عادت لتنتقم الجزء السابع

من تأليف أم ياسر وئام
2020

محتوى القصة

رواية عادت لتنتقم

شادة تلفوون بين يدها وكالسة فطرف سرير كتهزز رجليها بثوتر...
اسيل:صافي جبتي ليا دوخة باركة كلس شوية 
عصام:وقف دار يدو فجيابو ومطلع فيها حاجب"نتي مرتاحة دبا !!!هاهو داكشي لي واعدك بيه وصل..."تمشا لعندها"غير قولي ليا علاش تكلختي مالك مسيفطي فيدوات لعندك؟؟؟

اسيل"هزات فيه حاجبها"واش دبا انا غنتكلخ حتا لهاد الدرجة!!!راني جربت نسيفطهم لعندي ولكن هو دكي داك تلفون ممنوع ترسل منو شي حاجة لتلفون اخر ..و زيد عليها مراقبني مزيان..

عصام:هذا ملي وصلات بيه يجي حتا لغرفة رضوان راه كاين معانا ولا كيعاونو شي حد من هنا.. "شد ليها فيديها"اسيل ياك هو غادي يفضح كولشي ياك هو قالها اوا ياله من هنا نمشو فحالنا انا مباغيش نخسرك وانا مكنكونش معاك نهار كلو باش نحميك ..

اسيل:عصام انا مغنستسلمش بهاد السهولة ونساحب ايخصني نكمل.."ناضت وقفات"دبا حتا اسد معرفتش شنو غتكون نهايتي معاه هو شافنا لبارح انا وداك الغبي ستفزني 😠😠
عصام:نتي لي مشيتي عندو 
اسيل:ندمت علاش مشيت كان غباء مني نقدر نقول بلي حنيت للأيام لي دازو ولكن كانت غلطة مني😡

عصام:ردي البال والى كانت شي حاجة علميني مفهوم!!!
اسيل:امم كون هاني
عصام:غادي نخليك دبا.....
مشا عصام وبقات اسيل بوحدها معرفات مدير سالة معاها هاد المجهول لي ناوي يحمقها كل نهار كتأكد انه اخطر مما توقعات انسان لي دقيق مكيفلت والو...

بقات كدور فالبيت وكتشوف بعينيها "انا عارفاك غتكون مراقبني دبا ميمكنش تفلت عليك حاجة بحال هادي ياله تاصل بيا بغيت نهدر معاك انا متأكدة راك.داير شي كاميرة هنا تاصل بيا!!!

فمكان مظلم كالس وعلى وجهو نظرة غريبة نقدر نقول عليها مزيج من الشر والهوس واستفزاز والتلاعب شخص غريب كل شوي كيحك على نيفو بطريقة غريبة كأنه مدمن ولكن هو مدمن عليها هيا حبيبتو عشقو اسيل كيشوف فيها كيف كدور فالبيت وكتناديه ضحك على ذكائها المعطل كان من الغباء انها عاد تكتاشف بلي داير كاميرة فبيتها حاجة اكيدة وعادية بالنسبة ليه متبع حركاتها بتدقيق شديد اي حركة وكلمة منها كترسخ ليه فدماغو ...طلق قهقهة بطريقة غريبة شكلو مرعب فهاد اللحظة وخا وسيم بزاف ولكن داير بحال الثعلب نطق بكلمة ..."ولكي ما أردتي يا معشوقتي ...

هز تلفون يتاصل بيها وهو مراقبها من بين مجمووووعة من الكاميرات قدامو كتشمل القصر كلو الداخل والخارج وجميييع الغرف بدون استتناء...



مجهول:اسيييل.."سكت شوية"او نقولو حلم سلطان
اسيل: حلم تدفنات شحااال هادي 
مجهول:وممكن تدفن حتا اسيل 😏
اسيل:علاش!؟
مجهول:عارفة شحال من خطأ درتي وتجاهلتو!!!
اسيل سكتات مجاوباتش
مجهول: كنظن وصلك العقاب ديال الباح !!
اسيل: شنو درت انا لبارح!

مجهول:عاقبتك جوج مرات ..كان ممكن نخلي اسد ميشوفكش مع أزار هههه ولكن انا بغيت هكا ..وكنت مزال غنخلي الفيدوات عندك ولكن تسرعتي وخليتي ازار يقرب منك "فجأة بدل صوتو بحدة"دبااا مهمتك سالات نتي سباب نتي كتستاهني بيا متحاوليش نتي وخوك تقلبو عليا حيت عمركم تعرفو عليا شي حاجة الى انا مبغيتش..

اسيل:شكون نتا وعلاش ختاريتيني انا بالضبط علاش كدير هادشي ؟؟؟
مجهول:أنا عاشق بل مهوس لا بل مريض بيك انا مدمن عليك تقدري تختاري لي بغيتي فهادو 
اسيل:انا مبغيتكش وعمري نكون ليك نفضل الموت..

مجهول:اذا انا لي غنقتلك وغنكون سعيد إما تكوني ليا ولا الموت معندكش خيار قد.لي نبغيك نقتلك

اسيل:نتا انسان مريض وغبي نتا لي خاصك تموت انا عارفة بلي كيساعدك شي حد من هاد العائلة ..

مجهول:مبقاش عندي الوقت بداي تحسبي السوايع.. عائلة سلطان غتكون فاول صفحة فجيمع الجرائد نتي غتكشفي شكون كلشي غيعرف شكون هيا حلم "سكت شويا "وحتا اريج غتبان 😈😈"قطع"

اسيل الزمن وقف ومن اخر جملة قال :ككيفااااش اااررريج غتتبان 😢دددبا ختييي أانا عاارفها هوو فيين كاينة "دورات عينيها لتلفون وهزاتو بجهالة"الوووو الووو جاوبنيييي فيييين هيا ختييي"كتشوف فتلفون كتلقاه قطع الخط"ااااه علاااش علااااش كيدير ليا هكا علااااش كيلعب بيااااا ختييي عااارفها فين كاينة 😡😡😡😡ولات كتمشي وتجي فديك الغرفة مثوترة معصبة كل مرة تشد شعرها تجمعو بيدها وطلقو بكثرة العصاب...

*******

عصام:نور مالك !!!
نور:هزات فيه عينيها ببتسامة خفيفية خارجة بزز: مالي شنو بان ليك؟
عصام:مولفتكش هكا واقع شي مشكل؟؟
نور:"تنهدات"مشاكيل هوما ماشي غير واحد 😔
عصام:شنو واقع ليك عاودي ليا ممكن تيقي فيا!
نور:عصام كلامي الى قلتو مغيصدقو حد 😏مصدقني حتا لي من دمي عاد اتصدقني نتا!

عصام جمع حواجبو بستغراب :باركة من الالغاز وقولي شنو عندك ممكن نعاونك تيقي فيا ..نتي ماشي رخيصة عندنا نتي راك غالية وكدخلي لقلوب بلا متشاوري 
نور:ههه صدقتي عنايبي😂

عصام:اممم ياله دوي شنو عندك 
نور"سكتات شوي كتفكر علاش لي متعاودش تجرب حضها ربما يتيق بيها وخلي الموضوع سري بينو وبينها شافت فيه مزياااان كيف كيبان فيه الصدق تنهدات بتعب "
منين غادي نبدا ليك اعصام!!!
عصام:من لي بغيتي غا طلقينا وهدري!!
نور :أنا مسميتيش نور...


"عصام شاف فيها زعما واش بالصح ياله غتكمل هدرتها وهو يتحل عليهم البيت...دارو بجوج شوفو شكون حتا كيستغربو بجوجهم 

نور:ياسين!!!
ياسين:ببتسامة اوووه سحابلي غتكوني وحدك "شاف فعصام بحدة"
نور:شنو خاصك ؟؟
ياسين:كنقلب على لمياء مبانتش ليا واش مشفتيهاش؟؟؟
نور:لا مشفتهاش من لبارح بانت ليا بحال الى مريضة!
ياسين:امم معرفتش صافي ماشي مهم واش مسالية نكلسو شوية😉

عصام زير على يدو بقا لو شوي وينوض يجندخ مو ممسوقش لبنت لي غايبة وكيقول عليها ماشي مهم وعندو الخاطر يكلس يجمع ...ناض عصام جمع الوقفة مهضر معا حد خلا نور كتعيط ليه وخرج بلا ميحاوبها كل همو يعرف فين هيا لمياء...

نور:ياسين اجي كلس 
ياسين:كان عينو على الباب حتا خرج عصام ودار عندها:زين سمحيلي تفكرت شي حاجة خصني نديرها ضروري مرا اخرى نجي عندك 😊
نور:هزات فيه حاجبها ودارت يدها فجنابها:اوا شغنقولك الله ينعل القح***مك ملي مناويش تكلس قولها منخليش عصام يمشي تفو على كنس سير سير قو**

ياسن كيموت بالضحك عليها وخرج خلاها تعاير ....غير خرج وهو يتغيرو ملامحو جبد تلفون سيفط رسالة وتبعها بتسامة خبيتة....

نور فبيتها جاها الملل ملقات مدير ومعندها مدير بخصوص نتقامها معندهاش لعوين كلشي تالف ليها مخلياها فيد مولانا حتا تجيها شي فرصة....كتفكر شدير حتا قررات تخرج هاد النهار وحدها تفوج على راسها واللي ليها ليها....

عصام واقف حدا بيت لمياء كيهز يديه حتا يبغي يدق وكيعاود.يتراجع باغي يدق يشوف مالها وفنفس الوقت عزة نفس مخلاتوش بعد عدة محاولات قرر يدق مجاوبو حد مبغاش يجي ويحل باش من صفة غيدير تسنا شوية ملي مرد عليه حد نساحب من تما وهو مستغرب علاش مكتجاوبش واش مكيناش!!!

عند عماد لي فالبيرو هو ومراتو واحد يشوف فلاخر كل واحد فين مصدوم كل واحد فاش كيخمم ولكن كتجمعهم مصيبة وحدة.. اكفس ايام حياتهم هيا لي كدوز عليهم دبا وكيفاش غيتهناو من بعد الرسالة لي وصلانهم من مجهول ...
مدات عائشة يدها لتلفون راجلها تعاود تقرا ......

""بدأ العد العكسي بدا تحسب سوايع قريبا انفجار حقيقة بشعة لكل من عماد سلطان عائشة سلطان كبيرة سلطان ""

عماد خطف ليها تلفون من يدها:حطيييي مليون مرة قريتيه 😡😡
عائشة:ايه ومليون الف مرة غيقراوه ناس "بدات كضحك"ههه صافي اعماد مباقيش نزل دمعة وحدة "ناضت وقفات"انا مستعدة لكلشي والحبس نستاهلوه كاملين نفضل الموت وميبقاش معايا هاد السر والى بانو لبنات غنبوس ليهم رجليهم لكن ماشي باش يسامحوني ومندخلش لحبس ولكن باش انا نطلب سماحة منهم على شي درنا فيهم "هزات صبعها كدورو"وكاااع هدشي لي غيوقع نستاهلوه...
شافت فيه "دبا نخليك نمشي نشوف ولادي نودعهم قبل ..وخليك نتا تخطط حيت مغتستافد والو اخرتنا هيا هادي😏...خرجات من تما بهدوء انسانة مقتانعة بشنو دارت واي حاجة طرا ليها غتقبلها حيت عارفة راسها تستاهل....


عكس عماد.اللي ممتقبلش انه يتفضح مباغيش يفضل يموت على انه يتشوه قدام العالم...

خرجات عائشة من تما وعلى وجها بتسامة ديال الراحة مهامها وااالو .
مشات نيشان لغرفة رضوان...دقات حتا عطا الاذن ودخلات..

رضوان كان متوقع غتكون اسيل ولا ازار حتا كيتفاجأ بمرات باه بان على وجهو علامات الاستغراب:مدام عائشة !!!

عائشة ببتسامة"ولدي لباس عليك؟؟
رضوان:الحمد لله!
عائشة:جيت نهدر معاك شوية
رضوان:تفضلي
عائشة:بغيتك تسمح ليا بزاف 😔نهار جيتي لهاد دار متقبلتكش ولكن مع الوقت قلت بلي نتا معندك.دنب فوالو ومقدرتش نقنع باباك انه يتقبلك اولدي مكان بيدي والو هو طبعو صعيب بزاااف سمحلي اولدي على الايام اللي دوزتي هنا بوحدك ربي لي عالم شحال كان يضرني خاطري😢

رضوان:مد يدو وشد ليها يدها"مكاين حتا مشكل انا مسامحك ومسامح حتا الواليد هادي هيا دنيا حتا حاجة مكتكون كيف بغيناها وانا مسامح كولشي مديريش فبالك😊

عائشة عاد حسات بالراحة:تهلا فراسك اولدي واي حاجة سمعتيها عليا عرف بلي انا ندمت عليها بزاف تهلا فراسك😊
رضوان ستغرب من كلامها لي غرييييب مفهمش قصدها بتاسم ليها ومشات من تما خلاتو متبعها ورجع هز رواية ديالو يكملها......

فمستودع لي مور القصر جوج ناس انفسهم خبيتة صوت ضحكتهم عالية فالمكان كالسين حدا طاولة صغير مع كؤوس من النبيد كيشربو نخب الفوز بثروة...

ياسين:طلعتي مساهلش اصاحبي برافو عليك
اسد:بتعالي نافخ صدرو"اممم اكيد راه اسد لي قدامك "حط يدو على الملف الأزرق كيدوز عليه "اوووه ودبا ستوليت على تروة عماد سلطان هههه وداك الغبي ديال ولدو وبنتو شاط ليهم غير الريح 
ياسين:علاش فكرتي دير هكا؟؟
اسد:انا غير متبني فأي لحظة ينكروني وانا مغيكفينيش الورث فقط انا بغيت تروة كلها ...😈يخسارة ملقيتش كيف ندير لمراد ولادو رادين البال لصغيرة ولكبيرة ممعاهمش اللعب😡😡

ياسين:اممم عندك الصح..شنو درتي فاسيل؟؟
اسد:اسييييل هههه هاديك اخرتها على يدي ماشي اسد لي يتضحك عليه 😈😈


تعاشات لعشية واسيل مخرجاتش من بيتها غير متكية وكتفكر...

عصام اللي غادي جاي لغرفة لمياء...كان راجع من بيتها متاجه لبيتو حتا كيلمح خدامة هازا بلاطو فيه الأكل تبع ليها العين حتا شافها غادة ودور موراها...جابت ليه الشك تبعها بلا حس حتا كيتصدم ملي كتجبد سوات بيت لمياء وكتحلو دخلات شوية وخرجات سدات بسوارت وخباتهم وجات راجعة....

عصام عاد فهم لبلان تسناها حتا دازت من حداه وقفها بيدو ...

خدامة هزات فيه راسها :نعام اسيدي؟؟
عصام:اري دوك سوارت
خدامة:اشمن سوارت اسيدي؟
عصام:ديال بيت لمياء تقولي ليا معنديش غنجبدهم راسي من احسن وفري على راسك واريهم!
خدامة سرطات ريقها كتشوف فيه بخوف مبيدها حيلة من غير تجبدهم وتعطيهم ليه....
عصام شدهم وبتاسم ومشا نيشان لبيتها.....

عند لمياء اللي ناعسة فوق نموسية على كرشها لابسة كسيوة قصير وراسها خاشياه بين لمخاد ومظلمة الغرفة وبلاطوات الأكل محطوطين فوق طبلة مباغة تشوف حد فضلات تعطي سوارت لخدامة هيا تولي تحل عليها وتسد باش هكا لي دق متلقا كيف تحل ليه....

سمعات الباب تحل وتسد وهيا تهضر من تحت لمخاد:خرجيييي علياااا ياك جبتي الماكلة وادوري تقو***

عصام كيدور عينو فالغرفة كيف مرونة وكيشوفها هيا كيف ناعسة..هبط عينو لمؤخرة ديالها البيضا وبارزة..سرط ريقو بصعوبة مقدش يزول عينو عليها غادي ويقرب ليها...

لمياء مزال على وضعيتها كتسنا تسمع جواب الخدامة ولا شي صوت حتا كضور بزربة وكتشهق وتنوض واقفة وهيا كتشوف فعصام ...
لمياء:ككككيفاش دخلتي نتااا خخخرج خخخرج من بيييتي ياله 
عصام شاف فعينيها وهو يجمع حواجبو :مال عينيك؟؟
لمياء:ماشي سوقك خرح 
عصام"سولتك مااال عينيك؟؟
لمياء:كلسات فناموسية "قتليك خرج مفياش لي يهدر

عصام:مغنعاودش نسولك "قرب ليها بسرعة كيشوف فعينيها كيف زرقة بحال الى ضاربها شي حد...
جا يهدر وهو يشوف واحد الخدش فوق صدرها قوس عينيه كيحقق شوفة ..هيا شافتو فين كيشوف ودرقاتو بزربة...

لمياء:سيررر فحالك اعصام مبغيتش نشوفك
عصام متسوقش ليها مد يديه وحيد ليها يدها ونزل ليها الكسوة شويا حتا بان جرح كامل شكلو غريب ماشي خدش ديال ضفار ....دور عينو لجيهة لاخرة كتبان ليه عضة مصورة جيهت كتفها وبدا لونها كيزراق...
عروقو بداو يبرزو مشا بالو بعييييد ...شدها من شعرها نتفها حتا غوتات وهو كيهضر مورك على سنانو...


شكوووون داااار فييك هاد الحالة دويييي 
لمياء:😢😢بعععد مني ضريتي بعددد😣😣
عصام:دبا عاد كتقولييي بعععد وداك زاااا**لي داااار فيك هكااا علاااش مقلتيييها ليييه علااااش😡😡😡

لمياء:صبر تقادا:هئ هئ حشووومة عليييكم انا شنو دنبي شنوووو علاش انا لي يوقع ليا هكا "نطرات ليه يدو من شعرها وهو كيشوف فيها غيقتلها"واااش واااحد بغاااني بزز وحاول يتعدا عليا ولاخر لي بغيت كيتاهمني فشرفي 😭😭😭علااااش اعصااام علاااش" 
شدات ليه من حوايجو ودموعها شلال "انا ماشي كيف سحاب ليك هانتا شوف "عرات صدرها وهزات الكسوة على فخاضها كانو زرقين فيهم ليطراس ديال ليدين "شفتييي واش بان ليك هادشي بالخاطر اعصااام؟؟؟

عصام ممصدقش شنو كيشوف ولا كيبان بحال شي ثور هاااايج صدرو كيطلع وينزل بطريقة كتخوف وجهو ولا حمر نطق وهو كيورك على الحروووف:شكوووووو هذااا دوييي 

لمياء"كلسات على ركابيها هازة فيه راسها كتعاود ليه وتبكي"هذاك لي نتا كتقوليا عليه حبيبي هو لي نفسو جا دار ليا هكا هو لي حاول يغتاصبني حيت انا كنرفضو وهو لي تابعني وانا ديما كنصدو انا عمر كانت بيني وبينو شي حاجة هو لي كان كيشدني بزز مكنقدش عليه نقامو نتا لي كتجي غير فدوك لقطات هو لي جا بليل وحاول يغتاصبني وهدشي كلو حيت انا رافضاه ومتقبلهاش شفتي نتا كنتي ضالمني عيت معاك تسمع ليا شنو غنقول ليك نتاااا لي معطيتينيش فرصة 😭😭😭اأنا اعصام كنبغيك ماشي عاد دبا انا بغيتك قبل منشوفك سمعتييي قبل حتا مدخل لهاد لقصر 😭😭😭

عصام جهل من كلامها مكيشوف قدامو والو من غير ياسين يشدو يقتلو طلق منها وخرج صاعر من غرفتها خلاها كتبكي...

ياسين فجردة ديال القصر شاد كارو كيتكيف بيه وهو كيشوف فشرجم لمياء لي مسدود من ليلة البارح كيتفكر تهور ديالو وانانيتو فين وصلاتو كان غيرتاكب جريمة فحقها بسبب طغاينو الزائد وتقتو فنفسو اللي معندها معنا لولى صوت التلفون الخاص اللي رنة ديالو معروفة عندو ديالمن اللي سمع فديك اللحظة كان غيكمل على جريمتو ولكن تراجع وديك المكالمة كانت انذااار على فعلو الشنيع ....

باقي على حالو حتا كيشوف عصام جاي وملامحو مكتبشرش بالخير جاي قاصدو نيشان ...وقف ياسين ولاح الكارو ياله غيهز راسو حتا كتجيه كروشي لوجه جابتو لارض..نزل عندو عصام عاود ليه كروشيات حتا رجع ليه وجهو كلو دم...مكيجي ياسين فين يستوعب لولة تجيه التانية ...لمياء كطل من شرجم وتبكي...
بقا عصام غير كيضرب مهدرش معاه غير كيبرد بالعصا حتا خلاه مقادرش ينوض عينيه مقدش يحلهم ...نزل عصام حتا لعندو وهو يشدو من شعرو ودور ليه وجهو لشرجم نيشان عند لمياء :شوووووف مزياااان تماااا هاديييك لي تمااا ديااالي فهمتي هاد المرة نشووووفك حداها نقتلك "دفل ليه على وجهو وردخو مع الارض وناض تيسوس يديه ومشا لطموبيلتو يخرج من القصر كاااامللل...


كل واحد وهمو فداك القصر وكلها فاش كيفكر ويخطط

نور اللي كدير اخر اللمسات اللي هيا ريحة لبسات اقصر مكاين عندها فكسيوات مع طالون عااالي وشعر بوكلاتو من تحت دارت مكياج سموكي جات خطييييرة كتشوف فالمرايا وهيا مبتاسمة عاجبها راسها دور وتعاود فكرات تسيلفا ولكن عبسات وجها على تلفون لي معندهاش شخشخاتو 😔😔
تأكدات واش كلشي مزيان قلبات صاكها لقات كارط لي عطاتها اسيل باش تشري لي بغات وهيا تبتاسم ليوم تحيح وخرجات من تما تمايل...بديك ترمة 
هبطات لتحت مبان ليها حد:اخخخ على تريكة مكاين حد معرت فين كيتخشاو بحال خفافيش😏
ضربات بشعرها لور وزادت خرجات...

مشات نيشان عند واحد شيفو :بغيت نخرج مكاينش لي وصلني من غييرك 😉
شيفور حدر راسو وحل ليها الباب تا ركبات وختنا تحلات عجبها الحال حسات براسها اميرة ملكات الدنيا😂

غير خرجات سيارة من القصر ...واحد من الحراس دوز مكالمة نيشان لفؤاد لي موصيهم الى خرجات يعلموه ....

مشات نور لأخر نايت كانت فيه هيا واسيل اسد....وقفات سيارة تما وبقات هيا كتشوف فالاجواء من برا فتح ليها شيفور ونزلات رجل برجل حتا ساط فيا لبريد.ديال ليل دارت شهيق زفير كتزعم راسها ...زادت بخطوات تابتة بشوية عليا وكاع الانظار عليها.كتبان فاااتنة فداك التوب الأحمر لي لابسة....دخلات لنايت لي كان عالم اخر كدور عينيها ...ستقبلها الموضف داها لبلاصة vip وكلشي بفلوس اسيل أما نور مزلوطة ....
مشات كلسات غالفوطويات و وقدامها طبلة زاج فوق منها سطل صغير فالاسود فيه مجموعة من مشروبات ..كل مرة تزهق ليها عينيها ليه وتنعل شيطان وتعاود تشوف فيه...نص ساعة وهيا تفرج فالاجواء من زاج عجبها الحال جاتها رعدة على شطيح ولات تحرك غير بلاصتها ...ناضت من تما خارجة لفين كيشطحو مشات تخشات تما كلشي الى الشطيح متفاكش معاهم بقات تشطح حتا ترخات وعجبها لحال شبعات تلواز جميع انواع الموسيقى شطحات عليهم بحترافية خلات كلشي مبهوض من قوامها الرائع وشطحتها المغرية دايرة بحال ختها اسيل هواية الرقص عندهم فالدم......
طول هاد المدة وجوج عينين مراقبينها ملي دخلات تشطح 

نور عيات بشطيح خرجات من تما ضاحكة ناشطة ولفات الجو مشات لحمام تقضي غراضها دخلات بزربة وكتزير على رجليها كان خاوي..بعد مدة خرجات كدندن حادرة راسها كتشوف فرجيلاتها....هزات راسها نيشان فلمراية...

كمشات حواجبها بستغراب قلبها كيضرب كتقرب لمرايا وكتقرا شنو مكتوب فيها باللون الأحمر.....

‏ليل هادئ،سمائه مُمتلئة بالنجوم....
انتهت رحلة انتقامك وبدأت رحلتي "أريج سلطان"
مجهول.....


قرات هادشي قلبها زدح بالخلعة مفهماتش المعنى ديال هاد الكلام فتحات روبيني بزربة كترش عليها فالماء وتنهج مبقاتش قادة تهز عينيها فالمرايا...خرجات من تما لونها صفر غادة بزربة وتلفت فجنابها ...رجعات لبلاصتها مكتشوفش قدامها لدرجة منتابهاتش لشخص لي كالس تما داير رجل على رجل وكيشوف فيها ...

مشات نيشان لداك سطل هزات قرعة نيشان لفمها متمدقات موالو شربات حتا شبعات وهيا تحيد القرعة من فمها وبزقات شراب من فمها وخسرات سيفتها معجبهاش...

دورات عينيها ليمن ديالها حتا كيبان ليها فؤاد كالس وفيدو كاس ويسكي تيجغم منو ومراقبها بهدووء
نور:😲نننتا ايمتا جيتي
فؤاد:ملي كنتي تشطحي😏
نور:واش تابعني؟؟؟
فؤاد:شنو بان ليك نتي؟؟
نور:بان ليا فيما مشيت كلقاك واش منقدرش ندوز شي نهار بلا منشوفك؟؟؟
فؤاد:ناض بشوية عليه حط الكاس فوق الطبلة بهدوء ومشا حتا تقابل معاها كيشوف فيها كيدور عينو على ملامحها وفمها حس برغبة كبيرة من جيهتا..

نور:مالك كتصكاني فيا سير فحالك انا هربت منكم ونتا تابعني!!عطيوني تيساع كلكم اعائلة سلطان 
فؤاد:ياك قلتي بلي نتي من عائلة سلطان هه😏
نور:للأسف هادي هيا الحقيقة😏
فؤاد:شفتك متيقة راسك بزاااف 
نور:انا قلت صراحة تقبلها ولا لا مكيهمنيش ولكن قريب غتبان الحقيقة خسارة حتا تلفون لي نوريك فيه شي مسجات من واحد نمرة مجهولة مستاعدة تعاوني راه هرستو 
فؤاد:نووور 😡😡
نور:شداتو من يدو" اجي معايا تشوف شنو لقيت مكتوب فالحمام زييد ...جراتو من يدو وهو تابعها وهيا عندها شوية الامل انه الى شاف ديك الهدرة يعاود يعطيها فرصة ويتيقها...

وصلات لحمام ودخلو بجوج كدور عينيها على المرايات مكتلقا واااالو :لا لا ممميمكنش يياله خليت كتبة هنا فمرايا ولي كتبها دار فلخر اريج سلطان يعني رسالة ليا 
فؤاد غير كيشوف فيها حتا جرها من يدها مخرجها من تما وهيا دموع فعينيها ممصدقاش هاد العبت لي كيطرا ليها....

رجعو بلاصتهم وكلسها فالفوطوي:نور سمعيني متأكدة معندك حتا مشكل فراسك؟؟
نور:فؤاد والله مكنكدب انا هيا اريج بنت عمك افؤاد تيقني عفاك😭
فؤاد"متحكم فاعصابو بزز"نور شوفي فيا سكتي من البكا ...والو مبغات تسكت ليه المشروب بدا يلعب لعبو جاها غير على لبكا وهو مراقب دموعها لي كيسيلو على خدها ...ثارتو بزاااف وهيا كتبكي مشعرش حتا قرب منها ودخل معاها فقبلة فرنسية وكان هو المتحكم ...هيا بقات مبنجة...مدارت حتا ردة فعل...

فؤاد فصل القبلة وبقا قريب منها حط جبهتو على على جبهتها وغمض عينيه...:نور منقدرش نتيق بيك من أحسن سيري فحالك بمرة سيري من لقصر ممستاعدش نولي نشوفك بغيت يكون هذا اخر نهار نشوفك فيه "سكت شوية وهيا دموعها كينزلو" بعدها عليه حتا قبل ليها راسها ...هزات فيه عينيها كأنها اخر مرة غتشوفو شافت فيه بنظرة غريييبة ....خلاتو يحس بشي حاجة فقلبو...بعدات علييه وناضت عطاتو بالظهر ومشات من تما محطمة ودموعها دايزين....
فؤاد بقا كيشوف فيها حتا غبرات وصورتها فاخر نظرة دارت فيه كاينة بين عينيه....

نور خرجات كتبكي حل ليها شيفور الباب وتخطاتو ودازت كتمشا معا شاريع وهيا كتبكي...فجأة تسمع صوت فران قوييي سيارة رباعية الدفع وقفات قدامها فرمشة عين وتحل لباب وتخطفات أمام أعين الناظرين كلشي وقع على غفلة فرمشة عين خلاو كذلشي ناس شهقو وبدات الوشوشة...

فؤاد ناض تابعها كيجري يلحق عليها حس بندم علا كلامو حس بصدق فكلامها حس براسو معطاهاش فرصة ...خرج برا نايت كيلقا كلشي كيوشوش ...جا عندو شيفور كيجيري 
.....ميسو اااانسة نننووور 
فؤاد:دوييي مااالها نووور؟؟
.....تتتتخطفااات غيررر دبااا 
فؤاد قلبو زدح جسمو قشعر من داكشي لي سمع :شنوووووو😲😲


كالس فسيارتو جنب طريق..مقدرش يكمل طريقو عادي علاش هو حاس هكا!!ياك هو قالها سيري من ليوم مبقيتش بغيت نشوفك!وكيتاهمها بلي نصابة باغة طيح عائلة سلطان فكدبة!!!وعلاش دبا حاس بالذنب حاس براسو زرب علاش كل محاول يتناسا مقدرش عقلو غيوقف من تخمام ....كلف رجالو يقلبو عليها يجبدوها ليه فيما كانت ...واش غينجح فهادشي ولا لا!!!!
ديمارا سيارة ونطالق للمجهول وعقلو معاها....

واقفة حدا بوابة القصر كتمشي وتجي بثوتر وكتفرك فيديها كل مرة كتوقف تشوف واش جاي شي حد...الحراس كلهم كيشوفو فيها بستغراب شنو لي خلاها تجي تسنا هنا!!
...كتصوني عليه نمرة طاافية صبرها تقادة شوية...حتا كيجيها الفرج كتلمح سيارتو داخلة مشات كتجري عندو قبل حتا ميفوت البوابة ...
وقفاتو وركبات...

عصام:بتخننزيرة "شنوو وااقع؟؟
اسيل:عصاام تحرك من هنا ياله لشي بلاصة اخرى..
ديمارا عصام بلا ميجاوبها تحركو فاتو لقصر غير بشوية ووقف...
عصام:دوي خلاص اش واااقع؟؟
اسيل:هاااك شوووف ..."مدات ليه تلفون "خداه كيشوف فصورة لي وصلاتهم...
اسيل:😢شفتي اعصام انا سباب هيا شنو دنبها بسبابي خطفها 😢😢
عصام :كيشوف فالصورة وكيخمم كانت صورة نور مخطوفة سادين ليها فمها بسكوتش وناعسة...""
علاش خطفها؟؟
اسيل:مممعرفتش سيفط ليا هاد صورة قبيلة ومشيت طليت ملقيتهاش فبيتها ملي خرجت نقلب برا جا شيفور كيجري قالي تخطفات من قدام نايت..

سكت عصام شوية كيفكر "صباح كانت غتقول ليا شي حاجة!
اسيل:شنو قاتليك؟؟
عصام:قاتليا بلي لي من دمي متيقنيش عاد غتيقني نتا ..وقالت ليا بلي مسميتهاش نور
اسيل:!كيييفاش!!شنو كيعني هادشي؟؟

عصام:انا من لول قتليك نور موراها شي حاجة كانت واحد المرة سكرانة ودكرات عائلة سلطان ولكن مفهمتش اش قالت ..انا سيفط لي يقلب على ماضي ديالها ولكن موصلت لوالو 

اسيل:صافي راسي غينفاجر شنو غندير انا دبا شنووو 
عصام:مديري والو خليه هو يكمل
اسيل:عصاام هو كيقولي يا تكوني معايا ولا تموتي هذا راه مريض انا غنحماق شكون هذا لي كيلعب ليا بحياتي هكا😣وصباح قالي سوايع قليلة وغتكشف الحقيقة وكولشي غيبان حتا انه ذكر حتا ختييي اعصام تا هيا قالي غتبان اريج سلطان 😢😢صافي انا عيت جهد مبقاليش انا كنتعامل معا انسان مريض نفسانيا مستحيل يكون انسان طبيعي مستحيل😢😢

عصام قرب عندها وخشاها فحضنو مزير عليها وحتا هيا تخشات فيه كتبكي مبقاتش قادرة تحبس دموعها مبقاتش قادة....


حدا لبحر كالس فؤاد بجسمو لعريض... كينطر من الكارو وكيشوف فلمواج كيف هايجين بحال هكاك كيحس خاطرو ممهنيش حاس بشي حاااجة فشكل ...باقي على وضعيتو حتا كيوقف حداه خوه...

أزار:"بنظرة باردة ولكن ديما حجبان مخنزرين"شنو واقع ليك !لاش معيط ليا!!!
فؤاد:نطر نطرة طويييلة وساط دخان "عندي منقولك وخا هادشي مكيدخلش لعقل...
أزار:خدا ليه الكارو من يدو "امم دوي كنسمعك

فؤاد:الموضوع كيخص نور لي جات مع اسيل!
أزار:وشنو علاقتك بيها نتا ياكمة...
فؤاد:لا ميمشيش بالك بعيد... نور كتقول بلي هيا أريج بنت عمي الله يرحمو...

أزار كان غينطر من الكارو حتا سمع هاد الجملة وهو يتكوانسا بلاصتو وخرج عينيه من صدمة...دار عندو بالعرض البطيئ وهو على نفس ملامح الصدمة...

فؤاد:عرفتك غتصدم بحالي حتا انا ولكن غتكون غير كتكدب مسيفطها شي عدو لينا 😏

أزار:شنووووو قلتييي فففيييين هيااا فييين 
فؤاد:أزار مااالك تهدن حتا انا نهار اول مرة عرفت كنت غنقتلها وبسبابي نعسات فسبيطار 
أزار:😲شششنوووو درتيي "شدو من كول حوايجو"واااااش عااارف شدرتي؟؟؟اااا 

فؤاد"أزار تهدن شنووو وقع ليك نتااا علاش نفاااعلتي هكا؟؟

أزار طلق منو ومسح على وجهو بعصبية وكيحاول يتهدن باش يزيد يسمع شنو كاين :وخا وخا دوييي شنو قاتليك وفين هيا دبا؟؟

فؤاد:اوك غنعاود ليك من لول.....بدا يعاود ليه من اول نهار تبعها لغابة حتا ليوم لي تخطفات. ...
ازار بقا يسمع ليه وهو عروقو كيتنفخوه بالعصاب خلاه حتا كمل وهو يجمع يدو ونزل عليه بكروشي لوجه...وناض كينهج..

فؤاد معرف دقة منين جاتو :شنوووو درتييي القلا**شنوووو 
أزار:علاااش حتااا لدابة عاد جاي تقووولها علاششش واش عرفتي اش ودرتي"كيمشي ويجي فرملة ويهضر غينفاجر"هااااديك البنت مكدبات فوااالو والحقيقة هيا حلم واريج مماتوش كلشي من تخطيط عمك المحترم لي نتا رفضتي تيق عليه هاد الهظرة هاديك نوووور صدقات بنت عمنا الله يرحمو هاديك خت حلممم لي سنين وانا نقلب عليها... انا 5 سنين بااااش عرفت بلي لبنات بجوج باقين عايشين بالصدفة سمعت عماد كيهدر مع مراتو وختو هوما ضحكو علينا فهمتي 😡😡

فؤاد بقا مجمد فبلاصتو كتعاود ليه فودنو نووور مكدباتش هاديك بنت عمنا صافي مبقا كيسمع والو حس بالدنيا ضااارت بيه مبقاش قادر يشد توازنو طاح كالس فالرملة وأزار كيمشي ويجي ويسب ويعرعر...حط بدو على قلبو لي دقاتو مجهدين كيحس براسو كان اكبر غبي ظلم البنت لي فعلا من لحمو ودمو ضربها هانها وليوم تخطفات بسهولة ممصدقش هادشي تمنا لوكان يرجع الوقت لووور ويتيقها ولا يعاود لخوه وميحطش يدو فيها....

🌺🌺أحداث جديدة🌺🌺

الكل مجموع على مائدة الأكل حتا واحد فيهم ملقاها كيبغاها كل واحد وهمو اسيل وعصام لي منعسوش ليل كلو وهوما كيفكرو فنور...عماد لي بات كيخطط باش يفك راسو ولا خايف يخرج...فؤاد ندم لعب عليه بزاااف.ازار اللي ماشي قل منهم....

فطبلة الفطور مترأسها الحاج لي مشابك يدو وكيدور عينو عليهم واحد واحد كيشوفهم بيهم شي حاجة :احمم "وجه كلامو لأسيل"بنتي فين هيا صاحبتك واش مزال ناعسة؟؟؟

كل من فؤاد وأزار هزو راسهم فيه وشافو فبعضهم معرفو شغيديرو ولا شنو يقولو...
اسيل شافت فعصام بثوتر وعطاها اشارة بعينيه باش تبت..."الحاج نور مغتجيش لدار تاصلات بيا لبارح بلييل قاتلي غتبقا شي ايام عند صديقتها😊

فؤاد وازار حولو عينيهم ليها بصدمة عرفوها وصلاتها الخبار ديال الخطف ولكن لي غريب علاش غطات على هاد القضية علاش مقالت والو علاش كتبان عادية؟؟؟

مراد:الحاج ياكمة نسيتي بلي ليوم عندنا حفل بمناسبة نجاح مشروعنا؟؟
الحاج:لا اولدي منسيتش "حول عينو لوخرين"الكل غيحضر هاد ليلة للحفل لخاص بشركتا غيكونو فين ابرز شخصيات وحتا المنافسين يعني حفل كبير كيشمل بزاف 
فؤاد:سمحلي الحاج منقدرش نجي..
الحاج:لا اولدي لي كان عندك غادي تلغيه هاد الحفل الكل غيحضر فيه بدون ستتناء "شاف فرضوان"وفطبيعة الحال حتا رضوان غيحضر وغنقدموه لصحافة باش كلشي بعرف بلي هو من عائلة سلطان😊

الكل بتاسم من غير اسد وعماد ....
بداو فطورهم وحتا حد فيهم محامل يمشي لشي حفل ولكن هدا امر من جدهم خاصو يتنفد....

عصام هز عينو بشويا فلمياء اللي كالسو مقابلة معاه مكتاكلش وحادرة راسها مرة مرة كتخطف فيه شوفة...هزات فيه عينيها لقاتو مراقبها...زروقية عينيها مبقاتش كتبان مع الميكاب ودوا تبسمات ليه وحدرات راسها...هو مدار حتا رد فعل ...كيحمد الله مشافش وجه ياسين هاد الصباح كان غيكمل ليه لي بداه البارح....

كملو فطورهم وبداو كينساحبو واحد واحد...اسيل ستأدنات وناضت من تما عينيها كتمشي مرة مرة لأزار لي مراقبها....
مشات طلعات لبيتها...ياله غتسد الباب حتا كتحبسو شي يد حلات الباب تشوف...
اسيل:اااسد!!!
اسد"دفع الباب حتا دخل وسد الباب هيا كتشوف فيه كيف مبرد عكس اخر مرة ..بدا جاي عندها والصمت سيد المكان وهيا راجعة بلور واحد يشوف فلاخر...حتا حبسها الحيط...

اسيل؛اااسد مممالك؟؟
اسد كيشوف فيها مزيااان ..هز يدو حطها على حنكها كتلمسو بحنان وعينيه كيدورو على وجها نطق بهمس:اسسييل علاش كتقلقيني!!
اسيل:اانا مدرت والو ومقصدتش نقلقك هو لي تقرب مني ماشي انا😔
اسد:غنسا هاد الموضوع واخر مرة نشوفك قريبة منو مفهوووم!!نسيت حيت كنبغيك كون مبغيتكش راك مغتكونيش باقا هنا اخر مرة سمعتي
اسيل:اممم فهمت هو لي خصو يبعد مني مهم انا فرحانة حيت مبقيتيش مقلق عليا😊 مدات يدها وتعلقات معاه عنقاتو وحتا هو بادلها العناق وبجوجهم كيبتاسمو بشر فظهر بعضهم....

اسيل:خصني نوجد راسي لعشية 
اسد:امم اوك نبغيك تكوني احلى وحدة فالحفل حيت ناوي نعلن خطبتنا😊
اسيل:اممم اوك بيبي كون هاني 😉....

🌺🌺تعاشات لعشية الكل واقف قدام باب القصر كيستاعدو يمشيو كل واحد فسيارة الخاصة بيه...
اسد واقف على برا كل شوي يطل على الساعة وكيشوف فالباب تعطلات عليه...ياله غايدخل حتا كتبان ليه خارجة بأبهى حلة فاتنة بزااف شعرها الاشقر طويل كيتمايل معاها لابسة فستان اسود طوييل كلو كيبري فيه فتحة من جيهت الرجل طالعة حتا لفخض ومعري ضهر كلو وفتحت ظهرها فييه وشمة على شكل لهيب🔥 جاها سيكسي فديك البلاصة طالقة شعرها بوكلي على طولو مع ميكاب خفيف برز ليها لون عينيها أكثر مستحيل تشوفها ومتحلش فيها فمك....

اسد بقا حال فمو فيها مبهور فجمالها وانوثتها كتمشا وهازة راسها لسما تايقة فراسها ...تقدم اسد لعندها ومد.يدو ليها حتا شدات فيه..
قرب حتا لعند عنقها وطبع قبلة طويييلة كيستنشق رحيقها العذب...فنفس اللحظة جات عينيها فعينين أزار اللي حتا هو ماشي قل من اسد تبهر فجمالها لي بان مختااالف على قبل جات قدامو صورة حلم وهيا صغيرة فيما كيشوف اسيل كتجيه صورة حلم...قلب عينو لجيهة لوخرى وهو مخنزر مراضيش انه يشوف فيها....

عصام"مشا عند لمياء لي واقفة بوحدها كتشوف معامن غتمشي كانت حتا هيا فحلة زوينة وخا مراشقاش ليها..."احم لمياء اجي معايا ..

هزات فيه راسها بستغراب مجوباتوش بقات غير تشوف فيه حتا جرها من يدها غادي بيها لسيارتو...
حل ليها باب لور حتا ركبات...ودار لجيهتو ركب ....

لمياء جبدات عينيها تشوف شكون حداه لقدام حتا كتلمح رضوان ..مدات يدها وحطاتها على كتفو ونطقات بصوت حنين:رضوان!!خويا😊
رضوان"تلفت عندها"ختي لغزالة جيتي زوينة 
لمياء" نهار زوين حيت نتا معانا😊
رضوان"ههه انا فرحان حيت انا معاكم وليوم كلشي غيعرفني شكون انا ويعرفو بلي انا من عائلة سلطان...

وصلو قدام اكبر اوطيل دنيا عاااامرة على برا مستفين احسن انواع سيارات وحدة تنسيك فلوخرا والناس اللي حجرتهم ثقيلة داخلين...صحافة مجموعة كتصور....

وصلو عائلة سلطان واحد مور لاخر كل الصحافة تجمعو عليهم الكل باغي يصور...جاو الكارد بعدوهم حتا دخلو ....
الاجواء كانت رائعة والاوطيل مزين بطريقة راااقية الكل كيشوف فيهم ومركزين فقط على اسيل اللي عجباااتهم وبدات الوشوشة عليها الكل كيعرفها هيا وعصام حيت حتا هوما من الناس المعروفين....الفرد الوحيد اللي كيتسائلو على شكون هو...كان رضوان لي غادي مع عصام ولمياء فكرسيه المتحرك .... 

كل واحد نضم لطبلة فيها مجموعة من الاشخاص رجال الأعمال ونساء....
ازار وفؤاد كالسين على اعصابهم...اسد كيدور اسيل على معارفو وهو هاز زنافرو لسما كيتباها بيها وبجمالها قدام شركائهم...اسيل ملات من هاد الجو الممل تسلتات من اسد بشوية...ومشات جرات عصام من يدو وقفات بعيد هيا وياه 

اسيل:اووووف كالسة هنا بزز😡وعقلي كلو مع نووور اعصام
عصام:صبري شوي وغنمشيو متمشي لحتا شي بلاصة بقاي حدايا حيت من مور خطف نور مبقاتش عندي تيقة 
اسيل:وخا صافي...

الكل تجمع حدا واحد المنصة صغيرة كل واحد كيقدم اعمالو ونجاح لي لقا.....حتا الحاج تقدم هو ومراد لقاو الكلمة وشكرو الحضور....الكل رجع لبلاصتو..

اسيل واقفة لور وكتزعزع فرجليها مبقاتش مستحملا هاد الجو...محسات غير بشي حد جرها من يدها بزربة وداها مور واحد الحيط صغير...


اسيل:شنوو.كدير نتا طلق مني😡
أزار:نور فين عرفتيها!!
اسيل:ونتا ماالك اش دخلك
ازار"شوفي خليني متمالك اعصابي معاك...نتي عارفة نور مخطوفة!!
اسيل"ضربات الطم ساكتة كتشوف فيه بينها وبينو غير شوية تزيد خطوه تلسق معاه
أزار:شكون خطفها!!
اسيل:اسيل انا معرفتش حيد"بغات دفعو من قظامها تتخطاه ولكن شدها من يدها حتا زدحها مع صدرو ..عينيها فعينيه نيشان ..
أزار:شنو مخبية نتي؟؟
اسيل"كتهدر ببطئ ونفسها كيضرب فعنقو"انا ممخبية والو حيد يدك عايا دبا يجي شي حد😡
أزر تبسم جنب وهبط يدو بكل جرأة لمؤخرة ديالها وعجنها ليها بيدو حتا حتا زاد لسقها معاه...هيا شهقات بالخلعة وقلبها كيزدح يزدح..
اسيل:😲بببعد بعععد المرض الحيوااان حيييد يدك😡😡
ازار"😏امممم كيدوي ويقرب ليها"اممم شنو زعما ممولفاش هادشي!
اسيل:بعد مني ولا غنشوهك هنايا😠
ازار حيد يدو وساسها"ميمشيش بالك بعيد انا معنديش مع لوسخ نتي غير وحدة رخيصة😏منوسخش يدي معاك😏دفعها بصبعو من كتفها وزاد مخليها كتجمع فيديها بالعصاب ورجعات فين كانت وهيا على اعصابها....

الكل مجموع وكيتسناو الشخص الأخير لي غيلقي الكلمة ....فجأة طفا ضوء...وكلشي بدا يوشوش...كتشعل شاشة بيضاء فيها كتبة بالاسود...

""حان وقت الانتقام فليحذر من يهمه الأمر.لن أرحم أحد"

الكل بانت على وجهو علامات استفهام تهجب عدم الفهم شنو كيعنيو هاد الكلمات شكون المقصود....
اسيل تكوانسات بلاصتها عرفات هادي هيا اللحظة ديال كشف المستور بغات تمشي عند عصام مكيبانش ليها فين كان كان المكان مظلم ...
عماد صفار بالخلعة عرف هادي لخرة ليه عكس عائشة لي مبتاسمة...

كيبان ليهم خيال شخص طويل لابس لباس اسود كيتمشا فديك المنصة وكلشي الأعين عليه...شعل ضوء خفيف جيهتو تعالات الوشوشة عليه...كان داير ماسك على وجهو...صفق بيدو جوج مرات وتحيدات ديك الكتبة ومطالق الفيديو لي خلا الكل حل فمو بالصدمة...
عماد طاح للأرض رجليه مبقاوش هازينو صحافة دايرة خدمتها....كان فيديو عماد ومراتو وختو فالمكتب....الكل تفرج فالفضيحة والكل عرف الحقيقة....

تشعل ضوء وتحبس الفيديو ...كلشي الأعين على عماد وعائشة....
الحاج دعلى قلبو بصدمة وطاح كالس فالأرض تيردد بكلمات ممفهوماش 
مراد كيشوف فعماد ممميمكنش هدشي شننووو.درتيي نتتااا شنووو😠😠واااش نتااا بنادم ااا دوييي
عماد منزل راسو للأرض مقادرش يهزو..وهو كيسمع الكلام الجرح وصدمات الناس وصحافة اللي مجموعة عليهم...

الحاج كيهدر بصوت متقطع :اااالله يااخد فيييك الحححق نننتا ماااشي ولدي نتاا ماشي ولديي 😭حرمتيني من بنات ولدي اااه "شد على قلبو بألم مشا مراد كيجري عندو شد فيه ...والجدة تصدمات دموعها دايزين مقداتش تهضر...

اسيل لي ممسوقاش ليهم كتشوف فقط فهذاك المجهول لي واقف فالمنصة مدرق وجهو بماسك مميمكنش تعرف عليه ....
فؤاد وازار متصدموش حيت عارفين شنو كاين وباقي العائلة كلشي مصدوم...

شويا رجع طفا الضوء والشخص لي فوق المنصة اختفى من تما بلا ميردو البال ...تشعلات الشاشة البيضاء وبانو فبها جوج صور اللي خلاو قلوب الكل يتهزو كلشي خرج عينو من هول الصدمة....

كانو صورة نور مكتوب عليها أريج سلطان ..
وحداها صورة اسيل مكتوب عليها حلم سلطان ...
والتحت مكتوب ...بنات سلطان المفقودين...
شويا خدم فيديو بان نفس الشخص المجهول صاحب القناع. كالس فكرسي مقابل مع الكاميرا وكيدوي بصوت جد غريب كيخلق فيهم الرعب....

فهاد اللحظة اللي الصدمة مسيطرة عليكم حلم سلطان غتكون ختافات من بينكم ببساطة عمركم تشوفوها حيت هيا ملكي"وطلق ضحكة جد خبيتة وشريرة"ههههه 
سالة الفيديو وتكتبات جملة ...
بعد 5 دقائق كلشي غيعرف شكون أنا😈😈..

تشعل الضوء وكلشي كيدور عينيه على الحاضرين يقلبو على اسيل ماليهاش اثر ختافات...


أزار فبلاصتو دم تحبس ليه فجسمو عقلو مقادرش يتقبل كيحس براسو فشل على الحركة كيتسمع صوت الناس والهدرة ولغوات بحال الى بعييييييد كأنه غارق فبير عقلو مستولية عليه صورة عشقو وروحو حلم كيفاش كانت حداه وبين يديه ومعرفهاش!!!واش هذا هو الحب لي كيقول عليه!!هذا هو الهوس حتا لهاد الدرجة معرفهاش!!!

عصام جاهل كيقلب بين ناس ويعاود ولا بحتل شي حمق غير كيغوت بسميتها الحاح والجدة ومراد كلشي كيبكيو صدمة صعيبة بنسبة ليهم وصحافة دايرة خدمتها كيتسابقو على احسن صورة يلتاقطو لهاد الفضيحة كلشي ترون...

الكل سكت ملي سمعو صوت فشاشة 1 2 3 ....
الكل متبع باغين يعرفو شكون عذا وشنو قصتو....الكل مصدوم من شنو كيسمعو....ازار نقدش يستحمل كلس فالارض قلبو كيضرو بزاااف....كانت أكبر فضيحة وأكبر تخويرة عااائلة سلطان كاااملة
......الكل كيهدر غير بيهم...الكل حياتو تقلبات حتا واحد مبقات حياتو وراحتو كيغ اللول...

بعد مرور شهرين....

يومآ ما...
ستدرگ الفرق بين الإنجذاب وعشق الروح.. وتدرك أن الرفقة لا تعني شئ بدون الأمان.. وتدرك أن العشره الطويلة لا تصنع دائما الحب والصداقات.. وتبدأ في ادراك أن الكلمات ليست وعود.. وأن وعود اليوم ليست ضمانات للغد.. ستدرك ان الخسارات ليست هزائم وتبدأ بتقبلها بكل قوة.. ستدرك أن أمواج البحر ستغرقك إن وثقت بهدوئها.. وأن الذكريات رواية جميلة نستمتع بقرائتها غير أنها لن تعود يومآ...

حطات ستيلو ديالها على المذكرة ديالها... بعد مدونات عليها كلمات لي خارجبن من قلبها ..تكات على الكرسي مرجعة راسها لور ..نزلات دمعة من عينيها خلاتها نازلة على خدها ..حتا سمعات صوت الباب كيتحل ...
دخل شخصوطويل عريض قوام مخدوووم لابس الاسود وعلى وجهو قناع...هاز بين يظو بلاطو فيه الأكل...دور عينو على الغرفة كتبان ليه كالسة بهدوء عكس اخر مرة لي رجعات الغرفة كلها فوضى وحاولات تأدي ىاسها كون مجاج فالوقت ...

تقدم بخطوات متوازنين وعينيه متربصينها كيف كالسة حط البلاطو فوق البيرو حداها..
مد يدو للمذكرة هزها قدام عينيها بلا مدير حتا ردة فعل ...فتحها على اخر صفحة فيها ..قىا شنو كتبات وهو يتبسم جنب بلا مينطق مد يدو وقطع ديك الورقة وجبد.بريكة دهبية شعلها حتا شدات العافية فالورقة...

هزات عينيها فديك لورقة لي كيتحرق كيف كل ليلة لي كتباتها كيجي حتا يقرا ويحرقها... نزلات دمعا من عينيها كتشوف راسها مغلوبة فين هيا اسيل القوية المتشبتة بالحياة اللي صبرات على عداب كان كبر منها وصبرات سنين على حرقة الانتقام شنو دبا كلشي مشا كلشي 

اسيل:علاش كدير فيا هكا علاش 😢
نجهول:ساس يدو ...هاد السؤال نتي عارفة جوابو نتي ليا أنا بالخاطر بزز بلموت 
اسيل:قتلني وخليني نرتاح علاش حابسني هنا ومعارفاكش حتا شكوون نتا😢😢
مجهول:نهار نبغي انا وديري عقلك عاد غتعرفي شكون "دفع ليها بلاطو"كولي...دار عطاها بظهرو وخرج خلاها تما ماهية لين الحين ولا الميتين...

تصورونى الناس اغنى وانا من الداخل مجروح روحى مثل الطير ترفرف يرقص الطير المذبوح الألم؟ الحزن؟ العذاب؟ الجروح؟


الكل مجموع على مائدة الأكل لي ولات مملة وكلها احزان واكتئاب....
الحاج:أزار ملقيتيش ليا بناتي😢
أزار زير على يدو:شهرين الحاج وانا داير مفجهدي مليهمش اثار 😔
الحاج:دير كثر من جهدك اولدي انا بغيت نشوفهم قبل منموت اولدي القهرة كتقتل فيا شويا بشويا وجداتكم كل نهار كتدبل فغرفتها رافضة تخرج منها حتا يرجعو... كانو حدانا ومعرفناهمش😢😢

فؤاد كيسمع لكلام جدو حدر راسو وناض كيحس براسو هو المذنب هو لي متيقش نور وهاهيا ضاعت من يدو ولا عايش فجو كلو كئابة خلات فراغ كبييير فقلبو مبقاش ينعس ليل كلو وهو غير كالس وكيفكر كل لحظات لي جمعاتو بيها عمرو لقا شي ذكرى زوينة كل المواقف لي بيناتهم كانت كلها صراعات....

الكل تبع ليه العين وحدرو راسهم بأسف على حالتو لي ماشي قل منهم...
رضوان:ازار خاصك تشوف حتا برا المغرب خصك دير حتياطات...
أزار :كلفت رجالي داخل المغرب وخارج المغرب...معرفناش حتا هاد المجهول شكون هو 😡

اسد:حتا انا مكلف كنقلب حتا من مدن صغار سيفط لي يقلب...المشكل عندنا غير صور لبنات مجهول معندنا عليه حتا فكرة..

ياسن:كنضن خاص شي حد يمشي عند عماد لسجن ربما يكون عارف عليه شي حاجة حيت هو باغي ينتاقم منو !!

لمياء مكتشوفش فياسن:معرفتش فين غنصنف هاد المجهول واش شخص شرير ولا حتا هو مظلوم من جيهة هو لي وضح الحقيقة بدلائل وهو نفسو لي خطفهم انا حرت اوووف حياتنا تقلبات كووولها مبقيتش قادرة نتصدم ماما وبابا عمري توقعتهم يكونو 😢😢

أزار دفع الكرسي وناض:أنا غنمشي عند عصام دبا باش نمشو عند عماد نعرفو منو شي حاجة...

فقصر عصام لي حدا قصر سلطان...كالس فالجردة كيكمي واحد مور لاخر منهار مشات اسيل ونور وهو على هاد الحال مخلا فين قلب معرفش ليهم طريق تمنا لو ديك ليلة مطلقش من يدها ختو وصديقتو وحبيبتو ومصدر اسرارو مسات معرفهت حية ولا ميتة الضحكة مبقاتش تعرف فمو ولا عصبي لدرجة كبيرة كلمة جوج كيبدا يشخشخ...


غير بان ليه أزار جاي ناض بزربة لعندو وهو متلهف يسمع شي خبر:شنووو عندك شي خبار!!!
أزار:للأسف لا جيت باش نمشو عند عما لسجن دويت معا لمحامي باش ياخد إذن الزيارة 

عصام:كلشي بسباب داك الحقيير نشوفو نقتلوو😠
أزار:عصام تهدن مبغبناش نديرو مشكل خصنا نعرفو منو شي حاجة على المجهول مفهوم!!ياله نمشيو....

🌺🌺مكان اخر🌺🌺

غرفة بيضاء ضوء فيها قوي فيها اجهزة طبية كثيرة...فبياص ابيض ناعسة شابة باين عليها المرض كانت شديدة البياض..تحت عينيها قهوي ضعيفة مغمضة عينيها وكلها عامرة اجهزة....

كان حداها شاب واقف فيدو ايبرة طوييلة شكلو غريب كبضحك غير بوحدو لابس طابلية بيضاء فيها بادج من جيهت الصدر مكتوب عليها دكتور نبيل... ومرة مرة يحك شعرو بهمجية كيدور على الأجهزة وكيضحك بصوت غريب كأنه أحمق كيتلدد بشنو كيدير...حبسو على ضحك صوت تلفون مد يدو حتا جبدو من جيبو وهو يسرط الضحكة ملي شاف الرقم المجهول ...

نبيل "بتلعتم" ااالو
مجهول:نبيييل كيف حال المريضة😏
نبيل "وسع ضحكتو كيكرر الكلمات بشكل غريب"لباس لباااس قققربنا قررربنا نسااليو هههه 
مجهول:اممم مزيان كنتمنا تطلع نتيجة كيف بغييت ومندمش حيت ختاريتك😡
نبيل:ههه لا لا ككولشي كولشي هو هذاك غغتفيق وهيا فااقدة جزء من الذاكرة ههه
مجهول:اممم داكشي لي بغيت مخصهاش تفيق وتحون عاقلة خصها تكون نسات هاد 4 شهور الاخيرة من حياتها
نبيل:اه اه ههه شكرا شكرا انا هادي هيا خدمتي انا مولف مولف هادشي ههه..

مجهول:مزيان"قطع"بقا المجهول شاد تلفون وهو كيشوف لبعيد ...ونطق بهمس.خصها تنسا من نهار لي شافت ختها وتنسا واش عمرها جات عند عائلة سلطان وتنسا حتا واش كشفاتني انا خصها تنسا كلشي مبقا عندي مندير بيها غير تفيق غيتطلق صراحها😈😈😈

فسجن..كالس ازار حداه عصام ...قدامهم عماد اللي حادر راسو وفاصل بينهم وبينو مكتب...

ازار كيحاول يتحكم فأعصابو:عماد نتا تفضحتي نتا ومراتك وختك كلكم تلقيتو العذاب هانتوما كلكم فالسجن الحالة ديالكم النفسية مكفسة خصوصا كبيرة اللي تلقات تعديب من طرف المجهول دخلات فصدمة مبقاتش كتكلم ...كنتمنا دير خير وتقولنا شي حاجة على المجهول الى كنتي عارف عليه شي حاجة ولو تكون بسيطة؟؟؟


عماد مزال حادر راسو وكيفرك فيديه بثوتر:اانا معارف عليه والو 😔
عصام بعصبية"نتااا راك حاولتي تقتلو وهو رجع ينتاقم منك ونتاقم منا حتا حنا ملي خطف لبنات 

عماد:اانا نهار خبروني رجالي بلي شي حد شافهم ملي خرجو لبنات قتليهم يقتلوه بلا منعرفو شكون سحابلي مات حتا لنهار الحفل عاد عرفت بلي لمجهول لي كان يهددني😔😔"سكت شوية"واش شفتو الميتم لي دوا عليه؟؟

ازار:مغنتسناوكش حتا تقولها قلبنا الميتم تسد هادي سنين ودوسيات ديال الأطفال وحتا زوار وتسجيلات الكاميرة ديالو كلشي مشا مكاينش حسهم

عصام ناض وقف كيمشي ويجي ويهدر:أنا كانت قالت ليا اسيل بلي كان عندها صديق فالميتم كانت كتزورو قاتلي سميتو ولكن نسيت اوووووه "هز يدو وزدحها مع البيرو حتا قفز عماد...

***غرجعو لور شوية هادي شهرين نهار الحفل ....

الكل سكت ملي سمعو الصوت فشاشة 1..2...3 ...
نطالق فيديو فيه نفس الشخص صاحب القناع واقف...

مجهول :عندكم فضول تعرفو علاش انا درت هادشي ههه غنزيدكم جريمة اخرى رتاكبها عمكم ... 

قبل 12 سنة فميتم***لي وخا تقلبو عليه دبا مغتلقاو فيه حتا حاجة....كانت حلم سلطان هيا والأم ديالها من ناس لي خيرهم سابق على الميتم واطفالو.... كانت حلم صديقتي كتجي على قبلي كانت فعمري 17 سنة وهيا 11 سنة...

كنت كنهرب على قبلها ونجي عندها نشوفها ونعاود نرجع كانت يوميا كتجي عندي تبقا نهار كلو معايا كانت ترفض تمشي لمدرسة على ودي... كنعشقها وخا صغيرة كانت رووحي...

دازت ايام حتا كنتصدم بخبر الموت ديالها هيا وختها واليديها مقدرتش نتقبلها بكيت حماقيت وصلت اني نحاول نقتل راسي على ودها...كنت يوميا نهرب ونمشي نكلس مقابل مع الفيلا ديالهم ...دازت مور موتها شهرين ...كملت 17 سنة خصني نخرج من الميتم...

مشيت قدام بابهم مخبي مور شجرة حيت الحراس كيشوفوني كيجرو عليا....
ههههه وإذا بيا كنتفاجئ بالكارد مخرجين اريج اللي هيا حاليا نور مغمضين ليها عينيها وطلعوها لسيارة داوها من تما وكانت حراسة مشددة ...كانت صدمة بالنسبة ليا ...

مفاتش بزاف حتا كتجيني صدمة اخرى ملي كنشوفهم مخرجين هوسي وهيا كتغوت رافضة الاستسلام ركبوها ومشاو مفقتش من صدمتي حتا داوها...بدون شعور خرجت كنجري ونغوت...وهنا كان الغلط ديالي ههه شدوني حراس عماد ...وانا كل همي هيا نوصل على روووحي...خبرو عماد بلي انا كشفتهم وامرهم يقتلوني ونفدو اوامر ديالو ولكن للأسف ولسوء حضو ممتش هاني حي يرزق سينين وانا فالعذاب واخيرا قدرت نوصل ليهم ودبا هاهوما بجوج بين يدي 😈😈مشافوش من عائلة سلطان غير العذاب وانا غنخفيهم تحت جناحي ههههه "بدل صوتو لفحيح الافعى"
أنا سيئ عندما أتألم لن أرحم أحد ..مجهول...

تقطع الفيديو""


خارجين من السجن على اعصابهم كانو متوقعين يوصلو لشي معلومة ولكن للأسف خاب ضنهم...

عصام:حنا بحال الى كنتعاملو مع شبح😠😠
أزار "دار يدو فجيابو وشاف فيه"كون من لول صارحتو شي حد فينا مكناش غنوصلو لهادشي😡
عصام:ااااه بحال كيف دار فؤاد لنور ملي صارحاتو ياااك ااا هو متيقهاش وباش كملها بسبابو نعسات فسبيطار 

أزار:ضرب يدو مع لوطو"صااافي صااافي كلنا غاالطين حنا تكلخنا كوولنا لعب علينا هاد المجهووول كووولنا😡😡😡

🌺تعاشات لعشية🌺

كالسة فنفس الغرفة شادة مذكرة وستيلو وتتكتب شنو بخاطرها...

أبي أمي أختي أني أبكي بكاءً جنونياً لا يتصور وأني لو كتبت عن مدى شوقي لكم إلى نهاية الدهر لما أنتهيت وأني لو كتبت لأنتهى الحبر ولأمتلئت الصحف ولم أنتهي فأي كلمة تعبر عن شوقي لكم.

كملات حطات ستيلو وناضت كدور فالغرفة كلشي مسدود كتحس بالخنقة حتا من شرجم مكاينش ومعندهاش منين تشوف سماء كتعرف الوقت غير بساعة فقط...تلفتات جيهت لباب ملي سمعات صوت الخطوات...تنهدات بضيق عارفة شكون هادي وقتو فاش كيجي عندها...

تحل الباب ودخل بقناعو ولباسو الاسود وبين يدو بلاطو فيه الأكل...شاف فيها كيف واقفة وحول عينو للمكتب...لمح المذكرة ومشا نيشان لتما حط بلاطو فوق البيرو وهيا تبعات ليه العين حتا شافتو هز المذكرة...

قلبات عينيها لجيهة لخرى باش متبكيش ولكن مقدراتش مبقاتش عندها القدرة باش تحبس دموعها نزلات دمعتها على خدها..ورجعات تشوف فيه وهو كيحرق ديك الورقة لي كتبات...
دار جيهتها ونطق بأمر:اجي تعشاي 
اسيل تمشات عندو بشوية"علاش كتجي عندي غير فليل ؟؟علاش مكنشوفكش بنهار؟؟
مجهول:ههه ياكمة كتوحشيني🤔🤔
اسيل بستغراب"علاش صوتك هكا كيجيني غريب بحال الى ماشي ديالك؟؟
مجهول:خليك بعيدة على لي كيخصني من احسن ليك دوزي كولي😡عطاها بالظهر وزاد غادي متاجه لباب حتا وقفاتو بسؤالها...

اسيل:عفاك وريني غير شكون هيا ختي😢😢
مجاوبهاش كمل طريقو... ياله حط يدو على البواني باش يخرج حتا كيحس بشي حاجة تغرسات ليه فظهرو...حبس على الحركة كيحس بالالم شديد وشي حاجة سخووونة كتنزل مع ظهرو...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.