تناديك رغبة عشقي إليك الجزء الثالث

تفافات واحد الشوية كتشوف فيه صغرات عينيها بحالي غير بيهوم كتسولو .. 

شاف فيها وهبط راسو شوية ضحك ..

زينب .. ن نصر م مافهمتكش .. 

نصر .. ( هز يدو وضربها بشوية تحت فمها ) واش لي قاليك الحمقة شي حاجة كتيقييه .. 

بقات غير كتشوف وعلامات الاستفهام ضاهرين .. 

نصر .. زينب أما معمرني تزوجت واش فنا دارك غانكون هاكا وماغانقولهاش ليك !! 

زينب .. ( خطفات يديها وصافي راسها تقلب ) ن نصر عافاك راه مافهمت والو ( دارت شافت فأفنان ) وها هادي ياك بنتك !!!؟ 

نصر .. ( كيشوف فعويناتها مباشرة ) أفنان بنت خويا .. مات قبل خمس سنين وهو ومراتو بأكسيدون ( هزات يديها بسرعة دارتهوم على فمها ) وخلا جوج بنات اللولة فعمرها 13 عام وأفنان باقا يالاه 6 شهور .. 

عينيها تغرغرو تابداو المعو قطرات دموعها مع الضوء، خسر ملامحو ماعجبوش يبكيها .. واشتي دابا هالي مابغيناش ششش ( رطب ليها على كتفها ) قدر الله ومشاء فعل الحمد لله على كل حال .. 

زينب .. ( حسات براسها حمارة فهاد اللحضة كيفاش ضلماتو وكيفاش حتا انها مافهماتتووشش ) س سمحل ا ان( قاطعها )) ..

نصر .. هه شش الحمقة الذنب ماشي عليك على بسمة لي ماعرفاتش تضحك وصافي .. بجوجاتكوم حمقات وغاتشيبوني تانا كتر مأنا شايب هههه .. 

زينب .. ( دارت شافت فأفنان وطاحو دموعها بلى هواها بقات فييها ) ماكنتش عارفة انا حسابلي بنتك نتا .. 

نصر .. راها بنتي ماكذبتيش أنا أكثر واحد قريبالو فالدار وفينما مشيت كتمشي معايا ربيتها من صغرها، كان ناقصها غير شي ام تاهية تكون زوينة بحالها مم !! ( غمزها بشوية وهي تهبط عينيها مبتاسمة وخرجات ضحكة خفيفة فعز دموعها وهو يضحك ) اوا شتي هالي بغيتا ضحكي لا يصيبنا الا مكتبه الله لنا .. 

عضات على شفايفها .. سمحليا والله م ربما تسرعت .. 

نصر .. ياك حلينا الموضوع دابا كولشي توضح ؟؟! ( حركات راسها ) ونوضي خلينا نمشيو راه تابعنا الطريق وخلي التيليفون شاعل .. 

ضحكات وشافت فيه .. شكرا وسمحلي عذبتك معايا .. 

نصر .. حشومة تقولي هاد الهضرة ماشي موشكيل خلينا أفنان تعرف على برانسيس بحالها .. 

زينب .. ( ضحكات ) اكيد ولينا صحابات دابا .. 

شاف فيها بابتسامة اكثر حاجة خلاتو يجي حسها تقسحات من جيهتو هي حيدات شعر شوية على وجه افنان تاسمعاتو حنحن وهضر بسميتها وهي دور شافت فيه .. 

نصر .. احم زينب .. انا غانهضر مع الواليد ديالك على أقرب فرصة باش نجي لداركوم .. 

قلبها ضرب ضربات خفاف طالعين معاه تلبكات وتلوا ليها اللسان .. مرحبا .. 

نصر .. ( ابتاسم ) هادشي لي كنت باغي نسمع، تهلاي فراسك ولا حتاجتي شي حاجة قوليها .. 

حركاتلو راسها ودارت حطات المونيكة لي عطاتها أفنان عندها .. 

نصر .. توتو هاديك غير خليها عندك غاتنوض غاتقلق .. 

زينب .. اويلي ههه شغاندير بيها انا مسكينة اللعبة ديالها .. 

نصر .. اودي الله يهديك راه كتعرم فيهوم عندها فبيتها خلي هادي عندك سوڤونيغ من عند بنتي أفنان ( وغمزها ) .. 

زينب .. واخا ههه الله اديكوم على خير .. 

نصر .. امين .. 

هبطات هازا فيديها الميكة دالسقاطة لي شراليها ومونيكة فاليد الاخرى بحالي كانت خارجة مع باباها ودلعها وجابها للدار، مشات كتبتاسم وماقاداها فرحة فقلبها، دارت تشوف لقاتو باقي متبعها بعينيه على ليها يديه وهي ديرلو باباي .. ودخلات للباب وسدات متكية على الباب كتعض فشفايفها تاسمعات طوموبيلتو قلعات وهي طلع كفوفها للسما .. ياااا ربي ديه على خير وتحفظو من كل عييين ياااا ربييي .. 

عرفتو واحد الفرحة فقلبي مااكاتتصددقشش صدق دياال رااسو اه وقالهالي بفموو انا اوللل وحددة فحياااتو عينيي كل دقيقة يعمارو بدموع وماعية غي ديال الفرحة والحب لي تغمر فقلبي، شفت فالمونيكة وكنتفكر كيفاش افنان يتيمة الواليدين ماتستاهلش كاتحمق بالزين ولكن واعدت رااسييي الى كتاب زواجنا غانكووون احسسسن ام لييهاا وغانديرها فمتاابة ولادي لي غانولد وكتتتر .. 

دخلت لبيتي وتلاحيت على ناموسيتيي ... نضحك غغابوحدي تقول حمقة مقطعة الجوانط ولكن ماتلومونيش مين كنكون حدااه كنحس براسي مابقيتش زينب لا ولات غير وحدة ضعييفة قدام ضحامتو وقوة رجولتو لي كتشوفيها فأبسط حاجة نضراتو هضرتو صوتو وعيونو وريحتو فكوولشيي .. حسيت براسي اكثر وحدة طلعليها الجوكر فرجل مثالي ..

شوية وانا نتفكر ببسسمة نضت طافجة انا انوريك امولات الفعاايل ناريي على ضحك شوفي فين وصلنااااا 

دوت رقمها وعيطت قبل ماتهضر وانا نسبقليها .. وسيريييي الللله اعطييييك شييي عقللل الله اعطيك مااتااكلي .. 

سمعتها طلقات واحد الضحكة .. وناري اصاحبتي خريتيني بالضحك والله ماصدقت بلي تيقتيني واش منيتك عمي غايكون ديجا مزوج وماغانقولهاش ليكوم .. 

زينب .. واش هادا ضحك اصاحبتنا واااش منيييتك قوليلي بعدا غير راه كضحكي معايا ماشي تخيليني هاكا بحال خبر ربي فطبگو تشوهت حدا السييد .. 

بسمة .. وسيريي شكون بحاالك عمي ضرب الطرقان تالعندك فخبارك كان عارف بلي فهمتي مقلوبة مين مشيتي لبني ملال وقالينا تاشي واحد مايعيطليها باش اجي تاالعندك

سالات مع بسمة وبقات كتفكرر عاضا على شفايفها تاسيفطاتلو ميساج ..

مين توصل علمني ... 

بقات واحد خمسة دقايق هاكاك وهو يوصلها ميساج تم نيت هزاتو لقاتو هو 

انشاء الله نتي غير نعسي رتاحي ..

ابتاسمات ابتسامة طويلة عريضة ..

عرفتو هاد الليلة حسيت راسي نعست احسن نعسة ماعقلتش تاعلى فؤاد فوقاش جا واش دار تافقت لغدليه الليلة بت كنحلم بيييه هادشي راه بزاف قلبي الصغير لا يتحمل ولكن واخا هاكا خسني نتوگض، لابقيت حالالو الفم من غدا يقول هادي ندير بيها كيفما بغيت وماتقولش ايي اييه معامن جيتي اوليدي .. ولكن واخا واخا نمووووووت انا فمول العقل .. 

فقت فالصباح اول حاجة شفتها هي تيليفوني لقيتو مسيفط ميساج بلي وصل على خير وبيخير ...

دخلات للكوزينة وتغني وتشالي بيديها صايبات الملاوي والرغايف نعار تنوض فيها تبانليها غير الكوزينة .. قادات كولشي على الطبلة مشات طلات لقات خوها طايح عما كيشخر .. خلاتو على خاطرو وشات فطرات على خاطرها وخطاتلو هو حقو حيت دارت حدو قدو والباقي دارتو فالڤريگو .. 

وصلات داك العشرة هزات التيليفون عيطات لعائشة كتسولها على الاحوال وعاوداتليها على لي وقاع وسولاتهوم على فوقاش غايجيو قاتليك يقدرو غدا ولا بعدو وقاتليها بلي راه خالتها اليوم مشات .. 

قطعات معاها وبقات كتنهد تفكرات خولة وايامهوم وكذلك تفكرات اش دارت ليها نفخات تاكتشوف خوها خارج من البيت ..

زينب .. صباح الخير .. 

فؤاد .. صباح النور .. 

زينب .. فوقاش جيتي البارح سمحيليا نعست بكري .. 

فؤاد .. لا عادي جا نصر لهنا البارح .. 

حشمات من سؤالو .. اه راه جا .. 

فؤاد .. مزيان كنت قتلو لا بقا الوقت نتلاقاو ولكن ماطلقوني تالقيتو مشا .. 

زينب .. وي داكشي .. راه عاد دابا هضرت مع عائشة قاليك غدا ايجيبهوم مهدي ولا بعدو .. 

فؤاد .. فخباري ( كلس حداها ) تبارك الله توحشت بحال هاد الفطور .. 

زينب .. ايوا كول بصحتك .. 

فؤاد .. صلحتو بعدا الخطأ لي وقع بيناتكوم .. 

زينب .. اودي غاظلمت السيد .. 

فؤاد .. ( كياكل ويهضر ) تانتي اختي كتزربي ..

زينب .. صافي دابا كولشي تصلح وراه قاليك غايهضر مع بابا باش اجي .. 

فؤاد .. مرحبا الله اكمل بالخير .. 

زينب ..( بابتسامة حشمانة ) أمين ..

دوزات داك النهار هي وفؤاد كيتفرجو فالتلفازة ومرة مرة يجمعو تاوصلات الغشية وهي تسمع تيليفونها كيصوني .. دغبا قطعات فيه الزي ودارت شافت فخوها لقاتو كيشخر بقا يتفرج تاداه النعاس .. ناضت مسلتة لبيت وسدات بشوية الباب ومشات للناموسية جرات عليها ليزار وتخشات تحتو تاعاود عيط للمرك الثانية عاد جاوبات بشوية .. 

زينب .. آلو .. 

نصر .. آلو وي صاڤا .. 

زينب .. ( وهي مبتاسمة غابوحدخا قولو الله استر ) بيخر ونتا .. 

نصر .. ولله الحمد براكة الله فيك .. مالين الدار صاڤا الامور مزيانة .. 

زينب .. كولشي بيخير .. 

نصر .. كيبقيتي شوية من وجهك ؟ متبعا دوك لي پوماد 

زينب .. اه شوية دابا غادي وكيبرا .. 

نصر .. الحمد لله ايوا لقيتيني دابا فواحد الكافي كنساين فالواليد ديالك .. 

زينب .. ( قفزات كالسة ) ب بابا .. 

نصر .. اييه الالة .. 

زينب .. احم ههه مزيان .. 

نصر .. مالكي سمعت صوتك بحالي مضغوطة .. 

زينب .. لا لا خويا ناعس وكنهضر غابشوية .. 

نصر .. ياكنا درتليك شي ديرونجمون ؟؟ 

زينب .. لا بلعكس عادي .. 

نصر .. ايوا هاهو الراليد ديالك واحد الشوية ونصونيليك .. 

زينب .. واخا .. 

سلا معاها وحط التيلفون وناض مد يدو لزوبير كان مع مهدي .. تسالمو سلام الرجال وكلسو .. 

قلبي بقا كيضرب ماكرهتش كون درت شي ميكرو نعرفهوم علاياش كيهضرو .. قلبي كيفرفر دابا كالسين على ودي شغايكون كيقولو وبالاخص هو بغيت نعرفو كيغايكون كيهضر قدام بابا .. باقي ماكملتها صوناتليا ماما .. 

زينب .. آلو .. 

خديجة .. الو فينك .. 

زينب .. فالسوق فين غانكون اماما الله اهديك .. 

خديجة .. قلبتي رأيك رجعتي باغاه .. 

زينب .. ماما لاكنتي معيطالي على هادشي نقطع حسن .. 

خديجة .. مالكي على هاد الفريرة تبتييي شوييية وحطيي قاعك للأرض وباركة من الزربة الخايبة تبقاي تلعبي بولد الناسس هاوذني منك السيد راه كبيير يبقا نقابلك نتي بهبالك .. 

زينب .. اسبحان الله كاشفتك كادافعي ورجعتي باغاني ليه كيجرا وطرا ..

خديجة .. كاندافع على تربيتي ليك لا يقولو ولدت فرفارة البارح تقولينا مابغيت زواج واليوم سايقة الخبار بلي السيد جاي تالعندك فين كلستو مم ياكما دخلتيه للدار .. 

زينب .. احسابليك اماما غانتزوج ببرهوش السيد راه بعقلو ونتي قلتيها بفمك مشينا خرجنا برا وزايدون جاب معاه بنت خوه مشات معانا .. 

خديجة .. يكون لي كان ماتخلييهش ينفارد بييك والله ويلقاك شي فريفرة تايقول بناااقص

زينب .. زدتي فيه اماما لي يسمعك تقول كنبقا مصدعاه فالتيليفون .. 

خديجة .. هانا نوصييك وحتا فالتيليفون ماتحاوبيهش بزاف وماطوليش الهضرة معاه راني عارفك دابا كدوي معاه وانا كنقوليك .. 

زينب .. واخا واخا الموهيم دابا غير مين قبلتي مزيان .. 

خديجة .. ماشي قبلت ولكن راه مايمكنش نخلي بنتي تزوج بوحدها واخا باقين ماعرفنا داك مو علاش ناوية .. 

فكراتها بمو بحالي شععلات فيها العافية ..

زينب .. ماما خلي داك الموضوع تالمنبد ..

خديجة .. تالمنبعد وهاحنا غانشوفو هاد الحريرة راه شفتيها داك النهار كيفاش كانت مع خولة تجي دابا تقوليليها نتي لي غايديك راه انا شاكة ماتكون تاتلفات ودارتها بلعاني وداتها هي بلاصتك .. 

زينب كتفكر نها العرس كاتزيد تسخط .. 

خديجة .. والموهيم دابا حنا غدا حايين وغانشوفو فوقاش ايجي اخطبك راه اليوم مشا يطلاقا باك معاه .. 

زينب .. انشاء الله .. 

خديجة .. اه وخالتك راه غاتكون حاضرة هي وخولة .. 

زينب .. علاه فين عمر كانت شي حاجة وماكانوش هوما .. 

خديجة .. صافي سكتي وخرجي داكشي من قلبك تانشوفو فين غايزيد هادشي .. 

قطعات خلاتها تنفخ وتعاود ماكاتفكرها غير فالمصايب اه بصااح عندها الحق ومو اوييلي واا مو مو لي كانت تشوف فيها داك الشوفات نهار العرس تقولي عدوتها .. وشوية تفكرات كلاام مها اه بصااح راااه غاالبا دااكشي لي كاين نصر قاليها تخطب زينب وهي دارت لي فراصها .. 

دازت يوماين بسرعة البرق ومالين الدار جاو وتقرر بلي من مور يوماين غايجيو دار نصر اهضرو فيها .. 

جا اليوم الموعود مها كتوجد منهنا وهناا فالشيهواات .. وزينب ناضت اليوم هي ونهال وخولة مشاو للحمام واخا علاقة زينب مزال ماتصلحاتش ميا فالميا بخولة ولكن كادير عين مييكة .. 

رجعات حميمرين حنيكاتها من الحمام قيلات دير فالوصفات باش تبان بلقة .. غير دخلات للدار تلاقاتها عائشة وخديجك وهوما يصليو على النبي 

صلاااااة وسلاااام علاااه رسوول الله الااااه الجاه الى جاسيدنا محمد اللله ومع الجاه العالي .. 

حشمات زينب وهبطات راسها عينيها كيدورو مشات دخلات للبيت .. طلقات شعرها ينشف باش تمشي تصايبو وعائشة دارت بصالة كتجمعها وتعاود حطات تما البلاطو كبير دالفضة بالكيسان والبراد خاوي باش اعمرون فالعشية .. وتبعاتها خولة حطاات الطباسل ديال الحلوة .. 

اما نعيمة تكلفات بالغدا جاو الرجال وهبطاتليهوم تغداو فالصالون لتحتاني .. 

خديجة دخلات بسرعة عند زينب ..

خديجة .. وطلقي راسك خلااص راه سكينة كاتسناك .. 

زينب .. افف هانا هانا .. 

مشات خرجات لقات البنات كالسين فالصالون ..

زينب .. هانا غادا .. 

مشات كتجري هبطات لقات سكينة كاتسناها ومشاو هي وياها عند واحد صاحبتهوم كوافو ويتجمعو ..

سكينة .. شوفي غييير بشوية علييك مين اجيي مااديريش راسسك ماخايفاش وماشي عاوتاني داك الحشمة تصرفي عادي ونوضي وفرقي عليهوم اتاي وكلسي متبتة ..

زينب .. ناري نتي وماما كيف كيف غير ماكاتزيدو تخلعوني انا لي خالعني هو مو ناري باينة فيها مشحارة .. 

سكينة .. مو لاكانت قاسحة نطيبوها خسك تبداي تعرفي وتعلمي كيفاش تكسبي عكوزتك لعندك ماشي ضدك راهي كوولشي وللارجعتيها سوسة راه عمرك تهناتي .. 

دخلو لعند الكوافورة بدات لزينب تصايب ليها الشعر وهوما مجمعين تاسالاو جمعاتوليها ودارت ليها زيف حياتي وتمو راجعين .. 

دخلات زينب للدار ودعاتها سكينة حيت ماغاتحضرش .. 

مشات نيشان للبيت سمعات البنات فالصالون كيهضرو .. جات عندها خديجة ..

خديجة .. سربي سربي دغيا دابا شوية وهوما يكونو هنا .. 

زينب .. هاني اماما صافي بلاما تزيدي تخليعيني ..

خديجة .. ماديري تاحاجة فوجهك هانا كنوصيك والله ونلقا شي حاجة تاتمسحيه عاد تخرجي 

زينب .. واااخا 

مشات ولبسات هي واحد اللقفيطين خفيف فاللبسة بلى حزام فالباج .. وطلقات الشعورات شافت فالمرايا دهنات كريم وعلات شفارها الكثاف بزيت الخرواع حمرات فمها وخدودها شوية وهزات من ريحتها رشات شوية تاكادخل نهال .. كانت هي لابسة ديجا غير الرومي .. غير شافتها وهي ضربها بتزغريتة كاع الدار سمعاتها .. تم نيت جات تاعائشة طل وخولة وخديجك وهوما يصليو على النبي .. وخرجاتها خديجك كاتقرا عليها وزينب حشمانة وكاع خذوذها زادو حمارو كتر ماهي حمرة ..

رجعاتني ماما للبيت وسدات على البنات بقينا غير انا وياها كلساتني وباستلي على راسي وحطات يدي عليه .. عرفتها كاتقرا اية الكرسي .. عاد هبطات كلسات حداها ..

خديجة .. سيري ابنتي الله ابعد عليك عينين الحساد والشر ويبعد الشر من طريقك وتكون ايامك كلها خير فخير .. 

عيني دمعو وانا نعنقها .. سمحيلي اماما .. 

خديجة .. شش نتي لي سمحيلي ولكن ميمتك تاتفكر بعييد ابنيتي بعيييد .. 

حركتليها راسها وهي تبتاسم وضرباتها بواحد التزغريتة زعزعات بيها البيت .. 

خديجة .. ايوا هالشيباني جاي ليك نهار ومطال ونتي مصدعاني بيه .. 

ضحكت ومشات خرجات خلات البنات ادخلو عندي وانا رعشة شاداني من صبع رجلي صغير خايفة ومتوترة لاتمشي توقع شي حاجة وليت متوقعة اي حاجة ..

عائشة .. ششش بسمالله بسمالله .. الله احفظك ..

زينب ..امين .. 

كنسمعو تعياط فؤاد من براا .. الواااليدة هاهوما جاو ..

فرفرو البنات من حدايا لشرجم بيتي وانا صافي السخفة شداتني .. نضت تانا كنطل عائشة خلاص خرجات لبرا بقات غير نهال واكرام تاخولة مشات .. 

نهال .. ناااري ياااااختييي واااميي عينيييا اجي اختيي تشووفي رااجلك اجييييي .. 

مشيت طليت قلبي كيطلع ويهبط وانا نشوف الشيباني ديالي هبط من الطوموبيل كيفتح لاڤيست لابس كونبلي فالاسود مع شوميز فالاسود ومطلع شعرو اناقتو المعهودة .. كانو جوج طوموبيلات سطاسيوناو حدا الباب وحدا هبط منها حبيبي ولي موراه هبط منها باها ديال بسمة .. كنشوف حبيبي فتح الطوموبيل موراه تاكنشوف عكوزتي ناااري يا ربيي تحفظ هاد النهار .. كانت هابطة معنكرة لابسة واحد الجلابة دوبياس بالقفطان ديالها .. ومن الجنب لهيه هبطات واحد المرة وباه .. كنشوف نصرو مشا للكوفر فتحو وجبد بوكيل ديال الورد على مزينااتو عطاها لداك المرة علاما عقلت عمتها ديال بسمة .. يعني ختو .. الطوموبيل الاخرى نزلات منها مها وباها دبسمة وهي حيت جات من طرف العريس .. وعمتها هاديك كنت عارفاها .. 

كنسمع الزغاريت حدا باب الدار درت لقيت نهال والو ماكايناش حدايا لاهية لا اكرام ويلي المساخيط خلاوني بوحدي .. بقيت كنشوف سلم على بابا وعلى فؤاد لي رتبلو على كتفو احح على رااجلي كنطلع عيني كنلقا بنات الحومة كيطلو من الشراجم .. درت يدي على قلبي كندعي ربي يحفضو من العين حيت جا كييحمممق .. دخلو كاملين ورجعت دابا كنسمع الهراج فدارنا .. وداكشي كيقرب يعني كيدخلو للصالون .. 

رجعت گلست فوق الناموسية حسيت بالبولة شاداني صافي اليوم نطلقها كاع السيناريوات طاحو فبالي يوقعو .. 

كنسمع الضحك والهضرة فالصالة حطيت وذني على باب بيتي .. كيتسمع صوت الرجال والعيالات والهاراج ماقدرت نفرز غير صوت ماما لي كترحب .. 

تاشوية باب بيتي كيتفتح وهي دخل اكرام ونهال .. 

نهال .. ناري يا ختي اذوب انا اذوب اش هاد الزين ديتي .. 

زينب .. ( خنزرت فيها ) ايوا جمعي فمك .. 

نهال .. هاي هاي ( ضرباتها لكتفها ) يا ختي مشاء الله تاواتاو والله .. 

ابتاسمت وهبطت عينيها فرحاانة لا بل غانطير بالفرحة .. قويليلي كيجاوك النعابير ديال مو ..

اكرام .. اويلي مين دخلات وهي كتشوف والهضرة تخرجها بالعبار تقول كتخلص عليها ..

نهال .. واييه اويلي بقيت غيير كنشووف ..

شداتني البكية .. ناااري .. ششش سكتو سكتو نطل .. 

يالاه خرجت راسي شوية تاكنحس بالباب ضربني وتسمعات درااااف .. رجعت راسي مقسحة كنڤيبري ... وااش هبلتي ولا مال مك ..

نهال .. والله مابلعااني مافهتمكش شقلتي .. 

ناري جبتدت راسي وتزينزينت حسيت بالبيت دارت بيا .. وصاي وصااي وصااي .. 

مشيت كلست فناموسيتي شديت على رااسي .. 

نهال .. ختي واش تقسحتي .. 

اكرام .. اويلي اصاحبتني راه نورمال تقسحيها راه تسمعات دقة 

دخلات عائشة .. البنات يالاه خرجو خرجو باش غانخرج زينب .. 

مشاو خرجو وهي تشوف فيها .. مالكي ..

زينب .. الكلبة ديال نهال زدحاتليا راسي ناري كنحس بالدوخة ..

عائشة .. اويلي بغيتي نجيبليك شي حاجة تاكليها راه ماكلتيش اليوم .. 

زينب .. لا لا غير خلي افف قلبي كيضرب اعائشة كنحسو غاوقف .. 

عائشة .. ههه عادي الحمقة راه كاملين كنا هاكي ولكن غابلاتي شوفي انا دابا معاكوم شكون قال نهار جيتو تخطبوني .. 

ناضت زينب ورجليها كتحسهوم فاشلين .. ففف ..

عائشة .. زينب غابشوية انا راه خالتي قاتليا سيري جيببها يعني خسك تخرجي دابا .. 

زينب .. يالاه يالاه اف اف .. 

شداتها زينب من يديها وفتحات الباب شوية وهي طلق صلااااة وسلام .. وهي تحي خديجة زينب غير حانية راسها وكتقول دابا شوية وطيح .. تادخلو بيها للصالو وبداو تالبنات معاونينهوم فالزغاريت .. همساتليها خديجك فودنها تسلم وهي ماعارفا تاشنو كادير كتحس بالدنيا دايرا بيها بدات بختو وعاد بباه ودازت للباها دبسمة عاد وصلات لعندو مدليها يدو كيشوف فيها هي حانية راسها وهي تشد فيه كترعد تاشوية وهي تزير عليه تاكيشوف السيدة كتميل وقف بسرعة دوز يديه مور ضهرها وطاحت سخفانة 

سخفات بين يدو جاب يدو الاخرى بدا يضرب بشوية فحنكها ..

نصر .. زييينب .. زينب ..

ناض كولشي من بلاصتو كيشوفو من غير عاىلتو لي غير كيشوفو .. 

خديجة .. زييينب ( دارت ) نهاال جيبيي لختك الريحة سربي .. 

دوز يدو الاخرى من نحت فخاضها وهزها .. فين بيتها .. 

مشات عائشة قدامو وتابعها من اللور وناضت بسمة مشات تاهية .. دخل لبيتها حطها فوق الناموسية جات خديجة تدهن ليها الريحة جيهت نيفها .. نصر كيشوف فيها بدات تحل يديعها مخسرة .. اما لوخرين فالصالون ..

نعيمة .. ايوا الخلعة مسيكينك راه ماكلات والو .. 

رشيدة .. ههه كتوقع ماشي موشكيل .. 

ربيعة غير ساكتة وفخاطرها غزات فيها نيت اما خولة ماتسوقات ولا ناضت عندها للبيت اصلا مورالها خاسر .. شوية كيشوفو نصر راجع وكلس بلاصتو تخسر فالگانك ..

زوبير .. الصبر اوليدي البنت عندي هشيشة ..

نصر .. الله ياودي اعمي كتوقع مافيها باس ... 

خرجات خديجة اما زينب بقات فالبيت كدمع وعائشة حداها ..

زينب .. ماعندي زهر اعائشة ..

بسمة .. ( كترجع ليها شعرها مور ودنيها ) ششش نوضي غسلي وجهك شوية بالما ماوقع باس ماشي موشكيل .. 

نضت كنسرط فريقي اويليي وحدي وعلى شوهتي وعلى زهري لي مكوزلي تكوييزة ديال الزمان ويگلس اقلب ويشقلب فيا دخلت لطواليط غسلت وجهي ورجعت هاد المرة درت فوندوطان اغطيليا ودرت البودغ عاد رجعت لبيتي لقيت بسمة وعائشة مبتاسمين ويحاولو انسيوني .. رجعو خرجوويي ثانيي للصالة بالزغارير وگلست حدا بابا حانية راسي ماقادراش نطلعو .. وانا كنحس بالانضار كاملين عليا كنشوف غير الرجلين ديال نصر لي كالس مقابل معايا ..

الحاج سليمان .. وكيبقيتي ابنيتي ..

زينب .. الحمد لله اعمي بارك الله فيك 

الحج سليمان .. ونعم بالله الله اجيب الشيفة .. ايوا اسيادنا كيف عارفين جماعتنا اليوم باش نكونو مع ولادنا ونجمعهوم فطريق الشرع .. وهادشي لاش جينا طالبين راغبين فيد بنتكوم زينب لنصر على سنة الله ورسوله .. 

زوبير .. أنا منلقاش نسيب حسن من سي نصر تبارك الله ايوا كيبقا الراي ديال زينب .. ( دار عندها ) اش قلتي ازينب ..

من ديما كنت كنسمع بالمعاودات على الخطابي وكنسمع بالبنت تحشم تقول موافقة وكنت نضحك ونقول منيتهوم فين الحشومة فهادشي ولكن من جربت وعرفت ودابا تحطيت فامر الواقع حسيت بلساني تعكل وتعقد ومابقيتش قادرة نقول شي حاجة .. 

بقيت ساكتك وحشمانة تاعتقني بابا وقال .. ايوا السكوت علمة الرضا .. 

الحاج .. ايوا مانزيدوكوم غير صلاة على النبي .. 

وهوما يعليو يديهوم كيقراو الفاتحة .. انا فهاد اللحضة طلعت راسي بشوية فنصر اححح على حبيبي لي دابا وليت مراتو قدام الله مطلع كفوفو وكيقرا بنفسو .. عكس بابا وباباه .. 

سبحاااان رب العزة عمااا يصفووون وسلااام على المرسليين والحمد لله ربيي العاالميين ..

الحاج .. الله اجعل كولشي مبارك مسعود .. 

تسمعو الزغاريت وكنحس بيدين بابا كيديوزو على ضهري وانا نشوف كولشي ناض كيتسالم وانا هبطت راسي كنضحك تاجات عائشة كاتباركلي ووقفاتني جابو التمر والحليب وجوج بواطات ديال الخواتم .. 

وقف تانصر لي كان كيسلم على باه وبابا ومهدي وفؤاد .. 

وقفت حداه كنحس بالدنيا كدور بيا تاني ماعرفتها واش توتر ولا فرحة .. تفتحو البواطات ديال الخواتم وهز منها خاتمي ومديت أنا صباعي هو لدابا مزال ماعضرش معايا كنحس بيدو شداتني من راحت يدي ويدو الاخرا دخلي بيها الخاتم كان فيه حيرات صغار ومركب من جوج والثاني فيه حجيرك وحدة الوسط كبييرة .. 

عطاتني تانا عائشة الخاتم .. وهو يعطيني يدو دخلتلو الخاتم بصبيعاتي رقيوقين غير سالا سمعنا التصفااق والزغاريت .. 

هزات تمرة من البلاطو وتما عاد طلعات عينيها فعينيه وهي تمدلو عض منها عضة وشدها من عندها عاود دورها ليها عضات منها ورجعات هزات الحليب شرباتو ومن نفس الكاس دورو ليها ونهال كتصور بواحد الكاميرا جابها مهدي .. 

وبسمة مقشبة هي وفؤاد ومهدي اللور ومرة مرة هوما ينغزو نهال باش تبدا تصلي على النبي وي بداو اللللهم ومصلي وعليييييييه ارسووول الالله جيناا للصاالحيين جييناا متاااقييين اللهم ومصليي وعليييه ارسوول الله .. 

كانو عينيها كيلمعو سالاو من الخواتم وهي تفتح واحد البواط كانت تاني كاملة كولي هز منها السنسلة ودارت حيدات شعرها وركبهاليها غير سلا وهو يدوز صبعو من على عنقها دارها بلعاني حتا رتاعشات وقلبها ضرب .. تاضورها وقدام كولشي جرها من كتفها وباسها من راسها .. ونهال كتصور فرحانة كلسو فالسداري حدا بعضياتهوم تاشوية كتنوض مو لعندها كولشي شاف وخصوصا خديجة لي كتنتاضر شنو غدير تاحنات عندها وهي تعلقليها واحد البروش ديال الذهب فسدرها ..

ربيعة .. مبارك عليكوم ( دارتليها ابتسامة صفرة ) .. 

نصر .. ( شاف فيها فرحان ) لهلا يخطيك الواليدة .. 

زينب .. ( بابتسامة بريئة ) شكرا اخالتي .. 

دخلات للبيت مابقاتش قادرة سدات عليها الباب وطاحو جوج دمعات .. 

خولة .. ماعمري نسااهاالييك ازيينب 

ضحكات معاها ومشات رجعات لبلاصتها وهو يقرب لودنيها همس .. 

نصر .. كيبقيتي شوية ؟؟ 

زينب .. ( حركاتلو راسها ) شوية دابا .. 

نصر .. حاولي على راسك .. نتي لي عندي دابا .. ( وبعد شوية ) 

هي حشمات وحناكها مزنگين، كتحس بيديه محطوطة من مور ضهرها .. وكحزو الطابلة باش غايحطو العشا .. وكولشي جماع وكولها فين .. .. رجع شاف فيها لقاها غير كتلوي فصباعها وهو ينغزها شوية فكتفها تادارت عندو وهو يقرب ..

نصر .. مالها زينة البنات !! مم 

زينب .. ضحكات خجلانة .. والو عادي مالي .. 

نصر .. ماخليتيلي عقل من نهار شفتك وانا دايخ .. 

خجلها فالبلاصة شدها من يديها .. ما سر جمالك ؟؟ .. 

نااري قلبي الصغير لا يتحمل اعبااد الله هادا ناوي اكمل علياا .. طلعت عيني فيها كنلصق رموشهوم مع بعضهوم وهو يغمزني ودار كيحك فاللحية ديالو لي فيها شيباتي نبغي غير نشوف فيه .. 

تحطات البسطيلة ديال الدجاج جوج ربايع انا مع عائلة نصر ومعانا بابا والاخرين لهيه ..واخا عارفة رباعت عائلتي قالبينها نشاط مع مهدي وفؤاد ومحمد وبسمة ونهال تجمعو تما غاهوما .. 

دار عندي نصر .. كولي راني عارفك ماغاتكونيش كليتي هاد النهار .. 

حركتلو غير راسي اما اللسان لي غايجاوب والو مديت يدي تاكنشوف فيها الخاتم احح ودرت نشوف فيه تاهو مد يدو وداير فيها الخاتم مازال مامتيقة هادا لي حدايا ولا راجلي راجلي وعمارت داري .. اودي وكيقولي كولي انا راه نبقا غير نشوف فالخير لي عطاني الله اشبعني سيمانة .. هبطت عيني شوية وانا نبلع ريقي تبارك الله لا لا اش هاد العقل عندي يا ربي خرجو عيني وشينورمال شنو حسابليك الخير غايكون غير الفوق راه باينة عندو حتا لتحت .. هنا عرفت شنو دايرا فالسيد لا راه ديتلو عقلو نيت .. درت البروتوكول ديالي وبديت نخدمو ثاني فالماكلة وسنو راه القدية فيها العگوزة .. كل دغ نديرليها حسابها ونعرف منين ندوزها .. تاشوية قطع نصر ثاني طرف وحطولياا عجبني الجيست وطارو الفراشات فقلبي .. درت لقيت مو خارجين عينيها اربي السلامة هبطت عيني بسرعة .. القضية حامضة اخوتي .. الماكلة ماعمدها منين ندوز واخا كون كنت بوحدي نطيح فهاد البسطيلة عمية .. تاتهز البلا وتحط ثاني الللحم بالبرقوق والاناناس .. جمعت شوية القفيطين وقطعت الخوبز نغمس غير شوية وناكل .. ومعداتي خاوية طالع معايا الجوع ديال بصح .. ومصبرك راسي تايفور هادشي واراك للمعقول .. 

سالا العشا .. وتهز كولشي ورجع ثاني هاد المرة عاد غايهضرو فالمعقول .. شفت حبيبي تقدم شوية فاتح رجليه ومتكي يديه كالس بأريحية ونضراتو كنحس بيهوم لناس غير شي بالنسبة ليا مين تشوفو من بعيد كانلقا الجدية وماكاين لا هاكا ولا هاكا ولكن انا لا. غير مين كتشوفي هاد الاختلاف كتحسي براسك درتي بلاصة فقلبو .. 

نصر .. مهيم اسيادنا كيفما تافقنا العقد غايكون منهنا سيمانة .. 

حليت عينيا فيه اويلي فوقاش هادشي .. كولشي تصدم شفت فماما كتسولني بعينيها حركتليها كتافي زعما تانا راه ماعارفاش ... 

زوبير .. اييه داكشي لي كاين والعرس قلنا نديروه فالاخير ديال هاد الشهر .. 

خديجة .. راه باقي غا 15 يوم .. 

نصر .. ( شاف فخديجة ) الواليدة كولشي غايتوجد والعرس فينما بغيتوه يكون ماكاينش موشكيل صوا هنا صوا فمراكش .. 

جريتو شوية من يدو تاضار عندي بينما زوبير كيهضر مع باه ..

زينب .. نصر ماشي زربنا .. 

نصر .. لا احبيبة هو هاداك ماعنديش مع الخطبة ديال عام بغيت نجيبك لداري فأقرب فرصة .. 

قال هاد الهضرة سكتني صافي قرمت، اختي باغي يديني لدارو السيد راه باينة فيه دابا وهو كالس قدامي مكرهش ياكلني فما بالك نكلسو عام مخطوبين .. 

الحاج سليمان .. هادشي لي كاين مكاين لاش نتعطلو .. 

ربيعة .. ايوا أنا كنقول من الأحسن نديروه فمراكش عائلتي ماتقدر شاي تجي لهنا وكيشفتو ماكاين فين إگلسو .. 

شفت فيها حالة عينيا هادي واش كتحشيلينا الهضرة ولا كيفاش مافهمتش ..؟؟

نصر .. ( بسرعة رد عليها ) الواليدة العرس غانديروه فين غاترتاح بعدا زينب أما العائلة داكشي ثانوي 

زينب .. ( ابتاسمات ) ماشي موشكيل اخالتي أنا أصلا كنت غانقوليكوم نديرو العرس فمراكش .. 

خديجة شافت فبنتها مخرجة عينيها كون لقاتها كون كلاتها .. 

دار عندها نصر .. Sur ? 

حركاتلو راسها .. اه باغا نديرو فمراكش .. 

نصر .. وصافي اسيادنا العرس انشاء الله فمراكش ..والعقد غايكون هنا منهنا خمسيام .. 

الحاج سليمان .. ايوا الحاج الله اجعل كولشي مبرووك والله اخلف ( ناض وقف ) .. 

وهو ينوض كولشي كيتسالم شاف نصر فزينب ... 

نصر .. متأكدة احبيبة بغيتيه فمراكش .. 

زينب .. ( حطات يديها على يديه ) وي متأكدة كتعجبني مراكش بزاف .. 

نصر .. ( ضحك ) هانتي غاتمشي دابا تعيشي فيها .. 

قلبها ضرب وهبطات راسها حشمانة .. 

كولشي كان ملاهي كيسلم وهي كدور عينيها لايكون شي حد كيتفرج فيهوم واخا واقفة في امان الله 

نصر .. ( وقف ووقفات تاهية ) يالاه اكبيدة غانشدو الطريق دابا ونهار الخميس نكون معاك .. 

زينب .. واخا .. 

نصر .. عندك كونط ؟ 

زينب .. كيفاش !! 

نصر .. كونط بانك !؟ 

زينب .. احم لا .. 

جبذ بسطامو وبدا يخرج فميتين درهم من مور لوخرا تاسرطات ريقها .. ( حطليها 2000 درهم ) .. هادو كافينيك !!؟ 

حلات عينيها وهي توقفو بيديها .. لا لا والله بلاش ماغانحتاجها فوااالو ..

جمعهوم ملويين وحطهوم فيديها وسد عليهوم .. خليهوم عندك منعرف تحتاجيهوم غير علاما درتي كونط نصيفطهومليك تما احبيبة دابا ماهازش معايا ..

زينب .. لا انصر والله ماكاين لاش مامحتاجة حتاشي حاجة الحمد لله ..

نصر .. ( ابتاسم وهزليها يديها باسهم ) .. بغيت الاميرة ديالي ماتحتاج حناشي حاجة مهيم شري بيهوم داكشي لي غاتحتاجي ويلى ناقصحك شي حاجة قوليهالي عادي وليت راجلك دابا صافي .. 

حنات راسها بحشمة وحركاتلو باه .. 

نصر .. ( رطب على كتفها ) يالاه خليت ليك الراحة، وحاولي تاكلي مزيان واخا .. 

زينب .. واخا الله اديكوم على خير 

نصر .. امين .. مشا تحرك وهي عاد تحركات ومشات سلمات على خواتاتو الصراحة الضرافات بحال بسمة وسلمات على رشيدة وصلات لربيعة وهي تقرب سلمات عليها باتسامة بريئة وبعدات .. الله اديكوم على خير .. 

مشاو هبطو ومشات كتجري طلات عليهوم من بيتها تاشافت حبيبها فتح الباب لمو ومشا قبل مايطلع طلع عينو تاشافتو وهاد المرا بلى ماتحشم ابتاسماتلو وتاهو غمزليها وطلع عاد تحركو .. شافت فالفلوس لي عطاها فرحات من كل قلبها فكل مرة كيزيد احببها بتصرفاتو .. مشات وحطاتها جنب الكوافوز وهي دخل عا طاافجة .. 

عائشة .. ايوااا مبررووووووك مبروووك مبرووك مبرووكك واللف مبااركة عليك على سلامتك ..

زينب .. ههه الله اسلمك .. 

عنقاتها .. فرحتليك اختيتو والله تستاهلي وتاواتيتو احيد ويبعد عليكوم الحسد ..

زينب .. امين اختي .. 

مشات زينب لجيهت الماريو كتبدل وهي دخل خولة لي كانت شافت كولشي مين كانت كتهضر مع نصر .. مبروك اختي ..

شافت زينب فيها .. الله ابارك فيك اخولة العقبة ليك تانتي .. 

خولة .. امين، عاوتاني العرس فمراكش هههه 

زينب .. ايوا شوفي مكتابك فين كاين 

خولة .. واييه بحال دابا شكون قال النهار اللول نتي تزوجي وانا نبقا .. 

زينب .. ( ابتسامة صفرة ) هه وايه .. ( عيطاات ) ماااامااا وخليي دااك العشااا نحيي ناااكل 

خرجات كاطير بالبيجامة للكوزينة لقات محمد ونهال واكرام هارفين .. حيدو حيدووو واللله وتحطو يديكوم تانقطعهااا يا دحووشك من الصبااح ونتوما تاكلو بااز .. 

محمد .. نتي ماخسكش دابا تاكلي سيري جمعي داك الكرش لي عندك راه مابقا والو سيري سيري ..

زينب .. شناااهو بزااف علييك طلق طلق .. ( خطفاتلو الطبسيل دالبسطيلة )) هه ولاهيلا قاليك الكرش ..

نهال .. ( ياااي شوفليك الخاتم فاليد ..

زينب علات يديها زعما هالخاتم وكتعلي فحجبانها وتهبطهوم بفرحة .. هاااهو ..

خديجة .. ( جراتها مقرساها ) اجي لوالديك ..

زينب .. اهياااتااا طلقي لهيه دابا تزرقيليا اللحم ونصدق ثاني فالوصفات باش اتحيد .. 

خديجة .. ( كتعيبها ) العررسس فمراااكش اخاللتيي ايوا الله امسخك راني كلبة نيت مين ربيتك ..

عاىشة .. ( مدخلا طباسل ديال الحلوة كاضحك ) ههه اخاالتي الله اهديك .. 

نهال ..( كتفلا بيها ) وراااه خااالتها 

خديجة .. يخواااولك الضرووسة

زينب .. وماما وماابغاش نجبد الصداع صافي اش فيها تامندي راه عرس تما 

خديجة .. وااامنهااار اللول امووت المش البكرة مين جايا ميين 

عوجات فمها ومشات كتهز ليها فكتافها واخدة طبسيلها 

خديجة .. مييمتي باغا تخرج فيااا الفقسة وانا اصلا فيا السكااار ..

دخلات لبيتها كلات داكشي وحطات الطبسيل وبدا تشوف فالخاتم وتبتاسم 

زينب .. زينب مرات نصرر ( احححححححح .... 

صبحات لغدليه ونايضة تشالي والخاتم فيديها كيعبر بلي هاد الغزالة راه ديال مالينها .. كولشي مجموع للفطور خرجات تاهية كتفطر .. 

خديجة .. راه مين عرفت العرس باقيلو 15 يوم جنابي طابو بالتقلاب هاد الليلة وعاد خسنا نكلسو هنايا سيمانة علاما تعقد عاد نمشيو اش غانقديوًفسيمانة .. 

فؤاد .. والمرة اللولة كون تقولو تمشيو تم ديرو العقد وكولشي 

زوبير .. تادابا باقي الحال الى بانليكوم هاد اليوماين نمشيو لمراكس ونعقدو تما .. 

خديجة .. زينب ؟؟ 

زينب .. بصح ماما عندها الحق راه متكفيش وعاد خاس نشوف النگافة والتريتور والقاعة اففف العراام .. 

عائشة .. وعاد شهر تمنية فين غاتقدري تريديزڤي على هادشي 

فؤاد .. غانشوفو مع مهدي وعاد نصر راه قاليك غايتكلف بداكشي الكبير راه عندهوم معارف تما .. 

خديجة .. وصافي ازوبير نوض جمع الوقفة غدا نمشيو لمراكش يالاه ايوا البنات نوضو نجمعو للدار ولي عندها شي حاجة تقديها .. 

سالاو الفطور وتكلفات خولة وعاىشة بالجميع ديالو ونهال وزينب ناضو كيجمعو للدار واكرام تعاون نعيمة وخديجك فالجميع دلتحت ثاني .. 

زوبير عيط لنصر وقاليه بلي تقلب البروكرام والعقد تاهو غايدار فمراكش .. 

تجمعات الدار ومشات زينب كتجمع حوايجها .. 

عائشة .. عائشة نجيبليك باليزاتي حيت راه خاسك تجمعي حوايجك كاملين .. 

زينب .. ايولي واش دابا .. 

عائشة .. ايوا شحسابليك راه من تم لهيه .. 

زينب .. ( عينيها دمعو ) اويلي .. 

عاىشة .. مالكي اويلي هههه والجمقة راه صافي غاتزوجي واش عاد تيقتي راسك ولا .!!! 

زينب .. ولاهيلا عاد حسيتي بيها .. 

عائشة .. هههه وجمعي احبيبتي كولشي فالبالز وودعي بيتك .. 

زينب .. واخا واسيري جيبي الباليزات سيري شفتي كون خرجت هاد الصباح شريت البالز .. 

عائشة .. داكشي الحمقة كيتشرا بفلوس الصداق .. اولا هوما كيجيبوهليك فالدهاز نتي وزهرك .. 

زينب .. وومغانجمعش كولشي تانشري من تم .. 

عائشة .. لي بانليك .. 

بدات تجمع وطوي وجبدات الحوايج دالبرد لي مخبعين فالرزامي وهي تجيبليها عائشة الباليزات وحدة كبيرة ووحدة صغيرة .. وبدات تجمع معاها يالاه جات خديجة اتقولهاليها وهي تلقا عائشة قامت بالواجب .. 

كتجمع ودمع على بيتها السيدة عاد حسات راه غاتزوج .. 

جمعات روايحها والسيكان ديالها وسبابطها ونهال كالسة حداها مرة مرة تعطيها شي تويشية ..

نهال .. وطلقيلي تاديك الكسوة .. 

زينب .. وباز داكشي كامل لي عطييتك ماكافييش ؟؟؟ 

نهال .. وصااحبتناا دابا غاتزوجيي واراا نصر مايشريليك طلقي راه ختك باقا غاتبقا فالگحط .. 

زينب .. ( رماتهاليها ) شديي تفوو يخليها سلعة ماعرفنا شكون غايتزوج انا ولا نتي ..

عائشة .. جاوك زوينين الحوالق لي شراليك المسخوطة .. 

زينب .. ( كانت لبسات الكولي كامل بالحوالق بالكورميط ) تانا عجبوني ياختي وباينين وازنين .. 

نهال .. اه قوليلي نسيبي فين خدام .. 

زينب .. عندو لوكاسيون .. 

نهال .. ياء صافي .. 

زينب .. وياااه صاافي احبيبتي غير جوج ديال المحلات فشوارع معرووفين فمرااكش وكيكري فيهوم غير الطوموبيلات المفرشخين .. 

عائشة .. اباركة ماتعيقي علينا براجلك .. 

نهال .. ولاهيلااا شحال زعما كاع يشد .. 

زينب .. بيدي ماعرفتش .. 

عائشة .. ايوا لاكان على حساب ماكاتقولي غاتكون القليلة شي 2 دالمليون فالشهر وعاد فالصيف راه ادخل حتال 5 دالمليون حيت هوما كيكونو دايرين بحال التجار على حساب الحركة وشمن طوموبيل غاتكرا من عندك .. 

زينب .. اختي بااركة هادشي وراه الخييير والكفااااية 

عائشة .. كفاااية اش بغيتي الماليك .. 

شدو الطريق الغدليه لمراكش كاملين جوج طوموبيلات لاباس لي كان مهدي مشاو للاباغطومون ديالو .. 

وبوات التوجااد للعرس جري هنا وهنا .. زينب طقطقات داك الفين درهم غير فيوماين غير فالتخربيق ديال الحنة وعطات بيها العربون بقات زاوية ورجعات تاخد من عند باها ومها تاهية قايمة بالواجب واخا كيقوليها نصر واش ناقصك شي حاجة كتقوليه لا راه باقا عندي .. اما الخروج والو خدوج قاطعة عليهوم الضوء والما قاتليك تاتعقد بداو اجيو العائلة مع عندهوم واحد التريكة يوصلو قبل بسيمانة وهوما اصلا لقاوها من الجنة والناس كيمشيو اتساراو فمراكش .. 

وصل نهار العقد ناضت فالصباح دخلات دوشاات وخرجات كانت الدنيا عامرة شي خارك شي داخل شي يالاه نايض شي كيفطر .. دخلات لبسات جليليبة لي شرات فالابيض وهابطة بالطرز منيتك بالجوهر فالغوز والصفيفر ... وكل دقيقة تجي تزربها مها .. تاجات عائشة ..

عائشة .. سربي ازينب راه نصر لتحت هو وباه وبابا راه كيتسناك باش تهبطو 

زينب .. ناري فيا الخلعة 

عائشة .. وسيريي تعقدي على مخك ابنادمة ..

خوبشات ودارت تكمل .. جمعات شعرها ودارت زيف فالصفيفر غير محطوط على شعرها .. لبسات الساعة والكونيط جات دير الخاتم وهي تعقد حجبانها .. 

زينب .. فين الخاتم ؟؟ 

مع الخرجة من البيت لونها مخطوف كاطلاقا عائشة .. سربي اصاحبتنا يالاه وينو جيتي فنيونة ..

زينب .. ماشفتيش خاتمي !! 

عائشة .. اينا خاتم !! 

زينب .. كيفاااااش انااااا خاتم خاتمي اعائشة خاتم زوااجي ..

ومشات غادا قدامها رجعات لطواليط فين دوشات وهي مكتحاولس تبين لناس فالصالة اش واقع مالقاتوش بدات ترعد ..

عائشة .. ( كتهمي ليها ) وااش لدينمك الناس كيحيدوً خاتمً الزواج من اليد .. 

زوبير وقف عليهوم .. ابنتي نصر كيتسناك لتحت 

زينب .. ( دموعها بداو اطيحو ) ناري اعائشة عتقيني منقدرش نهبط عندو بلا خاتم 

زوبير .. اشمن خاتم تاني شكون غايكون داليك الخاتم .. 

عائشة .. صافي سكتي غانفكو هاد المووشكيلل واش قلبتي فالدوش مزيان حيدي نشوف ( دخلات للدوش تقلب وتعاود ) .. 

زينب .. ( شافت فباها كتبكي ) باابا اتسمتني ماما تحيح .. 

زوبير .. ودابا راه الناس لتحت كاتعاين اس با نقوليهوم ..

زينب .. ايولي ابابا نهود عند السيد بلا خاتم لا وغادا نعقد عاد لا ابابا لا خسني نلقااه ضارووري 

خديجة .. مالكوم واقفين هنا ( شافت عائشة خارجة وجها صفر )

عائشة .. والو مالقيتوش ..

خديجة .. اش مالقيتيش 

زينب .. ماما داوليا خاااتمي .. ( خرجات فيها عينها ) .. هاوييييلييي شمن خاااتم ؟؟؟ 

عائشة .. صافي سكتيي قلناليك غانقلبو عليه ..

زوبير .. زيدي ازينب نمشيو راه السيد لتحت مين تجي وارا ما تقلبي .. 

خديجة .. ايولي بغيتي السيدة تمشي تعقد بلى خاتم هااويلي .. 

زوبير كيعيطولو هز التيليفون لقاه نصر .. نتوما مرض بالله الى مرض سمعي غانهوض خمسة دقايق تكوني تم ماكاين لا خاتم لا زعتر راه الموهيم هو اعقد .. 

مشا وخلاهوم واحلين وجهوم صفر وهي توقف عليهوم نعيمة 

نعيمة .. امالكوم .. زينب باقا مامشيتيش 

خديجة .. لا اختي غير مخلوعة شوية وكنسيروليها .. 

نعيمة .. هاوييليي ومااتخافي( لا غاتبداا ) 

زينب .. اخاالتي رااه ماخايفااش غير كنهضر مع ماما فشي موضوع مهم 

حشاتهاليها خالتها تقرسات .. اااه وهانا غادا .. 

عائشة .. يخخ على زبل اش غانديرو دابا نقلبو الضيااف مم ونقولووليهوم شكونو شفر الخاتم 

زينب .. مامااااا اهئ اهئ عتقيني 

خديجة .. اااااشش غااانعتقق جد طااسيلة بووك الكلب المرة جاايا خلي خااتمك تحت الكلبة ودابا اش غانديرليك نولدووليييك .. 

عائشة .. واااخا تسكتو خالتي نتي غاتقلبي بالحس بينهوم ياك ونتي غاتمشي تعقدي ماعندك ماديري باش المرة جايا واخا دخلي تعومي فالشلال ماتحيديهش من يديك وهادشي لالقيناه اما لا طيراتوليك شي وحدة منهنا غانساايه وقوليلو باي باي .. 

خديجة .. اويييلي اوييلي على طيرووه لييهااا اليوووم ارزييونيي فبنتيي يخ يخ .. 

مشات زينب خرجات هابطة فالسانسور كاتحاول تخفي دموعها وشتوف فصبعها والو الخاتم طار هي حيداتو ودخلات دوشات مين خرجات نشات ماركباتوش هي متأكدة خلاتو فالطواليط وميا فالميا هزوليها شي حد ماكاينش نقاش .. 

خرجات لقات نصر فالطوموبيل وحداه باه وباها اللور مشات حشمانة على التعطيلة وركبات غير قلعو نصر شاف فيها من المرايا وباه محمع مع باها .. 

كيشوفها حانية راسها وماقدراش تطلعو .. بقا الطريق كاملة وهو مشوش عليها تاوصلو لعند العدول وهبطو هبطات تاهية ومشاو جميع دخلو لمكتب العدول لقاو تما ديجا الشهود كيتسناو .. 

كلس هو وياها وباه وباها من اللور والشهود تما ..

العدول .. سي نصر بن عبود ولد سليمان بن عبود .. واش تقبل تزوج بالمدعوة زينب القباش بنت زوبير القباش على سنة الله ورسوله .. 

نصر .. قابل .. 

عاودها العدول المرة الثانية والثالثة وهو نفس الجاوب ..ورجع عند زينب 

العدول .. زينب القباش بنت زوبير القباش واش تقبلي تزوجي بالمدعو نصر بن عبود بن سليمان بن عبود على سنة الله ورسوله .. 

زينب .. قابلة ..

وعاودهاليها كذلك المرة الثانية والثالثة وعطاهوم الكتاب سنا فيه ورجع دوزلييها هي وهي كتحاول تخبي يديها بلاصة الخاتم وسنات بليمنية .. عاد دوز للشهود وسولهوم ثاني واش شاهدين على زواج هاد الإثنين وسناو ..

العدول .. مبروك عليكوم من اليوم كاتعتابرو زوج وزوجة بالرفاه والبنين .. 

تسالم الحاج مع زوبير وثاني ناض نصر سلم على العدول وزينب ناضت بابتسامة سلم عليها باها وباست اليد للحاج .. 

وجا هو سلم عليها بالوجه وهمس جيهت ودينها .. مبروك علينا اكبيدة .. 

ابتاسماتلو زينب بابتسامة وبالها مع الخاتم لي شغل فبالها ودارت بلي نادام مشاليها الخاتم الا وهو فال خايب على زواجها ... 

خرجو لبرا رجعو ركبو فالطوموبيل وصلو زوبير .. جات تهبط وهو يهضر نصر .. زينب تقدري تبقاي .. حلات عينيها حشمانة وبلعات ريقها 

زوبير .. صافي بقاي ابنتي مع راجلك مافيها باس تاتجي .. 

ماقدرات دير تاحركة هبط زوبير ورجع ديمارا وهي قلبها خفق .. 

الحاج سليمان .. ايوا اولادي الله اجيب ليكوم التيسير والله ارزقكوم بالذرية الصالحة .. 

نصر .. ( وهو صايك ) اميين الواليد الله اطولينا فعمرك .. 

دينب .. امين اعمي .. 

وصلو تاشافت زينب فالدار فين وقفو كانت تقريبا بحال ڤيلا بثلالة ديال الطبقات نزل الحاج سليمان ونزل تاهو حتا فتح ليها الباب .. 

نصر .. تفضلي امدام .. 

ضحكات مهبطة راسها ومداتلو يديها هبطو .. ودخلو للڤيلا القدام ديالها بجردة غير دخلات لداخل كانت بالدروج وباب ديال الطبقة اللولة ..

نصر .. ( عيط بالجهد ) الواااليدة .. 

خرجات ربيعة دايرا زيف حياتي ولابسة بيجامة طويلة والفواطة دايراها .. شافت زينب ماتوقعاتهاش .. 

زينب .. ( بابتسامة ) اهلا خالتي 

ربيعة .. اهلا مرحبا .. 

نصر .. ترحب بيك الجنة .. الواليدة ايوا ها المرا لي مصدعاني عليها نهار ومطال .. 

ربيعة .. ( بضحكة صفرة ) اييه شفتها نيت زيدو دخلو .. 

نصر .. غانطلع زينب تشوف الدار وشنو غاتبغي تفرش فيها بعدا .. 

ربيعة .. ( مصغرة عينيها ) هااكاك ايوا سيرو مرحبا .. 

نصر .. اعطيك الخير الواليدة .. 

زيدها شد فيديها وفرحان بيها عالاخر طلعها فالدروج وربيعة متبعاهًم بعينيها .. وهاااكاماليي ثاني هااكا تبداا ديريلا غاتبدا دووز عليااا كيالطران وطلع .. 

وصل للإطاج الثاني لقات قاني باب .. 

نصر .. هادي الدار ديال خويا عبد الكريم هو الكبير .. 

زينب .. ماعمري شفتو !! 

نصر .. ( وهوما طالعين ثاني ) لا راه كان نهار العرس ولكن ماجاش نهار الخطبة 

وصلو للإطاج الثالث وهو يجبد السوارت .. وهادي دارنا اكبيدة 

ابتاسمات وبلعت ريقي قول عكوزتي غاتولي تحت مني ولكن مزيان ملي بعدا داري بوحدي .. فتحها ودخل لقيتها تقريبا خاوية كاملة .. دخلت كنشوف كانت تقريبا نفس الفصالة ديال هاديك لي لتحت ولكن هادي معغايرة من لداخل مصبوغة ومقادة ناقصها غير الفراش .. 

سد موراها الباب وجا شدليها من يديها .. 

زينب .. واش مكنتيش كتسكن هنا ؟ 

نصر .. كنت غير كنعس وصافي ( وهو غادي بيها من يديها ) والوقت لاخور يا اما عند الراليد والواليد لتحت يا ايما فالخدمة .. 

وصلها حدا البيت لي كان مفرش بالناموسية زويين وكلااص ومصبوغ بالكحل صباغة دالعنبرة كتبري والماريو والناموسية فالابيض وخصوا ان البيت عندها بالكون الخوامي تاهوما فالابيض والكوافوز فالابيض كولشي كاين والزربية فالاسود .. 

نصر .. مهيم انا عاد ناري ناخد رأيك لابغيتي نبدل منو شي حاجة .. 

زينب .. لا لا بلعكس زوين .. 

نصر .. ( حيد صباطو ) زيدي .. 

قلبها بدا كيضرب . لا ماشي موشكيل غير خلي .. 

نصر .. ( ضحك بشوية وقرب شدليها من يديها ) احبيبة راه تزوجنا راني راجلك وهادي دارك مناش باقا كتحشمي !!! 

زينب .. لا ماشي غير ( حيدات شربيل وحطات رجيلاتها البويض على الزربية ) باقا مامولفاش هه .. 

نصر .. ( ضرب بشوية بصبعو لحنكها ) دابا تولفي مع الوقت ماشي موشكيل .. دورات عينيها فالماريو لقاتو باقي محلول نيت مع كان هز حوايجو فالصباح .. 

نصر .. ماديش عليا راجلك شوية غايعذبك فالجميع .. 

شافت فيه وضحكات وقربات وسداتو .. هههه ماشي موشكيل مولفة مع خوتي هاكا .. 

نصر .. ايوا الالة زينب كيجاك البيت قلتي مانبدلو فيه والو .. 

زينب .. ( دورات راسها بلا ) عجبني والله حسن من لي كنت نتوقعو .. 

نصر .. اذن ندوزو للدار نيشان .. 

زينب .. ( ضحكاتلًو ) صافي هه .. 

قرب ليها وجرها من يديها تاقرباتلو بلعات ريقها كتشوف فعينيه .. 

نصر .. غير قولي شنو درتي فيا تاخليتيني نفكر فيك ليل ونهار مم ؟؟ 

حركاتلو كتيقاتها زعما معرفتش .. 

قربليها وهي كتحس بالرعدة .. دارو راسو فعنقها حتا طاح الشال من راسها .. وحط شفايفو تما حتا عوجات عنقها مبوورشة طلع معاها الصهدة من صبعها الصغير .. وبعد شوييييية شفاايفو وشم فريحتها وهو مدور يدو من على ضهرها كيحس بيديها كيترعدو، طلع فمو لعند ودنيها .. زينب طلقي راسك .. 

هي مين كيزيد بحالي كيزيد اطلعليها تبوريشة كتر وكتر .. وهو كيحس بيها بين يدو بحالي خايفة بحالي متوترة .. بعد وشاف فوجها وابتاسم .. تاشافت فعينو ورمششات بزربة وهبطاتهوم .. 

نصر .. هههه حبيبة نشوفو الدار ؟ 

حركاتلو بسرعة راسها مهبطات .. 

قرب باسها من جبهتها وشد فيديها جرها معاه ورجعو خرجو كيشوفو فالدار وكيوريها البيوت كاانت واااسعة بصالون كبيير وعاد صالون الكلاس وحوج بيوت عاد بيتهوم وكاينة طواليط عندو فالبيت عاد طواليط برا زائد كويزين .. 

نصر .. كيجاتك زوينة ؟ 

زينب .. حمقاااتني .. 

نصر .. نمشيو نشوفو الفراس شنو ديري فيه ؟ 

زينب .. واخا .. 

طلعات يديها لعند زيفها طلعو وهو يقشع بلاصت الخاتم .. 

نصر .. نسيتي خاتمك ؟ 

زينب .. ( بحالي ضربتيها بطرسة تفافات ) هااا اا 

نصر .. زينب من الصباح وانا كنشوفك ماشي هي هاديك .. ( قربليها ) واش عندك شي بروبليم .. 

زينب .. ا الخاتم ننسيتو فالدار دوشت هاد الصباح ونسيتو تما .. 

نصر .. خلينا من الختم ازينب دابا انا كنشوفك نتي واش عندك شي حاجة .. 

زينب .. لا مًمعندي والو عادية .. 

نصر .. متأكدة ..؟؟ 

زينب .. ( الدموع قربات طلقهوم ) ه هو ض ضاعاليا .. 

نصر .. ( بسرعة جرها لعندو مين شاف عينيها عمرو دموع ) حبيبة شنو ضاع ليك هضري !! 

زينب .. ( طاحو دموعها ) الخاتم ... 

نصر .. ( طلع يديه بسرعة لعند وجهها ) شش وعلاش هاد الدموع علاش على ود خاتم صافي مشا واحد اجي واحد فين الموشكيل .. 

زينب .. لا فال خايب اضيع ليك خاتم زواجك باقي حتا مادرتش العرس .. 

نصر .. شمن فال الله يهديك ازينب ماكاين والو الخاتم غانشريو وحداخور غير بلاش من هاد الدموع واخا اكبيدة دمووعك غااليين تنزليهوم على خاتم الله يهديك .. 

جرليها راسها بشوية حطو على راسها .. غانخرجو نشوفو الغطا وندوزو نشوفو شي خاتم صاافي .. 

زينب .. انا والله ماشي حيتاش باغا خاتم جديد ولكن .. 

نصر .. حبيبتي فهمتك صافيي كاالم طوا ماكاين حتا شي موشكيل غانشريو خاتم جديد غير سكتي واخا .. 

حركات راسها باه .. 

نصر .. طلعي عويناتك نشوفهوم ( شافت فيه ) ماتعاوديش تنزلي شي دمعة تافقنا ولا غانتقلق من بنتي .. 

جمعات فمها مبتاسمة وهبطات راسها حمارو خذوذها .. 

نصر .. غير طلقيها مالكي ماشي بنتي ؟؟ 

زينب .. ههههههه 

نصر .. بنتي فشي حوايج ومراتي فشي حوايج ( غمزها ) 

رجعات جمعات فمها ديما كيسكهومليها .. وهو كيضحك مين كيتوردو حناكها حمقاااتو بعينيها وضحكتها وكولشي فيها .. جرها من يديها وخرجو وهبطو تاني عيط غيير من بعيد .. الواااليدة هااناا غااادي .. 

ومشا فتحليها الباب ركبات ورجع ركب ومشا تاوقف حدا واحد المحل ديال الاثاث هبطو بجوج .. غادي مشيك يديها بين يديها .. وكيوريها ويهمس ليها بشوية غير بينو وبينها على رأيها .. وهي غير تشوف بعويناتها تارجعات هي لي مدورة يديها بين يديه وشادا فيه وهو محرك داير يديه فجيبو .. ومعاهوم مول المحل كيوريهوم .. ضومانضاو على كولشي من غير البيت مابغات تبدل فيها تاحاجة .. وخرج تفاهم معاه على الثمن جبد دارليه شيك ومشاو خرجو تاكاتصوني ليها مها دارت شافت فيه كيدير الصمطة وهي تجاوب ..

زينب .. الو ماما .. ( قاتليها مالقيناش الخاتم زاد بقا فيها الحال ) صافي اماما ... لا هانا قريبة نجي .. واخا .. 

تحرك وهو شاد فالڤلون .. ودابا نمشي نشوف لمراتي بنتي الزوينة الخاتم لي ضيعات دوك العوينات على ودو .. 

زينب .. سمحلي والله .. 

نصر .. عرفتي هاد سمحلي انا عاارف فوقاش غانخليك ماتعاوديش تقوليها لا هيا ولا داك شكرا واخواتها .. 

زينب .. هههه متقدرش تحيدها .. 

نصر .. نحيدوها احبيبة نحيدوها ( جبدليها شفايفها بشوية بيدو حتا حلات عينيها ) .. 

زينب .. احم ( هبطات عينيها كتشوف فالتيليفون ) ..

وقفها حدا ذهايبي ونزلها دخلو عندو ..

نصر .. سي العلمي اكيداير ..

الذهايبي .. اهلا بن عبود مرحبااااا نهار كبير ...

نصر .. ( ضرب على سدرو كيحييه ) باركة الله فيه اخويا ( دار يديه فجيبو كيطل على الجاجة ) عطيني شي خاتم بحالي كنت ديت من عندك اخر مرة باقي عاقل ..

الذهايبي .. ايييه ( شاف فزينب ) للمدام ؟؟ 

نصر .. اييه ( شاف فزينب ) هاهو قوليلو الموديل لي بغيتي غادي اجبدوليك .. 

زينب .. ( بقات كتشوف من الزاجة جامعة فمها وهو يبانليها واحد سانبل وفيه حجييرة الوسط غليظة اشارت ليه ) انشوف هادا .. 

الذهايبي .. مرحبا .. 

حبدليها داك البلاطو كامل كتشوف جبدات هاداك لي عجبها وقيساتو فيديها ومدات يديها للنصر .. 

نصر .. ( كيشوف فيه ) عجبك ؟ 

زينب .. زويين ( رجعات شافت فالبلاطو وهي تشوف وحدا خور تاهو موديل نقي وساانبل بحجيرات حيدات وقيساتو ومداتلو يديها ) شكون حسن ؟ 

نصر ... صبيعاتك لي مزيينينهوم .. 

خرجات عينيها حشمانة حدا الذهاايبي تارجع هضر .. شوفلينا هادو العلمي .. 

زينب .. لا لا غييير هادا ( مداتلو اللول .. 

نصر .. ( شاف فيها عاقد حجبانو ) زيينب .. 

حنات راسها وعبرهوم بجوج ..

العلمي .. حداشرالف درهم .. 

نصر .. صافي جمعهوملي وقيدها عندك تانعاود ندوز ..

العلمي .. مرحبا .. ( جمعهوم مع الريسيبو ومدهومليها )) بصحة .. 

نصر .. الله اجيب التيسير .. 

خرج وهي حداه هازا داك الساشي .. 

نصر .. لابغيتي شي حاجة مزال غير قوليهالي كيقدر ااجيبليك اي موديل بغيتيه .. 

حركاتلو غير راسها علاه هي تقدر مازال تزيد تهضر .. 

نصر .. بصحة احبيبة تستاهلي كتر ..

وصلها تالقدام دار ووقف الطوموبيل ..

نصر .. ( شدليها يديها ) ماسخيتش بيك احبيبة ولكن نصبرو واخا راه صبرنا تقادا .. 

زينب .. مابقا والو .. 

نصر .. ( ابتاسم جانبيا وقرب همسليها فودنها ) راه كيتسناك غير نتي

واش كتعرفو زينب لا صافي راه ماتت الله ارحمها، واش هادا ميدوي على داكشي لي راه فراسي دابا ولا أنا غير كنتخاايل وصافي .. حشمت ومرگت بقيت كندور فبلاصتي .. وتاهو بعد بقا كيضحك ميمرگني امييمتي هادشي غاباقي ماتعرا عليا وهياااانااارييي .. 

نصر .. حبيبة بانليا م

تانتي ماسخيتيش ..

عاد عقت براسي من الصباح وانا حامدة فبلاصتي .. ل ا هانا هاب بطة .. 

هزيت خواتمي وحليت الباب هابطة .. وغادا بلا مندور مورايا .. مشيت نيشان لسانشور قلبي يزدج ويقول عمرو ضرب اخييرتي معاه غادي اوقفلي هاد القلب صافي مابقا مايتخبا .. 

وصلت للفوق صونيت وهي تفتحلي عائشة .. تم نيت بدات تصلي على نبي ابتاسمت ليها ودخلت منحس بحناكي سخووونين .. 

جات ماما تجري وهي طرش عليا الزهر وكنشوف حتا العائلة كيزغرتو وي صليو على النبي وانا طاح عليا واحد السر غريب عجيب .. كولشي بدا يسلم عليا ويباركلي وانا نسام وفنفس الوقت عقلي مع الخاتم وانا متأكدة بلي وحدة من هادو لي سرقاتهوم واكثر وحدة فعيني هي خولة حيت رغم كاع لي وقع قلبي مارتاحش واخا منضنش انها توصل ديرهاليا ولكن شكون عرف .. 

ماطلقوني تاسخفت عاد مشيت لبيتي ودخلات عندي عائشة وماما وسدو الباب موراهوم .. 

عائشة .. قلبنا حتا سخفناا تقولي نشقت الارض وبعاتو بيدي دخلت هنا كنقلب بين حوايج البنات منعرف تشفرو شي وحدة او واالو .. 

خديجة .. داتو شي وحدة من عائلة باك تورييني فيهووم راهوم غير المسيميمك لختها جايين ويعوجو بفمهوم .. 

زينب .. صافي اماما الموهيم راااجلي شراالياا جوج خواتم .. حلات ليها البواطات .. خطفاتليعا عائشة .. ياااختييييي يااختييي ونتي لي تزوجتي اختتي نتيا .. 

خديجة اري اري هاادشي وحيدي تاداك السنسلك ودوك الحوالق كولشي حيديه وارييه غايتخبع عندي وشتي هاد الخاتم نلقاه نلقاه دابا لبسي واحد من هادو وتحيديه نقج مك من الوذن حتالوذن .. 

زينب .. مووووستحيل ( ركباتو فصبعها ) غايبقا هناا .. 

خديجة .. فين مشييتو وشنو درتو يااكناا عطيتييه شيي حاجة .. 

زينب ..( حشماتها ) اويييلي اماما اشش غانعطييه الله يدهدييك جوج سوااايع غاانعطييه سيري سيري .. 

خديجة .. ( بنص عين ) ايوا منعرف راه ولاد اليوم مابقيتا نعرفو كيكيديروليها ماديري رالو تايفوت العرس هاودني منك .. 

زينب .. السيد فاهم وعارف ماشي عاد غانقوليه أنا .. 

عائشة .. سكتوونا دابا وااه ياك عاقد عليها وراه مراتو فالشرع والقانون كيفاش العرس اخالتي الله اهديك .. 

خديجة .. ايييه اتقب مك وصباح العرس وريي لدااك المتعوسة دعكوزتك الزوااق وقوليليها اهه رااه كنت مراتو فالشرع والقانون .. 

زينب .. ( وتراتها ) ماما صافي غير سكتي اويلي .. 

جمعاتليها ذهبها كامل داتوليها سورتات عليه فالماريو .. وخلاتليها غير الخاتم فيديها .. ناضت لبسات البيجامة .. ومشات كلسات مع البنات فالصالون وهي غير كتشوف بيهوم بنص عين وضحك بالعبار حيت مابقات كتيق فحتا شي خريك عائلة ديال الزبل .. 

حطو الغدا تغداو غير العيالات وجوج ديال الربايع .. 

ومور الغدا حمعو كولشي وكلسو مجميعن كيهضرو .. 

دازت سيمانة.. فالتوجااااد وكولشيي تصايب وتعدل وتقااد .. واليوم ليلة الحنا والغدليه العرس ماعوداتش طلاقات بحبقلبها من نهار العقد بسباب خدووج ديما دايراليها العصا فالرويضة عارفة بنتها محنطرة وديرليها خاوية فعامرة .. الخاتم واالو مابانش تقول تسرط .. وعيااات تحقق زينب باش تعرف مول الفعلة او واالو وخولة جاتها كتصرف عادي كيف ديما .. اليوم فاقت مع الصباح بزغاريت نوضوها داوها للحمام وهاد المرة مشات بسمة وعائشة فرجليها باش احضيو ليها حوايجها ويكونو حاضين معاها .. رجعوها بلقة وعروسة مسرسرة .. 

.. جات لدّار حطاتليها مها فالبيت وعائشة كتجمع ليها حوايجها باش غاتمشي للكوافورة سالات وهبطات داها مهدي ومشات معاها بسمة ونهال صافي .. 

وصلات للكوافورة بداتليها بلاسير فينما عندها شي زغبة نقاتهاليها من راسها تالقاع رجليها عاد ودارتليها شعر بوكلي من لتحت خلاتو ليها مطلووق صايبات ليها دفار يديها ودفار رجليها وقادات السوان لوجها ودارت ميكاب خفيفعاد ليساتليها تكشيطة فالخضر .. 

طلعات كتحمق فالاخير زويينة دارتليها زيف فالابيض مشبك من الفوق والشربيل ديال الصم مع الحزام دالصم .. 

بسمة .. ويينو على مراااات عميي تبااارك الله مشاء الله جيتيي كتحمقيي خمسة وخمييس علييك 

زينب .. شكرا احبيبتي لهلا يخطيك .. 

نهال .. مزال مامصدقة بلي تزوجتي ازينب والله تالدابا ..

زينب .. هههه ياك اختي .. 

جاليهوم مهدي بالطوموبيل وصاني بدا يتغزل بختو ويبارك ليها .. تاوصلهوم لعند دار عيطات بسمة باش اطلاقاو ليها ونيت جات عائشة بليزار دخلوها مغطية للبيت .. 

تابداو التاس اجيو صابوليها الگلسة عاد بداو اسمعو الدقايقية لقاو عائلة العريس جايا بالطيافر والدفوع .. 

دخلوهوم مع الباب طالقين الموسيقى ديال الحنة .. عاد خرجو زينب بالصلاتاة وسلااام وصلوووها للمگلس .. 

كتحس بالعينين كوولشيي علييها .. ماقدارتش طلع راسها كتشوف غير من تقيبات شال وصافي .. بدات تنقشليها نقاشها فيديها .. ولي حداها كاملين كيطبلو ويشطحو .. غير سالات بغات دوز لرجلين وهي تمنعها زينب مابغاتش .. حيت اصلا بدات تحس بيديها كتحرقها .. سمعات نصر داخل بالزغاريت وخوهت داخلين معاه .. هي ابتاسمات فخاطرها ولكن يديها كتحس بيهوم كيشوطووهاااا، تابمابقاتش قادا تصبر بغات تبكي ..

ترفعات الزغارييت فالصالون .. على مولاي السلطان لي داخل .. ناضو عائلتو كيصفقو ويزغرتو .. داخل بجلابة رومية نعاناسي من الخياطة الفاسية .. وباينة من تحتها الشوميز فالابيض مسدودة بصدافة من العنق بياضها كيشعل .. وسروال دجابادور واسع فالباج .. ساعتو فيدو بسميطة فالأحمر .. والخاتم يبين على ارتباطو بزينة البنات .. وبلغة فالصفر مع تقاشر بويض .. تقدم وفؤاد ومهدي ومحمد وولاد خوتو من موراه .. تاوصل لعندها .. خديجة كتصفق وعينيها كيلمعو بدموع الفرحة مع المداحات جابوهوم دوك المراكشيات القحات كيضربو فالبنادر .. وصل لعندها شاف فيها هي مهبطة راسها وقلبها كيترعد والحمة مرضاتها عرفات بلي الحناية زادت دوليو .. كتعل غير شوية عينيها من الشبكة كتشوفو واقف تاگلس حداها .. معلي شوية جلابة والمصورة قايمة بخدمتها .. دور يديه وعلى ليها المنديل من على راسها .. باش اشوف زينة البنات لي ختارت عينو ابتاسم ليها هي مهبطة راسها .. مد يدو حطها على عنقها طلعو شوية وحط شفتيفو على جبتها .. مع تطلقو الزغارييت والزهر كيتنش عليهوم .. بعد شوية كيشوف شفايفها كيترعدو وعينيها ماقادراش تطلعهوم دار يدو مور ضهرها ورطب عليه شوية .. شاف فمهدي ودراري بداو اصليو بالنبي بصوت الرجال القوي .. تحنا شوية لجيهت ودنيها .. ماديريش الحنة فرجيلاتك .. 

جاوباتو ماقادراش طلع عينيها .. اصلا مابغيتش .. 

نصر .. طلعي راسك احبيبة ماتبقايش هاكا وفرحي براسك اليوم ليلتك .. 

انا قلب واحد لي كان عندي مشا صافي تسمكت اصلا مابقيتش قادرة نهضر وانا كنحس بيه حدايا والعينين كولشيي علينا .. جات المصورة دارت واحد المخذة مزوقة فالخضر الملكي .. وحط يدو لي بالخاتم وحطيت عليها يدي المنقوشة لي فيها الخاتم .. وصوراتها لينا .. 

عاد حيداتهالينا .. وجات دير تصويرة لينا وهو يضور يدو من على ضهري وباسني من جنب ثاني مرة فجبهتي .. 

جاو الدراري خوتها والعائلة تحناو ودارو تصويرة حمقة وهي تجي تانهال وبسمة واكرام وواحد بنت خوه وبنت ختو تصورو مع خالهوم .. 

وناضو تاني وهي تطلق الاغنية ديال سعد المجرد انت معلم .. شطحو عليها الدراري وهو دار عندها .. كبيدة غانمشي دابا ونتي ريحيليا راسك ولاعيتي قوليهاليهوم ماتجهديش على راسك صافي .. 

حركاتلو غير راسها وهو يبتاسم ورطب على ضهرها وجمع الوقفة غادي .. وثاني تطلقو الزغارييت ... 

شوية كيجيد بواطة فالاحمر وجبد منها خلخال على مزيناتو هابط بلويزات شكلو زوين وسانبل .. وتحنا لعند رجيلاتها المصبغين والبويض .. مو غير متشوف وحالا العينين وهو يعلقو ليها وتزادو الزغاريت والدقات .. هو يشوف فيها وابتاسم ورجع ناض وقف وجر معاه واحد ولد ختو كيتقاشبو بجوج ويضحك بضحكة موزونة بلى مايشوف فحتا شي وحدة جا شاف فحبيبتو ورجع مشا مبعد عينيه .. وتبعوه الدراري كولشي خرج تابقاو غير النسا .. وطلقو الاغنية ديال صفاء وهناء .. ليلة الحناء 

حبيبي غدا اجيبلي هدية دفووع و عيساوة ودقايقية .. 

والمصورة دور الكاميرة على البنات لي كيشطحو وعلى طيافر مذهبين لي محطوطين شي ثمنية .. ماخلاو ماجابو .. الفوطات الماكياج الملابس الداخلية .. الحنة الحليب مقادين ومصايبين فالخنيشات ديالهوم ولي دراجي تاهوما الحلوة .. الثواب ديال التكاشط والكوبوات دالجلالب .. طرطقو العينن لعائلة زينب بقا كولشي غير حال عينيه فالدفوع .. تهلا فيها ديال بصح ماخلا تاحاجة تنقصها وهو لي عطا الفلوس لي بسمة باش تكلف بكوولشي وهي ماخلات تاشي حاجة تنقصها، وخصوصا باش دارليها المنضر ديال الخلال خلاها تعرف بلي راه هي فوق رااسو قبل ماتكون مراتو .. 

آپار الصداق لي عطاليها فيه 4 دالمليون، خلاها تحس برااسها بصح دات رااجل ماشي غير بفلوسو ولكن بتفكيرو فيها وبرجولتو لي خلات الانثى ديالو ماتشكي ومايحصها تاشي خير وبغا يديها اميرة على عرش الملوك لدارو .. 

جات مها طل عليها ورجعاتليها شوية شعرها اللور وهي تهمس ليها ..

زينب .. ماما الحنة دارتلي فيها الدوليو بزاف .. 

خديجة .. وضاروري بااش تخرج حمرة مزياان صبري شوية .. 

تنهدت ماكانقدرش على الدوليو ولا على شي حاجة تحرقني من النوع لي مكنصبررش دارت فيا الدودة خسني غير فوقاش نوض نغسلها .. شوية وهوما يوقفو الموسيقى وناضت وحدة من المداحات غوتات بصوت عالي .. يااااا وصليييو عليييه يااا عشاااق النبييي .. مممنتت سييد الرجاااال دارتت الهديية لعروووستهااا ( كملات بتزغرييتة ) وهي تنوض ربيعة لابساليك تكشيطة فالابيض وزيف ديالها محزمة بالمضمة ديال الذهب والسنسلة كبير ديال الطهب نادلة مع عنقها وستلة فاليد مشلشلة بالذهوبات .. مشات لعندها جبدات الف درهب وعلاتها دوراتها على العينين وهي تحطهاليها عند حجرها .. وهي غير مهبطة راسها .. وهي تنوض بنتها مداتليها واحد البواطة فالحمر جيدات منها سنسلة طوييلة ديال الذهب وعلقاتها لييها .. كولشي بقا يصفق وزغرتو المداحات كيدعيو معاها وهي دور لعندهوم بدات تعلق ليهوم فالزرقاوات 

وثاني عاودو عيطو على خديجة وجات تاهية دارت ليها منديل على يديها وجبدات سرتلة مزرزرة وبدات ديرليها فيديها دبليج مور لاخور تاوصلات لسبعة بيهوم وجبدات الحوالق ديال الذهب وازنين علقاتهوم ليها وبداو ثاني يزغرتو المداحات وهوما ينوضو بالحيوحات .. 

بدات الحناية كتنقش حتا لوخرين ونوضو زينب حيدات الحنة وقشراتها وسقاتهاليها مها بالزيت البلدية .. وحيدوليها الشال عاد وجعوها وكلسوها .. وحطو العشا .. هي كلسات حدا عكوزتها .. ومن الجهة الاخرى ختو ..

صفاء ( ختو ) .. كولي احبيبتي مشاء الله جيتي زوينة .. 

زينب .. ( بابتسامة ) شكرا احبيبة .. 

طوار الكمام دالتكشيطة ومدات يديها المحنية .. كتاكل حطو الدجاج محمر هي كلسات فطبلة العريس .. مقابلة معاه صاحبت دعوتها نهار العرس غير طلع عينيها طلقاها كتشوف فيها وتقلب عينيها ديك البنت وتكمل مكلتها .. 

تنهدات كاتحاول تاكل بلى احرام وخواتاتو كيهضرو معا عيالات لوايسها .. وربيعة غير ساكتة وتاكل ومرة مرة فين تهضر .. 

تاسالاو عاد كلسو كيضحكو مجمعين وعائلتها ثاني من الجهة الاخرى .. دارو ربعة ديال الربايع جوج فالصالون ووحدة فالمراج والاخرى فالصالون الصغير .. 

سالات ليلة الحناء وتفرق كولشي بقات غير العائلة دخلات بسمة عند زينب لقاتها هي وخديجة وعائشة سادين عليهوم البيت ديال مهدي لي حاطين فيها كولشي وكيسدو عليها .. 

بسمة .. عجبك هادشي ههه ؟؟ 

زينب .. هاادشييي زويييين ... ( وهي كتشوف فواحد التوب دالحرير كيجي قفطان .. 

بسمة .. هههه انا عمي لي كلفني باش نتقداليك واخا شي حوايج شريتهوملك على دوق جدة ولكن الاغلبية خديتو بدوقي كنتمنا يعجبك .. 

زينب .. لا زوييين والله .. 

خديجة كتشوف فالذهوبات ديالها كترتبهوم ليها مع الريسيبوات ديالهوم وهي ترجع عندها .. اري داك الخلخال .. 

زينب .. لا اماما وااش منيتك .. 

عائشة وبسمة بداو اتغامزو ويضحكو .. وطلقيي لموك لهنا غدا سيري لدارك ولبسيه تايطلعليك فالراس راه درني فراسي نجمعليك قشاوشك .. 

نفخات وحنات فتحاتو واخا ماسخاتش وهي كاتفكر الشدة ليدارليها مين كان كيركبو ليها كتبغي تسخف .. 

عطاتوليها شداتو دارتو فالبواط ديالو وجمعاتو فواحد الباليزا لي كانت شرات انصونبل منهوم من الكبيرة للصغيرة خمسة بيهوم فالاالابيض باش تجمع فيهوم حوايجها .. 

عائشة جبدات راحد الشوميز دونوي فالكحل مشبك واحد الستيل واعد بسوتيامات ديالو وسترينك وعاد هو من الفوق كيبين اللحم .. صلاااااة وسلاام ..

دورو رااسهوم وهي زينب تحل عينيها وجبداتو مطرطقو وجها وهي تفركع عليها بسمة بالضحك .. 

بسمة .. غدا ليلتك احبيبة ( غمزاتها ) ..

زينب .. ( توترات ) صاافي سكتووناا .. 

خديجة .. ( مامسوقااش ليهوم كتجمع الحرايج باش ماتنسا والو ..) اري ازينب داك التواب دابا غانديرهوم مع الذهب .. 

زينب .. لا اماما ديري معاه الماكيااج خلي التوااب مع السنادل .. 

حركاتليها راسها وجبدات الباليزا لوخرا كتجمع فيها .. 

زينب .. ( خطفاتليها دوك لي شوميز دو نوي ) اري نتي هادشي لهنا .. 

بسمة .. شوفي هادو اختي غاديتهوم هاكاك وصافي خديتليك ثلاثة وجبتليك من لي دوبياس ربعة باش تاتمشي وشري على دوقك موهيم باش ماتبقايش بعدا هاد اليوماين بلاش .. تفركات تاني بالضحك وعائشة معاها وهي مرگوووهاا صاافي حشمووهاا وكل مرة تشوف فالشوميز اويييلي وااش غاتلببس دااكشي قداامو لا مايمكنشش .. 

جمعو كولشي فالباليزات وستفوت باش غدا كولشي غايمشي لدارها فالصباح لي كانت تفرشات هاد السيمانة وتعدلات كاملة .. 

نعسات ديك الليلة تما هي وخديجة سادين عليهوم الباب من نهار الخاتم لي باقي ماتسرطش ليهوم وهوما شاكين وخديجك طالعة ليها وكتقول غير افوت العرس وغاتقلب فكولشي على الخاتم .. 

مجانيش النعاس هاد الليلة .. كل ساعة نفكر فغدا نتقلب على يميني ونقول غدا توقع شي كارثة فالعرس كنقول تخايل نكون داخلة للقاعة ونتعكل ونطييح ولا نطيح من العمارية ولا النگافة تمشي توقع ليها شي حاجة ونصدق بلا مصاوبة .. كاااع الحوايج قتارحتهوم فبالي ونعاود نضور على يساري ونتفكر ليلة دخلتي يعني صافي غداا غانتفرق على ماما وبابا .. صافي غدا غادي نمشي تانا لداري وعند راجلي وغانرجع ندير حيات جديدة ونبدا حوايج جداد .. عضيت على شفايفي وتفكرت بلي غدا غايشوفني قدامو بلا حوايج بلى والو وكيشدني تاني الوجع من صبعي الصغيير .. نضت من بلاصتي طافجة طليت فماما لقيتها كتششخر .. لبست سندالتي وخرجت للبالكون ليييل وغير ضواو الشريع والكمرة لي عاطيين النور .. والطوموبيلات قلييل فين دوز شي وحدة عليت راسي فالسنا كنتأمل فالنجوووم مزييان .. وهي تنزل دمعة خفييفة من عيني مين كنتفكر ايامي فالدار وايام العزبة زينب والمدابزة مع محمد ونهال وايام التكوين ولافاك ونرجع نلقا ماما موجدة الغدا ناكل ومين اكون عندي شي امتحان نمرض معاه ونتعصب لاماجبتش نقطة زوينة .. والخدمة لي شحال دفعت من كونكور وكانلقا ميات الف واحد وفالاخير اقبلو واحد .. ابتاسمت وتنهدت شكون قال هاد الصيف غاتزوج وغانمشي لداري وبيمن بالشيباني لي كنقيل نحلم بيه وكنقول انا الى تزوجت غانتزوج غير بشي شيباني وداكشي لي كان غير هو انا لي بنت حداه شيبانية ههه .. عليت يدي وشفت فالصبيعاتي المحنين والخاتم متوسطهوم .. ... غدا انولي مراتو مرات الراجل بالاسم والجسد وكولشي .. غدا غانمشي لداري وتانا غانبدا حياة جديدة مع حبيبي نصر ..

كلما تفكر هاد الهضرة كتصدم ماتوقعاتهاش من زيينب لي كانت بصح كتشوفها ختها .. تنهدات هي ديما هاكا حالها فين ما كتعلق ولا تبغي شي حد كيتزوج شي وحدة وكيخليها .. زيرات على الخاتم فيديها عارفة راسها غلطات مين دارت هاكا ولكن ماشي بيديها دخلات لطواليط حتا كتشوف الخاتم وهي قلبها محروق ماحسات تالقات راسها هازاه فيديها .. الموهيم شاافت دمووعهاا وحمقااتها نهاار ضريب الصداق وفرحات مين شافت فعينيها الدموع على الاقل تحس باش حسات ولو شوية .. ناضت بالحس مشات لطواليط دخلات وهي ترجعو بلاصتو فين كانت شافتو وبقات كتشوف شحال .. ورجعات خرجات ومشات تكات فبلاصتها .. المهيم انها عارفة راسها ماغاتوصلش لداك الدرجة .. والمهيم حمقاتها سيمانة وخلاتها تحماق على الخاتم .. واخا مين شافت اليوم كيفاش زرزروها بالذهوبات وكتفكر بلي هي كانت غاتكون بلاصتها كيبقا فيها الحال ولكن متوعدة بلي عمدها تعاود تعرفها وعمرها غاتنسا دقتها فيها حيت صافي فبالها غاتحيد شي وحدة سميتها زينب .. 

فاقت فالصباح على صوت الزغاريت حلات عينيها معنفجة كتشوف مها وخالتها وعائشة ونهال واكرام داخلين كيشطحو ..

دوووور بيييها يااا الشييباااني دووور بيييهااا دووور بيها تخدم عليك وعلييهااا .. هنااا ولهيييه هنااا حسن من لهييييه .. 

بقات كضحك ونايضة معنفجها جات خديجة حلات ليها يديها .. شافت الحناني طلقوو محمرييين .. وهي تزغرت كضحك .. 

ناضت من الفراش ودخلوها للصالون بالزغاريت كلسات كتفطر فجو من عائلتها من النشاط وكولشيي .. تاوصلات داك الحداش وهي تنوض .. مشات لبييت .. دخلات لدوش دارتو خفيف غير بالكيس والصبون البلدي وغسلات شعرها وخرجات دارت بادي لوشن ولبسات لي دوبياس والبنات معاها 

زينب .. بسمة سربييي اصاحبتنااا .. 

بسمة .. هانا هانا ..

نهال .. دابا مابغيتيش تديني معاك ياك ؟؟! 

زينب .. نهال دابا نتي سيري مع خولة واكرام ها الكوافورة غير حداكوم انا ماعنديش الوقت .. 

لبسات عليها عبايا فالأسود مطلوقة ودارت عليها شال فوق راسها .. وخلات وجها طبيعي ..

تادخلات عليها خديجة تاشافتهوم لابسين حوايج عاد قالت لمهدي ومحمد ازيدو كيهبطو ليها فحوايجها .. 

خديجة .. صافي نتي لي خاسك كولشي عزلتيه .. 

زينب .. لا صافي ... محمد غير هبط معاه واحي وصلنا انا وبسمة للنگافة صافي اخويا .. 

حركليها راسها ومشا كيهز البالز مع محمد .. هي جمعات تيليفونها والشارجور مسكين مييت وهي تعطيها مها .. 

خديجة .. شدي هالكمالة وخلي شوية تكمليه ليها مور العرس .. 

حركات ليها راسها وبسمة صاافت فيها .. صافي راه كملت زيدي .. 

خرجو هادا بسمة فيديها صامصونيط صغيرة دزينب .. 

شافوهوم البنات وبداو ازغرتو حيت صافي هادي الخرجة ديالها فخطرة .. جات مها ترش عليها الزهر وخرجات معاها تالجيهت السانسور .. 

زينب .. يالاه امامي هاني غادا .. 

خديجة .. حضي راسك هاه بلى مانوصي بسمة فيديك هاد الدرية .. 

حوكو ريوصهوم ومشاو هابطين طلاقاو محمد برا كيتسناهوم مشا داهوم لعند الكوافورة ديال النگافة ودخلو عندها ديجا مريزرڤيين .. 

بدات معاها كانت خدات ديجا واحد الحصة ديال الماساج تريح وتهدء بعدا راصها عاد دازت ليها للششعر مع طلبات غير تخفف ليها اللون ويجي شوية من لتحت مايل للزعر .. 

القاعة بدات تعمر بالناس وتشعلو الضواو والجوق كيقاد فالتيست باش ابدا الجلسة دارت كاتحمق بالورد والشموع دايرين والضو دارب من لتحت فيها فالموڤ .. وعلى طولتها من تم للباب زربية فالاحمر بطول جنابها طالعة بالوتاد بالنحاس مشعول فيهوم الضواو والطوابل تقادو جيهت العريس وجيهت العروسة .. 

النگافة نص خدامتها صبقو للقاعة كيقادو الماطريال فين غاتخدم ليها اللباسي الثانين .. اما عروستنا فراهية سالات ميكاب العراائس لي طلع كارثة فوجها بفففف كارثة كتتحممق .. مع ليلونتي فالأزرق لبسوليها التكشيطة ثقيلة فالأبيض وبداو اقادوليها فالمشطة وهي كتحس بالثقل كيتحط على راسها كان الثاج والسنسلة ديالو تعلقات فعنقها .. نوضوها كيصايبوليها الصمطة معلية يديها وربطوليها الشبكة من شعرها نازلة معاها كتجرجر فالارض هي والتكشيطة .. 

هبطوها شوية للطبقة لتحت عاد باش شافتها زينب لي قادات الحالة وصايبات ولبسات تكشيطة فالصفر ثقيلة بالجوهر ولامعة كتحمق جات فنة .. 

شفت تعابير بسمة لي واقفة دايرا ضحكة عرفت بلي جيت قنبلة عاد درت انا شفت راسي .. شغانقوليكوم بقيت نحقق وااش انا هادي شحال باش كتشوفي راسك مقثقلة بالماكياج ماكتقديش تعرفي راسك .. شفت فالتكشيطة ويدي المحنية ناري انا عروسة انا اليوم ليلة العمر .. ضحكة وضحكات معايا النگافة وبدات تزغرت هي وخداماتها .. وبسمة تصلي على النبي .. تاكنشوفو الباب دالصالون تفتح وهي دخل نهال واكرام وخولة مقادين بالتكاشط والطالونات شافتني خولة بتاسمت ليها وهي تجي لعندي وعنقاتني ..

خولة .. سمحيلي اختي .. 

عيني غرغرو وشفت فيها .. شش تخسري هاد الماكياااج نوريييك .. 

خولة بعدات وجبدات الخاتم وهي تحطوليها فاليد .. بصح بصح سمحيلي

الليلة ليلتي انا واش مزال نتسنااا .... قلبي من الفرحة غنا حبيبي كالس حدايا .. حب بالزغاريت تكمل .. حب الشان والهمة حبي اللول واللخر .. يا ربي طولت العمر ..

يالاه كولشي معايا يشطح كولشي غادي يفرح .. حبيبي معايا وانا معاه ...

... تيناديك رغبة عشقي اليك 56 .. 

بقات مصدومة وهبطات راسها ليديها وهي تزير خولة على يديها وغزاتها وعينيها تغرغرو .. سمحيلي اختي بصح سمحيلي .. 

زينب .. ( بقات غير كتشوف تارجعات دارت ابتسامة ) ماشي موشكيل اختي الموهيم اننا نتصالحو .. 

نهال .. يوووه وصااافي درتو لينا الحزن دابا شوية وغايجيي عريييسك يااا حبيييبتي .. 

ضحكوها ودارو بيها كيضحكو بنما النگافة كتجمع كمالة الحوايج تاشوية كيسمعو التطااايط والحيوويحة وهي دخل عائشة تاهية مقادة لابسة الطالون .. هاااي هااااي هااي .. 

دخلات تاهية تبارك ليها وقفو الدقايقية حدا الباب ووصل تالمصور .. تاكيتسمعو الدقة المراكشية بدات .. وتفتح الباب دالكوافورة .. وقف موكب ديال الطوموبيلات برا وكولشي خارج من تم دراري وبنات بالشعورات والتكاشط .. وبداو الصلاة على النبي والزغاريت هي بقات تما حتا كتشوف حبيبها وراجلها داخل بكونبلي فالأسود وشومييز فالابيض ولابس كراڤاط مطلع شعرو والروايح منو تعطعط بتاسم ليها تابانو سنانو البويض مستفيين وصل لعندها وهي مبتاسمة وحانية راسها ..

صلاااااااة وسلاااااام علااااا رسووول الللله ..

هز يدو شدها شوية من عنقها وباسها فجبهتها قبلتها الموعودة قبلتها لي كتحس براسها ملكااات سلطاااان بين يديها .. دار وشبك يدو مع يديها ومشاو خرجو لبرا مع المصور وكولشي كيشطح مع الدقايقية اغلبية كانو لي جون حيت ديما هوما لي كيمشيو ايجيبو العروسة من الكوافورة وخوتها تاهوما كولها جاب طوموبيل باش اهزو .. 

فتحليها الباب لقدام بقات كتشوف هي كيحسابها غاتركبًاللور هي وياه صدق نو هو غايصوگ بيها .. ركبو وركب موراهوم المصور والنگافة .. وعاد الباقي كولها تجمع فطوموبيل اما سي محمد لصقولو دقايقية .. 

وهي گالسة حداه مرة مرة دور تشوف فيديه لي شاد يديها اما المصور حال الشرجم وكالس عليه كيصور الموكب جاي فالطريق ومحييحين كاع مراكش حضرات عليهوم ويدوزو من حدا شي ساعة وكولشي يصفق وغادين كيطيطو .. 

وصلو للقاعة وهبطو ثاني بالدقايقية داخلين القاعة كولشي وقف كيشوف تطلقات اغنية دخلة العروسة هاهيا جات لالة البنات .. 

كولشي وقف كيشير ليها وهي طلعوها فوق العمارية غادين بيها على طول الزربية الحمرا وراجعين بيها مهدي معنق بسمة ويشيرو ليها ويشطحو .. وهي قلبها مخلوع كتشوف الانضار كوولشي محطوط عليهاا شحااال كتشدك الرعدة مين كتكوني نتي محطة الانضار يعني نتي العروسة وعلى ودك اليوم مجموعين .. 

نزلوها من العمارية وداوها للمگلس گلسات حداه وهي غير مبتاسمة .. حتا حنا عند ودنيها وهمس .. زينة البنات العقل لي بقالي خرجتيه .. 

ابتاسمت حسات الرعدة وهي تزير على يدو لي مشبكة معاها .. 

من ديما كنشوف العرسان اوشوشو فالگلسة وكنقول اش كيقوليها وضحك هي .. ودابا عاد عرفت سلطان قلبي والشيباني ديالي كيتغزل بيا امام الملئ .. ومالها ماشي من حقي راني مراتو شرعا وقانونا هههه كيفما قال العدول وبقات هضرتو لاصقالي فدماغي .. مرة مرة نخطف شوفتي فين وكنشوف الگلسة والتگلضيمة والتجريدة وغير فخضو يساوي رجلي ويدي .. بقيت نقرا لا انا نصيبو بالعين ونضور ونلقا بنات العائلة كتملين حالين فمهوم خفت غير لاضربنا شي عوينة هاد الليلة .. درت شفت فبابا مسكينة وهو يديرلي بيدو جيتي زوينة شداتني البكية فهاد اللحضة وانا كنتفكر مسكين عمرو خسرليا خاطري ولي بغيتها كيقولي واخا .. وشفت ماما كيفاش دور منهنا وهنا حاضيا الصغيرة والكبيرة واخا دير لي دارت كاتبقا نبع الحنان وعارفاها فرحانة اضعاف المرات عليا ..

بدا كولشي ينوض اشطح مع الجوق محييحين خوتها وعيالاتهوم .. نوضوها النگافة طلعات غير هي بوحدها بدلو ليها ولبسوها اللبسة الثانية فالزرق الملكي .. ومشيطة اخرى .. وهبطوها الثاني بالزغاريت .. وهاد المرة ناض هو وشد فيديها دارو على القاعة كيشيرو للضياف ويرحبو ورجعو حتا دورهوم بيناتهوم عائشة فؤاد مهدي ولد خوتو هو تاكاتجي افنان كتجري يالاه جات بلاغوب وطالقة الشعيورات لعند نصر هزها لعندو دارت زينب كضحك فوجها وفرحانة وعلات ليها يديدة كتشطح معاها زعما وافنان فرحانة وبقا هو كيضحك معاها وكولشي كيشطح تخلطات الدعوة بالشعبي المراكشي .. جرو زينب كتشطح جاها الزرق كييحمق ومع طلقات نص شعر هابط مع ضهرها .. تاشوية جرها شوية من يديها وشدها من جنبها هي حسات بيه بحالي مابغاش تشطح ورجعات ضحكات ودارت كتشطح مع افنان البخانسيس .. 

تحط العشا فاللبسة الثالثة كليات هي وياه وعائلتو وعائلتها فالطبلة دالعرسان وتحط العشا بالشوى ولي صلاد والبصاطل .. عرز تقام بغسيل الفندقق .. 

عاد لبسات لالة العروسة الكسوة البيضة وهبطات شادا الورد فيديها وخاشية يديها فدراع فؤاد .. تاوصلها لعند نصر واقف حدا طاغط طويلة وكبييرة .. وحطلو يديها فيد نصر وتسالمو سلام رجال وقالو تهلاا فييهاا راه عطيينااك نواارة الدار .. وزينب غرغرو عينيها كتشوف فخوها .. تابعد فؤاد عينيه تزمتو بعد شوية وهي توقف عائشة كدوز على ضهرو .. 

شد فيديها وباسها .. خديتك اميرة ودابا غاترجعي ملكة قلبي وداري .. 

حنات راسها بشوية وشدو الموس كيقطعو الطاغط وهوما يطلقو شششش العافية طالعة وكولشي كيصفق تطلق البوخار من لتحت وهز طبسيل عطاها وعطاتو وثاني بقاو التصفيقات .. تطلقات اغنية ادهم نابولسي — بتعرف شعور .. وجرها حط يدو على الخسر ديالها وحطات يديها على سدرو .. وبقا غادي معاها بخطوات قليلة تاشوية حطات راسها على سدرو العريض جيهت قلبو كتسمع دقاتو وتبتاسم .. 

فينما كانو شي كوبل تاهوما تقدمو بسمة ومهدي عائشة وفؤاد .. واحد بنت خوه وراجلها وهاكا حتا ناض كولشي .. 

وهو هبط راسو كتحس بالله ديالو كتقيس شوية من جبهتها .. وتبتاسم ورجعات بعدات وشافت فعينو .. 

زينب .. ( قالتها باى ماتحس ) هادا أحسن نهار فحياتي .. 

نصر .. ( ابتاسم ليها وطلع يدو بعد واحد دغيبات شوية ) ونتي أحسن حاجة وقعاتليا فعمري .. 

زينب .. هههه بصاح .. 

نصر .. ( بصوت هادئ مع الموسيقى ) وشنو كنكذبو هنا .. 

زينب .. مممم هههه 

نصر .. ( كيشوف فعينيها ويزير على جنبها ) حاسة براسك مرتاحة معايا ؟؟ 

زينب .. ( ابتاسمت بخجل ) بزااف .. 

نصر .. الحمد لله .. نمشيو ؟؟ 

زينب .. ( بحالي طلع معاها الضوء الحمر ) هنم ا الي بغيتي .. 

دار شاف فمهدي فهمو ورجع شد فيها .. تفضلي امدام .. 

ابتاسمات ودارت علات يديها كتشير ليهوم حتا رجع كولشي ناض كيزغرت ومشاو خارجين تبعاتها مها من اللور وعائشة وبسمة ورجعات تقلبات الموسيقى فالشعبي وناض كولشي كيكمل الشطيح والحلوة كتفرق .. اما العرسان خرجو لبرا .. كان باقي نص الليل حيت مادارتش اللباسي دغيا .. 

خديجة .. ماغادي تمشيو لا بطموبيلات لا والو ؟؟ 

نصر .. ( شاف فزينب ) باغا دوري !! 

حركاتلو راسها بلا حيت ماعندها حتاشي فائدة طيق زطيق وماغايصدقو داخلين لدار حتالسبعك دالصباح .. 

زوبير .. مهدي واقيلة انا غانمشي بغيت نتكا شوية .. 

عائشة .. وصلني معاك تانا نشوف الدراري .. 

زينب عنقات خديجة تاطاحو دموعها ونصر كيسلم على باها .. 

خديجة .. مبروك عليك ابنتي .. 

زينب .. شكرا اماما .. 

خديجة .. ولدي هاهيا فأمانتك .. 

نصر .. ( باسليها يديها )) امانتك فوق راسي الواليدة .. 

جات مو وهي تسلم عليها ونصر ... اما باه كان مشا قبل حيت ماعندوش مع هاد الصداع كامل .. 

جرها نصر من يديها وهي دور وتشوف فمها وعائشة كتغمز ليها وهي تبتاسم غابزز حيت طالعة معاها .. 

فتحليها الباب ديال الطوموبيل ركبات وطلع هو وقلع لدارو .. 

شاف فيها هي مهبطة راسها قلبها كيضرب فميتين ضحك وجرليها يديها طلعها باسها وصايگ باليد الاخرى .. حبيبة مالكي ؟؟ 

زينب .. مم وًوالو داز العرس زوين ( مبتاسمة )) 

نصر .. هاداكشي لي بغينا غير اعجبك العرس .. 

زينب .. ااه ..مم أفنان فين مشات .. 

نصر .. يمكن داتها جداتها .. 

زينب .. واش كتسكن معاك فالدار .. 

نصر .. ههه اغلب المرات كانت كتبات معايا ولكن كاتبقا مع الواليدة لتحت عزيزة عليها دارنا كتر من دار جداتها .. 

زينب .. صافي دابا تبقا معانا فالدار ماشي موشكيل ههه 

نصر .. نشاء الله احبيبتي لي رتاحلو قلبك .. 

كتعض على شفتيفها طول الطريق تاوصلو نزلات وعاونها شوية فلاعوب فتح الدار بالسوارت حيت مافيها تاشي حد من غير باه اما كولشي بقا فالقاعة .. دخلو وشعل الضوء ديال الدروج شافها ممحنة غير مع لاغوب .. 

نصر .. ( ضحك تاشافت فيه ) اشبينك وبين شي كساوي ههه .. 

زينب .. ( ميلات شفايفها مغوبشة زعما ) ممم كضحك عليا .. 

نصر .. حاشا كاين شي حد اضحك على زين بحال هادا مدخلو لدارو .. ( قريب ليها ) جمعي هاد الجهة .. 

جمعات الجهة لي قال وهو يخطفها بين يديها تاشقات مزير على الكشوة لي جمعات .. ش شكادير .. 

نصر .. وهو طالع بيها ) مطلع مراتي لدارها .. 

زينب .. ههه ماتقيلاش عليك ؟؟ 

نصر .. جبتيها نيشان ثقيلة اختي .. 

زينب .. ضحكات بشوية حيت الليل ومع الدروج كيتسمع غير صوتهوم تاوصل لباب دارو وحطها باش احل الباب .. تفضلي امدامتي .. 

زادت بشوية مبتاسمة شعل موراها الضوء عاد شافت الدار كااااملك مفرشة على خاطر دوقها لي ختارت سد الباب وهو كيشوفها بعينيه تحركات بشوية لصالون كتشوف فيه فراش رومي مقاد بالخوامي والترياات .. قرب وحط راسو على كتفها ودور يديه على جنابها .. كيجاب زوين ؟؟ 

زينب .. وااعر هادشي كيفما ختارينا.. 

نصر .. على انا نقدر ندير عكس لي رتاحتلو الكبيدة ديالي .. 

زينب .. شكرااا ( معا قالتها مع جبدليها شوية شحيمة دوذنيها ) ايي 

نصر .. سسسس شقلنا على هاد شكرا( هبط نيفو فعنقها ) ممم ؟؟؟ 

حسات باللحية ديالو على عنقها تنبات شوية بكتفها ودارت كتضوف فيه وضحك .. صافي منبقاش نقولها .. 

نصر .. ولي بانليك دابا شوار فيديك .. 

ضحكت بشوية على كلامو ومشيت تقدمت للبيت عارفك شنو تابعيني وقلبي كيضرب ونحاول نرفه على راسي بالضحك .. 

دخلات بخطوات ثقال رجليها فاشلين عليها ... قلبها كيضرب فالتسعين رجفة شاداها من صبعها صغير .. خوفها و رهبتها باينين من عينيها لي موسعاهم كيتحركو فبلاصتهم ... و شنايفها كتعض فيهم بالثوثر كتعيط من داخلها الخلعة ...طلقي مني ... طلقي مني ... ديكور الغرفة كان غييير شكل .. ضوء خافت ورود مشتية على الارض و فوق النموسية .. مزينة لفراش لبيض و ريحة المسك مالية المكان ... كيدخل من سرجم نسيم خفيف كتحسو كيضرب فوجهها ….

هدوء مخيف الحشمة مسيطرة على الجو... فبالها ماكاينة حتى حاجا مكتشووف وااالو فقط كتسمع لإحساسها لكن هو غيرها واقف موراها متكي على الباب مربع يديه كيبتاسم برزانة على حشمتها لدرجة انها مكمشة كسوة دعرسها بيديها و كطقطق بطالون مي خصو يحطم الحواجز هاد ليلة و عازم على هادشي...

دخل متقدم بخطوات ووصل لماريو حيد لاڤيست وشاف فيها .. زينب حوايجك هاهوما فالماريو والنص راه محطوط برا .. 

دارت شافت فيه وحركات راسها .. بغيت ندخل للدوش !! 

نصر .. زينب الله اهديك خودي راحتك احبيبة دارك هادي .. 

هبطات راسها تعض فشفايفها شافت بعينيها على الباليزا لي فيها لي شوميز دونوي حلات وطل بنص عين موراها كتلقاه هو كيحيد الشوميز تابان صدرو العاري تاضورات راسها بزربة .. ويل يولي ويلي ..

هزات البينوار لوات فيه الشوميز دونوي وهزات فيديها حطاتو فوق الناموسية .. وبقات دايرا عرفاتو كيلبس الشورط دار لقاها هاكا بقا كيشوف .. 

نصر .. زينب !! مالكي .؟ 

زينب .. ( عضات على شفايفها وهزات يديها كيترعدو اشارت بيهوم لسنسلة دلاغوب ) تقدر تنزلي .. 

نصر .. ( ضحك بشوية وقرب ليها ) حمقة ديالي ومالكي مترددة وماقادراش تقوليها ( هبطها للتحت ) هاهية مالنا اش وقع .. 

دارت باقا حشمانة منو شافتو عريان من الفوق لابس غير الشورط فالقهوي .. عاود ضحك كيدور راسو ومشا هز الشارجور هي تم نيت هزات لبينوار وطارت للحمام .. 

دخلت للحماام داتي كلها كتنغل كنحاول نسيطر عليها ونهدء من راسي .. نزلت داك الكسوة وعلقتها مور الباب وفكيت شعري خليتو مطلوق جيدت نيطواياج مسحت كمارتي وغسلتها وعاودت دهنت كريم بغيت نبقا طبيعية .. جبدت الشوميز دو نوي الكحلة ولبست السوتيامات ديالها ولبستها من الفوق شفت من المرايا .. ماكاين لاش ازينب راجلك دابا هو علاش غاتخافي .. حلالي .. هزيت ريحة رشيتها ودعيت فخاطري باش ادوز كولشي مزيان ..

فتحت الباب لقيت غير الفيوزات لي مشعولين فالغرفة وصهد كيقتل .. 

تقدمت لقيتو هاز واحد اليتيلكوموند كيشعل الكليما تاشاف فيا .. ( كيتمعن فيها بعينيه ) بصحة .. 

ابتاسمات .. الله اعطيك الصحة .. 

نصر .. كضرك الكليم ؟؟ 

دورات راسها بلا .. ماعنديش موشكيل .. 

نصر .. حيت كاين شوية دالصهد ( وهو كيسد الخوامي ) وكيشفتي دابا منقدرش نخلي الشرجم محلول ( غمزها ودار كيكمل ) ..

بلعات ريقها وگلسات فوق الناموسية ..

هو سالا وهز تيليفونو طفاه وهي باقا فبلاصتها ماعرفات واش تكا ولا توقف .. 

هو طلع عينو كيشوف فيها هاكاك كيمبلوكيا وصغر عينيه تاضحك وهي دور .. زينب واش صاڤا احبيبتي ؟ 

زينب .. م مزيان علاش .. 

تنهد وگلس فوق الناموسية ... دوري اجي ..

زينب .. ( تكلخات ) هااا .. 

نصر .. حبيبة توگضي معايا مالكي واش بنتليك كنخطف هه اجي لعندي .. 

ناضت من بلاصتها ودارت من الناموسية عند جنبو تاوقفات حداه جرها من يديها وگلسها على حجبرو حتى شهقات فنفسها .. 

دور يدو من على ضهرها .. هانا دابا قوليلي ابنتي مالكي ؟ 

زينب .. ( كتلعب فصبيعاتها حركات كتفها ) ماعرفتش .. 

نصر .. شنو واش خايفة مني ؟ 

زينب .. ( دورات راسها تشوف فيه لقاتو قريب ليها وهي تهبط عينيها بسرعة ) لا ..

نصر .. ( زاد زير يدو تالصقات مع سدرو وهي ترمش بسرعة كبيرة وهضر بجدية ) زينب شوفي فيا .. 

طلعات عينيها فيها .. وبقات شحال هاكاك كتشوف بين عينو ماحساتش براسها كيفاش قربات بجهد ولاسقات شفايفو مع شفايفها .. ودورات يديها على عنقو تاهبط يديها ليجهت نصها وهزها ودورها حطها على الناموسية ..

حسيت براسي ملكت الدنيا وانا معاه، عرفت راسي شحال مظوظة براجل بحال هاكا، مين قلت كلمة كنبغيك حسيت براسي خرجتها من قلبي خرجتها وانا كنواعدو بكل جوارحي بلي عمرك تكون لغيري وعمري نخليك تشوف فشي وحدة من غيري ،، كنحس بيه بين رجلي كنت خايفة لانتقصح كيف الفكرة لي خديتها ولكن ماحسيتش غير بالم طفيييف يمكن بحركاتت يدو لي على جنابي حسيت بيه تزير ووقف حل عينو فيا لقاني ديجا عيني معسلين فيه كنشوف فالخير لي عطاني سيدي ربي هبط حط شفايفو على شفافي ورجع حركو شوييية بششوية .. وانا طحت على يدو لي دورها مور عنقي حسيت براسي ترخيييتتت ... 

نصر .. الزوينة ديالي حبيبتي ماعمرني وصلت لهاد الدرجة شنو درتي فيا مم .. 

عضات على شفايفها كتحس بما سخون هابط معاها حلات لقاتو كيضحك فوجها .. 

نصر .. بصحة حبيبتي .. ( حليت عيني فيه مافهمتش ) تاكنحسو حيدو ورجع شاف فحجرو يالاه غانطل نشوف وهو يطلع ليها وجهي وباسني بقبلة ..

نصر .. كتحسي بشي حاجة مم !!؟ 

زينب .. ( هضرات بصوت منخفض بشوية ) شويية .. 

نصر .. عييتي ؟؟ 

زينب .. ( ابتاسمات ورجعات جراتو باستو ) أنا كولي ليك .. 

غير باش قالت هاد الهضرة ضحك وضور يديه زاد جبدها لعندو باسها من راسها وناض بشوية جر الغطا عليها وهي كتشووف فيه .. هز تيليكوموند طفا الكليم ورجع حط اليتيلكوموند .. وجبد باساها من فمها .. تاشوية تفكرات وتحركات شوية .. 

نصر .. ( حس بيها ) مالكي ؟؟ 

عضات على شفايفها تنهدات وهي تهضر .. و واش م ي يعني واش !! 

نصر .. حبيبة هضري شنو ؟؟ 

سدات عينيها وحيدات ليزار شافت فحجرها كاتلقا غير البياض عاد فهم هو ..يالاه غاتهضر وهو ينطق .. 

نصر .. واش كتقلبي على الدم واش خرجليك .. 

شافت فيه فاتحة عينيها رجعات كترعد .. ع علااش ماخرجليش . 

جرها من يدييها حط راسها على سدرو .. شش عادي احبيبة ماشي بضرورة يكون دم المهيم أننكي رجعتي مراتي دابا .. 

زينب .. ( عينيها غرغرو ) نصر كيفاش مافهمتكش ؟؟؟ 

نصر .. ( باسها ) شش علاش هادي العينن ولاو هاكا ماشي ديما كيكون الدم ازوينة ديالي ( تكاها لعندو نعسها ) كتيقي فراجلك ولا لا .. 

زينب .. ( رتاحت نسبيا ) كنتيق طبعا .. 

نصر .. وراك وليتي مرأة احبيبة مبروك عليك داكشي لاخور ماشي مهيم واخا .. 

علات راسها بأه .. رتاحي دابا شوية راه الستة دصباح دابا .. 

عاود حط شفايفو على عنقها وباسها وهمسليها .. حمقتيني فالفراش وشوية شوية طلقي راسك احبيبة معايا واخا .. ( شاف فيها وهي تضحك حشمانة ) ضربها بشوية لنيفها وناض خلاها متكية ناعسة سمعاتو طالق الدوش وهي والو عقلها مابغاش دخل فيه بلي ماخرجش ليها الدم .. وهي حسات براسها تقسحات شوية كيفاش مكاين والو .. بقات هاكاك تاسمعاتو خرج من الدوش دورات عينيها بشوية كتشوفو فتح الماريو وكينشف شعرو بالفوطة لبس شورط فالزرق وبقا من الفوق عريات بقات حالة عويناتها فيه عاد تمعنات فيه مزيان العضمة تبارك الله .. تاشافتو غايدور وهي تسد عينيها سمعاتو حيد الشارجور وتكا حداها تاكاتحس بيه كيطلع الغطا على الكتفين ديالها وحط يدو على جنابها عاد غمض عينيه .. 

حلات عينيها على صوتو كيعيط بسميتها .. 

نصر .. زينب ( دوز يدو على شعرها ) حبيبة تيليفونك كيصوني ماماك كتعيط عليك .. 

حلات عينيها دايخة مزال ماعارفة راسها فين ..

نصر .. صباح النور احبيبة كيصبحتي مزيان ؟؟ 

حركات راسها بأه .. 

نصر .. ( هبط باسها من فمها تاتوردو حنيكاتها ) باقي فيك النعاس ؟؟ مم 

بقات ساكتة .. كتحسي بشي حاجة ..؟؟ ضارك تحتك .. 

حشمات وحركات راسها بلا ..

زينب .. ( سولاتو باقي صوتها غالب عليه النعاس ) شحال فالساعة !! 

نصر .. الجوج دابا .. غير سمعات جوج ناضت بسرعة تاطاح الغطا من على سدرها وهي تغطيه بيديها .. 

زينب .. ويلي ..

نصر .. هههه غابشوية عليك ( دوز يدو على ضهرها ) شنو واش تابعة شي حاجة ..

زينب .. طلعات الغطا شوية عليها ) راه غايجيو ايجيبو الفطور .. 

نصر .. ( ناض كان لابس سروال كيط مع تيشورت فالكحل ) بقا شي فطور الله اهديك !! شنو بغيتي تاكلي ؟ 

زينب .. لا راه اصلا غايجيبو ليا مالين الدار الفطور غاناكل جميع ..

نصر .. عتقي بعدا راسك احبيبة هو اللول عاد نشوفو الباقي ( سمعات تيليفونها كيصوني جاوبات لقاتها مها ) .. 

زينب .. هانا اماما صافي واخا واخا مم ..واخا ( فطعات وشافت فيه ) .. 

نصر .. تنهد ) المهيم دوشي وقادي حالتك واخا غانهبط نشوف لتحت الدراري لاحتجتي شي حاجة صوني صافي .. 

حركات راسها باه وخرج ناضت هي كتحس براسها مدگد گة دخلات لحمام دوشات وخرجات ملوية عليها الفوطة كتفكر فليلة البارح وضحك تعض فشفايفها خرجات وهي تفكر ليزار مشات طلات فالناموسية ماكاتلقا والو الفراش بيض عينيها دمعو ...ايوييلي اشهاادشيي يا ربييي 

حطات الفرطة ولبسات جوهرة فالابيض وجبدات لبسات ذهبها .. تاكاتسمع الصداع لتحت مشات طلات من الشرجم كتلقا دارهوم جايا والصداع والهضرة .. تاكاتسمع الصونيط .. مشات فتحات الباب تاكادخل مها غير بوحدها ردات الباب 

خديجة .. صلااااة وسلاااااام على رسووول الله مبروووك ابنتي 

زينب الله ابارك فيك ..

خديجة .. كيصبحتي مزيان !! ( جراتها من يديها 

زينب .. بيخير

خديجة .. وصلو حدا باب البيت ودخلو وسدات خديجة الباب ورجعات شافت فيها 

خديجة .. فرحي فرحي ميمتك اري نشوف 

زينب .. ( بخلعة ) اش غاتشوفي ؟ 

خديجة .. هاويييلييي على البكمك واري صباحك 

زينب .. ( طلقاتت دموعها ) مااكااينشً ماخرج والو 

خديجة ... ( ضربات ففخاضها ) اوييييلييييي 

ربيعة ( داخلة من الباب ) عروووستي !!!!!

يتبع...