حبك جهنم ثلوج الجزء 16

من تأليف Ikram Pancholi
2020

محتوى القصة

رواية حبك جهنم ثلوج

عصام بتاسم و قصدها مباشرة سلم عليها من لوجه و ايدو على خصرها : صافا ؟ 
ثلوج حسات بحاليلا سطل دلما تخوا فوق راسها : أ ا لبااس 
أمجاد علا حاجبو فالسما و عينيه خارجين.. داك الساعة طلق من الياقوت و قصدهم : شششنوووو هادددشييي ؟؟؟؟
ثلوج بمكر علات عينيها فعصام : غبرتي عليا 

عصام بتاسم ليها و رجع شاف فأمجاد بإستغراب : صاحبي ! 

سناء تلافتت عطياهم بالضهر حابسة دموعها خايفاهم اطيحو و تفرش 

أمجاد عينيه خارجين أول حاجة دارها أنه جر عصام من حدا ثلوج لي بلعات ريقها : ممكن نفهم شنو هادشييي ؟؟؟؟

سناء ببرودة : خرجو من هنا .. لمريضة حالتها مكتسمحش لهاد لغوات 

خرجات ثلوج هي الأولى كتسوط محملاش تشوف كمارتو قدامها .. تمشات بخطوات سريعة قاصدة لمكتب ديال أحمد باش تاخد التوينز حتى كتحس بدراعها تنتر من بلاصتو تلافتت موسعة عينيها و مصدومة : طللللق منييي 

أمجاد كينهج : سولتكككك شنووو داكشييي ؟ فيين كتعرفيي عصاام و كيفااش كتقولي ليه غبرتيي عليااا ؟؟؟؟ 

ثلوج بعصبية تنترات منو مخرجة عينيها فيه : سوووقككك ابناادم دخل سوق راااسك هادي حياتيي و أنا حرة فيها 

أمجاد بجنون تلاح على فكها و صدرو كيطلع و اهبط : كككيفااااش سوووقكككك؟؟؟ راااه كنهدر معااك جاوبينيي 

عصام من بعيد غا قشعهم تم غادي لعندهم كيجري .. مجرد موصل نتر أمجاد من على ثلوج مخرج عينيه : أمجااااد 
خنزر فيه و شد فثلوج كيتفحصها مخلوع : فكك كيضرك بزاف ؟؟ 

غا كمل كلامو حس بكروشي تلاتي الأبعاد ضغطو لفكو نيشان حتى نزاح من بلاصتو : ششششكوووون نتااا أولد لق*** بااااش تحط ايييدككك عليهااا ؟؟؟؟ 

شاف ثلوج كينهج بحال الثور : شنووو هااادشييي الق***

ثلوج تخلعات على حالة عصام : عصاام صافاا ؟؟ .. خااص تعقم لجرح 

أمجاد كيشوف فيهم بحال لمسطي : كيفااااش خااصووو اداويي لجرح .. شكاااتخربقييي ؟؟؟

عصام تبت راسو جامع لوقفة و ايدو على فمو كيمسح الدم : ستيلا فين كتعرفي أمجاد ؟ 

أمجاد كيضحك بالفقصة داك الساعة قصد عصام شنق عليه و عينيه خارجين بحال لوحش : كيفاااش فيين كتعرفيي أمجاد .. رااااه كااانت مرااتييي الز*** هاااديي هي أم ولادييي .. اااااخر مرةةة تقرب لييهااا مبغييتش نخسر معااك اعصااام .. خليني معاك راااجل بلاما نصدقو فشي حاجة ماشي حتى لهييه .. قلللب عليهااا 


جراتو ثلوج كترعد : شكووون نتااا أصلا ؟؟؟؟ شكوووون عطاااك لحق تهدر معااه علياا بهاد الطرييقة .. انااا حرة و حياتيي ندير فيها لي بغييت مسووقكككش كتفهم 

مجرد منتهات من كلامها نزل عليها بتصرفيقة حارة خلات حنكها اعواج و اوزوز فبلاصتو من شدة الألم .. مشعراتش بدموعها لي بداو كيهبطو حتى حسات بعصام خباها موا ضهرو 

أمجاد كيصفق : اوووه لعشق لممنوع .. تبركالله علييك اصاحبيي .. و نعمة الصداقة 

عصام بعصبية وجه ليه صبعو كيكشكش : أول حااجة متهزش عليهاا ايدك ا أمجاد .. هي معندها صحة بااش تقاوم الضرب ديالك و دابا عاد فهمت علاش تطلقتو .. فالأول فاش تعرفت على ستيلا 

أمجاد بجنون بغا اتلاح عليه حتى شدو أحمد معرفو منين خرج ليه : و سميتهاااا ثلووووج أولد لق*** وااااش باااغييي تجعر مييي فهاااد النهااار ... ببببعددد منهااا علاااش مخبيهااا موراااك 

عصام بعصبية : ياااك تطلقتو ؟؟؟ مبقاااتش مراااتك كتفهمم .. هي حرة تقرر لي بغااات و تعيش حياتها كيف بغاات .. كيف نتا مزوج و والد حتى هي اتزوج و تولد 

أمجاد كيتنتر باغي اتلاح علييه : شناوااا ؟؟؟ بربييي حتى غادي نخسر معااك الز*** بربييي حتى ندمككك كنحلف لييك 

عصام كينهج تلافت لعند ثلوج لي مخبية موراه : يلله نحيدو من هناا .. اجييي 

تنتر أمجاد لأحمد بحال الإعصار .. نيشان قصد عصام نزل عليه بجوج كروشيات متابعين طيحوه و تلاح على ثلوج شادها من شعرها بجنون .. جارها موراه بعينيه لحمرين

ثلوج غادي تموت بالخلعة : طللق منيي الحيواان طلللق ااااي كتقصحنييي .. طللللق 
كلشي خرج كيتفرج فيهم و هو معلابالوش كل همو اخبيها عليهم .. فكرة اشوفها مع شي واحد و قريب منها من لفوق كتخرجو على طوعو و كتخربقو فدماغو

سناء بدات كتبكي مخلوعة ..مشات بجرية لعند عصام كتفحصو : عصااام صافاا؟؟ نتاا صافاا 
عصام بعصبية دفشها و جمع لوقفة : بعديي منييي حتى نتييي 

سناء كترعد : أحمد ديير شي حاجة فكها منوو .. رااه حمق ايقتلها مافيهااش 

أحمد كيترعد و هو شاد التيليفون و عينو على ثلوج لي كتنتر منو و هو شادها : الو سي ساجد .. اجي ضروري ولدك حمااق ..ايدير شي موصيبة اجيي لوبيطال 

عصام زفر وتم غادي قاصدهم حتى كتشدو سناء من دراعو كترجف كلها : عصاام متقربش لييه .. بقا بعييد راه ايقتلك .. دمو سخوون ايخرج فيك شي عاهة مستديمة 

عصام غوت فوجها : و نتييي مااالك دخليي سوووق راااسككك 
تنتر منها و مشا لعندهم تلاح على أمجاد بكروشي قاصح مغودد عليه : طلللق منهاااا الحيواان .. كتستقوى عليها حييت ضعييفة 

ثلوج رجعات خطوة باللور كتنهج : الله اعطيك لعدااب .. بغيت لييك لموت لما بعد منيي 

أمجاد كان ملافت ملاهي مع فمو لي تجرح .. شوية ضحك عاد شاف لعندهم هاز حاجبو : لحيبان كيحاميو على بعضياتهم ! ... مشهد رومانسي واااو تأترت صراحة 

عصام مكشكش : شنووو دااارت لييك هي ؟؟ فاااش قرباات لييك ياااك مطلقين عطيها التيقار 

أمجاد بجنون تلاح عليه بركلة لكرشو طيحو كاو و نزل عليه بالضرب كينهج : و دخل سوووق رااااسكككك الز*** 

ثلوج كترعد خايفة تطيح شي روح و لي زاد كمل عليها هو الشوهة لي دار حتى كلشي رجع كيتفرج فييهم 

أمجاد مزال مبردات ليه لعافية كيحس بيها غادة و كتشعل كتر و كتر محال تطفا .. مهنا حتى رجع عصام كاع عامر دمايات و لي جا بغا اجرو كيخسر عليه كروشي و ارجع لعصام اضرب فيه .. غا شافو مبقا عندو فين ازيد دفل عليه بحقد عاد علا عينو لعند ثلوج قصدها غبرة يله ناوي اشدها من دراعها حس بشي وحدين شدوه تلافت لقاهم من الرجال لي عندهم فالقصر يله ايبدا اسب سمع صوت كيقرب لعندهم


ساجد بعصبية : شهاادشيي ا أمجاد ؟؟؟ شهااد السيبة درتيي 
دور عينيه على الشوهة لي داير ولدو حتى كيقشع الياقوت لاصقة فالحيط و كتبكي : راااه مراااتك لي خااص تنوض عليهاا هاد لحرب .. هادييك هي مراااتك ثلوج صافيي نسااها علييك و إلا غادي تلقاني انا لي واقف فوجهك ا أمجاد مبغيتش نتسيف عليك 

أمجاد كيتنتر من رجال باه : و طلقووو اولاد لق*** 

شاف فثلوج مكشكش و كلو كيترعد بالأعصاب : بربيي حتى نحرمها على مككك .. غااديي نشووف شغاديري مع صحيبك الق*** 

ساجد شد راسو كيفور : شدووه متطلقوهش 

خنزر فولدو لي كيتنتر و اسب غا من السمطة لتحت مبقا مسوق لحتى واحد كتبان ليه غا ثلوج و عصام قدام عينيه .. لحرقة شاعلة فيه بحال جهنم اجا مطفاها ليه 

ساجد تنهد و هبط لعند عصام كيتفحص الضرب لي كلا فوجهو : عصام صافا .. نووض باش تداوي هاد لجرح 

علا عينو خنزر فولدو : وليتي مجهوول ولا كيفااش 

أمجاد غادي اتقطع فيه شي عرق بسباب لعصاب لي فيه : و قوليييه اببعددد من مت ولاديي .. ميقربش لحااجتييي 

ساجد بعصبية : حاجتك دابا هي مراااتك فقط 

أمجاد كيسوط مكرهش اطير لعند ثلوج و هما حاكمينو بحاليلا شادين ثور : علاااش كتبكيي ؟؟؟ بقااا فيييك الق*** هدريي بقااا فييك ؟؟؟ 

ساجد شاف فثلوج : متجاوبيهش خلييه نشوفو هاد الشوهة لي دار فيين اتوصل

ثلوج هزات راسها باه و جسمها كامل كيترعد أول مرة كتخاف منو بهاد الطريقة .. شافت جانب مظلم منو كتر من لجوانب لي كتاشفاتهم فيه فالماضي ملي كانو تحت سقف واحد 


فهاد الأثناء جمع عصام لوقفة كيسوط مكشكش و ثلوج لاصقة فالحيط باغا غا امتى تخرج ولادها و تزيد بحالها 

ساجد بجدية قرب لعند ولدو : ممكن نفهم دابا شنو واقع ؟؟ 

أمجاد بحقد كيشوف فثلوج و عصام حتى نطق موجه كلامو ليهم : غدرتووو بياااا .. وليييت ضحكةةة 

عصام بعصبية : من نيتك اصاحبيي ؟؟؟ كيفاااش غدرناا بييك لا واااش بعقلك .. انا تعرفت على ستيلا عن طريق الصدفة 

أمجاد غادي اتفرگع كتر ماهو مفرگع : و سميتهااا ثلوووج الز*** واااش باااغييي تحمقنييي 

عصام زفر وكمل كلامو كيهدر مع ساجد : لبنت تلاقيتها صدفة فالقصر كانت سخفانة .. هزيتها 

قاطعو أمجاد كيضحك مفقوص : هزيتيها ؟؟؟ 
دور عينيه لعند ثلوج : خليتيه هزككك ؟؟؟ .. نتي أم نتيي ؟ كتفسدي على ولادك 

ثلوج ببرودة مخرجة عينيها فيه : ااه كنفسد عليهم و من بعد ؟ شنو مشا لييك نتاا ؟ ديهاا فراااااسكككك و فمراااتك راها كتشوف فييك شنو دااير و ديهاا فولدك عطيني التيقار الله اياخد فييك لحق 

أمجاد يله بغا اجاوبها مكشكش قاطعو ساجد بإنفعال : صافييي حبسووو 
و رجع شاف فعصام كيتنهد بعصبية : كمل 

عصام كيمسح من فمو الدم : ديتها لمستشفى بدافع الإنسانية حتى فاقت و تطمأنت على صحتها عاد رتاحيت ... من بعد ديتها لدارها عند بالي ممزوجاش و مولدااش و مفراسيش حتى واش هي طلقيت أمجاد .. أصلا سميتها مكنتش عارفها و مكانش كيهمني هادشي و حتى دابا فاش عرفتها هي طليقت أمجاد متبدل والو .. مقاصتني فوالو و انا مغدرتووش حيت أولا مكنتش عارف .. ثانياً هي مبقاتش محسوبة علييه من حقها تعيش حياتها و تفرح بييها

سكت كينهج شحال عاد نطق موجه كلامو لأمجاد كيسوط : دابا عاد فهمت علاش مبغاتش تقول ليا سميتها .. فراسك شنو قالت ؟ قالت هاد السمية حظ سيء علياا .. حتى من سميتها مبقاتش حملاها بسبابك و دابا زدت تأكدت أنك إنسان مريض بالسيف باش تطلقو و ميكملش زواجك الأول 

أمجاد ولاو فيه عشرة كيتنتر بحال الثور حتى تزادو رجال آخرين شدوه حاكمينو : هدرتييي بزاااف از*** طحتييي من عيني .. متبقاااش تورينيي وجهكككك و تفرق عليهااا اااخر مرة نشوووفككك كتقرب لعندها .. كتفهمممم ؟؟؟ 

عصام بتحدي : ثلوج مغادي تفرقني معاها غا لموت 

سناء حسات بمغص فقلبها .. بحرقة تلافتت عطياهم بالضهر كتبكي فصمت و هدرت عصام كتخلل لمسامعها بأسى

أمجاد كيشوف فثلوج مكشكش : شنو كيقول هادا ؟؟؟ 

ثلوج بتحدي و تمثيل مصطنع : هدرتو كلها صحيحة .. دخل سووق راااسكك و ديهاا فمرااتك 

خنزرات فيه بكره عاد مشات لعند عصام شدات فيه معوناه اوقف و مخلياه موكي عليها : خاص تداوي هاد لجروح .. اجي معايا 

أمجاد كينهج و هو كيشوف فيها غادة مدورة ايدها على ضهر عصام معوناه اتمشى : طلقييي منووو الق*** علاااش شداااه .. و طلقيي منووو الكلبة بربيي حتى غااديي نقتلك اثلوووج غاااديي نقتللللككككك 

ساجد شد راسو ايطرطق عليه بسباب ولدو : شدووه مزيااان 

أمجاد غادي اموت فبلاصتو بسباب كمية الأعصاب لي نازلة علييه : لوالييد قولييهم اطلقونيي ..ااااعععع طلقووو اولاد لق**** . . غاادييي ندمككممم بربيي حتى غاديي ندمكممم .. قلللت طلقووو الزو*** و ساااجد هدر معاااهم 

ساجد غمز أحمد اوصي شي ممرضة تضرب ليه شي برة تهدنو حيت لبقا هاكة ايقتل الناس و اقتل راسو .. منظرو كان كيخلع لدرجة حتى واحد متجرأ اقبطو ولا احكمو من غير رجال لقصر لي تحاماو عليه شادينو بزز و هو وسطهم كيتنتر و اتركل بحال لمصعور و فمو عامر غا بالهدرة لخاسرة .. بقا هاكاك غادي اطرطق فيه شي عرق حتى حس بشي برة تغرسات ليه فعنقو خرج عينيه كينهج شوية بشوية بداو كيتسدو ليه حتى ترخا و طاح فالأرض 


ساجد : صافيي بعدو منو 

داك الساعة نفدو الأوامر بإحترام و بعدو راجعين خطوة باللور 

ساجد تلافت لعند أحمد لي كان كيوصي فالممرضة : شنو اتديرو ليه دابا 

أحمد تنهد : ولدك أعصابو ايخرجو علييه .. لمهم انديرو معاه اللازم غا بقا باش ملي احل عينيه اسمع لكلامك 

ساجد هز راسو باه : فهمت .. غا ديرو خدمتكم 

فالجيهة لخرى ..

واقفة كتبكي مقابلة مع الزاج ديال لغرفة لي فيها عصام جالس على طرف دالسرير و لممرضة كتداوي فيه .. تنهدات بتدمر حتى حسات بشي خيال تفزعات و تلافتت مباشرة موسعة عينيها : اففف سناء .. عرفتي تخلعت سحابلي هاداك لمريض 

سناء ربعات ايديها : متخافيش .. راه ضربو ليه برة سكتاتو 

ثلوج بدات كتبكي بحرقة : كرهت حياتيي .. وليت كنفكر نقتل راسي شنو درت حتى اعذبني بحال هاكة .. صبرت بزااف الله اعطيه موصيبة 

سناء طبطبات عليها بهدوء : ششش كاالم .. كنعرفك قوة من هاكة 

ثلوج كتنخصص : شكوون خلااك تكوني قوية ! .. عذبني فالماضي و فالحاضر و وليت خايفة حتى من لمستقبل بسبابو فففف .. هادشي بزاف و لمشكيل إلا بدلت لقنت و هربت ايلقاني واخة نمشي فينما مشيت .. هو باغي ادير أي حاجة باش اشوفني كنموت ببطء وليت خايفة اياخد ليا ولادي 

قاطعها صوت موراها : ولادك مغادي اياخدهم ليك حتى واحد 

تلافتت كتمسح فدموعها حشمانة : عمي ساجد 

ساجد تنهد : هادشي لي وقع آخر مرة ايتعاود .. عمرو ايجي فطريقك كوني هانية 

ثلوج بتاسمات ليه إبتسامة شاحبة : شكرا على كلشي 

هز راسو باه بحاليلا جاوبها عاد قلب الدورة قاصد لغرفة لي فيها ولدو .. ماشي بزاف دلوقت حتى حل لباب و دخل كيشوف فيه متكي فوق السرير مرخي و عينيه مقلوبين .. تلافت لجيهة لكنباي بانت ليه شدى شادة راسها كتنهد و الياقوت حداها كتبكي و تنخصص 

ساجد : هاني غادي نقضي شي شغال فاش افيق عيطو ليا 
شدى : اه ..داكوغ اخالي

مزال واقفة كتنهد فبلاصتها و سناء حداها ساهية و عقلها كيمشي غا لجملة لي نطق بيها عصام 
ثلوج بتاسمات ليه من مور الزاج بحاليلا كتشكرو فاش جمع لوقفة و تقدم بخطواتو جيهت لباب حتى حلو و خرج لعندهم 

ثلوج : باش كتحس ؟ 
عصام : صافا .. مزيان دابا 

ثلوج : سمح ليا بزااف على هادشي لي وقع .. مكنتش متوقعة لأمور اتوصل لهاد الدرجة 

عصام هز ايدو طبطب على كتف ثلوج مع ابتسامة تحت نضرات سناء بعينيها لمدمعين : عادي موقع والو .. منقدرش نسكت على الظلم و خصوصا إلا هز شي واحد ايدو على لجنس اللطيف 

سناء بسخرية : على أساس نتا تبركالله مكديرهاش 

عصام حمر فيها هاز صبعو ناحيتها : مكنظلمكش البرهوشة 

سناء بإنفعال : صراحة عبر عليك أمجاد تستاهل بصحتك و راحتك 

عصام بعصبية مبغاش احط ايدو عليها قدام ثلوج و هو يله كان كيقوليها فمحاضرة : ثلوج هدري مع هادي راه ..

قاطعتهم حاطة ايدها على راسها : بلييز حبسوو مناقسنيش 

تنهدات و شافت فيه : شكرا مرة أخرى 

عصام بلطف : لعفوو إلا عاود تهجم عليه تاصلي بيا 

هزات راسها باه : انشالله هادشي مغاديش اتعاود 

سناء بميوعة كتشوف فيهم : بنت عمي نمشيو ؟ 
ثلوج حابسة الضحكة : واخة يلله 

ودعات عصام بعينيها كشكر عاد قلبات الدورة غادة هي و سناء 
ثلوج : داك لهدرة لي قلت على عصام قدام داك ولد لحرام غا تمتيل .. عصام انسان مزيان عاوني فقط و حتى لهدرة لي قال غا حيت شفق عليا ملي تهجم داك لهماجي 

سناء : متحتاجيش تشرحي ليا اثلوج .. صافي نسااي 
سمعو شي صوت موراهم تلافتو لقاوه عصام : فين غادين ؟ . . احم زعما نوصلكم 

ثلوج : اناخد ولادي و نمشيو لدار .. كنا ناويين نخرجو ساعة لوضع مكيسمحش 

سناء كتخنزر فيه : سير داوي لجروح قبل ميتورمو و تولي تخلع 

عصام كيتحلف عليها ناوي حتى انفارد بيها : شكرا على النصيحة الآلة سناء 

سناء بميوعة : لعفو اسي عصام 

داز لوقت ..

وسط الطموبيل لقدام جالسة ثلوج و عصام كيسوگ أما لور جالسة سناء مع التوينز لي كيضحكو على وجه عصام كونو رجع لوحة تشكيلية بسباب ضرب أمجاد 

زياد : مالك اصاحبي واش ضاربتي ؟ 

عصام شاف فثلوج : ولادك زوينين الله احفضهم ليك 
ثلوج بلباقة : امين يارب 

يزيد : باينة غلبوك و سبعتي عصا ههههه 

زياد خبر ليه : سكت دابا تسمعنا ماما .. حسومة 

سناء بميوعة : غا ضحكو عليه و زيدو ضحكو ههههههههه 

و سكتات كتقلب فعينيها خصوصاً فاش شافتو معلي عينيه لعند لمرايا كيشوف فإنعكاسها بنضرات جهنمية 
سناء هزات حاجبها : ممكن تهبط عينيك ؟ .. هبطهم حسن ليك 
ميلات شفايفها كتنفخ عاد تلافتت لعند الزاج كتشوف فالشارع تفاديا لنضراتو لحادة لي كيتحلف بيهم عليها 

ثلوج باستغراب تلافتت لعندو و كأنها تفكرات شي حاجة : نسيت مسولتك 
عصام : سولي الآلة ثلوج
ثلوج : شنو جابك للوبيطال 
عصام : مشيت لدارك مخلانيش لعساس ندخل .. قالي بيلا مشيتي لوبيطال لي قريب تماك .. تخلعت عليك داكشي علاش مشيت ليه كنقلب حتى لقيتك واقفة صحيحة هه
ثلوج : اه هاكاك

ماشي بزاف حتى وقف بيهم قدام لفيلا : وصلنا 
هبطات سناء هي لولا معاونة التوينز اهبطو 
عصام تلافت لعند ثلوج : باش تشكريني خاص تضايفيني أولا ؟ .. خصوصا أنه تعرفت عليك شوية 
ثلوج : واخة .. بسباب التصرف الروجولي لي صدر منك كتستاهل شي ضيافة 
بتاسمات بأدب عاد سبقاتو قاصدة سناء لي جراتها كتخبر ليها : هاهو هنا .. ديري شي حاجة من لخطط لي كنتي تابخة ليا بيهم راسي 
سناء بميوعة : مبقاش كيعجبني و مبغيتش نعجبو 
ثلوج : سبحان الله ياك كنتي طايحة فيه 
سناء تلافتت لعند عصام لي كيضحك مع التوينز بنص عين : طلع ولد لحرام مقطر كتر من راجلك .. أ ا كنقصد طليقك 
ثلوج تنهدات : نتي تعرفي 
سبقاتهم حلات لباب حتى دخلو كاملين عاد رجعات سداتو : جلسو فالصالون 

عصام جر التوينز كيضحك معاهم عرف كيفاش اجدبهم ليه 
سناء بميوعة : ماشي من تماك الصالون المكلخ

عصام تلافت لعندها بالعرض لبطييء : انا مكلخ ؟

طلق من التوينز كيسوط و قصدها غبرة وحدة يله بغا احط ايدو عليها سمعو الصونيط فالباب 
سناء خنزرات فيه : ويااك تعاود تحط ايدك عليا .. بنادم كيداير 
ميلات شفايفها كتنفخ عاد مشات لعند لباب حلاتو حتى كتوسع عينيها مصدومة : هنن ماما .. هنن بابا 

سلمات عليهم مخلوعة : دخلو مرحبا بيكم 

سدات لباب كترعد غا تلافتت لقات واليديها كيشوفو فعصام فرحانين و الإبتسامة لعريضة على محياهم .. تنهدات بتدمر و كأنه عرفات بلا هادي هي اللخرة ليها فالكدوب
الأم : هادا هو ..

قاطعتها سناء بضحكة صفرة بعدما قصدات عصام و وقفات حداه : هو خطيبي اماما 
هزات عينيها لعند عصام كترعد من عينيه لي خرجهم مصدوم بحاليلا خويتي عليه شي سطل دلما بارد : هنن خطيبي هادو هما واليديا هننن 
عصام هز حاجبو : خطيبك ؟!

سناء عضات على شفايفها كترعد : هنن 

الأب باستغراب : مالك اولدي فوجهك

يله بغا اجاوبو قاطعتهم ثلوج فرحانة : عميي اهلان اهلان نهار كبير هادا 

بابتسامة بشوشة سلمات عليهم كترحب و تعاود غادة بيهم لصالون 

سناء بقات واقفة جامدة متلافتتش جيهتو خافتو اخرج فيها شي دقة حتى حسات بقرصة طلعات معاها غوتات بالشوية و تلافتت لعندو هازة حاجبها : هييه ماالك؟؟

عصام مزير على سنانو : كيفاش خاطيبك 

سناء جراتو غادة لكوزينة : اجي معايا 

عصام هاز حاجبو كيشوف فيها غادة بيه و ايدها على ايدو حتى دخلو لكوزينة : شكادييرييي ؟؟

سناء بعدات مربعة ايديها كتشوف فيه : كتعجبك بنت عمي ياك ؟ 

هز حاجبو : و نتي مالك 

سناء : سولتك جاوب 

عصام مسح على راسو : لمهم زوينة .. زعما كتعجبني 

سناء بصوت مخنوق نطقات : إلا بغيتي نعاونك تقرب منها .. اتصبر معايا قدام واليديا دابا على أساس نتا خطيبي و كنبغيو بعضياتنا و غا لخدمة لي ممسعداكش داكشي علاش ملقيتيش لوقت باش تخطبني من دارنا و نتزوجو 

عصام شد فمو كيضحك : من نيتك ؟؟ لا وااش من نيتك داوية 

سناء ميلات شفايفها كتبوحط : هنن عفااك .. راه كدبت و خاص تعاوني دابا 

عصام طول فيها الشوفة : مجاش معاك التبوحيط 

سناء : هنن بلييز عفااك 

عصام تنهد : اوكي .. ولكن اتعاونيني من بعد 

هزات راسها باه : بروميس 

عصام شد فإيدها : يله اجي 

خرجات عينيها : فين ؟ 

عصام بعصبية : ياك حنا مخطوبين و كنبغيو بعضياتنا ؟ 

سناء نزل عليها لكلاخ : هاا !! 

تنهد عصام عاد تم غادي جارها موراه عاضة على شفايفها و لفراشات كيلعبو فكرشها من الإحساس لي راودها دابا 

عصام : غادي نصبر و نمتل معاك

سناء بسعادة : غا صبر هنن

دخلو لعندهم لصالون تحت نضرات ثلوج لي حابسة الضحكة 

الأم : تبركالله تبركالله .. هي اولدي عندك شي كونجي 
جراتو سناء كتطلب فيه اسكت حتى جلسو عاد نطقات بتبات : مزال مشد لكونجي لكبير اماما .. قريب انشالله اسالي 

عصام موسع عينيه عمرو شاف شي كدابة بحال سناء و لي صادمو هو علاش غا شافوه واليديها بتاسمو 

الأب : مالك فوجهك اولدي 

سناء بميوعة : حادث صغير صدق كبير بالنسبة ليه .. زعما كنقصد مقدش عليه 
حسات بعصام قرصها كيسوط .. بتاسمات ابتسامة صفرا : زعما هو .. يعني بغيت نقول

قاطعها عصام بصوت خشن : حادث بسيط 

هزو راسهم باه كيطلعو و اهبطو فيه فرحانين بنسيبهم لوهمي 

سناء بإرتباك : أ ا علاش جيتو .. كنقصد كيفاش حتى ...

قاطعها الأب : عندنا شي شغال هنا عاد انرجعو لقرية 

عصام حبس الضحكة و قرب لودنها همس ليها : هي نتي قروية حولك همجية 

سناء شافت لعندو مرضياش : حتى ثلوج قروية ليكن فعلمك 

ميلات شفايفها و رجعات كتشوف قدامها حتى نطق بهمس : هاني متلت معاك إلا معاونتينيش انشوهك 

سناء عاضة على سنانها : اوكيي .. راني عطيتك لكلمة 


فالجيهة لخرى ..

حل عينيه ببطء كيرمش بالشوية حتى حس بشي خيال واقف عليه تلافت كيشوف فيها كتبكي : مالك ؟ 

الياقوت : كتبغيها حتى لهاد الدرجة ؟ 

أمجاد بعصبية : فينو لواليد 

داك الساعة تحل لباب : هاني .. توحشتيني 

أمجاد دور وجهو كيسوط : خرجي باغي نهدر مع لواليد 
هزات الياقوت راسها باه و خرجات مخلياه مع باه الراس فالراس

ساجد : فاش باغي نهدرو 

أمجاد سكت شحال عاد نطق . . ..

دازو أيام و أيام حتى كملات الربغينية على موت نعمان آل عمران لجد لكبير ديال لعائلة و الأحفاد 

فاقت كلها نشاط و بوجه مشرق باين عليها الإرتياح لي بدات كتعيشو و الطمأنينة لي نزلات عليها ملي تحولو عندها واليديها عايشين معاها .. عمرو عليها لجو و حيدو ضسارة دلبراني باش ميضسرش عليها .. من داك النهار عمرها باقي شافت وجهو قدامها و لا خيالو كيدور بيها .. عطاها التيقار فمرة عاد حسات بالسكينة و لهدوء لي دخل حياتها .. فرحانة بالجو لعائلي لي كتعيشو مع ولادها و واليديها و مع حتى بنت عمها و ختها و راجلها لي كيجيو عندها مرة مرة .. أمورها فالخدمة غادة مزيان و وليداتها متبعين قرايتهم اش بغات كتر بالنسبة ليها هادا هو لهدوء لي كتقلب عليه ممحتاجة حتى راجل فحياتها .. قلبها عمر بحب وليداتها فقط

هبطات لتحت كتشم ريحة لكيك و لحلوة خارجة من لكوزينة .. بفرحة مشات كتطل لقات حفصة كتزين فالطبسيل بالقطع ديال لكيك : اووه صباح زوين هادا 

حفصة تنهدات : بااك معرفتو فين خرج 

ثلوج : ياك عارفة ولا كيعجبو سبور .. لفيلة حدا لبحر خليه اشم لهوى ديالو راه مفيد لصحة 

حفصة مفقوصة : سبور ؟ .. شي بلان تماك يا شاف شي وحدة كتديرو و هو تابعها معرت 

غا كملات كلامها قشعاتو داخل مع لكوزينة كينهج و اسوط بلكيطمة لي شرات ليه ثلوج : مالك كتنگري على الصباح !! يااه على بشار 

ثلوج حابسة الضحكة : وليتي كتبان صغر مني الحاج 

لحاج : هانتي قلتيها بفمك كنبان صغير .. اوا هدري مع مكك تعطيني التيقار و هي غا تبعاني بالشارف شارف .. شي نهار نتزوج عليها نوريها الشارف 

حفصة خرجات عينيها : هانتي هاهو گر غا راسو.. يااك الغدار نسيتي لعشرة 

لحاج قرب لعندها كيشوف شنو مطيبة : دابا غا بيني و بينك انا نبدلك ؟ شكون ايطيب ليا هادشي هممم 

ثلوج كتضحك عليهم : هاي هاي على الرومانسية ههههه .. انمشي نفيق التوينز و سناء 

خرجات و خلاتهم الراس فالراس 

لحاج : انا راه متدوزش ليا لمكنتيش نتي 

حفصة بميوعة : مممم و كتدوز ليك سبور بلا بيا 

لحاج : لا .. من غدا يله تجري حتى نتي 

حفصة بحماس : لعشية نخرجو شري ليا شي كيطمة 

لحاج : واخة .. يله عطيني نذوق لحلوة .. ماشي داكشي لي فبالك كنهدر على لحلوة لي مطيبة 

بقات كتشوف فييه حفصة مخرجة عينيها : الله اعفو عليك

داز لوقت .. 

هبطات من الطموبيل عاد دارت حلات لباب على وليداتها نزلاتهم بالكغطابل ديالهم و بحوايج ليكول .. بتاسمات ليهم بحب عاد دخلاتهم فرحانة بيهم و هما كينقزو باغينها تخرجهم لماگدو مع لغدا

زياد : بلييز مامي بلييز بغينا ماگدو

يزيد : حمباك اماما 

ثلوج : صافي واخة .. غاقراو مزيان مع لغدا انجي لعندكم اوكاي ؟

هزو راسهم باه و كلهم حماس فرحانين

بقات معاهم حتى دخلو لكلاس ديالهم عاد خرجات من ليكول مبتاسمة قاصدة طموبيلتها .. يله بغات تحل لباب حسات بشي خيال موراها تلافتت داك الساعة مفزوعة و زادت تفزعات فاش جات عينيها فعينيه : نن نن نتااا ؟؟؟ 

أمجاد عاقد حواجبو مع نضرات حادة : علاش مكتجاوبيش على تصالاتي ؟؟؟؟ 

ثلوج بلعات ريقها بتوتر : شكااااديييير هنااا .. سير بحاالك بلا شوووهة عوتانيي 

خنزرات فيه معصبة عاد تلافتت حلات لباب و بغات تركب .. لكن منعاتها قبضة ايدو لي زيرات على دراعها .. ساطت بعنف و رجعات شافت فيه : شششنوووو ؟؟؟

أمجاد عاض على سنانو : ثلوج بلاما نصدق كنعرعر هنا و نتي عرفاني زايد ناقص عندي بنادم .. غادي نهدرو دابا إلا كنتي باغا الشوهة انا مستاعد ليها 

ثلوج بترجي : عطيني شبر دالتيسااااع الله اخلييك .. واش عااجبك تشوفنيي معصبة و شي نهار ايطرطق فيا شي عرق ؟؟؟ سيير لعند مرااتك و ولدك 

خبط الطموبيل بعصبية و صدرو كيطلع و اهبط : و انا كنهدر معاااااك نتتتييي متبقااايش تجبدي ليااا مراتييي ولا الزعتر ... مااالك كتبغيي تشعلينيي مااالك 

ثلوج كتدور فعينيها مخلوعة من الشوهة : إلا ممشيتيش انعيط لبوليس و دابا ... سييير بحالك

نترات دراعها من قبضة ايدو كتنهج عاد دارت باغا تركب و داكشي لي كان رجع خطوة باللور كيتفرج فيها حتى ركبات و زادت بسرعة حاكة الروايض مع الأرض 
بقا كيشوف متبع ليها لعين حتى غبرات على نضرو عاد هبط راسو كينهج و صدرو كيطلع و اهبط .. فهاد الأثناء سمع صوت تيليفونو خلاه كيصوني و هو عاقدهم .. حتى صدعو عاد جبدو مخنزر غا شاف سمية باه جاوب فالحين : وي لواليد 

ساجد : فينك .. ليوم عندنا الصدقة دجدك اجي لقصر باغيك 

أمجاد تنهد : عندي شي شغال دابا ممساليش 

ساجد : ياك لباس .. ثلوج عوتاني ؟ 

أمجاد مسح على راسو كيتنهد بعمق : لواليد غادي نسجل ولادي على سميتي 

ساجد : كان خاص ديرها شحال .. عاد بانو ليك 

أمجاد زفر : لمهم لعشية هاني فالقصر .. تهلا 

قطع معاه كيسوط و الأرض تالفة بييه .. لي مطمأنو حاليا هو مبقاتش كتشوف عصام .. حيت من مور داك لبلان مبقاش كيتيق داكشي علاش خصص جاسوس كيوصل ليه كاع خباراتها بالحرف .. طول فالوقفة شحال عاد مشا جلس فطموبيلتو كيتسنا وقيتة لغدا باش اخرجو ولادو و باش تجي هي تديهم 

فالجيهة لخرى ..

جلسات على لكراسا لي فالكولوار كتنهج .. خرجها منها أحمد ملي جات و هو واقف عليها ..ديري هادي تعلمي لهادي حتى ندمات كاع على التمريض ولات باغا غا النعاس و الراحة .. على إثر راحتها صونا تيليفونها جبداتو داك الساعة مجاوبة بلاما تشوف الرقم : وي 

نطق بصوت نعسان مدعدع : فينو الإتفاق القروية .. يا غا تنفدي داكشي لي واعديتيني بيه يا غادي نشوهك و عرفاني انديرها و نقد بيها 

تنهدات كتسوط مخنزرة : صافي فهمت .. يااه 

عصام : و دابا شنو ؟ ختاري 

سناء : ليوم الربعينية ديال مسيو نعمان الله ارحمو .. اتكون لعائلة مجموعة و عول حتى ثلوج اتكون تماك ستغل لفرصة و هدر معاها فالموضوع لي باغي 
و سكتات حابسة لبكية و لخنقة شداها 

عصام : ااه فكرة مزيانة .. وليتي كتفكري المكلخة و لكن

سناء بميوعة : و لكن شنو ؟

عصام : و إلا مقبلاتش ؟ 

سناء بأسى : واش كتعجبك بزاف ؟ 

عصام : معرفتش فيها شي حاجة مختالفة .. لاحظت لفرق فاش مبقيتش كنشوفها هاد لمدة أولا نقولو هي لي كتجنبني 

قطعاتو سناء بهدوء : راه ولاو عايشين معانا عمي و مرتو .. مبقاتش كتخرج بوحدها و كاع لا خرجات كنخرجو مجموعين 

عصام تنهد : طليقها ركب فيها الرعب 

سناء : بحال داكشي 

عصام : سولتك مجاوبتيش ! .. إلا مقبلاتش شنو ندير باش نقنعها 

سناء بصوت باكي : انا انقنعها غا رتاح ..يله بااي 
قطعات عليه كتنخصص فصمت و عينيها مغرغرين بالدموع 


فالمخفر ..

جالسة كتشوف فالقضية مركزة و عقلها ايحماق حيت مباغيش اعتارف .. لي كتسنا فيه هو أقوال لمريضة 

فهاد الأثناء تحل لباب : لمحققة شدى 

هزات راسها بإستغراب : وي ..كاين شي جديد ؟ .. متقولش ليا كتضربو فالمشتبه به باش اعتارف ؟

لبوليسي : لا لا ..ملي قلتي منبقاوش نضربوه مبقيناش كنقربو ناحيتو 

شدى : اوا شنو جابك 

لبوليسي : تاصلو من لمستشفى و لمريضة حلات عينيها 

شدى جمعات لوقفة بحماس : بصح ! .. إذن خاص نمشيو ناخدو أقوالها .. لي خاص توجدو ليا دابا هو لمشتبه بيه ضروري تشوفو لمريضة باش تقدر تفرز واش هو ولا لا

لبوليسي : غادي نتبعوه ليك .. انمشي نعلم لفريق 

هزات راسها باه عاد تلافتت هزات جاكيطها و السلاح و خرجات بخطوات سريعة : انشوفو اسي رياض واش اتهرب دابا من أقوالك 

ماشي بزاف دلوقت حتى كانت فالمستشفى مع لفريق الأمني .. خلاتهم واقفين فالباب عاد دخلات غادة مع لكولوار نيشان لغرفة لمريضة .. حلات لباب بهدوء مخبية السلاح لور دالسروال باش متخلعش لمريضة عاد قربات لعندها مع ابتسامة : كيف بقيتي ؟ .. شوية دابا ! 

لمريضة مرعودة تلافتت كتشوف فالجيهة لخرى خايفة حتى سمعات صوت شدى كتهدر بهدوء : متخافيش انا هناا .. حتى واحد مغادي اقرب ليك .. قوليلي واش عندك عائلتك ؟ 

حركات لمريضة راسها بلا و سكتات كتدمع عاد نطقات بصوت خافت : أنا يتيمة 

شدى : هممم ممكن تقوليلي كيفاش حتى وصلتي لهاد لحالة .. متخافيش انا هنا لحمايتك اوكي ؟ 

مجرد مكملات كلامها تحل لباب .. تلافتت داك الساعة كتشوفو داخل مخنزر و لمينوط فإيدو و فجنبو جوج بوليسيين شادينو لا يهرب 

شدى : مرحبا بيك اسي رياض 

رياض تلافت لجيهة لخرى كيسوط معصب 

شدى رجعات كتشوف فالمريضة كتطمأنها بعينيها شوية عاونتها تگعد ليها السرير باش تقاد فالنعسة : يله قولي ليا واش هادا لي دار فيك هادشي ؟ .. متخافيش كيف تافقنا 

لمريضة كتبلع فريقها بقات كتشوف فييه شحال عاد نطقات : معرفتش 

شدى بهدوء : حاولي تفكري شوية 

لمريضة هبطات راسها و نطقات : لا 

شدى شافت لعند رياض كتحلف عليه بعينيها مخنزرة و هو كيسوط كتر منها .. عاد رجعات شافت فالمريضة : إذن شكون ؟ 

لمريضة بدات كتبكي مخلوعة : انا مكنتش ناوية نغدرو هو لي فهم غلاط و غتاصبني .. قالي نقتلك و متكونيش لغيري 

شدى حطات ايدها على راسها كتنهد : مممم قصة حب و لا قصة تعذيب هادي .. كتبغيه ؟ 

لمريضة هزات راسها باه حشمانة و مخلوعة فنفس لوقت : ولكن صافي مبقيتش كنبغيه دابا 

و سكتات كتبكي حتى نطقات شدى بنبرة هادئة : قولي لينا فين نقدرو نلقاوه باش اتعاقب أشد لعقوبات 

لمريضة خرجات عينيها مصدومة : ايتعاقب؟ 

غا كملات كلامها تحل لباب و جات عينيها فعينيه .. تخلعات و رجعات لاصقة على السرير مخبية فشدى : قوليه ميضبرنيش .. عفاك قوليه ابعد منيي 

شدى شافت لعند لباب : هي نتا مول لفعلة 

الشاب تلافت لعند رياض : بروو سمح ليا الله اتوب علييك .. صافي غادي نسلم راسي منظلمكش معايا 

رياض يله بغا انطق قطعاتهم شدى بعصبية : تبركالله كتافقو شكون ادخل لحبس .. مشالله على التضحيات 

قربات لعندهم بخطوات سريعة نزلات على الشاب بتصرفيقة تلاتية الأبعاد : شششنووو داارت لييك لبنت مسكينة حتى دير فيها دااك الشووهة و هي قاااصر 

الشاب تلافت لعند رياض شاد حنكو : مغاديش نرجع ليها الدقة غا حيت عشيرتك 

شدى موسعة عينيها : كنهدر معااك جاوبنيي

الشاب بعصبية كيتحلف على لبنت : بربييي و تعاااود تشووف فشيي وااحد حتى هاااد لمرة اتمشيي لقبر .. والله مندوزها لييها 

قطعاتو شدى بتصرفيقة أخرى : سسسكتتت و مزاال زاايد فييه 

الشاب تلافت لعند رياض عوتاني كيسوط : هدر مع صحيبتك تبعد منيي 

شدى كتزيد توسع عينيها : شششهاااااد لهدرةةة 

تنهدات بعصبية كتشوف فالبوليس : فكو هادا بعدا حيدو ليه لمينوط .. و سدو لباب انا كنتحمل لمسؤولية 

نفدو أوامرها عاد خرجو سادين لباب حتى بقاو غا هما بربعة و شدى وسطهم كتخنزر فيهم ..شوية جبدات السلاح وجهاتو لرياض و صاحبو : بييممن نبداا هممم ؟؟؟ ختااروو .. وليتو دايرين لبوليس ضحكة 

شافت فرياض كتسوط : و نتا الشمكار ديال راس الدرب ..داير فيها طرزان لا كانت شي موصيبة كتخشي فيها راسك ؟؟ هدر متخلينيش كنهدر مع لحيط 

شوية رجعات كتشوف فالشاب مخنزرة : شنو سميتك نتا 

رياض هز حاجبو : كيفاش كتسوليه شنو سميتو ؟

شدى كتطلع و تهبط فيه : نتا أصلا مخاصش تهدر .. نفكو هاد لحريرة عاد كمل حياتك فالحبس ..ياك باغي لحبس حشومة منفدش ليك أمنيتك

ورجعات كتشوف فالشاب : سولتك جاوب 

الشاب كيشوف فالبنت بنص عين بحاليلا كيتحلف : حمزة و داك لخانزة جوهرة 

شدى بعصبية : فااش نكون هنا متعايرهااش كتفهم ولا انصيفطك دابا نيت تربى 
تلافتت لعند لمريضة : جوهرة شنو بغيتي ؟ نديوه لحبس دابا ! ولا حتى اطلب السماحة 

جوهرة هبطات راسها كتنخصص : هننن 

تخطاهم حمزة قاصدها نيشان ..يله بغات تبعو شدى شدها رياض مخنزر : خليهم اهدرو 

شدى تنترات منو : حيد ايدك عليا .. و متهدرش معايا كتفهم 
خنزرات فيه و رجعات كتشوف فحمزة مركزة معاهم لايدير فيها شي موصيبة 

جوهرة مهبطة راسها كتنخصص : انا مغدرتكش والله 

حمزة شد راسو كيتنهد : ياك ؟ و شكون هاداك لي كتهدري معاه فالتيليفون بالتخبية عليا ؟ علااش كتبغي تعصبيني اجوهرة وااش مكتشوفيش شحال كنغيير و مسطي بيك ؟ .. لمهم هاني انسلم راسي دابا و كملي نتي لهدرة مع صحيبك

جوهرة بصوت باكي : نتا خيب بزاف 

حمزة تنهد كيشوف فيها : فاش جبتك تسكني مع دارنا قلت ليك شدي معايا الطريق و كملي قرايتك و لكن نتييي 

شدى وقفات عليهم بالسلاح : من هادشي كامل نوض تگعد تدوز لحبس على قلبك 

جوهرة مهبطة راسها : هنن .. بغيتو اتعاقب بطريقة أخرى ماشي لحبس 

حمزة بعصبية : لا انا باغي لحبس حسن منقتلك شي نهار على فعايلك 

جوهرة : انا ضريفة 

حمزة : ممم شافتك الضرافة و هي تهرب 
غا كمل كلامو حس بالسلاح فوق راسو : اتبقا تهدر معاها هاكة و تبكيها ؟ 

حمزة : هي لي كتعصبنيي

شدى بجدية تلافتت لعند جوهرة : علاش مباغاش اتشد فالحبس .. عاجبك اقتلك شي نهار ؟

جوهرة علات عينيها فحمزة : و شكون هاديك لي كتهدر معاها بالتخبية عليا يلله 

حمزة كيسوط : وحدة كتقرا معايا فلفاك .. يااك قلتها ليك شحال من مرة بيناتنا لقراية صافي و كنهدرو على لقراية فقط 

جوهرة بصوت غيران : و هي حسن مني ؟ زعما زوينة عليا هنن 

شدى بقات فيها لبنت عرفات عقلها صغير و نية : جاوبها 

حمزة حابس الضحكة : لا نتي حسن منها 

جوهرة بصوت أنثوي : حلف ؟ 

حمزة قرب لعندها ناوي ابوسها حتى كيحس بالسلاح نغزو لراسو حتى رجع لوضعيتو السابقة كيسوط مكرهش اقتل شدى : حسسن منها والله .. نتي حسن منهم كلهم غا لغلط لي دايرة هو معذبة ليا هاد لقلب ..واش مكتفهميش كنغير بزاف علاش كتبغي تجهليني حتى نضربك .. النهار اللول قلت ليك شدي معايا الطريق اجوهرة و عنيتها ماشي ضحك 

جوهرة بصوت باكي : اخر مرة صافي هنن 

شدى : إلا ساليتو من لحب و لغرام .. تهز معايا نتا دوز شي يامات دالتحقيق فالحبس حتى تسد لقضية فمرة 
ورجعات تلافتت لعند رياض لي متكي على لحيط كياكل فضفارو ممسوقش : و نتا اطرزان غادي تبقا مشدود و تاخد عقوبة على أقوالك لمغشوشة .. باش تعلمو بجوج تضحكو على لبوليس 

حمزة : رياض سبها فراسو حيت بغاني نكمل قرايتي ..قالي مبغيتكش تخرج بحالي لا قراية لا خدمة 

شدى : اه مساكن بقيتو فيا 

جوهرة : هنن واش ايبقا مشدود بزاف ؟ 

شدى مسحات على شعرها كتنهد : لا متخافيش المدلولة ايخرج من لحبس بأسرع وقت باش اكمل ليك الجنب لاخر بشي موس .. اشنو عجبك فهادا ؟؟ 

حمزة حمر فيها : راك كتعيريني واقيلة اعشيرة رياض 

جوهرة : سكت متهدرش معاها هاكاك

حمزة تبسم ليها : واخة احبيبة .. اندوز شي خمس سنين فالحبس و نرجع لا لقيتك دايرة شي فضحية نقتلك و نرجع نكمل فالحبس مطلعاش مطلعاش 
شدى نغزاتو بالسلاح : نوض اروميو نووض 


داز لوقت و وصلات وقيتة لغدا ..

ضربات لفران كتشوف فالوقت حيت تعطلات على وليداتها .. بخطوات سريعة هبطات من الطموبيل عاد دخلات لليكول خرجاتهم كتضحك معاهم و تبوس فيهم .. مجات فين تعلي راسها حتى حسات بزياد و يزيد طارو لعند لخيال لي قدامها .. هزات حاجبها عاد شافت فيه هاز التوينز كيضحك معاهم شاد ليهم لخاطر 

ثلوج ربعات ايديها : اشنوو جاابك لهنا ..وااش مكتفهمش ولا كدير راسك مكتفهمش 

زياد بحماس : واااو بابا جاا عندنا

يزيد كيضحك : فراسك ابابا قربنا نسدو واحد لعطلة 

أمجاد مبتاسم ليهم و متجاهل ثلوج لي اتطرطق : مبروك عليكم .. فرحانين بيها ؟ 

زياد و يزيد : ااه ااه بزااف

أمجاد : فين تبغيو تمشيو تغداو 

زياد : ماگدو ..ماما قالت اتدينا لماگدو 

ثلوج بعصبية : هبطهم فالأرض كيقدرو امشيو 

أمجاد خنزر فيها كيسوط عاد قلب الدورة غادي لطموبيلتو ركبهم لور و دار باغي اركب حتى كتوقف فوجهو مخنزرة : وااش بعقلككك ؟؟؟ .. انااا لي ربييتهممم انا ليي كنقرر وااش امشيو معااك ولا لا .. هبط ليا ولاديي مستحيل نخليهم امشيو معااك 

أمجاد ببرودة : بغيتي ولادك ركبي ..مبغيتيهمش حيدي من قدامي بلاما نضربك نطيحك كااو 

رجعات خطوة باللور كتشوف فيه بحقد : علاش كدير هادشي ؟؟

أمجاد حمر فيها و ركب عاد كلاكصونا باش تركب ساعة شدات الضد و بقات واقفة شحال حتى طلو عليها ولادها كيطلبو فيها عاد ركبات كتسوط مدورة وجها لجيهة لخرى

أمجاد : عنداك تفرگعيي 

خنزرات عاضة على سنانها بلاما تجاوبو .. يله اتقاد فالجلسة ديالها قفزات فاش كسيرا حتى كانت اتزدح على فمها و لي زاد عصبها هو حماس ولادها كيضحكو فرحانين 

زياد : بابا زيد فالسرعة حمباااك 

يزيد : بلييز بابيي بلييز 

أمجاد كيشوف فإنعكاسهم من لمرايا : سولو ماماكم واش كتعجبها السرعة 

زياد : ديما فاش كنركبو مع عمو أحمد كيكون زايد السرعة و مكتقول والو 

أمجاد عض على فمو صبر حتى صبر و هو اتلاح على ايدها زير عليها : بصح هادشي 

ثلوج خرجات عينيها فإيدو : ممكن ترخف من ايدي ..ولادك ذكيين ايفهمو باهم حرامي مقطر 

أمجاد : كون اشوفو مهم . . نعمة الأخلاق كاع رجال لعلام مدخلاهم لعندها 

نترات ايدها من ايدو حابسة لبكية : مسوقكش فيا .. انا ممربياش و ممخلقاش مراتك لي متخلقة و كتلبس الطويل و كتدير لحجاب و زوينة و مكترضش عليك لهدرة و ساكتة و زيد و زيد 

أمجاد بتاسم إبتسامة جانبية سكت شحال عاد نطق : مكنتش عارف كتغيري منها حتى لهاد الدرجة

شافت لعندو مخرجة عينيها و ندمانة على لكلام لي خرج من فمها بلاما تحس : انا ؟ نغير عليك نتا ؟ .. شكوون نتا بالسلامة نسيت ممكن تفكرني ! 

أمجاد : انا هو لي رجعتي طاسيلتو ضحكة و لعبتي عليه فالزواج كيف بغيتي ..انا هو لي مكنتيش باغا هاد التوينز منو 
و سكت كيشوف قدامو مزير على الديريكسون كيسوط

ثلوج لمسات من كلامو أنه مزال حاقد عليها .. بقات ساكتة حتى هي منطقات بوالو حدها تلافتت كتشوف فالزاج حتى حسات بيه وقف بيهم قدام ماگدو 


نزل هو اللور حل لباب على ولادو فرحان بيهم و دخل بلاما اشوف موراه .. حتى تبعاتو كتجر فرجليها و تسوط معصبة و كيزيد استافزها بتصرفاتو ايحمقها مافيهاش .. بقات غادة حتى بان ليها جلسهم على الطبلة فالجنب .. تنهدات عاد مشات لعندهم و جلسات كتشوف فولادها فرحانين و متحمسين بالزايد

أمجاد جمع لوقفة : انمشي نجيب لولادي الدوموند .. تسنااو 

باسهم كيضحك معاهم بدون ميعير شي إهتمام لثلوج عاد مشا و خلاها غادي تطرطق

زياد : ماما عاجبك لحال ؟ 

يزيد : ااه ايعجبها لحال حيت بابا معانا 

و سكتو كيضحكو مقداهم فرحة بالنسبة ليهم لعيد هادا حيت معاهم باهم و مهم بحال كاع الدراري الصغار لي كيشوفو قدامهم دابا 

داز شوية دلوقت ..

تم جاي لعندهم بالبلاطو حطو قدامهم عاد تبعو السيرفور حط باقي الطلبات 

زياد بحماس : هادسي كامل ديالنا ابابا؟ 

أمجاد : ااه بصحتكم 

مسح على شعرهم بحنان عاد جلس كيوكل فيهم شوية علا عينو لعند ثلوج : اتبقاي بالجوع ؟ 

ميلات شفايفها كتسوط شوية صونا تيليفونها هزاتو مجاوبة داك الساعة تحت نضراتو لحادة : وي مراد .. ااه بصااح ! .. صافي واخة حتى لعشية جي لدار مع لملفات .. اوكيي عارفة هاد الندوة مهمة داكشي علاش خاص نوجدو ليها مزيان .. اااه مزيان حتى تقولها لمدير ايتفهم لوضع .. صافي حتى نتلاقاو .. تسنا تسنا نسيت ليوم الصدقة ديال سي نعمان حتى لغدا و نشوف لملفات فالوكالة .. هاد لعشية انبقا مع لولاد ايخرجو بكري ليوم .. اوكي بااي 

بتاسمات و هي كتقطع غا هزات عينيها بان ليها كيشوف فيها بعينيه لحمرين : ياك لباس ! 

بميوعة دورات وجها كتهز فالفريت و تفشش مخلياه بركان اينفاجر حشمان غا من ولادو أما معرفش شنو كان ممكن ادير 

فهاد الأثناء جاو بنت و ولد باينة فيهم كوبل بغاو اتصورو معاها بتاسمات ليهم بلطف و تصورات معاهم 
لبنت : هادو هما وليداتك ياك ؟ . .. كيحمقو مشالله 
ثلوج بأدب : شكرا .. حتى نتي كتحمقي 
لبنت شافت فالشاب : صافي تصورنا يله نمشيو 
و رجعات شافت فثلوج : باي باي 
بتاسمو ليها و مشاو تحت نضرات أمجاد شوية نطق بسخرية : دايرة فيها لمشهورة لباسلة 

ثلوج : وي بحال داكشي 

سمعات تيليفونو كيصوني : جاوب حبيبة لقلب كتصوني عليك 

خنزر فيها عاد جاوب : وي الياقوت .. مالك علاش كتبكي ؟ مال سميير ! إلا طالعة ليه السخانة شربيه دوااه شوية و نجي .. انا بيخير .. متبقايش تسوليني فين أنا 

ثلوج بصوت غيران بلعاني نطقات : زياد حبيبي مد ليا لعصير

الياقوت : فينك نتا ا أمجاد ؟ .. مع طليقتك ؟

أمجاد حبس الضحكة على تصرف ثلوج : حتى نجي اياقوت .. متخافيش سمير مغادي اوقع ليه والو 

و قطع كيشوف فيها بنص عين .. ملاحظ ملامحها لحمرين باينة فيها معصبة و غيرانة أول مرة كيشوف هاد النضرة فيها 

أمجاد : لعصير قريب ليك علاش قلتي لزياد امدو ليك ؟ و هو بعيد منو اصلا 

ثلوج بميوعة كتحاول تخبي توترها : مسوقكش عجبني داك لعصير .. يكما اتمن علينا بفلوسك ؟ سير عند مراتك دابا لاش جالس معانا كنضيعو ليك وقتك 

أمجاد تلافت لعند ولادو : ماماكم كتهدر بزاف 

زياد و يزيد كيضحكو : اااه هههههههه

ثلوج خرجات عينيها فيهم عاد جمعو الضحكة : كولو باش ترجعو لليكول ..يله كولو 

ميلات شفايفها و حبسات من لماكلة كاع كتسوط و معاجبها حال و هو كتر منها كلا شوية كيخنزر فبنادم لي كيحط عينو عليها .. بقاو هاكاك حتى كلاو لولاد عاد خرجو و رجعهم لليكول

غربات الشميسة و جات لعشية ..

تنهدات مباغاش تشوف مرتو و لا تجي عينيها عليها .. جالسة على أعصابها دايرة الصواب شوية جمعات لوقفة خارجة لحديقة كتقلب على ولادها لي خلاتهم كيلعبو مع سمير نيت بلاما اعرفو راه ولد باهم .. فطريقها حسات بشي واحد شدها من دراعها تلافتت مفزوعة : عصام! 
عصام بلطف : لباس ؟ 
رجعات خطوة باللور كتدور فعينيها : لحمدلله .. خلعتيني 

عصام بتاسم : ثلوج انجيك لصراحة .. أول مرة كنتحط فهاد لموقف و لكن مقادرش نصبر .. بغيت نتزوج بيك مكرهتش تجمعنا علاقة الزواج و نكونو عائلة مع وليداتك .. انحسبهم ولادي و نحطهم فعينيا و نتي انحطك فقلبي .. اشنو قلتي اثلوج بغيتك مراتي 

هاد لهدرة كاملة كانت تحت نضراتو لحادة و هو واقف مقابل معاهم كيشوف فيهم و صدرو كيطلع و اهبط واضح عليه لبركان لي ايشعلو فالقصر حاليا 

ثلوج بلعات ريقها مصدومة : أ ا .. مفهمتش .. شنو كتقول اعصام ! 

عصام قرب شد فإيدها بتوسل : مبغيتش نسمع رفضك اثلوج .. عطي لراسك فرصة تفكري و ردي عليا انا كنتسناك وما مبزز عليك والو .. و لكن انفرح إلا قبلتيي 

ثلوج كترجف بسرعة نترات ايدها مرجعاها للور : أ ا أ صدمتيني صراحة .. مكنتش متوقعة هادشي و مديراش بحسابو 

عصام بهدوء : نتي زوينة من گاع النواحي .. كتستاهلي تعيشي حياة زوينة مع لي كيقدرك و اعطيك قيمتك .. مبغيتش نفكرك فداك النهار فاللوبيطال و لكن كتاشفت أن أمجاد فعلا ميستاهلكش .. نتي تستاهلي حسن منو الشخص لي ايحطك فعينيه و اخاف عليك و زيد و زيد 

أمجاد بصدمة واقف مخرج عينيه و ايدو مجموعة على شكل قبضة كيترعد .. بقا واقف فبلاصتو جامد كيسمع ليهم و عينيه حمرين بحاليلا مغرغرين .. بقا غا كيسمع لحوارهم فقط 

ثلوج رجعات بلعات ريقها مرة أخرى : عصام انا ممحتاجاش راجل فحياتي باش نعيش مزيان .. حاليا عندي ولادي معمرين عليا و كنبغيهم بزاف بزاف 

عصام بهدوء و تبات : عارفة أنه ايجي واحد النهار لي غادي اكبرو ياك ؟ .. داك الساعة شنو اديري ! اتبقاي تبعاهم بقراراتك و أحكامك هممم ؟ .. ثلوج خاص تفهمي أنه مهما كانو الناس قراب لينا و كيبغيونا ضروري خاص اكون عندنا شريك لحياة لي ايوقف معاك فالشادة و لفادة و احطك فعينيه .. كلنا عارفين ايجي واحد لوقت انكبرو و بأصح لعبارة غادي نشرفو .. داك الساعة ايبقاو معاك ولادك ديما ؟ هممم ! لا مغاديش ابقاو ماشي بحال شريك لحياة .. لولاد فاش كيكبرو كيستاقرو و كيوضعو خطط لحياتهم و مهما عتناو بينا إلا أنه مغاديش اعمرو مكانة شريك لحياة 

تنهد و سكت شحال عاد رجع نطق فاش شافها ساهية معاه و كتسمع ليه : هاد لهدرة لي قلت ليك مكتعنيش أنه كنقص من ولادك ولا شي حاجة .. كنقول لواقع و لي نتا عرفاه و انا عارفو اثلوج .. كنتمنى تفكري فهدرتي و تعطي لراسك فرصة تشوفي بعييد الدنيا محدودة و خاص نستغلو اي فرصة باش نعيشو مزيان

ثلوج ربعات ايديها بتوتر : معرفتش .. حاليا معارفة منقول 

عصام بتاسم : مبززت عليك والو دابا .. لي انطلب منك هو تفكري فالموضوع بجدية حيت كتستاهلي تعيشي حياة زوينة .. عينيك كيقولو أنه مزال معشتي هاد لحياة بتفاصيلها داكشي علاش بغيت نستغل لفرصة و نكون مختالف على جميع الرجال لي صادفتي فطريقك 

بتاسمات ثلوج ابتسامة بشوشة : خاصني لوقت 

عصام مسح على شعرها : لوقت كامل ديالك .. انتسنا اتصالك 

بتاسم ليها و مشا تحت نضراتها حتى غبر على عينيها عاد تلافتت كتنهد معارفة هادشي منين نزل عليها .. مجرد معلات راسها جات عينيها فعينيه لحمرين واقف جامد خاشي ايدو فالجيب و الإيد لاخرة كارز عليها لدرجة لعروقة كيبانو مرسومين بإثقان بحال شي لوحة ... بلعات ريقها و هي كتشوف فيه حتى بان ليها رمقها بنضرة حادة و مشا بخطوات سريعة للمصعد 

فالحديقة ..

واقف خاشي ايدو فجيبو و التيليفون على ودنو بعدما سلم على كبار لعائلة و دار الصواب من غير أمجاد لي مقربش ليه ولا سول عليه تجنبا لصداع واخة بالنسبة ليه هي طليقتو يعني مغدرو موالو .. هاكة كان كيفكر حتى تحل لخط و نطقات بصوت نعسان : شكاين ! 

عصام هز حاجبو : عندك النعاس بالمقلوب القروية

سناء ميلات شفايفها : مسوقكش فيا .. علاش متاصل

عصام بهدوء : هدرت مع بنت عمك فالزواج .. دابا جات نوبتك باش تقنعيها إلا فعلا كتهمك مصلاحتها 

سناء بلعات ريقها و هي كتسمع ليه : طلبتي منها الزواج !


عصام هز حاجبو : كيعجبك نعاود هدرتي ولا شنو ! .. اه طلبت منها الزواج و بغيتها تكون مراتي و كيف قلت ليك خاص تعاونيني الإتفاق كيقول هادشي 

سناء بصوت مخنوق : اوكيي

عصام : اوكي شنو ؟

سناء : غادي نقنعها كون هاني .. يله تلاح و آخر مرة تصوني ليا 

قطعات عليه كتسوط معصبة شوية عينيها غرغرو حتى بداو كيطيحو دموعها و هي مرضياش : اويليي علااش كنبكيي .. وااش حمقة انا ؟ مواعدني بوالو أصلا هو معارفنيش واش عايشة عادي هاد التصرف ..صافي اسناء سكتي من لبكا نتي معندك زهر ديها غا فخدمتك براك عليك 

سكتات كتنخصص مقدراش تحكم فراسها .. بالسيف باش حبسات دموعها عاد هزات تيليفونها داخلة لأنسطا حيدات ليه متابعة و خرجات داخلة لگالوري كتمسح فتصاورو و تنخصص مرضياش و فنفس لوقت كتضحك على حالتها و لموقف لي محطوطة فيه .. كيجيب ليها الله إلا سمعها شي واحد تعلقات بشخص من بعيد ايشبع عليها ضحك و مكتدخلش لعقل هي جوج 

جمعات لوقفة بحماس غادة جاية فبلاصتها : صافي انسااه .. صافي اسناء نساايه نتي قوية .. دابا مزيان كاع تصاورو مسحتهم و حيدت ليه متابعة و دابا انبلوكي النمرة 

داك الساعة بلوكات النمرة كتعض على شفايفها : ففف و اخيرا ..دابا مغاديش ابقا كيطلع ليا و باش نتفادا أيام لخطبة و لعرس غادي نسافر ..اااه صافي هادا هو لحل انسافر و نساه فمرة

فالجيهة لخرى ..

رجعات جلسات فالصالون و عقلها مرفوع عليها .. مزال لمشهد ديال عصام و هو كيطلب منها الزواج مرسخ فبالها و لي زاد وترها هو نضرات أمجاد فاش جات عينيها فعينيه .. بلعات ريقها كتهز فكتافها و تصبر فراسها بأنه معندها لاش تخاف منو .. و لكن كتقول مع راسها فكلتا لحالتين مغاديش تقبل طلب عصام .. من مبادئها عمرها تكون أنانية و تبني أحلامها على ضهر شي واحد هاكة رباوها واليديها 

فهاد الأثناء سمعات شي واحد جلس حداها تلافتت لقاتها ختها : حنان .. حبيبة لباس عليك 

حنان كتشوف فيها بإستغراب : وجهك مخطوف منو اللون ياك لباس 

ثلوج : بصااح ! 

حنان : واقعة شي حاجة ؟ 

ثلوج حركات راسها بلا مبغاتش تعاود ليها حاليا : مواقع والو .. غبرتي عليا هاد السيمانة ..كيف غادة مع لخدمة ؟ عجبك لبوسط !

حنان بتاسمات : ااه عجبني لحال .. و حتى أزار مدعمني و لكن ..

ثلوج : ياك لباس ! كتباني ليا مفرحاناش بصح 

حنان بأسى : مكرهتش اكون عندي حتى انا شي بيبي .. هاد الشهورة لخرة قاطعة موانع لحمل و مزال مجاب الله 

بتاسمات ثلوج : حدما دايرة بالك و متشأمة مغاديش اتحقق لي فبالك .. مغادي اكون غا لخير و ربي كبير أكيد اينعم عليك بالوليدات الصغار حيت قلبك زوين و كتستاهلي غا لخير 

حنان تطمأنات : انشالله ياربي .. ماما و بابا يله وصلو جالسن فالصالون لاخر تمشي حداهم ؟ 

ثلوج يله بغات تنطق بانت ليه الياقوت هازة سمير و دايزة : لا غا خليني 

تلافتت حنان كتشوف فين ساهية ختها : مكتبانش ليا هي و أمجاد مع بعضياتهم قليل .. واقيلة زواجهم متوتر امكن 

ثلوج قاطعتها بإرتباك : متهدريش ليا عليهم 

حنان : واخة كنعتادر 

هزات ثلوج راسها باه بحاليلا كتقوليها قبلت اعتذارك 

لفوق ..

واقف مقابل مع لمرايا و صدرو عريان كينهج بحاليلا ايسكت ليه لقلب .. فهاد الأثناء دخلات الياقوت سادة موراها لباب : أمجاد 

قربات لعندو مع إبتسامة : مال وجهك عرقان 

أمجاد تلافت لعندها كيترعد : فاش تخرجي متخلي حتى واحد ادخل لبيت 

الياقوت وسعات عينيها من حالتو : خلعتيني عليك

هزات ايدها حطاتها على جبينو عاقدة حواجبها : أمجاد حرارتك مرتافعة .. خاصك الدوا .. اجي معايا لدوش 

أمجاد : لا .. بغيت نبقا بوحدي 

تنهدات الياقوت : شنو معصبك ؟ مكتخبي عليا والو قول نسمعك !

أمجاد : بغيت النعس 

زفر و قلب الدورة قاصد الناموسية لي غا وصل ليها تلاح وسط لمخاد على كرشو مكمش عينيه و مشهدهم واقفين مع بعضياتهم كيتعاود فبالو مبغاش ازول بالمرة .. عيا كيسوط و انهج عاد غمض عينيه بسباب حراتو لي رتافعات 

الياقوت بقات غا كتشوف فالأخير خرجات طافية عليه الضو و مخلياه على راحتو 

لتحت ..

على صوت لقرآن جالسين الضيوف بتبات و على ملامحهم لكآبة و كأنهم كيحيو ذكرى موتو و ذكرياتو لي خلا ليهم لا من ناحية لمواقف لي جمعاتهم لا من ناحية الصمعة لي كان كيملك باش أسس امبراطوريتو و خلا ولادو موراه مهتمين بزمام الأمور

كانت شادة تيليفونها كتشوف فالميساج لي وصلها من عند سناء .. بتاسمات و هي كتقرا فيه متعجبة من التغيير لمفاجأ 

⁦🗨️⁩" ثلجتي حتى ترجعي و نعاود ليك على واحد الشاب بغا اخطبني .. سطاجير معانا و هاد لمرة كنهدر بصح مكاين لا كدوب لا والو و مكاين لا عصام لا خووه .. بصراحة لحب فالواقع حسن بزاف و لقيت راسي غا كنت كنخربق فاش تعلقت بعصام من بعيد .. عرفتي كنتفكر كتشدني الضحكة على راسي .. أنكون طولت عليك حتى ترجعي و نعاود ليك بالتفصيل .. عرفتي فرحانة بزاف أول مرة قلبي كيضرب بهاد الطريقة أمسوإكسايتد ههه ..باي ثلجتي "

بتاسمات عاد هزات راسها بعفوية حتى كتجي عينيها على كلثوم كتشير ليها .. ستغربات عاد جمعات لوقفة و مشات لعندها : لميمة بغيتي شي حاجة ؟

كلثوم بصوت مخنوق بالبكا : عفا بنتي طلعي لبيتي .. جيبي ليا دوايا راه محطوط فوق لكوافوز هزيه و اريه ليا ..الله ارضي عليك 

ثلوج هزات راسها باه : واخة هاني انمشي نجيبو 

طبطبات عليها عاد خرجات من الصالون بانت ليها وحدة من لخدم مشات لعندها : فينو بيت لآلة كلثوم 

لخدامة : الطابق الثاني ا آنسة على الليمن

هزات ثلوج راسها باه عاد قلبات الدورة قاصدة لمصعد .. ثواني و كانت لفوق كتدور فعينيها على إنا بيت .. تلفات معارفة فين تدخل ... بدات كتدق و تحل فالبيبان و عينيها كتمشي نيشان لكوافوز واش فوقو شي حاجة حتى كتأكد مكاين والو عاد كتخرج و تكمل طريقها ... بانو ليها بقاو جوج غرف عرفات اتكون غا وحدة فهادو .. قصدات لولا لي جات فطريقها حلات لباب بالشوية بان ليها الضو مطفي .. شعلاتو داك الساعة

غا تلافتت جات عينيها عليه متكي فوق الناموسية : طفي الضو 

بلعات ريقها عاد طفات الضو داك الساعة يله بغات تخرج وسوس ليها الشيطان فراسها .. بلاما تحس دخلات و سدات لباب موراها كتدور فعينيها تحت ضوء لقمر لي داخل من الشرفة .. عضات على شفايفها ناسية راسها و هي كتقرب لعندو حتى وقفات على راسو كتحفظ فتضاريس ضهرو لمرسومة و كتافو لعراض .. سهات فيه مع إبتسامة على شفايفها معرفاتش شنو واقع ليها .. لي عارفة هو أنه متكي قدامها بحال شي لوحة و وجهو مدفون فالمخاد 

أمجاد بصوت مدعدع : ياقوت متقربيش ليا .. مباغيش الدوا خرجي و سدي لباب 

بلعات ريقها كتسمع ليه حتى لهاد الدرجة مبقاش كيميز ريحتها .. حتى لهاد الدرجة نساها و بدلها بوحدة أخرى ! حسات بمغص فقلبها غا مجرد جملة منو أثرات فيها و خلات عينيها اغرغرو

أمجاد رجع نطق : غطيني فيا لحمة 

بلعات ريقها كتدور فعينيها .. فالأخير هزات راسها كتنفس بهدوء عاد هزات لغطا غطاتو مجات فين تبعد حتى قبطها من إيدها مزير عليها .. خرجات عينيها و فكرة أنها فضحات راسها كتدور فبالها .. شوية حسات بيه رخف منها و رجع لوضعيتو السابقة كيف كان مرخي 

أمجاد بقا ساكت كيتنفس بهدوء متبع حسها حداه 

ثلوج بقات كتشوف فيه بحنين و عينيها على شعرو و كأنها توحشات ريحتو و مكرهاتش تضمو و تعنقو .. فهاد الأثناء قفزات من بلاصتها فاش تقلب على ضهرو مغمض عينيه .. بقات جامدة كتشوف فيه و تحفظ فملامحو ناسية راسها و معرفاش شكايوقع ليها و شنو هادشي لي كيراودها .. بدون شعرو هبطات لمستواه ناسية لماضي و لحاضر كتفكر غا فالقبلة لي طبعات على جبينو بهدوء و هو 
مغمض عينيه كارز عليهم كيحس بشفايفها و نعومتهم 

ثلوج بقات مطولة حتى كتوعا على راسها شكادير .. فالحين رجعات لوضعيتها متداركة لموقف و كتلوم فراسها و أحاسيسها لي حياو عليها و ضعفو قدامو .. يله بغات تمشي خرجات عينيها فاش تحل لباب و تشعل الضو .. غا هزات راسها تلاقاو عينيهم .. بإرتباك تقادت فالوقفة حشمانة من راسها و كارهة لموقف معارفة متقدم و لا توخر .. عضات على شفتها بإحراج فاش بانت ليها الياقوت خرجات بخطوات سريعة و ايدها على فمها .. تمنات الأرض تنشق و تبلعها فهاد اللحظة .. داك الساعة خرجات كتجري تبعاها حتى قربات لعندها : ياقوت تسنااي 

ياقوت شافت لعندها كتنخصص : ياااك تطلقتو ؟؟ علااش كتقربي لراجلي ؟!! 

ثلوج خرجات عينيها مصدومة : متفهميش غلاط لي وقع هو ..

قاطعتها الياقوت بانفعال : بلييز بعدي علييه و عطينا الثيقاار ... فالليل فبلاصة ميقول سميتي كيقول سميتك .. سوو بلييز وقرينا علييك و متدمريش ليا زواجي و متنكديهش عليا 

ثلوج عينيها غرغرو مقدراتش تحبس دموعها .. بقات غا كتشوف موسعة عينيها 

الياقوت كتبكي : شنو بغيتي من راجلي ؟ .. مكفاكش لعذاب لي دوزتي عليه ؟ مكفاكش هادشي و فاش بغا اعيش حياتو ناوية تنكديها عليه ؟ 

ثلوج بعصبية : قبل متجي تحاسبيني حاسبي راجلك لي كان كيجي عندي فنصاص دالليل داير السبة بولادو 

الياقوت : راجلي تايقة فيه و عرفاه مغاديش اخوني .. أمجاد ماشي من هاد النوع إلا كنتي نتي مكتيقيش فيه ملي كنتو مزوجين أنا راه كنتيق فيه و بزاف 

ثلوج كترعد بقات غا كتشوف فيها : إذن ملي كتيقي فراجلك بزاف خليه اهتم ليك ماشي اتبع بنات الناس 
خنزرات فيها و مشات قاصدة لمصعد .. ساطت بعصبية فاش لقاتو عامر عاد كملات طريقها حتى لدروج يله اتنزل حسات بشي واحد جرها من دراعها تلافتت مخرجة عينيها و زادت خرجاتهم فاش شافتها : شهااد لوقااحةةة ؟؟؟؟

الياقوت كترعد : كيفاش اهتم بيا و ميتبعش بنات الناس ؟؟ شنو بغيتي تقصدي ! .. أمجاد ختارني أنا و بغاني أنا .. دابا عاد فهمت علاش مكملش معاك حيت غا لباسك باين لعربون و شعرك كاع معري لي اسوا و لي ميسواش .. من غير هادشي راك كتغضبي الله 

ثلوج بإنفعال مقدراتش تصبر من غير أنه هزات ايدها حتى لسما و نزلات عليها لوجه كترجف بجنون : شششكووون نتيي لي تهدري علياا هااكة ؟؟ شكوون عطااك لحق 

الياقوت بعصبية شادة حنكها : غادي نقولها لأمجاد و الله منسكت لييك 

ثلوج : يللله سيريي عند رااجلك شكااتسنااي ..طيري من قدامي 

خنزرات فيها مصدومة من شخصيتها لحقيقة .. عاد دارت باغا تمشي حتى كتحس بيها جراتها من دراعها عوتاني .. بحقد تنترات ليها كتسوط مجات فين دور لعندها حتى كتحس بكتلة كبيرة تكركبات حداها .. شهقات راجعة خطوة باللور كتشوف فيها كتكركب من الدروج بلاما تحس غوتات بأعلى صوتها من لخوف غوتة سمعها لقصر كامل .. بدات كتبكي مخلوعة و معرفاش كيفاش طاحت اصلا .. ملقات حتى تصرف ديرو من غير هبطات كتجري فالدروج حتى لتحت فين تجمعو لعائلة و الضيوف على ياقوت ملطخة بالدم .. يله بغات تقرب ليها حسات بشي واحد دخل فيها و لاحها حتى رجعات خطوة باللور كترعد و هي كتشوف فيه محني لعند الياقوت كيفيق فيها مرعود 

آريا مصدومة : أمجاد هزها لمستشفى عتقهاا .. كيفاش حتى طاحت اويلييي 

الياقوت شافت فأمجاد كتبكي : أمجاد 

أمجاد كيترعد و وجهو مخطوف منو اللون داك الساعة تلافت لعند ثلوج و رجع شاف لعند ياقوت : متخافيش 

الياقوت كتبكي فاش حسات بالدم كيهبط منها : أمجاد ولدنا .. أمجاد عتق ولدنا 
و غيبات تحت نضراتو 

ثلوج بقات واقفة مصدومة بحال لجماد و دموعها كيهبطو وحدة مور وحدة فحالة ذهول و عقلها مقادرش اتقبل الصدمة .. هي حاملة ! يعني كانو ففراش واحد و جسم واحد.. يعني كيف دار معاها دار مع ياقوت ! .. يعني كيف باسها هي باس ياقوت .. وسعات عينيها كتبكي بحرقة و ايدها على فمها كترعد و هاد الأفكار كيدورو فراسها و زادت كتعدب فاش شافت لخوف فعينيه ملي هزها و خرج كيجري 

فاقت من سهوتها على خيال شي واحد تلافتت مفزوعة .. غا شافتو قدامها بدات كتبكي و ترمات فحضنو كتشهق : انا مطيحتهاش طاحت بوحدها معرفتش أصلا كيفاش حتى وقع هادشي .. والله مطيحتها 

عصام : ششش صافي سكتي من لبكا .. حتى واحد مقال ليك طيحتيها هادشي لي وقع حادث ششش

ثلوج بعدات منو كتنخصص و تبكي حتى بردات عاد شافت لعندو و ميساج سناء مطمأنها من جيهتها : عصام انا قابلة نتزوج بيك و نبداو حياة جديدة


جالسة وسط بيتها سادة عليها و كتبكي و تشهق .. قلبها كتحس بيه كيتقطع طراف طراف .. عمرها سحاب ليها ايجي واحد النهار و قلبها ايضرها بسباب شخص آخر ..عمرها ضنات فرحها و حزنها ايولي متعلق بشخص واحد .. معرفاتش تترجم هاد الإحساس و لكن لي عارفة هو تمنات لموت و لا تعيش داك لموقف .. اصلا الشجاعة لي تشجعات و خرجات من تماك كتجري مخليا كلشي موراها و ممسوقاش للنداءات لي كتسمع راه معجزة بالنسبة ليها .. لقوة باش ركبات طموبيلتها و جات كتجري لفيلة لحد دابا باقا ممستوعباش منين جابتها .. على إثر دموعها سمعات لخبيط فالباب و صوت واليديها كيعيطو ليها و اعاودو حتى نطقات بإنفعال و دموعها كيطيحو بحال الشتا : سيييرووو من هنااا بغيييت نبقاا بوحديي يلله سيروو 

جمعات لوقفة كترعد كاملة و شهقاتها مسموعين وحدة مور لاخرة حتى كتحبس فيها النفس عاد كترخف على راسها .. وجها كامل رجع حمر بالبكا و عينيها تنفخو و قلبها كيضرها بزاف .. بغات تحيد هاد لعذاب لي كيعيشو و لكن ماشي بيدها عذابو قوة منها .. على صوت بكاها قشعات تيليفونها كيصوني و سمية عصام طالعة عليه .. بعصبية هزاتو شخشخاتو كترجف .. هي فحالة دابا متسمح ليها تهدر مع حتى واحد ولا تشوف شي واحد 

داز لوقت ..

حلات لباب بعجرفة فاش حسات بيهم موراه .. طلعات كتهبط و تطلع فيهم مع تخنزيرة حارة .. ناسية هادو واليديها و باغين راحتها .. مبغاتش تشوف داك النضرة فعينيهم كتحس غا بالشفقة من هادي خمس سنوات .. نفس النضرة لي شافتها فعينيهم دشحال هادا كتعاود قدامها عوتانيي 

حفصة كتبكي : نسااايه علييك ابنتيي .. واااش ديماا اتبقااي كتبكيي علييه ؟؟؟ الله اياخد فييه لحق نساايه عليك الله ارضي علييك 

ثلوج بجنون : بغيييت نموووت انااا علاااش مزااال عااايشة .. علاااش ولدتونيي ؟؟؟ علاااش واااش ولدتونيي بااش غا نتعدب و نبكيي 

لحاج بتحصر متأسف لحالة بنتو و عارفها اتكون واكلة الدق نيت : بنتيي يلله نحيدو من هناا .. يلله متبقايش هنااا وااش باغا ترجعي تمرضي عوتاني و تسكني فالسبيطارات ؟؟؟ يلله ابنتيي راه إلا شفتك مرة أخرى قدامي بحال هاكة انرتاكب جريمة فييه .. كيف ضيعك و رجع حالتك حالة اندمو و مخاسر والو إلا كان غا لحبس شلاا 

ثلوج بجنون كترعد دخلات فيهم و مشات بخطوات سريعة كتفور 

حفصة مخرجة عينيها : اويليي شغاديير هاديي 

لحاج كيسوط : جاب الله ولادها بقاو مع خالتهم أما كون تخلعو .. اجي نشوفوها شغادير

بقات غادة موقفات حتى لعند لبيت لي كان جامعهم بجوج .. طولات فيه الشوفة عاد رجعات بخطاويها هابطة لتحت .. نيشان لكوزينة هزات لوقيضة و بريكة عاد دازت خدات السوارت ديال لبيت و طلعات قصداه نيشان .. مجرد موصلات لعند لباب و هي كاملة كترجف و ترعد حلاتو بالسيف و دخلات مطولا الشوفة بعدما شعلات الضو ..بقات كتشوف ساهية فالناموسية لي جمعاتهم بجوج و لفراش لي حتاضن جسمهم بجوج .. خمس سنوات باش تسد هاد لبيت و هاهو رجع تفتح .. عمرها كانت كتظن اتفتحو و لكن ليوم جابلها الله جا لوقت فين تبدا تزول الذكريات لي خلا ليها فعقلها .. بتاسمات بسخرية و هي كتشوف فالفراش .. مجرد مكتفكر مراتو حاملة كتقول مع راسها هما نعسو بجوج ففراش واحد .. حتى هي شبعها لمسات حنونة و ساخنة فنفس لوقت .. حتى هي تأوهات فاش عضها و باسها بجنون .. حتى هي اتكون عاشت معاه فاش لتاحمو و رجعو جسم واحد .. عقلها بغا يحماق ملقات غا ايديها حطاتهم على ودنيها بجنون كتغوت بأعلى صوتها كترجف يلله سمعات لحس موراها بعدات طافجة و عينيها خارجين فيهم .. كتشوف فواليديها و سناء لي مزال بلباس لخروج باينة فيها عاد دخلات لدار 

بحقد هزات ايدها لي عواجو صباعها من الأعصاب : حتى وااحد ميقرب ولا هاد لعافية لي ناوية نشعل انشعلها فراسي نيت .. حتى وااحد 

شافت باها كيقرب لعندها مخلوع : باااباااا قلللت حتى وااااحد حتى وااااحد ااااعععععع 

سكتات كترجف غا تلافتت لعند الناموسية شعلات لوقيضة بالبريكة عاد رماتها فوق لفراش كتشوف فيه كيتحرق قدام عينيها لي عامرين بالدموع و قلبها لي كيضرب فالمية علاين اسكت 

سكتات شحال مطولة الشوفة عاد نطقات كتشوف فالعافية : و دابا صافي خرجتيي من عقلي و قلبي اسي آل عمران .. قلبي لي بغااك صافي قتلتيه 

حسات بمها كتجر فيها و ثلوج ساهية فالعافية ناسية راسها و ناسية ايدها لي عواجت بالأعصاب . .. كلشي مخلوع على حالتها و كيتجارا اطفي لعافية و هي مفيكسية نضرها على نطقة وحدة و فمها مكمش كتبكي حتى كتطيح مغمى عليها و سخفانة كتشهق 


تلاتة دالصباح ..

خرج عندو الطبيب بعدما حيد لكمامة من على فمو : سي آل عمران 

جمع لوقفة كيتنهد : شنو وقع ليها 

الطبيب : لمدام للأسف جهدات .. حالتها مستقرة حاليا غدا عاد اتحل عينيها .. دابا انقلوها لغرفة أخرى حتى تفيق و شوفها 

أمجاد مسح على راسو مطول عاد نطق : صافي 

و مشا جلس كيتنهد و اسوط حتى حس بباه جلس حداه هز راسو لقاه ماد ليه قهوة خداها من عندو داك الساعة و رجع كيشوف قدامو ساكت 

ساجد : حتى تفيق و هدر معاها 

أمجاد شد راسو : غادي نحمااق هادشي بزاف عليا .. راسي اينفاجر 

ساجد تنهد : راه وصيتك متعاودش تهور .. ولي تبت شوية شي نهار اتقتل شي واحد بحماقك 

أمجاد بقا غا ساكت معندو ميقول و مباغيش اهدر هي جوج 

صبح الصباح بنهار جديد ..

ضرباتها لفيقة على لحس لي كاين حداها .. حلات عينيها مفزوعة حتى كتبان ليها مها حاطة حداها لفطور .. تنهدات بتعب و رجعات تكات مقادة فالنعسة 

حفصة جلسات حداها كتمسح على شعرها : رخفي على راسك ابنتي .. لبارح مشينا نموتو من لخوف عليك جاب الله داك الطبيب لي سميتو أحمد الله اكتر خيرو حافظ هاد لحالة لي كتجيك و عرف اتعامل معاك 

ثلوج بصوت نعسان : فينو دابا ؟ 

حفصة : بقا معاك حتى وليتي شوية عاد مشا بحالو .. رخفي على راسك واش مكنهموكش حنا مكتفكريش لينا و لولادك ؟ .. عيت معاك تشوفي حياتك و تنسااي لماضي .. شحال قدك تبقاي دافنة راسك وسط لمشاكيل و الصداعات 

يله بغات تجاوبها تحل لباب و دخلات سناء مع إبتسامة : صباح الخير 

ثلوج : ماما عفاك بغيت نهدر مع سناء بوحدها

هزات حفصة راسها باه و خرجات خلاتهم بوحدهم

ثلوج : قربيي 

تنهدات سناء على حالة بنت عمها عاد قربات و جلسات حداها : خلعتينا عليك .. مرات عمي عاودت ليا لي وقع 

ثلوج بدات كتبكي : طاحت بوحدها انا مقستهاش 

سناء تنهدات : ششش صافي سكتي من لبكاا ششش 

ثلوج بجدية : عصام طلبني لزواج .. و لبارح حيت تعصبت قلت ليه موافقة .. و فاش جيت لهنا هرست التيليفون مبغيتش نهدر معاه قوليه انا مموفقاش اسناء .. انا ماشي أنانية باش ناخد حاجتك

سناء حبسات لبكية فالداخل ديالها عاد نطقات : اشمن حاجة كتهدري عليها ؟؟ حماقيتي ! انا و عصام مكنعرفوش بعضياتنا متبقايش تدي على هدرتي راه غا حمقة لي شفتو كيعجبني .. ثلوج عطي لراسك فرصة عصام بان ليا شخص مزيان و ايحطك فعينيه 

ثلوج بصوت باكي : و لكن انا مكنبغيهش 

سناء : كين لحب لي كيجي مور الزواج .. اش بان ليك تشرطي عليه إلا متفاهمتوش من بعد تفارقو عادي و كلا اشد طريقو واخة متأكدة اتعيشي سعيدة معاه .. شحال قدك تهربي من لواقع أي واحد كيبغي سند اتوكل عليه و احط عليه الراس .. متفلتيش لفرصة بعدما جات بين يديك اثلوج و على قبلي انا متهزيش من جيهتي أنا أصلا مباغاهش 

بتاسمات ثلوج و بقات غا ساكتة كتدور هدرت بنت عمها فراسها

فالجيهة لخرة ..

حل لباب بهدوء عاد دخل قاصدها نيشان .. حتى وقف على راسها فوق السرير كتشوف ساهية فنقطة وحدة 
أمجاد : خاص نهدرو اياقوت 

الياقوت بصوت باكي : ولدي مشا .. مااات ا أمجاد معندي زهر فهاد الدنيا 


مسح على شعرها بهدوء عاد نطق : عاودي ليا بالتفصيل شنو وقع متخبي والو و كنركز على متخبيش 

الياقوت بلعات ريقها كتنخصص شحال عاد نطقات : لبارح مقدرتش نتحكم فأعصابي و تخاصمت مع طليقتك 

أمجاد ربع ايديه عاقد حواجبو كيسمع ليها : علاش ؟ 

الياقوت بلعات ريقها عوتاني عاد بدات كتعاود ليه بالتفصيل مخبات والو و متقدر تخبي والو حيت عرفاه ايكشفها سوا دابا سوا من بعد 

أمجاد عض على فمو : اهاه كملي 

الياقوت بصوت باكي : فاش بغات تهبط فالدروج جريتها .. كنت معصبة و لكن هي بإنفعال نترات ايدي حتى فقدت التوازن و طحت من الدروج 
و سكتات مهبطة راسها بإحباط كتبكي على ولدها لي خسرات

أمجاد مسح على راسو مطول عاد نطق : علاش قلتي ليها لباسها ولا شعرها ولا الزعتر ... واش هادشي علاش تافقنا اياقوت ! 

الياقوت : معرفتش شنو وقع ليا .. انا لدابا معرفاش كيفاش حتى صدر مني داكشي متحكمتش فأعصابي و مدرتهاش بلعاني كنحلف ليك ا أمجاد 

أمجاد تنهد : لي عطا الله عطاه .. ياقوت نتي عارفة معزتك عندي و حتى سمير لي راه واحد من ولادي .. و عارفة بيلا نتي أمانة عندي خلاها ليا لمرحوم كنعتاذر حيت محافضتش على ولدك 

الياقوت بدات كتبكي : معندكش لاش تعتاذر انا لي كنعتاذر .. مخاصيش نهدر مع طليقتك ولكن كنحلف ليك مشعرتش على راسي حسيت بإحساس خايب 

أمجاد : داكشي علاش قلتي ولدنا ؟ 

شافت فيه الياقوت بعينين دامعين : علاش واش هو مكانش ايكون ولدنا ؟ .. نتا ديما كنتي كتقول ليا راه ولدي حتى هو 

هز أمجاد راسو باه كيسوط عاد رجع نطق : لمهم رتاحي دابا .. حاولي تنعسي و متجهديش راسك انهدر مع الطبيب و نجي 
مسح على شعرها كيتنهد عاد قصد لباب لي مجرد محلو جات عينيه فعينيها : لبرازيلية !

خرج لعندها و سد لباب : مكان لاش تجي 

آريا ربعات ايديها بجدية : أمجاد شنو كتخبي عليا نتا و باك .. بغيت تفسير و متحاولش تهرب مني بحال ديما 

أمجاد مسح على راسو : اجي معايا 
شد فيها و خرجو بخطوات تابتة حتى لقدام لمستشفى جالسين مقابلين مع النافورة لي مجموع عليها لبط و لما كيكب من لوسط .. منظر طبيعي خلاب 

آريا بجدية : كنسمع 

أمجاد شد راسو كيتنهد : شنو باغا تعرفي بالضبط

آريا ربعات ايديها : كلشي كلشي 

أمجاد بهدوء : مور الطلاق مشيت لأمريكا باش نكمل حياتي عادي .. واخة جاتني صعيبة فالأول و لكن كان خاص نتقبل لوضع الجديد .. أصلا قبل مناخد داك لقرار صبرت و صبرت حتى مبقاش عندي فين نزيد و لكاس عمر حتى فاض 

آريا بأسى : حتى هي مكانتش ساهلة عليها 

بتاسم بسخرية : غا كتبين ليكم هاكاك من لداخل ديالها ماشي داكشي لي على برة .. متهدريش ليا عليها مبغيتش نعرف كيفاش عاشت .. مور الطلاق قطعت جميع الوسائل لي ايخليوني نتفكرها 

آريا بملامح حزينة : اوا من بعد .. كيفاش حتى تعرفتي على ياقوت و بديتي حياتك !؟ 

أمجاد تنهد : فداك لفترة تعرفت على صديق و نعمة الصداقة هو لي خرجني من أزمتي و وقف معايا و عمر وقتي حتى بديت كنسا شوية بشوية .. تطورات لعلاقة و ولا كيعرضني لدارو مرة مرة فاش كيكون عندنا لوقت .. حيت الأغلبية دأوقاتي عمرتهم بالخدمة و زيد و زيد .. لمهم مع الأيام ولا داك الصديق من الناس لقراب ليا و كانو ولادو حتى هما قراب ليا .. فاش مكنلقا ميدار كنمشي لعندو نسهرو و نتجمعو باش نسا و نبدل لجو 

آريا كتسمع ليه مركزة شافتو سكت مبغاتش تقجر عليه بقات ساكتة حتى هي خلاتو حتى نطق بوحدو مكمل كلامو : هاد الصديق كان عندو فولادو سمير و ياسين .. سمير هو لولد الصغير و ياسين لكبير 

آريا بحاليلا بدات كتفهم : و فينو ياسين ؟ 

أمجاد : مات فاش كانت عندو عشر سنين .. كان مريض بالقلب و صعيب اتداوا 

آريا بأسى : و صديقك لي قلتي ؟ 

أمجاد : فواحد لمهمة تكتاب عليه أنه اتصاب بالرصاص و فاش كان كيموت وصاني نهتم بعائلتو و نحطهم فعيني .. خلاهم عندي أمانة باش نرد ليهم لبال 

آريا تنهدات : شحال باش مات ؟ 

أمجاد مسح على راسو : اتكون شي تلت شهوور هاكاك باش مات .. فاش توفى كانت مرتو حاملة 

آريا : يعني ياقوت و سمير من عائلة صديقك ! .. و نتا تزوجتي ياقوت كأمانة عندك باش تحافظ عليهم و لكن سمير علاش متعلق بيك لهاد الدرجة 

أمجاد : من الأول فاش جمعاتنا الصدفة كنت عزيز عليه و من بعد موت باه زاد تعلق بيا هادشي لي كاين

آريا : يعني زواجك نتا و ياقوت زواج على لوراق؟

أمجاد هز راسو باه و سكت كيشوف قدامو حتى نطقات آريا : و ولادك علاش حرمتيهم منك و عطيتي وقتك غا لولاد الناس .. شنو ذنب داك التوينز مساكن .. كان عليك تفرق مابين لمشاكيل لي كيوقعو بين الآباء و تخلي لولاد فجيهة 

أمجاد تنهد كيسوط و عاض على فمو : فالعامين اللولا كنت حاقد مزيان و كاره كلشي و مباغي نسمع عليها حتى حاجة .. و لكن من بعد فاش دورتها فراسي لقيت بأن ولادي معندهم حتى دخل فهادشي .. كنت متبع أخبارهم دقيقة بدقيقة بلاما نعير اهتمامي ليها هي .. و فعلا مع لوقت نسيتها و عمرت راسي بالخدمة 

آريا بأسى : ولادك كانو محتاجين ليك بزاف تعذبات باش رباتهم و سهرات عليهم 

أمجاد زفر بإنفعال : حتى انا مكنتش عايش مزيان .. إلا هي تعذبات عليهم راه مكانتش بغاهم فالأول اصلا .. انا مضربتهاش على ايدها باش تولدهم 

جمع لوقفة كيترعد : آريا قلبي لموضوع مباغيش نهدر فهادشي 

ساط بعصبية عاد مشا داخل تحت أنضارها 

فالجيهة لخرى ..

خرجات من لمخفر كتسد جاكيطها حتى كتجي عينيها فعينيه .. هزات حاجبها بجدية عاد قربات لعندو : ياك عاد خرجتي من لحبس توحشتيه ؟ 

رياض متكي على طموبيلتها كيطلع و اهبط فيها : شبعتي تق*** فأمريكا ؟؟ 

خنزرات فيه مصدومة من وقاحتو : حيد من قدامي خاص نمشي .. حيييد بلامااا تشووف وجهي لخااايب 

رياض بعصبية : ممكن نفهم علاش مشيتي بلاما تقولي حتى شي حاجة ؟ 

شدى بسخرية : علاش شكون نتا لي كتحاسبني ؟؟ .. واقيلة نسيتي راسك معامن كتهدر .. ممسلياش لواحد بحالك حيد من قدامي عندي منقضي 

رياض هز حاجبو : صافي ها لقضية تسدات تقدري ترجعي عوتاني 

شدى : وي داكشي لي اندير و تعلم تدخل سوق راسك شوية 

مقدرش اتحكم فراسو بسرعة لبرق شدها من دراعها كيسوط : علااش كتهدري بحال هاكا ا شدى ؟؟؟؟ علاااش حتى لصقتي فعقلي عاد مشيتي بلا كلمة بلا جوج ! 

شدى تنترات منو مخرجة عينيها : ويااك تعاودها و يااك .. سيير قابل داك لوسخ لي كان عندك فدارك .. صراحة كنشمأز منك و على كدوبك طحتي من عيني

خنزرات فيه عاد ركبات طموبيلتها و زادت تحت نضرو خلاتو هاز حاجبو باغي افهم كلامها و والو ملقا حتى نتيجة 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.