عادت لتنتقم الجزء الثاني

من تأليف أم ياسر وئام
2020

محتوى القصة

رواية عادت لتنتقم

نور اللي مزال خاشية راسها بين رجليها دموعها شلال متحبسوش قلبها كيترعد بالخوف فزكات بالشتا سنانها كيتقرقبو بالبرد والخوف كتخيل جا شي حد قتلها ولا غتاصبها ولا شي حيوان ولا شي جن ولات كتفكر غير فحوايج سلبية عقلها تبلوكا مقدراتش تفكر فشي حل يعاونها خوفها تغلب عليها فحالتها ميليق لا سبان لا دفيع الجبهة معاامن غتساب وهيا غير الصوت اللي سمعات يقفزها عاد تنوض تقلب معامن بقات على نفس وضعيتها حتا خرجات عينيها والبولة بقا لها شوية وتخرج ملي سمعات شي حس غادي ويقرب ليها حاسة السمع ديالها تخربقات مبقات عارفة حتا تميز صوت الحس اللي تيقرب...زادت تكمشات فراسها غمضات عينيها بقوة خايفة تحل عينيها خايفة تصدم بشي حاجة بقات على حالها تسنا أش غيوقع ليها 
نور تسعقات ملي حسات بشي حاجة تحطات على راسها قفزات فبلاستها وزادت فوثيرة البكا😭 بصوت مجهد....تبكي وتقول مبكيت 
""هزي رااسك
نور"حلات عينيها وسكتات من البكا بقات غير تنخسيسة كتخرج كتأكد من الصوت اللي سمعات...

"هزي راسك !
نور ملي تأكدات من اشنو سمعات بدات تهز راسها بتثاقل وجها حالتو بالدموع وحمر غيطرطق كتعض على قنانفها بجهد حتا جرحاتهم "بقات مطلعة راسها حتا تفيكسات فعينين اللي قدامها...كانت أسيل اللي قدامها هابطة لمستوى ديال نور كلها فازكة بشتا شعرها لسق معا عنقها كلها تقطر 
أسيل:"ببرود"علاش كالسة هنا !
نور:امم ببب "كتفتف"انا انا معندي فيييين نمشيي 
أسيل:امم وحيت معندك فين تمشي جيتي هنا وستسلمتي؟!راكي ماشي بنت صغيييورة راكي ناضجة كنتي غتلقاي حل وحتا الى ملقيتي غتكلسي فبلاصة اخرى عامرة ماشي فالخلا!!

نور:"خرجات عينيها فهادي اللي كتعاتبها هزات حاجب وطلعات لاخر ياله بغات تبدا تعطيها شي كليمات حتا عاودات نزلاتو ودوراتها فراسها "بالصح عندها الحق مالي جيت لخلا معند القحبة مي حتا عقل وليني انا نيت اللي كنقلب عليها كنت نقدر نمشي لبلاصة عامرة ونكلس ماشي فالخلا اويلي يا ويلي على كلاخ ودميعات اللي طاحو "ساست راسها من هدشي دبا وشافت فأسيل اللي كتشوف فيها ببرود بحال الى كتقراها وعرفاتها فكرات فهدرتها 
نور:من هادشي كامل غتعاونيني ولا غير تعاتبيني وتمشي!!
أسيل:خرجات عينيها فيها"وها تقحبين غيكون غير فمك اللي وصلك لهاد الحالة نوضي تهزي مورايا "وقفات أسيل كتمشا جيهت اللوطو اللي حطاتها بعيد مشافتش موراها واش تبعاتها ولا بقات تم 
نور:بقات تشوف فيها وسعات فمها ببتسامة مسحات من وجها قطرات الشتا "اللي شافها ميقولش هادي اللي كانت تبكي وتنوح لاحت كلشي مور ضهرها وزادت "

جمعات الوقفة حوايج لسقو عليها كلشي واضح وباين كون لقاوها شماكريا تما كون تقبو مها حتا من ودنيها..زادت جارا فاليز ديالها وتابعاها دارتها فيد الله وزادت وعقلها مزااال تيحسب الحسابات غير شافتها طلعات لوطو رنج روفر كحلة نور خرجات عينيها فالحديدة وتكوانسات بلاصتها



أسيل طلعات كتسنا ختنا طلع تاهيا اتا شافتها مبلوكيا بلاصتها وهازة حاجب ومهبطة لاخور ومخرجة عينيها 
شافت أسيل تا عيات عرفات بلي هاد الخطية غتمرضها كلاكصونات عليها والو السيدة متحركات ديمارات أسيل تا لحدا رجليها وحلات ليها شرجم 
أسيل:واش غطلعي ولا خليني نقود فحالي!!

نور:وسعات عينيها فيها اشوفي هاه ياكمة يسحابليك انا قحبة تقبني صاحبي وهربت وقلتي هادي هيا الهمزة الى كنتي ناويا تبيعيني لشي ساعودي ولا دار دعارة باش تشري بحال هادي اللي راكبة غا فوتي جرتي قبل نتسيف عليك 😡
أسيل:😲خرجات عينيها من هاد الباطل وهاهيا اخرت اللي بغا يدير الخير "خرجات اسيل يدها من شرجم وجرات نور من شعرها وكتدوي ببرود"شوفي الى كان عقلك مسخ عامر غير بهادشي فانا مخصني صداع انا اللي بنت القحبة نيت هابطة لعندك برجلي مفزكة حالتي اما نخلي الكلبة موك تم وغتاصبو مك تولي نيت قحبة وفابور مزال "دفعاتها من راسها حتا كانت غطيح وطلعات الزاج 

نور"طلعت معاها السخونية من صبع رجليها عرفات راسها قفراتها بهضرتها غير حسات بلوطو غتزيد لاحت الفاليز ديالها وزادت بزربة تجري قدام لوطو 
نور:الميييمة المييمة سمووحات اختي والله غير ماتدي عليا راه كي شتي هدشي اللي ولا دبا ديني من هنا احم باااك 😢😢والله متسمعي صوتي راه ديما فمي جابد ليا صداع"كلسات تخبط فمها..

أسيل غير مخرجة عينيها فهاد المخلوقة وتصروفاتها اللي كيضحكو تبسماات شبه ابتسامة وحلات ليها الباب من الداخل...نور غا شافت الباب تحل وزادت تجري هزات فاليزتها وطلعات بزربة وخبطات بالباب حتا كان ايطير...اسيل مدارتش جيهتها حدها عفطات بالجهد حتا مشات وجات نور مخلوعة وشادة فجناب الكرسي ودور راسها باغا تهدر وخايفة تخرج شي كلمة عوجا تصدق لايحاها من الشرجم اللهم دير 10 على فمها وضرب الطم..طريق كلها وهوما ساكتين نور اللي عينيها غير كيدورو حتا شافت قدامها بوابة كبيرة كتحل بشويا وهيا تحل فمها وعينيها وكدور يمين وشمال تشوف فالجردة اللي طويلة مضوية والورود كيبانو كيسلبو لعقل معرفات فين جابتها بقات هكاك تا وقفات لوطو قدام باب القصر الداخل بالعود 

هبطات أسيل وتبعاتها نور جارا حوايجها وقفو قدام باب ونور كطلع وتنزل فأسيل عجبتها ياله ردات ليها البال مع كاين الضو 
أسيل:كوليني
نور:😁هاء ياله شتك مزيان مزيناتك اش سماك الله 
ياله غتجاوبها أسيل حتا تحل الباب بزربة كان عصام

عصام:مخلوع جر اسيل نيشان لحضنو معنقها وتيهضر:حبيبتي شهاد التعطال واش راك لباس ؟؟حيدها من حضنو "مماالك فازكة بحال هكا واش خرجتي لشتا !!
أسيل:بتاسمات ليه:اووه بيبي مابيا والو خليني ندخل ونهضرو"باستو فحنكو"
شدها من كتفها وزاد داخل بيها الداخل...مشافش كاع هاديك اللي كانت حدا الباب ريوقها بقا لهم شوية ويوصلو الارض عينيها فيهم القلوبة عجبها الزين 
"اش هاد العسل ياربي اش هاد الزيح اححح عليه وعلى عوينات اييي والفيم ياربي غير ديال الماكلة والصويت "حطات يدها على قلبها"والطولة فالعرض غمضات عينيها"وكتعض على قنانفها 

فلداخل :أسيل :حيد نسيت البنت برا 
عصام:!!!شمن بنت 
أسيل:تلفتيني راهيا حدا الباب "جات تنوض "
عصام:غير كلسي انا نمشي نجيبها "تحرك عصام جيهت الباب حتا كتبان ليه كثلة طااغية من الأنوثة كتهدر بصوت مرتافع حتا غمضات عينيها وقرب حدا وجها ويمع اش قالت خرج عينو وسع فمو بضحكة خلاها تا سلات تحرش ديالها..

عصام:"قرب حدا ودنها:جبتيه ولا مزال😉
نور:غير سمعات اش قال حلات عينيها بالجهد وشهقات 😲😲اويلي اش هدا 
عصام:غير داك اللي كنتي تخيلي فيه دبا 😎
نور:شششنو ووواش سمعتي شي حاجة 😲واش ديك الهضرة قلتي اعود بالله يخ كيداير 
عصام:عصام طلع فيها حاجبو حتا لزدكداو وعقد حواجبو ممولفش الضحك بزاف مع شي حد اخر من غير أسيل 

نور:تخلعات من شوفتو وبغات تلف"احم انا انا جيت مع هاديك اللي ديتي قبيلة واش واخة ديني كيف ديتيها !!

عصام:مقدرش يصبر وطرطق بالضحك" ههه اياه زيدي نديك كيف ديتها علاش لا "زاد تالحداها جرها خاشيها فيه وغادي بيها 
وهيا مسكينة تبان حداه كيف الكمشة مفهمات والو غادة معاه وتنطر وهو مزير عليها حتا وصلو صالون فين كالسة أسيل 

شافتو جاي خاشي فيه البنت تعجبات منو 
أسيل:عصاام مالك داير ليها هكاك 
عصام:طلق منو نور ونطق"ههه بيبي الانسة قاتلي انا جيت مع ديك البنت اللي ديتي قبيلة واش واخة ديني كيف ديتيها ونتي عارفاني مكنخصرش الخاطر😎


نور: عاد طلع معاها القالب ودورات وجها ليه حمرة 
"شوووف انا مقصت هكاك ووو

أسيل قاطعاتها"صافي زيدي نتي كلسي عاودي ليا شنو وصلك لتما !
نور كلسات قريب من أسيل وحتا عصام كلس باغي يعرف شنو وقع 
نور:انا نور بنت اسفي كبرت تما معنديش واليديا لقاتني واحد المرا وانا عندي 7 سنين وداتني لدارها بين ولادها حياة ومحمد كبراتني وقراتني حتا شديت الباك ماتت وديك الساع حياة بنتها مزوجا هنا فكازا وبقيت مع خويا اللي كبرت معاه مخلانيش نكمل قرايا حيت قال معندو فلوس"كتهضر وتحرك كلها بيديها ورجليها "عصام غير كيعبر فيها "اوا داك اللي نقول عليه خويا طلع اكبر والقح**مقطر كيبين لناس بلي متاقي الله اوا تا سخن عليه راسو قالك بغا يغتاصبني 
شافت فعصام"اياه اخويا اش سماك الله قالك جاي ليا وانا ناعسة بغا يتقبني سحاب ليه غير ساهلة ليه "دورات عينيها لأسيل وكملات:وياربي كون غير كان عندو نيت شي حاجة "طلقاتها بضحكة ديال شيخات"عطيت مو دقة برجلي نيشان لمعلم وخليتو يتلوا تما اوا وفكرت نجي عند ختو اللي كنعتابرها ختي باش نكلس عندها ونضبر فشي خدما اوا ختا لقيت الزا***معمر ليا الضواسا معاها وحتا هيا كتقلب غير على السبة المسلوتة لوخرى ردو ليا انا اللومة بالحق مخرجت من عندها حتا شرشمت لطب**مها المشاعر قالك جايا نديلها الراجل ههه "دورات عينيها لعصام وفيكسات عينيها معاه وكملات"كون تشوف الرجالة ديال بالصح كون قتلات راسها شحاااال هادي احح 
أسيل وعصام شافو فبعضياتهم وطلقوها بضحكة عرفو هاد خيتي مقطعة لوراق فمها مفيهش الفرانات 

اما واحد نور عاد حسات على راسها وعلى هضرتها اللي معندهاش الحباسات وشهقات :هييي سمحوليا ولكن انا هكا دايرة فمي خااااسر حتا نقول غنقادو ولكن والو غير دوزوها 

عصام:عادي ازين ياك دبا مصور منك داك خينا والو 
نور :ههه مصور تا باش ينقي سنانو
أسيل:امم نور غطلع معاك خدامة دبا توريك بيتك دوشي وكنضن حوايجك معاك رتاحي حتا يوجد لعشا 
نور:ربي يخليك منسالكش هاد الخيير اختي اش سميتك بعدا

عصام:سميتها أسيل وانا عصام 
ناضت اسيل من حداهم متوجها لبيتها طلعات حيدات حوايجها كلهم ودخلات ترخات فالدوش مع كارو اللي ضروري مدة قصيرة وخرجات لاويا عليها فوطة...سمعات صوت التيلي شافت جيهتو وتبسمات بجنب


أسيل:كنضن اخر مرة هدرت معاك قتليك مامحتاجاش ليك اولا!!
مجهول:اسيييييل"كيهضر بطريقة متملكة مع مزيج من الغضب والهوس "نتي الوحيدة اللي كنتحكم فراسي معاها بقا شوية غيييير شوية وصبري غيتقادة 

أسيل:من أحسن سير عالج راسك راك مريض
مجهول:فعلا مريييض بييييك😡أسد
أسيل:اممم حتا خبار أسد عندك ولا!!
مجهول:وحتا اللي جبتي معاك لدار

أسيل:"حسات بثوثر عرفات عندها جواسيس من الخدم والحراس ولكن مبيناتش"دبا من هدشي كامل بغيت نعرف شكون نتا!وفاش كيهمك انتقامي اشنو غنستافد نتا ؟؟

مجهول:هههه انتقامك من انتقامي كيييفما تأديتي تأديت متحاوليش ديري أسد طريق حيت هو غير خيط رقيييييق فقط مغينفعك فوالو ميغركش تعاملو معاك هذاك نقطة سوداااء متمشيش غااالطة انا حذرتك وعيني عليك محدي عايش حتا نبشة مغتأديك وهذا وعد من مهوس أسيل "قطع"

خلا أسيل كتخمم ضرها راسها بتفكير هو كيشكل ظهر حامي ليها يعني مباغيش يأديها ولكن اشنو سبب وعلاش قال على أسد نقطة سوداء عندها بزااف أسئلة ملقاتش ليهم جواب...ناضت لبسات بيجامة خفيفة وخا كاين البرد ولكن مولفا سرحات شعرها وهبطات لتحت...

عند نور اللي ملي دخلات لبيت اللي عطاوها وهيا دور فيه وتبقشش حمقها عمرها شافت بحالو مباشرة ديما تشوفهم غير فتلفازة لا تلفون 
اي اش هاد الزهر عندي اوووف مخصنيش نفرح بزاف غدا يجريو عليا أكيد😢حيدات حوايجها ودخلات لدوش هداك كلسات فيه ساعتين حتا خرجات منو مزنكة كتشعل بالنقاوة جبدات حوايجها بيجامة غوز سخونة ونشفات شعرها بسوشوار جايباه معاها دارت مرطب لفمها وتكات فناموسية تقلب فيها حمقتها النعسة عليها...مدة ساعة وناضت خارحة من البيت عقلات على الطريق منين جابتها الخدامة نازلة ودور فعينيها وضحك عجبها الديكور والفراش حتا وصلات لصالون اللي كانو فيه ولقات تما أسيل وعصام 
مشات لفطوي قدامهم تربعات وكلسات دور فواحد زغبة وتهدر

"عجبني هاد القصر وااعر بزااف 😍واش ساكنين هنا غير بجوج!!

عصام:امم غير بجوج 
نور:معندكمش ولاد!
عصام:ولاد؟؟
نور:اه ولادكم نتا وأسيل 😲"خرجات عينيها"اويلي متقولش راه مفيدكش "خبطات على فخضها"شكيييت فيك حق الله حيت واحد بحاااالك فالمدينة لقديمة تشوفو البنت تسخف بالزين اللي فيه والقلدا وصدق ثااامل ولد الهم ضيعنا يا خسارة فيه وفيك😔


عصام"عينيه خرجو حل فمو مصدوم دار جيهت أسيل لقاها غطلقها فسروالها بالضحك عمرها ضحكها شي حد تا لهاد خيتي اللي جابت معاها "بلاتي بلاتي سمعتيعا شقالت 
حركات ليه أسيل راسها بأه وهيا حابسة ضحكة
عصام:دبا انا رديتي القح***مي زاا***ناض من بلاصتو جااهل مشا جبهت نور جرها من دراعها وغادي بيها دار جيهت أسيل "غير طلقيها طلقيها"اسيل تفركعات بالضحك مقداتش حتا تقوليه فين داي البنت 

نور معرفات باش تبلات كتشوف فيه جارها جاهل وتيسب ويعرعر معرفات مالو 
عصام:"دخلها لبيتو وزدحها مع الحيط حتا تأوهات "دبا انا فأخر يامي نولي زامل ءءءء وخا"كيقرب ليها حتا نفسو ولات ضرب فوجها وهيا مزال مخرجة فيه عينيها ببرائة "وخا علاش لا تبغي تجربي !!
نور :ششش غغغنجرب اااش 
عصام:نوريه ليك تشوفيه واش زامل!
نور:حتا اللي فدريبة عندو ولكن قالو ماخدامش ليه يمكن

عصام زاد صعر كيشوف هاد المخلوقة فمها غير تيخرج فالهدرة بلا فرانات مكتعرف شكتقول "عصام لا انا خدام عندي وها العربون جر ليها يديها بغا يحطها على المعلم حتا طلقاتها بغوتة صمكات ليه ودنو 
نور:واااااع العداو والخراااا شباغي دير وديك ساع قوليا راني هو هذاك لاش هاد تجرجيرة كلها تفو دفعاتو وزادت تنطر حتا زدحات لباب بجهد وهو عاد فاق من صدمتو تبعها تيجري لقاها نزلات غير شافتو جاي شاعل وتخبات ورا أسيل 

عصام متقاد حتا مع أسيل اللي كتقول ليه الحمار وعندو وتزيدو هادي اللي رداتو كاع ثاامل وهادي وحلة لدرجة هو شك فراسو 
أسيل:عصام راه غير لبنت تالفة "جرات نور من يدها"شوفي نتي هذا خويا ماشي من نفس الواليدين ولكن خوت راكي غلطي فيه ماشي كيف سحابليك اوكي "شافت جيهتو لقاتو مزال مقروص وكملات هدرتها"احم وراه نهار كتجي تلوط عليه شي قح***كترجع مسكينا مقداش تمشا 😔

نور:هيي ويلي ويلي "مشات عند عصام شدات ليه يديه"سمحليا راه فمي كيديرها ليا مكنخممش قبل نهضر 😔

عصام "قرب لودنها"المرا جايا تعاوديها نطلعو لمك حتا المعدة نوريك زامل كيف داير"
نور:شوف اخويا لايمشي بالك هك ولا هك 

عصام:شدها من قرفادتها" زيدي نتعشاو غا ضاحك جر أسيل من يدها ومشاو لطبلة هو اللي مترأس الطبلة فليمن كاينة أسيل وفليسر نور تحطات الماكلة عصام وأسيل هزو موس وفرشيط وحتا نور ديجا كتعرف تاكل بيهم "راه قتليكم الى كانت ساكتة تحلفي عليها كابرة فقصر غير تهدر تعرفي طاسيلتها معاشتش فلقصورة"كياكلو ونور هيا اللي كتهضر تقول سارطة كسيطة سلاو ماكلتهم وخرجو لجردة...


اسيل شادة فيدها كاس ديال ويسكي وعصام شد سيكار ونور مربعة يدها تشوف فيهم 
نور:ختي واش هذاك شراب!
أسيل:اممم
نور:احح مكرهتش نجربو😍
أسيل:لا ميصلحش ليك 
عصام :نتي بلا شراب وخاسرة اما الى شربتي معرت اش غتقولي 
نور:احم دبا نتوما ضيفتوني أكيد مغتبغونيش نبقا معاكم ياك؟واش نقدر نطلب منكم طلب 
عصام:امم اشمن طلب 
نور:كيشتو نتوما لباس عليكم واش وخا ضبرو ليا فخدمة!
أسيل:مدام نتي معندك لا تابع لا متبوع نقتارح عليك تكوني مساعدة ديالي فيما كنت غتكوني!؟

نور:😲😁بالصح واااو"ناضت تنقز عنقات أسيل بالجهد وبقات تبوس فيها وأسيل جامدة"شكر شكرا بزاف عمري نسا ليكم هاد الخيير 

عصام"ببتسامة مبروك عليك الخدمة 😊
نور:الله يبارك فيك "تنهدات الله تلقا الخير فالبراني ومتلقاه فالعائلة"
عصام:نور كيفاش قضية انك لقاتك لمرا اللي رباتك معندك حد واش متأكدة ؟!

نور:"تزيرااات"اانا اه واليديا ميتين 😔
عصام&أسيل حسو انها مبغاش دوي فالموضوع خلاوها على راحتها بقاو ساكتين حتا ناضت نور تنعس بقا عصام وأسيل 

أسيل:عصام
::وي 
أسيل:غنسافر😔
عصام:"تقاد فالكلسة "وفين بسلامتك!
أسيل:قربات حداه غنمشي ا أكادير مع اسد 
عصام:😲شششنووو
أسيل:كالما سمع ليا 11 سنة وأنا كنتسنا هاد الفرصة ميمكنش نضيعها هو غيقربني من هدفي 
عصام:ولكن كيفاش غتصرفي بوحدك واسد كيعتابرك خطيبتو كيفاش غتصرفي معااه!!
أسيل:"بتاسمات بجنب وكتشوف فالفراع"متخافش عارفة شنو كندير اسد مجرد شخص غبي مغديش نعمر بيه راسي "شافت فيه"وانا عندي اللي غيحميني فالخفاء..

عصام:"بجدية"متستاهنيش ب أسد انا قتليك 
ياكمة مهوسك هو اللي كيحميك!؟
أسيل:اممم هو خاصك تحرك تعرف ليا شكون يكون هاد المجهول! عندو جواسيس فالقصر مراقبنا صوت وصورة 

عصام:غنبحت حتا لقاه.غنسافر معاك "ياله جات تعارضو وقاطعها"غنمشي هيا غنمشي مكاينش نيقاش 

أسيل:😊 "قربات عنقانو"شكرا حبيبي نتا اللي عندي وبابا نبيل الله يرحمو "حيدات من حضنو"أنا غنمشي بصيفتي خطيبتو وخا مقادراش نتحمل هاد الوضع ولكن خصني نرجع اللي ليا ونعطي لكل واحد حقو اللي يستاهل🔥🔥

عصام:انا غنكون فجنبك😊 اي حاجة غديريها تكون فعلمي "بتحدير"مفهوووم
ومات ليه أسيل براسها وباستو وطلعات لبيتها 
بقا عصام تيفكر فيها حتا هز تلفون كيصوني 

عصام:"بصرامة" قصر حدا قصر سلطان أكادير من هنا 3 ايام يكون واااجد مفهوووم"قطع"بقا كيتبسم بشر😈😈


أسيل فبيتها كل شوية طل على عصام واش ناض لبيتو وكتلقاه مزال كالس فجردة مشات لدريسينغ هزات كسوة مقزبة فالغوز بارد وفورير بيض دارت ميكاب ركزات على عيونها الزورق جمعات شعرها كوب شوفال جات بحال شي حورية بدوك العيون الزورق كانت أنثى طااغية الجمال والرقة وقفات كطل من البالكون حتا بان لها عصام نايض داخل عرفاتو غيمشي لبيتو تسنات شوية وخرجات من بيتها...غادة وتعوج بخصرها ترمتها كتهز معاها كلها كتفتن

خرجات جيهت باركينك فين كاينة لوطو ديالها ركبات ديميارات وزادت...طريق كلها وهيا مركزة مع طريق حتا وقفات قدام أفخم بار شي حاجة فشكل كانو مستفين قدامو غير الحديد الواعر... جا واحد الكارد بزربة حل ليها الباب ونزلات عطاتو الساروت..وتقدمات بخطوات بطيئة مع تمايل خصرها دخلات كان عامر والضواو فالألوان فيه مختلف الأعمار غادة جيهت طبلة vip والأعين كلهم عليها كاين اللي كيعرفها من خلال المجلات والصحف اللي ديما كيهدرو عليها وعلى جمالها وحياتها...وصلات لطبلتها معزولة داير بيها زاج عازل للصوت مواصلهاش صداع فيها موسيقة هادئة كاترخي....كلسات أسيل بكل انوثة رجل على رجل حتا بقا شوية لسترينغ ويبان.. كتشوف فالأجواء كيف دايرة جا عندها سيرفور عمر لها كاس من مشروب قاصح مع قطع ثلج ومشا ..هزات كاسها كتجغم منو وكتستامع للموسيقى اللي كتحسها كتنشويها مع المشروب اللي فيدها بقات تشرب وساهية عينيها ولاو حمرين بشراب زادت كاس لول والثاني والثالت والرابع مزال فيدها زروقية عينيها تخلط معاها اللون الأحمر داتها سخنات حاسة بنفسها ضاقت عليها لاحت الفورير من فوق كتافها وزادت قطع ثلج فالمشروب كتشرب ومزيرة على الكاس المشروب عطا مفعولو وحتا دكرايات اللي رجعو ليها زادو شعلوها......

"فبيت مضلم فيه ريحة خايبة وشرجم صغيير جا بعييد ناعسة بنت فالأرض جسمها ضعييف مقدراش تبكي حدها كتنين عينيها تيتحلو ويتسدو شهرين مشافتش الشمس شهرين وهيا بنفس الحوايج و كتشرب غير الماء والخبز حالتها تشفي كانت أسيل البنت الصغيرة اللي ظلماتها الحياة وهيا باقا صغيرة صعيب عليها هادشي جهد اللي يبكي مشا بقات على وضعيتها حتا تسمع صوت باب من الحديد كيتحل وكيتسمع صرير ديالو المرعب...المعروف..كتسمع خطوات شخص صوت صباطو كيتردد فديك.الغرفة مكيبان فيه واالو وقف حدا راسها شاف فيها ببتسامة خبيتة نظرة شيطانية هز رجلو وعفط ليها على صباع يديها حتا تهزات من بلاصتها بقوات الألم

...أسيل :عفاااك هئ هئ هئ عفاك خليني "شدات ليه فرجلو كتبوسها وترجاه يطلق لها يدها "هئ هئ ااااي :الشخص زاد.ورك ودور صباطو حتا سال دم من صباعها وغوتااات على حر جهدها حتا بحات 

"هههه شتي نتيجة اللي كيتسنط على ناس اوخرين "نزل لمستواها وشدها من شعرها "شنوووو ندير فييييك دباا ششنووو اممم حتا نتي صعيبة تسنيتك تموتي هاد شهرين بوحدك ولكن شتك مزااال متشبتة بالحياة 😈امم ولكن صلاحيتك سالات من عندي مغنقتلكش (ضحكة شيطانية)هاهاها غادي نغبرك متعرفي راسك فين حيت هكا غنزيد نتلذذ بعدابك 
أسيل:هئهئ هئ😭شنو درت ليك انا :عطاها تصرفيقة حتا نزفات من نيفها"حسك منسمعوش مسخة غبية تفوووو"دفعها بجهد وناض غادي كيضحك صوت ضحكو مالي المكان....


أسيل هزات كاس اللي كتشرب منو خبطاتو معا الأرض وناضت عيونها حمرييين ولات كتبان شرسة بزاف مستعدة لأي واحد جا فطريقها قلبها مااليه الحقد والكراهيا والانتقااام باغا تصفيها لكل واحد.ساهم فأديتها🔥🔥

وقفات صدرها كيطلع وينزل بقوة الغضب ومفعول الشراب زادها داتها كاتفور خصها تنفس على غضبها بأي طريقة تمشات خارجة من تما جيهت حلبة الرقص عيونها نايمين مكايبان ليها حد من غير ديك حلبة الرقص والموسيقة اللي مجهدة كتهيج الواحد...وصلات لتما بدات كدفع فبنادم باش يخويو ليها ساحة الرقص وفعلا كلشي هبط بقات بوحدها مسلط عليها ضوء والناس دارو بيها كيشوفو فيها بشهوة إعجاب كاين اللي باغي يشوفها شغادير...تبسمات بجنب حلات شعرها حتا تطلق على طولو عيونها كيبريو بلمعان ومزيج ديال الحمورية عطاوها نظرة قتااالة تبدلات موسيقى غربية مثيرة وبدات كتمايل معاها بكل خفة خلات الكل حال فيها فمو هيا كترقص بشكل مثير محاساش براسها كل همها تنفس على غضبها تقدم شخص حاضيها من مدة طويييلة لابس كلشي اسود جا من ورا ظهرها حط يدو على خصرها حتا زدحها معاه ..اسيل موقفاتش رقصها بقات تمايل وهو لاصق معاها كيتمايل معاها ملامحو مواضحينش مع اضواء اللي كيتبدلو بزاف قرب لعنقها طبع فيه قبلة وكيستنشق ريحتها بحال شي حمق يديه مزيرين على خصرها شعلات فيه النار🔥 حتا تلاح على عنقها بعضة خلاها حبسات من الحركة..حسات بألم فعنقها ياله جات تلفت تشوف وجهو حتا زيرها معاه وقرب لودنها ونطق بصوت فحيح الأفعى ...أسييييل "سسسس"
خرجات عينيها من صوت هذا نفس الصوت نفسو :"زاد كمل كلامو"مهوووس اسيييل "طبع قبلة تحت ودنها"نقدر نقتل كل واحد تفرج فيك ...أسيل"لاعب عليها المشروب خلاها مرخية وكتستوعب الهضرة بثقااالة مجات فين دور حتا لقات غير الريح محداها حد فجأة ضنات راه غير كتخيل...رجعات شعرها مور ودنها وهبطات من تما الكل كيشوف فيها ويتغزل فيها حتا حد مقدر يقرب ليها رجعات لبلاصتها بمشية تقيلة..هزات كاس اخر شرباتو فدقة وزادت الثاني شرباتو فدقة ورجعات راسها لووور...بقات مدة على ديك الوضعية حتا ناضت هزات بوشيط ديالها وفورير وتاجهات لحمام غادة ومنزلة راسها جايبة الكاو حيط يلوحها لحيط عينيها مقداش تحلهم الرئية مواضحاش كيبان ليها كلشي مضوبل...محسات حتا خرجات فشي حاجة قااصحة حتا زادت داخت مجات فين تهز راسها تشوف فاش خرجات حتا طاحت مغيبة...شدوها جوج يدين ضخمين قبل توصل للأرض حيد ليها شعر على وجها شاف فيها دار نظرة جانبية حتا عيط لشخص اللي معاه بصوت رجولي بنبرة حااادة كدخل للأعماق "اجي هز عليا هاد الوسخ "
جا الشخص كيجري خداها من بين يديه وهو ساس يديه مشمأز وزاد مع طريق 
الشخص لاخر شافها عرفها شكون عيط ليكارد شافوها عرفوها حيت كليانة عندهم....


عصام كيمشي ويجي معصب وحداه نور كتشوف فيه وف أسيل دايرة عليهم نوبة 

نور:تا ختك طلعات سكايرية مقطعة...عصام مسح على وجهو بعصاب وشاف فنور شوفات بحال القرطاس...حتا نور خرجات فيه عينيها "مالي كدبت غا حالتها تعطيك العربون..مشات جيهت واحد القرعة ديال الماء هزاتها ونطقات ..هانا غنفيقها ليك ونتا بارك تمشي وتجي تقول غاتولد 😏 هزات ديك القرعة حتا الفوق وخواتها على وجه أسيل حتا ناضت طافجة وكدور فعينيها وشادة راسها ثقيل عليها كيضرها 

عصام "ربع يديه كيشوففيها حجبانو مقندشين:على سلامة 
أسيل:"مزال معقلات على والو"اه اي رااسي شنننو وقع 
نور:ههه وتي قولي شماوقع ماشي عصام صوناو ليه قالو ليه ايجي يديك راه جايبة الكاو😂وطلعتي مسويهلاش ديك الساع ديني معاك ياك قلتي نرافقك فينما مشيتي مصدقتيش اسكايرية 

أسيل:مزال متوكضات ليها باش تنوض توريها السكايرية اللي ولداتها كي دايرة"عصااام

شاف فيها عصام بنص عين وتقدم جيهتها شدها من يديها نوضها"زيدي دوشي هاد الحالة "ناضت معاه بشوية الكسوة طالعة حتا لفين وفين تبعاتها نور من لور تنزل ليها الكسوة 
نور :ياختي فنة فنة هاد نص ثوب اللي لابسة 😍
عصام:غبري قودي من هنا 
نور:اويلي شكون اللي غيقود انا ولا نتا اممم ولا ناوي نتا دخل دوش ليها😲هاويلي باغي تستغلها والله لكانت ليك 
عصام شاف فيها شوفة ديال اليوم نقتل مك زير على يدو وهو يعطيها أسيل فيدها "قودو بحوج الله ينعل الز***بوكم قح***صافي عصام صعر وصل لطوب ديالو مستحملش يشوف أسيل فديك الحال ملي صوناو ليه لكارد عاودو ليه شنو دارت مكرهش يقتل مها عصا ولكن هو عيا من هدشي ديما كديرها بيه تجي حتا تسكر مزيااان ترجع حالتها عارف باللي اللي دوزات عمرها نساتو وكتحاول تصبر راسها بشراب ولكن هيا عاد كضر راسها خرج وزدح عليهم الباب 

نور:تفو كيداير القحوبي لاخر زيدي زيدي ونتي ترخيتي...
جرات أسيل لدوش لاحتها هكاك فالبانيو وخوات عليها الماء حتا عمر عاد حيدات ليها شراوطها تحيد وتنكر مسكتاتش وخرجاتها شادة فيها لاحتها هكاك ببنوار فبلاصتها وخرجات تقلب على عصام مغتهنى حتا يعطيها شي قتلة عاد تسكت وترتااح😁غادة ودور عينيها هبطات لتحت باليها سقيل مكاينش حسو جات ترجع لبيتها حتا بان ليها واحد بار صغير جا معزول مشات جيهتو لقات عصام هاز كاس ويسكي وتيجغم منو 
"نتا هنا ..عصام هز فيها راسو وزفر 
غير شافتو هكاك وكلسات تبركم بشوية:نتوما سلعة وحدة غير السكايري على لاخور😏"احم خويا عصام 

"اشش بغيتي...نور:هزات فيه حاجها مبغيت والو غير جاني جوع حيت طيرتو عليا النعاس اللهما نخشي فكرشي😁
عصام:حط الكاس وتقدم لجيهتها بخطوات بطيئة وهيا مزال واقفة بلاصتها حتا تقابل معاها وهو يشدها من واحد زغبة وزاد بيها جارها منها وهيا شادة من يديه اللي شاد بيها زغبتها وتابعاه وتغوت :وااطلق طلق وامبقيتش بغيت ناكل غا طلق مني احمباك مباقي ناكل صافي طلق الخرا 

عصام متسوقش ليها حتا وصلو وهو يفتح ثلاجة ودفعها جيهتها وهدر وهو معصب::شووفي ها الماكلة كولي متبقاي تفرعي ليا ك**قلبي عليا وطلعي تق**لبيتك منشوفكش قدامي ماشي اللي بداتو اللولة تكمليه لدينمي نتي تفو 

نور:😲ومالك على حالتك شو كي وليتي ويلي ستغفرت الله "كتقيس ليه جبهتو ويدو"شوف كيعرقتي وعروق يدك خرجو 😲نتا حالك.ميعجب ربي لما سير لطبيب كون غير وريتيني غير منين ندوز بلا ماتعدب وتجيبني تالهنا ونتا شاعل راه غير بغيتي تمرض راسك "بدات تدفع فيه يخرج جيهت الباب ياله سير رتاح الله يجيب الشيفا 
عصام غير مخرج عينيه تيشوف واش هاد مخلوقة بصح هبيلة ولا كتبغي علامن تفلا شاف راسو غيبدا يفكر بزاف طلعها ونزلها لقاها هازة فيه حاجب ويديها فجنابها واقفة كي القدر زعما راه ممفاكاش دوز يدو على شعرو بعصصبية وعطاها بظهر وتحرك

نور:معرت مال القحبة مهم هاد الجوج مسكونين الله يستر "مشات جيهت ثلاجة بدات تهز وتحط...كلات حتا مبقا فين تزيد عمرات الكريشة وطلعات تنعس كلشي الى كرشها متسمح فيها هيا غير جات وربات طرف ايهاااي


🌺🌺صباح جديد 🌺🌺

ناعسة كيف الملاك مفاتينها كيبانو من البينوار اللي لابسة.. بدات كتخصر ملامحها بسبب اشعة الشمس اللي داخلة من شرجم كتحل عينيها الزرقين بشوية شعرها الأشقر طايح على المخدة كيبري...راسها كيضرها مقادراش تنوض..حتا بدا تلفونها كيصوني مسكتش حتا هزاتو شافت نمرة وهيا تحل عيننيها على وسعهم وناضت كااالسة بقات تشوف فنمرة وتسرط ريقها كتسترجع أحداث البارح عقلها محبسش حتا سكت تيلي ياله غاتحطو وعاود صونا جاوبات....

....أسيييل 😈ههه مضنيتكش ضعيفة حتا لهاد الدرجة ولعب عليك المشروب حتا غيبتي وفيد من مطحتي غير فيد اللي مصالحاااش لييك وكبيييرة عليك 
...شنوو كتقصد؟؟
مجهول:امم ماشي مهم خاصك تمرني على المشروب والى مكنتيش قدو فوووتيه 
أسيل:ونتا مااالك شنو خصك ياك البارج جيتي حتا لعندي علاش متواجهتيش معايا ولا خايف!!
مجهول:سسس احح لباارح كان احسن نهار عندي امم خليت ليك علامة تفكريني بيها😈
أسيل"حطات يدها على عنقها بلاصت العظة لقاتها منفوخة وكضرها "نتا واحد حمق غبي الى كنتي رااجل واجهني متبقاش مخبي ورا تلفون ياله قود عليا نهار باين من صباحو تفو "قطعات"
ناضت معصبة كتنطر لاحت بينوار فالأرض ودخلات لدوش دوشات بزربة بماء بارد باش تصحصح شوية وخرجات لبسات

صورة لشنو لبسات

ودارت ميكاب خفيف طلقات شعرها خرجات تقرقب بطالون غادة وتمايل بأنوثة درجة درجة ومعصبة طلع ليها هاد الخرا فراس خصها تعرف شكون هذا اللي فارع ليها مخها...هبطات تقلب بعينيها على عصام عارفة راسها زبلاتها معاه مبانش ليها سولات خدامة كانت دايزة من تم 
...فين عصام
...فجردة الالة 
تحركات أسيل خارجة لجردة كيبان ليها هصام كالس مرجع راسو علا الكرسي رجل فوق رجل و كيطقطق بصباعو فجناب الكرسي لابس كوستيم اسود شعرو مرجعو جنب كيبان وسييم بزاف وهادئ تقدمات عندو بشويا كطلع وتنزل فيه بأسف حتا وقفات قدامو...عصام حس بشي ظل قدامو وهز راسو غير شاف أسيل وهو يجمع حجبانو قرنهم مدواش بقا غير كيشوف فيها شوفة حادة اللي شافو دبا ميقولش هذا هو اللي كيضحك ...أسيل معجبوهاش شوفاتو .قربات كلسات حداه 

..أسيل :أنا أنا مقصتش نتصرف هكاك😔"سكتات شوية وكملات كلامها"عارفة راسي غالطة مشيت بلا منعلمك وكثرت شراب عارفاك خايف عليا "هزات يدها حطاتها على حنكو باش يشوف فيها "عصاام شوف فيا عفاك 
عصام دور عينو ليها كيشوف فيها ببرود ونطق"ديما نفس الوعود ديما كنسامحك وكديري لي فراسك عارفك بعقلق ولكن نتي لبارح أثر عليك المشروب وغيبتي والحمد لله طحتي فيد كارد عارفك .."سكت وغمض عينيه ونطق"كون طحتي فيد شي حد اخر باغي يدوز الوقت غتجيه ساااهلة فداك الوضع ياك! هادشي مناش كنخاف عليك ولكن نتي "كيضرب بصبعو على راسها"هاد العقل متيفكرش نتي المشروب بزربا كيأثر عليك هاد المرا انا اللي جبتك مرا اخرا غتلقاي راسك فبلاصة اخرى ومع شخص اخر 😡
أسيل:"حدرات راسها"اوك سمحلي بيبي مغنواعدكش اني مغنعاودش نمشي ولكن غنرد لبال "باستو فحنكو"كنبغييك 
عصام عارف راسها قاصح غمض هعنو بحصرة وعنقها ❤


مفزعهم غير صوت نور اللي هجمات عليهم .واقفة دايرة يدها فجنابها معوجة خصرها اللي معري لابسة واحد نص شورط دجين "كون حيداتو حسن"وميني بوط فالكحل وطالقة السوالف مع ميكاب صاارخ جات صداع وصندالة طالون فرجلها
نور :تنعسو فحال وتصبحو فحال الله يستر غير البارح سكايرية وليوم حبايب يا عيني

عصام&أسيل طلعو فيها حواجبهم بتخنزيرة من ديك كلمة سكايرية "نور غاشافتهم قرمو الحجبان بدات تويل وتعاود"احم هيهي غا ضاحكة كيشتو مدوووش عليا راني غا خبز ربي فطبكو كاين غاجيب يا فم وقول 😁وزادت كلست مقابلة معاهم رجل على رجل وفخاض بيضيين وعاامرين تزيد طلع رجلها شوية يبان سترينغ 

أسيل "طولات فيها شوفة "شوفي نتي تسحابليك ناسية داكشي اللي درتي البارح راني عااقلة على كلشي مرا اخرى مغنهضرش غنجي نوريك فعايل سكايرية😊

نور:😲ناري ياختي غا كنت ضااحكة حجارك يشدوك دوي أخويا عصام دوي 
عصام متسوقش ليها.وشاف فأسيل بجديه :احم غذا غنسافرو 
أسيل:اممم غدا"دارت بتسامة جانبية وكتشوف فالفراع...

نور غير سمعت حس السفر ضربات لها طنن فراسها كيفاش زعما غيمشو ويخلوها ياك قالو ليها تخدم مرافقة لأسيل بقا عقلها يدي ويجيب بغات تسول مقدات بقات غير دور عليهم عينيها حتا جاو خدامات يفطرو حلف لداز ليها داك الفطور خصها تعرف اش غدير هيا واش ايخلوها ولا شنو 

عصام شاف نور ماشي هيا هاديك :نور مالك 
نور:شافت فيه وقررات تهضر لي ليها ليها" احم نتوما مسافرين!!
عصام :ويي علاش!
نور:"بتردد"ووو انا !
أسيل:حتا نتي غتمشي ولكن نقولها ليك من هنا ديك الخفة خليها عندك شتي شي حاجة سمعتي شي حاجة سكتي حيت غنمشو لدار خطيبي غنستقر تما بيما تزوجنا😏

نور😲ويلي غتسكني معاه قبل زواج وها لي قالت شوافة جاتك عادي زعمة🤔
أسيل:دخلي سوق كر***نتي غتعرفي غير تمشي معايا مغيخصك والو واللي قلتها تنفد اووك 
نور ومات ليها براسها ب اه وضربات الطم مالها حمقة تهدر خصها تسافر هيا معندهاش فين تمشي اللهم هما ولا الخلا...ناضت اسيل ستأدنات منهم وقبلات عصام فحنكو ودازت خارجة تمايل ريحتها سابقاها حتا وصلات لوطو حل ليها شيفور ركبات وديمارات قررات ليوم دير اول خطوة بخصوص المجهول...

عصام كيشوف فنور عاد تحلات ليها الشهية كيطلعها ويهبطها وهو داير رجل على رجل عينيه فيها وشاغلة بالو شي حاجة ماشي هيا هاديك 

نور حسات بشوفاتو توترات :احم كولني حسن ولا ياكمة نجيب لي صورتي ههه عادراك ماشي غير نتا اللي كتبقا ساهي حتا ولاد درب تيديرو بحالك تقول عمرهم شافو الزين والطرف"خبطات على ترمتها:"
عصام شاف فيها بستهزاء :😏😏امم حاسة براسك! نور نتي متأكدة ممخبيا علينا والو !!

نور:"خرجات فيه عينيها وتتفرك فيديها "شششنو غ غنكون مخبية؟
عصام:كيشوف الثوتر اللي واضح عليها عرف كاينة اينا فالقضية فقرر ميزيدش يسولها :لا والو غير بغيت نعرف وصافي وخصك تعرفي بلي اللي دخل وسط منا كيكونو عينينا عليه "بتحدير"مفهوووم
حركات ليه نور راسها باه وبقات تشوف فيه حتا ناض تالقدامها وهبط باسها فحنكها .اححح زوينة😍... وزاد ماشي كيتعنكر بعضلاتو المفتولة ...خلا نور غير شادة حنكها وطلع فيه ملور وتهبط وعقلها المنحرف وصلها لولاد😂..
نور:اييي شحال توتوز ولكن مصالحش ليا باينة فيه بو لبنات شوية تفكرات أسيل:😲هيي بنت القحبة قاتلك مرافقة ليها ومخلياني هنا تفو ملي جيت مخرجت😡


عند أسيل وصلات قدام البار اللي كانت فيه البارح دخلات بكل ثقة خطوات تابتة هازة راسها لفوق كلشي ثارت انتباهو توجهات نيشان لواحد المكتب 
سكريتيرة:وي مدام شنو حب الخ.."مخلاتهاش أسيل تكمل كلامها ودخلات نيشان لمكتب المدير مكاين لا دق لا والو...مع حلات لقاتو شاد واحد القحبة فوق رجليه كيبوس فيها..دخلات أسيل عينيها عليهم تمشات جيهت الكرسي بلى ميردو ليها البال منغاامسين فشغلهم حتا خبطات صاكها مع البيرو عاد قفزو بجوج من صوت..

مارك "مسؤول تما"دفع عليه الق**ومشات فحالها "احم انسة أسيل مرحبا 😊(كان رجل كبير شوية جنسية ايطاليا لابس كوستيم زرق شعرو فيه الشيب باااينة فيه زايغ من الدرجة لولة)
أسيل"بلا مقدمات:بغيت تسجيل الكميرات ديال البارح ودبا
مارك:امم علاش؟
أسيل:مكيهمش بيغتهم دبا
مارك؛اوكي تفضلي معايا 
ناضت وهو مقاد معاها خرجو من لبيرو لطابق لتحت مدة قصيرة وصلو لغرفة المراقبة..دخل مارك هو لول وتبعاتو أسيل دورات عينيها لقات 4 رجال تيبانو متوثرين وتيخربقو فالبيسيات
مارك:احم شنو واقع هنا!!
...سيدي واقع مشكل الكميرات معرفتش مالهم 
مارك:قرب ليه شنو وااقع
..تسجيلات البارح تمسحو واللي مسحهم خلا سيدي مفهمناهش
أسيل ودنيها مع الهظرة عرفات مول الفعلة وكتمنا يكون شكها غاالط 
أسيل:ورينا هاد السيدي !
مشا خدم ليهم السيدي وبانت صورة سوداء شويا بدات كتوضاح وكيبان كرسي شكلو غرييب كالس فيه شخص ضخم البنية ومدرق وجهو بماسك اسود كيبان غير فمو لي كيسوط منو دخان ديال سيكار بثقاالة بقا مدة.... حتا تسمع صوتو المخيف خلا كل من مارك واللي معاه يحسو بالرعب من نبرتو اللي زعزعتهم الى أسيل اللي محسات بواالو...

أسييييل"طولها"كيسحاب ليك انا غبي حتا لهاد درجة هههه توء توء حتاا لنهار اللي نبغي أنا عاد غتعرفي شكون أنا متحاوليش داكاي معايا 😈مهووووس أسييل "تقطع تسجيل
بقا مارك واللي معاه كيشوفو جيهتها حتا نطقات 
..مدات يديها"عطيني هاد السيدي "عطاه ليها الراجل وزادت غاديا بثقة متزعزعات فيها حتا حاجة غير هو طلع ليها فراسها بهاد اللعب معارفاش شنو الهدف ديالو..خرجات على برا ركبات فلوطو تنفسات بعمق ودوزات الخط ل أسد
..مدة قليلة وجاوب 
حبيبتي...أسيل:عمري توحشتك
اسد:حتا أنا سمحيلي كنت مشغول 
اسيل:امم ماشي مشكل غدا غنجي أكادير 
اسد:اووه خبر زوين بوحدك!
أسيل :لا عصام واحد البنت غتبقا معايا 
أسد:اوك مرحبا العائلة كلها عارفاك غتجي فرحانين بيك حيت غتكوني زوجت ولدهم ❤
أسيل:بشوفة جامدة امم حتا انا فرحانة حيت غنكون وسطهم 😏ام نخليك دبا عندي منقضي..توادعات نعاه وقطعات ..وزادت مكسيريا 

عند عصام اللي كالس فالبيرو ديالو كيدور بالكرسي وشاد واحد الصورة كيشوف فيها شوفة ممفسراش وكيهضر ..مبقا لي والو ونوصل ليك نتي غتكوني ديالي أنا عصام حتا حد مغيحضى بفرصة معاك رجع راسو اللور وهو كيتخيلها قدامو بلباسها المثير ..شويا بدا كيضحك بالجهد وبقا كيردد سميتها


هكا داز نهار عند كل واحد أسيل دازت لخدمتها مع عصام حتا لعشية وخرجو من الشريكة متوجهين لقصر...

ونور كالسة دور فالقصر فلاتو من قنت لقنت حتا حفضاتو حتا بيت عصام دخلات ليه...
كالسة نور فالصالون على كرشها هازة رجليها لفوق كديمات حمرييين صبيعات كيشعلو بنقا مصبوغين بالحمر ترمتها طالعة وكتزعلل برجلها فسما وكالسة تفرج فيلم وتضحك ضحكة الشيخات مصدعة دنيا بضحكتها...داخل عصام وأسيل كيهضرو حتا كيشوفو صاحبت الحسن والجمال مجبدة عليهم تما ..غاسمعات نور حسهم موراها ناضت مكوزة حتا عصام خرج عينيه فداك الخير اللي هازة😲الشورط دخل وسط الترمة حس براسو قشاوشو بداو يديرو تحية...دور عينيه لأسيل شافها كتشوف فيه وتهبط تطلع عينيها وتنزلهم فيه بتاسمات جنب وهيا تقرب حتا لودنو 
..كيبان ليا شحاال هادي مخويتي لمزود"شافت فيه وغمزاتو وشيرات بعينيها لحجرو لي هز لعلام ...عصام وسع ضحكتو ونطق .هيا الى سلفتيني هاد الزين اللي خلاه يهز لعلام 😁
أسيل:دور تقود لاتصدق دايرة ليك مدارت لخوها😉
عصام"شد على قشاوشو بيديه تخيل الوضع وهو يغمض عينيه 
نور:😍على سلامتكم توحشتكم "مشات عنقتهم بجوج"بقاو غير كيشوفو فيها وبتاسمو ليها 
شافت فأسيل نتي شتك قلتيلي غنكون معاك ديما ونتي كتسلتي وتخليني🤔

أسيل "كتهضر وغادة طالعة "اممم واش عزيز عليك ثماارة صبري على رزقك مزاال الوقت قدامنا 
نور:شافت فعصام "ونتا ازين اش خبارك كيدوزتي نهارك😍
عصام:مد يدو وعنقها جنب "طووب الحب وكمل نهاري ملي شفت هاد زين قدامي 
نور:تعنابك حامض اخووويا كون غير مشيتي سكنتي فدرب عندنا تولي عنايبي من الطراز الرفيع حق الله 
عصام:"دارها قدامو" تعناب هو اللي غنوري لمك ياله حيدي خليني نمشي ندوش.. تخطاها وزاد وخلاها تنكر 

بقات نور تسوف فيه حتا طلع ورجعات لصالون فين كانت 
أسيل اللي دوشات ولبسات دوني بيض وشورط شيبي قصير ديول النعاس وخلات شعرها مطلوق..مشات لصاكها هزات داك سيدي وغادة بيه لبيت عصام...دخلات بلا مدق لقاتو كالس كيكمي وحاط قدامو بيسي..هز فيها عصام عينو 
..شي نهار تلقايني مسفح 😎
أسيل:امم ومن بعد عادي مبيناتناش😏
عصام:كون مكنتي كبرتي معايا كون شحااال هادي درنا شي فشي ولدناه كيمشي😅
خنزرات فيه اسيل:تجمع شوية عدني ليك شي حاجة مهمة بزااف تشوفها 
عصام حط الكارو وتقاد فالكلسة لابس شورط قصير وتيشرت مبين عضلاتو😍...شنو واقع ؟؟
أسيل جرات البيسي وداىت فيه سيدي وخدماتو ودوراتو ليه :شووف 
عصام قوس عينيه مركز معا الفيديو حتا سالة ودار عندها كيدوي بجدية":هذا مكيهضرش على الخاوي وعلى مكيبان لي صعيب نوصلو ليه نو سابقنا بخطوة يعني اي حاجة كنبغو نديروها كتكون فبالو 😏
أسيل:هادشي لي شاغل بالي هو مباغيش يبان حتا ترشق ليه ولكن المشيا ديالنا عند عائلة سلطان غتنفعنا يقدر يبان قبل الوقت اللي مقرر هو 😈


عصام:امم ممكن نسيت مقتليك خديت قصر حدا قصر عائلة سلطان غنسكن تما حيت ميمكنش نسكن معاكم فنفس البلاصة ولكن يوميا غنشوفك اوووك 
أسيل بتاسمات ليه اووك .عصام شد وجها وباس عيونها :هاد العيون شحال حمقوني اول نهار شتك 
أسيل:ههه كنتي حمق ..شكرا بزااف اعصام نتا هو الأخ اللي معطاهش لي الله من واليديا الاه يخليك ليا نبقاو ديما مجموعين ..تبادلو العناق وهبطو بجوج لتحت عند نور يتعشاو ...لقاو نور دايرة يدها على خدودها قنطاانة معارفة مدير غير شافتهم ناضت عندهم كتضحك وتشوف فعصام من لفوق لتحت مطرطقة فيه عينيها قربات حتا لحداه وحطات يدها على صدرو العريط كتحسس بيديها...خلات عصام واسيل غغير كيشوفو
نور:اييي هادشي ديااالك😍
عصام:هاء ديال الجيران
نور:اححح وااعرين "هبطات ليه ليزابدو كتحسب"نااري هادشي كاامل راك نااضي معا راسك شحال كنتمنا شي حد فحاااال هكا داير نبان بيه غير قدام القحبة ديال سارة اللي حتا ترمة متكسابها ونفقس بيه عود سبسي ديال حياة نوري لطب***مها الرجاالة كيدايرن هههه"ضحكة مقحبنة"
عصام وأسيل صبرو حتا صبرو وطلقوها بضحكة من القلب على هاد الهبيلة عندها كلشي مسرح 

أسيل:هههه "كضحك وتهضر"عندااك ملي نمشو عند عائلة سلطان تبداي تطلقي فداك اللساان عندك 
نور بحال الى ضربتيها بطرشة كتعاود فودنيها غير سلطان سلطان غمضات عينيها حيدات يدها م
ن صدر عصام حطاتها على قلبها كيضرب بالجهد حلات عينيها فيهم لقاتهم كيشوفو فيها مستغربين من حالها 
نور:شششنوو ق ققلتي؟؟
أسيل:قتليك عنداك تبداي غير::جات تكمل قاطعاتها نور :لا عندمن غنمشيو!؟؟؟
أسيل:عائلة سلطان علاش؟؟
نورر:ووواش سلطان اللي معروفين عايشين برا!!!؟
أسيل:علاش كتسولي ؟
عصام:نور واش كتعرفيهم؟
نور:برتباك ءءء لا غييير كنننشوفهم فمجلات صصافي اممم نخليكم نمشي لحمام ونجي نتعشاو...تحركات قبل ميجاوبوها نيشان لبيتها دخلات وسدات عليها تكات على الباب دخوعها نازلين قلبها كيضرب بجهد حاسة براسها غتموت قلبها كيتعصر بالام دكريات أليييمة رجعو ليها حطات يدها على وجها مدرقاه وكتبكي بلا صوت كيفاش من بعد هاد السينين عاودات سمعات كنيت سلطان والعجيب غتمشي برجلها لعندهم كيفاش غتقدر تصرف عادي بدات تهدر بصوت مرعود عيونها حومر وفمها كيترعد :لا لا ميمكنش نمشي انا ماشي قدهم لا لا نور نتي متقديش تمشي هئهئ الله ياخد فيهم الحق كيف قتلولي روحي الله ينتاقم منهم...ناضت كلها ترعد دخلات لحمام قدام لافابو كتشوف وجها فالمرايا دموعها كيف شلال محبسوش فتحات الماء كتغسل وجها وكتشوف فالمرايا ودكايات العذاب والخوف اللي دوزات رجعو ليها لحظة مور لحظة الظلمة الدم اصوات مرعبة قتل هادشي كلو زارها فبالها غمضات عينيها بجهد وزيرات على يدها كتدوي بصوت كلو حقد.وانتقاام .نتي خاصك تنتاقمي انووور ميمكنش تفلتي الفرصة اللي جات حتا لبين يديك ميمكنش ومغيعرفوووكش انوور نتي غتنتاقمي لراسك ولناس لي حرموك منهم حلات عينيها كتشوف فالمرايا بتحدي ونطقات كتورك على الحروووف ..غنشوفهم الويييل نووور غدوقهم ملي دااقتو نوور غتلعب عليهم 😡😡😡....مسحات وجعا بفوطة بقات شوية حتا زال اثر البكا وخرجات رسمات بتسامة مزيفة على وجها وهبطات عندهم..تلفتو شافو فيها أسيل ردات البال بلي نور ماشي هيا هاديك معرفاتش علاش بقات متبعاها بعينها حتا كلسات...حطو لهم الخدامة لعشا وتعشاو فجو غريب نور اللي مولفة مكتسكتش دبا ساكتة عصام شاف ف أسيل تفاهمو بالعنين بلي بيها شي حاجة وقررو يسكتو كملو ماكلتهم كل واحد طلع لبيتو ينعس وكلها هاز احزان فقلبو...

🌺🌺دعيني أنفرد بسماء الوحدة وأتمتّع بجراحي وأحزاني ولتكن دموعي هي شرابي وليكن سواد اللّيل هو لوني🌺

أصبحنا وأصبح الملك لله🌞شميسة بانت نهار جديد أحدات جديدة....كل واحد واقف حدا فاليز ديالو غادين خارجين من لقصر كل واحد والهدف ديالو وكل واحد اش مكتب ليه الله يشوف ويعيش فهاد السفر اللي يقدر يبدل لكل وااحد فيهم حياتو...
عصام شاد فيد أسيل اللي كتشوف فالقصر شوفة غامضة وعمييقة..أسيل نتي غترجعي لهنا ونتي رابحة باب هاد القصر غيبقا مفتوح ليك حياتك كوولها عمرك ضني شي نهار بلي نقدر نتخلا عليك نتي نصي ثاني حنا بجوج كبرنا وبجوج غنبقاو"ببتسامة"عيونك ضواو علينا حياتنا انا والواليد الله يرحمو كنتي بحال شي نجمة ومزاال بحال نجمة وأنا طول عمري كنت ظل ديالك وغنبقا معاك خطوة خطوة 
أسيل:"كتشوف فعينيه"شكرا بزاف أ عصام بكلامك زدتيني تيقة فنفسي انا غادة باش رجع حقي وغنرجع وأنا رافعة راسي والوعد اللي واعدتو لنفسي غنفدو نفضل نموت ومنرجعش خااسرة"تحولو نضراتها لنظرة انتقاام"نفس الشي اعصام غيدوز عليهم مغنحنش فيهم وخا نشوفهم ففراش الموت كيف محنوش فيااا وانا بنت 12 سنة مغنحنش فيهم وانا عندي 23سنة 😡😡
عصام:بتاسم بجنب😏"أكيد منخافش عليك
مزال على حديتهم حتا كيسمعو صوت زديح فدرو تلفنو بجوج لمصدر الصوت 
لقاو زينة البنات نازلة مزيرة على الحالة سروال دجين زرق غيطرطق وقبية قصيرة كتبين الكرش وصبادري وجارة فاليز ديالها كدردف بيها فالدروج زداف زداف 

عصام:اشش كديري علاش متخليها حتا يجي الكارد يهزها!!
نور :"كتدوي وتدردف ب باليزتها"هاااء ومالك قالو ليك عليا مقطوعة يد ولا رجل اشوف اه راه مكابراش فهادشي ديالكم راني كابرة غير فالمدينة القديمة كندير كلشي راسي والى مخفت نكدب نهزك نتا كامل 😁
طلع عصام حتا لعندها حيد ليها فاليز من يدها هزها فيدو وهبط"زيدي زيدي نتي فيك غير الفم 

نور:"دارت ديها فجنابها وهزات فيه الحاجب"ياااك المرضي 
اسيل لتحت كتشوف فيهم :نور هبطي خلاص خصنا نمشيو..نور دورات عينيها لنور طلعتها وهبطتها كانت لابسة كسوة قصيرة فالكحل مزيرة من الفوق ومطلوقة من التحت وطالقة شعرها مع ميكاب صباحي خفيف... ونزلات نور دردك مع دروج وتفرنس حتا وقفات قدامها:حق ربي الى لباسك من داكشي لفريييع اساطة "أسيل كمشات حواجبها مستغربة من هاد الكلام"اشووفي بلا متشوفي فيا هكاك هاد لحوايج ماشي من البال ياك😁
أسيل:كيييفاش اويلي على البال
نور:وماالو البال حرام كيشتي هاد الحطة اللي لابسة انا وشراوطي كلهم من البال وبييخير كنشريهم وندوز عليهم تصبينة سانك سانك ونخشي فيهم شوية الند مفرتت وكيولو ماااح"باست صبيعاتها"
أسيل:حيدي حيدي من قدامي مغتبقايش تلبسي داكشي غينوض فيك شي مرض😣"زادت خلاتها طلع وتنزل معاجبها حال"
نور:"كتهضر معا راسها وكلها كتحرك مكتزكاش"شوف ليك السكايرية لوخرا قاتلك ملبس داكشي ههه معارفاش راه ملي كلبسو كنخلي طايح كثر من نايض يخخ شعرفها هيا من غير القرعة السكايري لي ولدها...محسات غير بيد صحيحة جاراها..اويلي ستغفرت الله ماالك جهلتي بشوية عليا اللي زربو ماتو

عصام :تقودي تحركي قدامي لا نقتل موك هنا نيت وشوووفي فيا "بتحدير"هاديك اللي كتقولي عليها سكايرية نهار تسمعك تحيد لمك لسانك عطيها تيساااع مفهووم "دفعها قدامو حتا كانت غاطيح وشد فيدها وغادية وتنكر..حتا وصلو لبرا لقاو أسيل راكبة كتسناهم..حليهم شيفور باب اللوطو وطلعو عصام القدام ونور اللور حدا أسيل 
نور:ااوووف ملي جيت مشفت شي قلو**من غير هاد القصر 😏
شيفور سمع ديك الكلمة خرج عينيه متوقعهاش منها "راه تنقولكم اللي شافها ساكتة يقول هااادي هيا المرا وإلا فالة😂"
نور نغزات عصام من كتفو بجهد.حتا دار صاعر شدها من شعرها :شبغيييتي المرض هضري بفمك لاش يديك ...نور دبلات فيه عينيها ورققات صوتها كتدوي بين سنانها"طلق الولد القحب***الثامل راه معانا البراني "كتبسم وهيا مغددة"اويلي طلق ينعل زابور موك
عصام:زاد زير عليها فشعرها وقربها منو بحال الى بغا يبوسها وهدر"شي نهار غنفرع موك على هاد تخسار الهدرة..ياله جا يكمل قاطعاتو أسيل
...ايييه نتوما هنيونا 😡
عصام طلق من نور ساس يدو وهيا كتبرق فيه عينيها 
نور:اوا سوس تما فيا الكراد الله يسلطو عليك..حمرات فيها أسيل عينيها وهيا تقطع الحس ...بقاو غادين في صمت حتا وصلو قدام المطار هنا تزاد الزايد مع نور 
اويلي شكنديرو هنا!!!
أسيل:كيفاش شكنديرو هنا غنساافرو 
نور:وها طموبيل لاش جينا المطار
أسيل:"بنفاد صبر"غنمشو فطيارة خاصة 
نور😲😲😲اوعدي يانا على طيارة لميييمة قطعو ليا غا فالكار اللهم تكركيبة من الكار يلقاو ميجمعو فيا ولا تشتيتة من طيارة😢احمبااك ازين غا دوني فالكار 
أسيل:شووفي كنتي باغة تزيدي معانا وفطيارة مرحبا مبغيتيش سيري قودي عليا مناقصنيش صداع "نزلات أسيل خبطات بالباب حتا قفزات نور دورات عينيها ملقات حد شافت تا عيات وكلات امرها لله ونزلات ميمكنش تفرط فيهم حيت معندها فين تمشي وفنفس الوقت هوما طريقها للانتقاام ديالها تأفأفات ونزلات مقلقة معاجبها حال وخايفة من طيارة دورات عينيها مبانوش ليها صافي جمد لها الماء فركابي بقات تشوف يمين شمال 
..ويلي ويلي يانور القح**بقيتي تشرطي تا مشاو وخلاوك اااويلي وشغاندير "مزاال كتويل حتا وقفها صوت راجل 
شيفور:انسة قالك ميسيو عصام واش مزال غتمشي ؟؟
نور:😲اه اه اويلي فين هوما

شيفور:تفضلي معايا نديك عندهم
نور تبعاتو تلوز بداك.الطرف ومخلات حتا حد مسكاناتوش كلشي الناس دوزات عليهم بعينيها من الفوق لتحت وهيا محاساش بداكشي اللي كيتهز ويتحط موراها خلات اللي معاه شي وحدة يشوف فيها ويدور عينو لقزيبت اللي معاه تيلقا لا مجال للمقارنة وصلو كاع شي وحدين لشد ليا نقطع ليك مدازت من تم حتا خلات الفتنة موراها بنت الهم ..مدة قصيرة وصلو لممر خاص بطائرات الخاصة ..احتا بان ليها عصام وأسيل ياله غيطلعو لطيارة خاصة بيهم وهيا تضربها بجرية حتا لعندهم خلات الشيفور كينفس الكرافاط عينيه حوالو مع ترمة وجرية منعاودش ليكم خير ربي مدفق

نور:واا العداو واهيا العالي هاني جيت غادة غادة معاكم واللي ليها ليها 
عصام:تبسم وجرها من كتافها مزيدها قدامو ويهظر"نتي اللي خوافة بزاف طيارة معندها فاش تخلعك ياك حتا حنا راكبين معاك🤔
نور:"كتنهج"اووف راه عمري ركبت فيها اول مرا 
أسيل:اوا زيدي باركا من تبوحييط راك مزال مغتموتي 😊

طلعو لطيارة كل واحد شد بلاصتو نور قلبها كيلعب ركادة صبرات راسها وحاولات تغمض عينيها باش تناسة شوية وأسيل وعصام غير مقابلينها ويشجعوها تحل عينيها وهيا واالو ملي غمضتهم محلاتهم.....مدة قصيرة وحطات الطائرة فمدينة أكادير اللي غتشهد على احدات كثيييييرة اللي نقدرو نقولو عليهم بداية قصة الانتقام تيبقا سؤال واش انتقامهم غيكمل واش الخطة كيف راسمينها غتمشي ولا غتفشل؟هدشي كلشي غنكتاشفوه من بعد..

نزل كل من عصام وأسيل ونور من الطائرة كيضرب فيهم هواء مدينة أكادير كل واحد اش كيدور فبالو كل واحد فيهم عندو هدف يوصل ليه...ياله غتهضر نور حتا كيوقفو 3 سيارات سوداء رباعية الدفع ومتقدماهم سيارة من نوع فيراري سوداء..نور حلات فمها وعينيها فهاد الحديد عينيها ولاو فيهم القلوووبة 
أسيل :تبسمات بجنب وشافت فعصام اللي تاهو شاف فيها وتفاهمو بالعينين....
خرج أسد من سيارتو الفيراري بكل اناااقة شعرو مجموع الفوق زعر وبنيتو ضخمة لابس كلاص جاه الفريع اي وحدة تزعط فيه نازل ببتسامة على فمو متاجه عندهم بخطوات ثابتة مشية رجوليا 100% داير يدو فجنابو..أسيل وسعات ليه بتسامتها الجدابة وشعرها الاشقر كيداعبو الريح عيونها الزورق كيلمعو بالشمس تقدمات بخطوات قليلة مشية كلها انوثة وغرور حتا تقابلات معاه مد يدو لخصرها وجرها عندو عنقها وحتا هيا بادلاتو العناق 
عصام تزير محاملش الوضع مكرهش يمشي يتقب لمو عينو على هاد التعنيقة ولكن معندو ميدير هيا اللي بغات ..نور باقا غا كدور عينيها فهاد الخير مصدومة قربات لجيهت عصام شدات ليه فكتفو كتهضر بين سنانها وراسمة بتسامة خفيفة..

نور:متقولش ليا هذا خطيب السكايرية "دار عندها عيصام بشوفة كون كانت قرطاس كون قتلاتها "😅😅سموحات ازين سموحات هيهي بغيت نقولك خطيب أسيل زينت البنات😁
عصام:امم هو أسد سلطان
نور:سرطات ريقها وتمتمات "هاد الزين كلو ولا عند عائلة سلطان 😏
عصام:شاف فيها قلتي شي حاحة 
نور:هااا اا لا لا غير قتليك هدشي زين سهمات فيه عينيها ولكن ميكونش بحالك البوكوس 
عصام ضحك على هبالها وقرب باسها فحنكها ياله طلع راسو منها حتا لقا أسيل واسد واقفين قدامهم اسد شاد أسيل من خصرها دايرها قدامو..
شاف فيه عصام بتسامة خفيفة..مد ليه اسد يدو 
اسد:مرحبا بيك ميسيو عصام 😊
عصام:بادلو السلام شكرا ميسيو اسد 
أسد دور عينو لنور لي سهااات فيه "هاد الدرية كتشوف الزين كتلف"
اسد:احم انسة"مد ليها يدو"
نور:مزال مستوعبات كتشوووف فيه وهيا تنطق بلا وعي"احح انور هادشي بزااف عليا واحد ينسيك فلاخر داكشي علاش جيت غنضربو فالزيرو القحبة فيقي فيقي "محسات غير بسميتها نطقات بيها أسيل وهيا معصبة باش توكض "عاد سرا معا نور الموقف بان لها اسد.ماد يدو مدات ليه يدها وهو يشدها بكل لاباقة وقبلها"مرحبا بيك انسة نور 
نور فيين هيا نوور مشاات عند الله سيدة تحلات ولات غير كضحك عمر شي حد.باس ليها يديها 
أسيل شافت نور غتبدا تزبلها بداك الفم وهيا تنقد الموقف موجهة هدرتها ل أسد
..احم حبيبي نمشيو !!
أسد:قبلها من خدها أكيد تفضلو معايا
تحركو معاه اسد وأسيل ركبو بجوج فلوطو ديالو ونور وعصام فلوطو اخرى سايق بيهم الشيفور..ونطالقو لوجهة لقصر سلطاان ....
أسد طريق كلها وهو يبوس لأسيل فيدها ويتغزل فيها وهيا مسايراه فوق خاطرها جاها ثقييل على القلب بزااف 
ونور فرعات لعصام راسو بالأسئلة مسكتاااتش 
عصام:نوور نهدرو بجدية نتي خصك ديري عقلك 
نور: اوا هااا تخسار الهضرة مالي بنت ليك كنحيد حوايجي فالزنقة🤔🤔
عصام:"اووف سمعيني مزيان فمك جمعيه شويا معانا حنا ماشي مشكل ولكن براني لا نقصي من تخصار الهدرة
نور:كحزات حداه "اش غنقولك اخاي عصام داكشي من عندهم مكنحس حتا كيكون لي عطا الله عطاه 
عصام:مزال غيجييي لي يفرشخ مك على داك الكلام 
نور:ههه لا عاش ولكان ياحبيبي 
عصام:اللهم طولك ياروح معرفتش كيدارت أسيل تا جابتك وهيا مكتحملش قوت الهدرة😡
نور:ياااك باغيها تخليني تما يفتارسوني الوحوووش😢
عصام"طلعها ونزلها" من ناحيت الافتراس راكي غييير ديال الافتراس نيت 
نور:😏حقييير

أسد:كلشي كيتسنا فالقصر فالأميرة ديالي"هز يدها قبلها وعينو مع طريق"
أسيل:ههه شرف كبييير ليا حبيبي❤حتا انا متشوقة نتعرف عليهم...
مدة قصير شوية وتفتحات بوااابة كبييير باش يدخلو سيارات... أسيل قلبها تقبط عيها ولا كيضرب بالجهد زيرات على يدها حاسة بنار شعلات فقلبها 
ونور ماشي قل منها نفس احساس عندهم بجوج 

اسد"شد ليها فيدها"أسيل مالك شفتك متوثرة شنو واقع 
أسيل:امم لا لا والو واش واخة تحل شرجم تخنقت 
أسد:"تعجب منها صدرها كيطلع ويهبط خل شرجم وهو كيفكر مالها قال مع راسو أكيد مثوترة من لقاء عائلتو !

عصام:اامم قصر سلطان😏
نور:كدور عينيها يدها كيترعدو عليها دموع شوية وينزلو شافت فعصام ونطقات:احم عصام ممكن ندير واحد.الحاحة!
عصام:"شاف فيها بستغراب "شنو بغيتي؟
نور بلا متجاوبو تلاحت على عنقو حضناتو بقوة لقات هادي هيا الطريقة اللي رتاحت فيها وباش تخفف من ثوتر شوية ودموعها مينزلوش"بقا عصام مستغرب منها حتا حط يدو على ضهرها بادلها العنااق....
دخلو سيارات للقصر مساحتو كدير ضوووبل من قصر عصام كان كببر شكل هندسي راااائع كيفوق جميع تخيلات جردة طويييلة مشكلة بطريقة جد رااقية فيها اجود الزهور المدخل كلو حراس مسلحين كلهم بلباس اسود دخلو سيارات منيرين حتا وقفو قدام باب كبييير منقوش 
دار أسد عند أسيل حل سمطة شد وجها بيديه" حبيبة وصلنا ياله نهبطو :أسيل بتاسمات ليه ومات ليه براسها وحلات سمطة ونزل أسد حل ليها الباب وهبطات بشوية عليها كدور عينيها فالأرجاء...
عصام ونور وصلو مور اسد وأسيل نزل شيفور حل ليهم الباب وهبطو بجوج..نور كدور عينيها وحاسة بالخوف وعصام كيشوف عادي ممسوقش شاف عصام فنور شافها ماشي هيا هاديك تقدم جيهتها شدها من يدها وتحرك بيها جيهت أسيل اللي واقفة مع أسد كيتسناوهم 

أسد:😊مرحبا بيكم تفضلو..سبق هو واسيل وتبعو عصام ونور شادين فبعضياتهم مع وقف أسد مع تحل الباب ...كانت مرا كتبان كبيرة فالعمر شعرها قصير فيه الشيب كانت انييقة ملامحها زوينين عيزنها خضرين لابسة كسوة طويلة انيقة بتسامة جدابة على فمها...اسد شافها وتقدم لعندها مبتاسم هز يدها لعندو حتت باسها بلاباقة وهيا ضحكات وحطات يدها على كتافو كتبان حداه صغيييورة مقارنة مع جسدو..شافت فيه وحولات نظرها لبنات بقات على بتيسامتها وتقدمات عند أسيل ...
الجدة:وقفات عندها ودارت عند أسد..ولظي أكيد هادي هيا أسيل !
أسد:"جا حداها"هيا هادي اللي خطفات قلب ولدك ههه
أسيل"بقا غير كتشوف فيهم مركزة نظرها على المرا حتا فيقها صوت أسد:
اسيل هادي جداتي أم الواليدة ديالي 😊
أسيل"تقدمات عندها وسلامات عليها بيدها "مشرفين أنا أسيل
الجد:وشكون ميعرفكش ابنتي سيرتك على كل لسان لينا الشرف تكوني من العائلة❤
أسيل تبسمات بلاباقة...شافت الجدة جيهت عصام ونور 
وشافت فأسد "زعما عرفني عليهم"
أسد :هذا عصام اخ أسيل مربيا معاه وهادي نور مرتفقة شخصية ديال أسيل
تقدم عصام قبل ليها يدها ورضات عليه وجات عندها حتا نور تتشوف فيها كانت ناويا تبدا تبوس فيها من الحناك ساعة حمرات فيها أسيل وهيا تمد ليها يدها ببتسامة صفرا..كملو تعارفهم ودخلو لقصر لداخل اللي كانة في غاااية الجمال لا من الديكورات وطريقة الهندسة ديالو كان راقي كلو كيلمع توجهات بيهم الجدة هيا وأسد لصالون وكلسو...أسيل كدور عينيها فالقصر بلا ميرضو البال حاسة براسها مزيرة كارهة الكلسة فيه ولكن معا راسها كتصبر راسها بلي مغطولش فيه كلها ايام وترتاح....
بقات الجدة مجمعة معاهم ضايفاتهم امرات الخدم يديو ليهم حوايجهم لغرف لمخصصة ليهم وعصام عارض انو يبقا تما ولكن مخلاتوش الجدة وأسد....

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.