راضية متسوقاتش ليه جراات لوجين أو گعدات فالكرسي مقااابلة مع البيرو عندو
راضية : جيت العندك اولدي خليل حينت الأمر مستعجل أو مايحتاااج تأجيل و الحالة خطيرة
وبزاااف گاع عاااد عطيني شوية من وقتك ودوز برك و سمع ليا اش بغيت نگول
خليل شاااد فرااسو وتيحاول يتحكم فاعصابو مو نزلات ليه ضغط
راضية : ولدي مالك صفر كيف القيح يكما مريض اولدي حنيني *تدوز يديها على وجهو*
خليل : واالو الواليدة والو يلاه گولي اش بغيتي تگولي أو سيرو هدي بلاصة الخدمة ماشي لعب *معصب وعروقو خارجين*
راضية : مالك اولدي بغيتي تفرگع غير برد راااه كون مكانت المسئلة خطيرة أو ضروري ما اكون فيها المخزن والله متشوف وجهي
رجع البيرو ديالو جر الكرسي جلس ودفع گاع دوك لوراق لي كان خدام فيهم الجنب أو ربع يديه وتيشوف فيهم
خليل *بصوت قوي* يااااك هدشي لي بغيتي نخلي خدمتي ونسمع ليك يلاه تكلمي هاااااااني تنسمع * تيهضر من تحت سنيه *
راضية : الله يارضي عليك اولدي غير لي بغيت نگول ليك هو مسكينة لوجين
غوااااااات وضرب بيديه البيرو حتا قفزو بزوج ...
خليل *بالغوات* وااااااااااش جاااية فوقت خدمتي مضيعة ليا وقتي غير باش نسمع هاد خزعبيلات ديال بنتك لوجين تاني ااااش وااااقع ليك اااااااامي لا لا هدشي بزاااف
ناضت لوجين ورجعات گعداتها
راضية : انت لي ماااالك مع هاد البنت سمع بعد غير أش بغيت نگول الله يرضي عليك ....
✴️وجهة أخرى ✴️
يوسف خاشي يديه فجيابو أو تليفون فودنيه
فؤاد :والله معرفتك اخويا شكون انت
يوسف : فؤاد انا يوسف كانت ساااكن حدااااكم ولد عبد الكريم نجااااار
فؤاااد : اااااااه عرفتك عرفتك دبا كيف داااير اصحبي عبووورات هدي عاااااش من شاااافك عمور هدي
يوسف : غير مع الوقت اخويا الله احفضك يااااك كلشي مزيان اش تتعاون مالين دار بخير واااااحد لوجين كبرات شوية وااااه عديني بهاااا كانت صغيورة تتجي عندنا ديما وعزيزة عليها الواليدة * رشيدة*
فؤاد : اااه سبحان الله هي كانت عزيزة على كلشي گاع دراري صغار هكاك .
يوسف : فؤاد رآه الا بغا الله راااه بحال والو نجي العندك ولكن معرفتش فين ساكنين حينت الواليدة عندي مصدعاني بغاااات تشوف لا فاطمة ولوجين
فؤاد : ايه مرحبا بيكم فأي وقت ياك انت باقي غير فنفس المدينة
يوسف: مزال غير فيها اخويا غير الواليدة لي مزال فدوار مبغاتش تنزل المدينة گالت ليك اسيدي مبغاتش تخلي جيرانها ولفاتهم
فؤاد : اه مزيان اوا خليها على خطرها انا دبا غدي رسل ليك العنوان ديالنا وقتما بغيتي تجيو مرحبا ياااك هاد رقم ديالك
يوسف : ااااه اخويا فؤاد ديالي دخلو عندك حينت غدي نتصل بيك الا جيت
فؤاد : ولا عليك كون هاني
يوسف : شكرا اخويا ونهارك مبروك *قطع*
يوسف تنهد أو رجع تليفون فجيبو ورجع طلع فطوموبيل ديالو
✴️مكان آخر✴️
راضية تتعاود الولدها أو هو تيشوف فديك المسكينة لي كانت فجنب امو ومنزلا راسها وتتلعب بصباع يديها بتوتر
راضية: هدي هي قصتها اولدي أو هدي شهادة الطبية راااه عندنا دليل بالي البنت مغتصبة اولدي جري فهاد الخير وخلينا نوصلوها الدارهم حراااام البنت تبقا مليوحة فزنقة
خليل *وقف* للأسف مزاااال كاااااينين ناس فقمة تخلف والجهل صافي غير عولو عليا انا غدي نتكلف الواليدة يمكن ليك تمشي وخليها هي معايا منين نسالي خدمتي غدي نديها الدارهم ومغدي نتهنا حتا نتأمن عليها
راضية : لا لا انا معندي فين نمشي غدي نبقا معكم برجلي برجليكم مغديش نخلي بنتي تمشي بوحدها خليهم نيت اعرفو بالي انا معها ويلا مزال مرة خرى لاحوها رااااه كاااينة امها راضية
خليل *شار بيديه* وااااخ الآلة راضية يمكن ليك دبا تمشي تجلسي انت وياها لهيه حتا نكمل هاد ضواسة لي قدامي
ناضت راضية تتجري وتضحك وشادة فيد لوجين ...
ليلى وصلات عند امها مباااان لها حد تربعااات فوق الكاني وشعلات تلفزة تتفرج جاابت تشيبس أو كوكا قدامها أو تتأكول وتتفرج وضحك كاانت فيلم كوميدي سمعات دقااان ومشااات حل الباب القاتو يوسف ...
ليلى *قبلة * حيااااتي جيتي على سلامتك دخول علاش واااقف
يوسف *تيقلب بعينيه* فينها خالتي واش مكاااين حد هناااا *لاح تجاكيط فالكانابي*
ليلى : معرفتش ماما گالت ليا نجي نتغداااا معها ساع جيت ملقيتها لا هي لا الغدا وقلة مشات السوق ..
يوسف *تيدوز يدو على شعرو* ليلى بغيت نهضر معاااك فشحاجة قبل ما ترجع خالتي
تدوز بيديها على لحيتو أو مقربة منو شفايفها قراب من شفايفو أو نفسها سخونة تضرب فصدرو بعدها منو وبقا غادي جاي معرفش كيفاش إگولها لها عرف غدي إضمرها هي مجنونة بيه هي تتعشقو وكلامو غدي يقتلها
ليلى طاحت من على وقفتها فوق الفوتوي أو عينيها مغرغرين بدموع
ليلى *بصوت مبحوح* لا تضحك معايا لا مستحيل هدشي لي تنسمع كيفاش بغيتي نتفارقو او حبنا أو العشرة لي بينا واش هدشي كامل غدي ضربو فزيرو
قربات ليه وشدات وجهو بين يديها وبااااستو فمو بوسة طويلة لي نساجم معها حينت حتا هو تيبغيها ولكن تراااجع فاخير اللحضة مبغااااش يستسلم أو يضعاف دفعها
يوسف: عفااااااك بلاما تصعبيها عليا ولا عليك الفراااق هو الحل انت بغيتي لولاد ونااا عقيم ا ليلى تتفهميها انا ماااا تنولدش ومعمرني غدي نولد ومن احسن تكملي حياتك مع شي انسان اخور تولدي معاااااه قد ما بغيتي من حقك
ليلى *بالغوات* شكووون لي گاليك انا غدي نكمل مع شواااحد من غيرك انا تنبغيييييك واااش عااارف اشناهيا تنبغيك ونااا مبغيت ولاد بغيتك غير انت يوسف عفاااك انساااا والله ماااا بااقي غدي نجبد معاااك شي سيرة ديال شي ولاد مزاااال عفاااااك غير متخلينيش انا تنبغيك هءهءهء ععفاااااك منقدرش نعيش بلا بيك *طااااحت تحت رجليه وشداااه بزوج يدين أو حاطة رااااسها عليه ودموعها شلال*
يوسف *وقفها* نوضي بلاما ديري هاااااد الحالة فراااسك بقاي قوية وفهميني انا منقدرش نكمل معاااااااك
ليلى *مسحات دموعها* گوووول مبقيتيش تتبغيني ياااااااااااك سير الله ياااااخود فيك الحق الغداااااار كاينة شواحدة فحيااااتك هااااه هدشي علاش تبدلتي عليا هااااد الأيام كلها تنحس بيك مغير من جهتي كانت كيف الحمقة تنگول غير عياااان مع الخدمة سااااع انت كاينة شواحدة خرى متلفاااااك
يوسف : بركة من الحماق ا ليلى مكااااين والو من هاد تخربيق لي تتگولي وزااايدون معنديش علاش نبقا نشرح ليك هدشي تيبقى تيخصني انا بوحدي معندك فيه دااخل مزال أو حاجة خرى إجراءات طلاقك غدي نبدااا فيهم من الغداااا أو حقوقك كااملين غدي إوصلووك
ليلى *بالغوات * مااااااااااا بغييييييت وااالو من عندك الكللللللللب خرج فحاااااااالك خرج خررررررر رج *تضرب فصدرو *يلاااااااه سيييييير الله ينتااااقم منك
خرج يوسف تيزرب أو ردخ الباب من موراااه ليلى دخلات فهستيرية ديال البكاااا لي جااا قدامها تتهرسو وتغوات على حر جهدها بحال شي حمقة حتاااا طااااحت سخفانة
طلع يوسف فطوموبيل أو تيمسح عينيه وتيحاول يتحكم فراااااااسو كاان عااااااارف نتيجة ديال هدشي وعااااارف غدي احطمها ولكن مكان عندو حتا خيااااار اخور من غير هداااا باش يتزوج الإنسانة لي خرج عليها وضمر . حياتها خاصو ينهي العلاقة ديالو بمراتو حينت عرف ليلى مستحيل تقبل مراااا تانية تشاركها فيه فرحة لوجين غدي تكتامل ولكن على تعاست ليلى..
خليل كمل خدمتو ومشاااا معهم
راضية : لعجب تنصوني لختك اولدي گاع متتجاوب على تليفونها بغيت غير نگول لها فين كاينة باش متهولش عليا مع عرضت عليها تجي هي ورجلها تغداااا معانا ساااع خرج لنا بلان اخور......
خليل حتا هو بدا يصوني عليها حتا واااحد مبغا اجاوب قطع وشااف فساعة لي فيديه بقاات ساعتين أو يمشي إجيب أريج ...
خليل : على الله غير مااا نتعطلوش راااك عارفة مزال خصني نمشي نجيب اريج
راضية : مغدي نتعطلو شااااي دغية رجعو ان شاء الله
لوجين : حبس غير هناااا اخويا هاهي دارنا فهاااد سيكتور
راضية : يااا بسم الله يلاه ابنتي نزلي
نزلات معهم أو هي كلها تترعد وعينيها تيدورو فقاع راسها أو جميع القطااات تيدوزو قداااام عينيها فديك اللحضة راااضية تدق حتااا خرجو شي ناس
....وعليكم السلام علامن تتسولو
لوجين : ختي شي نااااس كانو هنااا
......اااه اااه رااه رحلو اختي منها حنا يلاه سكنا غير البارح...
راضية : ااااه ابنتي شكراااا والله ادخلها عليكم بزايد رزق
شدو طريق ديريكت العند دار لوجين مكاملة حتى ربوع ساعة حتا كانو قدام الباب جاو ديريكت مع باها وخوتها يلاه جاو من الخدمة شي مشا إطرف شي مشااااا إصلي المغرب فجامع ....
فؤاد : شكوووووون صبر هااااني جاااي غير حل الباب شااااف ختو شرع عينيه يلاه غدي يرمي يديه شدها ليه خليل لواها حتا بغاااات تقسم يلاه جعر بداااا فسبان خوها
راضية : انت واحد ممربيش ولدي رااااه بوليسي ويلا مشديتيش داااااك الفم غدي إردمك فالحبس باش تربى
خليل *دفعو بجهد * حنااااا مجيناش هناااا نتخاصمو جينا بااااش نتفاهمو يعني بلاما تصعبوها علينا وخلينا نهضرو هضرة رجااال
فؤاد *تيصوت صدرو تيطلع أو ينزل * مزيانة هدي اشنو الآلة لوجين جايبة لنا البوليس هااااه جايبة لنا لحنوشة وراااااااااااه يااااعباد الله حناااااااااا رجااااال متنخافوش غير ملي خلقنا والله وخا تجيبي ليا الملك ديال البلاد ماشي غير الكلاب ديالو لا شواحد فكك مني ياااااا الكلبة
جاااي لها خليل فديك اللحضة متحكمش فراسو مزال بدون سابق انذار عطاه بونيااا للنيف مازال ما فاق منها ضربو بروصية تا داخ ..ككان غايطيح لولى الحيط لي وراه تسند عليه... ضرب يديه بالحيط حدا وجه فؤاد .. و جات لوجين تتجري عندو تتجر فيه من يديه ..
خليل صدروو تيطلع و يهبط بالعصااااب و عروووقوو مطراسيين و منفخيييين فعنقو و جبهتو .. دور راسو لعندها ضرب فيها واحد موولاتي تخنزيرة خلعها ..و رجع شاااف فيييه و هو مزالو شانق عليه
خليل: هااااد مرة دااااازت ليك ودزتي فوجها ولكن عرفتي مرة خرى نسمع حطيتي عليها يديك ولا گلتي شي كلمة جرحاتها نطحن مك عصاا هنا و ندووقك العذاااااب لي يخلييك تتندم على النهار لي زدتي فييه ..باش ترجل شوية وتدخول سوق رجال ومتبقاش تستقوى على العيالات اشماتة
عزيز دخل بشوية عليه وتيشوف فيهم من بعد ماااا وصلاتو الهضرة سخونة وصلها ليه ولدو حتال الجاااامع
عزيز : مرحبااااا بشااااف *ضرب ليه تحية* تمنيت تدخول الداااري فوضع حسن من هدااا فاطمة وجدي شي برااااد التاي وجيبيه لنا الصالون تفضااال اشاااااف متبقاش واااقف فالباب .....انت ضيفنا
خليل : انا مجيتش نضااايف عندي وااااحد جوج كلمات بغيت نگولهم ونمشي فحالي
عزيز *حط يدو على كثفو* رااااني عاااارف اش بغيتي تگول عليها گلت ليك تدخول الداخل و نگعدو بعد أو نشربو كويس ديال أتاي نشااركو طعاااام راااه حشومة تجي حتال داري أو متشرب والو *جرو* يلاااه افاطمة طلقي رااسك وجدي لنا شي كاااس ديال اتاي دايزو الكلام لي يعجب شااااف ديالنا
دخل عزيز أو دراري ولادو بربعة وسدو عليهم الباب ودخلات راضية الكوزينة مع فاطمة ولوجين مشات لوجين تترد الما يسخون .....
راضية : كيف تتسمعي بنتك راااه مغتصبة صغيرة وطبيبة لي گالت هدشي الا فاطمة
فاطمة عطاتها غير لبكا وشادة فراسها
لوجين عنقاتها وتتبكي معها وكلمة وحدة تتگولها مها هي سمحي ليا اناااا سباب وتضرب فخاضها تتنخصص وتبكي وتغوات حتا شداااتها لكريييييز ديال القلب طاااااااحت معوجة مجاااوش فين اهزوها حتال دخل عليهم عزيز بحال شي ثووور عينيه خاااااارجين تيقلب على فاطمة وكشاكشو خارجين معرفوش كيفاااااش وقع حتا لقاو عزيز فوق راااسهم جااااي ديريكت الفاطمة لي كانت طايحة مغيبة جااا وتيشتف عليها تتغواااات لوجين وراااضية دخلو خوتها وخليل بجراااا هزوه من فوقها
عزيز *تيبكي* هي لي كاااان عليها تخرج الزنقة الحمارة خرجات على بنتها طلقوني طلقوني عليها اليوم نقتل جد بوهاااااا مخلاااااااتش ليااااا لوجه مزاااال نهزو فوسط نااااس فين كاااان عقلها فين حتا خلات بنتها يلعبو بيها الكلاب الله يااربي الله غدي نحماق
خليل هز فاطمة شرويطة وحدة ومو ولادها تابعينو من لور*لوجين شادة فيديها *
خليل كاان غدي باعلى سرعة وقفات طوموبيل قدام السبيطار نزل تيغوات جااااو الفرمليات جارين نقااالة حطوها فيها ودخلوها ديريكت المستعجلات ...
#_فالمستشفى
وصلو فاطمة نيشان الغرفة العمليات... تزاد عليها الحال و النبض ضعاف فاضطرو يديرو عملية توسيع القصبات الهوائية....
كانت فغرفة العملية نبضها ضعيف بزااف بداو كيديروليها الجهاز وهي كتهز فالسما و تعاود تهبط و شريط حياتها كيدوز قدامها كتنطق بسمية وحدة سمح ....ل..ي....اااا...لو....جين نزلات دمعة من عينيها و استسلمات ....
و خلات ليهم جسدها القرار قدامهم يا ايما يعتقوها اولا يخليوها تموت حينت جهد لي اقاوم مبقاش عندها من بعد ساعات طويلة رجع نبض الوضعو طبيعي وكملو العملية ..
كانو كاملين فالممر غاااادين جاااين أما خليل كااان واااقف على الإجراءات وتكاليف ديال العملية ...
خليل *جاي جهتهم * امضرااا خرج طبيب
لوجين *بصوت باكي* مزااال هءهءهء
راضية : مزال اولدي هاهي مسكينة فيد الله
فؤاد *جاي جيهتو * شكون لي طلبك بااش تخلص تكاااليف ديال العملية *اشار بصبعو* فلوسك غدي ارجعو ليك حينت ممحتاجين شفااقة من حد وبل أخص الا كااان كلب بحالك
خليل يلاه غدي يمشي ليه شداااتو مو
راضية: الله يرضي عليك اولدي انت مول العقل خليه متوسخش فيه يديك
خليل تيشوف فيه أو تيصوت مكرهش يمشي اخصر ليه وجهو من ساعات وساااعات طويلة وأخيراً خرج طبيب عرقان وتيمسح وجهو بكلينيكس كلشي مشاااا العندو الا خليل لي بقاااا واقف اللور ومربع يديه
الدكتور: العملية مكانتش ساهلة دبا الحالة ديالها مسقرة و تجوزات مريضة ديالنا مرحلة الخطار حتال غدا عاد غدي تكون زيارة بين ما تفيق من البنج ولكن حاولو متكتروش عليها الهضرة و مخصهاش تجاهد على راسها أو يلزمها رااااحة تامة أو تبع دواها بشكل مستمر شواحد يمشي معايا باش نعطيه دوااا لي خاصو يشري لها
فؤاد: انااااا الدكتور نمشي معاااك
راضية: شفتي ابنتي الحمد لله ربي كبير
*حوطات لها وجها بيديها أو تتمسح دموعها* صبري وكوني قوية صااافي *حركات راسها*
خليل: الواليدة نمشيو
راضية : اااااه اولدي يلاه لوجين بنتي غدااا مع صباح غير نحل عيني نجي عندك نطل عليها يلاه خليتك فأمان الله
مشات راضية مع خليل لي كااان تيشوف فتليفون ديالو معصب حينت لقااا شلا ابيلات من أريج وأخير أوديو كانت فيهم تتبكي ومعصبة طلع فطوموبيل ومشااااا مكسيري العندها خاصو ضروري اشوفها هااااد الليلة ميقدرش اخليها ناعسة مقلقة منو وغدي يشرح لها اش واااقع وفنفس الوقت أمو تشوف عروستها
راضية: ولدي فين غادين وااااش نسيتي طريق ديال دارنا ولا مالك
خليل *مركز فطريق* غدي نديك عند عروستك الحاجة
راضية : ويلي ستغفرت الله العلي العضيم فهاد الوقت صافي خليها حتال غداااا ونشوفها سير ديني الداري بغيت نعس عيت
خليل : جوج دقايق الواليدة ما فيها باس تشوفيها ونديك الدارك ترتاحي* زااااد فسرعة *
✴️جهة أخرى✴️
أريج : هءهءهء انااااا دير فيااااا هكااا وااااخ غير صبر دباااا تشوف اسي خليل غدي ندمك على هدشي أو ديك أريج الهبيلة نية لي تتعرف من اليوم غدي توالي وحدة خرى هء هء هء * تتنصل حوايجها وتلوح فوق ناموسية گاع داك المكياج لي خصرااات بزبابل ديال الفلوس وداااك شعر لي كثر من ساعتين وهي تقاد فيه عند الكوافورة خصر زفاات بطاالون على المراية تشخشخات وبدأت تتبكي وتمسح بيديها عينيها رجعات بحال شي كلون وتنخصص مدات يديها الكوافوز جبدات ولاعة وباكية الگارو حطاتو بين شفايفها وشعلاتو كانت تتكمي وهي معصبة شوية سمعات مساااج وصلها من عند خليل تيعلمها باش توجد راااسها بالي عگوزتها جاية عندها برجليها وبالي كان مشغول وأول فرصة جاتو باش إجي عندها جاااا وغير تسمح ليه ومتعصبش حينت تيعرفها مزيان الا تعصبات ساااع هيهات هيهااااااات أريج بكثرت العصاب لي قدامها مااا تتشوف حتا قدامها بداك سم ضربات بداك تليفون حتا تقسم على جوج مشات البالكون تتكمي گارو بگارو وتغدد ..
✴️وجهة أخرى✴️
فأعز خوفها فأعز فرحتها ولا قلاقها مكاينة حتا حاجة فهاد دنيا تقدر تخفف عليها ولا تريحها قد كتاب الله لوجين جبدات القران من صاكها وتتقرا ما تيسر من سورة الملك وخوها مقابل معها *فؤاد* ومغدد عليها بغااا غير منين ادوز لها غير خواااا القنت شوية من ناس لي كانو فغرفة الإنتضار مشاااا لها خشا لها راااسها فدااك الكتاب ورجع طلعو أو هو لاوي لها يديها اللور بغااااا اهرسها لها تتغواااات خاشي لها يدو فمها باش ما يتسمعش صوتها...
فؤاد : أخيييير مرة لقاااااك تتهضري ولا وااقفة مع هاااد رباعة شياااطين أعداااء الله يكما نسيتي دينك وتربيتك الخانزة وليتي تتخالطي مع الكلاب واااش يحسابك حنا دمادم غدي نقبلو هاااد لوسخ وهااااد العقلية ليهودية لي رجعتي لنا بها رااااه نجااااهد فمووووك فسبيل الله سمعيني غداااا منين توصلك براااتك غدي تبقاي فداااركم تتسمعي *زاد زير على يديها حتا غوتات ربي لي خلاقها * ششششش منبغيش نشم أموك معتبة باب دار مزال المرا المطلقة بحال شي لحمة خااانزة أي وااااحد يطمع فيها وأي كلب غدي يتم جاي جهتها ونا نموت أو منخليك توصلي لهاد لماااصل كلها ماشي فخر يااامي تكون فداري كلبة وتعيط على الكلاب ستغفر الله علي عضيم *دفعها* دبااااا غدي ديري عقلك وحسك منبغيش مزال نسمعو وهاااد الكيدار هو ومو منبغيش نشوفهم مزال تيضورو بيك ولا تضوري بيهم وااااش مفهووووووم
لوجين : هءهءهء ااااه اااااه
فؤاد رجع هز تسبيح وگعد فبلاصتو أو هاز راسو تيشوف فختو لي عند بالو كانت محتاجة الواااحد القتلة العصاااا باش ترجع لطريق حينت منين كانت بنت كان مهني ولكن دبا حاجة خرى دبا وحدة مطلقة يعني موسخة يعني البراءة طااارت وتتعرف رااجل يعني فيها واااحد دودة مرة مرة غدي تبغي تنوض وتوحش رااااجل وتبدا فتكلبين هكا تيگول ليه داك العقل الخامج عندو ويلا لوجين ممشاتش بالعصاااا باش تبقى غادية فطريق غير يغفل عليها تخرج لطريق الخاسرة هكااا تيفكر ودبا غدي يبقا غير مقبلها لا شغل لا مشغلة من غير ختو حتا يلقا لها شي حل باش يتهنى عليها ....
✴️مكان أخر✴️
أريج تتسمع دقان فالباب رمات الگارو وعفطات عليه برجليها ومشات تحل غير لقات خليل فوجها طلقات عليه بسبان وتضرب فصدرو أو راضية موراه گاع مرضات لها البال حينت فديك اللحضة تيبان لها غير هو خليل مرضااااش قدااام أمو وباااااش يقدر إفيقها ويسكتها صرفقها حتااااا ضاار وجها الجهة الخرى وشد فيد أمو بكل عصبية ونزل تيزرب وراضية مزال مصدومة من دكشي لي شافتو
راضية: اويلي على بنت زنقة ولات تتهز صوتها عليك بقا لها غير شوية وتهز زرواطة تصليك قليلة ترابي ولكن ربي بينها على حقيقتها محد مزال مدرتي فطاجين ما يتحرق *راضية فرحانة* والله اولدي حتا عجبتيني فيها تستاهل ديك تصرفيقة لي عطيتيها هههه
خليل *بعصبية* طلعي ااااااااااامي وسكتي طلللللعي
راضية تخلعات من الحالة لي فيها طلعات وضربات طم هو غير طلع ردخ الباب بجهد حتاااااا قفزات مو ديمارا طوموبيل ومشااااا مكسيري وعينيه حمرين بحال جغمة دم وعروقو بارزين ديال يديه وغادي بسرعة كبيرة مو مخلوعة شادة فالكوسان تتطلع حتا السما وتخبط
✴️مكان آخر✴️
اريج : لا لا لا وقلة غير كانت تنحلم اووووف هءهءهء خليل لااااااااااااا انا مستحيل نكون درت شحاجة بحال هكاااااا قدام أمووووو
ولات بحال شي حمقة لي جا قدامها تتشخشخو دخلات الحمام وتخشات تحت رشاشة وطالقة عليها الما بارد تتحس براسها العافية شاعلة فيها ومجرد متتفكر بالي خليل غدي يقدر يتفرف معها بسباب هدشي لي گالت ليه قدام أمو تتبغي تحماق ....
🍂🍂🍂
طلع خليل تيزرب و راضية موراه غير شعل ضو فدار تخلع لقااااا الإعصار لي كاين فيها كلشي مجبود ودنيا مقربلة وختو مزال تتبكي وگعدة جامعة رجليها عندها غير شافتو وقفات
ليلى : .. خويا ..خليل « بصوووت بااااااكي» هءهءهء مابقييتش قاادرة نتحمل .. عيييييييت ...زواااجي كيدمر اخويا يوسف لاحني يوسف گالي بغااااا اطلقني أخويا و انا منقدرش نعييش بلا بييه عافاااك هضر معأااه وقنعو باش ميخلنيش اهءهءهء *عنقاتو وتتبكي على صدرو بحال شي بنية صغيرة فكراتو غير بصغرها ديما كان هو مصدر قوتها حينت هي بكل بساطة بنتو ماشي ختو و لي قاااسها واخا غير بريشة غدي اكون قاسو ..
خليل هو فالأصل معصب الأخير درجة عنقووو رجع حمر زييير على يديه تا كانو عصبااابو غايطرطقووو .. ماعاق براسو تا ضرب برجليه وااااحد الفاز داز فوقواااا وخرج من جديد فتجاااه يوسف...
خليل موقف حتال قدااام الإقامة فين تتسكن ختو رمااا عينيه تيقلب على طوموبيل ديال يوسف لقاااها كااينة عرفو بالي كاين فدار دخل تيجري ديريكت نساا تا واش كااين المصعد تينقز كل درجة بزوووج حتى وقف قدام البااب لي فرعوو بالدقااان ..
يوسف : صبررررر غيييير بشوية البشااااااااا
مجاااااش فين إحل ويكمل هضرتوو حتا خمج ليه وجهو عطاااه ضربااات متثاالية غفلووو بيهم و هز ركبتو عطاها ليه للكرش زواااه تااا طاااح للارض و بداا عليييه هاااك بلااااك مابقااااش تيداافع على رااسوو حيت فعلا بلوكااه من كااع الجواايه عينيه تشقلبو ولا تيشوووف غير ضباااب
نزل عندو و حط لي ركبتو فوووق عنقوو و جر شعرووو بااش يتقاابل معااا وجهوو
خليل... بربيييي و نشم ريحتك مزال تدور بختي مرة خرى حتا حياااتك تودعهااا ايوسف ... جروو من شعرووو مزيااان و خبطوو مع الارض ... كان كارز على سناااانو
خليل : كااان يصحااابلي مخليييها لراااجل .. ساااعااا صدقت مخليييها الشمااااتة ونا مجااايب راسي خبااار كيفاش درتي شحاجة بحال هدي مع ختي كيفااااااااش صدمتيني فيك عرفتي اشنهيا . اصعب حاااجة ممكن يحس بيها الإنسان فهاد هو يشووف ختووو تتعذب قدااامو .. من انساان لي هي تتعبرو الحياااة بالنسبة ليها و هو ماعلا بااالوووش
بهدشي كامل لي وقع لها ولكن مزاااال غدي تندم وعقل على كلامي مزيان مزال غدي ندمك موووك على هدشي لي درتي فيها الكلب
يلاه خليل هز تجاااااكيط بغااا يخرج فحالو حتا وقف منين سمع صوتوو.موراه .......
يوسف تيحاول إنوض كان وجهو كامل دماياات و تيرجع شوية تالنفس ..لي تقطعات منو ...خليل دااااار وتيشوف فيه بكل حقد
يوسف : ختك تنعشقها اااااااا خليل عرفتي اشناهيا تنعشقها ولكن معندي حتا خيار أخور من غير هداا فهمني اخويا
خليل*تيزفر نفس سخونة* وااااااش تتفلا عليا كيفاش تتبغيها ومنين تتبغيها لاش محطمها لاش مبكيها لااااااش مكرفص عليها هكااا واش هدااا هو الحب عندك وااااش عااارف ليلى شكووون بنسبة ليااااااااااا ولا معارفش
يوسف *بالغوات* عاااااااااااارف عااااااارف أخليل ولكن متكونش تتبغيها وتتخاااف عليها قدي اناااااااا
خليل رسم ابتسامة مستفزة على وجهو حينت فهاد اللحضة بضبط مكرهش اخصر ليه ملاميح وجهد أو يبقا يضرب فيه حتا يقطع حسو بمرة
يوسف: انا عااااااااارف بالي مقلق مني وحتى مصدوم فيا ولكن صدقني اناااااااا فهاد ساعة تنعدب كثر منك والقرار لي تخدتو دمرني قبل ما ادمرها هي رآه نعاس مباقيش تنشوفو
خليل *قرب ليه* واأاش هدشي كامل غير على قبل لولاد
يوسف : لا ماشي على قبلهم
خليل *بالغوات* اوا اشناهيا هااااد الحاجة لي خلاتك تفكر تفارق معها
يوسف حط راسو على الحيط وتيبكي اول مرة إشوفو خليل فهااااااد الحالة ضعيف بزاااااف بقا غير تيشوف فيه حالتو تتقطع القلب حط يدو على كثفو وهز ليه رااااسو
خليل: اااش واااقع ماااالك ايوسف گول مالك
يوسف : انا فمشكلة كبيرة أخليل داااايخ وتالف وحتا حشمان من رااااسي ومنك فهاد ساعة * غمض عينيه وخداااا نفس طويلة عاد تكلم *
خليل : انا غتصبت بنت فعمر عااااااام ونص
أخليل *شرع عينو* كييييييييييفااااااش
يوسف : انا عااارف بالي انت متفاجئ ومن حقك ولكن هدشي لي وقع كانت مزال طايش وفعمري 19 عااام متنفكرش
خليل *شد فراسو* لا لا غير تتفلا يااااك مستحيل اكون هدشي بصح الا كانت غير تضحك حسن تحبس من هاد تخربيق حينت هدشي ماشي ديال ضحك ..
يوسف *شدو* وقف أخليل هدشي لي تنگوليك صحيح ماشي كدوب وهدا واحد من أهم الأسباب لي خلاوني نهني العلاقة ديالي بختك حينت انا منستهلهاش أخليل هءهء هء منستهلهاااااااااااااااااااااش
خليل *بعصبية دفعو* بعددددد واااااش انت حيوااان كيفاش قدرتي دير شحاجة بحال هدي عاااام ونص اصحبي عاااام ونص وااااااااش انت مريض فعقلك لا لا حمااااق هداااااا مستحييييل ..
يوسف : من حقك تگول لي بغيتي فيا حينت نستااااهل وحتا الا بغيتي ضربني ضررررب اااش تتسناااااا ضربني هااني قداااااااامك ويلا بغيتي دير فياااااااااااااا خير هو تيري فياااااا قتلني حينت ديك سااااعة غدي نرتااااااح فخطرة وحدة *دغية هز ليه الكابوس *
هاااااهو يلااااه ضربني اخلييييل ضرب حينت الا مضربتينيش انت اناااااا لي غدي نضرب رااااسي ههههه انا منقدرش نعيييش حياتي كلها هكا ضميري تيعدبني وصورة ديال لوجين وهي بين يدي وتنغتصب فيها ومستمتع بغواتها مبغاتش تمشي من عينية اخلييييل مبغااااااتش اهءهءهء انا ندمان
خليل مصدوم من اسم لوجين ومزال عقلو ما ستوعبش بالي نطق اسم لوجين على فمو
خليل: يوسف باركة من الحماق عطيني المسدس وخلينا لقاو شي حل
يوسف *حاط المسدس على راسو* مكااااين حتاااااا حل أخليل لهااااااد الموصيبة من غير نقتل رااااسي باااش رتااااح انااااا ماااا نستهل حتا وحدة فيهم همااا بزوووج ضحية لياااا هما بزوج خرجت عليهم أخليل خرجت عليهم اناااا تنتعدب اخليييل تنتعدب
خليل غفلو وحيد ليه المسدس وصرفقو وعااااود صرفقو وبقاااا تيضرب فيه عدة لكمات لي خلاتو يفقد الواعي
خليل ناااض من فوق منو زااااعف خلاه هكاااك منشور وحط كرسي قدامو وبقاااا تيشوف فيه الساعات طويلة ويوسف نااااعس بداااا تيحل عينيه بشوي بشوي وشاااد فراسو تيحس بدنياااا تدور بين وتيبان ليه خليل منو جوج .....يوسف : خليل اااش واااقع
يوسف قنت تيرجعو لقنت تيطيح وينوض حتا وصل الحمام غسل وجهو شاف وجهو فالمرايا تخلع كاااامل منفوخ وعااامر دمايات رجع لقا خليل خاشي يديه فجيابو أو غدي جااااااي باين عليه معصب ...
خليل : هضر ليا على هاد لوجين شوية دكشي لي تتعرف عليها گولو
يوسف : لي تنعرف هي سميتها لوجين وكان عندها ديك سااع عام ونص بحال هكاك عندها ربعة الخوت دراري وباها مخزني *خليل غمض عينيه*
خليل: أشنو سميت بااااها
يوسف : سميتوو عزيز أو أمها سميتها فاطمة وخوها الكبير سميتو فؤاد ولخور سميتو *قاااطعو خليل غواااات وزير على يديه حتااا عروووق عنقو تنگو*
خليل : باااااركة حبس دبا اش ناوي دير من بعد ما تفارق مع ختي
يوسف : غدي نتزوج بها باش نريح ضميري
خليل : ههه زوينة هدي عند بالك هكاااا غدي يرتاح داك ضمير عندك
خليل *شاف فيه * كااااااااااين
يوسف: گوووول نسمع
خليل : غدي تسمع هدشي لي بغيت نگول ليك وبغيتك تنفدو *يوسف حرك راسو بالإيجاب*
🍂🍂🍂🍂🍂
ليلى: اوووووف اماما اوووووف خليل مزال گاع مبان ليه الأثر انا خايفة اكون دار شحاجة خايبة يوسف كااااااان خليل معصب بزاف انا متنفكرش مكانش عليا نصيفطو ليه وهو فديك الحالة
راضية: يااااااربي دير شي تاويل ديال خير ورجع ليا ولدي سااالم غانم من كل شر
راضية: باينة هاد ليلة مغدي نعسو مغدي نعسو انا نعاود ليك قصتها ونتلفو الوقت بين ما يرجع خليل *حطات شطابة من يديها ومشات جلسات حداها وتتعاود لها على لوجين من نهار لول فين شافتها حتال هاد نهار بتفاصيل
ليلى : مسكينة هاااااد بنت معندها زهر بحالي 😭 الله ياااخود فيه الحق هاد الكلب لي خرج عليها وحتا عائلتها زايدينها من نص شوقتني نتعرف عليها اماما والله
راضية : انا نيت غادية صباح عندها نشوف امها كيف بقاات الا بغيتي تمشي معايا يلاه
ليلى : وااااخ اماما نمشي معااااك
غير سمعو حس الباب تيتحل ناضو بزوج بجرا ..
ليلى *تخلعات* خويا مااااالك اااش واااقع
خليل بعدها وبعد مو
خليل : بلاما تخلعو يوسف دخووول
غير شاااافوه كلهم تخلعو وحلو فمهم
راضية *بالغوات*خليييييل اش هدشي درتي فالولد الله الله *تتلمس فوجهو* واااش انت حماقيتي ولا مااالك
خليل : صافي الواليدة باااركة كان يوسف محتاااج لهاااد الهلكة ديال العصاااااا باش يرجع ليه عقلو ودباااا راااه رجع ياااااك ايوسف *غمزو*
يوسف *شاف فنسيبتو* ااه الحاجة كانت محتاج هدشي سمحوليا بزاااف برزطكم وقلقتكم مني ودبا جيت باااااش نطلب سماحة من ليلى وبغيتها ترجع الدارها
ليلى مربعة يديها واااقفة تتشوف فيه معصبة
ليلى: وااااااش هاد ليلى عندك اللعبة وقتما تبغي تلوحها تلوحها وقتما يرشق ليك راااسك تردها لا راااااك غااالط ونا عمرني نسمح ليك ولا نسا هدشي لي درتي فياااااا ايوسف معمرني نساااااا هااااد نهار ودباااا سير ومتحلمش نرجع ليك مرة خرى
خليل: ليلى باركة سيد عتارف بالغلط ديالو أو حتا تفاهمت معااااه مزياااان بطريقة ديالي ورااااه ندمان أو دكشي لي گال ليك گالو فاللحضة غضب ونت مرااتو واكيد غدي تفهميه ماشي ساهلة يلقااا راااسو عقيم وهو دار هكااا غير من مصلاحتك مبغااكش تعدبي ولكن من هدشي كتاشف بالي راك تتبغيه ياك هدشي لي كاين ابا يوسف
يوسف *قرب لها* ااااه انا تنبغيك ليلى عفاااك سمح ليا وعطيني فرصة خرى
ليلى: وااااخ ولكن بشرط اخير مرة تعاود تگول هاد الكلام لي گلتيه ليا صباح وبغيتك ترجع داك يوسف لي تنعرف حينت تبدلتي بزاف عليا وعرفتي إلا حصلتك تتعرف شواحدة من غيري غدي نخليك تندم وااااش تتسمع ايوسف غدي ندمك على ساعة لي خنتيني
يوسف *تبسم* ليلى الله يهديك اشمن وحدة ولا واااحد انا قديت بيك انت بقا ليا غير نقد بوحدة خرى ..
راضية تلفات مبقات عرفات تگعد ولا تنوض ولا تعنقو بلاما تشعر طارت عليه تبوس ودعي وتبكي وخليل تيضحك وقلبو الله لي علم بيه
خليل : متوقعتش تفرحي حتال لهاد درجة
راضية: راني غدي نطير اولدي بالفرحة الله شحال فرحتيني اولدي حبيبي بهاد الخبر الله شحال تمنيتو وتسنيتو هديك جوهرة لوجين اي وحدة تمناها عروسة لها الله اكمل عليكم بالخير أولدي سبحان الله تواتيتو وهي غير مسكينة وغدي تدي اجر كبير عند الله تسترها وتكون لها عوين ونا عرفاااااك اولدي راااك تربيت يدي غدي تهلا فيها وديرها فعينيك
خليل : ان شاء الله الحاجة حتا تهضري معها بعد وشوفي واش موافقة من بعد عاد نجي نطلبها رسميا من عند باها ....
راضية : علاش حتا متوافقش واش هي غدي تلقاااا ما حسن منك ههههه ...
فاطمة *تتحرك راسها* ف فينو باااااك و وخخوتك خوتك فينهم
لوجين : أبي بقا فدار وخوتي مشاو الخدمتهم بقا غير فؤاد يلاه خرج غدي اكون غير هنا دبااا يرجع دبا متفكري فوالو أمي راااتاحي
فاطمة : بب بغييييت المااا مااااا
لوجين : المااا واااااخ وااااخ
شوية دخلات لا راضية هازة قفيفة
راضية : السلام عليكم ورحمته الله
لوجين *خرجات عينيها* وعليكم السلام اخالتي
راضية : الحمد لله الحمد لله الآلة فاطمة اليوم حنا شوية على البارح بعد ههههه
لوجين : خالتي علاش جيتي واش شافك خويا عفاك سيري من هنا
راضية : اويلي مالكي حماقيتي خليني نگعد رااااه سخفوني دروج بالكشيفة باش طلعت صبري غير ناخود نفس
لوجين : خالتي خويا فؤاد محلف عليك عفاك سيري انا الا لقيت شي وقيتة نجي عندك
راضية: ويلي ستغفرت الله مالو خوك تيقطع ريوس سيري سيري الا قدر إگول ليا شحاجة غير إگولها لما نقيت ليه ودنو مزيان
*حلات صاك* شدي شربيها هاد شوية الحريرة ديال إيلان راااه زوينة لها وهاااد شوية الحليب محدو دافئ فيه شوية زعيترة ونافع البلدي وزرارع وجبت لها شوية خبز شعير بالفوة الا قدات عليه راااه زوين دغية تنوض بحال العودة ما فيها والو أما إلا بقات فهاد سبيطار گاع امراااض دنيا اطيحو عليها .جمعي راااسك الآلة فاطمة راااه مزال بغيناك خصك توقفي مع بنتك حتا توصليها ان شاء الله الدار رجلها ههه
لوجين *حلات فمها* اش تتگولي اخالتي
راضية : كيف تتسمعي ولدي خليل بغاااك
لوجين *تصدمات* كيفاش بغاني اخالتي
راضية : زعمة معرفتيش ولا تديري راااسك معرفاش ههههه احيانا عليك اشويطينااا بغاااك باش إعلقك فالڤيترينا بغااا الزواج على سنة الله ورسوله
راضية *وقفات* وماااالكي حاگرة راااسك ولا كيفاش تاني بغاك وخا هكااااك مالكي كيف شهدة تبارك الله الف واحد يتمناك
لوجين :ههه شكرا اخالتي غير گالت زعمة انا وحدة فايت فيا زواج وهو مزال عزري غدي يبغيها عزبة بحالو وعاد هو عندو حبيبتو كيفااااااااش بغا يتزوج بيا انا رآه مبقيت فاهمة والو
راضية" متنضحكش ابنتي تنهضر بصح هو گالها بفمو بغاك وگالي هضري معها إلا موافقة غدي يهضر مع باك أما على ديك الموسخة لي كان معها صاافي راااه تفارقو البارح هي مااا منسهمو ولا هو من سهمها انت ابنتي هي لي جات معاااه وكون مبغاك وعجبتيه مغدي يگولي نهضر معاك
راضية: وينو على لي تيحشم اوا الله اتاويكم الخير هدشي ما نگول والله اعاونكم ياك ا فاطمة الا بغاو هما بعضياتهم ما نزيدوهم حنا غير خير *فاطمة فرحانة وتتحرك راسها*
لوجين : ولكن حتا نطلق بعد عندي جلسة غدا
راضية: الله يهديك دكشي دغية غير ولدي يوقف معااااك دغية تشدي براتك انا غدي نهضر معااااه دبا نيت باش اديرك فراسو أو يمشي معاك غدااااا *شدات الخط*
🍂🍂🍂
أريج : عفاك سمع ليا راااه نعاااس منعستوش غير بقوة تفكير أخليل سمح ليا
خليل *بعد عليها ودوز الخط* نعام الواليدة
راضية: ولدي البنت موافقة وغدا عندها الجلسة ديال طلاق خصك توقف معها باش دغية طلق من داك الحمار انت عرفهم غدي يبقاو اطلعو فيها وينزلو
خليل: وااااخ وااااخ الواليدة *قطع*
أريج تتحاول تسمع شحاجة مسمعات والو
أريج : خليل علاش تغيرتي عليا بحال هكا
*تتلمس فوجهو * أنا عارفة تتبغيني وغدي تسمح ليا ويلا غير على خالتي انا مستاعدة من دبا نمشي حتال عندها ونطلب منها سماحة انت عارفني الا تعصبت متنبقاش عارفة لا أش تنگول ولا كيفاش تنتصرف ولكن قلبي بيض دغية تنسامح وتنموت لا لا انا تنعشق ولدها وحتا هو تيعشقني وغدي اسامح ليا يااااك احياتي *طارت على شفايفو يلاه غدي تبوسو دفعها بقات مصدومة اول مرة يصد القبلة ديالها ويعاملها برووووود دخل الكوميسارية وخلاها أريج صدرها تيطلع أو يهبط بالعصاب
أريج: لا لا شحاجة واااقعة ليه خليل تبدل عليا ماشي هو خليل لي تنعرف اناااااا ضروري خصني نعرف ماااالو *بالغوات* تحررررررك شوف قداااامك البشااااار تتشوف فيا مزوقة
كلشي تيشوف فيها دخلات تتزرب الطوموبيل ديالها دخلات وردخات الباب ومشاااات مكسيرية ودمووووع شلال نازلين من عينيها..
فاطمة: بنتي مالكي علاش تتعقدي فالأمور سيد بغااااك على سنة الله ورسوله الله يهديك
لوجين : أمي بااارااكا راااه أنا لي غدي نعيش معاااه ماشي نتي ونا مستحيل نتقبل نتزوج بواحد شااافق عليا ولا عاااايشة معاااه على وهم صحبتو لولا راااه زواج هدااا ماشي العب ونا سبق ليا وغلط وتزوجت بلاما نفكر ولا نضرب حساب لهاد اليوم تزوجت انسان گاع متنعرفو وهاهي نتيجة قدامك دبا...مطلقة
راضية : بنتي انا تنقسم ليك فمي بالله ما بززت عليه شحاجة ولا فرضتك عليه هو لي بغاك و جا عندي وگالي نهدر معاك
أما إلا كان غير على ديك موسخة بلاما تعمري راسك بها غير كوني هانيا ولدي مبقاش تيحمل فيها شعرة مزال وقطع العلاقة ديالو بها حينت طلعات غير شمكارة وربي بينها على حقيقتها فمها خااانز. بريحة الگارو وناقصة تربية داني عندها خرجات بحال شي عيشورية تتغوات أو حالة واااحد الفم ماااا فيه ما يتسمع انا نحشم فبلاصتها هديك متصلاحش ليه
بنتي ولدي بغاااك عفاك بلاما تبقاي تحطي العراقيل فطريق سعدتكم يسري ابنتي لوجين يسري باش ربي يفتحها فوجهكم بزوج ونا مرتاحة من جهتك حينت عارفة غدي تهلاي ليا فيه وغدي تنسيه فديك قليلة ترابي وحاجة خرى بغيتك تعرفيها باش متگوليش كدبنا عليك هي ضروري غدي تشوفيها شي مرة حينت ماشي سااااهل تبعد عليكم ولكن انت شدي فراااجلك أو متسوقيش لها تشبتي بهاااد زوااااج رااه بنادم تيموت غير على ولادو ولا بلادو يااااك بعد الآلة فاطمة
فاطمة: ايه الآلة راضية هدشي لي كاين الله يعطيك الصحة رآه اي زواج تيكونو فيه مشاكيل فلول ولكن بنادم يصبر وبلاما تهزي الهم الآلة راضية من ناحية صبر رااااه لوجين مؤمينة بالله وداااز عليها كثر من هكااا وديما تتلقايها واااقفة وصابرة متخافيش عليها
راضية: راااه دكشي لي عجبني فيها هي انسانة مربية متدينة وصبارة وزوينة جميع صفات زوينين فيها وتمنيتها تكون عروستي وربي مخيبنيش
فاطمة*فرحات* الله يستر العيب الحاجة والله اجيبنا فصواب وغير ردي الخبار على سي خليل وگوليه مرحبا بيه فأي وقت
....... ولكن هدي ديال سي خليل اسي راكان انا نمشي نوجد ليك ديالك بزربة
راكان*معصب* باااااارااكا اصحبي من كثرت الهضرة راااك تتشوف مكاااينش فالبيرو يعني خرج طلق القهوة وتزعزع من قدامي
راكان هز القهوة حطها فوق المكتب وبدااا خدام فخدمتو ومغطي على صاااحبو بين مااا يرجع ....
أريج مزال غااااادية بسرعة كبيرة تتفانتي طوموبيلات بطريقة احترافية ودموع فعينيها وتتنخصص وتشهق بالبكا حتا تيصوني تليفون ديالها شافت راااقم ديال خليل ممصدقااش ديك ساعة هزاتو ودوزات الخط
أريج *بصوت مبحوح* خخ خليل حياتي انا كانت متأكدة غدي تصل بيا انت مستحيل تخلي حبيبتك
خليل : أرييييج جي لبلاصة فين تلقينا اول مرة هاني تنتسنااااك متعطليش ....
وقفات طوموبيل خليل قدااام واااحد الكافي راااقي ديال جاي فموقع زوين تيطل على البحر كيف دخل ديريكت جااا النادل العندو طلب قهوة كحلة بلا سكر ومشاااا لاطيراس بخطوات تقال خدا سيجار والقداحة شعلو ونتر منو زوج نترات وخرج دخان من شفاهو وعينيه مع طريق شوية تتبان ليه طوموبيل ديال أريج لي بلاصاتها وطلعات عندو تتجري
أريج *عنقاتو من لور* حياتي كون تشوف قدااااش انا فرحانة فهاد ساعة
اخليل . .انت عارفة بلي كانبغيك وكانقدرك والا ماكنتش غدي نبقى معااااك حتال هاد الوقيتة ونفكر نتزوج بيك ست سنين وحنا مع بعضياتنا حفضك وشاااربك ما تنحماق عليك وتنعشقك بالحوايج زوينين و الخايبين حتا هما *أريج بلاما تشعر نزلو دموعها بحال شلال وشادة فقلبها قرب لها ومسح دموعها بصبعو وباااس عينيها بزوج وكمل هضرتو* هدشي لي واااقع لنا ماشي ذنبك ولا ذنبي أ أريج هدشي فوق من طاقتي ولكن أنا متأكد بالي غدي إجي واحد نهار لي كلشي يتقااااد أو غدي نحقق ليك گاع دوك الأحلام لي بنيناهم بزوج "شاف فيها "هدشي لي غاندير ماغايزعزعش مكانك فقلبي وماغانعلنو لحتى مخلوق
أريج . ."بخوف ورهبة " أش وااقع أخليل !
خليل . .غدي نتزوج أ أريج
أريج ."بصدمة" شنووووووووووووووووووو
خليل . .ما عندي حتا حل اخور أ أريج فهميني الموضوع تيهم ليلى ونا مستحيل نخليها دمر مكاين حتا حل أخور من غير هدا ولكن تنواعدك كلشي غدي يبقا كيفما كاااان "شد يدها" مكانتك ماغاتغيرش وزواجي ماغايكونش معلن هاد زواج غايكون فقط قدامهم ولكن بيني وبينها مغدي تكون حتا حاجة وحتا وااااحد مغدي يعرفني تزوجت من غير العائلة ديالي صغيرة والعائلة ديالها حينت مكيناش شي مراااا غدي تاخود قلبي ويكون اسمها على سميتي من غيرك انت
وقفات ولاحت شعرها ورا ظهرها ويديها كايترعدو..... م م مايمكنش هءهءهء...علاش خليل علااااااااااش شنو ذنبي هاااا شنو ذنبييييييي هءهءهءهء.................لاااااااا صعيب منقدرش نعيش فهاد العداب كولو منقدرش هءهءههء واش مكاين حتا حل اخور تقدر تنقد بيه ختك وتوقف معها بلاما تزوج بها عفاك عاود ليا المشكل نقدر نعاونك ونلقا معاك حل يرضي طرفين غير مااا تسدش على صباعي انا منقدرش نصبر انا تنتعدب اخليل حس بيا شوية. "شد يدها" بليز ماتصعبيهاش عليااااا ا اريج .
أريج ....'خرجات عينيها" شكون هادي ءءءء شكون هاااادي أخليل منين تتعرفها وشكون جابها ليك واااااش اموك اااااه باينة هي لي رفضاتني وجااااي تكدب عليا بهاد قصة جي من لخر وگول أمي مبغاتكش أخليل وجاااابت ليك شي عروبية متخلفة تكون مرااااتك على دوقها اوا انت اكيد متقدرش تخصر لها الخاطر اش نگول ما نگول بلاتي نگول زواج ختي تيدمر ونضحك على هاد الهبيلة ومن بعد نتزوج ونكون رابح من جوج جوااايه مزوج بوحدة أو لخرى تبقى عشيقة ليا يااااااااك
خليل *بالغوات* باااااااارااااكا ا اريج انت اش تتخربقي رااااه هدشي فوق من طاقة ديالي ومااا هضرت معااااك حتا مرضت كيفما درت لها متتجيش عليها بغيتك توقفي معايا وتسانديني عطيني غير شهرين شهرين ا أريج
خليل : غدي نتزوج بيك انت وهي غادي نخليها مع الواليدة ومغدي اخصها حتا خير المهم قدام كلشي راااه مزوجة
أريج ؛ اممممم مزيان اوا لاش شهرين كلها نصبر غير سيمانة تزوج بها وفنفس الوقت تزوج بيا انا وجي نعيشو فدرناااا وهي تبقا مع موك *شدات يديه* ياااااك هاد البنت بغيتي غير تسترها على مااا فهمت اوا صافي
خليل: أريج راااه هدشي ماشي لعب يكما نسيتي نوع خدمتي رااااه صعيب ناخود موافقة على زواجي لول كيفاش غدي يعطيوني مواقفه نتزوج بواحدة خرى فسيمانة واش تضحكي عليا خلي كلشي يمشي كيف مخطط ليه وكيف شديت موافقة باش نتزوج غدي ناخدها لزواجي بالمرا تانية ولكن غير بشوية بلا زربة ونا راني وعدتك
اريج *جبدات شلقومتها* معرفتش خايفة غير تزوج بها وتوالي نااااعس معها وتنساني انتما رجااالك همكم واحد هو بين فخاضكم
خليل : هههههههههه الله يسمح ليك اصلا هي تكون زوينة حتا تكون مغديش تكون حلوة بحالك غير كوني هانيا
اريج: مزيان هي شفتيها بعد وهدا لااااه
حرام عليك اخليل وخا انا غدي نصبر حينت عااارفاك تتبغيني وتتموت عليا وهاد شهرين دغية غدي إدوزو بزربة ولكن تواعدني مغديش تنعس معها فنفس البيت وااش تتفهم
وحتا متكلمش معها ولا تشوف فيها
خليل *مربع يديه* صافي غير هدشي ولا كاين شي طلب اخور اشاف باش نفدو فالحين
أريج *ضرباتو فكثفو* رااااني متنضحكش ا خليل راااه والله ونعرف بالي قربتي لجهتها حتا نقتلك ونقتل راسي من بعدك
طار على شفايفها تيبوس ومستمتع بكل شفة وحلاوتها بعد وهز القهوة جغم جغيمة وخلص وخرج تيزرب من بعد ما تافقو يتشاوفو بليل كيف العادة هي رجعات العيادة وهو مشا الكوميسارية...
اليوم الموالي .........
كانو كاااملين قداااام المحكمة الأسرة عبد الإله مع ختو أو لوجين مع الأب ديالها كل واااحد واااقف فركنة أو تيتسنااااو إعيطو لهم ...
لوجين متتشوفش جهتهم شوية بدات تتسمع الهضرة كانت ختو تتهضر فتليفون وتتحاول تسمع لوجين دكشي لي بغاتها تسمعو
...ههههه ايه وياااااه دار ليه ربي تاويل ديال خير وغدي يتفارق مع هااااد بنت زنقة هههه ويااااه اليوم مرحبا بيك انت والبنات كاملين اااه غدي تمشيو معنا نخطبوها ااااه اليوم يااااك گالتها ليك الحاجة اااه امين امين العقبة البنياتك اخالتي وغير دعي معاااه عبد الإله رااااه مرضي وديما ربي تينجيه يلااااه نخليك اخالتي حتا نخرجو من المحكمة ونتصل بيك على الله غير مااا يبقااااو إجرجرو فيه شهورة معندنا وقت نضيعوه
....لازم من تجرجير فالمحكمة ابنتي حينت تتعطيهم فرصة على الله اكون شي صلح
....لا لا اخالتي مكاين حتا صلح مع هاد جلاخة تريكة المستعملة ربي فكو منها
....اوا الله ادير لكم شي تاويل ديال خير يلاه بسلامة ابنتي *قطعات*
لوجين دايرة بحال الا متتسمعش هضرتها واقفة جنب بااااها شوية تتسمع صوت من بعيد تيعيط اريج دااارت تتقلب حتا شااافت راااضية جاية تتجري أو تابعها خليل من لور
طلعات وجها وعينيها مشاو لعندو نيشاان لي كان لابس سروال كلاص فالأسود مع شوميز فالبلوغوا أحح ودوك الصديفات فاتحهوم من الفوق كيبان منو شوية سدرو سيدة تخربق لها مشاعر و بدات تسيح .. عاقت براسها ونزلات عينيها
مشاا تيهضر مع باها بالي غير اكون هانيا قاد الأمور أو من الجلسة الأولى غدي اكون الفراق مغديش اعطلوهم فرح باها وشكرو
عزيز : الله يرضي عليك اولدي وسمعت شحاجة معرفتش واش صحيحة ولا لا انت عارف العيالات سوقهم خاوي
خليل: لا دكشي لي سمعتي اعمي هو لي كاين الا بغا الله راأه ناوي نتناسب معاااك ويلا بغا الله هاد الليلة غدي نجيو نخطبوها من عندك
عزيز *غير تأكد* مرحبا بيك اولدي فأي وقت
شوية خرج شاوش تيعيط بسمية لوجين وعبد الإله دخلو المحكمة كاملين مكاملة حتا نص ساعة كانو سالاوو أو خرجات لهم ورقة طلاق تصدم عبد الإله من هاد زربة أو عقلو بغا يخرج من بلاصتو بغا يعرف شكون هدااااك لي وااقف معهم واااااش من علاقة عندو معهم
عبد الإله *تيصوت* العجب هدشي دغية درك اجي واااش فالعرس عمرك شفتي ديك المرا مع داااك خونا
....لا معمرني شفتهم انا عائلتها كاملة شفتها نهار العرس هدو مكانوش العجب يعلم الله شكون اجا يكما تكون الخانزة تخطبات رااااه ندب حناكي ونبكي على زهري لمزفت ونعيط علامن يندب معايا عندها زهر تيهرس الحجر تعطيني غير شوية من داك زهر لي عندها لي ما نكسب انا منو حتا ربع ...
عبد الإله *معصب* طلقي رااااسك وسدي عليا دااااك الفم *سبقها كان باغي ينفاجر "
🍂🍂🍂
ليلى : يوسف صبر فين غادي وصلني معاك عند ماما علاه مفراسكش اليوم خويا غدي يخطب لوجين *كاين تيشرب وحلات ليه*
يوسف: اليوم مفراسيش
لوجين : ويلي على مفراسكش انا گلتها ليك البارح رااااه غير نسيتي يلاه سربي ماما تتغوات قربات تخرج ليا من تليفون تعطلت عليها وخليتها تتوجد بوحدها وغير حاول تجي اليوم بكري باش تحضر وتشوف مرات خويا جديدة
يوسف *بعد.* لا بلاما تعولو عليا انا غدي تكون عندي الخدمة كثيرة
ليلى: واش انت حمق اشمن خدمة بليل سمع. ضروري تحضر وماما معولا عليك غير دير بحسابنا هاد الليلة
خرجات وخلاتو غير تيبلع فريقو ..
في المساء...... 🌆
يوسف صايك تابع طوموبيل ديال خليل أو مو راضية وهو جالسة فجنبو مرتو ليلى سااااكت طريق كاملة وغير كيشوف ...
يوسف :( شاف فيها و قلب وجهوا ) والو احياتي غير عيان هاد نهار كان عندي عاااامر بالخدمة دكشي باش
خليل:( بلاصة لوطوا و حيد سانتير و نزل )
راضية: الحمد الله على سلامتنا
نزلات راضية فرحانة لابسة واحد جلابة فالون بلوسيال ومثقلة بالأحجار و بليغة فرجيلاتها فالون بيج أو فولار فنفس لون جلابة أو فيه نقيطات فالبيج نزلات بنتها كدالك لابسة لبيسة عصرية وطالقة شعور طالون عالي و مكياج دخاني صاااريخ وروااايح تتشالي عاااد مولاي سلطان بكومبلي فالكحل والگرفاط فالگري أما يوسف حتا هو مقاااااد ليك الحالة ما تستي فرجال غير هو ولكن باينة على وجهو القلق
ليلى: واش صافي وصلنا فينها الدار
راضية: هي هدي ابنتي عطي الخوك داك البوكي الورد مع شكلاط اهزهم فيديه
دخلوا لدار العروسة لي لقاو أهلها فاستقبالهم بكل فرررح و سرور الا خوها فؤاد.لي سمع بالي خليل لي غدي يتزوج بختو رفض وتخاسم مع باه وخرج .كانت . الداار كتشععععل بالنقى و الروااايح ..مالية المكان مكاين غير عود القماري أو القران مطلوق فداااار قناة المجد
جلسوا فصاالون كيتباادلوا أطراف الحدييث و كيتعرفوا على بعضيااتهم .. خصووصا يوسف لي غير شافوه عرفوه دغية وفرحو بيه وبداو تيدكرو خوتها دراري وباها ايام جورة ديالهم ودوار خليل غير ساكت وتيشوف فنسيبو لي شيطان على صفة انسان تيضحك أو تيزين فصورة ديالو لهم بحال الا ماشي هو لي خرج على بنتهم بحالو غير يبقا ساكت أو يهضر بالقطارات ولكن هو لا عاد نفخ ريشو
وقفات فاطمة لابسة لباس منقبات متيبان فيها والو وتتحرك غير راسها وصوتها لي تيتسمع كترحب و تعااود ما قاداها فرحة ..
فاطمة : مرررررحباااا و نهااار كبييير هذااا لي دخلتووا عليناا هااذ الدخلة ..
عزيز :( شاف فاطمة ) و فينها عروسة عيطي. عليها تجي تشوف ناس !!
فاطمة:(وقفات ) أنمشي نعيطلها .. مرحبا بيكم مرة أخرى
حركو لها راااسهم وبقااا يوسف تيبلع فريقو أو قلبو بغاااا يسكوت متشوق اشوفها
كان بيت لوجين مقابل مع صالون مفتووح لبااب غيير شوية كيباانووا غير العينيها خاارجين .. حااضيين جهة الصاالوون .. غير سمعت حس امها بعدات
فاطمة : يلاه ابنتي خرجي باش اشوفوك ناسك
لوجين *شادة فقلبها ودعاء فمها* ناري أ أمي قلبي بغا يسكوت بالخلعة شكون لي جا گاع
فاطمة: غير هو ومو وختو وراجلها وعرفتي شكون رجلها .... لوجين: شكون
فاطمة: ولد رشيدة جارتنا القديمة الله اعمرها دار غير شفتو عرفتو تبارك الله ولا محامي معروف مغديش تعقلي عليه حينت كانت ديك ساعة صغيورة بزاف وعزيزة عليهم يلاه يلاه طلقي راسك خلينا نزلو قبل ما إجي لنا أبيك
مشاو للكوزينة هزات فاطمة صينية ديال أتاي لي ثقيلة وخلات لها طبسيل ديال الحلوة تبعاتها من لور .. دخلوا للصاالون كلشي شاف فيها مرة وحدة .. شيئ لي خلاها تتزنگ و الرعدة شداتها من صبعها صغير و عينيها دمعووا بقوة الحشمة و الرهبة لي طااحت عليها .. ما عرفات ما تقدم و لا توخر .. حتى تتشوف راضية تتحرك لها راسها باش تزعم ومتحشمش مشات عندها و سلمات عليهاا بحرااارة من بعد.سلمات على ليلى ومزال عينين يوسف مفيكسين عليها منزلهومش خليل عينيه غير عليه مكرهش يعطيه شي كروشي إفيقو معجبوش الحال اشوف فشواحدة خرى وختو حداه
خليل هااز حااجبوا و كيشوف فيها هي تبسمات ليه وحركات ليه راسها ولقات تحية
لوجين : سلام عليكم
يوسف صحابو بغات تسالم معاه زرب ومد لها يديه
لوجين :( بصوت خاااافت) سمحلي ما كنسلمش .. اخويا
يوسف فديك اللحضة حس ... بالاحراااج دغية جمع يديه ورسم ابتسامة على وجهو ولكن مزال نضرة الإعجاب ديالو بها محيداتش مكانش نهائيا متوقع تكون بهاد الجمال كاااامل عاد حجابها زادها نور على. نور ...
كملات تساليم ديالها وجلسات فجنب راضية وبداو على قوافي ديال الهضرة ولبرارد ديال أتاي والحلاوي المشكلة هضرة تجبد هضرة وسي يوسف مطلوق وعاااجبو الحال شوية دخل فؤاد ومشااا تساالم مع يوسف بالأحضان وخليل غير تيشوف مخنوق فديك الجلسة والحاجة الواحيدة لي تتفوج عليه هو مساجات ديالو مع أريج لي تتخليه يبتااسم أو يرجع يرسل لها فديك اللحضة تگول مكااااينش وسطهم وعنين لوجين عليه كيفما هزات راسها تتلقاه تيتكونيكطا معها من بعد مدة طويلة عاد تفكر خليل بالي رااااه جاي على أساس يخطبها ديك ساعة دخل تليفون فجيبو ودخل فصلب الموضوع مع باها ....
عزيز: اش نگول ليك اسي خليل الا كانت باغينا حنا حنا بغيناك ومغديش لقاو محسن منك حنا متنعرفوكش مزيان ولكن يوسف تنعرفوه مزيان انسان الله اعمرها دار
يوسف *عاجبو الحال * الله اجيبنا فصواب اسي عزيز وحتا حنا لوجين غدي نحطوها فعينينا ياك انسيبي هههه .....
غير شاف خليل خنز فيه دغية جمع ضحكة....
راضية: اش بان لكم نخليو عرسانا يهضرو واحد شوية أو يتفاهمو رآه زواج هدا
عزيز : ايه نوضي ابنتي مع سي خليل سيرو الصالون لاخور
لوجين حركات راسها لباها ومشات تتزرب أو خليل تبعها كانت باينة مقلقة وشكوكها كاملين كانو فمحلهم گعدات فجنب سداري أو يديها ورجليها تيترعدو كانت باينة معصبة أو مهزاتش عينيها فيه جلس مقابل معها وجاامع يديه بزوج قدام وجهو وتيشوف فيها عرف شحاجة معصباها
خليل : لوجين مالكي اش كاين
لوجين : كيفاش تتشوفني اسي خليل واش عند بالك انا وحدة مكلخة ولا فوق راااسي ودنين ولا وقلة انا هي داك حيط قصير لي جااا يتعلق فيه راااه حراااام هدشي حراااام راااه حتا انا إنسانة عندي قلب وتنحس ماشي مخلوقة من الحجر وملزوم عليا نتعدب ونصبر
لوجين تتبلع فريقها ودموع محجرين فعينيها تمنات تكون غير غالطة ويكون فعلا تيبغيها
خليل: لوجين انا عندي مشاااااكيل ونا بغيتك توقفي معايا كيف سبق وقفت معاااك
*بغاااا ادكرها بالي هو لي دفع تكاليف العملية ديال امها عاد وقف معها حتا بانت حقيقة أو رجعات الدارهم أو حتا هو لي وقف معها حتا طلقات بلا تجرجير ديال شهورة *
تنضن هدشي كافي اخليك تعاوني معايا أو حتا هدشي من مصلاحتك حينت غدي نهنيك من تكرفيص ديال داك ميخي ديال خوك والجحيم ديال خوك وحتا غدي تهزي راااسك قدام عائلتك مرة خرى منين اعرفوك تزوجتي حينت غدي ندير ليك عراسية معمر شي بنت مرااااا داااارتها
لوجين*رسمة ابتسامة مستفزة * كااانت عاااارفة مكاااايناش شحاجة لله فسبيل الله فهاد الوقت ضروري من المقابل اسي خليل هضر وگول اش عندك هاني تنسمع
خليل : غدي تزوجي بيا ولكن غدي تكون بنا تفاقية مرااتي قدام ناااااس ولكن بيني وبينك مغدي اكون والو ومن بعد شهر ولا شهرين غدي نعاود نتزوج بالمرا لي تنبغي لي هي أريج
لوجين *بلعات ريقها* مفهمتش ولكن علاش هدشي كامل وهاد دورة سير تزوج بها ديريكت اش بغيتي عندي اناااا
ويلا كانت خالتي راضية هي لي مبززة عليك هاد زواج غير كون هاني انا نهضر معها وقفات
خليل: وقفي الحاجة معندها حتا دخل أنا لي بغيت نتزوج بيك حينت عندي غراااد بهدشي ونا بغيتك تعاوني معايا الا سمحتي غدي نكون ممنون ليك وبلا متبقاي تسولي بزاف حينت مغديش نگول والو المهم عتبري زواجنا غدي ينقد شخص مهم عندي
لوجين *مخربقة* شكون هدا ممكن تزيد توضح ليا غير شوية
خليل: باركاااا دباااا اش كاين نعول عليك
*باها تيعيط عليهم *
لوجين *محتارة* واااااخ هاااني جاية
*شافت فيه * شووف انا تالفة ومخربقة أو معااارفة منگول فهااااد الحالة من لخر راااك خربقتيني خايفة نگول ااااه وندم
خليل : مغديش تندمي تنواااعدك ا لوجين معمرك تندمي على هاد القرار عفاك گولي ااااه
شافت فيه وحركات راسها وخرجات خليل فرح وحس براحة منين لوجين غدي تعاون معاااه وحتا الأمور كانت واااضحة حينت كان هاااااز هم كبير كيفاش غدي يقدر يشرح لها هدشي من بعد زواجهم
عزيز : تعطلتو علينا اتاي طيب لنا المصارن هههه اوا اسيادنا اش كاين وعلاش تافقتو واش غير نقرااااو الفاتحة ..
خليل شاف ف لوجين لي حتا هي شافت فيه بيئس ونزلات راسها..
خليل: غير قراوها اعمي ...
عزيز : ايه هي الولا يااااا بسم الله اللهم يسر
كلهم هزو يديهم تيقرااااو الفاتحة وهما فرحانين من غير لوجين ..
✓✓بصوت جماعي ✓✓ اميييييييييين
صدق الله العظيم.....
عزيز : سكوووت علامة رضى الآلة راضية
راضية : هههه وياااه اسي عزيز الله اتاويهم الخير يااارب ويكمل عليهم
امين : امييييييييين
خليل : صدقها وحوايجها وهدشي كااامل راااه الواليدة لي غدي تكلف بيه مخلي كلشي تحت يديها
عزيز : الله اخليها ليك وحنا مبيناش هدشي حتا الا بغيتي تديها متعطي والو طيح عقدك وديها حتال عندك وضبر معها انتما ديالنا
كلشي تصدم أو بداااو تيحاولو اقنعوها بالعرس وخااا غير حفيلة صغيرة دير وخا غير حنينة وسط العائلة ولكن صافي لوجين عدفاات العرس أو زوااااج أو مااا إجي منو
خليل: خليوها على خاطرها منين مبغات دير عرس غير عطيني الوراق نجمعهم باش نطيحو العقد ونتفاهمو على كلشي دباااا نيت صداقها أو حوايجها غير طيح عقدها وغدي نديها
عزيز : ولا عليه فيها خير اللهم يسر بسم الله
ديك ساعة نيت حط لها فلوس عقدها مع الفلوس الكسوة ديالها أو تشري خاتمها ديال زواااج على دوقها وعطاااهم يومين توجد فيها كلشي ويطيح فيها العقد كلشي كان مزروب وجاااا مرة وحدة ...
غير كملو صافي بغااااو إنوضو بقاو مدابزين معهم بالكشيفة باش بقاااو حتا تعشاااو حينت كانو موجدينو لهم من غير سخنوه وحطوه مكاين نعاماس غير دجاج المحمر أو اللحم بالبرقوق وقراعي الموناضة وديسير غير كملو نااااضو تسااالمو معهم أو عطاه الوراق ديال لوجين أو مشاو ...
لوجين بقااات ساعات فالكوزينة تتجمع ديك روينة غير كملات مشات توضات أو مشات تتصلي وتتستااخر مع الله فهدشي لي دااارت وكلات أمرها الله هو لي إبين لها طريق صحيحة حينت تلفات ومبقات عرفات اش دير راس تيگول لها حبسي هدشي فيه غير المشاكيل وراس تيگول لها غير كملي مغدي اكون غير خير ...جااات امها دخلات لقاتها تتصلي جلسات موراها وتتسناها تكمل
لوجين تتصلي بكل خشوع تتصلي وكتدعي و تستغفر مولاها و تطلب الخير فلي قادم .كان سجودها كيف كل مرة طويل وفسرها تبكي وتشكى لله الواحد الاحد هو القوي وعليه يتوكل جميع المسلمين عنده تقضى الحاجات وتغفر الخطايا وعلى يديه نتوب ... .
لوجين *تحنات باس يديها* امين أمي لنا ولكي وللمسلمين اجمعين
فاطمة: بنتي علاش مبغيتيش العرس سيد گال هو لي غدي يتكلف بكلشي ريال مغدي نخرجوه حنا من جيبنا الله يرضي عليك خلينا نفرحو شوية بيك ونجيب ليك دوك المدحات أو نجيب البنتي دوك العبيد البنات لي اهزوها فالعمارية ندير ليك بحال عرس غفرااان ياك عجبك عرسها وگلتي بغيتي بحالو علاش ابنتي مبغيتيش تفرحي برااااسك علاه شحال من مرة بنادم تيفرح ويتزوج غير مرة وحدة
لوجين رشاااات شوية ملح مع المسك فوق فراشهاا وهزات القران وتخشات فبلاصتها
لوجين : لا حاشة غير انا وكلت امري الله بغيت نخلي الأمور كيف هي مبغيت نغير والو أما العرس ديال غفران هديك راااه غفران ماشي لوجين يلاه أ أمي تصبح على خير
فتحات المصحف الكريم
لوجين : أعود بالله من شيطان رجيم بسم الله الرحمن الرحيم ....
دغية خرجات فاطمة وسدات الباب وبقات لوجين تتقراااا القران حتا غلبها نعاس علمات لبلاصة فين حبسات بواحد الخيط أو سدات المصحف الكريم وقالت تشهد ونعساااات غير غمضات عينيها نعساااات ..
راضية : الله ياربي الله *خشات راسها فشرجم تتنفس تخنقات * اجي اجي تشمي الهوى
ليلى: وااااخ ماما كون جيتي عليا انا كون غير خليتيهم اعيشو معاك لاش هاد العداب كامل
راضية: الله يهديك انا قادة براسي ما يسكن معايا حد خليهم هما مزال عرسان جداد خصهم يبقاو بوحدهم راااه هي حشومية وهو كثر منها إلا تشهاااا غير ابوسها شي نهار غير اشوفني اجمع دورة هههههههه لا لا خليهم حتا يشبعو من بعضياتهم مزيان اوا منين أجيو لوليدات ديك ساعة أجيو اعيشو معايا اعمرو عليا دنيا راااه لوليدات هما زينة الحياة ابنتي
ليلى تقرصاااات دغية جمعات ضحكة
راضية *بحال الا صرفقتيها* سمح ليا مارديتش البال الهضرتي سيري الله افك حزامك أو يعطيك حتا انت باش تفرحي
ليلى؛ امين اماما اجي فكرتيني الا لبست حتى انا الحجاب كيف غدي اجي فيا اماما
راضية: كيف غدي اجيك زوين بطبيعة الحال ولكن الحجاب ابنتي رااااه عندو قوامو ماشي بقات تغطي شعرك وصافي راااه خصك تبداي تصلي ابنتي اوا شوف شحال ونا تنگولها ليك
ليلى: اوا الله يهدينا اماما لبسوه بعد ويكون خير كيف عجبني هو غدي نوالي حتا نصلي كلشي ممكن بصارحة اماما عجباتني لوجين والحجاب لي لابسة زااادها نور على نور حتا يوسف جباتو البنت الليل كامل وهو يشكر فيها
راضية: هههه گول هكاك عليها بغيتي ديري حجاب حينت سي يوسف لي عجبو
لوجه علاش يحشم أو مقزدرة مع راسها سيري لوحي عليا داك زبل ديالها حتا شرويطة متخليها دور تما باقي وااش فهمتي
ليلى حركات راسها ومشات تتجمع بقاو فالحكان فالحيوطة وزااااج حتا خلاو دنيا تتشعل بدلو الفراش ديال دار كاملة أو حطو الحوايج جديدة لي خداو لوجين عاد شي باش تخرج بيه الزنقة أو شي الدار بيجامات مع سوميجات ديال نعاس مكاين غير المعري كثر من المغطي ستفو لها البرودويات ديال الحمام بجميع نكهات عمرو لها الكوزينة بالماعن لي ناقصين عطرو لها بيت نعاس وفوسخاتو لا راضية بجاوي والحرمل ورمات الورد فوق الكوڤرلي أو سدات البيت وخرجات
راضية : ااااي عيت هدا هو جهدنا على عليهم ا
ليلى: حتا انا عيت ونهار كامل بطولو وحنا غارقين هنا ولكن فعلا دار عاااد رجعات فيها روح معرفتش كيفاش كان عايش فيها خليل وهي فهاد الحالة
راضية: لا هو قليل فاش تيجي الهنا بزاف تيكون غير عندي ولكن أنا منخافش عليه لوجين حادگة ديما غدي تشوفي محلها تيشعل بنقاوة بحالها هههههه
ليلى : ااااه اه زوينة تبارك الله وحبابة وتدخول الخاطر انا من هاد ساعة غدي نديرها ختي تنهضر نيت معها فالوتساب تيحمقني صوتها وطريقة باش تتهضر ديك سيدة فعلا سبحان من خلقها انا غير شفتها حبباتني فالحجاب ماما شواحد تيحل الباب *ناضو*
ليلى: ناري خلعتينا اخويا دير غير الحس بعد
خليل باس راس أمو وجر ختو عندو
خليل: علاش غدي تخلعي يا كبدة دجاجة
ليلى: متبقاش تگول ليا هكاك اوا كيف جاتك دار بعد راااه بالكشيفة باش ولات ليك هكا كانت حالتها حالة
خليل: الله يعطيكم صحة حتا انا نيت نهار كامل ونا مدابز غير مع الوراق عكسو ليا فالخدمة على قبل ورقة وحدة هما لي وضرو ليا نهار المهم دبا كلشي تقاد عندي و غدا مع 8 ونص ديال صباح خصنا نكونو عند العدول باش نطيحو العقد
راضية : وخاااا اولدي الله يسر لكم...
🌞شميشة طلعات تتعلن على يوم جديد 🌅فاقت لوجين تتزرب لقات تليفونها طافي ما فيقهاش الفجر شافت فساعة لقات هربات بها عينيها وفات عليها صلاتها بساعة دغية سخنات الما ديال الضو ودخلات غسلات وجها وسنيناتها توضات وتوجهات القبلة غير كملات الصلاتها سمعات مها تتعيط عليها مشا الحال تخرج تفطر شوية وقفات طوموبيل ديال خليل خرجات ختو ليلى تعيط عليها
كانت لوجين تتلبس كسوة طويل كاتجرجر فالأرض لون ديالها غوز مفتوح وشااال فالبيض وصندالة سميطات عالية فالبيض وعقلها خدام وقلبها مزير بزاف حسات بحال الا غدي تمشي للجحيم برجليها احلام ديالها دمرو كانت دائما كاتقول غاتزوج بشخص لي كاتبغيه ولكن لقدر خدا تيار معكس بقات كاتفكر وفنفس الوقت كاتقد فالحجاب ديالها بنفيتات تتشد الفولار حتا دخلات ليلى عليها
ليلى : حبيبة عافاك غير شوية زعمة راك عروسة ههههه واش لا عرس لا شوية مكياج لا انت بزاف تگول هدي جنازة عندك الله يهديك دبا خطاري نديرو ليك دبا ولا نديرو ليك منين تبغي تمشي الدار راااجلك ولا عرفتي أشنو خليك هكا حتا تبغي تروحي عندو ونقاد ليك وجهك باش ديك ساعة خويا يشبع فيه ويدوب فدوك شليقمات عندك وحلاوتهم. * لوجين حشمات ونزلات راسها*
ليلى: وينو دغية تتحشمي ولكن غير غدي تزوجي بخويا مغديش تبقاي تحشمي بحال هكا غدي تولفي هدشي اجيك عادي هههه
فاطمة *دخلات عليهم* يلاه البنات طلقو راسكم
ليلى: صافي كملنا قبل ما نسا منين غدي اطيح العقد غدي نمشيو الدار عند ماما وراه عارضة عليكم تغداو تما عندها وديك ساعة سيد يدي مرتوو وتفرق جوقة كل اصد الدارو
فاطمة*شدات حنكها* ولكن أنا مكانتش ضاربة هاد الحساب انا عند بالي البنت غدي ترجع الدارهم حتال غدا عاد غدي تروح عندو حينت مزال طامعة ندير لها قشرة الحناء نلصقها لها فرجليها تمشي بها
فاطمة: هههههه هدشي باش تتعجبني لا راضية تبارك الله عليها حتا حاجة متتفلتها
ليلى : هههه وياأااه يلاه خلينا نمشيو
فاطمة ؛ بنتي گاع مفطرتي
لوجين : أمي بلاش مفياش جوع
ليلى : غير الخلعة هدي انا ناخود لها شحاجة تاكولها فطريق يلاه بسلامة اخالتي نتلقاو
فاطمة نزلات نقاب على وجها وقفات قدام الباب وتتشير لهم بيديها أو طلقات 3 زغروتااااااات قدام الباب ودخلات خلات كلشي مخرج راسو من شرجم تيطل من شراااااجم بغا يعرف اش كاين
طلعات فطوموبيل رمات عينيها على مولاي سلطان كان لابس كومبلي كان فلكحل جاااا معاااه واو تيحمق توجهوا لعند العدو لوجين كانت كاتشوف الشوارع من نافذة السيارة نسات همها وسرحات مع الناس لي خرجها من أفكارها صوت ليلى
ليلى : يلاه لوجين رآه وصلنا نزلي
لوجين :واخا
نزلات من سيارة وقلبها ورجليها كايرجفو من الخلعة دخلوا المكتب العدول جلس خليل وهي جلسات ف الكرسي لي قدامو كان كلشي جاهز خاص غير توقيعهم سألها العدول سؤال وطولات على ما ترد
العدول : بنتي غانكرر السؤال واش موافقة تزوجي خليل بن محمد العمراني على سنة الله ورسوله بدون اي ضغط أو إجبار ؟؟
لوجين :(شافت ف عينين باها لي ريقو نشف خاف تحشمو وهو مخلا حتا واحد ما گاليه على زواجها أو يتفايش بيه قدام العديان وگاع هدوك لي قللو منو من زواجها لول بالي دبا جاب لها الله انسبيكتور فين إبان قدام راجلها لول ) موافقة
العدول : رفعي صوتك ابنتي ما سمعتكش
لوجين :موااااااااافقة
العدول : مزيان سي خليل العمراني واش موافق بالانسة لوجين بنت عزيز العلالي زوجة ليك على سنة الله ورسوله
خليل : ( بملامح ما كاتفسرش نطق بصوت خشن ) موافق
العدول طلب من لوجين توقع بعد ما وقعات طلب توقيع خليل وقعوا بزوجهم وولاو زوج وزوجة
العدول : الله يجعل كلشي مبارك ومسعود برفاه والبنين ان شاء الله
كلشي وقف وبداو تيتسالمو ويهنيوهم غير كملو مشاو ديريكت الدار عند راضية اكملو الإحتفال لي كانت هي فرحانة وطالقة شعبي مكاين غير الحاج مغيت مع حاجيب مع طاهور مع داودية ستاتية دكشي منوع تيتسمع داك الغنى من رااااس درب وسي راكان عاطيها الشطيح مع راضية
راضية : هههههههه الله يعطيك الخلا سخفتيني
راكان مزال تيشطح أو تيهز البوط وراضية مفرشخة عليه بضحك حتا سمعو دقان مشا احل تصدم لقا وحدة لابسة لكحل أو معها واحد الملتحي *فؤاد*
شوية تدق نقاشة جات بدوزان ديالها ديال تنگافت وتتقاد لبلاصة لعروسة غير كملات توجاد عااونتها فاطمة وراضية حتا تيسمعو الكلاكسون أو ليلى حامياها تزغريت حتا جمعات عليهم جيران دخلات لوجين أو تيباركو لها راضية بالفرحة بكات
راضية : بسم الله ما شاء الله (باستها فجبيينها وجبدات علبة صغيرة وسطها سنسلة ديال الذهب (عقد ) ولبساتها ليها
لوجين : علاش عدبتي راسك اخالتي
راضية : تستاهلي كتر ابنتي تهلاي فهاد سنسلة حينت راااه ورث كانت عطاتها ليا عگوزتي ونا تهليت فيها حتا نركبها لمراااات ولدي او حتا انت الا بقا العمر تركبيها لمرات ولدك ان شاء الله...........لوجين (باست ليها يدها ) شكرا
دخلات لوجين لواحد البيت أو بدات (نگافة + نقاشة) تتلبس لها لبسة باش تحني وتتقاد لها المكياج غير كملات لها فهات فجمالها وكيفاش وتاها القفطان والمكياج
دخلات لا راضية وفاطمة وليلى العندها ...
راضية: بنتي يلاه راااجلك تيتسناك باش تمشي
لوجين عنقات امها وتتبكي ومزيرة على جلابتها فاطمة عنقاتها وتتحاول تصبرها ومتنزل حتى شي دمعة عليها حينت سبق وصدرااتها الدارها بدموع فالخر رجعات ومبقاتش مزال تتفائل بداك البكا بعدها وتتمسح لها دموعها ..
راضية: بنتي خلي فيديك هدااا منين تبغي تنعسي مع راااجلك دوزيه على السرة ديالك ونزلي بيه التحت ولكن غير من الفوق ماشي دخليه الداخل هدي حاجة زوينة ديرها العروسة فنهار الليلة ديالها باش تبقى حلوة فعين راااجلها ديما
راضية *تضحك* فينو العقل ابنتي لي يتفكرها راااه تخربقت وعيطتها غير البكا الخرجة ديالك كانت صعيبة هدشي ابنتي غير شوية العسل الحر مع المسك الأبيض باش يبقى رااال ديما حلوة فعينو ديك لبلاصة ههه
فاطمة: الله يهديك الآلة راضية رآه راجل ديما عزيزة عليه انت غير تهلاي ليه فيها وعطريها ونقيها ورجعي اللور هههه *ضحكة جماعية*
راضية: الله يعطيك ستر ابنتي يا فاطمة يلاه يلاه بلاما نعطلوها عليه يلاه ابنتي
تودعات معهم لوجين وخرجو معها حتا ركبات فطوموبيل بصلاة وسلام على الحبيب
غادية لوجين وحاطة يديها على خدودها وتتفكر حتا وقفات طوموبيل قدام الدار نزل هو وهي تبعو وعينيها تيدورو تتشوف فالدار لي كانت تتبان من برااا زوينة دخلو ودخل ديريكت البيت نعاس لاح الvيست فوق السرير ودخل لدوش يحيد العرق والعيا أما عروستنا تلفات معرفات فين تمشي ولا تجي جلسات فالصالون وتدور عينيها فديك دار المتيولة لي تتخد العقل بجمالها...شوية خرج من دوش لابس شورط وعريان من فوق وقطرات الماااا تتنزل من شعرو شاد الفوطة تينشف شعرو
لوجين *دورات وجها وغوتات* ااااش هدشي واش انت حمق لبس حوايجك عاد خرج
خليل: راني لابسهم زعمة جيت غير نگوليك بالي البيت نعاس ديالك دخلي ليه ونا غدي نعود نعس غير هنا فصالون وحوايجك رآه فالماريو...*يلاه رمات الخطوة حتا تتسمع*
تتسمع صوت طالون أريج تيتقرقب طارت على شفايفو تتبوس فيه
أريج : توحشتك اووو اوبس باااغدون بب مشفتكش *لوجين تتشوف فيها* هههه لا لا متگوليش هدي هي العروسة لي بغات ليك أمك أخليل هههههه جابت ليك دعشوشية
خليل*بالغوات* بااااااراااكااااا ا أريج خلي عليك البنت فتيقار اخير مرة تهضري معها بهاد طريقة لوجين خط احمررر *زير على سنيه* لوجين سيري البيتك
أريج : هي هي فين غادية ماشي هداك هو بيتك احبيبة سيري نعسي فبيت البيبي ديالنا *شدات فخليل وحطات راسها على كثفو* من اليوم هداك هو بيتك حتى دوز هاد شهرين ومن بعد غدي تعشي مع حماتي وحنا غدي نتزوجو أو نعيشو فدارنا لي هي هادي طبعا
خليل: لوجين سمح ليا وهدشي لي وقع مغديش يتعاود هي مجنونة ولكن ضريفة مع الوقت غدي تعرفيها وغير كوني هانيا غدي تشوفيها غير فلوقيتة لي نكون فيها انا فدار هي خدامة غالبا نهار كامل غدي تكون فخدمتها أو هاد الوضع غدي يبقى غير شهرين من بعد غدي تمشي عند الواليدة وترتاحي گاع منها أو حتا غدي نگولها الواليدة مغديش يبقا هدشي مخبي *غير ساكتة * لوجين مغدي تگولي والو *صمت* المهم هاهما حوايجك
خرج وسد الباب من مورااااه دخل الغرفة لقا أريج لابسة سوميج دونوي شفاف وسترينگ فالكحل باااين جمعات لها غير الحوايج لي معندها بيهم علاقة أما. دكشي لمقزدر هي كانت محتاجة ليه ومع الغرفة كااانت مزينة بالورود دكشي كان عاااطي جووو مشحون وسخووون تيهيج الواحد وشاعلة شميعات غير ضو ديالهم لي مشعي عااطي منضر جميل ورومانسي دغية جرات خليل من يديه وغادية بيه وخلات شوية الباب محلول متعمدة تشوفهم باش تفقد فيه الأمل مزيان
يلاه خرجات لوجين بغات تجيب تليفون ديالها من صالون نساتو..دازت من جنب غرفة خليل حتا تتشوف أريج طالعة فوق ظهرو كدير ليه مساااج وهو متكي على كرشو وهو فرحان وعاجبو الحال وتيضحكو
نصل ليها الكسيوة فرمشت عين و طبع قبلة جنب فمها شوية بشوية بدا كيطلع لعنقها ويدو فصدرها اريج بدات كتصدر أنين خفيف لي خلا خليل بلا ميحس ينساجم معاها
لوجين مزال تتشوف فيهم معرفاتش أشنو لي خلاها تبقى وقفة هكاك دغية فاقت على راسها هزات تليفونها ودخلات البيت تتجري..
لوجين : حمقة حمقة حمقة ايييه انت حمقة مكانش عليك تعجبي بواااحد بحااالو غاارق فالحرام لالا ماشي هدااا هو نوع لي تتحلمي بيه ولي تتمنايه اكون رااااجلك فيقي فيقي
دخلات الحمام تتخوي على راسها الما وتتشوف فالمراية وتطلب الله يسمح لها حينت شاافت دكشي لي مكانش عليها تشوفو جاها راااسها بحال الا وحدة موسخة بحالهم خرجات موضية سرحات صلاية وتتصلي قياااام الليل الساعات طويلة وتيبان ضو خااااارج من بيتها
*عند أريج*
من بعد ما كملو ليبيتيز أو دخلو فمعراااكة كبيرة بلاما تعيا ولا هو يشبع منها خشاها فيه وحواطها بيديه من لور وخاشي راسو فعنقها أو يديه فوق كرشها
شوية لوجين طلقات سورة البقرة مجهدة ونعسات هي ضروري تنعس على صوت القرأن مجهد ولا مغديش اجيها نعاس أريج يلاه شداتها واحد نعسة حلوة حتا فيقها صوت القران المجهد ناااضت قااافزة أو مشرعة عينيها وتتغوات
أريج : خليييييل خليييييييل نوض نوووض شوف ليا شي حل مع هاااااد دعشيشة شووووف طااالقة القران بجهد هي قاااصدة دير لنا هكااااا راااني تنعرف هااااد نوع المعقد حسدااااني حينت انا لي ناعسة حداااك ماشي هي. هءهءهء نووووض نوووض عفااااااك
خليل: وااا بااااركا خلينا نعسو دبا غواااتك انت كثر من دكشي لي مجهدة هي وليلة هدي معكم صافي نعسي هنينا
أريج : هءهء هءهء حياتي منقدرش نعس منقدرش وهدشي مجهد كيفاااش انت قاااادر تنعس غير گول ليا ولا عرفتي أشنو هااااد الموسخة انا لي غدي نهضر معها حينت انا لي تنعرف لها *يلاه غادية لها جرها*
خليل: غير بقاي انا نمشي نهضر معها
خليل نااايض تيلبس حوايجو أو تيخاااااصم وعينيه مغمضين بنعاس
خليل : لوجين لوجين *مع مجهداه متتسمع وااالو حتااا غواااات بجهد وتيضرب الباب برجليه عاد سمعاتو ونقصات تليفون *
لوجين : نعااااااام اش كاين
خليل : ممكن تنقصي تليفون شوية راااه ناعسين زعمة واااااه
لوجين *زيرات على سنيها* واااخ افففف
رجعات نعسات ونقصات منو غير شوية وطلعات كثافها وتضحك.....
خليل *سد الباب* يلاه نعسي احياتي رآه نقصاتو
أريج *بالغوات* اويلي اش نقصات فيه سير گولها تطفيه دبااااا ولا نقسم ليك فمي بالله أخليل حتا نوض لمها نهرسو لها على راسها دبا غير ختااااار وااااااااااااش نووووض
خليل *تلاح فناموسية* فين كاين مشكل دبا واش غير تتنبشي على سيدة هدشي علاش جاية
اريج : راااه هي لي تتنبش عليا بهاد تصروفات ديالها الحيوانية بغات تسمع القران تنقص على جهد ودنيها ماشي على جهد ودنينا حتا حنا معها دبا هدي علاش تتقلب ماشي على العصا
دمعة لوجين الجزء الثاني
محتوى القصة
التنقل بين الأجزاء