كمشات عينيها كتحاول تدخل لرئتييها أكبر قدر ممكن من الأكسجين عاد تلافتت و كملات طريقها .. دخلات مع لباب كتدور فعينيها معارفة فين تمشيي حتى كتسمع شي صوت : قلتيي ليا عمري انشوف وجهك مزال ؟!
تلافتت ثلوج لمصدر الصوت حتى كتجي عينيها عليها .. بلعات ريقها و رجعات خطوة لور : مقصدتش امدام
سكارليت قربات لعندها : متخافيش مغاديش نصرفقك
ثلوج : لا مخيفاش
سكارليت : واش قلتي لأمجاد اعتاذر ؟
ثلوج : أ ا لا مقلتهاش
سكارليت ربعات ايديها : همم سحابلي قلتيها حيت جا لعندي و عتاذر
ثلوج : متأكدة هو عتاذر ؟!!
سكارليت : ههه كيبان ليا عمرك شفتيه عتاذر
ثلوج : اه .. واخة نسولك ؟
قاطعهم صوت كيقرب لعندهم : اووه شكون جا لعندنا
ثلوج بتاسمات ليها و سلمات عليها بأدب : مدام آريا صافا ؟
أمجاد غوبش و تلافت مركز على قراعي دالزاج لي مقابلين معاه فوق حيط قصير بيناتهم مسافة .. كان كيتيري فيهم وحدة بوحدة
ثلوج سدات و دنيها من الصوت خلعها : حبس براااكةةة
أمجاد عاد مزايد كيتيري فكل قرعة بحدها حتى كتشتت : قللللتت سيري من هناااا
ثلوج كتنهج عصبها قصداتو طيرة خطفات ليه لفردي من ايدو و شافت فالقراعي لي بقاو فوق لحيط بتركيز عاد بدات كتيري فيهم وحدة مور وحدة كتجيب لهدف صحيح حتى كملات الرصاص عاد لاحت لفردي و شافت لعندو كتنهج
أمجاد هز حاجبو
ثلوج : خاصنا نهدرو
أمجاد هز فردي اخر كيركب فيه الرصاص : فاش بالسلامة
شاف فعينيها : اجي نعلمك لهادا ناذر
زرب عليها جرها لعندو حتى ولا ضهرها ملاصق مع صدرو لعريض
ثلوج بلعات ريقها : شكاديير ؟
كمشات عينيها فاش حسات بايدو كتحسس كرشها و أنفاسو لحارة كتضرب على عنقها
أمجاد ببرودة : ركزي على لهدف
عطاها لفردي شداتو وسط ايديها لي كيترعدو و ايدو كتحرك كيوريها كيف تشدو
ثلوج : راه كنقوليك خاص نهدرو
أمجاد هبط راسو لمستواها : شفتي داك لقرعة الصغيرة ؟ .. خاص تيري فيها
ثلوج : مزال متعلمت نضرب بحال هاد الأهداف
أمجاد : هاهي لفرصة
ثلوج ركزات مع لهدف كترعد من قربو : إلا جبت الرصاصة وسطها غادي دير اش انقوليك
أمجاد : تيري
ثلوج هزات راسها باه يلله بغات تضغط على الزناد حسات بقبلة حارة على عنقها .. تجننات و تيرات نيشان وسط لقرعة حتى تفركعات بالزاج
أمجاد بهمس : برافوو
ثلوج رجعات خطوة مبعدة منو و تلافتت لعندو موجهة ليه السلاح : أمجاد آل عمران خاصك تزوج بيا
أمجاد بقا كيشوف فيها مطول و ملامحو باردة بلا حتى حركة
ثلوج محملاش راسها : واش مكتسمعش ؟
بغا انطق حطات السلاح على كرشو : وياااك ترفض خااص تفكني من لمشكيل لي درتيي ليا ... الله انتاقم منك المجرم ديما خارج عليا
أمجاد هز حاجبو : مكنتش عارف عندك لحس لفكاهي و كتخلطيه مع الدراما .. ساليتي؟ يلله حيدي ممساليش
أمجاد ببرودة هاز حاجبو لاعب ليها على لميموار : علاش فنظرك انكون انا ؟ نتي صحفية و كتعرفي الدومين كتر منيي
ساطت عاقدة حواجبها : اكييد كنعرف حسن منك
أمجاد : اوا ملي كتعرفي لاش جاية كتبخي ليا راسيي
ثلوج وجهات ليه صبعها : شووف ..
قاطعها مفركع عليها : شوووفيي نتييي نيييت ... لااااش جاااايةةةة عنديييي و زيداها كتخورييي عليا بشي هدرة لا علاقة بحالك ... سيري من هنا حسن ليييك الله ارحم باك ... عطيتك التيقار عطيني التيقار ولا توحشتي لعصا ؟؟ حرقوك عضامك بغاو ابردو ؟
أمجاد : شكون قالييك مخاسرش ؟ خاسر وقتيي ...و ممساليش لهاد التبرهيش هي عشرين
طلعها و هبطها و رجع كمل طريقو ممسوقش لغواتها حتى قطعات لحس عاد تلافت هاز حاجبو .. غا قشعها طايحة فالأرض قندش و مشا طير عندها
ثلوج كتبكيي : اييي رجلييي كتضرنيي
أمجاد صعر : فييين كتتتضررررككك ؟؟؟ وريينييي نشووف
بدا كيقلب ليها فرجلها بحال لمسطي ... بقات حضياه و على فمها إبتسامة إنتصار غا طلع عينو فيها رجعات كتمتل أنها موعتة حتى كتشهق فاش تعلات فالسما و هزها بين ايديه
ثلوج متوترة من قربهم : مكاين لاااش
رمقها بنضرة حادة خلاتها تدخل سوق راسها
بقا غادي بيها وسط الشجر حتى قربو لدار عاد نطقات : دابا واش اتخطبني و لا لا
أمجاد : خاصي لمقابل
هبط عينو حتى تلاقات بعينيها : ماشي كلشي فابور
بلعات ريقها من نضرتو : ش شش شنوو هو ؟
أمجاد هز حاجبو : زربانة تعرفيي .. كلشي بوقتو
بقا غاديي بييها هازها بين ايديه بلاما اهبط عينو لعندها خلاها كتسهى مع دقات قلبو لي كيتسمعو حتى لعندها ..وصل و دخلها لدار مشا بيها نيشان فين كاين الصالون لعصري مقابل مع الشوميني .. حطها بالشوية على لكنباي و حجبانو معقدويين
ثلوج متوترة : شش شكراا
أمجاد هز رجلها حطها فوق الطابلة ديال الزاج لي وسط الجليسة : بيناتنا بلاش من الضرافة و التمتيل
سمعات شي خطاوي جايين عرفاتو هو .. بلعات ريقها و سكتات قاطعة لحس
أمجاد جلس حداها حيد ليها السبرديلة و هي حشمانة : ديري هادي على رجلك
حط ليها لبوماضة و مشا عوتانيي شاد تيليفونو لي كيصونيي خلاها متبعة ليه لعين .. دخلها الشك و جاها لفضول تسمعو شكايقول .. بقات فصراع مع تفكيرها حتى جمعات لوقفة و تبعاتو باغا تستارق السمع .. غا قشعاتو واقف تخبات مور الريدوات لي طوال و لونهم غامق متأكدة مغاديش تبان لييه
تنهدات و طلقات و دنيها كتسمع لييه
أمجاد : منقدر ندير والو دابا .. خلي داكشي من بعد عارف شغالي و شنو عليا ... فهمت ... لا تابعني واحد لبلان فالمغرب نسالي معاه و نرجع
ثلوج كتحاول تفهم شي حاجة : شي جريمة قتل جديدة زعما ! داك لمرة فجر اوطيل على قدو هاد لمرة باينة ايفجر شي مطار
أمجاد مركز مع لمكالمة : حتى تسيفط ليا داك لوراق ديال الزواج تسنيهم بلاش من لونكيط .. و وراقها غادي نسيفطهم لييك
ثلوج غا سمعات الزواج سدات فمها حابسة الضحكة مكرهاتش تغوت حيت وافق .. متفرحة تفك مشكيلتها و من بعد تعيش حياتها على طولها و عرضها
تنهدات براحة نسبية و خرجات من الريدوات بحدر عند بالها معايقش بيها .. كملات خطواتها قاطعة لحس حتى رجعات لبلاصتها و جلسات عاد تلافت جيهة الريدوات و عينيه حمريين
تنهد : حتى لمن بعد و نصيفط لييك معلوماتها و صلهم .. تلاح
قطع و رجع التيليفون لجيبو كيحاول ارخي اعصابو لي تشنجو أكره حاجة عندو بنادم استغبييه .. مكرهش اسرطها على هاد لفعلة ..زفر و مشا لعندها جلس حداها مغوبش
ثلوج حابسة ضحكتها غا كتدور فعينيها
أمجاد : رجلك شوية ؟
ثلوج : أ ا ااه مزيان
طول فيها الشوفة و رجع كيخنشش فالتيليفون
ثلوج : اشنو هو لمقابل لي قلتيي ليا
أمجاد : كاينين شلا .. إلا كنتي قادة بييهم نقدر نفكر فالعرض ديالك
أمجاد عقد حواجبو : حيدي من قداميي حسن لييك بديتي كتطلعي ليا لگناوية
ثلوج حبساتو : صافيي برد
بقات واقفة كتفكر كيفاش أتاخد التيليفون من جيبو و عقلها لمسخ كيمشي بعييد خخ
حتى قاطعها ببرودة : متخافيش مغاديش اعضك
طلعات عينيها فعينييه و وجها حمر حتى من لهدرة مشات لييها
أمجاد : دابا اتاخدييه و لا نمشي ؟
ثلوج عضات على سنانها كاتمة غضبها : صباار صباار
قربات لييه كتبلع فريقها : هز اييديك بعدا
هز ايديه و على فمو ابتسامة جانبية : كنتسناا عندك دقيقة
ثلوج شافت فييه مخنزرة : مغاديش تبدل
قربات ايدها لجيبو كتكمش فعينيها خايفة تمشي لقنت آخر خخ ..بعد صراع طويل خشات ايدها فجيبو
أمجاد نطق مع إبتسامة ساخرة : ماشيي تماك
هزات عينيها لعندو مغودة : قولها من الصباح
أمجاد : الجيب لاخر
شداتها لبكية بالسيف باش خشات ايدها فالجيب لاخر و جبداتو غا بغات ترجع باللور حسات بيه زدحها مع صدرو لحديدي حتى تأوهات مقوسة حاجبها و عينيها مغمضيين
أمجاد كيحقق فتفاصيل ملامحها : حليي عينييك
ثلوج مكمشاهم : بععد منيي
طول فيها الشوفة و هبط لعينيها باس كلا وحدة بوحدها عاد رجع لوضعيتو : نسولك ؟
ثلوج حلات نص عين كتشوف فييه بين شفارها : ممم سول
أمجاد بنبرة مختالفة : واش بصح بغيتي ولدنا اموت ؟
ثلوج ببرودة : اه
هز راسو باه و رخف منها راجع خطوة باللور .. بقا غا كيشوف عاد مشا تحت عينيها
ثلوج هازة حاجبها : هادا مالو
ميلات شفايفها بحقد : انا مزال منسيت دقتيي .. غادي نشوييك مع لوقت اسي آل عمران .. ثلوج لي كتشوف دابا ماشي هي لي اتشوف من هنا لقدام
عضات على شفايفها بانتصار : مكانش عند باليي ساهل نطيحك فشباكيي
هبطات عينيها لعند تيليفونو مستغربة كيفاش تاق فيها و عطاه ليها بلا حتى رفض .. هزات حاجبها فاش لقاتو بالكود .. تنهدات مباغاش تهدرو و فنفس لوقت باغا تستغل فرصة أنه عاطيها التيليفون تقدر تجبد شي حاجة تنفعها من هنا لقدام .. عيات معاه كتجرب شكايجي فبالها و والو حتى زفرات و مشات تابعة ريحتو لي مالية لمكان .. بقات حتى لقاتو فالكوزينة عاقد حواجبو و لكارو فإيدو واقف على لقهوة توجد لييه
ثلوج : عاطيه ليا بلا كوود
قندش و عطاها بالضهر و ففمو لكارو مركز مع لفنجان كيكب ليه لقهوة
ثلوج ميلات شفايفها : و قوليي لكود
مشات جلسات فوق لكرسي لي تماك من النوع لي رجليه طوال و بقات حاضياه كيتصرف بحاليلا مكيناش .. معجبهاش لحال حتى كتشك راه طايح فيها و كيرجع اضرب ليها كلشي فالزيرو
أمجاد كمل لكارو و زطم علييه . قبل اخرج نطق بصوتو لحرش : سنبلة
هزات راسها بعدما كانت ساهية : هااا ... نعاام
غوبشات فاش خرج مع لباب : هادا مالو مقرووص غا بوحدو يخخخ
سرعان موسعات عينيها : سنبلة !!! نووو ميمكنش
ركزات مع لكلافيي : واش سنبلة ! كنحلممم ..
ايديها بداو كيرجفو معرفاتش علاش ! .. تنهدات ملخبطة و قلبها كيضرب فالمية .. أول حاجة دارتها بركات على حرف السين .. تبعاتو حرف النون .. موراه حرف لباء .. عضات على شفايفها و كملات بحرف اللام عاد و أخيرا التاء مربوطة ...وجها حماار و طلعاتها التزنيكة فاش تحل التيليفون مصدومة و الدنيا دايرة بييها
حطات ايدها على فمها : لا ميمكنششش !!
فيساع هبطات من فوق لكرسيي غادة جاية فبلاصتها و عينيها على التيليفون .. حتى كترجع بيها الذاكرة لوراء عاقلة مزيان على داك اللقطة فاش سمع سنبلة
"" ..أمجاد كان مركز مع لبيسي شوية سهى و هو كينطق جاتو السمية فشيشكل : سنبلة .. سنبلة سنبلة
ثلوج خاشية راسها كتطل عليه من مور لكنباي كانت واقفة على ركابيها و ايديها على حناكها كتدور فعينيها : علاش كتعيط بسميتي ؟؟
بعد تفكير طويل عريض تنهدات و خرجات كترجف و عقلها سارح لبعييد
دورات عينيها ملقاتوش : فييين غبرتييي ؟؟
هزات حاجبها كتقلب علييه ملقاتوش عاد شافت جيهت الدروج شاكة اكون لفوق .. ميلات شفايفها و طلعات كتعيط لييه بدون متذكر سميتو .. قشعات واحد لبيت محلول مشات لعندو بخطوات تابتة حتى وقفات عند لباب مصدومة و ايدها على فمها .. كيبان لييها انعكاس ضهرو من لمرايا و لي خلاها تكمش عينيها هو لجرح لي معمق و كيسيل بالدم .. بقات كتحقق مخلوعة فيساع عرفتها ضربة الرصاص
شهقات و مشات لعندو بخطوات سريعة : مالك ؟؟ واش ضربك شي واحد
بتاسمات : اه إلا مات عندي عذر باش منتزوجش بييه .. ولكن من باب الإنسانية غادي نساعدو بغا هي هاديك مبغاش لهلا
دقات فالباب : حل علياا المجرم هادا مغايكون غا شي واحد حاسبها فييك
دقات حتى عيات بلا نتيجة : صراحة تستاهل
زفرات و مشات جلسات فوق الدروج كتقلب فتيليفونو : انشوفو شنو مخبيي فهاد التيليفون هممم
دخلات أول حاجة لجيهة التصاور مكينا حتى تصويرة ديالو .. غا سكرينات ديال بوسطات بشي لغة مفهمات منها والو .. قبل تخرج من لگلوريي دخلات لواحد الدوسي حتى كتبرق عينيها و صباعها كيدوزو فتصاورها مصدومة
تفكرات فاش كان كيقوليها صيفطي ليا تصاورك و تعجبات حيت باقين عندو .. ديما كيصدمها معرفاتش شنو مزال مخبيي ليها
تلافتت فاش سمعات صوتو هاد لمرة بنبرة باردة : ثلوج
ثلوج جمعات لوقفة مع كانت فأول درجة : بغيتينيي ؟
قربات لعندو كتفحص ملامحو من بعيد : شوية دابا ؟
أمجاد : صايبيي ليا لفاصمة
دخل و خلاها موسعة عينيها : انا كنخاف من هادشيي
طلات عليه كتخلع : عيط على شي خدامة تعاونك
أمجاد ببرودة : عيطي ليها
هزات حاجبها : مسبب !
دخلات حطات تيليفونو و كفدات كمامها : اوا اسيدي انا لي غادي نداوييك
شاف فيها مطول و رجع شاف قدامو ببرودة و حجبانو معقوديين : سربيي
عطاها لقطن : حطييه على لجرح
ثلوج عينيها غرغرو : شكون ضربك ؟
أمجاد عاض على سنانو مورك على كل حرف : متبقايش تسوليي
ثلوج : واش نتا ديما اتبقا غامض ؟
أمجاد : ولفيي
تنهدات مخلوعة عاد تشجعات و بدات كتداوي فييه مقوسة حاجبها : ففف ف كيحرقك ؟
بقا ساكت مجوبهاش دخلها الشك : إلا كنت كنحرقك قولهالي
غوبشات فاش مجوبهاش و هي تعلا على طراف صبيعاتها بدات كتنفخ على لجرح و تداوييي خلاتو ساهي مع كل كمية خرجاتها من نفسها و ساطت بيها على جرحو
ثلوج : مبقاش بزااف غا لفاصمة
رجعات لوضعيتها و تقادت فالوقفة عاد هزات لفاصمة بدات كتقاد فيها و هو مكمش عينيه بلاما انطق
ثلوج : واش ديما اتبقا كتضرب هاكة ؟!
أمجاد ببرودة : كلشي ممكن
غا حس بيها كملات و بعد بخطوة قاصد قاميجتو هزها كينفد فيها
ثلوج ربعات ايديها : كيفاش كلشي ممكن !
لبس عليه لقاميجة و تلافت لعندها مخليها محلولة على صدرو لعريض : حياتيي مسهلاش .. دخلتيي راسك مع واحد معندو ميخسر و لكن دابا خاص ارد لبال باش ميخسرش
ثلوج : شكون اتخسر !
أمجاد : واش كتاكلي لكلاخ بالكيلوات !
هز حاجبو و مشا عند لمرايا تقابل معاها يله بغا اكمل عقيد الصدافي قطعاتو فاش حطات ايدها على ايدو و علات عينيها فعينيه : اه كناكلو .. شكون اتخسر
أمجاد : انعوج لييك كمارتك إلا بقيتي كتسولي بزااف
ثلوج ميلات شفايفها و هبطات عند الصدافي كتسد فييهم خلاتو جامع ايدو على شكل قبضة كتحك لييه على الضبرة فاش كتقيس لحمو حتى كيتبورش
صبر حتى عيا و نطق بنفاد : صافيي حبسيي و سيري
ثلوج على محياها إبتسامة إنتصار صافي تأكدات من شكوكها : لا غا خلينيي
ساط و حاوط خصرها لعندو مخلاش ليها فين شهق فيساع سرط فمها وسط فمو كيلتاهم فييه بشغف دهشرها معرفات راسها باش تبلات .. عاد وعات و بدات كتضرب فصدرو باش ابعد و والو بحال شي صخرة متنفنفش جهلها
أمجاد محاسش بإيديها لي كيضربو فصدرو كل تركيزو مع شفايفها لحلويين غرق وسطهم و نسا لعالام .. حتى حس بيه قطع فيها النفس عاد بعد شوية مخلي ليها فين التنفس .. كان فمها حمر كيوزوز
ثلوج حسات بالحكرة و بدات كتبكيي عوتاني كيف ديما : واش عزيز علييك تكرهنيي فراسي
هز صبعو لخشن مسح ليها دمعتها بعجرفة : آخر مرة نشوف دموعك .. و هادشي بداي تولفيي علييه اتحتاجيه بزاف من هنا لقدام
ثلوج غادي تسخف لييها كتحس بأنفاسو قريبة منها بزاف جاتها الدوخة : بععد عفااك
أمجاد : هادشي لي مقابلة غا بعد
ثلوج كمشات فمها مغوبشة : و شنو بغيتيني نقول متلا
أمجاد : متلا بوسيني حتى نتي
ثلوج هزات عينيها فعينيه : كتحلممم
أمجاد : يله بوسي باش نطلقك
ثلوج : وااش مرييض و مستحيل نبوسك غا حلم
أمجاد ببرودة : حتى انا مطالقش معندي ميدار دابا
ثلوج تجنناات : شوف ...
قاطعها : كنتسناا
غوبشات و تعلات على طراف صبيعاتها باستو على خدو : يله طلق
أمجاد هز حاجبو : وااش قالو لييك انا خوك ؟
ثلوج : كيفاش !
أمجاد : ماشي تماك خاص تبوسيني
ثلوج : مغاديش نبوسك من فمك منقدرش
أمجاد هز حاجبو متبع شفايفها كيفاش كيتحركو و نضرها لي كتبغي تشتتو كلما تلاقاو عينيهم : علاش بسلامة !
ثلوج بنفخة : كنحشم
أمجاد : انوليي راجلك غا حيدي لحشمة
ثلوج : اوا حتى تولي بعدا
أمجاد : بغييت تسلفيني حتى نتزوجو و نكملو
خرجات عينيها : واش عند بالك واقفت على زواج كامل اترجعني عبدة عندك ؟؟
أمجاد : لوقت لي نتشهاك غادي نشدك
حناكها حمارو : معندكش علاش تحششم .. طلللق و الله منبوسك
ثلوج غادي طرطق معرفاتش كيفاش اتحمل زواجها بيه من هنا لقدام .. واخة غادي يدوم مدة قصيرة ولكن داك لمدة كتخايلها بحال شي جحييم
أمجاد : انباتو هنا ؟
ساطت و قربات لشفايفو حطات عليهم شفايفها عايفة راسها فيساع خطفات لبوسة و رجعات لوضعيتها كتمسح ففمها بعجرفة
أمجاد رخف عليها حتى رجعات خطوة باللور و هز حاجبو فيها كيشوفها كيفاش كتمسح ففمها و عينيها مغرغرين .. جمع ايدو على شكل قبضة و تلافت لعند لمرايا كيعقد اخر الصدافي
ثلوج قطعات لحس بالمرة و مشات جلسات على طرف دالناموسية شادة تيليفونو كتقلب و تشقلب
حسات على راسها اش قالت و هي تسكت عاد رجعات نطقات بهدوء : خاص نمشيي دابا .. حتى الليل و صوني ليا
أمجاد : انوصلك .. زيديي
ثلوج كتصطانع لبراءة : اوكيي لي بغيتي
هز جاكيطو دارها على دراعو و خرج و هي موراه
ثلوج : اتمشي غا بالكلاكيطة ؟
أمجاد : رجليي مقصحة عليا
ثلوج : بصح !
أمجاد هز راسو باه و سكت كيخنشش فالتيليفون خلاها متبعة ليه لعين و ساهية فييه .. محساتش على راسها اتدخل فالغرس لي كاين فطريقها حتى لقات راسها مخطوفة من خصرها بقبضة ايدو لكبيرة
أمجاد نطق بلاما اشوف لعندها : بقاي تردي لبال
هزات راسها باه و هي مرفوعة : هاا أ اه اوكيي
رخف منها و سبقها بلاما اشوف فيها و لا اركز فملامحها لمخطوفة مرضياش بالموقف لي تحطات فييه .. بان ليها ركب و دارت ركبات حتى هي عاد قلع بالرونج ديالو طاير بحاليلا كيتسابق مع شي واحد
ثلوج حطات راسها على الزاج و ساهية لبعييد .. فعلا لوقت كتبدل بزااف دلحوايج شكون قال ايوقع هاد لمشكيل و تضطر تزوج بالشخص لي قتل ليها حبيبها و الراجل لي كان ايكون زوجها لمستقبليي .. حتى واحد مكيعرف لقدر اش مخبي لييه كتعيش ليوم و معارفش غدا .. لحياة فشكل و كيبقا لحزن و الفرح و السعادة و حتى الدمر هما النكهات ديالها كلا واحد اش كيذوق منها
أمجاد قاطع حبل تفكيرها : فين سهيتي
ثلوج فاقت من سهوتها : هاا لا والو
أمجاد طول فيها الشوفة و رجع شاف قدامو
داز لوقت ..
كيتسنا الضو لخضر اشعل و عقلو سارح لبعييد كيفكر فلي جاي و عقلو خدام لا من ناحية خدمتو و لا من ناحية حياتو الشخصية
ثلوج بلعات ريقها حابسة الدمعة لي على طرف شفارها : دابا نلقا لي اتزوجنييي و نكون مرتاحة لييه .. نخليييك دابا
ضربات فيه و دازت حاطة ايدها على فمها كتبكيي بحرقة و دموعها كيطيحو بحال الشتا مرضاتش و كانت على لقرص حتى فااض كاسها .. ممطراش تعيش مع عدوها فدار وحدة .. مكين لاش تطيح براسها الذل .. غادي تحل مشاكلها راسها بلاما تضسر شي واحد
داز لوقت ..
غربات الشميسة و هي حاضية لبحر و مقابلة معاه من لكرسي لي جالسة عليه .. كانت ساهية و شعرها كيدي و اجيب فييه الرييح
سمعات صوت تيليفونها جوبات : الوو ماما
حفصة : فيين غبرتيي ابنتيي باك كيسول علييك
ثلوج : انا قدام لبحر محتاجة نشم لهوى
حفصة : مالك ابنتيي صوتك معاجبنييش
ثلوج حبسات دموعها : لا انا بيخيير ..نخليك دابا حتى نرجع و نهدر معاك فموضوع مهم
حفصة : انشالله خبار لخير .. يلله متعطليش
ثلوج هزات راسها باه بحاليلا كتشوفها و قطعات كتنهد بعمق
شافت فالوقت مشا لحال و هي تجمع لوقفة غا دارت قشعات طموبيلتو من بعيد واقف متكي عليها و لكارو فإيدو .. غوبشات و قلبات الطريق غادة بخطوات سريعة حتى كتحس بييه نترها لعندو
أمجاد عاقد حواجبو و مخسر سيفتو ناوي على خزيت : شكون هاد ولد لق*** لي باغا تزوجيي بييه ؟
أمجاد رخف من شعرها و طار على فكها شادو بقبضة ايدو لخشنة حتى كتقول صافيي ايتهرس دابا : إلا كنتييي فعلا ناوية تزوجييي بواحد اخر خااص نحكك متبقاي صالحة ليا لا لغيري
خرجات عينيها على وسعهم
أمجاد طلع ليه لغز : برررربب اثلووووج حتى نديييرهااا مخاااسر وااالوووو ... بغيييتييي تجربيي تحكي على الضبرة نفركع مككك ... هاد لقزيبة لي فرحانة بييها نحيدها ليييك
ثلوج موعتة غادي تسخف ليه بين ايديه : هنن ررخف
أمجاد يله بغا انطق و وجهو حمر سمع شي صوت اخر جاي كيقرب لعندهم : مالك ا آنسة واش كيتهجم علييك
الشخص : عيييب تهز ايييدك على بنت .. هزهم على الرجال لي عندهم صحتك .. مستقوي على بنت معندها صحة
ثلوج تنترات منو و رجعات باللور كتماسي ففكها لي ضرها بزاف و كتبكيي : مكنعرفووش اخويااا
أمجاد كمش عينيه دار راسو مسمعهاش و قصد هاداك لي سخن عليه راسو و نطق ببرودة : ممكن تعاود اش قلتيي مفهمتش مزيان شكاتخور ؟؟؟
الشخص : قلت بعد من لبنت و متضربهاش
أمجاد دخل فيه بروسية حتى طاح الشاب شاد نيفو لي كيسيل بالدم و امكن تهرس كااع غا من خلال غواتو تقدر تستنتج النتيجة
ثلوج حطات ايديها على فمها مخلوعة : اويلييي اش درتييي
قربات لييه باغا تشدو كترعد : متضربووش حرام عليك
أمجاد : بقا فييك ؟
متسناش جوابها حدو تكا على الشاب بالكروشيات رجعو شرويطة و فمو خسر غا من السمطة للتحت لي كينطق بيها
تجمعات الجوقة و لحالة و الروينة و أمجاد بحال الثور ولاو فييه عشرة و على فمو جملة وحدة : هاااادييييك مراااتيييي كتفهمم الز*** مراااتييييي
تنتر من الناس بحال لمجهول و ركلو اخر ركلة عاد خرج من الجوقة كيعرعر بحال الشمكار ديال راس الدرب .. هاد الصفات كاملة مبيناش فييه فاش كتشوفو لابس و نقي فحالتو مستحيل توقع أنه من النوع لي إلا تعصب كيتشرمل تشرميلة خايبة
ثلوج غا بان ليها قاصدها بقات كترعد .. معرفاتش كيفاش جابت الطاقة باش لقات الجهد تجري و تفلت منو .. بقات كتجري و هو موراها ولفات لهروب بحال داك لمرة نفس السيناريو كيتعاود .. قهرها ولات باغاه غا اخرج من حياتها باش تعيش سيناريوهات جداد ميكونش فيهم هو لبطل ديال لمشهد
دخلات مع الرملة كتجري و تنهج و هو موراها صاعر و كيغوت : راااااه انذبببحكككك البرهووووشةةة
ثلوج كتنخصص قصدات لبحر نيشان داخلة معاه ممسوقاش تغرق لمهم تنفد منوو عارفة إلا مشا حتى شدها نهارها محال تطلع فيه الشمس .. بقات داخلة مع لبحر حتى وصل لما لكتافها يله بغات تزيد حسات براسها مهزوزة و سط ايديه
خرجها برى لبحر بجوجهم فازكيين بالما .. حطها فوق الرملة كترعد بحال لفلوسة عجبو منضرها .. محسش على راسو فاش جلس و جرها لعندو عنقها كيستنشق ريحتها
ثلوج : شكاديير
أمجاد بهمس : ششش باش تسخنيي ميبقاش فييك لبرد
حاولت تدفعو نافرة بكل قوتها ولكن محركت فييه والو كيتصرف ببرود بحاليلا عاجبها لحال
نطق بهمس كتر من لمرة لفايتة : سخنتيي ؟
فالجيهة لخرى ..
وقف بييهم الشيفور قدام لقصر .. دوزو النهار كامل فالكلية
نزلات حنان تسنات تغريد تنزل : شنو بان لييك غدا نخرجو بيما أنه مقاريينش بجوج ؟
تغريد طايح عليها الضيم : مفيااش
حنان عرفات مالها : توحشتييه !
تغريد حبسات دموعها : توحشتو كتر مكتصوري
عنقاتها حنان متأترة : عطي لراسك فرصة تبغي شي واحد آخر
تغريد : عمري غادي نقدر نسااه ماشي لخاطري .. قلبي كيتقطع احنان قلبيي راه تحرق و مزال كيتحرق .. عييت
حنان جراتها داخليين لقصر : تفكري كون كان فييه لخيير مغاديش تعرفي حقيقتو .. ربيي بغاك تعرفيي
تغريد مسحات دموعها : اه عارفة و عمري غادي نسا هادشي .. انا دابا كنهدر على قلبي و روحي لي كتبخر نهار مور نهار .. بقا فيا راسي و شفقت علييه ماشي شفقت على علاقتي لي منجحاتش .. نتي مفاهمة والو احنان
خلاتها واقفة و مشات طالعة لبيتها و ايدها على خدها كتمسح فدموعها .. ديما كيوقع ليها هاكة فاش كتفكرو واخة كرهاتو ولكن شغادير لقلبها باش متبغيهش ! داكشي فوق طاقتها مغادي احس بيك غا لي مجرب
حنان بقات غا كتشوف كتنصح فيها على أساس هي زواجها ناجح .. لي كتعيشو معالم بييه غا الله .. شغادير مع شخص عندها علاقة بييه تحت مصطلح زوج وفيي .. منخلها و سافر بلاما اسول و لا اعبرها .. حتى رجع عاد تفكر راسو راه مزوج ! فيينو اللوجييك ؟ .. حتى واحد ملقاها كيف بغاها كلشي كيعيش داكشي لي مقسم لييه فهاد الدنيا
تنهدات و رجعات شعرها مور ودنها عاد قلبت الدورة قاصدة الصالون ربما تشوف لميمة و جدات راجلها تهدر معاها شوية ولا كيعجبها لحال تجمع معاها
غا قربات لصالون قشعاتو متكيي على لكنباي لايح رجليه و لبيسي فوق كرشو مركز معاه و لكيت فودنو كيهدر .. باين شي إتصال هادا
ميلات شفايفها و قربات ممتقصداش تسمعو و لكن الصدفة خلاتها تسمع جملتو : وي زين دياليي .. لا ليوم معندي والو حتى نتلاقاو مع لكليكة .. لمسابقة نجحت فيها بسبابك .. بلا بييك انازليي راه والو عرفاني متهور
بتاسم : واخة الآلة ميكون غا خاطرك
حنان بقات واقفة مصدومة و عينيها مغرغرين شهادشي كتسمع ! .. حسات بقلبها كيضرب فالمية كلها كترعد و كتحرق من لداخل .. بقات جامدة فبلاصتها و الدنيا كدور بييها و هدرتو كتعاود فودنيها
بان ليها حيد لكيت من ودنو كدليل على انتهاء لمكالمة : أزار
شاف لعندها ببرودة : جيتي ؟ كيف دازت لقراية
حنان قربات لعندو ببرودة و قلبها كيتشوط من لداخل : مزيان .. جيت نعلمك غادي نمشي لدارنا هاد ليلة توحشتهم
أزار بقلة حيلة : صافي سيري حتى انا مغاديش نكون مسالي هاد ليلة نيت متبقايش بوحدك
هزات راسها باه و دموعها على طرف شفارها خايفة تفرش لموقف و اطيحو قدامو : نخلييك دابا
أزار رجع شاف فالبيسي : بلاتي نوصلك
حنان : بلاش منعدبك
ستنشقات كمية تخليها واقفة على رجليها و قلبات الدورة كترعد .. غادة ساهية و كتشوف لبعييد
كمشات فمها و جبدات تيليفونها صونات للرقم لي ديما كيصدعها : حمزة
حمزة : حنان ! واااو نهار كبيير هادا
حنان : بغيت نهدر معاك
حمزة : واخة انا موجود لوقت لي بغيتي
حنان : محتاجة نهدر معاك دابا
حمزة : صافيي هي اللولة .. اتلقاينيي فالمطعم لي شفتك فييه أول مرة بالصدفة
حنان حابسة دموعها : واخة
قطعات عليه و رجعات التيليفون لساكها عاد خرجات برى لقصر على رجليها ناوية تاخد طاكسي و عقلها ساهي لبعييد .. هدرتو فالتيليفون خلاتها تعرف راسها من رجليها و تفيق من عالمها لوردي .. خلاتها تعرف لفرق بيين لحب و لكره .. خلاتها تستنتج حياتها غادة فمنحى سلبيي شحال قدها تصبر و تقول عاديي ايجي لوقت و ربيي ايدير لحل من عندو خاص غا الإيمان
وصلات لشارع شيرات لطاكسي قاتليه فيين و تلافتت لزاج ساهية .. كيف نصحات تغريد باش تعطي لقلبها فرصة أخرى حتى هي غادي تعطي فرصة أخرى لقلبها .. هاد الزواج نتج بسباب غلطة و خاصو اساليي
جيهت لبحر ..
مزال مزير عليها و معنقها رغم كااع لمحاولات لفاشلة باش تزيحو من عليها محركات فييه والو
ثلوج : بغييت نمشيي
أمجاد ببرودة : مزال لحال
ثلوج : تعطلت على دارنا
أمجاد بعد و جمع لوقفة : يلله
جمعات لوقفة حتى هي مكتشوفش فييه .. مبغاتش عينيها تجي فعينييه .. ثلوج لي عمرها شافت لعنف قدامها و لا تعرضات لييه او لا حسات بالحكرة قدام شي واحد .. هاهي كتعيش هادشي قدامو .. قدام الشخص لي حدهم لييها و خلاها غا كتفرج فأشنو كيدير فييها
بدر الدين مور لكام كيحقق فتفاصيل ملامحها و جسمها لي كينضج نهار بعد نهار : صافا ؟
تغريد بلعات ريقها كتحاول تبان طبيعية و الأمر عادي : بيخير و نتا صافا علييك اخويا
بدرالدين : الحمدلله اختيي
تغريد تفكرات راسها عريانة طلعات عليها لغطا و وجها مزنك خلاتو ساهي مع حركاتها لمتوترة
بدرالدين : لقراية مزيان .. مرتاحة فالفيلياغ ؟
تغريد كتشتت نضرها : اه مزيان
بدرالدين طول فيها الشوفة : غاديي نرجع لمغرب
تغريد غادي تسخف : الله اوصلك على خير اخويا
بدرالدين بسخرية : شكرا اختيي
تغريد : تصبح على خير غادي نقطع
بدرالدين : بلاتيي متقطعييش ...
خلاتو بلاكة و قطعات قبل اكمل كلامو .. شدات داك التيليفون زفات بييه على لحيط حتى تشخشخ .. بقات كتشوف فييه كترعد كلها من صبعها الصغير حتى لخر دراسها ..عاد جمعات لوقفة كتنهج و مشات نيشان لحمام تاخد دوش على الله ترتاح شوية
على طابلة دلعشا ..
لحاج حجبانو معقدويين : اوا
ثلوج بلعات ريقها عرفاتو كيهدر عليها : بغيتيني ابابا
لحاج شاف فحنان : فهميي هاد ختك بلاما تحمقنيي
حفصة : و صافيي لبنت قالت اش كاين يااك غادي اخطب .. راه خاص اوجد راسو و عائلتو تقوم بالواجب عاد اجيو فهمتيي
بتاسمت ليهم إبتسامة باهتة و قلبات الدورة راجعة للبيت و عينيها مدمعيين .. غا دخلات تخشات ففراشها مطلعة عليها لغطا باش ميحصلوش دموعها لي بداو كينزلو من عينيها
حنان دخلات و سدات لباب : ختي نعستيي
ثلوج من تحت لغطا : اه طفيي معاك الضو
حنان : بغيت نعس حداك
ثلوج حيدات لغطا : اجيي
حنان عايقة بيها معجبهاش لحال : الله افاجيها
ثلوج : امين يارب
طفات حنان الضو و مشات تخشات حدا ختها كتلعب ليها فشعرها حتى نعسو بجوج كلا وحدة هازة كمية من لحزن كتعايش معاها ..
دازت هاد الليلة و جا نهار جديد ..
مجموعيين على طبلة دلفطور حتى واحد ممتيق شكايسمع و خصوصا سكارليت لي حسات بالنقص من هاد لخبر و بقا فيها لحال واخة مبيناتش
نعمان : متأكد اولديي ياك ؟.. عنداك تدور لييك فالخوا و تحشمنا
ثلوج متكية على لحيط رجل مسرحاها و رجع تانياها بحال الشمكار ديال راس الدرب : بغيت غا نفهم مالكم مخلوعيين ؟
فهاد الأثناء دخل لحاج جامع ايديه موراه غا قشعها ضحك بسخرية : تبركالله على لعروسة الله احفظك من لعين
ثلوج تقادت فالوقفة حشمانة من لموقف : اميين
حنان عطاتهم بالضهر كتضحك حتى قشعات بنت عمها سناء كتطل عليهم من لفوق معوجة فمها باين عليها السم كيقطر
بقات كتدور فعينيها وسطهم خلاتهم تلاهاو عاد طلعات بجرية و رادة لبال فنفس لوقت باش متزلقش فالدروج .. يلله بغات تقلب الدورة لبيتها سمعات صوت بنت عمها : هي اتزوجيي ؟
شافت لعندها هازة حاجبها : اه
سناء بسخرية : عنداك افسخو لخطوبة منكك كيف لمرة اللولا
طولات فيها الشوفة و قلبها كيتقطع .. طلعاتها و هبطاتها عاد دارت كملات طريقها كتمسح فدموعها لي هبطو بلاما تحس .. طاح عليها الضيم فاش تفكرات راسها فين كانت و فين ولات .. غا داك لمرة كانت فرحانة حيت اتزوج بحب طفولتها ... و دابا اتزوج بالشخص لي قتل ليها داك لحب و دمرو
دخلات لبيت كتنهج عاد سدات موراها لباب و بقات واقفة شحال .. كتشوف لبعيد و ساهية فالأخير تنهدات بعمق و قربات لبلاكار ديالها هزات بيجامة لبساتها و عكفات عاد خرجات كتسلت واخة سمعاتهم كيعيطو لييها . .. بقات كتختل حتى طلعات لسطح و جلسات حابسة الضحكة
هزات كتافها فينما بغات توصل معاه توصل .. مبقاتش مسوقة لهاد الزواج إلا بغا اسالييه لكورة عندو
جا الليل ..
مخشيين فالكوزينة غارقيين كيقادو و اصايبو فالحلوة .. حفصة واقفة على الشغل بإيديها لي حتاجتها كتوصي لحاج احضرها لييها فالحين .. مهنات حتى رجعات الرياض كيشعل بالنقا من صالوناتو حتى لبيوتو .. كلشي دازت عليه و خلصات لعيالات لي عونوهم
حنان يله بغات تنطق سمعات صوت باها : بنتيي راجلك جا
وقفات حنان موسعة عينيها : أزار !
خرجات من للكوزينة و هي تقشعو جالس فالجليسة لي كاينة وسط الرياض باينة فييه مغوبش و وجهو حمر
ميلات شفايفها و قربات لعندو : خبار لخير
أزار ضرب حداه : اجي جلسي هنا
غوبشات و مشات جلسات حداه : بغيتيني فشي حاجة
أزار مطول الشوفة فوجها : بغيتي نطلقو ؟
بلعات ريقها من قربهم : أ ا اه
أزار ببرودة : متأكدة ؟
حنان بدات كتضعاف : علاش كتهدر هاكة
أزار : سولتك جاوبيي
حنان : نتا بغيتي نطلقو ؟
أزار هز راسو بلا : بغيت تبقاي معايا
بقات كتشوف فييه بلا حتى حركة : ولكن أنا باغا نساليو .. زواجنا كان غلطة كتر من لغلطة اللولا مكين لاش ابقا
أزار عض فمو من لداخل : حنان عارفة شكاتقولي ؟
حنان هزات راسها باه : اه عارفة
جمعات لوقفة : بقا مع حبيبة لقلب لي مشيتي عندها لبارح
ضحكات باستهزاء : بلاتي نتفكر ؟ .. قلتي ليها الزين ديالي و زيد و زيد .. اه و كنتو مسافرين بجوج !.. وااو بلاتيي نصفق لييك و لا واقيلة نصفق حيت غبرتي بلاما تسول و لا تعيط .. واش عند بالك انا ماشي إنسانة مغاديش نحس و لا ابقا فيا لحال ؟
حفصة حلات باب دلبيت كتقلب عليها : اويلي فينها هاد لبرهوشة ؟
هبطات لتحت كتسول و تعاود حتى واحد مشافها
فهاد الأثناء كانت غادة سايقة طموبيل د كريم خداتها من عندو ناوية تمشي تعلمو بالخطبة لي اتدار هنا فالقرية حيت الليل كامل كتصوني ليه و مكيجاوبش .. ذلها مزيان و مزال زايد فييه
فالجيهة لخرى ..
حلات عليه لباب مخرجة عينيها : تبركالله على سي لعرييس فايق و قايم بالواجب
تنهدات كتشوفو غاطس وسط لمخاد و لغطا مرمي بعييد . ناعس غا بشورط قصير و شعروو مشعكك شاد الناموسية كاملة
قربات لعندو : أمجاد فييق خاص توجد شغا تلبس
مشات حلات الريدوات : و فييق شكون ايخطب لييوم
أمجاد حل نص عينو : مالك شنو واقع ؟
وقفات عليه و ايديها على خصرها : مواقع والو غا نتا عندك لخطبة ليوم
هبطات لرجليه هراتو حتى نقز مراضيش : و لا ا آريا شتيي دابا
آريا حاطة ايديها على خصرها : اوا نوض و لا نعاود نهر
زفر و نعس على ضهرو حاط لمخدة فوق راسو كيسمع لنگير آريا
لتحت ..
دخلات ثلوج زربانة غا قشعات سكارليت عضات على شفايفها فاش تفكرت اللقاء لي متلاقاتهاش .. حشمات و مشات لعندها سلمات عليها بأدب
سكارليت : قولبتينيي
ثلوج حشمانة : وقع ليا بلان مفاجأ مع لعائلة
سكارليت : مبروك لخطبة
ثلوج هبطات راسها : شكرا
سكارليت : شنو جيتي تديري هنا .. خاص توجدي راسك
ثلوج : بغيت نشوف داك لحيو.... كتقصد أمجاد
سكارليت : طلعيي لعندو ايكون فبيتو
تلافت سكارليت لوحدة من لخدم وصاتها توصل ثلوج و داكشي لي كان تبعاتها حتى لفين كاين بيتو
لخدامة : هاهو ا آنسة
ثلوج هزات راسها باه : صافي تقدري تمشي
مشات لخدامة و بقات ثلوج واقفة مترددة عاد شدات لبواني دوراتو و دخلات موسعة عينيها فاش بانت ليها آريا واقفة عند راسو و هو مشبح فوق الناموسية على كرشو غاطس راسو وسط لمخاد
أمجاد خشا ايديه فجيوبة الشورط و هبط براسو لمستواها هاز حواجبو : متلا عطيني بوستي ديال الصباح .. غا متال
تعلات على طراف صبيعاتها باستو على خدو و رجعات تقادت فالوقفة : هاني بستك
ودارت بغات تمشي حتى كتحس بييه جرها لعندو حتى تزدح ضهرها مع صدرو لعريض .. رتاعشات فاش عضها ملي خشا راسو فعنقها
ثلوج : رخف منييي .. واش باغي تطبعني و ليوم لخطبة ؟ و قلللت رخف
أمجاد هز راسو بزز : غا حشمت
تنترات منو و بعدات عاقدة حواجبها : لمهم وصلت لييك لميساج لي كنت كنتسناك تسمعو
سكتات و رجعات نطقات هازة حاجبها : علاش مكنتيش كتجاوب على اتصالاتيي هممم ؟
أمجاد : اجي ضربينيي
خبطاتو لصدرو : مالك كبرتيي عليها
ساطت و دارت غادة جيهت لباب قبل تخرج تلافتت لعندو : لبس رسمي عنداك تحشمني و تجي لابس سبور
أمجاد : اجي لبسينيي
كمشات فمها مغوبشة و خرجات سادة موراها لباب خلاتو ساهي و ايدو على لحيتو كيحك فيها باهتمام .. فالأخير تنهد و قصد لحمام
لتحت..
هبطات كتمتم من تحت فمها و كتبكي من لداخل .. هادا باقي مضرب بيها حتى لاكط و داير هاد لحالة معرفاتش كيفاش ايتقلب مورا الزواج واخة غا داك الشهر لي متافقين علييه .. كيجيها طوييل و محال تستحمل لعيشة معاه على أساس راجلها
حفصة كتحلف : طلعيي لبيتك هزي حوايجك و سيري لحمام دوشيي راه موجداه لييك و سخون .. بالله و متديري هادشي لي كنقول حتى عرسك نرجعو جنازة يلله طيري نتيي لا مذقتي لعصا متقاديش
ثلوج مراضياش هزات كتافها : و صافيي فهمت
مشات كتنگر حتى كتوسع عينيها من لي شافت و تلافتت لعند حفصة : امتى جاااو
حفصة بغات تندب حناكها : اويليي على الصواب
ثلوج ميلات شفايفها كتشوف فخالاتها و بناتهم و جوج من عماتها طلع ليها لخز : سلام عليكم
سلمات عليهم مجملة و مشات لعند مها : شكون عرض علييهم ؟
ثلوج : جايين باغيين اديو التبرگيگة وصافيي يخخ على عائلة
ساطت و دارت طالعة بلاما تشوف فييهم
لخالة بتمياق : يكما مبغاتناش نجييو
حفصة : الله ياوضيي بالعكس .. اجييو عاونوني جابكم الله
لعمة : مهدرتيش لينا على لعرييس
حفصة : و نوجدو بعدا شغا نحطو لناس و نشوفو سي لعريس
سناء كتطل عليهم من لفوق فيها لبكية غا حسات بحنان وقفت حداها بدات كتنخصص
حنان موسعة عينيها : علاش كتبكي
سناء : نتوما مشيتو لمدينة تزوجتو و انا انبقا هنا بايرة
قشعت مها : علاش اماما معندي زهر ؟ شنو فيها لا مشينا لمدينة ؟!!!
خبطات رجلها مع الأرض و مشات لبيتها كتبكي من نيتها
حنان بقات حاطة ايدها على حنكها : لي تزوجو طفرووه
داز لوقت فالشغال و التوجاد و كيف ديما حفصة واقفة على الشغل بإيديها تالفة بين لكوزينة و بنتها لآلة لعروسة كلا شوية تطلع تطل عليها شنو كدير
أما حنان فالنهار كامل كتشوف اتصالات أزار و مكتجاوبش .. طابت بأسئلة لخالات و بناتهم باغيين غا ميديو قاتلهم لفضول كلا شوية مسولينها على راجلها و واش بصح لباس علييه و عندو لفلوس
تعاشات لعشية و كلشي مقاد و مزوق و داير بالحالة .. من لعمات لخالات و بناتهم قول هما لي غادي اتزوجو خخ .. أما سناء طايح عليها الضيم غا كتدور و تنگر معاجبها حال
شوية مشات لعند ثلوج لي غابرة دقات عليها و حلات لباب بلاما تسمع منها كلمة " دخل "
ثلوج هزات عينيها لعند لباب.. شادة راسها بالعكفة و باقا بالبيجامة قول معندها خطبة لا والو : ياك لباس ؟
سناء مدلية شفايفها : حتى انا بغيت نتزوج
ثلوج تنهدات : سدي لباب و اجيي
سدات سناء لباب و مشات حداها كتحلبد : هانيي
ثلوج : باقا صغيرة فين باغا تزوجيي
سناء : و مال حنان تزوجت باش حسن منيي هي
ثلوج كمشات عينيها غادي تعصبها : جيني من لخر الله ارضي عليك
سناء : بغيت نمشي لمدينة
ثلوج : مور ما نتزوج انرجع نخدم .. دابا نضبر ليك فشي خدمة مزيان دابا ؟
سناء متحمسة : حلفييي ؟
ثلوج : و عطيتك لكلمة .. يله سيري خليني نبدل
سناء و قفات كتفرنس : مبروك
ومشات خلاتها حالة فمها : بنت عمي قالت ليا مبروك .. سبحان الله !
فالجيهة لخرى ..
واقفة عليه متعجبة : ياك اخويا ياك
أمجاد متوتر تلف حتى على لقاميجة كيفاش خاص اسد صدافيها : ندى غادي نضربك سيري بعدي منيي
ندى سمعات شي واحد دخل غا شافتو عقدات حواجبها : نتا بعدا مغاديش نهدر معاك
أزار : سبحان الله داكشي لي بغيت
ندى كتحلف : حتى انا فاش غادي نتزوج غادي نخليكم حتى لآخر لحظة عاد تعرفوها
ندى : قال ليا حتى لعرس و ايجي لمغرب و باغي اهدر معاك
تغريد هزات كتافها : معندي فاش نهدر معاه
ندى : بيناتكم داكشيي
تبعاتها تغريد ساهية : ياربي ميجييش
ضربات تسعود دالليل ..
فراناو تلاتة دالطموبيلات قدام الرياض غا لحديد لواعر كلا وحدة تنسييك فلاخرة .. خلاو عائلة ثلوج اديو ميعاودو
لحاج كان فالإستقبال فرحان و مقاداه فرحة كيسلم و اعاود بالسيف و هو ايتناسب مع آل عمران للمرة الثانية
أزار خلاهم ملاهيين و دخل كيقلب عليها بعينييه شاعلة فييه لعافية .. غا بانت ليها نازلة من الدروج بالقفطان و شعرها مطلوق على طولتو بانت كتحمق و واتاها لموطارد لي مطروز بييه لقفطان
مشا لعندها كيسوط : فيينو تيليفونك ؟
حنان بلعات ريقها باينة فيه معصب : فالبيت
أزار شاد راسو : علاش ديراه ملي مكتجاوبيش على اتصالاتيي
خافتو اغوت عليها خصوصاً فاش حسات ببنات خالاتها كيتطالو : و صافيي برد
سلمات عليه من لوجه : طلق لغوباشة
ذوباتو بصوتها لحنين فييساع فك حجبانو و بتاسم
حنان : تغريد جات ؟
أزار : جات هي و ندى
حنان فرحات : بصح ! .. مزيان ملي رجعات لمغرب
داز لوقت ..
حلات عليها حفصة لباب غادي تفرگع : فيين نعستيي ؟
تلافتت لعندها ثلوج بعدما كانت مركزة مع لمرايا كتقاد اخر لمسات لمسكارة .. تقادت فالوقفة كتوريها كيف جات كانت كسيوة قصيرة فالابيض كلها مشبكة و فرقة الصدر كتبان و مشدودة من جيهت لخصر بانت فورمتها لجدابة كتر و كتر .. أما شعرها لمموج خلاتو مطلوق على كتفها و برزات ملامحها بميكاب زويين كتعرف داكشي لي ايجي مع بشرتها
لبسات ثلوج لعكب و دارت سنسلة فعنقها على شكل قلب صغير عمرت ليها جيهت فرقة صدرها عاد رشات ريحتها
حفصة عاقدة حواجبها : راه كنهدر معااك .. دوزيي حيدي عليا هاد لحواييج دوزيي قبل اقتلك باك ليوم
ثلوج بعناد : و الله مخليتيني نلبسهم لا تزوجت تزوجيي نتيي
حفصة : حشمت نشبعك قرييص غا حشمت و نتي وليتي طول منيي
زفرات : الله اخرج هاد الليلة على خير .. هبطي عندي لكوزينة نعطييك صينية دلعصير دخليها .. زيديي
ثلوج هزات راسها باه : هانا جاية نقاد غا لعكر
حفصة طولات فيها الشوفة
ثلوج : و صافيي اماما متبقايش كتحسسيني قاتلة روح ياك خطبتي ندير لي بغييت
حفصة تنهدات و نزلات كتنگر
فالصالون ..
مجمعيين كيهدرو و اتناقشو
حنان : هانيي جاية
أزار : تنوضي من حدايا اندير شي شوهة
ميلات شفايفها كتسوط : نعاون ماما اويليي
أزار زفر : يلله سيري
جمعات لوقفة كتدور فعينيها بانو ليها لخالات و بناتهم و لعمات كيوشوشو .. مفهماتش كيفاش حتى تسلطو عليهم و قبل باها اتجمعو لعيالات مع الرجالة فصالون واحد .. موالف كلا جنس كيكون معزول بوحدو
نطقات لخالة بتمياق : اوا فينو سي لعريس
نطقات آريا بتبات دايرة رجل على رجل و مأنقة كيف عادتها : كيهدر فالتيليفون شي حاجة دالخدمة دابا ادخل
حسات بساجد حاوط خصرها : نوضي شوفي ولدك كوراه هرب
آريا حابسة الضحكة : متخافش راه هو لي باغي اتزوج لا متزوجش بثلوج ايتفلاشا فمخو
كاع لحضور تلافتو فاش دخل بهيبتو و جاديبيتو لخاصة .. و ريحتو لي سبقاه .. فكامل انقاتو بالكوستيم وتاه و برز كتافو لعراض .. تقدم بخطواتو عاقد حواجبو حاس بالعينين علييه و هو مكيحملش هااكة .. مشا جلس كيغمز فأزار زعما هادو مالهم تفيكساو فييه خخ
أزار : عجبتييهم الساط
أمجاد هز عينو قشع شي بنات حالين فمهم فييه خنزر فيهم و رجع شاف قدامو متبت و مرزن مبيناش فيه الصعرة لي كتجييه خخ..
كانت حفصة غادة جاية كترحب و تعاود .. فهاد الأثناء دخل كرييم لقا السلام و جلس حدا باه لايح ايديه على لمخاد .. خلاها مفيكسية عينيها فييه كتقلا غا بوحدها .. بدات كتسوط من مناخرها عند بالها شافها و دار راسو معرفهاش أما هو فالأصل بصح مشافهاش غا دار الصواب و جلس
ندى بنفخة : معجبنييش .. انمشي نجيب قرعتي من الطموبيل
آريا تحت سنانها : اويليي على لبرهوشة .. حتى نرجعو لدار غا بلاتيي
ندى لي فراسها فراسها جمعات لوقفة كتبوزا على بنات لعائلة لي حالين فمهم فيها و فلباسها لعاري .. دازت من قدامو كتعوج خلاتو مصدوم و مخرج عينيه مفاهم والو .. واش بصح جات لخطبة و لا غا كيتخايل .. بلاما احس خرج تبعها كيعيط بسميتها
أزار نغز أمجاد : ملاحظتيش تناسبنا مع نفس لعائلة .. لاش كتعاند معايا الساط
أمجاد منخل لعالام كل عقلو معاها باغي اشوفها قدامو .. غا دخلات مع لباب هازة الصينية كتفرنس داك الإبتسامة لي حفظها .. كديرها فاش كتكون غا كتمتل السعادة .. هبط عينو مع لباسها و وجهو كيتلون بلاما احس جمع ايدو على شكل قبضة كيشوف فييها كتفرق فالكيسان و تفرنس عاجبها راسها
ساط يله بغا اوقف خاطبو ساجد لي حط عليه لعين ملي دخلات : أمجاد بلا جعرة دير عقلك
أمجاد عض فمو من لداخل كيتمتم تحت منو
آريا فرحانة : صافيي غا حطي الصينية ابنتيي و دوزي حدا خطيبك لمستقبليي هه
ثلوج بتاسمت ليها ابتسامة مصطنعة و مشات لعندو خلات لحاج شاعلة فييه لعافية و حفصة حضياه خايفة تجيه سكتة قلبية غا فين كتلقا لفرصة كتبردو و صافي ..
أمجاد زفر و دار لجيهة لاخرة مباغيش اشوفها بهاد اللباس معارفش واش ايقدر اتحكم فراسو و لا لا .. ايدو سبقاه خايف اخلطها قدام لبشار
ثلوج من تحت فمها : عار ربيي فك داك لغوباشة غادي تشوهنيي مع دوك لخالات لي حاضيين
شاف لعندها بنضرة حادة مهدرش حدو حاوط خصرها و ضربها ليها بقرصة فجنب كرشها حتى غوتات : آآآآيييي
كلشيي تلافت لعندهم كيوشوشو و سناء مخرجة عينيها حيت يلله دخلت لصالون .. بقات مفيكسية من داكشي لي كتشوف لدرجة عينيها دمعو .. من ديما متبعة أمجاد و لينا فالأنسطا كتحس براسها غا كتحلم من لمشهد لي قدامها
على برى ..
كتشرب من قرعة دلما و عقلها معاه حاسة بييه جاي لعندها
كريم : ندى !
شافت لعندو كتمتل لبرود : لقروي
بتاسم و قرب لعندها طلع ليها لكسوة على صدرها : منوياش تبدليي
ندى بنفخة : شكادير هنا ؟
كريم شاف فيها داك الشوفة ديال واش من نيتك : نتيي لي شنو جيتي ديري هنا
شافت فيه حتى هي داك الشوفة ديال واش من نيتك
أمجاد شاف ساجد غمزو باش ابعد منها زفر و دار راسو مشاف والو ممسوقش لباه : علاش لبستيي هاد نص شروييطة مكانش عليك تعذبيي راسك
ثلوج هزات كتافها : عجبانيي
أمجاد كيجمع ليها : حتى لمن بعد و نورييك عجبانيي شناهيا
لخالة كتوشوش : بلا حشمة بلا حية لابسة هاد الشرويطة .. و شوف كيف لاصقة فالعريس اخر الزمان هادا
بنتها : حتى انا باغا نتزوج اماما خليني نلبس بحال ثلوج .. باش حسن مني هي تلبس هاكة
آريا : اوا كنظن نهدرو على لموضوع لي جينا على قبلو
ساجد : اه داكشي لي كين .. اوا اش بان لييك اسي لحاج نعاودو التناسيبة
لحاج كيتحلف على ثلوج بعينيه : لكانو مفاهميين حنى منزيدوهم غا لخير و الإحسان
حبك جهنم ثلوج الجزء التاسع
محتوى القصة
التنقل بين الأجزاء