتو
عماد: (خنزر فيها وكلام مو كيتعاود فرااسو منين هي كتودعو ومكتوصيه لا على راسو لا على باه لا على ولادو كتوصييه على وحدة ماشي حتى من لحمهم ودمهم قلب وجهو وشاف فرقية للي جالسة فوق الكرسي ومرة مرة عينيها كيتغمضو بنعااس كتقااوم وترجع تحلهم اما يونس وعيشة راه خمرو دايرين الراس على الراس وحالين فمهم بقوة لعيا وسفر مشا حدا رقية وجرها لكتفو) سيري للدار ترتاحي
رقية: الاااا راه غير عيني للي كيغفلوني شي مرات
عماد: (جرها متككيها على كتفو حتى حس براسها ترخى وقفات نور عليهم وشاف فيها شوفة ديال اشكااين!!)
نور: واش خالتي بين الحياة والمووت وهادي ناااعسة (زعزعات رقية وفيقاتها قاافزة محس حتى ناض ليها عماد بلا ميهضر الطرشة اللولة والتانية جابها مكسلة ياله غيجمع كرشها بنص ناضو كيفارقوه عليها وهي غواتها فين وااصل)
يونس: واش حمق داير رااسك فييها
عماد: لمرة جااية غندبح مك ودابا يدك ف*** الا صورتي شي *...
يونس: (زعزعو باش يسكت حيت كولشي تماك وجرو خرجو للبالكون للي كبير تمااك وهي بقات فالارض مسوقلها حد من غير فرملية جات تشوف شنو واقع...)

يونس: كتقلب على شي منتف اااخر!!!!
عماد: الا غنبقى فهاد العيشة ديال الذل نقتل *****مها ونتهنى
يونس: تكاالما اصااحبي هي هادشي لاش باغا توصل ديك لمرة خلاتك تزوجها بالزز دابا تخليك **** 
عماد: (خنزر فيه) كطنز اولد عمي كتشوفني فحاالة واحد كيتماازح
يونس: اجي نخرجو برا 
عماد: لا غرجع وعلى مفخييل *****بوها دييرو (دخل معصب لقا لفرملية مقنتااها كتقلبها فحنكها للي باين تجرح)
فرملية: شكوون للي دارلك هاد الحاالة؟؟؟ (نور كتشهق بلبكى) الشعب هدا راه صبيطار ماشي كووري باش تحمااو فالسيدة شكون للي ضربها؟؟
يونس: (كولشي سااكت رمقها بنظرة خاايبة) وهادوو بشاار للي كتهضري معااهم مجاايينش لكووري ديال بااك راه دم جوفنا كنحطووه هنا باش تجي نتي تهزي صووتك عليينا
الفرملية: (نقصت صوتها) وهاد السيدة للي مضرووبة
يونس: وحنا ماالنا
نور: صاافي اختي غير راجلي للي كان معصب وزدت عصبتو وضربني
عماد: (جا يهضر ودارتلو رقية يدها ففمو حيدها بعصبية قلب وجهو مطمر..) 
عزيزة: غيير للي ينوض ينتف مها وميخلييش فيها زغبة وحدة
الحاج: عزييييزة
اب يونس: وبزااف هادشي واش محيلتو لموو ولا مرتو للي مزاال معرفات رااسها تلعب عليهاغت
عزيزة: كفاش تلعب عليها؟؟
الحاج: (شاف فيها شودفة ديال باااز منين فشى السر لعزيزة) 
واش وقت جمووع داابا
عزيزة: ربي الا متقوول الحااج
الحاج: (جرها للبالكون وهلود ليها كوولشي كانت غطيير بلفرحة دخلات وهي كتبغي تخبي ابتساامتها كانت عايشة على اعصاابها هاد الايااام وهي خاايفة على بنتها والضرة هي اصعب اختباار كدووز منو المرا من مور ألم الخيااانة جلست حدا بنتها وجات حتى عيشة جلست حداها وعماد ويونس ورجال مقنتين فبلاصة اخرة)
عزيزة: جبتلك خبيرة تحطي فيها داك لخااتم للي عاجبني عندك
عائشة: عزيزة وتبزنييس باااز طلقينا شنو هاد لخباار
رقية: هضري اماما
عزيزة: راجلك كاع متزوج علييك
رقية: (ميقت فيها) عااارفة
عائشة: قدييييمة اعزوووز
رقية: راه فخبارنا اماما وقالها لديك ختنا ولكن عقلها تصووطا ومبغاتش تييق ومزالة عايشة دووور
عزيزة: ربي ربي عااارفة ومزاالة لاسقة فييه الله يعطييها الدل 
رقية: اوا ها نتي كتشووفي تقول تقدااو رجاال (بقاو عاطيينها الهضرة باش ميغفااوش دازت جوج سواايع حتى كولشي عيا من غير عمااد للي خووفو كبر طفات لبولة معلنة على انتهااء العملية وتحل لباب خاارج من فرد ديال الاطبااء وبااين التعب واااكل ملامح وجههم مشا عمااد كيجري عندهم وتبعو بااه والبقية وهو كيحااول يقرا ملامح وجههم سول)
عماد: كبقاات مي؟!!!

زهرة: (صلاة الفجر وطلات على لبز للي مفرشاالو فالارض كانو ناعسين شافت فمنى كانت نااعسة حتى هي.. ناضت للكوزينة تقاد لفطور حتى وقفت منى فلباب كتجبد وتفوه) نضتي ابنتي؟؟؟
منى: مسمعتيش شي خباار امي زهرة؟؟
زهرة: لا ابنتي مصونا حد يقولنا شنو وااقع حدي شي ساعتاين صونيت لخالتك عزيزة قالتلي مزاال
منى: الله يجييب الشفااء من عندوو
زهرة: اميين ابنتي سيري ترتااحي نتي شوية راك منعستييش فالليل كااع
منى: والله مجاايني امي زهرة غير خليني نوجد معاك لدراري لفطور راه شوية ويبداو يفييقو...
~~~~~~~~~~~~~
عمران: لا مغنمشيوش كااملين هاد الكواارث باش تبلينا غير كيتجمعو مع بنات الحااج كيرونووها 
علي: اوا وشنو نخليوهم بوحدهم فلفييرمة؟؟
عمران: غيبقى سعد معااهم
سعد: وعلاش انا؟؟
عمران: حيت مزاال شوية كيحتارمووك اما سي علي معتابرينو وحدة منهم وحتى هو تابعهم فالهيت دياالهم
علي: سميتها جانتل مااان 
عمران: وااه كالمي رااسك بهاد الكلمة.. صاافي اسعد (سمع لبنات هابطين ولابسين حوايج لخرووج) فيين بالسلامة
ريتاج: هااء نمشيو صبيطاار
زينب: نوقفو مع ختنا رقية 
عماد: توقفو معااها كدشنو صواارخ غنمشيو غير انا وعلي
ريتاج: علااش حشوومة علييك
زينب: رجلي من رجل رااجلي ابدا واش نخلييه بووحدو
عمران: سعد ها هوما معااك دوليبراان غتلقاها فصااكي وحتى لفردي راه فلبلاصة المعلوومة الا تفاقمااات الأوضااع
ريتاج: (كتعيبو) هنننعنننعننن
زينب: (طلعو كينكرو كانو باغيين يمشيو سااعة عمران بحال دييما وااقف لييهم...)
~~~~~~~~~~~~~~
ندى: (عيطات ليها زهرة وهودات ليها شنو وقع شافت فالساعة كانت 6 صبااح) فهد فههد
فهد: (ميت بنعااس) شنو احبيييبة
ندى: غنمشي لصبيطاار
فهد: (تفافااا وناض شااف فيها) ماالك كضرك شي حااجة؟؟
ندى: لا ولكن مت عمااد راه فصبيطار وكولشي راه تمااك خااص نمشي نشووفها
فهد: علاش ماالها
ندى: (ناضت) دارت عملية على راسها بسباب داك المرض الخاايب
فهد: اممم صافي لبسي نتي انا نوصلك ونيت نشوف عمااد
ندى: يااك خداام مع 8 نعس شوية ترتااح
فهد: لا معلييش غير متعطلييش ولا غدوشي
ندى: ضرووري (ناضت دوشات بالزربة خرجات لبسات حوايجها ومنساتش لفولار للي رجعات كديرو) ندى حبيبة وجديلي قهييوة (مشات وجداتلو قهوة ودوشو هو بالزربة شربوها بجووج وخرجو نيشان لصبيطاار...)

عماد: كبقاات مي (شاف فوجههم خاالي من لفرحة)
دكتوور: العملية كانت خطييرة وهي مكاانتش كتشرب دواا فوقتو هادشي قالتولي قبل منبدا
عماد: هضر واش مااتت؟؟
دكتوور: دخلات غيبووبة خااص تفييق باش نعرفو واش نجحات ولا لا ولكن لي علينا درنا لفيروس الخبيث استئصلناااه
عبد الله: يعني
عماد: يعني دخلات غيبوبة الا طولات كتر من 48 وهي فيها غتمووت ياااك
دكتور: تمااما وحنا كنتسنااو تفييق وكولشي بيد الله هي فقط محتاجة دعاوييكم ومن هنا 12 سااعة كنتمنااو تفييق
عماد: (زاادت صعاابت علييه كان املو كبيير باش تكون حالة عينيها وااخا تكوون مسلاة مهم تبقى فيها الرووح) ممكن ندخل عندها
دكتور: لا ممنوع 
عماد: غتبقى هنا؟؟
دكتور: غيديوها لغرفة الانعااش الله يجيب الشفااء 
(مشااو مهدوديين وبقاو كيتشاوفو بيناتهم جا عمران وسعد ولحقات ندى وفهد لقاو الجو مكهرب وصقيييل حتى واحد متجرأ يسول..)
يونس: (حط يدو على كتف صااحبو) راه مزاال كاين الامل وان شاء الله تخرج منها نتا غير دعي معااها (حرك راسو باه ورقية شداتلو فيدو وزيراات عليها حدها شاف فيها بنظراات عامرين دمووع وحووومر كولشي بقا فيه عمااد وكولشي عجبو فييه هاد الحب للي عاطي لمو واخا هي مدمرااه ومصعبااها علييه الا هو مقتاانع ان الام كما كانت خاايبة ولا زويينة خااص البر بييها.. من بعد مكولشي وساااه وعطااه طااقة ايجابية باش يحمد الله على كوولشي وكولشي كيدعي معااها تفييق)
عماد: حبيبة سيري ترتااحي شوية
رقية: لا غنبقى معااك
عماد: روكا متقلقينييش احبييبة سيري ترتااحي شوية سيري مع خييتك وماماك وطلي على لولاد وجي مع يونس بلاتي
رقية: (حركت راسها باه ناضت مع كولشي للي مشا يرتاح ويرجع بلاتي بقا غير عماد ويونس وعبد الله وعمران وعلي وندى ونوور الي معرفت فين مخبية)
ندى: خويا عمااد الله يشاافيها
عماد: امين اختي
ندى: انا نعبط نجيب ليكم فطوور
يونس: انا نجي معااك (مشاو جابو فطور وصلو لقو نوور فاخر الطرف وكتبكي)
ندى: هادي مزاال هنا؟؟
يونس: كتقلب على شي قتلة ديال لكلاب وفحالتو هادي يمشي يدوز فيها شي ضربة خاايبة
ندى: قالي فهد راه متزوجهاااش علاش ميعيطش لبوليس يجيو يهزووها لتهمة التحرش ويخلي مها تمااك
يونس: لا غتجبد لعدول وسين وجيبم بلاش وحساب داك فهد معايا هادشي عاد للي قلنا كولشي سيري وهو فخباار العالم كاامل 
ندى: راه غير زلقااتلو (حرك رااسو باه ومشاو خلاو عماد كلا بالزز عليه دازت 4 سواايع وها رقية جاات هي وعيشة ومها لقاو رجال سبقووهم حيت كانو مفرقين فواحد لوطيل وبقاو نهار كاامل تمااك حتى شوية دخلو عندها الاطبااء باش يشوفوها واش فااقت دازت نص سااعة كانو على اعصاابهم حتى خرج طبيب)
عبد الله: امدرا ادكتووور؟؟؟!

الكل جالس على اعصابو حتى خرج طبيب ومشاو كيجير عندو وكيتفائلو من ابتسامة طبيب
عماد: امدرااا!!!
دكتوور: كنت فااقد الأمل حيت العملية كانت صعييبة ولكن ربي مزاال مكتب ليها تعيش الحمد الله على سلامتها مداام فاطنة خرجات من الغيبووبة غدا صبااح غنقلوها من هاد الغرفة من بعد الكشف عليها
عزيزة: (بصوت مسمووع غير للحاج) هء وتسمع طبيب قال فااطنة دخل كومة 100 عاام
عماد: (بابتسامة عريضة) والعملية يااك مبقااش الورم فييها
دكتور: تقنيا مبقااش ولكن العلاج خااص يستاامر وتنتاابه لصحتها ودواياات باش ميرجعش
عماد: لا لا غتهلى فصحتها ووو مكااينش شي اثاار جانبية للعملية
دكتور: هو مزاال مغيباان حتى تحل عيينيها (تبسم بتعب) نخلييكم داابا وكنفضل تمشييو ترتاحو حيت حتى واحد مغيدخل عندها
عماد:شكرا شكرا بزااف ادكتوور
دكتور: ولو هدا واجبنا (مشا هو وبقاو التهااني لأب عماد وهو) شكرا تعذبتو معاانا بززافف (محس غير جر رقية وعنقها بلفرحة وحتى وااحد ملاامو الانساانة الي قرييبة ليه هي مرتو وهكا عبر على الفرحة دياالو)
عائشة: الااالة القبلة مااشي من تم (كولشي ضار لعيشة لقاوها حاضية نوور للي كتركع بالفرحة) اييتبقيي ستر
يونس: عيشااااا
عائشة: وييلي هادي واش مضرووبة بمقلة رااه مو للي فلتاات من المووت ماشي مك
نور: (وقفات ومسحات على وجهها والابتساامة العرييضة فوجهها خلات كولشي كيشووف فيها) ماشي غير موو هادييك رااها مي حتى انا 
عائشة: (بطنز) سلامة قلبك لحنين
عماد: (بغير مبالاة) الواليد سير ترتااح شوية
رقية: حتى نتا خااصك ترتاح اعماد يوماين منعستي
يونس: عندها الصح وجوودك دابا معندو معنى بلعكس خااصك تتعس شوية باش غدا تكوون عند الطااقة (غمزو متبسم زعما غدا غتبدا عليك بنكيير اللهم سير تنعس شوية باش تصحصح)
اب يونس: طبيب قال حتى واحد مغيشوفها
عماد: لا لاا تفييق ومتلقى حتى وااحد
يونس: عاود سول راه واخا تفييق مغيخليوكش دخل راك عارف التحاليل من اللول حتى يفلييوها عاد يخرجوها عندنا والا متقتييش نمرة الاستقباال وهوما يعلمووك بكوولشي
عماد: (متردد) معرفتش 
رقية: وصاافي كوون كتسمع الهضرة اعماد راه كولنا خاايفين علييها (عيشة شافتها بديك الشوقة ديال زعما زعما) احم ياله نمشيو رتاحو وغير يصبح صباح رجعو (بقاو كيقنعووه حتى خرج معاهم الاغلبية شدو طريق للفرمة هي اقرب بلاصة وعماد ورقية مشاو لوطيل قريب نور بقات فطموبيلتها متبعة عماد وقلبها كيضرها على هاد اللامبلاة للي فييه تمناات غير شووفة منو ولكن هي لقاات منو غير الكره والمقت أملها ففاطمة منين تفييق خدات شومبر ملاسقة مع الشومبر للي هوما فييه ودخلات ترتاح واخا قلبها ممريحهااش..)
رقية: (لبسات بيجامة كانت جابتها وعطات لعماد كيطمة فين يرتااح تحشا فبلاصتو وتبعاتو ناعسة فحضتو وبيدو كيلعب فخصلات شعرها) رتاحييت شوية
عماد: رقية عفااك سمحييلها 
رقية: (بتنهييدة) وااخا عمري اذييتها ولكن فوجهك نتا كنساامح
عماد: (باسها فراسها وهز يدها وباسها) غدا الا فااقت بحال والو متبغيش تشووفك 
رقية: عادي ولفت
عماد: حرت معااها بزااف
رقية: نعس داابا راه تابعنا فياق بكري (نعسو كاااو بكترة لعيى 7 فااقو فطرو تحت اصراارو ومشاو لقاو باه تماك وتسنااو معاه حتى لحقت نوور) بففف صبحنا على الله
عماد: واش معند مك شغل 
نور: عندي وخالتي هو شغلي لكبيير
رقية: ربي منين جاتك خالتك واش خلاها ليك بااك ولا مك
عبد الله: رقية بنتي متنزليش لمستوااها وتصدعي رااسك بيها
رقية: (بنظرة تهديد) الا بغات نزل نزل ونخلي اصل مها ونطلع لمستوااييا هانية كيعجبني نبدل الروتين شوية
نور: هي متبقايش مخبية من موراهم واجي نتواجهو فاص افااص
عماد: يجي صبعك فوق لحمها نحرك

دكتور: (خرج لقااهم مطاايفيين) احم دكتوور عمااد ممكن تجي معايا
عماد: (تخلع) علاش واش الوالدة بيها شي حااجة؟؟ ياك لبارح قلتي فااقت
دكتور: بلا متخافو هي فايقة وحالة عيينيها ولكن ضرووري تبهك لشي حااجة
عماد: (حرك راسو باه جا تابعو وهو يتفكر لمطاايفة شاف فرقية) اجي 
دكتور: ممكن نبقاو على انفرااد 
عماد: ماشي مشكل هادي مرتي 
نور: حتى انا مرتك
دكتور: (بقا كيدو عينيه) احم
عماد: لا حولة كاين شي 36 هنا؟؟ ها وحدة هااربة منو ومحمقااني انا
رقية: يااك انا للي محمقااك
عماد: نتي محمقاني فداكشي زويين اما هادي مكفرة اصل مي
رقية: حتى انا بغيت نديكلاري بيها رله للي لقاتو كتقولو انا مرتك غير دييوها قبل متلسق فرجال كامليين 
دكتور: (مفهم والو) احم موسيو (مشاو تابعيينو وخلاو نور كتفقص لقات غير باين عماد فطريقها)
نور: نتا سباب وكان مبغبتيش تزوجني وكان راني مزوجة بعمااد
عبد الله: هههه ها لي قاالو بالصح ابنتي خااصك تعاالجي 
نور: حشاااك واش نكوون بنتي
عبد الله: وحيت داكشي لاش تبعتك حيت ماشي شي وحدة محتاارمة 
نور: (خرجت عيينها) تفووو على شييبااني
عبد الله: لا حولة ولا قوة للا بالله تعاالجي قبل متبداي تبعي النااس بالحجر.. (خرجات لفرملية) بنتي ممكن ندخل عند مرتي؟؟
فرملية: اه وااخا راها فاايقة ولكن حااول متكترش معاها الهضرة حيت مزالة عياانة وبلا مدخل تيليفون ولا اي جهااز معااك (حرك راسو باه ودخل لقاها بحرا كتحل عينيها وراسها ملوي بلفااصمة)
عبد الله: فااطمة
فاطمة: (ضارت شاافتو) شنوو وقعلي وفين انا
عبد الله: معقلاش؟؟
فاطمة: لا واش حنا بالصح فالمغرب؟؟
عبد الله: (باستغراب) اه 
فاطمة: علاش تقداو الاطبااء فامريكا باش تجيبني هنا مفهمت واالو ورااسي ضاارني بزااف صحتي كااملة كتحرقني قولهم يعطيوني شي دوا يكاالمي لحرييق (خرج عبد الله مستغرب لكلامها جات تدخل نور ومنعها حتى يجي طبيب وعماد باش يفهم..)
~~~~~~~~~~~~~~~~~
عماد: شنوو واقع معاها
دكتوور: كان ضرووري من شي اعرااض ونتا عارف هادشي العملية للي دازت منها مسهلاش
عماد: اه
دكتور: اوللا فقدات التحكم فرجليها ماشي تشلالات ولكن مؤقتا متقدرش تحرك رجليخا مزياان وللي صعييب هو عقلها متضرر مرة كتفكر شنو واقع ليها ومرة كتنسى عقلها مشوش وهادشي مكيطمنش بلخيير تقدر تكون اعرااض فقدان الذااكرة وتقدر اعراض الزهاايمر للي غتبقى تنسى شوية بشوية 
عماد: هي غتمشي لامريكا ممكن تعالج تمااك
دكتور: حتى تفووت 21 يوم عاد ممكن تساافر
عماد: الحمد الله غير منين بقات حية ومبقااش فيها الورم اما انا كنت مستااعد لاسوء الاأعرااض
رقية: مفهمتش
عماد: بلااتي وغنفهمك شكراا بزااف ادكتوور (خرج من تمااك كيفهم رقية) فمهتي يعني الحمد الله متشلالتش ومعمااتش انا بالنسبة لعقلها مع المدة غترجع ككانت 
رقية: اممم على الله تكون نساات نوور (مشاو لتمااك جرو عبد الله فهموه شنو وااقع ضارو لقاو نور دخلات عند فاطمة تبعوها)
فاطمة: (كتشوف فنور باستغراب للي حنات عليها كتبوس فيها) شكوون نتي؟؟
نور: هااءء انا نوور اخاالتو

فاطمة: شكوون نتي؟؟
نور: هااءء أنا نوور اخاالتو (كدور عينيها اما رقية طرطقت عينها وهي تبسم)
رقية: هادي غير واحد لمرا لمسكيينة هااربة من صبيطار الحمااق متدييش عليها (كتخبط فظهر نور) سيري اخاالتي راه ماشي ماماك هاادي سيري قلبي فشي بلاصة اخرى
عماد: احم الواالدة كبقييتي
فاطمة: شكوون هاد الناس اولدي وعلاش انا هنا (بغات تهز يدها تحدها فوق رااسها ولكن مقدرتش) بففف صدااع صداااع
رقية: (كتسمم فنور للي ضربات الطم) وخرجي رااك صدعتي السيدة
عبد الله: تحركي خرجي من هنا
نور: ولكن خااالتوو واش معرفتينييش
رقية: واش نتي بااغا تصدعي السيدة حبييبو هضر معااها 
عماد: مزاال مبغيتي تفهمي رااسك 
فاطمة: (مخرجة عينيها فرقية) حبييبو!!! عمااد شحال غبت وشكون (طلعت رقية وهبطاتها) هادي
رقية: (تبسمت) مرااتو
عماد: هادي مرتي الوالدة دابا نتي درتي عملية وعقلك مزاال مخدم مزياان
فاطمة: وتزوج!!! وبلا شوااري ولا خبااري
نور: راه حتى انا مرتو اخالتوو (عماد جر لوخرا من قرفادتها وخرجها برا تبعاتو رقية وفاطمة بغات تهز راسها ومقدرااتش ولحرييق زاادها)
عبد الله: فااطمة عطي رااسك الرااحة الا بغيتي تبرااي
فاطمة: كفااش نبرا ورتااح وولدي مزوج جوج عيالتت وهو ياله عندو 20 عاام وبلا خبااري ولا شوااري واش هو قد شي زوااج 
عبد الله: الله يهدييك منين تبرالي نهضرو فهاادشي
فاطمة: مبغييتش ولدي يتزوج فهمني حنا بعدا شنو كندييرو فالمغرب
عبد الله: (جلس حداها) حنا جينا هنا كما العاادة ومرضتي وجبناك لصبيطار ودرتي عملية
فاطمة: واش رجعلي داك المرض عااود
عبد الله: (تفكر نهار صرحااتو انها حيدات الوالدة بسباب السرطان) ولكن الحمد الله مبقااش واخا مكنتي قلتيلي واالو غير طبيب للي قالهالي
فاطمة: مبغييتش نصدعك نتا وولدي وتخاافو على واالو (تفكرت) واش بالصح عماد تزوج
عبد الله: مغنقولك واالو دابا حتى تبرااي وتخرجي من هاد صبيطار ونقوولك كولشي
فاطمة: تزوج جووج؟؟ اويييلي 
عبد الله: امتزوجش الالة داابا غير رتااحي انا نعيط ليهم يعطيوك كالموون 
فاطمة: عيطلي لعمااد نشووف هاد لحرييرة (خرج لقا عماد ورقية فقنت وفرملية شادة نور فقنت اخر باينة كانت فكااتها)
عبدالله: واش هادي بحال لكلب للي جا يعصيها وتبقى لايقة وبزااف ةاش نتي مغتعطيناش التيقاار (غوت) باش غتفهمييها هدا راه متزوجش بييك داارها بييك ابنتي سيري قلبي على رااسك فقنت اخخر ومرة اخرى لقااك هنا نعيط على لبوليس.. عماد رقية اجي ابنتي (مشاو عندو) حاولو متهضروش فموضوع زواج داابا
رقية: انا قلت حسن مندخلش عندها باش متخربقش
عماد: اممم عندك الصح حسن الزيارات يكونو خفااف حتى منا حنا 
عبد الله: (طبطب على كتف رقية برضى) اممم هاديك مخصهااش دخل عندها حيت غتخربق ليها رااسها وزييد هي كتعرفها قبل منك يعني سااهلة تفكرها وتعمرلها راسها بلكدووب.. (هنا رقية طااحت عليها فكرة خلاتها تبسم..)

عمران: شكرا بزااف على الاستقباال وغنزيد نصدعك شوية لفيرمة غيبداو يقادوها تفاهمت مع الناس نتا مرة مرة طل عليهم حيت لكونجي جااي غنجيو ليها نيشان ونجيبو لوليدات
يونس: مرحباا خاي عمران واخا كان عليك تزيد تبقى
ربتاج: اه خليبنا اعمران نعرفو غير شنو غيوقع
زينب: والله حتى متشوقة نعرف شنو غيطرا منين تفييق 
علي: ماالو فييلم متبعيينو الله يعطييكم عقل
عمران: (خنزر فعمران حيت شاف ردة فعل فيونس بحال معجبوش الحال) احم متقلقوش منهم 
عائشة: (غمزت لبنات يسكتو حتى بداو كيعتاذرو وحدة بوحدة ويونس تبسم بلبااقة فوجههم ندمهم على ظحكهم لباايخ على صبااح كملو لفطور فجو سااكت) احم واش غنمشيو داابا!!
عمران: حتى حنا نوضو هاديك طريقنا نشوفو السيدة كبقات (شاف فلبنات) نشوفوها ونمشييو
يونس: تا بشوية على لبناات وكون هاني مغتمشيو ليووم حتى نتغداو مجمووعين عماد غيعرض علينا 
عائشة: ليوووم نكشطو مو (خنزر فيها) زعما نسيزييوه (طلعات لبيتها قدات حالتها وخرجو ملحقيين بلي سبقووهم وصلو لصبيطار لقاو كولشي تمااك) امدرااا!!!
رقية: شي حااجة لدااخل عندها محاملنييش والسيدة معااقلة حتى على وزة غير كتشوفني كطردني هههه ناااري لفووو غيييغ 
عائشة: وهادشي كيظحك
رقية: وشنو غنديير راه كنقلك معرفاتنيش وباقة عاقلة على عماد منين كانت عندو 20 عاام وقعلها بحاالك غير هي مطولة ويقدر يتطور ليها لزهاايمر مهم تفلاشااات مزياان
ربتاج: ونور؟؟
رقية: حتى هي معقلاتش عليها
زينب: اممم مزياااانة عماد غيبقى يشكر ويمدح فيك وتبقى تبغييك
رقية: معرفتش مغنبقاش ندهل عندها حتى تخرج من هنا حبت ممنوع عليها تعصب
زينب: مووسيقى مع هاد السيدة 
يونس: اممم مهم بااقا معاانا وامتى غتمشي لامريكا
عماد: من بعد 21 يوم يشوفو واش يديرو شي حل معااها وتماك تعاالج حسن
يونس: للي حسن هو تنسى باش تهنى من المشاكيل
عماد: هههه لمشاكيل ديما فية راه صعصعاات صباح ولكن ديك نوور اااح وكان بيدي نقتلها ايوونس ومنحنش فييها
يونس: ابعد من زمر خليها دايرة لومبيونص مع مرتك بفف انا كلبة مبقااتش كتديها فية وعيشة شحااال مغاارت علية ديك لغييرة زويينة
عماد: ياا سيدي فاش كتفكر 
يونس: وغيير قلت (دار يدو فوق فمو باش ميعرفوش شنو كيقول) نتا معاارفش عيشة فاش كتغيير ككتكوون
عماد: (دار نفس الحركة) منكدبش علييك واخا هالكاني هاد لمشاامل ولكن عندك الصح لغييرة كتخلييهم فشكلل (طرطقو كيضحكو حتى ضار عندهم كولشي هكاك دوزو صباح نور مبانتش)
يونس: اوا سيادنا عمااد عاارضنة كوولنا على شي غدا مضخم
عماد: (طرطق عينو تصدم منين جات هاد لعرااضة)
يونس: عمااد عماااد ياله مرت عمي مغدخلوش ليها دابا حيت نااعسة باا اجي ركب معاايا (كولشي جات على كانتو هاد لعرااضة وعماد كيحسب شحال غيخسر اكترية فيها كتر من 20 وااحد مشاو لبلاصة الشواياات ويونس غير كيجمل على ظهرو حتى عمرو 4 طواابل وخلاه كيبربق فعيينو كملو فجو الظحك وباه ناض خلص حيت عاارف ولدو مزير للي مشا فحالو لدارو للي رجع لصبيطار ولكرووب مشاو فحالهم مودعين الكل...)

لعدول: انا مكنعرفكش ابنتي
نور: (مجننة) كفااش مكتعرفنييش انا كنت جيت عندك ومشيتي درتي لينا لاكط انا ورااجلي فاوطيل **** عفااك غير تفكر
لعدول: شنو سمييتك ؟؟؟
نور: نور ميرا كوهنر (بتأمل) والله حتى نتا للي سنيتي لينا وقلتيلي من دابا 15 اليوم اجيخودي لاكط دياالك عفااك تفكر
لعدول: (دار راسو كيقلب) ابنتي غير تأكدي سميتك مكينااش هنا وانا داك نهار مخرجتش خدمت فلبيرو هنا
نور: واش كتفلى انا كنعرفك نتا قلب فداك الدفتر مزياان ولا غنعيط لبوليس
لعدول: عيطي ابنتي مديرش متخاافش
نور: (حركت راسها بتهديد) واااخ انا غنورييك متاافق مع دوك العصاابة انا غنورييكم نور علاش قااادة (خرجت مغددة وفكرة زواجها انه ماشي حقيقي كتخنقها والشمتة كتنحر فيها معرفت فين تمشي فاطمة معقلاش عليها عماد كتشوف راسها دم سنانو بقالها حل هو لبوليس ومزعماااتش تمشي خاصها حتى تفكر مزيااان فشنو خااص دير وبلا فاطمة مكتعرف مديير.. ركبت فطموبيلتها وشدات طريق للمصحة لقات غير عماد وباه ويونس عيشة للي تمااك مشات وقفات حدااهم) عماد بالصح واش حنا ممزوجيينش؟؟؟
عماد: (مكيشوفش فيها جغم من القهوة) اه
نور: وعلاااش
عبد الله: كفااش علااش ونفتارضو حتى وكان تزوجتو داك زواج مكانش غيكوون حقيقي ولا معترف بيه شرعا
نور: (عينيها مدمعين كتشوف فعماد) كان علييك تقوولي اعماد انا ماشي مرتك ماشي حتى تعاملت معاك كرااجلي ودرت بزااف دلحواايج
عماد: كفاش هاد لحواايج (شاف عيشة كتسلت ماشي لجيهت طواليط فين كاينة رقية) عيط نتا على داك لمقدم
يونس: (شاف فعيشة) اجي نتي
عائشة: (كدور عينها) تزيرت بغيت ندخل طواليط (نور غير كتبكي على وعسى هو يحن.. مشات كتجري غير شافت ختها جااية رجعات وكديرلها اشاارة باش تزرب تجي)
يونس: (باشارة فوجهو ديال تبرهييش عمرو يخطااك) لا حولة 
عائشة: كملي ارابعة العدوية شنو درتي ونتي حاسبااه رااجلك
رقية: شنو وااقع
نور: كولكم كنتو عاارفين انا للي كنت غبية فوسطكم وعلااش؟؟
رقية: علاش!! مسولتييش رااسك هاد السؤال ونتي دااخلة تخربي عائلة مسولتييش رااسك ونتي بااغا تلوحييه فلحبس لا مستقبل لا واالو
نور: (زادت حدة صوتها) شنوو فيها الا قبلتي يتزوجني يااك شرع عاطييه 4 ها هوحتى بااه مزوج جوزج شنو وقع واالو غير نتي اناانية 
رقية: ههه واش كتهضري بنيتك خليتي شحال من حاجة فالاسلام وبانلك غير شرع عطا 4 مبانلكش التزويير وشهادة الزوور والفسااد ولكدووب وسب المحصناات والقااائمة طوييلة
نور: فسااد!! انا كتاهميني بالفسااد
رقية: وشنو غنسمي كل مرة معيطين ليه باش يجي وكتكوني غير نتي ومنين مشيتي عندو المكتب شنو كيجمعك بيه باش غتخلوااي معااه؟؟
نور: (معرفت متجااوب) الله كيشهد عمرني قللت لحيى علييه
رقية: والله كيشهد شحال تضررنا من كور هاد الخطط للي كتخططي باش يتزوجك ولكن ربي كبيير اي خبث منكم مشا غير مع الرييح
نور: منا كتقصدي حتى مو للي كتموت؟؟ شفتي شفتي هاد لمرا للي مفضلها حتى على مك كتشى فيها ونااسية الدنيا ضواارة
يونس: بففف وكان ماشي متبع معااك مزياان بالرب حتى نتييقك سووسة والله حتى سوووسة
عماد: من اللخر نتي ماشي مرتي وانا عمرني تزوجت بييك
نور: لا تزوجتو ولكن لعبتو علية كااملين 
عائشة: (قشعات ضو ديال التيليفون تشعل فصاكها منين دخلتت يدها) راه كتسجل
يونس: وتسجل الا وصلتت ودنيها تعضهم واش بااغا تزوجي السيد بالزز تقلباات الآية صاافي جمعي رااسك شوية وغبري من هنا بالعربية وتاعراابت نتي غير مرغووب فييك
نور: غنحبسكم كااملين
عائشة: لحبس بناه بااك وخلا خووك هو للي شاادو وتي سييري عاودي لزرعك لعبااار راك تلاشييتي ابنتي
نور: (شافت فعماد للي كيلعب فتيليفونو) عماااد 
عماد: (هز عينو فيها) نعاام
نور: انا رااه مرتك انا سلمت ليبك راااسي ولا نسيييت!!!!

عتيقة: يففف الدار عمرات بزااف
حنان: عندااك طلعي
عتيقة: وكغندير نطلع ونتوما كتسدو علية لبااب
حنان: شوفي رااه عارفينك عند الضووبل ديال سواارت ولكن الا طلعتي غتجيبيها غير فعظاامك وبدل مجالسة حنا مرحة غتمشي للحبس 
عتيقة: وغنبقى محبووسة هنا حلفتلو مغنقيسش **** ديالو وهو مزاال حابسني ومنين نقوولكم راه طاايح فية كاقولو لاااا
حنان: واش حمقة سي يونس بااينة كيحمااق وكيبغي مرتو ونتي شاادك هنا حيت لقااك كدوري حدا داارو وعرفك ناوية على خزيبت وحيت معندو دليل جاابك هنا والله حتى تعاامل معااك
عتيقة: حيت طاايح فية
حنان: الزعتر لواااااه
عتيقة: بفففف قنطت هنا بغيت غير نضرب ضوييرة برا
حنان: اختي حتى يجي وزايدون الدار عاامرة والا بنتي لشي وااحد غيقتلك حيت مخليتي حتى بلصة مع شي واحد مزياانة
عتيقة: يمشيييو ي**** كاااملين زعما غيقطعو علية الاكسيجيين
حنان: مغيقطعو عليك غير سي يوونس الا ضسرتي وشقي ظاك الزيتون راه بلاتي غنجي نااخدو
عتيقة: ياا ربي ياكلو فيه السم...
~~~~~~~~~~~
نور: انا راه مرتك انا سلمت لييك رااسي ولا نسييييت
عائشة: اوباااااااااا هادي مفخبارنااش (زير عليها يونس بذرااعو باش تسكت)
رقية: (هزت حاجبها وشافت فعماد للي مبرد) عمااد (بااه هرب حيت حتى وااحد محشم منو وهي كتخلي الواااحد يخرج على طووعو)
عماد: هاا نعاام ارووكا
رقية: قالتلك سلمات ليك رااسها
عماد: (شاف فنور) معقلتش
نور: (معرفت كديير تشرح) نتا عااقل
عماد: لا والله معقلت غير فكريني حيت ما مرة ما جوووج
رقية: (تصدمت) عماااد!!!!
عماد: شنو هي كتهضر منين كتسلملي رااسها منين كنضربها
عائشة: لا هي كتهضرعلى بااقشطااق
يونس: (خنزر فيها وجرها لبعييد) نتي مبقيتيش كتحشمي عرفي شنو كتخرجي مع داك الفم ولا قسما حتى نهرسو ليييك 
عائشة: علاش شنو قلت انا غير كنت متبعة وصاافي
يونس: برااكة من لبهلان اعييشة راه حتى عماد كيعرف شنو معنااة هاد الكلمة 
عائشة: (عضت على شنافتها) والله مكنت عاارفة
يونس: سيري سبقي لطموبيل انا جااي
عائشة: ارحم بااك خلييني معااكم والله منزييد حتى كلمة
يونس: (خرج عينو كااعي منها) الطمووبيل (خلاها وااقفة ومشا حدااهم وهي تسكت نور منين شرحات انه سلمات راسها بمعنى لبسات داكشي معيق وعرات شعرها وبغاتو لنعااس)
رقية: بفففف وعاادي هادشي ممكن ديريه مع أي وااحد
نور: حتاارمي رااسك نتي
رقية: ونتي حتارمتي رااسك باش انا نحتاارمك واش شاايفة الموقف فين كتحطي رااسك ابووزباال جمعي هادشوي دلكراامة وقلبي على رااسك فبلاصة اخرى رااه بففف مثاال للذل هو نتي والله
عماد: (حك ودنو وشااف فيونس) واش مخداامش
يونس: لا حتى الليل نيت غنوصل عيشة للدار 
رقية: خود حتى رقية معاك
رقية: علاش اعماد منبقااش معاك؟؟
عماد: حبيبة برااكة هاد الاياام راك عييتي ونيت سيري قاابلي لولاد
يونس: حتى عيشة قلتلها هااكا والله انا لداابا مشاابع من ولادي 
عماد: انا غنبقى مع الواليد هنا وراك سمعتي 4 اياام وغتخرج وانا مرة مرة غنضرب دوييرة عندك
رقية: اممم اووكي (نور غير كتسمع كأنها مكينااش حدااهم وكتسنى من رقية تمشي فحالها باش تبقى مع عماد او على الاقل دخل عند فااطمة...) والله مبغيت نخلييك بوحدك
عماد: غير سيري احبيبة بيناتنا التيليفون (تساالمو وكان هو وقت انتهااء الزياارة ونور عيات مترغب وخرجووها بقا غير عماد وباه للي مخلصيين يجلسو مع فاطمة...)

بعد مرور 4 اياام كان الحصاار مشدد على نور باش مدخلش للمصحة حيت ممنوع عليها تشوف فاطمة للي بدات كتحسن خرجووها وكانت نور حدا طموبيلة ديال عماد كتسنى من بعد مفقداات الامل تجيب دليل على انها تنصب علييها فهاد زوااج
نور: (وقفات حداها) خاالتو خااالتو انااا نوور 
فاطمة: (باستغراب) عمااد هادي هي للي قالت مرتك
عماد: (خنزر فيها) لا عمرني شفتها (حل باب الطموبيل)
فاطمة: واش معايا نتي كتهضري كتعرفيني حيت انا نسيت كوولشي
نور: غير تفكريني اخاالتو عفااك معنديش من غييرك فهاد الدنيا
فاطمة: انا معرفتكش شكوون مك
عماد: (بغا يهز مو ووقفاتو بيدها) الواالدة واش غطبهي رااسك مع هاد الحمقة راه هاد الجو ممناسبش لييك راك سمعتي طبييب
فاطمة: اوا حيت عزات علية هاد لببنت واش كنعرفها

نور: خاالتو انا بنت صاحبتك ليلى جيراان فنيويوورك 
فاطمة: (كتحاول تفكر) ااااه وكبرتي هاااكا
نور: (فرحت) اه اه انا وراني حتى مرت ولدك عمااد
فاطمة: (خنزرت فعماد) تزوجتي
عماد: (هز مو وجلسها اللور وسد لباب شاف فنور) هادي هي الورقة للي بقااتلك
نور: عمااااد متخلاش علية رااضية بأي معااملة منك ولكن متخلينيش عفااااك 
عماد: نوور انا عمرني وااعدتك بشي حااجة معرفتش شنو للي مخلييك متشبتة بية وانا مباغيكش
نور: حتى حااجة انا للي بغيييتك وانا للي سلمتك راسي قبل الوقت ولا نسييت كلامك نتي غتولي مرتي وانا محتااجك
عماد: (قرب عندها) نور داكشي داز عليه سنييييييين ونفكرك مكنتش اول وااحد فحيااتك
نور: لا نتا اللول والله
عماد: ماشي غبي انور ودوزت بزااف باش نعرف واش اللول والتاني ولا العااشر وهادشي ماشي شغلي فيه حيت وكان كنت اللول ومكنتيش تزوجتي وجيتي تقلبي علية كنت ندير معااك الحل حيت منبغييش نضيعك وانا عندي بنت نخااف علييها ولكن انور راك تزوجتي وطلقتي عاد جيتي تقلبي علية وكتقولي كنبغيك مدخلش لدمااغ نتي كتحسي بفرااغ ومعرفتيش باش تعمرييه
نور: خالتو للي عمرااتلي رااسك بيك وحبباتتي فيك كتر
عماد: (هز كتفو) انا مقلتش ليك كنبغييك يعني انا مظاالمكش نتي للي ظالمة رااسك وبغيتي هاد الحاالة حلي عينييك مزيان انوور هادشي للي كديري فييه مغيوصلك حتى لشي طرييق انا (هز يدو ووراها الخاتم) مزوج وكنبغي مرتي وولادي ومرتاح معااهم وجوودك معندو حتى معنى وسطنا
نور: (حركت راسها بلا) انا كنبغييك 
عماد: (مجوبهاش مشا ركب ومو غير كتخنزر شافها من لمرايا) تعطل الواليد
فاطمة: ملقييت متزوج غير هاادي 
عماد: ههه كوني هانية ماشي مرتي غير هي لاسقة على واالو وصاافي انا مرتي حسن منها
فاطمة: (ميقت) دابا نشووفو بففف تزوجتي بلا شواري (جا عبد الله وسدو الموضووع ونور بقات واااقفة جااامدة وكلامو كيتعااود فودنيها مشات حدا كرسي وجلسات وعينيها مضببين معرفاا مديير حست برااسها وحداانية بزااف وحتى الا رجعت لامريكا معندها حد كولشي سمح فيها معا تزوجات لروسيا وطجت بااها متبري منها بسباب انتماءها لدياانة غريببة علييه او بالأحر كيكرها سنو غديير؟؟ تنهدت وفكرت قاطمة ناسيياها وللي كانت الحضن الحنين لييها كتزيييد تخنقها مشات نيشان لاوطيل باغا غير تحط راسها ترتاااح شوية...)

عبد الله: احم فاطمة نمشيو عند خويا ترتاحي تمااك
فاطمة: والله معرفت كولشي تبدل علية اعبد الله 
عبد الله: (خايف تعرفو تزوج) اممم غنمشيو للبرطما ديالنا
عماد: علاش دار عمي حسن وكولشي يرد لبال
فاطمة: واش بالصح اولدي نتا مزوج
عماد: اااه امي ونتي كااع للي ختاريتيلي لعرووسة ودابزنا كااع باش نتزوجها ولكن حيت نتي للي بغيتيهالي صافي قبلت وطلعت بنت النااس
فاطمة: انا نزوجك هههه لا هادي منتيقهااش وانا نسخى بييك باش نعطيك لبنت لمرا تبعدك علية
عماد: لا لا خااصك تفكري نتي كتحمااقي عليها وعلى ولادي
فاطمة: ووااالد؟؟؟
عماد: جووج صفوان وصفااء ومرتي سميتها رقية
فاطمة: انا نختاارلك وحدة سميتها رقية نووو ميمكنش
عماد: (تفكر نخار قالها بغيت نتزوج رقية وعيباتلو على سمية بحال داابا حس بفلم الخلعة حلقاتو كيتعاودو) لاااا اربي قاابل بكوولشي ولكن نعاود نفس العذاااب لاااااا
عبد الله: هههه فاطمة علاش ماالها سميت رقية زويينة بحال سميتك
فاطمة: (عوجت فمها) اممم وشي زيين بعدا!!
عماد: (باا ميحس) كتحممممق عندها وااحد ضحييكة كتساالي معاايا
فاطمة: (ميقت فيه) صاافي مشييت علية اولدي عاد لبارح خليتك صغير وفقت لقيتك مزوج بولادك
عماد: لا لااااا كولشي برضااك الواالدة انا عجباتني حيت كتشبه ليك شوية اما نتي هي الكل فالكل (مبغاهاش تكرهها)
فاطمة: (برضى) الله يرضي عليك اولدي (مشاو لدار اب يونس تماك كان الاستقبال شي عرفاتو شي لا واهم حااجة شافت عزيزة ودارت ابتسامة صفرا حيت من شحال معندهاش معااها)
عماد: هادي هي نسيييبتي الواالدة؟؟
فاطمة: (طرطقت عينها) تزوجت بنت عزيزة؟!
عزيزة: اهلاا بلالة فاطمة وعلى سلامتك تخلعنا علييك
فاطمة: (مبقت فيها ) متشوفي بااس اختي عزيزة (جرها عماد ودخلو للداخل وهي كتويل فخاطرها على هاد نسوبية ولكن منين كتفكر كلامو وهي للي ختارتهالو كتشكك فراسها وكتقول يمكن مع الاياام تحاابو دخلو للصالون وبقات فكرسيها المتحرك وجاية رقية بقفيطينها وجارة لولاد معاها والابتساامة على وجهها تحنات وباست يدها)
رقية: هلى سلامتك اخاالتي كيف بقييتي
عماد: (حط يدو على كتف رقية) هادي مرااتي روقية
فاطمة: (سكانتاها عاد طلقت ابتسامة) زويينة نتي بنت عزيزة كاع محسابلي والدة الزين
عزيزة: ههههه (جاتت تعطيها خو جوابها وعماد توسل ليها بعينييه) عويناتك احبيبتي 
رقية: (جابت بلاطو فيه ماكلة وبقات كتوكلها وتظحك وتعاودلها على طرائف صفاء وصفواان وعلى مغمرااتهم معاها للي جابتهم من رااسها وهادي كانت خطة من رقية باش تقربها ليهم كاملين) 
فاطمة: (كتاكل وتظحك وعاجبها الحال مع العائلة للي كولشي ضاير بيها ومهتم بيها ظحك مع للي كتعرفو والوجوه الجديدة كتميق فيهم...) ولدي بغيت رتااح
عماد: (جرها لبيت للي خصصوه ليها هزها وحطها فلفراش وتبعاتو رقية وعطاتها دواها ونعسات فلبلاصة خرجو وهوما كيتبسمو) مصااائب قوم عند قوم فوااائد
رقية: هههه لعفووو مع هاد مك..

نور: (مشات لوطيل فين كانت مقييمة ودخلات للادارة تسنات حتى جا المدير) احم ممكن نشوف كامرات ديال لوطيل
المدير: (جاه طلب غريب) اكييد لا ولكن علاش
نور: عفااك انا تنصب علية هنا فلوطيل ديالك
المدير: فاش؟؟
نور: فزوااج 
المدير: ميمكنليش انسة هادي كتبقى من اسرار لوطيل خاصك اذن من لبوليس
نور: (بقات كتبكي) عفاااك كنقوولك تنصب علية من نااس قرااب لية لبوليس معندو باش يفيدني حيت هوما بوليس اصلا
المدير: ديري شكوى فالقنصلية التابعة ليكم 
نور: عفاااك عاوني مبغيتش تسجيل بغيت نشووف راه شككوني فرااسي وحمقوني
المدير: (بقات فيه) واخا هو ماشي من قانون لوطيل ولكن بفففف وااخا (هز تيليفون وصونا على للي مسؤول على لكميرات شاف فنور) نهار بالظبط!!
نور: (بلهفة) نهار الاحد 28/3 مع 8ونص بالظبط فالجردة للي حدا لابيسييين
المدير: (عطاه المعلومات وقطع) اول مرة نسمع بييك شحال ونتي مقييمة هنا؟!!
نور: شي 15 اليوم
المدير: اممم وكفاش تنصب علييك؟؟ (شافها سكتات وحنات راسها) كنظن من حقي نعرف حتى انا درت معاك بليزير للي كان غيااخد وقت كبيير منك وممكن نوقف معااك الا كان بالصح تنصب علييك.. واش هاد زواج عطيتي فيه شي فلووس؟؟ او تفلى علييك زعما طمعك بزوااج وخدا للي بغا؟؟؟
نور: انا ك.. (دخل للي وصاه فيدو يوس بي حطولو ومشا.. هي غير متبعة شافتو برونشاه مع لاب توب ديالو وكيقلب شافتو دار حركة فوجهو) شنوو
المدير: هاد التوقيت بالظبط للي عطيتيني الجردة كانت خاوية (دور ليها لاب توب كتشوف ممتيقااش شافت فتاريخ شافت فلوقت كولشي هوهو ولكن الصورة مزورة) توقعت هادشي
المدير: (هز حاجبو) يعني بغيتي تقولي شي واحد من خدامة ديال هاد لوطيل زور هادشي
نور: (بتنهيدة) كان هدا هو الامل الوحييد للي عندي
المدير: انا معرفتش شنو للي خلاني نتيقك وهاكا غنعيط على المسؤولين للي هنا وللي دار هاد الجريمة غيتعااقب وندخلو الحبس
نور: لا عفاااك مبغييتش نقطع لشي وااحد رزقو وانا عاارفة شكون من مورا هادشي
المدير: لا غيتقطع ميمكنش نخلي ناس عندي بحال هاكا فهاد الاوطيل للي من ديما السمعة ديالو عند كولشي
نور: (وقفات) لا عفاااك مبغييتش.. (خرجات كتجري وهي عاارفة يوونس من مور هادشي حيت عماد عندها طوب ديال النية ميمكنش يفكر هكا اما المدير بقا كيفكر شوية عاد هز تيليفونو وصونا) صافي راه قضينا الغرض
يونس: العز اخااي ايوووب 
المدير: ياا خويا للي يشفوها ميقولش يخرج منها هااكا
يونس: اوا راه مزال بيدييك تشوفها كبغييت ياله تلاح شاافك طبييب (قطع وقال لعماد على كولشي)
عماد: بففف تلله يرد بييها مكاانتش هااكا
يونس: ياكما حنييتي القطيطة
عماد: خريت انا راه جاتني بحاللا حماااقت راه كانت وحدة فشكل بففف جاب الله مكملتش معااها
يونس: وي مهم انا غنمشي نهز مرتي ونمشي لدواااري توحشت دااري ياا خويا 
عماد: سعدااتك انا مزاالة مشاابكة عندي 
يونس: الدار دااركم 
عماد: والله معرفت حااير بزااف 
يونس: باغي تدي مك عندك للدار وخاايف من رقية 
عماد: اه وللي خايف كتر هو الوالدة تعااود داك لخلييع 
يونس: نجييك فااص مك راها مزياانة فدار با والا مرتاحتش بااك راه عندو الدار والسيدة للي جبتو كتقابلها مهم نتا متقطعش رجليك وكل نهار سيير ومتنسااش راه الا عاودتي داكشي ديالكم بحال خويت لما فالرملة مك تحملها نتا ماشي ديك بنت الناااس..

عماد: انا راه اول واحد غنعاارض هاد الفكرة ولكن كتبقى فية شوفتها هكااك 
يونس: فااهمك ولكن غير باش تبعد من لمشاكل خااصك تناازل على شي حواايج ودار باك سير بات فيها مرة مرة على ميوثل الوقت للي غتسافر فيه.. ياله تلاااح (دخل للدار كيقلب على عيشة ملقاهاش طلع للبيتو لقاها كتبقشش تحت النموسية) اش تمااك المشيشة دياالي
عائشة: (مخنزرة وهزات تصويرتو مع ناريمان كانو معانقيين) اش كدير هادي هنا!!!
يونس: (شد من عندها التصويرة وشاف فيها) قديييمة هادي
عائشة: بالصصصصصصح حسابلي عاد مصورها قبيلة وهضر ازمر هادي لاش مزاالة هنا ولا مسخيتيش بالذكريااات
يونس: (تكا فبلاصتو ناشر رجليه وغمض عينو) 
عائشة: كنهضر معااك ايوونس علاش تصااورك مع ديك زبل مزاال مخبعهم
يونس: (حل عين وحدة) واش بنيتك اعيييشة!!!! انا هاد لبيت منعستش فيه منين رجعت من ألمانيا
عائشة: كداااب شحال من مرة كنتي كتجيلو
يونس: كنت كنجي نعس ماشي كنت كندير فوااطة ونخمل لبيت منين لقيتيهم لوحيهم
عائشة: لا هادو للي غنورييهم للقاضي منين غنشد عليك الخياانة
يونس: تأءء ونهار تشدي الخياانة انا نعطييك تصااور حسن من هادووك
عائشة: كتعصبني ياااك!!
يونس: عييشة نوضي لبسي لولاد نمشيو للدار
عائشة: خلينا نباتو اليوم وغدا عاد نمشييو
يونس: لا وزايدون باغا تنعسي فالنموسسية للي كنت كنعس فيهم صحابااتي 
عائشة: (خنزرت فيه) باااااز نتتا راه خااصك ترجم
يونس: وا سييري ابنتي لبسي لولادك باش نمشييو نسمعو غوااتك هاد الليلة شوية احح وشحال تشهييت مك
عائشة: والله لا حلمتي بيها ونورييك صحبااتك 
يونس: اممم حلفي حتى تشبعي ابنتي ومنك هاد الليلة مطااالق....
~~~~~~~~~~~
رقية: (من بعد مرجعو للدار) ناااري بقى سطح محلووول؟؟
عماد: امم (حك فروة راسو) انا للي نسييتو
رقية: زمر علييك شووف الدنيا شحال تغبرت
عماد: نتي نعسي صفااء انا نبدا نجمع معااك
رقية: (باستغراب) شي فييل تعوق ولا شي نملة تشللات
عماد: غير جحش فهم رااسو وهاانتي كتقللي منو وغيدير فيها حماار ويتركن فشي قنت 
رقية: ههه لا لا لااا صاافي سير بدل حوايجك ونورييك منين تبدا
عماد: (تبسم وشد من عندها فوااطة للي جابتهالو وكظحك غير دخل لبيت بقا كيدعي) الله يغبر لمك ايوونس قالك جنتل ماان هاحنا وليينا على خر ياامنا الضااوية ولا بسين هاد **** (لبس بيجامة ديال الدار وفلفووق الطبلية وخرج قلب على رقية لقاها كتنعس صفااء وصفوان نعس.. خرجات كتسلت لعند عماد شدات فيه بالظحك مزيان عاد بداو التخماال غتموها بتسييقة عاالمية كمل هو الجردة وهي دهلات تقاد شي سندويتشات دخل وحاالتو بلغباابر) نااري وتشوفني مك على حاالة فين ردييتك
عماد: وماالي شنو درت كنعااون مرتي حبيبتي
رقية: امممم هادشي فشكككل قولي ديك نور غبرت 
عماد: وبغيتيني نقلب عليها؟؟
رقية: صافي نسا سير دوش باش تجي تااكل
عماد: حسن ندوشو بجووج
رقية: (ميقت فييه) ويلا فاق شي واحد من دراري
عماد: قلت غندوشو ماشي غندهلو كوومة انا سبقت ازيين متعطلييش باش منتعطلووش (غمزها وزااد كيفك الطابلية....)

نور: (جالسة فالجردة فين دارو العقد وكتفكر ففرحتها للي كاانت كبيييرة ولكن منين هو سنا مكيهمش الطريقة كفاش سنا المهم كان راجلها فهاد المدة واخا كدبو عليها وخدعوها كانت مرتاااحة وكان حلمها توصلو اما داابا بعد عليها بعد سما والأرض ورجع من ساابع المستحيلات يكوون لييها.. جاتها تبوريشة ديال لبرد وتكمشت نااضت دخلات لوطيل ونيشان للشومبر ديالها مكرهتش تمشي غير عند فااطمة واخا حاسة براسها غضبااانة منها حيت هي للي عمراتلها رااسها بعماد حتى ولات كتهتر بييه وطيحات كرامتها بزااف علييه ولكن بغات فاطمة حيت هي الوحيدة للي كتحس بيها وتسول فييها وتحن علييها...)
~~~~~~~~~~~~~
دازت سيماتة والاوضااع مزياانة بين يونس وعيشة وعماد ورقية ولكن عند ندى كانت منهاارة كتبكي منين قالتلها طبيبة عندك تكيس المبييض وخاص وقت باش يبرا
فهد: (عيا يسكتها ووااالو) وزمر صاافي شنو هاد لخرا للي قالت راه مفهمت حتى وزة ومخليتيها حتى تشرح
ندى: (هزت رااسها بشوية ووجها عامر دمووع) هي مغنولدش كااع داابا فهمتييها
فهد: وانا كاع مبغييتك تولدي انا بغييتك غير نتي
ندى: (رجعت كتبكي بحال شي بيبي لدرجة تخلع علييها)
فهد: (حنى على ركابيه) ندى براااكة من لبكى شنو قلنا هاد ليوماين وزايدون هي قالتلك خاصك تبعي دوا 
ندى: (كتحرك راسها بلا) غير كلااام (حيدت يدها من على وجهها هزت صاكها حداها وتمات غاادة وهو تاابعها خرجو لبرا وجرها) فهد خليني بووحدي
فهد: لا 
ندى: (بصوت مخنووق) عفاااك
فهد: لا هي لا معندك فين تمشي ندى بفف (بغا يرطب معاها ولكن تفكر راسو فالزنقة) اجي نركبو غير فالطموبيل 
ندى: لا عفااك مخنووقة
فهد: اجي غير ركبو ونديك لأي بلاصة بغييتي (حركت راسها بلا ودموعها شلال) علاش كتحسسيني بحال نهاية العاالم
ندى: حيت هي نهااية العاالم فعييني ومكرهتش نمووت علاش كنت باغا نعيش مكاينينش علاش نبقى حية كنتعذب
فهد: وأنا!! 
ندى: نتا سير قلب على رااسك اولد النااس وشوف للي غتولد ليك ولادك
فهد: (تعصب ولكن مقدرش يغوت عليها حيت عاارف هاد لكلام ماشي من قلبها او كيتمنى هاد لكلام متكونش كتعنييه) ندى اجي غير للطموبيل (جرها من يدها ودخلها ركب وزااد معصب ولومبوتياااج فطرييق ممخليهش يتحرك على خااطرو وللي زاد عصبو هو بكااها للي موقفش بقا غير كيسب فالناس ويكلاكصوني حتى خرج من زحاام ومشا نيشان لطرييق خاوية حدا الغاابة ووقف الطموبيل دار عندها كوولو كيشوف فييها) شوفي فية اندى
ندى: عفااك ديني لادار افعد مافيا للي بهضر
فهد: لا هضري علاش هاد الحاالة كااملة وفين داك الايمان بالله واش انا للي كنت هاكا غتبغيني ندير فراسي هااكا
ندى: (بعياء) فهد نتا فااهم موضوع لحمل شحال كان كيعني لية واش باغيني نتقبل الأمر عاادي راه كنحس راني بناادم ماشي حجر
فهد: مقلتش العكس ولكن علاش هادشي كاانل واش وجوودي معااك مكافيش؟
ندى: متخلطش الاموور الا بعيت هاد لولاد راه بغييتهم معااك بغيت نفرحك ونفرح رااسي
فهد: وانا فرحان ومرتاح حيت معااك ولولاد.الا الله ممكتبهمش لية مباغيهمش 
ندى: (سكتات كتشوف قدامها) انا باغا لولاد باغا نحس براسي أم مشهية نتعذب نحمل ومولد ومرضغ ونربي بااغا نكون مرا كاااملة واخا الكمال لله بااغا نحمل افهد (شافت فيه بنظرة طيحات فيه النص وعزااات فيه...)

فهد: (شد فيدها) عاارف وحتى انا باغي نكوون اب ولكن مخلي ربي هو يقرر الا كان عندي فيهم الخير يا رب يكتبهم علينا اما الا مكانش فيهم الخيير اندى.. المهم هو نتي عندي وبااغي نرجع لطريق الله ونتووب منكدبش عليك هادشي للي هاامني هو نخلي لوجه باش نلقى الله
ندى: (شافت فيه باستغرااب واش هدا هو فهد للي كان اكبر ولد الطييط ومققطر) نهار اللول للي بغيتي ازوجني فيه قلتيلي بغيت نكمل معاك ديني وندير وليدااتي
فهد: والحمد الله مناادمش علييك وعمرني كنت لقا شي مرا بحاالك 
ندى: كنهضر على لولاد افهد
فهد: اماالك ازمر طبيبة قالت ليك عندك تكيس ماشي عقم 
ندى: فهد انا عندي 33 عام فوقاش غنداوا وفوقاش غنحنل واش حتى تكون عندي 40
فهد: (خسر كمارتو) مكنعرفكش بهاد العقلية اندى
ندى: انا كنفكر بعقلي افهد
فهد: ندى كرهت لولاد مبغيتكش تحملي وكوني هانية عمرني شي نخار غنقولك بغيت لولاد وعفاك متقلبيهاش دراما وتقولي نوض تزوج وخرا وداك الهيت الخااوي وهاد الموضوع هنا ساليناه ونتي غتعاالجي ماشي حيت باغي لولاد لا حيت بااغي صحتك تكون ديما مزيانة تفاهمنا (لا رد منها.. دور وجهها بيدو وشاف فعينيها لمدمعين) تفااهمنا!!!
ندى: (بغات تحاايد يدو ولكن كان مزير عليها وشافت فعينو نظرة جدية معمرو كان فيها) فهد راك قصحتني
فهد: هي الا فهمتيني اندى مباغيش نتعصب علييك خلينا عايشين ترونكييل انا بااغيك نتي كيف ما بغيتي تكووني 
ندى: (سكتات) صافي طلق افهد
فهد: (طلق من وجهها وتبدلت نظرة عينو لتوسل) ندى متصعبيهاش علية راه غير نتي للي عندي
ندى: (محسات حتى عنقااتو ودخلاتلها طااقة ايجابية كبييرة منو طلقات منو ورجعت لكرسيها وسكتات.. تفهم سكوتها ورجع سايك لدارهم حتى نطقات) شنو نوجد لعشا
فهد: متعيش رااسك احبيبة ليوم غنعرضك لاحسن ريسطو
ندى: اممم عرض مغري
فهد: وضحكي ازمر باش نرتاح
ندى: هههه فهد سمحلي مكنتش باغا نتعصب علييك ولكن راه متقبلتش هضرتخا كان عندي امل تقولي راك حااملة وهي تصدمني
فهد: وقااتلك داكضي عاادي بففف صدقتي دراامية ابنت الغبد وشحاال بكااااية
ندى: (شقلبت عينها) بصحتي
فهد: بصحتك الالة غير حااولي على هاد لقليب رااه دميعاتتك كيطيبوووه
ندى: (ميقت فيه وهي فرحاانة) عنييييبة
فهد: ياااك لمك
ندى: انا غنهضر مع خالتي عزيزة قالتلي غتقادلي شي مسااخن وقالتلي دوا لعرب حسن لي من دوايات صبيطااراات 
فهد: غير متكتريش على راسك احبيبة

نور: (سيمانة وهي غير فلوطيل كتخرج تااكل ودخل لشومبرتها تعتااكف وتفكر فهاد الوقت كاامل للي دوزتااتو فهاد لمديينة وداااز غير ضاايع ماا هي مزوجة بالرااجل للي بغااتو من قلبها ماا هي بكرامتها للي طيحات على رووحها الدل وعلى الخااوي ناضت كتستغفر ودخلات للدوش غسلات وجهها خرجات لبسات حوايجها وقدات شاالها وخرجات لتحت تعشا حتى فكرت مااكلة لوطيلات طلعات ليها فراسها) صاافي مبغيت واالو
..: اوكي مدموزييل على رااحتك
نور: (وقفت وهي مرخية مشات لباركينغ ياله غتركب وهي تلقى المدير حنات رااسها وركبت حتى دق عليها الزاج وهبطاتو وهي مرضيااش تشوف فييه) احم ويي
ايوب: (مدير لوطيل) قلتلك السلام مرديتيهاش علية
نور: مشفتكش
أيوب: واخا شفتيني داابا (حنا راسو بابتسامة) سلااام انسة نوور
نور: (جابلعا الظحك وتبسمت) سلااام 
أيوب: (عوج رااسو لجهة اخرى بطريقة مظحكة) لبااس عليك انسة نوور
نور: هههه الحمد الله
أيوب: اووو وكتعرفي ظحكي (لا رد منها) احم بابنة غتكون ماكلة لوطيل طلعاتلك فرااسك 
نور: (خرجت عينها) باش عرفتيها
أيوب: حيت سيمانة كنقول اليوم تخرج دابا تخرج ووالو اختي واش تحركتي كان غيشدني اكتئاب الا زدتي دقيقة هنا
نور: كتبعني؟!!!!
المدير: لا كنرااقبك غير من لبعد
نور: وعلاش ولا ياكما نتا من كرفهم وخاافو نرجع عندهم قوولهم صاافي تهنااو مني (غوبشت ودورات السااروت) غتسمحلي نمشي من هنا 
أيوب: هااا لوجه رجع عاد كنتي ظااحكة
نور: وجهي وأنا حرة فيه
أيوب: بشوية عليك ونتي غطرطقي (طلعاتو وهبطاتو وديمارات مخليااه متبعها) اه اه قوييسحة مع رااسك بففف مكنحملش لبنت تكردعني (ركب وبقا متبعها حتى شافها دخلات لبلاصة شعبية وغير مبانلها تمشي تاامل من بلاصة خاانز وبنين تعجب فيها حيت قلب عليها وبحث هي وحدة ميسوورة ومحركة خدمتها غير بالتيليفون اش جاب وحدة كاابرة فميريكان لهاد لبلايص هبط وهو مشمئز من هاد لبلايص ورواايح لحق عليها حتى وقف مستغرب) شنو كديري هنا!!!
نور: (تزعزعاات) هاا نتا للي شنو كدير هنا واش كتبعني
أيوب: وراه باينة كنتبعك واش بعقلك جااية تاكلي هنا راه غير غتمرضي
نور: بففف انا باغا نااكل هنا نتا شنو مشا لييك؟؟ (دارت عند مول لكرووسة) صايبلي نص ديال الصوصييص (صايبلها وعطاها كتاكل بشوية وتبنن حتى كملاتو على خااطرها)
أيوب: صاايب جووج نصووص
نور: انا شبعت مبغيتش نزييد
أيوب: أنا مصاوبو لية (تعصبات خلصات ديالها ومشات ركبات فطموبيلتها حتى لحق وركب معااها مد ليها نص) مصاارن النملة دابا هداك شبعك ونتي حتى لغدا منزلتيش تغدااي
نور: علاش كتبعني انا راه كنت تابعة عماد حيت حساباي مزوجااه وهوما لعبو علية ودارو داكشي غير باش نتناازل على المحضر
أيوب: انا مسولتكش انوور ومعاارف واالو والا بغيت نعرف غنعرف منك وبيني وبيينك انا لباارح مكنسولش عليؤه ديما عايش غير على اليوم وغدا
نور: انا منصاتحش ليك
أيوب: نورماال انا للي نحدد وزاايدون انا بااغيك كصدييقة لية 
نور: وعلاش ختاريتيني انا
أيوب: هكاااك (دورات وجها وهو ضرب شوية فلباب للي حداه وكينعل راسو على كلمة صدييقة مينكرش هو عاجبااه وزيد كلام عماد للي قالو هي مزيانة وملتازمة غير شي سوء تفااهم بيناتهم يعني مسودش ووجها حيت قال ربما تلقى حظها مع أيووب للي صااحبهم ومحتاج شي وحدة بحال نور تكون أب لبناتو من مرتو للي مااتت...)

بعد مرور 20 يوم
فاطمة: وهاد لمرا شفتها كااع مجات تزوورني
عماد: (كيشوف فيها باستغراب وشاف فرقية لليمعاهم ومشات غير لكوزينة باش تحط لغدا) احم الوالدة كيضرك شي حاجة؟؟؟
فاطمة: (كتشوف فرقية) لباااس (شافت فطبسيل ديال لغدا) مفية للي يااكل
عبد الله: ياك نتي طلبتي دجااج
فاطمة: لاااا انا اصلا دايرة رييجييم
عماد: (كيتشاوفو بيناتهم حيت 4 ايام وهي كدخل وتخرج فلهضرة ودغيا كتنسى) واخا ولكن هاد نهار غير كولي شوية
فاطمة: لا لا بغيت غير نعس (جات تنوض ومقدااتش حيت رجليها فاشلين حتى شدها عماد وخداها لبيتها نعسها ورجع عندهم)
عماد: حالتها معجبانيش
عبد الله: نيت مبقا واالو وغدا غنمشييو
عماد: (مبقاتلو شهية للماكلة) غير كولو بصحتكم حقا الواليد شنو غنديرو فقضية منى
عبد الله: ضروري خاصها تمشي معانا حيت هي كتعاونها بزاااف وميمكنش نطلقها
عماد: مهضرتش على كلاق ولكن تماك راه كيعتارفو غير بوحدة والوالدة عندها لورااق اما منى مزاال
عبد الله: هوما مكيسولووش شكون مرتك غيرهوما ميبلغووش علية تمااك هههه
عماد: (تبسم) انا خاارج نقضي شي غرااض (دوزو نهارهم كيجمعو معاها حتى لصباح مع 6 وركبوها نيشان لامريكا فين غتعاالج مزياان وأملهم كبيير تعالج تمااك..)
~~~~~~~~~~~~~~
يونس: (داخل من لخدمة مسخسخ مكيشوفش قداامو بكترة لعيا داز من حدا لكوزيينة كيتفااجأ بعيشة واقفة موجدة طبلة ديال لفطوور مشا جيهتها وهي مستقبلاه بابتسامة..هز حاجبو) درتي شي كاارثة عااود
عائشة: وااااه ديما كظلموني هااكا
يونس: مظلمتكش احبيبة غير فايقة مع 6 كتقادي لفطوور بلا سلاح جاتني غرييبة
عائشة: (مشات جلسااتو وعنقااتو) عاارفك كتبغي تفطر بكري ومن داابا غنبقى نفيق نوجدلك لفطوور
يونس: (تبسم) بحاال باغا ترجعي لاخدمة
عائشة: مكرهاش والله مكرهت ولكن كولشي بخااطرك
يونس: ((بقا كيفطر) انا كتهمني غير صحتك احبيبة نتي للي غتكرفسي (شافعا دلات شنايفها) انا غنشووفلك شي حل زويين
عائشة: كفاش زعما
يونس: نتي غير متخمميش فهادشي انا غنقاد لمشييشة ديالي كوولشي ولكن بشرط
عائشة: متقوليش ندير النقااب
يونس: هههه مصالحش مع خدمتي ازيين اما مكرختش نحبسك متخرجييش كااع
عائشة: اييخان لوااه
يونس: (خرج عينو فيها) فمك اعييشة
عائشة: وغير بيناتنا اصاااحبي (بقات كتنقب معااه)
يونس: اممم الشرط هو تهتمي بداارك اعييشة 
عائشة: اه فهمت كوون هاني يونس: انا تزوجت باش نستاقر فداري ماشي هاني فلفيرمة هاني فداركم عاني فدار با وداري مسوورتة نبدلو الجو مرة مرة مافيها باس ولكن ماشي نكترو 
عائشة: والله حتى فهمت داابا كمل فطوورك على خااطرك (ناضت وجدات طاجين وطلعات لسطح حتى تبعها حيت عارفها كيعجبها طيب طاجين على لفاخر شعل ليها لمجمر وحطو الطاجين وهو داايخ بنعاس هبطو بجوج ينعسو على ميفيقو لبز وتنوض هي وهاكا دوزو أياامهم حتى لقالها حل مع الخدمة هي ورقية حيت وجودهم ماشي مهم فالشركة ونهار غيجي شي وفد عاد خاصهم يحضرو ولا شي عقد خاصو يترجم ولباقي غيخدموه فالداار...)

فاطمة: (كتشوف فمنى بنص عين) عبد الله هاد خيتنا علاش جات معانا وديك لبنت كتشبه بزااف لعمااد
أميمة: (مشات باست ليها يدها) عقلتي علية امامي
عبد الله: (طرطق عينو فمنى باش تهز أميمة) سيرو لبيت
فاطمة: (شدات أميمة وطلعاتها لفوق حجرها) خلي لبنت وفهمووني عبد الله واش نتا غلطتي مع (خنزرت فمنى) هادي
عبد الله: لا حتى هي تزوجتها
فاطمة: (بصدمة) مزوج علية!!!!
منى: ختي فااطمة انا ويااك راه كنا صحابات ونتي بيدك لي زوجتيه لية حيت بغيتيه يزيد يولد واخا هو مبغااش مرضتي بزااف حتى واافق
فاطمة: (شافت فعبد الله ودار براسو اشارة وعلى وجهو داير ماسك البرااءة ولحنية حتى شكات فرااسها) لا لا انا نزوجك وبيدي
منى: سولي اختي فاطمة العائلة للي نتي خليهم يقنعوه كنتي باغيالو غير لخيير اما نتي هي مولات الرأي وشواار
فاطمة: (كانت غتعرعر ولكن شككوها فرااسها وسكتت كتميق فييهم شافت فءميمة للي مخشية فيها وكتزيد تأكد ان بيناتها هي وهاد لبنت حناان) لا لا هادشي بزااف 
عبد الله: مبزااف واالو الالة فاطمة وحتى وحدة متجي فبلاصتك ومنى نتي وياها بيناتكم صدااقة وعلاقة زويينة احم منى نوضي جيبي دوا ديال فاطمة
منى: (بابتسامة) الله يشاافيك لينا ويخلييك لينا (ناضت وهي مبتااسمة لفكرة رقية للي خلات فاطمة مهدنة وشااكة فرااسها)
فاطمة: (كتفكر فهادشي وهي ممتيقاش راسها دارت هادشي وزوجات رااجلها وهي كتغير علييه وكفاش قضية بغات ليه ولاد ولكن قنعوها وسكتات شربت دوا للي 5 دقايق كيخليها تنعس باش تريح راسها من التفكيير اما هو عاد تنفس الصعداء من اكبر حاجة كان خايف منها...)
~~~~~~~~~~~~~~~~
أيوب: (لبس كلاس وشرا باكية شكلاط وبوكي فلووغ وقصد باب شومبر ديال نور قاد كول الشوميز ديالو ودق عليها بشوية تعطلات باش خلات علييه شافها ومن لباسها عرفها كانت كتصلي) احم الله يقبل
نور: (تبسمت) أمين (شافت فيدو للي عامرين)
أيوب: اممم ندخل كنت قلتلك بغيت نهضر معاك فموضوع مهم
نور: (فكرات شحاال ومن يدو تلمح ليها شنو الموضوع) أيووب حنا غير أصدقااء
أيوب: وحتى منين غنتزوجو غنبقاو أصدقاء (دفع لباب بشوية ودخل وخلاها كتبلق فعينيها) خلي لباب محلوول باش متسمااش خلوة ولا عرفتي عاد الحلسة غنسميوها الرؤية الشرعية
نور: (تبعاتو لقاتو جلس وحط الشكلاط ولبوكي) أيوب واش نتا عارف شنو كدير حنا مكملاش حتى شهر باش تعارفنا
أيوب: عرفتي بناتي سولو علييك وأول وحدة غيسولو عليها من لبنات للي كنورييهم اذا نتي للي غتليقي ليهم ولية
نور: اه بغيتي نكون أم بنااتك
أيوب: اه وبغيتك تكوني حتى مرتي ولكن حتى يكون اقتنااع منك انا بناتي كنتمنى متخيبييش أملهم فييك ياك نتي بااغا يكونو عنك ولاد ه جوج بنات واجداات ومعاهم رااجل هدية بروومو مغتندمييش علييها غير تيقي فية
نور: هههه لا نتا بزااف (تحولو ملامها لجدية) نتا عاارف شنو دااز علية
أيوب: شنو قلت ليك حنا ولاد اليوم ماضيك وماضية معندهم علاقة فهاد زوااج
نور: (ممتيقاش من بعد هادشي للي دااز وعماد للي كرامتها ولات جفاف على قبلو وكولشي كيكرها كااين واحد بااغيها وعاد كيزيد يقنعها بيه) معرفتش أيووب زوااج هدا ومبغييتش نعاود شي تجربة فااشلة
أيوب: سيمانة انور فكري فيها على خااطرك ولكن بطلب ونتمنى تقبليه
نور: شنو
ايوب: انا مسافر سيمانة وبغيت هاد السيمانة نأمنك على بناتي تجلسي معاهم فالدار تعرفيهم مزيان ويعرفووك 
نور: لا لا منقدرش
أيوب: نور (تنهد) بلييز قبلي

أيوب: بلييز قبلي
نور: أيوب عفاك مظغطش علية نخااف راه مسؤولية كبييرة
أيوب: يا لالة انا تاايق فييك وباغي بناتي يولفووك
نور: نتا بااغي مربية لبنااتك
ايوب: متخلينيش نتقلق منك انوور انا راه قصدي من اللول هو نتي ولكن باش نعيشو مرتاحين بغيت بناتي حتى هوما يبغيوك اما بناتي راه عايشين مع جداتهم وخولاتهم وعماماتهم راه فايضين حنان غير انا بغيت مرا تكون فجنبي وفنفس الو قت تبغي بناتي وبالنسبة لهاد الزربة مجيتش وزربت غير هكاك راه شهر وانا تابعك ومشكلتك داازت فالماضي وشحال من مرة قلتي ندمت وتسرعت وهادشي يكفي 
نور: (حيرها) زعما!!!!
أيوب: (تبسم) غير زعمي الالة
نور: خليلي وقت نفكر
أيوب: امم اوك حنا غنبقاو نهضرو فالتيليفون باش نزيدو نتعارفو كتر 
نور: واخ (وقفت زعما نوض وقف حتى هو) شكرا على لورد
أيوب: نتسنااك نتعشاو (جات تهضر) بلا اعترااض خاص ضرووري نتعشااو باش نتافقو على الخطووبة لي غتكون بعد غدا غير هو معندكش شي واحد نخطبك من عندو
نور: (جاتها لبكية وحنات راسها) خالتو فاطمة للي كانت عندي مشات تعالج فأمريكا
أيوب: الله يشافيها الا معندكش مشكل نديرو خطوبة فدار الواليدين دياالي ومنها يتعرفو علييك 
نور: هااا!!!
أيوب: مزياان منين وافقتي 8 غندوز عندك باش نمشيو نتعشااو (تبسم معاها وخرج خلاها حاايرة فهادشي لي وقع..)
~~~~~~~~~~~~~~
يونس: (جالس كيلعب مع ولادو فالجردة للي كاينة فالمجمع السكني حتى كيقشع شي وحدة ملتمة كدور تمااك وبحال تاالفة بقا حاضي ولادو يلعب وبنص عين حاضي ديك لمرا حتى شافها ركبات فتاكسي بيض ومشاات مسوقش وبقا مع ولادو كيلعب حتى تسخسخو وداهم للدار) عوييييش
عائشة: تعطلتو خليتوني بووحدي اتشووووو (مسحات نيفها)
يونس: واش باقا مريضة بزااف احبيبة 
عائشة: قتلني هاد روااح بففف غير كيدخل ربييع كيوقعلي هااكا
يونس: ياكما حساسية خاص نمشيو طبييب
عائشة: لا داك العام دوزت عليها غير رواح عاادي (شافت ولادها للي نعسو) مسااكن نعسو بلا ميااكلو
يونس: كلاو ديك مدلين للي عطيتيني وشربو حلييب (هزهم ودخلهم لبيتهم ومشا عند عيشة للي مكمشة قدام التلفاازة) نجييب لحبيبو شي حاجة ياكلها
عائشة: مكرهتش راني ممطيبة وااالو
يونس: صافي انا نخرج نجيب شي حاجة تقصاا صوني علية الا بغيتي شي حاجة (باسها وخرج عند عمااد كيعاودلو عللى لمرا لي ولا شافها وقبل شافتها حتى عيشة ورقية)
عماد: عادي راه الناس رجعات كتلبس داك لباس بزااف
يونس: يمكن مهم صاحبنا ايوب للي قضالنا الغرااض بغا يتزوج
عماد: هههه سولني علييها قلتلو مزيانة ودااكشي خليها تغبر علينا النييت
يونس: شو لخيير فين عندنا ولكن بالصح ديك لبنت كانت كتجيني ماشي طبيعية ومرت عمي كملات عليها وخلاتها كتحلم بيك فايقة ولا ناعسة
عماد: هادي عندك الوالدة للي طمعاتها بزااف مهم انا معشي عند دار نساابي نخللييك
يونس: اشنو دااروها فرزياات وعلاش انا ممعيطينش علية
عماد: هههه بينااتكم ابيضاوة...

يونس: (دخل للدار لقا عيشة كتفرج حط لماكلة ودخل لبيت يبدل حوايجو وتفكيرو خداام حتى هز التيليفون وصونا) الو حناان
حنان: سلام سي يونس
يونس: سلام شوفي بغيتك تهبطي لتحت وت (دخلات عيشة بحال لعجاجة كتخنزر فيه.. زفر قطع عليها وشاف فيها) كضرك شي حااجة؟؟
عائشة: كضرني خياانتك لية
يونس: بففف رجعنا لهاد الهضرة دلحبس عااود اشمن خياانة ابنت النااس سيري تريحي انا جااي
عائشة: (بغيرة) ياكما ضيعت عليك لابييل ناري انا مكنسوااش كان خاصني نتركن نخلي السي سدالسيد حتى يكمل تمعشيقو مع صحيبتو عاد يجي عندي انا للي قدااميت
يونس: هاكا كتعصبيني اعيششة شحال من مرة كنقولك فهمي الحااجة عاد ديري ردة فعل دياالك
عائشة: وااخا (ربعت يدها) فهمني نشووف شكون هاد حناان عااود
يونس: (زفر ولبس كابيتشو وهو معصب بدل السرواال ولقاها كتسوف فيه وهي كتغلي) الله يهدييك اديك لبنت راه مكااين والو لبسي بعدا غير فرجبييك
عائشة: مااشي شغلك فية ايوونس ظابا هضر شكون هاد خيتي ولا والله منبقى دقيقة فهاد الدار للي دايرهالي حبس ونتا خاارج تمعشق وواخد رااحتك براا
يونس: يااك وصلنا لهااكا مكتيقيش فية
عائشة: (طرطقت عينها) لا لاااا اسييدي التقة فرجاال اووهووووو
يونس: (غووبش) شكون هاد رجاال للي كتعرفي
عائشة: انا كنهضر بصفة عاامة ومتبدلش الموضووع شكون هاد لخرا للي كنتي كتهضر معاها وكتقولها تهبط 
يونس: (شاف حتى شااف وعرف الا منطقش غتمشي على عينو ضباابة وعارفها عيشوورية وغيكبر الموضووع على وااالو) حناان للي خدامة عدنا فالفيرمة
عائشة: (شهقت) حنااان!!!! كتخووني مع حناان انا كنت كنتسنااك تقولي خداامة معاايا (نزلو دمووعها) صاافي ايوونس دغيا بدلتني ولا نتا فينما بانتلك شي خداامة كطييح معاااها 
يونس: لا حولة ولا قوة الا بالله العلي العظييم صاافي دغيا بدلتيها درااما
عائشة: غنبدلها جنااية الا مبعدتيتييش (مشاات جهة لمارية وحلاتو) هز علية شرااوطك وغدا نبغي طلاقي يكوون عندي هاد الدار معند الخواانة ميجلسو فيها
يونس: هههه شفتي من حقك ديري فية للي بغيتي انا للي بودنية كبر من لحماار نهار فكرتك بعقلك وكتبتلك هاد الداار
عائشة: انا للي بودنية تايقة فواحد كازانووفة كل مرة لقااه مع وحدة
يونس: انااااا
عائشة: عمرني نسمح لييييك (بدات تجبد حوايجو وتلوحهم فالارض مشا عندها وشد فيدها)
يونس: تقااي الله راه هضرت مع السيدة بغيتها فشي بلان ونتي دغيا درتي فيها فلم (بصبعو فجبهتها) خدمي شوية هاد المخ ونتي مخليااه باقي بمييكتو (مشا وخلاها ورجع شاف فيها) ديك رويينة نتي للي غنجمعييها ومنين تحضري عقلك شوية اجي نهضر معااك ونفهمك كوولشي المجنوونة بففف تاليتي معااك 36...

رقية: (خرجو من دار الحاج وراجعين لدارهم) ياااك اسيدي السيدة مكتزكلش الفرص 
عماد: صاافي نعتابروعا صفخة وتطواات
رقية: امممم اوا السيد خااصك تقولو شكون هي باش متبقاش على رقبتك
عماد: ايعوونو بحرهم الالة يقيلونا غير حنا
رقية: اممم.. عرفتي هضرت مع منى قبيلة وقالتلي مك اليوم بدات كتمشي لعند شي طبيب نفسااتي وفنفس الوقت متبعة مع شي طبيب 
عماد: قالهالي الواليد خلي غير نقاد.اموري ونقادلكم لورااق نمشيو فشي عطلة عندهم
رقية: نمشييو لميرييكان؟؟
عماد: اه
رقية: ايتووووب اييه على يااامك ارقية 
عماد: ههه حمقة نتي راه تستااهلي دوري العالم كاامل خااص غير لفلووس
رقية: هههه اوا بعدا مزيان منين بدات كتبرا 
عماد: الحمد الله حتى منى صدقات بنت النااس مقابلاها مزياان
رقية: كفاش منى صدقات بنت الناس راه حتى انا اشريف شحال قابلت فيها منين كانت كتمرض ولكن هي للي محملاتني مقبلاتني
عماد: وعلاش انا قلت شي حاجة اخرى انا كنهضر على داابا
رقية: اوا شوف نتا فين كتمعنيها (قلبت وجهها وهو مفاهم واالو غير وضلو خرجت وزدحت لباب مخليه واحل فلبراهش هزهم لبيتهم وهوما ناعسين ومشا يلحق يرغب فيها..)
~~~~~~~~~~~~
يونس: (شافها جات وجلسات وهي غطرطق كمل القص ديالو ودار عندها) كوولي بعدا
عائشة: (بنفخة) موكلاااش
يونس: بالرب ومتاكلي مغتسمعي مني حتى وزة
عائشة: (بكترة الفضول بقات كتنقب وهو كيوكلها بيدو حتى كلات) ياله دوي
يونس: سمعي مزيان انا هضرت مع حنان باش تهبط تشوف واش عتيقة مزال قلبيت للي انا حابسها فييه
عائشة: (حلت فمها بشهقة) عتييقة!!!
يونس: (قوس عينو فيها بحال كيقرااها) عارفاها تماااااك
عائشة: (هزت حاجبها فييه) منين بان كوولشي علاش مخليها عندك تمااك!!
يونس: (لعب بلسانو فوسط فمو) ميمكنش هاد المدة كاملة ونتي ساكتة ماشي ديالك
عائشة: كنتسنااك ايونس نتا تقوولي مداام مخليها عندك الا كااين شي سر تمااك ومبغيت ندير واالو حتى نعرف كولشي من عندك
يونس: (حرك راسو معجب) دابا عرفت عندك العقل هاديك خيتي منين متشداااتش بقيت متبعها حتى كلقاها كتحوم عليك نتي ولولاد رجعت شكيت بيها كيقولو ماشي دليل كاافي خفت تشمتني وتسبقني شي نهار ودير شي كاارثة الحل للي بقالي هو نحطها تحت عييني حبستها فلفرمة مع الاعمال الشااقة 
عائشة: حتى لامتى غتبقى حاسها تمااك نتا معارفش هادشي بحد ذااتو جرييمة 
يونس: زعزعتيتي اعييشة 
عائشة: يوونس كنهضر معااك بالصح طلقها من تمااك ومكيناش السيبة باش غتاذيني انا ولا ولادي
يونس: انا كنت شاادها حيت كانو كترو للمشاكيل وضروري ناخد احتيااطي
عائشة: طلقها ايونس من تمااك (حرك راسو باه وهز تيليفونو صونا على حنان)
يونس: هبطي شوفي ديك الكارثة واش راها فلبيت
حنان: (هبطت ودخلات عند عتيقة لقاتها فلبيت كتفرج فالتلفازة للي دارولها تماك وطلعتت للكوزينة) راها كتفرج اسي يونس وهي بعدا عمرها خرجات
يونس: اممم صافي بسلامة (قطع) كنت شااك فيها هي لي كتشوفوها ملتمة
عائشة: ومنين ماشي هي صافي خلي زمر تمشي فحالها...

يونس: غنخليها تمشي غدا 
عائشة: نمشي معااك.. عفااك نمشي والله مندير شي حااحة وكان بغيت نظيرلعا شي حاجة نديرها منين جات غندي زينب وقالتلي راه لقااتها
يونس: الله وأكبر قولي ديك الجنية هي للي من موراها
عائشة: متقولش غليها جنية هاديك راه الحب والله قلبها كبير وهي مولات الفكرة منزربش وندير شي حاجة حتى تقولهالي نتا وشوف شخال شهرين وانا منطقتش خليت حتى نتا تقوول كولشي
يونس: (جرها لحضنو وباسها فجبهتها) هاكا نبغييك اعوييشة
عائشة: (كتبحلس) ونوض جمع ديك روينة والله حتى مسخسخة
يونس: ههه والله منحط يدي عليها باش نوري لمك غير منين طلع ليك علية تجمعيلي حوايجي وتطرديني من الدار ومن غدا غنشوف مع نوطير نحايد لمك هاد الدار للي مزيغااك
عائشة: (بطفولية) والله منعطيهاالك دياالي الداار
يونس: هههه الالة كولشي دياالك كوني غير نتي دياالي...
~~~~~~~~~~~~~~~
فهد: (فرحاان ومشا عندها للخدمة كيجري كانو شي كليان خلاها حتى كملت خدمتها وجلس) ندى عندي ليك خبار زويينة
ندى: (باستغراب وهي كتشوف فرحتو) الله يسمعنا خبار الخيير
فهد: لبنت للي لقاوها مليوحة
ندى: متقوليش قبلو الملف ديال الحضانة
فهد: (بفرحة) اه
ندى: (نقزت بلفرحة) يااااااااي غنسنييها ملااااك (مشات وعنقااتو فرحانين من لبنت للي بقاات فيهم كانت مليوحة حدا شي بركااسة ولقاوها غير الناس وداوها لصبيطار فكرو يتبانواها مدام مزال مكتب ليهم الله لولاد عيطت على نور تجي للمحال ومشاو طايرين للجمعية يسنيو لوراق ويكملو اجراءات التبني عطاوهم لبنيتة وخرجوها معاهم) ممتيقاش صافي ولات عندنا بنييتة دغيا سربااونا يااك!!
فهد: (بتهكم) لفلووس احبيبة كيديرو طرييق فلبحر اما وكان راحنا طالعين هابطين ولبنت تكون زادت تكرفساات
ندى: موجدنا ليها واالو مسكينة لا فين تنعس لا لحوايج لا واالو دغيا زربتي علية اصاااط
فهد: كوولشي سااهل احبيبة نحطو لبنيتة عند بيدياتخ باش تقلبها مزيااان وحنا نمشيو نقضيو الغرااض
ندى: لا منخليش بنتي بوحدها
فهد: هاي هااي على بنتي راه ساااعة وغرجعو نديوها (داكشي للي داارو حطوها ومشاو بالزربة تقاود للي ضرووري ومشاو جابوها ودخلوها للدار وهوما فرحانين بييها وبحكم ندى كانت عندها خبرة من ختها رزان للي كانت كتربيها مع مها ملقااتش شي صعووبة عكس فهد للي معرفش حتى يهزها...)

يونس: (صافي طمر نبقااش سوق لموضوع ديك لمرا للي بكترة مكيشوف فخدمتو ويقرا فالجرائد ومواقع التوااصل قال غتخطفلو ولادو وغير صبح صبااح فاق كما العاادة لقا عيشة خاامرة حدااه تبسم) ياودي ياااودي على للي من لبارح مغتنووض حتى تلاقني نضت وقاديت لفطوور
عائشة: (مكوخة بنعااس) زمر راه مزاال لحاال
يونس: راه قلنا لفيااق بكري بذهب مشري
عائشة: (طالعلها الدم ومزال مغمضة عينها) قول بلخرا مطلي بفففف ورااه عييت نتا مكتخلي حد يجمع طااقتو
يونس: (ضربها لمؤخرتها) تهزييي نوضي وجديلي مانحنجر باش نمشييو للفيرمة
عائشة: (طرطقت عينها وناضت قاافزة) غطرد ديك اللفعة
يونس: (حرك راسو وناض كيحك قرفاادتو ودخل للحمام ناضت حتى هي جبداتلو شنو يلبس وجبدات حوايجها مشات طلات على وليداتتها لقاتهم مزال مفااقو مشات للكوزينة جبدات للي ديجا موجد وقدات قهوة وحليب للبز ومشات كتفيقهم وجا كيعاونها فيهم دوشولهم دوش خفيف لبسوهم ومشاو جلسو كيتسناو لفطوور ويونس فرحاان بهاد اللمة للي شحال وهو كيتمناها مع للي بغالو قلبو و3 دلولييدات من بعد مكاان فااقد الأمل يولد.. كملو لباس حوايجهم ووصلو وليداتهم للحضاانة للي كانت عليها رقاابة مزياانة واخا غاالية ولكن كتعاون بيها عييشة وهوما مشاو للفيرمة دخلو للكوزينة وسلمو على حنان للي حطات ليهم فطور تاني من خيراات لفيرمة)
عائشة: امممم لبيييينة
حنان: بصحتك اختي عييشة سي يوونس لبكرة للي جبتي داك نهار راه ولداات
يونس: اممم قالهالي لبارح با علال
عائشة: حنان منين تقادو لبااا قوليهالي كيصطييني وحتى رقية وماما ومي زهرة كيبغييوه
حنان: واخا ختي عييشة
يونس: (حنحن باش يسرح صووتو) اححححم حنان سبري حلي على ديك خيتي وجيبيها هنا
حنان: (شافت فعيشة) واااخااا (هبطات لتحت مستغربة لقات عتييقة كتقااد فالزيتون) عتييقة سي يونس بغااك
عتيقة: (هزت حاجبها) بغااني!!!
حنان: متفرحيش راه معاه مرتو
عتيقة: (ميقت) ولاش بغااوني
حنان: معرفت نوضي دغيا
عتيقة: فففف محملاش نشووفها (ناضت غسلت يدها فواحد سطل تمااك مسحت يدها ولبسات صايتها ودارت فولار على شعرها وتبعات حنان للكووينة غير شافت عيشة حنات رااسها كرهاها اما لوخرا بقات طلع وتهبط فيها بحقد)
يونس: (شاف فعتيقة) جمعي حوايجك وسيري فحاالك ولكن تفكري تقربي لعائلتي هاد لمرة بربي منتهنى حتى ندفنك بيدي
عتيقة: (طرطقت عينها) لا
عائشة: كفاش لا ولفتي لفاابور 
عتيقة: مبغييتش نرجع لبرا عفااكم ياك نتا اسي يونس حابسني هنا انا بااغا هاد لحبس نخدم ولكن منخرجش لبرا
عائشة: وحنا مااالنا سيري قلبي على رااسك فجهة اخرى ولا مزاال النتي عندك الامل فرااجلي
يونس: هاني قلت نرجع ملقااكش هنا
عتيقة: (كتبكي) عفاااكم متخليونييش نرجع لوسخ للي فبرااا راه معندي فين نمشي ومعنديشش العاائلة (بقات كترغب حتى كتحنى تبوس ليهم يدهم وورجليهم)
عائشة: (اصلا مكتحملهااش ومبقااتش فييها خرجات ناافخة حنوكها)
يونس: (كيصد عتييقة) بففف (خرج عند عيشة وشافت فيه) شنووو
عائشة: خااص شهوود باش ميعرفووش راك حابسها هنا وتلعب عليينا (لتكبر) خلييها اصلا إطعام كلب صدقة وفنفس الوقت شرط عليها الا خرجاات من هنا متولييش ترجع لهاد لفييرمة
يونس: واش متأكدة راها غدااارة
عائشة: وأنا بنت عزيييزة حررررربش تنفنف والله حتى نخرج فييها (دهلت لاكوزينة لقاتها كتبكي وحنان كتصلر فييها) باش تعرفي حنا ولاد النااس واخا نويتي الشر فيينا غتبقااي بحالك بحال الخداامة وبنتي ياا الكلبة تقربيلها ندبحك اصلا الا خرجتي من هاد لفيرمة نسااي رجووعك ليبها ولعينين غتبقى عليييك انا ماشي لفعة بحاالك باش نصيفطك تعاودي تولي طوااليط عند رجاال غنخلييك ولكن هاه ولا هااد متلومي غير رااسك معاايا..

عائشة: وغير غتجمعي شي حصيصة غتخرجي من هنا (شافت فحنان) حنان اي حااجة غتبقاي تعيطيلي انا ياله سيري نتي لفين كنتي كتخدمي (مشات عتيقة كتسب وتعااير فييها ولكن رتااحت منين مطردووهاش حيت ولفاات لغيشة هنا وتهناات من وسخ الزنقة دعاات مع يوونس ودعاات فعيشة للي مكتحملهاش وغتبقى ديما فباالها هي للي خطفاات منها رااجلها....)
~~~~~~~~~~~~~
بعد مروور 6 سنواات
يونس: (متبع الشااشة كيشووف حتى نطق) يمكن غير وااحد
عائشة: (خنزرت فييه) علاه بسلامتك شحال بااغي
دكتوورة: هههه الحمد الله على سلامتكم كاين غير وااحد والاموور ماشية على خيير وعندك 6 ديال السيماناات
عائشة: الحمد الله بعدا غير واااحد
يونس: امممم هاد لمرة مكنتش فموودي يمكن
دكتورة: (حشمت وهربت تسنااهم يجيو باش تعطييهم شي تحاليل من بعد 10 دقايق جاو كيظحكو كتباتلها على شي فيتامينات وكما العاادة كلام الاطبااء على العنااية والاهتماام كانو فرحانين بهاد المولد للي غينتااظرووه بجوج بييهم بعييد على صداااع والمشاااكل خرجو نيشان عند دار الحااج يفرحووهم بهاد الخبر لقاو ضيااف مزاال تماااك دخلات لبيت وجاتها عزيزة للي كانت منورة بلبااس محتشم على للي كانت كتلبس) بنتي امدراا
عائشة: (بابتساامة) حااملة غير بوااحد
عزيزة: (عنقااتها) الحمد الله على سلامتك ابنتي كنت خاايفة يكونو 3 وشحال دعييت معااك فداك لمقااام 
عائشة؛ الله يجهلها حج مبروور ليكم اهم حاجة اماما نتي ومي زهرة نساااو عليكم النمييمة وداك تخلوييض 
عزيزة: ويحاااه على انا فين عمرني هضرت فشي واااحد
عائشة: غنعطييك سيمانة وغلقااك نتي وزهرة كتنممو فكلتووم للي قداامنا
عزيزة: لهلا يحييها باش نضيع الحج ديالي على ديك الحولة
عائشة: مفقوود فيك الامل اعزيزة (دارت شالها وخرجات عند ختها للي كتسربي على الناس وكملات شغل معاها حتى خرجو النااس وجلسو مهدوديين) بفففف شي يحج وشي يتعذب
عزيزة: استغفر الله
رقية: برااااكتك يا شيييخة.. عوييش اوا مبرووك علييك
عماد: هي الا درنا بحاالهم
عزيزة: (هربت من حدااهم ومشات حدا الشرف وهمسات فودنو ) الحااج راه بنتك حاملة
الحاج: (تبسم وهو كيسبح ودار اشارة الرضا على وجهو حتى كمل وشاف فيها) ياك هي صحتها مزياانة
عزيزة: قالتلي كولشي مزيان وراه حاملة غير بوااحد (نغزها باش تسكت وكملو لحديث مع زهور وباين يوونس للي واخا طلب من عيشة سمااحة الا وحس بيها غير دارتلو خااطرو ميسمحاتوش من قلبها وهادشي من حقها ....)

عماد: شنو كنهضر معااك ارووكا
رقية: ماشي وقتو اعمااد حتى نكونو بووحدنا ونهضرو فهاد الموضوع
عماد: (قلب وجهو ورجع الوجه الحزبين للي فوجهو وللي عياات مدير باش تنشطو وتخلييه يتقبل فكرة موت فااطمة للي حتى قالولهم المرض مبقاش فيها وهو يرجع ولكن كان تعشش مزياان ومبقااش فين تبرا دازت سيمانة ومااتت وفباالها هي للي ختاارت رقية لعماد ولكن للي تشمت فييه هو ياله خلاها بيخيير دا مول الأمانة أمانتو مشفهااش ومحضرش لييها وكل مرة كيطلب من رقية وأي وااحد يدعييلها بالرحمة ويساامحووها على أي حااجة دارت لييهم وواخا مووتها فاتت عليه 5 سنين الا منساااش شحال تعذبت وصورتها وهي مينة فاش وراهاالو بااه غير من التيليفوون كتحرقو لدرجة لاح التيليفون وعلى شحااال باش رجع كيستعملو حيت رقية كتشوش علييه.. جرااتو رقية من ذراااعو ولكن هاد لمرة عرف كفااش بتحااايل فيها ودار فيها مقلق)
رقية: وصاافي انا قلت غير رجعو للدار ونهضرو فالموضووع
عماد: صفوان عندو 10 سنين وصفااء عندها 8 سنين راه جا لوقت باش نزيدو شي بجيغييط ولا بجيغييطة
رقية: بففف وااها ولكن غير خلي للدار ونهضرو 
عماد: لا نهضرو داابا
رقية: (عصبها) واش غنديرو هاد لبعلووك هنا يا صاافي هنينا الدار ونهضرو
يونس: هههه شميييت ريحة الغييرة
عائشة: (متكية على كتف يونس) للي حسدنا يدير بحاالنا (سمعو لغوااات عرفوهم لبز خرجو من قراايتهم سبقات قمر وصفااء للي مرزنين وغير كيتوشوشووو) اححح انا غير هاد جوجااات بااركة علية
صفواان: (لاح شكاارتو) دوك لبعالك اخاالتي شي نهار نديكلاري بييهم 
يونس: هههه باقيين مروبيلنها (جاو شادي ورضوان كيتشاانقو قداامهم وناض ليهم ياله غيخلطهم بجوج بيد وحدة ناض عماد جرهم لعندو) لكلتم ماشي داابا
عماد: ريح اصااحبي علاش نتوما كداابزو
شادي: ملااك يخوي راسو منها
عائشة: (طرطقت عينها) ملاك بنت خالتك ندى!!!
رضوان: ههه خلييه يحلم هي راه كتبغيني انا
رقية: الله ينعل طوااسلكم كملو غير قرايتكم بعدا
يونس: هاد لكلب ديال فهد ديما خاارج فعوودي سمع اداك لبرهوش نتا ويااه اخر مرة نسمعكم كتهضرو على شي بنت
شادي: ورااه..
يونس: (طرطق عينو) الا سمييت مك رااجل عاود هاد الدييسك الا معلقتكش حدااها نتا وهاد خينا للي نافخ علية داك صدر اجيو دفلو علية
الحاج: (دخل وكاع لبز مشا كيبوس ليه يدو ويرضى عليهم) علاش كتغوت على ولادي
يونس: واالو الحااج غير راه عاارف تبرهييشهم
الحاج: كولشي بلمفاهمة اولدي
شادي: هاااا شنو قلنا با سييدي انا واحد الدرية دايرين نتزوجو منين نكملو قرايتنا وللواليد وول وااقف فطريقنا
الحاج: (تصدم وشاف يونس جايو يضربو وهو يخبعو) صافي ولدي اجي معاايا اجي ارضوان حتى نتا
صفوان: عمو يوونس وانا تبغي تزوجني قمر منين نخدم مهندس
يونس: نوض ت(مكملهاش) سير تبع باك سييدك (جلس وشاف قمر وجرها لعندو معنقها وهي كتبوس فيه) حبيبة الا شي واحد بسل عليك شي نهار تقوليهالي ياااك
عماد: هههه للي خلاتو عيشة غيكملوه علييك هاد لبجااغط...

ندى: (طالعة فدرووج ودخلات سلمات على الشرف بحرااارة وبركات ليهم العمرة عاد تم فهد دااخل وهااز جاد فوق كتاافو للي فعمرو عماااين ولي مولداتو ندى حتى شبعت دوا وعشووب.. غير وصل حايدو وسلم عليهم حتى كولشي التااحق ولبيت رجع كيرغل ها لبز ها هووما وعايششين عائلة مع بعضيااتهم اما ندى عندها معااملة خاااصة من طرف شادي ورضوان للي كيعطيوها لحلوى وأتاااي)
يونس: افييين الحاسيين لكاااابا
رضوان: (كيغمز باه باش يسكت ومشا حدااه) راه نسييبة هاديك الوااليد
يونس: (ضربو لقرفاادتو) راه غنشوهك قداامها الا مسكتييش
شادي: هههه عطيييه ابابااا 
يونس: مزال على حسك نتا حتى للدار (دخل ادم للي فعمرو 15 عام سلم عليهم وكان مرزن بزااف وكولشي كيبغييه لسلووكو وقراايتو وكان نسخة ديال الحاج جلس حدا يونس للي عزييز عليه ومرة مرة كيترينييو بجووج) مزياان
ادم: الحمد الله اخااي يونس (تبسم) مبرووك عليكم نتا وختي عيشة 
شادي: اه اه دغيا عرفتيها اخاالو مزال مسولنا لعرووسة شنو شرووطها
يونس: (ضربو لقرفاادتو) عيشة نوضي جيبي لقطييب نوري لهاد لبجااغط
عائشة: ورااه غير كيظحكو ايوونس
ندى: هههه بنتي عليها الطلب
ادم: حيت ملاك اسم على مسمى 
يونس: (خرج عينو) حتى نتا لااا بزااف هاد الجييل كولشي عندو مزرووب بففف الله يرحم أيامنا
عائشة: ياااك اكازانوفا (كولشي بقا كيظحك عليهم) اجيو اولادي عندي نقولكم واحد الحاجة زويييينة (كولشي دار عندها وبقات كتلمس فيدها بطريقة مظحكة) هنا كااين بيبي
قمر: غتزااد عندي ختي؟؟
شادي: لا غيكوون دري
رضوان: قاالك ختي راه رجال كيجييبو رجاال
يونس: (فرنس) دابا نتا ولدي
عائشة: سيرو فحااالكم (عنقت قمر) غنجيبو بنووتة بحال بنتي قمر يااك احبيبة
قمر: (باستها فوق كرشها) غنسمييها شمش
شادي: صاافي كملات بقاتنا وحدة اخرى نسميوها نجووم وهاحنا شاادين سما بيدنا
عائشة: شاادي شنو هاد لبساالة حتارم ختك ياله طلب سمااحة منها
شادي: (كيشوف فملك وشاف فرضوان للي كيقليلو السم وشاف فباه للي عطاه ضربة للقرفادة) احح صووري
قمر: بففف انا كاع مكندي عليهم... 
هاكا داازت اياامهم ظحك ولعب ومشااكل للي كيكملو حلاوة الحياااة ولكن هاد لمرة بقااو كيلقااو ليهم الحلوول ويتخطااو لمشاكل مع بعضيااتهم عكس منين كانو فمرحلة المراااهقة.. لولاد كيكبرو وعيشة تزاادت عندها بنووتة وسمااوها كما حباات قمر شمش ويونس كل ما كبر كيحب عيشة لحمقة ولمجنونة ولحنيينة وكيشوف ولادو كيكبرو قداام عيينو وهو كيجااهد باش يوفر ليؤهم للي بغااو.. اما ورقية كانت حااملة وهادشي مخلي عمااد فرحاان 
نور وممدوح علاقتهم كما العاادة سلمية وولدات ليه جوج وليداات منين كيتجمعو فلفيرمة كترجع بحاال فيها شي مناسبة عتييقة مزاال عينها فيوونس واخا تزوجاات خمااس تماااك الا فباالها يونس معجب بيها وهي عاايشة الدور.. نبيل واحلام علاقتهم كل نهار كتزييد تقوى وكل مرة كيندم على اعجاابو لعييشة وهادشي مخليه ديما بعيد على المناسباات العائلية باش ميحطش فموقف باايخ...
عائشة: (معنقة يونس للي كيدييه نعااس) يويووووو
يونس: (بحرا كيحل عينو) اممم
عائشة: ندييرو باقشطااق
يونس: عياان احبيبة اليوم الخدمة كانت مزيرة بزااف
عائشة: الشاارف
يونس: (طرطق عيينو وجرها بحال شي معزة ونعس معااها وهي عااجبها الحاال واخا كيفوورصي عليها وهادشي حفااظا لماء وجهه من نكييرها خلاها كتلهت وشااف فيها) فيك غير لفم
عائشة: سير فحاالك
يونس: وعاودي قولي شاارف البرهووشة... 

النهاااااااية

هنا سلات قصتنا للي معمر مغتكون نهااية حيت جيل كيورث جييل ولولاد مزال غيكبرو ومزاال غيكون خلف لعييشة وليونس ولعماد ورقية يمكن شي نخار نزيد نطرطق ليكم لمرارة وندير شي جزء ثااني ونطولها شي 3 سنين هههههه شكرا لصبركم معاايا وكنتمنى اي وحدة قرات القصة تخلي تعلييق ولو كلمة صغيرة فحقي راه واخا غير قصة الا ودوزت بيها اوقاات زويينة وخاايبة.. شكرا ليكم ونتلقاو فقصة أخرى

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.