عذراء الذئب الجزء 11

من تأليف الكور وفاء
2020

محتوى القصة

رواية عذراء الذئب

ربيعة:شنو كتقولي ...وعلاش كتبكي 
بديعة:غير كوني هانية اماما اصلا مغيبقاش باغي يتزوج بوحدة مريضة وغدير عملية منبعد عمرها تحلم تولد بحال الناااس ... انا مريضة عندي سرطان ....اماما مريييضة
ربيعةجراتهاااا عنقاتهااا 
ربيعة:لا مقوليش هادشييي لا ميمكنش ابنتي فوقااش عرفتييي ولاش مخبية علياااا 
ربيعة:صااف لعطى لله عطاه قريب غندير لعملية ...ديك لبنت لكتقولي عليها غنفني حياتي على والووو حيت غنربيهااا هي لمصبرااانييي وهي لكتواسيني فمحنتييي 
خرجات ردخااات لباب وهبطااات كتجري وهي كتبكيييي.....
عند سلطانة

كانت طالعة فالدروووج ...وهي هزاه بين يديييهاااا 
بداااا كيبكييي وهي كتمشى وتهظر 
سلطانة:شكون حبيب ماما شكون زوين ديال ماما هاني ماما وصبر نطلعووو ونرضع ولدي نشبعو لكريشة ونعسووو
حلات الشقة بزز بحكم هازة أويس فيديهاااا ...دخلاااات كانت الظلمة ...مدااات يديهاااا لقرص باااش تشعر الضو بداااا كيبكي مرة اخراااا 
سلطانة:وصااافيييي 
غير شعلات الضو وهزااات عينيييهاااا وهوا يجمد لماااا فركابييييهاااا ملي شافتووو قدامهااااا.... كان كالس على كنابي صغيرة داير رجل على رجل وكيلعب بلكونطاكط ....سلطانة مبقات قادرة لا تقدم ولا توخر وحتى الهظرة واحلة فحلقهاااا ...لخافت منو وهربات منووو هاهي طااااحت فييييه ناض كيقرب ليهاااا ...بخطواااات ثقااال وهي كترجع بلووور تا تزداااات مع الحييييط قرب ليهاااا ومد يديه بدون ميهظر حيدوو ليهااااا كيشوووف فيييه بلهفة 
سلطانة بلعاااات ريقهااااا وتمتمااات 
سلطانة :كنترجاك متقتلووش .....
كانت كلهااا كتقفق وذياب عينيه غير على ولدووو كيشووف فيييه ممصدقش بلي هازوو بين يدييه بعد وكلس فووق لفوطووي ...كيتأملووو وبتسامة مرسومة على وجهووو سلطانة قربااات ليييه وكلسات على ركابيهاااا ودموع فعينيهااا وعلى وجهااا علامااات الخوووف ....
سلطانة:كنترجاك متأذيييهش مغنقدرش نعيش بلا بييه 
ذياب بحال الا كان مخدر مكاينش فهاذ الدنياا بحال الا مكتهظر كاين غير هوا وولدووو...



وعى على راسوو فااش شدات فيدييه شاااف فييهااا 
ذياب:ولدي 
سلطانة غير كتبكييي مجاوبااتووو بوالووو غير مكتافية بالصمت 
ذياب:ولديي هاذاا ولدييي
سلطانة:اه ولدك كنترجاااك متقتلووش معندو حتى ذنب فهادشييي
ذياب عاد سمع هظرتهااا لجاتووو غريبة 
ذياب:شكون غيقتلووو واش تسطيتي هاذااا راه ولدي لقاسووو غنمحيه على وجه الأرض ....
سلطانة مسحات دموعها وشافت غيه مستغربة 
سلطانة:ولاكيين سنااء ..قالت لياا....
ذياب:هاذيك خدات العقااب ديالهااا ودابا نوبتك ...
سلطانة رجعات لتكبرهااا وناضت من حدا رجلييه
سلطانة:علااش بسلامة غتعاقبني الذنب ديالك بووحدك 
ذياب:غتعاقبي ميمكنش ندوزهااا بالساهل
سلطانة:هه ضحكتيني علاه نتا ...ناض واويس باقي بين يدووو 
قرب ليييهااا مزير على يدهااا جرهااا منها حتى تقسحااات 
ذياب:غنصمم....
غوت اويس شي لخلا جبروت هاذ الراجل يختل ...قلبووو دغيااا بدااا كيضرب ...طلق من سلطااانة وتوتر وتمتم
ذياب:مالووو...واش مريض ...خخااصوو يمشي لسبيطار ...علاش كيبكي كضرو شي حاجة....يكمااا مريييض ....
سلطانةشافت حالتووو لولات فشكل كاشي نفس القسوة النظرة لفعينيه تبدلااات ...
سلطانة:بغااا يرضع ...
مدووو لييهااا ..متوتر
سلطانة:اندخل نرضعووو ونحطو ينعس 
ذياب:رضعيه هنااا 
سلطانة:لا ميمكنش مغنتعرااش هنا...
ذياب شااف بمعنى من نيتك ...
ذياب:گلسيي
كلسات موكلة امرهااا لله وجبدات بزولتهااا عطاتووو....يرضع كان كيبااان كيووت وذياب متبع معاااه وكيفاش كيتحرك ويدوو لمحطوطة علىى صدرهاا..عقد حجبااانووو .....نحن ونطق
ذياب:غيبقااا ديمة يحطو يدو على صدرك
شافت فيه بستغراااب ونطقات بهمس
سلطانة:لله يستر
رضعااات اويس تحت المراقبة ديالووو لغير مكتزيد توترهااا 
نعس وناضت بغااات تحطووو ولاكين وقف قدامهااا خداه منهااا...ودخل بييه وهي تابعااااه بانت ليه لكووونة ...قرب وحطوو برفق خايف علييييه ليقسحوو
حطووو وبقااا شحااال ساهيييي فيييه وهي واقفة حدااا لباااب ....دار لعندهاااا قرب وهي رجعااتت بلوور سد لباااب 
ذياب:ااه ودابا حنا غنتفاهمووو 
سلطانة:سير فحالك معندنا فاش نتفاهموو
قرب ليييهاااا جرهااا حتى تزدحااات معاه
ذياب:غالطة بزاااف عندنا فاااش نتفاهموو بشنووو نبدااا ليييييك اه من الهرب ...خبيتي عليا بلي حاملة ....ولا وحدة حسن...أمير زرقطوني 
نطق سميت امير وهوا ضاغط على كل حرف منهاااا....
عند بديعة وصلات لفيلااا دخلااات باينة فيها حالة لبكاااا
كان فلبالكوون فاش دخلات بااانت ليييه خرج من بيتووو فتجاااه ...لبيت لعرفها غتكون فييييه دخل وهي تبااان ليييه كالسة حدا رؤية ....وكتبكيي قرب ليهااا
فهد:مالك واقعة شي حاجة 
بديعة:وااش كضحك عليااا شنو غيوقع كثر من هاكااا دوي شنوو 
فهد:تهدني مديريش فراااسك هادشي 
بديعة:مغتفهمنيش تحرمت من كلمة ماما معمرنييي غنولد ....(للحظة فقدات سيطرتهااونطقات بصوت يهرس لحجر)وحتى نتا مبقيتيش غتبغيني كي كنتي ياااك
فهد عنقهاااا مزير علييييهااا
فهد:متبقايش تقولييي هاذ لهظرة فحياتي بغيت وحدة هي نتي وغنبقاااا تانموووت فراقك علياااا كيقتلنيييي..كل نهار يكفي تكوني نتي معاياااا

شافت فيه بعينين دامعييين 
بديعة:عيييت 
فهد:انا معاك 
عنقاااتووو مخشية فيييه ناسية راسها والعالم بغااا غير ترتااااح ...بقاااو على حالتهم حتى غفااااات بيييين يديه هزها حطها فووق السرير يلاه بغااا ينووض لقاهاااا مزيرة على يدووو رجع لعندهاااا وجرها لحظنووو ...باس على راسهاااا بديعة زادت تمخشات فيه حاوطها بيدوو وغفااااو.....

عند سلطانة 

ذياب:باش نبداااو دوييييي 
ذياب بنظرة شر شاف فيييهاااا ورحع نطق بنبرة خلاتها ترعب كثر ماهي مرعووبة 
ذياب:داخلة يدك فيدييه وعاجبك لحااال ومعرية لحمك كيشوف فيه ليسوا ولي مكيسواش 
سلطانة نطقااات بنبرة إستفزاز
سلطانة:ماشي سوقك ندير لبغييت نتا ماالك 
ذياب بدون تردد كان حداها مزير على فكهاااا وجهوو فوجهاااا نطقاات متألمة وبثلعثم بزز باش كيخرجوو الحروووف وفكها الصغييير بين يديه 
سلطانة:بببعد 
ذياب:فراسك غنعاقبك على هادشي كااامل 
سلطانة:ققلت ليييك مااشي سووقك 
زادت شعلاتووو بهظرتها ونظرة التحدي لفعينيييهاااا 
محس على راسووو الا جااار ليها لكسوة مقطع سميطاااات وطااااحت ليهااااا..بقات قدامووو غير بلملابس الداخلية 
عينيييه دغياااا تسراااو على انحاااء جسمهاااا وكل منحنى اصلا حافضووو كان تغير بسبب الحمل كان تزاد الوزن شوية ولاكين تزادها جمالية وأنوثة خصوصا داك الصدر لمنفوووخ بسباب الرضاااعة سلطانة وترهااا هزات يديها حطاتهم علىىى صدرهاااونطقات بعصبية
سلطانة:شنوو درتيي ....خرج سير 
فحاالك
ذياب:لحد الأن مزال صاابر وكنهظر بلخااااطر متخلينييش نجعر باااش منصدقش مريبهااا على راااسك ....
سلطانة:غتمشي ولا نعيط لبوليييس 
ذياب بتاسم ورجع كلس بكل برووود وشاف فيهااا
ذياب:عيطيي نتسناوهم بجوووج ...ولا اش باليك نعيط انا يجيو دغيااا...
سلطاانة بقااات مشوكية من رد فعلوو واحد اخر كان غيخااااف من البولييس لا هوااا كلس بغااا يتسنااااهم ...
سلطانة خلاتوو ورجعااات بغااات تدخل لبييت حتى قاطعهااا بصوتووو 
ذياب:لا ويااك رجعي فين كنتي 
سلطانة:بغيت نلبس عليا شي حاجة معاجبنيش حالي نبقا عريانة 
ذياب:وشكون طلب رأيك انا عاجبني

ذياب:انا عاجبنيي 
سلطانة :خلينييي علييييك 
ذياب مدايهاش فهظرتهاااا غير عينيه كيتسارو على الجسم ديالهاااا...وتفاحة أدم كتحرك فحلقووو بخشونة محس براسووو الا مرفووع من بلاصتوو لعندهااا جرهاااا لعندهاااا...مزير علييييهااا ...مترددش يقرب ودمج شفايفهوووم مع بعضهم فمحاولت انه يطفيييي كاع هااااذ الشوق ليييييهاااا..
سلطانة عيااات تنتر باغيا تفلت من قبضتووو الا انه كااان حاكمهاااا ...ومشغووول بلتهاااام شفاتيهاااا وتذوووق لعابهاااا .....حتى شبع عاد بعد مخليهاااا كتلهت 
سلطانة:متعاودش تقرب واش فهمتي متعاودش 
ذياب:انا لغنقرب وتاحد مغيقرب انا لعندي الحق التقرب بغيتي ولا كرهتي بزز ولا بلخاااطر هاذااا لقدااامك هوا لوحيييد لغيقرب لييييك ....
سلطانة هبطووو دموعهاااا 
سلطانة:كتعاملني بحال شي سلعة رخيصة فين مابغيتها كتاخدهاااا لا اسي ذياااب لا 
ذياب هظرتهااا دخلات من وذن وخرحات من لاخرااا نطق ببرووود 
ذياب:غدا غنرجعوو لدااار 
سلطانة: داار ههه اشمن دااار كتههظر عليها نفسها لسلبتي مني روحي فيها 
بنت لوسخ وغتبقاي فلوسخ
وااش عقلتي على ديك ليلة كل كلمة خرجات من فمك تحفرااات فعقلي مستحييل نرجع معاك ولا نمشي انا بنيت حياااتي بوحدي وبلا بيييك واااش فهمتي 
ذياب غير كيشووف فيهااا ببروود شي لكيخليهااا تصعر وتزييييد تغوووت 
قرب لييييهاااا زاديهااا مع الحيط محاوط جسدهاااا لكيبااان صغيير قدامو بنيتو الضخمة 
ذياب:علاش كنتي شادة فيييه 
سلطانة جعرهااا هي كتهظر فالشرق وهوا فلغرب 
سلطانة:بعد منيي وماشي سوقك قلتها وغنعاودها ماشي سوقك فهمتي 
زير على قبضتووو وضرب جنب الحيط حدا راسهاااا حتى تخلعاااات مكمشة راسهااا ...
سلطانة:بعدد مني اشنوو باغي مني 
ذياب قرب لوذنهااا وهمس بصوت خلاهااا تبووورش 
ذياب:باغيك نتي.....

شاااف فيهاااا ونطق 
ذياب:بااغيييك نتييي 
سلطانة كتشووف فيه للحظة حن قلبهااا ولاكين بسرعة رجعااات القطة المتوحشة لفلداخل ديالهاااا ولي كتكرهوو...
سلطانة:وانا مبغيااااكش واش فهمتييي انا ولدي غنعيشو حياتنا بلا بيك اصلا كنا مرتاحيييين وقادرين نعيشووو 
ذياب:اه كنتي غتموتي جوج مرااات نتي وولدي 
سلطانة بلعات ريقهااا وبداات كتسترجع الأحداااث ديال هاذ السنة...
سلطانة:يعني نتااا ...داك النهار مكنتش كنحلم 
ذياب كلس كيطرطق فعنقووو يلاه بغات تهظر وهوااا ينطق
ذياب:كاس ديال لقهوة حيت هاذ ليلة غتكوون طويلة ليا وليييك 
سلطانة:غير حلم ولله لا كانت ليييك 
ذياب:منعاودش هظرتي جوج مرااات حيت لمرة الثانية اكيد مغتسمعيهاش حيث غنصمك مك ...
سلطانة:لله يخادك وهنيني منك منين تصلطتي عليااا 
دخلات كتشتف وهي باقاااا غييير بدوبااايس 
دار لقهوة تصاايب فلماشين صغيرة ديالها وبدااات كتسناهااا...شوية شرداااات فتفكيرهاااا كتسترجع شنووو وقع 
الطبيبة:سلطانة عندي ليك خبر زوين 
سلطانة:شنوو ادكتورة 
الطبيبة:تكاليف لكلينيك تخلصوو كاملييين 
سلطانة:كييفااش وشكون خلصهم 
الطبيبة:مول لكونط مبغاااش يعرف على راسووو وزيد خلص شحال من عملية ببزاف ديال لفلوس
سلطانة:اه لله يكثر خيروووو 
فاااقت من سهوتها على صوت لاماشين هزات لقهوة وداتها ليييه حطاتهاااا بنفخة ومشاااات غادية حتى كيوقفها بصوتوووو
ذياب:فين بسلامة 
سلطانة نطقات وهي معصبية ولاكين مكالمية راسها بزز
سلطانة:غنمشي نعس حدا ولدييي...
ذياب:قلت ليلتنا طويلة انا وياااك ....
اجي 
شااار ليييييها تكلس قدااااموووو طولات فيه الشوفة وهي جامدة فبلاصتهاااا 
ذياب:نجي انا حسن 
سلطانة:غير خلييييك 
قربات وكلسااااات ....قدامووو وكتحاول ما امكن انهاااا متشوووفش فيييه 
ذياب زگف من القهوة وحطهاااا جبد من جيبووو ....لبريكة ديالووو لفيهااا الجمجمة شعلهاااا....بقاااا شحااال مطول فيهاااا الشوفة ونظرة خبيييثة مرسومة على وجهوووو...
ذياب:نبدا بليدين لتعراو وشافهم ليسوا لميسواش ....ولا برجليييين ولاا بهاذ ليد 
هز ليهاااا يدهاااا 
هاذ ليد ليييي كانت شادة فزامل ديال لخلا ولا هاذ الشفايف لضحكووو لزوامل ولا هاذ الشعر لمطلوووق لمن والووو يشوفوووو اش بالييييك 
سلطانة بلعااات ريقهاااا عرفات راسهاااا حصلة حصلة ديال لكلاب وحريرتها حريرة.....
سلطااانة غير كتنخصص فصمت خااايفة منووو 
ذياب بقااا شحال شاعل لبريكة دار فوقهاااا صبعووو لفيه لخااااتم ديال الذئب حتى سخن داك لوجه ديال الذييييب لفيييييه جرهاااا لعندووو 
ذياب: تهزييي
جرها حتى كااانت فوق رجلوووو وبحركة خفيفة حط ليهااا الختم على يديهاااا بغات تغوت تعبر على الألم ديالهاااا كان السباااق دمج فمو مع فمهاااا كيلتاهم شفايفهاااا...هي كانت كتنخصص وسط فموو غير أنينها لكيتسمع 
مطلقها حتى برد جنونو عاد طلقهاااا 
سلطانة:لله ياخد فيك الحق متوحش 
كلساااا كتسوووط على يديهااا ودموووع فعينيييهاااا ...
سلطانة:حشووومة علييييك واااش تسطيتي لا هادشي بزاااف علياااا سير فحااالك ....حرقتينييي 
ذياب:هاذي غير لبديااا مزال مشفنا رجلييين وصبيعات لكانو شادين فسي زرقطونيييي
سلطانة:صافي خليني ولدي غيفيق 
ذياب شحطهاااا ففخضهاااا حتى غوتااات 
سلطانة:ااي هبلتييي
ذياب:اخر مرة نسمع ولدي ولدنااا فهمتي عاودي من مورايا ..
سلطانة:ولدي فهمتيي ولدي 
ذياب:تاتكوني نتي هي مريم العذراء عاد نتيق انك ولدتي ولد بلا ميدخل...لحنش لغاروو
..قطاعاتووو ملي عطاتووو بالظهر كيفكرهااا فلياليهم ويستافزهااا 
بغات تمشي مخلاهااااش ليهاااا المجااال رجعهاااا ليييه وهاذ لمرة طيحهااا فووق حجروو نيشاااان لصق صدرووو مع ظهرهاااا ورجع شعرهااا ...لقداااام وقرب طبع قبلة على عنقهاااا..

سلطانة بغااات تبعد ومخلاهاااش
سلطانة:خليني نمشي 
ذياب:هداي 
سلطانة:ولله لكانت لييك بعد منييي 
ذياب:مكنتش مفكر فيها ولاكين نتي لجبدتيني 
سلطانة بغات تنوض ورجع جبدهاااا 
حط يدوو على ظهرهااا وبقااا طااالع بشوية شي لكيخليهااا تبووورش ...يلاه حط يدوو على سوتيااان بغااا يحلهم وهوا يتسمع لبكاااا فلبييييت سلطانة ستغلات سهوتووو ونقزات فتجاه لبييت دخلااات ..وسدات عليهاااا 
ذياب ناض بكل ثقااالة لحدااا لباب بدون كلمة ولا جوووج ضرب لباب برجلوو تهرسات ساقطة تلاااحت شاف فيهااا بعصبية شي لخلاهااا تخلع ملقااات مدبااش تكالي وهي تفكر أوس هزاتووو بين يديهااا ...وكلسااات كتسكتووو 
ذياب غير شافها هزاتووو بقااا واقف كيشووف فيييهم ....
سلطانة:صافي ماما هاني النينيو 
حطاتووو فجنبهاااا وتكااات حداااه عاطياااه لبزولة ومكاليهااا بيدييهااا باس متنزلش على وجهووو 
سلطانة:غير خرج حنى غنعسووو 
ذياب بان ليه بلاكاار حلوو هز كوفرلي 
وقرب ليهم غطاااهم بجوووج ...
عاااد دار باش يخرج سلطانة تنفسااات 
سلطانة:سير لله يتبع لبلا
ذياب:قيدي عندك هاذي فلحساب 
زمااات فمهاااا ليرجع ليهااا ...وحطات راسهاااا قريب لراس ولدهااا ومرة مرة تبوس فيييه ...
خرج كلس فووق لفوطووي هز لكارووو بغااا يشعلووو شوية تراااجع هز تليفونووو ...دوز لابيييل 
ذياب:عمر صاف حيد الرجااال ....لكانو مراقبينهااا 
سلطانة كانوو وذنيهااا على البااب بتاسمااات ملي عرفاتووو كان حاضيها طول هاذ لمدة وقام بالواجب ديالووو وفكل مرة كان كيحمي ولدهم ...
تفكرات النهار لتقتل هاذاك لبغا يضربهااا 
وحتى النهار ليجا لعندها لسبيطار وكان كيسحاب ليهااا بلي غير كتحلم 
سلطانة:ونتي لكنتي خايفة يقتلووو هواا لحمااه فكل مرة ...ضربات راسهااا واخاا هاكاك كيبقااا هانك وجرحك ...خاصك تبعدييي منوووو بأي طريقة
فهاذ الأثناء كان كالس ونطق ...
ذياب:سيري تنعسي ووياك تفكري ديريهااا ...
وسعات عينيهاااا مرعووبة ورجعات تخشات حدا ولدها وهي كتلعنو فقرارة نفسهاا

صبح الصبااااح فاااقت كتكسل لقاتووو حداهااا وبتاسمااات لبارح نعسات غير كل ليلة ...كان محاوطها بين يديه بغات تنوووض ورجعهااا لعندووو ...
فهد :شوية مزال 
بديعة:نوض رؤية كتبكي 
حل عين وعين سدهاااا ...
فهد:اه مكتنعش ديك لبريهيشة ديالي 
بديعة:ديااالك راه كنغير 
فهد بتاسم وباسهاااا
فهد:دياولي بجووووج غييير هنينااا ابنتي 
بديعة ونووض راه غتزيد تبكيييي 
فهاذ الأثناء دخلات أفنان وهي تصدم من شوفتهم مع بعضهم ....
أفنان دارت دغياااا
أفنان:مشفت وااالووو كنحلف ليييكم 
فهد:خاص ليشوك مك نتي 
أفنان:هي نبدا نفصل قفاطني لغنلبس 
فهد:خرجي ولا غنوض لمك ....مشات خارجة وهوا ينطق 
فهد:اه وجدييي 
أفنان:هي لولة 
خرجااات كتجري اماااا 
بديعةشافت فيييه مستغربة من هظرتوو 
بديعة:كيفاااش مفهمتش
فهد:مالك بغيتينا نبقاو هاكا بلا زواج انا فلحقيقة مسلكانييي نبقااا ديال راسي 
خنزرات فيه وضرباتووو ومشااات نايضة جيهت لكونة دياال رؤية
بديعة:زهواني لاخر 
فهد:صراحة باغي نجمع راسي 
بديعة:لله يمسخك بعد منييي
ناااض قرب وعنقهاااا من لووور 
فهد :بغييت غيييير نكوون معاااك وصااف مكيهمنييي والووو 
بديعة:انا غندير لعملية معمرني نقدر نكون أم 
فهد:مكيهمنيش واش نتي غتكوني فحياتي اذا مبغيت والوووو غير تبقاي معايااا 
عنقاتووو مزيرة علييييه سمعو رؤية كتغيبن وهزوهااا بيناتهم 
فهد:شوفي لولاد سبقناهم 
بدااات كضحك فرحاااانة برؤية وخا غتحرم مهم لله عوضهااا...
فهد:ليوم نتزوجووو والعرس بعد ما تصحييي شنو باليييك 
بديعة هبطات عويناتهااا وبان عليها الحزن 
بديعة:انا كنت واعدت ماما نبقى بعيدة عليييك معرفتش شنو نقول ليهاا 
فهد:كولشي غيتحل انا معاك ....
عند سلطانة 
فاااقت لقات راسهاااا فالسرير بوحدهااا قلبهاااا مشاااا وجاااا وبدااات كتبكييي ناضت طااافجة كتقلب فلكووونة والوووو مكااااينش اوس 
سلطانة:لا ميمكنش دااااه ولدييي 
خرجااات كتجرييي رجليهااا مهازينهاااش وقفااات مصدومة كتشوف فيه ناعس فوق لفطوووي ولولد فووق صدرووو ناعس بسولوبيط مكيمش فوقوو بتاسماااات وهي كتشووف منظرهم لكااان كيووووت ...هبطوو دموعهاااا لي على سبة مسحاااتهم ...ورجعاااات لبييييت لبسااات عليها واحد لكسيوة طويلة سامبل دياال الدااار هزات لبطانية ورجعااات غطاااتهم تحنااات لمستوى ديال أوس باستووو .....بغات تحيد وهي تحس بيد شداتهااا تلافتاات جاات عينوو ...فعينييهااا ....
ذياب:ليوم غترجعو معاياا
سلطانة:مبغيتش ...
خلاتووو ومشااات لكوزييينة دموعهااا مبغاااوش ...يحبسووو محساااات بيييه
الا وراهااا زاديهاااا مع لبوطاجي محاوطها بجسمووو الضخم ....نطق بجدية ونبرة أمر
ذياب:غترجعووو معايااا ماخلينيش نبدل اسلوب معاملتي 
سلطانة:زعما يلاه غتعامل معايا بهاذ الطريقة من نهار عرفتك ونتا اناني وكدير غير لبغيتي 
هز حجبانووو بعجرفة ونطق
ذياب:اوا سطري على كندير غيييير لبغيييت يعني بزز ولا بلخاطر وجدي حواجكم غتمشييييو ...
سلطانة:انا مغنرجعش معاااك 
ذياب:اه صاااف اذن وجدي حوايج ...
سكت للحظة معرفش سميتوو كفاااش نسااا يعرف ...شافت فيه ببتسامة سخرية 
سلطانة :أوس سميتووو أوس وولدي مغيتفرقش عليااا واش فهمتييي 
نطق من بين سنااانووو مورك على كل حرف
ذياب:ولدنا ولدنااا
سلطانة:انااا غنعيش انا وولديييي ممحتاجيينش ليييك 
ذياب ضرب على لبوطاجييي بيدووو تاقفزااات 
ذياب:تهزي غنمشيو فهمتييي مفهمتيهاش غنفهمها لييييك بطريقتييي
سلطانة:مبغيييتش 
شدها من يديهاااا دخل بيهااا لبييييت 
ذياب:لبسي عليك شي حاجة 
سلطانة واقفة جامدة مبغاااش تحرك ولا تخضع لهظرتووو ...
ذياب بان ليه لبلاكااار هز ليهاا جلابة لقاها معلقة رجع لعندهااا لبسهااا بزز 
داز لعند أوس هزو بين يديها شاف يمين وشمال بانت ليييه بطانية صغيورة دياالووو...قادووو فيييهااا ...
سلطانة:اشنوو كدير حطوو خاص يبدل 
ذياب:تهزي بدلي ليييه ومتزيديش تجعريني 
خداتو عندووو بدلات ليه وعطراتوو عاد تنهداات مبغااش تمشي معاه وتعيييش نفس التجربة ....
ذياب هزووو وسبقهاااا هاااابط 
سلطانة:حوايجي 
ذياب:مغتحتاجيييهمش
هبط وتبعاتووو كثعثر فجلايلهاااا ....ذيااب كان واقف حدااا لمووبل... هازووو فيديييه ....
شوية بدااا كيشووف فطموبييييل لي وقفااات بعيدة غير بمسافة قليلة ...خرجووو عينييييه ورجع دخل لموبل جرهاااا دخلاااات قبل مبتس لباااب بداااا إطلااااق الرصااااص ناااازل بحاااال الشتااااا
سلطانة:ااااه 
غوتات خشاهااااا فييييه هي وأوس وصوووت االقرطاااااس فكل بلاصة....
سلطانة نطقاات وهي كلهااا كتقفقف ...

سلطانة:انا خاايفة
زاد ضامهاااا لعندوو مزير عليهااا ...بكل يدووو هي وولدوو 
ذياب:انا معاااك مغيوقع والووو 
زات زيرااات عليييه وصوت القرطاااس موقف غييير مزاااد علاااا ....ذياب مبغاش يبقاااا بلمااا يدييير والووو ...
ذياب:بقاااو هنا متخرجوووش 
شدات ليه فلكووول خايفة 
سلطانة:لا متخلينيييش كنترجاااك 
ذياب جمع وجهااا بين يدووو ونطق بنبرة مطمئنة
ذياب:انا هنااا متخافيييش....
حل لباب بانووو ليييه حتى رجالووو دغيااا مشااا لطموبيلتوو جبد السلااااح 
وبدااا كيتعاطى معااااهم ....
فبلاصة ماشي بعيييدة كان فأحد السطوووح قناااص داير سماعة لبلوثوث ...وشاد سلاح فيديييه ...وموجهووو لعند ذياااب...جيييهت صدرووو كيشووف فييه من زووم 
القناص:يلاه يلاه.....
غير تقاد ليييه وهوا يصوب..عليييه..... علييييه ...ذياب تضرب ختل توازنووو
رجليه مبقاااوش هازينووو لحظة وقف اطلاق الرصاااص ولبقاو حييين من الهاجمين هربووو ...ولخرين طايحييين
عمر بان ليه ذياب ....قرب ليييه 
عمر:سي ذيااب 
ذياب كان واقف غير بزز عاض فالصبر شد فالحييييط وطاااح حدااااه 
كانت كلهااا كتقفقف وتسناااه يرجع لعندهااا...أوس بدااا يبكييي ...
سلطانة:شش متخااافش انا هنااا متخاافش...
نتابهااات لصووت مبقاااش ...وهي تشجع بعد تردد كبيييير حلات لباب ..كان الصمت سيد الموقف خرجات راسهااا وهي التصدم ....من المنظر دياالوووو ....
سلطااانةةة قرباااات ليييييه ووطاحت على ركابيهااا حداااه وهوا غااارق فدمووو
جسد بلا أي حركة كانووو رجالووو دايرييين بيييه . ولفرادة فيديييهم عمر كينهج خااايف من ان الهجوم يتعاود فهاذ لحظة..سلطانةمصدومة معارفااش اش الدير أوس بين يديهاااا مزيرة علييييه والخوف باين فملامح وجهاااا ...ووو .الدموع محجرييين فعينيهااا.... مدات يديهااا كتحركهااا..فوقووو ....
سلطانة:لا فييق فييق فيييق مديرش هاكااا فيييق فييق يلاااه فيييق كنترجااك فيييق
عمر:مدام خاصنا نتحركوو 
سلطانة:هوا مغيوقع ليييه والوو يااك 
عمر: كنتمنى 

دغياااا تجمعووو طموبيلاااات تعاونووو هزوووه وحطوه فطموبيل عمر لساااق بيهم ...سلطانة كانت كالسة حداااه معارفاااش اش غدييير غييير كتبكييي وهي معنقة ولدهااا...وشادة لذياب فيدوو....
عمر هز تيليي 
عمر:الو سي أركان ...سي ذياب هجمو عليييه ...راه مضرووب ...معرفتش حنا فطريقنا لكلينيييك ...
دقائق كانووو فلكلينييييك هبطوو لقاااوهم موجديييين الناقلة حدااا لبااب هزوووه كانت يدووو باااقييي مزيرة على يد سلطااانة لتابعاااهم وأوس فيديييهاااا كيبكيييي...
الطبيب:نزف بزاااف وجدوو لبلووك 
سلطانة:مغيوقع ليييه والووو ياااك 
الطبيب:غنديرو جهدناااا...
مشااا من حداهاااا هي تزدات مع الحيط وهبطااات كلساااات كتبكي ومعنقة ولدهااا...
دقااائق دخلاااات سعاد كتجري من بعد معيطااات لييييهاااا ....
سعاد:شنوو واااقع 
سلطانة جاوباتهاااا بصوت باااكييي
سلطانة:هوا مغيمووتش ياااك مغيوقع لييييه والووو هوااا غيعييش
سعاد:اه متخافييش تهدنييي شنووو وقع
سلطانة:دي أوس لدااار عندكم انا خاصنييي نبقااا معاااه 
سعاااد:مغتحتاجينيييش 
سلطانة:لا غير تهلاي فأوس
سعاد:متحتاجيييش توصينييي غيير ردي لبال لراااسك ...
فبلاصة اخرااا 
روسيا 
فديبووو كبيييير كاااان كااالس بكل هيبتووو...وقفووو عليه جووووج من رجااالوووو 
روسيف:كولشي هوا هاذااااك 
الرجااال وماااو لييييه بالإييييجاااب وقرب ليه واحد فييييهم وراااه فيديووو فييييه ذياااب فاش تضرب وطااااح بتااااسم بشر ونااااض قرب لطبيلة فيهاااا لعبة شطرنج وهز بيدق أسود كان ديال الملك طيح بيه اخر بيدق أبيض ...ونطق بخبث
روسيف:كش ملك وسلات مسيرة الذئب
رجع لبلاصتوو كلس بكل راحة حتى تم دااااخل بحاااال لعجااااجة كيشوووف فيه بكل حقد ...بعينييه لكانووو بلون السماااا قرب لييييه ضربووو بوووكس 
وشنق عليييييه شي لخلااا ...رجال روسيف يوجهووو سلاحهم ..فتجاااهووو..روسيف شار ليهم يحطوووو أسلحتهم ويخرجووو 
نطق بعصبية 
...نتاااا علاااش درتي هااادشييي مكااانش هاكاااا اتفاقناااا

روسيييف نتر لييييه يدووو من لكول ديااالووو ونطق وهوا متاااجه لجييييهت لميني باااار ...
روسييف:شنوو لمكانش إتفاقناااا ياك كان إتفاقنااا نهييييو عصابة ذئاب شيكاغو شنووو لمخلييييك معصب...
شاااف فيييه وزاد حقد 
...روسيف عااارف بلي كنت تافقت معاااك ولاكين الإتفاااق سلا نهار مااات خويااا ...نهار قتلتييييه بلما تشاااور معايااا ...
شاف فيه ونطق بسخرية
روسيف:خوووك اووووه ياااك كنتي كتقوول بلي مكتحملووووش ومن ديمة كان كيدخل فحيااااتك ليون متكذبش على راااسك كنتي مجرد لعبة فيد ألفونسوو 
ليوون:كنت بغيييت غييير نهي مسيرتوو فالعالم السفلي مكنتش باغيه يموووت وهادشي داز عليييه سينييين
كنظن صااافي خاصك تحبس
روسيف:ياااك اوا مسلاتش هاذ المسيرة بحتى موت الفونسووو حيييت ولدووو كملهااا وولا كثر منوووو ومحتلكر السووق السوداء فوجهناااا ...
ليون:روسيف اتفاقنا سلا شحال هاذي بعد من عائلتييي حسن ليييك 
روسيف:أل كابوني كان عندهم الحق ملييي نفااااوك منهم نتا متستاهلش تكووون منهم 
ليوون خنزر فييييه وخرج ...كان فلخمسيناااات فعمرووو ولاكيييين مكتبااانش فييييه بفعل ريااااضة ...ركب رنج ديالوووو وكسيراااا مخليييي لعجااااج مورااااه طووول الطرييييق والفكرة ديااال انه يرجع لمغرب كدووور فعقلوووو ولاكييين بأي وجه الا تعرفااات الحقيقة مغيشوفوش فيه حتى الشوووفة....
نرجعووو لمغرب 
فيلا ال كابوني 
كاانت كااالسة ...كيييف عادتهاااا ملي مكيكونوووش عندهاااا نشاطاااات جتماااعية كتكلس تقراااا كتوبتهاااا ...
حطااات يديهااا على صدرهااا كتحسسووو حاسة براسهاااا مخنوووقة 
نورا:ياربي تجعلوو خييير 
عند سلطانة 
كاااانت باقاااا على وضعيتهاااا....ساااهية وغييييير كتفكر حتى تحطاااات على ...كتفهاااا يد فيقاتهااا من سهوتهاااا

كانت ساهية ودمووع فعينيييهاااا تحطااات يد على كتفهااا شي لخلاهااا تفيييق من سهوتهاااا...هزات راسهااا كان أمييير عاونهاااا توقف 
أمير:نتي بخير عرفت بلي وقع هجوم قدام لموبل ...اش وااقع 
سلطانة عينيهااا جحظوو بلبكااا بلعاات ريقهااا ...وبدااات كتبكييي...
أمير:واش وقعات لييك شي حاجة 
سلطانة:هوا تضرب برصاااص ...
أمير:واش ذياب 
سلطانة حركات راسهااا بالإيجاااب 
أمير:نتي مخاصكش تبكييي عليييه واش شفتي كيفاااش عاملك لباارح 
سلطانة غييير حادرة راسهااا حتى بااانت لييييها الممرضة خارجة كتجري 
سلطانة:ذياب ذيااب 
مشاااات كتجري جيييهت لبلوووك وقفااات حداااا لباااب كان واحد الجزء منووو دائري كيخلي مجال لرؤية طلات منووو كان كيبااان ليييهااا ممدد لونووو شااااحب وتيووو ديال الأوكسيجييين ففمووو حطااات يديهااا على الزاااج كتبكيييي 
سلطانة:قاااوم كنترجااااك قااااوم ... 
رجعااات الممرضة فيدييهااا أكيااس ديااال الدم ...دخلاااات وسلطااانة بقااات ...واقفة كتسنى خبر منعندهم وأمير قريب لييييهاااا...
فبلاصة اخرااا
وقفااات بطموبيلتهاااا...هبطاااات ووقفااات كتشووووف فالشركة لكان حلمهاااا تولي عندهاااا بحالهااااا 
أفنان طولات فييييهااا الشوفة...
أفنان:أفنان موود مبقاااا والوووو وتولي ديالي ....حتى لماركة غنسميها بسميتي غنعيش لراسي ..ممحتاجة تاحد 
فهاذ الأثنااااء كاااان جاااي فطموبيييل هز تليفونووو لكان كيصونيييي لييييه
تحنى هزوو فقد السيطرة وهوا يخرج ليهاا ..فطموبيلتهااا ....دااارت معصبة كتشوووف فيييه وهي تقرب ضربات قدام ديال طموبيلتووو بيديييهاااا كتعبر على العصبية ديالهاااا 
أفنان:واااش مكتشووووفش سير عند الطبيييب ديال لعينين....

مااللك واااش مكتشوووفش
نطقاااتهاااا وهي كضرب ليه على قدااام الطموووبيييل 
هبط منهاااا شاااب حيد النظاظر وشاااف فيييهاااا بغروووور ....
....وصااافي مشفناكش بغيتي تصاوبيهاااا 
جبد بزطامووو هز لفلوس وقرب حطهوووم ليهاااا فيدييييهاااا هي تعصبااات وضرباتوووو بيييييهم 
أفنان:خليهم ليييك باااش تقدر تخلص الطبيب ديال لعينييين
دارت غادية شوية وهي توسع عينيييهاااا ....تفكراااات وجهووو وهي تعض على لسانهااااا
دارت بزربة لقاااتوووو دار بغا يطلع لطموبيلتوووو ....
أفنان:هيييه كنقصد ميسيو جبران ياااك
جبران دار لعندهاااا وقرب ليهااا 
جبران:وأخيرا شي حد كيعرفني فهاذ لبلاد 
للحظة تحولات لبنيتة صغير وقف خداها شي حد من الرسوم المتحركة لكتبغي نطقااات بلهفة
افنان:اه ومتبعاااك كنحماااق على تصاميم ديال وكنت كنحضر مع مامي لكاع لشووو ديااالك وحتى اني كناخد من التصاميم ديااالك 
جبران:سو اول فان ديالي زوييينة 
بتاسمااات لييييه وهوا غييير ساهي فوجهااااا 

....
دازووو ساعااات وهي باقية على حالتهاااا مرة تكلس مرة توقف خرج الطبيييب ناضت عندووو قاااافزة وبدات علييه بالأسئلة
سلطانة:هوا بخيير يااك موقع ليييه والووو
الطبيب:غير تهدنيي ستقرااات الحالة ديالووو بعد جهد كبييير خصوصاا والطلقة كانت قريييبة لقلبووو ...ولاكين قدرنا نعتقوووه 
سلطانة عاااد تنفساااات وطلقااات العنان لدموعهاااا معارفاش واش كتبكي من خوفها ولا من فرحتهااااا مهم هاذي انسب طريقة لتعبر عليييهااا على المشاعر لعندهاااا فقلبهاااا...
سلطانة:الحمد لله الحمد لله 
خرجوووه من لبلووووك غاديييين بيييه 
بغااات التبعوووو حتى جرهااا أمييير 
أمير:اشنوو كديري
سلطانة:بغيت نشوفووو ...
أمير:هاذا بابات ولدك يااااك 
سلطانة حدرات راسهااا ....ونطقات 
سلطانة:اه ..هوااا...
أمير:كان غياخدووو لييييك 
سلطانة غير ساكتة وهظرتووو كدخل لعقلهاااا
أمير:هاذي هي الفرصة ديالك باااش تهربي نتي وولدك ....ستاغليهاااا حيت اكيد مناويش على لخيييير وغيحرمك من ولدك وتقدري متبقاااايش تشوفيه
سلطانة:لا ميديرهاش ...
أمير:شفتيه كيفاش تعامل معاك لبااارح وكتقولي ميديرهاااش انا نتوقع اي حاحة من واحد بحالووو 
سلطانة هظرتووو شوشااات عليها وفكرة انه يبعدها على ولدهاااا بداااات كتغلغل فعقلهاااااا 
سلطانة:شنوو ندييير 
أمير:انا غنعاونك .....
حط يدووو على يدهاااا شافت فييييه وهي حااايرة ولاكييين هظرتووو بداا كتشد فيييهاااا...

داااز لوقت كانت كالسة حداه فلغرفة 
كاتشووف فييه هظرة اميييير كلهاااااا ترسخاااات فعقلهااااا مقادرااااش تخرجهاااااا او بالأحرى تيقاتهاااا ولات هاجس بنسبة ليهاااا...ناضت قربااات وكلسات جنبوو 
سلطانة:واش بصااااح غتحرمني من ولدي انا راه منقدرش نعيش بلا بيه الا غتاخدو ليا انا غنموووت ....سمحليااا عارفاااك غتقلق ولاكين انا منقدرش نكمل حياتي لا خديتي ليااا ولدي ...سمحلياااا....
قربات باستوووو على راسوووو ....كانت قريبة لوجهووو قلبهاااا كيخفق هاهي مرة اخرااا غتبعد علييييه ....زيرات على عينيهاااا حتى هبطاااات دمعتهااااا فووق خدوووو 
وخرجاااات موقفااات حتى لبراااا لكلينيييك وطلقات لعنان لدموعهااااا كتبكييي بحرقة ....
سلطانة:اااه عييييييت عيييييت علااااش علاااااش 
وقفاااات طاكسييييي وطلعااااات حطات راسها على الزاجة سااااهييية ....دقائق كااانت حداااا دااار هنية هبطاااات ودخلااااات شافتهاااا سعاد وهي تنوض عندهااااا...
سعاد:هوا بخيييير 
سلطانة:خاصني نرجع لمراااكش ليوم قبل غداااا
سعاد:اش وقع وذياب 
سلطانة:غاياخد ليااااا ولديييي خاصنييي نبعد 
عنقاااتهاااااا مزيرة عليها كتنخصصص وانا منقدرش نعيش بلا ولدييييي نموووت بلا بييييه 
سعاد:اش غنقوول لييييك ديري لرتاحيتي فييييييه 
ڤيلا آل كابوني
كانت مع رؤية فالجردة كالسييييين قرب فهد لييييهم وكاس 
فهد:بناتيييي 
بديعة:ههه لا ماشي تال هاذ الدرجة 
فهد:لا تال لهاذ الدرجة المغيارة....
بديعة حدرااات راسهااااا خايفة شد فيهااا فهد ونطق
فهد:مالك 
بديعة:خايفة 
فهد:معندك مناااش تخااافيييي ....اوبيغاسيون ديال سويعات قلاااال ونرجعوووو لبلاد نعيشوووو حياتناااا
بديعة:اول مرة نخلي رؤية كل هاذ لوقت غنتوحشهاااا
فهد:تانا غنتوحش خنفوستييييي

كانت فبيتهااااا فاش تلاقاااات 
مع المصمم المفضل ليهاااا فرحااات ونسااات شوية كانت كتسوووف فسيلفي ديالهااااا معاااه وهي تحطهاااا فالأنسطاااا كاع لعندها وكيعرفوووه خصوصا لبنااات حييييت كيلبسووو من لي كوليكسيون ديالوووو 
افنان:اععع ممتيقاااش صدق ظريف هاذ جبرااان 
كانووو يكمونطييو وترد علييييهم نسااات راسهاااا ونساااات همهااااا.....
فبلاصة اخرااا.
.....
كان كااالس فبيتووو تبدلووو بزاااف ديااااال لحوااايج خدااا شقة صغيرة قرييييبة لمقر ديااال السرطاااان فييين كتعاااالج قرباااات دخلاااات عليييه مووو وكلسااات 
كمال:لميمة مزال منعستي
نعيمة:مزال اوليدي هانتا تشووف هاذ الشيمي قتلني 
كمال باس على راسهااااا 
كمال:غير صبري اميمتي تبرااااي وترحع لك صحتك رااه شحال من واحد تعالج بيييه 
نعيمة:لله يكثر خيير سي منصور 
كمال :اه خيرووو سااابق 
بتاسم وهواااا كيسترجع احداااث هاذ السنة بنسبة ليييييه 
كااان غاااادييييي بالمطووور دياالوووو
حتى كتباااان ليييييه طموبييييل 
فاقدة السيطرة ديالهاااا ودخلااات فالشجرة دغياااا داررر ومشى جيييهتهااا....حل لباااب لقااااا سي منصوور راسووو فووق لفولووون وفاقد الوعيييي ....حولوووو من بلاصتووو ...لبلاصة لاخراااا....وطلع ...جرب يديماريييي والووو مبغااااتش هبط وهز سي منصوور حطووو فوووق المطووور وطلع كسيرااا سايق بيد ويد شاااد بيهااا منصوووور باش ميطيييحش 
فااق من سهوتووو ملي 
صوناااا تليفونوووو....
كان اميييين جااااوب 
كمال:اشبغيتي فهاذ ليل
امين:عشيرتك لقديمة ولا عندها لجديد
كمال:شنووو 
أمين:دخل لأنسطا ديال بنت لفشووش
قطع علييييه ودغيااا دخل لكونطها لكان باقي عندووو ...وشاااف تصويرتهااا لمع جبراان ....دغيااا تبدل لونووو وعقد حجبانووو معاجبوووو حاااال 
عند سلطانة
كانت فلبيييت ناعسة وفجنبهاااا أوس
مرة مرة تهز يدووو تبوسهااا ....مدات يديهاااا ...هزات التيليييي دوزات لابيييل ....
سلطانة:سي أمير محتاجاك تعاونييي

الصبااااااح ....فااااقت بكريييي خرجااات مشاااات لداااار هزات كاع حوايجهاااا وحواااايج أوس عاااد رجعااات لدار سعاااد لقاتهاااا موجدة لفطووور ...كلسااات 
سعاد:متاأكدة من هادشييي راني غير خايفة هادشي يرجع بندامة 
سلطانة:بزز علياااا خاصني نمشي باش منتفرقش على ولدي 
سعاد:غير فكري كون بغا يدي لولد غيديه فاش لقاك ماشي يبات معاك ويتسناك حتال لصباح بليل يهزووو متعرفي أرضووو فين 
سلطانة:معرفتش يمكن اه ولاكيين مغنبقاااش نتسنى حتى ياخدووو منيييي خاصني نمشي 
سعاد:انا غير قلت اوس راه بدلت ليييه رضعيه قبل ماتخرجييي اجي نمشي معاك لمحطة
سلطانة:لا سي أمير غيعاونييي 
سعاد:وسي أمير اش دخلوو فهادشي 
سلطانة:هوا بغااا يعاونيييي ..
سعاد:ومعرفت مهم كولي كولي ....
داكشي لكاااان كلاااات وناااضت عيط ليها أمير خبرهاااا بلي الطموبييييل ...كتسناهاااا ....خرجااات توادعااات هي وسعاد وركباااات فالطموبييييل ....
فيلا ال كابوني 
خرجوو من الفيلاااا الطموبيل كتسنااااهم ....
نورا:كولشي غيدووز مزييياااان أزمة وغدوز 
عنقاتهااا بديعة ودموعهاااا نزلووو 
نورا:متبكيييش 
فهد:انا هظرت مع ماماك ووجدت ليها وراقها راه كتسنانا حتى هي 
بديعة:غتمشي معاناااا
نورا:راهاااا ماماك ...اكيد مغتقدرش تبقااا هنااااة
بديعة بتاسماااات وركبوووو مكسيريين فتجاااه الدار ديال بديعة .....
عند سلطانة 
دقائق وقفااات الطموبييييل قدااااام 
فيلا ديال أمير سلطانة بستغراااب كانت كتنتاظر يوصلهااا لمحطة ....هبطاااات شادة اوس فيديييهاااا 
لقااات أمير واااقف ومعاااه لؤي جاااا كيجري عندهاااا معنقهاااا مفهمااات والووو 
سلطانة:لاباااس عليييييك 
لؤي:اه لاباالس توحشتك اماما..لعبااات ليييه بشعروووو 
سلطانة:حتى اناااا
أمير قرب ليهاااا ونطق
أمير:فكرت لباارح الا بقيتي بوحدك فاي بلاصة غيلقااااك سوو من الأحسن تبقاي هنا نتي وولدك مغيوصلش ليييك 

سلطانة:ولاميين كنت غنمشي لمراااكش 
أنير:غتبقااااي هنا مؤقتا ندير ليك وراقك نتي وولدك ونسيفطكم برااا لبلاد هاكا معمرو يلقااااك 
سلطانة:وااش كتهظر بصاااح 
أمير:اه اكيد لقبلتييي 
سلطانة:اه بغيييييت 
واقفت بلهفة بغااات غيييير تبعد منووو 
دخلااات لفيلااا لقاااات الخدامة كتسناهاااا 
أمير:ديو لمياء ترتاح 
سلطانة شافت فيييه وبتاسمات لمياء يميت مراتووو ومن نهار قبلات انها تعرف على ولدووو ولا كيعيط ليهاااا بسمتهاااا قداموووو 
لؤي:ماما اجي نورييييك بييت بابا وبيتك ...جرهاااا غادييي بيهااا وهي دايرة ليييه الخااااطر واخا معندها خاطر
سلطانة:غير بشوية 
لؤي:ولااا سربييي اماما سربييي 
عند افنان 
خرجااات غادية فطموبيييلتهااااا حتى كتعتارض طريقهاااا طموبيييل اخرااا 
وقفاااات وهبطاااات جاااااعرة يلاااه غتبداااا تسب وهوا يبااان لييييهاااا هبط صطانعااات القوة واخااا فلداخل ديالهاااا كانت ضعيفة...كمال قرب وعينيه بحاااال الجمر ....قرب لييييهااا جرهاااا من يديهاااا 
أفنان:طلق طلق منييييي طلق
كمال:زيدي بلما تجعريني نصدق مخلط مك هناااا 
أفنان:بعد اش بغيتي منييي سكون نتا وفييين كنعرفك ....
كمال:قرييييب غتعرفينيييي 
زدحهاااا مع طموبيلتوووو ونطق وهوا كيغزز سنانوووو....
كمال:شكون هواااا 
افنان فهماااات لبلااااان ودايرة فيهاااا بتاسمااااات ونطقات بنبرة استفزااااز 
افنان:اه هاذاك راجل لكنبغي ولغنكمل معاه حياتي 
كمال زاااد جعر ولا كيغلييييي 
كمال:واخاااا مزيااااان انا غنكمل ليكم حياااتكم بجوووج 
حل لباااب دفعهااااا وطلع مكسيريييي وهي كتنتر وتضرب فيييييه 

دازووو يوماااين وهي عندهم فالدااار حاسة براسها غريبة منغير ولدها ولؤي بلطافتووو وبرائتووو كيفاجيييو علييييهاااا...جا عندهاااا لؤي يلااااه دخل من المدرسة جاي كيجري عنقهاااا
سلطانة:شش اوس ناعس
لؤي:شوفي اش رسمت 
شدات عندووو رسمتووو شافتهاااا وبتاسماااات كلساااات وجابتووو لعندهاااا 
لؤي:هاذا بابا وهاذي نتي وهاذا انا وهاذااا اوس وكلنا عائلة زويييينة....
دخل علييييهم مبتاسم شافت فيه وبتاسمات 
لؤي:بابا ممكن نخرجو انا وياك وماما واوس
أمير:الا بغااات ماماك 
سلطانة:ولاكييين 
أمير:متخافيش منديك الحيهة انا واخد أحتياطاتيييي معندك مناااش تخافييي 
سلطانة:واخااا
لؤي:يااااااي 
سلطانة:اجييييي نبدل لييييك
مشااات معااااه يبدل وامير متبع ليييهم العيييين وبتاسمة على وجهوووو...
فلكلينييييك 
كااان جاااعر وهوا كيسمع خبارهاااا من عمر لكااان مراقبهاااا وكولشيييي داااز على عينييييه 
ذياااب مزير على القبضة ديااالووو وعينييييه جمر ....دوز ليها لمرة لولة والثانية مغاديييش يدوزهاااا بالساااااهل نطق وهوا ضاغط على كل حرف نطقوووو
ذياب:جنيتي على راسم نتي لبغيتي هادشي البرهوشة

كان رقم معرفاتوووش رغم ذالك جاوبااات ....
افنان:الو وي ....
المتصل:المعجبة ديالي سافا عليييك 
افنان:اش هاذ لوقاحة باش كتهظر
المتصل:ولاكين نتي لقلتي بلي معجبة بيا اولا 
افنان:شنو كتخربق وامتى قلت هادشي 
المتصل:نهار ضربت ليك الطموبيييل 
افنان عقدااات حواجبهاااا كتفكر وهي توسع عينيه فاش تفكرااات جبران 
افنان:جبران 
جبران:هوااا سافااا 
افنان:وي الحمد لله منين جبتي الرقم ديالي ممكن نعرف 
جبران:مكنعرفش نصمم غير لحوايج عندي مهاراات اخرييين 
افنان:اممم 
جبران:مهم عيطت بغيت نقتارح عليك قتراح 
افنان:لي هواااا
جبران:حتى نتي مصممة يااااك
افنان:هاوية وقاريت التصمييييم وكنوجد مجموعتيييي 
جبران:اه مزيان اوا قتراحي هوا اسبوع الموضة فباريس نقدر نقدمك لييهم وتعرضي اول مجموعة لييييك 
افنان:كضحك 
جبران:لا مع بصاااح شفت تصاميمك فالأنسطا وعجبوني ويمكن تستخدمي لاتولي ديالي 
ناضت ممصدقاااش شنوووو سمعات
افنان:ولله معرفت
جبران:نديروو كافي ونشرح لييييك...
افنان:واخاااا 
فبلاصة اخراااا 
كانت بلباااس المرضى فهد حداهاااا وهي متوترة 
بديعة:خايفة بزاااف 
فهد:متخااافيييش دغيااا غادوووز 
ربيعة هازة تسبييييح وكتدعييي هازة كفوفهاااا لخلقهااااا 
بديعة:ماما..قربي لهناااا
ربيعة:غير خلينيييي ابنتي رااني مخلوعة كثر منك خليني ندعي علله ربي يسمع مني 
دخلات الطبيبة ....لي كانت مغربية بتاسمات 
الطبيبة:مريضة ديالنا واجدة
بديعة:خايفة 
الطبيبة:ممكن تخليييوناااا ....
فهد:كاين شي موشكيييل 
الطبيبة:نو اوبيغاسيون ساهلة مكاينش لاش تاخفووو غير عندي هظرة مع المريضة دياليييي 
فهد خرج هوااا وربييييعة وطبيبة كلسااات وكتششوووف فبديعة 
بديعة:كاين شي موشكيل
الطبيبة:لا لبغيت نقوول ان المبيض ديالك فيه الورم غنستأصلوووو ولاكين لاخر يمكن الورم يمشي غير بدوااا حيت فلبداية ديالووو والا بقا عندك مبيض واحد عندك أمل تولدي ....
بديعة بقااات غيييير ساااكتة وكتبتاسم 
بديعة:يعني كاين أمل
الطبيبة:اه كاااين 

الطبيبة:كاين امل يبرا المبيض وينتج مرة اخرااا وتحملييي كان شي
بديعة:كنتمنى دكتورة ممكن هادشي يبقااا بيناتناااا 
الطبيبة:اكيد ....يلاه نخليك شوية غيجيو عندك باش نبداو العملية 
بديعة:واخاااا 
خرجااات مخليا بديعة نور الأمل رجع ضوا حياتهاااا ببتسامة ...
دخل فهد 
فهد:شنو قاالت ليييك 
بديعة :لا والووو غييير شرحات ليا كفاش نتبع دوااا من بعد العملية 
فهد:اام مزيااان 
بديعة:اجييي عنديييي 
فهد قرب وهي تعنقووو مزيرة علييييه
عند افنااااان 
تقاداااات وخرجاااات لقات نورااا كتسناهااا
نوراا:فين بسلامة 
افنان:غير نبدل الجو
نوراا:نمشييييو بجوووج 
افنان:انا خارجة مع لبنااات وصاااف 
نوراا:اممم مزيان سيري 
افنان باستهاااا على خدهاااا ...وخرجااااات ....هزات طموبيل وكسيرات غير هي مشااات وتبعاتهاااا طموبيييل اخرااااا.....

عند سلطاااانة 
كانت فالجردة واقفة.... ساهية فتفكيرهاااا ....حتى وقف حداهاااا 
أمير:نتي بخييير 
سلطانة لا رد غير ومات ليه بالإيجاااب 
امير:متأكدة 
سلطانة:لا ماشي بخييير هاذ السكات ديال ذياب مغيدوووزش هاكا راني كنعرفووو هاذاا غييير هدوء قبل العاصفة 
أمير:كتخافي منوووو مكاينش لاش تخافي انا معاك 
سلطانة:مبغيتش ندخلك فلمشاكل معاااه 
مد يدوو حطهااا على كتفهاااا 
أمير:انا معااااك 
سلطانة:عييييت مكنتش باغيا هادشي يوقع ولاكيين خاااايفة ياخد مني ولدي ويحرمنييي منووو ....
أمير:كنتوقع اي حاجة من واحد بحالووو 
سلطانة تنهداااات ودموعهاا نزلوووو مد يدووو مسحهوووم لييييهاااا... فهاذ لحظة تسمع صوووت الرصاااااص ....
داااارووو فنفس الوقت كيشوفوو نصدر ديال الصوت وهي توسع عينيييهااا بخوف ملي بان ليهاااا واقف بحال ملك الموت ....وعينيه فيهم نظرة شر ..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.