ثوران دينيز الجزء التاسع

من تأليف ليالي نسيم
2020

محتوى القصة

رواية ثوران دينيز

لي بغا يفهمك يفهمك بالخاطر و لي بغا يعلمك يعلمك بالعقل .. و هادشي لي دار اليزيد مع زهرة .. بغا يدخل ليها الفكرة غير بشوية لانه في كل مرة كان تيغوت عليها و يصبنها على ود اللبااس و هاد المرة فااش سمعاات كلااامو و لبسااات مستووور عجباو الحال .. 
يمكن مااشي كيبغييها و مزال موصل لديك الدرجة ديال البغووو نييت لطنه رجل عااقل رزيين خصووصا انه اربعيني ...و من أجمل مراحل عمر الرجل هي هذه المرحلة كونها مرحلة بلوغ القمة
والنضج في هاذ المرحلة اكتسب الكثير من التجارب والخبرات و شاااف كثييير و تشووف يعني مااشي واحد يالله قطر بيه السقف و قال اراا نتزوج ...انساان واعب و عاقل و شارب عقلو ماقرر يتزوج تااا نييت قد عليييه حيت عنر الزواج كان لعبة ..و غيير هادشي زهرة عاجبااه و داخلة لعقلوو و هي لي بغااا تكوون ديالو .. حلااالوو غيرها مايحلال لو .. زينها زين مغربي قح و هادشي لي لفت انظاارو .. شاااف و شااف من الزين انوااعو و اشكااالو و غير زيينها المتوااضع مادخل عقلو و كياانو داكشي علاش تمسك بييها و بغااااها هي بالذااات تكون دياالو .. 

.....

اليزيد ..ها علاش تنقول ليك السترة مزيانه ؟؟ زينك غاتبينيه فالحشمة ديالك ابنت الناس ..ماغايبان لا بالعرا ولا بالتزيار .. غايبان فالعفة ديالك ربي اامر بالستر ..و دييري في بالك ان مكارم الاخلاق اساسها العفة و الحياء .. قال رسول الله صلى الله عليه و سلم «الحياء من الإيمان ..» .. « ضورها لعندو و قبل جبهتها» ..الله يرضي عليك .. 


حنيكاتها واااو فحااال لا شااعلة فييهم جمرة .. حطيت يدها عليهم ووهربات من حداها .. مشات ديريكت للكوزيينا خلات ميل فمو للجنب تبتسم و مشا دخل للدوش .. اما هي دخلات للكازينا و تقابلات مع السرجم و تتنش على وجهها .. 
زهرة .. اووووف يا ربي السلامة 
امنية ..« شافتها فاش دهلات للكوزينا و تبعاتها» .. اااااش درتووووو الشيطاااانه كبيتيها بلعاااني ياااك ..
زهرة ..« ضارت عندها مصدومة» .. اويلي على كبيتها بلعاني ماتقوليها قدام حد يصحابوها بصح ..
امنية ..« صغرات فيها عينيها» ..امممم شوووف اووكااان ..ماال وجهك حمر بغا يطرطق؟؟؟
زهرة .. و نااري واش نتي مريضة .. سيري خرجي عليا و لا نمشي نفرشك مع خووك دابا نتي هادشي الى مافرشك يحيى .. شفتييه راه غا تيبقلل فعينيه ..دابا تمشي تزلق ليه شي كلمة قدام خوك. و تفرشي .. سيري سيري. . 
امنية ..« علات عينيها على وسعهم و خبطات فخاضها» ..اويييليييييييي ماتقوووليييهااااش🏃
ضرباتها بجرية كانت غاتجي على وجهها.... وقفات تتنهج خلاتهم كاع تيشووفو فيها .. 
جميلة .. تطييييرييي ابنتي تطييييريي كون جبنا ولاد خوووك كون رااهم مرننين نعليك 
نوال .. ههههههههههه خلي البنت بااقة صغييورة .. ويلي ..خليها تلعب و تنقز حنا قدها كاع ما كنا تنجلسو .. 

برقات امنية عينيها فنوال كلام مها و نگيرها جاااها رحمة على هادش يلي قالت نواال .. عاق بييها يحيى و فلتات ضحكة من فمو حبسها غير بالسيف و ضم درعااانو الكباار على صدرووو بااش ميلفتش الانظار ..
جميلة .. ويليي حي على قدها ماكناش تنجلسو انا راه قدها كنت واالدة عز الدين و حاملة بخوووه لي طااح ليا مسيكين .. 
نوال ..« باستغراب» .. علاش شحال فعمرها؟؟؟
جميلة ..«شافت فامنية» .. يالله قوولي لها شحال فعمرك .. 
امنية ..« منفخة» .. عشريين .. 
نوال ..« حطات يدها على فمها» .. ويليي و الله مابااينة عليييك ..سبحان الله يصحاابلي عندك ديك سطااش عاام .. 
امنية ..« تاففت » .. 
جميلة .. ههههههههههه متتتحملش لي يصغرها» .. 
عز الدين .. مالها مزيانه ليها ديما تبقى برهوشة ههههههههه 
امنية ..« خزرات فيه» .. مااشي المهم هو الشكل المهم هو العقل .. 
عز الدين ..« ضحك بالجنب» .. هههههه المشكلة ماعندك تا واحد فيهم لا عقل لا شكل .. 
امنية ..وا ماماااا .. 
جميلة ... صافي هنيونااا خلاااص .. 
زهرة ..« جات ريحات حدااا ليلى » ..
عز الدين .. فين تعطلتي؟؟
زهرة .. اا الكوزيينا .. 
عز الدين ..« بشك » .. امممم .. « شاف فيحيى»الواليد ماجاش معاكم ..
يحيى ..«شاف فنوال و رجع شاف فيه » ..احم .. الواليد عياان .. متيقدرش يتمشى و اكيد غاتعرفو عليه من بعد .. 
عز الدين...« بشك» ..انشاء الله ...

دخل اليزيد تلقى بليلى و حنى رااسو تا دخل للصالون .. ريح فبلاصتو بجنب يحيى .. بان ليه تيحنزز فامنية و هادشي لاحظو من يالله دخلو تا البنت وجهها ولا حمرررر و توثرات و هادشي ماعجبووش حيت عارف هووه ااش تيسواا و هارفو بلي عينيه زايغيين و فينما يشووف شي وحدة تيحل فموو ..

اليزيد ...« تحنا شوية عندو» .. واش ماعند جد بوك علاش تحشم ؟ غاضوور مزال راسك ليك الجيها نهرسو ليك .. ضسارة ديالك حليها عند دوووك لي تتعرف ماتجيبهاش ليا لهنا فهمتييي ..
يحيى ..« شاف فيه و بلع ريييقو حرك راسو بالايجاب و ضوروو للجهة الثااانية حرااام وااش مزاال شااف جهة امنية حيت عاارف رااسو غايمشي ياكل عزااه لاا رجع شااف فبها مرة اخرى. .
اليزيد ..« شاف فعز الدين ..» .. سي عز دين بالنسبة للعرس راني قلت لزهرة كيف ما بغاتو يكون .. ولكن هي قالت مابغات عرس ... 
جميلة ..« شافت فزهرة» ..بثح هااادشي ازهرة؟؟ و انا منفرحس ببنتي ؟؟
زهرة ..« شافت فاليزيد بنص عين » ... بصح ما بغيتش عرس اماما .. 
نوال .. لواااه لاوااه حنا بغيينا نفرحوو بيكم هاد الليلة رااااه سمااوها ليلة العمر تتكوون خطرة وحدة فالعمر متاتعاودش .. 
زهرة .. ولو .. العرس مكين لاش .. 
عز الدين ..« قاطعهم » .. صافي خليوها على راحتها .. هي تعرف .. هدا زوااجها و هي حرة بغات عرس تبارك الله السيد قااال ليكم موجود يدير ليها لي بغات .. اييييواا هي مابغاتش ضبر راسها. .
نوال .. « تنهدات بحزن و شافت فجميلة» .. راااسهم قااثح بزووج فووولة و تقسمااات .. ااش غانديرو .. لي بغاو ماعندنا مانديرو ..

جميلة .. داكشي لي كاين يضبروو راسهم ...هوما كباار تبارك الله و يعرفو مصلحتهم ..
اليزيد .. « نضف حلقو تيدوي مع عز الدين » .. احممم .. بالنسبة للعقد .. مابغيناش نعطلو و نطولو هاد الخطوبة راك عارف انا مااش يشي وااحد عاد صغير باغي يعيش ديك الفترة ديال الخطووبة و داك التخربيق .. كنفضل نتزوج ديريكت .. و كنضن هادشي مزياان لييك تا نتا كاخ بااش تطمئن على ختك ..و اسبوع كااافي باش توجد راسها للعقد .. 

عز الدين ..« عجبو كلام اليزيد حيت تا هو مكانش دار فترة خطوووبة و خصووصا انه من النااس المتزمتين شوية و ضد هاكشي ديال الخطووبة و الخروووج و الدخوول بدوون ولا ورقة » .. ااش بان ليك نتي ؟؟
زهرة ..« ضورات عينيها و نزلاتهم » لي بان ليك اخووويا ..
عز الدين .. انا ماعندي تا مشكل .. الى كانت الموافقة من الطرفين ماغانزيدوهم غير الصلاة على النبي ..« مد يدو لليزيد » .. اوا مبروك عليك اخاي اليزيد .. 

اليزيد ..« صافحو» .. الله يبارك فيك ..
نوال ..« شافت فالبنات» .. ههههه اوا على هاد الفرحة ضربووو ليينا شي تزغريييتة دااايزها الكلاام ..
يالله بغات ليلى تزغرت غير سمعااات تحنحييينة من عز الدين شاافت فيه لقاااتو محمر فييها عينيها و هي تكمش و شاافت فنوال .. 

ليلى ..«شداتها البكية » .. متنعرفش نزغررت ..
جميلة .. هههههههه قوولي قاااطعها فييك ..
نوال ... ههههه الله يخليييهم لبعضياااتهم ..
جميلة ... اميين اختيي ههههه ..

و انتهت الليلة بخطوبة اليزيد و زهرة و تحديد ميعاد عقد القران .. لي مكانتش على بال العائلة كااانوو ناويين غير انهم غايهضرو فبنتهم و صاافي صدق جااايب الخاااتم و قاااري الفااااتحة و محدد المعااد ديال الزوااج .. 

خرجو و هوما راضيين على ضيافة عائلة زهرة عجبهم الحااال و كبروو بيهم و حسنو ضيافتهم ..
توجه اليزيد و عائلتو للدار ديالهم وةخلاااو زهرة هي و امنية ملهيين فالجمييع مووورااااهم و جميلة تتنگر فووق راسها ..

جمييلة ..انا غاانااكل جناابي على هاااد بنت الخاانزة .. قاالك ماباغاش عرس يعرس لييك الجناااب ابنيتي .. 
امنية .. غير خلييها دابااا تندم و تبغي تحط تصاورها فالفيسبووك و ماتلقى ماتحط .. 
زهرة ..بحاالك انا غير تهناااي متنحطش تصاوري .. ماشي شغلك
عز الدين .. بكل صراحة انا معاها فهاد القضية ديال العرس .. داكشي غا خسران الفلووس بلا فايدة .. تنخسرو الملاين على ليلى بااش بنادم يشطح و ياكل فين اللوجيك؟؟
امنية .. ااايه نتوووما رجااال هادشي لي تتقووولو تتجيكم من الجنة و النااس .. 
عز الدين .. نتي لي قدرك راااه نعسوووو اش دخلك فهضرى الكبار؟؟
امنية .. وااااااااااااااا مامااااااااااااا
جميلة .. الغممممة ابنيتي الغمة .. 
ليلى. .« ريحات حدا زهرة ..» .. علاش مبغيتيش العرس و نتي من ديما كنتي تتقووولي ليا بااغية عرس مطرطق. بالهزة فالعمااارية و اللبيسسااات و الدقة المراااكشية .... 
زهرة ..« ميلات فمها للجنب » .. و هادشي غانلقاااه فالغربة؟؟؟
ليلى .. و مااالك ماتلقاايها راه فينما مشيتي تلقااي داكشي. . زهرة ..« تنهدات و شافت فيها مبتسمة » .. داك العرس كنت تنحلم بيه فاش كنت فالمغرب. . كنت بغيت عرس تقليدي فبلادي .. اما هنا مابغيتش .. ماخصني تا عرس...« قربات لودن ليلى» .. الضروف فاش تلاقيت مع اليزيد صرااحة غير مُشرّفة ههه مااشي ديال العراسات 
ليلى ..« باستغراب» .. اشمن ضروف ..
زهرة .. تا نعاود ليك من بعد ..
ليلى .. سيري نتي راك حمقة .. و خصك العصا .. يالله نطلعو للبيت ....
........
وصلو للدار في سااعي متأخرة من الليل كيف العادة يحيى تيتماازح مع نواال و خالق معاها السعااادة و تا هي عاجبها الحااال اما اليزييد سااارح و مرة مرة يبتسم ليها فاش ضحك معاااه كي دخلو للدار لقاو حليمة غاادية جااية وسط الدار .. 
نوال ..« مشات عندها مبتسمة» .. حبيبتي شوية ؟؟

حليمة ..« ابتسمات ليها بزز» .. الحمد لله .. 
نوال .. اوا كون غير مشيتي معانا تشووفي عرووسة خووك اسمها زهرة ... ااش غانقووول ليك ابنيتي ماغلطوووش لي سمااوها زهرة .. على مزوييناتها و ضرييفة ضرف ديال الشهدة تاكلييها يااا ختيي .. 
حليمة .. بغيض .. ماعجبهاااش الحااال» .. ايييه الالة .. مزيان .. 
نوال .. يزين يامك انوارتي .. انا غانمشي نعس الدراري تا نتوما سيرو ترتاحو الله يرضي عليكم .. 
يحيى .. الدراري؟؟ اهااانه هادي فحقنا اصااحبتي .. 
نوال ..« جراتو من ودنو» .. بارااكا علييك من الطنز بااراكااا .. 
مشااات نوال طلعات لبييتها بقى يحيى واقف و اليزيد مع حلييمة ..« يالله بغا يطلع اليزيد و هي تشد ليه فمعصمو و شاافت فيه بنظرة انكسار » 
يحيى ..« نضف حلقو » .. احم ... انااا خارج .. تهلاو ..
اليزيد .. فين غادي ..
يحيى .. داير مع عابدين نتشاوفو .. 
اليزيد .. «ماعجبوش الحال .. شير ليه باش يمشي و ضار شاف فيد حليمة و شاف فيها » ..اش كاين احليمة؟؟
حليمة ..« طلقات منو و ربعات يديها» ..صافي .. خطبتيها ؟؟ درتي لي بغيتي .. 
اليزيد ..« زير على يديه» .. سيري تنعسي سيري .. راسي كيضور ما فيا لي يتناقش ..
حليمة .. مافيك لي يتناقش ..« ضحكات بعصبية» .. ههههههه لالا بصراحة برافو ..جيتي بااش تنقذ زواااجي صدقتي خااارج عليااا و غاااادي تزوج بلييي دمرااات ليا حياااتي .. 
اليزيد ..« ضد ليها معصمها و زييييسر عليها مزيااااان تا غوتات» .. انا حد ميقوول ليا اااش ندير و ااش منديرش .. نهااار جبتك لهنا بغييت ندير ليك قيييمة ولكن باااين ليا نتي ولفتي الدل .. الى بغيتي ترجعي لراجلك الباب هاهو قدامك ّ..سمعتي و حياتي فووتيها .. هاديك غاتولي مرتي .. و نهار تجبدي معاها الصداااع غاندييير لي ميعجبكش .. 

حليمة .. « دمعو عينيها» ..انا بااغية مصلحتك نتااا خويااا مانبغييش ليييك وحدة بحال هادي ... هء .. بغات تخرج علييك تا نتااا .. 

اليزيد ..« طلق منها و استجمع نفسووو مزيااااان و طلقها تيحاااول يهدي رااسو و الصداااع لي كااان شاااق ليييه الدماااغ شدها من كتافها تبحاول يهديها » راك عاارفااني ماتانقدش على دموعك .. ماتبكيش ..« حاوط وجهها بيديه ..» مصلحتي راني عارفها ماانيش دري صغيير .. ديريها فبالك تا الى كانت زهرة مامزياناش كيف تتقولي شكوون قال ليك ربي مايهديهاش على يدي؟؟ 
حليمة .. « رمشات فبه عينيها لي سااردين بالدموووع» ..ولكن ..
اليزيد ..« قاطعها» .. شوووووت مكين بووو ولكن .. دويت معااك احليمة .. ماتزيديش تعصبيني .. 
باش ليها جبهتها و عنكش ليها شعرها عاد طلع لبيييتو ووكل خطوة تيزدحهااا بعصبيييية من العصاااب لي ركبااات فييه حلييمة .. طلع ديريكت لبيتو و نصل عليه حوايجو .. خرج شورط من البلاكار لبسو... مشا هز الفون ديالووو و الكارو .. وقف فالبابكووون شعل كاارو يتكيف باااه بااش يحييد الصداااع لي كاان عااطيه رااسو بالشقييقة .. 
اليزيد ..« ضور نمرة زهرة و هو ينفث دخان سيجارته » ..تشيشيك .
زهرة ..« بابتسامة» .. نعام .. 
اليزيد .. لباس؟؟
زهرة .. لباس و نتا؟ وصلتو بيخير؟
اليزيد .. امم ..مزيان الحمد لله .. ماقلتيش ليا اسبوع كافيك؟؟
زهرة ..« تزنگات » .. اا اه كافي 
اليزيد ..« ميل فمو للجنب» الى مكانش كافي نقصو منو نهار ...
زهرة ..« بضحكة بسيطة» .. هه لي بان ليك

اليزيد .. واخة ايمتا بغيتي تمشي تشوفي الدار ؟؟ و تشوفي اش غاتبدلي فيها ..؟
زهرة ..«ضورات عينيها وسط راسها» .. هاا .. ولكن منقدرش .. 
اليزيد ..«باستغراب» .. علاش؟؟
زهرة .. مانقدرش نمشي معاك لدار و حنا مزال ما مزوجين؟؟ 
اليزيد ..« ميل فمو للجنب و جر كرسي ربح عليه كمل الكارو ديالو طفااها فالطفااية» .. امم خايفة مني؟
زهرة ... « عضات فصباعها» .. ها .. ماشي هكاك اصلا خويا مايخلينيش .. 
اليزيد .. خوك امم .. واخة المهم غانجيب لي يصلحها و يصاوبها مزيان ولكن ماغاتكملش من هنا لسيمانة يعني غانسكنو فدار الواليدين تا تكمل .. 
زهرة ..« نطقات بزربة» انا معندي تا مشكل. . تا الى بغيتي نسكنو معاهم عادي و الله ..

اليزيد .. لا الالة انا باغي ناخد راحتي فداري .. و تا نتي تاخدي راحتك .. 
زهرة .. احم .. اا واخة لي بغيتي.... مهم.. تصبح على خير عييت بغيت نعس شوية .. 
اليزيد .. واخة تال غدا و نعيط ليك .. 

قطعات معاه الاتصاال و رجعاات بالور .. هزات طبق التحلية لي جابت ليها زهرة من لي جاابو اليزيد معااه و لي كان تشيز كيك بالتوت .. بداات تتاكل فييه تفكرااات المهدي ..اخر مرة كلاات هاد التحلية كان مهدي هو لي جابها ليها ...
شافت فييها بملامح حزيينة .. عضاات على شفتها و ساااايت رااسها من هاد الافكااار لي ماندهاااش بااقي الحق تفكر فييهم .. تنهدات و حطااتها الطبسيل فوق الكومودينو ..
تكااات و حطات راسها على المخدة تضوور فالخااتم ديالها و تشوووف فييه .. و هي تتسترجع موااقف اليزيد .. كلامو الموزون مع خوووها .. هضرتو الثقييلة ..رجل حكيييم و فكلامو متيخرج الكلمة تا تيتذوقها .. بعد المرات ماتاتشوف فيه تا غلط من غيييير غوااتو علييها على ود اللبااس فقط .. 

تيقول ليك كل مرحلة فحياة الانساان و عندها حلاوتها لكن مرحلة الاربعين فسن الرجل تيكوون فيها اكثر وعيااا .. تيكون في قمة عطائه الفكري و العقلي ..و اليزيد في هذا العمر كان في كامل نضوجه واتزانه ... عندو بعد النظر والاتزان .. تيشووف الحياة بمنظور الحكمه والتأني والتريث حيت مخزونوو العمري مليء بتجارب الحياه المختلفه داكشي علاش دائما تيعالج الامور بحكمة وااخة عصبيتو طاغية علييه لكنه فااش تيبغي يكبثها تيقدر يتحكم فيهااا ...
......
في مكان ااخر تحديدا في ريتيم بار كان جالس عبيدة و معاااه حسنااء من الحسناواااات لي غير دخل عليه يحيى شاف فيها تصدم ...
يحيى ..ميريييي عندنا يا مرحبااا .. 
ميري ..« طلعات فيه راسها» .. تتعرفني؟؟
يحيى ..« مد يدو خذا يدها تحنى بجنتلماانية قبلها » .. طبعااا شكون ميعرفش الليدي ميري...؟
يحيى ..«، طلعات فيه حواجبها» .. اووه صيتي عالي لهاد الدرجة؟؟
يحيى .. « ضحك بالجنب» .فووق ما تتخيلي ...
عابدين ... «هز قرعة بغا يشير عليه بيها ..» ... انا مكانبانش ليك ليمااك ياك .. 
يحيى ..« عينيه على ميري ..» .. اااش اوا غاندبيير بيييك ..خليني مع الزييين .. انا نموووت و نعرف هاد الاشكاال منين تيعرفو. هاد الفن .. 
عابدين ..ميري راااه كنت انا وياها مصاحبين واحد الوقيته ههههههههههههه ..
يحيى .. يا خسااارة تيعطي الفووول غا لي معندو ضراااس. . 
ميري...« بضحكة مايعة...» ههههههههههههههه
يحيى .. يخليلي الضحيييكه .. 

عابدين... اووووف دابا من هادشي كاااامل فين تعطلتي فراسك واش ساعتين و انا منشووور هنا كوووون ما ميري لقيتها مريحة غير وحدها و الله مانتسنا مك .. 
يحيى .. اودييي كنا تنخطبو للزيين المسرار ديالناا سيدي خويا مولاي السلطان .. 
عابدين ..« باستغراب» .. واااايلي. .. كي دار لييها ياك كان عازف على الزواج هههههههه. .
يحيى ..اوا اااش غادير راااه القلب ماكايشااور .. واكن الصدمة لييك نتاااا بعدا غاتكووون قوية لا عرفتي شكووون العروسة .. 

عابدين ..تانعرفها؟؟؟
يحيى .. زهرة .. ههههههههههههههه .. يالله تفرگع .. 
عابدين ..« برق عينيه» .. شكون زهرة ؟؟ ديال الكازينو؟؟ 
يحيى .. اييه زهرة لي كاااااانت خدامة ف الكازينو اخت دانينووو .. 
عابدين .. كيفااااااش ..؟؟ واش تدوي من نيتك دابا اليزيد غاياخد زهرة؟؟ ةاش تدوي سيريو؟؟
ميري .. « غييير سمعااات اليزيد .. و سمعات زهرة ديال الكازينو قفزات من بلاصتها مخرجة فيهم عينيها » .. شكووون اليزيد .. بالبشييير؟؟؟؟؟؟؟ 
يحيى .. تتعرفيه؟؟ راه خويا هذااك؟؟
ميري .. « مصدووووومة» .. وااااش غايتزووووج اليزيد ..
يحيى ... يييه غايتزوووج بواحد الدرية الله يعمرها دار سميتها زهرة .. 
ميري ..« زيراات على تيليفوونها »/.. ميمكنش .. 
عابدين .. انا لي بقى فياااا هو خسرتىمعاها ..ديتها ديك نهار للنايت كلوب .. شربت و قودت معاها السوايع .. 
يحيى ..« خرج فيه عينيه و طار شنق عليه» .. اااااش اوا تتقووووول ..؟؟ ايييمتا ااااش درتي ليييها قربتيييي ليييها دويييييي ...
عابدين ..« دفع ليه يديه» .. وا مادرت ليهاشااي غير بقييت تنقيس فيها معجبهاش الحال دفعاتني و هربااات .. « دوز لسانو على شفتو» .. ولكن بنت الحرام عندها واحد لاصاااي فحال البووونز .. 
يحيى ..« زااد زير عليه تا كان غايقجو» .. الى بغيتي تكمل حياااتك عاااادي بلا تا عاااهة .. هااد الهضرة مانسمعهاش فشي جهة اخرى و الا بربيييي تا ندير فيك يدي .. زهرة من اليووووم ختي .. و لي قال عليها نص كلمة نتقب لديلمو العينين .. تا الى كنتي نتااااا سمعتييييي .. 
دفعووو على الكرسي.. هز سوارتو و زاااد خلامهم معصصصصصب من كلام عابدين ... اليازيد قيسيه فعينيه ولا تقيسيهش فعائلتو خصوووصا خوووه لانه بالنسبة ليه هو كووولشي و مرتوو ولات عرضووو و شرفو مايقدرش مايدافعش عليها و هي اصبحت في مقام اخته ..
كي مشاا خلا عابديين غييير تيشووووف و ميييري تضور فعينيها بينيو و بين يحيى تا غبر ..... هزات تيليفووونها لي كان مبرزطها بالاتصالات بااش تشوووف شكوووون لقاات الرقم لي ماتخايلاتوش يكوون هو اما كوون من ايييمتااا جاوبااات ...
ميري ..« هزات صااكها و شيرات لعابدين زعما باي وهي تخرج من الناست كلوب» ّ.. الوووو .. 
حليمة .. الو .. معايا ميري ..؟؟
ميري ..«بابتسامة عريييضة» .. ااه حبيبة...
حليمة ...احم .. نتمنى منكوونش فيقتك من نعااس. 
ميري ..« تتصنع الحزن» .. كي غاااادير النعااس يجيني و لي كانبغييه هاجرني و مشااا خطب وحدة اخرى هء .. 
حليمة .. وصلااتك الخباار .. تا انا على هاد الموضوووع تصلت بيك .. 
ميري ..خييير ...
حليمة .. شووفي غانقوول لبك هاد الهضرة ديريها فودنك ..الى كنتي تتبغي اليزيد .. تمسكي بيه .. تلووني و تحلوني .. ديري فحاالها ... رديي االك منها رااهي لفعة سااامة .. ديري منها اطونسيوون ..و كيف قلت ليك... وااخة هو صدك و يقوول مابااغيكش .. تمسكي بييه ديريي لي فجهدك بااش تجربه لعندك .. و انا جاامي نسمح لييها تااخد خويااا و تلعب علييه .. 
ميري .. و نتي باغاني انا لي نكون مع خوووك؟؟
حليمة .. شوووفي .. انا باااغة اييي وحدة لخووويا من غييير ديك الشيطااانه .. 
ميري .. ههههههههههه .. نلعبو على المكشووف ... اش عندك معاها .. ؟؟
حليمة ... فارقاتني على راجلي .. هي سبب مشااكلي مع رااجلي هي السبب .. 
ميري .. اووووه ..« حطات يدها على فمها» .. صحيييح لي تحسبو موسى يطلع فرعون!! هادشي كلوو يطلع من ديييك الدعسوقة؟؟
حلبمة .. و اكثر و حياتك ... و اكثر .. شووفي انا درت لي عليااا و خبرتك نتي دابا ديري لي عليك .. و الى حتاجيتيني فشي مساعدة انا موجوودة .. لي تيهمني ان اليزيد ميعرفش .. فقط .. 

ميري ..هههههههه« بضحكة شريرة» .. خلي الموضوع عليا .. و بيناتنا تيليفون. ..
طفات تيليفونها و حطاتو على شفتها ... ابتسماات ابتساامة جاانبية و هي عااارفة و فبااالها ااااش نااوية تدييير ...
ميري ... سمحي ليا ازهرة .. ولكن الحظ ماشي فصفك .. هههه تا حد ما فصفك ملي طحتي بين يدي....


اصبحنا و اصبح الملك لله ..صباح اليقين بأن رحمة الله اوسع من متاعب الحياة ... الله عز و جل تيبعث لينا بعض النااس لي تيكونو كيف البلسم للجروح .. يمكن بييهم ننساو نااس ااخرين كنت تنعتبرووهم عزاااز و غالييين و فالاخير تيطعنونا فالضهر .. ربي حكمتو كبيييرة .. و هادشي لي طرا مع زهرة ..بعث ليها ربي اليزيد فالوقت لي جرحها المهديي ..

وقف قدام مرااية ديال الدووش لاوي على نصوو منشفة و الثاانية لايحها على كتفوو مخلي قطرااات الماااء نازليين على صدروو قطرة قطرة تقووول قطرااات الندى قبل طلوووع الشمس ... عيينو على المرااية تيشووف فرااسو .. تخللوو اصاابعو شعرو و كيف العادة بحركة عشوائية دوزو للور ... خذا مقص تيشووف فدقنو فحال الى تيعبر فيها و الزغيبات لي باانو ليه طول منالقيااس الطبيعي تيضربهم .. كمل رجع المقص لبلاصتو فكااس فيه لالكول .. و نشف رااسو بالفووطة لي على كتفوو ..رجع لبيتوو بعد ما نشف رااسو لبس البوكسر ديالو مع سروال جينز غليض و شوميز فالابسض .. مع سباادري بيضااء... طوا كمايم الشوميز و ركب سااعتو روليكس سكاي دويلر ..هز سوارتو و بزطاامو .. توجه للبلاكار خذا منو جوا و خرج ..ركب سياارتو و توجه ديريكت لعند دار زهرة لي كانت دااجا فااقت و لبسات عليها خرجااات تقضاات هي و عز الدييين و رجعات عاونات الدريات فجمييع الداار عاد ريحو قداام التلفاازة مجمعييين .. ماحساات تا تهزات بالفيبرور ديال تيليفونها خبط فيها .. 
زهرة ..« هزات تيليفونها و مشات للبالكوون ديال الكوزينا» .. الوو .. 
اليزيد .. انا ربع ساعة و هاني قدام داركم .. فاش نفيبي عليك نزلي ..
زهرة ..«بصدمة» .. هااا؟؟ اويلي راه كاين خويا .. 
اليزيد ..راك مرتي اش بينگجدر انا بخووك .. ؟؟
زهرة .. « بتوثر» ...ولكن راه م.. .. 
اليزيد ..وحدة من جوج يا غاتنزلي يا غنطلع انا و الحساب يتقال .. 
زهرة ..تت اوف وااخة وااخة .. 
اليزيد .. « معجبوش الحال فاش تأففاات..» ...نتحاسبو من بعد على ديك اووف .. 
يالله بغات تنطق و هو يسد عليها اليتيلفون .. شافت فيه و خشاتو فجيبها بعصبية.. هزات كاس تالما نزلات عليه دقة وحدة غير تتسمع صوووتو تتجييها الشحفة و هو كلو على بعضوو حرش و كلاامو قااصح تيدخل لودنييها كي الرصاااص. . 
يالله رجعات تجلس حدا مها و هي تسمع تيليفونها تيصوني .. 

زهرة ..احم .. « شافت فمامتها» .. فين عز الدين؟؟
جميلة .. مشا يتكى فالبيت ضرو راسو .. 
زهرة .. ميمتي حنينتي .. غطي عليا انا غادية نزل عند اليزيد و نتي قووولي ليه راه مشيت نتسخر غانجيب معايا لي كان من الحانووت صاافي ..؟؟
جميلة ..« بتحذير..» .شووفي هاه رااك عارفة خوووك ماخصنا صدااع .. 
ليلى ..خليييها اخاالتي راااه هاد المغامرات ديال الخطووبة و الله الى زينين يوليني انا لي مجربتهمش بااقة فيا الحرگة دياالهم هنااااايااا. . 
زهرة .. هههه الله يمسخك ..ماماااا راه قال ليا الى منزلتيش غانطلع .. 
جميلة .. اواااا مرحباااا بيييه ..
زهرة .. واماماا عافااك داباا .. 
جميلة .. واااخة سيري و متعطلييش .. تكووني هنا قبل لا يفيق خووك .. 
زهرة ..« باستها» .. يخليلي الحبيبة نبع الحنااان ..
نقزات لبيتها هزات العبااايا ديالها لبساتها فوق البيجاما صاوبات شعرها بالخف فالمياا و هزاات تيليفوونها لي ماسكتش و نزلات تتجري ..بان ليها واقف قدام المجمع ..وصلات عندو ركبااات و سدات الباب .. 
زهرة .. زيد عافاك للقدااام مبغييتش عز دين يشووفني لا نزل... 
دييمارا الاوطووو و توجه الجهة الثاانية من المجمع بعييدة على الموبل ديالها .. وقف سيارتو و ضار عندها مخنزر .. 
زهرة .. « باستفهام» ...مالك؟؟؟
اليزيد .. « طلع نضاضرو لفوق راسو» .. ديري فبالك تنمقت لي يتأفف عليا ااخر مرة ..« وجه ليها صبعو بتحذير .. 
زهرة .. راه ماتأففتش عليك .. غير .. « حناات راسها تتفرك فيديها ..
اليزيد .. ماعليينا .. هاك ..« مد ليها الضرف لي جاب معاه» .. هادو ديالك .. الى مكفاوكش قوليها ليا .. 
زهرة ..« شدات الضرف باستفهام. .» .. شنو هادوو؟؟ «حلاتوو لقاتو فيه كمشة ديال الفلوس فداك الضرف الكبير..» .. اويلي هادشي بزاف .. ..
اليزيد .. تما عشرين الف درهم مغربية .. اي حاجة حتاجيتيها شرييها عارف نتوما تتبغيو تبرعو راسكم قبل زواج .. 
زهرة .. ولكن ..« تتشووف فالفلوس و مبهوورة » .. هادشي بزااااف ..« مداتهم ليه .. اصلا مامحتاااجااش والله ..
اليزيد ... « دفع ليها يدها لعندها» .. عااارف ليي كاين ازهرة .. غير شديهم عند ماتعرفي تحتاجيهم .. 
زهرة ..«/حنات راسها و زيرات على الضرف » .. بزاف عليك هادشي.. باراكا غير المصاريف ديال العائلتي بااش قطعتي ليهم .. 
اليزيد .. « قرب ليها » .. شوفي فيا .. 
زهرة ..«/ضورات رايها لعندوو كان قرييب ليها بزاف» .. اليزيد ..ماتانبغيش نعاود هضرتي ...عائلتك ماجبتهم ليك الا و غايوليو عائلتي ..تشاركنا طعام و قريب نتشاركو دم .. ماعزازينش عليا الحسابات .. ماديرييهمش معايا انا المحيراااني ..
زهرة ..« حركات راسها بالايجاب و نزلاتو تاني ..» .. احم .. واخة .. لي بغيتي. . 
اليزيد ..« ديمارا ..» .. تفطري معايا ؟؟
زهرة .. علاش وقت الفطور هادي راه مشا الحال ..؟؟انا راه فطرت ..
اليزيد .. انا مزال ما فطرت و باغيك تريحي معايا تا نفطر .. كاين شي مانع؟؟
زهرة ..« فركات يديها»/.. الى فاق خويا و مالقانيش غايدير ليا لونكيط ..
اليزيد ..« خرج يدو من السرجم و يد صايگ بيها مرة مرة تعض شواربو بطريقة ملفتة» . دابا راك مسؤولة مني مااشي من خووك .. ماعندوش الحق ينطق. . 
زهرة .. خوويا تيتييق غيير فالوثيقة ..ماعندوووش هادشي تالخطبة .. 
اليزيد .. اولا هادي ماشي خطبة نتي مرتي .. ثانياااا فالشرع و قدااام الله مزاال لينا غير القانون .. تانيا خوك ماعندو مايقول .. 
زهرة .. «شافت في حالتها» ... ولكن انا شوةف حالتي رميت عليا غير عباية ..
اليزيد ..« طلع و نزل فيها» .. مالها مخيرة ..

دلات شفتها و عرفاااات رااسها لا مهرب كااابي عندها غا تسمع الهضرة و تسكت وقف سياارتو قدام مقهى قرييب من المجمع السكني ديالها..و نزلوو و توجهووو لطبلة لي شير لييهم عليها السيرفوور .. جلسات قداامو بعد ما كحز ليها الكرسي .. طلب الاكل لي بغا و ضاف فيها...
اليزيد .. اش تاخدي؟؟
زهرة .. لا راه عاد فطرت .. مابغيتش ناكل.. 
اليزيد .. جيب ليها عصير الليمون .. 
بقى قداامها مقااابلها عبنبيه علييها مازعزعهمش تيتفحصها و يتفحص ملامح وجهها الخجووولة و هي منزلة رااسها تتحاول تخبي وجهها بالشعر و والووو عارفاااه حااضيها و تيشوووف فيها .. ما تفكااات تا جاابو ليه الفطوور .. و بدى تياااكل .. 
و هنا تقلبو الادوااار ولااات هي لي تتشوووف فييه وو حاضبااه كيفاش تيااكل .. بشوية علييه و مرزززن تا فمااكلتو و كل دغمة تيديها تقووول بالحساااب .. متيااكلش بالزربة و مااشي بطييييئ تاني .. كوولشي عندوو معتدل .. بااينة فييه مرزن و معقل و هي من دينا تيعجبووووها الرجاال الي تيكونو هكذاا مرجلييين و تقال ...من دييما كانت تتمنا تزوج برااجل بعقلو و عارف ااش بااغي و ااش تيدير لكن ماعمرها فكرات تزوج بييه وااصل لربعيين و لا فووق الاربعيين .. ماكانتش تتفكر فهاد الفئة العمرية ديال الرجاال ..لكن شاائت الاقدااار و لاقااتها مع صااحب دعوتها .. 

زهرة ..« نطقات بشوووووية و بلا ميسمعها ولا تحس هي اش قالت » .. يا ربي كثلة من الجاذبية قدامي 😢..
اليزيد ..« طلع فيها راسو» .. قلتي شي حااجة؟؟ 
زهرة . هااا .. لا وااالو واالو... 
اليزيد ..« طلع فيها حاااجب و شير ليها على كاسها» .. شربي ...
زهرة ..وااخة ...« تكات عليه تبرد الشحفة ..» .. 

امسح يدو و رمى السيرفييت على الطبلة باهمااال بقاللت غيير تتشوووف نزلااات علبيها هاد قوة الملاحظة دقة وحدة ..بلعات ريقها و هي تدررررس الكااريييزما لي عطاااع الله و الثقة فالنفس .. هااو كتاافو و تيضوورش يشووف فبناادم تا لا داازت من حدااه شي وحدة متيتلفتش ليها عكس الكثيييير من الرجااال ...
زهرة .. « شافت فيه و نطقات بزربة» .. علاش تتقوول ليا المحيراني؟؟
اليزيد ...« طلع فيها راسو و ميل فمو بجنب بابتسامة ثقيلة» .. و علش بغيتي تعرفي .. 
زهرة .. « هزات كتافها» .. معرفتش غير فضول و صافي. 
اليزيد ..« نضف حلقو» .. الله سبحانه وتعالى عندو حكمة كبيرة فالحيرة .. عندنا زوج اعضاء فالجسم متيتفقوش .. القلب كيزيد و العقل تيشد اللجام .. فهمتي؟؟
زهرة ..« حركات راسها بالنفي و حالة فمها..» ..
اليزيد .. « ميل فموو » .. حسن ليك ...
كمل مااكلتوو و هي مرة تشووف فيه غير تيشووف فيه ضوور راايها و مرة تشووف غا بنص عيين ..صدقاات هي لي حايرة معاااه فديك اللحظة . ..
اليزيد ..« شير ليها بيديه حيت كانت ساااهية » .. كملتي نوضي نوصلك؟

غمضات عينيها و حلاتهم اول مرة تتحقق فييه اول مرة تتعطي راسها فرصة انها تتعرف على شخصيتو وااخة غير خارجيا من خلال تصرفاااتو الرزااان و كلاامو الثقييل الموزووون ..و مع هي مولوووعة بنزار القباااني و محمود درويش تيبالن ليها فييه غا تفلسيف ديالهم فالشعر .. و وساامة كااضم السااهر لي متتصنطش لغييرو ... 

كملات عصييرها و خرجااات هي وياااه عقلها تيفكر و يتشااور غير بوووحدو .. ماعرفاااتش علاش بالضبط دابا ولات تتشووفو زوبن و ولات تتحقق غملامحو فشخصيتو فمواقفو معاااها .. و لحد السااعة مزالوو تيديير معاها غير المزيااان نسااها فدااكشي لي فاااات ..نساها فنقاشااتهم و هضرتو ليها لب مكانتش حاملاها يمكن الواحد فااش تيتصرف معانا زوين مرة وحدة تنسااو لييه كااع اغلاطو معانا و يمكن الحب تيدق بااب قلبهاااا ... 
وصلهااا للدااار ودعااتو و طلعااات امااا هو تووجه ديييريكت للكازييينوو لي غفل عليييه شحاال هادي مامشااا لييه .. 

وصلهااا للدااار ودعااتو و طلعااات امااا هو تووجه ديييريكت للكازييينوو لي شحاا هادي مامشااا لييه خلى غير واحد ااخر يقاابلو على ما يجي .
اما زهرة ..طلعات تتجري بالفلوووس لحسن حظها لقااات عز الدين مزاال نااعس لانه فاش تتشدو الشقيقة تيشرب دوا و ينعس متيبغي يسمع حس تا واااحد ... مشات عطات الفلوس للام ديالها ..
زهرة ..خبيهم عندك اماما. . 
جميلة ..ويلي مالك بااقة صغييرة خبيهم لرااسك ابنتي .. فلوسك هادووو .. 
زهرة .. هههه فلوووسي فلووسك اميمتي ..شووفي .. خلبهم غا عندك اصلا غدا غانخرجو تقضااو شحاال هادي ماتكسيت. . 
ليلى .. هانا تاااني على سوميجااات و اللعيباات هاي هاااي .. انا نختااري لييك غانبرع ختييي .. 
امنية .. هههه يه خليها تختاار لييك غاتخلي شيباااني تاالف . 
زهرة .. « خزرات فيها» ..شيباني هو بوك. . ااش عرفك نتي رااه الشيييب وقاااار. . 
امنية .. هاد الحلووفة قلت ليكم ولات تتبغيييه .. و ماتيقتوونييش. . 
جميلة .. و ماالها ماتبغييه .. غا يومين ولا تلت ايااام و يولي راجلها .. 
امنية .. ههههههههههه اوا غا هي لي تتنكر .. 
زهرة .. ماشي سووقك .. 
امنية .. نااري يا الصكعة غاديري اسرع عرس فالتاريخ .. ماشي بحااال ديال ليلى ...هههههههه عامين و توما تتوجدو لييه تا ديبتو عز الدين مسكين. . 
ليلى .. اختي داكشي بحلااوتووو .. 
زهرة .. « نزلات عينيها» .. كاين شي بعد الخطرتت الضروووف تتحتم عليينا نديرو شي حوااايج بزز علينا و تتحتم عليينا مانديروووش شي حوااايج حنا بااغينهم .. و الخير في ما اختاره الله... 
جميلة .. و نعم بالله .. شووفي ابنتي .. راجلك باان ليا رااجل مزيااان .. حافضي علييه .. زيري شوية و رخفيي شوية ماتقصحيييش رااسك و يهرب لزنقة و ماترخفييش ليييه و تخلبيه يدير ما عجبووو .. رااه تيقووول ليك المراا اللحلاااحة حسن من السحااارة غيير بحلااوة اللساان تجري راجلك عندك. . 
زهرة ..« تنهدات» . كوون اميمتي الرجاال تيجيو بحلاوة اللساان .. كون باا زبدة فيديك .. 
جميلة .. مدويش ليا على الكاافر بالله .. واااحد لي متيعرفش بينو و بين الله اش تسنااي منووو؟؟ نتي راجلك تبارك الله عارف بينو و لين الله و بااينة عليييه ماشي ديال التخلوييض .. خصك غير تعرفي تحافضي علييه .. 
زهرة .. هاحنا عند الله .. 
جميلة .. الله يرضي عليك اكبيدتي. . 
.... دوزات زهرة نهاارها فالجلسة مع العائلة ديالها تا فاات العصر عاد ناضو خرجوو تيضوورووو و مدوزين نهارهم فجوو عائلي زويينن توحشةووه كاملييين .. 
اما اليزييد كان مريح فالمكتب ديالو تيشرب قهوتووو تا دخلات عليه كنزة لي حطها مساعدة ليه بلاصة زهرة ....
اليزيد ..اش كاين ؟؟
كنزة .... سي اليزيد ..ليدي ميري بغات تشوفك...
اليزيد ..« خزر فيها...».. اش عندها ماتشووف فيا .. قولي لها تمشي مامساليش ..
ميري ..« دخلات بدوون استأذان» ... شكون هادي لي تمشي هههههههه انااا .. « شيرات لكنزة » .. سيري ..
كنزة ..« طلعات و نزلات فيها و شافت فاليزيد..» .. بغيتي شي حاجة اسيدي ؟؟

اليزيد .. لا غير سيري شووفي خدمتك ..شكرا ..
ميري ..« رمات الصاك على الكانابي و مشات عندو تحناا علبه تتبين فصدرها و سلمات عليه بلا بيز و هو غا صخرة ماتايتحركش .. ماشاافش فيها....» توحشششتك بزااف. 
اليزيد ..« دفعها عليه» .. مرة اخرى تلاحي عليا نلوح ريتك من السرجم ...
ميري ..« ضحكات بصوت رنااان مق***» . ههههههه اووه تشووك كوميك. اشكم .. 
اليزيد ..اش بغيتي ..؟؟..لاش جاااياا دوينا المرى لي فاتت واقلة متتسمعيش بالهضرة ..... 
ميري .. هههه الليدي ميري .. صعييب تستسلم و من المستحل يرفضها شي وااحد .. 
اليزيد. ...« حنى راسو فتيليفونو» .. سيري را ماباغيش نسبك سيري. .

ميري .... هههههههه ..« تلاحت على الكانابي و حطات رجل على رجل مبينة كاع صيگانها» .. اي حااجة من عندك عسل. . و شوكولا .ههههههههههه .. 
اليزيد ..« باشمئزاز » .. نوضي سيري فحاالك قبل ماندير فييك يدي .. 
ميري .. قاالو ليا غاتزوج مبروووك ..هههه تتباان ليا وفي لزوجتك المستقبلية ..مابااغيش تا تشووف فيااا . 
اليزيد .. «خزر فيها» ....بحال لا علمك الله .. يالله نووضي دردبييي ..
ميري ..« تتشووف فضفارها و على وجهها ابتسامة ساخرة » مي دوماااج هي مااشي مخلصة لييك... ههه. .
اليزيد ..« ناض وقف و ضرب البييرو بيديه بزوووج» .. كلااامك ميفوووتش الحدووود .. مرتي ماسوووقكش فيييها ... سمعتي ... تزيديي علييها كلمة حسبي ربي ماخلقكش .. 
ميري ..« ناضت وقفات تا هي» .. نزل شوية اسي اليزيييد تزل ... غااا بشوية عليييك ماتحرقش عليا انا دمك .. سير حرقوو على دييك لي تضل مع صاااحب خوووك عابديين فالبيييران .. جااي تتشطر علياا انااا؟؟ 
اليزيد ..« فااار الدم فعروقوووو قرب العمدها ودااا تيكشكش ..» ..اااش هاد التخربيييق تتخرجي من فمك؟؟ هااارفة راااسك ااش تتقووولي « جرها من معصمها لواااه يييهااا تا غوتاااات » ....دوييي منيييين جبتييي هاد الهضرة .. و منييين عرفتييييي نتي بيييمن مزوج ..
ميري ..هههههههه اااه وا طلق منييي ..انا تاا حاااجة ماتخفااا هلياا ااااي ... يااك هي زهرة لي كانت خدااامة عندك ...اوا رااها تتعرف عاابدييين خييير معرفة سوول و تعرف. ..

اليزيد ..« زيرها مزيااان من يدها تا غوووتاااات و سمعات صباعها طرطقو بالزياار ...» وااااش عرفتييي بيييلا هضرتك يطيييرووو فيها الرقاااااب
ميري .. ااااااي ..وااااطلللق. ...« تتحاول تتملص منوو»واش حماقيتييي واااش عاارف شكووون هادي لي شاااد بهااد الطريييقة؟؟
اليزيد ..« حمر فيها عينيه »..شكوووووون بغيييتييي تكوووني بالسلااامة ..انا راااه ميعمني لا بوووك ولا ملتك .. يالله قوودي عليااااا من هنااا
ميري .. « شدات فيدها لي كانت واجعاها تا دمعو عينيها» ..مزاااال غاتندم اليزيد مزال غاتندم على داكشي لي تدير .. 
اليزيد ...« دفعها لجهة الباب » .. وا دردبي خويييي عليا من هنا ..
خرجااات تضرب برجليها و تتمشى بعصبية تترععد شاادااها لبكية الليدي ميري لي كيتهاافتو عليييها الرجااال غير بااش يتنااسبو مع مااالك خلييي زييينها لي متلف الاغلبيةاليزيد راافضها و بطريييقة خلاتها تحقد على زهرة و تتحلللف علييها ..

ريح فووق البيرو ديالو تيعضضض فشوااربوو بعصبية و صبااعو تيدقووو فوق البيييرو معلنين عن الثوراااان الداااخليييي لي ناايض فيييه .. و هو تيسترجع اللحظات لي فااااااتو طاااح فباالو نهاار عابديين عطاااها الكلرت فيزيت ديالها .. و هو نيت تناقش معاها داك النهار على قبل ديك الكارت لي كانت فيدها ..ضوورها فراااسو مزياااان واااخة كان على ااخرووو بالعصاااب و هز تيليفونو ضور ليحيى .. 
اليزيد ..« بدون مقدمات» ..قول ليا فين نقدر نلقى صاحبك ...
يحيى .. شكون فصحابي؟؟
اليزيد.... عابدين ..
يحيى ..« وجهو تخطف منو اللون» .. علاش يااك لباس ..؟؟
اليزيد .. « ضرب يدو بالبيرو» .. واااااا بلااا اسئلة طلقنييي ... 
يحيى .. ااا ..« نااض و مشااا للكوزينا » انا وياه كاينين فداري دابا .... قوول لياا ياك لباااس اخوويااا ..

قطع عليه بدوون نا يجاوبوو و ضار هز الفيست ديالو و مشا تيجري لسيارتووو كسيييراااا لدار ديال يحيى .. ماعرفش كيف دوز ديك الطرييق المهم غااادي و تيسب و يلعن فالطريييق دمووو فااار و قلبوو فحاال لا تطعن من جهة شخص اصبح عزيز .. كان مستعد يدير ليها اي حاااجة طلباتها و يعيشها مخيرة ماناقصها تا خير و الحاااجة لي طلبااتها ميرضهاااش فيها .. ولكن انها تكذب علييه و طعنو فضهرو بهاد الطريييقة اكيييد غايحس برجولتو تهااانت غايحس برااسو مكافيهااش و تتقلب على واحد اخر .. و هو مااشي برهووش بااش يبقى تابعها فهبالها. ! ..
وصل لدار يحيى و طلع تيجري ناااوي على خزيييت عمرووو ضاارب على درية تا فالمرااهقة ديالو و هاهو داباا غادي يخلي دار بووو عابديين و فكهااا يا من وحلتييها. ..
يحيى مسكين غير سمع الدقان فالباب و هو يقفز تيشوووف فجنااابو .. شاف فعابديين بحصرة على داااك الوجه لي غاياااكل الدق و ماغايبقى بااين فييه غا النيف... ناض فتح البابو هجم عليه اليزيد دفعو لللجنب و دخل بان ليه عابدين مجباااااد فوق الكاناابي و مدلي رجليه تيلعب فتيليفونو .. مشا ديريكت عندو شنق عليه و وقفووو .. 

اليزيد .. اااش بينك و بين زهرة؟؟؟
عابدين ..« جاع على غفلة خلعووو .. شد لبه فيديه بااغي يحدهم لبه من عنقو» .. ااااه وااش نتا مرييض حيد يدك اصاااحبي و دوي بفمك .. 
اليزيد ..« عطاع بار لنيفو تا تقلبو المومالات ديال عينيه» .. انا تندوي بيدي اولد الكلب... اااااااش بييينك و بييين زهرة .. 
يحيى ..« شد ليه فيدو بغا يفك » .. خووويا اجييي نشررررح لبيك ماتمشيش غااالط .. 
اليزيد .. « دفع يحيى » .. مادويتش معااك نتا .. حسااابي معااك من بعد ..
عابدين .. « تيمسح على وجهوو و تيحااول يدفعووو» .. وااا سيييير سووووولها لاااااش جاااي عنديييي انا سييير سووول خطييبتك...
اليزيد ..« جمع يدييهي تا جمعها ووعطاها ليه للوجه» . يا ولد الكلبة راااني هادشي غا مصبر راااسي لا طلقتهم عليييك غاتموووت اولد الكلب .. 
عابدين ..« « ناض و دفعو تا كان غايكيح اللور » اااش كيصحااب لبيك رااسك. ااسيييي هااااا ؟؟ شكوون نتا لي ديير فييااااا يديييك ..« دفعو مرة اخرى من صدروو اليزيد تيجمعهم لييه خلااااااه يدير ما بغا» .. سييير عند خطيييبتك هي لي خرجاااات معاياا سووولها علاااش .. يمكن لقااات فيااا لي مالقاااتش فييييك .. هاااااه. .؟؟
اليزيد ..« هانا طلعوو لهي القرووود للسطاااح ما بقى لا رزااانه و تباالثة .. جمع يدو تا جمعها و نزل بيييها على عابدين للوجه زادو دقة اخرى تا طاح للارضجمع يرجلبيه و عطااها لييه للكرش زواااه .. بقاا علييه هاااك بلااااك هاااك بلاااك و يحيى يفك و هو والو متينطقققش سااااكت و حدو تيضرب تقووووون ثووور و هااج .. 
يحيى ..« تيجر فيه و يرغب » .. وااا خاااي غا بغا يعصبك .. و الله الى كلاااامو كووولو كدوووووب ...واتا راا باااغي يعصبك واااااكوااااك التلفاازة اولد العبد .. جرووو لهناااا... و بربيييي لا هووو لي ضسر عليييها وا مكااانش عاارفهاااا معااك واااا خووويااا الله يهديييك نعل الشيييطااان ..

يحيى مسكين كل ما كيبغي يكحلها تيعميييها ..غييير هو تيقووول ليه ضصر عليها تيزيييد يعطيييه بحر جهدووو ..فييينك اتلفاازة و فييينك اليزيد .. و فييينك اعابدييين مسكييين ماطلق منو تا رجعووو شرويييييطة مليووووحة ماعاقلش ..جرووو من التيشرت ديالوو و تم غااادي بييهي للحماااام .. ولاحو حدا البينوااار خذا الرشااش فتحها عليييه تا قفز تيكحب .. 
عابدين ... قحححححح....ص.. صا ... صاففيييي

اليزيد .. « سد الرشاشة و نزل عندو تحنى على ركبتو جرو من شعرو لي تدلى على وجهو بالماء ..»، .... هادي قرصة اذن!!..نهار تفكر تشوفها وااخة غييير بالصدفة بربي تا ندوووز علييك الخاااوة .. سمعتيييي
عابدين ..« حرك راسو بالايجاب ..» ..
اليزيد ... رجلة تالكرطون .. تفووو ..

دفل علبيه و نااض دفع يحيى لي كان وااقف مصدووم عند الباب ..ما عرف واش ينووض عابديين لي ملواااح فالحماااام ولا يتبع خوووه يكاالميه .. شاف تا عيا و مشا تيجري تبع اليزيد ..

يحيى ..« لحق عليه فالدروووج و شدو من كتفو» .. تسنا اخوويا شوووف ..ببا متخسر مع زهرة. . و الله الى الدرية نقية راااه عاد الحلوووف لي موااالف بالضصااارة مع الدريااات داكشي علاش ضصر علييها ورااه ماقبلاااات لييه قطعااات معاااه الهضرة..الدرية الله يعمرها دااار و الله.... 
اليزيد ..« شاف فييه .. كمش يدوووو تاااا كمشها و عطااااها لييه للعين .. ».. هادي بااش تعلم تخزن .. الكلب... 
يحيى.... اااااااااااااه ااحححح « شااد فعيينو» . ااش درت ليييك ااناااا 

خلااه اليزيد وااقف تيولول .. طلع و نزل فيه و زاد خلفة مع الطرييق و هو تااابعوو تيرغب فييهي مايكملش بزهرة لي ماااليها تا ذنب حييت عاارف القصة كااملة ولكن شكووون لي غايسمع لييه ..شااف تا عيااا و رجع عند داااك اظلي خلااا ملاوح فالحمام تيوكل علييه الله حيت هو السبب فهاد القرباالة كااملة ..
اما اليزيد فهاد اللحظااات شد طريييق طرابزووون ديرييكت مابغاااش يتلفت حيت لا رجع غايمكشي يخلي دارو زهرة ..داكشي علاش قرر يمشي يطفيي خضفوو فالبحر و البحر الوجيييد لي غايقدر يطفييه و هو بحر طرابزووون الهاايج ..جنب الصغر و الحجر المكااان لي قليييييل فين تيعوومو فيه النااس بسبب علوو امواااجو و الخطر ليي فيييه... بعد طرييق طويييلة اخييرا وصل ليييه كانو عينيه كيرميييو نااار و شراار حااس بعقلوو تينفجر ماقدش يتحكم فرااسو داكشي علاش جاا لهااد المكااان بالذاات ..وقف السياارة و نصل الشوميز لي كان لابس رماها تبعها السروال و مشااا تيجريي تلاااح للبحر من فوق الصخرة للاموااج العالية مبااشرة ..و كل ماا دخل كاثر كان تيتصاارع اكثر ضد الامواااج لي كاانو تيضرووو فييها و يجذف بيدييه و يضرب برجلييه بكل عصبييية تا حس برااسو دخل للنقطة الخطر .
العطبية لي كان فيها خلات عينييه يتعمااااو بالسسسف قدر يحبس رااسو ااش يمشيش ليها خصوووصا عد كلام يحيى لي فهم منووو شي و شي ماسمعوووش داكشي علاش توجه للبحر بااش يهداااااا عاااد يقدر يعرف ااش غابدييير ...في تلك اللحظة كل شيء يصرخ .. البحر و الرياااح و قلبه .. حتى جسده كاان يصرخ ... 
رجع للشااطئ بعد صرااااع طويييييل بينوو و بين الامواااج ريج فوق حجرة صغيرة تينهج و قطراات الماااء تتصبب من جسموو كاامل مختلطة مع حبااات العرق لييي ناتجيين عن ثوراان جسمووو كااامل .. عضلاااتو كانو متشنجييين و مزييير على كل عصااااب فيييع.. و تدريييجيا تحاااول يهدىىىىىى و يرتااح نسبيااا .. بقى نص ساالعة و هو مريح على نفس الوضعية تا لقى رااسو بلي الوقت تاخر بزاف .. ناض لبس حوايجو كان ديجا نشف و شد طرييق للدااااار تيفكر و يخمم ااش غايكون مصيير زهرة معاااه .....

كانت هادي اول ليلة تدووز على زهرة بلا ميعيط عليها اليزيد فالوقيتة ديالو .. جاتها عجب .. ولفات داك الاتصااال و ولفاااات ديييك « تشيشيك » لي تتخرج من فمو ثقيييييلة و لولفات نبرة صووتو الناااعسة كل ليلة و هو تيدويي معاها فاش تيكووون فيه التعب ديال اليوم كاامل ... ولفاااات كلامو و الاواامر لي تيعطييها ماتلبسيش ماديرييش و ديري .. خلاااها ديك الليلة سهراااانة و تتسنااا اييمتاااا غااايتصل بييها لكن ماتصلش ... بقات تتسنااااه تا غفااات و داتها عييينها... مافااقت تال الغد ليييه ..و كيف فاااقت هزات تيليفونها تتقلب وااش اتصل بيها لكن مالقاات والو ... ترددات بااش تتصل بييه .. ماعرفااتش شنوو بيه لانه اول مرة ميتصلش بييها لكن ثقلااات راسها و خرجات من بيتها بعد روتينها الصبااحي .. لقاتهم مجمعين فالصاالون و مخلبين ليها فطورها فالكوزينا .. صبحات علييهم و مشات تتفطر فالكوزينة و تتفكر شنووو لي ممكن يكوون السبب في ان اليزيد ما اتصلش بييها .. كملات فطورها و مشات غسلات الميعنات و جمعات بلاصتها فين فطرات... 
كي جلسات معاااهم وجهاات لبها جميلة الكلام. .
جميلة .. زهرة .. ديري بحسابك عگوزتك غاتجي لعشية صونات عليا و قالت لي بغاتك تخرجي معاها ..
زهرة ..« باستغراب» ..بوحدي؟؟
جميلة ..ايه بوحدك ..و تا حنا غانخرجو باش نشريو ليك شي تخربيق ..
زهرة ..« حركات راسها بالايجاب» .. واخة .. 
......
اليزيد ..« متكي فوق السداري رجل طاويها .. رجل مسرحها و تيخمم » .. الواليدة .. شي كااس تالقهوة الله يحفضك .. بلا سكر .. 
نوال ... هي لي ماتعااودش اضوو عويناااتي. . 
ناضت نوال وجدات ليه القهوة كيف تيحبها من يديهااا .. و جابتها ليه حطاتها قداامو و ريحات حداااه هز رااسو حطوو علر رجلييها و حطات يدها على رااسو تتلعب فشعرووو لي كان مزين بشعيرات بضاااء موزعة على الشعر الاسود القااتم ديالو...
نوال ... شعرك بياااض ولدي ههه .. 
اليزيد ..« خذا يدها من فوق راسو بااس كفها» .. كبرناااك الواليدة .. ..
نوال ... « ابتسمات» .. الله يخليكم ليا و يحفضكم من كل شر و يبعد عليكم ولاد الحراام. . 
اليزيد .. امييين اميمتي امييين .. 
نوال... اااه حقا دير فبالك .. هاد العشية غاتوصلني انا وعرووستك للسووق .. و من بعد غاتدينا للموول .. بغيت نفرح بييها مسيكينة و نفرحها و هي تا عرس ماغاديرو .. 
اليزيد ..« عقد حواجبو على سيرتها» .. قوليها ليحيى يديكم .. ماغادي فين انا ..« ناض من فوق ها و جلس حداها باااين على ملاوح وجهو الحنق »..
نوال ..« شافت فيه باستفهام» ..ياك لباس؟؟ واش طارية بيناتكم شي حاجة اوليدي؟؟
اليزيد ..« مزالين تقااسيم وجهوو متشنجييين» . والو .. ماتشغليش باالك. .
نوال .. اوا انا بغييتك نتا لي تديينا اولدي .. ماترضهااشاااي فوجهييي .. 
اليزيد ..« تنهد و ناض لبيتو» .. واخة ..
توجه لبييتو لبس حواايجووو و هوو ماااحاملش هاد الخرجة .. ماتصلش بيها ليلة الباارحة و كان تيتسنا منها اتصاال واااخة كااان عوال يصبنها الباارح كووون اتصلات بيييه لكنه تفااجئ انها ماعبرااتوش .. و ماعجبووش الحاال واااخة هااز منها ماحاملش يسمع تا صووتها ولا يشووف وجهها ملي عرف انها تتخرج مع عاابدييين .. 
كي نزل لقى نوال ديجا وااجدو وااقفة مع شي وااحد فاش حقق مزيااان لقاااها شيلااء... 
اليزيد ..السلام عليكم « حنى راسو و داز من حداهم مشا ديريكت لسيارتو » .. 
شيلاء. .« عليكم السلااام » .. 
نوال. .هانتي ابنتي بقاااي مع حليمة و وعييها شوية .. خففي ليها داك الدمااغ راه غاتمرض رااسها بالتخمام و البكاا .. 
شيلاء .. ههه غير تهناي دابا نقي ليها وديناتها .. 
نوال ..الله يرضي عليك ابنيتي .. راه تتفااهم غير معااك نتي ..
شيلاء. . كوني هانيا اخالتي. . 
نوال .. يالله خليت ليك الرااحة .. 
ودعاااتها و تبعاا اليزيد لي لقااتو دييجا ديمارا السياارة و تيتسناا فيييها ... فهاد الوقييتة كانت زهرة تتوجد تا هي .. اختاارت صاية فيها لي بلي بالكري واصلة تحت الركبة مع تيشرت فالابيض و سباادري تا هو ابيض .. مدارتش المكياج .. حدها طلقات شعرها .. و ريحات تتسناا فييي نواال تا سمعاات الكلاكسوون .. طلات من السرجم باانت ليها نوال طالعة مع الدروج و هي تهز صااكها و نزلات تتجري .. تلقات ليها فالدروج ..
زهرة .. « مشات سلمات عليها» .. خالتي نوال علاش طلعتي كنت نييت نازلة .. 
نوال ... سيري نزلي راه اليزيد فالطونوبيل .. انا غانسلم على ماماك و نجي .. .
زهرة ..« شيرات براسها » ..واخة . ..
نزلات تتنقز فالدروووج و اجتاااحت قلبها رااحة نسبية فااش عرفاااتو بيخيير و يمكن متصلش بيها غيير حيت نسااا ..
خرجات من الموبل و توجها للسياارة ..كان اليزيد يد متكييها على الفولون و يد تيضرب بيها على ركبتو.. تا وقفات عليه من جهتو و حطات يديها على السرجم .. 
زهرة .. سلام .. 
اليزيد ..« شاف فيها و هو يضربها وااااحد مولاتي تخنزيييرة داايزعا الكلام ..و حرك ليها راسو بالايجاب. . 
زهرة ..« معجبهاش الحال حيت ماكانش تيتعاامل معاها بهاد البروود .. تا نضرة عبنو مختلفة ..»/..علاش ماتصلتيش بيا البارح. .
اليزيد ..« تنهد بعصبية » .. مكنتش مسالي. . 
زهرة ..« علامات استفهااام على وجهها» .. مفهمتش ..شنو كنتي تدير ...؟؟
اليزيد ..« شااف فيها بنظرة نااارية ...» طلعي ازهرة .. و ماتحكيش على الدبرة .. خلينا هانيين .. 

كيقووول ليك التريث خير من الاستعجااال ..و دااكشي لي داار اليزيد مابغاااش يظلمهاا واااخة دارت علااش و داكشي علاش نوااا لها على التربية من اول و جديد لانها غلطات معاااه غلطة لا تغتفر حس برجولتو تهاانت فديك اللحظة لي قالت لوو ميري فيها على هادشي ..و خلاص فااش تاكد من عابديين زااد كفر عليها كثر و تحلف علييها..
الطرييق كااملة و هي مشطووونة من هاد التعاامل لي عاملهااا بيه ..كان موااالف يشووف فيها فاش تيهضر هاد المرة مطلعش فيها عينيه .. حتى كلاااامو البااارد خلااا حلقها ينشف من ركباالت و هي تتخمم مادخلش ليها داكشي لراسها بغاات تسوولو تااني لكن نوال كانت باركة حداااه ماقدراتش... حطهم قداام المووول و مشاا يقضي شغااالو و هووما دخلوووو تيضوورو و يدخلو لهاد المحل و يخرجو من هذا و نواال فينما تبااان ليها شي حااجة زوينة تتدخلها تقييسها و تشرييها ليها. .ماخلاات بيجاامات حرييير ماا خلاات كسيوات قصااار الا لي شووميز ماقبلااتش زهرة انها تاخدهم ليها بالمرة .. بعد ما كملو الضوووران و عياااو من كثرة الشراا .. هز كاع داكشي لي شراو و ريحو فكافي طلبو قهوة يلاهيو بيها الجلسة و بقاااو مجااامعين تا نسااو رااسهم و الوقت. . ... 
نول... واش عندك شي مشكل مع اليزيد؟؟
زهرة .. لاااا علاش قال ليك شي حاجة:؟؟
نوال .. لا انا لي تنسولك واش كاينة شي حااجة حيت بنتو ليا فشي شكل .. ...حالكم مااشي حاال زوج عااد مخطووبين! 

زهرة ..« بلعات ريقها»/..اصلا انا و اليزيد ماواخدينش على بعض .. كلامنا قليل. .و معرفتنا ببعض ماشي كبيرة .. هو مااشي من الناس لي تيدويو بزاف و انا ماشي من الناس لي تزعمو و يجبدو الوااحد فالهضرة .
نوال ... ههههه ..اوا راه خصك تزعمي.... ؛في ازهرة ..انا اليوم بغيت نخرج معاك بااش نجرلسوو و نتكلموو ..ماشي غير بااش نتقضاو ..شووفي نتي دابا وليتي بحال بنتي حليمة ..و غاتزوجي بالعزيييز الغاالي ... يعني نتي هي الكنة الكبيرة لي غادخل لداري ..انا عارفة اليزيد عصبي و صعيب شوية فالكاراكطير ديالو ..حيت عاااش بعييد عليا و بعيد على خوتو ..كان بووحدو فالغربة. . عانا بزاااف و داز على راااسو شلاااا محااين ..يعني تقدي تقووولي انه عااش اليتم و واليدييه حيين .. 
زهرة ..«باستفهام».. علاش كان بعيد عليكم ؟؟
نوال...«/تنهدات» ..بااه ...باه صعيب بزااف هو لي رسلو لالمانيا باش يقرى تما .. و هو شخصيتو صعيييبة من صغرو ..تا حد متيقدر يتحكم فبه تما هرب و خدم على راسو من الصغر و هو تيحفر فالصخر تا ولا راااجل بدرااعو و كتااافووو رااجل لي تسندييي علييه و ماتخااافيش.... الغربة قساات قلبوو .داكشي علاش تتشووفيه دينم مغووبش و مكيدويش بزاااف ..

زهرة...« منزلة راسها و تتلعب بيديها» ..ولكن اخالتي الما ماغايدوزش بالسكات ..مثلا غير اليوم ..سولتو مالك ما اتصلتيش بيا البارح حيت موالفاه تيتصل بيا ..و خلاني بلاكة ..قال ليا طلعي و خلينا هانين ماتحطيش على الدبرة .. بغيت غا نعرف اشمن دبرة .. شنو درت ليه انا؟؟؟
نوال ..لاتحكشي على الدبرة اذا ضرااتو من جهتك شي حاجة .. 
زهرة ..« عينيها بغاو يدمعو» .. وحق ربي مادرت ليه شي حاجة غير الصباااح اتصل بيا و قال ليا باغي نشوفك و خرجت عندو مشيت معاه تا فطر كان بيخير صحة سلام تا تسيف عليا. . 
نوال ... اوا هادي خصها تكون مهمتك نتي خصك تعرفي ماالو و ااش عندووو .. راك غاتولي مرااتو... و صااحبتووو و ختوو و كووولشي .. داكشي علاش خصك تعوودي تردي البال .. و الحاجة لي مقلقاتوش ماديريهاااش .. راه الزواااج عمرو يمشي بالعناد .. « تنهدات» خير مثال بنتي حليمة و راجلها هاهي دابا باركة عندي فدار ماغارفاش تا شنو المشكل بيناتهم .. و انا عاارفة حليمة مفششة كثر من القيااس .. و السبب هو اليزيد .. هو لي كااان من صغرها مفششها واخة بعيد علبها بالحق كان تيجي يدييها بزااف دوز معاه العطل و تا فتربيتها كااان تيحلف علينا لي قاسها ولا ضربها غايتحاسب معاه و تا حااجة مكانت تخصها تا خرجات على زواجها و الله يعلم بيها مابغات تا تقوول ليا اش كااين. . « بنضرة اسى» .. الله يهدي سرها .. المهدي راجلها راجل مزيان غير عياااتو بالفشووش يمكن ولكن تيحماق عليها و دار المستحيل باش يتزوجها. . 

وسعات عينيها بصدمة .. تقرصااات و تقل عليها كلام نوال .. وجهها بدا كيحماار فاش سمعااات سيرتوو و بلي تيبغي مرتو هادشي ماشي حزنا علبه و انما كانت حااسة راسها انه لعب عليها و استغلها فاش كانو عندو مشاكل مع مرتووو ...تنهدات طبطبات على يد نوال .. 

زهرة ..« ابتسمات ليها بخفة» .. دابا ستصالحو .. الرجل فالاخييير ماعندو غير دااارو ... و المراا كذلك شحال قدها تجلس فدار باها غايجي نهار ترجع .. غير هني بالك .. و تا انا غاناخذ بنصيحتك و غانحاااول مع اليزيد بااش نعرف شنوو بيه .. 
نوال ..« حطات يدها على يد زهرة» الله يرضي عليك ابنتي و يكملك بعقلك .. غير هو شووفي فاااش يبان ليك اليزيد شااعل وايااك تقربي ليه ماتحكريش عليه خليه بوحدووو و بدلي سااعة بالاخر .. 
زهرة ..ههه واخة ..
نوال ..« جبدات من صاكها بواطة كبيرة ديال الدان فيها سنسلة و براصلي مع الحلقات ديالهممعلى شكل خميسة منقووشة .. من الذهب الثقيييل مخلطة بالذهب البيض و الصفر و فيها حجيرات بالاحمر ...» .. هاني يا لالة .. الكادو ديال عرسك من ولدي .. 
زهرة ...« وسعات عينيها من جمالو» واااو .. لا بزااف اخالتي مهانقدرش نااخدوو بااينة علييه غاالي .. 
نوال ... مرااات سيدي اليزيد الغااالي ماغايلييق ليها غير الغااالي .... و مجااتش تحشميني و ترديني .. و رااك فمقاام بنتي حليمة و لي درتو لها فعرسها كوني اكيدة غانعمل لك فحااالو ..
زهرة ..«ناضت وقفات تا باستها و عنقاتها» . ربي يخليك .. 
نوال.... ههه يالله خبيه لا نتگريساو ..

خذااتو زهرة حطاتوو فصاكها و الفرحة ماقادااهاااش ..فرحااتها بالحوايج و كاااع المستلزمات لي غايخصووها من كرييمات و من رواايح و مت حواايج ماخلاات شنو شراات ليهااا وااخة عيااات معاها و خبراتها بلي اليزيد عطاها فلووس باااش تشري شنو خصها ولكن هي حلفاات علييها ان داكشي لي دارتو لحليمة غاديرو لها تا هي و الحكمة من تصرف نوال هي انها تقوي علاقتها مع مراات ولدها و ديرها بنت ثانيا ليها بعيييدا عن الموروثات الشعبية العربية عن علاقة العرووسة و الحماة لي تتكوون ديما فيها الصرااعات ..
بعد ما كملو دورانهم و بعد ما كملات نواال نصائحها لي عطااتهم لزهرة .. عيطاات لليزييد لي جاااهم فيساااع لانه كان تيتقهوا بجنب المول نيت نزلو لقااوه تيتسناهم .. ماد يدو من السرجم و تيكمي .. غير بانو ليه رمى الكارو زطم على بطوونة طلق بيها معطر ضد دخاان السجائر .. خرج خدا من عند الام ديالو الساشيات لي كانت هازة و تلفت لزهرة تا هي خدا منها بلا ميشووف فيهااا.. اما هي بقاات غير تتشةوف فيه و تتحاول تحفض تصرفااااتو لي جاوها غراااب .. حيت رجع لبرووودو الاول و معاملتو الجااافة من جديد و هي هاد المعاملة تتكرهها .. 
طلعات للسياارة تتنفخ و تصوووط و عاقدة حواجبها .. ضربات بالباب تا قفزات نوال و ضار اليزيد مخنززززززر فييييها. .. 

اليزيد .. « هرسييييييه كاااع نتي و تهناااي .. يااك لباااس مانخاافووووش؟؟؟
زهرة ..« ربعات يديها فكعااانة منو تتسنااه يحزرها مشيتي بعيييد ابنيتيي ازهرة تشوووفي حلمة ودنك و ماتشوفيش اليزيد تيحزرك😂» 

اليزيد. ..« ضار شاف فالطريق » .. الصبااح الله .. 

زاادت صدمة على صدمة و بقاات غير تضوووور فعينيها و شافت فنوال لي شافت فيها و حركات راسها يميين و شمااال زعماا يا بنيتيي يكاع نصاائحي مشاااو مع الريييح .. و هو مرة مرة تيشوووف فيها من المراااية و عاااقد حواااجبووو ماكرهش ينزل يدكهاا تماا تا تقوول بارااكاا و تعلم الهزاان كي تيكوون ولكن مالقااش ليها الجهد ميقدرش يحط عليها يديه لاااهي من شيموو و لا هي من اخلاقو يمد يديه على مراا.... 
كي وصلو ضرب ليهااا واااحد الفراان صيييك تا تهزاات الطونوبيل من اللور .. بقات غير تدور فعينيها .. شافت فبه نوال و تكلمات معاه بحدة ..
نوال .. بشوية علييك اولدي .. مالك خلعتي البنت. . 
اليزيد ..« ضور وجهو للجنب » ...
زهرة ..« ماعجبهاش الحال حيت ما بدرات منو تا ردة فعل و ماحاولش تا يدوي معاها مدات وجهاا لنوال» .. يالله اخالتي بسبامة و شكرا على كولشي .. »
نوال ..« سلامات علبها بحرارة و فحال لا تتطمنها بعينيها ان كولشي غايكون مزيان ..» بسلامة اكبيدتي .. الله يعرضك السلامة ..تهلاي فراسك و عوودي تصلي بيا نشدو الحتيت شوية هههه .. 
زهرة ..« ابتسمات » وااخة .. ههه ..

شافت فاليزيد و تنهدات ماتكلمش معاها و ماشاافش فيها حدو تيشووووف فالسرجم و جامع فكو بيدوو ... حلات الباب خرجات و هو يتبعها تا هو خرج و مشا ديريكت للكوف هز منو الساشيااات لي فيهم الحوايج .. يالله بغات تاخدهم من عندو و هو يسبقها .. هزات يديها و حطاتهم بقلة صبر و مشات تبعاتو ..عندو كل خطوة بزوووج ديالها غير وصلوو الدرووج و هيمتمشي تتجري عندوو شدات ليه فدراعو .. وقف و شاف فيدها لي كانت ماسكاه من درااعو تاا حيداتها و خشاتها تحت صاكها و شاافت فييه بنظرة برييييئة ...
زهرة ..واش درت شي حاجة ماعجباتكش؟؟ ..مالك مناش مقلق .. 
اليزيد ..«ضرب فبها تخنزيرة » داااكشي لي درتي حساابو مااشي دابااا ..حساابو كي يتسد عليينا بااب وااحد ...

حط ليها الميكات قدام الباب و نزل فحالو بقاات حااضياااه كيفااش تينزل بالثقاااالة و بشوييية علييه مغلفوو البروووووود عضات على شفتها بحااال لا باااغة تحبس البكية لي شااداااها ..ماعرفااات تا علاش تيتعااامل معااها فحال هكذاااك بغات تبكي حسااات بييه فحال لا حگر عليها و هي اصلا عايشة دميعة ابسط حاااجة تبكييها و خناينها غا سايلين... بقات وااقفة تتشووف فيه من اللور حتى اختفى عن انظارها حساات بقلبها بحال الى تخطف .. حطات يدها علبه و تحسسات .. اكييييد شي حااااجة وااقعة .. قلبها مامطمنهاااش وااخة متأكدة انها مدارت ليه تا حاااجة لي تقلقو ..
ماعجبهااش الحال انه تقلق منها و على والو .. هادشي و هوما عاد غايبداو حياااتهم بزووووج من هنا للقداام اش بغا يدير ..خفقااان قلبها كان فالمئة هصووصا من كانت تتشوووف فنضراااتو السوداااء الحااادة لبها ماااافيهم ولا نوع من انواااع الحنية ..شافت تا عبات و هي دبر السوااارت فالباب و دخلات ..هزاات اكياااسها دخلاتهم و سدات الباب مشات ديريكت لعندهم فالصالوون لقااتهم جالسيين تيلعبوو الكاارطاا و جمييلة تتفرج فمسلسل تركي وااخة ماعاارفاهم اش تيبجغطو« اش تيقولو»..

امنية ..« ناضت طيراات منها الاكيااس .. » .. يا حبيييبييي .. هااادشي كووولو شريتييه؟؟
زهرة ...« بنضرة عابرة على كولشي جلسات حدا جميلة » .. شراتهم خالتي نوال انا مسريت والو .. 
ليلى ..« ناضت تا هي تتشووف مع امنية ..» .. ووا عندها الذووق تباارك الله زون هادشي .. بصحتك .. 
زهرة ..« ابتسمات ليها » . الله يعطيك الصحة .. 
عز الدين... كي جاتك موت راجلك مزيانه؟؟
زهرة .. « حركات راسها بالايجاب» ..الله يعمرها دار مسكينة ضرييفه ..
عز الدين ..« باستفهام »/..مالك جاية فگعانة؟؟
زهرة ..« ضوراات عينيها» .. اااا لاا مافكعانااش .. غير عييت بزااف. . 
عز الدين ..« حرك رسو» . امم .. سيري ترتااحي 
زهرة .. « هزات رايها فجميلة لي ماتكلماتش »/... و فييني سارحة الشعيبية ههه .. 
جميلة .. ششششت .. خليني نتفرج .. 
امنية .. لي شافك ايماااا يقووول كابرة معاااهم و فاهمة اش تيقولو هههه .. 
جميلة ...« ميقات فيها » ..سوق مك المخمووجة. ..
امنية .. « هزات يديها »-ماسوقيش ...
زهرة ..« جبدات الكادو ديال نوال و مداتو لجميلة» .. شوفي الكادو لي جابنت ليا خالتي نوال. ..

طيراتو من يديها فتحاتو و تجمعو عليها كاملين عدا عز الدين لي كااان مريح و تيتفرج فيهم جبدات تلكوليي تتشوووف فييه عاجبها و شوية هي تعضوو .. 
زهرة .. اويليي واش تسطييتي دابا تعوجبه من شي قنت .. 
جميلة .. تي زكاااي .. تباارك ذهب مخيير .. اواا تعيييش و تجييب لييك .. 
ليلى. . تباارك الله زوينه .. 

بقاااو مريحيين على الجماايع نسااوها شوية داااكشي لي طرا و تلقاات معم الوقت حتى نااضزو كامليين ينعسوو الا هي بقااات مريحة فالصاالون شاعلة التلفاازة و شاادة تيليفونها تتسناا اتصال من اليزيد؟؟ .. 

اليزيد اصبح جزء لااا يتجزء من حياتها .. في هذه المدة البسيطة قدرات تنساا بيه المهدي الانه اصلا مكانش حب .. كان رجااء ترجااتو من الله يكوون لييها لكن ربي عندو حكمة اخرى فااش بعدوو عليها و خلاها تنفر منو. .. و يمكن تكرهو لانه دارها لعبة بين يديه تيتسلى بيها الوقت لي تيكوون مخااصم مع مرتوو واهادشي علاااش رضااء بالقضااء ديال الله .
. حيت عاارفة ان الخير فيما اختااره لييها... و نساات المهدي ببسااطة قدرات تحييدو من باالخا وااخة مرة مرة تتفكر لي فااات و كيفاش كانو تيفضفضو لبعد و يضحكو و يخرجو و تتحصر انها كانت معاااه نية و هو مخبي عليها شحال من حاااجة ..لكن اليزيد حساات انه شي حااجة اخرى .. 
شنو هي مزال ما عرفاتهاااش .. شخصييتو خلييييط بين القسوة و الوقاار... مع انه قاااصح الا و مزااال تيحشم شوية و خصوصا فالامووور لي تتكوون بين الزوجين ماعمرو جبد معاها فييهم الهضرة حييت مزااال ما ولات حلاالو يديير فيها ما بغاا مزال تياض البصر و متيبغييش يطووول الشوووفة ..
عندو گووود ماكيزيگزاگييش كوولشي بييه فييه... عندو كااريزما فشي شكا يخليي لي قداامو يحترمو بلهلا يطرييها لييه و يقدر يقراااه من عبنيه .. هصعب و حاااد الطباااع و لكن من نهار قرر يخطبها ولا معاها ضريف نوعا ماا خصوووصا فهاد الاتصاالات الليلة لي كينووضووو علييه الرااگد كي تيسمع صووتها الحنيين الانووثيي فالتيليفووون .. و تا هي ولفاااتو و ولاات تتجييها تقيييلة دوز الليلة بلا متسمع صوووتو .. 
بقااات تتسنا داك الاتصال لكن هيهااااات هيهااات ... اصلا عارفااتو ماغايتصلش حيت كانت باااينة على وجهوو انه معصب و مقلق لكن لي محيرها هو علااااش معصب و علاااش مابغاش يواجهها .. .. 
...
في هذه الاثنااء كان هو مرييح قداام الدار ديالهم و تيكميي بشرااهة .. كمية الغضب لي تملكااتو غير طبييعية .. مكرهش يوقفها و يوقف قدامها و يستفسر منها هادشي .. بااقي عقلووو مامزگيييش من سمع هااادشي دااكشي علاش مابغاااش يدوي معاها فهاد الموضووووع تا يبرد تماااااما حيت عارف رااسو غاضربها ولا يدير شي حاااجة مخااالفة لشخصيتوو و كيف هو داااااير حيت فاش تيتعصب متيعقلش على لي قداامو سواء رجل ولا مرااا ... داكشي علاااش قرر يبعد علييهابااش مايآديييهاش ....و نييت يكوونوو تزوجوو تسد علييهم باااب واااحد و يديير فيها ما بغااا ديك السااعة .. 

بقى شااد التيليفووون ديالو و شااف فالسااعة .. لقاااها تمااام الساااعة لي تيدوي فييها معاها كل ليلة .. تننهد بعصبية و شااف فالسمااء و استرجع دوك العويناات لي كانو تيشووفو فييه ببراءة فاش قالت ليه شنوو بيك .... 
اليزيد .. بفففف استغفر الله العضيم ...« رمى الكارو لي كان فيديه و ناض دخل ردخ الباب مووراه »

هاد الليلة كانت نهاار عند ابطالنا تا واحد فيييهم ماا نعس .. اليزييد الناار تتاكل فييه و ماقاادش يصبر. لكنه تحم فرااسو و مع ذاما هي كانت غاادية جاااية فالصاالوون تتسناااه يتصل ولكن ما اتصلش و ماعبرهااش ..داكشي علاااش قررات تكسر القااعدة و هي تباادر تتصل بيه. . خدات تيليفونها و دورات لنمرتووو ..كان فهااد الاثنااء حاط التيليفون فوق صدرو و تيتفرج ففيلم اسباني لعل و عسى يجييه النعااس علييه ..تا سمع تيليفونو تيصووني شاف فالشاشة لقااها هي و هو يجاوبّ..

زهرة ..الو سلام 
اليزيد .. « بصووت خشن و ثقيييل بالنعااس» ..عليكم السلام ..ياك لباس. .
زهرة ..« نضفات حلقها و عضات على صبعها» ..شفتك مابقيتيش تتصل بيا قلت نتصل انا 
اليزيد .. كاين شي مشكل ..؟
زهرة ..احم .. اليزيد نتا لي عندك مشكل معايا ..انا لي باغة نعرف اش كاابن ..؟؟ الى كنتي تتهرب مني بلا ماتهرب قوول ليا صرفت نضر على هاد الزواج و هني بالك .. مكين لاش تتعامل بهاد الطريقة ..حنا ماشي بيناتنا علااااقة عابرة حنا داخلين فالزواااج و انا بغيتي نعرف كوولش يااش وااقع مااالك و ااش بييك .. 
اليزيد ..« ميل فمو ».. بغيتي تعرفي اش بيا؟؟؟ .. و مالي .. ايه غدا كي نصووني ليك نزلي عندي .. 
زهرة ..ماتقدرش تقوول ليا دابا اشنو كاين؟؟
اليزيد .. هضرة وحدة لي عندي قلتها... و تحملي نتائج اصرارك .. 
زهرة ..« تنهدات» .. وااخ... 
قطع علبيها خلاها تتشوووف فالتيليفون .. يومين هادي ما سمعات منو « المحيراني» ... قلبات سيفتها و مشااات لبيتها تخشاات حدا امنبة و نعساااااات .....
🌸اصبحنا و اصبح الملك للرحمان 🌸

فاقت زهرة الصباااح على صووت ليلى و امنية مجمعين فوق راسها .. هزات المخدة لي تحت راسها ضربااتهم بزووج
زهرة .. الله يغبركم عليااا هااانااااري واااش مانعسوووووشاااي. 
ليلى ....«رجعات ليها المخدة» .. هاي هاي تضربيني و انا حامل
زهرة .. حرام عليكم و الله ..« دارت المخدة فووق راسها .. 
ليلى .. تي نوووضي راااه خوووك قرب يجي يلوووحك من السرجم ..
زهرة ..« ناضت جلسات» ..اوووف .. 
امنية .. صباااح الخير الالة العروسة هههههههه واراه تيليفونك من الصبااح و هو ترن ترن ..
زهرة ..« هزات تيليفونها باانت ليها نمرة عابدين» .. تفووووو صبحنا على الله .. اااش بغا هاد الزبل .. 
امنية .. « باستفهتم» ..شكوون؟؟؟
زهرة ..« عوجات فبها خليقتهال .. لي بليتيني بييهي داك البرهوووش ديال عابدين .. 
امنية .. ههههههههههههههه عابدييين برهوووش ..دابا تي غا ديتي داك الشيباااني و يصحاابلك رااسك طفرتيه .. 
زهرة .. الله يستر ..
ليلى .. شكون هاد عابدين تاااني. . ؟؟؟
زهرة .. لي خدامة معااه امنية .. 
امنية .. « جبدات تيليفونها» .. ويلييي كاع ما وريييتك اجي تشوووفي تصويييرتي فالماااركة ديال الميك ااب هههههه راني تشهرت .. 
ليلى ..« خذات منها نيليفونها و تتقلب فالتصاااور » .. هااي هااي و الله الى جيتي فنيييونة تباارك الله .. 

عز الدين ..«وقف عليهم» .. اش تديرو؟؟
ليلى ..« لاحت ليها التيليفون » مجمعين ابب .. 
عز الدين ..« خزر فيها ..» .. فرووج هذا مااشي بييبي .. 
ليلى .. « بتوثر » نااري شحال خضر ماتجيش معاااك الرومانسية ..
امنية .. احم .. ا ..ب.. بغيتي شي حاااجة اخوييااا::؟؟
عز الدين .. تيليفونك ..« مد ليها يدو» .. 
امنية ..« نغزات زهرة » .. عطيييه تيليفووونك. .
زهرة ..« مدات ليه تيليفونها» ... هاك اخويا .. 
عز الدين ..« صغر عينيه فامنية لي كانت تدور في عينيها باااين ليها التوثر» .. امنية .. اري تيليفونك .. 
امنية .. « عينيها بغاو يدمعو» .. ها دياال زهرةةة .. 
عز الدين ..« غوت عليييها تا قفزاااات» ..اريييي الخراااا .. 
مداااتو ليييه و القفقاااافة شاااداااها من صبعها الصغييير .. قلبها بغا يوووقف .... هادي هي تينطبق عليها مثل تتخاف و ماتحشم .. عينيها بغاااو يخرجوو فااش كاان تيقلب فالتيليفوون و وااقف بهدوووء متيتكلمش حبسااااتها البكية حيت عااارفة عز الدين ماعندووووش مع هادشي انساان تفكييرو بلدي مااشي عصري بااش يتقبل ختو تخدم هاد الخدمة ..اما زهرة خلااااص برقااات عييها و سكتاااات ضربااات الطم و تكمشات ماكرهاااتش تخشا تحت ناموسية .. عضات فالمخدة و غمضات عينيهاا تتسنا الدقة منين تجي لامنية ......
عز الدين ..اش هادشي؟؟« وراها تليفون»
امنية .. ددد .. ااا هننننن .. زهراااا .. « شافت فزهرة ..».. راه غييير .. غيي ..هننن

عز الدين ..« مطلع فيها حجبانو» .. بغيت جملة مفييييية اااشهاااد شي مزااالني شاااد فرااسي و مامعصبش؟؟

امنية ..« تترجع للور و باالعة ريقها ».. هااا ..رااه .. دابا انا وااحد النهاريااااات ياااكااا شفت وااحد الاعلان و مشيييت دخلت يااكاااا .. و دوزت الكاستينغ ياااكااا و قاالو ياا ياللله زوييينة و غانديروك فالاعلان يااكا و الله اخوياا مادرت شيحاااجة خاايبة و حقالله و حق ربي وحق سيدي بالعباااس و وحق سيدي موووسااا مااادرت شي حاااجة خااايبة غير تصورت و جيت و حقالله .. 
عز الدين ..« رمى التيليفون و قرب ليها » .. اجي لهنا .. 
زهرة ..«نقزات عندو شدات لو فدراعو» .. عاافاااك اخوووا تهدن .. عافااك .. 
عز الدين .. « دفعها سكتي ازهرة .. نتي حساابك جاااي غير ريحي تكووني.. « شااف فامنية .. » اجي لهنا .. 
امنية ..« تتبكي و ترغي فيييه و يدها على شفايفها» .. الله يخليلي ليك لي عز عليك عافاك عافاك اخوويا الله يخلي لييك وليداتك والله ما درت شيحاجة خايبة .. وااتعععععععع ماامااااااااااااهنننننن هءهه واماااااااااااماااااااااا
جميلة ..«جات تتجري ..».. اويلييييييييي اااش كاااين ..تا اااش تدير تفرق على ختك واااش حمااقيتييييي .. 
عز الدين ..« ضار عندها جرها من شعرها و هي تتركل و تنطرر فيدييه و تغووووت و ترغب فيييه و هو هازها بحال شي بوبياا بحكم قامتها القصييرة و جسمها الهزيل .. ».. هااااد نص بلاااصة هي لي غاااتجيييب لييييااا انا العاااااااار .. 
امنية ..« جرات لو يدو تانية تتبوووس فيها .. ».. عاافاك عافاااك اخووووي ماضربنييش عافاك و الله مانعااااود و الله مانعااااود . هههءهء.. 
جميلة ..«مشات تتجر فييه».. اولدي الله يهدييي الله يهديييك خلييي ختك 

عز الدين ...الله يحفضك الواليدة بعدي... خلييينيي نربييي الكلبة. . خلييينيييييي يااك الكلبة هااااادووووو فعااااااايلك على هااادشييي انا تسللللفت و تكلفت بااااش نصيييفطك ...ادوييييي ماخلييييييت عند من مشييييت بااااش نتيييي تجي تستعرضييييي لحمك على الكلاااااااااب. .. غداااا ولا بعدو يوصلوو تصاااورك للمغرب و يقوووولوووو عليااااا انا شمااااتااااا ااادويييي الخااانزة البرهوووووووشة هااادشي لي بغا يخرج منك مصيييفطك بااااش تقرااااي صدقتييي جاااية ت..... اااااااااا ..« غااادي بييها جاارها من شعرها

امنيية ..والله ما درت شيحااجة خااايبة عافاك الله يرحم الواليديين عافااااك الخوووياااا هيءههء .. 
زهرة و ليلى تيجرووو فيييه و جميييلة تترمي عليييه العاااار و هووو واااالو لي في راااسو فييي راااسو مايطلقها تا يربيييا و هي مجربة العصاا ديالو و عارفاااها كيف داايرة .. 
جميلة .. هاااااااا السخط هااا الرضااااااا اعز الديييييييين الى ماطلق ختك .. 
عز الدين ..«رماها للارض تا شدات جنبها».. واش اناااا شماااااتاااااا اميييي مااااااشييييي رااااجل يااااك مااااشيييي راااجل لي ختييي تولي تعري لحمهاااااا و تصور يااااك اميمتي ماااشي راااجل .. 

جميلة ..« مشات عندو تتحاول تهديييه» .. راااجل اكبيدتي و سيييد الرجااال و الله تا راااجل راهااا غا صغيييرة .. و غلطاااات و رااه قااالت ليييك ماغاتعااودش ..
عز الدين .. لااااااا غير تعاااااود نيييت ...« صرااااخو هز الداار كااملة » .. غيييير تعااااود بااااش نحرهااااااا ... هااااد المرة رميتي علياااا السخط ايمااااااا و المرة الجاااااية بربييي تا نذبحها قبل ما ترميييييه 
ليلى ....« معنقة امنية تتحاوا تسكت فيها و هي كوولها تترعد و تننتفض تتهز ووتحط بالخوووف» .. حرااام علييك اعز الديين ....و الله تا حراام علييك عيقتيي..

عز الدين. ..« خزر فيا و دوز يدو على شعروو» ... نتي غاتزمي علياا و لا بربي تا نهرس لمك كمارتك ..

ليلى..« شافت فجميلة» ..ّشفتييييه اخااالتي شفتيييي اش تيدييير لياااا ...

عز الدين ..« بااغي يمشي ليها يخلي دار عشتها».. ماغاتسكتيييييييييييش ..

جميلة ...« شداتو لا يدر فيها ديه» .اويلي الله يهدييك سييير بدل الجو يضرب فيك البرد الله يرضي على ولدي عافاك ...

عز الدين ..« صدرو تيطلع و ينزل بعصبية يالله ضار يخرج و هو يرجع وجه لامنية صبعوو بتحذير » ...بالرب العاااالي يا بتييي ياا امنية لاااا بااااقة ريييحتي نهااار فهااد تركيااا و لا شميتييييي ريييحها رااااااك عاارفة حلووووفي متينزلوووش للارض .. و من غدااا جمعي حوااايجك غاتكاااتب ختك و غااااترجعي لدااااااااركم سمعتيييييي التيييقة فييييك مابقاااتش ابنت ميمتي ....
كانت شبه غااائبة عن الوعي لكن كلاااامو الاخير سمعاااتو مزياااااان بكل حرف و كل كلمة ... طااااح عليييها كي السم نهش داااخلهااااا.. و هاهو الاااان حلمها تيتهد قدااام عيينيها و هي ماقااادة تقووول تا كلمة ... خرج و خلاها موسعة عينيا بصدمة و زهرة حااطة يدها على فمها اما جمييية مشاااات عندها عنقاااتها مخلوووعة عليييها و على الحااالة لي كانت فيييها

بعد مدة و هووما تيهديييوها واالووو مقدرااتش تتحكم فرااسها تتشووف احلامها تيضيييعو يتهدمووووو قداامها و ماعند الميت شنو يدير قدام غساالو ..
امنية تتدفع جبهة تا تعياا غير توصل قدام عز الدين تحني ودنييها حيت من دييما كااان هو الاب مااشي غير الاخ من عقلات على راسها و هي عاقلاااه هو لي تيسير الدار فغيااب الاب لي كيف وجوودو كيف عدمو ..داكشي علاش كانت تتموت منوو و تتعتبرو الاب 

زهرة ..« عنقاتها و باست ليها راسها» .. شوووت صاافي باارااكا من البكاا 
امنية ..« دموووعها هواااديين و كوولها تتهز و تحط » .. ههء ء.. هءءءءه .. ههءءه هممم خممم هننهننهه.. صااافي انا انتهيييت .. اويلييي على نرجع للمغرب وااش انا ملقييييت ايمتا نجي لهنا واااش بغااني نرجع تاني واللع تا نهراااااب.. ههءههء هنتههء 
زهرة ..« تتمس ليها على شعرها و تتبوس فييها بااش تحااول تهديييها» .. شووووت .. صاافي. صاافي. . غانحاولو نقنعوووه ..

جميلة .. «تتخمم» خووكم ماغايرجعش فكلامو و الى مشااات تا تعاندات معاااه غايدير لينا شي فضيحة دايزها الكلام
امنية .. ههءهءههءءهءهء 😢😢 انا صااافي بغيييت نمووووت نمووووت و مانوليييش للمغرب. 
زهرة .. الله يحفض ..حماارة هاااادي .. ياااك قلت لييك داااكشي ديالك ماغااااديش يطوول و تفضحيي .. 
جميلة ...« ليعاتها من جذووور الفخاااض» .. هااااااااا لييي مامربييييش هااااااااه .. انا ربيييتك على هااادشي ابنت كرشي.. 

امنية .. وااااااععععععععع هننننننن واااااااععععع وا ماماااااااااا ههءههءهء .. 
جميلة ..« حلفااات لا طلقااات منها تقرررص و تقووول ما قرررصت» .. هاااااا الييي مايسمعش الهضرة و يدييير لي فرااسووو هااااه. ..
امنية .. ههنننن واااااااععععع .. صااافي صاافي هااالعااااار هءههء😭😭
زهرة « حيدات لجميلة ليدييها بمشقة الانفس » .. اويلي ماما نعلي شيييطان اويلييي .. كاااع كانغلطووو .. 
جميلة ..« كفضات يديها» .. ابييه اختي يعلم الله اااش داايرة تااانتيي غييير ربي جااا فطرييقك بهاااد زواااج و خلاااص...
زهرة ..« تضوور فعينيها» ّ..ويلي يا الحااجة وااش كملتي منها و بغيتي دوزي ليا .. ؟؟
جميلة .. احياااني ..« شافت فامنية بتخنزيرة» . . خرجي فياا نتييي دروووك العينين دمووكا

امنية ... « رجعات تبكيي و تنحط و تنتف فرااسها » .. وااااهعععععععههع مااابغيييتش نرجع اعبااااد اللله ...« تتمغغغغط و تلوى فالارض» .. واااعوووووك مااابغييييتش .. 
زهرة ..« تتشد و مالقاات ماتشد» .. اويليييييي شوووفو معاها غاتحماااق ... 
ليلى... «جات تا هي تتنوووض فييها» .. ويلي واااش هبلتي ابنتي هبلتي .. تي نوووضي ضروووك يجييي يصيفطك لاااخرة مااشي غااا المغرب حمدي الله جاااتك على قد هكذااا .. رااه يدفنك حية رديي باالك .. 
امنية ..« شاافت فيها برجااء» .. ختي ليلى انا عااااافاااك انا عاارفااااه كيبغييك و كيمووت علييك ميقدرش يرفض لييك طلب المييييمة قووولي لييه يرجع فكلاااامو ..
ليلى. .« وسعات فيها عينيها و شااافت فجميلة» .. خالتي شدي عليا بنتك بغاات تصيفطني لدااار بااا و الله تا يصيفط ليا برااتي النهار الثاااني .. 
جميلة .. خلي علييك ليلى فالتقااار .. ماتدخلييش نتي ابنتي شفتيييه قبيييلة فاش هضرتي ااش قال ليك
امنية ..« حطات يديها على عينيها و بداات تتبكي بحرقة» .. و الله تا حرااام علييكم تاا واااحد مابااغي يعااوني .. قلبي غايطرطق الى رجعت للمغرب و الله تا نهبل. . 
زهرة ..« شافت فجميلة باسى» .. زعما مكينش حل ..؟؟ ميمكنش يالله بداات القرااية ؟؟
جميلة ..« قربات كثر عند امنية و عنقاتها» .. صاافي .. شووفي دابا مكين تا حل مع خوووك حييت معصب .. نتي غاترجعي معانا للمغرب حاليا .. 
امنية ..« قاطعاتها» .. لالالالالالاااااااا ههيهي ... 
جميلة .. وا تي تسنطي يعطيي لبووك الغرااق هو و ديك الشااخة لي معااه .. 
امنية .. واااشنوو .. 
جميلة ..ماعندي مانخبي علييك ابنتي .. خووك ماغايبغييش يخليك بووحدك خصوووصا دابا فاش غاتزوج ختك راااه دوا معابا فهادشي قبل منجييو و قاال ليا ميمكنش تسكني بووحدك فااش تزوج ختك و خالتك تا هي مشات لدار راجلها...و عندو صح كولنا خايفين عليك ..
امنية ..« وسعات فيها عينيها» .. هيااااااا نتوماااا كنتووو طابخيييينهاااااا مع بعضياااتكم ..
جميلة ..« ضرباتها لراسها» .. ااش هاد طابخيينها ااش... غانعيط عليه يملخ ريتك عصا الكلبه .. 
امنية ..« حطات يدها على فمها ..» .. هاني سكتت .. 
جميلة...سمعي اش قلت انا ..دابا مانقدرش نجلس معاك تا نفضييها مع باااك و نشوووف لاش غانوصلو ..هودي معايا للمغرب انا نيت محتاجة وحدة منكم تريح معايا غيير تواااسيني و نحط عليها الكتب و غييير تفض بيني و بييين باااك نجي انا وياااك الالة اش بان ليك ؟؟
امنية .. وااامي وااش تركيا خلاها لبك الوالبد وقتما بغيتي تجي ليها تجي اولي حي .. 
جميلة ..« ضرباتها لراسها»/..سري انا لي تنقلب ليك على الحلووول ابنت كرشي ..
ليلى... انا بعداا باان ليا حل من داكشي. . 
زهرة .. تا انا ..شووفي امنية نتي غاتهودي معااهم غاتهوودي راه خوك و نتي عارفاااه .. مستحييل يقبل يخلييك 
امنية .. مالغييتش نرجع« هزات كتافها» ..
زهرة ..امنية تنحاولو نعطيوك حل ماديريش العصا فالروييضة الله يحفضك و دوزي تفطري راه بغينا نجمعو الماعن .. 
امنية .. ماخصني بو فطوور فطووووري رااني فطرتوو و تشويييت تشويييت على الصباااح.... 
جميلة ..« عنقاتها و تضحك » .. ههههههههههه وا نتي لي كديريها قد راسك ويلي حي على هاد نص بلاصة لي ماعندها زهر .... ههههه

امنية « تمخشات فيها» .. واا النااس عندهم الزهر و انا عندي الخل امييييمتيييي .. 
زهرة ... ههههههه .. واراه عيييت نوصي فيييك اختي عييت نقوول ليك هادشي قيلييه علييك ..ولكن والو راسك صخرة ..گزمة قديييمة لي قالو المصريين .
امنية .. ابيه اختي اييهي عطييينييي انا لي درتها لراااسي ...
صوونا تيليفونها ..شاافتو لقااات اليزيد ..نساااتو و نسااات ميعااادهم اليووم .. باست امنية و خذات الاذن من عند جميلة قبل ما تمشي .. لبسات جليلبة كانت صيفطاتها ليها ليلى من دوك الجليلبات العصريين الواسعين و لبسات تحت منها بيرميدة و ضووني رهيف مع كان الصهد .. هزات صاكها و لبسات سباجري بيضااء .... خرجات لقات جميلة جالسة حدا السرجم و تتشير لليزيد ..

زهرة ..« برقات فيها و مشات تتجري جراتها من يدها ز جلساتها على الكانابي» .. اويليييي علياا انا لي والدااني حمقة ندب هووك ولا هوووك .. خصك غا مصاصة اميمت يو تخرجي تلعبي مع دراري الصغار ..
جميلة. .« خنزرات فيها» . ويلي تنسلم على نسيبي ..نتي ماالك ..
زهرة ..وارااك ماشفتيش رااسك ويلي .. 
جميلة ...دابا خوووك الى جاا ااش غانقوول ليه ... 
زهرة ... «مشات تتبلحس عليها» .. انا بنتك يااك .. غطي عليا الله يغطيك و يفرشك بالرضا اميمتي .. 
جميلة « ميقات فيها» .. يشويني فيك على تترضي عليا انا مك الخانزة .. 
زهرة ..شوفي اماما .. دابا انا مانخبييشااي علييك ياااك ..اليازيد مقلق ماعرفتش منااش و انا خصني نتلاقى بيه بااش نشووف شنو بيه .. و بغييتك تقوولي لعز الدين الى جاا بلي مشيت مع خالتي نوال و اليزيد باش نشووفو الاثاث ديال الكووزينا عافاك .. 
جميلة ..« صغرات فيها عينيها» .. عليا باليميين و تعطلي تا نفرشك ..
زهرة ..« باست ليها راسها و يدها ..» .. نتي راك الكبيييدة الله يخليك ليا و خلاص .. 
جميلة .. احيااني منكم فااش تبغييو حاجتكم ..النمسة هادي جري رتك خليتي الراجل يتسنا .. ..
مشات زهرة بعد ما طمئنات على امنية و اخيرا قنعاتها ليلى بااش تاااكل و نزلات تتجري بان ليها اليزيد تيضور فالجردة ديال المجمع بكتااافو العرااض و رجوولتو الطااغية و هيبتو فاارضها غير بالوقفة .. غير تتشوفو تتجيها الرعدة .. كان لابس شورط فالگري و شوميزة مخططة بالبيض و الكحل .. فاتحهااا تال نص صدروو .. لابس معاها سبادري رياضية بالبيض ..بقاات ساهية فييه مدة من الزمن و تتشوووف هاد الاربعيني لي فاااق شبابه العشريني بوسامتو و عضلاتو و طوولة قاامتوو .. لو ما دوك الشعيرات البوض اكانتش اتبان لبهع انه كبير .. .. كي وصلات عند السياارة بانت ليه رمى الكاارة و هو يتم جااي عاقد غووباشتو و شعرو مخربق حيت عام عاد جا عندها .. ركب فالسياارة بدوون مياكل معاها ..دار نضاضروو على عبنيه ..تاففات و طلعات حداها ..
زهرة ..سلام ..
اليزيد ..« حرك راسو » .. عليكم السلام .. 
زهرة ..« بتردد» لباس عليك ؟؟ 

حرك راسو بالايجااب و ديمارا الاوطووو بدوون ميدوي ميتكلم تاهب ماعاوداتش تكلمات معاااه ..كانت تتسناا تا يوصلوو للكافي لي غايدويو فيها او لي عند باالها غايديها ليها لكن هو وقف شياىتو قدام مجمع سكني رااقي .. من ارقى احيااء المدينة ..مطل على البحر و الشواارع ديالو متلقايش فيهم حسيس من غير الحديد الواعر لي تيدووز فيها .. 
زهرة ..« ضارت عندو » اش هاد البلاصة فين غاديين؟؟
اليزيد ..« حيد السانتيرة و هز الباكية ديال الكاىو و تيليفونو» .. غادين البلاصة لي غاندويو فيها براحتنا .. 
زهرة ..« باستغراب » .. فييين؟؟

اليزيد .. « شاف فيها بنفااذ صبر » . دااري .. يالله نزلي .. 

زهرة ..«/وسعاااات عينيها بصدمة ؟؟ خوف .. عدم استييعاب بقات متبعة ليه العين تا خرج من السياارة و هي تقفز تبعااتو عاد طلعات معاها ...»اججيي .. لالا منقدرش نطلع معااك ميمكنش .. 

اليزيد....«طلع رااسو شااف فالسماااااء بنفاااض صبر معلناا عن كمية العصاااب لي ركبااات غيه و شاااف فيها بدييك النظرة ديال اللهم طولك يا روووح هههههه»/.. غاتزيدي قدامي .. و لا نديرو الشووهة فالزنقة؟؟
الشوووغة لي شااااف فييها خلاااتها تحنيييي رااسها و تسبقووو كااع مااشي غير تبعو .. يمكن ماشي غير خافت منووو و انمااا شخصيتو لي فاارضها مااشي ديال شي وااحد لي غايتكرفص عليها ولا ماغاتيقش فييه الى كانت معااه فداارز .. كي وصلوو للدار فتح الباب و دخل هي بقااات تتضوور في عينيها قدااام الباب و تقووول واااش نزيد لقدام و لا نكعط اللور .... ضربااتها رييحةةالصباااغة لي جااية منىالدااار حيت كانوو فيها الخدامااا تيعااودوهااا فالصباااغة .. بقاات ساهية تا قفزاات على اثر صووتو

اليزيد .. « كيدوي بالغواات» غاتبااتي تم؟؟ وا دخلييي و سدي الباب ..
دخلات بالخف و سدات الباب موراها .. بقات تتشووف فيه ااش غايديير .. مشا حل السراااجم بااش يضرب الغربي فالداار و تنفس شوية من ريحة الصباااغة .. ضار علبيهم كاملبين و مشا للكوزبنا صااوب ليه قهوة كحلااااا معصصرة بلا سكر و جابهااا لثى زهرة بااقة وااقفة تضوور في عينيها. . توجه للصاالون حيد ليزاار على الكانابي و ريح فوق منو .. 
اليزيد .. « نطق بدون ما يشوف فيها .. .» ..اجي لهنا .. « مشات عندو بتردد» .. ريحي .. 
زهرة ..« جلسات حداه ..» ..
اليزيد .. بغيتي دوي يالله هاني تنسمع اري ماعندك ..
زهرة ..« باستغراب»/.. بغيت ندوي؟؟ لا ماشي بغيييت ندوي .. بغيت نسمك نتا لي تدوي ..نتا لي عندك شي حااجة مخلياااك مفگوووع ...؟؟
اليزيد ..« طلع فيها عينه بنظرة حاااااادة خلات عضاامها يرجفوو ..» .. و نتي ماعندكش شي حاااجة مخبياها بغيتي تقووليها؟؟؟
زهرة ..« عقدات حةاجبها باستفهام» .. شي حاجة مخبياها ؟؟ بحال ااش؟؟
اليزيد ...« جبد من جيبو كارت فيزيد ديال عابدين كانت ديجا عندو» ..شي حااجة على هااد الاخ مثلا؟؟؟

زهرة ..«شداتها من عندو غير قرات سمييتو دارت بيها الدنيا و تفكرات ديك الليلة و هي توقف .. عرفاااتو غايضن فيها ضن السوووء و غايمشي غااالط عااوتااني بلعات ريقها و خطفات فيه الشووفة ...» ..
اليزيد .. مالك تفكرتي شي حاجة؟؟ .. « ناض وقف قدامها» ... ياكما تفكرتي الخرجة .؟؟
زهرة ..« وسعات عينيها » .. هاا.. احم ..
اليزيد ..« قرب ليها و شنق عليها من الكول تالجلابة جرها عندو شوية » .. احم ااش؟؟ .. هااا عند باالك ماغانعرفش .. تا حاااجة ماتاتخبى ديريها غا زينه توصل توصل! .
زهرة ..« حطات يدها على يدوو بغات تبعدهااا» ريت ريت و الله تا فااهم غلط ..
اليزيد ..« جرها مرة اخرى »/..شحال من مرة خرجتي معاه؟؟ دوي؟؟
زهرة .. و الله ماعمري خرجت معااه الا مرة وحدة و الله العضيييم ...
اليزيد .. « قرب لوجهها و تكلم بصوووت حاااد و خشن» ..و لاااااااااش تخرجب ااااش خاااصك باااش تخرجييي معاااه دويييي .. لااااااش. ..و لفييين لدييسكوووو بلاااصتهم نيييت هااديك ابنت الحااااج ... 
زهرة ..« عينيها بغاو يدمعوو» .. علاااش تتحاسبني على هاادشي كنت خاارجة و تلاااقييتو قااال ليا نمشيو نتعشاااو انا كنت غير وحدي ديك السااعة قلت مافيها بااس نتعشاا معاااه مكنتش عاارفة بلي غايديني لديسكوو..
اليزيد .. « زااادت عصباااتو و ضار خبط الكرسي برجليه تا تشتت» .. واااااااش بعقلك وااااااش مريييضة نتي .. ؟؟ وااااش نتي هبيييلة و لا تتقلبي علامن تفلااااي و لا شنو هادشي عندك حيييت بزااااف على النية هادشي بزاااف ؟؟ .. واااش غا لي قااال لرييييتك تعشااااي معااه تتبعيييه ؟؟ واااش ماعندش جد بوووك الفراانات وااالووو؟؟؟

اليزيد ... واااااااش بعقلك وااااااش مريييضة نتي .. ؟؟ وااااش نتي هبيييلة و لا تتقلبي علامن تفلااااي و لا شنو هادشي عندك حيييت بزااااف على النية هادشي بزاااف ؟؟ .. واااش غا لي قااال لرييييتك تعشااااي معااه تتبعيييه ؟؟ واااش ماعندش جد بوووك الفراانات وااالووو؟؟؟

زهرة ..«/رجعات للور بخووف» .. 
اليزيد .. اااااش طرااا مووور هااد الخرجة ؟؟؟« تيدوي و الكشاااكش خاارجين لبببه من فمووو» .. اااااا اااااش درتووو فيييين مشيييتوو دويييييي ..تكلميييييي ...
زهرة ..« تكمشاات» . هء .. والو والله 
اليزيد ..« زااادت شعلاتوو كثر مشااا عندها بعصبية جرها من القب ديال الجلااابة وكمشوو و داااها و جابها فبلاصتها عاد طلقها و تقاابل معاها..» .. دويييي تكلميييي .. اااااااش درتووو فيييين كملتي معاااه السهرة ..؟؟
زهرة ..« عينيها حمرين بالدموووع مارضاااتش كي قاال ليها هاد الهضرة .. زاادو دمعوو كثر وكثر و شاافت فبه بحدة بين دمووعها»/.. منسمااااحش لييييك ..سمعتييينييي .. مانسمحش لييك بزااف علييك تقووول عليا هكذاا ..انا فاااااش تبسل عليااااا فالناايت هررربت و خليييتو .. 
اليزيد ..« ضحك بعصبية و مشا للحيط خبطوو قبضة يدوووو و رجع ليها تاااني ..شنق عليها»/..كيييفاش تبسل عليييك هااا اااش دااار .. اشششش داار الكلب . 
زهرة ..« بخوووف بداات تتبكييي يو تنحط .. هننن هءههء ..همننن .. واا بغا يقيييسنييي .. كان سكراان .. هءء ء .كان سكرااان و بغا يتبسل عليااا .. دفعتوو و هربت و الله تا هاادشي لي طراااااا .... 

اليزيد ..« طلق منهااا ..».. وااااش مااقلتش ليماااااااك ديك النهااار عطييي للكلب بالتسالاع و شركت علييك ديك كارت فيزيت لي مدليييييك .. هاااااااا لااااش تمشييي معاااه انا لييي عارف بالكلب ااااااش تيسواااا ماااجيتش و قلت ليييك دييك الهضرة ولكن نتييي لااا ضروووري تخرجييي من الجنب .. ضرووووري ماتعااندي و تمردي علياااا ياااااك ؟؟ ماااتقدييييش تسمعيييي الهضرة امرااات بالبشيييير .. تنا مرتيييييي تتخرج مع الزوااافريااااا بلا خباااري و انا داااير يدي فالمااابااارد تنقووول بنت الناااس فدااارهم هاااادويييي. « دفع الطبلة ديال الصالون برجليه تا كان غايقلبها » .. رجعت برهووووش معااااك اناااا دابااا هاااا. ..

زهرة ..« مابقااتش قاادرة تحمل كلااامو و اتهااماتوو .. مسحات عينيها من الدموووع » هاادشي طرااا قبل ماتخطبني .. و قبل م ههء ..و قبل مانعطيييك موااافقتي .. و الله ملييي عطيييتك المواافقة و انا فالداار عمري دويييت معااه ولا مع غييرو ههئئ « حطات يديييها على عينيها و تتبكي» .. دااك النهاااار لي جييت عندك للكازيينو بالليل .. كنت حاايرة .. و دمااغي ماااشي هي هااديك. .. ههءء .. خرجت بااش نشم الهوااا و تلاااقييتو .. هئهئ ... تما قاال لياا نتعشااو .. مشينا فتااكسي و الله تا مشييينا فتااكسي ماركبتش معااه و فااش حاول يتبسل علياا دفعتو و جييت تنجري عندك ههءهء .. لقييتك غير نتا قدااامي .. هءهء قلت نتا لي غاتحميييني منهم. ..« تتبكي و يديها على عينيها» قلت نتا ..ههءء نتا لي غاتكوون الامااان ليااا .. حييت نتا الوحييد لي جيتيينيي بسكة الحلال .. ههءء .. هربت لعندك دييك الساااعة مافكرتش زووج خطراات مزاال .. شفتك نتااا لامااان اليزيييد .. بغييت تخباا وراا ضهرك ... حيت كنت عارفااك نتااا الوحييد يل غاتحميني منهم. .. ..« نزلات يديها و شاافت فييه. ..» ..ولكن دااباااا صااافي مابقييتش باااغية نتزوووج بييك ساالييينا هنااا .. ختيي غاترجع مع ماما .. و انا غانمشييي معاااهم غييير هنااا مىك تشوووفني زااال .. صاافي ماعندييي لاااش مزااال نبقى هناااا .. ههء ..« تدوي و كرشهااا تترععععد ... تتحااول تستجمع نفسها مسحااات دموووعها و شاافت فييه بدووك العويينات لي ولاو كي جغمة تالدم. » .. .. عيييت. مااش يكل مرة غاديير هكذا و تتهمني و انا مادايرة والو ااااه انااا غلطت حييت تقت فيييه ااه انا هبييلة كييف تتقووول و نية ولكن ماااش مامربيااااش.. صااافي ماابقيييتش باااغة نتزووووج بيييك مابقيييت باااغة ماغانتزوجش بواااحد تيشك فييااااا سمعتيي... صاافيي هنااا و صاااافيييي ... حبببس .. حباااس

مع اااخر حبس قاالتها ماحساات برااسها تا تهزااات و تخبطااات على الحييييط .. سمع الضربة لي تضربات فضهرهااا و عرفها تقصحااات خصوووصا ان ملامح وجهها انكمشووو و عينيييها غمضااتهم بألم فتحااات عينيها و لقاااتو تيشووووف فييهيا بنظرة حاااادة ثاااقبة اخترق بيييها اعماااق رااسهاااا ...

يتبع...

«فنظركم اااش غادير زهرة وااش غاتلغي الزواااج و الاهم الى لغاااتو اااش غايديير اليزيد الله يحفض الله يستر 😂🌊» 


التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.