هوس شرشبيل الجزء التاسع

من تأليف The Qn Fatita
2020

محتوى القصة

رواية هوس شرشبيل

بقاو كيتباكاو على كتف بعضياتهم لمدة ماشي قصيرة... 

_رجاء(سرطات ريقها ومسحات دموعها ومسحات لأسماء دموعها وشدات ليها وجهها وسط ايديها):أسماء بابا الله يرحموو كان كيگوليا قدما قدريتي تسامحي غير سامحي ابنتي..سامحي فيها خييير كثييير عند الله وكتزياني وتحلاي عند العبد..الله هو لخلقنا هو ليعاقبنا اجي الى كان الله ليخاااالقنا وزارع فينا روح كيسامح ويعفو عن الناس علاش شكون حنا فمكتابو وفخلق الله لمنسامحوش..انا عارفة قلبك بيض ومكتهزيش الحقد كيبقى باك واخا يكون مجدام وضالم كيبقى هو لهزك بين ايديه اول مرة متنسايش دمو فعروقك وعمر الدم مكيرجع ما أ أسماء هو غلط ولكن ندم على غلطو وأكيد أوس ملي غيعرف حقيقة باه غيتراجع وهانتي واخا تخطفنا طرات شي حاجة زوينة ومزيانة لقيتي اصلك ونتي دابا ولات عندك عائلة وصدقتي بنت بلادي😀 متحقديش أ أسماء انا دابا گلت لك ولكن كلشي بين ايديك.... 
_أسماء(تنهدت):معرفتش اختي معرفتش واخا هكاك نتي عارفة داك الحمق هو مغيخلينيش معاه .... 
_رجاء:شوفي ليمكتابة هي لغطرا متعرفي أوس يتفاهم مع باك..صافي ودابا ضحكي..عمي العدول نعاود لك نكتة😂 _أسماء:واااع هههع واللهتا كنت غنعاود ليه نكتة... 
_رجاء:اشناهي لعااار😂... 
_أسماء:دابا هو كان شاد ستيلو خضر كنت غنگوليه عمي هدا واحد العدول شرا ستيلو خضر ومبغاش يطيب ليه😂مع عارفاها حامضة غينوض ليا أوس😂
_رجاء(كضحك مسكينة من نيتها):وااااهيا ميمتي😂😂😂...

قاطع ضحكهم طاهر لدخل وفيدو بوكي دلورد بيض 

_طاهر(بابتسامة):سمحوليا قاطعتكم ابنتي😊... 
_رجاء(طلعاتو وهبطاتو هدا مخافيش عليها ااه كان كيبان ليها فالجرائد واقلة):لا ماشي مشكل أعمي... 
_أسماء(طلعاتو وهبطاتو):بفف بقات فلورد... 
_طاهر(تقدم عندهم وحطو فوق ركبة أسماء): جبتو لك ابنتي ماماك الله يرحمها كان يعز عليها لورد البيض وتحبو ونا نقول يمكن تحبيه تانتي... 
_أسماء(اه بصح هو المضل اييه أماما الله يرحمك نتي بعدا معندك دنب ولكن مكتابش نشم ريحتك..سهات فلورد)... _طاهر:نقدر نتكلم انا وياك ابنتي وحدنا يعيشك... 
_رجاء:نقدر نخرج انا واخا غير قدام لباب... 
_طاهر:اه ابنتي وتانتي سمحيلي مكنتش نعرف من قبل... _رجاء(بابتسامة بريئة):مش مشكل عمي..

خرجات لبرا وتاحد مهضر معاها..خرجات لقدام لباب كيبان ليها غاااشجر والورد وكتبان ليها الهبطة گلسات تحت واحد الشجرة تما قريبة وبقات كتشوف في الارجاء مبتاسمة حتى كيوقف عليها نادر من حيث لا يحتسب ... 

***طاهر گلس جنب أسماء وشد فيدها... 

_طاهر:بنتي سمحيلي انا ومش نقدر نعيش هكا ونتي بعيدة عليا انا نغلط فحقك اااه ولكن عطيني فرصة وحدة فرصة وحدة نعوضك عليفات يعيشك ابنتي عطيني فرصة وحدة يرضي عليك... 
_أسماء(سرطات ريقها وحدرت راسها):الصمت... 
_طاهر:بنتي تكلمي..تكلمي ابنتي وعطيني فرصة انا نعمل ليتحب بغيتيني منبقاش خدام فهادشي منبقاش خدام بغيتيني نبقاو في المغرب نبقاو في المغرب ونشري لك ليتحب وندورك ونساريك المدن والدول ابنتي ونعيش معاك ليبقا سمحيلي أبنتي وعطيني فرصة ونساي لفايت راه منقدرش نعيش بلا بك راه نموووت... 
_أسماء(شافت فيه):واش غير جي وسامحك واش نتا أب كنتي غتعدى على شرف بنتك هاااه ونگول ماشي بنتك ونتا انسان تعدى على بنت قد بنتك هاااه واش عارف اش درتي راك ضيعتي ليا فرحتي ونهار عرسي وفلخر تجي طلب سماحة... _طاهر(وقف):واخا ابنتي انا منقدرش نعيش ونتي بعيدة عليا منقدرش نحمل إثم يماك ومنوفيش بالوعد الموت أهون ليا(جبد سلاح من ورا ضهرو وصوبو على راسو)... 

***هزات راسها فيه بتخنزيرة عارفاه مغيقدر يدير والو دابا... 

_رجاء:اش كاين اش باغي... 
_نادر:باغي نهضر معاك... 
_رجاء:قلب الضورة ممسيالياش لك.. 
_نادر:مغنتسناكش تاتعطيني الادن(جرها من ايدها) ...



_نادر:مغنتسناكش تاتعطيني الادن(جرها من ايدها..داها لور ديال المستودع كان منضر غزاال وكيبان شي واد لتحت اضافة لدوك الاشجار لمغطية الارجاء)... 
_رجاء(تتنثرات منو..بعصبية):طلقني وأخر مرة تقرب ليا ألكلب... 
_نادر(تنهد):بغيت نطلب السماحة على داكشي ليدرت..كلامك بقا كيضور ليا فبالي وصدق صح.... 
_رجاء:اهاه ونا مالي زعما باغي دير فيها الشاب المحترم غااااقلب الضورة اسيدي منصلاحش نكون من الجمهور ونحضر لتمتيلك... 
_نادر:شوفي راه طلبت السماحة وعمري درتها مع شي وحدة خرى وبقاي معايا زوينة ألقطيطة... 
_رجاء:هاد لقطيطة لمبعدتيش منها غتخصر لك وجهك وبلا متگول نجرب براكة غالمرة ليفاتت.. ( مشات وخلاتو واقف)... _نادر(عض على شفايفو وهز حاجبو):احح غنشوفو تاليمتا غتبقاي هاربة أزوينة..غطيحي فيدي شي نهار... 

رجاء غادا وهي كترعد رغم انها ولات قوية وكتجاوب ناس الا ان الخوف مغيمشيش بين عشية وضحاها ضروري غيبقا شوي الخوف..

_رجاء (مع بالها) :ااااه ياربي واش درت داكشي الصح افف كون غير سامحتو تانا راه ضربتو كان خاصني تانا نطلب سماحة لا لا اويلي هو ليضلمني عاد زيد لاسمعتني أسماء غتاكلني ولكن اففف ياربي كيفاش هضرت معاه هكاك..واش زعما هاد الجرأة غنديرها حتى قدام زياد..بففف توحشتو.... 

رجعات لديك شجرة لكبيرة ولكن هاد المرة طلعات ليها وگلسات فوق واحد الغصن وبقات كدندن غابوحدها وكتغني(سيد لجيج)وفنفس الوقت كتفكر شي ذكريات من الماضي..وهادشي لاش كيصلح الماضي لدكريات فقط بحال شي دفتر مخزون قديم ولا البوم صور فينما يضيق بك لحال تفكر ذكريات دازو مع ناس مشاو من حياتك واخا بصح مبقااتش عندهم مكانة كيف لول ولكن خلاو أثر زوين..مكيصلاحش نغوصو فيه ونبقاو عايشين فيه حياتنا كاملة ونبقاو نگولو كون ما كون..ديك كون راهيا لخرجات على المغرب😏... 

***جبد مسدسو من ورا ضهرو وصوبو جيهة راسو... 

_طاهر(كيبكي بحال شي ولد صغير):سمحي ليا أبنتي اهيء اهيء مكنتش الاب لتمناه اهيء منقدرش نعيش ونتي بعيدة عليا وعرفي بلي انا ويماك كنبغيوك بلى قياس😭 _أسماء(شهقات وهي مخرجة عينيها..تلاحت عليه بقوة وتسمعات صوت رصاصة قوية بووووم💥) ...


_أسماء(شهقات وهي مخرجة عينيها..تلاحت عليه بقوة وتسمعات صوت رصاصة قوية..غوتات):باااااااابااااااا😰 _طاهر(بابتسامة عنقها):بنتي بنتي اهيء اهيء نتي بيخير ابنتي.. 
_أسماء(كتبكي على كتفو):اه أبابا اه اهيء اهيء كنتي غتموت وتخليني مرة خرى اهيء😭
_طاهر:سمحي ليا ابنتي سمحي ليا😥(شدها ليها وجهها ومسح دموعها)ششش متبكيش ابنتي هاد لعيون مخاصهومش يسيلو بدموع من ليوم..صافي انا معاك(تنهد)من شحال ونا كنتسنى كلمة بابا😥
_أسماء:تانا ابابا تانا كنت كنحلم ايمتا نگولها ونعنقك ونشم ريحتك😭
_طاهر:اللله على بنتي الله... 

بقاو معانقين وهو كيطبطب ليها على ضهرها وهي كتبكي..هادو هوما العلاقات ديما فشكل وفعقدة وهدا هو الاب رغم انه عنييف ووحش مع الكل وكيوصل لأكفس مستويات التعذيب الا انه كيبقا بحال شي ملاك قدام بنتو بحال شي ولد صغير بريء.. يقدر يحارب ويقاتل الموت على قبل ولادو..كيدمر ويوفر ليهم لقمة عيش..يقدر يسبك ويضربك گاع ولكن ميقدرش يشوف شي واحد كيفما بغات تكون مكانتو يهز فك عينيه..هدا هو الاب الشخص لول لهزك بين ايديه وأذن لك فيهم..وهزك فوق كتافو وأول واحد علمك كيفاش تهز براسك..مغيفهمش كلامي بزااف ولكن متأكدة غيفهمو كلامي لكلمة بابا شحال متنطقات على لسانهم😞... 

_طاهر(بعد منها):بنتي باغي نتكلم معاك.... 
_أسماء:اش كاين أبابا... 
_طاهر:اجي نخرجو شوي ونهضرو ومنها صحبتك تجي ترتاح فبيتها... 
_أسماء:واخا ابابا...

خرجو وشافو رجاء خبراتها أسماء باش تمشي ترتاح فبيتها بينما كان وصل ليل وهي شوي وتلحق عليها..وداكشي ليكان ...بقاو كيتمشاو تما كان النشيم زوين والبدر منور طريقهم... 

_أسماء:اش كاين ابابا... 
_طاهر:باغي نوفي بوعدي ليماك كنضن نتي تحب تمشي تزورها _أسماء(قلبها خفق..احح ميمتها هاديك ماشي اي وحدة ولكن عوتاني أوس):ولكن أوس ضروري نمشي نگولها ليه عاد نمشي هو غيكون مشوش عليا بزاااف... 
_طاهر(عااارف الى مشات مغيخليهاش تمشي وأكيد مغيرحموش..وهو مستحيل يسمح فبنتو وكان مخطط لكلشي):لا ابنتي متخافيش غنمشيو ونعاودو نرجعو وونطلب سماحة من أوس ونفهمو كلشي ولكن لامشيتي دابل غيكون باقي معصب ومغيتفاهمش معاك وغيقتلني ابنتي واش تبغي باك يموت على ايد راجلك.... 
_أسماء(اه عندو لحق ولكن عوتاني لامشيت غيقلب دنيا ولاممشيتش مغنقدرش نزور ماما)... 
_طاهر(قاطع تفكيرها باش متفكرش بزاف):بلا متفكري ابنتي حنا غدا غنمشيو وغير شي مدة قصيييرة ونرواح للمغرب... _أسماء:ولكن.. 
_طاهر:واش ابنتي ماباغاش تزوري يماك هي فاش كانت كتموت كانت تلفض باسمك ابنتي... 
_أسماء(أثر فيها مزيان..افف غير مدة قصيرة نيت بينما يهدى ولكن عنداك غير يزيد يشعل الله ياسيدي ياربي):واخا صافي ولكن ضغيا غنجيو... 
_طاهر(عنقها بفرحة):اه ابنتي متخافيش... 

***دازت هاد ليلة من قصتنا بأحداثها وصدامتها الصاعقين تكشفو خيووط لقصة وبانو ملامح الاحذاث..ولينا بشوي بشوي كنقربو لنهاية المغارة..ولكين اشمن طريق غتشد كيبقى كلشي بيد الله..

رجاء نعسات وهي كتقلب وعندها احساس غريييب كينتابها بحالا غتوقع شي حاجة مكتنتضرهاش ولكن قبل متنعس خبرتها أسماء الخبر اكيد رجاء غتمشي معاها وقنعاتها بحجة واش متوحشتيش تراب بلادك وأهلك..

أما أسماء فهي براسها ممقتانعاش من قرارها واش كان على صواب واش أوس غيبرد هاد المدة كيف گال باها ولاغير مغيزيد يجعر ويقلب الدنيا سفاها على علاها..

طاهر كان مخطط لكلشي مبغاش يسمح فبنتو من بعد هاد المدة الطويلة ديال الشوق والغياب..

زياد كان مخليها فيد الله ونعس وهو كيتسنى غدا اش مخرج ليهم..

أوس تاهو مجاهش نعاس وتيل فيديه كيتسنى العنوان فين مشات لوطو وهاكا غيعرف أسماء فين مشات وغينتاقم شر انتقام لداكشي المدفون سنين وعاد مرتو ليداها ليه نهار عرسو.. كيتقلب وكيحسب الدقايق..ولكن كيبقى السؤال المطروح واش غيوصل في الوقت ولا لا؟ ...


خيوط ذهبية منباعثة من شمس حارقة.. داخلة لمختلف الاماكن والبيوت..كتعلن على صباح جديد من أيامهم ومن أيامنا..ولينا كنعيشو معاهم تفاصيل نهارهم بأدق أحداثو وكأنه نهارنا😍..

كانو مزال ناعسين فأحضان بعضهم كيحسو بشوي الهدوء هاد ليلة بعدا شافو بعضياتهم ومبقاوش مشوشين..واخا كيحسو بشي حاجة لداخل ديالهم ماشي هي هاديك وكل احساس مختلف على لاخر..

طاهر فاق بكري لبس حويجو ومشا يفيق لبنات..دخل لبيتهم ببطء..گلس على ركابيه في الجانب ديال اسماء بابتسامة وبدا كيلعب ليها فشعرها

_طاهر:صافي ابنتي من ليوم مبقا غياخدك حتى بشر..نتي غتبقاي معايا ونوفي بوعدي لغزالي... 
_أسماء(بدات كتحل عينيها ببطء..شافتو ابتاسمات فوجهو):صباح الخير... 
_طاهر:صباح الخير ابنتي..يالله فيق نتي وصديقتك باش منتعطلوش هدا هو الوقت... 
_أسماء(مترددة):زعماااا ماشي ماشي حسن نمشي عند أوس هو لول نطمأنو عليا غيكون مشوش... 
_طاهر:اووه تكلمنا ابنتي غير تزوري قبر يماك وترجعي... _أسماء:اففف زعما گلت نمشي نشوفو هو لول حسن ميزيد يتعصب منك... 
_طاهر:لا لا ابنتي انا انشرح ليه من بعد... 
_أسماء:واخا ولكن بشرط غنمشي غير نزورها ولغد ليه نرجع... _طاهر:واخا ابنتي صافي ليتحب..انا نمشي نسبقكم بينما جيتو... 
_أسماء:واخا ابابا..

ابتاسم فوجهها وخرج أسماء فيقات رجاء..وطلبو يجيبو لرجاء حويج جداد.. لبسات عليها..غسلو وجوههم وخرجو... 

***فاق بكريي على غير عادتو اصلا منعسش.. تازياد كان بحالو مستعدين لابسين وكلشي.. أوس تيلي محيدش من ايدو كيتسنى غير الاتصال..شوي تيلي يله بدا كيفيفري باقي مبداش حتى الرنة جاوب.. 

_أوس:لقيتوه..اه صافي عرفتو(قطع الاتصال)... 
_زياد:عرفتي العنوان... 
_أوس:اه يالله سربي انا غنسوگ..

خرجو كيجريو لقا لامبركيني كحلة جديدة كتسناه كيف آمر وشي خمسة رونج روڤر عامربن برجالو..طلع فسيارتو هو وزياد وكسيراو بسرعة تفوق الخيال بطريق الغابة لجبل المعهود وهو قلبو كينبض وحااااقد مزيان ومصمم على انه غينهي هاد الامر وغينتاقم أخيرا لكل ماجرا ليه..

زياد تاهو مكانش اقل منو كان خايف على رجاء عارفها ضعيفة خايف لايكونو دارو ليها شي حاجة خصوصا انه عارف طاهر مكيرحمش ولو شوي وأشر من الشر..الى لقا واقعة ليهم شي حاجة اكيد غيسعر مزيااان ومغيبقاش زياد الهادىء..

وصلو لطريق الجبل..كانت طريقها ملتوية وخطرة..وبعد مدة قصيرة كانو فوجهتهم المختارة ...


وبعد مدة قصيرة كانو فوجهتهم المختارة هبط أوس وهو شاد سلاحو بخطوات تابثة ودار اشارة لبعض من رجالو يضورو على المستودع..

أوس وزياد هرسو لباب ودخلو هوما والبقية..بانت ليهم الدخلة خاااوية..أوس سرط ريقو وتلافت عند زياد بعينين حمرين وبثثااافل ضور راسو بلا لا..ودخل كيجري فرع باب بي باب ديال الغرف وقلبهم وحدة وحدة وهو فكل مرة كيزيد يسعر..وتا زياد معاه..دخلو لغرفة لخرة لكبيرة زياد لمح كسوة رجاء ليبقات طايحة تما هزها بين ايديه بنضرة حاااقدة وعصبية كتبان ليه مقطعة من الفوق صافي تما سعر بلبيان..هز فرديه لفوق وبدا كيتيري طلقات متتالية وفنفس الوقت كيغووووت صرخات عاالية..

اما أوس فخرج بحال شي وحش..جا عندو واحد من رجالو... 

_لگارد:سيدي اش نديرو دابا... 
_أوس(بعصبية..شد ليه راسو من صلعتو وجرو تالعند وحدة من ليزوطو وبقا كيدخل ليه فراسو ويخرج ولگارد كيغوت وأوس كذلك):ااااه😡😡..(كيدخل ليه راسو مع زاج لوطو حتى مات بين ايديه..كان كينهج هبط راسو بان ليه أثر عجلات سيارة باقي جديد مقديمش بزاف هز تيل ديالو):بغيت زامل بووووك داااابا تجبد ليا فين مشات ديك لوطو ولا غنجي بنفسي نتفنن فقتلك سمعتي...(غوت)متگووووولش ليا 24 ساعة مكيهمنيييش فأقرب جبدها يا كانت تحت لأرض ياكانت فوق السما..سمعتييييييي😡(قطع وردخ تيل تاتفرتت)... 

****بعد شي نصف ساعة ديال طريق الجوية حطو رجليهم فمطار البلد الجار..الجزائر بلد من أجمل البلدان وأحسنهم تقاليد واعتقادات..بلد حر كتميزو طبيعتو الخلابة ولكنتو الممتازة براية كتمزج مابين الاخضر والبيض لدلالة على السلام والصفاء كتزينهم لوسط نجمة وهلال حمرين..رجاء طلعات نفس قوية وهي كتشم ريحة بلادها ريحة غابت عليها من زماااان..

اما اسماء فغير كضور عويناتها..لقاو ليزوطو كيتسناوهم ركبو وتاجهو لقصر طاهر بن حسين... 

_أسماء:بابا... 
_طاهر:ايه ابنتي... 
_أسماء:غنوصلو نرتاح شوي ونمشي نزور يما... _طاهر(بابتسامة):لتحب ابنتي اه... 
_أسماء:وغدا غنرجعو لمغرب ضروووري منقدرش نغيب على أوس... 
_طاهر:ولكن ابنتي.. 
_أسماء:بابا صافي مكاين تاولكن صافي انشاء الله غدا نرجعو..

طاهر سكت مقدرش يجاوبها.. وصلو البنات..هبطو كيبان ليهم قصر ماشي دار كان روووعة بلباج وقدامو بيسين كبير وجردة وأشجار نخل وكان كلو أضواء..مع العيا ديريكت طلعو لبيتهم الموجود من قبل..دخلو طاحو نعسو..من بعد شي ساعتين أسماء ضربتها لفيقة..ناضت غسلات وخرجات من البيت وسولات اول خدامة لقاتها على طريقها... 

_أسماء:بلاتي أ الاخت فين هو بابا... 
_الخدامة:نتي تقصد سيد طاهر... 
_أسماء:اه... 
_الخدامة:يالله انا انسيرك... 
_أسماء:واخا..

داتها لبيرو ديالو كان خدام على شي ملفات تادخلات عليه... 

_طاهر(هز راسو شافها ابتاسم):اهلا اهلا... 
_أسماء(ابتاسمات فوجهو):بابا انا مباغاش نتعطل داكشي علاش انا غنمشي المقبرة دابا عيط على شي حد يديني عارف قبرها... _طاهر:ماشي ابنتي كون توفرها لمن بعد... 
_أسماء:وصافي راه هضرنا في الموضوع باغا نمشي دابا... 
_طاهر:لتحب(هز تيل وعيط لنادر)..يالله راه كيتسناوك لتحت..

هبطات اسماء بانت ليها لكوزينة لتحت دخلات ليها دون استأذان لقات شي تلاتة الخدامات طلبات منهم الماكلة تاهوما متعطلوش عند بالهم راهم ضياف طاهر..گلسات تاكل وتعاود ماكلتهم بحال ماكلتنا تقريبا كيختالفو غير فشي حاجة وسميات..كلات ماتيسر وخرجات لقات نادر قدام واحد رونج كيتسناها قدام لباب هي شافتو طلعات حاجبها ووقفات ليه عند لباب... 
_أسماء:ضور حل ليا لباب... 
_نادر:انا مش شيفور... 
_أسماء:ليكنعرف نتا كلب من الكلاب الله يرزق غاصحة والسلامة وحلو حسن لك... 
_نادر(خنزززر وتنهد وحلو ليها ودار ركب)... 
_أسماء(طلعات لور):هبط سدو... 
_نادر(تلافت عندها بزربة):اشنووو... 
_أسماء:واش غتهبط تسدو ولا نهبط نعيط لبابا يجي يسدو... _نادر(تعصصصب..هبط سدو ورجع طلع كسيرا بسرعة)..

أسماء فينما جابتها لفرصة كتآمر عليه وتزيد تعصبو باش تنتاقم منو على داكشي ليدار..بعد مدة قصيرة وصلو المقبرة... 

****فاقت تشبرات وناضت كانت فيها ريحة العرق مولفة يوميا دوش..دخلات لدوش دوشات ورجعات لبسات نفس الحويج مع معندهاش الجديد..نشفات شعرها بواحد لفوطة فدوش وخرجات هبطات وهي كتجسس أرجاء القصر والاثاث كان جامع مابين العصري والتقليدي وهاد الاخير طاغي..كانو لتحت مجموعة صالونات وكوزينة وجوج بيوت كبار دخلات لواحد صالون عصري كانت بيه تلفازة كبيرة شعلاتها وخدات ريمود وگلسات فوق الفوطوي..جات عندها واحد الخدامة شابة... 

_الخدامة:واش تحب لالة... 
_رجاء:امم عفاك اي حاجة كنحس بالجوع... 
_الخدامة:داكور لالة...

مشات الخدامة وبعد شي ربع ساعة جات ولكن ماشي هي..رجاء كانت ملافتة كتفرج حسات بشي نسيم وشخص قدامها.... 

_رجاء(تلافتت عندها):اه جيت...(الصدمة)..

بووووم💥صوت قوي بسبب لبلاطو ليطاح لأرض بماكلتو وكاسو..أنفاس كتسارع..نبضات قوية..عينين خارجين..الصدمة كانت قوية وممتوقعاش ...

_رجاء(وقفات من هول الصدمة وهي ممتيقاش اش كتشوف..دموعها بداو كيهبطو بلا متحس ولسانها كيتحرك بلا متنطق)... 
_الخدامة(قربات ليها وهي كتبكي بدات كتحسس ليها فوجها بيدها كتحرك ايدها بكل عفوية على حناكها وعينهيها و ودنيها وشعرها وكتهبطهم حتالكتافها..وهي دموعها بحال شتا).. _رجاء(كتبكييي وهي كترجف):م م ما ا ما😢 _الخدامة(حركات راسها بآه وعنقتها):اهيء اهيء بنيتي صغيرتي وين غبرتي لاش خليتني وحيدة نحوش علك اهيء اهيء رحتي وموليتيش اهيء اهيء... 
_رجاء:توحشتك اماما توحشتك اهيء😭... 
_ماماها:حتى انا ابنتي حتا انا اهيء😭
_رجاء(خرجات راسها وهي كتنخصص شدات فوجه مها وبدات كتمسح دموعها):صافي انا معاك دابا اماما مبقيتش نخليك..يالله نطلعو لبيت وعاودي ليا توحشتك اماما... 
_ماماها:ونا ابنيتي ونا توحشت ريحتك...

طلعو بجوج لبيت ليكانت فيه رجاء بيت الضياف وگلسو فوق الناموسية مقابلين وشادين فيد بعضهم بعد فراق طوييل... 

_رجاء:اش كديري هنا اماما وأش وقع... 
_أمينة:من بعد موليت من دار داداك لدار لقيت داك لرخيس(راجلها)..طايح فلارض وراسو فيه دم..وقفت داك الدم وخديتو لوبيطال ومن بعد تشافا وشرط عليا باش ميخبرش علك نكتب ليه الدار فسميتو وقبلت وبقيت انا نخدم ونجيب ليه ويضربني (حدرات راسها)..

رجاء هزات ليها راسها بصباعها وتبسمات ليها وهزات راسها بمعنى كملي... 

_أمينة(تنهدت):عيت عيت بزاااف ومليت من العيشة معاه..واحد نهار قررت نطلقو..وفاش طلقنا خرجني لزنقة بقيت عند داداك حتى خدمني سي طاهر الله يعيشو..ونتي ابنيتي اش طرا معاك... 
_رجاء(عنقتها):هادشي كلو بسبابي انا خليتك بوحدك اماما سمحي ليا سمحي ليا اماما😓
_أمينة(كطبطب ليها على ضهرها):ششش ابنيتي لغلطة مني(خرجات راسها)انا لمحميتكش انا لمشيت تزوجت..من ليوم انا معاك ومنخليكش صافي ابنيتي دابا نهار جديد..ونتي ابنيتي اش طرا معاك... 
_رجاء(بابتسامة حزينة):فديك ليلة بالضبط كنت گاالسة حتى جا(عاودت ليها من Aحتى لZ)... 

***وصلات المقبرة لوات عليها شالها وخرجات من لوطو بخطاوت ثابثة كانت الشمس فالمنتصف..كان وراها نادر باش يوريها لقبر..دخلو گالت فنفسها دعاء الدخول للمقبرة وخطات برجلها ليمنة ودخلات عبر باب حديدي كبييير..كتمشى في الممر وفكلا جانبين مجموووعة قبور وفي وسط المقبرة كاين مسجد كبير..كتأمل في القبور..كتشوف كيفاش ان الانسان كيعيش فعالم سميتو الحياة كيلبي رغباتو وحاجاتو وغرائزو بحال شي حيوان عاقل..كيفاش كيعيش وسط الطمع والجشع والمال والسلطة والجاه والجنس والجمال والموضة وباغي يحقق احلاااام كبيييرة ولامتناهية..كاين ليباغي ينجح غير كينجح كيحلم بالخدمة برا لبلاد غير كيخدم برا لبلاد كيبغي يشري قصر..وبقاااا غادي بحالا مغيموتش..وفنفس الوقت كاين لكيصلي وكيدعي الله غير باش هو محتاج لتحقيق ديك الدعوة غير تحقق يقطع الصلا..كاين لكيدعي وكيگول ياربي صافي بغيت غاهاد الشخص يبغيني ونتزوجو ولا ياربي بغيت غامنمشي برا هاد البلاد صافي..ولكن فجأة كيمرض ولا كيطرا شي حاجة صعيبة كيقلب الدعاء وكيگول ياربي بغيت غانتشافى صافي مبقيت باغي لابرا لا والو..وهكا كيتبدلو أمانينا حسب الحاجة ولكن واش شي واحد عارف بلي هاد الحاجة مغتسالاش ويعرف بلي الحاجة لله هي أسماهم والاكتفاء بالنعم احلى حاجة..

وصلات القبر اصلا قبل مينطق نادر ويگول ليها هدا هو القبر وقفات عندو وتلافتت لنادر وهزات راسها بمعنى هدا ياك... 

_نادر(حرك راسو باه)..مشى... 
_أسماء(گلسات جنب القبر وقرات ماتيسر من القرآن) ...


_أسماء(گلسات جنب القبر وقرات ماتيسر من القرآن):معرفتش اش غنگول لك معارفاش كيفاش نتصرف دابا ولكن ليباغا نگول ومن ديما توحشتك اماما توحشتك بزاااااف اماما..(سرطات ريقها وبدات كدوز ايدها على تراب) واااو شحال باغا نگول هاد لكلمة جاتني غريييبة نطقها..ماما عرفتي اماما كنت دييما وقت شتا تنبقى نگول هاماما غتجي هاماما غتجي وتخبيني من الرعدة ولكن كنعس ونا كنتسناك..تانا كنت باغا نشوفك اماما ونعنقك ونشم ريحتك(شمات التراب)ولكن مكتابي نشم ريحة التراب..كنت باغا نعنقك ونگول لك توحشتك ولكن اشنو عنقت الحجر اماما علاش علاش مشيتي واش مغترجعيش😭اهيء اهيء واش مغتفيقيش اماما وتلعبي فشعري ماما عفاك شوفي فيقي ويالله معايا وگولي لناس هادي بنتي انا ماشي بنت الزنقة وريهم تانا عندي ماما..غطيني تانا فاش نعس..حكي ليا راسي وغني ليا باش نعس..عرفتي فاش كنجري ونطيح تنبقى طايحة وتنگول هاماما غتجي تهزني من الارض ولكن كيهزني شي حد من الجيران اماما اهيء😢..(عنقات التراب)كنحس براسي بووحدي واخا كلشي ضاير بيا اماما كنحس براسي مخنووووقة واخا كاين الهوى باغاك اماما محتاااجاك اماما اهيء اهيء فيقي اماما فيقي..فيقي اماما وعنقيني محتاجااك اماما عفااك اماما فيقي😭عييت امي عيييت امي عيت نصبر باغا شي حد معايا امي..باغا لمن نشكي امي باغا نسمع غواتك اماما..غانوضي عيريني وضربيني غامتخلينيش بوحدي عفاك اماما متخليييينيييش..اهيء اهيء😭😭

بقات لساعات تما وهي كتبكي وتشكي ولكن راه معضووورة شكون ليقدر يعوض مكان الام واخا تكون زانية كتبقا عندك مرا ولادتك تشوفيها واخا تكون من اصعب النساء واقبحهم ولكن في آخر المطاف كتبقى أم غير هاد جوج حروف هازين معاني يثقالو على بحور واخا نكتب سطور وسطور منوصوفهاش ومنوفيش حقها..

**لن تجد الحب سوى بقلبها** **تحت قديمها جنة** **وبين يديها دعاء مستجاب**❤ ...

غابت الشمس عليها..نادر جا عندها مع تعطلت بزااف شافتو تنهدات ومسحات دموعها وبدات كتمشى بخطواث ثقااال باغا تبقى حداها ومتمشيش... 

_نادر(جنبها):الدموع كيحرقو الميت فقبرو... 
_أسماء(تلافتت عندو شافت فيه مطولا اه بصح كلامو فيه الحق مسحات دموعها وخرجو بجوج من تما وهي شوي مرتاحة گالت داكشي ليمخبياه سنين) ...

وصلات لدار باها لمزال مولفات وهي خايدة قرار انها غدا غترجع لدارها..دار لدوزات فيها بضع ايام ولكن بحال سنوات..عاشت فيها بزاف تغيرات..غترجع لراجلها..السيد لمكانتش متوقعة تبغيه شي نهار..الوحش المختل..لكيولي ولد صغير بين ايديها ولكن خايفة من ردة فعلو واش غيدير هادشي كاملة افتراضات معارفاش القدر اش مخبي ليها..

فرحات لرجاء ولمها ولقاءهم الجديد..فرحاااات ليها بزاف واخا حسات بنقص..شوف الاقدار رجاء كتمنى تشوف اغلى ماعندها باها محمد سالم الله يرحمو وبالمقابل اسماء لقات باها..وأسماء حلمها تشوف مها غزالي الله يرحمها وبالمقابل رجاء تلاقات بمها.. ديما كيصدمنا القدر..ولكن كلشي بين ايدو والمكتوب ممنو هروب..

دازت ليلتهم كانو نصف مرتاحين الا طاهر كيخطط وكيحبك خيوط خطة جديدة باش أسماء تبقى معاه..ولكن ماشي ديما الحض لكيربح وانما تقدر توقع شي حاجة مكانتش على البال وتقلب مجاري قصتنا بحال هياج الواد ...


**صبح صباح جديد وأصبح الملك لله صباح غيبدل مجاري قصتنا وأحزاننا..فاقت رجاء لباتت فحضن مها..ملقاتهاش عرفتها غتكون فاقت بكري..لقات شي حويج خلاتهم ليها مها فوق ناموسية..دخلات لدوش دوشات ولبساتهم هبطات كتقلب على امينة(مها)دخلات لكوزينة لقاتها... 

_رجاء(عنقتها من لور تاقفزت):صباااحو ماما.. 
_كلشي تلافت متفاجأ وكيسول... 
_أمينة(بابتسامة):بنيتي خوفتيني..اجي تفطري فطورك واجد... _رجاء:احح يكون من ايدك توحشتو..

فطرات رجاء وهي مقاداها فرحة غامقابلة مها اما بقية الخدامات مفاهمين والو غير كيتغامزو مع بعض ولكن امينة هي رئيسة الخدم هنا وهي الطباخة لكبيرة..طاهر كيعجبو طيابها وكيثيق فيها... 

_أسماء(دخلات عليهم):توووما هنااااا... 
_رجاء(بزربة تلافتت مع اصلا كانت لبارح مقلقة بزاااف على فراق مها ولكن عارفها كتبغي ضحك باش متبينش):لا لهييه قفزتينا ممين جيتي... 
_أسماء:اه انا جيت من لهيه خويا خود هاكا وارا لعب مافيه حزارة منين جبتي منين جيتي انا جيت من لهيه😂_أمينة(كضحك وكتشوف فعفويتها وبراءتها رجاء عاودت ليها كلشي ومتيقاتش ولكن دابا فاش شافتها معندها متگول من غير سبحان الله):اجي اجي ابنيتي تفطر.. 
_وحدة من الخدامات:صدعتونا... 
_أسماء(طلعتها ونزلتها):هاكيييلي على صدعتونا مالنا طالبينك أ الأخت... 
_الخدامة:منلومكش حبيبة وبطبيعة نتي مغربية... 
_أسماء:مغربية اييه وشللتي فمك ألخوينزة قبل متنطقيها... _رجاء:شش وقفو المضاربة واش باقين صغار... 
_أمينة:نتي تعرف معامن تحكي... 
_الخدامة:اه نعرف مغربية رخيسة تبغي لفلوس من سي طاهر... _أسماء(قربات ليها ونطقات ببطء):لقيتيني مغربية ألقحبة منخرجك لزنقة وهاد رخيسة كيف گلتي راه بنت سيك طاهر... _أمينة:خرجييي براااا كيف تحكي مع لالاك هاكا الا سمعك سي طاهر غيقتلك... 
_الخدامة(بدات كتصفاار سرطت ريقها):سس م حي لي ألالة ونا مكنتش نعرف نتي بنتو س سمحيلي الالة ونحلف مكنت نعرف... _أسماء(هزات راسها بآه وضرباتها لكتفها):ساطة كون كنتي مغربية كون سمعتك المنقي خيارو ولكن دزايرات عزاز عليا من عند الله(ابتاسمات فوجهها وگلسات تفطر)..
فطرات وسالات

_أسماء:رجاء طلعي عاوني ماماك تجمع حويجها ضغيا... _أمينة:وعلاش ابنيتي.. 
_أسماء:باش اماما..احم سمحي سمحيليا مقصدتش(سرطات ريقها).. 
_أمينة(عنقتها من كتفها):لا ابنيتي انا ماماك ونا نفرح بزااف لسمعت منك هاد لكلمة... 
_أسماء(فرحااات):واخا واخا أما ما..غتجمعي حويجك حيكاش من ليوم نتي غتعيشي معانا وفينما مشينا غتكوني معانا..دابا حنا غنرجعو المغرب عند رجالي وراجل بنتك المستقبلي خخ... _رجاء(خرجات فيها عينيها حمرة)... 
_أسماء:وشتيييي متقرصينيش اوييلي... 
_رجاء(كتحلف بعينيها وهي عاضة شفايفها)... 
_أمينة:هااااا راجل بنتي المستقبلي ههه ولكن انا هنا عشت من ديما وو لفت... 
_رجاء:كيفاش زعما غتخليني... 
_أمينة:لااا انبقاو هنا في دزاير... 
_أسماء:لا راه تابابا غيمشي المغرب ويحول كلشي تما.. _أمينة:واش متأكدة... 
_أسماء:اه انا انطلع نشوفو شتو باقي ناعس... 
_أمينة:مش عادتو يبقا ناعس..

طلعات رجاء ومها يجمعو حويجها..وأسماء توجهات لبيت باباها لقاتو مستلقي على ظهرو ومغطي... 

_أسماء(گلسات جنبو..كتفيقو):بابا بابا فيق مالك باقي ناعس ...


_أسماء(گلسات جنبو..كتفيقو):بابا بابا فيق مالك باقي ناعس.. _طاهر(كيحل عينيه وسدهم بططء كبيير بابتسامة ثقييبلة نطق بحروف متقطعة):بن نتي... 
_أسماء(خرجات عينيها وخافت بزااف):با با بابا مالك واش واش نتا لاباس... 
_طاهر(شد فيدها):لا لا ابنيتي ان انا مليح غير كن حس بش بشوي لعيا... 
_أسماء:صافي ابابا غير رتاح انا غنمشي نعيط لطبيب😢 _طاهر(كيصطانع الحزن):سم سمحيلي ابنتي مغن قدرش نرواح م م عاك لمغرب.. 
_أسماء:ششش صافي ابابا راك عيان صافي حتا تشافى ونمشيو... 
_طاهر(لداخل ديالو مقاداه فرحة ولكن كيضهر الحزن غمض عينيه)... 

****واقفين قدام واحد لبلاكار مبيهش مكبيرش ومصغيرش كيجمعو ويرتبو في الحويج رجاء فرحانة توحشات زياد خخ واخا تشوفو غامن بعيد وزيد توحشات تالمغرب لبلد ليحماها و أواها دابا كيتعتابر موطنها ولكن كيبقى اصلها دزايري..كانت كتحس بشي رجفة لداخل ديالها معرفتش ديالاش حتى انا..للحظة أمينة تلافتت وعنقتها بقوة ورجاء مع فاجأتها بقات شي دقيقة عاد بادلتها العناق... 

_رجاء:هه مالك أماما... 
_أمينة(بحيرة):منعرف ابنتي منعرف... 
_رجاء(كرزات علييها):متخافيش اماما انا معاك... _أمينة:متخلايش علي ابنيتي يرضي علك... 
_رجاء:لا لا انا دابل نتي ليعندي مستحييل نخليك وكيفاش نقدر نعيش بلا هوى واش تسوى دنيا بلا بك... 
_أمينة(رتاحت نسبيا الا انها كتحس باحساس مختالف كليا وكبدتها ممهنياهاش وهادي هي الام كتحس بشي حويج لصعاب على شوافة): ونتي ابنيتي واش تسوى الحياة بلا بك ..

طلقو بعضياتهم ورجاء ابتاسمات فوجه مها باش ترتاح وكملو جميعهم ... 

***نرجعو عند أسماء وباباها...وقفات أسماء بسرعة وهبطات مع الدروج كتجري مشات عند الخدامات لكوزينة... 

_أسماء:شوفو سمعو سمعو عطي عطيوني نمرة ديال طبيب ديال بابا... 
_وحدة من الخدامات:كالم طوا لالة انا غنعطيك... _أسماء(سرطات ريقها وهزات راسها باه وهي كترجف..كتحس احساس خايب رغم انه مدوزش عليها القليل ولكن في آخر المطاف كيبقى الاب ديالها دابا متقدرش تسمح فيه من المستحيل واخا تحارب على قبلو):سر سربي عفاك عفاك اختي سربي... 
_الخدامة(كتقيد نمرة فورقة صغيرة..مداتها ليها):هاكي ألالة... _أسماء(خداتها من عندها):شكرا... 

تلافتت بسرعة سرعان مطيحت الورقة من ايدها وغوتات بصوت عالي إثر صوت على من صوتها بغيت نگول أصوااات هوما...


غوتات بصوت عالي إثر صوت على من صوتها بغيت نگول أصوااات هوما..وكلشي كيغوت وهو محنى الارض..صوت الرصاص غادا وكتزاد برا.... 

***في بلادنا وترابنا..نعاس مشافوهش وأوس غير هاز تيل وكيضور من هنا لهنا..شوي كتجيه مكالمة لكيتسناها مع ديك 10:30 اوس وزياد وقفو قافزين... 

_أوس(بلهفة):الوالو..فين..اشنووو..لمطار(قطع وضرب تاهاد تيل)... 
_زياد:فين مشاو... 
_أوس:مشاو لدزاير شي حاجة باينة تما غيكون محمي وصعيب نوصلو ليهم ولكن برب تاغندموووو مقتلو على ايدي... 
_زياد(هز تيل ديالو):وجدو الطيارة شي نص ساعة نكونو تما(قطع الاتصال) ...

بعد شي نصف ساعة كانو هوما ورجالهم في المطار..طلع زياد وأوس مع اسلحتهم في الطيارة الخاصة ولبقية شدو طيارة خرى..وصلو أوس كان عارف العنوان من قبل لقاو سيارات كيتسناهم مشاو الوجهتهم بسرعة..وهجمو على قصر طاهر بالسلاح..

طاهر غاسمع صوت الرصاص وقف كيترعد عرف مكاين ليتجرأ عليه ولكن كيفاش وصل ليه بهاد السرعة..عرف نهايتو وصلات..
أمينة سمعات صوت الرصاص غوتات وعنقات بنتها... 

_رجاء:متخافيش متخافيش اماما... 
_أمينة:اهيء اهيء بنتي اش واقع... 
_رجاء(كترعد جرات ستار لعلى الشرجم اول واحد لمحاتو شهقات):زياد... 
_أمينة:شكون هادو ابنتي اهيء... 
_رجاء:ماما بقاي هنا انا انجي... 
_أمينة(شدتها من ايدها):لا لا ابنتي فين غتمشي اهيء لا مغنخليكش... 
_رجاء(شدات ليها وجهها وسط وجهها):متخافيش اماما هدا غير أوس وزياد تاحد مغيقدر يآديني وهوما كاينين.... 
_أمينة:لا لا مغتمشيش... 
_رجاء:غنفمهم ونجي( نترات ايد ومشات كتجري لتحت)... _أمينة:رجاااااااااء... 

***تحنات هي وباقي الخدامات وهي كتغوت.. أوس دار اشارة لزياد باش يحميه وهو غيدخل لداخل..داكشي ليكان كان كل واحد فيهم هاز جوج لبيستولي فيديهم وكيتيريو بيديهم بجوج بكل احترافية..

زياد تكلف بلي برا وأوس دخل كيجري لداخل..أسماء كانت محنية على ركبتها وكطل من لباب لمحاتو كيجري طالع..شهقات وخرجات عينيها..أوس طلع فرع لباب لول ملقا والو مشا لثاني لقا طاهر كيوجد في سلاحو مع الحلة مع أوس طلق رصاصتو على ايد طاهر تاطاح من ايدو السلاح..

أسماء غوتات غوتة وحدة خافت لتكون واقعة لشي واحد فيهم شي حاجة طالعة ورجليها فاشلين عليها..أوس تحنى شنق على طاهر وعينيه كينثرو العافية..كينهج وكيقطر بلعرق..حيوان جيعان..بحال دوك الوحوش اكيلي البشر... 

_أوس(قاجو ومعلقو مع الحيط..كارز على سنانو):فين هي مرتي... 
_طاهر(حماااااار وكيتنفس بصعوبة عروقة عينيه بانو):طل طل قني... 
_أوس(كيبان ليه غيموت بين ايديه..طلقو تاجا على لرض)... _طاهر(گاالس على ركابيه):كح كح... 
_أوس(حط ليه سلاح على راسو):هدددر😡 ولا نصفيها لزامل بوك..فيييين هي مرتيييي... 
_طاهر(غير شاد عنقو وكيكحب):كح كح كح... _أوس(معصصصب):مبغيتيش تهدر شهد على روحك(هاد لمرة جر واحد جعبة طويلة لتحت يالله غيتيري حتى كيحس بشي حاجة طاحت على رجليه)... 
_أسماء(دخلات شافتو حاط سلاحو على راس باها خافت بزاااف..تلاحت على رجلين أوس وهي كتبكي وترعد):اهيء اهيء عفاك متقتلوش... 
_أوس(سمع صوتها لا لا بصح صوتها متيقش هبط راسو بثثاقل لتحت يشوفها):أسماااء... 
_أسماء(هزات راسها فيه وعينيه داامعين):اهيء اهيء اوس نبوس لك رجليك متقتلش بابا.. 

_أوس(بووم طيح سلاح من ايدو بثثقال كلمة بابا كتردد فودنو كون تضرب برصاصة ومات وحسن من يتضرب بهاد لكلمة ويتصدم.. حركتو تشلات) 
_أسماء(حدرات راسها):اهيء اهيء عفاك لا... 

أوس ممتيقش ومغيقدرش يتيق..لا لا ميمكنش تقدر تكون واقعة شي حاجة معارفهاش..هزاها من لأرض ودورها تكاها على لحيط وهو شادها من درعيها وكيشوف فكل ملامحها الحزان كيتأمل فيهم توحشها بزاف وتوحش ريحتها كيشوف فيها بنضرة خوف..هي غير كتبكي. وكترجاه بعينيها..عنقها بقوة وهو كيشم فعنقها لمدة طويلة كيحاول يعوض غير شوي من داك الشوق..بعد عليها وشد وجها وسط ايديه.. كيتفتف من الخوف

_أوس :دا دار لك شي حاجة ياك نتي نتي شربتي شي حاجة احياتي ياك(كيسولها بعينيه وكيترجاها تگول اه شربوني شي حاجة وهو ماشي بابا)هو مكتعرفيهش يااك شربوك شي حاجة... _أسماء(غير مكتزيد فلبكا..شهقاتها مخلاوهاش تكلم حركات راسها بلا)... 

أوس مقادرش يستوعب اش واقع..طلقها ودار لطاهر ليكان مزال مرمي وشاد من عنقو وايدو عامرة دم..هزو من لكول ديال قاميجتو وردخو مع الحيط المقابل معاه..وبدا كيدخل ليه فلكروشيات بقوووة بحال الثور في معركة

_أوس: عطيتوها شي حاجة أولد القحبة ياك😡هدددر شربتوها شي حااااااجة... 
_أسماء(كتجرو بكل قوتها من لور):اووووس اهيء اهيء عفااااك لاااا طلق طلق منو اهيء اهيء عفاك مضربوش على قبلي أوووس اهيء اهيء الله يرحم باك..هو مداار والو راك غالط..

أوس مكيسمع والو من غير لحقد ديالو بقا كيضرب فيه غير لوجهو وراسو نقطة ضعف الانسان لدرجة ولا كلو مجغلط دمايات وهو ممباليش لترجيات أسماء..

طاهر بداو عينيه كيتسدو بشوي بشوي غير كيجي يهضر أوس كيدخل ليه كروشي..

أسماء كيبان ليها باها غيموت وهي مقادراش تحبس داك الوحش لفأوس..لمحات سلاح باها لمرمي وهزاتو ..


لمحات سلاح باها لمرمي وهزاتو..صوباتو لفوق وتيرات فسقف..أوس طلقو وتلافت بسرررعة خايف لايكون شي حد دخل وتيرا فأسماء..لقاها هازا سلاح ومصوباه ليه وكتنخصص وتبكي... 

_أسماء:اهيء هو مدار والو نتا غاالط أ أوس طلقو ولا نتيري... _أوس(صدمة تلو الاخرى مبقى عندو فين يهز.. كيلهت بحال شي ثور ونظراتو ملقيتش ليهم الوصف..بدا كيقرب):غتيري... _أسماء(كتبعد):اهيء اهيء راه مقتلش باك غير سمعني ونشرح لك راك غالط كيف كنت غالطة انا والله... 
_أوس(انقض عليها من كتافها وردخها مع الحيط تاغوتت):سكتييييي نتي اش عاااارفة اااه..دابا كيفاش نتي ضاحكة عليا يااك نتي هنا كضوري بخاطرك وانا مخلياني غنتسطى ااااه😡
_أسماء:لا لا اهيء واللهتا كنا جايين ليوم اهيء اصلا انا معرفتو بابا لبارح والله تيقني😭 
_أوس(تحت سنانو):زميييه..انا...

صرخة عااالية كتقاطعهم من لتحت..صرخة زعزعات كل الارجاء... 

***هابطة كتجري لتحت كتلاقا مع أوس في آخر الدروج ولكن مداهاش فيها كان طالع كيجري وعينيه معميين تلافتت كتشوف حتى كطلع من قدامها أسماء ليكانت كتبكي وفاشلة فعرفات انها غتفهمو الوضع يعني هي تكلف بزياد..

خرجات وهي كتسلت باش متجيش فيها شي رصاصة..لمحاتو بدون شعوور ابتاسمات ابتسامة عريييضة خرجات من قنتة لباب وتقابلات معاه..كان فجردة بكل فورمتو الضخمة ورجولتو القوية شاد جوج لبيستولي فيدو كيصوب ومكيزگلش..كانو وراه رجالو تاهوما خداامين..

كانت ساااهية فيه بلكل بدات كتقرب ليه وهي مهزوزة فعالم آااخر توحشاتو بزاف واخا غير يخنزر فيها ولا يقمعها توحشات ديك تخنزيرات ديال القتيلة..ريحتو لي كتشم على بعد كيلوميترات..رجولتو القاصحة وعفويتو لمكيبنهاش قدامها بزاف..ودنيها ثقاااال مكتسمع وااالو..عينيها تعماو كتشوفو غاهو..

كتمشى بخطوات تابثة قربات منو هو غير شافها تصدم بقا ساهي فيها كيحقق فيها..يلك غيخطي خطوة كبييرة باش يجري عندها يضمها ليه..

تلاحت قدامو..فور رؤيتها لنادر شافتو فزاج لوطو ديال زياد ليكانت وراه..كان واقف في جنبهم ومصوب السلاح لزياد هي بدون متفكر أو تردد تلاحت قدامو..بووووم رصاصة فجسمها زياد بقوة مكتوقعش وبصوت مبحوح..صرخة زعزعات الارجاء كاملة

_زياد :رجاااااااااااااااااء ...

شدها بين ايديه..وهو كيترعددد هز سلاحو وتيرا فنادر بقا كيتيري تاخوا سلاحو..ونادر طاح على وجهو جثة هااامدة على طولتو..هنا انتاهات حياتو هادشي غير معرفش زياد اش دار اما كون خلاه يتمنى ريحة الموت وميلقاهاش..هزها بين ايديه وهي شادة من بطنها لكانت مختارقها رصاصة... 

_زياد(شاد ليها وجها بيدو كيحركو وهو كيقفقف من خوفو عليها):رر جاء رجاء بقاي معايا بقاي متمشيش... 
_رجاء(كتهضر بزز):نن تا هنا ن نتا جيتي لدز اير عل على قبل لنا... 
_زياد:ششش متهضريش صافي شش براكة... 
_رجاء:أ و أول مر رة شت تك عقل لتي كن نت خو ويت عل ك القهو وة ون تا.. 
_زياد:براكة صافي شش غتبقاي معايا تحملي شوي... واخا(غوووت)وجدووووو طونوبيييل 

***فاش طلقات من ايدها وهبطات بلا رضاها معجبهاش لحال كانت حاسة كانت خايفة على بنتها بزاف..خافت لاتفقدها من بعد مالقاتها آخيرا..خافت لامترجعش تشوفها مرة خرى..و خوفها كان فمحلو..كيف رجاء جاتها رصاصة فبطنها أمينة طلقات داكشي لفيدها لأرض بووم وملي سمعات ديك الصرخة القوية بسميت رجاء عاد مزاد تأكدت قلبها بدا كيخفق بقوة واحساسها ضاق..دنيا ضارت بيها ببطء وهي كطلب الله وترجاه طلات من الشرجم من بعد مجرات الستائر بحركة ثقيييلة وهي كترجف..

قلبها مية ومية خنجر تغرسو فيه فاش شافت بنتها طايحة بين ايدين شي شخص وهو شادها كيرجف عرفاتو زياد ولكن انتباها كلو كان لفلدة كبدها..

الله يسمح لينا من الواليدين..وغير الام لكتحس بكل خفقة وبكل نبضة من نبضات ولادها..هادي هي طبيعة جسم الام سبحان الخالق..

هبطات عند بنتها وهي كتبكي وترجف وكلها كترعد وكدعي فكل خطوة أن الله ياخد روحها ويخلي بنتها... 

***كانت نضارتو. قاصحة ليها كان واصل الاقصى الغضب بقى شوي ويقتلها وهي كتبكي قدامو مبقا عارف اش يدير ميقدرش يآديها كتبقى حبيبتو ومرتو ولكن الا كانت غضراتو وضحكات عليه اكيد مغتفلتش من قبضتو..يقتلها ويشرب دمها ويتبعها..اما هي فكتمنى يسمع ليها ويتيق كلامها ويعرف الحقيقة ويعفو على باها ليكان مرمي في الارض ..

كان غيضربها لولا صرخة زياد لكانت كتأكد أن شي حاجة طارية..أسماء قفزات بشهقة..طلقها وهبطو بجوج وكيتمناو ميكون واقع والو أو القصة غير غتزيد تشابك وغيولي انتقام بكل المعاني... 

***كلشي هبط عندهم كان صوت الرصاص زگا ورجال أوس وزياد تحكمو في الاوضاع..زياد هز رجاء بين ايديه وطلعها لوطو لور القدام كان واحد من رجالو سايگ... 

_زياد:صبري صبري غن غنمشيو لسبيطار بقاي حالة عينيك... _رجاء(هزات ايدها لعامرة بدم بثثاقل وحطاتها على خدو): ز ياد بغيت بغيت نگول لك شي ش حاجة... 
_زياد:شش صافي متزيديش تنطقي باقي الوقت وغن نهدرو بزاااف(غوت على لگارد) سربيييييي... 
_رجاء:كح كح ش شوف إل الا وقعات شي حاجة... _زياد(قاطعها):مغيوقع والو والو نتي غتبقاي معايا مغتخلينيش... 
_رجاء(كتحس بالضعف كتحس بأنهم آخر لحضاتها وهي منادماش باش الى ماتت غتكون ماتت بين ايديه):غير سمع خل ليني نهضر عفاك (سرطات ريقها)..من من ديما حلمي نع عيش بين ايد دك ولكن ان نا فرحانة لامت ونا معاك باش ا نا انا من أ أول نظرة بغيتك فيها وكنت نتمنى نكون لك..ز زياد أ أن ا كنب بغيك ..

_رجاء :ز زياد أ أن ا كنب بغيك(ابتسامة بريييئة وسط الدماء) ...

زياد لسانو تربط وملامحو دلالة على الشلل والصدمة بغا يجاوبها ولكن سرعان ماتدخل القدر..ايدها طاحت من على وجهو لأرض ..وعينيها الزورق تسدو بمرة ولكن الابتسامة بقات على شفايفها... 

_زياد(تخلع شد وجهها كيزعزعو وعينيه مغرغرين):ر رجاااء رجاء رجاء عفاك بقاي بقاي معايا رجااء فيقي فيقي عفاك متخلينيش صافي مبقيتش نعيرك غافيقي رجااء رجاء فيقي صافي تانا كنبغيك رجاااااااء(خشاها فصدرو) ..

وصلو المستشفى كلهم كانو السيارات لفيهم أوس وأسماء وأمينة وراهم وكلهم حرقة..زياد هبط بسرعة وهو هازها بين ايديه..دخلها لوبيطال بالجرى ودماياتها تقاطر بدا كيغوت... 

_زياد:طبيييييب طبيييييب..

جاو الممرضات كيجريو بواحد لباياص..حطوها فيه ودفعوه كيجريو وهو معاها شاد فيدها ولخرين وراهم كيجريو..جا واحد الطبيب... 

_الطبيب:دخلوها لوبيرااااسيو..

دخلوها لغرفة العمليات ديريكت وهو حبسوه قبل ميدخل الطبيب جرو عندو... 

_زياد(بعينين حمريين ومغرغرين من تحت سنانو):كنقسم بالله وطرا ليها شي حاجة حتى نكفنك بيدي(طلقو).. 

الطبيب دخل والممرضات بداو يتجاراو..زياد ضار تكا راسو على الحيط وبدا كيتفكر اش گالت ليه رجاء وهو غير مكيزيد يسعر هي كتبغيه اه كتبغيه وهو كان فكل فرصة كيسبها وينقص منها دابا الى مشات من ايدو غيحماق كثر من أوس..شي ايد كتحط على كتفو تلافت لقاه أوس... 

_زياد(عنقو كان محتاج لشي كتف يحط عليه راسو ويخوي عليه متگولوش ليا راجل جوبونس الراجل تاهو عندو الحاسة السادسة):هي عتقاتني أ أوس هي بسبابي هنا... 
_أوس(كيطبطب عليه):غترجع لينا انشاء الله
***بالجانب ديالهم
_أمينة(طاحت الارض وهي كتبكي):الله على بنيتي الله اهيء اهيء يارب تاخد روحي وتخليها سالمة اهيء الله يارب تعيشها وتخليها معندي غيرها اهيء اهيء... 
_أسماء(طاحت عنقاتها):اهيء اهيء صافي اخالتي صافي هي مغيطرا ليها والو نتي معارفاهاش شحال قوية اهيء هي غتفيق اخالتي... 
_أمينة:منقدش نعيش بلاها اهيء اهيء هي لعندي بنيتي..كنحس بالعافية كتحرقني كتحرقني ابنتي اهيء😭 انا تشويت عليها ...

بعد نصف ساعة خرجات الممرضة كتجري بسرعة والطبيب كيغوت... 

_الطبيب:متعطلييييش كنفقدوووها من ايديينا ...

كلشي وقف كيتلافت وأمينة غير كتغوت وتبكي كتحس بالحرقة والفشل مقادرة دير والو ولكن بالسيف كتبقى أم وهي لغتحس بولادها.. كتبقى أم الى تجرح غاولدها فصبعو كتحس بيه وكبدتها كتهز وتحط بقا غير تشوف بنتها كتموت قدامها وهي عاجزة...ندمات كون غير شدتها بزز عليها ومخلاتهاش تهبط. ..كانت حاسة بشي حاجة..ولكن مكتوب الله كيتصرف فيه.. 

زياد تخلع كثر وكثر جمع ايدو على شكل قبضات وبدا كيضرب لحيط..خايف لايفقدها.. مينكرش تاهو كببغيها ولكن فات الفوت باش يگولها..حبها ليه وجنوها خلاها تكون فبلاصتو هي عتقاتو من الموت باش تواجهو فبلاصتو.. بدون تفكير هي تلقات لرصاصة كتفضل انها تمشي لتحت التراب ومتشوفوش كيتألم...

هنا كنتكلمو على الحب..الحب الصافي والنقي والاسطوري..ماشي كلمة الحب ديال دابا لدنسوها البعض ولات عبارة عن عنوان لممارسة الجنس..والتصاحيب والخوا الخاوي..ولا الكلب كيعرف كنبغيك من كثرة ماداولت..ولا كلشي خبير في الحب وتاهو تيضرب لحمو ويسكر ويغير وگال لك كيحب..وهو الحب حار فيه ديكارت وهدر عليه سقراط وتنازع فيه أرسطو و أفلاطون..والقباني والمتنبي كتبو عليه مجلدات وملقاوش ليه مخرج ويجي واحد ولا وحدة في الارض ويگول لك الحب اجمل شعور 😏

***كانت في حلم غرييييب كانت وسط غابة خضراء لابسة البيض وهازا فيدها الببغاء البلاستيكي دكرى باها الله يرحمو..طريقها صافية وواضحة وضو خفيف مقابل طريقها.. للحظة كتلمح باها سي محمد سالم واقف بوقفتو وابتسامتو البريئة بحروفو لكوحل وشاربو الكثيف..كان زوين كان أحن إنسان تعرفو واخا غير فمرحلة الطفولة توحشاتو بزاف توحشات ملامحو..بابتسامة شافت فيه..مد ليها ايدو... 

_محمد سالم:تمشي معايا ولا تبقاي معاهم... _رجاء(بابتسامة):توحشتك ابابا اكيد غنمشي معاك... 
_محمد سالم:وغتخلي كلشي حتى من زياد... 
_رجاء:كتعرفو ابابا... 
_محمد سالم:اه ابنتي انا ديما معاك... 
_رجاء: ونا بغيت نبقى معاك(بدات كتقرب باتجاهو حتى كيوقفها صوتو القوي بنفس الصرخة والبحة)... 
_زياد:رجاااااااااء

***نرجعو الواقع..الممرضة دخلات كتجري هي وطبيب آخر كبير ومحترف كانت غايبة على الوعي والاجهزة ضايرين بيها..نبضها كان توقف... 
_الطبيب:وجدووو الصدماات(بدا كيدهن شي جوج الات على بعضهم هازهم فوق صدرها) آن دو تخوا..(هبطهم على صدرها تاطلعات)..واالوزيدي 150(عاود نفس الحركة ومطرا والو).. 200 ضغياااا كتموووت(عاودها تاترفعات ووالو نبض موقف)..طلعييييه لماااكسيمو(عاود نفس الحركة..تهزات كاملة..كلشي كيشوف فجهاز نبضات القلب كيبان ليهم باقي الخط مستقيم وصوتو طييييييط) ...

زياد بدون شعور كان حاس وغوات الطبيب فودنو مقدرش يتحكم فراسو كثر فرع الباب ودخل وفاش شاف النبض هاكاك غوت بسميتها فنفس اللحظة..سرعان مبدا كيتسمع طيط طيط..طيط طيط..كلشي كيتلافت نبضاتها رجعو عاديين..تاحد مكان متيق انها ترجع الحياة من بعد مقلبها توقف ولكن كيف ديها القدر قاد بلعبتو وسبحان الخالق مرة خرى ..


مقدروش يخرجوه لبس لبسة طبية وبقا تما معاهم كيخيطو الجرح..خرجو شي ممرضات يطلبو الدم وطمأنوهم انها بيخير دابا كانت نفس فصيلة دم أوس O ايجابي..فقبل يعطيها بلا ميتعطل..دخل لغرفة خاصة... 

_أسماء(گالسة جنب أمينة فوق واحد الكرسي): متخافيش أماما شتي اش گلت لك هي قوية اصلا متقدرش تخلي ساط ديالها... 
_أمينة(ابتاسمات):انشاء الله ابنتي نشوفها عروسة معاه..واخا مبغاتش تعتارف ليا ولكن هي باينة كتحبو وتاهو باينة من خوفو... 
_أسماء:خخ ياك بعدا بقات فهزان القنانف... 
_أمينة:سي طاهر فين هو... 
_أسماء(وقفات):اه بصح غيكون باقي عيان... 
_أمينة:صافي نتي غامشي ابنيتي الله يرحم لك والديك انا انبقى هنا ولا وقعت شي حاجة اتاصلي بيا... 
_أسماء:واخا صافي المهم لاسول أوس گولي ليه عيات وگلت ليها سيري ترتاحي ولا شي حاجة... 

مشات كتجري خرجات لبرا بانت ليها لوطو ليجا فيها زياد وحدا لباب واقف داك لگارد مشات كتجري عندو... 
_أسماء:وصلني لدار ورجع هنا صافي... 
_لگارد:واخا أمادام... 
_أسماء(حلات لباب باش تطلع حتى شي ايد كتردو كتسدو من الوشمة عرفاتو سرطات ريقها وتلافتت عندو)... 
_أوس(مخنزر):فين غادا... 
_أسماء:غا غا عيت و بغي يت نمش نمشي نرتاح... 
_أوس:واش كنبان لك حمار انا ولا اشنو واش عارفة علامن كضحكي... 
_أسماء(شدات ايدو):أووس عفاك اهيء اهيء غنمشي ونرجع عفاك باغا غانرتاح... 
_أوس(دور ليها ايدو ولا هو ليشاد فيها..كرز عليها..من تحت سنانو):معندك فين تمشي..

جرها دخلها لداخل وهي كتبكي وثنثر وخدا غرفة طبية خاصة دخلها ليها وسد لباب..لاحها فوق لباياص... 
_أوس:ياك باغا ترتاحي..يالله رتاحي(گلس فوق الكنابي مقابل معاها)... 
_أسماء(گلسات):براكة مدير فيا هاكا أ أوس راك كتعدبني والله اهيء اهيء واللهتا حرام علك براكة واش مقدكش ليداز عليا... _أوس:زميه ورتاحي ومن بعد ونتفاهمو مزيان... 
_أسماء:انا مدرت لك والو وتا بابا راك غالط والله... 
_أوس(كارز على مخارج الحروف):غتزميه لا... 
_أسماء:اهيء غير سمعني واخا غير مرة راه بابا..

أوس قاطعها هز تيليفنو.. 

_أوس(عبر تيلي):فاق..اه واخا ربطوه وتكلفو بيه بينما جيت... _أسماء(وقفات كتجري خدات ليه تيل):لا لا لا شوف شوف عفاك..... 

كتسمع غير طيط طيط..كانت المكالمة سالات..شداتو من كول لقاميجة... 

_أسماء:اهيء ندير ليبغيتي مدير ليه والوو حشومة علك اهي اهيء واللهما دار حاااجة أوس عفاااك😭😭
_أوس:فات الفوت... 
_أسماء:أوس راه باك لغضرو باك ليكان ممزيانش راه هو لي.. _أوس(سعراااااتو قلبها ودفعها على لحيط وهو قاجها):زمييييي فمك زميييييه..سكتييي سكتييي... 
_أسماء(عينيها خرجو وحمارو كثر ماهوما حمرين بلبكا كتحس بنفسها تقطع شيئا فشيئا..جمعات قوتها كااااملة ودفعاتو تارجع لور..بحر جهدها غوتات فوجهو):برااااااااكة براااااكة نتا نتا ليمعارف والو الى مكنتيش كتعرف باك انا غنگول لك اش كان كيدير وغنعاود لك كلشي وهاد المرة نتا لغتسمعني...


_أسماء :غنعاود لك كلشي وهاد المرة نتا لغتسمعني... 

أوس مخنزر وكيتنفس بصعوبة باغي يسمعها ومباغيش فنفس الوقت خايف يكون عندها الحق وكلشي يتهدم وخايف تكون غالطة ويصدق قاتلها ولكن هي مخلاتش ليه الفرصة... 

_أسماء:قبل هادي 19 عام بالضبط..كان باك عدو لبابا..كان باك طماع وباغي يوصل القمة بأي طريقة..
_أوس(غوت):أسمااااء😡😡
_أسماء(سرطات ريقها خاصها تعرف اش كتگول هاد لمرة خاصها تفكر كلمة بكلمة وتنسى غباءها ومفرداتها القاصحة):المهم انه كان بيناتهم عداوة كبيرة رغم انه كل واحد فبلد ولكن الاب ديالك الله يرحمو الا تمكن من بابا كان غيكون فمرتبة عالية..تزاديت انا و بابا قرر يخرج من عالم المافيات على قبلنا..وهدر مع باك باش يتسامحو ويكونو اصدقاء فبلاصة اعداء باك وافق ولكن ماشي هادشي لي وقع فواحد نهار باك هجم على دارنا كان عارف ان الحراسة مبقاتش مشددة بحال لول بحكم ان بابا قرر يخرج من هادشي كامل..هجم على دارنا هو ورجالو وضربو ماما وبابا وخداوني وهاكا دخلوني المغرب ولاحوني فطارو.. 

_أوس(باستهزاء قاطعها):واش باغني نتيقك كنبان لك حمار... 
_أسماء(قربات باتجاهو ببطء وهي كترعد تعلات على صباع رجليها وشدات وجهو وسط ايديها وعينيها دامعين):أوس نتا عارف بلي انا كنبغيك كثر من أي واحد هنا نتا عارف منقدرش نكدب علك..أوس حياتي تيقني غير هاد المرة عفاااك اهيء عفاك غير بحث في الامر تفكر لاتكون فصغرك سمعتي شي حاجة أو سول عمي مصطفى ولا شي واحد عفاك غير عطينا فرصة وحدة..

عرفات كيفاش تخليه يخضع ليها خاصو يعرف بلي هو أهم من باها بالنسبة ليها وهاكا يقدر يتيقها..هدا هو الهوس وحب التملك... 

أوس كيشوف فعينيها الدامعين ومقادرش يتحكم فراسو باغي يعنقها ويبوسها بعنف توحشها ولكن فنفس الوقت هي كتهضر على باه القدوة ديالو كيفاش يتيق كلامها... 

_أسماء(گلساتو فوق الباياص وگلسات جنبو وهي شادا ايديه):بابا قلب عليا في المغرب لمدة طوييلة ولكن ملقانيش مكانوش عندو معارف في المغرب بزاف والام ديالي ماتت من بعد ميأسات من انتظاري..گاليا بابا انه بصح كان باغي يقتل باك على فعلتو وينتاقم ولكن واحد آخر سبقو..عمك گاليا كان عمك مغيار وديما كيشارك مع أعداء باك باش يضمروه ومن بعد معرف بالمشكل ليبين بابل وباباك وعرف بلي بابا باغي يقتلو قرر انه يبرد غليلو ويقتل باك وهاكا كلشي غيضن بلي بابا ليقتلو..وكلشي مشا غالط حتا نتا..بابا قلب على عمك ولكن مرة خرى سبقوه وقتلوه(هزات عينها فيه)گاليا نتا لقتلتيه وأنا من داك نهار ونا عايشة وسط طارو وقعو ليا بزاف الحويج فصغري خداتني مي فاطنة وكبرتني تاولات عندي 4سنين ومن بعد موتها مبقا عندي حد راجلها كان ميصلاحش كان مسخ..وهربت من دار لنفس الطارو وعشت فيه 19عام..اه 19عام ديال الالم والعذاب في البرد والشتا تعرضت لمحاولة اغتصاب بزاف المرات لدرجة وليت كنغطي راسي بالزبل وجلوف الخضرة باش تكون ريحتي خانزة وميقربوش ليا مع دلك كنت كنگول هادشي ماهو غير قضاء وقدر وبصح حتا النهار لجيتيني فيه نتا ومن بعد عداب معاك بغيتك وكنت حلالك ولكن شوف هاد القدر كيفاش لعب بينا مرة خرى ورجعنا لنقطة البداية(تنهدت)الزمان ضوار أ أوس زمان ضواااار... 

أوس هبط راسو وكل كلمة من كلامها كتردد فمسامعو بحال تزنزية النحلة صعييب يتيق ولكن عينيها مكيكدبوش..هو قتل عمو بصح باش كان باغي ياخد ليه املاكو..وبصح عمو كان مكيسوى ميصلاح..

واش كلامها يقدر يكون بصح باه داك الملاك الحارس يقدر يكون بهاد الخبث هز عينيه كيشوف في الشرجم للحظة بانت ليه واحد الفراشة كدور حدا شرجم..عقلو رجع بيه الوراء لمدة طويييلة..لقطة من حياتو تقدر تأكد كلام أسماء ...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.