عادت لتنتقم الجزء الرابع

من تأليف أم ياسر وئام
2020

محتوى القصة

رواية عادت لتنتقم

دخلات اسيل لغرفتها معصبة ياله غتسد الباب حتا كتسمع اسمها ورجعات حلات الباب كتشوف فالخدامة هازة فيديها كرطون متوسط الحجم مغلف بالأسود 
خدامة:انسة هاد الطرد وصلك دبا بسميتك تفضلي 
اسيل هزات فيها حاجب شكون غيصيف ليها طرد مدات يدها وخداتو وسدات الباب كتشوف فيه مفلف كلو بالأسود مشات حطاتو فوق كرسي كتشوف فيه واش تحلو ولا لا ولكن فضولها كلاها وحلاتو....لقاتو عامر بأوراق حمرين بزاف بحال لون الدم زادت تعجبات منو مدات يدها تبعد.داك الورد.تعرف شنو فيه حتا غوتا ورجعات يدها عندها بزربة كلها كتقطر بالدم كتشوف فالدم اللي كيقطر وترجع تشوف فداك الورد اللي كيبان عادي مفيه والو 
....اااه شنو هاد.المرض شتو لي دار ليا هكا هزات الكرطون بيدها بجوج وقلقاتو فالأرض وطاح داكشي لي فيه بقات تشوف فعلبة صغيرة نزلات هزاتها لقاتها تلفون اخر مكاين طاح فبالها اسد اللي سيفطو ولكن لا ميمكنش يكون هو علاش ملي دخلات يدها تجرحات ياله غتنوض حتا كتلم جوا هزاتو بحدر وكتحس بألم فيدها.....فتحات جوا كطيح عينيها على ورقة سوداء مكتوبة بالأبيض....

"سوف أذبحك حباً .. وأحرقك عشقاً.. 
وأخنقك غراماً.. 
ثم أحيل أوراقك إلي الحياة .. 
في سجن جنوني..!"مهوس اسيل .....قرات هاد الكلمات السخيفة بنسبة ليها ياله جات تلوحها حتا كيبان ليها سهم بيض فأخر الورقة قلبات الورقة تشوف....
"اسسسيل هدية بسيطة مني على تلفون اللي ضاع ليك بسبابي ههه واكيد دبا يدك كتنزف ياك تخدعتي فأوراق الورد الحمراء بحمرة الدم!!! نبغي نقوليك هاديك الورود اوراقعا حااادة كالسيف ملمسها كلو اشواك خدعاتك من منضرها اللي كيسلب ياك!!هه متسميح ديك الجروح عقاب على تقربك من اسد عارف ومتأكد كتحاولي تحدايني وتبتي ليا بلي نتي كديري اللي قالك راسك ولكن انا مغنكتافيش بهاد الجروح فقط غنزيييدك جرح اللي خلا بلاصتو فقلبك محفوورة كفاية نعطيك الإسم اللي نتي تموتي وتعرفي شنو كان مصيرو من بعدك وهذا غيكون أكبر عذاب نقدمو ليك من بعد الغلط اللي درتي هاهاها ....(من بعد وتعرفوه)

كتقرا وعينيها خارجين قلبها دقاتو متسارعة يدها كيرجفو من الإسم اللي قرات واللي بصح خلا فقلبها جرح كبيييير مقدراتش تبقا واقفة وكلسات عينيها فيهم طبقة ديال دموع ولكن حالفة متبكيش خصها تصبر...بقات مدة وهيا كتفكر فهاد الشخص اللي عارف كلشي تقول عايش معاها كيفاش دبا غتلقاه ولا تواصل معاه دبا عاد ولات باغاه يهدر معاها يفسر ليها غير اشنو عارف على داك الإسم...بقا كتفكر حتا دخل عصام دق ومسمعاتوش وهو يدخل جات عينو عليها كيف كالسة وشاااردة مكترمش جا حتا لقدامها كيعيط بسميتها حتا قفزها 
عصام:مااالك شنو بيك مال يديك مجروحة دوي 
اسيل:مدات ليه الورقة اللي فيدها بلا متهضر ..خداها منها كيقراها وملامحو كيتبدلو....
عصام :اشش هاظ المرض ااااش تسيللل صاافي ياله نمشو فحالنا ميمكنش تكملي هادشي كتلعبي بناار هادشي صعيييب عليك وحتا الى بغيت نعاونك معنديش كيف نوص ليه "هبط عندها "شوفي فيا غتهبطي تواجهيهم بكلشي وانا معاك وغتفضحيهم قدام لوخرين وغنخويو انا ونتي بلاد فمرة شنو قلتي دوي!!!!

اسيل:كتشوف فيه حتا سالة"انا ماشي جبانة حتا نساحب كأن حتا حاحة مكينا خصك تعرف كاينة موت وحدة وانا مستعدة لكلشي وخا يكلفني هاد الانتقام حياتي انا غنكمل حتا لأخر نفس فيا كتفهم ولا هاد المريض النفسي اللي كيسمي راسو مهوس ولا غيرو غيقدرو يوقفوني فبلا متعي رااسك على والو 
عصام:راسك قاصح وغيجي نهار اللي غتندمي وغتخليني ندير شي حاجة ماهياش ردي بالك 
اسيل شافت فيه بستغراب :شنو وليتي كتهددني!
عصام مسح على وجهو كيكالمي راسو حيت تعصب"ماشي تهديد ولكن انا هايف عليك حاولت نجيب ولاو معلومة صغير عليه ملقيتش حتا راس الخيط بحال الى كنقلبو على شبح وهذا ذليل انه ماشي ساهل ومرااقب كلشي 
اسيل:ويقدر يكون معانا وكنشوفوه فهاد القصر 
عصام:ككككفاش ببحالاش عرفتي؟
اسيل:حيت اي حركة درتها كيكون عارفها يعني راه هو قريب منا 
عصام:يقدر عندو جواسيس فأي بلاصة كنتي فيها 
اسيل :ممكن...

نور غادة كتمختر لبيتها حتا دخلات كدندن بالشعبي وتحرك كلها حيدات الفوق ححتا بقات غير بسوتيام وقفات مقابلة مع لمرايا تشوف راسها وتغني وتعوج...هبطات كتحير بشعرها معا الهزة اللي هزات ؤاسها فالمرا شهقات😲 وخطات يدها على قلبها وبقات مفيكسية عينيها...وتلفتات

بزربة :شنووو كدير نتا هنااا😡😡
فؤاد:عاقدهم كيف ديما:جيت نهدر معاك وممستاعدش نتعصب معاك وخا متأكد غتعصبيني وغندير فيك شي حاجة متعجبكش
نور:وشنو الهدرة اللي غنشرك معاك انا من غير الإهانات الى كتطاقهم من فمك بحال سم 
فؤاد:سكتي شوية خليني نهظر 
نور:دارت يدها فجنابها العريانين سحابلكم سيدة حشمت حيت لابسة غير سوتيام لا عادي عندها جدا كلشي يشوف مع راسو وحتا هو ممسوقش ليها بمرة "شوف اداك اه اش سماوك حتا نتا راه انا ممسالياش ليك نبقا نسمع ليك فحين ليك دور تقو**راه الباب كي دخلتي منو خرج منو😏

فؤاد "بدا عرق فناضرو كيتنفخ دليل على الدم بدا كيفور ودقة وحدة يسيفط مها لقبر يصليو عليها مزال صلاة الظهر تنفس بعمق يهدن راسو باش يسايس معاها فالموضوع اللي بغا تقدم عندها ودار خطوة اللي فشكاااال بنسبة ليه شدعا من يدها وجرها لنموسية وهيا مبرقة فيه عينيها كتشوف فيه وفيديها ولبلاصة اللي باغي يكلسها فيها حتا لعب ليها شيطان فدماغها...
نور:اييه ايييه اشريف شتك زعمتي وغادي بيا لناموسية ياكمة دارت ليك فالخوا مابنت ليك غير انا سير راه عطا الله صابونات لتجيش عندي انا المكبوت 😠

فؤاد :صافي مبقاش قادر يصبر"شوووفي نتي غتجمعي فمك من الهدرة المسخة ولا مغيعجبك حال 😠😠زيدي تكلسي"زدحها مع ناموسية وبقات تشوف فيه اش غيصنع 
نور:دبا اش بغيتي؟
فؤاد:عينو فعينيها "نهار سكرتي قلتي شي حوايج بغيت دبا تفسريهم ليا 
نور:تلبكات عينيها بداو كيدورو بان عليها الثوثر وكتفرك فيديها وهاد الحركات كلهم مخفاوش عليه زاد تأكد بلي موراها شي سر كبييير....ءءء ششنو كتقول اشنو قلت انا ؟؟
فؤاد:عائلة سلطان كلهم غدارة و دكرتي اغتصاب شنو كيعني هادشي؟

نور:ناضت وقفت "شوووف انا مكنتش فالوعي ديالي يعني اللي قلتها ماليها حتا معنا مفهوم واخر مرة توصلني هنا اووك ضابت عطاتو بظهر وكتعض قنانفها وكتلعن النهار اللي سكرات فيه 
فؤاد كيطلع ويهبط فيها من لور ماشي عجباتو ولا ثارتو حيت معريا لا كيشوف جسمها كيرجف وصوتها مرعد ناض وقف وبغفلة منها جرها من يدها ودورها عندو حتا تزدحات معاه صدمها تصرف اللي دار بقات غير كتشوف فيه مقادرة تخرج حتا كلمة مشااات لفهامة وزعامة نطق بصوت بطيئ وهادئ :انا متأكد بلي موراك شي قصة ومغدوزيهاش عليا بهاد جوج كلمات "قرب حتا لودنها"وردي باالك "رجعشاف فعينيها كيف كيتحركو نفسها ممنتاضمش قراها غير بحركاتها تبسم جنب ونساحب من تما خلاها واقفة مكوانسية بلاصتها اوا هذا بلان خرج ليها...

***فمكتب فوسط القصر جوج اشخاص مجنوعين تما بسرية تاامة...
....شنو درتي مزال؟
....قريب غنوصل لهدفي قرييب😈
....هههه أكيد مدام درنا يدنا فيد.بعضياتنا تا حاجة متقدر توقف فطريقنا هه"طلقو قهقهات عاالية كدل على شرهم واللعبة الخبيتة اللي كيلعبو....

فبيت لمياء اللي ناعسة على كرشها وكتلعب برجليها وكضحك بوحدها شادة صورة بين يديها كتشوف فيها بحب وهيام :اااه لوكان تعرف شحال كنبغييك وكنموت عليك "عنقات صورة وغمضات عينيها صورتو بين عينيها مكتحيدش...


داز نهار واسيل عتادرت من اسد على قبل الخروج وبلي وصات على تلفون فموقع وجابوه ليها وهيا تعمدات تقبل بتلفون اللي جاها من المجهول ربما يتاصل بيها تعرف منو شنو باغا وصل الليل وهيا مزال فايقة مقدراتش تنعس قررات تنوض ضور فالقصر شوية لبسات عليها بينوار ستان قصير فالأسود شعرها خلاتو مطلوق على راحتو وخرجات معرفاش فين غتمشي مهم خصها تحرك شوية غادة وكور من جناح لجناح....حتا لفت انتباها خدامة هابطة من واحد طابق معزول هازة فيدها بلاطو ووجها صفر ستغربات اسيل منها ومن جيهة مناش هابطة حيت موراهاش ليها اسد كلاها فضولها وتسنات حتا غبرات الخدامة ودازت طالعة مع دروج بشوية وكدور فعينيها ليشوفها شي حد بقات طالعة حتا وصلات لممر عااامر بيوتة بقات كتفتح بيت بيت كتلقاهم خاوين محدها كتزيد وهيا كتسمع صوت موسيقى كلاصيكية خفيفة...زادت تبعات الصوت حتا لقات راسها قدام باب من الخشب كبير دورات عينيها يمين ويسار وكتسمع صوت الموسيقى خارج من ديك الغرفة ياله غتحط يدها على البواني دخل حتا قفزها صوت موراها 

...شكاديري هنا؟؟؟
تلفتات بزربة لعندو:ءء والو غير سمعت صوت موسيقى هنا وعجبني 
ازار:بشك"اممم من احسن ليك تمشي من هنا ومتعاوديش توصلي لشي حاجة ماشي لييك مفهزوم
اسيل:شتك كتأمرني!!انا حرة نمشي فين بغيت وندير لي بغيت انا فدار خطيبي معندكش الحق دخل فيا😡

قرب ليها ازار بكل هدوء شدها من كتافها وتكاها على الحيط ولسق معلها فمو عند فمها نيفو على نيفها...اسيل كتشوف فيه بتحدي مخيفاش وصدىها طالع نازل...
ازار: شدها من يظها المجروحة ورك عليها من احسن ليك متبقايش تحدايني متقدريش عليا 😠مفهوووم ودبا قودي لبيتك 
اسيل باقا على شوفتها هزات يدها بجوج ودفعاتو عليها شافت فيه بنظرة كتحمل كره كبير :غندمك "قربات لوجهو"عقل عليا وعلى هاد العينين مزيااان غتندم 😡
ازار بقا كيشوف فعينيها الزرقين تايه فيهم مسمعش تهديدها فقط مركز مع عينيها وتايه فيهم فجأة جات صورة قدام عينو عمرو نساها ولا غينساها....

نساحبات اسيل من تما وهيا كتوعد انها غترجع لديك الغرفة فالوقت المناسب وتعرف شنو فيها....


3 صباح خارجة من بيتها كتجري وكتلفت موراها وكلها عرقانة لابسة شوميز قهوي طويل كتجري وتلهت وكدور يمين وشمال بحال شي حمقة حتا وصلات قدام الباب كدق وتعاود والخلعة راكباها محسات بالفرج حتا تحل الباب ودخلات بزربة وسداتو بالجهد حطات يدها على قلبها كتنهج....
عماد:كبيرة!!!ماالك شنو واقع علاش نتي فهاد الحالة وعلاش جاية فهاد الوقت؟؟؟
كبيرة مقدراش تهضر غير كتنهج شافت فعائشة اللي واقفة موراهم ملامحها مستغربين شيرات ليها جيهت الماء وطارت جابتو ليها....مرحماتهم وهدرات حتا شربات عاد قدرات ترجع نفسها....
كبيرة:كتمتم:ررررجعووو 😢ههيااا رجعااات 
عائشة:بحال الى فهمات شنو كتقصد:مالك شكون اللي رجعو؟
كبيرة:هيا هيا اللي حيدنا من طريقنا هادي سيننين هئ هئ "شدات لخوها فيديه"خوويا لقيييت فالحيط ممممكتوبة "حلم""أريج" بجوجهم بجووج رجعو ييياك قتليك قتلهم ونتا مسمعتيش ليا علاش 
عماد:كيحاول يهدنها ولكن هيا دخلات فحالة هستيريا ديال الخوف والصدمة :"بالغوات"صافي صاااااافي تهدنيي نفس الشئ لقينا البارح فلمرايا ولكن كان اسم حلم بحدو مكانش معاه اريج 
عائشة:هئ هئ شتي رجعو بجوج بجوج😢😢
عماد:حضرو عقلكم وتهدنو خصنا نفكرو فهادشي حنا غلطنا هادي سينين ربما طمع والشيطان لعبو بينا ولكن تحكمو فراسكم مخاص حتا حد يعرف على هاد الموضوع شي حاجة 

كبيرة:وووشنو نديرو مدام تكتبو سميات عندنا حنا فقط يعني هوما رجعو ولا شي حد عارف القصة من غيرنا 😢
عماد:شكون غيكون عارف حتا واحد ومتنسايش حنا خليناهم صغااار مغيقدروش دبا يوصلونا هادشي الى كانو حين خصنا نتاحدو من جديد ونعرفو شكون تيحاول يلعب معانا وشنو هدفو من هادشي مفهوم 
حركو ليه راسهم بجوج وكل واحد فيهم هاز هم كبييير وخوف من تعرف الحقيقة قدام العائلة والعالم كامل دازت ليلتهم كلها رعب حتا حد فيهم مشاف نعاس ...

فاااقت اسيل بكري هيا ونور تافقو يديرو رياضة بجوج كل وحدة لبسات لباس صبور اللي بارز قوامهم بشكل مثير غادين وكيجريو فالغابة أسيل اللي موالفة عندها عادي ونور تجري شوية وتوقف حتا تضرب اسيل دورة تلقاها تكسلات ليها 

....ملي مقاداش على الرياضة مالك خاشية راسك معايا🤔
نور:كالسة فوق واحد الحجرة :اوا قلت نبدل الجو ملي تلاقيتك مكنخرج فين ونهار خرجت سكرت😂
اسيل جات تقابلات معاها كتشوف فيها وهيا كتهدر:شحال فعمرك نور؟
نور:عندي 18 قريب نكملها علاش؟
اسيل:عمرك فكرتي تقلبي على عائلتك الأصلية!!!
نور:ءءء اممم صراحة لا حيت معارفاش منين غنبدا نقلب من احسن نخلي كلشي للوقت الى مكتاب غنلقاهم ويلقاوني...تنهدات بعمق شادة عود صغير كتحفر بيه فتراب...


اسيل كتشوف فيها هيا فعمر ختها اللي تحرمات منها خلاتها عندها 7 سنين معرفات واش حيا ولا ميتة...
حولات نظرها لبعيد كتفكر فطريق لي غادة فيها واش مسلكاها ولا لا واش غتمشي خطتها كيبغات ولا غتفشل ...

حتا نور كتفكر فالخطوة اللي بدات بيها نتقامها واش غتسلكها وخا ايد وحدا مكتصفق مكاينش اللي يوقف معاها خصها تحارب بوحدها.....

تحركو من تما رجعو لقصر سلطان النسب اللي جاب ليهم غير القهر والظلم والعذاب عفطو على احساسهم ودخلو بقناع مبتسم عكس حقيقة شعورهم...

كالس فغرفتو ليل كلو وهو بلا نعاس هذا هو حالو سينين عمرو شاف النعاس اشنو هو... ليلو هو نهارو ونهارو هو ليلو قليييل فين كينعس ساعة وحدة فنهار...كالس على كرسيه بيض ديال عينيه ولا حمر بقوة مهو فاتحهم شاد صورة صغيرة فيديه كيشوف فيها شوفة فشكل كتحمل الشوق الحب الحرمان....نطق بصوت ثقيل بحال الى واخد شي مخدر:أزار انا اللي غناخد حقك أنا"كيضرب على صدرو بيديه"أنا اللي غنتاقم ليك.. حول عينو لواحد طرف ديال الخشب على شكل نجمة هو اللي صاوبو بيديه سينين هادي هزو بين يدو كيدوز بصبعو على الحروف اللي منقوشين تما وشبه بتسامة على فمو ونطقهم بحب وهوس:حُلمْ أزاار "ورجع راسو لور منتاشي بهاد جوج اسماء اللي مواتين بعضياتهم....

فجردة كالسة قدام لبيسين والورود دايرين بجردة كلها منظر رائع... شعرها الأسود كيداعبو برد الصباح وهيا مستمتعة...

عصام :ممكن نكلس حداك؟
دورات لمياء راسها جيهتو بتاسمات ليه وعطاتو اشارة بيدها يكلس ورجعات تشوف قدامها ..
عصام:الجو زوين اليوم 😊
لمياء:بصوت رقيق وحنين:بزااف عرفتي كيعجبني بحال هاد الجو كيخليني نكون مرتاحة وكنحس بالفرحة فقلبي😍
عصام:متبت عينو عليها"انا فهاد اللحظة حسدت هاد الجو اللي خلاك تحسي هكا 
لمياء دارت عندو بزربة هازا فيه حاجبها :ههه وعلاش غتحسدو مثلا!
عصام:حيت قدر يخليك فرحانة وانا شنو نقدر ندير باش تحسي بنفس الإحساس؟
لمياء:هههه نتا فشكاال وعلاش غتبغي تكون نتا سبب فرحتي 
عصام:حيت يحصلي الشرف نفرح انسة فقمة الجمال والأخلاق والرقة بحالك 
لمياء حناكها تزنكو تحرجات من هاد الكلام اللي ممولفاش تسمعو مقدراتش تجاوبو من غير انها ناضت كتجري من حداه وهيا كضحك...
خلات عصام متبعها بعينيه وتيضحك على الخجل اللي كتاشفو فيها دبا وخا مكتبانش عليها من النوع الخجول....

غادة فممر القصر كضحك بوحدها وحناكها موردين من كلام الغزل اللي سمعات حتا وقفها صوت.. ياسين:اووه لغزالة شتك ناشطة شنو سر
لمياء:جمعات ضحكة "مكيهمكش حيد من طريقي 
ياسين"تقابل معاها "تء تء ويلا مبغيت🤔
لمياء:"خنزرات فيه هزات صبعها عليه"متبقاش دور جيهتي قلتها ليك شحاال هادي ونعاود نقولها مبغيتكش فحياتي بمرة ولا حتا نشرك معاك الهدرة "وزادت معصبا بعد ماكانت ناشطة...


ياسين بقا كيحك على لحيتو ومتبع ليها العين وكيضحك:ماشي بالساهل الغزالة ديال سلطان 

اسيل فبيتها شادة كارو كتكمي على خاطرها بشويا عليها حتا قاطعها صوت تلفون هزاتو شافت امتصل قلبات عينيها وجاوبات...
اسد:اسيل فينك
اسيل:فبيتي ونتا!
اسد:خرجي عندي برا القصر كنتسناك تما ضروري
اسيل:امم وخا ..
ناضت معاجبها حال كانت لابسة كسوة كحلة قصيرة عاودات عكر خفيف لفمها هزات ورشات ريحتها وهزات صاكها وخرجات كثمايل بخصرها وشعرها كيتحرك معاها فطريقها تلاقات مع مراد(اب فؤاد وأزار)
ببتسامة"ميسيو مراد اش خبارك !
مراد :😊الحمد لله ابنتي ونتي 
اسيل:الحمد لله بفيت نزيد نهدر معاك ولكن اسد كيتسناني😊
مراد"ودعها وبقا متبع ليها لعين حتا غبرات...زاد شوية حتا شاف رئيسة الخدم وعيط ليها 
مراد:قولي لعماد يلحق عليا لمكتب ديالي...ومات ليه براسها ومشات......فالمكتب مراد كالس فوق الكرسي مشبك يدو ومقابل معاه عماد...
مراد:شفتيه!!
عماد:تنهد"لا 
مراد"شنو كتسنا لعراضة!!مكتشوفش هدشي لي كدير نتا راه ظلم 
عماد "ناض وقف "صاافي هاد الموضوع مبغيتش نهدر فيه كنضن داكشي كيخصني انا وحدي 
مراد"تا هو وقف وباين عليه معصب"كيخصنا كاااملين حيت مكنهدروش على شخص براااني لا راه من لحمنا ودمنا نتا اللي خليتي حالتو دهور نتا سباب معرفتش شنو عندك هنا"شار ليه لقلبو"
عماد مجاوبوش بقا غير كيشوف فيه حتا سالة وخرج زدح بالباب 
مراد "تيهضر معصب "مفهمتش علاش قلبو قااصح الله يهديه ياربي وتحن قلبو....

اسيل: قوبي فين غانمشيو 
..هانتي غتعرفي فين صبري غير 5 دقايق غنوصلو 
...اممم اوك .....مدة قصيرة حتا كيوصلو قدام دار خشبية جات جنب الغابة منظرها رائع من برا 
هبطات اسيل بعدما حل ليها اسد كدور عينيها على المكان متنكرش عجبها 
اسد:جا موراها حط يدو على خصرها"كيف جااتك 
اسيل:زوييينة واش ديالك؟
اسد:امم ديالي ودبا ولات ديالنا انا ونتي كيعجبني الهدوء داكشي علاش ختاريت هاد البلاصة"باسها فعنقها"ندخلو!
اسيل:امم وخا ياله...شدها من يدها وتمشا بيها دخلو لمنزل الخشبي اسيل متنكرش عجبها بزااف كان مفرش بطريقة بسيطة فيه كليسات فالأرض مع بعض اللوحات الفنية ديال اشهر الفنانين فيها سرير الوسط مدور بالخوامي فقط فيها بيت واحد فقط مسدود وكوزينة ودوش وباب اخر فالجهة الأخرى كيخرجك وسط الغابة...


اسيل دارت عندو "زونية بزاااف تيعجبني بحال هكا بسيطة وزوينة 😍
اسد:كيهضر ويحيد لافيست "كلشي ديالك احبيبة امري وكلشي يوصلك حتا لعندك 
اسيل"شنو سبب المجيا لهنا 
اسد:كيقرب ليها وهو كيطلعها من لفوق لتحت "شحال هادي متجمعناش وختاريت هاد البلاصة باش نكلس انا وخطيبتي حبيبتي على خاطرنا 

اسيل رجعات شعرها مور ودنها وبتاسمات ليه كأنها كتقول ليه لي فراس الجمل فراس جمالة "اكيد مغدوزش عليها هاظ الهدرة وهيا علرقة لاش باغي يوصل فماشي مشكل تسايرو شوية...تمشات جيهت ميني بار كتعوج اكسبري وهو كيطلع ويهبط عينو معاها كتحمقو...هزات مشروب خوات ليها وليه ورجعات عندو مدات ليه كاسو ببتسامة ساخرة وحتا هو معطلهاش شد الكاس بيد وجرها باليد الأخرى وغفلة منها تلاح على فمها كيبوس بحال العطشان مخلاش ليها الفرصة فين دفعو بقات مخرجة عينيها ومعرفات مدير خصها تحيدو عليها بالفن اسد.مكتافاش بالتقبيل فقط كيدفعها بشوية حتا لحدا ميني بار وفمو مزال فمها حط الكاس ديالو وخدا ديالها حطو وبدات ايدبه كتسلرة على جسمها وهيا متقززة من الوضع بقا لها شوية وتنفاجر...مرحمها غير صوت التيلي اللي كيصوني ويعاود بقات تحرك يدها على صدرو بشوية وكدفع فيه حتا بعد على فمها وصدرو كيطلع وينزل بالشهوة...حط جبهتو على جبهتها ونطق بصوت مخدر:مبقيتش قاد نصبر رحميني 
اسيل:بنفس الصوت "حبيبي نتا عارف رأي ديالي ختا نتزوجو وكولي ليك حطات يدها على حنكو "يكفي كنخليك تقرب مني شوية مطمعش بزاف ولا نمنع كلشي 
اسد:ههه لا لا صافي قابل ياله غيكمل حتا عاود صونا تلفونها...

انمشي نجاوب اوك
اسد :سيري خودي راحتك ....مشات اسيل لصاكها هزات تشوف سكون حتا تصدمت تلفتات جيهت اسد لقاتو مرادش ليها البال وجاوبات بلا متكلم 

مجهول"بعصبية"غترجعي دبااااا😠😠ولا كنقسم ليك بلي ليوم غيسالي كلشي وغتندمي ندم شديييد 
اسيل"بصوت خفيف"لي فجهدك ديرو 
مجهول:اامممم نتأكدة اوك ولكن قبل الشخص اللي كيعنيك عمرك غتعرفي شنو كان مصيرو 
اسيل غاسمعات هكا زدح قلبها بالجهد ونطقات بزربة"لا لا ااانا غنجيي دبا غير قولي دتكشي لي عارف 
مجهول"دبا ترجعي لقصر "قطع"
بقات اسيل كتنهج بحال الى كانت كتجري حتا قفزها صوت اسد....مالك شنو واقع 
اسيل:ببتسامة باهتة "حبيبي كنعتاااادر بزاااف ولكن خصني نمشي ضروري نور مريضة 
اسد::معجبوش الحال ولكن مبينش"امم اوك ياله 
اسيل:قربات ليه باستو فخدو نعاودوها مرا اخرى😊....


فغرفتها كتمشي وتجي بواحد نص توب كاع مزير وشعر مجموع الفوق ظهر عريان قنطات مبالها حد معامن تكلس:تفووو على زهر معرفت فين كيغبرو هاد الناس يخ الى غير بغيت نقلب عليهم خصني طاكسي😡وحتا داك الزام***ديال عصام منعرف فين غبر نمشي نعاود نقلب..خرجات من بيتها كدور فدوك العينين القتالين نازلة مع دروج حتا كيبان ليها ياسن ياله داخل مع الباب وسعات ضحكتها وزادت تتهبط بسرعة مزال الفوق وكتعيط عليه :بسسسس اااهيا اداك البوكوص 
ياسين سمع الصوت وهز راسو الفوق حتا شافها جايا كضحك وتشوف فيه تسناها تا وصلات عندو 
ياسين:افين ازين 
نور؛هانا اخويا غابوحدي مكاين معامن نشد تقرقيب الناب😏
ياسين:واايلي اوا هاني جيت فاش باغا تهضري؟
نور:😁فكلشي ولكن بلاتي "شاف فيها ياسين بستغراب حتا مدات يدها لصدرو تتبجغ فيه وتقيس وضرب وهو زاد طلع حاحبو جابت ليه الضحك ودازت لدرعانو تقيس وتعاود سيدة كتحرش عاين باين 
ياسين:شكاديري؟؟
نور:ببتسامة صافي راك هو هءاك كيشتي خصني نعرف معامن كنهظر واش راك مزور ولا داكشي ديالك 😁
ياسين تفركع بالضحك عليها مزال فضحكهم حتا كيدخل اسد واسيل كيشوفو فيهم كيضحكو...دازت اسيل كتجري حتا تلاحت على نور كتعنق :حبيبة كيبقيتي شوية خلعتيني بزاف ملي عيطي ليا بلي مريضة...نور مخرجة عينبها فهادي اللي تعنق وتقول ليها مريضة شكات ياكمة هيا اللي مريضة وتلفات...حيدات منها واسد وياسين كيشوفو فيهم واسيل كتشوف فنور اللي علا ستعداد تفرشها وهيا تقرصها اسيل فدراعها بلا ميشوفوها لوخرين حتا غوتات نور
اسيل:😲شتيي ياك كنقوليك متنوضيش من بلاصتك الى كنتي مريضة "كتجر فيها "زيدي لبيتك دبا ياله...كتبغي نور تهضر كتسكتها اسيل بالهضرة مبقات فاهمة والو بقات جاراها حتا غبرو من قدام اسد وياسين اللي غير كيشوفو فيهم 
اسيل طلقات من نور اللي بدا كيعجبها الحال :حيدي صافي سيري لبيتك متخرجيش حتا لوقيت لعشا مفهوم 
نور:ومالكي اختي تحكمي فيا ولا!
اسيل:اللي مريض متيخرجش 
نور😲وشكون قاليك انا مريضة بالسم الله عليا كيشتيني كيتخليني 
اسيل:انا قلت مريضة يعني مريضة تقولي عكس كلامي قدامهم رجعك منين جبتك مفهوم 
نور "الى كنتي غير غترجعيني عند ياسين هانية زيدي من دبا 😁
اسيل:لا غرجعك من شانطي اللي لقيتك فيه ازوينة 😏"وتخطاتها وزادت خلاتها حالا فمها.
نور:تفو على قح***سكايرية لوخرا استغلالية وجه القلو***الصفرا لوخرا اااخ وجه الويل "بدات تعيب فيها"غرجعك منين جبتك يخخخخخ "زاظت كتنطر معجبها حال على هاد البلان هيا ياله فرحات ملي لقات ياسين تشد معاه الهظرة احتا تسلطات عليها لوخرا وبالمرض مزال


دخلات اسيل لبيتها وتلفون بين يدها كتسناه يصوني ولكن والو متاصلش بيها لاحت تلفون ودخلات تاخد دوش بارد يهدنها.......وصل وقت العشا عيطو ليها ولكن اعتاذرات بلي مبغاتوش غتنعس بقات شوية فبيتها حتا تأكدات بلي كلشي كالسين كيتعشاو وهيا تخرج كتسلت ملابسة فرجليها والو غادة وتلفت وتشوف فالممر الطويل وعقلها كلو مع ديك الغرفة باغا دخل ليها وربي كبير....كتمشا حتا قربات ليها وكتسمع نفس الموسيقى ديال البارح....

ياله غدور مع الممر باش توصل لباب حتا كتلمح فؤاد خارج من ديك الغرفة رجعات بزربة لأول غرفة لقات قدامها حلاتها ودخلات تخبا منو....تسنات مدة قليلة تا خياتو مشا وهيا تخرج كتمشا بزربة حتا وقفات قدام باب الغرفة شافت فجنابها ياكمة جاي شي حد وهيا دور البواني وحلات....فتحات الباب شوية كيبان ليها البيت مضلم زادت دارت خطوة القدام كدور عينيها فظلام حتا كتلمح ضو خفيف فواحد الجيها...ستغربات مكيبان ليها والو تما والموسيقى مزال خدامة...سدات الغرفة وبقات كتشوف فداك الضوء وكترجع شعرها لور...حتا سكتات الموسيقى فجأة بقات اسيل تابتة بلاصتها كتحس بلي كاين شي حد فديك الغرفة كتسمع صوت نفس ديال شي حد ولكن علاش مظلم!!!

بقات مدة فبلاصتها حتا قررات تكلم:كاين شيحد.هنا "وسكتات ربما تسمع الجواب مدات يدها للحيط كتقلب باش تشعل ضوء وملقاتش ..كتزيد تسمع صوت نفس حسات بشوية الخوف داخلها او ربما تسرعات وجات لهنا ولكن فضولها مهناها قررات تمشي جيهت الضةء لخفيف لي كيبان بعيد شوية....
كتمشا خطوة خطوة وعينيها تابتين على داك.الضوء محدها كتقرب وصوت النفس كيزيد يتسمع ليها كثر...حتا بقا بينها وبين داك الضوء شوية وهيا توقف...ياله غتنطق وهو يتشعل ضوء الغرفة كلها وشهقات بالخلعة وخرجات عينيها فلي قدامها....


شهقات بالخلعة ملي شعل الضوء على غفلة كتشوف فالشخص اللي قدامها وحتا هو كيبادلها نظرات الإستغراب شكون هادي وشنو اللي جابها لهنا.... كان شاب فكرسي متحرك بنيتو قوية جسمو عريض وسيم بزاااف ملامحو زعرييين فأواخر العشرينات من عمرو ....جمع حجبانو بغضب ونطق بصوت عصبي :شكوووون نتي واااش جابك لهنا😠

اسيل عاد وعات على راسها تلفتات موراها دورات عينيها على الغرفة كانت كبيرة بزاااف وعامرة باللوحات الفنية الرائعة وطابلوات ديال الرسم وصباغة....شافت فيه معارفة متقول ومعرفاتش حتا شكون هو:ءءء أنا اسيل "شافتو طلع فيها حاجبو وكملات كلامها" ااانا غيير جيت نشوف شنو كاين هنا وخا نعرف شكون نتا وعلاش عمري شتك لتحت!!

....مكيهمكش خرجي فحالك متعاوديش تجي عندي لهنا مبغيت نشوف حتا حدد خرجيييي😡

اسيل واالو مبغاتش تخرج بلا متعرف اش كاين قررات ترطاب معاه وخا معندهاش ليه الخاطر ولكن لفضول قاتلها"هانتا تهدن انا بغيت غير نعرفك شكون صافي "قربات ليه"واش نتا من عائلة سلطان؟

الشخص بتاسم بستهزاء ونطق بصوت منخافض :😏للأسف اه وخا ممعتارفينش بيا 😔
أسيل"ووعلاش نتا ولد من ؟؟؟
..... وفاش غيهمك تعرفي؟
اسيل:والو مجرد فضول كنتمنا تجاوبني وقولي بعدا شنو سميتك ؟؟
...شاف فيها مدة كيفكر وهو يورك على بطون فكرسي المتحرك إلكتروني(اللي من نوع حديث) وزاد بيه لقدام حتا وصل عند رجليها وهيا رجعات خطوة لور :شوفي مكنهدرش مع اي واحد كان فمن احسن تمشي فحالك نساي عليك هاد الغرفة معندك مديري بمعرفت واحد عاجز"هبط عينيه لرجليه"وهو يتحرك من قدامها عاطيها بالظهر ورجع طفا ضوء الغرفة وخدمات الموسيقى كلاسيكية هادئة...

وهيا فهمات بلي صافي نها الحديث ديالو قررات تنساحب من تما ولكن غتعاود ترجع.. ياله دارت خطوة ترجع منين جات تا وقفها صوتو 
....مغنقول لتاحد جيتي عندي حيت انا مجرد شخص مريض...
مرداتش عليه كملات طريقها وخرجات وراسها عامر بأسئلة باغا اجوبة ديالهم ميمكنش تبقا هكا خصها تعرف شكون هذا وشنو قصتو وعلاش عمرها شافتو ولا ذكرو حسو؟؟وعلاش ازار مخلاهاش دخل لهاد الغرفة ليلة البارح!!!....وصلات لفرفتها مشات نيشان هزات تيلي ديالها دوزات مكالمة ....اجي عندي دبا لبيتي.
حطات تلفون مشات هزات ثرعة صغيورةيال المشرووب كتجغم منها وكالسة فوق الفوطوي كتزعزع رجليها دليل على انها مثوثرة وشي بالها مشغول...شوية تحل لباب...

عصام:مالك شنو واقع كنت ياله غنعس 
اسيل:نتا لي جا معاك النعاس😏
عصام"كلس حداها وخدا ليها المشروب كيجغم منو وكيهدر"ههه ومالي ياله شنو عندك؟
اسيل:كاين بزااف كتاشفت شي خاجة عاد دبا 
عصام:واللي هيا!
اسيل:كاين واحد الشخص هنا فالقصر عمرنا شفناه وعمرهم جبدوه لينا حتا اسد عمرو قالي شي حاجة على مفهمت هو من عائلة سلطان
عصام تقاد فالكلسة""متأكدة؟
اسيل:اه متأكدة ياله جيت من عندو(......)عاودات ليك كلشي ...اوا شنو بان ليك 
عصام:كيحك على لحيتو"صراحة هذا لغز هه هاد العائلة فشكل خصك تعاودي ترجعي عندو فوقت اخر وحاولي تعاملي مزيان عارفك بزربة كتعصبي حاولي معاه حتا تعرفي شكون هو ربما ينفعنا 
اسيل:😏وخا يكون غينفعنا مبغيت ندير ايدي فيد حتا حد ابيبي كون بغيت اللي يعاوني كون تافقت مع داك المريض اللي كيضل يعيط 😏
عصام:اممم نتي تعرفي مصلاحتك ازين
اسيل:نفدتي ليا الخطة مزيان دبا بقا لينا دور كبيرة 

عصام:اممم كتبت سمية فبيت معاد ومراتو اكيد غيكونو تسطاو مشتيهمش لبارح كيف كانو فشكل وحتا كبيرة شتها كالسة معاهم مثوترة وتيهدرو مقدرتش نعرف شنو قالو ليها 

اسيل:ههه مزيان اكيد غيكونو قالو ليها كلشي حيت حتا هيا شريكة معاهم فأفعالهم الخبيتة 😡...اسيل وقفات"عصام خصنا ندوزو للخطوة الثانية مخصنيش نتعطل كثر من هكا حيت داك المريض عطاني مهلة قليلة نوصل للإنتقام والى تعطلت غيدخل هو وانا معارفاش شنو تحت راسو "دوات بعيون شريرة ونار الإنتقام طاغية"وانا بغيت نخليهم يعتارفو بكلشي قدام العائلة والصحافة وكلشي يعرف افعالهم غيكون هذا هو اشد نتقام حيت هوما عندهم صمعتهم اهم من كلشي وغير يتعرف كلشي غيضمرو😈😈😈

عصام"وقف قدامها"واسد!شنو غديري معاه
اسيل:اصلا غير غيتعرف كلشي هو غيفهم علاش ربط علاقة معاه 
عصام:عندك هاد الكلام ساهل!غيعتابرك هنتيه وهو كيبغيك 
اسيل:صافي عصام حتا لمن بعد خلينا دبا فالمهم الضرف اللي وصيتك عليه يوصل ليهم بثلاتة ورد البال
عصام:كوني هانية كلشي غيكون هو هذاك 
قربات ليه اسيل وعنقاتو :غمري نسا وقفتك معاييا نتا 
عصام :أنا غنبقا بحال الظل ديالك منفارقكش غير رتاحي نمشي نعس دبا 😘😘
بتاسممات ليه اسيل ومشا ...وهيا مشات نعسات على كرشها كتفكر فخطوة ديال غدا...


ناعس فجردة وإيديه تحت راسو مغمض عينيه حجبانو كيف ديما معقودين...

.....مزال مقدرتيش تنسا؟
بلا ميحل عينو نطق بصوت كلو ألم:وكفاش نقدر نسا روحي "حل عينو نيشان فعينين فؤاد اللي واقف حداه"كيفاش نقدر نسا حُلْمْ اللي أحلامي كلهم مستعمراهم 
فؤاد:نعس حدا خوه أزار"11 سنة مدة طويلة ياك !ولكن نتا عاد مكتزيد تعلق بيها كثر وكثر هذا مبقاش حب فقط ولا هوس بدرجة عالية 
ازار"تبسم شبه ابتسامة"وفين هو المشكل الى ولا حبي ليها هوس!!
فؤاد:تنهد"حالتك صعيييبة 
ازار ناض واقف"نهار توصل لمرحلتي عاد غتحس بيا وخا مكنضنش انك تقدر تكون وفي لشي وحدة مكيناش حداك مدة 11 سنة "وناض عاطيه بالظهر ....
فؤاد بقا متبع ليه العين حتا مشا وحول نظرو لسماء مكتاسحها اللون الأسود ومزينة بنجوم"خايف على خوه اللي سنين هادي وهو متعلق بحب حُلْمْ اللي ولا شي حاجة أكثر من الحب....

أصبح الصباح فعانق الياسمين والورود تمنيت عندما بزغ أول خيط من خيوط الفجر أن تكون قلوب البشر صافية ومشرقة مثل أنوار الصباح

مكتب عماد مجموعين بثلاتة هو ومراتو وختو كيمشي ويجي بثوتر وكرد كلمة فمو "لا لا لا ممميمكنش هادشي😢
عائشة"وقفات ودموع فعينيها"شتيي قلتها ليك داكشي اللي درنا هاهو كيرجع لينا 😢😢
كبيرة:دددبا اش غنديرو ميمكنش نبقاو هكا بلا منديرو حتا خطوة راه غنتفضحو 
عماد عاود حل الجوا اللي وصلو هاد الصباح بسميتو كيشوف قيه يقرا ويعاود "أكيد عارفين اش درتو هادي 11 سنة !!دبا وصل وقت العقاب عنكم مهلة قليلة ومعندكمش اختيار غديرو مؤتمر صحفي كبيير فالقصر و غتقولو شنو وقع هادي 11 سنة والا انا اللي غنتصرف متحاولوش تقلبو على شكون مور هادشي حيت مغتقدرو توصلو لوالو حق جوج بنات ضيعتوهم فحياتهم وهوما صغاااار غيرجع حاولو تسارعو حيت صبري قليل***عادت لتنتقم.

كلس فوق الفطوي شاد راسو بين يديه :صافي هادي نهايتنا صااافي
كبيرة "ناضت واقفة بوجه حمر "لا لا غتكون نهايتك نتا سمعتي نهايتك نتا ااانا غنمشي من هنا ميمكليش نبقا هنا عرفتي الى كانو هوما نفسهم اللي رجعو اش غيديرو فينا واش نسيتي شنو درنا فيهم نسيييني لا لا بلاتي نفكرك....

قبل 11 سنة فمكتب متوسط مجموعين ثلاتة اشخاص مجموعين على خطط خبيثة ..
عماد:ههه داك الغبي مات هو ومراتو دبا احسن حاحة انه مات بلا منحط فبه يدي القدر واقف معايا انا 😈😈


عائشة"بكل غرور"ههه اكييد القدر غيوقف معاك ااااه حباتي متخيلش شحال انا فرحانة بزاافتهنيت من ديك نرات خوك من ديما الحاج والجدة كيفضلوها عليا ومنساوش حتا راجلها اللي ديما هازو الحاج الفوووق ومفضلو عليك نتا 😏

كبيرة:صافي دبا تهنينا منو من نهار عرفناه مشنا الخير كلشي مهتم غير بيه حتا من صحافة كدوي غير على اعمال منتصصر سلطان كنكرهو معرفتش كيفاش الحاج حتا غلط مع مرا اخرا ولد معاها هاد الغبي ديال منتصر ختا ولا محسوب خونا ولي كان كيمرضني هو ماما(الجدة)كانت تموت عليه وخا ماشي ولدها😈

عماد:كلشي فات دبا بقاو بناتو بجوح خصنا كيفاش نتهناو منهم ميمكنش نخلوهم حنا خصنا نورتو كلشي الى بقاو هوما حين كلشي غيولي ديالهم 

عائشة:وشنو كاتسنا ياله نصفوها ليهم محد خبر موت منتصر وسعاد مساق ليها حد الخبر 
عماد:متخافيش انا رشيت الصحافة والمسؤولين باش ميتنشرش الخبر حيت غير يعرف الحاج غيجي فأول طيارة وهكا مغنقدرو نديرو والو لبنات

كبيرة:شنو غنديرو واش نقتلوهم ياك احسن حل ههه
باقين فوسط خططهم الشيطانية حتا سمعو صوت شي حاجة تهرسات حدا باب المكتب خرجو بزربة يطلو حتا كيلمحو بنت صغير شعرها اشقر اية من الجمال كتشوف فيهم بعيون زرقين كيبريو بالدموع صدرها طالع نازل بالخلعة وكترجع بلور 

عماد: حُلْمْ سمعتي كلشي ياك😠
حلم:جاوبات ببرائة"ااااه هئ هئ بببابا ماات ماما هئهئ ماتت 
كبيرة:قربات عنظها وجراتها من شعرها:حتا نتي ازوينة غتموتي ويخسارة هاد الجمال غيضيع 😏
عائشة كضحك :ههههه شفتي شحال هاد العوينات الزوينين غيتسدو فمرة 
حلم:😭😭😭لااا لااا جات هربانة وكتغوت بلا حتا تلاح عليا عماد شدها من شعرها وهيا كتوغوت 
عماد :اجي معندك فين تمشي سحابلك غتهربي ههههه ماشي بساهل 
حلم كنغوت وطلب فيه :هئ هئ عفاك اعمي يحشومة عليك والله منقول شي حاحة والله غير خليني انا وختي 
عماد:هز يدو حتا لسما ونزل عليها بتصرفيقة ختا كسرات دنيا بالغوات


كانت فبيتها الفوق كتلعب حتا سمعات لغوات خرجات بزربة طل شنو واقع ختا كتشهق بالمنظر لي قدامها عمها كيضرب ختها فوتات من الفوق 
.....ختتتتتي😭😭😭
حلم هزات عينيها لمصدر الصوت حتا لمحات ختها كتبكي وجايا هابطة لعندها وغوتات على حر جهدها:ارييييييج هربييي هرببيييي سيييري عفااااك غيقتلووزك عفاااااك ختييي 
مشات كبيرة كتجري تلاقات لأريج فدروج شداتها مزيرة عليها 
عماد:ههه شنو زعما بغيتي ديري فيها قوية زيدي قدامي 
اريج:هئهئ عمووو طلق من ختي عفااك شنو دارت 
حلم:ارييج ختي غيقتلونا هوما اشرار هىهئ كنبغيييييك 
اريج عضات يد كبيرة وهربات تلاحت على ختها عنقاتها وحتا حلم كتعنق وتبكي عماد كيبعد فيهم وهوما لاسقين فبعضهم كيبكيو حتا جات كبيرة جرات اريج من شعىها وصرفاتها حتا طار دم من فمها 
حلم:لاااااااا ختيييييي كنكرهكم كاااملييين غيعدبكم الله كلكم 😭😭😭ختتييي نوضي عفاااك ختي ..عماد.كيجر فيها وهيا مادة يدها لختها اللي سخفانة فالارض وعائشة وكبيرة كيضحكو 

مسكتاتش حلم من البكا والغوات داها عماد لواحد بيت كاين مور الفيلا خاوي كلو مسخ مظلم لاحها تما ودار الحراصة على الباب وحتا اريج خداها لبيت اخر بعييد داير عليهم الحراسة مشددة 

قدر عماد يزور موت البنات بلي كانو مع واليديهم فالسيارة اللي تفركعات وهكا قدر يقنع الجميع بلي بنات ماتو وكل واحد رجع فحالو 

عائشة:حياتي شنو ناوي دير معا هادوك
كبيرة:اكيد غيخصو يقتلهم
عماد:اممم لا مكاينش لاش دبا شهرين وهوما محبوسين تياكلو الخبز والماء فقط بلا منقولكم على تعديب هههه كيبان لي نوهم كل وحدة فيهم بلي لوخرا ماتت وكل وحدة غنحطها فمدينة بعيييدة كل وحدة تلقا مصير فشكل بعيد علينا متنساوش هما صغار اكيد مغيقدروش يوصلو لينا 😈😈حيت حنا غنكونو خوينا المغرب وهكا غتطوا الصفحة ديالهم للأبد
كبيرة:ههههه برافو عليك كون غير كان مراد بحال😏
عماد:هههه هداك خويا ثوأم وعارفو قلبو هشيش مشتيهش شحال بكا ومرض بخبر الموت غيبقا طول حياتو هكا 😏
عائشة :"هزات كأس مشروب "مبروك علينا الثروة ديال منتصر هههههه 
الكل دار نخب الانتصار الخبيت وهما كيضحكو ممسوقينش لبنات لي نهار على نهار كيموتو 
حلم تلقات تعديب بالماء والضرب من طرف عماد وحارمها من الماكلة حتا ولات ضعييييفة وكل نعار كتزيد تحقد وتصبر راسها كتسول على هتها مرا كيقول ليها ماتت مرا كبقولها مسوقكش....

اريج اللي عيشها الرعب وهيا صغييرة ضربها كتبات فالظلام اللي كانت مستحيل تنعس فيه ودبا ولا نهارها بخال ليلها وهمها بلي ختها ماتت عمرها تنسا نهار بزز عليها تشوف ختها كتدبح فالفيديو كان مفبرك باش تنسا شي حاحة سميتها حلم شهرين كلها عداب فعداب حتا جا نهار الفرج سيفط كل وحدة فيهم حالتها حالة مع البودي كارد كل وحدة لمدينة اللي كبرات فيها وبدات فيهل حياة جديدة عمرهم نساو الانتقام عمرهم نياو وجوه اللي وصلوهم لهاد الحالة حلم هيا اسيل ..ولريج هيا نور 
حلم/اسيل..معارفاش لحد الان واش ختها حيا ولا ميتا 
.اريج/نور عند بالها ختها ماتت😢

كبيرة :😭😭😭عقلاي دبا ولا لا حنا مدوزناش عليهم لقيل كل واحد.منا دوز عليهم لعذاب هئ هئ انننا ميمكنش نبقا مستحيل مستحيل غنهرب الى بفيتو ياله نمشيو كاملين ميمكنش ندمر ونتفضح قدام العالم خرجات كتجري ودموعها دايزين 
عماد نزلو دموعو ملي سمع هدرة ختو ونؤامرات اللي دارو فحق بنات صغار مدارو لا بيدهم لا رجليهم كانو ضحية الطمع من اقرب الناس ليهم اللي هو عمهم وعمتهم وزوجتو😢😢😢


خارجة كتجري من القصر دموعها شلال مقهووورة حاطة يدها على فمها كتحاول تحبس شهقاتها معارفاش فين غتمشي المهم تخرج من تما....محسات حتا ضربات فشي حد.. حتا ختل توازنها كانت غطيح كون مشدوها يدين صحاح من دراعها...

باقا مهبطة راسها ودموع دايزين شعرها طايح على وجها....مد يدو هز ليها راسها حتا تقابلات معاه.. شعرها لسق ليها على وجها بدموع... خسر ملامح وجهو بستغراب....
مد صبعو كيحيد الشعر على وجها بشوية وهيا عاد مكيزيدو دموعها يطيحو مكتصدر حتا صوت من غير عيونها اللي كيعبرو على قمة الألم اللي واصلة ليه....

زاد كمش حجبانو ملي شاف دموعها وعينيها الخضرين تلونو باللون الأحمر بلا ميحس شاف فيها شوفة حنينة دموعها أثرو فيه.. حط يدو على خدها بلمسة حنينة حتا حس بشي نغزة فقلبو خلاتو يوعا على راسو وسحب يدو من خدها...
بقات كتشوف ليه فعينيه بلا متفكر تلاحت فحضنو مزيرة عليه بيديها...
تصدم من هاد التصرف بقا طالق يديه وهو كيحس بيها كتزير عليه وتبكي كأنها كتقول ليه عنقني مطلقنيش...مدازش بزاف حتا لقا راسو حاوطها بيديه مزير عليها بلا ميشعر...زادت فوثيرة البكاء تبكي وتنخسس بلا متنطق حتا حرف وهو كيدوز بيدو على شعرها...مدة قصيرة بعدات منو بلا متهز فيه عينيها وتخطاتو وزادت كتجري بلا متلفت....

خلاتو متبع ليها العين وهو الف سؤال كيضور فبالو....

تصورونى الناس اغنى وانا من الداخل مجروح روحى مثل الطير ترفرف يرقص الطير المذبوح الألم! الحزن! العذاب! الجروح!

كالسة فوق الأرض دايرين بيها الشجار كيحركهم البرد واوراق الشجر كتساقط خاشية راسها بين رجليها وشعرها طايح على كتافها كتبان كتنخيس بالبكا....هزات راسها لسما مغمضة عينيها :علاش اربي علاش كيوقع ليا هكا حياتي كاملة عايشة فوهم الله ياخد فيهم الحق هئ هئ


كدبو عليا وهموني حياتي كلها هئ هئ سينين من عمري وانا عند بالي اني وحيدة 😭😭😭"كضرب فصدرها"هئ حرقولي قلبي عليها وهيا عايشة اشنو درنا حنا حتا نشوفو هاد العذاب كامل اشنو ذنبنا هئهئ 😭😭...

ناضت وقفات وغوتات على حر جهدها حتا بانو عروق عنقها
ختيييييييي حلللللم فيييييينك ااااااااااااه قلبببببي كيضرنييي عليييك غدرووووونا اختي فييييينك هئ هئ هئ طاحت على ركابيها فاشلة صدرها طالع نازل ودموع محبسوش كتشوف فالفراغ مستسلمة....

هيا كتفكر ملي قادها فضولها مور كبيرة وعائشة اللي دازو من حداها كيوشوشو ومثوترين مشافوهاش قررات تبعهم حتا لمكتب وتما كانت صدمة لنور اللي ينعات كلشي وكتاشفات بلي ختها مقتلوهاش وإنما وهموها بفيديو مفبرك انها ماتت سينين وهيا عايشة على اساس انها وحيدة معندها حد حتا كتكتاشف انها ختها حيا....

أختي أني أبكي بكاءً جنونياً لا يتصور وأني لو كتبت عن مدى شوقي لك إلى نهاية الدهر لما أنتهيت وأني لو كتبت لأنتهى الحبر ولأمتلئت الصحف ولم أنتهي فأي كلمة تعبر عن شوقي لكي.

باقل على حالها حتا كتسمع صوت التخرشيش هزات راسها بشوية كتأكد من الصوت مبان ليها حد ياله غترجع لوضعيتها حتا كتعاود تسمع نفس الصوت...ناضت وقفات بلاصتها كدور يمين وشمال....حتا كيقفزها صوت اللي نطق بسؤال خلاها تجمد بلاصتها بدون حركة 

.....شششنووو كتقصدي بهاد الهدرة!!كككيييفاش حلللم ختك "شد على راسو"وهو كيقرب منها....
دارت جيهتو بالعرض البطيئ صافي تكشفات شكون هيا مقادراش تنطق كلشي تخلط عليها....كتحس بكلشي كيدور بيها مشاداش توازنها...فكان مصيرها طيح مغمى عليها.....


ناعسة مغيبة وشهقة ديال البكا كطلع ليها هو كالس فوطوي مقابل معاها مفرق رجليه وحاط يدو على دقنو كيشوف فيها وكل شوية يشوف فساعة لي فيده دازت ساعتين وهيا مزال مفاقت صبرو تقادا...ناض من بلاصتو مشا هز قرعة الماء بلا ميفكر خواها عليها كاملة حتا ناضت طافجة قلبها غيسكت...
نور:😲شدات فراسها بيد ويد كتمسح بيها وجها..هزات فيه عينيها بشوية شافتو هيا تسرط ريقها مباغاش تقابل عينيها معاه

فؤاد:على سلامة اللي فقتي😏
نور:دورات عينيها فالغرفة كمشات وجها "فين انا؟؟
فؤاد:نتي فداري مبغيتش نديك لقصر فديك الحالة"عطاها بالظهر مشا جاب كرسي حتا لحداها وكلس عليه بالمقلوب كيشوف فيها شوفات كيف القرطاس ....وهيا حلفات مطلع عينيها بعينيه 

جات نايضة "اانا خصني نمشي دبا اسيل وعصام ايكونو تشوشو عليا 
شدها فؤاد من يدها حمر فيها عينيه"غادي تريحي معندك فيين تمشييي😡
نور:صافي طلع ليها فراسها"شتك نتا زعمتي خاوي عليا المااا سكتنا ولكن باش تبدا تأمر فيا حتا لهادي لا🙄 ""تخطاتو بجوج خطوات حتا جرها من يدها حتا جات كالسة فوق رجليع وشهقات...بقات مكوانسية وهيا كتشوف راسها كالسة ليه فوق رجليه بقا لها شوية وتكلس ليه فوق (👀) سرطات ريقها حاسة براسها توثرات....

هو عندو عادي متحركات فيه تا حاجة عينو فعينها بحال الى مكالساش عليه ..جات تنوض وهو يزيد يزيرها معاه 
فؤاد:نتي اللي بغيتي هكا كنتي كالسة تما"شار ليها جيهت سرير"مبغيتيش تريحي فيه فهنا حسن😏

نور:حدرات عينيها "خليني نوض نكلس تما..
رخاها فؤاد وناضت كلست فسرير كتفرك يدها كتمنا من الله ميسولهاش على داكشي اللي قالت فالغابة وخا متأكدة راه سمع كولشي😔

فؤاد :حنحن وقاد كلستو وشاف فيها بنظرة جدية ممعاهش اللعب ونطق بصوتو الرجولي"شنو داكشي اللي سمعت قبيلة؟بغيتك تشرحي ليا كلشي 

نور:ءءء ءشششنو سمعتي !
فؤاد:ساط بقلة صبر"شوفي عندي انا غير نيشان دخول ولخروج فالهدرة خاطيني داكشي بلا متبقاي دوري عليا فالكلام مفهوم !؟
نور:ككيفاش عرفتيني تما أكيد تبعتيني ياك!!

فؤاد:سؤال غبي أكيد تبعتك بعد ما شتك فديك الحالة لدرجة
انك تلاحي تعنقيني"تبسم بسخرية😏" فهدشي كيطيح الشك وفعلا شكي ممشاش غير هكاك نتي موراك بزااف اسرار وغتقولي ليا كلشي دبا كيفاش كتقولي قبيلة حلم ختي شنو كتقصدي شكون هادو اللي وهموك حياتك كلها؟؟

نور كدور فعينيها صافي حصلات وهذا اللي قدامها ماشي واحد غبي باش تراوغو بالهظرة فكرات معا راسها لقات بلي معندها منو هروب..قررات تعاود ليه قصتها حقيقة عائلتو وخا معارفاش درة الفعل شنو هيا..ولكن لي ليها ليها وعندها فيه امل انه يعاونها حيت يد وحدة مكتصفق...

فؤاد:حك جبهتو دليل على انه شوية ويخبط مها مكيصبرش"غنباتو هنا!

نور:انا نعاود ليك وخا صعيب عقلك يتقبل هادشي😔
فؤاد:دوي ومن بعد نشوف واش كلامك يتقبلو العقل ولا لا 

نور:شافت فيه بعيون دامعة وردات شعرها مور ودنيها...وبدات كتحكي ليه القصة من اللول حتا الأخر وهو مشابك يدو كيتسنط ليها مقطعهاش هو كيبغي يعطي فرصة لطرف الاخر فالكلام تيسالي على خاطرو عاد يتكلم هو ....نور كتعاود وكتحاول متبكيش ولكن كيغفلوها دموعها وكتمسحهم بزربة...

نور:😢😢هادي هيا القصة وهادي حقيقة عائلتك المصونة وللأسف عائلتي حتا أنا 😔

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.