كيتقال بلي أول ثلاث سنوات من الزواج كتكون صعيبة .. والأن مزال العديد من الباحثين فعلم الاجتماع كيبحثو فهاد الموضوع وكيحاولو يتفسرو علاش ؟! ولي تزاد تكتاشف أن أكثر نسبة ديال الطلاق كتكون بين الأزواج الجدد ولي باقين ماكملوش على زواجهوم 3 سنين أكثر من الناس لي بناتهوم سنين عديدة، وهدا كيفسر بزاف دالحوايج وعلى رأسهم أن مور الزواج كيزيدو يبانو بزاف دالحقائق لي كتكون مخفية بالنسبة للأزواج سواء على مستوى الشخصية أو التفكير أو الصبر ..
بقات ديك إن بعض الضن إثم بحالي تعاوداتليها جوج خطرات فدماغها وهي تخرج بزربة لحقاتو كتشوفو مشا للكوزينة عاطيها بالضهر كيشرب الما بقات كتشوف فيه ..
زينب .. كيفاش إن بعض الضن إثم ممم ؟ كيفاش يعني نتا عارفني عارفاك كتخون( ماكملاتهاش ترضخ كاس دالما فالأرض حتا قفزات مغوتة )
نصر .. ( بصوت عالي قاصح خلعها ) واااااااش كتشووووفيي البنتتت غاااايبة ومااعرفنااهاا فييين ونتيي محمقاااانيي بالتبرهييش الخاااوي ديااالك واااش عندك شي عقل ولا مكتكسااابيييهش شمن خيااانية ولا زعتر ( قرب ليها وجرها من يديها تمخضها ) وتوگضيي معااايااا ازييينب توگضييي افنااان مااكاايناااش مالقييناااهااش وهادشيي بسبااابك كون كنتيي سمعتي لهضرتي وگلستي فالدااار كاانت داباا غاتكون حدااا عييينيييي ( طلقاها بجهد تاشافت فيه عينيها مدمعين ) ولكن نتي لا .. نتيي مااامسوقااااش ماااهاامكش غيير رااسك ... ( غمض عينيه تاكيبغي ادير شي ردة فعل وكيتراجع عاود هضر كارز على سنانو ) سمعي أنا لدابا مزااا مافهمتكش علاياش كدوي ولا شنو كيدورليك فرااسك ولا شنو شفتي حتا كتقولي ختك ابنت الناس ورجعتي تشكي فراجلك هادشي غاندويو عليه من البعد أمّا دابا راسي مقلوب ماناقصش التهرنين ديااالك ..
قال هاد الهضرة ومشا ضرب فيها غادي خارج، تاغمضات عينيها على اثر الزدحة لي دار للباب قربات حتا گلسات فوق الطبلة وبقات كتشوف وكتسمع فودنيها تيك توك تيك توك، ديال الساعة، ودميعاتها طايحين مدات يديها مسحاتهوم، وهضرتو دووور ودووور دووور فراسها، تبدلتي ازينب .. تبدلتي ازينب، تفكرات كيفاش كانت زينب الضحوكية ولي ضاربة الدنيا بركلة ولي مامسوقك لحد وكل همها أنها تخدم ولا تلقا بالشيباني ونيت هو لي جابوليها ربي تالحداها ولكن شنو تبدل مين تزوجات واش زعما طاحت فالهضرة ديال البنات لي كانت تكلس معاهوم ويقولو البنت كاتبدل مور زواجها وكانت كتقول يا ترى غاتجي واحد النهار وتبدل تاهي ؟ هبطات راسها شادا عليه بيديها كتسمع آذان دالعشا ومع الاذان وداك السكات دارليها التبوريشة فقلبها ناضت بشوية فالضلام ومشات لبيتها خرجات للبالكون كيتسمع صوت الاذان عالي واضواء مراكش منيرة كتبري فعينيها تاسالا الاذان وهي ترفع عينيها ..
زينب .. يا ربي بغيت كولشي يتحل يا ربي بغيت كولشي يتحل ( طاحت دمعة كيف الحجرة من عينيها ) عافاك أربي نزل علينا من رحمتك يا ربي، حميلينا أفنان ورجعهالينا سالمة غانمة ..
تنهدات كملات كتشوف فالشاريع تاسمعات تيليفونها كيصوني دخلات هزاتو لقات عائشة، هضرات معاها بهدوء ماجبداتش ليها موضوعها مع نصر واخا كتقوليها شنو وقع وشنو كاين وهي كتجاوبها ببرود وبحزن كتهضر وتجاوب قد السؤال تاقطعات وتكات راسها كتحس براسها مهدووودة وماعندها جهد لحتا حاجة، داتها عينيها ونعسات تاكتفح عينيها على صوت التقرقيب فالباب بسرعة وقفات ومشات كتجري خرجات كتشوفو داخل وهي تهضر ..
زينب .. كيف بقات أفنان ؟
شاف فيها ورجع هبط واسو ومشا للصالون عرفاتو بلي مالقاو والو جمعات فمها لداخل وعينيها غرغرو ورجعات دخلات للناموسية گلسات فيها كتحكم شهقاتها بيديها على فمها تاتعصبات وبدات ضرب فالناموسية بسكات وتجر فالغطا كتحس بالذنب كيقتلها طفلة يتيمة فست سنوات بسبابها دابا مابيناش وماعرفاش فين بايتة، وزاد كمل عليها نصر ماكرهاتش تنوض تقتل راسها، حسات بالوجع أسفل كرشها وهي تحط يديها فبلاصتو عاضة على شفايفها الاعصاب هلكوها والتفكير قتلها ومابقاتش عارفة راسها فين ترض الراس ناضت بشوية للحمام غسلات وجها وخرجات تكات تاني على ناموسيتها حلقها شاحف ماكلات والو هاد النهار واللقمة مازارتش فمها بقات كتشوف فالسقف وكتشمعو كيهضر فالتيليفون فالصالة مع البوليس ومع مهدي وباه وهي كتفكر فهضرتها وفالطرشك لي عطاها كيزيد قلبها يضرها
أشرقت شمس الصباح حلات عويناتها بقات شحال كتشوف وشوية بشوية كيطيحو عليها الأحداث ديال البارح غير تفكرات أفنان قفزات من بلاصتها هزات تيليفونها لقاتها العشرة، ناضت بسرعة بالحفا كتجري للصالون لقاتو خاوي عرفاتو خرج تنهدات ومشات للكوزينة، دخلات هاكاك نشات الزاج دالكاس لي هرسو البارح غير عفطات عليه برجليها وهو يطلع معاها السم غوتات لربها لي خلقها نقزات برجل وحدة بعيدة وطاحت للأرض كتشوف رجليها الصغييرة تفرعات من لتحت وزاجك قد السخط تخشات فيها والدم كيقطر شلال غمضات عينيها طاحين دموعها وهي تقرب يديها بزز حيدات داك الزاجة ومعاها زادت غوتات تاصفارت كتشوف الجرحة قد السخط وغامقة ...
بدات كتشهق بزربة ناضت كتحاول تعكز غير على رجل وحدة قربات للكاغيط غطعات وكلسات على الكرسي طلعات لعندها رجليها كلما كتشوف فيها كتشدها الخلعة وقلبها كيرعد الشحمة درجليها بدات تبان والدمايات شلال، كتحس بقلبها كينخافضو دقاتو حتا الجهد باش تنوض والو كدور عينيها وكتفكر شنو غادير خسها توصل لتيليفونها على الاقل تعيط لشي حد ناضت بشوية، كتعكز غير على رجل وحدة ودماياات كيقطرو ويقطرو حيت الجرح غاانق بزاف وطرق قدو قداش عفطات عليه تاتغرز فرجليها من لتحت، كتمشى متكية على الحيط لي كاع وسخاتو بدمها وتبكي طاحت فبالها النهار لي ولدها كان كيطيح فيه عضات على شفايفها وعينيها دمعو وكأن تكتب عليها فحياتها غير الالم والنحس فأي حاجة كديرها ولا ربي كيعاقبها يمكن على أفنان لي ماحضاتهاش ...
مابقاتش عارفة راسها فاش كتفكر كتحسو كيدوخ عليها نورمال البارح ماواكلة والو وهاد الصباح على الفياق هاهيا كتخسر فالدم وأخيرا وصلات لبيتها بدات كتقرب للتيليفون وهي تهزو وتكات فوق الناموسية، ودورات نيشان لنمرتو كتعيط والو المرة اللولة والثانية والثالثة مع كل مرة ماكيجاوباش كتبكي، وثاني عيطات لخوها ووالو تاهو لمن غاتعيط دابا ناضت كتعكز ثاني وفيديها التيليفون وصلات للماريو ديالها وهزات تيشورت ديال نصر وبدات كتقطع فيه، وصافي كتحس بالضبابة حدا عينيها وتيليفونها كتسمعو كيصوني فيديها والصوت بحالي بعيد هزاتو كتشوف لقاتو نصر ابتاسمات وعقلها غاايب وضغطات على الخضرا تاكيطيح ليها اليتيليفون من يديها للأرض وكيتسمع منو صوت نصر .. آلو .. تاكيسمع ذرااااااڤ كانت هي طاحت على وقفتها فاقدة الوعي ديالها ..
ياما قرينا قصص وياما قرينا روايات، وياما كنا كنتمناو نكونو بحالهوم بأي حاجة ولو حاجة بسييطة كأننا ناخدو فارس احلام مبهر أو عيشة دالاميرات، ولكن مكنشوفش الالم والحزن لي كمرو منهوم ولو يكونو قصص وكنقولو مسكينة ومساكن وكندوزو عليها كيف شريب الما ولكن مين كندوزو من نفس الضروف من نفس الالم ومن نفس العقد كنقولو واش لهاد الدرجة حنا مكتب علينا نعيشو هاد الحياة وفالاخير كنكرهوها وكنقولو ماعندنا زهر وحياتنا كاملة نحس، هادشي لي وقع، لزينب بالضبط بنت بني ملال، ايامات كانت فالتكوين وايامات كانت تشوف الرجال كيوقفو على صاحاباتهوم بالطوموبيلات والضحك وتبقا تاهية مرة تعيب عليهوم ومرك تقول زعما وكان يوقف عليا شي حد اطلب نمرتي وكان اتزوجني تانا شي واحد واعر، وزييد وزييد ومين جابوليها الله يمكن الظروف ماوقفاتش معاها وماعطاتهاش الفرصة باش تعبر على الحي ديالها لراجلها ولي صعيب تلقا بحالو حيت عمرها عاشت علاقة ولا عرفات لرجال كيدايرين ..
فهاد اللحضة كان صوتو لي كيتسمع فالتيليفون كيعيط بسميتها ولكن هي لاحياة لمن تنادي الدم لي ضيعات والضغط لي هبطليها والأعصاب لي حساتهوم فهاد اليوماين كانو مضاعفين عليها كثر من عادتهوم وكولشي جا متراكم عليها فدقة لدرجة خلاها تفقد الوعي شادا تيشورت ديالو فيديها ..
فواحد الايام كيف جميع ايامها نوضاتها مها بزز مع الثمنية،
زينب .. خديديج غير شوويية ..
خديجة .. نووضي ازييينب يالاااه راه غاتعطلي والله لامشيت مع بووك عند داك عضم الطيو دحارس العام يگلس اتهز عليا ..
زينب .. ( حيدات الغطا منفخة ) هاهياااا ..
ناضت كتلبس الحوايج ودارت الطبلية ديال التكوين .. ودارت الساك فيه الكتوبا ومشات طلاقات مع سكينة ..
سكينة .. ههه مالكي مدوخة ..
زينب .. ماتهضريش العار سهراتني ماما على الحلوة ديال السيوع دولد فؤاد فايقة مدوخة ..
سكينة .. ههه ناري بقيتي فيا اخيي حاجة هي تولد مرات خوك ففوقت المدرسة ..
زينب .. وايييه، احااي فياا الجووع يا خيتي
سكينة .. وزيدي ندوزو عند حماد مول الملبة عاد نمشيو
زينب .. اييه ولاتعطلنا شكون ادخلنا
سكينة .. اصاحبتنا ناخدو فيديها بزربة
زينب .. زيدي واخا غانلقاوه عامر اصحايبا
دارو نيت عند مول المحلبة ووقفو عليه طلباتو سكينة يسربيهوم وهو كيقشي عليهوم مولف معاهوم، تاعطاهوم الحرشة سكينة خداتها بالشكلاط وزينب بالفرماج زادو رايبي خلصو ومشاو كياكلو وهوما كيسرببيو فالخطوات
سكينة .. ( كتاكل وتهضر ) غابشوية وهياا نااير
زينب .. مول الكونطاا اسكينة والله تايجري علينا
دخلو بزربة من باب التكوين ومشاو لقاوه باقي ماجا دخلو للقسم وتلاحت هي اللولة وموراها سكينة بقاو كيضحكو ..
زينب .. كملي كملي دغيا ..
سكينة .. سوكتي هالعار ..
زينب .. ( حطاتليها الزبل ) مين تنوضي معاك هادو
سكينة .. تفو عليك ( ناضت مخزرة )
تادخل البروف وهي تجبد دفتارها وحاطا الستيلو متبعة معاه شوية دورات عينيها للشرجم كتشووف فالشاريع، لمحات واحد البنت زوينة خارجة مع راجلها تاهو وااعر، بقات كتشوف فيهوم ومتبعة عينيها معاهوم كانت البنت حاملة وشادا على كرشها وهو وصلها تالطوموبيل دخلها ورجع تاهو طلع ومشاو، تنهدات كتشووف والستيلو كيدور بين يديها تابتاسمات تخايلات راسها تاهية بين يدين شي راجل بنفس المواصافات لي باغا بقات كاتخايل شكلو وكتقول يا ترى شكون الراجل لي غانحضى بين يدو وكيفاش غايكونو تنهدات تاكاتسمع سمييتها
كانت لابسة اللبسة دسوتنونص، سروال اسود شوميز فالابيض وڤيست فالأسود جامعا شعرها ديل مع سندالة عالية شوية كتهضر، وحداها واحد اللجنة كتقدم البحث ديالها ددبلوم، تاسالات وبداو التصفيقات ومشات خرجات، مبتاسمة، دارو حفلة مع صحاباتها فواحد الكافي بالطارط والمونادا كانت عائشة وفؤاد كولشي حاضر وبعض الاساسيذ ديالهوم حفلة كبيرة، قربات ليها واحد البروف كانت عزيزة عندها تصورات معاها شادا الديبلوم وسلمات عليها وجا ثاني باها وهو يمدليها واحد البواطا حمرة، شافت فيه بفرحة وحلاتها لقات سنيسلة ديال الذهب وهي تشوف فيه عينيها مغمورين فرحة وعنقاتو بزربة ..
زينب .. هههه شكرااااا بااااباا شكراااا
زوبير .. ( باسها من جبهتها ) الله ارضي عليك ابنتي ومسيرة موفقة ابنتي الحياة قدامك طويييلة ..
تجمعات هي وعائلتها كاملة وهي غاتموت بالفرحة كانت فرحانة بزاف حيت واخيرا شدات الديبلوم لي كان هو كل هدفها وطموحها فهاد العماين هو تديه .. تصورات تصويرة وكانها دارت تشيييك فذاكرتها ..
تشوية كتحس بالأبرا كتغوس غوتات لربها لي خلقها وكتحس بيد سخونة وكبيرة تحطات على حنكها وهي عينيها كيقطرو دورات عينيها مضببين كتشوفو كتشوف حبيبها حط جبهتو على جبهتها وصوتو كيدخل ثقيييل لودنييها .. أنااا معاااك معااك ..
تاكاتعاود تغوت كتحس بالصعر وهو يحط جبهتو على جبهتها .. حبيبتي عمريي صبريي صبرييي على ود ولدنااا صبريييي ..
لازم علينا نصبرو تاواحد مالخاطرو
Histoire D’amour جمعتنا
و الحب لي كان بيناتنا
Passé Jamais يتنسا
ولو يجيو منك خمسة
انا هديتك قلبي
صبرني يا ربي
Passé Jamais يتنسا
ولو يجيو منك خمسة
كيغووت فالتيليفون قلبو تهز صافي، ناض بسرعة من الكرسي ديال الشرطة فيدو أفنان لي مسكينة مهبطة عينيها وعويناتها مدمعين لاباس لي لقاتها واحد المرا ويالاه هاد الصباح جابتها لعند البوليس، مع الخرجة كيطلاقا بمهدي وسارة لي خارجة كتبكي عند ختها تلاحت هزاتها متعنق وتبوس فيها ..
مهدي .. نصر فين غادي ؟؟
ماجاوبوش طار للطوموبيل وكعط للدار قلبو غايتهز وجميع الاحتمالات دايرو فبالو غادي ويدو كدور على اللحية ديالو وشعرو وكيدعي تكون مزيانة وحس بالطريق طوالت عليه، غير وصل لللعمارة فرانة بجهد ونزل كيطير ناعرف تاواش سد الطوموبيل ولا لا طلع كيجري فالدروج، ووصل للأباغطومون حلها بالسوارت ودخل كيغوت بسميتها شاف فالصالون نالقاش ومشا للبيت يالاه غادخل غير شافها هاكاك طار بسرعة تاطاح على ركابيه مطيح السوارت والتيليفون وجبد راسها لحجرو كيضربها فحنكها
نصر .. زييينب زيييييينب ..
كضرب فحناكها وفنفس الوقت كيدور اشوف فرجليها وهو يدور يديه هزها من الارض حطها على ناموسية صفرا ورجع شاف فرجليها لقاها حالتها من لتحت والجرحة غانقا قلبو كيضرب وهو يرجع هز السوارت والتيليفون ورجع هزها هاكاك بالبيجامة ماكيفكر فوالو مين غير انه يعتقها ومشا كيضرب فالسانسور وقفلو وهبط فيه وهو كيشوف فيها حط جبهتو على جبهتها ..
نصر .. زيينب شنو درتي ازيينب شنووو اعمري ..
كيف تفتح السانسور غادي وكيشوف فيها حطها فالطوموبيل ومشا كسيرا بيها ومرا مرا يشوف فيها حيدليها الشعر على وجها ..
نصر .. صبري احبيبتي غاتكوني مزيانة انشاء الله ..
عيط وهو فالطريق لمهدي يعلمو وعيط للمستعجالات ديال واحد الكلينيك باش اوجدو ليها ..
غير وصل هبط لقاهوم كيتسناوه بالبياص حطها فيه ومشاو كيجريو بيها دخلوها من المستعجالات كانو تما غير شي جوج كيعالجوهوم حطوها فوق البياص وهو كيشوف فيها
الممرضة .. عفاك اموسيو ممنوع دخل هنا بقا برا حنا غانشوفو شغلنا
نصر .. ( شاف فيها بغضب ) ديري شغلك ماغانتحركش منهنا ..
تنهد كيخرج النفس بزز طع راسو كيمسح بيدو ماكيعرف مين كينزلو عليه هاد المشاكيل ..
بقا الطبيب كيعقم ليها من لداخل وداكشي مفتوح ليها بزز هو كيشوف وهو مألم تاماقدرش اصبر هبط راسو .. بقاو شي ربع ساعة غادا لنص ساعة تاجات الطبيبة والفرملي عطاو النتيجة ناض نصر شاف فيها .. وهي تشوف فيه الطبيبة ..
الطبيبة .. المدام طلعات حاملة مين غايساليو من الخياطة غاينقلوها ليا باش نفحصها الله اجيب الشيفة ..
الطبيب .. سمع هي غاتقصح ولكن ولا بد حيت مايمكنش نديروليها البنج وهي حاملة كنتمنا ميأثرش على الجنين الالم ويكون خير ..
حركلو نصر راسو .. دير خدمتك ..
قرب ليها شد فيديها وهو يبدا الطبيب فالغرزا اللول شاف نصر فزينب لي بداو عينيها كيتحركو بشوييية ..وهي تقرب ليها الفرملية .. شنو سميتها ؟
نصر .. زينب ..
بدات كتعيط ليها بسميتها خاسها تفيق تاكاتحل عينيها، تاشوية بدات كتغوت وهو ينتافض حط يدو على حنكها ..
نصر .. ( كيصبر راسو بزز) أناا معاااك معااك
طلع يدو مسحليها العرق لي تعرقاتو تالصق شعرها على الجبهة، كيشووف فيها وهز يديها باسها شاف فيها الطبيب ..الحمد لله على سلامتك
دورات عينيها فنصر كتشوف فيه وكتفكر كلمة ولدنا كتحس برجليها كيتضمدو، تاسلاو وجابوليها كرسي متحرك جا لعندها كيشوف فعويناتها لي غير كيشوفو فيه وكيحاولو يقولو بزاف دالحوايج دور يدو على ضهرها ويد تحت من فخاضها وهي دورات يديها على عنقو هزها وحطها على الكرسي المتحرك، ومشات الممرضة جاراها وهو حداها غير خرجو تيليفونو كيصونيلو مهدي علمو بباش يتناهوم فالاستقبال، ومشا هو تادخلات لعند الطبيبة لي دارتليها التحاليل قبيلة، شافت فيها زينب، كمل بيها نصر والفرملية مشات بحالها ..
هي باقا فصدمة وعينيها غرغرو مازال ماعرفاتش راسها واش كتحلم ولا تيق ولا مافهماتش اش طاري دابا ..
هزها تاشافت فيها حس بيها وهو يغمض عينيه زعما رتاحي حطها على البياص وطلع ليها البودي مسكينة باقا بالبيجامة دارتليها الجيل ودارت الاباغاي وكدور ليها تما ونصر متكي بيديه بجوج كيشوف فالشاشة ومرة فيها هي لي عاضة على شفايفها ومزال مامتيقة ..
الطبيبة .. شفتيه شحال صغير ههه باقي يالاه عندو كاطخ سومين يعني شهر دابا ..
نصر .. بقا كيشوف فيها ) وممكن حيت يالاه جهضات depuis 3 mois دابا ؟
الطبيبة .. ( بابتسامة وهي كتمسح ليها لجيل ) اه ممكن عادي الى ماكان وقعليها ختا شي تضرر فالرحم فآخر اجهاض فراه تقدر تحمل حتا نور دوسومين عاد عادي ..
حركليها واصو وهو يدور شاف فيها كتشوف فيه تانزلات دمعة مد صبعو مسحاليها بينما الطبيبك توجهات للبيرو ديالها وهي تنوض باغا تگلس عاونها ونزل ليها البودي تابداو دموعها وحدة مور مور وحدة ينزلو بسرعة گلس ودور يدو من مور ضهرها حطهوم على خسرها ..
تنهد طلع ليها راسها .. حبيبتي نساي كولشي وفكري دابا غير فالبيبي لي غايجي، هاربي رزقنا وغايعوضنا على يعقوب، مايتاهلش هاد الحزن كامل ..
زينب .. ( طلعات عينيها حمرين فيه ماعندهاش ليه الجهد وهي تبعدلو يدو وكانحاول تسكت من التنخصيص ديالها ) يا يالاه بعدا نمشيو ..
تنهد هزها وحطها على الكرسي المتحرك ومشاو لعند الطبيبة وصفاتليها واحد المسكن يهدأ عليها الحريق ونصحاتها باش تعتني براسها فهاد الفترة وترتاح نفسيتها وهي هاد العضرة كاملة فايتليها سمعاتها حطات يديها على كرشها طبعا غاطير بالفرحة من لداخل حيت من نهار مات يعقوب ماقدرات تنعس مرتاحة كيف لا وهو شعور الامومة كيتغرز فيها من أول نهار، وخصوصا باش كتحس بالذنب حيت ماحماتووش وندماات فضلات كون كلسات فدارها وماتهبطش، هادي زينب ديما مرجعة اللومة لراسها وديما كتندم على ابسط حاجك وكتكتم الحزن ديالها داخل قلبها وقليل فين كتقدر تهضر، هاكا كانت من صغرها وهاكا بقات، صعيب تخرج لي عندها ..
داها جارها وهوما ساكتين تاطلاقاو بمهدي لي شاف ختو فالكرسي المتحرك ورجليها مضمضة بحالي مهرسك باسها من راسها ..
مهدي .. الحمد لله على سلامتك أختي ..
ابتاسمات .. الله اسلمك اخويا ..
هزها نصر داها لطوموبيل وركبليها الصمطة ومهدي غايتبعهوم بطوكوبيلتو ركب حداها ورجع شاف فيها ..
نصر .. باش كتحسي ..
زينب .. ( حركات راسها باه ) بيخير ..
ابتاسم وشدليها شوية حنيكاتها عاد مشا غادي، وصلو للدار وتاني طلعها حطها فالبيت باقي داك دم هاكاك مصبغ فالدار دخل مهدي بقا كيشووف بقا كيسولها على كيفاش طرا ونصر حداها ماقاتلوش راه نصر لي هرس الكاس قاتلو بلي زلقليها وهي عفطات عليه ولكن نصر عرف بلي الكاس لي هرسو هو لي دارليها هاكاك تغدد وزير على يدو تعصب ماكرهش كون هرس الكاس فراسو ومايوقش هاكا .. باركليهوم مهدي فرحان ومشا يجيب بسمة غير خرج شاف فيها وجا باسها فحنكها تاجا ينزل لعنقها وهي تهرب عنقها ..
نصر .. ( باقي فبلاصتو واخا هربات عنقها بعد شوية وشاف فعينيها هزليها يديها باسهوم بشوية ) سمحيلي احبيبة ..
زينب .. ( جرات يديها وشافت فيه ) ماغانسمحليكش انصر ( اشارت لرجليها ) داك الجرح يقدر اتشافا ( حطات يديها على قلبها ) ولكن الجرح لي هنا عمرو يتشافا والخيانة ولا الطرشة ماغانسمحليكش عليهوم ..
نصر .. زييينب شمن خيااانة دويي فوقااااش خنتك وااش عارفة رااسك شكلاتخرجيي على فمك ولا غاتدربزي هضريي ازيييينب
بعد رجع كيصفق .. لا واللهيلا تباارك الله وانا غادي نبدل بيك الحو وانا كنقول مال السيدة تقلبات واش عندها شي حاجة واش وقعليها شي حاجة وهي مرجعااني شماتة حدا عينيها وسااااكتة !!!!
بقا كيشوف مصدوم تاهز يدو .. هزيت يدي عليك لا بصح بصح هزيت يدي عليك ابنت الناس ..
زينب .. ( شافت فيه ) نتا سباب هادشي كااامل نتااااا ماتهضر مع تااشي وحدةك وشكوون هيي تاتصل بييك ليل ونهااااار شكوووون هااا وشكون هي تاطلاقااها بوحدهاا فالقهواا شكووون ..
نصر .. أنا غانورييك هاديك شكوون غاتعرفيها بيديك أنا ماغانهضرش سمعتييي هاد الشك لي فيك ورجعتيني بساببو رجعتي رااااجلك ماشي راجل وخاااين وتنعسي معايا هاكا فالفراش وتشوفيني ونتي ساااكتك هانتي غاتعرفي هادي شكو.. ( قاطعو الصونيط شاف فيها محمر عينو وهي تقلب وجها كتبكي ومشا خرج اشوف شكون غير سمعات صوت بسمة وهي تسمح عينيها بزربة وردات الابتسامة فوجهها ..
دخلات بسمة مبتاسمة سلمات عليها وكتسولها على أحوالها وجات تاسارك تاكدخل افنان وهي تنقز عليها عنقاتها زينب بجهد تابدات كتبكي وكتبووسها وتقوليها سمحيلي بعدات افنان بشوية وبدات تمسح ليها دموعها سارة شافت فيها مبتاسمة ..
سارة .. ختي ماديريش فراسك هاكا الحمد لله على كولشي المهيم رجعات لينا سالمة راه كولشي ممكن ..
زينب .. ( ابتاسمات فوجههوم ) الحمد لله ..
بقاو كيسولو فحالها ويباركو ليها وهي مجمعة معاهوم واخا كتشوف داك الدم فالارض ماكرهاتش تنوض تجففو شافتو سارة عرفاتو ديالها ومشات جافت الجفااف وبقات هي كتجففو أما نصر هو لي تكلف بالكويزين جمع الزاج كامل ومسح الحيط لي كان عليه دمها، بقا مع بسمة مجمعة تاتسمع الصونيط وشوية كتسمع الهضرة تاكادخل، عليها حلات عينيها كتحقق فيها كتمنا تكون غير كتحلم وهادي ماشي هي البنت لي شافتها فالقهوة داخلة ومدخلة فيد الورد وفيد الاخرى جارا وليد صغيير يكون قد أفنان ابتاسمات ..
جويرية .. ( لابسة كسوة طوييلة والحجاب ديالها مبتاسمة باحترام كتشوف فالبنات وركزات على زينب لي ناعسة عرفاتها هي لي مريضة وهضرات بصوت محتارم ورقيق منخافض ) سمحيلي على الازعاج واش ممكن ندخل ..
بقات زينب جامدة في بلاصتها و مازال الأحداث تيدورو في دماغها المكالمات و في البحر فاش بعد عاد هضر معاها و فاش شافتهم في القهوة دماغها ما بغاش يستوعب رجعو الأفكار يدخلو في رأسها اش هذه الجرءة عند السيدة جاية عنده حتى لدارو و عارفاه مزوج ياكما ولدو هذاك لدرجة بدأت تقارن ملامح الولد مع ملامح نصر
هذه الأحداث كلهم دازو فدقائق بل في ثواني ما فيها من سهوتها غير بسمة ناضت تتسلم على جويرية و تعنب و تبوس فيها
زينب مازال تتحلل و تناقش مع راسها بسمة تتعرفها منين و فين و وقتاش
بسمة :اهلا مرحبا جويرية نهار كبير هذا عاش من شافك اش هذه الغبور هذه
جويرية : (تتسلم سلام حار) يرحب بيك الخير غير فالدنيا احبيبتي و دهاويها تقبطك هذه ترخيك هده من العرس ماعادت تلاقينا ددازت سلمان على سارة و باست افنان و تتخاطبها كيف بقيتي البطلة لاباس عليك
افنان : لاباس أ طاتي الحمد لله
وصلات عند زينب جات توقف و هي تحبسها غير خليك مرتاحة مايكون عندك بأس
زينب : لهلا يوريك بأس ( الفضول غادي يقتلها)
جويرية : بابا عاود لي شنو وقع لافنان و ضرني خاطري و حسيت بيكم و قلت ليه والو نمشي نوقف معهم و نقول لهم الحمد الله على السلامة و الحمد لله لي خرجات طريفة
زينب : ششكرا
جويرية : مع فتكذ براسي دخلت هذه الدخلة سمحيلي راني عا فاك مع راسك تقولي شكون هذه حنا مرةكشيين هكذا
انا بنت الانسبيكتور الحاج الواليد ديالي هو و عمي سليمان صحبة كيف الخوت متيتفارقوش و بقينا معرفة قولي عائلة حنا و عاد مؤخرا خرجت طرموبول من عند خويا نصر ساعة مافرحتش بيها درت اكسيد ن في أكادير و مع لي مولف الحديد ما يقدر يجلس بلاش عاود هذه الأيام دزت خرجت، حدة أخرى من عنده مانتيق في حتى واحد آخر من غير خويا
زينب الابتسامة تخرجها بالسيف الهزة لي هزات رأسها لقات نصر واقف في الباب متكي على الحيط مكروازو رجليه هاز حاجب و حاط حاجب نزلات رأسها بالزربة و بقات تتفكر اش هذه الحريرة المحرحرة لي دارت كيفاش تصلح الجرة
بقات زينب كتشوف فيها، ماعرفات راسها باش تبلات، بسمة شافت فيها ورجعات شافت فجويرية بابتسامة ..
بسمة .. زيدي أختي تفضلي مرحبا ..
جويرية .. ( تقدمات بشوية بابتسامة ) شكرا ..
قربات لزينب والاخيرة باقا متبعة مع تعابيرها، حطاتليها الورد حدا راسها ومداتليها يديها .. الحمد لله على سلامتك أختي ..
شافت زينب فيها لثواني ورجعات مداتليها يديها دايرا ابتسامة خفيفة .. الله اسلمك ..
ناضت بسمة من الكرسي ديالها .. أجي احبيبة ..
شافت فيها ودورات راسها بزربة بشوية .. لا لا غير خليك مرتاحة
زينب .. ( نطقات بشوية بابتسامة دخلات ليها فخاطرها غير بصوتها والطريقة كيفاش كتهضر ) لا غير كلسي خودي راحتك ..
جويرية .. شكرا وعلى سلامتك أختي انشاء الله تقومي بيخير ..
زينب .. ( بابتسامة ) شكرا ..
جويرية .. ( خدودها حومر وكتهضر حشمانة ) الصراحة ماعرفتش غاتقولي دابا شكون هادي وجات ولكن باش عرفت شنو وقعليك حشمن مانجيش نشوفك ..
زين ب.. ( نرال مافاهمة والو ولا عارفة شغاتقوليعا شاداها دودة من لداخل وخسها تعرف شبينهها وبين نصر حنحنات بشوية ) و واش خدامة مع نصر ..
حركات راسها بشوية وهي تشف فيها مبتاسمة .. غير سمحيلي والله ههه يعني نتي ماعندك تامعرفة بيا ومع ذلك يعني ..
زينب .. لا لا ماشي موشكيل تادابا نتعارفو
جويرية .. باركة الله فيك أنا جويرية الصراحة ماشي بزااف باش بديت الخدمة مع نصر والبارح باش تاصلت على ود واحد التقرير عتاذر بأن المدام مريضة وأنا طلب اليوم نشوفك واخا ناخدو معاك الآجر ..
زينب .. ( بقات كتشوووف فيها حشمات ومرگات ماعرفاتش شنو تقول ) م مرحبا اختي والله اعتابري الدار دارك ( شافت فالوليد ) شكون هاد الزويون ..
الوليد غير مهبط راسو وحشمان ساكت شافت حويرية بابتسامة وشافت فيها .. هادا ولدي أمين ..
زينب .. ( شداتها اللقوة ابتاسمات بزز ) تبااارك الله مشاء الله الله اخليه ليك يا ربي ..
جويرية .. أمين أختي والله ارزقك حتا نتي الذرية الصالحة يا ربي ..
زينب .. أمين وشكرا بزاف على الزيارة والله
جويرية .. ماتقوليش هاكا اختي ( مدات يديها طبطبات على يديها ) أجرك لله ونصر راه بحال خويا الكبير والخير لي دار فيا كبير أختي وانا كندعي معاكوم ليل ونهار يكمل ليكوم بالتيسير والله ..
زينب .. ( رتاحت مين قاتليها خويا وفنفس الوقت كتشوف نضراتها البريئين وكلماتها لي كيخرجو من القلب كتحس بيهوم حسات بنغزات الندم كيقرصو فيها ) آمين أختي وعتابري الدار دارك مرحبا بيك والله خودي راحتك ..
جويرية .. باركة الله فيك والله اشافيك مرة اخرا ( ناضت واقفة ) نخليك ترتاحي نتي دابا مريضة وانشاء الله نعاودو نتشاوفو فساعت الخير
زينب .. لا گلسي بعدا تشربي غير شي كاس ديال آتاي ..
جويرية .. لا أحبيبتي والله غير ارتاحي ( شافت فأمين ) يالاه اماما ..
زينب .. ( شافت فيها بابتسامة ) مرحبا احبيبتي والله وانا غانشوف نصر يعطيني رقمك نتشاوفو مرة اخرا ..
شدات زينب من عندها التيلفون وركباتليها رقمها وصونات عليها جويرية تم نيت وشكراتها لا هيا لا نصر وكدعي معاهوم بقات زينب كتشوف وحشمااات حيت فالداخل ديالها كتحس بالذنب اتجاه هاد السيدة لي ضلماتها تاكاتشوفها مشات خرجات جارا فيديها ولدها الصغير، كتسمع بسمة كتشدها وهي والو مابغات تاكل والو بحجة انها جات فقط تشوف المريض ماشي باش تاكل، بقات زينب كتشوف تادخلات عليها بسمة مدخلك فيديها بلاطو دالماكلة قاداتو ليها كانت كرشها شوية خارجة بحكم غادا لست شهور دابا ومع ذلك كتسخر على زينب اما نصر دا أفنان وسارة لعند جداهوم ..
بقات معاها زينب حتالشي وقت وعيطو للدار ابيل ڤيديو مع خديديج ونهال وعائشة وزوبير، كولهوم كيهضرو مع زينب وبسمة حداها تاهية تاجا مهدي سلم على ختو وبقاو معاها تاجا نصر، جايب فيدو العشا حطو فالكوزينة وهز زينب فيدو ماكيهضرش معاها وهي كتشووووف فيه حطها فالكرسي ديال الكوزينة، وكلاو مجموعين عاد ناضت بسمة جمعات داكشي بينما مهدي مجمع مع نصر، تاوصل وقت متأخد فليل عاد ناضو مشاو ..
هزها رجعها للناموسية بلا ماينطق حرق هز الفوطة ودخل للدوش وهي بقات كتشووف شحال كانت عاوناتها بسمة ولبساتها بيجامة خفيفة هزات تيليفونها دخلات للواتساب ديال جويرية لقاتها دايرا فالبروفيل التصويرة ديال ولدها بوحدو ضاحك بقات كتشوف فتيليفونو محطوط حداها فالكوكيتة كتسمع الرشاش باقي وهي تهزو غير دوزات صبعها وتحل ماكاين لا كود لا والو دخلات لواتساب وكتقلب فالديسكسيون تالقات حويرية دخلات ليها نفس الواتساب لي عندها يعني نمرة وحدة وبقات كتقرا ماكاينش هضرا بزااف لا اوديوات لا والو غير تصاور ديال شي وراق وهي قليل فين كتقول شي جمل وخلاص نصر ماكيجاوبش من غير لا قال واخا ولا اوك، بدات طالعة طالعة تاشافت من أول مرة بداو العضرة والو نفس الشيء ماكاين تاشي هضرا خارج النطاق الرسمي دالخدمة ..
دخلات تالميساجات لي بيناتهوم نفس الشيء كتقولو بعد المرات راه سيفتليك الوراق فالواتس، ولا عيطو الابيل ماكاتفوتش دقيقة ..
بلعات ريقها وحطات التيليفون بلاصتو كتشوووف ماعرفات شنو دير واش غلطات زعما وتسرعات مين دارت هاكاك وكان عليها تسولو مرة اللولة شوية جمعات حجبانها وعلاش هو مايقولهاش ليها مدام خدام مع مرا علاش مايقولهاش ليها ويعاود ليها، بقات هاكاك تكات حاطا يديها بجوج متكيا عليهوم حنكها ..
تنهدات شحال سمعات الرشاش وقف وماهي دقائق تاكتسمع الباب تحل وخرج كيقلب فالماريو، بقات متبعاه بنص شافتو كيلبس حوايجو، شوية وهي تنوض مطولة فيه عينيها، ..
نصر .. وزينب نتي وليتي تشكي فراجلك ازينب راه مابغاتش دخليا لعقلي تشكيي فيااااااا واش انا عمرني شكيييت فييييك
زينب .. ( دفعاتلو يدو كتشوف فعينو ) انااا مااشيي بحااالك سمعتيي اناا عمرني نهضر مع شي راااجل من غيييرك سمعتيييي وبزاااف انصر بزااف مايتقااال وقلبي عمرو سمحليييك
شاف فيها وتنهد، هي دورات راسها كتبكي وتنخصص تاكاتحس صاني بيدو مور ضهرها كيرطب عليها ماحسات غير تلاحت على سدرو وزادت كملات بكاها دورات يديها على عنقو مزيرا عليه، هو بقا هاكاك كيدوز يدو على ضهرها ويسكتها ..
نصر .. شش وصافي زينب ..
زينب .. نصر ماتخلينيش اهئ ..
نصر .. ( بضحكة رجولية متقلة كيشوف الحمقة لي بين يدو ) زينب حبيبتي كالمي شوية راسك واخا ( تكا حداها وجرها لعندو متكية على سدرو كيدوز على كتيفاتها وكيهضر بصوت رجولي قاصح وهادئ ومع الضوء خفيف فالغرفة والبالكون مفتوح الضلام كيبان منو ) زينب أنا عارفك اكبيدة دزتي من بزاف دالحوايج خايبين وصعاب، وأنا راه بيدي مقصح من جيهتهوم، وداكشي باش كنصبر ونقول حبيبتي هادي وكنديرليك خاطرك ونسمعليك وكنبغي نعرف مالكي، وكل نهار كنقول دابا غاتولي مزيان دابا غاتولي مزيان، وانا ماعرفتكش واش شفتي شي حاجك قلقاتك انا حسيت بيك عيانة ولكن مين كنسولك ماكاتجاوبينيش احبيبتي، والايام لي انا طلاقيت بيهوم بداك البنت كنتي نتي مريضة وعيانة ولي فيك كافيك ماكناش غانلقاو الوقت ولا غاتجيبها الفرصة باش نهضرليك عليها، ونهار جابتها الفرصة لي باش شفتيها ماقلتيلي والو ( حنا راسو بشوية موقف يديه كيشوفها غير هاديك وكتسمع ليها وتنخصيصها كيعلى ) قوليلي باش غانعرف مم ؟؟ ( رجع حرك يدو بشوية ) واش أنا تشكي فيا نبدلك أعمري .. وأنا من نهار شفتك ماعاودت رتاحيت تاجبتك لداري ( هبط راسو شافها كاتبتاسم بشويييية ) زينب مانبغيكش تبقاي دخلي افكار بحال هاكا لبالك واخا، أنا ماشي تزوجتك باش نمشي ندير وحداخرا، الله اهديك ابنتي ..
زينب .. ( بشوية ) وعلاش ضربتيني ؟
نصر .. راه قلتهاليك ازينب، كنت نتمنى يدي تقطع قبل ماتحط عليك ولكن راه قصتيني وأخيب حاجك هو تقيسيني فقيمتي عندك ( دار جبدها تارجعات تحتو تاحلات عينيها فيه ) دابا أنا عندك ماشي راجل مم ..
زينب .. ( حركات راسها بزربة ) اً ل لا ك كنت معص( قبل ماتساليها هبط عندها حط شفايفو على شفايفها وجرهوم تاحسات بيهوم غايتقطعو وهي تغوت ) اااااااي
نصر .. ( رجع جبدهوم ليها بشوية وهضر كيشوف فعينيها مدمعين تقصحات ) آخر مرة ازينب آخر مرة حيت كون درتك فبالي مكنتش غانخليك دقيقك وحدك هنا ..
زينب .. قولي طلعتليك فرااسك ومابقيتيش باغيني ..
نصر .. ماقلتش هاكا ولكن لاعاىدتيها غاتكون اللخرة ليك، ( هز يدو دوزهوم على شفايفها ) وهاد الفم ماتبقايش طلقيه غير للقاصح طلقيه شوية على قلبك باش نعرفو شنو عندك تم، حيت أهم حاجك بيناتنا ازينب هي الحوار انا ماشي غريب راني راجلك ولاماعاودتيلي لمن غاتعاودي ؟؟؟
زينب .. شنو غانقوليك واش خنيتي( قبل ماتكمل عاود جبدليها شفايفها تاقصحها هاد المرة بجهد غوتات وهي ضرب على سدرو ) واااش حماااقيتي راه فمي هادا ..
نصر .. هادشي لي غايولي صالح ليه، ماخنتكش ازينب ديريها فراسك ..
رجع تكا على ضهرو وجبدها شوية وهي كتمس شفايفها خرجو منهوم شوية ديال الدم وهي كتنفخ تاكيحط يدو على نصها وزير عليه .. باركة من هاد النفيخ ابنتي ..
زينب .. قولي كيفاش قصة جويرية ..
نصر .. هاديك البنت ازينب مابيني وبينها غير الخير والاحسان، يالاه بدات فخدمتها وباها طلب مني باش نبقا نتعامل معاها، السيدة مطلقة وعندها الولد باغا تخدم عليه، وهي يالاه بدات فالدومين واخا بانتليا الخدمة عندها مزيانة وميت النوطير لي كنتعامل معاه خسرت معاه ورجع نتعامل معاها، السيدة بعيدة عليا ازينب ومعتابراني بحال خوها الكبير، وهي راه صغيرة عليك عاد وعمرها تالسلام سلماتو عليا،
زينب .. واش مطلقة ؟؟؟
نصر .. داكشي لي قالت ..
زينب .. مسكينة ..
نصر .. دابا عاد وانا عارفك علم الله باش ضلميتها فخاطرك ...
كيتعامل معاها بشوية باش مايعگرهاش فرجليها ولا يقصحها وفنفس الوقت عمرو شافها معاه هاكاك فالفراش وكأنها عمرها نعسات معاه، مستحلية لمساتو ومعاملتو الحنيينة ليها خاولات تنسى كاع المشاكيل والهموم لي دايزين، حتا الالم لي فرحليها ماحساتش بيه طغات عليها الشهوة واللذة معاه، هو لي كيوصلها لحلاوتها هو بوحدو وتاحد من غيرو، ومن حبها ليه ماتقدرش تشوفو مع شي وحدة خرا تبغي تموت، متملكة فحبها ليه لأقصى درجة ..
حلات عينيها بين يدو طلعات عينيها فيه لقاتو ناعس عضات على شفايفها كتفكر ما دوزو ليلة البارح، وحنيكاتها حومر ومزنگين كتحس بالإنرجي فيها، تقول شارجاها ..
طلعات صبيعاتها دوزاتهوم على اللحية ديالو السوداء وهي تقرب بشوية باستو فسدرو تاكتحس بيدو تحركات من على خصرها العاري، وهو يبتاسم حل عينيه بشوية مهبطهوم لجيهتها ..
زينب .. ( هرها ) هههههه لاباااس ( حركات صبيعاتها على سدرو كاتفش عليه ) وقال لباباه فيه الجوع
نصر .. شنو مشهي ولدي الزوين ..
زينب .. ( دورات لسانها على شفايفها وعضاتهوم كتبنن ) طاغط سييطخوووون وعصير دآڤوكا ممممممم سسس ويكون معصر فيه الحامض ..
نصر .. ( كيشوف فيها مبتاسم ومتبع شفايفها، كيحيد ليها الشعر على كتافها البوويض والروطيي كيدوز صبعانو بشوييييية تابورشها وهي تنتافض بشوييية ) ههه مالكي ..
زينب .. ( بهمس وهي متلذذة ) كتبورشني ..
نصر .. ( زاد دفعها لعندو ) شنو درتي فيا مم ( طلع يدو لعنقها قربها ليه كيمص فشفايفها وعاود جر وهي مغمضك عينيها معاه ) كنبغيك أزينب
ناض لبس الكالصو وهزها بين يديه دخلها لحمام حطها على لاشاس وهي كتشوف فيه هبط لعند رجليها قطع واحد الميكة وبدا كيلويها على رجليها تاضغطها مزيان وهزها كيشوف فيها ويبتاسم ..
نصر .. حبيبتي ( باسها فعنقها ) كيكتحسي مزيان ..
حركات راسها وهي معلقة فيه حطها فالبانيو وهز الرشاش كيدوش ليها وهي غير كضحك معاه وهو كذلك، تاسالا ليها لبسليها الپينوار وگلسات فوق لاشاس كتفرج فيه هو كيدوش ومرة تضحك مرة تهضر وهو كيسمع ليها تاسالا ودور الفوطة على خصرو وهزها بين يدو باسها من شفايفها عاد باش داها للفوق الناموسية، جابليها حوايجها كتلبسهوم بشوية عليها وهو كذلك كيلبس تاسالا ودار عندها جر الدوا ديالها تكاها على الناموسية وحط رجليها فوق حجرو كيعاودليعا الدوا وبدليها الفاصمة متألم على حبيبتو تقريبا داروليا ربعة دالغرزات وخصوصا هي رجيلاتها صغيورين وبويض بقات فيه .. سالا وباسهاليها من الصبيعات .. عاد قرب ليها ..
نصر .. نديك معايا ولا تسناي هنا تانجيبليك لي باغا ؟
زينب .. لا ماشي موشكيل انبقا هنا تاتجي ..
باسليها راسها وناض هز الفلوس والتيليفون والسوارت ومشا هبط خلاها هي فوق الناموسية غير كضحك، هزات تيليفونها صونات لخديجة بقا شحال عاد جاوبات ..
زينب .. ماعرفتش ماسولتش نصر ماما راه اصلا شلاه اليوم جابتها الفرصة نهضرو اما راه كنا فالهاوية
خديجة .. حيتااش نتيي منوونخة وعقلك صغير كلسي هاكاك تاضيعي الراجل من يديك ونوضي تحزمي وكوني مولاتي الدار وتشاوري على الصغيرة والكبيرة ونتي حاضية غير الخوا الخاوي
زينب .. دابا لامشينا الفيرمة غانطلاقاو داك العقروشة ومايمكنش ثاني نعيدو هنا بوحدنا اكيد غايبغي اشوف واليديه
خديجة .. شوفي لكان السيد موالف يعيد فالفيرمة مع واليديه وخوتو ماديريلو شاي العصا فالرويضة سيري معاه وعطي شير التيقار لعكوزتك راه منضنش دير شي موشكيل من مور كاع لي دارتو
زينب .. ماما انا مابقيت كنتيق فحتاشي كماارة صاافي
خديجة ... ديري عقلك اااااابنت كرشي ديري عقلك ونتي من نهار تزوجتي طارليك العقل مع الطيور
زينب .. مكتعياايش من المعيور تقولي غاعدوتي ..
خديجة .. كون كنتي قدامي كون قرصت مك مزيااااان بحرا ترباي
يالاه كان نايض سمع الجملة ديالها وهو يدور عندها كيشوف فيها هي ماحساتش تاشافت فيه ودارتلو براسها زعما مالك ..
طلق واحد الضحكة تاتسمعات الصدا ديالها فالبيت كاملة وهي غير كتشوف وبقات متبعة مع ضحكتو المثقلة ولي عندها واحد اللمسة رجولية مرزنة وموزونة عضات على شفتيفها كترمش فعويناتها وهو يالاه كيشوف فيها وكيتفكر اش قالت كيزيد اضحك ..
نصر .. اجي لعندي اجي .. ( قرب ليها وجرها من عنقها وهي غير كتبلق ) شكون هادا لي كيدرليك الطرف هههههه
طلعات معاها وحناكها تزمگو شافت فيه من بين رموشها كاطل عليه وهو مهبط يدو مع ضهرها تاوصل لنصها وهو يزير عليه
نصر .. ادوي المشة ديالي قول أنا لي درتليك الطرف ؟؟ ( هبط عضها من الشحيمة ديال ودنيها ودوا مثقاااال ) ايوا هنا يبان ليك العربون ابنت قلبي
حشمها فبلاصتها بغيت غير كدور فدوك العوينات شافها غرقات فحوايجها باسها من حنكها ..
رجع كيطاپي فالپيسي بقات كتشوف فيه تاهضرات .. نصر العيد باقيلو سيمانة ..
نصر .. ( حركليها راسو ) تماما وغانمشيو انا ومراتي الزوينة للفيرما نعيدو تم ..
زينب .. نصر ..
شاف فيها كيتسناها تنطق .. ن نتا د دابا عا عارف انا و وخالتي و ا اخر ..
نصر .. غير كل واحد ياخد تيقارو ماغايوقع والو مولفين حنا الخوت كاملين كنتجمعو تم كندبحو عند الواليد نيت عندو الحوالة وكولشي، وانا غانحاول نصلح الموشكيل ..
نصر .. ( تعصب ) وشنو الحل يالاه عطيني شنو الحل نقطع الصلة بالراليدين ولا كيفاش
زينب .. أنا مكنقولش ليك قطع الصلة ولكن صافي الله اجعل شي باركة انا نبقا بعيدة مافيا لي يخسر هادشي لي فكرشي تاني بسباب مك
نصر .. ( ردخ البيسي بالجهد ) قاااادي هضرتك وعرفي شنو كاتخرجي من فمك، عارف الواليدة غلطات لا غلطات غلااااط كبيير وكبيير بزاف وراني لدابا ماكندويش معاها جايا ل 3 شهور وزايدون بعدناها من المدينة كااع ولكن راه ماتبقااا الواليدة ازينب لي ولداتني وكبراتني حتارمي راسك
زين ب.. ياااك دابا رجع عليااا انا لي نحتاارم راااسي وااخا اسي نصر ماقلتي عيب انا نمشي نعيد مع دارنا ونتا سير عيد مع داركوم ومريضنا ماعندو باااس
نصر .. دابا شنو بغيتي دوي شنو بغيتي مانمشيوش نعيدو تم ؟
زينب .. ماقتليكش ماتعيدش مع داركوم انا ماشي مسمومة ولا خايبة لي غانحرشك ضد داركوم ولكن خالتي تبقا بعيدة عليا وماتهضرش معايا ولا دوي معايا ابدا ونتا تبقا معايا طول الوقت ماتخلينيش ابدا ابدا ..
تنهد مهبط راسو عارفها خايفة من آخر ماوقعليها وأصلا داك الحدث هو لي كيخليه فكل مرة يتراجع على أي حاجة ويتبت راسو .. واخا الالة غانكون معاك، بطبيعة الحال ماغنخليكش بوحدك ...
حركات كتيفاتها .. صافي دابا مزيان قلتيها زوينة ..
نصر .. غانمشيو حتا يصبح غدا العيد ..
زينب .. لا احياتي ماعنديش موشكيل نمشيو تاغدا المهم غير تكون معايا أما أنا ماكرهتش نمشي تانا نشوف الفيرمة ..
زينب .. لا هاد المرة جاني الوحم عادي مرة مرة لي نتروع وصافي
نصر .. لا جاك عادي نيت ههههه
زينب .. ماضحكش عليا راه ولادك هادو
نصر .. الله اجيبهوم على خير اكبيدة هادا هو الموهيم ..
ضوماندا ثاني على الغدا من برا تغداو هي وياه كيحاول إبعد على المواضيع لي يجبدو الصداع وتلهاو غير مع بعضياتهوم كيدلعها ويكحسسها اميرة ففراشو، حيت قلبو باقي كيحس بالذنب على داكشي لي عاشت وعارفو ماشي قليل المهم غير مين دوزو هاد الازمة راه بيخير، دارو فيلم فالبيسي وعنقها عليه كيتفجو او نقولو هي كتفرج اما هو كيخمم ويفكر فلي جاي وبزاااف دالحوايج الجانب دمو وزينب مايمكنش ابقاو هاكا دييما وثاني مسؤولية ولدو ولا بنتو لي جايين فالطريق وطبعا غير كتغرز صفة الابوة فيك كاتبقا تفكر لمستقبالهوم وتربيتهوم وبزاف دالحوايج .. وفنفس الوقت فراشتو لي كاينة حداه ايحاول إوفرليها شنو بغات باش تعيش مرتاحة وتبعد على الازمة لي عاشتها فآخر الاوقات ..
ناض فالصباح قربليها الباليزا والحوايج هي غير كتشوف شنو غاتدي وتحطهوم وهو يعاونها يمد وكيجمع الحوايج لراسو، تاسالاو عاونها فاللباس كسوة خفيفة فالابيض بكاب من الفوق بحال عباية فالغوز بييي بشبيكة من الراس داليدين وصايبت شوية ديال الميكاب وحطات زيف ابيض فيه وريدات فالغوز على راسها، شاف فيها مبتاسم باسليها راسها وجابليها جوج ديال العكاكز حطهوم ليها .. هبط هو الباليزا ديالهوم وهي من موراه بشوية بالعكاز دخلو فالاسانسور متكية على كتفو، كتحس بالراحة مين عرفات بلي ماكيخونهاش وفنفس الوقت بقا فيها الحال حيت شكات فيه .. وحسات بالذنب فديك البنت ..
ركبات فاللوطو وركب حداها متاجهين لأكادير دايرا الموسيقى وناشطة فرحانة ماحساتش بالطريق نهائيا من غير شوية دالعيا، وهو كل شوية يسولها .. واش اوقف .. ولا يحبس .. واخا غادي بسرعة مزيانة ملتازم القانون السرعة تقتل، وصلو لاكادير وعاد شدو الطريق ل 44 وفديك الطريق كاينة الفيرمة ..
ورجعات متكية راسها على الشرجم وكتفكر غير الله اخرج هاد العيد على خير وبيخير ..
وصلو للفيرما، وقف الطوموبيل فالدخلة وهي كطل وتشوف الصور طوييل وهلي فين واصل، تافتحليهوم العساس الباب دالحديد، عاد ديمارا داخل وقف حداها ..
العساس .. مرحبا بسي نصر نهار كبير هادا عاش من شافك
نصر .. باركة الله فيك كيداير مزيان الصحيحة هو هاداك
العساس .. الحمد الله اودي هو هاداك
نصر .. المدام الدراري كولشي صاڤا
العساس .. ( ماكيطولش فيه الشرفة على حساب زينب ) الحمد الله اسي نصر الحمد الله موش ربي الخير ( الله اعطيك الخير )
نصر .. أگ كيين اسي حماد ( حتا نتا اسي حماد ) ..
دخل بالطوموبيل وزينب كضحك .. عندكوم الكلمات بحال ديالنا
نصر .. وراه ماكيتخالفوش بزاف سواسة وشاوح غير شي كلمات بساط علاما كنضن ..
زينب .. ههه المهيم امازيغ .. ( كتشوف فجنابها الشجر دالليمون كاملين على الدخلة وواخدين مسافة كبيرة ) هادشي كامل شجر دالليمون ..
نصر .. ( حركايها راسو ) واخدين ستة دالهكتارات من ليمن وليسر ..
زينب .. ( بصدمة ) تباااارك الله ..
نصر .. وعاد كاين أرگان من اللور ..
زينب .. هادشي كتبيعوه
نصر .. بطبيعة الحال كاناخدو شوية لراسنا وكتبيعو الباقي ..
جر زينب لي عجبها الحال عجباتها كلثوم وعاد مرا كبيرة تقريبا قد سليمان ولا قل منو بشوية حيت تكون فديك السبعينات مسكينة وكااالسة دايرا النضاضر وتنقي مين دخلو بقات كتشوف الزليج البلدي والكبس مزخرف دخلو كان بحال الرياض لداخل غير هو مغطي من الفوق، بلا ضواية، نصر بقا كيعيط للواليدة وزينب واقفة وكتنهد تاكتشوف ربيعة خارجة من واحد الصالون بواحد القميص وزيف ديالها كيف العادة .. شافتو وهي تعيط عينيها مدمعين
ربيعة .. نصصصر ولدي ..
شافت زينب فيها وهي ترجع مور نصر وربيعة ماداتها كاع فيها جات كتجري لعند نصر وعنقاتو تاقطرو عينيها بالدموع، هز نصر لمو يديها وباسها ورجع باسليها راسها
بقات كالسة حدا نصر والصراحة ميمونا فوجات عليها مسكينة قالباها صباط مع ربيعة، وجات حتا كلثوم كلسات معاهوم، ونصر حاط يدو على لوسادة مور ضهر زينب وفيدو الاخرى التيليفون وهي كالسة جنبو متبعة معاهوم شي تفهمو شي لا وخصوصا كيهضرو بزربة كتشوف فربيعة ودور فراسها سلامها دقبيلة، شنو زعما تكون خواتها من راسها مايمكنش كاع داكشي لي دوزات عليها وعلى نجلاء زعما تاقات فيهوم وجه الله فهاد 3 شهور بحالي تقول مشات للحج، ولا دخول بنتها للحبس لي خرجات يالاه خرجات شهر دابا دار فيها شوية دروح ..
بالها تشغل مارا حتا حسات بيدين نصر نغزوها من كتافها وهي دور شاف فيها غوزعا كيسولها زعما مالكي بانتلو شاردة وهو نيت داير التيليفون على ودنو حركاتلو راسها بلا وتم نيت ناض واقف كيهضر شافتو خرج للبرا بقات هي كتشوف تاقربات ليها كلثوم ..
كلثوم .. اييه ابنتي مشاء الله عليك نصر دا الزين والرزانة ..
ميمونا .. ( حطات يديها على كرشها ) بنو دنصر هادا بنو دنصر ..
كثلوم .. اييه ايما جاينا حفيد ..
ميمونا .. افرحي افرحي ( طبطبات على كرشها وربيعة غير كتشوف وحاطا اليد على اليد ) الله افرحكوم ..
زينب .. اميين اخالتي ..
بابتسامة فرحات حيت تعاملات بحال هاكا وكلساتها حاداها وطبطب ليها على يديها وعلى ضهرها ..
تاكتشوف نصر دخل هو وسليمان وعبد الكريم ..
تسالمو ناضت حشمانة سلمات على سليمان باستلو اليد وعبد الكريم فيدو نعمان غير من بعيد بلى ماتمدلو يديها ورجعات كلسات حدا نصر، وبقاو مجمعين، نصر لي كدوي ولوخرين وهي غير ساكتة تادخلات نجلاء هازا فيديها عبد الرحمان كانو سبقوهوم هوما وجابهوم سلمات على زينب وعلى الباقية وكلسات حداها كتسول فيها، تاطلعات زينب عينيها لقات ربيعة كتشوف فيهوم بنص عين ورجعات دورات عينيها لنجلاء ..
زينب .. كيداير حالك مع خالتي ..
نجلاء .. خلي الجمل راگد ..
زينب .. ياك لاباس ؟
نجلاء .. رجعات عينيها ليا ثاني غالله استر وصافي
زينب .. واش هادي حمقة ولا مالها
نجلاء .. مابقا مايتخبا أختي راه قتليك راه لي يقتليك ولدك فوسط كرشك بلى ماتزيد تسناي منو شي حاجة ..
زينب .. على وجه نصر أما والله مانعتب هنا
نجلاء .. أودي دابا جيتي غير بقاي معاه ولا شتي بقاي غير حدا خالتي ميمونا راه هي وياها دايرين كيف العافيا مع الما
زينب .. هههه دخلنا عليك بالله
نجلاء .. اييه عنداك يقوليك عقلك راه غازهايمر السيدة نهار كتعقل تاتحدهوم فخطرة كتعقل على الصغييييرك والكبيرة ومرة مرة تاسمشيليها العقل فخطرت ونهار كايرجع ( ضحكات بشوية ) والله أختي تاموتي غابضحك كتخرج منها السمن الحر ..
زينب .. قول السيدة عكوزتها مدوزاها عليها داكشي باش كدور ليا
نجلاء .. علاما عاوداتليا خالتي كلثوم ربيعة كانت من واحد الدوار مضاضين مع ضوار عمي ايوا وهاكاك وجابها وباه ماكانش باغيها وطبعا تاخالتي ميمونا وداكشي باش مشا لمراكش ودا مراتو ..
زينب .. هاااكاك قول القضية من بعيد الزمان
نجلاء .. ( حركاتلهيا راسها ) اييه كون تشوفي عيالات لوايسها (( كتشرحليها ) مراوات خوتو دعمي راه نهار اطلاقاو الحرب انوض
زينب .. ( غير كتسمع ) هااكاك
نجلاء .. ااه ومزاال غير بلاتي خسك اگلسي مع خالتي كلثوم وماتكونش خالتي وتشوفي اش تبدا تعاودليك ونيت نعار العيد راه كيتجمعو كاملين من الكبير للصغير حيت هنايا دار خوهوم الكبير عمي ونيت فين كاينة خالتي ميمونا هي كبيرة العائلة وتشوفي اش كيوقع هههه حضرت مامرك ماجوج على الحروب هاكامالي هاكاوا
سليمان .. كيدايرا ابنتي لاباس عليك مبروك ابنتي حملك الله يتبثو ويرزقنا شي درية صالحة ( شاف فنصر ) تربيه بالخلق الحسن وتكبرو على اعراض باه ..
نصر .. امين الواليد الله اطولينا فعمرك ..
تحط الغدا من عند الخدامة مرات حماد العساس واخا ربيعة لي ناصباه، ولكن كتخلي الخدامة هي تقادو وتحطو، تجمعو على الطبلة النسا بوحدهوم وتحط للرجال بوحدهوم سليمان ونصر وعبد الكريم وبوبكر خوه دسلينان لي موراه جا يشوفهوم تاهو ساكن فالمدينة ديال تارودانت لداخل ..
تغداو وميمونا حداها كلثوم مسكينة هي لي تقطع وتعطيها، واخا تاهيا مرا كبيرة ومسكينة تزوجات ومارزقهاش ربي بالولاد وكانت تطلقات وبقات هاكاك مع مها وخوها لدابا ..
الفيرما كانت ديال جدهوم ونهار مات، سليمان شرا حق خوتو كاملين بقات غير مو فيها وبقات تاختو ومن العيد العيد كيتجمعو خوتو كاملين عند مهوم ..
ناض سبقها شد فيها حيت هي مزال كتعكز تاوصل للدروج وبقا طالع بشوية كاتجي حشومة يهزها، والدار عامرة .. الفوق فين كانو البيوت واحد حدا واحد دايرين الدورة وكيطلو على لتحت بالشبيك داير بحال الرياض تماما مي من الفوق مغطيا الدار .. مشا بيها بشوية تاوصلها لواحد البيت وحلها ودخلات هي من مواه كتشوف فيها، زوينة عادية فيها تميم مغربي قديم والشراجم نازلين يعني لافتحتيهوم تقدري تخرجي غير منهوم لبرا بلا باب وعاد قدامهوم اسباب تحطي حداهوم الورد ولا لي بغيتي، وزاجهوم باللوينات الحمر الصفر الخضر لاكان الطو كيعطيو لوانهوم، عجبها داكشي جاها ديكور زوين بحال الرياضات دمراكش وفاس الكبار واخا هادا غير عادي ..
كانت تما ناموسية ديال جوج صغيرة شوية، وواحد الماريو ديال الخشب وزريبية مخددومة باليد بلدية ..
نصر .. هاد البيت مخصص ليا فينما كنجي كنبات هنا وعمتي عزيز عليها كتسدوليا بالساروت وتبقا مرة مرة تنقيه وتقادو ..
زينب .. ( كلسات فوق الناموسية ) مسكينة زويين والله ههه كتبدل الروتين دالحياة دالمدينة كتحس راسك فالعروبية
نصر .. كيبتاسم وهو كيفتح الڤاليز ) ماحضرتيش على وقت الضواية بالشمع هههه راه انا هنا كبرت كل قنت من هاد الدار كاتلقايني لعبت فيه ولا درت شي موصيبة ..
ربيعة .. بعدا عندي فين نديوها اما نتي لا دنيا لا اخرة
سليمان .. نوضيي خرجيي منهنا يالااه اييوا
ربيعة .. ياك الحاج تاوليتي بشلاغمك وماخليت مادوزت معاك وترجع تجري عليا هانتا شفتي كنا سمن على عسل غير جات مرت ولدك وهي تشعل
ميمونا .. ممم السمن قاتلييك والقطراااان القطرااان
سليمان .. وسيري بدلي ساعة بخراا سيري ..
خرجات ربيعة كتعتب وتعاير هي نفسها حارة وواعرة واعرة واعرة وتقبيلتهوم معروفة عليهوم من زمان الوعورية، ماتسكتش وليانها مقطر، عكس ولادها بحالي تقول ماخرجوش شادين ليها كاع مزال بناتها غادين معاها فالخط ..
دارت ميمونا عند سليمان .. اش بانليك تعاود الزواج هاد المرا مابقات عاجبني
كلثوم .. ويما اش سايرة كتخرفي الله اهديك فين مازال با يتزوج
ناضت ديك العشية هبطات غير تعشات مع نصر ورجعات نعسات كتحس بالعيا فيها ..
ناضت فالصباح كتسمع الفروج من بعيد كيغوت بحلقو، دورات عينيها كتشوف نصر ناعس على كرشو بضهرو العاري، عوجات فممها بالضحك وهي دور نعسات على ضهرو تاحساتو كيتحرك ..
نصر .. حبيبتي ( جرها من يديها ودار عندها ) صباح الخير
زينب .. صباح النور ..
نصر .. كيصبحتي هو هاداك مزيان
زينب .. بيخيييير ..
نصر .. ياكما ضرك البرد فليل بقيتي معرية ( لابسة غير دوبياس )
زينب .. لا لا الجو سخوون ..
نصر .. ( قربهاليها باسها فعنقها ) الحمد لله ..
زينب .. نوض يالاه باش توريني الفيرمة ..
نصر .. ههه ( كيحيد ليها الشعر على عنقها ) ماتعطينيش حلوتك بعدا ندوقها فهاد الصباح مم ..
تهرات كضحك بشوية يالاه قلبليها غايبوسها بشوية ففمها تاكسمعو شرااااااااخ مع واحد الغوتة ناضو قافزين من فراشهوم ..
حيد بسرعة الغطا عليه ونايض اشوف وهي بقات دايرا الغطا على سدرها ماعرفات فين ترض الراس ..
هزات التيليفون لقاتها العشرة وكتسمع الصداع لتحت شافت فالباب كتسنا يرجع نصر ارد عليها بشنو كاين وهي ماعرفات مادير رجليها مفروعة من لتحت ..
تاشوية كتشوف نصر راجع معصب دخل ردخ الباب ..
نصر .. لا حول ولا قوة الا بالله ..
زينب .. نصر شنو كاين ؟
نصر .. ( معصب جبد التيشورت نعصب ) صبحنا لله يخ على صباح ( شاف فيها ) رتاحي شوية هانا راجع ..
زينب .. نااصر نننصر ..مشا بسرعة خرج وسد عليها الباب، بقا كيخسها تعرف شنو كاين، نفخات فبلاصتها كتسمع غوات ربيعة وكلثوم عرفات القدية فيها ان حيدات عليها الغطا وتحركات شوية تاوصلات لراس دالناموسية وبقات كتفكر واش تهبط ولا اش غادير، حاولات تمشي على رجليها لوخرا وكتعكز غير بالگدم درجليها تاوصلات للماريو وهزات واحد البيجامة كتجي طويييلة، وهزات زيف حزمات بيه راسها مخلية الزيف نازل على كتافها، ومشات عاد تحركات لعند الكاز هزاتو ومشات خارجة من الباب كتسمع السكات الهضرة قلالت وغير صوت نصر لي كيهضر، هبطات من الدروج شافت طبسيل مشتت مبالكامون فالارض عرفاتو هو لي غايكون دار داك الصداع مشات تادخلات من اللور لقات ربيعة كالسة مربعة يديها معصبة وكلثوم حدا ميمونا كيشوفو فيها شوفات القتيلة وعاد واحد المرا وحداه بنت من الجهة الاخرى كالسين والمرا كتشوف نافخة ريشها وحداهوم نجلاء گالسة وفوق حجرها عبد الرجمان كيلعب فالتيليفون ..
ربيعة .. اشووفي ادييك هااه وحق ربي لي رزقني يتانشفي فيك لي يسوا ولي مايسوا ..
زينب .. ( مصدومة بشوية هضرات) ويلي ويلي ستاغفريت الله
نجلاء .. ( بضحكة غير بينها وبين زينب ) هه ماشتي والو الخير جاي لقدام ولاهيلا قاليك جايبينليه مرا وهي السيدة مابقاليها والو تموت
مصدومة مامايقاش .. أويلي واش كيدابزو هاكا عادي زعما عندهوم، كيفاش مرة جديدة مافهمتش
كلثوم شافت فزينب وهي تهضر .. صباح الخير ابنتي كيصبحتي
دارو البنات بجوج شافو فيها وهضرات زينب .. أنا أخالتي ..
حركات ليها كلثوم براسها ناضت ربيعة خرجات معفرة ماداها فيها حد وهي تجاوب زينب .. لاباس اخالتي الحمد لله
ميمونا كتشوف فيها .. شكون هادي ؟
كلثوم .. مرت نصر امي مرت نصر
ميمونا .. وشكون نصرو ..
كلثوم .. ميمتي سكتي اعار ربي ..
المرأة دارت عند زينب كتشوف فيها .. نتي نرت نصر ..؟
زينب .. ( شافت فيها ماعرفاتش شكون والبنت لي حداها كتخنزر فيها بقات زينب غير مصدومة ) اه انا ..
المرأة .. ااه ايوا تبارك الله تبارك الله
كلثوم .. هييه شوفي الزين والتباتة مشاء الله ولد خويا عرف شنو يختار
المرأة .. ( بضحة صفرة ) ايوا تاهنا راه كاين الزين وتباتك غير ماشافو شاي ..
البنت .. ( غليضة وكاتبان فالعشرينات ولكن وافية شافت فمها ) مي انا مشيت عند با نشوفو
المرأة .. سيري ..
دازت البنت من حدا زينب كتقلع فيها ومشات زينب بقات غير كتوف قشعو شوفاتها لاهيا لا نجلاء .. مال هادي
نجلاء .. هههه هادي راه تاتموت على راجلك ..
زينب .. اوييليي ..
نجلاء .. اييه احبيبتي وشحال هادي كانو باغينها ليه وربيعة حررات عليهوم العيشة قاتليهوم والله لادخلات لداري ماهية بنت عمو ومها مكاتحاملش مع ربيعة ..
زينب .. ( ضحكات ) اول مرة ديرها ربيعة مزيانة ..
نجلاء .. ههه وراه عندك هنا ناري يا ختي راه وحدة ماتحمل لوخرا وشي كيفحفر لشي عرفتي شحال من واحد كان عينو على نصر نهار العائلة سمعاتو تزوج شداتهوم الصدمة
زينب .. فين كتعرفي نتي هادشي
نجلاء .. الحيوط عندهوم ودنين وزيدها راه انا ديما هنا نسيتي عيد الكريم خدام هنايا مكنجيش غير فالعيد فبزاف ديال شهورة وكنحضر على كاع العضرا لي كدور ..
زينب .. قوليلي بعدا اش وقع فالصباح
نجلاء .. هانتي انا اصلا جيت هابطة كنسمع كلثوم وربيعة كيدابزو ومرات بوبكر واقيلة سميتها حياة ولا منعرف اش سماها الله، موهيم دخلات هي وبنتها وتزادت الهضرا .. تاقاتليها خالتي كلثوم نجيبليك الضرا وهي تجبدليها خالتي الطبسيل وشتتاتوليها تاغوتات بنت بوبكر هي ومها وهي تنوض بيناتهوم ..
زينب .. وتاهادو مساليين قبهوم واش من كل جدر عقلهوم غايجيبو لسيد مرا جديدة وهو فعمرو 70 عام وييلي ..
نجلاء .. انا راه كنموت غير بالضحك ويلي ماشتي والو دابا هاد عمي بوبكر راه هو لي كيعيد معانا هنا هو وعمي حمد باه دياال بسمة وحنايا وخلاص نصر ..
زينب .. دابا هاد خيتي بنت عمو ؟؟
نجلاء .. ناري هههه بقا عقلك معاها ماتديهاش فيها اصاحبتنا راه لوسييي مايشوف حد من غيرك وايلي واش تانتي نصر باقي صغير باش ادير هاد الخوا الخاوي كون كان بغاها كون راه يتزوج بيها مين كانت بغاتهالو خالتي كلثوم
زينب .. قوول كلثوم هي لي كانت بغاتهالو
نجلاء .. اييه وحتا عمي سليمان قالو زعما هادي بنت خويا كون تخطبها ولكن خالتي نوووون دارتليهوم موتا حمارة مالها حمقة تجيب بنت عدوتها لدارها
زينب .. اييه فالحة تجيب غير بنات الناس المرضيات وتحرث عليهوم
نجلاء .. ( تنهدات ) اودي كنا تدين تدان تاهية راه عاشت الحرب مع عكوزتها ولواستها معدرتها تخرج فينا الحر
زينب .. الله استر وصافي داكشي باش خلخلوها
نجلاء .. والله مانكذبش عليك انا بعد المرات كاتبقا فيا فخبارك راني قتليك والله تابعد المرات يجيها قلبها عليك وتحن عليك وتعاود معاك انا شحال من مرة تعاودات معايا وكانت تعاودلي نيت على شنو كانو يديروليها راه معدرتها يأثر ليها داكشي على عقلها
زينب .. اختي انا عمرني نتيق فيها نون اويلي واش السيدة ماحنات تافولدي كتشوف بنتها كترفس عليا ولا قاتليها وقفي ولا تنوض تحامي والو
نجلاء .. شتي بوووشرى راه السم شناهو السم الما القاطع وعمرك تشوفي معاها الخير ديك السيدة هي هاكاك وراجلها نيت باش تزوجاتو راه سحراتلو وهادي تبقا بيني وبينك
نجلاء .. ( حركات راسها ) اييه غير سكتي هادي سمعتها غير واحد النهار بينها وبين ربيعة وكانت ربيعة كتغوت فيها وتقوليها سسسري توبي غير لراسك يعني باش تعرفي خالتي راه ماشي قلبها كحل ومسوس اما كون راه وكلاتك شحال هادي شي موصيبة ولكن بنتها ماكاتقدش عليها قاصحة قاصحة
زينب .. ياختيييي وشوووفيليك الخانزة معدرت نصر دخلها للحبس
نجلاء .. شتي انا راه باقا كانتسنا شي موصيبة منها حيت لي عارفة بشرى محاااااال واش تخرجليك هاد الحبس على خير وهاهي وقولي نجلاء قالت راه عشرسنين وختك فالدگااان تريكتهوم حافضاها من الراس تالساس ..
مع سالاتها دخل موراها عبد الكريم وهي تنوض نجلاء جمعات الوقفة بعد ماكانت دايرا رجل على رجل وكتسمع لزينب دون ماتهضر وزينب غير شافتو سرطات ريقها تاضارت ربيعة تشوف اش شافو
زاد فربيعة كيشوف فزينب .. راه هادي مي لي كتهضري معاها ماحشمتيش زعما مرا كبيرة قد مك تعامليها هاكا ..
زينب ضبها السمك غير كتشوف يالاه غاتهضر لمياء سبقات ربيعة كتشدو من يدو
ربيعة .. ولدي الله اهديك ماديرش فبالك اولدي راها مرات خوك على وجه نصر
عبد الكريم .. نصر بيدو اشوف هادشي راه ماغايعجبوش الحااال تاقي فيها غير وجه راجلك بعدا
ربيعة .. ( كتمسكن ) اولدي صافي نعل الشيطان راها حاملة راه نصر مايبغيش
عبد الكريم .. على وجه هاد الواليدة لي عايرتيها وقللتي احترامك عليها وهاهيا دابا مترغب باش نبعد منك غاندير به ونسد الموضوع هنا ولكن النهار لي غانعاود نحصلك ماغاتلومي غير راسك ( مشا خارج خلاهوم تم )
زينب مسكينة تصدمات شداتها اللقوة والبكية عينيها غرغرو مارضااااتش خصوصا عب الكريم ماعندهاش معاه شي علاقة وشوف شنو دارليها حسات براسها فالغربة ومالقات لي يحامي ولا يطاكي عليها شافت فيها ربيعة ..
ربيعة .. لكنتي مرضية الواليدين بصح خلي لي وقع هنا يبقا هنا حيت لاوصلات لراجلك راكي عارفة اشنو غايدير حيت لامشيتي تافرقتي بين ولادي قدام عيني غاتشوفي لي عمرك شفتيه ..
مشات تاهية خرجات وخلات زنب مبهطة ميمومنا من الصباح وهي تغوت بسوسية وباغا تعرف اش طاري غير خرج كولشي زينب عينيها دمعو وطاحت دمعة باردة على حنكها تاعفات داك الفطور ومايجي منو طلعات عينيها كتشوف فميمونا كتسولها مسكينة وباغا تنوض وماقادراش مرا كبيييرة لما داوهاش ماتمشيش .. ابتاسمات ليها فعز دموعها ودارتليعا براسها لا زعما ماكاين والو ورجعات هبطات راسها مغطية عينيها كتمسحهوم وكاتحاول تكبت فقلبها هادشي حتا الفطور ماعرفات مين دازليها وخاطرها تروع، شافت تيليفونها كيصوني هزاتو لقاتو نصر، عرفاتو باغيها تخرج لعندو، ناضت بشوية وهزات عكازها ومشات غادا بشوية تاخرجات لعندو كان واقف مع واحد الخدام جا شدها من يديها وشافليها فوجها
نصر .. مالكي واش عيانة ؟ ياكما بغيتي ترتاحي
زينب .. لا غير راسي ضارني شوية
نصر .. صافي اجي نرجعك للبيت ترتاحي
زينب .. لا لا لا ديني فين باغي تديني انا باغا نبدل الجو
نصر .. واخا يالاه انمشيو نشوفو الحاولي ديالنا ..
زينب .. ( بابتسامة ) واخا
متكية عليه باليد الاخرا وغادي بيها بشوية والخدام كيهضر معاه بالشلحة وهي مرا مرا تطلع عينيها فيه وقابضة على يدو العرييضة كتفكر لا عرف شنو واقع شنو غايدير يقدر ادابز مع كريم حيت راه مغايرضاش لي يغوت ليه على مراتو كيفما كان الحال علىًالاقل اعيطولو هو يتكلف ماشي اغوت عليها هاكاك ..
تناديك رغبة عشقي إليك الجزء السابع
محتوى القصة
التنقل بين الأجزاء