سميرة:اهيااا نتي هااه حيدي يديك على ختي ولا ميعجبك حاال مزياان تبارك الله وااا حربوش حطي عليها يديك لماا نجبد جنوي راني منتسمااش 🗡
فاطمة :تقااي الله الحاجة
سميرة :سير اختي اشبغييت ليك
فاطمة: لا لا اختي غاا دعااوي لا دعااوي لا
مزاال مكملو كلامهم تاا كيباان ليهم ناازل من دروج كاان لابس هاد لمرة جلابة بالأبيض صيفية و فيها سفيفة بالأسود و داير ساعة يدوية بالأزرق و ذهبي و داير نضيضراات ديال شمس
غااا نزل باانو ليه مجمعين و دار شااف فرجاء لي كانت كضحك مع حنان مكرشخين بضحك
فاطمة: ولدي جيتي
هزاات فيه رجاء عينيها لقاتو كيشوف فييها زاادت وسعاات فيه عينيها و طلعااتو من رجليه لفوق ناااري تيتيز هاادشي بزااف عليها
حناات رااسها لارض بعدما كملات تبركيكها و حنان قرصااتها زعماا كتقوليها شوفي زين و ليني لقريص رااه ماشي مع فحاال هااد نوع غوتات رجاء على جهدها بصوتها لي محلون خلوق
رجاء:أيييي رجلي
فاطمة : ماالك ابنتي واقعة شي حاجة
سميرة : لااش كتسولوهاا و هي بااينة لباارح دوزات لحرب لعالمية الثالثة
فاطمة حنات عينيها بحكم كتحتارم ولدها :ويلي ويلي
أما حنان دورات وجهها و ضحكة مقاداش تشدها
أدم لي حنحن بصوتو قبل ميتكلم :احم احم رجاء أجي واحد دقيقة
بقاات مرمية ففرااشها بحاال شي بنت عاااد كدوز مرااهقتهااا كتحس بقلبهااا كيخفق بجهد بغاااا يسكت كتغمض عينيها كتبان ليه صورتو فاش تزادحات مع صدرو و نظرات لي كيدير فيها
تاا حلاات عليها حنان الباب
حنان :ايهااي هاااي على العاشقة الولهاانة
رجاء : شي فيلم هندي هذا ؟؟
حنان : هههه فيلم مغربي عنوانو رجاء و فقيه الجامع
رجاء: ليعطينا وجهك نزلي معايا نقادو لكوتي
حنان كطنز عليها :ههه امممم بغيتي تقاديه لينا ولا لفقيه
رجاء : وااش غتبقااي شادة فيا ولا شنو ؟
حنان : هههه مكاين لي يفكك مني ليوم
رجاء : اهاااااه اواا شوفي لي يفكك نتي مني دباا
مشات رجاء كتجري عندها و هي هاربة تاا شداتها و سدات لبيت شداات لوساادة و بداات كضرب فيها و رجعوها حرب وساايد بيناتهم تااا تهدو
حنان : اووف عيينا
رجاء:يالاه نزلو موك تعطلنا ههه
حنان : ههه غا زيد زيد بجوج راه انقاادو امورناا دغيا
مشااو دخلو ليك البنات لكوزينة و كفضو حواايجهم و رااكم عاارفين فاش كيتلاقاو الحادقاات فكوزينة وحدة حنان داارت المسمن و كتخبزو و رجاء قداات كيكة بالكاكاو دارتها فثلاجة و دارت الكريب و حريشات صغاار عمرااتهم بالفرمااج و دارت بيتزات صغااريين
حنان غاا كملات المسمن عمراات اتاي و القهوة و قدات عصير د ليمون جابوها نيشان
كاان بداا كيودن المغرب
رجاء :الله على اذان كيف داير ماشي فحال لي فدربنا تقولي جاريين عليه كيقول غا انتا يسالي
حنان : ههههه و بسيف مغيعجبك حيث راجلك لي كيأذن ليعطسنا وجهك
رجاء: اربي
حنان قربات لوجهها : صباح الخير
رجااء :نااري يا ختي صوتو زوين تلقا شحاال من وحدة مزعوطة فيه غا من صوتو
حنان :هههه ضحكتيني نتي غااا مزعوطين فيه و سكتي تي رااه شحاال من مرة لبنات كيجيو يخطبوك كيقولو ليه غا تزوج بينا حنا نصرفو
اوا هنا رجاء تقرصات : ماالو شكون هو بسلامة شاروخاان تبقااي تزيدي فيه تما هزي هزي صينية واقلة مغنديرو لكوتي تال لعشا
مشااو حطو صينية و بدااو كيااكلو فجو مليء بالضحك و النشااط تا جاا ادم لقاهم باقين حاطين طبلة لقا عليهم سلام غسل يديه و جا كلس
و نااضت رجاء تسخن ليه اتاي و لبيتزا و جا حنان تا هي و هما يجبدو لحديث تاني
حنان :ولاهيلا خويا زوين
رجاء :اواا بزعط زدتي فيه خويا خويا لي سمعك يقول هو ريتيك روشان واخا خوك زينو فشكاال و معمري شفت بحاالو و ليني راه خايب
( إييخ منو عيني فيه )
فهااد لقطة بضبط كان ادم متوجه لكوزينة بغا يشرب و سمع كلامها و بتاسم هي لي غا شاافتو عضاات على شفاايفها و كتويل فنفسها
رجاء: ويلي ويلي ايكون سمعني
ادم :غا كملو هضرتكم انا انهز غا كاس د الماء و نخرج
اوا غا خرج ادم رجاء ضربات على رااسها :علاش انا مكنسكتش
حنان : أختي منك لرااجلك انا مدرت واالو
رجاء: اييه اشعالت العوافي مدرتي والو انا لي دايرة فيك راسي دخلي حطي ليه انا منقدش نشوف فيه دبا
شاف جهة رجاء لي كانت داخلة لكوزينة حتا وقفها بصوته ..
ادم : رجااء
وقفات بتوثر دورات وجهها جهته وردات عليه
رجاء : نعام ..
ادم : سيري لبيت انا جاي بغيتك فواحد لموضوع ..
دخلات لبيت كتشوف بتوثر دقائق قليلة وكان دخل ادم ..
جلس جنبها ف السرير .. و مثبت عيونه على عيونها .. وهي غير كدور فيهم من كثرة التوثر ..
شد ليها فيديها لي كانو سخان بويض و حميمرين .. ونطق ..
ادم : انا عارف لماضي ديالك عارف كلشي .. دابا تزوجتي و ان شاء الله غديري ولادك حتى نتي غتكوني كبرتي و غتحسي ب خوفك على ولادك و بالمسؤولية و كلشي .. ( هز يديه كيدوزهم على خصلات شعرها ..)
انا مبغيتكش تبقاي كتعاملي مع واليديك ببرودة .. هوما بغاو غا مصلاحتك و خايفين عليك (ضحك بخفة ) واخة نتي كطيري مع طيور
قبيلة تلاقيت سي دريس كان قريب يبكي مسكين .. مگتسوليش فيه
واليديك هوما كلشي هوما الحياة ارجاء واخا يديرو لي دارو كيبغيوك و كيبغيو غير مصلاحتك ..
سمع صوت شهقاتها كان دموع نزلو اثناء كلام ادم شافت فعينه و نطقات ..
رجاء : بصح غلطت فحقهم بزاف .. اهئ
بدون شعور منها تلاحت على حضنه كتبكي وهو كيمسح ليها دموعها..
ادم : الجنة تحت اقدام الأمهات .. ماماك ا رجاء نتي لي عندهم كوني ليهم كلشي ردي ليهم و لو القليل .. أمك ثم أمك ثم أمك ثم ابوك ..
مسحات دموعها كتخنصص ..
رجاء : بغيت غدا نمشي عندهم ..
ادم : اكيد نديك عندهم .. وجدي راسك صباح .. وحاجة اخرى ارجاء مزال خاص نهضرو عليها ..
رجاء : شنو هي ..
طول فيها الشوفة عينيها حمروين بقوة البكاء و شعرها معنكش ..
ادام : رتاحي دابا .. انا هابط شوية و اجي ..
انسحب ادم بهدوء من البيت .. تكات على الوسادة كتفكر لحظات دابا عاد فاقت و عاقت الواليدين ليهم قيمة كبيرة ف الحياة بلا بيهم مكنسواو والو ..
كلام ادم كان كله على صواب كل يوم كتنجاذب ليه لشخصيته و عفويته و كلشي ..
نشفات دموعها وقادات شعرها .. وهبطات دخلات لصالون كانت سميرة جالسة ف الجنب و ادم جالس حداها كيقرا عليها لقرأن بصوت جوهري .. سهات فصوته .. صوته كيجيب التبوريشة ..
حتى جات داخلة حنان هازة بلاطو د لكاطو .. هادي هي عادتهم أتاي عاد لعشاء ..
جالسين كيشربو أتاي و منها نيت كيناقشو اخبار أمور الاقتصاد و السياسة ..
حتى نطقات سميرة ..
سميرة : ادم اوليدي علاش مكتفيقنيش لجامع ..
نقزات حنان بخفة : علاه نتي أسوسن كتصلي ..
ادم عقد حواجبه بتسائل : شكون هاد سوسن ثاني ..
الحاجة سميرة .. عندها ادم مومو عينيها كتحتارمو .. و كتقدرو وهو عارف حالتها الصحية .. كيصبر و يحاول يشدها لطريق لله لأنه بعض الأحيان كتقوم ب أفعال صبيانية ..
هذا حال الناس الكبار !!
سميرة :نتا هو نواارت عيني
ترماات عليه سميرة عنقااتو بجهد و هو كيدوز يديه على شعرها البيض عزيزة عليه جدااه بزاااف
بقااات رجاااء كتشوف فييهم شحاال كيبااانو زوينين و هوما هكااااك عشقاات تاا هي كون كاانت عندهااا جدااها خسارة مكتابش لييها تشوف جدودها و ضحك معااهم و تكون هي المدللة ديالهم
حنان : لا لا أنا غادي نبكي خويا تعنق غاا جدا بوحدها و أنا
أدم : أجي عندي الحبيبة د خوها
مشات حنان كتجري تخشات فيه تا هي و هي تنقز ليه فاطمة من جنب
فاطمة : إييه كيعنق غاا لي بغاا
أدم :واايلي الواليدة هي لولة اجي اجي
بقاو كيضحكو و ترمات عليه تا فاطمة عنقاتو
و هو بقا كيشوف فرجاء لي كضحك و هو يعيط ليها
أدم :أجي حتى نتي امراتي زوينة
تقدمات عندو رجاء بشوية و خانية راسها حشمانة و كتبتاسم و تكتمها تا وصلات عندو و كحازت حنان و عنقها و كولشي بقا كيضحك
تااا لشوية و بدااو كيبعدو و ناضو كاملين بقات غا رجاء و سميرة لي كان رامي عليهم اليدي من جنابو
سميرة :زاحمتيني فراجلي زوين محشمتي مراعيتي 😑
فاطمة و حنان :ههههههههه
ادم : هههههه اوا نعنقك و نخلي مرااتي حشومة
اما وااحد رجااء بغااات تموت بالحشمة و نطقات
رجاء : عافااك بغيت نوض
ادم قرب تال ودنيها و نطق :مسخيتش
و حيد يديه و هنا هي طاارت من حداه هو لي شاافها و بقا كيضحك و فاطمة و حنان تناغزو عليها و بقاو كيضحكو تا هوما
الخاصول خاالقينها من واالو
مشاات رجاء كطير مشاات لبيتها نيشاان سداات عليها و بقاات فأفكارها لي كيديوها و يجيبوها عايشة فتناقد غا هي وراسها
ناري شحال كنزيد فيه اوا صافي راه عنقهم كاملين ماشي غا أنا
نزل دبا لتحت أيكون مشا يلاه كي حلات لباب تزاادحات هي وياه بريوس و هي تشد فراسها بجوج يدين
رجاء: أي اراسي تهرس ليا مفيهاش
ادم :سمحي ليا مقصدتش ارا نشوف
رجاء : لا لا منقدرش نحيد يدي ايخرج دم
ادم : ههههههه راه غا زدحة خفيفة مغيوقع والو
رجاء : اه خفيفة حيث راسك قاصح راسي انا لا هشيش مسكين و ضريف
ادم :ههههه ولد ناااس هااد راسك على هااد لحساب
رجاء: و حتى انا بنت الناس
ادم حيد ليها يديها من وجهها و بقا كيشوف فعينيها ووجهها البريء الطفولي بدون تردد قرب و طبع قبلة على حنكها لتامساات منها الحب و العطف و المودة من جهة و تصدمات من جهة أخرى متوقعاتهاش منو
أدم : كتباني زوينة فااش كتحشمي
اوا هناا زينة البناات تبوريشة دارت ليها بحالا مركبين ليها بريز بدون شعور ضربااتها بجرية وحدة حلات لباب موقفات تال صاالون و شداات فقلبها عاد ردات ليهم لبال ه ما لي مساتفين كي باط سردين و كيشوفو فيها بصدمة كيقولو مال هادي فراسهم
و هو هادشي نيت لي باغي كيعجبو لحال يشوفها ملونة فحشمتها
بعد قليل بدااو الأكل من بعدما قالو بسم الله طبعا
و أدم كيااكل و يشوف فيها حلف لنزل عينيه تا نطقات سميرة
سميرة : أسبحان الله اولدي ها طاجين فوق طبلة ماشي فوجهها
اوا هنا كانت رجاء عاد حطات دغما ففمها سمعات هضرتهم وحلات ليها و هي لي من صباح رادة البال لنضرااتو لي ماشي طبيعيين بدات كتكحب بجهد
رجاء: كح كح كح
بقات حنان كضرب ليها فضهرها و مدات ليها ماس د الماء جغطااتو مرة وحدة
رجاء: احم سمحو ليا
كملو ماكلتهم فداك الجو المشحون بنسبة لرجاء و المريح بالنسبة لباقي مكملات ماكلتها غا بزز
ادم :بصحتكم انطلع نرتاح
طلع أدم لبستو اوا و زينة البنات بقات واحلة تماك
مقداتش تنوض طلع لبيت و هي عارفاه فيه و بداات تلف الوقت من هنا لهنا و مجمعة مع حنان تا جرااو عليها مشات حلات باب لبيت بشوية و كطل بعيوناتها مبانش ليها و هي تنهد بأريحية و دخلات
غا دخلاات خرج هو من دوش كاان عريان من لفوق لابس غاا شورط بالأسود و الماء مبلل ليه شعرو و لحيتو و عضلاتو سداسية
كان جسمو مثالي بامتياز رجاء غااا شافتو هكاك دارت لجهة لوخرا و كتنطق ستغفر الله ستغفر الله
اشهادشي كيوقع ليها يا ربي بزاااف
ادم لي شافها اشداارت مشا قرب ليها و حط يديه على كتاافها دورها عندو و لقاها غمضات عينيها بجوج
ادم :شوفي فيا
حركات رجاء راسها بالنفي بتاسم لتصرفها و قال
ادم :حلي عينيك
حلات عينيها و جااو فعينيه نيشان
ادم : انا رااني راجلك مخصكيش تبقاي تحشمي مني
رجاء حركات راسها بالإيجاب و هو جرها لناموسية كانت لابسة بيجامة بالسماوي طويلة و شعرها هزااه لفوق بمقبط
جرها ادم لجهة النموسية و جلسها و بدا كلامو
ادم :رجاء شوفي انا راني راجلك و نتي مراتي و عندك عليا حقوق و حتى انا نفس شيء كنحتارم رغبتك الا مبغيتيش دبا و مستاعد نصبر معاك مزاال و ليني كوني متأكدة بلي يا دبا يا من بعد هادشي غيوقع
رجاء بستنكار : معرفتكش علاش كدوي ؟؟!
ادم :ههههه راكي عارفة واش مستاعدة ؟؟
رجاء هنا حنات راسها و هو باسها فيه
ادم :بخاطرك مغنبزز عليك والو
يالاه بغا ينوض ادم تا شداتو من يديه
رجاء: أنا مستاعدة
أدم بتاسم برضى :موضية
حركات رجاء راسها بالإيجاب و هو مشا جاب ليها زيفها لواه ليها على راسها و توجه معاها لفوق سجادة الصلاة و بدااا كيصلي بيها صلاو صلاة الإستخارة حسات براسها رتاحت نفسيا هزو يديهم من بعدما كملو الأدعية ناضو شااف فيها ادم ببتسامة و بقا كيقرب ليها تا دمج شفايفو مع شفايفها و يديه كينزلو فبيجامتها .........
اصبحناا و اصبح الملك لله
صباحية مبااركة للعروس الجميلة فاقت هي لولة و شااافتو حدااها ناااعس و جسموو عاااري كيفصح على اتسااع كتفيه و عينيه مغمضين شيء لي خلا شفراانو كيبانو اكثر و الفم ديالو صابح وردي
بقااات كتحقق فوجهو و هي كتبعد خصلااات شعرو من على وجهو بااش تزييد تعمق فهاااد لوحة الفنية لي قداامها بتااسماات و هي حااضية ملامحو رجولية و تفكراات ليلة لباارح كااان حنين معااها بزاااف و عرف كيف يتصرف معااها بحكم عاارفها أول مرة ليها و مقدر هاادشي
زاد كبر فعينيها و كل يوم كيكبر فعينيها كثر و كثر
قرباات يديها بتمرد كدوزها على وجهو و لحيتو الكحلة المطرااسية كتساارا ليه فوجهو كيف بغااات شاافت فليزاار لي ملوت بدمااء عذريتها مجموع و محطوط فالأرض و شاافت فيه
رجاء : عمري توقعت نقول هاادشي و لكن كانت احسن ليلة فحياتي
أدم : منبغيش نسمعها مرة اخرى ها انا هنا كنتسناك ..
دخلات لمحل خاص بالنساء تقدات ل أمها على ذرقها كلشي ..
سالات وشد من عندها ادم ..
دخلو لسيارة فإتجاه منزل سي دريس ..
فوسط طريق .. دخل لمخيلة تقدا مرة أخرى وخرج يديه عامرين ..
رجاء : ادم بزاااف هادشي لي خديتيه والله
ادم تبسم لها : انا مخديت والو كلشي خديتيه نتي ..
طولات فيه شوفة .. كتبسم
وصلو لحومة هز ادم لميگات وحتى هي هازة لبعض ..
دق ادم ف الباب .. تسمع صوت لآلة نعيمة كيف ديما .. شكووووون اصبرووو ها انا جايه ..
تبسمات بحنية لصوت أمها ..
فتحات لباب كيف شافتهم وسعات إبتسامتها أكثر و أكثر ..
نعيمة : لله على بنيتي .. نهار كبييير هادا عندي ..
سلمات على رجاء بحرارة و ادم كذلك ..
ترحب بيهم و تعاود فرحانة لبنتها ..
نعيمة : لاش عذبتو راسكم ..
تبسم ليها ادم ورد عليها : عذابكم راحة ..
نعيمة :نهااار كبير هذا دخلو دخلو لصالون كنا كنتسنااوك نيت كان قاليا ادم اتجيو ليوم
رجاء: واخا امي كاين بابا؟
نعيمة :راه فصالون يالاه لقيتيه دخل من دار سلمي عليه
حركات رجاء راسها بالإيجاب و مشاات لصاالون غااا شاافتو كالس بجلبابو الأحمر و طاكيتو كيما مولف و الهيبة باينة فوجهو عينيها دغيا بداو كيحمارو و مشا ادم هو لول سلم عليه من يديه
و باس ليه راسو
رجاء بقاات مبلوكية و حاضية باها هو لي شااف فيها و بتاسم
دريس: مغاديش تسلمي على باك ؟؟
رجاء غاا سمعات كلامو لي زااد على جرح مشات كتجري عندو باست ليه يديه و عينيها كيدمعو شلااال مبغااوش يحبسو ليها لدرجة بورشات ادم محملش يشوفها كتبكي
رجاء : هئ هئ سمح ليا ابا سمح ليا
دريس طبطب على ضهرها : بلا دموع ابنتي بلا دموع ليساامح راه كولشي كيغلط
مشااات رجاء هي و نعيمة حطو طبلة اشمن يا حلوى اشمنك يا مسمن اشمنك يا الزيت اشمنك يا عسل
كانت طبلة بلدية بامتياز و ادم مجمع مع دريس عين معاه و عين حاضي بيها رجاء ها هي دخلات ها هي خرجت حتى كملو و كلسو كياكلو و دااخلين فالحديث كاملين من الرجاء لي غا كتشوف واخا هكاك مزاال مزاعما على قرة عينها هههه
كانت كل مرة كتسرق منو شوفات و هو منغامس فحديثو و حتى هو نفس شيء لدرجة شي مرات كيحصلو بلي كيشوفو بعضياتهم و هاادشي كاامل مداازش على نعيمة و دريس لي قشعو لبلان لومنا نعيمة فلحضة بقاو كيتشااوفو بلاما ينزلو عينيهم هو كيتأمل فوجهها البريئ الملائكي و هي كتشوف هاد راجل لي رجولتو و تصرفااتو كيخليوها تزيد تغرق فيه كثر و كثر
لحظة صمت فالبيت من غير نظراتهم لي كيتكلمو و يقولو شحاال من حاجة
شافهم دريس طولو و هو يحنحن بصوتو الخشن : احم احم
اوا هنا زينة لبنات عاد ضرباتها لفيقة و حنات راسها حشكانة من باها ادم لي حتى هو حس بالإحراج و قال يعتق الموقف و كون غير بقا ساكت
اوا نااضت رجاء على سعدها ووعدها عمرات ليه كاس يشرب يالاه دخلات لصالون مرداتش لبال لثنية د الزربية اصلا فين عمرها ردات لبال لشي حاجة جاات مخبوطة مع الأرض و الماء مدفق على حوايجها
زوجوني فقيه الجامع الجزء الثالث
محتوى القصة
التنقل بين الأجزاء