حبك جهنم ثلوج الجزء 12

من تأليف Ikram Pancholi
2020

محتوى القصة

رواية حبك جهنم ثلوج

كان واقف مستقيم بملامح جامدة و ايديه فجيابو كيطلع و اهبط فيها
سلمى بلعات ريقها و وجها رجع حمر خايفة اكون سمع كلامهم : ههه يله كنت انخرج دابا 
أمجاد مسح على راسو كيتنهد تنهيدة فشكل عاد نطق و خرج سابقها : تبعينيي 
سلمى تخلعات من برودة تصرفاتو : ياربي ميكون سمع والو .. تشوهت 
بغات ترجع تقولها لثلوج و لكن خافت التعطل عليه و تعميها ديال بصح .. داكشي علاش وكلات أمرها لله و خرجات تبعاه كتطلب الله تكون وقعات شي معجزة و مسمع والو 
أمجاد موقف بخطواتو حتى لعند طموبيلتو عاد تكا عليها موسد ايديه و حاط راسو علييهم كيتنهد بعمق 
سلمى قربات لعندو كتفرك فإيديها : أمجاد بغيتيني فشي حاجة ؟ 
أمجاد عض فمو من لداخل و دار لعندها بملامح جامدة : كنسمعك 
سلمى بإستفهام : ههه مفهمتش 
أمجاد : شنو كنتي كتقولي نتي و هادييك ..
جمع ايدو على شكل قبضة خايف اتهور .. حتى كالما راسو و رجع نطق : بغيت نسمع كلشي بلاما نصعر عليك اسلمى
سلمى بكترت ما بلعات ريقها داخت : أمجاد مفهم...
قاطعها بحدة مزير على سنانو : قلت كنسسمعك .. يله هدريي 
سلمى حدرات راسها و بدات كتعاود ليه من الأول حتى الأخير 
أمجاد ببرودة : منسيتي والو ؟
سلمى حشمانة من راسها : والو 
أمجاد : سلمى نجيك من لخر إلا ربطت راسي بييك غادي تكون غا على قبل النعاس .. تبغيي هادشي ؟ 
خرجات عينيها مصدومة من كلامو : ك كك كيفااش 
أمجاد : خوي راسك من هادشيي و ديها فخدمتك حتى يجي الراجل لي استاهلك 
سلمى : سمح ليا .. انا غا حيت قلت مع راسيي زواجكم مغاديش انجح بغيت ...
قاطعها ببرودة : زواجي بيني و بين مراتيي .. تقدري تمشي دابا 
سلمى : صراحة حشمانة من راسيي .. كنتمنى متحقدش عليا 
دور وجهو لجيهة لخرى كيعض ففمو من لداخل : قلت تقدري تمشي دابا 
حدرات سلمى راسها و مشات كتلعن فالمجية لي جات خلاتو متكي على الطموبيل ساهي و كيشوف فنقطة وحدة .. معبر بحتى حركة على احاسيسو بقا غا على داك لحال حتى ساط و ركب مكسيري على حد السرعة .. مبقاش كيقشع قدامو غا غادي نسا حتى فين كان ناوي امشي .. كان كيترعد و هو كيسوق و مرة مرة كتزورو الضبابة على عينيه حتى وقف جنب الطريق كيرجع أنفاسو عاد رتاح شوية و رجع راسو للور متكي على لكوسان كيتنهد بعمق .. مزال كلامها لاصق فبالو .. كل حرف نطقات بييه جرحو فقلبو واخة معبرش بتصرفاتو و لكن لداخل عالم بيه غا الله .. اقدر اصبر على كلشي تعصبو و تستافزو و لكن باش تجرحو و تقيصو فقلبو هادي بزااف .. كلنا كنبقاو إنسان عندو أحاسيس و مشاعر و كيما بغا اكون هاد الإنسان كتجي واحد للحظة كتهرس الصلابة ديالو واخة عند بالنا هو كائن متحجر و لكن فاش انجيو نشوفو جوهرو انلقاو فييه جانب طفولي حساس و كيتأثر بكلشي 

بعد تفكيير طويل ديمارا كيسوگ مهدن و غا ساكت بلاما اعير أي اهتام باش اعبر على عصبيتو بملامحو .. غا وصل قدام لمخفر سطاسيونا و دوز لرقمها بقا شحال كيصوني عاد جوبات : وي أمجاد 
أمجاد ببرودة : خرجيي عندي كنتسناك
قطع عليها و رجع راسو للور كيتنهد حتى سمع الدقان على الزاج عاد هز راسو : دوري ركبيي 
دارت لجيهة لخرى ركبات حداه : شنو واقع 
أمجاد ديمارا : خاص نهدرو 
كسيرا مخلي لعجاج موراه حتى وقف قدام مطعم راقيي : نزليي 
شدى : شنو انديرو هناا 
مجوبهاش حدو نزل و نزلات حتى هي 
أمجاد : يله ندخلو 
دخل هو اللول سابقها و هي موراه حتى مشا جلس عاد تبعاتو جالسة قدامو 
أمجاد ربع ايديه كيشوف فيها : سوليي و انا انجاوب 
شدى : باينة فييك عرفتي بالمشية لي مشيت عند مراتك .. هي لي قالتها ليك ياك
أمجاد : لا .. كلشي كيكون فخباري منحتاجش نسول و لا اعاودو ليا 
شدى تنهدات : يكما تقلقتي من تصرفيي 
أمجاد : عادي .. غا هو كان عليك تجي لعنديي مراتيي بعيدة على هادشيي
شدى : اذن هانيي قدامك .. إلا كنتيي واجد تجاوبني جاوب على أسئلتيي كنظن راك عارفهم 
أمجاد تقاد فالجلسة كيحنحن بصوتو : بلاتيي ناخد كافي ترجع ليا لعقل 
دموندا ليه و لشدى غا داز شوية دلوقت جا لعندهم السيرفور بالطلبية حطها ليهم و مشا 
شدى : كنسمع لييك 
أمجاد : قبل خاصك توقعي على هاد لوراق 
جبد من جيبو شي وراق حطهم قدامها : تقدري تقرايهم 
خداتهم من عندو كتقرا فييهم و مع كل حرف كيتغيرو ملامحها : علاش هادشيي 
علات عينيها فعينيه : خاص نسمع ليك بعدا عاد نقرر واش نوقع 
أمجاد : لا اتوقعيي عاد نهدر 
شدى : أمجاد انا مباغاش نرجع لوشنطن دابا .. خاص حتى نسد لقضية عاد نمشيي 
أمجاد : لقضية اتسد دابا .. وقعيي هو اللول 
ساطت و وقعات هازة حاجبها عاد شافت فييه : اذن هدر كنسمع لييك
أمجاد طول فيها الشوفة عاد بدا كيهدر برزانة و مرة مرة كيحرك ايديه كيعبر بييهم .. خلاها مركزة معاه و مع كل حرف نطقو و كل تصريح عطاه لييها 
شدى : ميمكنش 
أمجاد : سي كلشي معايا ممكن 
رجع كيهدر بتبات عارف شكايقول و وازن كلامو حتى سالا عاد جغم من كاسو و رجع حطو : اوا الآلة شدى مزال عندك شي سؤال 
شدى مربعة ايديها و مقابلة معاه بملامح جامدة .. سكتات شحال عاد رجعات نطقات : خاص نتأكد
أمجاد ببرودة : خودي راحتك 
شدى جمعات لوقفة : اوكيي نتأكد و داك الساعة انتصرف 
أمجاد حر راسو باه : و ثلوج خرجيها من هاد لبلانات 
شدى : مغاديش اتعاود 
قبل تمشي وقفات مترددة عاد نطقات : علاش قلتي ليا هادشيي 
أمجاد هز حاجبو : مغاديش نجاوب على هاد السؤال
هزات راسها باه : نخلييك 
و قلبات الدورة خارجة كتفكر فكل حرف نطق بييه 

فالجيهة لخرى ..

ركبها حداه بالسيف عليها هو كيسوط و هي كتر منو 
تغريد : نزلنييي .. قلللت نزلنييي 
بدرالدين : علاش كتخلييهم اقيصووك اتغرييد علااش 
تغريد : قلللت نزلنييي واش مكتفهمش 
فرانة جنب الطريق معصب : غادي نزلو بجووج هادشيي لي كتقلبيي علييه 
تغريد نزلات سبقاه كتخطوي بعصبية حتى سمعات لكلاكصون موراها .. متسوقاتش و بقات غادة مخنزرة حتى سمعات صوتو و هي تجمد فبلاصتها : بنتيي 
تلافتت لعندو موسعة عينيها و كتبلع فريقها : بابا ! 
ساجد هبط الزاج : شنو وااقع 
حل لباب و نزل من الطموبيل شاف موراه فين مسطاسيونيي بدر الدين و رجع شاف فيها : فهمينيي 
تغريد : جاتنيي السخفة و هبطت نشم لهوا 
ساجد مصغر عينيه : طلعيي ركبيي
هزات راسها باه و ركبات بلاما تنطق بحتى حرف آخر أصلا توترات معرفات متقول 
ساجد تنهد و قلب الدورة قاصد بدرالدين هاد الأخير لي شافو جاي لعندو نزل من الطموبيل كيتسنااه 
ساجد بجدية : شنو واقع 
بدرالدين حدر راسو معارف ميقول 
ساجد : بدرالدين كنهدر معااك 
بدرالدين : احم .. عميي انا باغيي بنتك 
ساجد طول فيه الشوفة و رجع نطق بتبات : كيفاش باغييها 
بدرالدين : معرفتش كيفاش ولكن لقيت راسي كنبغي بنتك بزااف .. امتى و كيفاش انا براسي معارفش 
ساجد ربع ايديه :اوا ؟
بدرالدين : بغيت نتزوج بييها 
ساجد بجدية : تغريد ماشي ديال الزواج دابا .. مزال كتقرا و مزال باغا تحقق مستقبالها 
بدرالدين : ولكن أنا مغادي نحرمها من والو 
ساجد تنهد : رجع لنيويورك بااك هدر معايا فموضوع لخدمة لي باغيي تحولها لمغرب .. كنصحك غا رجع لييها و خليها تماك 
بدرالدين جمع ايدو على شكل قبضة : علاش !
ساجد : حتى تكبر تغرييد و تكون قادة على لمسؤولية داك الساعة مرحبا بييك كنسيب .. دابا خليك كولد خويا لعزيز
بدرالدين : عميي انا مبغيتهاش تضيع من ايدي 
ساجد : بلاما نكدبو على بعضياتنا .. تغريد و عارفها مصلحاش لمسؤولية و الزواج باقا صغيرة و عقلها مفشكل بحال لولاد الصغار و على سبة زيد عليها حساسة .. خلي حتى تكمل قرايتها و تكبر شوية 
بدرالدين مسح على راسو كيحس بقلبو تزمت علييك : منقدرش نخلييها 
عطاه بالضهر كيمسح على راسو و يسوط 
ساجد : لي عنديي قلتو .. إلا كنتو مكتابين لبعضياتكم غادي تجمعو فدار وحدة 
بدرالدين بقا حادر راسو مزير على قلبو مجاوبوش بقا على داك لوضعية حتى حس بعمو طبطب عليه و مشا 

تعشات لعشية و جا الليل .. 

جالسة على الطابلة كتلعب بالمعلقة على الطبسيل و ساهية فحياتها كيف كانت و كيف ولات .. دورات عينيها على لفيلة و رجعات هبطات راسها بسخرية حتى سمعات تيليفونها كيصونيي عاد هزاتو هازة معاه حاجبها 
طولات فيه الشوفة عاد جوبات : وي شنو 
أمجاد ببرودة : شنو كديري 
ثلوج بميوعة : كناكل 
أمجاد : مزيان .. نعسيي فاش تساليي 
ثلوج : وي 
أمجاد : بغيت نعلمك غادي نتعطل هاد الليلة 
ثلوج : اوكي 
أمجاد قطع عليها بلاما يجاوب 
ثلوج بنفرزة حطات التيليفون : بلاش متجيي 
حطات ايديها على حناكها : خاص نوجد لحوايج لي انلبس غدا باش نمشي لوكالة 
تفكرات لحوار لي دار بينها و بين سلمى : زعما نعول علييها تفكني ! .. هاديك محال اعول عليها لواحد 
خسرات ملامح وجها و جمعات لوقفة غادة طالعة لبيتها 

صبح الصباح بنهار جديد ..

فاقت كلها حيوية أول حاجة دارتها تلافتت لجيهة لخرى ملقاتوش ميلات شفايفها بميوعة عاد جمعات لوقفة غادة قاصدة لحمام .. دخلات ليه طرفات حالتها و خرجات كتمسح فوجها من لما .. جبدات اللبيسة لي ختارت لبارح على قبل تمشي بيها ... هي لي لبستها كانت عبارة عن جينز و شوميزة معاه جات مع فورمتها و بينت مفاتنها لجدابة .. كتفات بميكاب خفيف و جمعات شعرها لفوق عاد لبسات فرجلها و قبل تخرج هزات ساكها و تيليفونها عاد خرجات من بيتها نيشان لتحت ..حلات الثلاجة جبدات منها عصير دلليمون شرباتو عاد رجعات فيها الروح و دورات عينيها على لمكان : منسيت والو واقيلة 
تنهدات و خرجات من لكوزينة قاصدة لباب غا حلاتو وقفات مصمرة فبلاصتها من كترت الصدمة : مم م مر مراااد ... !!
هز عينو فيها مستغرب : ثلووج .. !!
بقات كتشوف فييه مصدومة حتى حسات على راسها عاد بتاسمات بمجاملة : اهلن .. نهار كبيير هادا ههه
طلعاتو و هبطاتو لابس حوايج لعملاء لي كيوصلو طلبيات لبيتزا : خدام ف...
قاطعها بعدما فاق من الصدمة : نو ميمكنش .. صدفة واعرة هاديي 
ثلوج ربعات ايديها مبتاسمة : و يااه .. سبحان الله 
مراد هبط عينو لعند لبيتزا لي هاز فإيدو : جاتنا طلبية لهاد لعنوان و جيت نوصلها 
ثلوج فيساع مشا بالها لييه : ايكون غا هو لي طلبها 
مراد : شكوون ؟
ثلوج بميوعة : راجليي .. مزوجة 
مراد خرج عينيه : وايلييي كتهدري بصح ؟ 
ثلوج هزات راسها باه : ارا من عندك هاد لبيتزا بعدا 
خداتها من ايدو و دخلاتها لكوزينة عاد رجعات لعندو : عندي واحد لغراض على برة 
مراد : بيمن مزوجة واش بداك خونا ؟ 
ثلوج سهات و رجعات نطقات : لا .. انا و مراد تفارقناا 
مراد : أصلا كلشيي بالمكتاب 
ثلوج تنهدات : لقدر معندك منو هروب 
مراد بتاسم و طول فيها الشوفة : نقولييك ؟
ثلوج صغرات عينيها كتضحك : قول نشووف 
مراد : توحشتك و فرحت حيت شفتك 
ثلوج : حتى انا ههه .. إلا كان عندك شي وقيت نتلاقاو نرجعو أيام زمان 
مراد : اهاه فكرة زويينة 
ثلوج شافت فساعتها ليدوية : ولاهيلة بغيت نبقا نهدر معاك و لكن لموعد مخاصش نتعطل 
مراد قاطعها فاش كانت غادة : تسنااي .. فين غادة نشوف واش على طريقي 
ثلوج : انمشي لوكالة ديال الصحافة 
مراد : اوااه .. حتى انا كنت غادي نكمل السوايع ديالي فالخدمة و نمشي لوكالة .. دفعت ليهم الدوسيي و قالولي ايقبلوه 
ثلوج : بصح ! .. صدفة زوينة هادي 
مراد : صراحة مزال مصدوم .. أحسن حاجة اتوقع ليا ليوم هو شفتك 
بتاسمات ليه بمجاملة : لهلا يخطييك 
مراد : يلله سيري منعطلكش 
ثلوج كتدور فعينيها معصبة : هاني انمشي ولكن فاش مزال معندي طموبيل
مراد حيد التوني ديال لخدمة من لفوق حتى بقا غا بالتريكو لي لابس لتحت و حيد حتى لكاسكيط لي فوق راسو حتى مبقاش كيبان واحد من لعملاء لي فالمطعم ديال لبيتزا عاد هز عينو فيها : عندي السكوتر انوصلك 
ثلوج : راجليي قاصح مبغيتش لمشاكل
مراد : اوا كون هو دار ليك الطموبيل .. حتى لمن بعد و هدري معاه فهاد لموضوع دابا زيدي نوصلك و نرجع لخدمتيي
ثلوج : معرفتش كيفاش انشكرك 
بتاسم ليها عاد سبقها ركب هو اللول عاد ركبات موراه دار لكاسك و عطاها حتى هي تدير لكاسك عاد تحرك بيها كيطير وسط الطريق و ثلوج عاجبها لحال .. بقات ساهية كترجع أيام زمان .. الأيام لي كانو عندها بزاف دلمعجبين و كلهم باغيين رضاها و غا كلمة منها و حتى مراد واحد منهم غير هو عمرو جبد معاها لعيب أو زعم عليها بيناتهم غا الإحترام فاش كانو كيقراو بجوج فنفس لمعهد و عندهم نفس السن .. كتفكر مراد حبيبها السابق كان كيغير منو بزاف و خصوصاً فاش كتنطق سميتو و هي كتهدر معاه كيقوليها متقوليش مراد انا بوحدي لي سميتي مراد حتى واحد مخاصك تعيطي ليه بهاد السمية من غيري 

داز لوقت ..

وقف بيها قدام لوكالة و عاونها حتى نزلات عاد مدات ليه لكاسك فرحانة : وليت كنفكر نديير سكووتر الركبة فيه واعرة 
مراد بتاسم : نخاف علييك .. السكوتر واعر عليك 
ثلوج : راه هو خاص اخاف منيي 
مراد كيضحك حتى بانو غمازاتو .. شاب زويين و رزيين باين فيه مصواب و داخل سوق و نقي حتى فحالتو 
ثلوج : يلله نخلييك دابا 
مراد شافها غادة : تسنااي 
علات حاجبها : شنو مزال 
مراد : عطيني رقمك .. انشالله غادي نخدمو فنفس لوكالة خاص نبقاو اوكونطاك
ثلوج بدات كتملي عليه النمرة حتى كملات : هاني مشيت دابا 
مشات كتسرع فخطواتها خلاتو ساهي فرقمها عاد هز راسو لعندها كيغوت باش تسمعو : غاديي نصيفط ليك فالوتساب جاوبيني .. اواه مشاات مغاديش تكون سمعاتني 
تنهد بخيبة أمل و قلب الدورة غادي كيطير بالسكوتر 

دخلات للوكالة كلها حيوية متمنية حياة جديدة و زوينة فمسيرتها لعملية .. غا وصلات لمكتب لمدير دقات فيه جوج دقات حتى سمعات دخل عاد حلات لباب مبتاسمة : بونجووغ 
رشيد علا راسو من على لوراق مصدوم : آنسة ثلوج ! 
ثلوج سدات لباب عاد تقدمات بخطوات تابتة ناحية لمكتب غا وصلات لعند لكرسي جلسات عليه مقابلة معاه 
رشيد : فين غبرتيي ؟؟ 
ثلوج حدرات راسها و رجعات علاتو : وقعولي ظروف خيبة بزاف خلاتني نبعد على طموحاتيي 
رشيد : و شنو جابك دابا 
ثلوج تزيرات : بغيت منك فرصة ...
قاطعها بجدية : و لكن إلا رجعتي غبرتي عوتاني ؟! 
ثلوج تنهدات : انشالله عمر هادشي غادي اتعاود 
رشيد شاف فساعتو ليدوية : غادي نعطيك نص ساعة إلا نجحتي فالإختبار مرحبا بيك معانا منجحتيش معندي مندير 
ثلوج متحمسة : مرحبا واجدة خاص نعرف غا شنو لمطلوب مني 
رشيد هز لملفات لي قدامو مدهم ليها : هاد لملفات خاص تقرايهم و تخرجي منهم مقال عندك نص ساعة 
وسعات عينيها من الصدمة : كك كيفااش 
رشيد : إلا مقدرتيش قوليها 
قطعاتو : لا لا ماشي من النوع لي كيستسلم 
خدات من عندو لملفات كتخمم كيف اتقرا هادشي كامل 
رشيد شار ليها بإيدو : راه لبيسي خدمي عليه 
هزات راسها باه و مشات جلسات مقابلة معاه 
رشيد خدم لكرونو : بدااي 
هزات راسها باه متوترة غا بدات كتخدم بدا تيليفونها كيصوني خرجات عينيها معرفات تخدم و لا تجاوب .. بقا كيصوني شحال حتى نطق لمدير : ماشي مشكيل تقدري تجاوبيي 
غا عطاها الإذن بتاسمات ليه بمجاملة و جوبات كتدور فالوراق : نعام 
أمجاد هز حاجبو : كيفاش نعام .. فينك نتيي 
ثلوج : فالوكالة ديال الصحافة .. خدامة دابا خاص نجح فواحد الاختبار متضيعش ليا وقتيي 
أمجاد : علاش خدامة 
ثلوج معصبة : مقال ديال واحد لفنانة مشهورة خاص نكتبو عليها 
أمجاد : فاش تسالي صوني ليا 
قطعات بلاما تجاوبو و رجعات مركزة مع داك لحريرة لي قدامها متوترة و خاص تسرع فنفس لوقت .. مدازت داك نص ساعة حتى ولات كتصب بالعرق و كتنهج 
رشيد : دازت نص ساعة 
وقفات ثلوج من بلاصتها عاد هزات لبيسي داتو ليه حطاه قدامو : تفضل قراه 
بدا كيقرا فيه مركز شحال حتى دخلها الشك و بدات كتفرك فإيديها عاد هز راسو فيها مبتاسم : كتبتي مقال باللغة العربية و الفرنسية و الإنجليزية .. برافووو 
ثلوج متوترة : أول واحد كتبتو باللغة العربية باش نرتب الأفكار و اللغات لاخرين خدمت بالترجمة لفكرة واجدة خاص غا نعبر عليها باللغة 
رشيد جمع لوقفة : معندي منتسالك .. هاد الإختبار غفر ليه هاد لوقت لي غبرتيي 
ثلوج فرحات : شكرا بزااف 
رشيد : مرحبا بيك غدا معانا 
هزات راسها باه غادي تطير بالفرحة : مغاديش نتعطل .. شكرا مرة أخرى
رجعات شكراتو عوتاني و خرجات من مكتبو هازة تيليفونها : نصوني منصونيش .. نصوني منصونيش 
قاطع تفكيرها فاش طلع ليها رقمو كيصوني جوبات داك الساعة : وي
أمجاد : فاش مشيتي لوكالة ؟ 
ثلوج بلعات ريقها : فالطاكسي .. و غادي نرجع فالطاكسي 
أمجاد سكت شحال و رجع نطق : حتى نصيفط ليك واحد لعنوان سيري ليه تعزلي فالطموبيل لي عجباتك
ثلوج حلات عينيها : بصح ! .. اوكيي غادي نمشي 
أمجاد : يله رجعي لدار دابا 
ثلوج بغات تسولو و سكتات 
أمجاد : باغا تقولي شي حاجة ؟
ثلوج : احم فيينك ؟
أمجاد : دابا نرجع 
وقطع معاها خلاها كتشوف فالتيليفون : أمنيتي نعرف فين كتغبر 
رجعات التيليفون لصاكها عاد كملات طريقها 

فالجيهة لخرى ..

كانت غادة شادة وجهة لمخفر حتى كتدور ليها فالخوا و قلبات الطريق غادة للحي ديالو .. غا وصلات هبطات من الطموبيل كتدور فعينيها كيبانو ليها الدراري كيلعبو فالزنقة و لغوات و لحيحة .. طولات الشوفة فيهم و هي غادة جيهت باب دارو حتى وصلات ليه عاد دقات فيه 
بقات واقفة شحال عاد تحل و تحلو معاه عينيها من الصدمة 
لبنت كتشوف فيها : نعام اختيي 
شدى بقات كتشوف مصدومة هي نفسها لبنت لي ركبات موراه فوق السكوتر و هي نفسها لي قال عليها كانت بيناتهم شي حاجة من قبل : سس .. سمحي ليا غلطت فالعنوان
لبنت : ماشي مشكيل 
بتاسمات ليها و سدات لباب فوجها شوية كتسمعها كتهدر : حبيبي شنو نطيب لفطور 
رجعات خطوة باللور كتبلع فريقها و وجها حمر معرفاتش شنو واقع ليها .. أول حاجة فكرت فيها هي تمشي من هنا و داكشي لي كان قلبات الدورة قاصدة طموبيلتها غا ركبات ديمارات مكسيرية حتى تحكو الروايض 

يوم مور يوم و الأجواء كتبدل عند ثلوج و لفات عدم وجودو معاها و الإتصال مقطوع بيناتهم متنكرش عاد خدات راحتها و عايشة حياتها بطولها و عرضها خصوصا فاش مشات لعنوان لي عطاها و ختارت الطموبيل لي كتحلم بيها داك الساعة قادو ليها لوراق و خرجتها بلاما تضرب حسبة لفلوس كلشي من عندو غادي اهدرو معاه غا هو .. و حتى لخدمة فالوكالة ريحاتها و خلات نفسيتها التغير .. قليل فين كتبقى فالدار ديما يا عند واليديها كتدوز معاهم لويكاند يا خارجة مع مراد و مع الزملاء لي خدامين معاها فجو زوين كيضحكو و انسيو روتين لخدمة .. ولفات هاد لحياة واخة كتسهى مرة مرة و تدور عينيها فالبيت و فالفراش لي جمعهم بجوج ولكن غا كتفكر شنو داز عليها كتطرد هاد الأفكار من بالها و تقلب الطريق 

يوم جديد فاقت فيه ناشطة حيت لويكاند و معندهاش لخدمة .. قررات تبقا غا فالدار و تدوز لوقت فيها .. خصوصا حاسة براسها عيانة شوية و داك الدوخة لي كانت كتجيها مزال كتراودها مرة مرة و باش تصحصح منها عاطياها غا لحلاوة كتطلع ليها الطونسيو عاد تفيق 
هبطات لتحت كتجر فرجليها نيشان لصالون و فإيدها عصير الليمون لي مكيفارقهاش .. شعلات التيفي قدامها كتفرج واخدة راحتها و ساهية فالصحفية لي كتهدر مكرهاتش حتى هي تكون مقدمة برنامج و لكن بالشوية بالشوية غادي توصل لكلشي خاص غا لخدمة و لعزيمة كلشي كيتحقق 

سمعات صوت تيليفونها هزاتو مبتاسمة .. داك الساعة جوبات : صباح لخير سي مراد ههه
مراد : ناشطة مع راسك .. اش بان ليك نخرجو ليوم 
ثلوج : لا مفياش حتى لغدا لحد و نخرجو 
مراد : واش راجلك مزال مجا ؟
ثلوج : لا .. مبغيتش نهدر عليه دابا 
مراد : لمهم فاش تحتاجي شي حاجة انا موجود
ثلوج : عارفة لي كين .. بسلامة
قطعات معاه و رجعات مركزة مع التيفي كتفرج شوية سمعات صوت لباب تهزات من بلاصتها كتمشي على لبيض حتى وصلات ليه عاد حلاتو لقاتو لعساس : عميي . ..بغيتي شي حاجة 
لعساس مد ليها الساشية : سي أمجاد قالي نجيبهم ليك 
خداتهم من عندو هازة حاجبها : واش كلا نهار كيقوليك تشري ليا شي حاجة !
لعساس : اه ابنتيي .. نخليك دابا 
مشا و خلاها واقفة كتشوف مطولة فالساشية للحظة تعصبات و سدات لباب زدحاه : علااااش مكيعيطش ليااا و كيعط لناااس شنووو كيحاااول اديير هاد بنادم .. تفووو
حسات بعينيها غرغرو : علاش كنبكيي أنا ....علاش
مسحات دموعها و مشات لصالون حطات الساشية فوق الطابلة بزعفة و جلسات كتنگر و تنخصص بقات هاكاك على نفس لحال حتى دوزات النهار كامل فداك لجو طايح عليها الضيم و سامحة فالماكلة حتى شداتها السخفة و الدوخة عاد كلات و تفكرات راسها 

دازو ساعات و غربات الشميسة .. قررات تخرج على برة فالحديقة اضرب فيها لبرد و داكشي لي كان لبسات فرجلها و خرجات كتجر فالبانطوفة لي لابسة حتى وصلات لعند لبيسين عاد جلسات على لحافة ديالو و دلات رجليها فالما بعدما نسلات لبانطوفة كتشوف لبعييد و ساهية مع لبرد لخفيف لي كيدي و اجيب فشعرها .. طولات لجلسة مع راسها ساهية و كتشوف فالما حتى سمعات شي خطوات تقال جايين ناحيتها بقات مركزة معاهم و لي زاد كمل ليها الشك هو ريحتو لي سبقاه داك الساعة تلافتت لعندو 
أمجاد طفا لگارو لي كان هاز فإيدو زطم عليه عاد خشا ايديه فالجيوبة : لبرد علييك 
ثلوج بعصبية : فييين كنتتييي ؟؟؟ 
أمجاد ببرودة : اجي ندخلو لبرد علييك
ثلوج : شنو عوتانيي اتبات متصبح ؟
أمجاد : جيت نطل عليك و نرجع مسافر عوتانيي 
ثلوج طولات فيه الشوفة : سسسمع .. قرب لعندي 
هز حاجبو و قرب لعندها حتى تحدر لمستواها دايها على قد عقلها : هممم شنوو
ثلوج خسرات ملامح وجها : متبقاش دير هاد الريحة خيبة 
أمجاد عقد حواجبو : بصح خيبة !
ثلوج : اه جابت ليا التقية .. اجي علاش مكتهدرش معايا فالوتساب 
أمجاد : حيدتي ليا بلوك ؟
بلعات ريقها شوية رجعات هدرات بتكبر : كان عليك دير كونط اخر مسوقيش انا
أمجاد : من نيتك 
ثلوج طولات فيه الشوفة : واخة نبوسك ؟ 
تصمر فيها مصدوم : خودي راحتك كلشي ديالك 
شداتو من لكول ديالو قرباتو لعندها و باستو على شفايفو بعنف شوية بدات كتعض فيه مغمضة عينيها مخلياه مصدوم حتى دفعاتو مدهشرة من تصرفها 
ثلوج : أ ا .. صافي سير
جمع لوقفة هاز حواجبو مزال تحت تأثير الصدمة .. تنهد مفاهم والو و قلب الدورة 
ثلوج جمعات لوقفة بسرعة : سمع 
شاف لعندها : شنو 
ثلوج عاقدة حواجبها : غادي نسافر معاك مسوقيش رجلي برجلك
أمجاد : شنو اديري ليا فيها دور الصحفية عوتانيي 
ثلوج يله بغات تجاوبو ختل توازنها و تعلاو دراعها فالسما على وشك تطيح : انساااااافر معااااك 
غا كملات كلامها تسمعات بااااااق 
أمجاد خرج عينيه : ثلووووووووج 
طار لعندها بلا كلمة بلا جوج تلاح وسط لبيسين بحوايجو و طلعها كتنهج 
أمجاد : حماقييتييي 
ثلوج كتعلق فييه : مكنعرفش نعووم عتقنيي 
أمجاد : كداابة 
ثلوج ساهية مع فمو لي كيتحرك و كتبلع فريقها
أمجاد كيدور فعينيه كيسوط محاملش لبلان : فييين عينيييك فييين ؟؟؟ .. بقااي تركزي شوية 
ثلوج مسمعاهش شكايقول كل عقلها مع فمو كيفاش كيحركو و ملامح وجهو لي مشربنين كيسوط معصب و عاقد حواجبو .. بقات على نفس لحال و بجرأة زايدة منها هزات صبعها و حطاتو على فمو عاد نطقات بهمس فشلو حتى كانو ايغرقو بجوج : شششش كتهدر بزاف 
تصعق أمجاد و بقا غا كيشوف فيها حالتها دخلاتو الشك فينها ثلوج لمعفرة و لي عاجبها راسها .. واش بصح هادي ثلوج ولا غا كيتخايل ! 
ثلوج بحاليلا رجعات لوعيها ولكن مزال داك الإحساس فشكل كيراودها فمعدتها حاسة براسها ممرتاحاش : خرجنيي من لماا مت بالبرد 
أمجاد ساط : كتعرفيي تعومييي 
ثلوج بتكبر : ألالا
أمجاد طول فيها الشوفة بحاليلا كيقوليها من نيتك : و شكون داك الجرانة لي لاحت راسها من فوق الجبل واحد النهار 
غا سمعاتها و هي تعطيه لصدرو طافجة كتسوط : هيييه ! .. الجرانة هو نتا لهلا يحيييك 
هزات لما فايدها شيرات عليه خلاتو مفيكسي و مصدوم زادتو الرشة الثانية بالما معصبة و مشات كتسبح غا وصلات لحافة طلعات و وقفات كتقطر بالما حالتها حالة 
أمجاد عيا ساكت و طوال ساكتو فالأخير حتى هو كمل سباحتو و طلع من لبيسين كيقطر بالما 
ثلوج : اااااخر مرة تقوليي جراانة .. كتفهمم ؟؟؟ معندكش لحق تقولي جرااانة 
أمجاد : اهاه زيدي غوتييي 
خنزرات فيه و مشات مبقبقة كتبكي و تنخصص : أصلا انا مبغيتكش تجي لايااش جااي 
بقا موراها كيشوف و يسوط و مرة مرة كيمسح على راسو جاب الله حط السوارت و التيليفون لداخل فالفيلة قبل ميخرج عندها للحديقة أما كون مشاو ليه النوامر و الروينة لي كيحتاج .. بقا على نفس وضعيتو لمدة طويلة عاد قصد لدخل دخل هاكاك مبقبق ..دور عينيه مكاينش حسها عرفها اتكون لفوق كتبدل .. تنهد و طلع لفوق حتى هو.. بغا احل لباب لقاه مسورت طلع ليه لخز و هو أصلا عيان و مرهق باغي غا يتكا 
حط ايدو على جبهتو كيماسي التجاعيد لي ضهرو من شدة غضبو عاد نطق ببرودة : حلي لباب بلاما نفرعو 
ثلوج لداخل : بلاتيي نلبس عليا و دخل 
خبط لباب بقبضة حديدية حتى تفزعات : قلللللت حللللييييي لبااااااب 
ماشي بزاف حتى سمع لباب تحل دخل ساخط غا تلافت جيهت لباب مبانتش ليه عرفها مخبية موراه و لاصقة مع لحيط باش ميشوفهاش .. هز حاجبو و ربع ايديه كيشوف فهاد لمخلوقة لي غادي تجهلو و كتستافزو بتصرفاتها 
جمع ايدو على شكل قبضة مبرد فيها غدايدو و نطق بصوت هادئ عكس لبركان لي شاعل فيه لداخل : سدي لباب 
طلات عليه بالشوية باين مخطوف فيها اللون : احم ..واخة غا سير لحمام 
أمجاد : قلت سدي لباب 
ثلوج طلعاتها التزنيكة : ع عع عفاك سيير 
أمجاد عقد حواجبو : عزيز عليك الضد و لا شنو .. توحشتي لعصا فهاد لمدة لي غبرت ؟؟؟؟ إلا توحشتيها قوليها نيشان بلاما تبقاي تنقزي فوق راسي حتى نهرسو ليك و تنهاي كااع 
ثلوج بتمرد : ملابسااش مزياان مبغيتكش تشوفنيي ياااه 
أمجاد بسخرية : علاش كتحشمي ؟!
ثلوج بميوعة : اه كنحشم مالي كيجيتك
أمجاد : جيتيني بحال ..... نبدل ساعة بخرا حسن 
خبط رجلو مع الأرض و مشا جيهت لحمام قبل احل لباب دار لعندها لقاها كتسد باب لبيت على مهل .. تصمر و بقا واقف كيطلع و اهبط فيها .. منظرها و هي كتمايل على طراف صبيعاتها باش مديرش لحس هيجو و نوض فيه الرغبة ناهيك على لحمها لي كيبان مطراسي من تحت لقاميجة ديالو فالأبيض واخة كبيرة عليها و جات كلها مخشية فيها لكن زيناتها و خلاتها تبان سيكسي كتر ماهيا أصلا عليه 

ثلوج غا سدات لباب دارت ناوية تكمل خطواتها حتى كتبلع ريقها من منظرو و هو كيطلع و اهبط فيها تمنات الأرض تنشق و تبلعها .. غا تفكرات الصدفات لفوقانيين لي مزال معقدات و صدرها لي كيطل كاع باين خرجات عينيها و حطات ايديها بجوج كتخبي و تلوى فبلاصتها من لموقف لمحرج لي هي فييه 
أمجاد هز حاجبو : شكون قاليك لبسي ليا خراياا ؟؟؟
ثلوج بتمرد مرضيااش : و نتاا لي باغي تفرع لباااب و معصب على سباا انا مالييي 
زاد هز حاجبو كلامها مقنعوش 
ثلوج : كنت باغا نمشي نلبس و فاش وقفتي على لباب بانت ليا غا قاميجتك تسترت فيها 
طلعها و هبطها متبع تضاريسها حتى بغات تموت فبلاصتها .. رجع شاف فعينيها هاز حواجبو بجوج : مسكينة ستراك نييت
ثلوج بميوعة : مسوقكش فياا .. دخل دوش ايضربك لبرد 
بتاسم بمكر و قرب لعندها : عطيني قاميجتيي 
خرجات عينيها و لصقات على لحيط لي كان قريب ليها : شناوااا ؟؟ شوووف هاد الضحك ديال لبراهش ممعاناش 
أمجاد : معاك واحد داخل لتلاثينات و نتي كتقولي براهش ؟؟؟ صافيي دابا عاد اناخدها بصح .. اريها ولا نشرگها على لحمك وحدة من الجوج 

ثلوج كتبلع فريقها : كيفاش تشرگها على لحميي !! .. شوووف بلاما نتعصب سير بعدمنيي 
حطات ايدها على جبينها كتمتل : شفتيي تعصبت حتى طاحلي الطونسيو يله سيير
أمجاد لاحظ فعلا لونها لي تبدل : مكتاكليش !
ثلوج بميوعة : كناكل و شي نهار ناكلك إلا مبعدتيش مني 
ضربات فيه و زادت قاصدة الديريسينغ 
بقا واقف على وضعيتو كيتنهد عاد مشا لحمام حيد حوايجو لفازكين و دخل تحت الدوش كيتحمحم جاتو على لگانة نيت كاع مرهق و ناوي ادوش فاش انوي انعس .. غا كمل و خرج ملوي على نصو التحتاني فوطة و فوطة أخرى فوق راسو كينشف بيها شعرو 

ثلوج سمعات حسو خرج من لحمام تلفتات بعفوية و هاد لمرة مبدلة حوايجها بكسيوة خفيفة سميطات من لفوق و لونها مبهج جا معاها و عطاها إشراقة ختارت هاد لكسيوة مع كاينة لاكلييم مغاديش اجيها لبرد 
أمجاد هز حاجبو : اتبقاي تشوفي فيا !
وعات على راسها فين سهات و عاد طلعات معاها الصهدة فيساع قلبات وجها كتقاد لمخدة و هي اصلا مقادة باغا غا التلف و متشوفش ناحيتو لكن للهرمونات لي ناضو عليها مكيشاوروش بلاما تحس كتلقا راسها كتشوف فيه بنص عين 
أمجاد مقابل مع لمرايا كينشف فشعرو و عايق بيها كتستارق النظر منو مرة مرة : اجي نشفيي ليا شعريي 
ثلوج غا سمعاتو نطق طارت لعندو معرفاتش كيفاش مشات و شكون داها فيساع خدات من عندو لفوطة مفاهمة والو فراسها و شكايوقع ليها ..غا بحال لمسطية تابعة هرموناتها لي فضحوها قدامو و خلاوها محملاش الشعرة فراسها 
أمجاد : يلله نشفيي
ثلوج بميوعة رغم الظروف هازة نيفها لسما خخ : هبط لعندي ماشي سلوم بحالك
قوس ضهرو مهبط راسو لمستواها باش توصل ليه : نتي قصيرة ماشي انا سلوم
ثلوج بميوعة : فاش كنلبس الطالون كيجي معايا هادا هو لمهم .. كنبان عادي ما قصيرة ما طويلة 
أمجاد بتاسم بسخرية و قطع لحس 
ثلوج كتنشف فشعرو بعفوية ناسية راسها معامن هي و شكادير : أ ا بغييت نسولك
أمجاد : سولي الآلة 
ثلوج بصوت هادئ بحاليلا كتحلون عليه : كتعجبك لبنت الطويلة ولا لقصيرة ؟
أمجاد كتم الضحكة لي كانت اتخرج ليه و نطق بنفس النبرة لي نطقات بيها دايها على قد عقلها : الطويلة 
ضربها الضو من كلامو و تفكرات لينا كانت طويلة .. فيساع رجعات خطوة للور كتدور فعينيها و كتحاول تخبي الإرتباك لي نزل عليها 
ثلوج : ص.. صص .. صافي نشفت شعرك 
لاحت لفوطة جيهت لكوافوز و مشات ناحية لباب خلاتو متبع ليها لعين يله اتخرج عطس بعفوية حتى تلفتات لعندو : ضربك لبرد ؟ 
أمجاد ببرودة : معرفتش هو لي كان ناقصنيي 
ثلوج بهدوء : انطيب شي حاجة سخونة فيها لبزار شربها 
حدرات راسها و مشات خلاتو واقف ضاربو تران ديال الأفكار .. واش غا غبر تلاتة الأسابيع لعافية ولات ثلج فعلا اسم على مسمى ولا غا كيحلم و كتوجد ليه شي بلان مهوااش

لتحت هبطات من الدروج مرفوعة و كتصرفق فوجها : انا نطيب لييه !!! هيييه ؟ اويليي اش قلت ! .. من نيتيي .. من ريتيي دااوية 
جلسات على الدرجة الأخيرة كتحصر : شهاد الدل انا فييه .. اويليي فينو الإنتقام و التعفار ! علاش فاش كنشوفو كنبغي نبوسو غا شويكيكة هنن .. هو عزاز عليه لبنات الطوالات هنن
هبطات راسها كتنخصص و تبكي : أصلا انا معندي زهر .. سعداات لي عندهم الزهر .. كلشي عايش بيخير إلا انا .. مالي كيف جيتو ؟ كنحمق و الف واحد اتمناني .. اصلا كون كان كيفهم ميقولش داك لهدرة .. كوراه شبع گور و جاي كيتفلعص عليا .. معنديش الزهر .. سعدات لينا طويلة و لكن انا فاش كنلبس الطالون كيجي معايا و كنبان زوينة ! .. طولتي زوينة غا بغا اعقدنيي و انكد عليا حياتيي ..هننن ملي مكيبغيش لقصارات لاش قبل اتزوج بيا ولد لحرام 
بقات داوية خاوية كتدخل و تخرج فالهدرة و دموعها دايزين شحال هي كتمسح و هما كيهبطو بحال الشتا حتى سمعات شي واحد موراها جاي .. كمشات فمها بتمرد و عينيها فازكين بالدموع 
أمجاد كيجر رجليه فداك لكلاكيطة لي لابس و غا بسروال توني و قبية من لفوق حيت حلقو شحف عليه و عرفو غا لبرد كيدق بابو .. شافها جالسة معبسة هز حاجبو و وقف عليها : مالك ضاربك تران ؟
شافت فيه بنص عين كتسوط : اضربك نتا انشالله و ميلقاو ميجمعو فييك و نتهنا منك
طول فيها الشوفة و كمل طريقو كيسوط هو لآخر حتى وقفاتو : خرررج من داااريي .. ياااك كتبغيي لبنات الطوالات سير عندهم لااش جااي عنديي انا ؟؟؟ 
شاف فيها داك الشوفة ديال واش من نيتك : شاربة دوااك؟
ثلوج تجننات و لات عصبية و على نقشة : أناا بعقليي و ااخر مرة تقوليي شاربة دوااك 
أمجاد : فينو داكشي لي قلتي اتطيبيي ؟
ثلوج بميوعة : طيب راسك لخدامة مكينااش دابا 
أمجاد هز حاجبو و قلب الطريق حتى سمعها كتنخصص دار لقاها كتمسح فدموعها بكفها و مكمشة فمها كتشهق : ثلوج ! 
ثلوج : ااااااصلااااا اناااا معندييييش الزهرر
خبطات رجليها مع الأرض : خررررج عليااا سيييير عند الطوالات .. عرفتيي الشيخاات طواالات غا سير عندهم
أمجاد : لا باغي لقصارات غا سكتيي 
ثلوج بعصبية : و لقصارات اسيدي مكيحملوكش ... خرررج عليااا خررررج 
قصداتو كترعد و هو مصدوم من حالتها من امتى ولات هاكة و على نقشة تبكيي 
ثلوج تالفة : شوووووف صافيي طلقنييي .. بغيييت طلاقيييي 
خنزر فيها تخنزيرة خايبة و دخل لكوزينة عاقد حواجبو .. تبعاتو كتسوط 
أمجاد حس بيها و هو اتلافت لعندها : غا سيري انطيب بوحدي
خسرات سيفتها كتعيب فيه : غا سيري انطيب بوحدي ... حيد حيد من قداميي 
تكحاز داير ليها الطريق عاد دازت كتنفخ أول حاجة دارتها هي هزات لموس 
أمجاد : ناوية تطيبيي و لا تذبحي بنادم
ثلوج : سبحان الله كيفاش عرفتي باغا نقتلك ؟ 
قربات لعندو موجهة ليه لموس : اش بان لييك نقتلك
أمجاد خشا ايديه فالجيوبة : قتليي نشووف 
ميلات شفايفها بميوعة و مشات كتدور تالفة فبلاصتها هي براسها معرفاش اش تطيب ..غا سمعاتو عطس عوتاني هزات راسها لعندو : تشرب لحريرة 
أمجاد : لا .. غا شي حاجة فيساع تطيب 
ثلوج عضات شفتها تحت نضراتو كتفكر شوية دارت لعندو مخرجة عينيها : عاام و نتا مساافر و فالأخير جاي بإيديك خاويين ؟؟!! 
أمجاد : سيري لصالون 
ثلوج بحماس حطات لموس و مشات بجرية لقات فوق الطابلة لعرارم ديال الساشيات تلفات معرفات شكون تقلب اللولة .. و لكن لي ضربات عليه هو الساشية ديال السقاطة هزاتها هي اللولا كتضحك طايرة بالفرحة .. حلات داكشي كتقلب لقات الشوكولا لي كيحمقها و كتبغي تاكلو كلا شوية .. رجعات كتقلب فالشاسيات لاخرين لغرق ديال لحوايج و لكادوات 
فاقت من عالمها لوردي على صوتو : وااش انبقاو بالجوع ولا ؟
ثلوج بعفوية : لا لا هاني انطيب 
هزات معاها باكية الشوكولا طايرة بالفرحة غا دازت من حداه تعلات باستو على خدو بعفوية و مشات كتنقز بحال لمسطية مرداش لبال لتصرفاتها .. دخلات لكوزينة مخلياه مصدوم أما هي كملات شغلها عادي ناسية راسها و راشقة ليها .. جبدات كاع داكشي لي اتحتاج فالحريرة كان كلشي طري و يلله مقدية التقدية و معمرة الثلاجة .. شافت بنص عين فالربيع و هزاتو ذاقت منو كتمضغ شوية عجبها لمذاق و هزات قبطة غادة جاية هازة الطابليط كتشوف لمراحل باش توجدها مع نسات عليها منين مشافت مها كتطيبها قدام عينيها .. و فمها عامر بالربيع كتاكل بشهية 

سمعات لغوات برى خسرات ملامح وجها و مشات هازة لقبطة دربيع فإيد و لإيد لاخرة فيها الطابليط .. موقفات حتى لعندو كتشوفو مشربن : شنوووو؟؟؟
هز راسو لعندها ناوي اتفرگع غا شافها خرج عينيه : شدااكشيييي ؟؟؟ 
ثلوج هزات حاجبها : شنوو ؟؟
أمجاد : كتمرضنيي علياا !!! شدااك الربييع وااش نتي بقرة ؟؟؟
ثلوج شافت فالربيع : لهلا يحييك لبقرة هو نتاا .. و اصلا مذاقو واعر
مدات ايدها : تذوق ؟
شافتو خنزر فيها و هي ترجع ايدها : بلاش مغاديش تعرف لييه 
أمجاد بنفاد صبر : فينوهم لكتوبة لي كانو فهااد لمجر ؟؟
ثلوج شافت فالطابلة لي تحت من لبلازما كبييرة و طويلة : منعرف .. مشفت والو 
أمجاد : ثلوج بلاما نصمكك فيينهم 
بدات كتبكي : معرفاش و متغوتش عليااا . .. اخر مرة تغوت عليا 
عضات فالربيع كتمضغ بعصبية و مشات تحت نضراتو كتنخصص و تشهق 
أمجاد بقلة حيلة : هادي مالها ؟؟ 
كمش عينيه فاش تفكر هو لي بدل ليهم لبلاصة و لكتوبة ماشي هنا .. تعصب و عرف راسو ضلمها 
طول الشوفة فنقطة وحدة و مشا قاصدها كيعطس مرة مرة غا دخل لكوزينة بانت لييه هاد لمرة شادة ماطيشة كتاكل فيها و جيهت شفايفها كااع عامرة تصعق من منظرها مرة أخرى مفاهم والو 
ثلوج غا حسات بيه قلبات عينيها و شافت فالجيهة لاخرة كتسوط و تشوف فالطابليط كتحفظ لمراحل حتى كتحس بإيدو على شفايفها كيمسح ليها بحنية .. ترخات و حلات فمها شوية و لهرمونات مطلعين معاها السخونية 
أمجاد بمهس : وليتي حلوفة 
شافت فيه بحدة : يااك ؟ .. اوا طيب لراسك 
بغات تمشي جرها بزز و هي كتنتر شداها لبكية حتى تقجات و هي تطلقها كتنخصص 
أمجاد : نتي حالك فشكل خاصك الطبيب 
تنترات منو بعصبية : مالي حمقة !! بنت ليك حمقة 
أمجاد بسخرية :لا ماشي حمقة غا بقالك شوية و تضربي بالحجر 
جر كرسي جلس عليه مخليها كتفور غا بوحدها 
ثلوج خنزرات فيه و مشات هزات الطنجرة ناوية تخدم ايديها و فينما بغا اخرج مذاق لحريرة اخرج .. يلله حطات لماطيشة باش تحكها حسات بمغص فكرشها ميكات لمرة لولا ظانة وجع ليغيگل لكن هاد لمرة قوا منها خلاها تفيكسا حاطة ايدها على كرشها 
أمجاد هز راسو بعفوية بعدما كان خاشي راسو فالتيليفون : اجي تشوفي البرهوشة
غا شافها فداك لمنظر و قطرات من الدم كتهبط منها تخلع و قصدها طير كيشوف فيها كارمة فبلاصتها و لونها مخطوف : ثلووووووووج .. شنو كيضرك احبيبة .. ثلووووج ؟؟؟؟
ثلوج مكمشة عينيها كتوجع بالسيف باش نطقات : معرفتش كرشي كتضرنيي 
بدات كتبكي بحرقة الألم قوا منها خلاتو حتى هو باغي احماق و عينيه حمرين محاملش اشوفها فهاد لوضع 
أمجاد : الدم اثلوج !! .. خاص نمشيو لطبيب
زرب عليها هزها و هي مرخية كتعصر شادة كرشها حتى خرج بيها من لكوزينة عاد نطقات بصوت خافت بالسيف باش كتخرج لحروف : غا لغيگل هادي .. تعطلاات عليا
أمجاد كيترعد : وجهك صفر اااشمن لغييگل ؟؟ 
ثلوج زيرات على كتفو سخفانة : معنديش الطاقة نمشي لشي بلاصة .. طلعني لبيت بغيت نتكاا 
أمجاد صعر : وااااااش كتحيمريي عليا اثلوج ؟؟؟ .. اندير راسي مسمعتكش 
بدات كتبكي معصبة و الألم ممخليهاش تهدر و تعارضو : قلت طلعنيي 
سخط و تم طالع بيها فالدروج و الدم موراهم كيقطر داير طريق حتى وصل لبيت حل لباب برجلو و دخلها قاصد الناموسية غا وصل لعندها تكاها بالشوية حتى تكمشات على شكل وضعية لجنين مغمضة عينيها و كارزة على إيدها من حر الألم حتى عروقها بانو
أمجاد غادي جاي مخلوع : صافيي بقااي هناا... غادي نهبط لتحت ناخد تيليفوني نعيط لطبيب
ثلوج بصوت هادئ : غا ليغيگل هاديي .. مع شربت لبرد جاتني بالوجع 
أمجاد قرب لعندها كيمسح على شعرها : واش ديما كدير ليك هاكة ؟؟؟
ثلوج بصوت خافت : ممم ديماا إلا شربت لبرد و تعريت 
أمجاد : انمشي نشري ليك الدوا من الصيدلية .. تسناي واحد ربع ساعة هاني جااي 
يله بغا امشي شدات فإيدو مزيرة عليها و كلها كترعد صفرا : بقاا معايا .. متمشيش 
أمجاد بدا كيسوط مخلوع و كيترعد : يلله خليني نمشي نوصي غا لعساس 
ثلوج : داك الدوايات ديال لغيگل عندهم سلبيات مبغيتهمش .. غا بقا 
أمجاد : واااش باغا تصعريي طاسيلتييي ؟؟؟ شوووفييي رااااسك كيف كتبانييي .. هانيي جاااي 
وقف باغي امشي : مغادييش نتعطل 
خلاها على وضعيتها مغمضة عينيها و مبردة سمها من لحر فالمخدة كتعض فيها و توجع .. بقات هاكاك كترجف و سنانها كيتقرقبو حتى ترخات شوية و قل الألم بدرجات على قبل .. واخة كيجيها مرة مرة بحال الصعقات لكهربائية كتضرب فكرشها و لكن شوية مقارنة مع الأول 

داز لوقت ..

فرع لباب بالجهد و دخل لعندها مرفوع كل همو هو تصحصح لييه .. بخطوات سريعة قرب لعندها كيقيس حنيكاتها و بصوت هادئ نطق عكس خوفو : شوية دابا ؟
هزات راسها بتتاقل : انا بيخير 
تكاها على ضهرها و طلع لكسيوة على كرشها كيدوز ايدو باش تسخن : وصيت لعساس اجيب الدوا شوية و اجيبو 
طولات فيه الشوفة و من بعد هزات راسها باه : شكرا
شاف فيها داك الشوفة ديال واش من نيتك : اخر مرة تقوليها 
ثلوج بهدوء : جيب ليا لفوطة الصحية 
أمجاد : فين ؟
ثلوج بصوت خافت سخفانة : من لمجر لهيه 
شيرات ليه حتى مشا جاب ليها لباكية تالف معارفش كيفاش اتديرها 
ثلوج بخجل : و كيلوط 
حط لباكية و مشا بسرعة لدريسينغ ناسي راسو كيعطس كلا شوية و ممسوقش لبرد لي ضربو كل همو و عقلو معاها .. ماشي بزاف ديال لوقت حتى خرج هاز فإيدو عرمة ديال لكيلوطات فالألوان و غادي جيهتها 
ثلوج : قلت كيلوط واحد ماشي جوطية 
أمجاد تالف : فينو لي بغيتي ؟
ثلوج : ارا ليا هاداك .. الصفر 
أمجاد حط لآخرين على جنب و خلا لكيلوط الصفر فإيدو : شنو خاص ندير دابا 
ثلوج : بغيت نوقف عاونيي 
تحنى لعندها حاوط خصرها و وقفها شبه معنقها كتبان بحال شي قطيطة بين احضانو 
ثلوج : صافي نقدر نمشيي 
أمجاد تنهد و هبط فمو لعند جبينها باسو مطول عاد بعد : مزال لوجع ؟
ثلوج بهدوء سخفانة : لا 
خدات لفوطة الصحية و لكيلوط عاد مشات بخطوات تقال لعند لحمام خلاتو واقف كيسوط و متبع ليها لعين تالف حتى سدات لباب عاد شتت نضرو لعند الدم لي تطبع فالأرض فاش هزها و حطها على الناموسية 
بلاما يحس على راسو مشا لعند لحمام دق على بابو : ثلوووج حليي لباااب 
ثلوج بصوت هادئ مقدراش تغوت معندهاش الجهد : مقدراش 
أمجاد غا سمع مقدراش فرع لباب دلحمام حتى خرجات عينيها مصدومة من تصرفو و غارقة فحوايجها من شدة لموقف لي زرع فيها لخجل خصوصاً فاش شافتو كيشوف فتحتها صولو و هي هازة لكسوة حتى لفوق عند كرشها
بلعات ريقها فاش بان ليها قاصدها : شكاديير !!
أمجاد شدها من دراعها : اجيي معايا 
جرها لجيهت الدوش كيغسل ليها و هي حشمانة و حناكها حمرين اتموت فحوايجها خصوصاً فاش كتحس بييه كيغسل منطقتها لحساسة بالرشاشة دلما هنا كيجيب ليها التمام و كتنوض عليها الرغبة لي معرفاتش منين تسلطات عليها دابا 
أمجاد كمل على تركيزو ممسوقش لوجها لي كيصفار و كيخضار .. غسل ليها مزيان و خرج من لحمام طير حتى دخل عندها عوتاني بالفوطة جرها لعندو كيمسح ليها عاقد حواجبو و باينة فيه معصب 
ثلوج بصوت هادئ اتموت من لحشمة : اااي بالشوية 
أمجاد : صبري 
مسح ليها كاع لما لي كين على جسمها و نظف ليها تحتها مركز و هي كترعد غادي تموت حداه 
ثلوج : ص.. صص... صافيي
أمجاد هز راسو و لاح لفوطة على جنب : شنو ندير دابا
ثلوج طلقات لكسيوة حتى هبطات على كرشها و سترات تحتها : انا انصايب داكشي 
أمجاد بجدية : ثلووووووووج شنووو خاص ندييير دابا .. مكتشوفييش حالتك خااصك تشربي دوااك و تنعسيي 
ثلوج معندهاش الطاقة باش تجادل معاه ولا لقوة باش تجاوب و تعطيه علاش كيقلب حيت عصبها : راه لكيلوط مقادة فيه لفوطة الصحية 
هبطات راسها بصوت خافت : لبسو ليا 
هز لكيلوط بجدية و مشا لعندها تحنى لتحت : فرقي رجليك 
فرقات رجليها بخجل حتى طلع ليها لكيلوط و لبسو ليها عاد رجعات فيها الروح 
ثلوج : صافي مزيان دابا 
أمجاد تقاد فالوقفة كيمسح على راسو : اجي تكااي 
ثلوج بهدوء : واخة 
بغات تخطوي حسات براسها تعلات لفوق مهزوزة و هو غادي بيها عاقد حواجبو .. حتى وصلها لناموسية تكاها و هز عليها لغطا عاد وقف عند راسها بنضرات حادة : تنوضي من بلاصتك اتشوفي وجهي لخيب 
حذرها بصبعو و مشا خرج من لبيت خلاها ساهية فنقطة وحدة حتى دخل عندها عوتاني بالساشية ديال الدوا و كاس دلما فإيدو قاصدها ديريكت 
أمجاد : هاد الدوا ايتشرب قدام عينيي 
ثلوج غا شافت الدوا كحلات بالعما : صص... صافيي انشربو غا سيير 
أمجاد عقد حواجبو : قلت ايتشرب قدام عينيي .. كيعجبك نعاود هدرتي ولا شنو ؟ 
ثلوج بميوعة : واخة انشربو
مد ليها كاس دلما عطاه ليها و هز لكينة عطاها حبة دارتها وسط طرحتها و طولات فيها الشوفة مكتحملش تشرب الدوا 
أمجاد قفزها : ششششربيييي 
ثلوج علات عينيها فعينيه : زيدني لغطا فيا لبرد 
عقد حواجبو و مشا اجيب ليها شي بطانية فحينها هي خزنات لحبة و شربات لما عاد حطات لكاس كتمتل أنها بلعات لكينة حتى وقف عليها بالبطانية 
أمجاد : شربتي الدوا ؟؟
هزات راسها باه 
أمجاد حط لبطانية كيقادها عليها و هو كيعطس مرة مرة و وجهو مزنك باينة فيه بدا كيمرض 
ثلوج : صافي غا خليها هاكة 
هز راسو باه و قلب الدورة خارج من لبيت حتى كتوقفو بصوتها لخافت : و لحريرة ؟
شاف لعندها هاز حاجبو : مقداتكش هاد لحريرة ؟ 
ساط و خرج ساد موراه لباب 
ثلوج تنهدات بتعب عاد تقادت فالنعسة كتفكر و تخمم 

سمعات صوت شي ميساج جا تلافتت لعند تيليفونها هزاتو كتقرا فالميساج

⁦🗨️⁩ " دخليي لوتساب " 

هزات حاجبها و طلقات لكونكسيو كتسنا فالميساجات اوصلو كاملين حتى طلع ليها ميساجو و دخلات لكونفيراسيو لقاتو مسيفط ليها 

⁦🗨️⁩ " اش بان لييك ندوز علييك نخرجو ؟"

⁦🗨️⁩ثلوج : ⁦ " جا راجليي و اصلا تعطل لحال .. تسعود هادي "

⁦🗨️⁩مراد : " وايليي !! .. امتى جا راجلك ؟ "

⁦🗨️⁩ثلوج :" قبيلات فاش بدات كتغرب الشميسة .. انخليك دابا عيانة شوية من بعد و نهدرو "

⁦🗨️⁩مراد : "عيانة ! .. ثلجتي ياك لباس واش معصبك راجلك ؟"

⁦🗨️⁩ثلوج :" لا ... شوف حتى الإثنين قول لمدير ثلوج مغاديش تجي و لكن انخدم خدمتي من لبيسي عندي و نسيفط ليه ..اوكي ؟ نعول عليك "

⁦🗨️⁩مراد :" واخة الآلة .. ولكن علاش مجياش "

⁦🗨️⁩ثلوج :" انمشي مع هاد مسيو راجلي لخاريج .. بغيت نستاغل لفرصة لحياتي لمهنية عندي شي بلانات فراسيي باغا نفذهم "

⁦🗨️⁩مراد : "تهلاي فراسك .. انتوحشك "

يله بغات تجاوبو سمعات لباب تحل غا هزات عينيها لقاتو جاي لعندها عاقد حواجبو 
أمجاد بجدية : اري دااك لمشقوف .. مريضة و شادة هاد لمرض .. اريي لخرا بلاما نضربك 
ثلوج بلعات ريقها و وجها كيصفار و اخضار : بغيت نشوف غا لوقت 
فيساع خباتو حتى هز حاجبو من تصرفها : شنو فييه ؟؟
ثلوج بلعات ريقها مرة أخرى : و و و والوو 
أمجاد ببرودة : سولتك جاوبيي .. انا دابا كنهدر بالشوية مباغيش نصعر
ثلوج هبطات راسها : كنت داخلة لواحد السيت كيبيعو فيه لملابس الداخلية 
أمجاد باستغراب : مسكينة 
هبط ايدو قاص جبينها : شوية دابا ؟ 
هزات راسها باه .. باغاه غا امتى امشي و تمسح لكونفيرساسيو : مزيان 
أمجاد : لعشا واجد هاني جايبو ليك 
ثلوج : شنو مطيب ؟
أمجاد : صلاد خفيفة و لعصير 
ثلوج : فين تعلمتي لهادشي
أمجاد : ماشي مهم فيين .. بقاي فايقة حتى تاكلي
ثلوج باعتراض : لا مبغيتش صلاد .. غادي نهبط نكمل لحريرة انا صحيحة دابا 
أمجاد : كتضحكي عليا 
بدات كتحلون عليه : والله حتى صحيحة شوف
حيدات لغطا و وقفات : شفتيي 
طلعها و هبطها : متأكدة ؟ 
هزات راسها باه بتمرد : انا صافا و قادرة نطيب 
سبقاتو كتجر فرجليها بزز و دافعة الجبهة حتى تبعها كيتنهد غا وصلات لدروج هزها بين ايديه و هبط بيها لتحت 
ثلوج : صافي نزلنيي انا بيخير 
هبطها بالشوية و نطق بسخرية : داكشي لي كنشوف .. باينة بيخير
ميلات شفايفها بميوعة و مشات سبقاه كتخطوي بالشوية واخة كتجيها الدوخة مرة مرة .. غا دخلات لكوزينة خدات الطابلية خشاتها فعنقها و حزماتها مور ضهرها ناوية تحداگ و تخليه غا كيشوف 
أمجاد هاز حاجبو : مفهمتش لاش اتعدبي راسك و هي اتجي كارثة مفيها ميتشرب
ثلوج : لعود لي تحگريه اعمييك 
أمجاد : من ناحية عود راك عود مكذبتيش 
خرجات عينيها مصدومة : شنو بغيتي تقول انا ضعيفة ؟ 
أمجاد : لا غا ضعيفة 
ثلوج بسخرية : علاش نتا من داك النوع ديال الرجال لي كيموتو فاللحم ؟؟ اااع شحال كنعيفهم .. واصلا فورمتي زوينة كلشي فبلاصتو و مناقصني والو مغليظة و مرقيقة 
بقا متبع ليها لعين و هو متكي على لبوطاجي و ايديه فالجيوبة كيسمع ليها : الثقة فالنفس !
ثلوج بميوعة : اااه
خنزرات فيه و مشات لعند الطنجرة قرباتها ليها حتى كتحس بإيدو تحطات على مؤخرتها خرجات عينيها وشافت فيه : شكااديير ؟؟؟
أمجاد عطاها شحطة بالشوية : واخة صحتك على قد لحال هازة نديباني بييك 
طولات فيه الشوفة و رجعات شافت قدامها حابسة دموعها شوية مقدراتش تسطير على راسها و بدات كتدمع 
أمجاد : مالنا دابا 
مجوباتوش بقات عطياه بالظهر محملاتش التصرف لي دار معاها بحاليلا جاية من الزنقة هاكة فهماتها .. تلاهات مع ماطيشة كتحك فيها و تقطع فالمعدنوس و لقزبر و لكرافس طراف طراف كتبرد فيهم سمها .. خلاتو راد بالو معاها عاجبو لحال مجاكرها و منفخة عليه كتبان كيوت و هي غضبانة 
أمجاد : اوا ؟ 
شافت فيه بنص عين كتسوط و كملات طيابها حتى جاه لملل عاد خرج كيجر فرجليه نيشان لصالون تلاح على لكنباي و شعل التيفي كيتفرج 


فالجيهة لخرى ..

كانت كتحفظ و مرة مرة تشوف فالوقت .. كملات مراجعتها عاد سدات لكتوبة حتى كتحس بالباب تحل تبعات معاه لعين باغا تعرف شكون 
غا شافتو تنهدات : مالك مكتجاوبش ؟ 
حط السوارت و لاح التيليفون فوق الناموسية عاد مشا لعندها باسها جنب فمها : طفا ليا فالطريق .. مالك سخفانة موكلاش ؟
حنان : مقدرتش نتعشا واخة جات عندي خالتي باش نهبط ولكن منقدرش خاص تكون معايا 
ازار بتاسم : شي نهار ناكلك بهاد الصواب 
حنان : ولد عمك مشا ؟
أزار : اه مشاا .. متعطلناش بزاف فالمطار نص ساعة هاكاك كانت طيارتو 
حنان تفكرات تغريد معرفاتش كيفاش اتكون حالتها دابا : بحال ختك حتى هو مكيجلسش فالمغرب بزاف 
أزار : اه بدرالدين و ندى مستقرين فأمريكا .. عجباهم لعيشة تماك و اصلا لخوادرية كتقرا عيات فالواليد تقرا هنا فالمغرب و لكن مخلاهاش قاليك أمريكا حسن بدات تكمل فيها
حنان : ديبلوم برا ماشي هو هنا .. و لقراية عندهم متطورة بزاف بدات خاصها تكمل كيف قال عميي 
أزار : دابا خلينا من هادشي و نوضي نهبطو نتعشاو 
حنان : بدل نتا .. انسبقك نسخن لماكلة 
أزار هز راسو باه و قبل ما يمشي لدريسينغ طبع قبلة مطولا على عنقها عاد مشا خلاها ساهية و كترمش باغا تنطق و معرفاش .. شوية تنهدات و خرجات من لبيت كتجر فرجليها و عقلها كيفكر : علاش مزال لحد الآن مقالي كنبغيك ؟!! .. ايكون مكيقولهاش ولا حيت مزال مبغاني ؟ .. شكانخربق دابا واقيلة خاص نحبس من هاد الأفكار .. لمهم هو مهتم بيا هادشي لي خاص نفكر فيه امكن ! 
بعد صراع طويل مع أفكارها كملات طريقها كتفكر فإيديها و عقلها مرفوع 

شي ساعة و الزيادة و هو مقابل مع التيفي كيقلب و اشقلب مخليها مخشية فالكوزينة معارفش راه جالسة كتسنا فالحريرة توجد بعدما دوراتها 
جمعات لوقفة كتقلب فيها : قربات توجد امكن
هزات شوية كتبنن : تبركالله عليا 
مشات طيرة بحماس هزات بلاطو قادت فيه جوج جبانيات بمعالقهم عاد بدات كتكب لحريرة بالمغرف و البخار طالع فالهوى .. أول مرة تصايب شي حاجة و تصدق ليها ممتيقاش راسها و طايرة بالفرحة .. كملات شغلها عاد زولات الطابلية و خرجات من لكوزينة هازة لبلاطو بشغف 
و صلات لعند الطابلة و حطاتو عاد نطقات بتمرد : نووض تعشاا راه واجد
أمجاد كيعطس : كولييه غا نتيي 
خسرات ملامح وجها : لهلا اطيح فكرشك 
جلسات دايرة رجل على رجل فخورة براسها و مقاداها فرحة مكرهاتش تقول لكلشي كنعرف نطيب لحريرة .. بقات كتقلب و تشقلب بالمعلقة حتى بردات عاد بدات كتاكل بالشوية و بالرزانة 
أمجاد شم الريحة هز راسو شاف جيهتها كيف كتاكل ممسوقاش لييه .. هز حاجبو و جمع لوقفة قاصدها غا جلس جرات لبلاطو عندها و فمها عامر : غفغغغفغفغعمخمحخ 
أمجاد : شنو كتقولييي ؟
سرطات الدغمة مع كان طريف من لخبز غطساه فالحريرة عاد نطقات مسرحة هدرتها : بعد منييي متقربش لهادشيي 
أمجاد : داوية من نيتك ؟
ثلوج بتمرد : من ريتييي .. يلله سير ياك قلتي ناكلو غا انا 
خنزر فيها و مشا طالع سامح ليها فكلشي و ممعشيش كاع 
ثلوج بميوعة : سطح راسك مع لحيط شكون تسوق ليك 
غا تفكرات اش باغا منو و هي تبلع ريقها : ناري اش درت 
كمشات فمها معصبة كتلوم فراسها عاد رجعات كتاكل بشهية ناسية لوجع لي جاها قبيلة .. ضربات جوج جبابن و كان فيها ميزيد غا حسات براسها تقلات و هي تجمع راسها .. بقات جالسة شحال كتنفس بهدوء و تسوط حيت كترات حتى ترخفات شوية عاد جمعات لوقفة و طلعات عينيها مع الدروج كتشوف فالدم ديالها لي كان كيطيح قبيلة داير طريق .. تنهدات و عرات على جلايلها مسحات داكشي كامل و نقات الدنيا حتى ضربات طناش دالليل عاد سالات .. قبل تطلع للفوق هزات بلاطو فيه جبانية دلحريرة بعدما عاودت سخناتها و حطات حتى لخبز و الشباكية لي كانت مسيفطة ليها مها عاد تنفسات بعمق و تقدمات بخطوات تابتة طالعة لعندو .. وصلات لبيت لقات لباب مردود هزات حاجبها و دخلات كتدور فعينيها لقاتو ناعس و مخلي الضو مشعول .. ميلات شفايفها و مشات حطات لبلاطو عاد قصداتو واقفة عند راسو و ايديها على خصرها 
ثلوج : واش نعستييي ؟؟؟ 
شافتو رمش عاقت بييه مزال فايق .. عضات على شفايفها بحماس و مشات جابت معاها لبلاطو : ها لحريرة شربها فيها لبزار 
أمجاد زفر و هز لغطا على وجهو 
ثلوج بعصبية بردات غدايدها فشفايفها حتى تهدنات عاد نطقات بصوت هادئ عكس مشاعرها لحقيقين : شربها قبل تبرد .. واش مقلق مني ؟.. راه غا ضحكت معاك ياك عارفني عزيز عليا الضحك 
ميلات شفايفها حسات براسها حامضة فهاد اللقطة : حشومة عليك صايبتها بإيديا و تعذبت باش وجدات واخة كنت مريضة صايبتها 
حيد لغطا من على وجهو كيسوط : دابا شنو 
ثلوج ببرائة كترمش فعينيها : شربها 
تقاد فالجلسة و حطاتها ليه لبلاطو بلطافة كتبتاسم إبتسامة صفرا : عنداك تكون سخونة و تحرقك 
شاف فيها هاز حاجبو و مصغر عينييه حتى نطقات : يله ذوق و عطيني رأيك 
هز معلقة كيذوق عاد نطق عاقد حواجبو : مبيهاش 
جمعات ايديها على شكل قبضة مور ضهرها كتبرد لغدايد و قدامو كتبتاسم بتبات : بصحتك 
غا تفكرات تيليفونها مخشي فالفراش تخطف منها اللون .. فيساع مشات لجيهة لخرى فين كتنعس عاد هزات التيليفون بحذر كتحاول متعيقش و حطاتو فوق لكوافوز بعيد عليه 
أمجاد : منين جاتك الشباكية 
ثلوج بهدوء : مسيفطاها ليا ماما 
هز راسو لعندها مستغرب من هاد لهدوء و رجع كيشرب عجباتو و مبغاش اعبر ليها راه زوينة 
ثلوج خلاتو كيشرب و مشات لحمام تخشات فيه قلبات لفوطة الصحية لقات غا شي نقيطة ديال الدم تنهدات و رجعات خرجات لعندو 
أمجاد علا راسو فيها : هزي عليا هادشي 
بتاسمات ليه إبتسامة صفرا و مشات خدات من عندو لبلاطو كتسوط و تمتم من تحت فمها : مقادر اقول حتى شكرا .. يااه على بنادم
حطات لبلاطو و رجعات لعندو كتبحلس : هنن أمجاد 
شافيها بنص عين بعدما كان خاشي راسو فتيليفونو : شنو ؟ 
غا قال شنو طارت من حداه هزات بيسيها و مشات لعندو كتبحلس و تحلون : نطلب منك طليبة صغيورة 
شاف فيها مصغر عينييه : جيني من لخر
تبسمات بهدوء و تخشات معاه فالفراش كتوريه السيت لي داخلة ليه : فهمتي ؟ 
أمجاد ساط : من لخرررر شنوووو 
ثلوج كتحلون باغا توصل لمبتغاها : نقوليك و متعصبش 
أمجاد عاد شعل يله اينطق نطقات هي و شعلاتو حتى فاض مصدوم من كلامها : بغيت نمشي لهاد لعرض ديال الأزياء .. ههنن عفااك أمريكا معروفة بييه خاص نستاغل لفرصة
طول فيها الشوفة كيخنزر : من نيتك ؟
ثلوج بميوعة : مالها اش فيهاا 
أمجاد هز صبعو ضرب شاشة لبيسي كيبرك عليها : باغا تمشي لهااد لخراا و هاد لعرض لي كيلبسو فييه جووج شرااوط؟؟؟؟
ثلوج : هادو رااه دوبياس ماشي شرااوط .. و لعرض جريئ شنو ذنبي انا .. عفااك بغييت نمشيي لييه 
تلاح على خصلة من شعرها شدها منها حتى توجعات : سييييريي تنعسييي بلاما نصمكك اللليل هاداا 
ثلوج مكمشة عينيها مقصحة : ااااي طلللق منييي البنااادم .. طلللق ولا نعضك 
هز ايدو باغي اصمكها فالأخير زفر و تخشا مقاد فبلاصتو و عطاها بالظهر خلاها كتاكل فضفارها معصبة 
بقات شحال على نفس لوضعية عاد دارت لعندو كتبحلس : عفااك .. رااه كنطلبك دابا ولا انمشي ليه راسي إلا مبغيتيش 
بقا ساكت كيسوط مجاوبهاش هو كيتفادا اضربها و هي عاد مزايدة فييه و لاصقة على هدرتها : غادي نكون غا جالسة فبلاصتي و كنكتب لمقال دياليي .. بغيت نبحث على كواليس داك لعرض 
أمجاد بعصبية تلافت لعندها حتى تفزعات و رجعات لصقات فبلاصتها : ااااااشششمنننن كوالييسسس ولا خراااا .. شنووو باغاا تسولييهم شنو إحساسهم فااش كيتعرااو قدام لبشار بداك سنتيم ديال التوب ؟؟؟؟ واااش من نتيك داوية عندك لخراا فدااك لمخ ولا تكلختيي .. راااهم گور مولفيين لعراا من صغرهممم 
ثلوج بتمرد كتنطق و خايفة تجيها شي دقة : لا رااه كاينين حتى لعرب .. عارضات عربيات هما لي عندي بيهم لغرض 
أمجاد بسخرية : وااش عند باللك لمافيا و زعما هما كيمشيو بزز منهم ؟؟؟ رااه مرخص داكشي من طرف الدولة .. شوفييي بلاما تحمقيي طاسيلتييي فهاد الليل تزيدي شي كلمة اتحسبي سنانك قداامك .. لي عندي قلتو بغيتي تحسبي سنانك هدري دابا 
حمر فيها حتى تفافات و بدات كتدور فعينيها كترمش عاد رجع تغطا كيزفر و حلقو ناشف زايد معصبو 
بقات كتشوف فييه بنص عين و تسوط باغا تمشي لداك لعرض و لباس .. بعد تفكير طويل كيفاش ادير ليها جمعات لوقفة و مشات حطات لبيسي فبلاصتو عاد رجعات تخشات فالفراش و دارت عطياه بالظهر حتى هي 

عيات كتدور فعينيها و بنفاد صبر تلافتت لعندو علات لغطا و تخشات حداه كتبوس فحنكو 
أمجاد : مرييض انعادييك 
ثلوج تابعة غا رغبتها فييه : قرب هننن 
دار لعندها مخليها كتبوس فحنيكاتو و مرة مرة كتخشي راسها فعنقو حتى هيجاتو و مبقاش قادر .. تفننات ليه فعنقو بقبلات عميقين و مرة خفاف حتى سخفات عاد بعدات 
أمجاد : من امتى مجاتك لغيگل ؟ 
ثلوج عطاتو بالضهر كتعض فإيديها معصبة : شكانديير اويليي شكانديير 
أمجاد جرها من كرشها لعندو حتى خشاها بين درعاتو و ضهرها ملاصق مع صدرو : سولتك 
ثلوج بميوعة : هاهيا جاتني دابا مشفتيش 
هز راسو باه تالف و شكو طار : إلا جاك لوجع نمشيو لطبيب 
هزات راسها باه كتنفخ : يلله رخف منيي بغيت النعس 
بعد شعرها من على عنقها و هبط راسو كيبوس فيها و هي كتبورش عاد نطق بهمس : شكون داك لمشة لي كانت كتبوس فيا هممم ؟؟ .. حتى جعرتيني عاد ناوية تنعسيي
ثلوج كترعد بين ايديه و السخونية طالعة معاها : فيا لغيگل متحلمش بداكشيي .. حرام 
أمجاد : هاد لغيگل حتى بغيتك عاد جاات
ثلوج تقلبات لعندو كتبحلس : بغيت نبوس كرشك ! .. واخة نبوسها؟
ضحك بسخرية : لا لا نتيي خاص ندييك لطبيب 
ثلوج عقدات حواجبها : متبقاش تقول ليا الطبيب رااه بعقليي اخر مرة تهدر معايا هااكة .. وانا لي حمارة دايرة فيك راسي
بغات تدور زيرها لعندو كيعورط بيها : ضااحك مع برهوشتيي .. منضحكش؟
ثلوج : انا ماشي برهوشة هادي أولا ... ثانيا تخاصمت معاك حيت مبغيتيش تخليني ..
قاطعها بحدة : هانتييي غااادييي تعصبيينييي 
ضربات الطم كتسوط حتى بان ليها زول لقبية لاحها و لاح حتى التيشورط لتحتاني خلاها مصدومة و كتشوف فعضلاتو لمرسومة و لهضاب لي مطبوعة بحال شي لوحة فنية 
أمجاد : هانتيي الآلة بوسي حتى تشبعيي
ثلوج مبقاتش كتقشع بحركات أنثوية غراتو بالمزيان و هيجاتو ملي حطات ايدها على صدرو بلطافة و نعومة عاد طبعات قبلة جريئة على كرشو لمتصلبة كتبوس فيها و تعاود و مرة مرة كتعض بالشوية و بإغراء محاساش بأشنو كيوقع ليها كل همها تلبي رغبتها و تشبع من داكشي لي تشهات 
أمجاد : وااش متأكدة لغيگل ؟؟؟ 
مجوباتوش بقات طالعة لصدرو كتبوس فيه و تلمس بأنثوية حتى جهل و كره لغيگل لي جاتها واخة مرة مرة كيراودو شك لحمل و أعراضو 
ثلوج بعدات عليه هازة حاجبها : فيك ريحة لبنات !؟؟ 
قاس جبينها بسخرية : لا نتيي صافيي طاار لييك فمرة .. اجي لهنا اجيي 
جرها لعندو كياخد حقو منها فالبوسان و لعضان حتى بدات كتسخف ليه و هو ممسوقش .. قلبوها وسط لفراش هو كيبوس ملهوف و هي كتركل و تفشش عليه مرة مرة عاجبها لحال مرة كتسوط معصبها.. منعسو حتى كلا واحد فيهم رجع لاخر مطبع بقبلاتو الشرسة .. و لأول مرة كتنعس مخشية فييه و مزيرة على كرشو لمتصلبة مستمتعة باللحظة ..

دازت هاد الليلة و جا نهار جديد ..

فاقت مدوخة بالنعاس كتقلب فبلاصتها من قنت لقنت و تحسس بإيديها لمحيط لي داير بيها عاد هزات راسها كتشوف بعينيها و ترمش فاش ملقاتش حسو حداها .. تنهدات و مدات ايدها هزات تيليفونها مسحات لكونفيرساسيو مع مراد فحالة طاح بين ايديه و قرا شنو مكتوب .. بقات شحال على وضعيتها كتكسل و تفوه عاد جمعات لوقفة كتجر فرجليها للحمام مجرد مدخلات هبطات لكيلوط كتشوف لفوطة الصحية واش عمرات ساعة والو متزادت حتى نقيطة ديال الدم عليها .. هزات حاجبها باستغراب و مشات جلسات فوق لشاس كتقضي حاجتها و تفكر فالليلة دلبارح و اشنو دارت .. تصرفاتها ولاو كيخلعوها لدرجة كيخليوها مصدومة فراسها و هادشي لي مباغاش هي .. باغا تلقا جواب مقنع لهاد لمهزلة لي ولات فيها و ملقيااش غادي تحماق و راسها غادي اطرطق من كترة التفكيير 
سمعات الدقان فالباب : كينا هنا ؟
ثلوج : ااه 
أمجاد : هاني خارج نجيب شي حاجة .. غسلي حالتك و بدلي لعشية عندنا الطيارة 
خرجات عينيها مصدومة : اوااه واش انمشيو ليوم ؟
مجوبهاش عرفاتو ايكون مشا .. بقات حاطة ايدها على حناكها كتخمم و تسرح بعييد بأفكارها فالأخير جمعات لوقفة طرفات حالتها مزيان و خرجات لعلى برى كتشعل بالنقا .. أول حاجة دارتها هزات تيليفونها صونات لمها و لفوطة على وجها كتمسح قطرات دلما 
متعطلاتش بزاف باش جوبات كانت على لقرص : الو بنتيي اش خبارك 
ثلوج : ماميي .. إلا كنتي اتجي عندي نتي و بابا هاد السيمانة راه مغاديش نكون فالدار .. مسافرة مع أمجاد لأمريكا عندو شي شغال و بغيت نمشي معاه ... لا لا انا بيخيير .. متخافيش انرد لبال لراسيي كوني هانية .. حنان ؟ اه راه كنهدر معاها ديما و هي لباس عليها راك عارفة لقراية دابا و راجلها ممخليها مخصوصة من والو كوني هانية من جيهتها .. و صافيي اماما مالي صغيرة .. راجلي ؟و رااه لباس عليه مكنعصبوش غا تهناي .. يااه كتهدري بحاليلا انا ماشي بنتك هو لي ولدك .. ياك ؟ انا كنطيير .. لا لا وليت ضريفة
تنهدات عرفات مها مغاديش تسالي و هي تنطق : إنكم فالعلبة الصوتية ... طيط .. طيط
و قطعات كتنفس : معمر حفصة تبدل 
حطات التيليفون و مشات لدريسينغ تالفة كاع حوايجها شرشماتهم فالأرض كتقلب و تشقلب معارفة شنو تهز معاها .. و لكن لي فيها ممهنيها حطات لفاليز حداها و بدات كتستف داكشي لي ناوية تلبس مخلات حتى حاجة مهزاتها معاها كاع لي تشهاتو خشاتو فالفاليز
خدات وقتها عاد لبسات عليها جينز و تيشورط من لفوق و خدات جاكيط جينز حتى هي هزاتها فإيدها و هبطات لتحت كتقلب علييه فحالة اكون جا من برى .. غا بان ليها مشات لعندو 
أمجاد : دوزي تفطريي 
ثلوج : شحال انبقاو 
أمجاد : قلتي باغا تمشي معايا ؟
هزات راسها باه 
أمجاد : اذن دوزي تفطريي بلاما نشبكها معاك

فالجيهة لخرى ..

وقف قدام لمخفر بالسكوتر ديالو عاد نسل لكاسك حطو قدامو و جبد تيليفونو كيصوني ليها و يعاود لكن بلا حتى نتيجة ديما كتجاوبو لعلبة الصوتية .. زفر و نزل قاصد لداخل غا دخل قشع واحد من لبوليس مشا لعندو بخطوات سريعة : السااط فينها شدى ؟
لبوليسي شاف فيها و حمر : حتارم راسك شهاد الأسلوب ؟
رياض جمع ايدو على شكل قبضة معندوش لوقت فين اتجاوب : لمحققة شدى مجاهد فينها ؟
لبوليسي : شدى مجاهد رجعات لواشنطن شحال هادا 
و مشا خلاه واقف مصدوم فبلاصتو و عقلو مرفوع .. حس بالدنيا كدور بييه معرفش كيفاش حتى هزوه رجلييه نيشان لبرى ... ركب سكوترو و بقا مفيكسي نظرو على نقطة وحدة : مشاات ! .. بلاما تقول شي حاجة ؟
زفر و خشا لكاسك بعجرفة عاد كسيرا مخلي لعجاج موراه .. كلا مرة كيزيد اكسيري طير وسط الطموبيلات غا من سرعتو باينة فيه معصب و شي حاجة دراه فخاطرو 

دازو ساعات 

كانت راكبة حداه فرحانة و متحمسة لهاد التسافيرة بقات عليه حتى وافق امشيو مع المسافرين ماشي فطائرة خاصة .. حاسة براسها باغا تشوف و تدور عينيها ماشي تمشي مخزونة حداه حتى يوصلو . عارفة ايجيها لملال و اطيح عليها الضيم 

أمجاد : وصلنا .. نزليي 
حل لباب نزل عاد نزلات هي كتدور فعينيها معاقتش بيه امتى وقف قدام لمطار .. بان ليها دار لكوفر هبط لفاليز ديالها و شاف لعندها : شدي فياا 
مد ايدو ليها عاد مشات شدات فيه كتفرنس و تدور فعينيها 
أمجاد لاحظ سعادتها بتاسم و دخل لمطار جار لفاليز فإيد و الايد لاخرة شادها بيها .. بقاو غادين وسط المسافرين شي غادي شي جااي و الدنيا مخلطة بالسيف باش قضا جميع الاغراض لي خاص اقوم بيها عاد جرها غادين لطيارة 
ثلوج طلات عليه بنص عين : طلق لغوباشة مالك معصب غا بوحدك
أمجاد شاف فيها عاقد حواجبو : لي معاك ميتعصبش ؟ 
ثلوج بميوعة : شنو درت 
زفر و تكحاز باش تطلع فالدرج ديال الطيارة : طلعيي طلعيي 
ميلات شفايفها و طلعات سبقاه و هو موراها .. ماشي بزاف دلوقت حتى كانت جالسة فبلاصتها من جيهت الشرجم و هو حداها .. بقات كتطل على لغيوم عاجبها لحال و متحمسة بالزايد 
أمجاد شاف لعندها لقاها كتنفرنس : لعفوو 
شافت فيه مخنزرة : مالي ماشي من حقي نفرح ؟
أمجاد : فرحي شكون قاليك متفرحيش 
ثلوج : ممم اوا هاكاك 
ميلات شفايفها و رجعات كتشوف فالزاج و تطل حتى عمرات الطيارة بالمسافرين و بدات تقلع فالسما عاد شافت لعندو مغمض عينيه و مرجع راسو للور .. عضات على شفايفها و شدات فكتفو مزيرة عليه و غارسة ضفارها بقوة مخلوعة شوية 
أمجاد حل نص عين كيشوف فملامحها لي مكمشاهم و ضفرانها لي غارسة فيه زفر و جرها لعندو معنقها : متخافييش 
بقات مكمشة فيه حتى تعلات الطيارة فالسما و خدات طريقها وسط لجو و الغيوم 
ثلوج غا حسات بالطيارة ستقرات بعدات عليه كتسوط مرضياش قدامو : مكنخافش منها 
أمجاد دايها على قد عقلها : اه داكشي لي فهمت حتى انا 
خنزرات فيه و رجعات كتشوف فالزاج و تدوز عليه ايدها فرحانة مكرهاتش تقيس لغيوم و تلامس الأزرق السماوي الصافي .. لجو مبهج خلا الإشراقة تغلغل ملامحها حتى تبان ابتسامتها لعريضة 
أمجاد خلاها على خاطرها و رجع راسو للور مغمض عينيه حتى نعس كاع.. مضرباتو لفيقة حتى دازو ساعات .. غا حل عينيه شاف جيهتها واش مزال فبلاصتها ساعة خرج عينيه و جلس مقاد كيشوف فيها مخطوف منو اللون : شكادييري ؟؟؟!!! 
تلافتت لعندو بالعرض لبطييء كتدور فعينيها و تبلع فريقها : وو ... و والو مكندير والو 
أمجاد : اري داكشي لي خبيتي 
زيرات على ايدها كتخبي و تمسح ففمها مرضياش : مم ممم ممخبية والو هننن 
نتر ليها داكشي من ايدها كيخنزر حتى لقاه لفاخر وسع عينيه و طلع راسو فيها : لفاخر اثلوج 
ثلوج ميلات شفايفها شداها لبكية و تلافتت لعند الزاج كتمسح ففمها 
أمجاد طول الشوفة كيتنهد فالأخير جرها لعندو باس على راسها : كيعجبك ؟ 
هزات راسها باه كتنخصص : عطيني دياليي 
أمجاد : منين ضبرتي عليه ؟ 
ثلوج : جبتو معايا من الدار .. دابا عطيني ديالي 
عطاها قطعة لفاخر كيشوف فيها و اتنهد فالأخير بتاسم و لفرحة باينة فعينيه : هاهو كولي و بالشوية 
ثلوج : عنداك تقول لشي واحد كناكل لفاخر 
أمجاد دايها على قد عقلها : لا .. مراتيي مكنهدرش فيها 
باسها على خدها راشقة لييه و عقلو سارح لبعيد مع الشك لي تأكد منو 

و أخيرا تحطات الطيارة فأكبر مطار فأمريكا .. نزل جارها موراه و لفاليز فالإيد لاخرة .. غا خرج من لمطار لقا الشيفور كيتسناه مد ليه لفاليز حطها فالكوفر و ركب هو بعدما حل ليها لباب و ركبات .. داك الساعة طلع الشيفور لبلاصتو و كسيرا نيشان لأوطيل لي حاجز فيه

كانت كتشوف فتصميم لغرفة ممتيقاش راسها .. غرفة بحال ديال لملوك بأثاتها و ديكوراتها .. تلافتت لعند لفاليز ديالها جراتها عاد حلات كتجبد حوايجها ناوية تدوش و ترتاح ميتة بالنعاس حيت منعساتش فالطيارة 
فهاد الأثناء دخل أمجاد : دوشي و نعسي 
هزات راسها باه بلاما تشوف فيه 
أمجاد : هاني جاي إلا تعطلت نعسي 
ثلوج علات راسها لعندو : فين غادي ؟ 
أمجاد حمر فيها و مشا خرج من لغرفة ناوي اجيب ليها إختبار لحمل باش تجربو غدا و انهي هاد الشك لي ضرو فراسو 

داز لوقت .. 

خرجات من لحمام مخشية فبينوار سخون و لفوطة فوق راسها .. قصدات لفاليز ديالها خدات ليها متلبس و داكشي لي كان غا لبسات عليها مشات لفراش تخشات فبلاصتها كتاوب .. ماشي بزاف دلوقت حتى غفات و دخلات فسابع نومة 

تحل لباب و دخل هاز فإيدو ساشية من الصيدلية ..حطها فوق لكوافوز عاد هز عينو لعندها مبتاسم .. بلاما يحس مشا حداها كيقيس فكرشها و اتنهد شوية هبط راسو باسها ليها مطول عاد بعد غادي اياكلها بعينيه من ملامحو باينة عليه لفرحة .. سمع صوت شي تيليفون تلافت لقاه تيليفونها .. ميك و تخشا حداها كيرجع ليها شعرها و مرة مرة كيبوس شفايفها حتى تنفخو و هي محساش حالة فمها كتشخر بصوت خفيف خخ .. صدعو صوت التيليفون حتى هزو هاز حاجبو .. بانو ليها شلا ميساجات عقد حواجبو و حل لكود مع خبرتو هادشي ساهل قدامو .. بقا كيشوف مطول عاد تقاد فالجلسة كيقرا فالميساجات مخرج عينيه 

⁦🗨️⁩" الزين دياليي .. صافي طلعتي فالطيارة ؟ " 

⁦🗨️⁩" كوكو ثلوج وصلتيي ؟ .. راه حاسب ليك لوقت ههه "

⁦🗨️⁩" فين غابرة ... صافي مشيتي لأمريكا قلبتي على عشيرك ! .. اتكوني ناعسة فاش تفيقي صوني ليا حيت توحشتك .. بونوي و أحلام سعيدة الزين ⁦❤️⁩ " 

ضربو الضو من داكشي لي كيشوف فيساع برزو عروقو و عينيه حمارو كيخرجو لعافية .. مصدوم و مقداه صدمة كاملو كان كيترعد و لي داز كمل عليه هو فاش دخل لتصاور لقاها مصورة مع واحد مرة ضاحكين مرة قراب لبعضياتهم واخدين سيلفيي .. مرة خارجين مع وحدين اخرين كيتعشاو و اضحكو جمعاهم صورة وحدة كاملين مبتاسمين .. و اللباس ديالها غا لقصير قليل فين كتلبس شي كسيوة طويلة و لا تجمع شعرها .. مع كل تصويرة كيدوزها كيزيد اتصدم .. شوية دخل لسجل لمكالمات و بضبط فين كيتخزنو ... بدا كيسمع فمكالمتهم مع بعضياتهم .. بقا كيسمع بلامح جامدة تصدم لدرجة مبقاش كيعبر على غضبو ..داز على لمكالمات كاملين سمعهم عاد رجع كلشي لبلاصتو و مسح لميساجات بحاليلا مقرا والو ..بقا جالس كيشوف فنقطة وحدة كيغلي من لداخل و صدرو كيطلع و اهبط معرفش كيفاش حتى وقف و هو مرفوع .. حط ليها تيليفونها حداها و خرج من لغرفة زادح لباب موراه فمرة

داز هاد النهار و جا نهار جديد ..

فاقت كتكسل من لعياء ديال لبارح .. بعد مدة و هي فالفراش جمعات لوقفة كتدور فعينيها عليه مكاينش حسو بالمرة .. ميلات شفايفها باستغراب امنيتها تعرفو فين كيمشي .. تنهدات كتطردو من أفكارها عاد مشات لحمام قضات حاجتها و خرجات كتنشف فوجها .. حطات ايدها على كرشها كتوزوز بالجوع و شداتها السخفة .. أول حاجة فكرات فيها هي تلبس عليها و داكشي لي كان بدلات و لبسات فرجلها عاد خرجات من لغرفة كتجر رجليها فالأوطيل نيشان لتحت فين كاين الإستقبال .. بقات غادة جاية كتقلب بعينيها ربما إبان ليها ساعة والو حسو مكاينش .. عضات على شفتها و مشات جلسات فالكنباي لي كاينة تماك حتى بان ليها داخل مع لبوابة لكبيرة ديال الأوطيل كلها زاج .. وقفات بعفوية و مشات لعندو مخنزرة 
أمجاد شافها بقا ساكت قالب وجهو 
ثلوج : واش مبتيش فالبيت ؟ 
أمجاد ببرودة : اجي تفطريي 
ثلوج شافتو سبقها تبعاتو كتسوط : ديما مغوبش عمرو اضحك بحال الناس 
بقات تبعاه حتى دخلو لواحد الريسطو داخل فالنظام ديال الأوطيل .. كحز ليها لكرسي جلسات و جلس هو بهدوء و بملامح باردة بقات كتشوف باستغراب متنكرش أنه كيدخلها سوق راسها بهاد لبرود ديالو 
ثلوج : احم .. واقعة شي حاجة ؟ 
هز عينو لعندها بنضرة غريبة : نسولك نتي ؟
بلعات ريقها من طريقة نطقو لحادة : م ..ممم ..ماليي !
أمجاد جبد تيليفونو كيخنشش فيه ببرودة كيتصرف بحاليلا مكيناش قدامو .. حتى جا لعندهم السيرفور قاليه شنو اجيب ليهم و مشا .. ماشي بزاف حتى رجع فإيدو الطلبية ديالهم .. حطو ليهم داكشي فوق الطابلة حتى عمرات 
ثلوج كتبلع فريقها مرضياش : عندهم عصير الليمون ؟ 
عاود شار ليه حتى جا لعندو ونطق بالإنجليزية : جيب معاك عصير دالليمون 
هز راسو و مشا انفد طلبو 
ثلوج كتشوف فالفطور مخسرة ملامح وجها : حتى حاجة مزوينة فهادشي 
هز حاجبو فيها : شنو باغا تاكلي ؟ 
فهاد الأثناء وقف عليهم السيرفور حط ليهم عصير دالليمون حتى كيوقفو أمجاد : سمع ليها شنو بغات 
ثلوج : عندكم لبيض مصلوق ؟ 
شاف فيها أمجاد داك الشوفة ديال واش من نيتك 
ثلوج حسات براسها غبية فهاد اللحظة كيفاش لبيض بأشكالو مغاديش اكون عندهم : احم جيب ليا خمسة لبيضات مصلوقين عفاك
هز السيرفور راسو ومشا 
أمجاد : هادشي صافي ؟ 
ثلوج : ممم صافيي 
كانت متحمسة تفطر بالبيض مصلوق مهنات حتى تحط قدامها الطبسيل عاد دخلات فيه طول و عرض ممسوقاش لناس لي جالسين كيفطرو فنفس الريسطو .. كان كل همها تشبع و تشرب من عصير دالليمون .. فجو شهيتها فالأكل سمعات صوت أنثوي جاي كيرقب لعندهم : أمجاد 
تلافتت هي لولا سبقاه كتطلع و تهبط فيها هازة حاجبها 
أمجاد جمع لوقفة بلباقة عاد نطق بالإنجليزية : هاندة .. صافا 
صافحها بعدما مدات ايدها تصافحو 
هاندة : شكون هاد لبنت الزوينة لي معاك 
أمجاد ببرودة : مراتيي .. ثلوج 
هاندة مدات ايدها تصافحها : مشرفيين 
ثلوج بابتسامة صفرا : الشرف ليا 
أمجاد : جلسي تفطري معانا 
هاندة : سول مراتك إلا مكانش عندها شي اعتراض
أمجاد : لا معندهاش غا جلسي 
جلسات هاندة بلباقة كتصرف بتبات ...كانت بنت ناعمة و شقراء بملامح أمريكية بمتياز 
ثلوج كتشوف فيهم بجوج مصدومة .. الصفار ديال لبيض وحل ليها حتى بدات كتكحب حادرة راسها .. شوية بان ليها خيال ماد ليها كاس دلما هزات راسها ناوية تاخدو من عندو بالنفخة ساعة لقات غا هاندة لي مداه ليها .. كمداتها لداخل و خدات من عندها لكاس كتشرب بعجرفة و وجها مزنك غادي تطرطق 
أمجاد : سمعتك داخلة شريكة فهاد الأوطيل 
هاندة بابتسامة : اه .. بغيت نستثمر فلوسي و جات لفرصة هنا 
أمجاد : عجباتني لفكرة 
ثلوج كتدور فعينيها بيناتهم كيبانو ليها منساجمين فالهدرة باينة فيهم كيعرفو بعضياتهم مزيان من قبل .. طلعات معاها الصهدة و هي تجمع لوقفة 
بتاسمات ابتسامة صفرا فاش بانو ليها كيشوفو فيها بجوج : صافي شبعت انطلع دابا 
هز راسو باه ببرودة و رجع شاف فهاندة : مكتفكريش تحطي فلوسك فشي حاجة أخرى ؟ 
هاندة شافت فيه مبتاسمة شادين لهدرة بيناتهم بهدوء و إحترام

طلعات بجرية للفوق حتى وصلات لفين حاجزين عاد دخلات و سدات لباب بعجرفة .. بقات غادة جاية كترجف و كلها كترعد باغا طرطق و محملاش لبلان لي دار ليها عتبراتو تنقيص منها و معطاهاش وقت بحاليلا مكيعرفهاش .. بالسيف باش تهدنات و مشات تركنات فبلاصتها كتنخصص حابسة بكيتها و معرفاش هاد لحساسة لي ولات عندها منين نزلات عليها فهاد الظروف 

داز لوقت و جا الليل طول النهار مشافت وجهو من غير الموظفين ديال الأوطيل كيطلو عليها إلا خصاتها شي حاجة عرفاتو ايكون غا هو لي موصيهم .. هاكة دازت الأيام مور هاد النهار .. مبقاتش كتشوف وجهو و مفهماش علاش كيغبر .. ندمات حتى جات لأمريكا و لات غا جالسة فبلاصتها حتى كيجيبو ليها لماكلة تاكل و ترجع تنعس .. طاح عليها الضيم و دخلات فكآبة بسباب لمرض لي نزل عليها .. زادت ضعافت و لي كمل عليها مبقاتش عندها لگانة حتى تخرج تشم لهوى ولات غا مرخية و مسهوطة مقادة تهز حتى راسها حتى لواحد لعشية من لعشيات كانت كتفرج شادة التيفي و عينيها على لبيسي خدامة عليه كتلف لوقت .. غا سمعات لخبر هزات راسها باستغراب كتفرج فالأخبار و على لمباشر داكشي .. هزات حاجبها و جمعات لوقفة مصدومة 

لمذيعة كتنطق بالإنجليزية : في إحدى المستشفيات و بالضبط غرفة العمليات يوجد مريض يخضع لعملية صعبة و لغريب فالأمر مرافقت أحد أقاربه و بأصح لعبارة زوجته أثناء الجراحة حيت أنها قامت بتهديد الأطباء إن لم تنجح العملية سوف تفجر نفسها بالقنابل و لمستشفى كذلك .. 

بركات على الريمود قطعات الصوت مصدومة كتشوف فالبوليس محاصرين لمكان باغين اخرجو ديك الزوجة لي كتهددهم إلا الأطباء منجحوش فالعملية اتفجر راسها و حتى لمستشفى معاها 
داك الساعة شافت جيهت لكاميرا ديالها : خاص ندير شي حاجة ميمكنش نبقا جالسة هنا 

معرفاتش كيفاش لبسات عليها بسرعة كبيرة طيرة بحال لبرق .. غا كملات هزات تيليفونها خشاتو فالجيب اللوراني دلجينز عاد هزات لكاميرا خشات السمطة ديالها فعنقها و زادت خلفة مع الطريق كتجري و لجاكيط فإيدها باش متديرونجيهاش لبساتها من لفوق و كملات خطواتها بسرعة .. خرجات على برى كتنهج غا بان ليها طاكسي مشات لعندو بجرية ركبات و قالت ليه سمية لمستشفى مع ذاكرين لعنوان فالأخبار .. تحرك مول الطاكسي كيطير مع الشاريع و هي فوق راسو كتسول فيه و تعاود 
ثلوج : متأكد صمعة لمستشفى مزيانة ؟ 
الشيفور : ااه ا آنسة .. من اغحسن لمستشفيات فهاد لمدينة 
ثلوج باستغراب : عفااك زيد السرعة زيد 
الشيفور : لحد هو هادا 
بقات عليه فينما انقص السرعة كتقول ليه زيد و داكشي لي كان حتى وصل لمستشفى كتشوف الروبالة نيضة و البوليس محاصرين لمكان .. شي كيتباكا خايف على أقرباؤو لي لداخل اتفجرو كلا و همو ..تنهدات كتشوف داك لمنظر عاد خلصات الطاكسي و نزلات بسرعة كتدور فعينيها مصدومة من داك لجو 
معرفاتش منين تسلط عليها بوليسي جرها : اجي معانا ا آنسة خطر علييك .. بعدي لهييه حتى اتحل لمشكيل 
ثلوج بعدات كيف طلب منها كتاكل فصباعها : كيفاش غادي ندير ليها دابا 
خلاتهم ملاهيين و مشات بجرية شعرها موراها كيتطاير مع لبرد لي كيديه و اجيبو .. دارت من الجيهة لخلفية ديال لمستشفى الدنيا خاوية و كل تركيزهم مع لبوابة الرئيسية .. بتاسمات كتنهج عاد قربات لباب لخلفي بغات تحلو لقاتو مسدود تعاقرت معاه و والو حتى رجعات خطوة باللور يائسة .. غا طلعات عينيها بان ليها لبلان فالحيط كينين دريجات فين تشد فيهم و تديباني بينما تسلقات و داكشي لي كان .. تنفسات بهدوء و نقزات شادة فالحيط رجل هنا و رجل لهيه مهنات حتى وصلات لشرجم ديال الطبقة الثانية عاد دخلات منو كتسلت و الدنيا صاقلة عرفات الأغلبية ايكون خرج .. تنهدات كتحاول تفكر و تطلق ودنيها غادة مع لكولوار ناوية تستارق السمع من شي قنت .. غا سمعات الصداع مشات بجرية حتى خرجات فغرفة لعميليات بابها مسدود .. تنفسات بهدوء يلله اتقرب سمعات تيليفونها خنزرات كتسوط و مدات ايدها ليه جبداتو 
بان ليها هو لي كيصوني قطعات عليه حتى رجع صونا عوتاني تنهدات بتدمر و جوبات بصوت خافت واخدة حذرها : شنو فكرك فيا ؟ 
أمجاد بحدة : فيييينك ؟؟؟
ثلوج : خارجة كنشم لهوى دابا نرجع متخافش مغاديش نهرب 
قطعات عليه كتنگر : عاد تفكرتيني 
ميلات شفايفها و رجعات التيليفون لبلاصتو عاد قربات لغرفة لعمليات بخطوات تابتة عارفة شكادير .. حتى وصلات لباب عاد حلاتو بالشوية فاش بان ليها مردود .. غا فرعاتو خرجات عينيها مصدومة من لمرا لي قدامها هازة السلاح و كلها عامرة قنابل على الجيلي لي لابسة 
الزوجة بالإنجليزية و بملامح غاضبة : شكووون نتييي ؟؟؟
وجهات السلاح لعند ثلوج لي تزع فيها الرعب : أ ا أناا 
دخلات و سدات موراها لباب كيبانو ليها الأطباء خدامين على لعملية و كيرجفو باينة ممركزينش حتى التركيز 
الزوجة بغضب : شكووون نتييي ؟؟؟ 
ثلوج بهدوء : عندي لييك شي حاجة معايا 
الزوجة بملامح حزينة و غاضبة فنفس لوقت : سيري من هنا ... إلا بغيتي تموتي بقااي 
ثلوج كتحاول تهدن فيها بإيديها : ماشي مشكيل إلا مت .. لمهم عندي تسمعي لياا
الزوجة : شنو باغا منيي ؟؟ .. مكنعرفكش إلا ممشيتيش غادي نقتلك .. نتي مسيفطينك لبوليس لي على برى ياك ؟؟
ثلوج : لا ابدا .. هادشي مكاينش جيت بوحدي 
الزوجة كتبكي : شنو باغا 
ثلوج كتقرب لعندها : واش باغا زوجك اتشافا ؟ 
الزوجة : اه و إلا متشافاش غادي نموتو بجوج منقدرش نبقا موراه 
ثلوج : شكون قاليك ايموت ؟ .. راجلك سعداتو حيت عندو زوجة كتبغييه و ناوية تكمل حياتها معاه لدرجة باغا تموت إلا مات 
الزوجة : كلامك مغادي ابدل والو 
ثلوج جبدات لكاميرا ديالها من على عنقها : لا غادي ابدل .. شوفي هاد لفيديوات 
جبدات ليها التسجيلات لي كانت كتسجل بالصدفة و وراتهم ليها : شوفيي و حكميي 
خدات من عندها الزوجة لكاميرا بفضول حتى كيسمعو لهدرة على برى طلات ثلوج كيبانو ليها لبوليس 
الزوجة ناوية تبرك على القنبلة : كتقولبينيي نتيي منهمم .. غاديي نموتو كامليين 
ثلوج تالفة معارفة شكون تحبس : تهدني امدام .. تيقي بيا انا باغا ليك غا لخير 
طلات على لبوليس معصبة : ترااجعووو حتى تكمل لعملية 
لبوليسي : خرجي من تمااك ا آنسة خلينا نديرو خدمتنا 
ثلوج : ماشيي دابا ... ميمكنش بهاد الطريقة تحلو لمشكيل 
تنهدات بغيظ و شافت فالزوجة : تيقي بيا مغادي اوقع ليك والو لا نتي لا رااجلك .. تيقي بيا 
الزوجة : إلا دخلو لبوليس غادي نفجر كلشي
ثلوج سورتات لباب : هانتيي مغاديش ادخلو .. عطيني لفرديي و حيدي داكشي واش مباغاش تعيشي نتي و راجلك حياة زوينة من هنا لقدام .. الله لي كيعطي لينا فرصة باش نعيشو من جديد علاش نتي متيقاش فييه ؟ .. عندي إحساس راجلك ايعيش هاد التصرف لي كديري دابا غا كيوترو و بسبابو مغاديش تنجحش لعملية فعلا 
الزوجة كتبعد : لا مغاديش نتيق بييك 
ثلوج : بلييز امدام .. تيقي بياا و حيدي داكشيي خلي الأطباء اخدمو على راحتهم
الزوجة كتبكي : احتمال نجاح لعملية ضئيل بزااف مغاديش نستحمل فراق راجلي خاص نموت معاه 
ثلوج يله بغات تنطق سمعات لباب تفرع خرجات عينيها كتشوف فأمجاد لي فرعو و دارت لعند الزوجة كتشوف فيها ناوية تبرك على الزر حتى اتفجرو كاملين: لالالالالالالا

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.