دمعة لوجين الجزء الثالث

من تأليف سمر الغاشي
2020

محتوى القصة

رواية دمعة لوجين

صباح جديد🌞....الشمس مشرقة ولامعة تتبت الحياة والأمل...بخيوطها الذهبية 
فاااقت لوجين على صوت منبه لي دااار قربالة فدااار عينيها مزال مغمضين بنعااااس تتقلب عليه بغااااا تطفيه واااالو ملقاااتوش وهكاااااا تدير ديما تتبعدو عليها بااااش تهزم شيطانها وتنوض تصلي الصلاة الفجر حينت الا بقا حداها دغية غدي طفيه وترجع تنعس هزااات راااسها من فوق الخدية وهي فمها دعاااء.......
اللهم اني اعوذ بك من همزااات شيطان الرجيم 
اصبحنا واصبح الملك لله والحمد لله ولا اله الا الله وحده لا شريك له له الملك وله الحمد وهو على كل شئ قدير رب أسألك خير ما في هدا اليوم وخير ما بعده و اعود بك من شر ما في هدا اليوم وشر ما بعده ..رب اعودبك من الكسل وسوء الكبر رب أعوذ بك من عداب في النار وعداب القبر ....
شدااات تليفون ديالها سكتاتو وخرجات من البيت تتكسل شعلات گاااع ضواو أو تتجر فرجليها ممسوقاش لبشار لي مزال ناعس حينت هي هكاااا مربية لا نعاااااااس من بعد اداان الفجر الأداااان تيقوووول قومو....
"قومو لا تنومو يا عباد الله..."وهاااد لوقيتة بضبط لي تتكون دعوة مستجابة حينت الله تيتسنى عباااادو إفيقو من نوم ولبيو نداااء دازت من جنب البيت خليل تتسمع الهضرة ديالهم كملات طريقها ومشات الحمام توضاااا باش تصلي ...
أريج *شعلات تليفون * بااااقي الليل يلاه ربعة صباح باقي حتا الحال مبان ونااايضة واااش هدي متتنعسش الله يخليها سلعة طيراااات علياااا نعاااس دبا كيف غدي ندير نعس اناااااااا اووووووف بالي غدي نهرس داك المشقوف عندها لي زايغة ليا بيه
خليل *بصوت ثقيل* هنيناااا ورجعي تنعسي راااه تليفون سكتاتو
أريج : سمع سمع كيف الحيوااانة بحال الا حنا منعسينش زعمة كلشي عندها بضجيج حتا حاجة ما تديرها بشوية كيف بنادم شيطانة وفيها تحريميات هدشي كولو مقصود ا خليل 
خليل تگلب الجهة الأخرى وخلاها تتغلي وشعرها واااقف عليها مبقاتش قااادرة ترجع تنعس غير تتصوت ...
لوجين خرجات من الحمام تترعد مع كاان البرد تتجري دغية دخلات البيت وردخااات الباب بجهد ولبسااات العباية ديالها مع تقااااشر أو زيف على راااسها سرحات السجااادة أو وقفااااات بين يدين الرحماااان كبراااااات أو بدااات تتصلي صلاتها بكل خشوع والفرحة فقلبها تتفرفر شي احساس لا يوصف تتحس بيه غير هي بوحدها وهي تتصلي الفجر تتحس بسكينة الطمأنينة وراااحة البال اااااه هاد الإحسااس مايقدر احسو غير لي مدمن على الصلاة الفجر ....🥀
كملات .هزات المصحف بين ايديها وجلسات فوق سريرها مربعة رجليها...وبدات تتقرا القرآن وتتجودو بصوتها العذب...صوت ما شاء الله...راااااائع تيخلك تبورش ...تتجود بكل احساس وتذبر فايات الرحمان..
صوت ديالها وصل حتال عندهم البيت خليل عاااجبو الحلال كان بحال شي عصفور تيغرد مع داك صبااااح أريج ضربات برجليها ودخلات الحمام تتغوات ربي لي خلقها مبقاتش قدرة تحمل هدشي ولي معصبها هو خليل فصف لوجين وكلمة جوج تيگول لها خليها على راااحتها وهدشي متيعجبش أريج وتتحس بالي هو قريب لها وتيدافع عليها بزاااف هدشي دخل لها شك فراااسها لا اكون تيبغيها 

كملات لوجين روتين ديالها اليومي ديال كل صبااااااح جلسات قدام المرايا تتمشط شعرها العسلي خلاتو على رااااحتو مطلوق كان طويل وااصل خصرها أو مغطي ضهرها كملات المشيط ومشات الماريو جبدات بيجامة ديال ليكرااا فلون البيض كانت قصيرة لبساااتها جااات لاصقة على جسمها عطرااات بالعطر ديالها المفضل وحطات مرطب شفاه على شفايفها الوردية لبسات صندالتها فاللون الغوز رجيلاتها البيضين لحميمرين شاافت فراسها بكل اعجااااب وهضراااات فخطرها 
لا لا مديريش هكاااا ا لوجين وخااا رجلك ولكن معتبرك غير ختو *تفكرات كلام راضية تهلاي فرااااجلك ابنتي ودااارك غدي تلقاي صعوبة فلول حينت أريج مغديش تخليكم ترتاحو ولكن انت خصك تحاربي حتال لخر بنادم تيموت غير على ولادو ولا بلادو* هههههه خطيرة اخالتي اه فعلا انا على قبلو غدي نتحااارب لا انا مستحيل نفرط فيه أو شهرين هدي مدة كافية لي تخليني نكسبو ونخليه يتغرم بيا ياااربي عااااوني انا عااارفة بالي هو غااارق فالمعصية والحرام ولكن أنا متأكدة غدي إتوب أو يرجع الطريقك ياربي عااااوني انااا تنبغيه *عضات على شفايفها* صااافي ا لوجين غير خرجي وجدي الفطور ومتبقايش تحشمي هو راااجلك دبا اوووف 
رجعات ثقة فراااسها وحطات لكيت فودنها أو جهداتها باش متبقا تسمع الوالو مزال كانت أغنية تفااؤل دخلات الكوزينة تتوجد الفطور وتدندن فنفسها واحد النشيد تيعجبها....*محمود الخضر *
الم نتجاوز العثرات ....بلى بلى 🎶🎶
وعادت للحياة حياااااااااااااة🎶
تدكر ليست دنياااااااااااااااا 🎶🎶
لا ....لا ..لا ..لا .....لا🎵
وان طاالت سوى لحضااااات🎶
لداااااا دندن معي الكليمات 🎶
تفاااءل خييير تلاگي خييير ومااتدري لعله خير لعله خييييييير 🎶
فلاااااااا تحزن على ماااا فات 🎵
لكل العالمين الهمووووم 🎶
فلست وحدك يااااا مهموووم 🎶🎶
ولكن نهونها ...فحال المرء ليس يدوووم
لا🎶 لا🎶 لا🎶 يدوووووم ...تنضج فكرنا عبارات.....تصحينا من الغفلات تعلمنا تقوينا 
بلا... بلا ....بلا ..بلا 🎶لنمضي بعدها بثبات 
لداااا دندن معي الكليماااااات 
تفاءل خييير تلاگي خييير وماااتدري لعله خير لعله خيييييير ولا تندم على مااااافات ..

لوجين تدندن مع الموسيقى بأعلى صوتها حينت هاد أغنية كلها تفاؤل وأمل بدات تتماااايل بشعرها وخصرها نسات راسها وهي كدندن وفنفس الوقت كطيب الفطور ولكيت فودنيها متتسمع والو من غير نغمات الأغنية.. بقات هكاك عايشة اللحضة حتا كتحس بشي حد واقف موراها دورات عينيها حتا كتشوف خليل واقف متكي على الباب مربع يديه ومطلع حجبانو بزوج باين معجبوش الحال لوجين الله يرحمها داااابت فيه كثر ما هي دايبة منين شافت دوك العضلات المشدودين ولي زابدو ديال كرشو لي كيتحسبو ثمنية من بعيد فعلا داخت ماحساتش بيه وهو كيقرب لها حاولات تدور وتصرف عادي ولكن ديك نفس ديالو لي تتسمع حتال عندها و عطرو الروجولي لي ولات ملهوفة تشمو تيخليها تخدر فاللحضة كلشي تبخر منين سمعات من فمو كلام بحال سم خليل معجبوش الحال اشوفها بداك لباس مزير لي مبين مفاتنها كلها وشعرها المعري
خليل *بالغوات * ممكن تشرح ليا أش هاد الحالة داااايرة فراسك الآلة لوجين عيب تلبسي هاد الحوايج بحال هكااا معزولة فيهم على قلت شراوط عندك 
لوجين *تغرغرو عينيها* علاش مال هاد بيجامة معجباتكش انا فداري ونا حرة لبس فيها لي عجبني 
......خليل زاااد قرب وحصرها بيديه...... خليل : لوجين وااااش حماقتي يكما نسيتي الإتفاق لي بنا يكما تيقتي راااااسك وگلتي بالي راااك مزوجة بصح 
لوجين تعصبات من كلامو و تتحاول تبعد عليه نفسو سخونة تتحرقها كان لفار خارج من ودنيه وعينيه 
لوجين : لا ااا ما نسيت والو انت لي نسيتي اسي خليل بالي انا نهار وافقت على زواجي بيك مكانش فخباري غدي نعيش مع عشيقتك فدار وحدة ونزيدك انت هو اخير واااحد يهضر على العيب حينت انت رااااك غااارق فيه من راااسك حتال سااسك داااار كلها نجااااسة وناااا تنحس براااسي وحدة موسخة بحااالكم *مزير على سنيه * ماااالك وااااش كدبت عليك انا تنگول غير لي شفت مزال كون كانت مراتك نتقبلها ولكن عشيقتك وغااارقين فالحرام هدشي هو لي معمرو اكون ليك انا دبااا غدي نجمع حوايجي وغدي نمشي عند خالتي راضية ونت بقاااا هنا انت وياااها وغرقو فجهنم ديالكم غير بزوج 
يلاه غاااادية جرها وردخ لها ضهرها مع بوطاجي لوجين غمضات عينيها وعضات على شفايفها تقسحات.....
خليل : لوجين بلاما تعصبي ديل مي معندك فين تمشي غاااادي تبقاي هنااا وهاااد المشكل غدي لقااا ليه حل تنواعدك
*تيهضر وتيشوف فشفايفها وريحتها لي تتشهي كان قريب منها متيفصل بينهم والو دغية فاق على راسو وبعد عليها وبدا تيدوز يديه على شعرو بعصبية * 
خليل: انت من لول كانت عااارفة كلشي واافقتي مستحيل تخليني فوسط طريق ا لوجين عطيني غير شوية الوقت نقاد شي أمور مخربقة فعقلي بلاما تكملي عليا حتا انتي
لوجين تتكمل الفطور وعطياه بضهر بحال الا متتسمعش ليه وعينيها تيتسرسرو بدموع كمل هضرتو وخرج ...غير حسات بيه مشا بدااات تتبكي وتشهق وشاااادة فصدرها حتا بداا تيفيض الحليب طفات على بوطة ودخلات البيتها وسدات عليها من لداااخل تلاحت فوق ناموسية وتتبكي 
لوجين : هءهءهء حمقة حمقة انا حمقة كيفاش قدرتي تصدقي راااسك بالي مراتو وبالي كاااين امل يبغيك ا لوجيييين كيفاش ءهءهء سير الله يخود فيك الحق انت وديك الكلبة لي معاااك 
....رجعات خشات وجها فالمخدة وتتبكي وتنخصص وكاتمة صوتها ......
دخل البيتو كانت أريج تتقاد فالمكياج تتوجد بغات تمشي الخدمتها 
أريج : تعطلتي هدشي كامل غير باش تجيب كاس ديال الما 
خليل *مد لها كاس * هاكي وطلقي راااسك باش ندوزك معايا..... *شرباتو و شافت فيه*
أريج : خليل حياتي مالك شفتك مبدل 
خليل : غير تيبان ليك ...*دخل الحمام *
كملات مكياجها وصوبات شعرها خلاتوو مطلوق جبدات طالون ديالها لبساتو رشات البرفان ديالها وخرجات باش تفطر لقات البوطة عامرة حليب 
أريج *هماجية وموسخة * حتا الحليب متتعرف تفيضو وتقابلو لي عروبي غير عروبي
خرج خليل حتا هو أنيق وهااز فيديه سوارت طوموبيل أو تليفون 
أريج: واش غدي نمشيو بلا فطور 
خليل *قالب وجهو* غدي نشدو شحاجة فطريقنا غير زيدي 
خرج تيزرب وتبعاتو من لور تتعوج بطالون لي فرجليها لوجين غير سمعات حس الباب تسد دغية هزات راسها من فوق الخدية ومشات تتجري تطل من البالكون حتا تيبانو لها خارجين ولاصقة فيه كيف شنيولة طلع فطوموبيل وطلعات معااه ومشااااو زافين..
خليل شاف فيها لقاها تتلعب فتليفونها حيدو لها وحطو بعيد ورجع ركز فطريق 
أريج: أشنو درتي رجع ليا تليفون تنتسنا مكالمة مهمة بزاف *فرانة بجهد حتا طارت من لكوسان وخرجات عينيها فيه* وااااااااش انت حمق بغيتي تقتلنا 
خليل : بغيت نهضر معااااك سمعيني اا أريج ديك داااار مغديش مزال ترجعي لها أنا لي غدي نعود نجي عندك 
أريج *جبدات شلقومتها* تنضن هضرنا فهاد الموضوع البارح وتسد علاش رجعتي جبدتيه تاني ونا خديت قرار وهو نبقى عايشة معكم
خليل *تيصوت* أريج انا غدي نعاود ليك كلشي بااااش تفهمي القصة كيف غادية ولكن واعديني هدشي مااااا يخرجش من فمك 
أريج : خليل شوقتيني اش كاين گول 
خليل: ولكن قبل خصك تواعديني 
أريج : واااخ اسيدي تنواعدك مغديش نخرجو مع فمي غير هضر 
خليل : مزيان المشكل معلق ب يوسف ..

لوجين بقات شحال تتشوف فيهم من لبالكون حتا فاقت على راسها بالي ممغطياش شعرها دغية دخلات تتجري وسدات الباب ديال زاااج فهاااد اللحضة كااان يوسف واااقف تحت الإقامة وكان تيشوف فيها ضرب بجهد فالفولون كيهدر وعينيه حمرين وعروق عنقو باينين....
يوسف: كلللب مكاااانش عليا نخليها ليه مكاااااانش هو غير ضحك عليا فااااش گال غدي يتهلا فيها *دوز يدو على لحيتو* صدق مطور مزوج بوحدة أو باقي مع عشيقتو غير بلاتي غدي تندم اسي خليل على هدشي
*فلاش بااااااك *
خليل *مربع يديه واااقف على راسو* الحل الواحيد لي عندك هو تنسى هااااد البنت فمرة وتنسى بالي شي نهاااار غتصبتيها ايوسف تتسمعني 
يوسف *هز راسو* ولكن كيفاش ونا نعاس مبقيتش تنشوفو مزال اخويا خليل
خليل: انت متبقاش تفكر خلي عقلك وقلبك غير مع ختي وعيش حياتك وخلي كلشي عليا منين انت ضميرك تيعدبك حتال هاد درجة أو فنفس الوقت تتبغي ليلى ومبغيتيش تفرق عليها انا غدي نتزوج بهاد البنت وغدي نتهلا فيها مغدي اخصها حتا خير معايا انت تهلا غير فختي ومنبغيش نشوفها تتعاني ولا جاية تتشكا ليا منك 
يوسف: شكراااااا بزاااف اخويا خليل 
*يلاه غادي اعنقو دفعو خليل بجهد* متفرحش بزاف حينت دكشي لي درتي فالبنت متيفرحش اسي يوسف رااه تيبكي 
*زير على سنيه * دبا مسح عليا خنونتك أو بدل حوايجك أو فكر فشي جوج كليمات لي تقنع بيهم ليلى باش تسمح ليك وسد عليا هاد الموضوع فخطرة منبغيش مزال نسمع سميت لوجين على فمك محيها من عقلك صافي
يوسف*فرحان* غير كون هاني منين بغيتي تزوج بها اخويا وتسترها انا غدي نرتاح من جهتها وغدي نخلي عقلي وقلبي وروحي غير مع مراااتي وحبيبت قلبي ليلى *خنزر فيه خليل* يوسف مشاااا تيزرب ابدل حوايجو باش يمشي معااااه خليل جبد الولاعة والگارو من جيبو شعلو وبداا تيكمي معصب أو عقلو تفكر فهاد الكاريتة لي حصل فيها أو كيفاش غدي اكون مصير علاقتو ب أريج من بعد ما يتزوج ب لوجين ⁦♣️⁩رجوع الحاضر⁦♣️⁩
يوسف تعصب منين تفكر ديك الليلة لي وااعدو فيها خليل يتهلا فلوجين ديماااارا طوموبيل ومشااا زااف ...
⁦♦️⁩عند خليل ⁦♦️⁩
أريج *حلات فمها* مسكينة بقات فيا حيوان طلع هاد يوسف ماشي ساااهل گول ليا 
خليل: شكون فهاد الوقت مزال ساهل مبقيتش تنتيق فيه أو حتا وليت غير رد البال معاااه ولا تيتصرف شي تصروفات غير ديال دبيح نهار مشيت نخطب لوجين گاعد ولد الكلبة جنب ختي وعينيه خااارجين فلوجين عاااد البنت حلات ليه و عجباتو انا بقات فيا غير ختي فهدشي كااامل اماااا نردم أمو فالحبس واااحد عشرين سنة بعد حتا يترجل
أريج : لا عندك ا خليل ديرها ليلى غدي تحقد عليك حياتها كلها حينت دخلتي رجلها الحبس
خليل : ليلى منين تعرف بالي رجلها اكبر كلب عرفاتو البشرية غدي تفهمني هاد روينة كاااملة درتها غير باش نغطي على لوسخ ديالو فالخر ولد الكلبة هاهو تيضحك عليا 
أريج : صافي احياتي بلاما تقلق حنا ضروري غدي لقاو شي حل انا معاااك ونا تنواعد احياتي غدي لقا شي حل يرضينا كلنا *قبلة* يلاه دبا نخليك نتلقاااو فالعشية فداري 
غمزاتو وخرجات وبقااا متبعها بعينيه حتا غبرااات عاااد ديما ومشااا الخدمتو .. 
يوسف مشا ديريكت لعند خليل الكوميسارية طلع البيرو ديالو ملقاهش ونزل تيجري تيتسناه التحت واقف حدا طوموبيل ديالو كيتكيف طالع لييه الدم من هاد التصرف لي دار خليل فحق لوجين ..
وقفات طوموبيل ديال خليل....
يوسف رمى الكارو و عفط عليه برجليه و توجه ديريكت لعندو غير خرج خليل شنق علييه و لسقو مع السياارة ...
يوسف *بعصبية * انا درت فيك ثقة الكلب وخليت ليك لوجين امااانة تهلا فيها وتعوضها على گاع داك العدااااب لي درت فيها تبغيها وتصووونها صدقتي تتخوونها الحيوااااان هدو هما فعااايل رجاال عندك الا غدي تبقا غير تعدب فيها حسن طلقها واش تتفهم معندها مااا تبقى دير معاك لوجين ماشي ديال دكشي الحيوان ؟؟؟
خليل غير تيضحك هدوء ما بعد العاصفة دغية غفلو وجرو من الشوميز و ضربو مع طوموبيل باجهد تا حس بضهرو تقسم وتكلم وهو مزير على فكو .......
خليل: انت هو أخير واااااحد يهضر على رجلة 
*هز رجليه حتال سما وعطاها ليه المعلم حتا تقسم على جوج * بغيتي نطلقها باااش تزوج بها انت ياااااااك كااانت حااااس بالي غير تتفلا على ختي *قجو حتى خرجو عينيه* هااااااد الحريرة كلها اليوم غدي نفضحها لوجين اليوم غدي تعرف الكلب لي غتصبها *بعد عليه* أو حتا ليلى غدي تعرف الحقيقة بالي انت اكبر شماتة تزوجات بيه صافي كلشي غدي اسالي هنا وغدي نغرق موووك فالحبس بيدي 
يوسف خرجوو عينيه وهو تيشوف خليل خرج تليفون من جيبو تيشوف فيه وتيشوف فجنابو لا اكون شواحد تيشوف فيهم رمااا عينيه الشانطي غير خليل عطاااااه بضهر غفلو ودفعو بجهد على اول طوموبيل باااااانت ليه 

لوجين هزات راسها من فوق الخدية تتسمع دقااان فالباب خرجااات تتزرب حتا تتسمع زغااااريت وتطبااال فالباب ...
راضية: ههههه ويلي جهلتي رصاااي متبقاي طبلي فالباب غدي تكوني قفزتيهم مساكن
ليلى*تتهز كثافها* خليني هههه خليني ندير لهم شوية ضجيج بركة عليهم من نعاس
فاطمة: لا لا لوجين تتفيق ديما بكري تتصلي الفجر غدي تكون دبا فايقة
ليلى: علاه خويا خلاها تنعس بعد باش تفيق مع خليل مستحيل تغمض عينيك 
*ضحكة جماعية* بقات ليلى تتردخ فالباب وتغني وطبل وفاطمة وراضية هزين الفطور ديال العروسة ومغطي بثوب حياتي مطروز فالدهبي فجناب لوجين غير سمعاتهم دغية رجعات تتجري تتغسل عينيها لي طابو بالبكااا دخلات البيت جمعات بزربة فراشها وسدات البيت ومشات البيت لخور لي ضربي ليه يشطح أريج مخلية سليبها فوق المخدة وسوميج مرمي فالأرض والفراش مخربق عيت ما تجمع واالو شعككات شعرها وخرجات تحل لهم قربو اهرسو الباب بدقان خرجات عندهم تتفواه 
فاطمة*بالغوات* الله ياااا بنتي الله هدشي كولو نعاااااس 
ليلى دخلات تتجري بحال تران محداتها حتال البيت نعاس تتعيط لخوها
راضية حطات سواني فوق الطبلة وتعشق عنبي وتزغراات ٣ زغروتات حاااارين تتعبر على فرحتها بعروستها 
ليلى: ويلي فينو خليل متگوليش ليا مشا الخدمة 
لوجين : اااه فقت ملقيتوش خلاني ناعسة 
ليلى: ولكن علاش مشا وخلاك فهاد نهار غير صبري حتا نشوفو ونقي ليه ودنيه مزيان الخدمة غدي طير زعمة بااااز ليه
لوجين : غير خليه خدمتو هي لولا 
ليلى : ويلي ويلي على العاود ديال خويا تبورد عليك فوق ناموسية هههههه ويلي كيف رجعها مرونة ماشي هكااا خليناها حنااا وقلة مخلاكش تنعسي گاع *لوجين حشمات * هههه ويلي انت مزال تتحشمي وسيري الله امسخك فاش هازة رجليك مكنتيش تتحشمي ودبااا دايرة ليا فيها فقيها 
لوجين : اوا صافي أ ليلى خلي شوية الإحترام بنا وعاد لي تيوقع بين المرا ورجل مخصوش يخرج للبيوت اسرار *ليلى ضحكات حتا تلگاو دموعها وشادة فكرشها دخلو كاملين*
راضية : ضحكونا معكم واش خليل مكاينش
لوجين : لا اخالتي مكاينش مشا الخدمة
ليلى مزال تتنبش وتقلب لها فالبيت حتا لقات سوميج ديال نعاس مع سترينگ لوجين بتلفاا خباتهم تحت الخدية ساع جنية ليلى جبداتهم وتضحك وخلات كلشي يضحك الا لوجين لي مات بالحشمة غير هكاك كون غير لبساتو دات شوهتهم فابور
ليلى: ويك ويييك اااح امي كرشي الفقيها مطلعاتش ساهلة من دقة لولا لبسات ليه هاااد سوميج لي كولو معري انا گالت غدي تلبسيه فنهار الثالث ولا رابع حتا تولفيه ماشي من نهار لول ولكن معليكش هكاك نبغيك اجي بعد هو لي سلتو ليك ولا انت 
لوجين : ويلي باااااراااكا عيقتي
فاطمة: هههههه ونمرة هاد البنت عندك الاااالة راضية واش من نمرة تتسولها دكشي لي مقدرت انا نسولها فيه
راضية: اوا هااانتي تشوفي ههههه الله اخرج هاد ضحك على خير
ليلى: وااا هضري انت ولا هو ههه عفاااك غير گولي والله ما نبقا نسولك مرة خرى
لوجين : هو صاافي تهنيتي 
ليلى: هههههه ااه رتاحيت برافو عليك معلمة منخافش عليك *رجعات تتنبش تاني *
ليلى : البيلول واااااش انت تتشربي .ماانع الحمل واش خويا لي گالها ليك
لوجين *متفاجئة* هااااااه
راضية: اويلي لاش هدشي من دقة لولا انا بغيت نفرح بوليداتكم ونت تتشربي ليا هاد زمر اريه لها صافي اخير مرة اطيح فمك ا لوجين حملي ابنتي وفرحيني الله افرحك
لوجين غير تتشوف عرفات بالي ديال أريج هي لي تتشربو 
فاطمة: خالتك عندها صح ابنتي طلقي لعب حتا تشوفي راااسك واش تتولدي بعد جيبي واحد ولا جوج تلقاي باش تلهاااي ومعامن تلعبي عاااد حبسي الا بغيتي تحبسي
ليلى: ايه عمري لنا دار برميييم راااني محرومة ولا غير ولديهم انا ربيهم معااااك
فاطمة: الله يعطيك باش تفرحي ابنتي 
ليلى: امين اخالتي 
راضية: يلااااه خرجو نفطرو الا مشا حتا برد ما يبقى فيه ما يتكال كنا معولين على خليل حتى هو يفطر معنا ساع ممكتابش ليه 
خرجو كاملين وسدات الباب لوجين من موراهم ومشاو الصالون افطرو مكاااين غير الملاوي والحرشة البغرير البطبوط البيض البلدي مصلوق والمفلقة بالحليب وزبدة والعسل مزال سخون حتا من اتاي والقهوة جابوها يلاه دارو على طبلة تيفطرو ومكاين غير ضحوكات ليلى غير شادة فلوجين لي كان طالع لها دم ومقلقة حتا تيصوني تليفون ديال ليلى خرجاتو من صاك حتا تتشوف نمرة راكان ستغربات دوزات الخط يلاه گالت ألو
ليلى*خرجات عينيها* كيييييفااااااش كيييف بقاااااا هو دبا وااااخ وااااخ دباااااا نكون عندك
راضية *وقفات* ااااش واااااقع ابنتي 
ليلى: خليل ا ماما خليل شواااحد ضربو بطوموبيل ودبااااا فسبيطار 
لوجين شرعات عينيها كلشي ناض تيجري تالفين لوجين بتلفااااا خارجة بلا جلابة ولا زيف فوق راااسها رجعات تتجري لي جا قدامها خنگاتو عليها ونزلات تتجري طلعات فطوموبيل ومشااااو ....

⁦♦️⁩وجهة أخرى ⁦♦️⁩
مزال طريق عامرة ومحبوسة طموبيلات البوليس... واسعاف.... والروينة واقعة وسط هادشي كلو كانت طموبيل ديال سيد لي ضرب خليل واقفينو أو تيتكلمو مع سائق لي حتا هو مزال مصدوم معرفش دكشي كيفاش وقع نزل الكوميسير عبد العلي الموساوي من طوموبيل ديالو أو توجه ديريكت لمكان الحادث لي كانو مجوقين قدامو البوليس وصل عليهم وهو يتقدم 
زكريا *بوليسي* تحياتي شاااف 
الكوميسير: اش وااااقع هناااا
زكريا: هاد صباح لقينا بلي. الكوميسير خليل دار اكسيدون ولكن الغريب هو طوموبيل ديالو كانت بعيدة بحال الا كان باغي يقطع شااانطي حنا راه مزال تنحققو فهاد الحادتة وحتا الكاميرات ديال طريق خدامين دراري تيشوفو تسجيل وراه الكوميسير خليل رآه ماكاينش شي اضرار خطيرة عندو والكوميسير رااكان هو لي كاين معاه فسبيطار 
عبد العلي: مزيان فتحو تحقيق على هاد الحادتة وجيبو ليا تسجيل نشوفو
زكاريا: كون هاني اشاااف *مشا*
البوليسي٢: هدشي فشكل جاني شواحد لي قاصد يقتل الكوميسير خليل 
زكريا: هههههه غدي نكون ممنون ليه الا قتلو
البوليسي٢: باز مال قلبك كحل هكا اصحبي رد البال لداااك الفم عندك الا مشاو حتا سمعوك تمشي فيها وماشي بعيد إگولو انت لي موراااا هدشي لي وقع ليه
زكاريا: الله يحفضني راني غير تنهضر ونت ندمتيني گاع رآه وخاا متنحمل فمو شعرة ولكن ماشي حتال هاد درجة نرسل ليه لي اقتلو ...... البوليسي٢: اوا جمع فمك وهنينا...

بعد.دقائق كانو كاملين فالمستشفى دخلو بجرا سولو واحد الممرضة لي فالاستقبال ودلاتهم على مكان العملية غير وصلو لقاو راكان واااقف فالكونتوار راضية سخفانة ووجها صفر بغات طيح على وقفتها غير شافت راكان مشات معنقاه وتتخنصص... 
راضية : اهئ اهئ... خليل وليدي مشا عوينة وضرباتنا ياربي الله يا وليدي... الله ومزاال حتا مكملات فرحتك الله شواني فكبدتي..... عفاااااك عتق ليا ولدي عوينة لي تنشوف فيها بغاااات تمشي وتخليني عتقولي خليل حبيبي ..
راكان شد راضية من كتافها ودايها لبلاصة لكراسا كلس وعطاها قرعة دالما كيشربها ... راكان *باس راسها * صافي اميمتي.. صافي... دابا يخرج ... غير رتاحي .... اخالتي
حركات راسها وبدات تتبكي فصمت اما هو فناض ومشا لعند لوجين وليلى لي تيبكيو و تيتسناو الطبيب يخرج من عندو بفارغ الصبر..... غير خرج تجوقو عليه 
ليلى *بصوت باكي* الدكتور عفاك كيف بقا خويا ..........راضية : هضر اولدي هءهءهء
الدكتور: بلاما تخافو عندو كسر فاليد اليسرى مع جروح خفيفة قدرنا نعلجوها 
راضية : الحمد لله 
لوجين عنقات امها فرحااانة ودموع نزلين من عينيها بحال شتا كانت خايفة اكون واااقعات ليه شحاجة خايبة وحملات المسؤولية ديال هدشي راسها حينت هي لي كانت تدعي عليه وعلى أريج منين خرجو صباح كانت غدي تحماق ..كون وقعات شحاجة خايبة ليه
راكان : امتى نقدرو نشوفوه الدكتور 
الدكتور : صبرو شوية انزلوه الغرفة عااادية ولكن خاصو راااحة تامة أو ميتحركش بزاااف حتا تبرااا اليد شوية عااااد إدير لها ترويض مخصوش اكلف على راااسو 
راضية: غير كون هاني الدكتور حنا نقبلوه 
الدكتور: الله اجيب شفاااء
مشا وخلاهم كلهم تيتسالمو فرحانين من بعد ما خرجات منهم خلعة وگاع دكشي لي ضحكوه هجروه شوية جاية أريج تتجري وشادة فقلبها بغااا يسكت 
أريج : راااكان راااااااكان فينو خليل هءهء هء عفااااااك گولي اش واااقع ليه
راكان: تهدني رآه بخير غير كسر فيديه 
راضية *بالغوات* اش تديري انت هناااا
أريج *مشافتش فيها* متنهضرش معااااك الحاجة خليك بعيدة راااكان ممكن تگولي الغرفة لي فيها خليل بغيت نشوفو 
راضية*تعصبات * راااااني زعمة تنهضر معاك الكلبة سيري من هنااااا وخلي عليك راااجل
يلاه راضية شدات يديها بغات تخرجها أريج جهلات ودفعاااتها بجهد على الواااحد الكرسي خلاتها طايحة يااابسة 
لوجين *بالغوات* خااااااااااااااااالتي
ليلى خرجات عينيها ومشات لها نتفااتها وبدات تداابز معها حتا جاااو لهم سيكوريتي خرجوهم بزوووج مشااانقين براااا 
أريج *تتغوات* غدي ندمك الكلبة على هاااد الحالة لي درتي فياااااا شيييييت حمارة ومكلخة
ليلى *بالغواااات* اناااااااا غدي نواااري موووك شكون المكلخة والحماااااارة اجي لهناااااااا
طااااااااارت على. شعرها وبداااات هي وياها فالمدابزة تاني گاع الأرض شطبوها تيتمرمدو حتا بداااو نااااس تيفكو فيهم بالكشيفة باش تفارقو أو كل وحدة شدينها زووووج
أريج *تعصبات * هههههه دبا اناااااا عاااد عرفت علاش يوسف بغاااا ابدلك وناااا معااااه حينت فعلا ماااا يستهلش يبقى عاايش مع وحدة بحالك حمقة وجاهلة

ليلى*بعصبية* متجبديش راااجلي على فموك الكلبة *تتفركل بغات طير عليها* انا عارفة علاش تديري هكا حينت خويا خلاك وتزوج بلالاك وحينت مقدرتيش عليه هو گلتي بلاتي ندوز الجهة الخرى ونخصر زواج ختوو هههه انت شيطانة ولكن بلاما تحلمي حينت يوسف معمرو اشوف فواحدة بحالك مستعملة
أريج *قربات لها* امممم مسكينة هههههه تتبقاي فيا والله وتتقطعي ليا قلبي والله العضيم اوا يااالفاهمة واش معمرك خدمتي داك العقل ولاو مرة وحدة فحياتك وفكرتي غير بينك وبين راسك علاش يوسف كان غدي اطلقك أو بين الليلة ونهار ترااجع ههههه اكيد مفكرتيش اوك احبيبة انا غدي ندير فيك خير كبير ونعاود ليك حينت حرام تبقاي ناعسة على ودنيك اوا الآلة خليل لي ضغط عليه حينت يوسف كان بغا اطلقك أو يمشي عند الحبيبة قلبو لولى واش عرفتي شكون هي بعد ولا نگوليك *ليلى تتشوف فيها مصدومة * اممممم اوك معرفاش اوا حبيبتو هي مرات خوك لوجين ههههه *خرجات عينيها* معرفتش كيفاش مكلخة ومرديتيش البال لتصروفات رااااجلك وهو تيشوف فيها حينت تيبغيها وناض خوك تزوجها غير باش اخليك مزوجة بسي يوسف طبعا باش انت تبقاي فرحانة ومرتاحة هو مبقاش تزوج بيا انا ولكن متخافيش هههه حينت زواج ديالو بديك لالاك لوجين راااه غير اتفاقية وصافي ونا وخليل مزال مع بعضياتنا وتيموت عليا انا ماشي ديك المعقدة لوجين ديالك خربقتك ياااااك اوا هدي هي الحقيقة ازين يعني خصك تشكريني حينت انا عندي فضل كبير عليك 
مشات وخلاتها مبلوكية تالفة دفعات سيدة لي كانت شداها وبقات تدور تتحس بدنيا تدور بها
ليلى: لا لا هدشي غير كدوب متصدقيهاش ا ليلى مستحيل اكون يوسف مع لوجين 
بدات تتفكر كيفاش يوسف كان تيهضر على لوجين ب اعجاب عقلها بغا ينفاجر مبقاتش عرفات شكون تكدب وشكون تصدق رجعات السبيطار ....؟
لوجين : خالتي واش تتسمعيني *حركات راسها * الحمد لله اخالتي خلعتينا عليك بزاف
راضية: فينها فينها ديك ليهودية اريج
لوجين : صافي اخالتي نسايها عليك رآه مشات
راضية*بالغوات* اخير مرة تخليها تقرب من رااااجلك مزال صافي كيفما شفتيها جري عليها 
فاطمة: انا مفهمت والو شكون هدي الحاجة واش بينها وبين خليل.....
راضية:والو كانو تيبغيو بعضياتهم ولكن دبا صافي ولدي تفارق معها وتزوج بلالاها ولكن هي مزال مبغاتش تفهم راسها وتفرق عليهم
لوجين تتشوف ف ليلى لي كان جاية العندهم وحالتها حالة حوايجها مكرفصين وجها مقموش وشعرها منتوف غادية و عينيها مفيكسين غير على لوجين تتخلع فمنضرها
لوجين *قربات لها* ليلى مالكي اش هاد الحالة علاش دابزتي معها مكانش عليك تنزلي المستوى ديالها *خنزرات فيها ومشات*
ليلى : كيف بقيتي أماما شوية يكما تضرك شحاجة نشوفو طبيب محدنا فسبيطار 
راضية : لا ابنتي انا مزيانة الحمد لله 
ليلى : لوجين ممكن واحد دقيقة 
لوجين *حركات راسها* اااه أشنو اختي ياك لباس
ليلى : بغيت نسولك سؤال واحد وجاوبي بصراحة بلاما تكدبي عليا حلفتك بالله
لوجين : تنقسم ليك بالله حتا نجاوبك
ليلى: مزيان گولي ليا وااااش خليل مزال مع أريج وبغيت نعرف زواجكم بصح ولا غير إتفاقية هضري وبلاما تكدبي ألوجين
لوجين *تتبلع فريقها* اووووف انا متنحملش نكدب ونت محلفاني ولكن عفاك حتا انت حلفي ليا بالله مغديش تخرجي هدشي لي غدي نگوليك مع فمك
ليلى *بصوت مقجوج* اقسم بالله منخرجها
لوجين : ااااه زواجي غير تفاقية وصافي وهو مزال كاين معها لحديت هاد ساعة هو باغي نعاونو ا ليلى گالي بغااااا ينقد حياة شواحد عزيز عليه ومبغااااش اخليه يتعدب 
ليلى بدات تتبكي ولوجين مصدومة مفهمات وااالو حتاااااا تتشوف ليلى تتغواااات بأعلى صوتها وصرفقاتها بجهد حتا ضااااار وجها بدات تضرب فيها وتغوات وتگول لها كلبة غدارة جاااو بجرا هزوها من فوقها وخرجها راكااان 
راضية *صرفقااات بنتها* باااااااارااااكا فيقي على راااسك اااش هدشي درتي فمراااااات خوك وااااش انت جهلتي ولا مالكي
ليلى عينيها حمرين وتتصوت وشادة فحنكها خرجات تتجري من سبيطار وتتبكي ...

راكان : شدي شربي اختي الماااا و باركا عليك من البكاااا طيبتي عينيك 
فاطمة: شدي شربي ابنتي شربي الله يخد فيها الحق وقلة حمقة هدي اشنو گلتي لها حتا داارت هاد الحالة كلها ابنتي حسبي الله ونعم الوكيل معندك زهر ابنتي معندك زهر فبنادم
لوجين *تتنخصص* هءهءهء مدرت لها والو أ أمي انا معرفتش مالها هءهءهء معرفتش
فاطمة *عنقاتها* صافي سكتي ابنتي سكتي
راضية *تتجري* بنتي غير سمح لها ومسحيها فيا والله لا بقات فيها لوجين بنتي ليلى ماشي بحال هكاااا هي عندها شي مشكل انا لي مها أو تصدمت فدكشي لي دارت ولكن تنواعدك غدي نجيبها حتال عندك طلب منك سماحة اجي ابنتي اجي والله ماتستهلي هدشي كامل 
⁦♦️⁩وجهة أخرى ⁦♦️⁩
كان يوسف تيجمع حوايجو أو الفلوس لي عندو كاملين هز لباسبور خرج تليفون من جيبوو كان تيصوني غير لقا نمرة ليلى دغية طفاااه وخشاه فجيبو وجر لا فاليز يلاه حل الباب لقااا البوليس فوجهو ....
البوليسي*طلع البطاقة فجهو * معاااك الكوميسير زكاريا اسي يوسف العزكوري عندنا أمر بالقبض عليك انت مورط بموحاولة القتل الكوميسير خليل *حط ليه المينوط*
يوسف *معصب* واااش انت حمق بينا صفة جاااي العندي وتتهمني بشحاجة مكيناش انا غدي نتابعك قضائيا وتعرف ديك ساع مزيان شكون انا ....
زكريا البوليسي: هههه حتا انا نيت بغيت نتعرف عليك هدي هي الفرصة يلاه هزوه عليا من هنا أو هزو حتا هاااد لافاليز ديالو سيد كان معول على سفاااار ههههه
يوسف : مزااال غدي تندم الكلب غير بلاتي
نزلين بيه البوليس أو تيغوات دخلوه لصطافيط ومشاااو زافين غير البوليس مشاو ليلى وقفات بطوموبيل ديالها من بعد ما مشات عندو الخدمة ملقاتوش گالت غدي اكون فدار دخلات بجرا حلات الباب مشات البيت نعاس لقات حوايج يوسف مكاينينش فبلاصتهم مشات الكوافوز تتقلب على باسبور حتا هو مكاينش تعصبات وشخشخات گاااع دكشي لي فوق الكوافوز وتتبكي
ليلى: حيواااان باااغي تهرب مني ولكن دباااا تشووووف غدي نخليك تندم على هدشي لي درتي فيااااا غدي ندمكم كاااااملين الكلاب 
خرجات وردخات الباب ومشاااات تتجري شادة طريق المطار بغاات تحصلو قبل ما يهرب 
⁦✴️⁩في المستشفى ⁦✴️⁩
راكان: ااااه مزيان وااااخ المهم خليوه عندكم حتااا نجي ردو البال عندكم تخليوه يهرب غير افيق خليل غدي نجي 
غير دار لقاااا خليل بدا تيفيق من لبنج
راكان : هي العاااااود على سلامة خلعتينا عليك لا لا متحركش طبيب گاليك خصك راااحة راااااااااااااحة اصحبي 
خليل *شاااد فراسو* يوووسف فينو يوسف
راكان : غير تهدن يوسف فالبنيقة الكاميرة شداتو بالجرم المشهود ولكن اجا كيفاش تاني هدي مالك معاااه وعلاش كان باغي اقتلك هدشي عندكم فشكل معمرك مااا عاودتي ليا بالي كاين شي خلاف بينكم وليتي تتخبي عليا
خليل *تيقلب بعينيه* فينو تليفون ديالي 
راكان : واا هاهو اصحبي انت مالك نااايض مشاارجي ودخل علينا سخون خلينا غير نطمأنو عليك بعد واش كلشي مزيان 
خليل *بعصبية* باااراااكا من كثر الهضرة طلع بتليفون خلاص *رماه ليه دغية شعلو وشاف تسجيل ديال كلام يوسف لقاه مزال كاين*
راكان : مالك علاش تتقلب أخليل 
خليل *حط تليفون فجنبو* وقعات شحاجة
راكان : علاش متگولش وااش وقعو شي حوايج فغيابي ماشي غير حاجة والله ماعارف منين نبدااا ليك اصحبي اولا حاجة جيت مع داك صباح الخدمة تنگول يفتاح يااا رزاق حتا لقيت جوقة عليك وتيتسناو لومبيلونص تجي تهزك اوا منين هزاتك *ختاااااصر ازفت* وراااني تنختاصر ابنادم غير صبر منين وصلتك تصلت بالعائلة كلها جات مخلوعة ومنين تهناو عليك وگال لهم طبيب اش عندك جات لآلة أريج فأخير اللحضة بغات تدخول عندك ساع الحاجة حبساتها وهي تنوض أريج دفعات الحاجة حتى ضرب لها راسها بالكرسي ديال الحديد *تخلع نايض* وبقااااا ابنادم خالتي راااه بخير موقع لها والو ليلى ناضت تشادات معها التحت حينت نزلهم سيكوريتي اوا منين طلعات ليلى جات مصعورة وبردات سمها فمراتك *خرج عينيه* كانت ليلى معصبة معرفتش اش وقع لها *جبد تليفون تيتصل* خليل بمن تتصل خليل عاود ليا أش واااقع 
خليل *بالغوات* من بعد ونشرح ليك هنينا
🍀مكان آخر 🍀
ليلى مزال تتقلب على يوسف فالمطار مبانش لها كانت معصبة الأخير درجة شوية تتسمع تليفون ديالها تيصوني خرجاتو من جيبها حتا تتشوف رقم ديال خليل طاالع عقدات حجبانها ودوزات الخط ...

ليلى: اشنوووو مزال بااااغي ا خليل يكما نسيتي شي كدبة خرى مگلتيهاش 
خليل: ليلى ختي تهدني وجي عندي دبا خليني نشوفك أو نهضرو بحال ناس
ليلى : هههههههه نهضرو فااااش صافي كلشي عرفتو صدقات الكلبة لوجين عشيقة رااجلي ياااك وباش هو مااا يرجعش معها تزوجتي بها انت هكاااا باش نبقى عاايشة مرتاحة كيف ديما تتفكر وتخطط الكولشي بحاال الا انا لعبة عندك ومتگولش بالي درتي هدشي غير على مصلاحتي حينت تتخاف عليا حينت وخااا دير لي دير معمرني نسمح ليك أخليل تتسمع
خليل: ليلى راااك مفاهمة حنا زفتة هدشي كامل لي تعاود ليك نصو كدوب جي عندي دبااا غدي نتسناااك ا ليلى جي *قطع*
ليلى شدات فراسها تااالفة ومحتارة طلعات فطوموبيل ومشات السبيطار ..
⁦♦️⁩مكان آخر⁦♦️⁩
لوجين : خالتي كيف بقيتي دبا شوية 
راضية *شادة فراسها* الحمد لله ابنتي كان راسي غدي يتشتت عليا حتا شربت دوااا طحت طيحااا وحدة حتا فيقني غير تليفون صونا ليا دبا راكان وگالي بالي خليل فاااق 
لوجين : فااااااق خليل اخالتي الحمد لله ياربي وكيف بقا دبا 
راضية: گالي راااه مزيان مفيااش لي يمشي عندو ممكن تمشي انت ا بنتي وتوقفي مع رااجلك مبغيتوش يبقى بوحدو خايفة ترجع ديك الكلبة عندو تاني سيري ابنتي وقفي مع راااجلك ومعمرك تخليه بوحدو 
لوجين : واااخ اخالتي انا اصلا كانت غدي نمشي تسنيت غير تفيقي ونطمن عليك
راضية : وااااخ ابنتي الله يرضي عليك فينها فاطمة واااش مشااات 
لوجين : اااه يلاه لقيتيها مشات دور لها أبي
⁦✴️⁩ مستشفى⁦✴️⁩
وقفات طوموبيل قدام السبيطار وطلعات تتزرب وعينيها منفوخين بدموع طلعات نيشان العندو حلات الباب ودخلات بحال العجاجة...
راكان : المهم نخليكم بوحدكم هاني مشيت نكمل خدمتي حتال صباح ونشوفك اصحبي تهلا *حرك راسو ليه* 
ليلى: تكلم تنسمع وبلاما تحاااول تكدب عليااااا
خليل تيشوف فختو لي كانت حالتها تتقطع القلب ودكشي لي خاف منو هاهو اليوم طاح فيه وگاع ديك الحريرة لي حرحر تگلبات عليه
خليل *بصوت قوي*قربي ا ليلى مديريش هكااا ونت عااارفة بالي انا ندير المستحيل غير نشوفك فرحانة *رسمة ابتسامة مستفزة *
المهم انا عااارف بالي مقلقة مني ولكن أنا متأكد منين تسمع القصة كاملة غدي تفهميني أنا مكان عندي حتا حل اخور من غير هدا
ليلى*بالغواااات* هضررررررررر أخليل هضر وطلقني ااااشناهيا العلاقة لي تتجمع يوسف ب لووووووووجين 
فهاد اللحضة وصلات لوجين يلاه بغات تدفع الباب حينت كان محلول شوية حتا سمعات غوات ليلى وبضبط سمعااات اخير كلمة لي خلاتها تبلوكة وتبقاااا تسمع لهم بكل فضول
خليل *دوز يديه على لحيتو* يوووسف هو لي غتصبها *تبلوكاااااو* ااااه هووووو
بقااات كلمة وحدة تتردد فودنهم هو لي غتصبها شرعات ليلى عينيها و لوجين كانت كثر منها ...
ليلى : كيييييفاش لا لا مستحيل دبا يوسف هو لي غتصب لوجين فاش كانت صغيرة لا مقدرش نصدق هدشي لي تنسمع وااش لوجين كان فراسها هدشي وااش عارفة بالي يوسف هو مول فعلة
خليل : لا مزال مفراسها والو 
ليلى بلاما تشعر نزلو دموعها وبقا فيها الحال حينت تصرعات وحكمات عليها طاحت فوق الكرسي وتتبكي..
ليلى: هءهءهء لا لا ااااااا حراااام هدشي 
لوجين حاطة يديها على فمها وتتبكي فصمت
خليل: منين عرفت بالي هو لي غتصبها تصدمت بحالك گاالي بالي ضميرو تيعدبو وقرر يطلقك باش يسترها گالي بالي تيبغيك بزاف وبالي غدي يتزوج بها غير باش إريح ضميرو عليها فكرت وگالت بلاصة ما هو يتزوج بها ويدمر زواجو ويدمرك اللهم نتزوج بها انا ويكون بنا تفاق ديال شهرين بين ما نطلع الوراق ونتزوج للمرة تانية ب أريج وهكااا غدي نخرج لوجين من ديك القهرة لي عايشة فيها ونكون درت فيها خير ونعوضها على أي حاجة تحرمات منها من قبل ونسترها معرفتش كانت تالف بزاف ا ليلى كانت مستاعد ندير اااي حاجة غير تبقاي انت فرحانة تقدري تعتبري هدي أنانية مني ولكن أنا هكا ديما كانت تنفكر *ليلى تتبكي *ولكن من بعد هدشي كامل لي درت باش نغطي على وسخو طلع الكلب عجباه لوجين وعاااد حلات ليه وندم عليها وبغاها ليه وگالي نطلقها باش هو يتزوج بها طلع كلب ا ليلى أو ميستهلكش ولا يستهلها وهاد الحالة لي انا فيها دبا رآه بسبابو كااان ناوي يفضي معايا منين هددتو باش نفضح كلشي سمحي ليا اختي انا مكنتش بغيت هدشي يوقع كانت حسب حساااب صدق حساب أخور 
لوجين تتسمع وتتعمر قلبها حتاااا حسات بروحها غدي تزهق ومخنوقة شداات فالحيط تسندات عليه غمضات عينيها ودموع شدو بلاصتهم دغية مسحاتهم ودفعات الباب عليهم بجهد وقفات عينيها مفيكسين فخليل لي تصدم منين شافها 
لوجين *غوتات صمكاتو* انااااااا اشنوووو من هدشي كاااااامل وااااش مكااااينش شواااحد حااااس بياااااااااا اناااا اشنو درت ليك حتااا تعقبني بهااااد طريقة انت هو اكبر شماتة عرفتو فحياتي لا فرق بينك وبينو بزووووجكم كلااااااب تتفكرو غير فراااسكم انا بغيت ربي انتاااقم منكم ربي ينتاااقم منكم 
خرجات تتجري وتتبكي خليل تيغوت وتيعيط بسميتها باش توقف 
ليلى *بالغوات * اناااااااا كانت ديما تنفتاخر بيك حينت عندي اخ بحااالك لي ديما واااقف فوجه ضلم وحقااااني وتيمارس المهنة ديالو بكل حب واخلاص كانت تنهز راسي بيك أخليل وتنشوف راسي فيك اخويا ولكن بهااادشي لي درتي وليت نحشم نگول بالي انت خويا انت واااحد اناني أخليل فكرتي فيا وهااااد لبنت مسكينة واااش مفكرتيش فيها مكانش عليك تصرف بحال هكا معاها كان عليك تحميها وتوقف معها ماشي تكمل عليها وتعدبها هءهءهء حراااااام انت ماشي غير دمرتيها ودعستي على كرامتها انت بهاد الأنانية دمرتيني حتا انااااااا خليتيني نبان بحال شواحدة هبيلة مفهمة والو خوها هو لي محكم فيها خليتيني نباااان والو قدام الكلب ديال يوسف هااااد ضحك لي ضحك عليا انت سباب فيه انت لي عطيتيه فرصة باش اهرسني ويدوز عليا بحال شحاجة بالية انت سباب انت سباب سير الله يخد فيكم الحق *خرجات تتجري خلات خليل مبلوكي*..

هبطات لوجين تتجري وحاطة يديها على فمها مخنوقة ودموع مبغاوش يحبسو بقااااات شداها جرية وحدة معرفاش حتا مناش هي هاااربة حاجة وحدة كانت تتبان لها فديك اللحضة هي تبعد من كلشي بغات تبقى بوحدها تتحس براسها محطمة وجرحها لي مزال مطاب هاهو اليوم رجع تفتح وعمقوه بعد ساعات طويلة وهي تتجري تتحس بالعيا گعدااات وجمعات رجليها عندها ومحاوطة راسها بيديها وتتبكي وتنخصص مجاتش فين تكمل شهقاااا حتا جاتها واحد دقة فراسها من حيت لا تدري تتحك فدقة و مخرجة عينيها فهداك لي لاحها عليها كاين جاي جهتها وتيضحك وشاد فكرشو بغااا ياااخود الكرة
عصمان : سمح ليا اختي والله ما رديت البال المهم غير سمح لنا ممكن ديك الكرة
لوجين *بعصبية* واااش تتهضر من نيتك انا دبانة لي مرديتيش ليا البال أو زايدها جاي تتفرنس فرحان نتا واااحد ممربيش وقليل الأصل وهااااد الكرة لي زايغ ليا بها هاااهي تفرج وكحل عويناتك *مزيرة على سنيها* 
لوجين بديك جعرة والفقصة لي فيها بردات سمها كولو وخشاتها فمها وتتنتش فيها تبكي وتغوت قطعاتها بسنيها ولاحتها عليه حتا تتسمع البكا ديال بنت صغيرة جاية تتجري من بعيد 
سابين : اهءهءهء قطعات ليا البااالون ديالي ابابا *دورات وجهاا* انت وحدة شريرة 
تضرب فيها وتتبكي لوجين مصدومة وقفة بلاكة 
عصمان *شدها * شششش صااافي ابنتي متبكيش انا دباااا نمشي نجيب ليك وحدة خرى ونجي عندك بزربة بقاي بلاصتك عندك تحركي *باسها فراسها وشاف فلوجين شوفة قاصحةومشاااا بجراا قاطع شانطي اجيب لها وحدة خرى بقات سابين شادة لبالون فيديها ومزال تتبكي ومعنقاها بزوج يدين كانت لبنت مزال تتبكي قطعات لوجين قلبها وحسات بدنب معمرها كانت تتوقع شي نهار تقدر تبكي ولا تحطم شي واااحد كيفما كان وهاهي اليوم حطمات وكسرات قلب طفلة بريئة معندها حتا دنب هي كانت غير بغات تلعب.....
لوجين نزلات المستوى ديالها وقربات لها وتتشوف فيها بعينين دابلين وصوت مبحوح 
لوجين : سمح ليا بزاف ابنتي انا كانت مقلقة الدرجة قطعتها بلاما نفكر ولكن تنواعدك غدي نمشي ناخد ليك وحدة بحالها گولي ليا غير منين شريتيها نمشي دبا نجيبها 
سابين *شافت فيها بحزن* هدي كانت هدية من عند ماما الله يرحمها كانت اخير هدية ليا منها كانت فيها الصورة ديالي وصورتها وصورة بابا دبا صافي وخااا تشري ليا مليون باااااااالون معمرو مغدي اكون بحال هاد البالون لي قطعتي ليا 
دفعاتها ورجعات عنقات البالون وتتشوف فلوجين بكل كره وتتبكي شوية رجع باباها هااااز بالون كبير فلون زهري جاي تيلعب بيها بيديه
عصمان : هاااهي البالون ديال بنتي نوضي خلينا نكملو العب ديالنا *غمزها* 
سابين : .بابا ولكن هدية ماما أشنو ندير فيها دبا هي غدي تكون مقلقة مني حينت محتفضتش بها 
عصمان : تنواعدك ابنتي غدي رجعها ليك كيف كانت وحسن 
طارت عليه عنقاتو وتتبوس فيه وتضحك هزها فوق عنقو وغااادي بها وتيضحكو ولوجين غير تتشوف فيهم وهما تيلعبو وفرحانين .. ولكن مبعدين عليها هاااد المرة وخااا هي لي منها لافوت جااات وگعدات فالبلاصة فين كانو تيلعبو ولكن لوجين كان عقلها مرفوع بقااات ساهية فيهم وهما تيلعبو وبلاما تشعر تتلقا راسها تضحك بديك طريقة العفوية باش كانو تيلعبو هما بزوج وباها مسبيطر كثر من بنتو بقاو ساعات طويلة وهما تيلعبو ويضحكو ولوجين غير تتشوف شوية جاات سابين وقفات قدامها 
سابين : واش تبغي تلعبي معانا

عصمان *غوووت على بنتوو* سابين ااااجي الهنااا يلاااااااااااه 
سابين : بابا عفااااااك خليها تلعب معنا 
عصمان *جرها * برااااكة علينا اصلا من لعب راااه مشا الحال وغداااا عندك المدرسة غدي تفيقي بكري خلينا نمشيو
سابين *عبسات * عفااااك ابابا غير خليها تلعب معانا غير شوية صافي ياك تبغي تلعبي معانا باش نتعاونو بزوج ونغلبو بابا هو ديما تيغلبني
لوجين*تبسمات لها* ويلا لعبت معكم تسمحو ليا على هدشي لي درت 
سابين : امممم معرفتش بابا نسمحو لها ياااااك
.عصمان : انا معنديش مشكل 
سابين : ولا أنا عندي صافي نساو وخليونا نمشيو لعبو يلاه يلاه 
لوجين فرحات اول مرة تلعب الكرة كااانت تتحرك بسرعة كبيرة وعينيها مع الكرة لي كانت بين رجلين عصمان كان تيلعب بحترافية هدشي لي خلا لا لوجين ولا سابين يتقلقو مخلاش الكرة توصل رجليهم وتيتعمد يضرب لوجين ويطيحها فالأرض بحال الا كان تينتاقم من دكشي لي دارت الكرة ديال بنتو ضربة عطاها لها نيشان رجليها غوتات وطاحت 
سابين *غوتات* بااااااااااابا أشنوووو درتي 
*مشات تتزرب العند لوجين تتقلب رجليها * سابين : واش تقصحتي 
لوجين *باستها* لا غير شوية غير حينت متنعرفش العب دكشي باش 
سابين : اري يديك *لوجين مقدراش توقف* بابا عفاك عاااونها 
عصمان *مربع يديه* نوضي باااراكة من تبوحيط سابين يلاه زيدي تبعيني
سابين : لا ابابا مغديش ندخول ونخلي صديقتي بوحدها الا مبغيتيش تعاونها انت غدي نعاونها انا عطيني يديك 
لوجين فرحات شدات يديها تتبوس فيها
لوجين : غير سيري مع باباك وبلاما تخافي عليا انا غدي نوض بوحدي وقبل ما نسااا انا فرحانة بزاف حينت تعرفت على صديقة زوينة بحالك الله احفضك ابنتي 
سابين *بصوت طفولي* حتا انا فرحانة بزاااف أو عفاااك بقاي تجي كل عشية تلعبي معنا راااه تلعب ديما غير انا وبابا 
لوجين*خنزرات فعصمان* اوك انا على قبلك غدي نبقى نجي ديما لعب معاك 
عصمان واقف مربع يديه وجاامع حجبانو باين معجبوش الحال دغية هز بنتوو فوق كثافو ومشااا بقات غير لوجين بوحدها ودنيا خاوية حاااولات تنوض كانت عضة على شفايفها بألم
لوجين : سير الله يخد فيك الحق گاع ما تستهل ديك الملاك اااي رجلي اووووف كيفاش غدي نقدر نتمشى دبا اوووف فين انا بعد مشكلة هدي ألوجين بقيتي عاااطياها العب حتا نسيتي راااسك دبا كيفاش غدي ترجعي الدار *تبلوكات* دار انا دار عندك ألوجين إنا دار اووووف
لوجين غادية ومعرفاش فين غادية وعندمن غدي تمشي واش عند ام خليل انسان لي بغاتو وحطمها ولا ترجع الدارهم مطلقة للمرة تانية وهدشي لي مستحيل يتقبلوه واليديها غدي احملوها دنب مرة خرى حينت محتفضاتش على زواجها بحال گاع العيالات وديك الأسطوانة لي ولات حفضاها ...

ليلى دخلات تتزرب وتتقلب بحال الحمقة راضية : ليلى بنتي جيتي 
ليلى: ااااه ا ماما جيت جيت فينها لوجين 
راضية : ويلي على فينها فين غدي تكون مع رجلها أنا لي گالت لها تمشي ومتخليش الفرصة الديك شمكارة تقرب ليه مزال 
ليلى : هءهء ماما مشكلة وطاااحت على راسنا
راضية : ليلى اااشنو واااقع ابنتي هضري ليلى: يووووسف اماما يوسف طلع هو لي غتصب لوجين
راضية *ضربات فخضها * اويلي أشنو تتگولي
ليلى: هءهءهء كيف تتسمعي اماما كيف تتسمعي هءهءه يوسف غير ضحك عليا هاد سنين كاااملة هو مطلعش كيف كااان يحساب لنا صدق شيطان بصفة انسان 
راضية *شدات فراسها* لا لا هدشي ماتيدخولش العقل شكون لي گاليك هدشي
ليلى *تتمسح دموعها* انا غدي نعاود ليك كلشي اماما كلشي ....
⁦✴️⁩وجهة أخرى⁦✴️⁩
لوجين غااااادية وتتحاول تخرج الشارع الكبير على الله إبان لها شي طاكسي وتتعرج وفيها موت الخلعة طريق خاوية حتااا تتسمع شواحد تيعيط عليها من اللور كااان رااااكب على موتور عالي وحاط الكاسك على راسو حتا حيدو عاد عرفاتو
عصمان : طلعي نوصلك 
لوجين : سير كمل على طريقك
مشاات تتزرب وتتعرج مخلياه موراها دمو حامي اصلا هو غير بزز خارج من دارو غمض عينيه وزفر بنفس سخونة و كسيرااا حبس عليها طريق كان غدي يدخول فيها غوتات ورجعات اللور
لوجين : وااااااااااش انت حمق ولا مالك 
عصمان : طلعي هنينا واش نباتو معاك هناااا فراسك هاد طريق لي غادية فيها تيكونو فيها غير لقطاطعية رجاال بشلاغمهم أو متيسلموش عساااك تسلمي منها انت يلاه تحركي طلعي 
لوجين تتشوف فيه وهازة خنافرها السما طلعات موراه عطاها الكاسك حطاتو على راسها ومبعدة عليه بزااااااف 
عصمان *دار عندها* شدي فيا بلاما تخافي مغديش نعضك 
لوجين : بلاما تزيد فيه بغيتي نطلع هاني طلعت علاش تتقلب تاني 
عصمان خلاها على خطرها طااااار بالموتور غدي بسرعة خيالية وتيفانتي طوموبيلات بطريقة حترافية لوجين تتغوات ربي لي خلقها اول مرة تركب فالموتر ولات لاصقة فيه وتتغوات حدا ودنيه وتشهد تتحس براسها غدي تنقز من مورااااه هو تيضحك أو مستمتع بغواتها لوجين شداتها دوخة
عصمان *دور وجهو عندها* مگلتيش ليا فين نديك 
لوجين *بالغوت* وااااا شوف قداااامك غدي تقتلنا شووووف فطريق هءهءه سير طووووول حتا نگوليك حبس ولكن نقص سرعة الله اخليك رااااك غدي تصدرني لاخرة الا بقيتي غادي بحال هكااا
عصمان ضحك وزاااااد فسرعة وخلاها تتغوات 
بقا هو وياها هكاك بحال المش ولفار حتا وصلها السيكتور نزلات تتزرب ورمات الكاسك عليه وتتقاد فالفولار على راسها
عصمان : على سلامتك هههههههه
لوجين : انت مريض مستحيل تكون انسان طبيعي معرفتش كيفاش ديك البنت قادرة تعيش مع واحد بحالك *مشات* 
عصمان : هيييييي *وقفات*
عصمان : مگلتيش ليا أشنو سميتك 
لوجين : معندك مادير بها 
مشات وخلاتو تيشوف فيها حتا دخلات الدار عاااد ديمارا ومشااااا طاااااير..
راضية : لوجين بنتي الحمد لله هءهءهء كانت خايفة عليك بزاف 
لوجين *باست راسها* شششش علاش تتبكي انا مبغيتش نشوفك تتبكي ولا خايفة عليا مزال
راضية : قلبي ضرني بزاااف ابنتي عليك 
لوجين *بعدات* صافي اخالتي صافي مبقيتش بغيت نسمع هاد سيرة مزال 
راضية : ولكن مالكي ابنتي فرجليك وحوايجك مالهم هكاااا شكون تعرض ليك
لوجين : متعرض ليا حد *ضحكات * لعبت الكرة اخالتي عرفتي اول مرة نحماق بحال هكااا فرحت بزاف داز اليوم زوين نسيت فيه كلشي حسيت براسي بحال الا انا بنت عشر سنين ههههه. راضية : كيفاش 
لوجين : مغديش تفهمي حتال غدا ونشرح ليك
راضية *تتمس فراسها* بنتي ياك انت مزيانة ما بيك والو 
لوجين *باست يديها* لا مبياااا والو انا مزيانة بلاما تهولي عليا 
راضية : فرحت ابنتي منين تنشوفك فرحانة كانت هازة ليك الهم ودبا تهنيت بقات ليا غير ليلى نطلب الله اعاونها باش حتا هي توالي قوية بحالك و تجاوز هدشي لي وقع لها 
لوجين *بلعات ريقها* مع الوقت غدي تنسا اخالتي بالعكس هي خصها تفرح حينت الله بينو لها على حقيقتو وتهنات منو مزال ربي اعوضها غير تصبر انا الله مع صابرين
⁦✴️⁩عند عصمان ⁦✴️⁩
طلع تيجري فدروج دخل عند سابين لقاها غارقة فسبع نومة باسها وغطاها ودخل البيتو خدااا دوش خفيف وخرج تينشف شعرو غير حط راسو على المخدة بداااا تيتفكر غير لوجين بكل تفاصيلها معرفش شحاجة خلاتو ينجدب لها من اول نضرة بقا عصمان هكاك تيحاول ينعس ولكن صورتها مزال بين عينيه معرفش مالو بقااا هكاك تيتصارع غير مع راسو حتا غلبو نعاااس ...

لوجين : صبااااح الخير 
ليلى *شرعات عينيها* لوجين تخلعت عليك بزاف فين كانت عيت منقلب عليك ملقيتكش
لوجين *قربات* كانت محتاجة نبقى بوحدي واااحد شوية ونفكر *الكتابة سمر الغاشي*
ليلى: لوجين واش انت مبقيتيش مقلقة شفتك تضحكي عااااادي واش سمحتي لخويا بهاد سهولة ولا كيفاش قصتك 
لوجين : لا رااك غالطة انا مقلقة ومقلقة بزااااف كثر متصوري وخوك معمرني غدي نسمح ليه فحياتي ودبا انا خديت قرار لي هو صافي مغديش نبقى تنقتل فراسي انا طحت وخصني نوض حينت عارفة الا منضتش مكاينش لي غدي إنوضني
ليلى: سعدااتك تمنيت غير اكون عندي ولاو غير شوية من هاد القوة ديالك 
لوجين : بغيتي تعرفي سر ههههه
ليلى: گولي كولي عفاك راني تنتعدب 
لوجين : تقربي من الله ا ليلى بداي تصلي ودموع لي غدي تبكيها قدام شواحد عودي بكيهم فسجودك منين تكوني بين يدين هداك لي خلقك هو بوحدو لي قادر يگلع ليك أو فنفس الوقت يعطيك ديري ما بغيتي ولكن قداام ناس خصك ديما تباني قوية خليهم إحيرو فيك كوني انت لغز صعيب احلوه أما الا كانت ضعيفة غدي توالي جفاف بين رجليهم وحيط قصير اطلعو وينزلو كيف بغاااو حتا انا منكدبش عليك تألمت وبكيت ولكن فأخير اللحضة ترجعت وگلت علاش تيوقع ليا هكاااا وفين كاين المشكل واش فيا ولا فناس لقيت المشكل فيا انا ا ليلى أنا لي نية كثر من القياس ولكن صافي من اليوم انا لوجين وحدة جديدة غدي نعيش غير راسي ويلا بغيتي اي مساعدة انا موجودة غير لي بغيت نگول هو انت راك محضوطة كاينة ام ديما معاااك وتتبغيك وكاين اخ تيدير المستحيل على قبلك أما أنا ههههه العكس ديالك تماما خصني غير نحط رجلي فدار اول سؤال غدي يتگال ليا هو واش جاية بخاطرك ولا بلا خاطر تاني و مشكلة الكبرى هي منين اسمعو بالي غدي نطلق المرة تانية على تواني هههه فيساع لقا راسي ترميت الزنقة 
ليلى: لا خليل اناني ا لوجين هو ماشي تيخاف عليا انا سكت ليه بزااااف وبسباب هاد الخوف ديالو زايد والأنانية هاهي نتيجة قدامك دبا ولكن صافي من اليوم غدي اشوف لوجه تاني مغديش نسمح ليه وحتا ماما راااه مقلقة منو بزاف وااقفة فصفنا ا لوجين خويا غدي يندم على هدشي لي دار فينا بزوج 
لوجين *وقفات* انا تنتسنا غير اوالي شوية باش نبداو ف إجراءات طلاق بغيت الحرية ديالي 
ليلى: ولكن انت تتبغيه ا لوجين عفاك بلاما تزربي غير صبري حاولي تربيه أو تندميه عليك وصااافي راااكم جيتو مع بعضياتكم خويا مزال غدي يندم عليك غير صبري
لوجين*تبسمات* صدقيني أي حاجة زوينة كانت تنحسها من جهتو تبخراات ورجعات كره كرهتو ا ليلى كرهتو مبقيتش تنحمل نسمع سيرتو مزال انا بغيت نطلق أو هدااا هو قراري الأخير عفااااك بلاما تحاولي تقنعيني 
ليلى: لوجين فين غادية...
لوجين : بغيت نقلب على شي خدمة ..خصني نهز راسي 
باست على رأس راضية وخرجات تتجري
راضية: ليلى فين مشات لوجين شفتها زربانة مخلاتش ليا حتا الفرصة نسولها
ليلى*متفاجئة* ماما لوجين تبدلات بزاااف ياك
راضية: لي داز عليها ماشي ساهل وهاد الوقت تتبغي تكوني بحال هكاااا قوية حتا انت ابنتي خصك تنساااي وتكملي المسيرة رآه الحياة مواقفة على حد او داك شماتة رآه ربي لي بينو ليك على حقيقتو علاش غدي تبقاي سادة عليك وتتبكي على واحد ما يستهل حتى دمعة من عينيك شوفي لوجين تبارك الله طاحت و بكات ورجعاات وقفات وكملات طريقها ديري بحالها
⁦✴️⁩وجهة التانية⁦✴️⁩
راكان : صباااح النور وفين نااايض اصحبي واش انت حمق ولا مالك شكون لي گاليك خرج 
خليل *مضارب مع حوايجو* مغدييييش نبقا هكاااا مربع يدي اركان ضروري خصني نشوف ليلى ولوجين 
يلاه غدي يخرج حتا لقا أريج فوجهو غير شافتو دغية زربات عليه بغات تعنقو دفعها بكل جهدو جاات مصلية فالأرض مشا جيهتها وقف ليها عند رااسها كيهضر ويغزز سناانو 
خليل : مزاااااال عندك لوووجه لي جاااية العندي تتجري كيفاش تجرئتي تحطي يديك على امي *ورك عليها برجليه* وعمرتي ليلى بهضرة خاوية لا أساس لها وااااش انت بنادم ولا شيطان كيفاش مقدرتش نشوف حقيقتك
راكان *بعدو* صااافي طلق منها رااااه غدي تقتلها
ناضت أريج شادة فعنقها نفس مبقاتش تطلع جيفها اول مرة تشوف خليل منفاعل حتال هاد درجة كان وااقف كينهج بالعصاب ولعروق فراسو غيطرطقو والعرق ناازل ليه مع عنقو
وغير شادو راااكان بغاااا يطلع بروحها
أريج جاات مقربا عندو باغا تغريه 
أريج : هءهءهءه حياتي صدقني كلشي كدوب مزال مكملاتش هضرتها عطاها بتسرفيقة حتى غوتات ربي لي خلقها وداارت كااملة خرج وخلاها مليوحة فالأرض ودم ناازل ليها من فمها وتتبكي....
أريج : هءهءهء راااكان عفاااااك هضر معاااه وخليه يسمعني الله اخليك
راكان شاف فيها دفع يديها وخرج تيجري تابع صاحبو 

عصمان ناض طااافج من الحلمة لي شااف كانت يد كبر من يدو مدابزة باش تااااخود منو بنتو وهو كااااان وااااقف مقدر إدير والو لها من غير يغواااات أو يبكي كيحس براااسو كلو عرقااان وحلقو مقجوج بحال الا كان نيت تيغوااات فالحقيقة ستغرب لهاد الحلمة لي ولا تيشوفها بزاف فنعاسو شاف جيهت لكوافوز القا قرعة ديال الما هزها وشربها فجغمة كاااملة خداااا نفس طوييل عاااد خرج من فراااشو اول حاااجة داار هز تيليفونو شاف فساعة وداار كلاكيطة فرجليه
دخل للدوش.. بعد دقاائق خرج من الدوش و هوا لاوي عليه فوطة حل دريسينغ و لبس سروال توب فالكحل مع شوميزة بيضة و صباط نوغ كلاص فلتحت..
هز فيست فنفس اللون د السروال و لبسها و دار ساعتو ليداوية.. رش ريحتو الرجولية و مشط شعرو رادو للور و خرج من الغرفة بعد ما هز تيلي ديالو ....
وخرج من غرفة مشا ديريكت عند سابين حل الباب دخل رااسو مبانتش ليه فراشها حتا تيسمع صوت الماء فالحمام 
عصمان ؛ باااابا فينك 
سابين *بصوت طفولي * هاااني هااااني تنغسل سنيناتي ابابا 
عصمان : يلاااه طلقي راااسك اباباااا راااه غدي يمشي عليك الحال .....سابين : واااااخ ابابا 
خرج عصمان من بيتها ونزل الطابق التحتاني شقة مكونة من جوج طوابق التحت كاااين صااالوون كبير وكوزينة وحدااها صاالة منجي شي كايشوف فشي والفوق كااينين غير بيوتا ديال نعااس
نزل فدروج دخل الكوزينة داار القهوة فالعصاارة وحل الثلاجة جبد گاع فواكه لي هزو يديه غسلهم وبداااا يقطع فيهم طرونشات رقااق أو يرمي فطحانة خواا عليهم الحليب شوية سكر وخلا دكشي تيطحن وهز الكاس القهوة تيشرب جغمة أو يتلدد بديك القهوة صباحية المعطرة وداك البرد ديال صباح لي تيدخول من شرجم ديال كوزينة عاااد دوك الأصوات ديال العصافير لي تتغني ليه تيحس برااااحة وطمأنينة سكت طحانة وخوااا جوج كيسان العصير فوق طبلة وبداااا تعمر طبلة بشهيوات لي بنتوو تتبغي تشوفهم فطبلة الفطور ناااازلا سابين تتجري والمحفضة على كثااافها 
سابين : صباااااااااح النور بابا *مخرجة لسانها*
امممممم فطور هاد صبااااح تيشهي *جرات الكرسي وگعدات تتفطر * 
عصمان *رجع رااسو اللور وتيشوف فيها* سابين ياك شحال من مرة تنگوليك عودي لبسي مزيان رااااه البرد فوق الموتور غدي تمرضي فطري وطلعي زيدي عليك المونطو دكشي لي لابسة راااه ديال الصيف ماشي البرد
سابين *البراءة* بابا وياااااك انا وياك جمعنا حوايج البرد وگلتي ليا صافي ودعنا البرد دباااا مرحبا بيك يااااا الصيف 
عصمان *ميل فمو الجنب * على مبان ليا البرد مزال مسخاااش بنا *ضحكو بزوج * يلاه گولي بسم الله وفطري وبلاما تهضري ونت فمك عااامر *حركات ليه راسها وبدات تتفطر بصمت
بداو غير اصوات كيسان أو المعالق لي تيتسمعو فديك طبلة كمل عصمان رجع اللور و گال الحمد لله بصوت مسموع باش تسمعو وتبعو حتا هي كملات ومسحات فمها وگالت بحالو بصوت طفولي 
سابين : بابا يااااك غدي ترجع عندنا خالتي لوجين باش تلعب معانا الكورة هاد العشية
عصمان : معرفتش شغلها هداااك الا مجاتش لعبوها بوحدنا مكاااينش مشكل 
سابين : لا لا بغيت خالتي لوجين تلعب معانا
عصمان : برااكة متبقاي تصرفي بحال شواحدة صغيورة زعمة رااه كبرنا وماشي عاد غدي لعبوها بزوج حنا ديما كنا غير بزوجنا أش لي تغير ا سابين
سابين : لي تغير ابابا هو ولات عندنا صديقة سميتها لوجين وهي وعداتني بالي غدي تبقا تجي عندي وتلعب معايا ونت غدي تخليها ابابا مغديش تجري عليها وزايدون حنا محلفين عليك باش نغلبوووك هاد المرة أنا فرحاااااااانة بزاف ابابا واخيرا غدي تكتمل الأسرة ديالنا وغدي نكونو الثلاثة فدار ماشي غير زوج 
عصمان تصدم تيشوف فبنتو اول مرة إشوف لمعة ديال لفرحة فعينيها وهي تتكلم على شواحدة ومستغرب كيفاش هاد البنت قدراات دير بلاصتها وسطهم بهاد سهولة ولخوف هو تعلق ليه بها وجااااا مغدي تنساها 
عصمان بقا واقف كيشوف فيها قرب ليها كيتأمل ملامح وجها البريئ .. رجع ليها الشعر مورا ودنيها بشوية وتكلم بصوت رجولي 
عصمان : بنتي حنا ديما غدي نبقاو غير بزوجنا مكااااينش شواحد الثالث غدي يدخول بنا ونا رآه فياااااا كلشي ليك كيف نتي هي كلشي ليا
ونا عارفك مغاديش تخيبي ضني فيك ... غادي تقراي .. وتعمري راسك غير بقرايتك بوحدها ماشي بشحاجة خرى باش منين تكبري .. تخدمي فالمجاااال لي انت تتبغي ونشوفك ناااجحة فيه ونرفع راسي بيك ...ونگول لأي واااحد عرفتي هديك بنت لي وااقفة لهي راااااه بنتي اناااا 
*سابين بتسمات* هديك ضربت عليها تمارا الكحلة باش نشوفها وااصلة لهااااد البلاصة لي تتشوف فيها دباااا ديك ساعة غدي نكون شارف. معندي حد من غير الله ونت ديك ساعة غدي تكوني عكازي عاد غدي نبقى انا شاد ركنة ونت غدي تخدمي عليا *تنهد* اجي نتفاهمو من هنا عندك اجي شي زويزو تشروطي فيه وتلوحي باك الحنين فالخيرية ونوالي على يامي فتلفازة فمك الحنينة يالمسخوطة الوالدين *ضحك بجهد وشد فكرشو*
سابين : هههه لا لا مستحيل ندير هكااا انا مغدي ابعدني عليك ابابا غير الموت بوحدها 
عنقاتو بجهد حتا هو عنقها 
عصمان *بعدها بداااا تيمسح عينيه* برااااكة من دراااما يلاه تحركي طلعي الفوق زيدي عليك شحاجة 
طلعات سابين تتجري البيت وهو بداااا تيجمع طبلة گاع الماعن كركبهم فالاڤابو وخوا عليهم المااااا هز علبة كبيرة من الثلاجة فيها غدا بنتو وخرج الموتور نزلات سابين تتجري طالقة يديها فسمااااا فرحانة سدات الباب بجهد ولصقات مورا باها عطاها الكاسك ديالها حطاتو على راسها أو مشاااااو زافين المدرسة...

خليل شاد طريق الكوميسارية بالكشيفة باش قنعو راكان هو لي يصوگ على قبل يديه لي ممنوع احركها وخاااصو رااحة ولكن هو كل تفكيرو غير مع يوسف غدي مغدد عليه منظرو كيوحي انه هادئ ولكن من الداخل ديالو بركاااان تيتسنا غير الوقت المناسب لي ينفاجر خليل من طبعو كلامو قليل و حاسب ديما حساب لصغيرة قبل الكبيرة واعصابو باردة ثلج في اصعب المواقف يتحلى بالهدوء ولكن إذا مشا حتى خرج على طوعو يقتل بدم بارد 
راكان : بغيت غير نفهم لاش غدي الكوميسارية رآه گلنا ليك العميد علي لي مكلف بالقضية بنفسو بغيتي غير تجبد علينا نحل 
خليل شاف ليه فعينيه مباشرة بنظرة بحال القرطاس.. ولكن جسمو جامد مابيناش عليه العصبية هدشي لي خلا راكان يفهم راسو ويكمل طريقو فصمت ..بعد مدة وقفات طوموبيل قدام الكوميسارية نزل من سيارة ودخل كل لي داز من قدامو يعطيه التحية حتى وصل المكتب ديالو دفع الباب بجهد ومشااا المكتب ديريكت جلس فالمكتب وحط الملف قدامو غدي يبدااا الخدمة وركان وااقف على راسو شوية تيسمعو دقاان هزو راسهم بزوج دقة وحدة 
خليل *بصوت قوي* دخوووول 
شاوش: الحمد لله على سلامتك اسي خليل 
خليل : الله اسلمك ابا عمر أشنو كاين
شاوش: سي خليل العميد العلي بغاك تجي عندو دبااا انت وسي راااكان 
خليل أشار ليه بيديه باش يمشي
راكان *تيترعد* نااااااري مشينا فيها تبعتك خرجتي عليا ناري ميمتي مشكلة هدي ياااربي
خليل*هز راسو* ماااالك تتولولي عليا بحال لولياااا ترجل اصحبي وتحرك قدامي
راكان *معصب* لا لا اسيدي سير نيت انت الا مزال عندك الوجه باش تشوف فالعميد
خليل خنزر فيه وسبقو أو بقا راكان شاد فراسو 
العميد علي مقلق الأخير درجة من خليل وركان هو كان دائما هو سند الخليل أو تيغطي عليه فجميع المواقف للمسؤولين باش يبقا خليل دائما فالمرتبة الأولى قدام كلشي ولكن ملقا ما يقول أمام انفعالو الزائد في الخدمة وعدم تركيزه خصوصا في الآونة الأخيرة ...ولي زاد الطين بلة هو كلف رجااال لي يتعداااو على يوسف فداخل سجن بالضرب والجرح خلاوه فحالة خطيرة ،الشيء للي خلا المحامي ديال المتهم يرفع عليه قضية استغلال السلطة والضرب العمد بغير حق ينص على ذالك ...واكيد ركان كان حتا هو مساعدو ...فهاد الكريتة 
دخلو بزوج عندو وشافوه عرفو القضية حامضة و متتبشرش بالخير غير من شوفتو
العميد علي : ( غوت عليهم ) واش انت مريض فمخك ولاااا مالك حتا تنگول غدي تگااااد تتزيد تصدمني ...شنو وقعلك حتى رجعتي فهاد الحالة أخليييل واحد مستهطر وهمجي ...كنت دائما كنضرب بيك المثل في الانضباط ديالك في الخدمة ...
خليل : هاد الموضوع انا غدي نحلو بطريقتي 
العميد علي : ههههه انا طريقة علاش تتهضر بغيتي نخليك تمشي تصفيها ليه يااااااك هدشي علاش تتقلب مزال قلبك متهناش من جيهتو 
خليل *مزير على سنيه* هدي مسألة شخصية ونااااا لي غدي نوقف عليها بنفسي فهمني 
العميد علي: انا دابا كنأمرك انك تحول الملف للشخص اخر ،حيت مغاديش تبقا نتا المسؤول عليه ...
خليل : ( بصدمة ) ككفاش ...؟ 
العميد : كيف تتسمع نتا موقوووف عن العمل للأجل غير محدود انت وسي راااكان وراكم عارفين أشنو دايرين متحتاجوش نشرح لكم
خليل : واش على قبل داك الكلب غدي توقفوني من الخدمة ...من فوقاش ونتوما كتعتامدو على هاد الشكايات الكادبة عميد الله اخليك رآه دكشي كامل غير كدوب انا راني موصلتوش هو اكيد عندو أعداء كلب بحالو شي عادي يتعرض الهجوم وزايدون مكاين حتا دليل تيأكد بالي انا لي تعديت عليه...؟
عميد : خليل رااااه أنا لي مربيك على يدي ماشي انت انا غير من شوفة فيك تنفهمك وما وقفتك حتا عرفتك بالي انت مول الفعلة.رجعتي متسرع بلا قياااس ...وليتي تتخلط ماااا بين حياتك العملية والمهنية بصفة ديالك ضابط ممتاز معندكش الحق تعداااا عليه كيف ما كان الحال وهو من حقو اتابعك قضائيا أو قدما طلعتي غدي تنزل حمد الله غير المشكلة ديالك وقفات غير هنااا حينت انا لي مخليتوش يوصل المسؤولين مبغيتش القضية ديالك تعقد كثر مااا هي معقدة أخليل ونت عارف مزيان العقوبة ديال هدشي كيفاش تتكون وقد مطلعتي غدي تنزل بلاما تشوف راااسك وهااااد الإبتعاد ديالك عتبرو غير راحة باش تراجع راسك شوية وتعرف اش تدير حينت هدا هو اخير إندار ليك وليه *شاف فركان* دبا يمكن لكم تمشيو 
راكان : سيادة العميد عفاك غير دقيقة انا والله معندي دخل لاش غدي تعقبوني معاه
العميد *بصرامة* حينت مكلخ فاش دير ليه عقلو عاااد زايد ليه فيه عقاب لكم بزوج دبا وهداااا اخير هضرة عندي تفضلو برااا
خليل *معصب* دبا شكون لي غدي يتكلف بالقضية 
العميد : سير المكتب ديالك وغدي تعرف شكون ( قبل ما ينصارفو وقفهم ) حطو سلاح وحتى البادج ديالكم ...عاد سيرو
راكان شاافت فخليل بحزن حطو بزوج سلاح والبادج فوق البيرو وخرجو 
خليل تيزرب أو راكان موراه تيگمگم ومحمل المسؤولية كلها لخليل حل باب بجهد تصدم وهو تيشوف البيرو ديالو ستعمر ولي گاعد فيه...زكريااا هدااااك هو اخير واحد كان تيفكر غدي اشد بلاصتو. شي نهار ..

زكريا: اووو على سلامتك غير سمح ليا دغية ستعمرتك 
خليل *قرب ليه* هههه اوا بلاما تحلم طوول ستمتع بهاااد الوقت لي عندك حينت الوضع غير مؤقتا وصافي *زكريا جمع ضحكة* 
مشااا خليل تيجمع الحوايج ديالو أو تيسد عليهم وزكريا تيلعب بستيلو بين صباعو وتيشوف فيه حتا كمل جر الكرسي خليل وجا قدامو مقابل معاااه 
خليل : هداااا تسجيل تاااني تيتعلق بالكلب ديال يوسف وهو تيعتارف بغتصاب بنت فعمرها عااام ونص بغيتك هاد القضية تدخل حتا هي *لاحو ليه* 
زكريا خدمو وتيسمع فيه وهو تيهضر مع خليل فديك الليلة خليل كان دارو غير باش يبقى اهددو بيه يوسف الا دار شحاجة خايبة لختو كان داااير الإحطيات 
زكريا : مزيان ولكن خصك تجيب البنت تعطي الأقوال ديالها 
خليل : غدي نجيبها *وقف* انت غير حاول درك هاد القضية ودفع هدشي الوكيل الملك فأقرب فرصة بغيتو يتحكم أو يتجازة على افعالو أو تسد هاد القضية فمرة 
زكريا *ابتسامة مستفزة* انت مستبعد دبا غير سير الدارك أو خلي هدشي علينا حنا راااه عاارفين خدمتنا 
خليل خنزر فيه وخرج لقا راكان حتا هو يلاه خرج من البيرو ديالو 
راكان : عجبك دبا الحال هحنا جمعنا بزوج نمشيو نشدو الحيط يعلم الله امتى غدي رجعو لها تاني 
خليل: غدي رجعو العميد مغديش يسخاا بنا اصلا زاااامل لي جاايب بلاصتي اكبر مكلخ ولي معصبني هو لي مكلف بالقضية دبا ملقااا غير هاد الكلب هو لي يتكلف بها 
راكان : معلم عليك كان تحت منك بقا بشوي بشوي تيتبلحس حتا طلع فوق راااسك
خليل *بعصبية* لتزيدش تكمل على ديل مي بهاد الهضرة ديالك لي بحال سم طلقنا 
راكان *غدي تابعو* دبا فين غدي تكون الوجهة تانية اسي خليل فين تبغي نديك
خليل : عند الواليدة أنا ضروري خصني نشوف البنات أو لواليدة غدي تكون مقلقة مني
راكان : واااخ اسي خليل تأمرني بشحاجة خرى مرحبا انا موجود 
خليل : طلقنا وبرااكة من كثرت الهضرة
راكان ضحك وطلع فطوموبيل أو مشااا مكسيري ...
⁦✴️⁩وجهة أخرى⁦✴️⁩
لوجين من بعد ساعات طويلة لي جااا تيسبقها أو يدخول عند المدير واخيرا وصلاتها نوبة ودخلات العندو بكل ثقة 
لوجين : سلام عليكم *لا رد*
المدير: عطيني سيڤي 
لوجين : انا كانت شفت واحد الإعلان هدي يومين بالي بغيتو بنات جداد هاهو سيڤي
المدير *شدو وتيشوف فيها* امممم مزيان كلشي عندك مزيان
لوجين *فرحات* الحمد لله 
المدير: كاين مشكل صغيور فيك انت 
لوجين : أشناهو 
المدير: كاين فشكلك هاااد الحوايج لي لابسة مخدامينش انت رااك غدي تكوني فالإستقبال ديال زبناء ديالنا خصك تكوني لابسة لباس شوية مثير او شعرك خصك تعريه باين غدي اكون زوين حرير لاش حارمة راااسك وحارمانة منو ومعقدة راسك عرفتي الا درتي غير شوية ديال مكياااااج كيف غدي ت....
لوجين*قطعاتو* راك انت لي معقد أو مجااايب راااسك خبار تتشجع بنات المسلمين على الفساد سير بغيت ربي يااخود فيك الحق يالكلب بحالكم لي خرجو على الوقت ويلا كان عند بالك بهاد جوج كليمات غدي نبيع أنا أخرتي ونشري دنيا رااك غاالط وبناقص من خدمتك الموسخة يالموسخ لخور 
المدير *تفاجئ* انااااا نواري لموووك الموسخ يالمعقدة اجي لهناااااا
لوجين معرفات منين جاتها. ضربة.. طحت نيشان لارض شادة.فعينيها دخل فيها براسو بجهد شداتها دوخة ولعبو بها رجليها وفقدات توازن .. ركلها برجليه فكرشها بجهد حتا غوتات ربي لي خلقها .. وتم نازل مطلعهاا من شعرها .. كلاها مع لحيط.. وجها ولا حمرر مقداش تنفس زير عليها بيديه 
المدير ؛ صحاب لك يا لقح** غدي نخليك تحلي عليا فمك بحالك غير تيم...... ليااااا المااارجة لي ولداتك دباااااا خرجي تقاااااااودي عليااااا من هناااااا *حل الباب ولاحها* ...

راضية*بالغوات* هااااااني جاااية صبااار
حلات الباب تصدمات 
راضية : انت أشنوووو جاااي تدير هنااا هااه مزال عندك لوجه 
خليل *قطعها* صااافي الواليدة صافي لي فياااا كافيني *دفعها ودخل *
راكان *حتا هو دخل* متگولي وااالو الحاجة خلينا ندخلو رااه طااالع لنا دم هاد ساعة
راضية تتشوف فيهم مسرسبين دخلو ديريكت كل فين تنشر لها 
راضية : يطلع لكم دم ولا لقييييح عطيوني تيساع يلاه نوضو تگعدو عليا انت وصااحبك 
راكان : الحاجة تتجري على ولادك وماشي حشومة
راضية: حشومة هي مرات شيطان انا مبقاو عندي ولاد خرجو عليا
راكان : واااا الحاجة ورااااه خرجونا من خدمة صااافي بقيت تابع هاد ولدك حتا خرج عليا وهاا حنا رجعنا شومور 
راضية*ضربات فخضها* اويييلي على ولاد الحرام كيف وقع لكم حتا خرجوكم 
خليل *وقف* من بعد الواليدة فينها ليلى ولوجين *تيقلب بعينيه عليهم* 
راضية : بلاما تقلب حتا وحدة فيهم مكاينة
خليل : وفين مشاااااو بسلامة
راضية : ونت مااالك شغلك من اليوم كل مسؤولة على راسها معندك مدخلة فيها باقي
خليل *رجع گعد * اش هاااد الهضرة الواليدة تتگولي كيفاش معندي مدخلة فيهم باقي
راضية: كيف تتسمع برااااكة راك زتي فيه
خليل: انا هناااااا باش ندوي معهم راني عارف الغلاط ديالي هدشي علاش جاااي دبا گولي ليا فين مشاااو ...
⁦✴️⁩وجهة أخرى⁦✴️⁩
نزلات سابين تتجري فدروج لقااات باها غااارق فالمااعن لي خلاهم مكركرين فلاڤابو صباح
سابين *ميلات فمها* بابا لوجين مزال گااااع مجاااات انا عيييت نتسنا فيها 
عصمان : وناااا اشنو مطلوب مني 
سابين *طلعات فوق البوطاجي* بابا يلاااه نجيبوها عفااااك ياااك انت عااارف دارها 
عصمان : خليها حتا تجي راسها واش بغيتي سيدة تلعب معاااك بزز هداا رآه الحماق صبري نكمل هاااد.روينة أو نوجدو عشانا أو نخرج مع بنتي لعبو الكرة وگاع دكشي لي بغيتي 
سابين نزلات من فوق البوطاجي زعفانة معجبهاش الحال وبقات مقابلة شرجم تتسنى فيها 
عصمان : سابين *صمت * ساااابين 
سابين *منتورة* نعااااام 
عصمان: اجي هنااا نشفي هاااد طباااسل ورجعيهم بلاصتهم يلااااه *باقي واقفة* مبغيتيش تجي يااااك اوا الا مبغيتيش صااافي حتا انا معندي فين نمشي نجيب حد 
سابين *شرعات عينيها* بصح ابابا غدي تجيب لوجين 
عصمان*تبسم * بطبيعة الحال غدي نجيبها ولكن بشرط انك تمسح هاد الماعن كاملين وعندك تهرسي شحاجة رآه نتفاهم معاك
سابين : ياااس يااااس *تتنقز * غير سير ابابا جيبها انااا نمسحهم أو منهرس والو 
عصمان *هز يديه* ومتحلي الباب حتال شواحد هاااني مشيت نجيبها ونجي 
سابين وقفات فوق بوطاجي تتمسح طبااسل ولكيسان بالمنديل وتحط فلبلاكار وتشطح وتغني فرحااانة أو عصمان طلع بدل حوايجو وزاااد عليه تجااكيط هز الموتور ومشاااا قاااصد لوجين ...

عصمان موقف حتال القداااام سيكتور ديالهم يلاه حيد الكاسك من رااسو حتا وقفات عليه لوجين تتنهج وشادة فقلبها كانت تتجري ودموع محجرين فعينيها 
لوجين : واش انت صمك من صباااح ونا نعيط عليك باااااش توقف باغي تشوهني لااااش جااي هناااا لااااااش هءهءهء
تتهضر وتتشوف فجهة الدار راضية لا اكون تيشوف فيهم شواحد بلأخص منين شافت طوموبيل راكان عرفات بالي خليل كاين عند مو ويلا مشا حتا خرج وشااافو غدي توقع شي كريتة عضمى
عصمان بقا غير مصدوم ممركز فحتاااا حاااجة من غير وجها لي كاان تيخلع بحاال الا كااانت فحلبة المصارعة گاع مخمجة عينيها منفوخين أو عليهم دوارة زرقة أو جنب فمها مجروح وخاارج منو دم غير شافتو تيشوف فيها دغية رجعات غطات عينيها بيديها شد لها وجها بيد وحدة وبدااا تيگلب فيه يمين أو شمال وعينيه حمرين وخااارج منو الفار 
عصمان : شكووون لي دااار فيك هاد الحالة
لوجين *بعدات يديه* واااحد الكلب بغيت ليه موصيبة *بدات تتعاود ليه كيف وقع معها وهي تتبكي وتنخصص بلاما تشعر لقات راسها معاودة ليه كلشي * ولكن غير بلاتي والله لا بقاااات فيه دباااا ربي ياااخود حقي والله عقيبتو لا خرجات على خير دبا تشوف عند راااسو بفلوسو رااه ماالك دنيا ودين وماااا يقد عليه حد ونسااا بالي ربي كبير وشانو عضيم *تتحرك راسها وتتهز يديها الفوق بعصبية*
عصمان : *غوت* انااااا شركة هدي لي فيها هاد الحمار 
لوجين *فاقت على راسها* ونت مااالك واش انا شكيت عليك اسيدي انا بغيت حقي نخدو لهيه معندي ما ندير بيه هنا دبا سير عند بنتك وبراااكة متبقا تقلب على صداااع 
يلاه رمات الخطوة شدها من يديها جرها العندو بجهد 
لوجين : اااااي طلق يدي مغدي نمشي معااه حتال شي بلاصة سير فحالك وخليني عليك
بز منها طلعها وراه مبغااتش تقااد فالگعدة وكانت بعيدة عليه ولكن غير نوض دااااك الموتور لي غير صوتو تيزعزع الأرض دغية خاافت ولات لاصقة فيه بز منها وتتغوات ينقص السرعة بقاااا هكااك حتا وصل 
عصمان : واش هدي هي شركة ياك 
لوجين *ميلات فمها الجنب* هي هدي 
عصمان وقف الموتور وحط الكاسك ديالو عليه 
وهز رااسو الفوق كان العلو ديالها على حد شوفة شركة كبيرة وجات فموقع زوين جمع يدو بالعصاب وغدي طاالع العندو دغية شداتو من قميجتو قربات منو وتتشوف فعينيه
لوجين : عفاااك بلاما دير شحاجة خايبة ليه الله اخليك فكر فبنتك بلاما دير شحاجة تندمني عليها طول حياتي *كلها تترعد* 
عصمان : بقاي حداااا الموتور حتى رجع 
مشااا عصمان تيجري خطوة تيدير فيها الثلاثة ربعة باش غير يوصل ليه دمو حاااامي عصمان تيكره ضلم وشاااف صورة بنتو فلوجين اكيد مغديش يقدر يستحمل اشوف شي كلب غدااا مكرفص على بنتو بمجرد ما تيتفكر شحاجة بحال هكااا تيزيد يصعر طلع ليه وهو عينيه مغمضين 
سكرتيرة : هي هي فين غااااادي انت صبر رر ناضت تتجري يلاه غدي تشدو دفعها حتا ردها داااك الحيط لي وراها ناضت مگلوبة وشادة فراسها دخل كيف العجااجة المكتب ديال المدير وسد من الداخل كان سيادة المدير تيضحك وحااط رجليه بزوج على البيرو وتليفون فيديه تيضحك حتا لقاااا قدامو ديك الكمية تبارك الله وااقف تيشوف فيه عينيه مفيكسين عليه وتيگفط كمامو
المدير *ناض* أشنو تدير انت فالمكتب ديالي
عصمان *بصوت قوي* باش ***** زااامل ديال بوك الكلب 
يالله با ادور حتا جاه كروشي لوجهو وضربة برجل لكرش طاح وناض باغا اضرب بطرشة تا تلوات ليه يطيه وتخبط لأرض 
المدير :عفاك صاف براكة براكة والله مبااقي نعاود 
عصمان : الا مزااال عندك اليد باااش تعااااود تضربهاة غير عااااود 
طرطقها ليه غوت ربي لي خلقو وسخف ركلو عصمان برجليه وخرج غير رماااا الخطوة شدوه ربعة سكيريتي فيكسوه تيغوااات ويسب فيهم دخلات سكرتيرة تتجري لقااات المدير گاااع مجندخ أو يديه مهرسة غوتات وبداات تتعيط الإسعاااف مع لبوليس مرة وحدة ...

لوجين وااقفة على اعصابها غادية جاااية كعدة على العافية مكرهاتش طير العندو ولكن تتشوف فالموتور مكاين حد إقبلو لها تتغدد ضفرانها بسم والفقصة ندمات علاش جات معاااه خاافت اكون دار شي موصيبة فيه وتعطل هدشي زاااد ركب فيها رعب حتاااا شوية تتسمع صوت لومبيلونص مع لبوليس كلهم جاين دقة وحدة تخلعات وشرعات عينيها دخلين تيجريو بداااات تتبكي خلات كلشي ومشاااات تتجري تبعاتهم ..
لقااات عصمان تيركبو ليه المينوط وتيغواات مدااابز مع شي بوليسي عطااه كروشي ديريكت الفمو أو دفعوووووه 
لوجين : هءهء عصماااااان لااااا عااافك اسيدي طلقوه هو راااه مدااار والو غير كااان بغااا يعاوني رآه داك المدير الكلب هو لي تعدا عليا وهو لي خصكم تشدوه ماشي عصمااااان 
البوليسي*دفعها* بعدي الهيه هاد المجلد گوليه فالكوميسارية ماااشي هناااا 
عصمان *تيغوااات* سييييري عند ساااابين وااااااش سمعتيني سيري عند سااااااااابين راااه بقااات بوحدها 
البوليسي٢؛ وتحرك البشااااااار
طلعوه فصطافيط ومشاو بقات لوجين واقفة بلاكة شوية خرجين المسعفين بجرا جارين نقالة فيها المدير حالتو حالة بحال شرويطة أو جمعين ليه يديه لي مهرسة
لوجين تتبكي ونااازلا تتجري فدوك دروج تتشوف غير بعين بوحدة والخرى منفوخة متتقشع بها والو ...
لوجين : ياااربي عاااوني اش غدي ندير فهاد المشكلة هءهءهء أنا سباب مكانش عليا ندخلو اوووف ياربي عاوني 
رمات عينيها جهة الموتور لقاتوو مزال فبلاصتو ولكن شكون لي غدي إصوگو لها حتال الدار عقلها غدي ينفاجر تالفة معرفة ماااا دير باقي 
لوجين *بصوت مبحوح* خوياااا ااااه انت 
....: نعاااام ياك لباس 
لوجين : واش تتعرف تصوگ هاد الموتور
.....لا اختي متنعرفش ولكن كاين صحبي عندو بحال هاد نوع نهضر معاااه 
لوجين : الله يرحم ليك الوالدين لما هضر معاه اجي إصوگو ليا 
الولد حرك راسو ومشا تيزرب إجيب صاحبو وبقات لوجين غادية جاية تالفة 
⁦✴️⁩ وجهة أخرى ⁦✴️⁩
سابين سمعات دقان نزلات تتجري من دروج
سابين *بصوت طفولي* لوجين ...لوووجين
*حلات الباب تصدمات* شكون انت 
إيليف *بصوت مخنوق * مشااااء الله غزالة كيف كانت تنتخيلك هارون شوف بنتي تبارك الله شحال زوينة 
هارون وقف أو جامع يديه بزوج ورا ضهرو
هارون : اااه زوينة يلاه طلقينا خلاص خلينا نمشيو إيليف : فينو باباك ابنتي 
سابين *فرحانة* بابا مشاااا اجيب صديقتي لوجين باش لعبو الكرة 
إيليف *جمعات ضحكة* وخلاك بوحدك فدار شفتي ا هارون كانت متوقعة غدي اكون اب مستهطر وعديم المسؤولية يلاه ابنتي
سابين *نترات يديها* مغدي نمشي معاك حتا بلاصة حينت متنعرفكش وبابا گالي معمرني نمشي مع شوااحد كيف مااا كان ونا متنعرفكش ومتبقايش تگولي ليا بنتي حينت انا ماما مااات شحال هدااا كاينة هنا *أشارت بيديها فسما*
إيليف تغرغرو عينيها بدموع وقفات 
هارون *معصب* وااااش انت حمقة غدي تبقاي تحاجي ليا معها بغيتي بنتك هاهي 
دغية هزها بيد وحدة وغااادي بها سابين تتغوات وتتفركل بين يديه أو إيليف موراها تتجري طااحت وااحد اللعبة من يديها ودخلات فطوموبيل أو مشاااو زافين
🍂🍂🍂
صااافي صااافي اخويا الله اجازيك بخير وقف غير هنا هدي هي دار 
الشخص : هانيا اختي مرحبا 
مشات تتجري لوجين تصدمات من الباب لي محلول دخلات تتجري تتعيط عليها وسيد تابعها من اللور جااار الموتور 
طلعات تتجري لوجين وتتعيط بسميتها گاااع دااار قربلاتها عليها وااالو نزلات تتجري 
لوجين : هءهءهء البنت مكينااااااش مكينااااش اخويا اااااه ياربي بنتو توضراااات مشيت فيها أنا سباب اناااااااا هءهء منحوسة كلشي بسبابي
الشخص*مفهم والو* تهدني اختي دبااا لقاوها راه معندها فين تمشي تقدر تكون غير تتلعب فشي بلاصة هنا تنفسي *لوجين تتحاول تهدن رااسها تتحس برجليها تيلعبو بها بغااات طيح سيري قلبي عليها نتي شدي هاااد جهة ونااا غدي نمشي نقلب عليها فجهة الخرى 
لوجين حركات رااسها ليه بالإيجاب وخرجو بجراااا ...

أريج واقفة فالكوزينة تتوجد فالكاسكروط ديالها دارت ليمون فالخلط وجدات ساندويتش حطات كلشي فبلاطو يلاه هزاتها حتى حسات بالارض تدرو بيها شدات فالحيط تتضبط توزنها تنفسات وكملت طريقها دخلت الغرفة كانت صاحبتها تتفرج فالتلفازة حطات لبلاطو فوق طبلة وجلسات جنبها
مروى : امممم الله يعطيك صحة جا فوقتو نيت جيت من عيادة معمية بجوع أجي شفتك مبقيتيش گاع بغيتي تخدمي مالكي 
أريج : تتهضري بحال الا معرفاش ماالي تنتعدب ا مروى تنتعدب البعد ديالو عليا تيخليني غدي نحماق حتا رقم ديالي مبلوكيه وكل ساعة تنشري نمرة جديدة تنصوني عليه تيبلوكيها فيساع هو عاارفني غير انا مبقاش مزال باااغي يهضر معايا غدي يخرج ليا العقل ا مروى اشمن خدمة مزاال عندي اووف
مروى: اوا حتا انت درتيها راااسك سيد دار فيك ثقة لاش مشتي خرجتي سر لي گاليك وجبدتي ليه صداع والحاجة لي واااعرة نضتي ضربتي ليه مو واااش كاين شي راااجل تيسمح بشحاجة بحال هدي 
أريج : معرفتش أشنو وقع ليا كانت خايفة عليه بزاف أو مو كانت تدفع فيا ومنعاتني باش مندخولش عندو تعصبت ودفعتها بلاما نشعر دبا بلاما تبقاي تحاسبي فيا عندك شي حل گوليه ولا سكتي هنينا راااه لي فيا كافيني 
مروى: معندي مااا نگوليك من غير ديها شوية فراسك شوفي حالتك كيف ولات بحال الا هاد خليل هو المااا والهوى رخفي نفس فيك ويلا كان تيبغيك غدي يسمح ليك 
أريج *فرحات * واش تتهضري بصح خليل غدي يرجع ليا عفاك امروى هضري معاااه هو تيسمع ليك گوليه أريج تتموت گوليه أي حاجة المهم هو أجي عندي ونشوفو عفااااك هءهءهء رااااني تنموت بلا بيه 
مروى : مشكلة هدي كولي بعد ويكون خير
أريج عنقاتها وتتبوس فيها يلاه هزات ساندويتش جابتو عند فمها غير عضات عضة منو حسااات بترويعة ناضت تتجري دخلت الحمام تترد دكشي لي كان فكرشها تتحس بمصارنها تيتعصرو وفمها تيتحل على حدو كملات وحسات براسها تنفسات شللات فمها وغادية بشويةو مسندة على حيط جات مروى شدات فيها و تكاتها على سرير
مروى : اجي اهياتا اااش هدشي عندك لا لا بزاااف البارح دوخة اليوم رداااان واااش مايكونش هدشي عوارض ديال حامل
أريج *شرعات عينيها* لا مستحيل انا كانت تناخود الفنيد اصحبتي خليل مبغاااش لولاد وكااان تيعس عليا حتا تنشربها مستحيل نكون حاملة
مروى : اوا منعرف تتگولي فيك لوجع ديال لغيگل وشي لغيگل مشفتيها سخفة ترويعة خصك ضروري تمشي عند طبيبة اصحبتي باش تأكدي 
أريج : انا متأكدة من رااسي بلاما تركبي فيا الوسواس اصحبتي 
مروى : انا غير گلت ليك وصافي أما ضبري راسك
⁦✴️⁩وجهة أخرى ⁦✴️⁩
لوجين طابو رجليها بتقلاب عليها بلا معنا ورجعات الدار على أمل إكون لقاها سيد لي تيقلب معها تلقاو بزوج مصدومين حتا واحد ممعاه البنت 
لوجين : هءهء ملقيتيهاش فينك اسابين فنيييك
الشخص: انا قلبت عليها گاع هاااد جوايه والو 
لوجين : ااااش غدي نديرو دبااا الباب كان محلول واش ميكونش شي وااحد دخل وخطفها راسي غدي يتشتت
الشخص: معرفتش اختي المهم انا سمح ليا خصني نمشي الله اسمعكم عليها خبار الخير
مشاااا وبقات لوجين بحال داك الحنش لي مقطوع ليه راااس لا الأب لا البنت حاجة لي تتحز فالقلب حملات راسها دنب كولو فهدشي وندمات على ساعة لي عرفوها فيها سدااات الباب ديال الدار وشداات طريق تتجري وعينيها على شي طاكسي وااالو بالكشيفة لقات واااحد ومشاااات ديريكت الكوميسارية دخلات تتجري وتتقلب بعينيها معارفة فين تدخول ولا تخرج حتا تتشوف فسكرتيرة أو شي محامين واااقفين عرفات بالي هدو من جهة المدير تيعمرو ليه ضوسي باش اغرقوه
لوجين : عفاك اسيدي وقف 
البوليسي: اااش كاين 
لوجين : واحد سيد يلاه جابوه سميتو عصمان واش ممكن نشوفو 
البوليسي: واش غير عصمان ديالك لي كاااين سيري جيبي ليه محامي الا بغيتي تشوفيه
مشاااا وخلاها تالفة مكاين معامن تهضر شي دخل شي خارج أو الفلوس هما لي خدامين الا بغيتيهم إشوفو فيك ويسمعوك مبقا تيبان لها حتا حل قدامها من غير خليل خرجات تاني تتجري شادة طريق الدار راضية ..

خليل تيشوف فساعة ضلام بدااا إطيح ولا ليلى ولا لوجين باين لهم الأثار ...
شوية تيسمعو الباب تيتحل دااخلة ليلى وجارة واحد لافاليز فيديها غير شافت خوها تسمرات وجاية العندو 
ليلى*بالغوات* أشنووو جاااابك انت هنااااا
راضية: بنتي الله يهديك سمعي لخوك بعد
ليلى: مغدييييش مزال نسمع لحتااا وااااحد انا حرة ومبقيتش بغيتو مزال يدخل فحياتي هو واااحد أناني تيفكر غير فراسو هو سبق ودمر حياتي ومغديش نخليه يرجع يدمرها مرة خرى تنكرهك أخليل هدشي لي بغيتي تسمع
خليل تعصب جرها من درااعها
خليل : برااااااكة ا ليلى بلاما تخليني نتصرف معاااك شي تصروف مغديش اعجبك انا اصلا هااااد زمر كاااامل درتو غير على قبلك باااش تكوني فرحانة بلاما تحمليني المسؤولية كلها اصلا هاااد الكلب انت لي بغيتيه ولا نسيتي بالي انا كانت رااافض زواجك بيه من الأول ولكن حينت نتي تتبغيه وتتبكي باش تزوجي بيه انا مقضرتش نوقف فطريق سعادة ديالك و مبغيتش نخصر ليك الخاطر عليها وافقت على زواجك ودبا رجعتيني أنا لي ممزيانش واقف فطريقك أو مدمرها 
راكان : ليلى دبا انت معصبة متتعرفيش اش تتگولي سيري حتا تهدني عاااد هضرو 
ليلى خنزرات فيهم بزوج دقة وحدة و هزات لافاليز ودخلات البيتها وردخات الباب بجهد خليل رجع جلس فوق الفوتوي أو راضية واقفة على راسو تطبطب عليه
راضية : بلاما يبقى فيك الحال اولدي دبا كلشي يرجع كيف كان وحسن رآه غير معصبة
خليل *معصب* كلشي كانت تنديرو غير باااش تكون هي فرحانة تنسبقها هي على راااسي فالخر تجازيني بهاد طريقة ااااااه راااني غلط وفكرت بأنانية ولكن راااني ناااادم علاش متعطينيش فرصة خرى وتسمح ليا ولكن صافي حتا هكاا مزيان ربااتني ودارت ليا العقل باش نعود ندخول سوق راسي من اليوم مغديش نتسوق لحتااا واااحد كل واااحد إدير لي عجبو شرقو ولا غربو فهاد الدار عيب والعار الا مزال دخلت فمشاكيل شواحد فيهم
خااارج زاااعف وتيغوات أو راضية موراه تطلب فيه حتا لقااا لوجين قداااام وجهو تصدم منين شاف وجها بحال هكاك 
لوجين : عفااااااك عاااااوني الله اخليك انا محتاجة تساعدني انا فورطة وخاااا انت هو أخير واااحد كانت تنفكر نمشي عندو ونطلب منو المساعدة ولكن صافي گااااع البيبان تسدو فوجهي عاااااوني الله اخليك 
راضية: بنتي مااالكي شكون لي دار فيك هاد الحالة
خليل يلاه شد وجها بيديه تيقلب فيه حتا دفعات يديه بجهد وطاحت على راضية تتبكي 
خليل *زير على سنيه* شكووووون لي داااار فيك هااااد الحالة ا لوجين هضرررري 
لوجين قفزات مكانتش متوقعة منو اخاف عليها حتال هاد درجة كانو عينيه حمرين بحال جغمة دم وتيصوت 
لوجين : بلاما دير راااسك راك مخلوع عليا ولا راااني تنهمك حينت تمتيل متيجيش معاك نهائيا ودبا أشنو غدي تعاوني ولا نشوف شي حل رااسي
خليل *قرب لها وهو جامع حجبانو* مفهمتش علاش باغية المساعدة من واااحد أناني أو شابع تمتيل راكان يلاه خلينا نمشيو 
لوجين *شداتو* انت واااحد مفقلبوش الرحمة ونا لي معنديش راااس لي جاية باغية منك تساعدني *دارت عند راكان * ركان واش ممكن تساعدني انت 
راكان *شاف فخليل* فاش اختي غدي تساعدك
لوجين : معنديش الوقت لي نشرح ليك خلينا نمشيو أو نعاود ليك فطريق 
خليل حرك ليه راااسو باش يمشي معها ويساعدها ديك ساعة طلع راكان وطلعات فجنبو ومشااااو طريق كلها ولوجين تتبكي أو تتعاود ليه القصة أو راكان غير سااكت ومركز فطريق ودنيه معاها ...

إيليف قربات من سابين وتدوز يديها على شعرها وتتحاول تسكتها
إيليف : بنتي عجباااتك الغرفة ديالك جديدة شوفي شحال ديال الألعاب شريت ليك ومزال غدي نشري بزااااااف حتا تگولي برااكة *حلات لبلاكار* شوفي شحال ديال الحوايج شريت ليك أ أميرتي غدي أجيوك زوينين الا لبستيهم ابنتي أشنو بان ليك تجربيهم دبا نشوفهم عليك وحتا الغرفة الا معجباتكش فيها شحاجة انت غير گولها دبا نبدلها لبنتي ولي حليتي عليها فمك نحضرها غير متبقايش تبكي 
سابين *دفعاتها* اهءهءهء مبغيت وااالو منك اناااا بغيت باااااباااا ديني عند بابا ااااا
إيليف : سابين عفاك ابنتي مديريش بحال هكا هدااك مغديش يعطيك دكشي لي انا غدي نعطيه ليك هو اب مهمل لأخير درجة ومغديش تقدري تعيشي معااااه عيشة لي تستهليها ابنتي 
سابين *غوبشات* متكلميش على بابا بحال هكااااا ونت متتعرفيهش باش تحكمي عليه هو أب راااائع وماشي مهمل ودبا رجعيني عند بابا مبغيتش نبقاااا هنااااااا هءهءهء بغيت بابا بغيت بابا واش متتفهميش 
طلعات فوق ناموسية وتتنقز شوية بداات تضرب بأي حاجة جات قدامها وتتهز وتزف عليها بدوك الألعاب لي حاطة لها و إيليف واااقفة ومغطية وجها وتتحاول تكالميها من بعيد باش تحبس ولكن سابين مبقاتش بغات تسكت لها شافت حتا عيات وخرجات إيليف من الغرفة وسدات عليها بساروت ونزلات تتجري مع دروج طالع لها دم
إيليف: اوووف ا هارون بنتي مبغاتش تعيش معايا تتغوات بغات عصمان اش غدي ندير
هارون *هز راسو* واش بغيتيها بين ليلة ونهار تبغيك خصك تصبري عليا شوية حتا تولفك
إيليف: اووووف امتى غير يوصل هاد نهار لي بنتي تبغيني وحتا انا تبقا تبكي عليا بحالو
هارون *جرها وحطها فحجرو* غدي تولف عليك احياتي اهم حاجة هي بنتك رجعات ليك 
إيليف *قبلة* اااه انا فرحانة بزاف 
هارون *مستمتع بشفايفها* ونا هدشي لي بغيت غير تكوني فرحانة 
إيليف *فرحات * شكرااا احياتي لهلا يخطيك عليا ....

⁦✴️⁩وجهة أخرى⁦✴️⁩
دخل خليل الدار ديالو شعل ضو تتبان ليه طبلة عااامرة بشهيوات ديال فطور العروسة هكاك باقي دكشي كيف خلاوه دخل البيتو شعل ضو تيشوف دنيااا مقربلة فيه تتجيب ضيقة رماا عينو على البيت ديال لوجين بلاما يشعر لقا رجليه جراتوو ليه حل الباب وشعل ضو فيه حتا تيتفاجئ بديييك رويحة زكية لي تضرب منو حس براسو فجنة ماشي بيت عادي كل حاجة شادة بلاصتها دخل وسد الباب گعد جنب ناموسية وتيشوف جامع صغيور لي خالقة لوجين فبلاصة مكاملة فيها حتا جوج ديال الميترو حاطة فيها الصلاية والعباية مع تقاشر أو زيف ديال راااس مطوين أو محطوطين على واااحد رف أو بليصة خرى فيها غير مصاحيف القرآن الكريم من الكبير حتال صغير المصحف لي معمر خليل دخلو الدارو هاهي لوجين دخلاتو ليه حينت بكل بساطة عااايش فدنيا وناااسي الأخيرة مدهي فيها وغاااارق فشهوات والفتن ديالها ومعندوش الوقت باش اهز المصحف يقراااه ولا الوقت باش احط جبهتو الأرض ويصلي الصلاتو تجبد.فوق ناموسية وحط راسو على خدية لي كانت تضرب منها رويحة ديال لوجين ريحة طاهرة نقية ريحة تتخلي اي رااااجل إدوب منين اشمها حط يديه ورااا عنقو وسااارح فدااااك البيت تيحس براحة شوية بداااا داك ضمير نااااعس تيفيق بشوية بشوية أو تيأنب فيه حينت عارف راسو مقصر بزاااف فواجيباتو مع الله
حس بدنب كبير وهو غااارق فالمعاصي تيشوف حياتوو ضايعة كان خدام فطاعة العبد وناسي طاعة رب العباد تيشوف 35 سنة كلها مشات غير فضياع ماشي فطاعة رحمان جاه اول حاجة فراسو وهو إلا فهاد ساعة وصلات ساعة لي كلشي ناسيها وخدا مول الأمانة أمانتو باش غدي يلاقي الله ويلا سولو ..انت مؤمن بالله ومعتز بدين الإسلام غدي يقول اكيد ...مزيان علاش متتصليش .. حيت ( كنكمي ، كنشرب الخمر ° او كنزني او كنسمع موسيقى الخ ) يقول كنحس براسي منافق .. ✋🏻 لا ماشي منافق ..
هذا الشيء لا يمنعك من الصلاة ....ترك الصلاة من اعظم الذنوب ...كيفاش بغيتي الله يغفر ليك ويعفو عليك بداكشي لي تتدير وانت متتصلين .. ﴿يا أَيُّهَا الَّذينَ آمَنوا لا تَقرَبُوا الصَّلاةَ وَأَنتُم سُكارى حَتّى تَعلَموا ما تَقولونَ ...) 
يعني واخا تكون تتشرب غي مني تسحى صلي يا اخي واطلب العفو والمغفره وندم على ما فعلت ....قال تعالى (اتل ما أوحِيَ إِلَيكَ مِنَ الكِتابِ وَأَقِمِ الصَّلاةَ إِنَّ الصَّلاةَ تَنهى عَنِ الفَحشاءِ وَالمُنكَرِ وَلَذِكرُ اللَّهِ أَكبَرُ وَاللَّهُ يَعلَمُ ما تَصنَعونَ﴾ بتلك الصلاة سيغفر الله لك
واخيرا راه كل البشر يذنبون علاه هاداك لي كيصلي لا يذنب كل الناس تذنب لأن الكمال لله وحده والعصمة لنبيه صلى الله عليه وسلم ..
ولكن الي يصر على المعصيه هو الي في خطر قال تعالى ﴿وَالَّذينَ إِذا فَعَلوا فاحِشَةً أَو ظَلَموا أَنفُسَهُم ذَكَرُوا اللَّهَ فَاستَغفَروا لِذُنوبِهِم وَمَن يَغفِرُ الذُّنوبَ إِلَّا اللَّهُ وَلَم يُصِرّوا عَلى ما فَعَلوا وَهُم يَعلَمونَ﴾ ﴿أُولئِكَ جَزاؤُهُم مَغفِرَةٌ مِن رَبِّهِم وَجَنّاتٌ تَجري مِن تَحت أُولئِكَ جَزاؤُهُم مَغفِرَةٌ مِن رَبِّهِم وَجَنّاتٌ تَجري مِن تَحتِهَا الأَنهار﴾
صدق الله العظيم......
تيصوني تليفون ديالو بحال الا خرجو من داك صرااااع لي كان عايش فيه ناض مخنوق وعرقان وكولو تيرجف معرفش علاش وقع معاه هكاك اول مرة نفسو تأنبو بهاد شكل هز تليفون ديالو وخرج وسد الباب خدااا نفس عميقة عاااد شد الخط ...

خليل : الووو.........راكان : على عام اصحبي عاد تجاوب 
خليل : اش كاااااين مالك 
راكان : كاين وااحد مشكلة كبيرة وقعة مع مراتك اصحبي دوز فكها 
خليل : اش وااقع عاود ليا 
.....راكان بداااا تيعاود ليه كلشي .....
راكان : دبا انا بغيت ندخل ونت عارف راني موقف مكان كيف ندير سيد غدي اغرقوه الكلب ديال مدير موكل عليه ربعة محامين ديال شركة ديالو عااااد شهود بالي دخل تكرفص عليه سيد مشاااا فيها على اقل شي 6 سنين ولا سبعة هدي ميحيدهاش ليه طبيب مطبوعة دبا لوجين تتبكي ليا هناااا بغاتني نخرجو اش ندير *گال كلمة وحدة ليه وقطع *
لوجين: عفااااك دير شحاجة علاش واقف
راكان *دخل تليفون لجيبو* رااني هضرت مع خليل هاهو جاااي هو لي يقدر إساعدك انا حاليا موقف منقدر ندير والو ولكن خليل وخا موقف اقدر اساعدك وغير كوني هانيا غدي يخرج أن شاء الله
لوجين رجعات گعدات فبلاصتها ودموع منشفوش من عينيها تتشهق وعقلها غير مع البنت لي مكيناش بعد ربوع ساعة وصل خليل جااا عندو راااكان هضر معاه ودخلو بزوج و بقاااات هي برااا تتسنا فيهم إرجعو أو فمها فيه دعاااااء محبس 
إلهي عَظُمَ الْبَلاءُ، وَبَرِحَ الْخَفاءُ، وَانْكَشَفَ الْغِطاءُ، وَانْقَطَعَ الرَّجاءُ، وَأَنْتَ الْمُسْتَعانُ، وإِلَيْكَ الْمُشْتَكى، وَعَلَيْكَ الْمُعَوَّلُ فِي الشِّدَّةِ وَالرَّخاءِ.
شوية خرج عصمان كان غادي وتيهضر مع خليل لوجين غير شافتوو بلاما تشعر عنقاتو وضحكاااات حتا هو دوز يديه على راسها وتيطبطب عليها راكان شاف ديريكت فخليل لي كان وااقف مكاينة حتا شي ردت فعل منو 
لوجين : عصمان هءهءه ملقيتش سابين فدار
هاد الجملة خلات عصمان بلاكة ومخرج عينيه
عصمان *شدها من دراعها* كيفااااااش 
لوجين : هءهءه جيت الدار كيف گلتي ليا لقيت الباب محلول طلعات تنجري تنعيط بسميتها والو مكايناش خرجت تنقلب عليها فجناب دار لا تكون تتلعب ونا مشفتهاش والو تگول تشقات الأرض وبلعاتها 
عصمان مشاااا تيجري ولوجين تبعااااه 
راكان : فهمتي شحاجة اصحبي شكوون هدااا ومنين تتعرفو لوجين 
خليل : منعرف *مشااا وخلاه *
عصمان خدااا طاكسي ديريكت الدارو وحتاا لوجين شيرات على طاكسي تبعاتوو وصلو بزوج دقة وحدة غادي تيجري حتا وقف هز واحد اللعبة صغيرة من الأرض ديال سابين زير عليها بيديه ودخل تيجري الداخل وتيعيط عليها كيف موالف باش تنزل تتجري عيط ومنزلاتش بلا ما يشعر زردو دموع من عينيه دخلات لوجين تتحاول تهدن فيه بعدها وطلع اشوف الكاميرا هي لي غدي تجيب ليه تحقيق شعل البيسي وبقاااا تيشوف أو لوجين موراه حاطة يديها على فمها شوية تيشوفو وقفات طوموبيل قداااام الدار غير خرجات منها إيليف شرع عينيه على حدهم ونااض صاااعر لوجين رجعات اللور كانت خاايفة منو ضرب برجليه الكرسي بجهد حتا نقز وتيغوات لوجين حطات يديها على ودنيها وغمضات عينيها 
عصمان : هي هي الكلبة كانت حاس غدي تكون هي لي خداااتها إييييييييليف 
لوجين : شكون هدي اعصمان *صمت*
بقااا حااط يديه بزوج جناب البيسي ومفيكسي عينيه وتيشوف فحبيبتو الأولى وعشيقها شوية خرجات سابين غمض عينيه منين شاف بنتو أما لوجين خلاص غير شافتها حماتها بكااا حسات بحال الا راااه بنتها بقاو مركزين حتا تيشوف اللقطة فاش هزها هارون بزز منها وخشاها فطوموبيل تما فين صعر عصمان خشاااا يديه فوااحد المراياااا وتيضرب راااسو مع الحيط جهل لوجين تخلعات منو تتحاول تشدو دفعها بجهد حتا جات مرمية فالأض تگول دخل فيها تران ماشي بنادم بقا هكاك تيصوت وشاااااد راسو بيديه بزوج أو تيحاول يلقااا شي طريقة لي يوصل بها البنتو....لوجين تتشوف فيديه تتنزف بزاف جاب علبة الإسعافات وجات قدامو غير شدات يديه قفز خلعها شافت فيه شوفة ديال ترااجي عطاها يديه بدات تتنقي ليه زاااج وبدات تتعقم ليه ومرة مرة تتشوف فيه لا اكون تيتألم ساع والو عقلو كامل غير مع بنتو بقات هكاك تتعالج ليه دوك الجروح لي فيديه أو حطات ليه الفاصمة على يديه كلها غير كملات جبد يديه عندو وقف يلاه غدي شداتو 
لوجين : فين غااااادي
عصمان *بصوت مبحوح* نجيب بنتي 
يلاه غادية معاااه وقفها بيديه وخرج بقات تتشوف فيه لوجين من الفوق حتا طلع فوق الموتور ومشاااا مكسيري ..

لوجين بقات تتجمع ديك روينة لي دار فداك البيت شوية دخلات البيت سابين غير دخلات ليه طاح عليها ضيم تفكرتها و مشات السرير ديالها هزات الخدية ديالها وتتشم ريحتها وتتزيد تبكي حطااات راسها على المخدة وعقلها غير معها بقات هكاك تتسنا فعصمان إجي حتا مشاااات بها عينيها ونعسات....

⁦✴️⁩وجهة أخرى⁦✴️⁩
راكان : شفتك خليتي مراتك تبع رجل غريب واش مغديش تحرك ودير شحاجة هدي رااه بسالة خايبة
خليل *تيكمي* لا مغدي ندير والو كل حر فراسو ونا قررت مغديش مزال ندخل فحياة حتا واحدة فيهم مزال 
راكان : يعني تتأكد ليا بالي لوجين متتعنيكش 
خليل *ناض* منستهلهاش ا راكان منستهلش ديك الإنسانة وحسن نعطيها براتها ونخليها تكمل حياتها مع شخص لي غدي يحترمها أو يبغيها ويخاف عليها فهاد دنيا كاينة غير فرصة وحدة ويلا مقدرتيش تستغلها صافي تضيع من يديك ونا كانت لوجين بين يدي وضيعتها بهاد الأنانية ديالي جرحتها أو محترمتهاش ودعست على كرامتها 
راكان : راااك غالط بنادم تيغلط ونت عارف غلاطك علاش متعطيش فرصة خرى الهاد زواج هي باينة تتبغيك حاول تعطي راسك فرصة معها 
خليل *دعس على گارو برجليه * هههه ضحكتيني شكون لي گاليك تتبغيني واش انت مريض 
راكان : راااك انت لي مريض وسيدة باينة تتبغيك خدم عقلك شوية رآه باينة العمى اصحبي ونا وياااك باش ماااا بغيتي حتا لوجين تتحس بشحاجة من جهتك هههه 
خليل بحال الا صرفقو تفكر داك ديكور لي وقع بينهم فالكوزينة وكيفاش كانت تتشوف فيه دوز يديه على. راسو بتوتر تيحاول يستبعد هاد فكرة من راسو بالي لوجين تتبغيه 
راكان : انا غير گلت ليك ونت ضبر راااسك المهم هاني مشيت 
خرج راكان وخلا خليل تالف دخل ليه شك فراسو مشا رجع البيت لوجين أو نعس فبلاصتها حط يديه تحت المخدة حتا تتبان ليه شحاجة جرها لقاا تصويرة ديالو دغية هزها وبقااا تيشوف مصدوم وهضرة راكان رجعات تلعب براسو .....حتا نعس
🌞'|✿ •أصبح~الصبح~والملك~الله• ✿|'🌞
فاااقت لوجين على منبه ديال تليفون تيفيقها الصلاة الفجر ناضت مفزوعة مع كان بالها مع سابين مشات تتجري تتقلب على عصمان دخلات البيتو بلا ستأدان وقفات لوهلة وفتحات عينيها على مصرعهما من هول المنضر كان ناعس على كرشو أو عريااان من الفوق شاد نص فناموسية أو دوك العضلات المفتولة غير تحرك دغية قفزات خرجات تتجري وسدات الباب كان عند بالها سابين غدي تكون رجعات معاه تنهداات .. 
⁦✴️⁩مكان آخر ⁦✴️⁩

---: الأنسة أريج تفضلي غير واحد دقيقة غتجي الدكتورة تفحصك 
بالفعل ناضت أريج وهي مزيرة على يديها كان باين من على وجها تعب وتوتر بعد مدة دخلات الطبيبة و الممرضة كتشرحلها حالتها و كيفحصوها يعرفوا مالها .. حتى عرات لها كرشها و حطات لها جيل على كرشها
سكتات متبعة الألة لي كدوز على كرشها و كتنزل شوية لمقدمة رحمها .. كانت أريج متبعة فالشاشة لي حداها حتى ابتاسمات و قالت 
الدكتورة : كيفما توقعت تماما مبروك ! راك حاملة ( أشارت بيديها فالشاشة ) ها الجنين .. شفتي هاذ النقيطة الصغييورة هو هذاك 
أريج :( شدات فمها بدهشة و عينيها تغرغروا بفرحة ) حاااااااملة ؟
الدكتورة:(ضحكات و هزات راسها بتاكيد ) ااه حااملة فالأسابيع لولة ديالك ..
أريج:( عنقاتها بلا ما تحس و عينيها كيبريوا بالدموع دالفرحة ) شكراا بزاااف الدكتورة ههه الحمد لله ( مداتلها بابيي باش تمسح كرشها )
مسحات كرشها و جلسات مقادة حاطة يديها على كرشهاا كتحركها و سااكتة بحال كتحاول تستوعب خبر حملها ..

مروى: (بصوت منخافض) مشيتي عند الطبيبة
- أريج : اه
-مروى: إوا شنو قالت ليك اش عندك
- آريج: (هدرات فودن مروى بابتسامة) حاملة
- مروى: (غوتات بلا متشعر) أوو لا (وقفات و عنقاتها و اريج غير مصدومة) مبرووك حبيبتيي شفتي هاد البيبي هو لي غدي يرجع ليك خليل هو مستحيل يتخلا عليكم
أريج *تدوز يديها على كرشها* واااش بصح امروى خليل غدي يبغيه 
مروى: اكيد غدي يبغيه واش كاين شي راجل فهاد دنيا متيبغيش اكون عندو شي وليدات 
أريج: ولكن راااه خليل كان راافض اصحبتي فكرة ديال لولاد وحنا مزال ممزوجينش 
مروى: يرفض ولا يبغي مبقاش شغلنا دبا هداا ولدكم بزوجكم ماشي غير ولدك دبا خاص خليل يعرف سيري عندو گولها ليه بعد وشوفي أشنو غدي إگول اصحبتي....
⁦✴️⁩مكان آخر ⁦✴️⁩
لوجين مخشية فالكوزينة تتوجد الفطور أو عصمان كاين فدوش شوية تتسمع دقااان فالباب بدااات تتعيط ليه باااش احل الباب مكاينش لين الحس حطات دكشي لي فيديها ومشات تتجري غير حلات الباب طااارت عليها سابين فرحانة هزاتها لوجين وتدور بها 
لوجين : الحمد لله رجعتي ا سابين متصوريش شحال كنااا خااايفين عليك 
إيليف: سلام *لوجين مصدومة*
لوجين : و عليكم سلام 
سابين طلعات تتجري العند باها وبقات لوجين مع إيليف لي كانت واقفة وتتشوف فيها
إيليف *مربعة يديها* اممم انت هي لبنت لي محمقة بنتي تتكلم عليك بزاف عزيزة عليها
لوجين : اااه حتا انا عزيزة عليا ولكن أنا فراسي ماماها ماااات شحال هدا
إيليف *بالغواااات * وهدي لي واااقفة قدااامك أش تكووووون متكونيش حماااارة هزات يديها يلاه غدي تضربها حتا تتسمع صوووت لي زعزعها وخلاها تيلوم فبلاصتها نزل تيجري عصمان 
عصمان : لوجين طلعي خليك مع سابين أو عندك تخليها تنزل 
لوجين حركات رااسها وطلعات تتجري عرفات القضية حامضة 
إيليف : بنا حق تتگول البنتي بالي انا ميتا ا عصمان بنااااا حق 
عصمان : حينت انت فالأصل وحدة ميتاااااا أخييير مرة *اشااار بصبعو * أخييييير مرة تقربي من بنتي حينت الا رجعتي حطيتي يديك عليها غدي نفيك 
إيليف : حتااا اناااا بنتي ومعندكش الحق تحرمني منها ا عصمان معندكش 
عصمان تيدوز يديه على لحيتو بعصبية شاد راااسو عليها غير بزز زير على سنيه وقرب منها رجعاات باللور 
عصمان *بالغوات* وااااش تضحكي على رااااااسك انا بنت هدي عندك واااش هديك لي تخليتي عليها فلأسابيع الأولى لها ولا شي بنت خرى انا معرفهاش سيري من هناااا قبل ما ندير فموك شي جريمة سييييييري
*دفعها مع الباب بجهد حتا تكورات وسد الباب وخلاها تتغوات وتضرب فالباب وتتهددو بالي غدي تابعو قضائيا وتاخود البنت منو خلاها وطلع غير دخل طاارت عليه بنتو تتبوس وتعنق أو حتا هو كان مزير عليها بين يدو تيشم فشعرها ويبوس فوجها كاامل عنقها بجهد مكرهش يخشيها فالداخل ديالو ويسد عليها باش حتا واحد ما إقرب لها 
سابين : اااي بابا راااك قصحتيني هههه
عصمان : ههه سمح ليا ابنتي ولكن راااه كانت مخلوع عليك 
سابين : متخافش عليا ابابا خالتي إيليف إنسانة ضريفة كانت تتعملني بحال بنتها حينت گالت ليا كانت عندها بنت تتشبه ليا دكشي باش خطفاتني ولكن أنا گلت لها بالي بغيت نبقا معاك ابابا ومع خالتي لوجين وبكيت بزاف دكشي باش رجعاتني ولكن وعدتها ابابا باش نبقا ديما نزورها أو منخليهاش تبكي على بنتها 
عصمان *وقف* سابين صافي نسااي هدشي لي وقع دبا بدلي هاد الحوايج ونزلي باش نفطرو غدي اكون فيك الموت جوع يااااك
سابين : ااااه ابابا من الفرحة مقدرتش ناااكول والو عند خالتي إيليف
عصمان : انا دبا غدي نزل نوجد لبنتي فطورها
لوجين : راااه تنوجد فيه ا عصمان انت غير بقا مع بنتك غدي تكون موحشها انا غير يوجد نعيط لكم تنزلو 
عصمان : وخاااا شكراااا 
رجع البنتو تينبش فيها وهي تتضحك بجهد وتغوات كانو بزوجهم فرحانين ...

لوجين تتوجد فالفطور وتتسمع ضحكهم كانت فرحانة حينت شمل ديالهم تجمع شوية تيصوني تليفون ديالها شااافت شكون لي تيتصل لقات نمرة ديال خليل تصدمات 
لوجين : نعاااام خليل : سلام لوجين ممكن نشوفك دبااا عندي شحاجة خصني نگولها ليك ضروري متعلقة بزواجنا غدي نتسناك متعطليش
قطع وخلاها مبلوكية مخلا لها حتا فرصة تقبل ولا ترفض تنهدات تنهيدة طويلة شوية تتشم ريحة لحراق دغية طفات البوطة وبدات تتحط الفطور فوق الطبلة غير كملات عيطات عليهم نزل عصمان هاز سابين على كثافو
عصمان : جلسي تفطري معنا فين غادية
لوجين : انا غدي نمشي عندي شي حاجة مهمة خصني نقضيها غير بصحة
عصمان : غير فطري بعد ونا غدي نوصلك فين ما بغيتي ألوجين 
لوجين : لا بلاش غير جلس تفطر 
سابين : واش صافي غدي تمشي مغديش مزال ترجعي عندنا 
لوجين *بوسة* اممم الله شحال منقدرش نشبع منك اناااا غدي نرجع *غمزاتها* 
خرجات لوجين تتزرب من حضها لقات طاكسي فوجها دغية طلعات ومشااات ديريكت الدار عند خليل ...
كان خليل گاااعد.وحط البيسي قدامو أو فيديه الگارو تيكمي أو تيشرب القهوة قاسحة ديال كل صباااح شوية تيسمع دقان دغية طفااا الگارو برجليه وناض حل الباب لقا لوجين فوجهو 
خليل : دخلي .. ..ألوجين 
لوجين : خنزرات فيه ودخلات..فاش بغيتي نهضرو من أحسن دخول فصلب الموضوع 
تيشوف فداااك تغير لي ولات فيه لوجين لي هو سباب فيه أو حاجة عادية تعاملو هكا من بعد ما جرحها ودعس على كرامتها 
خليل : واش غدي تبقاي واقفة ألوجين على اقل غير جلسي غدي نمشي نجيب ليك شحاجة تشربيها 
لوجين *بالغوات* مجيتش نضااايف انا هنا جيت نسمع دوك جوج كلمات لي بغيتي تگول ليا ونمشي فحالاتي 
خليل : امممم على مبان ليا راكي زربانة *شاف فيها* اوا حسن بلاما نعطلك بغيت غير نگوليك جوج كلمات جوج وبغيتك تجاوبيني ألوجين ونتي تتشوفي فعينيا لوجين دغية بعدات عينيها من عينيه مزال حتا مهضر 
خليل : لوجين ..وااش تتبغيني ..
*صمت* هضري ألوجين عفااااك واش تتحسي بشحاجة من جهتي 
لوجين *بلعات ريقها* لاااا اش تتخربق انا متنحس بوالو من جيهتك 
خليل تيشوف فيها مزال مفيكسي عينيه فعينيها جرها بجهد حتاااا تردخات مع صدروو
لوجين تتحاول تبعد عليه على قبال يديه خايفة تقصحو فيها ولكن هو گاع ممسوق تيشوف فعينيها تيتأكد من احساسو 
خليل *بالغوات* تتگولي متتحسي بوالي اوا هاااد تصويرة أشنو كاانت تدير عندك 
لوجين بحال الا تخوة عليها ما بارد تبلوكات هدشي لي خلاه يتأكد بالي فعلا هي تتبغيه وكلام راكان طلع صحيح
زاد تقرب منها وبدا كيستنشق ريحتها لي مدوباه حط قبلة على عنقها حتى قفزاات حساات بتبووريشة بقا طاالع مع فمها كيبوس كيبوس حتى وصل الفمها وهو يخشي ففمو كيبوس ويعض محاسش براسو شنو كايدير بقا هكاك وهو يتكيها على الحيط وهو مزال كيبوس ومغمض عينيه وكيدوز يدو على ضهرها وهي غير كترعد وكتلعن رااسها الف مرة على هاد الإستسلام ليه بقا كيبوس فحناكها ففمها ونزل تااني لعنقها حيد زيف لي على راسها وطلق شعرها جمعو فيديه وجرها جرا خفيفة بااش يلقا فين يبوس كان غااايب مكاانش فالعالم ديالو كان فعالم اخر لي كان ديالو وديالها ماابغاااش يحل عنيه ماابغاااش يبعد فمو عليها حس بغواتها ودموعها ماالحين فمو
لوجين : لا لاا لاا عفااك لااا 
سمع هااد الكلمات وهو يفيق على شنو كيدير دغيا بعد عليها وهو كيدوز يدي على شعرو ورجع الحيتو كيدوز يدو بتوتر 
هي غير طلق منها مشات كااتجري جهة البيت سدات عليها من الداخل أو دخلات الحمام طلقات المااا وتتغسل فمها تتحس بمعدتها تتلعي اول مرة تجرب شحاجة بحال هكااا
خليل وااقف مورااا الباب يلاه غدي ادق عليها حتا تيسمع شواحد تيدق فاالباب خلا لوجين ومشااا إشوف شكون ...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.