بدرالدين بنفاد صبر : جمعي لوقفة نرجعك عند بااك .. و هادشي لي شفت بعيني مغاديش نسكت عليه
وقفات بإستغراب كتشوف فيه : شنو شفتي ؟
مقدرش اتحكم فراسو .. داك الساعة هز ايدو حتى لسما و نزل عليها كيفور و وجهو حمر مجات فين تقبل الصدمة حتى نزل عليها بتصرفيقة أخرى حارة لحنك لاخر حتى خلا ليها وجها حمر كيوزوز و الدموع كيطيحو بغزارة من عينيها
بدر الدين بالغوات : من ليوووم معمريي انتبعكك بااش نشووف داك لمنكر لي شفت قدام عينيي
تغريد شادة حناكها مصدومة : علااش كتضربني
بدرالدين بنفاد صبر هز رجلو ركلها شوية هبط لعندها كيعصي فيها بحال لوحش مقدرش اسكت و ادير موقع والو : مشمكرة ليااا القح*** و مخلياااهم اخورو فلحمككك كيف بغاااو ؟؟؟ شحااال من وااحد خليتي ادوز عليك هااا ؟؟؟ قوليي
شد شعرها غارس صباعو بعنف حتى هز راسها باش تشوف فيه .. لقاها مخلوعة كترعد : علاااااااش كتخليييهممم اقيصوووك علااااش ؟؟؟؟ علاااش وليتيي آخر ايامك شمكاارة و عاااهرة دلخلااا
تغريد مكمشة عينيها كتبكي : طلق منيي
بدرالدين بسخرية : نطلق منكك ؟؟
وقفها شادها من شعرها بعنف حتى لكوزينة : شفتي دااك لبلاصة لي فرحانة بيها انكوييك منهاا
بعصبية جلسها فارق ليها رجليها عاد بدا كيقلب فتحتها ناسي واش كاينة و مشايفش وجها لي رجع حمر من ماطيشة .. دهشرها و خلاها مبلوكية حتى كمل عاد جمع لوقفة كيتنهد براحة نوعا ما
تغريد جمعات رجليها كتعرق مقدراتش تشوف فيه حتى قفزها :تهزي دوشيي و خرجيي عنديي خااص نهدرو .. عندك نص ساعة تعطلي متلومي غا راسك من ليوم كاينة غا لعصا بااش تقادي ضسرتك حتى طلعتي فوق راسي
خنزر فيها و خرج خلاها كتدور فعينيها .. مزال الإحساس ديال صبعو كينبش فمنطقتها لحساسة مأثر عليها
داز لوقت ..
خرجات ملوية على راسها فوطة هي لي لقاتها فالحمام .. بقات كتمشى بالشوية كتدور فعينيها حتى قفزها : لبسي هاد لحوايج
شافت حوايج دلبنات محطوطين فوق الطبلة هزات حاجبها : كيجيو عندك ديما لبنات لهاد الدار !
خنزر فيها حتى بلعات ريقها عاد مشات هزات لحوايج كتدور فعينيها
مجوبهاش حتى حس بيها تلاحت عليه معنقاه بحال لمشة كتبكي و تنخصص .. تنهد جامد شحال عاد بادلها لعناق كيطبطب على ضهرها بهدوء و هي كتبكي حتى سكتات و نشفو دموعها
بدرالدين باس فوق راسها : مالك وليتي كتطيري من الطيور
تغريد بعدات كتمسح فدموعها : بصح ؟
بدرالدين هبط لشفايفها باسها مطول .. شوية جرها لعندو داخل معاها فقبلة شرسة و عنيفة و حتى هي بدلاتو نفس لقبلة و بنفس لوثيرة ناسيين راسهم
بدرالدين خاف على راسو اتهور بعد كيشوف فيها بشوق و حنين : اتعاودي هاد الضسارة ؟؟ هممم !
حركات راسها بلا : هنن نوو مبقيتش انديرها بروميس
بدرالدين : تغريد فراسك طلبت من عمي نتزوج بييك و وافق قالي إلا كانت بنتي مواقفة مبروك عليكم .. و دابا جات نوبتك واش تبغي تزوجي بياا و تكملي حياتك معايا ؟
كانت ناعسة مرتاحة حتى حلات عينيها مفزوعة على صوت التيليفون غا تلافتت هزاتو و قلبها كيضرب فالمية مخلوعة .. شافت رقم غريب ستغربات كتشوف فيه شحال عاد جوبات بصوت نعسان : الو !
قاطعها بقبلة عنيفة مسكتها من كلامها حتى تجاوبات معاه و تعانقو كيقبلو بعضياتهم بحب و شوق ناسيين لماضي و مخلين مشاعرهم لي تهدر و تعبر على حبهم لي تولد بلاما احسو معرفو بقيمتو حتى تفرقو و كلا شد طريقو
رجع لجو عند ثلوج بحال شي روتين بدات كتولف فالقرية و فرحانة حيت ولادها مستمتعين و لحاج مضسرهم كلا مرة فين غادي بييهم .. مرة اشوفو الأراضي الزراعية لي تماك .. مرة مركبهم على التراكتور مرة فوق لعودان و شي مرات كيلصقو ليه على لكلاب و لحمير .. بالسيف باش كيبغيو ارجعو لرياض كل عقلهم اخرجو على برة غا كيدخلو كتحما فيهم لبيضة داك الساعة .. كون ما صرامة ثلوج باش ميمرضوش بالشمس كون مرضو شحال هادا و لي عطا الله عطاه
على السطح ..
جالسين مجمعين شنو اوجدو مزال مواجدش لخطبة و شنو ناقص
زياد : اه و ماما اتلبس لقفطان و دير التاج بحال الأميرات ابابا هههه .. قالت ليها ماماتي حفصة اتباني عروسة زوينة
بلع ريقو مصدوم : وليداتي بلاتي و نهدر معاكم صافي .. ولا تسناو امتى هاد لخطبة
يزيد كيتفكر : بعد يومين ابابا
هز أمجاد راسو باه و قطع لابيل مكشكش و صدرو كيطلع و اهبط
فهاد الأثناء دخلات لعندهم ثلوج : ساليتو ؟
زياد و يزيد : بابا سول عليك
ثلوج بفضول : شنو قال ؟
زياد : قال فينها ماماكم
ثلوج بميوعة : امشي اقلب على لي باستو و عنقاتو عاد كيسول عليا
يزيد : سنو كتقولي اماما
ثلوج تنهدات : والو والو .. اجي ندوش ليكم اجيو
خرجاتهم دوشات ليهم كتضحك معاهم ناسية لعية و التسخسيخة لي كتجيها .. عاد لبساتهم و عطاتهم اياكلو فرحانة بيهم و كتحمدالله حيت نعم عليها بيهم .. دازو جميع أوقاتها كتشوف فسناء كتوجد فرحانة و غارقة ففرحتها .. تفكرات حتى هي خطبتها بيه كانت معبسة و معاجبها حال و مفرحاناش بحال بنت عمها .. لحضاتها دوزاتهم و هي عيانة غا هما لي كيوجدو ليها شغاتلبس و شنو تحط على وجها و شنو تلبس فرجلها .. أما لحاج ادور و ادور و اسولها واش كيعيط لييك حتى كتقول ليه لا عاد كيتهنى و اقلب الموضوع عاقد حواجبو و خايف بنتو تضيع منو عوتاني بحال خمس سنوات لي دازو
و أخيرا جا نهار لخطبة كلشي فرحان و مقداه فرحة و لي زاد كمل سعادتهم هو قدوم كريم من أمريكا
كملو كلامهم فرحانين كيسولو على لحال و الأحوار و كريم ممقصرش من جيهتو جاب معاه لغرق ديال لكادوات من أمريكا تكبيرا بعائلتو .. كيف كيقولو ناس دلقرية ريحة لخاريج ضروري اشموها .. غا سالا معاهم لهدرة طلع لبيتو زعفان و معصب مباغيش اجاوب على تصالاتها حتى زفر و جاوب على آخر تصال : شوفي اندى نجييك من لخر صبرت لهباالك بزااف .. و صااافييي ديري لي بغيتيي مسوقيش فييك عرفتي شنو ضربيي عليااا متعرفيني من عرفك تلاقينا خوت نتفارقو خووت .. و صافيي متشرحييش ليااا الله اعاون سالينااا
قطع عليها كينهج و صدرو كيطلع و اهبط عاد لاح التيليفون و خرج على برة اشوف شنو لجديد لي تبدل و لي متبدلش فالقرية
داز النهار و جات لعشية حتى طاح الظلام و ضربات تسعود دالليل ..صوت لموسيقى كيتعالا و شي داخل خارج بالتكاشط و الذهوبات كتشاير .. كلشي فرحان و مقداه فرحة و على رأسهم سناء لي كون لقات الجناوح كون طارت هادشي كتبينو غا قدام عائلتها أما عصام منفخة عليه و دايرة راسها غا حيت بقاو فيها واليديه اتقبل بالخطبة و الزواج .. أما قلبها راه كيشطح من لفرحة
خرجات ثلوج هازة قفطانها و لعكب فرجلها و شعرها مطول على طولتو مع مكياج مناسب للبيسة .. وتاها لون دقفطان فالبوردو و مع بشرتها سميمرة جات هي هاديك معاه .. هبطات لتحت كتشوف شنو ناقص معاهم و دور تسلم على لعائلة بالضحكة الصفرة باش متبينش ليهم تعاستها .. قلبات على ولادها بعينيها بانو ليها لابسين كوسيتامات فرحانين بيهم بغات تحماق عليهم مطلقاتهم حتى شبعاتهم بوسان و تصاور عاد خلاتهم العبو مع ولاد لعائلة و مرة مرة امشيو عند حنان خالتهم لي شادة ليهم لخاطر و فينما اتشهاو شي حاجة اتبوحطو عليها حتى تجيبها ليهم .
فبيتها كتقاد آخر اللمسات و كتسمع فالدقايقية منوضين حالة عرفات اتكون عائلة لعريس جاات .. بتاسمات لراسها كتشوف فيه فرحانة يله بغات تخرج شافت فالتيليفون كيصوني ليها و لعشرة هادي مموالفش اصوني مع هاد لوقت .. ميلات شفايفها و جوبات : شنوو ؟؟؟
قطعات مخلوعة عاد خرجات من بيتها كتجر فجلايلها و قلبها كيضرب فالمية .. فطريقها تلاقات لحاج بالجلباب و الطربوش فوق راسو كيشعل بالنقا
لحاج مصغر عينيه : فين غادة ؟؟؟
ثلوج كتصفار و تخضار : انشوف سناء واش نقصاها شي حاجة .. هاني مشيت
و تخطاتو كتندب فحناكها حتى سلتات و طلعات لسطح سادة موراها لباب غا تلافتت بان ليها متكي على ضهرو كيدندن .. خرجات عينيها و مشات قصداه تحت ضوء لقمر فقط لي ساطع هاد الليلة
وقفات فوق راسو حاطة ايدها على فمها : شكاادير هناا الموصيبة ؟؟
أمجاد تقاد فالجلسة كتمايل بثثاقل : و فييين اااحووباااي
أمجاد صعر باغي اهدر و هي كتطلب فيه بعينيها و تبوس فيه بااش اتلاها و اسكت : صافيي ابابا الله اهديك انا عريااانة اويليي .. و غا صوت التيفي راني هدرت .. كتعطلني هااكة نلبس و نخرج عند الناس
لحاج هز حاجبو بتشكيك : ياك كنتي لابسة ؟؟؟؟
ثلوج بنفاد صبر : لحااج وااش بغيتي نعيط على حفصة ؟
لحاج : هاهو غادي صافي سكتي .. و متعطليش هاني كنعلمك .. و لكن بلاتي هاد الصوت مألوف عندي
عنقاتو مزيرة عليه و ايديها كيلعبو فشعرو شوية هبطات راسها كتبوس فيه بحنان حتى بان ليها نعس عاد رتاحت لايدير ليها شي شوهة عوتانيي .. بقات ساهية كتشوف فيه حتى نطق بصوت نعسان : علاش حبستي من لبوسان ؟
ثلوج هزات حاجبها : ياك نعستي زعما ؟
أمجاد بصوت نعسان : بقاي تحكي ليا ضهري
تنهدات كتدير ليه شنو باغي و متبعة ملامحو ساهية فيهم على خاطرها بحاليلا كتعاود تحفظهم من جديد
فالصالون ..
تحت أصوات لموسيقى و الشطيح و الذهوبات كيتشايرو جالسة سناء بقفطان متول كيحمق و تصميمو عصري جا مع فورمتها و برز ملامحها كتر بسبب تناسق لونو مع بشرتها .. تلافتت بعفوية لقاتو كيشوف فيها داك الساعة قلبات عينيها و رجعات كتشوف قدامها
عصام تقاد فالجلسة مرزن و عينيه على واليديه فرحانين و ناشطين مع لجو : الطبيعة عندكم زوينة هناا
سناء : احم .. . إلا كنتي كتبزز على راسك هاد لخطبة بلاش
عصام بفضول : كيفاش حتى هاديك لمرة شافوني واليديك و قلتي ليهم خطيبي ! مفهمتش هاد لبلان
سناء كتدور فعينيها بتوتر : لبلان هو .. هو .. هو
عصام هز حاجبو : اتبقااي كتفتفيي .. هدري مقااد
سناء بميوعة : نقوليك و بلاما تحس براسك بزاف
عصام جابت ليه الضحكة : اوكي الآلة .. كنسمعك ليك
سناء : واحد لمرة كنت كندور فالأنسطا و طلعتي ليا بالصدفة .. ياك
و سكتات كتفرك فإيديها حتى نطق هاز حاجبو : اهااه كملي
سناء : ممم عجبوني تصاورك و صافي
عصام : عجبتك انا ولا تصاوري !
سناء دورات وجها حابسة الضحكة : لمهم درت ليك متابعة و بقيت كنراقب لسطوري ديالك و داكشي .. و بالضحك بقيت كنقول لبنات راني تخطبت من هادا و هما مكيتيقوش كيقولولي كيفاش حتى تعرفتي عليه
عصام بدا كيضحك مصدوم : هادشي كامل ! .. اهاه كملي
سناء : اممم و دارنا قلت ليهم هاد لبلان باش ميزوجونيش حيت بغاو واحد لعريس جا بغا اخطبني و لكن انا مبغيتش
هز حاجبو كيشوف فيها كيفاش كتهدر : علاش مبغيتيش ؟
سناء هزات كتافها : ماشي النوع لي كيعجبني
عصام : ممم بغيتي تقولي انا هو لي كنعجبك
سناء بميوعة : اوا صافي قلت لييك متحسش براسك بزااف
عصام : زوينة عندك هاد لكدبة هاهيا ولات بصح
سناء بفضول : اجي فاش خدام
عصام : تبقا بيناتنا ؟
سناء : أكيد مالي بنت ليك برگاگة
عصام باستغراب : شناهيا برگاگة ! .. لمهم حالياا خدام فالمخابرات الأمريكية انا و أمجاد
هبطو من الدروج راجعين لصالون كيوشوشو .. سناء دغيا عرفات تلعبها عليه و خلاتو انجادب ليها لدرجة كلا شوية كيدور لعندها اخبر ليها فودنها بعفوية
سناء : ششش حشومة الناس كيشوفو فيناا
عصام هز كتفو : ماسوقيش انا كنعرفك غا نتيي
سناء بميوعة : ممم .. مبقيتيش مزعوط فبنت عمي زعما
عصام : بنت عمك عرفت لحب لي بينها و بين طليقها .. كيبغيو بعضياتهم خاص نعطيوهم فرصة اولا ؟
سناء بإبتسامة : ااه عندك لحق
عصام غمزها مع ضحيكة خفيفة : و حنا ؟
بلعات ريقها كتشوف فيه : شش .. شش شنوو ؟؟
عصام : منعطيوش لراسنا فرصة ؟ هممم
تلافتت لجيهة لخرى كتضحك مخلياه كيفرنس و هو كيشوف قدامو
على لباب كتدق و تعاود : ثلووج ثلوووج مااالك اااش واقع
ثلوج بصوت نعسان : ماما عياانة .. بغيت غا نعس
حفصة خرجات عينيها : كك .. كيفاش تنعسي و ضياف لعائلة كاملة كتسول عليك
ثلوج : راه سلمت عليهم كلهم .. بليز بغيت غا نعس
حفصة تنهدات : يكما عيانة بزاف ؟
ثلوج : لا خاص غا نعس باش نرتاح من لعيا
حفصة : كون غا حاولتي ابنتيي .. سناء و عصام كيركبو فالخواتم و كلشي كيتصور فرحان و ولادك دايرين الشوهة بالتشيطين ديالهم .. حاولي تجي ابنتيي
ثلوج : مفياش اماما والله
و هبطات راسها مرجعاه لمخدة كتشوف فيه ناعس على كرشو و شعرو مشعكك بكترة ما لعبات فيه .. طولات فيه الشوفة مع ابتسامة شوية قربات و باستو ففمو عاد رجعات تقادت فبلاصتها ناعسة حتى هي .. اصلا كانت عيانة و جاتها على لگانة تنعس .. مؤخرا ولات كتبغي فينما اكون عندها شي وقيت تستاغلو فالنعاس
صبح الصباح بنهار جديد ..
كانت ناعسة بهدوء حتى كتقفز على لباب لي تفرع .. ناضت من بلاصتها مخلوعة و مخرجة عينيها .. غا شافتهم قدامها مصدومين زادت خرجات عينيها
بصعوبة بااش نطقات : ب ب با با ! .. م ماما !
خرج لحاج زادح لباب كيسوط و ملامح وجهو مكتبشرش بالخير .. أما حفصة بقات واقفة مدهشرة
ثلوج : ماما انشرح لييك
حفصة حطات ايدها على فمها كتشوف فأمجاد ناعس مجايب لدنيا خبار و بنتها حداه و ففراش واحد : هادي هي تربيتي ابنتيي ؟؟ هاااكة جازيتيني !! تبركالله علييك .. و انا كنقول علاش لبنت محضراتش لخطبة ديال بنت عمها .. لبارح كلشي بقا كيسول عليك و ولادك ادورو و ارجعو اعيطو عليك غا حنان لي لاهاتهم .. صافي هادشي لي خرج منككك ؟؟؟ عيييب عيييب علييك صدمتيني فييك ابنتيي .. تهزيي من تماااك و فيقي هاداك لي حدااه و يلله لصالون
خنزرات فيها و خرجات خلاتها كتبلع فريقها مخلوعة شوية تلافتت لعند أمجاد لي ناعس : نوووض خرجتيي علياا نوووض
بدات كتمخد فيه حتى حل عينو مقوس حاجبو و مخنزر : شنوو ؟؟
بغات تجاوبو قفزات على صوت باها لي جاي من الوسعة دالرياض : ثلوووووووووج خررررجيييي لعننندييييي .. و دااااباااا
بلعات ريقها كتندب .. داك الساعة وقفات عليه كتنگر باش البس حوايجو و مع صبحات طالعة ليه فرع ليها مخها عا. لبس حوايجو .. حتى تهنات من جيهتو عاد لبسات عليها بيجامة دالدار و خرجاتو جراه كيتمختر ليها
أمجاد هاز حاجبو : فين غادة بيا؟
ثلوج كتسوط : لحمام غسل وجهك باش تفييق
فطريقها تلاقات ولادها جايين ببيجامة دالنعاس كيحكو فعينيهم غا شافو باهم جاو كيجيرو فرحانين داك الساعة تلاحو عليه كيعنقو و ابوسو بحماس
أمجاد مبتاسم : فين كنتو ؟
يزيد : عند خالتو حنان
أمجاد تلافت لعند ثلوج : ختك كاينة هنا
ثلوج شدات راسها : راه خطبة بنت عمنا ضروري تحضر .. يله ديير شنو قلت لييك
شافت فولادها : خليو باباكم اغسل حالتو
جراتو من حدا ولادو حتى لحمام دخلاتو و سدات لباب كتسوط و معرفاش شنو اتقول فاش تشوف واليديها
أمجاد حل لباب و خرج كيمسح وجهو ففوطة : هاني غسلت و من بعد
خنزرات فيه بعصبية و دخلات غسلات كمارتها و مسحات كاع لمكياج لي كانت دايرة بمناسبة لخطبة و من حضها تزوقت على والو فالأخير محضرات لحتى حاجة .. كملات تطراف حالتها عاد خرجات لقاتو كيضحك مع ولادو ضاربين الدنيا بركلة .. تفقصات و مشات جراتو عوتاني من دراعو كتسوط و هو مقوس حاجبو مفاهم والو
أمجاد : فين عوتاني
وقفات كتسوط عاد علات عينيها لعندو : كنقول ليك الحاج شافك عندي فالبيت وااش عارف شنو لمعنى دهادشي ولا لا .. بلاما تحمقنيي كتر ما غادي نحماق
حنان : أزار مجايش دابا حتى لعشية عاد ايجي اديني .. خااص تديباني دابا من عند كريم راه ايجيوك حوايجوو و دي ثلوج لطبيب
أمجاد هز راسو باه و هو كلو حماس : صافي اختي .. ديري لي بان ليك مناسب
هزات راسها باه عاد مشات لعند كريم تفيقو باش اعطيها شي حوايج ديالو .. بينما أمجاد مشا لعند ثلوج لقاها متكية فوق الناموسية كتبكي و طايح عليها الضيم يله جا احزرها حس بخيال شي واحد تلافت بعفوية لقاه لحاج عاقد حواجبو و ناوي على خزيت
سايس معاه حتى خرجو على برة وسط الوسعة دالرياض عاد جلسو كلا واحد مقابل مع لاخر و لحاج مدور وجهو كيسوط و حجبانو معقودين شوية و اطرطق
أمجاد بجدية : لحاج بنتك بغيت نتزوجها ليووم .. مكاين لاش نطولو انا باغي بنتك ترجع مراتيي و منقدرش نكمل بلا بيهاا
لحاج بعصبية : كون فعلا باغييها علاش طلقتيها و نسيتي ولادك ؟؟؟؟
أمجاد مسح على راسو : وقعو شي مشاكيل كان لفراق هو لحل و فعلا انا كنعتارف بأنه ضيعت ولادي بزااف .. و هادشي كيعدبني و لكن كنحلف ليك أنه فاش عرفت غلطي مور عامين بعد طلاقنا .. وليت متبع أخبار ولادي و كلشي عليهم كنعرفو .. و كنوصي لواليد ديالي اتكلف و اقوم بالواجب
لحاج مخنزر : و علاش داكشي متديروش نتا ؟؟!
أمجاد مسح على راسو : لحاج شنو إحساسك إلا مراتك قالت ليك مباغاش هاد الدراري نحمل بيهم و خبات عليك كاع و كانت ناوية تجهض .. تفهم موقفيي عاارف راسي غالط و لكن حط راسك فبلاصتي إلا كانت تعذبات انا راه تعذبت الضوبل .. قرار لفراق مكانش ساهل علياا مجيتش و ختاريتو
لحاج كيشوف فيه بنص عين : دابا من لخر شنو ؟
أمجاد :باغي بنتك ترجع مراتيي .. و دابا ناوي نديها لطبيب و من بعد ندوزو لمحكمة كاع لوراق موجدهم و عندي لموافقة .. لمهم لي سبقنا مزيان سوا الطبيب سوا لمحكمة
لحاج هز حاجبو : موافقة ديالاش !؟
أمجاد مسح على راسو : شي حاجة كتعلق بالخدمة
لحاج صغر عينيه بسخرية : على مال لخدمة ! .. علاش الشركات ديالك خاص اعطيوك لموافقة ولا لفيلات دياولك
أمجاد حابس الضحكة : لموافقة من الإستخبارات
لحاج : كيفاش زعما !
أمجاد : هادشي ابقا بيناتنا
لحاج كيدور فعينيه : كون هانيي
أمجاد : خدام مع الإستخبارات
لحاج وسع عينيه : بغيتي تقول مخزني .. وااش بحال هاداك لي كيكون فالقيادة ؟! ولا لجماعة يااك هي نيت ياك
أمجاد موسع عينيه : واات !!
لحاج هز حاجبو : و شنو نتا ماشي مخزنيي
أمجاد مسح على راسو بنفاد صبر : بحال داكشيي .. دابا قول لبنتك باش تمشي معايا نتزوجو
لحاج هز حاجبو : و صداقها و داكشي
أمجاد : كلشي ضارب ليه حسابو الحاج الله اهديك
لحاج بميوعة : و لكن انا مزال مموافق تزوج بنتيي .. معاطيهاش لييك .. اجي متقدرش تدخل واحد ولد ختي لمخزن ؟ عسكري لا بغيتي زعما ؟؟
أمجاد حابس الضحكة : شحال عندو ؟
لحاج : شي 22 عاام قرا حد لباك و مجابش الله
أمجاد : اوا صافي ادخل لبوليس خاصو غا يخدم لكونكور ديالهم اجيب الكتابي و لبسيكو و الشفاوي صحيح راه مزيان .. من بعد ايعيطو ليه لسطاج كيدوز ست شهور قراية و براتيك من بعد كيخدم عااديي
لحاج : مممم السطاج ! احرثو عليه فابور ؟
أمجاد موسع خاطرو بزز : لا راه كيتخلصو فييه بحال كيف كيتخلصو فاش كيكملو السطااج .. معلينا حتى لمن بعد و عطيه ليا نهدر معاه و نفهمو
لحاج كيفكر : و واحد جوج دراري آخرين من لفاميلة حتى هما لا بغيتي زعما
لحاج بميوعة كيسوط : ممم مريضة .. الله اعطيكم .. خليني ساكت غا جيتيني من لمخزن
داز لوقت ..
جالس فالطموبيل ديالو لي جا بيها لبارح و حداه ثلوج لقدام و لور جالس لحاج و كريم باش اشهدو ليهم .. كسيرا فرحان للمدينة و مرة مرة كيشوف لعند ثلوج لي جالسة سخفانة و غا ساهية شوية قفزاتو : وقااااف .. وقاااف
فرانة مخلوع عاد حلات لباب و نزلات كتنهج نيشان هبطات راسها لأرض كتستفرغ و كتهلت حتى وقف عليها بقرعة دلما فإيدو مخلوع .. كان مبدل ولابس حوايج كريم
أمجاد جامع ليها شعرها للور و هي كتستفرغ و تبكي حتى كملات عاد غسل ليها وجها و هي كتسوط مرضياش اشوفها فهاد لحالة
ثلوج كتنخصص : بعد منيي نتااا لي درتيي ليا هادشيي دعيتك لله
يله دورها باش تركب رجعات كتستفرغ غادي تلوح مصارنها و جسمها كامل كيترعد عاد عاود معاها نفس لحوايج حتى تهدات و بدات كتنفس بهدوء
لحاج بميوعة كيطل عليهم : اوا صاافييي تشووهت بصحتيي ... آخر أيامي وليت شووهة
كريم غا كيشوف حابس الضحكة و ساكت
طلعها أمجاد عاقد حواجبو و معاجبوش حالها عاد دار لجيهة لخرى ركبها عاد ركب و كسيرا عوتاني .. طول الطريق كتوقفو باش تهبط تستفرغ و لي كيزيد اكمل عليها هو لموقف لي محطوطة فيه قدامو .. مكترضاش اشوفها فهاد لحالة كلا شوية تبكي و تنخصص حتى وصلو لمدينة و بالضبط قدام لمحكمة
أمجاد تلافت لعندها موسع خاطرو عاد نزل و دار لعندها حل عليها لباب .. فهاد الأثناء هبط حتى كريم و لحاج نيشان لعند لعدول لقاو نوبتهم كتسناهم .. دخلو داك الساعة تزوج بيها و قاد أمورو عاد خرج محاوط خصرها و لاكط فإيدو فرحان
ثلوج محاساش بشنو واقع و مفرحانا لوالو الردان و السخفة لعبو عليها مزيان معرفاتش امتى ركب بيها غا بوحدهم مخلي لحاج و كريم غا كيشوفو فالأخير خداو طاكسي على قلبهم و مشاو لقرية
ثلوج مخسرة سيفتها : متهدرش معايا ريحتك خانزة سسكتت كتجيبب ليا الردة ... و هاد الزواج لي غا زربتي عليا كيف درتي ليها
أمجاد : علاه من نيتك ناوية نتسنااك حتى توافقيي .. طولنا خااص نتزوجو و هاحنا تزوجناا
ثلوج كتنخصص : بغيت ولاديي
أمجاد : غادي نجيبهم ليك غا سكتي
تلافت قدامو كيسوط و حجبانو معقودين عارف راسو معندو زهر تقاد من جيه تعواج من جيهة خرا ..موقف بطموبيلتو حتى لعند عيادة ديال طبيبة نسائية داك الساعة هبطها داير معاها لخاطر و هي كتنگر
تلافت موسع عينيه كيضحك حتى بانت ليه جاية كتهبط فحوايجها عاد جلسات حداه كتسوط
أمجاد : معاجبكش لحال ؟
ثلوج كتبكي : غا هاد النهار و شوف شنو وقع ليا اعلام الله كيف اتدوز هاد الشهورة دلحمل
الطبيبة بلطافة : متخافيش انوصف ليك شي فيتامينات تبعيهم و عطي لراسك الراحة ..و بالنسبة ليك اسيدي خاص تفهمها لمرأة لحامل جد حساسة متديرش راسك فيها
أمجاد هز راسو باه : ضروري
خدا من عند الطبيبة شنو خاص اشري و سمع كاع التعليمات لي قالت ليه عاد خرجها نيشان لطموبيل جلسها كتبكي و الدوخة قتلاها عرف هاد لوحم ايعذبها و اشيبو معاها
كسيرا كيتنهد نيشان للفيلة لي كانت ساكنة فيها و لي كاتب فسميتها ... طول الطريق و هي مغمضة عينيها كتنفس بهدوء حتى حسات بيه شد ايدها كيبوس فصبيعاتها فرحان
حلات عينيها بثثاقل كتشوف فيه : بصح تزوجنا ؟
هز راسو باه مع إبتسامة خفيفة : مبروك عليناا
ثلوج : و بصح حاملة عوتاني ؟
هز راسو باه من جديد : ااه و مزال اتحملي مرة خرا .. كلما كانو عندنا لولاد كلما عائلتنا الصغيرة اتكبر شوية بشوية
ثلوج شادة فمها : عمري باقي نحمل هننن
أمجاد مصغر عينيه : ماشي لخاطرك الآلة
ثلوج بميوعة مخسرة ملامح وجها : دابا شنو تزوجتي بيا لا عرس لا حفلة لا والو .. غمقتي عليا حيت شفتيني مريضة
أمجاد تنهد : تولي صحتك مزيان و نديرو حفلة .. اصلا لبرازيلية مغاديش تخلينا بلاش و لا بغيتي لعرس كاع نديروه شنو خاسرين حنا هممم ؟
ثلوج بتعب : مبغيت والو انا بغيت غا نصح
و هبطات راسها كتبكي ندماتو حتى حملها كاع
فالجيهة لخرى..
هبطات لتحت كتدور فعينيها عليه حتى قشعاتو داخل مع لباب داك الساعة عقدات حواجبها و مشات لعندو : فيين كنتيي ؟
جالسة فالصالون بوحدها وسط لفيلة بشورط دالنعاس و لفوقاني ديالو كتسنااه ادخل مع لباب
شافت فالوقت كتنهد و ايدها محطوطة على كرشها : فيين تعطل هادا مزال مغادي اجيب زياد و يزيد
جمعات لوقفة كتفرك فإيديها شوية جمعات لوقفة كتفكر حتى حسات على راسها و طلعات للفوق بخطوات سريعة .. شافت راسها فالمرايا مع ابتسامة عاضة على شفايفها عاد سرات معاها رجعات مراتو و على سميتو .. طولات الشوفة فكرشها فرحانة بالحمل واخة معولة ايعذبها و لكن خاص تصبر معندهاش حل آخر
بإبتسامة جبدات لمكياج كتقاد فوجها و ترش فعطرها فرحانة .. دارت على حالتها كاملة تهلات فيها عاد هبطات ببانطوفة فيها ودينات و شعرها مجموع لفوق كتبان كيوت و واتاها لحمل من دابا طاح عليها السر .. مجات فين تدخل لصالون عوتاني حتى سمعات لباب تحل عاد دخل جار لولاد فإيدو كيضحك معاهم و هما فرحانين كينقزو
ثلوج : وينووو حبيباتيي جااو
تعرضات ليهم باغا تعنقهم حتى كتحس بيه جرها من دراعها مزير عليها : طلعيي بدليي هاد اللبسة
ثلوج موسعة عينيها : مال الشورط و الدوني !!
أمجاد عاض على سنانو : رانيي هدررت .. اخر مرة تلبسي قدام ولادك هاد جوج شراوط
ثلوج : حماقيتيي؟؟
أمجاد بحدة : طيري من قدامييي يللله
ميلات شفايفها حابسة لبكية عاد طلعات خلاتو ملاهي مع ولادو كيشرح ليهم : ماماكم مخاصش تلبس هاكة قدامكم صافي ؟.. حشومة نتوما كبار و دراري زوينين
أمجاد جرها من خصرها لطبلة : شنو درتي لياا ..مفيك حتى حاجة زوينة باش نطيح فيك
خرجات عينيها مصدومة داك الساعة بغات تنتر وهو كيضحك شاد فيها : غا كنضحك احبيبة والله .. صافيي بردي برديي اتقتلي لينا لبيبي ديالناا
ثلوج تنترات منو : صافييي سير عند شي وحدة حسن منيي
جرها كيبوس فيها : نتي حسن منهم كلهم احبيبة
ميلات شفايفها : مممم حلف ؟
شد ايديها كيبوس فصبيعاتها : نتيي راك طرف من قلبيي عاد مزال كتسوليي
ثلوج عنقاتو كتخبر لييه بهمس : كنبغييك فراسك
زياد و يزيد موسعين عينيهم فيهم : مالكم ؟
أمجاد بتاسم : والو بقااو حاضييناا
جلسها بهدوء عاد جلس : شوية و اوصل لعشاا .. من غدا اتجي خدامة تولي تعاونك .. مخاصش تبقااي تهزي شي حاجة ثقيلة ولا تهلكي راسك من ليوم كاينة غا الراحة ثم الراحة .. مفهووم؟
ثلوج هزات راسها باه : خايف على ولدك ولا عليا
أمجاد : شبان ليك زعما ؟
ميلات شفايفها : كنظن على لبيبي
قرصها فخدها بلطف : كنخاف على حبيبة ديالي هي لولا
ثلوج بإبتسامة خفية : مممم ثقت
صونا لباب عاد جمع لوقفة خدا الساشيات و دخل لعندهم حط داكشي بعدما ستفو و قام بكلشي مخلاها دير والو يكفي أنه فرحان بعائلتو الصغيرة و مقداه فرحة بالخبر دلحمل
أمجاد : يلله كولو
بداو كياكلو عاد جلس كيوكل فثلوج و هي كتفشش عليه دايرة السبة بالحمل .. شوية خلاها كتاكل بوحدها بينما هو شاد التيليفون كيخنشش فيه
هزات حاجبها كتشوف فيه شوية كمشات فمها و الشك كياكل فيها : معامن كتهدر ؟
أمجاد شاف فيها بنص عين : بلاتي نقاد واحد لبلان
ثلوج : كتهدر مع ياقوت ؟؟
أمجاد مركز مع التيليفون : ياقوت مشات لبلادها و رجالي لي ايتكلفو بحمايتها .. انا خرجت السووق كوني هانية احبيبة بلاما تغيري
ثلوج بميوعة : مكنغيرش
هز عينو لعندها كيضحك شوية رجع ركز مع التيليفون حتى كمل عاد حطو كيتنهد براحة : صافي من ليوم مبقا لا أنسطا ولا زعتر
وسعات عينيها مصدومة : كك كيفاش !!
أمجاد جمع لوقفة : كيف سمعتي .. نسااي شي حاجة سميتها الأنسطا و لعراا
أول حاجة دارها هي سد لباب دلبيت باش ميتسمعش الصداع عاد رجع لعندها : أناا راااجلك امداام و من طبعيي مغاديش نبغيي مراتيي ناشرة زينها فدااك لخرااا و لفتي لعراا .. ولكن دابا نساايه كااين غا انا و صافيي
ثلوج : صافيي مبقيتش باغا نتزوج بييك .. نطلقو و سير تحكم فشي وحدة أخرى
خرج عينيه فيها مصدوم شوية زفر و خرج من لبيت كااع كيسوط خلاها كتاكل فإيديها كتبكي و تلوم فراسها اش داها تهدر ..شوية دفعات كبير هازة كتافها عاد مشات تخشات فالفراش كتقلب على النعاس و والو .. عيات التقلب فالأخير جمعات لوقفة كتنهد بتدمر .. داك الساعة خرجات من لبيت كتقلب عليه بعينيها حتى هبطات لتحت عاد قشعاتو ناعس فوق لكنبااي .. ميلات شفايفها متوترة و هي غادة لعندو
أمجاد حس بشي خيال فوق راسو حل عينيه لقاها هي نفسها كتنخصص قدامو : مالك ؟
عقد حواجبو كيشوف فيها مغوبش : اهااه مع كلشيي ؟؟ و انا ! كتعاملي معايا كيف كتعاملي مع كلشي؟
قطعاتو ببوسة : لا نتاا راك راجلي و بابات ولادي و لبيبي لي جااي .. نتا راك حياتيي احبيبي .. كنبغييك بزاف بزاف
أمجاد الضحكة خارجة من عينيه : كون تعرفي انا شحال كنبغييك
ثلوج تبدلو ملامحها : و خدمتك ؟
أمجاد تنهد : اش بان ليك نعيشو فأمريكا ؟؟ هاكة اتبقاي قريبة ليا .. هادا هو لحل خاص نصبرو و الدومين ديالي كيبغي الصبر
سكتات كتشوف فيه و عينيها مدمعين : واش مغاديش نبقا كنشوفك بزاف ؟
أمجاد : لا انشوفك و لكن إلا بقيتي فالمغرب .. صعيب عليا نمشي و نجي شحال قدني ضروري انبغي مراتي و ولادي حدايا .. واش مباغاش تمشي لأمريكا ؟
ثلوج سهات كتفكر : و لعائلة ؟.. و فاش اتقرب ولادتي كيف اندير ليها
أمجاد : إلا بغاو امشيو عائلتك مرحبا بيهم .. أصلا فالدار اتكون معاك ممرضة اتقابلك فاش منكونش حيت هاد لفترة دلحمل بلاما تقولي ليا خدمة ولا شي حاجة .. راحتك هي اللولا حتى تولدي و تصحي عاد خدمي لا بغيتيي
ثلوج : ولكن أنا خدمتي هناا
أمجاد : كاين حل زويين .. فالصداق ديالك كتبت ليك لمطعم ديالي لي فأمريكا اش بان ليك تبقاي وقف لفراغ تدوزي النهار تماك و الدراري ادخلو اقراو فشي ايكول تماك اشدو لعربية و اللغة نيت
ثلوج : علاش كينين شي ايكول كيقريو لعربية ؟
أمجاد هز راسو باه : كاينين كوني هانية من هاد الناحية
أمجاد تنهد : اتشوفيهم ابيل فيديو .. و مرة مرة نجيو عندهم و لا امشيو لعندنا راه كنشد كونجيات ماشي ديما خدام
ثلوج باستغراب : كيفااش كتقدر تفرق بين هنا و هنا
أمجاد : كوني رجل أعمال قدام الناس راه عندي مستشار مهتم ليا بهادشي انا كنحضر غا لمؤتمرات لا شي ندوة و الإجتماعات قليل .. أما خدمتي لاخرة لي مركز عليهاا و على لمختبر لي عنديي .. اوديي هاد لعقل شي نهار اتفرگع
ثلوج بإفتخار : فراسك برافو عليك كنحييك .. هادشي كامل و مكتبين والو غا عاقد حواجبك
شاف فيها كيضحك : يااك .. سمحي ليا الكبيدة كنت كنضربك و لكن اتعواجي معايا انضربك مكينش حل
ميلات شفايفها كتسوط : بديتي عوتانيي
أمجاد : اجي النعسو اجيي
جرها كيهر فيها و ايديه خدامين كيحيدو ليها فالكسوة حتى لقاو راسهم عراينين بجوج كيعيشو فالعالم ديالهم ناسيين لماضي و راميينو لوور .. حبهم كيبقا قوة من هادشي كامل ... بقاو هاكاك كيعيشو بحب حتى لصباح عاد نعسو مهدودين و مخشيين فبعضياتهم بسعادة و اخيرا تجمعو تحت سقف واحد و وسط فراش واحد
صبح الصباح بنهار جديد ..
سطعات الشمس فبيتهم .. كيبانو بجوج ناعسين كاو مجايبين لدنيا خبار .. وسط هدوءهم صونا ليها التيليفون حلات عينيها مكمشاهم عاد تفكرات ليلة لبارح و شحال كانو مستمتعين وسط عالمهم .. تلافتت بعفوية لعند تيليفونها هزاتو كتشوف فالرقم غريب عليها
جوبات بفضول : الوو
_ثلوج ياك ؟ أحم انا ندى صباح الخير
ثلوج : اهلان ندى صباح النور .. نهار كبير هادا صونيتي ليا
ندى بإحراج : بغيت نهدر معاك فواحد لموضوع .. مكانتش عندي نمرتك خديتها غا من عند ماما
ثلوج : ياك لباس اشمن موضوع !
تلافتت لعند أمجاد لي كيتحرك حطات ايدها على شعرو كتلعب فيه و تبوس بحنان كتسمع لصوت ندى لي كترعد : بغيتك تهدري مع كريم .. نتي بنت عمو ايسمع منكك
بتاسمات ندى كتشوف لحب فعينين مرات خوها : الله اخليكم لبعضياتكمم.. أحسن حاجة درتوها هي رجعتو لبعضياتكم خوياا كان كيتعذب بلا بييك .. متخايليش شحال كيبغييك باينة فعينيه
ثلوج فرحانة : حتى انا كنبغييه .. ليوم بالليل انتجمعو فالقصر عندكمم نعلمو باقي لعائلة و نحتافلو بزواجنا مزال مدرنا والو .. و نعلن على خبر حملي
ندى موسعة عينيها : حاملة ؟
هزات ثلوج راسها باه : لعقوبة لييك
ندى بأسى : أمين
سمعو الصونيط فالباب حتى بانت ليهم لخدامة لي وصى عليها أمجاد غادة تحل .. شوية بان ليهم كريم داخل بحوايج سبور و لكاسكيط فوق راسو
ثلوج جمعات لوقفة : مرحبا بييك
سلمات عليه : صافا ؟؟
كريم عينو على ندى : شوية .. علاش بغيتيني
ثلوج غمزاتو : اجي فطر معانا
جراتو اجلس عاد تقادت فالوقفة : أحم انمشي نشوف لخدامة شنو اتوجد لغدا ..بقاو نتوما هنا خودو راحتكمم
و مشات مخلياهم الراس فالراس
كريم جبد تيليفونو ممسوقش كيخنشش فيه و ندى كتشوف فيه بتدمر شداها لبكية شوية هبطات راسها وسط ايديها
كريم كيسوط : علاش كتبكيي دابا مفهمتش ؟؟
ندى مجوباتوش بقات غا كتبكي حتى زفر بعصبية : صافيي سكتيي من لبكاا .. اجي عندي اجيي
ندى كتبكي : و الله حتى كنت دايرة معاهم غا بااش اخططو معايا لعيد ميلادك صافي
كريم بسخرية : وااش كنبان ليك دري صغير ولا شنوو ؟؟ أصلا نتيي مبغاش تستقليي كون كنتي ناوية كون تزوجنا شحال هادا و أنا عيت بغيت ندير داري و مراتيي إلا عاجبك التسركيل بلا زواج انا خليتو لييك .. حتى نشوف لي باغا لمعقول أما نتي باين ليا محال باغاه
خرجات عينيها مصدومة من كلامو : هادشي كامل مخبيه فخاطرك اكريم ! ! حتى لهاد الدرجة ؟
كريم دور وجهو كيسوط : راني هدرت و قلت لي عندي
جمعات لوقفة كترعد فالأخير مشات من حداه مخلياه كيشوف حتى صعر و تبعها كيجري عنقها كيسايس معاها
ندى كتبكي : ملي باغي تزوج قولهاا لااش كتلقا السبة
كريم كيعنق فيها : لا لا .. انا باغييك نتي .. منقدرش نتزوج بوحدة أخرى غانتي الله اهديك منوياش على الزواج .. راه كنبقا رااجل و انحتاج مرأة فحياتي علاش مباغاش تفهميي
ندى كتبكي : لا صافي ملي قلتي هاكة يعني كنتي ناوي على الزواج و باغي تفك منيي .. صافيي سير تزوج انبعد عليك و عمرك تشوف وجهي
عنقها كيبوس فراسها : لا باغي نتزوج بيك غا نتي .. علا شحال عندي من ندى انا .. عرفاني شحال كنبغييك و كنغيير بزااف متبقاايش تهدي مع دوك الأصدقاء عندك هاودني منكك
ندى كتفرك فإيديها : فراسك هدرت لماما علينا انا ويااك و قاتلي اتهدر مع بابا فالموضوع
كريم ضحك بحماس : بصااح ؟؟
هزات راسها مبتاسمة : صافي مصالحين دابا ؟ انا كنت باغا غا نفاجأك بعيد ميلادك نتا لي فهمتي غلاط
كريم تنهد كيعنق فيها : صبري على غيرتي مكينش حل آخر احبيبة
عنقاتو حتى هي كتفرنس : ايلوف يوو بيبي .. ايلوف يو مااتش
تجمعو كاملين فقصر آل عمران على عشاء واحد ترحيبا بأمجاد و مراتو بعدما رجعو تزوجو .. حتى واحد مقصر من جيهتو لي سلم عليهم كيحط ليهم لكادوات و ولادهم كيخزنو موراهم فرحانين .. خصوصاً فاش كيشوفو شي كادو ديال الشوكولا هاداك هو النهار لكبير عندهم و مبحالو نهار .. تحت نغمات لموسيقى و شوفات لحاج لي غا كيدور فعينيه و اغمز أمجاد باش اشوف ليه ولاد عائلتو ادخلهم لمخزن خخخ ..
شوية جمع لوقفة كيهدر فالتيليفون مبعد من الصداع : و رااه عند عائلة رااجل بنتيي .. كيشتي هو مخزنيي .. اااه اااه .. لا راه بحال هادوك لي كيكونو فالقيادة ديالنا ولا اصاحبيي
حفصة مقفزاه من لور : فيين غابر اجي تعشاا حشومة قدام الناس
لحاج : غا سيري هاني جااي
شافها مشات بتاسم بمكر و رجع كيهدر فالتيليفون : بشاااخ رااه لابااس عليه و بنتي اتمشي لميريكان كااع .. خدمتو تمااك ايديها معااه .. و قاتلك اتقابل لمطعم لي كتب ليها فصداقها .. ااه ابغي علاش لا .. وااش ولدك صغير ؟ كبير شوية! صافي مزيان انهدر معاه دابا ادخلو لعسكر .. اسي واش حنا كنلعبو هنا رآه كنقول ليك راجل بنتي مخزني
خطفات ليه حفصة التيليفون من على ودنو كتويل عاد قطعات مخنزرة : تبركالله تبركالله .. زيد قداميي نمشيو زيد
لحاج : دابا هي حاملة و باغي اديها تماك اجليها .. كون غا متزوجاتش بيه لا زين لا مجي بكري
جراتو كتسوط : سسكت كنتي بعقلك واقيلة الشرف بدا كيأثر عليك .. قطع حسك و سكت
رجعو جلسو فالصالون كيتجمعو و اضحكو
ثلوج جالسة فوق لكنباي بقفطان أحمر مطرز بتصميم عصري و تاها و جا مع لون دبشرتها و عطاها إشراقة كتر ماهيا مشرقة بسبب فرحتها و السعادة لي كتعيشها حاليا
شافت لعند أمجاد بعفوية كتشوف فيه جالس واخد راحتو و ايدو مور خصرها جارها لعندو و وجهو داير لجيهة لخرى كيهدر مع خوه مجمعين
ثلوج : حبيبي
تلافت لعندها : يكما ضراتك شي حاجة ؟ قوليها ليا باش نمشيو
ثلوج بتاسمات حتى طلعو خدودها : لا مضارني والو احبيبي
أمجاد طول فيها الشوفة : بحاليلا مقوية لعكر لا ؟
ميلات شفايفها كتشوف قدامها : ناري متبدااش
أمجاد بجدية : آخر مرة تعاوديها اثلوج .. من ليوم خاص تولفي على هادشي باش نبقاو مزيانين مفيا ميرجع لشد ليا نقطع ليك
ثلوج تزنكات : حشومة هما دايرين هاد لحفلة على قبلنا و شفني لكادوات لي عطاونا و ولادنا فرحانين جلس و سكت عيب
أمجاد كيتنهد : بلاش مانمشيو لفيلة خلينا نباتو غا هنا
ثلوج بميوعة : ممم فالبيت لي كنتي فيه نتا و ياقوت .. هادشي مستحيل النساه دابا تخصلو بالضوبل
بتاسم حابس الضحكة : خلعتيني
ثلوج بتكبر : اه خاص تخاف اصلا
تلافتت لعندو كتدور فعينيها : أحم نتصورو ؟
أمجاد عقد حواجبو : الأنسطا عوتاني
ثلوج : هنن عفااك عفااك
تنهد كيجبد فتيليفونو ايفون آخر مكاين .. خداتو من عندو بسعادة واخدة ليهم سيلفو هما بربعة .. عائلتها الصغيورة و لبيبي لي جاي فالطريق
أمجاد : ختاري شي وحدة تكوني مضحكاش فيها
ثلوج : علاش ؟
أمجاد : مبغيتش سنانك ابانو ديري اش كنقول ليك
شافت فيه حابسة الضحكة عرفاه مغيار و لكن هادشي عندو بدا كيخلعها حتى غمزها عاد وعات على راسها و رجعات كتشوف فالتصاور بحماس و ولادها فوق راسها مسكتوش من " وريني نسوف ورينيي اماما "
دازو أيامات ..
خرجو كااع الشوانط ديالهم لطموبيل و كاع داكشي لي ايحتاجو .. ركبات ولادها لور كتضحك معاهم و تزين ليهم فالحياة لي ايعيشوها من بعد عاد ركبات فبلاصتها و تسناتو اركب حتى هو .. كان بقا واقف كيهدر مع لعساس شحال عاد جا ركب و كسيرا بحماس
ثلوج : شنو قلتي لعمي
أمجاد : والو .. غا ولدو ايدير لعرس و قلت ليه اديرو فالفيلة عندو السوارت و كلشي و ادوزو شهر لعسل دلبغاو
شاف لعندها : يكما عندك شي مشكيل ؟
ثلوج : لا لا بالعكس .. مزيان تدير لخير
بتاسم ليها بحب مطول الشوفة : كنبغييك بزاف فراسك
ثلوج كتضحك فرحانة : حتى انا احبيبي
غا كملات كلامها حسات بالدوخة و الإستفراغ : وقااف وقاااف
وقف ليها حتى هبطات عوتاني كتسوس فمصارنا اتموت فبلاصتها .. بقات على نفس لحالة طول الطريق حتى لمطار .. نزلو مجموعين كيشوفو فالعائلة واقفة كتسناهم بتاسمو و مشاو سلمو عليهم و ثلوج بسباب لحمالة ولات حساسة بزاف .. غا هاد لجو جاب ليها الضيم مسكتاتش من لبكا شحال و هي كتنخصص عاد سكتات كتودع فيهم
آريا كتبكي : غا هاد الأيام انمشي لعندكم نشوفكم و نجي ولا عرفتو حتى تقرب ثلوج تولد و نجي
أمجاد : الدار دارك البرازيلية ديالنا
تحت أصوات لبكا و لعناق مشاو مغادرين أرض لوطن لي حتاضن أولا لياليهم و اولى اعترافاتهم بالحب .. كان شاهد على لحضات كبيرة جمعاتهم و خلات حبهم اقوة واخة داز من عراقيل صعيبة لدرجة مستحيل نقولو ايتجمعو شي نهار بحال أي عائلة سعيدة
ثلوج تعايشت مع طبع أمجاد و هبطات قصوحية راسها أي حاجة كيقولها ليها و كتجيها منطقية كتنفدها بلاما تعكس و حتى هي كتنصحو شنو يدير و شنو ميديرش وااخة عامل لغيرة لاعب عليهم بجوج اغلب خصوماتهم كتبنا على هاد الأساس .. هاكة دازت حياتهم فأمريكا حتى قرب شهرها و تقنبلات كرشها قدامها
_خرجات من لفيلة حاطة ايدها على كرشها بابتسامة فرحانة و متحمسة لولادة خصوصاً مزال معرفات جنس لبيبي .. بغات تفاجأ عوتاني و تشوف لفرحة من جديد
قصدات ليكول دلولاد خرجاتهم منها عاد دوزاتهم لمطعم لي مقابلة اياكلو .. دوزو لعشية تماك عاد رجعو لفيلة كيضحكو .. دخلاتهم كتلعب معاهم حتى تحل لباب و دخل بخطواتو التابتة
تلافتت لعندو بعفوية : حبيبي
أمجاد بصرامة : يزيد زياد سيرو لبيتكم
مشاو كيتجاراو و خلاهم بجوج الراس فالراس
أمجاد عاقد حواجبو : شكووون هااداك لي هدرتيي معاااه فالمطعم ؟؟؟؟ واااش باااغااا تجهليي طاسيلتييي كنقوول ليك متهدريي مع حتى وااحد علاش كتعصبيني اثلوج علااش ؟؟
أمجاد كيسوط : لليلة عوتاني قولي ليا انبقا مع الدراري
ثلوج شدات راسها : ناري شحال كتغير غادي تحمقنيي
قلبات الدورة مبدلة ساعة بخرا حتى كتحس بيه جرها لعندو كيبوس فكريشتها عاد هز عينو لعندها : اخر مرة تهدري مع شي راجل
هزات راسها باه : و حتى نتا آخر مرة تقولي هادي من لخدمة ولا من الزعتر .. انا كنعرف راجلي ليا بوحدي ميهدر مع هادي لا هاديي
باس كرشها كيهر فيها : واش هااد الراجل مطيحا ليه قلبو و خايفة .. راه كنبغيك الحمقة فهميهاا
ثلوج بميوعة : مسوقيش لمهم متهدرش
بتاسم كيعنق فيها و كرشها منعاهم حتى رجعو سمينة على عسيلة عوتاني بعد كل مخاصمة بيناتهم ..
دازو أيامات ..
شدات تيليفونها كتصوني ليه و لبكية مكتحبسش حتى جاوبها : حبيبة ماالك
ثلوج كتوجع : انولد .. عتقنيي انمووت
أمجاد بصوت مخلوع : ممعاكش لممرضة ؟؟
ثلوج كتبكي و تعصر : معايا معايا .. انمشيو لوبيطال حتى توصل عليناا
و قطعات كتبكي مسكتاات حتى دخلوها لوبيطال كيجريو بيها لغرفة لولادة
دازو ساعات ..
فاتحة عينيها وسط بيت زهري عامر بالورود و ولادها فوق لكنبااي متحمسين اشوفو لبيبي .. فهاد الأثناء دخل لحاج و حفصة و معاهم حتى حنان و أزار وسعات عينيها مصدومة
ثلوج : جيتو ؟؟؟
جاو كيسلمو عليها بالبكا و الأحضان عاد بعدو كيباركو ليها و اسولو على لحال و الأحوال حتى نطقات مها
حفصة : عيط لينا راجلك لبارح قال لينا راه شهرهاا هادا خاص تجيو
ثلوج : مجاتش مدام آريا و عمي ساجد ؟
لحاج : ايجيو حتى لغدا .. مشغولين مع لعرس ديال تغريد و بدرالدين
ثلوج بشوق : ماما شوفي فين أمجاد من قبيلة و انا كنتسنا اجيب ليا لبيبي تعطل عليا
حنان بحماس : نسينا مسولناك شنو ولدتي ؟
ثلوج : معرفتش .. سخفت فالأخير مبقيت عاقلة على والو حتى فقت و جابوني هنا
غا كملات كلامها تحل لباب و دخل لعندها هاز فإيدو التربية و موراه لممرضة هازة فإيديها تربية عوتاني .. وسعات عينيها مصدومة و عينيها مغرغرين كتبكي بالفرحة
ثلوج فقمة السعادة : توأم ؟؟؟
أمجاد فرحان : ااه احبيبة .. شوفي كيحمقو
حطهم ليها قدامها كتشوف فيهم مصدومة و هما صغيورين كيلعبو بإيدياتهم كيحمقو
زياد و يزيد جمعو لوقفة بفضول : واااو نتي ديما كتولدي غا جوج اماما
لحاج بميوعة دور وجهو : كيتحابو قدامنا بلا حشمة بلا حية
غا نغزاتو حفصة ضرب الطم ساكت كيسوط
أمجاد : يكما خاص ارضعو ؟
ثلوج : ااه اجي شد ليا وحدة فييهم
شد ليها وحدة من لبنات كيضحك معاها بينما لعائلة خرجات و خلاوهم غا بوحدهم .. هي كترضع و هو كيلاهي حتى شبعات ألماس عاد عطاتها ليه و خدات ريماس كترضع فيها و تضحك .. مجرد مهزات راسها بعفوية قشعات زياد و يزيد مربعين ايديهم و مخنزرين
رجعات شافت فأمجاد كتغمز فيه حتى تلافت لعند الدراري .. كان منظرهم كيضحك و هما كيموتو من لغيرة : مالنا على لغوباشة هممم ؟؟ .. واش كتغيرو من خواتاتكم و هما صغيورين خاص تحاميو عليهم أولا ؟
زياد بعجرفة : أصلا انا قلت ليك مغاديش نبقا ولدكم
يزيد بدا كيبكي : دابا هما ايوليو عزاز عليكم كتر منا
حط أمجاد ريماس لثلوج عاد مشا لعندهم كيبوس فيهم و اعنق : نتوما راه الأبطال دياليي .. نتوما لي غادي تسهرو على خدمتي و الشركات منبقاش كنهز لهم من هنا لقدام خاص غا تقراو و تكونو مجتهدين .. إلا بقيتو كتقراو مزيان انشري لكلا واحد فيكم طموبيل مضيراش
يزيد بحماس : واااو واس بصح ابابا ؟؟
زياد : انا بغيت رونج روفر ابابا
أمجاد : نتا ضربتي على الرونج .. اوا سي يزيد شنو باغي
يزيد كيفكر بحماس : بغيت فيراري ابابا
ثلوج كتضحك : هادو مشاو ليك غا لغلا
أمجاد جمع لوقفة بجدية : اوا انا قلت ليهم الشرط إلا بقاو كيقراو مزيان انتهلا فيهم مقراوش مزيان انتخاصم معاهم
زياد : لا ابابا غادي نقراو مزيان حسن من ألماس و ريماس
أمجاد : ياك واعدتك اتولدي و تصحي تخدمي من بعد أولا ؟
ثلوج : إلا كان لعرس مزال معطل و مشينا ليه .. انشالله فاش نرجعو نخدم .. بلاما تقولي معندك ماديري بيها حيت منقدرش نبقا جالسة فالدار
أمجاد تنهد : و لبنات شكون ايربيهم !
ثلوج : راه جوج ضروري مخاص تعاوني شي مربية و حتى نتا خاص توقف معايا ماشي ولداهم غا بوحدي
أمجاد : راه بناتي هادو ضروري نعاونك .. شوفي غادي نهدر ليك مع واحد لوكالة اتسني معاهم عقد على أيام محدودة فالأسبوع متمشيش الأيام كاملة .. و الأغلبية خدمي على لبيسي ديالك غا فالدار ونيت تردي بالك لولادك
ضحكات ثلوج عاد خرجات من لكوزينة غادة لصالون بسورفيط و شعرها مجموع لفوق .. كتمشا بالبانطوفة فالغوز و لكاب على كتافها مسخنها .. بقات غادة حتى وقفات عليهم كتشوفهم مجمعين على ماتش ديال لكورة حتى قفزها لحاج : گووووووول واااااعععع احفصة اجييي تشوفييي
أمجاد دور وجهو كيسوط ماشي لفرقة لي مشجع هي لي ربحات : غا صبر الحاج مزال مسالا لماتش
أزار : هاد لفرقات بجوج لا علاقة مفهمتش شكايعجبكم فيهم
دار ناوي امشي حتى كيحس بيها معنقاه من كرشو و شفايفها مدليين : هننن بقاا معايا
جراتو من ايدو كتنخصص عليه حتى تكا فبلاصتو و جرها لعندو كيخبر ليها .. مرة سمينة على عسيلة مرة منوضينها و السبب تافه حتى نعسو فحضن بعضياتهم و الفرحة ضاهرة على محيااهم
فالجيهة لخرى و بالضبط وسط لمول ..
واقفة حنان مع أزار قدام محل كبير عامر بلبيسات لولاد الصغار بقات كتشوف فيهم بشوق و حنان و كتأسف على حالتها
لحاج بأسى : شوفي الناس غادة جاية جارة كلب .. كون غا جبنا كلبنا معانا
حفصة مفقوصة : علاش لكلب لي عندنا هما هادو ؟ .. لكلب ديالك بحالك دايخ و تالف إلا جبناه ايدير لينا الشوهة و نتا اتعاونو فيها .. أما هاد لكلاب راه مربيين تقوليه جلس ايجلس .. نوض اينوض فهمتي
على أرض لوطن و بالضبط فالمطار جارين الشوانط ديالهم .. أمجاد لي مكلف بيهم كيتمشى بالكاسكيط و النضاضر على عينيه و لهيبة سبقاه بلاما اهدر ولا اخرج شي حرف من فمو و فجنبو ثلوج دافعة قدامها لكروسة دالتوينز و لولاد كينقزو حداهم
ثلوج تلافتت لعند لولاد : يزييد فيين خووك
يزيد شير بإيديه : راه اماما تابع لبنت لي عندها ضفيرة
وسعات عينيها : زياااااااد اجيي لهنااا اجييي
مخرجو من لمطار حتى شيبهم زياد و يزيد معاونو كيتستر على فعايلو
كسيرا كيسوگ و عينو على لولاد كيتحلف عليهم : باركة من الصداع نقصو شوية
أمجاد دور وجهو كيسوط : علاش بغيتي تشوفي داك أحمد ولا معرت لطاسيلتو
ثلوج : من باب الصواب ا لحبيب ديالي .. حشومة نجي لمغرب و منسلمش عليه
عقد حواجبو ملافت لعندها : تسلمي عليه ؟ داوية من نيتك
ثلوج : أمجاد متنسااش هو لي وقف معايا راني عاودت ليك بالتفصيل شنو وقع و شنو كان كيدير باش نصح و نوقف على رجلي .. خلي لغيرة على جنب حنا دابا كنهدرو على الصواب
أمجاد رجع كيشوف قدامو مخنزر : و داك مراد حتى هو ناوية ديري معاه الصواب ؟
ثلوج حابسة الضحكة : ممم اه .. صواب ا أمجاد اناري
أمجاد : اوا صافي حتى انا نضرب طليلة على ياقوت ندير الصواب من نهار مشات لدارها مطليت عليها
سكتات كتبلع فريقها عاد سرا معاها شنو خرجات من فمها يله بغات تشرح ليه لقاتو مشا من حداها عاقد حواجبو و باينة فيه تقلق .. بقات واقفة كتفرك فإيديها و تلوم فراسها على غباءها و لسناها لي سليط مكيتشاورش معاها فاش اخرج لهدرة
تنهدات بتدمر عاد مشات لصالون كتسلم بتبات و إبتسامة بشوشة مرسومة على لوجه خصوصا فاش شافتهم اشنو دارو على قبل ولادهم .. كلشي كيطل عليهم و ابوس و اعنق فرحانين بيهم
جلسات حداه كتدور فعينيها و هو قالب وجهو حتى شوية ناض گاع و خلاها كتبرق فعينيها شاداها لبكية و مكرهاش تقطع لسانها لي خارج عليها و جابد ليها الصداع
جمعات لوقفة باغا تخرج حتى كتسمع صوت شدى : ثلوج
تلافتت لعندها بعفوية : نعام اختي
شدى تنهدات : لاحظت وقع شي سوء تفاهم .. انا بداك لحركة شكرت أمجاد فقط حيت وقف معايا
ثلوج بفضول : فاش وقف معاك ؟
شدى بتاسمات : أحم على لملف ديال الزواج .. تقبل ليا
بتاسم كيطبطب على خدها و هي منفخة حتى نطق عاد طلقات ودنيها كتسمع ليه : فالأول فاش قريت على لكمياء كان عندي هوس بيه لدرجة خدمت على داك لمختبر مع علماء واصلين و من تماك نخارطت مع المخابرات الأمريكية .. و باش لعالم ميشكش فيا كملت مساري عادي كوني شخص قريت و بديت كنكافح باش نبني مستقبلي حتى درت بلاصتي وسط رجال الأعمال ..و بالنسبة لمخابرات مهمتي كان خاص نقبض على رئيس الخليات الإرهابية و فينما كنشك فشي واحد كندير معاه الازم .. فالغالب كنحط لعين على الريوس الصحاح لي عارفهم لا مبقاوش عايشين ايسهال علينا نقبضو على لبقية حيت ساسهم كيتفكك شوية بشوية
ثلوج بفضول : و هاداك لي قتلتي فاش كنا فأمريكا !
أمجاد عقد حواجبو مخنزر : هاداك كان مراقبنيي و درت بالي معاه ولكن فاش ركزت مع لمكالمة لي كنت كنهدر فيها معرفتش امتى تحرش بيك .. غا قلتيها ليا بالغدايد تيريت فيه
ثلوج تخلعات : واش حتى لهاد الدرجة عندك روح الناس ساهلة .. منقدرش نكون بحالك
أمجاد طول فيها الشوفة : لي عليه هو تيقي فيا صافي
هزات راسها باه مع إبتسامة بشوشة : كنتيق فيك
فالجيهة لخرى ..
نزل من الطموبيل عاد دار لعندها حل عليها لباب : هبطي
بتاسمات عاد هبطات كتشوف فالرياض ديالهم : عصام اجي معايا
عصام هز حاجبو : كيفاش عصام حرفية
سناء بميوعة : اوا مزال موليت كنبغيك باش نقوليك حبيبي و لكلام لمعسول
أمجاد : فحياتي قبل متباني فيها كان كلشي كيخدع لأوامري و عمري تحطيت فشي موقف لي نتعصب فيه ولا شي حاجة .. كانت حياتي الشخصية هادئة نوعا ما
ثلوج بأسى : كتهدر على لينا ياك ؟
أمجاد تنهد : لا كنهدر بصفة عامة
ثلوج بلعات ريقها من لغيرة : اهاه كمل
أمجاد : و فاش بنتي فحياتي شقلبتيها كاملة .. عمر شي واحد رفع صوتو عليا نتي درتيها .. عمر شي واحد هز ايدو صرفقني نتي درتيها .. عمر شي واحد شد معايا لعكس نتي فتيه لهيه .. لمهم لقيت فيك شي حوايج جدبوني حيت عمري شفتهم من قبل
ثلوج بتاسمات فرحانة : مممم مزيان
أمجاد هز حاجبو : اوا و نتي الآلة سنبلة
ثلوج حطات صبعها على فمها كتفكر : امممم معرفتش صراحة .. و لكن لي عارفة هو منقدرش نعيش بلا بيك .. كنبغيك بزاف احبيبي عمرك تخلا عليا عمرك إلا درتيها شي نهار نموت
جرها لعندو معنقها : متبقايش تهدري بهاد التشاؤم .. عمر شي حاجة اتفرقنا حيت حبنا قوي أولا ؟
هزات راسها باه و هي دافنة راسها فصدرو : معرفتش غا حيت هاد لحب غادي و كيقوة ولا عندي هوس من لفراق
أمجاد همس ليها : حتى حاجة مغادي تفرقنا من غير لموت كنواعدك
زير عليها مبتاسم : كنبغيك
ثلوج قلبها كيضرب فالمية بالفرحة : و انا كتر احبيبي .. غا تغرب الشمس و نمشيو لقصر نشوفو ولادنا
أمجاد حط ايدو على كريشتها : وليت كنفكر فوحدين آخرين
هزات راسها مصدومة : كتضحك معايا ياك ؟؟ هههه من نيتك يلله اكبرو هادو و مغادي اكبرو حتى نشيب
أمجاد باسها : صافي حتى اكبرو و نجيبو شي بيبي اخر
ثلوج : ممم شنو نسميوه إلا جا ولد
أمجاد : لي بغيتي لمهم تولدي ليا و نعيشو مجموعين
بتاسمات بشغف عاد تلاحت عنقاتو : كنبغييك بزااف
أمجاد كيشم فريحتها بحب : حتى انا ا حبيبة كنبغيك
جا الليل ..
على نغمات لموسيقى جالسة تغريد مادة ايدها لحنة و غا كتشوف بإبتسامة ممتيقاش راسها تزوجات و دابا كتحتافل بزواجها .. علات عينيها بثثاقل على لحضور و النقاشة كتفنن ليها فإيديها .. بقات كتدور فعينيها حتى قشعاتو واقف بالجبادور و لبلغة كيلسم و اعاود و الضحكة مرسومة على وجهو .. بتاسمات عاضة على شفايفها عاد هبطات راسها كتشوف فالنقاشة
تغريد : متعمريش ليا بزاف عفااك
النقاشة هزات راسها باه حتى كتقفز على صوت لولاد تلافتت لقاتهم جوج توينز مفرزاتهمش
يزيد كيشوف فتغريد : عمتيي جاتك لحنا خيبة
زياد ميل شفايفو : نقاسة مكتعرفس تنقس
تغريد : تكلمو كيعيطو عليكم تكلمو
زياد وسع عينيه : سكون ؟
تغريد : باباكم راه سيرو عندو و خليو النقاشة تخدم
ميلو شفايفهم عاد مشاو عند باهم كيتلصقو عليه
أمجاد باس حنيكاتهم : فينها ماماكم ؟
زياد : كترضع فألماس و ريماس
أمجاد هز راسو باه : و نتوماا مناويينش تهداو من الضسارة
عصام شافو غادي امشي نطق مقاطعو : كيبقا ماضيي مكاين لاش نخليوه فالحاضر و المستقبل ديالنا أولا ؟
أمجاد طول فيه الشوفة كيخنزر : انا مزال منسيت شنو وقع .. و عمري انساا
عصام تنهد : خاص تعرف انا مخنتكش .. هادشي لي بغيتك تعرف اوكي
أمجاد : مبغيتش نهدر فهاد لموضوع بزاف و كيف قلتي لي فات فات .. و لكن إلا شفتك كتدور جيهت مراتيي
قاطعو عصام بجدية : راه مزوج اسي آل عمران الله اهديك و كنبغي مراتيي
أمجاد صغر عينيه : مزيان ..تكلم لأزار كيعيط عليك
خلاه مع خوه و قلب الدورة طالع للفوق كيقلب عليها حتى وصل لبيتو و فتح لباب .. دخل بهدوء كيدور فعينيه حتى قشعها جالسة فوق طابي مدورة بيها لميكاب و ولادها كيطلو عليها و حتى من لبنات كيلعبو بإيديهم فالكونات ديالهم
أمجاد هز حاجبو : هادشي باغا تبعيه ؟
ثلوج معصبة : شش خلينيي نشووف شغاندير مع لقفطان
أمجاد شاف فولادو : نتوما علاش مجمعين عليها ؟؟؟
زياد و يزيد ببراءة : غاكنسوفو ابابا
قرب لعندهم كيطل على ألماس و ريماس فرحان بيهم : هادو بنات باباهم .. غادي اكونو زوينين و مربيين
زياد : بابا كيفاس عرفتي ماما ؟ و تزوجتو
ثلوج شداتها الضحكة و هي كتقلب فلاتغوس دلميكاب : جاوبو
أمجاد طول الشوفة فيها بحب عاد نطق : ماماك غا لا كانت شي مرا فحياتي كتقتلها هي و ولدها و لا تصيفطها للوبيطال هادشي لي كاين
هزات عينيها موسعاهم فيه : انا ؟؟؟
أمجاد هز حاجبو شاد فيها : شكون قتل لبيبي و سيفط لينا كومة للوبيطال ؟! ..و شكون كان كيتخاصم حتى فطريقو طاحت ياقوت نيشان للوبيطال و جهضات من لفوق
أمجاد حل لباب: شششش اجيي معايا موحشك ملي ولدتي و انا محروم
خرجات عينيها كتبلع فريقها : و ليلة لحنة !! اويليي بعد مني بغيت نمشي نلبس
أمجاد : مباغاش تديري ليا خاطريي .. راجلك لي كيبغيك و تبغيه بغيتي اكعا هممم ؟؟
تنهدات عرفاه كيمشي لنقطة ضعفها : خاص نشرب مانع للحمل و ليت كنخاف منك
زرب عليها هازها بين ايديه كيبوس فيها ممسوقش لا يشوفهم شي واحد و هي كتفركل : بلااش بغيت بيبي اخر
عاود باسها بحب : كنبغييك
🌼 حبك جهنم ثلوج🔥🌼
النــــــــــــهااايــــــــــــةة💞
فالأول قبل منطرح لفكرة فعالم لقصص تخوفت بزااف من أنها متنجحش خصوصاً شخصيات الأبطال متناقضة هو كيشرق و هي كتغرب .. عناد جوج أشخاص لي بحال الثلج و لعافية كيفاش حتى تجمعو راه معجزة🤦♀️ .. كانو كيهلكوني لحوارات لي خاص نخدم عليهم بيناتهم خخخ و كان خاص نحط راسي فبلاصة أمجاد فاش اهدر و مرة أخرى خاص نحط راسي بلاصة ثلوج فاش كتهدر 😂🤦♀️.. كنعقل شي أحداث تلفتو مرة مع أمجاد مرة مع ثلوج قليل لي بقا شاد فصف واحد 💞 .. هاد لقصة خدمت فيها التحراميات بزاف فاش كنلعب بالأحداث حتى كتمشيو فتيار واحد و انا فبالي تيار اخر😳🙈 .. صراحة استمتعت معااكم والله و مسخيتش بالقصة حتى انا غادي نتوحش لمصعور ديالنا و ثليجة لي قالت ليه مكتعرفش خخخ ..و لكن لكل بداية نهاية مكين لاش نحمضو لقصة و نطولها كتر خاص تبقا بحلاوتها 💞 و شكرا على تتبعكم💞 و مرة أخرى كنقول معرفتش علاش نجحات بحال هاكة خخخ ! امكن حيت كتبتها من قلبي و بغيتها و تعلقت بيها بزاف عاد حطيتها.. معرفتش ممكن هادا هو السبب😅
حبك جهنم ثلوج الجزء 18 والأخير
محتوى القصة
التنقل بين الأجزاء