كاظم دور وجهو جنب و ضحك بطريقة خلات قلبها يتزعزع من مكانو ...رجع شاف فيها و قال
كاظم: الله يرضي عليك هاكا نبغيك طيري الحشمة و متعي كيمو بكلامك محتاج نسمعو
مررات يديها ببطئ على عنقو تبورش و غمض عويناتو و زادتو بصوتها الانثوي ...
هنادي:كلام دنيا كاملة ما كافيش باش نعبر على حبي ليك أ حبيبي
شاف فيها مدة قبل ما يغطس وجهو فعنقها كيوزع عليه قبلات خفاف خلاوها ترتاعش ...
هنادي خللات أصابع يدها فخصلات شعرو الرطب و المبلل غمضات عينيها مستمتعة مع كل قبلة كيطبعها على عنقها ...
بعد و شاف فيها و كيحس بروحو الا زاد معاها غير شوية غايفقد السيطرة على راسو الشيى اللي غايخليه يمارس معاها علاقة جنسية ليلة و مع الاسف هدا شبه مستحيل لأن الآنسة هنادي مزالت متضررة من الأمس ...
حلات عينيها بتثاقل حتى تلاقات عينيها مع عينيه و حنات راسها بخجل و قال كاظم بصوت مكسور ...
كاظم :ما نقدرش نقرب ليك
هنادي هزات راسها بسرعة و مشا بالها بعيد يصحابلها حيت تعقد من داكشي اللي وقع ليه مع ملاك ...
هنادي:ك..كيفاش و علااش ؟؟؟
كاظم حط يدو على مركز انوثتها و هي تقفز من مكانها و قال بصوت حنون
كاظم:مزال كيضرك من البارح انا متأكد
هنادي حركات راسها بالايجاب و ضحكات فنفس الوقت على الفكرة الغبية اللي طاحت فبالها ..
كاظم:علاش كضحكي؟؟
هنادي:يصحابلي تعقدتي من العيالات هههه
كاظم : و علاش غانتعقد ؟؟
هنادي:على قبل داكشي اللي وقع ليك مع ملاك
كاظم: هادشي اللي وقع زاد علقني بيك أحبيبي انا غير ما بغيتش نآديك و نقصحك الجرح مزال جديد و الا نعست معاك ليلة غانآديك و انا نتمنى الموت و ما نشوفش راحة قلبي كتعدب حدايا و نكون انا سبب
هنادي عضات على شنيفاتها كدليل على تأثرها بكلماتو اللي سلبو عقلها ...
هنادي: كتفكر ليا بزاف لهلا يخطيك عليا و خلاص و لكن الا كنتي باغي هدشي حقك ما نقدرش نرفض
كاظم : نهار تزوجنا قلت ليك غانحميك من كلشي ابتداء من راسي أولا و انا ما غانكونش اناني أيام الله طويلة
هنادي ماجاوباتوش اكتفات انها تبتاسم ...
كاظم: اش بانلك نتفرجو فشي فيلم
هنادي:اهاه واخا حتى هدا نظر نيت انا ما فياش نعاس
كاظم ناض من عليها ووقف و مد ليها يدو باش يعاونها تنوض شدات فيها و قفات و قالت
هنادي: نتفرج معاك لأي حاجة بعد ليا غير من الرعب و الله ما كنقد نتفرج
كاظم جاوبها بضحيكة مرسومة على شفايفو ...
كاظم: الرعب هو كلشي انا داكشي فاش كيعجبني نتفرج
هنادي :ولكن انا ما نقدرش
كاظم دور يدو على عنقها و قال
كاظم:ما كانش كيصحابلي خوافة حتى لهاد الدرجة
هنادي هزات فيه عويناتها و قالت
هنادي: انا خوافة و لكن معاك كنحس بالأمان
❤❤❤❤
أنت أمني و أماني ومأمني ، و قوتي وقُوتِي و قوقعتي ، ومسكني وسكني وسكينتي ، وروحي و راحتي و روحانيتي وانت وردتي و أوردتي و وريدي و وتيني
❤❤❤❤
تنهد تنهيدة خارجة من أعماقو و حط شفايفو على جبينها مدة طويلة كأن الكلام ما قادرش يعبر على مدى إعجابو و حبو و عشقو ليها ما هي خدات قلبو كامل و ملاك تطردات منو و تطردات من عقلو بقات غير هنادي فقط إجتاحت كيانو و روحو و سكناتو ....
هبطو لتحت و جلسات هنادي من فوق الفوتوي و مشا هو كيختار الفيلم التافت لعندها و قال بابتسامة ...
كاظم: شنو تبغي تشوفي
هنادي:ما نكرهش نتفرج فشي فيلم هندي
كاظم : واش كتدوي من نيتك ؟؟؟
هنادي:علااش مالهم الهنود راه خطييرين فالتمثيل
كاظم مرر يدو على دقنو
كاظم: خطييرين فالكدوب لدرجة ان البطل كيهز يدو فسما كيطيح عشرة
هنادي : ههههه ناري عندهم السلوكية كتعض
كاظم:من هادشي كامل اقتارحي عليا شي فيلم ميريكاني ما كنتفرجش لهنود كيزيدو فيه
هنادي حلات فمها على وسعو و قالت
هنادي: حرااام عليك و الله حتى تحسنو فالتمثيل مالك كظلمهوم راه حتى هوما ولاو كينافسو هوليوود
كاظم: ما نعرف ما كيعجبنيش نتفرج فيهم
هنادي:ربما حيت عمرك ما تفرجتي لشي فيلم زوين ديالهم داكشي علاش
كاظم: على قبلك نتفرجو فيهم الالا اقتارحي شي فيلم
هنادي دارت يديها على دقنها كتفكر و فالأخير قالت
هنادي: aashiqui2
كاظم: من سميتو باين رومانس
هنادي: ياس وااااعر واااعر بزاااف البطل ديالو زوييين أديتيااا روي كابور مثل مع شرادها كابور فالفيلم جاو كوبل واااعر بزااف واخا القصة حزينة و لكن غاتعجبك انا متأكدة
كاظم:شنو قلتي سمية البطل ؟؟
هنادي دارت يديها تحت ذقنها و قالت بفرحة
هنادي:اديتيا روي كاابور أحسن ممثل هندي كيعرف يمثل و كايعجبني بزاااف كيوووت فاش كنت كنقرا فالليسي كنت مبلية بيه أفلامو تفرجت فيهم كااملين
كاظم حك ذقنو و طلع حاجب و نزل لخور و قال
كاظم :نتمنى يكون زال داك الاعجاب
هنادي :ههه لااا لاا داكشي فات و مات دابا انا عندي سيد رجال كيمو
كاظم تلاشات تخنزيرتو و ابتاسم و حرك راسو يمين شمال عطاها بضهر و قلب على الفيلم فيوتيب اللي عندو فالتلفاز لقاه مترجم كامل دار بلاي و بدا الفيلم و طفاو الاضواء و مع التلفازة كبيرة جات بحال جالسين فالسينيما ...
جلس حداها و تحشات فيه و قالت
هنادي: وجد كلينيكس حيت هاد الفيلم كايبكي واخا يكون قلبك حجر
كاظم ابتاسم و رد راسو اللور و مرر يدو بحنان على دراعها و ركز مع الفيلم و حتى هي التافتت كتفرج كان فيلم زوين رومانسي و لكن كانت نهاية حزيينة لدرجة ان هنادي دموعها طاحو ..كاظم هبط عينو لقاها كتبكي و تشهق على صدرو ضحك عليها و مرر يدو على شعرها و قال ..
كاظم:من نيتك ابنتي كاتبكي
هنادي هزات راسها و وجهها عااااامر دموع و شنيفاتها حومر ...
هنادي:اهئ اهئ علاش انتاحر علاش ما دارش داكشي اللي قال ليها تفووو كلما كنتفرج فيه كايطيحو دموعي
كاظم :بالعكس ضحى براسو على قبلها باش ما تبقاش معدبة معاه حيت هو فقد الامل فراسو انو ما غايقدرش يرجع كيف كان فلذلك فضل الانتحار على انو يعيش معدبها هدا هو الحب الحقيقي
هنادي بعدات من عليه و مسحات دموعها و قالت
هنادي:من نيتك كدوي كن كايبغيها بصح كن فكر فيها قبل ما ينتحر ما فكرش فكمية العداب اللي غاتعيش فيه هي و هو ما كاينش هو كان اناني جبان خواااف تفووو كيفقصني هاد الفيلم
كاظم قرب لوجهها و قال بهمس
كاظم:شكون اللي اختارو انا و لا نتي ؟؟؟
هنادي قالت بصوت طفولي مرفوب بابتسامة
هنادي:انا صراحة
كاظم:اوا تحملي مسؤوليتك
هنادي صغرات فيه عينيها و قالت
هنادي: زعما والو ما اثرش فيك هاد الفيلم ولو بنسبة واحد فالمية
كاظم :عاادي كيبقا غير فيلم
هنادي : امم مزيان اسيدي أصلن نتا قبيلة درتي لينا فيلم
كاظم تنهد بحزن و قال
كاظم : كلشي فات و كيبقاو غير دكريات ملاك كاتبقى ماضي و انا كنت غادي معاها بنيتي و لكن ماصدقاتش و الله يسمح ليها هدا ما غانقول [سكت مدة و كمل كلامو ]اش بانلك نكسرو هاد الجو الممل بواحد الحاجة زوينة
هنادي قالت بحماس
هنادي:اهاه مرحبا على راس و العين شنو هي؟؟؟
كاظم: video game
هنادي :كيفاش زعما نلعبو بالمانيطات شي لعبة
كاظم كيحرك راسو و فنفس الوقت كيلعب فخصلات شعرها
كاظم : اه اش بانلك نديرو واحد التحدي انا و ياك
هنادي : شنو هو ؟؟؟
كاظم : الا ربحتك نحكم عليك باي حاجة بغيتها و الا ربحتيني غاتحكمي عليا باي حاجة بغيتي
هنادي تقادات فالجلسة و قالت بابتسامة
هنادي:أكيد غاتربحني نتا باينة فيك مولف تلعب اما انا راه اول مرة غانلعب
كاظم :آخر مرة نسمعك كتحكري راسك حتى انا شحال هادي ما لعبت ما عرفتي تربحيني
هنادي : امم انا موافقة
كاظم جر ليها خدها و قال بحب
كاظم :هاكا نبغيك ديما ثيقي فراسك
هنادي : ها حنا غانشوفو هاد الثقة الزايدة فين غاتدينا سير على الله
ناض و شغل إحدى ألعاب الفيديو القتالية و عطاها المانيطة ديالها و حتى هو جلس حداها و قال بعدما شاف فيها
كاظم: are you ready (هل انتي مستعدة )
هنادي حركات راسها بالايجاب و قالت بصوت تحدي و راسها مرفوع
هنادي : i am ready
كاظم ابتاسم و ضغط على start و بدات اللعبة بالبدية بدا كيضرب فيها و هنادي مسكينة مصدومة ما عرفاش حتى كيفاش تلعب وهو استغل هاد القضية و عطاهااا دق و هي كتقاتل غير باش تضربو والو كيموووت عليها بضحك ...
كاظم : باغا ضربي راجلك
هنادي كتكلم و كتشوف فالتلفازة و كتقاتل باش ضربو فاللعبة
هنادي : ما شفتيش راسك نتا اللي شندلتيني واااع كيف ندير نوض
كاظم بدا يضرب فيها حتى طيحها لارض و بهاكا غايكون ربحها فأول جولة حلات عينيها على وسعهم منين شافتو ربح و قالت
هنادي : قلتلك غاتغلبني تفوووو اصلن ما كنعرفش لعب
كاظم التافت و شاف فيها
كاظم : مزالين جوج جولات تقدري تربحيني فيهم ما تفقديش الأمل
هنادي شافت فيه و ضحكات
هنادي: ديما كاين الامل
كاظم : ما تيأسيش من ضربة اللولة خاصك تعلمي تحاولي و تحاولي حتى تربحي و توقفي على رجليك
هنادي حمسها بكلامو طلعات نفس و عاودت هبطاتو و قالت
هنادي : سير على الله انا اللي غانغلبك دابا انا متأكدة
كاظم جاوبها بابتسامة
كاظم : و ما تغريش عاود
ضرباتو لكتفو و قالت
هنادي : كتبيع القرد و تضحك على اللي شراه
ابتاسم و بدا الجولة الثانية و هاد المرة هنادي بدات كتضرب فيه و هي فرحاانة
كاظم شاف فيها و ضحك ما بغاش يلعب مزيان بالعاني باش يشوف ديك الفرحة اللي على وجهها و يخليها تحس بطعم الفوز عليه قادر يضحي بهاد الجولة غير باش يشوف ديك الابتسامة اللي ترسمات على ثغرها ...
و انتاهات الجولة بفوز هنادي على كاظم الشيئ اللي خلاها تغوت بالفرحة و تقول
هنادي:و الله حتى ربحتتك و الله حتى ربحتك العزززز
دورات وجهها شافت فيه لقاتو ساهي فيها و كيضحك كيحس بيها بحال شي بنيتة صغيرة كل مرة كتبان ليه فشكل مرة كتبان ليه إمراة ناضجة و مرة كتبان ليه طفلة و هاد تنوع فشخصيتها هو اللي خلاها تبان مميزة فعينيه مرة كيحس بيها زوجة ديالو و مرة كيحس بيها طفلتو المدللة و لكن ما قدرش يحبس نفسو من الضحك على شكلها حيت ربحاتو و هو اصلن هو اللي خلاها تفوز ...
كاظم :فرحانة
هنادي :أكييد فرحااانة راني غلبت كاااظم امير و من لا يعررفه
كاظم : مزال ما غايبان الفائز حتى نساليو اللعبة
هنادي :دابا خرجنا تعاااادل و عندي أمل كبيير فإنني نربحك و غانحكم علييك
كاظم : الثقة فالنفس و الغرور ما كايتلاقاوش
هنادي مررات يديها على شعرها و حطات دراعها على كتفو و غمزاتو واحد الغميزة طيحات منو نص ..
هنادي : انا ثايقة فنفسي بلي غانربحك
كاظم تنهد مطولا و قال
كاظم : غانلعبو و نشوفو
هنادي بعدات عليه و قالت
هنادي : ها حنا غانشوفو
بدات الجولة الثالثة و خلاها ضربو الشيئ اللي خلا هنادي غاتطير بالفرحة و هي كتشوف راسها غاتغلبو مجددا و غاتفوز بالجولة الثالثة و غاتقدر تحكم عليه باش ما بغات و لكن الفرحة ما تماتش منين شافتو بدا يعطيها فدقة وحدة مورا وحدة بدات كتقاتل باش ضربو و لكن والو قضا عليها حتى طيحها لارض و انتهات اللعبة و كان الفائز فيها هو كاظم ...
كاظم : ربحت
هنادي لاحت ديك المانيطة و شافت فيه
هنادي :وا ظلم هدا و الله حتى الغش
كاظم قرب ليها و حط يدو على خدها و قرب حتى تخالطت انفاسهم و قال
هنادي هزات راسها كضحك بطريقة خلات داتو ترتاجف و قلبو يخفق بسرعة كأنه انتهى من سباق اما العرق بدا يتصبب منو ما حس براسو حتى جرها بطريقة عنيفة ما قدرش يتحكم فراسو حتى لقا نفسو كيجر فشفايفها بلهفة و بحب و ببطئ كأنه يخيط جرح قبلة كلها أحاسيس ربما فاش ما كيقدرش يعبر على مدى إعجابو بيها كيقرب و كيسرق قبلة من شفايفها تعبر على كمية المشاعر اللي خازنهم فقلبو إتجاهها ...
ما قدرش يبعد كلما كايبغي يبعد كيلقا نفسو غرااق فعسل شفايفها و ما كاينش اللي كيبغي يبعد من الحلاوة خصوصا حلاوة هنادي اللي ولات كتمثل جزء مهم من حياتو و خدات قلبو كامل و عقلو ما كيفكر غير فيها شنو دارت فيه هاد الفتاة حتى عشقها بهاد الطريقة ؟؟...
تخنقات هنادي ما بقاتش قادرة تكمل حتى بدات كتضرب ببطئ فصدرو عاد فاق و بدا كيبعد غير بشوية وعينو كيفتحها بتثاقل ...لمحها كطلع نفس بصعوبة و كتنهج حطات يديها على صدرها و شافت فيه
هنادي: كح ..كح واش بااغي تخنقني
كاظم : [مرر يدو ببطئ على خدها ] سمحيلي احبيبة
هنادي ابتاسمت و قالت
هنادي: خلينا بعدا غير تانشطحو ليك
كاظم : هي الا نضتي وريتيني شنو كاتعرفي ديري
هنادي : كاتحداني دابا
كاظم :ممكن
هنادي وقفات و غمزاتو و قالت بصوت أنثوي رقيق
هنادي :طلق لينا شي موسيقى على دوقك
كاظم : i'm so exicted
هنادي : السهرة اللي ما كملتيهاش فالبار اليوم تكملها فدار
كاظم : بحال كاظنزي عليا لا ؟؟
هنادي حركات راسها بنفي و غمزاتو و قالت
هنادي:حاشا
كاظم ضحك على كلماتها و هي عطاتو بضهر و هو شغل أغنية شرقية فاليوتيب ...
كاظم: و دوري عندي
هنادي حركات راسها بنفي طلعات نفس و عاودت هبطاتو و بدات كترقص مع إيقاع الموسيقى شرقية كتمايل بخصرها واخا ماشي شطييح و لكن قاضي الغرض سرعان ما انغمسات فشطيح و بدات كتركز من جدر عقلها و كتمايل بخصلات شعرها عجبها الحال و نسات كاع واش كاين كاظم كيشوف من موراها حيت كانت عاطياه بضهر سي نورمال ...
دازت ثواني و تعداتها لدقائق و هنادي ما بغاتش تحبس من الشطيح وااخدة راحتها على الآخر ..
كاظم كان متكي فوق الفوطوي و داير يد تحت خدو و صبعو صغير ففمو و كيطلعها و يهبطها و كيضحك بهمس على طريقة رقصها و كيتنهد تنهيدات عمييقة تنهيدات كاتبين على مدى رغبتو بيها و شحال مشهيها و شحال محتاج ليها شنو غايدير كيبقى راجل و اي راجل ضروري كتحكم فيه الشهوة ديالو واخا يعيا ما يضبط نفسو كيلقا أمواج الشهوة جراتو و داتو و خصوصا هنادي اللي كتعني ليه بزااف و كيحمااق عليها بل ولات عندو هي الحياة ولا اسمها مرتابط بالاوكسجين اللي كيستنشقو الا غابت يتخنق ...
ناض بتثاقل من فوق الفوتوي و قرب بخطوات ثابتة و دور يدو على خصرها حسات بأنفاسو فعنقها و هي تشهق و حبسات من الرقص بل تجمدات فمكانها كأن الضو ضربها ...حسات بقبلات خفاف فعنقها عرفات بلي سيد ما بقاش قادر يتحكم فراسو ... بعدات بشوية و التافتت عندو و قالت بهمس
هنادي :كيمو
هز راسو بتثاقل و شاف فيها و قال بصوت خطير
كاظم :كلشي فيك زوين شنو اللي فيك ما كيتعشقش شنو اللي فيك ما زوينش عطيني غير حاجة وحدة ؟؟
هنادي صرطات ريقها بصعوبة و كتحس بقلبها كيزدح بقوة قالت
هنادي : صبر معايا غير على ما نبرا و ديك سلعة خود راحتك
كاظم دار فيها ضحكة شريرة و قال
كاظم : أكيد غانفدي هادشي كامل [سكت شوية و كمل كلامو بابتسامة ساحرة ] شطحتك زوينة
هنادي ردات شعرها لجنب و قالت بصوت أنثوي
هنادي: اوا باش ما تقولش ما كنعرفش غير كنتواضعو معاكم و صافي
كاظم قرب ليها و هزها بين أحضانو و هي خلاص بقات مصدومة كتشوف فيه و قالت
هنادي:شنو كدير ؟؟؟
كاظم ما جاوبهاش و اتاجه لجيهة الدروج و صعد لطابق الافقي و حل الباب خطا خطوات اتاجه سرير و حطها فوق منو و طفا الأنوار و تكا حداها و عنقها عندو بقوة و قال
كاظم :تصبحي بخير الا زدت دقيقة وحدة غاندير شي حاجة اللي ماشي فصالحك
هنادي ابتاسمت و تخشات فيه كي القطيطة و قالت
هنادي : bonne nuit
غمضات عويناتها و نعسات و حاسة بقلبها كيرقص على إيقاع الفرح و سرور حيت داز كلشي بخير و كاظم قدر يتجاوز الصدمة ديالو لهاد النهار و قدر يضحك و ينشط ابتاسمت وهي كاتدكر كيفاش كانو كيلعبو و تفكرات الحكام اللي حكم عليها و هي كيف ناضت كترقص هاد اليوم غايتحفر فداكرتها كأفضل يوم رغم انو دازو فيه شي حوايج خايبين و لكن هنادي إنسانة متفائلة كتحاول تخلي غير الحوايج الايجابية فداكرتها و ربما هادشي اللي ميزها على غيرها
لم اعرفها منذ وقت طويل ... حتى سيطرت على حاضري ومستقبلي
لم احبها وحسب ,,,بل عشقتها
لا اعرف لماذا احببتها ... ولا يهمني معرفة السبب
فكل ما اعرفه وما يهمني معرفته هو ان هذه الفتاة
علمتني معنى الحب الصادق ولن اتوقف عن حبها يوما
اعشق فيها خبثها عندما تقول : اخبرني ... فاجيبها : بماذا ؟؟ فتقول : بأول حرف يبدأ فيه اسم حبيبتك
وهي على يقين بأنها هي الوحيدة في قلبي وانا لا ارى فتاة غيرها في هذه الدنيا
لن اتوقف عن حب هذه الفتاة ابدا
ويكفيني فخرا بانني احببتها يوما
وسيظل عشقها عالمي
فان لم تكن قدري فقد كانت اختياري
🌤🌤🌤🌤
صباحي فنجان قهوة وأنتِ فيه قطعة السكر، صباحي ورد وياسمين وأنتِ البستان الأخضر، صباحي قلب يشتاقُ لك وفي حضورك يرتبك ويتبعثر، صباحي جنون وخطيئة وأنتِ فيه الذنبّ الذي لا يُغفر، صباحي يا سيدتي عطشٌ لا يرتوي، جوعٌ لا يكتفي، شوقٌ لا ينتهي.
🌤🌤🌤🌤
جالسين فوق المائدة اللي كانت عامرة بأزكى الاطعمة اللي ممكن تحط فمائدة الفطور ...
دايرة رجل على رجل و كترشف من كأس القهوة و كاتكل فبتيبان و مستمتعة بهاد الصباح و الهواء المنعش اللي كيضرب فوجهها و كيخلي خصلات شعرها تناثر فالفضاء لما لا وهي جالسة فجريدة و حداها كاظم حاضيها بعينيه و كيترقبها بحب دورات عويناتها و شافت فيه و قالت بابتسامة ...
هنادي: فاش كتشوف ؟؟
كاظم : علاش سرقتي قلبي ؟؟
هنادي حنات راسها بخجل ورشفات من كاس القهوة و شافت فيه
هنادي : حيت لقيت صدرك مفتوح ههه
كاظم دور وجهو جنب ضحك و رجع شاف فيها و قال
كاظم : صدري تفتح غير ليك
هنادي صغرات فيه عويناتها و قالت
هنادي: امم اوا الله يجعلني نثيق
كاظم : غير ثيقي ابنتي
هنادي رجعات راسها لور و صاطت بغضب و قالت
هنادي : واش ما زال ما بغا يعفو عليك الله من هاد بنتي ؟؟
كاظم : علااش فيها شي عيب
هنادي : فيها عييب كبير ما كنحملهاش كتتحسسني بلي برهوشة
كاظم : و راك برهوشة شكون قالك نتي كبيرة
هنادي :من نيتك ؟؟
كاظم : وي بنتلك كنتفلا
هنادي : بصراحة انا ما كنبغيكش تعيطليا بيها كتستفزني هاد الكلمة و اصلن حرام انا وياك بينتنا علاقة زوج و زوجة ماشي اب و ابنة دابا يعجبك الحال نقولك بابا
كاظم : ما كرهتش
هنادي شافت فيه باستغراب و طلعات نفس و عاودت هبطاتو بتثاقل و قالت بصوت عصبي ...
هنادي :بعد المرات كنحس بيك أنورمال
كاظم تقاد فالجلسة و طلع حاجب و هبط لاخور
كاظم : علاش كنبانلك انورمال شنو هي الحاجة اللي بانتلك فيا ماشي هي هاديك
كاظم : كنرتاح فاش كنعيط ليك بيها ما فيها والو ما فهمتش علاش حاجة صغيرة قد هاكا باغا ترديها موضوع كبيير
هنادي قبطات فيدو و قالت بصوت هادئ
هنادي : راه حراام أ كاظم حتى فالاسلام ما يمكنش تكني مرتك باسم بنتك او لا ماماك او اختك او لا خالتك او لا عمتك حيت حراااام فهمتيها
كاظم بقا ساكت مدة و شاف فيها بتعب و قال
كاظم : و انا كنشوف فيك بنتي اللي من الواجب نحميها و مرتي و حبيبتي اللي من الواجب عليا نبغيها
هنادي : ما فهمتش اصلن شنو قصتك مع هاد الاسم بضبط ؟؟؟ حيت غريبة هاد القضية من اول نهار تلاقينا ونتا كتقولي بنتي واش العقدة ديال موت البنت اللي كنتي كتظن انها بنتك واش هي اللي اثرات عليك حتى لهاد الدرجة حتى وليتي باغي تولي اب بزز
ما ينكرش بلي كلامها طلع ليه الدم حيت كتلعب ليه على الوتر الحساس و مشات ليه لنقطة ضعف ديالو عقدة ديال انو يكون أب شحال تمنا يشوف بنتو بين يدو شحال تمنا يلعب مع بنتو و يمشط ليها شعرها بيدو شحال تمنا يخرج بنتو و يقريها بيدو و يخرج هو و ياها تمارين و يجيبها من المدرسة تمنا و تمنا و ما وصلش لمتمنياتو الشيئ اللي بصح خلا عندو عقد كبيرة فحياتو و خصوصا منلي عرف بلي البنت اللي كانت حاملة بيها ملاك ماشي بنتو ألم فظييع حس بيه فقلبو الشيى اللي انعكس على وجهو و ما قدرش يتملك أعصابو و ضرب على طبلة بيدو بقوة كيبرد فيها حر الالم اللي كيحس بيه و تحولو ملاميحو لتخنزيرة خلات هنادي ترتاجف من الخوف حيت عرفات راسها كبتاتها ديال بصح بكلامها رغم انها ما قصدات والو فقط كان كلام عفوي خرج من فمها ....
كاظم : اااااه بصح انا معقد بصح انا مريض فدمااااغي شنو كنتي كتنتاضري من شخص كان هو سبب فوفاة بنتووووو و مرتووووو اللي كانو هما حياااتو و فجأة طلع كلشي كدووووب كلشي بغيتي الحقيقية اه اناااا احمق خمس سنين و انا كنتعالج عند اطباااء نفسانيين باش نرجع لحياتي طبييعية شنو كنتي كتنتاضري مني شنوووو [ دفع بيدو الكاس اللي كان حداه و طاح و تهرس الشيئ اللي خلا هنادي تقفز من مكانها و تخاف منو أشار ليها بصبعو ما قدرش يتملك اعصابو خرج على الوعي ديالو لدرجة ما بقاش عارف شنو كايخرج على فمو ] نتي برااااسك تزوجتك حيت عندك نفس السمية اللي كنت نااااوي نسميها لبنتي فهمتيهاااا و لا ما فهمتيهاش
بقات غير كترمش فيه كأنها ما مستوعباش شنو قال تصرط لسانها لدرجة نفس ما بقاتش كطلعو و تهبطو بقوة الصدمة ملاميح وجهها ولاو جامدين و عينيها كيشوفو فيه باستفسار ....
هنادي:ش.ش..شنو قلتي ؟؟ كيفاش هاد الشي ما فهمتش كلامك واش ممكن توضحو أكثر
كاظم وقف و دوز يدو على شعرو و جرها من دراعها حتى وقفات و تلاقاو عينيه الحومر اللي شرارة كتطاير منهم مع عينيها المتلئلئين بدموع ....
كاظم خرج عن السيطرة ما بقاش عارف راسو اش كايدير و اش كايقول كاظم من بين صفات اللي فيه فاش كيتعصب ما كيعقلش على راسو بحال كيتخدر ...
كاظم : أصلللن فين عمرك فهمتيني فييين عمرك حاولتي تفهميني أ أصللللن كللللكم بحاااال بحاااال اااه انا تزوجت بييك حيت عندك نفس سمية ديال بنتي كن ما الحنانة اللي ضغطات عليا باش نتزوج عمرك تحلمي تكوني معااايا سمعتيني و نهاااار بغيت نتزوج شرطت على الحنانة بلي سمية البنت اللي غانقدر نكمل بيها حياتي خاصها تكون سميتها هناااادي عرفتي علااااش
هنادي غير كتشوف فيه و مصدومة و دموع كيهبطو من عينيها شلال ما قادرش تستحمل كلماتو الجااارحة و ما قدراش تصدق سبب اللي خلاه يتزوج بيها ...
كاظم : وااااش عرفتي علاااش و لا ما عرفتيش
هنادي قفزات من صوتو المرتفع و حركات راسها بنفي ...
كاظم : و لكن كلشي طلع كدووووب اهنادي كيف بغيتيني مااا نحماقش كييف ندييير نبقا بعقلي كييييف ندير ...
طلق منها و خررج من الفيلا و هي بقات مصدومة طاحت على الكرسي و دموع كيتسابقو على خدها ...
فنفس الاثناء حبسات طوموبيل ديال لقمان حدا الفيلا و خرج منها ادا به كيتفاجئ بكاظم خارج بواحد الرانج كانت عندو فالكاراج و ما شافش معاه هنادي بقا مستغرب و زاد استغرب منين شاف سرعة اللي غادي بيها فطريق تصدم الشيئ اللي خلا أفكار سلبية طيح على بالو ...
خطا خطوات فاتجاه الفيلا لقا الباب محلول دخل و هو يلمح هنادي جالسة فجردة و ساهية فالفراغ و دموع اللي كطيح من خدها كثييييرة بقا مصدوم ما عرفش هادو مالهم ياك كانو صحة سلام شنو واقع ...
لمحها جالسة غير بلباس قصير الشيئ اللي خلاه يدخل حاني راسو احتراما ليها و قال ...
لقمان : ختي هنادي
هزات راسها و شافت فيه و مسحات دموعها و ناضت من فوق الكرسي و قالت بصوت حزين و متعب ...
هنادي:عفاك اخويا لقمان تسناني هنا
دخلات بسرعة لداخل و لبسات عبايتها و دارت زيفها و كتحس بدنيا كدوخ بيها و كلما كاظم كيتكررو فمساميعها بوتيرة سرريعة ما بقاتش فاهمة شنو هادشي كيوقع ليها واش حتى لهاد الدرجة مكتب ليها الحزن علاش ما كيدوزش نهار الا و وقعات فيه شي كارثة حسات بقلبها كيضرها بزااف و الم كبيير كيقطع كل خلية من جسدها الى قطع صغيرة حسات بداتها فاشلة ..
نزلات بتثاقل و دماغها كيفصل و يخيط لقات لقمان جالس فالسيجور كينتاضرها غير سمع خطواتها التافت و شاف فيها و قال بصوت مستفسر ...
لقمان : ختي هنادي مالك مع كاظم كنصوني عليه ما كيجاوبش و فاش دخلت بنتيلي كاتبكي واش واقعة شي حاجة ؟؟؟
جاوباتو و شهقة د البكا طالعة من حلقها ...
هنادي:بغيت نمشي بحالي ديني من هنا اخويا عفاااك اهئ اهئ ما بقيتش قادرة نستحمل عييت هدا الله حتى انا بشر و قلبي ماشي حجر عييت ما نصبر و نهز دقة اهئ اهئ
لقمان :واغير فهميني شنو واقع
هنادي حركات راسها بنفي و مع كل كلمة كتقولها كيطيح دموعها ..
هنادي :انا براسي ما بقيتش عارفة و لا فاهمة شي حاجة تمنيت الموت تديني و تريحني
لقمان قال باستغراب
لقمان : حتى لهاد الدرجة اختي شنو واقع اللي غايخليك تمناي الموت قولي اعوذ بالله من شيطان الرجيم
هنادي جاوباتو بصوت مكسور
هنادي : كل نهار مشكل فشكل كل نهار خارجة شي حاجة من جنب و لكن كنقول لااا اهنادي خليك قوية كااظم كيستاهل هادشي اللي كديري عليه كاظم ولد ناس كاظم هو راجل اللي عطاك الحنان اللي افتاقدتيه مع داركم كاظم ما منوش جوج كاظم ما كاينش بحالو كاظم مستحيل يجرحك كاظم مستحيل نبرة صوتو تعلى عليك كاظم خاصك ديما ديريلو عدر و تبغيه اكثر من راسك باش فالتالي يجي يقارني بيها و يقولي نتي ما عمرك فهمتيني نتي فين عمرك درتيليا عدر و من فوق هادشي كامل قال ليا بلي تزوجني غير حيت سميتي كتشبه لسمية بنتو ما بقيتش عارفة راسي انا شنو كندير هنا اكتاشفت بلي عايشة مع شخص كيشوف فيا بنتو اكتاشفت بلي انا كنت عايشة مع شخص انورمااال
لقمان تصدم من كلامها عرفها عرفات الحقيقة و عرفتها بشكل ماشي هو هداك قرب ليها و قال بصوت حنون ..
لقمان :تهدني اختي هنادي الله يرحملك الواليدين
هنادي طاحت لارض و حشات وجهها بين يديها كتبكي لقمان ما بقاش عارف شنو يدير معاها قال محاولا تلطيف الجو ...
لقمان : شوف أ هنادي خويا ماشي احمق و انما كان مصدوم من نهار ماتت مرتو و بنتو دقة وحدة الشيئ اللي أثر على نفسيتو بواحد الشكل خاايب بزاااف راه ما ساهلاش الحنانة كان قلبها كيتقطع عليه كانت باغا تزوجو بأي طريقة باش تنسيه فداكشي اللي وقع و باش يبدا حياة جديدة حيت كن بقا بوحدو كيمرض و كيتفكر الماضي الشيئ اللي كيخليه يزيد يتأزم و لكن الواليدة ما خلاتوش كانت كل نهار كتضغط عليه باش يتزوج حتى مل و قرر يقولها بلي باغي بنت تكون سميتها بحال بنتو ربما ديك الابوة اللي كان باغي يعيشها بغا يعيشها مع المراة اللي غا تلقا ليه الواليدة و من زهر فريدة كانت كتعرفك و اقتارحتك على الواليدة و نهار قالتها لكاظم فرح حيت بغا يعيش داك دور و لكن نتي بغاااك ماشي كبنتو و إنما كمرتو راه كيحمااق عليك اهنادي ثيقي بيا هو ما كانش كيقصد بلي كايبغيك بحال بنتو هو عند بالو بلي كيحميك بحال بنتو هاد الموضوع هدرت معاه مرارا و تكرارا فيه و من خلال هدرتو هو كيحس بيك قريبة ليه لدرجة انه كيبغي يلقبك ببنتو هو ماشي احمق و ماشي معقد هو ما كاينش ما احسن منو فدكاء و فالرزانة و فالقلب و لكن لحظة غضب اختي نتي مولات العقل هو راه فاش كيتعصب راه ما كيعقلش و خصوصا الا طوشيتيه فشي موضوع راه ما كيعقلش على راسو ربما تكون بجوج بيكم غالطين و لكن ثيقيني الا طلبتي منو سماحة غاتربحيه اكثر و غاتزيدي تكبري فعينيه صدقيني اختي هنادي كاظم راه ما تلقايش بحالو ما تخليش شيطان يلعب بعقلك
هنادي هزات راسها و شافت فيه و قالت بصوت أكثر إنكسارا ...
هنادي : عييت ما ندير الخاطر و بقيت انا بلا خااطر اخويا لقمان
لقمان مرر يدو على دقنو و قال
لقمان :و شنو غادي ديري دابا
هنادي : باغا نرتاح
لقمان: راحتك مع كاظم اختي هنادي غير لحظة غضب صبر هو كلشي فالعلاقة بين راجل و المراة راه غير شيطان ولد الكلبة كيزيد يزند الطرح بيناتكم
هنادي تنهدات و قالت بحزن ...
هنادي :ديني عند ماما زبيدة محتاجة نهدر معاها
لقمان : واخا اختي .
خرجو من دار و طلعو فالطوموبيل و ديمارا و قلع فاتجاه الفيلا ديال زبيدة ... مسافة طريق كانت بعيدة بزااف خلات هنادي تحس بملل كبيير حطات راسها على زااجة و دكرياتها كيرجعو لهدرتو اللي قالها و باش زاد طين بلة قالها هاد الكلام و لوا مع طريق ما خلاهاش حتى تفهم منو شنو واقع حقااا يا خساارة حبها ليه صبرات حتى فاض الكاس و ما بقاتش قادرة تزيد أكثر هضرتو ماشي غير خنقتها بل خلاتها تمنى الموت بسببها حقا تسبب ليها فجرح عمييق محال داوا منو بسهوولة من نهار اللي هما مع بعضياتهم وهي هازة دقة حتى هي عياات ما بقاتش قادرة تحمل تمنات ترجع تعيش مع حمزة و عصام خوتها و لا هاد المرض و الالم و الحزن و الغمة اللي عايشة فيهم فهاد اللحظة ....
واخيرا وصلو حدا الفيلا ديال زبيدة ...حلات هنادي الباب و تبعها لقمان لقات الباب ديال دار محلول دخلات و لقات زبيدة و معتز كيفطرو فوق الطبلة ..
زبيدة التافتت لجيهة الباب شافت هنادي واقفة و عينيها منفوخيين دمووع و حالتها حالة ما فهمتش شنو واقع و قفات و خطات خطوات اتاجهها و قالت بابتسامة ...
زبيدة : مرحبااا ببنتي [حطات يديها على دراعها و قالت ] ويلي يا بنتي مال عينيك حومر شكون بكااك اويلي
هزات راسها لقات لقمان كيصوط و باينة القضية حامضة شافت فيه باستفسار و قالت
زبيدة :لقمااان شنو واااقع فينو كاظم
لقمان : اودي ما بقيت فاهم والو انا مع داك ولدك غايخوطرنا كااملين طلعي ليا فراسي و كيزيد يعدب فهاد البنت مسكينة
حولات نظراتها زبيدة لجيهة هنادي و شافت دموع نازلين من عينيها و ضربات على خدها و قالت
زبيدة : اوييييلي شنو دار لبنت
هنادي ما قدرتش تصبر و عنقات زبيدة بقوة بحال كتحاول تلقا شي صدر حنين اللي يتقاسم معاها داك الحزن اللي كتحس بيه كيقطع شرايين قلبها مررات زبيدة يديها على ضهرها و قالت
زبيدة :اوييلي يا بنتي ماالك شنو واااقع فهمووووني راني غانحماااق
معتز وقف و خطا لناحيتهم و شاف فلقمان بمعنى مال هنادي
لقمان : اودي الله يعفو علينا لله داك كاظم أ الحنااانة زاد فيه كيجرح فالبنت غير هاكاك و هاهو لوا مع طريق ما عرفناه حتى فين زاد غايحمقنا معاه
هنادي بعدات على زبيدة و قالت بحزن و كتحس بالمرار كيهبط مع حلقها
هنادي : و عيييت أ ماما زبيدة عيييت ياك قلتيليا ولدي عمرو يبكيك ياك قلتيليا ولدي غايحن فيك و يحن عليك ساعة صدق هو اكثر وااحد كيجرح فيا و ما كيتسوقش هدا الله أ خالتي زبيدة عييت حاسة براسي تخنقت
لقمان ما حس براسو حتى قرب ليها و شد فدراعها بقوة و قال
لقمان : اش جاااية ديري هنااااا
زبيدة : واش نتي كل نهار كتجي ما عندك علاااش تحشمي لقمااان جري عليها ولا شوف شنو دير معاها ختك اللي كنا كنحتارموك على قبلها ماتت و صدقات غير بنت الحرام الله يلقيها ليكم كاملين
هنادي كتمسح دموعها و غير كتشوف فجوديا اللي ما فهمتش علاش جاية ...
جوديا بغات تدخل و هو يهز لقمان يدو حتى لسما و نزل عليها لحنك دوخها و قال
لقمان : واااااش نتي كل نهار كتجي لهنا واش ما عندكش علاااش تحشمي أ الحمااارة
جوديا قبطات فحنكها وشافت فيه بشر و قالت
جوديا : جيت غير نعطي لهنادي شي حاجة و نمشي بحالي عمركم تشوفيني من البارح و انا كنتسناها تجي باش نعطيها الكادو حتى هي حراام نعطي الكادو غير لكاظم و هي بلاش
زبيدة : و مااا بغينا منك والو عطينا غير تيساااع الشكوى بيك الله
جوديا دازت فلقمان و جبدات من صاكها ضرف فالابيض و حطاتو فيد هنادي و غمزاتها و قالت
جوديا : سمحيلي أحبيبة البارح كنت انا سباب اللي خلا كاظم يسكر و يدير ديك الحالة و دابا انشاء الله نتي غاتحمااقي من مور ما تشوفي شنو كاين هنا
هنادي حولات نظراتها لظرف ما قدراتش تقاوم الفضول اللي جاها خصوصا من مور الكلام اللي قالت جوديا بالحلة باش كتحل كتحس بالارض مشات و جات بيها بقات غير كترمش اوييلي شنو هادشي كيوقع ما قدراتش تقاوم و سخفات و طاحت لارض على طولتها فيا ترى شنو هي الحاجة اللي ممكن تخليها تطيح لارض هاد نهار كان عامر بالصدمات و لكن الصدمة اللي تعرضات ليها فهاد اللحظة فاقت التوقعات و محال تغفر ليه من بعدها ....
حلات عينيها بتثاقل بانت ليها زبيدة كتبكي حدا راسها سرعان ما تقادات فالجلسة و سهات فالفراغ فاش تدكرات الصور اللي قبطات بيديها ديال كاظم مع بنت اخرى فإحدى الملاهي الليلية و ظاهر أنها صورة ملتقطة من ليلة الأمس صورة فتاة كتبوسو فخدو و مقربة ليه صورة تمنات تموت و ما تشوفهاش شنو دارت ليه باش يدير ليها هادشي شنو دارت ليه من غير انها بغاتو أكثر من راسها علاش جازاها بالخيانة الظلم الكلام الجارح كتحس بيه بحال شي واحد طلعك حتى لسما و عاود خبطك مع الارض الحب ديالو و كلامو و حنانو كلشي طلع كدوب فكدوب علاش ديما هي تعدب علاش هي ما مكتبش ليها الفرح بحالها بحال ايها ناس كرهت الحب و ما يجي منو ...طلعات منها شهقة كتبين شحال كتعاني ما لقات غير دموع باش تخفف شوية على راسها و لكن مع الاسف حتى دموع ما بقاوش قادرين يواسيو أحزانها شكون يطفي العافية اللي شاعلة فقلبها شكون يرد ليها كرامتها اللي تهانت و تدعسات شكون يداوي جروح قلبها ما بقات عارفة ما دير ما بقات عارفة ما تقول لسان تربط و روح كتحرق و ما باليد حيلة كتفكر تفارق معاه كتفكر تطلق منو يا ما قالتلو بلي أكثر حاجة ما قادراش تحملها هي الخيانة و لكن علاش قالها انا ما عمري نخونك علاش عطاها وعود كاذبة علاش ...
🔙🔙🔙 فلاش باك
هنادي:حاجة وحدة اللي ما نحملاهش هي الخيانة ما نقدرش نسامح عليها أكاظم نتا بغيتي تعرف شخصيتي و شنو اللي كايعجبني و شنو اللي ما كيعجبنيش و هانتا عرفتي عفاك ما تخونش ثقتي فيك ...
كاظم صاط أنفاس سخونة وغمض عينو وحط جبينو على جبينها حل عينو بثاقل وقال بصوت حنون
كاظم: ماتقدريش تخايلي قداش كتفرحيني بكلامك وما تقدريش تخايلي قداش انا راضي عليك وما تقدريش تخايلي قداش قلبي كيبغيك وما تقدريش تخايلي شحال أنا محتاج ليك شنو درت فحياتي باش رزقني ربي بيك وتيقنت بلي نتي أجمل رزق جاني من عند الله نتي دليل ديال محبة ربي ليا ملاك اه هي مراتي اللولة و كنبغيها حقا ولكن منين دخلتي لحياتي ولات عندها معنى باش نكون أنا وياك مفاهمين أحبيبتي نتي فيك حوايج مختالفة على ملاك خلاتني نعشقك كإبنة أولا وهادشي بحكم صغر سنك وانا كنحس بشعور الأبوة معاك حيت... [ ماعرفش علاش سكت حيت كان غايزڭم يقولها الحقيقة ولكن تراجع فآخر لحظة بمجرد ما تذكر كلام زبيدة و فكر أنها تقدر مايعجبهاش الحال و كتمها فنفسو...تنهد و كمل كلامو ] حيت نتي عشتي يتيمة وانا هنا باش نعوض داك الفراغ ونكون باباك و حبيبك و صاحبك وخوك و اللي بغيتيها أنا موجود... مسحي ديك دمعة اللي نزلات من عينيك ما كيعجبونيش البنات البكيات ولكن نتي فاش كتبكي الحاجة الوحيدة اللي كنبغي نديرها هي نبوسك...
🔚🔚🔚نهاية الفلاش باك
مافيقها من سهوتها غير يد زبيدة اللي تحطات على كتفها و قالت بصوت غالبة عليه البحة د البكا
زبيدة:بنتي عفاك براكة
لقمان و معتز كانو واقفين و هازين فيديهم صور اللي جابت جوديا ...لقمان تغلغل ديال بصح و قال ..
لقمان: فييين هو دابا هاد كاااظم فينو
هنادي شافت فلقمان و قالت بصوت مكسور
هنادي:مزيان منلي ما زال ما جا ما بغيتش نشوف وجهو مزال
زبيدة عنقاتها جنب و طبطبات على دراعها ...
زبيدة : لواه ابنتي ما تقوليش ديك الهدرة ما تسرعيش و تحكمي خلي حتى يجي و نفهمو منو شنو واقع
هنادي شافت فزبيدة بتثاقل و قالت بحزن
هنادي: ما عندي ما نفهم أ ماما زبيدة شنو غانفهم و انا شفت تصاور بدليل حدا عيني و هادشي اللي دار غير نقطة فبحر الأغلاط اللي كيدير ولدك أ ماما زبيدة أغلاط كثييرة و انا قلبي و عقلي ما بقاوش قادرين يستحملو [حشات وجهها بين يديها كتبكي ]
زبيدة : نتا ما غاتهنينااش واش حنااا كنحاولو نبردو طرح و نتا غير ما كتزيد تزندو
لقمان : شنوو بقااا مزال هاد البنت صبراات مع ولدك و لكن هو ما طلعش رااجل
زبيدة: سددد حلقك أ لقمااان حتى كلمة
لقمان: اش بقا منين يدير هاد الحالة كاملة و يجيونا تصاورو فالبيران مع البنات ما تجيش معاه حيت هو ولدك
زبيدة : حيت كاان ماشي فوعيو و هي استغلات الوضع الله ياخد فيها الحق ولدي كاظم و انا كنعرفو مااايمكنش يديرها
هنادي شافت فزبيدة و قالت
هنادي: و لكن دارها ا ماما زبيدة [بقات ساكتة مدة و قالت بصوت يبكي الحجر ] حتى انا بشر ما بقيتش قادرة نستحمل تصوري اول ليلة ليا معاه عيطليا بملاك صبرت و قلت اهنادي ماشي مشكل و اليوم ما خلا فيا غير اللي نسا قارني بملاك أ ماما زبيدة قالي نتوما كلكم بحال بحال و باش زاد كملها [طاحت من عينيها دمعة ] قالي انا اصلن مزوجك غير حيت سميتك كتشبه لسمية اللي كنت باغي نسميها بنتي يعني انا اصلن كايستاغلني باش ينسا بنتو حيت هو مريض فدمااغو اماما زبيدة كاظم هو آخر واحد كنت متوقعة يجرحني و يدير فيا هاد الحالة و لكن انا اصلن مولفة على هاد الحياة صعيب تكون كاظن بلي دنيا ضحكات ليك حتى كتلقاها غير ضحكات عليك كنت كنقول بلي كاظم ما كاينش بحالو كاظم راجل الحنين كاظم اللي ما عمرو ما يبغي يشوف دمعة فعينيك و لكن صدق هو سبب هاد دموع اهئ اهئ بغيت نمشي بحاالي بغيت نرجع لهنادي القديمة اللي كان همها تقرا و تخدم و تدي ماماها للحج
بغات تنوض و هي تشد فيديها زبيدة
زبيدة : عفاك ابنتي الا كنت عزيزة عليك و لو غير شوية بقاي غير على ما يجي كاظم و نفهمو منو شنو هادشي واقع
هنادي شافت فيها بانكسار
هنادي : ما بقيتش قاااادرة نشوف وجهو مزااال مااابقيتش قااادرة فهميني أ ماما زبيدة راه ما يمكنش نشوف راجل اللي بغيت اكثر من راسي نشوفو مع بنت اخرى راه ما يمكنش نصببر العاافية كاتكل فيا من لدااخل حتى انا بشر من دم و لحم ماشي حجر عرفتو ما كانش فوعيو عرفت بلي حيت كان سكران تقربات منو و لكن هادي هي القطرة اللي فيضات الكاس و انا ما نقدرش نبقا مع واحد كيشوف فيا بنتو و مريض فعقلو راه امبوسيبل
زبيدة طاحت دمعة من عينيها و قالت
زبيدة : و شنو الحل ؟؟ تفارقو و نتوما يالاه مزوجين ابنتي ما كاملة حتى صيمانة ما تخليوش شيطان يلعب بيناتكم يا ما عيالات كيلقاو رجالاتهم كيخونوهم و كيصابرو
لقمان : واااش أ الحنااانة حمااقيتي اش هاد الهدرة
معتز : كاااظم خرح على السيطرة عدب هنادي بزاف مسكينة ما تستاهلش انا كن كنت منها ندير نفس تصرف اكيد غانسمح فيه
زبيدة : الشكوووى لله واش باغيين تحمقوني
هنادي قبطات فيد زبيدة و قالت
هنادي:عفاك خليني نمشي بحالي ماشي انا لولة و لا لخرة اللي غايتفسخ زواجها من الاسبوع الاول ما ساهلاش عليا و لكن باغا نرتاح
زبيدة قبطات خدود هنادي بين يديها و قالت بصوت حنون
زبيدة : واخا الا كنتي باغا ترتاحي رتاحي و لكن باش تسمحي فولدي فخطرة عفاك ما ديريهاش راه يحماق راه و الله حتى كيحماق عليك الاغلاط كيوقعو ابنتي
هنادي : غلط واحد و لا جوج اغلاط ماكسيموم و لكن كاظم غير ما كيزيد فأغلاطو و انا غير بنادم ماشي ملاك باش نسامحو على كل غلط
زبيدة :و لكن رااه ما كانش فوعيو و راك كظلميه هاكا ابنتي كظلمي ولدي
هنادي : ما ظلمتوش اصلن لاش مشا لبار من ديبار امم جاوبيني راه ما كايناش بنت المراة اللي غاتصبر و هي كتشوف راجلها سكر على ود مرأة اخرى و لكن انا واخا هاكاك صبرت و لكن باش نشوفو تصاورو مع بنت اخر فالبار و علم الله شنو دار معاها اخور غانخليه باش يعرف قيمتي شوية ما يمكنش انا نبقا ديما كنسامح
على إثر كلماتها تسمع صوت سيارة فالخارج معقول تكون ديال كاظم ؟؟
لقمان حل الباب بسرعة و خرج مع معتز لقاو فعلا سيارة ديال كاظم...
ما قدرش يصبر لقمان و خرج لعند خوه و تبعو معتز ..
زبيدة مسحات دموعها و قالت بفرح
زبيدة : هاااهو جااا و ديك ساعة هدرو بالعقل واخا
هنادي : و مااا بغيتش نهدر معاها مااا بغيتش [حشات وجهها بين يديها كتبكي ]
زبيدة : الا كنتي كتقدريني غير شوية اجي معايا الله يرضي عليك الله يرحملك الواليدين ابنتي
جراتها من يديها و نوضاتها خرجو لبرا و ادا بهم كيلقاو كاظم خرج من اللوطو و لقمان نزل عليه لحنكو بلكمة خلاتهم كلهم مصدومين هنادي فشلات ما بقاتش قادرة تزيد شي خطوة للقدام ...
زبيدة ما حسات براسها حتى مشات كطير كتجر لقمان على خوه ...
كاظم شد حنكو بيدو و هز عويناتو بتثاقل و شاف فلقمان و عينو حومر و مغرغرين دمووع ...
لقمان : نتااااااا ماشي رااااجل نهاااار اللي بغيناك تزوج بيها قلنالك ماااا تبكيش ديك اليتيمة و دييير عقلك ماااشي نتا عاد قاستك المراهقة ووليتي تسكر و تبين رجوولتك عليها و تغوت عليها
زبيدة جرات لقمان و صرفقاتو لحنكو و قالت
زبيدة : سكككككت سكككككت اللي فيه كااافيه ما تزيدش علييه
كاظم ما داهاش لا فكلامو لا فغواتو عينو مشاو ديريكت لجيهة هنادي اللي متكية على الحيط و دايرة يديها على فمها دموعها شلال ...
خطا خطوات ثقال بإتجاهها حتى وصل لعندها و عنقها و ضمها لصدرو بقوة بحال كيحاول يعتاذر ليها على شنو دار و لكن أغلاط كثييرة دارها و الاعتدار فحالتو ما بقاش مقبول ...قال بصوت حنون فيه نبرة حزن و يدو كيمررها على ضهرها بحنان ..
كاظم: سمحيلي عفااك كنعتارف انا ما نسواش الصوت اللي يعلا عليك الله يقطع ديلمو من دنيا لحظة غضب ما تديش عليا ندمت بزااف على طريقة كلامي ليك نتي ما تستاهليش و لكن شنو ندير هدا طبعي فاش كنتعصب ما كنعقلش على شنو كندير ولا شنو كنقول
هنادي ما قدراتش تبادلو العناق قلبها عااامر عليه و ماشي بهاد الضمة غاتسامحو المسألة مسألة قلبها اللي تكسر الى قطع صغيرة المسألة مسألة كرامة واخا كل خلية فجسدها كتنطق بسميتو و لكن حتى هو خاصو يتعلم حتى لامتى غاتبقا تساامح و تقول ماشي مشكل ...
هنادي بعدات عليه بصعوبة حيت ما بغاش يطلق منها شافت فعينيه بإنكسار و قالت
هنادي : علايش غانسامحك و نتا كدير وحدة و تقول الله يسهل فلوخرى كنت عارفاك كتبغي ملاك و لكن باش توصل بيك درجة انك تدكر سميتها فأول ليلة ليا معاك و باش توصل بيك درجة تقارني بيها و تقولي نتوما اصلن بحال بحال يعني انا كتاهمني بالخيانة بحالها و باش توصل بيك درجة تمشي تسكر على قبلها و من فوق هادشي يوصلوني تصاورك فالبار مع بنت اخرى حتى لهناااا و براكة بغيت نرتاح منك انا عييت وااا عييت واش كتفهم من نهار تلاقينا و المشاكل فكل جيهة عمري شفت نهار الابيض معاك ربما علاقتنا غلط
كاظم بغا يحط يدو على خدها و كيحرك راسو بنفي كانه كيحاول ينفي الكلام اللي كاتقول ليك
كاظم : ياك قلتي ليا بلي غاتصبري معايا راك عارفة داكشي كامل اللي كندوز منو ماشي سااهل و ماشي لخاااطري حتى انا فكري مزياان ما يمكنش نتفارق معاك بهاد السهولة بعدما لقيتك راني نحماق [شد فيديها بجوج و قال ] ندير معاك اللي بغيتي عمري تطلبيه ليا نعطيه ليك اللي بغيتي نديرها غير باش تسمح ليا و كنواعدك ما عمري نآديك و لا نجرحك
هنادي شافت فيه مدة و قالت بصوت حزين
هنادي: محتاجة نبقا بوحدي بسلامة تهلا فراسك
طلقات من يدو و عطاتو بضهر و خطات خطوات لناحية البوابة الرئيسية شافت فلقمان و زبيدة و معتز و قالت ليهم بابتسامة
هنادي: تهلاو فراسكم
زبيدة شدات فدراعها و قالت ليها بصعوبة
زبيدة : الله يرضي عليك فكري مزيان
هنادي شافت فيد زبيدة اللي محطوطة على دراعها و طبطبات عليها و قالت ..
هنادي: غانحاول ا ماما زبيدة
لقمان : جلسي نوصلك ما تمشيش بوحدك
هنادي شافت فيه و قالت
هنادي:بغيت نبقا بوحدي
ماحسات بيد كاظم حتى جراتها و تلاقا وجهو مع وجهها و حط جبينو على جبينها و سالت دمعة من عينو و قال بصوت مهزوم ...
كاظم : ما تخلينيش عفاااك ندير اللي بغيتي
هنادي حركات راسها بنفي و قالت
هنادي:بغيت نرتاح
بعدات عليه و خرجات من البوابة الرئيسة و هو يجر لقمان كاظم من يدو و قال بصوت مكره و معصب ...
لقمان :هاااادشي اللي بغيتي هانتا ضيعتيها من يديييك حيت عييت نهدر معاك ما كتسمعش
كاظم ما قدرش يصبر باغي يبرد فقصتو فشي حاجة هز يدو نزل على لقمان بلكمة جا هو ردها ليه و هي تشبك بيناتهم زبيدة كتبكي و كتحاول تفارق مع معتز وااالو غير ما زادت شبكات ...
فجأة تسمع صوت ديال سيارة اصطدمات بشي حاجة و غالبا هاد صوت الاصطدام غايكون نتيجة اصطدام سيارة بإنسان فيا ترى هل ممكن تكون هناظي او شخص أخور من يدري ...
حبسو الشجار اللي كان بيناتهم و خرجو يشوفو شنو كاين اذا بالصدمة كتطيح عليهم أجمعين منين كيشوفو بركة دم فالأرض كبيرة و القليل من ناس ملتفين حول الشخص الملقى فالأرض كاظم رجليه فشلو ما قدرش يقرب لقمان و معتز اللي مشاو كيتجاراو يشوفو شكون فالارض و هنا وقع ما لم يكن فالحسبان هناادي ملقاة فالارض فعلاا هي اللي ضرباتها الطوموبيل الحياة ما كتعطي العهد للحد دنيا غدارة كاظم غير حس ما قدرش يخطي الخطوات اتاجههم ...
قدر يفهم بلي هنادي اللي ملقاة فالأرض غير من زبيدة اللي سخفات و صوت لقمان اللي قال بصوت مرتفع ...
لقمان : هناااادي عيييطو لاومبيلونص سربييييو
طاح على ركابيه كيضرب فوجهها اما معتز راه كيعيط لاومبيلونص اما كاظم طاح على ركابيه و شد على ودنو بيدو و كيحرك راسو يمين شمال و كيقول بصوت مرتفع ...
كاظم: ماااايمكنش ماااايمكنش مااااايمكنش
معتز مسكين ما حيلتو لهنادي ما حيلتو لزبيدة اللي سخفات فيدو ما حيلتو لكاظم اللي كيشوف حالتو فالأرض تلف ...
دخلو زبيدة لدار بالمساعدة ديال ناس و معتز مشا عند كاظم كيحاول ينوضو من الارض ...
معتز : كااظم خويا تهدن كلشي غايكون مزيااااان
كاظم حالتو ولات حالة شفايفو كيترعدو و رجليه فشلو ما بقاش قادر ينوض من الارض و دموع طاحو من عينيه و كيحرك راسو بنفي و كيشير لهنادي و يقول ...
كاظم : م..م..م..ماشي ه..هن..هن..هنادي ..م..ماشي هي م..ماشي هنااادي مااااشي هنادي هادييك ياااك ا معتز ياااك [جبد تيليفون من جيبو ]ه..ه..هانا غانعيط لي..لي..ليها ياك ق..قال..قالت ل..ليا غاتمش ..غاتمشي ترتااح و ..و ..وانا قلت..قلت ليها سيري ...غاتكون و...وصلات عند ...ماماها ...هانا غانعيط لخا..لخاالتي نسولها عليها
معتز : كااااظم فيييق أ صاااحبي توااااكض معانا راه ما غايكون غير الخير
معتز مشا عند لقمان و كيشوف فهنادي طايحة فالارض رجليه فشلو ما قدرش يشوفها فديك الحالة و خصوصا حالتها خطيييرة بزاااف غير من الدم اللي داير بركة حدا راسها ....
عاود اتاصل بالاوموبيلونص ما هي الا دقائق حتى تسمع صوت سيارة الإسعاف 🚨🚨🚨 ...
نقلوها بسرعة فسيارة الاسعاف و مشاو بسرعة فائقة حيت حالتها خطيرة ..لقمان فالبلاصة ركب فطوموبيلتو و قلع من موراهم اما كاظم مزال مصدوم و ساهي فالفراغ و كيحرك راسو يمين شمال ...
معتز مشا عندو كيحاول يوقفو من الارض ...
معتز :كاااظم نووووض أصاااحبي [بقا كيشوف فيه مدة و عطاه لكمة قوية لحنكو ] فييييق أ كاااظم راه هناااادي كتموت وا كتتموت
كاظم بحال كبيتي عليه سطل د الما بارد عاد تواكض ...
كاظم : ه..ه...هناااادي ما يمكنش تموت و تخليني هناااادي ما ديرهاااش
عطاه بضهر و مشا كيجري و تبعو معتز ما خلاهش يسوق طلع معتز فبلاصة الشيفور و كاظم طلع فالبلاصة لوخرى و قلع بسرعة فإتجاه المستشفى اللي تنقلات ليه هنادي بعدما عيط للقمان خدا منو اسم المستشفى ...
كاظم حط راسو على زاجة و دموع من عينو شلال و كيرد لراسو اللومة قلبو شاعلة فيه العافية كيحس بروحو مخنوقة و كيردد بصوت حزين ...
كاظم : الا وقعات ليها شي حاجة غانكون انا سبب
معتز تنهد و جاوبو ...
معتز : ما غايكون غير الخير هنااادي قوية غاتقااااوم
معتز : الفراشة ديالك ما يمكنش تطير و تخليك من غير الا نتا طلقتي منها و خليتيها طير
كاظم كيحرك راسو بنفي و كيردد
كاظم : ما يمكنش تمشي و تخليني و نكون انا سباب نتبعها و الله حتى نتبعها [شاف فطريق و قال بصوت مرتفع ] زيييد فسرعة خاااصني نقدهاا ما خاصنيش نخليها ضيع من يدي ما يمكنش
معتز وقف الطوموبيل حدا الاوبيطاال و هو يخرج كاظم بسرعة من الطوموبيل و معتز مسكين غي تابعو كيجري معاه كايدورو فالكولوار ديال المستشفى كي الحمااق ما سولوش حتى فالاستقبال بقوة التلفة حتى لمحو لقماان واقف و متكي على الحيط و جامع يدو عندو و كيخمم ....
وصلو عندو بسرعة البرق ...
كاظم : فيييين هي فيييين هي بنتي فييين هي راحة قلبي [ضرب لقمان لصدرو ] فيين درتووهاااا فييين
لقمان بقا ساكت مدة و شاف فيه و سالت دمعة من عينو ما قدرش يقاومها و نطق بصوت حزيين ...
لقمان : شنو دارت ليك ديك البنت باش تعدبها و توصلها لموت
كاظم بقا ساكت مدة كيحاول يستوعب كلمات لقمان اللي كيطيحو كقطرات السم على مساميعو و قلبو ...
لقمان : فات الوقت البنت كتموت ونتا سبب الرئيسي فهادشي دنوب ديك البنت غاتبقا فرقبتك الى يوم دين بسبابك وصلات لهاد الحالة كن ماجرحتيهاش بكلامك وتصرفاتك كن كاع ماغاتضطر تخرج فداك الوقت ويضربها طااكسي سي نورمال مسكينة كان دماغها مرفوع وهي كتفكر فالمشاكل اللي بيناتكم [برك بصبعو على صدر كاظم ] كن كنتي راجل كن راها دابا فداركم وفرحانين ولكن مع الاسف زهرها طيحها فشخص بحالك اناااني وكيهمو غير راسو وملاااك مرتو اللي توفات هادي قرن وهو مازال معلق بيها وكتجبدها قدامها وكتدير شي تصرفات اللي كيأكدو بلي قلبك مزال متعلق بملااك واخا يكون قلب هاد البنت حجر راه غاتخنق وغاتمل واش اصاحبي جابد سمية مرتك لولة قدامها فاول ليلة وساكر على ودها وهي مع ذلك صاابرة ولكن وصلات لواحد الحد اللي فاااض فيه الكاااس عمر البنت قلبها وصل لبلان مابقاش ليها فين تزيييد حتى لين غاتبقى هاكا وااافيق أصاااحبي فيييق و لكن حتى الفياق مابقا ليه فاش ينفع حيت البنت كاتموت الحاجة اللي غادير هو تعاونها بدعاء وانت وزهرك تقدر تعيش وانا بيدي غانطلقها منك وتقدر تموت وديك ساعة الله يرحمها غاتهنا من واحد مرييض واناني بحالك ...
كاظم كيفما قلب هنادي تجرح هو ربما قلبو تكسر وتجرح أكثر منها كلهم ردو ليه لومة كلهم كيتشفاو فيه وكيحاسبوه حتى واحد ما حاااس بيه حتى واحد ما قادر يفهمو الكلام ساهل فاش كيعايروه ويقولو ليه نتا مرييض نتا انااني نتا سبب باش وصلات هنادي اللي هي فيه ولكن ما عارفينش بلي كايقتلوه بكلامهم كأنهم كيغرسو خنجر مسموم فقلبو وكيعاودو يخرجوه وكيعاودو يحشيوه ألم رهييب كيحس بيه لدرجة تمنا الموت ... فهاد اللحظة تمنى يكون فحلم وغايفيق وغايلقا حداه راحة قلبو تمنا هادشي اللي كيعيشو يكون كاابوس ولكن الواقع هو هدا هنادي كتموت وكلهم كيوجهو ليه أصابع الإتهام شنو دار شنو الخطأ اللي دار هاد السيد اللي طول حياتو وهو باغي فقط أسرة و ربي ما سهلش وماتت ليه مرتو الاولى اللي كان كيتسطا عليها وهي حاملة فكرشها قطعة منو اللي طول حياتو وهو كيظن بلي راه بنتو وفلمحة بصر تبخر كلشي وولا سراب وصدق كلشي كدوب وصدقات كتخونو شنو كانو كينتاضرو منو واش يفرح واش كانو كينتاضرو منو انو يضحك ويعجبو الحال اصلن الغضب والألم اللي كان كيحس بيه خلاه يبغي غير يترفع ومشا سكر واي حاجة دارها كانت خارجة على الوعي ديالو والكلام اللي قال لهنادي ما عرفش براسو كيفاش حتى نطقو كلشي كيغلط وهو ماشي ملاك حتى هو إنسان وكيغلط وكل واحد فلحظة غضب كينطق شي حوايج اللي ربما فاش كيرجع لوعيو كيكره راسو حيت قالهم ولكن علاش نساو الحاجات زوينين اللي دارهم و تفكرو غير داكشي القبيح ربما طبيعة فالانسان فاش كتكون مزيااان معاه وكدير فقط غلط صغير كيضرب ليك كلشي فزيرو وهادشي اللي وقع لكاظم....
ما حس براسو حتى طاح لأرض وسها فالفراغ وكيحاول يدعي رحمان فنفسو باش يشافي راحة قلبو حيت الا مشات غاتدي معاها كلشي الا مشات هنودة ماغايقدرش يعيش كأنها غاتسرق الألوان من حياتو الله ياربي شنو دار فحياتو باش يعيش هادشي ...
فجأة تحل البلوك وخرج منو طبيب مستاء ومن وجهو باين ان حالة هنادي لا تبشر بالخير ...
لقمان فالبلاصة طار مشا وقف حدا طبيب وقال بصوت مستفسر ...
لقمان : هنااادي كي بقااات
طبيب شاف فيه وقال بصوت حزين ...
طبيب : اش كاتجيها ؟؟؟
لقمان : من العائلة
طبيب : خاصني شي حد قريب ليها
لقمان شاف فجهة كاظم وقال بسرعة
لقمان : راه هداك راجلها
كاظم على إثر الحوار اللي دار بيناتهم ناض بتثاقل من الأرض ودموع فعينيه ماقادرش يقاومهم كيتساقطو من عينو بغزارة ...
بغا يخطو خطوات فاتجاه البلوك وهو يوقف حداه طبيب وقال بصوت حزين بعدما صرط ريقو ...
طبيب : الله يرحمها جبتوها معطلة بزاف درنا جهدنا و لكن نبضها توقف بدقائق قليلة فاش وصلات درنا جهدنا ولكن ربي بغاها الله يرحمها
تسمعات صرخة كبيرة صادرة من صوت معروف ديالمن
كاظم :هناااااااااااااااااااااااااااااااااااااادي
🎵🎵🎵🎵
وماتقوليش مشات الحنينة وخلاتني
الوردة لي ماعمرها ماجرحاتني
ماخلات وصاية ولا قبل ودّعاتني
تفكرت آخر مرة حضناتني
قالت ماتخلينيش جاوبت ماتبكيش
نفديك بعمري كامل أنا باش تعيش
هاك القلب بلا بيك ماخسنيش
يا الفراشة بقاي معايا ماطيريش
Histoire D’amour جمعتنا
والحب لي كان بيناتنا
Passé Jamais يتنسا
ولو يجيو منك خمسة
أنا هديتك قلبي
صبرني يا ربي
Passé Jamais يتنسا
ولو يجيو منك خمسة
الفراق ، ماجا منك ولا مني
ماكاش من غيرك لي تكملني
و أنا عارف الموت خدلني
و حبيبتي عارفاني حسن مني
أنا هديتك قلبي
صبرني يا ربي
Passé Jamais يتنسا
ولو يجيو منك خمسة
بزز مني نرضى بلي يجيني
واخا مشيتي و خليتيني
عليك نتي باقا تدمع عيني
و ما ناسي لي بينك و بيني
🎵🎵🎵🎵
واش ممكن تكون هادي هي نهاية القصة و تموت هنادي و كاظم يتألم و يحماق الحياة ماشي ديما كتنتاهي بفرح لابد من الحزن و لا بد من النهايات السيئة فيا ترى واش هنا غاتكون نهاية قصة هنادي و كاظم من يدري ☹️
كاظم: هناااااااادي
ناض من فراشو كولو عرقان و صدرو كيطلع و ينزل كيحس بالإختناق ...
هنادي ناضت مفزوعة حيت سمعاتو كيناديها ما فهماتش شنو واقع ليه ...
كاظم حول نظراتو بسرعة حمد الله فنفسو مية ألف مرة حيت هنادي حداه و هادشي اللي شافو كامل كان مجرد كابوس و فاق منو ...
هنادي حطات يديها على كتفو و قالت
هنادي:كيمو مال..
ماجات فين تكملها حتى ضمها لصدرو بقوة بحال باغي يخبيها بين ضلوعو و كيردد بفمو ..
كاظم:حمد لله حمد الله
كيقبل راسها ببطئ و بلهفة و بسرعة كأنه ما مصدقش هنادي ما فهماتش مالو كيتصرف معاها هاكا دوخها ...
هزات راسها و شافت فعينيه و قالت بابتسامة ...
هنادي: واا حبيبي مالك هاد صباح واش بايت كتحلم بيا
كاظم قبط خدودها بين يدو و قال بصوت حنون
كاظم: نتي ما متيش نتي ما خليتينيش نتي ما عمرك تخليني ياك أ راحة قلبي
هنادي شافت فيه بإستفسار و قالت
هنادي: كيفاش ما متش ؟؟واش شي حلمة خايبة حلمتيني فيها كنموت
كاظم تنهد و قال بإنكسار ..
كاظم: كانت حلمة خايبة بزااف
هنادي ضحكات حتى تغمضو عويناتها و هو حاضيها بعينيه و كيتنهد . كيحس بقلبو كيتزعزع مع كل ابتسامة كتخرج من ثغرها ..
هنادي: كيقولك الا حلمتي بشي حد كيموت ربي كيزيد يطول ليه فالعمر
كاظم : بغيت نموت قبل منك ما قادرش نستحمل حلمة و كنت غانحماق اما فالواقع نتبعك
هنادي حطات يديها على خدو كتمرر صبيعاتها على اللحية المزينة ذقنو و قالت ...
هنادي: الله ينجيك أ حبيبي و الله يطول ليك فالعمر هو حقا الحياة ما كتعطي العهد لحد و الموت ما كتعرف لا صغير و لا كبير و مع هاد الامراض اللي ولينا كنسمعو غير الله يستر و صافي و لكن الواحد يدير يقينو فالله و ما غايقيسنا غير اللي مكتب لينا
كاظم : عرفت و لكن انا فقط كندعي حتى الا كان الموت تكتاب ليا انا قبل منك
هنادي : و انا ما غانبقاش فيك كدعي كدعي دعي بعدا نموتو أونسومبل
كاظم : حتى هادي فكرة [ابتاسم و حط نيفو على نيفها و قال بابتسامة ] خايف نخليك من مورايا و ضربيها بشي تزويجة و تنساي كيمو
هنادي شافت فيه مدة و قالت
هنادي: ما نقدرش و الله ما نقدر ما يحلا ليا حتى ولد المراة من غيرك فين نلقا بحالك و بحال حنانك و طيبتك واخا كتعصبني شي مرات و لكن ماشي مشكل كندوزها بجغيمة الما هههه
كاظم : هاديك اللي كنتي كاتعصبي على قبلها صفحة و طويتها و عمرها تدكر مزال
هنادي عجبها الحال من كلماتو و قالت بصوت فرح ...
هنادي: اوا لااابس بعدا ها مسمار طرقناه
كاظم: سمحيلي كنت كنقلقك على قبل إنسانة ما تستحقش و ما تستحقش حتى شنو كنت كندير عليها ما تستاهلش دوك سنين اللي دوزتهم حزن و كآبة على قبلها
هنادي :ما تبقاش دير فبالك كلشي فات أحبيبي
كاظم زاد عنقها عندو و هي كتخشا فيه كيف شي قطيطة ..
هنادي: كنعرف نشطح بعدا هههه
كاظم ضحك حيت تفكر ليلة الامس و مرر يدو على شعرها بحنان و عض على شنيفو و قال ...
كاظم : كتعرفي لكلشي حتى كيفاش تسرقي القلوب
هنادي هزات راسها و شافت فيه و قالت بابتسامة ..
هنادي: كتحشمني دابا
كاظم دار شفايفو على شكل بوسة و قال بحب
كاظم:يالاه بوسي بابا
هنادي دارت كرااااخ بضحك على كلامو
هنادي: من بنتي دزتي لبابا نتا هارب ليك حق الله
كاظم تدكر الحلمة و بقا ساهي فيها و فجأة قال بصوت مستفسر...
كاظم: واش عندك مشكل فاش كنقولك بنتي ؟؟واش ما كايعجبكش الحال فاش كنعيط ليك بها ؟؟؟
هنادي : نو عااادي عيطليا حتى جدة
كاظم بدا كيضحك بشكل هيستيري الشيئ اللي خلا قلبها يخفق لجمالو و جمال ابتسامتو شحال كتحمقها ضحكتو و ابتسامتو اصلن هي الحاجة اللي خلات قلبها يوقع فشباك غرامو ما قدراتش تصبر مزال قربات لشفايفو و حطات يديها على دقنو و سرقات منهم قبلة فجآتو بيها هو بقا غير مصدوم كيشوف فيها ..و لكن سرعان ما دور يدو على شعرها و بادلها القبلة بحب ..
بعدات عليه بشوية و وجهها ولا احمر ...قال ليها بصوت مرح
كاظم: شنو كتحاولي تديري امم؟؟
هنادي : كنحاول نحفظ مداق ابتسامتك
كاظم مرر يدو بحنان على خصلات شعرها و قال بإبتسامة ..
كاظم:ندوش لبنتي ؟؟
هنادي حنات راسها بخجل و قالت
هنادي: اللي بغيتي غير ما تدخلش ليا شامبو فعيني عندي منو فوبيا
كاظم عض على شنيفاتو و باس عويناتها و قال
كاظم : واش كاين شي حد غايآدي عينيه
هنادي حركات راسها بنفي و ناض كاظم هزها من فوق السرير و دخلاها لدوش ... و قامو بالإستحمام مع بعضياتهم أكيد مع اللمسات و القبلات اللي ما كيتقاداوش (الماسخين 🙈) ....
خرج هو من الدوش سبقها و لبس شورط مع سوفيطمة و وقف فالبالكون كيساينها و جبد غارو و شاف فيه مدة و شعلو كمها ما حدها باقا فدوش كيحس براسو محتاج لهاد نتيرات ...
ولكن الفرحة ديالو ما تماتش منين سمع صوتها الغاضب من مور ضهرو
هناظي: كاااتكمي أ كاااظم
كاظم لاحو فالبلاصة و هز يدو بحال واقفين عليه البوليس و قال
كاظم: ما كانكميش أشاف
هنادي عوجات فمها ما عجبهاش الحال و مع كانت طالقة شعرها و لابسة بينوار جا شكلها مضحك الشيى اللي خلا الابتسامة تضهر على شفايفو و هو كيشوف فيها ....
هنادي: نتا مريض بسكر و زايدها بالكارو فين باغي توصل باغي تقتل راسك عليها جالس عليا بغيت نسبقك و راك نيت غاتموت الا بقيتي كاتكمي
كاظم جرها من يديها و جابها قدامو و دور يدو على خصرها و باسها فعنقها و قال بصوت حنون ...
كاظم : ما غاتهنايش مني بهاد السهولة
هنادي: و ما تلقيش بيديك لتهلكة عاود
كاظم : كتخافي عليا أ برهوشتي امم
هنادي :كتعتارف بعدا بلي نتا شارف
كاظم : و علاش ما قلتياهمش ما نتزوجش بواحد اكبر مني بخمسطاش العام
هنادي : فخبارك و الله ما باينة عليك بلي فعمرك خمسة و ثلاثين عام انا نعطيك غير ديك ثمنية و عشرين عام ماكسيموم
كاظم :السبب هو انني انا مسطي و كنت باغي شي وحدة اللي تشاركني فتسطية و ما لقيت ما احسن منك
هنادي خنزرات فيه و قالت
هنادي: و دابا دوي بلا تسطية ديال بصح
كاظم : ما نقدرش نخاف نقول و تخليني
هنادي : واش انا مسطية نخليك و غير نطق و دوي راك جمدتي ليا الما فركابي
كاظم : السبب هو انا كنت ...
بقا ساكت كيشوف فيها و هي كتسناه ينطق ...
هنادي : دوي خلاص ..
كاظم : السبب اللي خلاني نتزوج بيك هو سميتك هنااادي
هنادي طلقات منو و دارت لعندو كاملة و ربعات يديها و قالت
هنادي:كيفاش تزوجتي بيا على قبل سميتي ؟؟
كاظم : كيفما كتسمعي
هنادي: ههه كيفاش هاد القضية جابت ليا الضحكة دابا كن كانت سميتي رقية ما كنتش غانكون معاك و لا كيفاش
كاظم دور وجهو جنب و ابتاسم و شاف فيها و قال
كاظم: ها باش قلتلك مسطية
هنادي: وا ما كاينش شي مسطي قدك كيفاش تزوجتي بيا حيت سميتي هنادي ؟؟؟ شرح ليا أكثر
كاظم دور وجهو جنب و حك دقنو و جاوبها
كاظم : قصة طويييلة و انا ما فياش اللي يعاود [حط يديه على ضهرها و غمزها و قال بابتسامة ] اش بانلك فعوط ما نضيعو الوقت على قبل هادشي نضيعوه فالعامر و نلعبو انا و ياك شي ماتش
هنادي تزنكات و هبطات راسها لارض و هو حابس الضحكة غير بزز نااشط عليها مزياان
كاظم : كل واحد يحاسبو ربي على قد نيتو
هنادي هزات راسها شافت فيه و عوجات فمها و قالت
هنادي: دابا هدر قولي كيفاش تزوجتيني على قبل سميتي ما تحمقنيش
كاظم مرر يدو على دقنو و قال بعد مدة صمت و رجعات بيه ذاكرتو لحادثة اللي وقعات ليه مع ملاك ...
كاظم : نهار عرفت بلي ملاك كانت حاملة ببنت اقتارحت عليا نسميوها هنادي و ما كتابش تعيش و انا دازت عليا ديك الفترة قاصحة لدرجة الا شافت شي بنت صغيرة كنعيط ليها هنادي بقوة اللي تدمرت و نهار الحنانة بغات تزوجني قلتلها بلي البنت اللي غانتزوج خاصها تكون سميتها هنادي صافي هادشي اللي وقع و فريدة كانت كتعرفك و هي اللي اقتارحتك علينا و انا دوك ليامات كنت شوية مدمر و عقلي زنزان قولت للحنانة البنت اللي غانتزوج بيها غانعاملها بحال بنتي
هنادي : هاااكاااك عليها كاتعيط ليا بنتي و انا نفهم
كاظم : وي الحنانة و لقمان شحال من مرة حاولو يردو ليا عقلي و يقولو ليا بلي هنادي راها مرتك ماشي بنتك و ما تعاملهاش بحال بنتك حيت هي مرتك و لكن انا فديك الفترة كنت معقد و كانفكر غير فبنتي و ديك الانسانة و فالتالي صدق كلشي كدوب
هنادي ابتاسمت ليه و عنقاتو ما جاوباتوش هو مرر يدو على شعرها و قبل راسها و قال ليها بحنان ...
كاظم: هادي هي الحقيقة اللي ما كنتش باغي نقولها ليك خفت تقولي بلي انا عايشة مع شخص كيشوف فيا بنتو و غايبدا يصحابلك بلي انا مريض نفسي و لكن ثيقيني نهار شفتك حقا كنت كنتعامل معاك على أساس بنتي و ما كنتش باغي نقيس فيك و لكن من بعد بديت كنبغيك ضحكتك كلامك عقليتك حنانك كيفاش كديري ليا اعتبار هادشي كامل بدا كيرد ليا عقلي شوية بشوية و زيد عليها كلام لقمان و الحنانة اللي كان كايفيقني مرة مرة حتى فغيمون بديت كنشوف فيك مرتي و حبيبتي و ما بقيتش قادر نعيش بلا بيك ...
هنادي هزات راسها و شافت فيه ببراءة طفولية و جاوباتو ...
هنادي: كلشي كيبقا غير مكاتيب و حنا مكتب و مقدر لينا نتلاقاو بهاد الطريقة العجيبة الغريبة ما كانتش صدفة انني نتسمى بسمية هنادي و ما كانتش صدفة ان مراتك تختار هاد الاسم و ما كانتش صدفة نهار قلتي لماما زبيدة بلي المراة اللي غاتزوج بيها خاصها تكون سميتها هنادي كلشي مقدر و مكتب من عند الله سبحانه اهم حاجة هو انني معاك و حداك و انت هو نعمة اللي رزقني بيها الله على صبري شحال دعيت و ناجيت رحمان عمرني توقعت غايجيني راجل بحالك و لكن حمد الله ربي ما كيخيبش عبادو اللي كيصبرو كنبغيك بزااف و ما غاتفارقنا غير الموت
بغا يجاوبها و هو سمع التيليفون كيصوني ... دخل لداخل و تبعاتو هنادي كتعطس ضربها لبرد حيت عاد خرجات من الدوش و وقفات برا نورمال غاتمرض شاف فيها و تيليفون كيصوني فيدو ..
كاظم: ضربك البرد لبسي حوايجك
هنادي : واخا أحبيبي غير ما تكونش كورونا
كاظم: الله يحمينا منها لبسي حوايجك راه الأمر ما فيهش لعب
هنادي :و دابا جااوب على التيليفون
كاع ما تسوق هو لتيليفون حط يدو على راسها لقا حرارتها مرتفعة و بدات كتكح ..
كاظم: نديك لطبيب أ بنتي
هنادي: اودي يهديك الله نزلة عادية و غاتفوت و اصلن عاد بداتني
كاظم : هادشي راه كيخلع
هنادي : و راه عادي ما نكحش ياء
كاظم: ياك ما كتحسيش بالكحة ناشفة
هنادي : كيفاش الكحة الناشفة ؟
كاظم مرر يدو على دقنو و قال كيحاول يفسر ..
كاظم: يعني الكحة ما فيهاش تنخيمة فهمتيها دابا
هنادي : لااا كحة عادية و نيفي بدا كيتسد كورونا ما كتسدش نيف غير رتاح هي كضرب صدر و كتبدا غير كتكح و كترتافع درجة الحرارة و داتك كتشدك فيها تبوريشة و كتحس بداتك مسخسة عليك و ما كتبقاش قادر تنفس غير رتاح ماشي هي ههه
كاظم : مزيان منلي عارفة الاعراض ديالها
عاود صونا ليها التيليفون و جاوب لقا لقمان...
لقمان : افين غابر اسي العريس
كاظم : غير فدنيا
لقمان : و ضربتيها بسكرة فاعلة تاركة البارح و نشطتي مع راسك ههه
كاظم: ناشط عليا لوالديك
لقمان : نطلعو عليك طوبية شوية فين هي لالا هنادي
كاظم:هاهي حدايا
لقمان : اوا سلم عليها الحنانة عارضة عليكم للفطور
كاظم: دابا نجيو
لقمان : مزيان و عنداك تنسى هنادي نا تهدر ليا مع صاحبتها راه ناوي نخطب
كاظم جاوبو بابتسامة ..
كاظم: يكون خير
هنادي : و لكن انا بغيت نشوف ماما و سعاد
كاظم: ماشي مشكل نمشيو عند الحنانة و ندوزو عندهم
لقمان : لااا راه كاينين حتى هوما هنا العائلة مجموعة
كاظم: ما خايفينش من كورونا
لقمان : اودي كورونا حمقات العالم و حنا مزال كنضحكو غير الله يدير شي تاويل د الخير مع هاد كورونا هاد 2020 دخلات بعجاجتها غير الله يحفظ مع الله يستر
كاظم: إنشاء الله ما يكون غير الخير
لقمان : وييه حنا نتمناو ربي يدير لينا اللي فيها الخير كلها كيموت غير بأجلو شي كيقولك صين اللي صيفطات الفيروس لامريكا شي كيقولك امريكا اللي صيفطات الفيروس للصين
كاظم جاوبو بابتسامة
كاظم:اودي غير يلقاو اللقاح و يمسحوها حتى فالعثماني ما كاينش مشكل
لقمان : هههه و ييه اه بعدا راه قريب غايحبسو طيارات خاصك تمشي فاقرب فرصة لفرنسا باش ما تحصلش هنا فالمغرب
كاظم: وي قطعت البيي غانمشيو فالعشية
هنادي طرطقات فيه عينيها
هنادي: اويييلي بهاد السرعة
كاظم: وي خرجات ليك البارح الفيزا كنت عوال نمشيو لتركيا و لكن مع هاد الازمة غانمشيو لفرنسا ديريكت
لقمان : هااح مزيانة فيكم كنتو عوالين تدوزو شهر العسل و انا نبقا حدا زبيدة هادشي ماشي عدل
كاظم: ما تفرحش بزااف غير على ما يتسالا هاد الفيروس و غانمشيو
لقمان: و المهم قول لديك هنادي قبل ما تمشي تهدر ليا مع إلهام راني كنعاني فصمت
كاظم: إنشاء الله يكون خير
قطع الخط وحط التيليفون وهنادي لبسات عبايتها و جلسات حدا المراية كتقاد درتها على شكل توربان الشيئ اللي خلا عنقها يبان...
كاظم حتى هو إنصارف يلبس حوايجو قميجة وسروال اسود ...
هنادي وقفات وشافت فكاظم بانلها كيرش فعطرو ودار نضيضرات ديال الشمس وقاد شعرو جا مبووووكص الشيئ اللي خلاها تحل فيه فمها ...
بدورة باش كيدور لعندها كيشوفها حالة فمها فيه من نيتها قرب ليها و قرصها فخدها و قال ...
هنادي :[ضرباتو لصدرو و بعدات منو كتشوف فزيفها اللي طايح فالارض] واش تسطيتي ولاا مالك علاش حيدتي ليا درة من صباح و انا نقاد فيها حرام عليك
جرها من يديها حتى ضربات فصدرو وتلاقات عينيها مع عينيه وقال بصوت حنون ...
كاظم: و نتي ماحشوماش عليك تخلي عنقك عريان ؟؟
هنادي: ومن زمان وانا كندير ديك الشدة زعما غير اليوم اللي بانتلك
كاظم:هنادي ديك شدة كتلفت الانتباه و كل مابنتي عادية كلما كيعجبني الحال
هنادي عوجات فمها وقالت
هنادي: وشنو دابا بغيتيني نبقا عادية باش ماتغيرش امم
كاظم: exactement الله يرضي على بنتي اللي كتفهمني أري داك راس نبوسو [باسها فراسها و هي غمضت عويناتها مستمتعة بقبلااتو ليها ] فاش تقادي درتك مزيان بشكل عادي لحقي عليا غاتلقايني كنساينك فطوموبيل داكوغ ماشيري
هنادي : وااااجي لهنا فين غادي حلاال عليك و حرااام علينا نتا تقاد و تزوز و تبان مبووكص و انا نبان قدامك كي جدااك
كاظم مرر يدو على دقنو وإبتاسم وقال
كاظم:واش دابا انا غاتغيري عليا من نيتك ؟؟
هنادي: علاش مانغيرش عليك ونتا اللي شافت فيك تبقا غير حالة فمها وانا باش طحت فيك لأول مرة غير حيت متيتز مع راسك
كاظم دار يدو على جنابو بشكل زوين وهز راسو شاف فسقف والابتسامة شاقة طريق شفايفو ...
هنادي: واضحك وزيد ضحك نتا اللي جات معاك
كاظم هبط راسو شاف فيها وهز يدو بحال مستسلم و قال ...
كاظم: هادشي اللي عطا الله كنلبس غير شوية وكنتقاد كنبان زوين
هنادي: نتاا راك عاجبك راسك هههه
كاظم غمزها و قال
كاظم: غلط كتعجبيني نتي فاش كتسمعي لهضرتي
هنادي : اجي اسيدي قاد ليا هاد زيف على دوقك
كاظم : ما كنعرفش ؟؟
هنادي: كتعرف غير تغير امم
كاظم:ماشي لخاطري قلبي كتشعل فيه العافية فاش كنشوف شي حد كيشوف فيك و يسها فيك و يضحك معاك
هنادي : واخا أ حبيبي غير هبط انا غانسالي و غانجي عندك غير بغيت نشد فيك شوية كيعجبني الحال فاش كندخل معاك فحوار شيق بحال هدا هههه
كاظم:و انا كيعجبني الحال فاش كنسمع صوتك و كتهدري معايا بعفوية و كتوريني الجانب الهبيل اللي فيك
هنادي : و انا كنحماق على ضحكة اللي كتبان على وجهك و كنكون انا سبب فيها لدرجة اني ما كنبغي حتى حد يرسم على وجهك الابتسامة من غيري
كاظم كتفشلو بكلماتها الحنونة الرومانسية اللي كتبين ليه بلي هنادي شحال هي بنات ناس و ضريفة و مرزنة و بعقلها لدرجة ديما كيلقاها فجنبو و معاه و حداه و صبرات على شحال من بلان دارو و كن كانت شي وحدة من غيرها كن سمحات فيه و لكن هنادي العكس مع كل فلاش كيديرو ليها كتزيد تعلق بيه و كتبين ليه بلي شحال كتبغيه تفكر اول نهار شافت صورة ملاك فشاشة الهاتف ديالو و تفكر نهار عيط ليها فاول ليلة ليه معاها بملاك و تفكر نهار قالت ليه بلي واخا تكون مزال باغي ملاك انا غانبغيك كل مرة كيتأكد بلي حبها ليه حب صادق طاهر شريف حقا تستحق لقب الزوجة صالحة عن جدارة و إستحقاق ...
هنادي: و مالك سهلتي رضا ههه راه طاعة الزوج و يكوم راضي عليك هاديك هي دنيا و ما فيها
قربات ليه و هزات يدو باستها و حطاتها تحت خدها و قالت
هنادي: الرسول صلى الله عليه و سلم قال :" إذا صلت المرأة خمسها و صامت شهرها و حصنت فرجها و أطاعت زوجها قيل لها : ادخلي الجنة من أي أبواب الجنة شئت " و أنا ياااا زوجي العزيز بغيييت ندخل للجنة
كاظم مرر يدو على شعرها و قال بإبتسامة
كاظم: اوا الا كان على من ناحية طاعة نتي بصح كتسمعي للهدرة كتحتارميني نتي مرضية ماماك و راجلك
هنادي : ههه و حتى نتا مرضي مرتك تنحبك انا و نموت فيك
عنقاتو بجهد خلاتو غير كيضحك على تصرفاتها الحنونة الكيوت بحالها ...
❤❤❤
لأنّ الحب شعور فطري لا يستطيع أحد العيش دونه وجب على الإنسان أن يتحرّى الحب الحلال الصافي الذي شرعه الله وحثّ عليه في كتابه العزيز وسنة نبيه الكريم ليكون راقياً لا زيف فيه ولا تشوبه شائبة .
❤❤❤
نزل كاظم لسفلي و خلا هنادي كتقاد زيفها لحقات عليه حل ليها اللوطو و طلعات فالطوموبيل اللي كانت عندو فالكاراج و قلع فإتجاه الفيلا ديال زبيدة و هنادي هزات تيليفون كاظم تلهي فيه الوقت ...
هنادي : و ناري يا صاحبي كتعطي لكدوب حكة هاهي واحد البنت سميتها جااكلين مجمع معاها هنايا
كاظم مرر يدو على دقنو و ضحك و قال
كاظم: اه كانخونك معاها هادشي اللي باغا تعرفي
هنادي: كاااظم ما تبقاش تعصبني أكثر من هاكا شكون جااكلين
كاظم: وااا بنتي و راه ما تحلا ليا حتى بنت المراة من غيرك واش كتفهميها و لا ما كتفهميها
هنادي:لاااثقة فعتيقة
كاظم: رديتينا وليات دابا اش دخل عتيقة فالموضوع
هنادي: و دااابا دوي بلا تلاوي وا شكون هاد جااكلين
كاظم: مهندسة معااايا و مهندسة كتخدم معايا ففرنسا كنخدمو ليبروجي اونسومبل و ما بقاتش دابا معايا دارت شركتها بوحدها و بقينا en contact داكوغ ماشيري فهمتيها دابا
هنادي عاد رتاحت و طلعات نفس و تقادات فالجلسة و قالت
هنادي: امم و أنا نفهم القضية فيها زميلة العمل
كاظم: اييه هي هديك زمييلة عمل
هنادي: و لكن دابا ضرب على دوك زميلات العمل دياولك بين قوسين فهمتيها ا راحة قلبي
كاظم: كاتشفري ليا الالقاب اللي كنعيط ليك بيهم اختارعي شي حاجة جديدة
هنادي : و دابا بلا ما تقلب ليا الموضوع فاش نمشيو لفرنسا ما نبغيش نشوفك شي نهار واقف مع شي وحدة و مجمع معها و فاش نقولك شكون تقولي غييير زمييلة عمل و الله حتى نتفها نتفة عااالمية و نتا نزيدك عليها
كاظم: ههه هي بلا ما نديك لفرنسا
هنادي: و علاش بسلامة ؟؟؟ باش تاخد راحتك مع زميلات العمل بين قوسين
كاظم:[دار يدو على فمو كيضحك ] غاتشوهيني تماك من هدرتك بنتيلي عيشورية مع راسك
هنادي: يااااك أخويااا و عقل على هدرتك
كاظم هز يديها باسها و حطها على قلبو ..
كاظم: غاندي بنتي و غانساريك و غانسجلك بيدي فالجامعة و غانساريك العالم و غاتولدي ليا شي بنيتة كتشبه ليك و لا ولد كيشبه لي اللي جابها الله مرحبا بها
هنادي :إنشاء الله آه بعدا فكرتييني خاصني نمشي نهدر مع إلهام على قبل لقمان
كاظم: و دابا خليتينا حتى ضربنا نص ديال طريق و نعاودو ندورو من بدا و جديد
هنادي: و عفاك أ زين خاصني نيت نتصالح معاها و نتوادعو و نهضر ليها على لقمان
كاظم: زعما إلهام مزياانة فشخصيتها و فقلبها
هنادي: هي ضريفة صاحبتي من صغر صراحة كانت كتهلا فيا و تعطيني الكتب و كانت كتصبرني فاش كايضربوني خوتي هي اللي كنت كنحط عليها راس
كاظم: امم مزيان و علاش كنتو دابزتو
هنادي: داكشي شخصي
كاظم:كتخبي عليا أ المشعككة
هنادي: أنا مشعككة ياك شعري طويل مسبسب فين شفتي هاد تشعكيكة
كاظم :ههه كنهضر على اول مرة شفت فيها شعرك الحقيقي اما هداك غير مزور
هنادي: و نتااا فين عمرك شفتي شعري
كاظم: نهار العرس ما عقلتيش فاش جيت عندك انا و سمر و قمر بنات خالتي
هنادي : وااايلي واش شفتي شعري الاصلي ناااري تشوهت
كاظم: فكل حالاتك نتي زوينة اهم حاجة هي ثقة فالنفس
هنادي: امم ياك بعدا
كاظم: ما تلفيش الموضوع علاش دابزتو نتي و صاحبتك
هنادي : صراحة على قبلك
كاظم حبس الطوموبيل حدا درب هنادي و التافت شاف فيها و قال ...
كاظم: كيفاش؟؟؟
هنادي: كيفما كتسمع
كاظم: كيفاش دابزتو على قبلي
هنادي: و قصة طويييلة
كاظم: عاودي ليا عليها حتى انا ما عندي ما يدار هانا كانسمعك
هنادي: اودي القضية و ما فيها هو أن فريدة اللي خدامة عندكم كتجيها خالتها وواحد النهار قالتلي كانت مشات معاها و شافتك و هدرات معاك و قالت ليا عجبتيها و طااحت فيك كانت ديك ساعة هي صغيرة و واقيلة كان عندكم عيد ميلاد ديال مرتك لولة و هي شافتك كيفاش كاتعامل معاها و قالتلي عجباتها شخصيتك
كاظم: و شنو دخلني انا فدابزكم مع بعضياتكم بغيت نفهم
هنادي: و هنا المشكل نهار اللي وقع فيه داك المشكل فاش ضربتي عصام خويا فالحومة فاش كنت فالجامعة فنفس نهار هدرت ليا عليك و قالت بلي نتا كتعجبها و وراتني تصويرتك و انا كنت كنعرفك قبل ما نتلاقاو حيت شفتك فوجهك
كاظم:واايلي صدفة زوينة هادي
هنادي: هههه وييه و سبحان الله العظيم قلتلها بلي غانديهلك شفتي على صدفة
كاظم: و ما مشيتي حتى درتيها ههه
هنادي: وييه شوف المكاتيب سبحان الله العظيم و من بعد هي ما عجبهاش الحال فاش خطبتيني و جاها بحال شفرتك ليها و عيراتني و ما خلات ما قالت فيا و لكن داك نهار من هضرتها بانتلي ندمات بزاااف و انا ماشي شي وحدة حقودة و منين بغاها لقمان الله يسهل عليهم الا كتب الله غاتولي مراة لوسي و ما جاتش نبقاو مخاصمين نصفيو الخواااطر
كاظم: مزيان [حط يدو على خدها و ابتاسم ليها ] عارف بنتي قلبها بيض حليب و كاتسامح دغيا
هنادي: و علاش غانبقا مخلية فقلبي من جهة بنادم الله يسهل على كل واحد
كاظم : هبطي دابا هضري معاها باش نمشيو عند الحنانة راه كيساينو فينا باش ندوزو معاهم العشية باش فاش يجي الوقت نمشيو بحالنا اوكي
هنادي: اوكي هانا مشيت
كاظم: ما نسيتي والو ؟؟
هنادي دورات وجهها و شافت فيه مدة و قالت
هنادي: باغيني نبوسك ؟؟ كرونا ما نقدرش
كاظم: هبطي دابا و من بعد نتفاهمو على هاد كورونا
هنادي ضحكات و حلات الباب و مشات لدار ديال إلهام دقات فالباب و خرجات ماماها ...
~هناادي بنتي مرحباااا بيك
هنادي: سلام خالتي كاينة إلهام
~نتي جاية تشوفي غير إلهام و حنا ما نستاهلوش زعما
هنادي ابتاسمت
هنادي: لا أخالتي جيت نشوفكم كاملين غير حيت مزروبة و صافي
~سمعناك تزوجتي الله يكمل ليك بخير و الله يسخر ليك
هنادي: أمين أ خالتي لهلا يخطيك عقبة لإلهام
إلهام سمعات صوت هنادي و خرجات كطير وقفات من مور ماماها و تلاقت عينيها مع عينين هنادي و ما حسات براسها حتى دفعات ماماها و عنقات هنادي بقوة و قالت بصوت فرح ...
إلهام: الحمد الله اللي جيتي عندي و ما نسيتينيش كنت عارفاك غاتسامحيني
بعدات عليها إلهام و عاودت عنقاتها و أم إلهام قالت
~إوا لابس اللي تصالحتو نهار كامل و هي تبكي و تفكر ايامكم و تقولي ضيعت أفضل صاحبة عندي
هنادي: أ ختي انا درت حجة و زيارة جيت نتصالح معاك و جابني غراض اخور
إلهام: علاه شنو كااين
هنادي : ما كاين غير الخير جيت و جيت بيديا عااامرين
إلهام: و تي طلقي الخبار الا غاطلقيه
هنادي: إوا لوسي لقمان ...
ما خلاتها فين تكمل و هي توقف كاتنقز من جدر عقلها
إلهام: أكيييييييد بغا نمرتي كنت عااارفاه كنت عااارفاه أصلن من داك نهار اللي كنت مخرجة الزبل حاشاك و هو تكلا فياااا و الله حتى حسيييت بيها
هنادي دارت يديها تحت ذقنها و كتضحك على الحماس اللي قاس صاحبتها فهاد اللحظة و قالت
هنادي:و الله يرد بيك أبنتي
إلهام:اللي لقا راحتو فالهبال ما عندو مااايدير بالعقل و لكن انا راه جاني راااجل بحال لقمان خو كاظم عرفتي هادوك راه لااابس عليهم ربي جاب ليا دجاجة بكامونها و سيد تيتيز و بااينة فيه شخصية و اصلن انا حبيتو علاش ماانفرحش
هنادي: وييه راه باينة الفرحة غاتنقز من عينيك غير هو ثبتي و رزني الله يرضي عليك ما تشوهيناش حدا عائلة زوجي
إلهام:مالك شفتيني كنضرب بالحجر أكيييد ما غانشوهكش اجي بعدا واش باغي يخطب و لا باغي غير يتفلا
هنادي: و هو باغي يخطب و لكن باغي بعدا يهدر معاك
إلهام: ناااري ياختي أحسن خبر سمعتو هاد نهار طاح فيا سي لقمان امييرو من لا يعرفه
هنادي:و قرايتك شنو غاديري فيها
إلهام: الله ينعل بوها قرااية تي اش غانكجدر بشي قراية دابا
هنادي: سمعيني واخا تزوجي و يكون عندك راجل فهاد الزمان خاصك ضروري ديبلوم تحت منك ما عر فتي غدا من غدا يكركبك و ديك ساعة نتي فين غا تعطي براس ؟؟
إلهام:ما حنا على فالك و زايدون اختي لهلا يخطي علينا دنيا مرات إحساس علماتنا شنو ندير نفرض عليه عشرة د المليون يعطيها لي الا بغا يطلقني و لا بغا يتزوج بيا و أملاكو نقسموها فنص
هنادي: و دابا داخلت عليك بالله دنيا و إحساس يديو عليهم ناس
إلهام: و نتي اللي كاتقولي ليا خاص يكون عندك ديبلوم و ما نعرف آش
هنادي: واخا يعطيك أملاكو كاملين غايجي واحد الوقت و غايتسالاو و ما يدوم غير المعقول هانا كنوصيك كملي قرااايتك أ الموصيبة هانا كانوصيك عنداك غير تزوجي و تحبسي سواء بلقمان سواء برجل اخور
إلهام : واخا يكون خييير و دابا كتهدري بحال شفتيني دابا غير كنضرب لاكط ما زال ما كاين والو
هنادي: و هادذي فحالة ما كان المهم قالك دكرى كاتنفع المؤمنين
إلهام : عاودي ليا بعدا على كاظم و كيفاش دوزتو داكشي و داكشي
هنادي: نعاودلك زمر تي اش غانعاود ليك داكشي اللي كيوقع راه معروف فلا تحرجني و لا تحرج نفسك
إلهام: تي مالك مسمومة نفعي صاحبتك البايرة
هنادي: واش غانقولك حبيبو كاظم حنين بزاااف هادشي ما غانقول
إلهام غمزاتها و قالت
إلهام:هي كيحاول عليك
هنادي ضرباتها لكتفها
هنادي: مالك ماااسخة مااالك
إلهام:وهههه و ها أنا غانتزوج بسي لقمان و نعيشو داكشي كااامل حلاااالااا طيبا و بلا جميل شي وحدين
هنادي: اوا الله ينعل اللي ما يحشم
إلهام: شوفي كاظم و لد ناس و ضريف وراك عارفة كان الكراش فواحد الوقت و لكن دابا ما بقاش
هنادي: دابا بانلك البلان فخوه راك ما بعديتيش بزاف
هنادي جمعات الوقفة و قالت
هنادي: غانوض نمشي عند زوجي العزيز كيتسناني فلوطو اصلن مزروبين
إلهام : علاش مزروبين فين غاديين؟؟
هنادي:غاديين عند العائلة باش فالعشية غانمشي لفرنسا
إلهام: وااايلي اصاحبتي صافي داكشي شن طن
هنادي:صاافي ياختي ربي غايعفو عليا من هاد المغرب و اخيرا
إلهام ناضت و عنقاتها و شداتها البكية و قالت
إلهام:عفاك سمحيلي على الكلام اللي خرجتو من فمي راك عارفة غير شيطان ولد الحرام ...
هنادي بعدات عليها و شدات فدرعانها بجوج و قالت
هنادي: صافي دابا نساااي داكشي فات و مات ما تبقايش دايرة فبالك حنا ولاد اليوم الله يسامح علينا لحظة غضب لعبلينا شيطان براسنا صافي دابا الحمد الله كلشي داز
إلهام عنقاتها بجهد و قالت
إلهام: أحسن صديقة فالعالم و الله
هنادي: الواحد ما غايدي معاه غير شبر و اربعة د صبعان و الموت هاد ليام كدور قد ما الواحد قدر يصفي الخواطر و يتسامح مع ناس اللي كيبغي كلما كان افضل و حتى واحد ما عرف فوقاش غايقولو الله يرحمو
إلهام : اوا الله يسامح لينا جميع
هنادي:أميين أ حبيبتي المهم غانعطي نمرتك للقمان و نتوما تفاهمو الله يسخر ليكم و الله يكمل ليكم بالخير
إلهام: و سلمي ليا عليه و عنقي ليا لالا زبيدة و بوسيها قريب تولي حماااتي
هنادي: انا ما نبوس حد ما نعنق حد هادشي اللي تنسمعو راه تيخلع الواحد كل ما إتخد الإجراءات الوقاية من الفيروس كلما راه بخيير
إلهام: و تاانتي غير دايرين بيه ضجة على والو
هنادي: دول الاوروبية كلهم كانت عندهم نفس العقلية ديالك و راهم دابا كيعانيو السبيطارات عمرو ما بقاش عندك الحق تدخل و لا تخرج و ناااس فداك تقدم كااامل و حااارو و حنا اللي غير دولة بسيطة لا من ناحية طب لا من ناحية الاقتصادية دول كيموتو فيها بالآلاف صور ديال اطباء كيبكيو حيت ما كيقدروش ينقدو ناس الكبار و اللي عندهم امراض مزمنة
إلهام : اوا و شنو الحل ؟؟؟
هنادي: الواحد يبقا فدارو أ عباد الله باش اولا ما يعاديش ناس فحالة ما كان مصاب و باش ما يتعاداش فحالة ما كان سليم
إلهام : اوا الله يدير شي تاويل
هنادي: اللهم امين هانا مشيت ازين بيزو باااي
إلهام: الله يعاون ازين
خرجات هنادي من البيت و إلهام تابعاها من اللور لقات ام إلهام جالسة فسيجور كتفطر
~ بنتي دوزي تفطري الله يرضي عليك
هنادي: لا اخالتي شكرا خاصني نمشي كاظم من قبيلة و هو كيسايني راه غانلقاه معصب
~اوا الله يسخر ليك ابنتي و الله يرزقك درية صالحة نتي بنت مرضية و مزيانة و عمر ربي يخيبك
هنادي : شكرا ا خالتي لهلا يخطيك
خرجات من الباب بعدما سلمات عليهم و التاحقت بكاظم حلات الباب ديال سيارة و طلعات و شافت فيه لقاتو كيشوف نيشان و باينة فيه كيخمم ...
هنادي: كبيدة ما توحشتينيش
كاظم التافت و شاف فيها بابتسامة مصطنعة
كاظم: أ الله يا ودي كن غير زدتي جلستي ما تعطلتيش بزاف
هنادي: أنا آسفة يااا عزيزي
كاظم ما جاوبهاش ديمارا و قلع و باينة فيه ماشي حتى لهيه ما كيهدر ما كيتكلم ...
كاظم: تعاطات لجرعة زائدة من لادروك وحالتها خطيرة بزاااف وغالبا غاتموت من غير الا كان عمرها طويل
هنادي ضربات على خدها وقالت بصوت مرتفع
هنادي: اوييلي واش كتعاطى لادروك
كاظم: انا ماكنتش عارف حتى شفت واحد المقالة فرنسية كاتهضر على حالتها
هنادي: علاش واش هي مشهورة
كاظم: وي مودل فواحد الشركة فرنسية ديال المايكاب
هنادي: والله يشافيها مسكينة
كاظم: أميين
هنادي: علاقتك بيها كيف كانت ؟؟
كاظم: فاش ماتت ديك سيدة كنت كنشوف فجوديا على أساس ختي وكانت كتفكرني فديك سيدة بين قوسين ولكن مؤخرا علاقتنا توترات
هنادي: امم و حتى هي علاش كتأدروكا هاهي جابتها فعضامها اللهم لا شماتة ولكن راه صياد نعامة يلقاها يلقاها حتى كثر ة الفلوس كتفلس والله
كاظم: الفلوس نعمة ونقمة فنفس الوقت كلما عرفتي تستخدمهم غايكون احسن ليك وفاش ما كتعرفش راها كتخرج عليك سي نورمال
هنادي: اوا الله يشافيها طلق لينا شي موسيقى نساو هاد الأجواء د الكآبة
كاظم : هي اللي ماتعاودش ههه
شغل الراديو وتطلقات أغنية
🎵🎵🎵🎵🎵
بالي نساك مستحيل عقلي معاك نهار وليل
غير افهميني غير اعذريني لا تظلميني
واعديني لا تفارقيني واعديني لا تخليني
واعديني لا تفارقيني واعديني لا تخليني
نحكي غرامي ونهضر غير عليك
نفرح نبكي نغني من شوقي ليك
... املي انت عمري انت عيني انت
واعديني لا تفارقيني واعديني لا تخليني
واعديني لا تفارقيني واعديني لا تخليني
واعديني-سعد المجرد
🎵🎵🎵🎵
كاظم طلق ليه دراعو وتكات عليه وهو كيغني مع كلمات الأغنية وكيحس بدقات قلبو كيتسارعو كلما كتكون قريبة ليه ...
كاظم: واعديني لاتفرقيني واعديني لا تخليني
هنادي: ههه ماتخافش غانلصق فيك كي الغرادة
كاظم:ههه كتعتارفي بعدا دابا درتيليا المينوط
هنادي: متأكدة من نفسي يا حبيبي
كاظم: قلبي ربطتيه
هنادي: ههه بلا سحور بلا والو داكشي ديال الله
كاظم:نتي كلك سحر
هنادي:اوا الله يخليك ليا أ رااجلي العزيز والله يبعد علينا ولاد الحرام و بنات الحرام حتى هوما
كاظم:إذن بنت الحلال ماشي مشكل
هنادي هزات راسها و شافت فيه و قالت
هنادي: الله يبعد عليك البنات اونجينيرال يابنت الحلال يا بنت الحرام نبقا غير انا اللي معاك و حداك
ابتاسم وحبس الطوموبيل حدا الفيلا ديال زبيدة و نزلو منها دقو فالباب حلات ليهم فريدة سلمو عليها دخلو لقاو معتز بطربوش أحمر فوق راسو مع ديبرادور و شورط غير شافهم وهو يحل عينو على وسعهم وبدا يضرب بيدو كي المراكشيين.....
معتز : و هاااااهاااا و هاااهاااا مرحباااا بيكم
حل يدو باش يعنق هنادي وهو يوقف كاظم بيناتهم وحيد نظاظرو و خنزر فيه ...
كاظم:بحال ضسرتي لا؟؟
معتز : بااا كاظم سكااايري
كاظم: بديتي عاود
معتز :و لكن نتا هاارب حق الله مالكم جيتو حتى لدابا عيطنالكم للفطور ماشي للغدا
معتز : بحال تشرملتي لا راني قلتلك نتا وحس بحال با إحساس
كاظم ما داهاش فكلامو وجر معاه هنادي باش يدخلو لصالون وهو يوقف فطريقهم ...
معتز : تا فين غادي خلينا نهدرو مع هنودتك
كاظم:ما عندك ما دير بيها انا اللي ولد خالتك هي اش حاشاها فالموضوع ؟؟؟
معتز: مرت ولد خالتي و ختي اللي ما ولداتهاش ليا فخيتة
كاظم: و دابا نتا غير علاش كتقلب
معتز : على خلا دار بويا [حيد طربوشو لاحو فالارض و خرج فيه عينو ] مالنا ما نخافوش
هنادي كتموت بضحك على معتز و قالت
هنادي: أ خوياا معتز و الله حتى نتا طرونط سيس بالله
معتز حول نظراتو و شاف فيها و ابتاسم
معتز :ما بقا والو و ندخل فيها و نحتافلو بعيد ميلادي مجموعين
هنادي: إنشاء الله علاش لا؟؟ .
كاظم :باركة من الهدرة
جر هنادي و دخلو لصالون و معتز من موراهم كيغني ناشط على كاظم
معتز: إوا شتي علاش تزوجتي ماعشتي ما فوجتي و هانتي تعوجتي و خرجتي على راسك
زبيدة : مرحباااااااا مرحبااااا باولادي
كاظم طلق ليها يدو و مشا بخطوات مسرعة و عنقها بجهد و باس على راسها...
كاظم: توحشتك أ حنانتي
أما هنادي مشات عنقات فضيلة و باست على راسها و يديها
هنادي: مي لابس عليك كي بقيتي مزيان
فضيلة : منين شفتك على خير هداك هو الفضل ابنتي
دازت لختها سعاد كتعنقها و تبوس
سعاد: غبرتي حتى توحشناك أ العفريتة
هنادي: غير فدنيا فينو ريان و راجلك لابس عليهم
سعاد:نقولو لباس كيسلم عليك و كيبارك ليك
هنادي دازت كتسلم على زبيدة ...
زبيدة : واتاك زواج ابنتي وجهك تنور تبارك الله
هنادي حنات راسها بخجل و هو ينطق معتز
معتز : بسيف مايتنور وجهها وهي تزوجت بالبوكوص ديال عائلة اميير
زبيدة : وماالك حسدتيها
معتز :وهو صرااحة ماعنديش لاش نحسدها ولكن تستاهل
زبيدة:اول مرة نسمعك كتقول شي حاجة معقولة بحال عباد الله
ضحكو على كلمات زبيدة كاملين دوزو عشية مبرعة نعام سيدي كلهم مجموعين ضاحكن ناشطن فرحانن جا وقت السفر ضربات الستة د العشية ..
هبط كاظم الشوانط ديال هنادي حطهم فالطوموبيل و خلا هنادي كتسالم مع عائلتها وكيتباكاو و لحق عليه لقمان فرحان وهاز تيليفونو ...
لقمان: غا تهرب علينا عاوتاني غانتوحشوك أصاط
كاظم: ماعندنا مانديرو الفراق لابد منو حتى انا غانتوحشكم بزااف
تعانقو عناق رجولي بعد لقمان وغمزو
لقمان: ولكن حتى انا قريب ندخل للقفص ذهبي
كاظم: هه أسيدي مبارك ومسعود غير هو الا دخلتي عرف معامن غادخل
لقمان: كاينة أالعشير نتمناو تكون عند حسن ظن
كاظم: حتى نتا خاصك تكون عند حسن ظن
لقمان: وا ضروري
خرجات هنادي وخرجو معاها العائلة كانت اجواء الوداع مؤلمة جدا ماتفارقو غير بالستة وستين كشيفة ....
بعد مرور خمسطاش اليوم ....
باريس 🗼🗼🗼
في إحدى أكبر العمارات المتواجدة بباريس بالضبط فواحد الأبارطمون ديكورها عصري ورائع غالب عليها اللون الأبيض والرمادي ديكورات خطيرة فكل مكان لوحات معلقة فكل بلاصة وأكثر صورة معلقة ملفتة للإنتباه صورة شخصين كنعرفوهم مزيان صورة كاظم وهنادي صورة رومانسية اللي كانو إلتاقطوها عند إحدى المصورين فالمغرب ...
فوق فوطوي ديال جلد فلون الأبيض جالسة هنادي ودايرة يديها تحت ذقنها ومغطية بملاية رطيطبة فلون الابيض و لابسة بيجامة سخونة و ذلك لبرودة طقس فمدينة باريس شاعلة تلفازة كتقلب فالقنوات ...
حسات بصوت خطواتو جاييين حتى وقف عليها شكون من غيرو كاظم اللي كان هاز كوباين فيدو واحد ديال قهوة واحد ديال الحليب بشوكولا مد ليها الكاس و صيفطاتلو قبلة فالهوا و قالت بإبتسامة ...
هنادي: ميرسي زين ديالي
جلس بجواراها و حط يدو على جبينها و قال بصوت حنون كيفما العادة ..
كاظم: كيف بقيتي ما كتحسي بحتى حاجة كضرك
هنادي: لا الحمد لله رواح خفيف و داز
كاظم : الحمد الله [عنقها عندو و مرر يدو بحنان على شعرها و كمل كلامو ] 15 يوم و حنا فدار و اليوم قالو بلي غدا بإمكاننا نخرجو و اخيييرا تسالا كابوس كورونا
هنادي تنهدات بتعب و قالت
هنادي: وأخيرا تسالا هاد فيلم الرعب اللي كنا عايشين فيه و لقاو لقاح المناسب
كاظم: حمد الله كيفما ربي كيحط داء كيحط معاه دواء و هادشي كامل اللي وقع كان فقط إبتلاء من عند الله ربما ربي شاف دنوبنا كثرات و باغانا نرجعو ليه و نتضرعو ليه الحمد لله على كل حال
هنادي: الحمد الله ربي ما كينساش عبادو الله يرحم كل واحد مات بسباب المرض و الحمد الله اللي ما قاسناش و ما قاسش عائلتنا و داز كلشي بسلام
كاظم : غدا خاصك تمشي تسجلي فالجامعة
هنادي شافت فكاظم و صغرات فيه عينيها و دلات شنيفاتها و قالت
هنادي:ما بغيتش ولفت العطلة
كاظم: بحال تكاسلتي لااا
هنادي: و عاوتاني غانبدا القراية
كاظم جرها من و دنيها و قال بصوت آمر
كاظم:و الله و ما تجي نتي اللولة ما كاينة لا تركيا لا دوران حول العالم لا تاوزة سمعتييني ابنتي
هنادي:اي اي و طلق طلق دابا و حتى نبدا القراية و ديك ساعة
كاظم: و ما نعرف اه و الله حتى نحضيك فالجامعة و نشوفك كتهدري مع شي واحد و الله حتى نبدلك من ديك الجامعة
هنادي : و مالي برهوشة و لا عاد غاتقيسني المراهقة صافي أنا عندي سيد رجال علاش غانمشي نهدر مع دراري مسالية ليهم انا
كاظم: و ما نعرف قالك دكر فإن ذكرى تنفع المؤمنين
هنادي: دابا التسعود ياك و خاصني نمشي نعس بكري باش نمشيو غدا بكري باش نتسجل يالاه تصبح بخير هانا طلعت بنتيلي نتا مزال باقي مقصر
بغات تنوض و هو يجرها من يديها حتى تزدحات مع صدرو و حط يدو تحت دقنها و قال
كاظم: كيفاش غاتنعسي ؟؟؟
هنادي:هاء و ما نعسش واش فيها شي عيب
كاظم: شنو قلتلك داك نهار ؟؟
هنادي : و صراحة نتا كتقول بزااف د الهدرة و انا ما كنعقلش داكرتي على قد الحال
كاظم: واخا ماشي مشكل حتى انا هنا باش نفكرك قلتلك داك نهار بلي من نهار ولات سميتك على سميتي ما بقاتش شي حاجة سميتها ضمير الفرد
هنادي كتكلم معاه ببلاهة و قربات حدا وجهو حتى تخالطو انفاسهم و قالت بصوت بورشو
هنادي: كاتقصد خاصنا نعسو ياك
كاظم غمزها و قال
كاظم:الله يرضي على بنتي حافضة دروسك
هنادي: قبل ما ندخل للجامعة ههه
كاظم: هادو دروس أخرى انا الي كنحطهم ممكن تحفظيهم ممكن لا و لكن دروس ديال université برب الجليل و ما تحفضيهم يا حتى [هز البانطوفة ديالو من الارض ]
هنادي ناضت كتجري و هو تبعها كيضحك كان أسرع منها أكيد ...
بغات تسد عليها الباب ديال البيت قبل ما يدخل لعندها و هو يدفعو و سدو و شاف فيها بابتسامة شريرة
كاظم: هااربة مني
هنادي: صافي و الله حتى نحفض دروسي غير ما تكعاش عليا و غير نبدا القراية بعدا و يحن الله ...
خطا خطوات اتاجهها و هي راجعة بلور حتى طاحت على سرير و طاح عليها و هي كتموت بضحك غمزها و قال ...
كاظم: تيليفون تلفزة البيسي الدوران الخروج نساايهم
هنادي: و علاااش هاد الحصار كاامل
كاظم حيد شعرها من على وجهها و باسها من فوق شفايفها بوسة خفيفية و بعد ...
كاظم: باش تولي دكتورة فالجامعة واعديني تحققي هاد الحلم
هنادي: خمس سنين غمض عينك و سدهم غاتلقاني من بين أكبر الدكاترة الجامعيين فجامعات فرنسا
كاظم : إنشاء الله
بعد مرور سبع سنوات
تمضي بنا أيام العمر سراعاً ..
فما الحياة سوى رحلة نعبرها بقارب الأمل ..
وأثناء عبورنا .. قد نضحك .. وقد نبكي ..
نفرح .. أو نحزن ..
وقد نلاقي أحباباً .. ونودع آخرين ..
وقد تتجمد مشاعرنا ... فلا يكون لصوت المشاعر صدى...
في إحدى أكبر جاامعات فرنسااا واقف من فوق المنصة من كبار الدكاترة فتلك الجامعة كيلقي الكلمة .... (الحوار بالفرنسية )
~ سيداتي ساداتي يشرفني ان أتقدم وأكون من بين الأشخاص الذين سيقومون بإعطاء شواهد الدكتورة لطلبة المتفوقين الذين وضعو مجهوداتهم كاافة و سهرو الليالي لإعطاء الأفضل و يشرفني أن انادي على سيدة هنادي أمير الحاصلة على الرتبة الاولى على صعيد الجامعة
وقفوا تلاميد إجلالا و إحتراما لسيدة هنادي امير الحاصلة على الرتبة الأولى فالجامعة بعد جد و سهر و بحوث مكثفة باش توصل لهاد المرحلة اللي كانت ماشي ساهلة و خصوصا فالجامعة الفرنسية دموع الفرحة دموع الافتخار التعب ديال سنوات نساتو بمجرد ماشافت ناس واقفين كيصفقو ليها وفرحانين ليها و من بينهم كان زوج و سند و صديق و الأخ و الأب شخص تجمع فيه كلشي شخص اللي لولاه ما توصلش لهادشي اللي وصلاتو ياما ايام تصابت بالاحباط و كانت ديما كتلقاه بجنبها كان بحال داك الاب اللي فاش كيشوف ولدو كيخطي خطوات لامام و كيسقط لارض كيمد يدو و كيوقفو و كيقولو غاتوقف إنشاء الله و كيشجعو كان نعم زوج نعم سند نعم صديق حقا هو من يستحق هدا اللقب عن جدارة و إستحقاق ...
وقف هو اللول و كيصفق ليها بحراارة و كيشوف فيها نظرة افتخار ما عمرو ندم ولو لحظة حيت تزوج بيها كانت نعمة الزوجة الصالحة حتى هو شحال من مرة كان كيستمد منها القوة كانت افضل صديقة ببساطة هنادي و كاظم كملو بعضهم البعض و كانو كالبيان واحد ساند لاخور ...
وقفات هنادي ودموعها شلال عنقها بقوة وضمها لصدرو و حشاها بين ضلوعو و دموع نزلو ليها كيحس براسو كأنه أب فخور ببنتو اللي وصلات و حققات حلمو ....
هنادي: هاد نجاح كنهديه ليك حيت نتا اكثر واحد كتستاحقو و كلشي يهون على قبل الفرحة اللي فعينيك كنبغيك
كاظم : حتى انا كنبغيك بزاااف و فخور بيك ابنتي دابا غاتولي رسميا سميتك دكتورة قلبي
هنادي: حتى انا من سنوات و انا كنتاضر نهار اللي غاتعيط ليا بهاد اللقب و ربما أحسن لقب سمعتو ..
كاظم: أنا و هارون ولدنا و العائلة كلها فخورة بيك
بعد مرور أيام
فواحد جريدة ديال منزل كاظم محطوطة واحد لاطارط كبيرة على شكل قبعة تخرج و فيها رقم 1 على شكل شمعة و لقمان و إلهام و جنات و معتز و فخيتة ام معتز و زبيدة ملتفين حول المائدة ...
وفرد جديد مهزوز بين ايادي هنادي فرد صغير نسخة طبق الأصل لكاظم و واخد شوية من سمورية هنادي إبنهم و ثمرة حبهم و ما اجمل هذه ثمرة و ما أجمل الحياة الزوجية عندما تتوج بفرد صغير كيحلي العلاقة بين زوجين ...
معتز : يااا خويا باش نعرفك مقشاش جمعتي حفلة عيد ميلاد ولدك و حفلة تخرج مراتك دقة وحدة
هنادي ابتاسمت و جاوباتو
كاظم : باش ولدي يفتاخر بماماه
زبيدة : تباارك الله على دكتورة ديالنا هنادي
هنادي: ربي يخليك أ خالتي
إلهام:فرحت ليك بزاااف أهنااادي و حنا فخورين حيت فالعائلة وحدة دكتورة بحالك
لقمان: أول وحدة دكتورة فالعائلة ياك قلتلك أ إلهام كملي قرايتك
إلهام:و ماالك راه عندي ليسونس فليكونومي اللله يجعل شي بركة
معتز : اودي ياااودي راه اللي ما عطاتوش القراية ما عطاتوش ما كاين ما ولكن
إلهام: بزاااف عليك انااا
هنادي: واش دابا غاتجلسو تداابزو
لقمان :عطيني نهز ولد خويااا عطي
زبيدة :خاصك تخاااويه ابنتي
هنادي تنهدات و قالت بتعب
هنادي: أ خالتي هانتي كتشوفي هارون و ما ولدناه غير بستة و ستين كشيفة عارفة انا عندي مشكل فوقتما كنحمل بشي ولد كيطيح
زبيدة : داكشي اللي كاين و نعمة بالله عقبة للقمان و إلهام مسااكن حتى هوما
إلهام: أميين اخاالتي عيينا بالأطباء الا ما كتبش الله شنو نديرو
لقمان:غير نتي و جنات باااركة علياا
معتز : انا اللي بقيت سيليباطيير و بييخير
فخيتة : علاه نتا تقدر تصبر معاك شي وحدة البنات كلهم طججتيهم
زبيدة : اوا ابنتي هنادي فين وصلات واحد ماماك و خوتك
هنادي: عصام و حمزة راهم دابا خداامين و سعاد راها خدامة كونطابل فواحد الشركة بعدما تفارقت مع راجلها الله يسهل عليها حتى هي بشي ولد ناس و خلاص ماما راها فدارها هدرت معاها فصباح كتسلم عليكم
زبيدة : أميين ابنتي حتى ختك مرأة مزيانة الله يجيب ليها شي نقرة فين يغبر نحاسها
هنادي : اللهم أميين
كاظم : عطيني ولدي باش يطفي اول شمعة
لقمان عطاه ليه و قال
لقمان: هاكا اخويا ولدك و نتا غير خايف عليه
شدو باسو بقوة و هنادي كتشوف فيه و كتبتاسم حتى قال معتز بصوت مرتفع...
معتز : joyeux anniversaire يااالاه كلكم معايا
الكل : سنة حلوة يااا هارون joyeux anniversaire haroun سنة حلوة يا هارون
قربات هنادي و كاظم للطارط و فيديهم هارون صاطو على شمعة و كلشي كيصفق و فرحان هز معتز التيليفون ديالو و قال
معتز : يااالاه كلكم شوفو هنا واحد جوووج ثلاثة قولو عريييس
خدا ليهم صورة جماعية كتشهد على هاد اليوم رائع اللي دوزو أونسومبل ...
بعد مرور خمس سنوات ...
تسللات أشعة شمس الى غرفة هنادي و كاظم اللي كانو ناعسين و معنقين بعضياتهم بقوة حتى كيحسو بصوت مزعج من فوق راسهم و سرير كيتهز بسرعة و صوت طفولي كيقول
هارون: فيييقو فيييقو فيييقو
تزدح هارون على ضهر كاظم و كيفيق فيه
هارون: papa
كاظم حل عينو بسرعة و هنادي حتى هي بغا هارون يهرب و هو يشدو بين يدو و زدحو حداه و بدا كيهرو فكرشو و هو كيضحك و هنادي كتشوف فيهم و كتضحك
كاظم: واش نتا كل صباح غاتبقا تصبح عليا هاكا واش ما كتحشمش
هارون غير كيضحك و كيبانو سنيناتو اللي نص فيهم ما كاينش اصلن باسو فخدو و هنادي خداتو بين أحضانها و باستو قبلة مطولة و حطات شفايفها على جبينو و بعدات و قالت ...
هنادي: ما بقيتيش كتحس بسخانة بحال البارح ياك اولدي
هارون حرك ليها راسو بنفي و تخشى فيها و هي كتبوس فيه و تعاود و كاظم معوج فمو كيشوف فيها كيفاش كتعامل مع ولدها ...
كاظم: ما شتيهش مصبح علينا كي جن راه صحيح فصيح ما كاين بو سخانة
هارون شاف فباباه و طلق ليه لسانو جرو من رجلو و قال
كاظم: سير تغسل سنااانك و وجهك عاد اجي ياالاه تحرك و ما تجريش فدروج
هارون مشا خرج كيجري و هنادي دورات وجهها كتشوف فكاظم و حتى هو بدورو التافت شاف فيها هي تقول بابتسامة ...
هنادي: صباح الخير كيمو ديالي
كاظم حط يدو على جبينو و قال
كاظم: اجي قلبي شوفي راسي بانلي طايب
هنادي :اويلي [حطات يديها على جبينو ] لااا بااارد
كاظم خنزر فيها و قال
كاظم: ولدك كاتعرفي تبوسي ليه راسو و انا كتقلبيني بيدك
هنادي ابتاسمت و بقات ساكتة كتشوف فيه ديك الشوفة ديال من نيتك و قربات ليه و قالت
هنادي: كتغير من ولدك واش حماقيتي
كاظم حط يدو على خدها و قال
كاظم: اه كنغير كيفما هو ولدك حتى انا حسبيني ولدك و راجلك
هنادي: اوا الله يرد بيك شرفتي و نتا تهتر
كاظم: انا مزال صغير و jeune
هنادي قربات و سرقات من شفايفو قبلة صباحية خفيفة و قالت
هنادي: اسيدي نتا ولدي و راجلي و صاحبي و خويا و بابا اللي ماشافوهش عينيا و نتا هو عائلتي كاملة فرحان دابا
كاظم : و نتي بنتي
هنادي: اناا راه مرتك ماشي بنتك
كاظم: واخا نوصل فينما وصلت غانبقا نشوف فيك بنتي و مرتي حيت انا الاب اللي يحميك و راجل اللي يبغيك اكثر من اي شخص فدنيا
هنادي قربات ليه و قالت بابتسامة
هنادي: الله يخليك ليا [حطات راسها على صدرو و قالت ] كنبغيك نتا رحمة اللي نزلات عليا من سما كيف ندير ما نحبكش
كاظم: و نتي هي دوا اللي داوا جروحي كااملة كنحلف ليك بلي العيشة بلا بيك محال و الحياة بلا بيك ظلام أراحة قلبي
💜🧡💛🖤❤
حبي رجُلاً! يحبك برجولته رجُلاً يقف معك وان وقف العالم ضدك ويحاول ان يكون لك أب ثاني -احبي "رجُلاً " يشتريك لا مراهق يشتهيك
💜🧡💛🖤❤
# النهاية
كانت هادي هي نهاية رحلتنا مع هنادي و كاظم قصة تعارفهم غريبة و عجيبة و كانت من بين اروع صدف اللي وقعو من فتاة فقيرة تعاني مع خوتها لدكتورة هنادي امير قصة فكرتها طاحت عليا صدفة و كتبتها و ما ندمتش عليها ربما غاتقولو بلي سرعت فنهاية و لكن اصلن القصة قصيرة و نتمنى تكون خفيفة ضريفة على قلبكم هي فقط فكرة راودتني و حطيتها على شكل قصة و الحمد لله لقات نجاح زوين و هدا شرف ليا
نتمنى من كامل قلبي تكون هاد القصة المتواضعة البسيطة عطاتكم طاقة إيجايبة و صلت ليكم فكرة ان الله سيجعل بعد عسر يسرا و الله سبحانه و تعالى عمرو ينسى عبادو مادام كيدعيوه و كيناجيوه باش يفاجي عليهم
أنا لست إبنتك أنا زوجتك الجزء التاسع والأخير
محتوى القصة
التنقل بين الأجزاء