حبك جهنم ثلوج الجزء 13

من تأليف Ikram Pancholi
2020

محتوى القصة

رواية حبك جهنم ثلوج

ثلوج يله بغات تنطق سمعات لباب تفرع خرجات عينيها كتشوف فأمجاد لي فرعو و دارت لعند الزوجة كتشوف فيها ناوية تبرك على الزر حتى اتفجرو كاملين: لالالالالالالا ... مديري والو امداام صبريي حتى واحد مغادي اقيسك 
أمجاد كينهج : هاديي هياا كندوور ؟؟؟ 
شافت فيه كتخنزر : حماقيتيي ؟؟ لاش تابعنيي و باش عرفتيني هناا ؟؟ 
أمجاد : ماشيي مهم هادشي .. هاد لبلان لي درتي غادي نتفاهمو عليه حتى نرجعو 
الزوجة كتشوف فيهم ساهية : حتى انا و راجلي كنا كنبغيو بعضياتنا بحالكم 
أمجاد شاف فيها و ركز مع لقنابل لي هازة 
ثلوج ببرودة : لا متفهميش غلاط حنى مكتجمعنا حتى علاقة 
الزوجة : كنشوف لحب فعينيكم بجوج .. ميمكنش احساسي اكدبنيي 
أمجاد كيسوط و كيشوف فثلوج مركز مع لهدرة لي نطقات بيها بحال السم 
ثلوج قربات لعند الزوجة بحذر : حيدي هادشي .. و عطي لراسك فرصة ليك و لراجلك انشالله غادي اعيش 
الزوجة كتبكي : و إلا معاش ؟ 
ثلوج : انا متأكدة ايعيش .. خاص تكوني قوية و تواجهي الصعاب معاه واش فوضع بحال هادا فبلاصت متكوني فجنبو نتي هازة السلاح و باغا تفجري راسك ؟ .. عند بالك هادا حل ! 
الزوجة : نتيي مفاهمة والو .. حتى تعيشي لحب لحقيقي كتر من هاد لحب لي كنشوف فعينيك عاد اتفهميني 
ثلوج : فهماك 
شافت فأمجاد : اجي فك لقنابل 
أمجاد هز حاجبو : كيفاش 
ميلات شفايفها كتخنزر : عرفاك اتكون كتعرف لييهم غا زيد فككهم 
الزوجة : لا لا لا ميقربش 
شدات فيها ثلوج بهدوء : واش متقتيش بيا ؟ 
هدناتها بإبتسامتها حتى قرب أمجاد و تحنى كيفك فالقنابل بتركيز 
ثلوج : عنداك تغلط و تفجرنا 
أمجاد هز عينو فالزوجة : ترخااي امدام .. إلا بقتي كترعدي اقدر اوقع شي مشكيل 
هزات الزوجة راسها باه كتبكي و ثلوج كتهدن فيها بالرزانة حتى كمل أمجاد و جمع لوقفة كيحيد ليها الجيلي بالشوية 
الزوجة طاحت فالأرض كتبكي و عاد رجعات لحياة للأطباء و خلات ضحكة ثلوج ترجع 
أمجاد طول فيها الشوفة و خرج على برى عاد تبعاتو كتجري : تسناا 
شاف لعندها : شنوو 
ثلوج : عندك لمعارف هدر معاهم ميشدوهاش فالحبس 
أمجاد : لقانون هو لقانون
ثلوج بعصبية : و علاش نتا كتقتل فالناس و مكيشدوكش ؟؟؟؟ 
أمجاد : سيري عندهم بلغي بيا شكاتسنااي 
زفرات و رجعات لعند الزوجة خرجاتها من غرفة لعمليات بالشوية .. خلات الأطباء كيشكرو و اعاودو .. عاد كملو خدمتهم فجو هادئ مركزين مع لجراحة 
ثلوج جلسات الزوجة على لكرسي كتجري معاها مقابلة بالهداوة و تسجل كاع اللحظات حتى سالات و نطقات بهدوء و ابتسامة : إلا مبغيتيش نشر هادشي لإعلام انحتارم رأيك 
الزوجة بحزن : معنديش مشكيل 
ثلوج : متخافيش مغادي اديرو ليك والو ...
بغات تزيد تنطق حسات بالوجع فكرشها كمشات عينيها كارزة عليهم و التبوريشة طالعة معاها 
الزوجة : مالك ؟؟ 
ثلوج بدات كتبكي : لوجع ... فيا لوجع 
ناضت الزوجة مخلوعة تلافتت باش تخبر أمجاد ساعة بان ليها جاي كيجري 
أمجاد مخطوف منو اللون : مالها ؟؟؟ 
الزوجة : فيها شي وجع 
تحنى لعندها كيترعد كتر منها : ثلوج .. شنو كيضرك ؟؟ ثلوووج !!!
هزها بين ايديه غادي بخطوات سريعة حتى صادف وحدة من الأطباء جاية مع لكولوار : مراتييي خااص تفحصيهاا 
الطبيبة : ااه اراها معايا 
مشات بجرية قدامو و هو تابعها هازها بين ايديه مرخية و عينيها مكمشين كتوجع .. مهنا حتى سطحها على السرير و خرج لبرى كينهج مخلي الطبيبة كدير خدمتها

داز لوقت و هو على نفس لحال غادي جاي كيرجف و عينيه حمريين حتى زفر بنفاد صبر باغي اعرف خبارها عاد مشا كيقرب لباب دلغرفة و صوت بكاها كيتسمع فودنو .. قرب و وقف جامد فبلاصتو كيتسنت لكل حرف نطقات بييه 
الطبيبة : علاش كتبكيي .. كنعرف النساء لحوامل كيفرحو 
ثلوج كتنخصص مزيرة على كرشها : مبغييتش .. مبغييتش هاد لبيبي 
الطبيبة بهدوء : وعلاش ؟؟ 
ثلوج كتبكي : منقدرش نبغييه ماشي من الراجل لي كنبغيي .. مبغيتش هاد لولد فحياتي غادي نكره راسي إلا ربطاتني بييه شي حاجة .. منقدرش نخلييه عفاك ادكتورة متقولي ليه والو... مبغيتوش اعرف بالحمل خااص ندير إجهاد .. فكرة نهز شي حاجة منو نقدر نقتل راسي على قبلها .. مبقا عندي منخسر بسبابو حياتي تدمرات و إلا تزاد هاد لبيبي غادي نزيد نتدمر .. عفاااك ادكتووورة ديري ليلا الإجهاد عفاااك .. مبغيتوش فحياتي و مبغيت حتى حاجة تربطنيي بييه .. انا ممعترفاش بهاد الزاج باش نعتارف بولدو .. بغييت ندير الإجهاد 
و سكتات كتبكي بحرقة خلاتو ساهي فنقطة وحدة كيشوف فالأرض و دموعو كيقطرو وحدة مور وحدة و كل دمعة من عينيه باينة هازة كمية كبيرة من الحزن

بقا هاكاك على نفس لوضعية كيسمع بكاها بحرقة فالأخير هز راسو بعينيه لحمرين كيمسح دمعاتو بعجرفة عاد خرج قاصد برى كيغليي و وجهو حمر مخلط بالحزن و لعصبية و حتى التدمر لي عاشو فهاد اللحظة 

الطبيبة : ششش تهدنيي بعداا .. كالم تنفسيي مزيان 
ثلوج هبطات راسها بأسى : امتى نقدر ندير الإجهاد ؟!
الطبيب تنهدات و جرات لكرسي جلسات حداها كتهدر بهدوء : أول حاجة خاصك تعرفي سوا خليتي لبيبي سوا درتي الإجهاد لحياة ديالك فخطر 
ثلوج علات راسها كتسمع لطبيبة و ساكتة كتمسح فدموعها و تنخصص 
الطبيبة : لحمل ديالك متابتش و خطير عليك و لمشكيل واخة نبغيو نديرو ليك إجهاد حتى هو خطير علييك 
ثلوج بحقد : كلشي بسبابو 
الطبيب : شنو دار !
ثلوج بدات كتبكي : فايت زرعو ليا فالرحم جنين عن طريق لحقن 
الطبيبة : اهاه و فايت ليك والدة من قبل ولادة طبيعية ؟
ثلوج هزات راسها بلا : عمري تزوجت باش نولد 
الطبيب تنهدات : إذن اقدر اكون لمشكيل جاي من هنا .. خاص نتبع لحالة ديالك باش نعرف نتعامل مع الحمل 
ثلوج : مبغيتش هاد لحمل بلاما تبعي معايا 
الطبيبة : فراسك عندك شهر دابا باش حاملة ؟
دورات ثلوج راسها لجيهة لخرى كتنخصص مباغاش تسمع صوت الطبيبة كتحس بييه كيعصبها و ازيد على مابيها 
الطبيبة : واش مقررة تنزليه 
ثلوج : اه و متأكدة 
الطبيبة : رجعي عندي غدا نشوف شنو ندير فالحالة ديالك 
ثلوج رجعات شافت فيها : مؤخرا نزلو مني قطرات ديال الدم 
الطبيب : وي عادي حيت حملك متابتش اقدر فأي لحظة تجهضيي 
ثلوج : كنتمنى نجهض 
الطبيبة بقات غا كتشوف أول مرة كتصادف شي أم مباغاش ولدها لي من لحمها و صلبها 
ثلوج : صافيي غا نمشي دابا ؟
الطبيبة شافت فالسيروم : بلاتي اكمل السيروم 
ثلوج : لا أنا بيخيير 
ستجمعات قوتها بزز و جلسات على طرف دالسرير بعدما نترات السيروم خلات الطبيبة غا كتشوف بقلة حيلة ..بقات متبعة ليها لعين حتى جمعات لوقفة فمرة و وجها صفر 
ثلوج : غدا انرجع عندك 
الطبيبة : تسنااي انكتب لييك لعنوان ديال صاحبتي حتى هي طبيبة و خاصة بالنساء اتبع حالتك مزيان 
ثلوج هزات راسها باه كتسنى الطبيبة تعطيها لعنوان و داكشي لي كان ماشي بزاف حتى مدات ليها لورقة و رجعات الستيلو لجيبها 
ثلوج بابتسامة شاحبة : شكرا 
الطبيبة شافتها غادة و هي تنطق : فكري مرة أخرى فموضوع لحمل شحال من وحدة كتكون باغا غا فرصة باش تنعم بالولاد و مكتلقاهاش 
ثلوج هبطات راسها كتبكي عاد كملات طريقها بخطوات تقيلة كتمشى بالشوية ميتة من الدوخة و الضبابة على عينيها و لكن لي فيها ممهنيها بغات تخرج و لباس .. فظل خطواتها هزات ايدها حطاتها على كرشها كترعد مصدومة و ممتيقاش عاد بدات كتفهم تصرفاتها لمتناقضة و الرغبات لي كانو كيهيجو عليه مرة مرة .. شهيتها لمفتوحة و الأكل لي عمرها كانت كتحملو ولا كيعجبها .. هادشي كامل بدات كتلقا ليه جواب فاش عرفات بموضوع لحمل .. فطريقها نتبهات لأطباء و الممرضين غادين جايين عاد عرفات أنه لوضع تزال و رجعات لمياه لمجاريها فاش زولو لزوجة لقنابل و السلاح 
هبطات راسها و رجعات علاتو كترجف حتى كيبان ليها جاي قاصدها بملامح جامدة و صرامة غريبة شحال مشافتها فييه 
غا وقف عليها قلبات وجها كتشوف فالجيهة لخرى 
أمجاد بجدية : شنو قالت ليك الطبيبة 
ثلوج ببرودة : الطونسيو 
أمجاد هز راسو باه و تحنى لعندها هزها بين ايديه و كمل طريقو بملامح ممحية 
ثلوج طلعات عينيها فيه ممتيقاش أنها هازة منو قطعة فكرشها 
أمجاد ببرودة : غدا انرجعو لمغرب
ثلوج خرجات عينيها كتبلع فريقها فاش تفكرات لغرض لي ناوية تقضيه غدا ملي تمشي لعند الطبيبة : ميمكنش
أمجاد مجوبهاش بقا ساكت و غادي هازها حتى خرجو على برى .. مشا بيها نيشان لطموبيلتو ركبها و دار لجيهة لخرى ركب 
ثلوج دورات عينيها على لمكان واخة باقين لبوليس و الروينة و لكن شوية ماشي بحال فاش جات لهنا .. تفكرات الزوجة لي كانت كتقنع فيها و لكاميرا ديالها خرجات عينيها وشافت لعندو ملي حسات بيه ركب حداها 
أمجاد سد لباب و تقاد فالجلسة كيديماري : كاميرتك راه لور 
طلات لور عاد تنفسات بأريحية : مزيان 
حسات بييه ساكت و هو كيكسيري بالشوية بالشوية حتى شد ريتم واحد 
ثلوج : كيف بقا لمريض 
أمجاد ببرودة : لعملية نجحات 
بتاسمات ثلوج و دارت لعند الزاج حاسة براسها دارت إنجاز فاش قنعات الزوجة بهدرتها و سجلات معاها مقابلة .. غا تفكرات شنو هازة فكرشها رجعو ملامحها لحزن كتشوف لبعيد ساهية و متدمرة من لداخل 
ماشي بزاف ديال لوقت حتى وقف قدام الأوطيل دار لعندها حل عليها لباب بلاما امد ايدو اهبطها ستغربات و هبطات بالشوية كتشوف فييه بنص عين ..ضارت للباب لوراني حلاتو هزات كاميرتها عاد رجعات لوضعيتها السابقة كتشوفو داخل سابقها تعجبات و تبعاتو هو قدامها و هي موراه حتى وصلو لغرفة عاد حل لباب دخلات و رجع سدو 

أمجاد : جمعيي حوايجك 
ثلوج : علاش ! 
قفزها بعصبية : راجعيين لمغرب 
ميلات شفايفها بنفخة و مشات جلسات على طرف دالناموسية كتسوط و عقلها سارح لبعيد .. شوية قررات حتى تمشي لمغرب و تشوف شي عيادة تبع مع طبيبة نسائية تعرف هادشي فين ايخرج 

بقات شحال و هي على نفس لوضعية عاد حسات على وجودو لمنعدم هزات حاجبها و دورات عينيها حتى كيبان ليها فالبالكو مشعل كارو كيكمي و انتر بجهالة .. جمعات لوقفة بعصبية و مشات لعندو مربعة ايديها 
غا حس بوجودها طفا لكارو زاطم علييه و شاف فيها : بغيتي شي حاجة !
ثلوج : فيا الجوع 
أمجاد طول فيها الشوفة و تم غادي : هاني جايب لعشا 
هزات راسها باه و جلسات فالأرجوحة لي كاينة تماك كتزعلل و تشوف لبعييد محاساش بالوقت حتى سمعات حسو عاد تلافتت لقاتو كيحط فالساشيات على الطابلة لي تماك .. حلات عينيها و جمعات لوقفة غادة كتشوف فيهم بلهفة .. بلاما تعيق على راسها جلسات بعفوية و بدات كتقلب فالساشيات فحين هو خوا لقنت و مشا جلس فالبالكو كيكمي و انتر عاقد حواجبو و كيشوف لبعييد 

كلات حتى شبعات مزيان عاد مشات لحمام غسلات و طرفات حالتها كتحاول تنسا موضوع لحمل لي غير كتفكر سيرتو كتشدها الرعدة و الدوخة .. ستجمعات قوتها عاد قصدات لفراش تخشات فيه و غفات كتقلب على النعاس حتى لقاتو عاد نعسات مستسلمة لعياء 

فالجيهة لخرى .. 

جالسة فبيتها كتدمع و الستيلو فإيدها ساهية .. قلبها كيضرها بزاف و كيتقطع عليها .. فكرة عمرها باقي تشوفو ضراتها فخاطرها بزاف و لكن مدخلة لراسها أنه ماشي هو الشخص لمناسب ليها و ميستاهلش حبها .. داكشي علاش مقررة تنسااه واخة صعيب عليها و بزاف كاع و لكن خاص تحاول باش تبقا عايشة و بيخير فحياتها 
سمعات لباب تحل تلافتت بعفوية بعدما مسحات دموعها بسرعة : ماما 
سدات آريا لباب و مشات جلسات حداها : مالك غا سادة عليك ؟
تغريد : كنت كنحفظ
آريا تنهدات عارفة بنتها شنو بيها : اش بان ليك نخرجو غدا نفوجو شوية ؟ .. نقولوها حتى لحنان مقرياش غدا 
تغريد ببرودة : معرفتش معنديش لگانة .. عندي لحفاظة بزاف اماما بلاش 
آريا طبطبات على ضهرها بحنية : كتهمني سعادتك ابنتيي .. متبقايش غا سادة عليك ولينا كنشوفوك من الشهر لشهر 
تغريد بابتسامة شاحبة : متزيديش فيه اماما 
سمعو الدقان فالباب تلافتو بجوج 
تغريد : دخل 
تحل لباب و دخلات وجدان كتدور فعينيها : بوحدك ؟ 
آريا صغرات عينيها فيها : باغا تقولي ليها شي حاجة ؟ 
وجدان خبات لورقة مور ضهرها : لا لا 
آريا جمعات لوقفة : هاهي اتبقا بوحدها .. زيدي قولي ليها 
بتاسمات لبنتها و مشات قرصات وجدان فحنكها بلطافة كتضحك معاها عاد خرجات سادة عليهم لباب 
وجدان غا بانت ليها مرت عمها خرجات طارت من بلاصتها لعند تغريد : الساطة 
تغريد خرجات عينيها : بسم الله عليك ابنتيي باقة لاصقة فالأرض و كتهدري هاكة 
وجدان كتقلب فعينيها : سميتي وجدان آل عمران نهدر كيف بغيت ولي حسدني ادير بحالي 
تغريد : وجدان معصبة دابا إلا كنتي غادي تزيدي عليا سيري 
تلافتت كتشوف فكتوبتها حتى لقات ورقة متنية قدامها عاد رجعات شافت فوجدان : شنو هادشي ؟
وجدان بافتخار : ممم عاد وليتي كتسولينيي 
تغريد : مكنضحكش 
وجدان قلبات عينيها : خويا .. بدر الدين قالي نعطيك هاد لورقة شحال هادا عاد تفكرتها
تغريد قلبها ضرب فالمية فيساع رجعات كتشوف فالورقة و وجها مخطوف منو اللون

تغريد قلبها ضرب فالمية فيساع رجعات كتشوف فالورقة و وجها مخطوف منو اللون .. بالسيف باش هزات ايدها كترجف باغا تحل لورقة و مقدراش 
وجدان : مغاديش تعضك غا حليها
تغريد : وجدان خرجي و خليني بوحدي 
وجدان : هنن بغييت نبقاا .. بزز باش شديت راسي منقراش شنو مكتوب .. شنو بغا يقوليك خويا زعما ؟ 
تغريد شافت فيها : سيري بااش نديك معايا لمعرض لي باغا نمشي ليه 
وجدان : فيه التيتيز ؟ 
تغريد خرجات عينيها : كتطيري ياختيي كتطيري .. سيري ولا نعيط لعميي .. قاتلك التيتيز و هي لاصقة فالأرض 
وجدان بنفخة مشات كتعوج : فاش تمشي علميني خاص نبوكلي شعري 
تغريد بقات غا كتشوف : و بااز 
خرجات وجدان كتنفخ .. خلاتها واحلة مع أفكارها واش تقرا شنو مكتوب فالورقة ولا بلاش .. تنهدات بتدمر عاد جمعات طاقتها و هزات ايدها كتحل فالورقة بالشوية دايرة ليها لعرض لبطييء .. حتى حلاتها فمرة مغمضة عينيها كارزة عليهم .. بقات على نفس لوضعية شحال عاد حلاتهم و قرات شنو مكتوب .. بقات كتعاود فالحروف من درجة الصدمة و قلبها كيضرب فالمليون .. فيساع لعرق بدا كيهبط على جبينها مخرجة عينيها و كترعد 

معرفاتش كيفاش ستجمعات قوتها و قرات لحروف برتباك جد واضح : ك كك ننن بب غيييك .. كنبغييك ! ميمكنش هادشي ميمكنش اكون بصح 
جمعات لوقفة كترجف و لورقة فإيدها كتقرب لقنت لي فيه الضو واخة لغرفة كاملة مضوية مزيان .. بقات مفيكسية و شفايفها كيترعدو ممتيقاش شنو مكتوب 

"💘 كنبغييك 💘"

حطات ايدها على فمها ناوية تحبس شهقاتها لكن كانو قوا منها .. مقدراتش تحكم فحركتها لقات غا السقوط فوق الطابي كتبكي بحرقة : ملييي كتبغيينيي علااش مشيتيي الغدااار .. قوووول ؟؟؟ علااااااااش !!!

دازت هاد الليلة و جا نهار جديد ..

فيقها بزز من النعاس واقف عليها تبدل خلاص باش امشيو .. كان كيتصرف عادي و ببرودة بحاليلا مواقع والو لدرجة جاها لعجب من هدوءو .. غا لبسات عليها حط ليها لفطور فطرات و خرجو من الأوطيل هو جار لفاليز و هي موراه هازة لكاميرا كتفرج فالفيديو لي سجلات لبارح متحمسة امتى تنشرو و تكتب عليه مقال 
كانت اتجي على فمها كون مشدهاش : بالشوية 
علات راسها لعندو : أ ا ا مم مرديتش لبال 
هز راسو باه و حل ليها لباب ركبات و طلع ركب بعدما خشا لفاليز فالكوفر .. ماشي بزاف ديال لوقت حتى كانت جالسة قدامو مقابلة معاه وسط أتاث الطائرة لخاصة 
ثلوج : كاين لما ؟
مجوبهاش حدو عيط لموظيفة وصاها تجيب ليها لما و رجع ساكت كيحك فلحيتو باهتمام و عقلو سارح لبعيد 

ثلوج بقات غا كتشوف بنص عين و تركيزها لاخر مع لكاميرا كتفرج فالفيديوات و الصور لي صورات .. فاقت من سهوتها على صوت لموظيفة خدات من عندها كاس دلما بابتسامة و رجعات مركزة مع شغلها ممعبراش وجودو بمرة .. حتى لشوية عيات و تكات على لكنباي ناوية تنعس و داكشي لي كان ماشي بزاف حتى غفات ناعسة بملامح بريئة خلاتو ساهي فيها و كيشوف مطول 

داز لوقت ..

حسات بشي ايد كتفيقها هزات راسها مدهشرة حتى وضاحت ليها الصورة و لقاتو غا هو : شنو !
أمجاد : وصلنا 
جمعات لوقفة كتكسل و تبعاتو كتجر فرجليها حتى ركبات حداه فالطموبيل و تحرك بيهم الشيفور نيشان لفيلة 
أمجاد : نزليي 
نزلات سبقاه كتسوط : مالو غا كيآمر هاد خونا 
دخلات لفيلة مجات فين تمشي لصالون حتى لقاتو موراها جار لفاليز .. بغات تكمل خطواتها بلاما تعير ليه شي إهتمام حتى كيوقفها صوتو : تسنااي 
شافت لعندو مربعة ايديها و حاجبها مهزوز : أوامر أخرى ؟
أمجاد ببرودة : لعساس هاهو ديما هنا و لخدامة اتجي تعاونك ديما .. إلا جاتك لفيلة كبيرة بدليها بشي ابغطمو حسن .. و ايكون حسن كاع تاخديها قريبة لوكالة .. و حتى الطموبيل لي خديت ليك راه مزيانة إلا بغيتي تبدليها سيري لشركة داكشي على سميتي 
ثلوج بقات كتشوف فيه باستغراب فالأخير نطقات بسخرية : علاش هادشي كامل ؟
أمجاد شاف فساعتو ليدوية عاد رجع علا عينو كيشوف فيها : بعد غدا موعدنا فالمحكمة .. زواجنا سالا تلاقينا خوت نتفارقو خوت 

بقات كتشوف فييه بحال لجماد و الجملة كتعاود فودنها مصدومة و عينيها مفيكسيين مبقاوش كيرمشو ولا كيدورو هنا و هنا .. بالسيف باش جمعات حروفها المتقطعة و نطقات بتلعتم : مم مم .. مم مف فهمتش .. مفهمتش !
أمجاد ببرودة مسح على راسو : بعد غدا انطلقو .. جلسة وحدة كفيانا 

ثلوج بقات ساكتة كتشوف فييه بحال الصنم شوية بدات كتضحك بسخرية : هههههههههه نووو واااش كتضحك ؟؟ هههههههه ميمكنش واش بصح داوي هههههههه 

أمجاد طول فيها الشوفة عاد قلب الدورة غادي حتى كيوقفو صوتها بلاما اتلافت عرفها كترعد غا من لحروف لي شي كيتنطق ليها مزيان شي كتخمجو : أ ا ا .. أمجاد شنو كتقول ؟ 

بقا هاكاك حتى مشات وقفات عليه وجها صفر و عينيها مغرغرين : ككك كيفااش .. لمحكمة ؟ .. و شكون ايطلق ؟ 

أمجاد : زواجنا سالا 

ثلوج بلعات ريقها متوترة : و و .. و الإتفاق ؟ 

أمجاد : اشمن إتفاق ؟ .. ياك تافقنا نتزوجو و من بعد نطلقو 

ثلوج كتمسح فدموعها لي كيهبطو بلا حتى صوت : و و و وعائلاتنا ؟؟ شنو انقولو لييهم ؟ .. عائلتيي مغاديش اعجبهم لحال دابا ....

قاطعها بحدة ساخط و عينيه حمرين خارجين فييها : كككككييييفااااااشششش عاااائلةةةةة ولااا لخراااا ؟؟؟؟ واااااش كتحيمريييي علياااا ؟؟ .. هدريييي عاااجبك شنو ديرا فياا ؟؟؟

ثلوج بعصبية و دموعها كيطيحو بحال الشتا : شنووووو دررررت لييييك ؟؟؟ باااغيييي تشوهنيييي مع عائلتييي ؟؟؟ كلشييي اينعت فيااا بالعيب 

أمجاد بحقد كيطلعها و اهبطها : دابا نتي هاماك غا العائلة ؟؟ 

ثلوج بنبرة راجفة : ممم مم معرفتش .. انا معارفة والو 
مسحات دموعها و شافت فيه حتى تلاقاو عينيهم : شنو درت لييك ؟ 

أمجاد بملامح ساخرة بدا كيضحك باستهزاء : و كتسوليي ؟؟ 

غا شاف جيهت لحيط قشع لمرايا لي معلقة كبيرة و مزخرفة من الجناب بنقوش زوينة و لامعة .. معطلهاش بزاف تبقا لاصقة فالحيط فيساع نسلها بقبضة ايدو و رماها بعجرفة فالأرض حتى تشخشخات و كلا قطعة من الزاج تلاحت فقنت 

ثلوج حطات ايديها على فمها مخلوعة كترجف غا سمعات صوتو لخشن علات عينيها : باااااش نبدااا ليييك الق*** باااش نبدااا ؟؟؟؟ واااش نبدا بالنهااار لكحل لي سيفطتي ليا فيييه ميساااج ؟؟؟ نبدا بداك النهار ولا بلااااش 

ثلوج بحقد : مكككككنت قاااصدةةةة والوووو .. نتااا لييي جاوبتييي كااان بإمكااانك تجاهلووو 

عض فمو من لداخل كيطلع و اهبط فيها : اهااه و فااش مشيتي لبرازيل عااجبك ك*** كتق**** عليااا ؟؟؟ قلت ليييك اجييي قلبييي عليااا همممم ؟؟؟؟؟ حاااشيتووو لطااسيلتك ؟؟؟ واااا هدددرريييي متبقااايش سااااكتةةةة

ثلوج واخة خالعها كتلقا باش تجاوب : مشييت بحال كااع الصحفيين كاانت أول مهمة لياا و أول تجربة .. لوكاالة دارو تقتهم فياا و عطااونيي هااد لفرصة 

قصدها طيير شدها من دراعها مزير عليه حتى تحبس ليها الدم : علااااااش اناااا بالضبببط علاااش ؟؟؟ علااااش بنتييي فحياتيي ؟؟؟ فاااش قصت طاسيلتك حتى تخشي راااسك فشي حاجة مكتعنييكش ؟؟؟

ثلوج بعصبية كترعد : كتقصحنيي رخف منيي .. طلق راك كتقصحنيي وااش مكتفهمش ؟؟

أمجاد نتر ايدو : هاني طالق منك فمرة 

بقات كتشوف فيه و قلبها كيضرب فالمية حاسة بيه غادي اسكت من كترة الصدمة لي صدمها 

أمجاد بحقد : هااهو غااادييي ربحييي بكلشييي .. كلشيي ربحي بييه خلييت لييك لخراا كامل 

ثلوج كتنخصص : علااش كتهدر هاااكة ؟؟؟ و فيين غادي ! 

أمجاد بنبرة فشكل باينة واصلة بيه لعظم : غادي نطلقو ياك باغا الطلاق هاهو غادي نطلقو 

ثلوج كتمسح فدموعها و كترجع فشعرها لور بإرتباك باغا تبان طبيعية و مقدراش : ياك نتا قلتي ليا عمري نحلم بالطلاق ؟ 

أمجاد بسخرية : ميشرفنيش وحدة بحالك تكون مراتيي .. صبرت لهبالك بزاف حتى نسيتي راسك معامن 

ثلوج بعصبية قصداتو كتضرب فيه بجهالة و دموعها كيطيحو بغزارة : نتا ليي مكتشرفنييش تكوون رااجليي .. واااحد قتااال كيقتل النااس الأبرياء على والوو .. عمرييي شفت شي واحد بلا رحمة بحالك 

أمجاد نتر ليها ايديها ببرودة : ااه قتاال .. يله بعدي بااش منقتلكش 

ثلوج كتبكيي : شنو درت لييك حتى باغيي تشوهنيي مع عائلتيي ؟؟ هااا ... قووول شنووو ؟

هز ايدو صاعر مكيقشعش قدامو بالسيف باش تحكم فراسو ملي بانت ليك مطاگية بإيدها : و مزااال كتسولييي ؟؟ عندككك لوجهك ليي تسوليي بييه ؟؟

تلافت لجيهت الطابلة قلبها برجلو كيبرد غدايدو حسن ما يخرج فيها شي دقة اقتلها فبلاصتها 

ثلوج حاطة ايديها على ودنيها كترجف و مرة مرة كتجيها الدوخة : صااافييي بااااركةةة .. باااركةةة عيييت 

أمجاد كينهج بحال شي ثور واصلة بيه لعظم : علاااش جيتيي لحياااتييي شنووو دررت ليييك حتىى تجييي لحياااتييي ؟

قرب لعندها بخطوات سريعة شدها من دراعها عاود و ملامح وجهو كلها كتوحي لقمة لعصبية : شنووو درررت لييك حتىى تبااانيي فحياتيي ؟؟؟ هااا !! واااش غاا يلله مخرجة من لمعهد مشيتي كتدربيي فيا انا ؟؟؟ شنوو ذنبيي حتى بنتي ليا .. كنت هااانيي حتى تسلطتيي علياا 

ثلوج كترجف : أي وااحد كيخدم خارج لقانون و كيغضب الله كيجيب واحد فطريقو باش اكشفو .. انا كنت واحد من هاد الناس هادشي لي كين .. مدرتهاش بلعاني باش نبان فحياتك .. انا أصلا عمري كنت سامعة بييك ختيي لي وراتني نشوفك أول مرة و من بعد سمعت سميتك فالوكالة 

أمجاد بسخرية : ااهاااه و لكسيدة لي قتلتي ليا فيها ولديي لي من لحميي و صلبي ! و قتلتيي حتى لمرا لي كنت أنتزوج بيها نهار عرسيي 

ثلوج بحقد : علااش كتفكرنيي فدااك الليلة .. علاااش 
هبطات راسها كتبكي عاد نترات دراعها راجعة خطوة باللور : مدرتهاااش بلعاانييي علاااش مباغييش تفهممم .. كنت معصبة و فااقدة التركيز و ليناا كانت وسط الطريق مقدرتش نتحكم فالفران .. أصلا بقوة الصدمة نسيت حتى كيفاش خاص نتصرف 

أمجاد : ملللليييي فاااقدةةة التركيييز علااااش سقتيي الطموبيل ؟؟؟ علااااش ؟؟؟ كووون كااانت ليينا و ولديي بااقين عايشيين مغادييش تلقايني حدااك كنشووف فكمارتك و مكارهش نقتلك

بقات كتشوف فيه مصدومة من كلامو عاد نطقات بنبرة عامرة حزن : كون كانت باقا لينا ؟ .. واش انا درتها بلعاني ؟ .. شنو ذنبيي حتى لقدر حكم عليا هااد لكسيدة .. علاش مباغييش تفهم رااه حادثة و ربيي لي كتبها .. انا بعداا مقصدتش لكسيدة لي وقعات و كانت خارجة على السيطرة ديالي .. أمااا نتااا المجرررمممم قتلتييي ليااا الشخص ليي كنتت ناااوية نكمل معاااه حياتيييي 

بقا كيشوف فيها حتى هو بنفس النضرات لي موجهة لييه : علاش توحشتيه ؟

ثلوج بسخرية : متبدلش لموضوع 

نطق بعصبية و عينيه خارجين فيها : سسولتكككك واااش توحشتيييه ؟؟؟؟ 

بلعات ريقها كتشوف فييه : لا .. مم مم متوحشتووش ولكن 

أمجاد هز حاجبو : و لكن شنو ؟

ثلوج : نتاااا قتلتييي رووووح بريئةةة .. كااان حسااابك معاياا انااا ماااشييي هو 

أمجاد بسخرية : روح بريئة ؟؟؟ متأكدة رووح بريئة ! .. نتيي معارفة والو غا سكتيي 

ثلوج بعصبية : عرفت من بعد ملي تخطفت كان كيتاجر فالمخدرات و عندو أعمال غير قانونية طلع بحاالك للأسف و هادشي مكيعنييش تقتل روووح مدارت لييك والو بحال كاع الأرواح لي قتلتيي .. وااش متأكدة نتا إنسان و كتقدر تنعس بالليل ؟؟ كييف كتعطيك خااطرك تقتل الناس بااطل غا حييت عااجبك سلاحك و امكن مرييض خااص تداوا 

أمجاد بحدة : اااااه مريييض حيييت صببببرت عليييك هاااد لمدة كاااملة 

ثلوج كتبكيي غادي تحمااق : كتقصد انااا لي صبرت على بزااف 

قاطعوها شهقاتها كتنخصص بعمق عاد لقات لفرصة فين ترجع أنفاسها و نطقات بصوت منغنغ بالبكا كيتقطع ليها مرة مرة : شنووو ذنبيي أنا غا حييت بسباب حااادث نتااقمتيي منيي داك الإنتقام .. كيماا نتااا تحرق قلبك على لينا و ولدك حتى انا حرقتي ليا قلبيي فااش قتلتي مرااد .. اااه عرفت من بعد طلع مخبي بزااف دلحوايج لي كون كنت عرفاهم مغاديش نقبل بيهم ولكن هادشي مكيعنييش تقتلو و تحرق قلبيي علييه .. وااش انا درتها بلعاني حتى خرجت فلينا بالطموبيل ! علااش محاولتيش تفهم هاداك غا حااادث .. نتاا بكترة ما حقدتي عليا حيت كتاشفت مآمراتك لمسخة سحابلييك بغيت النتاقم منك بقتل لينا .. اناا مبقيتش حسبااك كااين كااع بااش تاهمني بأنه دخلت حيااتك .. مذنبيي والو كااع الصحفيين كيفرضو وجودهم فالميدان و كونك صاحب مكانة كبيرة كاان خااص تفهم بيلا شي حاجة عادية الأنظار توجه لييك كنت نقدر نكون انا ولا شخص آخر 

أمجاد : مكااانش خاااص تكونيي نتيي اثلوووج مكااانش علييك تدخلي لحياتيي 

ثلوج كتبكي : عمري نساا شنو درتيي فياا بسباب حاادث كرهتيني فحياتيي .. قتلتي مراد قدام عينيي .. من غير أنه كنت كنبغييه كيبقا انسان عندو روح و لي أزمني أنه تسلبات منو قدامي .. و مكفااكش هادشي مهنيتي حتى فقت لقيت راسي حاملة و انا عزبة ... رااه لحماااق مكتدخلش لعقل لحد الآن مصدومة كيفاش بقيت بعقليي 

أمجاد بنبرة حزينة : علاش محاولتيش تنسااي و تفهمي موقفي 

ثلوج بسخرية : اشنوو غااديي نفهمم ؟؟ واااش نفهم حملتيني بلا خباريي و خشيتيني فالحبس و لا نفهم من بعد فااش هربتيني منو و نفيتيني فدااك لجزيرة ؟؟؟ 

قاطعها صوت بكاها لي تجهد مع رجفاتها لمتتالية كتنخصص : وااش نفهم فاااش كنتيي كتضربنيي بالليل و النهار فيينما تاحت لييك لفرصة كتعطيني لوجهي .. ولا نفهم مليي قطعتيي ليا شعري لي كاان كيعني ليا بزااف بلا رحمة بلا شفقة هزيتي لموس و قطعتييه .. فرااسك فااش رجعت لعائلتيي فأول فرصة سولونيي على شعري علاش قطعتييه ؟ .. عرفتيي بااش جااوبت ؟؟ .. بقييت غا كنشووف و كنتفكر اللحظة لي كل خصلة منو خسرتي عليها موس بدم بارد 

هبط راسو كينهج و وجهو حمر كينهج : صافيي حبسيي 

ثلوج مكملا كلامها واخة فاش كتفكر الذكريات قلبها كيضرها بزاف : شنو نحبس ؟.. بغيتيي نقولييك على بلان الأوطيل لي خليتيني نفجرو بنفسي ؟؟ بإيديا فجرتو و نتا السباب ولا نحبس حيت انفكرك فاش لحت راسي من الجبل بغيت نموت و نهنا ...

قاطعها : صاافييي بااااركةةةة

ثلوج بسخرية : حتى من لمووت مخليتينيش نمووت .. بغيتي تعذبنيي كتر و كتر 


أمجاد : منويااش تسكتي ؟ 

ثلوج بعصبية دموعها مبغاوش احبسو : علاااش انسكت ؟؟ .. واااش نفكرك فالنهاار لي خطفوونيي و بدم بارد قلتيي ليهم مكنعرفهااش ... نفكرك فييها ؟؟ 

أمجاد : كنت باغي نحمييك 

ثلوج : شكوون قالييك حمينيي ؟؟؟ .. كوون كنتيي باغيي تحمينيي اتخليني نتعاقب على لحادثة لي وقعات عن غير قصد و ندوز لحبس بحال كااع النااس ولكن لا .. نتا قررتيي تنتاقم منيي شر الإنتقام هادشي غا حيت مدرتهاش بلعاني كون كنت متقصداها امكن كنتي اتقتل عائلتيي كاملة ماشي غا مراد 

أمجاد : وااااش شديتيي غاا فهااادشييي مبنتش لييك شنووو درت على قبلك 

قطعاتو بحقد : شنو درتيي على قبليي ؟؟ هاا شنووو !! .. درتييي ليا غا لعذااب و لموت لي كنت كنتمناها كلا لحظة 

أمجاد ببرودة : ملي كنت معذبك حتى لهااد الدرجة علاش بنت ليك فالبلان و جيتي طلبتيني نتزوجك 

ثلوج دورات وجها مرضياش : بسباب التصاور لي شوهتيني 

أمجاد بجدية : اهاه ! .. على قبل عائلتك و داك جوج تصاور جيتي كتجري عنديي باش نتزوج بييك .. كان بإمكانك تهربي . ديري شي حاجة لمهم متجيش عندي .. ماشي سبب كافي باااش تجي عندي نتزوج بييك 

ثلوج ربعات ايديها مخنزرة : دابا شنو بغيتي تقصد من كلامك ؟ 

أمجاد صعر حتى عروقو برزو : ليي بغيييت نقصصصصد علااااش جيتييي لعندييي ملييي مباغااش تزوجيي بيااا و باغا الطلاااق من بعد ... شنووو نفكركك فأول ليلا لينا بجوج ففراش واحد و لغد قلتي ليا كنتخاايلك واحد آخر 

هز ايدو باغي اصمكها حتى بانت ليه راجعة خطوة باللور مخلوعة و لونها مخطوف عاد رجع هبط ايدو كيهدر و كشاكشو خارجين بحال الثور : ولا نهدر على فااش كتجبديي ليا سيييرة دااك لمونيكة ديااالك كلا شوية 

ثلوج : حتى نتاا كتجبد ليا لينااا .. عااد جبدتيها و قلتي كون غا بقات ليناا 

و سكتات كتبكي مدورة وجها لجيهة لخرى مرضيااش على دموعها لي كيطيحو 

أمجاد بسخرية : فيين جبدتها قداامك ؟؟؟ فيين ! .. كنت كنحتااارمكك كزوجةةة و نتيي شنووو ؟؟ 

ثلوج : واااش بغيتينيي نسكت لييك على داكشيي لي دوزتي علياا وااش عند باالك فيسااع انساا شنو دوزتي علياا 

أمجاد بعصبية ايلوح حوايجو : ملي مقدرااش تنسااي متجيييش عنديي تلصقيي علياا باااش نتزوج بييك .. كااانو بزااف ديال لبلانات لي تسلكي بييهم رااسك .. التحراميات كتخدميهم معايا غا انا و لعالام معلييش .. غا أمجاد لي اصبر على حمااقك

ثلوج سكتات ملقات متقول كتسمعو غا هو كيكشكش : نتي شفتيي غا لعذااب لي دوزت علييك مشفتييش لمرض لي ركبتيي فياا ؟؟ واااش عارفة نهاار طااح ولدنا و جهدتيي بكييت الدمووع .. أول مرة كيطيحو ليا على قبل شي بنت لمرا .. واليديا و عمري بكييت علييهم جيتي نتيي قلبتيي حياتيي بحال الإعصار و مكفااكش هادشي حلفتيي حتى تنزليي ليا دموعيي مرة أخرى حتى نسيت كيف دايرة طاسيلتيهم 

بقات كتشوف فييه مصدومة كترمش بتتاقل و لسانها مربوط 

أمجاد قرب لعندها بسخرية : نقولييك امتى ثاني مرة ؟؟ .. و لا بلاش حسن متعرفيي 

ثلوج بصوت خافت : ميمكنش ! 

أمجاد بحدة : شنووو ذنبيي حتى مطيحة بياا و كتآمريي نتيي و لبراااهش بحاالك باااش اغريونيي .. باغانيي نتزوج و نخلييك جي عندي نيشان و قوليها لاااش معذبة رااسك و حارقة دمك على والو ؟

بلعات ريقها كتشوف فيه مصدومة : أمج...

قاطعها بحقد كبير : سسسسكتتتييي متنطقيي بوااالووو .. كلشيي سمعتوو بودنيي و لا امكن نسيتي خااص نفكرك فالهدرة لي قلتي ؟

هبطات راسها كتمتم و علقها كيرجع فذاكرتها حتى ستعقلات مزيان لحوار لي دار بينها و بين سلمى 

"ثلوج بعصبية : هاكة راه غا كتخربقيي .. إلا بغيتي بصح اتعلق بييك و ابغييك غا تبعيني و لكن هاد لمرة إلا درتي شي حاجة من راسك غا بلاما تعولي عليا نعاونك .. حيت انا وياه فكلتا لحالتين مطلقين مطلقيين غا بغيت باش نتفك منو بمرة نعلقو بييك 
سلمى : سعداتك اختي على برودة دمك .. كون تعرفيي شحال من وحدة كتمنى تكون فبلاصتك دابا و تزوج بييه
ثلوج بسخرية : علاش شكون هو فملك الله .. ختي انا باغا غا لهنا مبقيتش باغا الصداع فحياتيي ... منهار تخرجت من داك لمعهد و انا فالمشاكل من مصيبة لوحدة أخرى و مزال مرجعت حقيي 
سلمى : معرفتش شنو واقع بيناتكم و لكن لي كيهم دابا هو تخليه اتقرب ليا 
ثلوج : انشوف كيفاش نديير .. إلا تفكيت من هاد الزواج انقدر نبدا ازيرو و نأسس حياتي من جديد مبقيتش قادة على الصداع توحشت حياتي لي من قبل ..."

أمجاد نطق بسخرية مفيقها من سهوتها و ايديه مربعين : قوليلي الآلة لمقادير لي كنتي اتعطي لبنت باش نبغيها و تفكي منيي

هبطات راسها كتدور فعينيها و ايديها كيعرقو و انشفو غا بوحدهم 

أمجاد : علاااش سكتييي دابااا ؟؟؟ .. فيين مشااا لساانك ! شفتينيي سسسكككتت ليييك بزااف و صلااات بييه تدوزي بيا لوقت فشداان لهدرة مع لي اسوا و لي ميسوااش .. ولييت سلعة تهدري مع لبشاار و تخططي مورا ضهري بااش تفكيي منيي .. حتى لهاد الدرجة اثلوج ؟ حتى لهاد الدرجة ؟ 

علات عينيها فعينيه بتكبر : بسبابك صدقت متعرفة عليها 

أمجاد خرج عينيه صاعر : بسبابيي ؟؟؟

ثلوج بحقد : علااش شكوون لي فرعنيي فالنهار اللول و لغد طيحني مكركبة مع الدروج ؟؟؟ وااش نسيتي هادشي ؟ .. عند باالك انا من لحديد ! 

أمجاد بعصبية الدخاخن خارجين من ودنو : كووون منطقتييش دااك صحيبك مكنتش غاادي نحط علييك ايديي اثلووج 

ثلوج بعصبية : هادا ماشي سبب باااش تطيحنيي .. طبيعيي تكون ردة فعلي هاكاك مخليتي ليا حتى خياار 

أمجاد بسخرية : اااشمن خياار ؟؟ مخليت لييك حتى خيار عوتانيي باااش تخونينيي الق*** مع الز**** و بلا خبااارييي ؟؟؟ هااادشيي كامل حيييت طلللقت لييك اللعب درتيي ما بغييتيي 

خرجات عينيها كتمتم : اشمن خيانة !! 

قصدها بعصبية لكفها شدها مزير علييه و نطق مركز مع كل حرف بنبرة حقودة و حزينة فنفس لوقت : كنت معاااك راااجل الليلة لولا و محطيتش ايدي علييك حيت كنتي دايخة و جايبة لكااو .. تمالكت راسي و كتمت رغبتيي فييك .. ماشيي حيت مكبوث و معندي فييمن نفرغ رغبتي 

ثلوج بهمس : إذن علاش انا 

أمجاد طول فيها الشوفة : حييت بغييتك .. أمجاد آل عمران بغااك من قلبوو .. هادا لي قداامك بغااك حتى لآخر عرق كيضرب فييه و نتي ؟ نتيي كنتيي غا كتحرقيي فقلبوو مرة كنتخايلك شخص آخر و فأول ليلة لينا .. مرة كتخططي مع لق**** بااش تهنااي منيي و حالتك حاالة 

ضرب صدرو بجهاالة : شنوووو ذنبييي حتىىى تبانيي فحياتيي و نبغييك بحاال لمسطيي مكنعسش ولا كنشوفو بسباب فعايلك ... كنتيي باغا تنتاقميي ؟ كنبشرك نتاقمتي رتاحي دابا و نعسي على جنب الراحة 

ثلوج كتبكيي مصدومة : أمجاد ..

قاطعها كيترعد كامل و بصوت حااد كينطق كل حرف : شنووو ذنبييي حتى مع داكشيي لي كديري تقت فييك و مشييت مساافر و نتي مورايا شنو درتي ؟؟ مشيتيي خدمتيي بلاما تحاشيها لبوكيمون لي مزوجة بييه .. معندكش الرااجل سايبة و رجليك طوالو .. ولا نهدر على وجهك الز**** لي كتلاقاي معااه و مساجات لحب و لغرام لي مكتسالاش .. ولا نهدر على التصاور لي جامعة بيناتكم ونتوما قرااب من بعضياتهم بقاالكم غا تلاصقو .. ماشي مشكيل داك الساعة تلاصقو مافيها والو 

ثلوج كتنخصص : غا نشرح لييك ..

أمجاد : ااااشنوووو اتشرررحيييي عرفتييي باااش كالمييت رااسييي منقتلكش نتيي وياااه راااه حتتتىىى تحرقتت من لداخل ... كنتيي باغا تحرقينيي و تكرهييني فراسيي .. برافووو رااك وصلتيي لييها .. نتيي مكفااكش هاادشيي تماديتيي باااش تعرفيي رااسك حااملة بولدناا و تجهدييه عند باالك انا معاارفش بموضوع لحمل

خرجات عينيها كتبلع فريقها لي نشف من كترة نفس لحركة : ك .. كك.. كيفااش !

أمجاد بسخرية : بغيتي تعرفي تاني مرة نزلو دموعي ؟ هناا فيين نزلوو دموعيي .. و لا صراحة مكانش خاص اطيحوو امكن ماشي ولديي كااع شكوون عرف 

ثلوج كترجف : ولدك ا أمجاد .. كيفاش كتهدر هاااكة ؟؟ شنوو بغيتيي تقووول زعماا

أمجاد : قلبيي علا بااه ولا طيحييه و لا موتيي نتيي كاع نهنا منك و نرتاح من وجودك 

ثلوج كتبكيي بحرقة : شنو كتخربق ... رااه ولدك 

أمجاد ببرودة : مبغيتوش مبغيت حتى حاجة تربطنا من هنا لقدام 
تنهد كيمسح على راسو بتعب عاد نطق بهدوء : لمهم .. نتيي هازة فخاطرك و معمرك اتنسااي شنو وقع فالماضيي و انا هاز فخاطري و عمري انساا فعايك و خيانتك 

قطعاتو كترجف : مخنتكش بلاما تحمقنيي 

أمجاد رجع نطق بهدوء بعدما كمش عينو و رجع حلها : تخوني متخونيش .. حاملة محملاش مبقاش كيهمنيي هادشي كامل .. حنا ممفاهمينش و عمرنا انتفاهمو و نتي متصلاحيش تكوني مراتي و انا منصلاحش نكون راجلك حيت نفسي خيبة و أي واحد فبلاصتي ايسمع مرتو كدير هادشي مورا ضهرو أقل حاجة اديرها هي اقتلها و ادفنها حية ولكن أنا مغاديش نديرها .. قلتيي عذبتك جا لوقت فين نهيو هاد لمهزلة و من بعد تزوجي ولا ضبري رااسك مع شخص مناسب لأفكارك و اتفاهمو بجوج 

مسح على راسو ببرودة و داز خلفة مع الطريق حتى قرب لباب .. بغا احلو حس بإيديها لي معنقينو من كرشو و صوتها بكاها لي كتعالا شوية بشوية 
أمجاد : شنو ؟

ثلوج غا كتبكي منطقات بوالو .. كيسمع تنخصيصها كيتعالا مقجوجة و كتعصر غا بوحدها
زفر و نتر ليها ايديها : سيري تاكليي ايكون فيك الجوع 
حل لباب ناوي اخرج حتى كتوقف قدامو معرضاه بملامح ممحية و دموعها كيطيحو بحال الشتا 
أمجاد ساط : عزيز عليك اللعب ؟ 
ثلوج هبطات راسها كتنخصص 
أمجاد : اتبقاي كتبكي ؟ 
ثلوج علات راسها لعندو حتى تلاقاو عينيهم ببعضياتهم : فيا الجووع .. و و معنديش الطاقة باش نطيب .. إلا ممكن تطيب ليا عاد سير 
غا كملات كلامها نزلات راسها لأرض 
أمجاد بسخرية مسح على راسو : شنو باغا ؟ 
ثلوج هزات كتافها كتفشش و دموعها محابسينش : معرفتش 
أمجاد : غادي نصيفط ليك على لبيتزا .. شوية و توصل 
نطقات بعصبية كتنخصص : مبغييييتتتتششش لببييييتراااا ياااااه
أمجاد : لمعنى !
ثلوج كتشوف فيه بنضرات حنونة : يااك قلتيي كتبغيينييي ؟
أمجاد ببرودة و بهدوء تام : كنا و كنتو .. مكتعني ليا والو دابا 
ثلوج هزات ايدو حطاتها على كرشها : و هاد لولد ؟ 
أمجاد ببرودة : جهضييه مباغيش تربطني بيك شي حاجة 
ثلوج نترات ليه ايدو بعجرفة : اه داكشي لي اندير .. حتى انا مباغاش شي حاجة تربطني بييك 
أمجاد : شعور متبادل 
دفعها من قدامو و كمل خطواتو خارج لبرى .. غا وصل لطموبيلتو حل لباب ركب و كسيرا مخلي لعجاج موراه ..بحاليلا كان على سبة و باغي غا امتى امشي 

بقات كتشوف فنقطة وحدة و دموعها كيهبطو بلا حتى صوت .. كتحس بقلبها كيضرها و كيضرب بالجهد بحاليلا غادي اسكت فبلاصتو .. بعجرفة هزات ايدها حطاتها على حنكها كتمسح فدموعها بغيظ و مكمشة فمها كتشهق مرة مرة .. غا بان ليها داك الزاج ديال لمرايا .. مشات لعندو كتضرب فيه برجليها بعجرفة و الدم كيتشتت فالأرض .. كانت كتضرب فيه بحاليلا باغا تقذف كرة القدم برجلها .. نفسها تخنق و عينيها خارجين كتشهق بأعلى صوتها و ثانية مور ثانية كيتزادو داك الشهقات .. مرتاحت حتى قصدات لفراش كتزف بالمخاد و تلوح فالديكورات بعجرفة .. مخلات حتى حاجة فبلاصتها كلشي روبلاتو و كأنه شي إعصار ضرب السفلي ديال لفيلة 


داز لوقت ..

جالسة مربعة رجليها وسط الأرضية و ايديها كيمسحو فدموعها بلاما تنطق بحتى حرف .. بنفاد صبر جمعات لوقفة هزات تيليفونها و جلسات مركنة فالدروج كتسناه اجاوب على اتصالها. .. صونات و عاودت صونات و لكن نفس النتيجة كيقطع عليها .. مع ذلك عاودت صونات حتى كتلقاه مبلوكيها .. دخلات لوتساب كترعد كلها و ايديها كيرجفو بالسيف باش قدرات تصوني ليه حتى كيجاوبها بنفس الرد عوتاني .. خسر عليها " رفض " للمكالمة و شوية طلع ليها بلوكاها كاع .. خرجات عينيها كتشوف مصدومة و فنفس اللحظة صونات ختها بقات كتشوف فالرقم مفيكسية حتى عاودت صونات عاد جوبات بصوت مبحوح : ختتتتيييي 

حنان : سنبلتيي نسيتيني 
ثلوج كتبكيي : ختيي وااش انا ممزياناش ؟؟
حنان : شنو كتقولي ؟ .. نتي أحسن وحدة فهاد لعالام 
ثلوج كتمسح فدموعها بعجرفة : غا كتكدبيي انا ممزياناش .. باغيني النساا محاولش اطلب مني حتى السماحة .. صافيي مزيان حتى انا مباغاهش فحياتيي 

سكتات كتبكيي بحرقة كتسمع فختها تالفة و صوتها مخلوع : ثلوووج شنوو وااقع ؟؟ .. ثلوج خلعتينيي علييك شنو بييك اختيي 

ثلوج كتنطق بصوت باكي متحدية شهقاتها : غادي نهنيكم منيي .. تهلاي فماما و بابا و ردي لبال لراسك اختيي .. أنا منستاهلش نعييش و مبقا عندي لاش نعييش .. كلشي مشاا و خلانيي 
حنان كتبكي : اويليي شنو كتقوليي ؟؟ فيينك نتيي دابا فيين ؟؟ نجي عندك ويااك ديري شي حاجة .. كيفاش تهنينا منك حماقيتي ! ... واش مكاينش راجلك؟ 
ثلوج كتبكي : انطلقو 

حنان : اوا هانتيي الطلاق لي كتقلبي عليه هانتي اتطلقي 
ثلوج كتنخصص : اه انا فرحانة 
حنان سكتات شحال و رجعات نطقات : قلبك كيضرك ؟ 
ثلوج كتمسح فدموعها بعجرفة : لا 
حنان : نتي فالفيلة ؟ 
ثلوج : لا 
حنان : نتي فيها باركة من لكدوب .. غادي نجي لعندك 

ثلوج قطعات عليها و لاحت التيليفون هرساتو حتى تشخشخ : لي غادي تجي عندها مغاديش تبقا على لوجود 
طولات الشوفة فالتيليفون عاد جمعات لوقفة بالشوية و طلعات فالدروج مرفوعة و ساهية 


بخطوات تقيلة و نفس مقجوج قدرات تحل لباب لي غا تفتح دازو قدامها كاع اللحظات لي جمعاتها بييه و خصوصاً أول ليلة ليهم بجوج .. تفكرات تجاوبها معاه وسط فراش واحد و جسد واحد .. تفكرات فاش كان كيتخلع عليها ملي توقع ليها شي حاجة .. تفكرات و تفكرات ... كلشي رجع قدام عينيها و هي غا كتشوف بملامح جامدة من غير عينيها لي مغرغرين .. تنهدات و مشات فتحات لحمام 

فالجيهة لخرى ..

غا سالات لهدرة مع ختها فالبالكو دخلات كتجري لبيت غادة قصداه و هو ناعس على كرشو ضارب الدنيا بركلة 
حنان : أزار فييق عفااك .. حبيبي فييق 
أزار بصوت نعسان : حنان كنقوليك فاش نكون ناعس متفيقينيش .. كنتنيرفا 
حنان بدات كتبكي : صافي رجع نعس 
أزار غا سمع صوت بكاها هز راسو : مالك 

فيساع جلس كيشوف فيها مدهشر : شنو واقع ؟ 
حنان : خووك و ختيي ايطلقو .. ثلوج وضعها خالعني خاص نمشي نشوفها 
أزار جمع لوقفة : أمجاد ايطلق ؟ .. ميمكنش هادشي منظنش ايكونو غا مناقشين
حنان : مغادي نرتاح حتى نشوف ختي .. ولات غا كتخربق فالهدرة و كتدخل و تخرج 
جرها أزار باس جبينها بلطف كيتنهد : صافي ازين دياليي .. ششش تهدنيي .. سيري بدلي و جيبي ليا منلبس خلينا نمشيو عندها 

هزات راسها باه و مشات لدريسينغ كتجري مخلوعة و مخطوف منها اللون .. بسرعة لبسات عليها و خرجات لعندو عطاتو حوايجو لبس تماك عاد شد ليها ايدها و خرجو من لبيت بخطوات سريعة 
حنان كتبكي : قاتلي اتهناو منيي .. ثلوج مكتقولش هاد لهدرة يعني واصلة بيها لعظم 
أزار تنهد : زيدي نشوفو هاد لحريرة هما لي مالين لعقل انصدقو حنا لي صغر منهم كنصالحو فييهم 
حنان كتمسح فدموعها : إلا وقعات ليها شي حاجة نموت 
أزار : ششش متكونيش متشأمة 
طبطب عليها كيهدي فيها بكلامو حتى ركبها حداه و ركب هو عاد كسيرا نيشان لفيلة 

ماشي بزاف دلوقت حتى وقف بالطموبيل و نزلات حنان سبقاه بخطوات سريعة كتمشى و شعرها كيتلاوح موراها ..غا وصلو لباب لخرجاني خلاهم لعساس ادخلو فاش عرف شكون

حنان حلات عينيها : مال باب لفيلة محلول ! 

لعساس تنهد : قبيلة ناضت خصومة كبيرة بين سي أمجاد و مراتو ..مقدرتش نتدخل و بقيت بعيد 
حنان شافت فأزار و رجعات شافت فالعساس عاد مشات بجرية دخلات مخرجة عينيها كتشوف فالزاج و الدم مطبوع فالأرض .. و الأثات مقلوب سفاه على علاه كلشي مرون و مهرس بحاليلا ضرب شي إعصار 
حسات بخطواتو تلافتت كتبلع فريقها : واش تخاصمو ولا تقاتلو !

أزار تنهد : شوفي ختك فين هي 

حنان هزات راسها باه و دارت كتشوف فالدروج فيه خطوات الرجلين مطبعين بالدم .. خرجات عينيها و طلعات كتنهج و قلبها كيضرب فالمية .. بقات متبعة لخطوات حتى وصلات لباب دلبيت حلاتو بعجرفة كتدور فعينيها .. سمعات حس لما فالحمام مشات ليه بسرعة كتدق على بابو بصوت منغنغ بالبكا : حبيبة .. نتي هنا ؟ ثلجتيي فيينك جييت لعندك اختيي .. حلي علياا .. ثلووووج ! ثلوج علاش مكتجاوبيش ؟ 
تخلعات و بدات كتدق على لباب بقوة حتى حسات بيه كان غا مكالي بشي حاجة ماشي مسورت .. تنفسات بعمق عاد فرعاتو كامل و ياريتها مفرعاتو .. غا شافت منظرها غوتات بأعلى صوتها مخرجة عينيها : ثلووووووووج ؟؟؟

بدات كتبكي مصدومة و ايدها على فمها حتى حسات بأزار موراها كينهج باين أنه سمع صوتها و طلع بجرية : شنوو ماالك !
هزات حنان صبع ايدها بتتاقل موجة صبعها لقنت واحد .. لحركة لي خلات أزار انتابه للوحة لي قدامو 


حنان بقات واقفة كتبكي بحرقة مقدراش تشوف ختها وسط الجاكوزي غارقة و الروبيني كيكب بالما و لي زاد كمل على مابيها هو اللون الأحمر ديال لما لي كيوحي لدم 
أزار عتق لموقف و مشا بجرية طار على ثلوج خرجها من وسط الجاكوزي مرخية و عينيها مقلوبين مكتطلع مكتهبط النفس 
حنان كتبكي : أزار ختتتييي مااالهااا ؟؟؟ قوووول ليااا 
أزار بعصبية : سسسكتييي احنان سكتيي ماشي وقت لبكاا 
برك لثلوج وسط صدرها بإيديه بجوج كينهج و وجهو مخطوف منو اللون باغيها تخرج لما لي شربات .. عندو أمل تحل عينيها و داكشي لي كان بقا كيبرك على صدرها حتى خرج لما من فمها و بدات كتكحب مقجوجة
أزار تنهد : لحمدلله متعطلناش 
حنان قربات لعند ثلوج كتنخصص .. بدون مقدمات عنقاتها كتشهق و ثلوج مرخية كتكحب و ساهية 
أزار جمع لوقفة : خاص نديوها لطبيب 
حنان بعدات كتمسح فدموعها و عينيها على ختها لي بحال لجثة : ااه ضروري خاص نمشيو لطبيب 
أزار نتابه لرجليها لي كاع مجروحين عاد عرف مصدر اللون الأحمر ديال لما .. تنهد بإرتياح فالأول سحاب لييه قطعات شي عرق فإيدها غا الله حفظ 
حنان بعتاب : علاش اختيي باغا تحرمينا منكك علااش ؟؟ 
ثلوج بان ليها خيال أزار تحدر لعندها عرفاتو ناوي اهزها داكشيي علاش وقفاتو بحركة ايدها و نطقات بصوت هادئ : مبغيتش نمشيي .. متقربوش 
جمعات لوقفة كترعد و كلها فازكة وسط حوايجها لي كيقطرو بالما : سيرو من هنا مباغا نشوف حتى واحد 
بانت ليها حنان باغا تقرب ليها دفعتها بعجرفة مخرجة عينيها : قللللت سيييرووو من هناااا 
خنزرات فيهم و خرجات كتجر فرجليها دايخة و نفسها مهلوكة .. معرفاتش منين جابت لقوة حتى مشات جلسات فالشرفة مطولا كتشوف لبعييد و شوية تكات على الأرضية بلا حتى طابي .. تكات على شكل وضعية لجنين مكمشة و موسدة ايديها 

حنان شافت فأزار حابسة صوت دموعها لي كيقطرو فاضحينها : غادي اضربها لبرد .. أزار دير شي حاجة ختي مكانتش هاكة 
أزار زفر و خرج على برى ساد عليهم باب لبيت .. حتى نزل لتحت عاد بقا غادي جاي كيصوني لييه و بدون جدوى حتى واحد مكيجاوب من غير لعلبة الصوتية

حنان قربات لعند ختها كتمسح على شعرها بحنية و كتبكي : حبيبة علاش موسدة ايديك فالأرض اجي تبدلي ايضربك لبرد 
ثلوج ببرودة كتشوف فنقطة وحدة : علاش مخليتينيش نموت 
حنان كتنخصص : واش كاينة شي وحدة اتسمح لختها تموت ؟ 
ثلوج بنفس النبرة : ختي غا سيري انا بيخير متخافيش مغاديش نقتل راسي .. انبقا هاكة حتى نموت 
حنان : واش نتي حمقة .. نوضي ا سنبلتي بدلي عفا ختيي 

ثلوج ساهية و عينيها كيدوزو بالدموع : فاش كنت صغيرة كنت كنحلم نعيش قصة حب بحال سندريلا .. كان عندي عالم وردي زوين بزااف و كنت عايشة باش نحققو 

حنان : و حتى دابا اتحققيه احبيبة .. يله نوضي قبل تمرضي 

ثلوج : كنت متشوقة نتعرف على الشخص لي اياخد قلبيي و فاش تلاقيت مراد فرحت بزاف حيت تعرفت على لي انهديه قلبي و لكن ! .. مات و من بعد عرفتو كان لابس عليا قناع و واخة هاكاك كان كيتعامل معايا زويين .. . كنت فرحانة و عايشة مزيان على أساس نكمل قرايتي و نحقق مستقبالي عاد نتزوج و نولد و ليدات زوينين اختي حنان .. كنت مخططة حتى لسمياتهم .. و لكن من بعد ؟ كلشي تبدل و أحلامي ولات بخار منهار بان فحياتيي 

تلافتت لعند حنان : واش انا قبيحة ياك ؟ نستاهل هادشي ؟ 

حنان كتبكي : علاياش كتهدري 

ثلوج ببرودة : بقاو فيا غا بابا و ماما انشوههم مع لقرية ايقولو لحاج عندو بنت مطلقة 
حنان : من امتى ولا عندك هاد التفكير 
ثلوج بصوت باكي : ختيي قلبي كيضرني بزاف والله 
خدات ايد حنان حطاتها على قلبها : شفتييه كتحسي بيه ايوقف ياك ؟ حتى انا كنحس هاكة واقيلة قريبة نموت 
حنان عنقاتها كتطبطب عليها : بكيي و خوي قلبك .. علاش كتمتلي قداميي احبيبة 
ثلوج بدات كتبكيي بحرقة غادي تحماق : ممتيقاش اختي .. صدمنيي ... قال نطلقو ببرودة 
حنان : ياك باغا الطلاق 
ثلوج كتبكيي : اه ولكن ميقولهاش ببرودة 
حنان بعدات كتمسح فدموع ختها عرفتها مقصحة و غا كتخربق فالهدرة 
ثلوج : قال تلاقينا خوت نتفارقو خوت ! .. واش انا ختو ؟ 
حنان كتنخصص : صافيي دابا نهدر مع أزار اقلب علييه .. شوفي حالتك كيف ولات نوضي تبدلي غادي تمرضي 


ثلوج رجعات لوضعيتها مبغاتش تنوض : بغيت نبقا بوحدي مبغيت حتى واحد ادور بيا 
حنان تنهدات بأسى و جمعات لوقفة كتنهد بحرقة : واخة 
دخلات لبيت بخطوات مبعثرة هزات فوطة و مشات غطات بيها ختها و جلسات بعيدة كتشوف بعينيها و تحصر .. فالأخير تنهدات و جمعات لوقفة خرجات من لبيت نيشان لتحت لقات أزار غادي جاي كيصوني 
حنان : مكيجاوبش ؟
أزار بملامح ممحية : والو تقول الأرض بلعاتو 
حنان : ثلوج بدات كتخلعني حالتها 
أزار : مفهمتش شنو واقع بيناتهم 
حنان سكتات كتنهد مقدراش تخايل حالة ختها كتدهور و لا ردة فعل واليديها فاش اسمعو بالخبار 

دازو يومين ..

جالسة على الدروج ذبلانة بالسورفيط مرخوفة عليها سروال مطلوق و لكيطمة ديالو أما شعرها مجموع كعكة مهملة و عينيها داخلين باينة فيها حس النعمة مذيقاهاش ... فعز سهوتها سمعات لباب تحل و دخلو مدرمين عليها عرفات ختها اتكون علماتهم 
حفصة مخرجة عينيها : شنو وااقع لييك ابنتيي ؟ 
قربات لعندها كتقيس فوجها مخلوعة : مالك ذبلانة و داك لخبار لي قالت ختك بصح ؟ 
جمعات لوقفة ببرودة و بملامح ممحية : تعطلنا على موعد لمحكمة 
لحاج واقف جامع ايديه موراه و غا كيشوف فبنتو حالتها حالة .. ساط من مناخرو و قرب لعندها بلاما اهدر تلاحت فحضنو كتبكي بحرقة و بصوت قاهر خارج من حلقها 
حفصة حطات ايدها على فمها كتبكيي حتى هي : الله على بنتيي معندها زهر .. كون مقالتهاش لينا ختك مكنتيش اتقوليها واقيلة 
بعدات ثلوج من باها بسلاسة كتنخصص : يلله نمشيو 
لحاج : شنو دار لييك ابنتي ؟ واش نتي لي رافعة دعوة الطلاق 
ثلوج :لا ماشي انا .. ممفاهمينش و صافي .. كلا خاص اشوف طريقو ابابا .. متزيدوش عليا 
حفصة : كتهمنا غا راحتك 
هز لحاج ايدو طبطب ليها على كتفها و جرها موراه مخنزر وناوي اتفركع على أمجاد .. غا وصلو لطموبيل ركبها و دار ركب بعدما ركبات حفصة .. ماشي بزاف حتى ديمارا شاد الطريق و لوجهة هي لمحكمة

داز لوقت ..

تحل لباب عليها من طرف لحاج عاد هبطات بالشوية و وجها صفر كتشوف فنقطة وحدة .. حسات بباها جارها بهدوء بتاسمات إبتسامة شاحبة على الأقل حسات بسند واليديها و ردة فعلهم لي ريحاتها و خلاتها تقوا شوية .. وقفها باها عاد تبتات فبلاصتها ساهية غا هزات عينيها جات فعينيه بعدما نزل من الطموبيل و زول النضاضر من على عينيه .. بقات كتشوف فييه و قلبها كيضرب فالمية ممتيقاش و مقدراش تستوعب 
لحاج غا قشع أمجاد مشا ليه غبرة : هااادييي هي اندييرهااا فعينيااا ؟؟؟ فييينهمم دااك لوعوود لي قلتيي ولا صافيي طلعاات لييك فرااسك بانت لييك لمحكمة ؟؟؟ 
أمجاد ببرودة : لحاج مغاديش نجاوبك 
بغا انطق لحاج مكشكش وقف عليهم ساجد كيبرد لوضع واخة حتى هو من الناس لي عاد عرفو بالموضوع 
ساجد : صافيي لحاج برد .. اجيي معايا 
لحاج : كووون عررفتككك اتكرفسها و ترجع حالتها حالة مقادرة حتى توقف على رجليها .. گعما نعطيهالك النهاار اللول انااا ليي حمااار واافقت تزوجهاا ..و لكن مزيااان دابا بنتيي على حقيقتك 
مسكت لحاج حتى جراتو حفصة من ايدين ساجد : واش باغي اطلقها نلصقوها لييه بزز ؟ .. صافيي نساا بنتنا تستاهل حسن منوو 
ثلوج بقات عاطياهم بالظهر كتبكي مرضياش و كتسمع فالصداع و لهدرة موراها .. حتى عم الصقيل شيئا ما و سمعو سميتهم 

_ ثلوج الناجي و أمجاد آل عمران نوبتكم وصلات 

حسات بقلبها ايخرج من بلاصتو معرفاتش كيفاش لقات لقوة باش تمشات لعند لباب و هو قدامها كيتمشى ببرودة حتى دخلو لعند لقاضي 
لقاضي كيشوف فالملف : غادي نسول الطرفين واش موافق على الطلاق 
هز عينو لعند أمجاد لي جالس بملامح جامدة مشبك صباع ايديه و ساهي : أمجاد آل عمران واش متأكد باغي الطلاق ؟
أمجاد : ااه و فأسرع وقت ممكن 
ثلوج كتبكي حادرة راسها غا سمعات " فأسرع وقت ممكن " علات عينيها لعندو كتشوف فيه مصدومة 

لقاضي : و نتي .. ثلوج الناجي واش موافقة على الطلاق ؟ 
ثلوج بلعات ريقها كتنخصص حتى هز أمجاد عينو لعندها لقاها كتباكا مزيرة على ايديها حتى تحبس فيهم الدم 
لقاضي : عندي بزاف دلجلسات ابنتي من موراكم .. عطيني قرارك 
ثلوج بعد صمت طويل هزات راسها كتصطانع لقوة واخة وجها حمر بالبكا : وي باغا طلاقي 

أمجاد طول فيها الشوفة و رجع شاف قدامو بلا حتى كلمة
لقاضي : اذن سي أمجاد خاص تعطيها حقوقها 
أمجاد ببرودة : لي بغاتها تاخدها

ثلوج مزيرة على ايديها : لا مباغا والو 
و سكتات حابسة شهقاتها لي كلا دقيقة خارجة ليها وحدة ..مكرهاتش الأرض تنشق و تبلعها فهاد اللحظة
لقاضي : ملي متافقين على الطلاق مكين لاش نعطلو هاد الطلاق .. وقعو هناا 

وقف أمجاد على لملف وقع فبلاصتو و تكحاز حتى قربات هي كترعد هزات الستيلو برجفات خفاف .. بالسيف باش تحكمات فراسها و وقعات 
لقاضي : صافي طلقتو بشكل رسمي 

أمجاد غا سمع كلام لقاضي هز راسو باه و قلب الدورة خارج كيوضع فالنضاضر على عينيه 
ثلوج بقات ساهية كتشوف فنقطة وحدة حتى نطق 

لقاضي : تفضلي ا آنسة خاص ادخلوا وحدين اخرين 
مجوباتوش حدها قلبات الدورة كتجر فرجليها بالشوية حتى خرجات من لمحكمة مرفوعة .. كملات خطواتها كتنخصص فصمت كاتمة شهقاتها 

حفصة غا شافت بنتها مشات لعندها كتجري مخلوعة على حالتها : شنو وقع ابنتيي 
ثلوج ببرودة : مشا ؟
حفصة : ااه بان لينا خرج و ركب فطموبيلتو و زاد 
ثلوج : إلا بكيت مغاديش اسمعني ؟ 
حفصة حاطة ايدها على فمها كتبكي شوية حركات راسها بلا زعما مغاديش اسمعك 
ثلوج : مزيان مبغيتوش اسمعني كنبكي 
بغات تقرب ليها حفصة رجعات خطوة باللور مخرجة عينيها : بغيت نبقا بوحدي 

لحاج غا كيشوف من بعيد حاط ايدو على راسو بحصرة و كيلوم فراسو علاش زوجها ليه النهار الأول 
ثلوج دفعات مها و قلبات الدورة غادة كتبكي بحرقة دموعها بحال الشلال كيطيحو لي دازت من حداه كيشوف فيها بشفقة حتى مبقاتش عندها لقدرة باش تمشى خصوصاً أن معدتها خاوية حس النعمة مكيدورش فيها .. طاحت على ركابيها كتشهق بصوت عالي حتى حسات بشي واحد معنقها كيبكي .. تلافتت لقاتها ختها وجها حمر بالبكا 

ثلوج كتنخصص : متبكييش نتيي علاش كتبكيي ؟ 
حنان : كنبكيي حيت نتي كتبكي .. سكتيي عفاك 
ثلوج كتشهق بصوت كيقطع فالقلب : قاليي مغادي تفرقنا غا لمووت .. كلشيي كدووب فكدوووب .. كان كيقول ليا عمرك تحلميي بالطلاق .. تخايليي قاليي بغييتك من قلبي ! لي كيبغيي مكيمشيش و اخلييك علاش كيكدب .. قاليي سيري شوفيي ولد من هادا لي فكرشك 
حنان خرجات عينيها : حاملة ؟؟؟؟ 

ثلوج هبطات راسها كتشوف فالأرض حاضية دموعها لي كيطيحو : قلبيي كيضرنيي بزااف .. صافيي طلقنا خااص نفرح ولكن قلبي ؟ .. ختييي قلبيي غادي اسكت كنحس بيه كيتقطع 
حنان : اجيي معايا .. ثلوج نوضي .. ثلووج ؟
خرجات عينيها فاش ترخات و طاحت بحال لجثة فالأرض خلاو الجوقة مجموعة عليهم حتى تدخل لحاج و أزار هزوها نيشان لمستشفى كيتجراو بيها 

فالكولوار جالس لحاج حاط ايديه على راسو مكشكش و حداه أزار واقف كيتحصر معارف ميقول و معندو ميقول 
حفصة شافت فحنان : كنتي عارفة بحملها ؟ 
حنان كتمسح فدموعها : لا مكنتش عارفة اماما 
حفصة ساطت كتنهد على لوضع لي وصلو ليه مبان ليها غا أزار مشات لعندو : شفتيي خووك شنوو داار ؟؟ 
أزار هبط راسو كيمسح عليه : انا براسي مفاهم والو .. امتى وصلو لهاد لحالة كلنا معارفينش 

فهاد الأثناء تم جاي ساجد و آريا بخطوات سريعة لعندهم 
آريا مزال تحت تأثير الصدمة ممتيقاش طلاق ولدها بالبنت لي كان عند بالها كيبغيها حتى لآخر عرق 
ساجد : مزال مقالو ليكم والو ؟ 
لحاج قلب وجهو كيسوط خايف اهدر و فمو خايب ايصدق خارج لبنتو حنان على زواجها لهما اسكت و اكمدها فخاطرو 
حفصة شافت فآريا : مضنيناش هادشي الآلة .. ولدك صدمنا كان عند بالنا زواجهم اينجح
آريا قربات ليها بعينين مغرغرين : انا براسي مزال ممتيقة عاد سقت لخبار مكان فراسي والو .. غادي نعيط ليه نفهمو مزيان على لبنت لي مخليها حاملة 
حنان : عارفها حاملة .. قاليها شوفي ولدمن لي فكرشك 
آريا خرجات عينيها : أمجاد عارفها حاملة و طلقها ؟!!!
حنان هزات راسها باه كتبكي : إلا كانو لمشاكيل كان خاص احلوهم بالعقل و الطلاق ماشي حل 

لحاج بعصبية : صافيي سكتو ... بنتيي غادي نوقف عليها حتى ترجع كيف كانت .. و عمري نعاود نزوجها و نتشوا فكبدتي .. راحت بنتي هي لولا سدو لموضوع و متبقاوش تجبدو ولدكم على الأقل غا قدامنا 

ساجد سكت ملقا ميقول عرف لحاج واصلة بيه لعظم و خايف على بنتو حتى هو كيبقا أب و ايفهم وضعو و ظروفو


حلات عينيها ببطئ كترمش غا تفكرات شنو داز عليها بداو دموعها كينزلو بلا حتى صوت حتى دخل الطبيب بابتسامة : لمريضة ديالنا حلات عويناتها 
تلافتت لمصدر الصوت بابتسامة شاحبة عاد نطقات بصوت خافت : بغيت نشرب 
هز راسو باه : و لكن بلاتي حتى نفحصك .. بكترة مكنتيش كتاكلي دازت يومين و نتي فاقدة لوعي غا السيروم لي هز عليك الدقة .. نتابهي لحمل ديالك امدام 
قطعاتو ببرودة : مدموزيل 
الطبيب : ممزوجاش! 
طولات فيه الشوفة و نطقات بصوت مقهور : لا مطلقة 
الطبيب : باقا صغيرة و لحياة مستمرة 
هزات راسها باه
الطبيب : اوا ا آنسة شنو سماك الله 
ثلوج سكتات شحال عاد نطقات : ثلوج 
الطبيب : ثلوج ! .. اسم ناذر أول مرة كنسمعو و لكن زويين بحالك هه 
ثلوج ساهية : لحمل ديالي كيف ..
قاطعها بجدية : كنت كنتسناك تصحصحي و نهدر معاك فهاد لموضوع .. آنسة ثلوج مخاصكش تغادري لمستشفى فهاد لفترة حتى نتبع حالتك مزيان .. لحمل ديالك خطير بزاف لا عليك لا على لجنين .. و حتى إلا درنا ليك الإجهاد خطير عليك عوتانيي 
ثلوج ببرودة : مبغيتش الإجهاد 
الطبيب : إذن خاصك تساهلي معايا و تبعي تعليماتي بالحرف .. الراحة تم الراحة .. عطي الراحة لراسك و ضحكي لدنيا تضحك لييك .. انشالله بالدوا و لمراقبة ايتبت لحمل و ايرجع لجنين لبلاصتو حيت الرحم عندك متضرر شوية 
ميلات شفايفها كتفكر السبب : انشالله 
الطبيب : فايتة هازة فالرحم ديالك جنين ياك ؟ 
ثلوج طولات فيه الشوفة حتى بدا كيضحك : عارف راسي طبيب غا بغيت نتأكد .. لمهم معاك أحمد .. الدكتور أحمد عتابريني صديق ماشي دكتور اوكيي 
ثلوج : نفهم من كلامك كتقرب مني 
الطبيب كيضحك : عمري شفت شي وحدة لي فقلبها على طرف لسانها هه ... لا لا ماشي داكشي انا صديق لمرضى ديالي كاملين .. دور الطبيب اقرب لمريض ليه و ازرع فيه لحياة هاكة ايكون تجاوب كبير مع لعلاج حيت الأغلبية مكيبغيوش جو لمستشفيات انا كنبدل جهدي باش القاو راحتهم حتى هنا 
ثلوج : غا ضحكت معاك على هاديك لهدرة 
الطبيب : خودي راحتك ا ثلجتنا 
بتاسمت إبتسامة شاحبة : ممكن نشرب دابا ؟ 
هز راسو باه : غادي تجيب ليك لممرضة لما .. نخليك دابا و متنسايش
قطعاتو : انرتاح .. غادي نحاول 
بتاسم ليها إبتسامة بشوشة و مشا خارج و ساد موراه لباب .. خلاها ساهية و عينيها مغرغرين كتحس بقلبها كيتقطع من لداخل و مزال ممدخلا لراسها صافي ولات إمرأة مطلقة و من بعد أتولي أم عازبة .. صعيبة عليها بزاف 

فاقت من عالمها على صوت لباب لي تحل و دخلات حنان هازة فإيدها لما بالبلاطو حطاتو بعيد و مشات لعندها : خديتو من عند لممرضة فاش كانت جاية لعندك .. معرفناش امتى فقتيي .. و على لما متشربيش دابا حتى لبلاتي 
ثلوج هزات راسها باه عاد نطقات بصوت عيان : بابا و ماما فينهم 
حنان بأسى : راهم جالسين قلبهم محروق عليك هاد ليومين مشافوش النعاس .. بقاو كيمشيو لدار لي شاريين فالمدينة غا كيبدلو و ارجعو 
ثلوج : قوليهم انا صافا 
حنان مسحات على شعرها : هي انولي خالة هه 
ثلوج بابتسامة شاحبة : بابا شنو قال ؟
حنان تنهدات : معندهم ميقولو من غير اتقبلو هادشي .. مكتوب الله مامنو هروب 
ثلوج : متخليش هادشي يأثر على علاقتك براجلك و عائلتو نتوما بعاد على هادشي 
حنان : كنحاول .. هاد ليومين مخاصمة مع أزار مبقيتش كنبغي نهدر معاه
ثلوج : انا طلقت و نتي مالك مع راجلك .. متخافيش تقبلت لموضوع و انا فرحانة شوفي هانتي كنضحك 
حنان عارفة ختها مقصحة من لداخل و هاد لملامح لمصطنعة ممنها والو : مزيان بغيتك تكوني ديما فرحانة 
فعز سهوتهم فالهدرة سمعو لباب تحل .. تلافتو بجوج متفاجئيين و خصوصاً حنان مفاهمة والو 


حنان شافت فيه و رجعات شافت فثلوج : شكون ؟
ثلوج : مراد .. دخل 
دخل مراد ساد موراه لباب : غا عرفت بالخبر جيت كنجري 
حنان كتدور فعينيها وسطهم حتى نطقات ثلوج كتفهمها : مراد كان كيقرا معايا .. و دابا خدام فنفس لوكالة لي خدامة فيها و مبقيتش 
مراد : كيفاش مبقيتش !
ثلوج : حاملة خاص نتهلا فصحتي هو اللول 
مراد مصدوم : حاملة ! 
ثلوج : باش عرفتيني هنا ؟
مراد : سولت عليك و بقيت كنبحث حتى عرفتك هنا 
حنان نساحبت من حداهم و خرجات لعند واليديها طمأناتهم أنها كتهدر و فنفسية أحسن عاد زرعات فيهم الروح و تنهدو بتعب على حالتها لمهم عندهم هو تولي بيخير 

ثلوج : قول لمدير هادشي صافي
مراد بأسى : واش راجلك لي مخلاكش تخدمي 
قطعاتو ببرودة : طلقت و آخر مرة تجبدو 
وسع عينيه مصدوم و مشا جلس على لكنباي مفاهم والو 

يوم مور يوم نفس الروتين كيدوز عندها ... قدام عائلتها لي مقطعوش زيارتهم ليها كتبتاسم و تبين ضحكتها المصطنعة و فاش كتنفارد براسها كتفزك لمخدة بالدموع .. شحال من مرة رفضات تاكل غا السيروم لي معاونها و بالسيف باش كتنقب شي حاجة غا اسرار الطبيب و لحمل لي كيخليها تبزز على راسها ..يوم مور يوم ملامحها كيتبدلو بسباب لحمالة و وضعها كيسوء كتر شحال من مرة كتكون كتبكي ساهية حتى كتجيها كريز ديال الأعصاب لدرجة ايديها كيجمدو مكتبقاش تحس بيهم بحاليلا كيوقع ليها شلل مؤقت .. كون ما لعناية لخاصة من طرف الطبيب " أحمد " مكانتش اتبقا عايشة و لبيبي فكرشها .. حالتها كانت جد حساسة و لخطر كيدور بيها من كاع الجوايه واخة ممقصرينش عليها بالزيارات لا من ناحية عائلتها لا من ناحية واليدين أمجاد .. مبغاوش اخليو لبنت لي حاملة بحفيدهم كتحس بالوحدة و ممعاها حتى واحد .. كلشي دعمها و وقف بجنبها و حتى هي دايرة ليهم خاطرهم بابتسامتها لبشوشة قدامهم و كيف ديما غا كتبقى بوحدها كترجع لبكاها عوتاني لي ولا بالنسبة ليها شي حاجة عادية ولفات راسها مقجوجة بالبكا و عينيها حمرين و منفوخين .. حتى ضربات ست أشهر لولا ديال لحمل دوزاتها كاملة فالمستشفى عايشة غا بالدوايات حتى ستاقر وضعها عاد سمحو ليها باش تخرج 

كانت مبتاسمة و فرحانة امتى اتخرج برة و تشوف لجو .. بحماس جمعات لوقفة بالشوية و كرشها مقنبلة قدامها حتى حسات بيه كيعاونها باش تمشى 
ثلوج : مراد كنشكرك بزاف على هاد لفترة لي وقفتي معايا 
مراد : حنا أصدقاء و الصداقة كتبان فالمواقف أولا ؟ .. يلله لبسي فرجلييك 
مد ليها صنيديلة بلا لبساتها فرجلها كانت هي لي مزال باقا ليها أما حوايجها مبدلاهم بفضل لممرضة لي عوناتها و حتى وجها منور بالمكياب لخفيف لي صيبات ليها حتى بان فيها الضو و مبقاتش شاحبة
فهاد الأثناء تحل لباب و دخلو عائلتها فرحانين بخروجها 
لحاج داير ايديه موراه كيشوف بنص عين فمراد : صافي اولدي غا بعد قادرة تمشى 
ثلوج كتضحك : راه بحال خويا ابابا 
لحاج : مممم و معرت 
مراد حشمان : صافي مشينا 
ثلوج شدات فحفصة و تمو خارجين كتمشى بالشوية و ايدها على كرشها مقدراش تحرك غا فشهر السادس و تقلات أما لا وصل شهرها معرفاتش كيفاش اتعامل مع لوضع .. هاد لحمالة دوزات عليها لعذاب و مزال مدوزاه عليها 

فالكولوار غادين بيها بالشوية حتى كيوقف عليهم الطبيب بابتسامة بشوشة : صافي مشيتي ؟ .. سخيتي بينا 
ثلوج : ههه شكرا على كلشي 
أحمد : إلا بغيتي تشكريني هو تديها فصحتك و باركة من لبكا .. عمر لبكا كيجيب شي نتيجة .. ديها غا فالحمالة ديالك 
ثلوج هزات راسها باه : انشالله 
أحمد : مبغيتيش تعرفي راسك شنو عندك ؟
ثلوج : لا حتى نولد انشالله 
أحمد : لمهم صحتك تم صحتك .. يلله كوغاج و تهلاي 
بتاسم ليهم و مشا

على برى ..
نزلات حنان من الطموبيل : صافي غا سير احبيبي .. انمشي نشوف ختي هادي هي وقيتتها باش تخرج من لمستشفى 
أزار : ردي لبال لراسك 
حنان دارت ليه بيزو فالهوا : كون هانيي 
أزار تنهد : لبارح مقلتش ليك شي حاجة 
حنان : ياك لباس .. خلعتيني !
أزار : أمجاد عيط لبارح 
حنان : مالو ؟
أزار : سول على ثلوج
حنان : شنو قال ؟
أزار : حسيت بيه ماشي حتى لهيه باينة فيه سكران كان كيدخل و اخرج فالهدرة مشديت والو من هدرتو غا سمية ثلوج و شي كلمات 
حنان تنهدات : هادشي مخاصش نجبدوه قدام ثلوج .. ولات مريضة بالأعصاب كتبقى تبكي حتى كتجيها كريز .. غا ملي رجعات كتضحك خاصنا نفرحو .. و خوك مخاصوش اسول عليها و معندوش لحق اسول كاع
أزار : هادشي عندهم فشكل 
حنان : يله احبيبي هاني مشيت 
بتاسم ليها عاد ديمارا بالطموبيل و مشا يشوف شغلو 

داز لوقت .. 

كانت جالسة حدا مها و ختها لور و هي وسطهم شادة كرشها حاضية الطريق بلهفة و ساهية 
مراد شاف فالحاج حشمان كيخلعو : نزلو نتغداو ؟ 
لحاج : لا غا سير .. خلينا لغدا طيب و جينا .. نوصلو ناكلو 
مراد هز راسو باه و سكت كيسوگ مركز مع الطريق سالك لوجهة للعنوان لي عطاوه لي عارف هو ثلوج رفضات تمشي لفيلة لي كانت عايشة فيها هي و راجلها 
ثلوج : وقف وووقففف 
قفزاتهم حتى فرانا وسط الطريق 
لحاج مخلوع : يكما اتولديي ؟؟؟
حفصة : اويلي من نيتك .. عندها غا ست شهوور فيين اتولد 
ثلوج شافت فحنان : عطيني لمرايا نشوف راسي 
ستغربات حنان و عطاتها لمرايا : هاهيا
خدات ثلوج لمرايا كتشوف فوجها تحت نضراتهم لي خارجين فيها مفاهمين والو عند بالهم غا بدات كتسطا حتى نطق لحاج : ياك لباس ؟
حفصة غمزاتو اسكت عاد ضرب الطم 
ثلوج : مراد معنديش تيليفون .. بغيتك تصورنيي 
خرج لحاج عينيه و سكت مفاهم والو 
مراد : اهاه مرحبا 
بقات عليهم ثلوج حتى خلاوها تنزل من الطموبيل نيشان لجريدة لي كينا جنب الطريق .. مشات جلسات تماك على واحد الصخرة طالقة رجليها و ايدها على كرشها موتياها لحمالة و زادت زيناتها 
مراد كيضحك : علاش باغا تصوري 
ثلوج : نتصور مع ولدي .. صور و سكت 
مراد : يله ضحكيي 
بتاسمات إبتسامة شاحبة حتى شار ليها مراد باش تضحك عاد ضحكات كتبوزا مرة هاكة مرة هاكة .. شبعها تصاور عاد بدات الضحكة كترجع ليها و الإشراقة كتدخل معاها 
لحاج : هاهيا حماقت هانتي شهدي 
حفصة : سكت خليها .. ياربي غا تضحك لينا وياك تقول شي كلمة تضرها فخاطرها لبنت ولا عندها لعصاب هاني تبريت منك

دازو شهور على لحمل حتى وصل وقت لولادة .. بغات روحها تخرج فاش شدها لوجه وسط لبهو ديال دارهم نوضاتهم فالليل مخلوعين و تالفين فبلاصتهم 
حفصة : هبط وجد الطموبيل لبنت غادي تولد 
لحاج مخلوع : واش اتولد ولا تموت شوفي وجها كيف صفر
ثلوج كتوجع كارمة فبلاصتها و هما مكملين عليها بالغوات .. دوزات لعذاب الأليم عاد دخلوها لغرفة لولادة و جلسات كتزحم بكل قوتها عينيها بغاو اخرجو شحال من مرة كتفقد لوعي وسط لولادة و كيفيقوها تكمل الزحيم حتى خرجو لبيبي و سمعات بكاه عاد ضحكات بتعب كتنهج 
الطبيبة : زيدي زحمي باقي واحد آخر .. عندك توأم 
خرجات عينيها ملقاتش كيفاش تقبل الصدمة من غير تزحم حتى خرجوه حتى هو كيمسحو ليهم 
ثلوج رجعات راسها لور سخفانة كتبكي بالفرحة و هي كتسمع فبكاهم كاسر الدنيا 
الطبيبة : ولدتي جوج ولاد تبركالله. . شوفيهم 
هزات ثلوج راسها كترعد و لبكية خنقاها : كيحمقو 
الطبيبة : على سلامتك
هزات راسها باه فرحانة حتى كتغيب سخفانة ليهم و هما كيفيقو فيها 

فاقت مخلوعة على صوت لمنبه .. فيساع جمعات لوقفة كتكسل بتعب : ااايي عضامي مفصليين
لبسات فرجليها و خرجات من لبيت بخطوات سريعة حتى كتلاقا سناء بنت عمها : صباح الخير 
سناء : صباح النور .. لولاد اتفيقيهم نتي ولا نفيقهم 
ثلوج : لا غا خلييك .. انمشي نشوفهم 
بتاسمات ليها و مشات لعندها لبيت غا حلات لباب لقاتهم منشورين ناعسين على كريشاتهم و فمهم محلول بتاسمات فرحانة بولادها 
ثلوج : نوضو وقت ليكول نووضو 
قربات لعندهم كتهر فييهم و هما كيتباكاو 
ثلوج : زياد لكبيدة ديالي فييق .. يزيد فييق .. شوفو اتفيقو بلاما نجيب سطل دلما 
غا سمعو كلامها حلو عينيهم كيسوطو مخنزرين و باغين ابكيو 
زياد بصوت طفولي : ماما انا مباغيش نمشي ليكول 
يزيد كيحك فعينيه : حصلاتو لمتخيس كيخور لبنات اماما 
زياد خرج عينيه : لالااا انا مكنقربش اصاحبي 
ثلوج حاطة ايدها على فمها : تبركالله تبركالله منوضين ليا لمافيا فليكول 
زياد بعجرفة جمع لوقفة : ماما انا باغي نقرا التحضيري 
ثلوج تنهدات : باقين صغيورين احبيبي .. لعام جاي و قراوه دابا عندكم غا ربع سنين و ممكملينهاش .. هاد اللسان لي تسرح ليكم فيساع شبهتوني فيه مكتسكتوش 
يزيد : ماما ديري لينا كيكة ديال سوكولا عفاك اماما كتعزبنيي " كتعجبني "
ثلوج كتضحك : ديال شوكولا ماشي سوكولا .. نوضو تغسلو نوضو عندي جلسة مهمة ليوم واش تبغيو تعطلو على ليكول و تعطلو ماماكم ؟
هزو راسهم بلا و ناضو كيتجاراو لحمام و هي معوناهم كتغسل ليهم و تضحك معاهم حتى صحصحو مزيان عاد خرجاتهم وجداتهم ليكول و هبطاتهم افطرو لقات سناء موجدة الطبلة 
ثلوج : حضي معاهم عفاك بينما كلاو .. هاني طالعة نبدل عليا 
سناء : واخة .. طلعي بدلي مشا عليك لحال 
هزات ثلوج راسها باه و طلعات بسرعة لبيتها .. ماشي نفس لبيت لي كانت متشاركا هي و أمجاد ... ختارت بيت آخر فرشاتو على ذوقها ولاخر سداتو بالساروت مبقا كيدخل ليه حتى واحد .. كانت مقررة مور ولادتها تجيب ولادها اعيشو فالفيلة و هادشي لي كان .. بغات تخليهم مولفين على التيساع و توفر ليهم كلشي

دازو ساعات من لوقت ..

كانت جالسة فمكانها بكل رقة و أنوثة .. حتى فجلستها عندها جادبية خاصة و مع ابتسامتها لمشرقة نوع آخر من لجمال 
على لمباشر نطقات لمقدمة لي مقابلة معاها بابتسامة : ثلوج الناجي مرحبا بييك معانا فبرنامج " تغريدة الشهرة " 
ثلوج برقة : شكرا و سعيدة حيت جالسة معاكم دابا 
لمقدمة : كيف كتعرفي لبرنامج دابا كيدوز على لمباشر باش نقربوك من المشاهدين كتر و كتر .. شنو تبغي تقولي ليهم بعدا 
ثلوج بابتسامة كتشوف فالكاميرا : انبغي نقوليهم شكرا .. شكرا بزاف حيت بسبابكم انا هنا و بسبابكم خرجت من واحد لعالم مظلم كنت كنعيشو و لكن ربي كبير و لوقت كتداوي 
سكتات بصوت مبحوح كتخبي عينيها لي غرغرو بإرتباك 
لمقدمة : نتي وحدة من الضيوف النادرين لي كيجيو عندنا لبرنامج .. الأغلبية كيكون شي مطرب أولا فنان أما نتي دومينك خاص 
ثلوج بدات كتضحك : وي دوميني تخلط هه .. منكدبش عليك انا لحد الآن مزال ممتيقة لعدد ديال لفلورز لي كيعرفني و متابعني 
لمقدمة : ثلوج الناجي كيفاش بدات لمسيرة ديالك حتى وليتي معروفة بهاد الطريقة .. لحد الآن عارفين أنه صحفية عندك مقالات شاخدة على نجوم صحاح و جريئة فمقالاتك و لكن لي قربك من الناس هو الأنسطا .. كيفاش بدا هادشي 
ثلوج : بصراحة كلشي جا بشكل عفوي متقصدت حتى حاجة .. كان همي نجح فمسيرتي لعملية فقط و الأنسطا ديراه ضحك و لعب بعدما مكانش عندي 
لمقدمة : كلشي عندو علاش مكانش عندك ! 
ثلوج سهات و شوية رجعات لواقع بابتسامة شاحبة : كان محيدو ليا طليقي 
لمقدمة موسعة عينيها : مطلقة !
ثلوج ببرودة : وي 
لمقدمة : دابا عاد فهمت منين جا الإسم لي مشهورة بيه .. شكون طلق عليك هاد الإسم 
ثلوج : الأم لعازبة كنت نشرت أولا صوري فالأنسطا و كتبت هاد الإسم ... من بعد فالتعاليق كنلقا الأم لعازبة ههه هاكة بدات لحكاية 
لمقدمة : يعني مور طلاقك صيبتي انسطا جديد
ثلوج : وي .. تماما 
لمقدمة : إلا مكانش عندك شي اعتراض ممكن تقولي لينا علاش طليقك مكانش باغيك تديريه ! .. حيت لمشاهدين باغين اتعرفو عليك و مكرهناش نقربوك منهم كتر 
ثلوج جمعات ايديها على شكل قبضة كتنفس بهدوء عاد نطقات كتحرك فايديها بعفوية : معرفتش هه .. امكن كان عزيز عليه اجاكرني ولا 
قاطعتها لمقدمة : كيغير ؟ كان مغيار بزاف ؟
ثلوج : بصراحة مبغيتش نهدر فهاد لموضوع 
لمقدمة : ماشي مشكيل .. نرجعو لبدايتك مع الشهرة قربينا شوية كيفاش بدات 
ثلوج : بحال كاع الناس خدامين خدمتهم و عندهم دي كونط كيفوجو فييهم .. رتاحيت فالأنسطا مع ديجا كان عندي قبل زواجي .. و صافي هاكة بدات الأمور كلا مرة فوطو بحلة جديدة 
لمقدمة كملات على كلامها : و بابتسامة جديدة هه ..كنلاحظو كاع لي فوطو دياولك كنلقاوك ضاحكة لدرجة سمعنا إلا تلاقاو معاك لفلورز فالشارع كيعيطو ليك " سمايل "
ثلوج : هههه وي هادشي كين
لمقدمة : وي عندهم لحق .. ضحكتك زوينة و مكدبوش فاش قالوها 
ثلوج بخجل و برقة : شكرا على لمجاملة هه 
لمقدمة : اوا ثلوج الناجي كملي لينا 
ثلوج : كيف قلت بدا داكشي بشكل عفوي .. كلا نهار كيتزاد عدد لفلورز و التفاعل كيطلع نهار بعد نهار .. امكن حيت كانو صوري و لي فيديو لي كنحط عفويين و بصراحة كنت كنسي بيه لفترة لي دزت منها .. قربت لمتتابعين ديالي مني بزاف كل حدت كنصورو و كنلونسيه بعفوية و صافي هادشي لي كاين 
لمقدمة : كنتي كتحطي فيه حتى لفيدوات لي كتسجلي فشي مقابلة ولا شي مقال كتحطيه 
ثلوج : وي تماما
لمقدمة : مقالاتك جريئة مكتخافيش من الصداع !
ثلوج : كنخاف من الله .. و لي دار الذنب استاهل لعقوبة هه 
لمقدمة : كتجبدي شي حوايج غابرين لدرجة ولاو كيخافو منك المشهورين 
ثلوج بعفوية : شوفي باش نكون معاك صريحة .. كنخدم بمبدأ حقاني مكندخلش فأعراض الناس واخة عارفة لغرق و مكنقيسش شي جانب حساس كنكتافي بأخد اخطاءهم لمتهورة كنطرحها لرأي لعام فقط .. يعني شنو ذنبي إلا كانو كيمتلو المتالية و فالأصل غير هادشي
لمقدمة : صراحة مكدبوش فاش قالو حتى شخصيتك قوية .. تبركالله عليك 
ثلوج بابتسامة : من لطفك 
لمقدمة : دابا غادي ندوزو لواحد لفقرة شوية حساسة و أغلب الضيوف ديالنا كيتهربو منها 
ثلوج بعفوية : معنديش مشكيل .. مرحبا 
لمقدمة : قبيلة مجاوبتينيش على سؤالي 
ثلوج بدات كتضحك : نو .. عرفتك اتجبديه 
لمقدمة : هدري لينا شوية على زواجك السابق .. كنشوفو دابا غا وليداتك زياد و يزيد ياك ؟ 
ثلوج : وي الله اخليهم ليا وبالنسبة لسؤالك .. وي كان مغيار بزاف و عصبي و على نقشة 
لمقدمة : هادا هو سبب طلاقكم؟ 
ثلوج : لا من غير هادشي متفاهمناش و كلا شاف طريقو .. هادشي لي كين مكين لاش نكملو و حنا ممفاهمينش 
لمقدمة : كنتي كتبغييه ؟ 
ثلوج : مغاديش نجاوب على هاد السؤال 
لمقدمة : اوكي نحتارمو قرارك .. مور طلاقك جات لفرصة و شفتيه ؟ 
ثلوج حسات بقلبها ايخرج من بلاصتو و لماضي كيحيا عليها : لا ابدا 
لمقدمة باستغراب :شنو زعما مكانش كيشوف حتى ولادو 
ثلوج بصوت مخنوق : وي عمرو شافهم 
لمقدمة : واش عارف عندو ولاد منك و مشافهمش ؟!
ثلوج عينيها غرغرو : وي عارف و عمرو شافهم .. و كنعقل لجد ديال ولادي كنقصد الأب ديالو تصال بيه و قاليه ولدت توينز 
لمقدمة : باش جاوبو ؟
ثلوج بعفوية و ابتسامة شاحبة على وجها : مكنعرفهاش و مكنعرفش ولادها 
لمقدمة مصدومة : حتى لهاد الدرجة !
ثلوج بعفوية : وي لهاد الدرجة
لمقدمة : عينيك غرغرو و كتهدري بصوت مبحوح واش توحشتيه ؟ 
بقات كتشوف بيها بقوة شوية هبطات راسها كتبكي مرضياش قدام لكاميرا .. كتفات تخشي راسها وسط ايديها كتنخصص بصوت مقهور

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.