🍂 وما كنْتُ ممن يدخلُ العِشْقَ قلبهُ و لكن مَنْ يُبْصرُ جفونكِ يَعشِــــــــقُ
وما الهوسُ الا لعبةُُ يُتقنُها اللعوبُ ولكن مِنْ ذَمانةِ عشقُكِ صِرتُ أَهْـــــــوَسُ🍂
تختلف الاقدار بما يشاء الخالق🖤.. فالمجتمع ديالنا من دون حسبان للأوطان، العادات، الاقتصاد المتدهور.. كنلقاو جوج الأنواع او بالأحرى ثلاثة.. كنلقاو ناس الرفاهية بزنز بيبل.. الناس لكينتميو ديك الطبقة البرنزيلية العليا المليارديرات👑.. هادوك فالجانب او في أعلى الهرم وكين لكيتوسطو الهرم الناس ليعلى قد الحال عيشين خدامين ومرتاحين برزقهم.. ودابا اجي تتعرفو على ديك الطبقة المهمشة او كيف كينطقو علينا أعالي الهرمات ناس الخيش بيش.. الحثالة.. الوسخ ديال المجتمع.. رغم ان هاد الطبقة مكرمها الله فكتابو الكريم.. الواقع المر ديالها كيخليها تعيش العذاب اليومي رغم انه معندها ذنب.. وهاد الطبقة تاهي طبيقات متفرقة.. انتعرفو على اذناها دابا
بدون استغراب اه الطارو.. مرمى النفايات.. بلا زيادة او خيال واسع.. فالحين لحنا الطبقة المتوسطة او حتا الكادحة بلا منهضرو على الطبقة العليا خليها لناسها.. كين ليعيش عيشة القملة فالراس...عيشة الذبانة فالبطانة.. عيشة الخنفيسة فالرماد.. عيشة الوسخ... ولكن غرييب ومتميز تلقا شي واحد عيش هاد العيشة الضنكة والابتسامة على شفايفو حتا اللخر..
بنت الزبل أولا يتيمة الطارو.. أسماء 19 عام..بنت فمقتبل العمر.. وردة ذابلة.. لا لا وردة حية بمعنى آخر للحياة وسط الزبل مدفونة.. مكرهتش نعرفكم علي كنيتها ولا أصلها ولا نكذب عليكم ونقول ماماها سميتها فلانة ولا باباها سميتو فلان..ااه ولكن لغالب الله لي عندها هو هاد الطارو هو بالنسبة لكلشي غير مأوى للزبل ولكن بالنسبة ليها لعالم ديالها..دارها..عنوانها..وهويتها.
19 عام ديال حياتها وهي مكتعرفو غير هو ملي حلات، عينيها لقات راسها فيه وناس لي تجي تلوح زبل تصدق عليها
كلشي ايهز حجبانو وغيتساءل كيفاش كبرت.. كينين بزاف الاطفال لكيترماو فالطارو بغير ذنب.. كين لكيموت من الخنقة وكين لكيكتب ليه الله حياة جديدة وهي وحدة من هاد الأخيرين.. تلاحت فالطارو فعمر 7شهر السبب كيبقا مجهول.. وفي طبقتنا المتوسطة او حتا الكادحة تما كتلقا ناس الخير.. هزتها كبيرة السيكتور مي فاطنة وربتها بحال بنتها بحكم عقمها.. كبرتها بحليب الفارمسيان الى حين ولات عندها 4 سنين وشاءت الأقدار مرة خرى بروجعها لأصلها.. ماتت نبع الحنان وبقات يتيمة لمرة ثانية.. وهي عارفة انها ماشي بنت مي فاطنة.. بحكم كيف ولات كتفهم اعتارفت ليها مي فاطنة بكلشي وگالت ليها بلي نهار لول سمعو صوت تربية صغيرة جاي من طارو ولقاوها.. و هي لي تكلفت بيها وربتها بحال بنتها..ومن بعد موتها رجعت لبداية ديالها نفس الطارو.. وكيف كتنطق وتغني من صغرها
معارفة والو عليها من غير سميتها، لي منحوتة على واحد لگورميطة هي لوحيدة لي جات معاها..ديك الوردة عاشت وشافت ليقدر يشوفو شيخ فعمر 70 عام.. شافت شتى الانواع ديال البنات.. شافت لكتبكي على مخنن مشا وخلاها.. شافت لكتبكي على نقطة ولا امتحان كفساتها فيه بحالا الدنيا اتقطع ناسية آخر امتحان.. شافت لكتبكي على بيم دابليو حمرا👀.. وهي مسكينة علاش اتبكي اه علاش اتبكي.. واااللو عيشة فطاروها لا اصل لا فصل.. داكشي علاش محيدة شي حاجة سميتها الدموع من قاموسها الجسماني.. قوية وحرايمية بمعنى الكلمة.. وحيانها مبنيين على المدابزات مع الكلاب والمشاش على المكلة الشيطة.. واخا هكاك عمرها مدات ايديها فالزناقي ولا تسولت على حين البعض لكتلقا عندو فالاصل 3 ديور وماد ايدو فالزناقي😏 والزوين فيها ديك الروح المرحة لي ايلا فرقتها على 33 مليون نسمة يشيط منها الخير..كتآمن بشي حاجة سميتها قضاء الله وقدره.. جملة ولا شعار.. مخلياها تعيش الهنا والسلام فمملكة زبلية.. عاطيها الله واحد الصوت كيطرب الاذان وشاغلة وقتها بيه..الا جيت نوصفها اتقولو زدتي فيه ولكن الواقع المر هو ليغطا عليه.. بنت زويينة وزينها بريييء.. كيف كتقول على راسها حورية المزبلة.. مفاتنها منحوتين بطريقة زوينة.. عندها الهضاب والتضاريس فأماكنهم الحد القد.. عينيها تغير منهم السما والبحر ليهم راكع.. شعر متوسط الحجم فالبني القامت واخا مشعكك.. وجه داير دورة القمر.. مع بشرة بيضة حليبية..راه بصح زوينة ولكن الزبل غطا على زينها.. مزااجية تقدر تبكي أحتا تضحك فنفس الوقت.. عصبية بروح مرحة.. ولسانها فوقمن طويل فيها لبلابلا بزاف..وحساسة نوعا ما واخا غامع المشاش.. وأكثر خلة فيها فمها خاسر لدرجة شمكار بامتياز...فهضرتها الاعتيادية مكتسمع غافين اتبي.. لاباس ألقوادة..هي هاكا 🤷♀️😂.. امية مقارياش ولكن الدنيا قراتها مر حروفها.. مكتعرفش تكتب ولكن حياتها هي لغتسطر قوانينها.. راااضية بالمكتاب وعيشة عيشة اميرات ديزني فطاروها.. اطاروها المأوى ديالها ليحاميها من شمس وشتا.. فراشها وغطاها.. واهم حاجة مكيخلي تاحد يقرب منها لبشاعة ريحتها.. وناس السيكتور كاملين حامينها ومعتابرينها وحدة من الجيران.. هي وداك المبطبط ديال مشها.. هرهور..هو الوحيد لعيش معاها وصابرين على بعض بحال الخوت😂.. داك المنفى ديال الزبل بالنسبة ليها حيــــــــاتها.. مكانتش متخيلة انه غيجي شي نهاار وهاد المأوى يقلب ليها داك الحياة المخربقة للأسوء
🌸 نهار الجمعة مع 2:15 🌸
في فصل الصيف.. جالسة مربعة فطاروها الكبير نوعا ما.. دوك الطوارو لتيكونو أساسيين وكبار..يوم كيف كنقولو عليه كبيير عند الله يوم الجمعة واكثرية المغاربة فالعادات ديالهم تيعرفو هاد النهار بريحة كسكسو ليكتكون فايحة من كل دار..
_البنت:أسماء أسماء...
_أسماء(هزات راسها تشوف شكون لقاتها زينب بنت جيران): زينب لاباس...
_زينب:اه الحمد لله..هاكي..(مدات ليا طبسيل)..رسلاتو لك ماما...
_أسماء (خداتو):گولي ليها الله يخلف ويقوي لخير الله يرحم لواليدين...
_زينب:واخا اختي بسلامة تعطلت على لمدراسة _أنا:وقراي مزيان..تخرجي لينا غابيلوطة هزي ديلمنا من هاد القنت 🙄
مشات وهي كضحك على حماقها كيف العادة وأسماء خرجات غسلت إيديها ورجعات لطبسيل.. لقات هرهور كيجر في سربيتة لي على طبسيل..ولد لمش لاخر كان غيرزيها فغداها..هزاتو وحطاتو حداها وحطات ليه حقو في ميكة..
_أسماء:كول ينعل حباب مك كنتي غترزيني فطبسيل
_هرهور:ميو ميو ميو
_أسماء:وزايدها بلهدرة..كول وسكت ولا نلوح لمش تاع بوك من هنا..
گلسات تلگم وتهدر مع هرهور غي سالا ماكلتو دار لطبسيلها بغا يخشي معاها يدو..جرات عليه طبسيل
گلسات شدات تيلي بانت ليها واحط لبوطونة وركات عليها شعل شدات صبعها مع تاكتيل وگلست دوز حتى معرفتش كيفاش حتى طلع داكشي...
بيت كبيير واقلة لاكاب داكشي مواضحش غير واحد لبولة كتمشي وتجي وكيبان واحد رجل مربوط في كرسي لوسط وشي بغال أأ بغيت نگول رجال زعما ولكن تبارك الله غيكونو تياكلو سيليلاك.. واقفين فالجناب كيتوسط الغرفة واحد الكرسي هزاز خشبي فوقو داك الراجل المربوط..وقدام الكرسي كين شخص آخر مبينش بحكم انه عاطي بضهرو لكاميرا.. وكيهزهز فلكرسي برجليه.. المحاذثة ممسموعاش مزيان ،من غير "فين هو طاهر بن حسين"... وشي كلمات متقطعة.. فجأة بوووم طاخ ليها تيل من إيديها وشهقات 😨 بحكم انها غتشهد على منضر بشع ضناتو غير لقطة فيلمية.. كانت تتمتل هاداك سيد لي في لكرسي كيطيح بكرسيه لور بسباب رصاصة لي فجأة جات وسط عينيه كان لمنضر بصح كيخوف.. عاود هزات تيل
_أسماء:أححح قلبي ياربي سلامة هادو مالين هاد المشقوف شحال كيعجبهم رعب يعطيهم ذل لا لا راهم تبرعو ليا بتيليفون غير خليهم ولكن أو هادو افلام هادو مدخلينهم ياك أهرهور (حتى كتجي زينب)
مشات زينب وأسماء رجعات شدات تيلي بقات تخربق حتى نعست...وهاكا تزادت حاجة خرى على حياتها تلاها بيه بعدا واخا مكتعرفش ليه ولكن دوز بيه لوقت..
مكانتش كضن ولو للحظة أن ديك الحاجة الجديدة لي ولات كدوز بيها الوقت غتجي شي لقطة وتوقف داك الوقت..
🌸 الإثنين مع 4:30 🌸
الجو مشمش وزوين.. غاديال الخروج ولكن هي فيين اتخرج فين.. مكتفوتش طيطوار.. حتى من هرهور خرج يدور كون راه ولد لحرام شاد شي هرهورة فشي قنت😂 هادشي لكيجول فبالها 😂 أما بالنسبة لتيليفونها خلاتو يتشارجة عند رشيدة (مت زينب) أقرب وحدة ليها من الجيران.. تاهي باقا فالثلاتينيات من العمر مرأة زويينة والله يعمرها دار.. وكلشي كيبغيها ويحتارمها..عيشة حياتها بسييطة وعزيزة عليها أسماء كتبقا فيها وفنفس الوقت قدوة ديالها..
وهي الوحيدة لكتأمنها أسماء على اسرارها ومدايراها بحال ختها ليمعندهاش.. ودابا كتعاونها كتشارحي ليها تيليفون فدارها...واخا فكل مرة كتسولها باستنكار منين جاها..
ملات فالطارو.. وقررات انها تخرج طل شوي على ديك الشميسة.. ناضت ساست حويجها واخة غير شوي بعدة ودارت شوي دفال فيديها وهبطت شعرها باش ميبقاش واقف وخرجت...فعايلها المبرهشين 🙄 وأول حاجة دارت مشات عند رشيدة دقات عليها جوج دقات في انتضار الرد.. حتا خرجات عندها
_رشيدة:أهلا أسماء دخلي مرحبا
_أسماء :لا لا اختي ترحب بك الجنة
_رشيدة:غي دخلي تشربي اتاي
_اسماء(مع راسها:اويلي ندخل وانا هاكا غنوسخ ليها غير دار احح فيا جوع):لا أختي والله غير خليها مرة خرة..راه غير جيت ناخد تيليفون واش تشارجة اختي؟؟ _رشيدة:اه تسناي انا ندخل نجيبو لك..
دخلات شوي وهي تخرج هازا فإيد تيلي وإيد لخرة طبسيل صغير فيه 3 شفنجات..مدات ليها تيل وداك طبسيل صغير
...سيكتور كان عامر دراري صغار كيلعبو كورة ولبنات لاستيك.. طبيعي هادشي في درب سلطان دروبتو ميكينعسوش ومكيسكتوش.. السيكتور ولا الدرب مزداحم من النوع المغربي الكلاسيكي القديم.. ديورو ملاسقين تقدر تنقز من سطح لسطح عااادي كوم لافخونس.. بحكم الديور معالينش.. فيه حانوت في شوكة ديال بامصطفى و فيه حانوت لوسط ديال لوحات عمي دريس.. ومقابل معاه حانوت آخر ديال لوحات ديال خو عمي دريس.. وفي لخر ديال درب كاينين جوج مراوات مي فاطمة و مي باركة كيبيعو لبطبوط ولبغرير وداكشي وطارو أسماء جا حدا دار رشيدة لوسط...
بحال أغلب الدروبة السلطانيين.. كيعج بواحد المرح وواحد الحرارة بحال فاس القديمة.. والصخب والجيران ند لجيرانهم بحال شي عائلة وحدة
حوار كزاوي مشرملي قح
_عادل(المكنى بسيطي) :أااااهلا لعشير
_سعيد(المكنى بقريدة نسبة لخفتو فالشفرة) :(عنقو):وفييين ألعاملة
_سيطي:وااايييه انا غنمشي نحضرو من عندها يالله تهلا نتا دابا بلا منديرو لفرطة
_قريدة:يالله عشيا لگاليطة..تهلا(مشى)
_سيطي:هواحد سلاام عليكم ختي أسماء
أسماء هزات راسها..شافتو جمعت تيليفونها..عاادي تجمعو وهي عارفاه اش كيسوى واش خدمتو
عادي أو المكني بسيطي كيتعتبر راس لحربة ديال درب و خدمتو شفرة ومكيصاحب الخابية غالغراف.. وكذلك سعيد أو قريدة تاهو من شمكارة ديال الدرب وتاهو شفار محترف.. غير هوما باش زوينين فيتين عليهم ناس الدرب بلعكس كيحاميو عليهم
_سيطي:لا لا ماشي هاكا غير زعمة جاتني عجب منين حضرتيه
_أسماء:ونتا مالك أخويا؟😕
_سيطي:أعلى مصلحتشك..نتي عارفة درب عامر ولاد لحرام..واللهما يبقى لك
_أسماء(أودي كاين غير نتا):لا لا متخافش
_سيطي:هاگلت لك..المهم إلى بغيتشي تشبيعيه ر..
_أنا:لا مبيعاهش أتهنا
_سيطي(ناض وقف):نخليك دابا أختشي ولا بغيتي تشي لعبة انا أهنا
_أسماء :الله يحفضك..
مشى وهو ممستسلمش.. اكييد خاصو يضبر عليه من عندها بأي ثمن
_أسماء(بقات كتگمگم تحت نيفها)؛ ممرگش گالك باغي مصلاحتي..بغاني ندفل على مو هادا..
داز تتمة نهارها عادي كان ديك ليلة صهد شوي.. كيف قلت ليكم راه عز الصيف هادا.. والبلاستيك راه كيخنق واخا متقب شي تقابي.. وهنا بدا شوي بشوي كيبان الفرق الطبقي لكنعيشوه فمجتمعنا النصف حضري.. فليل سخنات أأ زعما جاها الصهد وناضت حلات لغطى ورجعت كملت نعاسها فأمان الله ورعايته...
صبح صباح وأصبح الملك لله.. صباح متميز بخيوطو الذهبية ولكن شكون داها فيهم وهي باقا كتشخر.. صباح غيخسر فياقها وحالتها وغيخرج سم لسانها.. كانت مجموعة متكية كيف عادتها حتى كتفيق على طارو زبل..ياااااع😖..بنادم يفيق على لورد وهي للزبل..ناضت بشعكاكتها...ساااعرة نيت
_أسماء (مخنزرة بلا متحل عينيها غوتت) :الله ينعل ديلمك..
حلات عينيها لقاتها إلهام لقحبة ديال درب مكتحملهاش..والإحساس متبادل..ودييما كدور فين تستهزأ بيها.. بحكم هي عزيزة عند الجيران واخا بنت طارو وهي لا.. وهادشي عادي وهوما كيشهدو على فسادها
_إلهام(كتجعوق):هيييي مالك يختي كتغوتي
_أسماء(بغيض) :مال ديلمك جعرتي فهاد صباح
_إلهام:(تتفگعص)ومالك مباغاناش نلوحو زبل زعما..باش عرفتك كاينة هنا
_أسماء(مخنزرة😡):عرفاني ناعسة فدار باك _إلهام(حطات طارو):هيي هاديك لقحبة مالك كتهزي في هاد صباح
_أسماء(مكانتش من العاگزين) :ياكما كتهدري على راسك _إلهام(قربات ليا وبدات كتغوت بغات دير فيها كاينة):شوفي هاديك بنت طارو..تزيدي كلمة منخلي لقحبة تاعت مك حتى شعرة
_أسماء(طلع ليها دددم خرجات من طاروها بزبلها):الله ينعل زامل تاع بوك يبنت لمطوطحة _إلهام(كتغوت):عاوديها..گالتها لمطوطحة لخرة لا جدر لا آصل
_ أسماء(صافي جبدات ليها نقطة ضعفها جعرتها بلبيان كانت غنتلاح على مها كون مشدها شي حد من لور عينيها خرجو): الله ينعل طبون طبابن تاع لفشلوقة تاع لخشاية تاع لقحبة تاعت مك يا بنت لقحبة..بزااااف على ملتك يالهاربة..يلي تهزو فابور..ياشايطة..اه..انا بزاف علك..تلقووووني..تلقونييي
إلهام بقات مصدومة عمرها شافتها هاكا بطبيعتها غي كنضحك ومكتجبد لا صداع لا والو وعمرها خسرت لهدرة قدام الجيران الكبار ولكن معامن ولاد لقحاب
خرجو الجيران من بعدما سمعو الغوات.. وعارفين المغاربة كيفرحو لهادشي خصوصا لاكانو مضاربات بنات..وكين الناس الفكاكة.. گلسو عليهم نعلو شيطان هادشي ممزيانش.. إلهام غير شافت جيران وبدات تنقز باش تبان ولكن أحح كون تلقوها عليها كون غزاتها ..رايبي يولي يجيها قاصح..فكوهم وبقات رشيدة كتهدر معا أسماء..
رشيدة(بلاطفة)؛ نتي مولات لعقل..اش وقع لك..نتي عارفاها غير خانزة..وإنشاء الله يجازيها
دغيا كتهدنها بكلامعا.. صافي بردت شوي..وحتى من هرهور كان كيطل عليهم ويتفرج هه..دخلات ساست داك الزبل وعطاطتها رشيدة لما تغسل حالتها.. غسلت وجهها وطاروها ولكن ريحتها باقا خاااانزة بنت لكلب لاحت عليها طارو فيه لحوت وجلوف لخضرة..
دوزات نهارها غا فطارو شادة تيليفون تلاها بيه وتبرد بيه شوي بعدة بقات غي كتقشش من هنا لهنا وكتشوف شي فيديويوات ياربي سلامة..أديال لخليع.. وداك الشخص ليكيسول ويقتل مكيبانش..
_أسماء:ياربي سلامة داكشي ديال أفلام لخليع..
مبغاتش تخرج برا معندها گانة من ورا داكشي لي سمعت.. بقا كلام إلهام كيتردد فمتسمعها وبدات كتكلم مع راسها
_أسماء؛ اه عندها لحق انا لاآصل لا جدر.. عندها لحق انا بنت طارو..
دموع تجمعو ليها فعينيها الزورق لكيشهدو على مر الدنيا وحتالة المجتمع.. ولكن حبستهم وكتقنع راسها بقضاء الله وقدره..
هنا فين كندوي علي ايمان قلبي بشي حاجة سميتها الاقدار.. رغم كل الاكراهات.. ماشي الايمان فلبس واللسان والفعايل ديال اليهود
🌸 الأربعاء 5:30 🌸
دازت يومين على ديك لمضاربة..والوسخ غامازاد نبت وشد بلاصتو فلحمها.. ريحتها ولات كتعطعط..كرهات راسها...واخا هي عايشة فطارو ولكن المهم مخانزاش بزاف حتى لهاد درجة بغات تبدل حويجها مبدلتهمش 3 شهر وحتى حويجها لخرين تلاح عليهم داك زبل توسخو..يعني مقودة عليها من كل القنات ومنينما جات تحل مشكل اتلقا حاجز.. .خرجات برا وخرجات معاها هريهير ديالها يتشمشو غمالو
..گلسات فطريطوار كيف العادة تشم شويا الهوى وتاهي تفرج فليغادي ليجاي..حتى وقف عليها سيطي..آشافو هرهور وهو يفرتح كيخاف منو ديما مجري عليه..
_سيطي(گلس حداها):هواحد سلام عليكم ختشي أسماء
_أسماء (شافت فيه بنص عين):وعليك سلام..اش كاين عوتاني
_سيطي:تشي مالك أختشي أسماء جيت آنسول فك..سمعت ضاربتي.. وگلت نشوفك واش لاباس
_أسماء (قاطعاتو بنفاذية صبر) :سيطي جيني من لخر _سيطي:أختشي على نية عندك..ولكن صافي أنا نجيك من لخر..فكرتشي فداكشي..تبيعي تيليفون.. هادي آخر مرة نجي عندك برب
_أسماء (بدات كتفكر..بصح أنبيعو ونشري جويج جداد ونمشي لحمام..توسخت..لحمي غتنوض فيه لخبيزة ..اصلا مكنعرفش ليه..باراكة عليا..احح ولكن ولفتو..)
_سيطي(قاطع تفكيرها):واش گلتشي
_أسماء :أهاه وشحال تعطيني
_سيطي(بتاسم):شحال بغيتشي
_أسماء :ودابا شوف بلا منبقاو نديرو داكشي ديال مالين ثواب من لخر شحال أتعطيني فيه
_سيطي(بنضرة إستفهام):400 درهم مزيانة؟
_أسماء :هاه شحال بألف ريال
_أسماء :8ألاف ريال
_أسماء(واااو مزيانة ولكن بلاتي نزيد ليه):لا لا زيد هادشي كيف والو
_سيطي(هاد لخرية منين حتى هي كتعرف لفلوس): وهادا ثمانو نزيدك ألف ريال صافي غير حيكاش نتشي بحال ختشي
_أسماء(أمم ختشك):واخا زيد ألفين وخودو
_سيطي(تبي هادي حتى هي ولكن 500درهم كيف والو قدام 6000درهم):أش غنگول لك..صافي أختشي..عشية تكون عندك
_أسماء:صافي يالله حتى تجيبهم وجي خودو
_سيطي:غير آريه..راه برب حتى عشية نجيبهم لك
_أسماء:لا لا أخويا تتجيب لفلوس وجي خودو _سيطي(ناض):يكون أخاطرك..
_رشيدة:ااااه..اجي عمري سولتك..شكون عطاه لك واش كتعرفي مولاه علاش مكتجاوبينيش؟؟؟؟
_أسماء:حتى نتي مولاه لاحو فطارو..نساي عليا دابا..
مشات رشيدة لدارها وهي بقات تما مسرحة فراقشها.. حتا جا هرهور بقات موانسة كتلعب معاه بينما جا سيطي ليبدورو جا وحاب معاه لفلوس.. باعت ليه تيلفون وهي خاطرها ضارها عليه.. بقى فيها ولكن صافي سلاك وخلاص.. مشا سيطي وبقات هي حتى ضلام لحال دخلات لطاروها تنعس..ليل كامل وهي كتفكر في تيل..😞توحشاتو..ولكن بصح شكون مولاه وكيفاش سخا عليه باينة لاباس عليه..هادشي ليكان كيدور ليها فمخها.. بقات هاكاك كدور من سؤال لآخر حتى استلمات للنعاس وأحلامو الهادئة.. داك الهدوء لكيسبق العاصفة
🌸 الخميس10:52 🌸
صبح صباح وأصبح الملك لله أسماء بقات ناعسة بحكم السهر والتفكير فالمشقوف ومولاه
..نمشيو لبلاصة خرى لشخص آخر..شخص لي گاع لبنات كيتسناو فيه خخ😉 قاعة كبيرة وعامرة شباب.. و كاين لي كبير.. لبنات كلشي مركز بغيت نگول كلشي مخدر وساهي..أما دراري كاين لي غاير كاين لي مركز كاين لي معلى بالوش..جسم كبير عاطي بدهرو..وقفة روجولية..ريحة هايمة في لمكان..هاز إيدو ليسرة كيشرح في تاتاشو بنبرة كتحمل معنى للرجولة..دار بتأني بنضرة قمة رجولة..ببشرتو الحنطية..والعينين زرقين خضرين الله وعلم تخالطو لي لعرارم..فورمة منحوتة..وشعر بني غامق... شفايف ورديين..نيف منگاد..حواجب تگولي مسطرهم...معندي منگول من غير سبحان الخالق..أوس العمراني 24 عام...أستاذ جامعي في جناح الإقتصاد..هو ماشي أستاذ أستاذ ولكن غير تبات وباش يبعد الشبهات وأكثر من هذا تحقيق لحلم الأم ديالو..شخصية غريبة بزاااف..تقريبا كيعاني من إنفصام في شخصية كيف كيضحك كيتعصب..ماشي معقد معقد ولكن ضحوكي مع عقدة المهم عارفة مغتفهمونيش ولكن مع لقرايا غتفهمو اش كنعني..خدمتو لحقيقية من بعد وتعرفوها..الأب ديالو متوفي في أوج الخدمة ديالو..لهي نفسها خدمة ولدو..داكشي علاش مو مبغاتوش يخدم نفس خدمة باه..حتى هي الله يرحمها مصبراتش على فراق راجلها...المهم من بعد ويبانو گاع لخيوط
زياد مشا قدامو ..وتبعو أوس حل لوطو(لوند روڤر) ركب وديمارا وزياد حتى هو ركب في أوطو ديالو من وراه (فيراري كحلة) مشا حتى لواحد بلاصة خاوية ووقف ووقف زياد من وراه خرجو من ليزوطو ديالهم دقة وحدة
_أوس:اش كاين لاش جيتي عندي
_زياد:وأخيرا لقيناه
_أوس:يعني قدرتو تشدوهم
_زياد:لا للأسف گالو ليا ليگارد من بعد متبعو لإشارة لقاوه عند شي بنت
_أوس(مخنزر بحدة) :جيبوه هو وياها..
مشاو مديمارين بجوج خلاو غير لعجاجة وراهم.. ناسين احترام القوانين الطرقية
..نرجعو عند أسماء لي فاقت ومشات عند مي فاطنة فطرات ورجعات لطاروها..كتسنى بفارغ الصبر إيمتا تجي 4 باش تمشي تشري لحويج وتمشي تنقي حالتها... دخلات لطاروها ومعاها شي حجيرات باش تلعب(مالا) وگلسات تسنى لوقت يدوز....
_أسماء :أوووف ياربي إيمتا غيدوز هاد لوقت.. هرهور أساط وأخيرا غنشري لحويج..أحح كنموت على لبس..ومالي حتى أنا نستاهل حتا أنا بنت وخاص يكونو عندي حويج فسرين..باش فيتيني لخرين بشي خرية ألقحبة على ختها..
هرهور بدا يهرهر عليها بحلا كيدوي معاها.. هزاتو وعنقاتو..هادي تاني مرة تعنقو.. أول مرة كانت فاش تلاقات بيه رجلو مضروبة تحت شتا وشافت فيه راسها واخا هو حيوان ولكن حتى هو فيه الروح وخالقو ربي..ولكن هاد لمرة علاش عنقتو غير مگاليها عقلها سبحااان الله... أش وقع ليها الله وعلم..حتى هو بدا يحك راسو عليها..بعدا هو الوحيد لمكيعيفش منها ومن ريحتها..
هرهور غي كيشوف فيها بحال بنادم سبحان الخالق منضر غريب..كانت كتحس بحالا هادي آخر شوفة..دموع تجمعو فعينيها.. والقلوب راه كتحس أكيد.. داكشي لاش مخلوقة فجسمنا... نعلت الشيطان ولاحتو..
_أسماء ؛وتا ريح كون غي لحويج ليقلبو ليا الأحاسيس...
حتى كتسمع دقان في باب دارها أأ طاروها..فرحت.. قالت واخيرا انمشي ندور بحالتي.. ضننا منها انها رشيدة ليجات.. ..ناضت حلاتو ضغية بلهفة كبيرة ..سرعان محسات بدنيا كدور و غير ضبابة لتغرق في نوم عميق...يارييييييت كون مفاقتش منو وتشوف جحــــيــــم الدنــــــيا...
تختلف الاقدار بما يشاء الخالق🖤.. كانت فطريق تارجعات لطريق مضلمة.. بظلمة حايلة خاصها شي بصيص.. وإيمانها القوي هو داك البصيص.. فعز الضلام🔥
كتلافت من هنا لهنا والخوف بدا كيتسلل لجفونها.. وبدات كتسآل اش كدير هنا..ولكن كيف ديما كلمة قضاء الله وقدره مخلياها مهدنة شوي..ناضت ببطء كيبان ليها غير لكارطون وشي آلات وشي بلايص فيهم آثار الدم...صافي تما وقفت..وإيمانها بدا كيخف والرهبة بدات
_أسماء:أويلي أش هادا، ياربي أش هادشي ياكما كيخطفو دراري صغار هادو.. أنا كبيرة..لا لا تهدني واقلة هادو هوما لي كيفرقو لحم على لگزارة.
.بقات كتگول بزاف الأفكار لكيجيو على بالها وكتحاااول تهدن راسها بأفكار بعيدة.. ولكن ديك الفكرة الحقيقية لي حابس عقلها مبغاتش تگولها..وكتردد باش تنطقها.. حيكاش مجرد التفكير فيها كتسري فجسمها القشعريرة.. الخوف...و الرعب..وهي كتخاف من الله سبحانه..ودايرا تقتهت فيه.. .مشات كتجري للباب لي لمحاتو وسط دوك 4 حيوط...كان باب ديال الحديد.. بدات كدق فيه بحر جهدها وكتغوت حلو لباااااب...
سمع واحد من البغال أأ الرجال زعما صوتها و زعم عندها حل لباب بهيبتو ووقفتو..كان واااااحد مولاي لعزي راسها واصل ليه المعلم ديالو..لمكان هاد مولاي العربي طول منها.. هادشي فاش كانت كتفكر فاش كانت كتعبر طولو 😂.. هزات راسها فيه وبدات كتبسمل..
_أسماء: بسم...بسم..
لگارد هضر بتخنزيرة وصوت غليض زعزعها..
_لگارد:أش باغا لاش كتغوتي..
بدات كتشوف فيه ببراءة..وهي كترمش عينيها
_أسماء؛عمي خرجني عفاك(هبطت شفايفها لتحت)
_لگارد(مخنزر مهبط راسو كيشوف فيها) :عمك..أتسكتي ولا نعمي مك..
تكمشات في بلاصتها صافي تما تأكدت ليها ديك الفكرة لكتجول فبالها من الصباح "ولا يكونــــو گزارة ديـــــال بــــــنادم" .....صافي فديك الللحظة الخوف تزرع فنبضاتها ولكن بقات كتبت راسها بكلمة قضاء الله وقدره وبدات كتقرا القرآن..داكشي لي حافضة..الإخلاص..الكوثر..الفاتحة..المهم الآيات القصار..
أسماء بحال حمار الشلوح الإيمان كيطيح عليها بغتة غير وقت الشدة والثقل..
_أسماء(لا لا هادا زاد فيه): بزاااااف على ملتك أنا يلكلب أوس(كرز إيدو..كرز سنانو..تنفس بسرعة..عينين حمريين..قنبلة وغتفرگع صافي..غوت):آااااااااه (وهز رجلو وركلها حتى تلاحت شي 3 متر تقريبا..طاحت على راسها..كما لو أنه ركل دري): هزوووو عليااا زبل..خشيوها في الما ومن بعد جيبوها ليا نوري لقحبة تاعت مها لهدرة..
كنحس براسي بحالا تجرح..آخر حاجة عقلت عليها هي أنني حطيت إيدي ورا راسي وعاودت شفتها لقيتها عامرة دم من تما مشيييت غير ضلمة..
لمحها لگارد وشاف كيفاش سدات عينيها ماشية فغيبة
_لگارد(كيتمتم من الخوف وكيفاش ميخافش وهو عارف سيدو بسيكو) :سسسيدي
_أوس(كيمسح على راسو باش يتهدن):أش كاااين _لگارد:سيدي غيبت..
أوس قرب شوي بانت ليه منشورة مسخة حويجها مقطعين نوعا ما.. بقات فيه مكانش باغي يضربها هي ليستفزاتو...رغم انه حيوان وحشي الا انه عندو واحد شوية الضمير كيصحا عليه مرة مرة
_أوس(تنهد وبعد الشوفة) :طلعوها لرجاء تكلف بيها..
مكان عليهم الا انهم ينصاعو لأوامرو..هزوها وطلعوها لفوق..لواحد مولاي لقصر صغيير..جامع العصري والقديم..مابين الأثاث الفرنسي المعاصر والمغربي.. على شكل جوج طبقات لتحت فيه مجموعة من صالات وكوزينة كبييييرة حداها جوج بيوت لخدامات...أما لفوق فهو خاص بأوس مقسوم على جوج جناح فيه بيتو و حدا بيتو غرفة خرى مسدودة...لداخل ديال بيت أوس كاين بيت آخر سري من بعد ونكتاشفوه...والنصف الآخر من ديك الطبقة فيها سال سبور.. حداها قاعة بحال سينيما صغيرة..والبيرو ديال أوس لي فيه مكتبة صغيرة..وفي الخر كاين صال ديال ليجوه هالبيار..هالبولينغ.. هالأعاب الإلكترونية..المهم مختلف الألعاب...
وصلو أسماء لفوق هازينها بين درعينهم ومشمأزين من ريحتها الكريهة ليولفات عليها.. غير شافتها رجاء مشات كتجري لعندهم..
_واحد من ليگارد:گاليك سي أوس تكلفي بيها _رجاء(بقات فيها😣): جيبوها..جيبوها بسرعة للدوش.. (كلامها موجه لوحدة من لخدامات) عيطي نتي لطبيب دغيا (شافت فوحدة خرى) نتي جري جري عمري لفاسكا دغيا...
داوها دخلوها حطوها فداك لبانيو ديال دوش ومشاو..تكلفت بيها رجاء حيدات ليها حويجها لمسخين غسلات ليها الدم لي خارج من راسها و غسلاتها مزيان بقات حوالي 3 سوايع كانت مسخة بزاف هادي شهرين مغسلت..خلات حتى شي بنات يعاونوها باش يخرجوها دغيا..فركوها..ولبسوها بينوار بيض ديال دوش..وتحاماو عليها هزوها خرجوها كانت مزال مغيبة..لقاو طبيب كيتسناهم..حبس ليها دم وعمق ليها الجرح ليكانت سطحية وغاالخوف ليساعد على غيبتها ودار ليها باندة فراسها..وخلا ليها شي دوايات..مشى من بعد معطاهم التعليمات بالعناية بيها وبغداها..كانت باقا ناعسة او بالأحرى مغيبة فوق سرير احد البيوت.. ديك ساعة عاد
ملامحها البرييئيين بانو..ملاك وناعس..
_رجاء(كدوز أيدها على شعرها):ماشاء الله ملاك وناعس...أش هاد لحالة كنتي فيها..يعلم الله بحالتك حنونة
شفقت على حالتها..تفكرت أيامها القدام..دموعها نزلو بسرعة ..بطبيعتها حساسة حتى كتسمع الباب كيتحل مسحات دموعها دغيا بلا متبين.. كان أوس لي دخل وهو مخنزر..وقفات رجاء باحترام حادرة راسها ..دار ليها أوس إشارة بإيدو باش تخرج..خرجات وهو يقرب لعند أسماء وگلس في جنب ديال ناموسية..كانو ملامح الصدمة على وجهو..واش هادي نفس ديك بنت زبل..لا لا ميمكنش
نبضات قلبو تسارعو...عمرو شاف شي بنت هاكا طبيعي بلا مكياج..عمرو لمح شي بنت ناعسة بحال شي ملاك..اه كانو عندو علاقات بزاف ولكن عمرو داها فشي وحدة..تزلزل..عينيه لمعو..شعرها السارد لحريري المليوح على الوسادة كيفتن..أما عنقها المعري أحح..وزايدينها برجليها معريين بيضين كيشهيو..رغبتو تزادت.. تجرأ وحط إيدو على وجهاه كيلمس في خدودها الحومر وكيدوز الإبهام ديالو على شفايفها المنفوخين الورديين..مقدرش يقاوم رغبتو الجامحة.. خشا جوج صباع تحت ودنها في عنقها ولخرين فوق ودنها على خدايدها وهبط راسو ببطء وحط شفايفو على شفايفاها..بلاا ميحس دخل معاها فقبلة خفيفة..حتا حل ليها فمها شوي بصباعو ودخل شفايفو مزيان..عجباتو التحتانية..بدا كيمص ببطء..حتى بدا كيحس براسو كيسخن والمعلم وقف..نعل الشيطان ساعر على راسو،..ختمها بعضة..وناض بزربة كيمسح على راسو..ممتيقش راسو اش دار.. وعلاش دار هاكاك.. كيفاش رغبتو فاقتو بزاف.. وهادشي غير شافها ناعسة وزيد ببنوارها.. كون شافها عريانة كون كواها😑
خرج وهو معارفش أش وقع ليه ولكن كيقنع فراسو أنها مجرد شهوة معارفش بلي ديك لي گال عليها مجرد شهوة فين غتوصلو😉...
رشيدة جات تقلب على أسماء والو ملقاتهاش لقات غير هرهور حتى من الدرب سولات واحد بواحد وملقات والو.. كانو عارفين أش كيديرو خداوها وقيتة ليفيها الدرب خاوي..وقيتة الغدا.. عيات من تقلاب وقررات أنها تسنى حتى الغدا وتشوف إلى جات..خافت عليها بطبيعة الحال تخاف وهي معتابراها بحال ختها الصغيرة.. وهنا بداو كيبان الفرق الطبقي والعيشة الهانية والخير لكيهزو كل محتاج لخوه المحتاج👌
صبح الصباح وأصبح الملك لله..نهار جديد من القصة..في بيت متوسط.. بيت الضيوف.. أسماء كانت باقا غايبة على الوعي.. الشمس ضاربة في وجها الملائكي..بدات كتحل عينيها ببطء مع الشمس قوية ..بدات كدور فعينيها كيبان ليها راسها ماشي وسط طارو.. گلسات شويا تستوعب اش وقع.. بدات كتشوف في حويجها كيبان ليها بينوار بيض قصير ماشي حويجها المسخين.. وراسها كيحرقها.. وقفات ببطء تقابلت مع المرايا.. كيبان ليها راسها فيه بانضة بيضة..وكتحس شويا بالحريق.. شدات فراسها وبدات كتفكر شوي بشوي عاد تفكرت كلشي..وفهمت بلي راها مخطوفة..ولكن علاش الله وعلم.. قربات لباب ديال البيت ببطء..حلاتو بهدووء وبلا حس.. ضورات وجها الليمن واليسر مبان ليها حد فرحات وتبسمات ابتسامتها المعتادة.. خطات الخطوة اللولة حتى كتوقف عليها..
_رجاء :حتا نتي زوينة.. (وقفات) يالله انا نمشي نقضي شي شغال ونرجع عندك.. نتي رتاحي دابا.. ومنها نجيب لك شي حويج تبدلي فيهم
_أسماء (ابتاسمت ليها) ؛اه واخا
مشات رجاء وخلاتها هي كتبقشش فالبيت.. رجاء فتاة دزايرية الاصل.. في مقتبل العمر..زوينة وشابة بجمال طبيعي..شعر بني مفتوح هابط حريري..بشرة خمرية.. وعينين فالسما الفاتح..ضريفة فوق القياس وحنينة بلا حدود.. قلبها بيض وكتخاف ضغيا وغا الضروف ليجابتها هنا..ولكن دابا تجمعات مع هاد خيتي غاالله يستر
بقات كدور وتبقشش من قنت لقنت.. وهي كدوور وتضحك علي ريحتها ونقاوتها.. وهازا خنافرها لسما
_أسماء؛اححح وبربي تاطيااااحة لديلمك.. غاضيعين حنا
بقات كتشوف أرجاد البيت ليعمرها حلمات تدخل لشي واحد بحالو..تابانت ليها ديك الجليسة ليفي لبلاكو.. مشات جلسات كتبسم لمنضر الخارجي لكيريح النفس. بلا متحس طلقات حلوقها.. طالعة موال.. برضااااك ياااخااالگي.. لااا رغبتي ورضاااايي.. برضااااك ياااخالگي..
صوتها كيطرب الاذان وكيبورش الاجسام
كان هابط من بيتو.. غادي يقضي شي شغال.. حتا تفكرها..وقال يبدا بيها هي لولة.. مشا لبيتها وفنفس الوقت كدور ليه البوسة فمخو.. مع الحلة مع الصدمة.. بقتت سااهي وهو كيسمع صوتها ليبنسبة ليه حرمة.. صوتها الجوهري ليهزو حتا السما السابعة وحقا بورشو.. بلا ميحس على راسو بقاا سااهي فصوتها.. أختا طيح السورات من ايديه
بقا ساااهي فصوتها حتى طاحو ليه سوارت من إيدو..تحدر ضغية باش يهزهم..وهي بحركة سريعة ناضت وقفت وضارت تشوف شكون..هو خدا سوارت من الأرض وعرفها ضارت عندو حيكاش شاف رجليها..دوز لسانو على شفافتو لتحتانية ويلك هز راسو حتى تعنز جاه بوكنيزيز😂 بقا طالع بشوياااا بشوياا وهو مفيكسي عينيه فعينيها الزورق الكبار غير بحر وغرق فيهم صافي
🌸كيف لي أن ألوم بحر أغرقني..في أعماق أعماقه غصني..ياويلاه ماذا فعلت بغارق لا يثقن السباحة يا بحر..ماذا فعلت بي كيف جعلت يداي من دماء تتفنن في شعر تحت قمر🌺
_أسماء(لمفيگعص لاخر جاي عندي بلا حشمة وزايدها كيطرطق فعينيه..هزهم هزهم راه طاحو..تاهيا مكانتش من لعاكزين ولي فقلبها على لسانها):مالنا أخويا عمرك شتي الگوُر
_أوس(هاحنا ولينا فتبرهيش):هااه أش گلتي😑خوك _أسماء(دارت فيها ماخيفاش باش يطلقها زعما):دابا من الأواخر..لاش جايبني لهنا..شوف راهااا مكحطة عليا فراس ماالي هرهور وطارو زعمة تگول لفدية مفدية..وگاع إلى زعمة بغيتو تقتلوني و تاخدو كلوتي ولا شي لعيبة غتلقاها مُلَوَتَة
_أوس(هه مُلوتة):براكة علك من لهدرة الخاوية لبسي شي حاجة علك وتسنايني..
مشا خرج وهو اول مرة يبتاسم.. بتاسم من كلام برهوشة حيراتو..خرجات أسماء عيطت على رجاء باش تعطيها متلبس
_رجاء(شدات لها إيديها بخوف):هدا لخرج من عندك هو داك المفيگعص شرشبيل يااك
_أسماء: اه هو يختي
_رجاء:أوووه ياربيي..كبتيها
_أسماء:مالو أش بايكون في ملك الله..راه بااقي معرفش بنت سلطان علاش قادة والله حتى نعاودو فطهارة
_رجاء:خخخخ تعاوديه فطهارة..عنداك ألمسخوطة تغلطي معاه هداك..راه يقتلك ويشرب من دمك..ويمشي لكنازتك..ولكن راه حنين والله وزويييين يختي
_أسماء:لا لا والو..گاليا نگولك تگولي لي فين كينين الحويج..زعما عطيني منلبس وگاليا تسنايني..ناري ياختي يكون بايقتلني ويشرب من دمي ويمشي لگنازتي
_رجاء:هه😂 لا حول ولا قوة إلا لله..
مشات حلات واحد لبلاكار وجبدات لها ملابس داخلية و بيجامة
_أسماء(هازا سوتيام):واااااو بونج.. يختي هادشي عندكم رطب هنا
_رجاء:😂لبسي هالعار وسكتي..غتخرجي عليا نتي..
مشات وخلاتها تبدل..سالات ومشات سمعات الهدرة تبعات الصوت وهي تخرج عينيها في الأثاث وااااو أش هادا عوتاني.. هاد خونا ولد الحرام دااايرة عندو الحركة..أودي لي معندو زهر معندو حتى في خلا دار بوه..وصلات لكوزينة ودخلات كانت غادة حفيانة مسمعوهاش كل وحدة أش كانت كدير وكلهم لابسين بحال بحال بيض وكحل كيبانو بحال قراعي ديال كوكا بقات غي كتشوف فداكشي وتا لكوزينة نقى من وجهها وهو يبان لها واحد الحك ليموني وهزيتو
_أسماء: اشناهو هادا..
كلشي تلافت عندها...
_الخدامة1: بسم الله الرحمان الرحيم..منين جيتي.. _أنا:هااه جيت من طارو..
_خدامة1:أشنو..
رجاء بدات كضحك على كلامها العفوي
_أسماء مع بالها (هاد خيتي أكتشوفني كضحك بحلا أنا عبد الخالق فهيم)
_رجاء:كل وحدة ديها فشغالها..اسماء علاش نتي حفيانة..هه
_اسماء:أختي الولف صعيب..ودابا أشنياها هادي
_رجاء:هاديك شيبس..بغيتيها!؟
_أسماء:بحالا غنگول لك لا..اه بغيتها حليها حليها ندوگ تاأنا
_رجاء(مبتاسمة هزات إيديها الفوق حلات واحد لبلاكار وجبدت واحد الحديدة بحال كلامونيط و خدات من عندها داك الحك وحلاتو وعطاتو لها):هاكي..
خداتو من عندها كتحس براسها جايا من ورا الجبل هادشي عمرها شافتو.. يمكن حيكاش كانت منحصرة وسط طارو ومكانتش كتخرج.. شكرتها وهيا مبتاسمة وكتقول مع بالها..(هاد رجاء ضريفة والله من هنا عرفت بلي الجزائر ناسهم حتى هوما ضراف واخا بيناتنا الحدود ولكن حنا خوت)
گلست فوق واحد الكرسي طويل زوين دلات رجليها كتديهم وتجيبهم... تاكل وتقرقش قرَشْ مقرش جاها بنين داكشي وبنكهة الفرماج..عجبها الحال وبدات تغني...
كلشي دار عندي ونساو خدماتهم وتجمعو عليا وكل وحدة اش كتكول فينما كطلع شي طلعة كتسمع ديك اللللله..
(يعنيي إييه يعني خلاااص أنا مش هشوفك تاااني مش هلمسك مش هحكيليك عن حاگة تعباااني)×2..(كنتي روحي لما كان گوايا رووووح.. عمري متخيلت يوم إنك تروووح)×2..كان فاضلي مني غير حبة جروووح..مع السلامة ياحبيبي وفأمااان..عمري مهؤو عليك ماضي وكاان..عمري منسا مهما طال بيااا الزماااان..
كيبان لها كلشي مأثر وكل وحدة وهمها بانت لها وحدة من الخدامات لي كانو ضايرين بيها هازا بلاطو ديال الفضة... خداتو من عندها وقلبتها علوى..كلهم ناضو يركزو..
نرجعو عند أوس لي بدل حويجو وكان هابط مع دروج حتى كيسمع الحيحا..زرب في الخطوات ديالو بعصبية..وصل كتبان ليه الفيجطة نايضة عندو..عجبو الحال نسبيا ولكن تصرفاتو ديما العكس..(مع بالو: البرهوشة ساعتين فدار روبلاتها) نطق بنبرة قاصحة ونضرة حادة
_أوس: أااش وااقع هنا..
كلشي تزعزع اسماء مع الخلعة طيحات لبلاطو في الأرض وغوتات
_أسماء: واهيااا بوعبييد الشرقي..
رجاء جاتها الضحكة ولكن معندها كيدير ليها مسكينة أما البقية كلشي حادر راسو كيترعد
_أوس(بعصبية): عندي كَباري هنا ولا أشنو..أااه هدروو مخدم عندي شيخات أنا...
_أوس(خنزر فيها):نتي زيدي قدامي..ونتوما حسابكم معايا هو اللخر..
تما غادي وأسماء ضارت عندهم وضحكت بشوي..هزات حكها ومشات وراه..بقاو غادين شوي حتى كيبان لها الورد..خرجو من دار أأ لقصر زعما..ماشاااء الله جنة وخلاص..الورد جميع الألوان..وروايح كيريحو نفس..منضر خلاب..كينعش الروح.. تمنات للحظة أن الوقت يوقف هنا وتبقى وسط هاد الجنة..جاوها غرااب يمكن حيكاش هيا مولفة غير بالزبل وجلوف الخضرة..أش جابنها لشي ورد ولا روايح..هادوك لي لاباس عليهم كتلقايهم عايشين فجنة وممدينهاش فيها.. معلابالهمش بيها..شوي داك الورد كيختفي كيبانو لها لحيوط وممر ضيق شوي..ودروج.. هبطو لمساافة يمكن تحت الأرض داكشي.. ودخلو نفس الغرفة..نفس لاكاب لكانت فيه..خدا كرسي وجرطها گلسها فيه..وخدا كرسي آخر وگلس مقابل معايها
_أسماء:(عااد سرات معاها قضية تيليفون..): هااه أشمن تيليفون..علاش كته
_أوس(بعصبية هزني من كتافي..كارز على سنانو):واش عارفة معامن كتلعبي ألقحبة..فين هو تيلفووون(بلغوات)
_أسماء:(خافت..ولكن مبغاتش تبين خوفها قدام شي بنادم.. أه بصح كلام رجاء..هادا يقدر يقتلها ويشرب من دمها ويمشي لگنازتها):صصافي..صافي أنا غنگولك
_أوس(تلقنها حتى طحت في كرسها بحكم رجلين لغيهزوها فشلو وحتى هو رجع گلس): فين هو..
_أسماء(كتمتم):بب..عع..تو
_أوس(خرج عينيه):أشنوو..
_أسماء:أه بعتو..للسيطي..ووولد دربننا
_أوس(ضرب إيد الكرسي ديالو بقوة وغوت): هاااه👊..(كلامو موجه لگارد):دابا يكون عندي هاد خينة(دار عندي مخنزر):كيفاش جاك ونتي فطارو😡
_أنا( فخاطرها:صافي لي ليها ليها غنعاود ليه كلشي باش نمشي بحالي): واحد نهار كان بجمعة...وعاودات ليه
_أوس(كرز على سنانو وبنظرة تاقبة): لقحاب غير بلاتي نلقاكم..أهاه وشحال بقا عندك
_أسماء(مع راسها: ياااربي يفك وحيلي على خير حسيت براسي في كوميسارية):ووا..ققلة سيمانة
_أوس(عينيه خرجو):هااه سيمانة(تنهد ومسح على وجهو باش يبرد):أش شفتي فهاد سيمانة.. تصاور.. فيديوهات..أشنوو
_أسماء:(كل مرة كيزيد يتعصب وهيا كيزيد لما يبرد لها فركابي)هااه والو والله..واللهما شفت حاجة..والله..مع مكنعرفش ليه..غير مرة مرة كنت كندخل لسونيطات ولا ساعة ولا نبقى ندي ونجيب فصبعي ولا شي فيلم ولا..
_أوس(هزها مرة خرى من كتافها بقوة):فيلم.. كيفاش فيلم..
_أسماء:وو..ووالو ككنت كنشوف غير واحد لبيت وو واحد ناس كيكونو گالسين فكراسى وواحد كيكون قدامهم كيهدر معاا عاهم وفي في اللخر كيقتلهم..والله..والله صافي
_أوس(اشمن صافي دابا عاد مع كل كلمة زاد جهل): واش سمعتييي شي حاجة..هدري.. هدرييي😡(بغوات)
_أسماء( فبالها:ياربي يدير شي تاويل دلخير ياربي دموعها مبقاتش قادرة تحكم فيهم صافي):إهيء.. إهيء..والو والله داكشي مكانش مسموع مزيان.. كنت كنسمع غير فين هو طاهر بن حسين بزاف والله..
_أوس(غمض عينييه بقوة..طلبو متلباش): واش شفتيه..أه شفتييه(عاود نخضني بقوة ياربي أشمن دنب درت حتى نتعاقب عليه هاكا)
_أسماء:لا..لا واللهما شفتو كان ديما..إهيء..ديما عاطي بضهرو..إهيء..كان كيبان ليا غير ضهرو وإيدو شاد فيها كابوس وو إيد لخرة..إهيء.. إهيء فيها مگانة قهوية..وو ص صا..
أسماء مع نطقات ديك مگانة ضورت وجهها لإيدو حتى كتصدم من هول اش شافت ولا نقول كتاشفت...نفسها كتقطع نفس لمگانة..أوس تلقها من ايدو بخيبة امل ..عاودت ضورت وجهها بثثاقل عندو..
أوس خرج بعصبية قنبلة موقوتة وخلاص.. مكانش باغيها تعرف مكانش باغيها دخل معاه فهاد لعبة كاملة خرج من داك لبيت..وأسماء طاحت في بلاصتها في الأرض وهي كترعد وكتشهق عمرها ضنت شي نهار غتوصل لهنا
_واحد من ليگارد لي قدام لباب:سسيدي نقتلوها..
أوس دار عندو بسرعة..تيرا فيه جاتو رصاصة وسط عينيه..أصلا مكان عندو فين يهز حتى كلمة...أسماء غير سمعت صوت الرصاص شهقات بصوت مرتفع ودارت إيدها على فمها باش ميتسمعش صوتها وتكات على الأرض وهي معنقة رجليها على وضعية الجنين ودموعها على خدها..عمرها خافت من شي شخص واخا كتبات وسط الشماكرية..بقات كتقنع فراسها بكلمة قضاء الله وقدره حتى غرقات فنوم عميق ..
حبسات دموعها وقنعات راسها بأن هادشي كامل غيفوت إنشاء الله وأنها خاصها ترضى بقضاء الله وقدره..أما أوس خرج جاعر ومعارفش أش غيدير..يقتلها أو يحميها..مشا لديريكت لبيرو ديالو وفتح واحد ثلاجة صغيرة فيها مختلف أنواع الخمر..وخدا قرعة فودكا شرب نصها،.. غير باش يبرد وينسا..ولكن والو باقا العافية شاعلة فيه قرر أنه ياخد شي دوش..
مشا وهو كيتمايل لبيتو دخل وخدا دوش باارد لوا عليه غير فوطة..ومشا طاح في ناموسيتو كاو..فاق حتى العشية حوالي 4:30.. صحا من دوختو لبس حويجو لي عبارة عن تيشورط گري و سروال كحل و قبية باج فونصي وستار بيضة...وهبط لتحت تلاقا برجاء وخبراتو بلي سي زياد كيتسنى فيه في الصالة.. بمجموعة من الخطوات وصل عندو وسلمو على بعضياتهم باليد ماشي البوسان بطبيعة الحال كيف گلس أوس جات رجاء وقفات عليهم
_زياد:واش عارف راسك أش كدير أصاحبي راه إلى عرفوها غي..
_أوس(عاود قاطعو ضرب طابلة صغيرة لي قدامو بيدو): حتى حد مغيعرفها وحتى حد مغيقرب ليها ولي تجرأ نقتل زامل تاع بوه...
_زياد:شفتك بحالا طحتي فيها..وايلي..
_أوس(خنزر فيه):تبي..لا..أش دير نوض قود فحالك خلينا نشوفو هاد خونا..
هبطو بجوجهم لاكاب لقاو سيطي جيبينو وحاطينو فواحد الغرفة لي قريبة لأسماء لبدورها كانت غااارقة فنعاس باش كتأمن ديما بشي حاجة سميتها قضاء الله وقدره الحمد لله وديما كتنسب أي حدث يازوين يخايب ليه...
دخلو عندو لقاوه عاصر على واحد لگويرو وراعف من نيفو باينة غيكون بغا يدير فيها كاين وجابها فمنخرو😂
_سيطي(تحل الباب شافهم وقف..صافي هادو ديال المفاهمة):عشيري الأخوة أجي نتشفاهمو..
أوس مربع إيديه وزياد حداه مخنزرين ياربي سلامة ديما
_سيطي(بان ليه البلان في أوس مشا حوط إيدو ليمنة بعنقو من جنب وبدا يهدر بضرافااات):شو الأخوة أبلاتشي هي أحسن.. نتشفاهمو
_أوس(دور إيدو بسرعة وجبد سلاحو حطو ليه فوق راسو..تصدم كان كيسحب ليه ضريف على لاخر..الإختيار الغلط):فين هو تيليفون _سيطي(كيقفقف😰):أش..أشمن تشيليفون أخويا أبلاتشي..الله يعزك متشقتلنيش..المدام حاملة وعندي بنية إهيء(ولد لكداب لاخر تخطبتي تالخطبة بعدا) _أوس: شوف بلاااا منبقا داوي..مسوقش ديلمي أنا والد ولا مزوج واخا تكون جد مسوقيش..تيل ليباعت لك بنت الطارو فينهو
_سيطي(عرف ممعاهمش اللعب وماشي بحال لبوليس ولا عشرانو لخرين هادو مكيحنووش): اه..اه أخويا عرفتشو دابا نحضرو لك
_أوس:فين كاين؟!
_سيطي:هاه أنا نجيبو لك معنديش هنا بعتشو لواحد خونا تشيگولو ليه الضروبة...(هادا تاهو كان شفار بحالو بحال سيطي ولكن ترقى وخدم معاه دراري خرين... لكبار كيشفرو وصغار كيطلبو ويتقاسمو داكشي)
_أوس(تعصب كرز على سنانو وقج سيطي تانفسو غتقطع):عندك ساعة غتجيبو هو وياه لهنا..مجبتيهش ودع ونتا وطاسيلتك..
سيطي كيتركل تخنق...
_زياد(حط إيدو على كتف أوس):تلقو أصاحبي غتقتلو..
تلقو أوس خلاه طاح وكيكحب وخرجو من بعد موصا ليگارد يمشيو معا سيطي يجيبو الضروبة.. معرفش فين رجليه غادين بيه المهم لبيت ليفيه أسماء وجا في لخر
_زياد(شد أوس):فين غادي أصاحبي الباب من هنا _أوس(تلفت عندو):هاه..عندي شي شغل..المهم صافي غير سير كمل..اليل نتلاقاو في لبواط _زياد:امم شغل واخا سير عالله ومشا..
أوس مشا عند أسماء لكن لاش؟! الله وعلم..
أوس دخل عندها لقاها معنقة رجليها وناعسة بحال شي بيبي.. عينيه لمعو وفي كل مرة كيشوف هاد البراءة ديالها الصراع لي بين عقلو وشي حاجة لداخل فيه كيوقف..قرب ليها وتحنا على ركبة ورجل لخر تانيها..مد إيدو لشعرها ليكان طايح ليها على وجهها..وبدا كيبعدو عليه بجوج صباع
أوس(في الداخل ديالو):أش كديري فيا أهاد البرهوشة.. أش واقع ليا كيفاش أنا لعمري مديتها فشي وحدة گالس حداك دابا واش يقدر كلام لواليدة يتحقق..
فلاش باك🔙🔙
نرجعو لور قبل هادي 6سنين أوس كان في لباك..نهار الخميس مع 9:30 الأب ديالو مكانش فدار بحكم خدمتو وهو كان متكي على رجلين ماماه الله يرحمها.. كانت بيناتهم علاقة زوينة طبيعي والأم هي الكنز ديال دنيا..
_ماماه(كتلعب ليه فشعرو):نتا مهداكش الله تكبر..
_أوس:من حدك معايا بغيت نبقا ديما صغير..
_ماماه:أمم دابا تجي ليتنسيك فيا..
_أوس(هز راسو فيها):يالهبيلة أنا باراكة عليا غير نتي الخير والبراكة..ناقصني صداع راس.. _ماماه(نتفاتو):يااااك ألمسخوط أنا صداع راس.. _أوس(شد ليها أيدها وباسها):غااضحكت نتي الكل في الكل..
_ماماه (تبسمات ليه): دابا يجي داك نهار أولدي فين غتبدل هاد الهدرة كاملة واخا تبغي تكرز على راسك وتمشي ولا تنسى مغتقدرش.. ديك ساعة قلبك كيف كان غينبض واخا تكون شيطان..عينيك غيلمعو..وشعرك غيتشوك.. ورغبتك باش تكون ديالك ديك البنت غتولي أسمى رغبة..هاداك هو الحب وراه غيجيبك فينما كنتي..وتفكرني داك نهار
نهاية الفلاش باك
كان كيبغي مو بزاف كانت مو..صديقتو..حبيبتو..ختو..كلشي فحياتو داكشي علاش من نهار ماتت ولا قلبو حاقد..شرير..عقدة في شخصيتو..مريض فعقلو ولكن أحيانا كيرجع لور وكيضحك..بقا ساهي كيتفكر ديك اللقطة عينيه غرغرو..تنفس الصعداء وناض كان غادي باتجاه الباب..حتى رجع وبلا هواه..هزها بين إيديه كانت خفيفة.. خرجها من تما و داها البيت ليكانت فيه غير شافتو رجاء هازها تصدمت ولكن الفرحة كانت غالبة..أما بقية الخدامات من غير مي حبيبة (الطباخة) كلشي غار منها..أويلي كيفاش ديك بنت طارو هازها..هادي جات غير دابا وشوف أش دارت إلى طولت يعلم الله.. حتى نتوما كون راه غير بقات فيه ولا باغيها لمصلاحتو..هاداك كيبقى فيه حتى راسو بقات ليه غير هي..المهم كل وحدة وأش كتگول وتساءل..من غير رجاء لي مشات باش تشوفها حتى كتصدم من المنضر وكترجع بزربة..وصلها البيت كان الباب مفتوح دخل وردو برجليه ولكن متسدش كامل حطها فسرير وغطاها..ومشا باتجاه الباب على أساس يخرج.. ولكن غرائزو للمرة تانية كيردوه عندها رجع گلس فجنب ناموسية..إيد ليمنة داها لجنب لاخر وليسرة شد بيها حنكها وهبط وقبل شفايفها مي هاد المرة بلطف باش متعيقش وفأثناء هاد لقطة جات رجاء متيقاتش داكشي لي شافت وخلاتو حتى خرج عاد دخلات عندها وگلسات جنبها وحتى هي بدات تلعب ليها بشعرها من بعد شي 10 دقائق عاد هي فاقت على دنيا غير شافت رجاء قدامها وهي تلاح عليها..
_أسماء(كتشهق وترجف):رجاء..رجاء..هو هو قت..قت..تاال..هو كيقتل ناس أرجاء..هو..هو غيقتلني إهيء.. إهيء
_رجاء(مفهمات والو ولكن حتى هي بادلتها العناق):أششش أحبيبة..بسم الله علك..غي كابوس وصافي
_أسماء(تلقتها وشدات ليها إيديها وهي كتشهق):لا..لا هو..هو قتاال..أنا شفتو..هو قتل بزز..زاف ناس والله.. والله أنا شفتو..تيقيني.. _رجاء(كتشوف فيها بشفقة ومفاهمة والو): صافي أحبيبة كالم..أنا نمشي نجيب لك الما ونجي _أسماء(كرزت على إيديها): لا لا بقاي معايا غيقتلني والله
_رجاء:واخا صافي أنا معاك...قولي لي أش بيك .. باش نفهمك
_أسماء(سرطات ريقها وتقادت في الجلسة): واخا..دابا قبيلا ملي مشيت معاه..عاودت ليها كلشي _رجاء(مفهمت واالو هادشي مكانش على بالها وكتفكر فين سمعت سميت طاهر بن حسين): ميمكنش أأسماء يقتل ناس أبرياء..هو راه ماشي ككضني..هو ماشي خايب تالديك درجة والله.. _أسماء(تلقات منها وهي مخنزرة):كنگول لك شفت داكشي بعيني..واش متيقتينيييش
_رجاء:تيقتك ولكن..
_أسماء(وقفت):مكاين حتى ولكن..صافي تأكدت نتي معاه..داكشي علاش كدافعي عليه
_رجاء(حدرات راسها وتنهدت😩):مكنت بغيت نگول لهادشي حتى لشي واحد.. ولكن صافي جا وقتو.. سمعي
_أسماء(هزات فيها راسها):گلسي..
أسماء جلسات كتسناها شنو باغا تعاود ليها...وشنو هادشي لي حتى واحد معارفو...حتى نطقات...
_رجاء:واش فاش گلت لك أنا دزايرية مسولتيش راسك ولو للحظة أش كدير دزايرية في المغرب..مقلتيش مع بالك أش جابني لهنا.. كيفاش سمحت فبلادي وفي داري وفحياتي وفي عائلتي وجيت لهنا
دموعها نزلو تلقائيا حارين على خدودها الحومر قايسين نيفها
_رجاء؛ هاه سولتي راسك أش وقع سولتي علاش ولا كيفاش ولا أقل حاجة مال هادي غير كضحك.. إهيء.. إهيء..أه سولتي راسك..لا.. 😔
أسماء تعجبت من المنظر وحلات عينيها من الصدمة..شدات ليها إيدها وملامح وجهها مأثرين نوعا ما.. كانت كتسمع ليها بكل جوارحها
_رجاء:واخا أنا غنگولك..(كلماتها كتقطع مرة مرة بسبب الشهقات)..حتى..حتى أنا كنت كنتمنى فهاد لوقت نكون أنا وماما في لكوزي..زينة..إهيء😞 كنوجدو لغدا لبابا في بلاصة ما نكون في لكوزينة خدامة عند الناس..حتى أنا كنبغي بلادي ومدينتي تانا توحشت حومتي ووهرن وكلشي.. شكون هادي لمتبغيش تبقى مع عائلتها وتسمع غوات مها مع صباح..شكون هادي لمتبغيش تسمع باها تيعيط ليها بنتي مالك..شكون مقلقك..إهيء😥..ولا عرفتي أشنو..عرفتي (هبطات راسها وشفايفها لتحت و دموعها على خدها و كتحرك كتافها بعفوية)..واحد لمرة مشيت مع بابا و ماما لحديقة الحيوانات كانت عندي 4 سنين..و عجبني واحد لببغاء وبقيت نبكيييي عليه الطريق كامل بغيت نشريه..مكنتش عارفة راه منقدرش ناخ..خدو..وهو يهزني بابا عندو..وكاليا
_رجاء(هزات ايديها كتمسح دموعها بلور ديال كفها وابتاسمات وسط خنونتها ودموعها) ؛وااه يعني اسحزرو ليا (اتحضرو ليا)
_محمد سالم (تنهد) :ااه ابنتي
نهاية الفلاش باك ↪️
رجاء (سااهية كتفكر لقطة بلقطة عمرها نسات هادشي) : فرحت وتسنيتو العشية كااملة يجيبو ليا.. وبقيت ندور من قنت لقنت كنوجد لبلاصة ببغائي.. ولكن مجاااش ديك ليلة.. عاقلة نعست والدموع فعيني واخا يما بقات كتواسيني ولكن مكنتش صابرة.. دازت ديك ليلة بلا منحس بيها حتا الصباح فاش فقت سااخطة ومقلقة ولكن قبل منتقلق لقيت قفص معلق حدا راسي وفيه ببغاء كانو ألوانو زااهيين.. عرفتي عرفتي على فرحة كون عرفت منفرحش ديك الفرحة اهيئ اهيئ.. عرفت بلي بابا لي جابو... وكان الشرط ديالو منفتحش عليه القفص باش الا فتحتو غيطير ليا الببغاء.. اهيء اهيء كان من ديما كيعرف يقنعني 😭(هزات كتافها) ولكن لي مكتاب مكتاب...داك الببغاء كان كيعاود من ورايا الهضرة ديما وانا معايقاش بالحيلة... ولات عندي 14 عام وجا داك النهار المنحوس ليمبقاش بغا يرد من ورايا الكلام 😭 حليت عليه وتما كتاشفت الحيلة.. بابا حبيبي غير باش يسكتني ويواسيني كان شراه لي بلاستيك وكان خدام غير ببطارية كيبدلوها قبل منعيق انا.. وفاش مشيت نقول ليه بلي انا عقت بحيلتك ابابا عععقتت بك 😭😭 ملقيتوش مرجعش ديك ليلة ومبقاش غيرجع.. مات مشاا مااات أ أسماااء مات الشخص ليحامي ضهري ماات.. الشخص لكيحبس دمعتي قبل نزولها ماات 😭 واخا هكاك قاومت على قبل ماما
داز الوقت كبرت ولات عندي 17 عام.. ماما كانت باقا صغيرة وزوينة..(تنهدت وهزات نفسها) شديت لباك وقررت نخدم باش نعيل ماما.. واخا هكاك بقينا نداربو مع هاد زمان..كان بابا كلشي فحياتي.. كان هو غطى ضهرنا..جا واحد نهار وواحد خينة بغا يتزوج بماما..وخوالاتي بقاو يقنعو فماما حتى وافقت..تزوجت..ومن بعد عام.. داك راجل شوفني لويل..إهيء.. إيه أبابا إيه توحشت ريحتو..كنت كنخدم ونجي وياخد ليا لفلوس ومرة مرة يضربني إلا محبيتش..وماما غير كتشوف حيت حتى هي كضربها..شحال من مرة حاول يغتاصبني..(شافت فأسماء وعينيها عامرين دموع)عرفتي أشنو..كون كان بابا حبيبي إهيء.. إهيء.. إهيء.. مكنتش نكون هنا.. ومكان حتى واحد يقيسني..وحتى ماما مكانتش كدافع عليا ولا على راسها..مليت من ديك الحالة..وقررت نوضع حد واخا يكون على حساب روحي.. واحد ليلة جا سكران وجا عندي ماما مكانتش فدار كانت عند دادا ديك النهار..أنا ضعيفة ولكن من داك نهار قررت نقوى ومنبقاش ضعيفة..(بنضرة قوية وعينين لامعين بالدموع) هزيت لقرعة لكان كيشرب بيها وضربتها عليه على راسو وهربت..من بعد مخديت لببغاء ديالي ومشيت فعز الليل..طريق كاملة ونا نبكي وخايفة.. كرهت القدر لي بعد عليا بابا.. ولكن كرهي لداك القدر غامازاد تكفس كثر.. كانت ديك ليلة اكفس ليلة ندوزها فحياتي من بعد موت بابا.. فديك الطريق ليماشية فيها ساهية تلقاو لي قطاعين طروق وبغاو ياخدوني بزز..بقيت نغوت ربي لي فسما.. حتى كنشوف قدامي واحد شخص كيضرب فيهم..كان سي أوس.. اه اوس لكتقولي عليه قتال هو لمد ليا يدو وعاوني وجابني معاه المغرب..(تنهدت😣 ) كون كان بابا..كنت غنكون فبلادي..فداري وسط ماما وبابا..توحشتهم بزاااف..إهيء.. إهيء.. توحشتهم..بزاااف..😭😭
أسماء عنقتها وخلاتها تبكي على صدرها شفقت على حالتها...بقاو يتباكاو على بعضهم لمدة ممحسوباش.. هوما ليهم الله ومعندهم حد داكشي علاش لي عندو مرة فدار تدعي معاه فخاطرها وتعيرو قدامو ولا راجل خدام عليه ويخلي دار بوه..راه عندو كنز..عندو دنيا ومافيها...
نخليو أسماء ورجاء يتباكاو في حضن بعضياتهم ونمشيو لبلاصة خرى..موسيقى مجهدة..وبنات لابسين لقصير كيشطحو ومعاهم لولاد اكيد..ضواو فكل لوان مالين المكان و كلشي ضاحك..الخمر بأنواعو..أكبر بواط في كازانيگرا..
زياد گالس فواحد لفوتوي في القنت..وفوق رجليه واحد خيتي معرية كتر مالابسة..مستمتع معاها موقف استمتاعو غير أوس لي وقف عليهم..سلم عليه وگلس مقابل معاه..داك خيتي مدات إيدها لأوس بابتسامة جانبية كتسناه يسلم عليها .. أوس طلعها وهبطها وگلس..(أحح أقلبي على قمعة)..زياد دار ليها إشارة براسو باش تمشي..مشات وهي معاجبهاش لحال من ديك القمعة..ولكن من سابع المستحيلات تگول حتى أه لسيهم أوس..غي إلا بغات تموت صغيرة..معندوش داك لبروتوكل ديال النسا والولاد الصغار أو الشيوخ.. ليجا قدامو بسم الله.. كيف گلس وقف عليه واحد نادل..خدا الطلبية ومشا بسرعة مولفو وعارف الخطأ معاه اش كيعني
_أوس:تبارك الله زاهي ليا مع القحبات هنا ومخلي لخدمة..أش الجديد
كان غادي خارج وطريق خاوينها ليه منين يدوز..حتى بلغلط وبدون قصد..نفس نادل ليسرباه وكان متوتر لسبب ما كنضن الخوف..جا فيه وكان فيدو بلاطو وللأسف تكبو عليه شي كيسان ديال شراب..
_أوس(غير كيشوف فيه كيفاش كيتفتف وكيبكي واخا راجل وكيقيس ليه فقميجتو وإيدو كتغزل..شد ليه إيدو): لا لا هانيا..صافي بلا متخاف كتوقع
_نادل(تبسم..فرح ): الله يخليك لينا أسيدي..الله يرحم الوالدين..
أوس هز راسو بإيجاب وتما غادي مكمل طريقو الخطوة لولة.. تانية..تال..بووووم..حركة غير متوقعة..كيتلفت بمسدسو كيتيري فيه..مماتش ولكن عينو مشات كلشي تصدم..لبنات إيدهم على فمهم..ودراري كيطالو..لموسيقى وقفات..زياد حتى هو وقف ولاح ديك خيتي من فوق ركابيه..عرفو مكاين حتى حد من غير أوس لغيتيري
زياد:أوااه أصاحبي.. متفرح متخلي لي فرح مع كرو..
أوس مشا كمل طريقو بحالا شيء لم يكن..معرفتش باش غنوصفو..مريض فكرو..ولا مسطي..خاص مو 36..عندو سبب..حيوان..وحش..شيطان..ولا كيف گالت أسماء "شرشبيـــــــل "..معرفتش..لمهم هادا هو..شخصية مُعَقَدَة😌..
نخليوه ونرجعو عند رجاء وأسماء ليشفقت على حالت صاحبتها جامي كان فبالها بلي من ورى ديك الضحكة هاد الهم كاامل..
_أسماء:شش صافي باراكة علينا من البكا..أش بان لك نوضو ناكلو راه فيا جوع..ونساو هادشي (شدات وجهها وسط إيديها)..ساطة راه أنا وياك فحال فحال..بجوجنا عندنا الله ولكن دابا صافي.. عندنا بعضياتنا أساطة(عاودت عنقتها) سمحي ليا...
_رجاء: هاه سؤال..لا لا والو أجي گلتي ليا كيعجبك الفرماح الحمر ياك(قلبات الموضوع.. أصلا ساهل عليها الأمر مع أسماء شويا مكلخة مكدي متجيب..خصوصا إلى كان الموضوع لماكلة)...
_أسماء: أه اه أختي..علاش غتجيبيه ليا...
_رجاء(تبسمات): أه غدا نجيب لك عوتاني.. غير طلبي أي حاجة هنا توجد لك...
_أسماء:واااه داكشي عندكم زوين بحال الأفلام.. ولكن صافي بغيت نمشي من هنا أختي.. صافي قررت غدا نمشي..مهما كان...
_رجاء:هه وكيف غديري ليها...
_أسماء:غنهرب...
_رجاء(ضحكة إستهزاء):😂..كون حزقت..المهم هاديك لگلتي قبيلا..واش كضحكي على راسك.. واخا تمشي الأرض سابعة غيجيبك...
_أسماء: واشنو زعما نبقا عندو..وتي راه لواحد يموت على بلادو ولا وتادو ولا على طاروه....
_رجاء:هه نساي دابا..كيعجبك شي حد...
_أسماء(هزات راسها كتفكر):أمم كلشي...
_رجاء:أويلي كيفاش كلشي...
_أسماء:هه غير ضاحكة..فاش كنت فطارو راه كنت كاملة مغطية بالجلوف شكون مسوق ليا وحتى أنا مكنتش كنخرج مكان كيبان ليا حد من غير شماكرية ونتي عارفاهم لكوفرة على خوه..من غييير هاد شرشبيل في لحقيييقة توت...
_رجاء:أممم مزيان..حسن لك والله ميعجبك حد...هه توت لا برقوق..أودي مبقا لاحب لاوالو...
_أسماء:أهاه ونتي..باااينة غير من كلامك طايحة على قنانفك😉..شكون هاد خينة...
_أسماء(شدات ليها إيدها):مكرهتش أختي ولكن هادي هي حياتي..بديت بنت الطارو خاصني نموت بنت الطارو..ومع هرهور..ورشيدة..وناس حومتي..
_رجاء:(عنقتها)المهم متنساينيش إلى مشيتي.. وبقاي تجي مرة مرة..ولا كتاب بقيتي غتوفي بكلامك...
_أسماء:ههه..إييييلا بقيت إنشاء الله.. وراه ضروري نبقا نزورك على قبل لفرماج الحمر ههه...
_رجاء(ناضت):ههه لماكلة ياختي أش عاملة فك...
أسماء تبسمات ليها ورجاء خدات لبلاطو ومشات داتو لكوزينة ومن بعد مشات لبيتها تنعس..أسماء تكات ودارت إيدها تحت راسها وهي كتفكاااار فهادشي لي وقع ليوم..قصة رجاء لي أثرت فيها وزادتها قوة على قوة.. وتفكيرها فشرشبيل لمبغاش يسالي واش بصح يكون قتال ولاداكشي غير أفلام..
_أسماء(هازا عينيها لسقف باستفهام)؛ وااو أش هادشي كنحس براسي في فيلم..حلم..دوامة.. معرفتش كيفاش المهم بلي هادشي لفيه أنا مكيتيقش..ولكن كلشي كيبقى قضاء الله وقدره..
(غمضات عينيها) .اللهم يسر لي في قدرك ولا تعسر فيه.. فإن كان خيرا فكتبه لي وإن كان شرا فأبعده عني إنك أدرى بي..(تنهدت) واش دابا هاد شرشبيل يقدر يكون ممثل ديال أفلام وداكشي لي شفت غير أفلام.. بفف مبيناش عليه.. ولكن عوتاني علاش خلا دار عشتي..
_أسماء:(بدات كتركل)..أوووووه أش هاد لخرى كامل...
..دارت على جنبها ليمن دارت شهادتين وقرات ماتيسر من الآيات القصار ونعسات..أما رجاء هي الأخرى ليتكات على وسادتها ومجاهاش نعاس بقات كتفكر فهادشي لعاودت لأسماء وكيفاش خوات قلبها..توحشات مها..أصلا شكون هادي ولا هادا لي يقدر يبعد على مو وميتوحشهاش وتكون هي الكل في الكل فحياتو..دموعها طاحو بلا متعيق..فكرة ديها و فكرة تجيبها..تكون مريضة..يكون باقي حي داك خونا ودار ليها شي حاجة باش ينتاقم مني..تكون كبرت..تكون توحشتني..تكون كتفكر فيا كيفي أنا..تكون قلبات عليا..
وزيد حتى داك زياد(تنهدت) ضروري شي نهار نقوى..ونوقف قدامو ونسولو.. وعد للراسي..بفف أويلي ويلي قدرت حتى نشوف فيه..(غطات وجهها بلغطا وحاولت تنعس)..
دازت مدة عاد شرشبيل أأ زعما سيهم أوس وصل للدار..بفف بغيت نگول لقصر..صمت يعم المكان من غير ليگارد لي بحال الأصنام هادوك..دخل بغا يطلع لبيتو..الدرجة لولة..تانية.. رجع هبط ولِمرة خرى بلا هواه ودابا وليتو عارفين فين غيمشي😉..دخل بلا حس لقاها لايحة رجل هنا ورجل لهيه..إيد فدنيا وإيد فلاخرة.. وشعرها مخربق فوق وجهها.. تحنى على ركابيه إيييييه تحنى على ركابيه..هانيا هانيا مديوش عليه مشاربش دواه..وبدا كيلمس في وجهها لملائكي بصباعو وكيرد ليها شعرها ورا ودنيها.. (تنهد..بصوت خافت)
_أوس:مكنتش باغي ندير لك هادشي وندخلك معايا ولكن معندي مندير..
هبط للمرة تالتة وقبلها ببطء باش متفيقش.. شوي سخن وحط الإبهام ديالو على الدقن ديالها وهبطو شوي..خشا لسانو وبدا يتلدد.. تحركات إثر هاد لحركة..وهو ينوض بزربة وخرج.. وهو كيعير فراسو..
_أوس:تبي أش كندير أنا.. مال هاد لبرهوشة ولات دايرة فيا هاد لحالة.. على آخر أيامي وليت نقيم على بعلوكة..
أما أسماء فناضت وهي كدفل فليسر ديالها وتنعل شيطان..
ههه مسكينة گالت لك حلمة..طلع هو ونعس..أما زياد فكان ناعس فغرفة من الغرف الفاخرة فأوطيل وهو صولو في حضنو ديك العاهرة من بعد ماتشات طوال وسخان..مسكين راه مريض خاصينو السعرات الحرارية كل واحد من أبطالنا وفين مدوز ليلتو..كل واحد وهمو.. ولكن أش من هم غيجمعهم..وغيخليهم ايد وحدة.. ولا يمكن يخليهم ينهشو فلحم بعضياتهم
صبح الصباح وأصبح الملك لله..صباح جديد من قصتنا..قصة لتقدر توقع لأي واحد منا..مدام كلشي فيد الله..صباح حامل فطياتو أحداث جديدة..تعابير جديدة فهاد الجزء..رجاء كانت أول واحدة تفيق من أبطالنا فاقت توضات صلات ولبست حويج الخدم وهبطات توجد الفطور لقات لخدمات موجودات كيتسناوها..وجدو لفطور ليهم ولأوس گلسو ياكلو هوما في لكوزينة في انتضار أوس يفيق...
كان فغرفتو الأقل حاجة يمكن نگول عليها واااو قمة فروعة..غرفة غالب عليها اللون الكحل وكانت مقسومة على جوج المهم الواضح هو ديك الغرفة الكبييرة الملكية مع دريسينغ روم والحمام الكبير.. وداخل الدريسينغ كين غرفة سرية الممر ديالها مبينش.. كان ناعس على جنبو فسريرو لبيض الناعم..لابس شورط قصير وتاني رجليه إيد ليمنة تحت وجهو وليد ليسرة مليوحة على وسادة صغيرة معنقها..لمنبه سرسر ترنتن..ترنتن..ترنتن..صباعو كيتحطو على لمنبه كيسكت..حك عينيه وهو حال عين وساد لخرة بحكم أشعة الشمس واصلين لوسط البيت..تجبد في بلاصتو وناض ببطء..تاجه لحمام دخل دوش وخرج لاوي عليه غير فوطة أحح وليزابدو مع الما..داكشي HD
لبس حويجو لي هي عبارة عن سروال كلاس گري سليم و تيشورط بيض وكونڤيرس بيضة..هبط لتحت و خرج لجردة من بعد مَطلب منهم يوجدو طبلة الفطور .. خرج گلس وسط الجردة فطبلة طوَل من دارنا.. ماهي إلا دقائق حتى طبلة عمرات..
الحاجة الوحيدة لي كضرني فراسي هي كيفاش هاد الناس لأليبا كيخليو الطابلة عامرة من الراس حتى راس وكياخدو كاس واحد يا عصير يا كافي..كيتنا حنا لي والو وكنضربو 6لبطبوطات ولا مسنات وكيبقا فك الحال مفطرتيش مزيان😂..
فطر وخرج من بعد مأمر ليگارد باش يردو لبال مزيان وزاد الحراسة كتر من لول..خدا لوطو ديالو وتاجه لافاك..دخل تحت الأنضار لكل.. بمعني جميع الفتيات ..دخل لقاعة ديالو لي كيف ديما عامرة حتى لخر قبل ميدخل أصلا هو وأغلبيتهم بنات..نخليوه يدير حصتو ونمشيو عند ثالث واحد من أبطالنا وصل عليه الحال باش يفيق.. أسماء..فاقت وهي كتشبح وتركل فبلاصتها..خرجات بشعكاكتها باش تشوف رجاء لي كانت كتقاد واحد من صالونات..
_أسماء:(كتاوب)هاااا😩صباح الخير..
_رجاء(ضارت عندها):هه صباح نور لمشعكة..على السلامة ملي فقتي..
قصة هوس شرشبيل
محتوى القصة
التنقل بين الأجزاء