هوس شرشبيل الجزء الخامس

حطو وتاجه لوطو ديالو مشا لكوفر كيقلب على شي حاجة..على كل حال من الأكيد انه مغيخليهش يموت بسهولة..بعد شي دقيقة من التقلاب لقا اش بغا هزو..مشا باتجاهو بخطوات ثقال وصل عندو هبط لمستواه وربط ليه رجليه مع بعضهم بلبدية ديال الحبل..

رجاء غير بسيف كتحرك راسها لمحطوط على ركابيها تتشوف اش كيدير وهي مفاهمة والو يكفي انها تشوفو كينتاقم ليها وصافي..كيبان ليها زياد هز لبقية ديال لحبل ولاحها فوق واحد لغصن غليض خارح من ديك الشجرة..

جاد غير كيبكي ويطلب بكلمات غير مفهومة وممفرزاش بسبب فموو عااامر دم وسنانو طايحين ونيفو مهرس لاموشوار ديالو مزعزع صعيب عليه يهضر عادي فجأة كيتهز من الأرض إثر حركة زياد لهو التالي كيف رمى ديك البقية ديال الحبل مشا من جيهة لخرة وشدها بيدي وبدا كيجرها لعندو بكل قوتو كيجر بكلل قوتو وعصبيتو وهو كيشوف فرجاء كان حاقد عليها ولكن شوفتو ليها وهي فديك الحالة ألماتو شنشطاتو من الداخل وهي بدورها تتشوف فيه بعينيها الدامعين التعبانييين..

غير كتشوف فيه وصافي رسمات شبه ابتسامة على شفايفها وهي غارقة فشوفتو..كتشوف فيه كيرجع ليها حقها قدام عينيها بحالا كيزرع فيها قوة كترجع تحيا كتنسى جروحها..جاد كيتهز ببطء ببطء على الأرض كان متأكد انها هادي آخرتو كيبكي على حالو..رجولتو مشات😏 للحضة ولا جاد رجليه لفوق وراسو لتحت وهو مهزوز كليا عن الأرض..

زياد شد لحبل ليبين ايديه ومدو لشجرة خرى وربطو مع الساق لتحتاني ديالها وجا قدام جاد بنفس عميق ونضرة تاقبة دفل ليه على وجهو بصوت رجولي قاصح

_زياد :معنديش الوقت لزامل بوك اما نخلي ديلمك تمنى تشم ريحة الموت وتسلم على عزرائيل ومتلقاهش..

_جاد(كيبكي بحال لوليات وهضرتو شبه مفهومة):عفاااك الله ير م لو ال اهيء اهيء هان..

مخلاهش يكمل هضرتو جبد بريكة من جيبو بخفة منتاضرش يخرج حتى آهتو لأخيرة شعل فيه العافية من راسو شعلات ليه فراسو كتافات رجاء بشهقة خرجتها وهزات راسها تشوف..شهقة لنفسها تكرات في بلاصة خرى غير هي مع نفس مختالفة ولكن قريبة ..

كانت متكية فزعلولتهم المعتادة فالجردة كتنتاضر مجيء عشيرتها كانت خايفة عليها ولكن سرعان مداتها عينها لعالم النوم اصلا النعاس هو الوحيد لكيغلب الصغير وكبير الملاك والشيطان والدلال والسلطان..عرقها كيتصبب كابوس بشع متسسل جفونها كتشوف صحبتها گالسة وسط ضلمة كتبكي بصيص ضوء ليكاين كانت وسط بركة من الدم وصوتها البريء كيبورش... 

اسماء كتجري عند اوس وملامح الخوف مرسومين على وجهها بقات ليها البكية شوي وطلقها هو هبط من لوطو كان برد شوي من بعد داكشي ليوقع ولكن منساهش معجبوش الحال كيفاش هضرات معاه ولكن كيف شافها فديك الحالة نسا دنيا ومافيها..

_أسماء(بثوثر):أوس.. أوس

_أوس(معرف باش):مالك مالك واش نتي لاباس أسماء علاش نتي فهاد الحالة

_أسماء(شدات ليه من لكول ديال لقاميجة وهي كترعد من الخوف):رجاء..أ أوس رجاء(كتنهج) 

_أوس(شد ليها وجها بين يديه):رولاكس بعدا.. مال رجاء _أسماء(كتهضر وكتعض على شفايفها باش تحكم فبكيتها):واقعة ليها واقعة ليها شي حاجة رجاء واقعة ليها شي حاجة

_أوس(مفاهم والو ولكن رتاح نسبيا ملي عرف اسماء معندها تاموشكيل بعدا):اش واقع ليها غير تهدني اجي معايا

حيد ايدو من على وجهها وضورو على خصرها بغا يدخلها ولكن هي وقفاتو

_أسماء: اووس..انا كنگول لك رجاء واقعة ليها شي حاجة واش مكتفهمش..انا حاسة بيها هي واقعة ليها شي حاجة والله هي باقا مجاتش لدار عفاك لقاها شوف فين هي عفاااك😥 

كيشوف كيفاش كتهضر وهي كترد شعرها ورا ودنها مصدعها مع ريح والدمعة فطرف عينها

_اوس:ششش صافي صافي انا غنشوف غير تهدني راك مريضة..(خدا تيليفونو وعيط لعمي دريس)..دابا تكون عندي هنا انا في الجردة..

تقطع الإتصال..عمي دريس جاي كيجري مخاصو مشاكيل 

_عمي دريس:هانا أسيدي

_أوس:رجاء رجعات معاك 

_عمي دريس:اسيدي كنا جايين لدار حتى عيط ليها شي حد واااقلة على معقلت اسيدي سميتو جاد وحتى گالت ليا قلب الدورة لواحد لملهى أسيدي سميتو ملهى السعادة وگالت ليا غاسير انا انجي فطاكسي ولكن.. 

_أوس(بنفاذ الصبر):هدررر😠 

_عمي دريس:ولكن اسيدي مكانتش مرتاحة ملي بغات تهبط معرت علاش

_أسماء(غاامزادت خافت..شدات ايد أوس):انا متأكدة هي واقعة ليها شي حاجة..اهيء اهيء هي هي واقعة فشي موصيبة والله😰 

_أوس(كرز ليها على إيدها..كلامو موجه للسائق):تقدر تمشي(تلافت عندها)شش مكاين والو متخافيش أحياتي(عنقها عندو)شش انا غنجيبها ولا أداها شي حد غير براس برة نحيه من دنيا

_أسماء(هزات راسها فيه):عفاك متخليش يوقع ليها شي حاجة خايبة هي ضريفة اهيء والله هي مقوياش بزاف عفاك أ أوس جيبها 

_أوس(تنهد..عاود جبد تيل ديالو ودوز لابيل وأسماء فحضنو):زياد سمع مزيان أش غنگول لك وبلا كثرت الهضرة..رجاء غا 

_زياد(قاطعو):هي معايا متخافش عليها شوي ونكونو عندكم _أوس:قسما بالله ونعرفك درتي ليها شي حاجة تا.. _زياد(قاطعو):اه مكنحملش دزاير ولكن تانا عندي ختي..صافي راه شوية انكونو عندكم

كان كيهدر بجدية على غير العادة اصلا ماشي وقت الضحك دابا..قطع معاه الاتصال

_اسماء(بلهفة):فين فين هيا

_أوس(دار ايدو على كتفها):متخافيش هاهي شوية وتكون فدار 

_أسماء: واش هي بيخير 

_أوس:تجي ونعرفو صافي رتاحي دابا(دخلها لقصر لداخل) 

***من بعد مشعل فيه العافية فراسو وبقا كيتسناها تشد فيه..جاه اتصال من عند أوس ليحضرتو ليه. المهم معلينا بانت ليه العافية بحالا مشاداش مزيان رجع لوطو ديالو وهز واحد لبيدوزة صغيرة ديال لمازوط وداها رشها عليه هو كيرش والعافية كتهيج كثر وجاد كيتحرق ويغووووت ولكن واخا يوقع لي وقع مغيجربش شوي من ألام بنت كانت غتغتاصب فحياتها وشرفها..هاكا خدا ليها حقها منو خلاه كيتشوط حتى صوتو وقف عرفو مات تلافت عندها كيشوف فعينيها الزرقين انعكاس العافية كتشوف وهي خايفة مزال خايفة مناش الله وعلم يمكن من هاد التجربة المؤلمة قرب ليها وحيد لافيست ديالو ودارها ليها على كتافها وهو هابط على ركابيه لمستواها... 

هبط على ركابيه لمستواها..شافتو وهي تحدر راسها مبقا عندها فين تهزو كون غابقات تما ميوقع والو كون غير خرجات فاش شافتو مع هاديك القحبة كون دابا ناعسة فبيتها واخا غتكون مهمومة ولكن غيكون افضل من هادشي لوقع ليها دابا..

هز ليها راسها ودارو وسط ايديه..مقدراتش تحكم فدموعها كثر واخا عيات بدات كتبكي بقوة وبحرقة كتنخصص دموعها الحاريين والسخان كانو كيقيسو ايديه الضخمين بدا كيمسح ليها فدموعها بصباعو

_زياد(بصوت حنين):ششش صافي بلا بكا..صافي انا معاك دابا متخافيش 

_رجاء(كتنخصص):انا انا هو انا اهيء اهيء 

زياد ضمها ليه بقوة..معرفتش مقادرش يشوف دموعها..ضمها ليه بحال ختو ولا بنتو الصغيرة.. قلبو نبض نبض بحال دقات الساعة اول مرررة كيحس هاد الاحساس بحالا شي حاجة ختارقات داك القلب القاصح بحال شي سيف دخل ليه وخلاه يرجع يخدم من بعد مدة طويلة ايدو بدات كترجف كيحاول يتحكم فراسو ولكن هاد المرة على غير العادة..مقدرش صافي ضعاف كانت قوى كبر منو..قوى سميتها الحب كبر مني وكبر منك..كيطبطب ليها على ضهرها باش تسكت من البكا..كيحس بارتجاف جسمها العاري الصغير فحضنو..تبورش..اما هي غير مجهشات فبكاها..باس ليها على راسها بقوة

_زياد: وصافي براكة من لبكا..شش صافي مغيقدر يأديك حتى حد دابا..ششش باراكة 

_رجاء(صوتها كيتقطع بسبب الشهقات):هو هو ضربني اهيء اهيء هو كان كان غيتعدى عليا أزياد اهيء كان..كان غياخد مني كلشي اهيء.. اشنو اشنو دنبي لكنت يتيمة وضعيفة ومعندي حد..عرفتي عرفتي اشنو كون كان بابا حي مكنتش نكون انا هنا..تانا كنت غنكون ناعسة فبيتي اهيء اهيء اش دنبي لامات هو اش دنبي لاتزوجت ماما وهي ضعيفة..علاش كل مرة كيأديني لكل..علاش كيخليني الكل نبكي.. اهيء اهيء

كتهدر وهي محاساش على راسها غير كتخرج داكشي للداخل ديالها وهو تاهو كيسمع كل كلمة وكيتحرق على اش كان كيدير ليها شفق عليها بزاااف عمرو ضن ان حالها صعب من حالتو ومع دلك كضحك اشمن ضعف كتهدر عليه بالعكس هادي قوة

_رجاء:.اهيء اهيء ولا عرفتي اشنو اهيء اشنو دنبي انا لكنت كنبغ.. 

كيتسناها تكمل هضرتها وهو على نار حارقة..كيتسنا والو كيحاول يشوفها كيلقا راسها مرخي على كتفو بمعنى سخفات والقدر لمرة خرى حكم قدرو ولعب فيه..تنهد وهو كلو شوق يعرف اش كانت باغا تگول ليه...

هزها بين ايديه وناض وهو كيحاول ماااأمكن ميشوفش جسمها العاري بحكم كيف هزها لافيست ولات مضرگة غاضهرها ليفيدو اما الأمام ديالها فكان كلو عاري حطها لور ديال لوطو ومشافش فجسمها.. تمكن من التحكم فغريزتو بصعوبة ودار ركب وديمارا ..لأقرب مستشفى ولكن قبل مشا لواحد لبوتيك ديال الحوايج وخدا منها جلابة ومشا عندها وگلس نص ساعة كيلبسها ليها.. ماشي معرفش ليها ولكن كان كيلبسها وهو مغمض عينيه..رجولتو متسمحش ليه يشوف بنت عارية بلا رضاها كانت يمكن تكون ختو في بلاصتها.. 

احح هنا كنهدر على رجولة بمعناها الحقيقي ماشي الزملة ولا داك العضو هو لكيصنع منك الراجل بلعكس كيصنع منك حيوان آدمي فقط..

من بعد ملبسها بصعوبة تاجه لمستشفى..نخليو في المستشفى ونمشيو للقصر عند أوس أسماء لي گالسة على الجمر..من خوفها على صحبتها كانو گالسين في الصالون الأول لي حدا لباب 

_أسماء(كتعزع فرجليها من ثوثر وتتعض فضفارها):ساط ياك گلتي ليا هاهي شويا وغتجي ياكما كتكدب عليا _أوس(تنهد):كيفاش هاد ساط دابا انا صحيبك 

_أسماء:شي يشكي من العگر شي يگول ليه اش خبار دراري واش فهمو ندادي وهو يگلع فوتادي گالگ مگدو فيل زادوه فيلة واش.. 

_أوس(قاطعها):غااسكتي وهنينا 

_أسماء(خنزرات فيه):واش انا فلبنت معرفناها حية معرفناها ميتة ونا هاضر..ناااري أ أوس يكونو قتلوها..برب تندير تندمكم _أوس:راه معاها زياد معندك مناش تخافي غاتهدني _أسماء:ايهاااااي ولا مخفت عليها من داك زوفري من شكون نخاف عليها..شوف راه مكنضحكش راه والله وتوقع ليها شي حاجة تاندمكم واحد بواحد هي ليبقات عندي منقدرش نسمح فيها من بعد مكلشي مشا وهي ليلقيتها..عفاك خليها غاتجي واللهما نبقا نصدعها صافي نولي نطيب راسي والله منقولبها صافي اهيء خليها تجي 

تتهدر بحال شي بنت صغيرة ودموعها اصلا كانو على سبة وهو غير كيشوف فيها وفخركاتها الطفوليين لكيحرقوه كيزعزعو ليه المشاعر كيخربقو ليه الأحاسيس

_أسماء :غتجيبها ياك

هبطات شفايفها ودموعها دايزين..ضمها ليه بقوة

_اوس:ششش صافي كنواعدك غتجي غير متبكيش راك كتعدبيني انا 

_أسماء:ولكن..

حتى كتلمحهم داخلين كان شداها من كتفها باش مقادراش تزيد وهي متكية عليه ناضت كتجري اسماء لعندهم وتا أوس ناض وهو مفاهم والو... 

تا أوس ناض وهو مفاهم والو..اسماء كتشوف فيها وكدور ليها في وجهها وعينيها عامرين دموع وقلبها نبضاتو كيتزادو..اما رجاء غير حادرة راسها ودموعها حجر..

أوس ضرب واااحد تخنزيرة فزياد ليبدورو فهمو اش كيعني بيها وحرك راسو بلا وهو عاض على شفايفو بمعنى ماشي هو ليدار ليها هاد الحالة والحصرة ديالو عليها..أما لالاهم أسماء مضارت غاعند زياد مخنزرة

_أسماء :اش درتي ليها نتا اااااه دابا نتا راجل نتا راجل هاز ايدك على بنت(كتغوت)إوا الله ينعل ديلمها رجلة فك

..زياد هز عينيه مخنزر ورجاء كتبغي غير تحل فمها باش تسكتها ولكن اسماء غواتها مالي المكان..كتهدر بلغوات وعينيها حمرين

_أسماء: كيفاش اه كيفاش تحط تيدك عليها أشماتة _أوس(من تحت سنانو..شدها من دراعها):أسمااااء😠 _أسماء(تنترات منو بقوة..تلافتت ليه):مكاين لا أسماء لا خرية..ياكما گلتو هادو جوج وليات نديرو فيهم مابغينا راه برب تاندمكم تاعلاش عرفتونا وندوزوها ساعة في الجحيم

..رجاء غير مهبطة راسها تتبكي..اما أوس فعرفها معصبة بلبيان داكشي علاش قرر هو يبرد حسن لاتركب العافية فدار 

_زياد(طلق من رجاء):حسن ليا نمشي 

_أسماء(مخلاتوش حتى يتلافت شداتو):هييه كيفاش نمشي ولكن هادو هوما فعايل الشمايت 

_زياد(عينيه كينفثو النار):خليني محتارمك حسن لك _أسماء:اهاه ولا محتارمتنيش اش غدير گاع نتا حيد تاسروالك..المخير فحميرك سرجو 

_أوس(كارز على سنانو):أسماااء طلعيي

_رجاء(شدتها من ايدها):اهيء اهيء يالله عفاك أأسماء يالله نطلعو 

_أسماء(شافت دموعها الحارين وشفايفها المفلحين وآثار التراب على وجهها..كرزت ليها على ايدها):كتبكي على قبل هاد الزامل دابا هدا هو ليبكاك..اوا الله ينعل زغبة لخرة فجدر شجرة طاسيلت مو في سبيل الشعب...

رجاء خرجات عينيها بقوة اما زياد كيف سمع مو ليعمر شي حد قدر يسبها الى يومنا هدا مقدرش مزال يتحكم فراسو مكيحس براسو غير هاز ايدو باغي يصرفقها..تاشيد كتشد ايدو بعنف وبصوت رجووولي

_أؤس:زياااااد😡

_زياد(نثر من وهبط ايدو ساعر):واش باغيني نبقا نسمع ليها 

أوس تنهد..وعاود شد اسماء من دراعها وجرها ليه بقوة تاضربت فصدرو..كيهدر ساعر وكيورك على مخارج الحروف

_أوس:غطلعي فحالك دابا وتزيدي كلمة وحدة غنهرس لديلمك فمك هنا 

_أسماء(يالله حلت فمها باش تجاوبو):وا..

أوس قاطعها بواحد النبرة واحد الصرخة زعزعات الكل تامن لحيوط..غوت

أوس:گلت للللك طلعيييي😡 

تاقفزت هي ورجاء هاد الأخيرة ليشهقات من الخلعة..

_أسماء(تنترات منو وجرات رجاء زادت جوج خطوات وضارت عندهم كتحلف بالسبابة): قسما بالله مغندوز هادشي غير بلاتي..

طلعات وهي جارة رجاء لكانت كتمشي غاعلى رجل ولخرة كتعرج بيها بسبب الجرحة لليففخدها..داتها لبيتها وسدات الباب وگلستها فوق الناموسية ترتاح وبدون حتى كلمة تلاحت عليها بتعنيقة.. بداو يتباكاو بحال دراري صغار أسماء مع ليغيگل خاطرها حزين ورجاء ليداز عليها ليلة فيه الكفاية ولفوت..

_أسماء:اهيء اهيء بكي أختي بكي بكي..عندنا الله واحد وحدو الله ياخد فيهم الحق..

_رجاء(كتشهق):كون كون غامت وتهنيت..اهيء اهيء بغيت نتغطى تحت التراب مباغاش هاد لفراش كامل..بغيت تنعنق بابا اختي بغيت ريحتو..عييييت اهيء اهيء عيييت..

_أسماء:شش انا معاك لمن تانتي غتخليني راه كاينة شي حاجة سميتها قدر اختي صافي اهيء😭..

_رجاء:عفاك لاشفتي هاد القدر گول ليه براكة ميلعب بينا..راه عييت أ أسماء عييت منكون تحت رجلين ناس😭 اهيء اهيء..واش حتى أمنية الموت مغتحققش واش انا خايبة اختي واش ممزياناش..

_أسماء:اهيء لا لا نتي احسن وحدة..ولكن غلطتي فحاجة وحدة هي أنك بغيتي هاد الزامل

_رجاء(خرجات راسها وشافت فيها بدموعها وخنونتها):لا لا ماشي هو أختي لي دار ليا هاد الحالة

_أسماء(خرجات عينيها):كيييفاش😦 

_رجاء:دابا انا انا فاش كنت جايا لدار..

نخليوها تعاود ليهم ونهبطو عند أوس وزياد هاد الأخير ليعاود لصاحبو كللشي..وأوس مع كل كلمة زاد جعر بسيف وهو كيعتابر رجاء فمقام ختو 

_أوس(جمع ايدو على شكل قبضة):زامل..كون طاح فيدي نخليه يتمنى الموت(حط ايدو على كتف زياد)شكرا مخليتيهاش..ومديش على اسماء راها مريضة هاد النهار _زياد(تنهد وحرك راسو بآه):ماشي مشكل..يالله تهلا دابا تالغدا

خرج بحالو وصورة رجاء وجسمها العاري البارد مكتفارقوش مكانش باغيه يخليه يموت ولكن معندوش لوقت والصبر..وآخر كلمة كانت باغا تگول ركبت ليه الوسواس دارت ليه الأرارة..زاد فسرعة سيارتو كثر وكثر..أما أوس فقرر يمشي يطلع ينعس حسن ليه يخلي هاد نهار يكمل على خير..أما أسماء كتسمع وعينيها كيخرجو مع كل كلمة يلك حسات على راسها أش دارت خبطت جنابها

_أسماء: أويييلي أش درت انا😱

_رجاء(كتنخصص):اه هادشي ليوقع

_أسماء(عنقتها بقات فيها):صافي خدا حقو صافي نساي وإنشاء الله دابا غيكون كيتشوا على جميراتو أحبيبة دابا غتبقاي جنبي وانشاء الله هادشي ليوقع يكون فيه خير وينوضك ويخليك قوى من هاكا 

_رجاء(تنهدت وحدرت راسها):انشاء الله😩 

_أسماء:صافي اجي نعسو ونساو هاد ليلة مبقيت باغا نزيد فيها تادقيقة باغا غا إيمتا نبدلها بالغد ليه..اجي نعسو راها 1:30..

رجاء حركات راسها بإيجاب وتلاحو نعسو بحويجهم وهوما داخلين فبعظهم..وأسماء كتحك لرجاء راسها ليغمضات عينيها في انتظار النوم يتسلل لجفونها ويمسح أفكارها السوداء على هاد ليلة.. وهاكا دازت ليلة أبطالنا بأحداثها الشاقة.. أفراحها القليلة المقارنة بأحزانها وآهاتها ليتحفرو فيدفتر الماضي..هادي هي ليلتهم العذراء وهاكا القدر لعب بيهم ولكن اش غيدير هاد القدر غدا.. وكيفاش غيزيد يلعب بيهم ومن أحزان كتقوى علاقتهم..

أشرقت شمس قوية علنا على بداية يوم جديد من قصتنا..قصة لكيقلب تفاصيلها قدر خائن.. كيلعب فيها مع ابطالنا لعبة القط والفأر..كيف العادة فاقت هي لولة ولكن جسمها الضعيف مقدرش يخطو خطوة خارج السرير في التالي تنهدت ودارت وبقات متكية على ضهرها..نظرتها موجهة للسقف كتشوق في بلاصة وحدة..الفرااغ غير كتشوف فقط وعينيها مصغراهم بفعل التركيز..كتشوف فداك الفراغ سلسلة صور على ليلتها السوداء..لقطة بلقطة دازت قدامها..فجأة رمشت عينيها بفعل دمعة حااارة نزلات على خدها مسحاتها بكم جلابيتها..ياك قررات انها غتقوى بمعنى لا محال للدموع..ولكن باقا مقدراتش تقوى..نزل شلال ديال الدموع سخان على خدودها الحومر..عينيها الزورق تعماو من كثرث الدموع..كتحاول تكتم صوتها باش متفيقش أسماء..ولكن هاد الأخيرة حسات عليها وناضت بزربة وهي مغمضة عين وحالة لخرة بفعل الاشعة..تنهدات وعنقاتها وخلاتها تبكي على كتفها براحتها..

بعد مدة طلقات منها وشدات ليها وجهها بين ايديها 

_أسماء:تالإيمتا غتبقاي تبكي..صافي راه لبارح مشا شوفي ليوم..وهادي تعلمك على حاجة خرى..يالله اجي نوضي دوشي وحاولي تنساي.. ومعرفتي يكون فيها خير وداك تويمل ديالك يتزعط..ياك هو لعتقك ودار فيها باتمان صافي هاهي الخطوة لولة..دابا غنبداو نخطو ولكن غاابلعقل والتباث 

_رجاء(على نيتها وتاهي بغات تنسى):كيفاش

_أسماء(هازا حاجب ومنزلة لاخر):سولو السم باش تتقتل گاليهم بالتقالة..تقلي ووزني وتبعيني وخلي شيطان يستفاد😉 _رجاء(بابتسامة خفيفة وسط الحزن):واخا

_أسماء:ياللله نوضي نعاونك دوشي..

عاوناتها تنوض ودخلاتها للدوش..دوشات هي وياها وهي كضحك فيها باش تنسى واخا أسماء هي التالية قلبها محروق ولكن خاصها تعاونها تبدل وتخرج من قوقعتها وخوفها..لبسو بينوارات دوش وخرجاتها وهي متكية عليها.. جبدات ليها حويجها مي ماشي حويج الخدم وخدات لفوطة الصحية ليها 

_رجاء:لا هادو ماشي حويج الخدمة

_أسماء:مكاينة خدمة هاد السيمانة راك عيانة 

_رجاء:لا لا ماشي مشكل..أوس مغيعجبوش الحال

_أسماء:إوا لاكان راجل يهضر..هاكيييلي

_رجاء:هه نتي وليتي حاداهم للسيد

_ أسماء:وشتي تخراج العينين لاش زين وبقاي دمدومة..

عطاتها كولون گري بواحط ميني فونطخ لفوق گري سبورتيف بحال ليسوتيان لاصق ومبين فرقة لبزازل..وتا أسماء خدات من حويجها نفس اللبسة غاهي في لغوز بارد..ولبسو بانطوفات فيهم داك الزغب بزااف.. رجاء بلبيض وأسماء بلغوز 

_رجاء(شافت راسها فلمرايا):ويييلي معيقين

_أسماء:شش غاسكتي راحنا غافدار

_رجاء:راه لاشافك أوس غيصدق غااخارج فك

_أسماء:لا لبارح نقيت ليه ودنيه..معندو ميگول غاسكتي..

_رجاء( تنهدات وحدرات راسها) :واخا ألالة..

حتى فجأة انتابهات لسلسلتها مكايناش في عنقها..هاديك الدكرى عزييزة من واليديها ميمكنش ضيع ليها.. كانت عبارة عن سنسلة كتسد وفيها لداخل صورة مها وباها الله يرحمو.. مستحييل تخليها ضيع بدات كتقلب فلفراش بحال شي حمقة 

_أسماء: امالك أويلي..

رجاء غير كاقلب وتادور وهي تتعرج

_أسماء(شدتها):أوييلي وتي مالك 

_رجاء:سنسلتي سنسلتي..أسماء سنسلتي ضاعت(عينيها غرغرو)

_أسماء:صافي صافي غاتهدني غنلقاوها انا انقلب معاك

..مشات كتقلب في الدوش وفي الدار كاملة.. والو.. وتالخدامات عاونوها اما أوس بحكم ليوم الحد فكيصبح نااعس

_رجاء:اهيء اهيء..صافي سنسلتي مشات 

_أسماء:لا لا شش متبكيش غتكون طاحت لك في الغابة _رجاء(وقفات):اه اه انا غنمشي نقلب 

_أسماء(حطات ايدها على كتاف رجاء ووركات عليها باش تگلس):ريحي كيفاش غتمشي بهاد الحالة.. انا لغنمشي _رجاء:لا لا نتي مغتعرفيش

_أسماء:ياك غابة بوسوكورة انا غنمشي مع الشيفور..اصلا غنلقاو سيارة ديال داك المكبوت باقا تما..صافي انا غنمشي ونرجع ضغيا

_رجاء:ولكن أوس لافاق وملقاكش غيقلب الدار سفاها على علاها وغيندمنا

_أسماء:غنجي قبل ميفيق..يالله انا غنمشي

_رجاء: ولبسي علك شي حاجة بعدا 

_أسماء:تانتي شكون غيشوفني..

محدها لبسات غا كونفيرس ومشات كتجري عيطات لعمي دريس وركبات معاه فلوطو من بعد مشرحات ليه ومشاو لوجهتهم

في الطريق للغابة..🚘

عمي دريس غادي بسرعة بطلب من أسماء ليكالها الثوثر، خايفة أول حاجة لمتلقاش السنسلة وهي عارفة مكانتها عند رجاء وثاني حاجة زعما لا فاق أوس وملقاهاش صافي غتنوض روبالة.. ولكن هي مستبعدة هاد الإحتمال بحكم السرعة ليغادين فيها 

_أسماء(بثوثر كتحرك ايديها):شوف أعمي دريس هانتا راه فغابة بوسكورة گالت لك فواحد الخوية هانتا غادخل مع طريقها وبقا غادي نيييشان نلقاو طوموبيل

_عمي رديس(كيحرك راسو بآه):اه اه أبنتي راه عارف راك گلتيها ليا شي عشرة المرات

_أسماء(هبطات شنانفها لتحت):اش دير أعمي راه غاخليها عالله

تلافتت لزاج وهي كتشوف لغابة لي وصلو ليها..دخلو مع طريق مرسومة في أرضية الغابة بحكم كيمرو منها السيارات مافيهاش أشجار..دخلات منها لوطو وبقا غادي مسافة ماشي طويلة حتى وقف جنب سيارة آخرة في فسحة تما

_عمي دريس(تلافت عند اسماء):هنا أبنتي

غير مخرجة عينيها في الجثة لباقا معلقة على شجرة وكلها كحلة بسبب الحريق.. كتبان بحال شي عود محروق مدلي من الشجرة منظر كيجيب الغثيان..وعاد دم رجاء باقي فوق الكارطونة كرم وبقا تما..هادشي جاب ليها الصدمة مما يأكد أن زياد مكيرحمش وهدا غيير خدام مع أوس يعني لاخر أش غيكون كيدير هادشي زاد خوفها..

هي مكتلعبش مع ناس عاديين كتفكر كيفاش سبات زياد لبارح وكيفاش كتخرج عينيها في أوس ديما يعني هدا من فضل الله انها باقا حية..بقات كتشوف مشوكية لحمها بورش عليها..تاكيفقها من سهوتها عمي دريس ليحركها من كتفها

_عمي دريس:واابنتي هبطي دغيا مالك..

_أسماء:هاه اه اه..عمي دريس شتي شتي هاداك داك(كتشير بسبابة لجيهة الجثة)

اكتافا انه يحرك راسو بآه صافي هو مولف هادشي اصلا ماشي أول واحد يشوفو

_عمي دريس:يالله ابنتي باش متعطليش هبطي

_أسماء:واخا واخا..

هبطات بسرعة وهي كتحاول ما أمكن تبعد عينيها على الجثة..وكتقلب في الأرض وتا عمي دريس هبط يعاونها هزات لكارطونة غابزز مع عامرة دم متجرأتش عليها وقلبات تحتها وقلبات تما في النواحي مشات لسيارة ديال جاد وعمي دريس بقا كيقلب تما وفرتاتها وملقات وااالو..صافي ولات كتنهج من تقلاب عيات

_عمي دريس:راه مكاين والو أبنتي..غايالله نمشيو شوفي حالتك كيولات بتروبات والعرق غضربك الشمس غير يالله راه مكايناش

أسماء مباغا تمشي تاتلقاها متقدرش ترجع عندها بيديها خاويين

_أسماء :لا لا أعمي غازيد نعاودو نقلبو

_عمي دريس:راه أبنتي قلبنا شي ربعة المرات غتكون طايحة ليها في بلاصة خرى تالدار وعاودو قلبو عليها..راه تعطلنا ونخاف سي أوس يفيق ويبغي هاد طوموبيل

_أسماء(اه عندو لحق راهم تعطلو وتقدر تكون طايحة غافدار ولافاق أوس غيقلب الدار عليهم..تنهدت):واخا أعمي يالله..

ركبو في السيارة ورجعو أدراجهم للقصر وأسماء كتحس بخيبة أمل مكرهاتش ترجعها ليها ولكن الغالب الله..عمي دريس غادي بسرعة باش ميسمع معيور واخا كبير ولكن أوس لاتعصب مكيعرف لاكبير لا صغير هو عمو وقتلو بقا ليه غا با دريس ملي كيتعصب كيتحول من أوس ل"المختل" من اسمو الى لقبو..

فهاد الأثناء ليهوما قربو للقصر سيهم أوس فاق بحكم سمع الصداع ومخلاوهش ينعس ..خرج من بيتو بشورطو وكلاكيطة ومن لفوق عريان ووقف في أعالي الدروج كيبان ليه لتحت رجاء گالسة فواحد لفوطوي مهبطة راسها وسط ايديها كتبكي والخدامات دايرين بيها كيصبروها وكيطمأنوها انها غتلقاها..كيزعزعهم صوتو الروجولي ومع يلك فايق كانت عندو واحد البحة زادت صوتو رجولة..

_أوس:أش واقع هنا..

كلشي تلافت مخلوع وتارجاء من هول الخلعة وقفات مخرجة عينيها الخدامات هبطو ريوسهم..أوس هبط بخطواتو الموزونين في الدروج وهو كيقرب ليهم وهوما كيزيدو يثوثرو ورجاء قلبها غايخرج الله ياربي مكايناش شي ثانية تهنى فيها زعما..وصل عندهم وشاف فرجاء لمن الطيارة كيبان الخوف على ملامح وجها البريئة وزيد دموعها ليكانو هوادين ولكن قبل ميوصل خدات شال مي حبيبة كانت لواياه على عنقها مع صهدها ولواتو عليها

_أوس:اش واقع هنا علاش كتبكي

_رجاء:هاه لا لا والو

_أوس:لاكان والو علاش هاد الصداع كامل 

_رجاء:سمح لينا أسيدي أحنا غنمشيو نخدمو

بغات تنساحب هي الخدامات يلك جات دور حتى وقفها بسؤالو التالي ليزعزعها

_أوس(عاقد حجبانو):فين هي أسماء

_رجاء(تلافتت عندو):هاه

_أوس(من حركتها عرف بلي كاينة شي حاجة): رجااااء فين هي أسماء(ميل وجهو شوي وورك على مخارج الحروف) _رجاء:أسماء 

_أوس(غوت..من تحت سنانو):رجااااء 

شهقات..وهبطات راسها ولبكية شاداها وبدات كتشرح ليه اش واقع..وهو مع كل كلمة كتخرج من فمها..عينيه كيتحولو من لون سماوي للون الدم..عروقت عنقو بداو كيتبرزو وايدو شدهم على شكل قبضة قوية..صدرو بدا كيطلع وينزل والخدامات غير من منظرو وتحولو عرفوه صااافي تعصب بداو كينساحبو وحدة ورا لخرة..بقات غارجاء ومي حبيبة شاداها

أوس قرب لرجاء وهز ايدو باغي يقجها هي هزات عينيها المدمعين بسرعة بخوف هو في آخر لحضة قدر يتحكم براسو وحرك راسو بلا..

طلع كيجري لبيتو كينقز الدرجات ويطلع خدا قبيتو لبسها عليه بسرعة وهبط خايف لايطرا ليها شي حاجة خصوصا من بعد ماوقع للرجاء لبارح..زيد طاهر باقي ليه شي ثلث يام ويدخل للمغرب يعني دابا فين خاصو يحضي معاها وبحكم الحفلة وتقربهم للبعض ليكان واضح لكلشي..عرفو انها شي حاجة مهمة فحياة المختل يعني يقدرو اعداؤو يستغلوها ضدو وهدشي لمغيقدرش يتحملو..هبط كيجري بعصبيتو وهو شاعلة فيه العافية غير الله يستر وصافي..حل لباب بسرعة تاكيجي فيها..أسماء ليكانت وصلات وهبطات هي التالية بسرعة من السيارة يلك بغات تدق تاتحل لباب فجأة.. والشخص ليشافتو خلاها تشهق من الصدمة..اما هو أصلااااا معصب معصب طلعها وهبطها..كتبان ليه فرقة بزازلها باينة..وكرشها مطراسية باينة وأردافها منحوتين بلكولون..وكلها غباري..عض على سنانو وشدها من شعرها

_أوس(بعصبية زايدا على القياس) :واش باغا تسطيني ألبرهوشة اااه

_ أوس(عض على سنانو وشدها من شعرها توجها جا فوق وجهو):واش باغا تسطيني ألبرهوشة اااه..

_أسماء(شدات ليه من ايدو ليشاد بيها شعرها):احح ايي طلق مني طلق راك كتوعتني ألخرى 

_أوس:أنا غنوريييك ألقحبة كيفاش تخرجي بلا شواري انا ميخي..

جرها من شعرها وطلعها في الدروج وهي محنية وشادة شعرها ليبين صباعو كتحس بقشرة راسها غتحيد..طلعها لبيتو وهي كتغوت باش يطلقها..دخلها لبيتو وسد لباب برجلو تتردخ..ودور ايدو من شعرها للفكها السفلي شدو بقوة تاكتحس بصباعو قاسو ضراسها وردخ ليها راسها مع لباب وهو ساااعر وحمر.. صدرو كيطلع ويهبط

_أوس:هدري ألقحبة جاوبي هاه انا ميخي قدامك تخرجي بلا شواري وبهاد الحالة ديال لقحبات

_أسماء(كتهضر بزز وعينيها مدمعين ولكن فمها سخون):ونتا سوقك

_أوس(عطاها تصرفيقة تاحنكها عواج):كيفاش سوقك(غوت)واش باغا تسعري ديييلمي 

_أسماء(دروات وجهها عندو ودفعاتو بكل قوتها):اه كيف سمعتي ماشي ماشي سوووقك مابا ماخويا ماراجلي سمعتي دخل سوق كرك 

أوس زااادت عليه..كيحس بلعاافية من لداخل شاعلة فيه كيفاش قدرات تهينو..بدا كيعطيها فتصرفيق كيدي ايدو فحنكها ويردها معاه بيدو مقلوبة وهي يلك كتحاول تشدو تاشد ليها ايديها بجوج وسط ايدو ليسرة وكمل تسرفيقو

_أوس: انا غنوريك سوقي ألبرهوشة..اه انا ماشي سوقي ألقحبة

كيسرفق ويعاود تارعفت عاد وقف كانو دموعها هوادة شلال

_أوس(شد وجهها وسط وجهو بنوع من الحنان والخوف سولها..يعني تقلب هادا حالو..مختل): واش واش توعتي..نتي لاباس

_أسماء(دخلات ايديها بجوج تاجاو وسط ايديه وضرباتهم ليه من جيهت المعصم تاتفرقو بجوج على وجهها):بعد بعد مني ألحيوان اهيء اهيء

_أوس(كرز على سنانو وعاود سرفقها):حيوان هاه😡_أسماء(شافت فيه بعينيها الدامعين وركات على كل حرف):كنكرهك 

_أوس(عض على شفاتو لتحتانية وعاود شدها من فكها ورخ ليها راسها تاتسمع):كتكرهيني.. غتبغيني بزز علك ألقحبة(غوت بججهد) غتبغينييي سمممعتييي انا انا(فجأة طلقها وبدا كيمسح دموعها)شش صافي صافي متبكيش نتي غتبغيني

كترعد..شافتو فمختلف حالاتو ولكن ليوم شافت أسوأهم..هدا طبيعت المختل وكيف وصفت في الجزء لول ديالو هو كيضحك مع عقدة..مضطرب..مختل..ومع صباح باقي مفاطر ماشارب دواه..خافت منو كثر وكثر

_أسماء:اهيء اهيء نتا نتا مريض

_أوس(عاود شد شعرها):انا مريض انا مريييض واخا انا غنوري لديلمك مريض

مكيحملش هاد لكلمة بالضبط..جرها من شعرها وداها لجيهة الماريو..حلو وجبد واااحد مولاتي السمطة وتكا عليها بشحيط..وهي كتغووووت ربي ليخلقها ولكن صعيب يجي شي حد يعتقها..كيضرب وهي طايحة لأرض مدخلة وجهها وسط رجليها ومتنية باش متجي تاضربة فوجهها..لحمها مات عليها..مكيشدوه غير شي ايدين قوويين من لور

في الصالون لتحت..رجاء رجعات گلسات فوق الفوطوي رجليها فشلو عليها من بعدما شافت أوس كيفاش شدها من شعرها وجرها لبيت..دارت بيها الدنيا معرفت مدير..فينما كتسمع شي صرخة من أسماء كتشهق معاها وهي كتبكي..متقدرش تعتقها منو قوتها ضعيفة ومزالة عيانة غيخلطهم بجوج..مي حبيبة كتهدن فيها..هي نبع الحنان فداك القصر..تانطقات مي حبيبة

_مي حبيبة:بنتي علاش متعيطيش لصاحب سي أوس هو بوحدو ليقدر يشدو 

_رجاء(طلعات فيها راسها):ولكن ولكن منقدرش انا نعيط ليه 

_مي حبيبة: علاش أبنتي راه هو لغيقدر يعتق لبنت مسكينة من قبضتو(بصوت هامس)متنسايش راه باقي مشاربش دواه وهي راه مووحال عارفاه مريض

رجاء بحالا كانت ناسية هاد القضية وفكرتها فيها مي حبيبة..فالتالي تنهدت وتلافتت لجنبها لطابلة الزجاجية وهزات لفاكس قلبات على نيم ديال زياد وعيطات ليه

كان غاارق فنعاس ولكن هاد المرة فحضن لمخدة😁ماشي كيف عادتو..من بعد ديك ليلة طويلة مكان باغي والو من غير ينعس وميبقاش يفكر فيها..مكيحملش يفكر فيها..تيلي ديالو كيصوني تتقطع على خاطرو..عاودت رجاء الاتصال المرة ثانية..كتصوني تتقطع على خاطرو..قررات انها متبقاش تعيط..ولكن قنعاتها مي حبيبة غير تصوني آخر مرة..زياد عصبو مخلاهش ينعس جاوب بلا ميشوف شكون

_زياد:أش كااين

_رجاء(خلعها..ببراءة):زياد..هو سمع صوتها ناض گلس _زياد:احم..وي شكون معايا(زعما معرفهاش)

_رجاء:انا انا رجاء

_زياد:اه اك أش كاين 

_رجاء(تفوو على منفخ..ولكن ماشي وقت هادشي دابا):عفاك شوف عفاك اجي اجي ضغيا هنا

_زياد(وقف):علاش مالك أش واقع

_رجاء:غير جي الله يحفضك ومتعطلش عفاك متعطلش جي للدار

_زياد:واخا واخا صافي

لبس غير تيشورطو اصلا كان لابس سروال سيرفيت ناعس بيه تاجه لطواليط غسل وجهو بالخف وخرج كيجري هز لفيراري ديالو وطار للقصر عند بالو واقعة ليها شي حاجة..ماهي الا دقائق تاكان قدام لباب شافوه ليگارد حلو ليه لبوابة لكبيرة هبط كيجري دق عليهم ومشات مي حبيبة تتجري حلات عليه الباب مشا بسرعة وبخطوات رجولية عند رجاء وهو كيف لعادة عاقد حجبانو

_زياد:أش واقع مالك

تكيسمع صرخات أنوثية من لفوق..هز راسو وعاود هبطو فاش نطقات

_رجاء:عفاك عتقها عفاك غيقتلها

_زياد:هادشي علاش جايباني

_رجاء(بكل براءتها حركات راسها بآه):اه

_زياد:بيناتهم ماشي سوقي

تلافت باش يرجع أدراجو..حتى كتوقفو بيديها الصغيرة المقارمة بيدو الضخمة..شدات فيها..تلافت عندها

_رجاء(دموعها نزلو تلقائيا):عفاك عفاك كنترجاك غيقتلها..اهيء..يرحم والديك يعيشك عتقها

معرف باش تبلا فاش شافها كتبكي ولكن هدرات بلجزائري..تنهد وهو كيشوف فيها..طلق من ايديها وطلع لبيت أوس بلا ميجاوبها هي تبعاتو كتمشى ببطء..زياد غير حل لباب كيبان ليه أوس كيفرشخ فأسماء..ضهرها مزوق مخلي علامات X على ضهرها ودرعينها..كان جاهل بحال شي وحش..معارفش اش كيدير بالضبط.. زياد خرج عينيه من المنظر ليعارف بلي هو كيبغيها كيفاش داير ليها هاد الحالة..ولكن أصلا عارفو مختل يعني متعجبش بزاف..مشا جرو من لور بكل قوتو..كيجر فيه

_زياد:غتقتلها أصاحبي غتقتلها باراكة

_أوس(ضار عندو بحال شي ثور عطاه كروشي لوسط وجهو تارعف):دخل سووق كرك

..زياد عض على شفايفو وهز ايدو مسح الدم ليخارج من نيفو اما رجاء مع يلك وصلت حضرت لهاد الحركة شهقات ودارت ايدها على فمها..هبط أوس على ركابيه لعند أسماء وشدها من شعرها تاجبد ليها راسها من وسط رجليها وهضر من تحت سنانو

_أوس:هاد المرة تفكيتي لمرة لماجية غنقبر زامل بوك _أسماء(دموع ناشفين على خدها بنظرة حقد وقوة..دفلات ليه على وجهو وهضرات بصوت خفيف وقوي):تفووو علك أشماتة

_أسماء:تفوو علك أشماتة 

أوس غمض عينيه بقوة ومسح وجهو..جمع قبضتو بقوة..وهزها..هي كتشوف فيه بقوة بلا مترمش..في الأخير تراجع ونزلها وخرج بحالو

زياد تلافت عند رجاء ليكانت معنقة لقنت ديال لباب وخايفة..هزات راسها فيه

_رجاء:سمح سمح ليا..انا انا ليجبتك 

تنهد وحرك راسو بآه تلافت عند اسماء ليكانت رجعات خشات راسها وسط رجليها ورجع خرج

_رجاء(غير خرج زياد مشات باتجاه أسماء طاحت عليها وعنقتها من لور وأسماء متنية): ضربك ياك ضربك..بسبابي اهيء اهيء سمحي ليا..

أسماء مجاوبتش وحتى صوت بكاها متسمعش..كانت أقوى من أنها تبقى تبكي على لحمها المزوق..ولكن مغتفوتهاش ليه أكيييد غترد حقها بإيدها

_رجاء:عفاك اختي عفاك اسماء متبقايش ساكتة هاكا راك كتحرقيني..اهيء سمحي ليا😢 

أسماء خرجات راسها وحطات ايدها على ايد رجاء وابتاسمات ليها ابتسامة مجروحة وهزات راسها بإيجاب بمعنى اطمأني انا بيخير

_أسماء:لا متگوليش هاكا 

_رجاء:واش متأكدة نتي لاباس.. نعيط لطبيب

_أسماء:لا أصلا لحمي ميت من شحال هدا..هادشي كيف والو

كتبين ليها بلي هي مموعتاش وممسوقاش واخا كتألم من لداخل مكيعجبهاش لحال يحگرها شي حد ولا طرا خاصها ترجع صرفها

_أسماء:اصلا مغندوزهاش لديلمو غير بلاتي 

_رجاء:أسماااء عفاك بعدي من طريقو وديري داكشي لكيگول ولا نتي لغتخسري

_أسماء(بنضرة ونبرة قوة):شتي يبقا فيا عرق واحد يخبط ومنسمحش فحقي لحتا زامل كيف كان واخا يكون شيطان برجليه..انا ماشي هي هاديك ليتاكل العصا وتگلس تشكي همها للسما وتبكي لا انا هاديك ليتگلس تخدم تحرمياتها وتندمو..لا انا ماشي هاديك لتگول لك يضربني وميخلي ليضربني..لا ألالة أنا مايضربني لا هو ومنخلي لي يضربني..ونتي عارفاني أرجاء بلا منهدر كثر حيكاش خاصني نرتاح دابا _رجاء(حركات راسها بآه):مرة خرى نتي على حق..

ناضت وقفات ومدات ليها ايدها..شدات فيها ووقفات بجوج متكين على بعض كيمشيو بخطوات ثقال وهازين راسهم..مرة خرى كلمات أسماء زرعو نفس جديدة فرجاء وزرعوها تافنفس أسماء براسها..دابا فهاد لحضة بالضبط ميقدر عليهم غاخالقهم..وتفكيرهم بعييد وتحرمياتهم بداو كيخدمو..مغربية وجزائرية غيبداو يفكرو وغيخليو شيطان يتعلم😉

..أما زياد فكيف هبط ضرب على أوس غادي جاي وشاد گارو فيدو كينتر منو وهو معصب وكيحاول يبرد فراسو..قرر ميهدرش معاه طلع فسيارتو وكسيرا..

دخلات أسماء لبيتها هي ورجاء..عاوناتها رجاء باش تكى فبلاصتها..تكاتها وغطاتها..يلاك جات تخرج حتى وقفتها 

_أسماء:رجاء باغا نسولك 

_رجاء(گلسات جنبها):وي حنونة سولي 

_أسماء:داك زويمل واش مريض ولا عندو شي حاجة معارفاهاش 

_رجاء(نسات مگالتش ليها على هاد نقطة):ناري سكتي لاسمعك گلتي هاد لكلمة بالضبط داك نهار هو لخر لك _أسماء:كيفاش واش هو مريض بصح

_رجاء:في الحقيقة معرفتش بالضبط

_أسماء:وأشنو عارفة

مباغاش تگول ليها مبغاتهاش تخاف منو غير كضور فعينيها

_أسماء(خنزرات فيها):هضري لا

_رجاء:شوفي أسماء نتي لاش كتسولي صافي نساي الموضوع _أسماء:كيفاش نساي الموضوع..نتي راك مشفتيش كيفاش كيضربني وتيمسح لي على وجهي ويسولني واش توعت..رجاء هضري خليني ضريفة معاك

_رجاء:شوفي في الحقيقة انا غير علا ماعاودت مي حبيبة بلي هو شوييي مريض نفسيا مثلا بحال بسيوكوبات 

_أسماء:كيفاش طرجمي ليا 

_رجاء:احم زعمااا هو زعمااا

_أسماء:هضريييي

_رجاء:دابا هو من بعد موت واليديه ولا بحالا حمق شوي عندو واحد الإضطراب نفسي زعما نفسيتو مزعزة شوي داكشي لاش فلول گلت لك راه بحال الجو يقدر يضحك معاك تيتقلب..وهو كيشرب واحد دوى متبعو من سنين..وهاد النوبات كتجيه مرااااا مراااا بالأخص لمشربش دواه 

_أسماء:يعني انااا مع مسطي فنفس الدار

_رجاء(سدات ليها فمها):ششش سكتي عفاك سكتي لايسمعك..انا نمشي ونخليك تنعسي دابا رتاحي

خرجات رجاء وأسماء بقات في صراع مع أفكارها..كيفاش هي مع مسطي بالأحرى كيفاش غتكمل معاه..المشكل دابا ولات كتميل ليه وقلبها نبض ليه..اش غدير دابا..مسحات هاد الافكار مخاص دابا تشوشها تافكرة من غير كيفاش غترد ليه الصرف وتندمو..نعسات وهي كتخطط..ورجاء مشات تاهي ترتاح فبيتها وتحصر على ليوقع وعلى سنسلتها ليضاعت وفين هي واش غترجع ليها..اما زياد فرجع لدارو أو بالأحرى ڤيلتو يكمل نعاسو تاهو من بعد صراع طويل ديال التفكير..وسيهم أوس بقا كيمشي ويجي بحال المسطي وتيكمي تاضرب بكية..وفي الأخير وعى على راسو

***في سريرها ناعسة بخفة..كتحلم في عالم آخر..جروح على لحمها بارزة..دازت شي ساعتين تقريبا وهي ناعسة حتا كتفيق بسرعة..شهقات وهي كتحس بشي حاجة باردة على جسمها العاري

شهقات وهي كتحس بشي حاجة باردة على جسمها لعاري..تجمعات وخنزرات فاش شافتو ..كان هاز فيديه بومادا للجروح..هز عينيه فعينيها بنظرة جامدة ومكتبين والو 

_أسماء(مخنزرة):أش باغي لاش جيتي 

_أوس(بهدوء هضر):جيت نداويك

_أسماء(ضحكة استهزاء):تقتل الميت وتمشي لكنازتو..ضاربنيوجاي داويني من لفوق(هزات ايدها)وااو تفضلتي عليا أسيدي اجي خاصني نشكرك دابا ياك..(خنزرات)وخرج قود فحالك

_أوس(من تحت سنانو):أسماااء😡

_أسماء(وقفات):عرفتي شنو انا لغنخرج ومنرجعش..

زادت جوج خطوات ببطء حتى كيوقفها بتعنيقة من لور وجهو جا فوق عنقها انفاسو لحارة كيضربو ليها فعنقها 

_أوس(بصوت حنين وبريء مكانش كيبان هو نفسو لكان قبل ساعتين هادي بحالا بدلوه):شش معندك فين تمشي..بقاي معايا

_أسماء:نبقا باش فينما تعصبتي تبرد فيا عصبك لا صافي انا قررت بغيت نمشي انا عيت صافي واللهما زنقا وهانية ولاقصر ومضلومة

ضورها عندو وهو شاد كتافها مي ماشي بعنف حدر راسو شوي وقرب ليها كيشوف عينيها

_اوس؛ معندك فين تمشي هادي دارك 

_أسماء:لا نتا غالط انا مغنبقاش معا واحد كيضربني وفينما جاتو لفرصة ويضلمني تحت سقف واحد 

_أوس:علاه بسلامة غاكنجي ونضربك..راك نتي لكتستفزيني وطيحي مني..گلت لك متبقايش تخصري الهضرة..فينما ندور نسمعك كتهدري غابيها اشنو زعما ضد فيا..گلت لك متخرجيش بلا شواري..اش دارت لالاهم أسماء خارجة بلا شواري وزيد فين للغابة زعما مخايفاش على راسك..ولا شنو مديرانيش كاين انا زعما انا ماشي راجل قدامك 

_أسماء(ضربات ليه ايدو ليعلا كتافها):ومن بعد اسيدي الى وقعات ليا شي حاجة انا المسؤولة غيلومك شي حد..انا لغنتأدى نتا مالك

_أوس(شد وجهها بين ايديه..مبغاش يتعصب عليها ويزيد الخل عَلْ خلول):اه ألالة الى وقعات لك شي حاجة ولو غير دگت شوكة نحرق دنيا ومافيها ومنهناش..نتي ديالي 

_أسماء:ولكن علااااش..ياك صافي لقيتي تيلفونك علاااش مهتم تالهاد درجة لاتأديت 

_أوس:واش لحد الآن بااقا معرفتيش شحال انا كنبغيك ومهووس بك وليتي بحال دروگ بالنسبة ليا..نتي كثر من داك لهوا..نتي لحاجة لوحيدة لمخلياني دابا واقف وتنهدر بهاد طريقة مع شي وحدة..نتي ماشي أي وحدة لا..نتي لبنت لي حيات هدا(هبط ايدو ليمنة وشد بيها ايدها وحطها على قلبو)هدا ولا ديالك من أول نهار شفتك ناعسة فيه بحال شي ملاك..عقلي عقلي صافي وليتي بحال شي دقات ساعة فيه تيك تيك..تيك تيك..مكيتخايلك غير نتي وكيتفكر غير تصرفاتك العفوية..نتي كتهزيني بلا متحسي بمجرد ابتسامة منك كترفعيني لعالم آخر..مجرد شوفة فعينيك الزورق قلبي كيضرب وعرقي كينزل..انا وليت متيم بك..مهووس بك.. انا فت الحب لهيه..انا كنبغيك أ أسماء اه كيف سمعتي انا كنبغيك انا كلي لك..ونتي ديالي سمعتي..

باس ليها راسها وخرج..خلاها مصدومة مشوكية فبلاصتها مكتحركش بحالا كبيتي عليها سطل ديال لما بارد..كلماتو كتردد فودنها.. قاسوها خلاوها تبورش..خلاو قلبها ينبض بدقات سريعة ودقيقة بحال ثواني الساعة..كيف كيگولو لكلام ليمن لقلب كيوصل القلب🖤..عقلها غاب عن ادراك الحس..دازت شي 7دقائق وهي على نفس الحالة والوقفة..حتى كتفيقها رجاء ليجات تفيقها وتعطيها لماكلة تلقاتها واقفة مكتحركش

_رجاء(زعزتها):أسماء..أسماء

_أسماء(غير واقفة مكتحركش كتشوف في الفراغ وساهية كتفكر فكل حرف وتعاود):لارد

_رجاء(زعزعاتها بقوة وغوتات):أسمااااء

_أسماء(شهقات):هاااه 

_رجاء:رجوع الله حنونة مالك

_أسماء:هاه انا انا انا 

_رجاء(جراتها تگلس):اويلي ونتي مالك

_أسماء(گلسات):لا لا والو والو صافي نساي

_رجاء:متأكدة مكاين والو

_أسماء(تيعجبها لكيحكر عليها زعما):لا والو

_رجاء:صافي ليبغيتي..اجي تاكلي مكلتي والو

_أسماء(حطات لبلاطو قدامها):صافي هادشي باش سخاك الله.. زعما مضركش خاطرك😒

_رجاء:(كتنقب معاها غامن لفوق):واشنو بغيتيني ندير 

_أسماء:والو والو..بفف زعما ياختشي مكالكش لفضول _رجاء:افف..هضري هضري عارفاك مغتضبريش (تنهدت وحطات لفرشيط وربعات ايديها)يالله كنسمعك 

_أسماء(هبطات شنينفها):لا مغنگولش لك مالي معندي ميدار..اصلا معندي منگول لك

_رجاء(هزات لفرشيط وهزات بكتافها بلا مبالاة):واخا ليبغيتي 

كرزات على سنانها وخنزرات فيها وبدات تاكل وتگمگم معجبهاش لحال متسولهاش فمها كيحرگها..كملات ماكلتها وبطبيعة لحال متنساش عادتها ضربات صدرها وتگرعات تگريعة لكلاب😂..يلك هزات رجاء لبلاطو تانطقت 

_أسماء:بفف إوا أش غندير غير حيكاش حكرتي بزااف غنگول لك أش كاين

_رجاء(تنهدت وهي مبتاسمة حطات لبلاطو لتحت):وااااخا ألالة هاااحنا كنتسناوك تعفي علينا وتعاودي..دابا مزيان؟ _أسماء:بفف مالك مالك هاكا تفوو زعما مفكش حس لفضول..نتي أنثى نتي 

_رجاء:وصافي غاطلقيني خلاص عندي مايتقضى

_أسماء(هازا قنانفها لسما):احم شرشبيل گاليا كنبغيك 

_رجاء:هاااه..لا لا راك نعستي بزاف گاع

_أسماء:كيفاش زعما متيقتينيش..مالي كي جيتك مقطوعة ليا ايد ولا رجل ونص فترمتي.. ويييلي كاملة مكمولة الحمد لله 

_رجاء:لااا ماشي هكاك وغير راه تاواحد مغيتيق هادشي..واش هو مكيهبطش راسو واعتارف في لخر 

_أسماء:ياختي تيقي ولا متيقيش راه واللهتا گالها ليا شدني وگاليا نتي ديالي ونا كنبغيك

_رجاء(فرحاااات ونسات گاع لهموم):لا لا حلفي

_أسماء:واللهما كنكدب قسما برب الكعبة

_رجاء(غوتات وعنقاتها):واااااااااو ههه واااو انا فرحانة احنونة..وأخيرا أخيرا صافي صافي اخيرا الله غيجمعكم 

_أسماء:ولكن ولكن انا معرفتش

_رجاء:اش معرفتيش

_أسماء:وراه مسطي أساطة

_رجاء:واقلة فهمتي غلط راه غي كيتقلب مرة مرة..واصلا هو كيبغيك بزاف راه باينة فيه مضيعيهش أصحبتي 

_أسماء:معرفتش معرفتش

_رجاء:واش نتي كتبغيه؟ 

_اسماء:هاد السؤال بالضبط كيجيني ثقييل معرفتش جوابو والله..مرات اه مرات لا..ولكن في الحقيقة ولا شي حاجة مهمة فحياتي صعيب ندوز نهاري بلا منضارب معاه..يمكن اه 

_رجاء:نعطيك رأي راك كتبغيه شوفي غي كيفاش كتهضري عليه ونتي مبتاسمة والحب باين علك..ولا كان مسطي نتي كثر منو وبجوجكم راكم سبيطار..عطيه فرصة ونتي عاونيه يداوا ويرجع انسان طبيعي

_أسماء:مكنتش عارفاك عريفة في الحب والانسانية..اوا ملي هاكا علاش متمشيش عند زياد وتگولي ليه كنبغيك

_رجاء:هاه واش تسطيتي

_أسماء(غمزتها):قريب ابب تشوفي التسطية ديال بصح

خرجات رجاء ودات معاها لبلاطو. اما اسماء فمشات گلسات فالأرض فوق واحد طابية بيضة ناعمة..وهي مقابلة مع الجردة قدام زجاج لبالكو حتى كيدق شي حد لباب ديال غرفتها

_أسماء:دخلي دخلي..

على بالها غير شي وحدة من الخدامات حتى كيدخلو جوج ديال ليگارد كانت ملفتة فجيهت لباب وهي كتفكر فديك كنبغيك..وبأشنو غدير..ولكن قبل متفكر في الحب خاصها تفكر في ردان الصرف لعصاها واخا دار ليها لبومادا مي هادشي مكافيش خاصها ترجع حقها..كتلافت حتى كتشهق وتخرج عينيها من المنظر..كان جنبها واحد نونووس قدو قد السخط طول منها بالقهوي..و5 ليبواط على شكل قلوبة فالداخل ديالهم ورود الجوري كل بواطة ولون مخصص كاين جوج بواط الورود في الغوز بارد..وفي 3 لخرين لون حمر ووحدة لون البيض..وكل وحدة علاش كترمز..الاحمر الحب ديالو القوي..البيض السلام لكيتمنى يعيشو معاها..الغوز هو لون الأحلام لكيتمنى يشوف معاها..وعاد بواطة كحلة مخصصة كانت فيها ايفون لخر فلكحل..عارفها من عشاق هاد لون لكيدل على الغموض والعمق والإثارة والتشويق..كتشوف فداكشي بلهفة ايديها كيدورو من حاجة للخرى كيتحسسوها وهي على ركابيها والفرحة بادية عليها حتى كيصوني داك الهاتف..معرفاتش اش مكتوب ولكن قدرات تعرف تجاوب

_أسماء(فرحانة):ألوو 

_أوس:عجبوك 

_أسماء:اه اه(تربعات وهزات خنافرها)احم مبيهومش 

_أوس(عاق بيها):دابا اه ولا شويا

_أسماء:بنت لك كنرضع جايب ليا هاد خاينة راه غيجري ليا على لملائكة واش مقاريش

_أوس:علاش الملائكة تقدر تسكن فبيوت الشياطين 

_أسماء:اه مديش عليا نسيت بلي مول دار الشيطان شخصيا 

_أوس:جوابك على طرف لسانك 

_أسماء:ليحك نحاسي يلقا باسي..وليموقرني موقراه ونتا باقي حاضيني وحاضي لساني تيشيب راسك راه معند لمقص ميدي من الدص

_أوس(ابتسامة جانبية):علاش انا نقدر نغلبك

_أسماء:إوا ملي مگاد على قوافي لاعلى حديث لمغزل أش دخل حمارك لأسبوع الفرس

_أوس:احم ياك واخا ألالة انا نسيفط ليگارد يرجعو داكشي معجبوش حبيبتي

_أسماء:هاه كيفاش ترجعهم..لا لا مجاتش فين غترجعهم

_أوس:نلوحهم ياك معجبوكش

_أسماء:أووويلي على تلوحهم..لا لااا للضياع ميبغيه لا ربي لا عبدو 

_أوس:اوا ألالة نعطيهم لشي بنت كترضع غنفرحها

_أسماء(هبطات قنانفها):وصااافي تانتا غاليبغا يقشب معاك أمال تشاميرك ضيق 

_أوس:تشاميري(القميص/ بيجامة طويلة) ..كيفاش زعما

_أسماء:وااهيا بوعبيد الشرقي..لا لا والو تشامير هو سروال لگاطيفة غانسا

_أوس:امم اك

_أسماء:يالله صافي غتقادي ليا سولد

_أوس:راه انا ليمعيط 

_أسماء:تامالك مكلخ راه انا مجاوبة فهمتي غيسالي لينا بجوج..ويييلي نبقا نقري فك 

_أوس(حابس الضحكة):اه اه صافي فهمت مكنتش عارفها

_أسماء:ولي تاكل لقنافد غتولي كتفكر شوي وييلي مكنتش عارفاك مكلخ

_أوس:كنبغيك

_أسماء(مداتهاش فيه):ولا بخر لك شي جلدة فار رگراگي..ولا..هاه احم احم امم(يلك عاقت) وصااااافي صااافي انا جاااية جاية ولااا انا جااية..يالله بسلامة كيعيطو ليا(باغا تهرب)

_أوس(بابتسامة):امم واخا تنجي ونشوف فين غتهربي

..فين غتهربي..قطعات عليه الاتصال وعيطات لرجاء تشوف داكشي.. لبدورها تصدمات من داكشي..

_رجاء:هه ويلي هادا هو نفسو ليكان صباح دابا ولا روميو..

فرحات بزاااف ونسات همومها وبداو يتناقزو..ويتغاوتو..رجاء شدات تيلي ديال اسماء وبدات كتأنستالي فيه شي ألعاب طلبا من اسماء..ولميوزك..وشي لعيبات..وقادات ليها نماري

_رجاء:هاي هاي هاي على مستر أوس 

_أسماء:مالو عوتاني

_رجاء:والو غير مدخل نمرتو وكاتب عليها مايلايف

_أسماء:احم يعني اييه

_رجاء:زعمااا حياتي..يعني بحالا نتي كاتبة على نمرتو حياتي في بلاصة سمية فهمتي

_أسماء:هاه ويقطع حياتو..محي محي وكتبي شرشبيل

_رجاء:خخخ ياربي سلامة راه هو ليشراه لك

_اسماء:ومالو لخاطرو راه واخا يشري ليا باخرة كتمشي فالصحرا منساش ليه 

_رجاء:وبااااز اختي..المهم هاهو صيبتو لك

_أسماء:دخلتي بورنو 

_رجاء(لاحت ليها تيل):لا نتي ممعاك جماع..نتي راك جهنم بعينيها

_أسماء:ومال بورنو فيها شي عيب تاهي راه قسم ديال تعليم وسي جوني الله يدكرو بالخير راه أستاذ..والمدام ميا راه أستاذة اش كتخربقي راه تعليم هداك..بففف مقارياش منديش علك

_رجاء(ناضت):اختي خليت لك لقرايا..

مشات رجاء وأسماء گلسات تلعب..بعد مدة وهي دخل وتخرج من هنا لهيه وتخربق..مشات بدلات عليها دوك لحويج كانو عامرين تراب وبدلات تالفوطة الصحية..ولبسات ميني فونطر واسع على شكل قبية بلكمام في الأسود وميني شورط قصيير مبين ترمتها توب في لگري..بيناتها سيكسي..خلات شعرها مطلوق ودورات قصتها لجنب منفوخة ..وهبطات..مشات جمعات مع مي حبيبة والخدامات من بعد مسولوها على كيف بقات..وخدات ناومرهم..خرجات من لكوزينة ومشات لقدام الصالون فديك الساحة الدائرية لفي الدخلة..كانت رجاء كتفرج فواحد سيدكوم متبعاه امريكي شادا لبيسي ودايرا ليزي وكتفرج ماهياش هنا..اما اسماء غامگال ليها مخها طلقات لمزيكة وجابت داك لباف لتيتخشا فيه تيل ودارتو فيه..طلقات آسف حبيبي للسعد لمجرد وفناير وگلسات تشطح من هنا لهنا وتحرك فطرماحتها وضحك كانت كتبان سو سيكسي..هي معلابالهاش تتشطح من هنا لهيه حركات خفيفة تاشي ايد كتجرها من حيث لا يحتسب😉

يتبع...