حنان : رجاء خوياا بغااا لولاد كون تعرفي شحال باقي فيه الحال على موت خوه متحرميهش منهم
رجاء : كوني هاانيا أزين إيكون خير تنا مكرحتش شي وليد و بنيتة يكونو توااام شكون كره
حنان : انخليك دبا انمشي لبيتي
رجاء : تي جلسي نتجمعو
حنان :تي خليني نهضر مع حبي توحشتو
رجاء :يتوحشك الخير اتبقااي طيري تا تجيبيها فراسك
حنان : حااضية صوارية مزيان متخمميش
عمزاتها و مشات فحاالها أما رجاء شعلاات تلفاازة و شداات ليك الهنود متبعاهم كيف كيشطحو تاا تحل عليها لباب و شكون من غيرو زوجها قرة عينها لي غيجي
اوا اشغنقوليكم مع دخلة لي دخل هزاات فيه لعين و بتااسم ليها مع دور وجهو لتلفااازة تبدلو ملامحو بسرعة البرق و هو كيشوف البطل كيبوس البطلة
بزربة مشا سد تلفازة
أدم :ملقيتي فاش تفرجي غا فهاد المسخ ؟؟
رجاء : لاا انا ماشي
أدم حرك ليها غا يديه باش تسكت و تكلم هو
أدم : شوفي أرجااء هااادشي لي كتفرجي فيه دبا غا كتدي عليه دنوب بااطل و صافي عواض تفرجي فهاادو و ضيعي وقتك كااينين كتب دينية عراام منها تااخدي الحسناات و منها تستاافدي
لا بغيتي أجي معايا نوريك
رجاء : لفين
أدم : و غير نوضي بعدا
ناضت عندو رجاء لي شد ليها فيديها و تمو ناازلين
حداا لكوزينة كاان بيت مسدود كدوز من حداه رجاء دايمن و لكن عمرها عطات ليه أهمية كان ديجا مسدود بساروت
جبد ادم ساروت من جيبو و فتحو جرها من يديها و دخلو غاا دخلو فتحاات فمها
رجاء :وااااااو عندكم مكتبة فداار علاش مقلتيهاش ليا قبل ؟؟
أدم ببتسامة : عااد كتابت نقولها ليك
مشات كتجري فداك لبيت لي داير فحاال المكتبة و فوااحد الجيهة مفرشين فيها صلايات بقا
مشاات كتجري بحماس لكتوبة و كتقرا عناوينهم جدبوها بزاااف و فبلاصة أخرى كانو مستفين ترتيبة د القرآن الكريم بمختلف الأحجام من صغير تال لكبير
أدم : حافضة شي حاجة فالقرآن
شافت فيه رجاء بنظرة بريئة : و تقوول حاافظة غاا أية الفاتحة حيث كنصلي بيها
خنزر فيها تاا حدرات راسها و كتشوف فيه من لتحت
ادم :و كتقوليها بوجهك حمر ؟؟
رجاء و بانو علامات الأسى على وجهها :واا هاادشي لي عطاا الله
أدم : صافي ماشي مشكيل هانتي شنو باان ليك اندير معاك واحد الحل مزياان كلما حفظتي شي أية من القرآن بكادو من عندي شنو قلتي ؟؟
رجاء و تلفرخة بغات تخرج من ودنيها : حلف
أدم ببتسامة : كفااش هااد حلف تاني ؟
رجاء : زعما واش بصح
أدم لي قرب عندها و خربق ليها شعرها : إييه الالة بصح
رجاء : لعز بيك ا خويا لحفضاااك العشير
أدم : لا لا سمحي ليا عندي غاا ختي وحدة راها فبيتها
رجاء : هااء نسيت بلي أنا مرااتك
أدم ببتيسامة ايجننها بيها مفيهاش :تا نطلعو لبيت و نفكرك
رجاء :احم احم
بقا ادم كيضحك و جبد وااحد الكتاب من دوك الكتب
أدم :هااكي قرااي هذاا زوين بزاااف ايعجبك
قرااات رجاء عنوانو و بتاسماات : انقرااه اول مرة تعجبني شي حاجة
أدم : هي انا دبا مكنعجبكش ؟
رجاء :نتا عارفني ماشي هاادشي لي قصدت
أدم :هههه غا ضاحك معاك أجي أجي نمشيو نتعشااو
رجاء : بلاتي اشمن عطيني ساروت ديال هااد لبيت
أدم :ها هي الالة خليها عندك
رجاء :اوا دبا مزيان نمشيو نتعشاو
خرجو من البيت من بعدما سدوها و توجهو لصالون جلسو حداهم مجمعين و طبعاا لجو مكيخلوش من ضحك بسباب سميرة و الحمااق ديالها
تعشااااو عشااااهم و طلعو لبيتهم لي غااااطلعو دخل أدم يدوش و رجااء هزااات دااك الكتاب كتقراا فيه مبغااتش تحطو كاااع سهاات فيه
أدم غااا خرج من لبيت لقاها منغاامسة فالكتااب كاان لابس غاا شورط بالأسود و شعرو الأسود باقي كينزلو منو قطراات الماء شعرو كان نازل ليه على جبهتو وعضلااتو السدااسية زاادتو جماال على جماال كيبان مثير بزااف و كتافو متاسعين بزاااف شيء لي كيعطيه جادبية خاصة
مشا جلس حداها و يحسابكم دااتها فيه اوااا لا كرمت على الكتااب كرمة وحدة اسياادي
بقاا كيشوف فيها و كيقول دبا تحط الكتاب و دور عندو دباا تحط لكتاب و دور عندو و هي والو كتقلب صفحة مور الأخرى بدون كسل او ملل شاف تاا عيا و جر ليها لكتاب من يديها و ليني لقاها كارمة عليه
رجاء و عينيها ممحيدينش من الكتاب :طلااق
أدم :طلقي نتي
رجاء :خليني نقراا شنو بغيتي عندي
أدم : بغيتك نتي
رجاء : ماشي دبا تنسالي
أدم : اواا هادشي لي مبغيناش طير ليها لكتاب من يديه و حطو
رجاء :وااا أداام حشومة علييك
أدم :و انا مبقيتش فيك
رجاء :واش نتا مكتعيااش
حرك راسو بالنفي ببتساامة و هنااا عااد رجااء بلقاات فيه العينين و هي كتشوف فوجهو الرجولي
و شنايفو لي ولاو حومر بدوش نزلاات عينيها لعضلااتو لي كيحمقوه و سرطاات ريق
رجاء و هي كتبحلق فعويناتها: أممم أدم
بقااا ادم تا هو كيشوف فيها كيتسنى اشبغات تصنع محس بيها غااا هاجمة عليه كيف العدو
و مرمية على شفاايفو ........
أصبحناا و اصبح الملك لله
بداااية ببيت العشااق كانت رجاء متكية على صدرو العاري كيف عاادتها ولا هدااك هو الوسادة ديالها لي كتوسد ضرباتها الفيقة هي لولة
ناضت من الحداها و هي عارية الجسد لوات عليها لحااف و دخلات لدوش خدمات فيه الكليما و رشقات ليها على الحكاان شداات ليك الكيس و صاابون البلدي مكاين غا ليعطيك صحيحتك و الخلايا الميتة كيتفرتتو منها تااا سلات شاافت فزغبها مزاال مناض ليها و دازت لشعرها غسلاتو مزيان دارت صاابون و فالأخير تشللات بفاندوش ديال الفريز لي ريحتو أكثر من رائعة
خرجاات من دوش كتشعل بالنقاوة لوات عليها البينوار و توجهات لغرفة الملابس دارت كريمات مرطبة للحمها و لبسات بيجامة سخونة شوية بالخضر باارد مناسبة للجو و فيها نقيطات بالأسود فشروال نشفات شعرها و دهناتو و دارت زيف حياتي و من فوقو شال بالأسود صلاة الفجر لي أذن و طلات عليه باقي ناعس باستو فحنكو و نزلات لكوزينة راشقة ليها ليوم مخلاات ماا دارت
قادات ليك طرح ديال المسمن و كيكة بلاكريم شونتي ديال الفريز لي دارتها فثلاجة تشد راسها شوية و دارت الحرشة و بدات كتقاد الكريب بااش دوز لدااكشي ساهل
هناا مطا يديه لجهتها بغا يعنقها حتى مكيلقاهاش حداه حل عينيه و مشاا كيقلب عليها مبانتش ليه تاا فدوش لبس غاا شورط ديالو و نزل فدروج تاا كتباان ليه فالكوزينة بداك المنظر بتااسم و قرب ليها
ادم :رجاء
داارت عندو و كون غير مداارتش توسعووو عينيه على جهدهم اشهاااد زين كيشوف على صبااح مع هي بيضة زاادت بياضت و حنيكاتها حمرين و شفراانها كيبانو باقين فازكين شوية شيء لي كيخليهم يلانو طول الفيم المتوسط حمر بزاااااف غااا ديال الماكلة و الزيف لتحتاني كتبان العقدة ديالو لي كانت دايرااها فالوسط
رجاء لي دارت عندو و راسمة ابتيسامة على وجهها كترمقو بيها مباشرة لقلبو : فقتي صبااح نور
سي الفقيه رحمة الله و عليه بقاا كيشوف فيها بعيوناتو ساهي فريزة قدامو غا ديال الماكلة كيتكلم بثقاالة لدرجة لكلام تلف ليه : علاش ما... علاش ..ما فيقتينيش لفجر ؟
رجاء :ويلي عليا نسيت كااع مموالفاش ليا شوف كيوقع ليا حتى انا و اصلا كنتي ناعس مرتااح
مبغيتش نخسر ليك نعاسك
توجه عندها ادم و عينيه غاا على حناكها الورديين
ادم و هو حاط يديه على حنيكاتها ضاغط عليهم بيديه :غاادي نااكل هاد الحنيكات غاادي نااكلهم
طبع قبلة طويلة و قوية على حنكها تا تغرسات لحيتو فحنكها و بعداتو
رجاء :أاااي قرصتيني بلحيتك
قرب ادم لحنك لاخر و طبع فيه قبلة أخرى فالحنك لاخر
ادم : رااه هااد لحنيكات لي غيسطيوني
عااود ضغط على حناكها بيديه تا تشكل فمها على شكل بوسة و باسها فيه
رجاء : ادم راه بحراا دوشت
ادم : نعاودو دوش شنو فيها ؟؟
رجاء : اويلي حي حشم شوية
أدم : هههه نحشم من مرااتي
فوسط هضرتهم شمات ريحت لحريق مجات فين دور وجهها تاا لقيت لكريب ولا شكلاط بالكحولة ههه و هاادي مكانتش على البال
كانت كتقاد فطبسيل دبال لكريب بحكم اخر وحدة حرقاتها و سلات مشات تجبد شوكولا من التلاجة و مؤخرتها كتلعب مع البيجامة كانت مزيرة عليها شوية من لور
ادم بقا متبع ليها العين فالأخير كيبقى رااجل و هادي لي قداامو مراتو كولشي فالحلال مكيديرو حتى حاجة فالحرام
توجهات تاني لطبسيل و كدير فوقو شكلاط محسات بيها غا لاصق عليها من لور و معنقها حاط يديه على كرشها فالبلاصة قفزاات من بلاصتها
رجاء : ادم طلق اشكدير
حط ادم يديه على شعرها كيحيد ليها فالزيف تا بان عنقها البيض عاري قدامو و طبع فيه قبلة
ادم :لفريز مدوش بالفريز
رجاء صاافي هنااا قلبها ولا غااا كيشطح قتلها و سالا معاها هاد سيد
و فهاد لحظة بضبط دخلات حنان بحكم 7.30 د صبااح و هوما كيفطرو دايمن مع 8 و قارية مع تسعود مع دخلة ضربات فيما لا يحمد عقباه
حنان يالاه بغات تقلب روايض تاا حشات بيهم دارو لعندها و رجاء كون لقات الأرض تشق و تبلعها علااش هي بضبط لي داايمن كيوقعو ليها غا لكوارث علاش هي دايمن مشوهة مع عباد الله
اما وااحد ادم كااعما تسوق فااش جاات غا فختو دنيا هانيا و سما صافية دار بحال مكان واقع والو
ادم :اه حنان جابك الله نيت كنت غير مونس رجاء شوية جاتها لقنطة بوحدها فالكوزينة واخا تكملي عليها توجاد لفطور بغات تمشي تجمع ليا حوايجي
حنان ببتيسامة صفرة كتحشم من خوها بزااف :هيهي اه وااخا انا نكمل عليها ماشي مشكل
غا خرجو هزاات يديها لسما :ياا ربي يكون حتى الأستاذ عندو ليزابدو بحال خويا يا ربي
مشات كتعمر اتاي و كضحك
حنان :ههههه قاليك يونسها معرت علامن كيضحك واش عليا ولا على الوقت
فالبيت عند رجاء و ادم غاا دخلو وقفات كي صنمة و كتشزف فيه
أدم :و كنحماااق على هااد وجه الزبايل زبايلك كيجيوني حلوين
اليوم داز كيطير .. ادم مشا لخدمته و حنان مشات لفاك .. بقات غير هي و سميرة و فاطمة لي فرحات بيها و شجعاتها وكبرات بيها على الفطور ..
جالسة ف البيت كتقرا كتاب إسمه ~مميز بالأصفر~ جالسين من بعد الغداء لي متغداش معهم ادم ..وحنان لي جات تغدات ورجعات لفاك جالسين ف الصالون حسات ب ملل كبير نطقات كتخاطب فاطمة ..
رجاء : خالتي عفاك يالاه نخرجو قنطت بزااف
فاطمة : واخا بنتي نوضي نيت حتى انا جاني لقطن منها نيت ندوزو حتى على نعيمة تخرج معانا ..انا غنعلم ادم
رجاء :واخا ..
شافت ف سميرة ونطقات بعفوية ..
رجاء : خالتي تخرجي معانا ..
سميرة : إيه ضروري مالي اش غنبقا كالسة كندير ..
رجاء : إيه اخالتي عندك لحق ..
دخلات لبيتها مشات لماريو تشوف اش تلبس .. ختارت لبيسة طويلة موديل عصري ف لگرونة و لبسات معاها سبرديلة دارت شال يليق ب لبسة ومكياج خفيف جات كيوت ..
خرجات ..كانت فاطمة و سميرة لبسو .. فاطمة كيف العادة مهلية فراسها الرشاقة و الأناقة جلابة كرية و بوط وشال ..
وحتى سميرة واقفة رغم سنها أنيقة منين كتبغي تخرج جلابة ف الأبيض و النضاضر ..
لقاو حنان يالاه داخلة جراتها رجاء دايزين على نعيمة يخرجو مجموعين غادين كيضحكو رجاء و حنان من لعد ما دازو على نعيمة لي حتى هي كانت فقمة إطلالتها ..
قرروا يمشيو لمول ومن بعد يمشيو لشي كافي راقية كيف اقتارحات عليهم رجاء ..
كيشوفوا من محل لمحل مجموعين غادين سميرة و فاطمة و نعيمة لقدام و رجاء و حنان لور ..
وقفات سميرة كتحقق شوفة فشاب ف أواخر العشرينيات زوين ..
سميرة : أربي أوليدي لاما وقف وقف ..
وقف الشاب بتسائل كيشوف فيها اش غتقول و كذلك لخرين ..
سميرة : عجبتني أوليدي متزوجنيش أنا نجي نخطبك متخافش !
تسمع الضحك بجهد من اصحاب الشاب و كذلك حنان و رجاء ..
أيمن : لله لله ههههه انا لي مخلين فين قصتك درتي لحجاب قالو لينا تزوجتي هههه (ضحك ب إستهزاء )
رجاء : حتااااارم راسك بزاااف عليييك انااا و اييه تزوجت سيد الرجال سمعتها
دارت غادة راجعة لمكانها حتى شدها أيمن بتحكم من يديها ..
ايمن : ييه دغيا تقلبتي علينا و ولا لفقيه سيد الرجال مم ...نسيتي لفلوس لي كنت نحط عليك ههههه
رجاء : طلق مني طلق ولا نشوهك ..
ضحك ايمن مرة أخرى ب إستهزاء
ايمن : لا احبيبة ماشي دابا صبري تخيلي هادو
(كيشير لتلفون صور ديالها لي كانت كتحط فيس وحتى لي كانت كتصيفط له ملابس شبه عارية و صورو معاها )
~تخيلي هادو يوصلو لراجلك سيد رجاااال هههههههه ولا يتحطو فشي مواقع ممم
كيف شافت صور صفارت بدات كترجف و ايمن كيضحك ب استهزاء ..
ايمن : اش بان لك معلوماتو و نمرتو كلشي عندي ..
جمعات قوتها وشافت فيه بكل قوة ..
رجاء : اعلى ما فخيلك ركبو اشماااتة
وتمات غادة راجعة ممخلياش ليه لفرصة فين يدوي مرة أخرى ..
نعيمة : افين تعطلتي نتي ..
ردات بتوثر ..
رجاء : مم .. ك .. كاان لحمام عامر
طووول لوقت وهي غير ساكتة كتخمم لبعييد لحماس لي خرجات بيه اول مرة تلاشى ..
الا وصلو صور ل ادم اش غيوقع ؟ أكيد زواجها غيدمر شكون هادا لي يرضى يشوف صور زوجته وهي بداك لباس أو محطوطين فشي موقع خايب ..وتوصل لجيران و أي واحد يشوفهم ..
سمعات صوته كيسلم على عائلته كانت غايبة فمرة كتسمع غير صوت الهضرة و الضحكة ..
قرساتها حنان هزات راسها مضهشرة ..
رجاء : ا .. سلام
غاااااا سمعاات صوتو بداات كترعد
حنان : خويا إنتا جيتي
أدم و ممنزلش عينيه على رجاء : غااا شوية دبا انرجعو دبا ولا مزاال ؟؟
فاطمة : إييه أولدي أصلا حنا راه سالينا يالاه نمشيو
ركبو كاملين فسيارة ادم سميرة ركبات لقدام و رجاء و حنان و فاطمة ركبو لور
بعد دقائق كانو فالمنزل لي نزلو دخلو لدااخل شدو فيلم مغربي كل يتفرجو كل يضحكو من قل رجاء لي كاانت غااا محطوطة كيف الأمانة و كتفكر لحريرتها ديال ليوم
أما بنسبة لأدام فدخل لمسجدو الصغير أو مكتبتو صغيرة متلاش خرج منو صلى صلواات أخرى من غير صلواتو المفروضة و هز كتااب الله كيقرا فيه
فالبيت
سميرة : أويلي توماا نغزو ديك لخطية شفتها مكضحكش
حنان : تي مالكي أختي ليوم هااكااا ؟؟ منين خرجنا و نتي على هاد لحال
رجاء بضحكة صفرة : هيهي لا لا والو غاا عياانة
شوية انطلع لبيتي نرتاح تصبحو على خير
فاطمة : تباتي فراحة الله أبنتي
رجاء طلعات لبيتها و غاااا سدااات عليها نفاااجرااات بالبكاااء و كتخبط ففخاضها
رجاء : هئ هئ انا لي درتها لرااسي أنا هئ هئ انا لي كنت كنطير مع طيور و كاان يحساب ليا رااسي درت مزية أنا اربي حتى تقاادو كاع الأمور و قلت لقيت سيد الرجال و انكمل معاه حياتي و نسى الماضي و خرج ليا هادا من جنب ليااخد فيه الحق
هئ هئ
كاانت هي كتبكي فالبيت و هو شاااد القرآن و كيقراااه لتحت كيحس بقلبو مقبوظ عليه دااكشي باش لتاجئ لطريقتو لي مواالفها بااش يخفف على راسو
مشات سميرة شربات فالكوزينة و خرجات لي غاا خرجات شاافت الباب د المكتبة شاعل فيه ضوء و مشات كتجري
حنان :أويلي اسوسن تي مالك على هاد جرية ؟؟
سميرة :و شحاال تعطيو لرجاء و أدم مخاصمين
فاطمة :اويلي من نيتك راه غا قبيلة كانو كيهضرو
سميرة : و فين كيكون ادم فاش كيكون معصب ولا واقعة ليه شي حاجة ؟
رجاء : قبيلة فااش مشيت قبيلة فااش مشيت خرجت معاهم كنت غادية لحمام خرجت و شفتو شدني من يدي
ادم هناا عصر على يديه و نااار الغيرة شعلااات حتال أخر نبظ فخلاياه : شكون هدا
رجاء : قبل منتزوجو تيق بيا أنا مكنتش عارفااك ديك ساعة هئ هئ مكنتش عارفة انا كنت طايشة
كانت كتسنااه يتعصب عليها حتى كتصدم فاش كيحاوطها بيديه
ادم :رتاحيت فاش عااودتي ليا قبيلة انا شفتك بحالا كتغوتي على شي حد مجيت فين نوصل عندك حتى جيتي نتي درت نشوف معامن كنتي كتهضري مبان ليا حد قلت الا كانت شي حاجة اتقوليها ليا
رجاء بصدمة : شنو كتقصد ممقلقش ؟؟
ادم : ممقلقش حيث عاودتي ليا دبا
رجاء : أحم و لكن ماشي هاادا هو المشكل الوحيد
ادم : بحالاش
رجاء :هو
ادم بنهضة زعزعاتها من بلاصتها :دوي هو شنو
رجاء بزربة : هو هددني بشي تصاور
ادم : شنو فيهم هاد تصاور ؟؟
رجاء : تصاور ديالي معاه عاديين مفيهمش شي حاجة و لكن ديك ساعة مكنتش كندير زيف لباسي
ادم غمض عينيه بعصبية مفرطة حط يديه قدامها باش تحبس
رجاء : هئ هئ ادم انا
ادم هز يديه حتى لسما و خبطها مع الكادر د ناموسية
ادم بجهد : رااني قلت ليك حبسيي
رجاء : ادم يديك هئ هئ
ادم : شنو سميتو ؟؟
رجاء : هئ هئ
ادم : بلاما تعصبيني كثر شنو سميتو 😠
رجاء : هئ هئ ايمن العمراني
غا كملات كلامها توجه لخارج البيت خبط لباب تااا كانت ايتهرس من بلاصتو و بداا هابط فدروج بزربة
الخوف .. تسلل لقلبها من جديد .. معرفت اش دير ولا اش تفعل .. ندمات علاش قالتها ليه خافتو يتهور ويدير شي حاجة ..
هزات لوسادة كتعض فيها بكل جهدها و الدموع هابطين شلال ..
ادم : قبيلة تصرفت بداك طريقة محسيتش براسي .. أنا مشيت دكلاريت به عندي صاحبي كوميسير هو غيتكلف .. فين تلاقيتيه ؟
رجاء : غير ليوم ف لقهوى ولله كنت غادة لحمام (شداتها لبكية ) وراسي كان ف الأرض حتى تزدحت معاه وبقا كيستهزئ مني ..
ادم تكلم بحنية : صافي صافي علاش كتبكي دابا .. لمشكل غيتفتح وداكشي ماضي وحنا دابا ف حاضر نساي عليك داكشي (قرب ليها أكثر وتكلم بهمس و حنية )
~ هذا لمستقبل فيه أنا و نتي و أولادنا إن شاء لله ..
رجاء قربات ليه كذلك عنقاته وتكلمات بنبرة غالب عليها لبكاء ..
رجاء : شكرا حيت تفهمني لأمر شكراا بزاف ..
أدم : دابا بيناتنا شكرا ..(مسح ليها دموع ) أخر مرة نسمعها منك
نوضي توضاي نصليو و نقراو شوية د لقرءان ..
تبسمات ليه و دخلات لحمام .. أما أدم فدخل فمسح على شعره بتعب تنهد و استغفر لله ومشا يبدل حوايجه ..
لبس عباية ف لون الأبيض وجلس على السرير هاز القرءان كيقرا فييه ..
دقائق قليلة و كانت خرجات من الدوش موضية .. دازت لماريو و بدلات عليها هي كذلك لبسات بيجامة طويلة راقية ..
طلعات جنبه لسرير .. شاف فيها وتبسم ليها .. حطات راسها على كتفه وهو ك يجود القرأن بصوته الجوهري .. صوت يقشعر الجسم .. جاتها التبوريشة وهي كتسمع لصوته وهو ك يجود غمضات عينيها براحة حاسة براسها ملگات الدنيا كاملة ..مدة نصف ساعة حتى وقف من بعد ما سالا القراءة فتحات عينيها وشافت فعينيه نيشان ..
رجاء : كتجود زوين .. حسيت براحة بزاف ا ادم ..
ادم : بصح ؟
رجاء : اه
تبسم ليها وجرها بحنيه معاه ..
ادم : اجي معايا ..
وقفات تابعاه فين دايها وقف فبلاصك بالضبط جهة السرجم وتكلم ..
ادم : غمضي عينيك ..
رجاء : ممم ولكن علاش
ادم : مكتيقيش فيا ولا ؟؟
رجاء : لا لا صافي هاني ..
غمضات عينيها بسرعة ..جبد من جيبه علبة مجوهرات ..وفتحها
ادم : يالاه دابا فتحي عينيك ..
رجاء : وااو ..
ادم : ليوم خاصمت عليك وغوت عليك ها هدية لك ..
كانت عبارة عن سنسلة ديال ذهب مكتوبة فيها رجاء بالعربية بشكل زوين ومن تحتها قلب ..
رجاء: عجبتني بزااف ....
رجاء بفرحة كبيرة ضاهرة على وجهها : نجربها دبا ؟
ادم ببتسامتو المعهودة : كولشي ديالك ممكن تجربي
يالاه جبداتها من كارطونتها محشاات بيه غاا شاد ليها فيديها و شدها من عندها دور ليها شعرها لجهة أخرى و ركبها ليها طبع قبلة على عنقها و عنقها من ضهرهاا خاشيها فيه و كيشوفو فنجوم السماء لي كيبانو من دااك شرجم متأملين اضوائها و قمرها البارز المكتمل بحالا كيبين الكمال لي لي كيشكلوها هااد جوج لبعضياتهم كااع الأشياء لي ناقصة لادم كتكملهم ليه رجاء و العكس
بعد مدة من الوقت حس بيها بداات كترخى
ادم : نمشيو نعسو ؟
رجاء : اه عييت بزااف ليوم لدرجة هاد جوج خطوات لي كيفصلوني على سرير مقاداش نتمشاهم
بتاسمات على إثر كلمات الغزل لي كتسمعهم من عندو فكل مرة محسات غا بيديه لي تحطات وحدة عند ضهرها ووحدة ففخضها هازها بين يديه
رجاء : ادم من نيتك نزلني
ادم : هههه احساب ليك كنكدب عليه اوا هانا هزيتك
حطهاا فوق نموسية و تغطاو و هي ناعسة على صدرو حتى غمض عينيه كيستاعد لنوم و هو يحس بيها كتحرك فيه
رجاء : ادم ادم
ادم : أمممم
رجاء : حيد حوايجو
ادم : اشنو؟؟
رجاء : زعما حيد تريكوك
أدم : اممم و علاش زعما ؟؟
رجاء : بغيت نعس فوق صدرك
أدم : ههههه واخا الالة
حيد تريكوه و هي تكتات على صدرو العاري كتلمس فعضلاتو السداسية فيديها و بداات كتغمض عينيها و هو كيدوز يديه على شعرها الحريري حتى نعسات حس بيها ترخاات عرفها اتكون ناعسة باسها من راسها و نعس حتى هو
اصبحنا و اصبح الملك لله
بداات كتكمش فعيينيها استعدادا للإستيقااظ فتحاتهم سامحة لعينيها العسليتين يستعيدو النظر ديالهم بانت ليها البيت مضلمة شافت حداه مكاينش ادم حتى كيبان ليها ريدو لي مردود ايكون غا هو لي سدو باش يخليها تاخد راحتها فالنعاس هزات تليفونها تشوف شحال ساعة و تصدمات 11.30 مموالفاش ليها حساات ببحالا مصارنها تشقلبو و مشاات كتجري لحمام ردااات كرشها كاملة حاسة بخاطرها مروع
قضات اغراضها الصباحية توضات صلاة و نزلات لتحت تااا كتباانو ليها مجمعين فصالة لقات سلام و يالاه بغاات تحط قزابتها لارض سمعات كلام سميرة
سميرة : أتبارك الله على عروستنا مفايقة تال 11
حنان بطنز : إييه اسوسن على مفرااسكش ناس راه تلفاتهم الحلوى على القبلة
بعد دقائق جاا ادم دخل سلم عليهم و جلسو مجمعين و حنان و رجاء ناضو يحطو لغدا
بدااو كيتغدااااو و رجااء غاااا حاااضية أدم حلفااات لحيداااات عينيها علييه حااضية شفراانو المشفرين و عينيه العسليين فمو وجهو مدوزة ليه سكاانير صاافي نظراااتها كااانو مفضوحين للكل و بداات سميرة كتشوف فيها حتى كتبغس تهضر و كتعاااود تسرط لسانها اما وااه فااطمة غاا حانية راسها على الغداء و كتبسم اوااا و وااحد حناان
عياااااات متقرص فرجاء و تنغزهااااا بااش تحيد عينيها على ادم و لا هي حشمت كيقولو لحر بالغمزة و الحماار بذبزة هاااد رجااء رااه فااات هااااد سطااجات بجوج لبعييييد ستاااااقرو عينيها فنيفو يلاه رماات دغمة و مشاااات كتجري لحمام رضااات مسااارنها تاني كااان تبعها ادم بااش يعرف مااالها بقا كيدق فالباب حيث كانت ساداه غااا من بعدما سلات خوات الماء على وجهها و خرجات
أدم : وااش بيخير ؟؟
رجاء غا شافتو حطات يديها على نيفها ساداه
رجاء : نيفك عوج و ريحتك خاانزة من انتا مدوشتيش ؟؟؟
ترسماات إبتيسامة خبيثة على وجه ادم و نطق بكلماتو :إييه ندوشو علاش لا
بعد دقائق كانو فالدوش رجاء لي ثنات على درااعها تاا هو كان لابس غا شورط
ياالاه قداات رشاش بداات كتكبو ليه على جسمو
محساات بيه غااا حيدو ليها و بدا كيرشها
رجاء : ولا ادم شوف كيرديتيني
أدم ببتسامة : مفيها باس حتى مراتي دوش ريحتها معجباتنيش
رجاء هنا حلااات عينيها على وسعهم حلف بالله
هزاات طابقها تشمو مشماات حتى ريحة
و هو تكرشخ عليها بالضحك و هو كيشوف تحولات لي كيوقعو فوجهها
مشا علق رشاش و دفعها جات لاصقة مع الحيط و هو لاصق عليها و بدا كيطبع قبلات متفرقة على عنقها
هنا صافي هي تحدو ليها وولات غا تتمتم كي العنزولة
رجاء :أدم ....ادم... بعد.... بعد
و كاانت بحالا كتقوليه زيد ...........
اوا و بعد سااعتين عاااد كملو تحمحيمة و خرجو كيضحكو رجاء لابسة نص كوم بالبيض مع سرواال البيجامة بالأحمر و فيه قلوبة حمرين وشعرها طالقاه ناوية تنشفو اما ادم لابس غا سروال د الكيطمة بالباج و مخلي عضلاتو ضاارب فيهم ريح مع الخرجة ضربو فسميرة جاالسة ليهم فوق النموسية
سميرة : إيييه من نهاار تزوجتي مبقيتي تصلي بينا مجموعين مبقيتي تعطينا الحديث مبقيتي تقرا علينا لقرآن و لا تزوجتي و كفرتي ؟؟
ادم : ستغفر الله أمي اشهادشي كتقولي
سميرة : و بلاما نسا الإثنين و الجمعة لي مبقيناش كنصومو
ادم مشا باس ليها راسها :كووني هانية اميمتي كااع هادشي غادي نرجعو نديروه راه غير يالاه تزوجنا و كانو نااس دار عامرة داكشي باش
سميرة ناضت قافزة من بلاصتها : قول ولدنا و سالينا نهاار كامل و هوما مخشيين ليك فالبيت قاليك ضياف تا تكونو كتهبطو بعدا باش تشوفوهم
خرجات من لبيت و رجااء شاافت فأدم و شااف فيها مطولا
رجاء : لاهيلا عبرات عليك
ادم : حتى نتي ؟؟
مشااات هاازة خناافرها لسمااء غاااا هي وراسها و مشات لبيت لاخر تنشف شعرها و تلبس حوايجها ليضربها لبرد
كااانو هااانيين قااضيين حيااااتهم بيخير و كل يوم كيدوزوه حسن من لاخر واخا شخصية رجاء لي ولات متقلبة فهاد الأياام و لكن ادم مساير معاها و داير ليها خاطرها حتى جااو تاااني لفااعي لي كيقرصو و يرجعو لغااار و راسميبن على وجههم إبتسامة البراءة و فعينيهم شوفاات الغدر و كيف اي عاائلة مغربية كتبغيي ناااس و كتستقبلهم بقلب صاافي و بلخصوص لكاانو من العائلة
صوناات لأدم لي كان قرب من الدار جاوبها و عطاها الموافقة تخرج بعدما وصاها تلبس طويل و مشات
غا وصل لدار دخل لصالون شاافهم كمش ملاميحو ها صداع ايبدا تاني لقى سلام و طلع نيشان لبيت
اما واحد فريفرة تماك غا شافتو هزات ميكة كانت جايباها معاها و طارت من بلاصتها هادي هي لفرصة مدام رجاء مكايناش
غا خرج من دوش كتبان ليه قدامو بسوميج دونوي بالأحمر غااا شاافها عينيه ولاو بحال القطرة د دم دور وجهو لجهة لأخرى و بداا كيستغفر الله مرااتو و مكتلبسش ليه بحال هاد لباس حيث كتحشم منو هنا فين كاين الفرق بين بنات ناس و لي لا
أدم : ستغفر الله ستغفر الله خرجييي عليااااا مبغيتش نشوهك قدام لعائلة خرجي متبقايش تعتبي هااد الدار
نجلاء :شنو فيها و مفياش غا دور شوفني شوف انا غليضة عليها اشعجبك فديك المسمار
أدم بلاما يحس خبط لماريو برجليه و شنق عليها لصقها مع الحيط بغيت تعرفي شنو لي عجبني فيها عااجبني كولشي عااجباني الحشمة لي فيها و متكسابيهاش عاجبني بلي عاطية لراسها قيمة عجباني كاملة دبا خرجي ( طلقها و طاحت لارض كتكحب ك و لا ميعجبك حال
و فهاد لقطة بان ليها لقفل د لباب بدا كيدور مشات كتجري و حطات فمها على فمو فهااد لقطة بضبط
دخلاات عليهم رجاء
...
كيف غتصرف رجاء حنا عارفين لمراة لحرة كولشي تقبلو الا الخيانة ؟؟
زوجوني فقيه الجامع الجزء الخامس
محتوى القصة
التنقل بين الأجزاء