واقفة موراه ملامحها فيهم الخوف والصدمة والانتقام كلشي تخلط عليها...شادة بيدها اليمنى ستيلو لي غرساتو ليه فكتفو.. ويدها كترجف وهابط معاها دمو...كتشوف معندها باش ضربو حتا من الموس مكيدخلوش ليها للغرفة...
غمض عينو بألم وتلفت لعندها بسرعة وشد ليها يدها حتا شهقات...كتحاول تفلت من يدو وعينيها غير كيدورو دموعها قراب ينزلو...كتحس بيدها غتقسم...
اسيل:😢😢😢اااه اااه بببباركة عفاااك
مجهول: كيورك على كلامو وهو مزال شاد ليها يدها"شنوووو درتي نتييي 😠😠واااش باغاني نقتلك دوييي !!
اسيل:قتلني شكتسنا غير قتلني معنديش ماانع😢
مجهول:لحد الان داير معاك الخاطر الى وريتك وجهي لاخر غتندمي على نهار لي تزاديتي فيه😠😠دفعها حتا طاحت"ااااخر مرة ديري هكا هاد المرة دازت مرا اخرى غتشوفي لي ميعجبكش...خرج وزدح بالباب وسورتو....
بقات طايحة فالارض وشعرها مغطي ليها وجها...جمعات رجليها عندها وخشات راسها بينهم وغمضات عينيها وهيا كتفكر ايامها مع عصام وفكرات فنور لي معندها عليها اخبار....كانت محاولة فاشلة منها ضحكات على غبائها شنو عند ستيلو ميدير ليه😏واش غيقتلو لا لا واش تقدر تهرب اكيد هو ماشي غبي باش يخلي دار بلا حراسة مشددة...منهار تخطفات حلات عينيها فهاد الغرفة ولي مجهزة بكلشي حتا من تلفزيون داير ليها القنوات لي بغا هو فقط ميمكنش تعرف اخبار العالم ولا اشمن شهر هيا فيه معارفة واااالو من غير الوقت لي كتعرفو بساعة لي فالحيط فقط وحتا هيا شكات فأمرها....
ياسين:كنت مريض ضاربت مع واحد ومقدرتش نحضر للحفل هكاك بوجهي زرق...
أزار:هذا هو سبب؟؟؟
ياسين :اه هو سبب تقدر تسول شيفور هو لي شافني
فؤاد وأزار شافو فبعضياتهم :امم اوك ..تحركو من حداه حد.مكيهدر ولاو بحال الحماق تيشكو فكلشي...
دازت يوماين مكاين حتا خبر عند عائلة سلطان مخرجو بحتا نتيجة تفرح على لبنات....
عند اسيل لي كيتكرر عندها نفس الشيئ لي ديرو ليوم تعاودو غدا المجهول كيجيب ليها لعشا حتا لعندها متيهدرش معاها ومكتهدرش معاه حتا لكتابة توقفات عليها....
فالغرفة البيضاء..واقف نبيل حداه المجهول بقناعو....حداهم نور مجبدة على البياص....
نبيل كيشوف فهاد المجهول لي حداه بقناعو لي خلق فيه الرعب:راها فاقت من الغيبوبة لي دخلتها فيها هاد شهرين ههه ودرت ليها راديوات تحاليل عندها كلشي مزيان غتفيق مغتعقلش على ربع شهور لخرة من حياتها ههه
مجهول:اممم داكشي لي بغيت ههه "صفق بيدو وتحل باب ودخل واحد الكارد "غتهزوها دبا لمدينة اسفي تحطوها فكلينيك تما "شاف فنبيل"ونتا غتمشي معاها بصيفتك دكتور لي عالجتيها..."رجع نظرو للكارد"بغيت كولشي يكون كيف بغيت مفهوم وتبقا مراقبة 24/24 كل خطواتها يوصلوني من قريب ومن لبعيد مفهوم
قرب لمجهول حتا لحداها كيشوف فيها كيف غايبة على الوعي وهو يحيد القناع على وجهو...وراسم بتسامة خبيتة..
وكينطق بهمس:خسااارة غتنساي 4 شهور من حياتك ..اممم ولكن نتي جبتيها لراسك نتي كطيري ختك ماشي بحالك هههه كون مشفتينيش كون سيفطك عند.عائلتك ولكن دبا مستحيل نتي ملي غتفيقي غتعقلي غير على ملي مشيتي عند.ختك لي تربيتي معاها للأسف جرات عليك.. موراها درتي حادثة وبقيتي فغيبوبة ربع شهور ههه مسكينة😈 ولقاو عليك معلومات بلي نتي ساكنة ف مدينة اسفي وجابوك لكلينيك تما حتا تفيقي.... وعائلتك مستحيل يفكرو يقلبو عليك تما حيت فراسهم نتي مخطوفة واكيد لي خاطفك مغيرجعكش لمدينتك ههه اوووه سيناريو جد رائع ههههه 😈😈😈
رجع لقناع على وجهو ودار خارج من الغرفة وهو حاس بالنتصار كيلعب معاهم كيف بغاو وضارب لكلشي حساااب ....
***جنب البحر ناعس على ظهرو وقراعي شراب ملاوحين حداه البرد كيسوط فييه وهو محاسش مغمض عينيه الخضرين حاط يد على جبهتو ويد طالقها...صورتها مكتمحاش من بالو اول قبلة ولي هيا اخر قبلة عمرو نساها...غرق فحبها حتا ضاعت من بين يديه عاد عرف قيمتها وقيمت الاحساس اللي كيحسو من جيهتا...
تأنيب الضمير مسيطر عليه حاس براسو هو المذنب هو لي متيقهاش هو لي قاليها سيري مبغيتش نشوفك مزال والقدر لعب لعبتو وجا فصف كلامو...مبقا يشوف لا نعاس لا راحة
دعيني أنفرد بسماء الوحدة وأتمتّع بجراحي وأحزاني ولتكن دموعي هي شرابي وليكن سواد اللّيل هو لوني...
🌺🌺بعد يوم في مدينة اسفي 🌺🌺
فغرفة طبية جوج اشخاص بطابلية بيضة واقفين عند راسها وهيا كتحل عينيها بشوية حتا كيضرب فيها شعا وتعاود تسدهم..كتغير ملامح وجها بإزعاج...وهوما مراقبين حركاتها وقلب واحد فيهم كيخفق بشدة كيتسنا نتيجة لي بغا والا هادي لخرة ليييه...
نور خرجات عينيها وناضت كالسة بالجهد حتا غوتات شدات فراسها..
نبيل شدها من يدها بغا ينعسها:رتاحي مخصكش تنوضي بهاد طريقة نتي ماشي بزاف باش درتي العملية
نور:عملية!!!"شداتو من طابليتو وجراتو لعندها"اينا عملية قولي شنو وااقع ليا؟؟؟انا كنت بيخيرر
نبيل:وخا وخا ممكن تقولي ليا شنو اخر حاجة عاقلة عليها؟؟؟
نور طلقات منو وسكتات كتفكر لوقت لي هيا ساكتة كيدوز عليه هو كيف الجحيم مستني جوابها على نار...
نور:انا عاااقلة على كولشي😡😡
نبيل قلبو غيسكت كيفاش عاقلة على كلشي وهو عمرو غلط فخدمتو حاول يهدن راسو وميديرش دوك الحركات لغريبة:مممم عععلاش عععااقلة بالضبط؟؟
نور:شافت فيه وهزات حاجب "عاااقلة ملي مشيت عند لقحبة ديال ختي وجرات عليا "سكتات شوي"ولكن علاش معاقلة على والو من غير هادشي؟؟؟ملي خرجت من عندها معقلتش شنو وقع؟؟
نبيل تنفس براحة وبتسامة عريضة على فمو خلات نور تشوف وخنزر..
نور:ماالك كضحك انا دبا فهاد الحالة ونتا كضحك😠😠
نبيل:لا ضحكت حيت راكي بيخير وعلا سلامتك كنت خايفك تكوني فاقدة داكرة والحمد لله تفكرتي شنو اخر حاجة عاقلة عليها وهدشي كيعني بلي ذاكرتك مزيانة😊
نور:ولكن اشنو جابني لهنا وعلاش درني راسي قبيلة؟؟
مساعد (لي هو فالاصل لكارد ديال المجهول):انسة نتي على مقالو لينا درتي حادث فمدينة كازا ضرباتك سيارة وملي لقاو صاك ديالك عرفو بلي راك ساكنة فمدينة اسفي وسيفطوك لهنا ربما شي حد فعائلتك يقلب عليك وبنسبة لراسك راكي تضربتي فيه ودرنا ليك عملية ونتي ربع شهور ونتي ناعسة هنا فغيبوبة...
نور😲كتستوعب هدرتو وحدة وحدة :ككيفاش غغغيبوبة ربع شهور وانا ناعسة😲😲مجا عندي حد؟؟
نبيل:لا مجا حد وحتا تلفونك ملقاوهش
نور:دبا انا ياك معندي حتا حاجة خطيرة ياك ؟؟
نبيل:ههه كوني هانية نتي فهاد ربع شهور تعافيتي مزيان وراسك هو لي غيبقا يضرك مرة مرة..ومدام فقتي دبا غنديرو ليك بعض فحوصات ودوا على قبل راسك ..وتقدري تخرجي من غدا ...😊نخليك دبا ترتاحي...
خرجو وبقات نور كتفكر فهاد البلان لي طرا ليها..عبسات وجها بحزن هو قالها ممكن تخرج من غدا..فين غتمشي دبا هاهيا رجعات دبا لنقطة الصفر لمدينة لي خرجات منها على اساس غتقلب على خدمة ودبا هاهيا فيها وفين غتمشي واش عند خوها لي حاول يغتاصبها!!أكيد لا ...شويا وهيا توسع ضحكتها ملي تفكرات سارة هيا لحل هيا عنداش غتمشي بقات غير تضحك وتتخمم
🌺🌺فقصر عصام🌺🌺
كالس فبيرو ديالو كيتفرج فبيسي وعينيه مدمعين كيشوف شحال كانو متفاهمين شحال كانت معمرة عليه حياتو صوت ضحكتها مالي المكان...
تطرق الباب جوج مرات مسمعوش عصام ساهي فالفيديو ديال اسيل ..تحل الباب ودخلات راسمة بتسامة على وجها وكتشوف فيه كيف منساجم مع شنو كيشوف...محدها كتقرب وهيا كتسمع صوت اسيل وعصام كيلعبو...محات ضحكتها وجا بلاصتو ملامح حزينة على حالهم وحال عصام لي منهار مشات اسيل تقلب ولا شخص اخور مبقاش كيضحك ويههضر عمرهم دواو على حبهم ولا كيف غتكون علاقتهم بقا كلشي كيف ما هو حتا حد معندو الخاطر...
جات من موراه وحطات يدها على كتفو:عصام..
عصام حول طرف عينو لكتفو حتا لمح يدها هو يهضر وباين فيه الحزن:شفتي شحال كانت حياتنا زوينة وعلاقتنا مكاينش بحالها😔
عصام:نتي معارفاش مدى خطورة داك المجهول هو خطفها من حدانا وخاطف حتا نور واش فنظرك لي قدر يدير هكا ساهل؟؟اكيد دارس كلشي هو راه مريض بشي حاجة سميتها اسيل😡
ياله غتهضر قاطعهم دخول أزار:غادي نلقاوهم بجوج وهذا لي لعب علينا غندمو😠😠
عصام حبس الفيديو وشاف فيه"أزار هاد المجهول ماشي ساهل هذا راه كان يقولها ايما تكوني ليا ولا تموتي هو مهوس بيها لدرجة كبيرة يقتلها وميخليهاش لغيرو
أزرا زير على قبضة يدو ونطق وهو مزير"حلم سلطااان كتنتامي لينا حنا طال زمان ولا قصار غيدير شي غلط وغلقاوه😠😠وحلم مديال حد ميمكنش تكون ليه😡😡
عصام ستغرب من كلامو:حنا راه بحال الى كنقلبو على ايبرة وسط الخش
أزار:هذا لي دار هدشي غيكون قريب منا وانا متأكد حيت على حسب قولك كان كيحط ليها شحال من حاجة فغرفتها ادن كيقدر يدخل لقصر ولا عندو مساعدين فلقصر ميمكنش يكون شخص غريب!!
عصام سكت شوية حتا تفكر شي حاجة وهو ينوض واقف:نسيت واحد الحاجة مهمة هاد المجهول كان حاول يقتل رضوان
لمياء غوتات..😲كيييفاش وعلاش مفراسناش؟؟
عصام:كان المجهول هددها باش متمشيش لمستودع..ملي رفضات قالها غتلقاي صديقك رضوان ميت...ملي مشات لقاتو فعلا حاول يقتلو ..
أزار بنفعال:علااااش مقلتيهاش علاش نسيتي بحال هادشي رضوان راه الكرسي المتحرك ديالو متطور فيه كاميرة ومسجل صوتي...
وصلو لقصر سلطان نزلو كيجريو نيشان لغرفة رضوان...دخلو بلا ميدقو لقاوه كيقرا فرواية مركز فيها حتا كيتخلع من زدحة ديال الباب...هز راسو فيهم بستغراب حط الرواية ...
رضوان:شنوو واقع مالكم؟؟
أزار:علاش مقلتيش لينا بلي تعرضتي لمحاولة القتل من طرف المجهول؟؟
رضوان:هدشي طرا شحال هادي وتافقت مع اسيل بلي منقولها لحد حيت فصراحة كنت شاك فاسد حيت هو كان كيهددني😔؟؟؟
عصام:كاميرة لي عندك فالكرسي كتبقا خدامة؟؟
رضوان هز حواجبو مفاهم والو:اه خدامة وخا مكنستعملهاش ولكن مخليها
أزار:جبد لينا شيفرة لي تما ربما نعرفو شكون لي حاول يقتلك حيت هو المجهول..
رضوان:ولكن علاش غيحاول يقتلني انا؟؟
عصام : من بعد عطينا دبا نشوفو واش غلقاو قالكاميرة شي حاجة...
رضوان جبد ليهم شنو بغاو..خدموها فبيسي..بقاو كيرجعو لور حتا وصلو لديك ليلة لي تضرب فيها رضوان...الكل سكت كيتفرج....
كان رضوان ناعس فسريرو وعاطي بظهرو لباب لبيت..كيستاعد لنوم وكرسي متحرك ديالو محطوط مقابل معاه والكاميرة لي فيه شادة رضوان نيشان....
شوية سمع الباب تحل... ونطق بلا ميدور جيهت لباب:اسييل هادي نتي !!
مجاوبو حد ..شوية كيسمع لباب تسد وهو ينطق بلا ميتلفت..:جيتي فوقتك هه بغيت نيت لي يجمع معايا قنطت...جاه شك حيت مجاوبو حد...
كلهم مراقبين الفيديو بحدر متلهفين يشوفو شكون ...فإذا بيهم كيتفاجئو بنفس الشخص المقنع جاي بخطوات بطيئة مكيتسمعوش..حتا وصل لسرير..هاز فيدو سكين كيبان كيبري...ياله بغا يضور رضوان حتا كيزرب عليه المجهول ويشدو من عنقو ..ورضوان تيتحرك بيديه بالجهد ويحاول يحيد ليه يديه ومعندو ليه جهد بحكم رجليه فاشلين...نزلو المجهول للأرض وجبد الموس ودوزو على عنقو...ولحسن حضو جرحو غير من الفوق ...ضربو على راسو وخلاه طايح تما بدمو وخرج من تما.....
الكل مصدوم من هاد الواقعة لي كانت غتكون كارثة كتنتاهي بموت رضوان ...الكل زاد تأكد من خطورة المجهول وهذا كان فقط تهديد بسيط لأسيل....
أزار ناض هز فاز وشير بيه للحيط حتا تهرس وغوت:اااااه 😠😠😠حقيييير داارس كل خطواتو دخل وسط لقصر مقدر يشوفو حد شكووون هذا شكووون
عصام:قلتها ليك هذا ماشي طبيعي ممكن يقتل بدم بااارد 😡😡
لمياء"😭خويا رضوان هئ هئ "عنقاتو"داك الحقير كان غيقتلك😢😢
رضوان عنقها ونزلات دمعة من عينو وهو كيتفكر طريقة باش كان غيموت....
أزار خرج من تما زعفان على هاد الحظ لمكوز...مكرهش كون صاب قدامو هاد المجهول يقتلو بأبشع طريقة ..غادي فالكولوار عضلاتو متشنجين حجبانو مجموعين مخنزر نظرة حادة خاصو غير معامن مبقاش قادر يصبر....
أزار جمع يدو بعصبية وهو كيشوف فيه كيف مبرد وشمتة قاااتلاه حيت كان خطيب عشقو حلم متسرطاتش ليه بلي كانت حداه ومخلا مدار فيها ومعرفهاش...ضرب يد مع يد وزرب فخطواتو حتا وصل على اسد...
اسد معرف باش تبلة ملقا حتا لوقت فين ياخد النفس حتا شنق عليه أزار ولسقو مع لحيط والعين بالعين وجهو حمر بالعصاب:😠😠😠كووون عرفتها هيا حلم من لول مكنتيش غتحلم بيها ولو كلمة منها "زدحو مع الحيط" وزايدها معاااطيش للأمر اهمية 😠😠😠
ازار ولا بحال شي ثور هايج وهو كيسمع هاد الهدرة حك نيفو بصبعو دور راسو يمين وشمال حتا تسمعات طق طق وشاف فيه شوفة ديال اليوم نقتلك دار جوج خطوات مجا اسد يشوفو شباغي يدير حتا جاتو لحنك مع دار وجهو مع دمو سال وطاح فالأرض...وأزار واقف عليه كيشوف فيه وصدرو طالع نازل....
أزار نفض يدو من قبضة فؤاد ونزل شد اسد من شعرو وقربو عندو وهو مقادرش ينوض نطق بغل"حلم لي هيا اسييييل ديالللي انا من زمااان لا نتا لا غيرك مغيربح بيها وهيا كاااينة هنا "شار لقلبو""سميتها مطبوووعة هنااا "حلم ازار"لا غييير ...دفعو من راسو حتا تزدح مع الارض وغوت بألم...
ناض أزار كيسوس فيديه شاف فؤاد ببرود:تبعني..
فؤاد شاف فاسد لي كيحاول ينوض وتحرك يتبع خوه .غادين خارجين من القصر بقامتهم وعرضهم واحد ينسيك فلاخر رجولة والشهامة...
🌺نهار جديد عند اسيل🌺🌺
اللي كالسة فوق البيرو كتلعب بستيلو بملل ومرة مرة تقلب فقنوات لي فتلفازة ساطت بغضب ...وناضت تمشي وتجي فالبيت...حتا كتسمعو كيتحل..دارت بالعرض البطيئ وشافت فساعة لقات مزال موصل ليل واش هو لي جا فهاد الوقت...بقات مترقبة دخولو حتا كتفاجأ بفتاة لابسة لباس الخادمات داخلة فيدها شي ساشيات...
ربعات اسيل يدها اول مرة تشوف شي حد من غير المجهول من نهار لقات راسها هنا حتا لفطور ولغدا لي كيجيبو ليها كيدخل غير يدو يحطو داخل لغرفة ويسد بزربة مكتقدرش تعرف شكون...
اسيل:شكون نتي؟؟
....انا حسناء .خدامة هنا الالة😊
اسيل دوراتها فراسها بلي تقدر تعاونها الى عرفات كيف تسايسها.:اممم حسناء شنو داكشي فيديك؟؟
حسناء:ملي تسالي لباب غيبقا محلول خرجي كيف بغيتي كنستأذن
اسيل:بلاتي ..واش غلقاك برا
حسناء:اه غنكون
اسيل:معاك شي حد اخر؟؟
حسناء:اه كاين سمحيليا غنمشي...
خرجات وسدات الباب واسيل دارت لدوك ساشيات تشوف شنو فيهم...وهيا عندها أمل انها تفك راسها مدام غتقدر تخرج من هاد البيت فحتا حاجة مغتكون مستحيلة خصها غير تبت راسها وتعرف شنو دير بتاسمات على افكارها...
وكملات تشوف شنو فيهم...لقات مجموعة من حوايج غير ستايل لي كانت كتلبس وروايح ميكاب برودويات ديال دوش فوطة صحية كلشي جايبو ليها وكلشي فمقاسها بالضبط وحتا ليمارك ديال الميكاب نفس لي مولف
ة هو لي جاب ونفس انواع العطر المفضلة عندها جابهم حتا نوع الفوطة الصحية نفسها .....تبسمات ببلاهة على هاد البلان ديال هاد خينا كون مكانت تيق فعصام كون شكات فيه حيت هو لي عارف هاد أمور صغيرة عليها....
حلات الباب وهيا متخوفة من انها تلقاه مسدود ..دورات بواني.. غير لقاتو محلول وسعت ضحكتها...قدمت رجلها ليمين وهيا كتحس بنوع من الحرية المهم غتخرج من الغرفة لي تا شمس مفيها...
بقات واقفة فالباب كتشوف يمين وشمال ...حداها بزاااف ديال البيبان وكتحس بحال الى فايت شايفة هاد البلاصة..قلبها بدا كيخبط بالجهد..وهيا غادة خطوة خطوة كأنها عارفة طريق ...سالات داك الممر حتا خرجات جيهت دروج...هزات راسها فالحيط لي مقابل مع بدية ديال الدروج وهيا تشد على قلبها ودموع تكونو فعينيها..جسمها كلو كيترعد عليها..رجعات خطوات لور وعينيها مفيكسين تما حتا تزدحات مع شي حاجة...
حسات بشي حاجة دارت على خصرها ..هبطات عينيها لتحت حتا لمحات يدين لابس فيهم قفازات سوداااء..زادت شهقت وقلبها زاد فدقاتو...دموعها سالو على خدها وهيا كتمتم بكلام بطريقة هستيرية..
نتي دبا فداركم وشكون هادوك لي تما اممم بلاتي نقولهم ليك ههه 'هداك باباك لي كالس ياك وهاديك لي حداه ماماك اوووه شحال زوينة كتشبه ليك ...وهاديك لي تما ختك واخيرا هديك لي حداها "قرب لعنقها كيشم فهه ونطق بصوت كلو هوس "نتييي حلم سلطااان"
اسيل غمضات عينيها بقهرة ودموعها دايزين هيا محبوسة فدارهم فدار لي تربات فيها فدار لي تعدبات فيها وتصدمات فدار لي خرجات منها 11 سنة هادي...وهاهيا دبا فنفس الدار كيدوز عليها عذاب اخر ...قدما كانت هاد الدار هيا منبع الراحة والسعادة لي كانت تجمعها مع عائلتها ولات دبا مصدر العذاب والشئم والقهر...ولات كتشهق بالبكة وهيا كتشوف فصورة عائلتها لي فتاقداتهم لي دارت كلشي على قبلهم...طاحت للأرض عند رجليه وهيا حاطة يدها على وجها كتبكي ...
نزل عندها وكلس حداها:تء تء ماشي هكا كنعرفك قوية اممم نتي كنتي كتقوي الواحد وهانتي دبا ضعيفة"خفض صوتو"دبا انا لي بكيتك عفاك سمحي ليا روحي ولكن هنا افضل مكان هو فيلا فين كبرتي وهنا مستحيل يفكرو يقلبو عليك حيت نتي ديااالي انا وملكي ومعاك غيكونو عندنا وليدات "هز راسو لفوق"ااااه ايمتا يوصل نهار لي غتكوني بين يدي اححح سينين وانا كنتخيل كيف غتكون اول ليلة تجمعنا ههههه
اسيل كتبكي وتسمع ليه. غير وصل هاد الجملة لأخيرة وهيا توقف على البكا..هزات فيه راسها بشوية لقاتو مطلع راسو لفوق مفكراتش بزاف..حتا ناضت بالزربة وجرات ليه القناع على وجهو.....
🌺عند نور فالمستشفى🌺
كالسة وطلع وتنزل فداك طبيب كتعبر فيه بعينيها كيف كيتصرف بان ليها مزعزع ولا ضارب شي يبرة دبال البنج...
نبيل:نوور على سلامة كلشي عندك مزيان يمكن ليك تخرجي دبا 😊
نور:اااياه وشوف نقولك راني زاوية معديييش فلوس هادشي مغتصورو مني والو ااااصلا انا معاقلاش حتا كيف جيت لهنا يعني راني"جرات جيوب سروالها خاوين"زيرو درهم😆
نبيل:هههه كلشي تخلص غير تهناي واحد الجمعية متكلفة بهدشي خلصات باله تقدري تمشي دبا وانا مهمتي سالات معاك...
نور"كدور فعينيها باغا تهدر وفنفس الوقت مباغاش دارت ليها طن فراسها وقالت لي ليها ليها"دكتور دبا نتا لي عتقتيني ياك 😁
نبيل:اممم انا علاش؟؟
نور:ارلنا فلوس طاكسي "دبلات عويناتها"كيشتي ياله خارجة من سبيطار حشومة نمشي على رجلي تصدق واقعة ليا شي حاجة😔
نبيل:خرج فيها عينو وهو يحدر عينو لجيبو حتا هز بسطام وجبد ميتين درهم ومدها ليها...
نور"ضحكاات حتا لودن وشداتها"لعززز اسي طبيب دبا ردهاليك غار صبر صافي "ياله دارت خطوة جيهت لباب وهيا ترجع دور عندو..اجي نتوما مسيفطو معايا لا تلفون لاشراوط لاوالو؟؟وباش عرفتوني من اسفي؟؟
نبيل سرط ريقو:ءءء اه اه حوايجك موصلنا والو من غير تلفون كلو مهرس راه لاحوه ولاكارط ناسيونال ديالك هيا لي عرفو بيها منين نتي صافي..
نور:ولاد دين الكلب كوراه كشطوني فشراوطي تفو كلهم قحا**
نبيل بقا غير كيشوف فيها وحال فمو بطريقة باش كتهدر...موعا غير بالخبطة لي خبطات بيها الباب..
خرجات من سبيطار مقسفة عينيها بسباب الشمس كتشوف يمين وشمال جاها احساس فشكااال ربع شهو وهيا مغيبة ومساق ليها حد لخبار حسات بغصة فقلبها وقالت :اااايه شكون غيجي عندك انور عمك لي هو عمك راه هو لي شردك ولاحك ...وخوك لي تربيتي معاه حاول يتقب مك وختك لي عولتي عليها جرات عليك وبسبتها درت كسيدة "حطات يدها على جنابها"غابلاتي على القح**مكم نتي وداك زااا** الى منحررها عليكم ها وجهي خاص غير تكوني جيتي عندو ونشوه مكم فداك درب لقح***
شيرات لطاكسي وقف ليها وركبات نيشان لدر ...طريق كولها وهيا تويل على هاد الحوايج لي ضبرو ليها فسبيطار كيبانو قدام وعراض...وصلها طاكسي لمدينة لقديمة..خلصات ونزلات كتشوف وضحكة على فمها تموت على دربهم ....دخلات مع زنيقة مديقة...مزال موصلاتش لدار سارة حتا كانت الحومة كولها عرفات راها ياله خرجات من سبيطار مخلات لمن قالتها تقول كدوي بالبوق....
وكلشي مسكينة ويييلي على سلامتك نجاك الله ويييلي ...
ودراري كلشي يصفر كاين لي ضحك ليه وكاين لي تمد ليه صبع معندهاش لفرانات ...كانت غدير فطريق غير 2 دقايق دارت نص ساعة غير ديال تعاويد وتبركيك....
وصلات لدار سارة ومدات يدها حتتااا مداتها وكلسات على الباب زدف زدف زدف واااااسساااارة زدف زدف ساااارة وااا الكلبة واااحلي زدف زدف ...
نور ياله غتجاوبها وهيا دور عينيها لدار وهيا تنوض واقفة كتمشي وتجي وتبركك جمعات حواجبها بستغراب ونطقات:اجيي واش طحتي على شي ورث؟؟
سارة كتمتم:اممم كككيفاش ععلااش؟؟
نور:هزات فيها حاجب ومالكي تمتمي احح عليك غا كري ياكمة خايفاني نعينك ربع شهور لي مشفت دارك وشوفي ليك صباااغة جديدة وفراش من داااكشي "مشات جيهت الكوزينة"😲وحتا الكوزينة تبلات وكلشي جديد وعفريييتة منين جبتي فلوس؟؟؟
سارة ضحكة صفرة:هيهي غغغير عمي عطاني حقي من با الله يرحمو وهو باش قاديت الدار..
نور:ونتي غير كاريا وباركة تصبغي ليهم🤔🤔
سارة:هااا اهه لا راني شريتها اصحبتي شحال قدني نبقا فالكرا "نور سكتات غير كتشوف فصاحبتها كيف كتلون معرفاتش مالها...
ساارة: اجي اجي دوشي ورتاحي وانا نوجد لغدا صافي..
جرات نور لدوش ومشات هيا بزربة من تما...
🌺عند اسيل🌺
كالسة فكرسي فغرفة من غير اللي كانت فيها ...مغمضة عينيها بألم..وهو كيدوز ليها ثلج على حنكها وكيهضر..
شفتي نتيجة غبائك حدرتك شحال من مرة متحاوليش تعرفي شكون انا :كيدوز ثلج على حنكها لي زرق بقوة لكمة لي عطاها.."فنظرك انا غبي غندير ماسك عادي وبسهولة غيتحيد ليك هههه
حلات فيه عينيها:مدمعين علاش كداويني😢
مجهول:حيت انا نضربك ونعالجك
اسيل:شكون نتا؟
مجهول:نهار تسني على ورقة زواجي بيك غتعرفي شكون انا😏
اسيل دورات وجها لجيهة اوخرى وهيا كتحصر على حالها....
منتصف الليل قصر سلطان فجنب الحديقة الكبيرة فكلسة مدرقة ومظلمة كالس فيها هو وخوه كل واحد سارح فأحزانو...كيشربو كاس مور كاس...
أزار :شفتك مهموووم بحالي
فؤاد:😏يمكن وصلت على كلامك
أزار:المعنى؟؟
فؤاد :اممم نتا كدير هكا على قبل حلم اللي كتعشقها من صغرك ونفس حالتك هيا حالتي😏😏
أزار:وشكون مخليك نتا هكا واش تأنيب الضمير!!
فؤاد:ياريت لو كان تأنيب الضمير وحدو "رجع راسو لور"كنحس بفراغ هنا"شار اقلبو"فراغ كبير تخيل نهار كنقولها سيري من هنا مبغيتش نشوفك كنت كنقولها وأنا حاس بلداخل ديالي رافض داك الكلام...وخا كان يجمعني معاها غير الصداع وأديتها بزاف ولكن قدرات دير بلاصتها فقلبي بلا متقصد هيا كانت كتكرهني ههه شفتي هاد دنيا شحال غريبة😏
أزار:اممم وانا لي كانت بين يدي وغلط وشفتها فصورة حلم وانا معارفش بلي نفسها حلم معشوقتي الزمن لعب بيا لتاني مرة...لتاني مرة كيعاود يختابرني😏😏
سمعو شي حاجة لفوق ..شافو فبعضياتهم وطلعو كيجريو بلا ميديرو الحس دازو من الممر كيشوفو اسد وياسن واقفين حدا واحد الغرفة كيهدرو...تمشاو جيهتهم بشوية وشكوكهم قوية من جيهتهم اش كيديرو فهاد الليل وشكون شخص لي شافو كيتسلل لداخل لقصر...
"ياسين مرجع يدو لور ويد لقدام ومرة مرة عينيه كيميلو لجيهة يدو لي لور:ءءء ووالو غير شي امور ديال الخدمة كنهدرو عليها 😊
اسد ضرب تخنزيرة فأزار وزاد مخليهم يشوفو فيه دخل لغرفتو ردخ بيها..
مشا وبقا ياسين كيشوف فيهم ..متحركش من تما ..
حتا شاف فؤاد وأزار مشاو عاد نساحب من تما....
أزار:فكرتي فداكشي لي فكرت؟
فؤاد"شنو زعما لي شفناه كيتسلت واحد فيهم؟؟
ازار:معنديش تقة فيهم خصوصا اسد نهار الحفل المجهول ذكر بلي هو ولد الميتم واسد متبني!!وحتا ياسين!!
فؤاد:شنو المعمول دبا؟؟؟
ازار:خصنا منتيقو فحتا واحد وغنراقبوهم كاملين اووك..
مجهول فغرفتو فقصر سلطان كيضحك بطريقة هستيرية وهو كيشوف وكيسمع فؤاد وازار كيتافقو باش يطيحوه ضحك على غبائهم ضانين انه مغيعرفش خطواتهم ..رجع راسو لور وهو شاد القناع بين يديه ونطق....
لقد وضعت لنفسى الكثير من المبادئ والقواعد فى الحياة ولكن للأسف لم استطع تطبيق قاعدة واحدة لان مشكلتى عدم الالتزام بالقوانين وانا من اصنع القوانين""
"لا تضع نفسك في دائرة الشكوك ...وتزعل من زن الاخرين"
كالسة فصالون بعد مخدات دوش وتغدات:ااااه على راحة اختي ربع شهور وانا ناعسة خايبة حتا لتعاويدة
سارة:اوا شغديري راه مكتاب ليك😔
نور:قولي ليا داك ثاامل ديال احمد اش كيدير ؟؟
سارة:هه شبغيتيه يدير راهو يضل هاز تسبيحو وداير فيها ملتازم وهو كيشوف غا من لتحت لتحت
نور:😲"تقادات فالكلسة "الله على زهر وانوضي اري ليا شي بياسة مطرطقة باش نفركع لمها لمرارة😂😂
ناضت لماريو تهز تخير حتا طاحت فاش بغات "مشات نشفات شعرها ولبسات سروال طاي هوت مزييير وتيشورت طالع من جيهت الكرش خلات شعر مطلوق مسبسب جبدات العينين مزياان مع عكر مشعشع...ولات كضوي وبقات كتعوج وكلشي على ترمة ..سيدة ناوية تفقص حياة حتا ولات فاقصة سارة....
سارة كطلع وتنزل فيها والغيرة تاكل فيها ضحكات ضحكة صفرا فوجها:😊جيتي واعرة
نور:عارفة احبيبة متحتاجيش تقوليها.ياله نمشيو..
خرجو لدرب لي كان عامر هالي حدا بابو شاد التبركيك فناس هاشماكريا يتكيفو دراري صغار دنيا مخلطة...دورات نور عينيها على دريبة حتا بانو ليها شي عيالات قراب لدارهم لقديمة وهيا تمشي عندهم...جايا من بعيد وتهضر :واااا العيلات توما هنا
تلفتو عندها كاملين طلعوها ونزلوها وبدا تبركيم غا من لتحت لتحت تا وصلات عندهم....
اسية :😲😲😲خااالتي نوووور"مشات كتجري عند نور لي وقفات ضحكة على فمها"خالتي توحشتك بزاااف
نور:معنقاها وتشوف فحياة لي غطرطق"حتا انا احبيبة توحشتك بزاااف غير لفاعي لي فرقونا ازين
حياة "جات كتنطر جرات بنتها "حيدي نتي منها توسخي ليا بنتي المسخة..
نور:ههه كااالتها نقية هزي رجليك نشوف 😏
حياة "كلها كترعد"نتي وحدة مسخة"شافت فجيران"عرفتو شدارت راه مشات كتبسل على خويا لي دايرها بحال ختو وربيناها عندنا ساعة هيا طلعات تابعة اصلها بنت زنقة وقحبة مقطرة وناويا دور ليا براجل😡
نور: ساكتة تسنط ليها حتا سالات كلامها مدوات متكلمات حدها زادت جوج خطوات وقالت بسم الله ومدات يدها نيشان لراس حياة لي معرفات باش تبلات...
بركات نور تنتف وتعاود زيف طيراتو ليها لوجه كاامل خربشاتو ليها ولوخرة تغوت كيدجاجة حد معتق كلشي عزيز عليه لفراجة دراري تجمعو يسفقو على نور حد مقرب وحياة تغوت على راجلها يفكها ...فيين هو راجل شاف طرح سخن وهرب...
نور واقفة تسوس فيدها :اوا هاهوما فعايل لقحاب الباطرونة..
شكون سمعك انور سيدة مغيبة طايحة فالارض...
نور"شافت فيها وقادات حوايجها زادت تا لحداها ودفلات...تخطاتها ومشات خارجة من درب وسارة تعيط ليها...كتحس بدوخة وبالالم فراسها غادي وكيتزاد...خرجات من تما طالعة جيهت الكورنيش ياله قطعات شانطي كلشي ولا يبان ليها كيمشي ويجي ودوخة قوية حتا طاحت على طولها...
فغرفة اسيل اللي كالسة فكرسي كتشوف فنقطة وحدة ذكرايات الماضي كلهم رجعاتهم كتفكرهم لحظة بلحظة كتهزز رجليها بعصبية...دورات عينيها على المكان كتشوف فين هيا دبا وفين كانت قلبها تسارعو دقاتو دم كيضخ فجسمها بسرعة سخنات عروقها بداو يبرزو محسات حتا ناضت هزات الكرسي علاش كالسة وضربات بيه الحيط...
كلها كتنهج وتغوووت بأعلى صوت صبر مبقاش عيات شحال قدها تبقا مسجونة...بقات تغوت وتشتت فالبيت طيحات تلفازة هرسات مرايات شتتات البيرو كلو وهيا كتغوت بأعلى صوت ودموعها دايزين حنجرتها بحات بكثرة لغوات حاسة بشي حاجة فقلبها خاصها تخرج...
كنكرررررهك حرقتيييينييي حرمتيييني من ختيييي بغييييييت ختييييي وريييها ليييا وريييني ختييي الله ياخد فيييك الحق هئ هئ هئ شنوووو بغيييتي عنديي😭😭مشات لباب كدق وتعاود وتغوت بقات كضرب يدها مع الباب حتا تجرحو كلهم ودم سايل منهم...كتشهق شهقة خاارجة من القلب مكرهاتش تموت فهاد اللحظة شكون هيا حتا تصبر على هادشي كلو!!!
تحركات بلا عقل جيهت مرايا ..هزات قرعة ريحة وشيرات بيها حتا تشتت زاج..مشات بحال شي ملهوفة كتقلب على طرف الزاج محاساش برجليها لي عمرات بزاج ودمايات ساايلين..هزات طرف حاد بلا متفكر مدات يدها ليسرى وضربات يدها بالجهد حتا صرخات صرخة عااالية تردد صدا ديالها فالمكان كلو...
عن اشياء فى عمق الروح ..
إذا قيلت تؤلم القلب ..
🧡“.وإذا لم تقال تؤلم القلب أكثر ..!
” سيُزيل اللّه سحائبَ الحزن التي تغشى قلبكَ وإن طال الحال، فقط أحسن الظّن بربّك، "فما ظنّكم برّب العالمينَ
تحل باب الغرفة بالجهد..دخل منو المجهول كلو عرقان وكينهج ..واقف فالباب وكيشوف فهاد الحالة لي دارت حرك عينيه ليمين حتا كتبان ليه طايحة ودمايات سايلة قلبو غيخرج من بلاصتو مشا كيجري لعندها...وكينطق بكلمات وكيترعد.....
لا لا ءءء حححلمم شنوووو درتييي "هزها بسرعة بين يديه وخرج برا الغرفة كيغوت"حسنااااااء "جات كتجري مخلوعة وجها صفر وكتشوف فاسيل لي مغيبة بين يديه ...جيبييي دبا طبيييب لي هنا سربييييي😠😠😠..مشات طايرة مكاملة حتا دقيقة جا طبيب لي حاط فالفيلا مخلوع
مشا شنق عليه المجهول:😠😠غتعتقهاااا دباا ياااويييلك وتوقع ليها شي حاجة ياااويييلك😠😠"دفع طبيب من يدو وبقا كيمشي ويجي وكيسب ويشوف فيها كيف غايبة وطبيب كيحاول يحبس نزيف..ويرجع يخبط يدو مع الحيط وكيصدر صوت خلق فطبيب وفالخدامة الرعب حالتو مكتبشرش بالخير طرا ليها شي حاجة يسوط فيهم كااملين....
بقا على اعصايو مدة ساعة وهو يتسنا كيجي فبالو غير ملي كان فغرفة ديالو لي كلها كاميرات حتا كيشوفها كيف نهارت بالغوات وكيسمع اش كتقول زير على يدو حيت مقدرش يوصل فالوقت قبل ضرب يدها.. قاطعو على افكارو صوت طبيب تلفت عندو
مجهول:شنو تقوليا شي حاجة خطيرة نقتلك😠😠
طبيب كيشوف فيه ويشوف فالارض زاد خلعو الماسك لي داير لسان باش يهدر تحبس ليه...
مجهول متسناش حتا يكمل طبيب كلامو مشا طاير مهم انه عرفها لباس...
دخل عندها للغرفة كيشوف فيها كيف مجبدة فسرير مغطية بيزار بيض وشعرها الأشقر مليوح على المخدة ...حتا وهيا هاكة شهقة ديال البكا كطلع ليا ..تأسف على حالها ولكن معندو ميدير هو كيعشقها ممستاعدش يخسرها عارف راسو كيعدبها ولكن هذا هو الحل الى بغاها تبقا معاه ...تكا حداها وهو مزال داير القناع..شد ليها يدها كيبوسها ببطئ كأنه خايفها تهرس ...كيستنشق فريحتها لي كيعشقها..كيحسها كدخل ليه لعروق قلبو...
دازت ساعة سعتين ثلاتة هو كالس فكرسي مقابل معاها عينيه مفيكسين عليها محيدهمش ولو لحظة وحدة ...طول هاد الكلسة لي هو حداها وهو كيفكر حتا خدا قرار نهائي....
بعد ربعة سوايع بدات كتحرك بلاصتها وكتخصر سيفتها..كتحل عينيها بشوية وكتنين بألم لي فيدها...بشوية حلاتهم فيه نيشان حتا ناضت كالسة بالخلعة ..جمعات حجبانها بألم تأوهات...
ناض عندها بسرعة كلس حداها:شوووو تهدني تهدني
هزات فيه عينيها زرقين مدمعين ونطقات بتعب:علاش مخليتينيش نموت😢
مجهول:الى متي غنموت منقدرش نشوفك كتموتي ومندير والو "حط يدو على حنكها"نتي كلشي فحياتي على قبلك انا مزال حي على قبلك حاربت وتعدبت ميهونش عليا نشوفك كتألمي 😔
اسيل:خليني نمشي😢
مجهول:خنزر فيها وجمع ليها حنكها بيدو حتا تأوهات" متفكريش فيها ولو بالضحك نتي ليا ديالي فيما كنت غتكوني شي حاجة اخرى لا😡
اسيل:😢قولي غير شكون نتا نعرفك غير شكون.. ووريني ختي😢عفاااك..
مجهول سكت لفترة :باغة تعرفيني شكون انا وتشوفي ختك؟؟
اسيل: حركات راسها بزربة ب اه..وقلبها كيزدح بجهد...
ناض من حداها عطاها بالظهر ونطق...وخا مغيكون غير لي بغيتي غتعرفي شكون انا وشكون هيا ختك ولكن هدشي مكيعنيش اني غنخليك تمشي لا نتي بلاصتك حدايا"دار عندها "مفهوووم🤔🤔
طلعات راسها ب ايجاب ..
مجهول "غاد نهزك دبا لغرفة اخرى باش تعرفي شنو بغيتي..بقات كتشوف فيه حتا جا هزها وهيا كلكها كترعد خايفة بزااف من هاد الحقيقة لي غتبان خايفة تصدم...تحرك بيها من تما وهيا بين يديه بحال الكميشة مقارنة مع جسمو..دخل بيها لغرفة اخرى كان فيها كراسا بزااف وتلفاز كبيييير دايرة بحال سينيما...كلسها فكرسي وبقا واقف حداها....
مجهول:باش بغيتي تبداي واش تعرفي ختك ولا تعرفيني😏
اسيل:خخختي
مجهول:اممم اوك لكي ما اردتي😏
جبد تلفون من جيبو خربق فيه وشعلات شاش لي مقابلة معاهم بانو ارقام .....1..2..3
قلبها غيسكت حاسة بالخلعة والفرحة واخيرا غتشوف ختها لي فرقوها عليها...حطات يدها على قلبها كأنها تحاول تهدنو وبتسامة خفيفة وفمها كيترعد بقات مراقبة دوك الأرقام وهو كيدوزو واحد واحد....
حتا كتبان صورة خلاتها تحل عينيها وفمها بالصدمة شافت فيه "حرك ليها راسو "ورجعات لصورة كتشوف فيها بصدمة ودموع بسرعة نزلو وهيا كتحرك راسها بلا كتشوف ختها لي مدة وهيا معاها وحداها ومعرفتهاش...
ناضت واقفة كتخطا لكراسة وهو مراقبها ....دموعها دايزين وصلات حدا شاشة مدات يدها كتلمس صورة نور كتشوف وتبوس فشاشة وكتبكي وكتردد اسمها "اريج"
حسات بيه وراها ودارت عندو...
اسيل:😢😢نووور خخخختي يااااك مكتكدبش😭😭
مجهول:اه نور ولي هيا اريج ختك
اسيل:هى هئ حشووومة عليك ختي كانت حدايا نتااا خطفتيييها ياااك"بدات تغوت"اشنو درتي فيها دوييي شنووو
مجهول:شووو تهدني ختك لباس عليها انا مراقب كل خطواتها وراني مبقيتش خاطفها راها خرة دبا ولكن...
اسيل:شنووو كمل شنوو لي ولكن دوييي شنو درتي
مجهول:اممم بسيطة ختك ملي خطفتها عرفاتني شكون انا وضطريت اني ندير ليها عملية فقدات ذاكرة يعني نسات ربع شهور من حياتها نسات شهرين لي كانت معاك ...وشهرين لي تخطفات فيهم والعملية نجحات وختك ناسية حتا واش عمرها شافتك😏
اسيل كتشوف فيه بحتقار:😢😢نتاااا نكتسواااش حشووومة عليييك عرضتي حياتها للخطر واش عندك القلب ولا معندكش😠😠
مجهول:"شدها من وجها"اسيييل اسيييل لي وقع وقاااع وفري دبا هاد دموع باقي مساليناش ياك باغا تعرفيني..؟
اسيل سكتات ودارت جيهت صورة نور كتشوف فيها قربات حتا باستها ورجعات دارت عندو مسحات دموعها:شكون نتا!! صافي انا عيت من صدمات
اسيل "بتاسمات جنب بقهرة"😏نتألم !!الألم ديال بصح هو لي فقلبي ماشي هاد الجرح لي فيدي نتا راك قتلتيني قهرتيني كنت فاقدة تيقة فنااس وزدت فقدتها كثر وكثر "نطرات يدها منو رجعات بلور وعينيها فعينو كتنفس بسرعة صدرها طالع نازل.. هزات يدها لي صحيحة حتى لفوق ونزلات عليه بتصرفيقة...حتا تردد صوتها فالمكان....
رضوان زير على عينيه اللي بداو يتكونو فيهم عروقة حمرييين جنب ناضرو بدا كيتحرك كيكزز على سنانو بعصبية يديه غيطرطقو بقوة مزير عليهم...حل عينو فيها بسرعة شوفة نارية لو كانت سهم كون ختارقوها..كيبان الشر فعيني كلو تشنج وهيا كتشوف فيه بلا حتا حركة ..دور راسو يمين وشمال..ودار عندها بسرعة البرق جرها من شعرها حتى غوتات...
لسق جبهتها مع جبهتو وكيدوي بصوت فحيح الافعى صوت كلو هوس وتملك....كنحدرك مليون مرة متخلينيش نوريييك وجهي تااني😡نتيي بديتي تجاوزي حدودك😠😠"دفعها شوية ومزال شادها من شعرها وهيا شادة ليه يدو كدفعها""بالغوات"شوووفي فياا مزيااان شووفي هاد الوجه مفكرك فوالو!!
"طلق من شعرها وهيا كتشوف فيه مزيااان وقلبها كيزدح بالجهد...
رضوان:شنووووو وااااش مفكرك فوااالو دويييي😠😠"زادت تخلعات من نبرة باش كيدوي وحركات راسها بلا"
نزلو على مسامعها هاد الكلمات بحال ثلج رجعات خطوة لور وهيا مخرجة فيه عينيها وكلماتو كيترددو فودنها ببطئ وعقلها كيرجعها لسينيييين... احداث وأشخاااص لي الانتقام نساها فيهم...شدات راسها بيديها وكلسات فوق الكرسي..ورضوان مراقبها بهدوء عارف ان كلامو رجعها لووور...
اسيل "بصدمة كتمتم"مممميمكنش نتااا!!نتااا هووو؟؟؟
رضوان"حرك ليها راسو بإيجاب...
اسيل:دموع فطرف عينيها"مممقدرتش نتيييق كيييفااااش نننتااا رضى"سكتات شوي " هذا شعر رضى صديق طفولتيي كل مرة مشيت عندو لميتم كان هذا كلاممو "ناضت وقفات"مميمكنش تكون نتا هو رضى !!هو مكانش هكا هو انسااان طيب بزااف ولكن نتاااا !!!نتتااا واحد خبيت "بدات كتكلم بهستيرية" نتا مرييييض ولكن هو هو مكانش هكا هو انسان صالح مكيقدرش يأدي شي حد ولكن نتااا عكسو نتا كتأدي ناس ميمكنش نتيق هادشي😢
رضوان "كيدوي بحرقة":لا غير تيقي رضى ديال زمان ماشي هو رضوان ديال دبا كيفما سميت رضى تبدلات فحتا هو تبدل حتا هو الظلم اللي خلاه يولي شخص قاااسي دوك اللي أداوك أداوني حرموني منك حرموني من عشقي من روحي اللي مكانش يدوز نهار بلا منشوفها نتي كنتي كلشي بنسبة ليا كنت صابر فالميتم على ودك نتي هوما لي حرموني منك انا رجعت ليك ورجعت ليك حقك وحقي نتاااقمت لينا كاااملين..
اسيل دموع نزلو وهي كتسمع لكل كلمة نطقها حسات براسها فحلم مكرهاتش تفيق منو وتلقا كلشي كدوب كيفاش صديق طفولتها لي كان اخلاقو عالية.. ونعمة الصديق يولي هكا !!مقدراتش تقبلها...
اسيل:😢😢علاش علاااش هادشي كااامل صافي انا مبقيت فاهمة والو هئ هئ هدشي متيدخلش لعقل بغيت نعرف شنو سر لي موراك شنو لي خلاك تولي هكا؟؟؟؟
رضوان:اللي خلاني هكا هو عمك "مشا كلس فالكرس وحدر راسو للأرض وهو كيتفكر....
قبل سينين بعد خبر موت حلم وأريج والأم والأب حالة ديال (رضى/رضوان)دهورات بزااف ولا منعازل على كلشي كيبقا غير يبكي على محبوبتو الصغيرة لحنينة لي كانت تجي عندو لميتم دوز معاه سوايع كثار وكيهرب ويجي عندها كيفرح ملي يشوف بسمتها وكيتكره الى شافها ضحك لشخص اخر..
كان متملك من صغرو حاسها بلي هيا ديالو بحدو فقط...ايام وايام وهو كيكلس فبلاصة بعيدة ويتقابل مع دارهم ويبقا يبكي وهو شاد صورها بين يديه ...كان عندو طموح كبيييرة معاها...
دازت شهرين نهار لي وصل سن القانوني 18 سنة ودع الميتم والوجهة ديالو هيا منزل محبوبتو الراحلة...كيف كل نهار كالس كيتفكر لحضاتو معاها وأوقات زوينين لي دوزو وكيف دارت بلاصتها فقلبو بلا قصد ...فيقو من ذكرياتو صوت السيارات فالأسود وهنا كانت الصدمة ليكارد مخرجين اريج اللي بنسبة لكلشي بلي ميتا...
ركبوها فسيارة ونطالقو ياله غيستوعب الصدمة حتا كيشوف حلم البنت لي حزن عليها شهرين لدرجة حاول ينتاحر وينهي حياتو على ودها ...هنا قلبو دق بالجهد وهو كيشوفهم مخرجينها كتبان حالتها ياله ركبوها فسيارة وخرج هو كيجري ويغوت بسميتها كيجري ويطيح ويعاود ينوض وهو تابع السيارة..شافوه الكارد وهجمو عليه شدوه وهو كيغوت بين يديهم بإسمها وهوما جارينو ومقادرش يتعافر معاهم بحكم بنيتو ضعيفة وهوما صحاح....
واحد من الكارد دوز اتصال لعماد خبرو بلي شي شخض شافهم وكيعرف حلم ...عماد معطاش للأمر اهمية حدو خسر جوج كلمات بلا ميحاول يسول ولا يعرف شكون"قتلوه غبروه"
كانو هادو هوما الأوامر لي تلقاو فمكان عليهم غير التنفيد...
خداوه لواحد الغابة خاوية وهو على حالو كيغوت ويسب ولكن بدون نتيجة نقضو عليه 4 ليكارد كل واحد كيضرب فيه ضرب مميت ولا كلو دمايات مبقاش قادر يتنفس ولا يتحرك ضربوه على مستوى العمود الفقري حتا غيب مبقاش يتحرك...كايسحاب ليهم مات هذا اكبر غلط دارو مفكرش يقيسو ليه النبض حدهم حركوه وكان كلو مرخي كأنه ميت ساسو يديهم وتحركو من تما ضاحكين متلددين من شنو دارو....وهو مليوح فالأرض مكاين لي سيق ليه الخبار....
بقا نهار كلو وهو مغيب وكينزف... فديك الوقت كان راجل كبير فالسن غادي يصيد فديك الغابة ومعاه كلب ديالو حتى كيلقاه طريح فالأرض....
ولحسن حضو كان الرجل عندو نفود كثيرة من ناس لي لباس عليهم.. خداه لأحسن كلينيك فمدينة أكادير...وهو متأسف على حالتو وعندو فضوووول يعرف قصتو وشكون لي وصلو لهاد لحالة...قرر يوقف معاه ويعاونو حتا يفيق ويعرف منو كلشي وداكشي لي كان تبع ليه فالمغرب العلاج وهو فغيبوبة مدة عام....والراجل ديما فجنبو ديما راد ليه البال وكيتسنا غير فوقاش يفيق حسبو بحال ولدو حس بلي ربي رزق ليه الولد لي مولدوش الولاد لي محروم من انه يولدهم...
دازت عام وهو على حالو...قرر ياخدو برا المغرب وتبع العلاج بقا 6 اشهر اخرى فغيبوبة وفاق...والصدمة هيا انه مشلول مكيحركش رجليه بسبب ضرب لي جاه على مستوى العمود الفقري...رضوان حالتو نفسية كانت مأزمة مكيهدرش مكيضحكش عايش فعالم مظلم مكيتجاوب معا حتا واحد حتا شخص لي عاونو عمرو سمع صوتو رافض يتكلم مع حتا واحد ولا حاقد على الكل معندو تقة فحتا واحد...داز عام اخر وهو على حالو....حتا لنهار لي شاف فالاخبار اسم عائلة سلطان....جاه انهيار عصبي بزز باش قدرو يهدنوه...
تما فين عاود قصتو للراجل اللي عاونو وبقا معاه هاد المدة كلها....و بدات رحلة الانتقام بعد مقرر الراجل يعاونو فأي حاجة...تكلف وقدرو يوصلو لرجال عماد شراوهم بالفلوس حتا عرفو بلي هو مور كلشي وعرفو بلي لبنات شهرين وهوما كيتعدبو وكلشي توهم بلي ماتو وهادشي كلشي بدافع الطمع والغيرة واالكره...شراو لي كارد لي حطو كل بنت فمدينة....وبدات رحلة اخرى لي مدتها سنتين وهوما كيقلبو عليهم حتا قدرو يوصلو لكل من اريج وحلم وقدرو يزرعو جواسيس خاصين يوصلو ليهم لكبيرة وصغيرة عليهم خصوصا حلم اللي زرع جواسيسو بصفة خدم وسط قصر عصام....
طول هاد المدة وهو كيحاول يتعالج... بعد عدة عمليات اخيرا تعالج ولا قادر يتمشا على رجليه ولا شخص عنيييف وذكي حافض جميع خطواتو..شغف الانتقام عما ليه عينيه نهار بعد.نهار وهو كيوصلو كلشي على حلم ابسط لحوايج..عرفهم عليها زاد تهوس بيها كثر من الأول....
بحت على ماضي عماد وعرف عليه كلشي وووصل الوقت فين يدخل وسط منهم ...قدر يوصل لواحد العاهرة كانت على علاقة غير شرعية مع عماد وشراها بالفلوس ثمتل انها حملات من عماد سينين هادي وبلي خافت تقولها ليه ويقتلها بحكم انه شخص معروووف فالبلاد...ولكن بعدما ولدها دار حادث وتشلل مبقاتش قادرة عليه...
كلشي مشا كيف بغا رضوان بمساعدة الرجل لي مساندو ماديا معنويا...
عماد بعد تهديد من ديك لمرا بلي غتفضحو ملقا ميدير...ولكن بشرط انه يدير تحليل الأبوة....وكان كلشي فصالح رضوان بعد مزور التحاليل...وهكا قدر يدخل وسط منهم بصفتو ولد عماد غير شرعي...وكان منبود فديك الغرفة بشخصية ضعيفة شخص عندو عاهة مستديمة عاجز وهو كان فصالحو يبقا فالغرفة وميجي عندو حد ...باش هكا يبقا على تواصل بالراجل اللي وهب ليه املاكو كاملين...ومراقب محبوبتو...وقدر انه يدير غرفة سرية بعدما سافرو عائلة سلطان مدة طويلة وبقا هو وحدو فالقصر مع الخدم ....وهكا ستاغل الفرصة ودار غرفة سرية صغير فوسط بيتو عامرة كميرات شادة لقصر ديال عصام وقصر سلطان....
وحتا حد مرد البال باب الغرفة كيبان بحال حيط عادي...وهكا قدر يكون وسط منهم ومراقب كل تحركاتهم كاملين وقدر يوصل لمحبوبتو لي جات حتا لبين يديه بصيفة خطيبة خوه وفنفس لوقت صديقة ليه بعدما وهمها بمرضو والإهمال لي كيتلقاه من عائلة سلطان....
******
هز راسو فيها بعدما عاود ليها قصتو كاملة..لقاها كتشوف فيه مصدومة من هدشي لي سمعات مقادراش تستوعب بلي هادشي كلو وقع على قبلها معارفاش شنو خصها دير ولا تقول...
رضوان "ناض حتا لعندها شد ليها يديها كيشوف فيها بحنية"حلم هادي هيا قصتي كلشي على قبلك من اول مرة نشوفك فالميتم بغيتك ...
اسيل"نفضات يدها منو "نهار لقيتك طايح فبيتك مضروب فعنقك شنو معنا داكشي؟؟كيفاش نتا هو داك المجهول وتكون مضروب؟؟
رضوان:اسييييل مزال مبغيتيش تفهمي بلي انا كندرس خطواتي عاد كنفد !!واش لي وصل لهادشي كلووو ويدخل بين عائلة على قدها يوهمهم بشلل وبلي هو ولدهم غتصعاب عليه ديك القضية!!! 😏"حط صبعو على راسو"هذا كيخمم مزيان وانا فعلا تضربت ولكن كلشي من خطتي أنا 😈😈
اسيل :تالهاد الدرجة نتا مريض ممكن تأدي راسك باش توصل شنو بغيتي؟؟
رضوان:اه وكثر 😏
اسيل"ناضت وناض حتا هو...شافت فيه شوفة طويلة "
أؤمن بأن القادم سيمحي آثار السّابق...وعهد هوسك لي لن يدوم...
خرجات كلماتها لي شعلو فيه العافية وزادت راجعة لغرفتها ...خلات موراها قنبلة شوي وتنفاجر كلامها لعب ليه على اعصابو ولا كلو كينهج كان ظنو من بعد هادشي كامل غادي تستقبلو بالأحضان وغتبغيه حيت دار شحال من حاجة على قبلها...ولكن نسا بلي قد لي عاونها آداها نسا هاد شهرين العذاب النفسي لي دوزات... نسا بلي سنين وهو عارف شكون ختها ومخبي نسا نهار كان كيهددها ونهار لي فضح عمها ومخلاش ليها فرصة فين هيا تفضحو نسا بلي لعب بمشاعرها وستعطفها وردها وحدا غبية ونهار ضربها فيدها ونسا بزاااف حوايج لي خلاو بلاصتهم محفورة فعقلها
فمدينة اسفي فشارع كبير ونقي وكااالم فواحد فيلا صغيرة شكلها من برا زوييين عاطي للعين..فلداخل ديالها وبالضبط وسط صالون كالس شخص على الفوطوي رجل فوق رجل يد شاد بيها تلفون يشوف فيه ويد شاد بيها سيكار شخص وسيم كاريزما عالية ملامحو عربية 100%حجبان كحلين وعيون كحلين ولحية مطراسية كحلة بشرة بيضاااء هاز حاجب ومنزل لاخور ومتبع مع تلفون...
مرة مرة يشوف قدامو بملل ويرجع عينو لتلفون سعتين وهو على هاد الوضع...
شوية سمع انين خفيف..هز عينيه لمصدر الصوت وهو يبقا يشوف بحال الى كيتفرج فشي لوحة متبعها مزياااان وهيا كتستاعد ترجع وعيها.....
نور "ناضت وقفت كدور عينيها فداك صالون وتبركك بلا حشما وسيد متبعها كيطلع وينزل فيها...:امم دارك زوينة بزاااف
فهد:امم شكرا "واش نتي مريضة بشي حاجة داكشي لاش سخفتي؟؟
نور:كلسات دارت رجل على رجل وعينها فعينيه"اوا شغنقولك ماعرت واش سخفت من نتفة لي عطيت لديك القح***ولا حيت ياله فايقة من الغيبوبة😌
فهد ضحكاتو بديك الكلمة لي قالت:كيفاش غيبوبة؟؟وشكون نتفتي؟
نور:مبانش ليك راسك فضولي شوية!! 🤔
فهد"هز فيها حاجبو واش من نيتك وهو يجمع تخنزيرة "دبا فقتي !!على سلامتك ممكن تفضلي لفين بغيتي "هبط عينو لساعة لغااالية لي فيدو وشاف فيها"ضيعت ساعتين كان ممكن ندير فيها بزاااف !!نوضي نوصلك لباب..
نور بقات غير مبرقة عينيها فيه مفهمات فيه والو ياله كان فشكل ولا فشكل....ناضت بلا متشوف فيه كتسناه يتحرك تبعو وداكشي لي دار سبقها حتا لباب وهيا تبركك فيه من لور وعينيها فيهم لقلوبة على هاد الجمال العضلات والطولة...مفيقها من خيالها غير صوتو..
فهد:يمكن ليك تمشي دبا...نور مدواتوش راها مقلقلة ودافعة كبير ضربات بشعرها لور وخرجات كتمايل بداك طرف لي عندها وهو متبع معاها كل خطوة وعينيه على مؤخرتها....
تبع ليها العين حتا غبرات هز تلفون شاف واحد الصورة ورجع عينو لجيهة منين دازت وهو يبتاسم بجنب...
عادت لتنتقم الجزء الثامن
محتوى القصة
التنقل بين الأجزاء